کتب خانہGranth 1 (Shahmukhi)

۲۶ چیت ۲۰۰۸ بِکرمی پِنڈ جیٹھوُوال بچن ہوئے ٹھاکر سِنگھ دے گِرہ

پربھ ساچا برہما مان گوائے۔ وید ویدانت انت ہو جائے۔ اَیڑا اتھربن رُلائے کھپائے۔ چار یاراں سنگ محمد کلجُگ مان رکھائے۔ شاستر سِمرت قُرآن پُران کوئی رہن نہ پائے۔ عیسیٰ موُسیٰ پیِر پَیغمبر کلجُگ اکھوائے۔ انتم آئی ہار، پرگٹ پربھ انجیل مان گوائے۔ کلجُگ کر خوار، اٹھسٹھ تیِرتھ کوئی رہن نہ پائے۔ مان سروور وِچ سرِشٹ، امرت بوُند نظر نہ آئے۔ گنگا گوداوری گہر گمبھیِر، جوت سروُپ پربھ کِھچ لیائے۔ کلجُگ جوت نِہکلنک پرگٹا کے، جائے سبنا مان گوائے۔ سوہنگ ساچا سچ نام چڑھا

کے، سَتجُگ ساچا سچ دے لگائے۔ تن مندر وِچ آسن لا کے، بَیٹھا الوپ نظر نہ آئے۔ آتم بھیت وِچ دیہہ رکھا کے، دیِپک جوت رہیا جگائے۔ سادھ سنگت من جوت پرگٹا کے، چرن کوَل پربھ میل مِلائے۔ گُرسِکھ کِھلے جِؤں کوَل، چار جُگ گُرسِکھ تر جائے۔ مہاراج شیرسِنگھ سب کُچھ تیرے ہتّھ، جِس دیوے سوئی جن پائے۔ تن من دھن سرب پربھ کیرا۔ مانَس جنم ترور جیِو جگت پنکھ وسیرا۔ مایادھاری کل کرے میرا میرا۔ نظر نہ آوے دُھر درباری، نہ دیِسے سنجھ سویرا۔ انتکال کرے جم خواری، بِن گُر کرے نہ کوئے نبیڑا۔ گُرچرن لاگ ہوئے گت تیری، نِہکلنک پایا پھیرا۔ گُرسنگت ہوئے گُرچرن کیری۔ دیوے درس پربھ لائے نہ ڈیری۔ بےمُکھ کلجُگ ہوئے ڈھیری، چار کُنٹ دِسے اندھیرا۔ مہاراج شیرسِنگھ جگت سچ چیِری، ساچا سِکھ بنے کلجُگ تیرا۔ گُر ملِے گُرمت پائیے۔ گُر ملِے نِجانند درسائیے۔ لِکھیا دُھر ابناشی گھر ماہِ پائیے۔ مہاراج شیرسِنگھ چرن سنگ جُڑ، جنم مرن پھند کٹائیے۔ کلجُگ پھاندک جیِو جنت پھاہیا۔ مایا روُپ سرب جگت بُھلایا۔ پوَن پانی گگن پاتالی جیِو جنت ڈُلایا۔ مہاراج شیرسِنگھ سچ تیری بانی، کلجُگ ساچا راہ دِکھایا۔ سچ سُچ ورتائے، پربھ تیرا نام۔ تریتا آن تراوے، جِؤں بھگتن رام۔ درشن کر امُلّ ہو جاوے، جپ سوہنگ نام۔ مہاراج شیرسِنگھ جو چرن لگّ جاوے، کلجُگ ہوئے سُپھل سب کام۔ سُپھل جنم کلجُگ بھیا۔ پوُرن پرمیشر پربھ کیِنی دَیا۔ گُرسِکھاں نام رسنا سوہنگ لیا۔ بےمُکھ در تے جِت آیا تِت گیا۔ مہاراج شیرسِنگھ سُن تیرا ناؤں، جمدوُت کا کاٹا بھیا۔ کلجُگ پرگٹیا وِچ پُری گھنک۔ گُرسِکھ سنگ لےَ چلیا، جِؤں پُری جنک۔ ساچا دربار گُرسِکھ ساچا ملّیا، پچھانے تِس جِس بنائی بنت۔ مہاراج شیرسِنگھ جوت پرکاش، سرب کیِئے جنت۔ کلجُگ پاپی جگت وِچھایا جال۔ بن بَیٹھا پھندک پھاندکی بےمُکھاں لئے بہال۔ گُرسِکھاں سوہنگ نام ارادھکی، کل وِنگا نہ ہووے وال۔ مہاراج شیرسِنگھ شبد سوہنگ رنگن آتم چاڑھے کر لال گُلال۔ پربھ اُپجاوے اپنا تھان۔ ساچا شبد سچ کر مان۔ صدی چؤدھویں ملیچھ مِٹ جان۔ گرب گوالا ہوئے بھگوان۔ دھرتی ماتا پت رکھے آن۔ مد ماسی سرب نشٹ ہو جان۔

سوہنگ شبد رسن سواسی، جگت پردھان۔ گُرمُکھ پریِت گُر چرن لگاسی، مہاراج شیرسِنگھ سِر ہتّھ ٹِکان۔ گُرسِکھاں سِر پربھ ہتّھ ٹِکایا۔ کلجُگ پوہ نہ سکے گُرسِکھ مایا۔ گیان جوت ہِردا کلجُگ کرایا۔ سچ راگ سوہنگ شبد رسن الایا۔ نِہکلنک لےَ اوتار، ڈنک ڈؤروُ جگت واہیا۔ جوت سروُپ انتر جانے، اپنا بھیت نہ رکھے چُھپایا۔ گُرمُکھاں ہووے سُکھ مہان، پربھ کا ویلا نیڑے آیا۔ سادھ سنگت مِل گُرچرن دھیان، انند بِنودی پربھ نظری آیا۔ مہاراج شیرسِنگھ وِشنوُں بھگوان، سچ تخت سَتجُگ بنایا۔ سچ تخت سَتجُگ پربھ واسی۔ پرگٹ کرے جوت ابناشی۔ لکھّ چُراسی جیِو کرے داسن داسی۔ پائے شبد امن امول، جیِو آتم نہ ہوئے وِناسی۔ جوت سروُپ پربھ اڈول، بَیٹھ اڈول جگت ڈُلاسی۔ مہاراج شیرسِنگھ پوُرے تولے تول، جگت نہ رہے کوئی مد ماسی۔ جوت سروُپ کرے جگ چوج۔ گُرسِکھاں پربھ مِٹاوے گوجھ۔ پوُرن پُرکھ ملِے پربھ کھوج۔ مِل سادھ سنگت مان جگت ساچی مؤج۔ سوہنگ بان چلایا، جگت گھائل کرے بِن فؤج۔ مہاراج شیرسِنگھ جگت کل پائی مایا، جوت سروُپ جگ کیتےِ چوج۔ چوجی چوج آپ پربھ۔ کلجُگ جیِو بُھلائے سب۔ گُرسِکھاں پربھ لیا لبھ۔ مہاراج شیرسِنگھ گُر سَتگُر پوُرا نہ جائے کِتے دبّ۔ ورتے شبد گُر تتکال۔ پرگٹاوے دھام پِنڈ بھنڈال۔ جِتھے بَیٹھا منی سِنگھ نِہکلنک دلال۔ بانہوں پکڑ سادھ سنگت مہاراج شیرسِنگھ گھر دِتا وکھال۔ منی سِنگھ رکھ اوٹ اِک ہری۔ شبد سَت پربھ دیہہ وِچ کری۔ مور پنکھ قلم ہتّھ پھڑی۔ لِکھاوے شبد پربھ آسا وری۔ چلے شبد نہ بَیٹھے ذری۔ آتم بھوُپت پربھ اِک رنگ کری۔ مہاراج شیرسِنگھ کل اوتار نر ہری۔ کل اوتار نامہ نر۔ پرگٹاوے جوت پربھ شاما گھر۔ جگاوے جوت جو چل آئے در۔ مہاراج شیرسِنگھ بِن تُدھ کوئے نہ ہوت، سَتجُگ چار ورن سب ایک کر۔ کلجُگ آیا جگت بھتار۔ چار ورن آئے دربار۔ راؤ کلجُگ ہوئے خوار۔ رنکاں پائی پربھ کی سار۔ مہاراج شیرسِنگھ پرگٹے نِہکلنک اوتار۔ سِنگھ آسن پیِیا بَیٹھا آ کے۔ سادھ سنگت پربھ مان دِوا کے۔ وڈ داتا وڈ وڈیا کے۔ سِنگھ ٹھاکر جائے چرن لگا کے۔ سُہائے تھان جِتھے پربھ بَیٹھا جوت جگا کے۔

پائے مان پربھ چرنی جو جن ڈِگے آ کے۔ جو آئے کرن پچھان، من جائے بُھلیکھا لاہ کے۔ اِیشر جوت مہان، تیِن لوک بَیٹھا جوت جگا کے۔ مہاراج شیرسِنگھ سچ مِہروان، کلجُگ بُھلے جاؤ بُھل بخشا کے۔ بُھلنہار سرب جیِو جنت۔ شبد سنگھارے سرب دیوَ دنت۔ مہاراج شیرسِنگھ تیری مہما جگت نہ انت۔ کروڑ تیتیِس پربھ درس تِہائے۔ کروڑ تیتیِس پربھ در تے آئے۔ دیوی دیوا سرب پربھ جوت جگائے۔ کلجُگ نِہکلنک کر سیوا، دُکھ رہے نہ کائے۔ مہاراج شیرسِنگھ سچ تیری سیوا، کلجُگ بِرتھی موُل نہ جائے۔ بِرتھا جنم کلجُگ منمُکھا۔ بُدھ ملیچھ بھوگن سب دُکھا۔ گُرسِکھ پربھ کا درس، من لاہوے بُھکھا۔ شیرسِنگھ شیر کلجُگ وِچ آیا۔ پرگٹ جوت نِہکلنک پربھ ناں رکھایا۔ کلجُگ کر سوہنگ شبد ڈنک وجایا۔ پرگٹی جوت آپ نِرنکار، سادھ سنگت پلّوُ جگت پِھرایا۔ بَیٹھا سرب کل دھار، ہنکاریاں جِس ہنکار گوایا۔ دسےّ سو جو جیِو وِچار، بھرم بُھلیکھا سب دا لاہیا۔ سوہنگ شبد کھنڈا دو دھار، چُھپیا نہ رہے کلجُگ چُھپایا۔ مہاراج شیرسِنگھ جو جن پاوے سار، جِن وِچوں بھیت چُکایا۔ کلجُگ ہوئے شبد وِچولا۔ پاوے درس پربھ رنگ مؤلا۔ پرگٹی جوت سرب کل سولاں۔ سادھ سنگت سوہنگ شبد وجاوے جگت ڈھولا۔ سچکھنڈ گُرسِکھ گھر سار۔ کلجُگ ورتے ڈاڈھا قہر، چرن لاگ گُر جائے تار۔ پرگٹے آپ پربھ نِرویَر، مہاراج شیرسِنگھ سرِشٹ پلٹاوے، نہ لاوے سوا پہر۔ سوا سوائی مل ملیچھ بُدھ گوائی۔ پنچم تت جوت اگن جلائی۔ کرے سَت سوہنگ رُشنائی۔ مہاراج شیرسِنگھ سد بل بل جائی۔ کِرپا کر پربھ امرت مُکھ چوایا۔ جو جن آئے گھر، امرت رس من درسایا۔ کلجُگ مِلیا ساچا ور، امرت بوُند کوَل کُھلایا۔ مہاراج شیرسِنگھ کر اوُچا در، گُرسِکھاں آ سیِس جھُکایا۔ امرت رس گُر در تے پائیے۔ امرت رس پی من ترِپتائیے۔ امرت رس جیِو پربھ جُگت مِلائیے۔ امرت رس سادھ سنگت پربھ ورکھا لائیے۔ امرت رس اگیان اندھیر وِچ دیہہ چُکائیے۔ امرت رس پی لکھّ چُراسی گیڑ نہ آئیے۔ امرت رس کرے نِرمل جی، من اگیانی جگت اکھوائیے۔ امرت رس بےمُکھ جائے نسّ، سادھ سنگت پربھ مُکھ چوائیے۔ مہاراج شیرسِنگھ کلجُگ تیرا جس، رسنا گائے

سُپھل کرائیے۔ بھوجن سو جِس پربھ بھوگ لگائے۔ پرگٹ جوت گُرسِکھ گھر آئے۔ بھگت جناں پربھ سنگ رلائے۔ کلجُگ جنم بہتّر جن بھگت پرگٹائے۔ کِرپا کر پربھ دھرنی دھر، رسنا بھوگ بھنڈار لگائے۔ بِن بھوگ پربھ بھوجا بھکھّ ہو جائے۔ گیِتا واک کرِشن سچ ہو جائے۔ لیہز پھیہز نہ سنگ رلائے۔ شوُدر وَیش رنگ اِک رنگائے۔ گُرسِکھ بنت کلجُگ بنائے۔ پرگٹ کر پربھ ٹھاکر سِنگھ جس گائے۔ مہاراج شیرسِنگھ انت ہوئے سہائے۔ پربھ سرجیِت سدیِوَ کال۔ پربھ کی جوت جگت مثال۔ جوت جگاوے گُرمُکھ گوپال۔ مہاراج شیرسِنگھ سوہنگ شبد دے کر آتم مال۔ کر پریِتی گُرچرن جیِو، جے سچ من منّے۔ درس کر جائے دُتر تر، مِلیا بھگوان جِؤں بھگت دھنےّ۔ سوہنگ نام رسنا جپ نہ کلجُگ ڈر، لگاوے بھوگ جِؤں نامے دوُدھ چھنّے۔ مہاراج شیرسِنگھ بھرم نِوارے، ساچا بیڑا کل لاوے بنّے۔ بیڑا بندھ چلایا۔ گُرمُکھاں پربھ ملاح ہو آیا۔ سوہنگ چپوُ لائے، کلجُگ پار کرایا۔ پرگٹ جوت نِرنکار، مہاراج شیرسِنگھ بھوگ لگایا۔ بھوگ لگاوے بھگت گھر آ کے۔ کلجُگ چلیا ساچی جوت جگا کے۔ ساچا در ملیا پریِت گُرچرن لگا کے۔ مہاراج شیرسِنگھ ولیا کِسے نہ ٹھلھیا، سِنگھاسن بَیٹھا جوت جگا کے۔ سِنگھ آسن بَیٹھا پربیِن۔ کلجُگ گوایا دُنی سب دیِن۔ سوہنگ شبد رسنا پیِن۔ مانَس جنم ہوئے سدا جگ جیِن۔ مہاراج شیرسِنگھ گُرسِکھ نہ آوے ہیِن۔ گُرسِکھ مِلو کر گُر ہیِیا۔ کر درس کرو نِرمل جیِیا۔ سوہنگ شبد پربھ ساچا دیِیا۔ مہاراج شیرسِنگھ کلجُگ ترےَ جِس رسنا نام تیرا لیِیا۔

۲۶ چیت ۲۰۰۸ بِکرمی آتما سِنگھ دے گِرہ پِنڈ جیٹھوُوال مسیت وِچ

اِٹھ جیِو جاگ جاگ جاگ، پرگٹے پاربرہم اچُت۔ اُٹھ جیِو جاگ جاگ جاگ، پربھ مِلنے دی آئی رُت۔ اُٹھ جیِو جاگ جاگ جاگ، ساچا ناتا پربھ جِؤں پِتا پُت۔ اُٹھ جیِو جاگ جاگ جاگ، جھوُٹھا سنسار انت ہوئے نہ مِت۔ اُٹھ جیِو جاگ جاگ

جاگ، کلجُگ چلیا وِچھڑ جائے نہ کِت۔ اُٹھ جیِو جاگ جاگ جاگ، اِیشر پرگٹے نہ کِسے وار نہ تِھت۔ اُٹھ جیِو جاگ جاگ جاگ، مانَس جنم کلجُگ وِچ دِت۔ اُٹھ جیِو جاگ جاگ جاگ، کر درس مہاراج شیرسِنگھ آتم نِت۔ ورتے شبد کل وڈّا بھاری۔ چڑھکے آئے مُغل قندھاری۔ سرِشٹی ہوئے ات خواری۔ ستّر کوس پھیر جائے بہاری۔ بیاسا ندی دِسے شیرسِنگھ جوت نیاری۔ جائے نہ پار پئے ملیچھاں وِچ خواری۔ پربھ دیوے ہار جیِو جنت مرے وِچ بیماری۔ کوئی نہ جانے سار، کلجُگ ورتے کھیل جوت نیاری۔ آوے بہار بھگت جناں ہرِ پَیج سواری۔ دیوے پربھ تار، چھتر جھُلائے وڈ داتا آپ سنساری۔ مہاراج شیرسِنگھ کل لاج رکھائی، چرنی ڈِگے سنگت ساری۔ کلجُگ چلے شبد اندھیری۔ اِیشر جوت چِھن اندر چار کُنٹ پھیری۔ کرے سو ہوت کلجُگ ڈھیہہ ہویا ڈھیہہ ڈھیری۔ مہاراج شیرسِنگھ سچ تیری جوت، نِہکلنک کل پائی پھیری۔ کل آیا کلمہ دوُر کر، سوہنگ شبد چلائے۔ چار کُنٹ اپنا جلوہ نوُر کر، چار کُنٹ بچن الائے۔ سادھ سنگت من ٹیک دھر، چرنی بَیٹھے سیِس جھُکائے۔ چار ورن پربھ ایک کر، سَتجُگ ساچا راہ بتائے۔ بھگت جناں بُدھ وِسیکھ کر، سُتیاں دیوے بانہوں اُٹھائے۔ مہاراج شیرسِنگھ کلجُگ ساچا گُر ویکھ کر، پھیر جانے سیِس جھُکائے۔ جوت اگن جگت لگن۔ بَیٹھا آپ پربھ مگن۔ گُرسِکھ پوُرے جُگ چار جگن۔ کرے پرکاش مات پاتال آکاش گگن۔ بےمُکھ ہوئے خوار کل پِھرن نگن۔ گُرسِکھ اوُجل سنسار، سوہنگ شبد مُکھ لایا پربھ سگن۔ جوت سروُپ پربھ کیِیا آکار، آتم تیِر وِچ دیہہ لگّن۔ مہاراج شیرسِنگھ درس در پا کے، گُرسِکھ پریِت چرن سنگ لگّن۔ وقت سُہیلا آ گیا، پربھ پَیج رکھاوے۔ گُر جگت دھکیلا آ گیا، سرِشٹ ساری پئی ڈُلاوے۔ گُر سچ مِلاوَن میلا آ گیا، گُرمُکھ وِچھڑ نہ جاوے۔ کلجُگ اچرج کھیلا آ گیا، سوہنگ شبد جگت چلاوے۔ مہاراج شیرسِنگھ بھگت دُہیلا آ گیا، کھنڈ سچ نِواس دواوے۔ کلجُگ وقت مُکا گیا، پربھ لاگو چرنن۔ کل جیِو جھوُٹھے دھندے لا گیا، انت دُکھ ڈاڈھا بھرنن۔ سادھ سنگت وِچ پربھ سما گیا، کوئی سکے نہ ورنن۔ واسی کھنڈ برہمنڈ دا آ گیا، چرن لاگ جیِو

سب ترنن۔ سچکھنڈ کل مات لوک بنا گیا، جوت جگاوے جِتھے پربھ دھرنی دھرنن۔ رسنا سوہنگ شبد جپا گیا، ساچی مت بھگتن کرنن۔ پنتھ ساچا جگت وکھا گیا، گُرسِکھ دیہہ جگت نہ دھرنن۔ مہاراج شیرسِنگھ کلنکنِہ آ گیا، کلجُگ کرم ہرنن۔ کلجُگ آئے ہار، کوئے نہ راکھے۔ پوُرب کرم وِچار، پربھ جوت پرکاشے۔ پربھ دیوے نرک مجھار، سب جیِو مد ماسے۔ وِرلی اُتم وِچ سنسار، جِت بانی گُرچرن رَہراسے۔ کُنٹ چار ہوئے جےَ جےَ جَیکار، پرگٹے جوت پربھ آکاشے۔ گن گندھرب سرب پربھ درس پیاسے۔ تِنہاں گُرمُکھ جاؤ قُربان، جِنہاں بَیٹھا سَتگُر پاسے۔ کلجُگ سچ رہے نِشان، جِتھے کرے پربھ جوت واسے۔ مہاراج شیرسِنگھ شبد روُپ، بےمُکھاں کرے ناسے۔ ناسونت سرب جیِو جنت۔ اوُچ ایک سرب بھگوَنت۔ پربھ کی مایا بڑی بےانت۔ کلجُگ پرگٹاوے گُرسِکھ ساچے سنت۔ سوہنگ دیوے دان پربھ وڈّا گُنونت۔ ہووے برہم گیان، ملِے پوُرن بھگوَنت۔ درس دِکھاوے نظری آوے، وِچ بَیٹھا جو اکنت۔ جوت جگاوے سوجھی پاوے، سوہنگ شبد ساچا گُر منت۔ مہاراج شیرسِنگھ پربھ ابھیوَ، کوئی نہ جانے تیرا آد انت۔ کلجُگ ہرِ رنگ مان، اُپجے من سُکھ۔ گُرچرن کر دھیان، نہ لاگے کوئی دُکھ۔ اُتم ایہہ گیان، من دی لاہے بُھکھ۔ کوئی پائے چتُر سُجان، سُپھل کرائے مات کُکھ۔ کل ملِے مہاراج شیرسِنگھ وِشنوُں بھگوان، جیِو سُکھ ساچی سُکھ۔ کلجُگ ملِے آپ بھگوان۔ بھگت پچھانے جانی جان۔ گُرسِکھاں پربھ چرناں مان۔ بخشے گئے جو جن چرنی ڈِگے آن۔ امر سد رہے جو سادھ سنگت مِل جان۔ ساچا شبد پربھ رسنا کہے، ایک جوت وِشنوُں بھگوان۔ مانَس جنم سچ لاہ لےَ، مہاراج شیرسِنگھ درشن دان۔ درس دیکھ لاہ آتم چِند۔ کلجُگ وہاوے پربھ اُلٹی سِندھ۔ بےمُکھ کرن کلجُگ پربھ کی نِند۔ مہاراج شیرسِنگھ گُرمُکھ پوُرے سچ تیری بِند۔ گُرمُکھ اوُجل اُپر دھوَل۔ کلجُگ اندر جِؤں ساگر کوَل۔ تارے پربھ کرِشن مُراری سوَل۔ مہاراج شیرسِنگھ ایکنکاری اول۔ ایکنکار کل پڑ سرنائی۔ ایکنکار جوت وِچ مات دے آئی۔ اچھل اڈول پربھ اکھوائی۔ سرِشٹی ساری پربھ شبد ڈُلائی۔ اگن جوت چار کُنٹ لگائی۔ گُرسِکھاں پربھ ہوئے سہائی۔ مہاراج

شیرسِنگھ کل کوئے نہ جانے تیری وڈ وڈیائی۔ گُرچرن مِل گُرسِکھ نِرمل کرم اُجاگر۔ کلجُگ کایا جیِو جھوُٹھی گاگر۔ بھگتن دیوے پربھ امرت ساگر۔ مہاراج شیرسِنگھ کلجُگ پرگٹے جوت رتناگر۔ رَین سُہائی بِھنڑی، پربھ کیِیا جوت آکار۔ رَین سُہائی بِھنڑی، پربھ آیا پار اُتارنہار۔ رَین سُہائی بِھنڑی، گُرمُکھ پربھ درشن کرن اپار۔ رَین سُہائی بِھنڑی، پربھ جوت ہووے چمتکار۔ رَین سُہائی بِھنڑی، پربھ سَت سَت سَت ورتے آپ نِرنکار۔ رَین سُہائی بِھنڑی، مات لوک سوہے ساچا دربار۔ رَین سُہائی بِھنڑی، اٹل پدوی ملِے گُر دربار۔ رَین سُہائی بِھنڑی، پتت پاپی تارے تارنہار۔ رَین سُہائی بِھنڑی، کر درس جن پائے موکھ دوار۔ رَین سُہائی بِھنڑی، گُرمُکھاں دیوے نِگم وِچار۔ رَین سُہائی بِھنڑی، گُر گُرسِکھ کِینے پار۔ رَین سُہائی بِھنڑی، پربھ دیوے دُتر تار۔ رَین سُہائی بِھنڑی، اپنے رنگ کرے کرتار۔ رَین سُہائی بِھنڑی، کلجُگ جاوے لہِندی دھار۔ رَین سُہائی بِھنڑی، سَتجُگ لاوے اپر اپار۔ رَین سُہائی بِھنڑی، گُرسِکھاں گھر جےَ جَیکار۔ رَین سُہائی بِھنڑی، در آئے نہ دُشٹ دُراچار۔ رَین سُہائی بِھنڑی، سوہنگ شبد ہوئے گُنجار۔ رَین سُہائی بِھنڑی، نِج گھر وسے پربھ وسنیہار۔ رَین سُہائی بِھنڑی، گُرسِکھاں ملِے نام آدھار۔ رَین سُہائی بِھنڑی، پربھ جوت جگاوے دیہہ جوت جگاونہار۔ رَین سُہائی بِھنڑی، دے درشن جاوے تار۔ رَین سُہائی بِھنڑی، کلجُگ پرگٹیا نر لےَ اوتار۔ رَین سُہائی بِھنڑی، نِہکلنک جیِو کر دیِدار۔ رَین سُہائی بِھنڑی، پربھ مِل ہوئے سولاں شِنگار۔ رَین سُہائی بِھنڑی، کر سچ کنت پیار۔ رَین سُہائی بِھنڑی، میل مِلائے کر کرِشن مُرار۔ رَین سُہائی بِھنڑی، پوَن اُننجا سِر چھتر جھُلار۔ رَین سُہائی بِھنڑی، کھنڈ برہمنڈ پربھ کرے آکار۔ رَین سُہائی بِھنڑی، جوت جاتی وِچ سنسار۔ رَین سُہائی بِھنڑی، گُن اَوگُن پربھ لےَ وِچار۔ رَین سُہائی بِھنڑی، پرگٹی جوت پربھ اگمّ اپار۔ رَین سُہائی بِھنڑی، دُکھ نہ لاگے گُر دربار۔ رَین سُہائی بِھنڑی، گُرمُکھ اُتم وِچ سنسار۔ رَین سُہائی بِھنڑی، جھوُٹھا جگت ہووے سب چھار۔ رَین سُہائی بِھنڑی، جِت پرگٹے نر اوتار۔ رَین سُہائی بِھنڑی، امرت ورکھے ورکھنہار۔ رَین سُہائی بِھنڑی، امرت بوُند گُرمُکھ چوار۔ رَین سُہائی بِھنڑی، کلجُگ کُھلے دسم

دوار۔ رَین سُہائی بِھنڑی، گُرسِکھاں پربھ بیڑا کینا پار۔ رَین سُہائی بِھنڑی، جِت رَین مہاراج شیرسِنگھ لےَ اوتار۔ بِھنڑی رَینڑیئے رنگ پربھ کا مان۔ بِھنڑی رَینڑیئے جو رہے جاگ، تِنہاں مِلیا پربھ آن۔ بِھنڑی رَینڑیئے تیرے پوُرن بھاگ، پرگٹی جوت وِشنوُں بھگوان۔ بِھنڑی رَینڑیئے تیرے سِر سُہاگ، سوہنگ سچ شبد دیبان۔ شبد ملاوا کر پربھ کر سُرتی میلا۔ جگت بُھلاواں دوُر کر، مِل سجّن سُہیلا۔ جگت نَین دِکھاوا دوُر کر، نیتر تیِجا کھولا۔ مہاراج شیرسِنگھ گُرسِکھ کوَل پھوُل کر چرن سنگ مؤلا۔ گُر چرن اوُچا پد۔ کر درس بل جاؤ سد۔ پربھ مِلیا وڈّا اگد۔ بےمُکھاں چلیا کلجُگ لد۔ مہاراج شیرسِنگھ دُھن نام وجےّ دیہہ سد۔ سدا دُھن وجےّ دیہہ اندر۔ ہوئے گیان اندھیر تن مندر۔ سوہنگ کُنجی من توڑے جندر۔ مہاراج شیرسِنگھ جوت پرگٹائے، سُہائے بنک مندر۔ جوت جگائی جگت وکھائی، نظر نہ آئی بھیت رکھایا۔ جن دے وڈیائی پَیج رکھائی، ہوئے سہائی کلجُگ ترایا۔ بےمُکھ دُہائی، سنگ نہ چالے کوئے بھَین بھائی، جھوُٹھی سرِشٹی چھڈ وکھائی، بےمُکھ ناؤں نہ دھیایا۔ مہاراج شیرسِنگھ پرمگت پائی، وجّی ودھائی سُنے لوکائی، ور گھر ساچا پایا۔ سچ اندر وسیا، نظر نہ آوے۔ ساچا راہ پربھ ساچے دسّیا، جے ویکھے تاں نظری آوے۔ کرے پرکاش جِؤں رَو سسیا، آتم جوت پربھ سنگ جوت جگاوے۔ بےمُکھ کلجُگ چنّ جِؤں مسّیا، سَتجُگ وِچ نظر نہ آوے۔ سوہنگ بان شبد گُر کسیا، سرِشٹی ساری بھردی ہاوے۔ سوہنگ شبد گھر ساچا دسّیا، مہاراج شیرسِنگھ سنگ میل کراوے۔ پربھ مِلیاں چڑھے رنگ مجیِٹھ۔ ساچا پربھ کلجُگ گھر ڈیِٹھ۔ بےمُکھ کؤڑے کلجُگ جِؤں ریِٹھ۔ گُرسِکھاں گُر پوُرا پایا، مہاراج شیرسِنگھ نیتر ڈیٹھ۔ نیتر پیکھ کرو دوُر بُھلیکھا۔ ساچا صاحِب گھر آ چُکاوے لیکھا۔ ڈھیہہ پئے سرنائی جن، پربھ میٹ وکھاوے ریکھا۔ مہاراج شیرسِنگھ رنگ چلوُلا، گُرسِکھاں تیرا ڈیٹھا۔ گُرسِکھاں رنگ تیرا ڈیٹھڑو۔ ور گھر پایا پربھ ساچا بِیٹھلو۔ پربھ وِچ نِمانیاں وسے، نہ جانے پاٹے چیِتھڑو۔ مہاراج شیرسِنگھ راہ ساچا دسےّ، نہیں بُھلیکھا پربھ ساچا ڈیٹھڑو۔ جیِو پرکھ کر، من رہے نہ چِندا۔ چھڈ دربار، بُھل کرے نہ نِندا۔ دیونہار پربھ

سرب پھل دیندا۔ جوت پرگٹائی پربھ گُر گوبِندا۔ دیوے وڈیائی گُر گُرسِکھ مرگِندا۔ تیتیِس کروڑ کھڑے در سیِس جھُکائی، کھڑے سنگ اِندا۔ کلجُگ پرگٹیا مہاراج شیرسِنگھ گُرسِکھ بخشندا۔ بخشے بخشنہار پربھ انترجامی۔ کوئے نہ جانے سار، کل پرگٹے پربھ نِہکامی۔ گُرسِکھ سوہن گُرچرن دربار، پرگٹ بَیٹھا وِچ سوامی۔ کلجُگ ساچا سچ دربار، پرگٹے جوت پربھ انترجامی۔ مہاراج شیرسِنگھ پوُرن اوتار، سوہنگ دان دیوے پربھ نامی۔ نام دان آپ پربھ دیِیا۔ نِرمل کیِیا پربھ گُرسِکھاں جیِیا۔ نام نِدھان گُردر تے پیِیا۔ مہاراج شیرسِنگھ تیرا سِکھ سدا جگ جیِیا۔ سچ شبد کلجُگ سچ لِکھ۔ دے گیان پربھ آتم لاہے وِکھ۔ گُن نِدھان پربھ وسے وِچ سِکھ۔ وِشنوُں بھگوان اُپجاوے کلجُگ گُرسِکھ وڈ رِکھ۔ گُرسِکھ اُتم ذات کر، دے چلیا وڈیائی۔ آتم پربھ سوانت کر، ترِکھا دے بُجھائی۔ ساچی جوت وِچ دیہہ اِکانت کر، گیان جوت پربھ دے جگائی۔ مہاراج شیرسِنگھ تپدے ہِردے شانت کر، سوہنگ امرت ورکھا لائی۔ امرت ورکھے میگھ جِؤں دھار۔ پی سِکھ کل اُترے پار۔ پرگٹے گُر کوئی پائے نہ سار۔ آپ اپرمپر رہیا گُن وِچار۔ جگت جلائے کر جوت آکار۔ بھگت ترائے دے سوہنگ شبد ادھار۔ چار جُگ نام رکھائے، ساچا مارگ چلے سنسار۔ جو جن آئے رسنا گائے، دیوے درس پُرکھ مُرار۔ کلجُگ پرگٹیا نِہکلنک اوتار۔ مہاراج شیرسِنگھ چار جُگ پوُجا کرے سنسار۔ چار جُگ پربھ چرن پُجاری۔ آیا مات چتُربُھج کر سواری۔ بھگت جناں ہرِ آئے پَیج سواری۔ کلجُگ پرگٹے رام کرِشن نِہکلنک اوتاری۔ مہاراج شیرسِنگھ اِک جوت نِرنکاری۔ نِرنکار کوئی آکار نہ جانے۔ جِس جن دسےّ سو جن پچھانے۔ گُرمُکھ چلے پربھ کے بھانے۔ کلجُگ ہوئے چتُر سُگھڑ سیانے۔ چرنی ڈِگن سب راجے رانے۔ سِر چھتر جھُلائن، سنگت سب مستُوانے۔ جامہ لیا دھار، پہن نِہکلنک بانے۔ مہاراج شیرسِنگھ نر اوتار، کوئی وِرلا گُرمُکھ جانے۔ پربھ گُرمُکھاں بوُجھ بُجھائیندا۔ آد جُگادی شبد پَیج رکھائیندا۔ گوپی ناتھ بھگت وچھل اکھوائیندا۔ جیِو نہ جانے پربھ سدا سنگ رہائیندا۔ نہ بُھل جیِو انجانے، وِچھڑ دُکھ پائیندا۔ لگّ جا ٹِکانے، پربھ جوتی جوت مِلائیندا۔ پِھر گربھ نہ مانے، پربھ

سچکھنڈ بہائیندا۔ جیِو اپنا موُل پچھانے، پربھ جوتوں جوت پرگٹائیندا۔ مہاراج شیرسِنگھ گُرسِکھاں سِر چھتر جھُلائیندا۔ جھُلے چھتر گُرسِکھاں سِر۔ کلجُگ مِلیا جِنہاں ساچا پِر۔ پرگٹی جوت کل گِردھاری گِر۔ مہاراج شیرسِنگھ پَیج سواری، نہ لاوی دِر۔ دیر نہ کر گُرسِکھ بِللایا۔ کلجُگ اگن تن من جلایا۔ کِرپا کر آپ پربھ رگھُرایا۔ کر شانت ہؤمے تن تندوُر جلایا۔ کڈھ بھرانت بُھلیکھا کلجُگ من وسایا۔ وِچھڑ جائے نہ دِن رات، جِن پربھ چرن سنگ نیہوں لگایا۔ مہاراج شیرسِنگھ گاؤ پربھات، دیوے درس تیج جوت سوایا۔ جوت سروُپ پربھ جگ آئے۔ آپ پیکھے کِسے نظر نہ آئے۔ لائے لیکھے جو جن چرن سیِس جھُکائے۔ کڈھ بُھلیکھے سوہنگ گیان دوائے۔ مہاراج شیرسِنگھ انتکال گُرسِکھاں ہو سہائے۔ گُرسِکھ وسے گُر گوپال۔ گُرسِکھ آتم لال گُلال۔ گُرمُکھ اُجل جِؤں سِنگھ پال ۔ سوہنگ شبد کھٹّ جگت سچّا دھن مال ۔ مہاراج شیرسِنگھ گُرسِکھ چرن سنگ سمال۔ گُر دربار آئے سؤں نہیں رہنا۔ دیوے درس بھگت پربھ سُتیاں رَینا۔ وقت جائے وہائے جیِو روئے کل پائے وَیناں۔ درگاہ ملِے نہ تھایں، لیکھا دھرم رائے نے لَینا۔ پربھ پوُرا نظر نہ آئے، جیِو وس جماں دے پَینا۔ کلجُگ تارن آ گیا، گُر پیکھ اپنے نَینا۔ پربھ سچّا مارگ لا گیا، چل جیِو جگ بَیٹھ کِسے نہیں رہنا۔ کیوں بھرم بُھلیکھے لا لیا، منّ سچے سَتگُر کا کہنا۔ کل سوہنگ جہاز بنا لیا، کیوں ڈُبے لہِندیاں وہنا۔ جِس مہاراج شیرسِنگھ چرن لگا گیا، دُکھ اندھ اوس نہیں سہنا۔ گُرسِکھ پربھ کا دُکھ نہ جلے۔ مِل سادھ سنگت کلجُگ ترےَ۔ آوے نہ جاوے جنمے نہ مرے۔ بَیٹھ اڈول رنگ ویکھے ہرے۔ گُرچرن لاگ کلجُگ کھوٹے ہوئے کھرے۔ ہوئے سہائی ایک، ٹیک جو ہِردے دھرے۔ جو جن چل آئے در، تِن کے کاج سرے۔ مہاراج شیرسِنگھ جاؤ بلہاری، دے درس پربھ نر ہرے۔ ہرِ نر جوت اوتر۔ کلجُگ ساگر پار کر۔ ایک شبد جیِو ہِردے دھر۔ مہاراج شیرسِنگھ جیِو وسے نِج گھر۔ نِج گھر وسے پربھ مِہروانا۔ ہرِ گھر جن بھگت پچھانا۔ اُتم در سُکھ ملِے مہانا۔ رکھ لاج کل مہاراج شیرسِنگھ وِشنوُں بھگوانا۔ وِشنوُں بھگوان بھرم مِٹا۔ سہنسر سہِنسے وِچوں چُکا۔ جوت سروُپ

وِچ دیہہ جوت پرگٹا۔ چرن لاگ جیِو دم دا نہیں وساہ۔ وقت نہ دسےّ، پربھ ساچا بے پرواہ۔ پربھ اپنے رنگ وسے، سرِشٹی ساری ہوئی داہ۔ گُرسِکھ ساچا گُر در ہسّے، بےمُکھاں کل پئی سواہ۔ کلجُگ جوت پرگٹائی، مہاراج شیرسِنگھ سِر شاہاں شاہ۔ ساچا شاہو ملِے وڈبھاگ۔ کر درس جیِو نہ لاگے من داغ۔ کِرپا کرے انحد شبد سُناوے راگ۔ نِجانند درساوے پربھ امرت ساد۔ جوت جگاوے جیِو جنت آد جُگاد۔ کلجُگ مہاراج شیرسِنگھ گُرسِکھاں لیا لادھ۔ پربھ سُتّا پَیر پسار۔ آلس کرے نہ وِچ سنسار۔ کر کر پردکھّنا گُرسنگت بل دھار۔ ساچی ریِت چلی وِچ سنسار۔ چؤ گِرد تُمارے ساچی کار۔ کوئے نہ جھلے اِس کا وار۔ سوہنگ شبد سرب سِکدار۔ باقی ہوئے سرب پنہار۔ منڈل ڈولے سادھ سنگت ڈُلاونہار۔ کلجُگ پرگٹیا سُن بھگتن پُکار۔ کِرپا کر پربھ رکھ لےَ، مد ماس نہ ہوئے رسن آہار۔ مہاراج شیرسِنگھ راہ کلجُگ دسّ لےَ، گُرسِکھاں بیڑا کر لیا پار۔ کلجُگ جامہ دھار کے سِنگھ آسن لائے، سادھ سنگت دیوے وڈیائی۔ ساچا تخت سیِس لیا اُٹھائی۔ چؤ گِرد کر پردکھّنا، ہرِ ہرِ ہرِ رسنا گائی۔ جھوُل جھُلایا سِنگھ آسن، کھنڈ برہمنڈ سرب ڈُل جائی۔ سنگت اُٹھایا گُر سیِس، انتکال پربھ ہوئے سہائی۔ نظری آئے پربھ جگدیش، وِچ بِبان لئے بَیٹھائی۔ سوہنگ نام کرے بخشیِش، کھنڈ سچ دے پُچائی۔ گُرمُکھاں بےمُکھ کرن نہ ریِس، مہاراج شیرسِنگھ کل کرے بھگت وڈیائی۔ دیوے مان منّ سادھ سنگت۔ سوہنگ نام من چاڑھے رنگت۔ گُرسِکھ تارے جِؤں نانک انگد۔ اوُچ دربار اگمّ اتھاہ۔ اُپر بَیٹھا بے پرواہ۔ سچّی جوت سچّا پاتشاہ۔ کلجُگ دسّیا سچّا راہ۔ گُر دربار اِک سچا، گُرسِکھ بُھل نہ جاہ۔ مہاراج شیرسِنگھ گُر نہیں کچّا، کلجُگ آیا سچّا پاتشاہ۔ سچّا پاتشاہ سچ سُلطان۔ والی ہووے دو جہان۔ کِرپا کرے بھگت بھگوان۔ در آئے سیو کمائے جس لےَ جان۔ بھگت جناں پربھ تیرا مان۔ مہاراج شیرسِنگھ شبد سچ نِشان۔ سادھ سنگت پربھ وسنیہارا۔ سادھ سنگت پربھ چھتر جھُلارا۔ سادھ سنگت درساوے پربھ آتم دوارا۔ سادھ سنگت گاوے شبد رسنا گُر دوارا۔ سادھ سنگت مہاراج شیرسِنگھ لےَ اوتارا۔ سادھ سنگت تیری وڈیائی۔

کلجُگ جوت اِیشر پرگٹائی۔ سادھ سنگت پربھ بھئے سہائی۔ جُگو جُگ پربھ پَیج رکھائی۔ مِل گُرسنگت پوُرن مت پائی۔ مہاراج شیرسِنگھ دُکھ دیہہ مِٹائی۔ دھنّ دھنّ دھنّ گُرسِکھ، جِنہاں ہرِ من وسیا۔ دھنّ دھنّ دھنّ گُرسِکھ، جِتھے بَیٹھ بھیو پربھ سب دسّیا۔ دھنّ دھنّ دھنّ گُرسِکھ، جِنہاں ہِردے نام سوہنگ وسیا۔ دھنّ دھنّ دھنّ گُرسِکھ، منی سِنگھ راہ پربھ کا دسّیا۔ گُرسِکھ پوہ نہ سکے کل کی مایا۔ جوت سروُپ سِر ہتّھ ٹِکایا۔ کلجُگ کھپائے سَتجُگ تیج ہووے پربھ جوت سوایا۔ دُشٹ کھپائے گُرسِکھ ترائے، جِنہاں مہاراج شیرسِنگھ چرن لگایا۔

۲۷ چیت ۲۰۰۸ بِکرمی ماسٹر سوہن سِنگھ دے گِرہ پِنڈ رام پُر

ساچا جوت پرکاش کر، کلجُگ مِٹائے۔ بےمُکھاں پربھ وِناش کر، جُگ سَت لگائے۔ گُرسِکھاں ہِردے واس کر، سَتگُر ساچا سچ جوت جگائے۔ سب سرِشٹ اپنی داس کر، سوہنگ شبد رسن اکھوائے۔ نگر گرام سب پربھاس کر، جے دیکھے تاں نظر نہ آئے۔ گُرسِکھاں آتم راس کر، جوت دیِپک وِچ دیہہ جگائے۔ مہاراج شیرسِنگھ دُشٹن ناس کر، واہوا سَتجُگ بھگتن اُپائے۔ سَتجُگ لاوے پیِت پیِتمبر۔ مان گوائے کلجُگ پَیغمبر۔ جوت پرکاش کرے پربھ تیِن لوک اندر۔ وِچ سچ پرکاش جوت جیِو جھوُٹھا دیہہ مندر۔ ہؤمے ممتا وِچوں ناس کر، نِجانند پائے اندر۔ سوہنگ شبد ساچا جاپ کر، توڑ اگیان من کا جندر۔ مہاراج شیرسِنگھ جوت سروُپ جگت نچائے جِؤں مداری بندر۔ جوت اگن جگت جلایا۔ چار کُنٹ ہاہاکار کرایا۔ پربھ آپ اچھل اڈول سِنگھاسن ڈیرہ لایا۔ گُرسِکھ تولے پوُرے تول، بےمُکھاں کل دھکاّ لایا۔ ساچا شبد لِکھاوے بول، اپنا بھیت نہ رکھایا۔ اِیشر جوت سدا اڈول، جگت ڈُلایا۔ کر جوت پرکاش بَیٹھا سِکھاں کول، کلجُگ پائی مایا۔ کلجُگ جیِو بُھلے انبھول، نِہکلنک نہ نظری آیا۔ گُرسِکھاں دیوے پربھ پڑدے کھول، انحد شبد تن من وجایا۔ وجےّ شبد تن گیان، امرت بوُند مُکھ کوَل

چوایا۔ کُھلے کوَل ہوئے دھیان، جوت سروُپی نظری آیا۔ کلجُگ پرگٹے نِہکلنک، مہاراج شیرسِنگھ نام رکھایا۔ نِہکلنک ہوئے نِرویَرا۔ جوت سروُپ پرگٹے کیہرا۔ کوئے نہ جانے سار، پربھ ساچا گہر گمبھیِرا۔ مہاراج شیرسِنگھ دیوے جوت ادھار، جو جیِو آن لگے گُر پَیرا۔ مِل کلجُگ ہرِ، جیِو ملِے وڈیائی۔ کر درس پربھ تر، لکھّ چُراسی پربھ گیڑ مُکائی۔ رسنا جپ ہرِ ہرِ کر کلجُگ ملِے جیِو وڈیائی۔ مہاراج شیرسِنگھ جگ دُتر تارے، سادھ سنگت گُرچرن بن آئی۔ سادھ سنگت پرگٹاوے پربھ دُہیلا۔ کلجُگ نِہکلنک وِچھڑیاں سنگ میلا۔ بھگت جن لئے پچھان کلجُگ آن، اچرج کھیل آپ پربھ کھیلا۔ لگّ چرن جیِو، بھیا مِلن کا ویلا۔ مہاراج شیرسِنگھ جوت وِشنوُں بھگوان، پربھ جوت سد رہے اَکیلا۔ آد جُگاد رہے ایکنکارا۔ جُگو جُگ پربھ لئے اوتارا۔ پاوے بھید کوئی پربھ سمرتھ پُرکھ اپارا۔ کرے سیو جِن پُج آوے گُر در سچ دربارا۔ کلجُگ پرگٹیا الکھ ابھیوَ، وِچاری جیِو کی بوُجھے وِچارا۔ اِیشر جوت سدا نِہکیو، ویکھے سو جِس وکھاوے پربھ گِردھارا۔ سرن رہے سب دیوی دیوَ، وِچ اگمّ اپر اپارا۔ سادھ سنگت شبد سوہنگ لیو، پربھ ابناش شبد دیونہارا۔ مہاراج شیرسِنگھ تیری چرن سیو، پاوے سو جِس کِرپا کر درس دِکھارا۔ دیوے درس کل نَین مُندھار۔ دے درس پربھ کلجُگ کیِئے پار۔ گُرمُکھ وِرلا کل پائے پربھ کی سار۔ سرِشٹ وہائی پربھ لہِندی دھار۔ جوت پرگٹائی پربھ گُرمُکھ وِچار۔ آتم سچ دیِپ جگائی، سوہنگ نام شبد اپار۔ مہاراج شیرسِنگھ جاؤ بلہار، سَتجُگ ساچی نیِہہ رکھائی۔ کلجُگ کاچا جیِو بُھلے، نہ جانے سَتگُر ساچا۔ سوہنگ شبد نہ من میں واچا۔ بَیٹھ اڈول ویکھے پربھ جگت تماشہ۔ جگت وِناسی، اِک پربھ ابناشا۔ سوہنگ شبد جیِو جپ سواس سواسا۔ امرت نام نِدھان کل پیِو، آتم جوت کرے پرکاشا۔ گُرچرن لاگ سدا جگ جیِو، انتکال نہ ہوئے نرک نِواسا۔ آتم بُجھی جگائے دیِو، ہِردے کرے سچ جوت پربھ واسا۔ مہاراج شیرسِنگھ شبد چرن جیِو، مات گربھ نہ ہوئے واسا۔ پربھ ساچا گربھ واس چُکائے۔ جو جن آئے گُرچرن لگ جائے۔ انتکال پربھ ہوئے سہائے۔ جوت سروُپ دے درس، وِچ بِبان لئے بَیٹھائے۔ وِچ سچکھنڈ کرے

پرویش، جِتھے بَیٹھا پربھ جوت جگائے۔ تِس صاحِب کو کرو آدیس، پرگٹے جوت نظر نہ آئے۔ کلجُگ اُتم بھگت وِشیش، جوت سنگ پربھ لئے جوت مِلائے۔ سمجھ جیِو دیہہ جھوُٹھا بھیکھ، انتکال سنگ نہ جائے۔ اچُت پاربرہم پرمیشر اپنے اندر ویکھ، بَیٹھا اڈول نظر نہ آئے۔ جِتھے وسے سو پربھ ساچا دیس، نہ اوہ مرے نہ آوے جائے۔ مہاراج شیرسِنگھ سچ لِکھائے لیکھ، گُرسِکھ جوت مِل جائے۔ پربھ کی جوت وِچ پربیِن۔ سوہنگ شبد سچ رسنا چیِن۔ بِن پربھ سب جھوُٹھے دیِن۔ گُرسِکھ ترِپتاسے کر درس گُر جِؤں نیِر میِن۔ ہِردے اِیشر جوت پرکاشے، سوہنگ شبد وجائے وِچ سچّی بیِن۔ اگیان اندھیر گُرسِکھ وِچ دیہہ وِناسے، امرت بوُند گُرسِکھ گُردر تے پیِن۔ مِل پربھ امرپد پاوے بھگت جن جُگ چار سدا جگ جین۔ مہاراج شیرسِنگھ کِرپا کر، بھگت جن تیرا نام رسنا لین۔ رسنا جپ ملِے پربھ رس۔ ساچا صاحِب جیِو کر وس۔ سوہنگ شبد گیان پربھ دیوے دسّ۔ گُرمُکھ پوُرے مد ماس توں جائے نسّ۔ واجے انحد تُورے، جِنہاں ہِردے جائے پربھ وس۔ کارج کیِئے پوُرے، گُرسِکھ جوت جگائے جِؤں رَو سس۔ سادھ سنگت گُرچرن حضوُرے، بےمُکھ در توں جائے نسّ۔ کلجُگ پاوے جگت وِچ مایا، سوہنگ بان لیا پربھ کس۔ مہاراج شیرسِنگھ جِس دیوے سو جن پاوے، جیِو کِسے دے کُچھ نہیں وس۔ کلجُگ جیِو بھرے ہنکارا۔ مد ماس رسن چلائے وِکارا۔ ساچا نام نہ ہوئے ادھارا۔ کلجُگ نہ دیِسے ساچا گُر دربارا۔ کوُڑے جیِو کوُڑے ریِسے، سچ سُچ نہ آتم وِچارا۔ مان گوائے محمد عیسیٰ موُسے، نِہکلنک لےَ اوتارا۔ سرن پڑے پربھ ساچا دیِسے، مہاراج شیرسِنگھ دیوے درس شبد دوارا۔ شبد سُرت گُرسِکھ پربھ کرے۔ ساچی جوت وِچ دیہہ پربھ دھرے۔ آتم پرکاش کرے نر ہرے۔ گُرسِکھ پوُرا نہ کلجُگ ڈرے۔ جوت سروُپ پربھ رچھیا کرے۔ جو جن آئے پربھ کی سرنی پڑے۔ مہاراج شیرسِنگھ کل دَیا کرے۔ دَیاوان پربھ درباری۔ پتت پاپی پربھ سگلی تاری۔ جو جن آئے چرن نِمسکارے۔ کلجُگ پرگٹے جوت اگمّ اپارے۔ کلجُگ مایا پائی جگ سارے۔ کلجُگ جیِو ہوئے اندھیارے۔ بےمُکھاں گھر ہاہاکارے۔ گُرسِکھاں گھر جےَ جےَ جَیکارے۔ پربھ ساچا تارن آ گیا، تریتا

جِؤں رام اوتارے۔ بھگت اُدھارن آ گیا، پربھ کرِشن مُرارے۔ کلجُگ سِکھاں سِر چھتر جھُلا گیا، مہاراج شیرسِنگھ نِہکلنک اوتارے۔ کلجُگ پرگٹ نِہکلنک۔ سوہنگ شبد وجاوے چار کُنٹ ڈنک۔ سرِشٹ جلائی جِؤں ہنوُونت لنک۔ جوت پرگٹائی، گُرسِکھ سوہن تیرے دوارے بنک۔ نِہکلنک تیری وڈیائی، کلجُگ کرے اِک راؤ رنک۔ سوہن سِنگھ پربھ دے وڈیائی، ترنتے جِؤں بھگت جنک۔ بھگت جنک دے وڈیائی۔ نرکوں سارے جیِو چُھڈائی۔ کھنڈ برہمنڈ جےَ جےَ جَیکار کرائی۔ تیِن لوک پربھ جوت جگائی۔ مہاراج شیرسِنگھ کلجُگ انتکال ہوئے سہائی۔ کرے درس کوئی وِرلا گُنونت۔ کلجُگ ملِے گُرسِکھاں گھر آن بھگت بھگوَنت۔ کلجُگ جیِو سار نہ جانے، پربھ کی مایا بڑی بےانت۔ سرِشٹ اُپائے اپنے بھانے، جوت جگائے وِچ سرب جیِو جنت۔ گُرسِکھ ہوئے کلجُگ سُگھڑ سیانے، سوہنگ شبد ملِے ساچا گُر منت۔ کلجُگ پرگٹیا مہاراج شیرسِنگھ، پاوے درس کوئی سادھ سنت۔ سادھ سنت وِرلا گُرمُکھ۔ جو درس کر من لاہے بُھکھ۔ پربھ ساچا کلجُگ درس کر، گُرسِکھاں لاہے دُکھ۔ وِچ گربھ امرت برس کر، گیان بال دواوے وِچ کُکھ۔ گُر ساچے درس دِکھایا، مہاراج شیرسِنگھ درس لاہے دُکھ۔ درس دِکھائے پربھ جگن ناتھے۔ آد جُگاد سد بھگتن ساتھے۔ بھگت وچھل اناتھ اناتھے۔ جوت جگائے وِچ للاٹ ماتھے۔ سوہنگ شبد چلے جُگ چار ساچی گاتھے۔ بھگت بِبان ایہہ ساچا راتھے۔ مہاراج شیرسِنگھ کل چھوڈ نہ جائے گُرمُکھ تیرا ساتھے۔ گُرمُکھ سنگی پربھ سنگ سُہیلا۔ جُگو جُگ وِچھڑیاں کلجُگ آن پربھ کیِیا میلا۔ گُرمُکھ پار کرایا، بےمُکھ شؤہ دریائے بیڑا ٹھیلا۔ مہاراج شیرسِنگھ جن بھگت ترائے، بَیٹھ اِکانت پربھ آپ اَکیلا۔ ایک آپ وِچ آکاش۔ جِتھے سدا ہےَ جوت پرکاش۔ اُننجا پوَن سِر چھتر جھُلاس۔ مہاراج شیرسِنگھ جوت نِرنجن پاس۔ نَینی دیکھو آئکے، پربھ پرگٹی جوتا۔ چلیا کل ورتائیکے، جوت سوئی جگ ہوتا۔ بےمُکھ چلیا مُکھ چُھپائیکے، بُھلا جیِو کل ہےَ روتا۔ پربھ چلیا شبد دُھن وجائیکے، پاوے کوئی گُرمُکھ کل سروتا۔ پربھ چلیا بھگت وڈیائیکے، دُرمت پاپ کل سارا دھوتا۔ مہاراج شیرسِنگھ وِشنوُں بھگوان سد ہےَ

جاگت، کلجُگ جیِو سدا ہےَ سوتا۔ اُٹھ اُٹھ جیِو نِمانیا، کیوں سُتیاں رَین وِہائے۔ اُٹھ اُٹھ جیِو برہم سروُپ، کیوں بُھلیا وقت گوائے۔ اُٹھ اُٹھ جیِو تیرے وِچ وسے انوُپ، مانَس دیہہ وِچ کیوں بھیوَ نہ پائے۔ اُٹھ اُٹھ جیِو سَت سروُپ، پربھ ابناشی کیوں نہ پائے۔ اُٹھ اُٹھ جیِو وِچ وسے پربھ بھوُپ، کر درس کیوں نہ آتم ترِکھا بُجھائے۔ اُٹھ اُٹھ جیِو پربھ کا دیِسے رنگ نہ روُپ، جوت سروُپ رہیا وِچ جوت جگائے۔ اُٹھ اُٹھ جیِو کیوں ڈُبا وِچ اندھکوُپ، گیان روُپ گُر چرن لاگ اُپجائے۔ اُٹھ اُٹھ جیِو پربھ اوُچو اوُچ سرن لاگ امرا پد پائے۔ مہاراج شیرسِنگھ سوَچّھ سروُپ، سرب جیِو میں رہیا سمائے۔ جوت جگائے پربھ جُگا جُگنترا۔ سوہنگ شبد کل کرے بھسمنترا۔ جوت سروُپ کلجُگ بھانا آپ ورتنترا۔ اِیشر جوت نہ رنگ نہ روُپ، جوت پرکاش تیِن لوک ورتنترا۔ مہاراج شیرسِنگھ ترےَ اندھ کوُپ، جو جن آئے چرن لگنترا۔ گُرسِکھ کلجُگ اُتم جِؤں پُھل کوَل۔ جوت سروُپ اِیشر سب جگت وِچ مول۔ آپ پربھ اچھل اڈول، کلجُگ جیِو سارے ڈوَل۔ مہاراج شیرسِنگھ سچ تیرا روُپ، جِؤں دواپر کرِشن سوَل۔ کلجُگ پرگٹے جوت نِرنکاری۔ سرِشٹی ساری آن سنگھاری۔ کوئی نہ دیِسے انتکال دُشٹ دُراچاری۔ مہاکال کلجُگ کرے خواری۔ سرِشٹ سبائی پربھ چبائی داڑھیں۔ کلجُگ اُتم گُرمُکھ گُر پُھلواڑی۔ درس کرے جو جن آوے، ہووے گیان وِچ دیہہ بہتّر ناڑی۔ کر دھیان ہؤمے ممتا وِچ دیہہ پربھ ساڑی۔ وِچ کل وِشنوُں بھگوان مہاراج شیرسِنگھ جن بھگت تیری ساچی واڑی۔ جن بھگت پربھ آپ اُپجائے۔ پرگٹ جوت پربھ لاج رکھائے۔ شبد گیان دیہہ کلجُگ پرگٹائے۔ جیِو برہم سروُپ انت برہم ہو جائے۔ مہاراج شیرسِنگھ گُر سَتگُر پوُرا، سرن پڑے دی لاج رکھائے۔ راکھے لاج وِشنوُں بھگوانا۔ وِچ دواپر دروپدی جِؤں گھنئیا کاہنا۔ کلجُگ تارے گُرسِکھ پیارے، نِہکلنک پربھ پہریا بانا۔ دُشٹ سنگھارے کرے خوارے، سوہنگ شبد نہ جِنہاں پچھانا۔ کِرپا کر پربھ پار اُتارے، سوہنگ شبد دے ادھارے، مہاراج شیرسِنگھ وِشنوُں بھگوانا۔ کلجُگ آئے پربھ گُرسِکھ تارے۔ بےمُکھ گئے مانَس جنم ہارے۔ گُرسِکھ سوہن گُرچرن دوار۔ بےمُکھ سارے گُر در دُرکارے۔

بھگت جناں ہرِ نام ادھارے۔ بےمُکھاں مد ماس اہارے۔ مہاراج شیرسِنگھ چرن جاؤ بلہارے، کلجُگ آن بھگت جن تارے۔ بھگت جناں کل دیوے دات۔ سوہنگ شبد کل وڈّی کرامات۔ کلجُگ اُتم گُرمُکھ تیری ذات۔ سَتجُگ سوہے جِؤں پُھل پارجات۔ گُرسِکھ گان شبد سوہنگ دِن رات۔ بِن گُر پوُرے انتکال نہ کوئی پُچھے بات۔ جیِو بےمُکھ سوُرے جنم جنم آئے وِچ گربھ مات۔ پرگٹی جوت کلجُگ سَتگُر پوُرے، کر درس من ہوئے شانت۔ امرت میگھ گُرچرن حضوُرے، کر درس پی امرت بوُند سوانت۔ نَین پیکھ پربھ ساچا دیکھ، اگیان اندھیر من لاہے بُھلیکھا بھرانت۔ مہاراج شیرسِنگھ ایکو ایک، پاتال آکاش جوت دھرے وِچ مات۔ مات لوک پربھ آیا، کلجُگ بھیکھ وٹا کے۔ کلجُگ مایا جگت بُھلایا، جیِو ویکھ من پڑدا لاہ کے۔ کیوں جھوُٹھے دھندے وقت گوایا، پا پربھ ہِردے شبد وسا کے۔ کیوں مانَس جنم گوایا، گُر پوُرے چرنی ڈِگو آ کے۔ کیوں ساچا پربھ بُھلایا، وِچ بَیٹھا جوت جگا کے۔ مہاراج شیرسِنگھ نظر نہ آیا، سِنگھاسن بَیٹھا آ کے۔ پاربرہم تیری مایا۔ کلجُگ جیِو بُھلایا۔ پربھ ابناشی نظر نہ آیا۔ نِرہاری نِرویَر موُرت اکال سِکھ گھر آیا۔ پتت پاوَن دُکھ بھےَ بھنجن، سادھ سنگت سِر ہتّھ ٹِکایا۔ کلجُگ پرگٹے تریَلوکی نندن، کلجُگ جوت پرگٹا کے جھوُٹھے دھندے جگت لگایا۔ مہاراج شیرسِنگھ جن رسنا گا کے، مانَس جنم سُپھل کرایا۔ کلجُگ گُرسِکھ تیرا سُپھل جرم۔ پرگٹ جوت پاربرہم بھگت جناں وکھانے کرم۔ بےمُکھ جیِو چھڈ گئے دھرم۔ سادھ سنگت پربھ سوارے جنم۔ مہاراج شیرسِنگھ جوت پرگٹائی، نِہکلنک ہو نِوارے بھرم۔ نِہکلنک پربھ نِہکرما۔ جو جن آئے چرن پربھ نوارے بھرما۔ سرن پڑے کی راکھے شرما۔ کلجُگ گُرسِکھ ہوئے نہ مرنا۔ انتکال پربھ درشن کرنا۔ بےمُکھاں دُکھ ڈاڈھا بھرنا۔ مانَس جنم کلجُگ وِچ ہرنا۔ جو جن آئے نہ پربھ کی سرنا۔ کال انت دنڈ دھرم راج کا بھرنا۔ گُرمُکھ پوُرے کر درس بھوَ جل ترنا۔ مہاراج شیرسِنگھ سرن لاگ گُرسِکھ کلجُگ ترنا۔ ترن تارنہار سمرتھ۔ کلجُگ پرگٹے جوت اگمّ اگّتھ۔ گُرمُکھاں گُرسِکھاں سوہنگ نام دے چلیا وتھ۔ سوہنگ ناؤں رنگ مجیِٹھ، گُرسِکھ نہ جائے تیرا لتھ۔ شبد چلایا جن بھگت

ترایا، کلجُگ چلایا رتھ۔ بےمُکھ جلایا جوت اگن لگایا، سرِشٹ سبائی ہوئی ستھ۔ مد ماسی کوئی نظر نہ آیا، سوہنگ بان جگت گُر لایا، بےمُکھاں گُر پائی نتھ۔ مہاراج شیرسِنگھ کلجُگ جوت پرگٹائے، پربھ پوُرن سمرتھ۔ کلوُ کال پربھ جوت پرگٹاوے۔ انت کلجُگ پربھ آپ کراوے۔ جوت سروُپ چؤتھا جُگ اُلٹاوے۔ گھنک پُری مہاراج شیرسِنگھ ساچی جوت جگاوے۔ گھنک پُری پربھ جوت جگائی۔ وِشنوُں بھگوان جوت وِچ دیہہ ٹِکائی۔ کلجُگ جیِو دِتے سرب بُھلائی۔ سرامرت پربھ جا کے، ہرمندر چرن ٹِکائی۔ منی سِنگھ سِر اُٹھا کے، منجا صاحِب اُپر دیِیا بَیٹھائی۔ بےمُکھاں سار نہ پائی۔ مہاراج شیرسِنگھ کل ورتاری۔ ہرمندر دے پُجاری دُشٹ دُراچاری۔ اِیشر جوت نہ وِچاری۔ کلجُگ پرگٹی جوت نِرنکاری۔ وِچ دیہہ رہے من دھاری۔ چھڈ دیہہ جوت سروُپ ہوئے مُراری۔ پربھ کی جوت وِچ کلجُگ گُرسِکھ دیہہ کرے اُتاری۔ جو کِچھ کرے سوئی جگ ورتے، نِہکلنک بنے لِکھت لِکھاری۔ سرِشٹ سبائی انتکال روتے، دیوے اّن نہ داتا بھنڈاری۔ مہاراج شیرسِنگھ اِک نِرنجن جوت چؤتھے جُگ کرے خواری۔ جُگ چؤتھا پربھ انت کرائے۔ کھنڈ برہمنڈ پربھ دے اُلٹائے۔ جل تھل تھل جل اِک ہو جائے۔ پوَن سروُپ جوت جگت اگن لگائے۔ کلجُگ ہوئے انتکال، ہاہاکار کر سرِشٹ بِللائے۔ گُر بِن کوئی نہ توڑے جنجال، انت کال جیِو پچھتائے۔ کلجُگ ویلا جیِو سنبھال، نِہکلنک کل جوت پرگٹائے۔ شبد ونجاریو پربھ لَینا بھال، جوت سروُپ سچ شبد لِکھائے۔ بُھل نہ جائیو پربھ بِردھ نہ بال، مہاراج شیرسِنگھ سد رہیا سمائے۔ گُن نِدھان پربھ گُنونت۔ گُر در پاؤ ہو جاؤ اُتم سنت۔ نَین درساؤ پھیر ملِے پربھ ساچا کنت۔ بھرم چُکاؤ رسنا جاپو سوہنگ شبد ساچا منت۔ ہرِ ہرِ ہرِ پربھ پاؤ، وِچ دیہہ پربھ بَیٹھا اِکنت۔ جپ جپ جپ پربھ جیِو، جِس بنائی تیری بنت۔ کرنہارا سب کِچھ کرتا، سرب کلا پربھ آپ ورتنت۔ مہاراج شیرسِنگھ گھر کُھلا بھنڈارا۔ منگو دان سوہنگ سرب جیِو جنت۔ اُتم دان جیِو من منگ۔ سوہنگ شبد من چاڑھے رنگ۔ مانَس جنم نہ ہووے کل بھنگ۔ ساچا پربھ گُر دربار نہ سنگ۔ کلجُگ ساچا جیِو پربھ مِلنے کا

ڈھنگ۔ مہاراج شیرسِنگھ گُرسِکھاں سد چاڑھے نام دا رنگ۔ اِیشر نام رنگ نِرالا۔ نہ اوہ چِٹّا نہ اوہ کالا۔ اِیشر جوت لال گُلالا۔ رہیا بول پربھ گوپالا۔ دروازہ دسواں کھول، جیِو ہو مال مالا۔ کیوں بَیٹھا انبھول، ساچا پربھ سدا ہےَ نالا۔ سَتگُر پوُرا تولے پوُرے تول، بےمُکھاں ہویا کلجُگ مُنہ کالا۔ مہاراج شیرسِنگھ گُرسِکھ سوہن چرن کوَل کول، جُگو جُگ پربھ پَیج رکھاوَن والا۔ پَیج رکھاوے بھگت گھر آ کے۔ جوت سروُپ باہوں پکڑ اُٹھا کے۔ دیوے درس پربھ گُرسِکھ جگا کے۔ مِٹاوے چِنت سب آتم جوت وِچ دیہہ جگا کے۔ کلجُگ ملِے پرمیشور جھب، سادھ سنگت مِل جائے جن آ کے۔ مہاراج شیرسِنگھ تیری سرن آئے، کلجُگ رکھیں سِر ہتّھ ٹِکا کے۔ سُکھاسن پربھ بَیٹھ کے ساچی جوت جگا۔ جیِو سد ہی بُھلنہار ہےَ، چرن لاگ بُھل بخشا۔ پربھ وڈ داتا اتُل بھنڈار ہےَ، توٹ نہ ایتھے کو آ۔ سوہنگ شبد سچّا سُہاگ ہےَ، جیِو وِچ للاٹ ساچا لیکھ لِکھا۔ پربھ پرگٹیا الکھ ابھیوَ ہےَ، کلجُگ بَیٹھا مُنہ چُھپا۔ جِن درشن لیا دیکھ ہےَ، کلجُگ آتم گئی ترِپتا۔ مہاراج شیرسِنگھ گُرسِکھ سدا وِشیش ہےَ، جیہڑا چرنی ڈِگا آ۔ چار جُگ اِک پربھ داتا۔ چار ورن کرے پربھ اِک رنگراتا۔ جوت سروُپ سرب وِچ سماتا۔ گیان دھیان دیوے پُرکھ بِدھاتا۔ گُرچرن دھیان جیِو کلجُگ ساچا ناتا۔ گُرسِکھ وِٹہو قُربان، مہاراج شیرسِنگھ وِشنوُں بھگوان جِس پچھاتا۔ ہرجن بھگت در بھگت پچھانن۔ پربھ کا رنگ وِچ آتم مانن۔ سچ در منگ نِجانند درسانن۔ مہاراج شیرسِنگھ من چاڑھے رنگ، جو جن آ سرن لگ جانن۔ نِہکلنک لےَ اوتار۔ چؤتھا جُگ ہوئے خوار۔ سَتجُگ ساچا آئے کل دھار۔ سوہنگ شبد ہوئے جےَ جےَ جَیکار۔ سَتجُگ بھگت پربھ دیوے گُن وِچار۔ لےَ شبد جگت آتم بھرے بھنڈار۔ انت ہووے مکُت گُرچرن کر پیار۔ مہاراج شیرسِنگھ مِلن دی جُگت، سوہنگ شبد جیِو رسنا دھار۔ شبد دھر من ہوئے دھیِر۔ شبد جوت کڈھے ہؤمے پیِر۔ کر درس ہوئے شانت سریِر ۔ مہاراج شیرسِنگھ کلجُگ پرگٹیو وڈ داتا گُنی گہیر۔ گہر گمبھیِر گُر گوبِندا۔ گُر بِن کوئے لاہے نہ من چِندا۔ سوہنگ شبد گیان پربھ دیندا۔ پرگٹاوے جوت پربھ مرگِندا۔ مہاراج شیرسِنگھ چرن

لگ جاوے انت ساری ہِندا۔ کر کِرپا امرت برکھیا، گُرسِکھاں مُکھ چوایا۔ سوہنگ سِمر سواس سواسیا، کل سچے سِیؤں چِت لایا۔ پی امرت من ترِپتاسیا، پربھ سچے میل مِلایا۔ گُرسِکھ چرن رَہراسیا، نام نِدھان گُر در تے پایا۔ گُرمُکھ جیِوے گُر بھرواسیا، پربھ بھرم بُھلیکھا لاہیا۔ سادھ سنگت شاہ شباسیا، جِن رسنا ہرِ ہرِ ہرِ گُن گایا۔ پی امرت دیہہ دُکھ ناسیا، امرت بوُند کوَل کُھلایا۔ مہاراج شیرسِنگھ کلجُگ سچ جوت پرکاشیا، چرن کوَل سنگ گُرسِکھ مِلایا۔ گُر امرت وِچ ایہہ وڈیائی۔ پی امرت بجر کپاٹ کُھلائی۔ امرت بوُند سُہاونی، گُر پوُرے گُرمُکھ چوائی۔ مہاراج شیرسِنگھ پوِت رسنا گاونی، کلجُگ دیوے بھگت وڈیائی۔ کلجُگ اوُچا بھگتن گھر۔ جوت پرگٹاوے پربھ دھرنی دھر۔ سچ گھر آئے پربھ آسا ور۔ پاربرہم پرمیشور کلجُگ جوت پرگٹائی نر۔ نر نرائن جوت سروُپ ایکو ہرِ۔ ایکو ہرِ آتم دھر۔ کلجُگ ساگر جیِو جائے تر۔ مہاراج شیرسِنگھ گُرچرن لاگ، انتکال جیِو دُکھ نہ بھر۔ دُکھی جیِو کلجُگ کُرلاوَن۔ بےمُکھ جیِو جنم گوایا آواگون۔ سادھ سنگت گُرچرن لاگ امرا پد پاوَن۔ مہاراج شیرسِنگھ سوہن سِنگھ تاریا پُت سِنگھ ساوَن۔ کلجُگ مِلی بھگت وڈیائی۔ اُچ پدوی گُر در تے پائی۔ گُن نِدھان گھر آئکے بھگت جن لیکھ لِکھائی۔ چتُر سُجان وِچ جہان گُرسِکھ نام رہِ جائی۔ مہاراج شیرسِنگھ کلجُگ دیوے بھگت وڈیائی۔ بھگتن سنگ پربھ وسنیہارا۔ بھگت رَوے اِک رنگ کرتارا۔ بےمُکھ بھوے در دُشٹ دُراچارا۔ مہاراج شیرسِنگھ کلجُگ پرگٹیا نِہکلنک اوتارا۔ سو نر مُن جانے گُردر گُر گھر سِکھ آئے۔ پربھ پوُرے اَگے کھڑے سیِس جھُکائے۔ برہما وِشنوُں مہیش گل پلّے پائے۔ شِو شنکر جٹا جوُٹ دھار، گل بَیٹھے ناگ لٹکائے۔ چار یاراں سنگ محمد در کھڑے کل بِللائے۔ تکّی انجیل عیسیٰ موُسیٰ اتھربن آئے کل لےَ کھپائے۔ ایک آپ رہیا پرتھائے۔ تیتیِس کروڑ دیوی دیوا سرن پربھ کی رہے تکائے۔ میگھ مالا کروڑ چھیانوے، میگھ برکھا گُرسِکھ گھر لائے۔ وید پُرانی پُشپ بِبانی، اِندر اِندراسن سرب ڈُلائے۔ بھگت وِگاسن سرب کرے ناسن، گُرسِکھاں سِر پربھ چھتر جھُلائے۔ جو جن سِمرن سرب دُکھ ناسن، پھوُلن برکھا پربھ برکھائے۔ کھانی بانی

گگن پاتالی، جیِو جنت وِچ جوت اپنی ٹِکائے۔ پربھ چوج وڈانی کل جائے پڑھانی، اپنی بھیو سرب کُھلائے۔ گُر دربار گُرسِکھ پرانی، کلجُگ آئے موُل نہ ہانی، کلجُگ گُر سِر ہتّھ ٹِکائے۔ ایک شبد تیِن لوک بندھائے۔ جوت سروُپ سرب رہیا سمائے۔ مات پاتال آکاش ساچی جوت پربھ ڈگمگائے۔ انحد شبد ہوئے گُنجار، گُرمُکھاں پربھ دے سُنائے۔ اُپجے دُھن ہوئے دُھنکار، نِرمل جوت وِچ دیہہ جگائے۔ اُپجے جوت ہوئے پرکاش، بِن باتی بِن تیل وِچ دیہہ جگائے۔ کلجُگ مِلیا سجّن سُہیل، ور پایا جن میل، مہاراج شیرسِنگھ کوئی نہ جانے کلجُگ تیرا اچرج کھیل۔ اچرج کھیل کرے پربھ کرتا۔ دوُکھ نِوارن سرب دُکھ ہرتا۔ بھگت اُدھارن پربھ دھرنی دھرتا۔ مہاراج شیرسِنگھ کلجُگ پرگٹیا ساچا کرتا۔ کرتا پُرکھ آپ گِردھاری۔ بھگتن لاج رکھے بنواری۔ اگن جل پؤن ہوئے پنہاری۔ گُرسِکھ ہووے جوت آدھاری۔ مہاراج شیرسِنگھ دیوے درس جوت نِرنکاری۔ جوت نِرنجن نِرگُن سرگُن سروُپ۔ بھگت جن جانن پربھ جوت سروُپ۔ کلجُگ پرگٹیا وڈ داتا بھوُپ۔ مہاراج شیرسِنگھ کِرپا کر، دے درس سوَچّھ سروُپ۔ دھنّ دھنّ دھنّ گُرسِکھ تیرے بھاگ۔ بےمُکھ سوئے پَیر پسار، گُرمُکھ رَین رہے جاگ۔ سوہنگ دیوے برہم گیان، کلجُگ لاگے نہ سِکھ داغ۔ بےمُکھ کلجُگ بےسہائے، گُرسِکھ پربھ پھڑ لئی واگ۔ مہاراج شیرسِنگھ بھگت جن تارے، بھوگ لگائے جِؤں بِدر گھر ساگ۔ بھوگ لگائے ساگ پربھ کرِشن مُراری۔ چھڈے محل بھاگ دُریودھن ہنکاری۔ کلجُگ تارن آ گیا، نِہکلنک اوتاری۔ گُرسِکھ گھر آئیکے لائے بھوگ پَیج سواری۔ جِؤں نامے درس دِکھا گیا، پیِوے دُدھ ہوئے دوُدھادھاری۔ پربھ دھنّہ بھگت ترا گیا، پربھ لائے بھوگ چھاچھ پیاری۔ پربھ دروپد لاج رکھا گیا، لتھے چیِر نہ کوٹ اُتاری۔ پربھ پرہلاد سِر ہتّھ ٹِکا گیا، پرگٹے آپ نر سِنگھ اوتاری۔ پربھ دُرباسا مان گوا گیا، چکّر سُدرشن بان جیِو ماری۔ پربھ باوَن بھیس وٹا گیا، منگن جائے بل دواری۔ پربھ کلجُگ بھیت رکھا گیا، جوت سروُپ آیا در سچّا درباری۔ گُرسِکھاں مُکھ اُجل کرا گیا، جُگ چؤتھے واری۔ سوہن سِنگھ کل کُل ترا گیا، مِلیا مہاراج شیرسِنگھ نِرنکاری۔ جے کوئی ویکھے پربھ کا پرتاپ۔ نہ دِساوے نہ دِسے

آپ۔ سرب جیِو میں رہیا ویاپ۔ اپنا ایک جپائے جاپ۔ مہاراج شیرسِنگھ جوت سروُپ، سَتجُگ اُپجائے سرِشٹ اِک ذات۔ ایک ذات ہوئے سرب سرِشٹی۔ بُدھ بِبیک کھولے پربھ درِشٹی۔ سچّا پربھ آپ، سوہنگ شبد سچ دیوے درِشٹی۔ پربھ جوت سدا ابناش، جیِو جنت سرب وِشٹی۔ جو نہ جپے تیرا جاپ، کلجُگ کایا جیِو دی بھرشٹی۔ مہاراج شیرسِنگھ گُرسِکھاں دیوے دات، جِؤں ترنتے بھگت وشِشٹی۔ بِھنی رَینڑیئے تُوں دھنّ، جِن پِر مِلایا۔ بِھنی رَینڑیئے تُوں دھنّ، جِن پربھ ابناشی گھر پرگٹایا۔ بِھنی رَینڑیئے تُوں دھنّ، گُن نِدھان کل گھر وِچ آیا۔ بِھنی رَینڑیئے تُوں دھنّ، سادھ سنگت مِل منگل گایا۔ بِھنی رَینڑیئے تُوں دھنّ، جِن ساچے سنگ ساچا نیہوں لگایا۔ بِھنی رَینڑیئے تُوں دھنّ، جھوُٹھی سرِشٹ سُلائی جھوُٹ جھُلایا۔ بِھنی رَینڑیئے تُوں دھنّ، گُرسِکھاں پائی بُدھ، رسنا ہرِ ہرِ نام دھیایا۔ بِھنی رَینڑیئے تُوں دھنّ، تیری رُت سُہائی نِہکلنک وِچ مات دے آیا۔ بِھنی رَینڑیئے تیَنوُں ملِے ودھائی، جِن بھگت بھگوَنت دوئے میل کرایا۔ بِھنی رَینڑیئے تیَنوُں ملِے ودھائی، جگت اندھیر گُرسِکھ پربھ جوت جگایا۔ بِھنی رَینڑیئے تیَنوُں ملِے ودھائی، مہاراج شیرسِنگھ کر کِرپا گُرپرسادی پرساد ورتایا۔ گُرپرسادِ پربھ پوُرا پایا۔ گُرپرسادِ جنم مرن دا پھند کٹایا۔ گُرپرسادِ مِل گُر مانَس جنم سُپھل کرایا۔ گُرپرسادِ گُر لِکھیا دُھر، گُن نِدھان گھر آئے بھگت لیکھ لِکھایا۔ گُرپرسادِ مہاراج شیرسِنگھ ساچا ور پایا ہرِ رایا۔ کلجُگ اوٹ ایک پربھ، نہ کوئی سُہیلا۔ انتکال چھڈ جانے سب، جھوُٹھی سرِشٹ جگ جھوُٹھا میلا۔ ایہہ جیِو پربھ ساچا لبھ، مانَس جنم پربھ مِلن کی ویلا۔ سادھ سنگت پربھ جوت پرگٹاوے جھب، کلجُگ چرن سنگ گُرسِکھ میلا۔ چرن لاگے وِچھڑ نہ جاوے۔ اِیشر جیِو بھیت چُکاوے۔ برہم سروُپ برہم درساوے۔ نِج گھر واسی نِج ماہِ پرگٹاوے۔ بےمُکھاں بُھلا جگت بُھلاوے۔ کوُڑی دُنیا جھوُٹھی کایا، جھوُٹھے بنّھ بَیٹھا داعوے۔ سو جن اُدھرے پار، مہاراج شیرسِنگھ جو رسنا گاوے۔ رسنا سِمرے ایک نرائن۔ آد جُگاد پربھ بھگت ترائن۔ نَین پیکھت آتم ترِپتائن۔ سادھ سنگت گُرچرن لاگ سُہائی رَین۔ مہاراج شیرسِنگھ لج پت راکھے، گُرسنگت وِچ بےمُکھ نہ بہن۔

بےمُکھ سو اے جِت رسنا مد ماس۔ پربھ سنگ ہوئے نہ اِنکی راس۔ انتکال نہ ہوئے بند خلاص۔ دھرم رائے گل پائے پھاس۔ کُنبھی نرک پربھ دے واس۔ گُرسِکھ نام جگت پرکاش۔ سوہنگ جپیا جِس سواس سواس۔ رسنا جپ دیہہ اندھیر وِناس۔ مہاراج شیرسِنگھ آد انت بھگتن پاس۔ بھگتن سنگ وسے پربھ وسنیہارا۔ پربھ پوُرن سمرتھ، کھولے دسم دوارا۔ اُتم دیوے وتھ، جگاوے جوت اگمّ اپارا۔ مہاراج شیرسِنگھ پربھ سمرتھ، کلجُگ پرگٹے نِہکلنک اوتارا۔ گُرسِکھ گھر جوت پرگٹائی، پرمیشور میل مِلایا جو لِکھیا دُھر۔ کلجُگ مِلیا ساچا گُر۔ مہاراج شیرسِنگھ تھان سُہائے رام پُر۔ سوہنگ شبد سنگ من سوہن سِنگھ جائے جُڑ۔