کتب خانہGranth 11 (Shahmukhi)

۱۶ ماگھ ۲۰۱۸ بِکرمی تیج بھان شیخ سر جموُں

بن تاروں رکھی تندی، ہرِ سچ سِتار وجائیندا۔ دھرت مات منگ منگی، خالی دھوَل ویکھ وکھائیندا۔ نیتر رووے سُہاگن رنڈی، دھیِرج دھیِر نہ کوئی دھرائیندا۔ چاروں کُنٹ ہوئے وربھنڈی، سِر ہتّھ نہ کوئی رکھائیندا۔ میَں نیتر نَین ہوئی اندھی، مِہر نظر نہ کوئی ٹِکائیندا۔ میَں چار جُگ پئی خانہ بندی، میرے بند نہ کوئی تُڑائیندا۔ میرے سیِنے پاوے ٹھنڈی، تُوں سب دی آس پُچائیندا۔ میَں بِرہوں وَیراگن بھاگاں مندی، جوتی جوت سروُپ ہرِ، آپ اپنی کِرپا کر، ایکا دینا سچ ور، ور ساچا اِک منگائیندا۔ بِن تار وجےّ تند، تند تند نال مِلائیا۔ میرے صاحِب سُلطان سدا بخشند، تیرے ہتّھ وڈی وڈیائیا۔ تُوں داتا گُنی گہند، گہر گمبھیِر سدا سمائیا۔ میری میٹ سگلی چِند، دھرت مات رہی کُرلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن اوَر نہ کوئے سہائیا۔ بِن تندی وجےّ راگ، ہرِ ساچا آپ الائیندا۔ دھرنی دھرت وَیراگ، وَیراگی روُپ وکھائیندا۔ بن نِمانی گئی جاگ، آلس نِندرا ویکھ وکھائیندا۔ تیری آسا ہوئی کاگ، ہنس روُپ نہ کوئے وٹائیندا۔ میرے سالوُ لگّا داغ، دُرمت مَیل نہ کوئی دھوائیندا۔ ناتا تُٹا کنت سُہاگ، بندھن سیِس نہ کوئے تُڑائیندا۔ چاروں کُنٹ جانا جاگ، اپنا ڈنک لگائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرا اِک سُہائیندا۔ تار سِتار ایکا دھار، بِن تندی آپ ہِلائیا۔ کرے کھیل آپ کرتار، قُدرت قادر ویکھ وکھائیا۔ لیکھا جانے دو جہان، لوآں پُریاں برہمنڈاں کھنڈاں پھیرا پائیا۔ نِرگُن سرگُن ہو پردھان، جُگ جُگ ویس وٹائیا۔ بھگتاں دیوے بھگتی دان، وست امولک جھولی پائیا۔ سنت سُہیلے آپ پچھان، در ساچے لئے مِلائیا۔ گُرمُکھاں دیوے نام نِدھان، انمُلڑی دات آپ ورتائیا۔ گُرسِکھ سچّے لئے پچھان، آتم پردہ دئے اُٹھائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ سمجھائیا۔ بِن تندی ناؤں مردنگ، ہرِ سجّن آپ وجائیندا۔ کرے کھیل سوُرا سربنگ، بھیوَ کوئے نہ آئیندا۔ لیکھا جانے سوُرج چند، منڈل منڈپ آپ سُہائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آپ اپنا بھیوَ جنائیندا۔ بھیوَ جنائے سِری بھگوَنت، مہما اکتھ کتھی نہ جائیا۔ کھیلے کھیل جُگا جگنت، آد جُگاد جُگ جُگ ویس وٹائیا۔ لکھّ چؤراسی ویکھے جنت، گھٹ گھٹ رہیا سمائیا۔ گُرمُکھ میلا نار کنت، سوبھاوَنت دئے وڈیائیا۔ جوتی جوت سروُپ ہرِ،

آپ اپنی کِرپا کر، ایکا کھیل رہیا ورتائیا۔ دھرنی دھرت دھوَل رو، نیتر نَیناں نیِر وہایا۔ کُھلڑے کیس رہی کھوہ، بِہبل اپنا روُپ وٹایا۔ میرا ناتا تُٹا موہ، میرا سنگ نہ کوئے رکھایا۔ سادھ سنت کرن دھروہ، دھیِاں بھَیناں رہے تکایا۔ تُدھ بِن سہائی نہ کو، سِر میرے ہتّھ نہ کوئی رکھایا۔ میَں پِھر کے آئی تریلوء، لوک پرلوک ویکھ وکھایا۔ کوئی نہ دیوے ڈھوآ ڈھو، سب دھکاّ رہے لگایا۔ میرے نال نہ سکے کوئی چھوہ، ذات پات ونڈ ونڈایا۔ میَں جنگل جوُہ اُجاڑ پہاڑ اُچے ٹِلّے پربت آئی ٹوہ، تیرا نوُر نظر کِسے نہ آیا۔ دیِن مذہب بن بن بَیٹھے گروہ، تیری جھوُٹھی ونڈ ونڈایا۔ ہِندوُ مُسلم سوُر گاں رہے کوہ، چُھری تیرے اُتے چلایا۔ میَں اِسے کرکے تیری اَگے رہی رو، دوئے جوڑ واسطہ پایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میری پوُری آس کرایا۔ بِن تندی وجےّ تار، سو پُرکھ نِرنجن آپ وجائیا۔ شبدی شبد بودھ اگادھ، سو پُرکھ نِرنجن آپ سُنائیا۔ ایکنکارا رکھے یاد، بُھل کدے نہ جائیا۔ آد نِرنجن دیوے داد، جوتی جوت نوُر رُشنائیا۔ سِری بھگوان مار آواز، ایکا راگ سُنائیا۔ ابناسی کرتا رکھے لاج، سِر تیرے ہتّھ ٹِکائیا۔ پاربرہم سوارے کاج، کرتا پُرکھ ہوئے سہائیا۔ پرگٹ ہو غریِب نواز، دیِنن دَیا آپ کمائیا۔ لکھّ چؤراسی ویکھے بھاج، چاروں کُنٹ پھیرا پائیا۔ جِس ساجن تیرا لیا ساز، سو صاحِب لئے بچائیا۔ تُوں اِکو رکھنی یاد، پربھ ملِے سچّا ماہیِا۔ کوُڑی کِریا وِچوں لئے کاڈھ، ساچے مارگ پائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ایکا گُن سمجھائیا۔ بِن تندی راگ اولّڑا، سچّا آپ وجائیندا۔ وسنہارا سچ محلڑا، سچ ساچی کار کمائیندا۔ سچ سندیسہ ایکا گھلڑا، حُکمی حُکم سُنائیندا۔ نِرگُن پھڑائے اپنا پلڑا، دامن اپنے نال بندھائیندا۔ جوتی جوت سروُپ ہرِ، آپ اپنی کِرپا کر، بِن تندی تار ہِلائیندا۔ نہ تندی نہ کوئی تار، تال تلواڑا نہ کوئی وجائیا۔ آسا اندر اِک پیار، آسا آسا وِچ سمائیا۔ گُفت شنید دیِد نِرنکار، اپنا روُپ وکھائیا۔ کھیلے کھیل اگمّ اپار، اگمّڑی دھار چلائیا۔ جُگ چؤکڑی ویکھے چار، گیڑا آپ بھوائیا۔ لہنا جانے گُر اوتار، پیِر پَیغمبر سیوا لائیا۔ راتی رُتی تِھتی جانے وار، گھڑی پل نہ ونڈ ونڈائیا۔ لیکھا جانے روَ سس سوُرج چنّ اُجیار، منڈل منڈپ برہمنڈ کرے رُشنائیا۔ داتا دانی دو جہان ہرِ کرتار، قُدرت قادر ویکھ وکھائیا۔ وِشن برہما شِو دے بھنڈار، ترےَگُن ایکا بندھن پائیا۔ پنچ تت ویکھ جگت اکھاڑ، لکھّ چؤراسی ناچ نچائیا۔ نٹوُآ نٹ کھیل اپار، سوانگی سوانگ وکھائیا۔ جوتی جوت سروُپ ہرِ، آپ اپنی کِرپا کر، اپنا

کھیل رہیا سمجھائیا۔ اپنا کھیل دسےّ حال، ہرِ ہرِ آپ جنایا۔ جُگ چؤکڑی بیِتے کال، کوٹن کوٹ روُپ وٹایا۔ گُر اوتار بن بن دلال، لوک مات گئے سمجھایا۔ کرے کھیل دیِن دَیال، دَیانِدھ بےپرواہیِا۔ اَنت حل نہ ہویا کِسے کولوں سوال، بےاَنت بےاَنت بےاَنت کر کر گئے سُنایا۔ ایکا نام نام دھن مال، پُرکھ اکال خزانہ ہتّھ پھڑایا۔ جوتی جوت سروُپ ہرِ، آپ اپنی کِرپا کر، اپنا کھیل آپ رچایا۔ اپنا کھیل کر کرتار، بِن تندی تار ہِلائیندا۔ گھر گھر بہہ بہہ کرے وِچار، سوچیاں سوچ وِچ نہ آئیندا۔ جُگ جُگ لیکھ اپر اپار، لیکھا لیکھے وِچ رکھائیندا۔ سَتجُگ تریتا دواپر کریا پار، کلجُگ ویلا انتم آئیندا۔ دھرنی دھرت دھوَل دے سہار، سِر تیرے ہتّھ رکھائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ دھرنی اُٹھ کر دھیان، ہرِ جوُ آپ سُنائیندا۔ چاروں کُنٹ دِسے وَیران، ساچا کھیڑا نہ کوئی وسائیندا۔ بھٹھ ہویا گیان دھیان، بھیوَ ابھید نہ کوئی جنائیندا۔ چارے ورن ہوئے شیَطان، شرع شریِعت نال مِلائیندا۔ ساچا راگ نہ سُنے کوئی کان، جھوُٹھا ناد سرب وجائیندا۔ چار دیواری مندر مکان، اِٹاں گارا نال رکھائیندا۔ گھٹ مندر نہ ویکھے کوئی مار دھیان، بند تاک نہ کوئی کُھلائیندا۔ سَتگُر ملِے نہ کِسے آن، دُکھڑا روگ نہ کوئی مِٹائیندا۔ جوتی جوت سروُپ ہرِ، آپ اپنی کِرپا کر، ایکا گُن آپ جنائیندا۔ ایکا گُن سُن لےَ پُتری دھی، ہرِ سچےّ سچ جنایا۔ تیری ونڈی ہرِ جوُ سیں، ساچی ونڈ کرایا۔ گوبِند بالے رکھے ہیٹھاں نیہہ، تیرا دُکھڑا دئے گوایا۔ اُتے برکھے گُرمُکھ میِنہہ، امرت میگھ برسایا۔ جوتی جوت سروُپ ہرِ، آپ اپنی کِرپا کر، ایکا حُکم آپ سُنایا۔ تیرا دُکھ ونڈے درد، بے دردی آپ سمجھائیندا۔ سب دے سِر توں چُھری ہٹائے کرد، ذِبح حلال نہ کوئی وکھائیندا۔ پرگٹ ہو کے آوے اِکو مرد، مرد مردانہ ناؤں دھرائیندا۔ تیرے سِر تے دیوے پریم فرد، کُھلی گُت نہ کوئی وکھائیندا۔ اَگے ہون دا دیوے حرج، پِچھلا دُکھ گوائیندا۔ تیرا لاہوے آپے قرض، مقروُض پھیری پائیندا۔ تیری سِدھی کرے نرد، نارد مُن نہ ویکھ وکھائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ سمجھائیندا۔ اپنا بھیوَ ہرِ جوُ دسّ، ایکا گُن جنایا۔ بالی کنّیاں اُٹھ اُٹھ ہسّ، سِر تیرے ہتّھ ٹِکایا۔ تیرا صاحِب ہوئے وس، ویکھیں چائیں چایا۔ نِرگُن لوک مات آئے نسّ، روُپ انوُپ دھرایا۔ جوتی جوت سروُپ ہرِ، آپ اپنی کِرپا کر، تیرا ہوئے سہایا۔ دھرت مات کہے میَں رنڈی، چاروں کُنٹ کوُک سُنایا۔ میرا کوئی نہ سنگ کرے وربھنڈی، ساک سیَن نہ کوئی بنایا۔ نک نتھ سُہاگ نہ کنّ ڈنڈی، سیِس سیِس

نہ کوئی گُندایا۔ میَں جائے بَیٹھی کنڈھی، جِتھے گُر اوتار کِسے نہ پھیرا پایا۔ میَں بھاگ ہیِن بھاگاں مندی، میرا دُکھڑا نہ کوئی گوایا۔ چاروں کُنٹ واسنا گندی، سُگندھی نظر کوئے نہ آیا۔ میَں بہُڑی پھس گئی پھندی، میرا پھند نہ کوئی تُڑایا۔ جوتی جوت سروُپ ہرِ، آپ اپنی کِرپا کر، تُدھ بِن اوَر نہ کوئی سہایا۔ تیری کنڈھی لگّے پیاری، ہرِ ساچا سچ جنائیندا۔ کلجُگ تیری آئی واری، انتم تیرا لہنا مُکائیندا۔ پرگٹ ہو جوت نِرنکاری، نِرگُن اپنا کھیل کرائیندا۔ لہنا چُکائے کرِشن مُراری، مُکند منوہر مُکٹ اپنے سیِس ٹِکائیندا۔ جِس ہتّھ پھڑی کٹاری، پنجے پانڈو سُت سیِس کٹائیندا۔ انتم منگے بن در بِھکھاری، نِیوں نِیوں سیِس جھُکائیندا۔ اَسوَتھاما نیتر رووے کرے گِریازاری، نَین نیِر نیِر وہائیندا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ساچی سِکھیا اِک سمجھائیندا۔ پنڈت منگے ایکا دان، پربھ اَگے جھولی ڈاہیِا۔ میَں بُھل گیا بھگوان، تیرا بھیوَ نہ رائیا۔ میَں مارے بالے نادان، رتّ دھرت مات ڈُلھائیا۔ میری بُدھی ہوئی سوان، آسا کاگ وانگ کُرلائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، میری دینی بُھل بخشائیا۔ اَگوں دھرت مات کہے پُکار، ایکا گُن جنایا۔ سولاں کلا کل اوتار، کرِشنا ایہہ کی کھیل رچایا۔ تیرے ہتّھوں ہویا وِبھچار، چھوٹے بالے سیِس کٹایا۔ ہُن پنڈت کرے گِریازار، ویلا گیا ہتّھ نہ آیا۔ میَں درد بھری کراں پُکار، بن دردی درد ونڈایا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرایا۔ ساچا کھیل سِری بھگوان، ایکا ایک کرائیندا۔ دھرت مات کر دھیان، ہرِ ساچا سچ جنائیندا۔ اَسوتھاما دیوے گیان، ایکا گُن وکھائیندا۔ کلجُگ انتم پرگٹ ہووے سِری بھگوان، اپنا کھیل کرائیندا۔ دھرنی تیرا پوُرا کرے دان، داتا دانی ویس وٹائیندا۔ تُوں کنڈھی ڈیرہ ملّیں آن، جِتھے پھیرا کوئی نہ پائیندا۔ کِرپا کرے آپ مِہربان، ساچے پروہت جنم دوائیندا۔ آپ ہوئے پھیر نِگاہبان، نَین نَین نال مِلائیندا۔ نوُری تیج تیج بھان، بھان بھان وِچ پرکاش وکھائیندا۔ بِن پڑھیاں اِک گیان، بِن وِدیا بھیوَ مُکائیندا۔ تیرا ناتا جوڑے وِچ جہان، ساچا بندھن پائیندا۔ چل کے آئے سِری بھگوان، تیرا لہنا موُل چُکائیندا۔ جوتی جوت سروُپ ہرِ، آپ اپنی کِرپا کر، سچ وِہارا اپنے ہتّھ رکھائیندا۔ سچ وِہارا شاہو بھوُپ، ہرِ سَتگُر آپ کرائیا۔ نہ کوئی رنگ نہ کوئی روُپ، ریکھ نظر کِسے نہ آئیا۔ آپے ونڈی اپنی کوُٹ، آپے پھیرا پائیا۔ آپے دیوے اپنا سچ ثبوُت، لِکھن پڑھن وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔

دھرت دھوَل تیری پوُری آسا، آساونت کرائیندا۔ جُگ چؤکڑی دے بھرواسا، لہنا موُل چُکائیندا۔ کرے کھیل پُرکھ ابناسا، ابناسی دھار چلائیندا۔ سدا سُہیلا وسے پاسا، وِچھڑ کدے نہ جائیندا۔ رل مِل سارے کرو ہاسا، جوتی جوت سروُپ ہرِ، آپ اپنی کِرپا کر، ساچی دَیا آپ کرائیندا۔ ساچی دَیا دَیاوان، ہرِ ساچا سچ جنائیا۔ دروناچارج جِنہاں نوُں دِتا گیان، ایکا کری پڑھائیا۔ سو تیری کُکھوں جنم لَین آن، اُتے کنڈھی ڈیرہ لائیا۔ تِنہاں اَنت ملِے بھگوان، چاروں کُنٹ لئے اُٹھائیا۔ شبد سُرت اِک دھیان، ایکا راگ الائیا۔ چرن کوَل بخشے مان، مان مان وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل کھیلا، کھیلنہار بھیوَ نہ آیا۔ لیکھے لائے گُروُ گُر چیلا، چیلا اپنا نام دھرایا۔ ہرِ سنگت ہرِ جوُ کرے میلا، پہلا دُکھ گوایا۔ وسنہارا دھام نویلا، لوک مات ویس وٹایا۔ آد جُگاد سجّن سُہیلا، جُگ جُگ اپنی سیو کمایا۔ جوتی جوت سروُپ ہرِ، آپ اپنی کِرپا کر، پریم پیار ایکا گھر وکھایا۔ پریم پیار پائے گنڈھ، ہرِ گنڈھنہار گوپال۔ آتم اَنتر رکھے ٹھنڈ، دیِناں بندھپ دیِن دَیال۔ دُئی دوَیتی ڈھاہے کندھ، اِک وکھائے سچّی دھرمسال۔ ایکا نوُر ایکا چند، ایکا جلوہ دئے جلال۔ ایکا توڑے خانہ بند، ایکا چلے نال نال۔ اِک وجائے سچ رباب تند، بِن تندی بن دلال۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچّا سِری بھگوان۔ سِری بھگوان کی کرے وِچارا، اپنا جُگ جُگ موُل مُکائیا۔ بھگتاں در بنیا رہے ونجارا، بن سیوک سیو کمائیا۔ آد اَنت کٹدا رہے وگارا، بن وگاری پھیرا پائیا۔ گُرمُکھاں اَگے کڈھدا رہے ہاڑا، جِؤں دھنےّ جٹّ سیِس نِوائیا۔ آپے دوئے دوئے جوڑ کرے نِمسکارا، اندر وڑ وڑ سیِس جھُکائیا۔ گُرسِکھ تیرا اِک سہارا، دوُجی اوٹ نہ کوئی تکائیا۔ تیرا مندر میرا چُبارا، چار کُنٹ نہ کوئی وڈیائیا۔ جوتی جوت سروُپ ہرِ، آپ اپنی کِرپا کر، انراگی راگ سُنائیا۔ انراگی گائے اپنا راگ، راگ ناد بھیوَ نہ رایا۔ لیکھا جانے برہم برہمادِ، پاربرہم بےپرواہیا۔ ویس وٹائے آد جُگاد، جُگ جُگ روُپ دھرایا۔ نام جنائے بودھ اگادھ، شبدی شبد سُنایا۔ سنت سُہیلے آپے کاڈھ، آپ اپنی گود بہایا۔ نِرگُن سرگُن کرے لاڈ، پریم پیار اِک ودھایا۔ لیکھا جانے موہن مادھوَ مادھ، شبدی شبد سُنایا۔ بِن تندی وجےّ ساز، سچ تنبوُر ہتّھ اُٹھایا۔ جوتی جوت سروُپ ہرِ، آپ اپنی کِرپا کر، جُگ جُگ لیکھا آپ جنایا۔ جُگ جُگ لیکھا دھرت مات، دُھر درباری آپ جنائیندا۔ نہ کوئی قلم نہ دوات، بِن شاہی کھیل کرائیندا۔ سدا سُہیلا اِک اَکیلا

دیونہارا انڈِٹھڑی دات، وست امولک نام ورتائیندا۔ جُگ جُگ رکھے ڈوُنگھا کھات، بھیوَ کوئے نہ پائیندا۔ کلجُگ انتم کھولے تاک، بن بردا سیو کمائیندا۔ دھرت دھوَل تیری سُتا کھاٹ، گُرمُکھ آتم سیجا اِک ہنڈھائیندا۔ دو جہاناں کٹ کے آیا واٹ، بن پاندھی پندھ مُکائیندا۔ چرن سرن سرنائی بنّھے نات، ناتا بِدھاتا جوڑ جُڑائیندا۔ کوُڑی کِریا میٹے نار کمذات، جوتی جوت سروُپ ہرِ، آپ اپنی کِرپا کر، دیونہارا ساچا ور، جُگ جُگ لہنا آپ چُکائیندا۔ جُگ جُگ لہنا چُکاوَن خاطر، ہرِ جوُ اپنی کھیل کرائیا۔ گُر اوتاراں سنیہُڑا دے دے پاتر، گُر گُر بانی ناؤں دھرائیا۔ من مت بُدھ نہ بنے چاتر، چتُرائی کوئے نظر نہ آئیا۔ جن بھگتاں دیوے ساچا آدر، در ساچے آپ بہائیا۔ سنت سُہیلے ویکھ بہادر، سِر اپنا ہتّھ ٹِکائیا۔ گُرمُکھ نُہائے ساچے ساگر، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، پوُرب لہنا آپ مُکائیا۔ پوُرب لہنا ہرِجن لَینا، دیونہار نِرنکارا۔ کلجُگ انتم ویکھنا نَیناں، کھیلے کھیل اگمّ اپارا۔ لکھّ چؤراسی بھانا سہنا، چاروں کُنٹ دھوُاں دھارا۔ دھرت دھوَل تیرے تن ساچا گہنا، سَتجُگ سچ کرے شِنگارا۔ جوتی جوت سروُپ ہرِ، آپ اپنی کِرپا کر، کرے کھیل اپر اپارا۔ اپر اپار ہرِ سوامی، مہما اگنت گنی نہ جائیا۔ آد جُگاد گھٹ گھٹ اَنترجامی، اَنتر آتما بوُجھ بُجھائیا۔ نِروَیر نِرگُن سدا نِہکامی، نِہچل دھام ڈیرہ لائیا۔ اپنی اِچھیا گُر گُر بانی، گُر اوتاراں آپ سُنائیا۔ سچکھنڈ دی سچ کہانی، لوک مات پرگٹائیا۔ لیکھا جانے چار کھانی، چارے بانی روُپ وٹائیا۔ سَتگُر مِلاوا گُر گُر ہانی، گُر گُر گُرمُکھ لئے اُٹھائیا۔ دوہاں وِچولا امرت بانی، نِجھر جھِرنا مُکھ جھِرائیا۔ آتم سُرتی بن سوانی، ہو نِمانی سیو کمائیا۔ آپ جنائے دُھر فرمانی، سچ سندیسہ اِک سُنائیا۔ شہنشاہ شاہ پاتشاہ ہرِ سُلطانی، ساچے تخت بَیٹھا سچّا ماہیِا۔ جوتی جوت سروُپ ہرِ، آپ اپنی کِرپا کر، اپنا پریم آپ ودھائیا۔ پریم اندر پریم رکھ، ہرِ اپنا آپ چُھپایا۔ پیار اندر ہو پرتکھ، پیار پیار نال مِلایا۔ پریم اندر پریم ڈھک، آپ اپنا پڑدہ پایا۔ پیار اندر پیار کر پرگٹ، اپنا میلا مِلایا۔ کرے کھیل ہرِ سمرتھ، سمرتھ دھار چلایا۔ لیکھا جانے اکتھنا اکتھ، نہ لیکھ کوئی مِٹایا۔ دواپر دِتی ایکا وتھ، وست امولک جھولی پایا۔ شبد چلائے ساچا رتھ، بن سیوک سیو کمایا۔ ہرِجن ساچے کر اِکٹّھ، ایکا گھر بہایا۔ وست امولک دیوے وتھ، ایکا ایکا ایک ورتایا۔ چار جُگ گواؤندا آیا اپنا جس، کلجُگ اَنت جس بھگتاں آپ سُنایا۔ پریم اندر گیا پھس، پیار ایکا بندھن پایا۔ نِرگُن روُپ جائے نسّ، سرگُن اپنا گھیرا پایا۔ جوتی جوت

سروُپ ہرِ، آپ اپنی کِرپا کر، لہنا دینا آپ چُکایا۔ لہنا دینا چُکائے مقروُض، قرضہ اپنا آپے لاہیِا۔ کلجُگ انتم پھسیا وِچ حدوُد، حد پار نہ کیِتی رائیا۔ سخیاں لبھا اِک محبوُب، محبان خوشی منائیا۔ جِس دا کلمہ دیوے ثبوُت، سو اِمام پھیرا پائیا۔ کرے کھیل بِن روُح قلبوُت، پوَن سواس نہ کوئی چلائیا۔ جوتی جوت سروُپ ہرِ، آپ اپنی کِرپا کر، پہلا لہنا سرب مُکائیا۔ ساچا لہنا دے دے رام، ہرِ بھگتاں آکھ سُنایا۔ جُگ جُگ تیرا کردے آئے کام، نِیوں نِیوں سیِس جھُکایا۔ بھگتی لا لا کر رکھے غُلام، سِر اپنا حُکم ورتایا۔ چار جُگ دا رہیا پیِن کھان، جنگل جوُہ اُجاڑ پہاڑ ڈیرہ لایا۔ پِھر وی چُھپیا رِہوں بھگوان، اپنا درس نہ کدے کرایا۔ اِک وار دے کے جھلک دسّ نِشان، پِھر اپنا مُکھ چُھپایا۔ ساڈی بند ہوئی زبان، جوتی جوت سروُپ ہرِ، آپ اپنی کِرپا کر، ایکا دینا ساچا ور، ساڈی اِچھیا پوُر کرایا۔ اِچھیا کرے پوُر، پوُر گوسائنیا۔ سدا وسے نیڑے دوُر، دوُر دُراڈا پندھ مُکایا۔ نِرگُن سرگُن رہے حضوُر، حضرت اپنا کھیل کرایا۔ پہلا لہنا چُکے ضرور، اَگے دینا جھولی پایا۔ پِچھلا بخشے سرب قصوُر، اَگے بھگتی نہ کوئے لایا۔ چار جُگ ہُندا رہیا مجبوُر، گُر اوتار مات گھلایا۔ اپنا دے دے چھوٹا نوُر، جوتی جوت کر رُشنایا۔ انتم چاڑھے اپنے پوُر، اپنا بیڑا آپ اُٹھایا۔ کلجُگ انتم پرگٹ ہو کے آیا حضوُر، اپنا پردہ دئے اُٹھایا۔ اپنا نام دئے سروُر، شرع شریِعت نہ ونڈ ونڈایا۔ ترےَگُن تپے نہ تن تندوُر، امرت میگھ اِک برسایا۔ جوتی جوت سروُپ ہرِ، آپ اپنی کِرپا کر، ہرِجن ساچے اپنا درس آپ کرایا۔ ہرِجن ساچے کرنا درس، ہرِ درسی درس کرائیندا۔ جنم جنم دی میٹے حرص، ہوَس حرص نہ ہور ودھائیندا۔ لکھّ چؤراسی وِچوں کرے پرکھ، پرکھ پرکھ اپنی جھولی پائیندا۔ لیکھا جانے عرش فرش، فرش اپنا رنگ رنگائیندا۔ جوتی جوت سروُپ ہرِ، آپ اپنی کِرپا کر، نِرگُن نوُر آیا پرت، پرتینِدھ اپنا ناؤں دھرائیندا۔ پرتینِدھ ہویا پردھان، پنچم میل مِلائیا۔ بِن تندی گائے گان، گاونہارا اِک اکھوائیا۔ بِن راگوں کرے پہچان، اپنی بوُجھ بُجھائیا۔ بِن وِدیا دیوے گیان، ایکا اکھّر پڑھائیا۔ بِن لبھیاں ملِے بھگوان، بن کھوجن کوئے نہ جائیا۔ بِن منگیاں دیوے دان، ساچا نام جھولی پائیا۔ بِن ہتّھاں اُٹھائے نِشان، دو جہاناں آپ جھُلائیا۔ بِن شاہ پائے آن، ایکا حُکم سُنائیا۔ بِن نیتر کرے دھیان، ویکھے تھاؤں تھائنیا۔ بِن تیِر مارے نِشان، چِلّہ ہتّھ نہ کوئے اُٹھائیا۔ بِن وسے مندر مکان، سچکھنڈ ساچے ڈیرہ لائیا۔ بِن دِیا باتی نوُر مہان، جوتی جوت کرے رُشنائیا۔ بِن مات مات پِت پوُت جمّیا بال نادان، گودی گود نہ کوئی اُٹھائیا۔ بِن

منتر یاں ہویا حُکمران، سیِس تاج نہ کوئی ٹِکائیا۔ بِن کھادھیِاں پیتیاں ہویا جوان، اپنا بل دھرائیا۔ بِن ناری اُتپت کرے سنتان، وِشن برہما شِو بنائیا۔ بِن سدّیاں آوے وِچ جہان، نِرگُن سرگُن ویس وٹائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، بھگتن میلا ایکا گھر، سچ دوارا آپ سُہائیا۔ سچ دوارا سوبھنیِک، ہرِ ساچے آپ سُہایا۔ بِن پرماتما نہ کوئی پریِت، دوُجا اِشٹ نہ کوئی منایا۔ بِن سَتگُر نہ کوئی ریِت، دوُجا راہ نہ کوئی چلایا۔ بِن گُرچرن نہ کوئی مندر مسیِت، گُروُدوار نظر نہ آیا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ مِلایا۔ بِن مِلیا نہ ہووے سانت، سانتک سَت نہ کوئی ورتائیا۔ بِن پرکاس نہ مِٹے رات، اَنت اندھیر نہ کوئی گوائیا۔ بِن سَتگُر نہ دیوے کوئی دات، نام وست نہ کوئی ورتائیا۔ بِن گُرمُکھ اُترے نہ کوئی گھاٹ، لکھّ چؤراسی منجھدھار رُڑھائیا۔ بِن گُر شبد نہ کوئی ساک، جگت سجّن نہ کوئی بنائیا۔ بِن کِرپا گُر نہ کُھلے تاک، بند کِواڑ نہ کوئی کُھلائیا۔ بِن نیتر نظر نہ آئے ہاٹ، گُر سَتگُر پوُرا رہیا وکھائیا۔ کلجُگ چولا رہیا پاٹ، کنّی کنّی کترائیا۔ دھرت مات خوشی ہوئے میری اَنت مکُے واٹ، کنڈھی مِلیا سچّا ماہیِا۔ میری سُپھل کرے ذات، اپنی ذات نال مِلائیا۔ میری پِھر ہووے پربھات، سَتجُگ ساچا لئے انگڑائیا۔ میَں بھگتاں کولوں سُناں گاتھ، سوہنگ ڈھولا چائیں چائنیا۔ مہاراج شیر سِنگھ وِشنوُں بھگوان، جِنہاں رکھیا ساتھ، تِنہاں نِیوں نِیوں لاگاں پائینا۔ دوئے جوڑ ٹیکاں ماتھ، ڈھیَہہ ڈھیَہہ پَواں سرنائیا۔ میری دُرمت مَیل دِتی کاٹ، گُرمُکھ تیری وڈ وڈیائیا۔ تُوں میرا سجّن ساک، میَں تیرا بندھن پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اِک پریم اپنا نیم جُگ جُگ آپ سمجھائیا۔ ہرِ ہرِ سَتگُر ساچا نیم، اِکو اِک جنایا۔ دُشٹ دمن بٹھایا کُنٹ ہیم، چرن کوَل چِت لایا۔ پاربرہم پربھ کیِا پریم، سِر اپنا ہتّھ ٹِکایا۔ اِکو دیوے لہنا دین، دینا اپنے ہتّھ رکھایا۔ اُٹھ بالے منّ لےَ کہن، ساچا حُکم سُنایا۔ موُرت اکال ویکھ اپنے نَین، پُرکھ اکال پھیرا پایا۔ اِکو ساک اِکو سیَن، اِکو سجّن سنگ نِبھایا۔ اِکو مات پِت بھائی بھَین، اِکو نار کنت رنگ چڑھایا۔ اِکو پُرکھ دیوے دین، دیونہارا پھیرا پایا۔ تیرا پریم آیا لَین، ساچی منگ منگایا۔ جوتی جوت سروُپ ہرِ، آپ اپنی کِرپا کر، ساچا پریم اِک سمجھایا۔ پریم کیِتا دُشٹ دمن، ایکا اوٹ تکائیا۔ پاربرہم اپنے اَنتر کیِتا گبن، بھیوَ ابھید چُھپائیا۔ اِک وکھایا ساچا ہون، گھِرت دیِپ نہ کوئی مِلائیا۔ نہ سُگندھی کوئی پوَن، سچ سُگندھی اِک سُہائیا۔ تیرا نوُر ساچا

رمن، تیرا ظہوُر وڈی وڈیائیا۔ تُوں میرا لاؤنا چمن، لوک مات پھیرا پائیا۔ میَں تیرا ہوواں ضامن، ایکا پلّوُ دیاں پھڑائیا۔ تُوں پڑھاؤھا شوُدر وَیش کھتری جا کے براہمن، ایکا اِشٹ وکھائیا۔ نیتر کھولنا اکھّر بولنا ایکا پُرکھ اکالن، دوُجی ہور نہ کوئی سرنائیا۔ میَں کراں تیرا پالن، گُجری گود سُہائیا۔ تیغ بہادر دا بننا لالن، لال لال رنگ چڑھائیا۔ میَں کھیلاں کھیل نِرالن، بھیوَ کوئے نہ پائیا۔ تیرا میلا جوت اکالن، وِچھڑ کدے نہ جائیا۔ تُوں گھالی میری گھالن، ساچی سیو اِک سمجھائیا۔ تیغ بہادر ہڈّیاں ویکھنیاں بالن، ترےَگُن اگن دینا جلائیا۔ تُوں کرنا اِک سوالن، ایکا منگ منگائیا۔ میَں تیرا راہ تکاّں میرے بھگوانن، نیتر نَین اُٹھائیا۔ میَں بالے آیا تیری گود سوالن، تیری جھولی پائیا۔ میَں گُرمُکھ آیا اُٹھالن، غریِب نِمانے گلے لگائیا۔ انتم منگن ایکا دانن، سوُلاں ستھر ہیٹھ وِچھائیا۔ تُوں ہر گھٹ جانی جانن، ابُھل بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، ساچا پریم رہیا سمجھائیا۔ اِکو پریم دیوے ہرِ، ایکا وار سُنایا۔ دُشٹ دمن چُکے ڈر، بھےَ نہ کوئی جنایا۔ سرگُن اندر آپے وڑ، نِرگُن روُپ وٹایا۔ گوبِند سوُرا ناؤں دھر، سِنگھ سِنگھ وڈیایا۔ لوک مات سیوا کر، لکھّ لکھّ شُکر منایا۔ انتم منگیا اِکو گھر، پربھ اَگے جھولی ڈاہیا۔ میَں سرن سرنائی جاواں پڑ، پُرکھ اکال تیری سرنایا۔ تُوں میری باہوں لَینا پھڑ، اپنی گود بہایا۔ میَں چھاتی اُتے جاواں چڑھ، اپنی خوشی منایا۔ میَں وساں تیرے گھر، گھر تیرا موہے بھایا۔ تُوں چُکایا میرا ڈر، میَں گُرمُکھاں ڈر رہیا مُکایا۔ اَنت پھڑاواں تیرا لڑ، تیرا تیری جھولی پایا۔ تیرا اِکو نِش اکھّر جاواں پڑھ، واہ واہ تیری وڈ وڈیایا۔ گُر گُر روُپ تُوں ہی نر، نر نرائن سچّے شہنشاہیِا۔ جوتی جوت سروُپ ہرِ، آپ اپنی کِرپا کر، میری لگّی توڑ نِبھایا۔ تیری لگّی نِبھے توڑ، پُرکھ اکال آپ جنائیندا۔ انتم ناتا لیا جوڑ، گھر ساچے آپ بہائیندا۔ کلجُگ واگ لَینی موڑ، ایکا راہ وکھائیندا۔ شبد سروُپی شبد گھوڑ، تیرا روُپ وٹائیندا۔ لوک مات جانا دؤڑ، ساچا کھیل وکھائیندا۔ لکھّ چؤراسی ریِٹھا ویکھنا مِٹھا کؤڑ، ایکا حُکم ورتائیندا۔ دو جہاناں لاؤنا پؤڑ، لوآں پُریاں برہمنڈاں کھنڈاں چرناں ہیٹھ دبائیندا۔ اپنے گُرمُکھ ویکھنے کرکے غؤر، نِگاہ نِگاہ نہ کوئی بدلائیندا۔ تیرا رچیا کارج جانا سؤر، پریم پریم نال نِبھائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ سمجھائیندا۔ تیرا پریم میرا رنگ، دوُجی اوَر نہ کوئی وڈیائیا۔ تیری سیج تیرا پلنگ، تیرا آسن میرا سُکھدائیا۔ تیرا نام تیرا مردنگ، مردنگ میری وڈیائیا۔ صاحِب سُلطان پربھ تیرا سنگ، میَں وِچھڑ

کدے نہ جائیا۔ اِکو منگاں ساچی منگ، تُوں دینی چائیں چائنیا۔ میَں چھڈیا پُری انند، انند تیرا اِک موہے بھائیا۔ مات لوک کہندے گُجری چند، ایتھے نہ کوئی پِتا نہ کوئی مائیا۔ تُوں صاحِب اِک بخشند، تیرے ہتّھ وڈی وڈیائیا۔ تیرے حُکمے اندر لوک مات جاواں وِچ وربھنڈ، نِرگُن روُپ وٹائیا۔ تیرا منگاں ساچا سنگ، اِکو گھر وجےّ ودھائیا۔ جوتی جوت سروُپ ہرِ، آپ اپنی کِرپا کر، اپنا بھیوَ رہیا جنائیا۔ لوک مات دیوے ساتھ، پربھ تیری وڈ وڈیائیا۔ کوَن کنارہ اُترے گھاٹ، کوَن مندر وجےّ ودھائیا۔ کوَن سجّن رکھے ساک، اپنا سنگ نِبھائیا۔ کوَن کِواڑ کھولے تاک، اپنا نوُر کرے رُشنائیا۔ جوتی جوت سروُپ ہرِ، آپ اپنی کِرپا کر، ایکا گُن دینا سمجھائیا۔ ساچا گُن سِری بھگوان، ایکا ایک جنایا۔ تیرا پریم میرا نِشان، سچ نِشانہ دئے جنایا۔ تیرا مندر میرا مکان، گھر ساچا سوبھا پایا۔ تیرا شبد میرا گیان، راگ انادی آپ جنایا۔ جوتی جوت سروُپ ہرِ، آپ اپنی کِرپا کر، اپنا بندھن آپے پایا۔ اپنا بندھن آپے پا، ہرِ ہرِ کھیل کرایا۔ کلجُگ انتم بناں ملاح، تیرا بیڑا مات چلایا۔ تیری رکھاں ضرور سالاح، سالاح کار ایکا گُن سمجھایا۔ لکھّ چؤراسی جیِو جنت چار ورن جپاواں ناں، ایکا منتر نام دِرڑایا۔ چار جُگ دے وِچھڑے بھگت سنت لواں مِلا، گُرمُکھ سجّن آپ جگایا۔ تیرا میلا دیاں مِلا، مِل مِل سخیاں خوشی منایا۔ ایکا چند دیاں چڑھا، نِرگُن نوُر جوت رُشنایا۔ ایکا ڈنکا دیاں وجا، دو جہاناں آپ سُنایا۔ وِشن برہما شِو دیاں ہِلا، سویا کوئے رہن نہ پایا۔ جُگ چؤکڑی پندھ مُکا، کلجُگ کھیڑا دیواں ڈھاہیِا۔ گُر اوتار پیِر پَیغمبر لہنا دینا دیاں چُکا، کھانی بانی جھولی پایا۔ در گھر ساچے بہنا دیاں سمجھا، ایکا دوُجا بھیوَ چُکایا۔ اِشٹ دیوَ گُر اِک وکھا، پُرکھ اکال ایکا نظری آیا۔ ایکا جاپ دیاں جپا، آتم پرماتم رنگ چڑھایا۔ سوہنگ ڈھولا اِک سُنا، کایا چولا آپ رنگایا۔ پڑدہ اوہلا دیاں اُٹھا، اُٹھ اُٹھ اپنا مُکھ وکھایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ تیری انتم ور، نِہکلنک نرائن نر، ہرِجن ہرِ ہرِ ساچے لئے مِلایا۔ مہاراج شیر سِنگھ وِشنوُں بھگوان، پریم سِتار ہرِ نِرنکار، بِن تندی تند وجایا۔

۱۷ ماگھ ۲۰۱۸ بِکرمی تیج بھان دے گھر شیخ سر جموُں

دھرنی چڑھیا ایکو چا، دھول رہی سمجھائیا۔ پُرکھ ابناسی مِلیا ملاح، کھیوٹ کھیٹا بےپرواہیِا۔ میَں کوجھی کملی پکڑے بانہہ، سِر اپنا ہتّھ ٹِکائیا۔ جُگ جُگ دے دُکھڑے دئے مِٹا، مِہر نظر اِک رکھائیا۔ میرے وِچھڑے سجّن دے مِلا، جگت وِچھڑا پندھ مُکائیا۔ میرے دُکھڑے درد دئے مِٹا، دیِناں ناتھ پھیرا پائیا۔ جوتی جوت سروُپ ہرِ، آپ اپنی کِرپا کر، اپنی رحمت آپ کمائیا۔ دھرنی دھوُل کرے ہاسا، گھر گھر خوشی منائیا۔ مِلیا میل پُرکھ سمراتھا، بُھلی سرب لوکائیا۔ چل کے آیا شاہو شاباشا، شہنشاہ سچّا شہنشاہیِا۔ میری رہی نہ کوئی نِراشا، نِردھن دئے وڈیائیا۔ کھول کے دسّاں اپنا خلاصہ، پہلا حال سُنائیا۔ تُوں کروٹ دے کے سُتا رہیوں پاسا، میری سار کدے نہ پائیا۔ جوتی جوت سروُپ ہرِ، آپ اپنی کِرپا کر، اپنی دَیا آپ کمائیا۔ دھرنی کہے میَں دسّا حال، احوال آپ جنائیا۔ جُگ چؤکڑی کھیل کمال، تُوں کرتا رہیا کمائیا۔ گُرمُکھ وِرلے بھیجے لال، میرا سنگ نِبھائیا۔ لکھّ چؤراسی تیری چال، اولّڑی چال چلائیا۔ ترےَگُن مایا پا جنجال، ایکا بند رکھائیا۔ ٹھگ چور یار لُٹن میرا دھن مال، میَں بَیٹھی مُکھ شرمائیا۔ جوتی جوت سروُپ ہرِ، آپ اپنی کِرپا کر، ایکا تیری اوٹ رکھائیا۔ دھرت مات نیتر کھول، نَین نَین اُٹھایا۔ پُرکھ ابناسی وسیا کول، میرا دُکھڑا درد گوایا۔ ہؤلی ہؤلی رہی بول، اپنا دُکھ سُنایا۔ تُوں میرے نال کیِتا قؤل، پوُرا قؤل دے کرایا۔ میَں تیرے اُتوں گھولی گھول، گھول گھولی سیو کمایا۔ جوتی جوت سروُپ ہرِ، آپ اپنی کِرپا کر، ایکا تیری آس رکھایا۔ اِکو رکھی تیری آس، پربھ میرے سچّے سائینیا۔ تُوں میری بُجھا پیاس، در تیرے سیِس جھُکائیا۔ تُدھ بِن خالی دِسن سواس، میرا جیِون کمّ کِسے نہ آئیا۔ تُوں صاحِب پُرکھ سمرتھ، ہتّھ تیرے وڈیایا۔ کر کِرپا اناتھاں ناتھ، دیِنن تیری اوٹ تکایا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرایا۔ دھرنی دھرت رہی نچّ، اپنی گھُمر رہی پائیا۔ ویکھو پربھ آیا سچ، ساچی ریِت چلائیا۔ جِس دی اگن اندر گئی مچّ، بِرہوں روگ لگائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ رکھائیا۔ تَینوُں ویکھ میرا بدلیا رنگ، میرے پریِتم سچےّ ماہیِا۔ چڑھیا چا میَں وساں سنگ، ایکا آس تکائیا۔ تیرے چرن کوَل سچّا انند، چُھٹی سرب لوکائیا۔ تُوں دُکھڑا میرا کرنا کھنڈ کھنڈ، ایکا کھنڈا نام چمکائیا۔ جوتی جوت سروُپ ہرِ، آپ اپنی کِرپا کر، میرا بیڑا پار کرائیا۔ میرا بیڑا کردے پار، تیری

اِکو اوٹ رکھائیا۔ میَں کنڈھی بَیٹھی آن، اپنا پندھ مُکائیا۔ اٹّھے پہر تیرا دھیان، ایکا نَین اُٹھائیا۔ تُوں صاحِب ہو مِہربان، میری چلے نہ کوئے چتُرائیا۔ میَں بالی بُدھ انجان، بل اپنا نہ کوئے وکھائیا۔ تُوں صاحِب سچّا سُلطان، تیرے ہتّھ تیری شہنشاہیِا۔ تیرا حُکم مَینوُں پروان، دے پروانہ میرے گُسائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میری پوُری آس کرائیا۔ میری پوُری ہوئے آسا، ہرِ ساچا سچ جنائیندا۔ تیری اوٹ تیرا بھرواسا، تیرے لیکھے لائیندا۔ تیرا پریم تیرا دِلاسا، تیرا سنگ نِبھائیندا۔ تیری کھیل تیرا تماشا، تیرے گھر وکھائیندا۔ جوتی جوت سروُپ ہرِ، آپ اپنی کِرپا کر، تیری دِشا آپ سُہائیندا۔ تیری دِشا سوبھاوَنت، ہرِ ساچے سچ جنایا۔ تیری مہما گنت اگنت، لِکھ لِکھ لیکھ نہ کوئی سمجھایا۔ تیری گودی بَیٹھے ساچے بھگت، بھگوَن میل مِلایا۔ تیری مہما گاؤن سنت، دھنّ دھنّ تیری وڈیایا۔ جوتی جوت سروُپ ہرِ، آپ اپنی کِرپا کر، تیرا لیکھا دئے چُکایا۔ دھرنی اَگوں کھولے اکھّ، اپنی پلک بھوائیا۔ تُوں صاحِب نظری آیا اِک سمرتھ، چرن تیری سرنائیا۔ جِؤں بھاوے تِؤں لَینا رکھ، تیرا مان نہ کوئی وڈیائیا۔ تیری سرنی گئی ڈھٹّھ، ایکا منگ منگائیا۔ ساچا مارگ دینا دسّ، میَں جاواں چائیں چائنیا۔ اپنا پندھ مُکاواں نسّ نسّ، بن بن پاندھی راہیا۔ تیرے بھگتاں گاواں جس، جِس دوارے پھیرا پائیا۔ ویکھیِں لارا دے نہ جاویِں نسّ، جُگ جُگ اچھل اچھلّ تیری کھیل تیرا بھیت کوئی نہ پائیا۔ میَں چار جُگ دی تھکی ماندی کرکے بہہ گئی بّس، اَگے بل نہ کوئی وکھائیا۔ جوتی جوت سروُپ ہرِ، آپ اپنی کِرپا کر، ایکا اپنی دَیا کمائیا۔ دھرنی کنڈھی تیرے روڑے، پتّھر پاہن ملِے وڈیائیا۔ کر کِرپا جِؤں دھنےّ بہُڑے، نِرگُن اپنا روُپ پرگٹائیا۔ تیری چھاتی اُتے بَیٹھائے نِکے نِکے موڑے، ہرِجن ساچے وِچ وسائیا۔ چرن پریِتی ایکا جوڑے، اپنا بندھن پائیا۔ کلجُگ انتم آپے بہُڑے، جگت وِچھوڑا دئے کٹائیا۔ چڑھ کے آیا ساچے گھوڑے، نِرگُن داتا بےپرواہیِا۔ چار جُگ دی مِٹے اؤڑے، ایکا امرت میگھ برسائیا۔ مِٹھے کرنے پھل کؤڑے، اپنا رس وکھائیا۔ گُرمُکھاں ہرِ جوُ آپے بہُڑے، تیرا درد ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ تیرا روڑا پیارا پتّھر، پیار پیار نال ٹپکائیندا۔ تیرے اُتے ساچا ستھر، ہرِ یارڑا آپ وِچھائیندا۔ تیرا نیتر پوُنجھے اتّھر، اپنی گود بہائیندا۔ پھڑ کے چوٹی چاڑھے سِخر، ہرِجن ساچے نال مِلائیندا۔ آد جُگاد جُگ جُگ جن بھگتاں رکھے آپے فِکر، بے فِکرا ہو بُھل کدے نہ جائیندا۔ کلجُگ انتم گاون آیا ذِکر، ظاہرا اپنا روُپ دھرائیندا۔

آپے مات آپے پِتر، پوُت سپوُتا گود اُٹھائیندا۔ جوتی جوت سروُپ ہرِ، آپ اپنی کِرپا کر، تیرا کنکر کنکر لیکھے لائیندا۔ کنکر کنکر وجےّ مردنگ، ہرِ مردنگا آپ وجائیندا۔ گھر گھر چڑھائے ساچا رنگ، بن للاری سیو کمائیندا۔ تیرے اندر وڑ وڑ سوُرا سربنگ، موہ ممتا آپ چُکائیندا۔ تیری سہاؤنی سیج پلنگ، پلنگ رنگیِلا آپ وڈیائیندا۔ اُتے بہہ بہہ گائے چھند، چھند سُہاگی آپ سُنائیندا۔ وجائے سِتار بِن تندی تند، بوُڑی نال نہ کوئی رلائیندا۔ آپے تُٹی دیوے گنڈھ، اَگے اپنی گنڈھ پوائیندا۔ تیرا چُکے رنڈیپا رنڈ، ساچا سنگ اِک وکھائیندا۔ جوتی جوت سروُپ ہرِ، آپ اپنی کِرپا کر، تیرا کنکر آپ سُہائیندا۔ تیرا کنکر ویکھیا ٹھیِکر، ہرِ ٹھیِکر بھنّ وکھایا۔ تیرا وَیراگ اِک تیِبر، ترِسنا بُھکھ گوایا۔ تیرا جاگیا بیِر ببّر، تیرا نوِشتہ دئے وکھایا۔ گل لائے بھری چِکڑ، دُرمت مَیل دھوایا۔ جوتی جوت سروُپ ہرِ، آپ اپنی کِرپا کر، تیرا اندر آپ سُہایا۔ تیرے مندر اندر ہرِ بھگت، بھگوان آپ بہائیندا۔ لیکھا جانے تیرا جگت، جُگت جُگ اپنا کھیل کرائیندا۔ تیرا لہنا چُکائے اپنے وقت، ویلا اپنا آپ سُہائیندا۔ تیرے کھیڑے پائے برکت، نام وست اِک ورتائیندا۔ جوتی جوت سروُپ ہرِ، آپ اپنی کِرپا کر، ہرِجن تیرا میل مِلائیندا۔ تیرا میلا گُرسِکھ دھار، گُر گُر دئے وڈیائیا۔ تیرا میلا گُرمُکھ دربار، مُکھ مُکھ آپ صالاحیا۔ تیرا میلا سنت دیِدار، سنت ساجن لئے اُٹھائیا۔ میرا کھیل اگمّ اپار، جُگ جُگ ویس وٹائیا۔ ڈُبدے پاتھر دیواں تار، سِر اپنا ہتّھ ٹِکائیا۔ کلجُگ انتم آئی تیری وار، تیرا دُکھڑا دیاں گوائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں دیوے اِکو دان، نام نِدھانا جھولی پائیا۔

در گھر آئی اِکو منگن، بھگتن ناتا دے جُڑا۔ در درویش بنی ملنگن، بَیٹھی سیِس جھُکا۔ مِہربان مِہربان مِہربان ہرِ چاڑھ اِکو رنگن، میرا کالا مُکھ دھوا۔ تُوں آد جُگاد جُگ جُگ کوٹن کوٹ تریَلوکی ویکھے تریَلوکی نندن، لوک پرلوک چرناں ہیٹھ دبا۔ کراں نِمسکار دوئے جوڑ بندن، بندی خانہ دے تُڑا۔ جُگ چؤکڑی پائے پھندن، نہ سکے کوئی بچا۔ تُوں صاحِب ہارا ٹُٹّی گنڈھن، میرے اُپر دَیا کما۔ میَں نیترہیِن پِھراں اندھن، کر جوت نوُر رُشنا۔ میَں تیرے بھگتاں دی چرن دھوُڑ چُکی بن کے بھنگن، سیِس کھاری لواں اُٹھا۔ چارے کُنٹ

گاواں ایکا چھندن، سوہنگ ڈھولا دیاں سُنا۔ تُوں ویکھنہارا جیرج انڈن، اُتبُھج سیتج رہیا سما۔ تُوں جُگ جُگ پھڑیا چنڈ پرچنڈن، نام کھنڈا اِک چمکا۔ میَں سُہاگی ہونا رنڈن، میرا جگت رنڈیپا دے کٹا۔ میَں انتم آئی کنڈھن، تُوں کنڈھی پھیرا پا۔ میَں ویکھاں کھیل وِچ وربھنڈن، برہمنڈن تیری رضا۔ تیرے حُکمے اندر سوُرج چندن، منڈل منڈپ رہے ڈگمگا۔ جوتی جوت سروُپ ہرِ، آپ اپنی کِرپا کر، ایکا وست جھولی پا۔ ایکا وست دے انمول، تیرے اَگے منگ منگائیا۔ تیرے بھگتاں وساں کول، وِچھڑ کدے نہ جائیا۔ بن ڈوُمنی وجاواں ڈھول، تیرا ڈنکا ہتّھ اُٹھائیا۔ بن سوانی کُنڈا دیویں کھول، گھر گھر جوت جگائیا۔ تُوں صاحِب میرے اندر جانا مؤل، تیری رُتڑی موہے بھائیا۔ تیرے چرن کوَل میَں اپنی چھاتی اُتے رکھاں ہوئے نِمانی دھؤل، دھرنی اپنا سیِس جھُکائیا۔ تُوں اپنا پردہ دینا کھول، میرا گھُنگٹ دے اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے بھگتاں مِلاں چائیں چائنیا۔ تیرے بھگت مِلن دا چا، میَں نِت نِت اُڈیِک رکھائیا۔ چار جُگ گئے وِہا، چؤنکڑ چؤنکڑ پندھ مُکائیا۔ گُر اوتار پیِر دے دے گئے سالاح، مَینوُں اُنگلاں نال سمجھائیا۔ انتم آوے اِک خُدا، بے عیب روُپ وٹائیا۔ تَینوُں دیوے سچ پناہ، سِر اپنا ہتّھ رکھائیا۔ میرے بخشے سرب گُناہ، پتت پاپی پار کرائیا۔ تُوں چرنی ڈِگیں آ، ایکا مت جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن ہور نہ کوئی سہائیا۔ دسّیا ویلا آیا نیڑے، اپنا پندھ مُکا۔ میَں چھڈ کے آئی سارے جھیڑے، در تیرے ڈِگی آ۔ میَں وسدے چھّڈے کھیڑے، اِکو منگی چرن پناہ۔ تُوں بنّھے میرے بیڑے، میرے پِچھلے بخش گُناہ۔ مَینوُں سچ دسّ تیرے بھگت کیہڑے کیہڑے، میَں چرنی ڈِگاں جا۔ میرے کُھلے ہوئے ویہڑے، نؤ کھنڈ پرِتھمی وسیا تھاں۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے بھگتاں پکڑی بانہہ۔ پُرکھ ابناسی پیا ہسّ، اپنی خوشی منائیا۔ اُٹھ مارگ دیواں دسّ، ایکا وار سمجھائیا۔ پِچھے نِیوں نہ ویکھی جائی نسّ، اپنا پندھ مُکائیا۔ کنڈی بَیٹھا میرا گُرسِکھ رہیا وس، میرے وِچ دھیان لگائیا۔ تُوں جا کے چرنی ڈھٹّھ، منگ اِک سرنائیا۔ جے اوہ بہے دڑ وٹّ، چُپ چُپیِتا مُکھ بھوائیا۔ تُوں سِر چرناں اُتے سٹّ، نیتر نَیناں نیِر وہائیا۔ جوتی جوت سروُپ ہرِ، آپ اپنی کِرپا کر، ایکا راہ رہیا وکھائیا۔ ایکا راہ لَینا تکّ، ہرِ سچّا سچ جنائیندا۔ راہ وِچ نہ جانا تھک، ایکا منزل پوُر کرائیندا۔ اوتھے لیکھا حقّو حق، گھاٹا کوئے نظر نہ آئیندا۔ تُوں جانا ہو انجھک، در

آیاں نہ کوئے پرتائیندا۔ تُوں جا کے رگڑیں نکّ، ایکا گُن سمجھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنا کھیل آپ کرائیندا۔ کی کراں میَں کِدھرے جاواں، راہ کھہڑا نظر کوئے نہ آئیا۔ چاروں کُنٹ ویکھ وکھاواں، میرا نَین میرا سنگ نہ کوئے نِبھائیا۔ چاروں کُنٹ پیا رؤلا کاگاں کاواں، ہنس دھار نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا بھیوَ دینا دسّ، دینی سچ صلاحیا۔ آ دسّاں ساچا بھیت، ہرِ سجّن سچ سُنایا۔ بھگت گُرمُکھ اِکو ویکھ، ہرِ سَتگُر آپ بنایا۔ ساچے وسیا صاحِب دیس، سو دیس رہیا سمجھایا۔ جِتھے نہ کوئی مُلّا نہ کوئی شیخ، پنڈت پاندھا نہ کوئی پڑھایا۔ جوتی جوت سروُپ ہرِ، آپ اپنی کِرپا کر، اپنا کھیل رہیا سمجھایا۔ اُٹھ جاہ جانا بھجّ، ہرِ ساچا سچ جنائیندا۔ گُرمُکھ دوارے جانا سج، گھر ساچا اِک وکھائیندا۔ اوہ رکھے تیری لج، سِر تیرے ہتّھ ٹِکائیندا۔ پڑدہ دیوے مات کجّ، دوُجی وار نہ کوئے اُٹھائیندا۔ تُوں لاہُنی لوک لاج، ہرِ جوُ لجّیا وِچ کدے نہ آئیندا۔ جِس رچیا اپنا کاج، سو تیرا کاج پوُر کرائیندا۔ جوتی جوت سروُپ ہرِ، آپ اپنی کِرپا کر، ایکا دسےّ ساچا راہ، نِرگُن شبدی بن ملاح، اپنا بیڑا آپ وکھائیندا۔ ساچا بیڑا ہرِ کرتار، بھگتن ہتّھ وڈیائیا۔ جاہ ویکھ پہلی وار، سَتگُر پوُرا رہیا سمجھائیا۔ سیوا کرن آیا نِرنکار، نِرگُن اپنا ویس وٹائیا۔ سنت سُہیلے رہیا چاڑھ، پھڑ پھڑ باہوں اُپر بہائیا۔ تُوں بھی بِھکھیا منگ جا دوار، ویلا گیا ہتّھ نہ آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں درشن دیوے آن، درسی درس آپ کرائیا۔

۱۷ ماگھ ۲۰۱۸ بِکرمی سرداری جموُں

شاہ پاتشاہ تیری اُڈیِک، بن نِمانی مات رکھائیا۔ میرے نال جو پِچھے گئی بیِت، کی کُجھ دسّاں دیاں دُہائیا۔ جِدھر ویکھاں نظر آؤن شریِک، دُکھ درد نہ کوئے ونڈائیا۔ میری چھاتی اُتے گُر اوتاراں ماری لیک، پیِر پَیغمبر گئے حد بنائیا۔ جِؤں بھاوے تِؤں تُوں کریں ٹھیِک، تیرے حُکمے سرب لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیری ونڈ موہے نہ بھائیا۔ تیری ونڈ اڈّو اڈّ، ورن برن گوت بنائیا۔ پیِر پَیغمبراں بھنےّ میرے ہڈّ، اپنا بل وکھائیا۔ اڈّو اڈّ نِشانہ گڈّ، اپنا راہ گئے چلائیا۔ میَں جانا تُوں وسّیں پار حد، تیرا

کنارہ نظر کِسے نہ آئیا۔ اپنی وڈیائی پِچھے گئے چھڈ، اَگے سنگ نہ کوئے لےَ جائیا۔ جِدھر ویکھا ڈوُنگھی کھّڈ، سچ محل نہ کوئے سُہائیا۔ بِن بھگتاں تیری بنے نہ کوئی جدّ، لکھّ چؤراسی رہی کُرلائیا۔ جُگ چؤکڑی میَں ویکھے نٹھ نٹھ، بن پاندھی پندھ مُکائیا۔ گُر اوتار پیِر پَیغمبر کوٹن کوٹ تیری سرنائی گئے ڈھٹّھ، تیرا اَنت کوئے نہ پائیا۔ اِکو کہہ گئے وسیں گھٹ گھٹ، آد اَنت نہ کوئے سمجھائیا۔ دیِن مذہب شرع شریِعت پا پا وٹّ، اپنے بنّے گئے بنائیا۔ کوئی کہے براہمن کھتری شوُدر وَیش کوئی کہے جٹّ، کوئی نیِچو نیِچ سدوائیا۔ کوئی کہے میَں کھولے چؤداں ہٹّ، کوئی کہے تریَلوکی میری شاہیِا۔ کوئی کہے پُرکھ سمرتھ، کوئی فتح ڈنکا رہیا وجائیا۔ سب تیرا گاؤندے گئے جس، دِوس رَین دھیان لگائیا۔ میری چھاتی گئے وڈّھ، اُتے شرع چُھری چلائیا۔ میرے بُڈھے ہوئے ہڈّ، اَنت بل نظر کوئے نہ آئیا۔ میَں تیرے حُکم اندر گئی بجھّ، سب دے چرناں ہیٹھاں بَیٹھی آسن لائیا۔ جوتی جوت سروُپ ہرِ، آپ اپنی کِرپا کر، ایکا دینا سچّا ور، دھرنی دھرت دھوَل رہی کُرلائیا۔ جُگ چؤکڑی چُکیا بھار، ساچی سیو کمائیا۔ انتم کلجُگ گئی ہار، میرا بل نہ سنگ نِبھائیا۔ پربھ تیرے اَگے اِک پُکار، میَں اِکو آس تکائیا۔ میرا پِچھلا دُکھ نِوار، بن دردی درد ونڈائیا۔ ورن برن کر خوار، ذات پات رہن نہ پائیا۔ مانَس دے اِک ادھار، منُکھ ایکا گُن سمجھائیا۔ تیری کِرپا اندر وسے سرب سنسار، تیری مِہر نال ایکا رنگ رنگائیا۔ جوتی جوت سروُپ ہرِ، آپ اپنی کِرپا کر، میری پوُری آس کرائیا۔ میری آسا پوُری دینی کر، میرے صاحِب سچّے سُلطانا۔ جُگ چؤکڑی لنگھائے ڈر ڈر، تیرا سُنیا دُھر فرمانا۔ گُر اوتار اپنی گودی دھر دھر، کھلائے وِچ جہاناں۔ انتم سارے گئے چھڈ چھڈ، توڑ نِبھیا نہ کوئے جوانا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہربان سِری بھگوانا۔ مِہربان ہو دَیال، اپنی دَیا کمائیا۔ تیری لگّی نِبھے نال، ایکا گھر وکھائیا۔ جُگ جُگ بھگت بھگوَنت بن دلال، لوک مات پھیرا پائیا۔ تُوں جا کے گُرمُکھاں اَگے کر سوال، دوئے جوڑ سیِس جھُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سمجھائیا۔ ساچا لیکھا لِکھ لِکھ لیکھ، ہرِ لِکھنہار سمجھائیا۔ بھگت دوارا اِکو ٹیک، ملِے مات سرنائیا۔ پُرکھ ابناسی اپنا کھولیا بھیت، بھیوَ آپ چُکائیا۔ سدا سُہیلا کرے ہیت، کلجُگ انتم ویس وٹائیا۔ رُت بسنتی اِکو چیت، پتّ ڈالی آپ مہکائیا۔ جوتی جوت سروُپ ہرِ، آپ اپنی کِرپا کر، ساچا راہ اِک سمجھائیا۔ گُرمُکھ ساچا سچ محلہ، ہرِ سجّن آپ وسائیندا۔ ڈیرہ رکھے پار جلا تھلا،

جل تھل راہ وِچ نہ کوئے اٹکائیندا۔ اوتھے ملِے اِک اِکلّا، ایکنکار پھیرا پائیندا۔ جوتی دھار شبدی رلا، نِرگُن نِرگُن ویکھ وکھائیندا۔ اَگے جا کے ڈاہویں پلّا، ایکا گُن سمجھائیندا۔ جن بھگتاں پِچھے تیرا کر جائے بھلا، تیرا دُکھ گوائیندا۔ جُگ چؤکڑی میٹے سلّا، سلّ دوُجا نہ کوئے جنائیندا۔ لیکھا چُکے رانی االلہ، محمد ونڈ نہ کوئے ونڈائیندا۔ کھتری براہمن شوُدر وَیش نہ ہوئے جھلّا، ذات پات نہ کوئے رکھائیندا۔ پُرکھ ابناسی اپنے ہتّھ پھڑ کے آیا بھلّا، چاروں کُنٹ پھیرا پائیندا۔ جُگ جُگ جو کردا رہیا ول چھلا، انتم اپنا پڑدہ لاہِندا۔ جوتی جوت سروُپ ہرِ، آپ اپنی کِرپا کر، وسنہارا ساچے گھر، گُرمُکھ دوارا اِک سمجھائیندا۔ گُرمُکھ در سچ منارا، سوبھاوَنت آپ سُہائیا۔ نِرمل نوُر جوت اُجیارا، محل اٹل کرے رُشنائیا۔ شبد ناد دُھن جَیکارا، سوہنگ ڈھولا گائیا۔ پڑدہ اوہلا وِچ سنسارا، بھیوَ کوئے نہ پائیا۔ کرے کھیل اگمّ اپارا، انبھوَ اپنی دھار چلائیا۔ دو جہاناں ہو اُجیارا، ایکا ڈنک سُنائیا۔ ساچے سنتاں دے سہارا، اِکو اوٹ رکھائیا۔ نیتر لوچن نَین درس دیِدارا، جوتی جوت سروُپ ہرِ، آپ اپنی کِرپا کر، گُرمُکھ ساچے آپ صالاحیا۔ گُرمُکھ وسے ساچے دھام، دھام اولّڑا آپ بنائیندا۔ جِتھے وسے ایکو رام، دوُجا نظر کوئے نہ آئیندا۔ جِتھے ہسّے اِکو شام، ایکا خوشی منائیندا۔ جِتھے دیوے اِک پَیغام، پیِر پَیغمبر آپ سمجھائیندا۔ جِتھے جپائے ستنام، نام سَت آپ ہو آئیندا۔ سو صاحِب سِری بھگوان، آپ اپنا کھیل کرائیندا۔ کلجُگ انتم گُرمُکھاں مِلیا آن، بھگت بھگتی ویکھ وکھائیندا۔ جوتی جاتا دو جہان، کُلیّ ککھّاں اندر ڈگمگائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن ساچے آپ پرگٹائیندا۔ دھرنی کہے میرے بھگوان، تیرے ہتّھ میری وڈیائیا۔ تیرا بھگت میرا نِشان، لوک مات اِک رکھائیا۔ سچّا دینا جھولی دان، بن نِمانی منگ منگائیا۔ کلجُگ ناتا تُٹے وِچ جہان، جوُٹھ جھوُٹھ دے کھپائیا۔ اَگے گُرمُکھ سجّن ملِے سُجان، چتُر تیری سرنائیا۔ میَں ویکھاں درشن در در آن، گھر گھر پھیرا پائیا۔ جوتی جوت سروُپ ہرِ، آپ اپنی کِرپا کر، سچّا دینا اِکو ور، تیرے بھگت منگ منگائیا۔ تیرا بھگت میرا پیار، میری ٹُٹّی گنڈھ وکھائیندا۔ تُوں کِرپا کر آپ کرتار، دیونہار سد اکھوائیندا۔ میرا دُکھڑا جائے جُگ چار، اگلا سُکھ اِک سُہائیندا۔ میَں تیریاں بھگتاں کراں درس دیِدار، نیتر اپنا نال مِلائیندا۔ جوتی جوت سروُپ ہرِ، آپ اپنی کِرپا کر، ایکا دینا سچّا ور، تیرا

بھگت میرا گھر سُہائیندا۔ مہاراج شیر سِنگھ وِشنوُں بھگوان، آد جُگاد تیرا کھیل مہان، تیری اِچھیا ساچی بِھچھیا وست دو جہان تُوں ہی ورتائیندا۔

بھگتاں سنگ ہرِ سنجوگ، دُھر سنجوگی میل مِلائیندا۔ بھگتاں کٹے ہؤمے روگ، ممتا موہ مِٹائیندا۔ بھگتاں دیوے ساچا جوگ، سوہنگ ہنسا مانک موتی چوگ چُگائیندا۔ بھگتاں کڈھے جھوُٹھا کھوٹ، جوُٹھ جھوُٹھ رہن نہ پائیندا۔ بھگتن دیوے بھنڈار اتوٹ، بھنڈار ہرِ جوُ اِکو وار ورتائیندا۔ بھگتاں ناتا توڑے ورن گوت، ذات پات نہ کوئے رکھائیندا۔ بھگتاں جگائے نِرمل جوت، اندھ اندھیر گوائیندا۔ جوتی جوت سروُپ ہرِ، آپ اپنی کِرپا کر، اپنے بھگتاں آپ مِلائیندا۔ بھگتن اندر ہرِ کا واس، ہر گھٹ واسی آپ رکھائیا۔ بھگتن اندر کھیل تماش، گوپی کاہن ناچ نچائیا۔ بھگتن اندر پُرکھ ابناس، نِرگُن بَیٹھا ڈیرہ لائیا۔ بھگتن اندر بھگتی سواس، سواس سواس اپنا رنگ چڑھائیا۔ بھگتن اندر ہو ہو داس، بن داسی سیو کمائیا۔ جن بھگتاں کرے بند خلاص، ایکا اپنا بندن پائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، جن بھگتاں سدا سنگ سہائیا۔

ہے پربھوُ میرے سمرتھ، تُوں وڈّا وڈ وڈیائیا۔ میَں سُنیا تیرا جس، دو جہان وجّی ودھائیا۔ تُوں بھگتاں مِلیں ہسّ ہسّ، گھر گھر وِچ خوشی منائیا۔ تُوں پندھ مُکایا نسّ نسّ، لوآں پُریاں پار کرائیا۔ تُوں پریم پیار اندر گیا پھس، اپنا بندھن نہ کوئے جنائیا۔ جوتی جوت سروُپ ہرِ، آپ اپنی کِرپا کر، تُدھ بِن اوَر نہ کوئے سکھائیا۔ ہے پربھوُ میرے ٹھاکر، دیِن دَیال رگھُناتھا۔ تُوں گہر گمبھیِر ڈوُنگھا ساگر، بےاَنت بےاَنت بےاَنت تیری گاتھا۔ در آیاں تُوں دیویں آدر، دیِنن سہائی تریَلوکی ناتھا۔ تُوں صاحِب سُلطان وڈّ بہادر، وِشن برہما شِو گُر پیِر اوتار تیرا داسی داسا۔ تُوں آد جُگاد سچّا سؤداگر، چرن کوَل دیوے سچ بھرواسا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میری پوُری کرنی آسا، مہاراج شیر سِنگھ وِشنوُں بھگوان، میَں کلجُگ انتم تیریاں گُرسِکھاں نال ویکھاں تیرا تماشا۔

ہرِ تماشا جِس ویکھنا جگ، دھرنی ہرِ سمجھائیندا۔ بھگت پیار اندر جائے بجھ، پریِتی پریِت اِک سمجھائیندا۔ پریم اگن وِچ جائے دجھ، اگنی تت نہ کوئے وکھائیندا۔ جگت شرع پار کرے حد، ایکا گھر وکھائیندا۔ ہرِ سنگت وِچ بہے سج، سو جن ہرِ کا درشن پائیندا۔ جوتی جوت سروُپ ہرِ، آپ اپنی کِرپا کر، انتم پڑدہ لئے کج، سِر اپنا ہتّھ ٹِکائیندا۔ ہرِ تماشا ساچی راس، ہرِ سچّا سچ جنائیندا۔ شنکر ویکھے اُتے کَیلاش، بھیوَ ابھیوَ چُکائیندا۔ برہما ویکھے برہم پرکاس، پاربرہم پرگٹائیندا۔ وِشنوُں ویکھ کہے شاباش، تیرا بھیوَ کوئے نہ پائیندا۔ پُرکھ ابناسی کہے آد جُگاد میَں بھگتاں ساتھ، سگلا سنگ نِبھائیندا۔ ایتھے اوتھے دو جہاناں ہوواں داس، بن سیوک سیو کمائیندا۔ کلجُگ انتم وساں پاس، وِچھڑ کدے نہ جائیندا۔ جن بھگتاں پِچھے لوک مات کٹّاں آپ بنواس، بِن جنگل جوُہ پھیرا پائیندا۔ میرا بھگت نہ ہوئے اُداس، بِن بھگتی دَیا کمائیندا۔ جنم جنم دی پوُری کرے آس، جُگ چؤکڑی پندھ مُکائیندا۔ کرے کھیل پُرکھ ابناس، جوتی جوت سروُپ ہرِ، آپ اپنی کِرپا کر، ہرِجن ساچے لئے پھڑ، انڈِٹھڑی ڈور اِک رکھائیندا۔ دھرنی کہے تیرا عجب تماشا، میَں ویکھ ہوئی حَیران۔ گھٹ گھٹ اندر تیرا واسا، میرے صاحِب سچ سُلطان۔ خالی دِسے نہ کوئی پاسا، میرے بھگت وچھل بھگوان۔ تُوں گُرمُکھاں کریں پوُری آسا، دیویں درس دان۔ میَں منگاں چرن بھرواسا، بخشش کریں مِہربان۔ تیرے در نہ جائے کوئی نِراسا، جو چرنی ڈِگے آن۔ جوتی جوت سروُپ ہرِ، آپ اپنی کِرپا کر، تُوں ہونا آپ مِہربان۔ مِہربان میرے دیِن دَیال، میَں تیری اوٹ تکائیا۔ خوش ہوئی ویکھ تیرے گُرمُکھ لال، گھر گھر وجےّ ودھائیا۔ بِن ویکھیوں ہوئیوں دلال، انڈِٹھڑا روُپ دھرائیا۔ تیری اولّڑی ویکھی چال، تیری سار کوئے نہ آئیا۔ تُوں آپے پُچھیا حال، اپنا پھیرا پائیا۔ میری بیننتی تیرے اَگے سوال، جوتی جوت سروُپ ہرِ، آپ اپنی کِرپا کر، ایکا دینا ساچا ور، اپنے گُرمُکھاں نال مِلائیا۔ ہرِ جوُ میَں پِھرکے آئی سب، نؤ کھنڈ پرِتھمی پھیرا پایا۔ تَینوُں کوئی نہ سکے لبھ، کیوں بَیٹھا مُکھ چُھپایا۔ سادھ سنت کلجُگ سُٹے ڈوُنگھی کھڈّ، باہر سکے نہ کوئے کڈھایا۔ اِک دوُجے دیاں کنڈاں رہے وڈّھ، چُھری ہنکار ہتّھ اُٹھایا۔ دیِن مذہب پا پا ونڈ، تیرا ناؤں رہے صالاحیِا۔ بِن تیرے نامے ہوئے رنڈ، خالی بُت رہے کُرلایا۔ چار ورن ویکھیا بھیکھ پاکھنڈ، پیکھی جگت نظری آیا۔ کوئی نہ گاوے تیرا اِکو چھند، جِس گایاں دُکھ رہے ن رایا۔ میَں تیریاں بھگتاں دوارے ویکھیا ایکا انند، انند انند وِچ سمایا۔ میرا خوشی ہویا بند بند، میَں پِچھلا دُکھ بُھلایا۔

میرے نیتر کالجے پائی ٹھنڈ، میرا آتم سانت کرایا۔ دھنّ بھاگ تُوں گُرمُکھ چاڑھے چند، کلجُگ اندھیرا اَنت گوایا۔ میری اِکو اِک منگ، تُوں بخشیں سچ سرنایا۔ جوتی جوت سروُپ ہرِ، آپ اپنی کِرپا کر، ایکا دینا اپنا ور، دوُجی وست نہ کوئے منگائیا۔ ہرِ جوُ تیری اچرج ریِت، اسچرج تیری وڈیائیا۔ کِدھرے مندر کِدھر مسیِت، کِدھرے گُروُدوار سُہائیا۔ کِدھرے جانیں جنائیں ساچے گیِت، کِدھرے گُر گُر کریں پڑھائیا۔ کِدھرے وسیں دھام انڈیِٹھ، اپنا بھیوَ نہ کِسے جنائیا۔ باہروں تیری کردے ویکھے پریِت، کلجُگ جیِو رسنا جِہوا ڈھولا گائیا۔ اندروں آتم کِسے نہ ویکھیں ٹھنڈی سیِت، ترےَگُن اگنی رہی جلائیا۔ میَں نیتر کھول ویکھیا تیری نظری آئی چھوٹی جھیِت، دوُسر راہ نہ کوئے رکھائیا۔ تیری دھارا ویکھی باریِک، روُپ رنگ نہ کوئے وڈیائیا۔ میَں چل کے آئی نزدیِک، اپنا پندھ مُکائیا۔ اَگے تیرا بھگت ویکھیا جِس دا دِسے نہ کوئے شریِک، ایکا رنگ رہیا سمائیا۔ سدا تیرے مِلن دی رکھے اُڈیِک، آتم سیجا اِک وِچھائیا۔ جوتی جوت سروُپ ہرِ، آپ اپنی کِرپا کر، اِک وِکھاؤنا ساچا گھر، جِس گھر ہرِجن لئے مِلائیا۔ آ ویکھ مِلیا میلا، سو پُرکھ نِرنجن آپ مِلایا۔ پہلوں ویکھیا اِکو گُرسِکھ سِنگھ چیلا، سِنگھ روُپ وٹایا۔ پاربرہم پربھ سجّن سُہیلا، دیِنن اپنی دَیا کمایا۔ جوتی جوت سروُپ ہرِ، آپ اپنی کِرپا کر، ہرِجن ایکا گھر بہایا۔ ہرِجن ویکھ اِکو گھر، گھر باری آپ وکھائیندا۔ اِک دوُجے دا پلّوُ پھڑ، بندھن بندھ رکھائیندا۔ جوتی جوت سروُپ ہرِ، آپ اپنی کِرپا کر، ساچا گھر آپ سمجھائیندا۔ ساچا گھر سچ مکان، ہرِ ساچا سچ جنائیا۔ جِس گرِہ وسے سِری بھگوان، سو مندر سوبھا پائیا۔ جِس مندر ملِے دُھر فرمان، تِس ملِے مان وڈیائیا۔ جوتی جوت سروُپ ہرِ، آپ اپنی کِرپا کر، ایکا گرِہ ایکا مندر، کھیلے کھیل اندرے اندر، آتم پرماتم اپنا رنگ وکھائیا۔

۱۷ ماگھ ۲۰۱۸ بِکرمی شیخ سر جموُں

بیت رہیا ہرِ جُگ چؤتھا، چار کُنٹ دُہائیا۔ جیِو جنت ہویا تھوتھا، تھِر نظر کوئے نہ آئیا۔ پڑھ پڑھ تھکی رسنا پوُتھا، بودھ گیان نہ کوئے جنائیا۔ مُلّا پنڈت گرنتھی دین دھوکھا، ہِردے رام نہ کوئے وسائیا۔ باہروں سُناؤندے کوُک لوکاں، اوُچی ناد وجائیا۔ اندروں چُکی نہ

کِسے چوُکا، چُک پڑدہ درس کوئے نہ پائیا۔ پاربرہم بےاَنت سوامی اَگے دسّنا راہ شؤکھا، ساچا مارگ اِک سمجھائیا۔ تیری سرن رہے اوٹا، دوُجی اوَر نہ کوئے سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ساڈی اِچھیا پوُر کرائیا۔ ساچا مارگ وِچ سنسار، ہرِ ساچا سچ جنائیا۔ سوہنگ شبد سَت جَیکار، چار ورن پڑھائیا۔ جنم مرن دُکھ دئے نِوار، دُکھ سُکھ وِچ بدلائیا۔ جوتی جوت سروُپ ہرِ، آپ اپنی کِرپا کر، ساچا راہ اِک چلائیا۔ ساچا راہ ساچی دھارا، سو پُرکھ نِرنجن آپ چلائیندا۔ نام سَت برہم مت اِک جَیکارا، سوہنگ رسنا جِہو سُنائیندا۔ ایتھے اوتھے دئے سہارا، آتم پرماتم اپنا بندھن پائیندا۔ لیکھا جانے ہرِ نِرنکارا، لیکھا لیکھے وِچ رکھائیندا۔ جوتی جوت سروُپ ہرِ، آپ اپنی کِرپا کر، ساچا مارگ سچّا راہ، سوہنگ شبد جگت ملاح، آتم پرماتم بیڑا آپ چلائیندا۔ مہاراج شیر سِنگھ وِشنوُں بھگوان، ایکا دیوے سچ صلاح، گُر شبدی ملِے اِک ملاح، پنج تت کایا نہ کوئے وڈیائیندا۔