کتب خانہGranth 8 (Shahmukhi)

۱۷ کتّک ۲۰۱۶ بِکرمی سردوُل سِنگھ دے گھر پِنڈ کہےروُ ضِلع سنگروُر

ایکنکار روُپ نِراکار، آد جُگاد سمائیا۔ آد پُرکھ نِرنجن کھیل اپار، الکھ اگوچر بھیوَ نہ رائیا۔ نِرگُن جوت نوُر اُجیار، نوُرو نوُر ڈگمگائیا۔ پاربرہم پُرکھ پُرکھ کرتار، کرنی کرتا ناؤں دھرائیا۔ جوتی جوت سروُپ ہرِ، آپ اپنی جوت دھر، آپ اپنے رنگ سمائیا۔ ایکنکار عقل کل دھارا، ایکا ایک ایک اکھوائندا۔ کھیلے کھیل اپر اپارا، بھیوَ ابھیدا بھیوَ رکھائندا۔ ورتے ورتاوے اپنی دھارا، دھار نِرالی آپ چلائندا۔ سُہائے بنک سچّا دربارا، سچکھنڈ ساچا آسن لائندا۔ تِھر گھر وسے اِک منارا، نِرگُن اپنا آپ اُپائندا۔ پُرکھ ابناسی بَیٹھ سچّی سرکارا، سچ سِنگھاسن آسن لائندا۔ نِرگُن دیِپک کر اُجیارا، آد جُگادی ڈگمگائندا۔ نہ کوئی دوُسر میِت مُرارا، نہ کوئی سنگ رکھائندا۔ نہ کوئی روَ سس سوُرج چند سِتارہ، منڈل منڈپ نہ کوئے اُپائندا۔ نہ کوئی برہما وِشن شِو لائے نعرہ، ترےَگُن روُپ نہ کوئے پرگٹائندا۔ نہ کوئی لکھّ چؤراسی کرے پسارا، اپ تیج وائے پرِتھمی آکاش تتَو تت نہ کوئے بنائندا۔ نہ کوئی جنگل جوُہ اُجاڑ پہاڑا، برہمنڈ کھنڈ نہ کوئے رکھائندا۔ روَ

سس سوُرج چنّ نہ کوئی ستارا، منڈل منڈپ نہ کوئی وکھائندا۔ اپ تیج وائے کھنڈ نہ کوئے وِچارا، جوتی جوت سروُپ ہرِ، آپ اپنی جوت دھر، ایکنکارا ایکنکار ایک ایک ناؤں دھرائندا۔ ایکنکارا اِک اکلّا، ایک رنگ سمائندا۔ وسنہارا اُچ اٹل محلہ، در گھر ساچے سوبھا پائندا۔ پاوے سار جلاں تھلاں، آپ اپنا روُپ درسائندا۔ جوتی جوت سروُپ ہرِ، آپ اپنی جوت دھر، ایکنکار کر پسار، نِرگُن کھیل اپر اپار، آپ اپنی کھیل کِھلائندا۔ نِرگُن پُرکھ ہرِ ابناسا، ایکا ایک اکھوائندا۔ آد جُگادی کھیلے کھیل تماشا، آپ اپنی رچن رچائندا۔ پاوے سار پرِتھمی آکاشا، گگن منڈل پھول پُھلائندا۔ منڈل منڈپ پاوے راسا، آپ اپنا ویس وٹائندا۔ آد جُگاد نہ کدے وِناسا، ابناسی پُرش ناؤں دھرائندا۔ نہ کوئی رسنا جِہوا پوَن سواسا، بتّی دند نہ کوئے ہِلائندا۔ پنج تت نہ کایا کاسہ، کنچن گڑھ نہ کوئے سُہائندا۔ نہ کوئی اِشٹ دیوَ رکھے بھرواسا، گُر دیوَ نہ کوئے وکھائندا۔ پاربرہم ابناسی کرتا ایکا ایک شاہو شاباشا، شاہ سُلطانا اِک اکھوائندا۔ جوتی جوت سروُپ ہرِ، آپ اپنی جوت دھر، نِرگُن دھار ایکنکار اپنی آپ چلائندا۔ ایکنکار ایکا دھار، ایکنکار اپنی آپ چلائیا۔ اگمّ اگمّڑا اگمّڑی کرے کار، اگمّڑے دھام سُہائیا۔ اِک سُہائے سچکھنڈ سچ دربار، در دروازہ آپ کُھلائیا۔ تِھر گھر میلا ایک نِرنکار، آپ اپنا لئے مِلائیا۔ ایکا سچ کرے پیار، سچ سُہنجنی سیج ہنڈھائیا۔ آپے پُرکھ آپے بنے نار، آپ اپنا جوڑ جُڑائیا۔ اپنے مندر اپنا کرے شِنگار، آپ اپنا رنگ رنگائیا۔ اپنے گھر ہو تیار، آپ اپنی سوبھا پائیا۔ جوتی جوت سروُپ ہرِ، آپ اپنی جوت دھر، نِرگُن روُپ سَت سروُپ سچکھنڈ دوارا ایکنکارا اِک اکلّا بَیٹھا آسن لائیا۔ سچکھنڈ دوارا سوبھاوَنت، ہرِ ساچا آپ سُہائندا۔ ایکا ایک رہے بھگوَنت، دوُسر کوئے نہ سنگ رکھائندا۔ نہ کوئی جیِو نہ کوئی جنت، نہ کوئی بنت بنائندا۔ نہ کوئی شبدی اِشٹ نہ کوئی منت، نہ کوئی سیِس جھُکائندا۔ جوتی جوت سروُپ ہرِ، آپ اپنی کِرپا کر، سچکھنڈ نِواسی پُرکھ ابناسی اپنی اِچھیا پائے بِھچھیا، اپنا بھنڈارا آپ ورتائندا۔ سچکھنڈ دوار ہرِ بھگوان، اپنی اِچھیا پوُر کرائیا۔ دیونہارا داتا دانی دان، اپنے ہتّھ رکھے وڈیائیا۔ کھیلے کھیل والی دو جہان، جُگت اپنے ہتّھ رکھائیا۔ اپنے مندر ہو پردھان، اپنی کل آپ ورتائیا۔ جوتی جوت سروُپ ہرِ، آپ اپنی کِرپا کر، سچکھنڈ واسا پُرکھ ابناسا اِک اکلّا اپنا آپ رکھائیا۔ سچکھنڈ دوار آپ سُہائے، ہرِ سَتگُر وڈ وڈیائیا۔ اپنی بِھچھیا بھگتی آپ پائے، پاربرہم بھیوَ نہ رائیا۔ اپنی جھولی اَگے ڈاہے، آد نِرنجن در درویش آپ ہو جائیا۔ اپنا بھنڈارا آپ ورتائے، وڈ بھنڈاری

بےپرواہیِا۔ سچ دوارا سوبھا پائے، گھر ساچا اِک سُہائیا۔ درس اپنا ایکا رنگ رنگائے، رنگ رنگیِلا آپ اکھوائیا۔ جوتی جوت سروُپ ہرِ، آپ اپنی کِرپا کر، اپنی بنت آپ بنائیا۔ سچکھنڈ دوار پُرکھ کرتار، اپنی بنت آپ بنائندا۔ آپے بَیٹھا بن پُرکھ نار، آپ اپنا سنگ نِبھائندا۔ آپے بھوگی بھوگ کرے نِرگُن دھار، نِرگُن نِرگُن میل مِلائندا۔ نِرگُن نِرگُن کر پیار، نِرگُن نِرگُن رنگ رنگائندا۔ نِرگُن اندر نِرگُن دھار، نِرگُن آپ رکھائندا۔ نِرگُن نِرگُن پاونہارا سار، نِرگُن سیو کمائندا۔ نِرگُن نِرگُن کرے پیار، نِرگُن میل مِلائندا۔ نِرگُن نِمیا نِرگُن جمیا نِرگُن ناؤں رکھیا آپ کرتار، دوُسر کوئے نہ ویکھ وکھائندا۔ شبد سُت دُلارا کر تیار، پربھ اپنی گود اُٹھائندا۔ ساچے بال کرے پیار، ایکا سِکھیا سچ سمجھائندا۔ لوآں پُریاں کر تیار، برہمنڈ کھنڈ تیری رچن رچائندا۔ میری اِچھیا تیری دھار، تیرا روُپ آپ نِرنکار، آپ اپنی کل ورتائندا۔ تیرا نام بول جَیکار، سچکھنڈ وکھائے سچّی دُھنکار، اپنا منگل آپے گائندا۔ تیرا راگ سُننیہار، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک سُنائندا۔ ساچا حُکم دُھر فرمانا، ہرِ شبدی سُت سُنائندا۔ تخت تاج بَیٹھ ہرِ ساچا دانا، ساچا عدل کمائندا۔ آد جُگادی ایکنکارا آپے ورتے اپنا بھانا، اپنا بھانا آپ رکھائندا۔ تیرا پیار میرا مانا، آپ اپنا رنگ رنگائندا۔ جوتی جوت سروُپ ہرِ، آپ اپنی جوت دھر، شبد سُت دِتا ور، ساچی سیوا سیو لگائندا۔ شبد سُت اُٹھ جوان، پربھ اَگے سیِس جھُکائیا۔ پُرکھ ابناسی سدا ہونا نِگاہبان، وِچھوڑا وِچ نہ کوئے رکھائیا۔ اپنا دینا آپ دُھر فرمان، بُھل کدے نہ جائیا۔ برہمنڈ کھنڈ لوآں پُریاں چؤداں لوک بناواں اِک دُکان، تیری اِچھیا بِھچھیا پوُر کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، اتوٹ اتُٹ اِک رکھائیا۔ ہرِ بھگوانا ہو مِہربانا، اپنی دَیا کمائندا۔ شبد انادی دیوے اِک ترانہ، ساچا حُکم جنائندا۔ تیرا روُپ تیرا رنگ تیرا سُت والی دو جہاناں، سگلا سنگ رکھائندا۔ تیرا نام پائے آنا، آپ اپنا حُکم چلائندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ور گھر ساچے آپ سُہائندا۔ شبد سُت ور گھر پا، اپنی خوشی منائندا۔ پُرکھ ابناسی بن ملاح، ساچا بیڑا آپ چلائندا۔ تُوں داتا کوئی نہ جانے تیرا بھید اتھاہ، نہ کوئی ویکھ وکھائندا۔ نہ کوئی دیونہارا ہور صلاح، نہ کوئی سنگ نِبھائندا۔ نہ کوئی پکڑنہارا بانہہ، نہ کوئی میل مِلائندا۔ تُوں کرتا پُرکھ کرنیہارا سچ نیاں، گھر ساچا اِک سُہائندا۔ جوتی جوت سروُپ ہرِ، آپ اپنی کِرپا کر، سُت دُلارے دیوے ور، آپ اپنی بوُجھ بُجھائندا۔

سُت دُلارا ہرِ جنائی، ایکا بوُجھ بُجھائندا۔ اپنی کرے آپ کُڑمائی، آپے سگن منائندا۔ اپنے در وجےّ ودھائی، آپے ویکھ وکھائندا۔ آپے دھی آپ جوائی، سؤہرا پیئیا آپ بن جائندا۔ اپنی سیج آپ وِچھائی، آپے سوبھا پائندا۔ اپنے رنگ رہیا رنگائی، رنگنہار آپ ہو جائندا۔ جوتی جوت سروُپ ہرِ، آپ اپنی کِرپا کر، آپ اپنا کھیل کِھلائندا۔ شبد سُت ہو تیار، پربھ ساچا رچن رچائندا۔ آپ اپنا کر پیار، آپ اپنا روُپ وٹائندا۔ نِرگُن اندر نِرگُن باہر، وِشنوُں ناؤں دھرائندا۔ نِرگُن کھیل اپر اپار، آپ اپنا ویس وٹائندا۔ اندر بھر امرت دھار، کوَل کوَلا پُھل کِھلائندا۔ اُپجیا پھوُل اِک اپار، ہرِ ساچا آپ اُپجائندا۔ نابھی پھٹی آیا باہر، ہرِ ساچا رنگ وکھائندا۔ پربھ ابناسی کرے کھیل اگمّ اپار، وید کتیب بھیوَ نہ پائندا۔ جوتی جوت سروُپ ہرِ، آپ اپنی کِرپا کر، وسنہارا سچکھنڈ دوار، ایکنکارا ہرِ گِردھارا جوت اُجیارا، آد جُگادی ڈگمگائندا۔ شبد سُت اُٹھ اُٹھ پیکھ، ہرِ ساچے دَیا کمائیا۔ کوَل پُھل لَینا ویکھ، سَتگُر پوُرا آپ کِھلائیا۔ اپنے ہتھّیں لِکھی ریکھ، لیکھا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، ایکا دیوے اپنا ور، آپ اپنا انگ کٹائیا۔ اپنا انگ کٹ کٹ کیِتا وکّھ، پاربرہم وڈّی وڈیائیا۔ برہم برہم برہم ہو پرتکھ، ایکا رنگ رنگائیا۔ اپنی اِچھیا اپنی بِھچھیا اپنی وست آپے لئے رکھ، آپے پردہ پائیا۔ جوتی جوت سروُپ ہرِ، آپ اپنی کِرپا کر، ایکا دیونہارا ور، آپ اپنا شبد جنائیا۔ پاربرہم برہم روُپ اُپایا ، عقل کلا کل دھاریا۔ مات گربھ نہ جایا جمّ، کھیلے کھیل وڈ سنساریا۔ ایکنکارا آپے جانے اپنا کمّ، کرنی کرتا اپنی آپ کما رہیا۔ جوتی جوت سروُپ ہرِ، آپ اپنی کِرپا کر، آپ اپنا ویس وٹا لیا۔ پاربرہم برہم آپ اُپایا، در گھر ساچے وجّی ودھائیا۔ پُرکھ ابناسی کھیل کِھلا رہیا، اپنی رچنا آپ رچائیا۔ وِشنوُں وِشو ناؤں دھرایا، آپ اپنا بنس سُہائیا۔ سُت دُلارا نال رلایا، دے سِکھیا اِک سمجھائیا۔ اپنا ناد آپ الایا، آپے رہیا سُنائیا۔ اپنے مندر آپ وسایا، آپے رہیا وِچھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ور داتا آپ ہو جائیا۔ برہما ویتا رہے اتیِتا، ہرِ ساچا رنگ رنگائندا۔ آپ وکھائے دھام انڈیٹِھا، دِس کِسے نہ آئیندا۔ آپ اپنا منّے بھانا میِٹھا، ہرِ بھانا وڈ وڈیائندا۔ روُپ وکھائے ٹھانڈا سیِتا، سَت سَتوادی ناؤں دھرائندا۔ آپ چلائے اپنی ریِتا، اپنا کھیل آپ کِھلائندا۔ جوتی جوت سروُپ ہرِ، آپ اپنی جوت دھر، برہما میلا ساچے گھر، در دروازہ آپ کُھلائندا۔ در دروازہ ایکا کھول، ہرِ ساچا بوُجھ بُجھائندا۔ شبد انادی ایکا ڈھول، در مندر آپ وجائندا۔

ایکنکارا اپنے کنڈے آپ تول، آپے ویکھ وکھائندا۔ اپنا پردہ آپے پھول، آپے بھیوَ چُکائندا۔ جوتی جوت سروُپ ہرِ، آپ اپنی کِرپا کر، ویکھنہارا ساچا گھر، گھر ساچے سوبھا پائندا۔ برہم روُپ آپ نِرنکار، پاربرہم روُپ وٹائندا۔ دیوے ناد سچّی دُھنکار، شبد ترانہ ایکا گائندا۔ ساچی سیوا کرے سیوادار، سیوک سیوا اِک وکھائندا۔ ایکا گھر بھر بھنڈار، ایکا وست ٹِکائندا۔ جوتی جوت سروُپ ہرِ، آپ اپنی جوت دھر، شبد رنگلا کِسے تول نہ تُلا، گھر ساچے آپ سُہائندا۔ شبد بھنڈار نام بھرپوُر، برہمے اندر آپ ٹِکائیا۔ کھیلے کھیل حاضر حضوُر، ظاہر ظہوُر وڈّی وڈیائیا۔ انادی وجےّ ایکا تُور، ایکا راگ سُنائیا۔ ایکا بخشے نوُرانی نوُر، جوتی جوت ڈگمگائیا۔ جوتی جوت سروُپ ہرِ، آپ اپنی کِرپا کر، کھیلے کھیل اگمّ اپار، دھوُاں دھار ویکھ وکھائیا۔ دھوُاں دھار دُھندوُکارا، ہرِ ساچا ویکھ وکھائندا۔ برہما اِچھیا بھرے بھنڈارا، مستک لیکھ لِکھائندا۔ سپتم روُپ ہوئے اُجیارا، آپ اپنا رنگ رنگائندا۔ شنکر میلا اگمّ اپارا، آپے بندھن پائندا۔ جوتی جوت سروُپ ہرِ، آپ اپنی کِرپا کر، کھیلے کھیل ہرِ نِرنکار، ایکنکارا رچن رچائندا۔ برہما وِشن شِو کر تیار، ہرِ ساچے شبد جنائیا۔ سُت دُلارا کرے پیار، تِنّاں ایہہ سمجھائیا۔ ترےَگُن کھیل اگمّ اپار، آپ اپنا دئے وکھائیا۔ رجو طمو ستو کر تیار، ایکا کنّی رہیا بندھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سمجھائیا۔ ساچی سِکھیا وِشنوُں ونسی، پربھ اپنی آپ سمجھائندا۔ ہویا کھیل ایکا دس، ایکا مارگ لائندا۔ شنکر میلا شاہو شاباش، گھر ساچا آپ سُہائندا۔ تِنّا دیوے چرن درس، سِر اپنا ہتّھ ٹِکائندا۔ کھیلے کھیل پُرکھ ابناس، آپ اپنا ویس وٹائندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پنج تت اپنی رُت کر اُتپت، برہما جھولی پائندا۔ ترےَگُن مایا بھر بھنڈار، پنج تت جوڑ جُڑائندا۔ آپ اپنی کِرپا دھار، رَکت بوُند میل مِلائندا۔ ہڈّ ماس ناڑی رَکت پاوے سار، آپ اپنا سنگ نِبھائندا۔ سرگُن روُپ کر تیار، ساچا ویس دھرائندا۔ سرگُن اندر نِرگُن واڑ، آپ اپنی ونڈ ونڈائندا۔ من مت بُدھ دئے ادھار، اپنی کھیل کِھلائندا۔ مندر اندر کر تیار، اپنا مندر آپ اُپجائندا۔ برہما روُپ ہرِ کرتار، گھٹ گھٹ اپنا آسن لائندا۔ جیِو آتم خبردار، پرم آتما ویکھ وکھائندا۔ اپنی ہتھّیں کر کر بند کِواڑ، گھٹ گھٹ آپے مُکھ چُھپائندا۔ لکھّ چؤراسی میِت مُرار، جوتی جوت سروُپ ہرِ، آپ اپنی جوت دھر، جوت اکالا دیِن دَیالا عقل کل دھاری ایکنکاری آپ اپنی کل ورتائندا۔ ایکنکار کھیل اپار، لکھّ چؤراسی

بنت بنائیا۔ برہما ویتا پاوے سار، اُتپت اپنے ہتّھ رکھائیا۔ وِشنوُں دیوے سچ بھنڈار، ساچی سیوا رہیا کمائیا۔ شنکر کرے انت سنگھار، بُھل رہے نہ رائیا۔ پاربرہم پربھ کِرپا دھار، لوک مات ویکھ وکھائیا۔ من مت بُدھ پاوے سار، نِرگُن داتا بےپرواہیِا۔ جوتی جوت سروُپ ہرِ، آپ اپنی جوت دھر، آد جُگاد اپنی رچن رچائیا۔ آد جُگاد ساچا ہرِ، ساچا اپنا کھیل کِھلائندا۔ لکھّ چؤراسی کر تیار، دھرت دھوَل جل بِنب آپ ٹِکائندا۔ کرے پرکاش روَ سس سوُرج چند سِتار، منڈل منڈپ آپ سُہائندا۔ آپے زمیِنا اسماناں ویکھے پاڑ، آپ اپنا پندھ مُکائندا۔ آپے سرِشٹ سبائی لائے اکھاڑ، اپنا ناچ آپ نچائندا۔ جوتی جوت سروُپ ہرِ، آپ اپنی جوت دھر، جُگ جُگ اپنا کھیل کر، آپ اپنا کرم کمائندا۔ لکھّ چؤراسی ونڈ ونڈا، ہرِ ساچا کھیل کِھلائندا۔ نؤ دس گیاراں بیِس تیس چار نال رلا، آپے ویکھ وکھائندا۔ ترےَگُن مایا بندھن پا، ایکا ڈوری نال بندھائندا۔ پنج تت جوت جگا، آپ اپنا ڈگمگائندا۔ پنچ وِکارا نال رلا، کام کرودھ لوبھ موہ ہنکار ناؤں دھرائندا۔ پنچم سخیاں منگل گا، پنچ شبد انادی ڈھول وجائندا۔ جوتی جوت سروُپ ہرِ، آپ اپنی کِرپا کر، لکھّ چؤراسی ویکھ وکھائندا۔ لکھّ چؤراسی اُتم ذات، مانَس مانُکھ آپ کرائیا۔ پُرکھ ابناسی دیوے دات، آتم برہم وڈّی وڈیائیا۔ ویکھے مار جھات کائنات، نر نرائن اکّھ کُھلائیا۔ آپے ہوئے اندھیری رات، ساچا چنّ آپ چڑھائیا۔ جوتی جوت سروُپ ہرِ، آپ اپنی کِرپا کر، کھیلے کھیل اگمّ اپار، بےپرواہ آپ اکھوائیا۔ بےپرواہ ہرِ بےانت، بھیوَ کوئے نہ پائندا۔ کھیلے کھیل آد انت، جُگ جُگ اپنی ونڈ ونڈائندا۔ آپے جانے اپنی بنت، آپ اپنا ناؤں دھرائندا۔ آپے روُپ وٹائے سادھ سنت، گُر پیِر اوتار ہرِ آپ اکھوائندا۔ آپے لیکھا جانے جیِو جنت، لِکھنہارا دِس نہ آئیندا۔ جوتی جوت سروُپ ہرِ، آپ اپنی جوت دھر، آپ اپنا ویس دھرائندا۔ ویس اولّا آپے کر، اپنا کھیل کِھلائیا۔ سَتجُگ تریتا دواپر ونڈی ونڈ، ونڈنہارا بےپرواہیِا۔ کھیلے کھیل وِچ برہمنڈ، وربھنڈی پھیرا پائیا۔ پاوے سار جیرج انڈ، اُتبُھج سیتج پھول پُھلائیا۔ جوتی جوت سروُپ ہرِ، آپ اپنی جوت دھر، جُگ کرتا آپ اکھوائیا۔ جُگ کرتا ہرِ ایکنکار، ایکا ایک اکھوائندا۔ سَتجُگ پاوے سار، شبد سُت ویکھ وکھائندا۔ تریتا دواپر لائے پار، اپنا بیڑا آپ چلائندا۔ کلجُگ انتم آئی وار، ہرِ ساچا کھیل کِھلائندا۔ بودھ گیان کر اُجیار، ایکا مت سمجھائندا۔ ایکا کلمہ بھر بھنڈار، نبی رسوُلاں آپ سِکھائندا۔ عیسیٰ موُسیٰ سِرجنہار، سِر سِر رِزق سبائندا۔ رازق رحیِم بےعیب پروردِگار، لاشریِک اِک

اکھوائندا۔ سنگ محمد چار یار، سچ شریِعت آپ جنائندا۔ حق حقیِقت پاوے سار، بھیوَ ابھید بھیوَ کُھلائندا۔ اِنجیِل قُرآن کر تیار، تیِس بتیِسا آپے گائندا۔ خلق خُدائی ویکھ وِچار، خالق خلق روُپ وٹائندا۔ ثالث بنے انتم وار، چؤداں لوکاں پھول پُھلائندا۔ ایکا نعرہ بول جَیکار، اَناالحق سُنائندا۔ سرب جیِیاں دا سانجھا یار، گھر ساچے آسن لائندا۔ حق حق حق مقامے ہو تیار، آپ اپنا در سُہائندا۔ جوتی جوت سروُپ ہرِ، آپ اپنی جوت دھر، آپ اپنا رنگ رنگائندا۔ کلجُگ انتم رنگ اولّا، ہرِ ساچا آپ رنگائندا۔ آپے روُپ وٹایا رانی االلہ، نوُرو نوُر ڈگمگائندا۔ آپے ناؤں دھرایا ہرِ بِسمِلا، بِسمِل روُپ آپ ہو جائندا۔ آپ کٹے اپنا چِھلا، آپ اپنا مُکھ چُھپائندا۔ آپے روُپ وٹائے ککاّ بوُرا بِلا، آپ اپنا رنگ چڑھائندا۔ جوتی جوت سروُپ ہرِ، آپ اپنی جوت دھر، کلجُگ ساچا ویکھ وکھائندا۔ کلجُگ سوُرا سوُربیِر بلوان، لوک مات لئے انگڑائیا۔ چاروں کُنٹ ویکھے مار دھیان، آپ اپنا بل دھرائیا۔ نال رلائے پنج شیَطان، گھر ساچے وجّی ودھائیا۔ جوُٹھ جھوُٹھ رسنا چِلّے چڑھے کمان، مایا ممتا لوبھ موہ ہنکار اِک نِشان بنائیا۔ نؤ کھنڈ پرِتھمی ستّ دیِپ سَت دھرم سرب دا ہُلّے نِشان، دھیِرج دھیِر نہ کوئے دھرائیا۔ جوتی جوت سروُپ ہرِ، آپ اپنی کِرپا کر، کھیلے کھیل بےپرواہیِا۔ کلجُگ ساچا ہو تیار، لوک مات ویس وٹائندا۔ االلہ رانی کرے پیار، ساچا سنگ نِبھائندا۔ مِلیا میِت محمد یار، گھر ساچے خوشی منائندا۔ عیسیٰ موُسیٰ دئے سہار، آپ اپنا رنگ رنگائندا۔ چاروں کُنٹ گڑھ ہنکار، جھوُٹھا بُرج بنائندا۔ اُچا کوُکے کرے پُکار، اپنا نعرہ لائندا۔ پاربرہم پربھ سُننیہار، لوآں پُریاں ویکھ وکھائندا۔ لوک مات پاوے سار، جیِو جنت سرب کُرلائندا۔ دھرنی دھرت دھوَل کرے پُکار، نیتر نیِر سرب وہائندا۔ سادھ سنت رو رو دھائی رہے مار، دھیِرج دھیِر نہ کوئے دھرائندا۔ پنڈت پاندھے ہوئے خوار، تِلک للاٹ نہ کوئے جگائندا۔ ساچا برہم نہ کرے وِچار، براہمن کھتری شوُدر وَیش اپنی ونڈ ونڈائندا۔ خالی ہوئے بھرے بھنڈار، ہرِ کا نام نہ کوئے ورتائندا۔ چاروں کُنٹ دہ دِشا کام کرودھ لوبھ موہ ہنکار، کالی چولی رنگ رنگائندا۔ کالا سوُسا تن شِنگار، عیسیٰ موُسیٰ جوبن ہنڈھائندا۔ پُرکھ ابناسی ویکھے جگت تماشا، آپ اپنا پردہ لاہِندا۔ سچکھنڈ دوارے پائے ساچی راسا، سوبھاوَنت ناؤں دھرائندا۔ سادھاں سنتاں جیِیاں جنتاں دیوے اِک بھرواسا، ایکا شبد جنائندا۔ جوتی جوت سروُپ ہرِ، آپ اپنی جوت دھر، ایکنکارا کر آکار، سرگُن روُپ کر پسار، لوک مات پھیرا پائندا۔ نِرگُن سرگُن بھیوَ اپارا، ہرِ ساچا آپ

رکھائیا۔ نِرگُن سرگُن ہو اُجیارا، پنج تت میل مِلائیا۔ نِرگُن نوُر سرگُن جوت اُجیارا، نانک نام ملِے وڈیائیا۔ پُرکھ ابناسی کِھچ بہائے چرن دوارا، انتر آتم اِک لِو لائیا۔ دو جہاناں ایکا دھارا، سچکھنڈ دوار دھرنی دھرت وکھائیا۔ آوے جاوے وارو وارا، دِس کِسے نہ آئیا۔ گُر نانک مِلیا میِت مُرارا، گھر ساچے وجےّ ودھائیا۔ پایا پُرکھ اگمّ اپار، وِچھڑ کدے نہ جائیا۔ منگے منگ بن بِھکھار، پربھ بِھچھیا جھولی پائیا۔ دیوے نام سَت سَت سَت بھنڈارا، لوک مات آوے چائیں چائنیا۔ چار ورناں بن ونجارا، ایکا ونج رہیا کرائیا۔ اوُچاں نیِچاں راؤ رنکاں راج راجاناں شاہ سُلطاناں کرے پیارا، ہست کیِٹ ایکا رنگ رنگائیا۔ ایکا لائے سچ جَیکارا، نام سَت کرے پڑھائیا۔ کھتری شوُدر براہمن وَیش سوہن اِک دوارا، ہِندوُ مُسلم نال رلائیا۔ جوتی جوت سروُپ ہرِ، آپ اپنی کِرپا کر، اپنی کھیل آپ کِھلائیا۔ سَتگُر نانک سچ گیان، چار ورناں آپ جنائندا۔ ایکا بخشے پُرکھ ابناسی چرن کوَل دھیان، دوُسر اِشٹ نہ کوئے وکھائندا۔ سرب جیِیاں دا ساچا کاہن، لکھّ چؤراسی گوپی آپ نچائندا۔ سرب جیِیاں دا ساچا رام، سیِتا سُرتی آپ پرنائندا۔ سرب جیِیاں دا نام سَت سَتنام، نام سَت منتر آپ دِرڑائندا۔ سرب جیِیاں دا ساچا جام، امرت پیالہ جام پیائندا۔ سرب جیِیاں دا ساچا گرام، نگر کھیڑا سچکھنڈ دوار آپ وکھائندا۔ سرب جیِیاں دا ساچا نام، نام ادھاری دَیا کمائندا۔ سرب جیِیاں دا ساچا کام، رسنا جِہوا ہرِ گُن گائندا۔ سرب جیِیاں دا ساچا مان، نام نِشانہ ایکا لائندا۔ سرب جیِیاں دا مان تان، ہرِ سَتگُر آپ اکھوائندا۔ جوتی جوت سروُپ ہرِ، آپ اپنی کِرپا کر، اپنا بھیکھ آپے دھر، جوتی جوت ڈگمگائندا۔ جوتی نوُر جوت اُجالا، ہرِ شبد وجےّ ودھائیا۔ آپے شاہ آپے کنگالا، آپے بِھکھک بِھچھیا منگن آئیا۔ آپے شبد سروُپی بن دلالا، گُرمُکھ ساچے لئے جگائیا۔ آپے شبد اناد وجائے تالا، کایا مندر اندر اپنی تار ہِلائیا۔ آپے درس آپے بنے رکھوالا، اپنی سیوا آپ کمائیا۔ آپے نِواس لکھّ چؤراسی جگت جنجالا، مات گربھ پھیر نہ آئیا۔ گُرمُکھاں دیوے نام سچّا دھن مالا، ٹھگ چور یار لُٹ کوئے لےَ نہ جائیا۔ اپنی چلے اولّڑی چالا، اپنا مارگ آپے لائیا۔ جوتی جوت سروُپ ہرِ، آپ اپنی کِرپا کر، نانک گُر میلا ساچے گھر، گھر ساچے وجّی ودھائیا۔ نانک ہرِ ہرِ ساچا پایا، وِچھڑ کدے نہ جائیا۔ پنج تت چولا جگت ہنڈھایا، انتم سرِشٹ سبائی گیا سمجھائیا۔ کلجُگ لیکھا رہے بقایا، ساچی ونڈ ونڈائیا۔ انتم ویلا راہ تکایا، ایکا نیَن اُٹھائیا۔ پُرکھ ابناسی آوے واہو داہیِا، نِرگُن جوت کر رُشنائیا۔ نِہکلنک ہرِ ناؤں رکھایا، مات گربھ نہ

پھیرا پائیا۔ بھَین بھائی نہ کوئے بنایا، پِتا پوُت نہ کوئے اکھوائیا۔ دھی جوائی نہ سنگ رلایا، گھر بَیٹھ نہ سنبھال )کرائیا(، گھر بَیٹھ نہ سیج )سُہایا،( نہ سیِس سیہرا کوئے بندھائیا۔ جگت کھجوُرے نہ کوئی چڑھایا، واگ گُندن بھَین کوئے نہ آئیا۔ نائی نیَن نہ کوئے رکھایا، نہ کوئی منگے اَگے جھولی ڈاہیِا۔ چار کہار لاڑی ڈولی نہ کوئی اُٹھایا، نہ کوئی پلّوُ گنڈھ بندھائیا۔ کلجُگ ویلا پاربرہم ایکنکارا اپنا آپ دئے سُہایا، نِرگُن جوت کرے رُشنائیا۔ شبد ڈنکا ایکا دئے وجایا، برہما وِشن شِو کروڑ تیتیِسا دیوت سُر سُرپت راجا اِند جائے بہُڑ، گن گندھرب کِنر یچّھپ آپ اُٹھائیا۔ لکھّ چؤراسی ویکھے کھیل تماش، پاربرہم وڈّی وڈیائیا۔ جوتی جوت سروُپ ہرِ، آپ اپنی جوت دھر، اجوُنی رہِت موُرت اکال نِرگُن روُپ دیِن دَیال، نِربھےَ روُپ آپ وٹائیا۔ سَتگُر نانک ساچی دھار، لوک مات ایہہ سمجھائندا۔ ایکا جوت دس اوتار، گُر گوبِند کھیل کِھلائندا۔ گوبِند سُت پُرکھ اکال، گھر ساچے سوبھا پائندا۔ پھل لگائے چار ورن ڈال، پنچم میل مِلائندا۔ آپ بنائے اپنے لال، امرت ساچا جام پیائندا۔ سَت سَتوادی بنّھے سیِس دستار، ساچا رنگ رنگائندا۔ شبد تن گاترے اِک کٹار، دھیِرج جت آپ بندھائندا۔ کنگن پائے اپر اپار، نام بندھن بندھ بندھائندا۔ آپ اپنا اُتوں وار، آپ اپنی منگ منگائندا۔ گُرمُکھاں اَگے بنے بِھکھار، آپ اپنی اِچھیا پوُر کرائندا۔ آپے ناتا توڑ سنسار، پُرکھ اکال ایک منائندا۔ آپے ستّھر سیج کنت بھتار، آپ اپنا راہ تکائندا۔ پاربرہم پربھ پاوے سار، آپ اپنا میل مِلائندا۔ دوہاں وِچولا نِرگُن دھار، دِس کِسے نہ آئیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارے بَیٹھا وڑ، گھر ساچا آپ سُہائندا۔ پُرکھ اکال گوبِند میلا، ہرِ سَتگُر آپ کرائیا۔ آپے گُروُ گُروُ گُر چیلا، گُر چیلا ناؤں دھرائیا۔ سَت پُرکھ نِرنجن سجّن سُہیلا، در گھر ساچا اِک وکھائیا۔ جوتی جوت سروُپ ہرِ، آپ اپنی کِرپا کر، آپے ویکھے اپنا گھر، آپے بند کرائیا۔ پاربرہم برہم روُپ ہرِ سجّن وڈ وڈیائیا۔ آد جُگادی ٹھنڈا سیِت، سَت روُپ آپ ہو جائیا۔ کرے کرائے پتت پُنیِت، پتت پاوَن وڈ وڈیائیا۔ شبد جنائے سُہاگی گیِت، واہوا واہِگُروُ فتح گجائیا۔ ساچا دیہرا مندر مسیِت، گُرسِکھ تیرا کایا ہٹّ وکھائیا۔ اٹّھے پہر پرکھنہارا نیِت، گھر بَیٹھا آسن لائیا۔ دِوس ریَن وسے چیِت، وِچھڑ کدے نہ جائیا۔ سُناؤندا اندر رہے سُہاگی گیِت، انحد تال تلواڑا رہیا وجائیا۔ جوتی جگے پتت پُنیِت، سَتگُر پوُرا آپ جگائیا۔ گُرسِکھ تیری کوئے نہ کرے ریِس، تیرے اندر وڑیا ساچا ماہیِا۔ تیرا روُپ ہرِ ہرِ دھریا ہست کیِٹ، اوُچ نیِچ نہ کوئی وڈیائیا۔ لکھّ

چؤراسی سُتا دے کر پیِٹھ، پنج پیارے اندر بَیٹھا جوت جگائیا۔ کلجُگ انت چلائی ساچی ریِت، ساچا پنتھ اِک سجائیا۔ ایکا گرنتھ گُروُ اِشٹ چرن پریِت، دوُجا در نہ کوئے وکھائیا۔ جوتی جوت سروُپ ہرِ، آپ اپنی کِرپا کر، اپنی رچن آپ رچائیا۔ سَتگُر گوبِند ہو مِہربان، گھر ساچے خوشی منائندا۔ سبناں دیوےسِکھی دان، ساچی سِکھیا اِک سمجھائندا۔ گُرسِکھ تیرے کایا مندر ہووے پرکاس )کوٹن بھان(، جوت نِرنجن سہائے روَ سس چند شرمائندا۔ تیرا راہ تکّن گوپی کاہن، دِوس ریَن نیَن اُٹھائندا۔ تیرے چرن دھیان لگائن برہما وِشن شِو کر دھیان، در تیرا اُچ سُہائندا۔ میرا مندر تیرا مکان، سچکھنڈ دوارا سوبھا پائندا۔ بُھل نہ جائے سچ نِشان، سیِس دستار اِک بنھائیندا۔ ایکا ڈھئیا آپے ویکھے وِچ جہان، کلجُگ ریکھا انت مُکائندا۔ پرگٹ ہووے والی دو جہان، نِہکلنکا ناؤں رکھائندا۔ گُر گوبِند سوُربیِر سُلطان، گُر سَتگُر ساچا نال رکھائندا۔ پنج تت نہ ویکھے کوئے کر دھیان، ہڈّ ماس ناڑی رت نہ رچن رچائندا۔ ایکا چِلّہ تیِر کمان، ہرِ شبدی رنگ رنگائندا۔ لوآں پُریاں برہمنڈاں کھنڈاں مارے ایکا بان، لکھّ چؤراسی بچیا کوئے رہن نہ پائندا۔ نِمانیاں دیوے ایکا مان، غریِب نِمانیاں گلے لگائندا۔ راج راجاناں شاہ سُلطاناں میٹے جگت نِشان، سیِس تاج نہ کوئے رکھائندا۔ نؤ کھنڈ پرِتھمی ستّاں دیِپاں دیوے اِک گیان، پُرکھ اکال ایکا اِشٹ وکھائندا۔ پاربرہم سرنائی چار ورن ڈِگن آن، برہما وِشن شِو نہ کوئے دھیائندا۔ لیکھا چُکائے وید پُران، اِنجیِل قُرآن نہ کوئے پڑھائندا۔ شاستر سِمرت نہ کرے کوئے دھیان، تِلک للاٹ نہ کوئے وکھائندا۔ شبد انادی کر پروان، گھر گھر منگل ساچا گائندا۔ پنج تت نہ پوُجا کرے کوئے جہان، نِرگُن سَتگُر اِک اکھوائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، اپنا کھیل کِھلائندا۔ سَتگُر پوُرا ہرِ مِہربان، وڈ وڈّا وڈیائیا۔ کھیلے کھیل سرب جہان، گھٹ گھٹ بَیٹھا آسن لائیا۔ چؤتھے جُگ چار کُنٹ چار یاری ہوئی پردھان، جگ پوُجا رہی کرائیا۔ پنچم بُھلیا ہرِ بھگوان، پنچ وِکار کری کُڑمائیا۔ بھَیناں بھئیا نہ کوئے پیار، پِتا پوُت پُتر دھی نہ کوئے اکھوائیا۔ ناری کنت نہ کرے دھیان، وِبھچار کرے سرب لوکائیا۔ پائے درس نہ ہرِ بھگوان، آتم حِرص نہ کوئے مِٹائیا۔ امرت آتم ملِے نہ پیِن کھان، مدرا جام پیالہ مُکھ لگائیا۔ منوُآ من بُھنّ کباب کوئے نہ کھان، جیِواں ہّتیا سرب کمائیا۔ نہ ہوئے سہائی کرِشنا رام، جو جن بَیٹھے ہرِ بُھلائیا۔ عیسیٰ موُسیٰ نہ کرے کلیان، جو جن بَیٹھا مُکھ بُھوائیا۔ نانک گوبِند نہ مارے تیِر انیالا بان، جو گُرمت رہے گوائیا۔ بِن ہِردے نہ کوئی ہور نِشان، نہ کوئی بیڑا بنّے لائیا۔

جُگا جُگنتر جُگ جُگ آپ چُکائے پِچھلی کان، اگلا لیکھا اپنے ہتّھ رکھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، کھیلے کھیل بےپرواہیِا۔ آپے ہرِ دوار ہرِ کھیل کِھلاؤنا، پربرہم پربھ بےانتیا۔ کلجُگ کوُڑا میٹ مِٹاؤنا، مِتھیا جانے سادھ سنتیا۔ جوُٹھ جھوُٹھ رہن نہ پاؤنا، مایا ممتا موہ چُکنتیا۔ گڑھ ہنکاری آپے ڈھاؤنا، گھر ساچا اِک سُہنتیا۔ چار ورناں رنگ اِک رنگاؤنا، بھرم بُھلیکھا دوُر کڈھنتیا۔ ایکا جوتی لکھّ چؤراسی دیِپک آپ جگاؤنا، آپے جوت پرکاس کرنتیا۔ نؤ کھنڈ پرِتھمی اِک گیان دِرڑاؤنا، ایکا ڈھولا اِک سُننتیا۔ ستّاں دیِپاں ایکا مارگ لاؤنا، ستّ رنگ نِشانہ آپ چڑھنتیا۔ سرِشٹ سبائی ایکا شاہ اکھواؤنا، دوُسر کوئے نہ بنت بننتیا۔ راج جوگ ایکا رنگ رنگاؤنا، جوتی جوت سروُپ ہرِ، آپ اپنی جوت دھر، کلجُگ تیری انتم ور، آپ اپنا ویس وٹنتیا۔ کلجُگ تیرا رنگ چلوُل، ہرِ ساچا ویکھ وکھائیا۔ شنکر ویکھے ہتّھ ترِسوُل، باسک تشکا گل لٹکائیا۔ برہما ویتا اپنا منونتر رہیا بھوُل، اپنے در کرے پڑھائیا۔ وِشنوُں چُکے اپنا موُل، لہنا لہنے جھولی پائیا۔ کھیلے کھیل کنت کنتُوہل، ہرِ ساچا بےپرواہیِا۔ اپنی رچنا آد جُگادی کدے نہ جائے بھوُل، ابُھل آپ اکھوائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، تولنہارا ساچا تول، نام کنڈے لئے تُلائیا۔ کلجُگ انتم تولن آیا، نِرگُن نوُر نوُر اُجالیا۔ ایکا دھار بولن آیا، سو پُرکھ نِرنجن کھیل نِرالیا۔ ایکا چولا بدلن آیا، آپے چلے اولّڑی چالیا۔ جوتی جوت سروُپ ہرِ، آپ اپنی جوت دھر، کھیلے کھیل آد شکت جوت جوالیا۔ آد شکت جوت بھوانی، اشٹبُھج اُٹھائندا۔ سَت سروُپی شاہو بھوُپی اِک سُنائے اپنی بانی، اپنا راگ انحد شبد آپے جانے اکتھ کہانی آپے اپنی گائندا۔ جوتی جوت سروُپ ہرِ، آپ اپنی جوت دھر، آپ اپنا ویکھ وکھائندا۔ آپے وِشو واسدیو، واستک روُپ انبھوَ روُپ وٹائندا۔ آپے ابناسی کرتا الکھ نِرنجن الکھ ابھیوَ، ویس انیِکا روُپ دھرائندا۔ آپے پاربرہم برہم ہوئے نِہکیو، نِرگُن سرگُن کھیل کِھلائندا۔ آپے رنگ رلیِاں مانے رسنا جِہو، بتّی دند آپ ہِلائندا۔ آپے امرت پھل بنے ساچا میو، آپے کؤڑا رنگ چڑھائندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، آپ اپنا ویس وٹائندا۔ ہرِ مِہربان ویس وکھندڑا، اپنی کل ورتائیا۔ سِری بھگوان جوت جُگندڑا، نِرگُن ناؤں دھرائیا۔ سرِشٹ سبائی ساچا مارگ اِک وکھندڑا، ایکا پنتھ بنائیا۔ راگ انادی اِک سُنندڑا، ایکا ڈھولا گائیا۔ دیِپک جوتی گیان درڑندڑا، دِبھ درِشٹی اِک کُھلائیا۔ نیتر نیَن میل مِلندڑا، لوچن کرے سرب

رُشنائیا۔ کایا کوَری بھوَری پھول پھولندڑا، ڈوُنگھی کوری ویکھ وکھائیا۔ ٹیڈھی بنک پار کرندڑا، سُکھمن پندھ مُکائیا۔ پنچم دھاڑ میٹ مِٹندڑا، آسا ترِسنا رہیا گوائیا۔ امرت ساچا جام پِلندڑا، کاگوں ہنس بنائیا۔ شبد گُر ناؤں رکھندڑا، پنج تت نہ میل مِلائیا۔ اندر مندر راگ سُنندڑا، انحد سیوا لائیا۔ تال تلواڑا آپ وجندڑا، گہر گمبھیِر وڈّی وڈیائیا۔ سُرت سوانی میل مِلندڑا، آپ اپنا بندھن پائیا۔ بجر کپاٹی توڑ تڑندڑا، دُئی دوَیتی پردہ لاہیِا۔ آتم سیجا اِک سُہِندڑا، پھوُلن برکھا لائیا۔ دسم دواری گھر وسندڑا، گھر ساچے سوبھا پائیا۔ شبد کنت ہرِ میل مِلندڑا، گُرمُکھ ناری وجےّ ودھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ہرِجن ساچے ویکھ وکھائیا۔ سِرجنہار ہرِ جانیا، پاربرہم برہم گُر کرتار۔ دیوے درس سِری بھگوانیا، آپ اپنی کِرپا دھار۔ آون جاون چُکے کانیا، ناتا تُٹے سرب سنسار۔ پایا پُرکھ اِک سُلطانیا، در گھر ساچے میلا کنت بھتار۔ پایا پد اِک نِربانیا، گھر چؤتھے میِت مُرار۔ پنچم راگ بہہ بہہ گایا گانیا، گھر سخیاں منگلچار۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، سنت سُہیلا لائے پار۔ سنت سُہیلے ہرِ ہرِ بوُجھیا، اپنی بوُجھ بُجھائندا۔ سَتگُر پوُرا بھیوَ کوئے نہ گوُجھیا، آپ اپنا راگ الائندا۔ لیکھ چُکائے ایکا دوُجیا، تیِجا نیتر اِک درسائندا۔ چؤتھے پد جو جن جھوُجیا، آون جاون نہ کوئے گنائندا۔ سرن سرنائی جو جن لوُجھیا، در پنچم سوبھا پائندا۔ جوتی جوت سروُپ ہرِ، آپ اپنی کِرپا کر، ہرِجن دیوے ساچا ور، سچ گیان برہم دھیان پاربرہم صالاحیندا۔ آتم برہم برہم گیانا، ہرِجن وڈّی وڈیائیا۔ آتم انتر اِک دھیانا، ایکا ہرِ ہرِ ہرِ لِو لائیا۔ آتم انتر شبد بِبانا، ہرِ ساچا آپ اُڈائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، جوتی جامہ بھیکھ دھر، نِہکلنک نرائن نر، نِرگُن اپنا ناؤں رکھائیا۔ نِرگُن داتا بےپرواہ، شاہو بھوُپ وڈ سُلطانیا۔ کلجُگ انتم بنے جگت ملاح، جن بھگتاں سنتاں گُرمُکھاں گُرسِکھاں دیوے دُھر فرمانیا۔ چار کُنٹ دہ دِشا نؤ کھنڈ پرِتھمی گھر گھر اُڈنے کاں، دیِوا بتّی نہ کوئے جگانیا۔ ماواں پُتراں نہ پکڑے کوئی بانہہ، سگلا سنگ نہ کوئے وکھانیا۔ کلجُگ جوُٹھے جھوُٹھے جیِو جنت سادھ سنت کر جان نانہہ، ویلے انت بِن سَتگُر پوُرے کوئے نہ پار کرانیا۔ نِتھاویاں دیوے نہ کوئی تھاں، چاروں کُنٹ سرب کُرلانیا۔ ایکنکارا ہرِ نِرنکارا نِرگُن دھارا جُگ جُگ آوے کرن نیاں، نِرگُن سرگُن روُپ وٹانیا۔ گُرمُکھاں لکھّ چؤراسی نِوائے لیا، اپنے در کرے پروانیا۔ جو جن رسنا جِہوا ہرِ ہرِ رہے گا، انتم سؤنا دے بانہہ

سرہانیا۔ جگت شکتی نہ سکے کوئی مِٹا، رکھے لاج جیِواں ہرِ بال انجانیاں۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کھیلے کھیل اگمّڑا سرِشٹ سبائی بُھجے وانگر دانیاں۔ کلجُگ انتم ہرِ نِرنکار اپنی کھیل کِھلائندا۔ گوبِند گُر سوُربیِر کر تیار، شبد اگمّی دھار نال وکھائندا۔ لوآں پُریاں کرے پار کِنار، نیِلی دھاروں نیِلا پار کرائندا۔ چَھیل چھبیِلا ہو تیار، گُرسِکھ قبیِلہ ویکھ وکھائندا۔ بستر پیِلا تن شِنگار، اپنا حیلہ آپ کرائندا۔ نام کھنڈا تیز کٹار، بہتّر ناڑی کھوج کُھجائندا۔ لکھّ چؤراسی مارے مار، نِت نوِت پھیرا پائندا۔ شاہ سُلطانا کرے خوار، سیِس تاج نہ کوئے بندھائندا۔ بیِس بیِسا منگے منگ بن بِھکھار، کلجُگ انتم راہ تکائندا۔ جگت جگدیِشا ہوئے سچّا سِکدار، سِر اپنے چھتر جھُلائندا۔ نؤ کھنڈ پرِتھمی بولے اِک جَیکار، خالص خالصہ آپ سُہائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نِرگُن داتا پُرکھ بِدھاتا اُتم ذاتا ایکا ایک وکھائندا۔ اُتم ذات چار ورن، ہرِ ساچا سچ سمجھائیا۔ اُتم ذات سَتگُر سرن، جگت ورن نہ کوئے وڈیائیا۔ اُتم ذات کُھلے ہرن پھرن، پربھ ملِے بےپرواہیِا۔ اُتم ذات چُکے مرن ڈرن، آون جاون رہن نہ پائیا۔ اُتم ذات ملِے میل ہرِ کرنی کرن، کرتا پُرکھ میل مِلائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، شبد سروُپی آیا کرن لڑائیا۔ شبد سروُپی سچ مردنگ، نؤ کھنڈ آپ وجائندا۔ سمت ویہہ صد سولاں بِکرمی ونڈے ونڈ، وربھنڈی جوت ڈگمگائندا۔ ورناں برناں کرے کھنڈ کھنڈ، ساچا کھنڈا نام چمکائندا۔ لکھّ چؤراسی نار دوہاگن رنڈ، ساچا کنت نہ کوئے ہنڈھائندا۔ در در ویکھے بھیکھ پاکھنڈ، بھیکھ پاکھنڈی ڈؤروُ واہِندا۔ پاوے سار وِچ برہمنڈ، ہرِ ساچی جوت جگائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، ایکنکارا اِک اکھوائندا۔ نِہکلنک دھام اولّا، نگر گرام اپنا آپ وسائیا۔ ساڈھے تِنّ ہتّھ اندر کرے بِسرام، سمبل نگری آپ اُپجائیا۔ اپنا پھڑیا نِرگُن بان، نِرگُن چِلّے رہیا چڑھائیا۔ نِرگُن بنیا لوہار ترکھان، شستر شستر جوڑ جُڑائیا۔ نِرگُن چاڑھی اپنی پان، ایکا جوتی بھٹّھی رہیا تپائیا۔ نِرگُن پانی ٹھنڈا پائے آن، سر سروور اِک کُھلائیا۔ جوتی جوت سروُپ ہرِ، آپ اپنی کِرپا کر، وسنہارا ساچے گھر کھیل اپار، نام کھنڈا کرے تیار، سمت سولاں ویکھ وِچار، پندراں کتّک ہو خبردار، ایکا دوُجا ونڈ ونڈائیا۔ ساچا کھنڈا کرے تیار، ہرِ ساچی بنت بنائندا۔ تِکھیاں رکھے دوویں دھار، دوویں مُکھ صالاحیندا۔ چاروں کُنٹ مارے مار، برہما

چارے مُکھ بھوائندا۔ دہ دِشا کرے خوار، چار دیِواری ویکھ وکھائندا۔ پائے حِصّہ ہرِ گِردھار، گرِہ گرِہ ونڈ ونڈائندا۔ کِسے نہ دِسا وِچ سنسار، کوٹن کوٹی راہ تکائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، آپے دِوس دِتا ور، دوُجے دِوس گھاڑن دئے گھڑ، گُرسِکھ ساچی بنت بنائندا۔ گُرسِکھ کایا گھاڑن گھڑیا، گُر سَتگُر وڈ وڈیائیا۔ گُرمُکھ گُر گُر آپے پھڑیا، آپ اپنا میل مِلائیا۔ گُرسِکھ اندر گُر گُر آپے وڑیا، آپ اپنا روُپ وٹائیا۔ گُرسِکھ مندر گُر گُر آپے چڑھیا، اپنا کُنڈا لاہیِا۔ گُرسِکھ اندر گُر گُر اپنا اکھّر آپے پڑھیا، چھتّی راگ بھیوَ نہ رائیا۔ گُرسِکھ اندر گُر گُر آپے کھڑیا، سوَچّھ سروُپی روُپ وٹائیا۔ گُرسِکھ ساچی ترنی جگت تریا، جو سَتگُر سرنائی آئیا۔ کلجُگ مرنی کدے نہ مریا، رائے دھرم نہ دئے سزائیا۔ چِتر گُپت کِسے نہ پھڑیا، لاڑی مؤت نہ سگن منائیا۔ در گھر ساچے درگاہ ساچی چڑھیا، سچکھنڈ دوارے سوبھا پائیا۔ سنت بھگوَنت کنت گُرمُکھ ناری آپے کھڑیا، اپنی ڈولی آپے پائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، گُرسِکھ ساچے رہیا ترائیا۔ تارنہارا پُرکھ سمرتھ، ہرِ سَتگُر گُر اکھوائندا۔ سدا سُہیلا رکھے دے کر ہتّھ، آپ اپنی دَیا کمائندا۔ پنچ وِکارا دیوے متھ، پنچ شبد دُھن اُپجائندا۔ پنچ جنائے ساچی گاتھ، بودھ اگادھ الائندا۔ پنچ چُکائے لہنا دینا مستک ماتھ، پوُرب لہنا ویکھ وکھائندا۔ سَتگُر پوُرا اِک کرائے پوُجا پاٹھ، ایکا منتر نام سُنائندا۔ ایکا تیِرتھ ایکا تاٹ، اٹھسٹھ پندھ مُکائندا۔ چؤداں لوک وکھائے ایکا ہاٹ، چرن دوارا جن درسائندا۔ جُگ جُگ وِچھڑے جنم جنم دا پوُرا کرے گھاٹ، گھاٹا کوئے رہن نہ پائندا۔ لہنا دینا چُکائے سیِاں ساڈھے تِنّ تِنّ ہاتھ، آپ اپنے لیکھے لائندا۔ گُرسِکھ پنج تت سڑے اگنی کاٹھ، آتم برہم نہ کوئے جلائندا۔ جِہوا یس ہِلا رگھُناتھ، رگھُپت آپے ویکھ وکھائندا۔ تِھر گھر ساچے سچ نِواس، برہم پاربرہم سمائندا۔ جن بھگتاں پوُری کرے آس، ویلے انتم درس وکھائندا۔ ہرِ سنتاں سچ گھر کرے واس، درگاہ ساچی سوبھا پائندا۔ گُرمُکھاں بُجھائے لگّی پیاس، امرت میگھ اِک برسائندا۔ گُرسِکھاں دوارے داسی داس، گُر سَتگُر سیو کمائندا۔ انتم کرے بند خلاص، بندی چھوڑ نام دھرائندا۔ سد بلہاری بل بل جاس، جو گُر کا حُکم کمائندا۔ آد جُگاد نہ ہوئے وِناس، ہرِ ساچا اپنے وِچ سمائندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، گُر گوبِند میل مِلائندا۔ گوبِند میلا ہرِ دوار، ہرِ سنتن آپ کرائیا۔ جو جن منگن بن بِھکھار، پربھ ساچی بِھچھیا جھولی دئے بھرائیا۔ درس وکھائے کھول

کِواڑ، اندر مندر نِرگُن جوت کر رُشنائیا۔ کلجُگ اگنی تپے نہ تتی ہاڑ، رُت بسنت اِک سُہائیا۔ ہوئے پرکاس بہتّر ناڑ، ناڑی ناڑ کرے رُشنائیا۔ ساچے مندر وکھائے اِک اکھاڑ، پربھ لایا بےپرواہیِا۔ موُرچھاگت ہوئی پنچم دھاڑ، موُدھے بھار سُٹائیا۔ گُر کا شبد دئے لتاڑ، تریَلوکی بھار اُپر رکھائیا۔ گُرمُکھاں پِھرے اَگے پِچھے اَگاڑ، سَتگُر پوُرے ہتّھ وڈیائیا۔ آپے پؤڑے دیوے چاڑ، اَدھوِچکار نہ کوئے لٹکائیا۔ گُرسِکھ بنائے ساچے لاڑ، گھر ساچے وجےّ ودھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، سمت سولاں کھیلے کھیل اگمّ اپار، ہرِجن ساچے لئے اُٹھائیا۔ ہرِجن سجّن اُٹھاوَن آیا، وڈ داتا بےانت۔ کلجُگ جیِو گوُڑھی نیِند سواوَن آیا، مایا پردہ پائے سادھ سنت۔ ترےَگُن ویس وٹاوَن آیا، آد جُگادی مہما اگنت۔ پنج وِکارا ویکھ وکھاوَن آیا، ویکھنہار ہؤمے ہنگت۔ لکھّ چؤراسی منمُکھ جیِو مِٹاوَن آیا، آپ بنائی اپنی بنت۔ گُرسِکھ سچّے آپ تراون آیا، ناؤں رکھایا ہرِ سنگت۔ کاگوں ہنس بناوَن آیا، جِؤں نانک انگیکار لایا انگد۔ ایکا بستر بھوُشن تن پہناوَن آیا، دوُسر در نہ ہوئے منگت۔ کایا چولی رنگ چڑھاوَن آیا، لیکھ مُکائے بُھکھ ننگت۔ نام کنگن اِک وکھاوَن آیا، جوتی جوت سروُپ ہرِ، آپ اپنی کِرپا کر، آپے جانے اپنی رنگت۔ اپنا انک آپے جان، اپنا موُل ویکھ وکھائیا۔ اپنا انک آپ پچھان، آپے نِو نِو سیِس جھُکائیا۔ اپنا جنک کر پردھان، گُرمُکھ ساچے دئے وڈیائیا۔ اپنا ڈنک دو جہان، نؤجوان دئے وجائیا۔ سال سولھویں ہو پردھان، اپنا پردہ رہیا اُٹھائیا۔ سال ستارویں پھڑے تیِر کمان، ایکا چِلّہ دئے چڑھائیا۔ سال اٹھارویں مارے بان، جل بِنب ویکھ وکھائیا۔ سال اُنیویں کلجُگ تیری لاہے مکان، عیسیٰ موُسیٰ رہن نہ پائیا۔ سال بیِسویں جھُلائے نِشان، ستّ رنگ نِشانہ دئے چڑھائیا۔ تخت تاج سوہے سُلطان، پُرکھ اکال وجےّ ودھائیا۔ چاروں کُنٹ پنتھ پردھان، وڈ پروانگی آپ سِکھائیا۔ رسنا گوُنجے اِک اکال، سو پُرکھ نِرنجن ڈھولا گائیا۔ ہنگ برہم بنے وِدھان، سَتگُر پوُرا دئے جنائیا۔ سوہنگ روُپ چتُر سُجان، چار جُگ نہ مرے نہ جائیا۔ آد انت رہے وِچ جہان، ایکا قُدرت دوُجا روُپ ہرِ نوُر الاہیِا۔ جوتی جوت سروُپ ہرِ، آپ اپنی جوت دھر، بیِس اِکیِسا ہرِ جگدیِشا ایکا چھتر سیِس جھُلائیا۔ چھتر جھُلانا ہرِ مِہربان، ہرِ اپنا آپ جھُلائیا۔ سرِشٹ سبائی پاوے آن، چار ورن آئے سرنائیا۔ شاہ سُلطان راج راجان، نِیوں نِیوں سیِس رہے جھُکائیا۔ غریِب نِمانیاں دیوے مان، در گھر ساچے سوبھا پائیا۔ ہِندوُ مُسلم سِکھ عیِسائی چُکے کان، کھتری براہمن شوُدر وَیش نہ کوئے اکھوائیا۔ جوتی جوت سروُپ

ہرِ، آپ اپنی جوت دھر، نِہکلنک نرائن نر، ایکا ڈنکا دئے وجائیا۔ ڈنکا وجّنا چار کُنٹ، ہرِ ساچے آپ وجاونا۔ لوک مات بناونا دھام بیَکُنٹھ، ساچا مارگ ایکا لاؤنا۔ نہ کوئی لِنگ کٹائے نہ کرے سُنت، نہ کوئے موُنڈ مُنڈاونا۔ پربھ آپ بنائے اپنی بنت، ایکا روُپ سچ درساونا۔ ایکا رنگ سادھ سنت، دوُجا رنگ نہ کوئے وٹاونا۔ نہ کوئی گڑھ دِسے ہؤمے ہنگت، کام کرودھ لوبھ موہ ہنکار نہ در نچاونا۔ نہ کوئی برہما وِشن شِو گنپت گنیش ہوئے منگت، دوُجے در نہ پلّوُ ڈاہونا۔ اُچے در نہ بہے کوئے پنگت، ونڈی ونڈ نہ کوئے ونڈاونا۔ نؤ کھنڈ بنائے ساچی سنگت، ہرِ سنگت نام دھراونا۔ پربھ کایا مجیِٹھی چاڑھے رنگت، چولا چولی آپ رنگاونا۔ جوتی جوت سروُپ ہرِ، آپ اپنی جوت دھر، اِک اِکیِسا آپ اکھواونا۔ اِک اِکیِسا کھیل اپارا، ہرِ ساچا آپ کرائیا۔ سَتجُگ ساچی بنّھے دھارا، اپنا سمت دئے چلائیا۔ سو پُرکھ نِرنجن ہو اُجیارا، اپنی وِدیا کرے پڑھائیا۔ وید کتیباں وسے باہرا، کھانی بانی بھیوَ نہ رائیا۔ گُر پیِر اوتار سادھاں سنتاں چلاؤنہارا، سہارا ایکنکارا اکھوائیا۔ پُرکھ اکال بول جَیکارا، نِرگُن سرگُن نام دھرائیا۔ کھتری براہمن شوُدر وَیش آپے نظری آئے رام اوتارا، آپے کرِشنا روُپ وٹائیا۔ آپے عیسیٰ موُسیٰ ہو اُجیارا، اپنا کلمہ آپ سُنائیا۔ آپے آب حیات کرے تیارا، بھر پیالہ جام پیائیا۔ آپے مُکھ نقاب پردہ لائے بھارا، اگلا لیکھا ویکھ وکھائیا۔ آپے دو دو آبہ دیوے دھارا، اپنا میل مِلائیا۔ آپے لیکھا جانے محمدی یارا، چار یاری روُپ وٹائیا۔ آپے نِرگُن نانک کھیل اپارا، جوت نِرنکارا ڈگمگائیا۔ آپے سَتنام بھرے بھنڈارا، وڈ بھنڈاری بےپرواہیِا۔ آپے واہِگُروُ بول جَیکارا، واہ واہ گُروُ آپ اکھوائیا۔ آپے فتح وجےّ نگارہ، آپے ڈنکا رہیا لائیا۔ آپے خالص خالصہ کر تیارا، چار ورناں رنگ چڑھائیا۔ چؤہُ جُگاں توں پنتھ چلائے اپنا نیارا، پُرکھ اکال وڈّی وڈیائیا۔ کروڑ چھیانوے اگمّی دھاڑا، اپنی آپ لئے اُپجائیا۔ لوک مات بنائے سچ اکھاڑا، مانَس جنم روُپ وٹائیا۔ وِچ سوہے ہرِ ہرِ لاڑا، آپ اپنا جوبن رہیا وکھائیا۔ سمت لگائے ستاراں ہاڑا، اگلا لیکھا بند رکھائیا۔ جوتی جوت سروُپ ہرِ، آپ اپنی کِرپا کر، آد جُگاد جُگ جُگ اپنے گائے آپے چھند، دوُسر ہتّھ نہ رکھی کِسے وڈیائیا۔

سولاں کل عقل کل دھار، سولاں اِچھیا بند کرائیا۔ سولاں کل آپ نِرنکار، اپنی ونڈ ونڈائیا۔ سولاں کلا بھر بھنڈار، لوک مات ویکھ وکھائیا۔ سولاں کلاں دئے ادھار، آپ اپنی جوت جگائیا۔ سولاں کل کل اُجیار، لکھّ چؤراسی رچن رچائیا۔ سولاں کل بنّھے دھار، برہما وِشنوُں شِو سیو کمائیا۔ سولاں کل کھیل اپار، تریَلوکی اپنے ویس وکھائیا۔ سولاں کلا دئے ادھار، نؤ کھنڈ رچن رچائیا۔ سولاں کلا کل کر پسار، ستّ دیِپ نال رلائیا۔ ستّاں دیِپاں نواں کھنڈاں تِنّاں لوکاں کرے آر پار، سولاں کل سو اکھوائیا۔ کرِشن بنیا مات اوتار، پُرکھ ابناسی ہوئے سہائیا۔ اپنی شکتی بھر بھنڈار، آپے ویکھ وکھائیا۔ آپ کرے اپنا منگلاچار، آپے دئے سُنائیا۔ آپ اپنا گیان دئے بھنڈار، آپے رہیا سُنائیا۔ ایکا ساجن میِت مُرار، سِکھیا سِکھ سمجھائیا۔ سولاں اِچھیا رہیا وِچار، ستاراں درسی سولاں مُکھ ستارواں دِوس دواپر ویلا انت کل اٹھاراں دِوس بول جَیکار، تریَلوکی ناتھ اپنی کھیل کِھلائیا۔ سولاں کلیاں تن شِنگار، ترےَگُن وِچ دِس نہ آئیا۔ نِرگُن سرگُن کھیل اپار، پاربرہم آپ اکھوائیا۔ لیکھا لیکھ نہ سکے کوئے وِچار، وید پُران سِمرت شاستر بھیوَ نہ رائیا۔ جِس جن آتم انتر بخشے برہم گیان، سو جن بوُجھ بوُجھ بُجھائیا۔ چؤداں لوک ویکھے مار دھیان، چؤداں لوک اپنا رنگ وکھائیا۔ ستّ دیِپ ہو پردھان، اپنی جوت کرے رُشنائیا۔ جوتی جوت سروُپ ہرِ، آپ اپنی کِرپا کر، عقل کل دھار ہرِ نِرنکار، سولاں کل ویکھ سنسار، نؤ ستّ ستّ نؤ سولاں چولا اِک بدلائیا۔