کتب خانہGranth 3 (Shahmukhi)

✫ ۱۴ جیٹھ ۲۰۱۰ بِکرمی مسّا سِنگھ دے گِرہ پِنڈ نؤرنگاباد ضِلع امرتسر ✫

سَتگُر ساچا شاہو، سہج سُبھایا۔ سَتگُر ساچا شاہو، وڈ بےپرواہیا۔ سَتگُر ساچا شاہو، گُرمُکھاں نام جپایا۔ سَتگُر ساچا شاہو ایکا مارگ لایا۔ سَتگُر ساچا شاہو، چار ورن مان دوایا۔ سَتگُر ساچا شاہو، سوہنگ ساچا پربھ ساچے جھولی پایا۔ سَتگُر ساچا نام نِدھان، آتم بان لگایا۔ سَتگُر ساچا ساچا چرن دھیان، آتم برہم گیان دوایا۔ سَتگُر ساچا ساچا شبد تیِر نِشان، رسناکِھچ چلایا۔ سَتگُر ساچا گُرمُکھاں آتم بندھ بندھائے دُئی دوَیت جِندا آپ تُڑایا۔ سَتگُر ساچا شبد دُھن آپ اُپجاوے، سچ دُھنکار سُنایا۔ سَتگُر ساچا مُن سُنّ آپ کُھلائے، امرت جھِرنا آپ جھِرایا۔ سَتگُر ساچا گُرمُکھ وِرلے کلجُگ چُن اپنی سرن لگایا۔ سَتگُر ساچا بےمُکھ جیِو کلجُگ پُن انتکال مِٹایا۔ سَتگُر ساچا گُرمُکھ ساچے سنت جن چُن، ہرِ ساچے لیکھ لِکھایا۔ سَتگُر ساچا جوُٹھی جھوُٹھی ریکھ دے مِٹایا۔ سَتگُر ساچا ویکھ ویکھ جو رہے پاپ کمایا۔ سَتگُر ساچا وِچ مات رہن نہ پایا۔ سَتگُر ساچا انتکال کلجُگ بےمُکھاں دے سزایا۔ سَتگُر ساچا دھرم رائے دے ہتّھ دئے پھڑایا۔ سَتگُر ساچا

اٹھائی کُنڈ نرک نِواس رکھایا۔ سَتگُر ساچا بےمُکھ وِچ مات لکھّ چؤراسی وِچ پِھرایا۔ سَتگُر ساچا گُرمُکھاں سچ نام جپایا۔ سَتگُر ساچا ساچے شبد کنّ سُنایا۔ سَتگُر ساچا ایکا دھیان چرن لگایا۔ سَتگُر ساچا ایکا مان جگت رکھایا۔ سَتگُر ساچا آتم جوت جگائے مہان بلی بلوانا۔ سَتگُر ساچا اگیان اندھیر مِٹائے چُکے کانا۔ سَتگُر ساچا کلجُگ مِٹائے دُھندوُکار سَتگُر ساچا وِچ مات ہرِ لانا۔ سَتگُر ساچا سوہنگ شبد سچ وست کھولے سچ دُکانا۔ سَتگُر ساچا مہاراج شیر سِنگھ وِشنوُں بھگوان، کِرپا کرے جگت مہانا۔ سَتگُر ساچا چرن بلہارا۔ سَتگُر ساچا جنم مرن جِس آن سوارا۔ سَتگُر ساچا بُھکھ پاپ وِچ مات اُتارا۔ سَتگُر ساچا سوہنگ ساچا جاپ جِس آتم دھارا۔ سَتگُر ساچا کرم جرم دھرم جِس سوارا۔ سَتگُر ساچا آتم ہؤمے بھرم نِوارا۔ سَتگُر ساچا ایکا دیوے سرن دوارا۔ سَتگُر ساچا ہرن پھرن ہرِ دئے کُھلارا۔ سَتگُر ساچا دھرنی دھر گُرسِکھ اُترے پارا۔ سَتگُر ساچا انتکال نہ جائے مر، پربھ ساچا میل مِلارا۔ سَتگُر ساچا آپ چُکائے جم کا ڈر، ساچا دیوے شبد ہُلارا۔ مہاراج شیر سِنگھ وِشنوُں بھگوان، نِہکلنک نرائن نر اوتارا۔ سَتگُر ساچا سرب کا گیاتا۔ سَتگُر ساچا سرب جیِیاں کا ایکا داتا۔ سَتگُر چرن پریِتی بخشے ساچا ناتا۔ سَتگُر ساچا بھَین بھائیاں آپے بنے پِت ماتا۔ سَتگُر ساچا چار ورن کرائے بھَین بھراتا۔ سَتگُر ساچا سوہنگ دیوے وِچ مات ساچی داتا۔ سَتگُر ساچا گُرمُکھ وِرلے کل پچھاتا۔ سَتگُر ساچا گُرمُکھ آپ مِٹائے گُرسِکھ تیری آتم اندھیری راتا۔ سَتگُر ساچا گُرمُکھ ساچے در گھر آئے آپ پیائے امرت بوُند سوانتا۔ سَتگُر ساچا دَیا کمائے مارگ لائے سارنگ دھر بھگوان بیٹھلا اپنے رنگ رنگاتا۔ سَتگُر ساچا گُرمُکھ ساچے سنت جناں ایکا رنگن چڑھاتا ہےَ۔ سَتگُر ساچا گُرسِکھ دوُسر در منگن نہ جاتا ہےَ۔ سَتگُر ساچا پوُرن پُرکھ بِدھاتا ہےَ۔ سَتگُر ساچا مہاراج شیر سِنگھ وِشنوُں بھگوان، گھنک پُری وِچ واسا ہےَ۔ سَتگُر ساچا گھنک پُر واسیا۔ سَتگُر ساچا سرِشٹ سبائی کرے اُداسیا۔ سَتگُر ساچا گُرمُکھاں کرے بند کھلاسیا۔ سَتگُر ساچا آپ مِٹائے کلجُگ انتم انت مدرا ماسیا۔ سَتگُر ساچا گُرمُکھاں سوہنگ نام جپاسیا۔ سَتگُر

ساچا بےمُکھاں انتم مار کراسیا۔ سَتگُر ساچا گُرمُکھاں شبد دھار کر پار بیڑا آپ بندھاسیا۔ سَتگُر ساچا بےمُکھاں نرک نِواس رکھاسیا۔ سَتگُر ساچا گُرمُکھ ساچے سنت جناں پربھ اپنی گود اُٹھاسیا۔ سَتگُر ساچا بےمُکھاں لکھّ چؤراسی وِچ بھواسیا۔ سَتگُر ساچا گُرسِکھاں ہرِ جوتی جوت مِلاسیا۔ سَتگُر ساچا مہاراج شیر سِنگھ وِشنوُں بھگوان، جامہ مات لوک وِچ پاسیا۔ سَتگُر ساچا شبد دھارا۔ سَتگُر ساچا گِرور گِردھارا۔ سَتگُر ساچا مات جامہ دھرے کرِشن مُرارا۔ سَتگُر ساچا جوت سروُپ کرے کھیل اپارا۔ سَتگُر ساچا آد جُگاد جُگو جُگ آوے جاوے وارو وارا۔ سَتگُر ساچا ایکا شبد وجائے ناد چار کُنٹ کرائے جےَ جےَ جَیکارا۔ سَتگُر ساچا کلجُگ تیرا مِٹائے پسارا۔ سَتگُر ساچا سَتجُگ تیرا کرے سَت سَت کرے ورتارا۔ سَتگُر ساچا جن بھگتاں دیوے نام ادھارا۔ سَتگُر ساچا گُرمُکھ ساچے آتم جوتی دیِپ کرے اُجیارا۔ سَتگُر ساچا ساچی بخشے شبد دُھنکارا۔ سَتگُر ساچا مہاراج شیر سِنگھ وِشنوُں بھگوان، آپ رنگائے ایکا رنگ کرتارا۔ سَتگُر ساچا جگت ہِت۔ سَتگُر ساچا جوت پرگٹائے نت نوِت۔ سَتگُر ساچا گُرمُکھ ساچے کیِنا ہِت۔ سَتگُر ساچا پربھ ابناشی ساچا مِت۔ سَتگُر ساچا دِوس ریَن سد راکھو چِت۔ سَتگُر ساچا مہاراج شیر سِنگھ وِشنوُں بھگوان، جن بھگتاں ساچا مِت۔ میِت مُرارا رام اوتارا، کرِشن مُرارا، جوت سروُپی جامہ دھار۔ کھیل اپارا نہ کوئی پائے سارا۔ گُرمُکھ وِرلا بوُجھے، کل کرم وِچارا۔ در گھر سوُجھے، آئے کرے چرن نِمسکارا۔ بےمُکھ در تے ہرِ نہ بوُجھے، آتم ہنگتا روگ بھارا۔ مہاراج شیر سِنگھ وِشنوُں بھگوان، آد انت جُگا جُگنت وِچ مات لئے اوتارا۔ جوت سروُپی جامہ دھاریا۔ اچرج کھیل کیِیا کرتاریا۔ تیِن لوک سچّی سرکاریا۔ اچرج کھیل نہ کوئی پاوے ساریا۔ جوتی جوت سروُپ ہرِ، ساچی جوت وِچ مات ٹِکا رہیا۔ انتم انتکال نِہکلنک نرائن نر اوتار اپنا نام دھرا لیا۔ مات لوک ہرِ جامہ دھاریا۔ نِہکلنک نرائن نر اوتاریا۔ بِن رنگ روُپ گُرمُکھ ساچے وِچ سما رہیا۔ نہ کوئی لئے ویکھ گُرمُکھ ساچا نیتر لئے پیکھ، تیِجا لوچن آپ پربھ کُھلا رہیا۔ آپے کڈھے بھرم بُھلیکھے جِس جن چرنی سیِس نِوا لیا۔ جوت سروُپی ہرِ

دھارے بھیکھ، کلجُگ مِٹائے لِکھے لیکھ، سَتجُگ ساچے لیکھ لِکھا رہیا۔ مہاراج شیر سِنگھ وِشنوُں بھگوان، پِچھلا لیکھا آپ چُکا رہیا۔ پنچم جیٹھ پربھ جامہ دھارا۔ مات لوک لیا اوتارا۔ جوت سروُپی بھیکھ اپارا۔ کرے کھیل ہرِ گِردھارا۔ شبد دُھن دُھن ایکا دُھنکارا۔ سرِشٹ سبائی رہی سُنّ، گُرمُکھ وِرلا کرے وِچارا۔ لکھّ چؤراسی وِچوں پُن، ایکا دیوے درس اپارا۔ گُرمُکھ ساچے وِچ مات چُن، کِھچّ لیائے چرن دوارا۔ ایکا پربھ اُپجائے ساچی دُھن، دِوس ریَن رہے ایکا دُھنکارا۔ ایکا شبد جنائے ایکا گُن، گُرمُکھ ساچے لئے سُن اُترے پارا۔ مہاراج شیر سِنگھ وِشنوُں بھگوان، نِہکلنک نرائن نر اوتارا۔ پنچم جیٹھ جوت پرگٹائی۔ سرِشٹ سبائی گوُڑھی نیِند سوائی۔ گُرمُکھ ساچے سنت جناں ایکا دیِیا ساچا نام دھنا، سنّھ لگّے نہ رائی۔ ساچا رنگ رنگائے من تن بِھنا، آتم شانت کرائی۔ مہاراج شیر سِنگھ وِشنوُں بھگوان، انتم انتکال وِچ مات جامہ پائی۔ انتم انت کل وِچاریا۔ پربھ ابناشی جامہ دھاریا۔ کلجُگ جیِیاں اپنا کرم دھرم ہاریا۔ دھیِاں بھَیناں کرن وپاریا۔ جھوُٹھے دھندے مانَس لگ مانَس جنم ہاریا۔ در دربارے گُر چرن دوارے دھیِاں بھَیناں کرن خوَاریا۔ آتم ہنکارے دُشٹ دُراچارے، دِوس ریَن کرن وِچارے، آتم بُھلا ہرِ گِردھاریا۔ جوتی جوت سروُپ ہرِ، جیِو جنتاں کرے سرب وِچاریا۔ مہاراج شیر سِنگھ وِشنوُں بھگوان، نِہکلنک نرائن نر وِچ مات لیا اوتاریا۔ جیِو جنت ہرِ آپ وِچاردا۔ کرم وِچار آپے تاردا۔ بےمُکھاں آد جُگاد نرک نِواردا۔ گُرمُکھ ساچے سنت جناں پربھ ساچا باہوں پکڑ پار اُتارے، شبد گھوڑی آپ چاڑھدا۔ مہاراج شیر سِنگھ وِشنوُں بھگوان، جوتی جوت سروُپ ہرِ، کلجُگ ویلا انت آپ سمبھالدا۔ جیِو جنت ہرِ دیوے دانا۔ جے کوئی منگے نام نِدھانا۔ ساچا دیوے جگت نِشانہ۔ سوہنگ شبد ہرِ بھگوانا۔ اُپجے دُھن سُنے جن کانا۔ آتم سُنّ ہرِ کھول کُھلانا۔ رِکھ مُن نہ کِسے پچھانا۔ گُرمُکھ ساچے پربھ کِرپا کرے مہانا۔ آپ مِٹائے آتم ترِکھ آتم جوت جگائے والی دو جہاناں۔ پربھ در منگے ساچی بھکھّ، دیوے درس آپ وڈ بلی بلوانا۔ ساچے لیکھ پربھ جائے لِکھ، لوک مات ہرِ پہریا بانا۔ مہاراج شیر سِنگھ وِشنوُں بھگوان، تیرا

انتم انت کرانا۔ کلجُگ تیرا انت کراونا۔ ساچا لیکھا آپ چُکاونا۔ جوت سروُپی جامہ پاونا۔ بھیکھ دھار ایہہ کرم کماونا۔ ویکھ وِچار پربھ آپ کراونا۔ کرم دھرم کل گئے ہار، کِسے نہ آن چُھڈاونا۔ بیڑا ڈُبا وِچ منجھدھار، کِسے نہ پار کراونا۔ سرِشٹ سبائی اپنا موُل گئی ہار، پربھ ابناشی وِچ مات دے آونا۔ آپ بندھائے اپنی دھار، سوہنگ ساچا شبد چلاونا۔ جوُٹھ جھوُٹھ کرے خوار، سچ سُچ مارگ لاونا۔ مہاراج شیر سِنگھ وِشنوُں بھگوان، پرگٹ جوت نِرنجن نرائن نر سَتجُگ ساچا لاؤنا۔ کلجُگ ویکھے ہرِ کرم وِچاری۔ سرِشٹ سبائی ہوئے خواری۔ ساچی لِکھت لِکھائے، پربھ ساچا بن لِکھاری۔ چار کُنٹ ہوئے ہاہاکاری۔ گھر گھر روون نر ناری۔ کِسے نہ بنے کوئی سہاری۔ پربھ ابناشی گئے وِساری۔ دہِ دِشا گئے پاسا ہاری۔ جوتی جوت سروُپ نِرنجن کل اچرج کھیل کرے کرتاری۔ مہاراج شیر سِنگھ وِشنوُں بھگوان، مات لوک ہرِ جامہ دھاری۔ چار کُنٹ ہوئے وہیِرا۔ ساچا شبد چلائے تیرا۔ سرِشٹ سبائی تُٹا دھیِرا۔ کوَن کٹے کلجُگ تیریاں بھیڑاں۔ پربھ ابناشی اپنے ہتّھ اُٹھائے سوہنگ ساچا بیِڑا۔ سرِشٹ سبائی پربھ ساچا جائے پیِڑا۔ چار کُنٹ پےَ جائے دُہائی، کِسے ہتّھ نہ آئے لیِڑا۔ سرِشٹ سبائی سرب بِللائی، جیِو جنت ہرِ چِت چِیونٹی کیِڑا۔ مہاراج شیر سِنگھ وِشنوُں بھگوان، ساچا کرے آپ نبیڑا۔ کلجُگ تیرا ہوئے نبیڑا۔ پربھ ابناشی سرِشٹ سبائی دیوے ایکا بَیٹھا گیڑا۔ شبد سروُپی شبد ہرِ اِک لگاوے اُکھیڑا۔ جوُٹھے جھوُٹھے دُشٹ دُراچاریاں، پربھ آپ نبیڑے جھیڑا۔ دھرت مات تیری رکھے پتّ، پربھ ابناشی تیرا کُھلا کرائے ویہڑا۔ مہاراج شیر سِنگھ وِشنوُں بھگوان، جوتی جوت سروُپ سرِشٹ سبائی بھیڑ بھیڑا۔ سرِشٹ سبائی چھیڑ چِھڑاوے۔ وِچ مَیدان دے گھیر لیاوے۔ اُکھیڑ اُکھیڑ پربھ ساچا سارے نشٹ کراوے۔ مہاراج شیر سِنگھ وِشنوُں بھگوان، جھوُٹھے جھیڑے سارے سرب مِٹاوے۔ آپ ورتاوے اپنا بھانا۔ آپ اُٹھائے وڈ وڈ جودھا بلی بلوانا۔ وِچ بَیٹھائے اگن لگائے بِبانا۔ اگن میگھ ہرِ برسائے، سرِشٹ سبائی سرب جلانا۔ جیِو جنت سرب پِسائے، کِسے پانی ہتّھ نہ آنا۔ بِردھ بال نہ کوئی پچھانے، اپنا آپ کِسے نہ جانا۔ مہاراج شیر سِنگھ وِشنوُں بھگوان، انتم انت

کلجُگ جھوُٹھا بھیکھ مِٹانا۔ کلجُگ تیرا ہویا انت۔ مایا پایا پربھ ساچا سرِشٹ سبائی آپ بےانت۔ نظر نہ آئے وِچ مات ہرِ ساچا کنت۔ دِوس ریَن پھڑ بےمُکھاں کُٹھے پربھ ابناشی آپ اُدھارے ساچے سنت۔ مہاراج شیر سِنگھ وِشنوُں بھگوان، مہما جگت اگنت۔ سچ سچ سچ ہرِ رہیا لِکھائے۔ نِہکلنک کل جامہ پائے۔ ماجھے دیس ملِے ودھائے۔ پُری گھنک ہرِ جوت جگائے۔ ساچا وجےّ ڈنک سُنے لوکائے۔ اِک کرائے راؤ رنک، راجا رانا کوئی رہن نہ پائے۔ چار ورن سُہائے اِک دوارا بنک، اوُچ نیِچ ہرِ بھیو مِٹائے۔ گُرمُکھ ساچے پربھ لگائے شبد تنک، سُرت شبد ہرِ میل مِلائے۔ مہاراج شیر سِنگھ وِشنوُں بھگوان، واک بھوِکھت رہیا لِکھائے۔ ماجھا دیس ویکھ وِچار۔ انتم کلجُگ آوے ہار۔ مِٹّی تیری خوار۔ در در گھر گھر پِھرن بِھکھار۔ جوُٹھے جھوُٹھے مایا لوُٹھے ڈاڈھی کھائن مار۔ رام داس گُر تیرے در جو بَیٹھے دھیِاں بھَیناں کرن وپار۔ پاؤن ریشم پہنن پٹ، مایا دھاری چور یار۔ جوتی جوت سروُپ ہرِ، پرگٹ جوت کرے سب خوار۔ در گُر گُر در ہوئے خواری۔ دھرت مات ہرِ در پُکاری۔ وِچ مات میری پت لتھی ساری۔ کلجُگ جیِیاں میری کری بڑی خواری۔ اٹھسٹھ اُپر تیِرتھاں دھیِاں بھَیناں ہوئے خواری۔ پربھ ابناشی جوت سروُپ ویکھے وِگسے کرے وِچاری۔ کلجُگ کرم وِچار ہرِ، وِچ مات لئے اوتاری۔ بےمُکھاں انت خوار کر، پربھ ساچا جائے پچھاڑی۔ سوہنگ شبد وِچ مات ساچی دھار دھر، سَتجُگ ساچے دیوے سچّی سِکداری۔ سَتجُگ ساچا کرم وِچار کر، ساچا شبد دیوے ہرِ بھنڈاری۔ مہاراج شیر سِنگھ وِشنوُں بھگوان، گُرمُکھ ساچے سنت جن سَتجُگ لائے سچّی پُھلواڑی۔ سَتجُگ ساچا سَت ورتاونا۔ گُرمُکھ ساچے سنت جناں وِچ مات جنم دواونا۔ سچ سُچ دھرم کرم ساچا جت رکھاونا۔ چار ورن ہرِ سچے سرن ایکا رنگ رنگاونا۔ اوُچ نیِچ پربھ ساچے بھیکھ مِٹاونا۔ مہاراج شیر سِنگھ وِشنوُں بھگوان، سرِشٹ سبائی ایکا رنگ رنگاونا۔ سَتجُگ ساچے ایکا رنگ رنگاونا۔ انگ سنگ سنگ انگ، پربھ ساچے ہو جاونا۔ گُرمُکھاں منگی ساچی منگ، ساچا دیوے نام نِدھانا۔ بےمُکھاں ہوئے بھاگ مند، مدرا ماس مُکھ رکھانا۔ رسنا لائن گند، نہ

مِلیا ہرِ بھگوانا۔ پربھ ابناشی نہ گایا بتّی دند، سؤں سؤں ریَن وِہانا۔ مہاراج شیر سِنگھ وِشنوُں بھگوان، مات لوک ہرِ پہریا بانا۔ سَتجُگ تیرے نام ودھائی۔ مات لوک ہرِ جنم دوائی۔ پہلی ماگھی ہوئے رُشنائی۔ سرِشٹ سبائی ساچا واگی آپے بنے رتھواہی۔ آپے دھوئی تیری دُرمت مَیل داغی، آتم ساچی جاگ لگائی۔ آپ بنائے ہنس کاگی، سوہنگ ساچا نام جپائی۔ گُرمُکھاں گُرسِکھاں بھاگ ہوئے وڈ وڈ بھاگی، جِنہاں مِلیا ہرِ رگھُرائی۔ کلجُگ مایا تن نہ لاگی، شبد کار ہرِ آپ لگائی۔ مہاراج شیر سِنگھ وِشنوُں بھگوان، سَتجُگ ساچے وِچ مات دیوے وڈیائی۔ سَتجُگ تیرا مان رکھانا۔ سرِشٹ سبائی ایکا بانا۔ سرِشٹ سبائی ایکا تانا۔ سرِشٹ سبائی ایکا رانا۔ سرِشٹ سبائی ایکا کھانا۔ سرِشٹ سبائی اوُچ نیِچ ہرِ بھیو چُکانا۔ سرِشٹ سبائی راؤ رنک اِک تھاں بہانا۔ سرِشٹ سبائی سوہنگ ساچا شبد چلانا۔ سرِشٹ سبائی چار کُنٹ ساچا ڈنک وجانا۔ سرِشٹ سبائی مہاراج شیر سِنگھ وِشنوُں بھگوان، سوہنگ شبد جےَ جَیکار کرانا۔ سَتجُگ تیرا سَت ورتار۔ چار کُنٹ ہوئے جےَ جَیکار۔ سوہنگ ورتے وِچ سنسار۔ دیونہار اِک داتار۔ نِکُھٹ نہ جاوے نہ آئے ہار۔ آپ اتُٹ سچّی سرکار۔ مہاراج شیر سِنگھ وِشنوُں بھگوان، سَتجُگ ساچا لیکھ لِکھار۔ سَتجُگ ساچے تیرا لیکھ لِکھاونا۔ سچ دات پربھ ساچے تیرے آتم تن رکھاونا۔ سَتگُر ساچا سرِشٹ سبائی مان ابِھمان پربھ ساچے آپ گواونا۔ گُرمُکھ ساچے تیرا نام سچ نِشان وِچ مات رہ جاونا۔ والی دو جہان انتم انتکال ساچا لیکھ لِکھاونا۔ مہاراج شیر سِنگھ وِشنوُں بھگوان، جوت سروُپی سارا بھیو کُھلاونا۔ سَتجُگ تیرا سچ جنم۔ سَتجُگ تیرا سچ دھرم۔ سَتجُگ تیرا سچ ورم۔ سَتجُگ تیرا سچ کرم۔ مہاراج شیر سِنگھ وِشنوُں بھگوان، آپ سوارے تیرا جرم۔ سَتجُگ تیری سچّی ارداس۔ ہرِ بھگتاں سد ہوئے واس۔ ساچا نام جپائے سواس سواس۔ تتی وا نہ پوہے شبد چلائے ساچی راس۔ دُرمت مَیل سرب دی دھوئے، ایکا جوت کرے پرکاش۔ آتم ساچا دیِپ بلوئے، اگیان اندھیر جائے وِناس۔ آتم بیِج ساچا بوئے، پھل لائے دسویں ماس۔ گُرمُکھ ساچے بنت بنائے اپنی مالا لئے پروئے، آتم شبد دیوے دھرواس۔

گُرمُکھ ساچے سنت جناں مہاراج شیر سِنگھ وِشنوُں بھگوان، جوتی جوت سروُپ سَتجُگ ساچے دیوے دھرواس۔ سَتجُگ تیرا سچ بھرواسا۔ پربھ ابناشی سچ کیِیا واسا۔ سچ جوت ہرِ پرگٹائے، وِچ مات کرے پرکاشا۔ نام نِدھان ہرِ سنگ رلائے، گُرمُکھ کرے بھارا پاسا۔ مہاراج شیر سِنگھ وِشنوُں بھگوان، سَتجُگ کرائے سچّی تیری رَہراسا۔ سچّی رَہراس نہ ہوئے اُداس۔ ہرِ وسے پاس۔ کرے بند خلاص۔ مہاراج شیر سِنگھ وِشنوُں بھگوان، جو جن گائے رسن سواس سواس۔ رسنا رس آتم رس پاونا۔ سوہنگ ساچا گُرسِکھ گاونا۔ لکھّ چؤراسی گیڑ کٹاونا۔ جنم مرن وِچ پھیر نہ آونا۔ ہؤمے سنسا روگ گواونا۔ چِنتا سوگ مِٹاونا۔ درس اموگھ ہرِ آپ دِکھاونا۔ پوُرن یوگ ہرِ ہِردے وِچ وساونا۔ کلجُگ مایا نہ لگّے روگ، جِس جن چرنی سیِس جھُکاونا۔ انتم انت نہ ہوئے کدے وِیوگ، پربھ ساچا لیکھ لِکھاونا۔ آپ مِلایا ساچا میل، گُرمُکھ ساچے رس ساچا بھوگ، سوہنگ چوگ ہرِ آپ چُگاونا۔ مہاراج شیر سِنگھ وِشنوُں بھگوان، انتم انت وِچ جوتی جوت مِلاونا۔ سَتجُگ تیری سَت کمائی۔ پربھ ابناشی دَیا کمائی۔ سچ وست ہرِ نام تیری جھولی پائی۔ ساچا دیِیا دان وِچ مات ملِے وڈیائی۔ ساچا شبد سُنائے کان، جن بھگتاں لئے اُپجائی۔ چرن دھوُڑ بخشے اِشنان، مانَس جنم سُپھل کرائی۔ ہویا میل بھگت بھگوان، پوُرب لہنا ہرِ آپ دوائی۔ ساچا دیوے نام نِشان، ویلے انت ہوئے سہائی۔ آپ چڑھائے شبد بِبان، تیِن بھوَن ہرِ بوُجھ بُجھائی۔ مہاراج شیر سِنگھ وِشنوُں بھگوان، گُرمُکھ ساچے وِچ جوتی جوت مِلائی۔ شبد بِبان گُرسِکھ چاڑھیا۔ سچکھنڈ نِواس گھر ساچے واڑیا۔ آپ بنائے گھر ساچے دا ساچا لاڑیا۔ ایکا رنگ رنگایا سنگ نِبھایا، انگ سنگ رہایا، کلجُگ مایا موُل نہ ساڑیا۔ مہاراج شیر سِنگھ وِشنوُں بھگوان، گُرمُکھ آپ جگائے، آپ اپنی سرن لائے، سوہنگ ساچا نام جپائے، آتم ساچی جوت جگائے، کرے رُشنائے وِچ بہتّر ناڑیا۔ ناڑی بہتّر کرے رُشنائے۔ اِک اِکتّر آپ رہائے۔ ساچے وتّر ہرِ سوہنگ ساچا بیِج بِجائے۔ پھلے پُھلے لگن پتر، سَتجُگ ساچا پھل لگائے۔ بےمُکھ ویکھ ویکھ بِتر بِتر، ویلا گیا ہتّھ نہ آئے۔ ویلا انتکال کوئی نہ دِسے مِتر، جھوُٹھے دِسن بھَین بھرائے۔

دُھردرگاہے بےمُکھاں پیَندے چِھتر، نہ کوئی لئے چُھڈائے۔ گُرمُکھ ساچے سنت جن ویلے انت جائن نِتر، دھرم رائے جائے مُکھ چُھپائے۔ پربھ ابناشی تیرا ساچا مِتر، اپنی گود اُٹھائے۔ اچرج کھیل کرے ہرِ آپ چلِتر، شبد بِبانے آپ چڑھائے۔ نہ دروازہ نہ کوئی بِھتر سچ دربارے آپ لےَ جائے۔ مہاراج شیر سِنگھ وِشنوُں بھگوان، جوتی جوت سروُپ ہرِ، انت جوتی میل مِلائے۔ جوتی جوت ہرِ میل مِلئیا۔ گُرمُکھاں چڑھائے ساچی نئیا۔ سوہنگ چپوُّ لائے پار کرئیا۔ بےمُکھ ڈوبے وِچ منجھدھار، لیکھا سرب مُکائیا۔ پربھ ابناشی بُھلا سرب سنسار، عیسیٰ موُسیٰ میٹ مِٹئیا۔ جیِو جنت ہوئے سرب خوار، دُئی دوَیت آپ ہٹئیا۔ پربھ ابناشی دئے پچھاڑ، سوہنگ کھنڈا ہتّھ اُٹھئیا۔ چار کُنٹ کرائے اُجاڑ، نگر کھیڑا کوئی رہن نہ دئیا۔ نہ کوئی چُھپے کِسے جھاڑ، کڈھ کڈھ آپ جھٹکئیا۔ مہاراج شیر سِنگھ وِشنوُں بھگوان، انتکال سرِشٹ سبائی ڈوبے جھوُٹھی نئیا۔ جھوُٹھی نئیا آپ ڈُبائے۔ جھوُٹھی مئیا آپ روائے۔ جھوُٹھی سئیا آپ مِٹائے۔ آپ پُچھے تیری وات، تیرے اُتے کوئی گُرسِکھ نہ قہر کمائے۔ سَتجُگ ساچے سنت جن اِک پڑھائے جماعت، سوہنگ ساچا نام جپائے۔ چار ورن بنائے بھَین بھرات، ہرِ ایکا رنگ رنگائے۔ ورن برن نہ کوئی ذات پات، اوُچ نیِچ نہ کوئی آکھ سُنائے۔ ایکا برہم آتم نات، دوُسر کوئی ناہے۔ جوت جگائے دِوس رات، اندھیر کدے نہ آئے۔ کلجُگ انتم سِر پائی خاک، اندر باہر کڈھائے۔ مہاراج شیر سِنگھ وِشنوُں بھگوان، انتم انتکال کلجُگ اپنا بھانا ہرِ ورتائے۔ بھانا ورتے ہرِ ورتاونا۔ راجا رانا تختوں لاہونا۔ ساچا لیکھا آپ لِکھاونا۔ لِکھیا لیکھ نہ کِسے مِٹاونا۔ در گھر ساچے نہ کِسے پُچاونا۔ بےمُکھ جیِواں انتکال کل کُرلاونا۔ بِن گُر پوُرے کِسے نہ پار لنگھاونا۔ گُرمُکھ ساچے سنت جناں پربھ ساچے آن چُھڈاونا۔ مہاراج شیر سِنگھ وِشنوُں بھگوان، ساچا وقت آپ سُہاونا۔ اُٹھ جیِو جاگ وقت سُہاونا۔ اُٹھ جیِو جاگ پربھ ابناشی پوُرا بھالنا۔ اُٹھ جیِو جاگ مانَس جنم نہ جگت رُلاونا۔ اُٹھ جیِو جاگ ہرِ ویکھ ساچا کر دھیاننا۔ اُٹھ جیِو جاگ تیرے جاگے بھاگ، ہرِ پوُرن دیوے گیاننا۔ اُٹھ جیِو جاگ، ہرِ لکھّ چؤراسی گیڑ چُکاونا۔ اُٹھ جیِو جاگ کیوں ہنس

ہویا کاگ، پربھ آتم ساچے سر اِشنان کراونا۔ اُٹھ جیِو جاگ پربھ دھوئی تیرے پاپاں داغ، دیوے سچ گیاننا۔ اُٹھ جیِو جاگ پربھ آپ پہنائے شبد تاگ، نہ کوئی توڑے توڑ تُڑاونا۔ آپ سُنائے شبد ساچا راگ، ساچی دُھن اُپجائے انحد دُھن کاننا۔ اُٹھ جیِو جاگ پربھ آتم ساچی جوت جگائے، سوَچّھ سروُپی درس دِکھائے، در گھر ساچا بوُجھ بُجھائے، پربھ سچ پنگھوُڑا آپ جھُلاونا۔ اُٹھ جیِو جاگ پربھ ابناشی تیری پکڑے واگ، سچکھنڈ دوارے آپ بہاونا۔ اُٹھ جیِو جاگ مہاراج شیر سِنگھ وِشنوُں بھگوان، درگاہ ساچی مان دواونا۔ اُٹھ جیِو جاگ کیوں کلجُگ سویا۔ اُٹھ جیِو جاگ، کیوں بیِج جھوُٹھا بویا۔ اُٹھ جیِو جاگ ، انتکال کل جائے روَیا۔ اُٹھ جیِو جاگ ویلے انت نہ خالی ہتّھ دھویا۔ اُٹھ جیِو جاگ، پربھ ساچا تیرے در دوار کھلویا۔ اُٹھ جیِو جاگ سوہنگ دھاگے لئے پروئے، پربھ ساچا بھیوَ نہ جانے کویا۔ اُٹھ جیِو جاگ پربھ گُرسِکھ اُٹھائے سویا۔ اُٹھ جیِو جاگ، پربھ ساچے پاپاں داغ دھویا۔ اُٹھ جیِو جاگ، مہاراج شیر سِنگھ وِشنوُں بھگوان، در گھر ساچے سوہنگ شبد لےَ آیا سچّا ڈھویا۔ سچ شبد ہرِ دئے ڈھوئے۔ گُرمُکھ ساچا ہِردے لئے پروئے۔ ہرن پھرن آپ کُھلارے تیِجا لوئے۔ جو جن لگّے چرن پربھ ابناشی آپے جانے ساچی سوئے۔ مہاراج شیر سِنگھ وِشنوُں بھگوان، ہرِ گھر در سر ساچا گُرمُکھ وِرلا مَیل پاپاں دھوئے۔ اُٹھ جیِو جاگ، ہوئی اخیِر ہےَ۔ اُٹھ جیِو جاگ، پربھ ابناشی لائے آتم تیِر ہےَ۔ اُٹھ جیِو جاگ، ہرِ ساچا مُکھ چوائے امرت جِؤں بالک ماتا سیِر ہےَ۔ پربھ ابناشی تیرے گلوں کٹے جگت زنجیر ہےَ۔ اُٹھ جیِو جاگ، سوہنگ دیوے ہرِ ساچی دھیِر ہےَ۔ اُٹھ جیِو جاگ، ہؤمے کٹے وِچوں پیِڑ ہےَ۔ اُٹھ جیِو جاگ، کیوں کلجُگ لتھے چیِر ہےَ۔ اُٹھ جیِو جاگ، ہِردا ٹھانڈا شانت کرے سریِر ہےَ۔ اُٹھ جیِو جاگ، ساچا نام دھن پلّے بنّھ گنڈھ سد رہے امیِر ہےَ۔ اُٹھ جیِو جاگ، مہاراج شیر سِنگھ وِشنوُں بھگوان، آتم دیوے ساچی دھیِر ہےَ۔ اُٹھ جیِو جاگ، کلجُگ اندھیارا۔ اُٹھ جیِو جاگ، پربھ ابناشی دیِپک جوت کیِیا اُجیارا۔ اُٹھ جیِو جاگ ہرِ ساچے دا وِچ مات سچّا بھنڈارا۔ اُٹھ جیِو جاگ، پربھ ساچے دا وِچ مات سچّا دربارا۔ اُٹھ جیِو جاگ، سرِشٹ سبائی ہرِ بنیا آپ

ورتارا۔ اُٹھ جیِو جاگ، مہاراج شیر سِنگھ وِشنوُں بھگوان، آپے پاوے تیری سارا۔ اُٹھ جیِو جاگ، آؤ ساچے گھر۔ اُٹھ جیِو جاگ چرن لاگ جاؤ تر۔ اُٹھ جیِو جاگ، پربھ آپ کُھلائے آتم در۔ اُٹھ جیِو جاگ، آپ چُکائے جم کا ڈر۔ اُٹھ جیِو جاگ، پربھ ابناشی کِرپا کر وکھائے گھر میں گھر۔ اُٹھ جیِو جاگ، پربھ نُہائے آتم ساچے سر۔ اُٹھ جیِو جاگ، آپے کھولے تیرا کھول وکھائے آتم دسم دوار۔ دسم دوار آپ کُھلاونا۔ پوَن سروُپی شبد چلاونا۔ جوت سروُپی دیِپ جگاونا۔ ایکا دھار میگھ برساونا۔ کوَل نابھ آپ کُھلاونا۔ مہاراج شیر سِنگھ وِشنوُں بھگوان، جھِرنا اپر اپار تیرے آتم سر جھِراونا۔ امرت جھِرنا جھِرے اپار۔ کِرپا کرے ہرِ گِردھارا۔ دیونہار وڈ داتارا۔ گُرمُکھاں پربھ جائے تارا۔ جو جن منگے ہرِ نام ادھارا۔ مہاراج شیر سِنگھ وِشنوُں بھگوان، نِہکلنک نرائن نر اوتارا۔ پربھ ابناشی دَیا کمایا۔ گُرمُکھ ساچے مان دوایا۔ سُہایا تھان ہرِ ساچے چرن ٹِکایا۔ گُر سنگت سنگ گُر ایکا تھان بہایا۔ در گھر آئے، ساچے بنک آپ چڑھائے، نام رنگت رنگ مجیِٹھ اُتر نہ جایا۔ پربھ ابناشی ساچا ڈیِٹھ، کلجُگ جیِو کؤڑے ریِٹھ، انتم بھنّ وکھایا۔ در دربارا ساچا ڈیِٹھ، ہرِ رنگا رنگ بسیِٹھ، کروڑ تیتیِس راجا سُرپت اِند پربھ سرنی آیا۔ برہما وِشن مہیش گنپت گنیش گل آئے باشک تشک لٹکایا۔ مات جوت سروُپی ہرِ کا بھیس، بھیو گُرمُکھ وِرلے پایا۔ آد جُگاد جُگاد آد آون جان جان آون پربھ ساچے کھیل ورتایا۔ سَتجُگ ساچے سچ کرم کر کر، گُرمُکھ ساچے دھرم دھر، باوَن بھیکھ ہرِ وٹایا۔ تریتا تریا راون ہریا، رام روُپ اکھوایا۔ دواپر کرِشنا کرنی کر، سنگ پانڈواں آپ رہایا۔ ایکا ارجن آتم دھیِرج دھیان دھر، اٹھاراں دھیائے گیِتا دے الایا۔ ساچا بھانا ہرِ ورتانا، کرے کرائے جو رہیا کر، مان ابِھمان سرب چُکایا۔ جوت سروُپی جوت ہرِ، آون جاون وِچ مات کھیل رچایا۔ کلجُگ انتم انت وِچاریا۔ جُگ چؤتھے آئی ہاریا۔ بےمُکھ جیِو بُھلے گواریا۔ پربھ ابناشی بُھلے نر ناریا۔ سب بھوگن وِشے وِکاریاں۔ پربھ ساچا منوں وِساریا۔ ہوئی کایا کُرنگ، پِنجر جھوُٹھا دیہہ مناریا۔ جوت سروُپی ساچا ہنس، وِچوں گیا مار اُڈاریا۔ مات لوک کلجُگ تیرا جھوُٹھا بنس، انتم انتکال پربھ

ساچا کرے خوَاریا۔ دُشٹ سنگھارے آپ ہرِ جِؤں کاہنا کنس، نہ کوئی ہوئے کِسے سہاریا۔ پرگٹ جوت نِہکلنک اچرج کھیل کرے اپاریا۔ شبد سروُپی لائے ڈنک، چار کُنٹ اُٹھائے وڈ وڈ وڈ بلکاریا۔ سؤن نہ دیوے کِسے راؤ رنک، ایکا اگنی جوت پربھ ساچا لا رہیا۔ کلجُگ انت ہوئے بھسمنت، جوت پرگٹائے پربھ ساچا کنت، بُھلے سرب جیِو جنت، بھائیاں تائیں بھائی مروا رہیا۔ کلجُگ تیرا ویکھ کُکرما۔ پربھ ابناشی گھر ساچے ویکھ ویکھ آئے شرما۔ سرِشٹ سبائی سچّا ناتا تُٹا دھرما۔ بھرم بُھلیکھے پئے وِچ ذاتاں، آتم جوتی اِک برہما۔ مہاراج شیر سِنگھ وِشنوُں بھگوان، مات جوت پرگٹائے چار ورن لِکھائے کرما۔ چار ورن اِک کرم لِکھاونا۔ چار ورن اِک دھرم چلاونا۔ چار ورن اِک سرن لگاونا۔ چار ورن اِک چرن چُھہاونا۔ چار ورن اِک در بہاونا۔ چار ورن اِک گھر وساونا۔ چار ورن ایکا سر نُہاونا۔ چار ورن ایکا مان ایکا تان ایکا شان رکھاونا۔ چار ورن ایکا ساچا شبد گیان دواونا۔ چار ورن پربھ آتم ساچا برہم آپ سمجھاونا۔ چار ورن پربھ ساچے بھائی بھَین بناونا۔ چار ورن اوُچ نیِچ راؤ رنک سب نشٹ کراونا۔ چار ورن اِک دوارا۔ چار ورن اِک گھر بارا۔ چار ورن اِک کرتارا۔ چار ورن اِک سرکارا۔ چار ورن اِک سِکدارا۔ چار ورن اِک وِہارا۔ چار ورن اِک پیارا۔ چار ورن پربھ ابناشی دا اِک دیِدارا۔ چار ورن مہاراج شیر سِنگھ وِشنوُں بھگوان، ایکا دیوے سرب بھنڈارا۔ چار ورن ایکا دات۔ چار ورن ایکا پات۔ چار ورن ایکا نات۔ چار ورن سوہنگ دیوے پربھ ساچا وڈ کرامات۔ چار ورن آپ پڑھائے پربھ ابناشی اِک جماعت۔ چار ورن لاگے سرن مہاراج شیر سِنگھ وِشنوُں بھگوان، آپ مِٹائے اندھیری رات۔ آتم اندھیرا پربھ دیوے کٹ۔ دُئی دوَیتی میٹے پربھ ساچا پّھٹ۔ آتم وِچ رہن نہ دیوے جھوُٹھی رتّ۔ جوت جگاوے لٹ لٹ۔ پربھ ابناشی وسے گھٹ گھٹ۔ گُرمُکھ ساچے ساچا لاہا لَینا کھٹّ۔ بےمُکھ در آئے جائن جِؤں بازی گر نٹ۔ مہاراج شیر سِنگھ وِشنوُں بھگوان، سوہنگ گہنا تن پہنائے آتم ساچا پٹ۔ ساچا شبد ساچا گہنا۔ پربھ در گھر ساچے لَینا۔ پربھ درس دِکھائے تیِجے نَیناں۔ آپے آپ بن جائے تیرا ساک سجّن سیَناں۔ انتم انت انت ہرِ تیرے آتم در

دوارے اَگے جائے بہنا۔ مہاراج شیر سِنگھ وِشنوُں بھگوان، گُرمُکھاں دیوے ساچا لہنا دینا۔ لہنا دینا آپ چُکاونا۔ سوہنگ گہنا تن پہناونا۔ گُرمُکھ ساچے بھرم چُکاونا۔ مہاراج شیر سِنگھ وِشنوُں بھگوان، امرت بوُند سوانتی آپ پِلاونا۔ آتم شانت بوُند سوانتی۔ دیوے درس سُتیاں راتی۔ آتم ساچی جوت جگاتی۔ کرے رُشنائی بِن تیل باتی۔ گُرمُکھ وِرلے بوُجھ بُجھاتی۔ مہاراج شیر سِنگھ وِشنوُں بھگوان، جِس جن جنائے سو جن جاتی۔ جانے وکھانے پچھانے، چلائے اپنے بھانے، جگائے جوت مہانے۔ آتم اندھیر گوائے میر تیر چُکانے۔ مہاراج شیر سِنگھ وِشنوُں بھگوان، ایکا دیوے برہم گیانے۔ برہم گیان دیوے برہم گیانیاں۔ آتم دھیان دیوے آتم دھیانیاں۔ گُر چرن دھوُڑ اِشنان دیوے گُرسِکھاں مات اِشنانیاں۔ سوہنگ ساچا آتم دیوے میوے مہاراج شیر سِنگھ وِشنوُں بھگوان، کر کر وڈ مِہربانیاں۔ سوہنگ جِہوا دیوے وڈ دیوی دیوا۔ گُرسِکھاں تیری گھال پائے سیوا۔ مہاراج شیر سِنگھ وِشنوُں بھگوان، جِس جن جپیا جِہوا۔ بھاگ ہوئے گُر بھوگ لگایا۔ در گھر سب روگ گوایا۔ درس اموگھ گھر آئے دِکھایا۔ ساچا جوگ نام دوایا۔ مہاراج شیر سِنگھ وِشنوُں بھگوان، اپنی دَیا کمایا۔ دَیا دھاری کِرپانِدھ۔ کارج کِینے گُرسِکھ سِدھ۔ آپ بنائے اپنے مِلن دی ساچی بِدھ۔ مہاراج شیر سِنگھ وِشنوُں بھگوان، گھر ساچے اُپجائے نؤ نِدھ۔ نؤ نِدھ چرن پنہار۔ پربھ ابناشی وڈ سِکدار۔ گُرمُکھاں دیوے کر پیار۔ مہاراج شیر سِنگھ وِشنوُں بھگوان، در گھر آئے جائے تار۔ بھوُت پریت بیِر بےتالے۔ پربھ ابناشی کرے سرب بےحالے۔ شبد سروُپی مار کر گھر ساچے کرے مُنہ کالے۔ شبد کھنڈا دو دھار پھڑ، آپ کھپائے ڈوُنگھی ڈالے۔ مہاراج شیر سِنگھ وِشنوُں بھگوان، گُرمُکھ تیری آپ کرے پرِتپالے۔ بھوُت پریت جِن کھویس۔ سوہنگ شبد پربھ پڑھائے اِک حدیث۔ در گھر آئے جائے پیِس۔ مہاراج شیر سِنگھ وِشنوُں بھگوان، در گھر آئے کٹائے سرب سیِس۔ رام نام سچ دوارا ہےَ۔ ونج کرے کوئی وپارا ہےَ۔ بازی شطرنج جِؤں پاسا ہارا ہےَ۔ مہاراج شیر سِنگھ وِشنوُں بھگوان، ساچا شبد دیوے گِردھارا ہےَ۔ ساچا شبد سوہنگ سُہاگ۔ گُرمُکھاں مِٹائے تن لگّی آگ۔ پربھ ساچا راہ دِسائے من

بھئے وَیراگ۔ انحد دُھن اُپجائے ناؤں، نِرنجن جو جن گائے، مہاراج شیر سِنگھ وِشنوُں بھگوان، ملِے پُرکھ ابناش۔ سچ نام ہرِ دیوے سہج سُبھائے۔ سچ نام گُرمُکھ وِرلا پائے۔ سچ نام گُرمُکھ اپنے بھانے وِچ رہائے۔ سچ نام مہاراج شیر سِنگھ وِشنوُں بھگوان، گُرمُکھاں جھولی پائے۔ سچ نام پوَن پوُتا۔ سچ نام گُرمُکھ ہِردے دھاگا سوُتا۔ سچ نام گُرسِکھ اُٹھائے کلجُگ مِٹائے اندھیری رات۔ آتم مَیل سچّی دھوئی درس خُماری دیوے دِوس رات۔ مہاراج شیر سِنگھ وِشنوُں بھگوان، اپنی بوُجھ بُجھائے گُرمُکھ ساچے آتم در کُھلات۔ آتم در ہرِ ساچے کھولنا۔ ساچا شبد ہرِ ساچے بولنا۔ گُرمُکھ ساچا ہرِ پوُرے تول تولنا۔ جوت سروُپی سرِشٹ سبائی پول، پربھ ساچے آپے کھولنا۔ مہاراج شیر سِنگھ وِشنوُں بھگوان، گُرمُکھ وِرلے تن من اپنا گھولنا۔ تن گھولنا سچ بولنا۔ آتم بھیو پربھ ساچے کھولنا۔ مہاراج شیر سِنگھ وِشنوُں بھگوان، وِچ مات گُرسِکھ تیرا نہ ڈولنا۔ گُرسِکھ نہ ڈولے، پوُرے تول پربھ ساچا تولے۔ کلجُگ جیِو کیا کوئی مارے بولے۔ انتم انت آپ بھُنائے جِؤں بھٹھیالے چھولے۔ آتم ہنکاری در دُرکاری دُھر درگاہوں ہوئے گولے۔ مہاراج شیر سِنگھ وِشنوُں بھگوان، مؤت اندھیرے گور سوائے آپے دئے جھکولے۔ بےمُکھ بےمُرشد مُرید ہےَ۔ پربھ ابناشی نہ کیِنی ساچی دیِد ہےَ۔ سرِشٹ سبائی بندھی ایکا جھوُٹھی ریِت ہےَ۔ مہاراج شیر سِنگھ وِشنوُں بھگوان، سوہنگ دیوے ساچی ہتھّیں ساچی نیِت ہےَ۔ ساچا دیوے ہرِ نام پروانا۔ ساچے در نہ کِسے اٹکانا۔ دُھردرگاہی ساچے مندر اندر گُرسِکھ آپے جانا۔ بَیٹھا بے پرواہی جوت سروُپ ایکا جوت ڈگمگانا۔ مہاراج شیر سِنگھ وِشنوُں بھگوان، سرب جیِیاں دا جانی جانا۔ سرب جیِیاں ہرِ ساچا جاندا۔ چوراں یاراں ٹھگّاں کُڑیاراں پربھ ساچا آپ پچھاندا۔ گُرمُکھاں دیوے چرن پیارا، ہرِ ناما ہرِ ہرِ رسن اُچاردا۔ مہاراج شیر سِنگھ وِشنوُں بھگوان، آپے چیِر چِرائے کرے دو پھاڑدا۔ سچ تخت شاہ سُلطانیاں۔ سَتجُگ ساچی دسےّ دیوے اِک نِشانیا۔ تِنّ کوُٹاں چوُر کرانیاں۔ چؤتھی کوُٹے اپنا چرن چُھہانیاں۔ دوُرو دوُر سد لیائے، آتم شکتی دیوے اِک روحانیاں۔ آتم ساچی جوت جگائے، ہوئے پرکاش کوٹن بھانیاں۔ اچرج کھیل ہرِ

ورتائی، اپنا بھیوَ نہ کِسے جنائی، کیا کوئی جانے وید پُرانیاں۔ سُگھڑ سیانے آپ بُھلائے، گُرسِکھ بال انجانے آپ جگائے، سوہنگ شبد نام جپائے، ہتّھ بندھائے ساچا گانیاں۔ چرن دھوُڑ اِشنان کرائے، چتُر سُجان موُڑھ کرائے، کایا چور سرب کڈھانیاں۔ ساچا رنگ مجیِٹھ ہرِ گوُڑو گوُڑ چڑھانیاں۔ مہاراج شیر سِنگھ وِشنوُں بھگوان، اچرج کھیل کرے کرائے وِچ جہانیاں۔ جھوُٹھا جگ جہانا۔ پربھ ابناشی لبھے اِک بہانہ۔ آپےکِھچے شبد تیِر نِشانہ۔ مہاراج شیر سِنگھ وِشنوُں بھگوان، نہ کِسے دھیِر دھرانا۔ کِھچے شبد تیِر ترنگ۔ آپ مِٹائے سرب فرنگ۔ اِک چڑھائے اُلٹی کنگ۔ مہاراج شیر سِنگھ وِشنوُں بھگوان، سرِشٹ سبائی کرائے بھنگ۔ بھنگ بھنگنا، نام ساچے گُرمُکھ منگنا۔ ساچا سنگ ہرِ آپ رکھنا۔ مہاراج شیر سِنگھ وِشنوُں بھگوان، جوت سروُپ الکھ الکھنا۔ الکھ الکھ ادیش۔ جوت سروُپی ہرِ دھارے ویس۔ بھاگ لگایا ماجھے دیش۔ کر کے آیا ہرِ ساچا ویس۔ گُرمُکھ ساچے وِچ پرویش۔ مہاراج شیر سِنگھ وِشنوُں بھگوان، ساچی کل ورتائے، آپ مِٹائے وڈ وڈ نریش۔ نر نریشا، آپ بُھلائے رُلائے ہمیشہ۔ دیوے مان سچّے درویشا۔ مہاراج شیر سِنگھ وِشنوُں بھگوان، ساچا کرم کمائے، سرِشٹ سبائی ایکا ویسا۔ ساچا کرم سچ دی کار۔ ساچا دھرم سچ وِہار۔ ساچا جرم وِچ سنسار۔ ساچا بھرم ہرِ دئے نِوار۔ ساچا ورم ہرِ برہم وِچار۔ مانَس جنم نہ آوے ہار۔ جھوُٹھا بھرم جیِو نِوار۔ ساچا کرم ہرِ لِکھت لِکھار۔ مہاراج شیر سِنگھ لکھّ چؤراسی کیِنی پار۔ لکھّ چؤراسی جم کی پھاسی، نہ کوئی کرے بند خلاصی۔ بےمُکھ جھوُٹھے کرن ہاسی۔ در گھر ساچا مہاراج شیر سِنگھ وِشنوُں بھگوان، گھنک پُر واسی۔ گھنک پُر واسیا، پوُرن پُرکھ ابناشیا۔ ساچی جوت مات پرکاسیا۔ سرِشٹ سبائی بنائے داسن داسیا۔ ساچا شبد چلائے پوَن سواسیا۔ ساچے مارگ پائے جوُٹھے جھوُٹھے سب نشٹ کراسیا۔ پوُرے کاج آپ کرائے گُرمُکھاں ساچا میل مِلاسیا۔ مہاراج شیر سِنگھ وِشنوُں بھگوان، بےمُکھ کرے بند کھلاسیا۔ بند خلاصی بندی توڑ۔ چرن پریِتی دیوے جوڑ۔ لگّی پریِت نِبھائے توڑ۔ کلجُگ جیِو نہ سکے کوئی وِچھوڑ۔ مہاراج شیر سِنگھ وِشنوُں بھگوان، سَتگُر ساچا

پربھ ساچے دی ساچی لوڑ۔ ساچا گُر شبد سِر تاج۔ پربھ ابناشی گُرسِکھاں دِتا ساچا نام مات وِچ ساچا راج۔ مہاراج شیر سِنگھ وِشنوُں بھگوان، آپ سوارے گُرمُکھ کاج۔ گُرسِکھ ہرِ کاج سوارے۔ آتم دُکھ سرب نِوارے۔ ساچا سُکھ ہرِ چرن پیارے۔ اُجل مُکھ کر درس گُر دربارے۔ مہاراج شیر سِنگھ وِشنوُں بھگوان، سرب جیِیاں دا اِک داتارے۔ سرب جیِیاں ہرِ داتا ایک۔ سرب جیِیاں ہرِ ایکا ٹیک۔ سرب جیِیاں ہرِ کرے بُدھ بِبیک۔ مہاراج شیر سِنگھ وِشنوُں بھگوان، جو جن رسنا گائے تِس تن نہ لاگے سیک۔ سرب کلا سمرتھ، جِس جن نِمسکاریا۔ آپ چڑھائے ساچے رتھ، کلجُگ بیڑا پار اُتاریا۔ آپ چلائے سوہنگ ساچی گاتھ، سَتجُگ ساچا راہ چلا رہیا۔ بےمُکھاں پربھ ساچا پائے نتھ، در در بھکھ منگا رہیا۔ گُرمُکھاں سگل وسوُرے جائن لتھ، پربھ ابناشی درس دِکھا رہیا۔ سرِشٹ سبائی جائے متھ، اُلٹا گیڑ آپ دوا رہیا۔ مہاراج شیر سِنگھ وِشنوُں بھگوان، جِؤں راما دسرتھ جوت پرگٹا رہیا۔ گُر پوُرا شبد بھنڈارا ہےَ۔ گُر پوُرا دھرم دوارا ہےَ۔ گُر پوُرا سدا سدا کرم کرم وِچارا ہےَ۔ گُر پُرا دیوے ساچا ناؤں، جو جن آئے منگن دوارا ہےَ۔ گُر پوُرا بہائے ساچا تھاؤں، چرن کوَل دھام نیارا ہےَ۔ پربھ ابناشی بےپرواہو، کیا کوئی جانے جیِو گوارا ہےَ۔ ہرِ ہرِ ہرِ وسے سبنی تھاؤں، جوت سروُپی اِک آکارا ہےَ۔ روُپ رنگ ریکھ نہ کِسے جنائے، ایکا شبد سچّی دُھنکارا ہےَ۔ جوت سروُپی دھارے بھیکھ، سرِشٹ سبائی رہیا ویکھ، آپے بنیا لیکھ لِکھارا ہےَ۔ گُرمُکھ ساچے نیتر پیکھ، آپ لِکھائے تیرے لیکھ، مات لوک پربھ چرن ایکا سچ دوارا ہےَ۔ مہاراج شیر سِنگھ وِشنوُں بھگوان، کر کِرپا پار اُتارے، جو جن آئے چرن نِمسکارا ہےَ۔ نِمسکار پوُرے گُر چرن۔ آپ نِوارے جم کا ڈرن۔ کر کِرپا پار اُتارے، جو جن آئے پربھ ساچے دی ساچی سرن۔ ہؤمے روگ سوگ ہنگتا سب اُتارے، مہاراج شیر سِنگھ وِشنوُں بھگوان، جو منگن آئے نام بھنڈارا ہےَ۔ نام بھنڈارا ہرِ ورتارا۔ گُرمُکھ وِرلا پائے آئے چرن دوارا۔ مہاراج شیر سِنگھ وِشنوُں بھگوان، سرب جیِیاں پائے سارا۔ سرب جیِیاں ہرِ سار سمالے۔ بھگت وچھل اچھل چھل کرے کھیل نِرالے۔

ول چھل کر سرب سرِشٹ بُھلا لے۔ مہاراج شیر سِنگھ وِشنوُں بھگوان، گُرمُکھاں بنیا ساچا پالی۔ گُرسِکھ تیرا سچّا پالی۔ دو جہاناں والی، دِوس ریَن ریَن دِوس تیری کرے رکھوالی۔ مہاراج شیر سِنگھ وِشنوُں بھگوان، تیری کرے پرِتپالی۔ پرِتپال پرِتپال گُردیو۔ جو جن کمائے چرنی سیو۔ آپ دوائے سوہنگ ساچا میو۔ مہاراج شیر سِنگھ وِشنوُں بھگوان، سوہنگ دیوے شبد الکھ ابھیوَ۔ الکھ ابھیدا، اچھل اچھیدا، نہ جانے چارے ویدا۔ نہ ملِے کِسے وِچ کتیبا، مہاراج شیر سِنگھ وِشنوُں بھگوان، آپے جانے بھیدا۔ گئوُ غریِب نِمانیاں پربھ چرن لگاونا۔ کلجُگ چتُر سُگھڑ سیانیاں ہرِ آپ بُھلاونا۔ گئوُ غریِب در گھر ساچے ہرِ مان دوانیا۔ گئوُ غریِب نِمانیاں ہرِ امرت ساچا جام آپ پِلاونا۔ گئوُ غریِب نِمانیاں ایکا رنگ سچ آپ چڑھاونا۔ گئوُ غریِب نِمانیاں مہاراج شیر سِنگھ وِشنوُں بھگوان، باہوں پکڑ کنٹھ لگاونا۔ گئوُ غریِباں سُنی پُکاری۔ مات آیا جامہ دھاری۔ وڈ وڈ ہنکاری لئے سُدھار، جوُئے بازی جِنہاں ہاری۔ ساچی درگاہ کھائن مار، مانَس جنم پربھ گُرمُکھاں جائے سُدھاری۔ جو جن کرن چرن نِمسکار، پربھ ابناشی پاوے ساری۔ پوُری کر وِچار کلجُگ ریَن اندھ اندھیاری۔ سرِشٹ سبائی ڈِگی مُنہ دے بھار، مہاراج شیر سِنگھ وِشنوُں بھگوان، مات جوت پرگٹائے دھرت مات تیری سُنی پُکاری۔ گئوُ غریِب دین دُہائی۔ دِوس ریَن ہرِ ساچے نیِند نہ آئی۔ سُنے پُکار ہرِ داتارا، وِچ مات جوت پرگٹائی۔ کلجُگ انتم انت کرے جھوُٹھا راج کاج تاج سب دیوے نشٹ کرائی۔ مہاراج شیر سِنگھ وِشنوُں بھگوان، ساچا سانتک دے ورتائی۔ گئوُ غریِب مارے دھاہ، پربھ ابناشی پکڑے بانہہ۔ دوُسر کوئی دیِسے نانہہ۔ مہاراج شیر سِنگھ وِشنوُں بھگوان، مات جوت جگائے، ایکا شبد سُنائے سوہنگ ساچا ناں۔ سوہنگ شبد سچ جگدیش۔ سرِشٹ سبائی پربھ ساچا جائے پیِس۔ ایکا جھُلائے چھتر اپنے سیِس۔ مہاراج شیر سِنگھ وِشنوُں بھگوان، بھیو چُکائے بیِس اِکیِس۔ بھیو چُکے بیِس اِکیِس نہ رہن راگ چھتیِس۔ ساچا ناؤ پربھ ساچا دیوے، نہ کوئی منگے فیِس۔ مہاراج شیر سِنگھ وِشنوُں بھگوان، کوئی نہ جانے تیری ریِس۔ گُر پوُرے تیری وڈیائیا۔ دُکھ روگ سرب مِٹائیا۔ پوَن

مسان رہن نہ پائیا۔ در ساچے دین دُہائیا۔ شبد بان ہرِ لگائیا۔ گُرمُکھاں اچرج کھیل کرائیا۔ بھوُت پریتاں پربھ ساچے دے کڈھائیا۔ مہاراج شیر سِنگھ وِشنوُں بھگوان، تیرے شبد وِچ وڈیائیا۔ شبد تیِر سچ نِشانہ۔ رسنا کِھچے گُر سنگت تیِر کمانا۔ ٹھہر نہ سکے کوئی پیِر فقیِر اِک لکھّ اسّی ہزار بھوُت پریت بےتالا۔ مہاراج شیر سِنگھ وِشنوُں بھگوان، سوہنگ ساچا شبد دیوے سُکھالا سرب رکھوالا۔ سوہنگ شبد سِر رکھ ہتّھ۔ بیِر بےتالیا پربھ پائے نتھ۔ کر کر بےحالیاں وِچ شبد جائے متھ۔ مہاراج شیر سِنگھ وِشنوُں بھگوان، کِرپا کر پھیر چڑھائے سوہنگ ساچے رتھ۔ شبد وجےّ آتم تیِر۔ آپ چُکائے بدھّی دھیِر۔ نیتر نیتر نیتر آپ وہائے نیِر۔ جھوُٹھی کایا جھوُٹھا کھیتر مہاراج شیر سِنگھ وِشنوُں بھگوان، کِرپا کر دُکھ درد دیوے ہر امرت پِلائے ساچا سیِر۔ گُر شبد جو جن کماوے۔ گُر شبد من تن ہرا کراوے۔ گُر شبد ساچا گھر آپ دِکھاوے۔ گُر شبد آتم در ساچا سر آپ نُہاوے۔ گُر شبد گُرمُکھ وِرلا پاوے۔ سچ شبد بھاگی بھرا، جِس جن دَیا کماوے۔ سچ شبد رسنا جپ گُرمُکھ وِرلا ترا، جِس ہرِ پوُرن بوُجھ بُجھاوے۔ گُر شبد گُرمُکھ وِرلے کلجُگ ورا، جِس نام دان ہرِ بِھچھیا پاوے۔ سچ شبد رسنا جپ، نہ اوہ جنما نہ اوہ مرا، امراپد ہرِ آپ دواوے۔ مہاراج شیر سِنگھ وِشنوُں بھگوان، گُرمُکھ تیرا انتم انت کلجُگ آپے سد گھر لےَ جاوے۔ گُر شبد گُر وِچار ہےَ۔ گُر شبد گُرمُکھ بخشے چرن پیار ہےَ۔ گُر شبد گُرمُکھ اِک بہائے ساچی دھار ہےَ۔ گُر شبد گُرمُکھ ہرِ دیوے پاربرہم اوتار ہےَ۔ گُر شبد گُرمُکھ وِرلا لیوے جِس دیوے نام ادھار ہےَ۔ گُر شبد جو جن رسنا سیوے، پربھ ساچا پار اُتارنہار ہےَ۔ گُر شبد اِس ہتّھ لیوے اِس ہتّھ دیوے، نہ ہُندا کوئی اُدھار ہےَ۔ گُر شبد گُرمُکھ آتم رس میوے، ساچا کرنا ونج وپار ہےَ۔ پربھ ابناشی الکھ ابھیوے، آپے پاوے گُرمُکھاں ساچی سار ہےَ۔ مہاراج شیر سِنگھ وِشنوُں بھگوان، وڈ دیوی دیوے، ایکا ایک سچ کرتار ہےَ۔ گُر شبد گُر دی چال ہےَ۔ گُر شبد سچّا دھن مال ہےَ۔ گُر شبد گُرسِکھاں کٹے جگت جنجال ہےَ۔ گُر شبد سچ وست ہرِ ساچا دیوے، رکھنی مات سنبھال ہےَ۔ سچ وست آتم بخشے

ہرِ ساچا لال ہےَ۔ گُر شبد گُرمُکھ ساچے وِچ مات دیوے بھال ہےَ۔ گُر شبد ساچی مت سچ گھر دئے وکھال ہےَ۔ گُر شبد آتم دیِپک جوتی دیوے بال ہےَ۔ گُر شبد کلجُگ انتم انت بےمُکھ لاہندا کھال ہےَ۔ گُر شبد چار کُنٹ بےمُکھ کرائے، نام دھن نہ پلّے جیِو جھوُٹھے کنگال ہےَ۔ گُر شبد بےمُکھاں پیِڑ پِڑائے، کرے دوپھاڑا دال ہےَ۔ گُر شبد بےمُکھ کچّے پھل توڑے ڈال ہےَ۔ گُر شبد بےمُکھاں مارے ساچی مار، نہ سکے کوئی جھال ہےَ۔ گُر شبد آتم اندھیر مِٹائے سُہاوا تال ہےَ۔ گُر شبد مہاراج شیر سِنگھ وِشنوُں بھگوان، گُرمُکھاں ساچا رہیا وکھال ہےَ۔ ساچا راہ جگت نیارا۔ بےمُکھاں نہ دِسے کوئی کنارہ۔ نہ آر نہ پار بھجےّ پِھرن وہِندے وہن، بیڑا کھڑیا وِچ اندھکارا۔ بِن گُر پوُرے نہ کوئی چُکاوے لَین دین، منجھدھار نہ اُترے پارا۔ گُرمُکھ ساچے سنت جن گُر چرن آئن کرن نِمسکارا۔ مہاراج شیر سِنگھ وِشنوُں بھگوان، آتم شبد گیان دے، چرن پریِتی سچ دھیان دے، ساچا شبد جگت ببان دے، آپ کرائے پار گُرسِکھ تیرا بن سچ سہارا۔ سچ سہارا سہج سُبھائے۔ جو جن رسنا سوہنگ گائے۔ مدرا ماس دے تجائے۔ نِج گھر واس آپ رکھائے۔ داسن داس آپ ہو جائے۔ سواس سواس سچ نام جپائے۔ پوُرن پُرکھ پربھ ابناشی اپنی سیوا لائے۔ سگل وسوُرے جائن ناس، ایکا رنگ ہرِ وِچ سمائے۔ مانَس جنم کرائے راس، آپ اپنی دَیا کمائے۔ گُرسِکھ کرائے بند خلاص، مہاراج شیر سِنگھ وِشنوُں بھگوان، اپنی سرن لگائے۔ بند خلاصی بند کٹاونا۔ آتم اگیان اندھیر چُکاونا۔ گُرمُکھ ساچے پربھ ساچے تیرا آتم جن کڈھاونا۔ مہاراج شیر سِنگھ وِشنوُں بھگوان، پرمانند دے وِچ سماونا۔ پرمانند دیوے پُرکھ پُرکھوتی۔ آپ جگائے تیری آتم ساچی جوتی۔ وِچ مات بنائے راج ہنس گُرسِکھاں چُگائے سوہنگ چوگ سُچے موتی۔ مہاراج شیر سِنگھ وِشنوُں بھگوان، گُرمُکھ ساچے تیری آتم آپ جگائے کلجُگ سوتی۔ کلجُگ سویا ریَن اندھیاری۔ سرِشٹ سبائی ہوئی ہیَنسیاری۔ غریِب نِمانے لُٹن مایا دھاری۔ پھڑ پھڑ کُٹن نہ کوئی پاوے ساری۔ دُھر درگاہے نہ چُھٹن، پربھ ساچے لیکھا لیونہاری۔ مہاراج شیر سِنگھ وِشنوُں بھگوان، سوہنگ شبد چلائے اِک کٹاری۔