کتب خانہGranth 7 (Shahmukhi)

۲۷ پوہ ۲۰۱۴ بِکرمی ہرِسنگت جوڑ میلا ہرِ بھگت دوار جیٹھوُوال

کلجُگ کالا گجّیا، چؤداں طبق ہِلائے۔ جگت نگارہ ایکا وجّیا، ڈؤروُ ڈنکا ایکا واہے۔ جو گھڑیا سو بھّجیا، انت رہن نہ پائے۔ جیِو جنت کوئی نہ رکھے لجّیا، نہ کوئی دِسے مات سہائے۔ سچ دوارا سب نے تجیا، جھوُٹھا مندر رہے سُہائے۔ چڑھے نام نہ سچ جہازیا، وَنجھ مُہانا نہ کوئی لگائے۔ ہرِ ساچے رچیا کاجیا، کلجُگ لہنا دئے چُکائے۔ پرگٹ ہوئے دیس ماجھیا، نِہکلنکا ناؤں رکھائے۔ شبد سروُپی سازن سازیا، جوت سروُپی ویکھ وکھائے۔ جن بھگتاں رکھنہارا لاجیا، گئوُ غریِباں گلے لگائے۔ ورتے کھیل کل کے آجیا، کلجُگ ساچا دئے دُہائے۔ جوتی جوت سروُپ ہرِ، آپ اپنی کِرپا کر، آپ اپنا رنگ چڑھائے۔ کلجُگ کایا کالا چولا، کالی کملی تن چُھہائیا۔ جوُٹھ جھوُٹھ گایا ڈھولا، اِک آواز لگائیا۔ موہ وِکارا بنیا تولا، پنچم سنگ رلائیا۔ مایا رانی کھیلے ہولا، گھر گھر خوشی منائیا۔ لاڑی مؤت منگے ڈولا، چار کہار رہی بُلائیا۔ اِک محمد ہونا گولا، ساچا سنگ نِبھائیا۔ چؤداں طبقاں آپے پھولا، ویکھے تھاؤں تھائنیا۔ دہ دِشا کل پاوے رؤلا، راج بنت نہ کوئی دسائیا۔ ویکھے کھیل ہرِ اُپر دھوَلا، سمت پندراں خوشی منائیا۔ آپے ہویا باوَر بولا، آپ اپنا بھیکھ وٹائیا۔ جن بھگتاں کرے بھار ہؤلا، سیِس جگدیِش پنڈ اُٹھائیا۔ جوتی جوت سروُپ ہرِ، آپ اپنی کِرپا کر، کلجُگ ساچے دئے ودھائیا۔ کلجُگ جودھا سوُربیِر بلکارا، ساچا گڑھ سُہائندا۔ آپ اپنا کر للکارا، آپ اپنی دھاڑ رکھائندا۔ منگے منگ ستاراں ہاڑا، ساچا سگن منائندا۔ پھیری پائے جنگل جوُہ اُجاڑ پہاڑا، اُچے ٹِلّے پھول پُھلائندا۔ اِک لگائے اگنی ناڑا، تتَو تت جلائندا۔ پُرکھ ابناشی سنگ رلائے اگمّی دھاڑا، دِس کِسے نہ آئیندا۔ جوتی جوت سروُپ ہرِ، آپ اپنی کِرپا کر، کلجُگ حِصّہ آپ ونڈائندا۔ کلجُگ حِصّہ کالا

سوُسا، کالا تن شنگاریا۔ کھیلے کھیل عیسیٰ موُسیٰ، کھیل کِھلائے پروردِگاریا۔ آپے جانے جگت حدیِثا، بغل قُرآن ویکھ وکھا رہیا۔ لہنا دینا بیِس بیِسا، سمت پندراں نیہہ دھرا رہیا۔ جوتی جوت سروُپ ہرِ، آپ اپنی کِرپا کر، مکّہ مدیِنہ ویکھ وکھا رہیا۔ مکّہ مدیِنہ ساچی ڈھک، ہرِ ساچا آپ جنائندا۔ آپے ویکھے وکّھ وکّھ، آپ اپنی دَیا کمائندا۔ آپے پرگٹ ہو پرتکھ، مُکھ نقاب اِک رکھائندا۔ اِمام مہِندی الکھنا الکھ، بھیوَ کوئی نہ پائندا۔ اُمت نبی رسوُل بھار تیرا تیری سہِندی، نہ کوئی ونڈ ونڈائندا۔ ہوُ ہوُ نعرہ ایکا کہِندی، االلہ رانی مُکھ شرمائندا۔ االلہ رانی پربھ دوارے نِیوں نِیوں اَگے ہو ہو بہِندی، نیتر نیِر چلائندا۔ لال رنگ وکھائے لائی مہِندی، ساچا سنگ جنائندا۔ لکھّ چؤراسی انتم کھہِندی، ایکا دھار چلائندا۔ جوتی جوت سروُپ ہرِ، آپ اپنی کِرپا کر، کلجُگ تیرا سنگ نِبھائندا۔ االلہ رانی مُکھ پایا پردہ، اپنا گھُنگھٹ رہی اُٹھائیا۔ سنگ محمد چار یار سڑدا، کلجُگ اگنی آپ تپائیا۔ عیسیٰ موُسیٰ آپے لڑدا، گھر اپنے پئی لڑائیا۔ پُرکھ ابناشی دُھردرگاہی ایکا چڑھدا، اِمام مہِندی ناؤں رکھائیا۔ لہنا دین چُکائے سیِس دھڑ دا، گڑھ ہنکار توڑ تُڑائیا۔ اکھّر کوئی نہ مات پرڑھدا، نہ کوئی پینتیِس تیِس بتیِس جنائیا۔ جوتی جوت سروُپ ہرِ، آپ اپنی کِرپا کر، کلجُگ دیوے انت وڈیائیا۔ کلجُگ انتم ایکا نعرہ، ایکا الکھ جگائیا۔ االلہ رانی کر پیارا، اَناالحق اُٹھائیا۔ خُدی خُدائے پاوے سارا، ہرِ کھیلے کھیل خُدائیا۔ ورتے ورتاوے بےعیب پروردِگارا، غیَب اغیَبا ویکھ وکھائیا۔ جوتی جوت سروُپ ہرِ، آپ اپنی کِرپا کر، مکّہ مدیِنہ پھیرا پائیا۔ مکّہ مدیِنہ چرن چُھہا، ایکا جوت جگائندا۔ نوُر الاہی آپ اکھوا، نوُرو نوُر سمائندا۔ دیِپک کوہ طوُر آپ جگا، اندھ اندھیر مِٹائندا۔ جوتی جوت سروُپ ہرِ، آپ اپنی جوت دھر، سَتجُگ تیری دھار چلائندا۔ کلجُگ کالے تیری دھار، ہرِ آپے آپ جگائیا۔ سمت پندراں ہو تیار، چؤداں لوکاں پھیری پائیا۔ چوداں طبقاں مارے مار، ایکا کھنڈا ہتّھ اُٹھائیا۔ ساچے اَسو ہو اَسوار، شاہ اعلی سنگ رلائیا۔ احمد محمد کرے خبردار، چار یاراں ویکھ وکھائیا۔ حق حقیِقت پاوے سار، لاشریِک آپ اکھوائیا۔ اِک تاریخ دین گھر، ستاراں ہاڑ آپ جنائیا۔ جوتی جوت سروُپ ہرِ، آپ اپنی جوت دھر، کلجُگ ویکھے مات لڑائیا۔ کلجُگ ساچا مات لڑاؤنا، ہرِ ساچی بنت بنائندا۔ شبد سروُپی کٹک چڑھاؤنا، گوبِند سیوا لائندا۔ ایکا تیِر کمان پھڑاؤنا، ایکا چِلّہ آپ رکھائندا۔ جودھا سوُربیِر اِک اکھواؤنا، آپ اپنا بل وکھائندا۔ پنج تت کوئی نظر نہ آؤنا، ہرِ جوتی جوت جگائندا۔ شبد گُر وڈ کرم کماؤنا، کلجُگ انتم ویکھ وکھائندا۔ گُردر مسجِد مندر

سارا ڈھاؤہنا، جگت نِشان رہن نہ پائندا۔ مُلّا شیخ مسائق دستگیِر کوئی رہن نہ پاؤنا، نہ کوئی سنگ رکھائندا۔ کلمہ نبی رسوُل نہ کِسے پڑھاؤنا، نہ کوئی آئت سِکھائندا۔ اِک جہازے سرب چڑھاؤنا، پربھ ساچا آپ چڑھائندا۔ سوہنگ چّپوُ ساچا لاؤنا، نؤ کھنڈ پار کرائندا۔ جوتی جوت سروُپ ہرِ، آپ اپنی کِرپا کر، سمت پندراں دھار چلائندا۔ سمت پندراں مارے دھا، نیتر نیَن نیِر وہائیا۔ اُمت نبی رسوُل نہ دِسے کوئی راہ، چار یار رہے کُرلائیا۔ االلہ رانی گھر گھر کر بَیٹھی نانہہ، آپ اپنا مُکھ بھوائیا۔ پاربرہم پربھ بےپرواہ، دے مت رہیا سمجھائیا۔ کلجُگ انتم نِہکلنکا جامہ پا، اِمام مہِندی آپ اکھوائیا۔ مُکھ نِقابا اِک رکھا، پُنّ صوابا نہ کوئی جنائیا۔ حق جنابا آپ ہو جا، ساچا تازا رہیا دؤڑایا۔ دو دو آبہ میل مِلا، ساچا میلا میل مِلائیا۔ ایکا کعبہ دئے وکھا، چرن سرن سچّی سرنائیا۔ جوتی جوت سروُپ ہرِ، آپ اپنی کِرپا کر، اُمت نبی رسوُل ایکا سِکھیا دئے پڑھائیا۔ اُمت نبی رسوُل، ہرِ ساچا آپ سِکھائندا۔ شبد دو اکھّر نہ جائے بھوُل، روڑی سکّھر چرن چُھہائندا۔ دُھردرگاہی لایا پتّھر، نہ کوئی بھار اُٹھائندا۔ کوُڑ کُڑیارا لتھے ستّھر، نوُر الاہی آپ لُہائندا۔ االلہ رانی نیِر وہائے رو رو اتّھر، نہ کوئی دھیِر دھرائندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کالا سوُسا تن چُھہائندا۔ کالا سوُسا تن شنگار، ہرِ ساچی بنت بنائیا۔ عیسیٰ موُسیٰ ہاہاکار، دِوس ریَن رہے کُرلائیا۔ لِکھے لیکھ ہرِ اپر اپار، پہلی چیتر دِوس سُہائیا۔ شاہ پاک عِراق رہنا خبردار، پربھ ساچا رہیا جگائیا۔ انتم ہونا خاکی خاک، خاکی خاک مِلائیا۔ کِسے گھر نہ دِسے کُھلا تاک، دیِوا بتّی نہ کوئی جگائیا۔ نہ کوئی پالے دُلدُل راک، حسن حُسین نہ خوشی منائیا۔ اِمام مہِندی جوت سروُپی آپے رہیا جھاک، کلمہ کلام دئے پڑھائیا۔ کلمہ اِمام ہرِ سُلطانا، اپنا آپ جنایا۔ آپے ہوئے مِہربان مِہربانا، مِہربان آپ اکھوایا۔ آپے میٹے پنچ شیَطانا، شاہ ابِنوُس رہن نہ پایا۔ نہ کوئی اُٹھائے وِچوں قبرستانا، نہ کوئی حوُراں میل مِلایا۔ نہ کوئی پوَن نہ مسانا، نہ کوئی بخشے دو جہاناں، نہ کوئی ہوئے سہایا۔ سنگ محمد انتم وار سمت پندراں در دوارے آپ کُرلانا، ہرِ ساچے تیِر چلایا۔ جوتی جوت سروُپ ہرِ، آپ اپنی کِرپا کر، آپ اپنا پردہ پایا۔ نِہکلنک ہرِ جوت جگا، شبدی اِمام اکھوائیا۔ براہمن گؤڑا آپ ہو جا، گوبِند گڑھ سُہائیا۔ سمبل نگری ڈیرہ لا، مکّہ مدیِنہ پھیرا پائیا۔ پنڈت کاشی لئے جگا، جگت وِدیا دئے دُہائیا۔ ساچی سِکھیا دئے سِکھا، ایکا مت سمجھائیا۔ چار ورناں ایکا دھام دئے بہا، جوُٹھے جھوُٹھے میٹ مِٹائیا۔ مُسلم سُنّی کوئی رہنا ناہہ، پنڈت پاندھا نہ کوئی تِلک لگائیا۔ گرنتھی پنتھی نہ

سکے کوئی کِسے بچا، نہ ہووے کوئی سہائیا۔ پُرکھ ابناشی آپ اپنی جوت جگا، چاروں کُنٹ کرے رُشنائیا۔ شبد نِرالا تیِر چلا، لکھّ چؤراسی دئے کھپائیا۔ شاہ کنگالا ویکھ وکھا، دو جہاناں پھیرا پائیا۔ طالب طلب پوُری دئے کرا، غالب غلب آپ اکھوائیا۔ ثالث ہووے وِچ جہاں، سچ ثالثی آپ کرائیا۔ چار ورناں خالص خالصہ دئے بنا، ایکا منتر نام دِرڑائیا۔ جوتی جوت سروُپ ہرِ، آپ اپنی کِرپا کر، کلجُگ کوُڑ کرے جُدائیا۔ کلجُگ کوُڑا کل پردھان، کوُڑو کوُڑ سمایا۔ چاروں کُنٹ جھُلائے نِشان، اپنا ڈیرہ لایا۔ راج راجان شاہ سُلطانا مارے اِک بان، سچ مقام دِس کِسے نہ آیا۔ بھرمے بُھلے جیِو نادان، بھرمی بھرم بُھلایا۔ کِسے ہتّھ نہ آئے برہم گیان، آتم برہم نہ کِسے جنایا۔ کرم دھرم سرب تج جان، نیِتی دھوتی ویکھ وکھایا۔ گرنتھ پنتھ پڑھ پڑھ بہہ جان، گُر گوبِندا دِس نہ آیا۔ اُچے ٹِلّے پربت ویکھ جہان، پوُت سپوُتا براہمن گؤڑا آپے دھایا۔ نیِلے بستر مُلّا شیخ قاضی اِنجیِل قُرآن، االلہ ہوُ ہوُ نعرہ لایا۔ تُوں تُوں سُرتی وِچ پردھان، اِمام مہِندی دِس نہ آیا۔ جوتی جوت سروُپ ہرِ، آپ اپنی جوت دھر، نؤ کھنڈ کرے رُشنایا۔ نؤ کھنڈ ہرِ جوت جگاؤنی، ایکا جوت جگائیا۔ ورن گوت سرب میٹ مِٹاؤنی، بُھل رہے نہ رائیا۔ گُردر مندر مسجِد شِودوالا تیِرتھ تٹ کھیل مُکاؤنی، اکال پُرکھ میل مِلائیا۔ چرن دھوُڑ بخشے ساچی نہاؤنی، مُسلم ہِندوُ سِکھ عیِسائی ایکا گھر بہائیا۔ جننجو ٹِکاّ بودی سِٹا نہ کوئی مناؤنی، دھاری کیسا ویکھ وکھائیا۔ رُنڈ مُنڈ نہ سنت کراؤنی، شرع شریِعت نہ کوئی جنائیا۔ سوہنگ سِکھیا ساچی مالا اٹّھ اٹھوتر پربھ ساچے گل پاؤنی، من کا منکا دئے پِھرائیا۔ ایکا راگ ایکا دُھن ہرِ آپ اُپجاؤنی، ایکا سُرتال وجائیا۔ پوُر کرائے گھر گھر جا جا بھاؤنی، جو جن رسنا رہیا دِھیائیا۔ کلجُگ انتم کٹے ہاڑی لگّے پھل ساچی سااؤنی، پربھ ایکا پھل لگائیا۔ جن بھگتاں کایا اندر کری راؤنی، سمت چؤداں خوشی جنائیا۔ جوتی جوت سروُپ ہرِ، آپ اپنی کِرپا کر، کلجُگ ویکھے تھاؤں تھائنیا۔ کلجُگ کالا ساچا شیر، گھر ساچے آپ سُہائندا۔ آپے بَیٹھا ہو دلیر، آپ تماچے مُکھ لگائندا۔ لکھّ چؤراسی رہیا گھیر، بھانڈے کاچے بھنّ وکھائندا۔ نہ کوئی زبر نہ کوئی زیر، نہ کوئی نُقطہ وکھائندا۔ عیَن غیَن اُپر نہ نُقطہ ، غیَن نہ کوئی جنائندا۔ نہ کوئی سنجھ نہ کوئی سویر، پنج نمازا نہ کوئی پڑھائندا۔ نہ کوئی کوُجا نہ کوئی بانگ، نہ کوئی تسبیح نہ کوئی مالا، نہ کوئی سانگ ورتائندا۔ ایکا دئے نام سُکھالا، سوہنگ ساچا جاپ جپائندا۔ پرگٹ ہو پُرکھ اکالا، آپ اپنی دَیا کمائندا۔ دیِنا بندھپ دیِن دَیالا، دیِناں بندھوُ آپ اکھوائندا۔ گُرمُکھاں اندر بنائے پنج تت سچ دھرمسالہ، کایا گڑھ سُہائندا۔ دیِپک

جوت کر اُجیارا، اگیان اندھیر مِٹائندا۔ ملِے میل گوبِند گوپالا، گوبِند روُپ سمائندا۔ ساچا شبد کرے دلالا، اندر مندر کھوج کھوجائندا۔ نیڑ نہ آئے کال مہاکالا، در دوار آپ دُرکائندا۔ بھاگ لگائے کایا ماٹی ساچی کھالا، ساچا کھیڑا آپ سُہائندا۔ دیوے نام سچّا دھنّ مالا، چور یار لُٹ نہ کوئی لےَ جائندا۔ جوتی جوت سروُپ ہرِ، آپ اپنی کِرپا کر، گُرمُکھ آتم سیجا سچ مِرگشالا، آپ اپنا آسن لائندا۔ ہِندوُ مُسلم سِکھ عیِسائی، ایکا رنگ رنگائندا۔ ہوئے پرتکھ گوسائیں، اپنا سنگ نِبھائندا۔ نؤ کھنڈ پرِتھمی ستّاں دیِپاں ویکھ وکھائے تھاؤں تھائیں، آپ اپنا روُپ وٹائندا۔ آپے کر کر میلے لمیاں باہیں، چتربُھج دِس نہ آئیندا۔ جوتی جوت سروُپ ہرِ، آپ اپنی کِرپا کر، ایکا کلمہ سچ اِمامہ اِک جنائندا۔ نام دمامہ پائے شور، چار کُنٹ گھنگھورا۔ کلجُگ جیِو کڈھے چور، دھرم رائے ہتّھ رکھائے ڈورا۔ سمت سولاں اَگے دئے تور، چُکائے تورا مورا۔ جوُٹھ جھوُٹھ کھانی بھور بھور، کِسے ملِے نہ اَگے شورا۔ دُھر درگاہوں گئے رُٹھ، پنکھی پنچھی جیِو ڈھورا۔ پُرکھ ابناشی گیا تُٹھ، جن بھگتاں من چاؤ گھنیرا۔ جوتی جوت سروُپ ہرِ، آپ اپنی کِرپا کر، کرے کرائے حق نِبیڑا۔ حق نِبیڑا سچ خُدا، کرن کراونہارا۔ آپے کرے وکّھ جُدا، تولے تول سنسارا۔ سچ گھر جو ہوئے فِدا، دیوے اِک ہُلارا۔ ایکا راہ وکھائے ساچا سِدھا، دو جہاناں پار کنارہ۔ لاڑی مؤت پائے گِدھا، سمت پندراں دِوس وِچارا۔ نال رلائے نؤ نِدھاں، اٹھاراں سِدھاں بنّھے دھارا۔ جوتی جوت سروُپ ہرِ، آپ اپنی کِرپا کر، ویکھے کھیل چار یارا۔ چار یاری دیوے دھکّ، ہرِ ساچی بنت بنائیا۔ نہ کوئی سکے مات رکھ، چؤداں لوک مُکھ بھوائیا۔ چؤداں طبقاں ہو پرتکھ، آپ اپنا دھکاّ لائیا۔ چاروں کُنٹ اُڈنے ککھّ، کلجُگ کوُڑا دئے دُہائیا۔ پیِر دستگیِر شاہ حقیِر نہ کوئی سکے رکھ، گل زنجِیر نہ کوئی تُڑائیا۔ لکھّ چؤراسی پھل گیا پکّ، کلجُگ ساچی خوشی منائیا۔ لاڑی مؤت لئے پھک، آپ اپنے ہتّھ اُٹھائیا۔ بھگت سُہیلے کرے وکّھ، لِکھیا لیکھ آپ لِکھائیا۔ بھرے بھنڈارے ہوئے سکھ، سوہنگ وست جھولی پائیا۔ دِوس ریَن ہو پرتکھ، نِہکلنک وڈّی وڈیائیا۔ رو رو پُکارن گن گندھرب دیوَ یخ، یمن رہے کُرلائیا۔ جوتی جوت سروُپ ہرِ، آپ اپنی کِرپا کر، ایکا کلمہ رہیا سِکھائیا۔ کلمہ ساچا کل قلبوُت، نوُری نوُر سمایا۔ آپے دھاگا آپے سوُت، آپے تانا پیٹا پایا۔ آپے گیا روُٹھ، آپ اپنا لئے منایا۔ کلجُگ نگارہ وجّیا جھوُٹھ، انت رہن نہ پایا۔ االلہ رانی ہتّھ خالی ٹھوُٹھ، چاروں کُنٹ پھیرا پایا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، شاہ ایران لئے اُٹھایا۔ شاہ ایِرانے لِکھیا لیکھ، ہرِ ساچے جوت جگائیا۔

چؤداں کتّک دھریا بھیکھ، وڈ وڈّی وڈیائیا۔ سمت پندراں لئے ویکھ، در دوارے الکھ جگائیا۔ جوتی جوت سروُپ ہرِ، آپ اپنی کِرپا کر، آپ اپنا رنگ وٹائیا۔ رنگ وٹائے ہرِ بنوار، اپنا بھیکھ وٹایا۔ کالا سوُسا تن شنگار، مُکھ نقاب رکھایا۔ یا مُبین یا مُبین، آپ اپنا نعرہ لایا۔ مِحبان بیِدو ایکا اکھّر، بی خیَر یا الاہی آپ سُنایا۔ اجمتو کسمتو اجبوا اتلہا بھیوَ کِسے نہ پایا۔ جوتی جوت سروُپ ہرِ، آپ اپنی کِرپا کر، اچھل اچھل کھیل کِھلایا۔ دروہی خُدا خُدی چار یار، خُداوند آپ پُکاریا۔ دروہی پیِر دستگیِر مارے مار، دروہی دیوے نہ کوئی سہاریا۔ دروہی نبی رسوُل آئی ہار، در قبوُل نہ کوئی کرا رہیا۔ اُمت نبی رسوُل گئی بھوُل، اِمام مہِندی ایکا کلمہ آپ سُنا رہیا۔ ویکھے کھیل شاہ افغوُن، دِشا لہِندی جوت جگا رہیا۔ آپے بنیا دھاری موُن، آپ اپنا مُکھ بھوا رہیا۔ آپے نُقطہ بنیا نوُن، نوُن غوُنہ آپ ہو جا رہیا۔ جوتی جوت سروُپ ہرِ، آپ اپنی کِرپا کر، ایکا االلہ الاہی نوُر جنا رہیا۔ االلہ الاہی نوُر، حق حق اُپایا۔ آپے نیڑے آپے دوُر، ہرِ ساچا غریِب نوازیا۔ آپے چوٹی چڑھے کوہ طوُر، آپ اپنا سازن سازیا۔ آپے ہوئے شاہ غفوُر، چاروں کُنٹ پِھرے بھاجیا۔ آپے ہوئے حاضر حضوُر، ہیٹھ رکھے ساچا تازیا۔ اعلی االلہ مِٹائے جگت غروُر، پکڑ پچھاڑے شاہ نوابیا۔ پیِر فقیِراں کرے چوُرو چوُر، مُلّا شیخ نہ کرے کوئی حاجیا۔ جوتی جوت سروُپ ہرِ، آپ اپنی کِرپا کر، آپ اپنی کھیلے کھیل غریِب نوازیا۔ غریِب نواز مُقامے حق، اپنا حق رکھایا۔ نوُر الاہی ویکھے راہ رہیا تکّ، اِمام مہِندی کیہڑی کوُٹے آیا۔ اُمت نبی رسوُل پربھ ایکا پائے نک نتھ، ساچی ڈوری ہتّھ رکھایا۔ دوزخ دوزخی دیوے دھکّ، ایکا دھکاّ لایا۔ اِکّی سؤ وِچوں لئے رکھ، جِس جن اپنا چرن دھیان رکھایا۔ روڑی سکّھر ہو پرتکھ، لہنا لہنے دئے چُکایا۔ آپے کرے بھانڈے سِکھ، آپے دئے بھرایا۔ آپے کرنہارا وکّھ، آپے میل مِلایا۔ جوتی جوت سروُپ ہرِ، آپ اپنی جوت دھر، احباب اِک رباب رہیا وجایا۔ سچ احبابا ہرِ نوابا، ایکا ایک اکھوائندا۔ چرن ساچا دے رکابا، ساچی زینہ آسن لائندا۔ کوئی نہ جھلّے مات تابا، لوک تیِناں پھیری پائندا۔ آپے دئے پُنّ صوابا، انت عزابا آپ بُھگتائندا۔ آپے جا جا ویکھے مکّہ کعبہ، ساچا حاجی حج کرائندا۔ نال رلائے ساجن ساچا، ہرِ ساچا سنگ رکھائندا۔ جوتی جوت سروُپ ہرِ، آپ اپنی کِرپا کر، در دوارا ویکھ وکھائندا۔ اعلی شاہ اِک للکارا، اپنا آپ لگاونا۔ سمت پندراں ہو تیارا، تیرا روُپ وٹاونا۔ آپے ہوئے شاہ اَسوارا، شبد الاہی آپ اکھواونا۔ قُطب غؤث کر تیارا، ایکا دھؤنسا مات وجاونا۔ جوتی جوت سروُپ ہرِ، آپ اپنی کِرپا کر، تیرا ساچا

سنگ رکھاونا۔ تیرا ساچا سنگی جائے جاگ، پربھ ساچا آپ جگائندا۔ روالسر لگایا بھاگ، اِکّی سؤ کوس ویکھ وکھائندا۔ شاہ روُسا بنّھے تن تیرے تاگ، تیرا سگن منائندا۔ چیِنا لگّا دھووے داغ، سینہ پار کرائندا۔ بھارت کھنڈ ویکھے اِک نگیِنہ، قیِمت کرتے کوئی نہ پائندا۔ میٹ مِٹائے محمدی دیِنا، دیِن الاہی آپ اکھوائندا۔ آپے چاڑھے رنگ بھیِنا، ساچی بھٹّھی آپ تپائندا۔ دو جہانی دانا بیِنا، بیِنا دانا آپ اکھوائندا۔ آبِ حیات ایکا پینا، پربھ سوہنگ جام پیائندا۔ آبِ حیات در دوار، ہرِ ساچے آپ رکھایا۔ کلجُگ کالی لائی اِک قنات، دِس کِسے نہ آیا۔ نہ کوئی ریَن نہ کوئی پربھات، نہ کوئی سندھیا ویکھ وکھایا۔ نہ کوئی دِوس نہ کوئی رات، نہ کوئی چاندنی چند سوایا۔ نہ کوئی سوُرج کرے پرکاش، روَ سس نہ کوئی اُپایا۔ آپ اپنا ویکھے کھیل تماش، ویکھنہار آپ اکھوایا۔ جوتی جوت سروُپ ہرِ، آپ اپنی کِرپا کر، آپ اُپائے آپ کرے ناس، چِنتا سوگ نہ کوئی رکھایا۔ آپ اُپا آپ کھپا، آپے میٹ مِٹائیا۔ آپے کلمہ لیا پڑھا، آپے نعرہ لائیا۔ آپے آئت لئی سِکھا، آپے شرعیت رہیا بنائیا۔ آپ اپنا سبق سِکھا، سابق اِک رکھائیا۔ ساچا کُتب آپ اُپا، ساچی سِکھیا رہیا سِکھائیا۔ جوتی جوت سروُپ ہرِ، آپ اپنی کِرپا کر، آپ اُپائے آپ مِٹائے اپنے ہتّھ رکھے وڈیائیا۔ اُمت نبی رسوُل تیرا جگیا چراغ، کلجُگ جوت جگائیا۔ ہؤمے ہنگتا لگّے داغ، دُئی دوَیتی سنگ رکھائیا۔ پُرکھ ابناشی انتم کل گیا جاگ، نِہکلنکا جامہ پائیا۔ االلہ رانی ہوئے وِچھوڑا کنت سُہاگ، ساچی سیج نہ کوئی ہنڈھائیا۔ اٹّھے پہر اُٹھ اُٹھ رہی بھاج، ننگیں پَیریں پھیری پائیا۔ سِر اُٹھائی اپنی لاج، لاجاونت رہی شرمائیا۔ پاربرہم پربھ رچیا کاج، ساچا سگن منائیا۔ سَتجُگ ساچے مارے واج، لوک مات کرے کُڑمائیا۔ سمبل نگری آئے بھاج، گُر گوبِندا ویکھ وکھایا۔ سمت چؤداں رچیا کاج، چؤداں لوک کرے جنائیا۔ سمت پندراں چڑھے تاج، اندر مندر پھول پُھلائیا۔ بیڑا اُٹھائے غازی غاز، لیکھا کوئی رہن نہ پائیا۔ جوتی جوت سروُپ ہرِ، آپ اپنی کِرپا کر، آپ اپنی کھیل کِھلائیا۔ آپے کھیلنہار نِرنکارا، اپنی کل ورتائندا۔ دھوتی نیِتی پاوے سارا، تِلک لِلاٹی ویکھ وکھائندا۔ کھتری براہمن شوُدر وَیش بہائے اِک دوارا، آپ اپنا لیکھ لِکھائندا۔ ایکا دوُجا بھؤ نِوارا، ذات اذاتی رہن نہ پائندا۔ آپے کھولے سچ دوارا، اِک اِکانتی جوت جگائندا۔ پرگٹ ہو وِچ سنسارا، نِہکلنکا ناؤں رکھائندا۔ پُرکھ اگمّڑا اگمّڑی کارا، ایکا ڈنکا آپ وجائندا۔ لوآں پُریاں دئے ہُلارا، برہما وِشن شِو دیوت سُر آپ اُٹھائندا۔ نؤ کھنڈ پرِتھمی ستّاں دیِپاں پار کنارہ، ایکا دھکاّ لائندا۔ لکھّ چؤراسی تیری سُنے پُکارا، دھرم مات سنگ رلائندا۔ دھرنی

رووے زارو زارا، نیتر نیِر وہائندا۔ کلجُگ بھار نہ چُکیا جائے سارا، پھڑ پھڑ اُتوں آپ دبائندا۔ پُرکھ ابناشی ڈھیَہہ پئے دوارا، تیرا راہ اِک تکائندا۔ کلجُگ انتم پاوے سارا، میَں میرا موُل چُکائندا۔ کلجُگ جیِو ہوئے گوارا، گُر مت نہ کوئے رکھائندا۔ من مت بُدھ کریا سرب پیارا، مایا موہ چُکائندا۔ کام کرودھ لوبھ موہ تن شنگارا، جگت ہنکارا ویکھ وکھائندا۔ آسا منسا ترِسنا اٹّھے پہر رہے دوارا، نہ کوئی باہر کڈھائندا۔ ناری کنت نہ کوئی پیارا، نار دُہاگن ویکھ وکھائندا۔ پِتا پوُت نہ پاوے سارا، ماواں پُتراں ناتا تُڑائندا۔ بھَین بھرا نہ کوئی سہارا، نہ کوئی سنگ رکھائندا۔ بھئیا بیبا پار کنارہ، جگت بُڑھیپا نہ ویکھ وکھائندا۔ نہ کوئی ساجن سئیا پاوے سارا، ساچی نئیا نہ کوئی چڑھائندا۔ چار ورن پھڑ پھڑ ڈوبے وِچ منجھدھارا، کلجُگ اپنا کرم کمائندا۔ دھرت مات دی سُن پُکارا، پربھ ساچی دَیا کمائندا۔ بوَنجا اکھّر لیکھ اپارا، آپ اپنا پردہ پائندا۔ بوَنجا سال ہرِ کھیل اپارا، لوک مات تن ہنڈھائندا۔ پیَنتی اکھّری کر اُجیارا، پنج تیس آپ سمائندا۔ سنت منی سِنگھ سچ دُلارا، پیَنتی سال سیو کمائندا۔ چھتیویں سال پار کنارہ، چھتّی راگاں نال رلائندا۔ ایکا الکھ جگائے اِک دوارا، ایکنکارا منگ منگائندا۔ بھرنہار سرب بھنڈارا، اکُھٹ کدے نہ جائندا۔ جُگ جُگ دیوے کر پیارا، اتوٹ اتُٹ رکھائندا۔ کلجُگ انتم بنے آپ ورتارا، جوتی جامہ پائندا۔ رام کرِشن نہ پاوے سارا، پربھ ساچا شبد جنائندا۔ کرِشنا روُپ کرِشن مُرارا، کِشنا پکھّ سمائندا۔ کرِشن دوارکا ویکھ دوارا، بن بِندرا ڈیرہ لائندا۔ متھرا گوکل اِک چُبارا، گوال بالا سنگ نِبھائندا۔ نانک بنیا در بِھکھارا، ایکا منگن منگ منگائندا۔ پُرکھ ابناشی کر پیارا، نام سَت جھولی پائندا۔ گُر گوبِندا سُت دُلارا، آپ اپنی سیوا لائندا۔ ابناشی اچُت کھیل اپارا، جُگ جُگ رُت سُہائندا۔ کلجُگ انتم ویکھ کنارہ، آپ اپنی دَیا کمائندا۔ سمبل نگری دھام نیارا، گُر پوُرا آپ اُٹھائندا۔ شبد کھنڈا تیِر کٹارا، تن گاترے آپ لٹکائندا۔ جوتی نوُر کر اُجیارا، نوُرو نوُر سمائندا۔ سرِشٹ سبائی پاوے سارا، آپ اپنی سیوا لائندا۔ سمت چؤداں کر اُجیارا، گُرمُکھ ساچے مات جگائندا۔ سمت پندراں دئے ہُلارا، لکھّ چؤراسی آپ ہِلائندا۔ عیسیٰ موُسیٰ در بِھکھارا، ساچی بِھچھیا کوئی نہ پائندا۔ چیِنا روُسا اِک پیارا، ساچی ونڈ ونڈائندا۔ سوہنگ پھڑائے ہتّھ تِکھا آرا، دو دھڑ چیِر چِرائندا۔ مکّہ مدیِنہ پہلی دھارا، شاہ اَسوارا آپ وہائندا۔ سِنگھ منجیتے لائی اِٹا گارا، ڈوُنگھی نیہہ دھرائندا۔ سِنگھ جگدیِشا سچ دُلارا، سچ دربارا آپ سُہائندا۔ پرگٹے جوت ہرِ نِرنکارا، سچ سِنگھاسن اِک وکھائندا۔ کھیلے کھیل اپر اپارا، انوُپ انوُپا سَت سروُپا شاہو بھوُپا بھیوَ کوئی نہ

پائندا۔ چار ورن سُہائے اِک دوارا، ایکا گھر بہائندا۔ اوُچاں نیِچاں پار کنارہ، ذات پات نہ کوئی رکھائندا۔ دیِن مذہب نہ کوئی سہارا، نہ کوئی ونڈ ونڈائندا۔ مندر مسجِد نہ کوئی سُہائے گُر دوارا، اِٹاں گارا نہ کوئی لگائندا۔ ہڈّ ماس ناڑی رتّ محل اپارا، سِر اپنی تت ٹِکائندا۔ گھاس پھوُس اپر اپارا، پُھل پُھلواڑی آپ لگائندا۔ ناک کان اکّھ ناسکا گُدا لِنگ کھیلے کھیل اپارا، ساچا در آپ سُہائندا۔ آپے وسیا اندر باہرا، گُپت ظاہر آپ سمائندا۔ آپے کریا بند کِواڑا، آپے کُنڈا لاہِندا۔ آپے ہوئے دُھردرگاہی ساچا لاڑا، سیِس دستارا اِک سُہائندا۔ آپے ویکھے جگت اکھاڑا، لکھّ چؤراسی آپ ترائندا۔ آپ اُٹھائے اگمّی دھاڑا، گُر گوبِندا سیوا لائندا۔ آپے پِھرے جنگل جوُہ اُجاڑ پہاڑا، ڈوُنگھی کندر پھیرا پائندا۔ جوتی جوت سروُپ ہرِ، آپ اپنی کِرپا کر، کلجُگ تیرا گھر سُہائندا۔ کلجُگ کالے پایا گھول، چاروں کُنٹ اکھاڑا۔ کال نگارہ وجائے ڈھول، لوآں پُریاں رہیا پھول، آپ اُٹھائے ہؤلی ہؤل، اِک جَیکارا بول، پُرکھ ابناشی کیِتا قؤل، انتم ویلے جانا مؤل، صدی چؤداں دئے ہُلارا۔ جوتی جوت سروُپ ہرِ، آپ اپنی کِرپا کر، تیرا ویکھے سچ پیارا۔ صدی چؤدویں چؤداں طبق، ایکا رنگ رنگائیا۔ نال رلائے شاہ شمس، تب تبریز نہ کوئی رکھائیا۔ ویکھنہارا غؤش غمس، گہر گمبھیِر ویکھ وکھائیا۔ سنگ رلائے ترِسنا تامس تمس، تن رہی جلائیا۔ نہ کوئی حمزہ نہ کوئی میٹے ہوَس، نہ کوئی حِرس مِٹائیا۔ جوتی جوت سروُپ ہرِ، آپ اپنی کِرپا کر، االلہ تیری ایکا الف اپنے انگ لگائیا۔ ایکا عیَن ایکا دھار، نوُرو نوُر سمائیا۔ آپے بھیجے ہرِ نِرنکار، نِرگُن سرگُن میل مِلائیا۔ دوویں مُکھ تِکھی دھار، ساچی بنت بنائیا۔ آپے لمی دئے ڈار، دوویں مُکھ بھوائیا۔ ایکا نُقطہ دئے اُبھار، بے بستہ دئے بندھائیا۔ جوتی جوت سروُپ ہرِ، آپ اپنی کِرپا کر، الف االلہ اِک اکلّا ویکھ وکھائے تھاؤں تھائنیا۔ االلہ اِلاہی نوُر مہانا، اِلا بُت رکھایا۔ ایکا بنّھے ساچا گانا، ایکا رُت سُہایا۔ شاہ فقیِر ہرِ مؤلانا، ایکا الکھ جگایا۔ آپ اپنا کر قُربانا، اِک قُربانی رہیا کرایا۔ پرگٹ ہو مرد مردانہ، مرد مردانگی دئے دِکھایا۔ شبد سُت نؤجوانا، آپ اپنا بل دھرایا۔ پرگٹ ہو وِچ جہانا، شاہ سُلطاناں ویکھ وکھایا۔ ایکا چِلّہ تیِر کمانا، رسنا آپ چلایا۔ بوُرا ککاّ میٹ دئے نِشانہ، انت رہن نہ پایا۔ ایکا دیوے دھکاّ ہرِ نِگہبانا، مِہربانا ویکھ وکھایا۔ انتم چُھٹے پیِنا کھانا، بھر بھنڈار نہ کوئی دھرایا۔ سمت پندراں کر پروانہ، ہرِ ساچا سنگ نِبھایا۔ آپ سُنائے اپنا اِک ترانہ، سوہنگ سو جنایا۔ کھیلے کھیل گُنی نِدھانا، گُن ونتا آپ اکھوایا۔ جوُٹھ جھوُٹھ مِٹے کھانا، خاکی خاک مِلایا۔ پائے سار دیِن اِسلاما، دین الاہی ویکھ وکھایا۔ آپے جانے حق کلاما، ایکا کلمہ

نام پڑھایا۔ لکھّ چؤراسی بنے انتم تاما، جوتی جوت سروُپ ہرِ، آپ اپنی کِرپا کر، کلجُگ تیرا در سُہایا۔ کلجُگ تیرا کالا رنگ، کلجُگ کال کرے کُڑمائیا۔ سچ دوار نہ جائے لنگھ، پاربرہم رہیا ڈرائیا۔ پنج وِکارا رکھیا سنگ، اپنی جھولی مات بھرائیا۔ ہرِ ہرِ نہ گایا بتّی دند، رسنا جِہوا نہ ہِلائیا۔ جوت نِرنجن نہ چڑھیا ساچا چند، االلہ ہوُ نہ ویکھ وکھائیا۔ سرب جیِیاں آپے بخشند، کلجُگ انتم جوت جگائیا۔ جن بھگتاں خوشی کرائے بند بند، سمت چؤداں رُت سُہائیا۔ اِک سُنائے سُہاگی چھند، چار ورناں کرے کُڑمائیا۔ لکھّ چؤراسی تجنا مدرا ماس گند، رسنا بھوگ نہ کوئی لگائیا۔ میٹ مِٹائے جیِو آتم اندھ، دُرجن کوئی رہن نہ پائیا۔ موُرکھ مُگدھ بھاگاں مند، ہرِ بھگوان دِس نہ آئیا۔ آتم گیا پرمانند، نِجا نند نہ کوئے وکھائیا۔ ہؤمے ہنگتا وجّا جند، نہ کوئی سکے تُڑائیا۔ گُرمُکھ ساجن ساچے میِت میل مِلائے ہوئے بخشند، بخشنہار آپ اکھوائیا۔ جوتی جوت سروُپ ہرِ، آپ اپنی جوت دھر، کلجُگ میلا سہج سُبھائیا۔