کتب خانہGranth 11 (Shahmukhi)

۲۰ پھگّن ۲۰۱۸ بِکرمی تاروُ سِنگھ دے گرِہ کورا پُر فارم

آد اَنت اِک اوتارا، آد پُرکھ بےپرواہیِا۔ آد اَنت اِک گھر بارا، سچکھنڈ دوارا سوبھا پائیا۔ آد اَنت اِک نگارہ، نِرگُن اپنا شبد سُنائیا۔ آد اَنت اِک سِکدارا، شاہ پاتشاہ ہرِ رگھُرائیا۔ آد اَنت اِک ورتارا، جوتی جوت سروُپ ہرِ، آپ اپنی کِرپا کر، اپنا کھیل آپ کرائیا۔ آد اَنت ایکا ایک، اِک اِکلّا کھیل کرائیندا۔ آد اَنت ویس انیک، روُپ انوُپ آپ دھرائیندا۔ آد اَنت لِکھے لیکھ، لِکھ لِکھ لیکھ آپ سمجھائیندا۔ آد اَنت وسے ساچے دیس، دیس دسنتر سوبھا پائیندا۔ جوتی جوت سروُپ ہرِ، آپ اپنی جوت دھر، آد اَنت اپنا رنگ رنگائیندا۔ آد اَنت ایکا رنگ، رنگ رنگیِلا اِک اُپائیا۔ آد اَنت اِک پلنگ، تھِر گھر ساچے سیج سُہائیا۔ آد اَنت اِک مردنگ، بن مرد مردانہ آپ وجائیا۔ آد اَنت ایکا سوُرا سربنگ، سوُربیِر آپ اکھوائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ چُھپائیا۔ آد اَنت ایکا راہ، سو پُرکھ نِرنجن آپ لگائیندا۔ آد اَنت اِک ملاح، ہرِ پُرکھ نِرنجن بیڑا آپ چلائیندا۔ آد اَنت اِک صلاح، ایکنکارا آپ جنائیندا۔ آد اَنت اِک رُشنا، آد نِرنجن نوُر دھرائیندا۔ آد اَنت ایکا تھاں، ابناسی کرتا ساچے دھام سوبھا پائیندا۔ آد اَنت اِک نِشان، سِری بھگوان آپ جھُلائیندا۔ آد اَنت اِک مکان، پاربرہم پربھ اپنا آسن لائیندا۔ آد اَنت اِک راجان، شاہ پاتشاہ اپنا ناؤں رکھائیندا۔ آد اَنت اِک حُکمران، حُکمی حُکم آپ

چلائیندا۔ آد اَنت اِک مِہربان، محبان بیِدو اپنا کھیل کرائیندا۔ جوتی جوت سروُپ ہرِ، آپ اپنی کِرپا کر، اپنا پڑدہ آپ چُھپائیندا۔ آد اَنت ایکا آسن، سو پُرکھ نِرنجن آپ لگائیا۔ آد اَنت کھیل تماشن، ہرِ خالق ویکھ وکھائیا۔ آد اَنت پاوے راسن، ساچے منڈل دئے وڈیائیا۔ آد اَنت اپنا ناؤں رکھ پُرکھ ابناسن، ابناسی کرتا روُپ انوُپ وٹائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیا۔ آد اَنت ہرِ بھیوَ نیارا، انبھوَ اپنی کھیل کرائیندا۔ سچکھنڈ نِواسی سچکھنڈ دوارے ہو اُجیارا، در گھر ساچا آپ سُہائیندا۔ نِرگُن جوت کر اُجیارا، دِیا باتی اِک ٹِکائیندا۔ محل اٹل اچل منارا، تھِر گھر واسی آپ سُہائیندا۔ ساچا تخت کر تیارا، پاوا چوُل نہ کوئے بنائیندا۔ نِرگُن روُپ انوُپ کرے کھیل اپر اپارا، شاہو بھوُپ ویس وٹائیندا۔ جوتی جوت سروُپ ہرِ، آپ اپنی کِرپا کر، آد اپنا رنگ رنگائیندا۔ آد رنگ پُرکھ اکال، اپنا آپ رنگائیا۔ اپنی کھیل کرے اپنے دھرمسال، دُھر دربارے دئے وڈیائیا۔ اپنا دیِپک آپے بال، جوتی جوت ڈگمگائیا۔ آپے وسے اپنے نال، سگلا سنگ آپ ہو جائیا۔ آپے مارگ دسےّ سکھال، ساچا مارگ آپ لگائیا۔ جوتی جوت سروُپ ہرِ، آپ اپنی کِرپا کر، آد اپنی بنت آپ بنائیا۔ آد بنائے اپنی بنت، نِرگُن نِرگُن دِیا کمائیندا۔ آپے نار آپے کنت، ساچی سیج آپ ہنڈھائیندا۔ آپے ویکھے اپنا رنگ بسنت، روُپ رنگ ریکھ نہ کوئے جنائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوار آپے سوبھا پائیندا۔ اپنا گھاڑن آپے گھڑ، ہرِ آپے ویکھ وکھائیا۔ اپنی سیجا آپے چڑھ، اپنا آسن لائیا۔ اپنے اندر آپے وڑ وڑ، اپنا بندھن پائیا۔ اپنے گھر آپے ویکھے کھڑ کھڑ، دِس کِسے نہ آئیا۔ جوتی جوت سروُپ ہرِ، آپ اپنی کِرپا کر، آد اپنا بھیوَ چُکائیا۔ اپنے اَنتر ہو تیار، اپنا بھیوَ چُکائیندا۔ آپے ناری کنت بھتار، ساچی سیجا آپ ہنڈھائیندا۔ آپے ویکھے وِگسے پاوے سار، ویکھنہارا آپ ہو جائیندا۔ کھیلے کھیل اگمّ اپار، آپ اپنا کھیل کرائیندا۔ الکھ اگوچر بے عیب پروردِگار، نوُر نوُرانہ ڈگمگائیندا۔ مقامے حق ہو اُجیار، جوتی جوت سروُپ ہرِ، آپ اپنی کِرپا کر، آد اپنا بھیوَ جنائیندا۔ آد اپنی رچنا رچ، سچکھنڈ ساچے سوبھا پائیا۔ نِرگُن اندر وڑیا سچ، سچ رکھے اپنی وڈیائیا۔ آپے جانے کھیل تماش، دوُسر سنگ نہ کوئے رکھائیا۔ آپے کرے اپنی پوُری آس، آسا آسا وِچ سمائیا۔ آپے وسے سدا پاس، وِچھڑ کدے نہ جائیا۔ جوتی جوت سروُپ ہرِ، آپ اپنی کِرپا کر، گھر ساچے سوبھا پائیا۔ گھر ساچا سوبھاوَنت، سچکھنڈ کھنڈ وڈیایا۔ کرے کھیل سِری بھگوَنت، انبھوَ اپنا روُپ رکھایا۔ آپ بنائے

اپنی بنت، آپ اپنا ویس کرایا۔ جوتی جوت سروُپ ہرِ، آپ اپنی کِرپا کر، اپنی کھیل آپ رچایا۔ ساچا کھیل پُرکھ کرتار، سو پُرکھ نِرنجن آپ کرائیا۔ ساچے تخت بَیٹھ سچّی سرکار، سچکھنڈ ساچے سوبھا پائیا۔ حُکمی حُکم حُکم ورتار، اپنا حُکم آپ جنائیا۔ آپے در درویش بنے بِھکھار، در اپنی الکھ جگائیا۔ آپے داتا دیونہار، وڈ بھنڈاری بھیوَ چُکائیا۔ جوتی جوت سروُپ ہرِ، آپ اپنی کِرپا کر، نِرگُن اَگے نِرگُن منگ منگائیا۔ نِرگُن منگے اپنا دان، نِرگُن جھولی پائیندا۔ نِرگُن بنے راج راجان، نِرگُن نِرگُن سیِس جھُکائیندا۔ نِرگُن شاہو بھوُپ سُلطان، نِرگُن انک روُپ وٹائیندا۔ نِرگُن تخت نِواسی راج راجان، نِرگُن سیوک بن بن سیو کمائیندا۔ سچکھنڈ کھیل کرے سِری بھگوان، بھیوَ کوئے نہ پائیندا۔ آپے دیوے اپنا دُھر فرمان، اپنے وِچوں آپ پرگٹائیندا۔ جوتی جوت سروُپ ہرِ، آپ اپنی کِرپا کر، اپنا مارگ آپ جنائیندا۔ نِرگُن نِرگُن دسےّ راہ، نِرگُن صِفت صالاحیِا۔ نِرگُن داتا بےپرواہ، بے عیب وڈی وڈیائیا۔ نِرگُن ویکھے اپنا تھاں، نِرگُن خوشی منائیا۔ جوتی جوت سروُپ ہرِ، آپ اپنی کِرپا کر، اپنا پڑدہ آپ چُکائیا۔ نِرگُن اپنا پڑدہ چُک، اپنی دَیا کمائیندا۔ آپے جانے اپنا مُکھ، روُپ رنگ ریکھ نہ کوئے بنائیندا۔ آپے سُن آپے چُپ، آپے جےَ جَیکار کرائیندا۔ آپے پرکاش آپے اندھیرا گھُپ، اپنی لُکویں کھیل کرائیندا۔ اپنے اَنتر آپے پئے اُٹھ، آپ اپنا بل ودھائیندا۔ اپنا ناؤں رکھ ابناسی اچُت، جوتی جوت سروُپ ہرِ، آپ اپنی کِرپا کر، سچکھنڈ اپنا متا پکائیندا۔ سچکھنڈ دوارے ہو اُجیار، ہرِ اپنی دَیا کمائیا۔ نِرگُن روُپ اپر اپار، نِرنکار وڈی وڈیائیا۔ اِک اِکلّا کر پسار، آپے ویکھے چائیں چائنیا۔ نہ کوئی دوُسر میِت مُرار، سگلا سنگ نہ کوئے رکھائیا۔ نہ کوئی مندر چار دیوار، چھپر چھنّ نہ کوئے وڈیائیا۔ سوُرج چنّ نہ کوئے پسار، منڈل منڈپ نہ کوئے اُپائیا۔ لوآں پُریاں نہ کوئے پسار، برہمنڈ کھنڈ ونڈ نہ کوئے ونڈائیا۔ نہ زِمیں نہ کوئے اسمان، دھرت دھوَل نہ کوئے جنائیا۔ جنگل جوُہ نہ اُجاڑ پہاڑ، سمُند ساگر نہ کوئے وکھائیا۔ وِشن برہما شِو نہ کوئے آکار، ترےَگُن بندھن نہ کوئے رکھائیا۔ پنج تت نہ کوئے اکھاڑ، لکھّ چؤراسی ناچ نہ کوئے نچائیا۔ نہ کوئی گُروُ نہ اوتار، پیِر پَیغمبر نہ کوئے بنائیا۔ نہ کوئی بھگت کرے وِچار، سنت دھیان نہ کوئے لگائیا۔ نہ کوئی شاستر سِمرت وید پُران، اِنجیِل قُرآن نہ کوئے پڑھائیا۔ نہ کوئی رسنا جِہوا دسےّ زبان، بتّی دند نہ کوئے صالاحیِا۔ سچکھنڈ بَیٹھ سِری بھگوان، اِک اِکلّا اپنا بھیوَ آپ جنائیا۔ جوتی جوت سروُپ ہرِ، آپ اپنی کِرپا کر، ساچی دھارا اپنے ہتّھ رکھائیا۔ ساچی دھار پُرکھ سمرتھ، نر ہرِ اپنے ہتّھ رکھائیندا۔ نِرگُن

دیوے نِرگُن وتھ، نِرگُن جھولی آپ بھرائیندا۔ نِرگُن مارگ آپے دسّ، نِرگُن راہ آپ وکھائیندا۔ نِرگُن اَنتر آپے وس، نِرگُن اپنا بھیوَ جنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا بندھن آپے پائیندا۔ ساچا بندھن ہرِ ہرِ پا، اپنا کھیل کرائیا۔ نِرگُن نِرگُن لئے پرنا، ناری کنت روُپ دھرائیا۔ نِرگُن میلا سہج سُبھا، نِرگن ویکھے چائیں چائنیا۔ نِرگُن سیوا لئے کما، دائی دایا روُپ وٹائیا۔ نِرگُن جننی جن بنے آپ بےپرواہ، دھنّ جنیندی مائی اپنا ناؤں رکھائیا۔ سُت دُلارا لئے جا، شبدی شبد پرگٹائیا۔ اپنی گودی آپ اُٹھا، آپے خوشی منائیا۔ سچکھنڈ نِواسی سچکھنڈ دوارے چڑھیا جا، اپنا بنس آپ بنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا اپنے ہتّھ رکھائیا۔ سُت دُلارا لیا جم، جن جننی ہرِ اکھوائیندا۔ نِرگُن نِرنکار جانے اپنا کمّ، دوُجی کِرت نہ کوئے رکھائیندا۔ پوَن سواس نہ کوئے دم، تتَو تت نہ کوئے بنائیندا۔ اپنا کھیل کر بھگوَن، روُپ انوُپ آپ وٹائیندا۔ جوتی جوت سروُپ ہرِ، آپ اپنی کِرپا کر، سُت دُلارا آپ اُٹھائیندا۔ سُت دُلارا چھوٹا بالا، شبدی شبد آپ اُٹھایا۔ کرے کھیل ہرِ گوپالا، دیِنن اپنی دَیا کمایا۔ آد جُگاد ہوئے رکھوالا، سِر اپنا ہتّھ ٹِکایا۔ اِک وکھائے سچّی دھرمسالہ، چرن کوَل دھیان جنایا۔ جوتی جوت سروُپ ہرِ، آپ اپنی کِرپا کر، اپنا کھیل آپ رچایا۔ سُت دُلارے کر دھیان، ہرِ جوُ ہرِ ہرِ آپ جنائیندا۔ تھِر گھر تیرا اِک مکان، تھِر گھر واسی ونڈ ونڈائیندا۔ آد اَنت اِک نِشان، سَت سَتوادی تیرے ہتّھ پھڑائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ سمجھائیندا۔ ساچا کھیل سِری بھگوان، شبدی شبد شبد جنائیا۔ تیرا روُپ روُپ مہان، انوُپ تیری وڈیائیا۔ تیرا لیکھا اپنے ہتّھ رکھے بھگوان، دوُسر ہتّھ نہ کِسے پھڑائیا۔ تیرا بنس ویکھے دو جہان، سہنسر ویکھے تیری شہنشاہیِا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سِر اپنا ہتّھ ٹِکائیا۔ سُت دُلارا کر پرنام، دوئے دوئے سیِس جھُکائیندا۔ پُرکھ ابناسی پکڑیا تیرا دام، دامنگیِر ایکا نظری آئیندا۔ آد جُگاد تیرا ملِے اِکو نام، دوُسر اوٹ نہ کوئے رکھائیندا۔ بن سیوک کراں ساچا کام، ساچی سیو کمائیندا۔ میَں بردا تیرا غُلام، غُربت ہور نہ کوئے ودھائیندا۔ نِیوں نِیوں جھُک جھُک کراں سلام، علَیکم تیرا رنگ وکھائیندا۔ تیرا اِکو اِک پَیغام، سچ پَیغمبر موہے بھائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرا ناتا تُٹ نہ جائیندا۔ تیرا ناتا منگاں دان، شبدی شبد سیِس جھُکایا۔ سچکھنڈ ویکھاں کھیل مہان، تیرا روُپ انوُپ سمایا۔ ہؤں بالک بال

انجان، تُدھ بِن اوَر نہ دیِسے کوئی چھایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سد تیرا دھیان لگایا۔ پُرکھ ابناسی ہو مِہربان، اپنی دَیا آپ کمائیا۔ تیرا میرا اِک مکان، ایکا گھر وجےّ ودھائیا۔ تیرا میرا اِک نِشان، میرا نِشان تیری وڈیائیا۔ تیرا میرا اِک فرمان، میرا فرمان تیری شنوائیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ سچ سندیسہ دیوے ہرِ، ہرِ ہرِ جوُ ایکا ایک جنایا۔ شبدی سُت تیرا در گھر، دُھر درباری آپ بنایا۔ نِربھؤ چُکائے بھےَ ڈر ڈر، بھیانک روُپ نہ کوئے رکھایا۔ آد اَنت پلّوُ پھڑ پھڑ، تیرا سنگ نِبھایا۔ تیرا ویکھاں گھاڑن گھڑ گھڑ، روُپ انوُپ وٹایا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھایا۔ ساچے سُت تیرا نِشان، ہرِ جوُ ہرِ ہرِ آپ جھُلائیندا۔ کھیلے کھیل سِری بھگوان، بھیوَ ابھید کُھلائیندا۔ تیری اُتپت کرے سنتان، وِشن برہما شِو تیری گود بہائیندا۔ برہمنڈ کھنڈ کھیل مہان، سوُرج چنّ تیرا نوُر دھرائیندا۔ جوتی جوت سروُپ ہرِ، آپ اپنی کِرپا کر، تیری دھار آپ چلائیندا۔ ساچی دھار چلائے ہرِ نِرنکار، ایکا گُن جنائیا۔ وِشن برہما شِو کر تیار، برہمنڈ کھنڈ ویکھ وکھائیا۔ لوآں پُریاں ویکھ اکھاڑ، دو جہان کرے رُشنائیا۔ روَ سس دے سہار، منڈل منڈپ دئے وڈیائیا۔ جل جل پاوے آپے سار، تھل تھل تیرا روُپ وکھائیا۔ ترےَگُن مایا کر تیار، تیری چرن دھوُڑ لائے شاہیِا۔ وِشن برہما شِو دے بھنڈار، رجو طمو ستو نال پرنائیا۔ پنج تت تت آکار، نِراکار ساکار روُپ وٹائیا۔ اپ تیج وائے پرِتھمی آکاش کر پسار، من مت بُدھ بندھن نال مِلائیا۔ لکھّ چؤراسی بھانڈا گھڑے بن ٹھٹھیار، چار کھانی ونڈ ونڈائیا۔ جوتی جوت سروُپ ہرِ، آپ اپنی کِرپا کر، ساچے شبد دئے وڈیائیا۔ ساچے شبد تیرا ہُلارا، ہرِ جوُ ہرِ ہرِ آپ جنائیندا۔ وِشن برہما شِو تیرا سہارا، سب تیری اوٹ تکائیندا۔ میرا ناؤں تیرا بھنڈارا، تیرا بھنڈارا اتوٹ اتُٹ وکھائیندا۔ جوتی جوت سروُپ ہرِ، آپ اپنی کِرپا کر، سچ فرمانا آپ سُنائیندا۔ سچ فرمان سِری بھگوان، شبدی شبد جنایا۔ میرا ناؤں تیرا گیان، تیرا گیان وِشن برہما شِو دئے پڑھایا۔ وِشنوُں چرن کوَل کوَل چرن اوٹ منگے ایکا آن، برہم ویتا سیِس جھُکایا۔ جوتی جوت سروُپ ہرِ، آپ اپنی کِرپا کر، ساچے شبد آپ وڈیایا۔ ساچے شبد تیرا بل، ہرِ جوُ ہرِ ہرِ آپ رکھائیندا۔ تیرے اَنتر جائے رل، دِس کِسے نہ آئیندا۔ تیرا سندیس لوک پرلوک دیوے گھل، دو جہاناں آپ سُنائیندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ کُھلائیندا۔ ساچا بھیوَ دیوے دسّ، ہرِ جوُ ہرِ

ہرِ آپ جنایا۔ لکھّ چؤراسی اندر جائے وس، اپنا آپ مُکھ چُھپایا۔ تیرا نوُر کرے پرکاس، جوتی جوت ڈگمگایا۔ جوتی جوت سروُپ ہرِ، آپ اپنی کِرپا کر، ساچا راہ آپ سمجھایا۔ سُن سندیس سِری بھگوَنت، شبدی شبد سیِس جھُکائیندا۔ تُوں صاحِب داتا بےاَنت، ہؤں بالک بھیوَ نہ آئیندا۔ تیرا ناؤں میرا منت، میرا منت تیرا ناؤں وڈیائیندا۔ تیرا لیکھا آد اَنت، آد اَنت تیرا کھیل موہے بھائیندا۔ تُوں گھاڑت گھڑیں لکھّ چؤراسی جیِو جنت، گھٹ گھٹ میرا آسن لائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کوَن ویلا اپنے سنگ مِلائیندا۔ سچ وقت دسّ میرے نِرنکار، شبدی شبد منگ منگایا۔ نِرگُن سرگُن تیری دھار، لکھّ چؤراسی ونڈ ونڈایا۔ وِشن برہما شِو کرن پُکار، دوئے دوئے جوڑ سیِس جھُکایا۔ در در ویس بن بِھکھار، خالی جھولی لَین بھرایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کوَن ویلا ہوئے سہایا۔ ساچا ویلا ہرِ جوُ رہیا جنا، بھیوَ ابھید کُھلائیندا۔ کرے کھیل اگمّ اتھاہ، دِس کِسے نہ آئیندا۔ نِرگُن سرگُن ویس لئے وٹا، اپنا روُپ وکھائیندا۔ جُگ چؤکڑی ونڈ لئے ونڈا، پاندھی اپنا پندھ رکھائیندا۔ جوتی جوت سروُپ ہرِ، آپ اپنی کِرپا کر، بھیوَ ابھید آپ کُھلائیندا۔ بھیوَ ابھید کھولے نِرنکارا، اپنی بوُجھ بُجھائیا۔ شبدی تیرا سَت بھنڈارا، وِشنوُں جھولی آپ بھرائیا۔ شبدی تیرا ناد جَیکارا، برہما دئے وجائیا۔ شبدی تیرا اَنت اکھاڑا، شنکر دئے وکھائیا۔ سرگُن نِرگُن کرے پیارا، نِرگُن سرگُن ویس وٹائیا۔ گُر گُر روُپ وِچ سنسارا، پنج تت کرے کُڑمائیا۔ کاغذ قلم نہ لِکھنہارا، لِکھ لِکھ لیکھ نہ کوئے جنائیا۔ سَتجُگ تریتا دواپر کلجُگ ویکھے وِگسے ویکھنہارا، چارے کھانی دئے بُجھائیا۔ انڈج جیرج اُتبُھج سیتج پاوے سارا، چارے بانی دئے پڑھائیا۔ چارے بانی پرا پسنتی مدھم بَیکھری گائے اپنی وارا، اناد ناد دُھن وجائیا۔ چارے ورن دے سہارا، کھتری براہمن شوُدر وَیش ایکا پلّوُ نام پھڑائیا۔ چارے کُنٹ ہو اُجیارا، اُتّر پوُرب پچھّم دکھّن پھیرا پائیا۔ نؤ دوارے کھول کِواڑا، نؤ کھنڈ پرِتھمی ویکھ وکھائیا۔ سَت سَتوادی ساچی کارا، ستّاں دیِپاں پڑدہ لاہیا۔ بودھ اگادھی ایکا نعرہ، گُر گُر اپنا آپ بُجھائیا۔ راگ ناد نہ پاوے سارا، تیِس بتیِس نہ کوئے وڈیائیا۔ کرے کھیل آپ نِرنکارا، نِرگُن اپنا بھیوَ چُکائیا۔ جوتی جوت سروُپ ہرِ، آپ اپنی کِرپا کر، سچ سندیسہ نر نریشا ایکا وار جنائیا۔ ایکا وار سِری بھگوان، اپنا آپ جنایا۔ ساچے سُت ہونا بلوان، بلدھاری بل ودھایا۔ جُگ چؤکڑی کھیل مہان، نِرگُن سرگُن آپ کرایا۔ گُر اوتار دے دے دان، لوک مات سیوا لایا۔ شبدی

شبد اِک گیان، نِش اکھّر اِک پڑھایا۔ سَت سَتوادی سَت نِشان، سچکھنڈ دوارے آپ وکھایا۔ جوتی جوت جوت مہان، نوُر نوُرانہ ڈگمگایا۔ شبدی شبد شبد دُھنکان، انحد نادی راگ الایا۔ مندر اندر سچ مکان، ساچا ہٹّ اِک کُھلایا۔ لیکھا جانے دو جہان، برہمنڈاں کھنڈاں پھول پھولایا۔ جُگ چؤکڑی کر پروان، جُگ جُگ اپنا ویس وٹایا۔ سَتجُگ تریتا دواپر دیوے دان، کلجُگ حِصّہ آپ رکھایا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سُنایا۔ ساچی سِکھیا ایکا سِکھ، شبدی شبد خوشی منائیندا۔ پاربرہم پربھ پائی بِھکھ، وست امولک اِک ورتائیندا۔ بِن قلم دواتوں لیکھ دِتا لِکھ، لِکھیا لیکھ نہ کوئے مِٹائیندا۔ آپے ونڈیا اپنا حِص، دوُجا شریِک نہ کوئے رکھائیندا۔ آد اَنت رکھے اپنی چھایا ہیٹھ، سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ جنائیندا۔ ساچا کھیل دسےّ بےاَنت، بےاَنت وڈی وڈیائیا۔ جُگ چؤکڑی بنائے بنت، لوک مات ونڈ ونڈائیا۔ اَنت کرے سب دا اَنت، تھِر کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، ساچا کھیل اپنے ہتّھ رکھائیا۔ ساچا کھیل پُرکھ سمرتھ، اپنے ہتّھ رکھائیندا۔ جُگ چؤکڑی چلائے رتھ، بن رتھواہی پھیرا پائیندا۔ لیکھا جانے تت اٹّھ، اٹّھ تت سیو کمائیندا۔ پندھ مُکائے نٹّھ نٹّھ، بن پاندھی پیَنڈا اپنا آپ وکھائیندا۔ جوتی جوت سروُپ ہرِ، آپ اپنی کِرپا کر، وسنہارا گھٹ گھٹ، سچکھنڈ ساچے آسن لائیندا۔ سُت دُلارا کہے سِری بھگوان، اپنا بھیوَ موہے جنائیا۔ سچکھنڈ وسیں تُوں مکان، تیرا اَنت کوئے نہ پائیا۔ جُگ چؤکڑی کھیل مہان، لکھّ چؤراسی ونڈ ونڈائیا۔ تیرا نام سَت نِشان، روُپ ریکھ نہ کوئے رکھائیا۔ کوَن بِدھ پرگٹ ہوویں وِچ جہان، ملِے مان وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گت مِت تیرے ہتّھ رکھائیا۔ پُرکھ ابناسی کہے پُکار، کوُک کوُک سُنایا۔ تیرا میرا اِک وِہار، بِوہاری کھیل رچایا۔ جن بھگتاں دیواں درس دیِدار، نِرگُن نوُر نوُر دھرایا۔ آتم پرماتم اِک گیان، منتر گیان اِک جنایا۔ پاربرہم برہم اِک سنتان، سَت سَتوادی دئے وکھایا۔ سُرتی میلا شبدی کاہن، گوپی کاہن روُپ وٹایا۔ بِن پڑھیاں دیوے آپ گیان، ساچا منتر آپ سُنایا۔ ایتھے اوتھے دو جہاناں ویکھے آن، آپ اپنا درس کرایا۔ جوتی جوت سروُپ ہرِ، آپ اپنی کِرپا کر، ساچا کھیل آپ رچایا۔ ساچا کھیل جُگ جُگ چار، چار چار ونڈ ونڈائیا۔ ساچا کھیل نؤ نؤ دوار، دوار دوار ویکھ وکھائیا۔ ساچا کھیل نؤ نؤ دھار، نوَ نؤ اپنا پھیرا پائیا۔ نؤ سؤ چؤرانوے

چؤکڑی جُگ چلے اِک وِہار، ویس انیک انیک ویس آپ وٹائیا۔ کرے کھیل اگمّ اپار، الکھ اگوچر سچّا شہنشاہیِا۔ جوتی جوت سروُپ ہرِ، آپ اپنی کِرپا کر، شبدی تیرا رنگ رنگائیا۔ نوَ نؤ چار تیرا رنگ، ہرِ ساچا سچ جنائیندا۔ گُر اوتاراں آتم سیج تیرا پلنگ، ساچی سیجا آپ سُہائیندا۔ شبد اگمّی اِک مردنگ، بن مردانہ آپ وجائیندا۔ ننگی ہون نہ دیوے کنڈ، سِر اپنا ہتّھ ٹِکائیندا۔ دیوے وڈیائی وِچ وربھنڈ، برہمنڈاں تیرا مان رکھائیندا۔ لیکھا جانے جیرج انڈ، اُتبُھج سیتج پڑدہ آپے لاہِندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ تریتا دواپر کلجُگ تیری جھولی پائیندا۔ چارے جُگ تیری جھولی، سو پُرکھ نِرنجن آپے پائیا۔ تیرے کندھ اُٹھائے ڈولی، لوک مات پِھرائیا۔ کرے کھیل ہؤلی ہؤلی، بھیوَ کِسے نہ آئیا۔ انتم سب دی کھیلے ہؤلی، تھِر کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ چار جُگ دئے ونڈ، ونڈنہار آپ نِرنکارا۔ لیکھا جانے وِچ وربھنڈ، برہمنڈ کھیل نیارا۔ سیوا لائے سوُرج چند، دِوس رَین کرن نِمسکارا۔ جوتی جوت سروُپ ہرِ، آپ اپنی کِرپا کر، کرے کھیل اپر اپارا۔ اپر اپار کھیل اولّا، سو پُرکھ نِرنجن آپ کرائیندا۔ سَتجُگ تریتا دواپر کلجُگ پھڑائے پلّا، جُگ جُگ گیڑا آپ بھوائیندا۔ نؤ سؤ چؤرانوے چؤکڑی جُگ پار کرائے کر کر ہلّا، پاندھی اپنا پندھ مُکائیندا۔ کلجُگ انتم سندیس نر نریش ایکا گھلا، سرِشٹ سبائی آپ جنائیندا۔ جوتی جوت سروُپ ہرِ، آپ اپنی کِرپا کر، ساچے شبد شبد وڈیائیندا۔ ساچے شبد تیری دھار، جُگ چؤکڑی آپ چلائیا۔ نِرگُن سرگُن لئے اوتار، جیِو جنت کرے پڑھائیا۔ بھگت بھگوَنت کھول کِواڑ، آتم اَنتر بوُجھ بُجھائیا۔ ساچے سنتاں دے دیِدار، درسی اپنا درس کرائیا۔ ساچے گُرمُکھ دئے ادھار، گُر گُر ایکا بوُجھ بُجھائیا۔ ساچے گُرسِکھ کرے پار، شؤہ دریا نہ کوئے رُڑھائیا۔ مُرشد مُریِد دیوے اِک دیِدار، دیِد عیِد چند چڑھائیا۔ گُر اوتار کرن پُکار، پربھ اَگے سیِس جھُکائیا۔ تیری قُدرت تُوں ہی جانے آپ نِرنکار، تیرا اَنت کوئے نہ پائیا۔ ہؤں سیوک چاکر سیوادار، بن سیوک سیو کمائیا۔ کوٹن کوٹ تیرے ناؤں کر اُجیار، لوک مات گیِت سُنائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیا۔ ساچا کھیل وکھائے جگ، جُگ جُگ اپنا ویس وٹائیندا۔ شاہ پاتشاہ سوُرا سربگ، حُکمی حُکم آپ پِھرائیندا۔ جُگ چؤکڑی جائن لنگھ، اَنت کنت سرب کرائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ چار جُگ بھیوَ اپارا،

بھیدی بھید جنائیا۔ شاستر سِمرت وید پُران گائن وارا، لِکھ لِکھ جیِو جنت سمجھائیا۔ سَتجُگ تریتا دواپر نِیوں نِیوں کرے نِمسکارا، سیِس جگدیِش جھُکائیا۔ کلجُگ انتم کھیل اپارا، گُر شبد دئے وڈیائیا۔ جوتی جوت سروُپ ہرِ، آپ اپنی کِرپا کر، ساچے شبد شبد صالاحیِا۔ گُر شبد گُر ہووے بلوان، سو پُرکھ نِرنجن آد جنایا۔ نانک نِرگُن لےَ کے آوے دان، سرگُن جیِو جنت ورتایا۔ گوبِند وکھائے اِک نِشان، سچ نِشانہ اِک اُٹھایا۔ چار ورن دیوے مان، اوُچ نیِچ راؤ رنک گلے لگایا۔ آتم اَنتر اِک دھیان، پُرکھ اکال اِشٹ وکھایا۔ پُرکھ ابناسی ہو مِہربان، روُپ انوُپ لئے وٹایا۔ جوتی جوت سروُپ ہرِ، آپ اپنی کِرپا کر، آد اَنت اپنا بھیوَ چُکایا۔ آد شبد گُر اُپجیا بلوان، ہرِ ہرِ آپ اُپایا۔ انتم پرگٹ ہوئے وِچ جہان، گُر گُر اپنا روُپ وکھایا۔ نؤ کھنڈ پرِتھمی دیوے اِک گیان، وِشن برہما شِو لئے پڑھایا۔ آتم پرماتم کر پروان، در گھر ساچے لئے مِلایا۔ ناتا توڑ کوُڑ جہان، ساچی سِکھیا دئے سمجھایا۔ ایکا مندر اِک مکان، ایکا ہرِ جوُ نظری آیا۔ جوتی جوت سروُپ ہرِ، آپ اپنی کِرپا کر، اپنا کھیل دئے سمجھایا۔ ساچا کھیل ہرِ سمجھاؤنا، ہرِ ہرِ اپنی دَیا کمائیا۔ نؤ سؤ چؤرانوے چؤکڑی جُگ پندھ مُکاؤنا، تھِر کوئے رہن نہ پائیا۔ شبدی شبد ڈنک وجاؤنا، پنج تت نہ کوئے رکھائیا۔ ایکا سَتگُر نظری آؤنا، نہ مرے نہ جائیا۔ ایکا اکھّر آخر آپ پڑھاؤنا، ایکا کلمہ دئے سمجھائیا۔ ایکا نبی نظری آؤنا، ایکا رسوُل اصوُل دئے وکھائیا۔ جوتی جوت سروُپ ہرِ، آپ اپنی کِرپا کر، آد اَنت اپنا بھیوَ چُکائیا۔ کلجُگ ویلا انتم آئے، ہرِ سَتگُر آپ جنائیندا۔ شبدی گُر ویس وٹائے، دِس کِسے نہ آئیندا۔ نِہکلنکا ناؤں رکھائے، دو جہاناں پھیرا پائیندا۔ جُگ چؤکڑی لہنا جھولی پائے، جوتی جوت سروُپ ہرِ، آپ اپنی کِرپا کر، اپنا سنگ آپ رکھائیندا۔ شبدی شبد تیرا سنگ، سگلا سنگ آپ رکھائیا۔ کلجُگ انتم کرے بھنگ، کوُڑی کِریا دئے مِٹائیا۔ نار دُہاگن ویکھے رنڈ، سرِشٹ سبائی پھیرا پائیا۔ گھر گھر توڑے مان گھمنڈ، نام کھنڈا ہتّھ چمکائیا۔ میٹ مِٹائے بھیکھ پکھنڈ، بھیکھی اپنا کھیل جنائیا۔ سَت سَتوادی چاڑھے چند، اندھ اندھیرا دئے گوائیا۔ پرگٹ ہو سوُرا سربنگ، سوُربیِر اپنا بل جنائیا۔ گوبِند گیِت سُہاگی چھند، جیِو جنت کرے پڑھائیا۔ چار ورن اِک انند، ایکا رس دئے وکھائیا۔ جنم جنم دی ٹُٹّی گنڈھ، پلّوُ نام گنڈھ بندھائیا۔ جوتی جوت سروُپ ہرِ، آپ اپنی کِرپا کر، آد اَنت ایکا گُر اکھوائیا۔ آد اَنت ایکا گُر، گُر شبدی ناؤں رکھائیندا۔ آد اَنت ایکا سُر، ایکا تال وجائیندا۔ آد اَنت ایکا گھُڑ، شاہ اَسوارا آسن لائیندا۔ آد اَنت جائے بہُڑ،

جُگ جُگ ویس وٹائیندا۔ آد اَنت رہیا دؤڑ، نِرگُن سرگُن پندھ مُکائیندا۔ آد اَنت لکھّ چؤراسی ویکھے ریِٹھا مِٹھا کؤڑ، گھٹ گھٹ اپنا روُپ دھرائیندا۔ آد اَنت کِسے ہتّھ نہ آئے براہمن گؤڑ، اُچے ٹِلّے پربت، اپنا آسن لائیندا۔ آد اَنت کوئی چڑھ نہ سکے سچّے پؤڑھ، بِن نانک درس کوئے نہ پائیندا۔ آد اَنت بُجھا نہ سکے کوئی اؤڑ، بِن گوبِند امرت میگھ نہ کوئے برسائیندا۔ آد اَنت، جوتی جوت سروُپ ہرِ، آپ اپنی کِرپا کر، گُر شبد اِک وڈیائیندا۔ گُر شبد اِک اِک بلوان، جُگا جُگنتر ویس وٹائیندا۔ سَت سَتوادی سچ نِشان، لوک مات آپ جھُلائیندا۔ کلجُگ انتم چار ورن پاوے اِکو آن، ایکا راہ وکھائیندا۔ شاہ سُلطان راج راجان سرب مِٹ جان، سیِس تاج نہ کوئے ٹِکائیندا۔ جیِو جنت راؤ رنک پُرکھ اکال ایکا گان، فتح ڈنکا اِک وجائیندا۔ سَت سَتوادی ستّ رنگ جھُلائے نِشان، ستّاں دیِپاں آپ اُٹھائیندا۔ وِشن برہما شِو ہون حَیران، ہرِ کا بھیوَ کوئے نہ پائیندا۔ گُر اوتار کرن دھیان، نیتر نَین سرب اُٹھائیندا۔ پیِر پَیغمبر کرن سلام، سجدہ سیِس سرب جھُکائیندا۔ جو گھلدا رہیا آپ پَیغام، پیِر پَیغمبر مات پڑھائیندا۔ مُلّا شیخ مسائق دسّدا رہیا اسلام، اِسم اعظم آپ جنائیندا۔ محبان بیِدو بی کھیَر یا االلہ، حق حقیِقت جنائے سچ کلام، کلمہ حق حق وکھائیندا۔ چؤداں طبق ویکھنہارا نِظام، شاہ پاتشاہ اپنا روُپ وٹائیندا۔ چار یاری جِس بردے کرے غُلام، سیوک ساچی سیو سمجھائیندا۔ جبرائیل اسرافیِل میکائیل دیندا رہیا پَیغام، آیت شراعت آپ سُنائیندا۔ سو اِمام کھیل کرے مہان، بےنقاب اپنا پڑدہ آپ اُٹھائیندا۔ جوتی جوت سروُپ ہرِ، آپ اپنی جوت دھر، آد اَنت وسے ایکا گھر، سچکھنڈ دوارے سوبھا پائیندا۔ ستنام دا ٹھنڈا پانی، سَتگُر نانک رہیا پا۔ گُرسِکھ اَنتر پڑھے بانی، آتم اِک لِو لا۔ دِوس رَین سُنے اکتھ کہانی، رسنا جِہوا بند کرا۔ سَتگُر دیوے پد نِربانی، گھر وِچ گھر دئے وکھا۔ جوت جگے اِک مہانی، نوُرو نوُر نوُر رُشنا۔ راگ سُنائے سچّے کانی، انحد نادی ناد وجا۔ ناتا توڑے پنج شیَطانی، کام کرودھ لوبھ موہ ہنکار گوا۔ تِس سَتگُر سچّا اپنے چرن کرے پروانی، ساچی سرن لئے بہا۔ جوتی جوت سروُپ ہرِ، آپ اپنی کِرپا کر، ستنام دا سچّا پانی، گُروُ گرنتھ رہیا برسا۔ گُروُ سِکھ پڑھے گُر گُر دھار، گُر شبدی بوُجھ بُجھائیا۔ جو پڑھ پڑھ رہے وِسار، تِس رائے دھرم دئے سزائیا۔ ایتھے اوتھے ہوئے خوار، نانک گوبِند دئے نہ اَنت گواہیِا۔ جو دوئے دوئے جوڑ کرن سدا نِمسکار، اِکو اوٹ رکھائیا۔ سو سُن دے اُترے پار، جو بَیٹھے دھیان لگائیا۔ نانک لائی اِک گُلزار، گوبِند بوُٹا رہیا مہکائیا۔ پُرکھ اکال سیوادار، بن

مالی سیو کمائیا۔ جِس جن بُھلیا نانک نِرنکار، تِس جن ایتھے اوتھے کوئے نہ ملِے تھائنیا۔ امرت رس آتم اَنتر، گُر شبدی آپ برسائیندا۔ پنج تت وِکارا ترےَگُن بُجھے لگّی بسنتر، سَت سَت کرائیندا۔ جو جن پڑھے ستنام منتر ، تِس جن دوُجا فُرنا پُھر کدے نہ جائیندا۔ ویکھے گھر وِچ گگن گگننتر، منڈل منڈپ پھیرا پائیندا۔ باہروں ویکھے پہنے بستر، اندر نِرگُن نِراکار جوتی جوت ڈگمگائیندا۔ جوتی جوت سروُپ ہرِ، آپ اپنی کِرپا کر، نام سَت دا ٹھنڈا پانی، گُرمُکھ گُرمُکھ کھیل مہانی، گُر گُر آپ کرائیندا۔ امرت پینا ٹھنڈا رس، تِس گُرسِکھ گُر گُر آپ جنائیا۔ سَتگُر سرنائی جانا ڈھٹّھ، مان موہ مِٹائیا۔ ناتا تُٹے تیِرتھ اٹھسٹھ، گنگا گوداوری جمنا سُرستی پھیرا کوئے نہ پائیا۔ کایا مندر اندر ساچا تیِرتھ تٹ، سر سروور دئے وکھائیا۔ سَتگُر نانک دو ہتّھاں امرت رہیا جھّٹ، گُرمُکھ وِرلا پائیا۔ منمُکھ دوُروں دوُروں جاندے نٹّھ، اندر وڑ درس کوئے نہ پائیا۔ چاروں کُنٹ پِھردے ہٹّو ہٹّ، ہرِ کا نام ہتّھ کِسے نہ آئیا۔ منکا منکا مالا رہے رٹ، من کا منکا نہ کوئے بھوائیا۔ دُئی دوَیت نہ ملِے پھٹّ، ایکا رنگ نہ کوئے رنگائیا۔ سَتگُر نانک جِس دے ہویا وس، سو جن دوُجے در نہ منگن جائیا۔ نِرگُن کرے پوُری آس، سرگُن گھر وجےّ ودھائیا۔ تِس گُرمُکھ کہو شاباش، جِس گوبِند مِلیا سچّا ماہیِا۔ بِن گوبِند سرِشٹی ہوئی اُداس، دھیِرج دھیِر نہ کوئے دھرائیا۔ نیتر رووے پرِتھمی آکاش، وِشن برہما شِو رہے کُرلائیا۔ گُرسِکھاں بُجھائے نہ کوئے پیاس، جوتی جوت سروُپ ہرِ، آپ اپنی کِرپا کر، ساچا امرت آپے سِنچ، گوبِند بوُٹا ہرا کرائیا۔ گوبِند بوُٹا نہ جائے سُک، پُرکھ اکال آپ لگایا۔ گھر گھر وِچ سَتگُر پوُرا گُر گوبِند گُر شبدی پئے اُٹھ، جو جن آتم اَنتر دھیان لگایا۔ گُرسِکھ مایا ممتا ہؤمے ہنگتا جڑ دیوے پُٹ، سچ سُچ ایکا جھولی پایا۔ سَتگُر پوُرا حاضر حضوُرا امرت جام پیالہ دیوے گھُٹ، ترِسنا ترِکھا دئے مِٹایا۔ نانک گھر انمُلی لُٹ، کلجُگ جیِو لُٹن کوئے نہ جایا۔ پنچ وِکارے مِل مِل بھاگ گئے نِکُھٹ، گُر کا شبد نہ رِدے وسایا۔ سَتگُر پوُرا کدے نہ جائے رُٹھ، اَنت رُٹھڑے لئے مِلایا۔ جوتی جوت سروُپ ہرِ، آپ اپنی کِرپا کر، ایکا امرت سچّا باٹا، گُر گوبِند ہتّھ پھڑایا۔ گوبِند ہتّھ امرت باٹا، چار ورناں رہیا پیائیا۔ گُرسِکھ کرنا پوُرا گھاٹا، ویلا گیا ہتّھ نہ آئیا۔ اَنت پندھ مکُے واٹا، پنج تت کایا سنگ نہ جائیا۔ جگت تماشا کھیل بازی گر ناٹا، سوانگی اپنا سوانگ رچائیا۔ دھنّ گُرسِکھ دھنّ گُرمُکھ جِس سَتگُر نانک مِلیا کملاپاتا، گُر گوبِند گود بہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پُرکھ اکال گوبِند بوُٹا آپ لگائیا۔

ستاراں سؤ پینسٹھ بِکرمی اَنت ندیڑ، گوبِند اپنا کھیل کرائیندا۔ پنج تت کایا کھیل جگت نِبیڑ، جوتی جوت ڈگمگائیندا۔ اپنے ہتّھ رکھ کے اپنا گیڑ، بھیوَ ابھید چُھپائیندا۔ جوتی جوت سروُپ ہرِ، آپ اپنی کِرپا کر، نوُر نوُر وِچ مِلائیندا۔ دیہہ جوت پنج تت، اَسو گھوڑا شبدی روُپ وٹائیا۔ کرے کھیل کھیل سمرتھ، ہتّھ اپنے رکھ وڈیائیا۔ گُروُ گرنتھ گُر گاؤنا جس، گُرسِکھن اِک وڈیائیا۔ دوُسر کِسے نہ ہونا وس، پنج تت گُروُ نہ کوئے منائیا۔ ایکا اوٹ لَینی رکھ، پُرکھ اکال ہوئے سہائیا۔ جوتی جوت سروُپ ہرِ، آپ اپنی کِرپا کر، اپنا رنگ اپنے وِچ چُھپائیا۔ گوبِند سوُرا کر پیانا، اپنا ویس وٹائیندا۔ سَت سروُپی سَت گیانا، گُر شبدی شبد جنائیندا۔ میرا انگیِٹھا پھول نہ ویکھنا کوئی نِشانہ، گُرسِکھاں سِکھ سمجھائیندا۔ میرا دھام سچ ٹِکانا، ایتھے اوتھے دو جہان وکھائیندا۔ میرا سِکھ میرا نِشانہ، نہ کوئی میٹے میٹ مِٹائیندا۔ اپنی ہتھّیں بدھّا گانا، ساچا سگن منائیندا۔ سارا بنس کیِتا قُربانا، مات پِت پوُت بھیٹ چڑھائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ سمجھائیندا۔ اپنا بھیوَ سَتگُر سوُرا، سوُربیِر آپ جنائیا۔ دِوس رَین ماس برس ہویا پوُرا، دوُر دُراڈا نیڑے آئیا۔ گُرمُکھ ناتا توڑ کوُڑو کوُڑا، اپنی بوُجھ بُجھائیا۔ مستک لائی چرن دھوُڑا، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ سچ سندیسہ دیوے گوبِند، گُر گُر آپ جنائیندا۔ پنتھ خالصہ میٹنی چِند، چِنتا چِکھا نہ کوئے رکھائیندا۔ اِکو مِلیا والی ہِند، گوبِند اپنا روُپ دھرائیندا۔ پنتھ خالصہ میری بِند، دوُجا پوُت نہ کوئی میَں بنائیندا۔ امرت دے کے آیا ساگر سِندھ، پنج پیارے گنڈھ وکھائیندا۔ گُردوار بَیٹھ نہ کِسے کرنی چُغلی نِند، دوَیت روُپ نہ کوئے جنائیندا۔ گُروُ گرنتھ گُردیو سرب بخشند، پتت پاپی پار کرائیندا۔ لیکھا مکُے جیِو اِنڈ پِنڈ، برہمنڈ در گھر ساچے آپ بہائیندا۔ جوتی جوت سروُپ ہرِ، آپ اپنی کِرپا کر، ساچا پڑدہ آپ کُھلائیندا۔ سو پُرکھ نِرنجن کھیل اپار، اِک اِکلّا آپ کرائیندا۔ سچکھنڈ نِواسی شاہ سِکدار، دُھر فرمانا حُکم چلائیندا۔ بھوُپت بھوُپ بے عیب پروردِگار، نوُر نوُرانہ ڈگمگائیندا۔ الکھ اگوچر اگمّ اتھاہ بےپرواہ لیکھا جانے دُھر دربار، دُھر درگاہی بھیوَ نہ آئیندا۔ شبدی شبد کر تیار، برہمنڈ کھنڈ کر پسار، لوآں پُریاں اپنا بندھن پائیندا۔ وِشن برہما شِو دے آدھار، ترےَگُن مایا کر شِنگار، پنچم تت تت پرگٹائیندا۔ جوتی جوت سروُپ

ہرِ، آپ اپنی کِرپا کر، اپنا کھیل اپنے ہتّھ رکھائیندا۔ جُگ جُگ کھیل ہرِ کرتارا، اپنے ہتّھ رکھائیندا۔ لکھّ چؤراسی کر پسارا، نِرگُن سرگُن ونڈ ونڈائیندا۔ دِیا باتی کر اُجیارا، کملاپاتی ڈگمگائیندا۔ شبدی ناد ناد دُھنکارا، انحد راگی راگ سُنائیندا۔ آتم برہم کر پسارا، پاربرہم ویکھ وکھائیندا۔ اِیش جیِو دے سہارا، جگدیِش رنگ چڑھائیندا۔ محل اٹل اُچ منارا، کایا بنک آپ بنائیندا۔ نؤ دوارے کھول کِواڑا، پنج دس اپنا بندھن پائیندا۔ جوتی جوت سروُپ ہرِ، آپ اپنی کِرپا کر، اپنی رچنا آپ رچائیندا۔ اپنی رچنا پُرکھ ابناس، ایکا ایک رچائیا۔ لکھّ چؤراسی کھیل تماش، نِرگُن سرگُن ویکھ وکھائیا۔ گھٹ گھٹ اندر مندر پاوے راس، گوپی کاہن روُپ وٹائیا۔ لیکھا جانے پوَن سواس، پوَن پوَناں وِچ رکھائیا۔ دیِپک دِیا کر پرکاش، جوتی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیا۔ پنج تت ویکھے کایا گڑھ، ہرِ جوُ ہرِ ہرِ کھیل کرائیندا۔ لیکھا جانے چیتن جڑ، بھیوَ کوئے نہ پائیندا۔ سرگُن اندر نِرگُن وڑ، اپنا روُپ وٹائیندا۔ اپنا پلّوُ آپے پھڑ، اپنا سنگ نِبھائیندا۔ آتم سیجا آپے چڑھ، برہم اپنا پڑدہ لاہِندا۔ بجر کپاٹی توڑ گڑھ، بنک دوارا آپ کُھلائیندا۔ بِن اکھّر وِدیا آپے پڑھ، اپنا ناؤں آپ سمجھائیندا۔ کر کھیل سِری بھگوَن، بھیوَ ابھید آپ کُھلائیندا۔ سَت سَتوادی سچ نِشان، گرِہ مندر آپ جھُلائیندا۔ جوتی جوت سروُپ ہرِ، آپ اپنی کِرپا کر، لکھّ چؤراسی کھیل کھِلائیندا۔ لکھّ چؤراسی کھیل اپارا، پاربرہم پربھ آپ کرائیا۔ آتم پرماتم دے سہارا، ایکا اوٹ جنائیا۔ ایکا مندر اِک دوارا، ایکا گھر وڈیائیا۔ ایکا دیِپ اِک اُجیارا، ایکا نوُر نوُر رُشنائیا۔ ایکا ہٹّ اِک ونجارا، ایکا وست رہیا ورتائیا۔ ایکا ناد شبد دُھنکارا، ایکا آتمک راگ الائیا۔ جوتی جوت سروُپ ہرِ، آپ اپنی کِرپا کر، اِیش جیِو کرے کُڑمائیا۔ اِیش جیِو ایکا ناتا، آتم پرماتم میل مِلائیندا۔ کھیلے کھیل پُرکھ بِدھاتا، بِدھ اپنے ہتّھ رکھائیندا۔ درس دِکھائے اِک اِکانتا، انبھوَ اپنا روُپ وٹائیندا۔ آپے ہوئے پِتا ماتا، بالک اپنی گود بہائیندا۔ آپے دیونہارا ساچی داتا، وست امولک اپنا ناؤں جھولی پائیندا۔ آپ سُنائے ساچی گاتھا، اکھّر وکھّر آپ پڑھائیندا۔ جوتی جوت سروُپ ہرِ، آپ اپنی کِرپا کر، لکھّ چؤراسی ویکھ وکھائیندا۔ لکھّ چؤراسی ویکھن جوگ، نِرگُن وڈّا وڈ وڈیائیا۔ سو پُرکھ نِرنجن کرے سَت سنجوگ، ہرِ پُرکھ نِرنجن خوشی منائیا۔ ایکنکارا پڑھے سلوک، آد نِرنجن گیِت ڈھولا سوہلا ساچا گائیا۔ ابناسی کرتا نِرمل جگائے جوت، سِری بھگوان کرے رُشنائیا۔ پاربرہم پربھ ویکھنہارا ساچا کوٹ، گھر ایکا

کُنڈا لاہیِا۔ آد جُگاد جُگا جُگنتر بَیٹھا رہے الوپ، دِس کِسے نہ آئیا۔ انڈِٹھڑی دھار آپے جانے اپنا سلوک، سوُربیِر بےپرواہیِا۔ جوتی جوت سروُپ ہرِ، آپ اپنی کِرپا کر، لکھّ چؤراسی اپنے مارگ پائیا۔ لکھّ چؤراسی مارگ پا، ہرِ جوُ ہرِ ہرِ اپنا کھیل کرائیندا۔ وِشن برہما شِو سیو لگا، ساچی سیوا اِک جنائیندا۔ گُر گُر شبد شبد پرگٹا، گُر گُر ایکا بوُجھ وکھائیندا۔ نِرگُن اپنا تت پرگٹا، نِراکار ونڈ ونڈائیندا۔ من مت بُدھ دئے ٹِکا، اپ تیج وائے پرِتھمی آکاش، چاروں کُنٹ ترےَگُن پڑدہ آپے پائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیندا۔ ساچا کھیل پُرکھ کرتارا، انبھوَ اپنی دھار چلائیا۔ اجوُنی رہِت ہو تیارا، پُرکھ اکال ویس وٹائیا۔ لکھّ چؤراسی کر پسارا، گھٹ گھٹ اپنی جوت جگائیا۔ وسنہارا ٹھانڈے دربارا، ہست کیِٹ رہیا سمائیا۔ شبدی شبد گُر اوتارا، گُر گُر اپنا ویس وٹائیا۔ کاغد قلم نہ لِکھنہارا، لِکھ لِکھ لیکھ نہ کوئے جنائیا۔ سیوا لائے گُر اوتارا، حُکمی حُکم آپ پِھرائیا۔ تخت نِواسی ایکنکارا، ساچے تخت بَیٹھا شہنشاہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ پُرکھ اگمّ، اگوچر وڈ وڈیائیا۔ نہ مرے نہ پئے جمّ، جیِون جُگت نہ کوئے رکھائیا۔ نہ کوئی راگ نہ کوئی کنّ، دُھن ناد نہ کوئے شنوائیا۔ نہ کوئی آسا منسا رہے من، مت بُدھ نہ کوئے وڈیائیا۔ نہ کوئی تتَو نہ کوئی تن، ترےَگُن بندھن نہ کوئے پائیا۔ نہ کوئی سوُرج نہ کوئی چنّ، نہ کوئی دیِپ کرے رُشنائیا۔ نہ کوئی گھڑے نہ کوئی دیوے بھنّ، بن ٹھٹھیار نہ کوئے بنائیا۔ نہ کوئی دیونہارا ڈنّ، نہ کوئی دیونہار سزائیا۔ آد جُگاد سِری بھگوان، جُگ جُگ اپنا کھیل کرائیا۔ جوتی جوت سروُپ ہرِ، آپ اپنی کِرپا کر، ساچا مارگ آپے لائیا۔ ساچا مارگ لایا آد، شبدی شبد شبد وڈیایا۔ وِشن برہما دِتی داد، ساچی وست آپ ورتایا۔ کھیلے کھیل ہرِ برہمادِ، برہمادک رنگ رنگایا۔ دُھردرگاہی ایکا ناد، ہرِ راگی راگ سُنایا۔ اپنے وِچوں آپا کاڈھ، نِرگُن سرگُن روُپ وٹایا۔ آپے دیونہارا داد، اکھّر وکھّر آپ پڑھایا۔ آپے ہر گھٹ رہیا وِسماد، بِسماد اپنا روُپ وٹایا۔ آپے رکھے اپنی یاد، وِسر کدے نہ جایا۔ آپے ہوئے بودھ اگادھ، اگادھ بودھ بھیوَ کُھلایا۔ جوتی جوت سروُپ ہرِ، آپ اپنی کِرپا کر، ساچا مارگ آپے لایا۔ ساچا مارگ لائے جگ، لوک مات وڈ وڈیائیا۔ کرے کھیل سوُرا سربگ، بےاَنت ہرِ رگھُرائیا۔ تخت نِواسی ساچے دھام بَیٹھا سچ، سچکھنڈ ساچے ڈیرہ لائیا۔ اپنا پڑدہ آپے کجّ، لکھّ چؤراسی مُکھ چُھپائیا۔ دو جہاناں رہیا بھج، پاندھی اپنا پندھ مُکائیا۔ نام جَیکارا بولے

گجّ، نِرگُن سرگُن دئے سُنائیا۔ آپے جانے ساچی حد، پار کنارہ نہ کوئے رکھائیا۔ آپے ہوئے آپے نالوں اڈّ، اپنی ونڈن آپ ونڈائیا۔ آپے کایا چولے وسے ڈوُنگھی کھنڈ، اندھ اندھیرے ڈیرہ لائیا۔ آپے آتم پرماتم بنائے ساچی جدّ، وِشوَ جدّ آپ رکھائیا۔ آپے امرت جام پیائے مد، سَت سروُر اِک رکھائیا۔ آپے گھر وِچ بہہ بہہ کرے لڈ، آتم پرماتم خوشی منائیا۔ آپے سچ نِشانہ دیوے گڈّ، لوک مات کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل اپارا، نِرگُن نِراکار آپ کرائیندا۔ وِشنوُں وِشوَ دئے ہُلارا، سانگو پانگ اِک رکھائیندا۔ برہما کرے برہم پسارا، برہم وِدیا اِک پڑھائیندا۔ شنکر دیوے اِک اکھاڑا، ترِسوُل ایکا ہتّھ رکھائیندا۔ باسک تشکا کر شِنگارا، کنٹھ مالا گل لٹکائیندا۔ ترےَگُن مایا رچ اکھاڑا، پنچم اپنا ناچ نچائیندا۔ اپنی اِچھیا کر پسارا، برہما سُت آپ پرگٹائیندا۔ سنک سنندن سنت کُمارا، چارے مُکھ مُکھ صالاحِندا۔ پِچھلا روُپ لوک مات وِچ اوتارا، آپ آپ پرگٹائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ویس وکھائیندا۔ سنت کُمارا کر کر پار، براہ روُپ آپ وٹائیا۔ یگے پُرش ہو تیار، حیگریِو کرے رُشنائیا۔ نر نرَین کھیل اپار، لوک مات مات وڈیائیا۔ دتّا ترےَ در پسار، آپ اپنی بوُجھ بُجھائیا۔ کپل مُن کھول کِواڑ، اِک گیان سمجھائیا۔ رِکھپ دیوَ دے نِشان، سچ نِشانہ اِک جھُلائیا۔ پِرتھوُ دیوے ساچا دان، انّ دانہ جھولی پائیا۔ متس بخشے اِک دھیان، جل جل اپنا روُپ دھرائیا۔ کچھپ کرے آپ پردھان، مِندرا ایکا سیِس ٹِکائیا۔ دھننتر وَید کر پروان، ساچا اؤکھدھ دئے سمجھائیا۔ موہنی روُپ کر بھگوان، سب دا مان گوائیا۔ بل باوَن ویکھے آن، بال بِردھ روُپ نہ کوئے جنائیا۔ ہنسا کھیل کرے مہان، برہمے سُت کرے پڑھائیا۔ پرہلاد لجّیا رکھے آن، نر سِنگھ اپنا ویس وٹائیا۔ دھروُ بالک دیوے گیان بِن وِدیا کرے پڑھائیا۔ گج دیوے اِکو دان، ایکا کھنڈا نام چلائیا۔ جوتی جوت سروُپ ہرِ، آپ اپنی کِرپا کر، ویس انیک روُپ وٹائیا۔ روُپ انیک سِری بھگوان، جُگ کرتا آپ وٹائیندا۔ آپے ویکھے مار دھیان، بل اپنا آپ جنائیندا۔ آپے پرس رام دیوے مان، سِر اپنا ہتّھ ٹِکائیندا۔ آپے روُپ دھرے رام بھگوان، دسرتھ بیٹا جگت اکھوائیندا۔ آپے گھٹ گھٹ کرے پہچان، آپے دِس کِسے نہ آئیندا۔ آپے غریِب نِمانیاں دیوے مان، پھڑ باہوں گلے لگائیندا۔ آپے دُشٹ ہنکاری دیوے ہان، گڑھ ہنکار تُڑائیندا۔ جوتی جوت سروُپ ہرِ، آپ اپنی جوت دھر، جُگ جُگ اپنے ویس وٹائیندا۔ سَتجُگ تریتا اُتریا پار، دواپر ہرِ جوُ ویکھ

وکھائیا۔ وید ویاسا کر تیار، اپنی وِدیا آپ پڑھائیا۔ پُران اٹھاراں کر تیار، لکھّ چار ستاراں ہزار سلوک گنائیا۔ اوُچی کوُک کوُک کہے پُکار، ایکا ناد الائیا۔ ایکا روُپ نِراہار، آد نِرنجن وڈ وڈیائیا۔ چتُربُھج بے مثال، بھیوَ کوئے نہ پائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنی کھیل کرائیا۔ کھیل کرائے ہر مِہربان، مہما اگنت گنی نہ جائیا۔ دھارے روُپ کرِشنا کاہن، نند جشودا دئے وڈیائیا۔ غریِب نِمانیاں دیوے مان، بِدر سُداما گلے لگائیا۔ ارجن ایکا دے گیان، اٹّھ دس دس اٹّھ اٹھاراں دھیائے کرے پڑھائیا۔ تریَلوکی ناتھ کھیل مہان، سچ سلوک اِک جنائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ویس وٹائیا۔ سَتجُگ تریتا دواپر اُتریا پار، کلجُگ لوک مات پرگٹایا۔ بودھی شبدی اِک گیان، آتم پرماتم اِک دِرڑایا۔ کرے کھیل بےپہچان، دِس کِسے نہ آیا۔ پنج تت کایا دیوے اِک پَیغام، پَیغمبر اپنا روُپ وکھایا۔ عیسیٰ موُسیٰ دے کلام، کلمہ اِمام آپ پڑھایا۔ مقامے حق بَیٹھ سچ مکان، ساچا کعبہ دئے جنایا۔ کھیلے کھیل والی دو جہان، دوئے دوئے اپنا روُپ دھرایا۔ جوتی جوت سروُپ ہرِ، آپ اپنی کِرپا کر، جُگ جُگ اپنا راہ چلایا۔ جُگ جُگ راہ چلائے ہرِ ہرِ، ہرِ وڈّا وڈ وڈیائیا۔ لوک مات کھولے در در، در دروازہ آپ جنائیا۔ لکھّ چؤراسی جیِو پھڑ پھڑ، جُگ جُگ اپنے مارگ لائیا۔ سرگُن اندر نِرگُن وڑ وڑ، کرے سچ رُشنائیا۔ جوتی جوت سروُپ ہرِ، آپ اپنی کِرپا کر، اپنی کھیل آپ ورتائیا۔ ورتائے کھیل نؤجوان، نؤبت اپنے نام وجائیندا۔ اِک محمد کر پروان، سچ حدیِث اِک سُنائیندا۔ ایکا کلمہ اِلاہی کلام، کایا کُرہ آپ سمجھائیندا۔ ایکا دیوے سچ پَیغام، پیِر پَیغمبر آپ پڑھائیندا۔ جوتی جوت سروُپ ہرِ، آپ اپنی جوت دھر، اُمت اُمتی کھیل کھِلائیندا۔ اُمت اُمتی کھیل کھِلایا، نِرگُن سرگُن وڈ وڈیائیا۔ اپنا بھیوَ نہ کِسے جنایا، بےاَنت کہے خُدائیا۔ ویس اولّڑا روُپ دھرایا، رنگ ریکھ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، اپنا مارگ آپے لائیا۔ اپنا مارگ نِرگُن دھار، نِراکار نِرنکار آپ لگائیندا۔ پنج تت چولی کر پیار، نانک اپنا روُپ وٹائیندا۔ سچکھنڈ نِواسی سچکھنڈ دوارے دے آدھار، جوتی جوت جوت جگائیندا۔ کایا کوٹ کر تیار، ساچا مندر اِک سُہائیندا۔ اندر وڑ کرے گُفتار، گُفت شُنید کھیل کرائیندا۔ آپ وجائے سچ ستار، ناڑ بہتّر رباب بنائیندا۔ ایکا بول ایکنکار، ایکنکارا گیِت الائیندا۔ ستنام سچ بھنڈار، لوک مات مات ورتائیندا۔ جیِواں جنتاں دئے آدھار، سادھاں سنتاں آپ سمجھائیندا۔ اوُچاں نیِچاں بھیوَ نیار، راؤ رنکاں ایکا رنگ

وکھائیندا۔ بنک دوارا کھول بھنڈار، سَت سَتوادی ساچا ہٹّ کُھلائیندا۔ آتم پرماتم اِک آدھار، برہم پاربرہم مِلائیندا۔ ناتا توڑ گڑھ ہنکار، مایا ممتا موہ چُکائیندا۔ من منسا کر خوار، بُرج ہنکاری آپے ڈھائیندا۔ دیوے مت گُر وِچار، گُر گُر بوُجھ بُجھائیندا۔ جوتی جوت سروُپ ہرِ، آپ اپنی کِرپا کر، ساچا راہ آپ چلائیندا۔ نانک چلائے اِکو راہ، نام سَت سَت پڑھائیا۔ گوبِند پلّوُ دئے پھڑا، ایکا گنڈھ دوائیا۔ دوہاں وِچولا بےپرواہ، پُرکھ اکال سیو کمائیا۔ لیکھا جانے تھاؤں تھاں، بُھل کدے نہ جائیا۔ لکھّ چؤراسی جیِو جنت ورن برن جیرج انڈج اُتبُھج سیتج کھانی بانی پِتا ماں، گُر اوتار پیِر پَیغمبر سادھ سنت اپنی گود بہائیا۔ آد جُگاد سچّا ناں، لوک مات مات کرے رُشنائیا۔ جے کوئی کہے پربھوُ بُھل کے رستہ رہیا وکھا، بُھلی سرب لوکائیا۔ اپنا بھیوَ کوئی جانے نہ، مایا بَیٹھی پڑدہ پائیا۔ نانک گوبِند وکھائے ایکا راہ، ساچا مارگ سرِشٹ سبائی دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ ہرِ کرتارا، ہرِ جوُ اپنا کھیل کرائیندا۔ دُکھی جیِو نہ دِسے وِچ سنسارا، دُکھیاں دُکھ آپ ونڈائیندا۔ ہرِ کا بھیوَ نہ پائے موُرکھ مُگدھ گوارا، مایا پڑدہ نہ کوئے اُٹھائیندا۔ جُگا جُگنتر ساچی کارا، کرتا پُرکھ آپ کرائیندا۔ سیوک بن بن کٹے آپ وگاراں، نِیوں نِیوں اپنا سیِس جھُکائیندا۔ جوتی جوت سروُپ ہرِ، آپ اپنی کِرپا کر، گُرمُکھ ساچے راہ چلائیندا۔ گُرسِکھ سچّا نہ جائے بُھل، گُر سَتگُر کری پڑھائیا۔ جو جن اُپجیا نانک کُل، تِس نانک دئے وڈیائیا۔ گُر گوبِند پائے مُل، جو گُر گوبِند اوٹ تکائیا۔ سَتگُر بھنڈارا سدا اتُل، دیندیاں توٹ نہ رائیا۔ ہرِ دوارا آد جُگاد رہیا کُھل، نہ کوئی سکے بند کرائیا۔ جو گُر کے کنڈے جائے تُل، دوُجے در نہ قیِمت پائیا۔ جوتی جوت سروُپ ہرِ، آپ اپنی کِرپا کر، ساچا مارگ آد جُگاد ایکا ہرِ کا ناؤں وکھائیا۔ ساچا مارگ وِچ سنسار، آد جُگادی ہرِ چلائیندا۔ سَتجُگ تریتا دواپر کلجُگ اُترے پار، تھِر کوئے رہن نہ پائیندا۔ پُرکھ اکال دیِن دَیال ورن گوت ذات پات دیِن مذہب وسے باہر، شرع شریِعت بند نہ کوئے کرائیندا۔ دو جہاناں سِری بھگوانا گھٹ گھٹ واسی پُرکھ ابناسی سرب جیِاں دا سانجھا یار، نوَ نؤ اپنا راہ وکھائیندا۔ جِس جن آتم بند کِواڑا کھولے کِواڑ، ساچا در آپ سُہائیندا۔ دُکھیئے دُکھ نہ لگّے وا تتی ہاڑ، امرت میگھ اِک برسائیندا۔ ہوئے پرکاس ناڑ ناڑ، اگیان اندھیر چُکائیندا۔ سَتگُر پوُرا سدا سہائی جنگل جوُہ اُجاڑ پہاڑ، ڈوُنگھی کَندر دَیا کمائیندا۔ ترےَگُن مایا تت نہ سکے ساڑ، جِس سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا

کر، مارگ اپنا اپنے ہتّھ رکھائیندا۔ مارگ سچّا ایکنکارا، آد جُگاد لگائیا۔ میٹنہارا جھوُٹھ پسارا، جھوُٹھی کرے نہ کدے پڑھائیا۔ ایکا مندر ایکا گُروُدوارا، ایکا شِودوالا مٹھ گھر گھر دئے سمجھائیا۔ ایکا ناد اِک دُھنکارا، ایکا آتمک راگ سُنائیا۔ ایکا باتی کر اُجیارا، گھر گھر وِچ کرے رُشنائیا۔ ایکا میٹے گڑھ ہنکارا، کام کرودھ موہ لوبھ ہنکار نہ ہوئے ہلکائیا۔ ایکا آسا ترِسنا کرے خوارا، ایکا من دی منسا دیوے مِٹائیا۔ ایکا برہم کرے اُجیارا، ایکا پاربرہم سمائیا۔ ایکا آتم سیجا ہو تیارا، بَیٹھا سیج سُہائیا۔ ایکا گائے منگلاچارا، مِل مِل سخیاں گیِت الائیا۔ گُرمُکھ بوُجھے بوُجھنہارا، جِس جن اپنی بوُجھ بُجھائیا۔ گُرسِکھ اندر گُر گُر دھارا، گُر شبدی شبد رہیا سُنائیا۔ باہروں دِسے پنج تت آکارا، نِرگُن اندر اپنا کھیل ورتائیا۔ ایکا نام اِک جَیکارا، جےَ جَیکار اِک سُنائیا۔ ساچا مارگ اپر اپارا، اپرمپر اپنا آپ لگائیا۔ دُکھیاں دُکھ دُکھ جِس نِوارا، دُکھ وِچ کدے نہ پائیا۔ ساچا سُکھ سَتگُر چرن دوارا، دوُجی اوٹ نہ کوئے سرنائیا۔ سانتک سَت سَت ورتے ورتارا، من منسا من ہی ماہے کھپائیا۔ دہ دِشا اُٹھ اُٹھ نہ کرے وِچارا، چار کُنٹ نہ پھیرا پائیا۔ جوتی جوت سروُپ ہرِ، آپ اپنی کِرپا کر، ساچا مارگ ایکا ایک لگائیا۔ ساچا مارگ لگّے جہان، دو جہاناں والی آپ لگائیندا۔ چؤداں لوک ویکھے مار دھیان، چؤداں طبق پھول پھولائیندا۔ چؤداں وِدیا ویکھ نادان، نام نِدھان اِک پرگٹائیندا۔ بھگتاں دیوے برہم گیان، ساچے سنتاں پڑدہ لاہِندا۔ گُرمُکھاں ایکا راگ سُنائے کان، انادی اپنا ناد وجائیندا۔ گُرسِکھ اپنے در کرے پروان، سَت پروانہ نام پھڑائیندا۔ جوتی جوت سروُپ ہرِ، آپ اپنی کِرپا کر، گُر گُر گُرسِکھ وِچ سمائیندا۔ گُرسِکھ اندر گُر گُر رنگ، ہرِ سَتگُر آپ چڑھائیا۔ گُرسِکھ اندر سیج پلنگ، ہرِ سَتگُر آپ سُہائیا۔ گُرسِکھ اندر نام مردنگ، ہرِ سَتگُر آپ وجائیا۔ گُرسِکھ اندر کوٹن کوٹ سوُرج چند، بَیٹھے مُکھ شرمائیا۔ گُرسِکھ اندر کھیل برہمنڈ، ہرِ برہمادی آپ جنائیا۔ گُرسِکھ ناتا تُٹے نار رنڈ، ہرِ کنت سُہاگ اِک ہنڈھائیا۔ جوتی جوت سروُپ ہرِ، آپ اپنی کِرپا کر، گُرسِکھ اندر سَتگُر رہیا سمائیا۔ گُرسِکھ اندر سَتگُر وسے پاس، آتم پرماتم میل مِلائیندا۔ کِس دوارے کرے ارداس، ارداس سُنن والا گھر گھر گھر پھیری پائیندا۔ ویکھے وِگسے پُرکھ ابناس، پُرکھ پُرکھوتم روُپ وٹائیندا۔ سدا سُہیلا اِک اَکیلا کدے نہ ہوئے وِناس، سرِشٹ سبائی وِناسی روُپ جنائیندا۔ جوتی جوت سروُپ ہرِ، آپ اپنی کِرپا کر، سَتگُر دیوے ساچا ور، گُرسِکھ تیرے سواس سواس سمائیندا۔ سواس

سواس گُر گُر میلا، چیلا روُپ نظر نہ آئیا۔ چیلا گُر سجّن سُہیلا، سَتگُر پوُرا بےپرواہیِا۔ آد اَنت جُگا جُگنت سِری بھگوَنت آپے جانے اپنا ویلا، تِھت وار نہ کوئے وکھائیا۔ اچرج کھیل پاربرہم کلجُگ انتم کھیلا، بھیوَ کِسے نہ آئیا۔ جوتی جوت سروُپ ہرِ، آپ اپنی کِرپا کر، سچّی ارداس گُرسِکھ تیری سدا سدا لیکھے لائیا۔ گُرسِکھ سچّا کرے سچّی ارداس، سَتگُر پوُرا لیکھے پائیندا۔ کیِتی ارداس ہوئے نہ ناس، اٹل اٹل آپ رکھائیندا۔ اندر وڑ وڑ کرے پرکاس، اپنی بوُجھ بُجھائیندا۔ تُوں میرا میَں تیرا اِکو گھر رکھیئے واس، گُرسِکھ تیرا گھر موہے بھائیندا۔ تیرے منڈل تیری راس، تیری سُرتی میرا شبد گوپی کاہن کھیل کھِلائیندا۔ تیری پوُری پوُری آس، میرا تیرا اِک وِشوَاس، ایکا در سوبھا پائیندا۔ جوتی جوت سروُپ ہرِ، آپ اپنی کِرپا کر، اپنا مارگ اپنا پنتھ اپنا مگ آپ چلائیندا۔ ساچا مگ چلائے بےپرواہ، جُگا جُگنتر وڈ وڈیائیا۔ جے کوئی جیِو کہے چنگا نہ، کرتے گھٹ کِچھ نہ جائیا۔ کلجُگ لیکھا دینا مُکا، لوک مات رہن نہ پائیا۔ سَتجُگ دھرت دھوَل دی گودی دینا بہا، لوک مات وجےّ ودھائیا۔ نؤ کھنڈ پرِتھمی ایکا ناؤں لَینا گا، گوبِند ڈھولا سچےّ ماہیِا۔ چار ورناں ایکا مندر دینا بہا، گُر دوارا اِک وکھائیا۔ برن اٹھاراں ناتا دینا تُڑا، راؤ رنک ہوئے سہائیا۔ گوبِند ارداسا نہ سکے کوئی بُھلا، سو بُھلیا جِس گوبِند نظر نہ آئیا۔ رسنا جِہوا سارے رہے گا، نِج نیتر درس کوئے نہ پائیا۔ ترےَگُن مایا نہ کٹّیا پھاہ، منسا من نہ کوئے مِٹائیا۔ کایا مندر اندر نہ لیا منا، گھر وِچ گھر نہ پھیرا پائیا۔ آتم سُتا نہ لیا جگا، پرماتم ویکھے نہ چائیں چائنیا۔ ساچی سیج نہ لیا بہا، کنت کنتُوہلا سچّا ماہیِا۔ انگیکار نہ لیا کرا، پنج تت کایا کمّ کِسے نہ آئیا۔ نِرگُن چند نہ لیا چڑھا، جوُٹھ جھوُٹھ اندھیر نہ باہر کڈھائیا۔ پنج وِکارا نہ لیا ڈھاہ، اپنا بل ودھائیا۔ بِن سَتگُر درس جھوُٹھی کایا اَنت ہوئے سواہ، خاکی خاک خاک اُڈائیا۔ سَتگُر پوُرا حاضر حضوُرا نِرگُن داتا پُرکھ بِدھاتا پکڑے سب دی بانہہ، جو جن بَیٹھے دھیان لگائیا۔ کھتری براہمن شوُدر وَیش ہنس بنائے پھڑ پھڑ کاں، رحمت رحمان آپ کمائیا۔ جِس نے کھادھی سوُر گاں، تِس نوُں دیوے اَنت سزائیا۔ سرب جیِاں دا اِکو ناں، بھنّ بھنّ رہے سُنائیا۔ سرب جیِاں دا اِکو پِتا ماں، اپنی گود بہائیا۔ نانک نِرگُن سرگُن گیا سمجھا، پُرکھ اکال سچّا شہنشاہیِا۔ گوبِند پلّوُ گیا پھڑا، آپ اپنا رنگ چڑھائیا۔ آد اَنت ہوئے سہا، بھگت بھگوَنت ساچے سنت گُرمُکھ گُرسِکھ اپنی گود اُٹھائیا۔ جوتی جوت سروُپ ہرِ، آپ اپنی کِرپا کر، سچ ارداسا ایکا ایک رکھائیا۔ سچ ارداسا سَتگُر چرن اوٹ، ملِے وڈ وڈیائیا۔ من

واسنا کڈھے کھوٹ، کوُڑی کِریا دئے گوائیا۔ اندر وڑ کے ویکھے کایا کوٹ، سَتگُر بَیٹھا ڈیرہ لائیا۔ نِرمل جگا کے بَیٹھا جوت، گُرسِکھ تیرا راہ تکائیا۔ مایا اندر آلنیوں ڈِگا بوٹ، من دھکاّ رہیا لگائیا۔ جوتی جوت سروُپ ہرِ، آپ اپنی کِرپا کر، سچ ارداس گُرسِکھ سدا گھال پائیا۔ ساچی ارداس پائے گھال، کیِتی گھال بُھل نہ جائیا۔ گُرمُکھ ویکھے ساچے لال، لالن اپنے رنگ رنگائیا۔ شبدی گُر بن دلال، جگت وِچولا پھیرا پائیا۔ ناتا توڑ کال مہاکال، سِر اپنا ہتّھ ٹِکائیا۔ ساچا مارگ دسےّ راہ سُکھال، سَتجُگ ساچی کرے پڑھائیا۔ کایا مندر اندر سچّی دھرمسال، ساچا مندر اِک سُہائیا۔ ہرِ جوُ بَیٹھا دیِن دَیال، دیِناں ناتھ دَیا کمائیا۔ سنت سُہیلے آپے بھال، اپنا میل مِلائیا۔ جوتی جوت سروُپ ہرِ، آپ اپنی کِرپا کر، گُرسِکھاں گُرمُکھاں ہرِ بھگتاں ساچے سنتاں ساچی ارداس سدا سدا پڑھائیا۔ گُرمُکھ پڑھن ساچی ارداس، اَنتر آتم اِک لِو لائیا۔ ناتا توڑ پرِتھمی آکاش، گگن گگننتر پندھ مُکائیا۔ چرناں ہیٹھ روَ سس کرے پرکاس، وِشن برہما شِو سیِس جھُکائیا۔ گُرمُکھ وسے سَتگُر پاس، سَتگُر گُرمُکھ وِچ سمائیا۔ سو گُرمُکھ ہویا داس، جِس داسی بن کے ہرِ جوُ سیو کمائیا۔ ایتھے اوتھے دو جہان اندر باہر گُپت ظاہر نِرگُن نوُر جوت پرکاس، پرکاس مان سرب لوکائیا۔ دھنّ گُرسِکھ جو سَتگُر اَگے کرے ارداس، دوئے دوئے جوڑ اپنا سیِس جھُکائیا۔ جوتی جوت سروُپ ہرِ، آپ اپنی جوت دھر، تِس گُرسِکھ گُر سنگت سدا بل بل جائیا۔ گُرسِکھ تیرا اُچ محلہ، بھیوَ کوئے نہ پائیندا۔ گُرسِکھ تیرا سُچا پلّا، دُرمت مَیل نہ کوئے وکھائیندا۔ گُرسِکھ تیرا اِکو ہلّا، گوبِند اپنی گود بہائیندا۔ گُرسِکھ تیرا اِکو بھلّا، پنج وِکار ڈیرہ ڈھاہِندا۔ گُرسِکھ تیرا سَتگُر تیرے اَگے کھلا، دُئی دوَیتی پڑدہ لاہِندا۔ جوتی جوت سروُپ ہرِ، آپ اپنی کِرپا کر، آد جُگاد گُرسِکھاں اپنی بوُجھ بُجھائیندا۔ گُرمُکھ تیرا اُچ منارا، سو پُرکھ نِرنجن آپ بنایا۔ تیرا مِتر ایکنکارا، دوُجا ساک نہ کوئے رکھایا۔ تیرا ناد انحد دُھنکارا، دوُجا ساز نہ کوئے وجایا۔ تیرا نوُر جوت اُجیارا، دوُجا دیِپ نہ کوئے جگایا۔ تیرا اِشٹ تیرا گُروُدوارا، پُرکھ اکال اِک اکھوایا۔ ایتھے اوتھے دئے سہارا، دو جہاناں پار کرایا۔ سچکھنڈ بہائے ٹھانڈے دربارا، چرن کوَل دئے سرنایا۔ جوتی جوت جوت ہُلارا، جوتی جوت لئے مِلایا۔ جوتی جوت سروُپ ہرِ، آپ اپنی جوت دھر، گُرمُکھ اپنے رنگ رنگایا۔ دھنّ وڈیائی ساچے سنت، مہما گنت گنی نہ جائیا۔ تُوں نار سُہاگن تیرا اِکو کنت، پاربرہم بےپرواہیِا۔ تیری کایا چولی چڑھے رنگ بسنت، اُتر کدے نہ جائیا۔ تیرا میلا آد اَنت، جگت وِچھوڑا دئے

مُکائیا۔ جِس بنائی تیری بنت، اَنت اپنی گود اُٹھائیا۔ جوتی جوت سروُپ ہرِ، آپ اپنی کِرپا کر، ساچے سنت سدا سمائیا۔ ہربھگت تیری وڈیائی وڈ، ہرِ وڈّا وڈ وڈیائیندا۔ لکھّ چؤراسی نالوں کرے اڈّ، اپنا بھیوَ کُھلائیندا۔ لیکھے لائے پنج تت کایا ماس ناڑی رتّ ہڈّ، تتَو تت بھیوَ چُکائیندا۔ آپ کرائے پار حد، اَدھ وِچکار نہ کوئے اٹکائیندا۔ سچکھنڈ دوارے آپے سدّ، اپنا درس کرائیندا۔ کوٹن کوٹی رہے لبھ، دِس کِسے نہ آئیندا۔ جوتی جوت سروُپ ہرِ، آپ اپنی کِرپا کر، بھگت بھگوَنت ایکا گھر وکھائیندا۔ بھگت بھگوَنت سنت کنت، گھر ساچے سوبھا پائیا۔ گُرمُکھ میلا آد اَنت، گُرسِکھ نہ ہوئے جُدائیا۔ نِرگُن سرگُن منیِا منت، منتر نام کرے پڑھائیا۔ ملِے وڈیائی جیِو جنت، جوتی جوت سروُپ ہرِ، آپ اپنی کِرپا کر، سَت سَت وِچ سمائیا۔ سَت سَت ہرِ کرے سانت، سانتک اپنی دَیا کمائیندا۔ بھرم بُھلیکھا کڈھ بھراَنت، بھانڈا بھؤ بھنّائیندا۔ اَنتر میٹ اندھیری رات، ساچا چند چڑھائیندا۔ نام اگمّی سُنا گاتھ، اپنا ساتھ رکھائیندا۔ جوتی جوت سروُپ ہرِ، آپ اپنی کِرپا کر، گُرمُکھ ساچے سَت کرائیندا۔ گُرمُکھ ساچا ہوئے اتیِت، ترےَگُن اتیِتا آپ کرائیا۔ کر کِرپا امرت نام دیوے ٹھانڈا سیِت، بھر پیالہ جام پیائیا۔ پتت اُدھارن پتت پاپی کرے پُنیِت، پرم پُرکھ سہج سُکھدائیا۔ جوتی جوت سروُپ ہرِ، آپ اپنی کِرپا کر، گُرمُکھ ایکا رنگ رنگائیا۔ گُرمُکھ رنگے رنگ انڈِٹھ، انڈِٹھڑے دھام آپ رنگائیندا۔ گھر گھر سُتا دے کر پِٹھ، اپنی کروٹ نہ بدلائیندا۔ کِرپا کرے سَتگُر جِس اُپر سِکھ، تِس سِکھ اپنی سِکھیا سچ سمجھائیندا۔ بِن قلم دواتوں دیوے لیکھ لِکھ، لِکھیا لیکھ نہ کوئے مِٹائیندا۔ جِن نانک گوبِند دِتی نام بِھکھ، تِس من نِیوں نِیوں سیِس جھُکائیندا۔ میری چتُرائی چلے نہ کِچھ، جِدھر ویکھاں اندر بَیٹھا گوبِند نظری آئیندا۔ میَں اندر آواں بن کے ڈھیِٹھ، دوئے جوڑ واسطہ پائیندا۔ میری لگّ جائے سَتگُر تیرے نال پریِت، دوُجی اوٹ نہ کوئے رکھائیندا۔ میرا کعبہ مندر تُوں مسیِت، شِودوالا مٹھ گُروُدوارا تُوں ہی نظری آئیندا۔ میَں ہاریا تُوں گیا جیِت، نِیوں نِیوں سیِس جھُکائیندا۔ جوتی جوت سروُپ ہرِ، آپ اپنی کِرپا کر، جِس گُرمُکھ وکھائے اپنا گھر، سو گُرمُکھ دوُجے در نہ منگن جائیندا۔ گُرسِکھ نہ منگے دوُجے در، نانک نِرگُن کری پڑھائیا۔ گُرسِکھ نہ رکھے کوئی ڈر، گُر گوبِند کھنڈا ہتّھ پھڑائیا۔ گُرسِکھ اپنے اندر آپے ویکھے وڑ، گُر کا شبد کمائیا۔ سَتگُر پوُرا اَگوں درشن دیوے کھڑ، سوَچّھ سروُپی روُپ وٹائیا۔ سُکھمن ٹیڈھی بنکوں باہر کڈھے بانہہ پھڑ، اِیڑا پِنگل نہ کوئے اٹکائیا۔ اندھ اندھیرا جائے دڑ،

پنچ وِکارا مُکھ چُھپائیا۔ من ہنکاری چرن لئے پھڑ، اپنی بُھلے سرب چتُرائیا۔ سَتگُر پوُرا دَیا دیوے کر، دیِنن اپنی دَیا کمائیا۔ گھر پرکاس اِکو کر، جوت نِرنجن کرے رُشنائیا۔ انحد ناد وجےّ دھڑا دھڑ، تال تلواڑا اِک سُنائیا۔ بجر کپاٹی تُٹے گڑھ، پڑدہ رہن کوئے نہ پائیا۔ آتم سیجا ملِے ور، گھر سچّا سچّا ماہیِا۔ گُرسِکھ گُر اِک دوارے بہن رل، مِل مِل خوشی منائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر بھگت سنت گُرمُکھ گُرسِکھ دیوے دیونہار مان وڈیائیا۔ شبد گوبِند شبد گھوڑا، شبدی شبد ہرِ دؤڑائیا۔ شبدی شبد ساچا جوڑا، دو جہاناں پھیرا پائیا۔ ساچے گُرمُکھاں اندر وجےّ پؤڑا، ساڈھے تِنّ ہتّھ کایا دھرت رہیا ہِلائیا۔ جِس اَنتر من واسنا روُپ دھر کے بَیٹھی کؤڑا، تِس کان سُنن نہ پائیا۔ جِس جن جنم جنم دی لگّی اؤڑا، تِس جن اپنا درس دِکھائیا۔ اَگے سماں رہِ گیا تھوڑا، لکھّ چؤراسی اپنا بھیوَ دئے جنائیا۔ جوتی جوت سروُپ ہرِ، آپ اپنی کِرپا کر، ساچے گھوڑے دئے سُنائیا۔ ساچا گھوڑا مارے پؤڑ، پؤڑا دو جہان لگایا۔ ساچے بھگتاں رہیا بہُڑ، بہُڑی بہُڑی کرے سرب لوکایا۔ پہلوں ویکھو اپنے اندر تکّ کے غؤر، گوبِند نظر کِسے نہ آیا۔ گوبِند گھوڑا اٹّھے پہر پاوے شور، پریم دانہ منگ منگایا۔ سَتگُر پوُرا اپنے ہتّھ وِچ پھڑ کے بَیٹھا ڈور، بِن پوُرن سِکھاں نظر کِسے نہ پایا۔ جوتی جوت سروُپ ہرِ، آپ اپنی کِرپا کر، شبدی گھوڑا اِک رکھایا۔ شبدی گھوڑا وڈّا بلوان، بلدھاری اِک رکھائیندا۔ گوبِند سوُربیِر نؤجوان، شاہ پاتشاہ آسن لائیندا۔ نؤ کھنڈ پرِتھمی ستّ دیِپ سولاں کلیاں اِک نِشان، کنّی کنّی ونڈ ونڈائیندا۔ چار کُنٹ دہ دِشا ویکھے مار دھیان، برہمنڈ کھنڈ پھول پھولائیندا۔ جوتی جوت سروُپ ہرِ، آپ اپنی کِرپا کر، ساچا گھوڑا اِک جنائیندا۔ ساچا گھوڑا اِک اگمّ، اگمّڑی چال رکھائیندا۔ چار پاؤں نہ کوئی چمّ، گردن کنّ نہ کوئے رکھائیندا۔ نِرگُن کھیل سِری بھگوَن، گوبِند جوتی جوت وکھائیندا۔ چاروں کُنٹ ویکھنہارا وڈ مِہربان، مِہر اپنی دَیا کمائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا پؤڑ سُنن والے ساچے کنّ بنائیندا۔ بِن کِرپا نہ جھُکے سیِس، کوٹن سیِس بَیٹھے دھڑ اُٹھائیا۔ بِن کرماں نہ ملِے جگدیِش، جیِو چلے نہ کوئے چتُرائیا۔ کرے کھیل بیِس اِکیِس، ایکا ہر گھٹ نظری آئیا۔ چھتر جھُلے ساچے سیِس، شاہ پاتشاہ شہنشاہ وجےّ ودھائیا۔ جوتی جوت سروُپ ہرِ، آپ اپنی کِرپا کر، جِس دا لیکھ تِس آپے لئے مِلائیا۔ بُرا کرم جِس جن مِٹاؤنا، پہلوں لئے سرن سرنائیا۔ دوُجے سَتگُر شبد دھیاؤنا، مان موہ چُکائیا۔ تیِجے مستک دھوُڑ لگاؤنا،

خاکی خاک رمائیا۔ چؤتھے در در درویش اکھواؤنا، دردی دُکھ ونڈائیا۔ پنچم ناتا موہ تُڑاؤنا، چھیویں چھپر موہ تجائیا۔ ستّویں سَت سَتوادی اوٹ رکھاؤنا، اٹّھاں تتاں بھیٹ کرائیا۔ نؤ دوارے پندھ مُکاؤنا، دسویں بوُجھ بُجھائیا۔ سَتگُر ساچے پِھر درشن پاؤنا، نِرگُن نِراکار ایکا نظری آئیا۔ جِس نوُں ہرِ جوُ آپ مناؤنا، راتی سُتیاں لئے اُٹھائیا۔ جوتی جوت سروُپ ہرِ، آپ اپنی کِرپا کر، سِنگھ تاروُ تاروُ سِنگھ ایکا بوُجھ بُجھائیا۔