پہلی وِساکھ ۲۰۰۸ بِکرمی پریم سِنگھ نمبردار دے گِرہ پِنڈ بُگے
ساچا نام پربھ ایک اوانگ۔ کرے پرکاش وِچ پربھ جوت لوانگ۔ بنوالی جیِو وِچ پربھ دان دوانگ۔ ساچا آپ پربھ اؤر نہ کوانگ۔ سچ سر سچ ناؤں، وکھّر جیِو سچ سَتجُگ ہوانگ۔ تریتا پرگٹ رام اوتار، جیِو جنت نام رام رسن پروانگ۔
دواپر کرِشن مُرار کنت منوہر لکھمی نرائن ہوانگ۔ کلجُگ لےَ اوتار، نِہکلنک پربھ ناؤں رکھوانگ۔ مہاراج شیرسِنگھ دیوے دُتر تار، ساچا شبد چلایا سوہنگ۔ سوہنگ جپ جیِو رسنا رس۔ آتم جائے ساچا پربھ وس۔ وِکار پنچ وِچوں جان نسّ۔ کرے پرکاش جوت جِؤں رَو سس۔ اگیان اندھیر ہو جائے وس۔ مہاراج شیرسِنگھ جُگو جُگ ہوئے بھگتن وس۔ بھگتن وس آپ پربھ ہوئے۔ لجّیا رکھن پرگٹ جگ ہوئے۔ اپنا بھیوَ نہ بےمُکھ بلوئے۔ بےمُکھ کلجُگ جیِو سب روئے۔ گُرمُکھ وِرلا جِس درش پربھ ساچا ہوئے۔ ہوئے پرکاش تن دیہہ اندر، آتمک جوت پربھ آپ جگائے۔ ساچا دیِپ جگے تن مندر، پرگٹے جوت نِرنجن سوئے۔ سُنّ سمادھ کُھلے من جندر، سوہنگ شبد من وساوے کوئے۔ ساچا صاحِب وسے جیِو اندر، الوکک آتم ویکھ نَین بلوئے۔ مہاراج شیرسِنگھ کلجُگ پرگٹ نِہکلنک ناؤں رکھائے۔ نر نرائن نِہکلنک، کلجُگ جیِو نہ پائن سار، بُھلی سرِشٹ سب۔ بھگت جن سوہن دربار، ساچا پربھ کل لیا لبھ۔ آد انت پربھ ایکنکار، امرت بوُند کُھلائے وِچ نبھ۔ چار کُنٹ ہوئے جےَ جَیکار، مہاراج شیرسِنگھ سرِشٹ سبائی وِچ داڑھاں چب۔ اِیشر جوت جگت نِرالی۔ سَتجُگ سَت مِہروان سَت جوت سمبھالی۔ پرگٹ رام اوتار، تریتا بنیا رام بنوالی۔ دواپر کرِشن مُرار، ساول سُندر پربھ روُپ وٹا لی۔ ہرِ جوُ اسُر سنگھار، بھگت جناں پَیج رکھا لی۔ بِدر سُداما دروپت دیوے تار، نِمانیاں ہو جائے رکھوالی۔ بن مالا پربھ بِھبوُکھن کوَل نَین سُندر مُکٹ سِر ٹِکا لی۔ رام روُپ جِس رنگ نہ ریکھیا، ساچی جوت انش آکار وِچ دیہہ ٹِکا لی۔ ہنکار نِوار بھگتن تار، ارجن رتھ پربھ آپ چلا لی۔ ہؤمے مار کل آتم سُدھار، بَیراٹ روُپ پربھ سرِشٹ کھپا لی۔ گیان اندھیار وِچوں دِتا مار، کرِشن مُرار گیان گوجھ رسنا گیِتا گا لی۔ دواپر کیِیا پار دوُت دُشٹ سرب سنگھار، بھگت جناں ہرِ پَیج رکھا لی۔ کلجُگ بھیا اندھیر وِکار، دھرم سَت گئے دوویں ہار۔ پوُرب کری پربھ وِچار۔ جوت سروُپ رو رہیا وِچ سنسار۔ نظر نہ آوے پربھ دیہہ رکھے ساچی تار۔ جیِو بُھل جاوے پربھ بَیٹھا جوت وِچ دیہہ دھار۔ کر وِکار کلجُگ رُل جاوے، سوہنگ شبد نہ کیِیا وپار۔ کر درس نیتر تیِجا کُھل جاوے،
پربھ کھولے دسم دوار۔ امرت رس جھِرنا جھِر جاوے، پَوے بوُند وِچ نابھ جل دی دھار۔ آتم رس تن اندر اُپجے، کُھلھے سمادھ سُنّ نظری آوے آپ کرتار۔ مہاراج شیرسِنگھ جوت پرگٹاوے، کلجُگ کھپاونہار۔ کلجُگ ہویا اندھیار اندھ۔ دھرم سچ چُھپے جِؤں مسّیا چند۔ جیِو وِکاری آتم کوٹھی کر بَیٹھا بند۔ مایادھاری رسنا چین نہ پائے پربھ کا سچّا انند۔ مہاراج شیرسِنگھ کل پَیج سواری، رکھے لاج جِؤں دواپر منوہر مُکند۔ کلجُگ آیا کلجُگ اوتاری۔ نِہکلنک سرب سرِشٹ پربھ جوت پدھاری۔ بےمُکھاں مت بُدھ گئی کلجُگ ماری۔ نِرنجن جوت کھولے سروت، جیِو کیوں منوں وِساری۔ ملِے سو جیہا بیِج بوت، سوہنگ ناؤں سچ امرت وِچاری۔ مہاراج شیرسِنگھ کرے نیِچو اوُچ، دے درس پربھ پَیج سواری۔ بھگت وچھل پربھ آپ اٹل۔ کلجُگ پرگٹے سَتجُگ دیوے درس جِؤں راجا بل۔ آیا جوت پرگٹائیکے، نہ رنگ روُپ جِؤں گھڑی پل۔ نِہکلنک ناؤں رکھائیکے، پربھ آیا کلجُگ چل۔ سچ سوہنگ شبد چلائیکے، دُشٹ دوُت سب دیوے دل۔ مد ماسی سرب کھپائیکے، بھگتن گھر آوے آپ پربھ چل۔ کلجُگ قہر ورتائیکے، اِک کر جائے جل تھل۔ وِچوں ممتا مان چُکائیکے، بھگتن جوت آتم جائے بل۔ سوہنگ ساچا شبد چلائیکے، پوُج مِٹاوے ساری کل۔ اِک اپنا نام رکھائیکے، ساچا نام سَتجُگ بَیٹھا ملّ۔ مہاراج شیرسِنگھ جن بھگت پرگٹائیکے، دیوے درس پربھ اخّل۔ پربھ ویکھو اِک جوت سروُر۔ نَینیں پیکھو نہ دیِسے دوُر۔ آتم جوت وِچ پربھ کا نوُر۔ بھگت جناں ہرِ آسا پوُر۔ کر درس جیِو اُترے من سگل وسوُر۔ کلجُگ سادھ سنگت ہو چرن دھوُر۔ بےمُکھ پکڑ پچھاڑ کے پربھ کیتےِ چوُرو چوُر۔ رن گھاوے وڈّے سوُر۔ پربھ جوت وِچ مات ٹِکائیکے، بےمُکھاں دیِسے دوُر۔ نِہکلنک آیا ناؤں رکھائیکے، سادھ سنگت پربھ بَیٹھا حضوُر۔ سِنگھاسن پربھ بَیٹھا ڈیرہ لائیکے، گھال بھگتن ہوئی منظوُر۔ گُرسِکھاں ہِردک جوت جگائیکے، آتم گیان کرے بھرپوُر۔ اندھ اندھیار وِچ دیہہ مِٹائیکے، جوت سروُپی سچ دیوے نوُر۔ شبد راگ دُھن انحد وجائیکے، جگاوے جوت جِؤں کوہ طوُر۔ مہاراج شیرسِنگھ جوت سروُپ کلجُگ درس دِکھائیکے، بھگتن کر جاوے سنسا دوُر۔
آتم سنسا رہن نہ دیوے۔ پرگٹے جوت الکھ ابھیوے۔ ملِے بنوال جو جن چرن گُر سیوے۔ ساچا دھن مال سوہنگ شبد گُر دیوے۔ آتم وسے پربھ آپ گوپال، نام نِدھان کلجُگ ساچے میوے۔ مہاراج شیرسِنگھ کلجُگ بھگت بھگوان سوہنگ شبد جو رسنا لیوے۔ سوہنگ شبد ہوئے کلجُگ داتا۔ بھگت بھگوَنت دوئے کراوے ناتا۔ کر کِرپا آپ پربھ، بھگت جناں کلجُگ پچھاتا۔ گھال پائی گُرسِکھن تھائیں سب، کُکھ مات کڈھ سُپھل کراتا۔ مہاراج شیرسِنگھ دیوے وڈیائی، سچّا سَتگُر جِن پچھاتا۔ سو جن پچھانے پربھ جِس مِہروان۔ کوئی پُرکھ پچھانے، جِن سوہنگ شبد دے چلیا دان۔ بےمُکھ بُھجن جِؤں بھٹھیالے دانے، کیوں کل بُھلیا انجانے، اِیشر جوت دھری جگ آن۔ مانَس جنم لگّ جائے ٹِکانے، سوہنگ شبد سُنی دُھن کان۔ کر درس آتم سُکھ مانے، پربھ والی ہوئے دو جہان۔ مہاراج شیرسِنگھ تیری سرنائی، انتکال جن بھگت تکان۔ بھگتن ہوئے پربھ آپ سہائی۔ جامہ دھار نِہکلنک دیوے وڈیائی۔ سوہنگ شبد وجاوے ڈنک، سوئی سرِشٹ اُٹھ کھلوئی۔ کلجُگ سوہن دوارے بنک، جِتھے پربھ ساچے جوت پرگٹائی۔ اِک کر جاوے راؤ رنک، کل رہن نہ دیوے کِسے وڈیائی۔ دیوے درس بار انک، جِس پریِت گُرچرن لگائی۔ پرگٹی جوت وِچ پُری گھنک، پربھ جوت وِچ مات دے آئی۔ مہاراج شیرسِنگھ جوت پرگٹا کے، کھنڈ برہمنڈ سرب دیوے اُلٹائی۔ کھنڈ برہمنڈ پربھ کا واس۔ سرب تھایں اِیشر جوت نِواس۔ جن سِمرت پربھ آتم راس۔ بُھل نہ جائے کر سواسن سواس۔ کل رُل نہ جائے ایہہ تن جھوُٹھا ماس۔ مایا ویکھ ڈُل نہ جائے، ساچا لال کر بَیٹھا دیہہ نِواس۔ مہاراج شیرسِنگھ گُرمُکھ کل اُجل جِؤں چندن پربھاس۔ گُرسِکھ پریِتی گُرسِکھ نوُری چند۔ نِجانند درساوے پربھ پرمانند۔ پرمگت پاوے مِل جاوے برہمند۔ وِچھڑ کدے نہ جاوے، جِس مِلیا پربھ بخشند۔ بےمُکھاں نظر نہ آوے، اگیان اندھیر رکھے وِچ کندھ۔ بھگت جناں پربھ وِچ سماوے، کرے پرکاش مُن جِؤں چؤدھویں چند۔ ہرِجوُ بھگتن در آوے، توڑ جائے کل بندھن بند۔ سوہنگ شبد سچ راگ سُناوے، جیِو نکل جائے وِچوں مایا پھند۔ سوَچّھ سروُپ پربھ درس دِکھاوے، دیوے مار وِکار پنج دیہہ دا
گند۔ ساچا شبد سچ گھر آوے، سادھ سنگت من کلجُگ مند۔ مہاراج شیرسِنگھ بھگت جن ترِپتاوے، کر درس سرب ہوئے انند۔ بھیا انند وجّی ودھائی۔ سادھ سنگت مِل ساچی مت پائی۔ آتمک دیِپ بُجھی پھیر جگائی۔ دھنّ دھنّ دھنّ گُرسِکھ، گُرچرن پریِت جِس لگائی۔ بالک مات ہوئے جِؤں کُکھ، آتم جوت دیوے رُشنائی۔ کلجُگ وِرلے منُکھ، سوہنگ شبد جِن رسنا گائی۔ بےمُکھ جائے جِؤں سِنبل رُکھ، درگاہ پھل ملِے نہ رائی۔ پربھ درس جگ اُتم سُکھ، مِل سادھ سنگت رسنا ہرِ جس گائی۔ مہاراج شیرسِنگھ نِہکلنک اوتار، سَتجُگ ساچا جائے لگائی۔ سَتجُگ ساچا سچ ناؤں ترےَ۔ سرب جیِو وسے پربھ آپ ہرے۔ سوہنگ شبد جپ رسنا کلجُگ جیِو انت ہوئے کھرے۔ کر کِرپا آپ پربھ، گُرسِکھاں ساچی جوت سَتجُگ دیہہ دھرے۔ مہاراج شیرسِنگھ گُرمُکھ اوجل، جو جن آئے سرن تیری پرے۔ سرن پرے سمرتھ سوامی۔ نِہکلنک پرگٹے پربھ نِہکامی۔ کوئی جیِو نہ جانے، بھگوان کرِشن رام نامی۔ جن بھگت پچھانے، مہاراج شیرسِنگھ جگت سوامی۔ کلجُگ پرگٹے پربھ پتونت۔ جوت ٹِکائے وِچ بھگت بھگوَنت۔ دھر جوت وِچ رہے اِکنت۔ جِت دیکھیا جگ اُتم سنت۔ کر پریکھیا جپ سوہنگ منت۔ نظری آوے وِچ بَیٹھا بےانت۔ سرب سرِشٹ کا آپ کنت۔ بُھل نہ جیِو جِس بنائی بنت۔ جگت چلنہار ہےَ، کوئی رہے نہ انت۔ کلجُگ گُن وِچار، جوت پرگٹائی پربھ گُنونت۔ مہاراج شیرسِنگھ تیری وڈیائی، دیوے تار جو جن چرنی لگنت۔ کلجُگ پرگٹے پربھ ساچا ساکھی۔ سوہنگ شبد سُن گُرسِکھاں آتم سچ بھاکھی۔ درس دِکھائے آپ پربھ، ایتھے اوتھے جِس پت راکھی۔ سادھ سنگت من وجّی ودھائی، درس کریا ویلے امرت پربھ دِن وِساکھی۔ وِساکھ وسیا وِچ سِکھ دیہہ گھر۔ کھول دِکھاوے گیان جوت پربھ ساچا در۔ آپ درساوے ساچا روُپ پربھ نر۔ سوہنگ شبد جپاوے رسنا ہرِ ہرِ۔ سادھ سنگت کل جگت اُپجاوے، بےمُکھ گئے ڈاڈھا دُکھ بھر۔ سوہنگ امرت پربھ مُکھ لگاوے، گُرسِکھ پوُرا جگت نہ جائے مر۔ پرگٹ ہو پربھ درس دِکھاوے، چرن لاگ جیِو جائے تر۔ جوت سروُپ نِہکلنک ناؤں رکھاوے، کلجُگ آیا پربھ بھیکھ کر۔ کرے نِواس
وِچ سادھ سنگت، مہاراج شیرسِنگھ اوتار وِشنوُں نر۔ امرت ویلا کر امر وِچار۔ جوت جگاوے پربھ گِردھار۔ وِساکھ سُہندا امرت برسے دھار۔ گرڑ جائے اِیشر دربار۔ جوت سروُپی بھگوان اُپر ہوئے اسوار۔ مان سروور امرت پربھ چرن کوَلار۔ بھر چُنج لےَ آیا مات لوکی وِچ سنسار۔ دیوت پُری جاں لنگھیآ، اِندر یُدھ کرے اپار۔ امرت دھار امرت ورکھیا وِچ سنسار۔ بوُند ڈِگی اپر اپار۔ اِک گنگا گوداوری وگے جل لہِندی دھار۔ امرت پربھ ورتایا، وِچ جھوُٹھے سنسار۔ دِن وِساکھ سُہایا، جِت امرت ورکھے کِرپا دھار۔ گوبِند گُر کلجُگ آیا، سچ امرت جِس آپ بنایا۔ گُرسِکھاں گُرمُکھاں مُکھ چوایا۔ سچ سُچ سچ حُکم سُنایا۔ امرت روُپ پربھ امر ہو وِچ سمایا۔ ستاراں سؤ چھپنجا بِکرمی تِھت وار دِن لِکھایا۔ کلجُگ اَیسی پائی مایا۔ ریِت کُریِت وِچ جگت پسایا۔ مد ماس آہار بنایا۔ پی امرت گُر گوبِند، ناؤں کلنک لگایا۔ اِیشر کرم وِچار کے، بےمُکھاں آن سرب مان گوایا۔ ساچا جامہ دھار کے، وانگ نِنبوُ سرب نِچوڑ وکھایا۔ اپنی جوت سرب وِچار کے، اِک سوہنگ ناؤں رکھ وکھایا۔ ویہہ سؤ اٹّھ دِن وِساکھ وِچار کے، سرب سُہاوے تال پربھ خالی کرایا۔ آپ اپرمپر آپ نِہکیوا۔ پرگٹ جوت سب دیوی دیوا۔ ہوئے آپ الکھ ابھیوا۔ مہاراج شیرسِنگھ کلجُگ اندر سچ تیری سیوا۔ سُہائے تھان وِچ کل اندر، جوت پرگٹائے جِتھے پربھ آ کے۔ سُہائے تھان سرب گھر مندر، جِتھے بَیٹھا پربھ بھیس وٹا کے۔ سُہائے تھان جگ اندر، کلجُگ جاوے پربھ اُلٹا کے۔ سُہائے تھان جگت اندر، سَتجُگ ساچا سچ جائے لگا کے۔ سُہائے تھان جگت اندر، سِنگھ آسن پربھ بَیٹھا آ کے۔ سُہائے تھان کلجُگ اندر، شبد گُن نِدھان پربھ جائے لِکھا کے۔ سُہائے تھان جگت اندر، سَتجُگ ساچا سچ جائے تخت رچا کے۔ سُہائے تھان جگت اندر، سَتگُر منی سِنگھ سَتگُر بنا کے۔ سُہائے تھان جگت اندر، بھگوان بھگت دکھّن دِشا لِکھت لِکھا کے۔ سُہائے تھان جگت اندر، درس کرے جو جن آن، ہووے پار درگاہ جا کے۔ مہاراج شیرسِنگھ وِشنوُں بھگوان، کلجُگ آیا نِہکلنک ناؤں رکھا کے۔ بھگتن دیوے پربھ وڈیائی۔ آد جُگادی سدا سہائی۔ سرن پڑے پربھ لاج رکھائی۔ آواگون سرب چِنت مِٹائی۔ تیِن بھون سرب
سوجھی پائی۔ گُرسِکھ سنگ سِکھ مِل تر جائی۔ جِؤں رامانند تارے کبیِر گوسائیں۔ پسوُ پریتوں دیوَ کرے، پوُرے سِکھ وِچ ایہہ وڈیائی۔ پربھ ساچے کی جن سیو کرے، انتکال جمکال نہ کھائی۔ ملِے پربھ الکھ ابھیوَ، دے درس انتکال گُرسِکھ کرائی۔ کوئی نہ کلجُگ پربھ تُدھ جیِو، دھام بیَکُنٹھ گُرسِکھ پُچائی۔ ساچا سِکھ ساچی جوت، انتکال وِچ جوت دے مِل جائی۔ جو کِچھ کرے سوئی کل ہوت، مہاراج شیرسِنگھ کوئی جیِو نہ جانے رائی۔ جیِو جنت کی جانے وِچارا۔ مایا روُپ پربھ پرگٹیا سنسارا۔ کلجُگ ہؤمے ممتا ہویا سہارا۔ سَتگُر ساچا تن منوں وِسارا۔ مد ماس چل گیا رسن وِکارا۔ موُرکھ مُگدھ کیوں بُھلا پربھ گِردھارا۔ کر درس مان رنگ سد جوت مُرارا۔ سوہنگ شبد پربھ کھول دیِیا کلجُگ بھنڈارا۔ بانی بوہتھ پربھ بن گیا آپ ورتارا۔ کِرپا کر امرت نام مُکھ چوارا۔ مہاراج شیرسِنگھ سچ خزینے بھرے رہن تیرے بھنڈارا۔ بھنڈاری وڈ پربھ بھنڈاریا۔ سنگھاری وڈ جگت سنگھاریا۔ خواری کرے آپ جِس کل دھاریا۔ چرنی پڑے مِل سادھ سنگت پربھ تاریا۔ جوت سروُپ تریَلوکی نندن، جو جن آئے چرن نِمسکاریا۔ کلجُگ کام نہ پائے پھندن، سوہنگ شبد پھاند جگ ماریا۔ سوہنگ شبد من چاڑھے رنگن، گیان جوت کرے اُجیاریا۔ گُرمُکھ کلجُگ پاپ پہاڑاں لنگھن، جنم مرن پربھ آپ سواریا۔ مہاراج شیرسِنگھ گُرسِکھاں من تیری لگن، بُھل نہ جانا آئے چرناریا۔ چرن آئے ملِے چرنودک۔ گُنونت جیِو ہوئے گیان بودھک۔ پوِت آتما کر جائے دیہہ سودھک۔ مہاراج شیرسِنگھ دیوے گھر ناؤں نودھک۔ نؤ نِدھ نِج گھر پائے۔ مِل سادھ سنگت من وجے ودھائے۔ سرب جیِو جنت پربھ سوجھی پائے۔ جو جن آئے چرن لگائے۔ گُن نِدھان گیان درس دوئے جھولی پائے۔ توڑ ابِھمان ساچا پربھ راہ دِکھائے۔ سخی سُلطان سرب پربھ بنّھ رکھائے۔ ایکو آپ ایکو بھگوان، سوہنگ شبد جگت چلائے۔ جِس نے جپیا ساچا جاپ، تِس وِچ رہیا سمائے۔ وِچوں مارے ہؤمے تِنّ تاپ، وِچ للاٹ جگائے۔ انتکال کوئی پُچھے نہ وات، درگاہ ملِے سزائے۔ گُرسِکھاں پائے ساچی دات، سوہنگ شبد ہوئے سہائے۔ مہاراج شیرسِنگھ آتم دیوے شانت، جو جن آئے چرن سیِس جھُکائے۔ سردھا پوُری
پوُرن آسا۔ بُجھی اگن آتم ترِپتاسا۔ وِچ دیہہ پربھ کیؤ واسا۔ دُکھ دلِدر کیؤ ناسا۔ تِس صاحِب کؤ بل بل جاسا۔ جِس نے دیِیا سوہنگ بھرواسا۔ جپ جپ جیِو سوہنگ سواس سواسا۔ آتم بُدھ بِبیک گُرچرن آئی راسا۔ اُتم دیہہ وِشیش، ساچا شبد سنگت من بھاسا۔ مہاراج شیرسِنگھ راکھو اِک ٹیک، آتم جوت کرے پرکاشا۔ کلجُگ ہویا انت خوارا۔ سچ دھرم گیا مار اُڈارا۔ آتم چلیا جیِو وِکارا۔ ہنکاری نِندک دُشٹ جھکھ مارا۔ نَینیں پیکھ سچّا دربارا۔ جنم گوایا موُرکھ مُگدھ گوارا۔ نہ دیِسے دیِسنہارا۔ جِس پسریا سرب سرِشٹ پسارا۔ اپنا آپ اُپایا، اِک رنگ جوت ادھارا۔ نظر نہ آوے پربھ سرب جیِو میں وسنیہارا۔ اگمّ جوت نِرمل نِرالی، تیِن لوک کرے آکارا۔ کلجُگ پرگٹیا دو جہان دا والی، چرن لاگ کر نِمسکارا۔ مہاراج شیرسِنگھ شبد دھن مالی، سوہنگ شبد دے جاوے سَتجُگ بھنڈارا۔ جل دھارے پوُرن پُرکھ سمرتھ، گُرسِکھاں مُکھ چو وِندا۔ پربھ ساچا کتھنا کتھ، بھگت جناں ہوئے ورتندا۔ امرت میگھ ورسا، آتم شانت کرِندا۔ سچ سُچ وِچ دیہہ ورتا، نِجانند سب درس دہِندا۔ کھول کپاٹ پربھ دے درسا، انحد شبد من وجِندا۔ ساچا گُرسِکھ نہ جھوُٹھا پاٹ، ساچی جوت پربھ وِچ دیہہ دھرِندا۔ بےمُکھ ہوئے کلجُگ گھاٹو گھاٹ، جو پربھ آئے سرن کریوے نِندا۔ پربھ جوت جگائے لاٹو لاٹ، بھگت جناں ہرِ دُھر بخشندا۔ سوہنگ شبد جیِو سدا من راٹ، کلجُگ اندر پار کرِندا۔ کلجُگ ہوئے خواری، جو جن پربھ توں مُکھ بھوِندا۔ کلجُگ لےَ اوتار، پرگٹ ہویا پربھ مرگِندا۔ نِہکلنک پربھ جامہ دھار، مہاراج شیرسِنگھ امرت روُپی مینہ برسِندا۔ بھوگ لگا گھر بھوگیا۔ سنجوگ میل مِلا سنجوگیا۔ کل روگ ہؤمے وڈ روگیا۔ ایہہ کوئے نہ جانے سار، پرگٹی جوت کلجُگ پربھ چوجیا۔ نِگم کر وِچار گُرمُکھاں دیوے آپ پربھ سوجھیا۔ شبد دُھن ہوئے گُنجار، بھیت کُھلاوے آپ گُجھے پربھ گوجھیا۔ گُرسِکھاں دیوے چرن پیار، لُجھ جائے جے لائے چرن پربھ لوُجھیا۔ مہاراج شیرسِنگھ نِہکلنک اوتار، گُرمُکھ وِرلا کوئی گُر در جھوُجھیا۔ جھوُجھے سو جو کام کرودھ لوبھ موہ ہنکار وِچوں ہؤمے مارے۔ مت من بُدھ رکھے اِک جوت ادھارے۔ خاطر فُرنا بُدھی
کوٹ اُسارے۔ نسّ نہ جائے جو جیِو کرے خوارے۔ بھگت جناں پربھ بھرم نِوارے۔ گھر آئے ہرِ کاج سوارے۔ دُشٹ دوُت سنگ شبد سنگھارے۔ کلجُگ دھر جوت سچ آپ نِرنکارے۔ مُکھ اُجل گُرمُکھ سوہن سچ تیرے دربارے۔ بھوگ لگایا آن سدا بھرے رہن بھنڈارے۔ سوہنگ شبد چلایا، چار کُنٹ ہوئے جَیکارے۔ جوت سروُپی جگت جلایا، ہاہاکار کر جیِو پُکارے۔ بھگت جناں پربھ آپ ترایا، ساچا ناؤں دیوے ادھارے۔ مہاراج شیرسِنگھ رکھ پت رایا، بھگت جن ہرِ پار اُتار۔ گھر مندر سب سُہایا، گھر آئے سرب گھٹ واسی۔ ساچا تخت سچ سُہایا، اُپر بَیٹھ تخت نِواسی۔ پاتال آکاش پربھ تجایا، ساچی جوت وِچ مات تراسی۔ سَتجُگ ساچا تخت رچایا، پرگٹے جوت پربھ ابناشی۔ سادھ سنگت پربھ درس دِکھایا، دیوے دان جِؤں درگاہ بھاسی۔ گُرسِکھ ہیرے مانک موتی کلجُگ لبھ لیایا، چرن سیو لائے داسن داسی۔ ناؤں نِہکلنک رکھایا، بندی توڑ بھگتن اکھواسی۔ مہاراج شیرسِنگھ تھان سُہایا، کر درس سادھ سنگت تر جاسی۔ کر درس سادھ سنگت ترےَ۔ پرگٹیا ساچا کنت، وِرلا گُرمُکھ کوئی پربھ ورے۔ ہوئے داس بھگتن کیرا، رسنا جپے جو ہرے ہرے۔ انتکال پربھ کرے نِبیڑا، کلجُگ اَیسی کِرپا کرے۔ کلجُگ اندر پایا پھیرا، مہاراج شیرسِنگھ سادھ سنگت تیرے در تے کھرے۔ اوُچ اگمّ اتھاہ۔ پرگٹ بَیٹھا پربھ بے پرواہ۔ سچّا آپ کلجُگ پرگٹے سچّا پاتشاہ۔ بِن بھگتن پاوے کوئی نہ۔ سِکھاں ہِردک پربھ وسے اِک تھاں۔ بےمُکھاں نظر نہ آوے، کلجُگ ساچا راہ۔ سچکھنڈ نِواسی سادھ سنگت ہِردے رہیا سما۔ مہاراج شیرسِنگھ کل سو کرے جو من بھاسی، تیرا انت نہ پاوے راہ۔ کلجُگ دیوے وڈیائی وڈّے سادھ سنت۔ پَیج رکھائی بنائے بنت۔ سَتجُگ جھوُٹھی کِریا سب ہٹائی، اِک اپنی کرائے منّت۔ کھانی بانی کوئی رہن نہ پائے، سوہنگ شبد چلائے منت۔ مہاراج شیرسِنگھ بان شبد مارے، بھسم کراوے سرب جیِو جنت۔ گُرسِکھاں من چاؤ گھنیرا، پربھ سِنگھاسن بَیٹھے لا۔ ہر گھر آوے پربھ میرا، پربھ مِلن دی آتم چاء۔ کر کِرپا پربھ جوت پرگٹاوے، پربھ ابناشی گھر لئیے پا۔ تیِن لوک جِس ہوئی داسی، کلجُگ آوے جوت سروُپی بھیس وٹا۔ نظر نہ
آوے در کوئی مد ماسی، مایا روُپ سب دیوے پڑدا پا۔ چرن لاگ سرب پھل پاسی، سوہنگ ناؤں جِس لیا دھیا۔ ساچا شبد جو جن رِدے سماسی، سچ جوت دیوے وِچ دیہہ ٹِکا۔ جیِو جنت سرب وِناسی، آد انت اِک رہے سچّا پاتشاہ۔ کلجُگ اندھیار بےمُکھاں جنم گواسی، پربھ ساچے دا نہ دِسے راہ۔ درگاہ کوئے نہ تھاؤں پاسی، نِہکلنک لئی نہ جِن سرن تکا۔ مہاراج شیرسِنگھ تخت نِواسی، پرگٹ ہو کے دھام گیا سُہا۔ دھام سچ دھرم جائے بھر۔ کام کرودھ کر درس جیِو دوئے جائے مر۔ نظری آوے پاربرہم پرمیشور، ہوئے نِمانا جیِو چرنی پڑ۔ جوت سروُپ نِرنجن جوت، لوک لاج توں جیِو نہ ڈر۔ کلجُگ پرگٹے پربھ وڈ بھوُپ، کوئے نہ جاوے در تے ہرِ۔ ساچا پربھ نہ کاچا سوُت، سوہنگ ناؤں وِچ منکا دھر۔ اِیشر جوت نہ رنگ نہ روُپ، بھگت جناں جوت سروُپی دِس آوے نر۔ مہاراج شیرسِنگھ رکھ لاج وِچ اندھ کوُپ، سادھ سنگت گئی سرنی پر۔ سچ تخت رکھے پربھ چرن۔ چرن ڈِگے آئے چار ورن۔ مہما پربھ کی کوئی سکے نہ ورن۔ کر درس سرب دُکھ ہرن۔ گُرمُکھ ہووے پھیر جگ نہ مرن۔ چرن لاگ پتت پاپی ترن۔ کلجُگ پرگٹیا پربھ دھرنی دھرن۔ لاج رکھائے جو جن تکائے سرن۔ بےمُکھ کلجُگ دُکھ ڈاڈھا بھرن۔ مہاراج شیرسِنگھ سوہنگ شبد تیرا ساچا ورن۔ سچ تخت رچایا، چلے چار جُگ۔ سوہنگ شبد ورتایا، چلائی جگت پربھ دُھج۔ بےمُکھاں نظر نہ آیا، آتم جوت گئی کل بُجھ۔ گُرسِکھاں پربھ درس دِکھایا، آتم بھیت کُھلایا گُجھ۔ سوہنگ شبد من وسایا، آتم ترِکھا گئی بُجھ۔ گھر بَیٹھ پربھ پرمیشور پایا، گُرچرن پریِتی جاؤ لُجھ۔ باہوں پکڑ اُٹھایا، گُرسِکھاں شبد لگائی ہُج۔ گُرمُکھاں پربھ جوت جگایا، آتم دیِپ نہ جائے بُجھ۔ مہاراج شیرسِنگھ پرمگت پائیے، دوُجی وست جیِو نہ لوڑے کُجھ۔ کلجُگ پرگٹے نر اوتر اُگھا۔ سَتجُگ ساچا دھام رچاوے وِچ پِنڈ بُگا۔ گُرسِکھ کر پریِت گُرچرن سنگ لُجھا۔ مہاراج شیرسِنگھ کل تیری وڈیائی، جِن بھاگ لگایا گُرسِکھ آن جھُگا۔ گُرسِکھ جھُگا ہرِ کا مندر۔ ورتے بھانا سَتجُگ اندر۔ بےمُکھاں گھر نچّن بندر۔ گھر گھر رہن وجےّ جندر۔ کُھلے بھنڈارے رہن لنگر۔ جوت پرگٹائی کرِشن ساولے سُندر۔ مہاراج
شیرسِنگھ چرن لگّ جائے، آئے راجا بُھپِندر۔ کرے کھیل پربھ اچرج نِرالے۔ شبد سروُپ آتم راج نِکالے۔ شیر روُپ کھڑے جا آلے دوالے۔ نَینی دیِسے مر نہ جائے کِسے برچھے بھالے۔ سوہنگ آواز دُھن آئے، واہ جیِو جگ اپنی لا لےَ۔ بھے اندر سرب پُکارے، ہوئے سہائی کوئی آن بچا لےَ ۔ انتکال نہ کوئی ہوئے سہائی، آتم چِکھا جوت سروُپی بالے ۔ پرگٹ ہو کے مہاراج شیرسِنگھ، سوَچّھ سروُپی درس دِکھاوے۔ درس دِکھاوے راجن راجا۔ لاگے چرن بخش غریِب نوازا۔ سچّا پاتشاہ جِن جیِو ساجن ساجا۔ سرن پڑے دی راکھو لاجا۔ دیؤ برہم گیان جِؤں تارے سِکھ وِچ ماجھا۔ کر دھیان وجےّ من انحد واجا۔ کلجُگ پرگٹیو جوت سروُپ، مایا روُپ سرِشٹ جِس ساجا۔ مہاراج شیرسِنگھ جوت پرکاشے اگیان بِناسے، چرنی ڈِگن راجن راجا۔ راجن وِچ راجا راج پرمُکھ۔ دے درس کر لاہے بُھکھ۔ شبد سُناوے نظر نہ آوے نہ کوئی دیِسے کُنٹ نہ رُکھ۔ بھرم بُھلیکھے پاوے آتم کُرلاوے، کرے بیننتی مِل پربھ سُکھاں سُکھ۔ نِویاں پربھ نظری آوے، بال اوستھا بال جِؤں ماتا کُکھ۔ مہاراج شیرسِنگھ تھان سُہایا، کر درس گُرمُکھاں لاہی بُھکھ۔ بھوُپت بھوُپت آپ وڈ بھوُپتا۔ اگمّ اتھاہ اجوُپ پربھ نِروُپتہ۔ درس دِکھاوے کِرپا کر، پربھ اپنی سچ سروُپتا۔ مہاراج شیرسِنگھ درس دِکھاوے جوت سروُپتا۔ تھان سُہایا آن پربھ، جوت سروُپی آپ پربھ آ کے۔ بھگت جناں مان دوایا پربھ، کلجُگ ساچی جوت پرگٹا کے۔ سوہنگ شبد جپایا پربھ، کلجُگ بھرم سرب مِٹا کے۔ جوتی جوت جگایا پربھ، گیان جوت دیِپ آتم دیِپ جگا کے۔ وِچھڑیاں میل مِلایا پربھ، نِہکلنک ناؤں رکھا کے۔ بھگت بھگوَنت اِک کرایا پربھ، سوہنگ ساچا شبد پڑھا کے۔ وِچوں موہ چُکایا پربھ، شبد دُھن وجا کے۔ کلجُگ درس دِکھایا پربھ، بھگت جناں گھر آپ آ کے۔ جُگ چار مان دوایا پربھ، بھگتن مہما آپ لِکھا کے۔ چار ورن چرن لگایا سب، سوہنگ شبد ایک پرگٹا کے۔ راؤ رنک اِک کرایا پربھ، جوت سروُپی بھیکھ وٹا کے۔ کلجُگ جگت کھپایا پربھ، اگن جوت جگت لگا کے۔ بےمُکھاں گھایا پربھ، سوہنگ شبد بان چلا کے۔ گُرمُکھاں کل وڈیایا پربھ، امرت بوُند مُکھ چوا کے۔ جنم سُپھل کرایا پربھ،
کلجُگ ساچا درس درسا کے۔ امرت پھل دوایا پربھ، جو جن چرنی ڈِگے آ کے۔ سچکھنڈ نِواس کرایا پربھ، گُرسِکھاں رکھے سِر ہتّھ ٹِکا کے۔ جوتی جوت مِلایا پربھ، انتکال پربھ درس دِکھا کے۔ بھگت جن تارے پربھ، مہاراج شیرسِنگھ کلجُگ ناؤں رکھا کے۔ کلجُگ بھیا پربھ بلونت۔ اُچ اگمّ مہما بےانت۔ جناوے کِسے گُرمُکھ وِرلے سنت۔ تراوے تِسے جِس پربھ چرن لگنت۔ سرِشٹ سبائی ہوئی بھسمنت۔ گُرمُکھاں مِلیا کلجُگ پربھ ساچا کنت۔ مہاراج شیرسِنگھ تیری وڈیائی، جوت سروُپ وسے وِچ جیِو جنت۔ گوبِند دیوے گُر وڈیائی۔ جوت سروُپ جوت وِچ جوت مِلائی۔ سَتجُگ ساچا سَتگُر منی سِنگھ بنائی۔ مہاراج شیرسِنگھ چتُربُھج، آپ ہوئے آن سہائی۔ گُرمُکھ ساچی پریِت کر، پربھ ملِے اگمّا۔ گُرمُکھ ساچی پریِت کر، پربھ مِٹاوے سرب بھرماں۔ گُرمُکھ ساچی پریِت کر، ذات پات پربھ نہ ویکھے، ویکھے جیِو کرماں۔ گُرمُکھ ساچی پریِت کر، گُرسِکھ ساچی نیِت کر، کلجُگ سؤرے جمن مرنا۔ گُرمُکھ منوُآں جیِت کر، مِل سادھ سنگت کل ترنا۔ مہاراج شیرسِنگھ کایا سیِت کر، سرن پڑے کی راکھو سرنا۔
پہلی وِساکھ ۲۰۰۸ بِکرمی پوُرن سِنگھ دے گِرہ پِنڈ جیٹھوُوال
گُرسِکھاں من بھاکھیا بھاکھی۔ ملِے پربھ الکھنا لکھ نہ لاکھی۔ باہوں پکڑ چُن کڈھے وکھّ، امرت جام دے سچّا ساقی۔ مہاراج شیرسِنگھ جوت پرگٹائی، گُرسِکھاں سُہائی دِوس وِساکھی۔ وِساکھ وِس اّکھ آپ پربھ مارے۔ جوت نوُر نیتر کر اُجیارے۔ آتم ترِشن پربھ جیِو دی مارے۔ ایک بوُند امرت برکھ نِج ٹھارے۔ مہاراج شیرسِنگھ جن بھگت پار اُتارے۔ گُرمُکھ جگایا آپ پتونتی۔ کل میل کرایا بھگت سنگ بھگوَنتی۔ سچ درس دِکھایا پرگٹ سرِشٹی کنتی۔ بھرم بُھلیکھا لاہیا جوت جگا وِچ دیہہ گُنونتی۔ کلجُگ اندر پائی مایا، بےمُکھ موُل نہ چرن لگنتی۔ سادھ سنگت پربھ راہ بتایا، سوہنگ شبد گُردر بن
جائیو منگتی۔ مہاراج شیرسِنگھّ وکھّر ساچے نام جپایا، وِچوں مارے ہؤمے ہنگتی۔ ہؤمے مار اپنی کل وِچ دیہہ دھار۔ گھر آئے کارج دے سوار۔ کلجُگ کھیل کرے پربھ اپر اپار۔ جیِو اِس ہتّھ کر اِس ہتّھ بھر ساچا پربھ نہ کرے ہُدار۔ ساچا نام گُر درس تیری وتھ، رسنا جپ پا پربھ کی سار۔ مہاراج شیرسِنگھ سچ چلایا رتھ، گُرسِکھ چڑھے کل اُترے پار۔ ساچا رتھ ساچا رتھواہی۔ ساچا نام وکھّر وِچ دیہہ پائی۔ ساچا جام امرت دے پِلائی۔ ساچا کام جیِو گُرچرن سیِس نِوائی۔ پرگٹے کل ساچا رام، موُرکھ جیِو بُھل نہ جائی۔ جوت دھری کل کالے شام، گُرسِکھاں اندھیر دے مِٹائی۔ مہاراج شیرسِنگھ وِشنوُں بھگوان، سرب جیِو میں رہیا سمائی۔ سرب میں وسے وسنیہارا۔ جوت سروُپی اونکارا۔ شبد سوہنگ چلایا جگت دو دھارا۔ گُرمُکھ بےمُکھ دوانگ، بےمُکھ مار گُرمُکھ پار اُتارا۔ سوہنگ شبد کل چلے دو دھارا آرا۔ بھگت جناں دیوے پربھ نام پیارا۔ آتم رکھ اِک درس آدھارا۔ بےمُکھ دُشٹ در جھکھ مارا۔ آتم ہوئی بھرشٹ، مُکھ نہ لائے کل مانَس جنم ہارا۔ مہاراج شیرسِنگھ گُرسِکھ نِرمل، جِن ساچا نام کیِیا وپارا۔ ساچا نام گُرسِکھ وپاری۔ ساچا دھام پرگٹے جوت نِرنکاری۔ سوہنگ نام رنگ نام جپاوے جیِو برہمچاری۔ آتم دھیان کراوے کام کرودھ وِچوں دے ماری۔ چام نہ آوے کام، جیِو وِچوں جوت جاوے مار اُڈاری۔ مہاراج شیرسِنگھ پرگٹے جِؤں تریتا رام، سادھ سنگت کٹ جائے ہؤمے بیماری۔ کاٹے روگ پربھ کاٹنہارا۔ ہوئے نہ سوگ دیوے درس آتم درساونہارا۔ آتم رس سدا جیِو بھوگ، آتم جوت جگے پربھ اگمّ اپارا۔ کھول وکھاوے پربھ دیہہ دے گوجھ، وجاوے دُھن شبد کھول دسم دوارا۔ مہاراج شیرسِنگھ درس کر روز، کر پرساد کرو نِمسکارا۔ گُرپرسادی پربھ بھیا۔ پوہ نہ سکے گُرسِکھ کل میا۔ بُھلے جیِو کل کھاوے دھکّے، ساچا پربھ کر دَیا۔ کوئے نہ جائے مدینے مکّے، ساچا نام سوہنگ پربھ دیا۔ مہاراج شیرسِنگھ مان گواوے کّکے، جوت سروُپی کر کے ہیِا۔
۲ وِساکھ ۲۰۰۸ بِکرمی پوُرن سِنگھ دے گِرہ پِنڈ جیٹھوُوال
جپ جپ نام جیِو، ملِے آتم رس۔ جوت سروُپی آوے پربھ وس۔ اپنا بھیو کُھلاوے دسّ۔ بےمُکھ در تے جاوے نسّ۔ سوہنگ شبد بان چلاوے کل، مہاراج شیرسِنگھ بھگتن کیِتا وس۔ بھگت جن سو، جو درس سُہندے۔ بھگت جن سو، جو کل ترندے۔ بھگت جن سو، جو کر درس سرن پڑندے۔ بھگت جن سو، جِس بخشے جن آپ بخشندے۔ بھگت جن سو، مِل سادھ سنگت جن دُتر ترندے۔ بھگت جن سو، جِن پایا مُرار منوہر مُکندے۔ بھگت جن سو، آتم رس نِجھروں جھِرندے۔ بھگت جن سو، کوَل نابھ امرت بوُند مُکھ چوِندے۔ بھگت جن سو، جِن پربھ دسم دوار کُھلھندے ۔ بھگت جن سو، جو کلجُگ سادھ سنگت مِل بہِندے ۔ بھگت جن سو، جو نِہکلنک درس کرِندے۔ بھگت جن سو، جِن مہاراج شیرسِنگھ پربھ گوبِندے۔ نظر نہ آوے پربھ، نہ ریکھا نہ روُپ۔ سُن کے نام نسّ جاون دُشٹ دوُت۔ گُرسِکھ ساچا جِتھے جوت دھرے ویکھ سچ قلبوُت۔ مہاراج شیرسِنگھ کلجُگ اندر جن بھگت تیرے ہوئے سپوُت۔ بھگتن دیوے پربھ آپ وڈیائی۔ گُرچرن جِس آس تکائی۔ جُگ چؤتھے جوت پرگٹائی۔ نِہکلنک ناؤں رکھائی۔ بھرم بُھلیکھے سرِشٹ بُھلائی۔ بےمُکھاں پربھ سار نہ پائی۔ اِیشر جوت مات میں آئی۔ دواپر کرِشن مُرار، تریتا رام رگھُرائی۔ سَتجُگ سَت مِہروان، کلجُگ نِہکلنک جوت پرگٹائی۔ مہاراج شیرسِنگھ گُن نِدھان، وید اتھربن مان گوائی۔ جاوے اتھربن مِٹے اندھیرا۔ کلجُگ سنجھ سَتجُگ سَت سویرا۔ بھگت جناں پربھ دیِسے نیرا۔ بےمُکھاں کر مایا کیرا۔ سادھ سنگت پربھ کیِیا وسیرا۔ مہاراج شیرسِنگھ سو جن اُدھرے، جِن نام لیِیا ہےَ تیرا۔ سوہنگ تیِر رسنا چِلہ۔ کوئی نہ دِسے کّکا بِلّا۔ مان مُکاوے پربھ بِسملا۔ مہاراج شیرسِنگھ سوہنگ شبد بنایا گُرسِکھاں قِلہ۔ اِیشر جوت کلجُگ پرگاسے۔ اگیان اندھیر جن بھگت وِناسے۔ جھوُٹھی دیہہ وِچ سچ جوت پربھ واسے۔ جوت سروُپی پربھ وِرلے گُرمُکھ پاسے۔ پاوے جن سو جِس پربھ درس پیاسے۔ مِل سادھ سنگت ہوئے
رَہراسے۔ بےمُکھ جیِو جیِوے کوُڑے بھرواسے۔ آتم نہ دِسے وسے پربھ سواس سواسے۔ گربھ واس نِت ہوئے واسے۔ بھگت جناں کرے بند خلاصے۔ سوہنگ شبد جپے سواس سواسے۔ مہاراج شیرسِنگھ چرن لاگ جیِو رَہراسے۔ گُر چرن لاگ ملِے وڈ داتا۔ اچُت پاربرہم پرمیشور سرب کلا کا گیاتا۔ گھٹ گھٹ وسے آپ جگدیشور، پوُرن پُرکھ بِدھاتا۔ مہاراج شیرسِنگھ کلجُگ اندر گُرمُکھ وِرلے کِسے پچھاتا۔ سو جن جانے جِس بوُجھ بُجھائے۔ آتم دیِپ پربھ دیہہ جگائے۔ بِن باتی بِن تیل، ساچی جوت وِچ دیہہ ٹِکائے۔ بَیٹھ وِچ اڈول، جیِو دیہہ ڈگمگائے۔ ساچا پربھ جیِو وسے کول، بےمُکھاں کل نظر نہ آئے۔ آتم دیوے پربھ پڑدے کھول، سوہنگ شبد جو رسنا گائے۔ مہاراج شیرسِنگھ پوُرے تولے تول، بھگت جناں ہرِ پار کرائے۔ بھگت بھگوَنت دوئے ایک رنگ۔ سادھ سنگت درس پربھ کا منگ۔ بِن درس آتم چڑھے نہ رنگ۔ کایا جھوُٹھی جِؤں کاچی ونگ۔ بےمُکھ جنم مانَس ہویا بھنگ۔ گُرمُکھ سوہنگ نام جپ پار گئے لنگھ۔ مہاراج شیرسِنگھ نِہکلنک اوتار، جوت سروُپی کل کیِیا جنگ۔ جوت سروُپی جوت آہارا۔ جوت سروُپی وسے وِچ سنسارا۔ کلجُگ ہوئے اندھ اندھیارا۔ نہ دیِسے پربھ اسُر سنگھارنہارا۔ بھگت جناں ہرِ پَیج سوارنہارا۔ مہاراج شیرسِنگھ نِہکلنک کل اوتارا۔ کلجُگ تارے پربھ اوتار۔ جھوُٹھے دھندے ڈُبا سنسار۔ نظر نہ آیا سچ سِرجنہار۔ کرے کھیل پربھ الکھ اپار۔ دُشٹ دُراچار مانَس جنم گئے ہار۔ بھگت جن اُدھرے پار۔ سوہنگ شبد کیِیا آدھار۔ دیوے درس ساول سُندر پربھ مُرار۔ امرت برکھے نِجانند، پربھ کِرپا دھار۔ ساچا پربھ وِچ دیہہ برکھے، بجر کپاٹ پربھ دے کُھلار۔ انحد شبد دُھن اُپجے، کھول دیوے پربھ دسم دوار۔ مہاراج شیرسِنگھ کلجُگ آ کے بھگتن دیوے تار۔ پربھ کی مایا کلجُگ پائی۔ بھرم بُھلیکھے سرب سرِشٹ بُھلائی۔ نِرنجن جوت ناؤں نِہکلنک رکھائی۔ جُگ چؤتھا کل انت ہو جائی۔ جگت بھیکھ سرب مِٹ جائی۔ اٹھسٹھ تیِرتھ کوئی رہن نہ پائی۔ عیسیٰ موُسیٰ محمد قُرآن انجیل کھپائی۔ برہما گوائے مان، وید چار پربھ انت کرائی۔ کھانی بانی گگن پاتالی جیِو جنت پربھ اپنی جوت ٹِکائی۔ سَتجُگ ساچا پربھ دے الائی۔ سوہنگ
شبد کُنٹ چار دُھن وجائی۔ دیِسے پربھ ایک کوئی دوُسر ناہی۔ جوت پرگٹاوے مہاراج شیرسِنگھ کوئی بُھلے ناہی۔ پربھ انبُھل جگت بُھلاونہارا۔ پربھ کوہتُول جگت ڈُلاونہارا۔ پربھ اتول کلجُگ تُلاونہارا۔ گُرمُکھ رسنا سوہنگ بول، پاوے درس پربھ اگمّ اپارا۔ گیان گوجھ پربھ دیوے پڑدے کھول، دیِسے جوت وِچ نِج دھارا۔ مہاراج شیرسِنگھ چار کُنٹ وجاوے ڈھول، سوہنگ شبد چالے جگت دے آدھارا۔ سوہنگ شبد سَتجُگ ورتایا۔ اوانگ اِیشر آپ، سوہنگ ساچا شبد چلایا۔ دھرنی دھر اِیشر نر نرائن، نِہکلنک کل ناؤں رکھایا۔ ساول سُندر کُنڈل سِر مُکٹ بَین، مُکند منوہر پربھ نظری آیا۔ موُرت سہنس سہنس پربھ نَین، جاں دیکھاں تاں ندری آیا۔ مہاراج شیرسِنگھ جن بھگت کل سہن، بھانا جگت جو ورتایا۔ کلجُگ ورتے پربھ کا بھانا۔ کوئی نہ دیِسے کل راجا رانا۔ راؤ رنک پربھ اِک کر جانا۔ بھگت جناں پربھ سِر چھتر جھُلانا۔ بےمُکھاں پربھ نرک نِواس دوانا۔ سوہنگ شبد ہرجن سد رسنا گانا۔ سادھ سنگت وِٹہو قُربانا۔ مہاراج شیرسِنگھ چرن لاگ جِن پچھانا۔ چرن آئے جو جن۔ درس کر ٹھارے تن من۔ سوہنگ شبد دیوے پربھ ساچا دھن۔ بُھلا جیِو سُن دھر کنّ۔ اِیشر جوت سچ من منّ۔ اہنکاریاں کل جائے پربھ بھنّ۔ آتم جوت کڈھاوے جن۔ مہاراج شیرسِنگھ ساچا سوہنگ شبد، جیِو لا لےَ سنہ۔ سوہنگ شبد پربھ جگت لُٹایا۔ موُرکھ مُگدھ انجانا، پربھ نظر نہ آیا۔ مد ماس آہاری، آتم اندھیر کرایا۔ سادھ سنگت پربھ چرن پیاری، پرگٹ ہو پربھ درس دِکھایا۔ گھر آئے پربھ پَیج سواری، کوئے نہ جانے پربھ کی مایا۔ سوہنگ شبد کھنڈا دو دھاری، بِن دینتاں جگت گھایا۔ مہاراج شیرسِنگھ جُگ چؤتھے واری، جوت سروُپی کھیل رچایا۔ جوت سروُپی پربھ وسے چِت۔ چرن لاگ جیِو وِچھڑ جائے نہ کِت۔ جھوُٹھی دُنیا انت کوئے نہ مِت۔ جائے جنم ہار، تُھکاں پَیسن تِت۔ مہاراج شیرسِنگھ چرن لاگ، مانَس جنم جاوے جیِو جت۔ مانَس جنم اُتم وِچ لکھّ چُراسی۔ کر درس پربھ ہوئے بند خلاصی۔ جوت پرگٹائی گھر پربھ ابناشی۔ پَیج رکھائی پربھ سرب گھٹ واسی۔ مہاراج شیرسِنگھ تیری سرن آئی سرِشٹ سب تر جاسی۔ سو جن ترےَ
جو سرنی آیا۔ دھار کھیل پربھ چتُربُھج کہایا۔ کلجُگ دیوے ہار، سَتجُگ ساچا ساچے سَتگُر لایا۔ سرب کل خوار، سوہنگ ساچا شبد چلایا۔ بھرے رہن بھنڈار، آپ اتُٹ توٹ کدے نہ آیا۔ مہاراج شیرسِنگھ تیری سار پاوے سو جِن وِچوں اگیان مِٹایا۔ اگیان اندھیر وِچ دیہہ مِٹاوے۔ ساچی جوت آتم دیِپ جگاوے۔ امرت جھِرنا پربھ نِجھروں جھِراوے۔ بوُند امرت کوَل نابھ مُکھ کُھلاوے۔ جوت نِرنجن وِچ پربھ نظری آوے۔ مہاراج شیرسِنگھ کِرپا کر، ساچی جوت سنگ جوت مِلاوے۔ پربھ کلجُگ بھیکھ وٹا گیا، پربھ جوت سروُپی پہریا بانا۔ پربھ سرِشٹ سبائی گھا گیا، بَیٹھ وِچ بِبانا ۔ سوہنگ شبد جگت چلا گیا، ورتا اپنا بھانا۔ پربھ سبن تختوں لاہ گیا، کوئی رہے نہ راجا رانا۔ چار ورن اِک کرا گیا، نِہکلنک ناؤں رکھانا۔ جن بھگتاں درس دِکھا گیا، ہرِ رنگ جِنہاں نے مانا۔ وِچوں ہؤمے موہ چُکا گیا، وِچ ساچی جوت ٹِکانا۔ دیہہ اندھ اندھیار مِٹا گیا، جوت سروُپی وِچ سمانا۔ پربھ اپنا بھیو آپ کُھلا گیا، امرت بوُند مُکھ چُوانا۔ ہِردے رنگ مجیِٹھ چڑھا گیا، اُترے نہ کوٹ دھو پانا۔ پربھ بھگتاں وِچ سما گیا، کرم پوُرب آپ پچھانا۔ مہاراج شیرسِنگھ سوہنگ شبد سچ لِکھا گیا، سَتجُگ ساچا جو ورتانا۔ سَتجُگ ملِے بھگتاں سچ وکھّر۔ سوہنگ شبد پڑھاوے اِک اکھّر۔ میٹ مِٹاوے آتم اندھیر جھّکھڑ۔ مہاراج شیرسِنگھ جو تُدھ بھاوے، سو دیِسے کلجُگ اکھّر۔ چار جُگ پربھ بھگتن داتا۔ آپ پِتا آپ ماتا۔ بھگتاں بخشے داتاں۔ سوہنگ گُرسِکھ اِیشر سچّا جاتا۔ بھگت جناں پربھ درس وڈّا جگ ناتا۔ دیوے درس پرگٹ ہو پربھ پُرکھ بِدھاتا۔ اپنے رنگ روے پربھ رنگ راتا۔ گھر پا پربھ ابناشی جگ جیِون داتا۔ کلجُگ وِرلے گُرمُکھ پچھاتا۔ مہاراج شیرسِنگھ گُرسِکھاں سِر انت ہتّھ ٹِکاتا۔ انتکال پربھ ہوئے سہائک۔ کلجُگ اگن نہ پوہے مائک۔ ساچا پِت ساچا خصم آپ نائک۔ سرِشٹ سبائی آپ دائک۔ کرے سو جو من بھائک۔ بھگت جناں ہرِ درس دِکھائک۔ انتکال جم نیڑ نہ آئک۔ جوت سروُپ وِچ بِبان بِٹھائک۔ سچکھنڈ پربھ نِواس دوائک۔ انتکال پربھ ہوئے سہائک۔ مہاراج شیرسِنگھ تیری وڈیائی، بھگت جناں انت
کال ہوئے سہائک۔ بھگت جناں سوُجھے پربھ تیرا در۔ اوُچ اگمّ اتھاہ، پربھ تیرا گھر۔ دِسے بے پرواہ اوتار ساچا نر۔ گُرسِکھ جوت مِل جا، انت نہ جائے مر۔ مہاراج شیرسِنگھ دسےّ ساچا راہ، رسنا سِمرو ہرِ ہرِ۔ رسنا ہرِ ہرِ گُن گاؤ۔ موہن مادھوَ نِج ماہِ پاؤ۔ آد اندیسہ دیِسے سچ راہو۔ کلجُگ سوہنگ ساچی ناؤں، رسنا جپ جیِو پار پراؤ۔ بھگت وچھل پرگٹے پربھ چرن لگّ جاؤ۔ مانَس جنم کل سُپھل کراؤ۔ مِل سادھ سنگت رسنا ہرِ گُن گاؤ۔ جگن ناتھ گوپال مُکھ بھنی پربھ سارنگ پاؤ۔ جوت پرگٹاوے آپ پربھ دھن دھنی، آتم ترِپت کر درس مِٹاؤ۔ دھنّ دھنّ دھنّ گُرسِکھ جِس چرن سنگ بنی، سَتجُگ ساچے بھگت جناؤ۔ مہاراج شیرسِنگھ آیا گھر کل گنی، امراپد پاؤ۔ گُر مِل امر پد پاؤ۔ ساچی جوت وِچ جوت مِلاؤ۔ سچکھنڈ ساچا سچ آسن لاؤ۔ وِچ چُراسی پِھر گیڑ نہ پاؤ۔ پربھ ابناشی جیِو بُھل نہ جاؤ۔ سرِشٹ وِناسی کلجُگ بُھل نہ جاؤ۔ مہاراج شیرسِنگھ سرب داسن داسی، کرو درس گُرسِکھ ڈُل نہ جاؤ۔ آتم درس دیوے پربھ گُن نِدھان۔ کلجُگ پرگٹے وِشنوُں بھگوان۔ کلجُگ جیِو بُھل گئے انجان۔ جن بھگت پربھ لئے پچھان۔ بھگت بھگوَنت دوئے مِل اِک ہو جان۔ نِہکلنک جامہ دھار، وِچھڑیاں میل مِلان۔ کلجُگ پرگٹ نر اوتار، سوہنگ آیا شبد چلان۔ گھنک پُری پربھ جامہ دھار، کلجُگ ہوئے بَیٹھا جُگ چار پردھان۔ بھگت جناں پربھ پائی سار۔ مہاراج شیرسِنگھ جوت سروُپی کل اوتار۔ جوت سروُپ جگت ورتارا۔ ایک جوت کرے جیِو جنت دیہہ وڈیارا۔ کلجُگ پرگٹیا نِہکلنک نر اوتارا۔ گُرمُکھ وِرلے گُر شبد وِچارا۔ کرے درس پربھ گُرسِکھ آتم دوارا۔ اُترے من بُھکھ، دیوے جوت پربھ بھگت بھنڈارا۔ سرِشٹ سبائی بھوگے دُکھ، نظر نہ آئے پربھ گِردھارا۔ سُپھل کرائی نہ مات کُکھ، مانَس جنم موُرکھ مُگدھ گوارا۔ کلجُگ جیِو بُھلے مد ماسی، کیِیا رسن آہارا۔ آتم مانک موتی کل گیا رُل، نظر نہ آیا پربھ سچ بھتارا۔ جھوُٹھے دھندے لاگ، کلجُگ ڈُبا سرب سنسارا۔ مہاراج شیرسِنگھ سوہنگ شبد دیوے جن بھگت بھنڈارا۔ آکاش جوت پربھ جوت ترائے۔ ساچا منڈل ڈگمگائے۔ اچھل اڈول بَیٹھا اِک ہرِ رائے۔ جوت سروُپی جوت پوَن پانی
اگن میں رہیا سمائے۔ ساچا کر پرکاش جوت، تیِن لوک میں رہیا سمائے۔ نَین مُدھار آپ رنگ ہوت، پاتال باشک بَیٹھا آسن لائے۔ کلجُگ جوت کر پرکاش، نِہکلنک مات نام رکھائے۔ نِہکلنک نر اوتار، کھنڈ برہمنڈ دئے اُلٹائے۔ آپ ابھید کوئی بھید نہ جانے، انتکال برہما وِچ جوت مِلائے۔ برہما مِٹے وید ویدانتا، چؤتھے جُگ پربھ کھیل رچائے۔ سَتجُگ پرگٹے پربھ بھگت گیاتا، سِنگھ پال ہتّھ سرِشٹ پھڑائے۔ دیوے گیان آپ گُن داتا، بھگت جناں سِر ہتّھ ٹِکائے۔ دھروُ انت مِٹے دھرواس، کلجُگ اندر گیا وقت چُکائے۔ ساچا سِکھ کرے کھنڈ سچ واس، سوَرن سچ دربان اکھوائے۔ جوت سروُپی پربھ کا واس، جاں دیکھو تاں پربھ نظری آئے۔ گُرسِکھ گھال پائی تھائے، چیت سِنگھ کھنڈ سچ بہائے۔ اَوگُن بخشے پربھ گُنتاس، سِکھ پوُت مانَس جنم پھیر دوائے۔ گُرچرن جِس رکھائی آس، انت کال جم نیڑ نہ آئے۔ سَتگُر پوُرا سد ہےَ پاس، کلجُگ جیِو پربھ بُھل نہ جائے۔ مہاراج شیرسِنگھ سد داسن داس، کر درس جیِو آتم ڈُل نہ جائے۔ آتم نِرمل جیِو جوت نِرالی۔ سچے سَتگُر وِچ دیہہ سما لی۔ کیوں نہ دیِسے وِچ بنوالی۔ سرِشٹ ساری کوُڑی تھیسے، انتکال نہ کوئی والی۔ بِن پربھ انت کوئی نہ دیِسے، انتکال گُر کرے رکھوالی۔ سادھ سنگت گُرچرن جھُکائے سیِسے، دیِپک جوت جِن دیہہ وِچ بالی۔ بھگت جناں کل کرے نہ کوئی ریِسے، اِیشر جوت جِنہاں پرگٹا لی۔ مہاراج شیرسِنگھ ساچا پربھ دیِسے، چرن پریِت جِنہاں لگا لی۔ گُرچرن پریِت کر، پربھ پایا۔ پربھ ساچا من چیِت کر، آتم ترِکھا دیہہ بُجھایا۔ گُر ساچی ریِت کر، سوہنگ شبد ساچا راہ جنایا۔ گُرسِکھ رسنا جیِت کر، نام راگ سوہنگ سچ گایا۔ مہاراج شیرسِنگھ گُرچرن پرتیِت کر، کلجُگ پرگٹے رگھُرایا۔ کلجُگ وقت وِہا گیا، پِھر ہتّھ نہ آوے۔ پربھ ساچا جوت پرگٹا گیا، بےمُکھاں نظر نہ آوے۔ گُرمُکھاں ہؤمے روگ گوا گیا، وِچ ساچی جوت جگاوے۔ گھر بھگتن بھوگ لگا گیا، کرو درس ساچی من بھاوے۔ پربھ کلجُگ انت کرا گیا، نِہکلنک ناؤں رکھاوے۔ کُنٹ چار ہاہاکار کرا گیا، مرے سرِشٹ بُھکھ دے ہاوے۔ پربھ ساچا سوگ روگ لگا گیا، جوت سروُپی سرِشٹ جلاوے۔ پربھ جوتی جوت پرگٹا گیا، سِکھ دیہہ وِچ سماوے۔
پربھ کلجُگ جیِو چھلا گیا، جے کوئے ویکھے نظر نہ آوے۔ پربھ ساچا شبد چلا گیا، سوہنگ ساچا ناؤں چلاوے۔ پربھ بھگتاں راہ دسا گیا، بَیٹھ سِنگھ آسن ڈیرہ لاوے۔ بےمُکھ جنم گوا گیا، نِندک دُشٹ دُراچار جگت اکھواوے۔ کلجُگ پرگٹ نرک نِواس دوا گیا، مد ماس جو جیِو رسنا لاوے۔ سَتگُر ساچا سَتجُگ لا گیا، بَیٹھ اڈول جگت ڈُلاوے۔ مہاراج شیرسِنگھ در جو جن آ گیا، دے درس پار کراوے۔ پار کرے کل پاراوار۔ سَتجُگ لاوے سَت کرتار۔ سَتجُگ جیِو گُرچرن پیار۔ وسے پاربرہم وِچ آتم نِراہار۔ سُپھل جنم جِن مِلیا پربھ گِردھار۔ سوہنگ شبد سَتجُگ ہووے جیِو ادھار۔ مہاراج شیرسِنگھ چرن لاگ، سرب جیِو اُدھرے پار۔ سرن پڑے جو جن آئے۔ سچ ساقی پربھ درس جام پِلائے۔ آتم ترِکھا دے بُجھائی، درس سوانتی بوُند کوَل میں پائے۔ مہاراج شیرسِنگھ آتم جوت، سوہنگ شبد سنگ جگائے۔ نِرمل دیِیا نِرمل جوت باتی۔ بُجھے نہ دِوس راتی۔ جگے اڈول وِچ دیہہ اِکانتی۔ مہاراج شیرسِنگھ دیوے دات، بھگت جناں وڈ داتی۔ جِت مِلیئے سُکھ پائیے، جیِو بُھل نہ جائے۔ جِت مِلیئے امرت بوُند مُکھ چوائے، کل رُل نہ جائیے۔ جِت مِل آتم ترِپتائے، پی امرت کل ڈُل نہ جائیے۔ مہاراج شیرسِنگھ درس دِکھائے، کر پریِت چرن مِل جائیے۔
۵ وِساکھ ۲۰۰۸ بِکرمی رنجیِت کؤر دے گِرہ پِنڈ جیٹھوُوال
رنکاں آیا پربھ پُکار سُن۔ کلجُگ ترایا گُرسِکھاں پربھ چُن چُن۔ سوہنگ شبد وجایا من تن دُھن۔ آتم کھول وکھایا من سُنّ سُنّ۔ چرن آئے پربھ نہ جتایا گُن اَوگُن۔ گُرسِکھ سبایا، کلجُگ جِؤں آٹے لُن۔ مہاراج شیرسِنگھ درس دِکھایا، سادھ سنگت شبد سوہنگ رُن جھُن۔ سوہنگ دُھن سرب جن لوڑے۔ نام گیان دھیان گُرچرن سنگ جوڑے۔ بےمُکھ کلجُگ موُل اپنا روڑھے۔ گُرمُکھ نِرمل درس پربھ کا لوڑے۔ مہاراج شیرسِنگھ جوت سروُپی چار کُنٹ دؤڑائے گھوڑے۔ چار کُنٹ چلے پربھ کی چال۔ سرِشٹ سبائی ہوئی بےحال۔ نظر نہ آوے بھگت رکھوال۔ جُگو جُگ پربھ ساچے کی نِرالی چال۔ بھگت
جناں پربھ بِرد لئے سنبھال۔ مہاراج شیرسِنگھ کلجُگ بھئے پرِتپال۔ کلجُگ بھرم جیِو بھرمایا۔ کلجُگ دھرم انت آن ڈُلایا۔ کلجُگ کرم پربھ آپ لِکھایا۔ کلجُگ ورم سوہنگ بان جگ لایا۔ کلجُگ نرم سوہنگ گیان دے سُکھ کرایا۔ مہاراج شیرسِنگھ گُرمُکھاں اُجل وِچ جگت کرایا۔ جُگت جگت پربھ آپ بناوے۔ سرب جیِو پربھ وِچ سماوے۔ بھگت جناں ہرِ پَیج رکھاوے۔ کلجُگ جامہ دھار، اندھ اندھیار سِر ہتّھ ٹِکاوے۔ موُرکھ مُگدھ گوار جنم گئے ہار، پربھ نظر نہ آوے۔ مہاراج شیرسِنگھ لےَ اوتار، گُرسِکھ کرم وِچار، کر کِرپا پار لنگھاوے۔ کِرپا کرے پربھ گُنونت۔ گُرمُکھ نِرمل اُتم سنت۔ پربھ کا بھانا سرب ورتنت۔ کوئی رہے نہ راجا رانا، دُکھی بِللائن جیِو جنت۔ مہاراج شیرسِنگھ وِٹہو قُربانی، کلجُگ مایا پائی بےانت۔ کلجُگ دُکھیاں دُکھ ویاپے۔ انتکال کل گھر گھر ہوئے سیاپے۔ بھگت جناں پربھ حاضر حضوُر کھڑا جاپے۔ راکھے لاج جِؤں بالک ماپے۔ ساچا صاحِب سَتجُگ ہووے وڈ پرتاپے۔ نِہکلنک نر اوتار، کوئی نہ جیِو دھیِر دھراپے۔ مہاراج شیرسِنگھ کوئی نہ جانے سار، اپنی وڈیائی جانے آپے۔ وڈّا پربھ گُن نِدھ داتا۔ گُرمُکھ وِرلے کلجُگ پچھاتا۔ سوہنگ شبد دیوے پربھ آپ رنگ راتا۔ ہووے برہم گیان کلجُگ گیاتا۔ مہاراج شیرسِنگھ چرن کوَل دھیان، سوہنگ ناؤں سَت پُرکھا داتا۔ سوہنگ دات گُردر تے پائی۔ آتم راس گُرچرن سنگ بن آئی۔ سادھ سنگت گُرچرن نِواس، انتکال جم ڈنڈ نہ کھائی۔ جن سوہن تیرے پاس، ساچا ناؤں تیرا جس گائی۔ بھگت وچھل کرے وِچ واس، کلجُگ دیوے بھگت وڈیائی۔ مہاراج شیرسِنگھ سد بل جاس، جوت سروُپ کل ہوئے سہائی۔ جوت سروُپ جگت نہ جاتا۔ کرم کرنتا پُرکھ بِدھاتا۔ سرب رہنتا جھوُٹھا جگت ناتا۔ مہاراج شیرسِنگھ کلجُگ پرگٹیا بھگت جناں گُن داتا۔ رسنا جپو ہرِ گوبِند۔ دُکھ وِناسے اُترے من کی چِند۔ جن بھگت کر ساچی بِند۔ بےمُکھ ڈُبے کر پربھ کی نِند۔ نِہکلنک کل آیا سد بخشند۔ مہاراج شیرسِنگھ جوت سروُپ پرگٹے وِچ ہِند۔ ہِند ہِندوَین ویکھے ہرِ کا دوار۔ جوت جگائے پربھ اپر اپار۔ گنگا گوداوری گُرچرن دوار۔ پی امرت سَتجُگ جیِو اُترے پار۔ مہاراج شیرسِنگھ
نِہکلنک بھیو اوتار۔ نرائن بدری ہٹاوے پوُجا۔ ایک پربھ پرگٹے کوئی رہے نہ دوُجا۔ گُرمُکھ بھگت پیاریاں گھر ساچا سوُجھا۔ کر درس مُراریا، تن من گُرچرن سنگ لوُجھا۔ مہاراج شیرسِنگھ دیوے شبد دُھنکاریا، آتم بھیت کُھلاوے گوُجھا۔ ہرِ دوار جِتھے ہرِ وسے۔ دُشٹ دُراچار کر درس پربھ کا نسّے۔ سادھ سنگت پربھ ہِردے وسے۔ آتم پرکاش جِؤں رَو سسے۔ مہاراج شیرسِنگھ اُچا در، بےمُکھاں گُرسِکھ دسےّ۔ گُرسِکھاں ہرِ در پایا۔ آتم سوُجھ پربھ کر کِرپا، مدھ مادھو درس دِکھایا۔ جیِو سُتّا انبھول، بانہوں پکڑ پربھ آن اُٹھایا۔ کلجُگ جائی نہ ڈول، ساچا صاحِب ہوئے سہایا۔ سچّا سَتگُر وسے کول، سادھ سنگت پربھ وِچ بہایا۔ بھگت جناں دیوے پڑدے کھول، بےمُکھاں کل نظر نہ آیا۔ مہاراج شیرسِنگھ نہ مارے انبھول، سوہنگ شبد ڈنک لگایا۔ سوہنگ شبد سُن کلجُگ جیِو اندھے۔ کلجُگ جھوُٹھی مایا جھوُٹھے جگ دھندے۔ چرن لاگ ملِے وڈیائی، کر درس پرگٹے پربھ مُکندے۔ انتکال ہوئے سہائی، جم کال پربھ توڑے پھندے۔ مہاراج شیرسِنگھ درس دِکھائی، جو جن آئے سرن لگندے۔ کرن کراونہار آپ پربھ کرت۔ ورت ورتاونہار، پربھ بھانا جائے ورت۔ رُواوے رُواونہار، پربھ ماتا دھرت۔ کھپاوے کھپاونہار، سرِشٹ سبائی ہوئے مرت۔ مہاراج شیرسِنگھ رسنا جگ گائی، کلجُگ جیِو نہ آوے پرت۔ رسنا گاؤ پربھ بھیکھدھاری۔ راکھے لاج پرگٹ جوت تُماری۔ سچ سمگری پربھ جوت، جھوُٹھی سرِشٹ پسر پساری۔ مہاراج شیرسِنگھ کرے سوت، کلجُگ پرگٹ ساچا درباری۔ ساچا در سچّا دربارا۔ جوت پرگٹاوے سچ سِرجنہارا۔ پار لنگھاوے دے درس اپارا۔ بےمُکھ کل نگن پِھراوے، کرن ہاہاکارا۔ گُرسِکھاں سِر چھتر جھُلاوے، جس ہووے وڈ بھارا۔ نِندک دُشٹ دُراچار در آئے جھکھ مارا۔ گُرسِکھ گُر وِچار چرن کرے نِمسکارا۔ مہاراج شیرسِنگھ پرگٹیا کل سچ اوتارا۔ کلجُگ دھری جوت جگ دان دہِندا۔ گُرچرن جو جن جائے لگ، پربھ بھئے بخشندا۔ بےمُکھاں لگّ جائے اگّ، سوہنگ ناؤں سرون سُنِندا۔ وانگ انگیار آتم جائے دگ، اگن جوت پربھ آپ لگِندا۔ بھگت جن دیوے آتم رنگ، سوہنگ شبد گُن گوبِندا۔ مہاراج شیرسِنگھ کل
تارے جھب، جو جن آئے سرن پوِندا۔ سرن پڑے ہوئے نِرمان۔ ہنکار نِوارے پربھ مارے سوہنگ بان۔ گُرسِکھ تارے کل آپ پچھان۔ والی ہووے وِچ دو جہان۔ ایتھے اوتھے کرم پَوے نیِسان۔ ساچی درگاہ سچ دیوے پرمان۔ گُرمُکھ ساچے جوت سروُپ جوت مِل جان۔ نام رنگراتے مُکھ اُجل کر جان۔ ملِے پُرکھ بِدھاتے، وِچھڑ کدے نہ جان۔ ساچے ہوئے گُر ناتے، سچکھنڈ بَیٹھائے پربھ پوُرے مِہروان۔ مہاراج شیرسِنگھ بھگت جن جاتے، جِن دیوے درس آپ بھگوان۔ بھگوان روُپ سچ سروُپ۔ جیِو نہ جانے پربھ کی مہما انوُپ۔ شبد لِکھائے اپنا آپ جنائے، بےمُکھ دیِسے رنگ نہ روُپ۔ گُرمُکھ ترائے آتم شانت کرائے، دے کے درس پربھ سَت سروُپ۔ انک بِدھ پربھ دیوے درس۔ گُرسِکھاں من توڑے حرص۔ امرت میگھ آتم برس۔ گُرچرن لاگ جیِو پھیر نہ مرس۔ مہاراج شیرسِنگھ چرن لگایا کر نِمانیاں ترس۔ کلجُگ پرگٹیا نر اوتار۔ رنک شوُدر سنگ کیِیا پیار۔ تختوں لاہے وڈّے سِکدار۔ سوہنگ شبد چلایا اپار۔ سرب سرِشٹ نوُں آئی ہار۔ بھگت جناں گھر جےَ جَیکار۔ جِتھے وسے آپ نِرنکار۔ نِرویَر نِرادھار پَیج رکھائی، دے شبد ادھار۔ جن بھگت ترائے، نِہکلنک پربھ لےَ اوتار۔ کلجُگ انت کھپائے، کلجُگ جیِو نہ پائی سار۔ سَتجُگ ساچا پربھ دے لگائی، گُرسِکھ اُترے بھوجل پار۔ سادھ سنگت من پئے ودھائی، درشن پایا گُر دربار۔ کلجُگ بُھلے سب لوکائی، بھرم بُھلیکھے ڈُبا سنسار۔ مہاراج شیرسِنگھ تیرے نام دُہائی، چرن آئے کل کردے پار۔ نِمانیاں پربھ ہو رکھوالا۔ توڑ جوڑ پربھ کنٹھ مالا۔ دُکھی ہوئے جیِو بےحالا۔ آتم چَین نہ ملِے گوپالا۔ ہو سہائی مہاراج شیرسِنگھ دُکھ درد مِٹاوَن والا۔ دُکھ دیہہ تن کر دوُر۔ دان بخشے جیِو چرن دھوُڑ۔ ہڈّ ماس ناڑی پِنجر ٹُٹ ہویا چوُر۔ دُکھاں ورکھا جِؤں نِمّی بھوُر۔ مہاراج شیرسِنگھ کِرپا کر، دیہہ دُکھ کر جاہ دوُر۔ دُکھ کایا جیِو بِللائے۔ دِوس رَین چَین نہ آئے۔ بُھلا اِیشر جپ کرے ہائے ہائے۔ کڈھ ہڈّ ماس ناڑی تپ، سوہنگ ساچا امرت پِلائے۔ مہاراج شیرسِنگھ سب کِچھ تیرے ہتّھ، دُکھ بھنجن دیہہ دُکھڑے لاہے۔