کتب خانہGranth 10 (Shahmukhi)

۲۳ کتک ۲۰۱۸ بِکرمی جیٹھوُوال دربار وِچ

نراکار نِرنکار اُٹھے، سچکھنڈ وجّی ودھائیا۔ اپنے کولوں آپا پُچھے، اپنا بھیوَ کُھلائیا۔ کوَن ہیِرے موُنگے سُچے، مانک موتی روُپ وٹائیا۔ کوَن ہون سب توں اُچے، اگمّ ملِے وڈیائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ کِھلائیا۔ نِرنکار نِراکار دئے صلاح، آپا آپ جنائیا۔ میرا کھیل بےپرواہ، میرے وِچ سمائیا۔ سچ سِنگھاسن لیا سُہا، ساچا تخت روُپ وٹائیا۔ شاہو بھوُپ بن شہنشاہ، اپنا ویس وکھائیا۔ حُکمی حُکم آپ جنا، دُھر فرمانا اِک ورتائیا۔ جوتی جوت سروُپ ہرِ، آپ اپنی کِرپا کر، اپنا پردہ آپ چُکائیا۔ نِراکار نِرنکار اپنا آپ جنائیندا۔ اپنا پردہ آپے کھول، آپے ویکھ وکھائیندا۔ کوَن وست میرے رہے کول، کوَن رنگ رنگائیندا۔ کوَن ناد وجےّ ڈھول، کوَن راگ سُنائیندا۔ کوَن نوُر جائے مؤل، روُپ رنگ نہ کوئی رکھائیندا۔ کوَن کرے سچّا قؤل، اِقرار کوَن توڑ چڑھائیندا۔ جوتی جوت سروُپ ہرِ، آپ اپنی کِرپا کر، اپنا ویس آپ وکھائیندا۔ نِراکار نِرنکار کہے، کہہ کہہ خوشی منائیا۔ تیرا دوارا سدا رہے، سد وجدی رہے ودھائیا۔ شاہ

پاتشاہ تُوں اُتے بہیں، بےاَنت تیری وڈیائیا۔ آد جُگاد تیرا روُپ نہ ہووے لےَ، تیری ریکھ نہ کوئی مِٹائیا۔ جوتی جوت سروُپ ہرِ، آپ اپنی کِرپا کر، اپنا ور آپے رہیا ورتائیا۔ نِراکار نِرنکار ور، ور جھولی رکھائیندا۔ تیرا کُھلا رہے سدا در، دروازہ بند نہ کوئی رکھائیندا۔ نِرنکار اپنا ناؤں دھر، ایکا ڈنک سُنائیندا۔ ایکا بنک سوہے گڑھ، ایکا گرِہ وڈیائیندا ۔ اِک سُہیلا بہے چڑھ، اِک اِکیلا سوبھا پائیندا۔ موُرت اکال آپے کر، اپنی کل ورتائیندا۔ جوتی جوت سروُپ ہرِ، آپ اپنی کِرپا کر، اپنی وست اپنے ہتّھ رکھائیندا۔ نِراکار نِرنکار دیوے صلاح، صلاحگیِر نہ کوئی رکھائیا۔ تیرا بیڑا تُوں ملاح، تیرا بھیوَ کوئی نہ پائیا۔ تیرا گھر تُوں لَینا وسا، تیرے در وجےّ ودھائیا۔ تیرا ناؤں تُوں لَینا پرگٹا، ناؤں نِرنکارا پرگٹائیا۔ تیرا حُکم تُوں لَینا ورتا، تیرا حُکم سچّی شہنشاہیِا۔ جوتی جوت سروُپ ہرِ، آپ اپنی کِرپا کر، آپ اپنا رنگ رنگائیا۔ رنگیا رنگ ہرِ نِرنکار، اپنا رنگ وکھایا۔ نِراکار کر پیار، نِروَیر میل مِلایا۔ سچ سِنگھاسن پاوے سار، ساچی سیجا آپ سُہایا۔ کرے کھیل پُرکھ نار، پرم پُرکھ بےپرواہیِا۔ جوتی جوت سروُپ ہرِ، آپ اپنی کِرپا کر، اپنا راہ آپ چلایا۔ ساچا راہ ہرِ کرتار، کرتا پُرکھ آپ چلائیا۔ سچکھنڈ نِواسی ہو اُجیار، در گھر ساچے سوبھا پائیا۔ اپنی گھاڑت گھڑے بن ٹھٹھیار، سمرتھ پُرکھ وڈی وڈیائیا۔ اپنا مندر سُہائے سچ دوار، محل اٹل اُچ رُشنائیا۔ شاہو بھوُپ بن سِکدار، دُھر فرمانا آپ جنائیا۔ حُکمی حُکم ورتے ورتار، ساچا حُکم آپ ورتائیا۔ آپے ہوئے منگنہار، آپے نِیوں نِیوں سیِس جھُکائیا۔ کرے کھیل اگمّ اپار، بےاَنت تیری شہنشاہیِا۔ اپنی کِرپا آپے دھار، اپنا سنگ آپ نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنے ہتّھ رکھے وڈیائیا۔ اپنے ہتّھ رکھ وڈیائی، ہرِ وڈّا وڈ اکھوائیندا۔ اپنے نال اپنی کر کُڑمائی، اپنا بندھن پائیندا۔ آپے دھی آپ جوائی، سؤہرے پیئیے آپے سوبھا پائیندا۔ آپے کھیل کرے رگھرائی، اپنا روُپ انوُپ آپ پرگٹائیندا۔ آپے سچ سُہنجنی سیج سُہائی، سوبھاوَنت سِری بھگوَنت اپنا رنگ آپ رنگائیندا۔ آپے کھیل کرے نر نرائن ناری کنت، کنت کنتُوہل اپنا ویس وٹائیندا۔ آپے بنائے ساچی بنت، جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ بنائے بنت ہرِ بھگوان، اپنی دَیا کمائیا۔ اپنا در کر پروان، سچ دوارا اِک سُہائیا۔ شاہ بھوُپ بن راجان، شاہ سُلطان حُکم پرگٹائیا۔ سچ نِشانہ اِک مِہربان، محبان آپ جھُلائیا۔ اپنا ناؤں کر پردھان، بے زبان کرے پڑھائیا۔ اپنا کھیل کر مہان، اپنی اُلفت ویکھ وکھائیا۔ جوتی جوت

سروُپ ہرِ، آپ اپنی کِرپا کر، اپنی دھار آپ جنائیا۔ اپنی دھار آپے جان، اپنا کھیل کِھلایا۔ اپنا رنگ آپے مان، آپے ویکھ وکھایا۔ اپنے مندر ہرِ بھگوان، اپنا حُکم ورتایا۔ آپا کرے آپ پہچان، اپنا پردہ آپ اُٹھایا۔ آپے ویکھے سچ مکان، سچکھنڈ دوارا ڈیرہ لایا۔ آپے ویکھے چرن سرن نِگاہبان، کوَل اپنا روُپ وکھایا۔ جوتی جوت سروُپ ہرِ، آپ اپنی کِرپا کر، چرن بندھن دئے سمجھایا۔ آپے چرن آپ کوَل، چرن کوَل آپ سمجھائیا۔ آپے داتا دانی آپے پئے سرن، آپے جانے سچ سرنائیا۔ آپے کرتا پُرکھ کرنی کرن، آپے کِرتی کِرت کمائیا۔ جوتی جوت سروُپ ہرِ، آپ اپنی کِرپا کر، ایکا چرن کوَل دئے سمجھائیا۔ ہرِ کا چرن اُچ اپارا، روُپ اوَر نہ کوئی رکھائیندا۔ ہرِ کا نَین سدا اُجیارا، روُپ رنگ نہ کوئی وٹائیندا۔ ہرِ کا گھر سچّا دربارا، آد اَنت سوبھا پائیندا۔ ہرِ کا در کُھلا کِواڑا، نہ کوئی میٹے میٹ مِٹائیندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ جنائیندا۔ نِرگُن چرن نِرگُن راجا، نِرگُن بھوُپت بھوُپ اکھوائیا۔ نِرگُن سرن نِرگُن مہاراجا، سیوک سیو کمائیا۔ نِرگُن پرن نِرگُن رکھے لاجا، نِرگُن نِرگُن ہوئے سہائیا۔ جوتی جوت سروُپ ہرِ، آپ اپنی کِرپا کر، اپنے ہتّھ رکھے وڈیائیا۔ آپے چرن آپے سیِس، ہرِ اپنی کھیل کِھلائیندا۔ آپے نوُر آپے جگدیِش، آپے جگدیِشر ویس وٹائیندا۔ آپے نام آپ حدیِث، آپے حُکمی حُکم پِھرائیندا۔ جوتی جوت سروُپ ہرِ، آپ اپنی کِرپا کر، اپنی کھیل آپ سمجھائیندا۔ اپنا چرن دیوے دسّ، ہرِ بھید ابھید کُھلائیا۔ جِس دوارے جائے وس، سو دوارا چرن روُپ وٹائیا۔ جِس گرِہ جائے وس، سو گھر ہوئے رُشنائیا۔ جِس مندر آئے نسّ، سو مندر سوبھا پائیا۔ جوتی جوت سروُپ ہرِ، آپ اپنی کِرپا کر، اپنا چرن اِک سمجھائیا۔ سچکھنڈ ہرِ سچ سِنگھاسن، ایکا ایک سوبھا پائیندا۔ چرن کوَل ہرِ کھیل تماشن، اپنا رنگ وکھائیندا۔ تِھر گھر نوُر کر پرکاشن، ایکا مان دوائیندا۔ جوتی جوت سروُپ ہرِ، آپ اپنی کِرپا کر، اپنا پردہ آپ کُھلائیندا۔ چرن کوَل گھر ساچے رکھ، اپنی دَیا کمائیا۔ تِھر گھر دوارا کر پرتکھ، ایکا بنک وڈیائیا۔ اپنا نوُر اندر رکھ، کرے کھیل پِتا مائیا۔ آپ وکھایا اپنا رس، بِن بھوگ بلاس کری کُڑمائیا۔ اپنی کری آپے پوُری آس، آپ آپا لئے پرگٹائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیا۔ چرن کوَل تِھر دربارا، سو پُرکھ نِرنجن آپ پرگٹایا۔ کریا کھیل اپر اپارا، اپرمپر روُپ دھرایا۔ ایکا جایا سُت دُلارا، شبدی ناؤں پرگٹایا۔ ساچے گھر ہویا جَیکارا، واہ وا ناد اناد وجایا۔ ایکا ویکھے ویکھنہارا، دوُجا سنگ نہ کوئے رکھایا۔ پُرکھ ابناشی

کرے پیارا، اپنی گود بہایا۔ گھر وِچ گھر تیرا سہارا، تِھر در دئے وڈیایا۔ جوتی جوت سروُپ ہرِ، آپ اپنی کِرپا کر، سچکھنڈ دوارا اِک وسایا۔ سُت دُلارا ہو تیار، ڈھیَہہ پیا سرنائیا۔ دھنّ بھاگ تُوں کیِا پیار، شاہ پاتشاہ سچّے شہنشاہیِا۔ ایکا مِلیا چرن سہار، کوَل مِلی سرنائیا۔ در بردا کھڑا سیوادار، بےپرد روُپ وٹائیا۔ جوتی جوت سروُپ ہرِ، آپ اپنی کِرپا کر، ایکا آس رکھائیا۔ ایکا آس لئی رکھ، شبدی شبد جنائیندا۔ اپنے گھر کیِا پرتکھ، در ساچا موہے بھائیندا۔ اپنے نالوں کریں نہ وکھ، تیرا وِچھوڑا نہ موہے سکھائیندا۔ میَں تیرا اُپجیا تیری رت، ہور پِتا نہ کوئے بنائیندا۔ تیرے چرن کوَلاں وِچ رہیا وس، تِھر گھر اپنا آسن لائیندا۔ کر کر درشن رہیا ہسّ، تیرے نال خوشی منائیندا۔ میَں تیرے ہویا وس، دوُجا راہ نہ کوئے تکائیندا۔ ایکا سیوا اپنی دسّ، ہؤں بالک سیو کمائیندا۔ جوتی جوت سروُپ ہرِ، آپ اپنی کِرپا کر، سچ سندیشہ اِک سُنائیندا۔ سچ سندیشہ سُن لےَ سُت، سو پُرکھ ابناشی آپ جنائیا۔ تیری نہ کایا نہ کوئی بُت، تیرا رنگ نہ کوئے وکھائیا۔ تیرا ناتا ابناشی اچُت، نہ مرے نہ جائیا۔ تُوں میرے وِچوں پیا پُھٹ، میری گود سُہائیا۔ تِھر گھر سوہے تیری رُت، ساچی رُتڑی سوبھا پائیا۔ میرا نوُر تیری جوت، تیری جوت میری رُشنائیا۔ جوتی جوت سروُپ ہرِ، آپ اپنی کِرپا کر، اپنا گُن جنائیا۔ سُن سُت میَں کراں پیار، پیار پیار نال مِلایا۔ آد جُگاد میرا وِہار، اِک اِکلّا کردا آیا۔ تَینوُں کریا خبردار، ایکا وار اُٹھایا۔ تیری سیوا لاواں اپر اپار، بُھل کدے نہ جایا۔ نِرگُن ہو ہو کراں پسار، سرگُن تیرا انگ وکھایا۔ جوتی جوت سروُپ ہرِ، آپ اپنی کِرپا کر، اپنا بھیوَ سُنایا۔ سُنیا بھیوَ دُھر فرمانا، پُرکھ ابناشی رہیا جنائیا۔ چرنی ڈِگا ہو نِمانا، نیتر نَیناں نیِر وہائیا۔ تُوں شاہ پاتشاہ سچّا رانا، سچّی تیری شہنشاہیِا۔ تیرا حُکم اِک فرمانا، نہ کوئی میٹے میٹ مِٹائیا۔ تیرا در نہ چھڈ کے جانا، دوُجے گھر نہ کوئے وڈیائیا۔ چرن کوَل دے ٹِکانا، وِچھڑ جائے نہ میرا ماہیِا۔ میرا بنیا رہے تیرا گھر آؤنا جانا، درس نیتر نَین وکھائیا۔ سدا سد منّاں تیرا بھانا، چلاں تیرے حُکم رضائیا۔ جے کر میرا بھانا منّیں، تیرے ہتّھ دیاں وڈیائیا۔ تیرا نوُر پرگٹاواں سوُرج چنّے، برہمنڈ کھنڈ ویس وٹائیا۔ تیرے گھر تیرا روُپ بنے جننی جنے، وِشن برہما شِو گود بہائیا۔ جوتی جوت سروُپ ہرِ، آپ اپنی کِرپا کر، ایکا ور جھولی پائیا۔ ایکا ور دیوے دات، اپنی دَیا کمائیا۔ تیرے اَنتر ویکھے مار جھات، اپنا پردہ دئے اُٹھائیا۔ وِشن برہما شِو بنائے تیرا ساک، ناتا بِدھاتا جوڑ جُڑائیا۔ لکھّ چؤراسی پھل لگائے ڈالی پات، پُھل پنکھڑیاں آپ مہکائیا۔

جوتی جوت سروُپ ہرِ، آپ اپنی کِرپا کر، ساچی وست آپ ورتائیا۔ شبد سُت چرن گیا ڈھٹّھ، دوئے جوڑ کرے پُکارا۔ تُوں اپنا مارگ دِتا دسّ، تیرا کھیل اپر اپارا۔ سیِس متھے رکھیا ہسّ ہسّ، کراں سچ وِہارا۔ جوتی جوت سروُپ ہرِ، آپ اپنی کِرپا کر، ایکا دینا اَنت سہارا۔ اَنت سہارا منگی منگ، پربھ اَگے سیِس جھُکایا۔ تیرا وجاواں اِک مردنگ، لکھّ چؤراسی کھیل کِھلایا۔ لیکھا جاناں جیرج انڈ، اُتبُھج سیتج لئے پرگٹایا۔ آواں جاواں تیرا دوارا لنگھ، سچکھنڈ ساچا سوبھا پایا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکایا۔ سِر میرے ہتّھ دینا رکھ، ایکا دوار ونڈ ونڈائیا۔ اپنے نالوں نہ کریں وکھّ، تار ستار نال بندھائیا۔ جُگ جُگ کرنا میرا پکھّ، سِر میرے ہتّھ ٹِکائیا۔ انتم پوُری کرنی آس، نِراس کوئے نظر نہ آئیا۔ تیرے گھر کراں واس، دوُجے در نہ پھیرا پائیا۔ صاحِب سدا وساں پاس، وِچھوڑا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ساچی وست جھولی پائیا۔ دیوے وست سِری بھگوان، ایکا وار جنائیا۔ انتم میلا کراں مہان، مِل مِل اپنا رنگ چڑھائیا۔ جُگ چؤکڑی کھیل مہان، لوک مات کرائیا۔ نوَ نؤ چار مِٹے نِشان، جگت نِشانہ دئے گوائیا۔ پرگٹ ہوئے سِری بھگوان، نِرگُن اپنا روُپ وٹائیا۔ لیکھا جانے دو جہان، لوک مات کرے رُشنائیا۔ تیرا لہنا چُکاوے آن، دینا کوئے رہن نہ پائیا۔ تیرا مندر ویکھے مکان، گھر گھر وِچ آسن لائیا۔ جوتی جوت سروُپ ہرِ، آپ اپنی کِرپا کر، اپنا سنگ آپ نِبھائیا۔ جے کر میل لوک مات مِلاؤنا، شبدی سُت منگ منگائیندا۔ اِک اِکلّا بن کے تیرے در نہ آؤنا، تیرا در نہ سوبھا پائیندا۔ جِنہاں تیرا نام دھیاؤنا، تِنہاں اپنا انگ پھڑائیندا۔ لوک مات میَں کراں جو میرے اندر بھاؤنا، میَں اپنی کھیل وکھائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر تیرے پُچھ پُچھائیندا۔ پُرکھ ابناشی دیِن دَیال، آد دَیا کمائیا۔ جو اُپجے سو کھائے کال، تِھر کوئے رہن نہ پائیا۔ جُگ چؤکڑی حل کرے آپ سوال، اپنا انکڑا نہ کِسے جنائیا۔ تیرا روُپ بنائے دلال، شبدی شبد دئے وڈیائیا۔ چھوٹے بچّے تَینوُں اُنگلی لائی رکھے کرے کھیل کمال، میرا بھیوَ کوئے نہ پائیا۔ گُر اوتار کرے کھیل نِرال، تیرا رنگ چڑھائیا۔ جُگ چؤکڑی اَنت سب نوُں کرے بحال، لیکھا سب دا دئے مُکائیا۔ جوتی جوت سروُپ ہرِ، آپ اپنی کِرپا کر، اپنی دھارا آپ سمجھائیا۔ تیری دھارا لئی جان، تُوں جانی جان جنایا۔ جُگ چؤکڑی تیرا ناؤں پردھان، لوک مات ڈھولا گایا۔ گُر اوتار کرن کلیان، لکھّ چؤراسی تند بندھایا۔ بِن تیرے تیرا

وکھاوے نہ کوئے مکان، تیرے در نہ کوئے بہایا۔ جو آئن سو تَینوُں گان، گا گا تیرا شُکر منایا۔ میَں ویکھاں مار دھیان، واہ وا تیری قُدرت واہ وا تیری مایا۔ تُوں اپنا اکھّر اِک اِک دے گیان، لوک مات دئیں وڈیایا۔ انتم آپے میٹے نِشان، سب دا کرے صفایا۔ میرے نال کر زبان، کیِتا قؤل بُھل نہ جایا۔ میَں تیرا بال نادان، تیرے اَگے سیِس جھُکایا۔ در دینا دانی دان، دیونہار بےپرواہیِا۔ میرا تُٹ نہ جائے مان، ڈھیَہہ پیا سرنایا۔ لوک مات نہ آئے ہان، میَں تیری اوٹ تکایا۔ جُگ چؤکڑی رہاں بےپچھان، روُپ رنگ ریکھ نہ کوئے وکھایا۔ جوتی جوت سروُپ ہرِ، آپ اپنی کِرپا کر، اپنی دَیا آپ کمایا۔ دیِن دَیال دَیا کر، آد دئے وڈیائیا۔ انتم تیرا پلّوُ لواں پھڑ، اپنے نال بندھائیا۔ اپنے بہاواں آپے گھر، گھر گھر وِچ سوبھا پائیا۔ تیرا چُکاواں سنسا روگ ڈر، سوگ نیڑ کوئے نہ آئیا۔ نِرگُن ہو ہو لواں پھڑ، ساچی سیو کمائیا۔ جوتی جوت سروُپ ہرِ، آپ اپنی کِرپا کر، اپنا قؤل رہیا کرائیا۔ سچ سچ میَں دِتا دسّ، نہ پردہ کوئے رکھایا۔ اِک اِکلّا نہ آواں نسّ، تیرے در نہ پھیرا پایا۔ کلجُگ انتم میرا چلنا نہ کوئے وس، میَں پہلوں رہیا سُنایا۔ تُوں اپنیاں بھگتاں اندر جانا وس، تیرا بھیوَ کِسے نہ آیا۔ گُر اوتار گا گا آئن تیرا جس، جس وید پُران سُنایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے بھگتاں رنگ رنگایا۔ تیرے بھگت میرا ساتھ، میری بنت بنائیا۔ تُوں صاحِب پُرکھ سمراتھ، بےاَنت تیری وڈیائیا۔ تُوں اناتھاں ناتھ، اناتھاں ہوئیں سہائیا۔ تُوں انمنگی دیویں دات، سچ وست آپ ورتائیا۔ تُوں بِن اکھّر وکھائے پڑھائیں گاتھ، اپنا ناؤں صالاحیِا۔ اسیں رل کے آئیے اِک جماعت، ایکا پٹّی لیکھ وکھائیا۔ جوتی جوت سروُپ ہرِ، آپ اپنی کِرپا کر، اپنا سنگ آپ رکھائیا۔ پُرکھ ابناشی ہو مِہربان، ایکا حُکم جنائیندا۔ کلجُگ اَنت کراں پروان، نوَ نؤ چار پندھ مُکائیندا۔ پرگٹ ہوواں وِچ جہان، نِرگُن روُپ وٹائیندا۔ ساچے بھگت کراں پروان، اپنے رنگ رنگائیندا۔ بِن منگیاں دیواں دان، نام امولک وست آپ ورتائیندا۔ بِن پُچھیاں کراں پچھان، اپنی پچھان بُھل کدے نہ جائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ چُکائیندا۔ اپنا بھیوَ چُکائے بھگوان، اپنی دَیا کمائیا۔ ساچے سُت کر دھیان، ہرِ سَتگُر آپ سمجھائیا۔ کلجُگ انتم ویکھے آن، نِراکار بےپرواہیِا۔ بھگت بھگوَنت کھیل مہان، لوک مات کرائیا۔ جوتی جوت سروُپ ہرِ، آپ اپنی کِرپا کر، اپنی دَیا آپ کمائیا۔ تیری دَیا کوَن روُپ، لوک مات نظر نہ آئیا۔ سارے کہہ کہہ آئے سَت سروُپ، تیری ریکھ نہ کوئے وکھائیا۔ تیرا ڈنکا وجےّ چارے کوُٹ، دروہی تیرے

نام خُدائیا۔ تَینوُں کہندے وسیا کایا پنج تت قلبوُت، نظر کِسے نہ آئیا۔ تُوں آد جُگاد نہ آیا کِسے دے سوُت، سب دا ڈیرہ رہیا ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کلجُگ تیری اَنت نِشانی، کوَن دئے سمجھائیا۔ بِن نِشان نہ کوئے دھار، پہچان کوئے نظر نہ آئیا۔ بِن ڈِٹھیاں کہن سارے بھگوان، نَیناں درس کوئے نہ پائیا۔ نِیوں نِیوں سیِس سرب جھُکان، جگدیِش سیِس ہتّھ نہ کوئے ٹِکائیا۔ بِن دھنےّ نہ کھادھا کِسے دا پکوان، کوٹن کوٹ بَیٹھے راہ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کلجُگ انتم تیری دیوے کوَن گواہیِا۔ پُرکھ ابناشی ہو نِراسا، اَگوں ایہہ سمجھائیندا۔ تُوں کِہا سچ بِن ویکھیاں میرے اُتے کرن بھرواسا، میرا بھیوَ کوئے نہ پائیندا۔ جے کوئی کہے وکھالے اَگوں کردے ہاسہ، نیتر نَین آپ شرمائیندا۔ آد جُگاد میرا کھیل تماشا، لُکویں کھیل آپ کِھلائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ سمجھائیندا۔ میرا بھیوَ جے انتم پاؤنا، ہرِ جوُ رہیا جنائیا۔ میری اوٹ اِک رکھاؤنا، ویلے اَنت لئے جگائیا۔ اپنا پردہ آپے لاہُنا، نِرگُن نوُر کر رُشنائیا۔ جن بھگت دوارے آپے بھاؤنا، پِھر پِھر سیو کمائیا۔ بِن ہرِ جی ڈِٹھیاں چَین نہ آؤنا، دھیِرج دھیِر نہ کوئے دھرائیا۔ بن بن سیوک سیو کماؤنا، ساچی سیوا اِک وکھائیا ۔ سچکھنڈ دوارا مات پرگٹاؤنا، ساچے بھگتاں دئے وڈیائیا۔ جیِودیاں ہی وِچ بہاؤنا، آپ اپنے نال مِلائیا۔ پہلی وار پہلا وِہار آپ کراؤنا، آپ اپنی دَیا کمائیا۔ اپنا نِشانہ آپ جھُلاؤنا، لوک مات کرے رُشنائیا۔ پِچھلا کیِتا اَنت مِٹاؤنا، اپنا لیکھا اپنے وِچ چُھپائیا۔ ایکا ناؤں سب نے گاؤنا، ایکا کرے پڑھائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے ترائیا۔ ہرِجن تارے آپ کرتارا، کلجُگ اپنا ویس وٹائیندا۔ در سوہے سچ دربارا، در دروازہ آپ کُھلائیندا۔ لیکھا جانے پُرکھ نارا، پُرکھ پُرکھوتم ویکھ وکھائیندا۔ ایکا دیوے نام سہارا، سِر اپنا ہتّھ ٹِکائیندا۔ آپ اُپجائے بھگت دوارا، جن بھگتاں وِچ بہائیندا۔ جوتی جوت سروُپ ہرِ، آپ اپنی کِرپا کر، کلجُگ ویلا اَنت اپنا آپ آپ پرگٹائیندا۔ اپنا آپ لئے پرگٹا، شہنشاہ وڈی وڈیائیا۔ چار جُگ دے گُر اوتار در لئے بُلا، ایکا حُکم سُنائیا۔ بھگت سندیشہ اِک جنا، ایکا نَین کُھلائیا۔ اپنا ویسا آپ وٹا، کرے کھیل بےپرواہیِا۔ ساچا مندر آپ بنا، ساچا گھر آپ وسائیا۔ اپنی رت نیہاں ہیٹھ دبا، گوبِند رت لیکھے پائیا۔ برہم مت اِک وکھا، کملاپت دئے سرنائیا۔ دھیِرج جت اِک سمجھا، سَت سنتوکھ دئے وڈیائیا۔ دیِپک جوت اِک جگا، نِرگُن نوُر کرے رُشنائیا۔ کوٹ جنم دے پاپ گوا، ہرِ

سنگت لئے ترائیا۔ اپنا درس آپ کرا، پوُجا پاٹھ نہ کوئے کرائیا۔ پھڑ پھڑ باہوں پار دئے کرا، اَدھ وِچکار نہ کوئے رُڑھائیا۔ ساچا مارگ دئے لگا، ساچا پنتھ اِک وکھائیا۔ اسنکھ اسنکھ جِس نوُں رہے گا، سو اپنی کھیل کرائیا۔ جِس نوُں وِشنوُں رہیا دھیا، برہما سیِس جھُکائیا۔ جِس نوُں شنکر کنٹھ رہیا لگا، سو ملِے سچّا ماہیِا۔ جِس نوُں گُر اوتار رہے دھیا، سچکھنڈ ساچے سوبھا پائیا۔ جِس دی پیِر پَیغمبر منگدے رہے دُعا، دوئے جوڑ سیِس جھُکائیا۔ جِس نوُں اَناالحق کِہا خُدا، نوُر ظہوُر آپ دھرائیا۔ جِس نوُں کہندے مقامے حق بَیٹھا ہو جُدا، اپنا آپ چُھپائیا۔ سو کلجُگ انتم اپنے بھگتاں اُتوں ہو فِدا، اپنا نام نِشان مِٹائیا۔ گُرمُکھاں راہ وکھا سِدھا، ساچے مارگ دئے لگائیا۔ نینہاں ہیٹھ دبائے اٹھاراں سِدھاں، نؤ نِدھاں نرد اپنی اِک بھوائیا۔ بِن تیِروں گُرمُکھ ہِردا وِدھا، انیالا تیِر چلائیا۔ جے کوئی گُرمُکھاں کولوں پُچھے ہرِ جوُ کِڈا، کوئی دسّ نہ سکے رائیا۔ جے کوئی ہرِ جوُ کولوں پُچھے گُرسِکھ کیڈا، ہرِ سَتگُر دئے سمجھائیا۔ میرے نالوں بڑا وڈّا، جِس دی سیوا رہیا کمائیا۔ میَں آد جُگاد بالا نڈھّا، میری عمُر نہ کوئے وِہائیا۔ میَں مِل کے بھگتاں اپنی خوشی دا پایا گِدھا، ہتّھ نال ہتّھ مِلائیا۔ میَں نیہاں ہیٹھ رکھایا اپنا پِنڈا، اُپر اپنے بھار اُٹھائیا۔ جوتی جوت سروُپ ہرِ، آپ اپنی کِرپا کر، کلجُگ انتم اپنا آپ لئے پرگٹائیا۔ آپ پرگٹے بھگتاں سنگ، بِن بھگتاں کمّ کِسے نہ آیا۔ ہرِجن چاڑھے اپنا رنگ، رنگ دئے وکھایا۔ گُرمُکھاں کولوں منگے منگ، پربھ اپنی جھولی اَگے ڈاہیِا۔ آ دوار نہ جانا سنگ، ہرِ جوُ مندر رہیا سُہایا۔ جنم جنم دی کٹّو بُھکھ ننگ، ویلا انتم آیا۔ جِس مِلیاں پئے ٹھنڈ، سو صاحِب کِیوں منوں بُھلایا۔ جِس وِچھڑیاں ہوئے رنڈیپا رنڈ، سو کنت کِیوں در دُرکایا۔ جِنھ تارنا جیِؤ پِنڈ، برہمنڈ ہوئے سہایا۔ سدا دَیال سدا بخشند، بخشنہار بےپرواہیِا۔ جِس نال رلایا گُجری چند، پوُت سپوُتا سنگ وکھایا۔ اِکو وار منگو منگ، ساچی جھولی دئے بھرایا۔ جوتی جوت سروُپ ہرِ، آپ اپنی کِرپا کر، سچ دوارا آپ سُہایا۔ سچ دوارا بنے رمنیک، ہرِ راما آپ بنائیا۔ تِس دا بنے نہ کوئے شریک، لاشریِک اِک خُدائیا۔ نِشان لگایا لِکھ تاریخ، اُنی کتک مان وڈیائیا۔ ہرِ کا مارگ اِک باریک، کوئی چل نہ سکے رائیا۔ کوٹن کوٹ کہندے اسیں پہُنچے نزیک، پاندھی پندھ سکے نہ کوئے مُکائیا۔ بِن کبیِر کِہا نہ کِسے ٹھیِک، بِن نانک مِلی نہ کِسے سرنائیا۔ سارے منگدے گئے بھیِکھ، اَگے اپنی جھولی ڈاہیِا۔ لوک مات نِت نوِت کردے رہے اُڈیِک، کوَن ویلا درشن دیوے سچّا ماہیِا۔ گُر اوتار منگدے گئے چرن پریِت، اٹّھے پہر

دھیان لگائیا۔ نؤ سؤ چُرانوے چؤکڑی گئی بیِت، گیڑا گیڑے نال بھوائیا۔ کِسے نوُں کہہ کے گیا وڑیا مندر مسیِت، مٹھ شِودوالے کِسے نوُں رہیا پِھرائیا۔ کِسے نوُں کِہا تیِرتھ تٹ اندر ہویا پُنیِت، پتت اپنا روُپ دھرائیا۔ جوتی جوت سروُپ ہرِ، آپ اپنی کِرپا کر، اپنا بھیوَ اپنے ہتّھ رکھائیا۔ کوئی کہے میرا ٹھاکر، سِل پوُجس وقت لنگھایا۔ کوئی کہے میرا قادر، سجدہ سیِس جھُکایا۔ کوئی کہے مَینوُں دیوے آدر، سِر میرے ہتّھ ٹِکایا۔ کوئی کہے دھنّ دھنّ گُر تیغ بہادر، جِس اپنا سیِس بھیٹ چڑھایا۔ جوتی جوت سروُپ ہرِ، آپ اپنی کِرپا کر، سب دا بھیوَ دئے کُھلایا۔ وار سیِس منگی منگ، اپنے اَگے جھولی ڈاہیِا۔ تیرا پیار تیرا رنگ، میری دھار تیری سرنائیا۔ تیرا گیِت میرا چھند، میرا چھند تیری شنوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، آپا تیری جھولی پائیا۔ آپا تیری جھولی پایا، ماپا جگت تجایا۔ تھاپن تھاپا تیری آیا، ساچی سیوا اِک رکھایا۔ جوتی جاتا تیرا بھیوَ نہ آیا، نوُر نوُرانہ ڈگمگایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر رہے تیری چھایا۔ سِر چھایا رہے جگدیِش، ایکا منگ منگائیا۔ پنج تت کایا پیِسن لیا پیِس، اپنی سیو کمائیا۔ انتم لیکھے لگّا تیرے سیِس، تیری جھولی پائیا۔ میرا خالی ویکھ کھیِس، نال وست نہ کوئے رکھائیا۔ گوبِند دے کے آیا حدیِث، ایکا کر پڑھائیا۔ تیرے سِر سوہے تاج سیِس، جگدیِش ہوئے سہائیا۔ تیری کوئی نہ کرے ریِس، پربھ دیوے مان وڈیائیا۔ تیرا لیکھے لگّے جیِت، جو جن تیری ریِت چلائیا۔ تیرا فتح ڈنکا وجےّ مندر مسیِت، زوراوَر تیرا زور وکھائیا۔ تیری رت برہم مت کرے ٹھنڈا سیِت، کلجُگ نیہاں ہیٹھ دبائیا۔ سُت دُلارے رہنا اتیِت، میَں سندیشہ دیواں چائیں چائنیا۔ جوتی جوت سروُپ ہرِ، آپ اپنی کِرپا کر، میری پوُری آس کرائیا۔ تیغ بہادر سچ سُنایا ہرِ سندیشہ، ایکا وار وجّی ودھائیا۔ پُرکھ ابناشی نر نریشا، اپنی دَیا کمائیا۔ تیرا کھیل آپے ویکھا، اپنا کھیل کرائیا۔ آپے وساں ساچے دیسا، پردیس میری وڈیائیا۔ آد جُگاد میرا پیشہ، جو گھڑیا بھنّ وکھائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیا۔ اپنا بھیوَ کھولے کرتار، بھاوی اپنے رنگ رنگائیندا۔ کلجُگ آئے انتم وار، تیرا لہنا موُل چُکائیندا۔ ڈنک وجائے وِچ سنسار، ساچا ڈنکا ہتّھ اُٹھائیندا۔ کرے کھیل اپر اپار، بھیوَ کِسے نہ آئیندا۔ بل دیوے آپ بلدھار، بل اپنا آپ پرگٹائیندا۔ ول چھل کھیل کرے نِرنکار، اچھل چھل اپنی دھار رکھائیندا۔ جودھا سوُربیِر بلکار، اپنا مارگ آپ چلائیندا۔ تیری رت کرے پیار، رت رت

نال مِلائیندا۔ جوتی جوت سروُپ ہرِ، آپ اپنی کِرپا کر، تیرا لہنا جھولی پائیندا۔ تیرا لہنا انتم دینا، دیونہارا نِرنکارا۔ تُوں ہی منّیا میرا کہنا، حُکمی حُکم سچ ورتارا۔ انتم ویکھیں اپنے نَیناں، وکھائے سچ دوارا۔ لکھّ چؤراسی تیرے مندر بہنا، تیرا مندر دھام نیارا۔ جوتی جوت سروُپ ہرِ، آپ اپنی کِرپا کر، کرے کھیل اپارا۔ کھیل اپار ہرِ کراؤنا، دیوے وڈ وڈیائیا۔ سچکھنڈ دوارے تیرا سنگ نِبھاؤنا، مِل بہہ بہہ خوشی منائیا۔ چھوٹے بالے نال رکھاؤنا، پِچھلا بھیوَ چُکائیا۔ پنجاں ایکا حُکم سُناؤنا، ایکا وار سمجھائیا۔ منگو منگ جو گھر بھاؤنا، پُرکھ ابناشی پوُر کرائیا۔ مِل مِل سب نے سیِس جھُکاؤنا، پربھ اَگے جھولی ڈاہیِا۔ اپنیاں بھگتاں درس کراؤنا، جِس مِلیاں وجےّ ودھائیا۔ جوتی جوت سروُپ ہرِ، آپ اپنی کِرپا کر، انتم پوُری آس کرائیا۔ کلجُگ انتم پوُری کرے آس، دیِن دَیال دَیا کمائیا۔ بھگت دوار کرے پرکاش، لوک مات ویکھ وکھائیا۔ نِرگُن بنے داسی داس، سرگُن ساچی سیو کمائیا۔ ساچے گرِہ کر کر واس، اپنا بھیوَ دئے کُھلائیا۔ پوُرب لیکھا رکھے یاد، بُھل کدے نہ جائیا۔ لیکھے لائے کیِتی فریاد، فرمابردار بنے سچّا ماہیِا۔ جوتی جوت سروُپ ہرِ، آپ اپنی کِرپا کر، سچ دوار دئے وکھائیا۔ مہاراج شیر سِنگھ وِشنوُں بھگوان، اپنا ناؤں رکھائیا۔ کلجُگ کایا کرنی پدھر، گُرمُکھاں دئے وڈیائیا۔ تیری پوُری کرنی پِچھلی سدھر، پوُرب جنم جو منگ منگائیا۔ بِن ڈِٹھیاں وڑیا اندر، اپنی کھیل وکھائیا۔ سرِشٹی ویکھے ہوئی کھنڈر، اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، اپنی دھار چلائیا۔ چار بلد چار جُگ، نام پنجالی اُتے ٹِکائیا۔ جگت کُکرم کراہا پِچھے رکھیا چُک، تند تند نال بندھائیا۔ اَگے پِچھے رکھیا رُخ، پِھرے واہو داہیِا۔ جوتی جوت سروُپ ہرِ، آپ اپنی کِرپا کر، ساچی سیوا اِک لگائیا۔ تھلّے جُتا ہرِ جی کلجُگ، گُرسِکھ اُتوں آپ دبائیندا۔ سجےّ پاسے لگّا سَتجُگ، بن سوانی سیو کمائیندا۔ سب دی اؤدھ وارو واری گئی مُک، چارے کرکے اِکٹّھے گُرسِکھاں مندر ہیٹھ ڈاہِندا۔ گُرسِکھ بھار لَین چُک، ساچی سیوا اِک سمجھائیندا۔ بِن روُپ جے رہے لُک، اِٹاں گارے نال پرگٹائیندا۔ کر کُکرم جو گئے سُک، ہرے بوُٹے پھیر کرائیندا۔ چار جُگ گُرمُکھاں دا آؤندیاں ویکھن مُکھ، جو مُکھ ہرِ جوُ درشن پائیندا۔ دھنّ بھاگ سفل ہوئے دھرت مات دی کُکھ، پُرکھ ابناشی جن بھگتاں محل آپ بنائیندا۔ گوبِند سُکھّنا گیا سُکھّ، انتم ایکا منگ منگائیندا۔ کوَن ویلا آئے مات ہرِ جوُ بھگتاں کرے پُچھ، آپ اپنے گلے لگائیندا۔ میرا بوُٹا نہ جائے سُک، ہری سِنچ کیاری آپ کرائیندا۔ میَں وی نال

چل کے آواں چھوٹا پُت، سدا چھوٹیاں اُنگلی نال لگائیندا۔ سِنگھ آتما کلجُگ نوُں رجّ رجّ کُٹ، تیرے ہتّھ نام ڈنڈا اِک پھڑائیندا۔ پاؤنا بھار نہ سکے اُٹھ، دوہاں ہتّھاں نال دبائیندا۔ کھڑوتیاں زور نہ لگّے تے اُتے جانا جھُک، سَتگُر ساچا راہ بتائیندا۔ جوتی جوت سروُپ ہرِ، آپ اپنی کِرپا کر، جگت کراہ بےپرواہ بیوساہ آپ پِھرائیندا۔

۲۷ کتّک ۲۰۱۸ بِکرمی جیٹھوُوال دربار وِچ

ہرِجن سدا اِک آشیِر، آسرا نام جنائیا۔ بھگت بھگوَنت بدل تقدیِر، تدبیِر اِک سمجھائیا۔ ترےَگُن مایا کٹ زنجِیر، امرت جام پیائیا۔ جگت وِچھوڑا کٹ بھیڑ، ساچے راہ چلائیا۔ چوٹی چاڑھے پھڑ اَخیِر، آخر اپنا میل مِلائیا۔ درس دِکھائے بے نظیِر، نظر نظر نال مِلائیا۔ جِس جن دیوے آپ آشیِر، واد وِواد رہے نہ رائیا۔ مِہربان وڈ پیِرن پیِر، شاہ پاتشاہ سچّا شہنشاہیِا۔ ایکنکارا کیا جانے جگت حقیِر، جُگ جُگ ویس وٹائیا۔ بھگت بھگوَنت دیوے دھیِر، سَت سنتوکھ اِک رکھائیا۔ جوتی جوت سروُپ ہرِ، آپ اپنی کِرپا کر، سچ آشیر اِک وکھائیا۔ ملِے آشیِر ہرِ ہرِ رنگ، رنگ رنگیِلا آپ چڑھائیندا۔ ہرِجن منگے اِکو منگ، آتم پرماتم کھیل کِھلائیندا۔ کایا اندر سچ پلنگ، سچ محل آپ سُہائیندا۔ انحد انادی اِک مردنگ، بِن تار ستار وجائیندا۔ لیکھا جانے جیؤ پِنڈ برہمنڈ، اِنڈ اپنی کھیل کِھلائیندا۔ امرت دھار وہائے ساگر سِندھ، رس رسیِا اِک چکھائیندا۔ جوتی جوت سروُپ ہرِ، آپ اپنی کِرپا کر، سچ آشیِر اِک وکھائیندا۔ اِک آشیِر ایکا گھر، آد جُگاد سمائیا۔ اِکو دیونہارا ور، ور داتا بےپرواہیِا۔ جن بھگتاں رکھے کُھلا در، در دروازہ اِک کُھلائیا۔ جگت وِکار چُکے ڈر، لوبھ ہنکار نہ کوئے جنائیا۔ اِک جنائے سچ پیار، پریم پیار اِک وکھائیا۔ جوتی جوت سروُپ ہرِ، آپ اپنی کِرپا کر، سچ آشیِر اِک رکھائیا۔ سچ آشیِر آشیِرواد، واد وِواد میٹ مِٹائیندا۔ جگت واسنا لیوے کاڈھ، ساچا سنگ نِبھائیندا۔ سدا سُہیلا کرے لاڈ، گود گودی آپ بہائیندا۔ جن جن جن سُنے فریاد، بھیوَ ابھید آپ کُھلائیندا۔ دیونہارا اِکو داد، اتُٹ آپ ورتائیندا۔ جوتی جوت سروُپ ہرِ، آپ اپنی کِرپا کر، ساچی آشیِر اِک جنائیندا۔ آشیِرواد ملِے ہرِ ناؤں، ہرِ نامہ گھر گھر پایا۔ ساچا وسے نگر کھیڑا گراؤں، گرِہ مندر اِک سُہایا۔ ہرِجن کرے

سچ نیاؤں، جوُٹھ جھوُٹھ موہ چُکایا۔ سدا سُہیلا سِر رکھے ٹھنڈی چھاؤں، سمرتھ اپنی دَیا کمایا۔ آپ اُٹھائے پھڑ پھڑ باہوں، لوک مات دئے وڈیایا۔ جوتی جوت سروُپ ہرِ، آپ اپنی کِرپا کر، آپ اپنے رنگ رنگایا۔ رنگ رنگائے ہرِ نِرنکار، نِرگُن اپنی دَیا کمائیا۔ وست امولک جھولی دیوے ڈار، اتوٹ اتُٹ رکھائیا۔ لکھّ چؤراسی ویکھ وِچار، گُرمُکھ سجّن لئے مِلائیا۔ بِن ڈِٹھیاں کرے پیار، انڈِٹھ اپنا رنگ وکھائیا۔ آتم سیجا سُہائے بنک دوار، بنک دواری ویکھ وکھائیا۔ جوتی جوت سروُپ ہرِ، آپ اپنی کِرپا کر، اِک آشیِر ایکا وار جھولی پائیا۔ پرِنسیپل دا اِکو پرِنسیپل، پُرکھ ابناشی آپ جنائیندا۔ کایا مندر اندر رکھنا آتم بل، من منسا سرب مِٹائیندا۔ آد جُگاد ابناشی کرتا اچھل اچھلّ، ول چھل اپنی کھیل کِھلائیندا۔ جوتی جاتا جوتی بہے رل، دِس کِسے نہ آئیندا۔ بِن اگنی دیِپک جائے بل، اگیان اندھیر مِٹائیندا۔ جوتی جوت سروُپ ہرِ، آپ اپنی کِرپا کر، پرِنسیپل اِک وکھائیندا۔ پرِنسیپل ہرِ کا دوارا، ایکا گھر وکھائیا۔ راج محل اُچ منارا، راج جوگ وڈیائیا۔ جگت وِدیا کھیل نیارا، بھگت وِدیا بِن اکھّر کرے پڑھائیا۔ لِکھن پڑھن توں وسے باہرا، روُپ رنگ ریکھ نہ کوئے جنائیا۔ جِس جن کھولے بند کِواڑا، اپنا راہ وکھائیا۔ وا نہ لگّے تتی ہاڑا، اگنی روُپ نہ کوئے وٹائیا۔ امرت برسے ٹھنڈی ٹھارا، سیِتل دھار وہائیا۔ پڑھ پڑھ جگت نہ مِلیا کوئے کنارہ، پڑھ پڑھ تھکی سرب لوکائیا۔ جِس جن کِرپا کرے آپ گِردھارا، گِرور اپنی دَیا کمائیا۔ نیتر لوچن نَین کھولے اپنی دھارا، اگیان اندھیر مِٹائیا۔ ہرِ کا اکھّر جِس وِچارا، مِل ہرِ ہرِ خوشی منائیا۔ جوتی جوت سروُپ ہرِ، آپ اپنی کِرپا کر، اَنتر بھیوَ دئے جنائیا ۔ اَنتر بھیوَ من اُمنگ، من ممتا رہی کُرلائیا۔ جگت واسنا لگّا جنگ، اٹّھے پہر لڑائیا۔ بِن نؤبت وجےّ مردنگ، من منوُآ رہیا وجائیا۔ سُرتی ہوئی بھنگ، ہرِ کا راہ نہ کوئے وکھائیا۔ بِن ہرِ درس نہ آئے پرمانند، نِجانند نہ کوئے رسائیا۔ پڑھ پڑھ تھکے بتّی دند، رسنا جِہوا نال مِلائیا۔ ویکھ ویکھ تکّے سوُرج چند، کایا مندر اندر ہوئے نہ کِسے رُشنائیا۔ جِس جن صاحِب سَتگُر سُنائے ایکا چھند، گیِت سُہاگی آپ جنائیا۔ خوشی کرائے بند بند، بندی خانہ توڑ تُڑائیا۔ جوتی جوت سروُپ ہرِ، آپ اپنی کِرپا کر، آتم واسنا دئے بُجھائیا۔ من واسنا من من رنگ، من متی جگت رنگایا۔ بُدھی ہوئی انتم ننگ، پردہ سیِس نہ کوئے ٹِکایا۔ بِن سَتگُر پوُرے کوئے نہ دیوے سچّا انند، نِجھر جھِرنا نہ کوئے جھِرایا۔ گھر وِچ مندر گھر وِچ دھار گھر وِچ وہے ساچی گنگ، ہری دوار گھر بنایا۔ جوتی جوت سروُپ ہرِ، آپ اپنی کِرپا کر، جِس جن وکھائے ساچا

در، در دروازہ دئے کُھلایا۔ در دروازہ کایا اندر، اندرے اندر آپ لگایا۔ ہرِ کا ناؤں پڑھ ویکھنا مندر، ہرِ مندر رہیا سُہایا۔ آپے توڑے لگّا جندر، نام ہتھؤڑا اِک لگایا۔ من منوُآ دہ دِش نہ اُٹھ اُٹھ دھائے بندر، جگت واسنا بند کرایا۔ بھاگ لگائے ڈوُنگھی کَندر، جوتی جوت کر رُشنایا۔ جوتی جوت سروُپ ہرِ، آپ اپنی کِرپا کر، آتم واسنا پوُر کرایا۔ من واسنا بؤہ بِدھ بھانت، چھِن چھِن روُپ وٹائیا۔ ہرِجن بہے اِک اِکانت، ایکا ہرِ لِو لائیا۔ ہرِ جوُ وسے اِک پرانت، ایکا راشٹر رہیا سمجھائیا۔ جو جن ویکھے مار جھات، تِس اپنی بوُجھ بُجھائیا۔ جوتی جوت سروُپ ہرِ، آپ اپنی کِرپا کر، اپنا رنگ ہرِجن دئے چڑھائیا۔ جگت اشانتی ہوئے دوُر، من چِنتا رہن نہ پائیا۔ کریا درس حاضر حضوُر، ہرِ دُکھڑا دئے مِٹائیا۔ آسا منسا پوُری ہوئے ضرور، ضرورت کوئے رہن نہ پائیا۔ گھر بھنڈار کرے بھرپوُر، ایکا بِھچھیا دئے ورتائیا۔ بِن گواہاں معاف کرے قصوُر، جِس جن اپنی دَیا کمائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جگت اشانتی جائے نسّ، اپنا پندھ مُکائیا۔ گھر وِچ ملِے ساچا رس، سُکھ سہج سہج وکھائیا۔ نام نِدھانا تیِر مارے کس، جگت اؤکھد دئے مِٹائیا۔ جوتی جوت سروُپ ہرِ، آپ اپنی کِرپا کر، سنکٹ گرِہ لیکھا دئے چُکائیا۔ آگیا وِچ آگیاکار، ڈور بھگتاں ہتّھ پھڑائیا۔ بھگتاں دی پربھ کڈھن آئے وگار، لوک مات ویس وٹائیا۔ اپنا کارج جائے وِگاڑ، جن بھگتاں وِگڑے کارج ٹھیِک کرائیا۔ آپے پِھرے پِچھے اَگاڑ، نِرگُن سرگُن روُپ وٹائیا۔ جِؤں ہرناکش چبایا اپنی داڑھ، پرہلاد ہویا سہائیا۔ ہرِجن کدے نہ آوے ہار، جِس ایکا اوٹ رکھائیا۔ پھڑ باہوں کرے پار، ویکھے کھیل یُدھ لڑائیا۔ جوتی جوت سروُپ ہرِ، آپ اپنی کِرپا کر، آپ اپنی خوشی منائیا۔ دُکھ درد جائے لتھ، اِکو سوہنگ نام دھیایا۔ کایا چلے ساچا رتھ، رتھ رتھواہی سیو کمایا۔ سگل وِسوُرے جائن لتھ، چِنتا روگ دئے مِٹایا۔ جوتی جوت سروُپ ہرِ، آپ اپنی کِرپا کر، بالی بالا لئے ترایا۔ ساچی سردھا بھگت وست، بھگوان اپنی جھولی پائیا۔ جُگ جُگ جن بھگتاں اَگے پِھرے دست بدست، اپنی سیو کمائیا۔ لیکھا جانے کیِٹ ہست، ذات پات اوُچ نیِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ساچی شردھا اِک رکھائیا۔ ساچی شردھا ہرِجن پیارا، پریم پریم نال بندھائیا۔ پاربرہم پربھ بنیا رہے ونجارا، جن بھگت دوارے پھیرا پائیا۔ آوے جاوے وِچ سنسارا، جُگ

جُگ ویس وٹائیا۔ گُرمُکھ وِرلا ملِے اپنی وارا، لکھّ چؤراسی دِس کِسے نہ آئیا۔ ساچی شردھا ہرِ کا بھرے بھنڈارا، ہرِ اِکو آس تکائیا۔ جوتی جوت سروُپ ہرِ، آپ اپنی کِرپا کر، ساچی وست اپنی جھولی پائیا۔

پٹھان کوٹ وسن کئی ہزار، گِنتی گنت وِچ نہ آئیا۔ امیِر غریِب روون زارو زار، دھیِرج دھیِر نہ کوئے دھرائیا۔ مندر گُردوارے ویکھ ویکھ کرن وِچار، ہرِ جوُ نظر کِسے نہ آئیا۔ پوُجا پاٹھ کر کر کرن نِمسکار، نِیوں نِیوں اپنا سیِس جھُکائیا۔ تِلک للاٹی کر شنگار، مستک ریکھا رہے بدلائیا۔ گل پا پا پھوُلن ہار، تن سُگندھی رہے چڑھائیا۔ ہرِ بھگت اِکو منگے ہرِ کا درس دیِدار، بِن ڈِٹھیاں چَین نہ آئیا۔ ہرِ جوُ آئے چل دوار، نِرگُن سرگُن روُپ وٹائیا۔ پٹھان کوٹ کوٹ ویکھے سنسار، ہرِجن کایا کوٹ نظر کِسے نہ آئیا۔ جِس جن اندر وڑیا آپ مُرار، مُرلی اپنا نام وجائیا۔ مُکند منوہر لکھمی نرائن کر شنگار، مُکٹ سیِس جگدیِش ٹِکائیا۔ جِؤں بِپر سُدامے کریا پیار، آپ اپنے گلے لگائیا۔ تِؤں کایا کوٹ کر وِچار، وِبھچار دئے مِٹائیا۔ راتیں سُتیاں دئے دیِدار، نوُر باطن روُپ وکھائیا۔ جوتی جوت سروُپ ہرِ، آپ اپنی کِرپا کر، ہرِجن اپنا کھیل وکھائیا۔ اٹّھ گرِہ اٹّھ تت سنگ، اپ تیج وائے پرِتھمی آکاش من مت بُدھ نال رلائیا۔ کرے کھیل سوُرا سربنگ، بےاَنت بےپرواہیِا۔ آپے جانے اپنا رنگ، دو جہان ویکھ وکھائیا۔ جُگ جُگ منمُکھتا دیندا آیا دنڈ، آپ اپنی بِدھ بنائیا۔ لکھّ چؤراسی کُرلائے وِچ نَوکھنڈ، ستّ دیِپ رہیا کُرلائیا۔ پُرکھ ابناشی گھٹ گھٹ واسی چھّبی پوہ ونڈے ساچی ونڈ، چار جُگ دے تیئی اوتار بھگت اٹھاراں نال آدھار، در منگائے گُروُ دس حُکمی حُکم ورتار، عیسیٰ موُسیٰ سنگ محمد کرے خبردار، شبد سندیشہ اِک جنائیا۔ اٹھ گرِہ پاوے سار، بھانا سہے سرب نِرنکار، بِن بھانے بچیا کوئے رہن نہ پائیا۔ سوُرج چنّ کرن وِچار، منگل بُدھ رہے دھاہاں مار، برہسپت اپنی منّے ہار، شُکر اُٹھے بلدھار، شنی ویکھے سچ اکھاڑ، واہ واہ ہرِ جوُ کھیل کِھلائیا۔ جِؤں بھاوے تِؤں کرے کرتار، ڈور بھگتاں ہتّھ پھڑائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیا۔ بھگت دوارا رہیا بن، پُرکھ ابناشی آپ بنائیندا۔ سیوا لائے گندھرب گن، کروڑ تیتیِسا سنگ رلائیندا۔ سُرپت راجا اِند رہیا منّ، پربھ اَگے نِیوں نِیوں سیِس جھُکائیندا۔ شِو شنکر سُنے لا لا کنّ، سچ سندیشہ کوَن الائیندا۔ برہما ویتا

کہے دھنّ دھنّ دھنّ، پاربرہم کوَن کھیل کِھلائیندا۔ وِشنوُں نِرگُن چڑھیا چنّ، وِشوَ اپنا رنگ وکھائیندا۔ بھگوَن جو گھڑیا سو دیوے بھنّ، گھڑن بھنّنہار آپ ہو جائیندا۔ جن بھگتاں کہنا لئے منّ، جُگ جُگ اپنے بھگت پرگٹائیندا۔ جوتی جوت سروُپ ہرِ، آپ اپنی کِرپا کر، اٹّھ گرِہ نؤ کھنڈ نؤ نؤ کرے اِک ونڈ، اِک اٹھ اٹھ نال پرنائیندا۔ گُرمُکھ سجّن ساچا رنگ، گُر سَتگُر آپ چڑھائیا۔ نام نِدھان وجےّ مردنگ، نؤبت ایکا ہتّھ اُٹھائیا۔ لیکھا جانے پُری انند، پُر انند سوبھا پائیا۔ جِس جن دیوے آتم پرمانند، اپنی بوُجھ بُجھائیا۔ دُئی دوَیتی ڈھاہے کندھ، بھانڈا بھرم بھؤ بھنّائیا۔ اِک سُنائے سُہاگی چھند، انحد ناد وجائیا۔ آتم سیجا سچ پلنگ، گُر گوبِند آسن لائیا۔ جِس ٹُٹّی لئی گنڈھ، سو صاحِب سدا سکھائیا۔ تِس صاحِب کولوں منگیئے منگ، دیونہار بےپرواہیِا۔ جوتی جوت سروُپ ہرِ، آپ اپنی کِرپا کر، ہرِجن ویکھے تھاؤں تھائنیا۔ ہرِجن سجّن ہرِ ہرِ میِت، جُگ جُگ کھیل کِھلایا۔ گھر مندر گاؤ ہرِ ہرِ گیِت، گوبِند میلا سہج سُبھایا۔ کرے کرائے پتت پُنیِت، پتت پاوَن دَیا کمایا۔ ناتا توڑ مندر مسیِت، گُروُدوارا وِچ گھر وکھایا۔ صاحِب سُہیلا وسے چیِت، چِت وِت ٹھگؤری کوئے نہ پایا۔ چار ورن چلائی ساچی ریِت، ایکا پنتھ سجایا۔ پُرکھ اکال نِبھاؤنی پریِت، دوُجا اِشٹ نہ کوئے منایا۔ گُر کا شبد ٹھانڈا سیِت، گُروُ گرنتھ گُر وڈیایا۔ ہرِجن سدا رہے اتیِت، ترےَگُن پوہ نہ سکے رایا۔ جوتی جوت سروُپ ہرِ، آپ اپنی کِرپا کر، گُرمُکھ اپنے انگ لگایا۔ گُرمُکھ لگائے اپنے انگ، پُرکھ اکال وڈی وڈیائیا۔ گُر گوبِند سوُرا سربنگ، دیِناں اناتھاں ہوئے سہائیا۔ کلجُگ کوُڑ کُڑیارا مُکائے پندھ، سَتجُگ ساچا مارگ لائیا۔ نؤ کھنڈ پرِتھمی کرے کھنڈ کھنڈ، برہمنڈ دین دُہائیا۔ چؤداں لوک ویکھن گُجری چند، کوَن کوُٹ کرے رُشنائیا۔ نِرگُن نوُر سوُرا سربنگ، شاہ پاتشاہ سچّا شہنشاہیِا۔ سِنگھ نِہنگ وجاؤن نام مردنگ، نام مردنگا ہتّھ پھڑائیا۔ منُمکھاں وڈّھے کنڈھ، مُنہ دے بھار سُٹائیا۔ ایکا ہتّھ پھڑائے چنڈ پرچنڈ، چار کُنٹ پئے دُہائیا۔ جِس گوبِند گایا بتّی دند، دھنّ دھنّ جنیندی مائیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے سدا ترائیا۔ گُرمُکھ تارے پُرکھ اکال، اگمّ بےپرواہیِا۔ سدا سدا سد دیِن دَیال، دیِناں اناتھاں ہوئے سہایا۔ اپنے ہتّھ رکھائے کال مہاکال، مہاکال بھیوَ چُکایا۔ گُرسِکھ توڑ جگت جنجال، آپ اپنے رنگ رنگایا۔ گوبِند لیکھا چُکائے شاہ کنگال، سِر اپنا ہتّھ ٹِکایا۔ آپے بنیا گُجری لال، اپنے لال نیہاں ہیٹھ دبایا۔ کلجُگ انتم کرے پھیر سنبھال، نِرگُن نوُر کر رُشنایا۔ سنت سُہیلے لئے

بھال، اندر وڑ وڑ پردہ دئے چُکایا۔ اپنا پھل لگائے اپنے ڈال، پتّ ڈالی آپ مہکایا۔ اپنا کرے حل آپ سوال، دوُسر بھیوَ کِسے نہ آیا۔ انتم کل سمبل لئے سُرت سنبھال، جوتی جوت سروُپ ہرِ، آپ اپنی کِرپا کر، گُرمُکھ سدا صالاحیا۔ گُرمُکھ منگے گوبِند درس، گُر گوبِند دَیا کمائیا۔ سِنگھ مِٹائے ساچی حرص، سِنگھ سوُربیِر شہنشاہیِا۔ لیکھا جانے عرش فرش، جگت کُرا ویکھ وکھائیا۔ امرت آتم میگھ دیوے برس، نِجھر جھِرنا اِک جھِرائیا۔ گُرمُکھاں لاہے پِچھلا قرض، مقروُض اپنا آپ وکھائیا۔ کلجُگ انتم پوُرا کرے فرض، کیِتا قؤل نہ کدے بُھلائیا۔ جِس نوُں اپنی ہتھّیں اپنے گھر کیِتا درج، تِس دا نام نہ کوئے مِٹائیا۔ سِنگھ روُپ ہو پئے گرج، ایکا فتح ڈنک وجائیا۔ پہلی وار پُرکھ اکال گیا ورج، آپ اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، ہرِجن میلا ساچے تھائنیا۔ ہرِجن میلا سچ دوار، گُر گوبِند در سُہائیندا۔ کلجُگ انتم کھیل نیار، نِراکار آپ کرائیندا۔ جوتی جامہ ویس اپار، روُپ رنگ ریکھ نہ کوئے رکھائیندا۔ سمبل نگر دھام نیار، سچ سِنگھاسن سوبھا پائیندا۔ نِرگُن جوت جگے اگمّ اپار، جوتی جاتا ڈگمگائیندا۔ انحد شبد ناد دُھنکار، دُھنی دُھن ناد وجائیندا۔ کرے کھیل آپ کرتار، قُدرت قادر ویکھ وکھائیندا۔ بے عیب خُدائی پروردِگار، نوُر نوُرانہ ڈگمگائیندا۔ مقامے حق سانجھا یار، سچ سِنگھاسن سوبھا پائیندا۔ جوتی جوت سروُپ ہرِ، آپ اپنی کِرپا کر، ہرِجن میلا ایکا گھر، گُرمُکھ گھر وِچ گھر سُہائیندا۔ گھر وِچ گھر سوبھاوَنت، ہرِجن ملِے وڈیائیا۔ پاربرہم ابناشی کرتا سچّا کنت، ہرِجن ساچے لئے پرنائیا۔ کایا چولی چاڑھے رنگ بسنت، اُتر کدے نہ جائیا۔ رسنا جِہوا منیِا منت، ایکا نام کرے پڑھائیا۔ گڑھ توڑے ہؤمے ہنگت، مایا ممتا دئے مِٹائیا۔ گُر گوبِند وڈیائی اِکو سنگت، گُر سنگت گُر گُر روُپ سمائیا۔ کِسے کول نہ ہوئے منگت، جِس مِلیا گوبِند سچّا ماہیِا۔ اِک نانک لایا انگ انگد، گوبِند گُرسِکھ سارے گود بہائیا۔ جوتی جوت سروُپ ہرِ، آپ اپنی کِرپا کر، ہرِجن چُکائے جگت ڈر، بھےَ اوَر نہ کوئے رکھائیا۔ گوبِند میلا سچ درگاہ، گُر نانک نال مِلائیندا۔ پُرکھ اکال پکڑے بانہہ، سِر اپنا ہتّھ ٹِکائیندا۔ جِس جن جپایا اپنا ناں، آپ اپنے سنگ رکھائیندا۔ آپے بنے پِتا ماں، بھائی بھَین ساک سجّن آپ اکھوائیندا۔ ایتھے اوتھے دو جہاناں دیوے ٹھنڈی چھاں، اگنی تت نہ کوئے رکھائیندا۔ پھڑ پھڑ ہنس بنائے کاں، جِس جن اپنا نام جپائیندا۔ نِتھاویاں دیوے تھاں، درگاہ ساچی آپ بہائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا کھیل کِھلائیندا۔ درگاہ ساچی سچ ٹِکانا، پُرکھ اکال

اپنے ہتّھ رکھائیا۔ اوتھے کوئی نہ پُجے راجا رانا، کوٹن کوٹ بَیٹھے راہ تکائیا۔ جِس جن بخشے چرن دھیانا، تِس اپنے مارگ لائیا۔ گوبِند گُر شبد اگمّی لےَ کے آئے بِبانا، گُرمُکھ ساچے لئے چڑھائیا۔ سچکھنڈ دوارے دیوے مانا، آپ اپنی گود بہائیا۔ جِس جن منّیا سَتگُر بھانا، تِس جن ہوئے اَنت سہائیا۔ جوتی جوت سروُپ ہرِ، آپ اپنی کِرپا کر، دو جہاناں دیوے وڈ وڈیائیا۔ دو جہاناں سَتگُر مالک، ملک اُلمؤت در دُرکائیندا۔ لیکھا جانے خلق خالق، مخلوُق اپنی دھار وکھائیندا۔ گُرمُکھاں بنے سدا پرِتپالک، بن سیوک سیو کمائیندا۔ جِس جن گوبِند چرن گھالی گھالک، تِس پوُری گھال کرائیندا۔ درگاہ ساچی بنے ثالث، رائے دھرم نیڑ نہ آئیندا۔ کلجُگ انتم چار ورن پنتھ خالصہ بنائے خالص، خالص اپنا روُپ وکھائیندا۔ جگت مایا وِچ کدے نہ آئے آلس، نِندرا سنگ نہ کوئے جنائیندا۔ گُرمُکھ اُٹھائے بالک، امرت سیِر مُکھ چوائیندا۔ آپے ہوئے سب دا جانت، انجانت میل مِلائیندا۔ بِن ڈِٹھیاں کرے پچھانت، جگت نیتر نظر نہ آئیندا۔ انتم دے کے گیا ضمانت، گُرمُکھ ساچے پار کرائیندا۔ جوتی جوت سروُپ ہرِ، آپ اپنی کِرپا کر، درگاہ ساچی دھام سُہائیندا۔ درگاہ ساچی سچ محلہ، سَتگُر پوُرا آپ سمائیا۔ پُرکھ اکال اِک اِکلّا، نِرگُن بَیٹھا آسن لائیا۔ آپے روَیا جلاں تھلاں، جل تھل مہیئل آپ سمائیا۔ آپے دیِپک جوتی بلا، نِرگُن جوت کرے رُشنائیا۔ آپے سچ سندیش شبدی گھلا، نام مردنگ اِک وجائیا۔ آپے گوبِند گُرسِکھ پھڑایا پلّا، پھڑیا پلّوُ چُھٹ کدے نہ جائیا۔ جوتی جوت سروُپ ہرِ، آپ اپنی کِرپا کر، درگاہ ساچی ہوئے سہائیا۔ درگاہ ساچی گُرمُکھ گھر، گُر سَتگُر آپ بنایا۔ لکھّ چؤراسی جمےّ پئے مر، مرن جمّن کھیل کِھلایا۔ ہرِجن وِرلا نہ رکھے کوئی ڈر، نِربھؤ ایکا ایک دھیایا۔ ایکا پُرکھ اکال لئے ور، دو جہاناں ہوئے سہایا۔ نِرگُن سرگُن لئے پھڑ، آتم پرماتم میل مِلایا۔ جوتی جوت سروُپ ہرِ، آپ اپنی کِرپا کر، درگاہ ساچی دیوے وڈیایا۔ درس اندر سرب دات، لکھّ چؤراسی بندھن پائیا۔ درس اندر پِتا مات، پوُت سپوُت دئے وڈیائیا۔ درس اندر اُتم ذات، ذات پات رہن نہ پائیا۔ درس اندر سچّا نات، گُر چرن سرن سرنائیا۔ درس اندر اُترے گھاٹ، پار کِنار وکھائیا۔ درس اندر مِٹے اندھیری رات، ساچا نوُر کرے رُشنائیا ۔ درس اندر پُچھے وات، گُرسِکھاں میل مِلائیا۔ درس اندر مِٹے ناتا من مت کمذات، گُر سَتگُر کرے پڑھائیا۔ درس اندر دیوے نام کھات، سچ بھنڈارا آپ بھرائیا۔ درس اندر ویکھے مار جھات، بند تاکی آپ کُھلائیا۔ درس اندر دیوے امرت بوُند سوانت، نِجھر جھِرنا اِک جھِرائیا۔ درس اندر گُرسِکھ میلا

اِک اِکانت، روُپ انوُپ آپ پرگٹائیا۔ جوتی جوت سروُپ ہرِ، آپ اپنی کِرپا کر، آپے درس آپے دیِد، دیونہار آپ ہو جائیا۔ درس اندر گوبِند میلا، گُر گوبِند آپ مِلائیا۔ درس اندر گُروُ گُر چیلا، گُر چیلا روُپ وٹائیا۔ درس اندر سجّن سُہیلا، سگلا سنگ نِبھائیا۔ درس اندر ملِے اِک اِکیلا، نِرگُن اپنا بھیوَ چُکائیا۔ درس اندر کٹ دئے رائے دھرم دی جیلا، لکھّ چؤراسی پھند کٹائیا۔ درس اندر آپ جنائے اپنا ویلا، تِھت وار نہ کوئے جنائیا۔ درس اندر گُر سَتگُر اچرج کھیل کھیلا، گُرمُکھ ساچے لئے مِلائیا۔ جوتی جوت سروُپ ہرِ، آپ اپنی کِرپا کر، ایکا درس دئے وڈیائیا۔ درس اندر ملِے گُرمیِت، مِتر پیارا دَیا کمائیندا۔ درس اندر کایا کرے ٹھنڈی سیِت، اگنی تت بُجھائیندا۔ درس اندر سُنائے سُہاگی گیِت، اپنا ڈھولا آپے گائیندا۔ درس اندر کرے کایا پتت پُنیِت، دُرمت مَیل دھوائیندا۔ صدی چؤدھویں رہی بیِت، چاروں کُنٹ جگت سمجھائیندا۔ انتم ناتا تُٹنا مندر مسیِت، تِھر کوئے رہن نہ پائیندا۔ پُرکھ اکال دیِن دَیال ایکا رنگ رنگاؤنا ہست کیِٹ، اوُچ نیِچ نہ کوئے وکھائیندا۔ پُرکھ اکال گاؤنا سب نے گیِت، شرع شریِعت میٹ مِٹائیندا۔ جوتی جوت سروُپ ہرِ، آپ اپنی کِرپا کر، درس اندر دیوے دیِدار، گُرسِکھاں کرے سچ پیار، پیار پیار نال پرنائیندا۔ پیار اندر گُروُ گوبِند وسے، اَنت گیا سمجھائیا۔ گھٹ مندر بہہ بہہ آپے ہسّے، اپنی خوشی منائیا۔ کرے پرکاش بِن روَ سسے، سوُرج چنّ مُکھ شرمائیا۔ جِس گُرسِکھ اپنا مارگ دسےّ، آتم اَنتر بوُجھ بُجھائیا۔ سو گُرسِکھ گوبِند تیرے چرن ڈھٹّھے، ڈھیَہہ ڈھیَہہ پئے سرنائیا۔ ناتا توڑے تیِرتھ اٹھسٹھے، جمنا سُرستی گنگا گوداوری نہ نہاوَن جائیا۔ جوتی جوت سروُپ ہرِ، آپ اپنی کِرپا کر، ایکا درس دئے سمجھائیا۔ ایکا درس کایا گڑھ، گوبِند آپ جنائیا۔ اپنے پؤڑے جائے چڑھ، روُپ رنگ ریکھ نہ کوئے وکھائیا۔ بِن وِدیا اکھّر جائے پڑھ، ایکا اکھّر آپ سُنائیا۔ اپنی کرنی آپے کر، کرتا پُرکھ ویس وٹائیا۔ سنت سُہیلے گُرمُکھ گُرسِکھ لئے پھڑ، سویا کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے ایکا درس دِکھائیا۔ ایکا درس دیوے کرتار، ہرِجن ساچے آپ جگایا۔ ایکا وست دیوے نام بھنڈار، انمُلڑی دات ورتایا۔ ایکا کھولے بند کِواڑ، بجر کپاٹی توڑ تُڑایا۔ ایکا جوت کرے اُجیار، جوت نِرنجن ڈگمگایا۔ ایکا امرت دیوے ٹھنڈا ٹھار، بوُند سوانتی مُکھ چوایا۔ ایکا ساچی سیجا کرے پیار، آتم سیجا سوبھا پایا۔ جِس گُرسِکھ دیوے آپ دیِدار، تِس لوچن آپ کُھلایا۔ جوتی جوت سروُپ ہرِ، آپ اپنی کِرپا کر، درس ترس آپ کمایا۔ وِچار اندر

نہ آئے وِچار، بُدھ مت نہ کوئے وڈیائیا۔ گُر گوبِند وسے سب توں باہر، کہنا کتھن نہ جائیا۔ جِس کِرپا کرے اپر اپار، اپرمپر بوُجھ بُجھائیا۔ آپے دیوے درس دیِدار، نیتر نَین نَین بِگسائیا۔ جوتی جوت سروُپ ہرِ، آپ اپنی کِرپا کر، وِچار وِچار نال مِلائیا۔ بِھنڑی رَین چڑھیا چا، گُرسِکھاں درشن پایا۔ گُرسِکھ میرا بنے ملاح، گوبِند لئے مِلایا۔ غریِب نِمانیاں جو پکڑے بانہہ، نِتھاویاں لئے اُٹھایا۔ امرت جام دئے پیا، ایکا رنگ وکھایا۔ ہنس کاگ دئے بنا، کاگوں ہنس اُڈایا۔ میری رَین اندھیری مِٹے نہ، میرا اندھ نہ کوئے گوایا۔ جوتی جوت سروُپ ہرِ، آپ اپنی کِرپا کر، اپنا کھیل کرایا۔ بِھنڑی رَین کرے پُکار، گُرسِکھ اَگے سیِس جھُکائیا۔ میَں سُنیا تیرا گوبِند میِت مُرار، تیرے سنگ وسے تیرا ماہیِا۔ میَں کلجُگ انتم آئی وِچ سنسار، چاروں کُنٹ اندھیرا چھائیا۔ گھر گھر ہوئے اَنت وِبھچار، ہرِ کا نام نہ کوئے دِھیائیا۔ نیتر رو رو دھاہاں رہی مار، کُھلڑے کیس رہی وکھائیا۔ بِن گوبِند کرے نہ کوئے پیار، بُھلی سرب لوکائیا۔ جِس آپا دِتا وار، غریِب نِمانے گلے لگائیا۔ انتم دے کے گیا سہار، ایکا نعرہ لائیا۔ پرگٹ ہوئے آپ نِرنکار، نِہکلنکا ناؤں رکھائیا۔ گوبِند ڈنکا وجےّ وِچ سنسار، نؤ کھنڈ پرِتھمی آپ سُنائیا۔ پرگٹ ہووے جودھا سوُربیِر بلی بلکار، بل اپنا آپ دھرائیا۔ راج راجاناں شاہ سُلطاناں کرے خوار، سیِس تاج نہ کوئے ٹِکائیا۔ ساچے تخت بہے آپ کرتار، کرے کرائے سچّی شہنشاہیِا۔ ویہہ سؤ ویہہ بِکرمی کھیل اپار، لوک مات وجےّ ودھائیا۔ بِھنڑی رَین گُرمُکھاں آئی دوار، اپنی جھولی اَگے ڈاہیِا۔ دھنّ دھنّ دھنّ گُرسِکھ، جِس گوبِند اوٹ رکھائیا۔ گُر گوبِند اوٹ جِس لئی رکھ، ایکا آس تکائیا۔ لکھّ چؤراسی وِچوں ہویا وکھّ، اپنا پندھ مُکائیا۔ ایکا چڑھیا ساچے رتھ، سچ دوار ملِے وڈیائیا۔ لہنا دینا چُکے سیِاں ساڈھے تِنّ تِنّ ہتّھ، رَوداس چمیار دئے گواہیِا۔ سَتگُر گُروُ گُر جِس وسے پاس، گُر گوبِند اِک ملاہیِا۔ سو گُرسِکھ کِیوں ہوئے نِراس، آسا آسا پوُر کرائیا۔ نِج آتم کرے واس، پرماتم میل مِلائیا۔ گُرسِکھ سدا شاباش، جِس تجی سرب لوکائیا۔ جوتی جوت سروُپ ہرِ، آپ اپنی کِرپا کر، گُرمُکھاں آد جُگاد دئے وڈیائیا۔

سِنگھ نِہنگ سوہنا بستر، کایا بستی آپ وسائیا۔ گُر گوبِند پہنایا اپنا شستر، شتروُ رہیا گھائیا۔ اِک چڑھایا ساچے استر، نام گھوڑا رہیا دؤڑائیا۔ اٹّھے پہر واہِگُروُ جاپ کری کسرت، اپنا بل ودھائیا۔ اَنت گوبِند پوُری کرے حسرت، دیوے درس سچّا ماہیِا۔ جوتی جوت

سروُپ ہرِ، آپ اپنی کِرپا کر، ساچا بانا آپ سُہائیا۔ کالے پیِلے سوہنے چیِرے، چیِرے والا ویکھ وکھائیا۔ گُرمُکھ لال ساچے ہیِرے، مانک موتی آپ اُٹھائیا۔ میل مِلائے وڈ پیِرن پیِرے، اُچ پیِر ہوئے سہائیا۔ کلجُگ آیا اَنت اَخیِرے، سب دی کرے صفائیا۔ اپنا کھیل جانے دھیِرے دھیِرے، دھیِرج اپنے وِچ سمائیا۔ جیِو جنت بنّھے نام زنجِیرے، ہرِ کا ناؤں سنگل اِک اُٹھائیا۔ لہنا دینا چُکائے ہست کیِڑے، کیِٹ ہست ویکھے تھاؤں تھائنیا۔ سمُند ساگر وِرولے نیِرے، نام مدھانا ایکا پائیا۔ دیِن مذہب ورن برن جو ہوئے لیرو لیرے، انتم ایکا گنڈھ بندھائیا۔ جِؤں رَوداس پایا مُل کسیِرے، کنگن دئے وڈیائیا۔ تِؤں گُرمُکھاں امرت پیائے ساچا سیِرے، رس امرت مُکھ چوائیا۔ انتم آپے کٹے بھیِڑے، سِر اپنے بھار اُٹھائیا۔ نِہنگ سِنگھ اُٹھاؤنا بیڑے، گُر گوبِند نال مِلائیا۔ دھنّ بھاگ گُر مِلیا جیؤڑے، جیِون مکُت کرائیا۔ منمُکھ اَنت شبد ویلنے پیِڑے، نہ سکے کوئے بچائیا۔ سوہن بستر نیِلے لیڑے، پگڑی دستار روُپ وٹائیا۔ جوتی جوت سروُپ ہرِ، آپ اپنی کِرپا کر، پریم پریم رنگ رنگائیا۔ لوہا پارس جائے بن، منکا مالا من نال مِلائیا۔ سَتگُر سُنے اپنے کنّ، سو گُرمُکھ ہِردے اندر دِھیائیا۔ ملِے وڈیائی ساچے تن، جِس رسنا گوبِند نام سمائیا۔ گُر گوبِند نظر نہ آئے جیِو انّھ، گُرمُکھ ویکھن چائیں چائنیا۔ آد جُگاد جُگ جُگ چڑھیا رہے گُجری چنّ، جِس دا اِکو پُرکھ اکال پِتا مائیا۔ تِس گوبِند کہو دھنّ دھنّ دھنّ، جو گُرمُکھاں امرت گیا پیائیا۔ جوُٹھا جھوُٹھا ٹھوُٹھا بھنّ، ایکا رنگ چڑھائیا۔ اپنی ہتھّیں لا کے گیا ڈنّ، اپنا حُکم سمجھائیا۔ پُرکھ اکال سب نے لَینا منّ، ہِندوُ مُسلم سِکھ عیسائی ایکا اِشٹ وکھائیا۔ جوتی جوت سروُپ ہرِ، آپ اپنی کِرپا کر، ہرِجن ساچے گھر مِلائیا۔ ساچا کھنڈا سچ کِرپان، کِرپانِدھ آپ پہنائیا۔ بِن گُر گھڑے نہ کوئے وِچ جہان، لوہار ترکھان نہ کوئے وڈیائیا۔ کایا اندر رکھے آپ گیان، ماٹی چمّ پوچ پوچائیا۔ تِس کھنڈے منّنی سب نے آن، جو کھنڈا گوبِند گیا وکھائیا۔ پرگٹ کرے آپ بھگوان، اپنی سیو کمائیا۔ گُرسِکھاں مِلیا دُھر دا دان، لوک مات خوشی منائیا۔ کلجُگ اَنت رہے نہ کوئے انجان، بُھل وِچ نہ کوئے بُھلائیا۔ گوبِند سوُرا پرگٹ ہووے وِچ جہان، لوک مات کرے رُشنائیا۔ سَتجُگ ساچا لائے آن، کلجُگ کوُڑی کِریا دئے کھپائیا۔ ویہہ سؤ ویہہ بِکرمی ہوئے پردھان، نؤ کھنڈ پرِتھمی ایکا حُکم جنائیا۔ لہنا دین چُکائے کرِشنا کاہن، رام نام نہ کوئے وڈیائیا۔ عیسیٰ موُسیٰ نہ کوئے سلام، محمد شریِعت نہ کوئے رکھائیا۔ اِنجیِل قرآن نہ کوئے کلام، مکّہ کعبہ نہ پھیرا پائیا۔ پیِر پَیغمبر نہ دیوے کوئی پَیغام، حُکمی حُکم نہ کوئے

جنائیا۔ ایکا حُکم ورتے سِری بھگوان، برہمنڈ کھنڈ بندھن پائیا۔ گوبِند جھُلے اِک نِشان، سرِشٹ سبائی دئے وکھائیا۔ کرے کھیل آپ مِہربان، اپنی دَیا آپ کمائیا۔ جوتی جوت سروُپ ہرِ، آپ اپنی کِرپا کر، گُرسِکھ تن آپ سجائیا۔ سِر سوہے چکّر دُمالا، چکرورتی چکّر چلائیندا۔ ایکا دسّیا راہ سُکھالا، گوبِند اپنا پندھ مُکائیندا۔ میرا سِکھ سب توں نِرالا، آپ اپنی ونڈ ونڈائیندا۔ ہتّھ پھڑائی ساچی مالا، من کا منکا آپ بھوائیندا۔ نہ کوئی سندھیا نہ ترکالا، امرت ویلا اِک وکھائیندا۔ گُرمُکھاں مُکھ پوُنجھے آپ نال رومالا، بن سیوک سیو کمائیندا۔ اَنت ہوئے آپ دلالا، سچ دلالی آپ کمائیندا۔ جوتی جوت سروُپ ہرِ، آپ اپنی کِرپا کر، گُرمُکھ ساچے در سُہائیندا۔