۱۸ چیت ۲۰۱۵ بِکرمی دیِدار سِنگھ دے گھر پِنڈ جٹّا ضِلع امرتسر نِرگُن جوت انک روُپ وِچ
ہرِ کِرپا ہرِ جانیا، ہرجن میل مِلائے۔ پوُرن برہم پچھانیا، ہؤمے روگ جلائے۔ ایکا بخشے چرن دھیانیا، انتر نام ور کرائے۔ ایکا راگ سُنائے کانیا، انحد تال وجائے۔ شبد جنائی دُھر فرمانیا، جن ساچے لئے جگائے۔ جُگ جُگ ورتے اپنا بھانیا، سد بھانے وِچ سمائے۔ کلجُگ انتم ویکھ وکھانیا، جوتی جامہ بھیکھ وٹائے۔ پکڑ اُٹھائے سُگھڑ سیانیا، راج راجاناں دئے ہِلائے۔ اِک جھُلائے دھرم نِشانیا، دو جہاناں ویکھ وکھائے۔ پرگٹ ہوئے سِری بھگوانیا، سَتجُگ ساچا مارگ لائے۔ چار ورن دیوے مانیا، ایکا دوُجا بھؤ چُکائے۔ ایکا نام گُن نِدھانیا،
گُنونتا آپ رکھائے۔ گُرمُکھ ساجن ویکھ وکھانیا، جوتی جوت سروُپ ہرِ، آپ اپنی جوت دھر، جوتی جوت جگائے۔ ہرِ رنگ ہرِ ہرِ ویکھیا، پوُرن برہم وِچار۔ ہرِ سَتگُر ساچا پیکھیا، درس اگمّ اپار۔ جُگ جُگ لِکھنہارا لیکھیا، آد انتا ایکنکار۔ آپے جانے اپنا ویسیا، آپ اپنی پائے سار۔ اپنی جوتی آپ پرویشیا، آپے شبد ہوئے جَیکار۔ آپے ہوئے در درویشیا، آپے منگنہار بِھکھار۔ آپے لاؤنہارا میخیا، گُرمُکھ ساجن لئے اُبھار۔ جوتی جوت سروُپ ہرِ، آپ اپنی جوت دھر، جوتی جوت کرے اُجیار۔ ہرِ ساجن ہرِ میِتڑا، ہرِ ہرِ رنگ سمائے۔ ہرِ چلائے جگت انڈیِٹھڑا، دِس کِسے نہ آئے۔ اپنا بھانا جانے میِٹھڑا، جُگ جُگ رہیا ورتائے۔ کلجُگ کایا کؤڑا ریِٹھڑا، انتم بھنّ وکھائے۔ گُرمُکھ کایا چولی چاڑھے رنگ مجیِٹھڑا، اُتر کدے نہ جائے۔ جوتی جوت سروُپ ہرِ، آپ اپنی جوت دھر، جوتی نوُر کرے رُشنائے۔ ہرِ ساجن ہرِ رنگ رتیا، ہرِ ہرِ موُل پچھان۔ آپے دیونہارا متیا، آپے دیوے جیِیا دان۔ سَت سنتوکھ دھیِرج ستیا، چرن دھوُڑ سچّا اشنان۔ لہنا دینا چُکائے تیِرتھ اٹھسٹھیا، نیتر نیَن لوچن جو جن درشن پان۔ جوتی کرے رُشنائی لٹ لٹیا، سُنے سُنائے شبد سچّی دُھنکان۔ بھاگ لگائے کایا مٹیا، ہرِ شبد گُر مِہربان۔ ہرجن آون جاون کٹیا، جِس مِلیا نام نِشان۔ کوُڑ منارا کلجُگ ڈھٹّھیا، سَتجُگ ویکھے مار دھیان۔ پربھ گیڑنہارا اُلٹی لٹّھیا، نہ کوئی جانے وید پُران۔ پنج تت گھر گھر اگنی لگّی مٹّھیا، نہ کوئی سہائی اِنجیِل قُرآن۔ کھیلے کھیل ہر گھٹ گھٹیا، ہر گھٹ ویکھے مار دھیان۔ گُرمُکھ وِرلے لاہا کھٹّیا، جِس جن بخشے چرن دھیان۔ کلجُگ کھیل بازی گر نٹیا، سوانگی سوانگ کرے بھگوان۔ لوک مات آیا نٹّھیا، جوتی جوت جگے مہان۔ امرت آتم ہرجن جھٹّیا، داتا دانی وڈ مِہربان۔ جوتی جوت سروُپ ہرِ، آپ اپنی جوت دھر، اِک جھُلائے سچ نِشان۔ سچ نِشانہ سچ گھر، ہرِ ساچا آپ جھُلائندا۔ آپے دیونہارا ور، اپنی جھولی پائندا۔ آپے ناری آپے نر، نر نرائن آپ ہو جائندا۔ اپنی کرنی آپے کر، کرتا پُرکھ آپ اکھوائندا۔ آپ اپنا جانے ڈر، نِربھؤ اپنا روُپ وٹائندا۔ آپ اپنا ویکھے سر، سر سروور اِک سُہائندا۔ جُگ جُگ ساچا گھاڑن گھڑ، سَتگُر بھیکھ وٹائندا۔ ہر گھٹ اندر آپے وڑ، ہرجن ویکھ وکھائندا۔ لکھّ چؤراسی آپے لڑ، آپے میٹ مِٹائندا۔ برہما وِشن شِو دیوت سُر آپ پھڑائے اپنا لڑ، بندھن بندھ بندھائندا۔ تریَلوک اُپائے قِلعہ گڑھ، دِس کِسے نہ آئیندا۔ چؤداں لوکاں اَگے کھڑ، آپ اپنا حُکم چلائندا۔ نہ کوئی سیِس نہ کوئی دھڑ، پنج تت نہ کوئی رکھائندا۔ ساچے مندر آپے چڑھ، نام سِنگھاسن آسن لائندا۔ جن بھگتاں جوت جگائے بہتّر ناڑ، اگیان
اندھیر مِٹائندا۔ اگنی ہوَن نہ جائے سڑ، مڑھی گور نہ کوئی دبائندا۔ آپ اپنی لائے جڑ، اپنی آپ آپ اُکھڑائندا۔ اپنا اکھّر آپے پڑھ، جُگ جُگ آپ چلائندا۔ جوتی جوت سروُپ ہرِ، آپ اپنی جوت دھر، جوتی جامہ ویس وٹائندا۔ جوتی جامہ آد نِرنجن، پاربرہم ابناشا۔ بھگت سُہیلا ساچا سجّن، آد انت نہ کدے وِناسا۔ کلجُگ انتم آیا پڑدے کجّن، ویکھ وکھانے پرِتھمی آکاشا۔ نؤ کھنڈ پرِتھمی سَت دیِپ کھنڈ برہمنڈ جیرج انڈ اُتبُھج سیتج کال نگارے وجّن، ہرِ کھیلے کھیل تماشا۔ لکھّ چؤراسی بھانڈے بھجّن، لہنا دین چُکائے دس دس ماسا۔ سنت سُہیلے گُروُ گُر چیلے گُرچرن دوارے بہہ بہہ سجّن، سچ منڈل پاوے راسا۔ راج راجان شاہ سُلطان در دوار گھر گھر تجن، کِسے ہتّھ نہ آئے ماٹی کاسہ۔ کلجُگ کوُڑ چلائے اپنا جہازن، منمُکھ جیِواں اندر کرے واسا۔ جوُٹھا جھوُٹھا مِلیا تاجن، مایا ممتا پائی راسا۔ سَتگُر پوُرا پاربرہم ابناشی کرتا، جوتی جوت سروُپ ہرِ، آپ اپنی جوت دھر، آپے جانے اپنی راسا۔ آپ اپنی جوت جگا، اپنی کل ورتائیا۔ نِرگُن سرگُن کھیل کِھلا، گُر چیلا روُپ اکھوائیا۔ پنج تت گیا سما، دِس کِسے نہ آئیا۔ گُر گوبِند میلا سہج سُبھا، ہرِ ساچا رہیا کرائیا۔ کلغی توڑا نام لگا، جوتی جوڑا ویکھ وکھائیا۔ ساچے گھوڑے رہیا چڑھا، نیِلے والا بےپرواہیِا۔ دو جہانی پؤڑا ایکا لا، لوک مات پھیرا پائیا۔ پوُت سپوُتا براہمن گؤڑا ویکھ وکھا، وید ویاسا لئے جگائیا۔ سمبل نگری ڈیرہ لا، ساڈھے تِنّ ہتّھ دئے سُہائیا۔ مِٹھا کؤڑا ویکھ وکھا، لکھّ چؤراسی پھول پھولائیا۔ جن بھگتاں آتم انتر لگّی اؤڑا دئے بُجھا، امرت میگھ اِک برسائیا۔ جوتی جوت سروُپ ہرِ، آپ اپنی جوت دھر، جوتی جوت رہیا سمائیا۔ جوتی نوُر کر پرکاش، کھیلے کھیل کھیلنہارا۔ سرب جیِیاں ہرِ کریا واس، اندر باہر گُپت ظاہرا۔ جُگ جُگ جن بھگتاں پوُری کردا آیا آس، آد انت اِک اوتارا۔ لیکھے لائے سواس سواس، نِرگُن روُپ نانک نِرنکارا۔ ساچے منڈل پاوے راس، ایکا نوُر کرے اُجیارا۔ پرگٹ ہویا شاہو شاباش، نِہکلنک نرائن نر اوتارا۔ آپے جانے رُت ماہ دِوس ماس، آپے ویکھ وکھانے جگت پسارا۔ آپے کرنیہارا ناس، دیونہارا سرب بھنڈارا۔ جوتی جوت سروُپ ہرِ، آپ اپنی جوت دھر، کھیلے کھیل اپر اپارا۔ اپر اپارا ہرِ ہرِ کھیل، جُگ جُگ آپ کِھلایا۔ کلجُگ میلا گُروُ گُر چیل، گُر چیلا روُپ سمایا۔ سکھا سہائی سجّن سُہیل، ایکا ایک اکھوایا۔ آپے وسیا رنگ نویل، رنگ راتا ہرِ رگھُرایا۔ جن بھگتاں دھرم رائے دی کٹے جیل، آون جاون پھند کٹایا۔ شبد دوارے ساچا میل، سُرتی سُرت سمایا۔ جوت نِرنجن چاڑھے تیل، پنچم سخیاں منگل گایا۔ انحد میلا آپے میل، دُھن انادی اِک
وجایا۔ جوتی جوت سروُپ ہرِ، آپ اپنی جوت دھر، آپ اپنا ویکھ وکھایا۔ اپنا ویکھنہار سمرتھا، ہرِ ہرِ آپ اکھوائندا۔ جُگ جُگ چلائے اپنا رتھا، رتھ رتھواہی آپ ہو جائندا۔ لکھّ چؤراسی پائے نتھا، شبد ڈوری تند بندھائندا۔ آپ چلائے اپنی کتھا، اکتھ کتھا نہ کوئی لیکھ لِکھائندا۔ ہرجن راکھے دے کر ہتّھا، سیِس اپنا ہتّھ ٹِکائندا۔ دُھردرگاہی نام وتھا، سرِشٹ سبائی لیکھ لِکھائے مستک متھا، لہنا دینا موُل چُکائندا۔ جوتی جوت سروُپ ہرِ، آپ اپنی جوت دھر، آپ اپنا رنگ رنگائندا۔ رنگ رنگائے ہرِ چلوُل، ایکا ایکنکاریا۔ پرگٹ ہوئے کنت کنتُوہل، جن ساجن میِت مُراریا۔ سچ پنگھوُڑا جائے جھوُل، گُرمُکھ دیوے اِک ہُلاریا۔ نام پھڑائے سچ ترِسوُل، پنچ وِکارا کرے خواریا۔ لہنا دینا آپ چُکائے موُل، کلجُگ انتم لئے اوتاریا۔ گُر گوبِند تیری پُھل پُھلواڑی جائے پھوُل، ہرِ ویکھے سِرجنہاریا۔ تیرا تیرے گئے بھوُل، تیرا انت نہ پاراواریا۔ سچ سِنگھاسن ہرِ بِراجے نہ کوئی پاوا نہ کوئی چوُل، اکال تخت اِک وکھا رہیا۔ جوتی جوت سروُپ ہرِ، آپ اپنی جوت دھر، آپ اپنا انگ لگا لیا۔ انگیکار اپنا کر، ایکا سنگ نِبھائندا۔ ساچا سنگی ساچا ہرِ، ساچا دھام سُہائندا۔ نام کٹار کر ننگی ویکھے در در، کلجُگ انتم پھیرا پائندا۔ اِک وجائے مردنگی اُپر چڑھ، لوآں پُریاں آپ اُٹھائندا۔ برہما نیتر نیِر وِرولے زارو زار، لوک مات راہ تکائندا۔ شِو شنکر اٹّھے پہر رہیا کھڑ، باسک تشکا مُکھ بھوائندا۔ کروڑ تیتیِسا رہیا لڑ، امرت جام نہ کوئی پیائندا۔ سُرپت راجا اِند ہرِ شبد سروُپی آپے پھڑ، ویلا انت وکھائندا۔ تریَلوک ویکھے آپے کھڑ، ویکھنہار دِس نہ آئیندا۔ لوک مات نؤ کھنڈ سرِشٹ سبائی ہویا ہنکاری گڑھ، لکھّ چؤراسی وِچ وسائندا۔ کلجُگ انتم لئے پھڑ، نہ کوئی کِسے بچائندا۔ راج راجان وہے ہڑ، دھیِرج دھیِر نہ کوئی دھرائندا۔ گُروُدوارے مندر مسجِد اندر مُلّا شیخ پنڈت پاندھے گرنتھی پنتھی رہے پڑھ، ہرِ ساچا دِس نہ آئیندا۔ گُر گوبِند پھڑیا ساچا لڑ، ہرِ ساچا میل مِلائندا۔ واہِگُروُ اکھّر ایکا پڑھ، ایکنکار روُپ سمائندا۔ دو جہانی آپے رہیا لڑ، نِرگُن سرگُن ویس وٹائندا۔ جوتی جوت سروُپ ہرِ، آپ اپنی جوت دھر، سمت سمتی پھیرا پائندا۔ سچّا سَتگُر مِہربان، شبد گُر انادیا۔ ہرِ ہرِ دیوے جیِیا دان، ویکھ وکھائے برہم برہمادیا۔ جُگ جُگ کھیلے کھیل مہان، دُھر دی بان آد جُگادیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، اپنی وست آپے لادھیا۔ ہرِ شبد ہرِ روُپ، ہرِ سمایا۔ سَتگُر شاہو بھوُپ، گُرمُکھ ویکھے چارے کوُٹ، دہ دِشا پھیرا پایا۔ منمُکھ ناتا جوُٹھ جھوُٹھ، نِندک نِندیا مُکھ رکھایا۔ کلجُگ انتم گیا تُوٹھ، ہرِ گوبِند میل
مِلایا۔ جوتی جوت سروُپ ہرِ، آپ اپنی جوت دھر، نِرگُن سرگُن وِچ سمایا۔ ہرِ شبد ہرِ دھار، ہرِ ہرِ آپ چلائیا۔ سَتگُر پوُرا پاوے سار، وڈ وڈّی وڈیائیا۔ گُرمُکھ ساجن لئے اُبھار، بخشے چرن سچّی سرنائیا۔ منمُکھ ڈوبے وِچ منجھدھار، کلجُگ کوُکے دئے دُہائیا۔ پرگٹ ہو وِچ سنسار، ایکا ڈنکا رہیا وجائیا۔ جوتی جوت سروُپ ہرِ، آپ اپنی جوت دھر، نِرگُن سرگُن کھیل کِھلائیا۔ ہرِ شبد ہرِ سنگ، ہرِ اُپایا۔ سَتگُر پوُرا نام وجائے مردنگ، لوآں پُریاں رہیا سُنایا۔ گُرمُکھ منگے ساچی منگ، ایکا جھولی نام بھرایا۔ منمُکھ جیِو ہوئے ننگ، شبد بستر نہ تن ہنڈھایا۔ سَتگُر پوُرا چاڑھے رنگ، جِس جن اپنی دَیا کمایا۔ جوتی جوت سروُپ ہرِ، آپ اپنی جوت دھر، نِرگُن سرگُن ویکھ وکھایا۔ ہرِ شبد ہرِ میِت، ہرِ ہرِ میل مِلایا۔ سَتگُر گائے سُہاگی گیِت، ایکا راگ الایا۔ ہرجن بَیٹھا رہے اتیِت، اِک دھیان لگایا۔ منُمکھاں ویلا رہیا بیِت، ویلا گیا ہتّھ نہ آیا۔ سَتگُر پوُرا کایا کرے ٹھنڈی سیِت، جِس جن اپنی دَیا کمایا۔ جوتی جوت سروُپ ہرِ، آپ اپنی جوت دھر، نِرگُن سرگُن کھوج کُھجایا۔ ہرِ ہرِ شبد ملاح، ہرِ ہرِ آپ اُپایا۔ گُر پوُرا دئے نام صلاح، ایکا منتر نام درڑایا۔ گُرمُکھ ساجن پکڑے بانہہ، کل بیڑا پار کرایا۔ منمُکھ جیِو کر بَیٹھے نہ، رائے دھرم دئے سزایا۔ سَتگُر پوُرا دیوے ساچا تھاں، تِھر گھر ساچا اِک وکھایا۔ جوتی جوت سروُپ ہرِ، آپ اپنی جوت دھر، نِرگُن سرگُن ہوئے سہایا۔ ہرِ ہرِ شبد اتُٹ، ہرِ ہرِ آپ ورتائندا۔ سَتگُر پوُرا لاہا لُٹ، ایکا روُپ سمائندا۔ گُرمُکھاں دیوے نام گھُٹ، ایکا جام پِلائندا۔ منمُکھ در دواریوں کڈھے کُٹ، ساچی وست نہ کوئی وکھائندا۔ سَتگُر پوُرا جائے تُٹھ، ہرجن ساچے میل مِلائندا۔ جوتی جوت سروُپ ہرِ، آپ اپنی جوت دھر، نِرگُن سرگُن رنگ رنگائندا۔ ہرِ شبد ہرِ بھنڈار، ہرِ ہرِ آپ ورتایا۔ سَتگُر پوُرا لےَ اوتار، جُگ جُگ ویس وٹایا۔ گُرمُکھ ساجن لائے پار، ساچا بیڑا لئے چلایا۔ منمُکھ روون زارو زار، دھیِرج دھیِر نہ کوئی دھرایا۔ سَتگُر پوُرا ہرِ نِرنکار، ایکا ایک اکھوایا۔ جوتی جوت سروُپ ہرِ، آپ اپنی جوت دھر، نِرگُن سرگُن سنگ نِبھایا۔ ہرِ شبد ہرِ دھار، ہرِ ہرِ آپ چلائیا۔ سَتگُر پوُرا پاوے سار، سچ سُچ وڈّی وڈیائیا۔ گُرمُکھ ساجن ڈھیَہہ پئے دوار، میل مِلائے بےپرواہیِا۔ منمُکھ جیِو ہوئے خوار، تھائین نہ کوئی پائیا۔ سَتگُر پوُرا سِرجنہار، سبناں دیوے رِزق سبائیا۔ جوتی جوت سروُپ ہرِ، آپ اپنی جوت دھر، نِرگُن سرگُن ایکا دھام سُہائیا۔ نِرگُن دھام ہرِ نِرنکار، ایکا ایک سُہایا۔ جوتی جوت اگمّ اپار، نہ کوئی لیکھا لیکھ لِکھایا۔ نہ کوئی مندر چار دیِوار، گگن پاتال نہ کوئی
سُہایا۔ منڈل منڈپ نہ کوئی پسار، آکاش پرکاش نہ کوئی دسایا۔ دھرت دھوَل نہ کوئی آکار، روَ سس نہ کوئی رُشنایا۔ برہمنڈ کھنڈ نہ کوئی وِچار، جیرج انڈ نہ کوئی بنایا۔ ساچے گھر سچّی سرکار، آپ اپنا آسن لایا۔ آپے جانے اپنی کار، جُگ جُگ کردا آیا۔ برہما وِشن شِو سیوادار، سیوک سیوا رہیا کمایا۔ آپے لیکھا لیکھ لِکھار، برہما برہم جنایا۔ پاربرہم پوُرن گُر اوتار، آد جُگادی آپ اکھوایا۔ آپے کھنڈا تیز کٹار، آپ اپنے تن لٹکایا۔ آپے مارنہارا مار، برہمنڈاں کھوج کھوجایا۔ روُپ انوُپا ہرِ کرتار، نِرگُن ویس وٹایا۔ سَتجُگ تریتا کریا پار، دواپر موُل چُکایا۔ کلجُگ انتم ویکھ وِچار، جوتی جامہ بھیکھ وٹایا۔ بِپر سُداما لائے پار، آپ اپنے انگ لگایا۔ نام نامہ اِک ادھار، نِرمل جوتی دیِپ جگایا۔ کرِشنا شاما ہرِ کرتار، رگھونسا ویکھ وکھایا۔ ویکھ وکھائے سنگ محمد چار یار، عیسیٰ موُسیٰ سنگ رلایا۔ االلہ رانی سُن پُکار، پروردِگار ویس وٹایا۔ اَناالحق رہی پُکار، ایکا نعرہ لایا۔ مُقامے حق خبردار، آپے آپ ہو آیا۔ انت نبی رسوُلاں نِکیل پائے نک، ایکا ڈوری رہیا اُٹھایا۔ مکّہ مدیِنہ ویکھے ڈھک، اُنی اُنیِسا پھیری پایا۔ اِمام مہِندی رہے راہ تکّ، اغیَب اغیَبی ہوئے سُہایا۔ مُکھ نقاب ایکا رکھ، دُئی دوَیتی پردہ دیوے لاہیا۔ ویکھ وکھائے حقیِقت حق، لاشریِک آپ خُدایا۔ کلجُگ انتم پھل گیا پکّ، صدی چؤدھویں دئے کھوایا۔ ہرجن ساچے لئے رکھ، آپ اپنا درس دِکھایا۔ پرگٹ ہو ہرِ پرتکھ، جوتی جوت کرے رُشنایا۔ سرب کلا آپے سمرتھ، نِہکلنک اکھوایا۔ سیِتا سُرتی سوانی چڑھائے سوہنگ ساچے رتھ، رام راما پھیرا پایا۔ موہن مادھوَ لکھمی نرائن کھیل کرے اکتھنا اکتھ، رتھ رتھواہی اِک اکھوایا۔ نانک انگد لائے ،گُرمُکھ ساچے لئے ترایا۔ امرداس جگ کریا وکّھ، ایکا دھام سُہایا۔ رام داس بھنڈارے بھرے سِکھ، امرت تال سُہایا۔ گُر ارجن پتّ لئی رکھ، گوجھ گیان بودھ اگادھ جنایا۔ گُر گوبِندے ہو پرتکھ، ہرِ گوبِند روُپ وٹایا۔ ہررائے الکھنا الکھ، لیکھا لیکھ لِکھایا۔ ہرکرِشن بال اوستھا گیا نٹّھ، ہرکرِشنا ہرِ سمایا۔ گُر تیغ بہادر جگت منارا گیا ڈھٹّھ، دھرم منارا دئے اُپایا۔ بیِس بیِسا ہرِ جگدیِشا نؤ کھنڈ پرِتھمی گیڑے آپے لٹّھ، در دِلّی پھیرا پایا۔ گُر گوبِندے کریا اکٹّھ، ساچا دھام سُہایا۔ ترےَگُن مایا اگنی مٹّھ، پنچم جھولی پایا۔ لہنا دینا چُکائے تیِرتھ اٹھسٹھ، جِس جن سَتگُر پوُرے درشن پایا۔ کلجُگ کوُڑ کُڑیارا پائے بھٹّھ، ایکا اگن ہوَن نیَناں نیَن آپ کرایا۔ جوتی جوت سروُپ ہرِ، آپ اپنی جوت دھر، نِرگُن سرگُن میل مِلایا۔ سرگُن میلا ساچے گھر، ہرِ ساچا آپ کرائندا۔ آپے کرے بند در، آپے کھول کُھلائندا۔ آپے بَیٹھا اندر وڑ، آپے مُکھ چُھپائندا۔ آپ پھڑائے اپنا لڑ،
آپے سنگ تُڑائندا۔ آپے اُپائے قِلعہ گڑھ، آپے میٹ مِٹائندا۔ آپے بَیٹھا انند پُری چڑھ، آپے مُکھ بھوائندا۔ ایکا اکھّر ساچا پڑھ، جگت وِدیا موُل چُکائندا۔ ایکا جوتی ساچے ہرِ، ایکا ہرِ گُن گائندا۔ ورن گوتی چُکیا ڈر، چار ورناں میٹ مِٹائندا۔ پنچم پنچم اپنا آپے دھر، پنچم جوت جگائندا۔ پنچم نُہائے ساچے سر، پنچم امرت جام پیائندا۔ پنچم لیکھے لائے سیِس دھڑ، کھنڈا کھڑگ اِک چمکائندا۔ پنچم آپے لئے پھڑ، گُر سنگت مُکھ رکھائندا۔ پنچم چرنی آپے گیا پڑ، اپنی جھولی اَگے ڈاہِندا۔ اِک اکلّا سرِشٹ سبائی ویکھے کھڑ، سچ محلہ اِک وسائندا۔ اکال موُرت نہ کوئی ہاڈی ماس نڑ، سیِس دھڑ نہ کوئی جنائندا۔ جوتی جوت سروُپ ہرِ، آپ اپنی جوت دھر، اِک سُہائے ساچا در، سچ دروازہ غریِب نوازا ایکا ایک سُہائندا۔ ایکا اَسو گھوڑا تازا، ایکا گُر چڑھایا۔ ایکا رکھنہارا لاجا، جُگ جُگ آپ اکھوایا۔ انتم پرگٹ ہوئے دیس ماجھا، جوتی جامہ بھیکھ وٹایا۔ سمبل نگر ساچو ساچا، بھیوَ کوئی نہ پایا۔ جن بھگتاں رکھن آیا لاجا، جُگ جُگ آپ اکھوایا۔ لکھّ چؤراسی رچیا کاجا، ساچا سگن منایا۔ جوُٹھ جھوُٹھ دیوے داجا، منمُکھ جیِواں دیوے گنڈھ بندھایا۔ لاڑی مؤت دِوس ریَن مارے واجا، کال دوارے پھیرا رہیا پایا۔ جوُٹھ جھوُٹھ چلیا اِک جہازا، کلجُگ کوُڑا لئے چلایا۔ سَتجُگ لوک مات آئے بھاجا، بیِس بیِسا راہ تکایا۔ کِسے سیِس نہ دِسے کوئی تاجا، راج راجاناں شاہ سُلطاناں خاک مِلایا۔ چار ورن ایکا سرن ایکا ایک ہوئے غریِب نوازا، غریِب نِمانے گلے لگایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نِرگُن سرگُن ہوئے سہایا۔ نِرگُن روُپ ہرِ نِرنکار، ایکا ایک اکھوایا۔ سرگُن دیوے شبد دھار، شبدی شبد اُپایا۔ آپے اپنا کر پیار، اپنی کارا رہیا کمایا۔ بھرم بُھلا سرب سنسار، بھرم گڑھ نہ کوئی تُڑایا۔ اُچی کوُک رہے وِچار، نیتر نیَن اُٹھایا۔ گُر گوبِند تیرا درس اپار، جپ تپ سنجم سچ اِک وکھایا۔ ایکا کھنڈا اِک کٹار، تن گاترے آپ لٹکایا۔ پنچم میِتا سُہائے بنک دوار، آتم درسی درس دِکھایا۔ ہست کیِٹ رہیا وِچار، اوُچاں نیِچاں لئے مِلایا۔ چار ورن اٹھاراں برن کرے خبردار، پنڈت پاندھا سویا کوئی رہن نہ پایا۔ اِک اکلّا شبد محلہ رہیا اُسار، لکھّ چؤراسی دئے وسایا۔ جلاں تھلاں پاوے سار، جنگل جوُہ اُجاڑ پہاڑ ڈوُنگھی کندر ہوئے سہایا۔ سادھ سنت لئے اُبھار، آپ اپنا کرم کمایا۔ ایکا لِو اِک جوت، ایکا ورن ایکا گوت، سرِشٹ سبائی ہرِ شبد لاگی، جوتی جوت سروُپ ہرِ، آپ اپنی جوت دھر، جوتی جوت کرے کُڑمائیا۔ چار ورن اِک دوارا، اِک بھنڈارا ورتایا۔ اِک شبد اِک پیارا، ایکا راہ وکھایا۔ ایکا میِت اِک مُرارا، ایکا مارگ لایا۔ ایکا
گیِت اِک سُنارا، ایکا تال وجایا۔ ایکا ریِت وِچ سنسارا، سَتگُر پوُرا دئے چلایا۔ نؤ کھنڈ پرِتھمی سرِشٹ سبائی بنّھے سیِس دستارا، نہ کوئی موُنڈ مُنڈایا۔ پرگٹ ہوئے نِہکلنک نرائن چوَھیاں اوتارا، گُر گوبِند لِکھیا لیکھ بیِس بیِسا کرے کرائے خبردارا، آپ اپنا ڈنک وجایا۔ اِک سُنائے سچ جَیکارا، دو جہاناں آپ الایا۔ پاربرہم تیرا انت نہ پاراوارا، آد انت نہ کِسے پایا۔ جُگ جُگ اپنا لےَ اوتارا، جُگ جُگ ویس وٹایا۔ کلجُگ ساچا ویکھے اِک دوارا، ویلا انتم آیا۔ کوَن کوُٹے ہرِ لئے اوتارا، کوَن روُپ ہوئے رُشنایا۔ کوَن جھوُٹا دئے سنسارا، کوَن بیڑا پار کرایا۔ جوُٹھا جھوُٹھا بوُٹا ہویا تیارا، پھل پُھلواڑی ویکھ وکھایا۔ سمت سولاں کرے پیارا، پروردِگار آپ اکھوایا۔ نوُر الاہی ایکا نعرہ، نر نرائن نر دئے جنایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، جوتی جامہ بھیکھ دھر، نِرگُن سرگُن اِک کر، ایکا گھر وسایا۔ گُرمُکھ وڈیائی دھنّ، ہرِ نامہ دھن پایا۔ گُرسِکھ وڈیائی دھنّ، ہرجن میل مِلایا۔ گُرسِکھ وڈیائی دھنّ، ہرِ ہرِ ویکھ وکھایا۔ گُرسِکھ وڈیائی دھنّ، جوتی جوت سروُپ ہرِ، آپ اپنی جوت دھر، پوُرب لہنا جھولی پایا۔ گُرسِکھ وڈیائی دھنّ، پوُرن آس کرایا۔ گُرسِکھ وڈیائی دھنّ، پرِتھمی آکاش ہرِ سُہایا۔ گُرسِکھ وڈیائی دھنّ، ساچا مندر اِک سُہایا۔ گُرسِکھ وڈیائی دھنّ، سواس سواس لیکھے لایا۔ گُرسِکھ وڈیائی دھنّ، دس دس ماس نہ پھیرا پایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، در دوار درس دیِدار سِنگھ دیِدار اِک وکھایا۔