۲ اَسوُ ۲۰۱۳ بِکرمی سنت سُجان سِنگھ دے گُردوارے گئے، اُنہاں نے نِہکلنک دی بابت پُچھیاتے حضوُر نے اُتر دِتا دِلّی
نہکلنک ہرِ شبد ہےَ، جُگ جُگ بھیکھ وٹائے۔ اِک سُہائے دوار بنک ہےَ، بنک دواری آپ اکھوائے۔ آپے راؤ رنک ہےَ، اوُچاں نیِچاں وِچ سمائے۔ جن بھگتاں لائے جوتی تنک ہےَ، شبدی واجا پوَن وجائے۔ جوتی جوت سروُپ ہرِ، آپ اپنی جوت دھر، اپنی رچن رچائے۔ نِہکلنک نر نِرنکار ہےَ، ساچا سَت سروُپ۔ لکھّ چؤراسی آتم گھر وسائے دوار بنک ہےَ، ہرِ ہرِ وڈّا شاہو بھوُپ۔ نوُر اُجالا جوتی کنک ہےَ، پرِتھمی آکاش اندھ کوُپ۔ جوتی جوت سروُپ ہرِ، جُگ جُگ مات بھیکھ دھر، کرے کھیل انوُپ سروُپ۔ نِہکلنک نر نِرنکار ہےَ، نِرگُن روُپ سمائے۔ پنج تت نہ کوئی آکار ہےَ، ہڈّ ماس ناڑی چمّ نہ کوئی دِسائے۔ ایکا شبد ساچی دھار ہےَ، لواں پُریاں وِچ سمائے۔ ترےَگُن مایا
سرِشٹ اپار ہےَ، پربھ اپنا رتھ چلائے۔ آپے وسے سب توں باہر ہےَ، ہر گھٹ میں آپ سمائے۔ آپے گُپت آپے ظاہر ہےَ، آپے اندر مندر ڈیرہ لائے۔ آپے جوت نِرنجن کر آکار ہےَ، شبد انادی دُھن وجائے۔ جوتی جوت سروُپ ہرِ، جوتی جامہ بھیکھ دھر، جُگ جُگ بھیکھ وٹائے۔ نِہکلنک نر نرائن ہےَ، وسے دھام اگمّ۔ بھگت سُہیلا ویکھے تیِجے نیَن ہےَ، نہ مرے نہ پئے جم۔ رسنا کِسے نہ سکے کہن ہےَ، آپے جانے اپنا نم۔ جُگ جُگ جگت وہائے ایکا وہن ہےَ، شبد بنائے ساچا تھمّ۔ جن بھگتاں چُکائے لہنا دین ہےَ، پوَن سواسی شبد چلائے دم۔ سنت سُہیلے وِرلے گُرمُکھ لَین ہےَ، منمُکھ روون چھمّ چھمّ۔ دھنّ دھنّ جو جن رسنا کہن ہےَ، ایکا ایک پاربرہم۔ جوتی جوت سروُپ ہرِ، جوتی جامہ بھیکھ دھر، آپے جانے اپنا کمّ۔ نِہکلنک نِہکلنک نِہکلنک، جوتی ہرِ اکال ہےَ۔ شبد وجائے ساچا ڈنک، جُگ جُگ اولّڑی چال ہےَ۔ آپ رکھائے ایکا انک، سنت سُہیلے ساچے لوک مات آپے بھال ہےَ۔ جوتی جوت سروُپ ہرِ، آپ اپنی جوت دھر، آپے ہوئے دیِن دَیال ہےَ۔ دیِن دَیال کِرپال، جُگ جُگ بھیکھ وٹائندا۔ جن بھگتاں بھرے شبد بھنڈار، ساچے گھر در آپ سُہائندا۔ آتم کھولے بند کِواڑ، آپے ہتھّیں کُنڈا لاہِندا۔ نیڑ نہ آئے پنچم دھاڑ، کال مہاکال مُکھ چُھپائندا۔ وجےّ شبد تال بہتّر ناڑ، دُھن انادی آپ اُپجائندا۔ کرے جنائی بودھ اگادھ، ساچا مندر اِک سُہائندا۔ جوتی جوت سروُپ ہرِ، آپ اپنی جوت دھر، شبد سِنگھاسن ڈیرہ لائندا۔ شبد سِنگھاسن ہرِ کرتار، اپنی بنت بنائیا۔ نہ کوئی دیِسے چار دیوار، دیِوا بتّی نہ کوئی جگائیا۔ نِرمل جوتی اِک آکار، ساچے مندر رہیا ٹِکائیا۔ سنت سُہیلے کرے خبردار، دیوے مات شبد جنائیا۔ آپے وسے سب توں باہر، سب گھٹ میں رہیا سمائیا۔ جوتی جوت سروُپ ہرِ، جوتی جامہ بھیکھ دھر، جن بھگتاں رہیا آپ جگائیا۔
گُر نانک درس کوَن گھر، دیوے سہج سُبھائے۔ آون جاون چُکے ڈر، لیکھا لیکھے لئے لائے۔ آتم سر سروور نُہائے ساچے سر، دُرمت مَیل گوائے۔ نؤ دوارے پار کر، بجر کپاٹی توڑ تُڑائے۔ ساچے مندر آپے وڑ، آپے کُنڈا لاہے۔ شبد سِنگھاسن اُپر چڑھ، دسم دواری ویکھ وکھائے۔ شبد سروُپی گھاڑن گھڑ، نام پلنگ رنگیِلا اِک وِچھائے۔ ناری کنت آپے بن، ساچی سیج ہنڈھائے۔ سنت سُہیلے ساچے جن، شبدی جوتی جوت جگائے۔ نِہکلنک شبد اناد، انادی راگ سُنائے۔ جوتی جوت سروُپ ہرِ، جِس جن اپنی کِرپا دیوے کر، نانک گُر وکھائے ساچا گھر، میری تیری نہ کوئے دِسائے۔ ساچا گھر سچ محل، گُر پوُرے آپ بنایا۔ جُگو جُگ رہے اٹل، نہ کوئی میٹے میٹ مِٹایا۔ کِسے دِس نہ آئے جنگل
جوُہ اُجاڑ پہاڑ جل تھل، کایا مندر ڈوُنگھی کندر آپ رچایا۔ سنت سُہیلا گُرمُکھ وِرلا لئے ملّ، جِس جن گُر پوُرے شبدی اپنا لڑ پھڑایا۔ پؤڑی پؤڑی جائے چڑھ، پنچ وِکارا نہ سکے اڑ، ایکا شبد کھنڈا ہتّھ لئے پھڑ، ساچا مارگ اِک وکھایا۔ پربھ ابناشی سَت سَتوادی درس دیوے اَگے کھڑ، نہ کوئی سیِس نہ کوئی دھڑ، جوتی نوُر سوایا۔ جوتی جوت سروُپ ہرِ، جِس جن دیوے نام دھن، دو جہانی پار کرایا۔ سنت جناں گھر ہویا میلا، آتم وجّی ودھائیا۔ آپے وسے سب توں باہر، آپے اپنا رنگ وٹائیا۔ جوُٹھا جھوُٹھا جگت دھرواس، شبد شبدی رہیا جنائیا۔ آپے گُروُ آپے چیلا، گوبِند روُپ وٹائیا۔ جوت نِرنجن چاڑھے تیلا، نیتر انجن ساچا پائیا۔ چرن دھوُڑی بخشے ساچا مجن، بھانڈے بھرم سنت دوارے بھجّن، بھرم بُھلیکھا رہے نہ رائیا۔ جوتی جوت سروُپ ہرِ، جِس جن اپنی کِرپا دیوے کر، بھرمے توڑ گڑھ، گُر پوُرے شبد وڈیائیا۔ دیوے شبد نِشان، جُگ جُگ بھیکھ وٹائندا۔ سنت سُہیلے دِوس رَین رسنا گان، ساچا کنت ساچا راگ سُنائندا۔ آپ اپنا ویس کر، سنت ساجن ساچے دیس دھر، اپنے سنگ مِلائندا۔ ساچا سنت سُگھڑ سیان، سُرتی شبد جگائیا۔ سُرت شبد اِک دھیان، ایکا برہم جنائیا۔ آتم برہم جوت مہان، ملِے میل ہرِ رگھُرائیا۔ ایکا جوتی ایکا نوُر، شبد دھارا رہیا چلائیا۔ شبد دھار ہرِ کرتار، لکھّ چؤراسی وِچ سمائیا۔ آپے وسے اندر آپے ہویا باہر، گُپت ظاہر آپ اکھوائیا۔ خالی بھرے شبد بھنڈار، بھرے خالی رہیا کرائیا۔ پُرکھ ابناشی اولّڑی کار، جُگ جُگ آپ اپنی ریِت چلائیا۔ گُر پیِر سادھ سنت جیِو جنت آپ لئے اُبھار، آپ اپنے وِچ مِلائیا۔ جن بھگتاں دیوے شبد ادھار، اِک کرائے ونج وپار، رسنا جِہوا ایکا سیوا لائیا۔ رسنا گایا نانک گُر گُر نانک نِرنکار، کوَن سِتار کایا مندر آپ وجائیا۔ کِرپا کر آئے در بخشو دھار، ملِے میل سچّے ماہیِا۔ گُروُدوارا کایا اندر، گُر نانک آسن لایا۔ آپ سُہایا ساچا مندر، شبد سِنگھاسن اِک وِچھایا۔ جگت وِکار ہنکاری تُٹا جِندر، سَت سروُپ سمایا۔ ہوئے رُشنائی ڈوُنگھی کندر، اگیان اندھیر مِٹایا۔ اُچے ٹِلّے چڑھ چڑھ تھکے گورکھ مچھندر، ہتّھ کِسے نہ آیا۔ سَتگُر ساچا سدا سدا جن تیرے اندر، تیرا روُپ وٹایا۔ سچ دوارا سچکھنڈ، کوَن بنت بنائیا۔ پُرکھ ابناشی کیِنی ونڈ، سادھاں سنتاں رہیا جنائیا۔ منُمکھاں سُتا دے کر کنڈ، دِس کِسے نہ آئیا۔ ویکھ وکھانے ہرِ برہمنڈ، جیرج انڈ اُتبُھج سیتج کھوج کھوجائیا۔ نؤ کھنڈ پرِتھمی پاوے ونڈ، ستّاں دیِپاں لیکھ لِکھائیا۔ کلجُگ اؤدھ گئی ہنڈھ، گُر گوبِندا کلجُگ انتم دئے جوت جگائیا۔ ہتّھ پھڑے شبد چنڈ پرچنڈ، منُمکھاں دئے سزائیا۔ منمتی جیِواں کنڈاں دیوے وڈّھ، گُرمُکھ ساچے سنت جناں سِر اپنا ہتّھ ٹِکائیا۔ سنت ساجنا پائے ساچی ونڈ، سمبل نگری بھاگ لگائیا۔ سرِشٹ سبائی نار دُہاگن
ہوئی رنڈ، ساچا کنت نہ کوئی ہنڈھائیا۔ گُرمُکھ وِرلے بدھّی نام گنڈھ، گُر نانک اپنی ہتھّیں جھولی پائیا۔ والی ہِندا آپے دئے ونڈ، گئوُ غریِباں ہوئے سہائیا۔ لواں پُریاں کرے کھنڈ کھنڈ، برہما شِو سُرپت راجا اِند کروڑ تیتیِسا رہیا جگائیا۔ انتم جوت جگے وِچ برہمنڈ، آتم پڑدے دیوے لاہیِا۔ سَتگُر ساچا سدا سدا کِرپال، بھگت وچھل دیِن دَیال، جن بھگتاں بخشے چرن سرن سچّی سرنائیا۔ سنت سُجان گھر ساچا پایا، آتم برہم جنائیا۔ جیِؤ پِنڈ تن کاچا جگت تجایا، شبد وجّی ودھائیا۔ ایکا نام ساچو ساچا گایا۔ دِوس رَین نہ ہوئے جُدائی، سَتگُر ساچے نانک گُر گُر شبد جنایا، لوک مات مار جھات بیَٹھ اِکانت، امرت دیوے بوُند سوَانت، آتم ترِکھا رہیا بُجھائیا۔ کوَن سِنگھاسن ہرِ بِراجے، اپنی سیج وِچھائندا۔ کوَن گھوڑا رکھے تازے، کوَن چرن ٹِکائندا۔ کوَن سو ویلا امرت شبد سروُپی گاجے، آلس نِندرا مگروں لاہِندا۔ کوَن وجائے ناد انادی انحد واجے، تال تلواڑا اپنے ہتّھ رکھائندا۔ کوَن ساجن ساچا ساجے، سُرتی شبدی میل مِلائندا۔ گُر پوُرا دِوس رَین گُرمُکھاں مارے آوازے، آپ اپنی سرن لگائندا۔ در دوارے آئن بھاجے، ویلے انتم رکھے لاجے، آپ اپنے رنگ سمائندا۔ سَتگُر ساچا سچ وڈیائی، پاربرہم برہم بھیوَ نہ رائی، ایکا رنگ رنگائیا۔ رنگ رنگایا شبد لال، ایکا چولی رتیا۔ مِلیا میل گُر گوپال، وا نہ لگّے تتیا۔ شبد مارے اِک اُچھال، سَت سنتوکھی دیوے متیا۔ ساچا سنت نہ شاہ نہ کنگال، شاہو اپنے نال رتیا۔ گُر پوُرا جِس جن ہوئے دلال، گھر اپنے جائے وتیا۔ سنت ساجن پھل لگائے کایا ڈال، آتم بیِج ساچا گھّتیا۔ در دوارا آئے بھال، سَتگُر نانک درس دئے دِکھال، در دوارے دے سمجھاوے متیا۔ ملِے میل دیِن دَیال، جوتی جگے اِک اکال، بھیوَ کُھلے راگ چھتّیا۔ ساچی ویکھ سچّی دھرمسال، امرت آتم سُہائے ساچا تال۔ دیِپک جوتی نوُر، ہرِ دِسے حاضر حضوُر، سرب کلا بھرپوُر، نہ نیڑے نہ دوُر، سنت جناں کُنجی اپنے ہتّھ رکھیا۔ سنتن ہتّھ ساچی کُنجی، پربھ شبد خزانہ دِتا۔ منگنہارا منگے ساچی پوُنجی، ایکا ملِے ساچا نام، لیکھا چُکے اٹھاراں دھیائے گیِتا۔ روگ جائے ایکا دوُجا تیِجے نیتر تیجی دھار، درس دِکھائے ہرِ نِرنکار، کایا ہوئے پتت پُنیِتا۔ آئے در بن بِھکھار، سنت سُہیلے دینا تار، ملِے میلا سجّن ساچے میِت مُرار، پنج تت رہے سیِتل سیِتا۔ گُر پوُرے بھریا اِک بھنڈار، ہرِجن وریا وِچ سنسار، جُگ جُگ اولّڑی ریِتا۔ سَتگُر ساچا سچ وڈیائیا۔ آتم جوتی جِس ٹِکائیا۔ سد وجدی رہے ودھائیا۔ دِوس رَین گائے چائیں چائنیا۔ ذات پاتی آتم کملاپاتی چرن کوَل سچّی سرنائیا۔ چرن کوَل مستک دھوُڑ، نیَنی درس نِرالا۔ سُگھڑ بنائے منمُکھ موُڑھ، سادھ سنت جیِو جنت کرے پرِتپالا۔ سرِشٹ سبائی ناتا کوُڑو کوُڑ، ایکا ایک ساچا سر سچّی دھرمسالہ۔ لکھّ چؤراسی آون جاون کٹے جوُڑ، شبد ساجن ہوئے کِرپالا۔
سنت سُجان میل مِلاؤنا نانک روُپ بھگوان، ہتّھ پھڑاؤنی ساچی مالا۔ نام مالا من منا ڈور۔ بنّھ وکھائے پنجے چور۔ جوت جگائے اندھیر گھور۔ ساچے مارگ دیوے تور۔ اَگے ملِے نہ کوئی ہور۔ گُر نانک پکڑے آپے ڈور۔
پنج تت تن رت ہےَ، مانَس رسن پِھرے ہلکائے۔ سَتگُر ساچا بیِج بیِجے آتم امرت ساچے وتّ ہےَ، امرت پھل لگائے۔ چرن پریِت ساچا نت ہےَ، جو جن سرن سرنائی آئے۔ بہتّر ناڑی نہ اُبلے رتّ ہےَ، جِس جن سیِس اپنا ہتّھ ٹِکائے۔ آپے دے سمجھاوے مت ہےَ، گُن اَوگُن ایکا رنگ سمائے۔ دُرمت مَیل دیوے کٹ ہےَ، ہؤمے ہنگتا دئے جلائے۔ دُئی دوَیتی میٹے پھٹّ ہےَ، امرت آتم جام پیائے۔ اِک وکھائے کعبہ ساچا ہٹّ ہےَ، گُر نانک تیراں سمت تیراں تیری دھار مودی خانے گائے۔ انتم پرگٹ ہوئے نِہکلنک نرائن نر اوتار، مستُوانے جوت جگائے۔ پندراں کتّک دِوس وِچار، رانا سنگروُر شبد جنائے۔ گُرمُکھاں دیوے شبد ہُلار، سنت سُہیلے پھڑ پھڑ باہوں لئے تار، ساچے سنت نند سِنگھ تیرے ساچے سُت آپے پار کرائے۔ منُمکھاں وڈّھے کایا جوُٹھے جھوُٹھے پتّ، شبد کھنڈا ایکا واہے۔ جو جن نانک گُر گوبِند در دواریوں تیرے گئے رُٹھ، پھڑ پھڑ باہوں پھیر منائے۔ سَتگُر پوُرا جائے تُٹھ، لُکیا رہن نہ پائے گُٹھ، تیِر نِرالا جائے چُھٹ، نیِلا گھوڑا پہلا پؤڑا اُٹھائے۔ گُرمُکھ سنت سُہیلے آپ کرائے ایکا مُٹھ، دوُجی دھار وِچ سنسار رہن نہ پائے۔ پُرکھ اکال ہوئے دیِن دَیال، ایکا نام رکھائے۔ ساچا سُت ساچا ہٹّ کُھلائے۔ نانک گُر تیرا ساچا گھر، گُر گوبِندے مِلیا ور، سمبل نگری جائے تر، چار ورن کُھلائے اِک در، ساچا مارگ اِک وکھائے۔ پنچم پایا پنچم گوایا، سنت گھر وڈیائی۔ پنچم ساچا بھوگ لگایا، گُرمُکھ ساچے در گھر ساچے میلا میل کرایا، وِچھڑ کدے نہ جائیا۔ در دوارے درس اموگھ دِکھایا، جگت دُکھڑا روگ مِٹائیا۔ گُر شبد گُر سنگت ساچی چوگ چُگایا، کایا ترِپت کرائیا۔ ہؤمے ہنگت دُئی دوَیتی میٹ مِٹایا، ساچی سنگتا سنگ نِبھائیا۔ آپے کٹنہارا بُھکھ ننگتا، پربھ ہتّھ سچّی وڈیائیا۔ ایکا در ایکا گھر ایکا سر ہرِجن سدا سدا سدا رہے منگتا، گُر پوُرا آتم جھولی رہیا بھرائیا۔ کایا چولی نام رنگتا، رنگن رنگ مجیِٹھی اِک چڑھائیا۔ مانَس جنم نہ ہوئے بھنگتا، لکھّ چؤراسی پھند کٹائیا۔ انتم تُٹی اپنی ہتھّیں گنڈھتا، نام ڈوری وِچ لٹکائیا۔ جوتی جوت سروُپ ہرِ، آپ اپنی جوت دھر، اپنی رچنا لوک مات رہیا رچائیا۔
۳ اَسوُ ۲۰۱۳ بِکرمی دِلّی دربار پہاڑ گنج گلی نن ۰ ۷ مکان نن ۰ ۸۹۹۷
سمت بیِس تیرا ساچا رنگ، پربھ ساچا آپ رنگائندا۔ گُر سنگت لگائے اپنے انگ، انگیکار آپ اکھوائندا۔ سرِشٹ سبائی ہوئے بھنگ، گُرمُکھ وِرلا مات رہِ جائندا۔ چاروں کُنٹ دِسے بُھکھ ننگ، کوئی نہ کِسے بچائندا۔ جمن کنارہ پربھ آئے لنگھ، اَسوُ تِنّ تِھت وکھائندا۔ چرن چُھہائے شہید گنج، تیغ بہادر تیرا در وسائندا۔ والی ہِند سؤنا ملِے نہ اُپر پلنگ، در دربان رکھائندا۔ جگت کایا ترِشنا کھنگھ، مایا ممتا بلغم چلائندا۔ نؤ کھنڈ پرِتھمی وجےّ مردنگ، پربھ ساچا آپ وجائندا۔ جوتی جوت سروُپ ہرِ، آپ اپنی جوت دھر، ویہہ سؤ تیراں تیری بنت بنائندا۔ بیِس بیِس وجّی ودھائی، اَسوُ تِنّ وڈیائیا۔ راج راجان شاہ سُلطان آئن چل سرنائی، مان تان سرب مِٹ جائیا۔ جگے جوت اِک رگھُرائی، دوُسر کوئی دِس نہ آئیا۔ نہ کوئی دِسے بھَین بھائی، مات پِت نہ کوئی سنگ رکھائیا۔ گُرمُکھ ساچے گائن چائیں چائیں، پنچم میِتا ملِے کر کر لمیاں باہیں، آپ اپنا لڑ پھڑائیا۔ جوتی جوت سروُپ ہرِ، آپ اپنی جوت دھر، شبد سِنگھاسن بیَٹھا چڑھ، دِس کِسے نہ آئیا۔ شبد سِنگھاسن ہرِ نِرنکار، رنگن نام رنگایا۔ گُرمُکھاں کرے مات پیار، ساچا سنگ نِبھایا۔ چرن چُھہائے دِلّی دربار، دوارکا روُپ وٹایا۔ گئوُ غریِب نِمانیاں جائے تار، ساچی سیوا اپنی آپ لگایا۔ کلجُگ ویلا انت وِچار، چارے جُگ چارے حصے لیکھ لیکھنی رہیا ونڈایا۔ پہلا حِصّہ کِسے نہ دِسا، مایا مدھی کرے خوار۔ گُر پیِر سادھ سنت کوئی رہن نہ پایا، دوُجا حِصّہ دھرم جَیکار۔ راج راجاناں شاہ سُلطاناں مِٹے نِشاناں جگت جھنڈا، وِچ برہمنڈاں کوئی رہن نہ پایا۔ پُرکھ ابناشی سوہنگ پھڑے ہتّھ وِچ کھنڈا، نؤ کھنڈ پرِتھمی دیوے دنڈا، اپنے بھانے وِچ سمائیا۔ تیِجی ونڈ ہرِ وِچاری۔ گُر سنگت لگّی مات پیاری۔ کرے وِہار پہلی واری۔ جن بھگتاں بھرے شبد بھنڈاری۔ کلجُگ جیِیاں آئی ہاری۔ سمت چؤداں پہلی چیتر کر تیاری۔ در دوارے ساچے جائے، اِکّی اِکّی اِکّی پائے، کھیلے کھیل ہرِ گِردھاری۔ گُر سنگت سنگت گُر چھوٹی سِکھی، سرِشٹ سبائی دُشٹ دُراچاری۔ کھنڈے دھار رکھی تِکھی، گُر گوبِند کھیل نیاری۔ گُر گوبِندے منگی بِھکھی، دوویں چرن سرن سچّی نِمسکاری۔ انتم لج پت پربھ میری رکھی، ہؤں داسن داس تُہاری۔ اپنی ہتھّیں ریکھ آپے لِکھی، پرگٹ ہوئے نِہکلنک نرائن نر اوتاری۔ جوتی جوت سروُپ ہرِ، آپ اپنی جوت دھر، تیجی بھیٹ گُر سنگت چڑھائے، آپ اپنی سیوا لائے، سیوک سیواداری۔ اَسوُ تِنّ سوا پنج۔ ہوئے وقت سُہیلا، پربھ چرن چُھہایا پہاڑ گنج۔ گُرمُکھ وِرلے مات میلا، سرِشٹ سبائی نار بنجھ۔ نہ کوئی گُر نہ کوئی چیلا، مایادھاری انتم
مِٹنے جِؤں قاروُ گنج۔ اچرج کھیل پاربرہم کل کھیلا، جوتی جوت سروُپ ہرِ، آپ اپنی جوت دھر، جن بھگتاں سُہائے امرت ویلا۔ شبد سِنگھاسن ہرِ کرتار، ویلا امرت آپ سُہائندا۔ گُر سنگت تیرا سچ وِہار، لوک مات آپ کرائندا۔ سِنگھ بِشن کھولے بند کِواڑ، اپنی ہتھّیں سیوا لائندا۔ پاربرہم برہم روُپ اپار، سَت سروُپ سمائندا۔ والی ہِند کرے خبردار، ساچا شاہ سُلطان آپ اکھوائندا۔ نہ کوئی دیِسے در دربان، سیوک سیوا آپ لگائندا۔ تیِجے منّیا ہرِ بھگوان، جُگ جُگ اپنی ریِتا آپ چلائندا۔ آپے کرے پتت پُنیِتا، جِس جن دَیا کمائندا۔ سمت اٹھاراں اِک وہائے جل جل دھارا نہ کوئی دِسے گُردوارا مسجِد مندر مسیِتا، شِودوالا ٹھاکر گنیش گنپت نہ کوئے رسن دھیائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، تخت نِواسی گھنک پُر واسی، ہرِ ہرِ ساچا شاہو شاباسی، پاربرہم روُپ اگمّا ہر گھٹ آپ سمائندا۔ تخت بِراجے ساچا کاہنا، ساچا سئیا آپ اکھوائندا۔ جوت سروُپی پہریا بانا، سوہنگ نئیا اِک چلائندا۔ ایکا پھڑ شبد تیِر کمانا، لہنا دینا موُل چُکائندا۔ پرگٹ ہوئے والی دو جہانا، بھانا سہنا حُکم جنائندا۔ انتم چھڈنا پَینا پیِنا کھانا، سُنّج مسانا مات کرائندا۔ اِک نِشان ساچا رہنا، گُرمُکھ وِرلا ویکھے ساچے نیَنا، پربھ ساچا مات جھُلائندا۔ ساڈھے تِنّ ہتّھ سیِاں سب نے بہنا، مؤت لاڑی وہن وہنا، مایا ممتا تن پائے گہنا، ساچی ڈولی نہ کوئی چڑھائندا۔ جوتی جوت سروُپ ہرِ، آپ اپنی جوت دھر، آپ اپنی رنگی چولی، گُرمُکھاں رنگ چڑھائندا۔ کایا چولی رنگ بسنت، پربھ ساچا اِک چڑھنیا۔ ہرِجن میلا ساچے کنت، آد انت نہ کدے وِچُھنیا۔ آپ بنائے ساچی بنت، وڈ داتا ہرِ گُن گُنیا۔ بھرمے بُھلے جیِو جنت، کھانی بانی وید پُرانی اِنجیِل قُرآنی ساچا ہانی، کوئی نہ دیوے امرت آتم ٹھنڈا پانی، راگ ناد نہ دُھن اُپجائے ساچی دُھنیا۔ مایا ممتا چادر بیَٹھے تانی، گُر گوبِند نہ کوئے پچھانی، تن میانا شبد گاترا، نہ کوئی جانے وید شاسترا، پڑھ پڑھ تھکے دین دُہائیا۔ جوتی جوت سروُپ ہرِ، جوتی جامہ بھیکھ دھر، سمبل نگری ویس کر، اپنی بنت بنائیا۔ گُر گوبِند تیرا ساچا گھر، ہرِ ساچا آپ وسائندا۔ اندر بیَٹھا ہری ہرِ، ہرِ ہرِ روُپ وٹائندا۔ سرِشٹ سبائی آئے ڈر، پنج تت ویکھ شرمائندا۔ جگت گھاڑن رہیا گھڑ، اپنا گھاڑ نہ کِسے جنائندا۔ سب دے اندر بیَٹھا وڑ، دِس کِسے نہ آئیندا۔ گُرمُکھ جگائے دسم دواری چوٹی چڑھ، شبد سروُپی درس دِکھائندا۔ لکھّ چؤراسی نؤ کھنڈ پرِتھمی لواں پُریاں رہیا لڑ، دِوس رَینا کھنڈا واہِندا۔ دوئے دوئے کرے سیِس دھڑ، لگّی رہن نہ دیوے کِسے دی جڑ، سمت اُنی سب دی چوٹی جائے مُنّی، نہ کوئی دِسے گیانی دھیانی پنڈت پاندھا مُسلم سُنی، سادھ سنت نہ کوئی وکھائندا۔ ایکا ایک ہرِ سنگت پربھ ساچے چُنی، دیوے شبد
در ناد وجائے ساچی دُھنی، آتم برہم گیان جنائندا۔ جوتی جوت سروُپ ہرِ، آپ اپنی جوت دھر، پنچم میِتا پنچم ریِتا پنچم مات چلائندا۔ پنچم ریِت چلاوَن آیا، پنچاں میل مِلائندا پنچم گیِت سُناوَن آیا، پنچاں تیل چڑھائندا۔ پنچاں جگت وساوَن آیا، پنچاں مار مُکائندا۔ جوتی جوت سروُپ ہرِ، آپ اپنی جوت دھر، پنچاں سنگ نِبھائندا۔ پنچ پردھان پربھ مات بنائے۔ شبد نِشان ہتّھ پھڑائے۔ چرن رکھائے ایکا آن، سوہنگ ساچے رتھ چڑھائے۔ برہما شِو دیوت سُر انت مِٹ جان، بھانا سمرتھ آپ ورتائے۔ گُرمُکھ ساچے چتُر سُجان، درس دِکھائے وِچ جہان، سگل وسوُرے جائن لتھ، نیتر لوچن درشن پائن، آتم جوتی برہم گیان ساڈھے تِنّ ہتّھ رکھائے اِک نِشان، ستّاں دیِپاں رہیا چڑھائے۔ والی ہِند نہ سؤنا بن نادان، جوتی جوت سروُپ ہرِ، آپ اپنی جوت دھر، اپنی کتھا اکتھ رکھائے۔
پربھ ابناشی کاج رچایا، تریَلوک وجےّ ودھائیا۔ برہما برہم لوک تیاگ در ساچے آیا، دوئے جوڑ پڑے سرنائیا۔ شِو شنکر نیتر جاگ کُھلایا، باشک تشکا گل لٹکائیا۔ سُرپت راجا کروڑ تیتیِسا نال رلایا، چرن دھوُڑ مستک لاوے، نیتر چرن ٹِکائیا۔ سوُرج چند رسنا گائن اپنے دند، مِٹاوَن آئے جگت اندھ، در دوار رہے تکائیا۔ ورتے کھیل پربھ وِچ وربھنڈ، نؤ کھنڈ پرِتھمی مِٹے بھیکھ پکھنڈ، سرِشٹ سبائی ایکا رنگ رنگائیا۔ ستّاں دیِپاں رہیا ونڈ، اچرج کھیلے کھیل وِچ برہمنڈ، ساچی رنگن رنگ رنگائیا۔ جوتی جوت سروُپ ہرِ، آپ اپنی جوت دھر، اپنا لیکھا رہیا لِکھائیا۔ لیکھا لِکھنہار داتار، کلجُگ انت لِکھائندا۔ نؤ کھنڈ پرِتھمی اِک دربار، اِک دوار وکھائندا۔ اِک بنائے سچّی سرکار، سچ سُچ ورتار چلائندا۔ پرگٹ ہوئے نِہکلنک نرائن نر اوتار، بیِس بیِسا رُت سُہائندا۔ کلغی توڑا نام اپار، پنچم جوڑا جوڑ جُڑائندا۔ سوہنگ لیکھا اپر اپار، ساچے گھوڑے آپ چڑھائندا۔ جوتی جوت سروُپ ہرِ، جوتی جامہ بھیکھ دھر، لیکھا لِکھنہار آپ اکھوائندا۔ سچ سرکار سچ سُلطان، ساچے تخت براجیا۔ اِک رکھائے اپنی آن، نہ کوئی سکے مات پچھان، نہ کوئی جانے راجن راجیا۔ نام چلائے ساچا بان، سوہنگ رکھے تیِر کمان، سرِشٹ سبائی مِٹے نِشان، لاڑی مؤت منگے داجیا۔ جوتی جوت سروُپ ہرِ، آپ اپنا ویس کر، جگت سوارے بھگت کاجیا۔ ساچا ویس آپ کرایا، ماجھے جوت جگائیا۔ ماجھا دیس دئے مِٹایا، گھر گھر خاک اُڈائیا۔ بےمُکھ جیِواں دِس نہ آیا، انتم رو رو دئے دُہائیا۔ ساڈھے تِنّ ہتّھ سیِاں دھام سُہایا، ساچی سیوا اپنی آپے لائیا۔ جگت جگدیِشا نیہاں ہیٹھ دبایا، راج راجاناں رہیا جگائیا۔ انتم ویلا نیڑے آیا، نہ ہوئے کوئی سہائیا۔ نگر کھیڑے رہیا ڈھایا، سادھاں سنتاں دِس نہ آئیا۔ اپنا اپنا راہ چلایا، پربھ ابناشی دِس نہ آیا، گا گا تھکی سرب لُکائیا۔ جوتی
جوت سروُپ ہرِ، آپ اپنی جوت دھر، سرِشٹ سبائی اِک ملاح بن کے آیا، ساچی نئیا نام چلائیا۔ ساچی نئیا نام چلائے، والی دو جہانیا۔ ساچا سئیا آپ اکھوائے، دیوے دان ساچا دانیا۔ بھَینا بھئیا چار ورن بنائے، چرن دھوُڑ کرائے سچّا اِشنانیا۔ جوتی جوت سروُپ ہرِ، آپ اپنی جوت دھر، سمت تیراں ساچا سماں سُہانیاں۔ سمت تیراں لگّے بھاگ، وڈبھاگی ہرِ ہرِ پایا۔ گُر سنگت من رہے وَیراگ، پربھ ساچی دَیا کمایا۔ سُرت سوانی جائے جاگ، کاگی ہنس بنایا۔ آپ بُجھائے ترِشنا آگ، دُرمت داغ دھوایا۔ اپنے ہتّھ پکڑے واگ، دِلّی تخت چرن چُھہایا۔ مایا ڈسے نہ ڈسنی ناگ، آتم ترِپت کرایا۔ جوتی جوت سروُپ ہرِ، آپ اپنی جوت دھر، کھیلے کھیل ہرِ رگھُرایا۔ شبد تاج جوگ راج، نام سُلطان بھگت دربان ساچا در سُہنجنا۔ نؤ کھنڈ پرِتھمی ویکھے مار دھیان، آتم جوتی برہم گیان، شبد جنائے دُھر فرمان، ہرِ ہرِ بھانے چلنا۔ نام دان پیِن کھان، چرن دھوُڑ سچّا اِشنان، بیِس بیِسا کر پچھان، در گھر ساچے منّنا۔ سادھ سنت جنت نادان، مندر بہہ بہہ سارے گان، مدرا ماس رسنا پان، بھانڈا بھرم نہ کِسے بھنّنا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نؤ کھنڈ پرِتھمی کرے سچّا چاننا۔ سچ تخت سچّا شاہ، جگت ملاح آپ بِراجیا۔ سرِشٹ سبائی دسےّ راہ، انتم کوئی رہنا نہ، نہ کوئی رکھے لاجیا۔ نہ کوئی پِتا نہ کوئی ماں، بھئیا بھَین نہ دیوے ٹھنڈی چھاں، جوُٹھا جھوُٹھا سازن سازیا۔ پُرکھ ابناشی ایکا ایک پکڑے بانہہ، جو جن در دوارے آئے بھاجیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، جن بھگتاں دیوے سوہنگ سچّا داجیا۔ سوہنگ شبد سرِشٹ کُڑمائی، پربھ اپنی ہتھّیں آپ کراؤنی۔ گھر گھر در در وجےّ ودھائی، ساچی بنت بناؤنی۔ اِنجیِل قُرآن ہوئے جُدائی، پربھ ساچی کھیل رچاؤنی۔ جوتی جوت سروُپ ہرِ، آپ اپنی جوت دھر، ساچی لِکھت لیکھ بھوِکھت اپنی آپے آپ کراؤنی۔ ہرِ ہرِ ہرِ ساچی کار، سچ سُچ ورتائیا۔ دھرم کھنڈا اِک جَیکار، جگت جوگ دوائیا۔ پائے ونڈاں کرم وِچار، برہمنڈاں کھوج کھوجائیا۔ جوتی جوت سروُپ ہرِ، آپ اپنی جوت دھر، جاگرت جوت جگائیا۔ جگے جوت ہوئے پرکاش، مِٹے اندھ اندھیریا۔ گوبِند گایا گھنک پُر واس، کلجُگ انتم پائے پھیریا۔ ہرِ ہرِ ساچا داسن داس، سد وسے نیرن نیریا۔ ویکھ وکھانے پرِتھمی آکاش، لواں پُریاں رہیا گھیریا۔ کلجُگ سنتاں لگّی اگن کھےَ کھےَ جلن بانس، انتم بھسمی بھسم ڈھیریا۔ گُرمُکھ وِرلے لیکھے لگّے ہڈّ ناڑی ماس، چُکے میرا تیریا۔ ساچے منڈل ویکھے راس، ہرِ شاما چاؤ گھنیریا۔ سرب گُنا گُن آپے طاس، گُنونتا کرے مِہریا۔ کٹنہارا جُگ جُگ پھاس، آوے جاوے پاوے پھیریا۔ گئوُ غریِب نِمانے مُکھ وِچ رکھی بیَٹھے گھاس، سادھ سنت بنائی بیَٹھے
وڈ وڈ ڈیریا۔ شبد سروُپی کوئی نہ وسے کِسے پاس، رسنا کہن میَں تیرا تُوں میریا۔ انتم ہونا سب نے ناس، رائے دھرم پائے گھیریا۔ گُر پوُرے گُرسِکھ ساچے سد بل بل جاس، اِک کرایا سنجھ سویریا۔ گُر سنگت ساچی رکھنی آس، ویلا انتم نیڑے آ رہیا۔ بیِس بیِسے اَسوُ تِنّ بُجھے پیاس، تٹ کنارہ چرن چُھہا رہیا۔ جوتی جوت سروُپ ہرِ، آپ اپنی جوت دھر، گھٹ گھٹ روُپ وٹا رہیا۔ جمن کنارہ وجےّ ناد، ہرِ ساچے آپ وجاونا۔ بھگت بھگوَنت لئے لادھ، جنگل جوُہ اُجاڑ پہاڑ ڈوُنگھی کندر پھول پُھلاونا۔ ویکھ وکھانے آتم رسیئے سادھ، رس نِجھر اِک چواونا۔ دِوس رَین گُپت گُپتی رہے ارادھ، گوبِند نظر کِسے نہ آونا۔ رسنا کہہ کہہ کرن وِواد، واہوا سَتگُر ساچا کِسے نہ پاونا۔ جِس جن کِرپا کر آپے میل مِلائے مادھوَ مادھ، سو جن در دوار سُہاونا۔ جوتی جوت سروُپ ہرِ، آپ اپنی جوت دھر، اپنا روُپ وٹاونا۔ پنچ رنگ پربھ روُپ وٹائے، پنچم کھیلے کھیلا۔ رام کرِشن کرِشن رام روُپ آپ ہو جائے، سیِس مُکٹ بیَن ساچے نیَنا۔ گوبِند دھارا شبد جنائے، درس دِکھاوے دیوی نیَنا۔ اِمام مہِندی ہتّھ مہِندی لائے، سرِشٹ سبائی آپ وہائے وہِندے وہنا۔ محمد محمدی سنگ رلائے کلجُگ انت وکھائے نیتر نیَنا۔ اُمت نبی رسوُل دی نِج میرے گھر جمدی، دھرت مات نے رو رو کہنا۔ کوئے نہ جانے کھیل اگمّ دی، سادھاں سنتاں ڈھیہہ ڈھیہہ چرنی پَینا۔ کایا کھیل ہڈّ ماس ناڑی چمّ دی، پربھ ساچے اندر مندر ساچے رہنا۔ نہ بھرواسا دم دم دی، بیِس بیِسے کنّ کنّ رہنا۔ گُرمُکھاں آتم نیِر وہائے چھمّ چھمّ دی، پربھ درشن لوچن نیَنا۔ ترِشنا رہے نہ بُھکھ تم دی، چؤتھی کوُٹے دِلّی آپے بہنا۔ گھاٹ رہے نہ پربھ تیرے نام دی، آپ چُکائے لہنا دینا۔ جوتی جوت سروُپ ہرِ، آپ اپنی جوت دھر، چرن دھوُڑ نیتر کجّل پائے، کھول دِکھاوے تیِجے نیَنا۔ پار کِنار کر کر تٹ، پربھ پرگٹ ہووے جھٹ پٹ، جوتی نوُر ہوئے پرکاش۔ شبد سروُپی نِکلے لاٹ، پنج گز نہ کوئی آوے پاس۔ کایا اگنی لگّے مٹّ، رسنا گائے اِک سواس۔ آتم کُھلے شبد ساچا ہٹّ، سَتگُر پوُرا ہووے سدا پاس۔ جوتی جوت سروُپ ہرِ، آپ اپنی جوت دھر، گُر سنگت دیوے ساچا ور، تن پہنائے سوہنگ ساچا پٹّ۔ نؤ جیٹھ پربھ نیہہ رکھائی، نؤ کھنڈ ویکھ وکھانیا۔ نؤ کھنڈ ساڈھے تِنّ ہتّھ سیں وکھائی، لِکھیا لیکھ نہ مِٹے بھگوانیا۔ گُرمُکھاں امرت آتم مینہہ برسائی، میگھ میگھلا آپ اکھوانیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، شبد سِنگھاسن اِک پچھانیا۔ شبد سِنگھاسن ہرِ کرتار، اپنا آپے ساجیا۔ سرِشٹ سبائی رہیا پُکار، پربھ پرگٹ ہوئے دیس ماجھیا۔ نؤ کھنڈ پرِتھمی بنّھے دھار، پکڑ اُٹھائے راجن راجیا۔ والی ہِند کرائے خبردار، شبد سروُپی ساچے مندر بہہ بہہ گاجیا۔ ساڈھے تِنّ ہتّھ ہرِ سمرتھ پھڑے نِشان اپر اپار،
سرِشٹ سبائی رکھے لاجیا۔ گُرمُکھاں ہوئے پہریدار، گھر گھر بیَٹھا مارے آوازیا۔ جوت سروُپی پہریدار، سب دے پڑدے رہیا کاجیا۔ کلجُگ انتم انت نہ آئے ہار، جو جن چرن دوار آئے بھاجیا۔ پنچم جیٹھ کرے پیار، لکھّ چؤراسی دیوے داجیا۔ ہاڑ ستاراں مارے اِک آواز، درس دِکھائے دَیا کمائے ترِپت بُجھائے، بیاس کنارہ خِضر خواجیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، گُرمُکھ چڑھائے شبد سچ جہازیا۔ پنچ نِشانہ پنچم دھار، پنچم سیِس بندھائیا۔ گُرمُکھاں رہنا خبردار، جگت جگدیِش رہیا کرائیا۔ نؤ کھنڈ پرِتھمی پَینی مار، بیِس بتیِس چھتیِس نہ کوئی گائیا۔ سَتجُگ تیرا سچ وِہار، اِک اِکیس کرائیا۔ اِکّی اِکّی چارے میل وار، اِک اِک روُپ وٹائیا۔ ایکنکارا کر آکار، ایکا در کُھلائیا۔ شبد بھرے نام بھنڈار، دِوس رَین چلائیا۔ جوتی جوت سروُپ ہرِ، آپ اپنی جوت دھر، پنچم پنچاں میل مِلائیا۔ شبد سوٹی جگت ہُلارا، اپنے ہتّھ رکھائندا۔ راج راجاناں کرے خبردارا، اُلٹی لٹّھ گِڑائندا۔ انت وِچھوڑا ناری نارا، ناری کنت نہ کوئے ہنڈھائندا۔ جن بھگتاں بخشے چرن پیارا، ساچی سُرت دوائندا۔ دُھردرگاہی ایکا لاڑا، لکھّ چؤراسی آپ پرنائندا۔ دھرت مات ایکا ویکھ اکھاڑا، رائے دھرم خوشی منائندا۔ لگّے اگّ ستاراں ہاڑا، سولاں سولاں تیری دھار بنّھائندا۔ لُکیا رہن نہ پائے کوئی جنگل جوُہ اُجاڑ پہاڑا، مسجِد مندر گُروُدوارا پھول پُھلائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، شبد ڈنڈا چاروں کُنٹ اگمی دھاڑا آپ اُٹھائندا۔ اگمی دھاڑ آئے چڑھ، دِس کِسے نہ آئیا۔ شبد ڈنڈا پربھ لیا پھڑ، اچرج ریِت بنائیا۔ تِناں لواں رہیا لڑ، دِوس رَین لڑائیا۔ آپ اُکھاڑے سب دی جڑ، اپنی مات لگائیا۔ کلجُگ ممتا لئے پھڑ، سمتی سمتا وقت چُکائیا۔ قِلعہ توڑ ہنکاری گڑھ، اگمّا شبد جنائیا۔ در در گھر گھر سیِس دھڑ، چاروں کُنٹ دُہائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، اَسوُ تِنّ شبد سوٹی کر تیار، ویکھے کھیل دِلّی دربار، والی ہِند رہیا جگائیا۔ والی ہِند رہیا سؤں، انتم انت جُدائیا۔ اُچے مندر نہ ویکھنے بھؤں، دِوس رَین جُدائیا۔ سمت اِکّی پربھ بھاگ لگائے، چرن چُھہائے وِچ گُڑگاؤں، ساچا دھام بنائیا۔ گُر پوُرا دیوے گُرسِکھ تیرے نام وڈیائی، ساچا دوار بنک اِک وکھائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، شبد سوٹی پھڑ آپ جائے چڑھ اُپر چوٹی، سرِشٹ سبائی رہیا جگائیا۔ پنچم جوڑا ہرِ بھگوان، اپنے چرن چُھہائندا۔ گُرمُکھاں دیوے چرن دھیان، دھوُڑی مستک لائندا۔ منُمکھاں میٹے مات نِشان، بیِس بیِس بیِس اِکیِس لگائندا۔ جوتی جوت سروُپ ہرِ، جوتی جامہ بھیکھ دھر، پنچم پنچاں رنگ وٹائندا۔ پنچم تاج جگت جگدیِش، اپنی بنت بنائیا۔ سرِشٹ سبائی جائے
پیِس، ورن گوت رہن نہ پائیا۔ نہ کوئی پڑھائے قُرآن حدیِث، اِنجیِل اِنجیِلاں وقت چُکائیا۔ رسنا گائے نہ راگ چھتیِس، راگ راگنی مُکھ چُھپائیا۔ بند کرائے دند بتیِس، بتّی دھارا مات بخشائیا۔ پربھ ساچے تیری ساچی ریِت، سَتجُگ ساچے منگی ودھائیا۔ لیکھ لِکھائے بیِس اِکیِس ساچے شبد مات کُڑمائیا۔ سوہنگ شبد گُرمُکھاں جھُلے ساچے سیِس، چؤتھے گھر آپے جھُلائیا۔ ساچے در آپے کھڑ، اپنی ہتھّیں بوُہا لاہیِا۔ کنتا ناری لئے ور، تن ویس کریندی آئیا۔ آپ نُہائے ساچے سر، کاگ ہنس بنائیا۔ میلا میلا میل کر، مِلیا وِچھڑ نہ جائیا۔ گُرمُکھ ساچے سجّن سُہیل مات دھر، در دربان آپ اکھوائیا۔ آپ چُکائے جگت ڈر، گھر ساچے اِک وڈیائیا۔ سرِشٹ سبائی ویکھے نؤ در، دسواں بند رکھائیا۔ گُرمُکھاں اپنی کِرپا دیوے کر، اپنے روُپ سمائیا۔ جوت نِرنجن ساچا دیِپک باتی ساچی دھر، پہلی اِک کرے رُشنائیا۔ پؤڑی پؤڑی جانا چڑھ، ساچا ڈنڈا شبد ہتّھ پھڑائیا۔ جگت وِکارا جوُٹھ جھوُٹھ انتم جائے سڑ، پربھ جوتی لنبوُ لائیا۔ نہ کوئی دِسے قِلعہ گڑھ، تخت تاج کِسے رہن نہ پائیا۔ سَت سَتوادی پربھ لاون آیا سَتجُگ تیری ساچی جڑ، اَسوُ تِنّ رُت سُہائیا۔ دِلّی دوار اَگے آپے کھڑ، ہرِ ہرِ بھیوَ کِسے نہ رائیا۔ انتم سرنی جائے پڑ، پربھ دیوے درس اپنا روُپ وٹائیا۔ نؤ کھنڈ پرِتھمی ستّ دیِپ ایکا اکھّر جائن پڑھ، سُرتی شبد جنائیا۔ ساچا گھاڑن آپے لیا گھڑ، گھڑنہار آپ اکھوائیا۔ جوتی جوت سروُپ ہرِ، آپ اپنی جوت دھر، ساچی ریِتی رہیا چلائیا۔ پنچم مُکھ پنچم تاجا۔ پُرکھ ابناشی دُھر درگاہی ساچا راجا۔ کلجُگ تیرا انتم انت، لوک مات مار جھات کراون آیا سَتجُگ سوارے ساچا کاجا۔ گئوُ غریِب نِمانیاں باہوں پکڑ مات اُٹھائے، دیوے شبد ساچا دانا۔ جوتی جوت سروُپ ہرِ، نِہکلنک نرائن نر، مہاراج شیر سِنگھ وِشنوُں بھگوان، بھگت بھگوَنت غریِب نوازا۔ اِک اِکّی ایکا دھار، ہرِ ساچے آپ چلائیا۔ سیو لگائے ساچی سِکھی، ساچا سُکھ اُپجائیا۔ چار لکھّ بتّی ہزار منگے بھکھی، کلجُگ آیوُ اؤدھ مِٹائیا۔ گُر گوبِندے ریکھ لِکھی، ہرِ پوُر کرائے دُھردرگاہیا۔ شبد دھار رکھے تِکھی، کھنڈا چلائے واہو داہیِا۔ نہ کوئی جانے مُنی رِکھی، پنڈت پاندھے بھیوَ نہ پائیا۔ نہ کوئی جانے ساچی سِکھی، سِکھیا کوَن دوارے آئیا۔ ورن گوت گوت ورن بھیکھا بھیکھی، بھیکھادھاری روُپ وٹائیا۔ جوتی جوت سروُپ ہرِ، جوتی جامہ بھیکھ دھر، اپنی جوت جگائیا۔ ساچی سِکھیا سِکھ وِچار، سَت سروُپ سماونا۔ ورن گوت توں وسنا باہر، ایکا ہرِ پچھاننا۔ دیوے درس گُپت ظاہر، در دوارا ساچا ماننا۔ پھڑ پھڑ باہوں کرے پار، جمن کنارہ اِک وکھاونا۔ سرِشٹ سبائی وہِندی دھار، اَگے ہو نہ کِسے بچاونا۔ جوتی جوت سروُپ ہرِ، آپ اپنی جوت دھر، گُرمُکھ شبد پھڑائے ساچا دامنا۔ دامن پھڑائے دامنگیِر، دم دم رسن
دھیاونا۔ تن بستر پہنائے شبد چیِر، نام پردہ اُپر پاونا۔ سوہنگ گاترا رسنا تیِر، ایکا ایک چلاونا۔ نؤ کھنڈ پرِتھمی پیَنڈا چیِر، برہمنڈ کھوج کُھجاونا۔ انتم پیِنا ساچا سیِر، سیر مُکھ چواونا۔ نیتر درشن ساچے گُر، ترِشنا بُھکھ مِٹاونا۔ ساچا میل مِلاوَن آیا دُھر، دُھر دا میل مِلاونا۔ جوتی جوت سروُپ ہرِ، آپ اپنی جوت دھر، گُر سنگت سیوا رہیا کر، سوا پنجھی سادھ سنگت تیری بھیٹ چڑھاونا۔ تیری بھیٹ آپ چڑھائے اپنی سیوا لائے، در در گھر گھر گُرسِکھاں کولوں منگے اَگے کھڑر، نام پریِتی جھولی پاونا۔ گلے لگائے باہوں پھڑ، جِؤں سُداما ہرِ رگھُرائیا۔ بنّھی جائے اپنے لڑ، ایکا گنڈھ دوائیا۔ جوتی جوت سروُپ ہرِ، جوتی جامہ بھیکھ دھر، گُرمُکھ ساچے سنت جناں آتم ٹھنڈا رکھائیا۔ سوا پنجھی کر ارداس، تیِجی ونڈ ونڈائندا۔ سوا پنجھی رکھے پاس، سمت سولاں وقت سُہائندا۔ بیاس کنارہ پائے راس، جَیمل ساوَن سنگ رلائندا۔ آپے وسے آس پاس، دِس کِسے نہ آئیندا۔ لیکھے لائے ساس گراس، جو جن مدرا ماس تجائندا۔ ویکھنہارا پرِتھمی آکاش، آکاش آکاشاں وِچ سمائندا۔ جوتی جوت سروُپ ہرِ، آپ اپنی جوت دھر، ویکھ وکھائے سرب گھر، اپنے روُپ سمائندا۔ نام دھار ہرِ پایا، نامے بنت بنائیا۔ کرم وِچار پربھ کرم کمایا، ماٹی جامے لِکھت لِکھائیا۔ امرت آتم ساچے جامے، ساچی دھار چوائیا۔ ساچی سوَانتی بوُند چوائیا۔ جوتی جوت سروُپ ہرِ، آپ اپنی کِرپا کر، گُرمُکھاں امرت میگھ ایکا برسائیا۔ سمت پندراں وجےّ سٹّ، پربھ ساچے آپ لگاونی۔ سِنگھ پرتاپ اُٹھے جھٹ، کوَن ویکھے دامن دامنی۔ اندر کیِتا بند ہٹّ، رام راما روُپ رماونی۔ مایا ممتا پائی تن چّھٹ، چُھٹ جائے تن مِٹے ترِشنا تامنی۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سمت سولاں پوُر کرائے گھر گھر بھاونی۔ پوُر کرائے گھر گھر آسا، آتم ترِکھا بُجھائندا۔ گُرمُکھاں بخشے چرن بھرواسا، داسی داسا آپ اکھوائندا۔ منڈپ ماڑی پائے راسا، کایا منڈل اِک سُہائندا۔ جوتی جوت سروُپ ہرِ، مہاراج شیر سِنگھ وِشنوُں بھگوان، جن بھگتاں اندر سد رکھے واسا، آس پیاس بُجھائندا۔ اَسوُ تِنّ سوا پنج، پربھ تاج سیِس ٹِکایا۔ تاج سیِس جگت جگدیِش، بیِس اِکیِس ہوئے سہایا۔ چھتر جھُلے پربھ ساچے سیِس، دوُسر کوئی رہن نہ پایا۔ مہاراج شیر سِنگھ وِشنوُں بھگوان، نِہکلنک نرائن نر، ستاراں ہاڑ ویہہ صد آیا۔ سَتجُگ تیری ساچی لِکھت، سولاں وِدیا وِچ دئے لِکھائیا۔ سولاں وِدیا ایکا دھار، ایکا رسن چلائیا۔ سَت دیِپ نؤ کھنڈ اِک پیار، ایکا پلّے نام گنڈھ بندھائیا۔ نہ کوئی دِسے نار دُہاگن رنڈ، برہمنڈ خوشی منائیا۔ سَتجُگ ساچا گُرمُکھاں گھر گھر ساچا جائے نام آئے ونڈ، پربھ ساچی سیوا لائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، اپنا بھیوَ رہیا چُھپائیا۔
اکی ایک ایکنکار، ایکا روُپ سماونا۔ جگت مِٹائے دُھندوُکار، سَتجُگ ساچا چند چڑھاونا۔ سُہائے بنک در دوار، راؤ رنک ایکا دھام سُہاونا۔ ساچا حُکم دُھر فرمان، پنچم آپ اکھواونا۔ سَت سنتوکھی ورتے کار، نام ادھار آپ رکھاونا۔ بیِج بیِجے اپر اپار، اپنی ہتھّیں بوُٹا لاونا۔ جوتی جوت سروُپ ہرِ، آپ اپنی جوت دھر، اپنا کرم کماونا۔ اِکیس اِکیس اِکّی اِک اکلّیا۔ کرے کھیل ہرِ جگدیِش، وسائے اِک محلیا۔ سمت سمتی لہنا دینا چُکے وِچ بیِس، کلجُگ انت پرچھاواں ڈھلیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، چلے چال اِک اولّیا۔ چال اولّڑی اِک چلائے۔ کرن کراونہارا، اِک اکلڑی جوت جگائے۔ کھیل کِھلائے کھیلنہارا، دھرت دھوَل ساری ہلڑی، نہ کوئی دِسے ہور سہائے۔ گُرمُکھاں وکھائے ایکا گھر ایکا ہرِ، اگمّ اگمّڑی جوت جگائے۔ نہ کوئی منگے پَیسا دھیلا دمڑی، روُپا سونا نہ تن شِنگار کرائے۔ پُتر دھیِاں نہ کوئی لوچے ماتا امڑی، پِتا پوُت نہ کوئے ترسائے۔ جوتی جوت سروُپ ہرِ، آپ اپنی کِرپا کر، پوُرن اِچھیا بھگت کرائے۔ ستاراں ہاڑ سمت اِکّی، سَتجُگ تیری دھار چلاونی۔ نؤ کھنڈ پرِتھمی بنائے لکھّ گیاراں مُنی رِکھی، ساچی سِکھی آپ سُہاونی۔ مستک لیکھ اپنی ہتھّیں جائے لِکھی، لِکھی ریکھ نہ کِسے مِٹاونی۔ سَتجُگ منگی ساچی بِھکھی، پربھ اپنی ہتھّیں جھولی پاونی۔ سوہنگ دھارا رکھیں تِکھی، سسّا ہوڑا دوویں مُکھ نِرگُن سرگُن روُپ سُہاونی۔ سُکھمن ٹیڈی رکھی، بھیِڑی گلی اِک تکاونی۔ جوتی جوت سروُپ ہرِ، آپ اپنی کِرپا کر، گُرمُکھ ساچے سنت جناں ساچی سِکھیا اِک سِکھاونی۔
سچ گھر وسیا آپ، ساچے روُپ سمایا۔ ہرِ ہرِ ساچا شاہو بھوُپ، ساچا تخت رہیا سُہایا۔ لکھّ چؤراسی اندھ کوُپ، نِرمل جوت نہ جگایا۔ کلجُگ رَین اندھیری چاروں کوُٹ، دہ دِشا اندھیرا چھایا۔ تیِر نِرالا رہیا چھوُٹ، دِس کِسے نہ آیا۔ جوتی جوت سروُپ ہرِ، آپ اپنی جوت دھر، اگمّ اگمّا اگمّڑا روُپ وٹایا۔ تیِر نِرالا شبد مُکھ، رسن کمان چلائندا۔ جن بھگتاں میٹن آیا دُکھ، منُمکھاں نشٹ کرائندا۔ دھرت مات تیری سُپھل کرائے کُکھ، گؤڑ براہمن پوُت سپوُتا لوک مات چرن چُھہائندا۔ اُجل کرے سَتجُگ ساچے مُکھ، مستک ساچی ریکھ لِکھائندا۔ گئوُ غریِباں کٹے بُھکھ، راج راجاناں شاہ سُلطاناں در در پِھرائندا۔ جن بھگتاں گیڑ کٹائے گربھ واس اُلٹا رُکھ، لکھّ چؤراسی پھند کٹائندا۔ گھر گھر دھوُنے رہے دُھکھ، کِسے نہ ملِے آتم سُکھ، ساچا مندر کایا اندر کوئے نہ مات وکھائندا۔ سادھاں سنتاں ودھائی ترِشنا بُھکھ،
اگنی اگن جلائندا۔ جوتی جوت سروُپ ہرِ، جوتی جامہ بھیکھ دھر، کلجُگ میٹے بھیکھ پکھنڈا، سوہنگ پھڑیا ہتّھ وِچ ڈنڈا، نؤ کھنڈ پرِتھمی پاوے ونڈا، ویکھ وکھائے جیرج انڈاں، ویکھ وکھائے چارے وید قُرآن پُران گیان دھیان جگت وِدیا برہم وِچار، گرنتھ پنتھ ساچے پھول پُھلائندا۔ جوتی جوت سروُپ ہرِ، جوتی جامہ بھیکھ دھر، ایکا ایکنکارا۔ ایکا ایک شبد جَیکارا، دُھردرگاہی لیکھ ساچا لِکھیا پرگٹ ہوئے نر نِرنکارا، نانک گائی سرِشٹ سبائی مِتھیا۔ جوتی جوت سروُپ ہرِ، آپ اپنی جوت دھر، اِک چلائے ساچا رتھیا۔ سَتجُگ ساچا رتھ چلائے، ساچا ہرِ رتھواہیا۔ کلجُگ کالا متھ وکھائے، چاروں کُنٹ پئے دُہائیا۔ مہما جگت اکتھ اکتھ آپ رکھائے، کتھنی اکتھ کتھ نہ سکے رائیا۔ منُمکھاں جیِواں دھرم رائے در ستّھ وچھائے، لاڑی مؤت خوشی منائیا۔ انتم لیکھا سیِاں ساڈھے تِنّ ہتّھ وکھائے، دوُسر وست کوئے نال نہ جائیا۔ گُرمُکھ ساچے سنت سُہیلے سِر دے کر ہتّھ رکھ وکھائے، ساچے شبد کرے کُڑمائیا۔ تریَلوکی ناتھ سگلا ساتھ اپنا آپ نِبھائے، پاربرہم برہم سچّی سرنائیا۔ جوتی جوت سروُپ ہرِ، جوتی جامہ بھیکھ دھر، نِہکلنک نرائن نر، لواں پُریاں رہیا جنائیا۔ لواں پُریاں شبد ہُلار دیونہار ایکنکار۔ ویکھے کھیل وِچ سنسار۔ برہما برہم ویتا رسنا گائے، چارے ویدا بھیوَ نہ پائے، اچھل اچھید وید وِیاسا بن لِکھار۔ اٹھاراں پُران گائے سلوک اِک لکھّ ہزار ستاراں، جوتی جوت سروُپ ہرِ، آپ اپنی جوت دھر، پرگٹ ہوئے نِہکلنک نرائن نر اوتارا، لوک مات انتم کل وِچ سنسارا۔ رسنا گایا گؤڑ براہمن ساچا پوُتا، نال رلائے شبد ساچا دوُتا، چاروں کُنٹ رہیا دؤڑائیا۔ میٹے جوُٹھ جھوُٹھا، جگ سچ سُچ ورتائیا۔ منُمکھاں پھڑائے ہتّھ خالی ٹھوُٹھا، چاروں در رہیا پِھرائیا۔ گُرمُکھ ساچا سنت سُہیلا در دواریوں جو گیا روُٹھا، درس اموگھ ہرِ وکھائیا۔ جوتی جوت سروُپ ہرِ، آپ اپنی جوت دھر، اپنے سنگ آپ رکھائیا۔ آتم سنگی شبد سُرنگی، ناد انادی ناد وجائیا۔ وجےّ تن سچّا مردنگی، نؤ دوارے ویکھے لنگھی، ساچا مارگ اِک وکھائیا۔ وڈ داتا سوُرا سربنگی، دِوس رَین انگی سنگی، آپ اپنا سنگ نِبھائیا۔ گُرسِکھ پِٹھ نہ ہووے ننگی، پربھ بیَٹھا سیِس اپنا ہتّھ ٹِکائیا۔ دیوے وست جو در آئے موُنہوں منگی، برہم روُپ سمائیا۔ آتم دھارا اِک وہائے امرت ساچا گنگی، شِو شنکر سیِس ٹِکائیا۔ جوتی جوت سروُپ ہرِ، جوتی جامہ بھیکھ دھر، جگت جگدیِش تیری کری گھر ساچے کُڑمائیا۔ جگت جگدیِش گھر ساچا پایا، تریَلوک وجّی ودھائیا۔ جیِؤ پِنڈ کاچا مات تجایا، نام دروازہ اِک کُھلائیا۔ غریِب نوازا درشن پایا، سگلی چِنت مِٹائیا۔ ہرِجن جن ہرِ تیرا سازن سازا، اَگے بیَٹھا دوویں بُھجا اُٹھائیا۔ چتُربُھج ہرِ رکھے لاجا، بھیکھادھاری بھیکھ وٹائیا۔ پرگٹ ہوئے دیس ماجھا، سمت سمتی رہیا مِٹائیا۔ ہرِجن جن ہرِ
تیری رکھے لاجا، آپ کرائے تیرا کاجا، ساچی سیوا رہیا کمائیا۔ منمُکھ جیِواں وِکار ہنکار کایا ڈولی دیوے داجا، انتم ایکا دھکاّ لائیا۔ کلجُگ مات لوک وِچوں جائے بھاجا، دُھردرگاہوں آئے بھاجا، سنگ محمد مُکھ چُھپائیا۔ سَتجُگ ساچا دُھردرگاہوں آئے بھاگا، دوئے جوڑ پربھ اَگے سیِس جھُکائیا۔ دھرت مات دوُر دُراڈی اُٹھ اُٹھ مارے آوازا، آ سپوُتا ساچی گود میَں اپنی آپ سُہائیا۔ بھگت جناں دی رکھے لاجا، سوہنگ مُنما ساچا سیِر پِلائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سمت تیراں تیری بنّھے دھار، اَسوُ تِنّ دِوس وِچار، بیِس بیِسے ہوئے جگت جَیکار، اِک اِکیسے ساری سرِشٹ ایکا اِشٹ ایکا درِشٹ ایکا روُپ سمائیا۔ ایکا روُپ رنگ رنگاونا۔ کایا ساچی چولی، شبد گھوڑے تنگ کساونا۔ چار کُنٹ دہ دِشا ویکھ وکھاونا۔ جن بھگتاں پوُر کرائے بھاونا۔ لہنا دینا پِچھلا لیکھ چُکاونا۔ سمت ستاراں ساچا ویکھ، گُرمُکھ ساچے سنگ نِبھاونا۔ سمت پندراں دھارے بھیکھ، تٹ تیِرتھاں کِھچ وکھاونا۔ سمت سولاں لائے میخ، در در گھر گھر ہاہاکار کراونا۔ سمت ستاراں رہیا ویکھ، جنگل جوُہ اُجاڑ پہاڑ راج راجاناں شاہ سُلطاناں ایکا آسن وِچھاونا۔ سمت اٹھاراں نہ کوئی دِسے اؤلیئے پیِر شیخ، سیٹھ سِٹھان وِچ جہان کوئی رہن نہ پاونا۔ سمت اُنی سنت سُہیلے جائے چُنی، کلجُگ مِٹدی جائے ریکھ، بیِس بیِسے اُپجے راگ ساچی دُھنی، ملِے میل ہرِ جگدیِش۔ جوتی جوت سروُپ ہرِ، اِک اِکیِسا ہرِ جگدیِشا چھتر جھُلائے ساچے سیِس۔ رتھ رتھواہی بن کے آیا، سرِشٹ سبائی ہرِ رگھُناتھ۔ دو جہاناں کھیل اپنے ہتّھ رکھایا، پرگٹ ہوئے تریَلوکی ناتھ۔ بھگتاں جناں ہرِ رہیا جگایا، لہنا اپنا موُل چُکائے مستک لِکھیا دُھر دُھر ماتھ۔ جوتی جوت سروُپ ہرِ، جوتی جامہ بھیکھ دھر، جُگ جُگ آپ نِبھائے اپنا ساتھ۔
رتھ رتھواہی ٹھاکر داتا، سرب کلا بھرپوُرا۔ گیانی شبدی برہم گیاتا، سد سد حاضر حضوُرا۔ جن بھگتاں رکھے اُتم ذاتا، شبد رکھائے ساچی تُورا۔ پرگٹ ہوئے کملاپاتا، کلجُگ کوُڑ مِٹائے کوُڑا۔ مِٹے رَین اندھیری راتا، مایا ممتا جوُٹھی جھوُٹھی مِٹے دھوُڑا۔ جن بھگتاں پُچھے انتم واتا، کرے پرکاش دیِیا باتی ساچی جوتی نوُرا۔ جوتی جوت سروُپ ہرِ، آپ اپنی جوت دھر، وید وِیاسا لیکھ لِکھایا کرے کرائے پوُرا۔ برہم گؤڑ گؤڑ سپوُت، جوتی مات جنائیا۔ گود اُٹھایا ساچا پوُت، شبدی ناؤں رکھائیا۔ سوہنگ دھاگا ساچا سوُت، ہتھّیں گانا بنّھ وکھائیا۔ لواں پُریاں پھیر پِھرائے ساچا دوُت، ساچا حُکم جنائیا۔ نؤ کھنڈ پرِتھمی چارے کوُٹ، دہ دِشا ویکھ وکھائیا۔ جوتی جوت سروُپ ہرِ، جوتی جامہ بھیکھ دھر، کلجُگ وقت سُہائیا۔ کلجُگ انتم انت آیا، ہرِ جوتی نوُر اُپائندا۔ بھگت سُہیلے ساچے سنت رہیا جگایا، رام رام آپ اکھوائندا۔ شاہ بھبھیِکھن
انت کل نہ ملِے سزایا، جُگ تریتا پار کرائندا۔ جوتی جوت سروُپ ہرِ، آپ اپنی جوت دھر، ماں پِیو بیٹا اکھوائندا۔ مات پِت ہرِ جگدیِشر، سرِشٹ سبائی اُپایا۔ آپے جوگی مُنی مُنیشر، تپی تپیشر رِکھ مُن آپ اکھوایا۔ سنگ رکھائے سوا رتّی مستک ٹِکاّ ساچا کیسر، نام تِلک ترِسوُل دھار لگایا۔ انتم ویلا جگت تھنیسر، تِھر گھر روُپ وٹایا۔ جوتی جوت سروُپ ہرِ، آپ اپنی جوت دھر، جگت جگیاسوُ ویکھن آیا۔ اِک نریل نارد مُن، برہما پوُت اُٹھائندا۔ بھگت سُہیلے ساچے چُن، سوئے مات جگائندا۔ دیونہارا ساچا گُن، اپنا بھیوَ کُھلائندا۔ جوتی جوت سروُپ ہرِ، آپ اپنی جوت دھر، شبد انادی ساچی دُھن اپنے ہتّھ رکھائندا۔ ناد دُھن تن کایا مندر، پربھ اپنے ہتّھ رکھائیا۔ بجر کپاٹی لایا جِندر، نہ کوئی توڑ تُڑائیا۔ رَین اندھیری ڈوُنگھی کندر، دیِپک جوت دِس نہ آئیا۔ جوتی جوت سروُپ ہرِ، آپ اپنی کِرپا کر، جِس جن دیوے آتم ور، نیتر نیَنی درس دِکھائیا۔ درشن نیَن ساچے گھر، جگت ترِشنا بُجھائیا۔ ہرِ چرن بہن ساچا ور، برہما وِشن مہیش گنیش در بیَٹھے سیِس جھُکائیا۔ بھگت جناں ہرِ در درویش، لوک مات آوے جاوے پھیرا پائیا۔ پاربرہم پُرکھ ابناشی سدا آدیس، ویس اویسا انن انیِکا آپ کرائیا۔ نہ کوئی جانے دھاری کیسا، موُنڈ مُنڈایا سوُجھ نہ پائیا۔ ہرِجن ساچے وِچ پرویسا، شبد دھار اِک رکھائیا۔ جوتی جوت سروُپ ہرِ، آپ اپنی جوت دھر، سمت تیراں دس تیِس، تیِجی اَسوُ تِھت لِکھائیا۔ اَسوُ تِنّ ساڈھے دس داسا داس آیا۔ کرے کھیل بیِس بیِس، بھیوَ کِسے نہ پایا۔ نؤ کھنڈ پرِتھمی چرن ہیٹھ جھس، لواں پُریاں پار کرایا۔ آپ اپنے گھر رہیا وس، محل اٹل اِک رکھایا۔ ہرِجن ساچے راہ ساچا رہیا دسّ، چار ورن ساچی سرن اِک سرنایا۔ انتم میلا ہونا نسّ نسّ، شبد تیِر چلائے کس کس، بھرماں ڈیرہ دیوے ڈھاہیا۔ جوتی جوت سروُپ ہرِ، آپ اپنی جوت دھر، جن بھگتاں دیوے بھگتی ور، ساچی سیوا رہیا لگایا۔ بھگت بھگوَنت ساچا میِت، دَیانِدھ اکھوائندا۔ ایکا راگ سُنائے ساچا گیِت، کارج سِدھ کرائندا۔ کایا کرے پتت پُنیِت، آپ اپنی بنت بنائندا۔ نیتر درشن سیِتل سیِت، سانتک روُپ سمائندا۔ آپے وسے آتم چیت، چِت وِت نہ کوئی ٹھگوَری پائندا۔ صدی بیِسویں رہی بیِت، بیِس بیِسا ہرِ اکھوائندا۔ نہ کوئی ہست شاہ کیِٹ، مایا چکّی رہی پیِس، کلجُگ ساچا پیِسن پائندا۔ مایا ممتا کؤڑے ریِٹھ، نہ کوئی چاڑھے کایا چولی رنگ مجیِٹھ، رنگن نام نہ کوئی رنگائندا۔ پُرکھ ابناشی گھٹ گھٹ واسی بھگوان بیِٹھلا بیِٹھ، جوت سروُپی سدا انڈیِٹھ، انڈِٹھا درس دِکھائندا۔ جوتی جوت سروُپ ہرِ، آپ اپنی کِرپا کر، جِس جن بخشے چرن پریِتی در، سو جن سرن سرنائی آئیندا۔
۳ اَسوُ ۲۰۱۳ بِکرمی دِلّی راشٹرپتی بھون وِچ شبد اُچاریا
اَسوُ تِنّ ساڈھے دس اندر وڑیا، سرب کلا بھرپوُرا۔ راشٹرپت تُٹا یت شبد سروُپی جائے پھڑیا، ویکھے کھیل نوُری نوُرا۔ جگت وِکارا مایا ممتا مِتھیا، ہرِ ہرِ ناتا دوُرن دوُرا۔ لوک مات اَگے ہوئے نہ اڑیا، شبد کھنڈا کرے چوُر چوُرا۔ آتم اکھّر نہ پڑھیا، امرت مِلیا نہ سَت سروورا۔ جوتی جوت سروُپ ہرِ، شبد لیکھا رہیا بھیج، انتم چھڈنی پھوُلاں سیج، جوت ذاتی جائے جڑیا۔ پھوُلن سیج جائے چُھٹ، نہ رہے رُت بسنتا۔ بھاگ بھاگنی گئے نِکُھٹ، میل وِچھوڑا ساچے کنتا۔ انتم پَینی در دوارے لُٹ، ملِے نہ ہاتھی گھوڑا۔ جوتی جوت سروُپ ہرِ، آپ اپنی جوت دھر، در دوارے بیَٹھے رتھ جگت رتھیا۔ مُکھ چُھپایا مستک لیکھ اپارا، آپ اپنا پردہ پایا۔ بھرمی بھرم نیارا، لیکھا جانے استھوُل جڑ دا۔ اگمّ روُپ اپارا، شبد سروُپی آپے پھڑدا۔ اندر باہر گُپت ظاہرہ، مایا ممتا وِچ نہ سڑدا۔ جوت سروُپی ہرِ نِرنکارا، توڑے مان قِلعہ ہنکاری گڑھ دا۔ کھیلے کھیل وِچ سنسارا، دسم دواری ساچے مندر ہرِ بھگت سُہیلے آپے وڑدا۔ ایکا ایک ایکنکارا، کالی دھار وہے وہن جوُٹھے جھوُٹھے ہڑ دا۔ سچ سُچ نہ کوئی ورتارا، ہرِجن ساچا ایکا اکھّر پڑھدا۔ دو جہانی اُترے پارا، لیکھا چُکے سیِس دھڑ دا۔ انتم میلا جمن کنارہ، جوتی جوت سروُپ ہرِ، آپ اپنی جوت دھر، کرے کھیل اگمّ اگمّ اگمّ اپارا۔