۱۵ بھادروں ۲۰۱۵ بِکرمی کرنَیل سِنگھ دے گھر ڈوگر بستی فریدکوٹ شہر
نرگُن جوت ہرِ نِرنکار، جوتی نوُر کرے رُشنائیا۔ آد انتا ایکا ایکنکار، ایکا کل ورتائیا۔ لوآں پُریاں پسر پسار، برہمنڈاں کھنڈاں ونڈ ونڈائیا۔ جیرج انڈاں پاوے سار، اُتبُھج سیتج رہیا سمائیا۔ چؤداں لوک ہٹّ وپار، ایکا ونج کرائیا۔ تِناں لوکاں پہریدار، سیوک سیو کمائیا۔ برہما وِشن شِو دیوت سُر کرے خبردار، ایکا شبد جنائیا۔ سرِشٹ سبائی پاوے سار، لکھّ چؤراسی ڈیرہ لائیا۔ ہرِ کا روُپ اگمّ اپار، دِس کِسے نہ آئیا۔ ہڈّ ماس ناڑی چمّ نہ کوئی آکار، پنج تت نہ میٹ مِٹائیا۔ رنگ روُپ نہ کوئی سنسار، لیکھا لِکھت وِچ نہ آئیا۔ جُگ جُگ کھیلے کھیل اپار، جُگ کرتا نام دھرائیا۔ سَتجُگ تریتا کریا پار، دواپر دھار بندھائیا۔ کلجُگ انتم لےَ اوتار، نِہکلنکا ناؤں رکھائیا۔ شبد ڈنکا وِچ سنسار، اپنا رہیا لگائیا۔ راؤ رنکاں کرے خبردار، راج راجاناں شاہ سُلطاناں دئے ہُلار، سویا کوئی رہن نہ پائیا۔ سرِشٹ سبائی مارے مار، چاروں کُنٹاں ویکھ وکھائیا۔ نؤ کھنڈ پرِتھمی پاوے سار، ستّاں دیِپاں لئے جگائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِرگُن جوت کرے رُشنائیا۔ نِرگُن جوت نوُر االلہ، ایکا نوُر درسایا۔ پاربرہم پربھ اِک اکلّا، آپ اپنا کرم کمایا۔ ویکھ وکھائے جلاں تھلاں، جل تھل ڈیرہ لایا۔ آپے وسیا نِہچل دھام اٹلا، اوُچ اگمّ سمایا۔ کرے کھیل گھڑی گھڑی پل پلا، جوتی جوت کرے رُشنائیا۔ سرِشٹ سبائی ہرِ رگھُرائی آپ بُھلائے کر کر ول چھلا، بھیوَ ابھیدا بھیوَ چُھپایا۔
جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنکا ناؤں رکھایا۔ نِہکلنکا ہرِ مِہربان، نِرگُن روُپ اکھوائندا۔ شبد گُر کر پردھان، لوک مات دھرائندا۔ چار ورن دیوے اِک گیان، اوُچاں نیِچاں ایہہ سمجھائندا۔ ایکا پُرکھ ہرِ سُلطان، دوُسر کوئی دِس نہ آئیندا۔ آد جُگادی جیِواں جنتاں دیوے جیِیا دان، داتا دانی نام دھرائندا۔ میٹ مِٹائے کوُڑ نِشان، کوُڑی کِریا ویکھ وکھائندا۔ سرِشٹ سبائی ہوئی وَیران، چاروں کُنٹ دھوُاں دھار کرائندا۔ مندر مسجِد گُر در مٹّھ سرب کُرلان، ہرِ ہرِ روُپ دِس نہ آئیندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، لوک مات جوت جگائندا۔ نِہکلنک کل جامہ دھار، لوک مات کرے رُشنائیا۔ راج راجاناں دئے ہُلار، شاہ سُلطاناں خاک مِلائیا۔ شبد کھنڈا تیز کٹار، ہرِ ساچا رہیا اُٹھائیا۔ منمُکھ جیِواں مارے مار، چاروں کُنٹ پئے دُہائیا۔ در در گھر گھر رووے ناری نار، نیتر نیَناں نیِر وہائیا۔ گُرمُکھ وِرلے کرے ہرِ پیار، جِس جن اپنی بوُجھ بُجھائیا۔ دیوے درس اگمّ اپار، آپ اپنی دَیا کمائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، لکھّ چؤراسی رہیا جنائیا۔ لکھّ چؤراسی جگت محلہ، لوک مات پسارا۔ ہرِ ویکھنہارا اِک اکلّا، جُگ جُگ لئے مات اوتارا۔ گُرمُکھاں میٹے دُئی دوَیتی سلّا، ایکا دیوے نام ادھارا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، آپے ویکھے پار کنارہ۔ کلجُگ تیرا پار کنارہ، انتم ویکھ وکھائیا۔ چاروں کُنٹ ہاہاکارا، نہ کوئی دھیِر دھرائیا۔ ناتا تُٹے محمدی یارا، چار یاری مُکھ بھوائیا۔ اِنجیِل قُرآنا آئی ہارا، نہ دیِسے کوئی سہائیا۔ وید پُرانی کرے خبردار، آپ اپنی بوُجھ بُجھائیا۔ شبد نِشانی اِک سنسار، دُھر درگاہی رہیا دِکھائیا۔ تیِر کانی مارے مار، رسنا چِلّہ اِک چڑھائیا۔ دو جہانی کرے وِچار، جوت سروُپی بےپرواہیِا۔ سرِشٹ نِدھان ہوئی گوار، ہرِ کا بھیوَ نہ جانے رائیا۔ سِکھ ہِندوُ عیِسائی مُسلمان، اپنی ونڈ ونڈائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، جوتی جامہ بھیکھ وٹائیا۔ جوتی جامہ ہرِ نِرنکار، اپنا آپ اُپائندا۔ جیِواں جنتاں پاوے سار، سادھاں سنتاں ویکھ وکھائندا۔ راؤ رنکاں پار کِنار، خاکی خاک سمائندا۔ گُرمُکھ وِرلا جنکا لائے پار، جِس جن اپنی بوُجھ بُجھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، سرِشٹ سبائی ویکھ وکھائندا۔ سرِشٹ سبائی شبد ہُلار، ہرِ اپنا آپ دوائندا۔ کلجُگ وکھائے دُھندوُکار، دھوُاں دھار نہ کوئی مِٹائندا۔ کایا گڑھ ہؤمے ہنگتا بھر بھنڈار، کلجُگ مارگ لائندا۔ جوُٹھ جھوُٹھ
وڈ سِکدار، ساچے تخت سُہائندا۔ دھرت مات کرے پُکار، نیتر رو رو نیِر وہائندا۔ پُرکھ ابناشی پاوے سار، لوک مات ویکھ وکھائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ہرجن ساچے آپ اُٹھائندا۔ ہرجن ساچا اُٹھ اُٹھ جاگ، ہرِ ساچے جوت جگائیا۔ لوک مات لگّا بھاگ، بھارت وجّی ودھائیا۔ سرِشٹ سبائی ویکھے ہنس کاگ، کاگوں کاگ رہے کُرلائیا۔ دُرمت مَیل لگّا داغ، نہ سکے کوئی دھوائیا۔ مایا ڈسے ڈسنی ناگ، اٹّھے پہر ہلکائیا۔ دیِپک جوت نہ جگے چراغ، مندر اندر اندھیرا چھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ایکا جوت کرے رُشنائیا۔ ایکا جوت سرب گُنونتا، ہرِ ہرِ آپ اکھوایا۔ ہرجن ویکھے ساچے سنتاں، سَتگُر پُرکھ منایا۔ دیوے وڈیائی جیِیاں جنتاں، جیِیا دان جھولی پایا۔ آپ بناونہارا بنتا، آپ اپنا رنگ رنگایا۔ جوتی جوت سروُپ ہرِ، آپ اپنی جوت دھر، ویکھ وکھاوے ساچے سنت، در گھر ڈیرہ لایا۔ ساچا سُت سنت دُلارا، ہرِ ہرِ آپ اُپائندا۔ ایکا گھر نام بھنڈارا، لوک مات ورتائندا۔ کرے کرائے کرنیہارا، کرتا پُرکھ ناؤں دھرائندا۔ آون جاون کھیل اپارا، آپ اپنی کھیل کِھلائندا۔ جوتی جوت سروُپ ہرِ، آپ اپنی جوت دھر، نِہکلنکا ڈنک وجائندا۔ نِہکلنکا آد نِرنجن ایکا ایک اکھوایا۔ بھگت سُہیلا ساچا سجّن، لوک مات ویکھ وکھایا۔ ہرجن کرائے ساچا مجن، دھوُڑی چرن نُہایا۔ گڑھ ہنکاری بھانڈے بھجّن، جِس جن درشن پایا۔ انحد تال تلواڑے وجّن، راگ انادی ایکا گایا۔ نؤ دوارے جگت تجن، گھر ساچا ویکھ وکھایا۔ پاربرہم پربھ مِلیا ساچا سجّن، کلجُگ ویلا انت سُہایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نؤ کھنڈ رہیا اُٹھایا۔ نؤ کھنڈ شبد جَیکارا، ایکا ایک سُنائندا۔ ورن برناں پار کنارہ، ذات پات نہ کوئی رکھائندا۔ اِک اکلّا ایکنکارا، کائنات سمائندا۔ جلاں تھلاں ویکھے سمُند ساگر ڈوُنگھی گارا، ٹِلّے پربت پھول پھولائندا۔ لکھّ چؤراسی اندر کر پسارا، آپ اپنا مُکھ چُھپائندا۔ گُرمُکھ وِرلا کرے پیارا، آپ اپنا پردہ لاہِندا۔ جوتی نوُر کر اُجیارا، مندر اندر ڈگمگائندا۔ دیوے شبد سچّی دُھنکارا، دُھن انادی تال وجائندا۔ سُنے سُنائے سُننیہارا، جیِواں جنتاں دِس نہ آئیندا۔ بھگتن میِتا کر پیارا، ہرِ بھگتی میل مِلائندا۔ بَیٹھا رہے اِک اتیِتا نر نِرنکارا، سچ سِنگھاسن آسن لائندا۔ اگمّ اگمّڑا کرے اگمّڑی کارا، الکھ الکھنا ناؤں رکھائندا۔ سچکھنڈ سُہائے سچ دوارا، تِھر گھر واسی ناؤں دھرائندا۔ جوتی جوت سروُپ ہرِ، آپ اپنی جوت دھر، کلجُگ جوتی جامہ ویس وٹائندا۔ کلجُگ تیرا انتم موُل، ہرِ ساچے آپ چُکاونا۔ لکھّ چؤراسی گئی بھوُل،
ہرِ ایکا مارگ لاونا۔ ناری میلا کنت کنتُوہل، ساچا کنت سُہاگ وکھاونا۔ سَتجُگ پُھلواڑی لائے پھوُل، رُت بسنتی ویکھ وکھاونا۔ شبد سِنگھاسن ہرِ بِراجے نہ کوئی پاوا نہ کوئی چوُل، ساچا دھام سُہاونا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، تیری پوُر کرائے بھاونا۔ کلجُگ تیری انتم آس، ہرِ ساچا پوُر کرائندا۔ ویکھ وکھائے جنگل جوُہ اُجاڑ پربھاس، گھر گھر ڈیرہ لائندا۔ سادھاں سنتاں ویکھے پوَن سواس، رسنا جِہوا کوَن گُن گائندا۔ کوَن بَیراگی ہوئے اُداسی، کوَن تیاگی ناؤں دھرائندا۔ کوَن سُرت سوانی سوئی جاگی، شبد ہانی میل مِلائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، تیرا کِریا کرم ویکھ وکھائندا۔ کلجُگ تیرا کوُڑ پسارا، کوُڑا ڈنک وجایا۔ چاروں کُنٹ ایکا نعرہ، ایکا کوُک سُنایا۔ سرِشٹ سبائی ہوئے خوارا، ویلا نیڑے آیا۔ رانی االلہ لائے نعرہ، چؤداں طبقاں دئے ہِلایا۔ سنگ محمد پار کنارہ، نہ کوئی دھیِر دھرایا۔ پُرکھ ابناشی کرے کھیل اپارا، کھیلنہار سرِشٹ سبایا۔ آدن انتا ایکا ایکنکارا، عقل کلا اکھوایا۔ کلجُگ تیری انتم وارا، لوک مات لئے انگڑایا۔ شبد کھنڈا تیز کٹارا، دہ دِشا رہیا بھوایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کرتا پُرکھ آپ اکھوایا۔ چؤداں لوک چؤداں ہٹّ، ہرِ چؤداں ویکھ وکھائیا۔ چؤداں کھیل بازی گر نٹ، سوانگی سوانگ ورتائیا۔ چؤداں لوک پئے بھٹّھ، ہرِ بھٹھیالا ایکا تائیا۔ انتم کرن آیا کٹّھ، ایکا دِوس منائیا۔ جھوُٹھ منارا جائے ڈھٹّھ، تِھر کوئی رہن نہ پائیا۔ لہنا دینا چُکے تیِرتھ اٹھسٹھ، گنگا گوداوری کوئی نہ نہائیا۔ سرِشٹ سبائی گیڑنہارا اُلٹی لٹّھ، آپے داتا شبد صلاحیِا۔ دھوُاں دھار چؤداں ہٹّ، پرِتھمی آکاش نہ کوئی وکھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، ویکھ وکھانے سرِشٹ سبائیا۔ االلہ رانی کر پیار، کلجُگ روُپ درسایا۔ نیتر نیَن ویکھ اُگھاڑ، چاروں کُنٹ ہوئے دُہایا۔ عیسیٰ موُسیٰ اِک اکھاڑ، ایکا محلہ دئے وسایا۔ پُرکھ ابناشی آپ چڑھائے اگمّی دھاڑ، دِس کِسے نہ آیا۔ لُکیا رہن نہ دیوے کوئی جھاڑ، دہ دِشا پھول پھولایا۔ اگنی لگّے ستارا ہاڑ، نہ کوئی لیکھا میٹ مِٹایا۔ سرِشٹ سبائی آپ چبائے اپنی داڑھ، آپ اپنا حُکم سُنایا۔ دھرت مات ویکھے اِک اکھاڑ، نؤ کھنڈ روُپ وٹایا۔ پِھرے دروہی جنگل جوُہ اُجاڑ پہاڑ، خُدی خُدائی رہن نہ پایا۔ گُرمُکھ ساجن ویکھے ساچے لاڑ، چاروں کُنٹ پھول پھولایا۔ شبد گھوڑے دیوے چاڑھ، آپ اپنی دَیا کمایا۔ تِھر گھر ساچے دیوے واڑ، محل اٹل سُہایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، جوتی جامہ
بھیکھ وٹایا۔ نِہکلنکا ہرِ نِرنکارا، ایکا روُپ سمائندا۔ وید ویاسا بن لِکھارا، اپنی کار کمائندا۔ نانک گُر لایا نعرہ، سرِشٹ سبائی ایہہ سمجھائندا۔ گُر گوبِند بن ونجارا، ہرِ ہرِ ونج کرائندا۔ منگے منگ اپر اپارا، اکال پُرکھ دھیائندا۔ اکال موُرت اجوُنی رہت درد دُکھ بھےَ بھنجن پربھ پاوے سارا، دے مت آپ سمجھائندا۔ کلجُگ انتم ویکھے پار کنارہ، پربھ اپنا راہ تکائندا۔ نِہکلنکا لئے اوتارا، سمبل نگری دھام سُہائندا۔ سمبل نگر دھام اپارا، پُرکھ ابناشی ڈیرہ لائندا۔ جگے جوت اگمّ اپارا، گیان گیان سمائندا۔ شبد دُھن وجےّ دُھنکارا، انحد سیوا لائندا۔ راگ راگنی نہ پائن سارا، وید پُران نہ بھید چُکائندا۔ آد پُرکھ اپرمپر سوامی کھیل کرے نیارا، جُگ جُگ ویس وٹائندا۔ کلجُگ تیرا در دوارا، ہرِ ساچا پھول پھولائندا۔ جوتی جوت سروُپ ہرِ، آپ اپنی جوت دھر، ویہہ صد بِکرمی آپ وڈیائندا۔ ویہہ صد ہرِ جوت جگا، جوتی نوُر کرے رُشنائیا۔ ایکا ایک آپ اکھوا، ایکا ناؤں دھرائیا۔ دوُجا در ڈیرہ لا، دوار بنک ویکھ وکھائیا۔ تیِجا نیتر نیَن کُھلا، اپنا درس دِکھائیا۔ چؤتھے گھر گیا سما، ویہہ سؤ چار بِکرمی وجّی ودھائیا۔ پنچم میلا سہج سُبھا، برہم رہیا کرائیا۔ چھیویں چھپر چھنّ کوئی دِسے نہ، ہرِ بَیٹھا بےپرواہیِا۔ ستّویں سَت پُرکھ نِرنجن آپ جپائے اپنا ناں، اپنے نام کرے وڈیائیا۔ اٹّھاں تتاں ویکھے تھاؤں تھاں، اپ تیج وائے پرِتھمی آکاش من مت بُدھ ہوئے سہائیا۔ نؤ در کوئی جیِو جنت بُھلے نہ، ویلا گیا ہتّھ نہ آئیا۔ دسواں گھر بِن گُر پوُرے کُھلے نہ، ویہہ سؤ دس بِکرمی خوشی منائیا۔ پوُرے کنڈے ساچے تول کوئی تُلے نہ، نہ کوئی تولے تول تُلائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ویہہ صد گیاراں، ایکا دھارا چار ورناں رہیا چلائیا۔ چار ورناں ایکا رنگ، ہرِ ساچے آپ رنگایا۔ اندر مندر وجائے سچّا مردنگ، ایکا ڈھولا گایا۔ امرت آتم نُہائے ساچی گنگ، دُرمت مَیل رہن نہ پایا۔ کٹنہارا بُھکھ ننگ، گئوُ غریِباں ہوئے سہایا۔ جگت ہنکاری بھنےّ کاچی ونگ، شبد ہتھؤڑا ایکا لایا۔ جن بھگتاں خوشی کرائے بند بند، ویہہ صد باراں موُل چُکایا۔ سُت سُلطانی آپ بنائے اپنے فرزَند، آپ اپنی گود اُٹھایا۔ تیراں تیرا چاڑھے چند، نانک تولا تول تُلایا۔ راج راجاناں شاہ سُلطاناں سُنائے اپنا چھند، سوہنگ ساچا منگل گایا۔ تیجی چیتر ہرِ آئے گوبِند، کوٹ فرید ڈیرہ لایا۔ بھیوَ نہ پائن، راج راجان وڈ نرِند، نر ہرِ ساچا دِس نہ آیا۔ پاربرہم پربھ جوت جگائی وِچ ہِند، نِہکلنکا ناؤں رکھایا۔ شبد چلائے دھار ساگر سِندھ، منمُکھ جیِواں دئے رُڑھایا۔ گُرمُکھ اُپجائے ساچی بِند، آپ اپنا حُکم سُنایا۔ منمُکھ لگائے اپنی نِند، نِندک نِندیا مُکھ ٹِکایا۔ جن بھگتاں میٹے سگلی
چِند، جُگ جُگ کرم کمایا۔ جوتی جوت سروُپ ہرِ، آپ اپنی جوت دھر، ویہہ صد تیراں تیری دھار چلایا۔ ویہہ صد چؤداں تیری دھار، ایکا اِکّی پائیا۔ گُرمُکھ ساچے کر پیار، ونڈن ونڈ ونڈائیا۔ نِکی تِکھی ایکا دھار، پاربرہم کرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، لوک مات مار جھات، ایکا ڈنکا رہیا وجائیا۔ شبد ڈنکا ہرِ بھگوانا، ایکا ایک وجایا۔ اُٹھیا جودھا سوُربیِر وڈ مردانہ، شاہ سُلطاناں دئے ہِلایا۔ سوہنگ چِلّہ رسنا تیِر کمانا، سسّا قِلعہ اِک بنایا۔ ہنگ ہنگتا میٹ مِٹانا، میٹنہار آپ رگھُرایا۔ کلجُگ تیرا ویکھے کوُڑ کُڑیارا پردھانا، چاروں کُنٹ پھیرا پایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، آپ اپنا ویس وٹایا۔ ویہہ صد پندراں ہرِ ہرِ نِرنکارا، اپنی کل ورتائندا۔ اُٹھیا جودھا سوُر بلی بلکارا، شبد کھنڈا اِک چمکائندا۔ کھنڈ برہمنڈ دیوے ہُلارا، دِس کِسے نہ آئیندا۔ لکھّ چؤراسی کرے خوارا، لیکھا لِکھت لِکھائندا۔ کلجُگ راون ہو تیارا، اپنا در سُہائندا۔ دِوس ریَن مارے للکارا، من مت بُدھ نال رلائندا۔ پُرکھ ابناشی کھیل نیارا، آد جُگادی کھیل کِھلائندا۔ آپے راما رام اوتارا، لنکا گڑھ تُڑائندا۔ کلجُگ تیری انتم وارا، نِہکلنکا ناؤں رکھائندا۔ چرن چُھہائے دِلّی دربارا، شاہ بھبھیکھن آپ اُٹھائندا۔ جوتی جوت سروُپ ہرِ، آپ اپنی جوت دھر، سمت پندراں دیوے ور، لیکھا لِکھت وِچ نہ آئیندا۔ لیکھا لِکھت ہرِ نِرنکار، اپنے ہتّھ رکھائندا۔ وید پُران اِنجیِل قُرآن شاستر سِمرت نہ سکے وِچار، بھیوَ ابھیدا بھیوَ چُھپایا۔ کھانی بانی پڑھ پڑھ گئے ہار، پار کنارہ دِس نہ آیا۔ گیانی دھیانی روون زارو زار، نیتر نیَناں نیِر وہایا۔ وڈ وِدوانی ہوئن خوار، ہرِ کا روُپ دِس نہ آیا۔ پنڈت پاندھے کر وِچار، تِلک لِلاٹی رہے لگایا۔ پنڈت کاشی نہ ہوئے ادھار، ٹھگ ٹھگؤری پایا۔ کلمہ اِمام نہ کوئی یار، نبی رسوُلا نہ کوئی سہایا۔ اَناالحق نہ کوئی وِچار، مُقامے حق نہ کوئی خُدایا۔ ہِندوُ مُسلم سِکھ عیِسائی اِک دوُجے دا راہ رہے تکّ، در دوار نہ کوئی کُھلایا۔ انتم میلا ہونا وِچ ڈھکّ، دھرت مات رہی بُلایا۔ لاڑی مؤت نِکیل پائے نک، دھرم دوارا دئے دِکھایا۔ کوُڑ کُڑیارا پھل گیا پکّ، پربھ ساچا ویکھن آیا۔ محل اٹل نہ سکے کوئی رکھ، راج راجان نہ کوئی سُہایا۔ جوگی جتیئے ابھیاشی ہٹھیئے چڑھ چڑھ پؤڑے گئے تھک، ہرِ کا پؤڑا دِس نہ آیا۔ براہمن گؤڑے راہ رہے تکّ، پوُت سپوُتا پھیرا پایا۔ نیِلے والا کرے وکّھ، نیِل دھاری پار کرایا۔ سرِشٹ سبائی بھانڈے سکھ، نام بھنڈارا دِس نہ آیا۔ پاربرہم ہو پرتکھ، نیتر لوچن نیَناں ویکھن آیا۔ ویکھے بھاگ لگّا کُلیّ ککھّ، کوَن گُرمُکھ ڈیرہ لایا۔ لکھّ چؤراسی
وِچوں لئے رکھ، سِر اپنا ہتّھ ٹِکایا۔ سمت پندراں دیونہارا ساچی وتھ، ایکا نام جھولی پایا۔ سمرتھ کل آپے سمرتھ، جگت نِواسی نام دھرایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ویہہ صد بِکرمی کر وِچار، سرِشٹ سبائی دئے ہُلار، نام ہُلارا ایکا لایا۔ سمت پندراں پندراں کتّک، لنکا گڑھ چڑھائیا۔ نہ کوئی جانے پاندھا پنڈت، کوَن کوُٹے ہرِ ساچے جوت جگائیا۔ نہ کوئی جانے جیرج انڈج، پنج تت نہ کوئی رُشنائیا۔ نہ کوئی وکھائے ساچی سنگت، ہرِ ہرِ روُپ دِس نہ آئیا۔ گُر در مندر مسجِد بَیٹھے ننگت، ترِسنا جھولی اَگے ڈاہیِا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، آپے ویکھے خلق خُدائیا۔ خلق خُدائی تیرا روُپ، ہرِ ساچا ویکھ وکھائندا۔ صدی چؤدھویں چؤتھی کوُٹ، لہِندی دِشا پھیرا پائندا۔ زِمیں اسمانا پاڑا جائے پھوُٹ، نہ کوئی بندھن بندھ بندھائندا۔ دِن دِہاڑے پئے لُٹ، سمت سولاں راہ تکائندا۔ جگت چوگ جائے نِکُھٹ، نہ کوئی آلنیوں ڈِگے بوٹ اُٹھائندا۔ اپنی ہتھّیں جڑ دیوے پُٹ، نہ کوئی بوُٹا مات دھرائندا۔ شؤہ دریائے دئے سُٹ، لہِندی دھار وہائندا۔ جوتی جوت سروُپ ہرِ، آپ اپنی جوت دھر، سمت سولاں سولاں تن شنگار، نِہکلنکی لےَ اوتار، جوتی نوُر ڈگمگائندا۔ جوتی نوُر کر اُجالا، سمت سولا کرے رُشنائیا۔ پرگٹ ہوئے گُر گوپالا، نؤ کھنڈ پرِتھمی وجےّ ودھائیا۔ ستّاں دیِپاں جگائے دیِپ مالا، جوتی نوُر ڈگمگائیا۔ برہما ویکھے مار دھیانا، نیتر نیَن کُھلائیا۔ بھولا ناتھ ہوئے سوادھانا، آپ اپنی لئے انگڑائیا۔ سُرپت راجا اِند کروڑ تیتیِسا ویکھ وکھانا، نِیوں نِیوں سیِس جھُکایا۔ لوآں پُریاں کرے پچھانا، جوتی جوت وڈّی وڈیائیا۔ سرِشٹ سبائی بنّھے گانا، ہاڑ ستاراں سگن منائیا۔ راج راجان در دربان نہ کوئی وکھانا، سیِس تاج نہ کوئی ٹِکائیا۔ جنگل جوُہ اُجاڑ پہاڑ ملِے ٹِکانا، راج محل نہ لیف تلائیا۔ جوتی جوت سروُپ ہرِ، آپ اپنی جوت دھر، سمت سولاں دیوے ور، سرِشٹ سبائی کرے ہلکائیا۔ سرِشٹ سبائی تیری دھار، ہرِ ساچے آپ چلائیا۔ گھر گھر رووے نر نار، ناری نر رہیا کُرلائیا۔ جیِو جنت ہوئے گوار، سادھ سنت رسن ہلکائیا۔ مایا مدمتے بھرے بھنڈار، نام وست نہ کوئی رکھائیا۔ جگت کامنا کر شنگار، سولاں اِچھیا پوُر کرائیا۔ پاربرہم نہ پائے سار، گُر پوُرا دِس نہ آئیا۔ ہؤمے ہنگتا گڑھ ہنکار، کایا تن سجائیا۔ نِرگُن جوت نہ جگے اگمّ اپار، بِن دیِیا باتی نہ ہوئے رُشنائیا۔ کوُڑی کِریا کریا جگت پسار، جھوُٹھا بندھن بندھ بندھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، سمت سولاں بدلے چولا سرِشٹ سبائی کھیلے ہولا،
لال گُلالا رنگ چڑھائیا۔ لال گُلال رنگ چلوُل، ہرِ خاکی خاک رنگائندا۔ شِو شنکر سُٹے ہتّھ ترِسوُل، برہما مُکھ بھوائندا۔ کروڑ تیتیِسا نہ برسے پھوُل، نہ کوئی سیج ہنڈھائندا۔ سچ پنگھوُڑا نہ کوئی لئے جھوُل، نام ہُلارا نہ کوئی لگائندا۔ جوتی جوت سروُپ ہرِ، آپ اپنی جوت دھر، سمت سمتی دیوے ور، بھانا اپنے ہتّھ رکھائندا۔ بھانا ہتّھ کرتار، بھیوَ کوئی نہ پایا۔ جُگ جُگ لہنا دینا رہیا قرض اُتار، چارے پگ ویکھ وکھایا۔ کلجُگ آیوُ لکھّ چار بتّی ہزار، پنج پنج وِچ سمایا۔ پنج پنج مارے مار، پنچم نرائن میٹ مِٹایا۔ پنچم پنچم بُھلیا سنسار، ساچا مارگ گئے بُھلایا۔ بھرمے بُھلیا جیِو گوار، جیِو دھرم نہ کوئی دھرایا۔ کرمی کرم نہ کرے وِچار، کُکرما لیکھ لِکھایا۔ ہرِ داتا بےپرواہ سرِشٹ سبائی ویکھنہار، ویکھنہار دِس نہ آیا۔ سیوک سیوا لائے آپ آپ اُپائے دھرم دوار، چِتر گُپت سنگ رکھایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، سمت سولاں دئے وڈیایا۔ سمت سولاں کر وِچار، رائے دھرم اُٹھ دھایا۔ پُرکھ ابناشی کِرپا دھار، نیتر رو رو نیِر وہایا۔ خالی بھر میرے بھنڈار، در ساچا دئے سُہایا۔ پاربرہم سُن پُکار، دے مت ایہہ سمجھایا۔ کھول کِواڑ ستاراں ہاڑ، سمت سولاں دِن منایا۔ دھرت مات ویکھ اکھاڑ، چاروں کُنٹ دئے لگایا۔ جوتی جوت سروُپ ہرِ، آپ اپنی جوت دھر، آپ اپنا سگن منایا۔ چِتر گُپت کر وِچار، اپنا متا پکائندا۔ لیکھا ویکھے سرب سنسار، ساچے کنڈے تول تُلائندا۔ سچ سُچ نہ کرے کوئی ونج واپار، جوُٹھ جھوُٹھ جھولی بھرائندا۔ انتم بیڑا ہویا تیار، کلجُگ کوُڑا آپ چلائندا۔ نال رلایا محمدی یار، چار یاری جیِو اِک وکھائندا۔ سنسار ساگر نہ دیِسے پار کِنار، پار کنارہ نہ کوئی جنائندا۔ سمت ستاراں ہُلارا دئے مار، ایکا دھکاّ لائندا۔ سرِشٹ سبائی دو دو دھار، وکّھ وکّھ کرائندا۔ ہو پرتکھ وِچ سنسار، روُسا چیِنا چرن چُھہائندا۔ سمت سولاں لائے نعر، لاہؤر شہر ویکھ وکھائندا۔ اُمتی اُمت ہو تیار، پیِر دستگیِراں ایہہ سمجھائندا۔ شاہ حقیِراں کرے خبردار، شبد سُنیہڑا اِک گھلائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ایکا ڈنک وجائندا۔ سمت ستاراں ستّ رنگ، سَت سَت آپ سمایا۔ بھیکھ وٹائے شبد ملنگ، گُر گُر روُپ درسایا۔ سرِشٹ سبائی کرے ننگ، تن کپّڑ رہن نہ پایا۔ سیِل سنتوکھ سَت رہن نہ پائے راج راجان شاہ سُلطان در در منگن منگ، در بِھچھیا کوئی نہ پایا۔ گُرمُکھ ملِے میل ہرِ سوُرے سربنگ، پوُرب لہنا جھولی دئے بھرایا۔ چرن پریِتی منگے ساچی منگ، چرن ناتا جوڑ جُڑایا۔ چِٹّے اَسو کسیا تنگ، سولاں کلیاں آسن پایا۔ جوتی جوت سروُپ ہرِ،
آپ اپنی جوت دھر، سَت سَتاراں ویکھ وکھایا۔ سَت سَتاراں ویکھ پُکار، سَت سَت جنائیا۔ کرتا پُرکھ کرے کرائے اپنی کار، کرنی کرتا ناؤں دھرائیا۔ مرنی مرے نہ وِچ سنسار، جنم مرن وِچ نہ آئیا۔ آد جُگادی جُگ جُگ کار، جن بھگتاں ہوئے سہائیا۔ کھوجے کھوج شبد - - - - برہمادی برہماد ڈیرہ لائیا۔ بان چلائے بودھ اگادھ، بودھ اگادھی ویکھ وکھائیا۔ جوتی جوت سروُپ ہرِ، آپ اپنی جوت دھر، اٹّھ اٹھاراں دئے اُٹھائیا۔ ویہہ صد اٹھاراں تیرا لیکھ، ہرِ ساچے آپ لِکھایا۔ نہ کوئی لائے مستک میخ، نہ کوئی بھرم گوایا۔ نہ کوئی سہائی اولیا پیِر شیخ، پیِر فقیِر نہ کوئے دسایا۔ نہ کوئی پنڈت پاندھا نیتر لئے پیکھ، گیان نیتر نہ کوئی کُھلایا۔ نہ کوئی گرنتھی پنتھی جانے دھاری کیس، دس دسمیس پھیرا پایا۔ نہ کوئی وِچارے برہما وِشن مہیش، گنپت گنیش نہ کوئی دسایا۔ پاربرہم در درویش، لوک مات اپنی الکھ رہیا جگایا۔ مُچھ داہڑی نہ دِسے کیس، نہ کوئی ونڈ ونڈایا۔ آد جُگاد جُگ جُگ رہے سدا ہمیش، آون جاون چلت چلایا۔ پاربرہم پربھ سدا آدیس، نِرگُن سرگُن وِچ سمایا۔ سرگُن بنائے رِکھی کیش، جگت گوَردھن لئے اُٹھایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ویہہ صد اٹھاراں ویکھ وکھایا۔ ویہہ صد اٹھاراں گنگا دھار، جل جل روُپ سمایا۔ میگھا برسے کر پیار، اِندر اِندر آسن دئے تجایا۔ خِضر رووے زارو زار، خواجہ خوشی منایا۔ نؤ کھنڈ پرِتھمی ایکا دھار، جل دھارا دئے رُڑھایا۔ گُرمُکھ ساچے لئے اُبھار، ساچے بیڑے نام چڑھایا۔ سوہنگ گائن رسنا جےَ جَیکار، جل چرن چھوہ مُڑ جایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نر نرائن ویکھن آیا۔ سمت اُنیِسا، عقل کل اپنی آپ رکھائندا۔ نہ کوئی پڑھے قُرآن حدیِثا، تیس بتیِسا نہ کوئی سُہائندا۔ االلہ رانی خالی کھیِسا، خالی ہتّھ پِھرائندا۔ وقت چُکائے موُسیٰ عیسیٰ، چؤداں طبقاں میٹ مِٹائندا۔ مایا رانی ترےَگُن پیِسن پیِسا، کلجُگ چکّی آپ چلائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سمت اُنیِسا نہ کوئی دیِسے مُسلم سُنّی، نہ کوئی چوٹی موُنڈ مُنڈائیندا۔ سمت بیِس بیِس صد دھارا، ہرِ ہرِ جوت جگائے۔ ویکھ وکھائے جمن کنارہ، آپ اپنا چرن چُھہائے دِلّی دربارا، نؤ کھنڈ کرے رُشنائے۔ نؤ کھنڈ ڈھیَہہ پئے دوارا، پربھ ساچا ویکھ وکھائے۔ شبد سُنائے اِک جَیکارا، سو پُرکھ نِرنجن لیکھ لِکھائے۔ ہنگ ہنگتا دوُر کنارہ، دُئی دوَیتی رہن نہ پائے۔ ہوئے منگتا ستّ دیِپ وِچارا، اَگے اپنی جھولی ڈاہے۔ سَتگُر پوُرا بھرے بھنڈارا، نام بِھچھیا اِک وکھائے۔ اِک سُنائے سچّی دُھنکارا، ایکا تال وجائے۔ ہِندوُ مُسلم سِکھ عیِسائی آپ لیائے سچ دوارا،
ایکا کلمہ دئے پڑھائے۔ جوتی جوت سروُپ ہرِ، آپ اپنی جوت دھر، بیِس بیِسا ہرِ جگدیِشا اپنے چھتر جھُلائے سیِسا، پندراں کتّک ویکھ وکھائے۔ ویہہ صد بیِس پندراں کتّک پندراں سوہے سیِس ہرِ تاجا۔ تخت نِواسی پُرکھ ابناشی، نام دھرائے غریِب نِوازا۔ نہ کوئی دیِسے مدرا ماسی، سرِشٹ سبائی ایکا کاجا۔ نہ کوئی بولے پنڈت کاسی، مکّہ مدیِنہ نہ کوئی حاجی حاجا۔ گُرمُکھ ویکھے شبد سواسی، ہرِ چڑھیا ساچے تازا۔ جوت جگائے گھنک پُر واسی، سَتجُگ رکھے ساچی لاجا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کلجُگ تیری انتم ور، آپ اپنا سازن سازا۔ سازن ساز گُروُ غریِب نِواز، گوبِند روُپ وٹایا۔ پرگٹ ہویا دیس ماجھ، سمبل نگری آسن لایا۔ دو جہاناں رچیا کاج، لوآں پُریاں ویکھ وکھایا۔ سَتجُگ چلائے سچ جہاز، سوہنگ چّپوُ ایکا لایا۔ چار ورن سُنائے اِک آواز، ایکا گیان درڑایا۔ دُھردرگاہی دیوے ساچا داج، دُھردرگاہی لےَ کے آیا۔ اوُچاں نیِچاں راؤ رنکاں آپ بنائے اِک سماج، نہ کوئی ونڈن ونڈ ونڈایا۔ جوتی جوت سروُپ ہرِ، آپ اپنی جوت دھر، ویہہ صد اِکّی تیری رکھے دھار تِکھی، نؤ کھنڈ پرِتھمی نِکی سِکھی لئے بنایا۔ نؤ کھنڈ پرِتھمی ایکا سِکھیا، ہرِ ساچا دئے سِکھائیا۔ سرِشٹ سبائی دِسے مِتھیا، تِھر کوئی رہن نہ پائیا۔ جُگ جُگ لیکھا لِکھنہار پربھ لِکھیا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سَتجُگ ساچی کرے پڑھائیا۔ سَتجُگ ساچی سَتگُر دھار اپنی آپ چلائندا۔ چار ورناں اِک پیار، ایکا نام سُنائندا۔ ذات پات پار کِنار، ورن برن نہ کوئی رکھائندا۔ کھتری براہمن وَیش شوُدر نہ دیوے کوئی دُرکار، نہ کوئی مُکھ بھوائندا۔ نہ کوئی دھن دھناڈ کرے ہنکار، مایا بھنڈار نہ کوئی بھرائندا۔ جگت وِدیا نہ کرے کوئی وِچار، برہم وِدیا اِک سِکھائندا۔ ناتا توڑ کام کرودھ لوبھ موہ ہنکار، سانتک سَت وکھائندا۔ دھیِرج یت بنّھے وِچ سنسار، سَت سنتوکھ موکھ رکھائندا۔ دیوے مت آپ نِرنکار، گُرمت ایہہ سمجھائندا۔ دوَیتی دوُئی میٹے پھٹ، ڈوُنگھی غار ویکھ وکھائندا۔ ایکا ونج ایکا ہٹّ، دوُجا ہٹّ نہ کوئی رکھائندا۔ نہ کوئی تیِرتھ نہ کوئی تٹ، مندر مسجِد نہ کوئی سُہائندا۔ پربھ درس دِکھائے نِرگُن جوت ہو پرگٹ، سرگُن وِچ سمائندا۔ دیِپک جگے لٹ لٹ، جوتی جوت اُپائندا۔ ویکھ وکھائے گھٹ گھٹ، نہ کوئی پردہ پائندا۔ ویہہ صد اِکّی تیرے نگارے شبد اگمّی لگّے سٹّ، چاروں کُنٹ سُنائندا۔ شبد چوٹ سچ نگارے، ہرِ ساچے آپ لگائیا۔ کرے کھیل اگمّ اپارے، بھیوَ کوئے نہ پائیا۔ وید کتیب لِکھ لِکھ تھکے ہارے، ہرِ کا روُپ نہ کوئی درسائیا۔ پڑھ پڑھ بھرے
بھنڈارے، نام بھنڈارا دِس نہ آئیا۔ چڑھ چڑھ بَیٹھے اُچ چُبارے، جگت محل سُہائیا۔ اندر مندر نہ کوئی مِلاوے نر نِرنکارے، گھر بَیٹھا بےپرواہیِا۔ ویہہ صد اِکّی آپ کُھلائے بند کِواڑے، سوَچّھ سروُپی درس دِکھائیا۔ سَتجُگ تیری ساچی نیہہ رکھے ستاراں ہاڑے، کلجُگ لہنا دئے مُکائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، مہاراج شیر سِنگھ وِشنوُں بھگوان، ایکا گُن وڈّی وڈیائیا۔