۱۹ جیٹھ ۲۰۱۸ بِکرمی ہرنام سِنگھ دے گرِہ چڑھدا گراں جموُں
سو پُرکھ نِرنجن شاہ سُلطانا، سچکھنڈ دوارے سوبھا پائیندا۔ تخت نِواسی ہرِ بھگوانا، انبھوَ اپنی کھیل کِھلائیندا۔ جوتی نوُر نوُر مہانا، جلوہ نوُر ڈگمگائیندا۔ لیکھا جانے دو جہانا، روُپ انوُپ آپ دھرائیندا۔ نام جنائے دُھر فرمانا، شبد اگمّی ناد وجائیندا۔ مقامے حق اِک ٹِکانا، پروردِگار ڈیرہ لائیندا۔ لاشریِک سچ نِشانہ، واحِد اپنا ناؤں رکھائیندا۔ رام روُپ ہو پردھانا، ساچا حُکم آپ جنائیندا۔ جوتی جوت سروُپ ہرِ، آپ اپنی جوت دھر، آد پُرکھ ایکا ہرِ، اپنا ویس آپ دھرائیندا۔ آد پُرکھ اِک اِکلّا، درگاہ ساچی سوبھا پائیا۔ وسنہارا دھام اُچ اٹل محلہ، سچ محلہ آپ اُپائیا۔ آپے جلوہ نوُر اِلاہی گھلا، عالمیِن آپ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ کرے کھیل بےپرواہ، پاربرہم وڈی وڈیائیا۔ سچ محلہ دئے وسا، نوُر نوُرانہ حق خُدائیا۔ ایکا حُکم دئے سُنا، شاہ پاتشاہ سچّا شہنشاہیِا۔ اِک صدا دئے لگا، صابر اپنا روُپ وٹائیا۔ جوتی جوت سروُپ ہرِ، آپ اپنی کِرپا کر، در گھر ساچے وسے ساچا ماہیِا۔ در گھر ساچا ہرِ سُہائیندا، اِک اِکلّا آسن لا۔ جلوہ نوُر اپنا آپ ڈگمگائیندا، نوُر اِلاہی اِک خُدا۔ دوُسر اوَر نہ سنگ رکھائیندا، نہ کوئی ناتا جوڑ جُڑا۔ جُگ جُگ اپنا ویس وٹائیندا، نِرگُن سرگُن روُپ دھرا۔ رام رحیِم رحمان آپ اکھوائیندا، اُلفت جانے دو جہاں۔ جوتی جوت سروُپ ہرِ، آپ اپنی کِرپا کر، پُرکھ اکال ایکا ہرِ ایکا وسے ساچے تھاں۔ ساچا دھام سچ ٹِکانا، ہرِ ساچا سچ بنائیا۔ جُگا جُگنتر ہو مِہربانا، لوک مات ویس وٹائیا۔ پنج تت دیوے اِک گیانا، ایکا رام نام کرے پڑھائیا۔ ایکا برہم کرے پردھانا، آتم جوت جوت کر رُشنائیا۔ ایکا راگ اِک ترانہ، ایکا ناد دئے وجائیا۔ ایکا مندر اِک مکانا، ایکا گھر دئے وکھائیا۔ ایکا ٹھاکر ابناشی شاہ سُلطانا، ساچے تخت سوبھا پائیا۔ ایکا رام اِک بھگوانا، جوتی جوت سروُپ ہرِ، آپ اپنی کِرپا کر، جُگ جُگ اپنا ویس وٹائیا۔ جُگ جُگ ویس ہرِ وٹندڑا، پاربرہم کرتار۔ جُگ چؤکڑی ویکھ وکھندڑا، سَتجُگ تریتا ہو اُجیار۔ لنکا گڑھ آپ تُڑندڑا، راون مارے دُشٹ ہنکار۔ غریِب نِمانے گل لگندڑا، سمرتھ پُرکھ کر پیار۔ کاغد قلم بھیوَ لِکھندڑا، لِکھ لِکھ تھکے وید چار۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، جُگ جُگ پاوے ساچی سار۔ جُگ جُگ سار سمالدا، نِرگُن سرگُن ہو اُجیار۔ سَتجُگ تریتا پار اُتاردا، دواپر کھیل کرے نِرنکار۔ کاہنا کرِشنا کرے
کھیل اگمّ اپار دا، سولاں کل ہو اُجیار۔ سولاں شنگار سچّی سرکار دا، مُکٹ بَین میِت مُرار۔ ہوئے سکھائی سدا مِتر غریِب نِمانے تاردا، بِدر سُداما دئے آدھار۔ پنجم میلا ایکا دُھر دربار دا، لیکھا جانے لِکھنہار۔ بھگت بھگوَنت اِک پچھاندا، ایکا دیوے برہم گیان۔ ایکا اکھّر گُن نِدھان دا، اٹھاراں دھیائے گیِتا گُن دئے وکھان۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، جُگ جُگ کھیلے کھیل سِری بھگوان۔ سَتجُگ تریتا دواپر پار کرایا، تِھر کوئے رہن نہ پائیا۔ راما کرِشنا روُپ دھرایا، وِشن برہما شِو میل مِلائیا۔ نارد میِتا ایکا رنگ رنگایا، ایکا رنگن دئے چڑھائیا۔ وید ویاسا بھیوَ کُھلایا، پُران اٹھاراں ہرِ جس گائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ کلجُگ کھیل ہرِ اولّا، نِراکار آپ کرائیندا۔ عیسیٰ موُسیٰ پھڑائے پلّا، ساچا دامن ہتّھ رکھائیندا۔ کلمہ اِمام ایکا گھلا، سچ سندیش آپ سُنائیندا۔ اپنا روُپ پرگٹائے نوُر اِلاہی االلہ، بِسمِل اپنی کھیل کِھلائیندا۔ حق حقیِقت سچ مُصلّا، شرع شریِعت آپ بنائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر روُپ انوُپ آپ دھرائیندا۔ اِلاہی نوُر نوُر االلہ پروردِگار، در گھر ساچا آپ سُہائیندا۔ مقامے حق کھیل اپار، کھیلنہارا دِس نہ آئیندا۔ االلہ ہوُ اَنا ہوُ بول جَیکار، ہوُ ہوُ اپنا رنگ وکھائیندا۔ جوتی جوت سروُپ ہرِ، آپ اپنی کِرپا کر، بے عیب خُدائی پروردِگار، وسنہارا ٹھانڈے دربار، سچ دربار آپ سُہائیندا۔ سچ دربارا خالق خلق، ایکا ایک وکھائیندا۔ لیکھا جانے اپنے فلک، اپنا پردہ آپ اُٹھائیندا۔ زِمیں اسمانا بنائے بنت، اپنا گھاڑن آپ گھڑائیندا۔ آپے جانے اپنی اُمت، نبی رسوُل آپ اکھوائیندا۔ جوتی جوت سروُپ ہرِ، آپ اپنی کِرپا کر، اپنا ویس آپ وٹائیندا۔ ویس اولّا سچ محلہ، شاہ سُلطان آپ کرائیا۔ محمد نوُر آپے رلا، نوُرو نوُر ڈگمگائیا۔ سچ سندیش ایکا گھلا، جبرائیل میکائیل اسرافیِل عزرائیل سیو کمائیا۔ کلام اِلاہی پھڑایا پلّا، سچ حدیِث اِک سُنائیا۔ تیِس بتیِس آپے رلا، شرع شریِعت دئے وڈیائیا۔ جوتی جوت سروُپ ہرِ، آپ اپنی کِرپا کر، ہرِ احباب اِک رباب رہیا وجائیا۔ اِک رباب اِک ستار، نِرگُن تار تار ہِلائیندا۔ اِمام اِماماں ہو اُجیار، نوُر نوُر نوُر درسائیندا۔ مُلّا شیخ مسائق پیِر دستگیِر آپے کرے خبردار، سچ سندیشہ آپ سُنائیندا۔ حق بحق پاوے سار، حُکم اپنا آپ ورتائیندا۔ جوتی جوت سروُپ ہرِ، آپ اپنی کِرپا کر، اِک محمد دیوے ور، ساچا میلا آپ مِلائیندا۔ سچ محمد سچ وِہارا، خُداوند کریِم آپ کرائیا۔ چؤداں طبق تیرا ہُلارا، چؤدس چؤداں چند
چڑھائیا۔ چؤداں صد تیرا جَیکارا، لوک مات ملِے وڈیائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر پیِر پَیغمبر سیوا لائیا۔ پیِر پَیغمبر سیوادار، خالق خلق ویکھ وکھائیندا۔ رحمت کرے آپ رحمان، رازق رحیِم ناؤں دھرائیندا۔ کلمہ کلام کر تیار، کاتب اپنا لیکھ لِکھائیندا۔ قُدرت ویکھے اپنی وار، ویس اولّا رانی االلہ روُپ انوُپ دھرائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، جُگ جُگ اپنا ناؤں پرگٹائیندا۔ جُگ جُگ ناؤں رکھندڑا، بے عیب پروردِگار۔ نانک جوتی جوت جگندڑا، ایکا ناد سُنائے سچّی دُھنکار۔ ایکا منتر نام رکھندڑا، چار کُنٹ جےَ جَیکار۔ ہِندوُ مُسلم ایکا رنگ رنگندڑا، اوُچ نیِچ نہ کوئے وِچار۔ تٹ تیِرتھ ویکھ وکھندڑا، گنگا گوداوری جمنا سُرستی پاوے سار۔ مکّہ مدیِنہ چرن چُھہندڑا، گل تسبیح اپر اپار۔ نیِلا چولا آپ رگندڑا، سیلی ٹوپی کر وِچار۔ اُلفت خُدا خود اپنی آپ رکھندڑا، آپے ہوئے رکھنہار۔ بندہ بندگی اِک سِکھندڑا، جوتی جوت سروُپ ہرِ، آپ اپنی کِرپا کر، کرے کھیل آپ نِرنکار۔ نِرنکار ہرِ کھیل کِھلایا، نانک نِرگُن دِیا کما۔ سَت نام منتر اِک جنایا، کھتری براہمن شوُدر وَیش دئے سُنا۔ ہِندوُ مُسلم ایکا رنگ رنگایا، دُئی دوَیت نہ کوئے جنا۔ ہر گھٹ اندر ہرِ جوُ آسن لایا، کوئی آکھے رام کوئی کہے خُدا۔ نِرگُن پُرکھ اکال ایکا پایا، پنج تت نانک رہیا سمجھا۔ ایکا جوت دس دس روُپ دھرایا، گوبِند لیکھا دئے لِکھا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہ۔ گوبِند لیکھا اپر اپارا، اوُچ نیِچ دئے وڈیائیا۔ ویکھ وکھائے سنگ محمد چار یارا، نبی رسوُل نال مِلائیا۔ چؤداں طبقاں کھول کِواڑا، چؤداں ہٹّ دئے جنائیا۔ کلجُگ انتم ہووے اندھ اندھیارا، چاروں کُنٹ اندھیرا چھائیا۔ ناتا تُٹے میِت مُرارا، ساک سجّن نہ کوئے اکھوائیا۔ ورن برن روون زارو زارا، اُچی کوُکن دین دُہائیا۔ جوتی جوت سروُپ ہرِ، آپ اپنی کِرپا کر، اپنا ویس آپ وٹائیا۔ کلجُگ انتم کوُک پُکار، چار کُنٹ کُرلایا۔ ہِندوُ سِکھ عیسائی مُسلم روون زارو زار، دھیِرج دھیِر نہ کوئے دھرایا۔ کِسے نظر نہ آیا سانجھا یار، پاکی پاک اِک خُدایا۔ ایکا رام کرے پیار، ہر گھٹ بَیٹھا آسن لایا۔ ایکا کرِشنا دئے آدھار، مُکند منوہر لکھمی نرائن سیِس تاج جگدیِش سُہایا۔ ایکا نانک کرے پیار، گھٹ گھٹ منتر نام دِرڑایا۔ ایکا گوبِند بولے فتح جَیکار، ساچا ڈنکا نام وجایا۔ پُرکھ اکال سرِشٹ سبائی کرے پیار، ذات پات نہ کوئے رکھایا۔ دیِن مذہب ویکھے اِسلام، نوُر اِلاہی سچ کلام کلمہ اپنا آپ جنایا۔ جوتی جوت سروُپ ہرِ، آپ اپنی کِرپا کر، جُگ جُگ اپنا
کھیل کِھلایا۔ جُگ جُگ کھیل کِھلائیندا، اِک اِکلّا بےپرواہ۔ حق حقیِقت ویکھ وکھائیندا، لاشریِک اِک خُدا۔ شِرکت وِچ کدے نہ آئیندا، غفلت وِچ سکے نہ کوئے بُھلا۔ مُرشد مُریِد اپنے رنگ رنگائیندا، ایکا معرفت دئے سمجھا۔ بھگت بھگوَنت آپ اُٹھائیندا، رام راما میل مِلا۔ کاہنا کرِشنا سنگ رکھائیندا، جگت وِچھوڑا پھند کٹا۔ نانک جوتی جوت جگائیندا، جاتا اپنا رنگ وکھا۔ گوبِند ڈنکا اِک وجائیندا، موُرکھ مُگدھاں رہیا سمجھا۔ پُرکھ اکال پاربرہم پت پرمیشور سرب جیِاں دا اِکو داتا، ایکا جلوہ نوُر ہرِ خُدا۔ ایکو داتا دیونہارا، گھٹ گھٹ جیِاں رِزق سبائیا۔ جُگا جُگنتر لےَ اوتارا، گُر پیِر اوتار آپ اکھوائیا۔ سَتجُگ تریتا دواپر کریا پارا، کلجُگ انتم ویس وٹائیا۔ لیکھا جانے سنگ محمد چار یارا، عیسیٰ موُسیٰ کالا سوُسا مُکھ نِقاب تن ویکھے بستر شاہیِا۔ کرے کھیل ہرِ بے تاب پھڑ پیالہ حیاتِ آب، آبِ حیات اپنے ہتّھ رکھائیا۔ کایا ویکھے مکّہ کعب، ساچا حُجرہ آپ سُہائیا۔ اُچ محرابے دئے آواز، ساچی بانگ آپ سُنائیا۔ اِک سدا وجائے ناد، نِیوں نِیوں سجدہ آپ جھُکائیا۔ سچ مُصلّا میٹے واد وِواد، دھرت دھوَل آپ ٹِکائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، چؤداں چؤداں پھول پھولائیا۔ چؤداں لوک چؤداں طبق، چؤدس چؤداں پھول پھولائیندا۔ چؤداں سلوک چؤداں سبق، چؤداں وِدیا آپ پڑھائیندا۔ چؤداں موکھ چؤداں ہرکھ چؤداں سوگ، چؤداں چِنتا دُکھ مِٹائیندا۔ چؤدس چؤداں دیوے جھوک، دُھر فرمانا حُکم سُنائیندا۔ نام خُدائی قِلعہ کوٹ، چار دیوار نہ کوئے بنائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، انتم اپنا ویس دھرائیندا۔ کلجُگ انتم ویس اولّڑا، سو پُرکھ نِرنجن آپ کرائیا۔ کرے کھیل اِک اِکلّڑا، عقل کل وڈی وڈیائیا۔ لکھّ چؤراسی سچ سندیش ایکا گھلڑا، بُھل کوئے نہ جائیا۔ جگت اندھیر ایکا جھُلڑا، راج راجان شاہ سُلطان بَیٹھے پت گوائیا۔ جوتی جوت سروُپ ہرِ، آپ اپنی کِرپا کر، دُھر سندیشہ نر نریشا ایکا ایک جنائیا۔ دُھر سندیشہ انتم کل، کل کاتی آپ جنائیندا۔ اُچے مندر خاک جائن رل، خاکی خاک سرب وکھائیندا۔ بِن ہرِ نامے دِسے نہ کوئے پھل، پتّ ڈالی نظر نہ کوئے وکھائیندا۔ جوُٹھا جھوُٹھا بوُٹا جانا ہُل، سِنمل پھل نہ کوئے لگائیندا۔ مایا ممتے تیرا کوئے نہ پَینا مُل، رائے دھرم ڈنّ لگائیندا۔ پُرکھ ابناشی آپ بنائی ساچی کُل، ہرِجن ساچے میل مِلائیندا۔ جوتی جوت سروُپ ہرِ، آپ اپنی کِرپا کر، کل انتم ویکھ وکھائیندا۔ کلجُگ ویلا انتم آیا، حق محمد لئے انگڑائیا۔ چار یار لئے بُلایا، ایکا متا پکائیا۔ اِلاہی نوُر االلہ رانی زور وکھایا،
جوروُ زر لئے پرگٹائیا۔ جگت اڈمبر دئے دُہایا، سچ پَیغمبر ویکھ وکھائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ کِھلائیا۔ سچ پَیغمبر ویکھن آیا، خالق خلق مخلوُقات۔ لکھّ چؤراسی بندھن توڑن آیا، ویلے انتم ایکا وار کرے مُلاقات۔ مستک ٹِکاّ چندن لاون آیا، ناتا توڑ ذات پات۔ کھتری براہمن شوُدر وَیش ہِندوُ مُسلم سِکھ عیسائی ایکا رنگ رنگایا، ایکا کلمہ دیوے اَنت نجات ۔ غُربت سب دی دئے مِٹایا، ویلے اَنت کرے وفات۔ ساچی صحبت دئے سُنایا، سرِشٹ سبائی اِک جماعت۔ ایکا رام سچ خُدایا، ایکا سچّی ذات۔ ایکا طالب طُلبا لئے پڑھایا، ایکا قلم اِک دوات۔ ایکا کاغذ لیکھ لِکھایا، ایکا ویکھنہارا مار جھات۔ ایکا ثابت صوُرت لئے پرگٹایا، جوتی جوت سروُپ ہرِ، آپ اپنی کِرپا کر، کرے کھیل ہرِ کملاپات۔ ایکا صوُرت صِفت صالاح، نظر کِسے نہ آئیا۔ بےپرواہ بنیا آپ ملاح، کلجُگ بیڑا آپ چلائیا۔ گڑھ ہنکاری دیوے ڈھاہ، ہؤمے ہنگتا روگ مِٹائیا۔ ایکا وِدیا دئے پڑھا، چار ورن بھَیناں بھائیا۔ ساچی سنگت لئے مِلا، راؤ رنک نہ کوئے وڈیائیا۔ خالق خلق ویکھے آپ خُدا، خُدی تکّبر میٹ مِٹائیا۔ مُریِد مُرشد نہ ہوئن کدے جُدا، فِطرت ایکا رنگ سمائیا۔ جوتی جوت سروُپ ہرِ، آپ اپنی کِرپا کر، کلجُگ انتم اپنا لیکھا دئے چُکائیا۔ کلجُگ انتم لیکھ چُکاؤنا، دھرتی دھوَل دئے وڈیائیا۔ وید ویاسا لِکھیا پوُر کراؤنا، لیکھا لیکھ رہے نہ رائیا۔ عیسیٰ راہ اِک تکاؤنا، صدی بیِسویں دئے دُہائیا۔ محمد نعرہ پوُر کراؤنا، اَناالحق حق اِک جنائیا۔ چؤداں طبقاں پندھ مُکاؤنا، صدی چؤدھویں نال مِلائیا۔ چار کُنٹ ویکھ وکھاؤنا، اُتّر پوُرب پچھّم دکھّن اپنا پھیرا پائیا۔ نوَ نؤ کھیل کِھلاؤنا، چار چار دئے وڈیائیا۔ جوتی جوت سروُپ ہرِ، آپ اپنی کِرپا کر، اپنا لیکھا اپنے ہتّھ رکھائیا۔ لِکھیا لیکھ وید ویاس، کلجُگ انتم آئیندا۔ نِہکلنک کرے جوت پرکاش، جوتی نوُر ڈگمگائیندا۔ ایکا عیسیٰ لِکھیا خطاب، مُخاطب ہور نہ کوئے کرائیندا ۔ ایکا محمد بُجھائے پیاس، اِمام مینہدی روُپ دھرائیندا۔ احمد ہوئے آپے داس، آپ اپنا پردہ لاہِندا۔ آپے نانک لیکھا جانے شاہو شاباش، مہابلی اپنا روُپ وٹائیندا۔ آپے گوبِند جوت کرے پرکاش، جوتی جاتا میل مِلائیندا۔ آپے سمبل نگری رکھے واس، سچ سِنگھاسن آپ سُہائیندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِرگُن نوُر نوُر الاہ آپے بنے جگت ملاح، انتم بیڑا آپ چلائیندا۔ کلجُگ بیڑا اَنت چلاؤنا، چار ورن رہیا سمجھائیا۔ مُرشد مُریِد لیکھے لاؤنا، بھگت بھگوَنت لئے مِلائیا۔ ساچے سنتاں در بہاؤنا، سچکھنڈ دوارا اِک بنائیا۔ گُرمُکھ ساچے
انگ لگاؤنا، آپ اپنی گود اُٹھائیا۔ گُرسِکھ ساچے چرن بہاؤنا، چرن کوَل سچّی سرنائیا۔ مُلّا شیخ رنگ چڑھاؤنا، کایا تسبیح من کا منکا آپ بھوائیا۔ مسائق اپنا کھیل کِھلاؤنا، ساچا چند کر رُشنائیا۔ اُمت ایکا آیت پڑھاؤنا، اِک شریِعت دئے وکھائیا۔ سب دا پِتا خُدا بناؤنا، عیسیٰ موُسیٰ دئے گواہیِا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کوُڑا کپّڑ دیوے لاہیِا۔ کوُڑا کپّڑ دینا پاڑ، جوُٹھ جھوُٹھ رہن نہ پایا۔ کلجُگ اگنی تپے نہ ہاڑ، ہاڑ ستاراں دِوس سُہایا۔ چاروں کُنٹ ویکھ وکھائے جنگل جوُہ اُجاڑ پہاڑ، اُچے ٹِلّے پربت سمُند ساگر پھول پھولایا۔ لکھّ چؤراسی جیِو جنت ٹوہے ناڑ ناڑ، ناڑ بہتّر پھول پھولایا۔ کرے کھیل پروردِگار، پاربرہم بےپرواہیِا۔ نِندک دُشٹ مارے دُراچار، ہنکاری گڑھ دئے تُڑایا۔ چار کُنٹ جیِو جنت روون زارو زار، نیتر نَیناں نیِر وہایا۔ حق نہ کریا کِسے پیار، سچ پَیغمبر دِس کِسے نہ آیا۔ رام نہ مِلیا رام دربار، کرِشن کاہن سنگ نہ کوئے رکھایا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، اپنا روُپ لئے دھرایا۔ اپنا روُپ دھرائے سوُرا سربنگ، رام راما آپ اکھوائیا۔ اپنا وجائے سچ مردنگ، دو جہاناں آپ اُٹھائیا۔ نؤ کھنڈ پرِتھمی ویکھے بن ملنگ، گھر گھر اپنا پھیرا پائیا۔ کوَن ساجن سُتا اپنی آتم سیج پلنگ، کوَن گھر گھر دھکّے رہیا کھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، اِمام اِماماں آپ اکھوائیا۔ ہوئے اِمام اِمام مینہدی، مہما گنت گنی نہ جائیا۔ کرے کھیل دِشا لہندی، اپنا حِصّہ آپ ونڈائیا۔ اُمت نبی رسوُل رسنا کہندی، صدی چؤدھویں دئے دُہائیا۔ سرِشٹ سبائی اِک دوُجے دے نال کھہندی، نہ کوئی پلّا سکے چُھڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اِنجیِل قرآن ویکھ وکھائیا۔ اِنجیِل قرآنا ہرِ مِہربانا، بھیوَ ابھید جنائیندا۔ ایکا چؤکا ویکھ ترانہ، چؤکا ایکا مُکھ چُھپائیندا۔ ایکا مرد اِک مردانہ، مِہربان اِک اکھوائیندا۔ ایکا تسبیح ایکا گانا، ایکا واعظ اِک الائیندا۔ ایکا رام اِک بھگوانا، ایکا نِیوں نِیوں سیِس جھُکائیندا۔ ایکا نانک گوبِند دئے پروانہ، ایکا حُکمی حُکم سُنائیندا۔ سب دا داتا شاہ سُلطانا، پُرکھ ابناشی آپ اکھوائیندا۔ کلجُگ انتم پہریا بانا، ناؤں نِرنکارا آپ پرگٹائیندا۔ سوہنگ شبد ساچا گانا، آتم پرماتم میل مِلائیندا۔ جوتی جوت سروُپ ہرِ، آپ اپنی کِرپا کر، ساچا مارگ آپے لائیندا۔ ساچا مارگ آپ لگاؤنا، لوک مات وجےّ ودھائیا۔ سمت سمتی پندھ مُکاؤنا، ویلا وقت رہیا جنائیا۔ شمس تبریز بَیٹھا نہ کِسے پھیر تکاؤنا، کھلڑی کھلّ نہ کوئے لُہائیا۔ صِدق اِیمان
اِک جناؤنا، جنّت لوک مات دئے بنائیا۔ جوتی جوت سروُپ ہرِ، آپ اپنی کِرپا کر، جِس جن اپنا جلوہ دئے وکھائیا۔ ساچا جلوہ جلوہ جلال، نوُرو نوُر آپ درسائیندا۔ ترےَ کال درسی ترےَگُن مایا توڑ جنجال، ہرِجن ساچے میل مِلائیندا۔ نظری آئے دیِناں ناتھ گوپال، ناتھ اناتھاں دَیا کمائیندا۔ ناتا توڑے کال مہاکال، لکھّ چؤراسی گیڑ کٹائیندا۔ ہرِجن ساچے لئے بھال، پوُرب کرماں ویکھ وکھائیندا۔ پاربرہم پربھ بن دلال، سچ دلالی مات کمائیندا۔ ویکھنہارا حق حلال، حِکمت اوَر نہ کوئے جنائیندا۔ لہنا چُکائے شاہ کنگال، شاہ پاتشاہ اپنے بھانے سد رکھائیندا۔ ایکا وست دیوے دھن مال، نام خزانہ آپ لُٹائیندا۔ جوتی جوت سروُپ ہرِ، آپ اپنی کِرپا کر، ساچا کھولے ایکا در، در دروازہ غریِب نوازا ایکا ایک رکھائیندا۔ ایکا در اِک دروازہ، ایکا بَیٹھا آسن لائیا۔ ایکا غریِب اِک نوازا، ایکا نوازش رہیا وکھائیا۔ ایکا ایک جِس سازن سازا، ایکا خالق اِک خُدائیا۔ ایکا راجن ایکا راجا، ایکا شاہ پاتشاہ اپنا ناؤں دھرائیا۔ ایکا برہم سرب پرکاشا، پاربرہم کرے رُشنائیا۔ ایکا چلائے سچ جہازا، جُگ جُگ بیڑا اپنے ہتّھ ٹِکائیا۔ کلجُگ انتم رچیا کاجا، نؤ کھنڈ پرِتھمی ویکھے سرب لوکائیا۔ بھاگ لگایا دیس ماجھا، مہکھاسُر ویکھے اپنی تھائیا۔ وِشن برہما شِو نوازا، بُھل رہے نہ رائیا۔ کروڑ تیتیِسا دیوے داجا، سُرپت راجا اِند نال رلائیا۔ کرے کھیل شاہ نوابا، چرن گھوڑے دے رکابا، ایکا دُلدُل رہیا دؤڑائیا۔ -------------- نظر نہ آئے آفتابہ، چند چاندنی روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، کلجُگ اَنت دیوے کر، سَتجُگ ساچا مارگ لائیا۔ سَتجُگ ساچا مارگ دھرنا، دھرنی دئے وڈیائیا۔ چار ورن رنگ ایکا کرنا، ایکا روُپ درسائیا۔ نیتر کھولے ہرنا پھرنا، نِج نیتر دئے کُھلائیا۔ ایکا اکھّر سب نے پڑھنا، ایکا کرے پڑھائیا۔ ایکا مندر سب نے وڑنا، ایکا مسجد دئے وکھائیا۔ ایکا سجدہ سب نے کرنا، ایکا رام رہے منائیا۔ ایکا بھؤ سب نے ڈرنا، دوُسر بھےَ نہ کوئے جنائیا۔ ایکا پؤڑے سب نے چڑھنا، ساچا پؤڑا دئے وکھائیا۔ جوتی جوت سروُپ ہرِ، آپ اپنی کِرپا کر، ساچا مارگ آپ جنائیا۔ ساچا مارگ لاونا، خالق خلق روُپ کرتار۔ جوُٹھا جھوُٹھا پندھ مُکاونا، سچ سُچ کر اُجیار۔ مایا ممتا موہ چُکاونا، آتم اَنتر دئے ادھار۔ مُرشد مُریِد آپ مِلاونا، گُر گُر میلا سِکھ وِچ سنسار۔ ساچا چیلا آپ تراونا، جِس دیوے نام آدھار۔ گیا ویلا ہتّھ کِسے نہ آونا، راہ تکے سنگ محمد چار یار۔ االلہ رانی نَین اُٹھاونا، چاروں کُنٹ ویکھے سچ نُہار۔ میاں اپنا روُپ دھراونا، بے عیب پروردِگار۔ پِھر اِماماں اِمام آپ
اکھواونا، جوتی نوُر نوُر اُجیار۔ کلمہ کلام اِک سِکھاونا، ایکا بولے حق جَیکار۔ جوتی جوت سروُپ ہرِ، آپ اپنی کِرپا کر، ساچا مارگ دیوے دھر، سرِشٹ سبائی کر پیار۔ سرِشٹ سبائی سچ پیار، اِک اِکلّا آپ کرائیندا۔ نام مردنگ وجائے ستار، کوُک پُکار آپ سُنائیندا۔ سوُرج چند ستار کرے پرکاش، نوُر نوُرانہ ڈگمگائیندا۔ لیکھا جانے پرِتھمی آکاش، کائنات ویکھ وکھائیندا۔ آپ اپنے کرے تلاش، بن کھنڈ پھیری پائیندا ۔ اپنے مندر کرے واس، ساچا کعبہ آپ سُہائیندا۔ آبِ حیات بُجھائے پیاس، امرت جام آپ اُٹھائیندا۔ سرب جیِاں سد وسے پاس، وِچھڑ کدے نہ جائیندا۔ جو مِلن دی رکھے آس، اِشٹ دیوَ دیوَ اِشٹ آپ پرگٹائیندا۔ راما کرِشنا عیسیٰ موُسیٰ سنگ محمد کھیلے کھیل تماش، نانک گوبِند روُپ دھرائیندا۔ جوتی جوت سروُپ ہرِ، آپ اپنی کِرپا کر، آد جُگادی ایکا ہرِ، ہرِ سجّن میِت اپنا ناؤں دھرائیندا۔
۲۰ جیٹھ ۲۰۱۸ بِکرمی پارو دیوی دے گرِہ
اندر باہر گھر گرِہ ہڈّ ماس ناڑی کایا پِنجر ہوئے پوِت، پتت اُدھارن دَیا کمائیا۔ امرت آتم نِجھر رس کِرپا نِدھ ٹھاکر دیوے سِت، سِنچ ہریا بوُٹا آپ کرائیا۔ رُت بسنتی پُھل پُھلواڑی سوہے مہیِنہ چیت، پتّ ڈالی آپ مہکائیا۔ ناتا توڑ جِّن بھوُت پریت، شبد ہیت اِک جنائیا۔ دُکھ سُکھ آپے ویکھ، دُکھ سُکھ وِچ بدلائیا۔ سدا سدا سد رکھے چھایا ہیٹھ، سِر اپنا ہتّھ ٹِکائیا۔ اگنی اگّ نہ لگّے جیٹھ، ہاڑ تپش نہ کوئے تپائیا۔ لیکھا چُکائے پِچھلی ریکھ، اگلا لیکھ دئے بنائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، گھر مندر گرِہ کرے نام رُشنائیا۔
۲۰ جیٹھ ۲۰۱۸ بِکرمی کّتھا سِنگھ دے گرِہ چڑھدا گرام جموُں
سَتگُر کِرپا، اندھ وِناسے۔ سَتگُر کِرپا، جوت پرکاشے۔ سَتگُر کِرپا، بھرم بھؤ ناسے۔ سَتگُر کِرپا، ہوئے بند خلاصے۔ سَتگُر کِرپا، کٹے جم کی پھاسے۔ سَتگُر کِرپا، گُر سَتگُر چرن کوَل کرے نِواسے۔ سَتگُر کِرپا، دس دس ماس مات گربھ کدے نہ پھاسے۔ جوتی جوت سروُپ ہرِ، آپ اپنی کِرپا کر، کرے کھیل شاہو شاباسے۔ سَتگُر کِرپا، بھئے انند۔ سَتگُر کِرپا، مُکھ صالاحن بتّی دند۔ سَتگُر کِرپا، رسن تجائے مدرا ماس گند۔ سَتگُر کِرپا، ہرِجن گائے سُہاگی چھند۔ سَتگُر کِرپا، خوشی ہوئے بند بند۔ سَتگُر کِرپا، لیکھا چُکے جیرج انڈ۔ سَتگُر کِرپا، مانَس جیِون جگت چُکے پندھ۔ سَتگُر کِرپا، جوتی جوت سروُپ ہرِ، آپ اپنی کِرپا کر، ہرِجن سدا سدا بخشند۔ سَتگُر کِرپا کِرپانِدھ، ہرِجن دَیا کمائیندا۔ کرتا کارج کرے سِدھ، جُگت اپنے ہتّھ رکھائیندا۔ اپنے مِلن دی آپے بِدھ، جُگا جُگنتر آپ بنائیندا۔ گھر اُپجائے نؤ نِدھ، اٹھاراں سِدھ در پِھرائیندا۔ داتا دانی گُنی گہند، وست امولک نام انمُلّا جھولی پائیندا۔ ہرِجن بنائے ساچی بِند، پوُت سپوُتا ویکھ وکھائیندا۔ جوتی جوت سروُپ ہرِ، آپ اپنی کِرپا کر، سَتگُر سچّا ساچے مارگ آپے لائیندا۔ ساچا مارگ ہرِ نِرنکارا، ایکا ایک جنائیا۔ سَتگُر چرن جگت سہارا، بِن سَتگُر پار نہ کوئے کرائیا۔ لکھّ چؤراسی ڈوُنگھی منجھدھارا، ڈوُنگھی بھوَری پار نہ کوئے کرائیا۔ کلجُگ تیرا اَنت کنارہ، آپے ویکھے ویکھنہارا، پُرکھ اکال وڈی وڈیائیا۔ جِس جن دئے نام آدھارا، سوہنگ شبد سَت جَیکارا، آتم پرماتم میل مِلائیا۔ اِک وکھائے ہرِ مندر سچّا گُروُدوارا، کایا مندر اندر کُنڈا لاہیا۔ ٹھاکر سوامی ہوئے اُجیارا، پیِر پَیغمبر بےپرواہیِا۔ جِس جن دیوے آپ سہارا، سِر اپنا ہتّھ ٹِکائیا۔ مہاراج شیر سِنگھ وِشنوُں بھگوان، سرب جیِاں دا اِک داتارا، دیونہار اِک اکھوائیا۔
۲۰ جیٹھ ۲۰۱۸ بِکرمی منگا رام دے گرِہ
ڈوُنگھا ساگر کلجُگ بھوَر، کوُڑ کُڑیارا گھُمن گھیر رہیا وکھائیا۔ مانَس جنم نہ جائے سوَر، بِن سَتگُر نہ کوئے سہائیا۔ جگت ناتا مڑھی قبر، گور گھور رہیا وکھائیا۔ جوتی جوت سروُپ ہرِ، آپ اپنی کِرپا کر، ہرِجن اپنے آپ جگائیا۔ ہرِجن جاگ وقت سُہیلا، ہرِ سَتگُر
میل مِلایا۔ سمرتھ سُہایا ساچا ویلا، گھر سُہنجنا سوبھا پایا۔ کرے کھیل اِک اِکیلا، کل دھاری روُپ وٹایا۔ دُکھ دلِدر کٹے دھرم رائے دی جیلا، جیِون مکُت آپ وکھایا۔ مہاراج شیر سِنگھ وِشنوُں بھگوان، بوُند رَکت رَکت بوُند لیکھے لیکھا لَوے لگایا۔
۲۰ جیٹھ ۲۰۱۸ بِکرمی دیواں دیوی دے گرِہ
پلّوُ پھڑ پھڑائے دامن، دامنگیر ہرِ اکھوائیندا۔ پلّوُ پھڑ بنے ضامن، دو جہاناں ضامن آپ ہو جائیندا۔ پلّوُ پھڑ وکھائے گرامن، گھر اپنا آپ وکھائیندا۔ پلّوُ پھڑ مِٹائے شامن، سِر اپنا ہتّھ رکھائیندا۔ پلّوُ پھڑ مارے شبد نِشانن، تیِر نِشانہ اِک چلائیندا۔ پلّوُ پھڑ میٹے جگت شیَطانن، حُکمی حُکم آپ ورتائیندا۔ جوتی جوت سروُپ ہرِ، آپ اپنی کِرپا کر، ہرِجن اپنے رنگ رنگائیندا۔ پلّوُ پھڑایا پھڑیا پلّا، پلک اپنی آپ بدلائیا۔ جوتی دیِپ دیِپک جوت آپے بلا، گھر اپنے اپنی کر رُشنائیا۔ نام سندیش سچ سنیہُڑا ایکا گھلا، ایکا ایک کرے شنوائیا۔ گُرسِکھاں اندر آپے رلا، رل مِل اپنا جھٹ لنگھائیا۔ لوک مات خوش نہ ہوئے رہِ کے کلّا، پلّا پلّے نال بندھائیا۔ وسنہارا نِہچل دھام اٹلا، اٹل پدوی گُرمُکھاں رہیا دوائیا۔ مہاراج شیر سِنگھ وِشنوُں بھگوان، پاوے سار جلاں تھلاں، جل تھل ڈوُنگھر کنارہ گھاٹ سمُند ساگر ویکھ وکھائیا۔
۲۰ جیٹھ ۲۰۱۸ بِکرمی کیسر سِنگھ دے گرِہ پِنڈ جھماں جموُں
آد پُرکھ ہرِ کھیل اپارا، اپنا کھیل کِھلائیندا۔ سچکھنڈ تِھر گھر کھول کِواڑا، گگن منڈل آپ اُپائیندا۔ روَ سس کر پرکاش سوُرج چنّ ستارا، نوُرو نوُر نوُر دھرائیندا۔ وِشن برہما شِو کر پسارا، جوتی جوت جوت جگائیندا۔ اِچھیا بِھچھیا دیوے بھنڈارا، ساچی وست آپ ورتائیندا۔ ترےَ پنج سَت سہارا، ساچا رنگ چڑھائیندا۔ جل جل روُپ بِنب بِنب دھارا، بِمل آپ وہائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کِھلائیندا۔ جل بِنب جل جل دھار، جل جل روُپ آپ سمائیا۔ آکاش آکاش آکاش اُجیار، آکاش پرکاش آپ
دھرائیا۔ کرے کھیل اگمّ اپار، اگمّ اگمّڑی چال چلائیا۔ وِشن برہما شِو بن بِھکھار، بَیٹھے سیِس جھُکائیا۔ وِشن منگے ایکا وار، جھولی اَگے ڈاہیِا۔ ایکا دینا سَت ورتار، سَت سَتوادی دَیا کمائیا۔ برہما کرے گِریازار، پاربرہم تیری سچّی سرنائیا۔ ایکا وست دے آدھار، وست امولک ہتّھ پھڑائیا۔ جوتی جوت سروُپ ہرِ، آپ اپنی کِرپا کر، اپنی دَیا آپ کمائیا۔ وِشنوُں منگے منگ سچ بھنڈارا، سَت سَتوادی جھولی پائیندا۔ برہما منگے برہم پسارا، لکھّ چؤراسی رنگ رنگائیندا۔ شنکر منگے اِک اکھاڑا، لیکھا لیکھ سرب مُکائیندا۔ پُرکھ ابناشی ہویا خبردارا، دو جہاناں ویکھ وکھائیندا۔ اُپر جوت نوُر اُجیارا، جل دھارا چرناں ہیٹھ وکھائیندا۔ اَدھ وِچکار برہمنڈ پسارا، لوآں پُریاں گگن پاتال سوُرج چنّ آپ چڑھائیندا۔ وِشنوُں بھنڈار ملِے کوَن دوارا، کوَن وست رنگ رنگائیندا ۔ برہما لکھّ چؤراسی دیوے کوَن سہارا، کوَن سیج بنائیندا۔ جوتی جوت سروُپ ہرِ، آپ اپنی کِرپا کر، اپنی اِچھیا آپ پرگٹائیندا۔ اپنی اِچھیا ہرِ نِرنکارا، آپے آپ پرگٹائیا۔ اپنی چرن دھوُڑ لاہے چھارا، جل اُپر آپ ٹِکائیا۔ دھوَل دھرت ہوئی اُجیارا، اپنا روُپ لئے پرگٹائیا۔ چاروں کُنٹ کرے پسارا، بن بن تاروُ تاریاں لائیا۔ جوتی جوت سروُپ ہرِ، آپ اپنی کِرپا کر، دھرنی دئے آپ وڈیائیا۔ دھرنی رکھی اُپر جل، پُرکھ ابناشی دَیا کما۔ کریا کھیل سوُرے پربل، آپ اپنا رنگ رما۔ اپنا سُہایا نِہچل دھام اٹل، سچکھنڈ نِواسی سہج سُبھا۔ جوتی جوت سروُپ ہرِ، آپ اپنی کِرپا کر، جل دھرنی میلا دِتا مِلا۔ جل اُپر دھرنی پایا بھار، جل کوُکے دئے دُہائیا۔ پاربرہم میَں تیری انس تُوں پِتا میِت مُرار، میرا ہونا سدا سہائیا۔ میرا رس ٹھنڈا ٹھار، تیرا پریم میری دھار وہائیا۔ تیرے چرن کوَل کراں نِمسکار، تیری دھوُڑی اپنے وِچ سمائیا۔ میرا کر ہؤلا بھار، جوتی جوت سروُپ ہرِ، آپ اپنی کِرپا کر، ایکا بخش سچّی سرنائیا۔ ہؤلا کر بھار میرا، جل جل آکھ سُنایا۔ سدا سدا میرے من چاؤ گھنیرا، تیرے چرناں درشن پایا۔ میرا اُجڑدا جائے کھیڑا، ساچا گھر نہ کوئے وکھایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دوئے دوئے بَیٹھا منگ منگایا۔ پُرکھ ابناشی دَیا کما، ایکا گُن سمجھائیندا۔ برہما جھولی بَیٹھا ڈاہ، نِیوں نِیوں سیِس جھُکائیندا۔ لکھّ چؤراسی دھراں کیہڑے تھاں، کوَن گھر ٹِکائیندا۔ میَں کرنہارا سچ نیاں، سب دی آسا پوُر کرائیندا۔ تیری پھڑائی ایکا بانہہ، سگلا سنگ آپ نِبھائیندا۔ جوتی جوت سروُپ ہرِ، آپ اپنی کِرپا کر، ساچا گُن اِک جنائیندا۔ سُنیا گُن سِری بھگوان، جل جل دئے دُہائیا۔ تُوں داتا وڈ مِہربان، ساچے سچ تیری وڈیائیا۔
میَں منّاں تیری آن، نِیوں نِیوں سیِس جھُکائیا۔ تُوں دیِا مَینوُں دان، میَں اَگے جھولی ڈاہیِا۔ لکھّ چؤراسی تیری ہوئے پردھان، بِن میرے رہِ سکے نہ رائیا۔ جوتی جوت سروُپ ہرِ، آپ اپنی کِرپا کر، ایکا وست تیری تیرے اَگے منگ منگائیا۔ تیری وست منگاں نِرنکار، تُوں شاہ سُلطان اکھوائیندا۔ میَں سدا سدا رہیا ٹھنڈا ٹھار، میرا تت نہ کوئے بدلائیندا۔ دھرنی دھرت میرے اندر نہ واڑ، میرا گھر نہ سوبھا پائیندا۔ میرے دُکھ ہویا ناڑ ناڑ، سُکھ کوئے نظر نہ آئیندا۔ لکھّ چؤراسی اِس دے اُتے لائے اکھاڑ، لوک مات ناچ نچائیندا۔ تیرا چلے اُپر وِہار، لیکھا لیکھ نہ کوئے لِکھائیندا۔ جُگ چؤکڑی کرنی کار، ساچا بندھن اِک رکھائیندا۔ چار جُگ وجےّ تیری ستار، وِشن برہما شِو وجائیندا۔ چؤتھا جُگ چؤتھی وار، چؤتھا حِصّہ ایکا ایک سمجھائیندا۔ جوتی جوت سروُپ ہرِ، آپ اپنی کِرپا کر، بِن تُدھ اوَر کوئے نہ پار لنگھائیندا۔ کِرپا کر گُن نِدھان، میَں آیا چل دوار۔ میری مِنت کر پروان، میَں رو رو کراں پُکار۔ تیرا لیکھا دو جہان، صاحِب سچّی سرکار۔ چؤتھا حِصّہ ونڈ دھرنی دے اِک مکان، تِنّ حِصّے دِسے میرا پروان، جوتی جوت سروُپ ہرِ، آپ اپنی کِرپا کر، میرے اُتے پردہ نہ کوئے ڈار۔ دھرنی پردہ میرے اُتے نہ رکھ، میَں نِت اُٹھ تیرا درشن پائیا۔ میَں اپنا آپ کراں وکھّ، اپنی وکھّری دھار چلائیا۔ تُوں کرنا میرا پکھّ، ہونا آن سہائیا۔ میرے اندر بھرنا اپنا رس، پریم رس اِک سمجھائیا۔ میَں اُڈ اُڈ تیرے دوارے آواں نس، تیری سیِتل دھار اپنے سیِس پوائیا۔ تُوں مِلنا اَگوں ہسّ ہسّ، میری آسا پوُر کرائیا۔ میرا دوارا جائے نہ کھس، در دروازہ دے کُھلائیا۔ میَں کر کے آیا ہٹّھ، خالی ہتّھ مُڑ نہ جائیا۔ جوتی جوت سروُپ ہرِ، آپ اپنی کِرپا کر، ایکا وست میری جھولی پائیا۔ پُرکھ ابناشی دیِن دَیالا، اپنی دَیا کمائیندا۔ جل جل دیوے راہ سُکھالا، مارگ اِک وکھائیندا۔ تیرا روُپ رکھاں نِرالا، دھرتی وِچ نہ کدے مِلائیندا۔ تیرا توڑاں آپ جنجالا، جنجال ہور نہ کوئے پائیندا۔ جوتی جوت سروُپ ہرِ، آپ اپنی کِرپا کر، اپنا رنگ آپ رنگائیندا۔ اپنا رنگ رنگے کرتار، ایکا گُن دئے سمجھائیا۔ تُوں آؤنا چل دوار، چرن کوَل سچّی سرنائیا۔ تُوں اُٹھیں بنّھ بنّھ دھار، تیری دھار دیاں وڈیائیا۔ جوتی جوت سروُپ ہرِ، آپ اپنی کِرپا کر، ساچا ور دیوے جھولی پائیا۔ ساچا ور جھولی پایا، گھر اپنے خوشی منائیندا۔ اپنا حِصّہ لیا ونڈایا، لُٹ کوئے نہ جائیندا۔ اپنا زور رہیا دھرایا، اپنا بل پرگٹائیندا۔ پربھ مِلن دی آس رکھایا، اُپر نَین اُٹھائیندا۔ چار جُگ دا گیڑا ویکھ وکھایا، جُگ جُگ بندھن لاہِندا۔ پاربرہم تیرا راہ موہے اِک بھایا، دوُسر مارگ
نہ کوئے جنائیندا۔ جوتی جوت سروُپ ہرِ، آپ اپنی کِرپا کر، وست امولک آپ ورتائیندا۔ جل جل پایا ہرِ گھر بار، دھرنی اپنی لئے انگڑائیا۔ میَں کِیوں سُتی پَیر پسار، خالی ہتّھ دئے دُہائیا۔ نظر نہ آئے کوئی کنت بھتار، نار دُہاگن نَین شرمائیا۔ جِس کیِتا میرا پسار، سو ماہی نظر کِتے نہ آئیا۔ جِس دھوُڑی لاہی چھار، جل اُپر دِتا ٹِکائیا۔ تِس ویکھاں نَین اُٹھال، نظر آوے ساچا ماہیِا۔ کر کِرپا مَینوُں اپنے دھام دئے بٹھال، پھیر سکے نہ کوئے اُٹھائیا۔ میرا وِنگا نہ ہوئے وال، کُھلی مینڈھی نہ ویکھ وکھائیا۔ لکھّ چؤراسی میری گودی دئے بہال، میَں ساچی سیو کمائیا۔ میَں لیکھا جاناں شاہ کنگال، شاہ پاتشاہ میرے نال مِلائیا۔ میَں تن تن پاواں اپنا جال، ترےَگُن اپنے سنگ نِبھائیا۔ میَں دھوُڑی بن بن اُڈاں مار اُچھال، پوَن پوَناں وِچ سمائیا۔ کراں درس دیِن دَیال، ساچے تخت بَیٹھا سچّا شہنشاہیِا۔ جا جا دسّاں اپنا حال، سچ سندیشہ آپ سُنائیا۔ میری پریِتی نِبھ جائے میرے ماہی نال، وِچھوڑا سہہ نہ سکاں رائیا۔ نِت نِت گھالاں تیری گھال، گھالن ایکا وار دے سمجھائیا۔ جُگ جُگ ویکھاں تیری چال، جوتی جوت سروُپ ہرِ، آپ اپنی کِرپا کر، ایکا دینا ساچا ور، در بَیٹھی سیِس جھُکائیا۔ پُرکھ ابناشی سچ جنایا، ایکا حُکم سُنائیندا۔ تیرا حِصّہ تیری جھولی پایا، ایکا چؤکا موُل چُکائیندا۔ اپنے مِلن دی بِدھ وکھایا، ایکا گُن رکھائیندا۔ تیرا تت اپنے تت نال تپایا، تتَو تت آپ جلائیندا۔ تیری رت اپنی رت رنگ رنگایا، رنگ رتڑا آپ اکھوائیندا۔ تیری گود چار کھانی دئے بہایا، لیکھا لِکھت نہ کوئے جنائیندا۔ تیرا جیٹھا پُت ایکا لئے پرگٹایا، پربت اپنا روُپ ٹِکائیندا۔ تیری کُکھوں باہر کڈھایا، اپنا راہ جنائیندا۔ ودھ ودھ اَگے قدم رکھایا، دو جہاناں پیَنڈا آپ مُکائیندا۔ جوتی جوت سروُپ ہرِ، آپ اپنی کِرپا کر، دھرنی دِتا ایکا ور، ایکا گُن رکھائیندا۔ جل سُنیا دھرتی منگی منگ، پربھ چرن منگی سرنائیا۔ پُرکھ ابناشی مانی سیج اِک پلنگ، وست امولک اِک ورتائیا۔ اپنا چاڑھیا ساچا رنگ، اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، اچرج کھیل بنائیا۔ دھرنی خاک اندر اُتپت کرے پربت، اُچی چوٹی آپ بنائیا۔ اپنی بدلے آپے کروٹ، دوُسر بھیس نہ کِسے جنائیا۔ اپنے وِچوں کر کے آپا پرگٹ، اپنی گودی لئے بہائیا۔ جوتی جوت سروُپ ہرِ، آپ اپنی کِرپا کر، اُچی چوٹی رہیا چڑھائیا۔ دھرنی سُت سُت دُلارا، پربھ مِلن دی آس رکھائیا۔ اُچا ٹِلّا پربت منارا، اُٹھ اُٹھ اپنا پندھ مُکائیا۔ کوَن ویلا ملِے میل ہرِ نِرنکارا، گھر ساچے وجےّ ودھائیا۔ ہرِ کا بھیوَ نہ کِسے وِچارا، پُرکھ ابناشی کھیل
کِھلائیا۔ جل جل دھرے اپنا بل اپارا، بل اپنا آپ رکھائیا۔ حِصّے تِنّ ونڈ آئی میری میَں تیرے نالوں وساں نیارا، تیرے وِچ چُھپ کدے نہ جائیا۔ میَں تیرے پربت تن آپے پاڑاں، چیِر چیِر اپنا چیِر پوائیا۔ اُچی چوٹی چڑھ کے تیرے وِچوں پُکاراں، میَں پہلوں مِلنا ساچے ماہیِا۔ جوتی جوت سروُپ ہرِ، آپ اپنی کِرپا کر، دوہاں مارگ ایکا لائیا۔ پربت کہے میَں اُپر چڑھنا، اپنا بل آپ رکھائیندا۔ جل کہے میَں تیرے نالوں پہلاں وڑنا، اپنا زور لگائیندا۔ پُرکھ ابناشی دوہاں وِچولا بن کے کھیل اپنا کرنا، اُپر دوہاں اپنا پردہ پائیندا۔ جوتی جوت سروُپ ہرِ، آپ اپنی کِرپا کر، دھرنی اندر جل جل دھرنی وِچ رکھائیندا۔ جل دھرنی لا لا زور، اپنا پندھ رہے مُکائیا۔ اَگے دِسے اندھ گھور، جگت سمیروُ دئے دُہائیا۔ کَیلاش پربت اپنی چھڈ کے بَیٹھا ڈور، گُڈی ہور نہ کوئے چڑھائیا۔ جل جل پا پا بَیٹھا اپنا شور، اُچے ٹِلّے اپنی دھار وہائیا۔ انتم ہوئے کمزور، ہرِ کا اَنت کوئے نہ پائیا۔ دوویں نِیوں نِیوں منگن ناتا تُٹا مور تور، بِن تُدھ کوئے نہ کرے ساڈی رسائیا۔ پُرکھ ابناشی چڑھکے آیا گھوڑ، اپنا چرن دئے چُھہائیا۔ جل دھارا دھرتی ول دیوے روہڑ، اُپروں نیِچے آپ وہائیا۔ پاتھر پاہن نال دیوے تور، اِک دوُجے دا میل مِلائیا۔ اُچی پاؤندے آون شور، لکھّ چؤراسی جیِو جنت سمجھائیا۔ اُتے دِسے اندھیرا گھور، چوٹی چڑھن کوئے نہ پائیا۔ کِسے نہ چلے کوئی زور، طاقت بل نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دوہاں واگ آپ بھوائیا۔ دوہاں واگاں آپے موڑ، لوک مات راہ چلائیندا۔ اِک دوُجے نال جوڑیا جوڑ، بِرہوں وِچھوڑا آپ کٹائیندا۔ اِک دوُجے دی سدا لوڑ، سگلا سنگ نِبھائیندا۔ جوتی جوت سروُپ ہرِ، آپ اپنی کِرپا کر، جل جل روُپ آپ سمائیندا۔ جل جل روُپ ندیاں نالے، نیر نیر برسایا۔ اُچے ٹِلّے پربت ویکھے کالے، ایکا بندھن بندھ بندھایا۔ آپ چلائی اولّڑی چالے، بھیوَ کِسے نہ آیا۔ آد جُگاد کرے پرِتپالے، پرِتپالک ناؤں دھرایا۔ جوتی جوت سروُپ ہرِ، آپ اپنی کِرپا کر، دوہاں ایکا تت وکھایا۔ دوہاں ویکھیا ایکا رنگ، گھر ساچے خوشی منائیا۔ پربت پانی منگن منگ، پربھ اَگے جھولی ڈاہیِا۔ جُگ چؤکڑی ساڈا بنیا رہے سنگ، مِل مِل تیرا رہے جس گائیا۔ کوَن ویلا ہوئے بخشند، پِھر درشن دیویں سچّے ماہیِا۔ ساڈا چلدیاں چلدیاں مکُے نہ پندھ، کوٹن کوٹ کال وِہائیا۔ جوتی جوت سروُپ ہرِ، آپ اپنی کِرپا کر، ایکا در دئے سمجھائیا۔ پاہن پتّھر کرے پُکار، پربھ اَگے سیِس جھُکایا۔ تُدھ بِن کوئے نہ پائے میری سار، میَں موُرکھ کمّ کِسے نہ آیا۔ جے کوئی میرے اُپر چلے میَں ٹھوکر دیواں مار، ساچا سنگ نہ کوئے
رکھایا۔ جے کوئی چُکے میرا بھار، مُنہ دے بھار دیاں سُٹایا۔ جے کوئی کرے میرا پیار، خالی ہتّھ دیاں وکھایا۔ نہ کِچھ اندر نہ کِچھ باہر، نہ کوئی سنگ رکھایا۔ ایکا بخش چرن پریِتی بخشنہار، تُدھ بِن اوَر نہ کوئے سہایا۔ پُرکھ ابناشی کِرپا دھار، ساچا ور ایکا جھولی پایا۔ سُن کالے پتّھر کالے رنگ، تیرا تیرے اُپر دَیا کمائیا۔ تیرے تن پہنائے ایکا ونگ، نظر کِسے نہ آئیا۔ تیرا روُپ اپنے لائے انگ، انگیکار آپ ہو جائیا۔ جوتی جوت سروُپ ہرِ، آپ اپنی کِرپا کر، ایکا دیوے مان وڈیائیا۔ دیوے وڈیائی ساچا ہرِ، سِر اپنا ہتّھ رکھائیندا۔ پتّھر پاہن پوُجن گھر گھر، ٹھاکر ٹھاکر روُپ وٹائیندا۔ ہتّھ مُنہ نک تیرا لَین گھڑ، بُھجاں لِنگ نال رلائیندا۔ مانَس اَگے لَین دھر، سِل پوُجس پوُج پُجائیندا۔ مستک ٹِکاّ لال دین دھر، لال لالا رنگ چڑھائیندا۔ تُوں کولوں میریوں منگیا ور، تیرا مان مان رکھائیندا۔ جوتی جوت سروُپ ہرِ، آپ اپنی کِرپا کر، لوک مات تیرا مان وڈیائیندا۔ پاتھر پاہن کرے پُکار، نیتر رو رو نیِر وہائیا۔ بِن تُدھ چرن نہ مَینوُں کوئی ہور مان، پوُجا پاٹھ نہ موہے بھائیا۔ تیرا درس منگاں سِری بھگوان، دے درس میَں کِسے تھاں نہ ترِپت کرائیا۔ میرا نہ کُچھ پین نہ کُچھ کھان، نہ کوئی رسنا بولے زبان نہ تیرا بھیوَ سکاں جنائیا۔ تُوں پردہ پایا کِیوں جہان، بھرم بُھلیکھا وسیا مات لوکائیا۔ پتّھر کدے نہ بنیا کاہن، پتّھر کدے نہ بنیا بھگوان، بھگوَن تیرا روُپ توہے بھائیا۔ میَں موُرکھ مُگدھ انجان، میرا نک مُنہ ہتّھ گھڑن ترکھان، ہتّھ وِچ تِکھی تیِسی اُٹھائیا۔ پِھر چُک کے چار دیواری اندر ٹِکان، جِتھے بہاوَن اوتھے بَیٹھا رہاں، اُٹھ اُٹھ دِشا نہ کِسے جائیا۔ نہ کوئی کھاواں پیاں پکوان، نہ کوئی نہاواں نہان، جے کوئی نُہاوے اپنے اُپروں باہر باہر دھار دیاں وہائیا۔ جوتی جوت سروُپ ہرِ، آپ اپنی کِرپا کر، میَں پتّھر تُدھ بِن لتھا ستھر، میری سیج نہ کوئے سُہائیا۔ میَں پاتھر گھڑیا بُت، جگ مندر آپ ٹِکایا۔ میَں راہ تکاں تیرا ابناشی اچُت، دوُسر سکاں کی راہ وکھایا۔ میَں رکھاں تیری اوٹ، میری اوٹ کوئی کیا رکھایا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکایا۔ پُرکھ ابناشی دَیا کما، سِر اپنا ہتّھ ٹِکائیندا۔ چار جُگ تیرا روُپ دھرا، لوک مات کھیل کِھلائیندا۔ کلجُگ انتم ویلا جائے آ، تیرا پِچھلا پندھ مُکائیندا۔ نِرگُن میلا نِرگُن لئے کرا، نظر کِسے نہ آئیندا۔ جل اُٹھیا پُرکھ ابناشی پاہن پتّھر رہیا سمجھا، میَں بُھل بُھل وقت لنگھائیندا۔ در آ کے اُچی ماری دھاہ، نیتر نَیناں نیِر وہائیندا۔ کوَن سو ویلا کوَن وقت میری پکڑے بانہہ، چار جُگ میری رفتار نہ کوئے بدلائیندا۔ پُرکھ ابناشی ایکا دینی سچ صلاح، تیری سیِتل دھار میرا چنّ
نظری آئیندا۔ ٹھنڈا چنّ آب نال دینا مِلا، مِلیا میل وِچھڑ کدے نہ جائیندا۔ کر کِرپا میرا ناؤں دینا پرگٹا، لوک مات جیِو جنت سمجھائیندا۔ میَں تکاں تیرا راہ، نِت اُٹھ اُٹھ دھیان لگائیندا۔ پاتھر میلا سہج سُبھا، اپنے ہیٹھاں ستھر وِچھائیندا۔ اُتوں نٹّھا جاواں واہو داہ، ہتّھ کِسے نہ آئیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، اَگے تیرے واسطہ پائیندا۔ پُرکھ ابناشی ہو مِہربان، ایکا حُکم سُنایا۔ ٹھانڈے چنّ دیاں دان، آب روُپ وٹایا۔ لوک مات کراں پردھان، تیرا ناؤں دھرایا۔ پاتھر پاہن کر پروان، اپنے رنگ رنگایا۔ جیِو جنت سارے گان، تیرا ناؤں چنّ آب رکھایا۔ تیرے کنڈھے عاشق معشوُق مؤجاں مان، رنگ اپنا جان وکھایا۔ اِک دوُجے دا کرن دھیان، نیتر نَین نَین اُٹھایا۔ جوتی جوت سروُپ ہرِ، آپ اپنی کِرپا کر، اپنا گُن دئے سمجھایا۔ تیرا کنڈھا عاشق معشوُق، معرفت روُپ وٹائیا۔ سوہنی مارے ایکا کوُک، مہیوال دئے دُہائیا۔ بِرہوں اگنی رہی پھوُک، سیِتل دھار نہ کوئے وگائیا۔ اِک دوُجے دی کرن اُڈیِک، کوَن ویلا ملِے ساچا ماہیِا۔ جوتی جوت سروُپ ہرِ، آپ اپنی کِرپا کر، ایکا پردہ دئے اُٹھائیا۔ جگت معشوُق اِک دوُجے دے چاکر، ہرِ کا دھیان نہ کوئے لگائیندا۔ منگی منگ جل پاہن پاتھر، کوَن بِدھ ہرِ پوُر کرائیندا۔ چؤتھا جُگ آئے آخر، ویلا وقت آپ سُہائیندا۔ تیرا مان رکھائے جِؤں سُدھا سر، شُدھی اپنی آپ وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ویلا وقت آپ جنائیندا۔ کلجُگ ویلا انتم آؤنا، پاربرہم سمجھائیا۔ پاتھر پاہن آپ تراؤنا، جل بِنب دئے وڈیائیا۔ چار جُگ دے وِچھڑے ہرِ ہرِجن ساچے میل مِلاؤنا، مِل کے آئے ساچا ماہیِا۔ تیرے کنڈھے چرن ٹِکاؤنا، کنڈھی ویکھے بےپرواہیِا ۔ گُرمُکھ ساچے تیرے سنگ رکھاؤنا، تیری جگت پیاس بُجھائیا۔ گُرسِکھاں دھوُڑ تیرے وِچ چُھہاؤنا، تیرا جُگ جُگ دا پندھ مُکائیا۔ آپ ویکھ ویکھ خوشی مناؤنا، کیِتا قؤل پوُر کرائیا۔ دوہاں ڈھولا ایکا گاؤنا، سوہنگ مہاراج شیر سِنگھ وِشنوُں بھگوان، جےَ جَیکار کرائیا۔ تیرا نیِر ستّ سمُندر وِچ سماؤنا، سمُند ساگر دئے وڈیائیا۔ اپنا نام تیری دھار وِچ لُکاؤنا، گُرسِکھاں پیار تیرے وِچ رکھائیا۔ بتالی لکھّ جیِو جنت جوُنی امرت رس مُکھ چواؤنا، اپنا کھیل آپ کِھلائیا۔ گھٹ گھٹ اندر ایکا نوُر نظری آؤنا، مچھ کچھ بَیٹھن سیِس جھُکائیا۔ پاتال پاتال پاتالاں سوہنگ ڈھولا سب نے گاؤنا، جل جل اندر پتّھر پاہن مہاراج شیر سِنگھ وِشنوُں بھگوان، ایکا اوٹ تکائیا۔ آد اَنت سِری بھگوان، اپنا لیکھ چُکائے آن، لیکھا رہن نہ دیوے رائیا۔
۲۰ جیٹھ ۲۰۱۸ بِکرمی بیِبی بنتی دے گرِہ
سمُند ساگر ویکھے سِندھ، ساچی دھار چلائیا۔ جیِو اُپائے اپنی بِند، جنت دئے وڈیائیا۔ داتا دانی گُنی گہند، گہر گمبھیِر بےپرواہیِا۔ دَیال ٹھاکر سدا بخشند، بخشنہار اِک اکھوائیا۔ جوتی جوت سروُپ ہرِ، آپ اپنی کِرپا کر، جل جل روُپ آپ سمائیا۔ جل جل دھار ہرِ نِرنکارا، ڈوُنگھے ساگر آسن لائیندا۔ کرے کرائے ساچی کارا، بھیوَ کوئے نہ پائیندا۔ جُگا جُگنتر نام جَیکارا، سَت سَتوادی آپ کرائیندا۔ کرے کھیل اپر اپارا، لیکھا لِکھت وِچ نہ آئیندا۔ کلجُگ انتم کرایا ساچا ونج وپارا، گُرمُکھ دھوُڑی چرن دھوائیندا۔ میل مِلایا وِچھڑے یارا، سگلا سنگ رکھائیندا۔ جوتی جوت سروُپ ہرِ، آپ اپنی کِرپا کر، جیِو جنت سرب ترائیندا۔ مِلیا میل وِچھڑے میِت، جگت وِچھوڑا ہرِ کٹایا۔ مِل مِل گایا ایکا گیِت، اُپر پاہن آسن لایا۔ پاربرہم چلائی اچرج ریِت، پنج تت جل دھارا روُپ وکھایا۔ دھار رُڑھائی ایکا سیِت، سیِتل اپنا ویس وٹایا۔ نِرگُن ہو ہو وسیا چیِت، چیتن روُپ درسایا۔ سیِس ٹِکایا پیتمبر پیِت، جگدیِش ہوئے سہایا۔ ستّ سمُندر دینی اِک حدیِث، سوہنگ اجپا جاپ کرایا۔ پربھ ویکھن آئے بیِس بیِس، بُھل کوئے نہ جایا۔ جوتی جوت سروُپ ہرِ، آپ اپنی کِرپا کر، اچرج اپنا کھیل کِھلایا۔ اچرج کھیل سرب گُنونت، جل جل دھارا آپ کرائیا۔ نال رلائے گُرمُکھ ساچے سنت، در گھر ساچے میل مِلائیا۔ کِرپا کری سِری بھگوَنت، ساچے گھاٹ دئے وڈیائیا۔ آپ جنایا اپنا منت، کروڑ تیتیِسا درس رہے نَین بِگسائیا۔ وِشن برہما شِو گُن گائن بےاَنت بےاَنت، واہ واہ تیری وڈی وڈیائیا۔ جِس اُدھارے بتالی لکھّ جیِو جنت، اجوُنی اپنی دَیا کمائیا۔ جوتی جوت سروُپ ہرِ، آپ اپنی کِرپا کر، سمُند ساگر رہیا سمائیا۔ سمُند ساگر ہرِ سمایا، نِرگُن داتا بےپرواہ۔ ڈوُنگھے ڈوُنگھر آسن لایا، جانے تھل اسگاہ۔ ساچا حُکم رہیا سُنایا، بُھلے کوئے نہ۔ ایکا اکھّر نام دِرڑایا، سو پُرکھ نِرنجن رہیا جپا۔ ہنگ برہم سرب اُپایا، آتم جیِو روُپ وٹا۔ کلجُگ انتم سب دی جوُنی دئے پلٹایا، آپ اپنی بنت بنا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ڈیرہ کنڈھے لا جھناں۔ کنڈھے ڈیرہ لگّا چناب، چنّ آب ہوئی رُشنائیا۔ جِؤں پُت وِچھڑیا مِلیا مائی باپ، گھر وجّی سچ ودھائیا۔ چار جُگ دے لتھے تاپ، جو منمُکھ جیِو دُرمت مَیل وِچ دھوائیا۔ ہرِ سنگت مِل ہویا پاکی پاک، پتت روُپ نہ کوئے رکھائیا۔ دھنّ بھاگ مِلیا گُرسِکھ سجّن ساک، جِس لَین دین
دی آس نہ کوئے رکھائیا۔ آئے چل میرے گھاٹ، چرن دھوُڑی میری جھولی پائیا۔ میَں ہو نِمانا وِکاں گُرسِکھ ہاٹ، میری قیِمت لوک مات نہ کوئے چُکائیا۔ میرا خوشی اندر جامہ گیا پاٹ، بِن جامے ہرِ کا درشن پائیا۔ میَں تکّ کے ویکھیا ایکا نِرمل جوت جگے میرے کنڈھے گھاٹ، میری ڈوُنگھی بھوَر کرے رُشنائیا۔ میَں پھڑن لگّا کوئی نہ آئی ہاتھ، چناب رو رو نیِر وہائیا۔ کوَن گُن میرا دِتا ساتھ، اَوگُن بھریا سدا گُناہیا۔ میرے اندر سادھاں سنتاں کیتے پاپ، کوار کنّیا ویسوا روُپ وٹائیا۔ میرے اندر وڑ وڑ جھوُٹھا جپیا جاپ، من مت مَیل نہ کوئے دھوائیا۔ میری سیجا سُنجی چار جُگ رہی کھاٹ، بِن گُرسِکھ چرن نہ کوئے ٹِکائیا۔ میَں دوُر دُراڈا مُکاؤندا آیا واٹ، تیرا پندھ میرے لیکھے وِچ نہ آئیا۔ کر کِرپا میرا دِتا ساتھ، ناتھ اناتھاں ہویا سہائیا۔ کر درس میرے سگل وِسوُرے گئے لاتھ، گُرسِکھ مِلیا جِؤں بھائیاں بھائیا۔ میَں چڑھ کے جانا تیرے راتھ، تیرا ڈھولا گائیا۔ میَں ستّ سمُندر لےَ کے جاواں تیرا ناؤں ساتھ، جا کے بہواں جِؤں سؤہریاں گھر جوائیا۔ کِرپا کری آپ رگھُناتھ، میری رگ رگ خوشی منائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر، جن بھگتاں دئے جگت وڈیائیا۔ ستّ سمُندر جا کے بہنا، اپنا نَین اُٹھائیا۔ جا کے پُچھاں کی دسّنا کی کہنا، سُنن کہن دی گلّ کوئی کہی نہ جائیا۔ جِس نوُں آد جُگاد کہندے آئے نر نرائنا، لوک مات آیا پھیری پائیا۔ سب نے بھانا اُس دا سہنا، بُھل کوئے نہ جائیا۔ ساگراں اندر اُس نے رہنا، آپ اپنا آسن لائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ستّ ساگر اُٹھ کرن وِچار، ایہہ کی حال سُنایا۔ اسیں سُتے پَیر پسار، کوَن سکے سانوُں اُٹھایا۔ کوٹن کوٹ ندیاں نالے اپنے وِچ سمائے ساڈا بھریا نہ اجے بھنڈار، ساڈی ترِسنا نہ کوئے بُجھایا۔ سچکھنڈ وسے سدا نِرنکار، سچکھنڈ بَیٹھا آسن لایا۔ چنّ آب کہے ہونا خبردار، میَں گُرسِکھاں مِل نیتر نَین پیکھ کے آیا۔ جِس نوُں کہندے سانجھا یار، نِرگُن جوت کرے رُشنایا۔ ٹھردے سمُندر دیوے ساڑ، ایکا اپنا نَین اُٹھایا۔ میَں سنیہُڑا دین آیا آؤنا چل سچّے دربار، ہاڑ ستاراں دِوس سُہایا۔ پُرکھ ابناشی دو جہاناں لاؤنا اِک اکھاڑ، لُکیا کوئے رہن نہ پایا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، اپنا کھیل اپنے ہتّھ رکھایا۔
اک وار جے لؤندوں چُبھی، پربھ درِشٹ دئے کُھلائیا۔ لکھّ چؤراسی دِسدی کُھبی، چکڑ گارے وِچ پھسائیا۔ چاروں کُنٹ رووے اُچی کوُک بُھبیں، نیتر نَیناں نیِر وہائیا۔ کِسے دی سُدھ دِسے نہ بُدھی، ملیچھ سرب جنائیا۔ کال قلندر پاوے لُڈی، اپنا ناچ نچائیا۔ مایا ممتا چڑھی گُڈی، جوُٹھ جھوُٹھ ڈوری ہتّھ پھڑائیا۔ ناتا تُٹیا ودی سُدی، چنّ آب چنّ اپنا روُپ رکھائیا۔ جوتی جوت سروُپ ہرِ، آپ اپنی کِرپا کر، اپنا ویلا کر ٹھگّی، تارہ سِنگھ کولوں لیا بچائیا۔ ایہہ ٹھگّی دسّی چمیار رَوداس، گنگا رکھ لاج۔ میرا کنگن تیرے پاس، نہ کوئی مُلما تے نہ کوئی پاج۔ براہمن گنگا ایکا منگے میرا پِچھلا لہنا ہوئے خلاص، میری پوُری کرنی آس۔ جوتی جوت سروُپ ہرِ، آپ اپنی کِرپا کر، رَوداس کولوں دھروایا اِک دھرواس۔ رَوداس کہے سُن میرے میِت، دھنّ تیری وڈیائیا۔ راج راجاناں گھر تُوں گایا میرا گیِت، میَں کنگلے کوَن وڈیائیا۔ میَں کِسے نہ جاواں مندر مسیِت، گُردوار شِودوالے مٹھ سیِس نہ کِسے جھُکائیا۔ اِکو گاواں گوبِند دے گیِت، ہری اوم ہری اوم ہری اوم رہیا سُنائیا۔ گنگا میری بدلی ریِت، اپنا کنگن تیری جھولی پائیا۔ تیری کنگن بدلی نیِت، مایا موہ وِچ پھسائیا۔ تُوں آیا بن کے کیِٹ، ڈھیَہہ پیا سرنائیا۔ مانَس جنم لیا جیِت، بھگت بھگوَنت دئے مِلائیا۔ کلجُگ انتم آؤنا لوک مات ٹھیِک، کایا ٹھیِکر ویکھ وکھائیا۔ بِکرمی سمت دسےّ سچ تاریخ، بیِس اٹھاراں دئے گواہیِا۔ رَوداس ٹھگ وسن اِک دوُجے دے نزدیِک، پُرکھ ابناشی کھیل کِھلائیا۔ تیرا تن گنگا نہا ہویا پُنیِت، تیری مت بُدھ سُدھ رہی نہ رائیا۔ انتم تیری نیِت کرنی ٹھیِک، جگت جل تیرے تن لگّن نہ پائیا۔ تیرے نال تیرا لاشریِک، دُئی دوَیت نہ جِس رکھائیا۔ گُرمُکھ گُرسِکھ تیرے نال رکھن پریِت، ہسّ ہسّ اپنا رنگ وکھائیا۔ جل دھار کر پیار تیرے چرن امرت پیِوے لا کے جھیِک، رَوداس ویکھے نَین اُٹھائیا۔ جوتی جوت سروُپ ہرِ، آپ اپنی کِرپا کر، پوُرب لیکھا لیکھ مُکایا، اَگے لیکھا رہے نہ رائیا۔ نؤ نؤ جنم دا گیڑ چُکایا، مہاراج شیر سِنگھ وِشنوُں بھگوان، اپنا نوُر دئے درسائیا ۔ چرن دھوُڑ تیرا مجن، تیری دُرمت مَیل گیا دھوائیا۔ تیرے نال وسے تیرا سجّن، نہاوَن کِس دوارے جائیا۔ گُروُ گُر چیلا ایکا دھام سجّن، اندر وڑ کے ویکھ نہ سکے کوئی، گوبِند میلا رہیا مِلائیا۔ جِس دا پردہ آپ آیا کجّن، تِس مَیل نہ لاگے رائیا۔ مہاراج شیر سِنگھ وِشنوُں بھگوان، چرن دھوُڑی ایکا وار دِتا ساچا مجن، ساچا سروور ایکا وار نُہائیا۔
۲۰ جیٹھ ۲۰۱۸ بِکرمی شِو رام دے گرِہ امبا رائے جموُں
اچے ٹِلّے راہ تکّن پربت، پاربرہم سچّی سرنائیا۔ کر کِرپا بدلے اپنی کروٹ، نِرگُن نِروَیر لئے انگڑائیا۔ لوک مات میٹے جھوُٹھی غُربت، سچ صلاح دئے جنائیا۔ جوتی جوت سروُپ ہرِ، آپ اپنی کِرپا کر، ہوئے آن سہائیا۔ راہ تکّن ٹلے پتّھر، نیتر نَین اُٹھایا۔ نیتر نیِر وِرولن اتّھر، نَین نَین بِگسایا۔ کوَن ویلا ہنڈھائے ساڈا ستھر، ساڈے سیِس چرن چُھہایا۔ جوتی جوت سروُپ ہرِ، آپ اپنی کِرپا کر، لیکھا لیکھے لئے لگایا۔ راہ تکّن ٹِلّے ڈوُنگھر جگت پہاڑ، آسا آس رکھائیا۔ کوَن ویلا کرے پیار، پاربرہم بےپرواہیِا۔ چرن دھوُڑی دیوے چھار، سیِس جگدیِش مستک ٹِکاّ لائیا۔ پوُرب لیکھا دئے نوار، نِروِگھن اپنی کھیل کِھلائیا۔ اگنی تت بُجھائے ہاڑ، جُگا جُگنتر رہی تپائیا۔ ایکا بخشے ٹھانڈا دربار، چرن کوَل سرنائیا۔ اُچے ہو ہو گئے ہار، ہرِ چرن چھوہ نہ سکے رائیا۔ کِرپا کرے آپ نِرنکار، در آوے پھیرا پائیا۔ چُم چُم چرن ہوئیے بلہار، ترِسنا بُھکھ گوائیا۔ جوتی جوت سروُپ ہرِ، آپ اپنی کِرپا کر، سِل پاتھر لئے ترائیا۔ سِل پاتھر ویکھے اِٹاں روڑا، کنکر کنکر چرن چُھہائیا۔ ایکا گُن سمجھائے وقت رہِ گیا تھوڑا، سب دا لیکھا لئے مُکائیا۔ سسّے اُپر رکھیا ہوڑا، نِرگُن سرگُن روُپ وٹائیا۔ جنگل جوُہاں پِھرے دؤڑا، چال نِرالی اِک وکھائیا۔ ویلے انتم آپے بہُڑا، ہوئے سدا سہائیا۔ جِؤں رام پاتھر سنگ پاتھر جوڑا، رام نام دئے وڈیائیا۔ کلجُگ انتم آپ چُکائے تورا مورا، ایکا چرن دھوُڑ لگائے سچّا شہنشاہیِا۔ جوتی جوت سروُپ ہرِ، آپ اپنی کِرپا کر، سُنے پُکار جگت پاتھر کملاپاتی اپنا پھیرا پائیا۔ جگت پتّھر بنے گواہ، جیِواں جنتاں مات سمجھائیندا۔ پاربرہم پربھ اِک ملاح، بیڑا پار کرائیندا۔ مانَس مانُکھ لئے ترا، جو جن سرنائی آئیندا۔ گھٹ گھٹ اندر بجر کپاٹی پتّھر دِتا ٹِکا، بِن سَتگُر پردہ کوئے نہ لاہِندا۔ جوتی جوت سروُپ ہرِ، آپ اپنی کِرپا کر، ہرِجن پاتھر ویکھے ستھر، ساچی سیج آپ ہنڈھائیندا۔ مہاراج شیر سِنگھ وِشنوُں بھگوان، اپنا لیکھا جانے کٹھن، گُرمُکھاں لیکھا آپ مُکائیندا۔