पुस्तकालयजन्म साखी

जन्म साखी

निहकलंक नरायण नर

महाराज शेर सिँघ विष्नूं भगवान

कृत-: स० तेजा सिँघ · लेखक : बेबे हरबंस कौर

सोहँ महाराज शेर सिँघ विष्नूं भगवान दी जै ।

महाराज पूरन सिँघ जी फौज विच नौकरी करदे सन। फौज विचों
पातशाह जी ने आपणे सिख भाईआ तेजा सिँघ पुत्र र्सी माणा सिँघ भुच्चर वाले
नूं पत्र लिखया कि असीं पहली माघ संम्मत २००८ नूं बुग्गीं आ रहे हां।
आप ने जन्म साखी हजूर महाराज शेर सिँघ जी दी बनाउण बारे बेनंती करनी
है, कयोकि सानूं शैहनशाह महाराज शेर सिँघ जी पक्की कर रहे हन कि
साड्डी जन्म साखी बणाई जावे। इस चिठ्ठी मिलण ते भाईआ तेजा सिँघ बेबे
बंसो कलसीआं वाली कोल गिआ ते किहा कि आह चिठ्ठी हजूर सच्चे पातशाह
जी दी आई है, जन्म साखी बनाउण बारे। तां कलसीआं वाली संगत ते
आई हाजर संगत ने बड़ी ख़ुशी मनाई। हुक्म अनुसार भाईआ तेजा सिँघ
ते बेबे बंसो ते होर सगतां वी पहली माघी बिक्रमी २००८ नूं बुग्गीं, सच्चे
पातशाह जी कोल पहुंच गई। दर्शन कर के संगतां बड़ीआं निहाल होईआं।
रातीं विहार शुरु होया। हुक्म अनुसार भाईआ तेजा सिँघ ने जन्म साखी हजूर
महाराज शेर सिँघ जी दी बनाउण बारे बेनंती कीती। बेनंती करन ते पातशाह
किहा कि बेबे बंसो लिखेगी ते तूं लिखावेंगा। तेजा सिँघ बेनंती कीती कि
पातशाहो मैं तां अनपढ़ हां। मेरे तां इक शब्द वी याद नहीं ते मैं किस तर्हां
जन्म साखी लिखवा देवांगा जी। एह तां बड़ी वड्डी जुम्मेंवारी वाली गल्ल
है जी। पातशाह किहा कि एह तां असीं ही लिखवाउणी है असीं आपे
लिखवा देवांगे। तूं लिखाउण वेले साड्डे पलँघ तों मोर दे खम्बां वाले चौर
चों इक टिक्की लै लवीं ते लिखाउण वेले आपणी पगड़ी विच टंग लवीं
ते लिखवाई जावीं। जद लिखाई बंद करनी होवे तां एह खंब दी टिक्की
साड्डे पलँघ ते रक्ख दिआ करीं। एसां तर्हां भाईआ तेजा सिँघ ने एह सेवा
हुक्म अनुसार कीती है जी। बेबे बंसो ने आपणी कलम नाल लिखी है जी।
बेबे नूं लिखाई शुरु करन तों ८-१० दिन मगरों एह वी हुक्म होया कि हर
इक पन्ने ते सोहँ जरुर ही लिखणा है ।।

नं · तत्करा · पन्ना
०१ २० फग्गण २००८ बिक्रमी दिन ऐतवार नूं
जन्म साखी लिखणी शुरु कीती · ०६
०२ महाराज शेर सिँघ जी ने अवतार धारना
ते मनी सिँघ नूं जणाई · ०८
०३ बाबे मनी सिँघ ५ सिख घल्लणे ते सच्चे पातशाह सारे
परिवार समेत होले महल्ले ते राम पुरे जाणा · १२
०४ संत बाबे मनी सिँघ नूं अकाश बाणी नूं
लिखण दा हुकम देणा · १३
०५ सच्चे पातशाह दी बाल लील्हा · १४
०६ सच्चे पातशाह हरिमंदर सहिब जाणा · १६
०७ साखी राम पुरे दी चली माई गुलाबी संतनी दी · १७
०८ सच्चे पातशाह दा बाल उमर विच व्याह · १८
०९ देवीआं दी पूजा भेटा बंद कराउणी · १९
१० मनी सिँघ नूं दिल्ली जा के बाणी लिखण दा हुकम · २०
११ हरी मकई दा सड़ जाणा · २१
१२ सच्चे पातशाह दा कोठे तों गिरना · २२
१३ बाबा बकाला ते मेहर करनी · २२
१४ सच्चे पातशाह दे सिर विच सट्ट लगणी · २३
१५ सच्चे पातशाह दा घविंड विच मंगण जाणा · २३
१६ सच्चे पातशाह जी आपणे हाणीआं नाल खेडणा · २४
१७ खरबूजयां दी खेड · २५
१८ तीरथ अस्थानां दी सत्या खिच्चणी · २६
१९ ताउन दी बीमारी पैणी · २६
२० भंगाली वाल्यां वलों घोड़ी दी सेवा · २७
२१ पठाणके वाले देवा सिँघ दी साखी · २८
२२ माई गुलाबी ते उस दे परवार दी साखी · २८
२३ रामपुरे दे बुढ्ढा सिँघ सिख दा प्रेम ते देह छड्डणा · २९
२४ सच्चे पातशाह दी भैण बेबे ठाकरी · ३०
२५ साखी सच्चे पातशाह जोत सरूप बाबे मनी सिँघ नूं हुक्म
दे के कलिजुग दे वर्तमान बचन लिखौणे · ३२
२६ माणा सिँघ ते तेजा नूं चरनी लाणा · ३३
२७ चुतालिआं तों बलवंत सिँघ अते उस दे घरों
बीबी बसंत कौर दी साखी · ३४
२८ माई लछमी ते सुंदर सिँघ दी साखी · ३७
२९ तेजा सिँघ ते झण्डा सिँघ ते दया करनी · ४१

सच्चे पिता दी भैण ठाकरी दी साखी
३१ भंगाली पिंड दे सिक्खां दी साखी · ४३
३२ साखी पठाणकयां दे देवा सिँघ ते
उस दे पुत्र बहादर सिँघ दी · ४४
३३ नवीं सिखी ने सच्चे पिता दी शरनी औणा · ४५
३४ सुंदर सिँघ ते उस दे कुड़म दबुरजी वाले दी साखी · ४७
३५ ९ सिक्खां पातशाह दी बाणी लै के बड़ुखी जाणां · ४९
३६ तेजा सिँघ दा संत मनी सिँघ दे दर्शनां
लई जाणा ते उहनां दा गिरफ्तार होणा · ५०
३७ सच्चे पातशाह दी गिरफ्तार होण दी साखी · ५१
३८ सच्चे पातशाह ने घविंड औणा ते माझे दी संगत ने
दर्शन करन औणा · ५४
३९ महाराज जी दी शादी दी साखी · ५४
४० महाराज शेर सिँघ दे घर साहिबजादे ने जन्म लैणा · ५६
४१ गुरमुख सिँघ मगरों चेत सिँघ दा सेवा विच हाजर होणा · ५६
४२ बैठक पौण दी सलाह ते पातशाह दा घोड़ा चोरी होणा · ५७
४३ सच्चे पातशाह गुजर सिँघ दे पिंड बाले चक्क जाण · ५८
४४ पाल सिँघ नूं कृष्न भगवान दे दर्शन ते चरनी लग्णा · ५९
४५ पातशाह दा २७ चक्क जाणा · ६०
४६ भुच्चर वाले बलवंत सिँघ दी साखी · ६१
४७ बाले चक्क वाले बुध सिँघ दी साखी · ६३
४८ पातशाह दे घोड़े ते कुत्ते बारे · ६४
४९ रतन सिँघ आलमगीर वाले सिख दी साखी · ६५
५० पाल सिँघ ने पातशाह नूं २७ चक्क आपदे घर खड़ना · ६६
५१ घविंड दी इक माई दी साखी · ६८
५२ माहणा सिँघ ते मेहर करनी · ७०
५३ सुरैण सिँघ घविंड वाले दी साखी · ७०
५४ पातशाह दे लंगूर दी साखी · ७०
५५ बाज सिँघ ते मेहर करनी · ७१
५६ तोड़े वाले लाभ सिँघ दी साखी · ७२
५७ गुजर सिँघ ते चेत सिँघ दा शरीर छुटणा · ७२
५८ पातशाह दे घोड़ा ते बौल्हद चोरी होणे · ७३
५९ सच्चे पातशाह दे सिख चेत सिँघ ते
हरसुख लाल खत्री दी साखी · ७४
६० तेजा सिँघ सिख दी साखी किस तर्हां पातशाह नूं घोड़ा दित्ता · ७६
६१ इन्द्र सिँघ झुबाल वाले ने पातशाह दी शरन औणा · ७८

लंगर दी साखी
६३ चेत सिँघ कलसीआं वाले ने सुखणा सुक्खी · ८३
६४ माई जिऊणी दी सेवा ते संत मनी सिँघ देह छड्डणी · ८४
६५ सिखां पातशाह लई बैठक बणौणी · ८७
६६ दफ्तू वाले सिक्खां दी साखी · ८८
६७ बीबी ठाकरी ते केहर सिँघ दी पातशाह कोल बेनंती · ९०
६८ सारयां सिक्खां पातशाह दा वाड़ा वल्लना · ९२
६९ तेजा सिँघ पातशाह नाल गुस्से होणा ते घोड़ी भेट करनी · ९३
७० दिल्ली वाली माई दी साखी · ९४
७१ माई अतरी ते दिसौंदा सिँघ दी साखी · ९५
७२ मनी सिँघ सिक्खां नूं बचन सुनौंणे · ९५
७३ अतर सिँघ खीरां वाले दी साखी · ९६
७४ रसूल पुर वाले सरदार दी साखी · ९७
७५ घीका सिँघ दी साखी · ९८
७६ लाभ सिँघ ते बीबी करमो दी साखी · ९९
७७ माई बसंत कौर ते उस दीआं धीआं दी साखी · ९९
७८ इक मस्ताने (बग्गा सिँघ) ते बुध सिँघ दी साखी · १०१
७९ बेबे रामी ते उस दी बच्ची दी साखी · १०२
८० बुध्ध सिँघ दी सेवा · १०३
८१ आसा सिँघ मज़्हबी सिख दी साखी · १०३
८२ माणा सिँघ दी धी निहालो दी साखी · १०३
८३ बाबे रंगा सिँघ दी साखी · १०४
८४ पातशाह जी दे छोटे भाई हरनाम सिँघ दी साखी · १०५
८५ पातशाह दे नवें पलँघ बारे · १०७
८६ सच्चे पिता दे अंतम दिनां बारे · १०७
८७ सच्चे पातशाह दे जोती जोत समाउण बारे · १०९

सोहँ महाराज शेर सिँघ विष्नूं भगवान दी जै
सोहँ महाराज शेर सिँघ विष्नूं भगवान दी जै
सोहँ महाराज शेर सिँघ विष्नूं भगवान दी जै
सोहँ महाराज शेर सिँघ विष्नूं भगवान दी जै
सोहँ महाराज शेर सिँघ विष्नूं भगवान दी जै

२० फग्गण २००८ बिक्रमी दिन ऐतवार नूं जन्म साखी लिखणी शुरु कीती

मालवे देस विच इक मल्लाह पिण्ड है। मनी सिँघ उथ्थों दे वसण वाला इक सिख ज़िमींदार सी। उह भजन करन नूं ते साधना करन नूं बड़ा उदास रैहंदा सी। साधां संतां नूं पुच्छदा रैहंदा सी कि मैं गुरु उह धारना है जेहड़ा अंतरजामी होवे ते दिल दीआं जानण वाला होवे। इक सिख ने उपदेश दित्ता कि माझे देश विच बरकी पिण्ड है। उथ्थे जाण लई पैहलां इक सुर सिँघ वड्डा नगर है ते फिर अग्गे पुच्छ के भढाणे जावीं, उथ्थों अग्गे दो तिंन मील है। पुच्छदा-पुच्छदा मनी सिँघ भढाणे आया। तुरयां जांदयां दिल विच दलील धारी कि बाबे महताब सिँघ होरीं जे समरथ्थ होणगे ते मेरे जांदे नूं केसी अशनान करके, केस पिच्छांह सुट्ट के ते पैरीं पउए पा के बाहरले दरवाजे अग्गे टहलदे होणगे। एह दिल विच धारना धारदा मनी सिँघ बरकी जा पहुंचा। चढ़दे पासे बरकी दे पुछया कि मैं सिँघ साहिब बाबे महताब सिँघ दे गुरुद्ववारे जाणा है। किसे सिख ने दस्सया कि लहन्दे पासे वड्डा गुरुद्ववारा है, जिथ्थे बाबे होरीं हन जी। जो मनी सिँघ सिख ने दिल विच दलील धारी सी कि दरवाजे अग्गे टहलदे होणगे ते मेरा नाम लै के मैनूं जांदे नूं अवाज़ मारन, आखण आ सिक्खा मनी सिँघ। फेर जिस वेले मनी सिँघ गुरदवारे दे अग्गे गया ते ओसे तर्हां अग्गे जा के दर्शन होए। केसी अशनान करके केस पिच्छांह सुट्टे होए हन जी। पैरीं पउए पा के दरवाजे अग्गे टहिल रहे हन जी। मनी सिँघ जांदे ही हथ्थ जोड़ के निमस्कार कीती ते बाबे महताब सिँघ हस्स के बचन कीता कि मनी सिँघ राजी ऐं ? मनी सिँघ बचन सुण के निहाल हो गया कि एह पूरन गुरु हन ते दिल दीआं जानण वाले हन। मैं जो कुछ लभ्भदा सां मैनूं लभ्भ गया है जी। बाबे महताब सिँघ होरीं अंदर चले गए हन ते जा के सिँघासण पर बैठ गए हन ते मगरे मनी सिँघ पिच्छे पिच्छे चले गए हन जी। होर संगत वी दरबार विच बैठी सी, सेवा वाले सेवा विच हाज़र सन। मनी सिँघ संगत विच बैठ के दिल विच दलील धारी कि किस बिध नाल शरन पवां। एह सोच्चया कि मैं सिक्खां कोलों पुच्छदा हां कि मैं बाबे महताब सिँघ होरां नूं गुरु धारन करना है ते मैनूं रस्ता दस्सो, जिस तर्हां मैनूं चरनी ला लैण ते बख्श लैण। उहनां दस्सया कि सिक्खा जिस वक्त बाबे महताब सिँघ होरीं अटंक बैहणगे, उसे वक्त गल विच पल्ला पा के प्रशाद भेटा रक्ख के बेनंती करीं ते एह तैनूं पक्की है। जे तैनूं झिड़क देणगे ते डोल ना जावीं ते जे मिठ्ठा बोलणगे ते फेर तैनूं एथ्थों लभ्भणा कुझ नहीं गा। तकड़ा हो के सेवा नूं लग्ग पवीं। आपे बख्श देणगे। मनी सिँघ जिस वक्त बेनंती कीती कि सच्चे पातशाह मैनूं शरन लाओ जी। मैनूं आप जी दे दर्शन ते सेवा दी भुक्ख है। बाबे महताब सिँघ होरीं मुखों बोले, सिक्खा सानूं तां सेवां दी कोई लोड़ नहीं तूं इक दिन रहो दो दिन रहो, प्रशाद

छक लंगर विचों जेहड़ा रिध्धा है। जिन्ने दिन तूं रैहणा है सुख रमान करके रहे जाओ। ओस वक्त दूसरयां सिक्खां रमज मारी कि वेखीं डोल ना जावीं। सेवा कर तकड़ा हो के। बाबे महताब सिँघ होरां फेर बचन कीता, भाई एथ्थे सेवा करन दा कोई कम्म नहीं। फेर मनी सिँघ गल विच पल्ला पा के बेनंती कीती कि सच्चे पिता आप दा दर पुच्छ के मैं आ गया हां ते मेरे ते मेहर करो ते ज़िंदगी आप दे चरनां नाल निभा दिओ। उस वक्त दया दे समुंदर शैहनशाहां दे शैहनशाह हस्स के बचन कीता, कि चंग्गा जिथ्थे दूसरे सिख सेवा करदे हन तूं वी करी जाह। फेर मनी सिँघ माल दी सेवा विच लग्ग पिआ जी। माल रख विच चारना ते घाह खोत के पौणा। रात दिन एसे तर्हा माल दी सेवा विच गुजारे। तिंन मील भंगाली पिण्ड बरकी तों सी ते बाबे महताब सिँघ होरां माल दे के भंगाली घल्ल दित्ता। लागे रक्ख सी ते डंगर चार लिआया करे। रात दिन माल उथ्थे रक्खे। दोवें टैम रात ते दिने दध्ुध जोह के लिआवे। वहन्गी मनी सिँघ बणा लई सी, इक पासे पिण्ड विचों प्रशादे रख के लै आवे, इक पासे दध्ुध रख लिआवे। एसे तर्हां सेवा विच दिन रात गुजारे। लंगर विच सेवा करे ते फेर सारी रात प्रीतम दी याद विच गुजारे ते भजन करे। बाबे महताब सिँघ होरां बचन कीता, मनी सिँघ रात एन्हां नींदरा ना कट्टआ कर, असीं तैनूं कीती कराई दिआंगे। बाबे महताब सिँघ होरीं बड़े समरथ्थ गुरु सी। बाबा महताब सिँघ छेवीं पातशाही हरि गोबिंद दा जामा सन जी । बाबे महताब सिँघ दीआं मईआं गाईआं रक्ख विच खुल्हीआं चरदीआं रैहन् दीआं सन। डरदे चोर हथ्थ नहीं सी लौंदे। जेहड़ा चोरी करदा सी अक्खां तों अन्नां हो जांदा सी। बरकी ते भंगाली पिण्ड विच कोई डरदा बाबे महताब सिँघ दी सौंह नहीं सी खांदा। इक दिन रात दी गल्ल है कि मनी सिँघ जिस वेले दध्ुध ते प्रशादे लै के तुरया मींह हनेरी वी बड़े ज़ोर विच आई ते हनेरी विच हथ्थ पसारयां ना दिस्से। ओस वक्त रस्ते विच दरख्त वी डरा रहे सन। सच्चे साहिब दा आसरा लै के मनी सिँघ तुर पिआ जी। सतिगुरां ने सिख ते औक्खयाई वेख के दया कर दित्ती जी। जोत दा प्रकाश कर दित्ता। अग्गे अग्गे जोत दा चानण ते पिच्छे पिच्छे मनी सिँघ तुर पिआ। जोत दा प्रकाश एस तर्हां है कि जिवें गैस जगदा है। मैं बलिहार हां सच्चे पिता तों। तिंन मील जोत एसे तर्हां आई। गुरुद्वारे दे लागे आ के अलोप हो गई । अंदर जा के मनी सिँघ दध्ुध ते प्रशादे जा के लंगर विच रक्ख दिते ते बाबे होरां नूं निमस्कार कीती। बाबे होरीं पुच्छदे हन, मनी सिँघ तूं अज्ज डरया तां नहीं, कोई भय तां नहीं आया। तां मनी सिँघ हस्स के बचन कीता सच्चे पिता दयालू कृपालू जदों हर वक्त मेरे नाल तुसीं जे ते फेर मैनूं भय काहदा। महताब सिँघ होरां बचन कीता कि रात बैह के भजन ना करया कर । असीं तैनूं कीती कराई दिआंगे। जेहड़ी सेवा विच लग्गा हैं एहो करी जा। सिख सति बचन मन्न के सेवा करन लग्ग पिआ।

एसे तर्हां तिन्न साल सत्त दिन सेवा विच गुजारे। फेर बाबे महताब सिँघ दा अंत समां आ गया। सारयां सिक्खां नूं कोल बिठा के पुच्छदे हन कि असां हुण चोला छड्ड जाणा है, पुराणा हो गया है ते तुसीं मंगो जो कुछ मंगणा है। तुसीं सेवा कीती है ते असीं तुहानूं देंदे हां। इक माई बरकी दी सी, उह लंगर दी सेवा करदी सी। उस माई ने मझ गाईं जो दिल कीता मंग लिआ। सारयां सिक्खां ने जो दिल दी वासना सी मंग लिआ। फेर मनी

सिँघ नूं आक्खया मनी सिँघ तूं वी जो दिल करदा है मंग, असीं तैनूं देने आं। मनी सिँघ बेनंती कीती कि दीन दयाल मैं तां रज्ज के अजे सेवा नहीं कीती। मैनूं तां आप दे दर्शन ते सेवा दी भुक्ख है। बाबे होरां बचन कीता कि तेरी सेवा असीं घाल थांए पाई है। तूं जो मंगणा है मंग। मनी सिँघ मंग मंगी कि दीन दयाल जे तुठ्ठे हो ते मेरी सुरत खोल्ह दिओ ते मैनूं अठ्ठे पहर दे दर्शन बख्शो । बाबे होरां सारी संगत नूं हुक्म दित्ता कि सारे पर्हां हो जो, असां मनी सिँघ नाल अटंक हो के बचन करना है। मनी सिँघ नूं कोल बिठा बाबे महताब सिँघ होरीं बचन दस्सदे हन कि अज्ज तों वीह सालां नूं निहकलंक अवतार घविंड पिण्ड विच अवतार धारनगे। परिपूरन परमेश्वर सोलां कला संपूरन होणगे। मुसलमानां दा अमाम महंदी वी उहो ही होवेगा। कल्गीधर परिपूरन परमेश्वर अक्खवौणगे। निहकलंक अवतार वी उह अक्खवौणगे। बाढ्ढीआं दे घर अवतार धारनगे। चार भरावां चों वड्डे दे घर जिस दा नाम जवंद सिँघ है जामा धारनगे। छोटे दा नाम रंगा सिँघ, इक दा नाम आसा सिँघ, इक दा नाम हज़ारा सिँघ होवेगा। रामगढ़्हीआं सिँघां दा घर पुच्छ लैणा ते मनी सिँघ हुण तूं एस गुरुद्वारे विच किसे चीज दा लालच नहीं करना । असीं तैनूं दस्स दित्ता है ते असीं हुण शब्द रुप हो जाणा है। असीं हुण चादर ताण के लम्मे पैण लग्गे हां। सानूं कवाएओ ना। साड्डा एह विहार भुगता के देश नूं चला जावीं, एथ्थे ना रहीं । जदों अवतार धारनगे परिपूरन महाराज शेर सिँघ आपे वाज मार लैणगे। फेर तकड़ा हो के सेवा नूं लग्ग पईं डोलीं ना। तैनूं सभ कुछ उथ्थों मिल जाउगा जो मूंहों मंगेंगा। असीं वी उथ्थे होवांगे। फेर बाबा महताब सिँघ देह छड्ड गए। मनी सिँघ मोछा कर के गुरां दा हुक्म मन्न के आपणे नगर मालवे नूं चल्लया आया। एस गुरुद्वारे विचों किसे चीज दा लालच नहीं कीता।

महाराज शेर सिँघ जी ने अवतार धारना
ते मनी सिँघ नूं जणाई

पंज जेठ दिन मंगलवार संम्मत बिक्रमी १९४८ नूं महाराज जी ने माता ताबो दी कुक्खों भाई जवंद सिँघ पुत्र भाई जेठा सिँघ दे घर अवतार धारया है जी। पिण्ड दा नां घविंड, तहसील कसूर ( जो हुण पाकिस्तान विच है ) ज़िला लाहौर दा है जी। सारे पिण्ड ने खुशी मनाई है। भाई जवंद सिँघ नूं वधाईआं मिलण लग्ग पईआं।। गरीब गुरबा सभ सच्चे पिता दे जन्म दी वधाई दे के माया बस्तर लै के ख़ुशी ख़ुशी जा रहे हन जी। संसार उत्ते भाई जवंद सिँघ वी सार नहीं पाई कि निहकलंक अवतार कलजुग विच मेरे घर गरीबां नूं तारन लई अवतार धारया है जी। नगर दे वासीआं वी सार नहीं पाई कि अवतार हन जी, सच्चे पातशाह ऐसी माया संसार ते पा छड्डी है जी। जाणी जाण सच्चे पिता आप आपे बाप दे मुखों कढा के शेर सिँघ नाम रक्खाया है। क्योंकि बाबे महताब सिँघ दा उधर बचन सी कि महाराज शेर सिँघ नाम होवे गा। छे महीने तक मापे ख़ुशीआं करदे रहे हन जी। छे महीने तों बाद मनी सिँघ नूं मालवे देश विच रात सुत्ते पए नूं टुम्ब के उठाया है। एह मनी सिँघ दे मुखवाक हन कि मैनूं तिन्न दिन रात वाजां वजदीआं रहीआं हन जी। मनी सिँघ दिल विच अरदास कीती कि सच्चे पिता मैनूं समझ नहीं औंदी, दया कर के मैनूं स्पष्ट बचन दस्सो। महाराज शेर सिँघ विष्नूं भगवान, कृष्न दे जामें अते छेवीं पातशाही दे जामें दा दर्शन

सतिगुर संत मनी सिँघ
सतिगुर संत मनी सिँघ

दित्ता अते बाहों फड़ के आखण लग्गे मनी सिँघ साड्डी सेवा विच हाज़र हो जा, असीं घविंड पिण्ड विच अवतार धारया है। घर दे बूहे दा मूंह लैंहदे पासे ते गली दे बूहे दा मूंह चढ़दे पासे है ते साड्डे खब्बे गिट्टे ते निशान होवेगा। साड्डे नां दे संसार विच तूं ढोल मारने हन ते असीं किसे नूं उठ्ठण नहीं देणा, अैसी माया पावांगे। एने बचन करके सच्चे पिता अलोप हो गए हन जी। मनी सिँघ नूं जाग आई ते फेर सारे बचन चेते आए। सारे विहार छड्ड के घविंड पिण्ड नूं उठ भज्जा। मंज़लो मंज़ली माझे देस विच बरकी आ पहुंचा ते आण के भंगाली लागे सारे वाकफ सिक्खां दे दर्शन कीते। सारयां बड़ा आदर मान कीता ते सारे

कहिण बाबा जी बड़े चिरां पिच्छों तुहाड्डे दर्शन होए हन। मनी सिँघ बचन कीता कि परमेश्वर दे हुक्म विच हां। गुरां ने मैनूं हुक्म दित्ता सी कि जदों असीं अवतार धारांगे तैनूं वाज मारांगे। सोई हुण बचन पूरा होया है। सच्चे पिता ने अवतार धारया है ते सानूं वाज मारी है। असां हुण ओनां नूं लभ्भणा ते ढूंडणा है। एसे तर्हां सारे सिक्खां नाल मनी सिँघ बचन करदा है कि निहकलंक अवतार कलजुग विच आए हन । जिस वक्त बचन सुणे ते सिख बड़े ख़ुश होए। इक काहन सिँघ भंगाली दा सिख है, उस दी जनानी दा नाम देई है। ओनां प्रेम कीता ते आक्खया मनी सिँघ सानूं वी दर्शन कराओ जी । इक लखारा सिँघ भंगाली दा सिख है जी, ओस वी बेनंती कीती बाबा जी सानूं वी दीन दयाल दे दर्शन कराओ। तुसीं साड्डे गुरु होयो जे। कोरीआं दा बौल सिँघ सिख है, ओस वी बड़ा प्रेम कीता। इक काहन सिँघ कोरीआं दा सिख कारीगर सी ओस वी बड़ा प्रेम कीता। बचन सुण के होर वी सिख जेहड़े भा प्रेम वाले सन त्यार हो गए। फेर भंगाली माई देई नूं बाबे होरां सारीआं निशानीआं दस्सीआं ते आक्खया जा बेबे घविंड जा के दीन दयाल दा पता लिआ। माई सति बचन मन्न के तुर पई ते आण के नगर विच बड़ा शुकर मनाया कि एस नगर विच वड्डे दयालूआं ने अवतार धारया है। घर पुच्छ के आ गई जल छकण दे पज, बच्चे खेडदयां वल बड़ा ध्आन करदी है। माई ताबो सच्चे पिता दी माता नाल बेबे बचन करदी है, माता जी तुहाड्डे बच्चे केहड़े हन ? माता दस्सदी है बेबे जी औह खेडदे हन। माई देई नूं सच्चे पिता दी परख नहीं आई। फेर भंगाली संतां दे कोल चली गई ते आखण लग्गी बाबा मनी सिँघ जी मैनूं कोई पछाण नहीं आई। एधर माता ताबो ते भाई जवंद सिँघ सोचदे विचारदे हन कि माई जेहड़ी आई सी पुच्छदी सी कि आप दा बच्चा केहड़ा है। खौरे कोई साक करन दी सलाह होवेगी। एनां नूं वी दीन दयाल दी सार कोई नहीं सी, पुत्र कर के ही समझदे सन। ओधर बाबा मनी सिँघ ने भंगालीउँ भाई काहन सिँघ, लिखारा सिँघ, माई देई, कोरीआं वाला बौल सिँघ नूं नाल लै लिआ ते सारे तुर पए ते राम पुर नगर विच गुरुद्वारे ते आ पहुंचे। ओथ्थे इक संतनी सी गुरुद्वारे विच रैहंदी। उस दा नाम माई गुलाबी सी ओह सिक्खां दा दर्शन कर के बड़ी ख़ुश होई ते बड़ी सिक्खां दी टैहल सेवा कीती। राम पुरे दा इक बुढा सिँघ सिख सी। बड़ा उह गुरु घर दा प्रेमी सी ते आखण लग्गा बाबा जी बड़े चिरां पिच्छों दर्शन दित्ते न। बाबे मनी सिँघ आक्खया, सिक्खा, सानूं गुर दा हुक्म सी कि अज्ज तों २० सालां नूं असां अवतार धारना है जदों धारांगे तैनूं वाज मारांगे ते फेर सेवा कर लईं, सानूं हुण दर्शन होया है ते असीं सच्चे पिता निहकलंक अवतार त्रिलोकी नाथ नूं भालण आए हां। सिख नूं सुण के बड़ी ख़ुशी होई ते कहण लग्गे बाबा जी साड्डे धन्न भाग हन, ते तुसीं साड्डे गुरु होए जो, क्योकि तुहाढ्ढे जरीए सानूं अवतार दे दर्शन होणे हन। फग्गण दा महीना है। संम्मत १९४८ बिक्रमी होले महले दे पज्ज बालण लैण वास्ते गड्डा त्यार कर के मनी सिँघ सिक्खां नूं नाल लै के सतिगुरां नूं भालण तुर पए हन । दरख्त वढ्ढण दे पज घविंड पिण्ड विच आ वड़े हन। पिण्ड विच आ के बचन करदे हन, कि भाई जी असीं होले महले वास्ते लंगर विच गुरुद्वारे बालण खड़ना है। लोकां आक्खया बाबा जी इक पिप्पल सुका हैगा, ओह तुसीं लै लो ते जो होर आखोगे ते होर दे दिआंगे। मनी सिँघ बचन करदे हन कि बेअंत है जी, गड्डा भर जावेगा। बालण दा तां इक बहाना सी, भुक्ख तां सच्चे पिता दे दर्शना

दी सी। एने बचन कीते हन ते महाराज शेर सिँघ दा पिता जवंद सिँघ कोल दी लँघिआ है ते पर्हे दे ज़िमीदार वाज मार के आखदे हन, भाई जवंद सिँघ संतां दा इक कम्म है। ओस आक्खया दस्सो जी, की हुक्म है। सारे आखण लग्गे संतां ने बालण खड़ना है, वढ्ढ के टोटे कर देवें तां लद के लै जाण। ओन सति बचन मन्न के, आरी कुहाड़ा लिआ के टोटे करन लग्ग पिआ। टहिण वढ्ढदयां नूं रोटी वेला हो गया ते पिण्ड दिआं वासीआं घर घर दी रोटी लिआंदी ते बेनंती कीती, बाबा जी प्रशाद छक लओ। सारे बैह के जिस वेले प्रशाद छकण लग्गे ते बाबे मनी सिँघ होरीं पुच्छदे हन कि भाई केहड़े सिख ने प्रशाद त्यार कीता है। सारयां आक्खया बाबा जी सारी गली विचों इक इक प्रशादा लिआंदा है। बाबे होरां बचन कीता भाई जी असां घर घर दा प्रशादा नहीं छकणा। कोई नहीं अग्गों बोलया कि बाबा जी असीं इक घरों आप दा प्रशाद त्यार करके लिऔदे हां। जिस वेले सारे चुप् प कर गए ते भाई जवंद सिँघ सच्चे पिता दे बाप ने बेनंती कीती, बाबा जी हुक्म दिओ ते मैं आप दा प्रशाद त्यार करवा दिंदा हां। संतां ने प्रशाद मन्न लिआ। बाबे जवंद सिँघ घर जा के आक्खया कि संत आए हन, प्रशाद त्यार करना है। माई ताबो आक्खया सति बचन जी, बड़ी ख़ुशी है। जिस वेले प्रशाद त्यार हो गया असीं ख़बर कर दिआंगे। भाई जवंद सिँघ आ के लकड़ां वढ्ढ के टोटे कर के गड्डे ते लद दित्तीआं। जिस वेले गड्डा त्यार हो गया ओसे वक्त प्रशाद वी त्यार हो गया ते वाज़ वज पई। भाई जवंद सिँघ बाबे मनी सिँघ अग्गे बेनंती करदे हन कि बाबा जी प्रशाद त्यार है, दया करो। बाबा मनी सिँघ सिक्खां समेत जेहड़े नाल आए सन, प्रशाद छकण घर नूं तुर पए हन। मनी सिँघ नाल दे सिक्खां नाल बचन करदा है कि प्रशाद लै चलीए। दुकान तों कूज्जयां दी मिश्री ते पतासे प्रशाद लै लिआ है जी ते भाई जवंद सिँघ दे नाल तुर पए हन। जिस वक्त गली विच गए ते जिस तर्हां बचन कीता सी सति है। चढ़दे पासे बूहा है ते अंदरला दरवाजा लैहिंदे पासे है। अंदर लघँ के बाबा मनी सिँघ बचन करदे हन कि भाई जी इक पलँघ चंगा साफ विछा दिओ। नवा बिस्तरा विछा दिओ । उच्चा सुच्चा बिस्तरा विछा के ते उत्ते बाबे मनी सिँघ प्रशाद रक्ख दित्ता। सच्चे पातशाह बाहर खेडदे हन। ते सारयां निआणयां नूं छड्ड के सच्चे पातशाह कल्ले अंदर आ गए हन। पलँघ दे लागे खलो के ते प्रशाद विचों इक पतासा फड़ के सच्चे पिता दिल दीआं जानण वाले ने, आसां मुरादां पूरीआं करन वाले ने मुख विच पा के भोग लाया ते प्रशाद नूं उच्चा सुच्चा ते पवित्र कीता जी। पतासे मुठ विच फड़ के रिड़ के जा बाबे मनी सिँघ होरां नूं प्रशाद दे के निहाल कीता। बाबे मनी सिँघ गिट्टे वाली निशानी वी पछाण लई। मनी सिँघ नूं निसच्चा हो गया कि एहो ई मेरे दिल दीआं जानण वाला सच्चा साहिब है ते संत ढैह के चरनी पै गए। बाबे मनी सिँघ होरीं कुछड़ चुक्क के सच्चे पातशाह नूं पलँघ ते बिठा देंदे हन, ते आप दे दाढ़े नाल चरन झाढ़दे हन जी। ख़ुशी नाल जामे विच नही समौंदे। नाल जेहड़े सिख सन ओह भी दाढ़े नाल चरन झाढ़दे हन। निहालो निहाल हो रहे हन जी। सच्चे पातशाह मगन होए पलँघ ते बैठे हन। सिख चरनां विच खलोते हन ते ओस वक्त ऐसा समां सुहावणा है कि जिस तर्हां सच्चखण्ड। पातशाह दीआं परक्रमां कर रहे हन जी ते आप दा जन्म सुफला कर रहे हन। माई ताबो ते भाई जवंद सिँघ बड़े हैरान परेशान हो रहे हन। भाई जवंद सिँघ नूं संत पक्की करदे हन कि भाई एह तुहाढ्ढा

पुत्र नहीं एह तां परिपूरन परमेश्वर तुहाढ्ढे घर अवतार धारया है। एहनां दा तुसां मूंह नहीं फिटकरना ते बिस्तरा मैला नहीं विछौणा। एह तां निहकलंक अवतार कलजुग विच धरती दा उधार करन आए हन। पापीआं दा नास करनगे। गऊआं ते गरीबां दी रक्षया करनगे। भाई जवंद सिँघ जी असां राम पुरे होला महला मनौणा है। तुसीं नाल सच्चे पातशाह नूं लिऔणा ते आप वी दर्शन देणे जी। एने बचन होए ते फेर भाई जवंद सिँघ ने बाबे मनी सिँघ होरां नूं प्रशाद छकाया। एस तर्हां बाबे मनी सिँघ सच्चे पातशाह नूं लभ्भा सी।

बाबे मनी सिँघ जा के ५ सिक्ख घल्लणे ते सच्चे पातशाह सारे परिवार समेत होले महले ते राम पुरे जाणा

बाबे मनी सिँघ पंज सिख सच्चे पातशाह नूं लैण घल्लदे हन। बौहल सिँघ कोरीआं वाला, काहन सिँघ भंगाली वाला, लिखारा सिँघ भंगाली वाला, बुढा सिँघ रामपुरे वाला, देवा सिँघ पठाणकयां वाला। पंज सिख सच्चे पातशाह नूं लैण आए हन जी। तिन्न मील पैंडा सी घविंड दा रामपुरे तों। आ के सिखां ने निमस्कार कीती ते परक्रमां कीतीआं। भाई जवंद सिँघ नूं आखदे हन कि बाबा जी असीं सच्चे पातशाह जी नूं लैण आए हां, तुसां वी सारे परिवार ने नाल जाणा है, त्यार हो जाओ। सारा परिवार त्यार होया है। माता ताबो वी सच्चे पिता नूं गोद विच लै के जा रही है। नाल सच्चे पिता दे ताए चाचे सारे जा रहे हन जी। रामपुरे सारे जा पहुंचे हन। ते ओथ्थों दे सिख दर्शन कर के बड़े निहाल होए हन जी। बाबे मनी सिँघ सच्चे पातशाह नूं पलँघ ते बिठा के निमस्कार कीती ते सारी संगत ने परक्रमां कीतीआं ते निमस्कार कीती । बाबे मनी सिँघ दाढ़े नाल चरन झाढ़े हन जी। सच्चे पिता दा आदर माण कर के फेर सारे परिवार दी सेवा विच हाजर हो गए हन जी। संगत ने जल पाणी लीड़ा कपड़ा दे के प्रसन्न कीता जी ते भाई जवंद सिँघ ते माता ताबो दे सारी संगत दाढ़े नाल चरन झाढ़ रहे हन जी। ते कहिंदे हन कि तुसीं बड़े भागां वाले जे जिन्हां दे घर सच्चे पातशाह निहकलंक अवतार धारया है जी। रामपुरे नगर वासी सभ दर्शन करन आए हन। अनेका प्रकार दे भोजन त्यार हो रहे हन जी। धिऔली दा कड़ाह प्रशाद त्यार हो रिहा है। अनेकां प्रकार दे पकवान त्यार कर के, सच्चे पातशाह दी भेटा रक्खे गए हन जी। ओस वक्त संख वज रहे हन। नर सिँघे संतां ने वजाए हन। रागीआं ने राग शुरु कीते। पाठ दा भोग पै गया ते लंगर खुल्ह गए हन। संगतां दे छकण नूं अतुट भंडारे हन। संगतां छक के आपो आपणे नगरां नूं जा रहीआं हन। आपो आपणे घरीं जा के बचन करदे हन कि अज्ज दिहाड़ा भागां वाला है, विष्नूं भगवान निहकलंक अवतार दे दर्शन होए हन। एहो जस कर रहे हन कि घविंड पिण्ड विच महाराज शेर सिँघ रामगढ़िआं सिक्खां दे घर अवतार धारिआं है। संत मनी मालवे देस विचों आया है ते ओस आण के महाराज शेर सिँघ नूं लभ्भा है। बाबे मनी सिँघ होरां सच्चे पातशाह नूं विदा कर दित्ता। सच्चे पिता आप दे नगर घविंड पिण्ड आ गए हन। संगतां वी सारी रात सच्चे पातशाह दे जस कर रहीआं हन जी। सवेरे फिर बाबे मनी सिँघ सिक्खां नूं आख्या कि जाओ महाराज शेर सिँघ विशनूं भगवान नूं चुक्क के लै आओ जी। जेहड़ा सिख चुक्क के लिआवेगा ओस

नूं सूरमयां विच दाखल कर दिआंगे। एनां बचन सुण के बौहल सिँघ उठ्ठया इक सिख नाल होर है। दोवेंजणे घविंड पिण्ड नूं तुर पए हन। घविंड आ पहुंचे हन ते सच्चे पातशाह दा दर्शन कर के बड़ी ख़ुशी प्राप्त होई। बौहल सिँघ पातशाह नूं कुछड़ चुक्क के खडौण लग्ग पिआ। माई ताबो वी वेख लिआ कि ओहो सिख हन जेहड़े अग्गे आए सी। खडौण दे पज्ज, अज्जीं पज्जीं बाहर लै आए ते सिध्धे रामपुरे चुक्क के लै आए हन। ओथ्थों दी संगत वेख के दर्शन कर के बड़ी ख़ुश होई। पलँघ ते बिठा के परक्रमां कीतीआं ते दाढ़े नाल चरन झाढ़े हन। परातां मठ्ठयाई दीआं भर के अग्गे रक्ख दित्तीआं हन। माई गुलाबी (संतनी रामपुरे वाली) माया दी भेटा कीती है। सच्चे पातशाह दे बोजे रुपय्आं नाल भर दित्ते। ओधर माता ताबो नूं पता लग्गा कि काके नूं किधर लै गए हन। लभ्भदे फिरदे ने किते लभ्भदे नहीं। आंहदी है जेहड़े सिख आए सी ओ काके नूं लै गए हन। माता ताबो सिक्खां नूं गालां कढ्ढदी है। आप दे दिओरां जेठां नूं वी गालां कढ्ढदी है। आखदी है, भज्जो, जाओ छेती सिक्खां नूं लभ्भो ते पुच्छो कि साड्डा बच्चा चुक्क के लै गए हन। घर विच रौला पिआ है। रंगा सिँघ हजारा सिँघ डागां फड़ के राहां वल त्यार होए हन। ओधर बाबे मनी सिँघ होरां हुक्म कीता सिक्खां नूं कि सच्चे पातशाह उदास हो गए हन, एन्हां नूं घविंड छड्ड आओ। सच्चे पिता नूं चुक्क के सिख लई औंदे हन। सच्चे पातशाह बौहल सिँघ दे मोढ्ढे ते बैठ गए हन। सिख घर लै आए हन। अग्गे सारे उडीकदे सन कि कदों औणगे। माई ताबो ते सारा परवार सिक्खां नूं कठोर बचन करदे हन कि साड्डे बच्चे नूं किधर लै गए सो । सिख आखदा है तुहाढ्ढे भाणे अंञाणे हन ते साड्डे तां परिपूरन परमेश्वर है। असीं आपदे गुरां दा हुक्म मन्न के खढ्ढया सी, ओह आखदे सी लिआओ दर्शन करीए। जिस वेले बाबे मनी सिँघ ते संगतां दर्शन कर लिआ ओसे वक्त असीं लै आए हां। भाई जवंद सिँघ आखदा है कि भाई जी सिख भावें किते एन्हां नूं चुक्क के लै जाण तुसां खोटा बचन नहीं बोलणा। जेहड़ा प्रशाद परातां मिठ्ठाईआं दीआं सन, माया दी भेटा सी जी ओह सिक्खां ने भाई जवंद सिँघ नूं दे दित्तीआं । गरीब माझे विच जदों दा पातशाह अवतार धारया है नौ निधी ते बारां सिधी वरत गई है। घर विच वी बड़े अतुट भंडारे वरतण लग्ग पए हन जी। भाई जवंद सिँघ सिक्खां दा बड़ा आदर माण कीता । सिख सच्चे पातशाह कोलों ख़ुशी लै के जा रहे हन जी। भाई जवंद सिँघ सिक्खां नूं तोरन गया है ते बचन करदा है कि सच्चे पातशाह सानूं अक्खां नहीं दित्तीआं, नहीं ते असीं वी पुत्र नहीं समझदे। सिख आखदे हन कि बाबे मनी सिँघ नूं एन्हां वाज मारी, दर्शन दित्ते ते सानूं वी सुरत आ गई। हुण पातशाह दया करन ते साथ्थों कोई वध घट्ट बचन ना निकले।।

संत बाबे मनी सिँघ नूं अकाश बाणी नूं
लिखण दा हुक्म देणा

संत बाबे मनी सिँघ संगतां समेत सारे घविंड दीआं परक्रमां लईआं हन जी। आंहदे हन कि धन्न ए नगर है जिथ्थे सच्चे पातशाह ने अवतार धारया है। ज्यों ज्यों बाबा मनी सिँघ पिण्डां विच होका देंदा है, त्यों त्यों सुरत खुल्हदी जांदी है। सच्चे पातशाह संसार नूं माया पाई जांदे हन। सुरत नहीं औण देंदे। संत दी अकाश बाणी सच्चे पातशाह खोल्ह दित्ती

है । मनी सिँघ बिल्कुल पढ़े होए नहीं सन जी। लिखारा सिँघ भंगाली वाला सिख पढ़िआ होया सी, इक नेत्र सी। बाबे होरां नूं अकाश बाणी कन्न विच हुंदी सी। जिस तर्हां सच्चे पातशाह बाबे मनी सिँघ नूं कन्न विच अकाश बाणी देंदे सन ओसे तर्हां मनी सिँघ लिखारा सिँघ सिख नूं बचन दस्स के लिखाई जांदा सी। अकाश बाणी बहुत जोर नाल आ रही है ते लिखारा सिँघ तों लिखया नहीं जांदा। बाबे मनी सिँघ नूं हुक्म होया कि संता तूं आप कलम फड़। बाबा मनी सिँघ जोत अग्गे बेनंती कीती कि सच्चे पातशाह मैं तां अनपढ़ हां। ओदों बाबा मनी सिँघ भंगाली पिण्ड दे विच बैठे सन जदो एह लिखाई हुंदी सी ते सच्चे पातशाह घविंड खेड रहे हन। एह हन पूरे गुरां दीआं वढ़आईयां। सच्चे पातशाह देह कर के तां कोई बचन नहीं लिखौंदे, जोत नाल विहार करदे सन। सच्चे पातशाह हुक्म दित्ता कि संता केसी इशनान कर के ते बूहे ढोह के अंदर बैह जा। जिस तर्हां अकाश बाणी दा बचन मनी सिँघ नूं होया, ओसे तर्हां कीता। बूहे ढोए हन ते अंदर हनेरा है ते सच्चे पातशाह दी जोत ने आण के इक दम रुशनाई कर दित्ती जिस तर्हां गैस जगदा है ते जमीन ते कीड़ी तुरी जांदी नज़र आ रही है जी। जोत दा दर्शन करदयां ही संत मनी सिँघ दे किवाड़ खुल्ह गए। दसवें दवार दी सुरत खुल्हण नाल देह बड़ी उजली हो गई है। हथ्थ विच बाबे मनी सिँघ कलम फड़ी होई सी। जोत दे चानण नाल दबा दब लिखाई करी जांदा है। सच्चे पातशाह संतां नूं पैहली करामात वखाई है। सुरत शब्द ज्ञान बख्शिश कर दित्ता ते सच्चे पातशाह बाबे मनी सिँघ नूं बचन दित्ता कि संतां, जेहड़ा तैनूं हुक्म दिआंगे सत कर के मन् नणा होवेगा ते जिथ्थे कहांगे जाणा होवेगा। साड्डे सिक्खां विछड़यां नूं बाहों फड़ के चरनी लौणा होवेगा। सच्चे पातशाह विष्नूं भगवान बाबे मनी सिँघ होरां नाल बचन करदे हन कि संता जो अठ्ठसठ तीर्थ हन ओनां दी सत्या असां खिच लैणी है। जो कलजुग दे विच गुरु ते धाम बणे बैठे हन सारयां दी सत्या असां खिच लैणी है। जो देवीआं दे अस्थान हन ओथ्थे ओथ्थे मनी सिँघ तैनूं जाणा पवेगा। जो तीर्थ हन ओथे वी जाणा पवेगा। साड्डे हुक्म अनुसार तैनूं सारे तीर्थां ते जाणा पवेगा। असीं खिजर खवाजा दी वी पूजा भेटा बंद कर देणी है। असां कुरान अंजील विचों सत्या खिच लैणी है। सारीआं करामातां असां दितीआं होईआं सन ते साडी मेहर नाल तीर्थां दी मनौत हो रही सी। असां हुण परिपूरन अवतार धारया है। कलजुग दे विच गऊ गरीबां दी पुकार सुण मात विच आए हां । असीं हुण पापीआं दा खै कर के सतिजुग लावांगे। साड्डे सिक्खां कोल जा के अकाश बाणी नाल बचन लिखणे होणगे ते सिक्खां नूं साड्डी शरन लौणा होवेगा। एह सारा हुक्म बाबे मनी सिँघ नूं दे के हथ्थ विच कलम फड़ा दित्ती ओस वक्त सच्चे पातशाह दी उमर इक साल दी सी। मैं बलिहार हां सच्चे पिता तों ते उस दी खेड करन तों।।