۳ اَسوُ ۲۰۱۳ ڈاکٹر ۰ روُپ لال بتّرے نال بچن ہوئے دِلّی
نرمل جیِیا آپ کرے، اپنی کِرپا دھار۔ دیِپک دیوے اِک دیِیا، جوتی نوُر اپار۔ آتم بیِج بیِجے شبد بیِیا، پھل لائے کایا ڈال۔ نام نِدھان گُرمُکھ وِرلے مات پیِیا، توڑے جگت جنجال۔ جوتی جوت سروُپ ہرِ، جُگ جُگ جوتی بھیکھ دھر، جن بھگتاں ہوئے آپ دلال۔ جگت دلال بھگت ونجارا، شبد ہٹّ کُھلائندا۔ کایا مندر ویکھے تیِرتھ پار کنارہ، امرت آتم تال سُہائندا۔ کایا ماٹی شبد وجائے سچ نگارہ، تال اپنے ہتّھ رکھائندا۔ کرے پرکاش ایکا ایک ایکنکارا، اگیان اندھیر مِٹائندا۔ ناد دُھن اُپجے سُنائے راگ ہرِ سُننیہارا، مُن سُنّ توڑ تُڑائندا۔ جوتی جوت سروُپ ہرِ، جوتی جامہ بھیکھ دھر، بھگت بھگتی مارگ لائندا۔ بھگت بھگوَنت سنت کنت ایکا سچ ہنڈھائیا۔ در گھر ساچے آپ بنائے ساچی بنت، شبد سِنگھاسن پھوُلن سیجا، دسم دواری ساچے اندر آپ وِچھائیا۔ جوت نِرنجن شبد سُنیہڑا بھیجا، ہرِجن ساچے مات جگائیا۔ ہتّھ
پھڑائے نام شستر نیزہ، پنجاں چوراں رہیا ڈرائیا۔ نیَن کُھلائے آپے تیِجا، جِس جن اپنی دَیا کمائیا۔ ہرِ بھگتاں کرے آپے ریجھا، تن شبد شِنگار کرائیا۔ جوتی جوت سروُپ ہرِ، جُگ جُگ جوتی جامہ بھیکھ دھر، ویکھ وکھائے سرِشٹ درِشٹ اِشٹ اِشٹ کوَن رگھُرائیا۔ آستک ناستک دوویں دھار، جُگ جُگ مات چلائندا۔ ہرِ کا روُپ اگمّ، بھیوَ اپاریا۔ ہڈّ ماس ناڑی نہ کوئی چمّ، دِس کِسے نہ آ رہیا۔ پوَن سواسی نہ کوئی لئے دم، پنچ تت نہ سنگ رلا رہیا۔ نیتر نیِر نہ دِسے چھمّ چھمّ، بستر شستر نہ کوئی لٹکا رہیا۔ نہ مرے نہ پئے جم، ساچے دھام سُہا رہیا۔ آپے جانے اپنا کمّ، کرن کراونہار آپ اکھوا رہیا۔ آپے رام رمئیا رام، رام راما آپ اکھوا رہیا۔ آپے گگن پاتالاں دیوے تھم، لواں پُریاں آپ سُہا رہیا۔ جوتی جوت سروُپ ہرِ، آپے وسے اپنے گھر، جوتی نوُر اُپا رہیا۔ جوتی نوُر ہرِ بھگوان، دِوس رَین سوائیا۔ شبد رکھے اِک نِشان، جُگ جُگ مات جھُلائیا۔ جِس جن کِرپا کر دیوے ساچا دان، اپنی بوُجھ بُجھائیا۔ آتم بخشے برہم گیان، برہم پاربرہم مِلائیا۔ درس اموگھا دیوے جیِیا دان، دُھر سنجوگا میل مِلائیا۔ رسنا رس نہ کوئی بھوگا، آتم رس نِجھر دھار اِک وہائیا۔ نہ کوئی راگ سُنائے جگت سلوکا، پڑھ پڑھ نہ کوئے وکھان کرائیا۔ آتم انتر ایکا ایک سچّا گُر منتر ، پنچ رہیا جنائیا۔ جوتی جوت سروُپ ہرِ، آپے اپنے وسیا گھر، جوتی نوُر کرائیا۔ جوتی نوُر ہرِ اگمّا، اگمّا دھام سُہائندا۔ نِرگُن روُپ نر آکار، نِج گھر واس رکھائندا۔ سرگُن روُپ وِچ سنسار، ہرِ اپنی بنت بنائندا۔ گُرمُکھ ساچے سنت سُہیلے میِت مُرار، اپنی گنت گِنائندا۔ اپنا بخشے چرن پیار، ساچی ریِت وکھائندا۔ دیوے شبد نام دُھن سچّی دُھنکار، کایا مندر مسیِت گُروُدوارا اِک جنائندا۔ گُن اَوگُن پربھ رہیا وِچار، میِت میِتا آپ اکھوائندا۔ جوتی جوت سروُپ ہرِ، لوک مات ہرِ جوت دھر، ہرِجن سوئے آپ جگائندا۔ سو جن اُدھرے پار، جِس جن جوت جگائیا۔ ساچی جوت کر آکار، شبد دھار وہائیا۔ شبد دھار اپر اپار، بجر کپاٹ کُھلائیا۔ بجر کپاٹی اؤکھا گھاٹ، آپے آپ چڑھائیا۔ اِک وکھائے ساچا ہاٹ، ستو گُن سَت وستُو وِچ سمائیا۔ جوتی جوت سروُپ ہرِ، آپ اپنی جوت دھر، جن بھگتاں مستک لیکھ لِکھائے لِلاٹ، لِکھنہار آپ اکھوائیا۔ نام جوتی کایا دھر، ساچا شبد جنائندا۔ اِک وکھائے ساچا سر، امرت آتم سچ سروور تیِرتھ اِشنان کرائندا۔ جگت چُکائے جھوُٹھا ڈر، ساچے مارگ لائندا۔ جیِیا دان بھگتی دیوے ور، سارنگ دھر بھگوان بیٹھلا آپ اکھوائندا۔ آپ اپنے جِہا کر، روُپ انوُپا وِچ سمائندا۔ جوتی جوت سروُپ ہرِ، آپ اپنی کِرپا کر، سنت سُہیلے آپ کرائے اپنے میلے، اپنا شبد جنائندا۔ ہرِ موُرت اکال، جوتی نوُر سوائیا۔ جوتی نوُر دیِن دَیال، دِس کِسے نہ آئیا۔ اپنی آپ کرے پرِتپال، اپنے رنگ سمائیا۔ آپے
چلے اولّڑی چال، اپنی بنت بنائیا۔ جوتی سُت اُپایا شبد رکھایا ساچا لال، ہرِ اپنی گود اُٹھائیا۔ تریَلوکاں بنایا آپ دلال، برہمنڈ وِچ ٹِکائیا۔ کھوجن کھوج کھوج جُگ جُگ تھکے بھال، ہرِ شبد ہتّھ نہ آئیا۔ پُرکھ ابناشی آپے چلے اولّڑی چال، آپ اپنا روُپ مات وٹائیا۔ آپے مار شبد اُچھال، پنج تت رسنا باہر کڈھائیا۔ سرِشٹ بنائے جگت دلال، رسنا گا گا ترے لوکائیا۔ نیڑ نہ آئے کال مہاکال، اکال اکالا دوویں راہ چلائیا۔ ہرِ شبد انمُلڑا لال، ہرِ در رکھیا آپ سنبھال، سب گھٹ میں آپ ٹِکائیا۔
مانَس جنم پایا، وجّی مات ودھائیا۔ پربھ ابناشی دَیا کمایا، لکھّ چؤراسی ہوئی کُڑمائیا۔ ساچا دھرم آپ رکھایا، بھرمے بُھلی سرب لُکائیا۔ گُر گوبِند ہرِ ہرِ ہرِ نرائن نرائن جِس جن رسنا گایا، کٹے جم کی پھاہیِا۔ آپ اپنی سرن لگایا، مستک ٹِکاّ لاہے لگّی کالی چھاہیِا۔ جِس جن ہو پرتکھ درس دِکھایا، کرم کُکرم ایکا رنگ سمائیا۔ انت انت ہرِ لئے رکھ، آپ اپنے وِچ مِلائیا۔ جوتی جوت سروُپ ہرِ، آپ اپنی جوت دھر، جن بھگتاں لہنا دینا پِچھلا رہیا موُل چُکائیا۔ بیَٹھت بیَٹھت جگ گئے، چار چُپھیرے سنگی یار۔ بیَٹھت بیَٹھت بیَٹھت ہنکار ہنگتا تن جھوُٹھی چولی رنگ گئے، نہ مِلیا میِت مُرار۔ بیَٹھت بیَٹھت بیَٹھت تپی تپیشراں برس مہینےِ لنگھ گئے، نہ ہویا مات اُدھار۔ گُرمُکھ ساچے سنت سُہیلے انتم ویلے سنگ گئے، دوئے جوڑ کرن نِمسکار۔ ہرِ ہِردے اندر وس جائے، جگت وِکارا وِچوں نسّ جائے، ساچے اندر نر ہرِ ساچا بہہ بہہ ہسّ جائے، دیوے درس اپار۔ امرت آتم میگھ سیِتل دھارا وس جائے، کایا کرے ٹھنڈی ٹھار۔ جوتی جوت سروُپ ہرِ، جِس جن کِرپا دیوے کر، آتم کھولے بند کِواڑ۔ جنم کرم پربھ ہتّھ، اپنی ریِت چلائیا۔ سرِشٹ سبائی چلائے رتھ، رتھ رتھواہی آپ اکھوائیا۔ لکھّ چؤراسی آپے رہیا متھ، آپ اپنی رچن رچائیا۔ جیِواں جنتاں آتم اندر پائی بیَٹھا نتھ، ڈوری اپنے ہتّھ رکھائیا۔ جِس جن کِرپا کر اپنی کتھا سُنائے اکتھ، ساچا مارگ رہیا لگائیا۔ جوتی جوت سروُپ ہرِ، آپ اپنی جوت دھر، ساچا رہیا کرم کمائیا۔ جنم کرم ہتّھ کرتار، کرن کراونہارا۔ نہ کوئی جانے جیِو جنت گوار، پربھ کھیل کِھلائے کِھلاونہارا۔ لکھّ چؤراسی مات وِہار، اُپجاوے مِٹاوے مِٹاونہارا۔ جوتی جوت سروُپ ہرِ، آپ اپنی جوت دھر، لِکھے لِکھیا لیکھ دُھر، گھر مندر لیکھ اپارا۔ لِکھیا مندر مستک لیکھا، آپے آپ لِکھائندا۔ جیِو جنت رہیا بھرم بُھلیکھا، بھرم نہ کوئے چُکائندا۔ دُھر دی بان لگّی میخا، نہ کوئی ویکھ وکھائندا۔ جِس نیتر لوچن نیَن ساچے پیکھا، درِشٹ اِشٹ کُھلائندا۔ جوتی جوت سروُپ ہرِ، آپ اپنی
جوت دھر، اپنا راہ چلائندا۔ سچ بھوُپ ہرِ ساچا راجا، سچ تخت سُہائندا۔ اُپر بیَٹھ غریِب نوازا، لیکھا لِکھت لِکھائندا۔ شبد سروُپی مارے آوازا، پوَن پوَنی سیو لگائندا۔ سیِس نہ دِسے کوئے تاجا، ساچا تاج اِک سُہائندا۔ انتم رکھنہارا لاجا، کوَن گھر وسائندا۔ کوَن کرے گُرمُکھاں کاجا، سُرتی ناری آپ پرنائندا۔ کوَن دوارے وجےّ واجا، انحد راگ سُنائندا۔ کوَن دوارے پِھرے بھاگا، سنت سُہیلے گود اُٹھائندا۔ کوَن نِرنکارے اِک کرائے ساچا حاجا، مکّہ کعبہ آپ وکھائندا۔ میل مِلائے دو دو آبہ، سوُرج چند نہ جھلّے تابا، تارا منڈل مُکھ شرمائندا۔ شبد گھوڑا ہرِ چرن رکابا، امرت دھار وہائے کوَل نابھا، ساچا سیِر مُکھ چوائیندا۔ جوتی جوت سروُپ ہرِ، ہر گھٹ اندر ویکھے در، نؤ در کھوج کُھجائندا۔ نؤ در مایا کھیل ہےَ، ورتے وِچ سنسار۔ دسم دواری گھر نویل ہےَ، وسے ایکا ایکنکار۔ سرِشٹ سبائی سجّن سُہیل ہےَ، دِوس رَین سُنے پُکار۔ جِس جن جوت نِرنجن چاڑھے ساچا تیل ہےَ، ملِے میلا کنت بھتار۔ گُر شبدی پوَنی ساچی ویل ہےَ، دیوے نام بھنڈار۔ اچرج پاربرہم برہم کھیل ہےَ، میل وِچھوڑے وِچھڑے میلے میل میلنہار۔ جوتی جوت سروُپ ہرِ، آپ اپنی جوت دھر، ہر گھٹ اندر ویکھے سچ گھر، کوَن کھولے کوَن رکھے بند کِواڑ۔ بند کِواڑا کایا ہٹّ، گُرمُکھاں مات کُھلائندا۔ جیِو جنت پِھر پِھر تھکے تیِرتھ تٹ، اٹھسٹھ نہ کوئی وکھائندا۔ جوت جوالا جگے لٹ لٹ، آد شکت آد بھوانی نوُر نوُرانی نہ کوئی تن اُپائندا۔ دُرمت مَیل نہ دیوے کٹ، شبد نہ لائے ساچی ہِٹ، پنچ شیَطانی نہ کوئے مِٹائندا۔ بھرما ڈھاہے نہ دوُجی وٹ، دُئی دوَیتی نہ میٹے پھٹّ، جوتی جوت سروُپ ہرِ، سب گھٹ اندر ویکھے گھر، کوَن بند کوَن کُھلائندا۔ ساچا مندر کایا کھیڑا، پربھ ساچے آپ وسایا۔ اندر بہہ بہہ کرے نِبیڑا، رائے دھرم چِتر گُپت اپنے سنگ رکھایا۔ کال مہاکال منگے منگ، پربھ ساچے حُکم جنایا۔ لاڑی مؤت وجائے در در گھر گھر مردنگ، جو گھڑیا سو بھنّ وکھایا۔ گُرمُکھ وِرلے کایا چولی چڑھیا رنگ، جِس جن پربھ اپنا لڑ پھڑایا۔ در دوارا پار جائے لنگھ، اَگے نہ سکے کوئی اٹکایا۔ جوت سروُپی ہوئے سنگ، شبدی پہریدار اکھوایا۔ شبد سِنگھاسن ویکھے اِک پلنگ، پُرکھ ابناشی اپنی ہتھّیں آپے ڈاہیا۔ اُپر وِچھایا لال رنگ، لچھمی چرن جھسن لایا۔ چتُربُھج سوُرا سربنگ، سانگو پانگ سیج ہنڈھایا۔ سرب جیِیاں سدا انگ سنگ، وِسر کدے نہ جایا۔ آپے کٹے جگت مایا ترِشنا بُھکھ ننگ، نام وست جھولی پایا۔ در دوارے جو جن منگے ساچی منگ، پربھ دیوے دیونہار اکھوایا۔ جوتی جوت سروُپ ہرِ، آپ اپنی جوت دھر، کلجُگ انتم انت تیرا کھیل ویکھن آیا۔ من چینچل چتُرائی، کِسے نہ جانیا۔ ہرِ رچنا آپ بنائی، نال رلائی بُدھ مت سُگھڑ سیانیا۔ تِناں ساچا میل مِلائی، پنچاں تتاں آکھ وکھانیا۔ تِنّ سؤ
سٹّھ ہاڈی جوڑ جُڑائی، بہتّر ناڑی تنیا تانیا۔ من اِچھیا آپ کرائی، ساچا روُپ وکھانیا۔ جوتی جوت سروُپ ہرِ، پنچاں تتاں پائی بِھچھیا، پنچاں رِڑکے وانگ مدھانیا۔ ہرِ ڈوری شبد اپار، آتم پرماتم پائیا۔ نہ کوئی ویکھے وِچ سنسار، دِس کِسے نہ آئیا۔ آپ لائے دُھن سچّی دُھنکار، کِھچے واہو داہیِا۔ سرب جیِیاں رہیا سُن پُکار، سُننیہار آپ اکھوائیا۔ اندر باہر گُپت ظاہر، روُپ انوُپ وکھائیا۔ جوتی جوت سروُپ ہرِ، آپ اپنی جوت دھر، ہرِجن جن ہرِ ایکا رنگ سمائیا۔
ہرِ نامہ ہرِ دان ہےَ، اُتم وِچ سنسار۔ لیکھے لائے ہڈّ ناڑی ماس چاما، جوت جگائے اگمّ اپار۔ کایا وجائے سچ دمامہ، اُپجے دُھن سچّی دُھنکار۔ مِٹے رَین اندھیری شاما، آکاش پرکاش اپر اپار۔ ایکا دیوے ساچا داما، دو جہانی پاوے سار۔ ملِے میل رمئیا راما، گوپی کاہنا کرِشن مُرار۔ امرت پیائے ساچا جاما، دِوس رَین رہے خُمار۔ جوتی جوت سروُپ ہرِ، آپ اپنی کِرپا کر، رنگے رنگ اِک اپار۔ نام دات وست امول، گُرمُکھ وِرلے پائیا۔ آپے تولنہارا تول، شبد کھنڈا ہتّھ اُٹھائیا۔ تن نگارہ وجےّ ڈھول، برہمنڈ کھوج کھوجائیا۔ نؤ دوارے کڈھے پول، دسویں بوُجھ بُجھائیا۔ دسم دواری کُنڈا کھول، گھر مندر اِک وکھائیا۔ شبد ڈنڈا پھڑے ہتّھ اڈول، ہرِجن ڈول کدے نہ جائیا۔ پنچم میِتا پئے بول، کایا مندر اندر ساچا راگ سُنائیا۔ جوتی جوت سروُپ ہرِ، جِس جن کِرپا دیوے کر، ساچا نام دیوے ور، میلا ساچے ماہیِا۔ نام دھارا وکھّری کل، اپنی آپ چلائیا۔ پُرکھ ابناشی ہرِ پربل، جُگ جُگ بھیکھ وٹائیا۔ ویکھ وکھائے جنگل جوُہ اُجاڑ پہاڑ جل تھل، تھل جل وِچ سمائیا۔ ساچے مندر دیِپک رہیا بل، کوٹن کوٹ کرے رُشنائیا۔ جوتی جوت سروُپ ہرِ، آپ اپنی جوت دھر، شبد دھارا اِک چُھہائیا۔ شبد دھار وہے گنگ، آتم نال سُہائندا۔ وجےّ نام سچّا مردنگ، کال جنجال تُڑائندا۔ نؤ دوارے جو جن پار جائے لنگھ، ہرِ ساچا دَیا کمائندا۔ آپے ہوئے انگ سنگ، سوہنگ کھنڈا ہتّھ پھڑائندا۔ پنچ وِکارا بھنےّ کاچی ونگ، دوُسر کوئی دِس نہ آئیندا۔ شبد گھوڑے کسے تنگ، شاہ سوار نظری آئیندا۔ جوتی جوت سروُپ ہرِ، جِس جن کِرپا دیوے کر، آتم در پوُری کرے منگ، نام بِھچھیا ساچی پائندا۔
آد پُرکھ آد شکت، آد جُگاد سمائیا۔ نہ کوئی بوُند نہ کوئی رَکت، ہڈّ ماس ناڑی چمّ نہ کوئی دِسائیا۔ پنچم پنچاں نہ کوئی دِسے کٹک، نہ کوئی ویکھ وکھائیا۔ جوتی جوت سروُپ ہرِ، جوتی نوُر اُپائیا۔ آد پُرکھ اپرمپرا، عقل کلا بھرپوُر۔ اپنا کھیل آپ ورتترا، نوُر نوُرانی نوُرو نوُر۔ آپ بنائے اپنی بنترا، نہ کوئی باڈی لائے مزدوُر۔ آپ اپنا گھر وسنترا، نوُر نوُرانی نوُرو نوُر۔ آپ بنائے اپنا بنترا، جوتی جوت سروُپ ہرِ، آپ اپنی جوت دھر، آپے جانے نیڑا دوُر۔ آد پُرکھ اگمّ، اگمّ اگمّ سمایا۔ اگمّ اگمّوں پئے جم، جوتی نوُر کرایا۔ جوتی نوُر دیوے دم، شبدی سچ اُپایا۔ شبد سپوُتا پئے جم، برہمنڈی وِچ سمایا۔ گگن پاتالاں دیوے تھمّ، دِس کِسے نہ آیا۔ آپ اپنے جانے کمّ، آپ اپنے رنگ سمایا۔ آد پُرکھ انادیا۔ ایکا ایک اِکلّا، سد وسے وِچ برہمادیا۔ دھام سُہائے سچ محلیا، شبد جنائے بودھ اگادھیا۔ سد وسے جل تھلا، اپنا آپ ارادھیا۔ جوتی جوت سروُپ ہرِ، آپ اپنی جوت دھر، آپ اپنا انک اُپائیا۔ آپ اپنا انک اُپایا، ناؤں نر نِرنکاریا۔ شبد ڈنک اِک وجایا، دُھنی ناد اپر اپاریا۔ دوار بنک اِک سُہایا، سَت پُرکھ نِرنجن اپر اپاریا۔ راؤ رنک نہ کوئی وکھایا، راج راجانا شاہ سُلطانا کوئی دِس نہ آ رہیا۔ در دربان نہ کوئی رکھایا، نِرمل جوت آکار کرا رہیا۔ اندھ اندھیر دِس نہ آیا، ورن گوت نہ روُپ وٹا رہیا۔ ایکا رنگ رنگایا، شبد چوٹ اِک لگا رہیا۔ نہ کوئی دِسے کوٹی کوٹن کوٹ، کوٹی کوٹاں وِچ آپ سما رہیا۔ جوتی جوت سروُپ ہرِ، آپ اپنی جوت دھر، اپنا ناؤں آپ رکھا رہیا۔ آپ اپنی جوت جگائے، آتم کرے وِچارا۔ پُرکھ ابناشی ویکھ وکھائے، کیہڑی بنّھے اپنی دھارا۔ اپنا لیکھا آپے آپ لِکھائے، دوُسر کِسے دِس نہ آئے، برہما ویتا بھیوَ نہ پائے، ناؤں رکھائے اِک نِرنکارا۔ جوتی جوت سروُپ ہرِ، آپ اپنا بھیکھ دھر، کرے سرب پسارا۔ ہرِ روُپ ناؤں نِرنکار ہےَ، ہرِ ہرِ رنگ سمایا۔ آپے وڈّا شاہو بھوُپ ہےَ، غریِب نِمانا آپ اکھوایا۔ آپے وسیا اندھ کوُپ ہےَ، آپے سَت پرکاش کرایا۔ آپے دیوے جوتی ساچی تُور ہےَ، نام سوگندھی اِک رکھایا۔ آپے وسیا دہ دِشا چارے کوُٹ ہےَ، آپے اپنا مُکھ چُھپایا۔ آپے ہر گھٹ رہیا جھوُٹ ہےَ، آپ اپنا راہ چلایا۔ جوتی جوت سروُپ ہرِ، آپ اپنی جوت دھر، سچ سِنگھاسن ایکا کوُٹ، اپنا دھام سُہایا۔ ایکا کوُٹے اِک محلہ، وسے نر نِرنکاریا۔ شبد رکھے ہتّھ وِچ بھلّا، آپے ہوئے پہریداریا۔ پوَنی جوتی شبدی آپے رلا، ترےَگُن مایا نہ تت وِچاریا۔ سدا سدا سدا الیپ نِرلیپ وسے اِکلّا، کایا کھیت نہ کوئی رچا لیا۔ آپے بھاگ لگائے اپنے ڈالا، امرت پھل اپنا آپ اُگا لیا۔ آپے کرے ول چھلا، ول چھل دھاری آپ اکھوا رہیا۔ جوتی جوت سروُپ ہرِ، آپ اپنی جوت دھر، ناؤں نِرنکار اپر اپار ورن گوت وسے باہر، اِک سُہائے بنک دوار، چار دیوار نہ کوئی رکھا لیا۔ چار دیوار نہ
کوئی دروازہ، پربھ جوت جگائندا۔ جوت سروُپی آپ بِراجا، آپ اپنا پلنگ وِچھائندا۔ آپ سُہائے سیِس اپنے تاجا، اپنے مستک آپے ٹِکاّ لائندا۔ آپے رکھے اپنی لاجا، دوُسر کوئی نہ سنگ رکھائندا۔ آپے چڑھے ساچا تازا، ڈوری اپنے ہتّھ رکھائندا۔ آپے پائے جُگ جُگ بھاجا، آپ اپنے وِچ سمائندا۔ آپے مارے آپ آوازا، آپ اپنا آپ اُٹھائندا۔ آپ اپنا رچیا کاجا، آپ اپنا کاج رچائندا۔ شبد پرگٹائے جوت جگائے نال رکھایا واجا، انحد ساز وجےّ واجا، سُنے سُنائے غریِب نوازا، ساچا دھام سُہائندا۔ جوتی جوت سروُپ ہرِ، جوتی نوُرو نوُر کر، سرب کلا بھرپوُر در، نر نِرنکار آپ اکھوائندا۔ نِرنکار نِرویَر نِج گھر آپ سمایا۔ گھر ساچے کدے نہ ورتے قہر، ایکا رنگ رنگایا۔ دَیال دَیال دَیال کِرپال سد رکھے مِہر، مِہربان آپ اکھوایا۔ اِک چلائے ساچی لہر، نام اُچھال اِک لگایا۔ آپے کرے گھر اپنے ساچی سیَر، دِوس رَین نہ کوئی رکھایا۔ نہ کوئی آوے ایر غَیر، سوُرج چند کوئی دِس نہ آیا۔ جوتی جوت سروُپ ہرِ، آپ اپنی جوت دھر، آپے وسیا ساچے گھر، ہڈّ ماس ناڑی نہ کوئی دِسے بند نہ کوئی کایا گھاڑن گھڑایا۔ نِرنکار نِرگُن روُپ ہےَ، نِرگُن ہرِ رگھُرائے۔ آپے آپ سَت سروُپ ہےَ، سَت سَتوادی آپ اکھوائے۔ پربھ ہتّھ وڈیائیا، جُگ جُگ کردا آئے۔ جُگ جُگ اپنی بنت بنائیا، جن بھگت مات اُپائے۔ جن بھگتاں سیوا لائیا، پوُرب لہنا جھولی پائے۔ جو جن رسنا گائیا، نیتر نیَنا درشن پائے۔ نیتر نیَنا درس دِکھائیا، جیِواں جنتاں بھار ونڈائے۔ جیِواں جنتاں بھار ونڈائیا، سادھاں سنتاں ملِے گل لائے۔ جوتی جوت سروُپ ہرِ، آپ اپنی کِرپا کر، ہرِ بھگت ہرِ بھگتی مارگ لائے۔ کرم چند نرَین گاندھی، پربھ اپنی دَیا کمائیا۔ بھارت کھنڈ کلجُگ رَین اندھیری وگے آندھی، نِرمل روُپ وکھائیا۔ جیِو جنت گئوُ غریِب نِمانے جگت فِرنگیاں ہوئے باندھی، آپے لئے چُھڈائیا۔ نہ کوئی رکھے سونا روُپا چاندی، تن من اپنا بھیٹ چڑھائیا۔ دِوس رَین آتما رو رو گاندی، پربھ کِرپا کر ہرِ رگھُرائیا۔ ہرِ بھگتی بھگت جناں دی دُشٹ دُراچاراں آپ بخشاندی، دوئے جوڑ سیِس جھُکاندی، جوتی جوت سروُپ ہرِ، آپ اپنی جوت دھر، ساچی سیوا اِک لگائیا۔ سیوا لائی سیوادار، ہرِ بھگتی کرم پچھانیا۔ پرگٹ ہویا وِچ سنسار، اپنا آپ جانیا۔ مِلی وست اِک اپار، تُٹا مان تانیا۔ چھڈیا گھر راج دربار، میل وِچھوڑا ہانی ہانیا۔ جوتی جوت سروُپ ہرِ، آپ اپنی کِرپا کر، شبد سُنیہڑا دِتا ور، بھارت کھنڈی پائی ونڈی، جگت جُدائی ساچی ڈنڈی، ایکا منّیا پربھوُ بھانیا۔ پربھ بھانا منّ، دِوس رَین سیو کمائندا۔ اُپجے شبد دُھن ساچے کنّ، ہرِ ساچا آپ سُنائندا۔ گئوُ غریِباں بیڑا بنّھ، اوُچاں نیِچاں مگر لائندا۔ چھڈیا وسیرا چھپری چھنّ، ڈیرہ ہرِ ہرِ چرن ٹِکائندا۔ لوک مات چڑھیا ساچا چنّ، ہرِ ساچا آپ چڑھائندا۔ انتم جھوُٹھی ماٹی ہونی کھنّ کھنّ،
دھرم رائے نہ دِتا ڈنّ، پُری اِندر شبد مِلائندا۔ پُرکھ ابناشی بیڑا لیا بنّھ، ایکا راگ سُنایا کنّ، لوک مات جنم دوائندا۔ لوک مات پربھ جنم دوایا، ساچی بنت بنائیا۔ اٹھاراں ماگھ دیہہ چُھڈایا، ساچی رچن رچائیا۔ آپ اپنا نیہوں لگایا، ساچی سیو کمائیا۔ آتم امرت پیو ساچا مینہہ برسایا، میگھ مالا ویکھ وکھائیا۔ جوتی جوت سروُپ ہرِ، آپ اپنی جوت دھر، جوت جوالا اِک وکھائیا۔ اٹھاراں ماگھ دیہہ تّج۔ سچ سِنگھاسن چڑھیا بھجّ۔ پربھ ابناشی پردہ لیا کجّ۔ در دوارے امرت پیِتا رجّ۔ دُھردرگاہی ایکا کرے شبد جنائی، مات لوک وِچ جانا سج۔ شبد گھوڑا جوتی جوڑا آپ اپنی دیہی تج۔ جوتی جوت سروُپ ہرِ، آپ اپنی جوت دھر، سَتجُگ ساچے کھولے تیرا در، تیرے پڑدے لئے کجّ۔ کایا ماٹی جھوُٹھی کھیہہ، انتم خاک رُلائیا۔ چرن کوَل پربھ لگّا نیہ، سچ پریِت کمائیا۔ جوتی جوت سروُپ ہرِ، آپ اپنی کِرپا کر، اِند اِندراسن شبد سِنگھاسن، ویکھ وکھائے پرِتھمی آکاشن، ساچے گھوڑے جوتی جوڑے میل مِلائیا۔
ہرِ بھنڈار اتول، سدا سدا رکھائندا۔ در دروازہ ایکا کھول، جن بھگتاں جھولی پائندا۔ مندر اندر ساچے بول، شبد مردنگ وجائندا۔ بجر کپاٹی پردہ کھول، اپنا رنگ وکھائندا۔ نِج گھر واسی سدا وسے کول، کلجُگ جیِیاں دِس نہ آئیندا۔ جوتی جوت سروُپ ہرِ، آپ اپنی جوت دھر، کایا کھیتر رہیا مؤل، تن من ہرا کرائندا۔ بھگت بھنڈاری ہرِ داتار، دیوے جیِیا دانا۔ جگت سنساری نر نِرنکار، کھیلے کھیل مہانا۔ ہرِجن منگے در بن بِھکھار، آتم اُپجے برہم گیانا۔ مانگت منگے ایکا وار، گُر پوُرا ساچا بنّھے ہتھّیں گانا۔ تن کرے سولاں شِنگار، ساچا میلا ساچے کاہنا۔ لج پت رکھے وِچ سنسار، پار کرائے دو جہاناں۔ انتم ویلے پاوے سار، آپے ہوئےبیِنا دانا۔ آپ سُہائے بنک دوار، شبد جنائے سچ ترانہ۔ میل مِلائے ایکا ایکنکار، نِرگُن سرگُن لیکھ مہانا۔ سرگُن ساکھت بنّھے دھار، نِرگُن روُپ وٹانا۔ دوہاں میلا اِک دوار، جوتی جوت سروُپ ہرِ، آپ اپنی جوت دھر، آپ اپنے وِچ مِلانا۔ شبد نِشان سَت ہےَ، جھُلے وِچ جہان۔ سرِشٹ سبائی دے سمجھاوے مت ہےَ، بھرمے بُھلے نہ جیِو نادان۔ اِک رکھائے دھیِرج یت ہےَ، دُھردرگاہی مارے ساچا بان۔ نام دِسے ساچا رتھ ہےَ، آد انت اِک بھگوان۔ سرب کلا آپے سمرتھ ہےَ، سرِشٹ سبائی کرے پچھان۔ کلجُگ مایا لکھّ چؤراسی پائی نتھ ہےَ، نہ کوئی کرے کِسے کلیان۔ سادھ سنت مایا ممتا رہی متھ ہےَ، در در گھر گھر رسنا کرن وکھیان۔ ہرِ مہما جگت اکتھ ہےَ، کتھنی کتھے نہ وِچ جہان۔ جوتی جوت سروُپ ہرِ، آپ اپنی جوت دھر،
پرگٹ ہووے وِچ جہان۔ پُرکھ ابناشی جامہ پایا، جوتی نوُر جگائیا۔ ایکا ایک آپ اکھوایا، تریتا ترِپت کرائیا۔ کرِشنا کاہنا بھیوَ نہ رایا، ارجن رتھ رتھواہیا۔ اٹھاراں دھیائے شبد جنایا، بھیوَ ابھیدا بھیوَ کُھلائیا۔ چار ویداں بھیوَ نہ پایا، پُران اٹھاراں رہے گائیا۔ وید وِیاسے لیکھ لِکھایا، لکھّ اِک ہزار ستاراں سلوک بنت بنائیا۔ جوتی جوت سروُپ ہرِ، آپ اپنی جوت دھر، جُگ جُگ بھیکھ وٹائیا۔ بھیکھادھاری بھیکھ دھرے، جُگ جُگ بنت بنائندا۔ سرِشٹ سبائی آپے ورے، آپے پرے ہٹائندا۔ دھرنی دھر دھرتی دھوَل جوت ایکا گھرے، ایکا گھر وسائندا۔ نؤ کھنڈ پرِتھمی آوے ڈرے، ستّاں دیِپاں آپ ہِلائندا۔ برہما شِو دوار کھڑے، دوئے جوڑ سیِس جھُکائندا۔ سُرپت راجا کروڑ تیتیِسا منگے دان ہرِ ہرے، ہرِ ہرِ جھولی آپ بھرائندا۔ کلجُگ کالا کالا روُپ مات دھرے، نہ کوئے کِسے مِٹائندا۔ پرگٹ ہوئے نِہکلنک اوتار نرے، شبد کھنڈا ہتّھ رکھائندا۔ جوتی جوت سروُپ ہرِ، آپ اپنی جوت دھر، کلجُگ تیری پاوے ونڈ، میٹ مِٹائے بھیکھ پکھنڈ، ہتّھ پھڑے شبد ڈنڈا، ساچا ناؤں رکھائندا۔ شبد ڈنڈا ہرِ بلکار، اپنے ہتّھ اُٹھائندا۔ رسن کمان تیز کٹار، شبدی شبد اِک رکھائندا۔ نؤ کھنڈ پرِتھمی مارے مار، نہ کوئی کِسے بچائندا۔ لکھّ چؤراسی آئی ہار، سرِشٹ سبائی ہوئے خوار، پربھ ساچی بنت بنائندا۔ رائے دھرم دوئے جوڑ پُرکھ ابناشی اَگے کرے پُکار، اٹھائی کُنڈاں بوُہا لاہِندا۔ لاڑی مؤت کرے شِنگار، پربھ ابناشی کِرپا دھار، مات لوکی راہ تکائندا۔ دھرت مات رو رو رہی دھاہاں مار، کلجُگ جیِواں مایا لُٹھیا، گھر گھر در در گئوُ غریِباں کُٹھیا، چُکیا نہ جائے انتم بھار۔ غریِب نوازا کِیوں بیَٹھا رُٹھیا، سُنی جائے مَیتھوں پُکار۔ پُرکھ ابناشی ایکا تُٹھیا، پرگٹ ہوئے وِچ سنسار۔ راج راجاناں شاہ سُلطاناں لُکیا رہن نہ دیوے گُٹھیا، کرے کھیل اپر اپار۔ ہتّھ پھڑائے خالی ٹھوُٹھیا، عیسیٰ موُسیٰ روون دھاہاں مار۔ سنگ محمد ہویا جھوُٹھیا، االلہ رانی ہوئے خوار۔ جوتی جوت سروُپ ہرِ، آپ اپنی جوت دھر، سمت تیراں تیری دھار، سرِشٹ سبائی رہیا وِچار۔ اَسوُ تِنّ دِوس وِچار۔ پایا پھیرا دِلّی دربار۔ اپنی کھیل آپے کھیلے، جگت کِھلاونہار۔ پربھ ابناشی کِسے نہ دِسے، آتم اندھ اندھیار۔ جِس جن کِرپا کر پائے ساچے حِصّے، دیوے شبد ادھار۔ جوتی جوت سروُپ ہرِ، جوتی جامہ بھیکھ دھر، سرِشٹ سبائی نؤ کھنڈ پرِتھمی شبد سروُپی کرائے جےَ جےَ جَیکار۔ جےَ جےَ جَیکار کرائے، ہرِ ہرِ بھگوانیا۔ آد انت ایکنکار، جُگ جُگ جانے اپنی کار وِچ جہانیا۔ مایا پائے بےانت، گُنونتا گُن نِدھانیا۔ گُن اَوگُن کرم کُکرم رہیا وِچار، سادھاں سنتاں ہوئے انت، نہ کوئی دِسے دھرم نِشانیا۔ جوتی جوت سروُپ ہرِ، آپے جانے اپنے بھانیا۔ سادھاں سنتاں ہویا انت ہےَ۔ نہ کوئی دِسے دھرم دوار، مایا پائی سرِشٹ بےانت ہےَ۔ جوُٹھا
جھوُٹھا دُھندوُکار، سچ دِسے نہ کوئی سوگندھتا ہےَ۔ لیکھا لِکھیا ہرِ کرتار، شبد نِشانہ اپر اپار، ستّاں دیِپاں لیکھ لِکھائے نہ کوئی میٹے میٹنت ہےَ۔ سمت بیِس رہنا خبردار، چڑھے چڑھائے دِلّی دربار، نؤ کھنڈ پرِتھمی میلا ایکا کنت ہےَ۔ جوتی جوت سروُپ ہرِ، آپ اپنی جوت دھر، آپے کرے کھیل بےانت ہےَ۔ راشٹرپت جوگ رکھیشر، آتم برہم جنائیا۔ بھگتی بھگت بُھگت سچّا تپیِشر، آتم ترِپت کرائیا۔ ملِے میل جگت جُگیِشر، ساچا سیِس تاج بھیٹ چڑھائیا۔ مستک ٹِکاّ لائے کیسر، سوا رتّی نال رکھائیا۔ جُگ جُگ وِچھڑیا وِچ تھنیسر، انتم کلجُگ میل مِلائیا۔ جوتی جوت سروُپ ہرِ، جوتی جامہ بھیکھ دھر، آپ اپنا رہیا چُھپائیا۔ جُگ جُگ وِچھڑے میل مِلاونہار داتارا۔ شاہ بھبھیِکھن جُگ تریتا پار کرائے، مِلیا میل رام اوتارا۔ بھگت سہیٹا آپ اکھوائے، ماں پِیو بیٹا آپ کرتارا۔ کھیوٹ کھیٹا آپ ہو جائے، کلجُگ پار کرائے کنارہ۔ جوتی جوت سروُپ ہرِ، آپ اپنی کِرپا کر، در گھر لےَ کے آیا، شبد سروُپی پنچم مُکھیا ساچا سُکھیا نام سچّا دستارا۔ شبد نام سیِس جگدیِش، اپنا آپ رکھائیا۔ سرِشٹ سبائی جائے پیِس، نہ کوئی ہوئے کِسے سہائیا۔ اِک چلائے شبد حدیِث، اِنجیِل قُرآن وید پُران کھانی بانی ایکا رنگ سمائیا۔ آپے جانے راگ چھتیِس سپارے تیِس دند بتیِس، آپے رہیا جنائیا۔ لہنا چُکے بیِس اِکیِس، پربھ ساچی بنت رہیا بنائیا۔ جوتی جوت سروُپ ہرِ، آپ اپنی جوت دھر، شاہ بھبھیِکھن دیوے مات وڈیائیا۔ مات وڈیائی جُگو جُگ، ہرِ ہرِ بھگتاں آپ رکھائندا۔ لہنا دینا جُگو جُگ، جُگ جُگ موُل چُکائندا۔ بھانا سہنا جُگو جُگ، جُگ جُگ حُکم سُنائندا۔ درشن نیَنا جُگو جُگ، کلجُگ روُپ وٹائندا۔ ساچے مندر اندر بہنا جُگو جُگ، رام راما میل مِلائندا۔ جوتی جوت سروُپ ہرِ، آپ اپنی جوت دھر، ہرِ دوارے ساچے بہنا، ایکا راہ وکھائندا۔ پنچم میِتا پنچم چیتا، پنچم جوت جگائندا۔ پنچم کرے پتت پُنیِتا، پنچم پنچاں ٹھنڈا سیِتا، پنچاں کھوٹ کڈھائندا۔ پنچاں پنچاں کرے اتیِتا، پنچم بخشے چرن پریِتا، پنچم کوُٹ اُپائندا۔ جوتی جوت سروُپ ہرِ، سچ نِشانہ دُھر فرمانا، سوہنگ اکھّر لیکھ لِکھانا، اچرج ریِت چلائندا۔ شبد سوٹی جگت سہارا، دُھردرگاہی داتا۔ ہرِ ہرِ ساچا کر پیارا، دیون آیا مات سوغاتا۔ گُرمُکھ وِرلا کرے ونج وپارا، جِس جن بندھائے ساچا ناتا۔ جوتی جوت سروُپ ہرِ، آپے جانے اپنی دھارا، آپ اپنے رنگ سماتا۔ چرن جوڑا جگت وِچھوڑا، بھگتی مارگ لائندا۔ نام ملِے سچّا گھوڑا، دُھردرگاہی آیا دؤڑا، ویکھے پرکھے مِٹھا کؤڑا، نؤ دوارے ویکھ وکھائندا۔ پرگٹ ہوئے براہمن گؤڑا، پوُت سپوُتا جوتی جوڑا، اپنا روُپ وٹائندا۔ نؤ کھنڈ پرِتھمی ویکھے راہ لمبا چؤڑا، اُچا ٹِلّا پھول پُھلائندا۔ جوتی جوت سروُپ ہرِ، آپ اپنی جوت دھر، ساچے مندر آپے بہُڑا، آپ اپنا مُکھ
چُھپائندا۔ بِھنی رَینڑیئے تیری رُت سُہائی، سنت جناں گھر پایا۔ بِھنی رَینڑیئے کل ملِے ودھائی، ہرِ ہرِ منگل گایا۔ بِھنی رَینڑیئے تیرے نام وڈیائی، گُرمُکھاں رنگ رنگایا۔ بِھنی رَینڑیئے لوک مات ہوئے جُدائی، ہرِ ہرِ چرنی چِت لایا۔ جوتی جوت سروُپ ہرِ، آپ اپنی جوت دھر، بِھنڑی رَین جن بھگتاں در ساچے دئے دُہایا۔ بِھنڑی رَین منگی منگ، آئے چرن دوارے۔ بھگت جناں دا ساچا سنگ، سوہن بنک دوارے۔ شبد اُڈاری سُرتی چڑھے پتنگ، جائے پار کنارے۔ امرت دھارا وہائے ساچی گنگ، چھوہے چرن کوَلارے۔ ہوئے سہائی انگ سنگ، سرب جیِیاں دا داتارے۔ مانَس جنم نہ ہوئے بھنگ، ملِے میل کنت پُرکھ بھتارے۔ در گھر ساچے منگی ایکا منگ، ستونتی ساچی نارے۔ آتم سیجا شبد رنگیِلا پلنگ، دسم دواری ڈٹھّا اٹل محل اُتم چُبارے۔ گُر کِرپا پار جانا لنگھ، پُرکھ ابناشی گھٹ گھٹ واسی آپے بیَٹھا بُھجا پسارے۔ اِک وجائے نام مردنگ، سُنائے راگ اپر اپارے۔ آپ لگائے اپنے انگ، ایکا سیجا سُتے پَیر پسارے۔ جُگ جُگ جُگ جُگ پار جائن لنگھ، پربھ ابناشی کِرپا دھارے۔ جوتی جوت سروُپ ہرِ، آپ اپنی جوت دھر، جن بھگتاں دیوے مات ور، آد انت ایکا گھر، سُرت سوانی مات سُہاگن مِلیا ہرِ ہرِ کنتا۔ دِوس رَین لبھے ساچا ہانی، پُرکھ ابناشی وڈ وڈ بلونتا۔ منُمکھاں اندر سُتی کالی چُنی اُتے تانی، بھرم بُھلیکھا جیِواں جنتاں۔ کوئی نہ دیوے امرت آتم ٹھنڈا پانی، نہ کوئی وکھائے رُت بسنتا۔ گُرمُکھ وِرلا نِش اکھّر وکھّر پڑھے ایکا بانی، بنائے اپنی بنتا۔ جوتی جوت سروُپ ہرِ، آپ اپنی جوت دھر، ایکا ساچا رنگ دِکھنتا۔ ساچا رنگ ساچی سیج، پربھ پھوُلن آپ وِچھائیا۔ گُرمُکھاں شبد سُنیہڑا رہیا بھیج، کنت کنتُوہلا دَیا کمائیا۔ سمت اٹھاراں نؤ نؤ کھنڈ پرِتھمی پانی نؤ نؤ نیز، جل دھارا آپ وہائیا۔ جوتی جوت سروُپ ہرِ، آپ اپنی جوت دھر، سرِشٹ سبائی پاوے دوُسر کوئے سار نہ پائیا۔
شبد ہار تن شِنگار، ہرِ بھگتاں آپ کرائندا۔ پوُرب لہنا کرم وِچار، اپنا قرضہ لاہِندا۔ درشن نیَناں اپر اپار، در دوارا اِک وکھائندا۔ پنچاں تتاں کھول کِواڑ، جوت آکار کرائندا۔ جوتی جوت سروُپ ہرِ، آپ اپنی کِرپا کر، کِرپانِدھ اِک اکھوائندا۔ کِرپانِدھ اپار روُپ، سَت سنتوکھ سمایا۔ جوت جگائے اندھ کوُپ، اندھ اندھیر مِٹایا۔ کرے پرکاش چارے کوُٹ، کایا مندر دئے سُہایا۔ نام دُھکھائے ساچا دھوُپ، پوَن سوگندھی رکھایا۔ آپ سمائے وِچ اپنا روُپ، روُپ انوُپا وِچ سمایا۔ ساچا دھاگا نام سوُت، پریم وٹّ چڑھایا۔ دُئی دوَیتی مِٹے پھوُٹ، ایکا بنھن
پایا۔ رسنا تیِر رہیا چھوُٹ، چندن دیہی وِچ لگایا۔ پار کرائے جوُٹھ جھوُٹھ، پنچ وِکارا رہن نہ پایا۔ جوتی جوت سروُپ ہرِ، آپ اپنی کِرپا کر، تن شِنگار ہار کرایا۔ شبد ہار ساچا پُھل، گُرمُکھ رنگ چڑھائندا۔ در دوارے کوئی نہ لگّے مُلّ، چرن پریِت جو کمائندا۔ شبد بھنڈارا جائے کُھل، ملِے وست اِک انمُلّ، دوُسر نہ کوئی دِسے تُل، گاؤندے رہن سدا ساچے بُلّ، جاپ اجپا آپ چلائندا۔ مانَس دیہی نہ جائے ہُل، بھاگ لگّے ساچی کُل، پھل پُھلواڑی جائے پُھل، رُت بسنت سُہائندا۔ ہرِجن ساچا نہ جائے رُل، ایکا ایک آپ ابُھل، سرِشٹ سبائی آپ بُھلائندا۔ لکھّ چؤراسی کرم کُکرماں انتم پاوَن آیا مُلّ، ساچے کنڈے پوُرے تول رہیا تُل، دھڑا ایکا ناؤں رکھائندا۔ منمتی جیِو رہے رُل، کلجُگ کالکھ لگّی کُل، کالا داغ نہ کوئی مِٹائندا۔ جوتی جوت سروُپ ہرِ، آپ اپنی کِرپا کر، ہرِجن ساچے سنت دُلار، آپے بخشے بخشنہار، پھوُلن تن شِنگار کرائندا۔ پھوُلن پھوُل رنگ اپار، ویکھے آپ دواریا۔ کلجُگ انتم آئی وار، خالی بھرے رہن بھنڈاریا۔ خالی بھرے ہون بھنڈار، چاروں کُنٹ ہاہاکاریا۔ گُرمُکھ ساچا ساچی سیجا سُتا پَیر پسار، پربھ ابناشی رسنا گا رہیا۔ آپ سُہائے ساچی رُتا، امرت دھارا میگھ برسا رہیا۔ ساچا سوما کایا مندر اندر پُھٹا، گُرمُکھ نہاون نہاونی ساچے تیِرتھ نُہا رہیا۔ آون جاون گیڑ چُھٹا، پتت پاوَن اپنا دامن آپ پھڑا رہیا۔ جوتی جوت سروُپ ہرِ، آپ اپنی جوت دھر، کلجُگ تیری مِٹے رَین اندھیری شامن، سچّا ایکا چند چڑھا رہیا۔ ساچا چند مات بلوئے، ہوئے سرب پرکاشیا۔ ویکھے کھیل ہرِ ترےَ ترےَ لوئے، مات پاتال پرِتھمی آکاشیا۔ دِوس رَین رَین دِوس کدے نہ سوئے، شبد چلائے ساچا راتھیا۔ جوتی نوُر سرب کلا بھرپوُر اٹّھے پہر جن بھگتاں در دوار رہیا کھلوئی، مستک لہنا موُل چُکائے، لِکھیا ساچے ماتھیا۔ جوتی جوت سروُپ ہرِ، آپ اپنی کِرپا کر، ساچا میلا میل مِلائے، جن ہرِ تریَلوکی ناتھیا۔ ساچا بھوگ ہرِ بھگوان، شبد مُکھ لگائندا۔ ہرِ سنگت دیوے جیِیا دان، سگلے دُکھ مِٹائندا۔ آتم درسی درس گھر آتم پان، اپنا مُکھ وکھائندا۔ مِٹے حرص رسنا بھوگ شبد چوگ ساچی دھر، ترِشنا بُھکھ مِٹائندا۔ لگّے بھوگ بھگت بھگوانا، آتم اُپجے برہم گیانا، وجےّ نام تیِر نِشانہ، دِوس رَین نہ سُجھے، نہ کوئی بُجھائندا۔ در دوارا ایکا بُجھے، جوت دوارے ہرِ ہرِ لُجھے، ترِشنا اگنی بُجھے، بھؤ چُکائے ایکا دوُجے، تیِجے درشن درس مہانا۔ تیِجے نیَن سچ بلوئن، کل سروُپ سمائیا۔ سنت سُہیلے آتم سیجا ساچی سوئن، کوَل پھوُل کنت کنتُوہل ساچی بھیٹ چڑھائیا۔ امرت دھارا نِجھر رس انتم مُکھ چوئن، سانتک سَت ورتائیا۔ بُجھے بسنتر مِٹے دُکھ، سہج دُھن دُھن سہج سمائیا۔ جوتی جوت سروُپ ہرِ، آپ اپنی جوت دھر، جن بھگتاں دیوے نام ور، گیان گوجھ گوجھ گیان مار
دھیانا جیِیا دانا جھولی پائیا۔ جیِیا دان بھگت گُر دَیا، دیونہار سوامی۔ آپ رکھائی ساچی نیہا، تِھر گھر نر وسے نِہچل دھام اٹل شبد نِہکامی۔ آپے جانے اپنا در، قِلعہ کوٹ پربھ رہیا ویکھ، آپے وسے نگر شہر سچ گرامی۔ آپے اندر جائے وڑ، ساچی چوٹی ویکھے جائے چڑھ، قِلعہ توڑ ہنکاری گڑھ، شبد ڈنڈا ساچا پھڑ، پنچاں نال جائے لڑ، پنچاں رہیا جگائیا۔ جوت نِرنجن اَگے کھڑ، بھگت جناں دا پکڑے لڑ، ساچی لائے آپے جڑ، ساچا مارگ اِک وکھائیا۔ جوتی جوت سروُپ ہرِ، آپ اپنا بھیکھ دھر، شبدی گُر ویکھ گھر، مندر اندر ڈوُنگھی کندر ہوئے آپ سہائیا۔
۴ اَسوُ ۲۰۱۳ بِکرمی مل سِنگھ دے گرِہ دِلّی
موُرت اکال سدا دَیال، سدا سدا پرِتپالیا۔ بنے بنائے مات دلال، دوویں ہتّھاں رہے خالیا۔ دیوے شبد سچّا دھن مال، دُھردرگاہی والیا۔ ساچا مندر آپ سُہائے کایا سچّی دھرمسال، جوتی دیِپک ایکا بالیا۔ پھل لگائے کایا ڈال، توڑے جگت جنجالیا۔ اِک سُہائے آتم تال، امرت دھار نِرالیا۔ آپے چلے اپنی چال، بِہنگم روُپ وٹالیا۔ سنت سُہیلے آپے بھال، گود اُٹھائے ساچے لال، دُھردرگاہی والیا۔ شبد وجائے ساچا تال، انادی ناد ہرِ بنوالیا۔ نیڑ نہ آئے کال مہاکال، کلجُگ رَین وِہانیا۔ جوتی جوت سروُپ ہرِ، آپ اپنی جوت دھر، بخشے نام سچّا دھن مالیا۔ نام خزانہ سدا اتُٹ، بھریا رہے بھنڈار۔ پُرکھ ابناشی آپ نِکُھٹ، کُھٹ نہ جائے وِچ سنسار۔ ہرِجن لاہا لئے لُٹ، چرن کوَل کل کر پیِر۔ نِرمل جیِیا آتم پیئےِ گھُٹ، جوتی جوت سروُپ ہرِ، آپ اپنی جوت دھر، آپے چلے نال نال۔ چلنہارا چال اولّی، جُگ جُگ چلایا۔ سرِشٹ سبائی اِک اِکلّی، دوُجا سنگ نہ کِسے نِبھایا۔ کلجُگ مایا اندر پلی، موہ ممتا پیار رکھایا۔ جنگل جوُہ اُجاڑ ڈوُنگھی کندر کایا پِھرے جھلّی، ساچا راہ دِس نہ آیا۔ گُر چرن دوار ساچی بھوُمکا ایکا ملّی، پربھ ہؤمے پردہ لاہیِا۔ دیِپک جوت نِرالی نِرنجن ساچی بلی، اگیان اندھیر مِٹایا۔ ویکھیا رام دیوے نام وسے نِہچل دھام اٹلی، محل اٹل اِک رکھایا۔ پار کرائے پھڑ پھڑ بھیڑی گلی، شبدی روُپ وٹایا۔ آتم وِچھڑی انت پرماتما رلی، شبد دوُت نال رلایا۔ نہ کوئی جانے جگت ولی، پربھ ابناشی بھانا اپنے ہتّھ رکھایا۔ جوتی جوت سروُپ ہرِ، آپ اپنی جوت دھر، جگت جوگ رہیا کمایا۔ سنتن گھر سچ وسیرا، ساچا تھان سُہائندا۔ پُرکھ ابناشی لگّا ڈیرہ، جان پچھان کرائندا۔ نؤ کھنڈ پرِتھمی ایکا گیڑا، جیِیاں جنتاں دان دوائندا۔
پنچ وسائے ایکا کھیڑا، پنچاں مان دوائندا۔ پنچاں بنھنہارا بیڑا، پنچاں آپ ڈُبائندا۔ جوتی جوت سروُپ ہرِ، آپ اپنی جوت دھر، کرے کھیل غریِب نوازیا۔ چاروں کُنٹ آوے ڈر، مکّہ کعبہ چُھٹے نہ کوئی حاجی کرے حاجیا۔ تیِر نِرالا ایکا چُھٹے، ویکھ وکھانے شیخ پنڈت مُلّا قاضیِا۔ منمُکھ جیِو کلجُگ مایا رُلے، ہرِ نر سچّا نہ کِسے پچھانیاں۔ جوت سروُپ ہرِ ساچا تُٹھے، جگ دیوے جیِیا دانیا۔ پنچ وِکارا پھڑ پھڑ کُٹھے، جوتی جوت سروُپ ہرِ، آپ اپنی جوت دھر، مارے شبد تیِر کمانیا۔ شبد تیِر آتم کانی، گُرمُکھاں پار کرائندا۔ اکھّر دو اکھّر ساچی بانی، سوہنگ نام دھرائندا۔ کلجُگ تیری انتم بانی، سوہنگ سو گُرمُکھ وِرلا گائندا۔ آتم لبھنا گھر گھر پانی، پربھ گھر گھر آپ پِھرائندا۔ جوتی جوت سروُپ ہرِ، آپ اپنی جوت دھر، گُرمُکھ ساچے سنت جناں اپنی سرن لگائندا۔ سرن لاگ ملِے وڈیائی، درس نیَن کوَلا۔ چتُربُھج پربھ دَیا کمائی، مان رکھائے اُپر دھوَلا۔ آتم گھر وجےّ ودھائی، پرگٹ ہوئے ساول سوَلا۔ گُرمُکھ سد گاؤندے چائیں چائیں، جوتی جوت سروُپ ہرِ، آپ اپنی جوت دھر، سب گھٹ اندر آپے مولا۔ سرب گھٹاں گھٹ آپ آپے، اپنا کرم کمائندا۔ سدا سدا سد وڈ پرتاپے، جنم مرن گیڑ کٹائندا۔ میٹ مِٹائے تیِنو تاپے، اگنی آپ بُجھائندا۔ نہ کوئی پُنّ نہ کوئی پاپے، سرِشٹ سبائی مائی باپے، گُرمُکھ ساچے آپ ترائندا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، اپنا جانے وڈ پرتاپے، وڈ پرتاپی آپ اکھوائندا۔ مل سِنگھ در لَینا ملّ، پربھ چرن سچّا دوارا۔ کلجُگ لیکھا چُکنا اجّ کلّ، ڈھہنا مندر منارا۔ ساچا کھیل جل تھل، اُپر جمن کنارہ۔ سرب بُھلائے ول چھل، وسے سب توں باہرا۔ گُرمُکھاں درس دِکھائے گھڑی گھڑی پل پل، پربھ ساچے دی ساچی دھارا۔ گُر سنگت سنگ رہیا رل، مِلیا میل ایکا ایکنکارا۔ جوتی جوت سروُپ ہرِ، آپ اپنی کِرپا کر، ساچا دیوے نام ور، جوت نِرنجن وِچ سنسارا۔ جوت نِرنجن مات پردھان، پربھ ساچے آپ رکھائیا۔ پہلا دیوے بھوُمکا استھان، ساچی جوت جگائیا۔ مارگ پائے ساچے کاہن، سّجا ہتّھ اُٹھائیا۔ دِس نہ آئے کوئے نِشان، سّجا کھّبا اگّا پِچھا روُپ انوُپا نہ کوئی ویکھ وکھائیا۔ جوتی جوت سروُپ ہرِ، آپ اپنی جوت دھر، گُرمُکھ ساچے سنت جناں دیوے درس دات جگت وڈیائیا۔
۴ اَسوُ ۲۰۱۳ بِکرمی بِشن سِنگھ دے گرِہ گُڑگاؤں
گھر مندر اپار ہرِ اُپایا۔ شبد سروُپی لایا جِندر، دِوس رَین بند کرایا۔ کھیل کھیلے کایا اندر، روُپ انوُپ سمایا۔ جوتی جوت سروُپ ہرِ، آپ اپنی جوت دھر، اپنا رنگ رنگایا۔ گُر مندر اپار، کایا کوٹ اُساریا۔ ہڈّ ماس ناڑی چمّ چار دیوار، چاروں کُنٹ کرا رہیا۔ نؤ دوارے رکھے باہر، دسواں گُپت رکھا رہیا۔ جن بھگتاں بخشے چرن پیار، ساچی سیوا لا رہیا۔ آپ اپنی کِرپا دھار، شبد میوہ مُکھ کھوا رہیا۔ شبد میوہ وِچ سنسار، رسنا جِہوا رس چکھا رہیا۔ رسنا گائے ہرِ نِرنکار، اگمی تار ہِلا رہیا۔ اگمّ روُپ نر نِرنکار، نِرگُن روُپ وٹا رہیا۔ نِرگُن روُپ جوت آکار، سرگُن وِچ سما رہیا۔ سرگُن بنّھے ساچی دھار، اپنی دَیا کما رہیا۔ آپے کھولے بند کِواڑ، ساچا راہ وکھا رہیا۔ پنچم لیکھا پئے جھوُٹھی دھاڑ، سیِس کھنڈا اِک لگا رہیا۔ جوت پرکاش بہتّر ناڑ، اپنی آپ کرا لیا۔ کایا لیکھ کرائے پرِتھمی آکاش، گگن پاتالاں آپ وکھا رہیا۔ چؤداں لوک تن پربھاس، ہٹّ وِکا رہیا۔ منڈپ منڈل پاوے راس، کاہنا کرِشنا روُپ وٹا رہیا۔ پوَنی پوَن چلائے سواس، شبدی سنگ رلا رہیا۔ شبد شبدی ساچا واس، جوتی نوُر اُپا رہیا۔ آد انت نہ جائے وِناس، آد پُرکھ اگمّ اپاریا۔ جن بھگتاں ہویا رہے داس، لوک مات آوے جاوے وارو واریا۔ لیکھے لائے ہڈّ ناڑی ماس، پنچم تت جیِو مت آپ سمجھا رہیا۔ گُر پوُرے سد بل بل جاس، برہم پاربرہم جنا رہیا۔ سدا سدا سنگ وسے پاس، بتّی دند جو جن گا رہیا۔ ساچا میلا سرب گُنتاس، دیِپک جوتی ساچا چند چڑھا رہیا۔ جوتی جوت سروُپ ہرِ، آپ اپنی جوت دھر، گھر مندر کھولے اِک در، کایا بھاگ لگا رہیا۔ گھر مندر اگمّ، بھیوَ نہ رائیا۔ چار دیواری نہ کوئی دِسے تھمّ، پربھ ساچے دھام اُپائیا۔ ہڈّ ماس ناڑی نہ کوئی چمّ، نہ کوئی بنت بنائیا۔ نہ مرے نہ پئے جم، اپنی رچنا رہیا رچائیا۔ جوتی جوت سروُپ ہرِ، آپ وسائے اِک گھر، مندر روُپ وٹائیا۔ کایا مندر سچ مکان، پربھ ساچا آپ بنائندا۔ شبد سروُپی ویکھے مار دھیان، لیکھا اپنے ہتّھ رکھائندا۔ پانی پوَن پوَن پانی مسان، آپے جانے پیِن کھان، جیِیا دان سرب دوائندا۔ کھانی بانی رسنا گان۔ وید پُران جس بھگوان اِنجیِل قُرآنی نوُر الاہی اِک پچھان۔ جوتی جوت سروُپ ہرِ، آپ اپنی جوت دھر، گھر مندر ویکھے اِک گھر، کوَن کرے سُنّج مسان۔ کایا مندر ساچا ہٹّ، پربھ ساچی وست ٹِکائیا۔ کِسے ہتّھ نہ آوے تیِرتھ تٹ، رووے سرب لوکائیا۔ پُرکھ ابناشی وسے گھٹ گھٹ، گُرمُکھ وِرلے بوُجھ بُجھائیا۔ ہرِجن لپیٹے ساچے پٹ، دُرمت مَیل دھوائیا۔ دُرمت مَیل دیوے کٹ، مستک دھوُڑی کؤستک منیِا ٹِکاّ لائیا۔ دیِپک جوت جگائے لٹ لٹ، اندھ اگیان اندھیر مِٹائیا۔
دُئی دوَیتی میٹے پھٹّ، نام پٹّی اِک بندھائیا۔ شبد چوٹ کایا تن نگارے لائے سٹّ، انحد دُھن وجائیا۔ بھرم بُھلیکھا کڈھے وٹّ، بھرماں کندھ ڈھاہیا۔ گُرمُکھ ساچے سنت سُہیلے گئوُ غریِب نِمانے تارے جِؤں دھنّہ جٹّ، آپ اپنی دَیا رہیا کمائیا۔ جوتی جوت سروُپ ہرِ، آپ اپنی جوت دھر، جُگ جُگ کرے کھیل رگھُرائیا۔ گھر مندر اتھاہ، وسیا ہرِ نِرنکاریا۔ آپے ہوئے بےپرواہ، سرِشٹ سبائی پاوے ساریا۔ آپے جانے اپنا ناں، اپنی رسنا رہیا اُچاریا۔ آپے پِتا آپے ماں، آپ اپنی گود اُٹھا رہیا۔ آپے دیوے ٹھنڈی چھاں، رسنا سیِر مُکھ چوا رہیا۔ جوتی جوت سروُپ ہرِ، آپ اپنی جوت دھر، کایا اندر سچ استھان، جوتی نوُر جوت بھگوان، شبد تُور اِک مہان، دوُسر کوئی بھیوَ نہ پا رہیا۔ تن مندر اپار، سنگیِت سُنائندا۔ جن بھگتاں دیوے نام ادھار، جُگ جُگ ریِت چلائندا۔ پاربرہم برہم پاوے سار، کایا مندر دِہُرا سچ مسیِت گُردوارا آپ وکھائندا۔ سچ سچ جگ ساچا دھرم، ساچا نعرہ کرم کمائندا۔ ویکھے پرکھے کایا چرم، ایکا ایک چرن ٹیک پربھ ساچا ونج کرائندا۔ جوتی جوت سروُپ ہرِ، آپ اپنی جوت دھر، گھر مندر ویکھے اِک بِبیک، کلجُگ مایا نہ لگّے سیک، ترےَگُن مایا رہے نِرلیپ، اپنا روُپ وٹائندا۔ گھر مندر اڈول، ہرِ رکھایا۔ شبد سروُپی رہیا بول، اندر بیَٹھا دِس نہ آیا۔ دِوس رَین تولے پوُرے تول، دو جہانی حِصّہ رہیا ونڈایا۔ نام ونجارا ہٹّ ساچا کھول، ساچا ونج رہیا کرایا۔ بھگت پیارا جن بھگتاں ہِردے اندر رہیا موَل، اٹّھے پہر رہے در دوارا۔ اُلٹی کرے نابھ کوَل، امرت جھِرنا جھِرے اپر اپارا۔ ملِے وڈیائی اُپر دھوَل، جِس جن بخشے چرن پیارا۔ ساچا میلا کرِشنا ساول سوَل، سُندر روُپ اپارا۔ لکھّ چؤراسی ہوئی بوَل، ایکا بُھلیا ہرِ گِردھارا۔ جوتی جوت سروُپ ہرِ، آپ اپنی جوت دھر، سرِشٹ سبائی لکھّ چؤراسی ویکھے کایا مندر ساچے اندر کوَن وجائے ناد انادی ساچا ڈھول۔ گھر مندر اپار ہرِ سُہایا۔ دیِپک جوتی رکھے اندر، اپنی ہتھّیں کُنڈا لایا۔ لکھّ چؤراسی بھؤندی بندر، پُرکھ ابناشی کِسے نہ پایا۔ منمتی جیِو گائے مندر، پنڈت کاشی پڑھ پڑھ واد ودھایا۔ گرنتھی پنتھی آتم اندھیر، نِرگُن ریکھ لیکھ نہ جانے رایا۔ جوتی جوت سروُپ ہرِ، سرب جیِیاں آپے بخشند، بخشنہار سدا اکھوایا۔ گھر مندر اناد، ہرِ انادیا۔ ساچا میلا مادھوَ مادھ، شبد جنائے بودھ اگادھیا۔ دو جہانی دیوے داد، دِوس رَین جو جن منّے دیوے دُھردرگاہی سچ نِشانیا۔ سوہنگ اکھّر رکھنا یاد، ویلے انتم سُنے فریاد، نہ کوئی وجائے جھوُٹھا ناد، سرِشٹ سبائی انتم کھانیا۔ جوتی جوت سروُپ ہرِ، آپ اپنی جوت دھر، لکھّ چؤراسی ویکھے در، مندر گوائے گائے ساچی بانیا۔ گھر مندر سچ دربار، پربھ اپنا آپ لگائندا۔ نہ کوئی رکھے جم جِندار، نہ کوئی بنت بنائندا۔ شبد سِنگھاسن ساچے تخت بیَٹھ سچّی سرکار،
اپنی ریِت چلائندا۔ جن بھگتاں کرے خبردار، شبد بھنڈارا مات کُھلائندا۔ لکھّ چؤراسی انتم کل پَینی مار، دھرم رائے ونڈ ونڈائندا۔ چِتر گُپت لیکھا لِکھے اپر اپار، انت حِساب مُکائندا۔ لاڑی مؤت ہوئے تیار، ہتھّیں بنّے گانا بستر چیِر لال، کلجُگ مات رنگائندا۔ جوتی جوت سروُپ ہرِ، آپ اپنی جوت دھر، لکھّ چؤراسی ویکھے گھر، مندر کوَن سُہائندا۔ گھر مندر اموگھ، ہرِ ہرِ آپ بنایا۔ گُرمُکھ میلا دُھر سنجوگ، وِچھڑ کدے نہ جایا۔ پربھ کٹن آیا دُئی دوَیتی روگ، امرت آتم جام پیایا۔ آتم رس رسنا دیوے بھوگ، ساچا بھوگی بھوگ کرایا۔ دِوس رَین نہ ہوئے وِیوگ، ایکا پلّا نام پھڑایا۔ جوتی جوت سروُپ ہرِ، آپ اپنی جوت دھر، گُرمُکھ ویکھے سچ گھر محلہ، ساچی کوُٹے آپ وسایا۔ گھر مندر سچ محل، پربھ ساچا دھام سُہائندا۔ گُرمُکھ ساچا رہیا ملّ، دِس کِسے نہ آئیندا۔ آپے وسیا جل تھل، لواں پُریاں آپ سمائندا۔ سرِشٹ سبائی آپے کرے ول چھل، جیِیاں جنتاں آپ بُھلائندا۔ آپے جن بھگتاں پھل لگائے کایا ڈل، امرت میوہ آپ کھوائندا۔ آپے دیِوا آپے بتّی آپے جوت نِرالی جائے بل، آپے اندھ اندھیر رکھائندا۔ آپے رکھے وا تتی ویکھ وکھائے ساچی عالم، بھیوَ ابھیدا اچھل اچھیدا بھیوَ نہ کوئی چُھپائندا۔ آپے داتا دُشٹ سنگھارے ظالم، جِؤں کاہنا کرِشنا راما راون جُگ جُگ بنت بنائندا۔ انتم میلا ہونا پالم، اَدھوِچکار رکھائندا۔ جوتی جوت سروُپ ہرِ، آپ اپنی جوت دھر، لکھّ چؤراسی ویکھ گھر، اپنا رنگ رنگائندا۔ گھر مندر اتوٹ، آپ بنایا۔ لبھ لبھ تھکے کوٹی کوٹ، دِس کِسے نہ آیا۔ جیِو جنت آلنیوں ڈِگے بوٹ، ساچی چوگ نہ کوئے چُگایا۔ مایا ممتا ترِشنا جگت وِکارے کلجُگ بھری نہ پوٹ، روگ سوگ چِنتا نہ کوئی دیوے بُھکھ مِٹایا۔ جن بھگتاں لگّا ایکا انک نیتر درشن ہرِ اموگھ، دِوس رَین رہے بِللایا۔ انتم میلا دُھر سنجوگ، پُرکھ ابناشی رہیا لِکھایا۔ ساچا دیوے سوہنگ جوگ، جمن کنارہ اِک وسایا۔ بھگت جناں در آتم بھوگ، شبد سروُپی دئے لگایا۔ جگت وِچھوڑا ہوئے وِیوگ، پربھ چرنی لئے بہایا۔ جوتی جوت سروُپ ہرِ، آپ اپنی جوت دھر، گھر مندر ویکھے اِک دوار، آپ اپنا آسن لایا۔ گھر مندر آپ سیج سُہنجنی، پربھ ابناشی کیِتی آپ تیار۔ جوت جگائی اِک نِرنجنی، پریم وِچھوڑا پھوُلن برکھا اپنی ہتھّیں لایا۔ نام رکھایا درد دُکھ بھےَ بھنجنی، گیِت سنگیِت ایکا ایک سُنایا۔ چرن دھوُڑ کرایا ساچا مجنی، سچ پریِت اِک وکھایا۔ کلجُگ تیری جوُٹھی جھوُٹھی رَینی، سَتجُگ ساچا وقت سُہایا۔ نہ کوئی دیِسے دِہُرا مندر مسیِت، چاروں کُنٹ دئے دُہایا۔ بیِس بیِسا ایکا گائے سُہاگی گیِت، سوہنگ ساچا ناؤں رکھایا۔ آپے ویکھے ہست کیِٹ، اوُچاں نیِچاں وِچ سمایا۔ لکھّ چؤراسی رہیا پیٹھ، کلجُگ چکّی رہیا چلایا۔ جوتی جوت سروُپ ہرِ، آپ اپنی جوت دھر، گُرمُکھاں ویکھے اِک گھر،
انڈِٹھ انڈِٹھ دِس کِسے نہ آیا۔ گھر مندر ابناش، ہرِ سُہائندا۔ جن بھگتاں ہویا داس، جوت سروُپی درس دِکھائندا۔ کھیلے کھیل پرِتھمی آکاش، لواں پُریاں وِچ رہائندا۔ برہما شِو شنکر ہوئے داس، داس ساچی سیوا آپ لگائندا۔ کروڑ تیتیِسا سُرپت راجا اِند چرن دوارے رکھے واس، دوئے جوڑ سیِس جھُکائندا۔ سوُرج چند منڈل منڈپ پائن راس، دِوس رَین سیو کمائندا۔ لوک مات پربھ مار جھات، جن بھگتاں پُچھے انتم بات، دھرت مات پربھ دیوے دات، کلجُگ مِٹے اندھیری رات، سَتجُگ ساچا چنّ چڑھائندا۔ آپے ویکھے بیَٹھ اِکانت، گُرمُکھ ساچے سنت جناں امرت آتم دیوے بوُند سوَانت، کایا ٹھنڈی ٹھار کرائندا۔ آپے پِتا آپے مات، در در گھر گھر پُچھے بات، سوہنگ دیوے شبد سوغات، آتم جھولی آپ بھرائندا۔ میری تیری بنّھے نات، نہ کوئی ویکھے ذات پات، اوُچاں نیِچاں رنک راجاناں شاہ سُلطاناں ایکا دھام سُہائندا۔ سرب جیِیاں پربھ کملاپات، جن بھگتاں کرے سیِتل شانت کرائے آتم سیِنہ، میٹ مِٹائے محمدی دیِناں، ساچا کھنڈا ہتّھ اُٹھائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، گُرمُکھ تیرا ویکھے اِک گھر، نگر کھیڑا اِک وسائندا۔ ہرِ مندر ہرِ ساچا پایا، گُرمُکھ کایا کھیڑا۔ انتم سچّا ڈیرہ لایا، کُھلا رکھایا ویہڑا۔ شبد گھیرا چؤ گِرد رکھایا، آپ بنّھیا اپنا بیڑا۔ کارج سِدھ لوک مات کرایا، کریا سچّو سچ نِبیڑا۔ جوتی جوت سروُپ ہرِ، آپ اپنی جوت دھر، کلجُگ انتم جن بھگتاں بنّھے مات بیڑا۔ نیَن موُرت ہرِ پربھ گوبِند گُر گوپال۔ بھگت بھگوَنت ہرِ بخشند، دیِناں بندھپ دیِن دَیال۔ گہر گمبھیِر ساگر سِندھ، سدا سدا سدا وسال۔ میٹ مِٹائے سگلی چِند، پھل لگائے کایا ڈال۔ انتم ویلے ہوئے وِچھوڑا نِمانی جِند، مُکٹ بیَنہ کوَل نیَناں مُکند منوہر لکھمی نرائن درس دئے دِکھال۔ جوتی جوت سروُپ ہرِ، آپ اپنی کِرپا کر، آئے در دیوے ور، دِوس رَین کرے پرِتپال۔ چرن دھوُڑ مستک ریکھ، دُرمت مَیل گوائیا۔ نیتر لوچن نیَن درشن پیکھ، اپنا بھرم مِٹائیا۔ دُھردرگاہی لائے ساچی میخ، نہ کوئی سکے مات اُکھڑائیا۔ جوتی جوت سروُپ ہرِ، آپ اپنی کِرپا کر، آئے در دیوے ور، ایکا اپنا کایا رنگ چولی آپ چڑھائیا۔ شبد چولی کار انگی، انگ انگ کرائندا۔ جگت جوڑی ساچا سنگی، سگلا سنگی سنگ نِبھائندا۔ در دوارے آئے منگ منگی، کایا تنگی سرب مِٹائندا۔ جوتی جوت سروُپ ہرِ، اِک سُنائے سُہاگی چھندی، سوہنگ ساچا ناؤں رکھائندا۔
جوت سروُپ شبد جَیکار، برہمنڈ وِچ سمایا۔ لکھّ چؤراسی اپر اپار، اپنی رچن رچایا۔ برہما وِشن شِو کر تیار، ساچی سیوا لایا۔ لواں پُریاں پسر پسار، دھرت دھوَل آکاش سُہایا۔ آپے وسیا سب توں باہر، سب گھٹ آپ سمایا۔ لوک ماتی ویکھ وِچار، ساچی ونڈ ونڈایا۔ برہما ویتا لیکھ لِکھار، شبدی شبد جنایا۔ چارے حصے جگت دھار، چارے جُگ لِکھایا۔ سَتجُگ دواپر تریتا اُترے پار، کلجُگ انتم آیا۔ جیِو جنت سادھ سنت چاروں کُنٹ رسن وِکار، پُرکھ بھتار کِسے دِس نہ آیا۔ جوُٹھا جھوُٹھا اندھ اندھیار، سنجھ سویر نہ کوئی رکھایا۔ دھرت مات رووے دھاہاں مار، پاپ پُنّ نہ کوئے گوایا۔ پُرکھ ابناشی کِرپا دھار، ویلا انتم آیا۔ وید وِیاسا بن بِھکھار، ساچا لیکھا لیکھ لِکھایا۔ گُر نانک گائی تیراں دھار، تیراں سمت آیا۔ سرب جیِیاں پربھ کرم وِچار، لوک ماتی جوت جگایا۔ گوبِند ڈلّا لئے اُبھار، اپنا روُپ وٹایا۔ جلاں تھلاں پاوے سار، دِس کِسے نہ آیا۔ سمبل نگری ویکھ وِچار، شبدی دھار چلایا۔ شبدی دھار ہرِ کرتار، جوتی نوُر اُپایا۔ جوتی نوُر اِک آکار، جُگ جُگ کردا آیا۔ کلجُگ تیرا کوُڑ پسار، انتم دئے مِٹایا۔ لواں پُریاں کرے خبردار، برہما شِو دیوت سُر رہیا ہِلایا۔ شبد کھنڈا پھڑ کٹار، تِکھی دوویں دھار کرایا۔ شبد گھوڑے ہو اَسوار، نیِلی چھتّوں باہر کرایا۔ پوَن اُننجا چھتر جھُلار، ساچا ہون رکھایا۔ اونی گوَنی پار کِنار، ایکا راہ تکایا۔ مات لوک پربھ جامہ دھار، جوتی بھیکھ وٹایا۔ نہ کوئی جانے جیِو گوار، پڑھ پڑھ تھکی سرِشٹ سبایا۔ وید پُران کرن وِچار، پُرکھ ابناشی نہ مرے نہ جایا۔ اِنجیِل قُرآنا آئی ہار، مُلّا قاضی شیخ مسائک ساچا نائک دِس نہ آیا۔ گرنتھی پنتھی وارو وار، دِوس رَین رہے کُرلایا۔ پُرکھ ابناشی اگمّ اگمّڑی کار، جُگ جُگ اپنے ہتّھ رکھایا۔ لکھّ چؤراسی کرم وِچار، سرب کلا سمرتھ اپنی بنت بنایا۔ پرگٹ ہوئے وِچ سنسار، ساڈھے تِنّ ہتّھ کلجُگ تیرا رتھ اپنی ہتھّیں رہیا چلایا۔ جگت وِکارا دیوے متھ، راجاناں شاہ سُلطاناں اوُچاں نیِچاں ایکا رنگ سمایا۔ شبد چلائے مہما اکتھ، بھیوَ کوئے نہ پایا۔ نؤ کھنڈ پرِتھمی ستّاں دیِپاں شبد ڈوری پائے نتھ، چاروں کُنٹ آپ بھوایا۔ گُرمُکھ ساچے سنت جناں سگل وسوُرے جائن لتھ، جو جن در آئے درشن پایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سمبل نگری ساچا واس، ویکھ وکھائے پرِتھمی آکاش، لواں پُریاں آپے آپ سمایا۔ آپ سمایا سرب گھٹ، دِس کِسے نہ آئیندا۔ ویکھ وکھائے تیِرتھ تٹ، گُردر مندر پھول پُھلائندا۔ لکھّ چؤراسی جیِواں جنتاں دُئی دوَیتی لگّا پھٹّ، ایکا رنگ نہ کوئی چڑھائندا۔ گُرمُکھ وِرلے پربھ تن لپیٹے شبد پٹّ، آتم سیجا اِک وکھائندا۔ نام لگائے کایا نگارے ساچی سٹّ، بجر کپاٹی توڑ تُڑائندا۔ اِک وکھائے ساچا ہٹ، ساچا نام وِکائندا۔ گُرمُکھ ساچے ساچا لاہا لَین
کھٹّ، جِس جن اپنی دَیا کمائندا۔ منُمکھاں آتم گھر آئی بھرماں وٹّ، نہ کوئی پرے ہٹائندا۔ انتم لیکھا چُکے تیِرتھ اٹھسٹھ، گنگا گوداوری سیِس جھُکائندا۔ برہما شِو سُر در آئن نٹّھ، لہنا دینا حِساب مُکائندا۔ کروڑ تیتیِسا تُٹے ہٹّھ، سُرپت راجا اِند دِوس رَین رسنا گائندا۔ لکھّ چؤراسی تیرا اِک بنائے مٹّھ، جوتی اگنی لائندا۔ گُرمُکھ ساچے سنت جناں چرن دوارے اِک اِکٹّھ، گوبِند گوبِند گوبِند ہرِ گوبِند روُپ سمائندا۔ مندر منڈپ ماڑی جانے ڈھٹّھ، جنگل جوُہ اُجاڑ پہاڑ کوئے دِس نہ آئیندا۔ کلجُگ گیڑے اُلٹی لٹّھ، سنگ محمد چار یار ساچا سنگ نِبھائندا۔ پنچم جیٹھی کرے چٹّھ، چاروں کُنٹ ہاہاکار وکھائندا۔ ہاڑ ستاراں کِسے نہ دِسے در دوارا پُرکھ ابناشی مِلن نٹّھ نٹّھ، راہ کھیَڑا دِس کوئے نہ آئیندا۔ جوتی جوت سروُپ ہرِ، کلجُگ تیرا انتم ویکھے جوُٹھا جھوُٹھا مٹّھ، سَتجُگ سویا آپ جگائندا۔ سَتجُگ جگائے ایکا گائے، دھرت مات تیری گود بٹھائے، اپنی کِرپا دھاریا۔ گُرمُکھ ساچے سنگ رلائے، انگ سنگ آپ ہو جائے، شبد مردنگ اِک وجائے، نہ کوئی جانے پوُجا پاٹھیا۔ من مت وِکارا کاچی ونگ بنائے، دھیِرج یت آتم سَت اِک رکھائے، کملاپت پرگٹ ہوئے نیَن مُندھارا، درس دِکھائے شبد اُچھال مارے ایکا ٹھاٹھیا۔ جوتی جوت سروُپ ہرِ، آپ اپنی کِرپا کر، جِس جن ایکا دیوے شبد ساچا ور، سگل سگل سگل چِنت وسوُرا لاتھیا۔
۵ اَسوُ ۲۰۱۳ بِکرمی نوَیں دِلّی راشٹرپتی ہاؤس وِچ ڈاکٹر ۰ راجِندر پرساد نال بچن ہوئے
اَسوُ پنج ویہہ سؤ تیراں بِکرمی آئی، گھر ساچے وجّی ودھائیا۔ راشٹرپت پتی پتونت سرِشٹ سبائی، ایکا راہ وکھائیا۔ جُگ جُگ ہرِ سنگ رہے کُڑمائی، نہ کوئی چھوڑ چُھڑائیا۔ سچ وست ہرِ بھیٹ چڑھائی، انگیکار آپ اکھوائیا۔ در دوارا بنک سُہائی، لہنا دینا موُل چُکائیا۔ جوتی جوت سروُپ ہرِ، دُھر فرمان ایکا ایک جنائیا۔ آئے دوار در مِہربان، مِلیا میل میِتا۔ آتم جوتی برہم گیان، شبد سُنائی ساچی ریِتا۔ ستّ رنگ جھُلے دھرم نِشان، بھارت کھنڈ سرِشٹ سبائی جیِتا۔ تاج مور مُکٹ بھگوان، ایکا رنگ رنگائے ہست کیِٹا۔ پنچ نِشان راج جوگ جگت منتر ی اِک وکھائے ساچی ریِتا۔ شبد سوٹی جگت بلوان، ایکا ایک کرائے ہست کیِٹا۔ چرن جوڑا چرن کوَل دھیان، سِری بھگوان آپ آپ آپ پربھ اپنا دیتا۔ راشٹرپت جگت سندیش رہیا سُنایا۔ بھارت کھنڈ بال اوستھا، وڈ وڈ کرم کمایا۔ عیسیٰ موُسیٰ مستک تھیوا لاگے متھا،
جگت وِچولا آپ اکھوایا۔ پاربرہم سرب کلا سمرتھا، جن بھگتاں رتھ رہیا چلایا۔ جوتی جوت سروُپ ہرِ، ساچی سیوا بھیٹ دھر، دھنّ دھنّ دھنّواد رہیا کرایا۔