کتب خانہGranth 5 (Shahmukhi)

۱۲ کتّک ۲۰۱۲ بِکرمی اجیِت سِنگھ دے گرِہ بٹالا

شبد رنگیلی سیج جگت وِچھائیا۔ شبد سُنیہڑا رہیا بھیج، دِوس رَین رہیا جگائیا۔ جوتی دامن چمکے تیج، نوُر نوُرانی رہے سوائیا۔ آپے ویکھے نؤ نؤ تیج، نؤ دوارے رہیا سُہائیا۔ جوتی جوت سروُپ ہرِ، آپ اپنی کِرپا کر، ساچی سُرتی مات دوائیا۔ شبد رنگیِلا رنگ ہرِ چڑھنیا۔ آپ نِبھائے ساچا سنگ، آد انت بیڑا بنھیا۔ شبد ڈوری گُرمُکھ پتنگ، اُپر دِسے چھپر چھنیا۔ امرت دھارا وگے

گنگ، کِسے ہتّھ نہ آئے آتم انھیا۔ نام رنگیِلا پلنگ، جگت اپنا بیڑا آپے بنھیا۔ جوت بِراجے وڈ داتا سوُرا سربنگ، ساچا راگ سُنائے کنّیا۔ ایکا ایک وجےّ مردنگ، بھانڈا بھرم آپے بھنھیا۔ شبد پہنائے ساچی ونگ، سوہنگ پائے ساچی انگیا۔ شبد گھوڑے کسے تنگ، آوے جاوے میل مِلاوے ساچا سنگیا۔ در گھر ساچا رہیا لنگھ، آد انت کدے نہ سنگیا۔ گُرمُکھ کایا چاڑھے رنگ، جوتی جوت سروُپ ہرِ، پتّ ڈالی آپے نوَ نوَ رنگیا۔ پھل پُھلواڑی مات کیاری، تن سُہنی مات بنائیا۔ امرت برکھے نِجھر دھاری، سدا رہے ٹھنڈی ٹھاری، رُت بسنتی ہرِ سُہائیا۔ مدُھر نَین کرے پیاری، شبد سیَن ونج وپاری، ساچی دھارا اِک وکھائیا۔ گُرمُکھ ساچا ساچی ناری، ملِے میل پُرکھ بھتاری، آتم سیجا کر تیاری، پربھ پھوُلن برکھا لائیا۔ پرگٹ ہوئے نر نِرنکاری، جوت اگمی اپر اپاری، شبد جھوُلا دئے ہُلاری، آر پار اِک کِنار دو جہاناں رہیا وکھائیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے سنت دُلارے، نام کرائے ونج وپارے، ساچی سِکھیا امرت بِھکھیا آتم جھولی پائیا۔ آتم جھولی در بھرائی، اُپجے برہم گیان۔ ساچے گھر وجےّ ودھائی، ایکا دیِسے نام نِشان۔ نؤ اٹھاراں وس کرائی، دسم دوارا میل بھگوان۔ ایکا سچّا راہ وکھائی، جھُلدا دِسے شبد نِشان۔ پھوُلن سیجا مات وِچھائی، جوتی کھیل بھگتن میل گُن نِدھان۔ جوتی جوت سروُپ ہرِ، چاروں کُنٹ چار دیوار پہریدار، دِوس رَین کر پیار، سدا سُہیلا ہوئے سہائی۔ پھوُلن سیجا جگت وِچھاؤنا۔ گُرمُکھ میلا بھگت جگاؤنا۔ آپے گُر آپے چیلا، آپ اپنا راہ وِکھاؤنا۔ نہ کوئی منگے پَیسا دھیلا، کلجُگ کنڈھا پار کراؤنا۔ ہرجن ہوئے وقت سُہیلا، شبد ڈنڈا ہتّھ پھڑاؤنا۔ پربھ مِلن دا ساچا ویلا، ساچی ونڈا ونڈ ونڈاؤنا۔ دھرم رائے دی ٹُٹے جیلا، نام بھنڈارا وِچ برہمنڈا ہتّھ پھڑاؤنا۔ جوتی جوت سروُپ ہرِ، آپ اپنی جوت دھر، شبد سروُپی میل کر، دسم دواری تیل چڑھاؤنا۔ شبد چڑھائے تیل، گائے گیِت سُہاگیا۔ پُرکھ بھتارا ساچا میل، اُپجے من وَیراگیا۔ ساچا میلا سجّن سُہیل، دھوئی مل مل داغیا۔ اچرج ویکھے اپنی کھیل، کدے نہ سویا سدا جاگیا۔ جوتی جوت سروُپ ہرِ، آپ اپنی جوت دھر، گُرمُکھ ساچے ساچی ڈوری، آپ اپنے سنگ جائے توری، دو ہتھّیں پکڑے واگیا۔ پھوُلن گہنا شبد پٹاری۔ پُرکھ ابناشی کِرپا کر، جن بھگتاں دِتی پہلی واری۔ آپ اپنی جوت دھر، کایا مندر محل اپاری۔ نِرمل گوت ایکا کر، اوُچ نیِچ نہ رہیا وِچاری۔ جوتی جوت سروُپ ہرِ، آپ اپنی کِرپا کر، گُرمُکھ ساچے بھاگ لگائے تیری آتم کایا تن کیاری۔ آتم تن کیاری شبد لوایا۔ کِھلی مات سچّی پُھلواڑی، اُپر دھرتےپُھل کوَلیا۔ آپے ویکھے پِچھے اَگاڑی، امرت نابھی دو دو آبی واہ واہ دھارا نیِلی سوُہی پیلی لال گُلابی جگ دلالی چِٹّا کھٹا نیِلم نیِلیا۔ جوتی جوت سروُپ ہرِ، آپ اپنی

کِرپا کر، گُرمُکھ سُہائے آتم گھر، امرت جام ایکا ایک پیا لیا۔ گُر سنگت تیری بھیٹ سیِس اُٹھائیا۔ دُھر درگاہی کھیوٹ کھیٹ، ساچا بیڑا رہیا چلائیا۔ آپے ماں پِیو بیٹ، دوُسر کوئی دِس نہ آئیا۔ مایا ترِسنا دئے میٹ، آپ اپنی دَیا کمائیا۔ نام نِرنجن چیٹک چیٹ، رسنا جِہوا اِک لگائیا۔ جوتی جوت سروُپ ہرِ، آپ اپنی کِرپا کر، ساچا بھانا رہیا وکھائیا۔ بھرم بُھلیکھا دئے نِوار، جنم کرم آپ وِچار، لہنا دینا موُل چُکائیا۔ سَت پُرکھ نِرنجن ایکا دھار، پاربرہم برہم پائے سار، آپ اپنے رنگ سمائیا۔ شبد وِچولا جگت میٹے کُکرم، چاروں کُنٹاں کرے رُشنائیا۔ جوتی جوت سروُپ ہرِ، آپ اپنی جوت دھر، کلجُگ سَتجُگ ایکا کر، دوہاں دیوے ایکا ور، لہنا دینا انت آد آپے رہیا چُکائیا۔ کلجُگ انت انت انت وِچاریا۔ آپے جانے ساچی بنت، بنے بنائے ساچی وِچ سنساریا۔ در در گھر گھر نیتر کھول ویکھن سنت، کوَن دوارا بھرے بھنڈاریا۔ کوَن شبد جِہوا منت، میٹ مِٹائے دُھندوُکاریا۔ ہوئے مِلاواں ساچے کنت، وجےّ ناد اپر اپاریا۔ کایا چڑھے رنگ بسنت، کِھڑی رہے سدا گُلزاریا۔ میٹ مِٹائے پنجے دنت، سُرتی کِھچے دسم دواریا۔ نؤ دوارے جیِو جنت، گُرمُکھ وِرلا نِرمل نِرمل در گھر ساچے بوُجھ بُجھاریا۔ ملِے میل پوُرن بھگوَنت، جوتی جوت سروُپ ہرِ، کلجُگ تیرا انتم انت کالا سوُسا تن چُھہا رہیا۔ سَتجُگ ساچا آد آد اُپدیسیا۔ ویکھے کھیل وِچ برہماد، برہم وِشن مہیشیا۔ شبد وجائے ساچا ناد، لوآں پُریاں دیس پردیسیا۔ لیکھا لِکھے بودھ اگادھ، جوتی جامہ دھارے بھیسیا۔ دھرت مات رہی ارادھ، بن بِھکھار در درویسیا۔ سنت سُہیلے کردے یاد، پائن وَین کُھلڑے کیسیا۔ ملِے میل مادھوَ مادھ، جوتی جوت سروُپ ہرِ، آپ اپنی کِرپا کر، کوَن دوارے میل نِرنکارے جوتی شبد پوَن سواسی سدا رہے پرویشیا۔ سَتجُگ آد آد گُر انتر، ہرِ ساچی رچن رچائیا۔ اجپا جاپ جاپ گُر منتر ، لوک مات رہیا اُپجائیا۔ جگت ترِسنا مِٹے بسنتر، امرت میگھ رہیا برسائیا۔ گگن گگننتر مات پاتال آکاش کھیل رچائیا۔ آپے جانے جُگا جُگنتر، پربھ ساچا مارگ اِک لگائیا۔ کلجُگ تیری انتم انت، سَتجُگ آد ہویا جُگ جُگ جُگنتر، پربھ ساچا مارگ لائیا۔ راگ ناد برہماد سُنّ سمادھ، جن بھگتاں دیوے شبد داد، جیِو جنت نہ جانے گوَن۔ ایکا اُپجے آتم ناد، بھیو کُھلائے ترےَ ترےَبھوَن۔ نام جنائی بودھ اگادھ دِوس رَین نہ دیوے سؤن، تن ماٹی ساچی ہاٹی رہیا سودھ، آپ کٹائے آون گوَن۔ جوتی جوت سروُپ ہرِ، آپ اپنی کِرپا کر، شبد وست اِک سچّی دھرم سال، رلائے سواس پوَن۔ پوَن سواس کر پیار۔ شبد دیوے اِک ادھار۔ گُرمُکھ ساچے کرم وِچار۔ پنج چور نہ در گھر ناچے اٹّھے پہر خبردار۔ آپے بھنےّ کلجُگ ڈنےّ بےمُکھ جیِو بھانڈے کاچے، گُرمُکھ ساچے مات اُجیار۔ جوتی جوت سروُپ ہرِ، آپ اپنی کِرپا کر، شبد بھنڈارا رہیا بھر، ہرِ جن

منگے در دوار۔ تخت تاج سُلطان ہرِ بھگوانیا۔ لوآں پُریاں ایکا راج، شبد نِشانیا۔ شبد اُڈائے ایکا باز، ویکھ وکھانے سرب تھانیا۔ آپ رچایا اپنا کاج، ہرِ ہرِ والی دو جہانیا۔ چاروں کُنٹ رہیا بھاج، لیکھ لِکھائے راج راجانیا۔ پرگٹ ہوئے دیس ماجھ، سمبل دیس نگر سُہانیا۔ سادھاں سنتاں جیِاں جنتاں کھولے پاج، مارے تیِر شبد نِشانیا۔ گُرمُکھاں پڑدے رہیا کاج، ساچا بنّھے ہتھّیں گانیا۔ ویلے انتم رکھے لاج، در دوارے کرے پروانیا۔ لکھّ چؤراسی نار بانجھ، ساچی دِسے نہ گھر سنتانیا۔ گُرمُکھ ساچے دو جہانی ایکا سانجھ، ملِے میل پُرکھ بھگوانیا۔ جوتی جوت سروُپ ہرِ، آپ اپنی جوت دھر، اِک جھُلائے شبد نِشانیا۔ شبد نِشانہ ایکا ایک جھُلا رہیا۔ نؤ کھنڈ پرِتھمی ایکا ٹیک، ہرِ رکھائے شاہ اَسواریا۔ ستّاں دیِپاں کرے بُدھ بِبیک، دیوے نام اپر اپاریا۔ ساچے نیتر لَینا ویکھ، آپ اپنا بھیو چُھپا رہیا۔ لیکھا جانے اولیا پیِر شیخ، گُر پیِر اولیا نہ کوئی چُھپا رہیا۔ پنڈت پاندھے رہے ویکھ، وید ویاسے لِکھی ریکھ، کوَن کوُٹے پربھ ساچی جوت جگا رہیا۔ در دوارے گُرمُکھ وِرلے ساچے نیتر لَینا پیکھ، شبد سِنگھاسن ہرِ ڈگمگا رہیا۔ جوتی جوت سروُپ ہرِ، کلجُگ سَتجُگ لِکھے لیکھ، دوہاں لہنا دینا انتم مات چُکا رہیا۔ لہنا دینا دئے دیونہاریا۔ کلجُگ جھوُٹھا اَگےنیہوں، مایا بُھلا سرب سنساریا۔ در در گھر گھر مندر اندر ہونے تھیہ، نہ کوئی دیِسے گُروُدواریا۔ چارے کُنٹ اُڈنی کھیہہ، پرگٹ ہوئے ہرِ نِرنکاریا۔ نہ کوئی بھئیا بے بے بے، پِتا پوُت نہ کوئی سہاریا۔ نہ کوئی رسنا گاوے جِہوا جے، جگت وِچھوڑا آپ کرا رہیا۔ نہ کوئی دیِسے دیوی دے، کروڑ تیتیِسا وقت چُکا رہیا۔ شِو شنکر لائے کنٹھ سے، باشک تشک گل لٹکا رہیا۔ برہما دینا رہیا دے، چارے مُکھ حِساب مُکا رہیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ایکا راہ وکھا رہیا۔ سَتجُگ سچ دوار، در در منگیا۔ پربھ ابناشی کِرپا دھار، آپ نِبھائے اپنا سنگیا۔ پرگٹ کر وِچ سنسار، سوہنگ شبد بھر بھنڈار، اِک چڑھائے ساچا رنگیا۔ گُرمُکھ ساچے مات وِچار، دیوے دات اپر اپار، مانَس دیہی نہ ہوئے بھنگیا۔ تن مالا گل ساچا ہار، امرت پیالہ بھر بھنڈار، نہ ہوئے کنگالا دوُجی وار، وگے دھار ساچی گنگیا۔ نام دوشالا اپر اپارا، پھل لگائے کایا ڈالا ساچا میوہ پہلی وار۔ جوتی جوت سروُپ ہرِ، آپ اپنی کِرپا کر، گُرمُکھاں کھولے بند در، میٹ مِٹائے پنچم دھاڑ۔ اِک اِک اِک اِک چار۔ در گھر ساچے جانا وِک، پنچم میلا ہرِ داتار۔ نہ کوئی وڈّا چھوٹا نِک، بِردھ بال نہ کوئی جوان۔ نہ کوئی جانے رس مِٹھا پِھک، نام رس اپر اپار۔ جوتی جوت سروُپ ہرِ، ایکا دیوے سچ ور، بھریا رہے سد بھنڈار۔ چار چار چار یار۔ ایکا کرے ہرِ خوار۔ چاروں کُنٹ ہاہاکار۔ گُرمُکھاں ہتھّیں دیوے پاڑ۔ شبد اگمی رکھے دھاڑ۔ نہ کدے مرے نہ کدے جمے، کھائے نہ

کدے مؤت لاڑ۔ نام ادھاری ایکا تھمی، گگن پاتالاں دِسے پاڑ۔ آپے جانے کھیل اگمی، مانَس دیہی بہتّر ناڑ۔ لگّے بھاگ ماٹی چمی، جوتی جوت سروُپ ہرِ، آپ اپنی جوت دھر، سچ بھنڈارا ملِے ور، ہرجن چبائے اپنی داڑھ۔ جن بھگت ادھارا ایکا نام بھنڈاریا۔ پُرکھ نِرنجن ایکا ایک وِچ سنساریا۔ دُئی دوَیتی نہ لائے سیک، ایکا دیِسے پار کِناریا۔ بُدھی رہے سدا بِبیک، جوُٹھا جھوُٹھا موہ چُکا رہیا۔ ساچے نیتر رہیا ویکھ، جگت لوچن بند کرا رہیا۔ آپے لِکھے مستک ریکھ، لِکھیا لیکھ نہ کوئی مِٹا رہیا۔ نہ کوئی جانے اولیا پیِر شیخ، تِلک للاٹی کوَن لگا رہیا۔ جوت سروُپی ہرِ ہرِ بھیکھ، اؤکھی گھاٹی آپ چڑھا رہیا۔ جوتی جوت سروُپ ہرِ، آپ اپنی کِرپا کر، چار ورنا ایکا سرنا ساچا پلّوُ شبد لڑ پھڑا رہیا۔ سُرت شبد گُر گیان، آپ دوائیا۔ اٹھے پہر مار دھیان، دِوس رَین رہے سہائیا۔ جگت بَیٹھائے نام بِبان، نؤ دوارے باہر کڈھائیا۔ کایا مندر سچ مکان، دسم دواری محل بنائیا۔ نیڑ نہ آئن پنچم شیَطان، شبد ڈنڈے رہیا دُرکائیا۔ ساچا دیوے نام نِدھان، سوہنگ ڈوری ہتّھ پھڑائیا۔ سو پُرکھ نِرنجن آپ بھگوان، ہؤمے ہنگتا جیِو گوائیا۔ کِرپا کرے والی دو جہان، ساچے منڈل ساچی راس پوَن سواسی رہیا وکھائیا۔ آپ اُڈائے اِک آکاش، ساچی دِشا راہ وکھائیا۔ جوتی جوت سروُپ ہرِ، آپ اپنی کِرپا کر، اندرے اندر توڑے جندر، لکھّ چؤراسی باہر بھؤندے بندر، ساچا راہ دِس کِسے نہ آئیا۔ شبد گُر مِہربان آتم جاگیا۔ در گھر ساچے ملِے جیِا دان، سر سروور دھوئی مایا داغیا۔ جوتی جگے اِک مہان، ہنس بنے گُرمُکھ ساچا کاگیا۔ ایکا دیِسے شبد نِشان، وجےّ ناد سُنائے راگ ساچا راگیا۔ جوتی جوت سروُپ ہرِ، آپ اپنی کِرپا کر، ایکا دیوے شبد ور، گُرمُکھ ساچے جانا تر، آتم رہے سدا وَیراگیا۔ من وَیراگ گُرمُکھ ساچا جائے جاگ، سگل وسوُرا لاتھیا۔ لوک مات وڈ وڈبھاگ آتم بُجھی ترِسنا آگ، دیِپک جوتی جگے چِراغ، ملِے میل ہرِ سمرتھیا۔ آپ اپنے ہتّھ رکھے واگ، مایا ڈسے نہ ڈسنی ناگ، ایکا شبد سُنائے ساچی کتھیا۔ سوہنگ بنّھے تن ساچا تاگ، چرن کوَل جن جائے لاگ، دُھر درگاہی جگت ملاحی، آپ چڑھائے شبد ساچے رتھیا۔ جوتی جوت سروُپ ہرِ، آپ اپنی کِرپا کر، گُرمُکھاں کھولے بند کِواڑ، جوت جگائے بہتّر ناڑ، آپ اپنا درس دِکھائے، نہ کوئی سیِس نہ کوئی دھڑ۔ ہرجن ساچے ترس کمائے، دسم دواری اَگے کھڑ۔ امت میگھ مُکھ چوائے، شبد سروُپی باہوں پھڑ۔ ساچی سیجا آپ بہائے، آپ اپنے کنٹھ لگائے، دوُسر کوئی نہ سکے گھیر ساچے در۔ جوتی جوت سروُپ ہرِ، آپ اپنی کِرپا کر، گُرمُکھاں دیوے نام ور، ایکا اکھّر گُر شبد وکھّر، بھگت وِدیا لَینی پڑھ۔ ستاراں ماس ستاراں

دِن۔ جگت لنگھاؤنے گِن گِن۔ آپ اپنی بِدھ بنائے، نہ کوئی دوُسر سنگ رلائے، کھیل کرائے جِن جِن۔ انتم ساچا میل مِلائے، شبد سروُپ حُکم جنائے، اپنا سنگ آپ نِبھائے، پکڑ اُٹھائے پہلوں دِن تِنّ۔ جوتی جوت سروُپ ہرِ، آپ اپنی کِرپا کر، جانے کھیل بِھنّ بِھنّ۔

۱۲ کتّک ۲۰۱۲ بِکرمی بخشیِش سِنگھ دے گرِہ قادراباد ضِلع گُرداسپُر

جگجِیت جگجِیت جگجِیت بھگت ونجاریا۔ جگجِیت جگجِیت جگجِیت جوت میل پربھ ساچے میِت، برہم پاربرہم بھیو اپاریا۔ جگجِیت جگجِیت جگجِیت کایا سیِت، شبد گیِت ایکا راگ سُنا رہیا۔ جگجِیت جگجِیت جگجِیت کلجُگ اؤدھ گئی بیِت، سوئے پوُت ہرِ سچ سپوُت باہوں پھڑ مات جگا رہیا۔ جوتی جوت سروُپ ہرِ، جوتی جامہ بھیکھ دھر، شبد سروُپی ویس کر، کایا بُت سُت قلبوُت نہ کوئی رکھا رہیا۔ جگ جان جگ جان جگ جان گُرمُکھ گُرمُکھ گُرمُکھیا۔ پرگٹ ہوئے ہرِ بھگوان، جیِا دان دیوے سُنے سُنائے سچ بیننتیا۔ چرن دھوُڑ چرن دھوُڑ چرن دھوُڑ جگت اِشنان، ساچا دھام اِک سُہنتیا۔ رنگ گوُڑھ رنگ گوُڑھ رنگ گوُڑھ من موُڑھ، ملِے میل بھگت بھگوَنتیا۔ جگت ناتا کوُڑو کوُڑ، جوتی جوت سروُپ ہرِ، آپ اپنی جوت دھر، کلجُگ مایا پائے جگت بےانت بےانتیا۔ کلجُگ مایا کالی رَین، چاروں کُنٹ اندھیر پساریا۔ ایکا وگے کُفر ہنکاری وہن، نہ کوئی جانے جیِو سنساریا۔ در در گھر گھر رسنا کہن، ذاتی پاتی شاہ صفاتی نہ کِسے وِچاریا۔ گُرمُکھ وِرلا درشن پیکھے ساچے نَین، چڑھ محل اٹل اُچ مناریا۔ امرت بخشے بوُند سواتی، دیوے درس اگمّ اپاریا۔ در گھر ساچے پُچھے واتی، پرگٹ ہوئے کملاپاتی، جوت جگائے آتم باتی، اِک کرائے سچّا اُجیاریا۔ گُرمُکھ ساچے شبد وَیراگی، آپے بنیا ساچا ساتھی۔ سَتجُگ جوڑا سوہنگ گھوڑا، نام رکھائے اَیراپت ہاتھی۔ دُھر درگاہی آئے دؤڑا، اندر مندر لائے ایک پؤڑا، کِرپا کر تریَلوکی ناتھی۔ نہ کوئی جانے لما چؤڑا، ایکا رس گُرمُکھ وِرلے رہیا دسّ، دوُسر نہ کوئی ویکھے مِٹھا کؤڑا۔ جوتی جوت سروُپ ہرِ، آپ اپنی جوت دھر، گُرمُکھ ساچے سنت جناں ویلے انتم مات بہُڑا۔ اونکار آکار سوہنگ پساریا۔ سو پُرکھ نِرنجن اپر اپار، جیِو جنتاں دئے ادھاریا۔ ہنسا بنسا ہرِ ایکا ونج کرائے نام وپاریا۔ آپے کھولے بند کِواڑ، پرے ہٹائے پنچم دھاڑ، دُئی دوَیتی پڑدہ ساڑیا۔ ساچے گھاڑن گھڑے گھاڑھ، شبد گھوڑے دیوے چاڑھ، در گھر ساچے دیوے واڑیا۔ ویکھے دھرم اِک اکھاڑ، جوتی جگے بہتّر ناڑ، وجے ناد سچّا دُھنکاریا۔ اَگےوا نہ تتی ہاڑ، نؤ اٹھاراں چبائے داڑھ، بجر کپاٹی پڑدہ پاڑ، میل مِلائے ساچے لاڑیا۔ جوتی جوت سروُپ ہرِ، آپ

اپنی کِرپا کر، آپے ہوئے پِچھے اَگاڑیا۔ ساچا شبد شبد گُر دیِنا۔ پاربرہم برہم پربھ میل اکھّر وکھّر آپے لینا۔ اندر مندر سجّن سُہیل، شبد سروُپی دانا بیِنا۔ آپے وسے رنگ نویل، گُرمُکھ دیوے نام، سُکا ہریا کرے چام، ہرِ داتا وڈ پربیِنا۔ کوئی نہ لائے مات دام، امرت پیائے ساچا جام۔ شانت کرایا ساچا سیِنہ۔ مِٹے رَین اندھیری شام، جوتی جوت سروُپ ہرِ، آپ اپنی کِرپا کر، گُرمُکھ ساچا جائے تر، آپ اپنے جِہا کیِنا۔ رسنا گائے گُن گہر گمبھیِر۔ اٹّھے پہر شانت سریِر۔ دسم دواری امرت سیِر۔ ہؤمے کڈھے وِچوں پیِڑ۔ چوٹی چڑھے اِک اخیِر۔ شبد سروُپی بنّھے دھیِر۔ بجر کپاٹی آپے چیِر۔ ساچی ہاٹی شبد امولا، پُرکھ ابناشی آپے تولا، لبھ لبھ تھکے سنت فقیِر۔ در دروازے رہیا گولا، بھاگ نہ لگّا کایا چولا، جوُٹھا جھوُٹھا وِشٹا پھوَلا، سرب گھٹ واسی نہ اندر بوَلا۔ مِلیا میل نہ جوت پرکاشی، نہ کوئی سُنائے ساچا ڈھولا۔ دَیا کمائے گھنک پُر واسی، گُرمُکھ تیرا دسم دواری کایا مندر اندر آپے ہوئے وِچولا۔ کِرت کرم کل ویکھ، لکھّ چؤراسیا۔ کِرت کرم کل ویکھ، گل پائے مالا پھاسیا۔ کِرت کرم کل ویکھ، ہوئے وِچھوڑا ہرِ گُنتاسیا۔ کِرت کرم کل ویکھ، مایا دِوس رَین رہے اُداسیا۔ کِرت کرم کل ویکھ، جوتی جوت سروُپ ہرِ، جوتی جامہ بھیکھ دھر، پکڑ پچھاڑے مدرا ماسیا۔ کِرت کرم کل ویکھ، کل کال دُہائیا۔ کِرت کرم کل ویکھ، کالی رَین اندھیری چھائیا۔ کِرت کرم کل ویکھ، چاروں کُنٹ رہیا گھیری، شبد ڈوری اِک رکھائیا۔ کِرت کرم کل ویکھ، جوتی جوت سروُپ ہرِ، آپے کرے ہیرا پھیری، سِنگھ شیر شیر دلیری، سرِشٹ سبائی رہیا بُھلائیا۔ سرِشٹ سبائی بُھل، بھرم بھؤ لّتھیا۔ نام وِہُنی گئی رُل، انتم ویلے کوئی نہ رکھیا۔ کایا دیِپک ہوئے گُل، ماٹی بھانڈا ہووے سِکھیا۔ لکھّ چؤراسی کوئی نہ چُگے تیرے پُھل، نہ کوئی ونڈائے دُکھیا۔ مانَس دیہی سِمل بوُٹے گئے ہُل، پربھ پوُرے آپ پرکھیا۔ جوتی جوت سروُپ ہرِ، آپ اپنی جوت دھر، گُرمُکھ وِرلا مات رکھیا۔ رکھے رکھنّہار وِچ سنساریا۔ آپے جانے اپنے بھانے، ساچا کھیل اپر اپاریا۔ پکڑ اُٹھائے راجے رانے، چھّبی پوہ دِوس وِچاریا۔ تن چُھہائے کالے بانے، سادھاں سنتاں آپ ہِلا رہیا۔ آپے جانے در دربانے، در درویشا آپ اکھوا رہیا۔ گُرمُکھ ساچے آپ جگائے، برہما سیوا لا رہیا۔ جوتی جوت سروُپ ہرِ، آپ اپنی کِرپا کر، آپے جانے نہ دوُسر کوئی جنا رہیا۔ کالا تن شِنگار دُھر درگاہیِا۔ سادھاں سنتاں کرے خبردار، چھوٹا مُنڈا بےپرواہیِا۔ اندر مندر پُچھے کیہڑا مِلیا یار، پھڑ پھڑ بانہوں دئے ہِلائیا۔ بھرم بُھلایا کیوں سنسار، گُر پوُرا نظر نہ آئیا۔ شبد سروُپی مارے مار، نہ کوئی سکے مات چُھڈائیا۔ ایکا در سچّی سرکار، لہنا دینا دئے چُکائیا۔ دوُجا ویکھ جگت گھر بار، بھیکھ پکھنڈا دئے مِٹائیا۔ تیِجے راجے رانیاں کرے وِچار، شبد ڈنڈا مگر لگائیا۔ چؤتھے گھر پہریدار، گُرمُکھاں رہیا

سیو کمائیا۔ پنجویں ہویا آپ نیار، اچرج ریِتی مات چلائیا۔ چھیویں چھپّر دیوے پاڑ، دے مت رہیا سمجھائیا۔ ستویں سَت پُرکھ نِرنجن نال رلائے شبد دھاڑ، نہ سکے کوئی چُھڈائیا۔ اٹّھویں اُٹھ اُٹھ ویکھے ناڑ ناڑ، گُروُآں پیِراں بھرم گوائیا۔ نؤ دوارے ویکھے جھوُٹھی دھاڑ، ناویں ناواں ساچا لائیا۔ دسویں بَیٹھ سچّی سرکار، آتم کُنڈا آپے لاہیِا۔ پاربرہم برہم کر وِچار، لہنا دین مات چُکائیا۔ بھانا سہنا وِچ سنسار، گُرمُکھاں حُکم سُنائیا۔ منمُکھ ہونا انتم چھار، اُڈے کھیہہ دِس نہ آئیا۔ کلجُگ کالا دھوُاں دھار، سچ دھارا کوئی نہ پائیا۔ گُرمُکھ ساچے کر پیار، شبد بھنڈارا رہیا وکھائیا۔ آتم جوتی دے ادھار، نِرمل گوتی رہیا بنائیا۔ مانک موتی تن شِنگار، ساچے دھاگے رہیا جُڑائیا۔ آپ پروئے در دوار، ساچی سوُئی نام رکھائیا۔ بَیٹھا رہے در سچّے دوار، اگنت اگنت اگنت گنیا مات نہ جائیا۔ جوتی جوت سروُپ ہرِ، ساچی رچنا آپ رچاؤنی، لِکھ لِکھ لیکھا دئے پُچائیا۔ چھّبی پوہ خوشی مناؤنی۔ سادھاں سنتاں اِک سُناؤنی۔ سُرتی شبدی آپ بھواؤنی۔ نوُری جوت اِک جگاؤنی۔ شبد دھار نال رکھاؤنی۔ پوَن سواس مات چلاؤنی۔ چِٹا جوڑا چِٹّا کاغذ رکھے پاس، لیکھا سب دا اُپر لِکھاؤنی۔ جوتی جوت سروُپ ہرِ، آپ اپنی کِرپا کر، سنت دوارا راج راجان کرے کھیل اپارا، پنچا پنچا مُہر لگاؤنی۔ جاگت جاگت جاگت رے من، گُر جگائیو ری۔ بھاگت بھاگت بھاگت رے من، کلجُگ ٹھگوَری پائیو ری۔ لاگت لاگت لاگت رے من، گُر چرن پریِتی لائیو ری۔ سرناگت سرناگت سرناگت رے من، ہرِ سوُرے سرب کل بھرپوُرے حاضر حضوُرے سچ سرنائیو ری۔ جوتی جوت سروُپ ہرِ، آپ اپنی جوت دھر، شبد ہلوُنا مار آپ جگائیو ری۔ رے ٹھگوَری ٹھگ ٹھگن آیا۔ آپے وسے اُپر شاہ رگ، دِس کِسے نہ آیا۔ اٹھسٹھ پِھردے ماٹی پگ، قدم قدم رہیا چلایا۔ گُرمُکھ وِرلے میل سوُرے سربگ، اندر مندر کھوج کُھجایا۔ راہ ساچے گیا لگّ، ساچی پؤڑی آپ چڑھایا۔ آپ مِٹائی ترِسنا اگّ، کؤڑا مِٹھا پھل کھوایا۔ نِرمل جوتی گئی جگ، انڈِٹھا شبد سُنایا۔ ساچی کایا رہی مگھ، پُرکھ ابناشی ساچا تُٹھا دَیا کمایا۔ گُرمُکھ ہنس بنیا کگّ، در گھر رُٹھا آپ منایا۔ جوتی جوت سروُپ ہرِ، آپ اپنی کِرپا کر، گُرمُکھ ساچا سنت سُہیلا ایکا مُٹھا چارو کُنٹاں رہیا وکھایا۔ رے ٹھگ رے ٹھگ ٹھگوَری ٹھگن آئیو ری۔ کلجُگ وا تتی گئی وگ، نہ کوئی بچائے بوَری ری۔ مایا رانی تُٹے تگ، بَیٹھی رہے گہر گوَری ری۔ گُرمُکھاں مُکھ لگائے شبد ساچا سگ، نہ کوئی جانے کھیل اوَر اوَری ری۔ جوتی جوت سروُپ ہرِ، ایکا جوت مات رہی جگ، لکھّ چؤراسی من سُرتی من سُرتی پائی کایا کوَری ری۔ من سُرتی شبد ڈھنڈول، آتم اندھیا۔ سچ وست سد وسے کول، بھاگاں مندیا۔ کایا پڑدہ اپنا پھوَل، رسن وِکاری جھوُٹھے گندیا۔ شبد دمامہ وجےّ

ڈھول، بند کِواڑی کھول جِندیا۔ نِش اکھّر وکھّر بَیٹھا رہیا بول، ساچا راگ اِک سُنندیا۔ نِرمل جوتی سدا اڈول، گھر ساچے آپ وسندیا۔ دِوس رَین کرے چوہل، سجّن سُہیلا سنگ وسندیا۔ ملِے وڈیائی اُپر دھؤل، چرن پریِتی اِک رکھندیا۔ گُرمُکھ سدا رہے اڈول، پربھ ساچا آپ بخشندیا۔ جوتی جوت سروُپ ہرِ، آپ اپنی جوت دھر، آپ بنائے اپنا بندیا۔ گاوت گاوت گاوت رے من گاوت رے، رَین وِہوُنی آئی۔ اُٹھ دھاوت وقت سُہاوت پربھ بھاوت، ہرِ نر شبد تُورت اِک وجائی تُوری۔ داتا سخی کرے سخاوت، پنچاں چوراں سدا بغاوت، ہرجن آسا منسا پوُری۔ اُٹھ اُٹھ جاگ من گاوت گاوت گاوت رے من، نہ دیِسے مات دوُری۔ کوَن گاوت کوَن گِناوے، کوَن اُٹھاوت کوَن سُناوے، گُرمُکھ ساچا پربھ ساچے واچا، آپ اپنے چرن لگاوت، در گھر ساچا ایکا پاوے۔ چرن دھوُڑ سچّا اِشنان نہاوت، امراپد گھر ساچے سدا موکھ مکُت پربھ آپ دواوے۔ امرت آتم پیائے مد، سدا خُماری کرم وِچاری آپ کراوے۔ جوتی جوت سروُپ ہرِ، آپ وکھائے اپنا در ساچی حد، پھڑ پھڑ بانہوں پار کراوے۔ پھڑ باہوں کرے پار، آپ اُدھاریا۔ نہ کوئی جانے پار کِنار، منمُکھ ڈُبے وِچ منجھدھار، بھرمے سرب سنساریا۔ گُرمُکھ ساچے سچ پیار، اِک کرایا ونج وپار، شبد اُڈاری جوت نِرنکار، آپ سُہائے بنک دواریا۔ جوتی جوت سروُپ ہرِ، آپ اپنی جوت دھر، گُرمُکھ بہائے دَیا کمائے ساچے مندر اُچ اٹل شبد محل اُچ مناریا۔ ہرِ گھٹ رام پسار، جگت ونجاریا۔ ہرِ گھٹ رام ادھار، نام جپا رہیا۔ ہرِ گھٹ رام پسار، تیِرتھ تٹ اِک وکھا رہیا۔ جوتی جوت سروُپ ہرِ، آپے وسے گھٹ گھٹ، بھرماں وٹ میٹ مِٹا رہیا۔ بھرماں کڈھے کندھ، آپے ڈھائیا۔ خوشی کرائے بند بند، ساچے گھر وجے ودھائیا۔ اِک اُپجائے پرمانند، نِجانند ہرِ سمائیا۔ گُرمُکھ چڑھائے ساچے چند، سیِتل دھارا رہیا وہائیا۔ آپ مُکائے اگلا پِچھلا پندھ، جگت وِچولا آپ اکھوائیا۔ جوتی جوت سروُپ ہرِ، آپ اپنی کِرپا کر، ایکا شبد سچّا ڈھولا چار ورناں ایکا بولا، گیِت سُہاگی رہیا سُنائیا۔ گیِت سُہاگی گاؤنا نام، آتم مد رتّیا۔ لیکھے لگّے کایا ماٹی جھوُٹھا چام، ساچا بیِج بیِجے ساچے وتیا۔ امرت پیِنا ساچا جام، لیکھا چُکے مات تمام، پُرکھ ابناشی دے سمجھاوے متیا۔ پوُر کرائے سگلا کام، بھاگ لگائے نگر گرام، پنجاں چوراں کرے ہتیا۔ جوتی جوت سروُپ ہرِ، آپ اپنی کِرپا کر، گُرمُکھاں دیوے نام ور، شبد سروُپی ساچی ستّیا۔ شبد سروُپی سَت آپ آدھاریا۔ نِرمل کرے کایا رت، بھرم بُھلیکھا دوُر کرا رہیا۔ آپ رکھائے دھیِرج یت، ساچا لیکھا لیکھے لِکھا رہیا۔ رکھے لاج وِچ جگت، ساچے بھگت آپ بنا رہیا۔ شبد وکھائے ایکا تت، ساچا راہ آپا جنا رہیا۔ جوتی جوت سروُپ ہرِ، آپے دے سمجھاوے مت، ساچا نام پکڑ دامن، اپنا آپ جپا رہیا۔ ساچا نام جپائے، جاپ اجپیا۔

پوُرن اِچھیا آپ کرائے، مِٹائے تیِنو تپیا۔ ساچی بِھچھیا نام پائے، گُرمُکھ آتم جھولی ڈاہے، دِوس رَین کرے رکھیا۔ نام رنگن اِک چڑھائے، دوُجا در نہ منگن جائے، سبنی تھائیں ہوئے سہائے، در گھر ساچے ساچی سِکھیا۔ ساچے انگن آپ اُٹھائے، شبد کنگن تن پہنائے، جوتی جوت سروُپ ہرِ، آپ اپنی کِرپا کر، جن بھگتاں لیکھا آپے لِکھیا۔ لیکھا لِکھنہار لیکھ لِکھاریا۔ سرِشٹ سبائی رہیا ویکھ، آپے گُپت آپے ظاہریا۔ جوتی جامہ دھرنا بھیکھ، وڈ بلکاریا۔ لکھّ چؤراسی میٹن آیا ریکھ، آپے کرے اپنی کاریا۔ ساچا شبد لاون آیا میخ، نہ کوئی سکے جڑ اُکھاڑیا۔ ساچے لوچن لَینا پیکھ، ڈیرہ لائے وِچ پہاڑیا۔ جوتی جوت سروُپ ہرِ، آپ اپنی جوت دھر، جن بھگتاں دیوے نام ور، کایا چھتّے پاڑیا۔ کایا چھتّے لائے پاڑ، شبد سُنیہڑیا۔ مایا اگنی دیوے ساڑ، آپے لائے اِک اُکھیڑیا۔ پنچاں چبائے اپنی داڑھ، کرے حقو حق نِبیڑیا۔ گُرمُکھ ساچا در گھر ساچے دیوے واڑ، جوُٹھا جھوُٹھا جگت جھیڑیا۔ میل مِلائے ساچا لاڑ، کُھلا دیِسے ایکا وِہڑیا۔ آپے وسیا ناڑ ناڑ، بتّی دنداں بھیڑ بھیڑیا۔ جوتی جوت سروُپ ہرِ، آپ اپنی کِرپا کر، گُرمُکھاں دیوے نام ور، کلجُگ تیرا اُلٹا گیڑ اپنے ہتھّیں گیڑیا۔ کلجُگ اُلٹا گیڑ آپ گِڑایا۔ در در گھر گھر پیا جھیڑ، نہ سکے کوئی نِبیڑ، ورن اوَرناں دوکھ پایا۔ نہ کوئی جانے ساچا نگر کھیڑ، جھوُٹھی نگری ڈیرہ لایا۔ آپے مارے بھیڑ بھیڑ، سچ سمگری ساچی راس نہ رکھے کوئی سوایا۔ آپے چھیڑا رہیا چھیڑ، جوتی جوت سروُپ ہرِ، آپ اپنی جوت دھر، شبد بھنڈارے رہیا بھر، لوک ماتی دِس کِسے نہ آیا۔ لوک مات پیا اندھیرا، رَین اندھیری چھائیا۔ پُرکھ ابناشی پایا پھیرا، میری میری جگت بُھلائیا۔ پرگٹ ہوئے سِنگھ شیر شیر دلیرا، میری تیری انتم انت آپے آپ چُکائیا۔ نہ کوئی جانے سنجھ سویرا، اٹّھے پہر رہے دُہائیا۔ مایادھاری جھوُٹھا ڈیرہ، ویکھ وکھانے تھاؤں تھائنیا۔ گُرمُکھاں بنّھے آپے بیڑا، پار لنگھائے پھڑ پھڑ بانہیا۔ در گھر سچےّ سچ نِبیڑا، جوتی جوت سروُپ ہرِ، آپ اپنی کِرپا کر، سدا سُہیلا اِک اَکیلا، دیوے ٹھنڈیاں چھانئیا۔ دیوے ٹھنڈی چھاں، دو جہانیا۔ آپے پِتا آپے ماں، گُرمُکھ ساچے بال اجانیا۔ ہوئے سہائی سبنی تھاں، کرے کرائے جان پچھانیا۔ اِک جپائے ساچا ناں، ساچا دیوے ونجھ مُہانیا۔ جوتی جوت سروُپ ہرِ، آپ اپنی کِرپا کر، جن بھگتاں دیوے نام ور، چلے چلائے اپنے بھانیا۔ ہرِ بھانا انمول، گُرمُکھ وِچارنا۔ انتم تُلنا پوُرے تول، مانَس جنم مات نہ ہارنا۔ آپے پڑدے رہیا کھول، دُئی دوَیتی مِٹے ہنکارنا۔ ساچا شبد وجاوے ڈھول، ساچا کارج آپ سوارنا۔ ساچے مندر رہیا مؤل، کِھڑی رہے شبد گُلزارنا۔ اُلٹی کرے نابھی کوَل، امرت بخشے ساچی دھارنا۔ ملِے وڈیائی اُپر دھوَل، گُرمُکھ ساچے سنت اُدھارنا۔ جوتی جوت سروُپ ہرِ، آپ اپنی کِرپا کر، بیڑا انتم پار اُتارنا۔ مستک ملِے دھوُڑ، چرن دواریا۔

چاڑھے رنگ گوُڑھ، پُرکھ اپاریا۔ بنے چتُر منمُکھ موُڑھ، سِر رکھے ہتّھ سمرتھ کرے پار اُتاریا۔ جھوُٹھی ماٹی کایا کوُڑھو کوُڑ، جوت نِرنجن اپنا محل اُساریا۔ در گھر ساچے نام چام ساچی دھوُڑ، گُرمُکھ ساچے ہرِ دُلاریا۔ جوتی جوت سروُپ ہرِ، آپ اپنی کِرپا کر، دیوے ساچا نام ور، بھریا رہے شبد بھنڈاریا۔ نام رنگ رنگ نام نام کایا چولیا۔ انگ سنگ سنگ انگ انگ سنگ داسی داس بنیا رہے گولیا۔ بھگت منگ من ترنگ، دیوے کلا سولھیا۔ در دوارا رہیا لنگھ، شبد سروُپی اِک پلنگ، آد انت کدے نہ ڈولیا۔ چاروں کُنٹ چار بند، وِچ رکھائے پرمانند، پوُرا تول تولیا۔ میٹ مِٹائے بھرماں کندھ، شبد چڑھائے ساچا چند، ساچے مندر کُنڈا کھولیا۔ ویکھ وکھانے نِجانند، جوتی جوت سروُپ ہرِ، ساچے در آپے وڑ، ساچے مندر آپے بولیا۔ بولے بولنہار آپ بُلایا۔ کایا ماٹی چھاچھ وِرولے، اچرج کھیل رچایا۔ لگّے بھاگ کایا چولے، ساچی رنگن رنگ رنگایا۔ ہرِ سنت کدے نہ ڈولے، اڈول اتُل اٹل آپ رکھایا۔ جوتی جوت سروُپ ہرِ، بھاگ لگائے کایا ساچی کُل، گُرمُکھ مِلیا سہج سُبھایا۔ ملِے درس جگت گُر میِت۔ ایکا راکھو چرن پریِت۔ کایا کرے ٹھنڈی سیِت۔ جوتی جوت سروُپ ہرِ، آپ اپنی کِرپا کر، دعوت دعویٰ کھولے در، شبد سُنائے ناد انادا ساچے مندر ایکا گیِت۔۔