کتب خانہGranth 11 (Shahmukhi)

پہلی مگھّر ۲۰۱۸ بِکرمی جیٹھوُوال دربار

سچکھنڈ سوہے سچ دوارا، سچکھنڈ نِواسی آپ سُہائیا۔ نِرگُن نوُر کر اُجیارا، جوت رُشنائیا۔ محل اٹل اُچ منارا، سوبھاوَنت آپ سُہائیا۔ اِک اِکلّا کر پسارا، نِرگُن اپنا کھیل وکھائیا۔ آد پُرکھ آدی دھارا، اپنی آپ پرگٹائیا۔ جُگاد روُپ اگمّ اپارا، بھیوَ کوئے نہ پائیا۔ جوتی جوت سروُپ ہرِ، آپ اپنی کِرپا کر، در گھر ساچا آپ سُہائیا۔ سچکھنڈ سوبھنیِک، سو پُرکھ نِرنجن آپ سُہائیندا۔ پروردِگار لاشریِک، ہرِ پُرکھ نِرنجن ڈیرہ لائیندا۔ ایکنکارا بَیٹھا رہے اِک اتیِت، آد نِرنجن نوُر پرگٹائیندا۔ ابناسی کرتا ٹھانڈا سیِت، سِری بھگوان سوبھا پائیندا۔ پاربرہم پربھ آپے جانے اپنی ریِت، سچ دوارے آپ چلائیندا۔ جوتی جوت سروُپ ہرِ، آپ اپنی کِرپا کر، در گھر ساچا آپ وڈیائیندا۔ سچکھنڈ دوارا سوبھاوَنت، سو پُرکھ نِرنجن آپ سُہائیا۔ اپنی مہما جانے اگنت، بےاَنت وڈ وڈیائیا۔ اپنا کھیل کرے آد اَنت، اَنت آد آپ اکھوائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچا آپ پرگٹائیا۔ سچ پرگٹایا سچکھنڈ، سچ ساچا دَیا کمائیندا۔ آپ رکھائے اپنا انند، انند انند وِچ مِلائیندا۔ کرے پرکاش بِن سوُرج چند، نوُر نوُرانہ ڈگمگائیندا۔ نام نِدھانا اگمّی چھند، بِن رسنا جِہوا گائیندا۔ داتا دانی سوُرا سربنگ، شاہ پاتشاہ ویس وٹائیندا۔ آپے ہوئے سدا بخشند، مِہربان اپنا ناؤں دھرائیندا۔ آپے جانے اپنا پندھ، دوُسر بھیوَ کوئے نہ پائیندا۔ جوتی جوت سروُپ ہرِ، آپ اپنی کِرپا کر، سچ دوارا آپ وڈیائیندا۔ سچ محلہ ساچا گھر، ہرِ ساچا آپ سُہائیا۔ نِرگُن نِروَیر کھول

در، در دروازہ آپ پرگٹائیا۔ نِربھؤ ہو اندر وڑ، بھےَ اوَر نہ کوئے رکھائیا۔ ساچے پؤڑے آپے چڑھ، سچ سِنگھاسن سوبھا پائیا۔ شاہو بھوُپ راجن راج بن، تخت نِواسی وڈی وڈیائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیا۔ سچکھنڈ نِواسی کھیل اولّا، ایکنکارا آپ کرائیندا۔ آد جُگاد وسنہارا سچ محلہ، در گھر ساچے سوبھا پائیندا۔ نِراکارا جوت نوُر نوُر وِچ رلا، روُپ رنگ ریکھ نہ کوئے وکھائیندا۔ آپے پھڑے اپنا پلّا، اپنا سنگ نِبھائیندا۔ سچ سِنگھاسن ایکا ملّا، شاہو بھوُپ ڈیرہ لائیندا۔ جوتی جوت سروُپ ہرِ، آپ اپنی کِرپا کر، در گھر ساچا آپ سُہائیندا۔ در گھر ساچا سوہیا، سُہائے آپ کرتار۔ اپنے جیہا آپے ہویا، دوُسر کرے نہ کوئے وِچار۔ آد جُگاد نواں نروآ، مرے نہ جمےّ وِچ سنسار۔ سچکھنڈ دوارے اپنا آپے لےَ کے آئے ڈھویا، وست امولک ایکنکار۔ ایکا بیِج آپے بویا، آپے پُرکھ آپے نار، اپنی سیج آپے سویا، آپے بنے کنت بھتار، جوتی جوت سروُپ ہرِ، آپ اپنی کِرپا کر، اپنا دیِپک آپے ہویا، آپے ہوئے اُجیار۔ سچکھنڈ ہوئے اُجالا، نِرگُن اپنی جوت جگائیا۔ آپے ہوئے سدا پرِتپالا، پرِتپالک بےپرواہیِا۔ آد جُگادی بن رکھوالا، در گھر ساچے سیو کمائیا۔ آپے جانے اپنا راہ سُکھالا، اپنا مارگ آپ وکھائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچا آپ سُہائیا۔ سچکھنڈ سُہائے سِری بھگوان، بھگوَن اپنی دَیا کمائیندا۔ نِرگُن نوُر جوت مہان، پُرکھ اکالا ڈگمگائیندا۔ لیکھا جانے دو جہان، دوئے دوئے اپنی دھار وکھائیندا۔ نِرگُن سرگُن ساچی کار، کِرتی اپنی کِرت کمائیندا۔ ترےَ ترےَ میلا اپر اپار، پنچم چیلا روُپ وٹائیندا۔ سجّن سُہیلا ٹھانڈے دربار، ساچی گھاڑت گھڑت گھڑائیندا۔ بھانڈا گھڑے اپر اپار، نام تھتھوا ہتّھ رکھائیندا۔ چکّ گیڑھے ایکا وار، دوُجی وار نہ کوئے بھوائیندا۔ اپنی کِرپا آپے دھار، آپ اپنا بندھن پائیندا۔ آپے اندر آپے باہر، گُپت ظاہر روُپ وٹائیندا۔ آپے مات پِت کرے پیار، سُت دُلار آپ اکھوائیندا۔ آپے منگے بن بِھکھار، آپے وست امولک جھولی پائیندا۔ آپے شاہو بھوُپ بنے سِکدار، آپے نِیوں نِیوں سیِس جھُکائیندا۔ آپے ویکھے وِگسے کرے وِچار، آپے اپنا مُکھ چُھپائیندا۔ آپے سچکھنڈ دوارا کھول کِواڑ، سچ سِنگھاسن آسن لائیندا۔ آپے جانے اپنی کار، آد جُگادی سیو کمائیندا۔ آپے اپنا سُت انادی کر تیار، ایکا حُکم ورتائیندا۔ برہمنڈ کھنڈ تیرا پسار، ساچی دھار آپ چلائیندا۔ جوتی جوت سروُپ ہرِ، آپ اپنی کِرپا کر، ساچا راہ آپ وکھائیندا۔ ساچا راہ پُرکھ ابناس، اپنا آپ چلائیا۔ سُت دُلارے دے دھرواس، دھیِرج دھیِر

رکھائیا۔ آد جُگاد دیواں تیرا ساتھ، وِچھڑ کدے نہ جائیا۔ جُگ جُگ چلاواں راتھ، بن رتھواہی سیو کمائیا۔ اِک سُناواں اپنی گاتھ، بِن اکھّراں کراں پڑھائیا۔ اِک وکھاواں اپنی ذات، ذات پات نہ کوئے وڈیائیا۔ اِک وکھاواں اپنا کھات، اتوٹ اتُٹ بھرائیا۔ اِک وکھاواں اپنا ہاٹ، ساچے ہٹّ اِک وڈیائیا۔ اِک وکھاواں اپنی کھاٹ، تیری سیجا اِک سُہائیا۔ تیری پُچھاں سدا وات، ابُھل بُھل کدے نہ جائیا۔ تُوں میرا سجّن تُوں میرا ساک، تُوں پِتا پوُت تُوں ہی میری مائیا۔ جوتی جوت سروُپ ہرِ، آپ اپنی کِرپا کر، اپنی دَیا آپ کمائیا۔ سُت دُلارے چڑھیا چا، شبدی شبد خوشی منائیندا۔ پُرکھ ابناسی بنیا ملاح، ساچا بیڑا آپ اُٹھائیندا۔ اپنے مارگ دیوے پا، اؤجھڑ راہ نہ کوئے رکھائیندا۔ اپنا ناؤں دئے دھرا، ایکنکارا آپے گائیندا۔ اپنی دیوے سچ صلاح، صالاحگیِر آپ ہو جائیندا۔ مَینوُں دیوے میرا تھاں، میری ونڈ ونڈائیندا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیندا۔ سُت دُلارے ونڈی ونڈ، سَتگُر پوُرا آپ ونڈائیا۔ سو پُرکھ نِرنجن صاحِب بخشند، بےاَنت وڈی وڈیائیا۔ آپ بنائے اپنی بنت، گھر گھر وِچ لئے سُہائیا۔ جوتی جوت سروُپ ہرِ، آپ اپنی کِرپا کر، ساچا گھر دئے سمجھائیا۔ ساچا گھر تیرا پسارا، ہرِ پُرکھ نِرنجن آپ جنایا۔ سچکھنڈ وسے آپ نِرنکارا، تھِر گھر تیرا دوارا سُہایا۔ آد جُگاد رہے دیِدارا، چرن کوَل ملِے سرنایا۔ جُگا جُگنتر دئے ہُلارا، آپ اپنا میل مِلایا۔ دو جہان کرے ونجارا، ایکا ہٹّ کُھلایا۔ اَنتر رکھے اِک بھنڈارا، دِس کِسے نہ آیا۔ تیرا لہنا اگمّ اپارا، الکھ اگوچر آپ سمجھایا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلایا۔ اپنا بھیوَ ہرِ جوُ کھول، شبدی شبد جنائیندا۔ تیرا میرا اِکو تول، تولنہارا اِک ہو آئیندا۔ تیرا میرا پوُرا قؤل، کیِتا قؤل نہ کدے بُھلائیندا۔ تیرے اَنتر جاواں مؤل، آپ اپنا ویس وٹائیندا۔ جوتی جوت سروُپ ہرِ، آپ اپنی کِرپا کر، سچ صلاح اپنی آپ بنائیندا۔ آپے صلاح آپے صلاحکار، آپ اپنا متا پکائیا۔ آپے جانے اپنی کار، کرتا پُرکھ آپ کمائیا۔ آپے گھر آپے گھر بار، آپے سچکھنڈ ویکھے چائیں چائنیا۔ آپے تھِر گھر کھول کِواڑ، سُت دُلارا دئے بہائیا۔ آپے وست بھرے بھنڈار، امولک جھولی پائیا۔ آپے جننی جن بن نِرنکار، روُپ انوُپ ویس وٹائیا۔ دائی دایا سِرجنہار، در گھر ساچے سیو کمائیا۔ انس بنس کر تیار، کرے کھیل بےپرواہیِا۔ جوتی جوت سروُپ ہرِ، آپ اپنی کِرپا کر، اپنا روُپ آپ پرگٹائیا۔ نِرگُن اندر نِرگُن رکھ، نِرگُن کھیل کرایا۔ نِرگُن اَنتر ہو پرتکھ، اپنا ناؤں دھرایا۔ اپنا ناؤں وِشوَ رکھ، ساچی سیو کمایا۔ اپنا کر

آپے پکھّ، اپنا در وڈیایا۔ اپنا پردہ آپے ڈھک، سِر اپنا ہتّھ ٹِکایا۔ آپے بن کملاپت، کوَل نَین آپ مٹکایا۔ جوتی جوت سروُپ ہرِ، آپ اپنی کِرپا کر، اپنی دھارا آپ چلایا۔ آپے وِشوَ وِشن دھار، برہم اپنا روُپ جنائیا۔ پاربرہم پربھ کر پسار، اپنی کھیل کھلائیا۔ آپے شنکر دئے آدھار، سنسا روگ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، شبدی سُت دیوے ور، تِنّاں ایکا تند بندھائیا۔ ایکا تند تنیا تانا، پُرکھ ابناسی کھیل کھلائیندا۔ آپے جانے اپنا بھانا، بھیوَ کوئے نہ پائیندا۔ اپنے ہتّھ رکھیا آون جانا، دِس کِسے نہ آئیندا۔ آپ سُنائے اپنا گانا، وِشن برہما شِو پڑھائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ اپنا بھیوَ کُھلائے نر، ہرِ نرائن وڈی وڈیائیا۔ وِشن برہما شِو دیوے ور، ور داتا جھولی پائیا۔ جِس نے گھاڑن لیا گھڑھ، گھڑھن بھنّنہار اکھوائیا۔ تِس صاحِب سرن جانا پڑ، نِیوں نِیوں سیِس جھُکائیا۔ آپ بندھائے اپنا لڑ، ایکا گنڈھ پوائیا۔ جوتی جوت سروُپ ہرِ، آپ اپنی کِرپا کر، ساچا راہ سمجھائیا۔ ساچا راہ ہرِ جوُ دسےّ، نِرگُن نِرگُن آپ سمجھائیندا۔ تخت نِواسی تخت بہہ بہہ ہسّے، اپنی خوشی منائیندا۔ تِنّاں اَنتر آپے وسے، اپنی جوت جگائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ کھولے بھیوَ پُرکھ اگمّا، اگمّ وڈی وڈیائیا۔ وِشنوُں تیرا اِکو مما، سو پُرکھ نِرنجن دئے چُگھائیا۔ نہ کوئی جانے اُچا لما، گِنتی گنت وِچ نہ آئیا۔ نہ گھڑیا نہ کِسے بھنّا، نہ کوئی نیتر ویکھن پائیا۔ جِس صاحِب مَینوُں جنا، بنیا پِتا مائیا۔ تِس سیِر ایکا گھلا، امرت نام وڈیائیا۔ بِن رسنا جِہوا پی پی پلا، سانتک سَت رکھائیا۔ بِن لڑ پھڑایا پلّا، پھڑیا پلّا چُھٹ نہ جائیا۔ جِس اپنے پریم کیِتا جھلّا، ایکا جھلک نوُر وکھائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیا۔ اپنا بھیوَ آپے دسّ، ہرِ جوُ دَیا کمائیندا۔ نِرگُن روُپ اندر وس، آپ اپنی کل دھرائیندا۔ ایکا نوُر کر پرکاس، جوتی جوت ڈگمگائیندا۔ ایکا بھوگ اِک بلاس، ایکا رسیا رس وکھائیندا۔ ایکا پوُری کرے آس، آس آشا نال مِلائیندا۔ ایکا دسےّ ساچا ساتھ، سگلا سنگ نِبھائیندا۔ جوتی جوت سروُپ ہرِ، آپ اپنی کِرپا کر، وِشنوُں دیوے ایکا ور، اپنا نام جپائیندا۔ وِشنوُں تیرا ساچا سیِر، سو پُرکھ نِرنجن آپ جنائیا۔ میرا روُپ تیری تقصیِر، میری تدبیِر نظر نہ آئیا۔ میرا پریم تیرا زنجِیر، نہ کوئی توڑے توڑ تُڑائیا۔ میرا گھر تیری چوٹی اَخیِر، چرن کوَل سچّی سرنائیا۔ جوتی جوت سروُپ ہرِ، آپ اپنی کِرپا کر، آپ اپنی دَیا کمائیا۔ وِشنوُں منگے دان، پربھ اَگے

جھولی ڈاہیِا۔ تُوں کِرپا کری بھگوان، میرا روُپ پرگٹایا۔ تیرے چرن دھوُڑ کراں اشنان، ساچا نہاوَن نہایا۔ تُوں آد جُگاد رکھنا میرا مان، میَں تیری اوٹ تکایا۔ میَں سُنیا تیرا دُھر فرمان، نام سندیسہ جو گھلایا۔ تیرا روُپ انوُپ مہان، تیری مہما کتھن وِچ نہ آیا۔ تُوں شاہ پاتشاہ سچّا سُلطان، ساچے تخت سوبھا پایا۔ تُوں بھوُپت بھوُپ راج راجان، بےاَنت تیری وڈیایا۔ کوٹن کوٹ وِشنوُں تَینوُں گان، تیرے اَگے سیِس جھُکایا۔ دھنّ بھاگ تُوں دِتا دان، میَں اپنی جھولی رہیا بھرایا۔ کوَن ویلا انتم مِلاں آن، در تیرے سوبھا پایا۔ میری کری آپ پہچان، تُوں پہچان وِچ کدے نہ آیا۔ میَں نِت گاواں تیرا گان، گا گا اپنا شُکر منایا۔ میری سیوا دسّ سِری بھگوان، بن بن سیوک سیو کمایا۔ تیری منّدا رہاں آن، تیرا حُکم اپنے سِر ٹِکایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر اپنا ہتّھ رکھایا۔ ساچا ور سِری بھگوانا، ایکا وار جنائیا۔ وِشنوُں تیرا کھیل مہانا، برہما شنکر کرے کُڑمائیا۔ تِنّاں دیوے سچّا دانا، ترےَگُن مایا جھولی پائیا۔ لکھّ چؤراسی بنّھے گانا، ساچا سگن منائیا۔ پنج تت کرے پردھانا، اپ تیج وائے پرِتھمی آکاش نال وکھائیا۔ روَ سس کرے پرکاس اپنے بھانا، نوُر نوُر نوُر پرگٹائیا۔ لیکھا جانے دو جہاناں، برہمنڈ کھنڈ ونڈ ونڈائیا۔ لوآں پُریاں ویکھے مار دھیانا، بےاَنت سچّا شہنشاہیِا۔ شبد اگمّی دیوے دُھر فرمانا، ناد اناد وجائیا۔ جُگ چؤکڑی کھیل کھلانا، اپنی ونڈ ونڈائیا۔ برہما ویتا اِک پڑھانا، نِش اکھّر دئے جنائیا۔ چارے ویداں گائے گانا، چارے جُگ سمجھائیا۔ چارے بانی گائے ترانہ، چارے کھانی دئے وکھائیا۔ چار ورن رکھے آنا، چار کُنٹ وجےّ ودھائیا۔ جوتی جوت سروُپ ہرِ، آپ اپنی کِرپا کر، تیرا کھیل ویکھ وکھائیا۔ تیرا کھیل نِرگُن سرگُن رنگ، سو پُرکھ نِرنجن آپ جنایا۔ لکھّ چؤراسی وجےّ مردنگ، گھٹ گھٹ مردنگا آپ اُٹھایا۔ جیِو جنت ونڈی ونڈ، ونڈنہارا بےپرواہیِا۔ کرے کھیل سوُرا سربنگ، نِربھؤ اپنی دھار چلایا۔ جوتی جوت سروُپ ہرِ، آپ اپنی کِرپا کر، اپنا راہ دئے سمجھایا۔ جُگ چؤکڑی تیرا راہ، سو پُرکھ نِرنجن آپ جنائیندا۔ لکھّ چؤراسی گھاڑن لئے گھڑا، گھڑ بھانڈے ویکھ وکھائیندا۔ انتم بھنےّ ٹھیِکر دئے بنا، ٹھیِکر خاکی خاک سمائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ چُکائیندا۔ جُگ چؤکڑی کیِتا پروان، وِشنوُں سیِس جھُکایا۔ کوَن روُپ مِلیں بھگوان، لوک مات پھیرا پایا۔ کوَن وست دیویں دان، لکھّ چؤراسی آپ ورتایا۔ کوَن گھر بنیں کاہن، نِرگُن اپنا روُپ دھرایا۔ کوَن ویلا لئیں پچھان، وِچھڑے میل مِلایا۔ جوتی جوت سروُپ

ہرِ، آپ اپنی کِرپا کر، ایکا دینا ساچا ور، بِھکھک جھولی رہیا وکھایا۔ بِھکھک دیوے دات، وڈی وڈیائیا۔ نؤ سؤ چؤرانوے چؤکڑی کھیل تماش، پُرکھ ابناسی آپ کرائیا۔ سَتجُگ تریتا دواپر کلجُگ پاوے راس، جُگ چؤکڑی ونڈ ونڈائیا۔ جو اُپجے سو ہوئے وِناس، تھِر کوئے رہن نہ پائیا۔ اپنا نوُر کرے پرکاس، گُر اوتار مات پرگٹائیا۔ پنج تت دیوے ساتھ، برہم پاربرہم مِلائیا۔ ایکا کھولے نام ہاٹ، بن ونجارا سیو کمائیا۔ کرے کھیل پُرکھ سمراتھ، مہما اکتھ آپ سمجھائیا۔ جوتی جوت سروُپ ہرِ، آپ اپنی کِرپا کر، اپنا پردہ آپ چُکائیا۔ ساچی دیوے بھگتاں وست، وِشوَ اپنی آپ پرگٹائیا۔ نہ کوئی جانے کیِٹ ہست، اوُچ نیِچ نہ کوئے وڈیائیا۔ لہنا دین چُکائے دست بدست، لوک مات کر رُشنائیا۔ ہرِجن رکھے اپنے نام مست، مستی ایکا نام رکھائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا روُپ وٹائیا۔ جُگ جُگ اپنا روُپ دھر، اپنی دَیا کمائیا۔ سنت سُہیلے ساچے ور، اپنی بوُجھ بُجھائیا۔ گُرمُکھاں چُکائے جھوُٹھا ڈر، مایا ممتا موہ تُڑائیا۔ گُرسِکھاں پھڑائے ایکا لڑ، ایکا گھر وکھائیا۔ جُگ چؤکڑی جائن ہر، لوک مات رہن نہ پائیا۔ سیوا کرن گُر اوتار، جُگ جُگ سیو کمائیا۔ بھگت بھگوَنت منگن در، در در سیِس جھُکائیا۔ سنت روون زارو زار، بِن ڈِٹھیاں جیِون مکُت نہ آئیا۔ جوتی جوت سروُپ ہرِ، آپ اپنی کِرپا کر، اپنا سنگ آپ نِبھائیا۔ نوَ نؤں چار جائے بیِت، سَتجُگ تریتا دواپر کلجُگ رہن نہ پائیا۔ کرے کھیل اِک اتیِت، ترےَگُن اتیِتا سچّا ماہیِا۔ لکھّ چؤراسی کرے بِپریِت، بِپر روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، انتم چؤکڑ اپنا بھیوَ جنائیا۔ انتم چؤکڑ کھیل نیارا، نِرگُن آپ کرایا۔ سیوا لا تیئی اوتارا، گُر دس میل مِلایا۔ عیسیٰ موُسیٰ سنگ محمد چار یارا، ایکا نعرہ حق سُنایا۔ بھگت بھگوَنت بول جَیکارا، ایکا اوٹ تکایا۔ لوک مات کھول دوارا، اپنا ناؤں سمجھایا۔ جوتی جوت سروُپ ہرِ، آپ اپنی کِرپا کر، اپنا بھیوَ دئے جنایا۔ نؤ سؤ چؤرانوے چؤکڑی جائے لنگھ، کلجُگ ہرِ جی آپ جنائیندا۔ گُر اوتار منگن منگ، پربھ اَگے سرب جھولی ڈاہِندا۔ بھگت بھگوَنت لائے انگ، انگیکار آپ ہو جائیندا۔ سنت منگن ساچا سنگ، سگلا سنگ نہ کوئے رکھائیندا۔ لکھّ چؤراسی ہوئے ننگ، اُتے پڑدہ کوئے نہ پائیندا۔ جوُٹھ جھوُٹھ بھرے وِچ وربھنڈ، بھنڈی مگر مگر آپ کرائیندا۔ ہرِ کا ناؤں نہ سِمرے کوئے بتّی دند، رسنا جِہوا نہ کوئے مِلائیندا۔ اپنا پوُرا کوئے نہ کرے پندھ، جیِو جنت سرب کُرلائیندا۔ ورن برن پائے پھند، شرع شریِعت نہ کوئے تُڑائیندا۔ نہ کوئی ٹُٹّی دیوے

گنڈھ، ٹُٹّی گنڈھنہار نظر نہ آئیندا۔ نہ کوئے سہائی سوُرج چند، وِشن برہما شِو سِر نہ کوئے اُٹھائیندا۔ کروڑ تیتیِسا دِس نہ آئے بھاگاں مند، اِشٹ دیوَ نہ کوئے جنائیندا۔ گُر اوتار دیون کنڈ، نوُری مُکھڑا نہ کوئے وکھائیندا۔ کلجُگ کوُڑے چڑھے گھمنڈ، اپنا بل آپ دھرائیندا۔ دروہی پِھرے وِچ نوَ کھنڈ، ایکا کھنڈا ہتّھ چمکائیندا۔ سادھاں سنتاں آتم کرے رنڈ، ہرِ جوُ کنت نہ کوئے ہنڈھائیندا۔ کوئی رام نہ کھِچے کمند، کرِشنا رتھ نہ کوئے چلائیندا۔ نہ کوئی محمد دیوے سنگ، موُسیٰ مُکھ نہ کوئے وکھائیندا۔ نانک نِرگُن نہ چاڑھے کوئی چند، گوبِند انگ نہ کوئے لگائیندا۔ کِسے ہتّھ نہ آئے پرمانند، نِجانند نہ کوئے سمائیندا۔ رسنا جِہوا پائن ڈنڈ، اُچی کوُک کوُک الائیندا۔ ترےَگُن مایا لگّے پھند، پھاندی بن نہ کوئے چُھڈائیندا۔ نؤ کھنڈ پرِتھمی لکھّ چؤراسی جیِو جنت نار دُہاگن ہوئے رنڈ، کنت کنتُوہل نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، اپنا میلا آپ سمجھائیندا۔ کلجُگ ویلا انتم آؤنا، ہرِ وِشنوُں کرے جنائیا۔ نؤ سؤ چؤرانوے چؤکڑی جُگ دا پندھ مُکاؤنا، آپ اپنا پھیرا پائیا۔ چار جُگ دا حِساب مکاؤنا، سَتجُگ تریتا دواپر کلجُگ نال رلائیا۔ گُر اوتاراں پھڑ اُٹھاؤنا، آپ اپنا حُکم سُنائیا۔ بھگت بھگوَنت در رکھاؤنا، دردی درد ونڈائیا۔ ساچے سنت گلے لگاؤنا، بےاَنت دَیا کمائیا۔ اپنا منت آپ جپاؤنا، اپنا نام آپ سہائیا۔ اپنا کنت روُپ آپ وکھاؤنا، آپے نار لئے پرنائیا۔ اپنی رُت بسنت آپ سہاؤنا، پتّ ڈالی آپ مہکائیا۔ نِرگُن روُپ جامہ پاؤنا، نہ کوئی پِتا نہ کوئی مائیا۔ گُر اوتاراں مِل مِل سب نے گاؤنا، لکھّ لکھّ شُکر منائیا۔ ساڈی پوُری کرے بھاونی بھاؤنا، جو آئے آس لگائیا۔ چار جُگ جِس تائی تاؤنا، ترےَگُن اگنی اگّ لگائیا۔ دِتا حُکم اُننجا پوَنا، پوَنا وِچ سمائیا۔ لیکھا جانے اؤنا گوَنا، ہرِ کنت اپنا روُپ وٹائیا۔ جوتی جوت سروُپ ہرِ، آپ اپنی کِرپا کر، چار جُگ دا لہنا ویکھ وکھائیا۔ وِشنوُں چار جُگ دا ویکھنا لہنا، کلجُگ اَنت کھیل رچایا۔ میرا منّنا اِکو کہنا، بُھل کدے نہ جایا۔ بِن میرے کِسے نہ رہنا، جو آیا سو بھنّ وکھایا۔ آد جُگاد جُگ جُگ میَں اِکو دینا، دیونہار ہور نہ کوئے رکھایا۔ جِس دا بھانا سب نے سہنا، اپنا بھانا لئے منایا۔ جِس دوارے میرے بہنا، تِس مارگ دئے سمجھایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کوَن بِدھ لئے مِلایا۔ پُرکھ ابناسی دسےّ حال، اپنا حال جنائیا۔ کراں کھیل کال مہاکال، مہاکال دیاں وڈیائیا۔ لکھّ چؤراسی بن دلال، کایا دھرمسال مُکھ چُھپائیا۔ جُگ جُگ گُرمُکھ ویکھاں ساچے لال، ہرِ بھگت لواں اُٹھائیا۔ سدا سُہیلا بن کراں پرِتپال، سِر اپنا ہتّھ ٹِکائیا۔

ترےَگُن مایا توڑ جنجال، جاگرت جوت کراں رُشنائیا۔ پھڑ پھڑ گلے لگاواں کنگال، کنگالوں شاہ بنائیا۔ جن بھگتاں کراں حل سوال، لیکھا لِکھاں بِن قلم شاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کوَن بھگت تیرے دوارے آئیا۔ پُرکھ ابناسی دَیا کما، ایکا حُکم سُنایا۔ وِشنوُں اُٹھ دھیان لگا، دھیان دھیان نال مِلایا۔ جِس تیری بنت لئی بنا، اَنت لیکھا دئے مُکایا۔ اپنا گُن دئے سمجھا، اَوگُن دِس کِسے نہ آیا۔ ساچے بھگت لئے پرگٹا، آپ اپنی بھگتی لایا۔ جگت وِدیا دئے بُھلا، اپنی وِدیا آپ پڑھایا۔ آپے درشن دیوے آ، دوُجا اِشٹ نہ کوئے رکھایا۔ پہلوں بخشے سرب گُناہ، پھیر اپنے گلے لگایا۔ جے کوئی دوُجا پُچھے میرا بھگت اَگوں کرے نہ، ہرِ جوُ ونڈ نہ کِسے ونڈایا۔ جے پربھ مِلنا چرنی ڈِگو آ، چرن دوارا اِک سمجھایا۔ جُگ جُگ نِتھاویاں دیوے تھاں، نِمانیاں ہوئے سہایا۔ پھڑ پھڑ ہنس بنائے کاں، کاگوں ہنس اُڈایا۔ بِن بِرچھاں دیوے ٹھنڈی چھاں، سِر اپنا ہتّھ ٹِکایا۔ جُگ جُگ سنیہُڑا دیوے سچّا شہنشاہ، جوتی جوت سروُپ ہرِ، آپ اپنی کِرپا کر، اپنا اَنت دئے سمجھایا۔ چار جُگ کھیل اپارا، بھگوَن بھگت دئے وڈیائیا۔ بھگت منگن اِک دوارا، ایکا اوٹ تکائیا۔ ایکا وسے دھام نیارا، اولّڑا گھر آپ سُہائیا۔ ایکا ویکھے ویکھنہارا، جِس جن بوُجھ بُجھائیا۔ بھگتن پندھ مُکائن وِچ سنسارا، تھِر گھر ڈیرہ لائیا۔ تھِر گھر ملِے شبد سہارا، شبد وِچ سمائیا۔ جوتی جوت سروُپ ہرِ، آپ اپنی کِرپا کر، اپنا پردہ آپ اُٹھائیا۔ شبدی اندر بھگتن بھیت، ابھیدی بھید رکھائیندا۔ آپے ویکھے نیتن نیت، نِت نِت ویس وٹائیندا۔ آد جُگادی چیتن چیت، ابناسی اچُت کھیل کھلائیندا۔ کر کِرپا اِکو وار کریا سچّا ہیت، آپ اپنا ہِت سمجھائیندا۔ کبیِر جُلاہا نیتر لئے پیکھ، سچکھنڈ دوارے چرناں اُپر سیِس ٹِکائیندا۔ وجّی ودھائی وسیا دیس، پردیس راہ تجائیندا۔ نظری آیا اِک نریش، سیِس اپنے تاج ٹِکائیندا۔ نہ کوئی اوتھے برہما وِشن مہیش گنیش، نہ کوئی جھولی اَگے ڈاہِندا۔ نہ کوئی روُپ نہ کوئی ریکھ، اِکو نوُر ڈگمگائیندا۔ نانک دِسیا بِن کھوُنڈی بھوُری کھیس، ہتّھ ستار نہ کوئے وجائیندا۔ بِن رسنا کرے آدیس آدیس، نِرنکار نِرنکار نِرنکار ڈھولا گائیندا۔ اوتھے چلے نہ کوئی پیش، کبیِرا نِیوں نِیوں سیِس جھُکائیندا۔ میَں تیرا نوُر نہ سکاں ویکھ، بِن تیری مِہر میرا نَین کمّ کِسے نہ آئیندا۔ آ پربھ پریِتم کنت سُہیلے اپنی نار ویکھ، لوک مات تُدھ بِن میرا جوبن نہ کوئے ہنڈھائیندا۔ میَں تیرے وَیراگ بن دُہاگن کُھلے چھڈے کیس، میری مینڈھی سُہاگ نہ کوئے گُندائیندا۔ میَں تھلّے تکّ کے آیا وِشنوُں سُتا اُتے باسک سیج، سانگوں پانگ سوبھا

پائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرا ایکا سوبھا پائیندا۔ پُرکھ ابناسی دیِن دَیال، اپنی دَیا کمائیا۔ سُن سجّن میِت میرے چھوٹے لال، لالن لال ونڈ ونڈائیا۔ مدن موہن موُرتی گوپال، کپال نہ کوئے وڈیائیا۔ میرا مندر اِک دھرمسال، دھرم دوارا اِک سمجھائیا۔ جِتھے پوہ نہ سکے کال، مہاکال نَین شرمائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، بھگت بھگوان رہیا سمجھائیا۔ کبیِر تیری پوُری آشا، پُرکھ ابناسی آپ کرائیندا۔ اِکو ایک اِک بھرواسا، ایکا گھر سُہائیندا۔ جُگ جُگ بنیا رہے داسی داسا، نِرگُن سرگُن سیو کمائیندا۔ لکھّ چؤراسی کرے ہاسا، ہرِ کا بھیوَ کوئے نہ پائیندا۔ در در پِھرے پھڑ پھڑ کاسہ، تن الفی اِک ہنڈھائیندا۔ آد جُگاد نہ کدے وِناسا، پُرکھ ابناسا کھیل کرائیندا۔ کلجُگ انتم آوے ہار پاسا، جِت کوئے نہ ونڈ ونڈائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیندا۔ کلجُگ ویلا آئے اَنت، اَنت آپ سمجھائیا۔ پرگٹ ہوئے سِری بھگوَنت، لوک مات کرے رُشنائیا۔ آپ جنائے اپنا منت، اِکو اِک نام وڈیائیا۔ ہرِجن ویکھے ساچے سنت، صاحِب لئے مِلائیا۔ آپے ہوئے پتی پتونت، پت اپنی آپ رکھائیا۔ جوتی جوت سروُپ ہرِ، آپ اپنی کِرپا کر، ہرِجن اپنے لئے مِلائیا۔ کبیِر اَگوں رہیا پُچھ، پربھ اَگے سیِس جھُکایا۔ سانوُں درس دِتا لُک لُک، اپنا بھیوَ نہ کِسے کُھلایا۔ تیرے فراق اندر گئے سُک، خاکی تت خاک مِلایا۔ تیرے وَیراگ اندر گئے لُٹ، آپ اپنا موُل چُکایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کوَن بِدھ کلجُگ اَنت لئیں کرایا۔ کلجُگ انتم اولّڑا ویس، سو پُرکھ نِرنجن آپ جنائیا۔ دسّ کے جائے گُر دسمیش، اپنا ڈنک وجائیا۔ پرگٹ ہوئے نر نریش، نِہکلنک ناؤں رکھائیا۔ سمبل وسے ساچے دیس، بھیوَ کوئے نہ پائیا۔ گُرمُکھ وِرلا لئے ویکھ، جِس اپنی بوُجھ بُجھائیا۔ لکھّ چؤراسی سُنجا ہوئے کھیت، گُر پیِر اوتار نہ کوئے سہائیا۔ ارجن سیِس پوُائے تتی ریت، ریتا تتی سرِشٹ سبائی دئے تپائیا۔ تیغ بہادر اپنا سیِس لائے اپنے ہیت، ہِت اپنا آپ جنائیا۔ بال نادانے جھوُجن کھیت، دھرت مات ملِے وڈیائیا۔ گوبِند اپنے نیتر پیکھ، کلجُگ لیکھ دئے سمجھائیا۔ انتم آئے نر نریش، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، سب دا لہنا دئے چُکائیا۔ کِس بِدھ لہنا چُکائے بھگوان، اپنا مارگ دینا دسّ۔ کِس بِدھ جھُلائے نِشان، لوک مات ہو پرگٹ۔ کِس بِدھ دیوے دان، اَنتر آتم جوت لٹ لٹ۔ کِس بِدھ کرے پچھان، جوتی جوت سروُپ ہرِ، آپ اپنی کِرپا کر، ایکا دینا ساچا

ور، اپنا بھیوَ دسّ۔ سچکھنڈ دوار دَیا کما، سِری بھگوان دَیا کمائیا۔ بِن قبروں کھیڑا دِتا سمجھا، سمجھ سمجھ نال مِلائیا۔ رمز نال رمز رلا، رحمت رحیِم کمائیا۔ ایکا حمزہ روُپ اپنا دِتا وکھا، الف یے کر صفائیا۔ عرض طوُل پندھ مُکا، معقوُل شرع جنائیا۔ استھوُل ڈیرہ آپے ڈھاہ، نِراکار ملِے وڈیائیا۔ ساکار میلا سہج سُبھا، پُرکھ ابناسی ویکھ وکھائیا۔ کاغد قلم نہ رکھے کوئی شاہ، انک انک نہ کوئے مِلائیا۔ دوار بنک چھپر چھنّ نہ لئے کوئے چُھہا، مندر مسجد نہ کوئے وکھائیا۔ بِن تھاؤں ساچے دھام لئے بہا، زِمیں اسمان نظر نہ آئیا۔ بِن سوُرج چنّ کرے رُشنا، بِن تاریاں منڈل آپ سُہائیا۔ بِن پِتا مات گود لئے بہا، بِن مما سیِر پیائیا۔ جوتی جوت سروُپ ہرِ، آپ اپنی کِرپا کر، اِک کبیِر دئے سمجھائیا۔ کبیِر اِک سُن گلّ، ہرِ جوُ آکھ سُنایا۔ نؤ سؤ چؤرانوے چؤکڑی جُگ کردا رہیا ول چھل، میرا بھیوَ کِسے نہ پایا۔ بھگتاں درشن دے کے آیا گھڑی پل، چِھن بھنگر اپنا کھیل کرایا۔ سچ سِنگھاسن بَیٹھا ملّ، سچ سِنگھاسن اِک سُہایا۔ گُر اوتاراں شبد سنیہڑا گھل، اپنا حُکم منایا۔ انتم سُٹیا اپنے کھاتے ڈوُنگھی ڈلّ، آپ اپنے وِچ چُھپایا۔ جِس نوُں کہندے ابچل، ابچل اپنا نگر بنایا۔ کرے کھیل سوُرا پربل، پربل اپنی جوت جگایا۔ آپے لایا اپنا پھل، سنت بھگت بھگوان مات مہکایا۔ انتم اپنے پائے آپے ڈلّ، اپنی کھاری لئے اُٹھایا۔ کوئی کہے جوتی گیا رل، کوئی کہے سچکھنڈ ڈیرہ لایا۔ پُرکھ ابناسی کہے میَں چرناں ہیٹھاں رہیا مل، چرن سہارا اِک بنایا۔ درس دیواں گھڑی گھڑی پل پل، آپ اپنا ویس وٹایا۔ جوتی جوت سروُپ ہرِ، آپ اپنی کِرپا کر، اپنا بھیوَ دئے سمجھایا۔ جُگ چؤکڑی سچکھنڈ، ہرِ جوُ آسن لائیندا۔ آپے کر کر اپنی ونڈ، لوک مات درس دِکھائیندا۔ گُرمُکھ وِرلا چڑھے چند، جِس جن اپنی جوت جگائیندا۔ کوٹن کوٹ بَیٹھے رہے منگ، گِنتی گنت نہ کوئے گنائیندا۔ اِک کبیِر ویکھیا اندر لنگھ، سچ سِنگھاسن ہرِ جوُ سوبھا پائیندا۔ نہ کوئی تار ستار وجےّ مردنگ، نہ کوئی گیِت ڈھولا گائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ سمجھائیندا۔ پُرکھ ابناسی دسّیا بھیوَ، ابھید آپ کُھلایا۔ جِس دی کردے رہے سیو، سو سیوک روُپ دھرایا۔ آد جُگاد سدا نِہکیو، نِہچل دھام ڈیرہ لایا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ور اپنا آپ سمجھایا۔ سُن کبیِر کر دھیان، چار کُنٹ وکھائیا۔ میرا مندر سچ مکان، مقبرہ کوئے نظر نہ آئیا۔ کوٹن کوٹ مُلّا شیخ مسائق پیِر پَیغمبر ایس کھاتے ڈِگے آن، نِشان سکے نہ کوئے جھُلائیا۔ کوٹن کوٹ رام کرن پرنام، کوٹن کوٹ کرِشن دھیان لگائیا۔ کوٹن کوٹ

بھگت پی پی جام، امرت رس رہے پائیا۔ جِس کِرپا کرے آپ بھگوان، تِس اپنے گھر بہائیا۔ جوتی جوت سروُپ ہرِ، آپ اپنی کِرپا کر، اپنا دوارا دئے وکھائیا۔ کبیِر ویکھیا ہرِ دوار، دوارا ہرِ سُہایا۔ اُتّر پوُرب پچھّم ہوئے اُجیار، دکھّن نظر کوئے نہ آیا۔ کریا کھیل آپ کرتار، اپنا بھیوَ آپ چُھپایا۔ دوئے جوڑ کرے نِمسکار، کبیِرا سیِس جھُکایا۔ جوتی جوت سروُپ ہرِ، آپ اپنی کِرپا کر، اپنا وکھال سچّا گھر، چؤتھا در نظر نہ آیا۔ چؤتھا در نہ پیا دِس، چاروں کُنٹ نظر اُٹھائیا۔ میَں بن کے آیا تیرا سِکھ، تیری سِکھیا موہے بھائیا۔ تُوں میرا لیکھا دِتا لِکھ، بِن لِکھیا قلم شاہیِا۔ آپ اپنا دسّ بھیت، کیوں بَیٹھا مُکھ بھوائیا۔ کر سچّا اِکو ہیت، میَں ڈھیَہہ پیا سرنائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیا۔ سُن کبیِر کھیل نیارا، ہرِ جوُ آپ جنائیندا۔ دکھّن دِشا اگمّ اپارا، اپنا در سُہائیندا۔ اندر لُکائے گُر اوتارا، اپنی چھایا ہیٹھ رکھائیندا۔ بھگت بہائے ایس کنارہ، ساچی ونڈ ونڈائیندا۔ جوتی جوت سروُپ ہرِ، آپ اپنی کِرپا کر، اپنا راہ آپ جنائیندا۔ دکھّن دِشا گُر اوتار، بھگتاں نال مِلائیا۔ جِؤں بھاوے تِؤں کرے پیار، آپ اپنی کھیل کھلائیا۔ کوٹن کوٹ کبیِر ایہدے وِچ چھّڈے واڑ، اِک دوُجے نوُں نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دکھّن دِشا آپ چُھپائیا۔ کبیِر اَگوں پیا رُس، لےَ کروٹ مُکھ بھوایا۔ میَں تیرا دوارا رہیا پُچھ، تُوں مَیتھوں بھیوَ چُھپایا۔ میَں کر کے آیا تیرا رُخ، تیرے چرن دوارے ڈیرہ لایا۔ جناں چِر نہ وکھائیں میری مِٹے نہ ترِسنا بُھکھ، میری سانت نہ کوئے جنایا۔ میَں ویکھاں کِتھے کبیِر بَیٹھے لُک، جِنہاں تیرا نام دھیایا۔ تُوں لوک مات وِچوں آندے پُٹ، سچکھنڈ وِچ بوُٹا لایا۔ میَں اونھاں دی شاخ تیرے دوارے گئی پُھٹ، تیری مہک نال مہکایا۔ میَں ویکھاں تیری رُت، بسنت روُپ وٹایا۔ میَں تیرا آیا نِکاّ پُت، پھڑ گلے لےَ لگایا۔ جوتی جوت سروُپ ہرِ، آپ اپنی کِرپا کر، اپنا گھر دے وکھایا۔ کبیِر ویلا اجے دوُر، ہرِ ساچا سچ جنائیا۔ آپ وکھائے حاضرا حضوُر، نیتر نَین نَین کُھلائیا۔ تیری شردھا کرے پوُر، نِراس روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، اپنی کھیل آپ کرائیا۔ کبیِر اَگوں کہے بول، ایکا بول سُنایا۔ چؤتھی کوُٹ کُنڈا کھول، کیوں میرا میرا ڈُلایا۔ میرے نال کیوں مارے رول، میَں تیرا رول کوئی نہ جھولی پایا۔ تُوں جُگ جُگ کردا رہیا مخؤل، تیرا مسخراپن مِٹ کدے نہ جایا۔ میَں چھڈ کے آیا دھرنی دھؤل، تیرے گھر سِنگھاسن لایا۔ میرے نال کر قؤل، کوَن ویلے دئیں وکھایا۔ جوتی جوت سروُپ ہرِ، آپ اپنی کِرپا کر، اپنا حُکم

آپ سُنایا۔ سچ کبیِر رکھ اُڈیِک، ہرِ سجّن سچ جنائیندا۔ پربھ دسےّ اِک تاریخ، ایکا لیکھ لِکھائیندا۔ تیرا دوُسر ہوئے نہ کوئے شریِک، شِرکت نال نہ کوئے مِلائیندا۔ تیری توڑ نِبھے لگّی پریِت، پریِتیوان آپ نِبھائیندا۔ تُوں رہنا بَیٹھ اتیِت، ترےَگُن اتیِتا آپ سمجھائیندا۔ کلجُگ انتم لہنا چُکنا مندر مسیِت، پُرکھ ابناسی آپ چُکائیندا۔ ایکا گاؤنا سب نے گیِت، ایکا اِشٹ آپ سمجھائیندا۔ جوتی جوت سروُپ ہرِ، آپ اپنی کِرپا کر، ساچا پردہ آپ اُٹھائیندا۔ ساچا پردہ جائے اُٹھ، سو پُرکھ نِرنجن آپ اُٹھائیا۔ کلجُگ انتم جائے تُٹھ، نِرگُن روُپ بےپرواہیِا۔ سچکھنڈ جو بَیٹھا لُک، لوک مات کرے رُشنائیا۔ اپنی جانے آپے پُچھ، اپنی پُچھنا آپ پوائیا۔ اپنے کول رکھے نہ کُچھ، جن بھگتاں جھولی دئے بھرائیا۔ دیوے وڈیائی ساچے سُت، سُت دُلارے لئے اُپجائیا۔ آپ سُہائے اپنی رُت، پتّ ڈالی آپ مہکائیا۔ اپنے بوُٹے لوک مات لائے ایتھوں پُٹ، جوتی جوت سروُپ ہرِ، آپ اپنی کِرپا کر، اپنا کھیل آپ کھلائیا۔ ساچا کھیل آپ کھلاؤنا، ہرِ سجّن سچ جنائیندا۔ کلجُگ ویلا انتم آؤنا، پُرکھ ابناسی ویکھ وکھائیندا۔ دکھّن دِشا بھیوَ چُکاؤنا، اپنا پردہ لاہِندا۔ بھگت دوارا مات بناؤنا، اُتّر پوُرب پچھّم دِشا آپ کُھلائیندا۔ دکھّن آپے بند کراؤنا، اپنا آسن آپ سجائیندا۔ جوتی جوت سروُپ ہرِ، آپ اپنی کِرپا کر، اپنی دَیا آپ کمائیندا۔ کبیِر سچ دوارا بنے مات، سو پُرکھ نِرنجن آپ بنائیا۔ چار کُنٹ دی چار قنات، چار دیوار سمجھائیا۔ دکھّن دِشا ویکھے کملاپات، آپ اپنا آسن لائیا۔ جن بھگتاں دیوے دات، انمنگی وست جھولی پائیا۔ ایکا وار بھرے کھات، گھاٹا کوئے نظر نہ آئیا۔ ایکا وار چُکائے واٹ، پاندھی پندھ آپ مُکائیا۔ ایکا وار بہائے ساچی کھاٹ، ساچی گودی آپ ٹِکائیا۔ جوتی جوت سروُپ ہرِ، آپ اپنی کِرپا کر، دکھّن دِشا بھگت دوارا لوک مات لئے پرگٹائیا۔ لوک مات سچ دوار بناؤنا، پُرکھ ابناسی دَیا کمائیندا۔ سچ سِنگھاسن آسن لاؤنا، آسا منسا پوُر کرائیندا۔ گُرمُکھ ساچے آپ مِلاؤنا، آپ اپنا بندھن پائیندا۔ جوتی جوت سروُپ ہرِ، آپ اپنی کِرپا کر، تِھت وار اِک جنائیندا۔ تِھت وار نِرگُن سرگُن، دوئے دوئے روُپ سمائیا۔ نِرگُن سرگُن سرگُن نِرگُن جائے بن، آد اَنت بھیوَ نہ رائیا۔ آد اَنت ایکا صِفرا نہ کوئی کنّ، انک روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، اپنا وقت دئے سمجھائیا۔ دوآ صِفرا نِرگُن دھار، صِفر صِفر وِچ سمائیا۔ صِفریوں ہویا ایکنکار، ایکا کل ورتائیا۔ اٹّھاں تتاں کرے پیار، ایکا آٹھا نال رلائیا۔ دوآ صِفرا ایکا آٹھا چار جُگ دا چُکے بھار، چارے انک دئے گنائیا۔ ویہہ سؤ اٹھاراں بِکرمی ہو اُجیار، ایکا نائیا نال

مِلائیا۔ ایکنکارا کر پسار، نؤ دوارے کھوج کھوجائیا۔ نؤ کھنڈ بول جَیکار، نؤ در کرے شنوائیا۔ جوتی جوت سروُپ ہرِ، آپ اپنی کِرپا کر، اپنا راہ سمجھائیا۔ ایکا نایاں اِکو اُنی، اِک نؤ میل مِلایا۔ کبیِر تیری آسا پُنی، پوُرن آسا دئے کرایا۔ کلجُگ رَین اِکو بھنی، پُرکھ ابناسی ویس وٹایا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرایا۔ اُنی وار کھیل اپارا، تِھت آپ جنائیا۔ ککا کرم نہ ٹلے وِچ سنسارا، تتا طلب نہ کوئے وکھائیا۔ ککا رووے زارو زارا، چھیویں گھر پئی دُہائیا۔ ہاہا ہسّے مارے نعرہ، پنچم ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، اپنا رنگ آپ وکھائیا۔ اُنی کتّک بیِس اٹھاراں، ہرِ جوُ کھیل رچایا۔ کرے کھیل اگمّ اپارا، اگمّڑی دھار چلایا۔ لوک مات بنے منارا، بھگت دوارا ناؤں رکھایا۔ پُرکھ ابناسی سیوادارا، ساچی سیو کمایا۔ کبیِر ویکھے ہرِ نظارا، نیتر نَین کُھلایا۔ تیری رحمت میرے پروردِگارا، تیرا بھیوَ کِسے نہ پایا۔ واجاں مارے اپنیاں یارا، اُٹھو اِکو رہیا سمجھایا۔ پاربرہم کی کرے کارا، لوک مات ویس وٹایا۔ جِس دی کڈھدے آئے وگارا، سو بن وگاری سیو کمایا۔ جِس دا لاؤندے آئے نعرہ، سو بھگتاں نعرہ رہیا لگایا۔ جِس دیاں گاؤندے آئے وارا، سو بھگتاں واراں رہیا سُنایا۔ جوتی جوت سروُپ ہرِ، آپ اپنی کِرپا کر، اپنا کھیل رچایا۔ اُٹھو بھگتو جاؤ جاگ، کبیِر ہلوُنا رہیا لگائیا۔ جِس نوُں کہندے رہے ساڈا ساک، سو لوک مات پھیرا پائیا۔ جِس نوُں منّ کے بَیٹھے پاکی پاک، پروردِگار خُدائیا۔ جِس نوُں کہندے رہے لُکیا ساڈی ذات، ذات نال مِلائیا۔ سو کلجُگ ویکھو جن بھگتاں دیون گیا دات، اپنا پندھ مُکائیا۔ نال رلیا اِک رویداس، چمار جگت چمریٹے مِلی وڈیائیا۔ لِکھ لِکھ لیکھا کرے ہاس بلاس، اپنی خوشی منائیا۔ نال رلایا اِک گُرداس، گُر گُر بوُجھ بُجھائیا۔ مَینوُں دسّ کے گیا خاص، میَں لوک مات جاواں چائیں چائنیا۔ بِن گوپی پاواں راس، اپنا ناچ نچائیا۔ بِن دیِپ کراں پرکاس، نِرگُن جوت کر رُشنائیا۔ بِن بھگتی وساں پاس، پوُرب لہنا لیکھے پائیا۔ میرا بھگت نہ ہوئے اُداس، لوک مات ملِے وڈیائیا۔ اپنی ہتھّیں کھولاں جا کے تاک، نؤ دوارے مات کُھلائیا۔ اپنے ویلے پُچھاں جا کے وات، اپنا وقت نہ کدے لنگھائیا۔ جوتی جوت سروُپ ہرِ، آپ اپنی کِرپا کر، اپنی کھیل آپ کرائیا۔ کبیِر کہے اُٹھو بل دھارو، ہرِ ساچے کھیل کرایا۔ لوک مات لگّا سچ دربارو، درگاہ ساچی روُپ وٹایا۔ چلو چل کے کرو نِمسکارو، نِیوں نِیوں اپنا سیِس جھُکایا۔ جا کے مِلو سچ پروارو، پُرکھ ابناسی پروار بنایا۔ جوتی جوت سروُپ ہرِ، آپ اپنی کِرپا کر،

سچ سندیسہ رہیا سُنایا۔ سُنو سندیسہ میرے میِت، مِتر پیارا آپ سُنائیا۔ سچکھنڈ بَیٹھے سُنو گیِت، جن بھگتاں لوک مات ہرِ گائیا۔ جِس نے ڈھاؤنا مندر مسیِت، سو مندر لئے بنائیا۔ جِس چلؤنی بھگتاں ریِت، تِس دیوے مان وڈیائیا۔ جِس تپدے ہِردے کرنے سیِت، سانتک سَت ورتائیا۔ جِس سُناؤنے سُہاگی گیِت، ڈھولے سچّے ماہیِا۔ جِس پتت پاپی کرنے پُنیِت، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، اپنا کارج آپ رچائیا۔ سچکھنڈ بَیٹھے تکّو راہ، ہرِ جوُ آکھ سُنایا۔ اِک دوُجے نال کرو صلاح، ساچا بچن جنایا۔ پاربرہم پت پرمیشور ایکا ساہ رہیا سُدھا، ساچی تِھت وار وکھایا۔ ایکا وار دیوے سرب پناہ، سِر اپنا ہتّھ ٹِکایا۔ جو دیِسے ہوئے فنا، نہ سکے کوئے بچایا۔ جوتی جوت سروُپ ہرِ، آپ اپنی کِرپا کر، دُھر فرمانا اِک جنایا۔ دُھر فرمانا رہیا گھل، گھڑی پل نہ کوئے جنائیا۔ اِک دوُجے نال بہو رل، ایکا گھر وکھائیا۔ جوتی جوت سروُپ ہرِ، آپ اپنی کِرپا کر، اپنے ویلے لئے بُلائیا۔ اپنا ویلا ہرِ جناؤنا، بِن اکھّر کر پڑھائیا۔ پہلوں بھگت دوار بناؤنا، لوک مات کر رُشنائیا۔ سچ سِنگھاسن اِک سہاؤنا، تخت نِواسی سوبھا پائیا۔ چھتّی دھار لیکھے لاؤنا، چھتّی چھتّی لئے پرنائیا۔ نیتر نَین جِس درشن پاؤنا، تِس دیِد عیِد چند چڑھائیا۔ چرن کوَل جِس سیِس جھُکاؤنا، تِس ملِے سچ سرنائیا۔ سوہنگ ڈھولا جِس نے گاؤنا، تِس چولا دئے بدلائیا۔ ہؤلا بھار آپ کراؤنا، سِر اپنے بھار اُٹھائیا۔ کیِتا قؤل پوُر نِبھاؤنا، کبیِر جُلاہا نال مِلائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے لِکھائیا۔ ساچا لیکھا لِکھے کرتار، اپنا کرم کمائیا۔ چھّبی پوہ دِوس وِچار، دیوے وڈ وڈی وڈیائیا۔ چار جُگ دے وِچھڑے سدّے یار، بھگت بھگتاں نال مِلائیا۔ جو آ کے بولے کبیِر پُکار، سو لیکھا دئے گنائیا۔ جوتی جوت سروُپ ہرِ، آپ اپنی کِرپا کر، سچ دوار دئے وڈیائیا۔ سچ دوارا ساچا گھر، گھر مندر آپ سُہائیندا۔ جِس اندر وڑیاں چُکے ڈر، جگت بھےَ نہ کوئے وکھائیندا۔ جِس مِلیاں جیِوت جائیے مر، مر جیِوت ایکا رنگ وکھائیندا۔ جوتی جوت سروُپ ہرِ، آپ اپنی کِرپا کر، در گھر ساچا آپ سُہائیندا۔ در گھر ساچا سچ اٹاری، اٹل نام رکھایا۔ کلجُگ اَنت آئی واری، پُرکھ ابناسی ویس وٹایا۔ چؤتھے جُگ دی ساچی یاری، اٹھاراں چؤکے بہتّراں نال مِلائیا۔ کِھچی تند ایکا واری، بِن تندی تار ہِلایا۔ صاحِب بخشند جوت نِرنکاری، نِرگُن اپنا کھیل کھِلایا۔ جن بھگتاں اُتوں جائے آپ بلہاری، جِنہاں ہرِ جوُ مات بُلایا۔ بِن ہرِ جوُ کرے نہ کوئے سچّی داری، اؤکھد نام نہ کوئے لگایا۔ جوتی

جوت سروُپ ہرِ، آپ اپنی کِرپا کر، کرے کھیل اگمّ اپاری۔ اگمّ اپار کھیل کھلندڑا، کھیلنہار پُرکھ اکال۔ جن بھگت دوارا اِک سُہندڑا، آپے گھالے ساچی گھال۔ بن سیوک سیو کمندڑا، کرے سیوا دیِن دَیال۔ جوتی جوت سروُپ ہرِ، آپ اپنی کِرپا کر، آپے رہے سدا خوشحال۔ خوشحال رہے خوشحالا، خوشی خوشی نال مِلائیا۔ خوشی ویکھے سِنگھ پالا، گھر ساچے وجےّ ودھائیا۔ وجےّ ودھائی وجائے دیِن دَیالا، جگت جگدیِش سوبھا پائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ رکھائیا۔ وجّی ودھائی کریا ہِت، اپنا ہِت جنایا۔ بالے مِلیا اِکو متّ، میِت مُرارا سہج سُکھدایا۔ آد جُگادی سچّا پِچھ، ساچی گود بہایا۔ جوتی جوت سروُپ ہرِ، آپ اپنی کِرپا کر، اپنا کھیل آپ جنایا۔ ساچا کھیل بھگت دوار، بھاوی بھگتاں آپ مِٹائیا۔ جو راوی رُڑھیا جل دھار، رَوی اپنا رنگ وکھائیا۔ ساول سُندر میِت مُرار، کوَل نَین وڈیائیا۔ رہبر ہوئے دست بردار، اپنا دست مِلائیا۔ بے خبر ہویا خبردار، خبر لئے سرب لوکائیا۔ جوتی جوت سروُپ ہرِ، آپ اپنی کِرپا کر، جن بھگتاں آبروُ رہیا ودھائیا۔ بھگتاں آبروُ نام طاقت، لوک لاج رکھائیندا۔ میٹ مِٹائے دُشٹ ناستک، نشٹ سرب کرائیندا۔ ہرِجن ویکھے اِکو آستک، استھل گھر بہائیندا۔ نوُر نوُرانی جوت پرکاست، پرکاس روُپ وٹائیندا۔ صوُرت سچّی اِکو ثابت، صابر اپنا آپ وکھائیندا۔ مُریِداں مُرشد کرے تعاقب، آپ اپنی منزل چُکائیندا۔ لوک مات کرے عبادت، سجدہ سیِس آپ جھُکائیندا۔ جن جن کرے سچ رفاقت، جوتی جوت سروُپ ہرِ، آپ اپنی کِرپا کر، ہرِجن ساچے آپ مِلائیندا۔ آپ مِلاؤنا کِرپا کر، اپنی دَیا کمائیا۔ آپے دِتا اپنا ور، آپے ویکھ وکھائیا۔ آپے گُرمُکھ سجّن لئے پھڑ، وارو واری لئے جگائیا۔ آپے راتیں سُتیاں اندر جائے وڑ، اپنا کُنڈا آپے لاہیِا۔ آپے سُرت سوانی لئے پھڑ، شبدی کنت منائیا۔ آپے اپنی بانی لئے پڑھ، آپے کھانی کرے پڑھائیا۔ جوتی جوت سروُپ ہرِ، آپ اپنی کِرپا کر، آد جُگاد کھیل کرائیا۔ آد جُگاد جانے اَنت، اَنت کھیل کرایا۔ پرگٹ جوت سِری بھگوَنت، نِرگُن نوُر ڈگمگائیا۔ گُرمُکھ ناری میلے ساچے کنت، کنت کنتُوہل ہوئے سہایا۔ کایا چولی چاڑھے رنگ بسنت، اُتر کدے نہ جایا۔ گڑھ توڑے ہؤمے ہنگت، نِون سو اکھّر اِک سمجھایا۔ جو ملِے ساچی سنگت، انتم نال کبیِرے دئے بہایا۔ جِؤں سمت سولاں بنائی پنگت، سچکھنڈ دوارے ساچی وست دئے ورتایا۔ ناتا توڑے جیرج انڈج، اُتبُھج سیتج بھیوَ چُکایا۔ بھگت بھگوان بِن دوُجے در نہ ہوئے منگت، نہ کوئی بِھچھیا دئے ورتایا۔ چار کُنٹ ہرِ جوُ

کلجُگ انتم کیتے سارے ننگت، اپنا پردہ اپنے اُتے سکے نہ کوئی پایا۔ رسنا کہہ کہہ سُناؤندے جنت، جیِو جنتاں گیِت سُنایا۔ اپنا کوئی نہ جانے اَنت، کوَن ویلے ہوئے صفایا۔ گھر گھر پھڑ پھڑ بَیٹھے نام دھنکھ، من راون رہے مِٹایا۔ بِن ناموں جھوُٹھی چڑھی انکھ، اپنی انکھ رہے وکھایا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، لکھّ چؤراسی ویکھ وکھایا۔ اپنی کیِتی نہ کِسے کلیان، کایا کشٹ نہ کوئے گوائیا۔ دوُجے ول کی کرن دھیان، جِس دھیایاں ہتّھ نہ آئیا۔ اٹّھے پہر اندر وڑیا رہے شیَطان، شرع شیَطان کرے لڑائیا۔ پڑھیاں آوے نہ کِسے گیان، پڑھ پڑھ تھکی سرب لوکائیا۔ جِس اُپر ہوئے آپ مِہربان، سِر اپنا ہتّھ ٹِکائیا۔ سرب جیِاں دا اِک بھگوان، اِکو وار سرب دئے سمجھائیا۔ وِشوَ رسنا نال گان، نیتر وِشوَ روُپ ویکھن وِچ کِسے نہ آئیا۔ جوتی جوت سروُپ ہرِ، آپ اپنی کِرپا کر، جگ نٹوُآ ناٹک اپنا آپ وکھائیا۔ دکھّن دِشا ڈوُنگھا کھات، ہرِ جوُ آپ بنایا۔ جُگ جُگ واری واری کھولے تاک، گُر اوتار باہر لئے کڈھایا۔ پھڑ پھڑ پھیر اوہدے وِچ رکھے ڈھاک، اُپر اپنا پردہ پایا۔ اُپر بَیٹھا سُناؤندا رہیا واک، سچ سندیسہ اِک الایا۔ جوتی جوت سروُپ ہرِ، آپ اپنی کِرپا کر، اپنا حِصّہ آپ ونڈایا۔ دکھّن دِشا ناؤں بے در، وید کتیب بھیوَ نہ رائیا۔ رسوُل محصوُل دے نہ سکے چڑھ، قبوُل شرع نہ کوئے کرائیا۔ مقتُول قاتل دوویں نہ سکے پھڑ، نظر کِسے نہ آئیا۔ گُر اوتار اندر سکے نہ وڑ، جب تکّ اپنی دَیا نہ آپ کمائیا۔ جِس نوُں لِکھایا در بدر، سو در دکھشن روُپ وٹائیا۔ جوتی جوت سروُپ ہرِ، آپ اپنی کِرپا کر، اِسمے اعظم اعظم تعریِف طُلبا طالب پڑھائیا۔ خُدا کا ناؤں بڑا شریِف، سُنن بولن وِچ نہ آئیا۔ ویکھن وِچ بڑا بریک، نظر نہ کوئے ٹِکائیا۔ کدے نہ بنے کِسے دا شریِک، شرع بن نہ کرے لڑائیا۔ اِک خُدائے سچ تؤفیِق، توبہ کرے خُدائیا۔ قُرآن اِنجیِل سرب حدیِث، ہدایت گیا سُنائیا۔ کوئی کہے یا ابلیس، علی االلہ نعرہ کوئے لگائیا۔ نبی رسوُلاں وکھائے سجدہ جھُکائے سیِس، اپنے چرن کوَل سرنائیا۔ اپنی کلام کِسے نوُں کر کے نہ دِتی وصیت، وسیقہ نویش بن نہ کری لِکھائیا۔ سب نوُں دیندا رہیا نصیِحت، جو لوک مات گھلائیا۔ اپنی لُکا کے بَیٹھا رہیا اصلیِت، اصل روُپ نہ کِسے وکھائیا۔ خُداوند کریِم اپنی آد جُگاد رکھے اِکو قابلیت، قِبلے کعبہ نَین شرمائیا۔ جوتی جوت سروُپ ہرِ، آپ اپنی کِرپا کر، اپنا ناؤں آپ جنائیا۔ ناں لؤ پاؤ رؤلا، بھلا لُکیا چِھپیا جے بہُڑ پئے مؤلا، مؤلا روُپ وٹااو۔ جو کر کے گیا اپنا کؤلا، محمد اِک سمجھاوُ۔ جِس نے سب دے سِر وِچ مارنا پؤلا، بے عیب نام خُداوُ۔ مُریِداں کرے

بھار ہؤلا، مُرشد آپے پکڑے باہوں۔ جوتی جوت سروُپ ہرِ، آپ اپنی کِرپا کر، آپے چلے اپنے راہو۔ بھگوان کولوں روکن سنت، گُرسِکھ مِلن کوئے نہ جائیا۔ مَیتھوں وِچھڑیا میرا کنت، دوُجا ہور نہ کوئے ہنڈھائیا۔ میَں لہنا دینا دینا جیِو جنت، جو میرے سِر بھار رہے چُکائیا۔ اَنت کِسے نہ منّنی مِنت، نِیوں نِیوں ڈھیَہہ ڈھیَہہ پئے سرنائیا۔ پُرکھ ابناسی لیکھا منگے گنت، اگنت گِن گِن لیکھا نہ کوئے چُکائیا۔ سچ دسّو کِہنوُں کہندے سنت، کوَن سنت جو ہرِ سَتگُر جھلّے جُدائیا۔ بھگوان پاس نہ جانا سِکھ، کلجُگ سنت کرن پڑھائیا۔ ویکھیو تُہاڈا لیکھا دیوے نہ لِکھ، لکھّ چؤراسی دئے کٹائیا۔ اسیں بن کے بَیٹھے بڑے ڈھیِٹھ، پربھ کولوں اپنا مُکھ بھوائیا۔ تُسیں وی کر لؤ اوہدے ول پیِٹھ، تُہاڈا مُکھڑا نظر نال نہ نظر مِلائیا۔ تُسیں گاؤ میرے گیِت، میَں آیا سچّا ماہیِا۔ میرا اندر نہ ویکھنا بنیا پلیِت، پوِتر روُپ نہ کوئے وٹائیا۔ میَں سُنیا نہیں ویکھیا انڈیِٹھ، کوَن دوارے بَیٹھا آسن لائیا۔ پڑھ پڑھ کے سُناواں گیِت، اگلا لیکھا نہ کوئے چُکائیا۔ چاہے ہارو چاہے جاؤ جیِت، تُہاڈے کرم تُہاڈی دین گواہیِا۔ سَتگُر پوُرا بِن کرماں کرے ٹھنڈا سیِت، کُکرم چرناں ہیٹھ دبائیا۔ جوتی جوت سروُپ ہرِ، آپ اپنی کِرپا کر، کلجُگ جھوُٹھی کھیڈ رچائیا۔ عدالت کرے سدا عدلی، عدل اپنے ہتّھ رکھائیندا۔ سِنگھ سنگت کولوں جِس کیِتی بدلی، سِنگھ نرَین ناؤں دھرائیندا۔ کیا کوئی پنڈت پاندھا واچے پتّری سُٹے سنگلی، حِساب کِتاب وِچ کِسے نہ آئیندا۔ جو گڑھی چمکؤر بن کے نکل گیا جنگلی، سیِس تیرے تاج ٹِکائیندا۔ سو صاحِب لائے اُنگلی، اگلا لیکھا اپنے ہتّھ رکھائیندا۔ سچّے دربار کیا کوئی کرے چُغلی، جن بھگتاں اپنا نام چوگ چُگائیندا۔ کوئی رہن نہ دیوے شہنشاہی مُغلی، غلبہ سب دے اُپر پائیندا۔ جوتی جوت سروُپ ہرِ، آپ اپنی کِرپا کر، سچ عدالت آپ کمائیندا۔ سچ عدالت کرے کرتار، سُپریم کورٹ سچّا ماہیِا۔ گُرمُکھ بری کرے وِچوں سنسار، ضماَنت اپنی آپ دِوائیا۔ وکیِل دلیِل دونوں گئے ہار، قانوُن کِتاب پراں سُٹائیا۔ چھوٹی ججّی والے ہوئے شرمسار، ججّ جذبہ نہ کوئے بھرائیا۔ تحریر کر خارج دیوے پاڑ، مُنصِف اِکو سچّا ماہیِا۔ جوتی جوت سروُپ ہرِ، آپ اپنی کِرپا کر، سچ عدالت اِک وکھائیا۔ سچ عدالت سِری بھگوان، آد جُگاد لگائیندا۔ کِسے مُچلکے اُپر نہ لائے کوئے نِشان، اشٹام کالا نہ کوئے کرائیندا۔ کِسے کولوں نہ کرائے کوئی پچھان، گواہ پھڑ نہ کوئے بُھگتائیندا۔ جوتی جوت سروُپ ہرِ، آپ اپنی کِرپا کر، اپنی عدالت اپنا قانوُن، گُر اوتاراں مضموُن آپ سِکھائیندا۔ گُر اوتاراں لِکھایا مضموُن، مجمع آپ بنائیا۔ کوئی کہے نُقطہ

نوُن، کوئی نوُن گُنا رہیا گائیا۔ نانک نِرگُن بُجھیا اِک اصوُل، اصلیِت گیا سمجھائیا۔ جو جن کرے قبوُل، تِس دیوے آپ صفائیا۔ جوتی جوت سروُپ ہرِ، آپ اپنی کِرپا کر، سچ عدالت اِک رکھائیا۔ بِن عدالت نہ لگّے ڈنّ، جگت وِکار نہ کوئے مُکائیا۔ پِچھلا تَیتھوں لہنا لَینا، اَگے جھولی نہ کوئے رکھائیا۔ جنم جنم تیرا منّدے رہے کہنا، تیری سیو کمائیا۔ اسیں ناتا چھّڈیا بھائی بھَیناں، ساک سجّن تجائیا۔ درس کر کر تھکے تیرے نَیناں، اپنی خوشی منائیا۔ اساں ویس تجایا جگت گہنا، تیرا پیار ہنڈھائیا۔ تیرا بھانا سِر تے سہنا، تیری چلے حُکم رجائیا۔ اپنے کولوں تُوں کی دینا، ساڈی وست ساڈی جھولی پائیا۔ جوتی جوت سروُپ ہرِ، آپ اپنی کِرپا کر، گُرمُکھاں لہنا رہیا مُکائیا۔ ساڈی وست رکھ دے ہتّھ، ہتّھ اپنا رہے وکھائیا۔ جے تُوں ہیَں پُرکھ سمرتھ، کیوں ساڈی وست لُکائیا۔ پِچھے مارگ آیا دسّ، ہُن کیوں بَیٹھا مُکھ چُھپائیا۔ اَگے اسیں ہُندے آئے تیرے وس، ہُن تَینوُں اپنے وس رکھائیا۔ اَگے تَینوُں لبھدے رہے نسّ نسّ، ہُن تَینوُں اپنے گھر بھوائیا۔ تُوں ساڈے وِچ گیا پھس، اسیں گھیرا پایا سچّے ماہیِا۔ ساڈی پوُری کر کے جائیں آس، نِراسا کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، ساڈی وست ساڈے ہتّھ پھڑائیا۔ ساڈی دے دے پِچھلی دات، اَگے منگ نہ کوئے منگایا۔ تیرے چرناں رکھیا اِکو نات، ساچا ناتا جوڑ جُڑایا۔ تیرے پِچھے رو رو کٹی اندھیری رات، نیتر نَیناں نیِر وہایا۔ تیری گا گا تھکے گاتھ، رسنا جِہوا سیو کمایا۔ دھنّ بھاگ تُوں دِتا ساتھ، گھر مِلیا بےپرواہیِا۔ جوتی جوت سروُپ ہرِ، آپ اپنی کِرپا کر، ساڈی جھولی دے بھرایا۔ پُرکھ ابناسی گیا ڈر، بھگتاں کولوں بھے رکھائیا۔ چار جُگ میَں ول چھل رہیا کر، اچھل اچھلّ کھیل کھلائیا۔ کلجُگ اَنت بِن ڈوریؤں گُرسِکھاں لیا پھڑ، پریم زنجِیر بندھائیا۔ چار کُنٹ کیہڑی گُٹھے جاواں وڑ، راہ نظر کوئے نہ آئیا۔ گُرمُکھ اَگے بَیٹھے اڑ، اپنا بل رکھائیا۔ چار جُگ تیرا ناؤں تھکے پڑھ پڑھ، پڑھیاں ہتّھ کِچھ نہ آئیا۔ جے تُٹھا اپنی کِرپا کر، کر کِرپا لےَ مِلائیا۔ جوتی جوت سروُپ ہرِ، آپ اپنی کِرپا کر، آپ اپنے رنگ سمائیا۔ گُرسِکھ نہ موُل ڈراؤ، نِربھےَ منگ منگائیندا۔ تُہاڈے مِلن دا مَینوُں چاؤ، میَں لوک مات پھیرا پائیندا۔ کر درس جنم جنم دا دُکھ مِٹاؤ، دُکھ تُہاڈا اپنی جھولی پائیندا۔ ہرِ سنگت مِل مِل گیِت گاؤ، واہوا گوبِند کھیل کھلائیندا۔ جِس دا نہ کوئی پِتا نہ کوئی ماؤں، آپ ماتا پِتا سرب بن جائیندا۔ تِس نِیوں نِیوں لاگو پاؤں، جو سب دے دُکھ گوائیندا۔ جوتی جوت سروُپ ہرِ، آپ اپنی کِرپا کر، مِل گُرمُکھاں خوشی منائیندا۔ گُرسِکھ

تیری وڈی وڈیائی، برہما ویتا لِکھن نہ پائیا۔ وید ویاس سُٹے قلم شاہی، اپنا بل نہ کوئے دھرائیا۔ چار جُگ دین گواہی، ہرِ بھگتاں ہوئے سہائیا۔ پِچھے تاردا آیا جھیور جٹّ چھینمبے نائی، کبیِر جُلاہا نال مِلائیا۔ کلجُگ انتم ہرِجن پکڑے تھاؤں تھائیں، غریِب نِمانیاں گلے لگائیا۔ ہرِ کا بھیوَ نہ جانے کوئے رائی، کی لہنا جھولی پائیا۔ گُرسِکھاں کولوں پُچھن بھَین بھائی، کوَن مِلیا تَینوُں جگت ماہیِا۔ جوتی جوت سروُپ ہرِ، آپ اپنی کِرپا کر، مِل ہرِجن خوشی منائیا۔ ہرِجن تیرا وڈّا دربارا، لوک مات وجّی ودھائیا۔ نِرگُن آئے چل نِرنکارا، نِراکار ویس وٹائیا۔ بِن گُرسِکھاں نہ دیوے کوئی سہارا، لوک مات ہوئی جُدائیا۔ بِن بھگتاں نہ دیوے کوئی بھنڈارا، ساچی وست نہ کوئے ورتائیا۔ ہرِ سنگت کولوں مِلیا اِکو پیارا، پریم پیار جھولی پائیا۔ پُرکھ ابناسی بن ونجارا، ساچا ونج آپ جنائیا۔ پِچھلا قرض لتھا اُدھارا، مقروُض اپنا فرض پوُر کرائیا۔ طوُل عرض پار کنارہ، محصوُل اَگے نہ کوئے لگائیا۔ قبوُل ہوئے سچ دوارا، محبوُب دئے وڈیائیا۔ یعقوُب کرے نِمسکارا، گُرسِکھ سیِس جھُکائیا۔ ابوُتر آپ منگے بن بِھکھارا، گُرمُکھ آبِ حیات پیائیا۔ بے تاب ہویا سرب سنسارا، جوتی جوت سروُپ ہرِ، آپ اپنی کِرپا کر، گُرمُکھ تیرا ناؤں وڈیائیا۔ تیرا نیتر نیِر وِرولے، نَینن نَین وڈیائیا۔ تیرے بدلے تیرا پیِر بولے، تیری دھار چلائیا۔ جِس نوُں کہندے رہے لُکیا رہے اوہلے، سو پردہ رہیا اُٹھائیا۔ جِس دے گاؤندے رہے ڈھولے، سو آیا سچّا ماہیِا۔ جِس دے مؤلیاں سب جگ مؤلے، سو مؤلا روُپ وٹائیا۔ گُرمُکھ اُدھارے بھالے بھولے، بھولے اپنے گلے لگائیا۔ پہلوں اپنے کنڈے تولے، تولا ماشا رتی نہ کوئے پائیا۔ اپنی وست رکھے اپنے کولے، دوُجے ہٹّ نہ کدے وکائیا۔ کلجُگ انتم جٹّاں دے قبوُل کیتےِ جاؤں چھوَلے، رُکھی سُکھی کھا کے جھٹ لنگھائیا۔ سُکا انّ کھا کدے نہ ڈولے، وڈّ کِرسانا بےپرواہیِا۔ کرم کُکرم پھڑ کے سانگھا سرِشٹ سبائی پھولے، ہتّھا اپنے ہتّھ وکھائیا۔ دانے بھو آپ وِرولے، نام تنگل اُپر چڑھائیا۔ جوتی جوت سروُپ ہرِ، آپ اپنی کِرپا کر، گُرسِکھ اپنے کھاتے پائیا۔ ویکھو کیڈا ہویا کھاتا، پُرکھ ابناسی آپ بھرایا۔ بِن دروازیوں بند کیِتا اندر تاکا، اپنا پردہ پایا۔ کدے نہ آوے گھاٹا، گھاٹ وِچ نہ کوئے رکھایا۔ جوتی جوت سروُپ ہرِ، آپ اپنی کِرپا کر، گُرسِکھ بھنڈارا آپ بھرایا۔