کتب خانہGranth 7 (Shahmukhi)

پہلی اَسوُ ۲۰۱۵ بِکرمی ہرِ مندر صاحِب پٹنا نوُں شبد بھیجیا

پٹنا جوت جگے اکالی، پہلی کتّک وڈ وڈیائیا۔ گُر گوبِند آیا پنتھ دا والی، پنتھ مارگ ویکھ وکھائیا۔ آپے جلوہ نوُر جلالی، جلوہ جلال آپ اکھوائیا۔ آپے کرے کرائے سدا پرِتپالی، پرِتپالک ناؤں دھرائیا۔ اپنا گگن بنائے اپنی تھالی، اپنا دیِپک وِچ ٹِکائیا۔ اپنی جوتی آپ جگالی، آپے کرے رُشنائیا۔ جوتی جوت سروُپ ہرِ، آپ اپنی جوت دھر، آپ اپنی خوشی منائیا۔ اپنی جوت آپ جگا، اپنا گھر سُہائندا۔ اپنی مات آپ اُپا، آپے ویکھ وکھائندا۔ اپنا پِتا آپ بنا، آپے ناؤں دھرائندا۔ اپنی سیجا آپ ہنڈھا، آپے وِچ سمائندا۔ اپنا جنم آپ دوا، آپے ناؤں رکھائندا۔ نِہکلنک ناؤں رکھا، گُر گوبِند سنگ وکھائندا۔ پٹنے کرے سچ نیاں، ساچا کرم کمائندا۔ نِرگُن ویکھے ساچا تھاں، بھرم بُھلیکھا دوُر کرائندا۔ دوُجی وار گوبِند نہ جنمے گُجری ماں، تیغ بہادر نہ گود اُٹھائندا۔ رانی گھر نہ دیوے بھوگ لگا، پنڈت پاندھا نہ کوئی سمجھائندا۔ مُسلم سجدہ نہ رہیا کرا، نہ کوئی سیِس جھُکائندا۔ سب توں بَیٹھا مُکھ چُھپا، دِس کِسے نہ آئیندا۔ پہلی کتّک چرن ٹِکا، ساچی جڑ لگائندا۔ چاروں کُنٹ کٹک اُٹھا، اپنی دھار بنائندا۔ مور مُکٹ سِر ٹِکا، لنکا گڑھ سُہائندا۔ شاہ شہانہ جوتی تنکا دئے لگا، راج راجانا آپ اُٹھائندا۔ واسی پُری گھنکا آپ اکھوا، سمبل نگری ڈیرہ لائندا۔ نِتھاویاں دیوے ساچا تھاں، غریِب نِمانے سنگ رکھائندا۔ لہنا دینا جھولی دیوے پا، جِؤں نانک انگد انگ لگائندا۔ سِکھاں اندر سِکھ سِکھ گُر جائے سما، گُر چیلا روُپ وٹائندا۔ گُر گوبِند تیرا لیکھا لِکھیا پوُرا دئے کرا، نہ کوئی میٹ مِٹائندا۔ پُرکھ اکال ساچا سُت کلجُگ انتم لیا منا، شبدی ناؤں دھرائندا۔ دُشٹ دمن دی سیوا لا، گُر گوبِند ناؤں رکھائندا۔ گُر گوبِندے گھال گھالی خوشی ہویا بےپرواہ، بنس سربنس ویکھ وکھائندا۔ سَتجُگ چلائے ساچا راہ، گُر گوبِندا اَگے لائندا۔ اکال پُرکھ بن ملاح، جوتی جامہ پائندا۔ پٹنے ڈنک دئے وجا، سویا کوئی رہن نہ پائندا۔ اکال تخت لیکھا دئے لِکھا، ہرِ مندر آپ جگائندا۔ ندیڑ بُھلیکھا دئے کڈھا، گوداوری کنڈھا ڈیرہ لائندا۔ انند پُری دئے چُھڈا، ویلا انتم آئیندا۔ جو سرسے روڑے سو لئے جگا، آپ اپنا میل مِلائندا۔ ایکا اِکّی ساچی سِکھی جھولی دِتی پا، اپنا پلّوُ اَگے ڈاہِندا۔ والوں نِکی دھاروں تِکھی ، کلجُگ انتم ویکھ وکھائندا۔ سوہنگ کنڈے تول تُلا، نانک تیراں دھار چلائندا۔ بدلیا چولا کھیلے کھیل دو جہاں، دو جہان آپ اکھوائندا۔ پھڑ پھڑ ہنس بنائے کاں، جو جن سرنائی آئیندا۔ کوٹ کوٹ جنم پوُجا پاٹھ تپ سنجم نیم ایکا اکھّر لیکھے لئے لا،

جو جن سنمُکھ رسنا گائندا۔ لکھّ چؤراسی دیوے پھند کٹا، دھرم رائے نیڑ نہ آئیندا۔ لاڑی مؤت رہی شرما، گُرسِکھ در نہ ویکھن پائندا۔ دھرم دوارے چِتر گُپت اپنا لیکھا کھول نہ رہیا وکھا، نہ اَگے کوئی ٹِکائندا۔ سدا سُہیلا دیون آیا ٹھنڈی چھاں، کلجُگ انتم ویکھ وکھائندا۔ آپے پِتا آپے ماں، گُرسِکھ بال انجانے گود اُٹھائندا۔ کلجُگ جیِو اُٹھ اُٹھ جاگ، ریَن اندھیری چھائیا۔ پاربرہم پربھ چرنی لاگ، دُرمت مَیل دھووے شاہیِیا۔ پنچ وِکارا جگت تیاگ، دُرمت مَیل گوائیا۔ چرن دھوُڑ کرائے مجن ماگھ، اٹھسٹھ موُل چُکائیا۔ آتم انتر اُپجائے اِک وَیراگ، آتم برہم جنائیا۔ دُھن انادی وجائے ایکا ناد، انحد تال اُٹھائیا۔ شبد جنائی بودھ اگادھ، کایا مندر جنائیا۔ جو جن رسنا رہے ارادھ، سیوک سیوا ویکھ وکھائیا۔ سَتگُر پوُرا ساجن میِت جِس جن ساچے لیا لادھ، ایکا دوُجا بھیوَ چُکائیا۔ جوتی جوت سروُپ ہرِ، آپ اپنی جوت دھر، گُرمُکھاں ویکھے ساچے گھر، گھر مندر ویکھ وکھائیا۔ گُرسِکھ سچ دوار، ہرِ سُہایا۔ ہرِسنگت کر پیار، ڈیرہ لایا۔ وجےّ شبد سچّی دُھنکار، انحد منگل ایکا گایا۔ دُھر دی گائے ساچی وار، آسا منسا پوُر کرایا۔ جو جن آئے چل دوار، نِراسا کوئی نہ در توں جایا۔ بھرے نام شبد بھنڈار، اتُٹ بھنڈارا آپ رکھایا۔ ورتے ورتائے وِچ سنسار، سنسا روگ دئے چُکایا۔ اندر مندر گُپت ظاہر پاوے سار، نہ کوئی سکے بھیوَ چُھپایا۔ لکھّ چؤراسی ویکھے ساچی نار، ساچا کنت کوَن رہی ہنڈھایا۔ کوَن دُہاگن ہوئی وِبھچار، در در نیَن رہی مٹکایا۔ بِن ہرِ سیج نہ سوئے کوئی پَیر پسار، سُہنجنی سیج سرب وکھایا۔ کنت کنتُوہلا کر پیار، شبد جھوُلا دئے جھُلایا۔ آ سخی اِک دوار، ہرِ ساچے آپ سُہایا۔ منگل گائے وارو وار، پنچم در وکھایا۔ چؤتھے گھر پاوے سار، پرمانند سمایا۔ تیِجا نیَن دئے اُگھاڑ، آپا موُل چُکایا۔ دوئے دوئے لوچن نہ ویکھنا پاڑ، ہرِ کا روُپ دوئے نیتر نظر نہ آیا۔ دوئے نیتر ویکھن اُگھاڑ، مایا ممتا موہ ہلکایا۔ پنچ وِکارا رچیا ناڑ ناڑ، دِوس ریَن رہی نچایا۔ کلجُگ کوُڑا گھڑیا گھاڑ، سچ ٹھٹھیارا دِس نہ آیا۔ انتم بھانڈا بھجّنا وِچ اُجاڑ، مندر اندر رہن نہ پایا۔ لِکھی تِھتی ستاراں ہاڑ، نہ کوئی میٹے میٹ مِٹایا۔ سنت سُہیلے گُروُ گُر چیلے اپنے مندر دیوے واڑ، شبد دواری اِک وکھایا۔ ہرِسنگت ہرِ پِچھے اَگاڑ، سیوک سیوا رہیا کمایا۔ گُرمُکھ ساچے ساچے گھوڑے دیوے چاڑھ، ایکا اَسو نال رکھایا۔ درگاہ ساچی دیوے واڑ، دُھر دھامی دُھر دا مان رکھایا۔ جِس جن چرن چُھہایا داڑھ، اَدھ وِچ رہن نہ پایا۔ گگن پاتالاں پردہ دیوے پاڑ، گُرسِکھ تیرا راہ بنایا۔ جوتی جوت سروُپ ہرِ، آپ اپنی جوت دھر، گُرمُکھاں دیوے نام ور، کلجُگ انتم ویکھ وکھایا۔

گُرمُکھاں بنّھے نام ڈوری، گُر پوُرے ہتّھ وڈیائیا۔ آد جُگاد جُگ جُگ کردا آیا چوری، سُتے رہیا جگائیا۔ کلجُگ انتم ریَن اندھیر گھوری، موُرکھ گوُڑھی نیِند سوائیا۔ ہرِسنگت اپنے نال جائے توری، نٹّھا جائے واہو داہیِا۔ سوہنگ شبد چُکائے موری توری، تورا مورا رہن نہ پائیا۔ پاربرہم چڑھائے ساچی گھوڑی، جوتی جوت سیوا لائیا۔ گُرسِکھاں گھال گھالی رہِ گئی تھوڑی، ویلا انت مُکائیا۔ ویکھ وکھائے پوُت سپوُتے براہمن گؤڑی، اُچے ٹِلّے پربت پھیرا پائیا۔ چاروں کُنٹ ہوئے بہُڑی بہُڑی، دھیِرج دھیِر نہ کوئی دھرائیا۔ اُچے مندراں جو لا لا تھکے پؤڑی، بِستر خاک رلائیا۔ کِسے یاد نہ آئے راگ گؤڑی، دھناسری جَیجَیونتی نہ کوئی گائیا۔ وار آسا نہ پڑھے کوئی سلوک پؤڑی، سُدھاسر اشنان نہ کوئی کرائیا۔ سمت پندراں سب نوُں رہیا ہوڑی، اُٹھو جاگو داتا آیا بےپرواہیِا۔ رام داس سرور منُکھ منُش کاگ ہنس کرے کوہڑی، گُرسِکھ دُرمت مَیل نُہاونی کوئی نُہائیا۔ جوتی جوت سروُپ ہرِ، آپ اپنی جوت دھر، نِہکلنک چُکایا ڈر، نہ لُکیا کِسے اندر وڑ، شبد ڈنکا رہیا وجائیا۔ ساچے سِکھ سنت دُلار، پایا پُرکھ ابناشا۔ مِلیا میل ہرِ کنت بھتار، جگت دُکھڑا ناسا۔ سانتک سَت ہویا سنسار، بُجھی ترِشنا پیاسا۔ رتّی رتّ اِک اپار، تُلیا تول نہ تولہ ماشہ۔ مِت گت جانے کرتار، جِس جن کیِا اندر واسا۔ گُرچرن ہِت سچ پیار، چرن کوَل بھرواسا۔ جو جن ڈھئے چرن دوار، میل مِلاوا شاہو شاباشا۔ آد نِرنجن ہرِ کرتار، نِہکلنک جوت سروُپ ویکھن آیا جگت تماشا۔ جوتی جوت سروُپ ہرِ، آپ اپنی جوت دھر، گُرمُکھاں دیوے ایکا ور، رسن تجاؤنا مدرا ماسا۔ مدرا ماس رسن تجاؤنا، گُرمت وڈ وڈیائیا۔ پُرکھ ابناشی گھر میں پاؤنا، گُر ارجن گیا سمجھائیا۔ ایکا پد اِک نِشان رکھاؤنا، ایکا تیِر چلائیا۔ ایکا مد جام پیاؤنا، بھر پیالہ امرت سچ صُراحیا۔ اپنی جدّ بھاگ لگاؤنا، کُلونت نام دھرائیا۔ نؤ دوارے ہؤمے پار کرانا، گھر دسواں ویکھ وکھائیا۔ جوتی دیِپ اِک جگاؤنا، اندھ اندھیر مِٹائیا۔ سَت پُرکھ نِرنجن درشن پاؤنا، سَت سَت سمائیا۔ الکھ نِرنجن الکھ جگاؤنا، گھر آوے دئے دُہائیا۔ اگمّ اگوچر اتھاہ، بےپرواہ ساچا سنگ نِبھاؤنا، وِچھڑ کدے نہ جائیا۔ سَتجُگ ساچے دسےّ راہ، چار ورناں اِک پڑھائیا۔ ایکا شبد بنے ملاح، گُر شبد ہوئے سہائیا۔ نِرگُن روُپ نر نرائن اپنے نیَن ویکھے تھاؤں تھا، تھان تھننتر ویکھ وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن کر، مہاراج شیر سِنگھ وِشنوُں بھگوان، کلجُگ تیری انتم ور، اپنی کرنی کِرت رہیا کمائیا۔

۲۱ اَسوُ ۲۰۱۵ بِکرمی جیٹھوُوال دربار وِچ

آد جُگاد جُگ جُگ دھار، ہرِ ہرِ آپ چلائیا۔ نِرگُن روُپ کر آکار، نِراکار سمائیا۔ عقل کل کھیل اپار، اکال پُرکھ اکھوائیا۔ آد شکت روُپ اپار، انبھوَ پرکاش سمائیا۔ الکھ اگمّ بےعیب پروردِگار، نوُرو نوُر نوُر رُشنائیا۔ رام روُپ اپر اپار، روُپ ریکھ نہ کوئی جنائیا۔ آپے وسیا دھام نیار، دھام اولّڑا اِک سُہائیا۔ آد نِرنجن پُرکھ کرتار، اجوُنی رہت نام رکھائیا۔ شِوےَ شکت جوت نِراکار، روُپ انوُپ درسائیا۔ جوتی جوت سروُپ ہرِ، آپ اپنی جوت دھر، آد جُگاد کھیل کِھلائیا۔ آد جُگاد ہرِ نِرنکارا، ایکا ایک سمایا۔ پاربرہم پربھ ہرِ اوتارا، ہرِ ہرِ جوت جگایا۔ کوٹن کوٹ کوٹ کر پسارا، آپ اپنا رہیا چُھپایا۔ محل اٹل اُچ منارا، ایکا ایک سُہایا۔ آپے بَیٹھ سِرجنہارا، سچ سمگری لئے اُپایا۔ جوتی جوت دھر پیارا، جوتی جوت میل مِلایا۔ شبد انادی اُپجے باہرا، دُھن اناد وجایا۔ گائے گوائے گاونہارا، سُننہار آپ ہو جایا۔ ویکھے وِگسے کر وِچارا، ویکھنہارا دِس نہ آیا۔ برہمنڈ کھنڈ کر پسارا، لوآں پُریاں بنت بنایا۔ لوک پرلوک دئے سہارا، چؤداں ہٹّ کُھلایا۔ برہما وِشن شِو سیوادارا، اپنا انگ کٹایا۔ ترےَگُن میل اپر اپارا، پرِتھمی آکاش ٹِکایا۔ پنج تت کھیل نیارا، من مت بُدھ میل مِلایا۔ نِرگُن برہم کر پسارا، آتم آپ درسایا۔ پاربرہم پربھ کھیل نیارا، بھیوَ کِسے نہ پایا۔ جُگ جُگ چلے اپنی دھارا، دھار اولّی اِک رکھایا۔ گُر پیِر سادھ سنت سیوک لائے سیوادارا، مارگ پنتھ چلایا۔ جوگ تپ ہٹّھ سنیاس وَیراگ تیاگ دِسے وِچ سنسارا، تن لنگوٹ بندھایا۔ کپڑ کوُڑ کِریا کر اُجیارا، مان موہ بندھایا۔ پنج تت کر ہِتکارا، ہؤمے گڑھ سُہایا۔ رَکت بوُند میل کنت بھتارا، ناری نارا ویس وٹایا۔ اُپجے سُت جگت دُلارا، دھرت مات گود سُہایا۔ ویکھ وکھائے روَ سس سوُرج چنّ ستارا، منڈل منڈپ سُہایا۔ الکھ اگوچر اگمّ اپارا، بھیوَ کِسے نہ پایا۔ پڑھ پڑھ تھکے جیِو جنت گوارا، لیکھا لِکھت وِچ نہ آیا۔ برہما ویتا بن لِکھارا، چارے مُکھ رہیا کُھلایا۔ پربھ ابناشی کھیل نیارا، بھیوَ ابھیدا بھیوَ چُھپایا۔ کرے کرائے کرنیہارا، قادر کرتا آپ اکھوایا۔ گھڑن بھنّنہار سمرتھ پُرکھ اپارا، سارنگ دھر نام دھرایا۔ مرے جمےّ وِچ سنسارا، آون جاون کھیل رچایا۔ بِن تھمے گگن دئے سہارا، دھرت دھوَل جل بِنب ٹِکایا۔ تِھر گھر سُہائے نہ کوئی لائے اِٹاں گارا، ہرِ مندر ناؤں رکھایا۔ نِرمل جوتی کر اُجیارا، دیِپک اِک سُہایا۔ نادی شبد وجےّ دُھنکارا، راگ راگنی نہ کوئی گایا۔ بودھ اگادھ شبد جَیکارا، سُنّ سمادھ سُنایا۔ ویکھے کھیل آپ نِرنکارا، نِرویَر نام دھرایا۔ نوُرو نوُر

نوُر چمتکارا، آپ اپنا رہیا وکھایا۔ جوتی جوت سروُپ ہرِ، آپ اپنی جوت دھر، جُگ جُگ اپنا ویس وٹایا۔ جُگ جُگ ویس ہرِ اولّا، ہرِ اپنی جوت جگائیا۔ کھیلے کھیل سرِشٹ سبائی اِک اِکلّا، گھٹ گھٹ بَیٹھا آسن لائیا۔ سُہائے نِہچل دھام اٹلا، اُچ محلہ ڈیرہ لائیا۔ پاوے سار جلاں تھلاں، جنگل جوُہ اُجاڑ پہاڑ پھیرا پائیا۔ جوتی جوت سروُپ ہرِ، آپ اپنی جوت دھر، آد پُرکھ آد نِرنجن اپنے ہتّھ رکھی وڈیائیا۔ آد پُرکھ ہرِ دیِن دَیالا، عقل کلا اکھوائندا۔ آد شکتی جوت جوالا، ایکا ایک ڈگمگائندا۔ آپے کال آپے مہاکالا، مہاکال آپ کھپائندا۔ آپے دھرم رائے دھرمسالہ، دھر دھرنی آپ سُہائندا۔ آپے پرِتھمی کرے پرِتپالا، آکاش پرکاش آپ رکھائندا۔ آپے کھیلے کھیل نِرالا، کھیلنہار مُکھ چُھپائندا۔ جوتی جوت سروُپ ہرِ، آپ اپنی جوت دھر، آد جُگاد جُگ جُگ ویس سَت پُرکھ سدا ادیس، جوُنی رہت بھیوَ کوئی نہ پائندا۔ موُرت اکال جوت نِرنجن، جوُنی رہت اکھوایا۔ داتا دانی درد دُکھ بھےَ بھنجن، سگلا سنگ نِبھایا۔ لکھّ چؤراسی نیتر گیان دیوے انجن، نِرت سُرت ویکھ وکھایا۔ کایا گڑھ سُہائے کنچن، اُپر چڑھ ڈیرہ لایا۔ آپ کرائے آتم سر اپنا مجن، سر سروور اِک نُہایا۔ آتم انتر شبد انادی ایکا بھجن، دِوس ریَن رہیا سُنایا۔ انحد اناہت تال آپے وجّن، تال تلواڑا اِک رکھایا۔ سیوا کرے پربھ ساچا سجّن، پنج تت ڈیرہ لایا۔ ہؤمے گڑھ ہنکاری بھجّن، نام کھنڈا اِک چمکایا۔ نؤ دوار گُرمُکھ ساچے تجن، در دوارا اِک سُہایا۔ کایا کعبہ ساچا حاجن، حاجی حج وکھایا۔ شبد اگمّی چڑھیا تاجن، لوک مات پھیرا پایا۔ پاربرہم پربھ غریِب نوازن، غریِب نِمانے ویکھ وکھایا۔ جوت جگائے دیس ماجھن، نِہکلنکی ناؤں رکھایا۔ گوبِند رکھے تیری لاجن، سمبل نگری ڈیرہ لایا۔ سُت دُلارے مارے واجن، جو سرسے گیا رُڑھایا۔ منُمکھاں کھولن آیا پاجن، ویہہ صد پندراں ویکھ وکھایا۔ پرگٹ ہویا شاہو بھوُپ وڈ راج راجن، راج راجانا دئے ہِلایا۔ ویکھے شیخ مسائق نوابن، پیِر فقیِر دستگیِر دئے اُٹھایا۔ جگت مصّلا ویکھے ساچا حاجی حاجن، مُکھ نقاب پردہ لاہیا۔ طالب طلب کرے غالب غلب کرے ویکھے کھیل پُن صوابن، احباب رباب اِک وجایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، جوتی جامہ ناؤں دھرایا۔ جوتی جامہ ہرِ گوبِند، سگلی چِنت مِٹائیا۔ پرگٹ ہوئے بھارت ہِند، نؤ کھنڈ کرے رُشنائیا۔ شبد دھار وہائے ساگر سِندھ، بےمُکھاں دئے رُڑھائیا۔ شبد گُروُ داتا سوُرا وڈ مرگِند، نام کھنڈا ہتّھ اُٹھائیا۔ پنڈت پاندھیِاں میٹے چِند، جو بَیٹھے مستک تِلک لگائیا۔ در در گھر کرن نِند، نیتر گیان نہ کوئی رکھائیا۔ پوُج پوُج

تھکے کروڑ تیتیِسا سُرپت راجا اِند، شِو شنکر سیِس بھیٹ چڑھائیا۔ برہما برہما اکھوائے اپنی بِند، برہم اسمی برہم سمائیا۔ پاربرہم پربھ میٹنہارا سگلی چِند، کلجُگ انتم میٹ مِٹائیا۔ جوتی جوت سروُپ ہرِ، آپ اپنی جوت دھر، آد جُگاد جُگ جُگ ویس آد پُرکھ آپ کرائیا۔ لوک مات دھر دھر ویس، اپنا کرم کمائندا۔ آپے برہما وِشن مہیش، آپے سیِس نِوائندا۔ آپے پوُجا گنپت گنیش، آپے پاہن گل لٹکائندا۔ آپے دیونہارا شبد سندیش، بھگت بھگتی آپ کرائندا۔ آپے رِکھ مُن کرے آدیس، آپ اپنا ویس وٹائندا۔ آپے راج راجانا شاہ نر نریش، بھیکھ بِھکھاری آپ ہو جائندا۔ آپے بنے در درویش، اپنی بِھچھیا آپے پائندا۔ آپے موُنڈ مُنڈائے دھاری کیس، آپے مستک تِلک لگائندا۔ آپے پنج ککارا دس دسمیش، آپے لباں مُکھ کٹائندا۔ آپے کرائے اپنا ویس، آپے ویکھ وکھائندا۔ کِسے نہ چلے اَگے پیش، حُکمی حُکم سرب پِھرائندا۔ آپے پاوے سار نؤ کھنڈ پرِتھمی ساچے دیس، ستّاں دیِپاں آپ جگائندا۔ آپے کھوُنڈی اوڈے بھوُری کھیس، آپے مجھّیِاں بن چرائندا۔ آد جُگاد آپے رہے ہمیش، آد انت آپ اکھوائندا۔ کلجُگ تیری انتم ور پرگٹ ہوئے نر نریش، نِہکلنکا ناؤں رکھائندا۔ کِسے ہتّھ نہ آئے پُستک ریکھ، پنڈت پاندھا نہ کوئی وکھائندا۔ پِھری دُہائی چار کُنٹ دہ دِشا گگن منڈل سب رہے ویکھ، کوَن کوُٹے کوَن دھار ہرِ نِرنکار جوتی جوت جگائندا۔ سادھ سنت اندر وڑ رہے ویکھ، کایا جِندا کوَن تُڑائندا۔ پنڈت پاندھے مندر بَیٹھ رہے پڑھ، گیِتا گیان گائتری دُرگا رام کہائندا۔ گرنتھی پنتھی رہے پھڑ، ہتّھ کِسے نہ آئیندا۔ پیِر فقیِر اُچے ٹِلّے رہے چڑھ، جگت محرابے بانگ سُنائندا۔ کِسے ہتّھ نہ آیا پنج تت کایا دھڑ، رو رو سرب کُرلائندا۔ کلجُگ وگایا اپنا ہڑھ، کام کرودھ لوبھ موہ ہنکار دھار اِک وکھائندا۔ ہؤمے ہنگتا گئے سڑ، ترِشنا ترِپت نہ کوئی کرائندا۔ کوئی نہ ویکھے چوٹی چڑھ، نِج گھر نہ کوئی سُہائندا۔ سمت پندراں راہ وِچ سارے بَیٹھے اڑ، اَگے دِس کُچھ نہ پائندا۔ لگّے اگّ بہتّر نڑ، کایا دھوُنی مٹّھ تپائندا۔ اپنا موُل جانن جڑ، ساچا لڑ نہ کوئی وکھائندا۔ وید کتیباں گرنتھاں رہے پڑھ، ہرِ کی پؤڑی چڑھ درس کوئی نہ پائندا۔ اپنے اندر آپے رہے لڑ، نہ جھگڑا کوئی مِٹائندا۔ ڈوُنگھی بھوَری بَیٹھے وڑ، نہ پار کوئی کرائندا۔ صوُفی مت ماری دڑ، سچ نِشان نہ کوئی لگائندا۔ سناتن دھرم رہیا سڑ، دھرنی دھوَل نہ کوئی سُہائندا۔ بھگوے ویس گھر گھر کر، داہڑی مُچھ کٹائندا۔ ویسوا ویس لیا کر، در در گُروُ پِھرائندا۔ سنیاس آس پوُری نہ رہیا کر، سُرت گیان نہ کوئی درڑائندا۔ پنچم وِکارا رہیا سڑ، تتَو تت جلائندا۔ پنڈت پاندھا پی پی نڑ، اپنا موُل چُکائندا۔ مُسلم سُنّی

تیِس بتیِس اکھّر پڑھ، سچ آیت نہ کوئی سُنائندا۔ گرنتھی پنتھی بنیا گڑھ، ہؤمے گڑھ نہ کوئی تُڑائندا۔ اِک اِکلّا پاربرہم کلجُگ انتم لئے پھڑ، لیکھا کوئی رہن نہ پائندا۔ پہلی کوُٹے رہیا چڑھ، شبدی ڈنک وجائندا۔ نہ کوئی سیِس نہ کوئی دھڑ، ہر گھٹ آپ سُہائندا۔ گوبِند بالا لئے پھڑ، اپنی گود اُٹھائندا۔ منُمکھاں نال رہیا لڑ، مایا پردہ ایکا پائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، آد پُرکھ اِک اِکلّا، کھیلے کھیل جگت محلہ، آپ اپنا ویس وٹائندا۔

گوبِند گُر کر پیار، رام روُپ سمائیا۔ کاہنا کرِشنا کھیل نیار، نام بنسری اِک وجائیا۔ احمد محمد پاوے سار، اَناالحق جنائیا۔ سچ خُدائی پروردِگار، پاربرہم اکھوائیا۔ کھیلے کھیل وِچ سنسار، گُرمُکھاں رہیا اُٹھائیا۔ توڑے گڑھ لنکا ہنکار، بجر کپاٹی اِک جنائیا۔ راون رووے دھاہاں مار، من راون رہن نہ پائیا۔ سیِتا سُرتی کر پیار، شبد راما لئے پرنائیا۔ گُرسِکھ تیرا سچ پیار، شاہ بھبھیکھن ناؤں رکھائیا۔ راشٹرپت میِت مُرار، سویا سُت اُٹھائیا۔ انتم میلا وِچ سنسار، سمت سولاں دئے سمجھائیا۔ تِھت وار رہیا وِچار، اپنے ہتّھ رکھے وڈیائیا۔ ہرِسنگت ہرِ سیوادار، راج راجاناں شاہ سُلطاناں دیوے خاک مِلائیا۔ جودھا سوُربیِر وڈ مرد مرد مردانہ، ایکا کھنڈا رہیا چمکائیا۔ پہلی کتّک بنّھے گانا، ساچا سگن منائیا۔ گُرسِکھ نہ پھڑے تیِر کمانا، رسنا سوہنگ ایکا گائیا۔ کھیلے کھیل ہرِ دو جہاناں، دو جہاناں والی آپ اکھوائیا۔ جن بھگتاں دیوے پد نِربانا، دوُسر ہتّھ کِسے نہ آئیا۔ اندر بَیٹھے کرن دھیانا، ہرِ دھیان وِچ نہ آئیا۔ گُردر مندر مسجِد مٹّھ، شِودوالے بہہ بہہ کرن گیانا، گیان دھیان نہ کوئی جنائیا۔ چھتّی راگ گا گا گانا، ناد دُھن کان نہ کوئی سُنائیا۔ بھائی بھَین ساک سجّن سیَن دھیِاں پُتر رہے پچھانا، پوُرا سَتگُر دِس نہ آئیا۔ اُچے مندر بَیٹھے وِچ مکانا، نِج استھان نہ ویکھ وکھائیا۔ جگت پدارتھ رس بھوگ کھایا کھانا، آتم رس نہ کوئی کھوائیا۔ تخت تاج بہہ بہہ سجن راجا رانا، راج جوگ نہ کوئی دوائیا۔ کلجُگ انتم پرگٹے نِہکلنک بلی بلوانا، آپ اپنا تیج رہیا چمکائیا۔ چاترک ترِکھا آپ بُجھانا، چیتن سَتا جگائیا۔ ایکا نام دیوے دُھر فرمانا، لِکھن پڑھن وِچ نہ آئیا۔ بھیوَ نہ پائن اِنجیِل قُرآنا، وید پُران رہے سد گائیا۔ کھانی بانی ہوئے حَیرانا، نانک نِرگُن گیا سمجھائیا۔ ارجن لِکھیا لیکھ مہانا، بھیوَ کوئے نہ پائیا۔ ہرِ مندر سُہائے اِک ٹِکانا، گُر گوبِند لیکھ لِکھائیا۔ جوتی جوت سروُپ ہرِ، آپ اپنی جوت دھر،

کلجُگ تیری انتم ور، نِہکلنک نرائن نر، ایکا ڈنکا رہیا وجائیا۔ ایکا ڈنک ہرِ نِرنکار، اپنا آپ وجائندا۔ لکھّ چؤراسی کرے خبردار، سویا کوئی رہن نہ پائندا۔ اِک اِکلّا بنّھے دھار، دھرت دھوَل سُہائندا۔ جگت محلہ ویکھ پسار، کِریا کوُڑی میٹ مِٹائندا۔ شبد پلّا پھڑائے اپر اپار، آپ اپنی بنت بنائندا۔ جوگ جُگت جگ ہرِ کرتار، لیکھا لیکھ نہ کوئی لِکھائندا۔ سوُرا سربنگ سِرجنہار، الپگ جیِو ترائندا۔ درس دکھائے اُپر شاہ رگ، نیتر لوچن نیَن کُھلائندا۔ پھڑ پھڑ ہنس بنائے کگ، کاگوں ہنس بنائندا۔ سیِس بندھائے نام دستار ساچی پگ، سیِس جگدیِش لیکھے لائندا۔ سوہنگ بنّھے تن تگ، لوک مات نہ کوئی تُڑائندا۔ جوت نِرالی پُرکھ اکالی رہی جگ، نہ کوئی مات بُجھائندا۔ جوتی جوت سروُپ ہرِ، آپ اپنی جوت دھر، کلجُگ سنت ویکھے دھرم رائے دا جھوُٹھا وگ، آتم انتر پھول پُھلائندا۔ گیان سُنائے شام اتھربن یجُر رِگ، وید وِدانتا بھرم بُھلائندا۔ اگنی لا لا کاٹھ بہن یگ، تن بِبھوُت رمائندا۔ در در ناد وجاؤندے پِھردے مردنگ، مِرگ سِنگ سوانگی سوانگ رکھائندا۔ جوگی جُگیِشر ہتّھ اُٹھائی پِھردے کِنگ، من دا کِنگرا کوئی نہ ڈھائندا۔ گرنتھی پنتھی رہے اڑِنگ، ساچا تال نہ کوئی وجائندا۔ صوُفی سنت فقیِر پوست اَفیِم کھا کھا بَیٹھے بھنگ، مست آتم نہ کوئی دسائندا۔ نہ کوئی کڈھے دُئی دوَیتی وِنگ، سِدھی دھار نہ کوئی چلائندا۔ مندر مٹّھ پوُجن لِنگ، شِو شنکر درشن کوئی نہ پائندا۔ جوتی جوت سروُپ ہرِ، آپ اپنی جوت دھر، آپے ویکھے سپت سرِنگ، ہیم کُنٹ پھیرا پائندا۔ ہیم کُنڈ ٹھانڈی دھار، کلجُگ کرماں بند کرایا۔ شبد گنڈھ نہ کھولے کوئی وِچ سنسار، گُر نانک گانا ایکا ہتّھ بندھایا۔ اپنی رسنا ہرِ کا بولا گیا اُچار، سوہنگ ڈھولا گایا۔ جامے دس سیوادار، گوبِند ویس وٹایا۔ انتم ڈھیَہہ پئے دوار، پاربرہم تیری اِک سرنائیا۔ ابناشی کرتا پاوے سار، سِر اپنا ہتّھ ٹِکایا۔ نانک گوبِند بن بِھکھار، ایکا منگ منگایا۔ کلجُگ ریَن اندھیری اندھ اندھیار، تیرا میرا دِس نہ آیا۔ چاروں کُنٹ دھوُاں دھار، سچ چند نہ کوئی چڑھایا۔ روَ سس رہے ہار، پرکاش پرکاش پرکاش مُکھ چُھپایا۔ دھرت دھوَل کرے پُکار، اَگے اپنی جھولی ڈاہیا۔ تیرے تیری کرن وِچار، تیرا راہ تکایا۔ کوَن گھر کوَن در کوَن دربار، کوَن کوُٹے ڈیرہ لایا۔ پاربرہم پربھ رہیا پُکار، گوبِند ایہہ سُنایا۔ تیرا دھڑھ میرا گڑھ، سمبل نگری ناؤں رکھایا۔ کلجُگ انتم ویکھاں اُپر چڑھ، ہرِ جوُ ہرِ مندر بَیٹھا آیا۔ اگنی ہوَن نہ جاواں سڑ، مات گربھ نہ کوئی رکھایا۔ ہتّھو ہتھّیں نہ کوئی لئے پھڑ، قِلعہ کوٹ نہ بند کرایا۔ سرِشٹ سبائی آپے لواں اپنے نال پھڑ، آپ اپنے نال لڑایا۔ کوٹن کوٹی کوٹاں

وِچوں سیِس چرن لئے دھر، دوُسر در نہ کوئی بھایا۔ نِہکلنک ناؤں دھر، نانک گوبِند تیری پوُری آسا دئے کرایا۔ چار ورن اِک دوارے دھر، ایکا منتر نام جپایا۔ ایکا ورن دیوے کر، ایکا برن رہیا سمجھایا۔ ساچی سرن ترنی ترن، جگت جگدیِش آپ اکھوایا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کرتا کرنی کار کلجُگ تیری انتم وار، وِچ سنسار کرنے آیا۔ شبد گُردیو ہرِ ہرِ راکھا، سکھا سکھائی اکھوائے۔ لہنا دینا مستک ماتھا، ایکا جھولی نام بھرائے۔ بھگت بھگتی ساچی گاتھا، منتر اِک درڑائے۔ جگت چلائے ساچا راتھا، رتھ رتھواہی سیو کمائے۔ ساچا سنگی سگلا ساتھا، سگلا دُکھ مِٹائے۔ دِوس ریَن ریَن دِوس اٹّھ ساٹھا، نیَنی ریَن دِسائے۔ اُتم سُکھ کایا ماٹا، سانتک سَت ورتائے۔ مہاراج شیر سِنگھ وِشنوُں بھگوان، سِر اپنا ہتّھ ٹِکائے۔ جگت سمگری ساچی راس، گُرچرن ٹِکائیا۔ سَت سنتوکھ رکھیا پاس، سچ سچّی وڈیائیا۔ پوُرا پوُری کرے آس، نِراس رہے نہ رائیا۔ سدا سُہیلا وسے پاس، سَتگُر پوُرے ہتّھ وڈیائیا۔ سیوک سیوا وِٹہو بل بل جاس، بلہاری ہرِ سرنائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، کایا منڈل راس سُہائیا۔ سُت دُلارا جوت جگا، جاگرت دَیا کمائیا۔ پربت ٹِلّے پھول پُھلا، پاربرہم اُٹھائیا۔ لہنا دینا موُل چُکا، آپ اپنے مارگ لائیا۔ شبد سنیہُڑا اِک سُنا، شبدی شبد جگائیا۔ لوک مات وکھائے جگت راہ، بھگت بھگوَنت وڈّی وڈیائیا۔ پنج تت کایا بھاگ لگا، پٹ پٹنا اِک سُہائیا۔ گوبِند روُپ ویکھ وکھا، گوبِند گھاٹ نُہائیا۔ جوتی جوت سروُپ ہرِ، آپ اپنی جوت دھر، پوُت سپوُتا ناؤں دھرائیا۔ پوُت سپوُتے منگی منگ، میلا دو جہانا۔ پُرکھ ابناشی چاڑھے رنگ، کھیلے کھیل مہانا۔ آپ لگایا اپنے انگ، انگیکار سِری بھگوانا۔ برہمنڈ وجائے اِک مردنگ، پُرکھ اکال گانا۔ آد شکت رووے نیر دھارا گنگ، چرن دھوُڑ کرے اشنانا۔ وِشن ونسی کس تنگ، ویکھے راہ بِبانا۔ برہما ویتا در اپنا لنگھ، آپے ہوئے بال بِردھ، بِردھ بال نؤجوانا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ویکھے ساچا دھام استھانا۔ دھام استھان جگت گُردیو، بھارت ونڈ ونڈائیا۔ پُرکھ اکال کری سیو، دِوس ریَن گائیا۔ انتم محلہ الکھ ابھیوَ، وِچھڑ کدے نہ جائیا۔ جوتی جوت سروُپ ہرِ، آپ اپنی جوت دھر، لیکھا لیکھے رہیا لگائیا۔ ہرِ ہرِ لیکھا آپ چُکاؤنا، جوتی نوُر رُشنائیا۔ پنج تن نہ کوئی جناؤنا، شبدی سُت سمجھائیا۔ نِرگُن نِرگُن نِرگُن سرگُن سنگ مِلاؤنا، نام مِلاوا سہج سُبھائیا۔ ہرِسنگت پیار ساچی سیج آسن لاؤنا، سچ سِنگھاسن اِک

وکھائیا۔ چرن کوَل کوَل چرن آپ چھپاؤنا، جگت نیتر دِس نہ آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، بھیوَ ابھیدا آپ اپنا دئے کُھلائیا۔

۲۲ اَسوُ ۲۰۱۵ بِکرمی اِندر سِنگھ دے گھر کرول باغ نویں دِلّی

ہرِ جوت ہرِ نوُر اپار، ہری ہرِ ہرِ آپ اُپائیا۔ آد پُرکھ اگمّ اپار، الکھ اگوچر بھیوَ نہ رائیا۔ نِرگُن ناں ہرِ نِرنکار، روُپ ریکھ نہ کوئی جنائیا۔ آد شکت ویکھ وِچار، جوتی نوُر کرے رُشنائیا۔ بےعیب خُدائی پروردِگار، نامہ ناؤں رکھائیا۔ جوتی جوت سروُپ ہرِ، آپ اپنی جوت دھر، نِرگُن نوُر کرے رُشنائیا۔ نِرگُن نوُر پُرکھ اکالا، عقل کلا اکھوایا۔ ٹھاکر کرتا دیِن دَیالا، ایکا ایک ایک روُپ درسایا۔ آد شکتی جوت جوالا، جاگرت جوت جگایا۔ حق حقیِقت کھیل نِرالا، کھیلنہار دِس نہ آیا۔ پاربرہم پربھ بھیوَ نیار، بھیوَ ابھیدا بھیوَ چُھپایا۔ ابناشی کرتا گُر کرتار، گُر گُر ویس وٹایا۔ تھان تھننتر سوہے دوار، تِھر گھر ڈیرہ لایا۔ شبد سِنگھاسن اپر اپار، شاہو بھوُپ سُہایا۔ راج راجانا ایکا ایکنکارا، جوتی جوت سروُپ ہرِ، آپ اپنی جوت دھر، آپ اپنا ویکھ وکھایا۔ جوت اکالا پُرکھ کرتار، اپنی آپ جگائندا۔ آد جُگادی جانے سار، لِکھیا لیکھ نہ کوئی وکھائندا۔ گُنونتا ہرِ گُن داتار، گُن گُن گُن وِچ سمائندا۔ جوتی جوت سروُپ ہرِ، آپ اپنی جوت دھر، آد انت بھیوَ ابھید اچھل اچھید، اپنا آپ کرائندا۔ اچھل اچھید ہرِ بھگوانا، ایکا ایک اکھوائیا۔ ایکا جودھا سوُر بلی بلوانا، ایکا تیِر چلائیا۔ ایکا شستر دو جہاناں، آپ اپنا رہیا چمکائیا۔ ایکا لوآں پُریاں ویکھے مار دھیانا، برہما وِشن شِو دیوت سُر ویکھ وکھائیا۔ راگ انادی دیوے دُھر فرمانا، شبدی شبد سُنائیا۔ جوتی جوت سروُپ ہرِ، آپ اپنی جوت دھر، نِرگُن ویس در درویش الکھ نِرنجن ایکا الکھ جنائیا۔ الکھ نِرنجن نام جَیکارا، ایکا ایک الائندا۔ سُہائے گھر تِھر دربارا، تِھر گھر ویکھ وکھائندا۔ نِرمل جوتی کر اُجیارا، نوُرو نوُر درسائندا۔ شبد سِنگھاسن بَیٹھ سچّی سرکارا، سچ سُلطانا ناؤں دھرائندا۔ لوآں پُریاں بنّھے دھارا، برہمنڈ کھنڈ بنت بنائندا۔ جوتی جوت سروُپ ہرِ، آپ اپنی جوت دھر، نِرگُن نِرگُن وِچ ٹِکائندا۔ نِرگُن روُپ ہرِ کرتار،

اپنی کل ورتائیا۔ آپ اپنا کر پیار، آپ اپنا میل مِلائیا۔ آپ اپنا سُہائے بنک دوار، در اپنے الکھ جگائیا۔ منگے منگ نِراکار، نِرگُن جھولی اَگے ڈاہیا۔ شبدی بھر شبد بھنڈار، اتوٹ اتُٹ رکھائیا۔ ورتے ورتاوے آپ سنسار، ترےَگُن مایا رنگ رنگائیا۔ ترےَگُن مایا ویس اپار، پنج تت کرے کُڑمائیا۔ برہما ویتا کر پیار، ایکا انگ لگائیا۔ لکھّ چؤراسی پاوے سار، من مت بُدھ نال رلائیا۔ جوتی جوت سروُپ ہرِ، آپ اپنی جوت دھر، آپ اپنا انگ کٹائیا۔ آپ اپنا انگ دئے کٹ، اپنی دَیا کمائندا۔ ویکھ وکھائے چؤداں لوک چؤداں ہٹّ، دہ دِشا پھیری پائندا۔ کھیلے کھیل بازی گر نٹوُآ نٹ، ہرِ سوانگی سوانگ ورتائندا۔ جوتی جوت سروُپ ہرِ، آپ اپنی جوت دھر، جوتی نوُر لٹ لٹ، پاربرہم اکھوائندا۔ پاربرہم برہم پیارا، بھید ابھید کرایا۔ پنج تت کر پسارا، نؤ در پھیرا پایا۔ نؤ در ویکھے جگت دوارا، اپنی کھیل کِھلایا۔ اُچ محلہ اِک اٹلا گھر گھر وِچ آپ ٹِکایا۔ آپے بَیٹھ اِک اِکلّا، آپ اپنی رچن رچایا۔ دیِپک جوتی ایکا بلا، اگیان اندھیر گوایا۔ شبدی دُھن انادی وجائے تالا، تلواڑا اِک سُنایا۔ گگن منڈل گگن گگننتر ویکھے دھرم سچّی دھرمسالہ، ساچا سُندر روُپ سُہایا۔ بجر کپاٹی توڑے جِندا، دُئی دوَیتی میٹ مِٹایا۔ میل مِلاواں اندرے اندر، کر کِرپا میل مِلایا۔ جوتی جوت سروُپ ہرِ، آپ اپنی جوت دھر، آد جُگاد جُگ جُگ ویس پُرکھ اکالا دیِن دَیالا، آپ اپنا رہیا کرایا۔ دیِن دَیال ہرِ بھگوَنتا، ہرِ ہرِ آپ اکھوایا۔ آپ اُپائے ساچے سنتاں، سَتگُر میل مِلایا۔ ویکھ وکھائے لکھّ چؤراسی جیِو جنتاں، اُتبُھج سیتج جیرج انڈ پھول پُھلایا۔ گُرمُکھ وِرلے میل مِلاوا ناری کنتا، آتم سیجا اِک وِچھایا۔ پُھل پُھلواڑی نام سُہائے رُت بسنتا، ساچا دھام وکھایا۔ جوتی جوت سروُپ ہرِ، آپ اپنی جوت دھر، آد جُگادی اپنا ویس کرے کرائے نر ہرِ نِرگُن سرگُن ویکھ وکھایا۔ نِرگُن سرگُن ساچی دھار، ہرِ ہرِ آپ چلائیا۔ آپ اُپائے آپ کھپائے وِچ سنسار، دوُسر دِس کِسے نہ آئیا۔ ہر گھٹ بَیٹھا دیِپک جوتی کر اُجیار، سچ سِنگھاسن ڈیرہ لائیا۔ چاروں کُنٹ دہ دِشا گُردر مندر مسجِد جیِو جنت کرن وِچار، ہتّھ کِسے نہ آئیا۔ جِس جن بخشے چرن پیار، سو جن بوُجھے در ساچا سوُجھے، ایکا دوُجا بھیوَ گوائیا۔ تیِجے نیَن آپے لوُجھے، چؤتھے پد سمائیا۔ پنچم پاربرہم پربھ آپے بوُجھے، ملِے سچ وڈیائیا۔ جوتی جوت سروُپ ہرِ، آپ اپنی جوت دھر، آد پُرکھ آد نِرنجن ابناشی کرتا ناؤں دھرائیا۔ آد پُرکھ سرب گھٹ دیوا، ہرِ ہرِ روُپ سمایا۔ اجوُنی رہت الکھ ابھیوا، نِرگُن نوُر کرے رُشنایا۔ ہرِ سنتن ویکھے ساچی سیوا، لوک مات پھیری پایا۔ گُن وکھائے رسنا جِہوا، جو جن رسنا

رہے گایا۔ کؤستک منیا مستک لائے تھیوا، لہنا دینا موُل چُکایا۔ جوتی جوت سروُپ ہرِ، آپ اپنی کِرپا کر، آدن انتا ہرِ بھگوَنتا، جُگ جُگ اپنا ویس وٹایا۔ جُگ جُگ ویس کرنیہارا، کرتا پُرکھ اکھوائیا۔ آد شکت کھیل اپارا، کھیلے کھیل سرِشٹ سُبائیا۔ نام بھگؤتی کھنڈا اپارا، برہمنڈاں رہیا چمکائیا۔ میٹ مِٹائے دھوُاں دھارا، ریَن اندھیرا رہن نہ پائیا۔ روَ سس کرن نِمسکارا، بَیٹھے سیِس جھُکائیا۔ منڈل منڈپ دئے سہارا، گگن پاتالا ویکھ وکھائیا۔ جوتی جوت سروُپ ہرِ، آپ اپنی جوت دھر، آپ اپنی ونڈ ونڈائیا۔ آپ اپنی ونڈ ونڈا، اپنی دَیا کمائندا۔ اپنا لہنا اپنی جھولی پا، آپے ویکھ وکھائندا۔ بھانا سہنا حُکم جنا، گُر پیِر اوتار لوک مات دھرائندا۔ شبد سنیہڑا اِک گھلا، جوتی جوت جگائندا۔ نیتر نیَناں درس دِکھا، آتم ترِشنا بُجھائندا۔ بستر گہنا ایکا پا، شبد شِنگار کرائندا۔ ساچے گھوڑے رہیا چڑھا، چِٹا اَسو اِک دؤڑائندا۔ سولاں کلیاں آسن لا، نؤ کھنڈ پرِتھمی ستّاں دیِپاں ویکھ وکھائندا۔ جوتی جوت سروُپ ہرِ، آپ اپنی جوت دھر، روُپ انوُپ شاہو بھوُپ ہرِ بھگوانا، دو جہاناں اپنا آپ وٹائندا۔ بھگوَن روُپ بھگتن لیکھا، جُگ جُگ آپ چُکایا۔ لکھّ چؤراسی پائے بھرم بُھلیکھا، دِس کِسے نہ آیا۔ آپے لِکھنہارا مستک ریکھا، آپے دئے مِٹایا۔ آپے ویکھے موُنڈ مُنڈائے دھاری کیسا، ہر گھٹ بَیٹھا آسن لایا۔ آپے جوتی رام کرِشنا روُپ وٹایا۔ آپے برہما وِشن مہیشا گنپت در درویشا، آپے الکھ جگایا۔ آپے شبد سِنگھاسن بَیٹھ نر نریشا، آپ اپنا حُکم سُنایا۔ آپے لوک مات کرے کرائے ویسا، جُگ جُگ ویس وٹایا۔ ایکا روُپ نہ کوئی داہڑی مُچھ کیسا، پنج تت نہ کوئی جنایا۔ سنت سُہیلے وِرلے ویکھا، در کبیِر سُہایا۔ جوتی جوت سروُپ ہرِ، آپ اپنی جوت دھر، آد پُرکھ ابناشی کھیلے کھیل گھنک پُر واسی، گھٹ گھٹ واسی نام رکھایا۔ گھٹ گھٹ انتر ہرِ نِرنکارا، گھٹ گھٹ جوت جگائیا۔ گھٹ گھٹ کرے آپ پسارا، گھٹ گھٹ بَیٹھا ڈیرہ لائیا۔ گھٹ گھٹ جوت نِرنجن کر اُجیارا، گھٹ گھٹ آد نِرنجن ویکھ وکھائیا۔ گھٹ گھٹ انحد شبد وجائے سچّی دُھنکارا، گھٹ انحد تال وجائیا۔ گھٹ گھٹ آتم سیجا کر پیارا، گھٹ گھٹ آپے میل مِلائیا۔ گھٹ گھٹ اندر پُرکھ پرکھوتم ناری نارا، گھٹ گھٹ سُہنجنی سیج جنائیا۔ گُرمُکھ وِرلے میلے وِچ سنسارا، جِس جن اپنی بوُجھ بُجھائیا۔ اِک اِکلّا پاوے سارا، لکھّ چؤراسی ویکھ وکھائیا۔ تریتا تیرا پار کنارہ، ہرِ ساچا آپ کرائیا۔ وید ویاسا بن لِکھارا، لیکھا گیا لِکھائیا۔ نانک گوبِند بن بِھکھارا، منگے منگ بےپرواہیِا۔ پاربرہم لےَ اوتارا، کلجُگ میٹے جھوُٹھی شاہیِیا۔ شبد کھنڈا تیز کٹارا، دو جہاناں آپ چمکائیا۔ سو پُرکھ نِرنجن کھیل

اپارا، ہنگ ہنگتا دئے مِٹائیا۔ جوتی جوت سروُپ ہرِ، آپ اپنی جوت دھر، نِرگُن نِرگُن روُپ کرے رُشنائیا۔ نِرگُن نوُر ہرِ کرتار، اپنا آپ کرایا۔ گوبِند میلا وِچ سنسار، دِس کِسے نہ آیا۔ پنچم میِتا کر پیار، پنچم موہ چُکایا۔ پنچم ڈھیَہہ پئے دوار، پنچم گلے لگایا۔ پنچم مارے تیز کٹار، پنچم کھنڈا ہتّھ اُٹھایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ہرِ نِرنکار تیرا تیری جھولی پائیا۔

۲۳ اَسوُ ۲۰۱۵ بِکرمی پریتم سِنگھ دے گھر ۱۲ اے، ۱۶ ڈبلیؤ ای ایف کرول باغ نوَیں دِلّی-۵

سچّ دوار سچ سِنگھاسن، جوتی نوُر ڈگمگائیا۔ شاہو بھوُپ پُرکھ ابناش، اُپر بَیٹھا بےپرواہیِا۔ شاہ سُلطان سرب گھٹ واس، روُپ رنگ نہ کوئی جنائیا۔ کھیلے کھیل پرِتھمی آکاش، پاربرہم وڈّی وڈیائیا۔ آد جُگاد جُگ جُگ لوآں پُریاں لوک مات ویکھے کھیل تماش، کھیل کِھلاری آپ ہو جائیا۔ جوتی جوت سروُپ ہرِ، آپ اپنی جوت دھر، نِرگُن نِرنکار نِرویَر ناؤں دھرائیا۔ سچ دوار سچ دربارا، ہرِ ساچا تخت سُہایا۔ اُپر بَیٹھ ہرِ نِرنکارا، آپ اپنا ویکھ وکھایا۔ آپ سُہائے سچّا گھر بارا، تِھر گھر ساچا اِک وکھایا۔ جوتی جوت سروُپ ہرِ، آپ اپنی جوت دھر، نِرگُن نِرگُن نِرگُن نوُر اُپایا۔ سچ در سچ دربار، ہرِ ساچے وڈ وڈیائیا۔ اکال موُرت جوت نِرنکار، آد شکت ویس وٹائیا۔ پاربرہم روُپ اپار، سَت سروُپ سمائیا۔ اِک اِکلّا ایکنکار، عقل کلا اکھوائیا۔ راج راجان شاہ سِکدار، بھوُپت بھوُپ آپ اکھوائیا۔ در درویشا بن بِھکھار، در اپنے سیِس جھُکائیا۔ اپنا کھنڈا کر تیار، آپ اپنا لئے اُٹھائیا۔ دوُسر کوئی نہ پاوے سار، لِکھت لیکھا نہ کوئی لِکھائیا۔ آد جُگادی ایکا دھار، جُگ جُگ ویس وٹائیا۔ جوتی جوت سروُپ ہرِ، آپ اپنی جوت دھر، گھر گھر بارا ایکنکارا اِک دِسائیا۔ وسیا گھر آد نِرنجن، تخت تاج سُہایا۔ داتا دانی درد دُکھ بھےَ بھنجن، کل بھرپوُر اکھوایا۔ اپنے نیتر آپے پائے انجن، گیان نیتر آپ رکھایا۔ اپنی دھوُڑی آپے کرے مجن، آپ اپنے سر سروور نُہایا۔ آپ اپنا بنیا سجّن، آپ اپنا سنگ نِبھایا۔ جوتی جوت سروُپ ہرِ، آپ اپنی جوت دھر، ہرِ دربار دئے وڈیایا۔ در دربارا دُھر درگاہ، دُھر دی بان رکھائیا۔ بےعیب پروردِگار

بےپرواہ، بَیٹھا آسن لائیا۔ سچ سِنگھاسن سیج وِچھا، دھام اولّا اِک سُہائیا۔ نِہچل اٹلا آپ جنا، اِک اِکلّا کھیل کِھلائیا۔ جوتی جوت سروُپ ہرِ، آپ اپنی جوت دھر، آد پُرکھ ابناشی کرتا جُگ جُگ ویس وٹائیا۔ شبد سِنگھاسن ہرِ نِرنکارا، تِھر گھر آپ رکھایا۔ آپ اپنا پہریدارا، آپ اپنی سیو کمایا۔ آپ اپنا چوبدارا، آپ اپنا رہیا اُٹھایا۔ آپ اپنا میِت مُرارا، آپ اپنا حُکم چلایا۔ آپ اپنی لائے کارا، آپ اپنا موہ ودھایا۔ آپ اپنا کر پیارا، آپ اپنا انگ کٹایا۔ آپ اپنا کر پسارا، برہم برہم روُپ پاربرہم دھرایا۔ جوتی جوت سروُپ ہرِ، آپ اپنی جوت دھر، سچ دوارا اِک رکھایا۔ سچ دوار آد انت، ہرِ ہرِ آپ رکھائندا۔ کھیلے کھیل جُگا جُگنت، جُگ جُگ دھار چلائندا۔ شبد جنائی ساچے سنت، آپ اپنا بچن الائندا۔ میل مِلاوا ناری کنت، گھر ساچی سیج ہنڈھائندا۔ جوتی جوت سروُپ ہرِ، آپ اپنی جوت دھر، جوتی کرتا ناؤں رکھائندا۔ جوتی کرتا ہرِ کرتارا، جوتی جوت جگائیا۔ لکھّ چؤراسی کر پسارا، برہما وِشن شِو سیوا لائیا۔ کھیلے کھیل اپر اپارا، آپ اپنا بھیوَ چُھپائیا۔ پنج پنجھی کر پیارا، ترےَگُن تند بندھائیا۔ اٹّھاں تتاں وسے باہرا، اپ تیج وائے پرِتھمی آکاش من مت بُدھ نہ کوئی رکھائیا۔ پوَن پوَنی پوَن سواس، ساچی راس چلائیا۔ گگن منڈل پرِتھمی آکاش، کایا کھنڈ برہمنڈ اِنڈ پِنڈ وکھائیا۔ جیرج انڈ شاہو شاباش، اُتبُھج سیتج رہیا سمائیا۔ ونڈے ونڈ سرب گُنتاس، لیکھا لیکھ نہ کوئی جنائیا۔ روَ سس منڈل منڈپ ہوئے داس، دِوس ریَن رہیا بھوائیا۔ سُرپت راجا اِند کروڑ تیتیِسا رکھی آس، نیتر نیَن رہیا اُٹھائیا۔ سادھ سنت آتم منگن ساچی راس، گوپی کاہن میل مِلائیا۔ جوتی جوت سروُپ ہرِ، آپ اپنی جوت دھر، شبد دوارا ہرِ نِرنکارا، ایکا گھر سُہائیا۔ ہرِ دوار ہرِ اولّا، ہرِ ہرِ آپ اُپایا۔ آپے وسیا اِک اِکلّا، نہ کوئی دوُسر سنگ رکھایا۔ پاوے سار جلاں تھلاں، ڈوُنگھی کندر ویکھ وکھائیا۔ بھاگ لگائے کایا کھلّا، جوت نِرنجن کر رُشنایا۔ جوتی جوت سروُپ ہرِ، آپ اپنی جوت دھر، نِرگُن سرگُن میل مِلایا۔ سرگُن میلا وِچ سنسار، ہرِ ساچے رچن رچائیا۔ پنج تت کر پیار، پنجھی پرکِرتی ویکھ وکھائیا۔ ناتا جوڑ اپر اپار، رَکت بوُند مِلائیا۔ ہڈّ ماس ناڑی چمّ کر آکار، ایکا گڑھ وکھائیا۔ نؤ در کھول کِواڑ، ساچی بنت بنائیا۔ اُپر چڑھ پاوے سار، گھر گھر وِچ رہیا ٹِکائیا۔ نِرگُن جوت کر اُجیار، دِوس ریَن ڈگمگائیا۔ شبد انادی ساچی دھار، دُھن آتمک رہیا وجائیا۔ بودھ اگادھی کھیل اپار، لِکھن پڑھن وِچ نہ آئیا۔ جوتی جوت سروُپ ہرِ، آپ اپنی جوت دھر، آپ اپنا ویکھ وکھائیا۔ آپ اپنا آپے ویکھ، اپنی بنت بنائندا۔ آپ اپنا

لِکھے لیکھ، لیکھا اپنے ہتّھ رکھائندا۔ آپ اپنا دھارے بھیکھ، بھیکھادھاری ناؤں اُپائندا۔ آپ اپنے اُپائے مُچھ داہڑی کیس، آپ اپنا موُنڈ مُنڈائیندا۔ آپے داتا دس دسمیس، نانک گوبِند روُپ درسائندا۔ جوتی جوت سروُپ ہرِ، آپ اپنی جوت دھر، جُگ جُگ اپنی دھار چلائندا۔ جُگ جُگ دھار ہرِ نِرنکار، اپنی آپ چلائیا۔ سَتجُگ تریتا دواپر پاوے سار، کلجُگ موکھ وڈیائیا۔ ریَن اندھیری اندھ اندھیار، دھوُاں دھار سرِشٹ سبائیا۔ نؤ کھنڈ پرِتھمی رووے زارو زار، لکھّ چؤراسی رہی کُرلائیا۔ سادھاں سنتاں آئی ہار، سچ گھر نہ کوئی سُہائیا۔ پڑھ پڑھ تھکے جیِو گوار، جگت وِدیا مات پڑھائیا۔ گُر کا شبد نہ سکے وِچار، گُر موُرت نظر نہ آئیا۔ پِھر پِھر تھکے ہردوار، ہری ہرِ دِس نہ آئیا۔ گُردر مندر مسجِد کر رہے پُکار، پوُری آس نہ کوئی رکھائیا۔ گیِتا گیان رہے اُچار، کاہنا کرِشنا نِہکلنک ہنڈھائیا۔ سیِتا رام جےَ جےَ جَیکار، سیِتا سُرت نہ کوئی پرنائیا۔ االلہ ہوُ لایا نعر، اَناالحق نہ کوئی مِلائیا۔ مِلیا میل نہ سانجھے یار، مُقامے حق نہ کوئی پُچائیا۔ گیانی دھیانی گیان دھیان رہے اُچار، نیتر گیان نہ کوئی کُھلائیا۔ نانک نانک رہے اُچار، نانک نِرگُن دِس نہ آئیا۔ پنچم پنچم رہے سُدھار، پنچم مِلیا نہ ساچا ماہیِا۔ پنچم کّکے کر شِنگار، تن گاترا رہے لٹکائیا۔ مریا دُشٹ نہ کام کرودھ لوبھ موہ ہنکار، دھیِرج دھیِر نہ کوئی دھرائیا۔ سیِس بنّھ کالے دستار، من کالا دُرمت مَیل نہ کوئی دھوائیا۔ واہِگُروُ فتح بول جَیکار، شبد ڈنک نہ کوئی وجائیا۔ در سُہایا نہ بنک دوار، نِرگُن جوت نہ ہوئے رُشنائیا۔ جگت نیَن ڈُبا منجھدھار، کلجُگ بیڑا رہیا ڈُبائیا۔ جوتی جوت سروُپ ہرِ، آپ اپنی جوت دھر، جگ اپنا ویس وٹائیا۔ جُگ جُگ ویس ہرِ بھگوان، اپنا آپ وٹائندا۔ دھرمی دھرم جھُلائے اِک نِشان، لوآں پُریاں پھیرا پائندا۔ برہما وِشن شِو دیوت سُر سرب کُرلان، نیتر نیَن ویکھ وکھائندا۔ گن گندھرب رسنا گان، یس کِنر مردنگ وجائندا۔ بھوُت پریت پچاس مِل مِل منگل اِک وکھان، دھرم رائے در سُہائندا۔ چِتر گُپت نؤجوان، لیکھا لِکھیا لیکھ وکھائندا۔ پاربرہم پربھ کر پروان، شبدی شبد جنائندا۔ کلجُگ انتم ویکھے مار دھیان، نانک گوبِند لیکھ لِکھائندا۔ مِٹے نہ لیکھا دو جہان، نہ کوئی موُل چُکائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، آپ اپنا کرم کمائندا۔ کلجُگ تیری ساچی راس، تیری جھولی پائیا۔ کوُڑ کُڑیارا تن ماس، تیری ونڈ ونڈائیا۔ جگت لُبھایا ہاس بِلاس، بِمل روُپ نہ کوئی سمائیا۔ پنج تت وِکارا ہویا واس، پنچم موہ رکھائیا۔ جوتی جوت سروُپ ہرِ، آپ اپنی جوت دھر، نِرگُن جوتی نوُر کر، نوُرو نوُر کرے رُشنائیا۔ جوتی نوُر ہرِ

اُجالا، ہرِ ہرِ روُپ وٹایا۔ پرگٹ ہوئے دیِن دَیالا، دیناں اناتھاں ہوئے سُہایا۔ وکھائے دھرم سچّی دھرمسالہ، گھر مندر اندر پھیرا پایا۔ پھل لگائے کایا ڈالا، ہرِسنگت ویکھ وکھایا۔ ہرِسنگت تیرا کھیل نِرالا، دِس کِسے نہ آیا۔ اِک سد اِک اِک کڈّھیا جگت دوالا، جوتی جوت سروُپ ہرِ، آپ اپنی جوت دھر، تیرا لہنا تیری جھولی پایا۔ اِک سد اِک اَگے دھر، ہرِسنگت چرن نِمسکاریا۔ پُرکھ ابناشی کِرپا کر، چؤتھے جُگ چؤتھی ونڈ چارے جھولی پا رہیا۔ پہلے میٹے بھیکھ پکھنڈ، در دربارے نیہاں ہیٹھ دبا رہیا۔ نؤ دوار جگت جیِو دِسن رنڈ، دسم دوار نہ کوئی مِلا رہیا۔ ہوئے خواری وِچ وربھنڈ، ہرِ بھنڈی ڈاہڈی پا رہیا۔ نار دُہاگن دِسے رنڈ، ساچا کنت نہ کوئی منا رہیا۔ جوتی جوت سروُپ ہرِ، آپ اپنی جوت دھر، ویہہ سؤ گیاراں تیری دھار، دسویں گھروں کرے باہر، ایکا ایک ایکا کرا رہیا۔ دوُجی ونڈ ہرِ نِرنکار، اپنی آپ ونڈائیا۔ ہرِسنگت تیرا سَت پیار، سرِشٹ سبائی دئے دِکھائیا۔ ستّ رنگ نِشانہ کر تیار، ستّاں دیِپاں دئے چڑھائیا۔ راج راجاناں شاہ سُلطاناں کریا خبردار، سویا کوئی رہن نہ پائیا۔ پرگٹ ہویا والی دو جہان سانجھا یار، نِرگُن جوت کرے رُشنائیا۔ شبد ڈنکا وجائے اپر اپار، لوک مات وجّی ودھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، اپنا حِصّہ آپے رہیا پائیا۔ تیِجی ونڈ کر کرتار، کرتے کرم کمایا۔ پنچم مُکھ سیِس کر شِنگار، ساچا تاج سُہایا۔ پنچ نِشانہ بنّھے دھار، پنچم روُپ وٹایا۔ ہتّھ سوٹا وڈ بلکار، شبد ڈنڈا رہیا وکھایا۔ چرن جوڑا چرن کوَل پسار، چرن چرنودک اِک اُپایا۔ آیا چل دِلّی دربار، اَسوُ تِنّ رُت سُہایا۔ ویہہ صد تیراں تیری دھار، راشٹرپت ایہہ سمجھایا۔ پرگٹ ہویا نِہکلنک نرائن نر اوتار، گوبِند ویس وٹایا۔ سرِشٹ سبائی لکھّ چؤراسی راج راجاناں شاہ سُلطاناں انتم بازی جانی ہار، پاشا سار نہ کوئی کھیل کِھلایا۔ نہ کوئی دِسے وڈ سِکدار، سیِس تاج نہ کوئی ٹِکایا۔ جوتی جوت سروُپ ہرِ، آپ اپنی جوت دھر، لیکھا لِکھت لیکھ ہتّھ پھڑایا۔ تیجی ونڈ ہرِ کر، اپنا کرم کمائندا۔ راج راجاناں شاہ سُلطاناں جگت مایا جانا ہر، در در آپ پِھرائندا۔ سُننجے محل آوے ڈر، دیِوا بتّی نہ کوئی جگائندا۔ ہرِسنگت تیرا بھنڈارا بھر، پنچم پنچم سیوا لائندا۔ چار ورناں وکھائے ایکا گھر، اوُچ نیِچ کوئی رہن نہ پائندا۔ اِک نُہائے ساچے سر، کاگوں ہنس بنائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، سرِشٹ سبائی رہیا لِکھائی، نہ کوئی میٹے میٹ مِٹائندا۔ چؤتھی ونڈ کر تیار، ہرِ جوت سیوا لائیا۔ ہرِسنگت اَگے کر نِمسکار، ہرِ بَیٹھا جودھا سوُربیِر، وڈ

وڈّا بھیوَ کوئی نہ پائیا۔ میٹی جائے دُھر دی لِکھی تقدیِر، اکسیِر نہ کوئی جنائیا۔ چٹے اُپر کالی کِھچی جائے لکیِر، دُھر دا شبد دُھر دی دئے گواہیِا۔ آپے بنیا شاہ فقیِر، شاہ کنگالا آپ اکھوائیا۔ جن بھگتاں کٹن آیا ترےَگُن مایا وجھّا زنجِیر، پنج تت موہ چُکائیا۔ اٹھسٹھ تیِرتھ امرت رہن نہ دیوے کِسے نیر، چرن چُھہائے دَیا کمائے آپ اپنے وِچ ٹِکائیا۔ ہِندوُ مُسلم سِکھ عیِسائی سب دے سِر تے آئے بھیڑ، نہ سکے کوئی بچائیا۔ لکھّ چؤراسی اندرے اندر اُٹھے پیِڑ، نام داروُ نہ کوئی مُکھ چوائیا۔ نہ کوئی سگلا سنگ رکھائے پیِر دستگیِر، شِو شنکر برہما وِشن دیوت سُر نہ کوئی بھار اُٹھائیا۔ دُھر دی بان لایا ایکا تیِر، سو پُرکھ نِرنجن وڈ وڈیائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کلجُگ تیری انتم ور، ویہہ سؤ پندراں تیری رُت سُہائیا۔ ویہہ سؤ پندراں چوَھی اَسوُ چوَھیاں اوتار، نِرگُن روُپ وٹایا۔ نِوائے سیِس دِلّی دوار، در دربارا سچ سِنگھاسن اِک وِچھایا۔ چؤتھی بھیٹا اَگے چاڑھ، ہرِسنگت سیِس تاج اِک ٹِکایا۔ چؤتھے گھر چؤتھے پد چؤتھے جُگ دیوے واڑ، نہ باہر کوئی کڈھایا۔ سوا پنج خالی کرے قاروُ گنج، ایکا اِکّی ایکا پایا۔ نوُر نوُرانی شاہ سُلطانی نہ سویر نہ سنجھ، روَ سس سوُرج چنّ نہ کوئی چڑھایا۔ جوتی جوت سروُپ ہرِ، آپ اپنی جوت دھر، ہرِسنگت ہرِ سیوا رہیا کمایا۔ سوا پنج کر ارداس، پلّے گنڈھ بندھائیا۔ پٹ پٹنے کر نِواس، سِر سِر ویکھ وکھائیا۔ پُری انند کرن آیا تیری پوُری آس، منمُکھ جیِواں اُتے پردہ پائیا۔ ہرِ وست سچ ہرِسنگت تیری رکھی اپنے پاس، انت تیری جھولی پائیا۔ گُرسِکھ گُرمُکھ نہ ہوئے کدے اُداس، جِس مِلیا پوُرا سَتگُر وڈ داتا بےپرواہیِا۔ پہلی کتّک ساچے گھر کرے واس، نِواسا آپ اکھوائیا۔ نِرگُن جوت کر پرکاش، تخت اکال ہرِ مندر دئے جنائیا۔ مہاراج شیر سِنگھ وِشنوُں بھگوان، نِہکلنک نرائن نر، گوبِند گوبِند ویس وٹائیا۔