کتب خانہGranth 6 (Shahmukhi)

پہلی پوہ ۲۰۱۳ بِکرمی ہرِ بھگت دوار جیٹھوُوال ضِلع امرتسر

ہرِ کھنڈا نام اپار، پربھ ساچے ہتّھ اُٹھایا۔ برہمنڈاں پاوے سار، دِس کِسے نہ آیا۔ جیرج انڈاں رہیا وِچار، اُتبُھج سیتج ویکھ وکھایا۔ لکھّ چؤراسی مارے مار، مارنہارا آپ اکھوایا۔ پاربرہم برہم کھیل اپار، جُگ جُگ اپنا کردا آیا۔ سَتجُگ تریتا اُترے پار، دواپر لہنا دین چُکایا۔ کلجُگ انتم کالی دھار، کالا سوُسا تن پہنایا۔ کھیلے کھیل کھیلنہار، نر نِرنکارا کھیل رچایا۔ پرگٹ ہوئے وِچ سنسار، لوک ماتی پھیرا پائیا۔ جیِیاں جنتاں پاوے سار، سادھاں سنتاں رہیا ہِلائیا۔ راج راجاناں کرے خبردار، شاہ سُلطاناں رہیا اُٹھایا۔ نؤ کھنڈ پرِتھمی وہے ایکا دھار، ستّاں دیِپاں ونڈ ونڈایا۔ لواں پُریاں پاوے سار، برہما شِو رہیا ہِلایا۔ کروڑ تیتیِسا ہاہاکار، سُرپت راجا اِند رہیا کُرلایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ایکا کھنڈا ناؤں اُٹھایا۔ نام کھنڈا ہرِ نِرنکار، ایکا ایک اُٹھائندا۔ آپے رکھے تِکھی دھار، سرِشٹ سبائی ویکھ وکھائندا۔ پُرکھ اگمّا اگمّڑی کار، آد انت نہ کوئی پائندا۔ کلجُگ کالا کرم وِچار، جوُٹھ جھوُٹھ تن وسائندا۔ مایا ممتا لوبھ ہنکار، کایا بُھکھ اِک اپار، منمتی جیِو پِھرائندا۔ پُرکھ ابناشی کھیل اپار، جوت سروُپی کر آکار، اندر مندر کھوج کُھجائندا۔ جوتی جوت سروُپ ہرِ، آپ اپنی جوت دھر، ورن گوتی بھیوَ مِٹائندا۔ شبد کھنڈا ہرِ بلوانا، ایکا ایک رکھایا اے۔ آپ اُٹھائے گُن نِدھانا، گُنونتا کرم کمایا اے۔ لواں پُریاں ویکھے مار دھیانا، وربھنڈی بنت بنایا اے۔ دھرم جھُلائے اِک نِشانہ، بھیکھ پکھنڈا دئے مِٹایا اے۔ آپے بنّھے ہتھّیں گانا، آتم رنڈی جیِو مُکایا اے۔ آتمک دُھن سُنائے اِک ترانہ، انحد نام رکھایا اے۔ پنچم میل سِری بھگوانا، گھر ساچا اِک سُہایا اے۔ آپے ہوئے جانی جانا، جاننہار سرب گھٹ رایا اے۔ پاربرہم برہم اِک استھانا، اُچ محل اٹل رکھایا اے۔ جگے جوت نوُر نوُرانہ، دیِوا بتّی نہ کوئی رکھایا اے۔ جوتی جوت سروُپ ہرِ،

آپ اپنی جوت دھر، شبد کھنڈا ہرِ بلکاری، کلجُگ تیری انتم واری، اپنے ہتّھ رکھایا اے۔ نام کھنڈا ہرِ کرتار، ایکا ایک رکھائندا۔ جُگ جُگ پاؤندا آیا ونڈاں، کلجُگ اپنی ونڈ ونڈائندا۔ چاروں کُنٹ بھیکھ پکھنڈا، لکھّ چؤراسی آتم رنڈا، سادھ سنت سُتے دے کر کنڈا، ہرِ ساچا ناؤں نہ کوئی جنائندا۔ وقت اخیِری انتم کنڈھا، ہرِجن وکھائے ایکا ڈنڈا، ساچے پؤڑے نام چڑھائندا۔ پنچ وِکارا کھنڈ کھنڈا، پربھ ابناشی دیوے دنڈا، دنڈنہارا آپ اکھوائندا۔ جوتی جوت سروُپ ہرِ، آپ اپنی جوت دھر، نام پھڑ ہتّھ چنڈ پرچنڈا، چاروں کُنٹ آپ وکھائندا۔ چاروں کُنٹ ہرِ نِرنکارا، ایکا دھار وہائیا۔ کلجُگ تیری انتم وارا، سرِشٹ سبائی ہوئی ہلکائیا۔ کھیلے کھیل اپر اپارا، مایا رَین اندھیری چھائیا۔ نہ کوئی دیِسے دُھندوُکارا، گُر پیِر سادھ سنت بیَٹھے مُکھ چُھپائیا۔ پرگٹ ہوئے ہرِ نِرنکارا، جوتی نوُر سوائیا۔ ایکا شبد جےَ جےَ کارا، چاروں کُنٹ رہیا سُنائیا۔ شبد سروُپی کر پسارا، ہرِ شبدی میل مِلائیا۔ اِک وسایا سچّا گھر بارا، گھر بارا آپ وسائیا۔ کھیلے کھیل ایکنکارا، اونکارا روُپ سہائیا۔ سَت نام تیری ساچی دھارا، سَت پُرکھ نِرنجن وِچ سمائیا۔ آپے جانے جاننہارا، جیِو جنت سار نہ پائیا۔ جوتی جوت سروُپ ہرِ، آپ اپنی جوت دھر، نام کھنڈا ویکھ وکھائیا۔ نام کھنڈا ہرِ بلوانا، ایکا ایک رکھنیا۔ میٹ مِٹائے پنج شیَطانا، بھانڈا بھرم گڑھ ہنکاری دیوے بھنّھیا۔ لکھّ چؤراسی تُٹے مانا، انت وسیرا نہ کوئی دیِسے چھپر چھنیا۔ پُرکھ ابناشی ورتے بھانا، جن بھگتاں بیڑا رہیا بنّھیا۔ راگ انادی اِک سُنائے سچ ترانہ، پوُت سپوُتا ساچا منّیا۔ جوتی جوت سروُپ ہرِ، آپ اپنی جوت دھر، نام کھنڈا دیوے ور، لکھّ چؤراسی دیوے ڈنّیا۔ نام کھنڈا تن گاترا، ہرِ ساچا آپ رکھائندا۔ بھیوَ نہ پائن وید ساشترا، کھانی بانی نہ لیکھ لِکھائندا۔ نہ کوئی لگ کنّا نہ دیِسے ماترا، اکھّر وکھّر نہ کوئی بنائندا۔ آپے جانے ہرِ ہرِ کملاپاترا، گُرمُکھ ساچے تن سجائندا۔ ہوئے سہائے دِوس راترا، اٹّھے پہر سیو کمائندا۔ نہ کوئی پُچھے ذات پاترا، اوُچ نیِچ آپ ہو آئیندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نام کھنڈا اِک رکھائندا۔ ہرِ کھنڈا نام نِرنکاریا، نِرگُن روُپ سمائے۔ گُرمُکھ ساچے تن شِنگاریا، سرگُن ساچی بنت بنائے۔ آپے وسے سب توں باہریا، سب گھٹ میں رہیا جوت جگائے۔ جُگ جُگ کھیلے کھیل اپاریا، لوک ماتی آوے جائے۔ گُر پیِر سادھ سنت آپ اکھوا رہیا، کھانی بانی پاوے ساریا، وید پُرانی لیکھ لِکھائے۔ سیوک سیوا ساچی لا رہیا، اِنجیِل قُرآنی آپ ہِلائے۔ میٹنہارا آپ اکھوا رہیا، لکھّ چؤراسی بنت بنائے۔ برہما وِشن شِو ساچا سنگ رکھا لیا، مہما اگنت گنی نہ جائے۔ در درویش آپ بہا رہیا، جوتی جوت سروُپ ہرِ، آپ اپنی جوت دھر، آپے دھاری کیسا آپے موُنڈ مُنڈا رہیا۔ ہرِ رنگ نہ دھاری کیس

ہےَ، نہ کوئی موُنڈ مُنڈائے۔ ہرِ جوتی دس دسمیس ہےَ، پُرکھ ناری نہ کوئی اکھوائے۔ جُگ جُگ دھارے اپنا بھیس ہےَ، ویس اویسا آپ اکھوائے۔ آپے داتا نر نریش ہےَ، نِرگُن --------- سمائے۔ سیوک سیوا برہما برہم وِشن مہیش گنیش ہےَ، در بیَٹھے سیِس جھُکائے۔ کروڑ تیتیِسا رہیا ویکھ ہےَ، در دوار رہیا بِللائے۔ رائے دھرم کرے آدیس ہےَ، دوُر دُراڈا پندھ مُکائے۔ چِتر گُپت الڑھ وریس ہےَ، اپنی بُھل رہیا بخشائے۔ لاڑی مؤت کُھلڑے کیس ہےَ، نیتر نیِر وہائے۔ پرگٹ ہوئے گُر دسمیس ہےَ، نام کھنڈا اِک اُٹھائے۔ اشٹبُھج نہ چلے پیش ہےَ، سُنبھ نِسُنبھ سرِشٹ سبائے۔ آد شکت ایکا ویس ہےَ، جُگ جُگ آپے کردی آئے۔ گُرمُکھ ساچے وِچ پرویش ہےَ، کلجُگ تیری دھار رکھائے۔ جوتی جوت سروُپ ہرِ، آپ اپنی جوت دھر، نِرگُن کھنڈا نِرویَر، کلجُگ انتم میٹے قہر، آپ اپنا رہیا چمکائے۔ نِرگُن کھنڈا نِراہار، اپنا آپ رکھائندا۔ کرے کرائے اپنا وار، لکھّ چؤراسی دِس نہ آئیندا۔ کلجُگ انتم مارے مار، سَتجُگ ساچی بنت بنائندا۔ سادھ سنت گُرمُکھ ساچے لئے اُبھار، جِس جن اپنی دَیا کمائندا۔ نہ کوئی پُرکھ نہ کوئی نار، بِردھ بال جوان ہرِ ایکا رنگ سمائندا۔ آپے گوپی آپے کاہن، آپے ہوئے جانی جان، منڈل راسی آپ پوائندا۔ آپے مارے شبد تیِر نِرالا بان، جم کی پھاسی آپ مِٹائندا۔ گُرمُکھ ساچے کرے پچھان، داسن داسی آپ اکھوائندا۔ در دوارے دیوے مان، پنڈت کاشی مُکھ بھوائندا۔ اچھل اچھیدا ہرِ بھگوان، چار ویدا بھیوَ نہ آئیندا۔ جگت کِتیبا ہوئے حَیران، پُران اٹھاراں حِساب مُکائندا۔ کھانی بانی سارے گان، گاوت گا نہ کوئے سُنائندا۔ اِنجیِل قُرآناں آئی ہان، عیسیٰ موُسیٰ مُکھ چُھپائندا۔ پرگٹ ہوئے ہرِ بلوان، ستّ رنگ اُٹھائے اِک نِشان، نؤ کھنڈاں آپ وکھائندا۔ شاہ سُلطان بلی بلوان، برہمنڈاں کھوج کُھجائندا۔ روَ سس منگے چرن دھیان، پرکاش پرکاش پرکاش نہ کوئی رکھائندا۔ دھرت دھوَل ویکھ زِمیں اسمان، منڈل منڈپ آپ ہِلائندا۔ برہما توڑے آتم مان، برہم وِدیا کھوج کُھجائندا۔ شِو شنکر ہوئے جانی جان، باشک تشکا گل سُہائندا۔ کروڑ تیتیِسا چُکے کان، ہرِ ایکا بان لگائندا۔ لکھّ چؤراسی کر پچھان، جوتی جامہ بھیکھ وٹائندا۔ کلجُگ تیری کر کلیان، سنگ محمد چار یاراں آپ نِبھائندا۔ پرگٹ ہوئے شبد گُر ہرِ بلوان، رسنا چِلّہ نام چڑھائندا۔ جوتی جوت سروُپ ہرِ، آپ اپنی جوت دھر، نام کھنڈا اِک اِکلّا، سرسٹ سبائی ویکھ وکھائندا۔ نام کھنڈا اِک اِکلّا، گُر گوبِندے ہتّھ اُٹھایا اے۔ نؤ کھنڈ پرِتھمی ویکھے اِک محلہ، ستّاں دیِپاں کھوج کُھجایا اے۔ ملِے میل گوبِند ڈلّا، سمت چؤداں اِکّی جیٹھ لیکھ لِکھایا اے۔ نال رلایا گھوڑا نیِلا، نیِلے والا آپ ہو آیا اے۔ بستر پائے تن ساچا پیِلا، پیِلی دھار کرایا اے۔ پار بیاسوں کر کر حیِلہ، اپنا چرن ٹِکایا اے۔ بھاگ لگائے اُچا ٹِلّا، اپنا بچن نِبھایا

اے۔ گوبِند دھارا ہرِ شبد سروُپی چَھیل چھبیِلا، بستر شستر اِک رکھایا اے۔ لکھّ چؤراسی آتم انتر لائے تیِلا، اگنی جوتی اِک لگایا اے۔ گُرمُکھ ساچے نام نِدھان پربھ در پی لا، ہرِ امرت آتم رہیا پیایا اے۔ پربھ مِلن دا ساچا حیلہ، ہرِ گوبِند روُپ سمایا اے۔ ہرِ کھنڈا برہمنڈا، برہم روُپ سمائندا۔ کھانی چارے پائے ونڈ، اپنی ونڈ ونڈائندا۔ مایا نار دُہاگن رنڈ، انتم کنڈ وڈھائندا۔ لکھّ چؤراسی دیوے دنڈ، بھیکھ پکھنڈ مِٹائندا۔ سمت سمتی کرے ونڈ، کلجُگ لہنا دینا موُل چُکائندا۔ سَتجُگ ساچے پائے ٹھنڈ، لوک ماتی جنم دوائندا۔ سمت چؤداں دیوے گنڈھ، گُرمُکھاں ساچا حِصّہ مات ونڈائندا۔ پنچ وِکارا کھنڈ کھنڈ، نام کھنڈا ایکا واہِندا۔ جوتی جوت سروُپ ہرِ، آپ اپنی جوت دھر، گوبِند کایا سچ گھر، ساچا کھنڈا تن سجائندا۔ گوبِند کایا سچ تخت، ہرِ ساچا آپ بِراجیا۔ ہرِ ساچا آپے لِکھنہارا لِکھت، آپ سوارے اپنا کاجیا۔ آپے جانے واک بھوِکھت، پرگٹ ہوئے دیس ماجھیا۔ جوتی جوت سروُپ ہرِ، آپ اپنی جوت دھر، ایکا کھنڈا اپنا ساجیا۔ ہرِ کھنڈا شبد کٹار، بھیوَ بھید نہ رایا۔ دو جہانی پاوے سار، وید کِتیب نہ لیکھ لِکھایا۔ گُرمُکھاں دیوے کر پیار، دیوی دیوَ ہتّھ نہ آیا۔ جوتی جوت سروُپ ہرِ، آپ اپنی جوت دھر، جوتی جامہ بھیکھ وٹایا۔

تُریا محل ہرِ اپار، کوَن دھام سُہائندا۔ کوَن سروُپ رکھ چار دیوار، چھپر چھنّ کوَن رکھائندا۔ کوَن تخت تاج سچّی سرکار، کوَن راج کمائندا۔ کوَن مارے شبد آواز، کوَن در دربان سُہائندا۔ کوَن رچیا ہرِ ہرِ کاج، کوَن کھیل کِھلائندا۔ کوَن گھوڑا دِسے تاز، کوَن چرن اُٹھائندا۔ کوَن ساجن رہیا ساز، کوَن میِت مُرار اکھوائندا۔ جوتی جوت سروُپ ہرِ، اِک وکھائے سچ گھر، تُریا تیرا روُپ سمائندا۔ تُریا رنگ شبد اٹاری، نام سچ منارا۔ آپے جانے کِرپا دھاری، گُرمُکھ وِرلے دیوے چرن پیارا۔ جِس جن ویکھیا نیَن مُندھاری، دِسے ایکنکارا۔ کتھنا کتھی نہ رسن اُچاری، نہ لِکھے لیکھ لِکھارا۔ جوتی شبدی ایکا دھاری، تت مت نہ پاوے سارا۔ جوتی جوت سروُپ ہرِ، سنتن میلا اِک گھر، تُریا گاون ہرِ ہرِ پاوَن نہ پِھر چُھپاون، گُر سنگت بیَٹھ اَدھوِچکارا۔ اُٹھ سنت آ دوار۔ کھول بھیوَ دسم دوار۔ تُریا پاؤنی پھیر سار۔ سُرت سوانی گئی ہار۔ گُر شبد نہ مِلیا ساچا یار۔ گُر گوبِند دِوس رَین نہ لاہے مایا ممتا تن بُخار۔ سادھ سنت گُرسِکھ نہ کرے نِندا، پاربرہم روُپ اگمّ اپار۔ گُر گوبِندا اُتارے من تن چِندا، جِس جن دیوے درس اپار۔ آپ بنائے اپنی بِندا، امرت آتم دھار پاوے ساگر سِندھا، کایا سیِتل کرے ٹھنڈی

ٹھار۔ بجر کپاٹی توڑے جِندا، بھگت جناں ہرِ سد بخشندا، آد انت تارنہار۔ داتا جودھا سوُر شبد مرگِندا، پنچم وکھائے ایکا کار۔ جوتی جوت سروُپ ہرِ، آپ اپنی جوت دھر، سنتن ویکھے اِک گھر، تُریا تُورت ناد کوَن اپار۔

جوت نِرنجن کوَن گھاٹ، دیِپک رہی جگائیا۔ مایا بستر جائے پاٹ، گُر شبد تن پہنائیا۔ سچ وست ہےَ ساچے ہاٹ، ہٹ ہٹوانا آپ اکھوائیا۔ دُرمت مَیل دیوے کاٹ، اپنی دَیا کمائیا۔ لیکھا چُکے پاٹھ، گُر شبدی ہوئے جنائیا۔ نہاوَن جائے نہ اٹّھ ساٹھ، تیِرتھ تاٹ نہ کوئی وکھائیا۔ دوُجا گھر دِسے کوَن گھاٹ، گُر پوُرا دئے چڑھائیا۔ جوتی جوت سروُپ ہرِ، آپ اپنی جوت دھر، سنتن پُچھے اِک گھر، دوُجا بھیوَ کُھلائیا۔

ساوَن ساول شاہ، ہرِ رنگ سمایا۔ آپے جانے بےپرواہ، جیِو جنت بھیوَ نہ پایا۔ آپ نہ مِلیا ساچے تھاں، گُر پوُرا دے مت رہیا سمجھایا۔ نؤ دوارے اُڈدے کاں، دسواں راہ نہ کِسے وکھایا۔ گُر شبد نہ مِلیا پِتا ماں، گودی گود نہ کِسے اُٹھایا۔ ہرِ رنگ نہ مانی ٹھنڈی چھاں، اگنی اگّ جلایا۔ ویلے انت نہ پکڑے کوئی بانہہ، رائے دھرم دئے سزایا۔ گُر پوُرا گُرمُکھاں ویکھے تھاں تھاں، لڑ اپنا آپ پھڑایا۔ جوتی جوت سروُپ ہرِ، آپ اپنی کِرپا کر، آپ اپنے رنگ سمایا۔ آد انت ایکنکارا، عقل کلا بھرپوُریا۔ جُگ جُگ مات لوک لئے اوتارا، گُرمُکھاں حاضر حضوُریا۔ لوک مات بنّھے ساچی دھارا، میٹ مِٹائے کوُڑا کوُڑیا۔ پرگٹ ہوئے نِہکلنک نرائن نر اوتارا، ہرِجن ساچی دیوے چرن دھوُڑیا۔ وِشنوُں بھگوان ہرِ بھگوَنتا، نانک رسنا گائیا۔ پاربرہم پربھ بےانت بےانتا، بےانت آپ اکھوائیا۔ سار دھار جُگ سادھن سنتا، اپنی آپ بندھائیا۔ دیوے شبد سچ سوگندھتا، گُر پوُرا رسنا گائیا۔ جن بھگت بنائے ساچی بنتا، جو جن آئے سرنائیا۔ منُمکھاں پائے مایا بےانتا، در در پِھرے ہلکائیا۔ ہرِجن میلا ساچے کنتا، ساچی سیجا اِک ہنڈھائیا۔ نام خُماری رنگ بسنتا، دِوس رَین چڑھائیا۔ آپے ہوئے پت پتونتا، پتپرمیشور آپ اکھوائیا۔ جوتی جوت سروُپ ہرِ، آپ اپنی جوت دھر، بھیکھادھاری بھیکھ وٹائیا۔ انتم بھیکھا بھیکھا دھار، نر نرائن اوتارا۔ لیکھا لِکھے ہرِ سنسار، کھیلے

کھیل اپارا۔ جوتی جامہ بھیکھ اپار، روُپ انوُپ پسارا۔ جوتی جوت سروُپ ہرِ، آپ اپنی جوت دھر، ---------- ایکنکارا۔ اونکار جوتی ذاتی، جگت جُگت بنائیا۔ جن بھگتاں میلا کملاپاتی، منُمکھاں مُکھ بھوائیا۔ امرت آتم دیوے بوُند سوَانتی، سیِتل دھارا آپ وہائیا۔ اندر مندر کھولے تاکی، بجر کپاٹی کُنڈا لاہیِا۔ جُگ جُگ دیونہارا باقی، نہ کوئی جانے بندہ خاکی، لہنا دینا موُل چُکائیا۔ آپے ہوئے پاکن پاکی، پاربرہم برہم سمائیا۔ جوتی جوت سروُپ ہرِ، آپ اپنی جوت دھر، گُرمُکھ ساچے سنت دُلار، ایکا دیوے شبد ہُلار، نؤ دوارے پار کرائیا۔ نؤ دوارے پار کنارہ، ہرِ اپنا آپ وکھائندا۔ ساچا میلا کنت بھتارا، سُرت سُہاگن آپ بنائندا۔ محل اٹل اُچ منارا، اپنا آپ وسائندا۔ آتم سیجا ہرِ گِردھارا، شبد سِنگھاسن ڈیرہ لائندا۔ شبد سروُپی کر آکارا، اگیان اندھیر مِٹائندا۔ پنچم دُھن اپر اپارا، انحد راگی گیِت سُنائندا۔ آپے بولے بولنہارا، بول بولا اِک وکھائندا۔ ورن اوَرنی ہرِ ورتارا، ورن گوت نہ کوئی رکھائندا۔ جوتی جوت سروُپ ہرِ، آپ اپنی جوت دھر، گوبِند کایا ویکھ گھر، ساچا دھام سُہائندا۔ گوبِند کایا دھام اولّا، پربھ اپنا آپ اُپایا۔ آپے وسیا اِک اِکلّا، دوُسر نہ کوئی سنگ رلایا۔ ویکھ وکھانے جنگل جوُہ اُجاڑ پہاڑ جل تھلا، اُچے ٹِلّے پربت پھیرا پایا۔ گُرسِکھ شبد سواسی پوَن پوَنی رلا، آکاش پرکاش ہرِ ہرِ سیوا لایا۔ دیِپک جوتی جِس جن بلا، روَ سس رہے شرمایا۔ گوبِند کایا ہرِ ہرِ رلا، ہرِ اپنا روُپ سمایا۔ درس دِکھائے گھڑی گھڑی پل پلا، نیتر لوچن نیَن ویکھ وکھایا۔ سرِشٹ سبائی آپ بُھلائے کر کر ول چھلا، اچھل اچھلا ہرِ رگھُرایا۔ جوتی جوت سروُپ ہرِ، آپ اپنی جوت دھر، کلجُگ انتم ویکھ در، در درویشا پھیرا پایا۔ در درویشا نر نِرنکارا، گھر گھر آتم وجّی ودھائیا۔ ہرِ شبد کرائے جےَ جَیکارا، چاروں کُنٹاں رہیا سُنائیا۔ برہما اُٹھ اُٹھ کرے وِچارا، چارے ویداں ویکھ وکھائیا۔ لوک مات کل انتم وارا، شِو شنکر دئے دُہائیا۔ کروڑ تیتیِسا سُرپت راجا اِند کوئی نہ دئے سہارا، پربھ ساچا رہیا ہِلائیا۔ نؤ کھنڈ پرِتھمی ستّاں دیِپاں دُھندوُکارا، دیِپک جوت نہ کوئے جگائیا۔ کھانی بانی وید پُرانی اِنجیِل قُرآنی کرن وِچارا، ساوَن سار کوئے نہ پائیا۔ مسجِد مندر گُروُدوارا روون دھاہاں مارا، گُر گوبِندا دِس نہ آئیا۔ االلہ ہوُ ایکا نعرہ، االلہ رانی سنگ محمد چار یاراں رہی کُرلائیا۔ اَناالحق اِک دوارے ساچا میلا کنت بھتارا، ساچا منگل سُتیا گائیا۔ وید وِیاسا جگت لِکھارا، کُتب کِتیباں رہیا پُھلائیا۔ جوتی جوت سروُپ ہرِ، آپ اپنی جوت دھر، گوبِند کایا ویکھ گھر، آسن بیَٹھا لائیا۔ گوبِند کایا سچ ٹِکانا، ہرِ اپنا آپ سُہائندا۔ شبد سروُپی اِک بِبانا، سُنّ اگمو پار کرائندا۔ آپے ہوئے جانی جانا، دسم دواری در سُہائندا۔ راگی نادی اِک ترانہ، تار سِتارہ آپ وجائندا۔ آپے جانے اپنا بھانا، نہ کوئی موڑے موڑ مُڑائندا۔

کلجُگ انتم آئی ہانا، لوک ماتی جُڑیا جوڑ انتم توڑ وکھائندا۔ بھرمے بُھلے راجا رانا، سادھ سنت نہ ہرِ وکھانا، در در گھر گھر پھیری پائندا۔ مایا ممتا جوُٹھا جھوُٹھا تنیا تانا، بھیکھادھاری بھیکھ پکھنڈا پہرے بانا، ساچے ہانی ہان نہ کوئی مِلائندا۔ جوتی جوت سروُپ ہرِ، آپ اپنی جوت دھر، گوبِند کایا ویکھ گھر، آپ اپنا روُپ سمائندا۔ گوبِند کایا ساچا گڑھ، ہرِ اپنا آپ سُہائندا۔ شبد سروُپی اندر وڑ، دیِپک جوتی اِک جگائندا۔ اکھّر اکھّر آپے پڑھ، کھانی بانی رچن رچائندا۔ لکھّ چؤراسی نال رہیا لڑ، آپ اپنا ہتّھ اُٹھائندا۔ لوک مات نہ کوئی سکے پھڑ، بھیکھادھاری بھیکھ وٹائندا۔ نہ کوئی سیِس نہ کوئی دھڑ، آپ اُکھیڑے سب دی جڑ، کلجُگ وہن وہائے نہ کوئی پار کرائندا۔ آد انت نہ جائے سڑ، نہ کوئی ناتا بہتّر نڑ، ہڈّ ماس ناڑی دِس کوئی نہ آئیندا۔ جوتی جوت سروُپ ہرِ، آپ اپنی جوت دھر، گوبِند ویکھ کایا گھر، گھر بارا آپ سُہائندا۔ گوبِند کایا سچ گھر، پاربرہم اپنا آپ بنایا۔ نہ کوئی جانے نؤ دوار، جیِو جنت پِھرے ہلکایا۔ آپ اپنا محل اُسار، اندر مندر ڈیرہ لایا۔ جوت سروُپی پہریدار، کنچن گڑھ سُہایا۔ اٹّھے پہر خبردار، آلس نِندرا وِچ نہ آیا۔ جوتی جوت سروُپ ہرِ، آپ اپنی جوت دھر، گوبِند کایا ویکھ گھر، در دوارا بنک سُہایا۔ در دوارا بنک ہےَ، بنک دواری آپ۔ آپے راؤ رنک ہےَ، سرِشٹ سبائی مائی باپ۔ در آیا میٹے شنک ہےَ، جگت مِٹائے تیِنو تاپ۔ جِس جن ہرِ جوتی میل ایکا کنک ہےَ، سو جن جانے اپنا آپ۔ پُرکھ ابناشی جُگ جُگ کھیل بار انک ہےَ، آپے جانے اپنا وڈ پرتاپ۔ کلجُگ انتم پرگٹ ہوئے واسی پُری گھنک ہےَ، گُر گوبِندا مائی باپ۔ جوتی جوت سروُپ ہرِ، آپ اپنی جوت دھر، گوبِند کایا ویکھ گھر، ترےَگُن مایا میٹے تاپ۔ ترےَگُن مایا جگت کھیل ہےَ، ہرِ ساچے رچن رچائی۔ برہما وِشن شِو گنیش سجّن سُہیل ہےَ، ہرِ شبد کری کُڑمائی۔ آپے گُروُ آپے چیل ہےَ، آپ اپنی ویل ودھائی۔ آپے کھیلنہارا کھیل ہےَ، آپے دھی آپ جوائی۔ جوتی جوت سروُپ ہرِ، آپ اپنی جوت دھر، گوبِند کایا ویکھ گھر، ہرِ شبد کری کُڑمائی۔ ہرِ شبد ناؤں نِرنکاریا، ہرِجن ہوئے کُڑمائی۔ ساچا میلا میِت مُراریا، آد انت نہ ہوئے جُدائی۔ آپے ہوئے شاہ اَسواریا، شاہ سُلطانا آپ اکھوائی۔ در دوارا اِک سُہا رہیا، نِرنکارا ناؤں رکھائی۔ کوٹن کوٹ جیِو اُپا رہیا، کوٹن کوٹاں وِچ سمائی۔ گُرمُکھ ساچے شبد چوٹ تن لگا رہیا، پنچم بیَٹھے مُکھ شرمائی۔ ہؤمے کایا کھوٹ گوا رہیا، جو آئے چل سرنائی۔ شبد بھنڈارا اتُٹ اِک رکھا لیا، دو جہاناں رہیا ورتائی۔ بےمُکھ جڑ پُٹ اپنی ہتھّیں باہر سُٹا رہیا، کلجُگ وہِندی دھار وہائی۔ گُرمُکھ گھُٹ گھُٹ اپنے گلے لگا رہیا، ہرِ آپ اُٹھائے پھڑ پھڑ بانہی۔ سَتجُگ سارا وقت سُہا رہیا، جن بھگتاں دیوے سچ صلاحی۔ منمت جگت گوا رہیا،

ہو داتا بےپرواہی۔ ستو گُن سَت سَت سما رہیا، راجس طامس ویکھ وکھائی۔ گوبِند ساچا میل مِلا رہیا، سچ سوانی لئے پرنائی۔ پلنگ رنگیِلا اِک وکھا رہیا، شبد سِنگھاسن سیج وِچھائی۔ بستر پیِلا تن پہنا رہیا، آپ اپنا رنگ چڑھائی۔ سوہنگ نیِلا نال رکھا لیا، ڈوری اپنے ہتّھ رکھائی۔ لوک مات قِلعہ لال آ، نؤ دوار دربار وکھائی۔ سمت چؤداں بھیوَ کُھلا رہیا، گُرمُکھاں دے مت رہیا سمجھائی۔ سمت پندراں رنگ چڑھا لیا، دیس پردیسا جائے کر کر دھائی۔ سمت سولاں سگن منا لیا، پہلی چیتر شہر لاہؤر قِلعہ شاہی۔ پُرکھ ابناشی موڑا پا لیا، پنچم جیٹھ پئے دُہائی۔ گُر سنگت سنگ رلا لیا، ہاڑ ستاراں واہو داہی۔ سر امرت تھیہ کرا لیا، پار بیاسوں دِسن راہی۔ ساچا دھام سُہا لیا، تھل کپوُر بےپرواہی۔ آپ اپنا قدم اُٹھا لیا، مستُوانے جوت جگائی۔ شاہ سنگروُر شبد مِلا لیا، بھجّا آوے واہو داہی۔ شاہ پٹیالا آپ اُٹھا لیا، مُکھ وِچ گھاس اُٹھائی۔ والی ہِند سمجھا لیا، جمن کنارہ دئے سُہائی۔ سادھاں سنتاں نال رلا لیا، اپنا بیڑا رہیا بنّھائی۔ پار کنارہ اِک وکھا لیا، گُر تیغ بہادر پکڑے تیریاں بانہی۔ سیِس گنج چرن چُھہا لیا، پرگٹ ہوئے جگت ملاحی۔ نام ونجھ اِک لگا لیا، گُر سنگت نال ترائی۔ سویر سنجھ اِک کرا لیا، جن بھگتاں آتم جوت کرے رُشنائی۔ پاربرہم برہم روُپ سما لیا، نِج گھر بیَٹھا آسن لائی۔ ------------ درشن دیوے چائیں چائیں۔ جوتی جوت سروُپ ہرِ، آپ اپنی جوت دھر، شبد نِشانہ ہتّھ پھڑ، منُمکھاں دئے سزائی۔ اگیان اندھیر اندھ ہےَ، منمُکھ نہ کوئے مُکائے۔ دوُر دُراڈا پندھ ہےَ، لیکھا لِکھ نہ سکے رائے۔ دُئی دوَیتی اندر کندھ ہےَ، بِن گُر پوُرے کوئی نہ ڈھاہے۔ منمتی جیِو بھاگاں مند ہےَ، کام کرودھ لوبھ موہ ہلکائے۔ گُر شبد نہ چڑھیا ساچا چند ہےَ، دیِپک جوت نہ کوئے جگائے۔ مدرا ماس رکھایا بتّی دند ہےَ، رسنا گُن نہ ہرِ ہرِ گائے۔ آپ گوایا پرمانند ہےَ، مایا ممتا ترِشن ہلکائے۔ گُر پوُرا سد بخشند ہےَ، در آئے لئے ترائے۔ در دوارے جو جن کرن نِند ہےَ، نِندک نِندیا مُکھ رکھائے۔ گُرمُکھ بنائے ساچی بِند ہےَ، پِتا پوُت آپ ہو جائے۔ امرت دھار وہائے ساگر سِندھ ہےَ، گنگا گوداوری بیَٹھی مُکھ شرمائے۔ آپے میٹنہارا سگلی چِند ہےَ، آپ اپنا درس دِکھائے۔ جوتی جوت سروُپ ہرِ، آپ اپنی جوت دھر، ہرِجن میلا اِک دوار، دوارا بنک سُہائے۔ تُریا ناد ہرِ وجّنا، ناد انادا ایک۔ در دوارے آپے بہہ بہہ سجنا، سد آپے ہویا بِبیک۔ آپ اپنی رکھے لجنا، آپے جانے اپنی ٹیک۔ نہ گھڑیا نہ بھجّنا، نہ ٹھنڈا نہ لگّے سیک۔ تال نگارہ نہ کوئی وجّنا، نہ کوئی نیتر رہیا دیکھ۔ پردہ پا کِسے نہ کجّنا، نہ کوئی دِسے ریکھ میخ۔ جوتی جوت سروُپ ہرِ، آپ اپنی جوت دھر، سچ دوارے آپے سجنا۔ تُریا تخت سُلطان ہےَ، ہرِ جوتی نوُر نوُرانی۔ ایکا بیَٹھا مِہربان ہےَ، آپے جانے نام نِشانی۔ جِس جن

دیوے جیِیا دان ہےَ، گُر چرن سچّی قُربانی۔ آون جاون اِک دھیان ہےَ، ہرِ جوتی کھیل مہانی۔ ہرِ جوتی کھیل مہان ہےَ، آپ اپنے وِچ سمانی۔ جوتی جوت سروُپ ہرِ، آپے ویکھ سچ گھر، تُریا تیری اِک نِشانی۔ تُریا تُور تُرنگ، ہرِ رنگ انرنگ ہرِ ہرِ رنگیا۔ کھیلے کھیل سوُرا سربنگ، آپے ہوئے انگ سنگ، آپ وجائے اِک مردنگیا۔ آد انت نہ ہوئے بھنگ، نہ کوئی چلے چال بِہنگیا۔ جوتی جوت سروُپ ہرِ، آپ اپنی جوت دھر، آپے جانے اپنا گھر، گُرمُکھ گُرمُکھ منمُکھ تیری کایا چولی رنگیا۔ چؤتھا گھر کوَن راس، ہرِ ساچے آپ رکھائیا۔ کوَن وست ہووے سَت پاس، گھر چؤتھے جا سمائیا۔ چؤتھے گھر پِھردے داسی داس، سنتن راہ وکھائیا۔ سنتن میلا ہرِ گُنتاس، وِچھڑ کدے نہ جائیا۔ کوَن رنگ پرِتھمی آکاش، ویکھے ویکھ وکھائیا۔ جوتی جوت سروُپ ہرِ، سنتن پُچھے اِک گھر، چؤتھا پد کوَن تال وجےّ نہ کوئی آواز سُنائیا۔

جگت ہؤمے روگ ہےَ، رہی جگت جلائے۔ رس رسنا جیِو جنت رہے بھوگ ہےَ، آتم رس سار نہ رائے۔ گُر پوُرا جِس جن دیوے شبد ساچی چوگ ہےَ، جِہوا ہرِ گُن گائے۔ رس رسنا ایکا بھوگ ہےَ، بھگت بھگتی سیوا لائے۔ ہرِ دیوے درس اموگھ ہےَ، جگت جُگتی اپنے ہتّھ رکھائے۔ جِس جن میلا دُھر سنجوگ ہےَ، ہرِ سنجوگی میل مِلائے۔ آد انت نہ ہوئے وِجوگ ہےَ، وِچھڑ کدے نہ جائے۔ جوتی جوت سروُپ ہرِ، آپ اپنی جوت دھر، ہرِجن ساچے میل مِلائے۔ ہرِجن ساچے ساچا میلا، گُر پوُرے چرن دواریا۔ آپے ہوئے سجّن سُہیلا، ساچی سیوا سیو کما رہیا۔ آپے وسے رنگ نویلا، دھام اَکیلا اِک سُہا رہیا۔ در در گھر گھر ویکھے گُروُ گُر چیلا، ناری کنت کوَن پیاریا۔ جوت نِرنجن چاڑھے تیلا، ہرِ شبدی تن شِنگاریا۔ ساچا کھیل آپے کھیلا، گھر پایا اگمّ اپاریا۔ نر نرائن ساچا میلا، لیکھا چُکے نؤ دواریا۔ جوتی جوت سروُپ ہرِ، آپ اپنی جوت دھر، من متی جیِو آپ سمجھا رہیا۔ من مت جگت کنگال ہےَ، دِوس رَین کُرلائے۔ پھل دِسے نہ کایا ڈال ہےَ، پنچم تت ہوئے ہلکائے۔ مایا ممتا موہ جنجال ہےَ، دِوس رَین رہی بھرمائے۔ سُرت سوانی ہوئی حال بےحال ہےَ، من منوُآ دہ دِشا دھائے۔ بُدھ مت نہ کوئی سمجھائے ہےَ، در دوار نہ کوئی پائے۔ گُرمُکھ ساچے آپ جگائے ہےَ، ہرِ اپنی سیوا لائے۔ دیوے نام سچّی وڈیائی ہےَ، کؤستک منیِا مستک تھیوا جوت نِرنجن ڈگمگائے۔ ملِے میل ہرِ ہرِ الکھ ابھیوَ ہےَ، دیوی دیوا ترس کمائے۔ ہرِجن گائے رسنا جِہو ہےَ، رس آتمک نِجھر آپ جھِرائے۔ جوتی جوت سروُپ ہرِ، آپ اپنی جوت دھر، ہرِجن ساچا مارگ رہیا وکھائے۔ آتم رس نِج آتما، پرمانند سمانیا۔ پرم پُرکھ پرماتما،

پاربرہم ہرِ جانیا۔ لیکھا چُکے ذات پاتنا، راؤ رنک نہ کوئی راجانیا۔ ایکا ایک نِبھائے ساتھنا، ہرِجن بٹھائے سچ بِبانیا۔ پرگٹ ہوئے تریَلوکی ناتھنا، اناتھ اناتھاں دَیا کمائے۔ گُر گوبِندا ساچا ساتھنا، سگلا ساتھ آپ ہو جائے۔ لیکھے دیوے ہاتھو ہاتھنا، لہنا دینا موُل چُکائے۔ آپ چلائے اکتھا اکاتھنا، رسنا کتھ نہ سکے رائے۔ ہرِ پُرکھ سمرتھ ابناشنا، ابناشی پُرکھ اکھوائے۔ کھیلے کھیل پرِتھمی آکاشنا، آکاش آکاشاں وِچ سمائے۔ جن بھگتاں داسی داسنا، کایا اندر مندر بیَٹھا ڈیرہ لائے۔ ساچے منڈل پاوے راسنا، گوپی کاہن آپ ہو جائے۔ آپ جانے اپنی واسنا، نام سوگندھی اِک رکھائے۔ کھیلے کھیل سار پاشنا، ساچی بازی ایکا لائے۔ جوتی جوت سروُپ ہرِ، آپے جانے اپنی اُپاسنا، جُگ جُگ آپے رہیا کرائے۔ آپے راما رام ہےَ، آپے کرِشن مُرار۔ آپے محمدی یار ہےَ، آپے االلہ پیار۔ آپے نانک گوبِند دھار ہےَ، آپے شبد روُپ اپار۔ آد انت ایکا ایکنکار ہےَ، لوک مات لئے اوتار۔ کلجُگ انتم ویکھ وِچار ہےَ، پرگٹ ہوئے وِچ سنسار۔ نِہکلنک کلکی اوتار ہےَ، کل دھاری آپ سرکار۔ نام توڑا اپر اپار ہےَ، جوتی جوڑا ہرِ گِردھار۔ جن بھگتاں بہُڑ انتم وار ہےَ، شبد گھوڑے ہو اَسوار۔ سوہنگ پؤڑا ایکا وار ہےَ، در گھر ساچے دیوے واڑ۔ لما چؤڑا نہ کوئی وِچار ہےَ، جوتی جوت سروُپ ہرِ، آپ اپنی جوت دھر، جن بھگتاں دیوے اِک ور، جوت جگائے بہتّر ناڑ۔

ہنس ہوئے مات کگیا، کاگی کاگ اُڈار۔ گُرمُکھ وِرلے میلا اُپر شاہ رگیا، جوت نِرنجن پہلاں کر پیار۔ آپ ڈوری اپنی بجھّیا، آپے آئے وارو وار۔ پنچ وِکارا ہرِجن ساچے دجھیا، پی امرت آتم اُجیار۔ گھر ساچے بہہ بہہ سجیا، گُر پوُرے چرن دوار۔ آپ کرائے وکھائے مکّہ کعبہ ساچا حاجی حاجن حجیا، مسجِد مندر اندر گُروُدوار۔ ساچی سیجا بہہ بہہ سجیا، سولاں کر کر تن شِنگار۔ گُرمُکھاں پردہ رہیا کجیّا، دُرمت مَیل دئے اُتار۔ دوُر دُراڈا آئے بھّجیا، سُکھمن ناڑی دئے سہار۔ آپے رکھنہارا لجّیا، گُر شبد روُپ اپار۔ بجر کپاٹی آپے بھّجیا، نام کھنڈا مارے مار۔ ناد انادی دُھن آتمک تال ساچا وجّیا، پنچم گائن وارو وار۔ جوتی جوت سروُپ ہرِ، آپ اپنی جوت دھر، جن بھگتاں وکھائے اِک گھر، سَت پُرکھ ساجن ساچا ساجیا۔ سنتن گھر سچ دھن ہےَ، ہرِ ساچے وست ٹِکائی۔ بھرم بُھلیکھا نہ کوئی جن ہےَ، ایکا ایک ہرِ سرنائی۔ شبد سُنیہڑا ساچے کنّ ہےَ، آپ اپنا رہیا جنائی۔ نہ کوئی دیوے دوُسر ڈنّ ہےَ، تیِجے لوئن رہے رُشنائی۔ چؤتھے گھر ساچا چنّ ہےَ، سنجھ سویر نہ کوئی رکھائی۔ پنچم بیڑا رہیا بنّھ ہےَ، در گھر اپنے میل مِلائی۔ چھیویں نہ کوئی چھپر چھنّ ہےَ، ہرِ محل اٹل وکھائی۔ ستویں بیَٹھا در مل ہےَ، در دوارا اِک سُہائی۔ اٹّھ تت ماٹی کھلّ ہےَ، نؤ دوارے کھول وکھائی۔ دسم دواری ول چھل ہےَ، پربھ اپنی بنت بنائی۔ امرت آتم لایا ساچا

پھل ہےَ، جن ساچے رہیا کھوائی۔ جوت جگائے کایا ڈوُنگھی ڈل ہےَ، دِوس رَین رہے رُشنائی۔ گُر شبدی ہرِجن ساچا گیا رل ہےَ، رسنا شبد رہیا دِھیائی۔ بنک دوارا بیَٹھا ملّ ہےَ، پرِتھمی آکاش نہ کھوج کُھجائی۔ ہرِ ہرِ نِہچل دھام اٹل ہےَ، اوُچ اٹل رکھائی۔ آپے رکھے کایا کھلّ ہےَ، جوتی جوت سروُپ ہرِ، آپ اپنی جوت دھر، گُرمُکھ ساچے سنت جناں ایکا دیوے نام دھنا، تن مندر آپ ٹِکائی۔ نام دھن ہرِ مِہربانا، گُرمکھاں جھولی پائندا۔ در دوارے کر پروانہ، کایا چولی رنگ رنگائندا۔ اِک سُنائے دُھر فرمانا، سوہنگ ساچا راگ الائندا۔ کھانی بانی کرے پچھانا، گیِت سُہاگی اپنا گائندا۔ سَت پُرکھ نِرنجن ہرِ بھگوانا، وِشنوُں روُپ وٹائندا۔ لکھّ چؤراسی دیوے دانا، داتا دانی آپ اکھوائندا۔ آپے ہوئے چتُر سُگھڑ سیانا، راجن راج آپ ہو جائندا۔ جوتی جوت سروُپ ہرِ، آپ اپنی جوت دھر، گُرمُکھ آتم ایکا در، در دروازہ غریِب نوازا اپنا آپ سُہائندا۔ آتم در سچ دروازہ، پربھ اپنا آپ سُہایا اے۔ نام رکھائے چِٹا تازہ، سولاں کلیاں آسن لایا اے۔ دسم دواری بہہ بہہ گاجا، ہرِ جوتی کھیل کِھلایا اے۔ پرگٹ ہوئے دیس ماجھا، گُر گوبِندا گوبِند رایا اے۔ سمبل نگری سازن سازا، ہرِ اپنا آپ اُپایا اے۔ جوتی جوت سروُپ ہرِ، آپ اپنی جوت دھر، گُرمُکھ ساچے رہیا جگایا اے۔ سمبل نگری سچ گراں، پربھ اپنا آپ وسائندا۔ آپے جانے ساچا تھاں، واس نِواسا آپ کرائندا۔ گُر گوبِندے پکڑے بانہہ، شبد ڈوری تند بنّائیندا۔ تیغ بہادر تیری ٹھنڈی چھاں، گھر ساچا آپ سُہائندا۔ گُرمُکھ ساچے ساچا ناں، پوُت سپوُتا آپ اُپائندا۔ جوتی جوت سروُپ ہرِ، آپ اپنی جوت دھر، کلجُگ انتم ویکھ وکھائندا۔ کلجُگ انتم ہرِ ہرِ آیا، ہرِ ساچا کھیل کِھلندڑا۔ ہرِجن ساچے لئے جگایا، آپ اپنا رنگ چڑھندڑا۔ برہما ویتا لئے اُٹھایا، ویلا انت وکھندڑا۔ انتم جوتی میل مِلایا، بیِس بیِسا ہرِ بخشندڑا۔ گُرمُکھ ساچا دئے سجایا، مستک ٹِکاّ آپ لگندڑا۔ ترےَگُن مایا جھولی پایا، پنچم تت سُہندڑا۔ پنجھی پرکِرتی سیوا لایا، سگلا ساتھ آپ نِبھندڑا۔ ایکا چرن پریِتی دھیان رکھایا، در دوارا ویکھ وکھندڑا۔ گوبِند کِرتی کِرت کمایا، کِرتگھن نہ دیِسے کوئی مُشٹنڈڑا۔ دھرنی دھرن دِھرت رکھایا، جوتی جوت سروُپ ہرِ، آپ اپنی جوت دھر، کھیل اپنے ہتّھ رکھندڑا۔ پنچ گراں آتم گھر، پنچم میل مِلائندا۔ پنچم دیوے ٹھنڈی چھاں، اپنا سنگ نِبھائندا۔ پنچ بنائے ہنس کاں، نام رتّی چوگ چُگندڑا۔ پنچ سہائی پِتا ماں، پنچم گود اُٹھندڑا۔ جوتی جوت سروُپ ہرِ، آپ اپنی جوت دھر، کایا نگر کھیڑا سچ گراں، گُرمُکھ ساچے میل مِلندڑا۔ کایا نگر ساچا کھیڑا، گُرمُکھ ونڈ ونڈائیا۔ آپے میٹے پنچم جھیڑا، پنچم دئے جگائیا۔ پنچم بنّھے آپے بیڑا، پنچم موہ چُکائیا۔ پنچم دیوے اُلٹا گیڑا، پنچم وہن وہائیا۔ پنچم

کرے کُھلا ویہڑا، پنچم دئے دُہائیا۔ پنچم بنھنہارا بیڑا، نگر کایا ساچا کھیڑا، پنچم گراں دئے سُہائیا۔ پنچ گراں پنچ پرمُکھ، پنچم راج کمایا۔ گُرمُکھ آتم ایکا سُکھ، جگت جھیڑا موُل چُکایا۔ مات گربھ نہ اُلٹا رُکھ، جگت ترِشنا بُھکھ مِٹایا۔ سُپھل کرائے مات کُکھ، پربھ درشن نیتر پایا۔ جوتی جوت سروُپ ہرِ، آپ اپنی کِرپا کر، کایا ویکھے سچ گھر، پنچم پنچ گراں ناؤں رکھایا۔ سَتگُر جگت بھنڈار ہےَ، وست اِک انمول۔ دیونہار سرب سنسار ہےَ، جُگ جُگ بھنڈارا کھول۔ آد انت نہ کرے اُدھار ہےَ، چرن پریِتی جو جن دئے گھول۔ پاونہارا ساچی سار ہےَ، کایا مندر اندر پردہ پھول۔ جوتی جوت سروُپ ہرِ، آپ اپنی کِرپا کر، جِس جن دِتا ساچا ور، دیوے نام وست اتول۔ نام دھن سچ خزیِنہ، گُر در ساچے پایا۔ آپے دانا بیِنا، بیِنا دانا آپ اکھوایا۔ کایا چولی تن من بھیِنا، سیِنہ سانتک سانت کرایا۔ رسنا ناؤں ناں ہرِ ہرِ چیِنا، چِنتا چِت سمگری رکھایا۔ گُرسِکھ بِللائے جِؤں جل میِنا، جل میِنا روُپ سمایا۔ چرن کوَل جن ہوئے ادھیِنا، آسا منسا پوُر کرایا۔ جوتی جوت سروُپ ہرِ، جِس جن دیوے شبد ور، ور وریام آپ ہو آیا۔ شبد نہ گایا رسنا گُن، من چِت بھیا ٹھگوَری۔ دِوس رَین پُکار رہیا سُن، ویکھ وکھائے کایا کوری۔ گُرمُکھ ساچے سنت سُہیلے چُن، دیوے وڈیائی مان اُپر دھوَلی۔ آپے کرے چھان پُن، جوتی جوت سروُپ ہرِ، آپ اپنی جوت دھر، جِس جن دیوے شبد ور، مِلائے میل ساول سوَلی۔ سرب کل آپے سمرتھ، عقل کلا بھرپوُریا۔ جن بھگتاں رکھے دے کر ہتّھ، آدن انتا حاضر حضوُریا۔ جُگ جُگ چلائے اکتھنا اکتھ، پسارا میٹے کوُڑو کوُڑیا۔ نام چلائے ساچا رتھ، گُرمُکھ بنائے موُرکھ موُڑھیا۔ کلجُگ لیکھا چُکے ساڈھے تِنّ ہتّھ، جِس جن بخشے چرن دھوُڑیا۔ سگل وسوُرے جائن لتھ، کایا چولی رنگن چاڑھے ہرِ ہرِ گوُڑھیا۔ پنچ وِکارا دیوے متھ، جوتی جوت سروُپ ہرِ، آپ اپنی جوت دھر، آپ اپنا ناتا جوڑیا۔ ساچا ناتا اُتم ذاتا، کرم دھرم ہرِ دوار۔ جگت مایا بھَین بھراتا، مات پِت نہ کوئی میِت مُرار۔ کلجُگ رَین اندھیری راتا، چاروں کُنٹ اندھ اندھیار۔ بھرم بُھلیکھا ذات پاتا، گُر در مندر ہاہاکار۔ ہرِجن میلا کملاپاتا، لیکھا چُکے نؤ دوار۔ سَت پُرکھ نِرنجن ایکا زاتا، آد انتا ایکنکار۔ شبد جنائی ساچی گاتھا، سوہنگ کرائے جےَ جےَ جَیکار۔ پرگٹ ہوئے تریَلوکی ناتھا، سَتجُگ ساچی بنّھے دھار۔ جوتی جوت سروُپ ہرِ، آپ اپنی جوت دھر، کرے کھیل اپر اپار۔ کلجُگ دھاری، دھرت دھوَل رکھائیا۔ جوت جگائے ہرِ نِرنکاری، سرِشٹ سبائی ویکھ وکھائیا۔ شبد کھنڈا تیز کٹاری، گُر گوبِندے تن چُھہائیا۔ ساچے گھوڑے کر اَسواری، لواں پُریاں پار کرائیا۔ آپے بنیا لیکھ لِکھاری، لیکھا اپنے ہتّھ رکھائیا۔ برہما نیتر رہیا اُگھاڑی، پربھ ساچا رہیا ہِلائیا۔ شِو شنکر چرن چُھہائے داہڑی، ویلے

انتم دئے دُہائیا۔ سُرپت راجے اِند لیکھا چُکے ستاراں ہاڑی، سمت بیِسا رُت سُہائیا۔ لکھّ چؤراسی ویکھے مؤت لاڑی، لوک ماتی راہ تکائیا۔ دھرم رائے پھڑائے ہتّھ بہاری، چارے کُنٹاں رہیا وکھائیا۔ پہلی کوُٹے کر اُجاڑی، لہِندی دِشا ویکھ وکھائیا۔ سمت چؤداں اُٹھے دھاڑی، پربھ ساچا رہیا اُٹھائیا۔ جن بھگتاں ہوئے پِچھے اَگاڑی، سِر اپنا ہتّھ ٹِکائیا۔ آپے ڈھاہے اُچے مندر محل اٹاری، نگر کھیڑا دِس نہ آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کلجُگ انتم اؤدھ مُکائیا۔ کلجُگ اؤدھ انتم ویلا، ہرِ انتم انت کرائندا۔ گوبِند گُروُ گُروُ گُر چیلا، ہرِ گوبِند روُپ وٹائندا۔ در دوارے ساچا میلا، والی ہِند آپ جنائندا۔ نؤ کھنڈ پرِتھمی سجّن سُہیلا، ساچا لیکھا آپ لِکھائندا۔ جوتی جوت سروُپ ہرِ، آپ اپنی جوت دھر، کلجُگ کایا رنگ چڑھائندا۔ کلجُگ کایا رنگی چولی، ہرِ ساچے آپ رنگائیا۔ لاڑی مؤت چُکے ڈولی، چاروں کُنٹ پِھرے ہلکائیا۔ دھرم رائے در ہوئے گولی، دوویں بیَٹھی سیِس جھُکائیا۔ منُمکھاں انت ویاہے بولی، لکھّ چؤراسی پرنائیا۔ تولنہارا پوُرے تول تولی، آپے کنڈا رہیا اُٹھائیا۔ دھرم رائے در ساچا کھولی، آپ اپنا بوُہا لاہیِا۔ گُرمُکھاں در ہوئے گولی، در بیَٹھی مُکھ چُھپائیا۔ جوتی جوت سروُپ ہرِ، آپ اپنی جوت دھر، کلجُگ انتم دِتا ور، کرے مات کُڑمائیا۔ کلجُگ آیا در دوار، منگے منگ بِھکھاری۔ پربھ ابناشی کِرپا دھار، آئی انتم واری۔ سنگ محمد چار یار، ٹُٹدی جائے یاری۔ االلہ رانی ہاہاکار، دِوس رَین رہی پُکاری۔ وسدا محلہ دئے اُجاڑ، پربھ ساچا کھیل کِھلاری۔ جلاں تھلاں پاوے سار، مارے شبد اُڈاری۔ پندراں پندراں تیری کار، جگے جوت اِک نِرنکاری۔ سولاں سولاں ہاہاکار، سولاں کرے تن شِنگاری۔ ستّ ستاراں مارے مار، مندر اندر نہ کوئی دیِسے چار دیواری۔ اٹّھ اٹھاراں جل جل دھار، سب دی رہیا جڑ اُکھاڑی۔ اُنی اُنیِسا مؤت لاڑ، سنگ محمد توڑے یاری۔ بیِس بیِسا خبردار، پرگٹ ہوئے نر نِرنکاری۔ پنچم میِتا پہریدار، نام کھنڈا اِک کٹاری۔ اِک اِکیِسا وِچ سنسار، برہمنڈی رہیا اُساری۔ جوتی جوت سروُپ ہرِ، آپ اپنی جوت دھر، گُنونتا گُن رہیا وِچاری۔ بیِس بیِسا ہرِ جگدیِشا، ہرِ ہرِ رنگ سمائندا۔ چھتر جھُلائے ساچا سیِسا، پنچم مُکھ وکھائندا۔ نہ کوئی دیِسے عیسیٰ موُسیٰ، ہِندوُ سِکھ نہ کوئی اکھوائندا۔ چرن لگائے چیِنا روُسا، آپ اپنی دَیا کمائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سمت چؤداں ستاراں ہاڑ، دیس پردیسا لیکھ لِکھائندا۔ ہاڑ ستاراں رُت سُہاؤنی، ہرِ ساچے لیکھ لِکھاؤنی۔ دیش بوَنجا شبد جناؤنی۔ آپ اپنی قلم چلاؤنی۔ کرے کرائے جو من بھاؤنی، سیاست وِراثت سرب مُکاؤنی۔ جوتی جوت سروُپ ہرِ، آپ اپنی جوت دھر، والی ہِند دیوے ور، جگت ضامنی اِک

نِبھاونی۔ والی ہِند اُٹھ جاگ، نیتر اکّھ اُگھاڑ۔ لوک مات لگّا بھاگ، پنچم جیٹھا پرگٹ ہوئے ستاراں ہاڑ۔ راج راجاناں شاہ سُلطاناں آتم جوتی بُجھے چراغ، ہنس ہوئے کل کل کاگ۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سرِشٹ سبائی اپنے ہتّھ رکھے واگ۔

جُگ کرتا پربھ آپ ہےَ، رچنا رچن رچائے۔ سرِشٹ سبائی مائی باپ ہےَ، ہرِجن ساچے سنگ رلائے۔ من بُدھی رہی ناچ ہےَ، ہرِ دیوے در دُرکائے۔ مایا رَکت جھوُٹھی آنچ ہےَ، دِوس رَین رہی جلائے۔ انتم میلا پنچم پانچ ہےَ، پنچم مارے پنچ لئے اُٹھائے۔ پُرکھ ابناشی ایکا ناد ہےَ، لواں پُریاں رہیا وجائے۔ ہرِجن ساچے داد ہےَ، جوتی جوت سروُپ ہرِ، آپ اپنی جوت دھر، ہر گھٹ دیِوا بتّی آپ ہو جائے۔ گھٹ دیوا گھٹ مندرا، ہر گھٹ ہوئے پرکاش۔ جوتی نوُر کرائے اندرا، سچ سمگری ویکھے راس۔ موہ مایا ہؤمے اندر کندھڑا، نہ کوئی سکے مات ڈھاہے۔ جگت وِکارا تن من بنّھڑا، بندی بند نہ کوئے کٹائے۔ گیِت سُہاگی اِک سُنندڑا، سوہنگ ساچا ڈھولا گائے۔ سرن سرنائی آپ رکھندڑا، چرن کوَل اِک رگھُرائے۔ جوتی جوت سروُپ ہرِ، آپ اپنی جوت دھر، دیوے نام جگت وڈیائے۔ ہرِ در اپار سخی سُلطان، سرور روُپ سمایا۔ دیونہارا جیِیا دان، جیِو جنت رہیا ترایا۔ آپے دیوے پیِن کھان، بھگت بھنڈاری آپ اکھوایا۔ تیِر نِرالا مارے بان، رام راما دھنُش اُٹھایا۔ ہرِجن ساچے ملِے میل سِری بھگوان، بیِس بیِسا روُپ سمایا۔ آپ جھُلائے دھرم نِشان، ساگر سنسا روگ مِٹایا۔ در دوارے کر پروان، آپ اپنے انک سمایا۔ گوبِند گوبِند گھر گھر گان، ہرِ گوبِند وِرلے گُرمُکھ پایا۔ کایا مندر سچ مکان، ساگر سِندھ دَیا کمایا۔ جوُٹھی جھوُٹھی جگت دُکان، چِت وِت ٹھگؤری پایا۔ نہ کوئی دیِسے پوَن مسان، رُتڑی رُت نہ کوئے سُہایا۔ جن بھگتاں دیوے ساچا مان، کایا بُتڑی دَیا کمایا۔ نام خزانہ ساچی کھان، نہ کوئی میٹے میٹ مِٹایا۔ جُگ جُگ آپ وکھائے اپنی آن، بھیکھادھاری بھیکھ وٹایا۔ بن بن آئے گوپی کاہن، راساں منڈل راس رچایا۔ جوتی جوت سروُپ ہرِ، آپ اپنی جوت دھر، ایکا مارگ رہیا وکھایا۔ جوت جگت بھگت کنتُوہل، ہرِ ساچے آپ جگائیا۔ ہرِجن چُکائے لہنا دینا موُل، جُگ جُگ وڈ وڈّی وڈیائیا۔ نام سِنگھاسن نہ کوئی پاوا چوُل، پلنگ رنگیِلا ناؤں رکھائیا۔ آتم سیجا ساچا پھوُل، بن

مالن آپ سُہائیا۔ گُرمُکھ نہ جائے مات بھوُل، بھرم بُھلیکھا رہے نہ رائیا۔ جوتی جوت سروُپ ہرِ، آپ اپنی جوت دھر، ہرِجن مستک لائے میخا، نہ کوئی سکے مات اُکھڑائیا۔ ہرِجن کایا رنگ بسنتی، پُرکھ نِرنجن آپ چڑھائندا۔ بھیوَ نہ پائن جیِو جنتی، جیِو جنت نہ کوئی جنائندا۔ ہرِجن میلا ساچے کنتی، کنت بھتارا انگ لگائندا۔ جُگ جُگ مہما اگنت اگنتی، لیکھا لیکھ نہ کوئی گِنائندا۔ ہرِ ہرِ پربھ بےانت بےانتی، بےانت روُپ سمائندا۔ میل مِلاوا سادھن سنتی، سنت سُہیلا آپ ہو جائندا۔ سُنے سُنائے سدا بیننتی، سُننیہار آپ اکھوائندا۔ جوتی جوت سروُپ ہرِ، آپ اپنی جوت دھر، ایکا اکھّر نام وکھّر ہرِجن ساچے آپ پڑھائندا۔ نام وکھّر شبد بھنڈارا، اتوٹ اتُل رکھایا۔ آپے بنیا ہرِ ورتارا، عقل کل کوئے نہ لایا۔ چاروں کُنٹ جےَ جےَ جَیکارا، بُھل رہے نہ رایا۔ پرگٹ ہوئے ہرِ نِرنکارا، نام بھنڈارا گیا کُھل، پُرکھ ابناشی آپ کُھلایا۔ جوتی جوت سروُپ ہرِ، آپ اپنی جوت دھر، سیوک سیوا ساچی لایا۔ سیوک سیوا چاکری، چرن کوَل پربھ دھیان۔ دھنّ دھنّ جنیندی ماتری، دیوے برہم گیان۔ ہتّھ نہ آئے وید پُران شاستری، پڑھ پڑھ تھکے جیِو نادان۔ کلجُگ رَین اندھیری راتری، روَ سس ہوئے حَیران۔ تٹ کنارہ اِک وکھائے ساچا پاتری، چرن دھوُڑ اِشنان۔ دیوے درس بؤہ بؤہ بھاتری، جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان۔ بھگت بھگوانا ایکا دھام سُہنجنا۔ شبد ترانہ انحد گانا، جوت جگائے ہرِ نِرنجنا۔ پنچم میلا اِک ٹِکانا، پوَن پوَنی شبد بِبانا، چرن دھوُڑ کرائے مجنا۔ نہ کوئی جانے راجا رانا، چتُر سُگھڑ سیانا گُرمُکھ وِرلا پائے شبد نام انجنا۔ جُگ جُگ ورتے اپنا بھانا، جوتی جوت سروُپ ہرِ، آپ اپنی جوت دھر، جن بھگتاں ہوئے سہائی دئے وڈیائی آپ رگھُرائی، میِت مُرارا ساچا سجّنا۔ میِت مُرارا ساجن میِتا، نر ہرِ نِرنکاریا۔ سرِشٹ سبائی آپے جیِتا، آپ کرائے پاسا ہاریا۔ آپے ہوئے پتت پُنیِتا، دیِوا بتّی آپ جگا رہیا۔ آپے ویکھے دِہُرا مندر گُروُدوار مسیِتا، اندر مندر کُنڈا لا رہیا۔ آپے ویکھے کھانی بانی راگ چھتیِسا، اٹھاراں دھیائے گیِتا کھیلے کھیل بھگوانیا۔ جوتی جوت سروُپ ہرِ، آپ اپنی جوت دھر، گُرمُکھ ساچے لئے ور، راگ سُنائے انحد ساچی بانیِا۔ انحد بانی ساچی تُورا، آتم گھر اُپجائندا۔ نِرمل جوتی کرے نوُرا، پُرکھ ابناشی حاضر حضوُرا، منُمکھاں دِسے دوُرن دوُرا، گُرمُکھاں ایکا گھر وکھائندا۔ مایا ممتا جھوُٹھا کوُڑا، گُرمُکھ وِرلا سنت سُہیلا کایا رنگن رنگ چاڑھے گوُڑھا، جگت للاری آپ اکھوائندا۔ جوتی جوت سروُپ ہرِ، آپ اپنی جوت دھر، جوتی جامہ بھیکھ وٹائندا۔

کرتا پُرکھ اگمّ ہےَ، اگمّڑا تھان سُہایا۔ سَتگُر پوُرا لوک ماتی دیوے تھم ہےَ، سِر اپنا ہتّھ ٹِکایا۔ جیِو جنت رسنا جِہوا گائے دم ہےَ، ساڈھے تِنّ ہتّھ لیکھ چُکایا۔ ویلے انتم آئے کمّ ہےَ، دوُسر کوئے نہ سنگ رکھایا۔ آپ اپنا جانے من ہےَ، من گُر چرن بھیٹ چڑھایا۔ تتی وا نہ لگّے تن ہےَ، کھیوٹ کھیٹ میل مِلایا۔ آپے بیڑا رہیا بنّھ ہےَ، مات پِت بیٹی بیٹ آپ ہو آیا۔ ایکا راگ سُنائے کنّ ہےَ، لِکھن پڑھن وِچ نہ آیا۔ نام چڑھائے ساچا چنّ ہےَ، سوُرج چنّ رہے شرمایا۔ اِک وسیرا اِک گھر ہےَ، چھپر چھنّ نہ کوئے رکھایا۔ آپے دیونہارا ڈنّ ہےَ، آپے لئے ترایا۔ جوتی جوت سروُپ ہرِ، آپ اپنی جوت دھر، گُر ساچا ساچا شبد سُنایا۔ شبد گُر ایک ہےَ، جگت جُگ پردھان۔ آپے ہوئے بِبیک ہےَ، آپے داتا دانی دان۔ لکھّ چؤراسی آپے ویکھ ہےَ، آپے بھیکھ وٹان۔ آپے لِکھنہارا لیکھ ہےَ، آپے ویکھ پنج شیَطان۔ آپے لؤنہارا میخ ہےَ، آپے دیوے برہم گیان۔ ہرِجن ساچا رہیا ویکھ ہےَ، جِس جن بخشے چرن دھوُڑ اِشنان۔ چرن کوَل چؤر ساچے کیس ہےَ، تن سُرتی سیو کمان۔ میلا میل اِک دسمیش ہےَ، دسم دواری ویکھ وکھان۔ آپے داتا نر نریش ہےَ، راج جوگ جگت سُرت سُلطان۔ سیوک سیوا برہما وِشن مہیش ہےَ، دیوے دُھردرگاہی اِک فرمان۔ شِو شنکر کرے آدیس ہےَ، کروڑ تیتیِسا نِیوں نِیوں گان۔ آپے بِردھ جوان بال اَلھڑ وریس ہےَ، گُنونتا گُن نِدھان۔ جوتی جامہ دھر دھر بھیس ہےَ، گُرمُکھ ساچے کرے پچھان۔ آد انت جُگا جُگنت سدا ہمیش ہےَ، نِش اکھّر وکھّر روُپ بھگوان۔ جوتی جوت سروُپ ہرِ، آپ اپنی جوت دھر، کھیلے کھیل کرتا پُرکھ سُجان۔ کرتا پُرکھ کرنہار، کرے کرائے کھیل۔ گُرمُکھ ساچا سیونہار، سیوک سیوا میلے میل۔ ہرِجن ساچا دیونہار، لہنا دینا دیوے نویل۔ جوتی جوت سروُپ ہرِ، آپ اپنی جوت دھر، گُرسِکھ وسیا کایا گھر، کایا ماٹی چار دیواری، اندر وسیا نر نِرنکاری، گُرمُکھاں دِسے جھوُٹھی کھیل۔ منمُکھ کایا جھوُٹھی جیل، ہرِ ساچا بند کرایا۔ مِلیا میل نہ سجّن سُہیل، بتّی دند نہ رسنا گایا۔ جوت نِرنجن نہ چڑھیا تیل، گیِت سُہاگی پنچم سخی نہ مِل مِل گایا۔ آپے کھیلنہارا کھیل، دَیا باتی نہ کوئی جگایا۔ جوتی جوت سروُپ ہرِ، آپ اپنی جوت دھر، گُرمُکھ کایا بند در، جوُٹھا جھوُٹھا قُفل لگایا۔