۲۴ کتّک ۲۰۱۶ بِکرمی لال سِنگھ دے گھر پِنڈ ہیر دَیا ہوئی
ہرِ سَتگُر پُرکھ سُجان، پاربرہم گُر اوتاریا۔ سو پُرکھ نِرنجن گُن نِدھان، ہرِ پُرکھ نِرنجن میِت مُراریا۔ ایکنکارا نِگاہبان، کھیلے کھیل اگمّ اپاریا۔ آد نِرنجن جوت مہان، نوُرو نوُر ڈگمگا رہیا۔ ابناسی کرتا سِری بھگوان، گھر ساچے سوبھا پا رہیا۔ پاربرہم پربھ نؤجوان، آپ اپنا کھیل کِھلا رہیا۔ وِشن شِو برہما کر پردھان، ساچی سیوا سیو لگا رہیا۔ دیونہارا ساچا دان، ایکا برہم برہم برہم جھولی پا رہیا۔ ترےَگُن مایا کر نِشان، آپ اپنا رنگ رنگا رہیا۔ جوتی جوت سروُپ ہرِ، آپ اپنی جوت دھر، جوُنی رہِت کھیل کِھلا لیا۔ سَتگُر پوُرا سَت کرتار، سَت سَتواد وڈّی وڈیائیا۔ سو پُرکھ نِرنجن ایکنکار، ہرِ پُرکھ نِرنجن سیو کمائیا۔ آد نِرنجن کرے وِچار، سِری بھگوان صِفت
صالاحیِا۔ ابناسی کرتا نؤجوان، نہ مرے نہ جائیا۔ پاربرہم پربھ جانی جان، آد جُگاد اِک اکھوائیا۔ برہما وِشن شِو دیوے مان، چرن کوَل دھیان رکھائیا۔ ترےَگُن مایا گُن نِدھان، گُنونتا ونڈ ونڈائیا۔ جوتی جوت سروُپ ہرِ، آپ اپنی جوت دھر، پُرکھ اکال ویس وٹائیا۔ سَتگُر پوُرا ہرِ بھگوَنت، ایکا ایک ایکنکاریا۔ سو پُرکھ نِرنجن جُگا جُگنت، ہرِ پُرکھ نِرنجن کرے آپ پساریا۔ آد نِرنجن مہما اگنت، سِری بھگوان بھیوَ نہ آ رہیا۔ پُرکھ ابناسی ساچا کنت، پاربرہم ناؤں پرگٹا رہیا۔ وِشن برہما شِو بنائے بنت، نِرگُن اپنا انگ کٹا رہیا۔ لکھّ چؤراسی جیِو جنت، ترےَگُن ساچا سنگ رکھا لیا۔ جوتی جوت سروُپ ہرِ، آپ اپنی جوت دھر، آپ اپنا کھیل کِھلا لیا۔ سَتگُر پوُرا کرتا ابناس، ایکا رنگ سمایا۔ سو پُرکھ نِرنجن کھیلے کھیل تماش، ہرِ پُرکھ نِرنجن راس رچایا۔ آد نِرنجن نِرگُن جوت کر پرکاس، تِھر گھر ساچا آپ سُہایا۔ پُرکھ ابناسی سچکھنڈ دوارے کر نِواس، نِرگُن اپنا دھام سُہایا۔ سِری بھگوان آپ اپنا ہویا داس، اپنی سیوا آپ کمایا۔ پُرکھ ابناسی کر ارداس، اپنی جھولی اپنے اَگے ڈاہیِا۔ پاربرہم پربھ سگلا ساتھ، تِھر گھر واسی آپ نِبھایا۔ برہما وِشن شِو گائن سواس سواس، سیوک ساچی سیو لگایا۔ لکھّ چؤراسی داسی داس، جوتی جوت سروُپ ہرِ، آپ اپنی جوت دھر، نِرگُن دھار ایکنکار، عقل کل اپنا ناؤں اُپایا۔ سَتگُر پوُرا عقل کل دھار، آد جُگاد سمائندا۔ ایکنکارا کر پسار، آپ اپنا ویکھ وکھائندا۔ سو پُرکھ نِرنجن بنّھے دھار، جوتی جوت جوت پرگٹائندا۔ ہرِ پُرکھ نِرنجن اندر باہر، محل اٹل سوبھا پائندا۔ آد نِرنجن کھیل اپار، دِیا باتی کملاپاتی اپنا آپ جگائندا۔ سِری بھگوان سانجھا یار، سگلا سنگ رکھائندا۔ ابناسی کرتا میِت مُرار، امراپد اِک وکھائندا۔ پاربرہم پربھ ہو تیار، اپنی ونڈ آپ ونڈائندا۔ برہما وِشن شِو دئے آدھار، انتر آتم بوُجھ بُجھائندا۔ ترےَگُن مایا کر پیار، راجس تامس سَت سَت سَت ورتائندا۔ لکھّ چؤراسی بھر بھنڈار، آتم برہم وِچ ٹِکائندا۔ اِیش جیِو کرم وِچار، نِہکرمی کرم وکھائندا۔ کایا کھیڑا نگر گرام، ہڈّ ماس ناڑی رتّ جوڑ جُڑائندا۔ پوَن سواسی پلّے بنّھے دام، سچ خزانہ اپنے ہتّھ رکھائندا۔ جوتی جوت سروُپ ہرِ، آپ اپنی جوت دھر، اِک اِکلّا کھیل اپارا، وسنہارا سچ محلہ اُچ منارا، دِس کِسے نہ آئیندا۔ سَتگُر پوُرا ہرِ مِہربان، در ساچا آپ سُہائندا۔ سو پُرکھ نِرنجن جانی جان، گھٹ گھٹ اپنا ویس وٹائندا۔ ہرِ پُرکھ نِرنجن نِگاہبان، جُگا جُگنتر ویکھ وکھائندا۔ آد نِرنجن سچ نِشان، سچکھنڈ دوارے آپ جھُلائندا۔ پُرکھ ابناسی کرے دھیان، در دوارا ویکھ وکھائندا۔ سِری بھگوان پائے آن،
اپنا حُکم آپ چلائندا۔ پاربرہم دیوے مان، برہم اپنا سنگ رکھائندا۔ برہما وِشن شِو پائے مان، دوُسر حُکم نہ کوئے جنائندا۔ لکھّ چؤراسی کر پردھان، لوک ماتی ویس وٹائندا۔ پُرکھ ابناسی چتُر سُجان، گھر مندر سوبھا پائندا۔ مندر اندر سچ مکان، گھر گھر وِچ آپ اُپائندا۔ جوت نِرنجن جگت نِشان، دِیا باتی اِک ٹِکائندا۔ انحد شبد سچّی دُھنکان، راگ انادی آپ الائندا۔ امرت آتم پیِن کھان، سر سروور اِک اُپائندا۔ جوتی جوت سروُپ ہرِ، آپ اپنی جوت دھر، کھیلے کھیل اگمّ اپار، الکھ اگوچر بھیوَ کوئے نہ پائندا۔ الکھ اگوچر اگمّ اتھاہ پاربرہم اکھوائندا۔ پُرکھ ابناسی بےپرواہ، جُگ جُگ اپنا مارگ لائندا۔ لکھّ چؤراسی رچن رچا، گھر گھر وِچ ڈیرہ وکھائندا۔ نِرگُن اپنا ناؤں دھرا، ناؤں نِرنکارا آپ اُپجائندا۔ لوآں پُریاں ویکھ وکھا، روَ سس شبد جنائندا۔ برہمنڈ کھنڈ اپنی جوت جگا، نوُرو نوُر ڈگمگائندا۔ وربھنڈی ہرِ رچن رچا، جیِو جنت ویکھ وکھائندا۔ لکھّ چؤراسی سنگ نِبھا، گھر ساچے سوبھا پائندا۔ جوتی جوت سروُپ ہرِ، آپ اپنی جوت دھر، نِرگُن سرگُن وسے ایکا گھر، گھر ساچا آپ سُہائندا۔ نِرگُن پُرکھ اکال، سمرتھ پُرکھ وڈّی وڈیائیا۔ سرگُن داتا دیِن دَیال، پنج تت ڈیرہ آپے لائیا۔ نِرگُن روُپ شاہ سُلطان، سچکھنڈ نِواسی سچکھنڈ بَیٹھا سوبھا پائیا۔ سرگُن روُپ سِری بھگوان، پنج تت میلا سہج سُبھائیا۔ نِرگُن نوُر نوُر مہان، جوتی جوت جوت رُشنائیا۔ سرگُن میلا وِچ جہان، کملاپاتی ویکھ وکھائیا۔ نِرگُن داتا دانی وڈ مِہربان، ساچی وست اِک رکھائیا۔ سرگُن منگے دُھر دربار ، اپنی جھولی اَگے ڈاہیِا۔ بن وِچولا گُن نِدھان، اپنا میلا دئے کرائیا۔ جوتی جوت سروُپ ہرِ، آپ اپنی جوت دھر، آپ اپنا کھیل کِھلائیا۔ جوتی میلا شبدی چیلا، گُر سَتگُر روُپ وٹائندا۔ پاربرہم برہم سجّن سُہیلا، سگلا سنگ رکھائندا۔ وسنہارا دھام نویلا، پنج تت اپنا آسن لائندا۔ جوتی جوت سروُپ ہرِ، آپ اپنی جوت دھر، نِرگُن سرگُن ویکھ وکھائندا۔ نِرگُن ہرِ نِرنکار، سو پُرکھ نِرنجن وڈ وڈیائیا۔ ہرِ پُرکھ نِرنجن ہو تیار، آد نِرنجن جوت کرے رُشنائیا۔ سِری بھگوان کر پیار، پاربرہم پربھ میل مِلائیا۔ برہم میِتا دئے ادھار، لوک مات ویکھ وکھائیا۔ ٹھانڈا سیِتا نِجھر دھار، امرت امیوں رس جھِرنا دئے جھِرائیا۔ جوتی جوت سروُپ ہرِ، آپ اپنی کِرپا کر، پنج تت ویکھے سہج سُبھائیا۔ پنج تت میلا گُن نِدھان، نِرگُن سرگُن جوڑ جُڑائندا۔ کایا مندر سچ مکان، تِھر گھر واسی آسن لائندا۔ ساچا راگ شبد دُھنکان، انحد ایکا راگ الائندا۔ چؤداں ہٹّ وکھائے اِک دُکان، لوآں پُریاں ویکھ وکھائندا۔ سچ وکھائے پد نِربان، پرمانند آپ
سمائندا۔ جوتی جوت سروُپ ہرِ، آپ اپنی جوت دھر، اپنی بوُجھ آپ بُجھائندا۔ نِرگُن سرگُن بوُجھ بُجھائے، آپ اپنا پردہ لاہیِا۔ کایا چولی رنگ چڑھائے، اُتر کدے نہ جائیا۔ در دروازہ اِک کُھلائے، آپ اپنی دَیا کمائیا۔ غریِب نوازا بھیوَ چُکائے، ہؤمے روگ رہے نہ رائیا۔ انحد واجا اِک وجائے، راگ انادی ایکا گائیا۔ اَسو گھوڑا تازا اِک وکھائے، شبد اگمّی آپ چڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ایکا وست جھولی پائیا۔ سچ وست ہرِ نام انمول، نِرگُن سرگُن جھولی پائندا۔ پاربرہم پربھ اپنے کنڈے تول، تولنہارا ایکا تول تُلائندا۔ سِری بھگوان پردہ کھول، بجر کپاٹی توڑ تُڑائندا۔ پُرکھ ابناسی وجائے ڈھول، کایا مندر اندر مردنگا اِک وجائندا۔ سو پُرکھ نِرنجن امرت آتم بخشے پاہُل، بھر پیالہ جام پیائندا۔ ہرِ پُرکھ نِرنجن وسے سدا کول، وِچھڑ کدے نہ جائندا۔ ایکنکارا آد انت رہے اڈول، روُپ رنگ نہ کوئے وکھائندا۔ جوتی جوت سروُپ ہرِ، آپ اپنی کِرپا کر، نِرگُن سرگُن دئے ور، ور داتا ناؤں دھرائندا۔ ور داتا ہرِ مِہربانا، گہر گمبھیِر سمایا۔ جن بھگتاں دیوے ساچا دانا، نام خزانہ جھولی پایا۔ دو جہانانبیِنا دانا، در درویشا ویس وٹایا۔ امرت آتم پیِنا کھانا، سچ بھنڈارا آپ بھرایا۔ ایکا رنگ رنگائے مرنا جیِنا، جیِون مرن نِربھے وکھایا۔ لیکھا جانے لوکاں تیِناں، مات پاتال آکاش ہوئے سہایا۔ جن بھگتاں کرے ٹھانڈا سیِنہ، نِرگُن اپنا درس دِکھایا۔ بُجھائے پیاس جِؤں جل میِنا، سانتک سَت کرایا۔ ہرِ بھگت لکھّ چؤراسی وِچوں وکّھ کیِنا، اپنی بھگتی آپے لایا۔ جوتی جوت سروُپ ہرِ، آپ اپنی کِرپا کر، نِرگُن میلا ساچے گھر، سرگُن ساچا ویکھ وکھایا۔ نِرگُن داتا ہرِ بےانت، پاربرہم وڈّی وڈیائیا۔ لیکھا جانے ساچے سنت، ساچی سِکھیا سَت سمجھائیا۔ میل مِلاوا ناری کنت، گھر وجدی رہے ودھائیا۔ نام چڑھائے چولی رنگ بسنت، ساچی کلیا آپ رنگائیا۔ جگت جہان بنائے بنت، بن بنواری ویکھ وکھائیا۔ جوتی جوت سروُپ ہرِ، آپ اپنی کِرپا کر، گھر سنتن ڈیرہ لائیا۔ سنتن اندر نِرگُن وسیا، بےانت بےپرواہ۔ آد جُگادی مارگ ساچا دسیا، پکڑ اُٹھائے ہرِ ہرِ بانہہ۔ دو جہاناں پِھرے نسّیا، سَتگُر پوُرا بن ملاح۔ تیِر نِرالا ایکا کسیا، شبد نِشانہ دیوے لا۔ جوتی جوت سروُپ ہرِ، آپ اپنی کِرپا کر، ہرِ سنت جپائے ایکا ناں۔ سنتن بیڑا پار کر، گُرمُکھ سنگ نِبھائندا۔ گُرمُکھ میِت مُرار کر، گھر سُہنجنا سوبھا پائندا۔ داسی داس کرتار ہرِ، ہرِ سجّن ویکھ وکھائندا۔ اپنی کِرپا آپے کر، آپ اپنے انگ لگائندا۔ آون جاون چُکے ڈر، جِس جن سِر اپنا ہتّھ رکھائندا۔ اپنے گھاڑن لئے گھڑ، بھنّنہار آپ ہو جائندا۔
جوتی جوت سروُپ ہرِ، آپ اپنی کِرپا کر، گُرمُکھ لیکھا آپ سمجھائندا۔ گُرمُکھ لیکھا لیکھ اپار، وید کتیب بھیوَ نہ رائیا۔ برہما اٹّھے نیتر چارے مُکھ کوُکے کرے پُکار، دِوس ریَن رہیا گائیا۔ شاستر سِمرت واجاں رہے مار، پُران اٹھاراں دین گواہیِا۔ گُرمُکھ تیرا روُپ اپار، لِکھت لیکھ وِچ نہ کوئے بند کرائیا۔ جوتی جوت سروُپ ہرِ، آپ اپنی کِرپا کر، کھیلے کھیل وِچ سنسار، گُرمُکھ ساچے لئے جگائیا۔ گُرسِکھ ہرِ آپ جگائے، پرم پُرکھ وڈّی وڈیائیا۔ اپنا ویس آپ وٹائے، در درویش پھیری پائیا۔ نر نریش بھیوَ نہ رائے، گنپت گنیش بَیٹھے سیِس جھُکائیا۔ وِشن برہما رہے دھیائے، دِوس ریَن ایکا گُن گائیا۔ گُرمُکھاں دوارے پھیری پائے، گُرسِکھ ساچے ویکھ وکھائیا۔ گُرسِکھ تیری وڈ وڈیائے، تیرا لہنا نہ کوئے چُکائیا۔ جوتی جوت سروُپ ہرِ، آپ اپنی جوت دھر، جوت اُجیالا ہرِ گوپالا دیِن دَیالا دَیانِدھ ٹھاکر ابناسی کرتا ناؤں رکھائیا۔ گُرمُکھ سوُرا وڈ بلوان، ہرِ سَتگُر آپ اُپائندا۔ گُرسِکھ ساچا چتُر سُجان، در گھر ساچا ویکھ وکھائندا۔ شبد سروُپی سَت گیان، سَت سَتوادی آپ دِرڑائندا۔ کایا توڑ مان ابِھمان، مایا ممتا موہ چُکائندا۔ شبد انادی دُھر فرمان، ہرِ ساچا آپ سُنائندا۔ جوتی جوت سروُپ ہرِ، آپ اپنی کِرپا کر، گُرمُکھ ساچے ویکھ وکھائندا۔ گُرمُکھ پیکھت ہرِ نِرنکار، در ساچا آپ سُہائیا۔ گُرسِکھ بھرے نام بھنڈار، دیونہار توٹ نہ رائیا۔ آد جُگادی بن ورتار، لوک مات سیو کمائیا۔ سَتجُگ تریتا دواپر پار کِنار، بھگت وچھل وڈّی وڈیائیا۔ دھروُ پرہلاد کریا پار، بل باوَن رنگ چڑھائیا۔ امریک دُرباشا کر خوار، جنک وجّی ودھائیا۔ ہری چند دئے آدھار، آپ اپنی بوُجھ بُجھائیا۔ بِدر سُداما کر کر پار، گھر ساچے ویکھ وکھائیا۔ دروپد سُت کر پیار، لجّیا رکھے بےپرواہیِا۔ نامہ جےَ دیوَ وِچ سنسار، سارنگ دھر بھگوان بیِٹھلا نیتر نیَن درشن گئے پائیا۔ کبیِر سیَن کر پُکار، دِوس ریَن رہے دِھیائیا۔ بینی نیَنی کھیل اپار، گھر میلا سہج سُبھائیا۔ رَوداس چمارا تن شِنگار، کایا الفی ایکا پائیا۔ پاپن پوُتنا لائی پار، بدھکّ اپنے انگ سمائیا۔ گنکا پاپن دئے آدھار، اجامل تارے ویکھے تھاؤں تھائنیا۔ جُگا جُگنتر پاوے سار، نر نرائن اپنا روُپ وٹائیا۔ کلجُگ انتم ہو تیار، نِہکلنکا ناؤں دھرائیا۔ گُرمُکھ ساچے لئے اُبھار، لکھّ چؤراسی پھول پھولائیا۔ منمُکھ سُتے پَیر پسار، کلجُگ مایا پردہ رہیا پائیا۔ بِن سَتگُر کوئے نہ اُترے پار، نانک گوبِند دئے گواہیِا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کھیلے کھیل ہرِ رگھُرائیا۔ گُرسِکھ ساچا میِتڑا، ہرِ سجّن ویکھ وکھایا۔ پائے دھام اِک انڈیٹِھڑا، سچکھنڈ نِواسی ڈیرہ اپنا
لایا۔ کایا چولی رنگے چیِتھڑا، پنج تت دُرمت مَیل گوایا۔ آپ اپنے جیہا کیتڑا، ایکا دوُجا بھؤ مِٹایا۔ مِٹھا کریا کؤڑا ریِٹھڑا، آتم درسی درس دِکھایا۔ گُرسِکھ سدا سد ٹھنڈا سیِتڑا، اگنی تت نہ لگّے رایا۔ پُرکھ ابناسی گھٹ گھٹ واسی نِرگُن داسی نِرگُن آپ میِتڑا، چِتوِت ٹھگؤری کوئے نہ پایا۔ کوٹن کوٹ جنم دے وِچھڑے کر کر میلے کرے پتت پُنیِتڑا، پتت پاوَن اپنا نام دھرایا۔ جوتی جوت سروُپ ہرِ، آپ اپنی کِرپا کر، گُرمُکھ ساچے دیوے ور، ور گھر ساچا اِک وکھایا۔ ور گھر ساچا کنت بھتار، گُرمُکھ سچ کرے کُڑمائیا۔ سَت سنتوکھی سچ پیار، سَت سَتوادی آپ وکھائیا۔ بستر بھوُشن کر تیار، شبد گہنا تن پہنائیا۔ نام نِدھانا کجّل دھار، نیتر نیَن آپ مٹکائیا۔ مینڈھی گُندے وِچ سنسار، ہرِ ساچی سیو کمائیا۔ لال گُلالا رنگ چاڑھے اپر اپار، لال مہِندی رہی شرمائیا۔ ساچی دھرمسالہ کایا مندر کر تیار، سیِس جگدیِش دئے نِوائیا۔ جوتی ماتا ہو تیار، ساچا سگن لئے منائیا۔ امرت وارے ٹھنڈا ٹھار، مُکھ پیالہ اِک لگائیا۔ سخیاں منگل گائن وارو وار، گیِت گوبِند اِک الائیا۔ وجےّ تال ہرِ نِرنکار، بہتّر ناڑا تال تلواڑا انحد آپ وجائیا۔ ساچے گھوڑے دیوے چاڑھ، مؤلی مہِندی اپنے ہتّھ وکھائیا۔ گُرمت بھابی کجلا پائے اپنی وار، گھر ساچے سوبھا پائیا۔ ساچی سنگت بھَیناں بھئیا کرے پیار، جوتی جوت سروُپ ہرِ، آپ اپنی کِرپا کر، گُرمُکھ ساچے لئے ور، آپ اپنے انگ لگائیا۔ گُرمُکھ ساچا انگ لگایا، ہرِ سَتگُر دَیا کمائندا۔ ساچا مندر اِک سُہایا، چار دیِوار نہ کوئے رکھائندا۔ چھپر چھنّ نہ کوئے اُپایا، نہ کوئی باڈی بنت بنائندا۔ اُتّر پوُرب پچھّم دکھنّ چاروں دِشا دروازہ کِسے دِس نہ آیا، بِن سَتگُر نہ کوئے کُھلائندا۔ ساچا پؤڑا اِک چڑھایا، اپنی ہتھّیں ڈنڈا لائندا۔ دُئی دوَیتی پردہ جگت گھُنگٹ آپ چُکایا، اپنا درس آپ دِکھائندا۔ اُچ محل اٹاری رہیا سُہایا، نِج آتم کھیل کِھلائندا۔ ساچی سیجا سوبھا پایا، پھوُلن برکھا آپ لگائندا۔ گُرمُکھ سُرت سوانی شبد مِلیا ساچا ہانی، واہ واہ منگل ایکا گائندا۔ در گھر مِلیا ٹھنڈا پانی، جُگاں جُگاں دی لگّی پیاس سَتگُر پوُرا آپ بُجھائندا۔ آون جاون چُکی کانی، لکھّ چؤراسی پھند کٹائندا۔ گُرمُکھ پڑھے ایکا بانی، پربھ ساچا آپ سُنائندا۔ لکھّ چؤراسی دِسے فانی، تِھر کوئے رہن نہ پائندا۔ جوتی جوت سروُپ ہرِ، آپ اپنی کِرپا کر، ہرِجن میلے اپنے در، در دروازہ آپ سُہائندا۔ در دوارا سوبھاوَنت، سَت پُرکھ نِرنجن آپ سُہایا۔ گُرمُکھ وِرلا ویکھے سنت، دوُسر ہتّھ کِسے نہ آیا۔ لکھّ چؤراسی جیِو جنت، جوُنی جوُن رہیا پِھرایا۔ گُرسِکھ تیری مہما اگنت، لیکھا لِکھ نہ سکے کوئی رایا۔ ور گھر پایا ہرِ ہرِ
کنت، گھر ساچا ویکھ وکھایا۔ جوتی جوت سروُپ ہرِ، آپ اپنی کِرپا کر، اپنا مندر آپ سُہایا۔ ساچا مندر سچکھنڈ دوار، ہرِ ساچا آپ سُہائیا۔ بھگتاں میلے کر پیار، سُنّ اگمّی پار کرائیا۔ سنتا بخشے اِک ادھار، چرن کوَل سچّی سرنائیا۔ گُرمُکھ پھڑ پھڑ بانہوں جائے تار، نِت نوِت سیو کمائیا۔ گُرسِکھاں کرے سچ شِنگار، ساچی سیوا آپ کمائیا۔ لیکھا لِکھ لِکھ جانے دُھر دربار، دُھر مستک ویکھ وکھائیا۔ کوٹن کوٹی کوٹ رہے پُکار، پربھ کا درس کوئے نہ پائیا۔ کلجُگ انتم لےَ اوتار، نِرگُن سرگُن ویس وٹائیا۔ گُرمُکھ ساچے لئے اُبھار، جوتی جوت سروُپ ہرِ، آپ اپنی کِرپا کر، آپ اپنی گود اُٹھائیا۔ گُرسِکھ بال انجانا بالی بُدھ، ہرِ وڈّا وڈ وڈیائیا۔ جن بھگتاں کرے کارج سُدھ، عقل کل روُپ وٹائیا۔ ہرِ سنتاں بھیوَ کُھلائے گُجھ، آپ اپنی بوُجھ بُجھائیا۔ گُرمُکھاں سچ دوارا جائے سُجھ، منمُکھ بَیٹھن مُکھ بھوائیا۔ گُرمُکھ چرن پریِتی جائن لُجھ، لنکا ہؤمے گڑھ تُڑائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، گُرمُکھ ساچے ویکھ وکھائیا۔ ویکھنہار پُرکھ سمرتھ، آد جُگاد سمایا۔ جن بھگتاں دیوے ساچی وتھ، نام رتن امولک ہیِرا جھولی پایا۔ سنتن جنائی ساچی گتھ، منتر انتر نام دِرڑایا۔ گُرسِکھاں سگل وِسوُرے جائن لتھ، سوَچّھ سروُپی درشن پایا۔ گُرمُکھ میلا در گھر ساچے اِک اِکٹّھ، چرن دوارا اِک وکھایا۔ میل مِلاوا نٹھ نٹھ، دو جہانی پھیرا پایا۔ کلجُگ بُرج رہیا ڈھٹّھ، ندی کنارے رُکھڑا آپ وکھایا۔ لہنا چُکے اٹھسٹھ، امرت جل نیِر نہ کوئے وہایا۔ گُرمُکھاں گُرسِکھاں جن بھگتاں ہرِ سنتاں ساچا مارگ دیوے دسّ، ورناں برناں بھیوَ چُکایا۔ اوُچاں نیِچاں رکھے دے کر ہتّھ، سو پُرکھ نِرنجن ویس وٹایا۔ ہرِ پُرکھ نِرنجن مہما اکتھ، کتھنی کتھ نہ سکے رایا۔ آد نِرنجن ہو پرگٹ، جوت نِرنجن رہیا جگایا۔ پُرکھ ابناسی وسنہارا گھٹ گھٹ، گھٹ مندر ویکھ وکھایا۔ سِری بھگوان کُھلائے ساچا ہٹّ، چؤداں لوک چؤداں طبق ترےَبھوَن دھنی اپنا ناؤں اُپایا۔ پاربرہم کھیلے کھیل بازی گر نٹ، سوانگی اپنا سوانگ ورتایا۔ چتربُھج گیڑ اُلٹی لٹّھ، چارے کُنٹاں ویکھ وکھایا۔ چؤتھا جُگ رہیا نٹھ، ویلے انت نہ کوئے سہایا۔ وِشنوُں پوُرا کرے نہ کوئی گھاٹ، پربھ ویکھے رِزق سبایا۔ برہما لیکھا جانے آن باٹ، لکھّ چؤراسی مات گربھ پھیرا پایا۔ شنکر اُتارے اپنے گھاٹ، شِو ساچی سیو کمایا۔ ترےَگُن مایا بستر رہیا پاٹ، ساچی گنڈھ نہ کوئے بندھایا۔ پنج تت نہ وِکنا کِسے ہاٹ، کرتا قیِمت کوئے نہ پایا۔ ہرِ بھگتاں میلا سگلا ساتھ، ساچے سنتن لئے ترایا۔ گُرمُکھ لہنا دین چُکائے مستک ماتھ، پوُرب ویکھن
آپے آیا۔ گُرسِکھ چڑھائے ساچے راتھ، سو پُرکھ نِرنجن دَیا کمایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، نر ہرِ ہری نرائن آپ اکھوایا۔ ہرِ نرائن بےعیب پروردِگار، نوُر نوُر نوُر الاہیِا۔ حق حقیِقت پاوے سار، لاشریِک اِک خُدائیا۔ خالق خلق کر پسار، خلق خالق ویکھ وکھائیا۔ ثالث بن وِچ سنسار، سچ ثالثی آپ کمائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نر نرائن ہری ہرِ وڈّی وڈیائیا۔ ہری ہرِ نِرگُن سرگُن، وِشنوُں بھگوان ناؤں دھرایا۔ گُرسِکھ میلے چُن چُن، آپ اپنی دَیا کمایا۔ گُرمُکھاں پُکار سُن سُن، سِر اپنا ہتّھ رکھایا۔ سنتاں جانے ساچا گُن، گُن اَوگُن گُنونتا وڈ وڈیایا۔ بھگتاں سُنے ناد دُھن، دُھن آتمک آپ وجایا۔ لکھّ چؤراسی چھان پُن، چؤتھے جُگ چارے ویکھ وکھایا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سنتوکھ اِک گیان، پُرکھ ابناسی چرن دھیان، دو جہانی دیوے مان، آون جاون چُکے کان، رائے دھرم نہ دئے سزایا۔ مہاراج شیر سِنگھ وِشنوُں بھگوان، گُرسِکھ اپنے در کرے پروان، درگاہ ساچی دیوے مان، سچکھنڈ دوارے سچ نِشان، ہرِجن جن ہرِ ساچے آپ جھُلایا۔
۲۵ کتّک ۲۰۱۶ بِکرمی رتن سِنگھ دے گھر پِنڈ نوُر پُر ضِلع جالندھر
ایکنکار پُرکھ اگمّڑا، آد جُگادی گُر اوتار۔ سو پُرکھ نِرنجن ویس وٹندڑا، اجوُنی رہِت کھیل اپار۔ ہرِ پُرکھ نِرنجن اپنا ناؤں اُپجندڑا، ناؤں نِرنکارا دھر نِرنکار۔ آد جُگاد جوت جُگندڑا، نوُرو نوُر اُجیار۔ ابناسی کرتا دھام سُہندڑا، سچکھنڈ وسے اِک دوار۔ سِری بھگوان بھیکھ وٹندڑا، تِھر گھر واسی ایکا دھار۔ پاربرہم بھیوَ کُھلندڑا، آپ اپنی کر وِچار۔ وِشنوُں اپنا انک سُہندڑا، انگیکار کر کرتار۔ برہما برہم ویس وکھندڑا، نِرگُن نِرگُن بنّھے دھار۔ شنکر دیِپک اِک جگندڑا، کر کر اپنا سچ پیار۔ ترےَگُن مایا میل مِلندڑا، پنج تت بھرے بھنڈار۔ لکھّ چؤراسی بنت بنندڑا، ویکھے وِگسے کر وِچار۔ گھر گھر وِچ منڈل راس رچندڑا، جوت نِرنجن ہو اُجیار۔ جوتی جوت سروُپ ہرِ، آپ اپنی جوت دھر، کھیلے کھیل اپر اپار۔ ایکنکار پُرکھ سُلطان، ہرِ وڈّا وڈ وڈیائیا۔ سو پُرکھ نِرنجن وڈ مِہربان، دوُسر سنگ نہ کوئے رکھائیا۔
ہرِ پُرکھ نِرنجن دیوے دان، سَت بھنڈارا آپ ورتائیا۔ آد نِرنجن کھیل مہان، جُگا جُگنتر ڈگمگائیا۔ سِری بھگوان سچ نِشان، سچکھنڈ دوارے آپ جھُلائیا۔ ابناسی کرتا کھیل مہان، کھیلنہارا دِس نہ آئیا۔ پاربرہم والی دو جہان، نِرگُن نوُر کرے رُشنائیا۔ برہم برہم برہم کر پردھان، اپنی کل آپ ورتائیا۔ برہما وِشن شِو پائے اپنی آن، ایکا حُکم سُنائیا۔ ترےَ ترےَ میِتا کھول دُکان، چؤداں ہٹّاں ویکھ وکھائیا۔ جوتی جوت سروُپ ہرِ، آپ اپنی جوت دھر، اپنی رچنا آپ رچائیا۔ ایکنکارا الکھ الکھنا، لیکھا لیکھ نہ کوئے جنائندا۔ سو پُرکھ نِرنجن ہو پرتکھنا، آپ اپنا ناؤں اُپجائندا۔ ہرِ پُرکھ نِرنجن مہما کتھ اکتھنا، کتھنی کتھ نہ کوئے سُنائندا۔ آد نِرنجن سرب کل سمرتھنا، سمرتھ پُرکھ ناؤں دھرائندا۔ سِری بھگوان چلائے رتھنا، رتھ رتھواہی دِس نہ آئیندا۔ ابناسی کرتا سگلا ستھنا، سگلا سنگ آپ نِبھائندا۔ پاربرہم آپے بھانڈے بھرے آپے کرے سکھنا، برہم جوت آپ جگائندا۔ برہما وِشن شِو نِیوں نِیوں جھُکائن متھنا، تِلک للاٹی چرن دھوُڑی مستک ٹِکاّ لائندا۔ جوتی جوت سروُپ ہرِ، آپ اپنی جوت دھر، آپ اپنے گھر سُہائندا۔ ایکنکارا سوہے گھر گھر سُہنجنا، نِرگُن اپنا آپ اُپایا۔ سو پُرکھ نِرنجن میِت مُرارا سجّنا، گھر ساچے میل مِلایا۔ ہرِ پُرکھ نِرنجن در دوارے اپنے بہہ بہہ آپے سجنا، اِک محل اٹل آپ رکھایا۔ آد نِرنجن اپنے نیتر پائے اپنا کجلا، اپنا نیَن آپ کُھلایا۔ پُرکھ ابناسی در اپنے کرے اپنا مجنا، اپنا تیِرتھ آپے ناہیا۔ سِری بھگوان رکھے لجّنا، لاجاونت بےپرواہیِا۔ پاربرہم اِک وجائے ساچا ساجنا، تال تلواڑا اپنے ہتّھ رکھایا۔ برہما وِشن شِو رچایا کاجنا، آپ اپنا بندھن پایا۔ ترےَگُن مایا دِتا داجنا، ایکا پلّے گنڈھ بندھایا۔ پنج تت مارے واجنا، اپ تیج وائے پرِتھمی آکاش سگلا سنگ رکھایا۔ لکھّ چؤراسی بھانڈا ساجنا، اپنا آوا آپ تپایا۔ کھیلے کھیل وِچ برہمادنا، برہمنڈ کھنڈ اپنا ویس وٹایا۔ جوتی جوت سروُپ ہرِ، آپ اپنی جوت دھر، پُرکھ اکال ایکنؤنکار، آد جُگادی کھیل اپار، بھیوَ کِسے نہ پایا۔ ایکنکارا سچ محلہ، سو پُرکھ نِرنجن آپ سُہائندا۔ ہرِ پُرکھ نِرنجن اِک اکلّا، آد نِرنجن ڈگمگائندا۔ سِری بھگوان پھڑائے پلّا، ابناسی کرتا میل مِلائندا۔ پاربرہم وسنہارا نِہچل دھام اٹلا، سچ سِنگھاسن آسن لائندا۔ سچ سُنیہڑا برہما وِشن شِو اپنا گھلّا، حُکمی حُکم آپ پِھرائندا۔ ترےَگُن مایا آپے رلا، دِس کِسے نہ آئیندا۔ جوتی جوت سروُپ ہرِ، آپ اپنی جوت دھر، کرنی کرتا کِرت کمائندا۔ ایکؤنکار عقل کل دھارا، ایکا رنگ سمایا۔ سو پُرکھ نِرنجن کھیل اپارا، ہرِ پُرکھ نِرنجن ویکھ وکھایا۔ آد نِرنجن کنت بھتارا، گھر ساچے سوبھا
پایا۔ سِری بھگوان کرے پیارا، پُرکھ ابناسی نال رلایا۔ پاربرہم برہم ہو اُجیارا، لوک مات ویکھ وکھایا۔ برہما وِشن شِو سیوادارا، آد جُگاد رہے سیو کمایا۔ کھیلے کھیل اگمّ اپارا، الکھ اگوچر اپنا کھیل کِھلایا۔ جوتی جوت سروُپ ہرِ، آپ اپنی جوت دھر، نِربھےَ اپنا نام دھرایا۔ ایکؤنکار موُرت اکال، ایکا ایک اکھوائندا۔ سو پُرکھ نِرنجن دیِن دَیال، دَیانِدھ بھیوَ نہ آئیندا۔ ہرِ پُرکھ نِرنجن اپنا بنے آپ دلال، آپ اپنا ونج کرائندا۔ آد نِرنجن دیِپک بال، تِھر گھر ساچا آپ سُہائندا۔ سِری بھگوان چلے نال نال، نِرگُن روُپ انوُپ درسائندا۔ پُرکھ ابناسی کھیل مہان، گھر ساچے آپ کِھلائندا۔ پاربرہم داسی داس کرائے کال مہاکال، آپ اپنا حُکم چلائندا۔ برہم برہم برہم کرے پرِتپال، پرِتپالک ویس وٹائندا۔ برہما وِشن شِو شبد اگمّی پایا جال، سَت ڈوری نام بندھائندا۔ ترےَگُن مایا جگت جنجال، لکھّ چؤراسی کوٹ وکھائندا۔ جُگ جُگ اپنی گھالا رہے گھال، سَتجُگ تریتا دواپر اپنا رنگ رنگائندا۔ بِن ہرِ جی حل نہ ہویا کِسے دا سوال، انت لیکھا نہ کوئے مُکائندا۔ پاربرہم چلے اولّڑی اپنی چال، چال نِرالی آپ جنائندا۔ سِری بھگوان ہو نِہال، نِرگُن نِرگُن نِرگُن اپنا آپ اُپجائندا۔ پُرکھ ابناسی ویکھے سچّا دھن مال، سچ خزیِنہ پھول پُھلائندا۔ جوتی جوت سروُپ ہرِ، آپ اپنی جوت دھر، جُگ جُگ اپنا کھیل کِھلائندا۔ سَتجُگ تریتا دواپر پار کنارہ، لوک مات رہن نہ پائیا۔ پنج تت ہرِ کر پیارا، نِرگُن سرگُن کرے رُشنائیا۔ سرگُن میلا وِچ سنسارا، گُر پیِر اوتار ناؤں دھرائیا۔ سادھ سنت بول جَیکارا، ایکا نام رہے گائیا۔ بھگتاں دیوے چرن پیارا، ساچی بِھچھیا جھولی پائیا۔ گُرمُکھاں سُہائے بنک دوارا، در گھر ساچا ویکھ وکھائیا۔ گُرسِکھاں کرے پار کنارہ، شؤہ دریا نہ کوئے رُڑھائیا۔ دو جہان دئے سہارا، وڈ داتا بےپرواہیِا۔ رائے دھرم نہ کرے خوارا، چِتر گُپت نہ لیکھ لِکھائیا۔ لاڑی مؤت نہ کرے سنگھارا، در گھر اُتے نہ پھیری پائیا۔ سَتگُر پوُرا وڈ بلکارا، ویلے انت ہوئے سہائیا۔ نِرگُن سرگُن رکھے دھارا، آپ اپنی کل ورتائیا۔ کھڑگ کھنڈا تیز کٹارا، ایکا نام ہتّھ چمکائیا۔ برہمنڈاں کھنڈاں پاوے سارا، اُتبُھج سیتج جیرج انڈ ویکھ وکھائیا۔ لکھّ چؤراسی سِر وجےّ کال نگارہ، کلجُگ ڈؤروُ رہیا وجائیا۔ چار ورن نہ کوئے پیارا، ساچی سرن نہ کوئے وکھائیا۔ بھرمے بُھلا جیِو گوارا، جاگرت جوت نہ کِسے جگائیا۔ چار کُنٹ دہ دِشا ہوئے خوارا، گھر مِلیا نہ ساچا ماہیِا۔ نؤ در پِھر پِھر مانَس جنم ہارا، گھر دسواں نہ بوُجھ بُجھائیا۔ بجر کپاٹی نہ پردہ پاڑا، آتم سیج نہ کوئے سُہائیا۔ اگنی بُجھی نہ تتی ہاڑا، سیِتل دھارا امیوں رس امرت نِجھر جھِرنا نہ کوئے
جھِرائیا۔ پنج تت لگّا گھر اکھاڑا، ساچا منگل نہ کوئے گائیا۔ ہرِ شبد نہ مِلیا دُھر درگاہی ساچا لاڑا، ناری کنت نہ خوشی منائیا۔ جیِو جنت لکھّ چؤراسی دُھندوُکارا، ریَن اندھیری چھائیا۔ روَ سس رو رو پُکارے چند تارا، چاند چاندنی رہی شرمائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، اپنا لیکھا اپنے ہتّھ رکھائیا۔ ایکنکارا وڈ بلوان، سوُربیِر آپ اکھوائندا۔ سو پُرکھ نِرنجن نؤجوان، جُگ جُگ اپنا کھیل کِھلائندا۔ ہرِ پُرکھ نِرنجن مارے اِک نِشان، تیِر انیالا اِک چلائندا۔ آد نِرنجن چُکائے کان، مان ابِھمان سرب تُڑائندا۔ سِری بھگوان ہو پردھان، آپ اپنا ڈنک وجائندا۔ پُرکھ ابناسی پائے آن، شبدی شبدی حُکم سُنائندا۔ پاربرہم کر پچھان، برہم برہم برہم ویکھ وکھائندا۔ برہما وِشن شِو سارے گان، ہرِ کا بھیوَ کوئے نہ پائندا۔ سَتگُر میِتا والی دو جہان، نِرگُن سرگُن کھیل کِھلائندا۔ اِک اتیِتا وسے کایا وِچ مکان، پنج تت ڈیرہ آپے لائندا۔ دیونہارا دُھر فرمان، بودھ اگادھی شبد سُنائندا۔ راگ انادی اِک دُھنکان، انحد تال وجائندا۔ امرت آتم پیِن کھان، بھر پیالہ جام پیائندا۔ بھگت بھگوَنت کر پروان، اپنے لیکھے آپے لائندا۔ سنتاں میلا گُن نِدھان، گُنونتا درس دِکھائندا۔ گُرمُکھ ویکھے بال انجان، آپ اپنی گود اُٹھائندا۔ گُرسِکھ بنائے چتُر سُجان، ساچی سِکھیا سِکھ سمجھائندا۔ موُرکھ موُڑھ سرب پچھتان، ویلا گیا ہتّھ نہ آئیندا۔ نِرگُن جوت سِری بھگوان، جوتی نوُر ڈگمگائندا۔ جگت نیتر نہ دِسے کوئے نِشان، روُپ رنگ نہ کوئے وکھائندا۔ نک مُنہ ہتّھ نہ دِسے کوئی کان، سیِس دھڑ نہ رچن رچائندا۔ نؤ در نہ کھول دُکان، اپنا ہٹّ وکھائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِرگُن جوت نہ کوئی ورن نہ کوئی گوت، ایکا رنگ سمائندا۔ ایکنکارا پُرکھ بِدھاتا، سرب گھٹاں گھٹ واسیا۔ سو پُرکھ نِرنجن پِتا ماتا، آپ اپنا ناؤں اُپجاسیا۔ ہرِ پُرکھ نِرنجن دیوے ساچی داتا، داتا دانی در ساچا اِک سُہاسیا۔ سِری بھگوان رکھائے اُتم ذاتا، ورن گوت نہ دِسے ذاتیا۔ پُرکھ ابناسی میٹے ریَن اندھیری راتا، ایکا نوُر کرے پرکاسیا۔ پاربرہم سُنائے اپنی گاتھا، شبد راگ دُھن اِک الاسیا۔ سرب کل آپے سمراتھا، جوتی جوت سروُپ ہرِ، آپ اپنی جوت دھر، نِرگُن کھیلے کھیل تماشیا۔ کھیل تماشا ہرِ بھگوَنت، جُگ جُگ کھیل کِھلائندا۔ لیکھا جانے آد انت، برہما وید بھیوَ نہ پائندا۔ جُگا جُگنتر مہما اگنت، کتھنی کتھ نہ کوئے سُنائندا۔ گُرمُکھ وِرلا جانے سنت، جِس جن اپنی بوُجھ بُجھائندا۔ گُرمُکھاں دیوے نام رسنا جِہوا منیِا منت، من منکا آپ پِھرائندا۔ توڑے گڑھ
ہؤمے ہنگت، ہنگ برہم اِک درسائندا۔ سو پُرکھ نِرنجن دوُسر در نہ ہوئے منگت، وڈ بھنڈاری ناؤں دھرائندا۔ جوتی جوت سروُپ ہرِ، آپ اپنی کِرپا کر، جُگ جُگ ہرِجن ساچے پار کرائندا۔ جُگ جُگ کھیل اگمّ اتھاہ، ہرِ بھگتن دئے وڈیائیا۔ جن بھگتاں بنے جگت ملاح، ساچا بیڑا آپ چلائیا۔ سنتن پکڑے آپے بانہہ، اپنے ہتّھ رکھے وڈیائیا۔ گُرمُکھاں دیوے ٹھنڈی چھاں، سِر اپنا ہتّھ ٹِکائیا۔ گُرسِکھ ہنس بنائے کاں، دُرمت مَیل دُھوائیا۔ سکھا سکھائی بنے پِتا ماں، پاربرہم وڈّی وڈیائیا۔ جُگا جُگنتر کرے سچ نیاں، لیکھا اپنا پوُر کرائیا۔ کلجُگ انتم نِتھاویاں دیوے ساچا تھاں، درگاہ ساچی آپ سُہائیا۔ جوتی جوت سروُپ ہرِ، آپ اپنی جوت دھر، ایکنکارا کھیل کر، سو پُرکھ نِرنجن وسے گھر، آد نِرنجن کھولے در، ہرِ پُرکھ نِرنجن اندر وڑ، پُرکھ ابناسی لئے پھڑ، سِری بھگوان اپنے پؤڑے آپے چڑھ، پاربرہم نہ کوئی سیِس نہ کوئی دھڑ، برہم برہم تیری لائے جڑ، بھگت بھگوَنت درشن دیوے اَگے کھڑ، ہرِ سنت بنّھائے اپنے لڑ، گُرمُکھ ایکا وِدیا جائن پڑھ، گُرسِکھاں ساچا گھاڑن گھڑ، ساچی بھٹّھی نام چڑھائندا۔ گُرسِکھ ساچا سچ سُلطان، ہرِ سَتگُر میل مِلایا۔ گُرمُکھ میلا ساچے کاہن، گھر ساچے سوبھا پایا۔ سنتن نیَن نیتر اِک گیان، ایکا رنگ رنگایا۔ بھگت بھگوَنت وسن اِک مکان، سچ دوارا آپ اُپایا۔ پُرکھ ابناسی گھٹ گھٹ واسی جُگ جُگ لوک مات ویکھے مار دھیان، نِرگُن سرگُن ویس وٹایا۔ جوتی جوت سروُپ ہرِ، آپ اپنی جوت دھر، آپ اپنا ناؤں دھرایا۔ کلجُگ انتم ہرِ نِرنکار، اپنا ناؤں آپ اُپجائیا۔ عیسیٰ موُسیٰ پاوے سار، شاہ سُلطان وڈّی وڈیائیا۔ لیکھا جانے سنگ محمد چار یار، نوُر الاہی ڈگمگائیا۔ االلہ رانی کر وِچار، آپ اپنا بھیوَ کُھلائیا۔ سرب جیِیاں دا سانجھا یار، ساکھیات روُپ وٹائیا۔ نانک گوبِند بول جَیکار، ایکا ڈنکا آپ وجائیا۔ چار ورناں کریا خبردار، سویا کوئے رہن نہ پائیا۔ کلجُگ کوُڑا دِسے کوُڑ پسار، نؤ کھنڈ ہوئی ہلکائیا۔ نہ کوئی سجّن میِت مُرار، ساک سیَن نہ کوئے اکھوائیا۔ ناتا تُٹا کنت بھتار، مات پِت بھَین بھائی سگلا سنگ نہ کوئے نِبھائیا۔ دھرت دھوَل کرے پُکار، پربھ اَگے سیِس جھُکائیا۔ کُھلڑے کیس دھاہاں رہی مار، نیتر رو رو نیِر وہائیا۔ چُکیا نہ جائے جھوُٹھا بھار، سیِس پَیر سیِس دھیِر نہ کوئے دھرائیا۔ پُرکھ ابناسی کھیل اپار، دے مت رہیا سمجھائیا۔ کلجُگ انتم پاوے سار، نِہکلنک نِرگُن جوت کرے رُشنائیا۔ شبد ڈنکا وجےّ وِچ سنسار، سرِشٹ سبائی دئے اُٹھائیا۔ راج راجان گڑھ توڑے لنکا ہنکار، رام راما روُپ وٹائیا۔ کلجُگ کنسا کرے خوار، کاہنا کرِشنا جوت جگائیا۔
مایا ممتا دیوے مار، نام سَت کرے پڑھائیا۔ پنج تت وِکارا کرے خوار، شبد کھنڈا تیِر چلائیا۔ پرگٹ ہو وِچ سنسار، روُپ انوُپ اِک درسائیا۔ چار ورناں اِک پیار، اوُچاں نیِچاں میل مِلائیا۔ اِک وکھائے سچ دوار، گُر در مندر مسجِد شِودوالا مٹھ ایکا رنگ رنگائیا۔ ایکا اِشٹ دیوَ ہرِ کرتار، پُرکھ اکال اِک وکھائیا۔ ایکا شبد سچ جَیکار، ایکا نعرہ دئے لُائیآ۔ ایکا سر سروور بھر بھنڈار، امرت جام دئے پیائیا۔ جن بھگتاں ہرِ جوُ پَیج سوار، آپ اپنے رنگ رنگائیا۔ سنتن کھولے بند کِواڑ، مایا پردہ پرے ہٹائیا۔ گُرمُکھاں میٹے پنچم دھاڑ، کام کرودھ لوبھ موہ ہنکار نہ ہوے ہلکائیا۔ گُرسِکھاں اپنے مندر دیوے واڑ، پھڑ بانہوں پار کرائیا۔ ہوئے سہائی جنگل جوُہ وِچ اُجاڑ، اُچے ٹِلّے پربت ڈوُنگھی کَندر ویکھ وکھائیا۔ جوتی جوت سروُپ ہرِ، آپ اپنی جوت دھر، ہرِجن ساچے ساچا سنگ رکھائیا۔ سگلا سنگی ہرِ کرتار، سَت پُرکھ اکھوائندا۔ گُرسِکھ ساچے کرے تیار، در گھر ساچے میل مِلائندا۔ دیوے درس اگمّ اپار، نیتر لوچن نیَن کُھلائندا۔ آپے اندر آپے باہر، آپے گُپت آپے ظاہر، آپ اپنا کھیل کِھلائندا۔ دھنّ سُہنجنی ریَن مِلیا ہرِ میِت مُرار، گھر ساچا ویکھ وکھائندا۔ بِھنڑی ریَن گائے اپنی وار، ساچا سوہلا ہرِ سُنائندا۔ جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائندا۔ بِھنی ریَنڑیئے اُٹھ اُٹھ جاگ، ہرِ ساچا آپ جگائندا۔ گُرسِکھ مندر لگّا بھاگ، پُرکھ ابناسی کھیل کِھلائندا۔ سَتگُر پوُرا پکڑنہارا واگ، اپنی ہتھّیں ڈور بندھائندا۔ کراون آیا چرن دھوُڑی ساچا مجن ماگھ، کوٹ جنم دے لگّے داغ پربھ ساچا آپ دھوائندا۔ جوتی جوت سروُپ ہرِ، آپ اپنی کِرپا کر، بِھنڑی ریَن ویکھے نیَن، دوواں چُکاوے لہن دین، ساچی جھولی آپ بھرائندا۔ گُرسِکھ ساچے چڑھیا چا، ہرِ درشن نیتر پایا۔ بِھنڑی ریَن پکڑے بانہہ، ساچا ناتا جوڑ جُڑایا۔ ہرِ سنگت کرے سچ نیاں، شبد وِچولا وِچ رکھایا۔ ساچا ڈھولا آپے گا، آپ اپنا ڈنک وجایا۔ پُرکھ ابناسی چولا لیا بدلا، گُرمُکھاں چولا اپنا تن بنایا۔ ساچا سوہلا دئے سُنا، سچکھنڈ نِواسی گُرمُکھ دھیا، دوارے بہہ بہہ گایا۔ جوتی جوت سروُپ ہرِ، آپ اپنی کِرپا کر، بِھنڑی ریَن رہیا سُہایا۔ بِھنڑی ریَن نیتر کھول، چاروں کُنٹ راہ تکائیا۔ کوَن کوُٹے پاربرہم پربھ رہیا بول، دہ دِشا نظر نہ آئیا۔ گُرسِکھاں تولن آیا اپنے تول، ایکا کنڈا نام ہتّھ اُٹھائیا۔ دھار اگمّڑی رہیا بول، ترےَ ترےَ دیشا سار نہ رائیا۔ اپنی وست رکھے اپنے کول، دوُسر ہتّھ نہ کِسے پھڑائیا۔ جُگ جُگ جیِو جنت رہن انبھول، بِن ہرِ بھگتاں ہتّھ کِسے نہ آئیا۔ ہرِ سنتاں پردہ آپے پھول، اپنی گنڈھ لئے
کُھلائیا۔ گُرمُکھاں آتم انتر آپے مؤل، کوَل کوَلا پُھل کِھلائیا۔ گُرسِکھاں دیوے وڈیائی اُپر دھؤل، دھرنی دھرت سیِس رہی جھُکائیا۔ گُر گوبِند سوُرا حاضر حضوُرا پوُرا پوُرن کرن آیا اپنا قؤل، کیِتا قؤل بُھل نہ جائیا۔ لیکھا لیکھ نہ میٹے رتی چؤل، نہ کوئے میٹے میٹ مِٹائیا۔ ہرِ سنگت بخشی امرت آتم ایکا پاہُل، نام کھنڈا وِچ پِھرائیا۔ پنچم دُھن ناد شبد چؤہ اکھّر آپے بول، دو اکھّر کرے پڑھائیا۔ جوتی جوت سروُپ ہرِ، آپ اپنی جوت دھر، کھیلے کھیل اگمّ اپار، بِھنڑی ریَن وجّی ودھائیا۔ بِھنڑی ریَن منگلاچار، گُرمُکھ سنگ رلائیا۔ گُرسِکھاں بخشے اِک پیار، ایکا روُپ درسائیا۔ سنتن میلا وِچ سنسار، بھوَ ساگر پار کرائیا۔ بھگت وچھل آپ گِردھار، گِرور اپنا روُپ وٹائیا۔ نِرگُن نوُر نوُر اُجیار، نِرگُن اپنا ویس دھرائیا۔ ساچے مندر کھیل اپار، پُرکھ ابناسی رہیاکِھلائیا۔ لوک مات ہویا خبردار، آلس نِندرا نہ کوئے رکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ہرِجن ساچے آپ اُٹھائیا۔ ہرِجن ساچا اُٹھیا، ہرِ سَتگُر آپ اُٹھائندا۔ پُرکھ ابناسی ایکا تُٹھیا، دے مت سچ سمجھائندا۔ امرت بخشے ساچا گھُٹیا، تن خُماری اِک رکھائندا۔ پنچ وِکارا جڑوں پُٹیا، تیِر نِشانہ اِک لگائندا۔ جوتی جوت سروُپ ہرِ، آپ اپنی کِرپا کر، ہرِجن ساچے میل ملائندا۔ ہرِجن ساچا میلیا، گھر مندر کر پیار۔ جوت نِرنجن چاڑھے تیلیا، دِوس ریَن رہی وِچار۔ بِھنڑی ریَن میل میل کھیل کھیلیا، سخیاں گُندیا ساچا ہار۔ پُرکھ ابناسی وسے دھام نویلیا، نِراکار روُپ نِرنکار۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، لیکھا جانے گُروُ گُر چیلیا، گُر سجّن میِت مُرار۔ گُر سجّن سچّا شاہو، بےعیب پروردِگار۔ ویلے انتم پکڑے بانہوں، کر کِرپا جائے تار۔ جُگ جُگ کرے سچ نِیاؤں، نِون سو اکھّر کر وِچار۔ آپے پِتا آپے ماؤں، اپنے رنگ روے کرتار۔ جوتی جوت سروُپ ہرِ، آپ اپنی کِرپا کر، گُرمُکھ گُرسِکھ رتن امولک ہیرا لال، لکھّ چؤراسی وِچوں لئے بھال، شبد سروُپی بن دلال، کایا ماٹی ویکھ کھال، پھل لگائے ساچے ڈال، پُھل پُھلواڑی مات آپ مہکائیا۔ مہاراج شیر سِنگھ وِشنوُں بھگوان، دیونہارا جیِیا دان، لکھّ چؤراسی پھندن پھند مات گربھ گیڑ کٹائیا۔