کتب خانہGranth 10 (Shahmukhi)

۲۳ پھگن ۲۰۱۷ بِکرمی سُندر سِنگھ دے گرِہ پِنڈ روسے ضِلع گُرداس پُر

سو پُرکھ نِرنجن کھیل مہانا، ہرِ سَتگُر آپ کرائیندا۔ ہرِ پُرکھ نِرنجن لیکھا جانے دو جہانا، آد جُگادی ویکھ وکھائیندا۔ ایکنکارا جودھا سوُربیِر بلی بلوانا، مرد مردانہ اپنا ناؤں دھرائیندا۔ آد نِرنجن نوُر مہانا، جوتی جوت ڈگمگائیندا۔ سِری بھگوان وسنہارا سچ مکانا، سچکھنڈ دوارے سوبھا پائیندا۔ ابناشی کرتا دیونہارا دُھر فرمانا، سچ سندیش آپ سُنائیندا۔ پاربرہم آپے بن بن گوپی کاہنا، ناری کنت سیج ہنڈھائیندا۔ نِرگُن نِروَیر پُرکھ اکال شاہو بھوُپ بن راج راجانا، تخت نِواسی ساچا تخت اِک سُہائیندا۔ در درویش نہ کوئے دربانا، الکھ اگوچر اگمّ اتھاہ اپنا کھیل آپ کِھلائیندا۔ جوتی جوت سروُپ ہرِ، آپ اپنی جوت دھر، آد پُرکھ ایکا ہرِ، انبھوَ اپنی کھیل کِھلائیندا۔ انبھوَ کھیل ہرِ نِرنکارا، اپنا آپ کرائیا۔ تِھر گھر ساچے ہو اُجیارا، اندر مندر آپ سُہائیا۔ کرے کھیل اپر اپارا، اپر اپرمپر بےپرواہیِا۔ حُکمی حُکم ست ورتارا، سَت سَتوادی آپ ورتائیا۔ جُگا جُگنتر ہو نیارا، روُپ انوُپ آپ دھرائیا۔ جوتی جوت سروُپ ہرِ، آپ اپنی کِرپا کر، آد پُرکھ اپنے ہتّھ رکھے وڈیائیا۔ ہتّھ وڈیائی پُرکھ سمرتھ، آد جُگاد رکھائیندا۔ جُگا جُگنتر مہما اکتھ، ناؤں نِرنکارا نام پرگٹائیندا۔ لکھّ چؤراسی چلائے رتھ، رتھ رتھواہی دِس نہ آئیندا۔ بھگتن مارگ ساچا دسّ، ساچے راہے آپے پائیندا۔ سنتن ہِردے اندر وس، ہرِ کا روُپ آپ درسائیندا۔ گُرمُکھاں دیوے امرت رس، نِجھر دھارا آپ جھِرائیندا۔ گُرسِکھاں پوُری کرے آس، نِرگُن سرگُن روُپ وٹائیندا۔ گُر گُر روُپ شاہو شاباش، شاہ سُلطانا آپ کرائیندا۔ سیوک سیوا کرے بن بن داسی داس، داسی داس آپ اکھوائیندا۔ لیکھا جانے پرِتھمی آکاش،

گگن منڈل پھول پُھلائیندا۔ آد جُگاد نہ جائے وِناس، اجوُنی رہِت جوُن اجوُن نہ کوئے وٹائیندا۔ جوتی جوت سروُپ ہرِ، آپ اپنی کِرپا کر، آد جُگادی ایکا ہرِ، نِرگُن سرگُن کھیل کر، نِرگُن سرگُن ویکھ وکھائیندا۔ نِرگُن داتا ہرِ بھگوان، پاربرہم وڈی وڈیائیا۔ گُر گُر روُپ وِچ جہان، شبد شبدی آپ پرگٹائیا۔ پنج تت کر پردھان، لوک مات دئے وڈیائیا۔ اپنا اکھّر نِش کر پروان، سچ گیان اِک دِرڑائیا۔ لیکھا جانے کایا مندر مکان، گھر گھر وِچ ڈیرہ لائیا۔ جُگ چؤکڑی کرے آپ کلیان، قُدرت قادر ویکھ وکھائیا۔ سَت جھُلائے اِک نِشان، سَت سَتوادی سچّا شہنشاہیِا۔ جوتی جوت سروُپ ہرِ، آپ اپنی کِرپا کر، جُگ جُگ ایکا بندھن پائیا۔ جُگ جُگ بندھن پائے ایک، ایکنکارا کھیل کِھلائیندا ۔ وِشن برہما شِو بخشے چرن ٹیک، چرن ٹیک اِک سمجھائیندا۔ ترےَگُن مایا بِھکھیا پائے کر کر بھیکھ، پنچم ساچا سنگ نِبھائیندا۔ چارے وید گائے الکھ الیکھ، چارے مُکھ مُکھ صالاحِندا۔ آپے بنیا رہے ابھید، دِس کِسے نہ آئیندا۔ سَتجُگ تریتا دواپر نِرگُن سرگُن ہو ہو آپے ویکھ، اپنی کِرت کار کمائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، جُگ جُگ اپنا ویس وٹائیندا۔ جُگ جُگ ویس سِری بھگوانا، ہرِ اپنا آپ دھرائیندا۔ سَتجُگ کھیلے کھیل مہانا، ایکا آٹھا آٹھا ایکا اپنی کل دھرائیندا۔ تریتا تیرا رنگ مہانا، ترےَگُن اتیِتا آپ چڑھائیندا۔ ساچا تیِر اِک نِشانہ، ہو مِہربانا آپ اُٹھائیندا۔ توڑنہارا مان ابِھمانا، مان نِمانیاں میل مِلائیندا۔ دوئے دوئے لیکھا دو جہانا، دوئے دوئے لوچن کھیل کِھلائیندا۔ رتھ رتھواہی بن نِدھانا مہاسارتھی رتھ چلائیندا۔ ایکا اکھّر اِک گیانا، ایکا آٹھا جوڑ جُڑائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ویس دھرائیندا۔ ویس وٹائے اِک اِکلّا، مہما اکتھ کتھی نہ جائیا۔ نِرگُن روُپ نوُری نوُر االلہ، اِلاہی نوُر آپ درسائیا۔ وسنہارا سچ محلہ، اپنی کِرن کِرن وِچوں لئے پرگٹائیا۔ سچ سندیش ایکا گھلا، محبان بیِدو بے عیب پروردِگار اِک خُدائیا۔ جوتی جوت سروُپ ہرِ، آپ اپنی کِرپا کر، آد جُگادی ایکا ہرِ، نِرگُن سرگُن کھیل کِھلائیا۔ نِرگُن سرگُن ساچا میلا، ہرِ ساچا آپ کرائیندا۔ آد جُگادی سجّن سُہیلا، در گھر ساچے سوبھا پائیندا۔ جُگ جُگ جانے اپنا ویلا، وار تِھت نہ کوئے رکھائیندا۔ کلجُگ پاربرہم اچرج کھیل آپے کھیلا، نِرگُن اپنا نوُر دھرائیندا۔ جوتی جوت سروُپ ہرِ، آپ اپنی جوت دھر، آد پُرکھ ایکا ہرِ، اگمّ اگمّڑی کار کرائیندا۔ اگمّ اگمّڑا الکھ نِرنجن، الکھ الکھنا لکھیا نہ جائیا۔ آد جُگاد درد دُکھ بھےَ بھنجن، دیِنن دیِناں اناتھاں ہوئے

سہائیا۔ ایکا کرائے ساچا مجنا، چرن سرن سرن چرن بخشے سچّی سرنائیا۔ اِک چڑھائے سچ جہازن، نام نِدھانا مات دھرائیا۔ نِرگُن نِرگُن رچ رچ کاجن، سرگُن کھیل کھیلے سچّا ماہیِا۔ نانک نِرگُن سرگُن کھیل غریِب نوازن، غریِب نِمانے گلے لگائیا۔ گوبِند چڑھے ساچے تازن، اَسو اپنا آپ دؤڑائیا۔ پُرکھ اکال مارے واجن، سُت دُلارا ساچا ماہیِا۔ آد جُگاد ساجے ساجن، وِشن برہما شِو سیو لگائیا۔ سَتجُگ تریتا دواپر کردا آیا کاجن، کلجُگ انتم ویکھے تھاؤں تھائنیا۔ پنچ وِکارا کرے ناچن، چار کُنٹ نؤ کھنڈ پرِتھمی گھر گھر ناچ وکھائیا۔ ویکھنہار پُرکھ سمراتھن، سچکھنڈ بَیٹھا اپنا نیتر نَین اُٹھائیا۔ جوتی جوت سروُپ ہرِ، آپ اپنی کِرپا کر، آد جُگادی ایکا ہرِ، جُگ کرتا جگ اپنے ہتّھ رکھے وڈیائیا۔ سچکھنڈ دوارا سچ محلہ، ہرِ ساچا سچ سُہائیندا۔ کلجُگ انتم ویس کرے اولّا، نِرگُن نِرگُن روُپ دھرائیندا۔ پاوے سار جلاں تھلاں، جل تھل مہیئل جنگل جوُہ اُجاڑ پہاڑ اُچے ٹِلّے پربت پھول پُھلائیندا۔ سچ سندیش نر نریش برہما وِشن شِو مہیش گنیش ایکا گھلا، سویا کوئے رہن نہ پائیندا۔ لوآں پُریاں برہمنڈاں کھنڈاں جیرج انڈاں اُتبُھج سیتج چارے کھانی ایکا دیِپ بلا، نوُرو نوُر ڈگمگائیندا۔ آد جُگاد جُگا جُگنتر گُر اوتاراں پھڑاؤندا رہیا پلّا، نام پلّوُ ہتّھ رکھائیندا۔ جوتی جوت سروُپ ہرِ، آپ اپنی جوت دھر، جُگ جُگ اپنا ویس وٹائیندا۔ کلجُگ انتم ویس وٹندڑا، پُرکھ ابناشی اِک اگمّ۔ در گھر ساچے سوبھا پندڑا، کرے کرائے اپنا کمّ۔ سمبل نگر دھام سُہندڑا، ساڈھے تِنّ ہتّھ بیڑا بنّھ۔ اپنا حُکم آپ سُنندڑا، سندیش سُنائے سوُرج چنّ۔ نؤ کھنڈ پرِتھمی ویکھ وکھندڑا، ستّاں دیِپاں دیوے ڈنّ۔ لکھّ چؤراسی جوُٹھا جھوُٹھا بھیکھ مِٹندڑا، جو گھڑیا سو دیوے بھنّ۔ وِشن برہما شِو سیِس جھُکندڑا، ہؤں سیوک بال انجانے تیرے جن۔ تُوں صاحِب سدا بخشندڑا، رسنا گائن دھنّ دھنّ۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کرے کھیل سِری بھگوان۔ ہرِ بھگوَن روُپ دھرائیندا، نِرگُن نوُر نوُر اُجیار۔ جوتی جاتا ویس وٹائیندا، کل کلکی ہو اُجیار۔ روُپ رنگ ریکھ نہ کوئے وکھائیندا، پنج تت نہ کوئے آکار۔ ترےَگُن بندھن نہ کوئے پائیندا، کِسے وسے نہ چار دیوار۔ چھپر چھنّ نہ کوئے چُھہائیندا، کرے کھیل اپر اپار۔ اپنی رچنا آپ رچائیندا، آپے ہوئے ویکھنہار۔ گوبِند بنک اِک سُہائیندا، ناتا توڑ نؤ دوار۔ گھر گھر وِچ آسن لائیندا، داتا جودھا سوُربیِر بلکار۔ نام کھنڈا ہتّھ چمکائیندا، نہ کوئی گھڑے لوہار ترکھان۔ برہمنڈاں آپ وکھائیندا، ایکا وار مار دھیان ۔ کلجُگ انتم کنڈھا ہرِجن ساچے آپ جگائیندا،

دیوے دُھر فرمان۔ اِک سُنائے سُہاگی چھندا، برہم پاربرہم کرے پہچان۔ گُرسِکھ وکھائے آتم پرمانندا، نِجانند میل مہان۔ مُکھ شرمائے سوُرج چندا، ہرِ جوت جگے مہان۔ آتم سیجا آپ سُہندا، سیج سُہنجنی کر پروان۔ منمُکھ نہ لیکھا جانے بھاگاں مندا، کوَن در وسے بھگوان۔ نیتر نَین کلجُگ اندھا، لوچن تیِجے نہ سکے پچھان۔ جگت دُہاگن ہویا رنڈا، کنت کنتُوہل مِلیا نہ ہانی ہان۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کھیلے کھیل آپ مہان۔ کھیل مہان کرائیندا، خالق خلق بے عیب پروردِگار۔ نوَ نؤ آپ اُٹھائیندا، سرِشٹ سبائی سانجھا یار۔ چار چار پندھ مُکائیندا، چار یاری جائے ہار۔ کوُڑ کُڑیارا کھنڈ کھنڈ کرائیندا، ناتا توڑے کام کرودھ لوبھ موہ ہنکار۔ مایا ممتا پندھ مُکائیندا، آسا ترِشنا کرے خوَار۔ گُرسِکھ ساچا چھند سُنائیندا، سَتگُر پوُرا کر پیار۔ خوشی بند بند کرائیندا، ناتا توڑ گڑھ ہنکار۔ کروٹ اپنی آپ بدلائیندا، اَنتر آتم دئے آدھار۔ ساچی سیجا سوبھا پائیندا، جوتی جوت سروُپ ہرِ، آپ اپنی کِرپا کر، کرے کھیل اگمّ اپار۔ اگمّ اگمّڑا کھیل کرائیندا، کلجُگ اَنت سُہائے بنک۔ نِرگُن نِرگُن میل مِلائیندا، سرگُن بنائے ساچی بنت۔ نِہکلنکا ناؤں رکھائیندا، ڈنکا وجائے آد اَنت۔ ہرِجن جنکا آپ اُٹھائیندا، اِک جنائے منیِا منت۔ منکا منکا آپ بھوائیندا، شبد اگمّی لائے تنک۔ جوتی جوت سروُپ ہرِ، آپ اپنی جوت دھر، میل مِلائے ساچے سنت۔ سنت مِلاوا کنت سُہاگ، ناری نر نرائن پرنائیا۔ لیکھا جانے وَیراگ انراگ، دوَیش دوَیت نہ کوئے وڈیائیا۔ لکھّ چؤراسی وِچوں لئے کاڈھ، جِس جن اپنی بوُجھ بُجھائیا۔ کِرپا نِدھ گہر گُن ساگر آپ لڈائے اپنا لاڈ، ہرِجن بال انجانے گود بہائیا۔ نِرگُن سرگُن شبد جنائے بودھ اگادھ، اکھّر وکھّر کرے پڑھائیا۔ کلجُگ اَنت اَنت بھگوَنت سُنے فریاد، ساچا ثالث نِرگُن روُپ خالص اپنا ناؤں وڈیائیا۔ جوتی جوت سروُپ ہرِ، آپ اپنی کِرپا کر، ہرِجن ویکھے تھاؤں تھائنیا۔ ہرِجن ہرِ ہرِ ویکھدا، جُگا جُگنتر کار۔ لیکھا جانے پوُرب جنم بھیکھ دا، مانَس مانَس لئے اُدھار۔ کرے کھیل نر نریش دا، غریِب نِمانیاں پاوے سار۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، گُرمُکھ سجّن لئے اُبھار۔ گُرسِکھ گُر گُر جگایا، گُر شبدی کر پیار۔ ساچے مارگ آپے لایا، ناتا توڑ جگت سنسار۔ ساچا نام شبد جنایا، راگ چھتیِس نہ پاوَن سار۔ ناد انادی آپ وجایا، دُھن آتمک سچّی دُھنکار۔ گُرسِکھ گُر گُر میل مِلایا، سَتگُر ایک مِلاونہار۔ دِیا باتی کر رُشنایا، کملاپاتی کرے پیار۔ بن بن ساقی جام پیایا، بھر پیالہ امرت نِجھر دھار۔ لہنا دینا باقی

دئے چُکایا، لیکھا رہے نہ وِچ سنسار۔ انتم جوتی جوت لئے مِلایا، جِس جن بخشے چرن پیار۔ نام سوٹی ہتّھ پھڑایا، رائے دھرم نہ کرے خوار۔ چِتر گُپت نہ لیکھ وکھایا، لاڑی مؤت نہ کرے شنگار۔ کال دوار نہ بندھن پایا، دوُر دُراڈا رووے زارو زار۔ مہاکال ہوئے سہایا، سَتگُر پوُرا میِت مُرار۔ مانَس جنم لیکھے لئے لگایا، آپے ہوئے لیکھا لِکھنہار۔ سُنّ اگمّی پار کرایا، لیکھا جانے دھوُاں دھار۔ تِھر گھر ساچا آپ کُھلایا، آپے ہوئے اندر باہر۔ اپنا پؤڑا آپ وکھایا، آپے ہوئے گُپت ظاہر۔ گُرمُکھ ساچے آپ چڑھایا، تِھر گھر دواریوں کڈھے باہر۔ سچکھنڈ آپ بہایا، جِتھے وسے آپ نِرنکار۔ سوُرج چنّ نہ کوئے چڑھایا، پوَن پوَناں نہ کوئے ہُلار۔ منڈل منڈپ نہ کوئے وکھایا، نہ کوئی دیِسے ہور ستار۔ نِرگُن جوت ڈگمگایا، اِک اِکلّا ایکنکار۔ اپنا قِلعہ کوٹ سُہایا، نہ کوئی دیِسے چار دیوار۔ سچ سِنگھاسن سوبھا پایا، پُرکھ ابناشی میِت مُرار۔ مِل سخیاں منگل گایا، واہ واہ ہوئے منگلاچار۔ گُر سَتگُر دھام سُہایا، گُرمُکھ سوہے سوبھاوَنتی نار۔ جِس ہرِ ہرِ کنت ہنڈھایا، مِلیا پُرکھ اِک بھتار۔ درگاہ ساچی مان دِوایا، آپ اپنا کر پیار۔ جوتی جوت وِچ سمایا، روُپ رنگ ریکھ نہ کوئے وِچار۔ الکھ الیکھ الکّھ اپنی اِک سُنایا، ہو پرتکھ آپ کرتار۔ آد نِرنجن اپنا آسن سِنگھاسن سچکھنڈ دوارے اُپر لایا، شاہو بھوُپ بن سِکدار۔ سیِس تاج اِک ٹِکایا، جگت جگدیِش ہویا خبردار۔ جُگ جُگ بیڑا رہیا چلایا، لوک مات پاوے سار۔ کلجُگ انتم ویکھن آیا، دِس نہ آئے میِت مُرار۔ جوُٹھا جھوُٹھا ٹھوُٹھا بھنّ دئے وکھایا، سچ سُچ کرے ورتار۔ راج راجاناں شاہ سُلطاناں دئے مِٹایا، چار کُنٹ مارے مار۔ چؤداں طبقاں ویکھ وکھایا، چؤداں لوک کرے خوار۔ ترےَبھوَن دھنی اَون گوَن اپنا ویکھ وکھایا، نوَ ستّ جیِو جنت سُنی پُکار۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، وڈ داتا گُن گُنی۔ گُنونتا گُن داتار، اَوگُن کوئے رہن نہ پائیا۔ سرب جیِاں دا سانجھا یار، اوُچ نیِچ نہ کوئے وڈیائیا۔ جُگ جُگ جن بھگتاں کرے سچ پیار، جو رسنا جِہوا رہے گائیا۔ سنت ساجن لئے اُبھار، جوُٹھی جھوُٹھی میٹے لگّی چھائیا۔ گُرمُکھاں دیوے اِک بھنڈار، اتُٹ نام ورتائیا۔ گُرسِکھ ساچے بخشے چرن کوَل دوار، چرن چرنودک مُکھ چوائیا۔ کلجُگ انتم ساچی دھار، چار ورن سمجھائیا۔ کھتری براہمن شوُدر وَیش اِک وکھائے بنک دوار، دوُجا گھر نہ کوئے وکھائیا۔ ایکا اکھّر کرائے جےَ جَیکار، سو پُرکھ نِرنجن بےپرواہیِا۔ ہنگ برہم ایکا نار، سرِشٹ سبائی روُپ وٹائیا۔ پُرکھ ابناشی کنت بھتار، ایکا کنت اکھوائیا۔

سوہنگ شبد سَت ورتار، سَتجُگ ساچا راہ وکھائیا۔ بیِس بیِسا ہوئے اُجیار، چار کُنٹ کرے رُشنائیا۔ نوَ نوَ گائن وارو وار، واہ واہ وجدی رہے ودھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سَت سَتوادی برہم برہمادی آد جُگادی جُگ جُگ اپنا ناؤں چلائیا۔

۲۳ پھگن ۲۰۱۷ بِکرمی اجیِت سِنگھ دے گرِہ بٹالا

االلہ رانی رووے نیتر نیِر، سیِس سجدہ جگدیِش جھُکائیا۔ میری بدل تقدیِر، تدبیِر تیرے ہتّھ سچّے ماہیِا۔ میری کٹ زنجِیر بخش اکسیِر، در دوار دیوے دُہائیا۔ تُوں میِاں وڈ پیِرن پیِر، ہؤں حقیِر نَین شرمائیا۔ گھر رہن نہ دیندے عیسیٰ موُسیٰ محمد میرے چھوٹے ویِر، پھڑ پھڑ باہر رہے کڈھائیا۔ ایکا در درگاہ تیری ڈِٹھا اَخیِر، دوُسر اوٹ نہ کوئے تکائیا۔ میَں ننگی پَیریں آئی گھت وہیِر، جوُہاں جنگل اُجاڑ پہاڑ ڈوُنگھی کَندر پار کرائیا۔ تیرا نوُر میری تصویِر، تسبیح تیرا نام پِھرائیا۔ میرے لتھے کلجُگ چیِر، جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ آئی نِمانی جگت بیگم، بے غم تیرا در وِچاریا۔ میرا چند تیرا نوُر ایکم، ایکم چند لوک مات کِسے دِس نہ آ رہیا۔ میری منّ سلام علیکمّ، االلہ رانی نِمانی نیتر رو رو کرے گِریہ زاریا۔ تیرا دھام ایکا بَیتُل، مُقدّس تیرا روُپ وِچاریا۔ جوتی جوت سروُپ ہرِ، آپ اپنی کِرپا کر، ویلے اَنت دیویں نہ در دُرکاریا۔ آئی در بن نِمانی، کُھلڑے کیس رہی وکھائیا۔ چؤداں طبق کوئی نہ دیوے ٹھنڈا پانی، آب حیات نہ کوئے پیائیا۔ ہوئی وَیراگن تیری رانی، تیرا وِچھوڑا سہہ نہ سکے رائیا۔ لکھّ چؤراسی جیِو جنت در در گھر گھر پِھر کے ویکھیا کوئے نہ لبھے ساچا ہانی، جھوُٹھی رَین مات وِہائیا۔ تیرے جیہا نہ کوئے لاثانی، لاشریِک اِک خُدائیا۔ جوتی جوت سروُپ ہرِ، آپ اپنی کِرپا کر، ایکا نوُر دے درسائیا۔ منگے منگ ساچا نوُر، گل پلّوُ ایکا پا۔ در درویش بنی چؤداں لوکاں حوُر، کوئی نہ دسےّ تیرا راہ۔ میَں لبھ لبھ تھکی نیڑے دوُر، اَدھ وِچ چھڈ کے گیا محمد ملاح۔ اَنت میری آسا پوُر، پِچھلے بخش گُناہ۔ اَگے رَواں سدا حضوُر، نِیوں نِیوں سیِس جھُکا۔ میرا کعبہ تپے وانگ تندوُر، امرت میگھ اِک برسا۔ تیری سوُلی چڑھاں بن منصوُر، اپنی پھاسی اپنا کلمہ میرے گل وِچ پا۔ میَں آکھا منّاں تیرا

ضرور، بُھل کدی نہ جاں۔ میرا ٹُٹا اَنت غروُر، دِسے کوئی نہ تھاں۔ میریاں ہڈّیاں ہوئیاں چوُر چوُر، میریاں دوویں بھجیّاں بانہہ۔ میرا کِسے نہ دِسے ساچا نوُر، سارے بَیٹھے مُکھ چُھپا۔ اے میاں میَں منگاں تیری دھوُڑ، میرے اُتے رحمت کر خُدا۔ میَں سُنیا لوک مات آیا ضرور، عیسیٰ موُسیٰ بنے گواہ۔ میرا چوُڑا بھنےّ کوُڑو کوُڑ، ساچا کنت سُہاگی آ۔ میری آسا منسا کرے پوُر، میری ہتھّیں مہندی لال مَینوُں چڑھیا چا۔ چڑھ کے آوے ساچے گھوڑ، میرا سچّا شہنشاہ سچّا پاتشاہ۔ اِمام اِماماں سِر مَینوُں پئی لوڑ، ویلے اَنت تیرے اُتوں ہوئی فِدا۔ میری ٹُٹی پریِت پھیر جوڑ، تیرا وِچھوڑا سہہ نہ سکاں نہ ہوواں کدے جُدا۔ جوتی جوت سروُپ ہرِ، آپ اپنی کِرپا کر، میَں نِمانی تھکی ماندی اپنی ہتھّیں پھڑ کے اپنا امرت جام پیا۔ آئی در چھڈیا گھر، گھر ملِے پروردِگار۔ لوک مات وِچ رہی ڈر، چاروں کُنٹ آئی ہار۔ میرا ہتّھ نہ آیا مَینوُں ور، جگت دُہاگن پِھری نار۔ چار یار پھڑ پھڑ بندھاؤندے رہے اپنا لڑ، اَنت کوئی نہ نِبھیا نال۔ کلجُگ انتم رہے جھڑ، کِسے پتّ نہ دِسے ڈال۔ میَں تیرا لڑ بَیٹھی پھڑ، بنی مات کنگال۔ جوتی جوت سروُپ ہرِ، آپ اپنی کِرپا کر، اپنا جلوہ آپ وکھال۔ تیرا جلوہ منگاں وصال، اوَر سیج نہ کوئے سُہائیا۔ تیرا نوُر اِک جلال، جاگرت جوت کر رُشنائیا۔ چار جُگ میَں تھکی بھال بھال، کلجُگ چؤداں صدیاں دیندی رہی دُہائیا۔ گھر گھر پُچھدی رہی کال مہاکال، کوَن دھام بَیٹھا میرا سچّا ماہیِا۔ ایکا سُنی تیری کلام، مقامے حق وسیا آپ اِمام، اِمام اِماماں سِر رکھے وڈیائیا۔ کلجُگ انتم دئے سندیش اِک پَیغام، پیِر پَیغمبر بَیٹھے سیِس جھُکائیا۔ جوتی جوت سروُپ ہرِ، آپ اپنی کِرپا کر، میرا تیرا چُھٹے نہ لڑ، دو جہان تیری سیو کمائیا۔ تیری سیو کرن دی خاطر، اپنا گھر تجایا۔ جِناں چِر بن کے بَیٹھی رہی چاتر، ساچا خاوند دِس نہ آیا۔ میَں لِکھ لِکھ سُنیہڑے گھلے پاتر، عِزرائیل جبرائیل میکائیل اسرافیِل راہ وِچ بَیٹھے اڑ، دُھر دھام کوئی پہُچ نہ سکے رائیا۔ تیرا جمال میرا باطن، ایکا ایکا ویکھ وکھایا۔ جوتی جوت سروُپ ہرِ، آپ اپنی کِرپا کر، جگت وِچھوڑا دے چُکایا۔ ساچا میِاں حق سُنائے، حقیِقت اِک جنائیا۔ اُٹھ ویکھ چار کُنٹ تیرے ساتھی آئے، تیرا راہ تکائیا۔ مُکھ نِقاب پردہ لاہے، دے جواب بُھلے پِھردے پاندھی راہیِا۔ دے دے لارا کِسے نہ جنائے، پُن صواب آب حیات نہ کوئے پیائیا۔ اَنت سُنے کوَن فریاد، فاقے مرے تیری لوکائیا۔ جوتی جوت سروُپ ہرِ، آپ اپنی کِرپا کر، ایکا حُکم رہیا سُنائیا۔ ایکا حُکم شبد جنائے، کلمی کلمہ آپ جنائیندا۔ تیرا کھیڑا تیری ہتھّیں ڈھاہے، تیری سیو لگائیندا۔

تیرے چُلھے اگّ نہ کوئے رکھائے، تیری کُنّی تیرے ہتّھ پھڑائیندا۔ تیرے سِر چُنّی نہ کوئے ٹِکائے، تیری چوٹی مُنّی مات لوک سیِس نہ کوئے گُندائیندا۔ پہلاں پیِر فقیِر چُنی سعید مُلّا شیخ بچیا کوئے رہن نہ پائے، جوتی جوت سروُپ ہرِ، آپ اپنی کِرپا کر، ساچا حُکم آپ سُنائیندا۔ اُٹھ جا منّ لا کہنا، خُدا خود آپ سُنائیندا۔ اپنی اُمت ویکھ لا اپنے نَیناں، ویلا اَنت اِک سمجھائیندا۔ اپنے بستر پا لا گہنا تن شنگار اِک کرائیندا۔ لوک مات تِھر نہیں رہنا، چؤداں صدیاں پندھ مُکائیندا۔ مکّے کعبے ڈاہ پیِڑھا بَیٹھ نہیں رہنا، نَیناں کجّل نہ کوئے پوائیندا۔ انتم بھانا پَینا سہنا، ساچا حُکم آپ سُنائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کِھلائیندا۔ اُٹھ ویکھ چار یاری، نیتر نَین ہرِ جنائیا۔ چار جُگ کوار کنّیا بنی رہی کواری، کواراپن جگت وِچ وکھائیا۔ سرِشٹ سبائی کرن خواری، کلجُگ انتم لوک مات پھیرا پائیا۔ جیِو جنت کرے وِبھچاری، کام کرودھ لوبھ موہ ہنکار تن شنگار وکھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ثابت صوُرت ہتّھ نہ کِسے پھڑائیا۔ ثابت صوُرت نہ کوئے اِیمان، عامل کوئے دِس نہ آئیندا۔ میَں میِاں میری صِفت کرے قرآن، حدیِث حدیِث آپ پڑھائیندا۔ تُوں بالی بال انجان، تیرا نَین جگت شرمائیندا۔ پُرکھ ابناشی آد جُگاد نؤجوان، بِردھ بال نہ روُپ وٹائیندا۔ جوتی جوت سروُپ ہرِ، آپ اپنی جوت دھر، اپنا حُکم آپے پوُر کرائیندا۔ اِک سمجھائے دَیا کمائے آد جُگادی کار، جُگ جُگ گُر اوتار گھلائے، پیِر پَیغمبر کر تیار۔ رام کرِشن سیوا لائے کرے کھیل اگمّ آپر۔ عیسیٰ موُسیٰ چرناں ہیٹھ رکھائے، دھرنی دبےّ اپنے بھار۔ جگت محمد آپ جگائے، آپ جنائے اپنی گُفتار۔ عرش فرش دے وِچ پِھرائے، کرے کھیل سچّی سرکار۔ راتی سُتیاں درس دِکھائے، غافت وِچ دئے دیِدار۔ ساکھیات نظر نہ آئے، کرے کھیل اپر اپار۔ کلمہ اپنا آپ پڑھائے، نبی بنے پروردِگار۔ اپنی تسبیح اپنی تکوی اپنا تقویٰ اِک رکھائے، طالب طُلبا کر تیار۔ کایا اندر مکتب اِک کُھلائے، آپے ہوئے لِکھنہار ۔ پہلا حرف الف دِکھائے، اِل لِلا اِلاہی نوُر ایکنکار۔ دوُجا حرف بے بنائے، کرے کھیل سچّی سرکار۔ بَیوہ روُپ دئے سمجھائے، لوک مات بھیوَ نیار۔ اپنی اِچھیا تیرے وِچ ٹِکائے، تیری اِچھیا االلہ رانی بنے نار۔ پے پریم پریِتم اِک رکھائے، کرے کھیل سچّی سرکار۔ تیرا تخت تیرے وِچ ٹِکائے، پردہ رکھے سانجھا یار۔ ٹے ٹال مٹول تیرا وقت لنگھائے، ویلا وقت اپنے ہتّھ رکھے سچّی سرکار۔ شے ثابت اِیمان ایکا اپنا اِشٹ وکھائے دوُجا اِشٹ نہ وِچ سنسار۔ جیم جوت اِک جگائے، چے چرن کوَل دسے دھام نیار۔ ہے حرَکت

اپنی نہ کِسے جنائے، خے خاموش بَیٹھا رہے دھام نیار۔ دال در اِک رکھائے، ڈال ڈھولا گائے اپنی وار۔ ذال ذرّہ ذرّہ تیرے وِچ ٹِکائے، سُن محمد اِک کر وِچار۔ رے رنگ اِک وکھائے، ڑاڑ مِٹے وِچ سنسار۔ تیری کایا زے زوُن اِک وکھائے، ژے یش جانے اپنا آپ سچّی سرکار۔ سین سویا جاگت ایکا رنگ جنائے، شیِن شخص شخصیت اپنی آپے دھار۔ صواد صحبت نہ کِسے سُنائے، ضواد ضماَنت دیوے اِک اِکلّا پروردِگار۔ طوئے طرف نہ کوئے ونڈائے، چاروں کُنٹ خبردار۔ ظوئے ظُلم نہ کدے کمائے، سرب جیِاں دا سانجھا یار۔ عیَن اکھّ اِک رکھائے، عالم عُلما عالمیِن ویکھنہار۔ غَین غفلت وِچ کدے نہ آئے، غافل کرے سرب سنسار۔ فے فِکر نہ رکھے کوئے کرتار، فضل اپنا ناؤں رکھائیا۔ کائف کرماں کرے وِچار، لیکھا کوئے رہن نہ پائیا۔ قاف قُدرت قادر ویکھنہار، اِبنؤلوقت سعید اُلسلام رہبر رحیِم بےپرواہیِا۔ گاف گوَر پاونہارا سار، کوَری بھوَری پھول پُھلائیا۔ ہے حق نہ مارے جِس بخشے چرن پیار، وڈ وڈّا شہنشاہیِا۔ حمزہ ہِوز کرے اپنی دیِد شُنید گُفتار، تار ستار آپ ہِلائیا۔ یہ رکھے یاد سُنے فریار دیوے داد، ایک حرف اپنا آپ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نوُن نوُن غُنہ، نِرگُن سرگُن محمد مہو مَیخانہ محبوُب اِک سمجھائیا۔

سُگھڑ سُچجی وڈّی دانی، ہتّھ ان پڑھاں دے آ گئی۔ پِچھلی اپنی کی سُناوے کہانی، اگلی سُنؤن دی سِر بھا پئی۔ چار جُگ جو بن کے بہندی رہی رانی، اج بن سوانی در سیو کما رہی۔ جو وینہدی رہی چار کھانی، اجّ امرت بھر پانی گُرسِکھاں مُکھ پیا رہی۔ جیہڑی کہندی رہی میَں گُن نِدھانی، اج بن نادان جٹّاں کولوں اپنی بُھل بخشا رہی۔ جوتی جوت سروُپ ہرِ، آپ اپنی کِرپا کر، اپنی کھیل آپ رچا رہی۔ جو چار جُگ گُر پیِر پڑھاؤندی آئی، اپنا سنیہڑا سچ سُنا رہی۔ جو پرا پسنتی مدھم بَیکھری اپنی دھار گاؤندی آئی، جیِواں جنتاں ہرِ آپ سُنا رہی۔ اج پھس کے گھر جٹاں نیتر نَین نیِر وہاؤندی، بہُڑی بہُڑی کر کُرلا رہی۔ میَں واسطہ پاواں بُھل کے پھیر نہ آؤندی، اِک ویر چھڈ دے لڑ، میَں پھڑیا لڑ چُھڈا رہی۔ جوتی جوت سروُپ ہرِ، آپ اپنی کِرپا کر، اپنی کھیل آپ کِھلا رہی۔ ہائے ہائے کرے نِرگُن جوت نیتر رو، کلجُگ انتم دئے دُہائیا۔ چار جُگ دا سانبھ کے رکھیا دھن میرا جٹّاں لیا کھوہ، خالی جھولی رہی وکھائیا۔ میَں ماری شرم دی

اپنے ہنجوُاں نال اپنا مُکھ لواں دھو، پانی منگن دوُجے گھر کدی نہ جائیا۔ ہوئی وَیراگن کُھلڑے کیس جٹّاں گھر ککھّاں اُتے رہی سؤں، پلنگ رنگیِلا نظر کوئے نہ آئیا۔ نؤ کھنڈ پرِتھمی دو جہان ویکھیا بھؤں بھؤں، میرا ہووے نہ کوئے سہائیا۔ مَینوُں کھان نوُں دیندے کنک چھولے تے جاؤں، سُکی روٹی ہتّھ پھڑائیا۔ نالے کراؤن کمّ کڈھن اپنا گئوں، پِھر چؤنتریوں تھلّے دین بہائیا۔ میرا نہ کوئی پِتا نہ کوئی ماؤں، کِس اَگے جا کے روواں دیاں دُہائیا۔ گُرسِکھ اُٹھ پھڑ میری بانہو، تیرے پِچھے منّے میرا ماہیِا۔ جوتی جوت سروُپ ہرِ، آپ اپنی کِرپا کر، اپنی جوت اپنی سیوا آپ لگائیا۔ جوت اکالن وریا جٹّ، ناتا توڑ سنسار۔ جیہڑا لکھّ چؤراسی اپنے اندر لئے گھت، مارے پھیر نہ اجے ڈکار۔ میَں نِمانی کوجھی کملی کی دیواں مت، میری مت سمجھے نہ جٹّ گوار۔ جے اَگوں بولاں سِر پرانی دیوے گھت، اُٹھ نہ سکاں دوُجی وار۔ جے اُٹھن لگّاں اُتوں مارے لت، سُٹے مُنہ دے بھار۔ جے مُنہ چُکن لگّاں، اُتے رکھے چرن کوَل سہار۔ میرا دُکھ سارا لتھا، جِس ویلے مِلی چرن دھوُڑی ایکا چھار۔ ہوئی وڈ بھاگن مِلیا پُرکھ سمرتھا، اِک اِکلّا ایکنکار۔ مِل مِل میَں خوشی خوشی نسّاں، کراں سچ پیار۔ میَں نہ جانا اندر کوئی ہور لُکا، پھڑ کُہاڑا بَیٹھا ترکھان۔ اُس نے گھڑیا ڈنڈا سوہنا ہتّھا، مُٹھی لائی اپر اپار۔ میَں نَین کھول کے ویکھن لگّی مَینوُں نظری آیا ایکا بھتھا، اَگے بَیٹھا گوبِند سوُرا اِک بلکار۔ نی سخیو میَں کی کُجھ دسّاں، جو کُچھ ویکھیا سچ سچےّ دربار ۔ نالے روواں نالے ہسّاں، نالے صاحِب نال کراں پیار۔ اندر باہر میَں اوہدے وساں، جِس نے کریا کھیل نیار۔ جوتی جوت سروُپ ہرِ، آپ اپنی کِرپا کر، اپنی جوت آپے کھیل کرے نِرنکار۔ چھّڈ جٹّا میَں گئی بُھل، ابُھل تیرے در آئیا۔ میَں تیری سداواں تیری رکھاں لاج وِچ کُل، کُلونت تیری وڈیائیا۔ تیری کلی تیرے دوار نہ جائے رُل، مہکدی مہکدی رہی مُسکائیا۔ میرا سُندر سڈؤل سریِر اُجل مُکھ بِن تیرے پھل نہ جائے ہُل، تُدھ بِن اوَر نہ کوئے سہائیا۔ کرتا قیِمت پا میرا مُلّ، مَیں انمُلّ دیندی پِھراں دُہائیا۔ بِن تیرے کنڈے کوئی نہ تولے میرا تول، میرا بھار نہ کوئے اُٹھائیا۔ میَں ہؤلی ہؤلی رہی بول، میرا گھُڈ میرا پردہ اپنی ہتھّیں دے چُکائیا۔ پِھر سدا وساں تیرے کول، تیری ہو ہو سیو کمائیا۔ تُوں بَیٹھا رہے سد اڈول، اڈول تیری شہنشاہیِا۔ میَں آپ اپنا تیرے اُتوں دیواں گھول، ہؤں گھولی گھول گھُمائیا۔ میری بِرہوں اگّ ایکا وار دیویں پھول، کوئی چِنگ وِچ رہن نہ پائیا۔ میَں تیرا نام وجاوَن آئی ڈھول، سُن جٹّا جاندیا راہیِا۔ اپنی گنڈھ ہُن لَینی کھول، ساچا سگن لےَ منائیا۔ اُچی کوُک

سُناواں بول بول، تُوں میرا میَں تیری، میَں تیری تُوں میرا، میَں تُوں سوہنگ شبد اِک سُنائیا۔ تیری الفی میرا چول، میری انگی کِیوں کرے مخؤل، مَینوُں لوکی ہسّن دین طعنے، سرِشٹ سبائی بول کبول سُنائیا۔ تُوں میرا شاہ پاتشاہ سِری بھگوانیا، موہے تیری بھگتی ایکا بھائیا۔ جوتی جوت سروُپ ہرِ، آپ اپنی کِرپا کر، نِرگُن سرگُن سرگُن نِرگُن جوتی جاتا پُرکھ بِدھاتا اپنا رنگ آپے ویکھ وکھائیا۔ آ سخی اُٹھ ویکھ رنگ، ہرِ ساچے سچ چڑھایا۔ میَں منگی ایکو منگ، اٹّھے پہر تیری سرنایا۔ لہندیوں االلہ رانی آئی لنگھ، نِیوں نِیوں سیِس جھُکایا۔ کِتھے بَیٹھا میرا ملنگ، ہتّھ متہرا رہیا اُٹھایا۔ میَں پِھردی آئی وِچ وربھنڈ، دہ دِشا ویکھ وکھایا۔ جوت اکالن اَگوں گائے ساچا چھند، ایکا ڈھولا رہی سُنایا۔ اپنے آسن بَیٹھا رنگیلے پلنگ، ساچی سیج سُہایا۔ سجےّ خّبے دوویں لگّیئے انگ، بھلا منّ جائے ساڈا پیِر جِس سانوُں دھکاّ لایا۔ اِک وار جے مُکھ دِکھلاوے ملِے پرمانند، دُکھ سُکھ وِچ دئے بدلایا۔ میری تیری جوبن جوانی نہ جائے ہنڈھ، ویلا گیا ہتّھ نہ آیا۔ اُٹھ سخی چلیئے گُرسِکھاں ہتّھ بھیجیئے گنڈھ، سچ سُنیہڑا اِک سُنایا۔ جِس وسایا پُری انند، کی ساڈا کھیڑا دیوے ڈھاہیِا۔ جِس چُھڈایا جگت گند، کی ساڈا مان نہ کوئے رکھایا۔ جوتی جوت سروُپ ہرِ، آپ اپنی کِرپا کر، اپنی جوت نِرگُن نِرگُن نِرگُن لئے پرنایا۔ نِرگُن جوت آئے سِکھاں دوار، گل وِچ پلّا پا۔ االلہ رانی کرے پُکار، گُرسِکھ مُریِد لئے اُٹھا۔ ساڈا مِلاؤنا وِچھڑیا یار، دینی سچ صلاح۔ لگّے بھاگ گھر میرے آئے پروردِگار، میَں ویکھاں چاؤ چا۔ گُرسِکھ تیری اوٹ تیری آس، تیرے گھر سد وسے بےپرواہ۔ میَں ہوواں نہ اَنت نِراس، اَگے جھولی رہی ڈاہ۔ کلجُگ نالوں میری کرنی بند خلاص، لکھّ چؤراسی میرے گلوں لتھے پھاہ۔ میَں اپنے گھر جا کے کراں واس، اپنے پریِتم وِچ سما۔ ہرِ اپرمپر اپنی جوت کرے پرکاش، اپنی بنت لئے بنا۔ جُگ جُگ کردا رہیا کھیل تماش، جُگ چؤکڑی آپ بنائے آپے لوے ڈھاہ۔ آپ کدے نہ ہووے ناس، ساچے تخت بَیٹھا رہے شہنشاہ۔ جوتی جوت سروُپ ہرِ، آپ اپنی کِرپا کر، گُرسِکھ جگت وِچولا بنائے ملاح۔

۲۳ پھگن ۲۰۱۷ بِکرمی مسّا سِنگھ دے گرِہ پِنڈ بل پُریا

سو پُرکھ نِرنجن دھام سُہائیندا، سوبھاونت گُن نِدھان۔ ہرِ پُرکھ نِرنجن آسن لائیندا، اِک اِکلّا وڈ مِہربان۔ ایکنکارا ناؤں پرگٹائیندا، جودھا سوُربیِر بلوان۔ آد نِرنجن روُپ دھرائیندا، جوتی نوُر نوُر مہان۔ ابناشی کرتا کھیل کِھلائیندا، کھیلنہارا گُن نِدھان۔ سِری بھگوان بھیوَ چُکائیندا، کرے کھیل بےپہچان۔ پاربرہم اپنی کل آپ ورتائیندا، اپنے اُپر ہو مِہربان۔ اپنا بنک آپ سُہائیندا، ساچا مندر اِک مکان۔ اُچ اٹل ناؤں رکھائیندا، سچکھنڈ سچّا استھان۔ سچ سِنگھاسن آپ سُہائیندا، شاہو بھوُپ بن سُلطان۔ تخت تاج آپ ہنڈھائیندا، آد جُگادی کھیل مہان۔ شبد انادی ناد وجائیندا، دُھردرگاہی دُھر فرمان۔ برہم برہمادی آپ سُنائیندا، لیکھا جانے دو جہان۔ جوتی جوت سروُپ ہرِ، آپ اپنی کِرپا کر، سچکھنڈ دوارا اِک وڈیائیندا۔ مقامے حق حق جناب، حقیِقت اپنے ہتّھ رکھائیا۔ اپنی دیونہارا آپے داد، لاشریِک اِک خُدائیا۔ لیکھا جانے آپا آپ، دوُسر اوَر نہ کوئے وڈیائیا۔ نوُر اُجیارا نہ کوئے آفتاب، جلوہ ہور نہ کوئے درسائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ شہنشاہ سچّا پاتشاہ، سو پُرکھ نِرنجن آپ اکھوائیندا۔ ہرِ پُرکھ نِرنجن بن ملاح، ساچا بیڑا آپ اُٹھائیندا۔ ایکنکارا دئے صلاح، آد نِرنجن سنگ نِبھائیندا۔ ابناشی کرتا پکڑے بانہہ، سِری بھگوان ویکھ وکھائیندا۔ پاربرہم پربھ کرے سچ نیاں، ساچا عدل آپ کمائیندا۔ سچکھنڈ سُہائے ساچا تھاں، تھان تھننتر آپ بنائیندا۔ تِھر گھر دوارا آپ کُھلا، آپ اپنا چرن ٹِکائیندا۔ اپنی اِچھیا لئے پرگٹا، شبد انادی سُت جائیندا۔ سچ سندیش دئے سُنا، دُھر فرمانا اپنے ہتّھ رکھائیندا۔ برہمنڈ کھنڈ رچن رچا، سوُرج چنّ آپ چمکائیندا۔ وِشن برہما شِو دھرا، ترےَ ترےَ لیکھا جھولی پائیندا۔ پنچم میلا آپ مِلا، پُرکھ ابناشی ویکھ وکھائیندا۔ ساچا حُکم دئے سُنا، ابُھل اپنا بھیوَ آپ کُھلائیندا۔ جوتی جوت سروُپ ہرِ، آپ اپنی جوت دھر، آد پُرکھ ایکا ہرِ، ایکا ویس وٹائیندا۔ ویس وٹائے نوُری االلہ، االلہ ہوُ اپنا ناؤں دھرائیندا۔ وسنہارا سچ محلہ، اُچ محرابے ڈیرہ لائیندا۔ بَیٹھا رہے اِک اِکلّا، عقل کل اپنی کھیل کِھلائیندا۔ آپے پھڑے اپنا پلّا، دوُسر لڑ نہ کوئے بنھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کا بھیوَ کوئے نہ پائیندا۔ سچکھنڈ دوارے ساچا رام، اِک اِکلّا آسن لائیندا۔ آد جُگاد کرے ساچا کام، کرنی کرتا پُرکھ آپ کرائیندا۔ اپنا ویکھے آپے سچ نِظام، حُکم

حاصل آپ چلائیندا۔ آپ جانے اپنی آن، اپنے بھانے سد سمائیندا۔ دیونہارا دُھر فرمان، سچ سندیشہ آپ الائیندا۔ جوتی جوت سروُپ ہرِ، آپ اپنی کِرپا کر، اپنی کھیل آپ کِھلائیندا۔ ساچے مندر سچ گھنئیا، سچکھنڈ نِواسی آسن لائیا۔ مات پِت نہ بھَیناں بھئیا، دوُسر سنگ نہ کوئے وکھائیا۔ ساک سیَن نہ سجّن سئیا، بندھن بندھ نہ کوئے بھوائیا۔ نہ کوئی نؤکا نہ کوئی نئیا، وَنجھ مُہانا نہ کوئے وکھائیا۔ اپنے ساگر آپ ترئیا، پاربرہم وڈی وڈیائیا۔ جوتی جوت سروُپ ہرِ، آپ اپنی کِرپا کر، کھیل اپنے ہتّھ رکھائیا۔ سچکھنڈ وسے نِرنکار، نِرگُن رام روُپ دھرائیا۔ نوُر اِلاہی ہو اُجیار، ساچے دھام سوبھا پائیا۔ ساچا کاہن کھیل کرے اپار، بےپرواہ سچّا شہنشاہیِا۔ تخت نِواسی ہو تیار، ایکا تخت لئے سُہائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، دوُسر سنگ نہ کوئے رکھائیا۔ دوُسر سنگ نہ کوئے رکھدا، کرتا پُرکھ ہرِ نِرنکار۔ نِرگُن ہو ہو گھر رہے وِچ وسدا، سوہے در سچّا دربار۔ نِروَیر ہو ہو اپنا مارگ آپے دسّدا، پُرکھ اکالا میِت مُرار۔ اجوُنی رہِت ہو ہو نسّدا، جنم مرن توں وسیا باہر۔ جوتی جوت سروُپ ہرِ، آپ اپنی کِرپا کر، آپے جانے اپنی کار۔ ساچی کار کرائیندا، کرتا پُرکھ اگمّ اتھاہ۔ نِرگُن ویس انیک وٹائیندا، کرے کھیل سچّا شہنشاہ۔ روُپ انوُپ آپ درسائیندا، ریکھ بھیکھ نہ سکے کوئے جنا۔ اپنا لیکھ آپ لِکھائیندا، کوئی نہ لِکھے قلم شاہ۔ کاتب کوئے نہ سنگ وکھائیندا، اِک اِکلّا کرے سچ نیاں۔ اپنا ناؤں آپ پرگٹائیندا، ناؤں نِرنکارا لئے دھرا۔ جوتی جوت سروُپ ہرِ، آپ اپنی کِرپا کر، اپنا کھیل آپے ویکھے آ۔ ہرِ ساچا کھیل کِھلایا، خالق خلق کر تیار۔ خلق اپنا نوُر دھرایا، آپے بنیا سچ ملاح۔ عرش اپنی ونڈ ونڈایا، کُرص کُرہ کرے بےپناہ۔ فرش اپنا چرن چُھہایا، خاکی خاک رہیا سما۔ اپنا آدرش اِک رکھایا، پُرکھ ابناشی گھٹ گھٹ واسی، جوتی جوت سروُپ ہرِ، آپ اپنی جوت دھر، آپے جانے اپنا مارگ راہ۔ ساچا مارگ لائیندا، آد جُگاد کار۔ اپنی رچنا آپ رچائیندا، آپے ہوئے ویکھنہار۔ نِرگُن سرگُن روُپ آپ وٹائیندا، وِشن برہما شِو دیوے تار۔ ساچی وست آپ ورتائیندا، ترےَ ترےَ ساچا بھر بھنڈار۔ ساچے گھر سوبھا پائیندا، برہمنڈ کھنڈ کر تیار۔ لوآں پُریاں آسن لائیندا، آپ اپنی کِرپا دھار۔ اپنی اِچھیا لکھّ چؤراسی گھاڑت جگت گھڑائیندا، گھاڑن گھڑے اپر اپار۔ گھٹ گھٹ اندر جوت جگائیندا، دیِپ اُجالا ہو اُجیار۔ گھٹ گھٹ اپنا ناد وجائیندا، شبد اناد سچّی دُھنکار۔ گھر گھر وِچ اپنا منگل آپے گائیندا، آپے ہوئے گاونہار۔ گھٹ گھٹ اپنا محل

آپ سُہائیندا، گھر وِچ گھر کر تیار۔ اپنی ونڈ آپ ونڈائیندا، پاربرہم برہم ونڈے ایکا وار۔ اِیش جیِو آپ ہو جائیندا، جگدیِش سچّی سرکار۔ لوک مات راہ چلائیندا، نِرگُن سرگُن کر پیار۔ سرگُن اِک تت دِرڑائیندا، جوتی جوت سروُپ ہرِ، آپ اپنی کِرپا کر، کرے کھیل اگمّ اپار۔ لکھّ چؤراسی گھاڑن گھڑیا، وِشن برہما شِو سیو کمائیا۔ نِرگُن ہو ہو اندر وڑیا، پاربرہم وڈی وڈیائیا۔ ڈوُنگھی بھوَری ساچے پؤڑے چڑھیا، آؤندا جاندا دِس نہ آئیا۔ اپنا کھیل آپے کریا، پنج تت دئے وڈیائیا۔ نِرگُن سرگُن روُپ آپے دھریا، شبد شبدی ڈنک وجائیا۔ گُر گُر ناؤں آپے کریا، کرے کھیل ویکھے آپ شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، اپنی ونڈن آپ سمجھائیا۔ سرگُن ہرِ ہرِ کر تیار، ساچی ونڈ ونڈائیندا۔ پہلا لیکھا کرے وِچار، برہما سُت سمجھائیندا۔ شبد جنائی وید چار، بھیوَ ابھید کُھلائیندا۔ چارے بانی دئے سہار، چارے کھانی آپ پرگٹائیندا۔ چارے جُگ بنّھ دھار، سَتجُگ تریتا دواپر کلجُگ ونڈ ونڈائیندا۔ جُگ جُگ آوے وارو وار، ایکا گُن سمجھائیندا۔ شبد اگمّی بول جَیکار، اپنا ناؤں پرگٹائیندا۔ روُپ دھرائے گُر اوتار، پنج تت ساچا میل مِلائیندا۔ بھگتن دیوے بھگتی بھنڈار، بھگت بھگوَنت ویکھ وکھائیندا۔ سنت بنائے سُت دُلار، سَت سَتوادی گود بہائیندا۔ گُرمُکھ سجّن لئے اُبھار، سِر اپنا ہتّھ ٹِکائیندا۔ گُرسِکھ ساچے اِک وکھائے سچ دوار، چرن کوَل کوَل چرن ایکا در وکھائیندا۔ سَتجُگ تریتا دواپر کرے کھیل اپار، ہرِجن ساچے ویکھ وکھائیندا۔ جوتی جوت سروُپ ہرِ، آپ اپنی کِرپا کر، سچ سندیش نر نریش جُگ جُگ اپنا آپ سُنائیندا۔ جگت سندیش سُناونہارا، شبد اگمّ جَیکار۔ گُر اوتار بھیجنہارا، کرے کھیل سچّی سرکار۔ نام نِدھان ورتاونہارا، ورتائے سچ بھنڈار۔ لکھّ چؤراسی ویکھنہارا، گھٹ گھٹ کرے پسار۔ سمرتھ پُرکھ گھڑن بھنّنہارا، آپے جانے اپنی کار۔ سچکھنڈ وسے سچ دوارا، تخت نِواسی ہو اُجیار۔ جوتی جوت سروُپ ہرِ، آپ اپنی کِرپا کر، لیکھا جانے جُگ چار۔ جُگ چار ایکا گیڑا، ایکا چؤکڑ ناؤں رکھائیا۔ نؤ دوارا ویکھے ویہڑا، سرِشٹ سبائی پردہ پائیا۔ نؤ کھنڈ وسائے کھیڑا، دھرت دھوَل دئے وڈیائیا۔ چار جُگ چلائے بیڑا، ایکا چپوُ نام لگائیا۔ انتم کرے حق نبیڑا، بُھل کدے نہ جائیا۔ جوتی جوت سروُپ ہرِ، آپ اپنی جوت دھر، آد پُرکھ بےپرواہیِا۔ جُگ جُگ گیڑا آپ دوائیندا، دیونہار آپ نِرنکار۔ گُر اوتار آپ گھلائیندا، کرے کرائے ساچی کار۔ ساچی وست جھولی پائیندا، نام نِدھانا دئے بھنڈار۔ کوئی برہما سُت اکھوائیندا،

کوئی براہ کرے وِچار۔ کوئی حیگریو راہ تکائیندا، کوئی یگے پُرش اَگے پِچھے ویکھے اپنی وار۔ کوئی نرائن روُپ وٹائیندا، نِرگُن سرگُن کھیل اپار۔ کوئی دِتا ترےَ کہائیندا، دِوس رَین کرے وِچار۔ جوتی جوت سروُپ ہرِ، آپ اپنی کِرپا کر، جُگ جُگ اپنا ورتے سچ ورتار۔ کوئی کپل مُن اکھوائیندا، ماتا سُت کرے پیار۔ کوئی رِکھوَ دیوَ جنائیندا، ایکا راہ تکّے ساچا یار۔ کوئی پرِتھوُ سیوا لائیندا، کوئی متس دیوے سچ وِہار۔ کوئی کچھپ گود بہائیندا، جل دھارا کر پیار۔ کوئی دھننتر ساچی سیوا لائیندا، منتر پُھرے اِک نِراکار۔ کوئی ہنسا روُپ وٹائیندا، مانک موتی چُگے وِچ سنسار۔ سربگ پُرکھ بھیوَ نہ آئیندا، پُرکھ ابناشی کرے کھیل نیار۔ جوتی جوت سروُپ ہرِ، آپ اپنی کِرپا کر، وسنہارا سچکھنڈ سچے دربار۔ سچکھنڈ دوارا سوبھاوَنت، ہرِ ساچا آپ سُہائیندا۔ آد جُگادی ایکا کنت، لکھّ چؤراسی آپ پرنائیندا۔ ہرِجن ویکھے ساچے سنت، لوک مات آپ جگائیندا۔ نام جنائی منیِا منت، ایکا منتر آپ سمجھائیندا۔ لیکھا جانے آد اَنت، آد اَنت اپنے وِچ رکھائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا حُکم چلائیندا۔ جُگ جُگ کھیل کرے کرتارا، باوَن اپنا حُکم جنائیا۔ نر سِنگھ دھرے روُپ نِرنکارا، ساچی سیوا اِک وکھائیا۔ ہری ہرِ آپن نالوں ہو نیارا، اپنا سیِس آپے رہیا جھُکائیا۔ جوتی جوت سروُپ ہرِ، آپ اپنی کِرپا کر، اپنے حُکمے سدا رہیا بھوائیا۔ حُکمے اندر پرس رام، براہمن برہم سیو جنائیا۔ حُکمے اندر آیا رام، راون دہ سِر گیا گھائیا۔ حُکمے اندر کرِشن کاہن، ترےَلوکی ناتھ ترےَلوکی نندن، سخیاں منگل راس رچائیا۔ حُکمے اندر عیسیٰ موُسیٰ لےَ کے آئے پَیغام، سچ سندیش اِک سُنائیا۔ حُکمے اندر محمد جنائی اِک کلام، کلمہ اِمام آپ پڑھائیا۔ حُکمے اندر کرے کھیل کائنات، پروردِگار سچّا شہنشاہیِا۔ حُکمے اندر رکھے سب دی نِجات ، ویکھنہارا تھاؤں تھائنیا۔ حُکمے اندر رکھے سب دی وفات، وفادار اپنے نال مِلائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا کھیل کِھلائیا۔ حُکمے اندر نِرگُن دھار، نانک چولا مات ہنڈھائیا۔ حُکمے اندر نام سَت اُجیار، نام سَت کرے پڑھائیا۔ حُکمے اندر سُت دُلار، پُرکھ اکال ایکا گود سُہائیا۔ حُکمے اندر چنڈ پرچنڈ تِکھی دھار، حُکمے اندر برہمنڈ رہیا بھوائیا۔ حُکمے اندر پُری انند لیا اُسار، حُکمے اندر چھڈ کے گیا ساچا ماہیِا۔ حُکمے اندر منگے ساچا یار، اپنیِاں بُھجاں آپ اُٹھائیا۔ حُکمے اندر آپا وار، ایکا فتح گیا سُنائیا۔ حُکمے اندر کوُکے کرے پُکار، سرِشٹ سبائی ایہہ سمجھائیا۔ چار جُگ نؤ سؤ چرانوے چؤکڑی جو گھلدا رہیا گُر اوتار، پُرکھ

اکال سچّا شہنشاہیِا۔ کرے کھیل اپر اپار، بھیوَ کوئے نہ پائیا۔ سچکھنڈ وسنہارا ہرِ نِرنکار، نِرگُن نوُر کرے رُشنائیا۔ جودھا سوُربیِر بلی بلکار، بل اپنا اپنے وِچ رکھائیا۔ کاغد قلم نہ لِکھنہار، وید پُران شاستر سِمرت اِنجیِل قرآن دین گواہیِا۔ سرب جیِاں دا سانجھا یار، دیِن مذہب نہ کوئے وکھائیا۔ عالم عُلما پاوے سار، ویکھنہارا اِک ہو جائیا۔ انتم پرگٹ ہووے نر نِرنکار، نِروَیر پُرکھ اجوُنی رہِت اپنے ہتّھ رکھے وڈیائیا۔ نِہکلنکا ناؤں رکھے وِچ سنسار، شبد ڈنکا اِک وجائیا۔ سمبل وسے دھام نیار، گوبِند گڑھ اِک بنائیا۔ اُپر چڑھ بہے ہرِ نِرنکار، دِس کِسے نہ آئیا۔ اپنا شبد بولے آپ جَیکار، پِچھلی کیِتی پڑھن کدے نہ جائیا۔ اپنی ریِتی بدلے وِچ سنسار، ریِت اتیِت اِک سمجھائیا۔ ہست کیِٹ ویکھنہار، اوُچ نیِچ بُھل نہ جائیا۔ جگت باغیچی ویکھے کِھڑی گُلزار، لکھّ چؤراسی برہم بوُٹا جو لیا مات لگائیا۔ وِشن برہما شِو در درویش نِیوں نِیوں خالی وکھاؤن اپنا ٹھوُٹھا، ساچی وست نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، آد جُگادی ایکا ہرِ، جُگ چؤکڑی اپنے ہتّھ رکھائیا۔ جُگ چؤکڑی کھیل کِھلائیندا، نِرگُن داتا بےپرواہ۔ کلجُگ انتم ویس وٹائیندا، جوتی جامہ بھیکھ وٹا۔ گُر گُر گوبِند میل مِلائیندا، پُرکھ اکال ایکا تھاں۔ مات پِتا نہ کوئے بنائیندا، اپنی گود لئے سُہا۔ ساچے گھوڑے آپ چڑھائیندا، اپنے اَسو تنگ کسا۔ چارے راساں ہتّھ پھڑائیندا، چارے کُنٹاں رہیا دؤڑا۔ عیسیٰ موُسیٰ اُٹھ اُٹھ راہ تکائیندا، چاروں کُنٹ نَین اُٹھا۔ محمد اُٹھ اُٹھ ویکھ وکھائیندا، اُچے ٹِلّے پربت آسن لا۔ اُچی کوُک کوُک سُنائیندا، کوُک سُنے آپ خُدا۔ خالق ویکھے ویکھنہارا ویکھن آئیندا، آپ اپنا پھیرا پا۔ جوتی جوت سروُپ ہرِ، آپ اپنی کِرپا کر، انتم لیکھا اپنے ہتّھ رکھا۔ لیکھا اپنے ہتّھ رکھدا، اِک اِکلّا ایکنکار۔ دھرے روُپ آپ پرتکھ دا، پرگٹ ہوئے وِچ سنسار۔ لکھّ چؤراسی نام مدھانے متھدا، سمُند ساگر کر وِچار۔ لوآں پُریاں آپے نتھدا، شبد ڈوری ایکا ڈار۔ لیکھا جانے چؤداں لوک ہٹّ دا، چؤداں طبقاں مارے مار۔ وِشن برہما شِو ہرِ ہرِ ناؤں رٹدا، نیتر رووے زارو زار۔ عیسیٰ موُسیٰ سنگ محمد چار یار اَگے ہو ہو نٹھدا، پُرکھ ابناشی ہویا خبردار۔ لگّا تیِر نِرالا گھاؤ پھٹّ دا، کرے کرائے آر پار۔ مُلّا شیخ قُطب غؤث سِر پَیراں تے سُٹدا، انتم آئی ہار۔ مسجد بہہ بہہ جو رہیا لُٹدا، تیرا وُضوُ بانگ اُچار۔ تیرا قرضہ دِتے بِن نہ چُھٹدا، چُھڈا نہ سکن چار یار۔ جِس اُتے صاحِب تُوں رُٹھدا، ایکا دھکاّ دیویں مار۔ جوتی جوت سروُپ ہرِ، آپ اپنی کِرپا کر، کرے کھیل اپر اپار۔ اپر اپارا کھیل کِھلائیندا، سوُربیِر وڈ بلوان۔

چار کُنٹ ویکھ وکھائیندا، جیِو جنت بال نادان۔ گُرمُکھ ساچے آپ جگائیندا، جِس جن ہوئے آپ مِہربان۔ ساچے مارگ آپے پائیندا، ایکا دیوے جیِا دان۔ جوتی جوت سروُپ ہرِ، آپ اپنی جوت دھر، کرے کھیل سِری بھگوان۔ سِری بھگوان کھیل کِھلاونا، کلجُگ تیری انتم وار۔ تیرا لیکھا پندھ مُکاونا، ناتا تُٹے چار لکھّ بتّی ہزار۔ تیرا کوُڑ کُڑیارا تیری جھولی پاونا، چُکیا نہ جائے انتم بھار۔ تیرا جوُٹھا جھوُٹھا ساک سجّن سیَن تیرے نال رلاونا، نؤ کھنڈ پرِتھمی کر وِچار۔ تیرا ٹھوُٹھا بھنّ وکھاونا، کام کرودھ لوبھ موہ ہنکار۔ جوتی جوت سروُپ ہرِ، آپ اپنی کِرپا کر، ایکا مارے شبدی مار۔ شبد نِرالا تیِر لگّنا، پُرکھ اکال آپ لگائے۔ نؤ کھنڈ پرِتھمی ستّاں دیِپاں ایکا وار ویکھے سوُرا سربنگنا، چھِن بھنگر اپنا کھیل کِھلائے۔ لیکھا جانے کل کہ اجنا، رُتڑی رُت رہی وِہائے۔ پرگٹ ہوئے سچّا سجّنا، ساجن میِت اِک رگھُرائے۔ گُرمُکھ وِرلے کرائے سچّا مجنا، دُرمت مَیل دھوائے۔ لوک مات سب نے تجنا، ترور پنکھی کوئے رہن نہ پائے۔ کال گھر گھر آ آ نچنا، ایکا ڈؤروُ ڈنک وجائے۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ وکھائے۔ کلجُگ بھانڈا جانا ٹُٹ، ہرِ ساچا آپ تُڑائیا۔ لکھّ چؤراسی ناتا جانا چُھٹ، جو بَیٹھا گنڈھ پوائیا۔ دِن دِہاڑے پئے لُٹ، نہ سکے کوئے بچائیا۔ جیِو جہانا بھاگ گئے نِکُھٹ، سِری بھگوان دئے سزائیا۔ کوُڑ کوُڑیاری جڑ دیوے پُٹ، لوک مات رہن نہ پائیا۔ سوُربیِر صاحِب سَتگُر ایکا گیا اُٹھ، نِربھؤ اپنا بھےَ جنائیا۔ پنج تت نہ دِسے بُت، ترےَگُن روُپ نہ کوئے دھرائیا۔ کرے کھیل ابناشی اچُت، چِت وِت ٹھگؤری کوئے نہ پائیا۔ جوتی جوت سروُپ ہرِ، آپ اپنی کِرپا کر، کلجُگ میٹے کالی شاہیِا۔ کلجُگ کوُڑ کُڑیارا مُکنا، مکُے رَین اندھیری رات۔ سِنگھ شیر ایکا بُکنا، ناتا توڑے ذات پات۔ کلجُگ ویلا انتم ڈُھکنا، نہ کوئی دیوے کِسے ساتھ۔ راج راجاناں نہ ملِے لُکنا، چاروں کُنٹ دِسے گھاٹ۔ ہرِ کا بھانا کدے نہ رُکنا، آپ ورتائے پُرکھ سمرتھ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شبد جنائے اِک اکتھ۔ شبد جنائی اکتھنا اکتھ، نِش اکھّر کرے پڑھائیا۔ گُرمُکھ وِرلے دیوے وتھ، وست امولک جھولی پائیا۔ لیکھا جانے تت اٹّھ، نؤ در کھوجے تھاؤں تھائنیا۔ اِک جگائے نِرمل جوت، اگیان اندھیر مِٹائیا۔ جِس جن بخشے اپنی اوٹ، پُرکھ اکال ہوئے سہائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، کرے کھیل شاہ پاتشاہیِا۔ شاہ پاتشاہ شاہ شاہانہ، شہنشاہ آپ اکھوائیندا۔ کرے کھیل دو جہانا، نِرگُن نِرگُن اپنا روُپ

وٹائیندا۔ کلجُگ انتم ہو پردھانا، آپ اپنا ویس دھرائیندا۔ تختوں لاہے راجا رانا، شاہ سُلطان کوئے رہن نہ پائیندا۔ سیِس جگدیِش تاج اِک سُہانا، ساچا چھتر سیِس جھُلائیندا۔ اِک اٹّھ میل مِلانا، بیِس اٹھاراں رنگ رنگائیندا۔ پہلی چیتر دِوس سُہانا، تِھت وار اپنی آپ بنائیندا۔ بن کے جائے ساچا کاہنا، اپنی بنسری نام وجائیندا۔ ہتھّیں بنّھے مؤلی تند گانا، لکھّ چؤراسی بندھن پائیندا۔ چنڈ پرچنڈ اِک چمکانا، چنڈی چنڈ آپ وکھائیندا۔ چؤراسی کلیاں پہرے بانا، لکھّ چؤراسی موُل مُکائیندا۔ دے کے آئے دُھر فرمانا، اپنا پردہ آپ اُٹھائیندا۔ لیکھا جانے ہِندوُ مُسلمانا، سِکھ عیسائی بچیا کوئے رہن نہ پائیندا۔ کلجُگ جیِو اُٹھ انجانا، ہرِ ساچا آپ جگائیندا۔ سِر تے ورتن والا بھانا، بھاوی کوئے نہ میٹ مِٹائیندا۔ نہ کوئی راجا نہ کوئی رانا، رعیت رنک نہ کوئے بنائیندا۔ نہ کوئی پیِنا نہ کوئی کھانا، ترِشنا بُھکھ نہ کوئے مِٹائیندا۔ نہ کوئی ناد نہ کوئی گانا، نہ کوئی سوانگ وکھائیندا۔ ایکا شبد دُھر فرمانا، لوآں پُریاں برہمنڈاں کھنڈاں جیرج انڈاں اُتبُھج سیتج پار کرائیندا۔ اپنے ہتّھ رکھے آؤنا جانا، آون جاون اپنی کھیل کِھلائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نر ہرِ اپنا ناؤں دھرائیندا۔ مہاراج شیر سِنگھ وِشنوُں بھگوان، نِربھؤ جگت وکھائے جُگ ڈر، جُگت اپنے ہتّھ رکھائیندا۔ گُر سَتگُر دَیا کمائیندا، گُرسِکھ گُر گُر کر پیار۔ اِک اٹّھ ویکھ وکھائیندا، دو جہانا ساچا یار۔ ترےَ ترےَ لیکھا آپ مُکائیندا، ترےَکال درسی کل وِچار۔ عرش فرش ویکھ وکھائیندا، ویکھنہارا ایکنکار۔ ساچی برسی آپ منائیندا، لیکھا جانے برس ماس۔ اپنا ترس آپ کمائیندا، گُرسِکھ پوُری کرے آس۔ جگت ترِشنا حرص مِٹائیندا، جوتی جوت سروُپ ہرِ، آپ اپنی کِرپا کر، آتم اَنتر کر کر واس۔ دیوے درس دیِن دَیالا، دَیانِدھ وڈی وڈیائیا۔ شبدی شبد بچن سُکھالا، ایکا نام کرے پڑھائیا۔ لیکھا جانے بالی بُدھ بالا، سُگھڑ سیانا ہوئے سہائیا۔ امرت پیائے نام پیالہ، امیوں رس جھِرنا آپ جھِرائیا۔ جوتی جوت سروُپ ہرِ، آپ اپنی کِرپا کر، گُرسِکھ دیوے اِک وڈیائیا۔ ہرِ سَتگُر سُہائے ساچا ویلا، ویلا وقت نہ کوئے جنائیا۔ اندر گُروُ باہر چیلا، بھیوَ کوئے نہ پائیا۔ اچرج کھیل اپنا کھیلا، ہرِ وڈّا وڈ وڈیائیا۔ باہروں دِسے ٹھگ چور اندر سجّن سُہیلا، ساچا سنگ نِبھائیا۔ باہروں دِسے اِک اِکیلا، اندر مِلیا ساچا ماہیِا۔ جوتی جوت سروُپ ہرِ، آپ اپنی کِرپا کر، اپنی رچنا آپ رچائیا۔ باہر دِسے پنج تت، اندر بَیٹھا کملاپت، ساچی سیج ہنڈھائیا۔ باہر دِسے ہڈّ ماس ناڑی رت، اندر نِرگُن جوت نوُر رُشنائیا۔ باہر دِسے

نکّ مُنہ کنّ ہتّھ، اندر روُپ رنگ ریکھ نہ کوئے وکھائیا۔ باہر دِسے گوار جٹّ، اندر بَیٹھا شہنشاہ سچّا پاتشاہیِا۔ باہر دِسے کایا مٹّ، اندر سچکھنڈ سوبھا پائیا۔ جوتی جوت سروُپ ہرِ، آپ اپنی کِرپا کر، اچرج اپنا کھیل کِھلائیا۔ باہروں دِسے سجّن ساک، اندر پاکی پاک سمائیندا۔ باہروں دِسے تن خاک، اندر آتم دھار وہائیندا۔ باہروں دِسے جگت نیتر رہیا جھاک، اندر اپنا نیتر آپ کُھلائیندا۔ باہروں دِسے کملا رملا کٹدا پِھرے واٹ، اندر بَیٹھا گُرسِکھاں پندھ مُکائیندا۔ باہروں دِسے بن کے بَیٹھا سِکھی ذات، اندر ذات پات نہ کوئے جنائیندا۔ جوتی جوت سروُپ ہرِ، آپ اپنی کِرپا کر، اپنا میلا آپ مِلائیندا۔