पुस्तकालयजन्म साखी

बाज सिँघ ते मेहर करनी

इक दिन सच्चे पातशाह होरीं सारे परिवार समेत बाले चक्क सिक्खां कोल चले गए हन ते अठ्ठ दिन बुध सिँघ दे घर रहे हन। दिने अमृतसर सैर करना ते रात नूं बाले चक्क आ जाणा। ओथ्थों फेर सच्चे पातशाह कार उत्ते चढ़ के नैहरे नैहरे भुच्चर आ गए हन। बाज सिँघ दे घर पैहलों गए हन। माणा सिँघ ते बाज सिँघ दा इकठ्ठा घर सी। बाज सिँघ आउँदयां नूं बीमार सी उस दा अंत समां नज़दीक आया सी। सारे परिवार दे सिख बड़ी सेवा कर रहे हन। दो पहर ओथ्थे रैह के सच्चे पातशाह विदा हो पए हन। समरथ्थया अनुसार सिक्खां ने परशाद रक्ख के सेवा रक्खी है। सिख बेनंती करदे हन। सच्चे पिता दीन दयाल बड़ी दया कीती। अज्ज तां कीड़ी दे घर नरायण आए हन ते नाले शब्द पढ़दे ने। ‘‘सोहे ने बंक दवार अज्ज मेरे सोहे ने’’। सच्चे पिता बाज सिँघ नूं आंहदे ने बाबा कुछ मंग साथ्थों, असीं तैनूं लैण आए हां। बाज सिँघ ने डूंघी रमज नहीं समझी ते आखण लग्गा सच्चे पातशाह जदों मेरा बुखार लथ गया उसे वक्त मैं आ जावांगा। फिर दूसरी वार पातशाह बचन कीता, बाबा कुछ मंग। फिर बाज सिँघ आखण लग्गा, सच्चे पातशाह दलीप सिँघ तुहाड्डा बचा अंञाणा है। हथ्थ दे के रखिऔ जे। पातशाह फिर तीसरी वार बचन कीता। बाबा कुछ मंग लै ते असीं हुण तैनूं लैण आए हां। बाज सिँघ फिर आक्खया सच्चे पातशाह दलीप सिँघ (बाज सिँघ दा पुत्त सी) ने नहर दा ठेका लिआ है ते उसनूं नफा होवे ते मैं तुहाढ्ढी सेवा लै के आवांगा। तेजा सिँघ आक्खया चाचा तूं आपणे वास्ते कुछ

मंगया नहीं। दलीप सिँघ वास्ते मंगां मंगी जांदा हैं। पातशाह फिर हस्स के आखण लग्गे, चंगा बाबा असीं हुण जांदे हां। भलके बंदा घल्ल के तैनूं असीं लै जावांगे। आप आ गए हन ते अगले दिन बाज सिँघ देह छड्ड दित्ती। पातशाह नज़री नज़र निहाल हन। इन्दर सिँघ झुबाल वाले नूं वी पातशाह १५ दिन आंहदे रहे, इन्दर सिँघ मंग जो मंगणा ई। उस वी कुछ नहीं मंगया। जीव की कर सकदा है। आप ही दया करदे हन जी।।

तोड़े वाले लाभ सिँघ दी साखी

लाभ सिँघ तोड़े दा मज़्हबी सिख सी। उस अैनी पातशाह दे घर दी सेवा कीती है मैं उपमा नहीं कर सकदा। २ मील तों घाह ते लंगर विच बालण रोज़ दो दो पंडां लिऔणा। रात नूं सारी रात सच्चे पातशाह दे चरनां वले बैठ के सारी रात शब्द पढ़दे रैहणा। अठ्ठे पहर बोजे विच कैसींआ रक्खदा सी वजौण वास्ते। जिन्नां चिर कम्म करदे रैहणा, ओनां चिर करदे रैहणा ते फिर बिश्न पते ते बहुत प्रेम वाले शब्द पढ़ने। सच्चे पातशाह शब्द सुण के बड़ा ख़ुश होणा। पातशाह आखणा, लाभ सिँघ छालां मार ते छालां मारनीआं। जे आखणा लाभ सिँघ भज के वखा, ते भज्ज उठणा। एस तर्हां सिख ने सति बचन मंनणा। पातशाह ख़ुश हो के आखणा लाभ सिँघ मंग जो मंगणा ई। उसने बेनंती करनी पातशाह मैनूं हनूमान दा बल बख्शो, ते सदा मेरे हिरदे ते रहो। अठ्ठे पहर मैनूं भुल्लो ना। कोई दिन पा के पातशाह दे चरनां विच सेवा करदयां, लाभ सिँघ दा अंत समां आ गया। उसने देह छड्ड दिती। दो मील घविंडों खेत दा पैंडा सी, ओथ्थे लाभ सिँघ देह छड्ड दित्ती। बारां भाद्रों वाले दिन देह छड्डी है। लागे इक पिण्ड नारली मेला सी, पातशाह मेले गए हन। रात नूं पातशाह आए ते सिक्खां दस्सया, पातशाह, लाभ सिँघ देह छड्ड गया है। सिक्खां ने इशनान करा दित्ता, सुक्की बेरी पातशाह बालण पा के संस्कार कीता है। सच्चे पातशाह आपणी हथ्थीं लंबू लाया है ते तिन्न वेरां बचन कीते ने कि लाभ सिँघ तेरी जेहड़ी मंग सी असां तैनूं दित्ती। ऐड्डी दया करदे हन जी। अैसे नर अवतार सच्चे पातशाह दयालू सी, जुगां जुगां दे विछड़आं नूं बाहों फड़ के चरनी लाया है।।

गुजर सिँघ ते चेत सिँघ दा शरीर छुट्टणा

कत्ते दे महीने विच अैनी बीमारी सी, घर घर दो चार मंजे सारयां दे पए सी। ताप चढ़ जाणा ते हिक्क पक्क जाणी। बहुत दुनिआं रोज़ मरदी सी। तेजा सिँघ उस वक्त भुच्चर है ते हुण माणा सिँघ उस वक्त पातशाह दे दर्शन करन आया है। चेत सिँघ गुजर सिँघ दर्शनां नूं आए हन। रात भुच्चर रहे। अगले दिन घविंड नूं तुरे हन। नाल तेजा सिँघ नूं वी जाण लई आंहदे हन। उस आक्खया मेरा बाप घविंड गया है, उह आवेगा ते मैं आ जावांगा। माणा सिँघ घविंडों भुच्चर चला गया है ते भुच्चर तेजा सिँघ वी बीमार हो गया है। गुजर सिँघ ते चेत सिँघ घविंड आ के बीमार हो गए हन। तेजा सिँघ सख़त बिमार हो गया। आपणे बाप नूं आखण लग्गा, सच्चे पातशाह अग्गे जा के मेरी बेनंती कर। माणा सिँघ बेनंती करन गया ते घविंड जांदे नूं गुजर सिँघ देह छड्ड जांदा है। जांदिआं नूं गुजर सिँघ दा सस्ंकार करन चले सन। नाल माणा सिँघ वी सस्ंकार करन गया है। पातशाह

घर आए हन ते माणा सिँघ बेनंती कीती पातशाह तेजा सिँघ बड़ा सख़त बीमार है। दया करिओ जे। मेरी तां बुढड़े दी डंगोरी आ कित्ते भज्ज ना जाए। पातशाह हस्स के आखण लग्गे, बाबा कोई खतरा नहीं तेरी डंगोरी नूं। असां तां अज्जे ओहदे कोलों सेवा बड़ी लैणी आ। पातशाह अग्गे बेनंती करन दी देर सी, तेजा सिँघ नूं रमान हो गया जी। फिर माणा सिँघ ख़ुशी लै रिहा है। पातशाह आंहदे हन, बाबा असीं तैनूं अज्ज नहीं जाण देणा, आपे रमान आजू। दूसरे दिन चेत सिँघ सिख वी घविंड पातशाह दे चरनां विच देह छड्ड गया हेै। सच्चे पातशाह नज़री नज़र निहाल हन। आपणी गोद विच सिक्खां नूं लै गए हन। किसे मासी शरबी दे अख़ीर वेले वी हथ्थ लग्गण नहीं दित्ते। गुजर सिँघ दी माता सुण के आई है कि गुजर सिँघ ते चेत सिँघ दोवें जणें गुजर गए हन जी। धन् न सिख ते धन्न उस दी माता है। जिस ने इक अथरु वी आण के नहीं केरया। सारे अफसोस करन ते माता आखे, जी फेर की होया, एन्हां दी चीज सी ते एहो लै गए हन। पातशाह अग्गे हथ्थ जोड़ के बेनंती कीती कि सच्चे पिता दीन दयाल त्रिलोकी नाथ, खण्डां ब्रह्मण्डां दे मालक, अज्ज गुजर सिँघ सिख तुहाढ्ढा पक्के पिआ है, तुसां आप दे चरनां विच उस दी निभाह दित्ती है। सिख तुहाढ्ढे दर ते अज्ज परवान होया है मैं बड़ी ख़ुश हां। बेबे ने एह बेनंती कीती सारीआं जनानीआं ते बंदे बेनंती सुण के हैरान परेशान हो गए हन कि ऐड्डा जवान पुत्त गुजर गया है ते माई रोंदी नहीं। एह सारी पातशाह दी दया है। जीव दे की वस्स है जी।।

पातशाह दे घोड़ा ते बौलद चोरी होणे

इक समें दा बचन है, तेजा सिँघ सिख हाढ़ दे महीने विच बार विच चला गया है। अगला महीना सावण बारश दा है। चेत सिँघ कलसीआं वाला बकौंठे रक्ख विच वाई करदा सी। चेत सिँघ सच्चे पातशाह दा दर्शन करन आया है। ओस आक्खया सच्चे पातशाह रक्ख विच घाह बड़ा है ते सौण दा महीना माल सारा ओथे घल्ल दिओ। तुहाड्डा सिख इक जाणा माल लै जावे, चंगा चंगा घाह तुहाडा माल छकी जावेगा। सच्चे पातशाह सिक्खां नूं आक्खया, जेहड़े कोल सन किसे हां नहीं कीती जी। ओने चिर नूं तेजा सिँघ बार विचों आ गया। सच्चे पातशाह बचन कीता कि चेत सिँघ सनाह दे गया है कि माल रक्ख विच लै आओ। तेजा सिँघ आक्खया सच्चे पातशाह जिस तर्हां आप जी दा हुक्म होवे त्यार हां। पातशाह आक्खया महीं ते घोड़ी तेजा सिँघ रक्ख विच लै जा। तेजा सिँघ सत बचन मंन के तुर पिआ है। ३ मील रक्ख दा पैंडा है। महीं चार के दोवें टैम दध्ुध लै औणा ते प्रशाद छक जाणा। २ महीने ओथ्थे महीं रक्खीआं हन। चेत सिँघ सिख नेड़े कर के हर इक चीज दी बड़ी सेवा करदा सी। इक दिन तेजा सिँघ नूं बुखार चढ़ गया, ते रंगा सिँघ पातशाह दा चाचा, माल कोल चला गया। रंगा सिँघ सौं गया ते इक चोर चोरी घोड़ी खोल्ह के लै गया। रात नूं पातशाह नूं सनेहा आ गया कि बाबा रंगा सिँघ घोड़ी गुवा बैठ्ठा है। फेर जिस वेले पता लग्गा, ते चोर फड़या गया। चोर पातशाह नूं आखण लग्गा पातशाह मैं भुक्खा मरदा तुहाढ्ढी घोड़ी लै गया सी। सच्चे पातशाह बड़े रैहम दिल सन। गरीब कर के उस नूं छड्ड दित्ता। सिक्खां ने सेवा करनी ते चंगी चीज लभ्भ के लिआउणी, आखणा

पातशाह नूं दिआंगे ते लोकां वेख के सड जाणा। जिस नूं जणावे सो जन जाणे, जीआं दे की अक्खत्यार है। सच्चे पातशाह दी घोड़ी चोर लै गए सुण के बलवंत सिँघ भुच्चर वाला पता लैण आया घोड़ी ते चढ़ के ते ओहो घोड़ी सणे काठी पातशाह नूं दे गया। लोकी ओस चोर नूं फिटकां पौण कि तूं पातशाह दी ही घोड़ी चुरौणी सी। ओनां नूं तां कोई घाटा नहीं। होर घोड़ी सिख दे गए हन। पातशाह वी मासीआं शराबीआं नूं आपणा आप नहीं सी वखौंदे।।

साल पिच्छों फेर आसलां दे चोर पातशाह दे दो बौलद ते इक घोड़ा चोरी कर के लै गए। इक आसलां दा ज़िमीदार उस ने दो खून कीते सी ते रक्ख विच लुक्कया फिरदा सी। ओस नूं पता लग्गा ते ओस आक्खया माड़ा कीता, पातशाह दी चोरीं नहीं सी करनी। दिने लभ्भण चढ़े हन। ओस डाकू ने सनेहा घल्लया कि पातशाह अैवें लभ्भदे ना फिरन, पशू ते साडे पिण्ड दे लै आए हन। मैं आपे तुहाढ्ढे घर पुचा दिआंगा। चोर डाकू दे आखे लग्ग के वी ना मोड़न। महाराज ने इक चोर नूं रातीं भय दित्ता, उह मरासी जात दा सी। भै दे के आखण लग्गे कुत्तया मरासीआ तेरे प्राण कढ्ढ दिआंगे, नहीं ते साड्डे बौलद ते घोड़ी दे दे। मरासी उसे वक्त बौलद ते घोड़ी जिथ्थे है सन, लैण तुर पिआ। बौलद लै आया घोड़ी फिर नाल दे चोरां नहीं दित्ती। रक्ख वाले डाकू कोल मरासी बौलद छड्ड गया ते आखण लग्गा पातशाह अग्गे मेरी बेनंती करीं, रात मैनूं बड़ा भय दित्ता है, मेरे ते दया करन। डाकू सनेहा घल्लया सच्चे पातशाह तुहाढ्ढे बौलद मेरे कोल हन, ते आण के लै जाओ। पातशाह बौलद लैण रक्ख नूं गए ते नाल १० बंदे सन। उथ्थे मरासी बचन कीता कि पातशाह मैनूं दो रातां सौण नहीं दित्ता, मूंह विच घा लै के भुल बख्शौंदा है। पातशाह १० रुपए जेब विचों कढ के मरासी नूं दित्ते ते ख़ुश हो गया। बूड़ी डाकू नूं आखण लग्गे, जाह तूं पेश हो जा, बरी होजेंगा। तैनूं तत्ती वा ना लग्गू। दूसरयां चोरां ने घोड़ी नहीं दित्ती। घोड़ी लकौंदे फिरदे हन। मगरों उन्हां दी बड़ी बदनामी होई। इको फुकारा पातशाह मारया, फिर पिच्छों किसे चोर डंगर नूं हथ्थ नहीं लाया, खुले्ह चरदे रहे।।

सच्चे पातशाह दे सिख चेत सिँघ ते हरसुख लाल
खत्री दी साखी

घविंड दा इक खत्री सी। चेत सिँघ उस तों गर्ज बदले रुपैए लए सी। ३ साल हो गए रुपैए लिआं नूं। इक दिहाड़ी मनिआद रैंहदी सी। सच्चे पातशाह अग्गे खत्री फरिआद लौंदा है, कि पातशाह तुहाड्डे सिख चेत सिँघ तिन्न साल हो गए मेरे पैसे नहीं दित्ते। पातशाह आखण लग्गे बाबा जी भलके कलसी चलांगे ते तैनूं पैसे दवा दवांगे। ओह आखण लग्गा पातशाह भलक दी दिहाड्डी मनिआद है। किस तर्हां होवे हुण। पातशाह आखण लग्गे बाबा फिकर ना कर, असीं तैनूं पैसे दवा दिआंगे। खत्री सत बचन मंन लिआ। सच्चे पातशाह फिर महीना हो गया ते पैसे ना पुच्छे। इक दिन पातशाह नूं ध्आन आया आखण लग्गे चल बाबा, तैनूं पैसे दुवा लिआईए। ओस आक्खया जी मैं ओथ्थे जा के की बनौणा है, मनिआद लँघ गई है। हुण जी करदा ते दुवा दिओ, नहीं ते ना दवाओ। फिर खत्री पातशाह दे

नाल रक्ख विच चला गया है जी। सच्चे पातशाह जदों किते जांदे सी, नाल १० आदमी ज़रुर हुंदे सी। ऐसे दयालू सन, अठ्ठे पहर भण्डारे भरभूर रक्खदे सन। जो कोई मूंहों मंगदा सी देई जांदे सन। कई तां दर्शन दे भुक्खे अठ्ठे पहर नाल रैंदे हन, ते कई ढिढ्ढ दे भुक्खे नाल रैहंदे हन। कई नाल शिकारी कुत्ते ते होर गगड़े सांसी वी नाल हुंदे सन। ओन्हां दी लील्हा नूं ओहो जाणदे हन। जिस तर्हां सौण दी घटा वेख के मोर ख़ुश हुंदा है, एस तर्हां नाल जेहड़े गरीब गुरबे हन, ओह ख़ुश हुंदे हन कि चार पहर प्रशाद नाल रज्जांगे। जिस पासे जांदे हन फौजां वांगू रौला पैंदा जांदा है। धन्न माझे देश दी धरती जिथ्थे दीन दयाल लील्हा कर रहे हन। शिकार खेडदे खेडदे रक्ख विच चले गए हन। जुगां दे विछड़यां नूं जंगलां दे जीआं नूं ते जंगलां दे दरक्खतां नूं दर्शन दे के तार रहे हन। दुपहरे जा के चेत सिँघ दे घर पहुंचे हन। चेत सिँघ ते उस दे पुत्र दीन दयाल नूं वेख के बड़ा ख़ुश होए। निमस्कार कीती ते पलँघ डाह दित्ता ते सारा परवार वेख के बड़ा ख़ुश होया। जल पाणी वी बड़े प्रेम नाल छकाया ते ओस वक्त चाह धरी है। छंगार सिँघ ओस वक्त आक्खया, (चेत सिँघ दे वड्डे पुत ने) सच्चे पातशाह दध्ुध सवेर दा कढ़िआ होया ए, ताजा दध्ुध तुहाढ्ढी चाह विच पौंदे तां सई पर . . . . . पातशाह हस्स के बचन कीता, छंगार सिँघ, जेहड़ी मैंह तेरी मरजी आ फड़ के चो ला, ओहो मिल पउ। सारीआं मईं गाईं तुहाढ्ढीआं सुरिआं हो जाणगीआं, जदों जी करे चो लिआ करिओ। उस दिन तों जेहड़ी मैंह थले कटी कटा छड्डदे हन, ओहो मिल पैंदी है। अैसी पातशाह दया कीती, सारी संगतां नूं प्रेम नाल दध्ुध छकाई जांदे हन। सभ शिकारी ते सिख धन्न धन्न सच्चे पातशाह नूं कर रहे हन कि सच्चे पातशाह जिथ्थे तुसीं जांदे जे, ओथ्थे कोई तोट नहीं रैंहदी। परशाद त्यार हो गए हन जी। बेनंती कर के थाल लवाया गया है, पातशाह छकदे हन। नाल गरीब गुरबा वी प्रसन्न हो रहे हन। परशाद छक के पातशाह तुरन लग्गे हन। चेत सिँघ ते उस दे पुत्र बेनंती करदे हन। सच्चे पातशाह सानूं पाणी दी बड़ी औक्खयाई है, दूरों लिऔंदा पैंदा छकण वास्ते, ओह जल वी सवाद नहीं है। घविंड पिण्ड दा इक ज़िमीदार सुंदर सिँघ पातशाह दा सिख सी। पिछला जन्म उस दा बड़ा उजला सी। पिछले जन्म सुंदर सिँघ गग्गो बूहे गुरु होया सी। वीर सिँघ नाम सी। नौरंगाबाद ते मुठ्ठयां वाले उस दे झण्डे झुलदे सी। हुण घविंड विच जरम लै के १०० साल दी उमर हो गई है। ऐड्डी उस ते पातशाह दी दया है, उस नूं आपणे पिच्छले जन्म दी वी सुरत है। सच्चे पातशाह नूं रोज़ सवेरे उठ के नंगी पैरीं आ के दाड़े नाल पातशाह दे चरन झाढ़दा है ते लंगर दे भांडे सारे मांज के जांदा है। ओधर ओथ्थे सच्चे पातशाह चेत सिँघ नूं आंहदे हन कि बाबे सुंदर सिँघ नूं लिआ के, पैहला टप्प लवा लो, ते खूहा पुट्ट लो। एथ्थों अमृत जल निकलेगा। सच्चे पातशाह सिक्खां नूं वर ते ख़ुशीआं दे के निहाल कर के आ गए हन। तुरन लग्गे चेत सिँघ नूं आंहदे हन, चेत सिँघ सुख लाल खतरी आंहदा मैं चेत सिँघ कोलों रुपए लैणे हन। उस आक्खया जी देणे हन, दो मेरे कोल वैहड़ां हन, लै जावे ते पैसे पूरे कर लवे। खत्री आखण लग्गा पातशाह मैथ्थों वैहड़ां सांभीआं नहीं जाणीआं। मैनूं थोड़े पैसे दे देवे, ते नकद दे देवे। चेत सिँघ आक्खया महाराज जी दोवां वैहड़ां विचों जेहड़ी जी करदा ओ मल्ल लवे ते जदों सूणगीआं ओदों लै जावे, मैं सांभी जांदा हां। खत्री ने जेहड़ी चंगी सी ओह मल्ल लई। बचन कर के पातशाह घविंड नूं आ गए हन। कोई

दिन पा के दोवें वैहड़ां सू पईआं हन जी। शतरी वाली वैहड़ ने वछा दित्ता है, ते दूजी ने वछी दित्ती है। शतरी ने सुणिआ ते आखण लग्गा, पातशाह मेरी वैहड़ सुणया है कि सू पई है, दया करो ते सानूं लिआ दिओ। पातशाह आक्खया जाह बाबा तूं आपे लै आ, तैनूं दे देणगे। खतरी रक्ख विच चला गया ते जा के गऊ मंगी है। चेत सिँघ आक्खया, शाह जी वछी वाली गऊ लै जाओ। शतरी आखण लग्गा, मेरी तां वच्छे वाली है ते मैं एह क्यो खड़ां। चेत सिँघ आखण लग्गा, मैं वच्छे वाली गऊ नहीं देणी जी करदा ते वच्छी वाली लै जा नहीं ते ना खड़। शतरी सच्चे पातशाह नूं घविंड आण के दस्सया। पातशाह खतरी नूं आखण लग्गे, चेत सिँघ नहीं मुकरदा। असीं किसे दिन तेरे नाल चल के गऊ तेरी दवा लिआवांगे। इक दिन पातशाह आखण लग्गे, आ बाबा तेरी गऊ दवा लिआईए। सच्चे पातशाह खतरी दे नाल रक्ख विच चले गए हन। सिक्खां जांदयां दा दर्शन कर के बड़े निहाल होए हन। बाले चक वाला आसा सिँघ वी रक्ख विच वाई करदा सी। उस वी दर्शन कीते ते धन्न धन्न दिहाढ़ा समझया। पातशाह उस वक्त बचन ब्लास करन लग्गे। आखण चेत सिँघ, असां खतरी नूं घल्लया सी तूं गऊ नहीं दित्ती। ओस आक्खया जी मैं वछी वाली गऊ एहनूं आखी ते एस ने खड़ी नहीं। पातशाह आखण लग्गे, तूं वच्छा कर के हुण मुकरदा है। गऊ तां एहदी वच्छे वाली है। चेत सिँघ आखण लग्गा, पातशाह मैं वच्छे वाली गऊ नहीं देणी जी। जी करदा ते वच्छी वाली लै जे नहीं तां ना खड़े। पातशाह खत्री नूं आखण लग्गे, बाबा साढ्ढे आखे तूं वच्छी वाली गऊ लै जा, आपे तैनूं लैहणीआं करेगी। खत्री सति बचन मंन के वच्छी वाली गऊ लै आया है। चेत सिँघ वाली गऊ ने एन्हां नूं दध्ुध नहीं चोण दित्ता। वच्छे नूं चंगौदी रही है, ते फिर गां मुड़ के सूई नहीं। ओहो वच्छा दित्ता फिर नहीं सूई। फिर जदों पातशाह ने जाणा ते ओदों चेत सिँघ बेनंतीआं करनीआं। सच्चे पातशाह गऊ बड़ी सी वच्छे वाली मुड़ के सूई नहीं। पातशाह आखण लग्गे, चेत सिँघ असीं तेरे ते बड़ा रैहम कर आए हां ते गऊ ते गुस्सा पा आए हां। गुस्सा सानूं तेरा सी, जेहड़ा तूं जबान करके मुक्कर गया सी। हुण एह गऊ एस जन्म विच ना सूए गी। चेत सिँघ दे अक्खत्यार नहीं, असीं सारे सिख ही भुलणहार हां। ‘‘भुलण अंदर सभ को अणभुल्ल गुरु करतार’’, सच्चे पिता आप ही बाहों फड़ के सिक्खां नूं तार रहे हन। साड्डे विच गुण कोई नहीं।।

तेजा सिँघ सिख दी साखी किस तर्हां पातशाह नूं
घोड़ा दित्ता

तेजा सिँघ सिख ने इक वेरां तिंन वछेरे इक्कठे खरीदे। जिस वेले ढाईआं तिन्नां सालां दे घोड़े बणे हन जी। इक वछेरा छोटा वेच लिआ ते दूसरे दो पास हन। उन्हां दोहां विचों इक बड़ा सुंदर घोड़ा सी कमैद रंग दा। मथ्थयो बल्ला ते चंबा सी। दर्शन करन नूं माणा सिँघ घविंड आया होया है। पातशाह आखण लग्गे, बाबा असां तेरे कोलों घोड़ा सेवा विच लैणा है। हथ्थ जोड़ के माणा सिँघ आखण लग्गा, सच्चे पिता आप दे घोड़े हन। जदों हुक्म करो उसे वक्त सेवा विच दे जांदा हां। महाराज होरीं आखण लग्गे, बाबा जेहड़ी सेवा मूंहों कढीए, उसे वक्त दे देणी चाहीदी है। हथ्थ जोड़ के बेनंती करदा है दीन दयाल

दो वछेरे ने, जेहड़ा हुक्म करो मैं भेज देंदा हां। महाराज होरीं आखण लग्गे, बाबा जिहड़ा कमैत रंग दा घोड़ा है, ओह सानूं भेज दे। तेजा सिँघ दे बाप ने घोड़ा लिआ के पातशाह दी सेवा कर दित्ती। पातशाह पुच्छदे ने, बाबा घोड़ा लादू कढ्ढया कि नहीं ? उस आक्खया जी असीं तां नहीं उत्ते चढ़े, आप दया करो।।

भाद्रों दे महीने दा बचन है, दूसरा वछेरा पालदे हन जी। तेजा सिँघ दूसरे वछेरे चढ़ के पातशाह कोल आया है दर्शन करन। पातशाह हस्स के आखण लग्गे तेजा सिँघ आपणे वाला घोड़ा सानूं दे दे ते साड्डे वाला तूं लै ला। जे भाग चंगे हुंदे ते सिख सति बचन मंन लैंदा जी। अगों सगों बेनंती करन दी बजाए तेजा सिँघ आखण लग्गा, सच्चे पातशाह एह घोड़ा नहीं तुहानूं देण वाला। सिख दा कर्म नहीं अगों पातशाह दा बचन मोड़ना जी। पर सच्चे पातशाह जबाब सुण के चुप कर गए। ऐसा खोटा बचन करन करके पातशाह नराज़ जापदे हन। दिहाड़ी रैह के तेजा सिँघ चला गया है। जा के आपणे बाप नूं आक्खया, बापू पातशाह तां एह वी घोड़ा मंगदे सन। माणा सिँघ आखण लग्गा, फेर तूं की आक्खया सी। तेजा सिँघ आक्खया बापू मैं आक्खया सी, पातशाह एह घोड़ा नहीं तुहाडे देण वाला। माणा सिँघ आक्खया तूं बहुत कठोर बचन बोल्लया है। सिख दा कम्म नहीं एह बचन बोलणा। तेजा सिँघ आक्खया, मैथों बापू जी गलती हो गई है, मैनूं भुल्ल बख्शणा। कोई दिन पा के तेजा सिँघ विसाखी ते घोड़ा लै के गया है। ५०० रुपैया घोड़े दा मिले ते तेजा सिँघ ने दित्ता ना। ठगां कोलों घोड़ा ठगा के आ गया। रसीद वी ओन्हां ने बणवा लई ते पैसे वी ना ओन्हां दित्ते। पातशाह दे हुक्म मोड़न दा फल पा लिआ। सिक्खी विच कलंक लग्ग गया कि पातशाह दा बचन मोड़या ते घोड़ा गुआ लिआ। सिख सदा भुल्लणहार हन, ते सच्चा साहिब बख्शणहार है। एसे कर के सिक्खी दा बचन लिखिआ है, ‘‘खँडिओ तिक्खी ते वालों निक्की’’। निरंकार सच्चे पातशाह दे दवारे सोच के बचन बोलण दी लोड़ है। माड़ा बचन कढ्ढण नाल भोगणा पै जांदा। अठ्ठ घोड़े सच्चे पातशाह दी सेवा विच भुच्चरों आए हन।।

इक वेरां दा बचन है कि तेजा सिँघ दीआं अक्खां दुखणीआं आ गईआं। ऐनीआं दुखदीआं हन कि बिलकुल अक्खीं दिस्सणों हट्ट गया। चोरां ठगां वल ध्यान रक्खण नाल मेरीआं अक्खां बंद हो गईआं। २७ चक्कों १०० कोह पैंडा घविंड दा सी। बार वाला बुध्ध सिँघ पातशाह दा सिख सी। तेजा सिँघ ते बुध्ध सिँघ दा बड़ा प्आर सी। तेजा सिँघ बुध्ध सिँघ नूं आखण लग्गा, बुध सिँघ मैं पातशाह दी सेवा विचों आ गया हां, ते मेरीआं अक्खां दुखदीआं हन। जे मैं चला जावां, जा के भुल्ल बख्शा लवां ते हुणे रमान आ जे। मेरे पास सेवा है नहीं ते एस कर के नहीं जांदा। बुध सिँघ किहा जो जी करदा तेरा मेरे पासों सेवा लै जा, मैं किसे कोलों लै देंदा हां। तूं जा के सेवा कर ते दर्शन कर आ। बुध ने इक सौ पंजाह रुपैए पाल सिँघ कोलों उधार लै के दित्ते फिर तेजा सिँघ ने सवा सौ रुपय दा घोड़ा चिट्टे रंग दा लिआ ते नवीं काठी २५ रुपैए दी लैलपुरों लै के पातशाह दे चरनां विच ध्आन रक्ख के तुर पिआ है जी। इक मंज़ल पुच्छ पुच्छा के आया ते दूसरी मंज़ल

पातशाह दया कर दित्ती, चानण हो गया। निगाह ठीक हुंदी गई। चौथे दिन पातशाह दे चरनां विच पहुंच गया है। जिस वक्त पातशाह दा दर्शन कीता दुख दूर हो गए। पातशाह अग्गे बेनंती कीती सच्चे पातशाह मैनूं भुल्ल बख्शो। आप दी चीज आप दे पास आ गई है। मैनूं हुण हथ्थीं सेवा ते देह नरोई ते सास सुखाले बख्शो। पातशाह आखण लग्गे असीं तुहानूं बलदीआं अगां विचों कढदे हां, तुसीं जाण जाण के वड़दे जे। जेकर साढ्ढी किरपा ना हुंदी ते साढ्ढे चरनां विच किस तर्हां उँदा। सानूं तां सारा पिच्छलीआं तुहाढ्ढीआं कमाईआं दा पता है, ते तुहानूं की पता है। शुकर कर के घोड़ा वी निमस्कार कर के मथ्था टेक दित्ता। आप सत बचन मंन के सेवा नूं लग्ग पिआ जी। तेजा सिँघ सिख बुध्ध सिँघ दा बड़ा धंनवाद करदा है जिस ने करजा उठा के गुर भाई नूं सेवा विच घल्लया है जी। पाल सिँघ नूं बुध्ध सिँघ ने आप पैसे दे दित्ते। तेजा सिँघ नूं ५ साल पुछया नहीं। फिर तेजा सिँघ आपणे आप बुध सिँघ नूं पैसे दित्ते हन जी।।

बार वाली सिक्खी दा पाल सिँघ थम्म सी। किसे रकम दी तकलीफ जां चिंता होवे, पातशाह दे बचन सुणा के कायम कर दिंदा सी।

इन्द्र सिँघ झुबाल वाले ने पातशाह दी शरन औणा

इन्द्र सिँघ झुबाल दा इक सिख सी। ओह २१ साल दा सी जदों पातशाह दी शरन लग्गा है शरन लग्गण तों पैहलां सच्चे पातशाह ओस नूं दर्शन देंदे सन। मन विच तां समझे कि पातशाह अवतार धारया है, पता ना ओस नूं लग्गे केहड़ी जग्हा हन। मुलतान विच इन्द्र सिँघ रेलवाई कारक्खाने विच नौकर हुंदा सी। इन्द्र सिँघ छुटी आया है। इन्द्र सिँघ दी भैण पउविंड व्याई होई सी, ओस नूं मिलण गया है। इन्दर सिँघ दी भणेवी रामगढ़ीआं सिँघां दे घर गागे व्याई होई सी। गागे वाले पातशाह दी भूआ दे पुत्त भरा सन। सच्चे पातशाह आप दी भूआ नूं मिलण जांदे हुंदे सन। पातशाह दी सकी भैण ठाकरी वी गागे पिण्ड व्याई होई सी। भूआ ते भैण नूं पातशाह महीने २० दिनां पिच्छों जरुर मिलण जांदे सन। सच्चे पातशाह दिलां दीआ जानण वाले ने। पउविंड वाली बीबी (इन्द्र सिँघ दी भणेंवी) बड़ी सच्चे पातशाह दे दर्शनां दी तांघ रक्खदी सी। पातशाह ऐड्डे दयाल होए उस बीबी नूं सोलां कलां संपूरन दर्शन देण लग्ग पए। जिस वक्त पउविंड आप दे पेके घर बीबी जांदी सी, अठ्ठे पहर मोर मुकट सिर ते दर्शन देंदे रैहण, ऐड्डे मिहरवान हन।।

संत मनी सिँघ वी गागे जांदे सन। बीबी ने ओहनां दा वी दर्शन कीता होया सी। संतां नूं गुरु जाण के हिरदे विच रक्खदी सी। उस बीबी ने आप दी माता नाल बचन कीते कि निहकलंक अवतार त्रिलोकी नाथ ने घविंड पिण्ड विच अवतार धारया है, रामगढ़ीआं सिक्खां दे घर ते मेरी सस्स दे भतीए लग्गदे हन। पातशाह दी सकी भैण वी साड्डे कोल है, उस दे कोल औंदे हन, ते मैनूं दर्शन हो जांदा है। संत मनी सिँघ दा वी मैं दर्शन कीता है। बीबी दी माता नूं बचन सुण के बड़ा प्रेम जागया। ओस आक्खया बीबी तेरे नाल सानूं वी दर्शन हो जाणगे।उस ने आक्खया, चलो माता जी आपां ऐथ्थों सिध्धे घविंड जा के दर्शन कर

सः बिशन सिँघ · सः इन्द्र सिँघ सः र्पीतम सिँघ
सः बिशन सिँघ · सः इन्द्र सिँघ सः र्पीतम सिँघ

आईए। जिस वक्त इन्द्र सिँघ गया ते दोवें मावां धीआं पातशाह दा जस कर के अनन्द हो रहीआं हन। जदों बीबी बहे जां उठे ओदों सच्चे पातशाह दा नाम लैंदी सी। इन्द्र सिँघ आखण लग्गा, बीबी तूं कीहदा नाम जपदी हैं। ओह आखण लग्गी मामा जी, मैं महाराज शेर सिँघ विष्नूं भगवान दा नाम जपदी हां। ओह आखण लग्गा महाराज किथ्थे रैहंदे हन। बीबी आखण लग्गी मामा जी घविंड नगर विच रामगढ़ीआं सिक्खां दे घर अवतार धारया है। गागे वी पातशाह औंदे हन आप दी भूआ ते भैण कोल ते मैनूं वी दर्शन हो जांदा है। ओस वक्त इन्द्र सिँघ आखण लग्गा बीबी तूं बड़े भागां वाली हैं, मैनूं वी दर्शन करा। ओस वक्त इन् दर सिँघ बचन करदा है कि बीबी मैनूं वी पातशाह दर्शन तां बड़ा देंदे रहे हन पर मैनूं समझ नहीं लग्गी। अछा हुण मैं दर्शन कर के फेर तैनूं दस्सांगा। जिस तर्हां मैनूं वखौंदे सी, मैं सिआण लवागां। इन्द्र सिँघ पुच्छदा है बीबी जी किस तर्हां पता लग्गा तुहानूं कि परगट होए हन। ओह आखण लग्गी मामा जी मालवे देस विचों संत मनी सिँघ आया है। ओस आक्खया ते ढोल मारे हन कि महाराज शेर सिँघ विष्नूं भगवान माझे देस विच गरीबां दी रक्खया करन आए हन। मैं बलिहार हां सच्चे साहिब तों, ओन्हां दे गुण तां मैं नहीं गा सकदी। इन्द्र सिँघ आक्खया बीबी तूं हुण मैनूं दर्शन जरुर करा। ओस आक्खया मामा जी तुसीं चलो ते सगों मैं वी तुहाढ्ढे नाल जा के दर्शन कर लवांगी। अगले दिन संत मनी सिँघ वी सबब नाल पउविंड चले गए। नाल बाबा रंगा सिँघ पातशाह दा चाचा अते संत फुम्ंमण सिँघ सेवादार सी। तिंने जणे घर पुच्छ के चले गए हन। बीबी वेख के बड़ी ख़ुश होई। आप दी माता नूं समझाया कि एह संत मनी सिँघ आए हन। जिन्नां महाराज होरां नूं लभ्भा है, ते

इक पातशाह दा चाचा नाल है। पलँघ डाह दित्ते बीबी ने हथ्थ जोड़ के निमस्कार कीती। जल पाणी दी सेवा विच लग्ग पए हन। हट्टीओं प्रशाद लिआ के संतां अग्गे रक्ख दित्ता है। ओने चिर नूं बाहरों इन्द्र सिँघ वी आ गया। बीबी दस्सया कि मामा जी गुरु साहिब बाबे मनी सिँघ होरीं आए हन। इन्द्र सिँघ नूं आखदी है कि मामा जी हट्टीओ प्रशाद लिआ के बाबे मनी सिँघ दे अग्गे रंख के गल्ल विच पल्ला पा के बेनंती कर, हे सच्चे पिता मैनूं गरीब नूं आप दा सिख करो ते आप दे जहाजे चढ़ा लओ। संत मनी सिँघ आकाश बाणी नाल जुड़नगे। पातशाह हुक्म दित्ता ते तेरा परशाद वरतौणगे, नहीं ते ओन्हां चिर नहीं वरतौंदे। इन्द्र सिँघ बचन सुण के हट्टी नूं प्रशाद लैण चला गया है। तां कूज्जयां मिश्री दा प्रशाद लिआया है। बाबे मनी सिँघ अग्गे प्रशाद रक्ख के, गल्ल विच पल्ला पा के बेनंती करदा है कि दीन दयाल जिस तर्हां दूसरीआं संगतां बाहों फड़ के बंने लाईआं हन, मेरे ते वी दया करो। संतां आक्खया पातशाह दी धारना तैनूं वरतणी पवेगी। मास शराब तिआगणा पवेगा, सच्चे पातशाह दी एह धारना है। किसे देवी देवते दी पूजा नहीं करनी, सच्चे पिता दे चरन पूजणे। इन्द्र सिँघ आक्खया बाबा जी मैं तां हुण त्याग करदा हां, पर आप ही मेरे सिर ते हथ्थ रक्खोगे ते निभाउगे।।

सच्चे पातशाह दा अैसा प्रेम जागया, कार विहार छड्ड के हुण अठ्ठे पहर सेवा विच पातशाह दे दर ते आ गया है। ऐसी सच्चे पातशाह दया कीती, नंगे पैरीं चरनां विच औंदा है। दो साल पैरीं जोड़ा नहीं पाया। अठ्ठे पहर माल दी सेवा विच लग्ग पिआ। ६ मास एसे तर्हां गुजारे। सच्चे पातशाह दे मकान बणाए हन। बड़ी प्रेम नाल सेवा कीती। लकड़ दा कम्म वेखण वाला है, जिहड़ा उस कम्म कीता है। सिक्खां नूं माया दी सेवा करदयां वेख के उस दा दिल वी कीता कि कोई नौकरी कर के ते माया दी सेवा पातशाह दी मैं वी करां। पातशाह तों ख़ुशी लै के समुंदरां तों पार नैरोबी कम्म ते चला गया है। ओथ्थे तिंन साल कम्म ते रिहा है। ओथ्थों फेर सच्चे पातशाह दी बहुत वधीआ रेशमी पुशाक सणे कोट बिलटी कर घल्ली है। कोट दे बोजिआं विच सेवा वास्ते रुपए घल्ले हन। ओथ्थे दर्शन ना होण ते फेर चित उदास हो गया। सोचदा है कि मै सच्चे पिता दी सच्ची नौकरी छड्ड के झूठी नौकरी करदा हां। तिन्न साल बाद पातशाह दे कोल कम्म छड्ड के आ गया। औंदे ने पातशाह दी पुशाक, इक जोड़ा ते इक चानणी ते १०० रुपया नकद सेवा कीती, दर्शन कर के निहाल होया। सच्चे पातशाह ख़ुश हो के आखण लग्गे, इन्द्र सिँघ मंग कुछ साड्डे पासों। आखण लग्गा सच्चे पातशाह मैनूं तां पता नहीं केहड़ी चीज तुहाथों मंगी दी आ ते केहड़ी चंगी आ, तुसीं आप ही दया करो। पातशाह आखण लग्गे असीं तां देवांगे ई, इन्द्र सिँघ तूं वी मंग ला, जो जी करदा ई। इन्द्र सिँघ आखण लग्गा सच्चे पातशाह जन्म जन्मांतर तुहाढ्ढे चरनां दा संग ते भजन दा रंग ते पिछले जामे दी सारी सुरत बख़शिओ जे। एह मंग सिख ने मंगी। सच्चे पातशाह आखण लग्गे इन्द्र सिँघ तेरीआं आसां मुरादां असीं सारीआं पूरीआं करांगे जी।।

इन्द्र सिँघ फेर सेवा विच रात दिने हाज़र हो गया। माण चंदरा जीआं विच सच्चे पातशाह खौरे क्यों वसा दित्ता है। माण कर के सिख भुल्लणहार हो जांदा है। इक समें

दा बचन है कि इन्द्र सिँघ ओस वक्त झुबाल सी। तेजा सिँघ नूं पातशाह ने इन्द्र सिँघ कोलों सेवा लैण घल्लिआ। तेजा सिँघ जा के सेवा मंगी कि पातशाह मैनूं घल्लिआ है।इन्द्र सिँघ आक्खया मैं घसवटी नहीं देण जोगा, मैं आप दी ख़ुशी नाल पुज्ज आई सेवा करांगा। जदों मेरा दिल करुं, मैं आपे जा के सेवा दे दिआंगा। तेजा सिँघ नूं आखण लग्गा, तैनूं की पता किस तर्हां पैसे बणदे हन। ना तूं कमाई कीती ते ना तैनूं पता लग्गा। मैं तिंन साल समुंदरां तों पार जा के ते ऐस सज्जे हथ्थ नाल तेसा वाह के आंदे हन। तुहाढ्ढे भाणे खणी ओथ्थों डाका मार के लै आया हां। तेजा सिँघ आक्खया मैं सच्चे पातशाह दा घल्लिआ तेरे पास आया हां, ते तेरा घल्लया पातशाह कोल चल्लया जावांगा। तेजा सिँघ आ गया ते पातशाह नूं आण के आखण लग्गा, पातशाह इन्द्र सिँघ आंहदा सी, सेवा त्यार नहीं, मैं थोड़े दिनां तक लै के आप आवांगा। थोड़े दिनां तक आ के सेवा दे के फेर चला गया है। तेजा सिँघ ने इन्द्र सिँघ दा होर बचन वध घट कोई पातशाह नूं नहीं दस्सया।।

इक दिन इन्द्र सिँघ लहौर नूं मोटर सैकल ते चढ़ के गया ते मोटर सैकल डिग पिआ ते मशीन बंद ना होई। सज्जा हथ्थ इन्द्र सिँघ दा सारी हथ्थेली वढ्ढी गई है। ओस वक्त राईआं ने फड़ के हथ्थ बंन्ह दित्ता। डिग्गे पए नूं वेख के मोटरां वाले लँघे हन, ओहनां मोटर ते पा के वड्डे हस्पताल सुट्ट दित्ता है जी। फेर हस्पताल रिहा। जख्म मिलण दा नां नहीं लैंदा। फेर पातशाह अग्गे आ के बेनंती कीती कि सच्चे पातशाह हथ्थ दा जख्म नहीं मिलदा। पातशाह आखण लग्गे, आजू रमान, कोई लोड़ नहीं हस्पताल जाण दी। माडी जही मल्लम पातशाह घर बणाई होई सी, आखण लग्गे एह हथ्थ ते लाई जा। दो चार दिन लाया रमान आ गया है। सच्चे पातशाह दया कीती, कोई दिन पा के सच्चे पातशाह ते सारी संगत घविंड घर बैठे सन। तेजा सिँघ हस्स के बचन कीता। इन्दर सिँघ जेहड़ा सज्जा हथ्थ मैनूं ओदण सेवा लैण गए नूं वखाया सी, हुण अज्ज वखा खां। इन्द्र सिँघ हस्स पिआ, पातशाह पुच्छण लग्गे, इन्दर सिँघ की गल्ल है। ओह आखण लग्गा सच्चे पातशाह आपे तेजा सिँघ दस्स देंदा है। पातशाह खैहड़े पै गए तेजा सिँघ हस्स के आखण लग्गा, सच्चे पातशाह जदों तुसां मैनूं सेवा लैण घलिआ सी, इन्दर सिँघ आखण लग्गा, मैं सज्जे हथ्थ नाल तेसा वाह के कमाई कर के पैसे आंदे हन। मेरा जी करु ते सेवा दउँ, जी करु ते ना दउँ। सच्चे पातशाह मैं तुहानूं आण के दस्सया नहीं हुण वेख लौ ओहो सज्जा हथ्थ मोटर सैकल विच आ के सारा वढया गया है। एह बचन सुण के पातशाह हस्स पए ते सारी संगत वी सुण के ख़ुश होई पातशाह आखण लग्गे, तेजा सिँघ ओहने कोई झूठ आक्खया है, ठीक ही सज्जे हथ्थ नाल कमाई कीती है। एस तर्हां पातशाहां हासे बचन पा दित्ता। जेहड़ा सिख अठ्ठे पहर पास रैहण वाला है, ओस कोलों जरुर भुल्ल हो जांदी है, जेहड़ा कदी कदाईं दर्शन करन आवे ओह भय विच रैहंदा है। फेर इन्द्र सिँघ ने सारी उमर ऐड्डी प्रेम नाल सेवा माया दी ते हथ्थां दी कीती है मैं उपमा नहीं कर सकदा। धन्न सच्चे पातशाह ते धन्न उस दे सिख हन।।

लंगर दी साखी

तेड़े दा गुजर सिँघ पातशाह दा सिख सी ते घविंड सेवा विच रैहंदा सी। मजूरी कर के टोकरी ढो के आपणे जीआ जंत दी पालना करदा सी। साल विचों दो महीने पातशाह दी सेवा कर जांदा सी। जदों तों शरन लग्गा है एसे तर्हां सेवा करदा है जी। बुध सिँघ बाले चक्क वाला वी एसे तर्हां सेवा करदा सी। चेत सिँघ बाले चक्क दा ते गुजर सिँघ दबुरजी वाला वी एसे तर्हां दीन दयाल दी सेवा करदे सन। बलवंत सिँघ भुचर वाला वी हर वक्त वाही दा कम्म करौंदा सी। उस दे घरों लंगर दी सेवा विच रैहंदी सी। लाभ सिँघ तोड़े वाला हर वक्त लंगर दे बालण दी सेवा करदा सी। चेत सिँघ कलसीआं वाला हर वक्त पातशाह दे नाल रैहंदा सी। जिधर जांदे सन हाजर रह के सेवा करदा सी। चेत सिँघ दी नेड़े रैहण कर के बहुत सेवा सी, क्योकि जिस वी चीज दी जरुरत होवे ओसे वक्त लया के हाजर करदा सी। गड्ड दी जरुरत होवे सणे बौलद गड्ड लै औणी। बालण गड्डा जोह के छड्ड जाणा। आटा पीहण वाला होवे ते आप दे घरों बोरी कणक दी पीह के छड्ड जाणी। गल की अनगिणत सेवा है सिख दी। १२ जां १३ सिख जरुर हर वक्त सेवा विच रैहंदे हन। पुराणे बिरध सिख दर्शनां नूं औंदे हन ते सिक्खां नूं बचन बलास दस्सदे हन। एहो उपदेश देणा कि सिक्खो पातशाह दे चरनां वल्ल ध्यान रक्खणा जे, नेतरां वल नहीं साम्हणे वेखी जाणा। जिस वक्त पातशाह हुक्म देण ओसे वक्त बचन मन्न के हाजर हो जाया करो। वेखयो किते सराफ ना लै लयो। पातशाह काले नाग हन। धन्न धन्न बाबा मनी सिँघ ते धन्न पुराणे सिख हन जिन्नां ने उपदेश दे के महाराज सच्चे पिता दी शरन लाया है। एह वी बचन आखणा कि जो हासे नाल वी सेवा मूंहों कढदे हुंदे जे, दे दया करो, क्योंकि देह दा की पता है, ते सुखणा सच्चे पातशाह जरम पा के वी नहीं छड्डदे। पुराणयां सिक्खां ने माता होरां नूं वी उपदेश देणा कि माता जी किते भुल्ल ना जायो, एह महाराज शेर सिँघ विष्नूं भगवान हन। एहनां कोल सत बचन मन्नण दी लोड़ है ते माता जी तुहाढ्ढी अंञाण बुध्ध है, किते सच्चे पातशाह दे लंगर विच दूज ना पा दयो जे। पिछले जरमां दे विछड़े सिख पातशाह चरनी लाए हन। हुण दे विछड़यां दा चार जुग मेला नहीं होणा। बौहल सिँघ आखण लग्गा माता जी मैं तुहानूं लंगर दी कथा सुणौंदा हां। जरा प्रेम नाल पातशाह दे चरनां विच ध्यान कर के सुणो :

सिँघ साहिब बाबा महताब सिँघ मनी सिँघ दे गुरु सन। ते ओन्हां आपणी अक्खीं वेखया है। महाराज शेर सिँघ विष्नूं भगवान इक डब्बे रंग दी कुत्ती रक्खी है। असां जदों सवेरे उठ के महाराज शेर सिँघ दीयां परक्ररमां करनीयां, कुत्ती ने पातशाह दी बुक्कल विच सुत्त्ती होणा। फेर सिक्खां ने बाबे मनी सिँघ नाल बचन कीता कि बाबा जी सच्चे पातशाह डब्बी कुत्ती नाल बड़ा प्रेम करदे हन। पलँघ ते भांवे बैठ जावे गुस्से नहीं हुंदे। मनी सिँघ आक्खया, बौहल सिँघ बाबा महताब सिँघ छेवीं पातशाही हरि गोबिंद साहिब दा जामा सन ते माई गुलाबी बरकी नगर दी धी लग्गदी सी। प्रेम बड़ा करदी सी। अठ्ठे पहिर सेवा विच रैहंदी सी। महताब सिँघ दीआं मझी गाईं बहुत सन। बारां महीने लंगर विच दुध्ध बड़ा रैहंदा सी। जिंने भण्डारे भरपूर ओथ्थे लंगर विच रैहंदे सी, ओनां माई गुलाबी सिक्खां नूं ख़ुश हो के छकौंदी

नहीं सी। पातशाह बाबे महताब सिँघ दा थाल वी सणे मलाई नहीं सी लवौंदी। एह हुण महाराज शेर सिँघ विष्नूं भगवान ने जामा पहनया है। लंगर दी दुविधा करन नाल माई गुलाबी ने हुण कुत्ती दा जरम पाया है। जेहड़ी एस सेवा कीती सी, ओस कर के सच्चे पातशाह एस नाल प्रेम करदे हन। ते सराफ कर के कुत्ती दा जरम पाया है। हुण सच्चे पातशाह हर इक विछड़े सिख नूं चरनां विच मेलदे हन ते हुण कुत्ती दा जरम दे के, आप दा सराफ भुगता के, एस दी गति कर देणगे। सिक्खो जेहड़ा हुण सच्चे पातशाह शिकार वी खेढ्ढदे हन। जेहड़े जुगां दे विछड़े हन ते जंगलां विच जरम धारे हन, ओन्हां दी शिकार दे पज्ज जा के गति करदे हन। एन्हां दी महिंमा नूं जीव नहीं जाणदे। मैं बलिहार हां सच्चे पिता ते उस दे सिक्खां दे जेहड़े हर वक्त सेवा विच रैहंदे हन, ते अैनां भय रक्खदे हन जी कि एह वेला मुड़ के हथ्थ नहीं औणा। एथ्थे डरन दी लोड़ है।।