کتب خانہGranth 11 (Shahmukhi)

۱۴ ماگھ ۲۰۱۸ بِکرمی دیوَ سِنگھ دے گرِہ شون ضِلع گُرداس پُر

سچکھنڈ سُہنجنا ہرِ دربار، آد نِرنجن آپ لگائیندا۔ دُکھ درد بھےَ بھنجنا شاہ سِکدار، بھوُپت بھوُپ آسن لائیندا۔ آد جُگاد سجّنا ایکنکار، عقل کل اپنی کھیل کھلائیندا۔ تخت نِواسی سُہائے بنک دوار، در گھر ساچے سوبھا پائیندا۔ نِرگُن نِرگُن بن چوبدار، در درویش الکھ جگائیندا۔ حُکمی حُکم سَت ورتار، سَت سَتوادی آپ جنائیندا۔ جوتی جوت سروُپ ہرِ، آپ اپنی کِرپا کر، سچ محلہ آپ سجائیندا۔ سچ محلہ گیا سج، سو پُرکھ نِرنجن آپ سجایا۔ ہرِ پُرکھ نِرنجن چڑھیا بھجّ، نِرگُن اپنا بل دھرایا۔ ایکنکار جَیکارا بولے گجّ، ناؤں نِرنکارا آپ پرگٹایا۔ آد نِرنجن تال جائے وجّ، پُرکھ اکال آپ وجایا۔ ابناسی کرتا ہوئے گد گد، اپنا رنگ آپ چڑھایا۔ سِری بھگوان اِک نِشان دیوے بنّھ، سچ دوارے آپ جھُلایا۔ پاربرہم پربھ کہے دھنّ دھنّ، دھنّ دھنّ میری وڈیایا۔ کریا کھیل سچ مکان، سچکھنڈ دوارا سوبھا پایا۔ نِرگُن اَگے نِرگُن گیا منّ، ایکا دوُجا بھؤ چُکایا۔ آپے بیڑا اپنا بنّھ، ہرِ آپے کھیل کرایا۔ کرے کھیل سِری بھگوَن، روُپ ریکھ نہ کوئے جنایا۔ جوتی جوت سروُپ ہرِ، آپ اپنی کِرپا کر، سچکھنڈ دوارا آپ وسایا۔ سچکھنڈ وسیا سچ محلہ، ہرِ جوُ ہرِ ہرِ آپ وسائیندا۔ نِرگُن نوُر اِک اِکلّا، اجوُنی رہِت آسن لائیندا۔ دیِپک دیِپ آپے بلا، جوتی جوت رُشنائیندا۔ سچ سِنگھاسن پُرکھ ابناسن ایکنکار ہرِ نِرنکار آپے ملّا، سوبھاوَنت سِری بھگوَنت آد اَنت ایکا رنگ رنگائیندا۔ پُرکھ بِدھاتا اِک اِکانتا کھیلے کھیل ناری کنت، آد اَنت جُگ جُگ اپنا ویس وٹائیندا۔

سِری بھگوانا سچ نِشانہ دو جہاناں ہو مِہربانا، اِک اِکلّا آپ جھُلائیندا۔ دُھر فرمانا دیوے دانا جیِو جہانا، راگ انادی ناد سُنائیندا۔ سچکھنڈ سُہائے سچ مکانا، دیِپک جوت جگے مہانا، دِیا باتی کملاپاتی نہ ہور وکھائیندا۔ بھوُپت بھوُپ راج راجانا، ایکا دیوے دُھر فرمانا، سَت سندیشہ نر نریشا پاربرہم پت پرمیشور آپ سُنائیندا۔ سَت سنتوکھی بنّھے گانا، کرے کھیل نِگاہبانا، اپنی دھار ہرِ کرتار آپے ویکھ وکھائیندا۔ جوتی جوت سروُپ ہرِ، آپ اپنی کِرپا کر، سچکھنڈ محلے آپے چڑھ نہ کوئی سیِس نہ کوئی دھڑ، نِراکار نِروَیر اپنا آسن لائیندا۔ ہرِ جوُ ساچا آسن لا، تخت نِواسی سوبھا پائیا۔ سچکھنڈ بَیٹھ سچّا شہنشاہ، اپنا بل دھرائیا۔ دُھر فرمانا حُکم جنا، حُکمی حُکم کھیل کرائیا۔ شبدی سُت سیوا لا، وِشن برہما شِو کرے کُڑمائیا۔ لوآں پُریاں برہمنڈاں کھنڈاں گھاڑت گھڑا، گگن منڈل کرے رُشنائیا۔ سوُرج چند چند چمکا، چند چاندنی اِک چمکائیا۔ ترےَگُن میلا سہج سُبھا، پنچم جوڑ جوڑ آپ اپنا بندھن پا، ترےَگُن اتیِتا ٹھانڈا سیِتا اپنا رنگ آپ وکھائیا۔ چارے کھانی کھیل مہانی، شبدی بانی دُھر دی رانی، ایکا راگ ایکا کان ایکا برہم اِک گیان، اِک بھگوان ایکا وار ہرِ نِرنکار، دو جہان اپنا آپ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ دوارے آپے وڑ، ساچے تخت سوبھا پائیا۔ ساچے تخت ہرِ جوُ چڑھیا، اِک اِکلّا ایکنکار۔ ساچے مندر آپے وڑیا، نِرگُن نوُر اُجیار۔ نِرگُن نِش اکھّر آپے پڑھیا، وید کتیب نہ کوئے سار۔ وِشن برہما شِو پوُت سپوُتا اپنی گودی آپے دھریا، آپے کرے پیار۔ جوتی جوت سروُپ ہرِ، آپ اپنی کِرپا کر، آد جُگادی ساچا ہرِ، کرے کھیل اگمّ اپار۔ اگمّ اگوچر کھیل اپارا، ہرِ ساچا سچ کرائیندا۔ ویکھے وِگسے ویکھنہارا، نیتر لوچن نَین نہ کوئے رکھائیندا۔ شبد شبد شبدی دھارا، دھار دھار وِچوں پرگٹائیندا۔ کھیل کھیل کرے کرتارا، قُدرت قادر ویکھ وکھائیندا۔ لکھّ چؤراسی بن ٹھٹھیارا، گھڑ گھڑ بھانڈا اندر وڑ وڑ اپنا آسن لائیندا۔ جوتی جوت سروُپ ہرِ، آپ اپنی کِرپا کر، آد جُگادی ساچا کھیل نِرگُن سرگُن کرے میل، جوتی جاتا سجّن سُہیل، اپنا بندھن پائیندا۔ اپنا بندھن ہرِ ہرِ پا، ہرِ جوُ کھیل کرائیا۔ جُگ چؤکڑی ویس وٹا، روُپ انوُپ دھرائیا۔ ناد انادی ڈھولا گا، شبدی شبد سُنائیا۔ اکھّر اکھّر آپ پڑھا، جگت وِدیا سنگ رکھائیا۔ اپنا بھیوَ آپ چُھپا، پردہ اوہلا اِک رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر فرمانا اپنا حُکم ورتائیا۔ دُھر فرمانا ورتے ورتار، ہرِ سجّن آپ ورتائیندا۔ کرے کھیل اپر اپار،

اپرمپر بھیوَ کوئے نہ آئیندا۔ جُگ چؤکڑی وِچ سنسار، لُک لُک ویس وٹائیندا۔ سرگُن اندر ڈوُنگھی غار، نِرگُن اپنا آسن لائیندا۔ شبد اگمّی تار سِتار، بِن تندی تار وجائیندا۔ رسنا جِہوا کر پیار، جیِو جنت سمجھائیندا۔ اوُچی کوُک کوُک واجاں مار، ایکا حُکم ورتائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوار آپ سُہائیندا۔ سچکھنڈ دوار سُہاونا، سوبھاوَنت کرتار۔ جُگ جُگ ویس وٹاونا، نِرگُن سرگُن لئے اوتار۔ لکھّ چؤراسی بیڑا ہرِ چلاونا، منجھدھار ویکھ سنسار۔ گُرمُکھ وِرلے گود بہاونا، جِس دیوے درس دیِدار۔ آتم پرماتم رنگ چڑھاونا، رنگ چلوُل ایکا وار۔ سچ نِشان اِک وکھاونا، آتم اَنتر کھول کِواڑ۔ ہرِ ہرِ گیِت ایکا گاونا، ایکا مندر اِک دوار۔ جوتی جوت سروُپ ہرِ، آپ اپنی کِرپا کر، کرے کھیل اپر اپار۔ کھیل اپارا ہرِ نِرنکارا، سو پُرکھ نِرنجن آپ کرائیا۔ ہرِ پُرکھ نِرنجن میِت مُرارا، ایکنکارا دئے سہارا، آد نِرنجن میلا سہج سُبھائیا۔ سِری بھگوان سچ اکھاڑا، ابناسی کرتا بہتّر ناڑ وجائے تاڑا، پاربرہم اپنا راگ الائیا۔ اِکو سوہے سچ دوارا، نِرمل جوت جگے اُجیارا، چار دِسے نہ کوئے دیوارا، چھپر چھنّ نہ کوئے چُھہائیا۔ جوتی جوت سروُپ ہرِ، آپ اپنی کِرپا کر، آد جُگادی کھیل کر، جُگ جُگ اپنا ویس وٹائیا۔ جُگ جُگ ویس اولّڑا، کرنہار کرتار۔ سچکھنڈ دوارا ایکا ملڑا، سوبھاوَنت ہرِ نِرنکار۔ سچ سندیس ایکا گھلڑا، شبدی شبد دھار۔ گُر اوتار پھڑائے پلڑا، اپنی کِرپا دھار۔ جوتی جوت سروُپ ہرِ، آپ اپنی کِرپا کر، لیکھا جانے آد جُگاد، جُگا جُگنتر جُگ چؤکڑی بنّھے دھار۔ جُگ چؤکڑی بنّھے دھار، اپنی بنت بنائیندا۔ نِرگُن سرگُن لئے اوتار، لکھّ چؤراسی کھیل کرائیندا۔ گُرمُکھ سجّن لئے اُبھار، آپ اپنا میل مِلائیندا۔ کملاپاتی کوَل نَین کھول کِواڑ، ساچی تاکی آپ تُڑائیندا۔ ساقی بن بن دیوے جام اپار، مدُھر جام اِک پیائیندا۔ جوتی جوت سروُپ ہرِ، آپ اپنی کِرپا کر، چار جُگ ایکا چؤکڑ نہ کوئی سِہاری نہ کوئی اؤنکڑ، کنّا مکُتا نہ کوئے رکھائیندا۔ کنّا مکُتا نہ کوئے بِندی، اکھّر اکھّر نہ کوئے پڑھائیا۔ دیِن دَیال سرب گُن ٹھاکر اِک بخشندی، دیِنن اپنی دَیا کمائیا۔ اُردوُ فارسی نہ کوئے پڑھائی ہِندی، لفظ لفظ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنی دھار آپ چلائیا۔ آپے دوُلھا آپے دُلہن، دوئے دوئے روُپ دھرائیا۔ آپے مالن آپے پھوُلن، آپے برکھا رہیا لگائیا۔ آپے کنت آپے کنتُوہلن، آپے بہہ بہہ خوشی منائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے چڑھ، اپنا رنگ وکھائیا۔ آپے پھوُلن آپے سیج، آپے

سوبھا پائیندا۔ آپے جوتی آپے تیج، آپے رنگ چڑھائیندا۔ اپنا آپ آپے ویکھ، آپے خوشی منائیندا۔ مُچھ داہڑی نہ کوئے کیس، نہ کوئے موُنڈ مُنڈائیندا۔ وِشن برہما نہ کوئے مہیش، سُرپت رنگ نہ کوئے رنگائیندا۔ برہمنڈ کھنڈ پُریاں لوآں نہ کوئے دیس، سوُرج چنّ نہ کوئے چڑھائیندا۔ گُر اوتار پیِر پَیغمبر پنڈت پاندھا نہ کوئی دِسے مُلّا شیخ، تسبیح مالا نہ کوئے رکھائیندا۔ جنگل جوُہ اُجاڑ پہاڑ ڈوُنگھی کَندر اُچے ٹِلّے پربت نہ کوئی دِسے بالوُ ریِت، ساگر سروور نہ کوئے جنائیندا۔ بھگت بھگوَنت گُرمُکھ گُرسِکھ کرے نہ کوئی ہیت، پنج تت چرن نت ناتا ناتا نہ کوئے جُڑائیندا۔ نہ کوئی پوُجا نہ کوئی پاٹھ نہ کوئی سروور نہ کوئی تٹ، نہ کوئی ونجارا نہ کوئی ہٹّ، وست وست نہ کوئے وکھائیندا۔ نہ کوئی سنگی نہ کوئی ساتھ، نہ کوئی دیوے ہتّھو ہتّھ دات، نہ کوئی دِوس نہ کوئی رات، پِتا مات نہ کوئے جنائیندا۔ نہ کوئی ذات نہ کوئی پات، نہ کوئی نار دِسے کمذات، نہ کوئی ڈوُنگھا رکھے کھات، دوُسر سنگ نہ کوئے رلائیندا۔ اِک اِکلّا پُرکھ سمرتھ، اپنی مہما جانے اکتھ، آپ چلائے اپنا رتھ، جُگ جُگ اپنی سیو کمائیندا۔ اپنا مارگ آپے دسّ، وِشن برہما شِو راہ چلائیندا۔ انتم پوُری کرے آس، لیکھا سرب مُکائیندا۔ لوک مات ہوئے اُداس، نیتر نیِر سرب وہائیندا۔ ناتا تُٹنا پرِتھمی آکاش، منڈل منڈپ نہ کوئے وڈیائیندا۔ انتم پوُرے ہوئے ساس، سواس پوَن نہ کوئے ودھائیندا۔ گھر گھر بَیٹھے ہوئے نِراس، آسا پوُر نہ کوئے کرائیندا۔ جِس نے اُپجائی اپنی شاخ، سو اپنی ہتھّیں وڈّھ وکھائیندا۔ انتم کرنی ڈھیری خاک، خاکی خاک مِلائیندا۔ کوئی نہ دِسے سجّن ساک، ویلے اَنت چُھڈائیندا۔ چاروں کُنٹ بَیٹھے جھاک، ناتا نظر کوئے نہ آئیندا۔ تھلّے دِسے نہ کوئی کھاٹ، تکّیا سیِس نہ کوئے ٹِکائیندا۔ کایا بستر گیا پاٹ، ہتھّیں تند نہ کوئے لگائیندا۔ چاروں کُنٹ آیا گھاٹ، گھاٹا پوُر نہ کوئے کرائیندا۔ کِسے نظر نہ آئے تریَلوکی ناتھ، تِنّاں لوکاں مُکھ بھوائیندا۔ کِسے کمّ نہ آئے پوُجا پاٹھ، پڑھ پڑھ رسنا جِہوا سرب گائیندا۔ کلجُگ انتم کھیل کرے آپ پُرکھ سمرتھ، اپنی کل آپ ورتائیندا۔ چار جُگ دی کِریا کرنی دیوے متھ، اُپر اپنا بل دھرائیندا۔ ابِھمانیاں مان جائے ڈھٹّھ، موہ ممتا نہ کوئے رکھائیندا۔ اُلٹی گیڑے آپے لٹھ، گیڑا گیڑے وِچ رکھائیندا۔ جن بھگتاں مارگ ایکا دسّ، اپنی بوُجھ بُجھائیندا۔ سچکھنڈ نِواسی آئے نٹھ، لوک مات پھیرا پائیندا۔ ہرِ سنگت کر اِک اِکٹّھ، اپنا رنگ چڑھائیندا۔ ناتا تُٹا مڑھی گور مٹھ، شِودوالا نظر کوئے نہ آئیندا۔ سارے ستھر بَیٹھے گھت، مندر مسیِت سرب کُرلائیندا۔ اِکو یارڑا ہوئے پرگٹ، گوبِند پوُری آس کرائیندا۔ دیوے ایکا ساچی وتھ، نام خزانہ آپ ورتائیندا۔

لیکھے لائے رتّی رتّ، رتن امولک اپنی گولک گُرمُکھ آپ ٹِکائیندا۔ بیِج بیِجے ساچے وت، پت ڈالی آپ مہکائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا ویس آپ دھرائیندا۔ واہوا ہرِ جوُ دھریا ویس، وست ہتّھ نہ کوئے رکھائیا۔ جن بھگتاں ویکھے کایا دیس، پردیسوں چل کے آیا ماہیِا۔ کِسے نہ لبھے روُپ ریکھ، رنگت رنگ نہ کوئے وکھائیا۔ اِکو میلا دس دسمیش، وِچھڑیاں لئے مِلائیا۔ اندر باہر رہے ہمیش، اپنی گنڈھ پوائیا۔ نانک لیکھے لائی کھوُنڈی بھوُری کھیس، بن چرواہا سیو کمائیا۔ انتم کر اِک آدیس، ایکا منگ منگائیا۔ تُوں صاحِب سُلطان نر نریش، شہنشاہ وڈی تیری وڈیائیا۔ آد جُگاد رہیں ہمیش، نہ مرے نہ جائیا۔ تیرا کوئے نہ پائے بھیت، تیری مہما گنت گِنی نہ جائیا۔ تیرا اِکو سچّا ہیت، چرن سرن سچّی سرنائیا۔ اپنے نیتر مَینوُں ویکھ، میرا نیتر اپنے نال مِلائیا۔ جوتی جوت سروُپ ہرِ، آپ اپنی کِرپا کر، اپنی کھیل آپ کرائیا۔ ہرِ جوُ اَگوں کہے ہسّ، ایکا شبد سُنایا۔ نِرگُن دھار نِرگُن دسّ، نِرگُن میلا میل مِلایا۔ سچ دوارے آؤنا نسّ، سچکھنڈ اِک وکھایا۔ اَگے ویکھے جوت پرکاس، نوُر نوُرانہ ڈگمگایا۔ دوئے جوڑ کرے ارداس، پربھ اَگے بیننتی اِک سُنایا۔ ہؤں چاکر سیوک تیرا داس، میَں سیوک سیو کمایا۔ تیری وست تیری راس، تیرے ہٹّ وِکایا۔ سرب گُناں گُن تُوں ہی طاس، ہتّھ تیرے وڈیایا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل کرائیندا، اِک اِکلّا ایکنکار۔ نانک نِرگُن حُکم سُنائیندا، حُکمی حُکم سَت ورتار۔ ایکا وست جھولی پائیندا، نام سَت کر پیار۔ جیِو جنت ورتائیندا، اوُچ نیِچ آدھار۔ راؤ رنک سمجھائیندا، چار کُنٹ جَیکار۔ چل چل اپنا پندھ مُکائیندا، بن پاندھی وِچ سنسارا۔ ہرِ گُن ہرِ آپے گائیندا، اِک وجائے رباب سِتار۔ انتم اِکو منگ منگائیندا، دوئے جوڑ کرے نِمسکار۔ تیرا اَنت کوئے نہ پائیندا، بے عیب پروردِگار۔ کلجُگ اَنت اندھیرا چھائیندا، چاروں کُنٹ ہوئے دھوُاں دھار۔ تُدھ بِن کوئے نہ پار لنگھائیندا، گُر اوتار گئے ہار۔ پیِر پَیغمبر کھیل کرائیندا، خالق خلق کر وِچار۔ جوتی جوت سروُپ ہرِ، آپ اپنی کِرپا کر، مِہر نظر کر ایکا وار۔ مِہر نظر کریں کرتار، ایکا منگ منگائیا۔ کوَن بِدھ کلجُگ اُترے پار، لوک مات رہن نہ پائیا۔ تیرے بھگتاں ملِے تیرا دوار، سرن تیری سرنائیا۔ پُرکھ ابناسی سُت دُلار، ایکا گُن جنائیا۔ تیری اِچھیا بھراں بھنڈار، جو منگے سو دیواں جھولی پائیا۔ نانک نِرگُن بول کہے پُکار، تُوں نِرگُن نِہکلنک تیری وڈی وڈ وڈیائیا۔ تُوں آویں وِچ سنسار، اپنا ویس وٹائیا۔

آپے ویکھیں اپنی کار، جو گھٹ گھٹ رہیا کمائیا۔ آپے بھگت آپے لئیں اُبھار، تیری ونڈ نہ کِسے ونڈائیا۔ تُوں دیِن مذہب شرع اِیمان توں وسیا باہر، کھتری براہمن شوُدر وَیش ایکا برہم جنائیا۔ پُرکھ ابناسی کر پیار، ایکا حُکم سُنائیا۔ کراں کھیل اپر اپار، جوتی جوت جوت رُشنائیا۔ چھتّی جُگ دا تیرا اُدھار، نانک گُر گُر دیاں چُکائیا۔ لوک مات بن سِکدار، سچ سِکداری اِک کمائیا۔ سرب جیِاں دا اِک منار، محل اٹل کراں رُشنائیا۔ بھگت سُہیلے اندر واڑ، باہر بہہ بہہ خوشی منائیا۔ آؤ ویکھو جِس کرنا دیِدار، بِن دیدیاں دیاں وکھائیا۔ جِس نوُں لبھدے جنگل وِچ پہاڑ، کوٹن کوٹ دھوُنیاں لائیا۔ جِس دے پِچھے ہوئے خوار، گھر گھر پھیرا پائیا۔ سو صاحِب سَتگُر پرگٹ ہوئے پُرکھ اکال، اپنی کل ورتائیا۔ دے درس کرے نِہال، قیامت اِکو جھولی پائیا۔ گُرمُکھ ویکھے ساچے لال، لالن اپنے ہٹّ وِکائیا۔ ناتا جوڑ جگت جنجال، جیِون جُگت اِک سمجھائیا۔ اَنت اَنت نہ کھائے کال، رائے دھرم نہ دئے سزائیا۔ کرے آپ سدا پرِتپال، سِر اپنا ہتّھ ٹِکائیا۔ گُرسِکھ گُرمُکھ ہرِجن ہربھگت ہرِسنت ویکھے ہرِ جوُ اپنے لال، مُرشد مُریِد عاشق معشوُق شِکوہ شکوُک سب دا دئے چُکائیا۔ ایکا اپنی رکھ تؤفیِق، پیِرن پیِر ویکھے رفیق، کرے کھیل لاشریِک، کلجُگ میٹے اندھیرا تاریِک، جِس دی محمد عیسیٰ رکھ کے گئے اُڈیِک، سو پرگٹ ہووے نہ کوئے بنائے فریق، فِرقہ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، مہاراج شیر سِنگھ وِشنوُں بھگوان، ہرِ جن جن ہرِ اپنے سنگ رکھائیا۔

۱۴ ماگھ ۲۰۱۸ بِکرمی دِھرتا سِنگھ دے گرِہ کلانؤر ضِلع گُرداس پُر

سچکھنڈ سوہے ہرِ دربار، سو پُرکھ نِرنجن آسن لائیا۔ نِرگُن دِیا باتی کر اُجیار، ہرِ پُرکھ نِرنجن خوشی منائیا۔ اِک اِکلّا ہو تیار، ایکنکارا بل وکھائیا۔ آپے جانے اپنی دھار، آد نِرنجن نوُر اِلاہیِا۔ جوتی جوت سروُپ ہرِ، آپ اپنی کِرپا کر، سچ دربارا آپ سُہائیا۔ سچ دربار گیا لگّ، سَت پُرکھ نِرنجن آپ لگائیندا۔ جودھا سوُربیِر سربگ، شاہ پاتشاہ کھیل کرائیندا۔ نام نگارہ گیا وجّ، اناد نادی ناد سُنائیندا۔ جوتی جوت سروُپ ہرِ، آپ اپنی کِرپا کر، سچ دربارا آپ وڈیائیندا۔ سچ دربارا سوبھاوَنت، سچکھنڈ وجّی ودھائیا۔ کرے

کھیل سِری بھگوَنت، مہما اکتھ کتھی نہ جائیا۔ آد جُگاد بنائے بنت، جُگ جُگ اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، سچ دربارا آپ لگائیا۔ سچ دربارا ہرِ نِرنکارا، ایکا گھر لگائیندا۔ ایکا حُکم اِک ورتارا، شاہ پاتشاہ اِک سُنائیندا۔ ایکا مندر کھول کِواڑا، ایکا گھر سوبھا پائیندا۔ ایکا نام ناد جَیکارا، ایکا حق حق سُنائیندا۔ جوتی جوت سروُپ ہرِ، آپ اپنی کِرپا کر، سچ دربارا آپ بنائیندا۔ سچ دربارا گیا بن، ہرِ ساچا آپ بنائیا۔ کرے کھیل سِری بھگوَن، محل اٹل اُچ رُشنائیا۔ نہ کوئی سوُرج نہ کوئی چنّ، منڈل منڈپ نہ کوئے وڈیائیا۔ نِراکار اپنا بیڑا آپے بنّھ، نِروَیر روُپ چلائیا۔ جوتی جوت سروُپ ہرِ، آپ اپنی کِرپا کر، سچ دوارا اِک سُہائیا۔ سچ دربارا ہرِ کرتار، کرتا پُرکھ آپ لگائیندا۔ بھوُپت بھوُپ بن راجان، شاہ پاتشاہ آسن لائیندا۔ آد آدی اِک فرمان، پُرکھ اکال آپ سُنائیندا۔ سَت سَتوادی نؤجوان، اِک اِکلّا کھیل کرائیندا۔ جوتی جوت سروُپ ہرِ، آپ اپنی کِرپا کر، سچ دربارے آپے چڑھ، تخت نِواسی سوبھا پائیندا۔ تخت نِواسی سوہے تخت، نِرگُن اپنا کھیل کرائیندا۔ نہ کوئی جانے ویلا وقت، تِھت وار نہ کوئے سمجھائیندا۔ نہ کوئے بوُند نہ کوئے رَکت، تتَو تت نہ کوئے رکھائیندا۔ آپ بنائے اپنی بنت، نِرگُن اپنا نوُر دھرائیندا۔ جوتی جوت سروُپ ہرِ، آپ اپنی کِرپا کر، سچکھنڈ اپنا کھیل کرائیندا۔ سچکھنڈ ہرِ کھیل اولّا، ایکا ایک کرائیا۔ اجوُنی رہِت وسے سچ محلہ، در گھر ساچا آپ سُہائیا۔ موُرت اکال ایکا نوُر جوتی بلا، نوُر نوُرانہ ڈگمگائیا۔ سچ سندیس نر نریش ایکا گھلا، دُھر فرمانا حُکم سُنائیا۔ جوتی جوت سروُپ ہرِ، آپ اپنی کِرپا کر، سچ دربارا اِک وکھائیا۔ سچ دربارا سِری بھگوان، آد پُرکھ بنائیندا۔ ایکا حُکم ایکا حُکمران، حُکمی حُکم اِک بھوائیندا۔ ایکا ایک وکھائے سَت نِشان، شاہ پاتشاہ آپ جھُلائیندا۔ ایکا پائے ساچی آن، سِر سِر حُکم منائیندا۔ ایکا کھیل کرے مہان، بھیوَ ابھید رکھائیندا۔ ایکا وسے سچ مکان، ساچا مندر آپ وڈیائیندا۔ جوتی جوت سروُپ ہرِ، آپ اپنی کِرپا کر، سچ دربار آپے کھڑ، روُپ انوُپ آپ وٹائیندا۔ سچ دربار سُہایا، پُرکھ اکال اگمّ۔ نِرگُن آسن لایا، کرے کرائے اپنا کمّ۔ شبدی سُت اُٹھایا، بِن ماتا پِتا جمّ۔ ساچی گود سُہایا، کرے کھیل سِری بھگوَن۔ ایکا ناؤں وڈیایا، ناؤں نِرنکارا چڑھیا چنّ۔ ساچے مارگ آپے لایا، دیوے دُھر فرمان۔ جوتی جوت سروُپ ہرِ، آپ اپنی کِرپا کر، کرے کھیل مہان۔ کھیل مہانا سِری بھگوانا، سچکھنڈ نِواسی آپ کرائیا۔ جودھا سوُربیِر بلی بلوانا، نؤجوانا بل اپنا آپ رکھائیا۔ حُکمی حُکم حُکم

حُکمرانا، دُھر فرمانا ایکا ایک سُنائیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک جنائیا۔ سچ سندیسہ ہرِ کرتار، ایکا ایک سُنائیندا۔ شبد سُت ہو تیار، دُھر فرمانا آپ جنائیندا۔ جُگ چؤکڑی ہوئے پار، تھِر کوئے رہن نہ پائیندا۔ کلجُگ آئی انتم وار، نؤ سؤ چؤرانوے چؤکڑی جُگ پندھ مُکائیندا۔ حُکم دینا ایکا وار، گُر اوتار اُٹھائیندا۔ وِشن برہما شِو کر خبردار، سویا کوئے رہن نہ پائیندا۔ کروڑ تیتیِسا دے ہُلار، سُرپت نال مِلائیندا۔ روَ سس دئے اُٹھال، نیتر نَین کُھلائیندا۔ برہمنڈ کھنڈ بول جَیکار، ایکا ناد سُنائیندا۔ لکھّ چؤراسی کر وِچار، ترےَگُن مایا موہ رکھائیندا۔ پنچم تت ویکھ اکھاڑ، بوُند رَکت ناچ نچائیندا۔ جنگل جوُہ اُجاڑ پہاڑ، ڈوُنگھی غار پربت ٹلے ایکا راہ جنائیندا۔ سمُند ساگر ویکھ دھار، جل تھل مہیئل آپ سمجھائیندا۔ وید شاستر کھول کِواڑ، سِمرت پُران نال رلائیندا۔ جوتی جوت سروُپ ہرِ، آپ اپنی کِرپا کر، ساچے سُت آپ سمجھائیندا۔ ساچے سُت اُٹھ بل دھار، ہرِ ساچا سچ جنائیا۔ کلجُگ آئی انتم وار، پُرکھ ابناسی کھیل وکھائیا۔ نِرگُن نوُر ہو اُجیار، نوُر نوُرانہ ڈگمگائیا۔ نِہکلنکا لئے اوتار، نام ڈنکا اِک وجائیا۔ دو جہاناں کر خبردار، چؤداں لوک نَین کُھلائیا۔ چؤداں طبق مار مار، ایکا نام کھنڈا ہتّھ اُٹھائیا۔ زِمیں اسمانا دئے ہُلار، جوتی جوت سروُپ ہرِ، آپ اپنی کِرپا کر، ساچی سیوا اِک سمجھائیا۔ ساچی سیوا کر ساچے سُت، سو پُرکھ نِرنجن آپ جنایا۔ کرے کھیل ابناسی اچُت، لوک مات ویس وٹایا۔ کلجُگ اؤدھ گئی پُگ، ویلا انتم آیا۔ گُر اوتار پیِر پَیغمبراں پیَنڈا گیا مُک، پاندھی بن بن پندھ مُکایا۔ لکھّ چؤراسی بوُٹا رہیا سُک، ہریا نظر کوئے نہ آیا۔ سفل نہ دِسے ماتا کُکھ، جن جننی دئے دُہایا۔ چاروں کُنٹ اندھیرا گھُپ، ساچا چند نہ کوئے چڑھایا۔ جیِو جنت اُجل کرے نہ کوئی مُکھ، نیتر نَین سرب شرمایا۔ کام کرودھ لوبھ موہ ہنکار گھر گھر رہیا بُک، اپنا بل دھرایا۔ امرت سوما کِسے نہ پئے پُھٹ، نِجھر جھِرنا نہ کوئے جھِرایا۔ نِرمل جگے نہ کوئی جوت، اندھ اندھیرا ایکا چھایا۔ ناتا بجھّا ورن گوت، آتم پرماتم نہ کوئے مِلایا۔ ہرِ جوُ ملِے نہ کایا کوٹ، جھوُٹھا گڑھ بنایا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سمجھایا۔ دُھر فرمانا دیوے نِرنکار، ہرِ شبدی سیو لگائیا۔ کلجُگ آئی انتم وار، پُرکھ ابناسی کھیل کرائیا۔ لہنا دینا ویکھے گُر اوتار، چار جُگ چؤکڑ موُل چُکائیا۔ ساچے تخت بَیٹھ سچّی سرکار، ساچا حُکم سُنائیا۔ چل آؤنا وِچ سنسار، لوک مات وجےّ ودھائیا۔ جوتی جوت سروُپ ہرِ، آپ اپنی کِرپا کر، سچ سندیسہ نر نریشا ایکا وار جنائیا۔ سچ

سندیسہ لیا سُن، ہرِ سَتگُر آپ سُنایا۔ چار جُگ دا ویکھنا گُن، اَوگُن نال مِلایا۔ سرب پُکار لئے سُن، اِک اِکلّا پھیرا پایا۔ لیکھا جانے رِکھ مُن، بھیوَ ابھید آپ چُکایا۔ جوتی جوت سروُپ ہرِ، آپ اپنی کِرپا کر، سچکھنڈ نِواسی پُرکھ ابناسی گھٹ گھٹ واسی، اپنا حُکم آپ ورتائیا۔ ساچا حُکم ہرِ ورتاؤنا، اپنے ہتّھ رکھے وڈیائیا۔ سچ دربار اِک سہاؤنا، سوبھاوَنت بےپرواہیِا۔ نِرگُن اُپر آسن لاؤنا، جوتی جوت جوت رُشنائیا۔ گُر اوتار در منگاؤنا، لیکھا سب دا ویکھے تھاؤں تھائنیا۔ پیِر پَیغمبر در دربار باہر بہاؤنا، ایکا حُکم ورتائیا۔ وِشن برہما شِو نَین شرماؤنا، نیتر سکے نہ کوئے اُٹھائیا۔ کروڑ تیتیِسا ڈھولا گاؤنا، ایکا ناد وجائیا۔ بےاَنت بےاَنت بےاَنت کہہ کہہ سب نے پلّوُ چُھڈاؤنا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ دوارا اِک سُہائیا۔ سچکھنڈ دوارا اگمّ اپارا، ایکا ایک سُہائیا۔ کلجُگ ویکھے اَنت کنارہ، بےاَنت بےپرواہیِا۔ نِرگُن نِراکار لےَ اوتارا، جوتی جوت کرے رُشنائیا۔ ویکھے وِگسے پاوے سارا، ورن برن پھول پُھلائیا۔ جیِو جنت کھول کِواڑا، گھٹ گھٹ آسن لائیا۔ چُھپیا رہے نہ وِچ سنسارا، دِس کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ اگمّ اتھاہ، اچرج کھیل کرائیندا۔ نِرگُن روُپ بن ملاح، لوک مات پھیرا پائیندا۔ سرگُن دیوے سچ صلاح، ایکا نام جنائیندا۔ گوبِند میلا سہج سُبھا، پُرکھ اکال منائیندا۔ سمبل ڈیرہ ایکا لا، سچ تخت وڈیائیندا۔ دُھر فرمانا حُکم جنا، ایکا وار سُنائیندا۔ کھیلے کھیل دو جہاں، لوآں پُریاں برہمنڈاں کھنڈاں جیرج انڈاں ویکھ وکھائیندا۔ لیکھا جانے تھاؤں تھاں، ابُھل بُھل کدے نہ جائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، سچکھنڈ دوارا کھیل نیارا، نِرگُن داتا آپ کرائیندا۔ نِرگُن داتا ہرِ داتار، دَیاوان وڈی وڈیائیا۔ لوک مات ہو اُجیار، ساچی گھاڑت آپ گھڑائیا۔ چارے کھانی پاوے سار، چارے بانی کرے پڑھائیا۔ چارے جُگ بنّھے دھار، چارے وید بھیوَ چُکائیا۔ چارے ورناں کھول کِواڑ، چار یاری دئے سمجھائیا۔ چاروں کُنٹ بول جَیکار، چؤتھے پد کھیل وکھائیا۔ جوتی جوت سروُپ ہرِ، آپ اپنی کِرپا کر، اپنی کل آپ ورتائیا۔ کلجُگ ورتے ہرِ جوُ کل، عقل کلا ورتائیندا۔ جُگا جُگنتر اچھل اچھلّ، اپنا ویس وٹائیندا۔ آپ اپنا جانے بل، کلجُگ پندھ مُکائیندا۔ وسنہارا نِہچل دھام اٹل، سچکھنڈ ساچے سوبھا پائیندا۔ جوتی شبدی آپے رل، نِرگُن ویس وٹائیندا۔ سچ سِنگھاسن ایکا ملّ، سوبھاوَنت آپ سُہائیندا۔ جوتی جوت سروُپ ہرِ، آپ اپنی کِرپا کر، سچ

دوارا آپ سمجھائیندا۔ سچ دربارا لگاؤنا مات، پاربرہم جنائیندا۔ لکھّ چؤراسی ویکھے مار جھات، نیتر نَین آپ کُھلائیندا۔ وِشن برہما شِو تیرا توڑے ساک، بندھن بندھ نہ کوئے رکھائیندا۔ کروڑ تیتیِسا اُترے اپنے گھاٹ، تھِر کوئے رہن نہ پائیندا۔ کلجُگ سُتے ڈوُنگھے کھات، پار کنارہ نہ کوئے جنائیندا۔ دھوُاں دھار میٹے اندھیری رات، ساچا چند چڑھائیندا۔ جن بھگتاں پُچھے آپے وات، سنت سُہیلے آپ مِلائیندا۔ گُرمُکھاں درس دِکھائے اِک اِکانت، نوُرو نوُر ڈگمگائیندا۔ گُرسِکھاں دیوے ساچی دات، نام بھنڈار آپ ورتائیندا۔ ناتا تُٹے ذات پات، دیِن مذہب نہ ونڈ ونڈائیندا۔ اَنتر آتم ایکا گاتھ، اکھّر وکھّر آپ پڑھائیندا۔ ایتھے اوتھے دیوے ساتھ، سگلا سنگ نِبھائیندا۔ پاربرہم پربھ کملاپات، گُرمُکھ ناری آپ پرنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دربارا آپ بنائیندا۔ سچ دربارا بنائے بنت، گھاڑت اپنی آپ گھڑائیا۔ آپے جانے آد اَنت، مدھ اپنی کھیل کرائیا۔ ویس وٹائے جُگا جُگنت، جُگ جُگ روُپ دھرائیا۔ لیکھا جانے سادھ سنت، بےاَنت وڈ وڈیائیا۔ مہما گائے آپ بھگوَنت، بودھ اگادھ کرے پڑھائیا۔ ہرِجن میلا ساچے کنت، کنت کنتُوہل دئے سرنائیا۔ کایا چولی چاڑھے رنگ بسنت، اُتر کدے نہ جائیا۔ ایکا نام منیِا منت، بِن رسنا جِہوا کرے پڑھائیا۔ گڑھ توڑے ہؤمے ہنگت، مایا ممتا موہ مِٹائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچی کار، کرے کرائے کرنیہار، نِرگُن سرگُن پاوے سار، روُپ انوُپ شاہو بھوُپ سَت سروُپ لوک مات آپ پرگٹائیا۔ سَت سروُپ سَت سَتوادی سَت پُرکھ نِرنجن آپ پرگٹائیندا۔ کھیلے کھیل برہم برہمادی، برہمانڈ اپنا رنگ رنگائیندا۔ آپے ہوئے آد جُگادی، جُگ کرتا ونڈ ونڈائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دربار اِک وکھائیندا۔ ویکھو ہرِ دربار، ہرِ جوُ آپ بنایا۔ لکھّ چؤراسی نہ پاوے سار، نیتر نظر کِسے نہ آیا۔ سرِشٹ سبائی ہوئی وِبھچار، دھیِرج ست نہ کوئے رکھایا۔ کلجُگ مارے جھوُٹھی مار، ایکا کھنڈا ہتّھ اُٹھایا۔ کام کرودھ لوبھ موہ ہنکار سُٹے مُنہ دے بھار، کوئی سکے نہ بل دھرایا۔ آسا ترِسنا کر خوار، مایا ممتا جیِو بُھلایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دربار آپ سجایا۔ سچ دربار صاحِب سُلطان، سَت پُرکھ نِرنجن آپ سُہائیا۔ کلجُگ کھیل کرے مہان، بھیوَ کوئے نہ پائیا۔ لہنا دینا چُکے جیِو جہان، باقی کوئے رہے نہ رائیا۔ وِشن برہما شِو پندھ مکُے آن، ہرِ پاندھی آپ مُکائیا۔ جوتی جوت سروُپ ہرِ، آپ اپنی کِرپا کر، سچ

دربار اِک سمجھائیا۔ سچ دربار اِک سہاؤنا، ہرِ ساچا سچ جنائیندا۔ لوک مات آپ لگاؤنا، پہلی چیتر رُت سُہائیندا۔ گوبِند سوُرا در بُلاؤنا، نِرگُن سرگُن کھیل کرائیندا۔ پِچھلا لیکھا سرب چُکاؤنا، کھاتہ کھاتہ آپ بھرائیندا۔ نؤ کھنڈ پرِتھمی ویکھ وکھاؤنا، ستّاں دیِپاں پردہ لاہِندا۔ شاہ سُلطاناں خاک مِلاؤنا، راجن راج نہ کوئے جنائیندا۔ جوتی جوت سروُپ ہرِ، آپ اپنی کِرپا کر، اپنی ونڈ آپ ونڈائیندا۔ ساچی ہرِ جوُ ونڈے ونڈ، ایکا بندھن پائیا۔ کلجُگ میٹے بھیکھ پکھنڈ، کوُڑی کِریا رہن نہ پائیا۔ سَتجُگ ساچا چڑھے چند، جوتی جوت جوت رُشنائیا۔ کرے کھیل سوُرا سربنگ، پاربرہم بےپرواہیِا۔ جوتی جوت سروُپ ہرِ، آپ اپنی کِرپا کر، اپنا بندھن آپے پائیا۔ ساچا بندھن ہرِ پاؤنا، ایکا وار جنائیندا۔ پیِر پَیغمبر گُر اوتار منگاؤنا، در درویش کھیل کرائیندا۔ دُھر فرمانا اِک سُناؤنا، ایکا نام دِرڑائیندا۔ سوہنگ ڈھولا سب نے گاؤنا، جوتی جوت سروُپ ہرِ، آپ اپنی کِرپا کر، اپنا بھیوَ آپ چُکائیندا۔ سوہنگ ڈھولا گاؤنا گیِت، ہرِ سَتگُر دئے سمجھائیا۔ کلجُگ انتم گیا بیِت، لوک مات رہن نہ پائیا۔ پاربرہم پربھ ساچی ریِت، نِرگُن سرگُن دئے سمجھائیا۔ پُرکھ اکال اِک اتیِت، سچ سِنگھاسن سوبھا پائیا۔ ایکا رنگ ہست کیِٹ، اوُچ نیِچ نہ کوئے وڈیائیا۔ ایکا مندر اِک مسیِت، گُردوار اِک وکھائیا۔ ایکا نام ہرِ انڈیِٹھ، لِکھن پڑھن وِچ نہ آئیا۔ مِٹھا کرے کؤڑا ریِٹھ، جِس جن اپنا رس چکھائیا۔ ایکا گاؤ گوبِند گیِت، پُرکھ اکال اِک سرنائیا۔ مانَس مانُکھ جنم لَینا جیِت، چِت وِت ٹھگؤری کوئے نہ پائیا۔ صاحِب سَتگُر سچّا میِت، مِتر پیارا ناؤں دھرائیا۔ جوتی جوت سروُپ ہرِ، آپ اپنی کِرپا کر، گُر اوتاراں ایہہ سمجھائیا۔ گُر اوتار پیِر پَیغمبر مُلّا شیخ، ہرِ جوُ ہرِ ہرِ آپ سمجھائیندا۔ کلجُگ انتم مِٹی ریکھ، لیکھا ہور نہ کوئے وکھائیندا۔ لہنا دینا دیوے گُر دسمیش، دہ دِشا اپنی ونڈ ونڈائیندا۔ در بُلائے وِشن برہما مہیش، شنکر ایکا حُکم جنائیندا۔ تِس صاحِب کو سدا آدیس، جو حُکمی حُکم پِھرائیندا۔ تِس اَگے چلے نہ کوئی پیش، نِیوں نِیوں سیِس سرب جھُکائیندا۔ پاربرہم پت پرمیشور اپنی کرنی آپے ویکھ، گُر اوتار نال مِلائیندا۔ سَتجُگ تریتا دواپر کلجُگ کریا ویس، ویس انیِکا کھیل کرائیندا۔ جوتی جوت سروُپ ہرِ، آپ اپنی کِرپا کر، اپنا مارگ آپ سمجھائیندا۔ پیِر پَیغمبر کھولو اکھّ، ہرِ آخر آپ جنائیندا۔ مُرشد مُریِد لؤ رکھ، ایکا حُکم سُنائیندا۔ مُلّا شیخ کرو پکھّ، ساچی ونڈ ونڈائیندا۔ اَنت نِبیڑا حقو حق، حق حقیِقت آپ جنائیندا۔ مقامے حق ہو پرتکھ، پروردِگار سوبھا پائیندا۔ لاشریِک وسے گھٹ گھٹ،

نوُرو نوُر نوُر رُشنائیندا۔ جوتی جوت سروُپ ہرِ، آپ اپنی کِرپا کر، سچ دربار آپ سُنائیندا۔ سچ دربار سُنائے اِلاہی نوُر، عالمیِن سمجھائیا۔ ایکا ناد ایکا تُور، دوُر دُراڈا آپ جنائیا۔ ایکا سرب کلا بھرپوُر، بےاَنت بےپرواہیِا۔ ایکا بنّھے سچ دستُور، کلمہ کلام آپ پڑھائیا۔ دُھر فرمانا دیوے نبی رسوُل، جوتی جوت سروُپ ہرِ، آپ اپنی کِرپا کر، پیِر پَیغمبر آپ جگائیا۔ پیِر پَیغمبر جانا جاگ، کلجُگ ویلا انتم آیا۔ چؤداں طبق ویکھو ساک، محمد نال رلایا۔ االلہ رانی ویکھو پاک، پاکی پاک روُپ دھرایا۔ چاروں کُنٹ لَینا جھاک، کوَن رہیا سنگ نِبھایا۔ انتم سب نے ہونا خاک، خاکی خاک مِلائیا۔ جوتی جوت سروُپ ہرِ، آپ اپنی کِرپا کر، سچ سِنگھاسن رہیا سمجھائیا۔ گُر اوتار پیِر پَیغمبر کرو دھیان، ہرِ ساچا سچ جنائیا۔ کوَن گھر اُپجے گیان، کوَن کرے سچ پڑھائیا۔ براہمن برہم نہ سکے پچھان، مسلم مصلّا حق نہ کوئے وِچھائیا۔ سِکھ سِکھیا کرے نہ کوئے پروان، نِرگُن نانک میل نہ کوئے مِلائیا۔ عیسیٰ دیوے نہ کوئے پَیغام، پَیغمبر گود نہ کوئے اُٹھائیا۔ برہم کرے نہ کوئے پروان، اِیش جیِو نہ کوئے جنائیا۔ چاروں کُنٹ ہوئی وَیران، چار ورن پئی لڑائیا۔ کِسے نہ دِسے سچ اِیمان، شرع عِلم نہ کوئے پڑھائیا۔ گھر وڑھیا پنج شیَطان، اٹّھے پہر دُکھدائیا۔ کِسے مِلیا نہ سچّا کاہن، گوپی راس نہ کوئے رچائیا۔ کِسے پایا نہ ایکا رام، سیِتا سُرتی دئے دُہائیا۔ کِسے گایا نہ ستنام، نام سَت نہ وجّی ودھائیا۔ کِسے مِلیا نہ گوبِند آن، گُر گُر بَیٹھا مُکھ چُھپائیا۔ چاروں کُنٹ دِسے بیِابان، ساچا پُھل نہ کوئے مہکائیا۔ کلجُگ کرے اَنت وَیران، اپنا بل دھرائیا۔ پُرکھ ابناسی حُکمران، ساچا کھیل کرائیا۔ لیکھا جانے جیِو جہان، جگت جُگت اپنی ونڈ ونڈائیا۔ وید شاستر سِمرت پُران، جیِو جنت پڑھ نہ سکے وکھان، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دربارے دئے وڈیائیا۔ سچ دربارے ہرِ جوُ چڑھیا، تخت نِواسی آسن لایا۔ گُر اوتار پیِر پَیغمبر مُلّا شیخ پنڈت پاندھا آپے پھڑیا، ایکا نام بندھن پایا۔ لکھّ چؤراسی بن ٹھٹھیار بھانڈا گھڑیا، اَنت سِری بھگوَنت آپے بھنّ وکھایا۔ وِشن برہما شِو بَیٹھا دریا، پربھ ابناسی کھیل نِرگُن کریا، بَیٹھے سیِس جھُکایا۔ نہ جیِوت نہ مریا، جوتی جوت سروُپ ہرِ، آپ اپنی کِرپا کر، کرے کھیل اگمّ اتھاہ، آد جُگادی بےپرواہ، جُگ جُگ بیڑا رہیا چلا، کلجُگ ویکھے اپنا تھاں، تھان تھننتر آپ سُہایا۔ تھان تھننتر سوہیا، ہرِ ساچا آپ سُہائیندا۔ دُھردرگاہی لےَ کے آیا ڈھوآ، ایکا نام آپ ورتائیندا۔ ہرِ کا بھیوَ نہ جانے کوآ، بےاَنت سرب گائیندا۔ آلس نِندرا وِچ کدے نہ سویا، ایکا رنگ

سمائیندا۔ اپنے جِہا آپے ہویا، دوُجا سنگ نہ کوئے مِلائیندا۔ جوتی جوت سروُپ ہرِ، آپ اپنی کِرپا کر، کلجُگ انتم کھیل کرائیندا۔ کلجُگ انتم کھیل اپارا، ہرِ سَتگُر آپ کرائیا۔ سَتجُگ بنّھے ساچی دھارا، سَت سَتواد کرے پڑھائیا۔ جن بھگتاں میلے اِک دوارا، در دروازہ آپ کُھلائیا۔ ایکا اِشٹ گُر اوتارا، ایکا دیوا دیوَ سمجھائیا۔ ایکا نام بول جَیکارا، کلمہ کلام اِک پڑھائیا۔ ایکا رام کرِشن سہارا، ایکا عیسیٰ موُسیٰ رنگ وٹائیا۔ اِک محمد دئے آدھارا، ایکا چار یار مِلائیا۔ ایکا ستنام بنھے دھارا، ایکا نانک نِرگُن سرنائیا۔ ایکا فتح بول جَیکارا، گوبِند ڈنک وجائیا۔ ایکا وسے سب توں باہرا، دِس کِسے نہ آئیا۔ ایکا نِرگُن نِہکلنک لئے اوتارا، لوک مات جوت پرگٹائیا۔ ایکا کھنڈا اِک کٹارا، چنڈ پرچنڈ اِک چمکائیا۔ ایکا امرت ٹھنڈا ٹھارا، گھر گھر پیالہ دئے پیائیا۔ ایکا دِیا باتی جوتی کر اُجیارا، اندھ اندھیر مِٹائیا۔ ایکا سجّن میِت مُرارا، سگلا سنگ نِبھائیا۔ ایکا پنچم کرے پیارا، پنچم پنچ مُکھ صالاحیِا۔ ایکا وسے دھام نیارا، سچکھنڈ بَیٹھا آسن لائیا۔ ایکا کھولے بند کِواڑا، تھِر گھر تاکی آپے لاہیِا۔ ایکا وسے دھوُاں دھارا، سُنّ اگمّ سمائیا۔ ایکا وِشن برہما شِو کر اُجیارا، ترےَگُن مایا جوڑ جُڑائیا۔ ایکا پنچم تت لگائے اکھاڑا، ایکا انحد نادی ناد وجائیا۔ ایکا گُر اِک اوتارا، ایکا جُگ جُگ ویس وٹائیا۔ ایکا وید شاستر سِمرت کرے پیارا، ایکا گیِتا گیان دِرڑائیا۔ ایکا اِنجیِل قُرآنا دئے ہُلارا، تیِس بتیِسا ایکا گائیا۔ ایکا کھانی بانی کھول دوارا، ورن برن کرے پڑھائیا۔ ایکا راگی نادی وسے باہرا، چھتّی راگ بھیوَ نہ رائیا۔ ایکا اٹھسٹھ تیِرتھ جانے تٹ کنارہ، مندر مسیِت مٹھ گُروُدوارا پھول پُھلائیا۔ ایکا ہٹّ ایکا ونجارا، ایکا وست آپ ورتائیا۔ ایکا مندر اِک منارا، استھل روُپ اِک سمجھائیا۔ آد اَنت کھیل اپارا، مدھ اپنی دھار وکھائیا۔ نؤ سؤ چؤرانوے چؤکڑی جُگ پار کنارہ، چھتّی چھتّی بندھن دئے تُڑائیا۔ کلجُگ جوُٹھ جھوُٹھ کر خوارا، کوُڑی کِریا دئے کھپائیا۔ سَتجُگ بنّھے ساچی دھارا، سَت پُرکھ نِرنجن اپنے ہتّھ رکھے وڈیائیا۔ ہرِ بھگتاں میلے اپنے دوارا، در دروازہ اِک کُھلائیا۔ اٹّھے پہر ناد دُھنکارا، شبدی شبد شبد شنوائیا۔ سر سروور ٹھنڈا ٹھارا، دُرمت مَیل دھوائیا۔ کاگوں ہنس ہنس اُڈارا، سوہنگ ہنسا چوگ چُگائیا۔ بھگتاں کھولے اِک بھنڈارا، ساچا نام آپ ورتائیا۔ رازق رِزق رحیِم پروردِگارا، بے عیب ویس وٹائیا۔ فرزند سُت ویکھے آپ دُلارا، گُرمُکھ گُرسِکھ مُرشد مُریِد گُر چیلا ویس وٹائیا۔ جیِون جُگت جگت دئے سہارا، جوتی جوت سروُپ ہرِ، آپ اپنی کِرپا کر، سچ دربارا آپ لگائیا۔ سچ دربار پُرکھ کرتار، ابناسی آپ لگائیندا۔

جن بھگتاں کرے اِک پیار، ایکا گھر وکھائیندا۔ نیتر لوچن درس دیِدار، دیِد عیِد وکھائیندا۔ کاغد قلم نہ لِکھنہار، برہما ویتا بھیوَ نہ آئیندا۔ وِشنوُں رووے زارو زار، شنکر اپنی ترسوُل سُٹائیندا۔ باسک سیجا نہ کوئے پیار، سانگو پانگ نہ کوئے ہنڈھائیندا۔ پُرکھ ابناسی کرے کار، اپنی کِرت آپ کرائیندا۔ پِچھلا لیکھا رہے نہ وِچ سنسار، اگلا پندھ آپ لگائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا راہ آپ چلائیندا۔ ساچا راہ وِچ سنسار، سَت سَتوادی آپ چلائیا۔ سرب جیِاں دا سانجھا یار، ایکا روُپ وٹائیا۔ دیِن مذہب کر خوار، ذات پات موہ تُڑائیا۔ اوُچ نیِچ نہ کوئے وِچار، ایکا برہم سمجھائیا۔ ایکا گُروُ دئے وکھال، شبدی شبد ناؤں دھرائیا۔ ایکا اِشٹ پُرکھ اکال، گُر گوبِند گیا سمجھائیا۔ آد جُگاد چلے نال نال، جنم مرن وِچ نہ آئیا۔ سیوا لائے کال مہاکال، رائے دھرم نال مِلائیا۔ چِتر گُپت آپ اُٹھال، ساچی سِکھیا اِک سمجھائیا۔ لاڑی مؤت کر دلال، جیِو جہاناں بندھن پائیا۔ جوتی جوت سروُپ ہرِ، آپ اپنی کِرپا کر، آپے وسے سچکھنڈ سچّی دھرمسال، سچ دوارے سوبھا پائیا۔ سچکھنڈ دوارے ونڈی ونڈ، ونڈنہار گوپالا۔ کلجُگ انتم ننگی کرے کنڈ، نہ دِسے کوئے رکھوالا۔ سرِشٹ سبائی رووے وربھنڈ، لکھّ چؤراسی ہوئے بےحالا۔ کِسے نظر نہ آئے گُجری نند، چاروں کُنٹ اندھیرا کالا۔ کوئے نہ گائے ساچا چھند، جوتی جوت سروُپ ہرِ، آپ اپنی کِرپا کر، کرے کھیل مات نِرالا۔ کرے کھیل نِرالی جوت، اکالی بھیوَ کوئے نہ پائیندا۔ دُھردرگاہی سچّا مالی، سِری بھگوان اپنی کھیل کرائیندا۔ نِرگُن سرگُن بن دلالی، ہرِجن ساچے میل مِلائیندا۔ آتم پرماتم آپے بھالی، مِل مِل سّکھی ساچا کاہن اپنا رنگ وکھائیندا۔ بھگت بھگوَنت چڑھائے لالی، لال گُلالا رنگ اِک وکھائیندا۔ دیِپک جوت وکھائے ساچی تھالی، گگن منڈل سوبھا پائیندا۔ لیکھا جانے عرش فرش گگننتر پاتالی، ڈوُنگھی دھار پھول پُھلائیندا۔ جوتی جوت سروُپ ہرِ، آپ اپنی جوت دھر، اگمّ اتھاہ بےپرواہ نِرگُن اپنا رنگ وٹائیندا۔ نِرگُن رنگ انمول، دِس کِسے نہ آئیا۔ کلجُگ تولے اپنے تول، ساچا کنڈا ہتّھ اُٹھائیا۔ جیِو جنت سادھ سنت رہے انبھول، ہرِ کا بھیوَ کوئے نہ پائیا۔ سچکھنڈ دوارا لوک مات دیوے کھول، سیوک سیوا آپ کمائیا۔ ہرِجن ساچے رکھ اڈول، لکھّ چؤراسی وِچوں لئے ترائیا۔ آتم اَنتر شبد اگمّی ایکا بول، ایکا اکھّر کرے پڑھائیا۔ سرگُن اندر نِرگُن مؤل، اُلٹا کرے نابھ کؤل، امرت جھِرنا اِک جھِرائیا۔ دیوے وڈیائی اُپر دھؤل، دھرنی دھرت دھوَل سُہائیا۔ جوتی جوت سروُپ ہرِ، آپ اپنی کِرپا کر، کلجُگ انتم

ویکھے گھر گھر، نؤ کھنڈ پرِتھمی پھیرا پائیا۔ نؤ کھنڈ پرِتھمی ہرِ جی پِھرنا، اپنا بل رکھائیندا۔ لکھّ چؤراسی اندر وڑنا، روُپ رنگ ریکھ نہ کوئے جنائیندا۔ گُرسِکھ گُرمُکھ ہرِ سنت بھگت آپے پھڑنا، چار جُگ دے وِچھڑے میل مِلائیندا۔ مڑھی گور کدے نہ سڑنا، ترےَگُن اگنی تت نہ کوئے جلائیندا۔ نیتر کھولے ہرنا پھرنا، روُپ انوُپ آپ سمجھائیندا۔ ساچا گھاڑن ہرِ جوُ گھڑنا، گھاڑت گھڑنہار آپ ہو جائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ ساچا راہ چلائیندا۔ سَتجُگ چلے ساچی دھار، سَتگُر پوُرا آپ چلائیا۔ چار ورناں اِک پیار، ایکا گھر بہائیا۔ ایکا شبد اِک جَیکار، ایکا دُھن سُنائیا۔ ایکا گھر منگلاچار، ایکا وجےّ ودھائیا۔ ایکا نِرگُن جوت اُجیار، نوُر نوُرانہ ڈگمگائیا۔ ایکا بنیا کنت بھتار، لکھّ چؤراسی سخی رہیا ہنڈھائیا۔ ایکا مندر اِک دوار، گُروُ اِشٹ اِک وکھائیا۔ سرب جیِاں دا سانجھا یار، پاربرہم بےپرواہیِا۔ ذات پات شرع مذہب تے وسیا باہر، جوُٹھا جھوُٹھا بندھن نہ کوئے رکھائیا۔ گُر اوتار پیِر پَیغمبر لئے اُٹھال، ایکا رکھے اَگے سوال، مسلا حل نہ کوئے کرائیا۔ اُٹھو ویکھو نیتر کھولو آپو اپنے ویکھو لال، جیِو جنت جنت سمجھائیا۔ کوَن وسے دھرمسال، کوَن مندر بَیٹھا سُرت سنبھال، کوَن مسجد سجدہ سیِس جھُکائیا۔ سارے ویکھ ہوئے حَیران، اندر کِسے نہ دِسے گیان، رسنا جِہوا رہی کُرلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سب نوُں رہیا سمجھائیا۔ سارے سُنو کرو دھیان، ہرِ جوُ ہرِ سُنایا۔ سَتجُگ تریتا دواپر کلجُگ چلیا گیان، اگیان نال مِلایا۔ رسنا پڑھ پڑھ جِہوا کہہ کہہ کر وکھان، اندر وڑ درس کِسے نہ پایا۔ اِک دوُجے نوُں کہن سِری بھگوان، اپنے گھر نہ کِسے بہایا۔ نانک گوبِند کہے وکھان، سرِشٹ سبائی ایہہ سمجھایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن نوُر نوُر دھرایا۔ نِرگُن نوُر جوتی دھار، نِہکلنک وڈیائیا۔ مہابلی اُترے اپنی وار، روُپ رنگ ریکھ نہ کوئے رکھائیا۔ سمبل وسیا دھام نیار، ساچے بنک وڈیائیا۔ ایکا شبد بول جَیکار، برہمنڈ کھنڈ لئے اُٹھائیا۔ ایکا کھنڈا تیز کٹار، نام چنڈ پرچنڈ چمکائیا۔ جیرج انڈ مارے مار، اُتبُھج سیتج دئے کھپائیا۔ گُرمُکھ ساچے لئے اُبھار، آپ اپنا بھیوَ کُھلائیا۔ رنگ چلوُل ایکا چاڑھ، جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سِر رکھے ہتّھ سمرتھ، ہرِجن آپ ترایا۔ کلجُگ ویکھی پِچھلی وتھ، سب دا لہنا دئے مُکایا۔ سَتجُگ ساچا مارگ دسّ، ہرِجن ساچے لئے سمجھایا۔ تیِر نِرالا مارے کس، انیالا آپ چلایا۔ پنچ

وِکارا دیوے جھس، پنچم موہ موہ مِٹایا۔ آپے کرے پوُری آس، ہرِجن ساچے لئے ترایا۔ درس وکھا پُرکھ ابناس، اپنا بھیوَ چُکایا۔ لہنا دینا مکُے پرِتھمی آکاش، اپ تیج وائے نہ رنگ وکھایا۔ من مت بُدھ کرے داس، ایکا شبدی ڈنک وجایا۔ لیکھا جانے پوَن سواس، پوَن پوَنی پھیرا پایا۔ ناتا توڑ دس دس ماس، مات گربھ پھند کٹایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِجن ساچے آپ ترایا۔ ہرِجن تارے آپ ہرِ، اپنے ہتّھ رکھے وڈیائیا۔ نام بھنڈارا ایکا بھر، وست امولک آپ ورتائیا۔ نِربھؤ چُکائے جھوُٹھا ڈر، بھےَ اوَر نہ کوئے وکھائیا۔ اِک نُہائے ساچے سر، دُرمت مَیل دھوائیا۔ قِلعے توڑ ہنکاری گڑھ، جوُٹھ جھوُٹھ دئے کھپائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، چار ورن لئے ور، برن اٹھاراں پندھ مُکائیا۔ برن اٹھاراں مکُے پندھ، کلجُگ انتم وار۔ سرِشٹ سبائی ایکا چھند، گائے سرب سنسار۔ آتم اَنتر اِک انند، نِجانند اُردھار۔ جوتی جوت سروُپ ہرِ، آپ اپنی کِرپا کر، ہرِجن ساچے لائے پار۔ ہرِجن تیرا پار کنارہ، سَتگُر پوُرا آپ وکھائیا۔ ناتا تُٹا جیِو سنسارا، ساقط نِندک دُشٹ دُراچارا سنگ نہ کوئے وکھائیا۔ گُرمُکھ میل اِک دوارا، ایکا گھر وجےّ ودھائیا۔ گرِہ گرِہ ملِے میِت مُرارا، گُر گُر روُپ وٹائیا۔ پنچم سخیاں منگلاچارا، ایکا گیِت سُنائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے پھڑ، سَتجُگ ساچا راہ وکھائیا۔ نانک میلا سچّے گُرسِکھ، جِس سِکھیا سَتگُر بھائیا۔ اندروں کڈھے جھوُٹھی وِکھ، مایا موہ گوائیا۔ پنچ وِکارا چھڈے ہِت، کام کرودھ نہ کوئے لڑائیا۔ سیوک رہے نِت نِت، بن چاکر سیو کمائیا۔ نانک سَتگُر نہ دیوے پِٹھّ، جو گُرسِکھ رہے سرنائیا۔ جوتی جوت سروُپ ہرِ، آپ اپنی کِرپا کر، گُرسِکھ ساچی ریِت رہیا سمجھائیا۔ گُرسِکھ پہلوں کر تیاری، آتم اَنتر دئے ادھار۔ پنج تت ناتا توڑ وِکاری، جوُٹھا جھوُٹھا موہ پیار۔ کایا محل ویکھ اٹاری، اوُچو اوُچ اگمّ اپار۔ اندر لبھے پِھر جوت نِرنکاری، جو گُرسِکھ سِکھیا کرے وِچار، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نانک نِرگن گُرسِکھ ساچے کرے پیار۔ سَتگُر جانی جان، نانک گیا سمجھائیا۔ پہلوں کرے آپ پہچان، پہچان وِچ کِسے نہ آئیا۔ من اندر کھیل مہان، چِھن چِھن روُپ وٹائیا۔ جِس سَتگُر کرے گیان، اکھّر اکھّر دئے پڑھائیا۔ تِس ستھر رہے دھیان، من واسنا نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، ساچے گُرسِکھاں اندر وڑ وڑ محلے چڑھ چڑھ سُرتی پھڑ پھڑ، بِن بولیاں دئے سمجھائیا۔ گوبِند سوُرا گُرسِکھ میِت، اِکو

اِک وکھائیندا۔ جو گُر کی جانے ریِت، تِس سَتگُر ویکھ وکھائیندا۔ اندر ویکھے دھام انڈیِٹھ، انڈِٹھڑی کار کرائیندا۔ پہلوں من نوُں لَینا جیِت، من واسنا سرب مِٹائیندا۔ پِھر گوبِند کرے پریِت، اندر وڑ وڑ بوُجھ بُجھائیندا۔ پرکھنہارا ساچی نیِت، ول چھل وِچ کدے نہ آئیندا۔ جوتی جوت سروُپ ہرِ، آپ اپنی کِرپا کر، انترگت آپ جنائیندا۔ کایا اندر ڈوُنگھی غار، کوٹن کوٹ واسنا وِچ بھرائیا۔ من منوُآ پِھرے وارو وار، دہ دِشا پھیرا پائیا۔ گُرمُکھ وِرلا لئے سُرت سنبھال، من بندھن ایکا پائیا۔ ترےَگُن مایا توڑ جنجال، جیِون جُگت اپنے ہتّھ رکھائیا۔ گُرسِکھ تیری کایا جے سُچی ہوئے دھرمسال، پِھر گوبِند اندر ڈیرہ لائیا۔ اندرے اندر حل کرے سوال، بِن بوُجھیاں بوُجھ بُجھائیا۔ جوتی جوت سروُپ ہرِ، آپ اپنی کِرپا کر، نانک گوبِند کھیل ہرِ، ہرِ جوُ اپنا آپ وکھائیا۔ نانک گوبِند پاؤنا اؤکھا، رسنا جِہوا سرب کُرلائیندا۔ جگت وِکار دیوے دھوکھا، پاندھی پندھ نہ کوئے مُکائیندا۔ کوئی نہ ویکھے کایا کوٹھا، اندر وڑ نہ درشن پائیندا۔ جوتی جوت سروُپ ہرِ، آپ اپنی کِرپا کر، اَنترگت برہم مت ایکا تت، بِن رتّی رتّ آپ سمجھائیندا۔ اَنترگت برہم گیان، نِش اکھّر ہرِ پڑھائیا۔ بِن پُچھیاں پُچھے آن، نانک گوبِند درس اجے نہ پائیا۔ نیتر روُپ نہ سکے پچھان، نوُر نوُر نہ کوئے وکھائیا۔ گیِت سُنیا نہ اگمّی کان، ناد دُھن نہ کوئے شنوائیا۔ اندر سیجا ہوئی وَیران، سَتگُر اُتے بَیٹھا نہ چائیں چائنیا۔ جوتی جوت سروُپ ہرِ، آپ اپنی کِرپا کر، نانک گوبِند گُرمُکھ وِرلے آپ مِلائیا۔