चेत सिँघ कलसीआं वाले ने सुखणा सुक्खी
चेत सिँघ कलसीआं वाले कोल इक घर दा वछेरा सी। मूंहों बचन कढ्ढ दित्ता कि सच्चे पातशाह एह वछेरा तुहाढ्ढा है, राजी रहे। फेर पातशाह नूं दे गया। पातशाह इक महीना उत्ते चढ़े फिरदे रहे हन जी। जे कोई पुच्छे पातशाह घोड़ा मुल लिआ है ते पातशाह आखणा नहीं चेत सिँघ कलसीआं वाले साड्डे सिख ने घोड़ा दित्ता है। इक दिन चेत सिँघ आया ते जाण लग्गा घोड़े ते चढ़ के चला गया। १० दिन हो गए ते पातशाह सिख नूं घल्लया, जाओ जा के साढ्ढा घोड़ा लियाओ। जा के सिख आक्खया चेत सिँघ पातशाह घोड़ा मंगदे हन। ओस आक्खया मैं तां पातशाह नूं चार दिन चढ़न वास्ते घोड़ा दित्ता सी, सारा नहीं दित्ता। मैनूं तां आप लोड़ बड़ी है, घोड़ा वेचणा लाया है। सिख ने जा के ओसे तर्हां दस्स दित्ता कि पातशाह ओह आंहदा है ते मैं वकाउ धरया है। पातशाह बचन सुण के आखण लग्गे, पैहलों सानूं घोड़ा दे के ते हुण वेचणा धरया है। अच्छा फेर की होया, सानूं नहीं दित्ता, ते साड्डे घोड़े ते होर वी नहीं कोई चढ़दा। ओस वक्त पातशाह एह वाक छड्ड दित्ता। घोड़ा पाणी पीण नहर विच वड़ गया, जंजीर वझा सी, मुड़ के निकलया ना गया। नहर विच डुब के घोड़ा मर गया। पास रैहण वाले नूं वर मगरों ते सराफ पैहलां हो जांदा है। आप ही सच्चे पातशाह सिख ते रहम करदे ने। सिख दी कोई ताकत नहीं। आप ही भुल्ले होए नूं मार्ग पा लैंदे ने।।
इक दिन सच्चे पातशाह बड़े दयालू होए ते चेत सिँघ दा वड्डा पुत छंगारा सिँघ खेतीं वाड़े सच्चे पातशाह दा दर्शन करन गया है। सच्चे पातशाह हस्स के आखण लग्गे, छंगार सिँघ अज्ज असीं तेरे कोलों घोड़ी लैणी है। ओह आखण लग्गा, सच्चे पातशाह अज्ज तां मैं तुर के आया हां। मेरे कोल घोड़ी कोई नहीं, चोरी किसे दी भावें भजा लियावां। पातशाह मखौल करदे हन भावें कितों लया दे, असीं परवान कर लवांगे। फेर पातशाह कोलों ख़ुशी लै के छंगार सिँघ बैकंउठे रक्ख जाण लई चल पया। तुरया जांदया विचारां करदा है कि पातशाह भावें हस्सदे सन पर बचन पूरा होवे ते ताहीएं गल्ल ठीक है। मन विच विचारां करदा जांदा है ते छंगार सिँघ तों छोटा दीदार सिँघ उस दा भरा वांडे गया होया
सी, घोड़ी लै के ओह रस्ते विच मिल पया। दीदार सिँघ नूं छंगार सिँघ आखण लग्गा, घोड़ी मैनूं देदे मैनूं कम्म है ते तूं तुर के घर नूं चला जा। छंगारा सिँघ ओन्हीं पैरी घोड़ी लै के खेतीं पातशाह कोल आ गया है। पातशाह नूं निमस्कार कर के गल्ल विच पल्ला पा के बेनंती करदा है कि पातशाह आह घोड़ी मैं सेवा करदा हां ते दया कर के परवान करो। पातशाह हस्स के आखण लग्गे छंगार सिँघ अज्ज तां सेवा वलों पिच्छलीयां टोटां सारीयां कढ लईआं ई। सच्चे पातशाह आप ही सिख ते दया कर देंदे हन, जे सिख भुल्ल वी करदा है। घोड़े वाली भुल्ल पातशाह बख्श दित्ती ते घोड़ी परवान कर लई। ऐड्डे दयालू अवतार कलजुग विच हन असीं एन्हां दी उस्तत नहीं कर सकदे जी।।
माई जिऊणी दी सेवा ते संत मनी सिँघ देह छड्डणी
माई जीऊणी भंडालां पिण्ड दी सी ते बड़ा प्रेम करदी सी। दो माई दे पुत्र सन। इक अठ्ठां ते दूसरा दस्सां कु सालां दी उमर दा सी। आदमी माई दा सुरगवास हो गया सी। पदार्थ पातशाह दी दया नाल माई कोल बहुत सी। दोवां पुत्तां नूं पढ़ौउंदी सी, ते छींबिआं दे घर दा जरम सी। बड़ी सच्चे पातशाह दी माया ते बस्तरां दी सेवा करदी सी। संत मनी सिँघ वी भंडालीं बहुत रैहंदे सन, माई दे प्रेम कर के। अैसा समां आया कि संत मनी सिँघ भंडालीं गए हन। ते माई दे पुत्र वी गभरु हो गए। साढे तिन्न साल संत मनी सिँघ संगरुरीं नज़र बंद रहे हन। जिस वक्त ओथ्थों छुट्टे हन ते सिध्धे भंडालीं आए हन। ओथ्थे महीना रहे हन। सारी सिक्खी संत आए सुण के हुम हुमा के दर्शनां नूं गई है। जेहड़े सिख पातशाह कोल हन, ओन्हां वी पुछया, सच्चे पातशाह जे आखो असीं वी बाबा मनी सिँघ भंडालीं आए हन, ओन्हां दे दर्शन कर आईए। पातशाह आखण लग्गे, कोई लोड़ नहीं। आपे एथ्थे आ जाणगे। सिख जेहड़े ओथ्थे जांदे ने ओहनां नूं बंनौण जांदे हन। सिक्खां गयां नूं वेख के भंडालां दे विचों इक ज़िमीदार ने कपूरथले जा के चुग्ली मारी कि इक संत अंग्रेज़ां दे बरखलाफ बड़े बचन लिखदा है। राजे दी पुलस आण के संतां नूं गिरफ्तार कर लया ते कपूरथले जेल विच संत दे दित्ते हन। राजे संगरुर दी जेल विचों छुट्टे हन ते राजे कपूरथले वाले ने संत कैद कर दित्ते हन। नाल सिख वी ओस वक्त जेहड़े कोल सन फड़े गए हन। खीरां वाली दे दो सिख अतर सिँघ ते खड़क सिँघ ओह नाल फड़े गए हन। अैसा अँन्हा राजा सी चुग्ली सुण के ही संतां नूं कैद कर दित्ता। कुछ सोच्चया नहीं कि बिरध संत हन। हाढ़ दा महीना सी। गर्मी बहुत पैंदी है। मुकदमा चल पया तै तर्रीकां पैण लग्ग पईयां। संतां नूं महाराज होरां आकाश बाणी दित्ती कि संता मैं जोत रुपी राजे मार दित्ते हन, ते एहनां दे हुण तूं सिआपे कर दे। संत मनी सिँघ सिक्खां नूं आखण लग्गे कि पातशाह बचन देंदे हन, बाबा राजेयां दे सिआपे कर, असीं जोत सरुपी मार दित्ते हन। मनी सिँघ सति बचन मंन के इक सीढ़ी रोज बणा के ते साड़ दया करन ते कोल पिट्टिया करन, सिआपा करया करन। सिख सारे जेहड़े नाल सी ओह गल्लां नूं पिट्टिआ करन ते मनी सिँघ विच बैह के मरासणां वागूं अलौणीआं दिआं करन। १५ दिन एसे तर्हां सिआपा हुंदा रिहा। तिंन महीने एसे तर्हां सिख ते मनी सिँघ बंदीखाने रहे हन। गर्मी बड़ी सी, संतां नूं मरोड़ औण लग्ग पए।।
इक दिन राजे कपूरथले वाले दा वढ्ढा पुत्र जेल विच सैर करन ते कैदीआं नूं वेखण वास्ते आया है। नाल होर वी बहुत अफसर हन जी। बिरध संत कैद विच वेख के ओस ने पुछया कि संत बिरध अवस्था विच क्यों कैद विच दित्ते हन। ओहनां आक्खया जी संत राज दे बरखलाफ प्रचार करदा सी। एस कर के कैद कीता है। ओस पुछया कि एह संत कोई बंदूकां ते रैफलां नाल लई फिरदा सी। ओहनां आक्खया नहीं जी कोल तां कुछ नहीं सी। ओस गुस्से होयां किहा संतां नूं अैसे वक्त छोड़ दित्ता जावे। उस दे मूंह ते आखण लग्गे जी चंग्गा, फेर छडआ नहीं गा, ऐसे लोकीं पापी सन। अैहलकारां सलाह कीती कि संतां नूं जमानत लै के छड्डो। माई जीऊणी नूं ठाणेदार आखण लग्गा, माई तूं संतां दी जमानत दे देवेंगी। माई आक्खया मैं संतां ते सारे सिक्खां दी जमानत देवांगी। फेर ओस वक्त माई जमानत दे के सारे सिख ते मनी सिँघ नूं आप दे नाल भंडालीं लै आई है। १२ सौ रुपया माई जीउणी दा एस मुकदमे ते लग्ग गया है। मनी सिँघ दा बिरध शरीर सी। माई बड़ी सेवा कीती। पर संतां दे मरोड़ हटे नहीं। १० असू बिक्रमी १९७६ नूं संत मनी सिँघ चोला छड्ड गए हन। लागे तिंन मील पैंडा सी खीरांवाली दा। अतर सिँघ ते खड़क सिँघ सिख दोवें संतां दे कोल देह छड्डण वेले आ गए हन जी। अतर सिँघ सिख ते पातशाह दी बड़ी किरपा सी। संतां दी सेवा करन नाल अतर सिँघ दी सुरत खुल्ही होई सी। जिस वक्त बह के शब्द नाल जुड़दा है पातशाह ओसे वक्त दर्शन देंदे सन। अतर सिँघ संतां दी देह कोल बैठ के शब्द नाल जुड़िआ है। जिस तर्हां पातशाह हुक्म दित्ता, ओसे तर्हां संतां दे कपड़े ते इशनान कराया गया। पातशाह बचन दित्ता कि संतां दा संस्कार खेत जा के खूह दे कोल माई जिऊणी दी पैली विच कीता जावे ते कच्ची मिट्टी दी ढेरी ओथ्थे निशानी बणा दित्ती जावे। अतर सिँघ ने उसे तर्हां संस्कार करके ओथ्थे सवाह दी ढेरी ला दित्ती। फुल चुग के गड़वी विच पा लए ते घविंड आण के पातशाह दे चरनां विच रक्ख दित्ते।
सारयां सिक्खां नूं पता लग्गा कि गुरु साहिब साढ्ढे देह छढ्ढ गए हन। सारे सिख पातशाह कोल अफसोस वास्ते गए हन। सारयां सिक्खां ने पातशाह कोल संतां दे नां प्रशाद कराया ते बेनंती कीती कि सच्चे पिता अग्गे तां संतां नूं आकाश बाणी देंदे सो ते असीं बचन सुणदे रैहंदे सां, ते हुण आप ही दया करयो जे। सच्चे पातशाह आखण लग्गे। सिक्खो संत मनी सिँघ तुहढ्ढे कोल ही रैहणगे। किते दूर नहीं जांदे। जदों असीं तुहाढ्ढे पास हां फेर तुहानूं काहदा सहिंसा है। सारयां आक्खया सच्चे पिता तुहाढ्ढे हुंदिआं सानूं काहदा फिकर है। धन्न बाबा मनी सिँघ है जेहड़ा जुगां दे विछड़आं नूं बाहों फड़के तुहाड्डी चरनी ला गया है। असू विच देह छड्डी है संतां ने कत्त्ेा दी चौदे वाली रात मनी सिँघ पातशाह दे घर पातशाह दा पुत्र बण के आ गया है। माता बंती दी कुक्खों संतां ने जरम लिआ है। तिंन साहिबजादे माता नैणो दी कुक्ख विचों हन। इक माता भजनो दी कुक्खों साहिबजादा है। ५ साहिबजादे पातशाह दे हन। वड्डे साहिबजादे दा नाम जोत सरुप पातशाह भगवान सिँघ रक्खया है। फेर पातशाह लाड नाल मोहण कर के वाज मारदे सन। लोकीं वी मोतिआ आखण लग्ग पए। जो सिख हन सारे बाबा भगवान सिँघ जी आख बुलौंदे हन। उस तों छोटे दा नाम उधम सिँघ सी, तीजे साहिबजादे ना नाम, माता बंती दे पुत्र दा, जोत सरुप करतार
बाबा करतार सिँघ बाबा उधम सिँघ बाबा भगवान सिँघ
(बाबा सूरत सिँघ) (बाबा मोता सिंघ)
बाबा शाम सिँघ बाबा दलीप सिँघ
सिँघ पातशाह रक्खया है। सिख सारे बाबा करतार सिँघ आखदे ते होर दुनीयां सूरत सिँघ आखदी है जी। उस तों छोटे दलीप सिँघ ते शाम सिँघ हन जी।।
सिक्खां पातशाह लई बैठक बणौणी
इक वार सारयां सिक्खां रल के सलाह कीती कि पातशाह अग्गे बेनंती कर के इक पातशाह लई बैठक बणाईए। पातशाह अग्गे बेनंती कीती कि साड्डी सलाह है, आप दे बहण वास्ते इक बैठक त्यार करीए। पातशाह आखण लग्गे सानूं तां कोई ऐड्डा बैठक दा चा नहीं। असीं एसे तर्हां ख़ुश हां। सिस्खां आक्खया, पातशाह सानूं चा है बैठक बणौण दा तुसीं दया करो। पातशाह आक्खया चंगा तुहाढ्ढी ख़ुशी। सिखां ने ५०० रुपया कठ्ठा कर के हुडआरे पिण्ड जा के ४० हजार ईट लैणी कर आए, साई फड़ा आए। हाढ़ दे महीने विच इट्टां ढोणीआं शुरु कर दित्तीआं हन। सारयां सिक्खां ने गड्डां लिआ के तिंनां दिनां विच इट्टां ढो लईआं हन। महाराज होरां दे पिता ने हवेली वली होई सी। ज़िमीदारां ने थां दित्ता होया सी। पातशाह थां वाले ज़िमीदारां नूं पुछया कि असीं डिउडी ते बैठक बणौण लग्गे हां जे थां दा फेर कोई रौला पौणा ते हुणे दस्स दयो। सारे आखण लग्गे सच्चे पातशाह बणाओ, तुसीं जो जी करदा है। जिस वक्त मकान त्यार हो गया ते आखण लग्गे थां साडा ए। महाराज होरां आक्खया कि असीं हुण मकान त्यार कीता है। तुसीं जां साडे कोलों कराया लई जाओ ते जां थां दी कीमत लै लओ। आखण लग्गे नहीं महाराज जी, साडा सारी पती दा सांझा थां है असीं जंञां वास्ते त्यार कर के रक्खणा है असीं पैसे नहीं लैणे। ओस तर्हां तां पातशाह नूं कुछ नहीं आख सकदे सन क्योंकि पातशाह कोल बंदिआं दा बहुत जोर सी। तिंन मील लागे भडाणा पिण्ड सी, ओथ्थे जा के सरदार कोल दावा कर दित्ता। सरदार जट्ट सी। जट्टां ने फरमैश पाई ते आंहदे ने असां थां दित्ता सी, पातशाह मकान पा बैठे हन जी, ते असीं हक नहीं छड्डणा तुसीं हुण ओहनां दा दावा तोड़ दिओ। ओस सरदार बेईमान ने पातशाह दा हक तोड़ दित्ता। पातशाह नूं हुक्म कीता कि आप दा मकान हदेड़ लओ। जे इक महीने विच ना हदेड़ोगे, ते तुहाड्डा एह वी हक जांदा रहेगा। ओथ्थे लोक पातशाह नाल बहुत दुबिधा करदे रहे हन जी। पातशाह ने सिक्खां नूं हुक्म दित्ता कि मकान हदेड़ के खेत जा के बैठक बणा लओ। माल डंगर वी वाड़ वल के ओथ्थे लै जाओ। सारी सिक्खी विच पातशाह हुक्म दे दित्ता कि जो माई भाई एस सेवा विच हथ्थ लौणगे, सारयां दी सेवा परवान करांगे। तेजा सिँघ नूं बार विच पातशाहां घल्ल दित्ता कि सारयां सिक्खां नूं साढ्ढा हुक्म सुणा दयो। तेजा सिँघ बार विच जा के सच्चे पातशाह दा हुक्मनामा सुणा दित्ता है कि पातशाह मकान हदेड़ के खेत खड़ना है मिटी समेत। जो माई भाई आण के एस मिट्टी नूं हथ्थ लावेगा चार जुग उस दा नाम रहेगा। आपस विच सलाह कर के जीऊण सिँघ आखण लग्गा, साढ्ढा वेहल नहीं। कम्म दा बड़ा जोर है। तेजा सिँघ मुड़ आया ते जो कुछ सिक्खां आक्खया आण के सच्चे पातशाह नूं सुणा दित्ता। एधर इक रात विच जो माझे दी सिक्खी सी, सारी आण के बड़े प्रेम नाल सेवा कर रही है। कहण शुकर है जे पातशाह सानूं सेवा बख्शी है। इक रात विच सिख मकान हदेड़ के लै गए हन जी। पातशाह ने तेजा सिँघ नूं पुछया, कोई सिख तेरे नाल आया है। उस आक्खया नहीं जी, ओह आंहदे सन साड्डा वेहल नहीं। घविंडों
दो मील पातशाह दा खेत सी, जिथ्थे इट्टां खड़ीआं हन। ४० हजार ईट्टा चौंह पैहरां विच सिख खेत लै गए हन। लक्कड़ दा सारा समान कलसीं पुचा दित्ता सी चेत सिँघ दे घर। नगर दे वासी वेख के हैरान परेशान हो गए हन कि एथ्थे हुण पई धूड़ उडदी है।।
एथ्थे वालयां सिक्खां तां सेवा कर के रज्ज लिआ, ते बार वाले सिख लड़ाई कर बैठे। जीऊण सिँघ वढया फटया गया। मरनों तां बच गया, हाल बुरा हो गया है। सट्ट लग्गण कर के हस्पताल पै गया। माया लग्गणी शुरु हो गई। एधरों सिक्खां ने जेहड़े कच्चे मकान सन ओहनां तों मिट्टी लाह के सभ छप्पड़ विच सुट्ट दित्ती। ओस वक्त सच्चे पातशाह ने ऐसा सिक्खी विच बल बख़शया कि जे सारे रल के पहाड़ नूं धक्का मारन ते पहाड़ डेग देण। जो बचे दुध्ध चुंग रहे सन ओन्हां दे हथ्थ वी संगत ने लवाए हन। मिटी दी ऐसे प्रेम नाल सेवा कीती है, थां पध्धरा कर के जो कख कंडा सी, सभ नूं अग ला दित्ती है। अग दे भांबड़ बलदे वेख सारा पिण्ड कोठयां ते चढ़ के वेंहदा है। ओस पती नूं लानतां ते धिृग पैंदी है। दुनीयां सारी आंहदी है कि पापीआं पाप कीता है। लेखा देणा पऊ। सावण दा महीना सी बदल ते घटां चढ़ के आ गईयां हन। अठे्ठ पहर अैनां मींह पया कि जो मिट्टी थोड़ी बहुत रैंहदी सी। सारी रुड़ के छप्पड़ विच जा पई है। सच्चे पातशाह माल खेत लै गए हन। सिक्खी सारी ख़ुशीयां लै के आपो आपणे घरीं चली गई है। घविंड दे वासी एस तर्हां पातशाह नाल वरतदे रहे हन जी। पातशाह दो जहानां दे वाली किसे नूं मथ्थे वट नहीं सी पौंदे। संत मनी सिँघ दा बचन है पातशाह दे हथ्थ कड़छा फड़या होयाा है, जेहड़ा सेवा करदा, ओह सिध्धा पुवा लैंदा है ते जेहड़ा निन्दया करदा है, ओह पुठा पुवा लैंदा है, सराफ लै के बैठ जांदा है। कोई दिन पा के सिक्खां ने खेत विच पक्के मकान ते बैठक बणा दित्ती। माल डंगर वी रात दिने खेत रहे। अनेक भांत दे ओथ्थे फलां दे बूटे सिक्खां ने लिया के बाग ला दित्ता। धरती नूं भाग लग्ग पिआ है, ‘‘ओह तां धरती नसीबां वाली जिथ्थे मेरा साहिब वसदा’’। जिथ्थे पातशाह चरन पाए हन, धन्न ओह धरती है।।
दफ्तू वाले सिक्खां दी साखी
इक दफ्तू दा सिख ते बीबीयां माईयां बड़ा सच्चे पातशाह दा प्रेम करदीयां सन ते दर्शन करन औंदे रैंदे सन। पातशाह वी अैसा ही प्रेम करदे सन। जदों संगतां गुरपुरब ते औंदीयां सी, अठ्ठ अठ्ठ दिन पातशाह सिक्खां नूं जाण नहीं सी देंदे। १२ मील दफतू तों घविंड दा पैंडा सी। बेबे करमो सवेरे परशाद पक्का के तसमई ते कड़ाह परशाद त्यार कर के, कई प्रकार दे भोजन त्यार कर के, सिर ते थाल चुक के ते नंगी पैंरीं तुर के आण के घविंड पातशाह नूं परशाद छका के फेर आप छकदी सी। अैना बेबे दा प्रेम है, मैं दस्स नहीं सकदा। सच्चे पातशाह परवान करन ते सिक्खां दी चरनी लगआं दी निभा देण। जदों बेबे करमो ने घर जाणा ते सारयां गुस्से होणा, ऐने दिन जा के बैह रैंहदी है। ओहनां आखणा पातशाह दा पज्ज लौदीआं ने कि सानूं औण नहीं देंदे। असीं वी पातशाह दे सिख हां, सानूं ओहनां कदे नहीं आक्खया, आओ जां ना आओ। बेबे करमो दे नाल चार कु बीबीआं सेवादार होर वी औंदीआं सन। जदों फेर बीबीआं ने औणां ते बेनंती करनी, सच्चे पातशाह तुसीं सानूं
ख़ुशी नहीं देंदे जदो आखीदा है, घर दे सानूं जांदिआं नूं गुस्से हुंदे हन। आंदे ने सानूं तां पातशाह कुछ नहीं आंदे। बेबे धन्नो दफ्तू वाली ने पातशाह अग्गे बेनंती कीती, हे सच्चे पिता मैनूं औलाद दी बड़ी भुक्ख है, दया करो। तेजा सिँघ पातशाह तों अग्गे पिच्छे हो के बीबीआं नूं समझौंणा कि तुसीं बंदिआं दी अरज ना करया करो, पातशाह सानूं गुस्से हुंदे ने। सच्चे पातशाह फड़ लैण ते छेती छड्डदे नहीं। बेबे धन्नो ते बेबे करमो मासी भणेवी सन।धन्नो नूं सिक्खां आखणा बेबे जे पातशाह कोलों पुत्र मंगदी हैं, बेनंती करया कर, सच्चे पातशाह कोई आपणा भगत ई बख़शयो जे, नलायक ना होवे। सच्चे पातशाह साल भर तक अरजां सुणदे रहे हन ते कोई बचन नहीं कीता। बेबे करमो जदों औणा घर दीआं फरयादां लौंणीआं। गुरपुरब ते बेबे होरी आईआं ते धन्नो गल्ल विच पल्ला पा के अरज कीती कि सच्चे पातशाह मेरे घर पुत्र होवे भावें उलामे ई लिआवे, बेशक नलायक ही होवे। सच्चे पातशाह हस्स पए ते आखण लग्गे बेबे एथ्थे कोई तोट नहीं। तूं इक मंगदी हैं ते तेरे घर दो हो पैणगे। करमो फेर अरज कीती, सच्चे पातशाह मैं अगली वारी गई सां ते मैनूं घर दे बड़े गुस्से होए सी। पातशाह आखण लग्गे, चंग्गा बेबे हुण फेर नहीं तैनूं गुस्से हुंदे। दोवें मासी भणेवीं पातशाह तों वर ते ख़ुशी लै के घर चलीआं गईआं हन जी।।
कोई दिन पा के बेबे धन्नो दे घर पुत्र होया है ते उसदा नां आत्मा सिँघ रक्खया है। फेर उस बेबे दे दो पुत्र ते दो धीआं, चार बचे पातशाह बख्शे हन। जदों बेबे दा पुत्त गभरु होया ते चोरीआं करन लग्ग पिआ है। ठाणेदारां घरीं आण तलाशीआं लैणीआं शुरु कर दित्तीआं। आतू दे बाप नूं वी पुलस वालयां धूई फिरना। जिस तर्हां दा बेबे वर मंगिआं ओसे तर्हां पातशाह दे दित्ता। बेबे करमो दी वी बेनंती परवान कर के पातशाह उस दे घर वाले नूं फड़ लिआ ते करमो दी वी मस्तानी बिरती हो गई। आपणे आप दी सुरत नहीं सी रक्खदी, ते लोकी आखण कमली हो गई है। करमो दा दिओर बड़ा मखौल करदा सी ते आंदा सी कि महाराज मैनूं नहीं कुछ वखौंदे। ओह वी घरों निकल गया। करमो दा घर वाला जे रोटी खाण लग्गे ते ओसे वक्त स्पष्ट दर्शन दे के पातशाह आखण, क्यों खांदा हैं। गल्ल की, ना पातशाह जल छकण देण ते ना ही बैहण देण। सच्चे पातशाह बूढ़ सिँघ नूं जोत रुप घरों घेर के बाहर खेत लै गए हन। ओथ्थे चतुरभुज हो के पातशाह दर्शन दित्ता, कि दस्स सिक्खां सानूं हुण मन्नेगा कि नहीं। उस वक्त बूढ़ सिँघ हथ्थ जोड़ के बेनंती कीती, सच्चे पातशाह मैनूं भुल्ल बख्शो मैं हुण तुहाढ्ढी निंदयां नहीं करदा। पातशाह आखण लग्गे करमो नूं छड्ड दिआंगे तैनूं नहीं छड्डणा। बूढ़ सिँघ आक्खया सच्चे पातशाह मेरे ते दया करो ते मैं आप ही हुण तुहाढ्ढी सेव विच आया करांगा। करमो नूं मस्तानी बिरती विच रक्खो। बूढ़ सिँघ ते पातशाह दया कर दित्ती ते करमो नूं आपणे चरनां दे प्रेम दी मस्तानी बिरती बख्श दित्ती।।
फेर करमो ते बूढ़ सिँघ मुक्खे दे नाल दर्शनां नूं आए हन। इक घोड़ी सेवा विच लिआए हन। करमो दे तिंन पुत्र सन। वढ्ढे दा नां गुरदीप सिँघ ते छोटे दा नां कछाल सिँघ। उस तों छोटे दा मुक्खां सिँघ नाम है। छोटा मुक्खा सिँघ उस वक्त ५ साल दा
(सः मुक्खा सिंघ जिस नूं उन्न्हां दे पिता सः बूड़ सिँघ
अते माता बेबे करमो ने महाराज जी दी सेवा विच
भेट कीता)
सी। बेबे करमो मुक्खा सिँघ ते बूढ़ सिँघ दर्शन नूं आए हन। आ के पातशाह दा दर्शन कीता ते बेनंती कीती कि सच्चे पातशाह आप दी सेवा विच घोड़ी लिआए हां ते आह मुक्खा सिँघ तुहाढ्ढा बच्चा तुहाढ्ढी सेवा विच देंदे हां। जदों सिआणा हो गया, तुहाड्डे माल दी सेवा करेगा। दीन दयाल मेरे ते दया करो ते मैनूं दानी बिरती बख्शो। सच्चे पातशाह दया कीती ते आक्खया चंगा, जिस तर्हां तुसीं आखोगे ओसे तर्हां हो जावेगा। बूढ़ सिँघ तैनूं खुल्ल्ही छुट्टी है जदों जी करे आ जाएआ कर ते बेबे करमो नूं हर मस्सया ते औणा पवेगा, जे ना आवेगी ते असीं जूड़ पा के लै आवांगे। फेर बेबे करमो उस दिन तों हर मस्सया नूं दर्शन करन औंदी है। अनेक परकार दे भोजन ते मठ्ठयाईयां हथ्थीं बणा के प्रेम नाल पातशाह दा थाल लुवा के, सिर ते चुक के लिऔंदी है। पातशाह नूं प्रशाद छका के फेर आप छकदी रही है। १५ दिन आपणे घर जांदी सी ते १५ दिन अगली मस्सया तों फेर सेवा विच आ जांदी सी। सेवा करदी करदी किते अकदी थकदी नहीं।धन्न सच्चे पातशाह हन ते धन् न कमाई ओहनां दे सिक्खां दी है। सारी संगत गज्ज के आखो सोहँ महाराज शेर सिँघ विष्नूं भगवान दी जै। मुक्खा सिँघ जिस वक्त गभरु हो गया है, बहुत प्रेम नाल सेवा विच लग्ग पया है। अैसा सीतल सुभा सिख दा है मैं लिख नहीं सकदा। भावें कोई उस दे कोल कुछ करदा रहे उस ने किसे दी निन्दया चुगली नहीं करनी ते ना किसे खाण वाली चीज दा लालच करना है। सिर्फ सेवा विच ते पातशाह दे चरनां विच ध्आन रक्खदा है। हुण उस दिन तों मुक्खा सिँघ अठ्ठे पहर सेवा विच हाजर है जी। मैं बूढ़ सिँघ ते बेबे करमो दी उस्तत नहीं कर सकदा। पातशाह ही उन्हां दे गुणां नूं जाणदे हन।।
बीबी ठाकरी ते केहर सिँघ दी पातशाह कोल बेनंती
इक समें दा बचन है कि बीबी ठाकरी ते उस दे मालक केहर सिँघ गागे वाले ने सच्चे पातशाह अग्गे हथ्थ जोड़ के बेनंती कीती, रात नूं जिस वक्त पातशाह पलँघ ते बिराजमान होए हन। कि सच्चे पातशाह बीबी तारो नूं जे तुसां राजी नहीं करना ते देह छुडा दिओ, गुस्से नाल मेहणा मारिआ। इक्को धी सी बीबी ठाकरी दी, पुत्त कोई नहीं सी। पातशाह आक्खया ठाकरीए सवेरे बेनंती करीं, एस वक्त नहीं करी दी। ओन्हां आक्खया कि सवेरे
आपे सोच के बेनंती करनगे। फेर अमृत वेले सच्चे पातशाह पलँघ ते बैठे हन। ओसे वक्त ठाकरी ते केहर सिँघ हथ्थ जोड़ के बेनंती करन लग्गे कि सच्चे पातशाह तारो दा ताप टुटदा नहीं ते असीं बड़े औखे हां। जे महाराज जी एस दा ताप नहीं हटौणा ते एस दी देह छुडा दिओ। सच्चे पातशाह आखण लग्गे, जाओ बैह जो रमान नाल, एस अरज करन खुणो की थुड़िआ सी। फेर वी पातशाह दी रमज नहीं समझे, फेर आखण लग्गे सच्चे पातशाह १०० गऊ दा पुन्न है जे तारो मर जावे ते। सानूं एहदे सौहरे वी बड़ा तंग करदे हन। सच्चे पातशाह बड़े खफे होए ते सारयां दा दिल बड़ा खराब हो गया। पातशाह वी चुप कर के पलँघ ते लंम्मे पै गए। जिस वक्त चाह पाणी त्यार हो गया, पातशाह अग्गे बेनंती गए कि पातशाह दया करो, आप भोग लाओ सीत प्रशाद तुहढ्ढीआं संगतां छकण। सच्चे पातशाह चाह छकण लग्ग पए हन ते फिर सारी संगत छक रही है। सच्चे पातशाह बचन बलास संगतां नाल कर रहे हन। बाबा सुंदर सिँघ बुग्गया वाला वी आया होया सी। प्रशाद छक के रोटी वेले सुंदर सिँघ ख़ुशी लै लई है। केहर सिँघ बीबी दा बाप वी परशादा छक के गागे नूं चला गया है। इन्द्र सिँघ नूं पातशाह सिआणे वल घल्ल दित्ता कि जाह के तारो लई दुवाई लिआ राजी होजू। सच्चे पातशाह खेत वालयां वास्ते रोटीआं बंनौंदे हन ते नाल सिख वी त्यार हन। ओने चिर नूं डग्गी वाला भाई कपड़ा वेचण आ गया है। ठाकरी ते बीबी तारो कपड़ा खरीदण लग्ग पईआं हन। सच्चे पिता अज्जे पिण्डों बाहर नहीं गए ते बीबी तारो कपड़ा खरीददी खरीददी उथ्थे बैठी डिग पई है ते अक्खां पुठीआं हो गईआं हन। सरीर मरोड़ीदा ते भज्जदा है। जनानीआं ने चुक के मंजे ते पाई है। इक जाणा सच्चे पातशाह वले भज्ज गया है कि पातशाह छेती नाल घर नूं आओ, तारो बड़ी औखी है। पातशाह घर आए ते ओनां वाज मारी। बीबी ने नेत्र पुट्ट के वेखआ पातशाह आखण लग्गे तारो आख वहिगुरु धन्न सच्चे पातशाह। एनां बचन बीबी दे मूंह विच्च है, ते बीबी तारो दे सवास पूरे हो गए हन। जेहड़ा खोटा बचन कीता, बेनंती कीती ओसे वेले पातशाह भुगता दित्ता। सच्चे पातशाह दे चरनां विच कदी खोटा बचन नहीं करना चाहीदा। साक कर के पातशाह नूं मेहणा मारदे हन, महाराज शेर सिँघ विष्नूं भगवान दे गुस्से नूं नहीं जाणदे। (एह हमेशा जुगो जुग गल्ल प्रगट है कि चार धिरां नहीं उधारदे : अवतार दे कोल, नानक दादक, सौहरे, ते जुंडी दे यार)। बीबी ठाकरी ओने वर नहीं लए जिन्ने सराफ लए हन। महाराज शेर सिँघ विशनूं भगवान दा दरवाजा नीवां है, जेहड़ा निउँ के चलदा है ओह खट जांदा है। अगले दिन फेर बीबी तारो दा संस्कार कीता गया है।
देह दा विहार कर के, सच्चे पातशाह बीबी ठाकरी नाल प्रेम बड़ा करदे सन। ६० साल दी बेबे ठाकरी दी उमर सी ते पातशाह दिन दिहाड़ बड़ी याद करदे सन जी। कोई कम्म करना होवे पैहलां भैण नूं सददे सन। इक वेरां चार मझां पातशाह दीआं सजरां सन ते इक पैहले सूए झोटी सी। उस नाल पातशाह बड़ा प्रेम करदे सी ते बचन करना एह असां घर रक्खणी है। सच्चे पातशाह आक्खया ठाकरीए चार मझां सजरां हन। इक झोटी तों बगैर जेहड़ी जी करदा, लै जा। ठाकरी ने आपणी लड़की तारो ( ओस वक्त जिउँदी सीं ) कोलों ओस पातशाह वाली झोटी ते लीड़ा पवा दित्ता। सच्चे पातशाह ने फेर चुप कर के झोटी फड़ा
दित्ती फेर मगरों सिक्खां नाल पातशाह हिरख करदे हन कि जेहड़ी चीज ख़ुश हो के देईए ओ चंगी है कि जेहड़ी नराज करके धी भैण खड़े ओह चंगी है। सच्चे पातशाह नूं सिख आखण लग्गे जी जेहड़ी चीज तुसीं ख़ुश हो के दिओ ओह चंगी है, भावें माड़ी होवे। पातशाह आखण लग्गे सानूं तारो ते गुस्सा बड़ा आया सी, पर असीं विचो विच जर गए हां। ठाकरी ते केहर सिँघ कुड़ी नूं सखा के लीड़ा पवाया है। ओथ्थे जा के झोटी किसे दिन मिले कदी ना मिले। दो थणां नूं मौहरी लग्ग गए। एस तर्हां कौडीआं तों खोटी हो गए। जिन्नीआं उस मैंह दीआं कट्टीआं सूईआं हन, सारीयां दे थणां नूं मौहरी लग्ग के हवाने खराब हो जाण। अैसा मझ दी कुल नूं सराफ हो गया। जोरावर दे कोल रैहण नाल हर वक्त भुलां हो जादीआं हन जी।।
सारयां सिक्खां पातशाह दा वाड़ा वल्लना
इक समें दा बचन है कि तेजा सिँघ ते होर पंज छी सिख सन। सारयां सलाह कीती कि वाड़ा वल के चार चुफेरे वाड़ कर के अग्गे फुलाह ला देईए। तेजा सिँघ,ईन्दृ सिँघ, लाभ सिँघ तोड़े वाला, बुध्ध सिँघ बाले चक वाला, सारयां सलाह कर लई। बबूल दे छापे नैहरों पार जा के वढ्ढ के नैहर दे विच दी सिर ते लिऔणे ते नैहर लँघा के फेर बलदां मगर पा के लिऔणे। चाली सैलां बलदां मगर खड़ीआं हन। इक्क विग्घा वाड़ा सी। अैनां छापा कठा कर लिआ, लग्ंघण नूं थां नहीं फेर वाड़ा वलना शुरु कर दित्ता। तीहरी वाड़ चार चुफेरे कीती। ऊची ऐड्डी घोड़े ते अस्वार चढ़िआ होवे ते विच दिस्सदा नहीं सी। बेरी दे छापिआं दा इन्द्र सिँघ ने फुलाह बणा के बन्न्ह दित्ता। अज्जे टोए कढ्ढ के गडदे ही हां ते जंदरा कुंडी लौणा है, ओने चिर नूं नाल सिख हन ते पातशाह घोड़े ते प्रशाद लै के आ गए हन। भुल साड्डी है कि पातशाह दे औंदिआं नूं थां साफ करना सी, अग्गे ओसे तर्हां लकड़ां खिलरीआं पईआं हन। जिस वेले पातशाह लग्ंघण लग्गे हन ते घोड़े नूं लकड़ां पैरां नाल अड़ीआं हन। पातशाह गुस्से होण लग्ग पए, साड्डी वी ओस वक्त अैसी मूर्खताई होई, हथ्थ जोड़ के भुल नहीं बख्शाई। उलटा गुस्सा कर लिआ है। ओहनां दे गुस्से होण नाल असीं सारे हैरान हो के खलो गए हां। वाड़े विच जा के सिक्खां ने घोड़ा फड़ लिआ, ते पातशाह मंजे ते लम्ंमे पै गए हन। तेजा सिँघ सिक्खां नूं आक्खया कि जिथ्थे चीजां पईआं हन खिलरीआं रैहण दिओ, चुक्को ना, ते पातशाह नाल हुण आपां कोई सिख वी कूईए ना, चुप हड़ताल कर देईए। जदों परशादे लिऔण छक लिआ करीए ते फेर खिलर जाया करीए। पातशाह नाल उक्का ना बोलीए। जिथ्थे सच्चे पातशाह बैठे होण, ओथ्थों सारे सिख उठ के कोई पशाब करन चल्लया जावे ते कोई पाणी पीण चल्लया जावे। जिन्नां चिर पातशाह वाड़े विच रैहण कोई ना लागे खलोवे, ते ना कोई बचन करे। जदों घर वी जाण रोटी खा के वापस मुड़ औण, बचन कोई ना करे। जे पातशाह बुलौण वी ते अगों कोई चज्ज नाल बोले ना। बुध्ध सिँघ बड़ा ठंडा सुभा दा सी। ओह पातशाह दे नाल बचन बलास करे, होर कोई ना बोले। बुध्ध सिँघ पातशाह तों चोरी, तेजा सिँघ ते इन्द्र सिँघ नूं आखण, बेईमानो पातशाह नाल तुसीं बेनंती करन दी बजाए सगों गुस्से हो गए जे। अठे ठ दिन एसे तर्हां असां सच्चे पातशाह नाल रोस रक्खया सी। इक दिन सच्चे पातशाह माता
होरां नाल बचन कीता कि असीं हुण खेत नहीं जाया करना, सिख तां साड्डे गयां नाल बोलदे वी नहीं, गुस्से हन। रात नूं जदों सिख घर गए ते माता नैणो ते माता बंती आखण लग्गीआं, भाईआ की गल्ल है, पातशाह नाल तुसीं कूंदे नहीं। पातशाह कोल। भाईआ जी तुसीं एस तर्हां ना करो। फेर की होया जे गुस्से होए हन, तुहाढ्ढे मापे ने। सानूं भाईआ जी कई वेरां तुहाढ्ढे साहमणे गुस्से हुंदे ने, तां फिर असीं हुण ओहनां नाल लड़दीआं रहीए जी। फिर सारे जणे आखण लग्गे हुण बेनंती करके पातशाह कोलों भुल्ल बख्शाईए। सच्चे पातशाह बिराजे होए हन, ते सिख रुग्गे छकौण लग्ग पए। बेनंती कीती, पातशाह जी असीं भुल्ल गए हां, दया करो। असीं हमेशां भुलणहार जीव हां ते तुसीं मापे बख्शण जोग जे। फेर सच्चे पिता दयालू होए ते सानूं प्रशाद दित्ता। प्रशाद छकदिआं सार ही साढ्ढे सीतल हिरदे हो गए। जिंने दिन असीं गुस्से रहे हां, ओने दिन पातशाह दे हथ्थां दा प्रशाद नहीं छकआ।।
तेजा सिँघ पातशाह नाल गुस्से होणा ते घोड़ी भेट करनी
तेजा सिँघ बेनंती करदा है कि मैं बड़ा निभागा सां, हर वक्त ही भुल्लां करदा सां। मैं तुहानूं होर बचन दस्सदा हां कि पोह दा महीना सी ते किसे बचन तों मैं नराज हो गया। रात दा वक्त सीं। मैं सारे लीड़े लाह के सिर्फ कछा तेड़ है बाहर वेहड़े विच नंगा बैह गया। सारे सिख वी मना रहे, मैं मन्नया नहीं। माता होरीं वी आखदीआं हन, मैं फेर वी नहीं मन्नयां। मैं आक्खया जे मैं मंनणा होउ ते सच्चे पातशाह दे आखे मन्नूं, होर किसे दे आखे नहीं मन्नदा। माता होरां अंदर जा के आक्खया, सच्चे पातशाह तेजा सिँघ आंहदा मैं तुहाढ्ढे आखे नहीं मंनणा, तुसीं मैनूं आखो। सच्चे पातशाह फिर किरपा कीती, अंदरों वाज मारी। कुछ पा लै। मैनूं वी पाला लग्गा, ते मैं मन्न पया। मेरे विच अैसी मूर्खताई सी, भुल बख्शौण दी बजाए सगों रुस पैंदा सी। मेरे कोलों भुल्लां हुंदीआं रैंहदीआं सन। सच्चे पातशाह रहिम कर देंदे सन जी।।
इक दिन मग्घर दा महीना सी ते मैं पातशाह नाल रुस्स के बार विच चला गया जी। ओथ्थे जा के मैं चोरां ठगां नाल रैहण लग्ग पया। ओथ्थे जाण विच मेरी मलेश बुध्धी हो गई। इक ज़िमीदार दी घोड़ी बध्धी सी। मैं काठी पा के दिने ही घोड़ी भजा लिआंदी। मग्घर दा महीना सी ते मैं दूसरे दिन घविंड आ पहुंचा। दुपहरे मैं घोड़ी लै के घविंड घर आया हां। औदयां ही सच्चे पातशाह दे सिँघासण ते निमस्कार कीती है। माता होरां नूं निमस्कार कीती ते राजी ख़ुशी पुच्छी। सिक्खां नूं फतेह बुलाई। फेर मैं रोटी खा के घोड़ी हवेली नूं लै के चला गया हां जी। पातशाह शिकार खेड के हमेशां दिन छिपे घर औंदे सन जी। हवेली विच इक मकान सी। ओथ्थे ठंड विच घोड़ी बंन दिती। सच्चे पातशाह हवेली विच आए हन ते सारयां सिक्खां निमस्कार कीती। जिस वक्त तेजा सिँघ निमस्कार करन लग्गा, पातशाह ने मथ्था नहीं टिकाया, परांह चले गए हन। गुस्सा भुलाया नहीं गा जी। सारे सिख ते पातशाह वी घर नूं हवेली विच चले गए हन जी। घर वी पातशाह तेजा सिँघ नाल बोले नहीं गे। रात नूं प्रशाद छक के सिक्खां नाल फेर तेजा सिँघ हवेली चला गया है। मगरों पातशाह माता होरां नूं पुच्छदे हन कि तेजा सिँघ किधरों आया है। माता होरां
आक्खया सच्चे पातशाह दुपहर दा घोड़ी लै के आया है, ते आंदा सी मैं बार विचों आया हां। सवेरे उठ के फेर मैं आया हां ते आण के निमस्कार कीती ते सच्चे पातशाह पुच्छया तेजा सिँघ किथ्थों आया है। मैं बेनंती कीती कि सच्चे पातशाह मैं बार विचों आया हां, हुण दया करो, भुल्लां बख्शो। सच्चे पिता ने पुच्छया कि तुर के आया कि गड्डी ते। मैं आक्खया पातशाह मैं घोड़ी ते आया हां, ते आखण लग्गे घोड़ी किथ्थे है। मैं आक्खया जी हवेली बध्धी है। पातशाह आक्खया घोड़ी किथ्थों आंदी है। पातशाह नूं मैं आक्खया जी मैं चोरी भजा के लिआया हां। पातशाह बड़े गुस्से होए, सुण के आखण लग्गे तूं बड़ा माड़ा कीता है। ऐड्डा पाप करना सी, चोरी दी चीज एथ्थे नहीं लिऔणी सी। फिर तेजा सिँघ ओस वक्त आक्खया सच्चे पातशाह जिन्नां दी मैं घोड़ी आंदी है, तुसीं ओनां दी सेवा विच परवान कर लओ। सच्चे पातशाह बड़े दयालू सन, दया कर दित्ती। इक हथ्थ दी मुंदरी मैं सेवा कीती। सच्चे पातशाह पुछया, एह मुंदरी किथ्थों लई है। सच्चे पातशाह मैं बुध्ध सिँघ दे रुपए देणे सी उस नूं हुण दित्ते हन। ओस ने विचों पैसे मोड़े हन, आंदा सी खा पी लै। दीन दयाल ओहनां पैसयां दी मैं हुण तुहाढ्ढी मुंदरी बणा के लै आया हां।।
दूसरयां सिक्खां नाल पातशाह बचन करदे हन कि घोड़ी दिने ही चुरा के लै आया है। एह सिक्खां दा कर्म नहीं, पराई चीज चुकणी। तेजा सिँघ बेनंती कीती पातशाह मैं भुल्ल गया हां, दया कर के मैनूं बख्श लओ। पातशाह मैनूं घोड़ी चंग्गी लग्गी ते मैं आक्खया घोड़ी तां पातशाह दे रक्खण वाली है ते नाले घोड़ी दी जून पातशाह दे चरनां विच कट्टी जाएगी नाले ओनां सिक्खां दी सेवा पातशाह दे दर ते पुज्ज जाएगी। सच्चे पातशाह दयाल हो गए। सिक्खां सारयां वी माफी मंगी। पातशाह आखण लग्गे एसे कर के तेजा सिँघ नूं असीं हर वक्त कोल रक्खदे हां कि कोई किसे नाल वध घट बचन ना करे। एहदे सुभा दा सानूं पता है। सच्चे पातशाह माता नैणों नूं वाज मारी कि सानूं कैंची फड़ाएओ जे। कैंची मंगवा के पातशाह सिँघासण तों उतर बैठे, आखण लग्गे तेजा सिँघ चल वखा घोड़ी, किथ्थे है। हवेली जा के नाल पातशाह हन, ते अंदरों घोड़ी खोल्ह के पातशाह दे चरनां विच लिआ दित्ती। पातशाह ने कैंची नाल धौण दे सारे वाल घोड़ी दे कतर दित्ते ते कंड उते थापी मार के पातशाह बचन कीता, घोड़ीए हुण तूं साड्डी हो गई हैं। तैनूं कोई सिआण नहीं सकदा। एनां बचन सुण के सिख धन्न धन्न कर रहे हन। सच्चे पातशाह लगाम दे के सिख नूं उत्ते चढ़ा के आखण लग्गे, सानूं तोर के वखा। बहुत सोहणी तुरदी वेख के पातशाह बड़े ख़ुश होए हन। लाभ सिँघ मज़्हबी सिँघ नूं पातशाह आक्खया कि घोड़ी दी सेवा बहुत करनी। किसे नूं एस दी सिआण ना आवे। लाभ सिँघ ओसे वक्त आक्खया, पातशाह दया करो ते मैं हुणे ई ताजा घा लया के पौंदा हां। पातशाह आक्खया जा हनूमान वांगूं छालां मार के भज्ज के लिआ। सिख सदा ही भुलणहार हन ते सच्चे पिता बख्शण जोग हन। ‘‘तेरे जिहा ना दयाल सच्चे पातशाह, मेरे वरगा पापी कोई ना’’। तेजा सिँघ बेनंती करदा है कि सच्चे पिता मेरे विच गुण कोई नहीं। आप ही सिक्खां नूं तारन वास्ते अवतार धारया है, ते बहाने नाल तारी जांदे हन।।
दिल्ली वाली माई दी साखी
इक माई दिल्लीउँ पातशाह दा दर्शन करन औंदी सी गुरपुरब ते। फिर दो चार महीने लंगर विच सेवा करनी। इक दिन पातशाह अग्गे बेनंती करन लग्गी कि महाराज मैं गरीबणी हां, मैं सेवा विच औंण वास्ते बड़ी त्यार रैंहदी हां ते सच्चे पिता जी कराए खूणे आप दे दर्शन नहीं हुंदे। पातशाह उस वक्त ऐड्डे दयालू होए, बचन कीता, माई तूं चुप कर के साड्डा नां लै के गड्डी विच बैठ जाया कर, कोई तेरे कोलों किराया नहीं पुच्छदा। सारयां सिक्खां ने उस वक्त पातशाह दे नाम नूं धन्न धन्न कीता। धन्न सच्चा पातशाह है, गरीबां दी रक्षया करन वाला। उस वक्त तों माई ने इक पैसा वी नहीं कराया दित्ता, ते ना किसे उस नूं पुछया है। चुप कर के जदों जी करे आ जांदी सी।
माई अतरी ते दिस्सौंदा सिँघ दी साखी
कैरों पिण्ड दे विच इक अतरी नाम दी माई सी। पती उस दे दा नाम दिस्सौंदा सिँघ सी। अैसा उनां दोहां दा सीतल सुभा सी, मैं की दस्सां, एस तर्हां जापदे सन कि जिस तर्हां देवतयां ने जरम धारया है। धी पुत्त उनां दा कोई नहीं सी। घरों वी गरीब सन। माई अतरी ने आपणी हथ्थीं बरीक सूतर कत्त के पातशाह दे कपड़े बणा के लिऔणे। पातशाह दे गुरपुरब ते सारयां सिक्खां दे नाल माई ने वी सेवा करनी। सच्चे पातशाह ने माई दे कपड़े खदर दे वेख के बड़ा ख़ुश होणा। माई वी पातशाह दे कपड़े सुवां के लिऔंदी। पातशाह अशनान कर के माई दे खद्दर दे कपड़े गल पौंणे ते पलँघ ते बैठ के सारयां सिक्खां नूं वखौंणे। आखणा बाबा वेखो, किड्डा सोहणा कपड़ा माई ने हथ्थीं सूत कत्त के बणाया है। सानूं रेशम नालों चंगा लग्गदा है, तिल्ले दीआं तारां हन। साड्डा दिल करदा एहो ई गल रक्खया करीए। होर जेहड़ी सेवा लंगर विच आटा जां चौल माई ने लिऔणे पातशाह आखणा, माई वाले आटे दा फुलका पका के साड्डा थाल लुवायो जे, माई बिरध अवस्था सिर ते चुक के लिआई है।।
दिस्सौदा सिँघ सिख वी बहुत भोला सी। इक दिन सिक्खां ने आक्खया कि बाबा मनी सिँघ मस्तुआणे जा के लिखाई करदे हन ते चलो आपां वी चलीए, नाले मस्तुआणा वेख आवांगे, नाले बाबे होरां दे दर्शन कर आवांगे। दिस्सौदा सिँघ अतरी नाल सलाह करदा है कि पातशाह दे सिख मस्तुआणे मनी सिँघ दे दर्शन करन चले हन, तूं आखें ते मैं वी नाल चला जावां। माई आक्खया भगतां चला जाह। अमृतसरों गड्डी चढ़ के सिख चले गए हन। संगरुर विच टेसण ते जा उतरे हन। उथ्थों तिन्न मील पैंडा सी, फिर मस्तुआणे चले गए हन। उथ्थे जा के संत मनी सिँघ दे दर्शन कीते, जो तिल फुल खढ्ढया सी प्रशाद अग्गे रक्ख के निमस्कार कीती। मनी सिँघ ने सारयां सिक्खां दे ते पातशाह दे घर दी सुख पुच्छी।।