کتب خانہGranth 10 (Shahmukhi)

۱۶ بھادروں ۲۰۱۸ بِکرمی دھنّا سِنگھ دے گرِہ ڈھیَپئی ضِلع لُدھیانہ

سچکھنڈ سچّا دوارا، سو پُرکھ نِرنجن سوبھا پائیندا۔ تِھر گھر کھولے آپ کِواڑا، ہرِ پُرکھ نِرنجن ویکھ وکھائیندا۔ ایکنکارا دئے سہارا، آپ اپنا بندھن پائیندا۔ آد نِرنجن کر اُجیارا، جوتی جوت ڈگمگائیندا۔ سِری بھگوان ویکھنہارا، در گھر ساچا ویکھ وکھائیندا۔ ابناشی کرتا آپے جانے اپنا سَت بھنڈارا، سَت سَتوادی آپ اُپائیندا۔ پاربرہم پربھ ہو تیارا، اپنی کھیل آپ کِھلائیندا۔ الکھ اگوچر اگمّ اگمّڑی کارا، پُرکھ اگمّڑا آپ کرائیندا۔ شاہو بھوُپ بن سِکدارا، شہنشاہ اپنا ناؤں دھرائیندا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیندا۔ شاہ پاتشاہ ہرِ کرتار، آد پُرکھ اکھوائیا۔ نِرگُن نِروَیر ہو تیار، موُرت اکال ڈگمگائیا۔ اجوُنی رہِت بے عیب پروردِگار، مقامے حق سوبھا پائیا۔ جلوہ نوُر کر اُجیار، جوت اُجالا ویس وٹائیا۔ ساچے مندر کھیل نیار، کھیل اولّڑا آپ کرائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچا آپ وڈیائیا۔ سچکھنڈ ساچا سچ دوار، سو پُرکھ نِرنجن آپ اُپائیندا۔ ہرِ پُرکھ نِرنجن ہو تیار، در گھر ساچا آپ سُہائیندا۔ ایکنکارا ویکھے ویکھنہار، آد نِرنجن میل مِلائیندا۔ ابناشی کرتا وسے ٹھانڈے دربار، سِری بھگوان نِشان جھُلائیندا۔ پاربرہم پربھ خبردار، آد جُگادی اِک اکھوائیندا۔ ساچے تخت بَیٹھ حُکمران، دُھر فرمانا آپ الائیندا۔ شاہو بھوُپ بن راجان، در درویش ویس وٹائیندا۔ بِھکھک بِھکھاری بنے آپ بھگوان، نِیوں نِیوں سیِس جگدیِش سیِس جھُکائیندا۔ کرے کھیل ہرِ مہان، بھیوَ ابھید آپ رکھائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوار سوبھا پائیندا۔ سچکھنڈ دوار سوبھاوَنت، سو پُرکھ نِرنجن آپ سُہائیا۔ ہرِ پُرکھ نِرنجن ناری کنت، نر نرائن ویس وٹائیا۔ ایکنکارا بنائے بنت، گھاڑن گھڑت لئے گھڑائیا۔ آد نِرنجن مہما اگنت، لیکھا لِکھت وِچ نہ آئیا۔ ابناشی کرتا بےپرواہ بےاَنت، بے عیب نام خُدائیا۔ سِری بھگوان ساچا دھام سُہنت، درگاہ ساچی وڈ وڈیائیا۔ پاربرہم اپنا لیکھا جانے آد اَنت، مدھ اپنی دھار چلائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا آپ سُہائیا۔ سچکھنڈ دوار سچ محلہ، ہرِ ساچا سچ سُہائیندا۔ وسنہارا اِک اِکلّا، آپ اپنا آسن لائیندا۔ آد جُگادی کھیل اولّا، شبد جوت آپے رلا، جوتی جاتا ڈگمگائیندا۔ نِرگُن نِرگُن پھڑائے پلّا، نِرگُن نِرگُن سنگ نِبھائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارا ویکھ وکھائیندا۔ سچکھنڈ دوارا ساچی

دھار، سو پُرکھ نِرنجن آپ پرگٹائیا۔ چھپر چھنّ نہ کوئے سہار، چار دیوار نہ کوئے بنائیا۔ دِیا باتی نہ کوئے اُجیار، آد نِرنجن ڈگمگائیا۔ نہ کوئی پُرکھ نہ کوئی نار، نر نرائن کھیل کِھلائیا۔ نہ کوئی مندر گُروُدوار، اِک اِکلّا سوبھا پائیا۔ کرے کھیل اگمّ اپار، الکھ اگوچر بےپرواہیِا۔ اپنی اِچھیا بھر بھنڈار، آپے رہیا ورتائیا۔ آپے ویکھے ویکھنہار، دوُسر سنگ نہ کوئے رلائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے بَیٹھا وڑ، سچ سِنگھاسن سوبھا پائیا۔ سچ سِنگھاسن سوبھاوَنت، سو پُرکھ نِرنجن آپ سُہائیندا۔ آپے ناری آپے کنت، کنت کنتُوہل ویس وٹائیندا۔ آپے بنائے اپنی بنت، نِرگُن نِرگُن میل مِلائیندا۔ آپے آد آپے اَنت، اَنت آد اپنی کھیل کِھلائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارا ساچا گھر، در گھر ساچا آپ کُھلائیندا۔ سچکھنڈ دوارا آپے کھول، سو پُرکھ نِرنجن ویکھ وکھائیا۔ ایکنکارا نِش اکھّر آپ بول، اکھّر وکھّر کرے پڑھائیا۔ آپے تولنہارا تول، تولا بنے ساچا ماہیِا۔ آد جُگاد رہے اڈول، ڈُل کدے نہ جائیا۔ آپے وسے اپنے کول، اپنا سنگ نِبھائیا۔ آپے اپنے اندر جائے مؤل، اپنی رچنا ویکھ وکھائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے چڑھ، سچ سِنگھاسن دئے وڈیائیا۔ ساچے تخت بَیٹھ سچّا سُلطان، ہرِ ساچا کھیل کِھلائیندا۔ آد پُرکھ ہو مِہربان، اپنی دَیا آپ کمائیندا۔ آپے دیوے دُھر فرمان، شبد انادی ناد وجائیندا۔ حُکمی حُکم سُنائے سُناونہار، سُننہار آپ ہو جائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچا ہرِ، ساچا متا آپ پکائیندا۔ نِرگُن اندر نِرگُن دھار، نِروَیر آپ رکھائیا۔ نِرگُن روُپ نِراکار، نِرگُن آپے ویکھ وکھائیا۔ نِرگُن مندر نِرگُن دوار، نِرگُن بَیٹھا آسن لائیا۔ نِرگُن بھوُپ نِرگُن سِکدار، نِرگُن رعیت روُپ وٹائیا۔ نِرگُن شاہ نِرگُن سِکدار، نِرگُن بَیٹھا سیِس جھُکائیا۔ نِرگُن سیِس تاج دستار، نِرگُن چرن کوَل بِگسائیا۔ نِرگُن کھیل کرے اگمّ اپار، الکھ اگوچر بےپرواہیِا۔ نِرگُن وسے دھام نیار، نِہچل دھام آپ اُپجائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچا گھاڑن لئے گھڑائیا۔ سچکھنڈ ساچا گھاڑن گھڑیا، پُرکھ ابناشی سیو کمائیندا۔ سَت پُرکھ نِرنجن اندر وڑیا، دِس کِسے نہ آئیندا۔ اپنے پؤڑے آپے چڑھیا، ساچا پؤڑا آپ لگائیندا۔ آپے پُرکھ ناری نریا، ور داتا آپ اکھوائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارا آپ وڈیائیندا۔ سچکھنڈ دوارا سوبھنیِک، سَتگُر پوُرا آپ سُہائیا۔ نہ کوئی دیِسے اوَر شریِک، اِک اِکلّا ساچا ماہیِا۔ نہ کوئی اندھیرا تاریِک،

نِرگُن جوت ڈگمگائیا۔ نہ آد جُگاد کِسے دی رکھے اُڈیِک، اپنی اِچھیا وِچ سمائیا۔ کِسے کولوں نہ منگے بھیِکھ، وڈ داتا بےپرواہیِا۔ اپنا لیکھا آپے لِکھ، لِکھ لِکھ لیکھا آپ سمجھائیا۔ آپے ونڈے اپنا حِص، پاربرہم وڈی وڈیائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے وڑ، اپنا کھیل آپ کرائیا۔ ساچا سُت دُلارا جایا ایکا وار، شبدی ناؤں دھرائیندا۔ آپ بٹھایا پہلی وار، دوُجی وار نہ کوئے اُٹھائیندا۔ تِھر گھر سوہے بنک دوار، سو پُرکھ نِرنجن آپ سُہائیندا۔ پِتا پوُت کرے پیار، ساچی گود سُہائیندا۔ ایکا دیوے وست اپار، ناؤں نِرنکارا جھولی پائیندا۔ اگمّا اگمّ کر تیار، سُر تال نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، سچکھنڈ اندر تِھر گھر دھر، اپنا کھیل آپ کرائیندا۔ سچکھنڈ اندر تِھر گھر واسا، سو پُرکھ نِرنجن آپ کرائیا۔ کھیلے کھیل کھیل تماشا، کھیلنہارا دِس نہ آئیا۔ شبد دُلارے کر کر واسا، ساچا دھام وڈیائیا۔ آد جُگاد پوُری کرے آسا، سیِس جگدیِش ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیا۔ ساچا حُکم دُھر فرمانا، سَت پُرکھ نِرنجن آپ جنائیندا۔ سُت دُلارا بال انجانا، شبدی شبد اُٹھائیندا۔ آد جُگاد منّنا بھانا، جُگ جُگ کھیل کِھلائیندا۔ تیرا وسے اِک مکانا، ساچا مندر آپ سُہائیندا۔ میرا ناؤں تیرا گانا، ساچی تار ہِلائیندا۔ میرا نوُر تیرا درس مہانا، درسی درس اِک وکھائیندا۔ میرا چرن تیرا پد نِربانا، ساچا گھر وکھائیندا۔ جوتی جوت سروُپ ہرِ، آپ اپنی کِرپا کر، ساچے سُت آپ اُٹھائیندا۔ سُت دُلارا ہرِ سمجھا، اپنی دَیا کمائیا۔ تِھر گھر ساچا دئے وسا، ساچے کھیڑے بھاگ لگائیا۔ جوتی جوت کر رُشنا، نوُر نوُرانہ ڈگمگائیا۔ دُھر فرمانا آپ سُنا، ناد اناد وجائیا۔ اپنا پردہ آپ چُکا، روُپ انوُپ درسائیا۔ سَت نِشانہ اِک چڑھا، سَت سَتوادی رہیا جھُلائیا۔ بودھ اگادھی بھیوَ کُھلا، ایکا کرے پڑھائیا۔ جوتی جوت سروُپ ہرِ، آپ اپنی کِرپا کر، تِھر گھر ساچے بنت بنائیا۔ تِھر گھر ساچا بنت بنائی، پُرکھ ابناشی دَیا کمائیندا۔ اپنی گھاڑن آپ گھڑائی، باڈی اوَر نہ کوئے لگائیندا۔ جوت نِرنجن آد نِرنجن ویکھے چائیں چائیں، نوُر نوُرانہ روُپ آپ دِکھائیندا۔ سُت دُلارا پکڑ اُٹھائے باہیں، آپ اپنی گود بہائیندا۔ ایکا گُن رہیا سمجھائی، اَوگُن سنگ نہ کوئے مِلائیندا۔ تیری رچنا ویکھاں تھاؤں تھائیں، تھان تھننتر آپ وکھائیندا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، دُھر فرمانا آپ سُنائیندا۔ دُھر فرمانا سچ سندیشہ، سو پُرکھ نِرنجن آپ سُنائیندا۔ پاربرہم پربھ نر نریشا، نر نرائن حُکم ورتائیندا۔ آد جُگادی ایکو ویسا،

جُگ جُگ ویس وٹائیندا۔ تیری گود بہائے وِشن برہما شِو گنیشا، ساچا حُکم آپ جنائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آد رچنا آپ رچائیندا۔ آد پُرکھ ہرِ رچن رچائے، اپنی کھیل آپ کِھلائیا۔ شبدی سُت ہرِ سیوا لائے، جننی جن آپ ہو جائیا۔ وِشن برہما شِو جھولی پائے، ساچی گود سُہائیا۔ دُھر فرمانا اِک الائے، ناؤں نِرنکارا کرے پڑھائیا۔ شبدی ڈوری بندھن پائے، نہ کوئی توڑے توڑ تُڑائیا۔ پرمانندن اِک وکھائے، آپ اپنی بوُجھ بُجھائیا۔ سُہاگی چھندن اِک سُنائے، سو پُرکھ نِرنجن آپے گائیا۔ جوتی جوت سروُپ ہرِ، آپ اپنی کِرپا کر، شبدی شبد کھیل کِھلائیا۔ شبدی کھیل کرے کرتارا، حُکمی حُکم آپ ورتائیندا۔ شبدی شبد محل اُسارا، سچ محلہ سوبھا پائیندا۔ شبدی شبد گگن منڈل دئے سہارا، برہمنڈ کھنڈ آپ اُپائیندا۔ شبدی شبد نوُر روَ سس کر اُجیارا، جوتی جوت ڈگمگائیندا۔ شبدی شبد پوَن ہُلارا، پوَن پوَنی آپ سمائیندا۔ شبدی شبد ترےَگُن دھارا، ترےَگُن اتیِتا آپ پرگٹائیندا۔ شبدی شبد پنچم اکھاڑا، اپ تیج وائے پرِتھمی آکاش ناچ نچائیندا۔ شبدی شبد ناد دُھنکارا، سُت برہما آپ پڑھائیندا۔ شبدی شبد بن لِکھارا، چارے ویداں بھیوَ کُھلائیندا۔ شبدی شبد بن ونجارا، ساچا ونج آپ کرائیندا۔ شبدی شبد بول جَیکارا، چارے بانی آپ الائیندا۔ شبدی شبد پھڑ پھڑ آرا، چارے جُگ ونڈ ونڈائیندا۔ شبدی شبد کھانی بانی بھرے بھنڈارا، چارے کھانی آپ اُپجائیندا۔ شبدی شبد لکھّ چؤراسی کرے پسارا، لِکھ لِکھ چار میل مِلائیندا۔ شبدی شبدی پنچ دئے سہارا، پنچم پنچم جوڑ جُڑائیندا۔ شبدی شبد نؤ دوار ویکھے اکھاڑا، جگت ترِسنا ناچ نچائیندا۔ شبدی شبد کر پسارا، گھر گھر وِچ بنک سُہائیندا۔ شبدی شبد امرت ٹھنڈا ٹھارا، نِجھر جھِرنا آپ جھِرائیندا۔ شبدی شبد ساچا تاڑا، انحد تالی تال وجائیندا۔ شبدی شبد ساچا اکھاڑا، پنچم سخیاں آپ آپ وکھائیندا۔ شبدی شبد جوت اُجیارا، جوت نِرنجن ڈگمگائیندا۔ شبدی شبد برہم پسارا، آتم برہم ویکھ وکھائیندا۔ شبدی شبد اِیش جیِو ہُلارا، جگدیِش آپ کرائیندا۔ شبدی شبد کر پسارا، پاربرہم پربھ ویکھ وکھائیندا۔ دھرت دھوَل دئے سہارا، جل بِنب آپ ٹِکائیندا۔ ایکا شبد بنے سِکدارا، سچ سِکداری آپ کمائیندا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیندا۔ ساچا حُکم ہرِ ورتاؤنا، ایکا وار جنائیا۔ شبدی تیرا کھیل کِھلاؤنا، ہرِ ساچی ونڈ ونڈائیا۔ وِشن برہما شِو سیو لگاؤنا، لکھّ چؤراسی گھاڑن لئے گھڑائیا۔ جُگ چؤکڑی ونڈ ونڈاؤنا، رُت رُتڑی آپ سُہائیا۔ نوَ نؤ

کھیڑا آپ وساؤنا، ستّ ستّ ہوئے شنوائیا۔ نوَ نؤ ڈیرہ آپے ڈھاؤنا، جو گھڑیا بھنّ وکھائیا۔ اپنا پردہ آپ اُٹھاؤنا، جُگ جُگ ویس وٹائیا۔ نِرگُن سرگُن ناؤں رکھاؤنا، پنج تت کرے کُڑمائیا۔ پاربرہم برہم میل مِلاؤنا، گھر ساچے وجےّ ودھائیا۔ شبد انادی ایکا گاؤنا، تُریا راگ سُنائیا۔ جیِو جنت آپ پڑھاؤنا، اپنا ناؤں جگت پرگٹائیا۔ سمرتھ پُرکھ ہرِ کھیل کِھلاؤنا، قُدرت قادر ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچے سُت رہیا سمجھائیا۔ ساچا سُت کرے دھیانا، پربھ چرن سیِس جھُکائیندا۔ شاہ پاتشاہ سچ سُلطانا، ہؤں درویش منگ منگائیندا۔ لکھّ چؤراسی کراں پردھانا، ترےَگُن تیرا ناچ نچائیندا۔ پنچم بنّھاں ایکا گانا، نؤ کھنڈ پرِتھمی کھیل کِھلائیندا۔ ناؤں سُناواں سچ ترانہ، جُگ جُگ تیرا ناؤں پرگٹائیندا۔ لیکھا جاناں دو جہاناں، لوآں پُریاں کھیل کِھلائیندا۔ منڈل منڈپ ہو پردھانا، روَ سس آپ بھوائیندا۔ لیکھا جاناں زِمیں اسمانا، سمُند ساگر بھیوَ چُکائیندا۔ جُگ چؤکڑی پندھ مُکانا، گیڑا اپنے ہتّھ رکھائیندا۔ نِرگُن سرگُن ہو پردھانا، گُر اوتار روُپ دھرائیندا۔ سَتجُگ تیرا ناؤں دئے بیانا، تریتا تیری ونڈ ونڈائیندا۔ دواپر مارے اِک نِشانہ، تیِر نِرالا بان چلائیندا۔ کلجُگ کھیلے کھیل سِری بھگوانا، بھیوَ کوئے نہ پائیندا۔ کوٹن کوٹ جُگ بیِتے وِچ جہانا، کوٹی کوٹ وِشن برہما شِو روُپ وٹائیندا۔ جوتی جوت سروُپ ہرِ، آپ اپنی کِرپا کر، آد اَنت سِری بھگوَنت اپنی دھار اپنے ہتّھ رکھائیندا۔ آد اَنت ہرِ جوُ دھار، اپنے ہتّھ رکھائیا۔ کرے کھیل اگمّ اپار، الکھ اگوچر بےپرواہیِا۔ ساچے تخت بَیٹھ سچّی سرکار، سچکھنڈ دوارے سوبھا پائیا۔ سیوا لائے گُر اوتار، دُھر فرمانا شبد جنائیا۔ بھگت بھگوَنت کرے پیار، آپ اپنے رنگ رنگائیا۔ ساچے سنتاں دئے ہُلار، سَت سَتوادی سچّا شہنشاہیِا۔ گُرمُکھ ساچے لئے اُبھار، آتم برہم کرے پڑھائیا۔ گُرمُکھ وکھائے دھام نیار، در دروازہ بند کُھلائیا۔ اٹّھے پہر جوت اُجیار، دِوس رَین نہ کوئے وکھائیا۔ سچکھنڈ بَیٹھ سچّے دربار، جُگ جُگ اپنا ویکھ وکھائیا۔ جُگ چؤکڑی کرے پار، نوَ نؤ چار پندھ مُکائیا۔ نؤ سؤ چُرانوے چؤکڑی رہے نہ وِچ سنسار، جو آیا اُٹھ اُٹھ جائیا۔ جوتی جوت سروُپ ہرِ، آپ اپنی کِرپا کر، سُت دُلارے رہیا جنائیا۔ سُت دُلارے وڈ بلوان، شبدی تیرا رنگ رنگایا۔ تیرا کھیل دو جہان، پُرکھ ابناشی ویکھ وکھایا۔ تیرا بھیوَ نہ پائن وید پُران، شاستر سِمرت رہے تیرا جس گایا۔ تیرا ناؤں گیِتا گیان، پُران اٹھاراں رہے دھیایا ۔ تیری مہما کرے اِنجیِل قرآن، تیِس بتیِسا سیوا لایا۔ تیرا کلمہ سچ اِیمان، اِمام اِمامہ سِر ٹِکایا۔ تیرا چھتر دو

جہان، پُرکھ ابناشی آپ جھُلایا۔ محبان بیِدو آد جُگاد نؤجوان، بی خَیر یا االلہ بِسمِل اپنی کھیل کِھلایا۔ اُچے مندر بَیٹھ مکان، حق مقامے سوبھا پایا۔ آپے دیوے سچ پَیغام، پیِر پَیغمبر رہیا سمجھایا۔ آپے ہوئے وڈ اِمام، شاہ اِماماں ناؤں دھرایا۔ عالم عُلما پیائے ایکا جام، آب حیات ہتّھ رکھایا۔ جوتی جوت سروُپ ہرِ، آپ اپنی کِرپا کر، جُگ چؤکڑی ویکھ وکھایا۔ جُگ چؤکڑی ویکھنہارا، نِرگُن اپنا روُپ وٹائیندا۔ سچکھنڈ وسے ایکنکارا، اپنی دھار چلائیندا۔ لیکھا جانے گُر اوتارا، لوک مات ویکھ وکھائیندا۔ سَتجُگ تریتا دواپر اُترے پارا، کلجُگ اپنا ناچ نچائیندا۔ نؤ کھنڈ پرِتھمی لگّا اکھاڑا، مایا ممتا نال رلائیندا۔ عیسیٰ موُسیٰ بول جَیکارا، حق حقیِقت ایکا نعرہ لائیندا۔ سنگ محمد چار یارا، چاروں کُنٹ ڈؤروُ وائیندا۔ االلہ رانی کرے پُکارا، میِاں نَین نہ کوئے اُٹھائیندا۔ واہ واہ تیری قُدرت بے عیب پروردِگارا، قادر تیری کھیل کِھلائیندا۔ آپے وسے سب توں نیارا، دِس کِسے نہ آئیندا۔ گُروُآں اوتاراں دے سہارا، ایکا نام جپائیندا۔ اُچی کوُک کوُک کرن پُکارا، بےاَنت بےاَنت بےاَنت سرب جنائیندا۔ اپنا کھیل اپنے ہتّھ رکھیں تُوں رکھنہارا، تیرا بھیوَ کوئے نہ پائیندا۔ آد جُگادی ورتے ورتارا، حُکمی حُکم آپ ورتائیندا۔ جوتی جوت سروُپ ہرِ، آپ اپنی کِرپا کر، سچکھنڈ نِواسا پُرکھ ابناشا، آپے ویکھے کھیل تماشا، پرِتھمی آکاشا پھول پھولائیندا۔ پرِتھمی آکاش کھیل اولّا، سو پُرکھ نِرنجن آپ کرائیا۔ نِرگُن نِروَیر اِک اِکلّا، کلجُگ انتم ویس وٹائیا۔ پاوے سار جلا تھلا، جل تھل مہیئل ویکھ وکھائیا۔ پردہ لاہے جنگل جوُہ اُجاڑ پہاڑ ڈوُنگھی ڈلّا، اُچے ٹِلّے پربت پھول پھولائیا۔ لکھّ چؤراسی اندر سچ سِنگھاسن ایکا ملّا، آتم سیجا آسن لائیا۔ جوتی جوت سروُپ ہرِ، آپ اپنی کِرپا کر، شبدی دیوے ساچا ور، ایکا تت جنائیا۔ ایکا تت ہرِ کا ناؤں، آد جُگاد رکھائیندا۔ آپ رکھائے ساچے تھاؤں، تھان تھننتر سوبھا پائیندا۔ جُگا جُگنتر کرے سچ نیاؤں، سچ عدالت آپ رکھائیندا۔ ہرِجن ساچے پھڑ پھڑ باہوں، اپنی گود بہائیندا۔ پھڑ پھڑ ہنس بنائے کاؤں، ساچی چوگ چُگائیندا۔ آپے پِتا آپے ماؤں، لکھّ چؤراسی ویکھ وکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنی ونڈ ونڈائیندا۔ ساچی ونڈے ہرِ جوُ ونڈ، ونڈنہار اکھوایا۔ لیکھا جانے کوٹن کوٹ برہمنڈ، برہمنڈ کھنڈ اپنا کھیل کِھلایا۔ پردہ لاہے جیرج انڈ، اُتبُھج سیتج بھیوَ چُکایا۔ لکھّ چؤراسی نار دُہاگن ویکھے رنڈ، ہرِ ہرِ کنت نہ کوئے ہنڈھایا۔ چاروں کُنٹ بھیکھ پکھنڈ، جوُٹھ جھوُٹھ ہوئے ہلکایا۔ کوئے نہ گائے سُہاگی چھند، رسنا جِہوا نہ کوئے صالاحیا۔ کِسے

گھر نہ دِسے ساچا چند، جگت اندھیرا چھایا۔ گُرمُکھ وِرلا پائے پرمانند، جِس جن اپنی دَیا کمایا۔ جوتی جوت سروُپ ہرِ، آپ اپنی کِرپا کر، آد جُگادی اپنی ونڈ اپنے ہتّھ رکھایا۔ اپنی ونڈ ونڈ بھگوان، اپنا کھیل کِھلائیا۔ سَتجُگ ساچے ہو پردھان، سَت سَتوادی روُپ وٹائیا۔ تریتا لیکھا سیِیا رام، رام رمئیا روُپ دھرائیا۔ دواپر لیکھا کرِشنا کاہن، مُکند منوہر لکھمی نرائن وڈ وڈیائیا۔ کلجُگ اَنت ہو پردھان، عیسیٰ موُسیٰ ناد وجائیا۔ سنگ محمد چار یار مشلہ پڑھن قرآن، شرع شریِعت اِک وکھائیا۔ ساچا مذہب دیِن اِیمان، ابنُلوقت آپ جنائیا۔ نِرگُن جوت ہو پردھان، نانک نئیا نام وکھائیا۔ سَت نام دے پَیغام، چار ورن کرے پڑھائیا۔ کھتری براہمن شوُدر وَیش دیوے دان، ذات پات نہ کوئے رکھائیا۔ کایا مندر سچ مکان، گھر وسے ساچا ماہیِا۔ اٹّھے پہر ناد دُھنکان، اپنا راگ رہیا سُنائیا۔ جو جن اَنتر آتم کرے دھیان، پتت پاوَن ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا شبد دئے وڈیائیا۔ شبد گُر نانک گوبِند، ایکا رنگ سمائیندا۔ سرب جیِاں جگ میٹے چِند، چِنتا چِکھا نہ کوئے جنائیندا۔ داتا دانی گہر گمبھیِر گُنی گہند، ساچے ساگر آپ نُہائیندا۔ لکھّ چؤراسی برہم بِند، ذات پات میٹ مِٹائیندا۔ جوتی جوت سروُپ ہرِ، آپ اپنی کِرپا کر، ساچا نام آپ وڈیائیندا۔ ساچا نام وڈّا وڈ، ہرِ ہرِ آپ اُپائیندا۔ اپنے اَنتر آپے کڈھ، لکھّ چؤراسی وِچ رکھائیندا۔ جیِو جنت لڈائے لڈ، پریم پیار اِک سِکھائیندا۔ آپ جنائے ساچی حد، پار کنارہ آپ وکھائیندا۔ ساچا جام پیائے مد، امرت رس چوائیندا۔ نانک نِرگُن ہرِجن اپنے گھر سدّ، نِت سدڑے سَت سُنائیندا۔ گُرمُکھ بنائی ساچی جدّ، ورن برن نہ کوئے وکھائیندا۔ جو آیا سو جائے لد، تِھر کوئے رہن نہ پائیندا۔ جو گھڑیا سو جائے بھجّ، گھڑن بھنّنہار آپ بھنّائیندا۔ کلجُگ جیِو ہرِ مندر بہنا سج، کایا مندر اندر آپ وکھائیندا۔ سَتگُر پوُرا پردہ لئے کجّ، سِر اپنا ہتّھ ٹِکائیندا۔ ویلے اَنت لاؤن نہ دیوے کوئی پج، چاروں کُنٹ ویکھ وکھائیندا۔ جوتی جوت سروُپ ہرِ، آپ اپنی کِرپا کر، ایکا شبدی شبد دھرائیندا۔ شبد گُردیو آتم پرماتم، پرم پُرکھ وڈیائیا۔ شبد سُہاگ شبد ماتم، شبد کھیلے کھیل ہر گھٹ تھائنیا۔ شبد باہر شبد باطن، شبد نوُر شبد ظہوُر، شبد شبدی ویکھ وکھائیا۔ شبد آسا شبد منسا شبد کرے پوُر، شبدی سیو کمائیا۔ شبد خالی شبد بھرپوُر، شبد حاضر شبد حضوُر، حضرت شبد روُپ وٹائیا۔ شبد نیڑے شبد دوُر، شبد شبدی ساچی دھوُڑ، گُرمُکھ وِرلا مستک لائیا۔ جوتی جوت سروُپ ہرِ، آپ اپنی کِرپا کر، ایکا نام آپ صالاحیِا۔ نام

صلاحے صالاحن یوگ، جُگ کرتا آپ صالاحِندا۔ نام ہوئے ساچا رس بھوگ، نام امرت ساچی چوگ، ترِسنا بُھکھ گوائیندا۔ نام کٹے ہؤمے روگ، مایا ممتا موہ جلائیندا۔ نام وکھائے ساچا جوگ، جوگ جوگیِشر آپ جنائیندا۔ نام وکھائے ساچی اوٹ، نانک گوبِند اِک سمجھائیندا۔ نام لگائے ساچی چوٹ، سچ نگارہ اِک وجائیندا۔ نام کڈھے جھوُٹھا کھوٹ، کوُڑی کِریا میٹ مِٹائیندا۔ نام مِلائے نِرمل جوت، جوتی جوت سمائیندا۔ نام ناتا توڑے ورن گوت، ذات پات میٹ مِٹائیندا۔ ہرِ کا نام نہ جپیا جائے ہونٹ، رسنا جِہوا نہ کوئے ہِلائیندا۔ جوتی جوت سروُپ ہرِ، آپ اپنی کِرپا کر، چار ورن ایکا در، ایکا ناؤں رکھائیندا۔ ہرِ ناؤں جو جائے بُھل، ابُھل دئے سزائیا۔ نانک تولے ساچا تول، تیراں تیراں گیا سمجھائیا۔ آد جُگاد رہے اڈول، اڈُل ڈُل کدے نہ جائیا۔ لکھّ چؤراسی نہ رہنا انبھول، کلجُگ اپنا بل وکھائیا۔ درگاہ ساچی کر کے آیا قؤل، سنگ محمد نال مِلائیا۔ ناتا توڑاں دھرنی دھرت دھؤل، سگلا سنگ نہ کوئے وکھائیا۔ جوُٹھ جھوُٹھ روُپ جاواں مؤل، گھر گھر کراں کُڑمائیا۔ بِن ہرِ نامے خالی کراں کھول، پنج تت ہٹّ نہ کوئے وِکائیا۔ جوتی جوت سروُپ ہرِ، آپ اپنی کِرپا کر، نانک نِرگُن گیا سمجھائیا۔ نانک نِرگُن پنج تت، ایکا شبد جنایا۔ گھر وِچ ملِے برہم مت، گُر سَتگُر رہیا پڑھایا۔ بیِج بیِجے ساچے وت، بن کِرسانا حل چلایا۔ ناڑ بہتّر نہ اُبلے رت، امرت میگھ برسایا۔ سَت سنتوکھ دیوے دھیِرج جت، جگت ترِسنا میٹ مِٹایا۔ اِک چڑھائے ساچے رتھ، بن رتھواہی سیو کمایا۔ جگت وِکارا دیوے متھ، نام مدھانا ایکا پایا۔ شبد سُنائے مہما اکتھ، انحد تال وجایا۔ نِرگُن ساچا مارگ دسّ، سرگُن لئے مِلایا۔ جو جن وقت لنگھائے ہسّ ہسّ، پُرکھ ابناشی دئے سزایا۔ کلجُگ انتم لوک مات آئے نسّ، نِہکلنکی جامہ پایا۔ چار جُگ گُر اوتار پیِر پَیغمبر مُلّا مسائق اؤلیئے شیخ پیِر پَیغمبر، یاراں یار ویکھ وکھایا۔ اِنجیِل قرآن کرے وس، نہ کوئی سکے سیِس اُٹھایا۔ پرگٹ ہو پُرکھ سمرتھ لکھّ چؤراسی پائے نتھ، دو جہاناں ویکھے نٹھ نٹھ، لوآں پُریاں برہمنڈاں کھنڈاں چرناں ہیٹھ دبایا۔ ایکا کھنڈا نام چنڈ پرچنڈ، دو جہاناں ونڈے ونڈ، نؤ کھنڈ پرِتھمی دیوے دنڈ، لکھّ چؤراسی میٹے بھیکھ پکھنڈ، نہ کوئے دیِسے نار دُہاگن رنڈ، جوُٹھ جھوُٹھ دئے کھپایا۔ دُئی دوَیتی ڈھاہے کندھ، اِک سُنائے سُہاگی چھند، لیکھا چُکائے سوُرج چند، وِشن برہما شِو بَیٹھن سیِس جھُکایا۔ نیتر رووے سُرپت راجا اِند، کرے کھیل گُنی گہند، انتم سب دی میٹے چِند، اپنی چِنتا نہ کوئے رکھایا۔ جوتی جوت سروُپ ہرِ، آپ اپنی کِرپا کر، نانک دِتا ایکا ور،

کلجُگ اَنت رہیا سمجھایا۔ کلجُگ ویلا انتم آؤنا، پاربرہم پربھ ویس وٹائیا۔ مہابلی ہو کے آؤنا، مات پِت نہ کوئے جائیا۔ دُھر فرمانا اِک سُناؤنا، دو جہاناں آپ الائیا۔ اِمام اِماماں ویس وٹاؤنا، پیِر پَیغمبر ویکھے شہنشاہیِا۔ نؤ سؤ چُرانوے چؤکڑی جُگ پندھ مُکاؤنا، چؤتھے جُگ ڈیرہ ڈھاہیِا۔ راج راجانا خاک مِلاؤنا، شاہ سُلطان رہن کوئے نہ پائیا۔ اوُچ نیِچ پندھ مُکاؤنا، ذات پات کرے صفائیا۔ کھتری براہمن شوُدر وَیش ایکا دھام بہاؤنا، جگت چمڑی نہ ونڈ ونڈائیا۔ ایکا درِشٹی رام درساؤنا، اِشٹ دیوَ اِک اکھوائیا۔ ایکا رام نظری آؤنا، بھوُشن بستر آپ پہنائیا۔ ایکا کلمہ نبی پڑھاؤنا، کائنات کرے پڑھائیا۔ مندر مسجد کایا کعبہ اِک وکھاؤنا، آب حیات دئے پیائیا۔ پُن صواب نہ کوئے وکھاؤنا، سچ احباب، رباب اِک وجائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، شبدی شبد کرے شنوائیا۔ شبدی ڈھولا شبدی گیِت، ہرِ شبدی شبد سُنائیندا۔ شبد ساجن شبد میِت، شبد اتیِت میل مِلائیندا۔ شبد پتت شبد پُنیِت، پتت پاپی شبد ترائیندا۔ شبد نام سدا انڈیِٹھ، لِکھن پڑھن وِچ نہ آئیندا۔ شبد چلائے جُگ جُگ ریِت، ساچی ریِتی شبد چلائیندا۔ شبد دیہرا شبد مندر شبد مسیِت، بِن ہرِ شبدے کِسے در نہ دِسے کوئے پریِت، خالی در سرب وکھائیندا۔ کلجُگ انتم لکھّ چؤراسی تیری پرکھے نیِت، لِکھ لِکھ لیکھا اپنے ہتّھ وکھائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ایکا شبد شبد بھنڈارا، ایکا ورتے ورتنہارا، نر نِرنکارا آپ ورتائیندا۔ شبد بھنڈاری ہرِ نِرنکار، آد جُگاد ورتائیا۔ نوَ نؤ چار کر وِہار، جُگ چؤکڑی ویکھ وکھائیا۔ سَتجُگ تریتا دواپر اُتریا پار، کلجُگ انتم ویکھ وکھائیا۔ لیکھا جانے تیئی اوتار، ابُھل بُھل کدے نہ جائیا۔ بھگت بھگوَنت کر کے گئے پُکار، دس اٹھ اٹھ سمجھائیا۔ گُر گُر دے دے نام دھار، نام نامہ گئے سمجھائیا۔ گوبِند بول فتح جَیکار، ایکا ڈنکا گیا وجائیا۔ کلجُگ انتم آوے ہار، چاروں کُنٹ اندھیرا چھائیا۔ مات پِت نہ کوئے پیار، پِتا پوُت نہ کوئے سہائیا۔ نار کنت نہ کوئے آدھار، وِبھچار سرب کمائیا۔ مندر مسجد نہ کوئے گُروُدوار، گُر کا شبد نہ کوئے گائیا۔ نہ کوئی سجّن میِت مُرار، ہِت ہِت نہ کوئے رکھائیا۔ چاروں کُنٹ ٹھگ چور یار، اپنا بل رہے وکھائیا۔ دیِن مذہب ہون خوار، ورن برن پئے لڑائیا۔ دِس نہ آئے سانجھا یار، پروردِگار مُکھ چُھپائیا۔ ویکھ وکھائے نہ پُرکھ اکال، اکال اکال نہ کوئے منائیا۔ سرِشٹ سبائی ہوئے بےحال، کام کرودھ لوبھ موہ ہنکار ہلکائیا۔ رکھیا کرے نہ مہاکال، کال کوُکے نیتر نَیناں نیِر وہائیا۔ رائے دھرم

سُرت سنبھال، اپنی آپ لئے انگڑائیا۔ چِتر گُپت لیکھا دئے وکھال، لِکھ لِکھ لیکھا تھاؤں تھائنیا۔ لاڑی مؤت اُپر دئے لال دوشال، لال میَہندی ہتّھ رکھائیا۔ منمُکھ جیِو کلجُگ انتم لئے بھال، لُکیا کوئے رہن نہ پائیا۔ کوئی نہ بنے کِسے دلال، ویلے اَنت نہ کوئے چُھڈائیا۔ کِسے لیکھے لگّے نہ کھادھا حلال، حلق حلق رہیا کُرلائیا۔ گوبِند سوُرا دِسے نہ کِسے نال، منمُکھ بَیٹھے مُکھ بھوائیا۔ جِس نے وارے اپنے لال، لالن اپنا ناؤں رکھائیا۔ ہوئے سہائی شاہ کنگال، کنگال کنگالاں گود بہائیا۔ کلجُگ جیِو ہوئے نادان، چار ورن بَیٹھے بُھلائیا۔ اَنت کوُک کوُک دے کے گیا بیان، حلفیہ بیان آپ لِکھائیا۔ پرگٹ ہوئے سِری بھگوان، نِہکلنکا ناؤں دھرائیا۔ سمبل نگر اِک مکان، آ کے وسے ساچا ماہیِا۔ وید ویاسا تیری آسا پوُری کرے آن، پوُت سپوُتا براہمن گؤڑا اُچا ٹِلّا پربت آپ سُہائیا۔ موُسیٰ تیرا رکھے مان، تیرے پِچھے آئے تیرا پَیغمبر نوُری جلوہ نوُر دھرائیا۔ محمد تیری ویکھے آن، کرے کلیان بےپرواہیِا۔ چؤداں طبق کرے پہچان، آپ پہچان وِچ نہ آئیا۔ جودھا سوُربیِر بلوان، بل اپنا آپ رکھائیا۔ ساچے اَسو چڑھے نؤجوان، دُلدُل اپنا آپ دؤڑائیا۔ چاروں کُنٹ ویکھے بےاِیمان، شیَطان کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، تیرا نِشانہ دئے مِٹائیا۔ کلجُگ تیرا نِشان مِٹاؤنا، نِہکلنک کل آ۔ سَتجُگ ساچا مارگ لاؤنا، دھرت مات دی گود سُہا۔ ایکا منتر نام دِرڑاؤنا، نِش اکھّر جاپ جپا۔ ایکا مندر آپ اُپجاؤنا، پاربرہم پربھ ویس وٹا۔ ایکا اِشٹ سرب وکھاؤنا، آتم پرماتم بندھن پا۔ ایکا حُکم آپ ورتاؤنا، حُکمی حُکم دئے جنا۔ ذات پات نہ کوئے رکھاؤنا، اوُچ نیِچ نہ کوئے وکھا۔ جوتی جوت سروُپ ہرِ، آپ اپنی کِرپا کر، تیرا لیکھا دئے مُکا۔ کلجُگ لیکھا مُکنا، آئی انتم وار۔ ہرِ کا بھانا کدے نہ رُکنا، منّ منّ گئے گُر اوتار۔ پُرکھ ابناشی شیر روُپ ہو کے بُکنا، سِنگھ مارے اِک بھبکار۔ کلجُگ جمبک انتم لُکنا، نیتر نَین ہوئے شرمسار۔ پُرکھ ابناشی مُنہ دے بھار سُٹنا، اُپر پائے اپنا بھار۔ دوُجی وار پھیر نہ اُٹھنا، تِنّ جُگ دئے سوال۔ ترےَگُن تیرا گھر لُٹنا، شاہ سُلطان ہون کنگال۔ جوُٹھ جھوُٹھ تیرا بوُٹا پُٹنا، لکھّ چؤراسی وِچوں بھال۔ ورن برن شؤہ دریائے سُٹنا، ذات پات سُرت نہ سکے سنبھال۔ سَتجُگ سُہائے ساچی رُتنا، رُت بسنت کرے آپ پرِتپال۔ بھاگ لگائے پنج تت کایا بُتنا، گُرمُکھ ساچے لئے اُٹھال۔ جوتی جوت سروُپ ہرِ، آپ اپنی کِرپا کر، کرے کھیل بَیٹھ سچّی دھرمسال۔ سچّی دھرمسال سچکھنڈ دوارا، ہرِ ساچا آپ سُہائیندا۔ کلجُگ انتم کرے پار کنارہ، بیِس اٹھاراں ویکھ وکھائیندا۔ سمت اُنی

چڑھے وِچ سنسارا، پہلی چیت رُت جنائیندا۔ چاروں کُنٹ ہوئے ہاہاکارا، دھیِرج دھیِر نہ کوئے دھرائیندا۔ نؤ کھنڈ لُٹیا جائے دِن دِہاڑا، راج راجان نہ کوئے بچائیندا۔ زِمیں اسماناں ٹُٹے پاڑا، لگّی اگّ نہ کوئے بُجھائیندا۔ کلجُگ رو رو کڈھے ہاڑا، ویلا گیا ہتّھ نہ آئیندا۔ سادھاں سنتاں گھر گھر جا جا ماردا رہیا دھاڑا، کام کرودھ لوبھ موہ ہنکار نال رلائیندا۔ پُرکھ ابناشی پھڑ کے بنھنا ستاراں ہاڑا، انگ انگ نال بندھائیندا۔ چاروں کُنٹ پَین جھاڑاں، ساچا سنگی نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، کلجُگ تیرا کھیڑا آپے ڈھاہِندا۔ کلجُگ کھیڑا جانا ڈھٹّھ، تِھر کوئے رہن نہ پایا۔ سمت اُنی گِڑنی لٹھ، پُرکھ ابناشی رہیا گڑایا۔ لکھّ چؤراسی پا پا نتھ، چاروں کُنٹ دئے بھوایا۔ ساچی وست نہ کِسے ہتّھ، خالی ہتّھ رہے وکھایا۔ کِسے نظر نہ آئے راما سُت دسرتھ، کرِشنا نند نہ میل مِلایا۔ عیسیٰ موُسیٰ نہ ہویا کِسے وس، محمد رنگ نہ کوئے چڑھایا۔ نانک نِرگُن ہِردے گیا نہ وس، گوبِند جام امرت رس نہ کِسے چکھایا۔ من واسنا ہو کے سارے وس، اپنا آپ رہے لُٹایا۔ سمت بیِس بیِس کھیڑا ہونا بھٹھ، بھٹّھی اگن آپ تپایا ۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سَتجُگ ساچا مات دھر، بیِس اِکیِس اِک حدیِث دئے پڑھایا۔

۱۷ بھادروں ۲۰۱۸ بِکرمی ناظر سِنگھ دے گرِہ پکھّووال ضِلع لُدھیانہ

سو پُرکھ نِرنجن شاہ سُلطانا، آد جُگاد سمائیندا۔ ہرِ پُرکھ نِرنجن راج راجانا، شاہو بھوُپ نام دھرائیندا۔ ایکنکارا جودھا سوُربیِر بلوانا، بل اپنا آپ اُپائیندا۔ آد نِرنجن نوُر نوُر نوُرانہ، جوتی جاتا ڈگمگائیندا۔ ابناشی کرتا روُپ رنگ ریکھ نہ کوئے رکھانا، بےاَنت اپنی کھیل کِھلائیندا۔ سِری بھگوان جھُلائے سچ نِشانہ، سَت سَتوادی آپ اُپائیندا۔ پاربرہم پربھ مرد مردانہ، سچ مردانگی آپ کمائیندا۔ سچکھنڈ وسے سچ مکانا، در گھر ساچا آپ اُپائیندا۔ نِرگُن نِرگُن ہو پردھانا، اپنی کل آپ ورتائیندا۔ جوتی جوت سروُپ ہرِ، آپ اپنی کِرپا کر، آد پُرکھ آپ اکھوائیندا۔ آد پُرکھ ایکا ہرِ، دوُسر اوَر نہ کوئے وڈیائیا۔ آپے وسے اپنے گھر، گھر ساچا سوبھا پائیا۔ آپے پُرکھ ناری نر، نرائن اپنی کھیل کِھلائیا۔ آپے ورنی ورن لئے ور، ور داتا آپ ہو جائیا۔ اپنی کرنی لئے کر، کرتا پُرکھ بےپرواہیِا۔ اپنے مندر بہے چڑھ، ساچا پؤڑا اِک لگائیا۔ اپنے در ویکھے کھڑ، سو در ساچا سوبھا پائیا۔ کرے کھیل الکھ اگمّ اپار اپر، جوتی جوت سروُپ ہرِ، آپ اپنی کِرپا کر، آد پُرکھ

اپنا ناؤں دھرائیا۔ آد پُرکھ ہرِ بےپرواہ، سو پُرکھ نِرنجن کھیل کِھلائیندا۔ نِرگُن نِروَیر اپنا کھیل کِھلا، موُرت اکال ڈگمگائیندا۔ اجوُنی رہِت سچّا شہنشاہ، ساچے تخت سوبھا پائیندا۔ آپ اپنا بن ملاح، کھیوٹ کھیٹا سیو کمائیندا۔ در دربارا آپ سُہا، سچکھنڈ دوار وڈیائیندا۔ جوتی جوت ڈگمگا، نوُر نوُر پرگٹائیندا۔ آپے وسے اپنے تھاں، تھان تھننتر آپ سُہائیندا۔ جوتی جوت سروُپ ہرِ، آپ اپنی جوت دھر، آد پُرکھ اپنی کار آپ کرائیندا۔ کرے کھیل اپر اپار، بےاَنت وڈِ وڈیائیا۔ ساچا دھام کر تیار، سچکھنڈ سوبھا پائیا۔ حُکمی حُکم کر ورتار، دُھر فرمانا آپ جنائیا۔ بھوُپت بھوُپ بن سِکدار، شاہ سُلطان اپنے ہتّھ رکھے وڈیائیا۔ در درویش بن بِھکھار، سیِس جگدیِش آپ جھُکائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا آپ پرگٹائیا۔ سچکھنڈ دوار آپ اُپا، اپنی مہما آپ جنائیندا۔ اپنا کر کھیل بےپرواہ، ساچی کھیل آپ کِھلائیندا۔ اپنا دیِپک آپ ٹِکا، آپے ویکھ وکھائیندا۔ اپنا مندر آپ سُہا، آپے سوبھا پائیندا۔ اپنا رنگ آپ رنگا، رنگ رنگیِلا آپ ہو جائیندا۔ اپنی سیجا آپ وِچھا، آپے آسن لائیندا۔ اپنا روُپ آپ دھرا، آپے ویکھ وکھائیندا۔ اپنا سگن آپ منا، جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، سچکھنڈ دوارا آپ سُہائیندا۔ سچکھنڈ دوارے کھیل اولّا، سو پُرکھ نِرنجن آپ کرائیا۔ آد پُرکھ اِک اِکلّا، سوبھاوَنت سوبھا پائیا۔ آپ وسیا سچ محلہ، اُچ اٹلا دئے وڈیائیا۔ اپنی جوت آپے بلا، نوُر نوُر وِچ پرگٹائیا۔ اپنا پھڑے آپے پلّا، آپ اپنا بندھن پائیا۔ اپنے اندر آپے رلا، جوتی جوت سروُپ ہرِ، آپ اپنی کِرپا کر، سچکھنڈ ساچے وجےّ ودھائیا۔ سچکھنڈ ساچا ساچا در، سو پُرکھ نِرنجن آپ سُہائیندا۔ اپنی کرنی آپے کر، اپنا کھیل کِھلائیندا۔ آپے ناری آپے نر، نر نرائن ویس وٹائیندا۔ اپنا پلّوُ آپے پھڑ، آپے گنڈھ پوائیندا۔ اپنا میلا آپے کر، میل مِلاوا اپنے ہتّھ رکھائیندا۔ اپنی سیجا آپے چڑھ، اپنا انگ آپ لگائیندا۔ اپنے اندر آپا دھر، آپے کھیل کِھلائیندا۔ آپے بن جننی جن، ہرِ دائی دایا روُپ وٹائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے کھڑ، سچکھنڈ دوارا آپ سُہائیندا۔ سچکھنڈ دوارا سوبھاوَنت، اِک اِکلّا آپ سُہائیا۔ کرے کھیل سِری بھگوَنت، بےاَنت وڈ وڈیائیا۔ ویس وٹائے ناری کنت، کنت کنتُوہل سیج سُہائیا۔ آپے چاڑھے رنگ بسنت، رنگ رنگیِلا سچّا ماہیِا۔ آپ بنائے اپنی بنت، گھاڑن گھڑنہار آپ ہو جائیا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، ساچا گھاڑن لئے گھڑائیا۔ ساچا گھاڑن نِرگُن گھڑیا،

دوُسر اوَر نہ کوئے جنائیا۔ اپنا پلّوُ آپے پھڑیا، آپے ویکھ وکھائیا۔ اپنے مندر آپے دھریا، آپے رہیا ٹِکائیا۔ اپنے جیہا آپے کریا، دوُسر سنگ نہ کوئے رلائیا۔ نہ جنمے نہ کدے مریا، بےاَنت اپنی کھیل آپ کِھلائیا۔ سچ دوارے آپے چڑھیا، سچکھنڈ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا رہیا سُہائیا۔ سچکھنڈ دوارا ساچا دھام، سو پُرکھ نِرنجن آپ پرگٹائیندا۔ نِرگُن سیوا کر نِشکام، اپنی سیوا آپ لگائیندا۔ آپے ہویا جانی جان، دوُسر بھیوَ کوئے نہ پائیندا۔ باڈی لگّے نہ کوئے لوہار ترکھان، گھاڑت گھڑت نہ کوئے وکھائیندا۔ نِرگُن بنائے نِرگُن مکان، نِرگُن اپنا دھیان لگائیندا۔ نِرگُن جھُلائے سچ نِشان، سچکھنڈ دوارے سوبھا پائیندا۔ جوتی جوت سروُپ ہرِ، آپ اپنی کِرپا کر، سچ دوارا آپ وڈیائیندا۔ سچ دوارا سچکھنڈ، اکھنڈ رچن رچائیا۔ پُرکھ ابناشی ونڈی اپنی ونڈ، اپنا حِصّہ آپے پائیا۔ آد رکھیا نہ کوئے سنگ، دوُجا ساتھ نہ کوئے جنائیا۔ آپے جانے اپنا انند، انند انند وِچ سمائیا۔ کرے کھیل صاحِب بخشند، بخشش اپنی آپ کرائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچا آپ صالاحیِا۔ سچکھنڈ بنیا سچ مکانا، ہرِ ساچا ویکھ وکھائیا۔ چاروں کُنٹ نوُر بھگوانا، نوُر نوُرانہ ڈگمگائیا۔ ایکا بھوُپ اِک راجانا، اِک سِنگھاسن آسن لائیا۔ ایکا راگ اِک ترانہ، ایکا نادی ناد وجائیا۔ ایکا حُکم اِک فرمانا، ایکا رہیا سُنائیا۔ ایکا درویش در دربانا، ایکا بَیٹھا سیِس جھُکائیا۔ ایکا کھیلے کھیل مہانا، اپنی کھیل آپ وکھائیا۔ جوتی جوت سروُپ ہرِ، آپ اپنی کِرپا کر، سچکھنڈ دوار آپ سُہائیا۔ سچکھنڈ دوارا ہرِ ہرِ پیکھ، اپنی خوشی منائیندا۔ روُپ رنگ نہ دِسے ریکھ، چار دیوار نہ کوئے چِنائیندا۔ آپ وسایا اپنا دیس، دیس ساچے سوبھا پائیندا۔ تخت سُہائے نر نریش، ساچا تخت آپ اُپائیندا۔ نِرگُن کریا نِرگُن ویس، نِرگُن ویکھ وکھائیندا۔ جوتی جوت سروُپ ہرِ، آپ اپنی کِرپا کر، اپنا گھر آپ سُہائیندا۔ سچکھنڈ دوارا اپر اپارا، ہرِ ساچا سچ اُپائیا۔ دِیا باتی اِک اُجیارا، نِرگُن دھارا لئے پرگٹائیا۔ روَ سس نہ کوئے سِتارہ، سوُرج چند نہ کوئے چڑھائیا۔ وِشن برہما شِو نہ کوئے پسارا، ترےَگُن دھارا نہ کوئے وکھائیا۔ پنچم دِسے نہ کوئے اکھاڑا، دھرت دھوَل نہ کوئے وڈیائیا۔ گُر پیِر نہ کوئے اوتارا، پیِر پَیغمبر نہ کوئے رکھائیا۔ نہ کوئی پُرکھ نہ کوئی نارا، جیِو جنت نہ رچن رچائیا۔ سمُند ساگر نہ ڈوُنگھی غارا، جنگل جوُہ اُجاڑ پہاڑ نہ رچن رچائیا۔ پِتا پوُت نہ کوئے ادھارا، مات گود نہ کوئے سُہائیا۔ شاستر سِمرت نہ کوئے پیارا، وید کتیب نہ کوئے پڑھائیا۔ شاستر سِمرت نہ کوئے ہُلارا، گیان دھیان نہ کوئے سمجھائیا۔ کھانی

بانی نہ کوئے پُکارا، کوُک کوُک نہ کوئے الائیا۔ کریا کھیل اپر اپارا، پربھ اپنی رچن رچائیا۔ سچکھنڈ وسے ایکا ایکنکارا، دوُسر سنگ نہ کوئے رلائیا۔ سچ محلہ کر پیارا، اُچ اٹلا آپ وسائیا۔ اپنا حُکم کر ورتارا، آپے رہیا منائیا۔ اپنی اِچھیا بھر بھنڈارا، آپے دئے ورتائیا۔ نِرگُن نِرگُن کر اُسارا، لیکھا لیکھ نہ کوئے جنائیا۔ جوتی اندر جوتی دھارا، جوتی جوت جوت سمائیا۔ جوتی سُت سُت دُلارا، شبدی شبد پرگٹائیا۔ شبدی شبد شبد پیارا، ہرِ سچّا میل مِلائیا۔ کرنی کرے ہرِ کرنیہارا، کرتا پُرکھ ویس وٹائیا۔ جوتی جوت سروُپ ہرِ، آپ اپنی کِرپا کر، سچکھنڈ اپنا گھر وسائیا۔ سچکھنڈ دوارا ہرِ وسایا، وسنہارا ایک۔ اپنا نوُر آپ دھرایا، آپے رکھے اپنی ٹیک۔ اپنا راگ آپ الایا، آپے سُنے سُنائے آپے لئے پیکھ۔ اپنا راج آپ بنایا، جوتی جوت سروُپ ہرِ، آپ اپنی کِرپا کر، آپے جانے اپنا بھیت۔ اپنا بھیت بھیوَ ابھیدا، اپنے ہتّھ رکھائیا۔ آد پُرکھ ایکو ایکا، ایکا کل دھرائیا۔ اپنے مندر کر پرویشا، اپنا بندھن پائیا۔ اپنے تخت بہے نریشا، اپنا حُکم سُنائیا۔ اپنے در کرے آدیسا، نِیوں نِیوں سیِس جھُکائیا۔ اپنا کھیل آپے ویکھا، واہ واہ اپنی خوشی منائیا۔ اپنے ہتّھ رکھیا اپنا لیکھا، لیکھا لِکھت وِچ نہ آئیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے وڑ، اپنی اِچھیا آپ پرگٹائیا۔ اپنی اِچھیا آپے رکھ، آپے کھیل کِھلائیندا۔ سو پُرکھ نِرنجن ہو پرتکھ، نِرگُن دھار دھار پرگٹائیندا۔ ایکنکارا ہو ہو وکھّ، اپنا راگ وکھائیندا۔ آد نِرنجن الکھنا الکھ، الکھ اگوچر کھیل کرائیندا۔ سِری بھگوان اپنی پوُری کرے آس، آسا آسا وِچ مِلائیندا۔ سِری بھگوان ہو ہو داس، اپنی سیو کمائیندا۔ پاربرہم پربھ کر پرکاش، روُپ انوُپ دھرائیندا۔ جوتی جوت سروُپ ہرِ، آپ اپنی کِرپا کر، ساچی رچنا آپ وکھائیندا۔ ساچی رچنا ہرِ نِرنکار، اپنی آپ کرائیا۔ سچکھنڈ دوارے ہو تیار، اپنا متا آپ پکائیا۔ ساچی اِچھیا بن ورتار، اپنا بھنڈارا اپنی جھولی پائیا۔ لیکھا جانے پُرکھ نار، ناری کنت سیج سُہائیا۔ سُت دُلارا کر تیار، شبدی ناؤں پرگٹائیا۔ شبدی دیوے اِک سہار، سِر اپنا ہتّھ ٹِکائیا۔ تیرا کھولاں سچ کِواڑ، اپنی بنت بنائیا۔ تِھر گھر دیاں واڑ، سچ دوارے آپ ٹِکائیا۔ آد جُگاد کراں پیار، بُھل کدے نہ جائیا۔ تیرا دسّاں سچ وِہار، ایکا گُن جنائیا۔ کراں کھیل اگمّ اپار، بےاَنت ویس وٹائیا۔ ساچا حُکم منّنا پئے سچّے دربار، نہ موڑے موڑ مُڑائیا۔ پُرکھ ابناشی خبردار، تیری نِندرا رہیا گوائیا۔ جُگا جُگنتر کھیل نیار، جُگ کرتا آپ کرائیا۔ تیرا اُساراں محل میِنار، اٹل دیاں وڈیائیا۔ برہمنڈ کھنڈ تیری دھار، لوآں پُریاں رچن

رچائیا۔ وِشن برہما شِو پاوے سار، آپ اپنی دَیا کمائیا۔ ترےَگُن مایا تت وِچار، تیرے رنگ رنگائیا۔ لکھّ چؤراسی تیرا پیار، گھڑ بھانڈے لئے بنائیا۔ نِرگُن سرگُن کر تیار، دیوے سچ صلاحیِا۔ پنچم میِتا ہو اُجیار، اپ تیج وائے پرِتھمی آکاش گُنونتا میل جھولی پائیا۔ نِرگُن نِرگُن کرے پیار، سرگُن سرگُن دئے سمجھائیا۔ رَکت بوُند کھیل نیار، جوتی جاتا ہو اُجیار، من مت بُدھ پاوے سار، آتم برہم نِراکار، نِرگُن اپنی کھیل کِھلائیا۔ اِیش جیِو ہو اُجیار، اپنی خوشی منائیا۔ ساچے مندر پاوے سار، ڈوُنگھی کَندر پھول پھولائیا۔ سُت دُلارے رہنا خبردار، پُرکھ ابناشی آپ جنائیا۔ گھٹ گھٹ اندر ہوئے اُجیار، نِرگُن داتا بےپرواہیِا۔ امرت آتم ٹھنڈی ٹھار، نِجھر جھِرنا آپ جھِرائیا۔ جوتی جوت کرے اُجیار، جوتی جاتا ڈگمگائیا۔ اپنی رچنا کر تیار، لکھّ چؤراسی ویکھ وکھائیا۔ سُت دُلارے ساچی دھار، سو پُرکھ نِرنجن آپ جنائیا۔ وِشن برہما شِو تیرے چرن کرن نِمسکار، نِیوں نِیوں سیِس جھُکائیا۔ ایکا حُکم منّنا پئے ایکا وار، ہرِ ساچا کرے جنائیا ۔ نِش اکھّر کر تیار، نِروَیر رہیا سمجھائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچکھنڈ دوارے ساچے کھڑ، تِھر گھر رہیا سُہائیا۔ تِھر گھر وسے سُت دُلارا، سچکھنڈ واسی آپ وسائیندا۔ کرے کھیل اپر اپارا، بھیوَ ابھید نہ کوئے جنائیندا۔ وِشن برہما شِو کر پیارا، ایکا منتر نام دِرڑائیندا۔ ایکا وسَت سَت بھنڈارا، دُھر درباری آپ ورتائیندا۔ لکھّ چؤراسی کر تیارا، گھڑ بھانڈے ویکھ وکھائیندا۔ جوتی جوت سروُپ ہرِ، آپ اپنی کِرپا کر، شبدی دیوے ساچا ور، ساچا حُکم سُنائیندا۔ ساچا حُکم دُھر فرمانا، آد پُرکھ جنائیا۔ شبدی تیرا کھیل مہانا، پاتال آکاش تیری وڈیائیا۔ تیرا مردنگ اِک وجانا، آد جُگاد سُنائیا۔ تیرا گھر اِک وسانا، نوَ کھنڈ پرِتھمی کھیل کِھلائیا۔ تیرا روُپ اِک درسانا، نوُر نوُر وِچ پرگٹائیا۔ تیرا جام اِک پیانا، امرت رس چوائیا۔ تیرا گھر اِک وسانا، اُجڑ کدے نہ جائیا۔ تیری ونڈ آپ ونڈانا، ونڈ ونڈے بےپرواہیِا۔ تیرا لیکھا آپ سمجھانا، برہم ویتا برہما سُت پڑھائیا۔ چار ویداں بھیوَ کُھلانا، چار چار مُکھ صالاحیِا۔ چارے بانی آپ جگانا، پرا پسنتی مدھم بَیکھری اپنا پردہ لاہیِا۔ چارے کھانی ونڈ ونڈانا، انڈج جیرج اُتبُھج سیتج بنت بنائیا۔ چارے جُگ حُکم چلانا، سَتجُگ تریتا دواپر کلجُگ کار کمائیا۔ چارے ورن ویکھ وکھانا، کھتری براہمن شوُدر وَیش بندھن پائیا۔ چاروں کُنٹ ہو پردھانا، اُتّر پوُرب پچھّم دکھّن ویکھ وکھائیا۔ جُگ جُگ کھیلے کھیل سِری بھگوانا، شبدی شبد شبد لکھّ چؤراسی کرے پڑھائیا۔ جُگ

جُگ مارگ ایکا لانا، ویس انیک دھرائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے دیوے ور، ورداتا آپ ہو جائیا۔ آد پُرکھ دِتا ور، سو پُرکھ نِرنجن کھیل کِھلا۔ سُت دُلارے وسے گھر، دو جہاناں ویکھ وکھا۔ لکھّ چؤراسی اندر جانا وڑ، گھٹ گھٹ اپنا نوُر دھرا۔ ایکا اکھّر جانا پڑھ، لکھّ چؤراسی دے سمجھا۔ ایکا مندر جانا چڑھ، ساچے مندر آسن لا۔ ایکا حُکم دینا کر، حُکمی حُکم سچ ورتا۔ جوتی جوت سروُپ ہرِ، آپ اپنی کِرپا کر، آد پُرکھ رہیا سمجھا۔ آد پُرکھ ہرِ آپ سمجھائے، مہما اکتھ کتھی نہ جائیا۔ سُت دُلارا سیوا لائے، ساچی سیوا اِک سمجھائیا۔ جُگ چؤکڑی ونڈ ونڈائے، کوٹن کوٹ کال بِتائیا۔ گُر اوتار لئے پرگٹائے، لوک مات کرے رُشنائیا۔ بھگت بھگوَنت لئے جگائے، آتم برہم ویکھ وکھائیا۔ سنت کنت ہرِ لئے مِلائے، آپ اپنے انگ لگائیا۔ گُرمُکھ ساچے لئے اُٹھائے، آلس نِندرا دئے گوائیا۔ گُرسِکھ اپنی گود بہائے، سِر اپنا ہتّھ ٹِکائیا۔ سَتجُگ کھیڑا آپ وسائے، آپ اپنا حُکم ورتائیا۔ وار اٹھاراں جوت پرگٹائے، روُپ انوُپ آپ وکھائیا۔ انتم لیکھا دئے مُکائے، تِھر کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، اچرج لیِلا آپ رکھائیا۔ اچرج لیِلا ہرِ کرتار، جُگ جُگ آپ ورتائیندا۔ سَتجُگ انتم اُتریا پار، لوک مات پرگٹائیندا۔ کرے کھیل اگمّ اپار، اپرمپر دھار چلائیندا۔ توڑنہارا گڑھ ہنکار، بان نِرالا آپ رکھائیندا۔ دوئے دوئے روُپ اگمّ اپار، ترےَگُن اتیِتا آپ کرائیندا۔ ٹھانڈا سیِتا سچ دربار، تِھر گھر ساچے سوبھا پائیندا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیندا۔ ساچا حُکم دُھر فرمانا، سَت پُرکھ نِرنجن آپ ورتائیا۔ آد جُگاد آپے ورتے اپنا بھانا، نہ کوئی میٹے میٹ مِٹائیا۔ کرے کھیل کرِشنا کاہنا، ایکا بنسری نام وجائیا۔ منڈل منڈپ راس رچانا، ساچی سخیاں ویکھ وکھائیا۔ ایکا دیوے نام نِدھانا، گُنونت گُن سمجھائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ویس وٹائیا۔ جُگ جُگ ویس اولّا، پُرکھ ابناشی آپ کرائیندا۔ نِرگُن سرگُن پھڑائے پلّا، ساچا پلّوُ ہتّھ اُٹھائیندا۔ سچ سندیش ایکا گھلا، اپنا ناؤں جنائیندا۔ جوتی شبدی آپے رلا، پنج تت ویکھ وکھائیندا۔ وسنہارا نِہچل دھام اٹلا، کایا کھیڑا سوبھا پائیندا۔ جوتی جوت سروُپ ہرِ، آپ اپنی کِرپا کر، اپنا رنگ آپ رنگائیندا۔ اپنا رنگ سِری بھگوان، آد جُگاد رنگائیندا۔ کلجُگ انتم ہو پردھان، ساچا کھیل کِھلائیندا۔ عیسیٰ موُسیٰ دیوے دان، سنگ محمد چار یار ویکھ وکھائیندا۔ نِرگُن دیوے اِک نِشان، سچ نِشانہ آپ اُٹھائیندا۔ نانک پائے پد نِربان، نام سَت منتر دِرڑائیندا۔

گوبِند جودھا سوُربیِر بلوان، ایکا کھنڈا نام اُٹھائیندا۔ لیکھا جانے دو جہان، دو جہاناں ویکھ وکھائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا کھیل کِھلائیندا۔ جُگ چؤکڑی اُترے پار، کوٹن کوٹ کال بِتائیا۔ نوَ نؤ ویکھے ویکھنہار، چار چار وجےّ ودھائیا۔ نؤ سؤ چرانویں چؤکڑی جُگ آنی ہار، وِشن برہما شِو رہے کُرلائیا۔ پُرکھ ابناشی کرے کھیل اگمّ اپار، ساچے تخت بَیٹھ ساچا ماہیِا۔ ویکھے وِگسے ویکھنہار، نِرگُن نِراکار اپنی دَیا کمائیا۔ آد جُگادی ساچی کار، کرتا پُرکھ آپ کرائیا۔ جوتی جوت سروُپ ہرِ، آپ اپنی کِرپا کر، چار جُگ چؤکڑی اپنے لیکھے لائیا۔ نؤ سؤ چُرانوے چؤکڑی اُترے اپنے گھاٹ، گھاٹا کوئے رہن نہ پایا۔ کرے کھیل پُرکھ سمرتھ، سمرتھ اپنی دھار چلایا۔ جُگ جُگ چلائے رتھ، رتھ رتھواہی ویس وٹایا۔ لکھّ چؤراسی پائے نتھ، چاروں کُنٹ رہیا بھوایا۔ ویکھنہارا مندر مسجد مٹھ، شِودوالے پھول پھولایا۔ پاوے سار تیِرتھ اٹھسٹھ، تٹ کنارہ ڈیرہ ڈھاہیا۔ دو جہاناں نٹھ نٹھ، نٹھ نٹھ چؤداں لوکاں پندھ مُکایا۔ چؤداں طبقاں گیڑے اُلٹی لٹھ، گیڑا اپنا آپ دوایا۔ کلجُگ انتم کرے بھٹھ، ایکا اگن بسنتر لایا۔ کرے کھیل ساچا ہرِ، آد پُرکھ ایکا نر، نر نرائن ویس وٹایا۔ آد اَنت کھیل کرتارا، قُدرت قادر ویکھ وکھائیا۔ لیکھا جانے گُر اوتارا، بےاَنت بےپرواہیِا۔ پوُرا کرے قؤل اِقرارا، بُھل کدے نہ جائیا۔ نِہکلنک مہابلی اُترے اوتارا، مات پِت نہ کوئے جائیا۔ وید ویاسا بن لِکھارا، ایکا ایک گیا سمجھائیا۔ پوُت سپوُتا براہمن گؤڑا میِت مُرارا، اُچے ٹِلّے پربت آسن لائیا۔ کلجُگ انتم آوے وِچ سنسارا، جوتی جوت جوت رُشنائیا ۔ گوبِند بول سچ جَیکارا، ایکا ڈنکا رہیا سُنائیا۔ سرِشٹ سبائی کرے خبردارا، برہمنڈاں کھنڈاں دئے ہِلائیا۔ وسے اپنے دھام نیارا، محل اٹل دئے وڈیائیا۔ سمبل نوُر کر اُجیارا، جوتی جوت کرے رُشنائیا۔ نام کھنڈا تیز کٹارا، چنڈ پرچنڈ آپ چمکائیا۔ تِکھیاں رکھے دوویں دھاراں، دو جہاناں ویکھ وکھائیا۔ شبدی شبد اِک ہلکارا، لوآں پُریاں آپ دؤڑائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیا۔ اپنا بھیوَ آپ کُھلاؤنا، آد پُرکھ پردہ لاہیِا۔ نؤ سؤ چُرانوے چؤکڑی جُگ پندھ مُکاؤنا، کلجُگ انتم ویکھ وکھائیا۔ کلجُگ لہنا جھولی پاؤنا، پوُرب کرماں دے صالاحیِا۔ لکھّ چار بتّی ہزار جگت آیوُ پندھ مُکاؤنا، بندھی بندھن اِک وکھائیا۔ حُکمی حُکم اِک سُناؤنا، دُھر فرمانا آپ الائیا۔ جوتی جوت سروُپ ہرِ، آپ اپنی کِرپا کر، ایکا شبد دے وڈیائیا۔ شبدی اندر ساچی دھار، آد جُگاد چلائیا۔ شبد گُر شبد اوتار، شبد بھگت بھگوَنت لئے مِلائیا۔ شبد سنت

شبد کرتار، شبد نار کنت اکھوائیا۔ شبد گُرمُکھ کرے پیار، گُرمُکھ ناد شبد وجائیا۔ شبد گُرسِکھ لئے اُبھار، گُرمُکھ شبد روُپ وٹائیا۔ شبدی شبد جَیکار، گُر اوتار ڈھولا گائیا۔ جُگو جُگ شبد بھنڈار، سو پُرکھ نِرنجن آپ ورتائیا۔ شبد کھیل سچّی سرکار، لکھّ چؤراسی روُپ وٹائیا۔ شبد اندر شبد باہر، گُپت ظاہر کھیل کِھلائیا۔ شبد مندر مسجد گُروُدوار، شبد مندر مسجد مٹھ ڈیرہ لائیا۔ شبد ناد دُھن جَیکار، گیِتا گیان شبد اکھوائیا۔ شبد شاستر سِمرت پُران، شبدی شبد شبد پردھان، سچ پردھانگی آپ کمائیا۔ شبد جودھا سوُربیِر بلی بلوان، شبد دو جہان ڈیرہ لائیا۔ شبد لوآں پُریاں کھیل مہان، شبد سوُرج چند رہیا چمکائیا۔ شبد دھرت دھوَل آکاش، شبد گگن منڈل سوبھا پائیا۔ شبد شبدی ویکھے راس، گوپی کاہن ناچ نچائیا۔ شبد سیِتا رام کرے پرنام، شبد سَت استھان سُہائیا۔ عیسیٰ موُسیٰ دے پَیغام، مقامے حق اِک صالاحیِا۔ شبد محمد پیائے جام، آبِ حیات ہتّھ اُٹھائیا۔ شبد جانے سَت کلام، کائنات کرے پڑھائیا۔ شبد اِماماں سِر اِمام، اِمام شبدی ناؤں دھرائیا۔ شبد کھیل سِری بھگوان، آد جُگاد کرائیا۔ کلجُگ انتم شبدی شبد ہو پردھان، لوک مات ویس وٹائیا۔ شبد گُر سدا مِہربان، دیِنن اپنی دَیا کمائیا۔ جوتی جوت سروُپ ہرِ، آپ اپنی کِرپا کر، آد شبد اَنت شبدی دھار وکھائیا۔ شبدی دھار انتم کل، کلونتا آپ رکھائیندا۔ لکھّ چؤراسی رہیا چھل، بھیوَ کوئی نہ پائیندا۔ وسنہارا جل تھل، مہیئل اپنا کھیل کِھلائیندا۔ جوتی شبدی گیا رل، دِس کِسے نہ آئیندا۔ کرے کھیل گھڑی گھڑی پل پل، تِھت وار نہ کوئے جنائیندا۔ وسنہارا نِہچل دھام اٹل، ساچی نگری آسن لائیندا۔ سچ سندیش ایکا گھل، دو جہان سمجھائیندا۔ لکھّ چؤراسی ویکھے لگّا پھل، برہما بوُٹا ویکھ وکھائیندا۔ وِشنوُں بھنڈار ویکھے بھریا ڈل، انتم پردہ لاہِندا۔ شنکر لاہُندا ویکھے کھلّ، ترِسوُل ہتّھ چمکائیندا۔ کرے کھیل اجّ کہ کل، بھیوَ کوئے نہ پائیندا۔ سچ سِنگھاسن بَیٹھا ملّ، ساچا تخت آپ سُہائیندا۔ جوتی جوت سروُپ ہرِ، آپ اپنی کِرپا کر، شبدی کھیل آپ کرائیندا۔ شبدی ٹھوکر شبدی دھار، شبدی شبد آپ جنائیا۔ شبد کھنڈا شبد کٹار، شبدی شبد رہیا چمکائیا۔ شبدی مارے شبد مار، شبد شبد ویکھ وکھائیا۔ شبد آر شبد پار، شبد منجھدھار رہیا وہائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، شبدی کھیل کِھلائیا۔ شبدی راگ شبدی ناد، ہرِ شبدی شبد وجائیندا۔ شبد کھیل وِچ برہماد --------------۔ شبد آد شبد جُگاد، شبد مدھ اپنا رنگ

رنگائیندا۔ شبد سنت شبد سادھ، شبد سَت سنتوکھ گیان دِرڑائیندا۔ شبد جُگ جُگ کرے پسار، جُگ جُگ شبدی میٹ مِٹائیندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، شبد کھنڈا آپ چمکائیندا۔ شبد کھنڈا چمکے دامن، چنڈ پرچنڈکا آپ چمکائیا۔ کوئی نہ بنے کِسے دا ضامن، انتم پلّوُ رہے چُھڈائیا۔ لہنا دینا چُکے کھتری شوُدر وَیش براہمن، ورن برن نہ کوئے وکھائیا۔ ناتا توڑے کامنی کامن، کام کرودھ لوبھ موہ ہنکار نیڑ نہ آئیا۔ جوُٹھ جھوُٹھ کرے خوار، آپ اپنا بل دھرائیا۔ پرگٹ ہوئے سِری بھگوان، نِہکلنکا ناؤں رکھائیا۔ گُرمُکھ وِرلے پکڑائے اپنا دامن، پوُرب لہنا جھولی پائیا۔ ایتھے اوتھے ہوئے ضامن، رائے دھرم نہ دئے سزائیا۔ جِس جن پکڑے دامن، سدا ہوئے سہائیا۔ نگر کھیڑا وسائے گرامن، کایا بنک سوبھا پائیا۔ اِک دوُجے نوُں آپے جانن، گُر چیلا روُپ وٹائیا۔ سَتجُگ بنھن آیا بانھن، کلجُگ لیکھا رہیا مُکائیا۔ گُرمُکھاں کرے چانن، ایکا چند لئے چڑھائیا۔ کلجُگ جیِو آلنیوں ڈِگے بوٹ نہ پھیر کوئی پائے آلن، اپنا بھار نہ سکے اُٹھائیا۔ پلّے نام نہ دِسے کوئی دامن، جھوُٹھی گنڈھ بندھائیا۔ جوتی جوت سروُپ ہرِ، آپ اپنی کِرپا کر، اَنت شبدی رنگ وکھائیا۔ شبدی رنگ ہرِ نِرنکار، ایکا ایک چڑھائیندا۔ ویکھ وکھائے سرب سنسار، لکھّ چؤراسی پھول پھولائیندا۔ برہمنڈاں مارے مار، لوآں پُریاں ویکھ وکھائیندا۔ وِشن برہما شِو لئے اُٹھال، سویا کوئے رہن نہ پائیندا۔ دو جہاناں وجےّ تال، تال تلواڑا اپنے ہتّھ رکھائیندا۔ کلجُگ لیکھا جانے دھن مال، ترےَگُن مایا موُل چُکائیندا۔ کلجُگ جیِو ہوئن بےحال، رحمت رحیِم نہ کوئے کمائیندا۔ کایا مندر اندر خالی دِسے دھرمسال، ہرِ کا نام نہ کوئے وسائیندا۔ اٹھسٹھ تیِرتھ رہے بھال، اَنتر جھِرنا نہ کوئے جھِرائیندا۔ ڈھولک چَھینا وجاؤندے تال، انحد ناد نہ کوئے الائیندا۔ ہتھّیں پھڑ پھڑ پھیرن مال، من کا منکا نہ کوئے بھوائیندا۔ دوُجے دی دوُجا کرے سنبھال، اپنی سُرت شبد نہ کوئے مِلائیندا۔ اِک دوُجے نوُں سُناؤن سَتگُر دا حال، اپنا حال سَتگُر اَگے نہ کوئے سُنائیندا۔ سَتگُر سوُرا دیِن دَیال، جُگ جُگ ویکھ وکھائیندا۔ جن بھگتاں کرے پرِتپال، پرِتپالک سیو کمائیندا۔ جوتی جوت سروُپ ہرِ، آپ اپنی جوت دھر، اپنا کھیل آپ کرائیندا۔ انتم کھیل ہرِ کراؤنا، کِرتی کِرت کمائیا۔ کلجُگ جھوُٹھا کھیڑا ڈھاؤنا، جوُٹھ جھوُٹھ رہن نہ پائیا۔ مایا ممتا موہ چُکاؤنا، ہنکار وِکار دئے گوائیا۔ سنسا روگ سرب مِٹاؤنا، ہِنسا رنگ نہ کوئے چڑھائیا۔ سچ سنجوگ آپ کراؤنا، ورن برن نہ کوئے لڑائیا۔ آتم جوگ اِک سِکھاؤنا، برہم پاربرہم مِلائیا۔ کایا مندر اِک وساؤنا، گھر گھر وِچ کر

رُشنائیا۔ بجر کپاٹی پردہ لاہُنا، دُئی دوَیتی میٹ مِٹائیا۔ ہنس کاگ روُپ وٹاؤنا، سچ سروور دئے نُہائیا۔ انحد نادی ناد وجاؤنا، ایکا راگ الائیا۔ پنچم سخیاں منگل گاؤنا، ساچا راگ آپ الاہیا۔ سُرتی شبدی ایکا گھر بہاؤنا، میل مِلاؤنا ساچے ماہیِا۔ آتم مندر اِک وکھاؤنا، کایا سیجا دئے درسائیا۔ سو پُرکھ نِرنجن نِراکار نِروَیر اجوُنی رہِت ایکا نظری آؤنا، اِشٹ دیوَ سرب لوکائیا۔ نمو سَت منتر دِرڑاؤنا، نمو نمو وجےّ سَت ودھائیا۔ برہم مت اِک سمجھاؤنا، پاربرہم میل مِلائیا۔ رتی رت رنگ رنگاؤنا، رنگیا رنگ اُتر نہ جائیا۔ ہزارا دروُد اِک سِکھاؤنا، بصری اِسم کرے پڑھائیا۔ پیِر دستگیِر گُنی گہِیر اپنا ہتّھ آپ مِلاؤنا، سخی سُلطان بےپرواہیِا۔ مقامے حق پھیرا پاؤنا، درگاہ ساچی دھام سُہائیا۔ لاشریِک خُدا بے عیب پروردِگار اپنا بندھن آپے پاؤنا، جلوہ نوُر نوُر وِچ سمائیا۔ ہنگ برہم اپنے رنگ رنگاؤنا، سوہنگ اپنی دھار چلائیا۔ نِہکرمی اپنا کرم کماؤنا، کرم کانڈ نہ کوئی رکھائیا۔ ساچا کھیڑا آپ وساؤنا، در گھر ساچا آپ سُہائیا۔ شاہ سُلطاناں خاک مِلاؤنا، سیِس تاج نہ کوئی اُٹھائیا۔ اوُچاں نیِچاں ایکا در بہاؤنا، ساچا مندر آپ سُہائیا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، اپنا مارگ آپے لائیا۔ ساچا مارگ لگّنا جگ، سو پُرکھ نِرنجن آپ لگائیا۔ کلجُگ کوُڑ اُڈاؤنا کگّ، جگت رہن نہ پائیا۔ ترےَگُن اگنی بُجھنی اگّ، سانتک سَت ورتائیا۔ ہرِجن میلے سوُرا سربگ، سِر اپنا ہتّھ ٹِکائیا۔ درس وکھائے اُپر شاہ رگ، نؤ دوارے پار کرائیا۔ جام پیائے ایکا مد، امرت آتم مُکھ چوائیا۔ شبد وجائے ساچا ند، انحد راگ سُنائیا۔ سُرت سوانی اپنے گھر سدّ، شبد ہانی لئے مِلائیا۔ اِک وکھائے چؤتھا پد، نَین نیتر کرے رُشنائیا۔ ڈوُنگھی کوَری آپے کڈھ، سُکھمن ٹیڈھی بنک پار کرائیا۔ پاربرہم برہم لڈائے لڈ، اِیش جیِو گلے لگائیا۔ پار لنگھائے جھوُٹھی حد، ساچے گھر آپ بہائیا۔ لکھّ چؤراسی نالوں کرے اڈّ، گُرمُکھ وِرلے وڈ وڈیائیا۔ بھاگ لگائے ساچی جدّ، پاربرہم بےپرواہیِا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، تیرا لیکھا دئے مُکائیا۔ تیرا لیکھا مکّنا، آئی انتم وار۔ ہرِ کا بھانا کدے نہ رُکنا، نہ کوئی میٹے میٹنہار۔ پُرکھ ابناشی شیر ایکا بُکنا، سِنگھ روُپ مارے بھبکار۔ تیرا انتم بھاگ نِکُھٹنا، چارے کُنٹاں آئی ہار۔ تیرا وسدا گھر لُٹنا، نہ سکے کوئے سنبھال۔ تیرا جھوُٹھا بوُٹا پُٹنا، دیوے جڑ اُکھاڑ۔ انتم اپنے کھاتے سُٹنا، تِنّ جُگ لئے سوال۔ سَتجُگ ساچا مات اُٹھنا، پُرکھ ابناشی لئے اُٹھال۔ آپ سُہائے ساچی رُتنا، رُت رُتڑی ویکھے آن۔ کرے کھیل ابناشی اچُتنا، چیتن روُپ کر

سنسار۔ جوتی جوت سروُپ ہرِ، آپ اپنی کِرپا کر، کھیل کرے آپ نِرنکار۔ کلجُگ انتم کھیل کراؤنا، نِرگُن اپنی کار کمائیا۔ گوبِند لیکھا پوُر کراؤنا، میل مِلاواں ساچے ماہیِا۔ سمبل نگری دھام سہاؤنا، ساچے بنک دے وڈیائیا۔ نام مردنگا اِک وجاؤنا، تار سِتار نہ کوئے ہِلائیا۔ کوٹن کوٹ برہمنڈاں آپ جگاؤنا، جیرج انڈاں پردہ لاہیِا۔ اپنا کنڈھا آپے پار کراؤنا، اَدھ وِچکار نہ کوئے رکھائیا۔ لکھّ چؤراسی جیِو جنت کارج انندا اِک کراؤنا، ایکا دِوس شاہ سُلطان ۔ ویہہ سؤ ویہہ بِکرمی پندراں کتّک سب دا لیکھا آپ مُکاؤنا، باقی لیکھا نہ کوئے وکھائیا۔ ساچے تخت بَیٹھ سُلطانا ساچا حُکم آپ سُناؤنا، دو جہاناں کرے شنوائیا۔ نؤ کھنڈ پرِتھمی مارگ ایکا لاؤنا، ستّاں دیِپاں سَت کرے پڑھائیا۔ ستّ رنگ نِشانہ اِک جھُلاؤنا، سَت سَتوادی آپ اُٹھائیا۔ ہِندوُ مُسلم سِکھ عیسائی کوئی نظر نہ آؤنا، ایکا برہم سرب درسائیا۔ سوہنگ ڈھولا سب نے گاؤنا، آتم پرماتم وجےّ ودھائیا۔ نانک وِچولا نظری آؤنا، گوبِند میلا سہج سُبھائیا۔ رام کرِشن روُپ پرگٹاؤنا، مُکٹ بَین ویس وٹائیا۔ عیسیٰ موُسیٰ کالا سوُسا تن چُھہاؤنا، ایکا الفی تن ہنڈھائیا۔ سنگ محمد اپنا کلمہ آپ پڑھاؤنا، شریِعت آیت اِک دِرڑائیا۔ مُکھ نقابی پردہ لاہُنا، بےآبی خوشی منائیا۔ رمئیا رام ہر گھٹ نظری آؤنا، ساول سُندر اپنا روُپ وٹائیا۔ نانک نِرگُن جوتی دیِپ جگاؤنا، گُر انجن نیتر پائیا۔ گوبِند امرت جام پیاؤنا، دُئی دوَیت دے مِٹائیا۔ گھٹ گھٹ اندر پُرکھ اکال اِک وکھاؤنا، نِرگُن بَیٹھا آسن لائیا۔ سرگُن نِرگُن نِرگُن سرگُن ساچا بندھن پاؤنا، نہ کوئے توڑے توڑ تُڑائیا۔ جوت للاٹی ساچا چندن لاؤنا، جھوُٹھا تِلک نہ کوئے وکھائیا۔ نام نِدھانا جننجوُ پاؤنا، نہ کوئی توڑے توڑ تُڑائیا۔ سَت سنتوکھی سُنت کراؤنا، ساچی شرع اِک بنائیا۔ گُرسِکھ گُر گُر گود بہاؤنا، آپ اپنی گود سُہائیا۔ چار ورناں ایکا رنگ چڑھاؤنا، اُتر کدے نہ جائیا۔ دھرم کرم اِک وکھاؤنا، ایکا گھر دے وسائیا۔ ایکا پِتا ایکا مات بناؤنا، دائی دایا اِک اکھوائیا۔ نِہکلنک اپنا کھیل آپ کراؤنا، دوُسر اوٹ نہ کوئے تکائیا۔ گُرمُکھ وِرلے بوُجھ بُجھاؤنا، کلجُگ انتم سُتی سرب لوکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، نِرگُن اپنا کھیل رہیا کرائیا۔ کھیل کرے سِری بھگوانا، بھگتن بھیت جنائیندا۔ گُرمُکھ اُپجائے سچ نِشانہ، لوک مات جھُلائیندا۔ اَنتر آتم دیوے برہم گیانا، جگت وِدیا نہ کوئے پڑھائیندا۔ اٹّھے پہر اِک ترانہ، رسنا جِہوا نہ کوئے ہِلائیندا۔ دِوس رَین نظری آئے سِری بھگوانا، کایا مندر اندر آسن لائیندا۔ در در لبھدا پِھرے جہانا، ہرِ کا روُپ ہتّھ کِسے نہ آئیندا۔ مُکھ چُھپا کے بَیٹھا

کرِشنا کاہنا، بنسری نام نہ کِسے سُنائیندا۔ رام رمئیا آوے نہ وِچ دھیانا، سیِتا سُرتی نہ کوئے ہنڈھائیندا۔ نانک دیوے نہ سَت پروانہ، نانک شبد نہ کوئے گائیندا۔ گوبِند ملِے نہ سوُربیِر بلوانا، گُر کا کھنڈا نہ کوئے چمکائیندا۔ کلجُگ انتم کھیل مہانا، بھیوَ کوئے نہ پائیندا۔ پرگٹ ہو سِری بھگوانا، نِہکلنکا ناؤں رکھائیندا۔ جُگ چؤکڑی ویکھے مار دھیانا، سَتجُگ تریتا دواپر پھول پھولائیندا۔ جُگ جُگ وِچھڑے میلے وِچ جہانا، کلجُگ انتم میل مِلائیندا۔ آپے جانے اپنا آون جانا، ہرِجن اپنی کھیل کِھلائیندا۔ جوتی جوت سروُپ ہرِ، آپ اپنی کِرپا کر، گُرمُکھ ساچے آپ اُٹھائیندا۔ گُرمُکھ ساچا جائے اُٹھ، جِس اُپر سَتگُر دَیا کمائیا۔ پاربرہم پربھ جائے تُٹھ، اپنی بوُجھ بُجھائیا۔ امرت جام پیائے گھُٹ، دُرمت مَیل دھوائیا۔ کرے پرکاش نِرمل جوت، اندھ اندھیر گوائیا۔ بھاگ لگائے کایا کوٹ، ساچا گڑھ دے وسائیا۔ گُرمُکھ تیرا ورن نہ کوئی گوت، ایکا برہم سرب درسائیا۔ پُرکھ اکال ساچی اوٹ، دوُسر اِشٹ نہ کوئے منائیا۔ جوتی جوت سروُپ ہرِ، آپ اپنی کِرپا کر، کلجُگ تیرا لہنا تیری جھولی پائیا۔ کلجُگ تیرا لہنا تیری جھولی پا، تیرا موُل چُکاؤنا۔ جیِو جنت جو دئے بُھلا، جھوُٹھا مارگ جگت مُکاؤنا۔ مایا ممتا جو دئے رُلا، ممتا موہ آپ مِٹاؤنا۔ ہؤمے ہنگت گڑھ وِچ دے وسا، جھوُٹھا گڑھ آپ تُڑاؤنا۔ جھوُٹھی سنگت وِچ دے رُلا، ٹھگ چور ویکھ وکھاؤنا۔ گُرمُکھ وِرلا منگتا بنے در بےپرواہ، ایکا ساچی منگ منگاؤنا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، آد پُرکھ ساچے ہرِ، اَنت اپنا بندھن پاونا۔