سِنگھاسن والے پلنگ نوُں ہِلاؤنا تے پھیر لِکھت کراؤنی
شبد سِنگھاسن ہرِ ہِلایا، کلجُگ جوت جگائیا۔ گُرمُکھاں دے نیڑے آیا، منُمکھاں رہیا ڈرائیا۔ لکھّ چؤراسی گیڑ رہیا کٹایا، چرن پریِت اِک وکھائیا۔ منمُکھ جیِواں رہیا دبایا، جوت سروُپی بھار پائیا۔ آپ اپنا رہیا چُھپایا، دِس کِسے نہ آئیا۔ کرنہار سدا اکھوایا، کرتا قادر ہرِ رگھُرائیا۔ جوتی جوت سروُپ ہرِ، آپ اپنی جوت دھر، شبد سِنگھاسن رچن رچائیا۔ چار کُنٹ چار دیوار، چارے جُگ ہِلائندا۔ جُگ جُگ مات لئے اوتار، جُگ جُگ بھیکھ وٹائندا۔ جُگ جُگ کھیلے کھیل اپار، جُگ جُگ بنت بنائندا۔ جُگ جُگ سنت سُہیلے لئے ادھار، جُگ جُگ منُمکھاں آپ کھپائندا۔ سَتجُگ تریتا دواپر اُتریا پار، کلجُگ وقت سُہائندا۔ عیسیٰ موُسیٰ محمدی یار، یار یاری توڑ نِبھائندا۔ نانک جوتی دس اوتار، آپ اپنے وِچ سمائندا۔ گُر گوبِندا کر لِکھار، آپ اپنا بھیوَ کُھلائندا۔ پرگٹ ہووے وِچ سنسار، نِہکلنکا ناؤں رکھائندا۔ شبد گھوڑا اپر اپار، نیِلی چھتّوں پار کرائندا۔ نام توڑا سیِس دستار، نام کٹار تن سجائندا۔ لواں پُریاں کرے خبردار، برہما شِو دیوَ ہِلائندا۔ مات لوک کر وِچار، لکھّ چؤراسی ویکھ وکھائندا۔ گُرمُکھاں کرے خبردار، منُمکھاں گوُڑھی نیِند سوائندا۔ جُگ جُگ لہنا دینا قرض اُتار، آپے بھانے وِچ رکھائندا۔ آتم جوتی شبد ادھار، ورن گوتی بھیوَ مِٹائندا۔ جگت واسنا کڈھے کھوٹی، آپ چڑھائے ساچی چوٹی، بند کِواڑا آپ کُھلائندا۔ نام پھڑائے ساچی سوٹی، منمُکھ بُھلے جیِو کوٹن کوٹی، گُرمُکھ وِرلے چرن لگائندا۔ کلجُگ اؤدھ ہوئی چھوٹی، گُر گوبِندا لیکھ لِکھائندا۔ مایادھاری ہتّھ نہ آوے روٹی، سمت ستاراں رُت سُہائندا۔ سمت اٹھاراں بوٹی بوٹی، ایکا نعرہ االلہ ہوُ لگائندا۔ سمت اُنی نہ کوئی حُقہ
نہ کوئی لوٹی، مستک تِلک نہ کوئی لگائندا۔ بیِس بیِسا ہرِ جگدیِشا پرگٹ ہوئے بجر کپاٹا ساچا پتّھر چوٹی، دسم دوارا ہرِ نِرنکارا ایکا در کُھلائندا۔ اِک اِکیِسا چھتر جھُلائے اپنے سیِسا، چرن لگائے چیِنا روُسا، عیسیٰ موُسیٰ رہن نہ پائندا۔ میٹ مِٹائے اِنجیِل قُرآن نہ کوئی پڑھے جگت حدیِثا، کھانی بانی وید پُران انت کرائندا۔ سوہنگ تیری اِک نِشانی، سَتجُگ تیری ساچی بانی، جن بھگت ویکھے ساچے ہانی، جوتی شبدی ایکا میل مِلائندا۔ امرت آتم دیوے ٹھنڈا پانی، سُرت سوانی سُگھڑ سیانی، در مندر اندر اِک سُہائندا۔ اِک ورن کرائے جیرج کھانی، راؤ رنکاں ایکا ڈنکا شبد وجائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، دوار بنک سُہائندا۔ دوار بنک اِک سُہاؤنا۔ ہرِ ہرِ ہرِ آپے وِچ وساؤنا۔ جوتی جوت سروُپ ہرِ، مہاراج شیر سِنگھ وِشنوُں بھگوان، ایکا رنگن رنگ چڑھاؤنا۔ ساڈھے تِنّ ہتّھ کل کایا ڈھیر، دھرت مات ٹِکائیا۔ آپے چلائے اُلٹا گیڑ، دُھر دی بان ہرِ رگھُرائیا۔ تیِرتھ تٹاں دئے اُکھیڑ، مندر گُروُدوارا کوئی رہن نہ پائیا۔ انتم کرے حق نِبیڑ، پربھ جوتی جوت جگائیا۔ لیکھا چُکے نگر کھیڑ، شہر گراں رہن نہ پائیا۔ کُھلا کرے دھرت مات تیرا کلّا ویہڑ، کالا سوُسا تن چُھہائیا۔ لکھّ چؤراسی دئے نِبیڑ، گُرمُکھ ساچے لئے بچائیا۔ نؤ کھنڈ پرِتھمی مارے بھیڑ بھیڑ، چاروں کُنٹاں آپ اُٹھائیا۔ آپے جانے اپنا گیڑ، ستّاں دیِپاں رہیا ہِلائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، پہلی ویر رچن رچائیا۔ ساڈھے تِنّ ہتّھ کل تیری دھار، پربھ انتم انت کرائندا۔ ویکھ وکھانے محمدی یار، نبی رسوُلاں پھڑ ہِلائندا۔ در دوارے ہاہاکار، دھیِرج دھیِر نہ کوئے دھرائندا۔ عیسیٰ اِیشور اِک پُکار، جگدیِش جوت جگائندا۔ لہِندی دِشا پاوے سار، شبد کٹار ہتّھ اُٹھائندا۔ گھڑی گھڑی پل پل رہیا وِچار، دِوس رَین لیکھ لِکھائندا۔ کلجُگ کرماں آپ نِتار، چھاچھ وِرولے مکھنّ کڈھے باہر، جگت سُہیلے آپ اُٹھائندا۔ شاہ ایران ہو تیار، پربھ پرگٹ ہوئے وِچ سنسار، اَناالحق الاہی نوُر سرب کل آپے بھرپوُر، االلہ االلہ نام رکھائندا۔ دہ دِشا کرے چوُرو چوُر، مُلّا شیخ مِٹائے، جوتی جوت جگائے، کایا مندر سچ کوہ طوُر، نِرمل آکار کرائندا۔ ویلا نیڑ نہ جانو دوُر، اِراق کل تُٹے غروُر، سمت سولاں پہلی چیتر پربھ ساچا چرن اُٹھائندا۔ ویکھن جائے ساچا کھیتر، پنچم جیٹھی ساچی ہاڑی ویکھ وکھائندا۔ جوتی جوت سروُپ ہرِ، آپ اپنی جوت دھر، اپنا چرن چُھہائندا۔ پہلی چیتر چِت ٹھگوَر۔ پربھ چرن چُھہائے وِچ لاہؤر۔ بھاگ لگائے دھرت مات تیری گود سجائے، چاروں کُنٹ بنائے تیری مڑھی گور۔ گُرمُکھ ساچے لئے ترائے، آپ اپنا سنگ نِبھائے، شبد رکھائے ساچی ڈور۔ چار یاراں سنگ رلائے، علی شاہ مردنگ وجائے۔ محمد احمد سیِس جھُکائے۔ مکّہ کعبہ راہ تکائے۔ چرن گھوڑے
دے رکابا، دُلدُل تیری واگ گُندائے۔ پرگٹ ہوئے حق جنابا، اَناالحق آپ اکھوائے۔ منمُکھ جیِیاں دئے عزابا، شبد کھنڈا ہتّھ اُٹھائے۔ نہ کوئی پُنّ نہ کوئی پاپا، جُگ جُگ اپنی بنت بنائے۔ کوئے نہ جھلّے ہرِ ہرِ تابا، عرشی پریِتم جوت پرگٹائے۔ گُرمُکھاں امرت دھار وہائے کوَل نابھا، شاستر سِمرت اِنجیِل قُرآن وید پُران کوئی بھیوَ نہ پائے۔ اِک وکھائے حیات آبا، چرن کوَل پربھ نیر چُھہائے۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ساڈھے تِنّ ہتّھ تیرا لیکھ اپنے ہتّھ رکھائے۔ ساڈھے تِنّ ہتّھ پربھ رچن رچائی، شبد سِنگھاسن اِک سجائندا۔ کلجُگ تیری بنت بنائی، نؤ دوارے مُکھ کُھلائندا۔ شبد دوشالن اِک وِچھائی، جوتی نوُر جگائندا۔ جوت آکال اکالن مات پرگٹائی، نام مردنگ ڈھول وجائندا۔ سرب جیِیاں پرِتپالن آپ اکھوائی، آپ اُپائے آپے ڈھاہِندا۔ جوت جوالا آپ کِھچائی، اُچے ٹِلّے پربت پہاڑ ہرِ آپ ہِلائندا۔ اٹھسٹھ تیِرتھ میٹ مِٹائی، گنگا گوداوری نیِر وہائندا۔ مندر مسجِد پئے دُہائی، گُر در نہ ہوئے کوئی سہائی، کلجُگ انت نہ کوئی چُھڈائندا۔ پرگٹ ہووے ہرِ رگھُرائی، لوک مات کل کل وجےّ ودھائی، برہما شِو دیوت سُر پھڑ پھڑ باہوں آپ ہِلائندا۔ گُرمُکھ وِرلے چرن پریِتی گئی جُڑ، جِس اپنی دَیا کمائندا۔ شبد چڑھائے ساچے گھوڑ، ساڈھے تِنّ ہتّھ لیکھ مِٹائندا۔ انتم ویلے جائے بہُڑ، شبد جنائی آپ کرائندا۔ دُھردرگاہی ایکا لایا پؤڑ، راہ وِچ نہ کوئی اٹکائندا۔ پرگٹ جوت براہمن گؤڑ، پوُت سپوُتا آپ اکھوائندا۔ سمبل نگر ویکھے لما چؤڑ، ساڈھے تِنّ ہتّھ بند رکھائندا۔ دُھردرگاہی آیا دؤڑ، جوت سروُپی آسن لائندا۔ لکھّ چؤراسی ویکھے پرکھے مِٹھا کؤڑ، سَتجُگ ساچا روُپ وٹائندا۔ جوتی جوت سروُپ ہرِ، آپ اپنی جوت دھر، کلجُگ تیرا مِٹیا ور، سَتجُگ ساچے کُھلا در، لہنا دینا اپنی ہتھّیں آپ چُکائندا۔ گوبِند روُپ اپار، ہرِ ہرِ وِچ سمایا۔ گوبِند چرن کوَل پنہار، ہرِ ہرِ دَیا کمایا۔ ہرِ ہرِ جوت آکار، گوبِند رہیا جگایا۔ گوبِند جگت جَیکار، ہرِ ہرِ آپ کرایا۔ ہرِ ہرِ کھنڈا دو دو دھار، گوبِند تن پہنایا۔ گوبِند ہویا پہریدار، پربھ ساچی سیوا لایا۔ ساچا میلا وِچ سنسار، کلجُگ لیکھ چُکایا۔ جوتی شبدی اِک پیار، ایکا راہ چلایا۔ پِھر پِھر تھکے جیِو گوار، کلجُگ جیِواں بھیوَ نہ پایا۔ پرگٹ ہوئے نِہکلنک نرائن نر اوتار، گوبِند گوبِند لیکھ لِکھایا۔ سرِشٹ سبائی مارے مار، منُمکھاں دئے مِٹایا۔ گُرمُکھ ساچے لئے ادھار، نیتر نیَن درس دِکھایا۔ کلجُگ سَتجُگ دوویں در دوار، دوہاں لیکھا رہیا چُکایا۔ کلجُگ کالا ویس ہاہاکار، دوئے جوڑ سیِس رہیا جھُکایا۔ سنگ محمد ساچا یار، چار یاراں لڑ پھڑایا۔ نانک بیَٹھا نیَن مُندھار، آتم دھیان لگایا۔ گُر گوبِندا سیوادار، سیوک سیوا رہیا کمایا۔ پُرکھ ابناشی گھٹ گھٹ واسی ویکھ وِچار، جُگ جُگ اپنا بھیکھ وٹایا۔ کلجُگ انتم آئی ہار، کایا کُکرماں
کرم کمایا۔ پُرکھ ابناشی سد سُنے پُکار، چِتُر گُپت اپنا لیکھا رہیا وکھایا۔ رائے دھرم کھولے بند کِواڑ، لاڑی مؤت ہتھّیں مہِندی لایا۔ پربھ ابناشی کِرپا دھار، ویلا انتم انت دِس آیا۔ دھرت مات کرے ہاہاکار، گئوُ غریِب نِمانیاں مَینوُں نِت ستایا۔ دُکھاں بُھکھاں کوئی نہ پاوے سار، راج راجاناں شاہ سُلطاناں اپنا وِکار ودھایا۔ آوے ہتّھ نہ پیِنا کھانا، بستر نہ تن چُھہایا۔ پرگٹ ہوئے پربھ بیِنا دانا، غریِب نِمانیاں گلے لئے لگایا۔ آپ کرائے ٹھانڈا سیِنہ، سَتجُگ ساچا نال جگایا۔ بخشے راج لوک تیِنا، اپنی ہتھّیں تِلک لگایا۔ جوتی جوت سروُپ ہرِ، آپ اپنی جوت دھر، اپنا بھیکھ وٹایا۔ راج تِلک پربھ دیونہارا، جُگ جُگ بنت بنائندا۔ سَتجُگ ساچا سیِونہارا، ایکا نام دھیائندا۔ دوئے جوڑ در نیِونہارا، نِیوں نِیوں سیِس جھُکائندا۔ آپے بخشے بخشنہارا، بخشنہار آپ اکھوائندا۔ سوہنگ بنّھے سیِس دستارا، ساچا توڑا نام سجائندا۔ پرگٹ ہوئے نر اوتارا، ساچا جوڑا جوڑ جُڑائندا۔ سَتجُگ ساچی بنّھے دھارا، دھرتی دھوَل آکاش سمائندا۔ لواں پُریاں اِک ہُلارا، دھروُ دربانی وقت چُکائندا۔ گُرمُکھ ساچے کر پیارا، اپنا شبد جنائندا۔ برہما برہم روُپ اپارا، سرب کلا اکھوائندا۔ شِو جی دیوے جوت ادھارا، آپ اپنے وِچ ٹِکائندا۔ گُرمُکھ ساچا ساچا لاڑا، ہرِ ساچا دھام سُہائندا۔ کروڑ تیتیِس تیرا ویکھے اکھاڑا، سُرپت راجا اِند تال وجائندا۔ امرت برکھے ستاراں ہاڑا، میگھ میگھنی سیوا لائندا۔ منُمکھاں دِسے نہ پِچھا اَگاڑا، گُرمُکھاں آپ اُٹھائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، در دوارا اِک سُہائندا۔ سَتجُگ ساچے ساچی دات، پربھ ساچے جھولی پائیا۔ کلجُگ تیری کوئی نہ پُچھے وات، انت رَین اندھیری چھائیا۔ نہ کوئی پِتا نہ کوئی مات، نہ کوئی بالک گود اُٹھائیا۔ نؤ کھنڈ پرِتھمی ویکھے مار جھات، جیرج انڈ پھول پُھلائیا۔ نہ کوئی پلنگ غلیِچہ دِسے کھاٹ، نہ کوئی پھوُلن سیج ہنڈھائیا۔ نہ کوئی تیِرتھ تٹ دِسے گھاٹ، سر سروور کوئی رہن نہ پائیا۔ کلجُگ بستر گیا پاٹ، لتھے چیِر رہیا شرمائیا۔ کوئی نہ پوُری کرے گھاٹ، مدرا ماسی بیَٹھن مُکھ چُھپائیا۔ گُرمُکھ وِرلے آپ جگائے مستک دیِپک آپ لِلاٹ، جوتی نوُر سوائیا۔ امرت آتم رس لَینا چاٹ، نِجھر دھارا رہیا وہائیا۔ دُرمت مَیل رہیا کاٹ، سوہنگ ساچا نام جپائیا۔ لیکھا چُکے آن باٹ، گربھ واس پھند کٹائیا۔ ایکا سودا ساچے ہاٹ، پربھ ساچا ہٹّ کُھلائیا۔ جوتی جوت سروُپ ہرِ، آپ اپنی جوت دھر، ایکا ونج کرے ونجارا، گھاٹ رہے نہ رائیا۔ سَتجُگ تیرا ساچا رنگ، پربھ ساچا مات رنگائندا۔ آپے ہویا انگ سنگ، انگیکار آپ اکھوائندا۔ نام وجائے اِک مردنگ، چارے کُنٹ سُنائندا۔ چرن کوَل دھارا گنگ، اپنے آپ وہائندا۔ شبد گھوڑے کسے تنگ، مات پاتال آکاش وِچ پِھرائندا۔ نؤ کھنڈ پرِتھمی ویکھے جنگ، شبد کھنڈا گل لٹکائندا۔
مایا ڈسنی مارے ڈنگ، راج راجانا آپ اُٹھائندا۔ لکھّ چؤراسی بھنےّ کاچی ونگ، کوئی نہ کِسے بچائندا۔ جن بھگتاں کٹے بُھکھ ننگ، نام وست ہرِ جھولی پائندا۔ جوتی جوت سروُپ ہرِ، آپ اپنی جوت دھر، سَتجُگ تیری ساچی ریِتی ساچا راہ چلائندا۔ سَتجُگ تیرا ساچا راہ، پربھ ساچے مات چلاونا۔ آپے بنے جگت ملاح، چّپوُ نام لگاونا۔ اُپر بیَٹھے بےپرواہ، دِس کِسے نہ آونا۔ آپ اُٹھائے تھاؤں تھاں، گُرمُکھ سویا کوئے رہن نہ پاونا۔ اپنی ہتھّیں پکڑے بانہہ، چرن کوَل چرن پربھ اپنا در سُہاونا۔ آپے بنے پِتا ماں، بال انجانے گود اُٹھاونا۔ سدا سُہیلا دیوے ٹھنڈی چھاں، دے مت تت سمجھاونا۔ گھر گھر انتم اُڈنے کاں، لج پت نہ کِسے رکھاونا۔ اِک جپائے ساچا ناں، پربھ سوہنگ دھار وہاونا۔ جوتی جوت سروُپ ہرِ، آپ اپنی جوت دھر، سَتجُگ ساچے تیری بنت بناونا۔ سَتجُگ ساچے سچ سُلطان، ساچی سیو کمائیا۔ آپے ہویا ہرِ مِہربان، ہرِ جوتی مات پرگٹائیا۔ رام رمئیا کرِشن کاہن، بھیکھادھاری بھیکھ نہ رائیا۔ نانک گُر گوبِند چرن دھیان، رس رسنا رہے گائیا۔ پرگٹ ہویا جودھا سوُر بلی بلوان، نِہکلنک ناؤں رکھائیا۔ والی ہِند اُٹھ نادان، پربھ سویا رہیا جگائیا۔ انتم میٹے پنچ نِشان، پنچاں ڈوری ہتّھ پھڑائیا۔ پنچاں چاڑھے اِک بِبان، پنچاں مات ودھائیا۔ پنچ مُکھ ایکا گان، پربھ ساچا اِک جنائیا۔ سیِس مُکٹ سِری بھگوان، بیِس بیِسا رہیا اپنے سیِس ٹِکائیا۔ پنچاں چاڑھے رنگ مہان، اُتر کدے نہ جائیا۔ ستّاں دیِپاں اِک گیان، وربھنڈی آپ رکھائیا۔ سِدھی ڈنڈی شبد نِشان، ساچی جھنڈی مات چڑھائیا۔ دھرت مات پربھ دیوے دان، ساڈھے تِنّ ہتّھ بنت بنائیا۔ بال انجانے تیرا جھُلے اِک نِشان، پربھ ابناشی آپنی ہتھّیں دئے چڑھائیا۔ سرب جیِیاں پربھ جانی جان، جُگ جُگ اپنی ریِت چلائیا۔ گُرمُکھ ساچے چتُر سُجان، اپنے سنگ رلائیا۔ پنچاں میلا دُھر فرمان، کل انتم جنم دوائیا۔ تریتا دواپر وِچھڑے وِچ جہان، کلجُگ ملِے مات وڈیائیا۔ سوہنگ مِلیا پیِن کھان، سَتجُگ ساچی رُت سُہائیا۔ اَسوُ تِنّ پربھ مستک بنے اِک نِشان، جوتی نوُر اِک سوائیا۔ جوتی جوت سروُپ ہرِ، آپ اپنی جوت دھر، اپنے ہتّھ رکھے وڈیائیا۔ شبد سوٹی ہتّھ کرتار، اپنی آپ اُٹھائندا۔ تریَلوک پربھ پاوے سار، دھام بھوُمکا ویکھ وکھائندا۔ لوک پرلوک پربھ رہیا سوار، گُرمُکھ ساچے پار کرائندا۔ چرن جوڑا اپر اپار، شبد گھوڑا سنگ رلائندا۔ ویکھ نہ سکے کوئی وِچ سنسار، اپنی ہتھّیں واگ گُندائندا۔ چؤتھا پؤڑا کرے تیار، کلجُگ اَگے سیِس جھُکائندا۔ سمت سولاں مارے پہلی وار، مُنہ دے بھار سُٹائندا۔ پُرکھ ابناشی ہو تیار، گُر سنگت حُکم جنائندا۔ ساچا میلا چرن دوار، ویلا گیا ہتّھ نہ آئیندا۔ ناری نر ہوئے خوار، نہ کوئی کِسے بچائندا۔ پرگٹ ہوئے نِہکلنک نرائن نر اوتار، سولاں سولاں کل ورتائندا۔
بھیکھ پکھنڈا وہائے وہِندی دھار، ایکا دھار وہائندا۔ شبد سِنگھاسن بیَٹھ سچّی سرکار، ساچا مارگ اِک وکھائندا۔ ورن گوت سد وسے باہر، مات گربھ کدے نہ آئیندا۔ آپے گُپت آپے ظاہر، سرب گھٹا آپ سمائندا۔ جن بھگتاں کرے مات پیار، تیِرتھ تٹ ویکھ وکھائندا۔ ویکھ وکھانے جنگل جوُہ اُجاڑ پہاڑ، جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، سمت تیراں نانک دھار، تیری آس پُچائندا۔ نانک تیراں تیراں گایا۔ مودی خانہ مات چلایا۔ پُرکھ ابناشی دَیا کمایا۔ آپ اپنی جوت جگایا۔ سوہنگ کنڈا نال لیایا۔ ساچا تولا آپ اکھوایا۔ لکھّ چؤراسی تیرا مایا ڈولا، کھبےّ رہیا چڑھایا۔ گُرسِکھ تیرا رسنا گایا سوہنگ ڈھولا، سجےّ چھابے آپ ٹِکایا۔ دوہاں بنیا آپ وِچولا، اِک ہُلارا دئے لگایا۔ ترےَگُن مایا سَت تت تیرا بھار رتی ہوئے سولاں، سمت سولاں کل دئے وکھایا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، جن بھگتاں بنیا آپے گولا، در در گھر گھر جائے لئے جگایا۔
گُرمُکھ ساچے مات جگائے، دِوس رَین وَیراگی۔ آپ اپنی سیوا لائے، سرِشٹ سبائی رہیا تیاگی۔ امرت آتم میوہ اِک کھوائے، ہنس بنائے کاگی۔ کؤستک منیِا مستک تِلک اِک لگائے، سُرت سوانی سوئی جِس جن جاگی۔ وڈ دیوی دیوَ آپ اکھوائے، ہرِ سنگت ساچا میل مِلائے، گُرمُکھاں ہوئے وڈ وڈ بھاگی۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان ورتے کھیل، نؤ کھنڈ پرِتھمی چڑھے تیل، کرے سوانگ وڈ سوانگی۔ پہلی اَسوُ پنج تیس، پنچاں ملِے ودھائیا۔ پنچم جوتی بیِس اِکیِس، ہرِ جگدیِش وِچ سمائیا۔ دُھن ناد آتمک وجےّ راگ راگ سُنائے چھتیِس، سُناونہار آپ اکھوائیا۔ شبد چھتر پربھ ساچے سیِس، پنچم مُکھ رلائیا۔ جوتی جوت سروُپ ہرِ، آپ اپنی جوت دھر، سَتجُگ ساچے دئے ودھائیا۔ پنج تیِس ہرِ چرن اُٹھاؤنا، شبدی لیکھ لِکھائندا۔ آؤندا جاندا کِسے دِس نہ آؤنا، گُرمُکھ ساچے وِچ سمائندا۔ نیتر نیَن جِس جن درشن پاؤنا، چرن کوَل دھیان لگائندا۔ شبد سُنیہڑا دیوے پوَنی پؤنا، اُننجا اپنے ہتّھ رکھائندا۔ جوتی جوت سروُپ ہرِ، آپ اپنی جوت دھر، سرب کل سمرتھ، کلجُگ تیرا بدھّا بھار تیرے سیِس ٹِکائندا۔ پنج تیِس کر تیاری، شبد سِنگھاسن ویکھ وکھائندا۔ گُر سنگت کرے نِمسکاری، پربھ ساچا کاج رچائندا۔ سوہنگ مہاراج شیر سِنگھ وِشنوُں بھگوان، رسنا گاؤنا اِک جَیکاری، ایکا تاج آپ بھوائندا۔ بھگت وچھل آپ گِردھاری، کلجُگ مایا جوُٹھ جھوُٹھ گوَردھن اپنے ہتّھ ٹِکائندا۔ ہرِ بھگتاں پَیج رہیا سواری، دھنّ
دھنّ جو جن رسنا گائندا۔ مور مُکٹ ہرِ چھتر جھُلاری، سَتجُگ ساچا چنّ چڑھائندا۔ چار ورناں اِک دواری، بیڑا بنّھ وکھائندا۔ ایکا شبد ہوئے جَیکاری، جےَ جَیکار آپ کرائندا۔ داتا جودھا ہرِ بھنڈاری، شبد بھنڈارا آپ ورتائندا۔ گُرمُکھاں آئی کلجُگ انتم واری، منمُکھ مُکھ چُھپائندا۔ دوہاں پاوے آتم ساری، لہنا دینا موُل چُکائندا۔ مڑھی گور منمُکھ سُتے پَیر پساری، گُرمُکھ اپنی گود اُٹھائندا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، پنج تیِس اپنا کرم کمائندا۔ گُر سنگت پربھ داسی داس، سیو کمائیا۔ گھٹ گھٹ اندر رکھے واس، بھیوَ کوئی نہ پائیا۔ آپے جوتی نوُر کرے پرکاش، آپے شبد دُھن اُپجائیا۔ آپ چلائے پوَن سواس، پنجاں تتاں وِچ ٹِکائیا۔ پنچم پنچاں پائے راس، دہ دِشا ویکھ وکھائیا۔ بنت بنائی ہڈّ ناڑی ماس، پربھ ساچا جوڑ جُڑائیا۔ ساڈھے تِنّ ہتّھ سیِاں پرِتھمی آکاش، چؤداں ہٹّ وِچ رکھائیا۔ چؤداں لوک رکھے واس، اندر بیَٹھا کُنڈا لائیا۔ جو جن ہوئے داسی داس، داسی داس وِچ سمائیا۔ منڈل منڈپ پرِتھمی آکاش ویکھے راس، گوپی کاہن آپ اکھوائیا۔ لیکھ چُکائے دس دس ماس، اُلٹا رُکھ بِرکھ گربھ واس کٹائیا۔ گُر پوُرے گُر سنگت بل بل جاس، دوہاں ایکا بنت بنائیا۔ ہرِ سنگت ہرِ داس، چرن دھیان لگائیا۔ سنگت ہرِ ہووے پاس، آتم برہم جنائیا۔ ساچا میلا وِچ پربھاس، بھَین بھائی نہ کوئے سہائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، نِہکلنک نرائن نر، اپنی ہتھّیں سیو کمائیا۔ سیوا کرے چار جُگ، جُگ جُگ بھیکھ اولّا۔ کلجُگ اؤدھ گئی پُگ، سُنّجا دِسیا جگت محلہ۔ مایا ممتا گئی جھُک، جوُٹھا جھوُٹھا پھل لگّا کایا ڈلّا۔ دھرت مات تن گیا سُک، رو رو نیتر نیِر اُچھلا۔ یت سَت کل گیا مُک، پنج تت پھڑیا ہتّھ وِچ بھلّا۔ جیِو جنت سادھ سنت مدرا ماس پیِندے حُق، دُئی دوَیت کایا سلّا۔ جنگل جوُہ اُجاڑ پہاڑ مندر اندر بیَٹھے لُک، پربھ ویکھ وکھانے جل تھلا۔ سَتجُگ ساچا ویلا گیا ڈُھک، پربھ کا بھانا نہ جائے رُک، مہاراج شیر سِنگھ وِشنوُں بھگوان، گُر سنگت سیوا آپ کمائے، سرِشٹ سبائی پئے ترتّھلا۔ گُر سنگت ہرِ پرنام، آئی چرن دواریا۔ سچ سچّا نام دان، سچ کرائے ونج وپاریا۔ لیکھے لائے کایا چام، پہلی اَسوُ دَیا کما رہیا۔ مِٹے رَین اندھیری شام، پربھ دیِپک جوتی آپ جگا رہیا۔ ایکا ایک ہری ہرِ نام، دوُسر کام نہ کوئی چُھڈا رہیا۔ امرت آتم پیِنا جام، دسم دواری آپ پیِیا رہیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، گُر سنگت تیرا آؤنا جانا لیکھے لا رہیا۔ گھر بار کام کل تج۔ کل چرن دوارے آئے بھجّ۔ پربھ ابناشی کِرپا کرے، امرت آتم بھنڈار بھرے دِوس رَین پینا رجّ۔ دوہاں کارج سرب سرے، پربھ پڑدے دیوے کجّ۔
رسنا گاؤنا سوہنگ نر ہرے، کلجُگ پربھ رکھنہارا لج۔ گوبِند ہرِ ایکا در دوار کھڑے، سِنگھ روُپ کھبےّ سجےّ۔ سمبل نگری نؤ درے، شبد تال ایکا وجےّ۔ پُرکھ ابناشی گُر گوبِندا آپے ورے، لواں پُریاں کھنڈ منڈل وربھنڈ برہمنڈ سرِشٹ سبائی آپ تجے۔ مہاراج شیر سِنگھ وِشنوُں بھگوان، گُر سنگت تیری سیوا آپ کمائے، گُر سنگت ہوئے پِچھے اَگے ۔
چتُربُھج ان رنگ، روُپ رنگ اپاریا۔ سرب جیِیاں پربھ ساچا سنگ، دِس کِسے نہ آ رہیا۔ جن بھگتاں تن مندر وجائے اِک مردنگ، دِوس رَین وجا رہیا۔ امرت آتم نُہائے ساچی گنگ، سر سروور اِک وکھا رہیا۔ کلجُگ اؤدھ گئی لنگھ، بھیکھادھاری بھیکھ وٹا رہیا۔ سرِشٹ سبائی بُھکھ ننگ، نام دان نہ کوئے وکھا رہیا۔ جوتی جوت سروُپ ہرِ، جوتی جامہ بھیکھ دھر، نِہکلنک نرائن نر، والی ہِند آپ اُٹھا رہیا۔ والی ہِند بھگت نِشان جگت نادان، پربھ سویا مات جگائندا۔ اَسوُ تِنّ تِھت وکھان، جوت سروُپی درس وکھائندا۔ پرگٹ ہوئے کرِشنا کاہن، رام رمئیا آپ اکھوائندا۔ دھرم جھُلائے اِک نِشان، ستّاں دیِپاں ویکھ وکھائندا۔ نؤ کھنڈ پرِتھمی اِک گیان، سوہنگ ساچا جاپ جپائندا۔ سمت سولاں میٹ مِٹائے تٹ تیِرتھ جگت اِشنان، گُر در مندر اندر مکّہ کعبہ پھول پُھلائندا۔ سرب جیِیاں پربھ جانی جان، آد انت اِک بھگوان، لوک مات مار جھات، جُگ جُگ بھیکھ وٹائندا۔ چار ورن کرائے اِک جماعت، ناتا بنّھے بھَین بھرات، سَتجُگ ساچا راہ وکھائندا۔ اِک چلائے ساچی گاتھ، پرگٹ ہوئے ہرِ تریَلوکی ناتھ، سگلا ساتھ نِبھائندا۔ لہنا دینا چُکے جیِو جنت سادھ سنت گُر پیِر ساڈھے تِنّ تِنّ ہاتھ، انتم انت ہرِ ساچا کنت پوُرن بھگوَنت لہنا دینا چُکائندا۔ جوتی جوت سروُپ ہرِ، جوتی جامہ بھیکھ دھر، نِہکلنک نرائن نر، شبد کھنڈا وِچ برہمنڈاں ویکھ وکھانے جیرج انڈاں آکاش پرکاش پُرکھ ابناشی بھگت جناں ہوئے داسی داس، ساچے منڈل پاوے راس، جوت نِرنجن نیتر انجن شبد چلائے سواس سواس، لیکھے لائے ہڈّ ناڑی ماس، جِس جن اپنی دَیا کمائندا۔
پہلی اَسوُ ۲۰۱۳ بِکرمی بابا پرتاپ سِنگھ دے ڈیرے جا کے شبد اُچاریا بھَینی صاحِب ضِلع لُدھیانہ
رام سِنگھ گُر رام گڑھ۔ پربھ ابناشی ویکھے اندر وڑ۔ جوت سروُپ نہ کوئی سیِس نہ کوئی دھڑ۔ نہ کوئی مات پاتال آکاش ویکھ سکے لگّی جڑ۔ سنت جناں سد وسے اندر، بھاگ لگائے ساچے مندر، جو جن شبد چؤہ اکھّر جائن پڑھ۔ پنچاں نال رہیا لڑ۔ پنچاں جوڑ جُڑائے، جوت جگائے بہتّر نڑ۔ جوتی جوت سروُپ ہرِ، آپ اپنی جوت دھر، ہرِ سنت سُہیلے آپ بنّھائے اپنے لڑ۔ اپنے لڑ بنھنہار، جُگ جُگ ہرِ بھگوَنتا۔ سنت سُہیلے میلنہارا، دیوے دان جیِیاں جنتاں۔ کرم کُکرماں پرکھنہارا، بھیکھادھاری بھیکھ وٹنتا۔ نانک گوبِند شبد دھار لِکھنہارا، سرِشٹ سبائی ساچا کنتا۔ جوتی جوت سروُپ ہرِ، جُگ جُگ جوتی جامہ بھیکھ دھر، ویس انیک ایک کر، کرے کھیل آدن انتا۔ آد انت جگت پربھ ریِتی، جُگ جُگ کردا آیا۔ گُرمُکھاں کرے کایا پتت پُنیِتی، آپ اپنا درس دِکھایا۔ مانَس دیہی ہرِجن جیِتی، رسنا ہرِ ہرِ گُن گایا۔ کایا ہوئے سیِتل سیتِی، گوبِند گوبِند روُپ سمایا۔ جوتی جوت سروُپ ہرِ، آپ اپنی جوت دھر، جُگ جُگ جوتی بھیکھ دھر، سَتجُگ ساچے جیِو جنت سب بھانڈے کاچے، ساچی سرن لگائے لئے ترایا۔ سَتگُر ساچا ہٹّ ہےَ، کھولے وِچ سنسار۔ نام رکھائے ساچا پٹّ ہےَ، گُرمُکھاں کرے تن شِنگار۔ گُر چرن تیِرتھ ساچا تٹ ہےَ، گُرمُکھ نُہاوَن اُترن پار۔ آپے جانے گھٹ گھٹ ہےَ، آپے اندر آپے باہر۔ آپے جوت جگائے لٹ لٹ ہےَ، آپے دیوے شبد دُھنکار۔ بھاگ لگائے کایا مٹّ ہےَ، جِس جن کِرپا دیوے دھار۔ دُرمت مَیل دیوے کٹ ہےَ، جِس جن دیوے چرن پیار۔ شبد مارے ایکا سٹّ ہےَ، بجر کپاٹی پتّھر دیوے پاڑ۔ سِنگھ رام کلجُگ جیِیاں کڈھے بھرماں وٹّ ہےَ، پرگٹ ہوئے وِچ سنسار۔ سنت سُہیلے لاہا رہے کھٹّ ہےَ، کلجُگ تیری انتم وار۔ جوتی جوت سروُپ ہرِ، آپ اپنی جوت دھر، سمبل نگری دھام اپار۔ دھام اولّا، پربھ ساچی جوت جگائندا۔ گُرمُکھ وسائے اِک محلہ، ہرِ ہرِ سیوا لائندا۔ آپے جانے جل تھلا، جنگل جوُہ اُجاڑ پہاڑ ڈوُنگھی کندر ویکھ وکھائندا۔ لکھّ چؤراسی آپے چبائے اپنی داڑھا، ورتے کھیل ستاراں ہاڑا، سمت سولاں ہاہاکار سرِشٹ مات کرائندا۔ گُرمُکھ ساچا ساچا لاڑا، پُرکھ ابناشی گھٹ گھٹ واسی گُر گوبِندا سگلی لاہے چِندا، آپ اپنی سیو کمائندا۔ سِنگھ پرتاپ ہرِ ساچا جاپ، آپ پچھانے آپا آپ، نہ بھیوَ کوئی چُھپائندا۔ لوک مات وڈ پرتاپ، جِس جن سیِس اپنا ہتّھ ٹِکائندا۔ ترےَگُن مایا رہی کانپ، برہما وِشن مہیش سیِس در جھُکائندا۔ مایا ڈسنی نہ ڈسے سانپ، ایکا شبد ساچی وست آتم جھولی پائندا۔ دُرمت مَیل دھووے داغ، ہنس بنائے پھڑ پھڑ کاگ، آتم جوتی جگے چراغ،
دُھن انادی بودھ اگادھی شبدی اِک رکھائندا۔ جوتی جوت سروُپ ہرِ، آپ اپنی جوت دھر، رام سِنگھ گُر ساچا گڑھ، شبد سروُپی ویکھے اندر وڑ، جگت وِکارا جائے سڑ، سانتک سَت جو ورتائندا۔ سَت سَت ورتے، ہرِ ورتاونہارا۔ جن بھگتاں رکھے پت اُپر دھرتے، پرگٹ ہوئے نِہکلنک نرائن نر اوتارا۔ سَتگُر ساچے سرن سرنائی پرتے، جیِو جنت جگ اُترے پارا۔ گُرمُکھ ساچے سنت جن پربھ بھانا سِر تے جرتے، آد انت جُگا جُگنت پوُرن بھگوَنت سادھ سنت کرے شبد پیارا۔ جوتی جوت سروُپ ہرِ، آپ اپنی جوت دھر، انتم ویکھے سچ گھر، ساچا ونج کرے کرائے نام اپارا۔ آؤنا جانا ول چھل، اچرج ریِت چلائیا۔ کھیلے کھیل گھڑی گھڑی پل پل، شبد سِنگھاسن ڈیرہ لائیا۔ جوت نِرنجن رہی بل، اگیان اندھیر مِٹائیا۔ گُر سنگت جو جائے رل، گُر پوُرا ساچی نئیا نام چڑھائیا۔ ساچے سنت ہرِ جائے بل بل، ایکا ٹیک ہرِ رگھُرائیا۔ جوتی جوت سروُپ ہرِ، ویکھ وکھانے سچ گھر، بند کِواڑ کوَن کرائیا۔ سَتگُر ساچا دھنّ ہےَ، ہوئے شبد جَیکار۔ جِس جن آتم گیا منّ ہےَ، دو جہاناں بیڑا پار۔ چیلا گُروُ دھنّ ہےَ، میلا اِک دوار۔ نہ وسیرا چھپری چھنّ ہےَ، نہ کوئی بنک دوار۔ سچّا دیوے نام دھن ہےَ، کوئی لُٹے نہ چور یار۔ راگ سُنے سُنائے ساچا کنّ ہےَ، دُھن انادی اگمّ اپار۔ سب دا بیڑا رہیا بنّھ ہےَ، بھیکھادھاری بھیکھ اپار۔ جوتی جوت سروُپ ہرِ، آئے در ویکھے سر، چُکے ڈر نؤ دوارے وسے باہر۔ پہلی اَسوُ ویہہ سؤ تیراں، تیری رُت سُہائیا۔ سادھ بھَینی در ساچا پھیرا، ہرِ ہرِ آپے پائیا۔ گئوُ غریِب نِمانیاں کٹے جم کا جیڑا، پھڑ پھڑ راہے پائیا۔ انتم کرے سچ نِبیڑا، ساچا پلّا نام پھڑائیا۔ جوتی جوت سروُپ ہرِ، آپ اپنی جوت دھر، انتم میلا لئے مِلایا۔
۲ اَسوُ ۲۰۱۳ بِکرمی گجّن سِنگھ دے گرِہ انبالہ چھاؤنی
ہرِ ساجن جگ میِت، جُگ جُگ کرم کمائندا۔ جن بھگتاں دسےّ ساچی ریِت، منمُکھ بھرم بُھلائندا۔ شبد سُنائے سُہاگی گیِت، گوبِند کایا روُپ سمائندا۔ آپے کرے پتت پُنیِت، نیِت انیِتی ویکھ وکھائندا۔ امرت دھارا کایا کرے ٹھنڈی سیِت، نِجھر جھِرنا آپ جھِرائندا۔ جوتی جوت سروُپ ہرِ، جُگ جُگ جامہ بھیکھ دھر، ہرِجن سوئے آپ جگائندا۔ گُرمُکھ سوئے مات جگائے، بخشے چرن پیارا۔ ایکا ایک نام جپائے، کایا تن بھرے بھنڈارا۔ جنم کرم پربھ اپنے لیکھے لائے، درس دِکھائے اگمّ اپارا۔ نیتر پیکھے جو جن درشن پائے، لکھّ چؤراسی اُترے پارا۔ جوتی
جوت سروُپ ہرِ، جوتی جامہ بھیکھ دھر، کلجُگ انتم لوک مات لئے اوتارا۔ لوک مات پربھ جامہ دھار، نوُری جوت جگائیا۔ شبد بھریا اِک بھنڈار، گُرمُکھاں رہیا ورتائیا۔ دیونہارا وارو وار، اپنی ریِتی اپنے ہتّھ رکھائیا۔ بھرمے بُھلے جیِو گوار، پُرکھ ابناشی سار نہ پائیا۔ مایا رُلے تن ہنکار، کام کرودھ اگن جلائیا۔ در دوارا ایکا بُھلے، پرگٹ ہوئے ہرِ گِردھار، شبد کھنڈا ہتّھ اُٹھائیا۔ نؤ کھنڈ پرِتھمی پاوے سار، برہمنڈاں کھوج کھوجائیا۔ کروڑ تیتیِسا دیوت سُر کرے پُکار، دوئے جوڑ سرن سرنائیا۔ برہما شِو رہے وِچار، پربھ اچرج بنت بنائیا۔ انتم ویلے آئے ہار، ہرِ ہرِ بھیوَ ابھید بھیوَ نہ رائیا۔ پرگٹ ہوئے نِہکلنک نرائن نر اوتار، اچھل اچھید اِک کرائیا۔ لکھّ چؤراسی مارے مار، گُرمُکھ ساچے لئے ترائیا۔ کلجُگ انتم کرے وِہار، سمت تیراں رُت سُہائیا۔ نانک تیری تیراں دھار، پہلی اَسوُ آپ لِکھائیا۔ سِنگھ رام تیرا ویکھے در دربار، اندر مندر پھول پُھلائیا۔ جوتی جوت سروُپ ہرِ، آپ اپنی جوت دھر، گُرمُکھ ساچے سنت سُہیلے شبد سروُپی ساچے میلے جوتی جوت مِلائیا۔ شبد میلا سچ دوار، کرے کرائے ہرِ نِرنکاریا۔ گُرمُکھ وِرلا ہووے سیوادار، سیوک سیوا رسن لگا رہیا۔ ساچی سیوا در دربار، رسنا بھیوَ ابھیوَ گا رہیا۔ ملِے میل ہرِ پُرکھ بھتار، گُرمُکھ ناری آپ پرنا رہیا۔ آتم سیجا سُتا پَیر پسار، آپ اپنا مُکھ چُھپا رہیا۔ گُرمُکھاں سُہائے ساچی رُتا، ہؤمے دُکھاں روگ مِٹا رہیا۔ سُپھل کرائے مات کُکھا، جِس جن اپنی سرن لگا رہیا۔ در دوارے جو جن آئے درشن بُھکھا، نیتر لوچن نیَن تیِجے درس دِکھا رہیا۔ مات گربھ نہ آئے اُلٹا رُکھا، لکھّ چؤراسی پھند کٹا رہیا۔ جوتی جوت سروُپ ہرِ، آپ اپنی جوت دھر، کلجُگ انتم ویکھ گھر، ہرِجن ساچے میل مِلا رہیا۔ ہرِجن ساچا اِک ہےَ، جُگ جُگ اولّڑی کار۔ گُرمُکھاں کایا کرے سدا بِبیک ہےَ، دیوے شبد ادھار۔ ایکا ایک سرن سرنائی ساچی ٹیک ہےَ، چرن کوَل ادھار۔ منمُکھ رہے ویکھی ویکھ ہےَ، کلجُگ انتم آئی ہار۔ انتم مِٹنی سب دی ریکھ ہےَ، نہ کوئی دیِسے وِچ سنسار۔ جوتی جامہ ہرِ ہرِ بھیکھ ہےَ، گُر گوبِندا پاوے سار۔ گُرمُکھ وِرلا نیتر لئے پیکھ ہےَ، جِس جن اپنی کِرپا دیوے دھار۔ جوتی جوت سروُپ ہرِ، آپ اپنی جوت دھر، ساچا میلا اِک در، پوُرب کرماں رہیا وِچار۔ جنم کرم پربھ ہتّھ، پوُرب لہنا چُکائندا۔ سرب کل سمرتھ، سگل وسوُرے جائن لتھ، جو جن آتم درشن پائندا۔ ناد انادا شبد اکتھ، پنچم پنچاں راگ الائندا۔ پنچ وِکارا دیوے متھ، ساچا تال وجائندا۔ جوتی جوت سروُپ ہرِ، آپ اپنی جوت دھر، گُرمُکھ ساچے سنت دُلار، اپنے رنگ رنگائندا۔ شبد رنگ گُرمُکھ منگ، انتم انت رنگائندا۔ شبد گھوڑے کس تنگ، سادھ سنت گُر پیِر در در ویکھ وکھائندا۔ دسم دواری کوئی نہ بیَٹھا اَگے لنگھ، مایا بھرمے بھرم
بُھلائندا۔ شبد سروُپی اِک پلنگ، پربھ ساچی سیج وِچھائندا۔ نہ کوئی بُھکھ نہ کوئی ننگ، آلس نِندرا ترِشنا ترِکھ مِٹائندا۔ شبد وجےّ اِک مردنگ، ناد انادا آپ وجائندا۔ گُرمُکھ وِرلا ہرِ سنت سُہیلا چرن دوار پار جائے لنگھ، ایکا در ایکا گھر امرت آتم ساچا سر ساچے نُہاوَن تیِرتھ آپ نُہائندا۔ نہ جنمے نہ جائے مر، لکھّ چؤراسی چُکے ڈر، جوتی جوت سروُپ ہرِ، آپ اپنی جوت دھر، جِس جن کایا من دیوے نام دھن، بھرم بھؤ کڈھے جن، درس درسی آپ وکھائندا۔ درس اموگھ دُھر سنجوگ، جُگ جُگ میل مِلائندا۔ رسنا دیوے ساچی چوگ، آتم رس وکھائندا۔ نہ کوئی ہرکھ نہ کوئی سوگ، ایکا رنگ رنگائندا۔ دُھردرگاہی بخشے ساچا جوگ، جُگت اپنے ہتّھ رکھائندا۔ جوتی جوت سروُپ ہرِ، آپ اپنی جوت دھر، ہرِجن سوارے آپے بُھگت، بھگت بھگوَنت کنت سنت ایکا سیج ہنڈھائندا۔ سنت کنت شبدی ناتا، جوتی میل مِلائیا۔ ملِے میل ہرِ پُرکھ بِدھاتا، جوت نِرنجن تیل چڑھائیا۔ ایکا پِتا ایکا ماتا، جن بھگتاں دیوے ساچی داتا، جُگ جُگ اپنا بھیکھ وٹائیا۔ کلجُگ ویکھے رَین اندھیری راتا، مایا ممتا جھوُٹھا ناتا، بُھلی سرب لُکائیا۔ چار ورن سُنائے ایکا گاتھا، پرگٹ ہوئے تریَلوکی ناتھا، جوتی جوت سروُپ ہرِ، آپ اپنی جوت دھر، جگائے جوت سبنیں تھائنیا۔ گُرمُکھ وڈیائی دھنّ ہےَ، دھنّ پایا ہرِ ہرِ نامہ۔ ہرِ بھگت وڈیائی جن ہےَ، جن مِلیا گوبِند راما۔ ساچا راگ سُننا کنّ ہےَ، مِٹے رَین اندھیری شاما۔ جگے جوت کایا تن ہےَ، وجےّ انحد شبد دمامہ۔ جوتی جوت سروُپ ہرِ، آپ اپنی کِرپا کر، گُرسِکھ گُرمُکھ بال انجانیا۔ دیوے نام امرت آتم سچّا جام دُھر درگاہی سچّا طاما۔ نام طام جگت دھرواس، دیونہار داتارا۔ نِج گھر آتم رکھے واس، ہر گھٹ روُپ پسارا۔ ویکھ وکھانے پرِتھمی آکاش، پُرکھ اگمّ اگمّڑی کارا۔ جوتی جوت سروُپ ہرِ، جوتی جامہ بھیکھ دھر، کلجُگ کھیلے کھیل نِہکلنک نرائن نر اوتارا۔
چار کُنٹ دہ دِشا، ہرِ ساچا ویکھ وکھائندا۔ کلجُگ انتم پائے حِصّہ، نؤ کھنڈ پرِتھمی ونڈ ونڈائندا۔ راج راجاناں شاہ سُلطاناں والی دو جہاناں خالی کرے کھیِسا، در در گھر گھر انت پِھرائندا۔ جوتی جوت سروُپ ہرِ، لوک مات ہرِ جوت دھر، لوک مات کِسے نہ دِسا، آپ اپنے رنگ سمائندا۔ آپ اپنے رنگ سمایا، گوبِند روُپ اکالی۔ گُرمُکھ ساچا سنت جگائے، دیوے شبد دلالی۔ پاربرہم برہم میل مِلائے، دیِپک جوت جگے مستک گگن ساچی تھالی۔ ورن گوت گوت ورن کل میٹ مِٹائے جگت اولّڑی چالی۔ ایکا اوٹ ہرِ رگھُرائے، پھل لگائے کایا ڈالی۔
لکھّ چؤراسی جیِو جنت سادھ سنت آلنیو ڈگے بوٹ، لوک مات نہ کوئے اُٹھائے۔ تیِرتھ تٹاں بھیکھادھاری پِھردے کوٹن کوٹ، پُرکھ ابناشی گھٹ گھٹ واسی ساچے مندر اندر کِسے دِس نہ آئے۔ جوتی جگے بیَراگ اُداسی رمتا رمتا مایا ممتا پیِسن پیِس پِسائے۔ جوتی جوت سروُپ ہرِ، آپ اپنی جوت دھر، نِہکلنک نرائن نر، گوبِند روُپ سمائے۔ گوبِند کایا سچ گھر، ہرِ ساچی جوت جگائیا۔ آپ کُھلایا آتم در، دسم دواری بھیوَ چُکائیا۔ جوت آکاری اِک کر، شبد دھارا دھار وہائیا۔ امرت آتم نُہائے ساچے سر، دِوس رَین اِشنان کرائیا۔ پنچاں توڑے ہنکاری گڑھ، جیِیا دان جھولی پائیا۔ شبد سروُپی اندر وڑ، پنج شیَطاناں بنّھ بنّھائیا۔ در دوارے اَگے کھڑ، آتم برہم گیان جنائیا۔ شبد گھوڑے ساچے چڑھ، کھنڈ منڈل برہمنڈ وربھنڈ لواں پُریاں پار کرائیا۔ آپے ویکھ جیرج انڈ، اُتبُھج سیتج ویکھ وکھائیا۔ لکھّ چؤراسی تیری ونڈ، پربھ آپے رہیا ونڈائیا۔ برہما شِو دیوت سُر دیوے ونڈ، سوہنگ کھنڈا ہتّھ اُٹھائیا۔ سرِشٹ سبائی نار دُہاگن ہوئی رنڈ، سنت کنت نہ کوئی ہنڈھائیا۔ جن بھگتاں پلّے بنّھے نام گنڈھ، دو جہاناں سدا سہائیا۔ میٹ مِٹائے بھیکھ پکھنڈ، سمت تیراں ویہہ صد اَسوُ تِنّ والی ہِند کرے جنائیا۔ ہتّھ پھڑے پربھ چنڈ پرچنڈ، نؤ کھنڈ پرِتھمی کھنڈ کھنڈ، چارے کُنٹاں پِھرے دُہائیا۔ راج راجاناں لاہے گھمنڈ، جوتی جوت سروُپ ہرِ، جوتی جامہ بھیکھ دھر، اچرج ریِتی مات چلائیا۔ والی ہِند شبد جنائی، ہرِ ساچے چرن دھیانا۔ انتم ویلے ہوئے جُدائی، گُرمُکھ وِرلے میل سِری بھگوانا۔ مایا ممتا راج جوگ کُڑمائی، سَت سنتوکھی کوئی نہ بنّھے ہتھّیں گانا۔ نؤ در وجّدی رہے ودھائی، دسویں راگ نہ کوئی سُنانا۔ پنڈت پاندھے رہے بُھلائی، پڑھ پڑھ وِدیا وید وِدانا۔ ہرِ انتر بُجھائے بسنتر شبد جوت پرگٹائی، دیوے نام نِشانہ۔ آوے جاوے پھیرا پائی، رام رمئیا گوپی کاہنا۔ سمبل نگری دھرم سنوائی، پرگٹ ہوئے ہرِ جانی جانا۔ گئوُ غریِباں پکڑے بانہی، اٹھسٹھ تیِرتھ میٹ مِٹانا۔ چار ورن دیوے ٹھنڈیاں چھائیں، سَت سَتوادی سَت پُرکھ نِرنجن اِک جھُلائے دھرم نِشانہ۔ گُرمُکھاں نیتر پائے انجن، در دوارے دیوے مانا۔ چرن دھوُڑ کل ساچا مجن، جوتی جوت سروُپ ہرِ، آپ اپنی جوت دھر، ایکا راگ جگت حدیِث بھگت سُنائے ساچا گانا۔ راگ چھتیِس ایکا رنگ، ایکا شبد جنائیا۔ سپارا تیِس وجےّ مردنگ، بیِس اِکیِس مُکھ چُھپائیا۔ گنگا گوداوری ہوئے ننگ، تیِرتھ تٹ کوئی رہن نہ پائیا۔ مندر مسجِد گُردر ہوئن بھنگ، کلجُگ انگ انگ بھنائیا۔ گُرمُکھ وِرلا پار جائے لنگھ، جِس پربھ ساچا سرن لگائیا۔ شبد گھوڑے کس تنگ، نام مردنگ اِک وجائیا۔ سمت چؤداں مارے ڈنگ، منُمکھاں کایا دئے جلائیا۔ گُرمُکھاں آتم چاڑھے رنگ، وجےّ نام ودھائیا۔ سدا سُہیلا ہوئے سنگ، جوت نِرنجن ناؤں رکھائیا۔
شبد بیَٹھ سچ پلنگ، دسم دواری نر نِرنکاری آتم سیجا آسن لائیا۔ ایکا منگے ساچی منگ، چرن پریِتی ساچی نیِتی جن بھگتاں جھولی پائیا۔ جُگ جُگ کردا آیا اپنی ریِتی، جُگ جُگ بھیکھ وٹائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نؤ کھنڈ پرِتھمی ستّاں دیِپاں چرناں ہیٹھ رہیا پِسائیا۔ نؤ کھنڈ پرِتھمی ستّ دیِپ، لکھّ چؤراسی گیڑا۔ مایا ممتا پیِسن رہیا پیِس، نہ کوئی کرے حق نِبیڑا۔ انتم لیکھا چُکے بیِس اِکیِس، کُھلا ہووے دھرت مات تیرا ویہڑا۔ ایکا چھتر جھُلے پربھ ساچے سیِس، ذات پاتی ورن برن اوُچ نیِچ راج راجاناں شاہ سُلطاناں والی دو جہاناں کرے نِبیڑا۔ جگے جوت جگت جگدیِش، آپ چُکائے چؤتھے جُگ کلجُگ تیرا گیڑا۔ ہرِ سنگت سیوا پروان، در دوار کمائیا۔ امرت آتم میوہ ساچا کھان، توٹ رہے نہ رائیا۔ رسنا جِہوا ساچی گان، گوبِند گوبِند گوبِند ہرِ ہرِ ہرِ درس دِکھائیا۔ بجر کپاٹی وجےّ بان، تیِر نِرالا آپ چلائیا۔ اؤکھی گھاٹی مات چڑھ جان، پربھ ساچا ہوئے سہائیا۔ ساچے مندر اندر انت وڑ جان، دھرم رائے بیَٹھا مُکھ چُھپائیا۔ پُرکھ ابناشی کرے پچھان، چِتر گُپت نہ لیکھ وکھائیا۔ در دوارا ایکا پان، اٹّھے پہر نیتر لوچن درس پُرکھ ابناشی بیَٹھا جوت جگائیا۔ ایکا راگ جگت تیاگ ساچا ناد دُھن دُھن ناد تیری وڈیائیا۔ آتم دیوے امرت ساچا پیِن کھان، جگت ترِشنا بُھکھ مِٹائیا۔ سرب گھٹاں ہرِ جانی جان، نام چوگ ساچی مُکھ رکھائیا۔ انتم چُکے جم کی کان، لکھّ چؤراسی پھند کٹائیا۔ شبد پنگھوُڑا سچ بِبان، پارکھ پارکھی آپ اُٹھائیا۔ درگاہ ساچی دیوے مان، مہاسارتھی نام رکھائیا۔ لیکھا چُکے آون جان، جوتی جوت سروُپ ہرِ، آپ اپنی جوت دھر، جِس جن دیوے شبد ور، سیوک سیوا لیکھے لائیا۔
۲ اَسوُ ۲۰۱۳ بِکرمی دِلّی سنت کرپال سِنگھ نے ڈیرے سدّیا تے پِھر آپ ڈیرہ چھڈ کے باہر چلا گیا
تے سنگت توں مُکھ بھوا گیا
ست پُرکھ نِرنجن ایک ہےَ، سرِشٹ سبائی ٹیک۔ سرِشٹ سبائی رہیا ویکھ ہےَ، کوَن گھر مات بِبیک۔ آپے لِکھنہارا لیکھ ہےَ، نؤ کھنڈ پرِتھمی نیتر پیکھ۔ کلجُگ تیرا کالا بھیکھ ہےَ، جوُٹھی جھوُٹھی لگّی میخ۔ انتم نہ کوئی رہنا اولیا پیِر شیخ ہےَ، جیِو جنت سادھ سنت پربھ رکھے چرناں ہیٹھ۔ کلجُگ مایا ممتا بھرمے بُھلے وڈ وڈ سیٹھ۔ در میلا نہ ساچے کنت ہےَ، ہوئے جھوُٹھے کؤڑے ریٹھ۔ ممتا اگنی مہیِنہ جیٹھ
ہےَ، ہؤمے تتی سیِس ریت۔ جوتی جوت سروُپ ہرِ، آپ اپنی جوت دھر، آپے جانے اپنا لیکھ۔ آپ اپنا لیکھ لِکھایا، لیکھا دُھر درگاہی دا۔ سنت کِرپال پربھ حُکم جنایا، اَسوُ دو ویلا ساچے ماہی دا۔ اَسوُ تِنّ ویکھ وکھایا، در گھر ٹِکانا ساچے شاہی دا۔ آپ اپنا بھیکھ وٹایا، کھیلے کھیل بےپرواہی دا۔ سادھاں سنتاں بہہ بہہ آسن لایا، پُرکھ ابناشی دِس نہ آیا، کوَن دوارے بہہ بہہ گائی دا۔ رسنا ڈھول مردنگ وجایا، نؤ دوارے نہ لنگھ وکھایا، لیکھا چُکے آون جاون جھوُٹھی پھاہی دا۔ مانَس جنم بھنگ کرایا، جوتی جوت سروُپ ہرِ، آپ اپنی جوت دھر، لہنا دینا جگت موُل اپنی ہتھّیں رہیا چُکایا۔ سنت کِرپال تیرا قؤل اِقرار، گھر ساچے اِک نِبھائندا۔ اپنا چھڈیا در دربار، پنچم ساوَن وقت بُھلائندا۔ ساچا میِتا میِت مُرار، ساوَن ساوَن ساوَن رسنا گائندا۔ اچرج ریِتا ویکھ وِچ سنسار، سادھ سنت نہ کوئی بچن نِبھائندا۔ امرت نام نِدھان مات کِسے نہ پیِتا، ساچا دھام نہ کوئی وسائندا۔ کل کوئے نہ پتت پُنیِتا، پلّے دام نہ نام کوئی رکھائندا۔ جوتی جوت سروُپ ہرِ، آپ اپنی جوت دھر، اَسوُ دو آئے در، ویکھ وکھانے گھر گھر ساچا ساجن دِس نہ آئیندا۔ ساچے ساجن چھڈیا گھر، اُلٹی ریِت چلائندا۔ اپنی رسنا منگیا ور، ساچی لگّی توڑ نِبھائندا۔ اپنی کرنی رہیا کر، بھرم بُھلیکھا بےپرواہی دا۔ انتم بند کرائے سارے در، چار ورناں ایکا سرناں ایکا راہ جنائی دا۔ سمت سولاں چُکے ڈر، دوئے دوئے جوڑ نہ سیِس کِسے جھُکائی دا۔ سنت سُہیلے گُر گُر چیلے پربھ ابناشی لئے پھڑ، جوتی شبدی میل مِلائی دا۔ پنچم اندر رہیا سڑ، پنچم جوڑ جُڑائی دا۔ نہ کوئی سیِس نہ کوئی دھڑ، ساچے مندر بہنا وڑ، اٹّھے پہر درشن ماہی دا۔ کدے نہ کرے بند در، گُر سنگت کولوں نہ آئے ڈر، سَتگُر ساچا وسے ساچے گھر، نہ کوئی ناری نہ کوئی نر، ایکا انک سمائی دا۔ امرت نُہائے ساچے سر، آپ اپنی کِرپا کر، درس کرائے دَیا کمائے، ہرِجن اپنے رنگ رنگائی دا۔ جوتی جوت سروُپ ہرِ، آپ اپنی جوت دھر، اَسوُ دو ویکھے گھر، مستک لیکھ لِکھیا کیہڑی شاہی دا۔ اپنی ہتھّیں لِکھیا لیکھ، کوَن دِوس سُہاونا۔ اُتر دِتا سب گھٹ ویکھ، وار تِھت آپ سمجھاونا۔ مستک ویکھے لگّی میخ، بجر کپاٹی کھول کُھلاونا۔ نہ کوئی جانے دھاری بھیکھ، جوت سروُپی ہرِ بھگواننا۔ نہ کوئی مُچھ داہڑی نہ کیس، نہ کوئی دِسے موُنڈ مُنڈاونا۔ سب گھٹ آپے ہوئے پرویش، شبدی آپ پھڑائے دامنا۔ ویکھ وکھانے نر نریش، راج راجاناں شاہ سُلطاناں دے مت آپ سمجھاونا۔ اَسوُ تِنّ پربھ ساچے ویس، پربھ اپنا آپ وٹاونا۔ جوتی جوت سروُپ ہرِ، آپ اپنی جوت دھر، وقت وِچارے ساڈھے دس، والی ہِند آپ اُٹھاونا۔ والی ہِند جانا جاگ، پربھ دِلّی چرن چُھہائندا۔ سنت سُہیلے گئے بھاگ، اِک اِکلّا جوت پرگٹائندا۔ مایا ڈسے نہ ڈسنی ناگ، شبد وَیراگ اِک
اُپجائندا۔ چرن دھوُڑی بخشے ساچا مجن ماگھ، گُرمُکھ دِوس رَین نُہائندا۔ کلجُگ کایا لگّے بھاگ، لکھّ چؤراسی پھند کٹائندا۔ پھڑ پھڑ ہنس بنائے کاگ، کاگوں ہنس بنائندا۔ جگت ترِشنا بُجھائے آگ، ایکا امرت جام پیائندا۔ سرِشٹ سبائی پکڑی بیَٹھا واگ، نؤ کھنڈ ستّ دیِپ آپے آپ بھوائندا۔ جوتی جوت سروُپ ہرِ، آپ اپنی جوت دھر، انتم ویکھن آیا در، کوَن سُہیلا رسنا بولے کرے میلا، گُر پوُرا بچن نِبھائندا۔ اَسوُ تِنّ دِوس وِچار۔ دو دو پربھ میٹے دھار۔ ایکا ایک ایکنکار۔ سرِشٹ سبائی ایکا بنّھے دھار۔ ورن برن نِہکلنک کل ساچی سرن، کلجُگ تیری انتم وار۔ راج راجان شاہ سُلطان وِچ جہان۔ سرِشٹ سبائی ساچی کرے پچھان۔ سمت سولاں پندراں کتّک ویکھ وکھان۔ اِک حدیِث اوُچ نیِچ سارے پڑھن، سوہنگ اکھّر مات مہان۔ گُر پیِر سادھ سنت در در گھر گھر بیَٹھے لڑن، خالی دِسن اندر مندر سُنّج مسان۔ جوُٹھے جھوُٹھے مات سڑن، انتم تُٹے ہنکاری جِندر، میٹ مِٹائے پنج شیَطان۔ جوتی جوت سروُپ ہرِ، آپ اپنی جوت دھر، کلجُگ انتم ویکھ در، کھیلے کھیل سِری بھگوان۔
پنچم ساوَن پنچم گایا، پنچم رُت سُہائیا۔ سَتگُر ساوَن دِوس منایا، شبد ہوئی کُڑمائیا۔ اندر بیَٹھ ہرِ سنت ایہہ متا پکایا، اَسوُ دو رُت سُہائیا۔ آپ اپنا ہتّھ مِلایا، بُھل بُھل رہی نہ رائیا۔ سرِشٹ سبائی جگت کاج دئے تجایا، ایکا میلا میل مِلائیا۔ شبد وِچولا نال رلایا، ویکھے خانہ دفتر شاہیِا۔ مان تان پربھ ابناشی اپنے ہتّھ رکھایا، نہ کوئی جانے جیِو وڈیائیا۔ سنت بھگوان میل مِلایا، لہنا دینا موُل چُکائیا۔ سجّن سُہیل کوَن اکھوایا، اِک نریل سنگ لیائیا۔ جوتی جوت سروُپ ہرِ، ویکھ وکھانے سچ گھر، سنت کِرپال دِس نہ آیا، ہردوار جا ڈیرہ لایا، ہرِ دوار نظر نہ آئیا۔ ہرِ دوار جِس جن جانیا، مِٹیا بھرم اندیسہ۔ سو جن ہوئے پُرکھ سُجانیا، ساچا میلا نر نریشا۔ ایکا ایک گھر پچھانیا، نہ کوئی ویکھے دوُجا ویسا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سولاں کل جگت بُھلائے کر کر ول چھل، آپے وسے نِہچل دھام اٹل، چلے چلائے اپنے بھانیا۔ ہرِ روُپ مہان، کِسے ہتّھ نہ آیا۔ بھرمے بُھلے جیِو نادان، ہؤمے وِچ پھسایا۔ گوبِند گیِتا سارے گان، گوبِند کِسے نہ گایا۔ جِس جن کِرپا کرے آپ بھگوان، اپنی سرنی لئے لگایا۔ آتم دیوے شبد ساچا دان، گُرمُکھاں جھولی رہیا بھرایا۔ جُگو جُگ ہرِ ساچا مِہربان، جن بھگتاں پَیج رکھدا آیا۔ جھوُٹھا گھر جھوُٹھا در جھوُٹھے سنت سُہیلے لئے سدّ، جگت ٹکا تِلک دئے لگایا۔ نہ کوئی ویکھے وڈّا نِکا، جِس
جن سِر اپنا ہتّھ دئے ٹِکایا۔ جگت رس رسنا سرِشٹ سبائی جانو پِھکا، جگ رس پِھرے سرب ہلکایا۔ جوتی جوت سروُپ ہرِ، آپ اپنی جوت دھر، اَسوُ دو آئے در، آپے آیا گیا پھیرا پایا۔ سمت سولاں رکھنا یاد۔ جمن کنارے پربھ سُنے فریاد۔ نہ کوئی جنائی نہ کوئی وڈیائی، نہ ہووے شبد بودھ اگادھ۔ تن بستر ایکا شبد شستر، ساچا میلا مادھوَ مادھ۔ جوتی جوت سروُپ ہرِ، جوتی جامہ بھیکھ دھر، نِہکلنک نرائن نر، آوے جاوے آد جُگاد۔ آد انت ایکا ایکنکارا۔ جُگ جُگ ورتے اپنا ورتارا۔ ویکھے کھیل اُپر دھرتے، پُریاں لواں پاوے سارا۔ کرنی کھیل پربھ قادر کرتے، کلجُگ انتم کرے وِہارا۔ جوتی جوت سروُپ ہرِ، جوتی جامہ بھیکھ دھر، نِہکلنک نرائن نر، مہاراج شیر سِنگھ وِشنوُں بھگوان، اَسوُ تِنّ چرن چُھہائے جائے دِلّی دربارا۔ آپے کرن کراونہار، آپے سرِشٹ اُپائندا۔ آپے جانے جاننہار، آپے بھرم بُھلیکھے وِچ رکھائندا۔ اگلا لیکھا لِکھنہار، پِچھلا لیکھ موُل چُکائندا۔ نؤ دواریوں وسنا باہر، سُکھمن ناڑی پیَنڈا ڈوُنگھا کوَن ملاح بنائندا۔ کوَن دیوے ساچا ناں، سچ سُچ رسنا بہہ بہہ گائندا۔ تن کچّا کِسے رہنا نہ، نؤ دوار لیکھا آون جاون جھوُٹھی پھاہی دا۔ جوتی جوت سروُپ ہرِ، آپ اپنی جوت دھر، ایکا منگے شبد ور، کوَن دوارے میلا سَت پُرکھ نِرنجن سَت سَتوادی ساچے ماہی دا۔ گُر سنگت دھنّ کمائیا۔ دِوس رَین رسنا گائے، گُرمُکھ وِرلے شبد جنائیا۔ وِرلے پنچ دھام سُہائے، گُر پوُرا حاضر حضوُرا اندر بیَٹھا سدا سدا پکڑے بانہیِا۔ نہ کوئی جانے نہ جانو دوُرا، دو جہانی دیوے ٹھنڈیاں چھائنیا۔ سرب کل آپے بھرپوُرا، جوتی جوت سروُپ ہرِ، آپ اپنی جوت دھر، آیا گیا گیا آیا اپنا بچن کرایا پوُرا۔