کتب خانہGranth 10 (Shahmukhi)

۱۲ جیٹھ ۲۰۱۸ بِکرمی رام لال دے گھر سرداری جموُں

ہرِ پریم بھنڈارا ایکا کُھلا، خالق خلق آپ ورتائیا۔ آد جُگاد رکھے کُھلا، در دربارا آپ سُہائیا۔ جُگا جُگنتر نہ لائے کوئے مُلّا، قیِمت کرتا نہ کوئے چُکائیا۔ دیوے وڈیائی جو در آئے بُھلّا، ابُھل سچّا شہنشاہیِا۔ گُرمُکھ بوُٹا لوک مات پھلیا پُھلا، پتّ ڈالی آپ مہکائیا۔ منمُکھ جیِو انتم ہُلا، سِنمل رُکھ رہیا وکھائیا۔ ہرِجن بھاگ لگائے ساچی کُلا، دھنّ دھنّ جنیندی مائیا۔ منمُکھ اَنت کرائے نہ کوئی صُلح، گُر سَتگُر نہ میل مِلائیا۔ ترےَگُن مایا بھیِتر رُلا، چارے کنّیاں چِکڑ رہیا بھرائیا۔ جوتی جوت سروُپ ہرِ، آپ اپنی کِرپا کر، ایکا رتن نام وکھائیا۔ ہرِ

پریم نام رتن امولک، امُل امُل جنائیندا۔ ہرِجن رکھے کایا گولک، دوُسر در نہ کوئے سُہائیندا۔ گُرمُکھ ویکھے سدا اڈولت، اڈول اڈُل دَیا کمائیندا۔ نام جنائے ان انبولت، انبولت کھیل کِھلائیندا۔ بیِس بیِسا ایکا دِتی مُہلت، اَگے لیکھا نہ کوئے ودھائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کِھلائیندا۔ ایکا مُہلت دئے تاریِخ، جگت تاریخ آپ جنائیا۔ پرگٹ ہوئے لاشریِک، شریکت میٹے خلق خُدائیا۔ اپنی رکھے اِک تؤفیِق، خُدی خُدائے دئے مِٹائیا۔ مُرشد مرید بنے رفیق، اُلفت اپنی دئے وڈیائیا۔ ناتا توڑے جھوُٹھ فریِق، فِرقہ کوئے نظر نہ آئیا۔ اپنی مارے ست لیک، ستّاں دیِپاں لکیِر دئے گوائیا۔ نؤ نؤ چلائے ساچی ریِت، پتت پُنیِت بےپرواہیِا۔ اپنی جنائے سچ پریِت، پریم نیم اِک سِکھائیا۔ جوتی جوت سروُپ ہرِ، آپ اپنی کِرپا کر، ایکا روُپ انوُپ دھرائیا۔ ہرِ ہرِ پریم سدا وڈبھاگ، وڈبھاگی بھاگ لگائیندا۔ جنم جنم دا دھووے داغ، جو جن ہرِ ہرِ پریم کمائیندا۔ اَنتر اُپجے اِک وَیراگ، وَیراگی وَیراگ وکھائیندا۔ جوتی جوت سروُپ ہرِ، آپ اپنی کِرپا کر، سَت دھرم اِک سمجھائیندا۔ سچ پریم ہرِ ہرِ، دھرمی دھرم رکھائیندا۔ نِہکرمی کرم اپنا کر کر، کُکرمی کرم مِٹائیندا۔ روُپ جنائے ایکا نر نر، نر نرائن ویکھ وکھائیندا۔ سنت سُہیلے ساچے پھڑ پھڑ، اپنا بندھن پائیندا۔ ڈوُنگھی بھوَری آپے وڑ وڑ، کایا کَندر پھول پُھلائیندا۔ ٹیڈھی بنک آپے چڑھ چڑھ، اپنا پندھ آپ مُکائیندا۔ جوتی نوُر ایکا دھر دھر، گرِہ مندر آپ سُہائیندا۔ سُرتی ناری آپے ور ور، شبدی کنت منائیندا۔ منگلاچار آپے کر کر، اپنا راگ سُنائیندا۔ امرت سروور ٹھر ٹھر، اپنی اگنی آپ بُجھائیندا۔ اپنا پریم آپے کر کر، آپ اپنا میل مِلائیندا۔ جوتی جوت سروُپ ہرِ، آپ اپنی کِرپا کر، در ساچا آپ وڈیائیندا۔ پریم پُرکھ پریم ناری، پرم پُرکھ دئے وڈیائیا۔ پریم میٹے جگت وِبھچاری، وِبھچار رہن نہ پائیا۔ پریم دیوے سَت آدھاری، نام آدھار اِک رکھائیا۔ جوتی جوت سروُپ ہرِ، آپ اپنی کِرپا کر، ساچے گھر دئے وڈیائیا۔ ساچے گھر پریم اپنا اُتپنہا، ہرِ ہرِ آپ کرائیا۔ ہرِجن جگائے جِؤں جٹ دھنّا، بھولے بھا ہرِ گوبِند مِلائیا۔ درشن دیوے وِچ چھپر چھنّہ، محل اٹل نہ کوئے وڈیائیا۔ سچ سنیہڑا ایکا گھلا، سوئے جن آپ اُٹھائیا۔ لبھدا پِھرے جنگل جوُہ اُجاڑ جھّلا، اُچے ٹِلّے پربت پھیرا پائیا۔ نؤ سؤ چُرانوے چؤکڑی جُگ رہیا اِکلّا، سچکھنڈ دوارے نِرگُن جوت کر رُشنائیا۔ کلجُگ انتم کریا کھیل اولّا، اول االلہ نوُر ویکھ وکھائیا۔ نوُری نوُر پھڑائے پلّا، نوُر نوُر نال مِلائیا۔ جلوہ جلال اچھل اچھلّا، سچ محلہ کرے رُشنائیا۔ جوتی جوت سروُپ ہرِ،

آپ اپنی کِرپا کر، ساچے مندر سوبھا پائیا۔ پریم پیارا پریم ناتھ، اناتھ اناتھاں دَیا کمائیندا۔ سکھا سُہیلا دیوے ساتھ، سگلا سنگ آپ نِبھائیندا۔ لیکھا جانے رگھُپت رگھُناتھ، رگھُپتی روُپ وٹائیندا۔ جوتی جاتا ترےَلوکی ناتھ، ترےَ ترےَ اپنا ویس دھرائیندا۔ گہر گمبھیِر اکتھنا کاتھ، کتھ کتھ اپنی کتھا سُنائیندا۔ نِرگُن سرگُن چڑھیا راتھ، جگت رتھ آپ چلائیندا۔ جُگ جُگ لیکھا لِکھدا رہیا ماتھ، مستک لہنا بھیوَ چُھپائیندا۔ بندھن پاؤندا رہیا تت آٹھ، اٹّھ تت کھیل کِھلائیندا۔ ناتا جوڑدا رہیا ہڈّ ماس، ناڑی رت رَکت بوُند میل مِلائیندا۔ کھیل کھیلدا رہیا ذات پات، ورن برن بندھن پائیندا۔ کلجُگ انتم ہو اِکانت، نِرگُن اپنا روُپ ہرِ وٹائیندا۔ آپے بَیٹھا رہے شاَنت، سرِشٹ سبائی اگن جلائیندا۔ جن بھگتاں دیوے دات، پریم پیار جھولی پائیندا۔ لکھّ چؤراسی کرے گھات، گھاؤ اپنا آپ لگائیندا۔ نوَ نؤ چار میٹے اندھیری رات، اندھ اندھیرا آپ گوائیندا۔ دھرم رائے دا پوُرا کرے کھات، کھاتا انتم آپ بھرائیندا۔ گُرمُکھاں پُچھے وات، سوئے لوک مات جگائیندا۔ ناتا توڑ ذات پات، جوتی جاتا رنگ رنگائیندا۔ اِک وکھائے پِتا مات، ایکا پوُت گود اُٹھائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے میل مِلائیندا۔ ہرِجن میلا پریم بندھن، بندی چھوڑ آپ لگائیا۔ گُرمُکھ مہکائے جِؤں بن چندن، چندن واس آپ ہو جائیا۔ گھر گھر دیوے پرمانندن، پرم پُرکھ مِلائیا۔ دوئے جوڑ کرے جن بندن، ڈنڈؤت اپنی کھیل کِھلائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ایکا کرے پریم سخاوت، ساچی بِھچھیا جھولی پائیا۔ ساچی بِھچھیا پریم سخاوت، سخی سرور جھولی پائیندا۔ چار کُنٹ دیوے ایکا دعوت، ایکا حُکمی حُکم سُنائیندا۔ نؤ کھنڈ پرِتھمی کر بغاوت، بغلی شاہ سُلطاناں ہتّھ رکھائیندا۔ لیکھا چُکائے نِندک ساقط، دُشٹ دُراچار رہن نہ پائیندا۔ رہن نہ پائے کوئی ناستک آستک اپنا روُپ وٹائیندا۔ نیتر رووے وِشنوُں سیجا باسک، سانگو پانگ نہ سوبھا پائیندا۔ تیرا روُپ ایکا واستک، وِشوَ تیری دھار جنائیندا۔ ایکا نوُر کرے پرکاشت، ایکا شبد ناد وجائیندا۔ ایکا پریم رکھے ثابت، دوُجا نیم نہ کوئے جنائیندا۔ ایکا بنے ہرِ ہرِ کاتب، اپنا لیکھا آپ لِکھائیندا۔ جامہ پایا کلجُگ پلٹن بابت، بؤرا روُپ آپ دھرائیندا۔ دو جہاناں جانے عاقبت، عالم عُلما پردہ نہ کوئے اُٹھائیندا۔ کرے کھیل حق جنابت، جناب آپ اپنے ہتّھ رکھائیندا۔ کِسے ہتّھ نہ آئے وِچ کِتابت، لِکھ لِکھ لیکھ نہ کوئی سمجھائیندا۔ جن بھگتاں کرے اَنت سواگت، پھوُلنہار گل پہنائیندا۔ اپنے گھر نہ منگے کوئی لاگت، لگّی پریِت توڑ نِبھائیندا۔

ہرِجن تیری کرے سدا صداقت، صِدق صبوُری تیرے سنگ رکھائیندا۔ تیرے حُجرے بہہ بہہ کرے عبادت، اِبنؤلوقت اپنا کھیل کِھلائیندا۔ ایکا کرے واعظ واحِد دو جہان وکالت، وکیِل دلیِل نہ کوئے جنائیا۔ ورن برن اوُچ نیِچ رہن نہ دیوے وِچ مِلاوٹ، دوُسر اِشٹ نہ کوئے رکھائیا۔ ایکا مندر کرے سجاوٹ، ہرِجن تیرے بنک سوبھا پائیا۔ جگت باڈی نہ بنائے کوئے بناوٹ، ہرِ مندر ایکا ایک سُہائیا۔ اٹّھے پہر گائن گائے گاوت، گاونہارا آلس نِندرا وِچ نہ آئیا۔ نِرگُن سرگُن بنیا مہاوت، چِیونٹی ہست ایکا رہیا چلائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، پریم پتن دئے بنائیا۔ پریم پتن گُرسِکھ کنارہ، گُر گُر بیڑا آپ چلائیا۔ آیا ویکھن ایکنکارا، عقل کل اپنا روُپ دھرائیا۔ نؤ نؤ ویکھے ویکھنہارا، سرِشٹ سبائی پھول پُھلائیا۔ لکھّ چؤراسی جوُٹھ جھوُٹھ بدھّا بھارا، لوک مات رہے کُرلائیا۔ کوئے نہ دِسے میِت مُرارا، سگلا سنگ نہ کوئے نِبھائیا۔ ناتا چُھٹا ناری نارا، ناری کنت دئے دُہائیا۔ چار کُنٹ نہ دِسے کوئے سہارا، چار یاری رہی شرمائیا۔ نیتر نَین نہ کوئے اُجیارا، جگت نیتر نظر نہ آئیا۔ دھیِاں پوُت جھوُٹھا پیارا، انتم سنگ نہ کوئے نِبھائیا۔ کُھلڑے کیس رووے زارو زارا، سیِس مینڈھی نہ کوئے گُندائیا۔ ہائے ہائے کرن پُکارا، دھیِرج دھیِر نہ کوئے دھرائیا۔ چاروں کُنٹ سمُندر کھارا، کلجُگ گھاٹی پار نہ کوئے وکھائیا۔ چِکڑ بھریاں کُھبن وِچ گارا، سارنگ سار نہ کوئے جنائیا۔ مانَس جنم آئی ہارا، ہار جِتّ نہ روُپ وٹائیا۔ پُرکھ ابناشی لایا اِک اکھاڑا، برہمنڈ کھنڈ رہیا نچائیا۔ گُرمُکھ وِرلا کیِا پیارا، جِس جن اپنی بوُجھ بُجھائیا۔ میل مِلایا ستاراں ہاڑا، ودی سُدی نہ کوئے رکھائیا۔ اپنا خوُن کیِا گاڑھا، گُرمُکھاں جڑ لگائیا۔ سیوا کرے کرنیہارا، باڈی اپنا روُپ وٹائیا۔ تِکھا پھڑیا ایکا آرا، دو دھارا چیِر پوائیا۔ سوُتر لائے ایکا وارا، کالی تندن تند ہِلائیا۔ دو جہاناں کرے خوَارا، خاکی خاک خاک اُڈائیا۔ آپے ملےّ اپنا پار کنارہ، پتن بَیٹھا ساچا ماہیِا۔ چپوُّ نام لائے سہارا، وَنجھ مُہانا رہیا وکھائیا۔ کھیوٹ کھیٹا بن سنسارا، ساچا بیڑا آپ چلائیا۔ بھگت جناں ہرِ ماں پِیو بیٹا آد جُگاد کرے وِہارا، جگت وِوہاری کھیل کِھلائیا۔ جوتی جوت سروُپ ہرِ، آپ اپنی کِرپا کر، ایکا پتن رہیا وکھائیا۔ ایکا پتن لگّا ڈیرہ، کنڈھا نظر وِچ نہ آئیا۔ پرگٹ ہویا سِنگھ شیر دلیرا، دو جہان وجےّ ودھائیا۔ آپ وسائے اپنا کھیڑا، سچکھنڈ دوارا سوبھا پائیا۔ کلجُگ دیوے لکھّ چؤراسی گیڑا، رائے دھرم در وکھائیا۔ گُرمُکھ وِرلے چاؤ گھنیرا، جِس بھرواسا رہیا وکھائیا۔ ناتا تُٹا میرا تیرا، میَں تُوں نہ کوئے سمجھائیا۔ تُوں ٹھاکر ہؤں سیوک تیرا،

چاکر چاکری اِک سمجھائیا۔ تُوں پاتن بَیٹھا کرے مِہرا، مِہربان سچّا شہنشاہیِا۔ جوتی جوت سروُپ ہرِ، آپ اپنی کِرپا کر، جگت نئیا پار لنگھائیا۔ جگت نئیا دیوے نؤکا، گُن اَوگُن نہ کوئے جنائیندا۔ پربھ مِلن دا انتم مؤقع، ویلا گیا ہتّھ نہ آئیندا۔ چار ورن مارگ دسّیا سؤکھا، جوگ ابھیاس نہ کوئے کرائیندا۔ نِرگُن نِروَیر نہ دیوے دھوکھا، اپنا میل آپ مِلائیندا۔ نہ کوئی پڑھے جگت پوتھا، سندھیا دھوُپ نہ کوئی دُھکھائیندا۔ جل دھار نہ مارے کوئی غوطہ، امرت دھار آپ وہائیندا۔ مل خاک نہ بنے کوئی گدھا کھوتا، چرن دھوُڑی مستک ٹِکاّ لائیندا۔ تن کٹائے نہ کوئی پوٹا پوٹا، من کا مان آپ مِٹائیندا۔ ستویں اٹھویں جگائے نہ کوئی جوتا، آتم جوت ڈگمگائیندا۔ پیِر فقیِر نہ دیوے کوئی روٹا، پکوان اپنے پیٹے پائیندا۔ دھن منگے نہ ہرِ در کوئی گہنا گوٹا، نام دھن اِک وکھائیندا۔ نؤ کھنڈ پرِتھمی کِسے گھر نہ رہن دیوے حُقہ لوٹا، اگنی کوئلا نہ کوئے دُھکھائیندا۔ دیِرگھ روگ نہ رکھے واسنا اندر کھوٹا، سچ سُچ اِک سمجھائیندا۔ گُرمُکھ کوئے نہ رہے سوتا، سَتگُر پوُرا آپ جگائیندا۔ شبد اگمّی پھڑیا سوٹا، لکھّ چؤراسی آپ سمجھائیندا۔ شبدی پوُت شبدی پوتا، اوت پوت آپ بنائیندا۔ اپنے جیہا آپے ہوتا، دوُسر اوَر نہ کوئے وکھائیندا۔ بِن ہرِ پریم خالی دِسے لوٹھا، پنج تت کمّ کِسے نہ آئیندا۔ بِن سَتگُر پوُرے مانَس جنم تھوتھا، آئی تُھڑ پوُر نہ کوئے کرائیندا۔ پُرکھ ابناشی کِسے نہ دِسے مندر مسجد کوتھا، جن بھگتاں اندر ڈیرہ لائیندا۔ گُرسِکھ بن جائے نہ بنّھ لنگوٹا، اگنی دھوُنی نہ کوئے تپائیندا۔ جاندے پُتر ویکھ نہ کوئے روون روتا، روون دھوون موُل چُکائیندا۔ پنڈت براہمن کوئے نہ دیوے نیوتا، جگت جھیڑا نہ کوئے مِٹائیندا۔ لیکھا جانے کوٹن کوٹا، کوٹن کوٹ اپنی کھیل کِھلائیندا۔ گُرسِکھاں دیوے نِرمل جوتا، جوتی جاتا میل مِلائیندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، پریم پتن اِک وکھائیندا۔ پریم پتن بَیٹھا ماہی، ماہیگیر کھیل کِھلائیندا۔ جنم جنم دی میٹے شاہی، دُرمت مَیل دھوائیندا۔ لکھّ چؤراسی کٹ جنجالا میٹے پھاہی، پھاندی پھند نہ کوئے پوائیندا۔ آؤندے جاندے ویکھے راہی، کلجُگ گیڑا آپ گِڑائیندا۔ گُرمُکھاں ملِے چائیں چائیں، جُگ جُگ ویس دھرائیندا۔ غریِب نِمانیاں پکڑے باہیں، اپنے گلے لگائیندا۔ نِتھاویاں دیوے ساچا تھائیں، درگاہ ساچی دھام بہائیندا۔ سیِس جگدیِش رکھے ٹھنڈی چھائیں، مہیِنہ جیٹھ نہ اگن تپائیندا۔ کرے پریم جیِواں گوالا بن بن گائیں، بن بِندرا ویکھ وکھائیندا۔ گوبِند میلا سہج سُبھائی، گُر گُر ساجن میل مِلائیندا۔ ہتھّیں پُٹیا بوُٹا کاہی، جوُٹھ جھوُٹھ جڑ اُکھڑائیندا۔ میل

مِلایا جھیور چھیمبے نائی، کلجُگ انتم پوُر کرائیندا۔ کرن آیا سچ نیائیں، شاہ پاتشاہ روُپ وٹائیندا۔ جوتی جوت سروُپ ہرِ، آپ اپنی کِرپا کر، ایکا پتن ایکا گھاٹ، ایکا پُرکھ پُرکھ سمراتھ، ایکا دیونہارا دات، ایکا وست رہیا ورتائیا۔ مہاراج شیر سِنگھ وِشنوُں بھگوان، سرب جیِاں پِت مات، آئے سرن اپنے کنٹھ لئے لگائیا۔

لائے گھاٹ ساچے پتن، پانی پانی پھول پُھلائیا۔ ترےَکال درسی آیا رکھن، ترےَ ترےَ ناتا دئے تُڑائیا۔ گُرمُکھ وِرولے ساچا مکھّن، لکھّ چؤراسی چھاچھ رہیا وکھائیا۔ لیکھا جانے اُتّر پوُرب پچھّم دکھّن، دہ دِشا ویکھ وکھائیا۔ نؤ کھنڈ پرِتھمی بھانڈے دِسے سکھّن، سچ وست نہ کوئے ٹِکائیا۔ کرے کھیل دیِپ لکھّن، کُشا کروچ روُپ دھرائیا۔ سلمل سان پردے ڈھکن، جنبوُ دیس کرے رُشنائیا۔ جوتی جوت سروُپ ہرِ، آپ اپنی جوت دھر، ایکا گھر رہیا سمجھائیا۔ ایکا پتن ہرِ ہرِ گھاٹ، جگت گھاٹی آپ چڑھائیندا۔ ہرِجن رکھے اپنے ساتھ، سگلا ساتھی سنگ وکھائیندا۔ جن جننی کرے داسی داس، پُتر مات ویکھ وکھائیندا۔ لہنا چُکائے پرِتھمی آکاش، آکاش آکاشاں اُپر کھیل کِھلائیندا۔ ہرِجن کرے داسی داس، داس اِک رکھائیندا۔ اپنے مندر کر پرکاش، پار کنارہ اِک سمجھائیندا۔ بِن گُرمُکھ کرے نہ کوئے نِواس، دوُسر راہ نہ کوئے جنائیندا۔ کوٹن کوٹ رکھی بَیٹھے آس، کوَن ویلا پُرکھ ابناشی روُپ مات دھرائیندا۔ کوٹن کوٹ گائن رسن سواس، سواس سواساں وِچ سمائیندا۔ کوٹن کوٹ مل مل دھوُڑی خاک، تن خاکی خاک وکھائیندا۔ کوٹن کوٹ اُچے ٹِلّے پربت چڑھ چڑھ رہے جھاک، نیتر نَین سرب اُٹھائیندا۔ کوٹن کوٹ گھر چھڈ چھڈ گئے سجّن ساک، جنگل جوُہ اُجاڑ پہاڑ ڈیرہ لائیندا۔ کوٹن کوٹ بَیٹھے اُپر تیِرتھ تاٹ، سِل پوُجس وقت لنگھائیندا۔ کوٹن کوٹ کھولی بَیٹھے ہاٹ، جگت ونجارا جگت ونج ویکھ وکھائیندا۔ کوٹن کوٹ بستر بھوُشن پا پا سُتے کھاٹ، پلنگ رنگیِلا سچ وکھائیندا۔ کوٹن کوٹ بن بن بَیٹھے ناتھ، کنّ پاٹے ناد وجائیندا۔ کوٹن کوٹ پڑھ پڑھ تھکے گاتھ، گیِتا گیان جگت دِرڑائیندا۔ کوٹن کوٹ مستک لا لا بَیٹھے جگت للاٹ، ترِسوُل روُپ کوٹ وٹائیندا۔ کوٹن کوٹ چندن لائن مستک ماتھ، اپنا نِم روُپ نہ کوئے وکھائیندا۔ کوٹن کوٹ پھسے وِچ ذات پات، ہرِ کا روُپ نظر کِسے نہ آئیندا۔ کوٹن کوٹ دیندے پِھرن نِجات ، اپنا پلّوُ نہ کوئے چُھڈائیندا۔

کوٹن کوٹ بن بن بَیٹھے پِت مات، ساچا پوُت نہ کوئے بنائیندا۔ کوٹن کوٹ سُتے اندھیری رات، ساچا چند نہ کوئے چڑھائیندا۔ کوٹن کوٹ کر کر تھکے واٹ، دو جہاناں پندھ نہ کوئے مُکائیندا۔ کوٹن کوٹ دیون دان ہتّھو ہاتھ، آتم دان نہ کوئے کرائیندا۔ کوٹن کوٹ سیِس جھُکاؤن ترےَلوکی ناتھ، ناتھ ترےَلوکی درس کوئے نہ پائیندا۔ کوٹن کوٹ سیِس جھُکاؤن رام رگھُناتھ، رگھُپت رگھبنس میل نہ کوئے مِلائیندا۔ کوٹن کوٹ کر کر بَیٹھے اپنا گھات، سوُلی منصوُر ہتّھ نہ کوئے اُٹھائیندا۔ کوٹن کوٹ چڑھ چڑھ گئے برات، ساچا لاڑا نظر کِسے نہ آئیندا۔ کوٹن کوٹی ساک سجّن بنایا نات، ناتا بِدھاتا نہ کوئے جُڑائیندا۔ کوٹن کوٹی اِک دوُجے دی پُچھن وات، اپنا ویلا ہتّھ کِسے نہ آئیندا۔ کوٹن کوٹی راہ تکّن کملاپات، کوَل نَین مُکھ نہ کِسے دِکھلائیندا۔ جِس جن کِرپا کرے آپ دیوے درس دات، دے درس ترِکھا مِٹائیندا۔ اٹّھے پہر کرے پربھات، سندھیا روُپ نہ کوئے سمجھائیندا۔ پار کنارہ رکھے گھاٹ، جِس جن اپنا میل مِلائیندا۔ جوتی جوت سروُپ ہرِ، آپ اپنی کِرپا کر، ہرِجن میل اپنے در، بنک دواری بنک سُہائیندا۔ مہاراج شیر سِنگھ وِشنوُں بھگوان، نِہکلنک نرائن نر، جِس جن پھڑائے اپنا لڑ، پھڑایا پلّوُ نہ پِھر چُھڈائیندا۔

پار کنارہ ہویا جگ، ہرِ بھگت مِلی وڈیائیا۔ مِلیا میل اُپر شاہ رگ، ہرِ سَتگُر دَیا کمائیا۔ بھر پیالہ جام پیایا نام مد، سَت سروُر اِک وکھائیا۔ ہنس بنایا بغلا بگ، جگ جھیڑا رہن نہ پائیا۔ شبد بندھایا ایکا تگ، ساچا سگن منائیا۔ بنک دوارا کُھلایا اَدھ وِچکار بھیوَ چُکایا۔ اَگے سُنائے شبد انحد، ناد اناد وجائیا۔ جگت واسنا وِچوں کڈھ، اپنے در بہائیا۔ ناتا تُٹا اندھیری کھّڈ، ساچے گھر وجےّ ودھائیا۔ پُرکھ ابناشی لیا سدّ، سدڑے تت پوَن رہیا سمجھائیا۔ آپ بنانی اپنی جدّ، ہرِجن ساچے آپ دھرائیا۔ گُرمُکھ بھار لیا لدّ، سیِس جگدیِش اُٹھائیا۔ لیکھا چُکے ناڑی ہڈّ، رَکت بوُند ویکھ وکھائیا۔ لوک مات لکھّ چؤراسی وِچوں کرے اڈّ، اپنے سنگ رکھائیا۔ جوتی جوت سروُپ ہرِ، آپ اپنی کِرپا کر، ہرِجن ساچے ہوئے سہائیا۔ ہرِجن سُہایا ہرِ رنگ، رنگ رنگیِلا ایکا ماہیِا۔ نِج گھر اُپجایا پرمانند، پریِتم پریم پریم وکھائیا۔ ناتا تُٹا مدرا ماس گند، گھر ساچے وجےّ ودھائیا۔ نام دھن پایا ایکا چھند، سُن سُن تن من ہرا کرائیا۔ خوشی ہوئے بند بند،

بندنا دوئے جوڑ سمجھائیا۔ جگت پاندھی مکُے پندھ، آون جاون رہے نہ رائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان سدا بخشند، پتت پاوَن پتت پُنیِت لئے کرائیا۔

سچ دوار مِٹیا دُکھ، دردی درد آپ گوائیندا۔ جگت ترِشنا چُکی بُھکھ، ترِشنا ترِپت آپ وکھائیندا۔ ہرِجن لیکھے لگّا ساچا سُت، سُت اپرادھ سرب مِٹائیندا۔ کِرپا کر ابناشی اچُت، چیتن اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، ہری ہرِ ساچا کھیل کِھلائیندا۔ ہری ہرِ ہرِ پایا، گُر سَتگُر گہر گمبھیِر۔ من منکا بھؤ چُکایا، تن من ہویا ٹھانڈا امرت مِلیا ساچا سیِر۔ ہؤمے متی روگ گوایا، دُئی دوَیتی کٹ زنجِیر۔ ہِجر جِگر فِراق وکھایا، پُرکھ ابناشی بےنظیِر۔ حضرت حاضر دَیا کمایا، حضوُر پیِرن پیِر۔ جوتی جوت سروُپ ہرِ، آپ اپنی کِرپا کر، داتا دانی گُنی گہِیر۔ گُنی گہِیرا رام رمئیا، روُپ انوُپ کھیل کِھلائیندا۔ سرب جیِاں دا ساچا سئیا، سگلا سنگ رکھائیندا۔ ترےَبھوَن دھنی چلائے ایکا نئیا، نئیا نام آپ رکھائیندا۔ چار ورن بہائے پھڑ پھڑ بہیا، ساچا بیڑا آپ وکھائیندا۔ جوتی جوت سروُپ ہرِ، آپ اپنی کِرپا کر، ہرِجن ساچی سیو کمائیندا۔ ساچا بیڑا سِری بھگوان، بھگتن آپ چلائیا۔ نِردھن نِرگُن کر پروان، مان نِمانیاں ہوئے سہائیا۔ ایکا مندر وکھائے سچ مکان، بنک دوارا کھول وکھائیا۔ ایکا گھر ہوئے مِہربان، مِہربان بےپرواہیِا۔ ایکا بخشے چرن دھیان، دھیان چرن اِک لگائیا۔ ایکا راگ سُنائے کان، سوہنگ سو شبد پڑھائیا۔ انڈِٹھ روُپ سِری بھگوان، انڈِٹھڑی کار کمائیا۔ گُرمُکھ ساچے لئے پچھان، جگت جلندے لئے ترائیا۔ جوتی جوت سروُپ ہرِ، آپ اپنی کِرپا کر، ہرِجن ہرِ ہرِ ہوئے سہائیا۔ سدا سہائی ہرِ ہرِ، گُرمُکھ گیڑا آپ چُکائیندا۔ در درویش بنے در در، در در اپنا ویس وٹائیندا۔ سنت سُہیلے گُروُ گُر چیلے پھڑ پھڑ، ایکا پھندن اپنا بندھن پائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائیندا۔ ہرِجن ویکھے اپنے نَین، لوچن نَین آپ کُھلائیا۔ چؤتھے پد اِکٹّھے بہن، ہرِ میلا سہج سُبھائیا۔ چھیویں بِن چھپر چھنّ وسے سارے کہن، سَت سَتوادی بَیٹھا آسن لائیا۔ پاربرہم پت پرمیشور نِرگُن سرگُن چُکائے لیَن دین، ہرِجن لیکھا لیکھے پائیا۔ لاڑی مؤت نہ کھائے ڈائن، ڈنکا کال نہ کوئے وجائیا۔ گُرسِکھاں گُر سَتگُر انتم آئے لَین، آپ اپنا

درس وکھائیا۔ ہرِجن شبد بِبانے اُٹھ اُٹھ بہن، سَتگُر پوُرا آپ اُٹھائیا۔ رسنا جِہوا گُن ایکا کہن، مہاراج شیر سِنگھ وِشنوُں بھگوان، تیرا چرن سچّی سرنائیا۔

ہرِ سرن مِٹے روگ، چِنتا سوگ نہ کوئے جنائیا۔ ہرِ چرن ملِے جوگ، ساچا جوگ نام وڈیائیا۔ ہرِ چرن میٹے لوک پرلوک، لوک پرلوک ہوئے سہائیا۔ جوتی جوت سروُپ ہرِ، آپ اپنی کِرپا کر، ہری جن ہرِجن لئے اُپائیا۔ ہرِ چرن ساچی درگاہ، درگاہ ساچی آپ جنائیندا۔ ہرِ چرن نِتھاویاں دیوے تھاں، تھان تھننتر آپ سُہائیندا۔ ہرِ چرن سدا سدا رکھے ٹھنڈی چھاں، اگنی تت نہ کوئے وکھائیندا۔ ہرِ چرن لیکھا چُکائے دو جہاں، دو جہاناں والی اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، ہرِجن ہرِ ہرِ ویکھ وکھائیندا۔ ہرِ چرن سچ بِبانا، جن بھگت دئے سمجھائیا۔ ہرِ چرن بِن جی نہ سکے کوئی راجا رانا، لوک مات ملِے نہ کِسے وڈیائیا۔ ہرِ چرن بِن گُرسِکھ نہ کِسے پچھانا، اپنی بوُجھ نہ کِسے بُجھائیا۔ ہرِ چرن پاؤنا پد نِربانا، نِربان پد اِک وکھائیا ۔ ہرِ چرن ملِے وِشنوُں بھگوانا، وِشوَ پُران اپنا روُپ دھرائیا۔ ہرِ چرن کرے سدا کلیانا، کال گراس نہ اَنت کھپائیا۔ جوتی جوت سروُپ ہرِ، آپ اپنی کِرپا کر، ہرِجن رکھے اپنے بھانا، لکھّ چؤراسی نِندک نِندیا مُکھ وکھائیا۔ مہاراج شیر سِنگھ وِشنوُں بھگوان، جِس جن در کرے پروانہ، رائے دھرم نہ کوئے وکھائیا۔

پیِرے گھر آیا پیِر، جگت پیِڑ دئے مِٹائیا۔ نندوُ تیرا کٹ زنجِیر، انند دئے وکھائیا۔ تیرا چھپر چھنّ سُہائے بے نظیِر، اپنی نظر آپ رکھائیا۔ تیری بدل دیوے تقدیِر، تدبیِر اپنے ہتّھ رکھائیا۔ تیری میٹے پِچھلی تقصیِر، لِکھیا لیکھا دئے گوائیا۔ تیرے گھر آیا مُرشد تیری ٹُٹّی گنڈھے زنجِیر، کُنڈی کُنڈی نال مِلائیا۔ تیرے در تیرے بِرچھ وہاوَن نیِر، رو رو دین دُہائیا۔ جوتی جوت سروُپ ہرِ، آپ اپنی کِرپا کر، دُلاری دُلھا رہیا مُکائیا۔ تیرے گھر لُکیا پیِر، مُلّا روُپ وٹایا۔ نام اوہدا شمس فقیِر، جِس کُلا خاک رلایا۔ ہیجڑا بن کے پِھردا رہیا اندر باہر چوٹی چڑھ ویکھے اَخیِر، چاروں کُنٹ نَین اُٹھایا۔ جوتی جوت سروُپ ہرِ، آپ اپنی کِرپا کر، پوُرب لیکھا دئے سمجھایا۔ پہلے سال آیا

پیر، پیِر پیِر پیِر اَگے سیِس نِوائیندا۔ دوُجی وار ہویا دِلگیِر، اسلاما علیکم علیکم سلام آپ سُنائیندا۔ تیجی وار کٹّے بھیِڑ، بھیِڑا راہ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، اپنا حُکم آپ جنائیندا۔ اُٹھ مُلّا ہو جا دوُر، ہرِ سَتگُر آپ جنائیندا۔ غریِب نِمانے کیتے چوُرو چوُر، رنگ رنگ جگت نِبھائیندا۔ اج دیون آیا اپنی چرن دھوُڑ، پِچھلا دُکھ سرب مِٹائیندا۔ کایا چولی چاڑھ کے جائے رنگ گوُڑھ، دوُجی وار اُتر کدے نہ جائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، غریِب نِمانے گلے لگائیندا۔ غریِب نِمانیاں دیوے سُکھ، دُکھ درد رہن نہ پائیا۔ مُنہ دے بھار ڈِگے پَین اُٹھ، نام سہارا اِک رکھائیا۔ جِس دا گھر ٹھگّاں چوراں لیا لُٹ، اُجڑیا کھیڑا دئے وسائیا۔ لگائے بھاگ پوترا پُت، پوُت سپوُت ہوئے سہائیا۔ تیری ویکھے آن رُت، ہرِ سنگت سنگ رکھائیا۔ سیوا کرے ابناشی اچُت، تیرا پرشاد گُرسِکھاں دئے ورتائیا۔ جوتی جوت سروُپ ہرِ، آپ اپنی کِرپا کر، پیِر پیِراں دئے سمجھائیا۔ پیِر پیِراں سمجھاوَن آیا، پیِراں پیری ہوئی دوُر۔ تیرا پندھ مُکاوَن آیا، توڑے ناتا جگت غروُر۔ تیرا پھند تُڑاوَن آیا، وڈ داتا سوُرن سوُر۔ تیری جھوُٹھی کندھ ڈھاہون آیا، تیرا اپنی ہتھّیں کٹّے جوُڑ۔ بھاگاں مندے پِھر اُٹھاوَن آیا، بھاگ لِکھے اپنے ہتّھ حضوُر۔ جوتی جوت سروُپ ہرِ، آپ اپنی کِرپا کر، چھپر چھنّ رکھ کے جائے اپنا نوُر۔ چھپر چھنّ سوہیا بنک، بنک دواری آپ سُہایا۔ غریِب نِمانا لایا کنٹھ، آپ اپنی گود بہایا۔ تیرا دوارا دھام بَیکُنٹھ، بےکُنٹھ نِواسی ویکھن آیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سند اپنی ہتھّیں دئے لِکھایا۔ لِکھ سند کرے تصدیِق، ساچی مُہر نام لگائیا۔ لاثانی مِلیا لاشریِک، حق حقوق جنائیا۔ سدا وسے تیرے نزدیِک، نانا روُپ آپ پرگٹائیا۔ بُھل نہ جانا جگت پریِت، سچ پریِتی اِک سمجھائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، بِردھ بال اپنے رنگ وکھائیا۔

ہرِ سَتگُر ایکا لدھّا، نؤ کھنڈ پرِتھمی پھول پُھلائیا۔ تن من جِس اپنے چرن بدھّا، تِس صاحِب وڈی وڈیائیا۔ پار کران جھوُٹھی حدا، گھر اپنا بوُجھ بُجھائیا۔ جھوُٹھی مایا وِچوں کڈھا، ایکا مارگ دئے وکھائیا۔ لوک مات مار جھات گھر گھر دیون آیا صدّا، سیوک ساچی سیو کمائیا۔ جوتی جوت سروُپ ہرِ، آپ اپنی کِرپا کر، ایکا ایک اپنی کل دھرائیا۔ ہرِ سَتگُر پایا سرب گُنونت، نِرگُن داتا بےپرواہ۔ جِس جن بنائی بنت، سو دیوے سچ صلاح۔ سُہاگ ہنڈھاؤنا ایکا کنت، پُرکھ ابناشی ویکھ وکھا۔ رسنا گاؤنا ایکا چھنت، سوہنگ شبد رہیا پڑھا۔ جوتی جوت سروُپ ہرِ، آپ اپنی کِرپا کر، ہرِجن ہوئے آپ سہا۔ سدا سہائی سِری بھگوانا، ہر گھٹ اپنا کھیل کِھلائیندا۔ بھگت وچھل گُن نِدھانا، جُگا جُگنتر ویس وٹائیندا۔ ہرِجن ہرِ ہرِ ہری دوار کر پروانہ، آپ اپنا میل مِلائیندا ۔ آون جاون پتت پاوَن چُکائے کانا، مہاراج شیر سِنگھ وِشنوُں بھگوان، اپنا بانا آپ دھرائیندا۔

سَتگُر ساچی دینی بِھکھ، گُرسِکھ نِردھن منگ منگائیا۔ اپنی ہتھّیں لیکھا دینا لِکھ، لِکھیا لیکھ نہ کوئے مِٹائیا۔ سُتیاں تاردا آؤندا گُرسِکھ، گُرمُکھاں دیویں مان وڈیائیا۔ میَں نِمانی اندر بھری وِس، وِکھ امرت دئے بنائیا۔ تیرا درس پایا جِس، سو کاگ ہنس روُپ وٹائیا۔ جوتی جوت سروُپ ہرِ، آپ اپنی کِرپا کر، ایکا بخش سچّی سرنائیا۔ گُرسِکھ مانگے ایکا وست، اتوٹ اتُٹ ہرِ ورتائیا۔ دیونہار دست بدست، دستبردار کرے سرب لوکائیا۔ نام خُماری دیوے مست، المست سچّا شہنشاہیِا۔ جوتی جوت سروُپ ہرِ، آپ اپنی کِرپا کر، دیِنن داتا اِک اکھوائیا۔ دیِنن دیوے نام سُنیہڑا، سخا سِکھاں آپ ورتائیندا۔ چرن چرنودک اِک آدھارا، سانتک سیِتل سَت سَت کرائیندا۔ ہرِ سنگت مِلیا ایکا وارا، منگت منگ پوُر کرائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، مان نِمانیاں آپ ہو آئیندا۔

ہرِ بھگتن جُگ جُگ تاردا، تارنہارا اِک بھگوان۔ پھڑ پھڑ باہوں پار اُتاردا، لیکھا جانے دو جہان۔ نِرگُن سرگُن پَیج سواردا، جُگا جُگنتر ہو مِہربان۔ گڑھ توڑ جھوُٹھ ہنکار دا، سچ سُچ دیوے اِک نِشان۔ جوتی جوت سروُپ ہرِ، آپ اپنی کِرپا کر، شبد جنائے دُھر فرمان۔ جُگ جُگ بھگتن اُپایا، پرم پُرکھ بےپرواہ۔ نِرگُن جوت کر رُشنایا، سَت سروُپ دئے وکھا۔ اپنا پردہ آپ اُٹھایا، اپنا بھیوَ دئے چُکا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ویس وٹایا۔ جُگ جُگ ویس اولّڑا، ہرِ کرتا آپ کرائیندا۔ سَتجُگ تریتا دواپر جن بھگتاں پھڑاؤندا آیا پلڑا، نِروَیر اپنا کھیل کِھلائیندا۔ کلجُگ انتم سچ سِنگھاسن پُرکھ ابناشی ایکا ملڑا، سوبھاوَنت سوبھا پائیندا۔ سچ سندیش نر نریش سو پُرکھ نِرنجن ہنگ برہم ایکا گھلڑا، سوہنگ شبد ناؤں دھرائیندا۔ لکھّ چؤراسی کرے اچھل اچھلڑا، ول چھلدھاری اپنا کھیل کِھلائیندا۔ جوتی جوت سروُپ ہرِ، آپ اپنی جوت دھر، جوتی جاتا پُرکھ بِدھاتا، ہرِجن اپنے رنگ رنگائیندا۔ جوتی جاتا پُرکھ بِدھاتا پاربرہم، پت پرمیشور وڈی وڈیائیا۔ لیکھا جانے الکھ اگوچر اگمّ، بےپرواہ بھیوَ نہ رائیا۔ ہرِجن چڑھائے ساچے چنّ، لوک مات کر رُشنائیا۔ آد اَنت بیڑا دیوے بنّھ، بنّھنہار سہج سُکھدائیا۔ جننی ویکھے ساچا جن، دائی دایا روُپ دھرائیا۔ آپ بہائے ترےَگُن اگن، اگنی تت آپ مِٹائیا۔ جوتی جوت وکھائے مگھن، محو اپنے رنگ سمائیا۔ ہرِ سرنائی جو جن لگّن، لاگت لاگت روُپ وٹائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے سمجھائیا۔ ہرِ سمجھایا آتم رام، اَنترگت جنائیندا۔ لیکھا جانے ایکا شام، گھٹ بنسری نام وجائیندا۔ پیِر پَیغمبر سچ کلام، ہرِ اِمام آپ سُنائیندا۔ نانک جنایا ستنام، نام سَت آپ پڑھائیندا۔ گوبِند کھیڑا وسیا گرام، بنک دوارا آپ سُہائیندا۔ کلجُگ میٹے اندھیری شام، شاہ پاتشاہ ویس وٹائیندا۔ جن بھگتاں دیوے ایکا جام، امرت آتم آپ پیائیندا۔ انتم پوُرا کر کے جائے کام، کام کامن سرب گوائیندا۔ نوَ نؤ چار ایکا کرے پیِن کھان، ایکا رسنا رس وکھائیندا۔ مانَس مانُکھ ایکا پہنن تن ہنڈان، ایکا بستر آپ سجائیندا۔ ایکا منگل مِل مِل سارے گان، ایکا وِدیا آپ پڑھائیندا۔ ایکا ملِے ساچا کاہن، ایکا کوَل نَین مٹکائیندا۔ ایکا سُرت سمبھالے آن، موُرت اکال کھیل کِھلائیندا۔ جوتی جوت سروُپ ہرِ، آپ اپنی جوت دھر، آد جُگاد سِری بھگوان، ہرِجن ہرِ در دیوے مان، ابِھمان روُپ نہ کوئے دھرائیندا۔

امرت بھریا نام بھنڈارا، بھر بھر پیالہ جام پیائیا۔ نِرگُن سرگُن بنیا آپ ورتارا، چار ورن رہیا ورتائیا۔ ایکا رنگ رنگے سرب سنسارا، کسُمبڑا رنگ دئے مِٹائیا۔ ایکا در کھولے دوارا، در دربار اِک وکھائیا۔ ایکا روُپ نظری آئے ہرِ نِرنکارا، نِرنکار بےپرواہیِا۔ ایکا شبد ناد جَیکارا، کلمہ نبی اِک پڑھائیا۔ جوتی جوت سروُپ ہرِ، آپ اپنی کِرپا کر، سچ بھنڈارا آپ وکھائیا۔ سچ بھنڈار وڈ بھنڈاری، آد اَنت ورتائیندا۔ جُگا جُگنتر بن سنساری، سنسار کھیل کِھلائیندا۔ نِرگُن سرگُن بنیا رہیا بِوہاری، اپنا وِہار آپ چلائیندا۔ قُدرت کرتا کرے کاری، قُدرت قادر ویکھ وکھائیندا۔ خالق خلق کر پنہاری، مخلوُق سیو لگائیندا۔ ہرِجن ہرِ ہرِ دیوے نام سچّی سِکداری، ساچے تخت بہائیندا۔ میل مِلائے ایکا واری، ایکنکارا انگ لگائیندا۔ سَتگُر چرن جن سد بلہاری، بلہاری گُر چرن درشن پائیندا۔ ہؤں گھولی ہؤں جاواں واری، وار اپنا آپ وکھائیندا۔ جن بھگتاں پَیج رہیا سواری، جُگ جُگ پَیج رکھائیندا۔ مہاراج شیر سِنگھ وِشنوُں بھگوان، سرب جیِاں اِک آدھاری، بھنڈاری اپنا بھنڈارا آپ ورتائیندا۔

۱۲ جیٹھ ۲۰۱۸ بِکرمی کتھا سِنگھ جیِون سِنگھ دے گھر پِنڈ موئل جموُں

سو پُرکھ نِرنجن سرب گُنونت، آد جُگاد وڈی وڈیائیا۔ ہرِ پُرکھ نِرنجن مہما اگنت، الکھ الکھنا لکھیا نہ جائیا۔ ایکنکارا سوبھاوَنت، در گھر ساچے سوبھا پائیا۔ آد نِرنجن نوُر نوُرانہ ساچا کنت، جوتی جوت جوت رُشنائیا۔ ابناشی کرتا بنائے اپنی بنت، ساچا گھاڑن لئے گھڑائیا۔ سِری بھگوان آپے گائے اپنا منت، نِش اکھّر آپ پرگٹائیا۔ پاربرہم پت پرمیشور لیکھا جانے آد اَنت، اَنت آد کھیل کِھلائیا۔ جوتی جوت سروُپ ہرِ، آپ اپنی کِرپا کر، نِرگُن روُپ آپ پرگٹائیا۔ نِرگن روُپ ہرِ نِرنکارا، اجوُنی رہِت آپ دھرائیندا۔ اپنی اِچھیا بھر بھنڈارا، ساچی بِھچھیا پوُر کرائیندا۔ اپنا کھول آپ دوارا، سچکھنڈ ساچا ناؤں دھرائیندا۔ نِرمل دیِا کر اُجیارا، نوُر نوُرانہ ڈگمگائیندا۔ شاہو بھوُپ بن سِکدارا، ساچے تخت سوبھا پائیندا۔ حُکمی حُکم کر ورتارا، دُھر فرمانا آپ جنائیندا۔ شبد انادی سُت دُلارا، پوُت سپوُتا ایکا جائیندا۔ کرے کھیل اگمّ اپارا، جوتی جوت سروُپ ہرِ، آپ اپنی جوت دھر، اپنا روُپ آپ پرگٹائیندا۔ اپنا روُپ آپے دھر، ہرِ ہرِ آپے ویکھ

وکھائیا۔ آپے پُرکھ ناری نر، نر نرائن وڈی وڈیائیا۔ آپے وسے اپنے گھر، سچکھنڈ دوارا سوبھا پائیا۔ آپے گھاڑن لئے گھڑ، گھر گھر وِچ لئے پرگٹائیا۔ لیکھا جانے تِھر در، در دروازہ آپ کُھلائیا۔ جوتی جوت سروُپ ہرِ، آپ اپنی کِرپا کر، سچکھنڈ نِواسا جوت پرکاشا تِھر گھر ویکھے پُرکھ ابناشا، اپنا شبد اپنا روُپ دھرائیا۔ ہرِ کا روُپ سدا ابناش، آد اَنت کھیل کِھلائیندا۔ تِھر گھر ساچے کر پرکاش، نوُرو نوُر نوُر پرگٹائیندا۔ نِرگُن اندر نِرگُن کر کر واس، نِرگُن اپنی کل دھرائیندا۔ جوتی جوت سروُپ ہرِ، آپ اپنی کِرپا کر، در گھر ساچا آپ سُہائیندا۔ در گھر ساچا تِھر دربارا، ایکنکار آپ سُہائیا۔ شبدی شبد سُت دُلارا، پوُت سپوُتا اِک اُٹھائیا۔ ایکا حُکم دُھر فرمانا، دُھردرگاہی آپ جنائیا۔ لوآں پُریاں برہمنڈاں کھنڈاں بھیوَ کُھلائے ایکا وارا، روَ سس نوُر چمکائیا۔ جوتی جاتا ہو اُجیارا، نِرگُن سرگُن میٹے دھاڑا، وِشن برہما شِو کر پسارا، ترےَگُن میلا سہج سُبھائیا۔ ایکا حُکم اِک ورتارا، ایکا کرتا کرنیہارا، ایکا قُدرت ویکھے اگمّ اپارا، قادر اپنی کھیل کِھلائیا۔ ایکا وسَت نام سچ ستارا، ایکا ونڈے سچ بھنڈارا، ایکا دیونہار سنسارا، وڈ سنساری اِک اکھوائیا۔ ایکا جل تھل مہیئل پاوے سارا، ایکا گگن منڈل ہوئے اُجیارا، ایکا زِمیں اسمان لائے اکھاڑا، نٹوُآ اپنا سوانگ ورتائیا۔ ایکا لکھّ چؤراسی گھاڑن گھڑے بن ٹھٹھیارا، ایکا پنج تت میلا کرے ایکا دوارا، ایکا من مت بُدھ دئے سہارا، ایکا جوُنی جوُن اُپائیا۔ ایکا ونڈن ونڈ ونڈے گِردھارا، اُتبُھج سیتج جیرج انڈ روُپ کرے پسارا، اِیش جیِو روُپ دھرائیا۔ ایکا برہم ہوئے آدھارا، پاربرہم کرے کھیل اپنی وارا، نوُر ظہوُر آپ دھرائیا۔ ایکا شبد ناد دُھنکارا، ایکا گاوے گاونہارا، سچکھنڈ بَیٹھا ساچا ماہیِا۔ تِھر گھر کھولے بند کِواڑا، پوَن پوَنی دئے سہارا، گھٹ گھٹ اپنا روُپ دھرائیا۔ لیکھا جانے لِکھنہارا، وِشن برہما شِو سیوادارا، در سیوک سیوا سچ سمجھائیا۔ آد پُرکھ ہو اُجیارا، لوآں پُریاں برہمنڈاں کھنڈاں جیرج انڈاں کر پسارا، ترےَبھوَن اپنا روُپ وٹائیا۔ جوتی جوت سروُپ ہرِ، آپ اپنی کِرپا کر، نِرگُن داتا بےپرواہ، اپنی کار آپ کمائیا۔ لکھّ چؤراسی دُکان کِریا، کِرتم اپنی کھیل کِھلائیندا۔ وِشن برہما شِو آپے پھڑیا، حُکمی حُکم آپ سُنائیندا۔ گھٹ گھٹ اندر آپے وڑیا، نِرگُن سرگُن میل مِلائیندا۔ جوتی جاتا پُرکھ بِدھاتا ناؤں رکھائے نرائن نریا، نر ہرِ اپنا بل جنائیندا۔ آد جُگاد جُگا جُگنتر پُرکھ ابناشی اپنا اکھّر آپے پڑھیا، برہما ویتا آپ پڑھائیندا۔ جوتی جوت سروُپ ہرِ، آپ اپنی جوت دھر، آد جُگادی ایکا ہرِ، سچکھنڈ دوارا کھول در، دروازہ آپ

سُہائیندا۔ در دروازہ ہرِ ہرِ کھول، لکھّ چؤراسی دئے جنائیا۔ گھٹ گھٹ اندر آپے بول، اپنی بوُجھ بُجھائیا۔ ایکا کنڈا تولے تول، تولنہارا سچّا شہنشاہیِا۔ آد جُگاد رہے اڈول، تِھر گھر اپنا آسن لائیا۔ ایکا وست رکھے کول، جیِواں جنتاں آپ ورتائیا۔ بھاگ لگائے اُپر دھرنی دھرت دھوَل، دھوُلا اپنا بھار اُٹھائیا۔ لکھّ چؤراسی بخشے امرت آتم کوَل، نابھی کوَل آپ ٹپکائیا۔ برہم روُپ ہو ہو رہیا مؤل، پاربرہم پتّ ڈالی اپنا آپ مہکائیا۔ جوتی جوت سروُپ ہرِ، آپ اپنی کِرپا کر، لکھّ چؤراسی گھاڑن گھڑ، وِشن برہما شِو ایکا تت جنائیا۔ ایکا تت ہرِ گیان، ہرِ ہرِ اپنا آپ جنائیندا۔ ایکا روُپ سِری بھگوان، روُپ رنگ آپ وکھائیندا۔ ایکا مندر سچ مکان، سچکھنڈ دوارے سوبھا پائیندا۔ ایکا ویکھے مار دھیان، دو جہاناں ویکھ وکھائیندا۔ وِشن برہما شِو سُنن ساچے کان، پُرکھ ابناشی راگ الائیندا۔ لکھّ چؤراسی کر پردھان، لوک مات ناچ نچائیندا۔ جُگا جُگنتر کھیل کرے مہان، جُگ چؤکڑی ونڈ ونڈائیندا۔ سَتجُگ تریتا دواپر کلجُگ دیوے دان، جیِا دان جھولی پائیندا۔ کرے کھیل ہرِ مہان، بھیوَ ابھیدا آپ چُھپائیندا۔ نؤ سؤ چرانوے چؤکڑی جُگ دیوے دُھر فرمان، گُر اوتار مات پرگٹائیندا۔ بھگت بھگوَنت مِلائے آن، نِرگُن سرگُن ویکھ وکھائیندا۔ سنت ساجن لئے پچھان، دُئی دوَیتی پردہ لائیندا۔ گُرمُکھاں بخشے چرن دھیان، چرن چرنودک مُکھ چوائیندا۔ گُرسِکھ نیتر لوچن درشن پیکھے آن، نِج نیتر آپ کُھلائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر جُگ کرتا ویس وٹائیندا۔ جُگ جُگ ویس وٹایا، الکھ اگوچر اگمّ اپار۔ گُر گُر اپنا ناؤں دھرایا، شبدی نام بول جَیکار۔ جیِواں جنتاں مارگ لایا، ایکا مارگ ایکنکار۔ کھتری براہمن شوُدر وَیش آپ سمجھایا، آتم برہم کر اُجیار۔ پاربرہم ہر گھٹ ویکھ وکھایا، ڈوُنگھی کوَری پاوے سار۔ جوتی جوت سروُپ ہرِ، آپ اپنی کِرپا کر، کرے کھیل سچّی سرکار۔ جُگ جُگ کھیل کِھلایا، سَتجُگ تریتا دواپر اُترے پار۔ کلجُگ انتم ویکھ وکھایا، اِک اِکلّا ایکنکار۔ جوتی جامہ روُپ دھرایا، نِہکلنک سچّی سرکار۔ کوٹن کوٹی جیِو ویکھ وکھایا، آپ اپنی کِرپا دھار۔ گُرمُکھ ساچے لئے جگایا، آلس نِندرا جگت نِوار۔ جوتی جوت سروُپ ہرِ، آپ اپنی کِرپا کر، ایکا بخشے چرن پیار۔ چرن پیار جگت جُگ جیؤن، جُگ داتا آپ سمجھائیا۔ گُرمُکھ نام نِدھان پیاؤن، امیوں رس اپنا آپ چکھائیا۔ بلہاری بلہار گُر تھیؤن، تھان تھننتر دئے وڈیائیا۔ ساچا بیِج کایا بیؤن، پتّ ڈالی آپ مہکائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے سمجھائیا۔

ہرِجن ہرِ ہرِ آپ جنایا، جاگرت جوت جگا۔ کایا مندر ویکھ وکھایا، نؤ در کھوج کُھجا۔ مایا ممتا موہ مِٹایا، ہؤمے ہنگتا گڑھ تُڑا۔ در در منگتا لیکھے پایا، ایکا وست دئے ورتا۔ ساچی سنگت میل مِلایا، سگلا سنگ آپ رکھا۔ جوتی جوت سروُپ ہرِ، آپ اپنی کِرپا کر، آتم برہم دئے دِڑرا۔ آتم برہم کایا مندر، ہرِ ساچا سچ جنائیا۔ مِٹے اندھیرا ڈوُنگھی کَندر، اگیان اندھیر گوائیا۔ بجر کپاٹی توڑے جندر، دُئی دوَیتی پردہ دئے اُٹھائیا۔ منوُآ من بنّھے بندر، دہ دِش نہ اُٹھ اُٹھ دھائیا۔ کرے پرکاش اندھیرے کھنڈر، جوتی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، ہرِجن ساچے دئے وڈیائیا۔ ہرِجن اندر جوت پرکاش، نوُرو نوُر نوُر دھرائیندا۔ میل مِلاوا پُرکھ ابناش، پُرکھ ابناشی میل مِلائیندا۔ لیکھا جانے سرب گُنتاس، گُنونتا گُن وکھائیندا۔ جنم جنم دی پوُری کرے آس، جِس جن اپنے رنگ رنگائیندا۔ آون جاون کرے بند خلاص، جم کی پھاسی پھند کٹائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ مِلائیندا۔ جم کی پھاسی توڑے پھند، سَتگُر پوُرے ہتّھ وڈیائیا۔ نام ڈوری دیوے بنّھ، بنّھنہار بےپرواہیِا۔ ایکا راگ سُنائے کنّ، شبدی ناد وجائیا۔ بھرم بُھلیکھا کڈھے جنّ، جِس سِر اپنا ہتّھ ٹِکائیا۔ کرے پرکاش کایا تن، اندھ اندھیر رہن نہ پائیا۔ بھانڈا بھرم بھؤ دیوے بھنّ، ساکھیات روُپ وٹائیا۔ دِس نہ آئے جیِو انّھ، نیتر دِب نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے جگائیا۔ جاگرت جوت جگائے جگدیِشر، اِیش جیِو اُٹھایا۔ لیکھا جانے بھگت تپیِشر، تپو بن نہ کوئے تپایا۔ میل مِلایا ہرِ رکھیِشر، ریکھ لِکھی دئے مِٹائیا۔ جوتی جوت سروُپ ہرِ، آپ اپنی کِرپا کر، ساچا منتر نام دِرڑایا۔ ساچا منتر نام جن ایک، دوُسر اوَر نہ کوئے وڈیائیا۔ آد جُگاد کرے بُدھ بِبیک، جِس جن اپنی بوُجھ بُجھائیا۔ ترےَگُن مایا نہ لائے سیک، اگنی تت نہ کوئے جلائیا۔ جوُٹھ جھوُٹھ نہ کرے بھیکھ، سچ سُچ وجےّ ودھائیا۔ نِج گھر بَیٹھا رہیا ویکھ، نِج آتم تاڑی لائیا۔ آد جُگاد رہے ہمیش، سَتگُر پوُرا سو اکھوائیا۔ مُچھ داہڑی نہ رکھے کیس، سیِس جگدیِش نہ موُنڈ مُنڈائیا۔ آتم برہم دئے آدیس، پاربرہم سچّی جنائیا۔ جوتی جوت سروُپ ہرِ، آپ اپنی کِرپا کر، ہری جن ہرِ ہرِ لئے سمجھائیا۔ ہری ہرِ ہرِ ہرِ پیکھنا، پیکھت دیِن دَیال۔ نِج آتم اندر ویکھنا، کایا بَیٹھا سچّی دھرمسال۔ دیوے نام شبد سندیشنا، انحد وجائے تال۔ جوتی جوت ہو پرویشنا، جلوہ نوُر دئے جمال۔ جوتی جوت سروُپ ہرِ، آپ اپنی کِرپا کر، جُگ جُگ ہرِجن ساچے لئے بھال۔

جُگ جُگ ہرِجن بھالدا، نِرگُن سرگُن ویکھ وِچار۔ لیکھا جانے شاہ کنگال دا، اوُچ نیِچ دئے آدھار۔ چارے ورناں سُرت سمبھالدا، کھتری براہمن شوُدر وَیش کرے پیار۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِرگُن نِرگُن لئے اوتار۔ نِرگُن گُر نِرگُن اوتارا، شاہ پاتشاہ نِرگُن اکھوائیا۔ نِرگُن شاہ نِرگُن سِکدارا، نِرگُن شہنشاہ وڈی وڈیائیا۔ نِرگُن بھگت سَت بھنڈارا، نِرگُن سنت ساجن لئے مِلائیا۔ نِرگُن گُرمُکھ کرے اُجیارا، نِرگُن گُرسِکھ لئے ترائیا۔ نِرگُن لیکھا جانے اپنی وارا، تِھت وار نہ کوئے وکھائیا۔ نِرگُن بھیوَ نہ پائے وید چارا، پُران اٹھاراں رہے جس گائیا۔ جوتی جوت سروُپ ہرِ، آپ اپنی کِرپا کر، اپنا بھیوَ وڈ دیوی دیوَ، نِرگُن سرگُن سرگُن نِرگُن بھگت بھگوَنت دئے جنائیا۔ بھگت بھگوَنت سدا ابھید، بھیوَ نہ کوئے رکھائیا۔ شاستر سِمرت وید پُران لِکھ لِکھ تھکے لیکھ، لیکھا لیکھ نہ پوُر کرائیا۔ کلجُگ انتم نر ہرِ نرائن ہرِجن ساچے لئے ویکھ، روُپ انوُپ آپ دھرائیا۔ میل مِلاوا دس دشمیش، در گھر ساچے وجےّ ودھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر ہرِجن ساچا سنگ نِبھائیا۔

بارش ہوئے نہ مِٹے پیاس، کروڑ چھیانویں رہیا کُرلائیا۔ میگھ میگھلا داسی داس، بَیٹھے سیِس جھُکائیا۔ راہ تکے پرِتھمی آکاش، نیتر نَین اُٹھائیا۔ جِس جن اندر سَتگُر پوُرا کرے واس، تِس ترِشنا جگت رہن نہ پائیا۔ جوتی جوت سروُپ ہرِ، آپ اپنی کِرپا کر، ساچا میگھ دئے سمجھائیا۔ ساچا میگھ امرت دھار، گُر سَتگُر آپ برسائیندا۔ جِس جن کِرپا کرے اپار، جگت ترِشنا بُھکھ مِٹائیندا۔ مِنٹ سکِنٹ نہ کرے وِچار، گھنٹے پہر نہ کوئے رکھائیندا۔ چھِن بھنگر جائے تار، جِس اپنا درس وکھائیندا۔ اجّ مینہہ ورسے جے موُسلا دھار، گھنٹے دو گھنٹے اندر باہر پِنڈ وِچوں آپ کڈھائیندا۔ سُکی دھرتی رووے پھیر زارو زار، جگت تپش نہ کوئے بُجھائیندا۔ اُتے ہیٹھے کوُڑے کُڑیار، ساچا دھرم نہ کوئے کمائیندا۔ ناری نر ہویا وِبھچار، کام کرودھ لوبھ موہ ہنکار سرب ستائیندا۔ جوتی جوت سروُپ ہرِ، آپ اپنی کِرپا کر، جگت ترِشنا ترِشنا وِچ بھرائیندا۔ لگّی اگّ کایا تن، میگھ مینہہ نہ سکے بُجھائیا۔ سَتگُر پوُرا جِس درس دیوے اُپر شاہ رگ، تِس ترِشنا ترِپت کرائیا۔ جوتی جوت سروُپ ہرِ، آپ اپنی کِرپا کر، میگھ میگھ آپ برسائیا۔ میگھ برسائے میگھ ناتھ، میگھن روُپ وٹایا۔ لکھ لکھ گھلے جگت پات،

اپنا لِکھیا نہ کوئے وکھایا۔ کایا اندر اندھیری رات، ساچا چند نہ کوئے چڑھایا۔ پٹّی پڑھی نہ کِسے جماعت، حرف الف نظر نہ آیا۔ نُقطہ نوُن نہ مِلی سوغات، حمزہ ہوَس نہ کوئے مِٹایا۔ جو جن اندر ویکھے مار جھات، ہرِ مندر سَتگُر ایکا میگھ رہیا برسایا۔ کلجُگ اگنی بُجھے آگ، دوُجی تپش نہ کوئے جنایا۔ جوتی جوت سروُپ ہرِ، آپ اپنی کِرپا کر، موئل ایکا رنگ رنگائیندا۔ موئل ہوئے سانتک سَت، جو جن آئے سرنائیا۔ جِس میل مِلائے کملاپت، تِس اَنتر میگھ برسائیا۔ تِس اُبلے بہتّر ناڑ نہ رت، رتی رت نہ کوئے سُکائیا۔ چاروں کُنٹ ویکھے کالی گھٹ، جگت اندھیرا شاہیِا۔ جوتی جوت سروُپ ہرِ، آپ اپنی کِرپا کر، گھنگھور بادل رہیا وکھائیا۔ گھنگھور بادل پائے شور، انحد سیوا نال کمائیا۔ گُرمُکھ آتم ناچے مور، پنکھی پنکھڑیاں آپ رکھائیا۔ پوَن ٹھنڈی پائے زور، اُننجا پوَن آپ ہِلائیا۔ جوتی جوت سروُپ ہرِ، آپ اپنی کِرپا کر، ساچا میگھ گُرسِکھ کایا اندر آپ برسائیا۔ امرت میگھ برسے سانتک سَت، بوُندا باندی آپ لگائیا۔ جِس جن دیوے دھیِرج جت، سو جن ساچا بوُجھ بُجھائیا۔ جوتی جوت سروُپ ہرِ، آپ اپنی کِرپا کر، کلجُگ اگنی کلجُگ رہیا جلائیا۔ کلجُگ اپنا تپے انگیار، ترےَگُن تپایا۔ پنج تت بنا بھٹھیال، جوتی لنبوُ ایکا لایا۔ نوَ نؤ چار ہویا بےحال، راج راجان رہیا کُرلایا۔ جِس جن اُپر ہوئے آپ مِہربان، تِس جن ساچا میگھ دئے برسایا۔ جل میِن کرے پروان، میِن جل ہوئے سہایا۔ جوتی جوت سروُپ ہرِ، آپ اپنی کِرپا کر، امرت میگھ دیوے برس، گُرسِکھاں ہِردے اندر وس، جگت تپش رہن نہ پایا۔