पुस्तकालयजन्म साखी

तीर्थ अस्थानां दी सत्तया खिचणी

पातशाह मनी सिँघ नूं बचन दित्ता कि संता नैणां देवी जा के ओथ्थों सत्त मुठ्ठां होम विच्चों सुवाह दीआं लिऔणीआं हन। जिथ्थे जिथ्थे देवीआं दे अस्थान हन सारे थाईं इक वारी जरुर जाणा पवेगा। मनी सिँघ सत बचन मंन के नैणां देवी नूं तुर पए हन। फेर हुक्म होया कि संता दिल्ली जा के लिखाई करनी है। बाबे मनी सिँघ होरां पंज सिख नाल खड़े, दिल्ली लाल किले तख़त उत्ते बैठ के लिखाई कीती कि कलजुग दा नास करके धर्मी राजा एस तख़त ते बैठावांगे। ओह राजा साड्डे नां दा सिक्का चलावेगा। उग्गण आथण ताईं राज करेगा ते धर्म दा राज होवेगा। ओहदे राज विच झूठा गवाह ते झूठा वकील कोई ना होवेगा। ओस दी अदालत विच जेहड़ा झूठा होवेगा आपणी जबानी आक्खया करेगा, जी मैं झूठा हां, मैनूं सजा चाहीदी है। धर्म दीआं अदालतां सतजुग विच होणगीआं जी।

फेर आकाश बाणी होई कि संता खवाजा खिजर दी सत्तया जा के लै आ। पोह माघ दा महीना सी ते सिक्खां नूं कढ़ाह प्रशाद दी देग सिर ते चुका के दरया विच खलो के ते कंढ़्हे ते मंनी सिँघ बैठ के लिखाई कर रहे सन। तिन्न दिन एसे तर्हां सिख जल विच खलोते रहे प्रशाद चुक के। इक जदों सुंन्ह हो जे ते दूसरा दरया विच खलो जे। एस तर्हां तिंन दिन सिख करदे रहे। बाबे हुरी लिखाई कर रहे हन कि अज्ज तों खिजर खवाजा नूं कोई ना मन्नेगा। असां सत्तया खिच लई है। जो बेड़े विच चढ़िआ करेगा, महाराज शेर सिँघ दा नाम लै के चढ़या करेगा । कोरीआं दा इक ईदा मुसलमान सिक्ख सी। ओस दी लिखाई कीती है कि हुण खवाजा खिजर दी जगह तैनूं दिआंगे। जो देवीआं दे उत्ते हन सभ तख़तां तों लाह देणे हन ते मैं आपणे सिख बिठा देणे हन। दिल्ली विच पातशाह दा खड़क सिँघ सिख सी। ओस दे घर लिखाई हो रही सी। पातशाह बचन लिखौदे हन मैं सारयां सिक्खां नूं दिल्ली विच जा के सुख भुगौणा है। दिल्ली दा विहार करके फेर सिख माझे देस नूं आ गए हन जी।।

ताउन दी बीमारी पैणी

फेर माझे देस विच ताउन दी बीमारी बहुत पई है। ओस वक्त सच्चे पिता बारां जां तेरां साल दे सन। ओदों महाराज दा वड्डा भरा फौजा सिँघ सी। उसनूं बीमारी निकल आई । पातशाह नूं वी बीमारी निकल आई। दो चार दिन पातशाह ते फौजा सिँघ बीमार रहे हन जी। पातशाह नूं तां रमान आ गया ते फौजा सिँघ दा सरीर छुट्ट गया। जिस वक्त फौजा सिँघ दा संस्कार करके आए हन ते पातशाह दे पिता नूं बिमारी निकल आई है। बहुत बेहोश हो गया है। इक रंगा सिँघ पातशाह दा चाचा सी। वड्डे भरा नूं तंग वेख के, रंगा सिँघ बहुत वैराग करदा है। ओस वक्त रंगा सिँघ गल विच पल्ला पा के हथ्थ जोड़ के सच्चे

पातशाह अग्गे बेनंती कीती, कि दीन दयाल मेरा भरा है ते मेहर करो बख्श लौ। असीं दोवें भरा आप दी सेवा विच रवांगे। बेनंती सुणके सच्चे पातशाह दा चेहरा अैस तर्हां लालो लाल हो गया कि जिस तर्हां १०० सूरज दा तेज होवे। पिता दे कोल बैठके पातशाह बचन कीता, लया रंगा सिँघ जल। सच्चे पातशाह दया करन वास्ते मेहर कीती। इक सच्चे पातशाह दा चाचा आसा सिँघ सी। ओस ओस वक्त मेहणा मारिआ कि पातशाह घर दिआं जोगे नहीं लोकां जोगे ने। ओस वक्त पातशाह गुस्से नाल जल भुवा के मारिआं ते आप उठ्ठ के बाहर आ गए। कोई ३ जां चार घंटे बाद भाई जवंद सिँघ पातशाह दे पिता ने सरीर छड्ड दित्ता। परिपूरन परमेश्वर महाराज शेर सिँघ दे चरनां विच जो निउँ जांदा, ओह खट जांदा है। ऐड्डी बिमारी ओस वक्त पई सी पिण्ड विच ५० जां ६० रोज देह छड्डदे सन। बाबे जवंद सिँघ दा संस्कार कर दित्ता गया। सच्चे पिता ओस वक्त १३ साल दे सन। पातशाह दी इक छोटी भैण सी उस दा नाम बीबी नामो सी ते बीबी तों छोटा इक पातशाह दा भरा सी। जदों भाई जवंद सिँघ देह छड्डी है पातशाह दी वड्डी भैण बीबी ठाकरी सी ते वड्डा भरा ठाकर सिँघ सी। उस वक्त संसारी विहारां वलों तक्लीफ दे दिहाड़े सन। क्योंकि छोटी उमरे पिता देह छड्ड गए। माई ताबो वी कुछ तकड़ी नहीं सी रैहंदी। आईआं संगतां नूं माता ताबो चक्की पीह के प्रशाद छकौदी हुंदी सी। ओस वक्त खरास बिल्कुल है नहीं सन ते ना मशीनां सन। किसे वक्त माता दे नाल लग्ग के महाराज आप वी चक्की ते आटा पींहदे हुंदे सन। कुझ समें बाद माता ताबो दा वी सरीर छुट गया। पातशाह ओस वक्त १५ साल दे सन। बीबी नामो १२ साल दी सी। बीबी जितना भी हो सके संगतां दा अन्न पाणी बड़े प्रेम नाल करे। सिख आण के आप भंगालिओं ते कोरीआं तों पातशाह दी पैली बीज जांदे सन। बालण तूड़ी ते चर वी जिस चीज दी लोड़ होवे घरां तों सेवा विच लई औंदे सन। रंगा सिँघ पातशाह दा चाचा ओस वक्त नौकर हुंदा सी। ते ओह फेर नावां कटा के आ गया। सच्चे पिता दी सेवा विच ओन पातशाह नूं भतीजा करके नहीं जाणिआ परिपूरन परमेश्वर विष्नूं भगवान करके जाणदा रिहा। जदों पातशाह नूं बुलौदा हुंदा सी जां पिता जी आखणा जां महाराज जी करके बुलौणा। भतीजे वाला साक दिल तों हटा दित्ता सी। सच्चे पिता आप दे छोटे भरा हरनाम सिँघ नूं बुरकीआं दे दे के पालिआ सी।।

भंगाली वालयां वलों घोड़ी दी सेवा

भंगाली वालयां सिक्खां दी घर दी वछेरी पाली होई सी। सिक्खां पातशाह दे चढ़न वास्ते सेवा विच दे दित्ती। महाराज होरीं चढ़ के खेत गए हन ते जा के खेत बन्न दित्ती है। डल दे ज़िमींदार लागे गवांड सन। ओन्हां घोड़ी चुरा लई, ते चोरां ने घोड़ी अगांह घल्ल दित्ती। कोई दिन पा के बाबा मनी सिँघ सिक्खां दे घर भंगाली पिण्ड लिखाई कर रहे हन जी। ओस पिण्ड विच इक बीबी दा व्याह है। ते पातशाह दी घोड़ी जंझ नाल जाञी लिआंदे हन, जेहड़ी चुराई गई सी। ओह घोड़ी नीगर दे हेठां सी। जिन्हां सिखां भंगाली वालया घोड़ी दित्ती सी, ओन्हां सिआण लई ते पिण्ड दे लोकां ने वी सिआण लई। सारयां आखयां एह पातशाह वाली घोड़ी है जेहड़ी चोरी हो गई सी। काहन सिँघ दा पुत्र देवा सिँघ सी। ओन जा के घोड़ी नूं वागों फड़ लिआ। संत मनी सिँघ बचन करदे हन। एह

नीगर दे थल्ले घोड़ी है फड़ो ना। नीगर जेहड़ा हुंदा परमेश्वर दा रुप हुंदा है। फेर सिख जा के आखदे हन कि सरदार जी घोड़ी पिण्डों जा घल्ला दिओ जे। संत मनी सिँघ नूं परमेश्वर दी सार सी। ओन्हां वक्त परमेश्वर दा रुप जाण के घोड़ी नीगर दे थल्लयों नहीं कढ्ढाई। घोड़ी चरौण वालया नहीं जाणिआ, कि महाराज शेर सिँघ विष्नूं भगवान दी है। जाञीआं वी करार करके फेर घोड़ी नहीं घल्ली । सच्चे पिता नूं किसे गल्ल दा घाटा नहीं सी। सारे संसार नूं दे रहे हन जी। भंगाली वाले सिख गुरमुख सिँघ होरां बगी घोड़ी बहुत सोहणी घल्ल दित्ती। ओदों सच्चे पिता १५-१६ साल दे हन जी।।

वालयां
पठाणके वाले देवा सिँघ दी साखी

सच्चे पातशाह दे सिक्ख मस्ताने वी हुंदे सन जी। पठाणके पिण्ड घविंडों तिन्न मील है । ओैथ्थों दा नंबरदार इक देवा सिँघ सिख सी जी। बाबा मनी सिँघ पठाणकी लिखाई कर रहे हन जी। देवा सिँघ दा पुत्र मस्त रैहंदा सी। देवा सिँघ बचन कीता कि पातशाह मेरे पुत्र नूं मस्त कीता, मैं तां जाणदा सच्चे पातशाह नूं जे मैनूं मस्त करन तां। सच्चे पातशाह ओस दे पुत्र नूं छड्ड दित्ता ते देवा सिँघ नंबरदार नूं पकड़ लिआ। अैसा मस्ताना होया कि कोई सरीर दी सुरत नहीं रही। करामात पातशाह दी वेंहदा वेंहदा आप दी सुध बुध भुला बैठा । जो खाणा पीणा सी सभ ओहनूं भिट्टड़ नज़र औंदा है। जो खूहां दे जल हन ओह वी ओहनूं भिट्टड़ नज़र औंदे हन जी। दो मील पठाणकिआं तों नहर सी ते दोवें टैम नहर तों जल लिआ के पींदा सी। जे नूंह पुत्त प्रशादा देंदे हन ते ओह वी उसनूं भिट्टड़ जापदा है। आपणी हथ्थीं प्रशादा पका के छकदा। ठाणेदारां ते तसीलदारां नूं जा के कचैहरी विच गालां कढ्ढे। कमला कमला करके लोकीं गालां कढ्ढण। दिने मसाल जगा के लहौर अदालतां विच लई फिरे। लहौर शहर विच ते अदालतां विच सच्चे पातशाह दे नां दी दुहाई देंदा फिरे, कि सच्चे पिता अवतार धारया है। अदालतां विच जा के, मड़ीआं बणा के लकड़ीआं कठ्ठीआं करके ते अग्ग ला के ते राजिआं दा नां लै के सिआपा करदा ते बचन करदा, जो कलजुग दे राजे ने सारे मारे जाणगे। पातशाह दा होका देंदा सी। लोक एस राज़ नूं नहीं सी समझदे। कमला कमला आंहदे सी ते इट्टां ढीमां मारदे सी। रात दिन पातशाह दा नाम बड़ा जपदा सी। दोहीं हथ्थीं सिमरने फेरदा सी। संत मनी सिँघ ने बुलौणा, देवा सिँघ की हाल है। अग्गों बचन करना गुरु जी तुसीं वी भिट्टड़ हो गए जे। आखे पातशाह वी भिट्टड़ हो गए ने संसारी लोकां नाल वरत के। जे किसे सिक्ख ने प्रेम नाल कवौणा ते अग्गों आखणा, सिक्खो तुसीं वी भिट्टड़ हो गए जे लोकां नाल वरत के। करामात लैंदा लैंदा आप दी सुरत वी गुवा बैठा। ऐसा मस्ताना होया कि जो चीज है सभ भिट्टड़ ते जूठी दिस्स रही है।।

माई गुलाबी ते उस दे परिवार दी साखी

संतनी (माई गुलाबी) दा सच्चे पिता दे चरनां विच बड़ा प्रेम रैहंदा सी। माया वी संतनी कोल बहुत सी। माया कर के मन भौंदी सेवा पातशाह ते सिक्खां दी करदी सी। संत मनी सिँघ वी लिखाई बहुती रामपुरे संतनी कोल करदे सन। माई संतनी दे दो पुत्र सन । इक दा नाम बुध दास ते इक दा नाम सुध दास। ओह गैरत करन लग्ग पए कि सारा

पैसा संत नूं खुवाई जांदी है। संतनी दा मालक परागदास साधू हुंदा सी। ओह गुजर गया सी। उस दे पुत्र ऐसे पापी सन कि ओहनां गल घुट के माई गुलाबी नूं मार दित्ता। जिस माया तों लड़ के ओन्हां आप दी माता नूं मारिआं सी ओसे माया ने फेर डंग मारे। सुध दास नूं बुध दास ने मार दित्ता। बुध दास नूं अदालत ने फाहे ला दित्ता। ओहो माया भरावां नूं सप्प वागूं लड़ गई है। जेहड़ीआं ओन्हां दी घरीं साधनीआं सन, ओह ज़िमींदारां दे घरीं जा बैठीआं हन। ओस गुरुद्वारे विच संतनी दे मारन दा पाप करके उजाड़ हो गए। संगतां दा प्रेम कर के एह महिंमा सच्चे पिता दी लिखी जा रही है। पातशाह ते संगत दी मेहर नाल।

रामपुरे दे बुढ्ढा सिँघ सिख दा प्रेम ते देह छड्डणा

रामपुरे दा बुढ्ढा ज़िमीदार सी। बोली विच बड़ा हँसीला रसीला सी। घर विच बड़ी गरीबी सी। मन भौंदी सेवा नहीं सी कर सकदा। सच्चे पातशाह राम पुरे बुढ्ढा सिँघ दे घर चले गए हन। कत्ते दा महीना सी। पैली उस दी वत आई सी। किसे कोलों उधारा पैली विच बीअ पौण वास्ते कणक दा आंदा है। गली विच बीअ चुक के तुरयां जांदा है अग्गे पातशाह सिक्खां समेत मिल पए हन जी। बीअ गली विच रक्ख के सच्चे पिता दी चरनी ढैह के पै गया है। सारे सिक्खां दा धंनवाद कीता है। दर्शन करके अैना ख़ुश है कि धन्न दिहाड़ा अज्ज है सच्चे पिता दे दर्शन होए हन जी। गरीब दी ग़मी चिंता सारी उड गई है। जिस तर्हां सौण दे महीने घटां वेख के मोर ख़ुश हुंदा है ते चन्द्रमा नूं वेख के चकोर ख़ुश हुंदा है एस तर्हां मेरे अंतरजामी दीन दयाल दे दर्शन कर के सिख ख़ुश होया है। अग्गे अग्गे लग्ग के संगतां समेत पातशाह नूं घर लै गया है ते पलँघ डाह के पातशाह नूं उत्ते बिठा दित्ता है। सिक्खां दा बड़ा आदर मान कीता गया, महाराज होरां नूं ते संगतां नूं घर बहा के ओहो बीअ वाली कणक दी पंड लै के हट्टी चला गया है। रसद लिआ के पातशाह दा भोजन त्यार कीता है । बड़ी ख़ुशी विच शब्द पढ़दा है कि अज्ज कीड़ी दे घर नरैण आए हन जी। ओस वक्त सिख दे प्रेम दी उस्तत नहीं कीती जांदी, ऐनीआं ख़ुशीआं चढ़ीआं हन जी। जेहड़ी सिख दे घरों सिखणी सी ओह ओस वक्त सड़ बल के कोला हो गई है जी। नाले अन्न पाणी करदी फिरदी है नाले सड़ूं बलूं करदी है जी। जेहड़ा कम्म सिख दस्सदा है ओह मन्नदी नहीं जी। एस तर्हां करदी ने पातशाह दा प्रशाद त्यार कीता है जी। सिख ने आण के निगाह कीती। प्रशाद प्रेम नाल नहीं होया। हौली जही आंहदा, भलीए लोके, तूं अन्न पाणी प्रेम नाल नहीं कीता दाल बहुत पतली है। ओह आंहदी है मेरे सिर विच पांदे, दाल पतली आ। सिख ने ओस वक्त सत बचन मन्न के दाल सिर विच तत्ती तत्ती पा दित्ती है। ओह ओसे वक्त पिटण ते रोण लग्ग पई है जी। सिख आखण लग्गे बुढ्ढा सिँघ बड़ा माड़ा कीता है। बेबे नूं साड़ दित्ता है। ओह आंहदा है, सच्चे पातशाह असां सत बचन मंनणा है। मैं आक्खया सी दाल पतली है ते एन आक्खया मेरे सिर विच पा दे असां पा दित्त्ाीं। ओस वक्त होर भाजीआं त्यार ओन्हां करके नाल पातशाह नूं प्रशाद छकाया गया है जी। प्रशाद छका के पुज्ज आई माया दी सेवा कीती है। नाले पातशाह दीआं परक्रमां करदा है, नाले धन्न धन्न करदा है। सिख आंहदे हन, बुढा सिँघ पैली ना

सुक जांदी होवे। हथ्थ जोड़ के बेनंती करदा है कि मैं तां जुगा जुगंतर अज दी पैली बीजी होई खाणी है। आंहदा है सिक्खो एह वक्त तां अग्गे मैनूं सारी जिंदगी विच नहीं लभ्भा, जेहड़ा अज्ज दिहाड़ा है, धन्न है। सच्चे पिता अंतरजामी दिल दीआं जानण वाले दे ते पवित्र उच्ची सुच्ची संगत दे दर्शन होए हन जी। सच्चे पातशाह फेर प्रशाद वरता के सिक्ख नूं दे के आ जांदे हन। सच्चे पातशाह नूं तोरन आया है ते पिच्छांह मुड़न नूं दिल नहीं कीता। तिन्न मील पैंडा घविंड तक नाल ही आ गया है। घविंड ख़ुशी लै के राम पुरे गया है।

कोई दिन पा के बुढा सिँघ दा पुत्र बिमार हो जांदा है। ऐसा बिमार है कि सरीर दा कोई पता नहीं, घड़ी है कि पल है। नगर दे लोक बड़े वेखण वाले आंहदे हन कि बुढा सिँघ दा पुत्त बहुत औखा है। अंग साक वी बीमार सुणके आए हन। बुढा सिँघ बचन करदा है कि पातशाह दा भाणा कोई मेट नहीं सकदा, जो होणा है हो के रैहणा है। ओस वक्त बुढ्ढा सिँघ दी जनानी मेहणे मारदी है कि अज्ज मैं तेरा महाराज वेख लवांगी, जे मेरे पुत्त नूं बचावेगा। अगों बुढ्ढा सिँघ आंहदा है माडिआं भागां वालीए मेरे ते परिपूरन सोलां कला संपूरन त्रिलोकी नाथ सच्चे पिता हन। तूं जेहड़ा बोल कढिआ है मैथ्थों सहारया नहीं जांदा। संसार ते जम्मण मरन तां जरुर बणया है मैं किस तर्हां सच्चे पिता नूं आखां एस भाणे नूं डक दयो। ओस वक्त सिखणी ने होर वी दो चार बचन कठोर बोले हन। ओस वेले क्रोध नाल सिख उठ्ठ के घड़े विचों जल लै के अशनान करन लग्ग पिआ है। अशनान करके चादर ताणके लंम्म पै गया है ते बचन करदा है कि निभागीए तूं मेहणे ना मार। पातशाह अग्गे बेनंती करके मैं सरीर छड्ड देंदा हां ते तेरा पुत्त राजी हो जावेगा। कलजुग दे जी माडिआं भागां वाले हथ्थां ते सरों जंमौदे ने। सच्चे पिता बुढ्ढा सिँघ सिख दी बेनंती परवान कर लई। बुढा सिँघ दा सरीर छुट गया उस दा पुत्र राजी हो गया। सिख कोलों पातशाह नूं मेहणे वजदे सहारे नहीं गए ते सरीर छड्ड दित्ता है। फेर घर दिआं ते होर लोकां रल के संस्कार कर दित्ता गया है जी। सच्चे पातशाह दे सिख हो के कोई खोटा बचन नहीं कढ्ढणा चाहीदा। हर वक्त सच्चे पिता दीन दयाल कोलों मेहर मंगण दी लोड़ है जी।।

सच्चे पातशाह दी भैण बेबे ठाकरी

अग्गे साखी होर चली है। सच्चे पिता दयालू किरपालू दी वड्डी भैण ठाकरी सी। ओह गागे पिण्ड व्याही होई सी। प्रेम पातशाह दा बहुत करदी सी पर फेर वी घर विच अवतार दी सार नहीं पाई जांदी जी। उस दे घर पुत्र सी दो ढाई साल दा। उस नूं लै के आपणे पेके घविन्ड पिण्ड आई होई है पातशाह कोल। उस वक्त बच्चयां नूं सिर गुंद के छब्बे बहुत लोकी पौंदे सन। सच्चे पातशाह ने आपणी भैण नूं छब्बा बणवा के दित्ता ते बचन कीता ठाकरीए जिदण असीं आखांगे ओस दिन काके दे सिर पावीं। सच्चे पातशाह एह बचन करके बाहर चले गए हन। बीबी ठाकरी ओसे वक्त बचे नूं नुहा के सिर गुंदण लग्ग पई है। मुंडा ओस वक्त बहुत रोंदा है। लतां विच घुट के दबा दब मीडीआं गुंद रही है जी। जिस वक्त बचा हिलदा है ओस वक्त दो चार धफर वी मारे हन। ओने चिर नूं सच्चे पिता जाणी अंतरजामी बाहरों आ गए हन ते बचन करदे हन, ठाकरीए असां आखयां

सी जिदण असीं आखांगे ओदण पावीं, तूं हुणे लग्ग पई हैं। पातशाह नूं वेख के काके सगों ज्यादा रौला पाया है कि पातशाह मैनूं छुड्डा लैणगे। पातशाह कोलों रोंदा वेख के सहारया नहीं गया। काके नूं गोद विच बैठे नूं दोवां बाहां तों फड़ के आखदे हन। ठाकरीए छड्डदे रुवा ना, फेर सिर कर लवांगे। ओस वक्त ठाकरी पातशाह नूं भज्ज के पई, तुहानूं की महाराज जी एन्हां गल्लां नाल, किते नहीं एहदा कुछ विगड़ चल्लया। तुसां सगों एनूं विगाड़ छडया है। मेरा मुंडा है तुहानूं की। रोंदा ते रोण दयो । एने बचन कर के पातशाह दे हथ्थों मुंडा खोह लिआ है जी। पातशाह ओस वक्त गुस्से नाल बचन कीता। चंगा हुण तां मुंड्डा रोंदा है ते घड़ी पल्ल ताईं तूं रोवेंगी। पातशाह दा क्रोध नाल बचन कीता ओस बच्चे नूं काले नाग वागूं लड़ गया है। एन्हां बचन करके पातशाह बाहर चले गए हन। ठाकरी भरा वाला साक जाण के पातशाह दे हथ्थ छिणक दित्ते हन जी। जे परमेश्वर कर के सार हुंदी ते गल विच पल्ला पा के ढैह के चरनी पै जांदी ते भुल्लां बख्शां लैंदी । बचा रोणों चुप्प कर गया है अक्खां मीट लईआं ते गोड्डे ते धौण सुट्ट दित्ती। ठाकरी दे दिल विच कि सौं गया है। दबा दब सिर करी जांदी है। छेती छेती सिर कर रही है कि हुण सुत्ता है फेर जाग पिआ ते रोवेगा। सिर करके ते फेर सुत्ते पए नूं मोढे ला लिआ है ते ख़ुशी नाल ताईआं चाचीआं नूं वखौंदी है कि मैं अज्ज काके दा सिर गुंदिआं है छब्बा पा के, नाले पतासे वंडदी है। जद जनानीआं उठ्ठ के प्यार देण लग्गीआं हन ते काके दी धौण कदी एधर डिग्ग पए कदे ओदर डिग्ग पए। प्राण नहीं हन। गुजरे होए नूं मोढे लाई फिरदी है। वेख के सारीआं जनानीआं रोण लग्ग पईआं हन। रौला पै गया कि की हो गया। रौला सुण के पातशाह वी घर नूं आ गए हन जी। घर घर एस गल्ल दी बड़ी चर्चा होई कि भई जे सच्चे पातशाह ऐड्डे समरथ्थ ना होण ते सिख क्यों मथ्थे टेकण। माई भंगालीओं सत्तां कोहां तों प्रशाद लिआ के छकौंदी है। घविंड दे लोक बचन करदे हन कि भाई भंगाली वाले अंञाणे नहीं जिन्हां इक पुत्र आपणा गुरमुख सिँघ अठ्ठे पहर पातशाह दी सेवा विच दित्ता है। नाले माई गुलाबी संतनी राम पुरे वाली रोज़ सच्चे पातशाह दा थाल लुवा के लिऔदी है। सच्चे पिता दे नाम दी धन्न धन्न हो रही है। समरथ्थ दे अग्गे जेहड़ा बचन मोड़ना है बहुत माड़ा है। फेर बीबी ठाकरी पातशाह अग्गे बहुत बेनंतीआं ते मिंनतां कर रही है। पातशाह मगन बैठ्ठे हन। गागे वी बंदा चल्लया गया है कि काका गुजर गया है। अगले दिन संस्कार कीता गया है। समरथ्थ दे कोल रैहणा वी इक बड़ी कठन तपस्या है। सच्चे पिता दे कोल धन्न धन्न ते सत सत करन दी लोड़ है। छोटे भैण भरा कर के बीबी ठाकरी प्रेम बहुत करदी सी। महीने विच दो चार वेरां आण के दर्शन जरुर करदी सी। सच्चे पिता वी भैण नाल बहुत प्रेम करदे सी। कोई विहार करना होवे बिनां पुछिआं भैण तों नहीं सी करदे। गुर नानक साहिब दे वक्त बीबी नानकी दा जामा सी बीबी ठाकरी दा। एह सच्चे पिता परिपूरन सन। ओस वक्त दे प्रेम नाल फेर पातशाह दी भैण बणी है जी। पिछला प्रेम कर के पातशाह भैण नाल प्रेम करी औंदे हन जी। बीबी विच गुस्सा बहुत सी ओस गुस्से कारन एह विहार भुगताया सी। गुस्सा ते माण वाला पातशाह कोलों कुछ खट्ट नहीं सकदा। एथ्थे निरमाण रहण दी लोड़ है जी।।

साखी सच्चे पातशाह जोत सरुप बाबे मनी सिँघ नूं हुक्म दे के
कलजुग दे वर्तमान बचन लिखौणे

सच्चे पिता दी उमर हुण १७ वरे दी है। गुरमुख सिँघ हर वक्त पातशाह दे नाल सेवा विच हाज़र है। घोड़ीआं दे थां घोड़ीआं हन। जेहड़ी चीज दी लोड़ होवे उसे वक्त सिक्ख हाजर करदे हन जी। कोरीआं वाला बौहल सिँघ ते ईदा दो दो महीने पातशाह दी सेवा विच हाजर रैहंदे हन जी। सच्चे पिता जवान हो के हुण जोर करन घुलण वाले ख्याल रक्खदे हन जी। घविंड दा सरैण सिँघ ज़िमीदार घुलदा हुंदा सी ते पातशाह ओहदे नाल मुहब्बत बड़ी करदे सी। सरैण सिँघ नाल ऐड्डा प्रेम करदे सी कि उसनूं खुराक वी आपणे कोलों खुवौंदे हुंदे सन। पीपे घयो दे खरीद देणे जिस तर्हां आप बदाम पीणे ओसे तर्हां उसनूं छकौणे। सच्चे पातशाह उस वक्त तेल मलण करके कपड़े तेल नाल कुछ मैले रक्खदे हन। जिस तर्हां भलवान रक्खदे हन । सिक्खां तों बगैर किसे पता नहीं सी कि एह परिपूरन परमेश्वर सोलां कलां समरथ्थ हन। सिक्खां ते पातशाह दया कीती आप सच्चे पिता खेड मल रहे हन।।

संतां नूं आकाश बाणी रात दिन हो रही है। बाबे मनी सिँघ नूं लिखा रहे हन कि संता दिल्लीयों तिन्न मील रकाब गंज है। (जिथ्थे तेग बहादर दे धड़ दा संस्कार होया सी ) रकाब गंज कोल सुञी जगा पई है। संत नूं बचन होया कि संता करमां मारके निशानीआं ला दे। पातशाह देह करके घविंड बैठे हन। जोत करके एह विहार दिल्ली बाबे मनी सिँघ थाणीं भुगता रहे हन। जो आकाश बाणी दा हुक्म होया है, उसे तर्हां संतां निशानीआं ला दित्तीआं हन जी। उथ्थे संतां लिखाई कीती कि बड़ा भारी किला पत्थर दा बणेगा। ते अठ्ठ अरब रुपैया लग्गेगा। एस किले विच सच्चे पातशाह अंतरजामी रिहा करनगे ते नाल सच्चे पातशाह दे सिक्ख रिहा करनगे। मील मील ते सिक्खां दीआं कोठीआं पै जाणगीआं। दिने सिख पातशाह कोल रिहा करनगे ते रात नूं आपदीयां कोठीयां विच चले जाया करनगे। बवंजा साल सच्चे पातशाह घविंड पिण्ड विच रैहणगे। पातशाह जोत सरुपी सारे राजे राणियां नूं डेग देवेगा जी। जोत सरुप पातशाह लिखौदे हन ना मैं आप लड़ांगा ना सिख लड़ावांगा। चार कुण्ट धरती शब्द नाल साध लवांगा जी। मेरे ऐसे हथयार हन जिन्हां नूं कोई झल्ल नहीं सकदा। मैं जोत रुप राजे भेड़ भेड़ के मार दियांगा। वड्डे वड्डे मींह पा के, हढ़ लिया के, कलजुग दे जीव नास कर दियांगा । बवंजा साल घविंड विच रह के फेर चरन चुक्क के दिल्ली विच जाणा है। ऐसा सांग पातशाह है कोई पछाण नहीं सकदा।।

परिपूरन परमेश्वर है जिस नूं जणावे सोई जाणदा है। संतां दी कलम नाल सभ कुछ कर देणा है जी। मैं नर नरायण अवतार महाराज शेर सिँघ हां जी। निहकलंक, अमाम मैंहदी वी असीं हां जी। मैं जुगो जुग अवतार धारदा हां। चार जुग हन। चार जामे असीं औने हां । फेर जदों मेरे भगतां ते कोई भीड़ बणे उस वक्त जोत सरुपी प्रगट हो के भीड़ कट देंदे हां । सतजुग विच असीं हंसा अवतार सां। रावण नूं मारन वास्ते असां राम जी अक्खवाया। कृष्ण महाराज अक्खवाके, असां बहुत लील्हा कीतीयां हन जी। हुण कलजुग विच असीं अवतार धारया है ते महाराज शेर सिँघ नाम रक्खाया है। जोत सरुप एह सारी

लिख्त हो रही है । देह करके कोई बचन नहीं करदे, मगन रैंहदे हन। मनी सिँघ नूं लिखौंदे हन कि संतां घविन्ड पिण्ड विच सानूं कोई पछाणेगा नहीं। एह बचन पातशाह पंज साल दे करदे सन के पिण्ड घविन्ड दे साडे नाल वैर करनगे। चोरीआं वी साड्डे नां लौणगे। सानूं कोई पछाणू ना। इट्टां ढीमां वी मारनगे। सानूं लुट्टण ठगणगे वी।

ऐस वक्त पातशाह १९ साल दे हन। ते घविंड कोई चोरी होवे ते लोकी आखण लग्ग पैंदे सन, पातशाह नाल होणे ने। कारन एह कि जे कैद ना होणगे ते पैसे तां लौणगे ही। एही बेईमानी दुनियां दी सी। पिण्ड विच इक लहन्दे पासे चोरी होई सी। उस विच सच्चे पिता दा नाम वी लग्गदा है। चोर तां आखण पातशाह साड्डे नाल नहीं हन ते लोकीं आखीं जाण नाल ने। सिक्खां नूं पता लग्गा ते सुण के उसे वक्त आए हन जी। सिक्खां ने आक्खया ठाणेदारा सोच के हथ्थ पाईं, असीं वी हैंगे हां। कोई बचन वध्ध घट होया ते आप जाणेगा। ठाणेदार झिझक के पिच्छांह हट गया। सिक्खां दे गल नहीं पिआ जी। सिक्खां ने ३० रुपए ठाणेदार नूं बुक्कल विच दे दित्ते हन जी। ठाणेदार फेर पिण्ड दियां लोकां नूं गालां कढदा है कि सच्चे पातशाह चोर नहीं हन जी, जिन्हां नूं सारी दुनियां मन्नदी है। एसे तर्हां सच्चे पातशाह गबरुआं नाल फिरदे हन ते लोक वेख नहीं सखादे। पातशाह दी देह ऐड्डी जवान है कि १९ हथ्थ छाल मार जांदे हन जी। जो जोत नाल बचन लिखाए हन ओहो भुगतदे हन जी। एह सारे बचन मेरे अक्खीं वेखे नहीं हन जी, पुराणे सिक्खां तों सुणे हन जी।।

माणा सिँघ ते तेजा नूं चरनी लाणा

तेजा सिँघ दा चाचा बाज सिँघ सी। ओह पातशाह दा सिक्ख सी। उस दे घर पातशाह ते बाबा मनी सिँघ औंदे सन जी। उस दे घर पातशाह दे दर्शन कीते हन। साड्डे घर उस वक्त चार मझां सूईआं सन। साड्डा बाप कोई साधू आवे ते बहुत भा प्रेम करदा सी। संत मनी सिँघ चाचे दे घर आए हन। तेजा सिँघ दी माई ने आपणे पती नूं आक्खया कि तेरे भरा दे घर संत आए ने, दध्ुध छका आ। तेजा सिँघ दा बाप सणे मलाई दुध्ध पा के लै गया है जी। दुध्ध बाबे मनी जी अग्गे जा के रक्ख दित्ता है जी। मनी सिँघ पुछया कि बाज सिँघ एह तेरा की लग्गदा है। उस आक्खया जी मेरे चाचे दा पुत्त भरा है। बाबे मनी सिँघ बचन कीता कि भाई असां तेरा दुध्ध नहीं छकणा। माणा सिँघ उस वक्त बेनंती कीती कि बाबा जी गृहस्तीयां दा कम्म आ संतां दी सेवा करनी ते संतां दा कम्म आ मेहर करनी। बाबे होरां बचन कीता कि सानूं पातशाह हुक्म नहीं देंदे जी। ओह आखण लग्गा बाबा जी मैनूं समझ नहीं आई कि पातशाह किस तर्हां हुक्म नहीं देंदे। बौहल सिँघ सिख ओस वक्त कोल सी। होर वी सिख नाल सन। फेर बौहल सिँघ बचन कीता कि घविन्ड पिण्ड विच महाराज शेर सिँघ निहकलंक अवतार धारया है। एनां संतां नूं चानण है, आकाश बाणी हुंदी है। होर किसे नूं पता नहीं है जी। साड्डे एह गुरु हन। सानूं एन्हां पातशाह दी शरन लाया है जी। बचन सुण के माणा सिँघ गल विच पल्ला पा के ढैह के चरनी पै गया है। संतां बचन कीता कि पातशाह मासीआं शराबीआं नूं नहीं शरन

लौदे जी। बाबे मनी सिँघ हुक्म लै के पातशाह तों माणा सिँघ ते उस दा पुत्र तेजा सिँघ दोवां कोलों कसम पवाई है जी। उस वक्त माणा सिँघ तेजा सिँघ बेनंती करदे हन कि आप ई निभाओगे ते निभ जू।।

चुतालियां तों बलवंत सिँघ अते उस दे घरों बीबी बसंत कौर दी साखी

विसाखी दा दिहाड़ा सी जिदण सच्चे पातशाह शरन लाया सी। पंज जेठ दा चतालीं मेला सी। लाभ सिँघ चुतालियां दा जिमींदार सी। उस दी जनानी बसंत कौर दा मालवे विच भाई की डरोली दा जन्म सी। ओस घर छेवीं पातशाही दे वर वरुही सन जी। लाभ सिँघ दी जनानी नूं कुझ पकड़ रैंहदी सी। बेहोश हो जांदी सी, ते लोकी आखण कि कुझ चंबड़ियां होया है। कदी किसे नूं मन्नदी सी ते कदी किसे नूं। एसे तर्हां तरले लैंदी बिरध हो गई है जी। मढ़ीआं मस्साणां नूं मन्नदी फिरदी है। भुच्चर वाले बाज सिँघ दी ओह माई सस्स लग्गदी सी। बाज सिँघ मनी सिँघ अग्गे हथ्थ जोड़ के बेनंती करदा है। कि पातशाह चताली पिण्ड विच मेरी माई सस्स लग्गदी है ते बीमार रैंहदी है। सारी उमर दुख विच गुजारी है। दया करके उस दे घर चरन पाओ। बाबे मनी सिँघ नूं बाज सिँघ बेनंती करके चुतालीं पिण्ड विच लै गया है ते ओनां वी जांदयां दा आदर माण बड़ा कीता है। मनी सिँघ आकाश बाणी नाल जुड़या है। ते पातशाह बचन कीता कि संता एस माई नूं पकड़ है। संतां बचन कीता कि बाज सिँघ एह बेबे पातशाह नूं पूजेगी तां राजी रहेगी ते पातशाह एहदी सुरत वी खोल्ह देणगे। मनी सिँघ दा हुक्म माई ने सत करके मन्न लिआ है ते उस दी सुरत खुल्ह गई है। पातशाह बचन करदे हन कि माई दी सुरत असां तां खोल्ही है, एथे असां वड्डा भारी धाम बणौणा है। ओथ्थे फेर लिख्त हुंदी है ते संत मनी सिँघ ओथ्थे रैंहदे हन जी। उस माई दे तिन्न पुत्र सन दो धीयां सी। इक धी भुच्चर सी। ओह वी बहुत सेवा विच लग्ग पई है । दो पुत्र वी सेवा विच लग्ग पए हन। जिन्हां दे नाम बगा सिँघ ते हरनाम सिँघ सी। भाव उस माई दा सारा बंस सेवा विच लग्ग पिआ। कोई दिन पा के ओथ्थे मेला रचया गया। जो पातशाह दा सिख है सारयां नूं चिठ्ठीआं पाईआ गईआं कि चुताली सच्चे पातशाह दा मेला है। १५ दिन संगत मेले ते रहेगी। जेठ दे महीने विच मेला है। उस वक्त सच्चे पातशाह नूं तेईआं साल चढ़िआ है। जेठ दे महीने विच दिल्लीओ संगतां वी आईआ हन। मालवे दुआबे विचों वी संगतां हुम हुमा के दर्शनां नूं आईआ हन जी। सारी सिक्खी आई है। बुग्गे पिण्ड दा नंबरदार सुंदर सिँघ पातशाह दा सिख सी ओह वी गुरु साहिब दी महिंमा सुण के आ गया। बड़ी सख्त करामात पातशाह चुताली वरती सी। जो जूठा झूठा पातशाह दे दरबार ते जांदा सी उसे वक्त पकड़ हो जांदी सी। जे कोई जूठा भांडा जां जुत्ती लै के पातशाह दे दरबार दी छत उत्ते जांदा सी ओसे वक्त छत थर थर कंबण लग्ग पैंदी सी ते उसनूं पकड़ हो जांदी सी। उस माई नूं हर वक्त जोत पकड़ रक्खदी सी। घविण्ड सच्चे पातशाह जो कार विहार करदे सी, माई चुतालीं बैठी नूं नज़र औंदा सी। जदों एस तर्हां होण लग्ग पिआ माई दे दिल विच माण हो गया। संगत नाल माई बचन करन लग्ग पई, कि मेरे पेकयां नूं छेवीं पातशाही दा वर सी। ओह मेरे ते दया है। छेवीं पातशाही दा जस गौंदी सी, सच्चे पातशाह नूं घट्ट याद रक्खदी सी। संगतां सारयां पातशाह

दे हुक्म अनुसार दर्शनां नूं आ गईआं हन । ओधरों गुरमुख सिँघ ते सच्चे पातशाह नाल माता होरीं वी गड्डी चढ़न लई चल पए हन। संगतां सच्चे पिता नूं अग्गों वांडी लैण लई त्यार होईआं हन। पातशाह गड्डी पछड़ गए सन। माई दी सच्चे पिता अैसी सुरत खोल्ही सी, सिक्खां नूं माई बचन दस्से कि सिक्खो अजे अग्गो वाडी ना जाओ, अज्जे सच्चे पातशाह कसूरों वी गड्डी नहीं चढ़े हन। ओस दिन पातशाह ठीक नहीं चढ़े हन। अगले दिन कुकड़ दी बांग नाल गड्डी चढ़दे हन। जिस वक्त गड्डी चढ़े हन ते ओधर माई बचन कीता है कि सच्चे पातशाह हुण गड्डी चढ़े हन। जिस वक्त चुतालियां दे लागे गड्डी आई, ओस वक्त बाबे मनी सिँघ वी बचन कीता, कि सिक्खो सच्चे पातशाह महाराज शेर सिँघ विष्नूं भगवान संगतां दे वाली, अै गड्डी विच आ रहे हन। जिस डब्बे विच मेरे दीन दयाल दुनीयां दे वाली बैठे सन, ओह डब्बे जोत दे प्रकाश नाल झिरमल झिरमल कर रिहा है जी। संतां ने आक्खया ५ सिख घोड़ीआं लै जाओ ते सच्चे पिता नूं आदर मान नाल लै आओ जी। सिख सत बचन मन्न के घोड़ीआं लै के चले गए हन। होर संगतां वी सेवा बड़े प्रेम नाल कर रहीआं हन जी। अनेक प्रकार दे भोजन ते सच्चे पिता दे थाल दा प्रशाद त्यार हो रिहा है जी। सच्चे पातशाह शहर विच घुम्मण कर के १ दा टाईम कर दित्ता है। ते फेर चुताले पिण्ड विच आए हन। हुम हुमा के पिण्ड दर्शन करन आया है। छोटे छोटे बचे कोठ्ठे ते खेड रहे हन ते इक बच्चा कोठ्ठे तों थल्ले डिग पिआ है। सारी दुनियां भज के ओस मुंडे वल हो गई है । ते पातशाह दी किसे नूं सुरत नहीं रही। सच्चे पिता मेरे दीन दयाल अछल छलन छल करके ते आप घोड़े तों उतर के सिख दे घर दबा दब चले गए हन जी। संगतां प्रदेशां विचों दर्शनां नूं आईआं सन ते दबा दब सेवा विच लग्ग पईआं हन। दीन दयाल दीयां परक्रमां कर के आपणा जन्म सुफला करदीआं हन ते नाले प्रेम नाल शब्द पढ़दीआं हन कि अज दी सुलखणी घड़ी गुरां दे दर्शन होए। संगतां नूं बहुत उत्तम दिहाड़ा हथ्थ आया है जी । सच्चे पिता दा थाल लुवा के ते लंगर वरती दा है। संगतां छक छक के अनंद प्रसन्न हो रहीआं हन। जेहड़ा मुंडा कोठे तों डिग्गा है उस नूं चुक के सच्चे पिता दे धाम ते मथ्था टिकाया ते ओह खेडण लग्ग पिया है। सच्चे पिता मुंण्डे दा बहाना बणा के किसे पिण्ड दे नूं पातशाह आप दे चरनां ते निमस्कार नहीं करन दित्ती। लोकी आखण लग्ग पए कि चंग्गा महाराज आया ओन्हां दा मुण्डा मर चल्लया सी। एस तर्हां सच्चे पिता दयालू किरपालू आपणी संसार कोलों निन्दया करा रहे सन। संगतां प्रशाद छक के सच्चे पिता दी सेवा विच हाज़र हन। पातशाह पलँघ ते हन ते संगतां रुग्गे छका रहीआं हन। सच्चे पिता ऐस तर्हां संगतां विच सोंहदे हन कि जिस तर्हां तारयां विच चन्द्रमां सोभा पा रिहा है जी। धन्न ओह धरती है जिथ्थे मेरे दीन दयाल चरन पाए हन।।

सच्चे पिता दे पट्ट उत्ते ऊपर चार फोड़े सन। संगतां रुग्गे छका रहीआं सन। फोड़े सारे फिस गऐ। सारी चादर ते लत खून नाल भर गए है। अठ्ठ दिन मेला रिहा है ते पातशाह जी संगत विच अठ्ठ दिन रहे हन जी। जिस दिन पातशाह नूं गिआं नूं चार दिन होए सन, संतां नूं पातशाह बचन दित्ता असीं २१ साल गरीबी वाला बाणा पहिनिआं है। किसे नूं जताया नहीं। हुण असीं अज्ज तों माड़ा कपड़ा नहीं पहिनणा ते अठ्ठीं पहिरीं जरुर वरदी

साफ करया करांगे। बावीवें साल विच सतिजुगी चिटा बाणा राजधानी पहिनणा है। छोटे भुचरों माणा सिँघ सिख है। उस ने उठ के गल विच पल्ला पा के बेनंती कीती, कि सच्चे पिता दीन दयाल मैं आप दी पुशाक सुवा के लिऔंदा हां, मेरे ते दया करो जी। सच्चे पिता सिख दी बेनंती मनज़ूर कर लई है। सिख ने तरन तारन जा के बनारसी पग्ग, रेशमी वधीआ चादर कुड़ता ते तिले दा सारा कढ़िआ जोड़ा लै आया है। अगले दिन पातशाह अशनान कर के पुशाक पहिन के पलँघ ते बैठ गए हन जी। ओस वक्त बुग्गिआं वाले सुंदर सिँघ ने घोड़ी सच्चे पातशाह दी सेवा विच भेट कीती। होर संगत ने वी सेवा पुज्जदी सरदी कीती है जी। १४ सौ रुपय्या ओस वक्त सच्चे पिता नूं भेटा होई है जी। परातां मठ्ठयाई दीआं अग्गे रक्खीआं हन जी। फुल्लां दे हार सच्चे पातशाह दे गल विच पाए हन। संगतां दर्शन कर के निहाल हो रहीआं हन जी। संगतां फेर लंगर वरतौण लग्ग पईआं हन जी।

चुतालिआं वालयां सिखां दे खरबूजे पक्के सन ते लिआ के प्रेम नाल फाड़ीआं कर के परात भर के पातशाह अग्गे रक्खी है ते संगतां नूं वरता रहे हन। फेर बाहर नूं सच्चे पिता चले गए हन। खरबूजिआं दीआं फाड़ीआं वाली परात सच्चे पातशाह पलँघ ते रक्ख गए हन जी। माहविओ इक घुमिआरी सी सिध पधरी, उस ने पलँघ उत्तों खरबूजे दी फाड़ी फड़ के खा लई। ओसे वेले जूड़ी गई ते तड़फण लग्ग पई। मछी वागूं तड़फे ते नाले सप्प दा भय पातशाह दे रहे हन। सारी संगत हैरान परेशान हो रही हो। बाबे मनी सिँघ पुछया बेबे जी तैनूं की गल है। ओह आपणी जबानी दस्सदी है कि मैं पातशाह दे पलँघ तों चोरी खरबूजे दा प्रशाद खा लिआ है। माई ओथे जूड़ी पई सी। पातशाह कोल नहीं जा सकदी सी। बाबे मनी सिँघ बचन कीता कि संगते तुसीं पातशाह अग्गे बेनंती कर के एस नूं भुल बख्शा दिओ। सच्चे पिता ओने चिर नूं बाहरों आ गए हन। सिखां रल के गल विच पल्ले पा के बेनंती कीती, पातशाह दया करो। माई गरीबणी नूं बख्श दिओ, बड़ी औखी है। जीव हर वक्त भुलणहार हन ते आप बख्शणजोग जो। पातशाह बचन करदे हन कि बाबा असीं ओहो खरबूजे दी फाड़ी लैणी है। सिख बेनंती करदे हन कि असीं चंगे चंगे खरबूजिआं दी पंड लिआ दिंदे हां। पातशाह आखदे हन असां बहुते लैणे नहीं, ओहो फाड़ी लैणी है। तरले मिंनतां कढ्ढ के, सिखां ने पातशाह मनाए हन।।

बुग्घिआं वाला सुंदर सिँघ जदों पंजवें दिन मुड़ के वापस आपदे घर नूं गया है। उस दी भरज्जाई गुस्से हुंदी है कि ऐने दिन तूं किथ्थे ला के आया हैं। तैनूं पिच्छला फिकर नहीं। सुंदर सिँघ बचन करदा है कि भागां वालीए मैं परिपूरन सोलां कलां संपूरन महाराज शेर सिँघ विष्नूं भगवान दे दर्शन कर के आया हां। ओह आखण लग्गी केहड़ा तेरा पिओ ऐड्डा करामाती है, मैं भलके जा के वेख लवांगी। अगले दिन गए ते ओह भी जूड़ी गई।कट्टे वागूं अड़िंग रही है। फेर उठ के पातशाह अग्गे बेनंती कीती। माड़ा बचन बोलण वाली भुल्ल बख्शाई। सच्चे पिता बड़े दया दे समुंदर सन ते सिक्खां ते बड़ी दया करदे सन। माई नूं बख्श के आपणी चरनी ला लिआ।।

अठ्ठ दिन पातशाह चुताली रहे सन। अठ्ठ दिन शब्द बाणी दी घनघोर हो रही सी। इक माई घुमिआरीवां पिण्ड दी सी ते वीर सिँघ गग्गो बूए वाला एह दोवें नामधारीआं दी सिक्खी विच सन, फेर सच्चे पिता दी शरन लग्गे हन जी। माई मस्तानी ते दिल्ली दीआं बीबीआं गोपीआं दा वेस कर के पातशाह दे पलँघ दे चार चुफेरे रास मंडल पौंदीआं हुंदीआं सन ते प्रेम नाल बिष्न पदे पढ़दीआं हुंदीआं सन, पलँघ दीआं परक्रमां करदीआं हुंदीआं सन। अठ्ठ दिन एस तर्हां चुताली रौणक रही सी। फेर पातशाह सिक्खां नूं ख़ुशीआं दे के आप नाल माता नैणों ते गुरमुख सिँघ घविंड आ गए हन। मगरों संतां नूं आकाश बाणी नाल पातशाह लिखौंदे हन, संता एथ्थे चुतालीं १५ दिनां पिच्छों संगत कठ्ठी होया करेगी, मस्सया ते पुन्नया वाले दिन। लिखाई विच चुतालिआं वाले धाम दा नाम हजूर साहिब रक्खया है।।

बाबा मनी सिँघ संगतां नूं लै के घविन्ड पिण्ड नूं तुर पिआ है। जिस वक्त तुरे औंदे हन, ते रस्ते विच ‘‘तेजा सिँघ वाला’’ पिण्ड आया है। संगतां पैदल अग्गे पिच्छे तुरीआं आ रहीआं हन। रस्ते विच इक डंडी उते बड़ा भारा रेरु दा पेड़ सी। संगतां छां वेख के हेठां बैह गईआं हन। बाबे मनी सिँघ नूं पातशाह आकाश बाणी दित्ती कि संता रेरु हेठों संगत उठा दे, एस दी उमर मुक्की होई है। संतां ने संगतां उठा के १० करमां आंहदा है ते रेरु गड़ गड़ा के डिग पिआ, जड़ां तों पुट्टिआ गया है। एह कौतक वेख के संगतां धन्न धन्न कर रहीआं हन। सच्चे पिता दे नाम दा जस गा रहीआं हन जी। धन्न है मेरा पिता जेहड़ा जंगलां पहाड़ां नदीआं दरआवां विच वी हर वक्त अंग संग हो के सिक्खां ते दया करदा है जी। ऐसे तर्हां सच्चे पातशाह गरीब सिक्खां ते दया करन।।