सच्चे पातशाह गुजर सिँघ दे पिण्ड बाले चक्क जाणा
इक दिन बाले चक्क वाले गुजर सिँघ आ के बेनंती कीती, कि सच्चे पातशाह साड्डे पिण्ड चल के दर्शन दयो ते साड्डी गरीब दी कुल्ली चरन पा के पवित्र करो। सच्चे पातशाह सिख दी बेनंती परवान कर लई ते गड्डी चढ़ गए हन। ओस समें अैसा खेल होया, कि स्टेशनां नूं अग्गां लग्गण लग्ग पईयां ते हड़तालां हो गईयां। आपस विच दुनियां वढण टुकण लग्ग पई। रात सच्चे पातशाह रेल ते ना चढ़े कसूर शहर इक गुरुद्वारे सिक्खां समेत रात कट्टी। गुरुद्वारे जेहड़ा रात कट्टदा सी, ग्रन्थी उस दा नाम लिख लैंदे सन जी। पातशाह ते सिक्खां दा वी नाम लिख लिआ। ओस वक्त पातशाह दे नाल सिख, चेत सिँघ कलसिआं दा, बाले चक्क वाला बुध सिँघ, गुजर सिँघ, इन्द्र सिँघ चुबाल वाला सी। स्टेशन सड़े होए कर के सारे पछांह मुड़ पए हन। इक ज़िमीदार हंदाल दा, डैरीआं देंदा सी। ओस ने पातशाह दा नां वी लिख के घल्ल दित्ता कि गुरुद्वारे रहे हन, नाल ही सिख हन जी। जिन्हां दे नां लिख के घल्ले सन, ओन्हां नूं पुलस फड़ के लै गई बैंत वजणे शुरु हो गए। ऐसा पापी पाप कमाया, पातशाह ते सिक्खां नूं वी पुलस फड़ के कसूर लै गई। महाराज होरीं सिक्खां समेत अदालत विच लघँ गए हन। अदालत वाले ने पुछया कि महाराज तुसीं ओस दिन एथ्थे सो जदों स्टेशन सड़िआ है। पातशाह आक्खया जी असीं शहर विच आए सी स्टेशन नूं अग्ग लग्गी होई सी। असीं गुरुद्वारे रात कट्ट के ते सवेरे नां लिखां के पिण्ड नूं चले गए हां जी। जिस ने नां लिखाया उस नूं असीं तां जाणदे नहीं। अदालत वालयां जिस ने डैरी दित्ती सी उस नूं पुछया कि जदों घविन्ड वाले पातशाह औणगे ते तूं पछाण लएंगा ? उह आखण लग्गा कि जी मैं जदों औणगे तुहानूं दस्स दिआंगा। फेर अदालत वाले आक्खया उठ के वेख तां ऐहनां बंदिआं विच महाराज होरीं हैगे ने कि नहीं। ओह आखण लग्गा एथ्थे महाराज होरीं
नहीं हन। पातशाह कोल बैठे सी। दो चार बंदे होर अदालत वालयां सदे। ओह आखण लग्गे जी एह घविंड वाले महाराज हन। ओन्हां महाराज दा नां लै दित्ता। पातशाह जिस वक्त नां देण वाले तों पछाणे नहीं गए, अदालत वाले आक्खया, एह झूठ मारदा है ते गुरद्वारे विच्चों लिखे नां वेख के लोकां नूं फड़ाई जांदा है। जो उस ने आदमी फड़ाए सन, ओह सारे बरी कर दित्ते ते उस नूं १० साल दी कैद ते १०० बैंत दा हुक्म दित्ता गया है। सच्चे पातशाह दे अदालत जाण नाल कईआं शरीरां दे बंधन कट्टे गए हन जी।।
फेर घोड़िआं ते चढ़ के सच्चे पातशाह बाले चक्क नूं गए हन जी। अठ्ठ दिन बाले चक्क संगतां विच रहे हन। होर संगत वी नाल बहुत दर्शन कर के जन्म सफला कर रही है। रात फेर सच्चे पातशाह गड्डा जोह के नाल संगतां लै के घविंड नूं आ रहे हन जी। नैहरे नैहर गड्डा औंदा है, ते पातशाह हस्स के बचन बलास करदे हन, आसा सिँघ मंग जो जी करदा ई, असीं तैनूं देईए। आसा सिँघ आक्खया, सच्चे पातशाह मैनूं तां मंगण दी जाच नहीं। बुध सिँघ नाल सलाह करके मैं तुहाथों मंगू, जो मेरा जी कीता। सच्चे पातशाह सिख दे नाल हासे पए हन कि आसा सिँघ तीसरा बचन है, मंग जो मंगणां है। सिख भोला भाला हैगा है ते उस आक्खया जी सलाह करके मैं तुहाथों मंगू। इक दिन सच्चे पातशाह गड्डे दे उत्ते बैठ खेतों आए हन। नैहरो नैहर गड्डा आ रिहा है। ते सच्चे पातशाह ख़ुश हो के हस्स के आकड़ लै के लत्तां सिधीयां कर के बचन कीता, कि बुध सिँघ जे तूं आखे ते ऐस पासओ नैहर दे दूसरे पासे लत्त लंघा के वखा देईए। बुध सिँघ हथ्थ जोड़ के बेनंती कीती सच्चे पिता दयालू किरपालू तुहाढ्ढे अग्गे किहड़ी वड्डी गल्ल आ। तुसीं जो चाहो कर सकदे जे। तुसीं ओह सच्चे पिता जे जिनां कृष्ण दे जामें विच गोवर्धन पहाड़ चीची ते चुक छड्डिआ सी। दीन दयाल तुहाढ्ढी महिंमा वेद पुराण नहीं कर सकदे। तुसीं बेअंत जो। सच्चे पातशाह हस्स के आखण लग्गे, बुध सिँघ अजे वेला नहीं आया, दुनियां तों असां ओहला रक्खणा है। जदों मौका होया तुहानूं बड़ा कुछ वखाया करांगे। सच्चे पातशाह कदी कदी एहो जिहो बचन सिक्खां नाल करदे सी, नहीं ते थोड़े कीतियां किसे नूं आप नहीं सी जणौंदे।।
पाल सिँघ नूं कृष्ण भगवान दे दर्शन
ते चरनी लग्गणा
पाल सिँघ जेठूवाल वाला बार विच रैहंदा सी। माणा सिँघ भुच्चर वाले नूं वी २७ चक्क बार विच मुरब्बे मिले होए सन। तेजा सिँघ दा बाप माणा सिँघ सी। पाल सिँघ तेजा सिँघ नूं पुच्छदा है कि अवतार दे की लच्छन हन। तुसीं किस तर्हां महाराज लभ्भा है। तेजा सिँघ बचन दस्सणे कि संतां ने महाराज होरां नूं लभ्भा है ते सानूं वी बाहों फड़ के निहकलंक अवतार दे चरनी लाया है जी। सच्चे पातशाह दे बचन सुण के प्रेम औंदा है ते गल्लां दा यकीन नहीं सी औंदा। फिर माणा सिँघ वी भुच्चरों ओथ्थे २७ चक्क गया। पाल सिँघ आंदा है चाचा जी तेजा सिँघ आंहदा है, कि पातशाह अवतार धारया है, सच्च है कि झूठ है। माणा सिँघ बड़े प्रेम नाल सच्चे पातशाह दी उस्तत करके पाल सिँघ नूं
बचन सुणा रिहा है ते आपणी जबान पवित्र कर रिहा है। पाल सिँघ बचन सुण के निहाल हो रिहा है। पाल सिँघ आंहदा है, चाचा, मेरे वी धन्न भाग होणगे जदों दर्शन होणगे, तेजा सिँघ दा मैनूं यकीन नहीं सी औंदा। माणा सिँघ आखण लग्गा, पाल सिँघ तैनूं सिर्फ यकीन करन दी लोड़ है, तैनूं आपे चरनी ला लवेगा। एथ्थे बैठे नूं दर्शन दे देणगे। पातशाह किते दूर नहीं हन। ध्यान रक्खण दी लोड़ है। फिर रात दा समां है, पाल सिँघ मुरब्बे विच पाणी ला रिहा है। दीन दयाल सच्चे पातशाह कृष्ण दे जामे विच दर्शन दित्ता है। सवेरे पाल सिँघ बचन करदा है। चाचा माणा सिँघ, अज्ज मैनूं सच्चे पातशाह कृष्ण दे जामे विच दर्शन दित्ता है जी। बड़े प्रेम नाल बचन बलास कर रहे हन जी। दिल नूं बड़ा प्रेम जागया। आखण लग्गा, तेजा सिँघ जदों तुसीं घविन्ड नूं जाओगे मैं वी जरुर जावांगा। पाल सिँघ आक्खया, सानूं जनजाती व्याह है, ते ओस दिन तूं वी तेजा सिँघ चलें ते घविन्ड चले चलीए। जिस वक्त जनजातीयां तों व्याह वेख के घविन्ड गए हन, पाल सिँघ पुच्छण लग्गा कि तेजा सिँघ मैं किस बिध नाल शरन पवां। उस आक्खया कि ५ कूजे मिश्री दे ते जो पूजा तैथों बणदी है ओह नाल रक्ख के गल विच पल्ला पा के निमस्कार करीं कि सच्चे पिता मेरे ते मेहर करो। तेजा सिँघ ते पाल सिँघ घविंड आ गए हन। सच्चे पातशाह पलँघ ते बैठे हन। ते परशाद एन्हां थालां विच पा के हथ्थ जोड़ के निमस्कार कीती। सच्चे पातशाह आखण लग्गे तेजा सिँघ साड्डी धारन तैनूं पता है। तेजा सिघ आक्खया जी पता है। ते आखण लग्गे पाल सिँघ नूं दस्स दित्ता ई। तेजा सिँघ आक्खया जी मैं दस्स दित्ता है कि सच्चे पातशाह दीन दुनी दे वाली मास शराब ते झूठ अपराध तों मना करदे हन जी। पाल सिँघ हथ्थ जोड़ के खलोता सी। आखण लग्गा सच्चे पातशाह आप ही मेरे सिर ते हथ्थ रक्खोगे ते मैनूं बचाओगे। दीन दयाल हुण दया करके मैनूं आपणी शरन ला लउ जी। जिस वक्त बेनंती कीती गई ते सच्चे पातशाह पाल सिँघ नूं प्रशाद दित्ता ते फिर सारी संगत नूं वरताया गया। पाल सिँघ कढ़ाह परशाद वास्ते वी पैसे दे दित्ते ते शरन लाए दी ख़ुशी मनाई। दर्शन कर के आपणा जन्म सुफला कीता। फिर प्रेम नाल छेती छेती औंण लग्ग पया।।
पातशाह दा २७ चक्क जाणा
इक दिन पाल सिँघ बेनंती करदा है कि सच्चे पातशाह बार विच मैनूं दर्शन दयो। गरीब दी कुल्ली नूं चल के भाग लाओ। इक बुध्ध सिँघ नागे किआं दा २७ चक्क रैंहदा सी, ओह वी शरन लग्गा। इक नथ्था सिँघ रामगढ़ीआ सिँघ सी, ओह वी शरन लग्गा। मज़्हबी हेम सिँघ सी, ओह वी बचन सुण के शरन लग्गा। पाल सिँघ दे भरा सन आत्मा सिँघ, जीऊण सिँघ, सुंदर सिँघ, सारा परिवार सच्चे पातशाह दी शरन लग्गा है। बड़ी किरपा होई है। पाल सिँघ दी बेनंती परवान कर के सच्चे पिता बार नूं २७ चक्क गए हन। एथ्थों पातशाह दे नाल चेत सिँघ कलसीआं वाला ते तेजा सिँघ सेवा विच सच्चे पिता दे नाल ही गड्डी चढ़ के चले गए हन। अग्गे सारे सिख अगल वाडी लैलपुर पातशाह नूं लैण आए हन। जिस वक्त सच्चे पातशाह लैलपुर जा के गड्डी तों उतरे हन, सिक्खां बड़ी ख़ुशी मनाई। दर्शन कर के निमस्कारां कीतीआं ते परक्रमां कीतीआं हन। फिर सारयां बेनंती कीती कि सच्चे
पातशाह दया करो ते आप दा फोटो लुवाईए। पातशाह बेनंती परवान कर लई ते दुकान नूं तुर पए हन। सच्चे पातशाह कुर्सी ते बैठ गए हन। आत्मा सिँघ, पाल सिँघ, बुध सिँघ, हेम सिँघ, नत्था सिँघ, चेत सिँघ, तेजा सिँघ सारे सिख खलोते हन। फुल्लां दे हार पातशाह दे गल विच पाए हन। फोटो लुहा के फिर टांगे ते बैठ के सच्चे पातशाह ते सिख २७ चक्क चले गए हन। ८ दिन ओथ्थे दया कीती है। बुध ने बड़ा सोहणा बग्गे रंग दा बौलद सच्चे पिता नूं सेवा दित्ता है। १०० रुपैया पाल सिँघ निमस्कार कीती। पुज्ज आई सेवा दूसरयां सिक्खां ने वी कीती है। पातशाह नूं पुशाकां, रेज़े कपड़े ते पीपा घिउ दा दित्ते हन। बड़ीआं सारी संगत नूं अठ्ठ दिन ख़ुशीआं रहीआं हन। फिर सच्चे पातशाह त्यार हो पए हन जी। दूसरे पिण्ड तक सिख ते बीबीआं माईआं तोरन आईआं हन। माईआं ख़ुशीआं लै के मुड़ पईआं हन, ते सिख लैलपुर आ के गड्डी चढ़ गए हन। इक गड्डी विच बौलद वी पातशाह चढ़ा लिआए हन ते घविंड आ गए हन जी। ऐड्डी दया संगत ते कर आए हन सारी संगत अठ्ठे पहर सच्चे पिता दा जस कर रही है जी।।
भुच्चर वाले बलवंत सिँघ दी साखी
बलवंत सिँघ भुच्चर पिण्ड दा सिख सी। उस पासों ऐड्डा पाप हो गया कि आपणे सके भरा नूं गुस्से विच आण के मार दित्ता ते बलवंत सिँघ फड़या गया। ओस दे घरों आ के उस दी जनानी ने बेनंती कीती। पातशाह आखण लग्गे, उस ने बड़ा अपराध कीता, बख्शण वाला नहीं गा। ओस ने बड़ी अधीनगी नाल बेनंती कीती, कि सच्चे पातशाह तुहाढ्ढा सिख आ, दया करो। लागे जेहड़े होर सिख सन उन्हां वी बेनंती कीती। दीन दयाल दया करो। पातशाह आक्खया, अच्छा असीं ओथ्थे आवांगे भुच्चर। पातशाह ते तेजा सिंघ अमृतसर गए हन। इक सुरजण सिँघ भुच्चर दा सिँघ सी। ओह वी बलवंत सिँघ दीआं तरीकां ते जांदा सी। सुरजण सिँघ वी पातशाह अग्गे बेनंती करदा है कि पातशाह तुहाढ्ढा सिख है ते तुहानूं लाजां ने। लछमण सिँघ दी दुकान ते अमृतसर पातशाह बिराजमान हुंदे सन जी। सभ तरीकां भुगत के ते सेशन दी तरीक रैह गए सी। पातशाह बेनंती परवान कर के आखण लग्गे, अज्ज सारी रात शब्द पढ़ो ते फेर सवेरे सवेरसार साड्डे अग्गे बेनंती करिओ जे। सच्चे पातशाह बेनंती परवान कर के, सवेरे तरीक सी, तरीक ते गए हन। बलवंत सिँघ नूं जेल दे विचों हथ्थकड़ी मार के अदालत विच भुगतौण वास्ते लै आंदा है। इक बलवंत सिँघ दा पुत्त ते १ होर कसंगी सी। तिन्न जणे मारन वाले फड़े हन। तेजा सिँघ सुरजण सिँघ ते सच्चे पातशाह तिंन जणे जिथ्थे बलवंत नूं सिपाही लै के बैठे सी ओथ्थे चले गए हन। लीड़ा वछा के बलवंत सिँघ दे लागे सच्चे पातशाह नूं बिठा दित्ता है। तेजा सिँघ बलवंत सिँघ नूं आक्खया कि बलवंत सिँघ ऐस वक्त तेरा कोई भैण भरा साक अंग सच्चे पातशाह तों बिना है। ओस बलवंत सिँघ उठ्ठ के गल विच पल्ला पा के बेनंती कीती ऐस वक्त मैं मिट्टी हां, ते सच्चे पिता दीन दयाल त्रिलोकी नाथ खण्डां ब्रहिमण्डां दे मालक तों बिनां मेरा कोई नहीं है। पातशाह आखण लग्गे, बलवंत सिँघ तूं पाप बड़ा कीता, भरा नूं मारना नहीं सी। बलवंत सिँघ बेनंती कर के आखण लग्गा, सच्चे पातशाह मैनूं भुल्ल बख्शो। पातशाह आक्खया चंगा, हुण हौसला ना ढाह, तैनूं लै चलांगे। ओधरों कचैहरी

तेजा सिँघ भुच्चर, चेत सिँघ कलसीआं, नथ्था सिँघ चक्क नं : २७, महाराज शेर सिँघ जी, पाल सिँघ चक्क नं : २७, बुध्ध सिँघ चक्क नं : २७, आत्मा सिँघ चक्क नं : २७,
विच वाज वज पई। महाराज होरी वी नाल अंदर लघँ गए हन। ओथ्थे फेर गवाहां ने बहुत गवाहीआं दित्तीआं। सबूत हो गया कि बलवंत सिँघ हक्की कातल है। किसे बहाने छुट्ट नहीं सकदा। जो होर वी सुणन वाले सन आखण लग्गे कि बलवंत सिँघ हुण छुटदा नहीं, फाहे लग्ग जावेगा। जिस वक्त कचैहरी विचों बाहर निकले, दुश्मनां बड़ी ख़ुशी मनाई कि बलवंत सिँघ हुण फाहे लग्ग जावेगा। बहुत चंगे ब्यान हो गए हन। पातशाह ने इक बंदा भुच्चर विच घल्लया ते आक्खया जाह जा के ढोल मार दे कि बलवंत सिँघ बरी हो गया है। असीं भलके नाल लै के आवांगे। सुणन वाले बड़े हैरान हन। ब्यान बहुत सख्त होए हन। किसे बहाने वी बलवंत सिँघ नहीं छुट्ट सकदा ते महाराज होरी आंहदे हन असीं कल नाल लै के जावांगे। अगले दिन हाकम ने हुक्म दी तरीक रक्ख दिती। अगले दिन जिस वक्त कचैहरी विच बलवंत सिँघ गया ते अफसर आखण लग्गा, बलवंत सिँघ तूं हक्की कातल है ते तैनूं परमेश्वर बदो बदी छुडा रिहा है, तूं बरी हो गया है। जिस वक्त बरी हो के बाहर आया है, सारी दुनीयां हैरान परेशान हो रही है। आंहदे हन कि महाराज होरीं बड़े समरथ्थ हन।सारी दुनीयां हुम हुमा के वेखण आई है,कि आह महाराज हन जिन्न्हां बलवंत सिँघ नूं छुड़ाया है। बलवंत सिँघ पातशाह दे चरनां ते पिआ है। ‘‘तेरे कवण कवण गुण गावां जीभा मेरी इक मालका’’। आप ही जाणी जाण हन जी।।
बाले चक्क वाले बुध्ध सिँघ दी साखी
इक दिन दा बचन है कि बुध्ध सिँघ बाले चक्क वाला बेनंती कर के पातशाहां नूं बाले चक्क लै गया नाल माता होरीं साहिबजादे ते होर सिख वी हन। अठ्ठ दिन सच्चे पातशाह ओथ्थे रहे हन। विसाखी दे दिहाड़े ते गए हन। बुध्ध सिँघ ने सप्रस दान सच्चे पिता नूं कीता। जो चीजां सन घर विच मंझी, गाईं, बलद, गडा, रज्जाई, तलाई, चौके दे भांडे, मंजी पीड़ी, गल्ल की जो चीज घर सी, सभ सच्चे पातशाह नूं निमस्कार कर दित्ती। जल पीण वास्ते वी इक बर्तन घर नहीं रक्खया। बेनंती कर के हथ्थ जोड़ के आखण लग्गा, सच्चे पातशाह अज्ज मेरे धन्न भाग होए हन। तिन्न वेरां बुध्ध सिँघ ने एसे तर्हां सप्रस दान कीता है जी।।
इक वेरां सारिंगड़ा पिण्ड ज़िमीदारां दे घर इक सुंदर घोड़ा सी। सस्ते भा विच ५०० रुपैया मुल्ल मंगदे हन। पातशाह वाला घोड़ा कुछ बिरध हो गया सी। बुध्ध सिँघ दा दिल कीता कि मैं पातशाह नूं सारिंगड़े वाला घोड़ा लिआ दिआं। पातशाह नूं आखण लग्गा, सच्चे पातशाह, सारिंगड़े वाला घोड़ा आपां लै आईए। पातशाह आक्खया, बुध्ध सिँघ ५०० रुपैया मुल्ल मंगदे हन। बुध्ध सिँघ आखण लग्गा, पातशाह, ५०० दे दिआंगे। महाराज, चेत सिँघ ते बुध्ध सिँघ सारिगंड़े नूं घोड़ा लैण चले हन जी। घोड़े वाले पंज सौ रुपैया मंगया ते बुध्ध सिँघ आक्खया ५०० लै लओ। फिर आखण लग्गे असां हजार लैणा है। बुध्ध सिँघ आक्खया हजार लै लईं, हजार लै लओ। फिर आखण लग्गे यारा सौ लैणा है। बुध्ध सिँघ आक्खया चंगा, यारां सौ लै लओ जी। फिर आखण लग्गे असां तां घोड़ा वेचणा नहीं है। पातशाह आखण लग्गे बुध्ध सिँघ हुण घोड़ा नहीं लैणा, आओ हुण चलीए।
बुध्ध सिँघ ने फिर ११ सौ रुपैया पातशाह नूं निमस्कार कर दित्ती। आखण लग्गा तुहाढ्ढे घोड़े दे नां दा पैसा है, मैं नहीं रक्खणा। उस तों कुझ दिन बाद सारिंगड़े वालयां चोरी कीती ते सारे हवालात विच हो गए। पातशाह नूं सनाह घल्लदे हन कि ५०० रुपैआं नूं घोड़ा लै जाओ। पातशाह मनां कर दित्ता कि असीं तां हुण घोड़ा ऐवें देवें तां वी नही लैणा। जे तुसीं ओस वक्त पंदरां सौ मंगदे ते असां ओह वी दे औणा सी।।
बुध्ध सिँघ बाले चक्क वाले विच बड़े गुण सी। इक तां तिन्न वेरां उस सप्रस दान कीता है ते दूसरा सच्चे पिता उस नूं बल बड़ा बख़शया सी। १८ मण पक्के दा रेल दा गाडर मोडे ते चुक के तुर पैंदा सी। तीसरा उस विच शांती बड़ी सी। एनां बल रक्खदा सी कि इक वार घविंड दे वसनीक पातशाह नाल झगड़ पए, ते सारे सिख कोल सन। दिन डुब्बे दा टैंम सी। २० सेर पक्के दा खिंगर वगाता मारेयां चबारे विच, ते इक बीबी नूं वजा ओह बेहोश हो गई। इक नूं सोटा मारेया ते दूसरी वार ओह अग्गों उठ्ठया नहीं। ऐसा वगाता सोटा फेर मारेया दूसरे घर जा के अगले नूं बेहोश कर दित्ता। ऐसी रात लड़ाई होई सारा पिण्ड महाराज होरां नूं मारन पै गया। गढ़िआं वागूं इट्टां ढीमां वरदीआं हन। सच्चे पातशाह ओस वक्त हथ्थीं घविन्ड विच लड़े हन, नाल सिख हन। ओस वक्त सिख शेरां वांग पए गज्जदे हन। सारे पिण्ड नूं भाज पा दित्ती है। ऐसा भियानक समां वरतयां है जी। इक नूं पातशाह टकूआ मारेया ते उसदा सिर फट गया है जी। जिस वक्त मर गया मर गया हो उठी, सभ भज्ज गए हन जी। ऐसे दयालू सी किसे नाल गुस्सा नहीं सी करदे, सट्टां खा के सवेरे फेर पातशाह दे कोल बैठे हन जी। तिन्न वेरां एसे तर्हां पिण्ड लड़ाई करन पया है। सच्चे पातशाह एसे तर्हां सिक्खां नूं नाल लै के लड़दे रहे हन जी। जिस तर्हां मनी सिँघ तों सच्चे पातशाह लिखत पवाई सी कि घविंड पिण्ड सानूं इट्टां ढीमां मारनगे, ओहो कारन भुगत गया है। दीन दयाल आप ही सभ कुछ कर रहे हन।।
पातशाह दे घोड़े ते कुत्ते बारे
बुध्ध सिँघ पातशाह दे घोड़े दी बड़ी सेवा करदा हुंदा सी। ४० साल दी उमर दा पातशाह दे हेठां घोड़ा सी। बुध्ध सिँघ ने आपणे घर खड़ के घोड़ा बड़े प्रेम नाल सेवा कीती। सच्चे पातशाह विसाखी ते दवाली ते जा के मंडी विच घोड़ा भजौंदे हुंदे सी। सौ रुपैआ घोड़े दे गल नाल बंन्ह देणा। जेहड़ा घोड़ा ज्यादा भज्जे, ओहो लै लवे। दीन दयाल दे साम्हणे कौण बराबरी कर सकदा है। ऐना घोड़ा तुरदा सी इक मिंट विच १ मील जांदा सी जी। सच्चे पातशाह दा इक घोड़ा तेलीआ कमैत रंग दा सी। भंगाली वाले गुरमुख सिँघ सेवा विच दित्ता सी। इक दिन सच्चे पातशाह शिकार चढ़े हन। ते बहुत सारे नगर दे आदमी नाल हन। लागे लागे दे शिकारी वी नाल बहुत हन। घविंड दा इक ज़िमीदर सी। उस पैली नूं पाणी लाया होया सी। १२ करम दा क्यारा पाणी दा भरया होया सी। लागे पैली वाला ज़िमीदार खलोता है। पिच्छों शिकार निकलया है। कुत्ते मगर लग्गे हन। मगरे सच्चे पातशाह ने घोड़ा ला दित्ता है। शिकार ते कुत्ते क्यारा भरे होए विच दी लघँ गए हन जी। मगरों पातशाह घोड़ा भजाया ते १२ करम घोड़ा छाल मार के टप्प गया है।
ओह ज़िमीदार वेख रिहा है। सारयां शिकारीआं नूं ज़िमीदार आंहदा है कि पातशाह दे घोड़े ने ऐड्डी छाल मारी है। ओह आंहदे हन, भई घोड़े दी ताकत नहीं, पातशाह दी ताकत है। एह तां भावें घोड़े तों पहाड़ टपा देण, एन्हां अग्गे कोई वड्डी गल नहीं। ओस वक्त सच्चे पातशाह शिकार दा बड़ा शौक रक्खदे सी। एह घोड़ा ओह सी जो छेवीं पातशाही दे वक्त सिक्खां ने काबलों आंहदा सी। राह विच काजीआं लुका लिआ सी। काजी लहौरोंं अमृतसर वेचण गया ते अमृतसर सिक्खां ने सिआण लिआ सी ते फेर लिआ के छेवीं पातशाही नूं दित्ता सी। बोल फरोसी होई सी। काजी सिक्खां नूं आखण लग्गा मैं तुहाढ्ढा जवाई बण के घोड़ा लवांगा जी। बाबा बुढ्ढा आखण लग्गा तूं तां नहीं जवाई बण सकदा, एस घोड़े वाला तेरा जवाई बणेगा तेरी धी लिआवेगा। फेर बाबे बुढे दा बचन सत करन बदले छेवीं पातशाही काजी दी धी कौलां नूं लिआए सी। हुण सच्चे पातशाह महाराज शेर सिँघ दे चरनां विच एस घोड़े दी गति होवेगी।।
पोठोहार विच्चों सच्चे पातशाह इक कुत्तयां दी जोड़ी मंगाई है। सच्चे पातशाह काले कुत्ते नूं बड़े शौक ते प्यार नाल पालया है जी। कुत्ता बड़ा भज्जदा सी। कुत्ता सूरां ते गिदड़ां दे शिकार नूं मिंट नहीं सी लग्गण देंदा। एह कुत्ता, ओस वक्त दा बचन करदे हां कि जदों छेवीं पातशाही नूं जहर दित्ता ओहनां फड़ के खीर कुत्ते अग्गे रक्ख दित्ती ते कुत्ता खा के गुजर गया सी। हुण पातशाह दे चरनां विच आया है। सच्चे पातशाह जाणी जाण अंतरजामी ओस वक्त दे कुत्ते दे गुण नूं वेख के एस नाल प्यार करदे हन। कलजुग विच जामा धार के जुगां जुगां दे विछड़यां नूं ढूंड के लभ्भ के सच्चे पिता ने चरनी लाया है जी। हुण एस कुत्ते दी गति करनगे जी। सच्चे पिता जेहड़ा शिकार वी खेड्डदे रहे हन एसे तर्हां जंगलां दे जीआं दी दर्शन दे के गति करदे रहे हन। ओन्हां दी महिंमा ओह ही जाणदे हन जी।।
रतन सिँघ आलमगीर वाले सिख दी साखी
लुधिआणा दे ज़िले आलमगीर नगर दा छींबा सिख रतन सिँघ सी। आण के सच्चे पातशाह अग्गे बेनंती करदा है कि सच्चे पातशाह इक वेरां चल के मेरे घर चरन पाओ। सच्चे पातशाह दो साल लघाँ ते ओहदे नाल करार करदयां करदयां। जदों उस ने बेनंती करनी अथरु वग पैणे, अैसी प्रेम नाल करनी। सच्चे पातशाह दया कीती ते आखण लग्गे, चंगा रतन सिँघ असी इक पैहर आवांगे। ओह आखण लग्गा दीन दयाल मैनूं एन्हां बड़ा है, मेरे दिल दी अग्न बुझाओ। सच्चे पातशाह पोह दे महीने विच गए हन ते नाल ५ सिख गए हन। लहौरों जिस वक्त गड्डी चढ़े हन, पैहले दर्जे दा लुधिआणे दा ६० रुपए कराया दित्ता है, ऐना सिख ने प्रेम कीता है जी। ओथ्थों अठ्ठ नौं मील पैंडा सी। फेर टांगिआं ते अध्धी रात जा के अप्पड़े हन जी। आदर मान करदयां प्रशाद छकदयां ३ पैहर रात चली गई है। पैहर कु रात रैह गई। पातशाह आखण लग्गे रतन सिँघ साड्डी हुण त्यारी कर दे, असां हुण जाणा है। रतन सिँघ सति बचन मन्न के जिन्नी माया सी परात विच पा के, धो बणा के पातशाह दी पुशाक, माता होरां दी पुशाक, साहिबजादयां दे सारे कपड़े ते कपड़े सिऊँण वाली मशीन, सारयां चीजां अग्गे रक्ख के हथ्थ जोड़ के बेनंती कीती कि सच्चे पिता अज्ज मेरी दिल दी
आशा पूरी होई है जी। मेरे ते दया करो ते तंदरुस्ती बख्शो जी ते एस तिल फुल नूं परवान करो जी। सच्चे पातशाह दया कर के आक्खया, रत्न सिँघ मशीन रक्ख ला, तेरी सानूं आ पुज्जी है ते तूं कार विहार करी जा। ओन आक्खया दीन दयाल एह तुहाढ्ढी मशीन आ। पातशाह आखण लग्गे, रतन सिँघ साड्डी मशीन आ ते तूं वी साड्डा एं, असीं तैनूं देंदे हां रक्ख ला। जिस तर्हां अग्गे जुगां जुग सच्चे पातशाह दे सिक्खां दीआ कहाणीआं सुणीदीआं ने, एसे तर्हां हुण सिख हन। नेतरीं वेख रहे हां, धन्न सच्चे पातशाह ते धन्न सिख हन जी। फेर सच्चे पातशाह त्यारी कर के घविंड वापस आण पहुंचे हन जी।।
पाल सिँघ ने पातशाह नूं २७ चक्क आपदे घर खड़ना
(आत्मा सिँघ ते बसंत कौर दी साखी)
पाल सिँघ दे भतीए प्रीतम सिँघ दा व्याह सी। पाल सिँघ जेठूवाल वाले आ के बेनंती कीती कि सच्चे पातशाह, बार विच चल के दर्शन दिओ जी। सच्चे पिता बेनंती परवान कर के नाल तुर पए हन जी ते नाल माता बंती ते नैणो वी त्यार हन। नाल सच्चे पिता दे सेवादार सिख वी त्यार हन। आत्मा सिँघ आपदी साली दी धी दा भतीए नूं साक लिआ कराया सी। पातशाह जंञे वी नाल गए हन। बेबे भानो प्रीतम सिँघ दी माई नूं सच्चे पातशाह १०० रुपए सेवा लाई है। ओस सेवा नहीं दित्ती जी। जे कोई सिख सुखणा सुख लवे, पातशाह सुखणा लई तों बगैर छड्डदे नहीं सी। प्रीतम सिँघ दे दो व्याह कीते, दोवें जनानीयां गुजर गईयां। फेर तीसरा व्याह होया ते पातशाह आखण लग्गे, जिंने मरर्जी व्याह करी जा, साड्डी दया तों बिनां घर नहीं वस्सदा। प्रीतम सिँघ वी कुछ तकड़ा नहीं सी रैहंदा, भय औंदा सी जी। फेर तीसरा व्याह कर के बेबे भानो बेनंती कीती। आत्मा सिँघ दी औलाद बचदी नहीं सी। ते ओन्हां दोहां जीआं ने पातशाह अग्गे बेनंती कीती। पातशाह आखण लग्गे, बेबे हुण तूं डर ना, असीं दया कर देंदे हां। आत्मा सिँघ दे घर कोई दिन पा के काकी होई। आत्मा सिँघ ते बेबे बसंत कौर दोहां जीयां २५ रुपए पातशाह दे सुखे कि हे सच्चे पातशाह एह काकी राजी ख़ुशी रहे ते असीं तुहाढ्ढे मथा टिकाईए ते नाले २५ रुपए सेवा देईए। आत्मा सिँघ दी माई जेहड़ा कम्म करना हुंदा सी करदी सी। आत्मा सिँघ उस दे अनुसार चलदा सी। आत्मा सिँघ दी माई पातशाह नूं कुछ घट्ट मंनदी सी। उस दे पुत्तां दा भरोसा बड़ा सी। काकी दी सुखणां तां सुख लई ते हुण माई तों डरदे सेवा देंदे नहीं गे। ३ साल बाद फेर आत्मा सिँघ दे घर पातशाह पुत्र दे दित्ता। आत्मा सिँघ २५ रुपए फेर काके दे सुख दित्ते हन जी। वरे छे महीने पिच्छों पातशाह जरुर सिक्खां नूं दर्शन देण जांदे सी। आत्मा सिँघ कोई सुखणा नहीं दित्ती। माई आत्मा सिँघ दी कुछ पातशाह नूं कठोर बचन बोलदी सी। एस कर के देह फड़ी गई ते हथ्थां विचों शेरां वग्गण लग्ग पईआं। पाल सिँघ आखण लग्गा माई जी तूं बचनां दी फड़ी होई आं, जा के ढैह के सच्चे पातशाह दी चरनी पै जा, जे तूं बचणा है। फेर ५ जेठ गुरपुरब ते सारे आए हन। नाल माई वी दर्शन करन आई है। मुंडे दे २५ रुपए सुखणा दे दित्ती। कुड़ी दी सुखणा आत्मा सिँघ डरदे माई नूं दस्सी नहीं गी। माई ने बेनंती कीती ते पाल सिँघ आक्खया, पातशाह बख्श दयो साड्डी माता है। सच्चे पातशाह ओस वक्त दयालू हो के आखण लग्गे, माई उँगलां जेहड़ीयां तेरीयां


पक्कीयां हन, उत्ते अक चोअ दे। माई सत बचन मन्न लिआ। पातशाह नज़री नज़र निहाल हन। बचन करन नाल ही माई दीआं उँगलां ज्यो कीआं त्यों हो गईयां। २५ रुपए सेवा दे के २५ कुड़ी वाले नहीं दित्ते ते पिच्छांह मुड़ आए हन। जिस वक्त पिण्ड सत्ताई चक्क गए हन। पातशाह ने आत्मा सिँघ जांदे नूं पक्ड़ लिआ है। अैसा आत्मा सिँघ नूं बुखार चढ़िआ, कोई सुरत नहीं रही। बेहोशी विच अैसा रौला पौंदा है, घर दिआं तों झलिआं नहीं जांदा। फेर पातशाह ने आत्मा सिँघ विच हो के लल्कारे मारे कि साड्डी २५ रुपए सुखणा सुख के दित्ती नहीं ते असीं एस नूं छड्डणा नहीं गा। आत्मा सिँघ दी माई गल विच पल्ला पा के बेनंती कीती, पातशाह मेरे पुत्त ते दया करो। मैं हुणे २५ रुपए दे के तुहाड्डे चरनां विच घल्लदी हां। माई २५ रुपए रक्ख के बेनंती कीती ते बुखार आत्मा सिँघ दा ओसे वक्त लथ गया। ऐड्डी दया कीती जी।।
पाल सिँघ बड़ा गुरु घर दा प्रेमी सी। बड़ी सुरत वाला सी ते सारयां नूं होका देंदा है कि पातशाह अवतार धारया है, सेवा कर लो जी। लागे दो मील २६ चक्क पाल सिँघ
दा भणेवा सी। उस नूं ओने बड़े बचन दस्सणे ते प्रेम वधौणा। फेर इक वेरां पातशाह गए ते मास्टर सोहण सिँघ आप दे भणेवे नूं पाल सिँघ पातशाह दी सरन लुआया। बेनंती कर के सोहण सिँघ दे घर वी पातशाह नूं लै गया। ओथ्थे जा के सच्चे पातशाह मास्टर ते दया कर आए जी। मज़्हबी हेम सिँघ वी पातशाह दे वाकां तों भुल्ल गया ते उस नूं कोहड़ हो गया। हेम सिँघ आया ते फेर सारे सिक्खां रल के पातशाह अग्गे बेनंती कीती, जी दया करो। सच्चे पातशाह आखण लग्गे पाल सिँघ साड्डा सिख हो के जो माड़ा करम करेगा ओहदे हथ्थ ते पैर ना रैहणगे। सच्चे पातशाह फेर परशाद दित्ता ते आखण लग्गे, जिथ्थे जिथ्थे हैगा एथ्थे ही रहू, अग्गे नहीं हुंदा। ओस वक्त पातशाह १० दिन रहे हन। जदों जांदे सी पाल सिँघ दे घर रैहंदे सी। दूसरे सिख वी वारी नाल परशाद छकौंदे सी। आत्मा सिँघ दे घरों बेबे बसंत कौर नूं बड़ा प्रेम सी। पातशाह ते संगत नूं दोवें टैम दुध्ध लया के छकौंदी सी। भानों वी पुज्जदी सरदी सेवा करदी सी। पाल सिँघ दे घर पातशाह अठ्ठे पहर रैंहदे सी। पातशाह जीऊण सिँघ नूं हस्सणा, आखणा जीउण सिँघ आप तूं छक औना, सानूं नहीं वाज मारदा। ओस आखणा पातशाह मैं तुहाढ्ढा सिख अमली हां, दया करो। जदों पातशाह औणा ते सिक्खां ने सरना पुजणा सेवा करनी। घिओ दे पीपे देणे। ऐड्डी पातशाह दया करदे सी, साल विच दो दो वारी सिक्खां नूं दर्शन देणे। ऐसा पाल सिँघ दा जरम पवित्र सी। ओस आपणा सारा बंस पातशाह दी चरनी ला दित्ता है। सच्चे पातशाह संगतां नूं निहाल कर के माझे देस नूं आ गए हन जी।।
घविंड दी इक माई दी साखी
सच्चे पातशाह परिपूरन अवतार विष्नूं भगवान दा जामा पहिन के आए हन। देह कर के बचन नहीं करदे, जोत नाल विहार करदे हन। शांती सुभा बड़ा रक्खदे सी। ऐसे दयालू सी सिख कोलों कम्म विगड़ वी जावे, ते गुस्से नहीं सी हुंदे। एह सच्चे पातशाह बचन करदे हन कि होरनां रिक्खीआं मुन्नीआं दी कीती असीं मोड़ सकदे हां, ते साड्डी कीती कोई नहीं मोड़ सकदा। एस कर के असीं किसे नूं वध्ध घट बचन नहीं करदे। असीं नर अवतार देह कर के अक्खौंदे हां। अमाम मैंहदी वी असीं हां। ५० साल तों बाद असां निहकलंक अक्खवौणा है। कल्गीधर वी असीं हां। असीं कलजुग दा खै करन वास्ते ते सतजुग लौण वास्ते घनका पुरी विच जामा पहन्नया है। भगतां दा उध्धार करन आए हां। साथ्थों बगैर किसे दी मनौत ना होवेगी। साडी ही पूजा होवगी। सोहँ तों बगैर कोई होर पाठ पूजा ना करेगा ते सतजुग विच आरज़ू वध जाणगीआं। साड्डा नां जपण करके हर इक दे हिरदे विच सच्च दे सुच वध जाएगी जी। सच्चे पातशाह आखदे हन, जो दुख तकलीफ ने साड्डे हुक्म विच ने। जो दुख दरद ने असां कुत्ते बिल्ले रक्खे होए ने, देह साफ करन वास्ते। सतजुग विच कोई दुख तकलीफ ना होवेगा। साड्डा अैसा पैहरा होवेगा।।
बोहल सिँघ कोरीआं दा, वीर सिँघ गग्गो बूहे दा, बाज सिँघ ते माणा सिँघ भुच्चर वाले, अतर सिँघ खीरां वाली दा, सुंदर सिँघ बुग्गिआं वाला एह सिख ओस वक्त सच्चे पातशाह दे दर्शन करन आए हन। घविंड वेहड़े विच मंजे डाह के बैठे हन। सच्चे पातशाह दे अवतार
धारन दे बचन कर रहे हन। उस्तत कर रहे हन। ओहनां दे बचन कर कर के निहाल हो रहे हन जी। ते फेर आखदे हन कि साड्डे धन्न भाग हन, सानूं वी देह कर के अवतार दे दर्शन होए हन जी। साड्डे तारन वास्ते एन्हां अवतार धारया है। नाले शब्द पढ़दे हन, ‘‘जामा घनका पुरी दे विच धारया, संगतां दे तारने नूं’’। महाराज होरी बचन सुण के बड़े ख़ुश हुंदे हन ते लागे खलोते केस कंगे नाल वाह रहे हन जी। इक सिख बोल्लया जदों जुग उलटौंणा होवे ओदों सोलां कलां संपूरन अवतार औंदा है, पापीआं दी खै ते भगतां दी जै करन वास्ते। नहीं ते सभ महाराज शेर सिँघ दे बणाए ते घल्ले आउदे होए हन जी। इक सिख आक्खया गुरु नानक साहिब वी बेअंत बेअंत आख गया है। जिस वक्त सिख ने बेअंत बेअंत आक्खया, पातशाह आखण लग्गे बाबा केहड़ी चीज है, जिस दा अंत नहीं। ओहनां नूं जिन्नां पता सी ओनां आख छडआ। सारा पता होवे ते आपे ना बेअंत आखण। अज्जे समां नहीं जदों मौका आया असीं तुहानूं सभ कुझ दस्सांगे। सिख सुण के बड़े ख़ुश होए ते धन्न धन्न कीता, ते आक्खया सच्चे पातशाह तुसीं मालक जे, जाणी जाण जे।।
ओने चिर नूं इक माई सी घविंड दी, रामगढ़ीआं दे घर दा जरम सी, ओह आ के पातशाह दे सिक्खां नूं सुख सांद पुच्छदी है। ओस दा मालक गुजर गया सी ते देह उस दी नूं कोहड़ हो गया सी। कोई लागे वी नहीं सी खलोण देंदा। सिक्खां पुछया बेबे जी तुसीं दस्सो राजी ख़ुशी हो। माई विचारी अगों रो पई। आखण लग्गी भाईआ जी मेरी देह नूं कोहड़ हो गया है। कोई लागे वी नहीं खलोण देंदा। सच्चे पातशाह एह बचन कीता सी कि जिस नूं कोई तकलीफ होवे, ओह बेनंती करे। दूसरे दे थां दूजा ना बेनंती करे। जेहड़ा छोटा बचा है उस दी दूसरा बेनंती कर सकदा है। सच्चे पातशाह दे सिख हौली जही उस माई नूं समझौंदे हन कि माई कमलीए सच्चे पातशाह निहकलंक तेरे कोल हन। ढैह के चरनी पै जा। जे एथ्थे ना तेरा कोहड़ हटया ते हटू किथ्थे। तूं तकड़ी हो के बेनंती कर। माई नूं बचन सुण के सुरत आ गई ते गल विच पल्ला पा के चरनी पै गई। आखे पातशाह मैनूं बख्श लओ। पातशाह मेहरां दे दाते हस्स के आखण लग्गे, तूं अग्गे साढ्ढे कोल रैंहदी सी ओदों चेता नहीं आया। सच्चे पातशाह हस्स के आखण लग्गे बाबा, तुहानूं साड्डी धारना दा नहीं पता जो संतां दस्सी है, किसे दे बारे कोई बेनंती ना करे। बौहल सिँघ उस वक्त हस्स के आक्खया, सच्चे पातशाह तुहाढ्ढे हुंदिआं तुहाढ्ढे नगर विच कोहड़ रैहण दा की कम्म है। सच्चे पातशाह बड़े दयालू सन, आखण लग्गे, बेबे असीं कोई दुवा तां नहीं जाणदे, साड्डी लोह विच जेहड़ी सुवाह है दोवें वेले आ के हथ्थां पैरां ते ला लआ कर ते नाले परशादा छक जाया कर। सिक्खां समझाया बेबे जी दोवें टैम आण के लंगर दे भांडे मांज्जया कर, ते नाले परशादा छक जाया कर। ओसे तर्हां माई सति बचन मंन के सेवा करन लग्ग पई। दो टैम भांडे मांजणे ते परशादा छक जाणा। माई दा शरीर ज्यों दा त्यों हो गया। सच्चे पातशाह ऐड्डे दयालू सन, नज़री नज़र निहाल करदे सन। मेहर कर के एन्हां कलजग विच कोहड़ हटा दित्ते जी। मेरी कलम एन्हां दी महिंमा नहीं लिख सकदी जी। एह सभ एहनां दी दया है।।
माहणा सिँघ ते मेहर करनी
इक वेरां (संत मनी सिँघ दे गिरफ्तार होण तों पैहले) माहणा सिँघ भुच्चर वाले दा मूंह ऐसा हो गया कि जबान पक्क गई, सारी गल गई। मूंह विचों बो आ रही है। ना रोटी खावे, ना पाणी पीवे ते सैनत नाल बचन करदा सी। महाराज होरां दे हुक्म नाल, संत मनी सिँघ भुच्चर चले गए हन ते नाल फुम्मण सिँघ संत सी। जिस वक्त गए ने, बड़ा शुकर कीता। धंनवाद कीता कि गुरु घर आए हन। मनी सिँघ अग्गे माणा सिँघ बेनंती कीती कि दया करो, मेरी जबान नूं बड़ी तकलीफ है। संत मनी सिँघ आक्खया, माणा सिँघ घविंड जा के सच्चे पातशाह दे तिंन वेरां चरन चट्ट ते जबान राजी हो जाएगी। ओसे वक्त माणा सिँघ घविंड आ के, पातशाह अग्गे परशाद रक्ख के बेनंती कीती ते निमस्कार कीती। चरन चट्टे ते आपणे दुख दा हाल दस्सया। सच्चे पातशाह पलँघ ते बैठे सन। ओन्हां प्रशाद छक के, सीत प्रशाद दित्ता ते माणा सिँघ छक लिआ जी। चिंता ते सहिंसे तां दरस करदयां ही हट गए हन। जेहड़ा पाणी दा घुट वी नहीं सी लघँदा, ओह सीतल प्रशाद माणा सिँघ रज्ज के छक लआ है जी। जो दुखां दे कारन नरक मलूम हुंदा सी, दीन दयाल दे दर्शन करन नाल सच्चखण्ड विच निवास जापदा है। फेर दो दिन रैह के ते ख़ुशी लै के आप दे घर आ गया है जी।।
सुरैण सिँघ घविंड वाले दी साखी
सिक्खां तों बगैर कोई नहीं सी जाणदा, कि महाराज बंदी छोड हन। सिक्खां ते एनी दया कीती है ते होर दुनीयां एहनां नूं महाराज कर के नहीं जाणदी, खाण दे मारे तुरे फिरदे सी जी। घविंड पिण्ड दा इक ज़िमीदार सुरैण सिँघ सी। सच्चे पातशाह उस नाल बड़ा प्रेम करदे सी ते ओस नूं बदाम ते घिओ दे पीपे देंदे हुंदे सी। ओस आखणा मैं सिआणा हां ते खाई जांदा हां, पातशाह नूं कोई पता नहीं। महाराज होरां संत नूं अकाश बाणी दित्ती कि संतां एसदी लिखाई लिख दे, एह हाथी दी जून पावेगा। असीं प्रेम नाल छकौंदे हां ते एह आंहदा है, एह कमले हन। असीं दिल्ली जा के एस हाथी ते असवारी करांगे। सवा मण असीं एस नूं रोज़ दी चूरी चारांगे ते सिर विच रोज़ कुंडी मारांगे, फेर लुट के खाण दा पता लग्गू। असीं आप दा लेखा जरम पा के वी नहीं छढ्ढदे। परिपूरन परमेश्वर हन। जेहड़ा एहनां नूं धन्न धन्न करदा है ओह तर जांदा है, जेहड़ा निन्दया करदा है, ओह वी फल लै लैंदा है। घविंड दे लोक पातशाह दा बिल्कुल भय नहीं सी करदे।।
पातशाह दे लंगूर दी साखी
इक वेरां सच्चे पातशाह दा दिल कीता ते दिल्ली वाले सिक्खां नूं चिठ्ठी पाई कि सानूं लंगूरां दे दो बच्चे घल्लो। सिक्खां ने मथरा तों लिआ के घविंड जोड़ा लंगूरां दा छड्ड गए हन। सच्चे पातशाह ने नील्लयां मणक्यां ते घुंगरीआं दी गानी गल विच पा के, खुल्हे कोठ्ठे ते छड्ड दित्ते हन। ओह बच्चे दो टैम प्रशाद लंगर विचों छक जांदे सी, पातशाह दा दर्शन कर जांदे सी। सारी दिहाड़ी कोठ्ठयां उत्ते छालां मारदे रैंंहदे सन जी। ऐसे जानवर सील सन, किसे निआणे सिआणे नूं दुख नहीं सी देंदे। अैसी पातशाह दया कीती पिण्ड दा हर
इक वेख के आंदा सी, महाराज दे लंगूर छालां मारदे हन। एस बहाने नाल घविंड दे मासी शराबी जीव वी पातशाह दा नाम लै लैंदे सन जी। इक दिन अैसी खेड होई, घविंड दा सरदार गुरदयाल सिँघ सी। उस दी छोटी जही काकी छणकणा लै के खड़ोती सी। उस दे हथ्थ विचों लंगूर छणकणा लै के भज्ज गया। उचे थां कोठ्ठे ते जा बैठा। सरदार कोल बंदूक सी, उस बंदूक नाल उस लंगूर नूं मार दित्ता। जिस वक्त मार दित्ता, सिख चुक के लै गए हन। महाराज होरीं ते तेजा सिँघ ओस वक्त बार विच २७ चक सिक्खां दे गए हन। लंगूरी कल्ली हो गई ते अन्न पाणी ना छके। विरलाप करदी फिरे। सारे आखण सरदार ने बड़ा पाप कीता, पातशाह दा लंगूर मार दित्ता है। पातशाह वी बार विचों आ गए हन ते वेख के बहुत गुस्से विच आंहदे हन जिस तर्हा तूं साढ्ढा लंगूर मारया है, एसे तर्हां असीं तैनूं मारांगे। सारे लोकी रौला सुण के कठ्ठे हो गए। सारे आखण लग्गे गल्ल तां कोई वी नहीं होई, सरदार दी धी दे हथ्थों लंगूर छणकणा खोह के लै गया सी ते एस ने मार दित्ता। ओस वक्त पातशाह बचन कीता कि जिस धी दे हथ्थों छणकणा फड़यां दे बदले साढ्ढा लंगूर मारया है ओस धी नूं एह आपणी हथ्थीं मारेंगा। एह सराफ दे दित्ता ते घर वापस आ गए। सरदार बंदे नाल लै के घर आया ते आण के हथ्थ जोड़े, पातशाह मैनूं भुल्ल बख्शो। सच्चे पातशाह शांती तां कर गए, दया दे समुंदर सन। पर जेहड़ा वाक छड्ड दित्ता है ओह नहीं मुड़या। कोई दिन पा के सरदार दी धी नौजवान होई। घर विच जुलाहयां दा मुंडा कामा रक्खया होया सी। ओस नाल बेईमान हो गई ते कुवारी नूं गरभ हो गया। सरदार ने ओहो धी हथ्थीं गल घुट के मारी। सच्चे पिता दा बचन सत हो गया।।