सच्चे पातशाह दी बाल लील्हा
जदों पातशाह ढाई कु साल दे होए हन ते कुकड़ां कबूतरां दा बड़ा प्रेम करदे हन। जिथ्थे कुकड़ वेखणा ओहो ई मंगणा ते सिक्खां कुछड़ चुक्की फिरना। जो सच्चे पातशाह रसना विचों बचन कढ्ढणा ओहो सिक्खां पूरा करना, ते सिक्खां ने जिथ्थे चंगा कुकड़ कबूतर वेखणा ओहो लिआ के दीन दयाल नूं खेडण वास्ते देणा। जिस आ के मंगणा ओसे नूं शैहनशाह
फड़ा देणा। घविन्ड नगर विच इक मज़्हबी सिख सी ते ओह साधां दा भेख धार के मंगदा फिरदा हुंदा सी। जीआं जंत वाला साध सी ते ओस साध ने चिट्टा कुकड़ रक्खया होया सी। सच्चे पातशाह गरीबां नूं तारन वाले खैहड़े पै गए, कि असां चिट्टा कुकड़ जरुर लैणा है। बाबे जवंद सिँघ जा के मज़्हबी साध नूं आक्खया कि साधा एह कुकड़ सानूं मुल दे दे, सच्चे पातशाह बहुत खैहड़े पैंदे हन। चूढ़्हा साध बोल्लया कि एह महाराज अक्खवौंदे हन सारी नगरी साड्डी सोने दी कर देण ते कुकड़ लै जाण नहीं ते असां मुल्ल नहीं देणा। चूढ़े फकीर दी जिद जिस वेले सिक्खां ने सुणी ते सारे सिख सच्चे पातशाह दा दर्शन करन आए हन जी। कोरीआं वाला बौहल सिँघ, भंगाली वाला कान्ह सिँघ, लिखारा सिँघ कोरीआं वाला, बुढा सिँघ रामपुर दा, देवा सिँघ पठाणक्यां वाला सारे सिख घविंड आए हन। आण के निमस्कार कीती परक्रमां कीतीआं हन। जो पुजिआं पूजा भेटा कीती है। सारे राज़ी ख़ुशी सिक्खां नूं पुच्छदे हन। सच्चे पातशाह कुकड़ां ते कबूतरां दे लालच लग्गे होए हन । पातशाह सिक्खां नाल बचन करदे हन कि चूढ़्हा साध सानूं कुकड़ नहीं देंदा। बड़ा चिट्टा सोहणा चिट्टा कुकड़ है। सिख बेनंती करदे हन, सच्चे पिता दीन दयाल असीं कुकड़ लै लवांगे। जो मुल मूंहों मंगू दे दिआंगे। सारे इकठ्ठे हो के गए हन नाल होर वी नगर दे वासी वेखण वास्ते गए हन कि पातशाह नूं चूढ़ा कुकड़ देंदा है कि नहीं। बौहल सिँघ दे मोड्डे ते पातशाह चड़े होए हन, चूढ़े दे घर चले हन। जा के सिख आंहदे हन कि संत जी जिन्ने पैसे मंगोगे दे दिआंगे ते कुकड़ पातशाह नूं दे दिओ। चूढ़ा साध बोल्लया भाई जी एह महाराज सच्चे पातशाह अक्खवौंदे हन, सारी नगरी सोने दी कर देण ते कुकड़ लै जाण। सिख आखदे हन साधां करामात वेखणी कहर दा नां है ते असीं पातशाह नूं नहीं आख सकदे करामात वखाओ। सिख आखदे हन कि असीं तैनूं कुकड़ दे नाल माया तोल के दे दिआंगे ते दे दिओ। साध बिल्कुल नहीं मन् नदा। सिख आंहदे ने पक्के मकान पवा लै, खूहा लवा लै, ते दीन दयाल साड्डे नूं कुकड़ दे दे। चूढ़ा नहीं मंनदा। सिख आखदे हन कि साधां चार विग्गे ज़मीन लै लै, नहीं ते असीं इक सिख सारी उमर तेरे नौकर रैहंदे हां ते पिण्डां विचों मंग के तैनूं खुआवांगे। चूढ़ा नहीं मन्नया, बिल्कुल ना करी जांदा है। जिस वेले ना करी जांदा है परिपूरन प्रमेश्वर सच्चे पातशाह आखदे हन, बाबा चलो चलीए, असां हुण कुकड़ नहीं लैणा। सच्चे पातशाह जवाब दे के आ गए हन जी । सारे नगर विच धन्न धन्न हो रही है कि सच्चे पातशाह तों सिक्खां आपणा आप वार दित्ता है, पर चूढ़े ने वी जिद नहीं छड्डी। कोई दिन पा के ओस चूढ़े दा सारा बंस बीमारी नाल गुजर गया है। गलीआं विच धक्के खांदा ते रोंदा पिटदा फिरदा है। फिर चूढ़ा कुकड़ लै के आपे सच्चे पातशाह दे घर आया है। सच्चे पातशाह आक्खया साधा एथ्थों कुकड़ चुक्क लै, असां कुकड़ नहीं लैणा । सच्चे पातशाह आप दे चाचिआं नूं इशारा कीता कि एनूं झिड़को, एथ्थों कुकड़ लै जावे होर वी लोकी बचन करदे हन कि ख़ाना ख़राब करा के ते हुण कुकड़ लै के आया है। फेर बदो बदी चूढ़ा कुकड़ वेहड़े विच सुट्ट के चला गया है। जदों तेजा सिँघ सिख शरन लग्गा है उस दी उमर उस वक्त २५ साल दी सी। पातशाह दी उमर ओस वक्त २१ साल दी सी। पैहले सिक्खां कोलों एह बचन सुणे हन, ते सच्चे पातशाह दी महिंमा लिखा रिहा हां जी।।
सच्चे पातशाह हरिमंदर सहिब जाणा
सच्चे पातशाह दी छोटी उमर सी ते रसना नाल घट ही बचन करदे सी। जोत नाल बाबे मनी सिँघ नूं बचन दस्सदे हन जी। अकाश बाणी नाल बाबे मनी सिँघ नूं हुक्म दित्ता, कि असां हरिमंदर जाणा है। अमृतसर वड्डा दरबार जेहड़ा है, ओहदा नाम हरिमंदर साहिब है। पातशाह हुक्म दित्ता संता असीं निहकलंक अवतार कलजुग विच आए हां ते असीं आपणा बचन पूरा करना है। आपणे धाम ते जाणा है, जेहड़ा बचन है हरि जू हरि मंदर आवणगे। संगतां ते पातशाह सारे परवार समेत अमृतसर नूं तुर पए हन। जिस वक्त संगतां समेत अमृतसर सच्चे पातशाह पहुँचे गए हन ते सिक्खां ने सच्चे पातशाह नूं मोढे ते चुक्कया होया है जी, बाबे मनी सिँघ नाल हन। दर्शनी डिउडी लंघ के सिध्धे दरबार साहिब चले गए हन ते मंजी साहिब दे उत्ते सच्चे पातशाह नूं बहा दित्ता है जी। बाबे मनी सिँघ पुजारीआं नूं सुणाया, सारे होका दित्ता कि एह निहकलंक अवतार हन, मुस्लमानां दे अमाम मैहदी हन। एहो हरि जी हन अते अज्ज आपणे धाम ते आप सुहाए हन। हरि जी हरि मंदर आए हन। पूरे बचन गुर अर्जन दे कराए हन जी। बाबे मनी सिँघ हथ्थ जोड़ के बेनंती कीती कि पुजारीओ ढैह के चरनी पै जाओ ते भुल्लां बख्शां लओ। एह दरबार रैहणगे नहीं ते सच्चे पिता करामात खिच्च के लै जाणगे जी। पुजारीआं मन्नयां नहीं ते बाबे मनी सिँघ नूं धक्के मारे ते आक्खया चुक्क लै एथ्थों, इक बाल नूं तूं मंजी साहिब दे उत्ते लिआ बिठाया है। फेर सिख सच्चे पातशाह नूं चुक्क के लै आए हन ते अकाल तख़त बुंगे कोल आ बैठे हन जी। ओथ्थे सच्चे पातशाह बैठ गए हन। संत मनी सिँघ नूं अकाश बाणी होई है, पातशाह बचन दित्ता कि संतां असीं आपणे धाम ते आए हां ते कुत्तयां पुजारीआं सानूं धक्के मारे हन। पातशाह जोत सरुपी बचन करदे हन कि संता असीं एन्हां पुजारीआं नूं भूत प्रेत दा जन्म देणा है। एह पुजारी अमृतसर दे भूत प्रेत हो के शहर दे खोल्लयां विच विष्टा खांदे फिरनगे जी। अज्ज असीं अमृतसर दी करामात खिच्च लैणी है। मैं परिपूरन प्रमेश्वर महाराज शेर सिँघ विष्नूं भगवान हां जी। मैं जुगो जुग अवतार धारदा हां ते सतजुग विच मैं हंसा अवतार धारया सी, त्रेते विच असीं राम जी सां। भगतां दे तारन नूं ते दुष्टां दे संघारन नूं हां जी। दुआपर विच कृष्न महाराज अक्खवाया है। जुगो जुग भगतां दी जै दुष्टां दी खैह कर रिहा हां जी। कलजुग विच निहकलंक अवतार घनक पुरी विच धारया है, महाराज शेर सिँघ विशनूं नाम रक्खाया है जी ते अज्ज आप दे मंदर विच आए हां। पुजारीआं धक्के मारे हन। एहनां नूं चूहढ़यां कोलों मरवावांगा जी। कोहड़ीआं कुष्टां दीआं जूनां पैणगे ते रामदास दी नगरी हुण थेह हो जाएगी। जो कलजुग दे धाम ने सारे मलीआ मेट कर के मैं आपणे नाम दी जय करावां गा। जिस तर्हां मनी सिँघ नूं अकाश बाणी होई ओसे तरां मनी सिँघ ने सराप लिख दित्ते। फेर अकाश बाणी होई संता साड्डे नां दी डौंडी पिटा दे सारे शहर विच। संत ने, बजार बजार विच गली गली विच ढोल मार दित्ते कि निहकलंक अवतार परिपूरन प्रमेश्वर बुंगे विच बैठे हन। जिस माई भाई ने दर्शन करने होण दर्शन कर के आप दा जन्म सुफला करना होवे कर सकदे हन। महाराज शेर सिँघ कलजुग विच नाम रक्खाया है ते गऊ गरीब दा उधार करन लई महाराज अवतार धारया है। घविन्ड पिण्ड विच महाराज अवतार धारया है जी। सारा शहर हुम हुमा के सच्चे पिता दे दर्शना नूं आए हन जी। ओधर बाबे मनी सिँघ नूं अकाश बाणी होई
कि संता जिन्नां मर्जी होका दे, असीं इक वी जीअ नूं नहीं शरन लग्गण देणा। जिस वक्त सारा शहर दर्शनां नूं आया है ते सच्चे पातशाह कबूतर फड़ के मूंह नाल खंब पुट्टण लग्ग पए हन जी । जेहड़े दर्शन करन आए सन ओहनां दे दिल बड़े करैहते गए, सारयां दा प्रेम टुट गया जी। आक्खण लग्गे कि अैवें एस साध ने ढंग बणाया होया है। जे परिपूरन प्रमेश्वर हुंदे ते कबूतरां दे खंब खोहंदे ? सारी दुनिआं सच्चे पातशाह ने एसे तर्हां टाल छड्डी, शरन नहीं लग्गण दित्ती ए। विहार अमृतसर सच्चे पातशाह भुगताया है जी फेर दीन दयाल घनकपुरी विच आ गए हन जी।।
साखी राम पुरे दी चली माई गुलाबी संतनी दी
इक राम पुरे दी संतनी सी। ओस दी इक लड़की पंजी साल दी नौजवान सी। जिस दा नाम नौं निधा सी। सच्चे पातशाह दी उमर ओस वक्त ५ साल दी सी। सारी संगत हाजर है। बाबा मनी सिँघ शब्द नाल जुड़े हन जी। माई संतनी बेनंती कीती कि संगते मैं आप दी लड़की सच्चे पातशाह दी सेवा विच मथ्था टेकदी हां। दीन दयाल मनी सिँघ नूं बचन दित्ता कि असी अनन्दपुर जा के परवान करांगे। बाबे मनी सिँघ सारी संगत नूं ते माई संतनी नूं बचन सुणा दित्ता कि पातशाह आखदे हन असीं अनन्दपुर जा के तुहाढ्ढी बेनंती परवान करांगे। संतनी रामपुरे गुरुदवारे विच सिक्खां दा बड़ा प्रेम करदी है। ५० विग्घे गुरुद्वारे दी जमीन सी । तिन्न मील घविन्डों रामपुरा है ते संतनी रोज़ सच्चे पातशाह दा थाल प्रशाद पका के लिऔंदी है जी। संतनी दिल विच दलील धारी कि मैं गुरुद्वारे खूह लवौणा है, सच्चे पातशाह नूं सद के टक्क लवाईए जी। बाबा मनी सिँघ जिआदा रामपुरे रैहंदा सी। माई संतनी ने पातशाह अग्गे बेनंती कीती कि पातशाह, मैं खूहा लवौणा है। दया कर के टप ला के मेहर कर दिओ । पातशाह दी छोटी देह सी ते देह करके बचन बिल्कुल घट करदे सी जी। संत नूं अकाश बाणी दित्ती कि बाबा घोड़े ते सानूं चढ़ा लै ते ५ सिख नाल लै के चलो, असां संतनी दी बेनंती परवान कीती है जी। नाल सिख ते पातशाह अते पातशाह दे पिता ते चाचा नाल बाबा मनी सिँघ सारे रामपुरे नूं चले गए हन। जिस वक्त गुरुद्वारे दे कोल गए हन ते संतनी दूरों वेख के आण के ढैह के चरनी पै गई है जी। चरन चुंम्म के सच्चे पिता दे ते घोड़े ते बैठ्ठयां दीआं परक्रमां लैण लग्ग पई है जी। ओस वक्त ख़ुशी नाल जामे विच नहीं समौंदी। घोड़े दी वाग फड़ के गुरुद्वारे दे अंदर लै गई है। संतां दा बड़ा आदर मान कीता है जी। सच्चे पातशाह नूं पलँघ विछा के उपर बहा दित्ता है जी। सच्चे पिता दे चरन झाढ़े हन ते प्रशाद अग्गे रक्खे हन। सिक्खां नूं बड़ा आदर मान दित्ता है। ओस वक्त संत मनी सिँघ नूं धन्न धन्न कर रही है जिन निहकलंक अवतार परिपूरन सिँघ परमेश्वर दे दर्शन कराए हन जी। ओस वक्त सणे मलाई मिश्री पा के सच्चे पातशाह नूं दध्ुध छकाया है। ओसे तर्हां संतां दा आदर मान कीता है। सारे सिक्खां दा आदर मान बड़ा कीता है। ओस वेले धिऔली दे कढ़ाह प्रशाद त्यार हो रहे हन। कई प्रकार दे भोजन त्यार हो रहे हन ते थाल लग्गा के सच्चे पिता नूं छकाए जा रहे हन। संगतां वी छक रहीआं हन जी। बहुत सारी भेट्टा सच्चे पातशाह दी रक्खी गई है जी। सच्चे पातशाह बाबे मनी सिँघ नूं अकाश बाणी दित्ती कि संतां चल संतनी दे मनोरथ पूरे करीए, खूहा
लवाईए। सच्चे पातशाह घोड़े ते चढ़ के, सारी संगत नाल, अग्गे अग्गे संतनी, खूह वाली जगा ते गए हन जी। होर नगर दे वासी वी नाल प्रेम कर के तुर पए हन जी। संतनी आप दे खेत विच जा के खलो गई है ते पातशाह नूं दस्सदी है कि सच्चे पिता आह मेरे खेत हन। सच्चे पातशाह बाबे मनी सिँघ नूं अकाश बाणी देंदे हन कि संतनीए सारे खेतां विच साड्डे चरन पवा। अग्गे संतनी तुरी जांदी है ते पिच्छे पिच्छे सच्चे पिता घोड़े ते, सारी संगत नाल दर्शन कर कर निहाल हो रही है। सच्चे पिता दी ओस वक्त ५ साल दी उमर सी जी। जेहड़ी जगा ते किरपा करनी सी ओथ्थे आपे घोड़े तों लमक के उतर बैठे हन ते सारी संगत ओथ्थे नाल ही खलो गई है अते घाह खोतण वाले वी दर्शन कर रहे हन जी। सच्चे पिता दिलां दीआं जानण वाले ने इक ज़िमींदर दे हथ्थ विचों रम्बा फड़ के ओस वक्त ५ टप रम्बे दे मारे अते ओस वेले पातशाह रसना नाल वर दित्ता ते बचन कीता कि एस खूहे दा नाम अमृत कुण्ड होवेगा। एथ्थे बड़ा भारी तला बणेगा। तला एथ्थे एड्डा बणेगा कि मील दी इक बाही होवेगी। जेहड़ा इक फेरा परक्रमा दा लिआवेगा चार मील पैंडा हो जावेगा। नेजे जिडी उच्ची दवार चार चुफेरे होवेगी। इक दरवाजा रक्खया जावेगा। उग्गण आथण ताईं संगतां अशनान करया करनगीआं जी। एह वर दे के फेर मेरे दीन दयाल ओथ्थे प्रशाद वरता देंदे हन अते फेर सच्चे पिता आप दे नगर घनका पुरी विच आ जांदे हन जी।।
सच्चे पातशाह दा बाल उमर विच व्याह
छोटी देह विच सच्चे पातशाह बड़ीआं बेनंतीआं परवान करदे सी। बड़े दयालू सन जी । ओस वक्त मेरे शैहनशाहां दे शैहनशाह एह धारन रक्खी सी कि जदों कोई सिख दुख दलिद्र वाला बेनंती करदा सी, ओस वक्त कच्चा तंद लै के ते गंढां दे के चुप कर के फड़ा देंदे सी ते दया हो जांदी सी जी। नज़री नज़र निहाल करदे सी। धागे नाल सिख नूं यकीन हो जांदा सी कि पातशाह साड्डी बेनंती परवान कर लई आ। फेर बाबे मनी सिँघ नूं अकाश बाणी होई संता असां हुण अनन्दपुर जाणा है ते सारे सिक्खां नूं ख़बर कर दे। बाबे मनी सिँघ सत बचन मंन के विसाख दे महीने सारे सिक्खां नाल तुर पए हन जी। बाबा मनी सिँघ कराए ते मकान लै के सिक्खां समेत अनन्दपुर बैठे हन जी। संतनी राम पुरे वाली वी संगतां दे नाल अनन्दपुर है जी। ओथ्थों चिठ्ठी सच्चे पातशाह नूं घविंड घल्ली कि जंञ बण के अनन्दपुर आओ ते नौं निधां दे फेरे लै जाओ। फेर जेठ दे महीने घविंडों सारे चाचे ताए सच्चे पातशाह नाल सारे परवार समेत जंञ बण के गए हन। जिस वक्त अनन्दपुर जा पहुंचे बाबे मनी सिँघ नूं सच्चे पातशाह व्याह दा सारा विहार दस्सया होया सी जी। ओसे तर्हां शब्द दे अनुसार सारा विहार कीता गया जी। सच्चे पिता दी उमर ५ साल दी ते नौं निधां दी उमर २५ साल दी सी। अनेक प्रकार दे भोजन त्यार कीते गए हन जी। गरीब गुरबा सभ अनंद प्रसन्न हो के जा रहे हन जी। प्रशाद त्यार है। संतनी ओस वक्त बहुत माया भेटा कीती है जी। संतां दी पातशाहां अकाश बाणी खोल्ही होई सी जी। संत मनी सिँघ संगत नूं बचन दस्सदे हन कि ऐस वक्त देवीआं देवते फुल बरसा रहे हन जी। ओस वक्त कुबेर भण्डारी वी आया है। अनन्दपुर विच धन्न धन्न ते जै जै कार सच्चे पिता दे नाम दी हो रही है। पातशाह संतां नूं अकाश बाणी दित्ती कि संता
अनंद पुर विच गली गली विच ढंडोरा फेर दे। असीं अैसी माया पावांगे, किसे जी नूं नहीं उठण देणा। असीं गुरु गोबिंद सिँघ नहींगे, कची वढांगे, असीं हुण पका के वढांगे। बारां कोहां वाला बचन सत करांगे। संत ने सत बचन मन्न के ते नीला चोला रंगाया ते सच्चे पातशाह दे गल विच पाया ते गली गली विच ढंडोरा फिरवाया। ढोल सुण के सारे बाल बिरध गली विच औंदे हन। संत मनी सिँघ बचन करदे हन कि लोको एह महाराज शेर सिँघ विष्नूं भगवान निहकलंक अवतार घविन्ड पिण्ड विच आए हन। भगतां दी जय ते दुष्टां दी खैह करन वास्ते। कल्गीधर अवतार वी एहो हन। मुसलमानो भाई एह तुहाढ्ढे अमाम मैहदी वी एहो हन। ढैह के चरनी पै जो फेर वेला हथ्थ नहीं औणा। संत ने आपणा होका सारे पिण्ड विच सुणा दित्ता है। पातशाह अैसी माया पाई किसे नूं एस पासे लग्गण नहीं दित्ता सारे आपस विच लोकीं आखदे हन कि संत ने अैवें खाण दा बहाना बणाया होया है। एस तर्हां एह अनन्दपुर सच्चे पिता ने खेड रची सी।।
देवीआं दी पूजा भेटा बंद कराउणी
फेर बाबे मनी सिँघ नूं अकाश बाणी होई कि संता असां हुण नैणां देवी नूं जाणा है। संत सच्चे पातशाह नूं नाल लै के ते नाल संगतां नैणां देवी नूं चले गए हन जी। ते करामात सारी खिच्च के लै आए हन जी। एह जेहड़ा व्याह नौं निधां नाल होया है, एस दी गति नूं मेरे सच्चे पिता ही जाणदे हन जी। एह संसार ते निन्दया करौण वास्ते पातशाह एह खेड रची सी। ईश्वर दी खेड नूं ईश्वर ही जाणदा है जी। फेर बाबे मनी सिँघ नूं अकाश बाणी नाल लिखत कर रहे हन जी। छः महीने सच्चे पिता अनन्दपुर रहे हन जी। छोटे हुंदे पातशाह मनी सिँघ नूं अकाश बाणी दित्ती कि संता देवीआं सारीआं नूं तूं लिऔणा है। जिथ्थे जिथ्थे जावेंगा ओथ्थों असीं आपे करामात खिच्ची आवांगे जी। सच्चे पातशाह आप दे मापिआं नाल घनका पुरी विच आ गए हन जी। बाबा मनी सिँघ सिक्खां समेत अनंदपुर हन जी। मनी सिँघ नूं आकाश बाणी होई कि संता सारीआं देवीआं बन्न्ह के शब्द नाल साड्डे चरनां विच ढोणीआं होणगीआं जी । संता, देवीआं दे धाम उत्ते तैनूं जाणा पवेगा। संता, तेरे हथ्थ असां कलम फड़ाई है, कलम दी मार नाल सारयां दी पूजा भेटा खोहणी है जी। आप सच्चे पातशाह घविंड बैठे हन ते अकाश बाणी नाल लिखत अनन्दपुर बाबे मनी सिँघ दे हथ्थीं हो रही है जी। लिखाई हो रही असां सरबत तीर्थां ते भेखां दी सत्तया खिच लैणी है। इक महाराज शेर सिँघ विष्नूं भगवान तों बगैर किसे दी पूजा भेटा ना रहेगी। अग्गे असीं जुगो जुग हथ्थां नाल लड़दे आए हां ते हुण असीं हथ्थां नाल कुछ नहीं करना, जो करांगे जोत नाल करांगे। धौणां तों फड़ फड़ राजे राणे बन्न्ह के मार देणे हन जी। गऊआं दा उधार करन आए हां ते असीं दुनिआं ते मासी शराबी कोई नहीं रैहण देणा। बाबा मनी सिँघ जिथ्थे जिथ्थे तूं जावेगा असीं ओथ्थों ओथ्थों सत्तया खिच्च लवांगे। बाबा मनी सिँघ सति बचन मंन के देवीआं कोल गया है ते देवीआं जोत सरुपी अनन्दपुर आईआ हन जी। अनन्दपुर विच इक लड़की सी। देवी लड़की विच प्रवेश हो के ललकारे मारे हन जी। माझे देस दे काहन सिँघ भंगाली वाले दी १० साल दी लड़की सी जी। ओस विच प्रवेश हो के देवी बचन करदी है कि संता साडी पूजा भेटा बंन्ह। संत बचन करदे हन कि महाराज शेर सिँघ विष्नूं भगवान, तों बिनां
किसे दी पूजा नहीं रैहणी। देवी बहुत सख्त बचन कीते कि संता मेरी पूजा ना बध्धी ते मैं एस बीबी दा सिर लै जावांगी। संतां बचन कीता सानूं पातशाह हुक्म नहीं देंदे। ओस लड़की दी देह छुट्ट गई ते देवी दी जोत अलोप हो गई। मर्यादा अनुसार ओस बीबी दा अनंद पुर संस्कार कीता गया जी। सच्चे पातशाह दया कीती ते ओस बीबी दा जरम खीरां वाली पातशाह दा दुआबे विच इक सिख सी, ओस दे घर पुत्र हो के दे दित्ता। पातशाह ओस दा नाम साधू सिँघ रक्ख दित्ता। दीन दयालां ने एड्डी दया कीती जिस वक्त देवीआं दी लिखत पै गई देवीआं पहाड़ां तों हिल उठीआं। माझे देस विच आ के छोटीआं छोटीआं लड़कीआं विच प्रवेश हो गईआं, पिण्डां विच फिरन लग्ग पईआं। कोई आखे मैं जवाला देवी आं, कोई आखे मैं फलाणी आं। सच्चे पातशाह नूं लभ्भदीआं फिरदीआं हन अड्डो अड्ड। नाल ढोलकीआं छैणिआं वाले, नाल नाल करामातां वखौण लग्ग पईआं हन जी। हौली हौली लभ्भदीआं घविंड पिण्ड विच आ गईआं हन जी। देवीआं दे दीवान विच सारा पिण्ड बैठा होया है जी। संत मनी सिँघ ते सच्चे पातशाह सिखां समेत विच जा बैठे हन जी। जिस वक्त भेटा पढ़दे हन देवीआं अस्थान विच वड़ के ललकारे मारदीआं हन जी। जिस वक्त सच्चे पातशाह दवान विच जा बैठे हन ते देवीआं खेडणों हट गईआं हन जी। पातशाह जोत नहीं औण दित्ती । देवीआं दे भगत बहुत भेटा पढ़ रहे हन। पातशाह पौण नहीं औण दित्ती। सखणीआं कन्यां बैठीआं हन जी। दुनीआं सारी आखदी है कि देवीआं खेडदीआं बड़ा सी हुण की गल्ल हो गई खेडदीआं नहीं जी। आईआं तां सच्चे पातशाह नूं ढूंडण सी, पर पातशाह दिस्सण ना। जिस नूं जणावे सो जन जाणे बाबे मनी सिँघ तों बगैर ते सिक्खां तों बगैर पिण्ड नूं वी कोई खबर नहीं सी कि सच्चे पातशाह दीन दुनी दे वाली एस नगर विच अवतार धारया है। पातशाह बाबे मनी सिँघ नूं अकाश बाणी दित्ती कि संता जे अज्ज देवीआं ढैह के चरनी पै जादीआं, ते अज्ज एहनां दी पूजा भेट्टा बन्न देणी सी। एन्हां सानूं लभ्भा नहीं। संत मनी सिँघ लिखत पा दित्ती कि देवीआं दी पूजा भेटा बंद कर दित्ती आ। लिखत पा के संत मनी सिँघ ते पातशाह संगत समेत घर नूं चले गए हन जी। जिस वेले उठ के चले गए हन ते देवीआं फेर ललकारे मारन लग्गीआं ते लोकां नूं वर वरुही देण लग्गीआं। देवीआं ते सारी दुनिआं खाली दे खाली रैह गए हन। सच्चे पातशाह सुरत नहीं औण दित्ती। एह छोटी देह कर के देवीआं नूं करामात वखाई है ते किसे नूं परख नहीं आई सच्चे पातशाह दी। १५ दिन देवीआं घविंड पिण्ड विच फिरदीआं रहीआं हन ते सच्चे पातशाह गलीआं विच खेडदे रहे हन जी। किसे पछाता नहीं। फेर देवीआं आपो आपणी थाईं चलीआं गईआं हन जी। महाराज नूं पछानण वास्ते माझे देस विच देवीआं दी जोत प्रगट होई सी ते पातशाह लभ्भे नहीं। फेर जोत अलोप हो गई जी।।
मनी सिँघ नूं दिल्ली जा के बाणी लिखण दा हुक्म
साढे तिन्न साल मनी सिँघ अकाश बाणी नाल लिखाई करदे रहे हन। अनंद पुर साहिब, फेर दिल्ली जा के छेः महीने बहुत सख्त लिखाई होई है। दिल्ली ओस गुरुद्वारे विच लिखाई होई है जिथ्थे गुरु तेग बहादर दा सीस कट्टिआ गया सी। ऐड्डी सख्त लिखाई हो रही सी, संतां नूं गराही वी छकण दा टाईम नहीं सी मिलदा। बाबे मनी सिँघ दे बैठ्ठयां बैठ्ठयां पैरां
दीआं तलीआं विचों लहू निकलदा सी ते रेशा पै गया सी। सिख बाबे मनी सिँघ नूं फुलका छकौंदे सी। ते ओन्हां नूं कलम रक्खण दा हुक्म नहीं सी। सिक्खां रुई दीआं गद्दीआं चरनां थल्ले रक्खणीआं। ओह खून नाल भिज जाणीआं, ते फेर होर रक्खणीआं। एह छः महीने लिखाई जेहड़ी होई है, कलजुग दे नास करन वास्ते होई है। आप तां सच्चे पिता दिल दीआं जानण वाले घविन्ड पिण्ड विच खेड रहे हन ते लिखाई बाबे मनी सिँघ दे हथ्थीं दिल्ली हो रही है। एह है पूरे गुर दी वडिआई। लिखत एह हो रही है कि असीं कलजुग दा नास कर के सतजुग लिआवांगे। पापीआं दी खै करांगे, भगतां दी जै करांगे। छेह महीने तों बाद फेर जो हुक्म होवे ते बचन संत लिखदे सी, नहीं ते कलम रक्ख देंदे सी। फेर सारी सिक्खी नूं हुक्म दित्ता कि पातशाह बचन देंदे हन सारे घरो घरीं चले जाओ। महाराज आकाश बाणी विच हुक्म दित्ता कि संता जिथ्थों जिथ्थों असीं आखांगे, जा के साड्डे सिख बाहों फड़ के लिआ के साड्डे चरनी लौणे। जुगां दे विछड़े सिख असां हुण आप वाज मार के जगौणे हन जी। फेर संतां नूं जिस तरां हुक्म होया ओसे तरां सत बचन मन्न के तुर पैंदे हन जी।।
हरी मकई दा सड़ जाणा
सौण दे महीने विच बाबा जवंद सिँघ सच्चे पातशाह दा पिता मकई बीजण दी त्यारी कर रहे हन जी। पातशाह दी माता नूं हुक्म दित्ता कि छल्लीआं मकई दीआं भोरो, मकई बीजणी जे। छल्लीआं भोर रहे हन ते पातशाह खेडदे खेडदे आए हन। ते आण के छल्ली हथ्थ विच फड़ लई है। जिस तर्हां माता होरीं समझा रहे हन कि एह मकई बीजणी है, फेर छल्लीआं लणगीआं ते फेर भुन्न के चब्बयां करांगे। पातशाह जिद्दे पै गए हन कि असां हुणे छल्ली भन्ंनणी है। जिस वक्त खैड़े पै गए हन ते सच्चे पिता दी दादी गुस्से हुंदी है। कि क्यो रुवौंदे जे, तुहानूं बचे वरचौण दी जाच नहीं गी। ओन्हां ओस वक्त पातशाह नूं छल्ली दित्ती ते जा के मेरे दीन दयाल चुल्ले विच दब्ब आए जी। आप फेर बाहर बच्चयां नाल खेडण चले गए हन। माता ने ओस वक्त छल्ली चुल्ले विचों कढ लई ते तुक्का चुल्ले विच पा दित्ता। पातशाह फेर थोड़े चिर बाद खेड के आए हन ते आण के छल्ली मंगदे हन कि साड्डी छल्ली भुज गई होणी आ, दिओ। माता ने तुक्का कढ्ढ के वखा दित्ता ते बचन कीता कि तुहाढ्ढी छल्ली तां सड़ गई, लौ वेख लौ, तुक्का वी सड गया है। पातशाह हथ्थ ते हथ्थ मार के ओस वक्त हस्स पए हन कि सारी सड़ गई है । तिन्न वारी पातशाह बचन कीता है कि सारी सड़ गई है। ओस वक्त किसे नहीं आक्खया कि पातशाह असां तुक्का पाया सी ते छल्ली कढ लई है। सगों पातशाह दी दादी ओस वक्त बचन करदी है कि अैस तर्हां अंञाणा वरचा लई दा है। बच्चे दी केहड़ी गल्ल है। फेर खेत विच जा के मकई बीजी ते बहुत सारी उग्गी, गोडे गोडे जेहडी हो गई जी। इक दिन तकाली खेतों बाबा जवंद सिँघ आया ते कैहण लग्गा बहुत सोहणी मकई है। लैह लैह कर रही है। सवेरे उठ के खेत नूं गए ते ओस वक्त इक तीला वी हरआ नहीं है। सारी सड़ गई है। सारी मकई सुक्की वेख के भाई जवंद सिँघ दीआं अक्खां हंझू किर गईआं हन। दिल विच दलीलां करदा है कि मैं हुण की करांगा। बड़ी औक्खयाई होवेगी। मकई बीजण दी रुत लंघ गई है। किस तर्हां सिआल लंघेगा जी। निराश हो के घर आ बैठा है ।
घर दे वेख के पुच्छदे हन की गल्ल है अज्ज बड़े उदास बैठे जे। आखदे हन कि मकई तां इक रात विच सड़ गई है ते सारा सिआल की खावांगे। सारा टब्बर बचन सुण के निरास हो गया है। जवंद सिँघ जी पुच्छदा है कि तुसां कोई पातशाह नूं बचन वध घट्ट तां नहीं कीता। माता होरीं बचन करदे हन, कि होर तां कोई नहीं गल्ल आखी, जदों मकई भोरदे सां ओदों छल्ली मंगदे सन तां असां छल्ली दित्ती। चुल्ले विच दब के खेडण चले गए ते असीं छल्ली कढ लई ते तुक्का पा दित्ता सी। जिस वक्त खेड के आए ते छल्ली मंगी ओस वक्त तुक्का कढ के दित्ता ते आक्खया पातशाह छल्ली तां सारी सड़ गई। ओस वक्त हथ्थ ते हथ्थ मार के हस्स पए ते आखण लग्गे सारी सड गई, असीं वी एहो हंगार देंदे रहे कि पातशाह सारी सड़ गई है। जवंद सिँघ ओस वक्त बचन कीता कि तुसां आप ही अकाल पवा लिआ है, मेरे हुण की अक्खत्यार है। फेर प्रशाद लिआ के जवंद सिँघ गल्ल विच पल्ला पा के बेनंती कीती कि दीन दयाल सच्चे पातशाह दयालू किरपालू साड्डे ते दया करो, साड्डा निक्का निक्का जीआ जंत आ, सिआल असीं की करांगे। पातशाह पिता दी बेनंती सुण के बचन कीता कि फेर बीज दिओ पछेतरी मकई। पातशाह दा हुक्म मन्न के फेर बीज दित्ती। मकई बहुत होई । तिन्न तिन्न चार चार इक इक टांडे नूं छल्लीआं लग्गीआं हन जी। सारा सिआल मुक्की नहीं, ऐड्डी बरकत पाई है जी। निक्की देह कर के झूठ बोल्लया जांदा है पातशाह अग्गे, क्योंकि सानूं एन्हां दी सार नहीं औंदी ते असीं हर वक्त एहनां नाल वल छल करदे हां। आप दा कीता असीं पा लैंदे हां। पुत्र कर के सच्च झूठ माता होरीं बोल देंदे सन। पातशाह बचन करदे हन कि जुगो जुग साड्डे सेवादार भगत ही साड्डे चरनां विच औंदे हन जी। साडे जेहड़े सिख हन सुरत नहीं मंगदे, बेनंती कर के होर मंगां मंगदे हन, कोई दुध्ध दी, कोई पुत दी। सिख नहीं सानूं लभ्भ सकदे, असीं सिक्खां नूं भाल भाल के जन्मां दे विछड़े मिला लैंदे हां ।।
सच्चे पातशाह दा कोठे तों गिरना
पातशाह दी भैण दा नाम बीबी ठाकरी सी। पिच्छले जन्म विच बीबी नानकी दा जामा सी। मंग तां मंगी दीन दयालां दे नाल रव्हां, सुरत नहीं मंगी ए। खडौंदी तां है प्रेम कर के, भैण भरावां वाला मोह है। अवतार कर के तां नहीं भेत पाया। पातशाह इक साल दे सी, बीबी ठाकरी खडेंदी है कोठे ते, पातशाह जिउँ हथ्थां विचों निकले थल्ले आण पए। थल्ले कंडियां दी पंड पई सी, ओहदे विच आ डिग्गे। दीन दयाल देह कर के बड़े बेपरवाह सन ते जीआं दे की अक्खत्यार है।।
होया
बकाला सिँघ ते मेहर करनी
उस समें दा बचन है पातशाह जिस वक्त छे साल दे सन ते सिख वी दर्शन नूं आए हन। बलाका सिँघ कलसीआं दा सिख सी। घविन्डों इक मील पैंडा सी। बड़ा दर्दां दुखां तक्लीफां दा घेरया होया सी। सरीर हिलदा नहीं सी। दवा दारु कर के थक बैठा सी । आपणयां पुत्तां नूं आखदा है कि मैनूं सच्चे पातशाह महाराज शेर सिँघ विष्नूं भगवान दे दरबार लै चलो। उस सिख दे चार पुत्र सन, आसा सिँघ चेत सिँघ सोहण सिँघ मोहण
सिँघ । उस दे पुत्र ओहनूं चुक्क के पातशाह दे चरनां विच लै गए हन जी। जिस वेले पातशाह दे घर संगत विच चल्लया गया, दर्शन कर के बहुत अनंद प्रसन्न होया है। पातशाह ओस वक्त खेड रहे हन। सौण दे महीने अक्कां नाल खखड़ीआं लग्गीआं हन ते पाणी सिक्खां तों मंगा के खखड़ीआं नूं मोरीआं कर के पचकारीआं बणा बणा के खेड रहे हन। सिक्खां नूं हुक्म करदे हन कि बाबा हुण तेरी वारी आ। जेहड़े सिख नूं बचन करदे हन सिख सत बचन मन्न के तुर पैंदा है। फेर बाबे बलाका सिँघ नूं हुक्म कीता मेरे चोजी प्रीतम ने कि बाबा हुण तेरी वारी है, तूं पाणी लिआ। बाबा बलाका सिँघ अज्जे मूंहों आखण ही लग्गा सी कि पातशाह मेरा सरीर जुड़िआ है। मैथ्थों तुरया नहीं जांदा। ओस वक्त बाबे बौहल सिँघ मूंह अग्गे हथ्थ दे दित्ता ते इशारा कीता सत बचन मन्न, तेरे ते मेहर करन लग्गे हन। बाबे बलाका सिँघ गल विच पल्ला पा के हथ्थ जोड़ के अरज्ज कीती सति बचन पातशाह मैं जल लिऔदा हां। ओस वक्त इक सिख ने पाणी लिआ के बाबे बलाका सिँघ नूं फड़ा दित्ता ते उस पातशाह नूं जल फड़ा दित्ता। दीन दयाल परवान कर लिआ। तिन्न वेरां बाबे कोलों पातशाह जल मंगाया। एसे तर्हां सिख लिआ देण ते बाबा पातशाह नूं फड़ा देवे। सच्चे पातशाह उस वक्त जेहड़े सरीर नूं जूड़ पाए सी दया कर दित्ती। नैण प्राण हिलण लग्ग पए ते पातशाह बचन कीता , बाबा बलाका सिँघ तिन्न दिन साड्डे कोल आवीं फेर राजी हो जावेंगा। सच्चे पातशाह नज़री नज़र निहाल हन जी, जुगो जुग अवतार धारदे हन। पर एस जामे विच पातशाह र्सिफ़ गरीबां नूं तारन आए हन जी। अगले दिन सिख आप दे नैणी प्राणी तुर के पातशाह दे दर्शनां नूं गया है जी।
सच्चे पातशाह दे सिर विच सट्ट लग्गणी
इक समें बीबी ठाकरी ते बेबे बुढ्ढो (पातशाह दी भूआ लग्गदी सी) खेत नूं रोटी लै के जा रहीआं हन ते नाल सच्चे पातशाह जा रहे हन। नहर दे नज़दीक इक डल दे ज़िमीदार ने इक राईं कोलों बाग लवाया सी। ओह पहे दे उत्ते बाग सी। रोटीआं वालीआं अग्गे अग्गे ते मगर सच्चे पातशाह जा रहे हन जी। पातशाह ने इक फुल बाग विचों तोड़ लिआ। जिस वेले फुल तोड़या, राई पापी ने सिर विच दातरी मारी ते पातशाह नूं सिर विच खुब गई। ओस वेले लहू लुहाण होए ते रोंदे हन। दोवें जणीआं बीबी ठाकरी ते भूआ बुढो पछांह आ के राईं दे गल पै गईआं हन। रौला पै गया ते सारे लोकां ने राई नूं फिटकां पाईंआं कि मर्खा तूं इक फुल पिच्छे बच्चे नूं लहू लुहान कर दित्ता। लागे नज़दीक नहर सी दोनां जाणीआं सच्चे पातशाह दे कपड़े धोते ते सिर धोता ते चुप कराया। खेत जा के अन्न पाणी छकाया ते सारयां नूं दस्सया कि एस तर्हां पातशाह नूं सट्ट लग्ग गई है।।
सच्चे पातशाह दा घविंड विच मंगण जाणा
एह बचन है जद सच्चे पातशाह ८-१० साल दे हो गए हन। ते माल ढाडां चारन लग्ग पए हन जी। संतनी रामपुरिओं पातशाह दा थाल रोज़ लवां के लिऔदी सी। तिन्न मील पैंडा सी घविंडों। इक दिन माई थाल लई औंदी सी ते घविन्ड दे इक ज़िमींदार ने डांग मार के थाल भंन दित्ता। वेखो घविंड दे अैसे पापी सन, आप नहीं सी सेवा करन
जोगे ते संगतां आईआ नूं डागां मारदे सन जी। एहनां दे की अक्खत्यार है, सराफे जू गए। सराफिआं दी मत मारी जांदी है। अठ्ठ-दस्स सालां दे पातशाह सन जदों घविंड पिण्ड विच मंगण चढ़े सी। संतां नूं आकाश बाणी होई कि संता असां घविंड पिण्ड विच मंगण चढ़ना है। जे सानूं किसे मन्नया ते घविंड नूं वर वरुही दिआंगे नहीं ते घविंड नूं सराफ दे दिआंगे जी। वड्डा नीला चोला संतां वाला सच्चे पातशाह ओस वक्त पैहन लिआ है। अग्गे अग्गे पातशाह ते मगर संत बाबा मनी सिँघ हन जी। गली गली ते घर घर अलख जगाई है। ते मगर संत बचन करदे हन, कि एह निहकलंक अवतार मंगण चढ़े हन। जो पुजदा सरदा दान दिओ ते मूंहों मंगीआं मुरादां लओ जी। सत्त पत्तीआं घविन्ड पिण्ड दीआं हन, किसे खैर नहीं पाई। संत नाल नाल होका दे रहे हन कि कोई पातशाह नूं पलँघ डाह के प्रशाद छकावे ते मूंह मंगीआं मुरादां पावे। किसे नहीं छकाया। होका दे के सच्चे पातशाह संतां समेत घर आ गए हन । पिण्ड खाली दा खाली रैह गया। किसे सेवा नहीं कीती। इक माई ने नगर विचों फक्का दाणे पाए हन। ओह सच्चे पातशाह आ के कुकड़ां कबूतरां अग्गे पा दित्त्ेा हन। सच्चे पातशाह देह कर के होर हन जोत सरुपी होर हन। जिस वेले संत आण के घर बैठे हन ते पातशाह मनी सिँघ नूं आकाश बाणी दित्ती कि संता घविंड पिण्ड थेह हो जावेगा। जेहड़ा मरिआ करेगा भूत प्रेत हो जाया करेगा। घविंड पिण्ड विचों इक रंगा सिँघ पातशाह दा सका चाचा सी। ओहनूं सच्चे पातशाह सुरत दित्ती सी। सच्चे पातशाह बचन दित्ता संता जेहड़े सके ने सारे सानूं संगतां समेत रज्ज के प्रशाद छकौणगे ते ५०० मण अनाज़ साल विच इक घर नूं लिख दिआंगे। प्रशाद छकाया किसे नहीं ते दीन दयालां आप सारयां शरीकां दा प्रशाद वरजिआ है। आप तां दीन दयाल देह कर के बचन नहीं करदे। आकाश बाणी बाबे मनी सिँघ नूं देंदे सी। ओसे तर्हां सत बचन मंन के ओह भुगताई जांदा सी। जिस वेले प्रशाद त्यार होया, सारे शरीक छकण आए ते हथ्थ धुआए हन। ओस वेले संत बचन करदे हन कि भाई तुसां सारयां पातशाह नूं प्रशाद छकाया सी ? शरीक आखदे हन, नहीं। संत आखदे हन जे तुसां नहीं छकाया ते तुसीं किस मूंह नाल छकण आ गए जो। सारे संतां नाल नराज़ हो गए कि तूं सानूं घर सद के इज्जत लाही है। सारे गुस्से हो के चले गए हन जी। वर दे बजाए संतां नूं गालां कढ के सराफ लै लिआ है जी। आकाश बाणी विच सच्चे पातशाह ५०० जामां भूत दा लिखाया है जी। पातशाह बचन देंदे हन कि साड्डा प्रशाद पकिआ पिआ रिहा है। असीं जन्म दवा के एन्हां नूं प्रशाद वखावांगे ना। भूत प्रेत हो के मल मूतर खांदे फिरनगे। घविंड वालयां एह खट्टी पातशाह तों खट्टी है जी।।
सच्चे पातशाह जी आपणे हाणीआं नाल खेडणा
भंगाली वाला काहन सिँघ पातशाह दा सिक्ख सी। उस दे तिन्न पुत्र सन। दयाल सिँघ कछाल सिँघ भाग सिँघ। दयाल सिँघ दा नाम सच्चे पातशाह फेर गुरमुख सिँघ रक्खाया सी। ओह छोटे हुंदे पातशाह नूं बड़ा खडौदा रिहा। गलीआं विच हर वक्त मोडिआं ते चुक्की फिरदा सी। पातशाह बचन करदे हुंदे सन कि गुरमुख सिँघ साड्डा घोड़ा है। सच्चे पातशाह बड़ा प्रेम करदे सी। ओह वी हर वक्त सच्चे पातशाह दी सेवा विच हाज़र रैंहदा
सी। जे भंगाली जाण ते नाल। सच्चे पातशाह कई कु दिन सिक्खां दे घरीं दर्शन देंदे रैहंदे सन जी। घविंड दे लोकां भंगाली दे लोकां गुरमुख सिँघ दा नाम पातशाह दा घोड़ा रक्खया होया सी। सच्चे पिता ओहनां माप्पया नाल प्यार नहीं सी रक्खदे, जिन्नां सिक्खां नाल रक्खदे सी। पातशाह हर वक्त गुरमुख सिँघ नूं नाल रक्खदे सी। इक दिन सच्चे पातशाह नहर ते नौंण लग्गे। नहर दे विच झाड़ीआं दे बूझे बड़े सी। १० जां २० वागी रोज नहर विच छालां मारदे हुंदे सन । पाणी दे विच इक दूजे नूं फड़न फड़न खेडदे सन जी। जिस वक्त इक मुंडा पातशाह नूं फड़न लग्गा ते पातशाह नहर विच्चों निकल के झाड़ीआं विच वड़ गए हन। ओह मुंडां आंहदा है जदों नहर उत्ते आओगे ओदों फड़ांगा। पातशाह झाड़ी विचों दो सप्प काले नाग हथ्थां विच फढ़ लए हन। काले नाग जिस वक्त लई औंदे हन ते ओस मुंडे नूं ललकारदे हन कि सानूं हुण फढ़ के वखा। जिस वेले मुंडिआं हथ्थां विच सप्प वेखे हन डरदे मारे तरके नहरों पार चले गए हन जी। महाराज पटड़ी ते खलोते हन। मुंडे डरदे मारे ना नहर विच वड़दे हन ते ना लागे औंदे हन। सच्चे पातशाह बचन करदे हन कि तुसीं अैवे डरदे जे, सप्प ते मरे होए हन । पातशाह लक नाल दोवें नाग बध्धे हन ते नहर दी पटड़ी ते तुरे फिरदे हन। फेर पातशाह खेड मल के ओहनां नूं सुट्ट दिंदे हन, पातशाह दी महिंमा नूं पातशाह ही जाणदे हन।।
खरबूजयां दी खेड
इक दिन हाढ़ दे महीने विच खरबूजे पक्के होए हन जी। पातशाह ने पंड खरबूजयां दी सिक्खां तों तुड़ा के नहर ते लै आंहदी है ते सच्चे पातशाह नहरों पार खरबूजे सुट्टी जांदे हन । नाल दे वागीआं नूं बचन करदे हन तुसीं वी जोर नाल खरबूजे सुट्टो, नहरों पार। तुहाथ्थों जांदे हन कि नहीं। वागीआं समेत सच्चे पिता ज़ोर नाल नहरों पार सुट्ट रहे हन। आप दीन दयाल मेरे अंतरजामी दुपैहरे नहर ते एह खेड कर रहे हन। संत मनी सिँघ घविंड आकाश बाणी नाल लिखाई कर रहे हन कि सच्चे पिता महाराज शेर सिँघ अज्ज समुंदरां ते पार गोले सुट्ट रहे हन । अगम्मी गोले हन। बचन लिखौंदे हन कि मलका बादशाही दा राज असां खोह लिआ है। हुण माझे देस विच अंग्रेज़ ना रैहणगे। समुंदरां तों पार चले जाणगे। एह मेरे सच्चे पिता अंतरजामी दयालू किरपालू दीआं लील्हा हन जी। लोकां नूं जापदा है कि ऐवें बच्चे खेडदे हन खरबूजे सुट्ट सुट्ट के। सच्चे पिता वलैत फनाह कर दित्ती है जी। संतां नूं लखौंदे हन, अंग्रेज़ां दा दारु सिक्का सभ मिट्टी कर दित्ता है। एन्हां नूं चलौणा ना मिलेगा। एस माझे विचों कढ दिते हन। सखणी हथ्थीं तुर जाणगे ते जो रजवाड़े हन, सारयां दे राज ख़ुस जाणगे। इक हल दी पैली हर इक कोल रह जावेगी। महाराज संतां तों लिखाई करवा रहे हन कि असां गउआं गरीबां दा उधार करन वास्ते ते पापीआं दा नास करन वास्ते अवतार धारयां है। कलजुग दा नास कर के सतजुग लिऔणा है। असीं एस धरती उत्ते पापी राजा कोई नहीं रैहण देणा । ऐसा जोत सरुपी कहर वरतावांगे ते वैर विरोध वधावांगे सभ आपे ही लड़ लड़ मर जाणगे। संतां नूं बचन लिखा रहे हन कि कलजुग दीआं जड़ां पुट्ट दित्तीआं हन। अग्गे असीं जुगो जुग हथ्थीं लड़दे रहे हां, ते हुण असां शब्द दी मार नाल धरती सोधणी है। मैं नर अवतार हां। मैं जोत नाल बन्न्ह
के राजे राणे मार देणे हन जी। शब्द विच पातशाह कलजुग दी अलख मुका दित्ती है जी। संत मनी सिँघ लिखे बचन सिक्खां नूं सुणा रहे हन जी। संसार नूं एस खेड दी कोई सार नहीं जिस नूं जणौंदे हन ओहो जाणदा है।।