کتب خانہGranth 10 (Shahmukhi)

۹ بھادروں ۲۰۱۸ بِکرمی گُردَیال سِنگھ دے نوِت ناتھیوال ضِلع فِروزپُر

سو پُرکھ نِرنجن ہو تیار، سَت سَتوادی اپنی دَیا کمائیندا۔ ہرِ پُرکھ نِرنجن ٹھانڈے بَیٹھ سچّے دربار، تخت نِواسی سوبھا پائیندا۔ ایکنکارا کر وِچار، آپ اپنی کِرپا دھار، نِرگُن اپنی کھیل کِھلائیندا۔ آد نِرنجن ہو اُجیار، جوتی جاتا شاہ سِکدار، بھوُپت بھوُپ اپنا روُپ وٹائیندا۔ ابناشی کرتا میِت مُرار، نِروَیر نِراکار پاوے سار، اجوُنی رہِت بھیوَ چُکائیندا۔ سِری بھگوان حُکمی حُکم کرے ورتار، کرے کرائے کرنیہار، کرتا پُرکھ اپنی دھار آپ چلائیندا۔ پاربرہم آد جُگاد جانے اپنا کمّ، نہ مرے نہ پئے جمّ، روُپ انوُپ اپنا آپ وٹائیندا۔ سچکھنڈ کھول کِواڑ، کھیلے کھیل پُرکھ اکال، جوتی جوت بے مثال، نوُر نوُرانہ ڈگمگائیندا۔ تِھر گھر دِیا باتی کر اُجیار، کملاپاتی کر شنگار، ساچی سیجا کنت بھتار، نِرگُن نِرگُن میل مِلائیندا۔ اندر باہر گُپت ظاہر، کرنی کرے کرنیہار، محل اٹل اُچ منار، سوبھاوَنت سوبھا پائیندا۔ جننی جن بن کرتار، دائی دایا دئے آدھار، اِک اِکلّا بے عیب پروردِگار، اپنا رنگ آپ رنگائیندا۔ جوتی جوت سروُپ ہرِ، آپ اپنی جوت دھر، آد جُگادی ایکا ہرِ، ساچے مندر سوبھا پائیندا۔ ساچا مندر اُچ اٹلا، سو پُرکھ نِرنجن آپ سُہائیا۔ ہرِ پُرکھ نِرنجن اِک اِکلّا، نِرگُن نِروَیر بَیٹھا آسن لائیا۔ ایکنکارا سچ سِنگھاسن ایکا ملّا، شاہ پاتشاہ شہنشاہ کرے سچّی شہنشاہیِا۔ آد نِرنجن اپنے دیِپک آپے بلّا، نوُر نوُرانہ ڈگمگائیا۔ ابناشی کرتا آپے پھڑے اپنا پلّا، دوُسر سنگ نہ کوئے رکھائیا۔ سِری بھگوان کھیلے کھیل اچھل اچھلّا، بھیوَ ابھید ابھیوَ چُھپائیا۔ پاربرہم اپنے اَنتر آپے رلا، نِرگُن نِرگُن میلا سہج سُبھائیا۔ سچ سندیش ایکا گھلا، نر نریش حُکم سُنائیا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، اپنا روُپ آپ دھرائیا۔ تِھر گھر ساچے روُپ دھر، سچکھنڈ سوبھا پائیندا۔ سچکھنڈ دوارے آپے چڑھ، تخت نِواسی دُھر فرمانا حُکم جنائیندا۔ تِھر گھر چُکائے بھےَ ڈر، نِربھؤ اپنا حُکم آپ منائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، ساچا سنگ آپ نِبھائیندا۔ ساچا سنگ سگلا ساتھ، سو پُرکھ نِرنجن آپ نِبھائیا۔ ہرِ پُرکھ نِرنجن آپ چلائے اپنا راتھ، رتھ رتھواہی بےپرواہیِا۔ ایکنکارا گائے گاتھ، آد نِرنجن خوشی منائیا۔ سِری بھگوان کرے ہاس بلاس، ابناشی کرتا اپنا رنگ آپے ویکھ وکھائیا۔ پاربرہم اپنے اندر آپے کر کر واس، آپے ویکھے چائیں چائنیا۔ سچکھنڈ دوارے سچکھنڈ نِواسی پائے راس، اپنی رچنا آپ رچائیا۔ تِھر گھر ساچے

جوت پرکاش، نوُر نوُرانہ ڈگمگائیا۔ آپے اُپجائے اپنی آس، آس آسا وِچ دھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا حُکم آپ ورتائیا۔ ساچا حُکم دُھر فرمانا، سو پُرکھ نِرنجن آپ جنائیندا۔ ہرِ پُرکھ نِرنجن شاہ سُلطانا، شاہ پاتشاہ اپنی دھار وکھائیندا۔ ایکنکارا آپے رکھے اپنا مانا، آپ اپنی دَیا کمائیندا۔ آد نِرنجن کھیلے کھیل گُن نِدھانا، سِری بھگوان ویس وٹائیندا۔ ابناشی کرتا جانی جانا، پاربرہم میل مِلائیندا۔ سچکھنڈ دوارا سچ مکانا، سَت پُرکھ نِرنجن آسن لائیندا۔ تِھر گھر دیوے اپنا دانا، ساچی وست امولک جھولی پائیندا۔ جوتی جوت سروُپ ہرِ، آپ اپنی کِرپا کر، اپنا ویس آپ دھرائیندا۔ ساچا ویس ہرِ نِرنکار، نِرگُن نِروَیر آپ دھرائیا۔ لیکھا جانے پُرکھ نار، نر نرائن وڈی وڈیائیا۔ نِرگُن نِرگُن کر پیار، میل مِلاواں سہج سُبھائیا۔ تِھر گھر ساچا کھول کِواڑ، آپ اپنا پردہ لئے اُٹھائیا۔ دائی دایا بن سیوک سیوادار، ساچی سیو کمائیا۔ جننی جن بن نِرنکار، گودی گود آپ سُہائیا۔ سُت دُلارا کر تیار، شبدی شبد ناؤں وڈیائیا۔ دیوے درس اگمّ آپار، الکھ اگوچر سچّا شہنشاہیِا۔ روُپ رنگ ریکھ نہ کوئے وِچار، جوتی جوت سروُپ ہرِ، آپ اپنی کِرپا کر، اپنا لیکھا دئے سمجھائیا۔ سُت دُلارا جنیا جن، جن جننی کھیل کِھلائیندا۔ ایکا راگ سُنایا کنّ، سو پُرکھ نِرنجن آپ الائیندا۔ چھوٹا بالا کرے دھنّ دھنّ دھنّ، نِیوں نِیوں سیِس جگدیِش جھُکائیندا۔ نہ کوئی روُپ نہ کوئی تن، من ویس نہ کوئے وٹائیندا۔ نہ کوئی چھپر نہ کوئی چھنّ، چار دیوار نہ کوئے بنائیندا۔ نہ کوئے گھڑے نہ لئے بھنّ، بھنّنہار تیرے رنگ سمائیندا۔ نہ کوئی ڈوبے نہ بیڑا دیوے بنّھ، کھیوٹ کھیٹا نہ کوئے رکھائیندا۔ نہ کوئے سوُرج نہ کوئے چنّ، پرکاش پرکاش نہ کوئے دھرائیندا۔ تُوں ہی جننی تُوں ہی جن، ہؤں تیرا سُت اکھوائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِیوں نِیوں سیِس جھُکائیندا۔ سُت دُلارے چھوٹے بال، ہرِ شبدی شبد سُنائیا۔ آد جُگاد کراں تیری پرِتپال، بن پرِتپالک سیو کمائیا۔ دو جہان بناں دلال، ساچا ونج اِک وکھائیا۔ تیرا سنگ رکھائے اِک مہاکال، اپنی دھار دئے جنائیا۔ جُگا جُگنتر وجےّ تیرا تال، پُرکھ ابناشی آپ وجائیا۔ آپے سُنے مُریِداں حال، مُرشد بنے بےپرواہیِا۔ تیرا کھیڑا سچّی دھرمسال، تِھر گھر ساچا دئے وسائیا۔ جوتی جوت سروُپ ہرِ، آپ اپنی کِرپا کر، ایکا اپنی بوُجھ بُجھائیا۔ ساچا سُت سُن سندیش، پربھ اَگے سیِس جھُکائیندا۔ تُوں صاحِب سُلطان سچ نریش، تیرا بھیوَ کوئے نہ پائیندا۔ میَں منگاں درس ہمیش، آد جُگاد نَین اُٹھائیندا۔ نِرگُن تیرا اولّڑا ویس،

روُپ رنگ ریکھ نظر کوئے نہ آئیندا۔ تُوں لِکھیا میرا لیکھ، تیرا لیکھا لِکھیا نہ کوئے مِٹائیندا۔ تیرے چرن سدا آدیس، آد جُگادی سیِس جھُکائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہؤں ساچی منگ منگائیندا۔ پُرکھ ابناشی دَیا کما، ایکا گُن جنائیا۔ سُت دُلارے سیِس ہتّھ ٹِکا، جگدیِش دئے وڈیائیا۔ تیرا کھیڑا دَواں وساں، آپ اپنی رچن رچائیا۔ تیرا نوُر کراں رُشنا، اپنی جوت جوت ڈگمگائیا۔ تیرا پرکاش دیاں دھرا، بن جن جنیندی مائیا۔ جوتی جوت سروُپ ہرِ، آپ اپنی کِرپا کر، اپنا پردہ دئے اُٹھائیا۔ سُن بال بال نادان، سو پُرکھ نِرنجن آپ سُنائیندا۔ ایکا دیواں سچّا دان، وست امولک آپ ورتائیندا۔ تیرا روُپ بناواں ساچا کاہن، تیری آسا گوپی نال رلائیندا۔ کراں کھیل تِھر گھر تیرے مکان، سچکھنڈ اپنا آسن لائیندا۔ پریم پیالہ دیواں اِک نِدھان، رس اپنا آپ چوائیندا۔ رنگن رنگ چڑھے مہان، رنگ رنگیِلا آپ رنگائیندا۔ جوتی جوت سروُپ ہرِ، آپ اپنی کِرپا کر، ساچی وست آپ ورتائیندا۔ ساچی وست امرت رس، چرن چرن نال رگڑائیا۔ تیرے اَنتر دیوے رکھ، اپنی دَیا کمائیا۔ نِرگُن نِرگُن کرے پرکاش، پرکاش پرکاش نال مِلائیا۔ تیری پوُری کرے آس، اپنی آسا نال مِلائیا۔ تیرا ویکھے کھیل تماش، ویکھنہار سچّا شہنشاہیِا۔ جوتی جوت سروُپ ہرِ، آپ اپنی کِرپا کر، ایکا تت دئے جنائیا۔ ایکا تت سِری بھگوان، شبدی شبد جنائیندا۔ تیرا سوہے مندر مکان، تِھر گھر ساچا آپ سُہائیندا۔ کِرپا کرے ہو مِہربان، مِہربان اپنا رنگ رنگائیندا۔ بالی بُدھ دِتا مان، بال انجانا گود سُہائیندا۔ جوتی جوت سروُپ ہرِ، آپ اپنی کِرپا کر، آپ اپنا کھیل کرائیندا۔ کھیل کرائے سِری بھگوَنت، اپنی دَیا کمائیا۔ شبدی میلا نار کنت، ساچی سیج ہنڈھائیا۔ چڑھیا رنگ اِک بسنت، اُتر کدے نہ جائیا۔ نام جنایا آد اَنت، ابُھل بےپرواہیِا۔ آپ اُپائے اپنی انس، وِشوَ وِشنوُں لئے پرگٹائیا۔ وِشن بنائے سچّا سربنس، پُھل پُھلواڑی آپ مہکائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیا۔ وِشن اندر امرت دھار، سو پُرکھ نِرنجن آپ وہائیا۔ اپنی اِچھیا کوَل اُجیار، کوَل کوَلا لئے کھلائیا۔ لیکھا جانے اندر باہر، گُپت ظاہر بےپرواہیِا۔ پاربرہم برہم ہو تیار، اپنی ونڈ ونڈائیا۔ نِرگُن کھیل کرے نِراکار، ساکار روُپ دھرائیا۔ جوتی جوت سروُپ ہرِ، آپ اپنی کِرپا کر، وِشن برہما لئے پرگٹائیا۔ وِشن برہما کھیل کِھلایا، بھیوَ کوئے نہ پائیا۔ اپنا بھانا اپنے ہتّھ رکھایا، سد بھانے آپ سمائیا۔ اپنی اِچھیا لئے دھرایا، ساچی بِھچھیا آپ ورتائیا۔ جوتی جوت سروُپ ہرِ، آپ اپنی

کِرپا کر، چرن دھوُڑ اپنی آپ پرگٹائیا۔ چرن دھوُڑی ویکھے خاک، خاکی خاک سمائیندا۔ آد جُگاد پاکی پاک، پتت پوُت ویس وٹائیندا۔ شنکر بنیا سچّا ساک، پِتا پوُت گود سُہائیندا۔ نہ کوئی دِوس نہ کوئی رات، ویلا وقت نہ کوئے جنائیندا۔ تِنّاں دیوے ایکا ساتھ، ایکا حُکم سُنائیندا۔ ایکا منتر ایکا پاٹھ، ایکا اکھّر آپ پڑھائیندا۔ ایکا پُرکھ پُرکھ سمراتھ، پُرکھ اکال دَیا کمائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، برہما وِشن شِو سیِس جھُکائیندا۔ شبد اُپجایا وِشن برہما شِو دھار، لیکھا لِکھت وِچ نہ آئیا۔ وِشن برہما شِو حُکم سچّی سرکار، شاہ پاتشاہ آپ سُنائیا۔ تِنّاں وِچولا بن نِرنکار، ایکا گُن سمجھائیا۔ ساچی سیوا لائے کرے خبردار، ابُھل بُھل کدے نہ جائیا۔ حُکمی حُکم ورتے ورتار، دُھر فرمانا آپ سُنائیا۔ لکھّ چؤراسی بھرنا بھنڈار، وست وست وِچ سمجھائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیا۔ وِشن برہما شِو کر دھیان، نِیوں نِیوں سیِس جھُکائیندا۔ ہؤں بالی بُدھ بال انجان، تیرا بھیوَ کوئے نہ پائیندا۔ ایکا وست دینا دان، لکھّ چؤراسی گھاڑن گھڑت گھڑائیندا۔ اپنے در کریں پروان، تُدھ بِن در نہ کوئے سُہائیندا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ساچی وست ایکا وار منگ منگائیندا۔ ساچی وست ہرِ کرتار، ایکا اِک جنائیا۔ تِنّاں بھرے آپ بھنڈار، ترےَ ترےَ میلا سہج سُبھائیا۔ ترےَگُن مایا کر تیار، اپنا رنگ رنگائیا۔ ستو تیرا سَت ورتار، وِشوَ بھنڈارے وِچ سمائیا۔ رجو تیرا راجس راج جوگ سنسار، برہم میلا سہج سُبھائیا۔ طمو تیرا تت گُن نِرادھار، شنکر ویکھے چائیں چائنیا۔ کرے کھیل ہرِ کرتار، اپنی کل آپ ورتائیا۔ جوتی جوت سروُپ ہرِ، آپ اپنی کِرپا کر، ترےَگُن وست اِک ورتائیا۔ ترےَگُن وست کرے پُکار، نیتر نَیناں نیِر وہائیا۔ تیرے اندروں اُپجی تیری دھار، تیرا حُکم سیِس ٹِکائیا۔ وِشن برہما شِو بدھّا اِک پیار، جگت ناتا جوڑ جُڑائیا۔ کِرپا کر سچّی سرکار، کُھلڑے کیس دین دُہائیا۔ کوَن ویلا ساڈی سُرت لئیں سنبھال، آپ اپنا میل مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، خالی جھولی رہی وکھائیا۔ ترےَگُن خالی جھولی رکھ، پربھ اَگے سیِس جھُکایا۔ وِشن برہما شِو سد منگے میرا پکھّ، میَں سگلا سنگ نِبھایا۔ ایکا مارگ دینا دسّ، کوَن ویلا ہوئے سہایا۔ میَں رکھاں تیری آس، میرے شاہ پاتشاہ سچّے شہنشاہیِا۔ بِن تیرے ہوئی بے آس، میری دھیِر نہ کوئے دھرایا۔ میَں کراں کھیل پرِتھمی آکاش، لکھّ چؤراسی ناچ نچایا۔ تُدھ بِن میری کرے نہ کوئے بند خلاص، میرا

بندھن نہ کوئے تُڑایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میَں بَیٹھی سیِس جھُکایا۔ سیِس جھُکیا تیرے دربار، تُوں بے عیب پروردِگارا۔ میَں سُنیا سدا سُنیں پُکار، آد جُگادی تیری کارا۔ وِشن برہما شِو بنیا میِت مُرار، ناتا جُڑیا وِچ سنسارا۔ لکھّ چؤراسی تیرا بھنڈار، کھیلے کھیل اپر اپارا۔ جُگ جُگ ورتے تیرا ورتار، تُوں ویکھیں ویکھنہارا۔ میرے نال کر سچ اِقرار، میَں منگاں منگ دوارا۔ کوَن ویلا میرا قرضہ دئیں اُتار، پِچھے رہے نہ کوئے اُدھارا۔ اپنے چرناں دئیں پیار، چرن دھوُڑی ساچی چھارا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میَں منگیا ایکا دوارا۔ ایکا وار منگی منگ، آد پُرکھ جنائیا۔ ترےَگُن وجےّ تیرا مردنگ، ترےَلوک سُنے لوکائیا۔ میَں ونڈاں ساچی ونڈ، اپنی کھیل آپ کِھلائیا۔ لوآں پُریاں ویکھ برہمنڈ، کوٹن کوٹ روُپ وٹائیا۔ پرگٹ کراں جیرج انڈ، اُتبُھج سیتج نال مِلائیا۔ پنج تت کایا کراں سیج پلنگ، سچ سِنگھاسن اِک بنائیا۔ جوتی جوت سروُپ ہرِ، آپ اپنی کِرپا کر، تیرا لیکھا دئے وکھائیا۔ ترےَگُن سُن کر دھیانا، ہرِ ساچا آپ جنائیندا۔ پُرکھ ابناشی ہوئے مِہربانا، ایکا شبد ناد وجائیندا۔ وِشنوُں وِشوَ کرے پروانہ، برہما برہم وید سُنائیندا۔ چارے جُگ کھیل مہانا، چارے در کھول کُھلائیندا۔ چارے ورن کرے پردھانا، چاروں کُنٹ ونڈ ونڈائیندا۔ لیکھا جانے دو جہاناں، دوئے دوئے اپنا رنگ رنگائیندا۔ نِرگُن سرگُن دئے پروانہ، دُھر فرمانا آپ سُنائیندا۔ تار ستار اِک وجانا، گھٹ اپنا ناد الائیندا۔ لکھّ چؤراسی ہو پردھانا، گرِہ مندر سوبھا پائیندا۔ نِرگُن جوت نوُر مہانا، دیِپک دِیا آپ ٹِکائیندا۔ جوتی جوت سروُپ ہرِ، آپ اپنی کِرپا کر، تیرا لہنا دیوے تیرا ور، تیری جھولی آپ بھرائیندا۔ تیرا لہنا آپ چُکاؤنا، سو پُرکھ نِرنجن آپ جنائیا۔ نؤ سؤ چُرانوے چؤکڑی جُگ کھیل کِھلاؤنا، جُگ کرتا گیڑ گڑائیا۔ لکھّ چؤراسی ناچ نچاؤنا، تار ستار آپ ہِلائیا۔ کال مہاکال اپنا حُکم ورتاؤنا، حُکمی حُکم اِک سمجھائیا۔ رائے دھرم آپ اُٹھاؤنا، آپ اپنے بنس دئے وڈیائیا۔ چِتر گُپت چیتن آپ کراؤنا، لیکھا ایکا وار سمجھائیا۔ جو گھڑیا سو بھنّ وکھاؤنا، ٹھوکر اپنے ہتّھ رکھائیا۔ ترےَگُن تیرا جنجالا ایکا پاؤنا، لکھّ چؤراسی ڈور بندھائیا۔ گُر اوتار روُپ وٹاؤنا، نِرگُن سرگُن کرے کُڑمائیا۔ بھگت بھگوَنت آپ بناؤنا، جوتی جوت کر رُشنائیا۔ ساچے سنت سنگ نِبھاؤنا، سَت دوارا اِک وکھائیا۔ گُرمُکھ گود آپ بہاؤنا، گُر گُر اپنا میل مِلائیا۔ گُرسِکھ پردہ آپے لاہُنا، ترےَگُن تیرا موہ چُکائیا۔ تیرے خاطر جامہ پاؤنا، اپنا بھیوَ دئے کُھلائیا۔ لوک مات

ایکا ایک ایک پرگٹاؤنا، ایکا ایک ویکھ وکھائیا۔ سَت دھرم سنتوکھ ساچا بیِج بجاؤنا، پُھل پُھلواڑی آپ مہکائیا۔ سَتجُگ ساچے مان دواؤنا، جوتی جوت سروُپ ہرِ، آپ اپنی کِرپا کر، تیرا لیکھا رہیا لِکھائیا۔ تیرا لیکھا لِکھے نِرنکار، اپنا بھیوَ آپ جنائیا۔ مات لوک بنائے سچّا دوار، بھگت بھگوَنت لئے پرگٹائیا۔ پھیر کرے سچ پیار، میر تیر دئے چُکائیا۔ رنگ رنگے ایکا وار، رنگ رنگیِلا ساچا ماہیِا۔ جوتی جوت سروُپ ہرِ، آپ اپنی کِرپا کر، ایکا بھگت دئے وڈیائیا۔ سَتجُگ آئے بھگت بل، بلدھاری آپ اُپجائے۔ اپنا کرے ول چھل، باوَن اپنا روُپ وٹائے۔ تیرا سِنگھاسن جائے ہل، دھیِرج دھیِر نہ کوئے دھرائے۔ تیرے نیتر نَین نیِر جائے چل، دو جہان نہ کوئے اٹکائے۔ کرے کھیل آپ پربل، پاربرہم بےپرواہے۔ جوتی جوت سروُپ ہرِ، آپ اپنی کِرپا کر، بل باوَن کھیل کِھلائے۔ سَتجُگ کھیل بل بل باون، بےاَنت آپ کِھلائیندا۔ آد جُگاد بنے تیرا ضامن، ساچی ضامنی آپ نِبھائیندا۔ تیرا لہنا دینا چُکائے آہمنو ساہمن، وِچ پردہ نہ کوئے پائیندا۔ لوک مات کھیڑا وسے گرامن، پُرکھ ابناشی آپ وسائیندا۔ آپے پکڑے تیرا دامن، دامنگیر آپ ہو جائیندا۔ جوتی جوت سروُپ ہرِ، آپ اپنی کِرپا کر، تیرا وِچولا اِک وکھائیندا۔ تیرا وِچولا ایکا ایک، سو پُرکھ نِرنجن آپ جنائیا۔ بل رکھے ساچی ٹیک، باوَن بھیکھی بھیکھ سمائیا۔ نِرمل اتیِت ہویا بِبیک، ترےَگُن سیک نہ لگے رائیا۔ پاربرہم پربھ آپے کھیڈے اپنی کھیڈ، بن درویش منگن آئیا۔ لیکھا جانے نر نریش، جوتی جوت سروُپ ہرِ، آپ اپنی کِرپا کر، اپنا لیکھا دئے سمجھائیا۔ ساچا لیکھا سِری بھگوان، اپنے ہتّھ رکھائیندا۔ بل اُپجائے اِک بلوان، سِر اپنا ہتّھ ٹِکائیندا۔ ترےَگُن منگے جا کے دان، ایکا وار جھولی پائیندا۔ بل دیوے اپنا بلیدان، سیِس چرناں ہیٹھ ٹِکائیندا۔ پاربرہم پربھ ہوئے مِہربان، اُپر اپنا چرن چُھہائیندا۔ تیرا میرا اِک نِشان، ایکا گھر وکھائیندا۔ میَں وساں اُپر اسمان، تُوں زِمیں اپنی دھار بنائیندا۔ تیری ضمیِر کراں پروان، تیرا زنجِیر کٹائیندا۔ ایکا دیواں سچ گیان، گیان گیان وِچ رکھائیندا۔ اٹّھے پہر اِک دھیان، دھیان دھیان وِچ نظری آئیندا۔ جوتی جوت سروُپ ہرِ، آپ اپنی کِرپا کر، اپنا پردہ آپ چُکائیندا۔ اپنا پردہ دِتا چُک، بل اپنا درس دِکھائیا۔ نظر آیا جو بَیٹھا لُک، ساکھیات روُپ وٹائیا۔ نہ ہریا نہ جائے سُک، آد جُگاد ایکا رنگ سمائیا۔ جِس دی رکھ کے بَیٹھا اوٹ، سو مِلیا ہرِ رگھُرائیا۔ جِس دی دات منگاں نِرمل جوت، نِرگُن جوت دئے جگائیا۔ جوتی جوت سروُپ ہرِ، آپ اپنی کِرپا کر، اپنا درس آپ کرائیا۔ پایا درس دیِن دَیال، بل بل بل چرن جائیندا۔

تُوں صاحِب سدا کِرپال، ہؤں چرن سیِس نِوائیندا۔ میرا تُٹا جگت جنجال، جگ ناتا نہ کوئے رکھائیندا۔ تیرا مِلیا سچّا دھن مال، جگت خزانہ کمّ نہ کوئے وکھائیندا۔ دھنّ بھاگ میری نِبھ گئی نال، میری لگّی نہ کوئے تُڑائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہؤں ساچی منگ منگائیندا۔ دینی منگ کراں اسیِس، پربھ اَگے سیِس جھُکائیا۔ تُوں آد جُگاد سچّا جگدیِش، جگت جُگت تیری وڈیائیا۔ تیرا حُکم اِک حدیِث، حضرت تیری سچ پڑھائیا۔ میَں تیرا پیِسن لیا پیِس، گھولی گھول سیو کمائیا۔ میَں تیری بخشش لوک مات تاج رکھیا سیِس، بِن تیرے درس راج کاج کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، چرن سرن سچّی سرنائیا۔ پُرکھ ابناشی اَگوں بول، ایکا حُکم سُنایا۔ بل تولیا تیرا تول، تولا بن کے ہرِ جوُ آیا۔ تیرا تت لیا وِرول، نام مدھانا ایکا پایا۔ پرگٹ ہویا تیرے کول، نِرگُن سرگُن روُپ دھرایا۔ تیرے نال کرے قؤل، کیِتا قؤل بُھل نہ جایا۔ میَں منگی منگ دھرت دھؤل، دھرنی میرے کمّ کِسے نہ رایا۔ تُوں رِہوں اِک اڈول، چرن کوَل سیِس جھُکایا۔ جوتی جوت سروُپ ہرِ، آپ اپنی کِرپا کر، تیری دھرنی تیری جھولی دئے وکھایا۔ تُوں دھرنی دِتا دان، آپا آپ واریا۔ پُرکھ ابناشی ہو مِہربان، تیرا کاج سواریا۔ تیرے سِر ہتّھ دھرے بھگوان، باوَن آیا چل دواریا۔ تیرا دھرنی اندر وکھائے نِشان، اپنی ہتھّیں آپ جھُلا رہیا۔ اِتل وِتل ہوئے قُربان، سِتل تیرا رنگ وکھا رہیا۔ تِنّ لوک رکھے آن، آپ اپنا حُکم جنا رہیا۔ جوتی جوت سروُپ ہرِ، آپ اپنی کِرپا کر، سِتل لوک آپ بہا رہیا۔ سِتل لوک جائے بہنا، سو پُرکھ نِرنجن آپ جنایا۔ بل منّیا ایکا کہنا، نِیوں نِیوں سیِس جھُکایا۔ اؤکھا ہووے تُدھ بِن رہنا، بِن نیتر درشن پایا۔ میَں تیرا بھانا سہنا، جوتی جوت سروُپ ہرِ، آپ اپنی کِرپا کر، ایکا دینا ساچا ور، کوَن ویلا کوَن وقت اپنا بھگت لئیں مِلایا۔ پُرکھ ابناشی دَیا کما، ایکا حُکم دئے جنائیا۔ سَتجُگ لیا آپ پرنا، ساچا میلا میل مِلائیا۔ دھرنی تھلّے دِتا دبا، لوک پاتال ملِے وڈیائیا۔ آکاش آکاشاں اُپر بَیٹھا شہنشاہ، سچکھنڈ اپنا آسن لائیا۔ ترےَگُن تیری ونڈ ونڈا، تیرا لہنا دئے چُکائیا۔ جوتی جوت سروُپ ہرِ، آپ اپنی کِرپا کر، لیکھا جانے ساچا ہرِ، دوُسر بھیوَ کوئے نہ پائیا۔ بل رکھنی آس، ہرِ ساچا سچ جنائیندا۔ دواپر تریتا رہنا اُداس، ساچا حُکم سُنائیندا۔ کلجُگ انتم کھیل کرے پُرکھ ابناش، نِرگُن نِرگُن روُپ وٹائیندا۔ جوتی جوت سروُپ ہرِ، آپ اپنی کِرپا کر، اپنا حُکم آپ جنائیندا۔ تِنّ جُگ رکھنی اوٹ، ہرِ ساچے سچ جنائیا۔

کلجُگ انتم پرگٹ ہووے نِرگُن جوت، نِروَیر پُرکھ ناؤں دھرائیا۔ لیکھا جانے لکھّ چؤراسی کایا قِلعے کوٹ، برہمنڈ کھنڈ پھول پھولائیا۔ وِشن برہما شِو جانے اوت پوت، پاربرہم بےپرواہیِا۔ جوتی جوت سروُپ ہرِ، آپ اپنی کِرپا کر، اپنا لہنا اپنے ہتّھ رکھائیا۔ ساچا لہنا ہتّھ نِرنکار، دوُسر بھیوَ کوئے نہ پائیندا۔ ترےَگُن تیرا جگت بھنڈار، جگت جُگت آپ ورتائیندا۔ قادر قُدرت ویکھ ویکھنہار، ویکھ ویکھ اپنی خوشی منائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ جُگ چؤکڑی جائے بیِت، کوٹن کال کال بِتائیا۔ پُرکھ ابناشی رہے اِک اتیِت، آد جُگاد ویکھ وکھائیا۔ بھگت بھگوَنت رکھے ٹھانڈا سیِت، سیِتل دھار آپ وہائیا۔ بل تیری چلائے ریِت، کلجُگ اَنت لئے پرگٹائیا۔ جوتی جوت سروُپ ہرِ، آپ اپنی کِرپا کر، اپنا میلا لئے مِلائیا۔ بل تیرا میل مِلاؤنا، ہرِ ساچا سچ جنائیندا۔ سِتل لوک چوں باہر کڈھاؤنا، اپنا بندھن آپ تُڑائیندا ۔ مانَس مانُکھ پھیر بناؤنا، مانَو اپنی دھار رکھائیندا۔ اپنا کیِتا قؤل پوُر کراؤنا، کیِتا قؤل بُھل نہ جائیندا۔ تیرا دھام پھیر سہاؤنا، دھرنی دھرت دھوَل وڈیائیندا۔ تیرے گھر مٹھ تپاؤنا، اگنی جوت لنبوُ لائیندا۔ ترےَگُن مایا وِچ ٹِکاؤنا، ساچا حُکم آپ ورتائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کِھلائیندا۔ کرے کھیل آپ گوبِند، مہما اکتھ کتھی نہ جائیا۔ انتم میٹے تیری چِند، جُگ چؤکڑی پار کرائیا۔ کرے کھیل گُنی گہند، گہر گمبھیِر وڈی وڈیائیا۔ آپ بنائے اپنی بِند، گُرمُکھ ساچا ناؤں دھرائیا۔ امرت دھار وہائے ساگر سِندھ، جوتی جوت سروُپ ہرِ، آپ اپنی کِرپا کر، اپنا لہنا آپ مُکائیا۔ ترےَگُن ویکھ کر دھیان، آد پُرکھ سمجھایا۔ نؤ سؤ چُرانوے چؤکڑی جُگ بیِتے وِچ جہان، انتم ویلا دئے سمجھایا۔ پرگٹ ہوئے سِری بھگوان، نِرگُن جوتی جامہ پایا۔ دو جہان جھُلائے نِشان، آپ اپنے ہتّھ ٹِکایا۔ لکھّ چؤراسی بنے ساچا کاہن، ایکا وار دئے اُٹھایا۔ ایکا دیوے دُھر فرمان، جُگ جُگ ایکا دئے سُنایا۔ چار وید ہون حَیران، برہما بَیٹھے مُکھ شرمایا۔ اٹھاراں پُران سرب کُرلان، ویلا گیا ہتّھ نہ آیا۔ شاستر سِمرت نہ کرن پچھان، نیتر نَین نہ کوئے کُھلایا۔ گیِتا گیان نہ کوئے وِدھان، بھرمے بُھلی سرب لوکایا۔ اِنجیِل قرآن ہوئے بےاِیمان، ساچا کلمہ نہ کوئے پڑھایا۔ عالم عُلما نہ کوئے جہان، کاتب کوئے نظر نہ آیا۔ ساچے تخت بہہ سِری بھگوان، مقامے حق ڈیرہ لایا۔ عیسیٰ موُسیٰ دیوے دُھر فرمان، سنگ محمد نال رلایا۔ ایکا کلمہ شرع شریِعت دیوے آن، عالمیِن آپ پڑھایا۔ پرگٹ ہوئے نؤجوان، شاہ سوار ویس وٹایا۔ نانک گوبِند کر پروان، دُھر فرمانا اِک

سُنایا۔ انتم پرگٹ ہوئے نِہکلنک بلی بلوان، سب دا لیکھا دئے مِٹایا۔ جُگ چؤکڑی گُر اوتار جِس دا گاؤندے رہے گان، نِیوں نِیوں بَیٹھے سیِس جھُکایا۔ پیِر پَیغمبر اؤلیئے شیخ مُلّا مسائق جِس دی منّدے رہے آن، سو دستگیِر اپنا ویس لئے وٹایا۔ جِس فرمانا دِتا اِنجیِل قرآن، جِس حُکم سُنایا۔ اٹھاراں پُران جِس وید چار دِتا برہمے برہم گیان، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن اپنا ویس کرایا۔ نِرگُن انتم ویس کراؤنا، ویس اولّڑا آپ وٹائیا۔ جُگ جُگ دا لیکھا پوُر کراؤنا، لیکھا اپنے ہتّھ رکھائیا۔ گُر اوتار بھانا سرب مناؤنا، اپنے بھانے سرب رکھائیا۔ اپنا بھیوَ نہ کِسے جناؤنا، بےاَنت بےاَنت بےاَنت کہہ کہہ جان گائیا۔ اپنا کھیل آپ کراؤنا، خالق خلق ویکھے چائیں چائنیا۔ کلجُگ انتم ویس وٹاؤنا، نِہکلنکا ناؤں رکھائیا۔ بل تیرا مان مات رکھاؤنا، تیری بھوُمی دان تیرے لیکھے لائیا۔ تیرا پکّیا پکوان پھیر تیری جھولی پاؤنا، ترےَگُن تیری بھٹّھی وِچ ڈاہیِا۔ تیرا بنک دوار سہاؤنا، بنک دواری آوے واہو داہیا۔ لکھّ چؤراسی بھرم بُھلاؤنا، گوُڑھی نیِند سرب سوائیا۔ پوُرب لہنا تیرا اَنت مُکاؤنا، دینا کوئے رہے نہ رائیا۔ تیرا گہنا تیرے تن شنگار کراؤنا، ویکھے ویکھنہارا سچّا ماہیِا۔ تیرا پرکاش ڈگمگاؤنا، سوُرج چند مُکھ شرمائیا۔ سَتجُگ ساچا مارگ لاؤنا، تیری دھار پھیر لئے پرگٹائیا۔ اِکّی جیٹھ دِوس سہاؤنا، ترےَگُن تیرا پندھ مُکائیا۔ اِکّی پروار بندھن پاؤنا، نہ کوئی توڑ تُڑائیا۔ تیرے مستک ٹِکاّ چندن لاؤنا، چرن دھوُڑی بخشے ساچی شاہیِا۔ جوتی جوت سروُپ ہرِ، آپ اپنی کِرپا کر، ترےَگُن تیرا لہنا دئے چُکائیا۔ ترےَگُن تیری بدھّی دھار، سو پُرکھ نِرنجن دَیا کمائیا۔ بل آیا وِچ سنسار، ہرِ بھانے سد سمائیا۔ گُروُ دَیا بھیا لال، گُر دَیال ناؤں دھرائیا۔ نیڑ نہ آئے کال مہاکال، پُرکھ ابناشی ہوئے سہائیا۔ ترےَگُن تیرا توڑ جنجال، کلجُگ بھٹّھی وِچ تپائیا۔ تیئی مگھّر سُرت سنبھال، سادھ سنگت گیا سمجھائیا۔ بھٹّھی پُٹی آپ اکال، قُدرت قادر بھیوَ نہ رائیا۔ چُر ویکھے دیِن دَیال، چوری کرکے گیا نظر نہ آئیا۔ اپنی ہتھّیں پنج پیارے لیاندے نال، اِک اِک ٹپ گیا لگائیا۔ پنجاں دیوے ایکا دات، داتا دانی آپ سمجھائیا۔ نِرگُن نانک دِتا ساتھ، در آیا چل کے گھر ساچے سچّا ماہیِا۔ چؤکا چھیِکا ویکھ وِچار، دسویں ستّر کھیل اپار، اپنا لیکھا گیا وکھائیا۔ چؤکا چھیِکا دِتا اُلٹا، چھیکا چؤکے پِچھے لگا، اپنا پردہ گیا کُھلائیا۔ باوَن روُپ آپ اکھوا، بل میلے سہج سُبھائیا۔ سَتجُگ تریتا دواپر پار کرا، کلجُگ انتم ویکھے آ، نِرگُن اپنا روُپ وٹائیا۔ کلجُگ تیرا لہنا لہنے دیوے پا، جوتی جوت سروُپ ہرِ،

آپ اپنی کِرپا کر، اپنا بھانا آپ ورتائیا۔ اپنا بھانا ہرِ ورتاؤنا، بھیوَ کوئے نہ پائیندا۔ اِکّی جیٹھ دِوس سہاؤنا، ترےَگُن تیرا موُل چُکائیندا۔ تیئی مگھّر رنگ رنگاؤنا، سمت سولاں ویکھ وکھائیندا۔ ساچا حُکم آپ مناؤنا، سد بھانے آپ رہائیندا۔ کلجُگ تیرا کھیڑا ڈھاؤنا، جو گھڑیا بھنّ وکھائیندا۔ نؤ کھنڈ پرِتھمی کوئی نظر نہ آؤنا، جو ہرِ ہرِ نام بُھلائیندا۔ نِرگُن ہو ہو چار کُنٹ بھاؤنا، دہ دِشا ویکھ وکھائیندا۔ جوتی جوت سروُپ ہرِ، آپ اپنی کِرپا کر، اپنی دھارا آپ بندھائیندا۔ ساچی دھارا بندھے ہرِ، تیئی مگھّر حُکم سُنایا۔ کلجُگ چرن ڈِگا دڑ، نیتر نَیناں نیِر وہایا۔ نِربھےَ آوے تیرے کولوں ڈر، میَں نیتر نَین شرمایا۔ ترےَگُن میری گئی ہر، نہ کوئی سکے بھار ونڈایا۔ لکھّ چؤراسی بَیٹھی اڑ، اَگے راہ نہ کوئے وکھایا۔ تُوں گھاڑن لیا آپے گھڑ، وِشن برہما شِو سیو کمایا۔ ایکا دینا ساچا ور، جوتی جوت سروُپ ہرِ، آپ اپنی کِرپا کر، میَں منگن در دوارے آیا۔ کِرپا کر سِری بھگوان، انتم منگ منگائیا۔ ایکا دینا سچّا دان، جِس دِتیاں توٹ رہے نہ رائیا۔ میری لُٹی گئی دُکان، وست کوئے رہن نہ پائیا۔ میَں ہویا اَنت حَیران، چار یاری بَیٹھی مُکھ بھوائیا۔ مان ٹُٹا گوپی کاہن، گان ہور نہ کوئے جنائیا۔ عیسیٰ موُسیٰ سرب کُرلان، سنگ محمد نَین شرمائیا۔ االلہ رانی نال رکان، مُکھ گھُنگٹ بَیٹھی پائیا۔ اَنت کرے نہ کوئے پروان، بےنکاحی دئے دُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میری انتم آس پُچائیا۔ کلجُگ تیری انتم آسا، سو پُرکھ نِرنجن پوُر کرائیندا۔ چؤتھے جُگ دئے دھرواسا، دھیِرج دھیِر آپ دھرائیندا۔ ویکھے کھیل پرِتھمی آکاشا، گگن گگننتر پھول پھولائیندا۔ جو اُپجے سو اَنت وِناسا، تِھر کوئے رہن نہ پائیندا۔ گھر گھر وکھاواں خالی کاسہ، اپنی کل اپنے ہتّھ رکھائیندا۔ گُرمُکھ وِرلے اندر کراں واسا، جِس جن اپنی بوُجھ بُجھائیندا۔ ننّھا نِرگُن گوبِند ہویا داسا، پُرکھ اکال اِک دھیائیندا۔ ایکا منڈل ایکا راسا، ایکا نگری سوبھا پائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ اَنت آپ سمجھائیندا۔ کلجُگ اَنت اُٹھنا جاگ، ہرِ ساچا سچ جنائیندا۔ پُرکھ ابناشی لاؤنا بھاگ، لوک مات ویس وٹائیندا۔ گُرمُکھ جگاؤنے سچ چراغ، وِشن برہما شِو مِٹائیندا۔ اِندر توڑے انتم تاگ، تخت تاج نہ کوئے سُہائیندا۔ دھروُ لےَ کے جائے اپنا لاگ، پِچھلی کیِتی جھولی پائیندا۔ چار جُگ دا ویکھ وَیراگ، گوبِند سُت آپ اُپجائیندا۔ چارے سُت دھوون داغ، دُرمت مَیل آپ دھوائیندا۔ انتم کھیل کرے آپ مہاراج، روُپ انوُپ آپ وٹائیندا۔ تیرا رچ اپنی ہتھّیں کاج، دو جہاناں گنڈھ پوائیندا۔ گُر

اوتاراں پئے بھاج، بھگت بھگوَنت در بُلائیندا۔ راج راجان سیِس چھڈن تاج، ساچا تخت نہ کوئے سُہائیندا۔ کلجُگ نئیا ڈولے جہاز، چپوُ کوئے نہ نام لگائیندا۔ لکھّ چؤراسی اُگھڑے پاج، مُلّما اَنت رہن نہ پائیندا۔ چاروں کُنٹ ویکھے حاجی حاج، مندر مسجد مٹھ شِودوالے پھول پھولائیندا۔ لہنا دینا ویکھے تیِرتھ تاٹ، گنگا گوداوری جمنا سُرستی اپنے چرناں ہیٹھ دبائیندا۔ ایکا کھولے سچّا ہاٹ، جِس دوارے گُرسِکھ آپ پرگٹائیندا۔ کرے کھیل بازی گر ناٹ، سوانگی اپنا سانگ ورتائیندا۔ کلجُگ تیری میٹے اندھیری رات، ساچا چند آپ چڑھائیندا۔ آپ بندھائے اپنا نات، ناتا بِدھاتا جوڑ جُڑائیندا۔ آپے ہوئے پِتا مات، گُرمُکھ ساچی گود بہائیندا۔ بل دِتی ساچی دات، کلجُگ انتم سِنگھ گُردَیال پوُر کرائیندا۔ انتم اُتریا پوُرے گھاٹ، پار کنارہ اِک رکھائیندا۔ ملاح بنیا پُرکھ سمراتھ، جِس دا بیڑا نہ کوئے اٹکائیندا۔ جِس نوُں گاؤندے رہے ترےَلوکی ناتھ، سو ناتھ اناتھاں ویس وٹائیندا۔ جِس دی وست آئی نہ کِسے ہاتھ، سو اپنا بھیوَ کُھلائیندا۔ جِس دا تِلک لگاؤندے رہے مستک ماتھ، سو جوت للاٹ آپ جگائیندا۔ کھیلے کھیل دِوس رات، دائی دایا روُپ وکھائیندا۔ گُرسِکھ انتم مِلیا اپنی ذات، جگت ذاتی آپ تُڑائیندا۔ نہ کوئی سجّن نہ کوئی ساک، سرب جیِاں گُرسِکھ ایہہ سمجھائیندا۔ پُرکھ ابناشی انتم کھولیا ایکا تاک، منُمکھاں نظر کِسے نہ آئیندا۔ دوُر دُراڈے سادھ سنت رہے جھاک، اندر وڑ درس کوئے نہ پائیندا۔ جوتی جوت سروُپ ہرِ، آپ اپنی کِرپا کر، کلجُگ تیرا لہنا تیری جھولی پائیندا۔ کلجُگ تیرا لہنا منگے بلیدان، بل باوَن حُکم سُنایا۔ تریتا میٹے رام راون آن، روُپ انوُپ دھرایا۔ دواپر کھیل کرے کنسا کاہن، آپ اپنا بل وکھایا۔ کلجُگ انتم ہو پردھان، نِہکلنکا جامہ پایا۔ تیرا میٹے جھوُٹھ نِشان، حُکمی حُکم آپ سُنایا۔ اِکّی جیٹھ دِوس مہان، گُر گوبِند رنگ رنگایا۔ جوتی جوت سروُپ ہرِ، آپ اپنی کِرپا کر، اپنا بندھن آپے پایا۔ گوبِند بندھن گُرمُکھ رنگ، گُر گُر گُر وڈیائیا۔ پوُت سپوُتا منگی منگ، پیت پیتمبر دئے وڈیائیا۔ ساچی سیجا ویکھ پلنگ، پرم پُرکھ بَیٹھا آسن لائیا۔ اٹّھے پہر ناد مردنگ، تُریا راگ سُنائیا۔ کرے کھیل سوُرا سربنگ، سوُربیِر اِک اکھوائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیا۔ حُکمے اندر سچ ورتارا، ورتمان ورتایا۔ گوبِند مِلیا میِت مُرارا، گوبِند ہرِ ہرِ درشن پایا۔ ہرِ ہرِ آیا چل دوارا، در گھر ساچے بھاگ لگایا۔ پوُرب لہنا جگت وِچارا، نیتر نَیناں پردہ لاہیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سِر اپنا ہتّھ ٹِکایا۔ ساچا ور

سِری بھگوان، بھگتن جھولی پائیا۔ لیکھا جانے جیِو جہان، جُگت جگت کھیل کِھلائیا۔ سُت دُلارا کر پروان، پوُت سپوُت ہوئے سہائیا۔ جوتی جوت سرپ ہرِ، آپ اپنی کِرپا کر، اپنا لیکھا آپ وکھائیا۔ ساچا لیکھا گوبِند دھار، ہرِ ساچا سچ جنائیندا۔ ڈلےّ مِلیا جھلّا یار، جھلک اپنی آپ وکھائیندا۔ جیِنودیاں مریا وِچ سنسار، اپنی مرنی جگت سمجھائیندا۔ جِس مِلیا اِک نِرنکار، دوُسر اوٹ نہ کوئے تکائیندا۔ ہڈّیاں بالن کر تیار، کلجُگ تیری بھٹّھی آپ تپائیندا۔ ہڈّ ماس ناڑی رت دِتی ڈار، ہونی ہوَن آپ وکھائیندا۔ بِرہوں سڑ سڑ ہویا انگیار، بِرہوں روُپ نظر کِسے نہ آئیندا۔ باہروں دِسدا رہیا سِنگھ گُردَیال، اندر قادر کھیل کِھلائیندا۔ اپنی ہتھّیں کوہیا اپنا لال، کلجُگ تیری کِریا میٹ مِٹائیندا۔ سَتجُگ ساچی بنے دھرمسال، جِس در تیری بھٹّھی لوح تپائیندا۔ ساچے در سوہن شاہ کنگال، اوُچ نیِچ نہ کوئے وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم آپ ورتائیندا۔ گُرسِکھ تیرے ناؤں وڈیائی، گُر سَتگُر سدا صالاحِندا۔ سچکھنڈ تیری وجدی رہے ودھائی، دوُسر تال نہ کوئے وجائیندا۔ پاربرہم کرے کُڑمائی، ناتا ہور نہ کوئے وکھائیندا۔ ایکا گھر دئے بہائی، دوُجا در نہ کوئے جنائیندا۔ آد جُگاد ملِے چائیں چائیں، جُگ جُگ اپنا ویس وٹائیندا۔ بھگت بھگوَنت اُٹھائے پھڑ پھڑ بانہیں، آپ اپنے گلے لگائیندا۔ آپے کرے ساچا سگن، نہ کوئی سدے نائن نائی، جھیور چھیمبا نہ کوئے رلائیندا۔ گوبِند ایکا مت گیا سمجھائی، بِن سَتگُر پار نہ کوئے کرائیندا۔ جوتی جوت سروُپ ہرِ، آپ اپنی کِرپا کر، سَتجُگ ساچا مارگ آپ لگائیندا۔ جو جن رووے جگت پرانی، تِس درگاہ ٹھؤر نہ رائیا۔ ملِے در نہ شاہ سُلطانی، جوُنی جوُن بھوائیا۔ جنم جنم وِچ آئے ہانی، دھیِرج دھیِر نہ کوئے دھرائیا۔ ایکا وجدی رہے کانی، چِنتا دُکھ وکھائیا۔ کِسے کمّ نہ آئے پڑھی بانی، جو اَنت نیتر نَیناں نیِر وہائیا۔ سَتگُر پوُرے نوُں آوے ہانی، جِس دا کیِتا پِچھلے رہے اُلٹائیا۔ جِس دی وست تِس اَنت سمبھالی، بھرمے بُھلی سرب لوکائیا۔ آپے بوُٹا آپے مالی، آپے ایتھے اوتھے رہیا لگائیا۔ گھر گھر ویکھو ہتّھ سب دے دِسن خالی، ساچا ناؤں ہتّھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کوُڑی کِریا دئے مِٹائیا۔ گُرسِکھ جو اَنتر رووے، تِس ملِے نہ میل بھگوانا۔ مانَس جنم جگ وِچ کھووے، جنم جنم ہوئے حَیرانا۔ دُرمت مَیل نہ تن دی دھووے، پڑھے وید پاٹھ پُرانا۔ اَگے ملِے نہ کوئی ڈھوئے، رائے دھرم مارے تیِر نِشانہ۔ پاربرہم دی ساچی سوئے، پربھ دیوے دُھر فرمانا۔ گُرمُکھ اَنت سَتگُر جیہا

ہوئے، ملِے جوت سِری بھگوانا۔ جوتی جوت سروُپ ہرِ، آپ اپنی کِرپا کر، کرے کھیل دو جہاناں۔ ہرِ سنگت سَتجُگ سچ وِہارا، نؤ کھنڈ پرِتھمی آپ جنائیندا۔ چار ورن اِک ورتارا، اٹھاراں برن آپ وکھائیندا۔ ویلے اَنت نہ مارے کوئی نعرہ، نیتر نیِر نہ کوئے وہائیندا۔ مات پِت بھائی بھَین ساک سجّن نار کنت کرے پیارا، ایکا حُکم جنائیندا۔ سوہنگ مہاراج شیر سِنگھ وِشنوُں بھگوان بول جَیکارا، اگلا پیَنڈا پندھ مُکائیندا۔ گل پاؤ اِک اِک ہارا، پُرکھ ابناشی ویکھ وکھائیندا۔ جِس گھر ہوئے ایہہ وِہارا، سو در سوبھا پائیندا۔ وِشن برہما شِو آ کے کرن نِمسکارا، گُر گوبِند خوشی منائیندا۔ ہڈّیاں بالن کر سسکارا، دھوُاں دھار اسمان چڑھائیندا۔ مڑھی مٹھ پھولے نہ وِچ سنسارا، ہڈّی ہڈّ نہ کوئے گنائیندا۔ کِسے پار نہ کرے کوئی جل دھارا، بِن سَتگُر پوُرے بیڑا بنّے نہ کوئے لگائیندا۔ گُرسِکھاں دوارے آئے آپ کرتارا، آپ اپنی گود بہائیندا۔ آد جُگاد سچّا شاہ سوارا، ساچا اَسو آپ دؤڑائیندا۔ جوتی جوت سروُپ ہرِ، آپ اپنی کِرپا کر، ناری نر آپ سمجھائیندا۔ ناری نر اِک گیان، بودھ گیان جنائیا۔ انتم لیکھا ہتّھ بھگوان، دوُسر اوَر نہ کوئے سہائیا۔ گُرسِکھ تجے جو پران، گھر منگل وجےّ ودھائیا۔ جو در آئے روئے رو کرے کُرلان، تِس دواریوں باہر دئے کڈھائیا۔ بھَین بھائی ساک سجّن نہ کوئے جہان، ویلے اَنت نہ کوئے چُھڈائیا۔ گُرسِکھ تیری کوئی نہ آئے مُکان، تیرا ستھر نہ کوئے وِچھائیا۔ تیرے گیِت سارے گان، جِس دوارے گیا تِس جانا چائیں چائنیا۔ کوَن ویلا ملِے سِری بھگوان، اپنا میلا لئے مِلائیا۔ جوتی جوت سروُپ ہرِ، آپ اپنی کِرپا کر، اپنا مارگ آپے لائیا۔ اپنا مارگ دینا رکھ، نہ کوئی توڑے توڑ تُڑائیندا۔ گُرسِکھ لکھّ چؤراسی نالوں کرے وکھّ، آپ اپنا بندھن پائیندا۔ جُگ جُگ بھگتاں کردا آیا پکھّ، منُمکھاں در دُرکائیندا۔ گُردَیال سِنگھ تیرا کوئے نہ وِچھیا ستھر ستھ، تیری سیجا پاربرہم آپ ہنڈھائیندا۔ سِنگھ ناظر رکھے پت، پتونتا دَیا کمائیندا۔ اُچی کوُک دینا دسّ، گُرمُکھ سچکھنڈ سوبھا پائیندا۔ ہرِ جوُ مِلیا ہسّ ہسّ، جگت دُکھ جگت وِچ رکھائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، اپنا گھر آپ وسائیندا۔ وسیا گھر چُھٹا جھیڑا، ہرِ سجّن دَیا کمائیا۔ کُھلیا در مُکیا گیڑا، گھر ساچے وجّی ودھائیا۔ مُکیا پیَنڈا بنھیا بیڑا، سیوک ساچی سیو کمائیا۔ نظری آیا نیرن نیرا، دوُر دُراڈا پندھ مُکائیا۔ کلجُگ جیِو جانن اُجڑیا کھیڑا، گُرمُکھ کہن وسیا کھیڑا مِلی وڈیائیا۔ من مت مایا بھیڑ بھیِڑا، جیِون جُگت نہ کوئے جنائیا۔ اِک دوُجے نوُں کہن میرا میرا، سنگ چلے نہ کوئے

بھَین بھائیا۔ بِن سَتگُر پوُرے کرے نہ کوئے نبیڑا، سارے بَیٹھن مُکھ بھوائیا۔ جوتی جوت سروُپ ہرِ، آپ اپنی کِرپا کر، ہرِجن ہرِ جوُ لئے مِلائیا۔ میل مِلاوا سچکھنڈ، ساچی درگاہ آپ سُہائیا۔ پار کرائے کوٹن کوٹ برہمنڈ، پاربرہم وڈ وڈیائیا۔ ناتا توڑ جیرج انڈ، اُتبُھج سیتج موُل مُکائیا۔ چرناں ہیٹھ دبائے سوُرج چنّ، روَ سس مُکھ شرمائیا۔ وِشن برہما شِو کرن بندن بند، دوئے جوڑ جوڑ سرنائیا۔ صاحِب دَیال ٹھاکر سدا بخشند، ہرِجن ساچے لئے ترائیا۔ آپ جنائے اپنا انند، انند انند وِچ سمائیا۔ جوتی جوت سروُپ ہرِ، آپ اپنی کِرپا کر، ہرِجن تیری وڈ وڈیائیا۔ ہرِجن تیرا سچ مکان، چھپر چھنّ نہ کوئے رکھائیندا۔ ہرِجن تیرا سچ نِشان، باڈی گھاڑت نہ کوئے گھڑائیندا۔ ہرِجن تیرا سچ گیان، چؤداں وِدیا بھیوَ نہ آئیندا۔ ہرِجن تیرا سچ نام، شاہ سُلطان مُکھ شرمائیندا۔ جوتی جوت سروُپ ہرِ، آپ اپنی کِرپا کر، ہرِجن میلے اپنے در، در ساچا سوبھا پائیندا۔ ساچا در سوبھاوَنت، سو پُرکھ نِرنجن آپ سُہائیا۔ میل مِلاوا ناری کنت، نر نرائن سنگ رکھائیا۔ آد جُگاد مہما اگنت، لیکھا لِکھت وِچ نہ آئیا۔ گُر اوتار کہہ کہہ بےاَنت، اپنا پلّوُ گئے چُھڈائیا۔ جِس بنائی اپنی بنت، سو اپنا بھیوَ رہیا کُھلائیا ۔ آپے آد آپے اَنت، مدھ اپنی دھار چلائیا۔ آپے جیِو آپے جنت، آپے وِشن برہما شِو سیو کمائیا۔ آپے درویش آپے منگت، آپے شاہ سُلطان حُکم سُنائیا۔ آپے میل مِلایا ساچی سنگت، پنگت اپنا حُکم جنائیا۔ جوتی جوت سروُپ ہرِ، آپ اپنی کِرپا کر، سِنگھ بوُڑ رہیا سمجھائیا۔ سنگت ساچی جانیئے، جِس اَنتر ہرِ نِواس۔ سنگت ساچی جانیئے، جِس آتم سچ دھرواس۔ سنگت ساچی جانیئے، جِس پربھ مِلن دی آس۔ سنگت ساچی جانیئے، جِس دیوے درس پُرکھ ابناش۔ جوتی جوت سروُپ ہرِ، آپ اپنی کِرپا کر، آپے کھیلے کھیل تماش۔ سنگت ساچی جانیئے، آتم اَنتر رنگ۔ سنگت ساچی جانیئے، گھر ویکھے سیج پلنگ۔ سنگت ساچی جانیئے، گھر سُنے ناد مردنگ۔ سنگت ساچی جانیئے، اپنا دوارا آپے جائے لنگھ۔ سنگت ساچی جانیئے، اٹّھے پہر رہے پرمانند۔ سنگت ساچی جانیئے، جِس سَتگُر سُنائے سُہاگی چھند۔ سنگت ساچی جانیئے، جِس اَنت نہ آئے کنڈ۔ سنگت ساچی جانیئے، جو وسے اُپر برہمنڈ۔ سنگت ساچی جانیئے، جِت آتم ہوئے نہ رنڈ۔ جوتی جوت سروُپ ہرِ، آپ اپنی کِرپا کر، سد وسے سنگت سنگ۔ سنگت سدا خوشی منائے، دِوس رَین وڈیائیا۔ گیِت گوبِند ہرِ گُن گائے، رسنا جِہوا سیو کمائیا۔ من تن ہریا جگت کرائے، امرت میگھ اِک برسائیا۔ ہرکھ سوگ وِچ کدے نہ آئے، سو

سنگت سَتگُر بھائیا۔ سنگت سَتگُر آپ بنائے، دیوے مان مان وڈیائیا۔ جوتی جوت سروُپ ہرِ، آپ اپنی کِرپا کر، ساچی سنگت سِکھ روُپ رکھائیا۔ ساچی سنگت سو پردھان، جو منّے دُھر فرمانا۔ پنگت بنے پھیر وِچ جہان، پُرکھ ابناشی ہوئے مِہربانا۔ مرے آئے نہ کوئے مُکان، گائے گوبِند گانا۔ گھر آئی ویکھے سنگت جہان، کی ورتیا کلجُگ بھانا۔ گُردَیال سِنگھ تیرا رِدھا پکاّ سارے کھان، نال مِلیا سِری بھگوانا۔ پنگت بنی چتُر سُجان، موُرکھ مُگدھ نَین شرمانا۔ پِچھلی چلے نہ کوئی دُکان، اَگے کھیل کرے ہو مِہربانا۔ جوتی جوت سروُپ ہرِ، آپ اپنی کِرپا کر، سنگت پنگت پنگت سنگت ہرکھ سوگ چِنتا دُکھ سرب مِٹانا۔