کتب خانہGranth 1 (Shahmukhi)

۶ جیٹھ ۲۰۰۸ بِکرمی پِنڈ جیٹھوُوال بچن ہوئے

گھر آئے سِکھ سجّن سُہیلے۔ ساچے پربھ کر لئے سنجوگی میلے۔ امرت وِچ چوائے نبھ، اچرج کھیل آپ پربھ کھیلے۔ مہاراج شیرسِنگھ گُر سَتگُر ساچا، گُرسِکھاں چرن ساچی جوت انت میلے۔ وقت ویلا بوُجھیا، پربھ جوت پرگٹائے۔ کوئی بھیت نہ رکھے گوُجھیا، پربھ دئے دُہائے۔ گُرسِکھاں در ساچا بوُجھیا، کلجُگ وقت مُکایا بھاؤ چُکایا ایکا دوئے۔ بانہوں پکڑ ترایا، ساچی درگاہ دے پہنچائے۔ کلجُگ بھیو کِسے نہ بوُجھیا، ناتھ تریَلوکی جگت بُھلائے۔ مہاراج شیرسِنگھ گُر سَتگُر پوُرا، مہاسارتھی آپ اکھوائے۔ رَین سُہائی پنچم جیٹھ، سادھ سنگت گُردر تے آئی۔ ساچا پربھ دے ودھائی، سوہنگ نام جو جن رسنا گائی۔ انتکال کل پربھ ہوئے سہائی۔ سادھ سنگت پربھ دئے سُنائی، جھوُٹھا بچن نہ ہووے رائی۔ جھوُٹھا کلجُگ رہن نہ پائی۔ جھوُٹھی سرِشٹ آپ دایا دائی۔ جوت سروُپ پربھ کلجُگ کھیڈ مِٹائی۔ چار کُنٹ پےَ جائے دُہائی۔ جوت سروُپ اگن پربھ لائی۔ بھَیناں تائیں چھڈ جائن بھائی۔ مہاراج شیرسِنگھ بھے بھیانک، گُرسِکھاں سِر ہتّھ ٹِکائی۔ بھے بھیانک گُرسِکھ کلجُگ سہارا۔ کلجُگ مِلیا جوت سروُپ پربھ گِردھارا۔ تخت نِواسی مات لوک بنایا سچکھنڈ دوارا۔ سادھ سنگت پربھ چرن ہوئے داسی، سوہنگ نام پربھ دیوے بھنڈارا۔ جو جن ہوئے کل مدرا ماسی، انتکال پربھ نرک مجھارا۔ مہاراج شیرسِنگھ گھنک پُر واسی، گُرسِکھاں دیِسے سچ دوارا۔ پربھ ابناشی سچ دھام سُہایا۔ سرب گھٹ واسی پربھ پرگٹ ڈیرہ لایا۔ انتکال کل انت ہوئے جاسی، پربھ ساچے بچن لِکھایا۔ گُرسِکھاں آتم چِنتا ناسی، آتم دیِپ پربھ جوت جگایا۔ مہاراج شیرسِنگھ گُر سَتگُر پوُرا، کلجُگ وِرلے گُرمُکھ پایا۔ گُرمُکھ سو جن، جِس پربھ پایا۔ گُرسِکھ سو دھنّ، جِس پربھ درس دِکھایا۔ گُرمُکھ سو جن، کلجُگ کل اندھیر گوایا۔ گُرمُکھ سو جن، جوت سروُپ جِس پربھ درس دِکھایا۔ گُرسِکھ سو جن، انحد راگ پربھ کنّ سُنایا۔ گُرمُکھ سو جن، نیتر پیکھ مہاسُکھ پایا۔ مہاراج شیرسِنگھ پربھ ساچا منّ، بھرم بُھلیکھے جیِو کیوں مانَس جنم گوایا۔ جنم گوائے وقت وِہائے، بےمُکھاں سار

نہ پائی۔ کلجُگ کھپائے، کھنڈ برہمنڈ اُلٹائے سوہنگ نام دوائی۔ برہما پربھ مان گوائی، سرِشٹ سبائی ہتّھ سِنگھ پال پھڑائی۔ سَتگُر ساچے نیہہ رکھائی۔ جُگ چؤتھے دھروُ تجایا۔ سچکھنڈ دوار پربھ گُر چرن سنگ سوَرن بہایا۔ پوُرن دیوے آپ وڈیائی، تیجا سِنگھ ویلا نیڑے آیا۔ کل جوت سروُپ پربھ سِکھ ساچا ناد چار کُنٹ پُچایا۔ جگت جُگت پربھ آپ بنائی۔ دھارے کھیل آپ رگھُرائی۔ سرِشٹ سبائی کل سوائی۔ اُلٹی مت اگیان وِچ پائی۔ در آئے نیتر پیکھے، بےمُکھ لُجھا سد بُھلائی۔ مہاراج شیرسِنگھ پائے بُھلیکھے، گیڑ چُراسی وِچ پائی۔ گُرسِکھ تیری وڈیائی، پربھ آپ لِکھائی۔ در آئے جنم سُپھل کرائی۔ پوُرن بُدھ ہووے جِس آتم درشن پائی۔ گُرسِکھ ہووے ساچی سُدھ، لوئن ساچا پربھ دے کُھلائی۔ شبد سروُپی کلجُگ پربھ کیِنا یُدھ، چار کُنٹ پےَ جائے دُہائی۔ گُرسِکھ اُتم نِرمل جِؤں دُدھ، رسنا جپ سوہنگ جےَ جےَ جَیکار کرائی۔ مہاراج شیرسِنگھ گُر سَتگُر پوُرا، سچ دھام گُرسِکھاں دے پُچائی۔ ساچا دھام ساچا کام۔ پربھ جگت چلائے سوہنگ نام۔ جن پائے گھنشام۔ سَتجُگ ساچا مارگ پایا، سَتجُگ ساچا رہسی گرام۔ ساچے پربھ وِچ لِکھت لِکھایا، مہاراج شیرسِنگھ کلجُگ پوُرن کرے کام۔ جوت سروُپی کلجُگ کھپایا، سَتجُگ ساچا لایا، ساچی جوت سَتجُگ پرویشے۔ جوت سروُپی پربھ کرے بھیسے۔ ساچے پربھ کو سَتجُگ جیِو سد کرے ادیِسے۔ مہاراج شیرسِنگھ سَتگُر پوُرا، در کھڑے کوٹ برہما وِشن مہیشے۔ پاربرہم تیری اچرج کھیلا۔ جوت سروُپ پرگٹ کلجُگ آیا انت ویلا۔ سادھ سنگت پربھ درس دِکھایا جھب ساچا سجّن سُہیلا۔ مہاراج شیرسِنگھ گُر سَتگُر پوُرا، جوت سروُپی کھیل پربھ کھیلا۔ جوت سروُپ پربھ کیِیا پسارا۔ کلجُگ ہووے اندھ اندھیارا۔ سرِشٹ سبائی پربھ کرے خوارا۔ انتکال کل دُکھ لگّے بھارا۔ پنچم جیٹھ پربھ لِکھت کرائے، مد ماسی نہ پائے گُرچرن دوارا۔ مہاراج شیرسِنگھ ہوئے سہائی، سوہنگ نام جِس رسن اُچارا۔ سوہنگ نام جِس جن رسن دھیایا۔ رسنا جپ آتم سُکھ پایا۔ دے درس پربھ اگیان اندھیر مِٹایا۔ مہاراج شیرسِنگھ گُر سَتگُر پوُرا، کلجُگ پرگٹ گُرمُکھاں درس دِکھایا۔ گُرسِکھ تارے آپ پربھ،

ہوئے جوت سروُپ۔ گُرسِکھ تارے آپ پربھ، درس دِکھاوے وڈ بھوُپ۔ گُرسِکھ تارے آپ پربھ، گُرسِکھن دسےّ سوَچّھ سروُپ۔ گُرسِکھ تارے آپ پربھ، آتم جوت جگاوے دیوے گیان انوُپ۔ مہاراج شیرسِنگھ گُر سَتگُر پوُرا، سب گھٹ وسے بِن رنگ روُپ۔ رنگ روُپ پربھ کوئے نہ جانے۔ دھنّ سو جن جو چلے پربھ کے بھانے۔ تختوں لاہے سب راجے رانے۔ گُرسِکھاں مان دوایا، پربھ سُتیاں کھڑا سرہانے۔ پربھ ساچے درس دِکھایا، مہاراج شیرسِنگھ دیوے مان نِمانے۔ نِمانیاں پربھ مان دے، سِر اپنا ہتّھ ٹِکایا۔ بھگت وچھل پربھ بھگوان پربھ جُگو جُگ ساچا کھیل رچایا۔ کلجُگ سوہنگ شبد گُن نِدھان دے، گُرمُکھاں پربھ بھیت کُھلایا۔ مہاراج شیرسِنگھ کلجُگ بھگت پچھان کے، گُرچرنی میل مِلایا۔ پنچم جیٹھ رَین سُہائی، رسنا ہرِ ہرِ گُن گایا۔ اُٹھ جیِو جاگ، پربھ ساچے درس پا، پربھ ابناشی گھر میں آیا۔ مہاراج شیرسِنگھ ساچا راگ سوہنگ ڈنک چلایا۔ اُٹھ جیِو جاگ، رسنا جپ اُتم ہووے مُکھ۔ اُٹھ جیِو جاگ، کر درس پربھ ملِے جگت سُکھ۔ اُٹھ جیِو جاگ، کر درس پربھ اُترے آتم بُھکھ۔ اُٹھ جیِو جاگ، پربھ دھوئی داغ، سُپھل کرائے کُکھ۔ مہاراج شیرسِنگھ سوہنگ شبد لائے جاگ گُرسِکھ سب جگ اُتم منُکھ۔ گُرسِکھ تیری اُتم ذاتا۔ سَتجُگ ہووے چار ورن بھراتا۔ سچ سُچ ورتائے پربھ سُکھ آئے دھرتی ماتا۔ پربھ ساچا بنس چلائے، گُرسِکھاں گُر چرنی ناتا۔ گُرسِکھاں اُتم جوت جگائی، مِلیا پُرکھ بِدھاتا۔ پربھ پوُرن بوُجھ بُجھائے، اپنے رنگ روے رنگ راتا۔ درِشٹی دِشا دے مِٹائی، سوہنگ در تے دے کے داتا۔ مہاراج شیرسِنگھ جو جن گائی، کلجُگ ترائے پِتا ماتا۔ کلجُگ کرم پربھ وِچار۔ پربھ ساچا سِرجنہارے۔ نِہکلنک جوت سروُپی پربھ جامہ دھارے۔ شبد سُرت پربھ توڑے مان ہنکارے۔ ہِند والی ہِندوائن چل آئن پربھ چرن دوارے۔ گُرسِکھاں ہوئے پوُرن بھاگ، پربھ دیوے بھر بھنڈارے۔ ساچا شبد چلے پہلے ماگھ، انحد وجےّ دھنکارارے۔ گُرسِکھاں پربھ پکڑی واگ، پوُرن جوت دے اُجیارے۔ اُٹھ اُٹھ اُٹھ جیِو جاگ، پربھ آیا سِکھن دوارے۔ مہاراج شیرسِنگھ کر ساچا راگ، رسنا جپ جیِو جنم سُدھارے۔ رسنا جپ پربھ نام رسائن۔

ساچا شبد جو جن رِدے وسائن۔ نِج گھر واسی نِج ماہے پائن۔ در آئے بےمُکھ سُتے رَین وِہائن۔ اُٹھ جیِو جاگ پوُرن ہوئے بھاگ، پرگٹی جوت نر نرائن۔ نر نرائن نِرنجن جوت۔ بےمُکھ ہوئے جیِو در رہے سوت۔ کلجُگ سوائی سرِشٹ انت جائے روت۔ ترےَ پُرش ست، پربھ آتم مَیل جائے دھوت۔ ساچا پربھ وِچ ساچی دیہہ جگائے جوت۔ مہاراج شیرسِنگھ سَتجُگ اندر، گُرسِکھاں دیوے نِرمل جوت۔ پنچم جیٹھ رَین کل آئی۔ بُھل بُھل بُھل جیِو مت بُھل گوائی۔ سادھ سنگت تیَنوُں ملِے ودھائی۔ رسنا جپ جپ امرا پد پائی۔ سچکھنڈ پربھ وسنہارا، سچ دھام گُرسِکھ ٹِکائی۔ مہاراج شیرسِنگھ شبد سُرت دوارا، ساچی مت گُرسِکھ وِچ پائی۔ شبد سُرت پربھ دے گیانا۔ آتم جوت جگے کوٹ بھانا۔ پرگٹ جوت سادھ سنگت، پربھ دیوے ساچا دانا۔ گُرچرن پریِتی ساچا سَتجُگ اِشنانا۔ کلجُگ پرگٹ مہاراج شیرسِنگھ جوت سروُپی پہریا جامہ۔ جوت سروُپی پربھ ساچا بھیکھ دھر۔ کلجُگ پرگٹیا اوتار نرائن نر۔ سرِشٹ سبائی بھرم بُھلیکھے پائی، گُرسِکھ بوُجھے ساچا در۔ مہاراج شیرسِنگھ تیرے نام وڈیائی، شبد بان گُر جگت لگائی، گُرسنگت پایا ساچا در۔ در گھر آئے پربھ ابناشی۔ انتکال کل پربھ توڑے جم کی پھاسی۔ کلجُگ ہوئے انتکال، شبد لِکھائے جو مدرا ماسی۔ مہاراج شیرسِنگھ سچ بھتار، چرن لاگ جیِو رَہراسی۔ جیِو جنت دُکھی ویکھ پربھ، کلجُگ جوت پرگٹاوے۔ مایا پائے بےانت، اپنا بھیو آپ کُھلاوے۔ پربھ در وِرلے گُرسِکھ سنت، جوت سروُپی پربھ درس دِکھاوے۔ مہما جنائے آپ اِکنت، مہاراج شیرسِنگھ کلجُگ کھپاوے۔ پےَ جائے دُہائی وِچ جیِو جنت۔ جیِو جنت پربھ آپ اُپائے۔ انتکال پربھ کلجُگ آپ کھپائے۔ سادھ سنگت پربھ دے سُنائے۔ گُرسِکھاں سِر پربھ ہتّھ ٹِکائے۔ کلجُگ اگن چھوہن نہ پائے۔ رسنا جیِو جن سوہنگ گائے۔ مہاراج شیرسِنگھ ہوئے سہائے۔ ہوئے سہائک انتکال، بھگت وچھل دیِن دَیال۔ کلجُگ جن بھگت لئے پربھ بھال۔ بےمُکھ کلجُگ کرے جِؤں دُپھاڑے دال۔ سادھ سنگت پریِتی سوہے گُرچرن نال۔ آتم دے گیان، مہاراج شیرسِنگھ سرب رہیا سمال۔ پربھ کی جوت جگت چنگیاری۔ سوہنگ شبد کھنڈا

دو دھاری۔ بےمُکھاں کال انت پےَ جائے خواری۔ کوئی نہ دیِسے سب کوُڑے ٹِھیسے دُشٹ دُراچاری۔ گُرمُکھاں سِر چھتر جھُلیِسے، رکھے لاج آپ بنواری۔ جن بھگتاں ہرِ پربھ ساچا دیِسے، پنچم جیٹھ آئے درباری۔ ساچا نام امرت پیِسے، ہؤمے وِچوں جائے بیماری۔ بےمُکھ کرے جو گُرسِکھ ریِسے، نام سچ نہ چڑھے خُماری۔ مہاراج شیرسِنگھ چرن دھرے جو سیِسے، گُر در ملِے بڑی سِکداری۔ گُرسِکھاں مِلیا گُر دربارا۔ امرت بوُند امیو رس پیِو، ویلے امرت امرت دھارا۔ دیہہ وِکار جائن نسّ، جن ہوئے رسن سُہیلے، آتم ملِے ساچا رس، جگے جوت آتم اُجیارا۔ ہوئے پرکاش جِؤں رَو سس، مہاراج شیرسِنگھ دیوے امرت بھنڈارا۔ پرگٹائے جوت پربھ راجن راجا۔ نِمانیاں نِتانیاں غریِب نوازا۔ انحد شبد وجےّ دُھن، انحد وجےّ دُھن واجا۔ گُرسِکھ ترائے بےمُکھ کھپائے، انتکال کل وِچ ماجھا۔ پربھ جوت پرگٹائے گُرسِکھاں ہوئے سہائے، سرن پڑے دی راکھے لاجا۔ مہاراج شیرسِنگھ سچ تیری نائے، گُرسِکھاں دیوے راجا۔ گُر میِت گُرسِکھ سدا رکھ چیِت۔ پربھ مِلن کی ساچی ریِت۔ مہاراج شیرسِنگھ گُرمُکھاں بخشے گُرچرن پریِت۔ چرن پریِت کرے چار ورن۔ جوت سروُپ پربھ نہ دیِسے کِسے برن۔ کر درس پربھ در آئے روگی سب ترن۔ مہاراج شیرسِنگھ پار کرائے، جو جن آئے سرن۔ سرن پربھ کی جِس جیِو تکائی۔ آدھ بیادھِ پربھ مِٹائی۔ امرت ساچا وِچ دیہہ سِنچائی۔ کوَل نابھ مُکھ پربھ دے کُھلائی۔ دوار دسواں پربھ دیوے پڑدا لاہی۔ انحد شبد دھنّ دے وجائی۔ جوت سروُپ پربھ نِرمل جوت جگائی۔ کوُڑ کپٹ دُرکار کڈھ، سوہنگ ساچی وستُو پائی۔ مہاراج شیرسِنگھ گُرسِکھ بیڑا پار کر، کُنٹ چار جےَ جےَ جَیکار کرائی۔ کلجُگ جائے ہوئے خوارا۔ سَتجُگ لائے پربھ سَت کرتارا۔ سوہنگ شبد دیوے ورتارا۔ نِرہاری نِرویَر پربھ لےَ اوتارا۔ اچُت پاربرہم پرمیشور نِہکلنک اوتارا۔ جُگت مکُت نہ جانے سنسارا۔ مایا پڑدا پائیکے، بُھلایا سچ دوارا۔ گُرسِکھاں درس دِکھائیکے، مہاراج شیرسِنگھ ملِے آپ گِردھارا۔ گِردھر آئے جگت گِردھار۔ تریتا دواپر کیِیا پار۔ کلجُگ جائے وہِندی دھار۔ جھوُٹھے دھندے ڈُبا سنسار۔ پرگٹی جوت کل مُرار۔ موُرکھ مُگدھ نہ کرن وِچار۔ گُرسِکھ پائے

پربھ کی سار۔ در گھر چھڈ آئے گُر دربار۔ آئے گُر دربار، مانَس جنم اُتم ہویا وِچ سنسار۔ دے درس پربھ بھوجل کیِیا پار۔ مہاراج شیرسِنگھ گُرسِکھاں تارے، امرت ورکھے کِرپا دھار۔ کلجُگ جائے جِؤں اندھیر رَینا۔ کلجُگ جیِو وہائے وہِندے وہنا۔ گُرسِکھ ترائے جِن پربھ دیکھیا نَیناں۔ بِن پربھ ساچے کوئی ساک نہ سیَنا۔ مہاراج شیرسِنگھ شبد لِکھائے، سوہنگ اُتم گہنا۔ سادھ سنگت تیری وڈیائی۔ رسنا جپ اِیشر جوت پرگٹائی۔ پرگٹ جوت پربھ بھئے سہائی۔ آتم چِنت گُرسِکھ مِٹائی۔ مہاراج شیرسِنگھ کل تیری وڈیائی۔ وڈّی وڈیائی وڈ پربھ وڈ داتا۔ وڈّی وڈیائی جِس جن پربھ پچھاتا۔ وڈّی وڈیائی دیوے گُرسِکھاں پربھ وڈ داتا۔ مہاراج شیرسِنگھ جِس جن پچھاتا۔ جانے سو جن جِس آپ جنائے۔ جانے سو جن، جِس ہِردے رہیا سمائے۔ جانے سو جن، جِس آتم جوت جگائے۔ جانے سو جن، جِن مہاراج شیرسِنگھ سرن لگائے۔ سرن لگائے آپ پربھ سنساری۔ آوے جاوے جگت وِوہاری۔ جوت سروُپ سرِشٹ سنگھاری۔ مہاراج شیرسِنگھ تیری سَتجُگ سچّی سِکداری۔ سَتجُگ ساچا سچ چلایا۔ سچ گھر دسّ شبد چلایا۔ سوہنگ شبد چار ورن سَتجُگ مُکھ گایا۔ مہاراج شیرسِنگھ تُدھ بِن کوئی دوُجا نظر نہ آیا۔ ایک آپ پربھ کو نہیں دوُجا۔ کلجُگ انت مِٹائے سب پوُجا۔ گُرسِکھاں در پربھ ساچا سوُجھا۔ دے درس پربھ بھید کُھلایا گوُجھا۔ مہاراج شیرسِنگھ نِہکلنک اوتار، گُرسِکھ جان نہ دوُجا۔ نِہکلنک پربھ نِرنتر۔ سوہنگ ہووے سَتجُگ ساچا منتر ۔ جوت سروُپ پربھ وِچ جگت رہنتر۔ مہاراج شیرسِنگھ گُرسِکھ دے درس کرے گُرسِکھ سُتنتر۔ گُرسِکھ ہوئے گُر سیو کمائے۔ گُرمُکھ ہوئے پربھ میل مِلائے۔ سچ گھر بَیٹھا تاڑی لائے۔ دیکھے آپ پربھ نظر نہ آئے۔ جوت سروُپ گُرسِکھاں درس دِکھائے۔ مہاراج شیرسِنگھ تیرا رنگ انوُپ، بےمُکھ نظر نہ آئے۔ بےمُکھاں لگّا ہؤمے روگ۔ پربھ کا درس نہ ملِے اموگھ۔ آتم چِنتا سد ہےَ سوگ۔ پربھ ابناشی رہیا وِیوگ۔ انتکال کلجُگ جائے دُکھ بھوگ۔ گُرسِکھاں لِکھیا پربھ دُھر سنجوگ۔ نیتر کر درس جیِو آتم رس بھوگ۔ مِٹے اگیان اندھیر سب، سوہنگ شبد پائے من جوگ۔ مہاراج

شیرسِنگھ درد دُکھ بھنجن، گُرسِکھاں کڈھے ہؤمے روگ۔ تارنہار گُرسِکھ ترائے۔ در آئے جو ہنکاری، جنم جنم پربھ جوُنی پائے۔ جو جن پربھ جوت ادھاری، دے درس پربھ پار کرائے۔ مہاراج شیرسِنگھ جن ہوئے نام ادھاری، سرن پڑے دی لاج رکھائے۔ سرب سُکھ گُرسنگت سنگ۔ گُرسنگت پریِتی گُرسِکھ گُر در منگ۔ نام پریِتی آتم چاڑھے رنگ۔ دیہہ ہوئے پتت پُنیِتی، مانَس جنم نہ ہوئے بھنگ۔ کر درس ہوئے کایا ٹھنڈی سیتی، امرت دیہہ وہائے گنگ۔ گُرمُکھ کلجُگ سرِشٹی جیِتی، ساچا نام منگ نہ سنگ۔ مہاراج شیرسِنگھ تیری چرن پریِتی، سدا رہے انگ سنگ۔ چرن پریِت گُرچرن ہےَ کوَلا۔ اُتم ریِت اُپر دھوَلا۔ سرب سرِشٹ جوت سروُپ موَلا۔ مہاراج شیرسِنگھ نِہکلنک اوتار، رسنا جپ جیِو نہ ہو بوَلا۔ کلجُگ ہوئے انت اندھیرا۔ بےمُکھ نہ دیِسے چار چُپھیرا۔ گُرسِکھ نہ ہوئے سنجھ سویرا۔ جوت پرکاش کرے پربھ نہ لائے دیرا۔ دے درس کال انت پربھ کر جائے نِبیڑا۔ مہاراج شیرسِنگھ جو جن جانے چھوڑے تیرا میرا۔ میرا تیرا جِس بھیو چُکایا۔ جوت سروُپ وِچ جوت مِلایا۔ آوے نہ جاوے جنم مرن دا بھید چُکایا۔ مہاراج شیرسِنگھ جو جن سِمرے وِچ چُراسی گیڑ نہ آیا۔ شبد سُرت پربھ میل مِلائے۔ کٹ روگ پربھ دے گوائے۔ سنگرَیہنی وِچوں ناس ہو جائے۔ سوہنگ ساچا شبد جو جن رِدے وسائے۔ دُکھ روگ دیہہ رہن نہ پائے۔ مہاراج شیرسِنگھ شبد چوٹ لگائے۔ شبد چوٹ جگت دُھنکارا۔ اندھ کوُپ وجےّ دُھنکارا۔ جِتھے جوت جگے اگمّ اپارا۔ روگ گوائے وِچ دیہہ ورکھے امرت دھارا۔ مہاراج شیرسِنگھ کر ساچا کلنک نِہ روگ سوگ سوگ روگ در ہوئے خوارا۔ روگ سوگ پربھ دے مِٹائے۔ دُکھ درد رہے نہ رائے۔ رکھیا کرے آپ رگھُرائے۔ جپ تپ پربھ سُکھدائے۔ جوت سروُپ جیِو جنت وِچ رہائے۔ ناڑی بہتّر وِچ پربھ سُکھ وسائے۔ امکا قاضی کوئی نیڑ نہ آئے۔ مہاراج شیرسِنگھ ہوئے سہائے۔ بھوُت پلیِت در بندھارے۔ جم کنکر آپ پربھ سنگھارے۔ دوُت دُشٹ شبد سُرت دے مارے۔ اگن جوت جوت اگن دیہی دُکھ ساڑے۔ مہاراج شیرسِنگھ کِرپا کرے آپ نِرنکارے۔ پرگٹ جوت پربھ دَیا کمائی۔ دُکھ درد دئے سنگت مِٹائی۔ ساچی نام

رنگن سوہنگ پربھ آپ چڑھائی۔ درس دان جو جن منگن، پربھ دے درس ترِسن مِٹائی۔ در آئے مارے پربھ تیِن تپ کھنگھن، سُرتی سُرت پربھ جوت جگائی۔ مہاراج شیرسِنگھ دیوے مکُتی مکُت، رسنا جپ پھیر ویلا ہتّھ نہ آئی۔ آئے سچّا شاہو سچ دے وڈیائی۔ در آئے دُکھ مِٹائے پربھ، ناؤں بِھچھیا پائی۔ ہوئے سہائی جگت پِت کہائی۔ مہاراج شیرسِنگھ تیری گُرسِکھاں سرنائی۔ مروُ دیوے آپ جوالا۔ شبد بان مارے گُر گوپالا۔ مار کرے بیِر بےتالا۔ پکڑ لیاوے تیِن لوک رکھوالا۔ آتم بدھّا گُرسِکھ مہاراج شیرسِنگھ در کھڑے کرے سوالا۔ پربھ کی مہما بڑی بےانت۔ جوت سروُپ درس وِچ جیِو جنت۔ کلجُگ پرگٹیا پربھ نِہکلنک کنتُوہل کنت۔ گُرسِکھاں دیوے مان اُتم دے وِچ سادھ سنت۔ ساچا دیوے برہم گیان، سِکھ آسن بَیٹھ اِکنت۔ ہِردک دیوے چرن دھیان، ہووے مِہر بھگت بھگوَنت۔ گُن دیوے گُن نِدھان، سوہنگ شبد گُر دُھن وجنت۔ مہاراج شیرسِنگھ سُہاوے تھان سرِشٹ کرے بھسمنت۔ سچ سنت سَتگُر پرگٹایا۔ مِل پربھ سمرتھ، سنسا بھےَ منوں گوایا۔ پربھ کی بانی لِکھی اکتھ، تن من پربھ لیکھے لایا۔ دیوے بخش انت سمرتھ، نیِتی رکھ درس دِکھایا۔ کلجُگ دھرے جوت آپ سَت پُرکھ، مہاراج شیرسِنگھ پت رکھوایا۔ پِتا پوُت پر بھئے دَیالا۔ جوت سروُپ ہوئے گوپالا۔ پربھ ابناشی تیِن کوٹ ہوئے رکھوالا۔ سنتن پائی تھائیں پربھ پوُرن گھالا۔ شبد دے گیان، رام نام گل پائی مالا۔ کلجُگ اُتم استھان، پرگٹے جوت سرب رکھوالا۔ جو کِچھ کرے سو ہی جگ ہوت، مہاراج شیرسِنگھ اُتپت کرن والا۔ دھنّ دھنّ دھنّ منی سِنگھ تیری دھنّ کمائی۔ رسنا جپ جپ جپ پوُت پِتا جگ بنس بنائی۔ در آئے دُتر دیوے تار، گُر گوبِند دوئے ہوئے سہائی۔ دھنّ دھنّ دھنّ منی سِنگھ، ساچی جوت دیوے پربھ وِچ للاٹ ٹِکائی۔ سَتجُگ دیوے مان پربھ، چار ورن چرن لگ جائی۔ سوہنگ شبد وجےّ بان پربھ رسنا مار سب جگت گھائی۔ پوُرن جوت وِشنوُں بھگوان لےَ اوتار، جگت میں ہوئے سہائی۔ سنتن سنت سنت وڈبھاگا۔ اُتم سُنیا سوہنگ شبد انراگا۔ بھرم بُھلیکھا سب دیہی بھاگا۔ ہوئے ادھیِن سرنی لاگا۔ کوُڑ کُٹمب سب بھگت تیاگا۔ آتم جوت

جگی جیِو سویا جاگا۔ مہاراج شیرسِنگھ جِن کلجُگ مِلیا، سوئی پُرکھ وڈبھاگا۔ سنت جناں دی آسا پوُر۔ پرگٹ بھئے پربھ سدا حضوُر۔ ساچا شبد آتم سدا سروُر۔ جگے جوت وِچ دیہہ جِؤں کوہ طوُر۔ مہاراج شیرسِنگھ گُن نِدھان سرب گُن بھرپوُر۔ بھرتمبر پربھ سرب ویاپے۔ چِھن بھنگر بےمُکھ نہ جاپے۔ دھنّ دھنّ دھنّ گُرسِکھ، دھنّ گُرسِکھ ماپے۔ مہاراج شیرسِنگھ سرب گُن داتا، وِشنوُں بنسی کل تارے آپے۔ ساچے سنت پربھ مان دوایا۔ دھر جوت وِچ دیہہ، تیِن بھون دی بوُجھ بُجھایا۔ ساچا دیوے نام ایہہ، جِس دا بھیو آپ کُھلایا۔ کلجُگ پرکھی پربھ ساچی دیہہ، جوت سروُپ وِچ ڈیرہ لایا۔ مہاراج شیرسِنگھ دان ساچا دے، جِت مِلیاں بُھکھ رہے نہ رایا۔ آتم ترِسنا گُرسِکھ بُجھائے۔ شبد گیان سُرت سوجھی پائے۔ بھگت بھگوان دوئے جوت اِک کرائے۔ جن ویکھے تاں ساچا پربھ نظری آئے۔ مہاراج شیرسِنگھ جو جن رسنی گائے۔ رسنا جپ پربھ راج دہِند۔ کلجُگ پرگٹیا پربھ ساچا مرگِند۔ چرن لگائے ڈیر نہ لائے والی ہِند۔ بےمُکھ کھپائے ساچا پربھ دے سزائے، گُر دھام کرے جو نِند۔ گُرمُکھ ترائے چرن آئے جو سیِس جھُکائے، مہاراج شیرسِنگھ گُر بخشند۔ کلجُگ بخش آپ پربھ تارے۔ گُرسِکھ سوہن چرن دوارے۔ موُرکھ سُتے پَیر پسارے۔ مانَس جنم گئے کلجُگ ہارے۔ دھنّ دھنّ دھنّ گُرسِکھ، ڈِگے پربھ چرن دوارے۔ پرگٹے جوت آپ پربھ بھگت سنمُکھ، شبد گیان دے بھگت جن تارے۔ مہاراج شیرسِنگھ بھرے تیرے بھنڈارے۔ منی سِنگھ پربھ مان دوائنا۔ چرن کوَل ملِے ٹِکائنا۔ سرِشٹ سبائی ملِے نہ سوئنا۔ راجے رانے سرِشٹ وِناسے، بھّجے پِھرن جِؤں سُننجے گھر کاؤنا۔ سوہنگ شبد پربھ لائے باننا۔ مہاراج شیرسِنگھ جوت سروُپ جگت جلائے اپنے بھاننا۔ کال انت کلجُگ ہو جانا۔ پِنڈ بھنڈال ساچا دھام، سنت جوتی جوت سمایا۔ اُتم ہویا نگر گرام، جامہ دھار وِچ چرن ٹِکایا۔ پوُرب کرے کوئی وِچار، اچرج کھیل پربھ رچایا۔ مہاراج شیرسِنگھ دیوے وڈیائی، ساچا سنت سَتگُر پرگٹایا۔ سَتگُر ساچا منی سِنگھ سَتجُگ اُپجاوے۔ جوت سروُپ نِہکلنک مان دِواوے۔ سنساری بھنڈاری سد وِوہاری اپنا بھیوَ نہ کِسے جناوے۔ پرگٹی جوت

ایکنکاری، مہاراج شیرسِنگھ ناؤں دھراوے۔ ایکنکار جگت آکارا۔ مایا روُپی پسریا جگت پسارا۔ لکھّ چُراسی جوُن جوت ادھارا۔ جوت سروُپ ساچا پربھ سب تے باہرا۔ جے کوئی دیکھے دیکھ وِچارے، وِچ وسے نِرادھارا۔ مہاراج شیرسِنگھ مان دوایا، سَتگُر منی سِنگھ پوُجے سنسارا۔ گُرسِکھ ہوئے چرن بھوَرا۔ دیوے وڈ وڈیائی پربھ گوَرا۔ جنم مرن کلجُگ دوئے سورا۔ مہاراج شیرسِنگھ نِہکلنک کلجُگ کیِیا دورا۔ کلجُگ کال کرے کلکاتی۔ پرگٹائے جوت وِچ پربھ ماتی۔ دُنیا سُنّج مسان جِؤں سوئے بِرچھ راتی۔ پرگٹے پوُرن بھگوان، گُرسِکھاں دیوے امرت بوُند سوانتی۔ مہاراج شیرسِنگھ سَتجُگ تیرا مان، گُرسِکھ بُھل نہ جاوے دِن راتی۔ دِوس رَین پربھ رَوے رنگ۔ بےمُکھ بھنےّ جِؤں کلجُگ کاچی ونگ۔ سوہنگ شبد آتم چاڑھے رنگ۔ مہاراج شیرسِنگھ پرگٹیا سوُرا سربنگ۔ پرگٹیا پربھ سوُرا سوُر۔ دیکھو نیڑے ناہی دوُر۔ پرگٹے جوت پربھ آپ حضوُر۔ مہاراج شیرسِنگھ گُن بھرپوُر۔ دھیانی دھیان دیوے گُن داتا۔ برہم گیانی کلجُگ پربھ آپ پچھاتا۔ اُتم جیِون کلجُگ ہویا، جِنہاں مِلیا پُرکھ بِدھاتا۔ مہاراج شیرسِنگھ تیرے باجھوں کلجُگ جھوُٹھا ناتا۔ جھوُٹھی سرِشٹ جھوُٹھا وِوہار۔ جھوُٹھے دھندے لگّا سنسار۔ بُھل گیا جیِو اُپجاونہار۔ گُرمُکھ دَیا کیِنی پربھ کرم وِچار۔ دے ساچا شبد گیان، جن کیِیا بیڑا پار۔ مہاراج شیرسِنگھ وِشنوُں بھگوان، نِہکلنک لیا اوتار۔ سچ سچ سچ اوتار نِہکلنک۔ پرگٹ جوت سُہائے تھان بنک۔ چرن آئے اِک ہو جائے راؤ رنک۔ مہاراج شیرسِنگھ شبد چلایا سوہنگ ایکا انک۔ ایکا انک آپ اونکارا۔ دوُجا شبد سوہنگ چلے سنسارا۔ باقی سرب ہوئے خوارا۔ جوت سروُپ پربھ لیا اوتارا۔ شِو شنبھوُ شکتی ملِے پربھ چرن دوارا۔ مہاراج شیرسِنگھ اِک جوت نِرنکارا۔ ایک جوت تریَلوکی ناتھ۔ جو جن ویکھے پربھ سنگ ساتھ۔ کلجُگ رکھے گُرسِکھ دے کر ہاتھ۔ جو جن آئے چرن ٹیکے ماتھ۔ مہاراج شیرسِنگھ ہوئے سہائی اناتھاں اناتھ۔ اندھ اگیان جگت چلایا۔ درد وِکار وِچ جیِو وسایا۔ جھوُٹھی مایا وِچ بھرم بُھلایا۔ اپنا آپ ایش وِچ چُھپایا۔ بےمُکھ کرائے جیِو بےمُکھاں پربھ نظر نہ آیا۔ گُرسِکھ ترائے جِنہاں مہاراج شیرسِنگھ وِچ بہایا۔

پرگٹے جوت پربھ ایک نِرنجن۔ پربھ درس ساچا نیتر انجن۔ گُرچرن دھوُڑ جگ ساچا مجن۔ پرگٹے پربھ آپ بھےَ بھنجن۔ گُرمُکھ اُتم پربھاس جِؤں چندن۔ نام بِھکھاری ساچا نام در آئے منگن۔ دُبدھا دھوئی ساچے نام، پربھ آتم چاڑھے رنگن۔ دواپر کرِشن مُرار مُکند مُکندن۔ کلجُگ نِہکلنک اوتار تریَلوکی نندن۔ اوتار دھار جگت سنگھاریا۔ جوت سروُپ کر کھیل اپاریا۔ شبد چلائے نِرنجن جوت اِک نِرادھاریا۔ چار جُگ پوُجا ہوئے وِچ سنساریا۔ مہاراج شیرسِنگھ سَتجُگ سوہے سچ بنک دواریا۔ سَتجُگ اُتم دھام پربھ آپ لِکھاوے۔ کِرپا کر گِردھار، مستُوانے جا چرن ٹِکاوے۔ قہر ورت جائے سنسار چار کُنٹ ہو جائے خوار۔ جل تھل تھل جل آپ کراوے کرتار۔ کھیل اچرج کل کرے نِہکلنک نِرنکار۔ مد ماسی کوئی رہن نہ پائے، سوہنگ شبد پربھ کھنڈا مارے دو دھار۔ سَتجُگ ساچا آپ مِلاوے، جِن پربھ کی پائی سار۔ وِچ اندھیار پربھ جوت پرگٹاوے، سِر رکھے ہتّھ آپ گِردھار۔ گُرسِکھ ساچے پار لنگھاوے، مہاراج شیرسِنگھ بھگت اُدھار۔ جن بھگت ہرِ درس دِکھایا، کل آیا وقت وِچار دا۔ ہوئے ویلا انت، نہیں ویلا شبد اُدھار دا۔ پرگٹ جوت پربھ بےانت، جنم مرن کل دوویں سواردا۔ پرگٹے نِہکلنک بھگوَنت، در آئے پربھ سارے تاردا۔ چرن پریِتی لائے کنت، سوہے در گُرسِکھ دربان۔ جِتھے وسے وِشنوُں بھگوان۔ پربھ جوت جُگو جُگ اِک سمان۔ نِرمل جوت جیِو پربھ ویکھ، آتم مار دھیان۔ جُگو جُگ پربھ پرگٹے کر بھیکھ، کوئی بوُجھے پُرکھ سُجان۔ بھگت جناں لِکھائے اُتم لیکھ، مہاراج شیرسِنگھ دیوے برہم گیان۔ گُرمُکھ وِرلا وِچ سہنس۔ اُتم نِرمل جیِو راج ہنس۔ گُرچرن لاگ تر سرب سربنس۔ سَتجُگ کہائے پربھ ساچے کی ساچی انس۔ ساچا مارگ لائے ایک جوت ہوئے وِشنوُں بنس۔ مہاراج شیرسِنگھ دُشٹ سنگھارے جِؤں کرِشنا کنس۔ سَتجُگ ساچا سب سچ ورتارے۔ آپ اپرمپر سب بنت بناوے۔ آتم جوت جگاوے آپ گگننتر، اگیان اندھیر دئے مِٹاوے۔ لوبھ وِکار ہوئے بھسم انتر، باتی جوت دیہہ دیِپک پاوے۔ سوہنگ ساچا سَتجُگ منتر ، جپ جیِو پربھ ابناشی پاوے۔ گُرسِکھ اُتم جِؤں پارجات۔ گُرچرن سُہائے دِوس رات۔ بِھچھیا دیوے پربھ

سوہنگ دات۔ شبد ساچا جگت وڈّی کرامات۔ جپ جیِو پربھ لِکھاوے ساچی بات۔ گُرسِکھ گُر دونوں اِکا ذات۔ مہاراج شیرسِنگھ دیوے وڈیائی، سادھ سنگت نات جِؤں بھَین بھرات۔ سَتگُر سنگت سچ آپ بنائی۔ کام کرودھ ہنکار وِچوں دئے جلائی۔ سوہنگ شبد اپار، ساچی وست وِچ دئے ٹِکائی۔ انحد شبد ہوئے دُھنکار، رسنا جپ جیِو سرب سُکھ پائی۔ آتم کُھلے دسم دوار، ایش جیِو بھیت مِٹ جائی۔ امرت جھِرنا جھِرے اپار، گِرے بوُند کوَل کُھل جائی۔ کُھلے کوَل ہوئے اُجیار، اگیان اندھیر وِچ دیہہ مِٹ جائی۔ مہاراج شیرسِنگھ پائی سار، نِرمل جوت گُرسِکھ جگائی۔ آتم ہوئے جوت پرکاشا۔ دھرے جوت پربھ آپ ابناشا۔ گُرمُکھ ہِردے پربھ کیِیا واسا۔ گُرچرن پریِتی ساچی رَہراسا۔ تِھر گھر واسی کلجُگ گُرسِکھ دیہہ پربھ واسا۔ اچُت ابناشی مہاراج شیرسِنگھ جیِو جپ رسن سواس سواسا۔ رسنا جپ جپت سُکھ پائے۔ گربھ واس پھیر جیِو نہ آئے۔ جوت سروُپ پربھ وِچ جوتی جوت مِلائے۔ مہاراج شیرسِنگھ گُرسِکھ پوُرے انت سچکھنڈ پہنچائے۔ سچکھنڈ سچّا دربار۔ جوت پرکاش کرے ایکنکار۔ جوت سروُپ جگت آکار۔ جےَ جےَ جَیکار مہاراج شیرسِنگھ پوُرن اوتار۔ اوتاری پربھ سچ اوتارا۔ جوت سروُپ نرائن نِرنکارا۔ بھگت وچھل آپ گِردھارا۔ مہاراج شیرسِنگھ سرب وسنیہارا۔ سرب گھٹ کی آپ وکھانے۔ ساچا شبد برہم گیانے۔ گُرسِکھا گھال گھال کلجُگ مہانے۔ پربھ ساچا دیوے دان، ساچی جوت جِؤں بھانے۔ مہاراج شیرسِنگھ وِشنوُں بھگوان، کوئی گُرمُکھ وِرلا جانے۔ گُرمُکھ سو جن جِس پربھ درس دِکھایا۔ بِن درس پربھ بھیو کِسے نہ پایا۔ کلجُگ جوت پرگٹائے جھب کر پرساد سادھ سنگت دھیایا۔ مہاراج شیرسِنگھ جِنہاں لیا لبھ، جُگ چار اُجل مُکھ کرایا۔ جُگ چار پربھ رہے سرنا۔ انت چار ورن پربھ اِک کرنا۔ جوت سروُپ پرگٹے پربھ دھرنی دھرنا۔ گُرسِکھ آئے درشن پائے۔ مہاراج شیرسِنگھ چرن لاگ جیِو جنت سب ترنا۔ جوت جاتی جیِو نہ جانے ۔ پربھ کی جوت سدا ایک سمانے۔ اوُچ نیِچ پربھ کوئی نہ جانے۔ سو جن جو چلے پربھ کے بھانے۔ نرک نِواس ہوئے سب راجے رانے۔ ساچا پربھ جو نہ پچھانے۔ بےمُکھ کلجُگ

جوت سروُپ بھنے جِؤں بھٹھیالے دانے۔ پربھ درشن دیوے گُرمُکھ سوَچّھ سروُپ، جو جن ہوئے سُگھڑ سُجانے۔ مہاراج شیرسِنگھ کل ساچا بھوُپ، گُرمُکھ چرن لائے پربھ ترانے۔ چرن کوَل کوَل چرن نہ جانن پَیر۔ شبد لِکھایا سچ پربھ، دُکھ بُھکھ کلجُگ ورتے قہر۔ چار کُنٹ ورتے دُکھ، اُلٹی جگت وگائی نہر۔ مہاراج شیرسِنگھ تیری رکھ، گُرسِکھ چرن لاگ جائے تَیر۔ چرن آئے چتُر سُجانا۔ پوُرب کر وِچار، کل مِلیا پربھ بھگوانا۔ آتم دیوے ادھار، سوہنگ ساچا دے گیانا۔ بَیٹھ وِچ نِرادھار، آتم جوت جگائے پربھ گُن نِدھانا۔ مہاراج شیرسِنگھ پَیج سوارے، سچ شبد تیرا مانا۔ شبد مان جِس کمایا۔ شبد سُرت پربھ گیان دوایا۔ دے گیان دیِپک بُجھی پربھ دئے جگایا۔ وِچ جوت دھرے بھگوان، بےمُکھاں دِس نہ آیا۔ جھوُٹھی دیہہ جیِو من ابِھمان، پربھ ساچا منوں بُھلایا۔ اَیسی کل ورتے جانی جان، مایا روُپی جگت بُھلایا۔ جن بھگتاں مار سوہنگ بان، بجر کپاٹ کُھلایا۔ آتم تیِرتھ کر اِشنان، امرت جھِرنا پربھ وِچ دیہہ جھِرایا۔ کلجُگ مِلیا جیِو وِشنوُں بھگوان، انتکال وِچ جوت سمایا۔ گُرسِکھ بال بِردھ جوان، بانہوں پکڑ پربھ پار کرایا۔ مہاراج شیرسِنگھ کلجُگ دیوے مان، گُرمُکھ ساچا سچکھنڈ بہایا۔ گُرسِکھ تیری مہما اپر اپار۔ رسنا نام سوہنگ، آتم گُرچرن پیار۔ بھید مُکائے وِچ کل دوئں، جِنہاں مِلیا پربھ پُرکھ اپار۔ ورتے سو جو ورتاوے اوانگ، آپ امٹ نہ کوئے مِٹاونہار۔ مہاراج شیرسِنگھ کلجُگ پرگٹے نِہکلنک اوتار۔ نِہکلنک اوتار سچ۔ جوت سروُپ اگن جائے جگت مچّ۔ بےمُکھ روئے کل ناچے گُرسِکھ جائن بچ۔ ساچا شبد لیا جِس وچ۔ مہاراج شیرسِنگھ جوت سروُپ، گُرسِکھاں ہِردے گیا رچ۔ ہِردک کیِیا پربھ پرویشا۔ تِس صاحِب کو سدا آدیسا۔ جُگو جُگ جگت اُلٹائے بھیسا۔ سد رہے چرن دوار باشک شیشا۔ پربھ سوئے نَین مُدھار، سد لچھمی چرن جھیسا۔ کلجُگ جوت دھری نِہکلنک اوتار، جوت سروُپی کر کے ویسا۔ جوت سروُپ ہوئے پربھ، دیہہ تجائیکے۔ پرگٹ کلجُگ ہوئے جھب، پربھ ساچا جوت پرگٹائیکے۔ راجے رانے پکڑے اُتوں شاہ رگ، در آئن ہوئے نِمانے۔ در ساچا کِسے وِرلے لیا لبھ، کلجُگ جیِو بُھلے موُرکھ مُگدھ انجانے۔ مہاراج

شیرسِنگھ تیرا جس گا کے، جیِو سب آتم دُکھ مِٹانے۔ پربھ بُھلے دُکھ وِیاپے۔ بےمُکھ در آئے پربھ نہ جاپے۔ گُرسِکھاں کلجُگ بانہوں پکڑ لیاوے آپے۔ جِؤں بال اُٹھا گھر لیاوَن ماپے۔ مہاراج شیرسِنگھ جُگو جُگ جن بھگتاں تھاپے۔ جُگو جُگ پربھ کی ریِتا۔ پرگٹ آپ گُرسِکھ بنائے میِتا۔ ساچا دیوے اپنا جاپ، جگت جلائے ریِتا۔ ارجن دیوے برہم گیان، لِکھائے رسن گیِتا۔ گُرسِکھاں سُکھ مہان، امرت رس جِنہاں کل پیِتا۔ مہاراج شیرسِنگھ جوت کل وِشنوُں بھگوان، کر درس بھئے پتت پُنیِتا۔ جگت پِت جگت پربھ آیا۔ جوت سروُپ ایہہ چلت رچایا۔ اچھل چھلن چھل کر جگت بُھلایا۔ جوت نِرنجن وِچ دیہہ دھر، پربھ ابناشی بنت بنایا۔ کلجُگ پرگٹے اوتار نر، کِسے موُرکھ سار نہ پایا۔ جِنہاں دیوے آتم سچّی جوت دھر، پربھ ساچا بوُجھ بُجھایا۔ نہ جنمے نہ جائے مر، کلجُگ آئے در جِس سیِس جھُکایا۔ مہاراج شیرسِنگھ سب آسا آئے در پوُرن آس کرایا۔ جو جن آئے پربھ درس پیاسا۔ مِل سنگت آتم ہوئی راسا۔ پربھ پوُرا ہِردک دیوے پوُرن بھرواسا۔ آتم جوت جگائے، نِرمل آتم جوت کرے دھرواسا۔ ساچا صاحِب جِس وِچار لیا، من مِٹے اگیان ہوئے جوت پرکاشا۔ مہاراج شیرسِنگھ چرن دھیان لیا جِس کر، جنم مرن دُکھ ناسا۔ گُرسِکھاں ہوئے پربھ سہائی۔ جُگو جُگ پربھ ساچے پَیج رکھائی۔ کلجُگ مِٹے اندھ اندھیار، پربھ ساچے جوت پرگٹائی۔ مہاراج شیرسِنگھ تیرے نام دُہائی۔ انتکال کلجُگ پرگٹیا پوُرن بھگوَنت۔ اُتم کیِئے گُرسِکھ وِچ سادھن سنت۔ دُشٹ سنگھارے شبد بان پربھ مارے انت۔ مہاراج شیرسِنگھ مہما تیری بڑی بےانت۔ چار کُنٹ جوت چمتکارے۔ گُرسِکھاں گھر جےَ جےَ جَیکارے۔ بےمُکھاں گھر ہاہاکارے۔ کلجُگ جوت پرگٹی آپ نِرنکارے۔ جانے سو جن جِس ہِردے سچ وسے سِرجنہارے۔ بےمُکھ پکڑے جم جندھارے۔ پربھ ابناشی گُرسِکھ آئن دوارے۔ کر کِرپا پربھ پار اُتارے۔ جوت سروُپ پربھ مہاراج شیرسِنگھ سوہنگ ساچا دیوے نام ادھارے۔ جوت سروُپ جگت نہ جانیا۔ کلجُگ جیِو نہیں پچھانیا۔ شبد لِکھائے حُکم ورتائے، تختوں لاہے راجے رانیاں۔ مہاراج شیرسِنگھ لاج رکھائے سِر ہتّھ ٹِکائے، کلجُگ دیوے مان نِمانیاں۔ نِمانیاں پربھ مان

دوایا۔ راؤ رنک کر اِک بہایا۔ چار ورن پربھ جوت سروُپ انتکال کرن کلجُگ جامہ نِہکلنک پربھ پایا۔ مہاراج شیرسِنگھ دُشٹ سنگھارے، جوت سروُپ جگت جلایا۔ پرگٹی جوت پربھ اگمّ اپارے۔ دھرے جوت وِچ دیہہ نِرادھارے۔ گیان برہم کوئی جن وِچارے۔ بےمُکھ آئے جائے جھکھ مارے۔ گُرسِکھ سوہن گُرچرن دوارے۔ در گھر ساچا ساچی وست پائی وِچ پربھ تھارے۔ بےمُکھ کال انت کل سوہنگ بان پربھ مارے۔ آوے گُرسِکھ ساچے گُر جائے مِل، گُر ساچا جائے جنم سوارے۔ مہاراج شیرسِنگھ سو جن اُدھرے، جو جن آئے چرن نِمسکارے۔ انتکال پربھ درس دِکھایا۔ گُرمُکھ ساچے وِچ جوت مِلایا۔ گُرسِکھاں دھام سچکھنڈ بنایا۔ انتم میل کرے پربھ جوتی، نہ جائے نہ آیا۔ سرِشٹ سبائی رہی سوتی، سوہنگ شبد پربھ ڈنک چلایا۔ چُراسی وِچوں مانَس جنم مانک موتی، مد ماسی کل آپ گوایا۔ مہاراج شیرسِنگھ گُر سَتگُر پوُرا، گُرسِکھاں درس دِکھایا۔ جیِو چتُرائی کُچھ نہ ہوئے۔ وڈ وڈیائی کرے جو سوئے۔ آتم سُدھ بُھلائے، سُدھ رہے نہ کوئی۔ کلجُگ ہویا بُھلا، دُکھ پائے جگ روئے۔ سچ سیانپ ہوئے کملا، دُرمت مَیل نہ جاتی دھوئی۔ پربھ پوُرن جوت سمرتھ نہیں جے یملا، من رکھے نہ سنسا کوئے۔ پرگٹے جوت کرِشنا اوتار نِہکلنک ہےَ جوئے۔ جوتی جوت ایک پربھ اولّا، دوُسرا ناہیں کوئے۔ جوت سروُپ سرب سرِشٹ موَلا، آتم جوت کرے بِلوئے۔ دے درس کُھلاوے پربھ کوَلا، برکھ آتم بوُند من شانت ہوئے۔ مہاراج شیرسِنگھ جوت دھرے اُپر دھوَلا، کلجُگ انتکال کل ہوئے۔ گُر در آئے جو جن پُکاریا۔ کر کِرپا پربھ ساچے دُکھ نِواریا۔ کملا رملا یملا گیان جوت کرے آکاریا۔ مہاراج شیرسِنگھ گُر سَتگُر پوُرا، بِردھ بال جِس نہ وِچاریا۔ بالک ہوئے سُرت بےحالوُ۔ دیوے سُرت پربھ آپ دَیالوُ۔ جاوے دُکھ بھئے کِرپالوُ۔ مہاراج شیرسِنگھ بھگت وصالوُ۔ پربھ پوُرے آس پُچائی۔ بال نادان دُکھ رہے نہ رائی۔ پِتا مات پربھ آتم شانت کرائی۔ آئے چرن جو دین دُہائی۔ سرن پڑے دی لاج رکھائی۔ مہاراج شیرسِنگھ کلجُگ تیری وڈیائی۔ گُن اَوگُن پربھ نہ وِچاریا۔ ہوئے نِمان پربھ در پُکاریا۔ کر کِرپا پربھ پار اُتاریا۔ آتم سُکھ دے، دیہہ دُکھ نِواریا۔ ساچی وتھ نام بُھکھ

دے، در آئے کاج سواریا۔ مہاراج شیرسِنگھ گُر سَتگُر، سوہنگ شبد کرے جَیکاریا۔ سُرتی دیوے سُرت دھیان۔ شبد سُرت دے برہم گیان۔ سوہنگ شبد جن سُنے جو کان۔ انتکال ملِے کلجُگ وِشنوُں بھگوان۔ مہاراج شیرسِنگھ چتُر سُجان۔ بھولے بھاؤ گُرسِکھ ناد وجایا۔ سویا ہِردا جگت ٹُنب اُٹھایا۔ بانہوں پکڑ آپ پربھ ساچے، ساچا لیکھ آپ پربھ لِکھایا۔ دُکھ دلِدر نہ دیہی لاگے، امرت سِنچ پربھ ہرا کرایا۔ جھوُٹھی گگریا دیہی کاچے، نِرمل جوت پربھ وِچ ٹِکایا۔ کلجُگ نیڑ نہ آئے آنچے، دیِپک جوت پربھ وِچ دیہہ ٹِکایا۔ ساچا شبد جو من واچے، اند بِنودی پربھ درس دِکھایا۔ مہاراج شیرسِنگھ گُرسِکھ ڈھالے سانچے، پنچم وار وِچ سچ سُچ ورتایا۔ ساچا نام پربھ دیِپک دیِیا۔ جگے جوت سُکھی ہوئے جیِیا۔ مِلیا پھل پوُرب جنم جو کیِیا۔ امرت نام نِدھان گُرسِکھاں پیِیا۔ مہاراج شیرسِنگھ وِشنوُں بھگوان، مِہروان کلجُگ ہویا گُرسِکھاں تھیِا۔ گُرسِکھاں سُہائی ساچی رُت۔ نِرمل کیِیا دُکھیا بُت۔ کِرپا کری پربھ آپ اچُت۔ پربھ کل ورتے ادبُھت۔ کلجُگ اندر گُرسِکھ ساچے، مہاراج شیرسِنگھ بنائے ساچے سُت۔ گُرسِکھ بخشے پربھ بخشنہارا۔ کوٹ دُکھ نِوارے وِچ دیہہ مجھارا۔ کرے پرکاش جوت وِچ اندھ اندھیارا۔ شبد سُرت سنگ دیوے مار جِؤں رچے دیہہ پارا۔ گُرسِکھاں پربھ دیوے تار، ساچا دیوے نام ادھارا۔ انتکال نہ ہوئے خوار، جِنہاں مِلیا سچ بھتارا۔ مہاراج شیرسِنگھ شبد بلہار، رسنا گائے جیِو ہوئے پارا۔ چرن آئے جیِو بِللایا۔ دُکھ دلِدراں جگت ستایا۔ ہؤمے مایا کھائی کایا۔ سرب در چھوڑ در تیرے آیا۔ پربھ جائے نہ مُکھ موڑ، اوُچا کوُک سُنایا۔ مہاراج شیرسِنگھ بندھن توڑ، آتم ساچا دیِپ جگایا۔ وقت سُہایا سادھ سنگ، دِوس رَین ہوئے منگلاچار۔ آتم چاڑھ پربھ ساچا رنگ، گُرسِکھاں پوُرب کر وِچار۔ چرن پریِتی نِبھ جائے سنگ، کلجُگ جیِو پربھ دیوے تار۔ مہاراج شیرسِنگھ جیِو ساچا دان منگ، آتم دے جائے ادھار۔ آتم ادھاری پربھ گِردھاری۔ در آیاں دی پَیج سواری۔ جوت آکاری در گُرسِکھ بِھکھاری۔ ساچا نام پربھ گُرسِکھ دے مُراری۔ گُرسِکھ ڈِگے ہرِ دواری۔ دُکھ دلِدر جائے ہؤمے بیماری۔ رکھے لاج پربھ نِرادھاری۔ مہاراج شیرسِنگھ سچ گھر آ کے،

دے درس گُرسِکھ پار اُتاری۔ درس درس درس گُرسِکھاں کرنا۔ ترس ترس ترس کر کلجُگ بےمُکھاں مرنا۔ برس برس برس کر گُر امرت میگھ گُرسِکھ کایا سیِتل کرنا۔ پرس پرس پرس مہاراج شیرسِنگھ جیِو جگ نہ ہوئے مرنا۔ کلجُگ جیِو ہوئے بےتالے۔ مایا پائی گُر گوپالے۔ دلے جان جیِو جِؤں دال دوپھاڑے۔ گُرسِکھاں پربھ ہوئے آپ رکھوالے۔ مہاراج شیرسِنگھ سادھ سنگت سوہے سدا تیرے چرناں نالے۔ سنگت ہوئے چرن کی داسی۔ پرگٹے جوت وِچ پربھ ابناشی۔ چرن کوئے نہ لاگے رسن آہاری جو مد ماسی۔ مہاراج شیرسِنگھ سرب گُن داتا، سادھ سنگت ہوئے چرن رَہراسی۔ گُرسِکھ چاترک در بِللائے۔ کلجُگ اگن رہی جلائے۔ نام نِدھان گُن نِدھان دے، پربھ امرت برکھائے۔ بھگت وچھل کلجُگ اچھل وِچ آتم شانت کرائے۔ مہاراج شیرسِنگھ جوت سروُپ، ہؤمے ممتا دے جلائے۔ جل بل جائے آتم اگن۔ جوت سروُپی دیِپ دیہہ وِچ جگن۔ ہِردک پریِتی پربھ چرن سچ لاگی، پریِتی ہوئے گُرسِکھ تیرا رَو سس جِؤں گگن۔ کلجُگ ہو جائے اندھیر، بےمُکھ کلجُگ ہوئے نگن۔ مہاراج شیرسِنگھ جوت سروُپ، امرت ساچا گُرمُکھاں لائے ساچا سگن۔ امرت پی جیِو آتم دُھند گوائے۔ جِنہاں وِچوں پربھ بُھلیا، وِچوں پربھ دِس آئے۔ وقت سنبھال رہے کیوں بُھلیا، جوت نِرنجن پلٹی دیہہ چرن لاگ رہے کیوں رُلیا، پھیر ویلا ہتّھ نہ آئے۔ مہاراج شیرسِنگھ دیوے درس دان در کُھلیا، ساچا نام لےَ جھولی پائے۔ ساچا نام پربھ آدھاری۔ رسنا جپ جیِو سنساری۔ دیوے درس پربھ گِردھاری۔ مہاراج شیرسِنگھ نِہکلنک، تیِن لوک کرے سِکداری۔ تیِن لوک پربھ کا داس۔ مات پاتال آکاش۔ جوت نِرنجن سدا ابناش۔ سرِشٹ سبائی جُگو جُگ ہوئے وِناس۔ جو جن ہوئے پربھ کے داس۔ انتکال ملِے سچکھنڈ نِواس۔ جوت سروُپ جِتھے پربھ کا واس۔ مہاراج شیرسِنگھ جوت سروُپ جگت پرکاش۔ کرے پرکاش پربھ گوبِند۔ گُرسِکھاں لاہے پربھ من کی چِند۔ بےمُکھ نِندک دُشٹ دُراچار در آئے کر جائن نِند۔ بھر بیڑا انت ڈُبنا وِچ نیر سِندھ۔ گُرسِکھ در پائے جو لوڑے، در دیوے دان مرگِند۔ مہاراج شیرسِنگھ وِچھڑیاں میل در، اُجل کرے گُرسِکھ وِچ ہِند۔ والی ہِند پربھ

درس دِکھائے۔ آتم شکتی تیج وکھائے۔ سچ بھگت بھگتی لیکھے لائے۔ ساچی درگاہ دیوے تھایں۔ گُرسِکھ اُدھرے پربھ تیرے نانئے۔ مہاراج شیرسِنگھ گھال پائی تھائیں۔ جوت سروُپ پربھ بھےَ دِکھاوے۔ شاہ سوئے شؤہُ سؤن نہ دیوے۔ والی ہِند رہے بھرم بُھلیوے۔ مہاراج شیرسِنگھ بنت بناوے الکھ ابھیوے۔ نِربھے ہوئے آپ نِرہارا۔ دیوے درس کر جوت آکارا۔ دِکھاوے درس جِؤں کرِشن مُرارا۔ والی ہِند سوُجھے پربھ سچ دوارا۔ چَین نہ آئے پربھ جوت جلائے ٹُٹ جائے سب ہنکارا۔ مُکھ گھاس رکھائے، اپنے آپ گوائے چرن آئے کرے نِمسکارا۔ مہاراج شیرسِنگھ دَیا کمائے، سوَچّھ سروُپ درس دِکھائے، ساچا نام دیوے بھنڈارا۔ دیوے نام سچ گہر گمبھیِرا۔ کلجُگ جھوُٹھے توڑے زنجیرا۔ آتم سُدھ ہوئے، شانت ہوئے سریِرا۔ کلجُگ اگن نہ لاگے پیِڑا۔ مہاراج شیرسِنگھ کلجُگ پرگٹے پیِرن پیِرا۔ پائے درس آئے ہِند والی۔ آتم امرت جائے ورکھ، ملِے آپ بنوالی۔ بےمُکھاں من پربھ دیوے ہرکھ، در آئے نہ رون سوالی۔ مہاراج شیرسِنگھ گُرسِکھاں مِل، آتم جوت جگا لی۔ آتم جوت سچ پرکاش۔ اگیان اندھیر ہو جائے وِناس۔ پوَن سروُپی چل رہے سواس۔ دُکھ دلِدر جوت سروُپ پربھ کرے وِناس۔ آتم دیکھ ویکھ جیِو ساچا پربھ وسے تیرے پاس۔ ساچا پربھ وِچ رہیا وس۔ کلجُگ جیِو جائن نسّ۔ آتم اندھیر ہویا جِؤں رَین مس۔ ساچا راہ پربھ کل جائے دسّ۔ گُرچرن پریِتی پربھ ہو جائے وس۔ دیوے شبد گیان، ہوئے پرکاش جِؤں رَو سس۔ مہاراج شیرسِنگھ گُن نِدھان، بھگتن ہِردے رہیا وس۔ آتم ایک جیِو جوت اڈول۔ نَین مُدھاری جیِو دیکھ نہ سکے، پربھ بَیٹھا تیرے کول۔ لاگ چرن جن پربھ، لوچن تیِجا دیوے کھول۔ کلجُگ جوت پرگٹائے، سوہنگ وجائے ڈھول۔ جو جن سرن نہ آئے، مہاراج شیرسِنگھ مارے رول۔ نِہکلنک کلجُگ اوتارے۔ بُھل مُرار کیوں سُتے پَیر پسارے۔ بِن پربھ ساچے جھوُٹھے سب دربارے۔ سُنّج مسان ہو جائن جھوُٹھے محل مینارے، بُھل وقت وِہایا۔ والی ہِند سچّی سرکارے، پربھ پرگٹ نِہکلنک کل آیا۔ ساچا چھتر سِر دے جھُلارے، بےمُکھ ہوئے کیوں مُکھ بھوایا۔ جیِو رُلائے بُھکھ دُکھ کر ہاہاکارے، کر درس آپ پربھ جِس راج دوایا۔ ساچا شاہو پربھ بَیٹھا تخت،

ندری ندر جگت ترایا۔ بےمُکھاں پربھ پکڑ کر، بیڑا شؤہ دریا رُڑھایا۔ گُرسِکھاں ساچی لِکھت کر، واس سچکھنڈ کرایا۔ مہاراج شیرسِنگھ کل جوت سروُپ، انتکال جوت گُرسِکھ مِلایا۔ گُرسِکھ تیری وڈ وڈیائی۔ بِکرمی ویہہ سؤ اٹّھ، پنچم جیٹھ جِس خوشی منائی۔ سَتجُگ ساچی نیِہہ رکھائی۔ پرگٹ جوت گُر سَتگُر ساچے، گُرسِکھاں بُھکھ گوائی۔ سادھ سنگت تیری وڈ وڈیائی۔ سچ بھنڈارا کھول کے، گُرسنگت سیو کمائی۔ پربھ شبد لِکھائے کھول کے، دُکھ بُھکھ رہے نہ رائی۔ پربھ پوُرا تول جائے تول کے، گُرمُکھ گُرسِکھ کل تولیا نہ جائی۔ سادھ سنگت تیری وڈ وڈیائی۔ نِہکلنک کل سیو کمائی۔ دھنّ دھنّ دھنّ سِنگھ پال، کُنٹ چار تیرے نام دُہائی۔ کلجُگ دِتا سچّا مان، برہم لوک دیِیا بَیٹھائی۔ برہما مان گوائے پربھ سرِشٹ سبائی ہتّھ پھڑائی۔ دھنّ دھنّ دھنّ گُرسِکھ پوُرے، تیری دھنّ کمائی۔ پرگٹ ہو کے مہاراج شیرسِنگھ وِچ برہمنڈ دِتی وڈیائی۔ وِچ برہمنڈ گُرسِکھ بہایا۔ سچ تخت نِواسی سچ راج کمایا۔ کھنڈ برہمنڈ وِچ گُرسِکھ وڈیایا۔ ناتھ تریَلوکی، وِچ کلجُگ آیا۔ گُرسِکھاں گھر چڑھایا چند، بےمُکھاں نظر نہ آیا۔ سادھ سنگت من بھیا انند، سادھ سنگت پنچم جیٹھ دِن منایا۔ انحد شبد من وجایا۔ مہاراج شیرسِنگھ دَیا کمایا۔ انحد شبد دُھن وجائے۔ دُھن دُھنکار ڈنک سُنائے۔ سُنّ سمادھ پربھ کھول وکھائے۔ جوت سروُپ جگن ناتھ گُر گوپال دُکھ بھےَ بھنجن پربھ نظری آئے۔ مہاراج شیرسِنگھ جوت سروُپ، جیِو درس دِکھائے۔ سادھ سنگت تیری وڈ وڈیائی۔ پنچم جیٹھ آئے در دیوے درس سرب سُکھدائی۔ چھڈ آکاش پاتال، پربھ جوت وِچ مات ٹِکائی۔ دھنّ دھنّ دھنّ نگر گرام، جِتھے مہاراج شیرسِنگھ بنت بنائی۔ ساچی نگری پربھ کا دوار۔ نِہکلنک کرے جوت سروُپ آکار۔ ویکھ وکھائی جو در کرے وِچار۔ سُرت شبد پربھ دیوے تار۔ کلجُگ بیڑا ہو جائے پار۔ جو جن آئے ساچے دربار۔ جِتھے پربھ بَیٹھا کِرپا دھار۔ نِرہاری نِرویَر جوت ادھار۔ مہاراج شیرسِنگھ کلجُگ پرگٹیا پوُرن نِہکلنک اوتار۔ سیوا سنگت نہ جاوے خالی۔ امرت سِنچے آتم سب سرِشٹ کا والی۔ ٹُٹے پُھل پربھ دیوے لا، جیِو ٹُٹے جو ڈالی۔ مہاراج شیرسِنگھ سچّا پاتشاہ، دو جہاناں والی۔ شبد

ادھاری پربھ اکھوائے۔ اّن جل بھنڈار گُرسِکھ گُرسِکھ بنائے۔ در آئی سادھ سنگت میل مِلائے۔ جن مانَس جنم کل لیکھے لائے۔ ساچا شبد دِوس رَین شبد سُرت گیان دِوائے۔ کلجُگ اگن آتم چِکھا دے امرت پربھ آپ بُجھائے۔ ساچا لیکھ گُرسِکھ مات آئے پربھ آپ لِکھائے۔ جُگ چار کوئی میٹ نہ سکے رائے۔ سوہنگ شبد در پائی ساچی بِھچھا، آتم تپت پربھ بُجھائے۔ مہاراج شیرسِنگھ گُر سَتگُر پوُرا، کر درس جیِو امراپد پائے۔ گُرسِکھ ساکھی، پربھ ہوئے سُہیلا۔ کلجُگ پرگٹ آپ پت راکھی، وِچھڑیاں پربھ کیِیا میلا۔ ساچی سِکھیا گُرسِکھ من بھاکھی، پربھ گایا گُنی گہیلا۔ پوُرن ہوئے بچن، ساچے پربھ آپ لِکھایا۔ گُر گوبِند پربھ ساچے، ساچا بھیو کُھلایا۔ کلجُگ جامہ دھار نِہکلنک اکھوایا۔ جوت سروُپ جوت دھر، بےمُکھاں دِس نہ آیا۔ گُرسِکھ سُہائے تیرا در، جِتھے پربھ ابناشی ڈیرہ لایا۔ در آئی سنگت لےَ جاوے ور، نِہکلنک سچ بچن لِکھایا۔ گُرسِکھ نہ جائے کلجُگ ہار، ساچا نام پربھ دُھروں لِکھایا۔ مہاراج شیرسِنگھ دھر جوت، کل گُرسِکھاں درس دِکھایا۔ کر درس گُرسِکھ من درس پیاسیا۔ شبد گیان پربھ آپ بُجھاوے آتم پیاسیا۔ گُن نِدھان دیوے دات سب، در آئے نہ جائے نِراسیا۔ مہاراج شیرسِنگھ جوت پرگٹاوے جھب، سادھ سنگت دوئے جوڑ کرے ارداسیا۔ سادھ سنگت مات تیری پُکار۔ سُن آپ بَیٹھا سچ دربار۔ در کوئے نہ رہے دُشٹ دُراچار۔ گُرسِکھ دیوے نام ادھار۔ مہاراج شیرسِنگھ سرب گُن داتا، بھر دیوے تیرے بھنڈار۔ ساچا بھگت سچ رِدے وسائے۔ بِن پربھ ساچے نہ کِسے سیِس جھُکائے۔ پربھ ساچا پرگٹ ہوئے، گُرمُکھاں درس دِکھائے۔ مہاراج شیرسِنگھ جِس من واچا، پِھر گربھ واس نہ پائے۔ سُہایا تھان پربھ جوت جگائی۔ دوایا مان نِہکلنک جِس جوت پرگٹائی۔ سُہایا تھان، پربھ سچکھنڈ بنائی۔ سُہایا تھان، جِتھے پرگٹ پربھ درس دِکھائی۔ سُہایا تھان، جِتھے پربھ سُرت شبد گیان دِوائی۔ سُہایا تھان، جِتھے پربھ دُکھیاں آتم شانت کرائی۔ سُہایا تھان، جِتھے پربھ گُرسِکھاں جوت جگائی۔ سُہایا تھان، جِتھے مہاراج شیرسِنگھ درس دِکھائی۔ درس کر گُرمُکھ تریا۔ انتکال جم ڈنڈ نہ بھریا۔ ساچا پربھ ملِے کل آسا وریا۔ آتم برہم گیان دے، تن من ہریا۔ بُدھ

بِبیک چتُر سُجان دے، مہاراج شیرسِنگھ گُرسِکھاں لڑ تیرا پھڑیا۔ گُرسِکھ آئے چرن دوار۔ نِرمل نام پربھ دے ادھار۔ ہؤمے مار ہنکار دیہہ جوت جگے اپر اپار۔ جگے جوت مِٹ جائے اندھ اندھیار۔ کلجُگ بیڑا ہو جائے پار۔ مہاراج شیرسِنگھ نِردھن دیوے تار۔ گُرمُکھ آئے پربھ چرن دوارے۔ آلس نِندرا پربھ دوویں مارے۔ آتم جوت کرے چمتکارے۔ اُجل ہوئے وِچ سنسارے۔ مہاراج شیرسِنگھ جو جن آئے تیرے چرن دوارے۔ ساچا پربھ سچ ہرِ کا دوار۔ کر درس سادھ سنگت ہو جائے پار۔ ساچا نام پربھ دیوے ادھار۔ گُرسِکھ جائن کلجُگ بلہار۔ سب سرِشٹ سوئی، گُرمُکھ نام رسن اُچار۔ کُنٹ چار پےَ جائے دُہائی، بھگت جناں در جےَ جےَ جَیکار۔ پربھ بِن کل نہ راکھے کوئی، جیِو جنت بِللائے کر ہاہاکار۔ مہاراج شیرسِنگھ گُرسِکھ عرضوئی، ساچا بخش پربھ چرن پیار۔ چرن پریِتی اُجل مُکھ۔ گُرمُکھ پوُرے پِھر واس نہ ہووے مات کُکھ۔ جوتی جوت مِلائے پربھ، گربھ واس نہ دیوے دُکھ۔ ساچے دھام پہنچائے پربھ، بَیٹھے آپ سدا سنمُکھ۔ ساچا دیوے نام پربھ، سادھ سنگت لہہ جائے من دی بُھکھ۔ مہاراج شیرسِنگھ جو در چل آئے، دُکھیاں لاہے پربھ دُکھ۔ دُکھیاں دُکھ نِوار پربھ، آتم شانت دوا۔ کل پَیج سوار پربھ، گُرسِکھاں نہ لگّے تتی وا۔ پرگٹ جوت نِہکلنک جھب، گُرمُکھاں پھڑی تیری بانہہ۔ بےمُکھ کلجُگ مایا لّبھ، پربھ در دیِسے نہ ساچا تھاں۔ مہاراج شیرسِنگھ جُگو جُگ کرے سب آپ، دوُسر کوئی نہ۔ ایک آپ دوُسر نہ کوئی۔ رسنا جپ جیِو دِوس رَین کل سرب سُکھ ہوئے۔ پربھ ساچا گھر پرگٹیا، کھول دیکھ مُکھ نَین دوئے۔ اندھیِاں راہ وکھان دا، ناڑی چلے نہ کوئے۔ پربھ اپنا چوج وڈّان دا، پرکھ نہ سکے کوئے۔ گُرسِکھ چرن پربھ مان دا، پربھ دِکھاوے تیِن لوئے۔ پربھ جندر توڑے ابِھمان دا، سچّا نام جائے ہِردے پروئے۔ وقت آیا سچ مِہروان دا، گُرسِکھاں آتم جائے دھوئی۔ کلجُگ میل ہویا بھگت بھگوان دا، گُر گوبِند پرگٹے دوئے۔ رَین سبائی منگل گایا، ہرِ ہرِ ہرِ پربھ رسنا جپ آتم سُکھ پایا۔ امرت ویلا ہویا سچ، ساچا امرت پربھ مُکھ چوایا۔ گُر دھام چل آئی سنگت، پربھ ساچے مان دوایا۔ جھوُٹھے چھڈ جگت کے کام، نام وِچ سچ در گھر لِکھایا۔ آتم مِلیا ٹھنڈا تھاؤں، گُرچرن

نِواس دوایا۔ سوہنگ شبد کل ساچی ناؤ، گُرمُکھ چاڑھ کل پربھ بیڑا پار کرایا۔ پرگٹ جوت اگمّ اتھاہو، سِر سنگت ہتّھ ٹِکایا۔ مہاراج شیرسِنگھ سچّا بےپرواہو، درس دان دے ویلے امرت پتت پاپی سب ترایا۔ پتت پاوَن دُکھ بھےَ بھنجن۔ ہنکار نِوار پربھ تریَلوکی نندن۔ ساچا نام در گُرسِکھ کھڑے منگن۔ ہِردک ہو پرویش ساچی نام پربھ چاڑھے رنگن۔ مہاراج شیرسِنگھ در آئے جیٹھ پنچم پار سارے لنگھن۔ پنچم جیٹھ دِوس سُہایا۔ ویہہ سؤ اٹّھ پرگٹ جوت وِچ کل دے آیا۔ پرگٹ جوت نِہکلنک درس دِکھایا۔ جوت سروُپی جوت دھر، پربھ پوُرن وِچ سِکھ دیہہ سمایا۔ در آیا جو جن من درس لوچ کر، پربھ پوُرن آس کرایا۔ مہاراج شیرسِنگھ گُر سَتگُر پوُرا، انتکال کل ہوئے سہایا۔ شبد سُنائے پربھ سنگت سادھ۔ سوہنگ شبد جیِو سد رسنا ارادھ۔ دے دھنّ وجائے آتم ناد۔ گُرسِکھ پوُرے کُھل جائے سُنّ سمادھ۔ ساچا پربھ جوت جگاوے وِچ مات آد جُگاد۔ مہاراج شیرسِنگھ جُگو جُگ شبد چلائے بودھ اگادھ۔ اگادھ بودھ پربھ کی بانی۔ بِن پربھ کِسے جیِو نہ رسن وکھانی۔ پربھ کی مہما کِسے وِرلے گُرمُکھ جانی۔ مہاراج شیرسِنگھ کل پرگٹیا، گُرسِکھ گھر چوج وڈّانی۔ سُہایا تھان سچکھنڈ دوارا۔ برہما وِشن مہیش سد کھڑے دوارا۔ سُرپت راجن کروڑ تیتیِس در آئے چرن نِمسکارا۔ سادھ سنگت کلجُگ سہایا، جو ڈِگے پربھ چرن دوارا۔ مہاراج شیرسِنگھ گُر سَتگُر پوُرا، گُرسِکھاں دیوے موکھ دوارا۔ گُرسنگت تیرا مان تان پربھ۔ گُرسنگت وِشنوُں بھگوان کل لیا لبھ۔ گُرسنگت جیٹھ پنچم آئی سب۔ مہاراج شیرسِنگھ کِرپا نِدھ، امرت بوُند پائے نبھ۔ دیِیا دان آپ پربھ داتے۔ جگت پریِتی سچ گُرچرن ناتے۔ انتکال بِن پربھ کوئی نہ پُچھے واتے۔ مہاراج شیرسِنگھ در آئے گُرسِکھ ترائے، ساچا شبد لِکھائے ویلے پربھاتے۔ ویلا وقت پچھان کے، پربھ دَیا کمائی۔ حُکمے اندر سب جیِو، بِن حُکم نہ کوئے آوے جائی۔ گُر پرسادی سچ پرساد دے، ساچی کُکھ سُپھل کرائی۔ مہاراج شیرسِنگھ اپ تیج وائے پرِتھمی آکاش دے، جیِو ساچی بنت بنائی۔