پہلی ہاڑ ۲۰۱۹ بِکرمی جیٹھوُوال دربار وِچ دَیا ہوئی
سَت پُرکھ نِرنجن سچّا شہنشاہ، سَت سَتوادی کھیل کرائیندا۔ سچ سِنگھاسن آسن لا، نِرگُن نوُر ڈگمگائیندا۔ تخت نِواسی ساچے تخت سوبھا پا، سچکھنڈ دوارا آپ وڈیائیندا۔ الکھ اگوچر اگمّ اتھاہ بےپرواہ، بےاَنت اپنی کل دھرائیندا۔ سو پُرکھ نِرنجن ناؤں رکھا، بھیوَ ابھید آپ جنائیندا۔ ہرِ پُرکھ نِرنجن ویس وٹا، جوتی جاتا پردہ لاہِندا۔ ایکنکارا کھیل کھلا، ساچا رنگ آپ وکھائیندا۔ آد نِرنجن نوُر رُشنا، نوُرو نوُر نوُر سمائیندا۔ ابناسی کرتا سچ دوارے ڈنک وجا، ایکا ڈنکا آپ جنائیندا۔ سِری بھگوان نِشان جھُلا، سچ نِشانہ آپ وکھائیندا۔ پاربرہم پربھ بےپرواہ، روُپ انوُپ آپ درسائیندا۔ شاہو بھوُپ بن راجن راجا، حُکمی حُکم آپ الائیندا۔ دُھر فرمانا آپے گا، ساچا گانا آپ سُنائیندا۔ آد رچنا جِس لئی رچا، رچ رچ اپنا کھیل کرائیندا۔ سچکھنڈ دوارا اِک پرگٹا، پرگٹ اپنی جوت وکھائیندا۔ نہ کوئی پِتا نہ کوئی ماں، پوُت سپوُت نہ کوئے اکھوائیندا۔ نہ کوئی مندر نہ مکاں، چھپر چھنّ نہ کوئے چُھہائیندا۔ نِرگُن نوُر نوُر رُشنا، جوتی جاتا پردہ لاہِندا۔ اپنا لیکھا اپنی جھولی پا، اپنا کھاتہ آپ بھرائیندا۔ جوتی جوت سروُپ ہرِ، آپ اپنی کِرپا کر، کر کِرپا ویکھ وکھائیندا۔ ویکھنہارا ایکنکار،
سچکھنڈ نِواسی دَیا کمائیندا۔ نِرگُن نِراکار ہو اُجیار، نِروَیر اپنا بھیوَ چُکائیندا۔ اجوُنی رہِت کھیل اپار، کرتا پُرکھ آپ کرائیندا۔ سَت دوارا کھول کِواڑ، گھر گھر وِچ آپ وڈیائیندا۔ سچکھنڈ دوارے پَیج سوار، تھِر گھر اپنا رنگ رنگائیندا۔ شبدی سُت اِک دُلار، جن جننی آپ پرگٹائیندا۔ دائی دایا بن نِرنکار، ساچی سیوا سیو کمائیندا۔ جوتی جوت سروُپ ہرِ، آپ اپنی کِرپا کر، سچ دوارا آپ سُہائیندا۔ سچ دوارا سچ سِنگھاسن، ہرِ جوُ ہرِ ہرِ آپ لگائیا۔ کھیلے کھیل پُرکھ ابناسن، ابناسی کرتا دھار چلائیا۔ اپنے منڈل پاوے راسن، روُپ رنگ ریکھ نہ کوئے رکھائیا۔ آد جُگادی بن بن ساتھن، سگلا سنگ آپ نِبھائیا۔ رتھ رتھواہی بن چلائے راتھن، جوتی جوت سروُپ ہرِ، آپ اپنی کِرپا کر، سچکھنڈ دوارا اِک وڈیائیا۔ سچکھنڈ دوارا وڈّا وڈ، سو پُرکھ نِرنجن آپ بنایا۔ اپنی اِچھیا اپنے وِچوں کڈھ، آپ اپنا رنگ رنگایا۔ آپے بَیٹھا ساچے مندر سج، سَت سَتوادی ڈیرہ لایا۔ کر کھیل پُرکھ سمرتھ، سمرتھ اپنا راہ چلایا۔ اپنی مہما جانے اکتھ، کتھ کتھ بھیوَ نہ کِسے سُنایا۔ جوتی جوت سروُپ ہرِ، آپ اپنی کِرپا کر، سچکھنڈ دوارا آپ وسایا۔ سچکھنڈ دوارا گیا وس، سو پُرکھ نِرنجن آپ وسائیندا۔ نِرگُن نِراکار نِروَیر اجوُنی رہِت کرے کرائے سُتح پرکاس، پرکاشوان اپنا بھیوَ آپ جنائیندا۔ اپنے گرِہ اپنے مندر اپنے گھر آپ کر کر بھوگ بلاس، ساچی سیج آپ ہنڈھائیندا۔ تخت نِواسی شاہو شاباش، آپے کرے اپنی پوُری آس، آسا ہور نہ کوئے ودھائیندا۔ جوتی جوت سروُپ ہرِ، آپ اپنی کِرپا کر، سچکھنڈ دی ساچی دھار، آد پُرکھ پُرکھ نِرنکار کرے کرائے کرنے ہار، دوُسر سنگ نہ کوئے رلائیندا۔ دوُسر سنگ نہ کوئے ساتھ، بھیوَ ابھید آپ جنائیا۔ آد آد چلایا راتھ، بن رتھواہی سیو کمائیا۔ شبدی سُت سُت دِتی دات، بن دانی آپ ورتائیا۔ تھِر گھر دوار سُنائی ایکا بات، باطن اپنا بھیوَ کُھلائیا۔ آپے بن بن پِت مات، ساک سجّن اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا آپ سُہائیا۔ سچکھنڈ دوارا سُہنجنا، ہرِ سَتگُر ساچا آپ سُہائیندا۔ کر پرکاس آد نِرنجنا، نوُر نوُرانہ ڈگمگائیندا۔ آد جُگادی درد دُکھ بھےَ بھنجنا، بھےَ اوَر نہ کوئے رکھائیندا۔ در گھر ساچے ساچا سجّنا، درگاہ ساچی سنگ رکھائیندا۔ نہ گھڑیا نہ بھجّنا، جنم مرن نہ کوئے رکھائیندا۔ تال نگارہ اِکو وجّنا، راگی راگ نہ کوئے سُنائیندا۔ سُت دُلارا پوُت سپوُتا تھِر گھر ساچے ایکا سدّنا، سدّ سدّ اپنا حُکم سُنائیندا۔ جوتی جوت سروُپ ہرِ، آپ اپنی کِرپا کر، شبدی ایکا حُکم جنائیندا۔ شبد سُت سُن ساچے لال، ہرِ سَتگُر آپ
سُنایا۔ آد جُگاد جُگا جُگنتر بنیا رہیا مات دلال، دو جہاناں دلالی اِک کمایا۔ وِشن برہما شِو تیری جھولی دِتے ڈال، ترےَگُن رنگن رنگ رنگایا۔ پنج تت رکھائے پتّ ڈال، لکھّ چؤراسی پنکھڑی آپ کھِلایا۔ آتم پرماتم کھیل نِرال، برہم پاربرہم ونڈ ونڈایا۔ اِیش جیِو وکھائے دھرمسال، کایا کھیڑا اِک وسایا۔ نِرگُن سرگُن راہ سِکھال، شبدی شبد بھیوَ چُکایا۔ ایکا منتر کھول کِواڑ، سچ سندیسہ آپ الایا۔ جوتی جوت سروُپ ہرِ، آپ اپنی کِرپا کر، سُت شبد رہیا جنایا۔ سُت شبد اُٹھ جاگ، ہرِ سَتگُر آپ جگائیندا۔ آد لگایا تَینوُں بھاگ، تیرا راہ وکھائیندا۔ وِشن برہما شِو سازن ساز، تیری گود بہائیندا۔ کوٹن کوٹ برہمنڈ کھنڈ نواز، لوآں پُریاں تیرے رنگ رنگائیندا۔ ترےَ پنج میلا رچ رچ کاج، لکھّ چؤراسی گھڑ گھڑ بھانڈے، تیرا رنگ رنگائیندا۔ نِرگُن سرگُن اندر کر کر ناچ، بن نٹوُآ سوانگ ورتائیندا۔ اپ تیج وائے پرِتھمی آکاش پنچم کاج، کایا گگری آپ سُہائیندا۔ آتم پرماتم مندر ساج، گھر گھر وِچ آپ سُہائیندا۔ جوتی جوت سروُپ ہرِ، آپ اپنی کِرپا کر، شبدی سُت ایک سُنائیندا۔ شبدی سُت کھول اکھّ، سو پُرکھ نِرنجن آپ سُنایا۔ آد تیری ونڈی ونڈ کیِتا وکھّ، وکھّرا راہ اِک وکھایا۔ لکھّ چؤراسی اندر وس، گھٹ گھٹ ڈیرہ لایا۔ نِرگُن سرگُن مارگ دسّ، بن پاندھی راہ چلایا۔ جوت نِرنجن کر پرکاس، انحد نادی ناد وجایا۔ آتم پرماتم کھیل تماش، برہم پاربرہم وڈیایا۔ جوتی جوت سروُپ ہرِ، آپ اپنی کِرپا کر، سچ سندیسہ رہیا سُنایا۔ سُن سندیسہ ہری دوار، سُت شبد سیِس جھُکائیندا۔ تیرا اَنت نہ پاراوار، بےاَنت تیرا بھیوَ کوئے نہ آئیندا۔ میَں بال انجانا تیرا سُت میرے پروردِگار، تیری کِرن نوُر اکھوائیندا۔ حُکمے اندر سیوا کراں وِچ سنسار، بن بردا سیو کمائیندا۔ وِشن برہما شِو پانہار، دوئے جوڑ سیِس سرب جھُکائیندا۔ در درویش منگن بِھکھار، خالی جھولی سرب جنائیندا۔ تُوں دیونہار داتار، تُدھ بِن آسا پوُر نہ کوئے کرائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیندا۔ منگاں منگ پربھ سوامی ٹھاکر، تیرے اَگے جھولی ڈاہیِا۔ میرا نوُر کر اُجاگر، تیرے نوُر ہوئے رُشنائیا۔ جُگ چؤکڑی بنیا رہیا سؤداگر، بن ونجارا ہٹّ چلائیا۔ وسدا رہیا کایا گاگر، پنج تت اندر ڈیرہ لائیا۔ تیرے ناؤں دے دے آدر، لوک مات خوشی منائیا۔ تُوں کریِم کرتا قادر، رحمت تیری میرے رحمان، میری بنت بنائیا۔ مقامے حق تیرا نِشان، نصیِحت تیری موہے بھائیا۔ میرا سجدہ میری پرنام، میرا سیِس جگدیِش تیرے چرن چُھہائیا۔ تیرا کلمہ سچ کلام، تیرا نام میرے اِمام، ایکا
نؤبت رہیا وجائیا۔ میَں بنیا رہیا غُلام، بن بردا سیو کمائیا۔ پنج تت کایا دے دے مان، گُر اوتار جگت وڈیائیا۔ تیرا سندیسہ سچ پَیغام، پیِر پَیغمبر کر پڑھائیا۔ تیرے حُکمے اندر کوٹن رام، کرِشن کاہن گئے اکھوائیا۔ تیرا کھیل دو جہان، جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن آس نہ کوئے رکھائیا۔ پُرکھ ابناسی سچ سندیسہ بولے، بولنہارا اِک اکھوائیندا۔ سُت شبد تیرے وساں کولے، پردہ اوہلا آپ رکھائیندا۔ جُگ چؤکڑی تیرے کولوں رکھے اوہلے، لوک مات ویس وٹائیندا۔ مان دِوایا پنج تت چولے، جگت ڈولا آپ ہنڈھائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ سُنائیندا۔ ساچا حُکم سچ سندیس، سچکھنڈ نِواسی آپ سُنائیا۔ آد جُگادی اِک نریش، نہ مرے نہ جائیا۔ حُکمے اندر وِشن برہما شِو مہیش، گنپت گنیش سیو کمائیا۔ حُکمے اندر لکھّ چؤراسی رہیا ویکھ، گھٹ گھٹ سیج ہنڈھائیا۔ حُکمے اندر دھارے بھیکھ، بھیکھی اپنا روُپ وٹائیا۔ حُکمے اندر ویکھے منڈل دیس، منڈپ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک جنائیا۔ ساچا حُکم ایکنکار، ایکا وار جنائیندا۔ شبد سُت ہو تیار، آلس نِندرا نہ کوئے جنائیندا۔ پُرکھ ابناسی کھیل کریا اپار، بھیوَ کوئے نہ پائیندا۔ سچکھنڈ دا سچ وِہار، لوک مات وکھائیندا۔ سچ دوارا کر تیار، نر نِرنکارا آسن لائیندا۔ تخت نِواسی شاہ سِکدار، حُکمی حُکم آپ سُنائیندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ کُھلائیندا۔ ساچے سُت اُٹھ بل دھار، ہرِ سَتگُر آپ جنائیا۔ وِشن برہما شِو دوئے جوڑ کرن نِمسکار، دوُر دُراڈے سیِس جھُکائیا۔ ترےَگُن رووے زارو زار، نیتر نَیناں نیِر وہائیا۔ پنج تت کہن ہوئے خوار، ساڈی سار کوئے نہ پائیا۔ تیئی اوتار کرن پُکار، سَتجُگ تریتا دواپر کلجُگ گئے اؤدھ ہنڈھائیا۔ بھگت اٹھاراں نیتر نَین اُٹھال، راہ تکّن سچّے ماہیِا۔ عیسیٰ موُسیٰ محمد ہوئے کنگال، لُٹی گئی خلق خُدائیا۔ چار یار ہوئے بے زار، دردی درد نہ کوئے ونڈائیا۔ باہوں پھڑ سب نوُں لَینا اُٹھال، بچیا کوئے رہن نہ پائیا۔ نانک گوبِند دس دس کر سوال، ایکا جوتی منگ منگائیا۔ نِرگُن روُپ پُرکھ اکال، آد جُگادی پِتا مائیا۔ پنچم میلا سچکھنڈ سچّی دھرمسال، پنچ پروان ہرِ چرن ملِے سرنائیا۔ چار جُگ دے شاہ کنگال، اِکٹّھے کرن ایکا تھائنیا۔ اَگے پِچھے چلنا نال نال، چار کُنٹ دہ دِشا ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ سنیہڑا اِک جنائیا۔ سچ سنیہڑا سُننا اَنت، ایکنکار آپ جنائیندا۔ کلجُگ ویلا آئے اَنت، نؤ سؤ چؤرانوے چؤکڑی جُگ پندھ مُکائیندا۔
جِس نوُں کہندے گئے ہرِ بےاَنت، سو بےاَنت پھیرا پائیندا۔ جِس نوُں سُن دے گئے کنت، سو کنت کنتُوہل ویس وٹائیندا۔ جِس دا پڑھدے گئے منت، سو منتر آپ سِکھائیندا۔ جوتی جوت سروُپ ہرِ، آپ اپنی کِرپا کر، سُت دُلارے آپ جنائیندا۔ سُت دُلارا گیا جان، گھر ساچے وجّی ودھائیا۔ پاربرہم تیرا کھیل مہان، تُدھ بِن بھیوَ کوئے نہ پائیا۔ بالی بُدھ میَں بال انجان، میری چلے نہ کوئے چتُرائیا۔ سَتجُگ تریتا دواپر کلجُگ کھیلیا کھیل مہان، کوٹن کوٹ ویس وٹائیا۔ گُر اوتاراں پیِر پَیغمبراں دے دے تیرا دان، نام خزانہ اِک ورتائیا۔ سَت سندیسہ سچ نِشان، سَت سَتوادی اِک جنائیا۔ تھِر گھر ساچا کھول دُکان، تیرا ہٹّ چلائیا۔ چؤداں لوک ہوئے حَیران، چؤداں طبق نَین شرمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دوُسر اوٹ نہ کوئے تکائیا۔ دوُسر اوٹ نہ رکھی آس، سُت شبدی سیِس جھُکائیندا۔ آد جُگاد پربھوُ تیرا داس، دوُسر حُکم نہ کوئے منائیندا۔ چرناں ہیٹھ کوٹن کوٹ پرِتھمی آکاش، روَ سس نظر کوئے نہ آئیندا۔ گُر اوتار پیِر پَیغمبر جُگ جُگ بوُٹے لائے تیری شاخ، شناخت اپنے ہتّھ رکھائیندا۔ نِرگُن دِیا باتی کر پرکاس، کملاپاتی ویکھ وکھائیندا۔ بن ساقی جام پیا بُجھائے پیاس، امرت جھِرنا اِک جھِرائیندا۔ ناد شبد دُھن راگ بِن رسنا سواس، گھر گھر وِچ گیِت سُنائیندا۔ نِرگُن سرگُن وسے پاس، سرگُن اندر نِرگُن آسن لائیندا۔ آتم پرماتم دے دھرواس، دھرم دوارا اِک وڈیائیندا۔ برہم پاربرہم بُجھائے پیاس، ترِسنا ترِکھا نہ کوئے ودھائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ جنائیندا۔ ساچا کھیل انتم کل، ہرِ جوُ ہرِ ہرِ آپ جنائیا۔ جُگ چؤکڑی کردا رہیا ول چھل، اچھل چھلدھاری ویس وٹائیا۔ گُر اوتار مات گھل، جیِو جنت جنت سمجھائیا۔ انتم سارے جوتی گئے رل، پنج تت کمّ کِسے نہ آئیا۔ جھوُٹھا ناتا ہڈّ ماس ناڑی کھلّ، رَکت بوُند بندھن پائیا۔ وسنہارا نِہچل دھام اٹل، اٹل پدوی اِک سمجھائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ جنائیا۔ ساچا کھیل پُرکھ سمرتھ، سُت شبدی آپ جنائیندا۔ جُگ جُگ چلایا رتھ، رتھ رتھواہی نظر کِسے نہ آئیندا۔ برہما ویتا گا گا گتھ، چارے وید وید وڈیائیندا۔ شاستر سِمرت وید پُران مارگ دسّ، پُران پُرانی نہ کوئے پُجائیندا۔ گیِتا گیان الکھّنا الکھ، الکھّ نِرنجن آپ الائیندا۔ اِنجیِل قُرآنا گا گا جس، تیِس بتیِسا آپ سُہائیندا۔ کھانی بانی کر کر ہٹھ، گُر شبدی بندھن پائیندا۔ انتم لوک مات گُر اوتار پیِر پَیغمبر کایا چولا چھڈ کے گئے نٹّھ، تھِر کوئے رہن نہ پائیندا۔ شبدی گُر اِکو
اِک سچّا جس، جس ہرِ جی آپ سُنائیندا۔ جُگ چؤکڑی کر کر وس، برہمنڈ کھنڈ آپ بھوائیندا۔ سوُرج چنّ رہے نس، نسّ نسّ پندھ نہ کوئے مُکائیندا۔ لکھّ چؤراسی ترےَگُن مایا رہی پھس، پھاسی جم نہ کوئے تُڑائیندا۔ ساچا تیِر نِرالا مارے نہ کوئے کس، انیالا بان نہ کوئے اُٹھائیندا۔ جوتی جوت سروُپ ہرِ، آپ اپنی کِرپا کر، سُت شبد آپ وڈیائیندا۔ سُت شبد کر دلیِل، ہرِ ساچے سچ جنایا۔ نؤ سؤ چؤرانوے جُگ چؤکڑی نِرگُن سرگُن سرگُن نِرگُن بندا رہیا وکیِل، لوک مات پھیرا پایا۔ شاستر سِمرت وید پُران اِنجیِل قُرآن کھانی بانی کر کر گئے اپیِل، پربھ اَگے واسطہ پایا۔ جوتی جوت سروُپ ہرِ، آپ اپنی کِرپا کر، سچ وِہار رہیا جنایا۔ سُت دُلارا ویکھ نِرنکار، تھِر گھر ساچے خوشی منائیندا۔ پُرکھ ابناسی تیرا اَنت نہ پاراوار، بےاَنت تیرا ڈھولا گائیندا۔ تیرا چولا بدلیا ویکھیا وِچ سنسار، سنسار ساگر نظر کِسے نہ آئیندا۔ جِس دا سوہلا گا گا گئے گُر اوتار، پیِر پَیغمبر اوٹ رکھائیندا۔ جِس دی مہما گا گا تھکے وید چار، شاستر سِمرت پُران پُرانی وید ویاسا آس رکھائیندا۔ سو صاحِب کھیل کرے اپار، پرم پُرکھ پھیرا پائیندا۔ کاغد قلم نہ لِکھنہار، لِکھ لِکھ لیکھ نہ کوئے جنائیندا۔ اُٹھ شبد سُت سچ وِہار، ہرِ ساچا سچ کرائیندا۔ چار جُگ دی کنڈیاں واڑ، انتم اپنی ہتھّیں ہوُنجھ وکھائیندا۔ ورن برن کرے پار، دیِن مذہب ذات پات نہ کوئے رکھائیندا۔ کھتری براہمن شوُدر وَیش نہ کوئے وِہار، آتم برہم سرب دِرڑائیندا۔ ساچے تخت بَیٹھا آپ کرتار، دوُسر نظر کوئے نہ آئیندا۔ لوآں پُریاں برہمنڈاں کھنڈا کر خبردار، کھنڈاں ایکا ہتّھ پھڑائیندا۔ گُر اوتاراں پیِر پَیغمبراں دئے اُٹھال، سویا کوئے رہن نہ پائیندا۔ کلجُگ انتم پرگٹ ہویا دیِن دَیال، دَیانِدھ ٹھاکر اپنی کھیل وکھائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ ساچا حُکم دُھردرگاہی، ہرِ ہرِ آپ جنایا۔ سُت دُلارا بنیا راہی، شبدی سیو کمایا۔ تیئی اوتار اُٹھو میرے چھوٹے بھائی، ہرِ جوُ سدّا رہیا گھلایا۔ بھگت اٹھاراں بنو راہی، پیَنڈا اَنت مُکایا۔ عیسیٰ موُسیٰ محمد چار یار کرو صلاحی، صلاحگیِر نظر کوئے نہ آیا۔ دس گُروُ ویکھو چل کے ماہی، پُرکھ ابناسی پھیرا پایا۔ پنجاں وکھائے ساچا تھائیں، تھان تھننتر اِک وڈیایا۔ سب دا لیکھا رہیا مُکائی، پوُرب لیکھا جو جنایا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرایا۔ سارے اُٹھو ہو تیار، شبدی شبد جنائیندا۔ کلجُگ دا اَنت وِہار، سَت پُرکھ نِرنجن آپ کرائیندا۔ سچکھنڈ بنایا اِک دوار، در دربارا آپ سُہائیندا ۔ لوک مات کرے اُجیار، اُجرت ہور نہ کوئے لگائیندا۔ نِرگُن
نِردھن دئے دیِدار، بھیوَ ابھیوَ آپ کُھلائیندا۔ ویکھنہارا شاستر سِمرت وید پُران، اِنجیِل قُرآنا پردہ لاہِندا۔ جوتی جوت سروُپ ہرِ، آپ اپنی کِرپا کر، اپنا کھیل آپ سمجھائیندا۔ ساچا کھیل ایکا وار، ہرِ جوُ ہرِ ہرِ آپ کرائیا۔ وِشنوُں تیرا وِشوَ بھنڈار، اپنے ہتّھ وکھائیا۔ برہمے تیرا برہم پسار، پاربرہم پربھ میٹے چائیں چائنیا۔ شنکر تیری شرع شِنگار، ہتّھ ترسوُل آپ سُٹائیا۔ ترےَگُن تیرا تُٹا جنجال، توڑنہارا ایکو آئیا۔ پنج تت تت ہوئے بےحال، بِہبل ہو ہو نیِر وہائیا۔ تیئی اوتار کرن سوال، پربھ اَگے سیِس جھُکائیا۔ بھگت اٹھاراں کہن تُوں پرِتپال، تُدھ بِن اوٹ نہ کوئے رکھائیا۔ عیسیٰ موُسیٰ محمد چار یار کہن تُوں سانجھا یار، تیری شرع سمجھ وِچ نہ آئیا۔ نانک نِرگُن کہے ایکنکار، گھٹ گھٹ آسن بَیٹھا لائیا۔ گوبِند کہے پُرکھ اکال، اِکو پِتا مائیا۔ انتم سب دا لیکھا لئے سنبھال، لیکھا اپنے ہتّھ رکھائیا۔ کرے کھیل دیِن دَیال، دیِنن اپنے گلے لگائیا۔ چار جُگ دے اَنت کنگال، اپنی گود بہائیا۔ اِک وکھائے ساچی دھرمسال، سچکھنڈ دوار کُنڈا لاہیِا۔ دیِن مذہب شرع وِچوں کرے بحال، شریِعت ڈنّ نہ کوئے وکھائیا۔ نؤ کھنڈ پرِتھمی اِک دلال، نِرگُن اپنا ناؤں دھرائیا۔ جن بھگتاں بنے آپ رکھوال، بن رکھک سیو کمائیا۔ ناتا توڑے کال مہاکال، رائے دھرم نہ دئے سزائیا۔ چِتر گُپت لیکھ نہ سکے وکھال، نیتر نَین نہ سکے اُٹھائیا۔ لاڑی مؤت ہوئے بےحال، گُرمُکھ در رہن نہ پائیا۔ کھتری براہمن شوُدر وَیش ہِندوُ مُسلم سِکھ عیسائی پنڈت پاندھا مُلّا شیخ مسائق پیِر دستگیِر ایکا گھر دئے بہال، مندر مسجد مٹھ شِودوالا ایکا رنگ رنگائیا۔ اٹھسٹھ تیِرتھ گُرمُکھ کایا اندر دئے وکھال، گنگا جمنا سُرستی گوداوری نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا شبد دئے وڈیائیا۔ ایکا شبد ہرِ بھیوَ کُھلاؤنا، بھیوَ ابھید جنائیا۔ شبد وِشنوُں شبد برہم شبد شِو رنگ رنگاؤنا، شبد ترےَگُن ویکھ وکھائیا۔ شبد پنج تت بندھن پاؤنا، شبد نِرگُن سرگُن رنگ وٹائیا۔ شبد سوُرج شبد چند شبد منڈل منڈپ ڈیرہ لاؤنا، برہمنڈ کھنڈ شبدی ناچ نچائیا۔ شبد دھرنی دھرت دھوَل شبد جل تھل مہیئل ڈیرہ لاؤنا، روُپ انوُپ آپ دھرائیا۔ شبد گھاڑن گھڑ بن ٹھٹھیار سیو کماؤنا، لکھّ چؤراسی ہٹّ شبد چلائیا۔ شبد من مت بُدھ ونڈ ونڈاؤنا، شبد گھر وِچ گھر لئے بنائیا۔ شبد نؤ دوارے کھول وکھاؤنا، جگت ترِسنا آسا منسا کام کرودھ لوبھ موہ ہنکار شبد پرگٹائیا۔ شبد نؤ دوارے پندھ مُکاؤنا، ڈوُنگھی کوَری پار کراؤنا، سُکھمن ٹیڈھی نوُر دھراؤنا، اِیڑا پِنگلا چرن سرن سرنائیا۔ شبد سروور اِک نُہاؤنا، شبدی کاگوں ہنس
بناؤنا، شبد انادا ناد سُناؤنا، دُھن آتمک راگ الائیا۔ شبدی جوتی جوت جگاؤنا، آتم سیجا ڈیرہ لاؤنا، سُرتی شبد کرے کُڑمائیا۔ شبد آتم شبد اِیش جیِو بندھن پاؤنا، شبد برہم لئے سمجھائیا۔ شبد گُروُ گُر ویس وٹاؤنا، تتَو تت کرے کُڑمائیا۔ شبد بودھ اگادھی ڈھولا گاؤنا، ہرِ ہرِ جس سُنائیا۔ شبد بناؤنا شبدی ڈھاؤنا، شبدی کھیل کرائیا۔ شبدی سَتجُگ تریتا دواپر کلجُگ مارگ لاؤنا، شبدی ویکھے چائیں چائنیا۔ شبد رام کرِشن کوٹن کوٹ اوتار پرگٹاؤنا، کوٹن کوٹ عیسیٰ موُسیٰ محمد بَیٹھے سیِس جھُکائیا۔ کوٹن کوٹ نانک گوبِند پُرکھ اکال نر نِرنکار اِک مناؤنا، نام سَت ایکا گائیا۔ کوٹن کوٹ گوبِند روُپ اِک مناؤنا، دو جہان وجےّ ودھائیا۔ انتم آس اِک رکھاؤنا، چار جُگ دا بندھن بندھ تُڑائیا۔ نِہکلنک کل کلکی اوتار، ہرِ جوُ پھیرا پاؤنا، جِس دا لیکھا سکے نہ کوئے مِٹائیا۔ دو جہاناں کھیل کراؤنا، وِشن برہما شِو اپنی جوت وِچ مِلائیا۔ جوتی جوت سروُپ ہرِ، آپ اپنی کِرپا کر، ایکا شبد اَنت پرگٹائیا۔ ایکا شبد گُروُ گُردیو، ہرِ انتم آپ پرگٹائیندا۔ آتم پرماتم کرے سیو، دوُجی چاکری نہ کوئے کمائیندا۔ ہنگ برہم ساچا میو، سو پُرکھ نِرنجن آپ کھوائیندا۔ آد جُگاد سدا نِہکیو، نِہچل اپنا دھام پرگٹائیندا۔ الکھ اگوچر اگمّ اتھاہ ابھیوَ، بھیوَ ابھید آپ جنائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، اپنا ڈنکا آپ وجائیندا۔ ساچا ڈنکا ایکنکار، آد اَنت وجائیا۔ مدھ کھیل ویکھے گُر اوتار، بن گُر گُر سیو کمائیا۔ جوتی جاتا پُرکھ بِدھاتا ہو اُجیار، نوُرو نوُر کرے رُشنائیا۔ سَت سَتوادی برہم برہمادی آد جُگادی کرے کرائے سچ وِہار، بھیوَ کوئے نہ پائیا۔ لِکھ لِکھ لیکھا کر کے گئے پُکار، انتم آوے نِہکلنک اوتار، بل اپنا آپ دھرائیا۔ کوُڑی کِریا دئے نِوار، جوُٹھ جھوُٹھ کرے خوار، دیِناں مذہباں مارے مار، نام کھنڈا اِک چمکائیا۔ راج راجاناں کرے خوار، تختوں پھڑ پھڑ دئے اُتار، سیِس تاج نہ کوئے ٹِکائیا۔ نؤ کھنڈ دا اِک وِہار، ستّاں دیِپ بولے جَیکار، جےَ جَیکار اِک سُنائیا۔ لوک مات لگائے سچ دربار، در دروازہ دئے کُھلائیا۔ چار جُگ دے گُر اوتار پیِر پَیغمبر آ کے کرن نِمسکار، نِیوں نِیوں چرناں سیِس جھُکائیا۔ لوک مات تُٹا ناتا پنج تت نہ کوئے پیار، پریمی پریم نہ کوئے رکھائیا۔ اِکو تیرے نام جَیکار، دوُجا کلمہ نہ کوئے پڑھائیا۔ تیرے مندر تیرے چرن پاربرہم ہِندوُ مُسلم سِکھ نہ کوئے وِچار، ذات پات نظر کوئے نہ آئیا۔ تُوں آد جُگاد صاحِب دَیال، ٹھاکر سوامی بنے ٹھٹھیار، گھڑ بھانڈے ویکھ وکھائیا۔ تیرے بھانڈیاں اندر وڑ وڑ آئے گُر اوتار، بن چاکر سیو کمائیا۔ سرِشٹی کِسے نہ نِبھی نال، درِشٹی تیرے
نال مِلائیا۔ تیرا اِشٹ اِک کرتار، ابُھل بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، در ساچے پھیرا پائیا۔ سِری بھگوان ہرِ سمجھائے، ایکا شبد جنائیا۔ چار جُگ دا لہنا دینا رہیا مُکائے، مؤقع سب نوُں دئے وکھائیا۔ دھوکھا کدے نہ کرے ہرِ رائے، سؤکھا راہ آپ جنائیا۔ کوٹن کوٹاں وِچوں گُرمُکھ وِرلے آپ ترائے، جِس جن اپنی دَیا کمائیا۔ کر کِرپا گود بہائے، کرم کانڈ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، گُر اوتاراں رہیا جنائیا۔ گُر اوتار پیِر پَیغمبر رکھو یاد، ہرِ ساچے سچ جنایا۔ کلجُگ اَنت تُہاڈی سُن فریاد، نِرگُن اپنا پھیرا پایا۔ ایتھے اوتھے دو جہان سِری بھگوان لڈائے لاڈ، سَت سَتوادی گود وکھایا۔ اپنے وِچوں آپے کاڈھ، انتم اپنے وِچ مِلایا۔ پنج تت نِشانہ ناؤں جگت رکھا دِتی داد، اَنتر نظر کوئے نہ پایا۔ جوتی جوت سروُپ ہرِ، آپ اپنی کِرپا کر، ایکا وار رہیا جنایا۔ ایکا وار لَینا جان، ہرِ سَتگُر آپ جنائیا۔ کلجُگ اَنت ہوئے مِہربان، مِہر اپنی نظر اُٹھائیا۔ جُگ چؤکڑی وِچھڑے میلے آن، میل مِلاوا آپ کرائیا۔ ساچے بھگت کر پروان، بھگتی اپنی جھولی پائیا۔ گُرمُکھ ویکھ بال انجان، آپ اپنے انگ لگائیا۔ دو جہان بنائے چتُر سُگھڑ سُجان، من مت بُدھ نہ کوئے چتُرائیا۔ اِکو آتم دِتا دان، پرماتم گنڈھ وکھائیا۔ گُر اوتار پیِر پَیغمبر سارے ویکھو مار دھیان، نؤ کھنڈ پرِتھمی نَین اُٹھائیا۔ اپنا لیکھا لِکھ لِکھ جو دے کے آئے بیان، بیانا لوک مات بھرائیا۔ کلجُگ جیِو اَنت ہوئے سارے شیَطان، شرع گھر گھر پائی لڑائیا۔ پنڈت پاندھے مُلّا شیخ ہوئے بےاِیمان، بیوہ آتم دئے دُہائیا۔ چار کُنٹ کِسے نظر نہ آئے بھگوان، بھرمے بُھلی سرب لوکائیا۔ مندر مسجد مٹھ شِودوالے سرب کُرلان، اُچی کوُک دین دُہائیا۔ سانوُں پڑھ پڑھ تھکی زبان، اِنجیِل قُرآن دئے گواہیِا۔ جِس دی صِفت کرے اِیمان، سو صاحِب نظر کِسے نہ آئیا۔ جِس دا میَں نِمانی سُناواں پَیغام، سو پَیغمبر بَیٹھا سچّا ماہیِا۔ میَں چھوٹی بالی انجان، میری چلے نہ کوئے چتُرائیا۔ میری وِدیا ہوئی نادان، انتم کمّ کِسے نہ آئیا۔ چار وید سرب پچھتان، پُران اٹھاراں رہے کُرلائیا۔ گیِتا کہے میرا کوئی نہ جانے گیان، اِک ارجن دِتا کرِشن پڑھائیا۔ گُروُ گرنتھ گُر کہے مَیتھوں کوئی نہ لوے ساچا دان، نام بِھچھیا جھولی کوئے نہ پائیا۔ مَینوُں پڑھ پڑھ میرا صاحِب نہ سکے پچھان، جِس میری بنت بنائیا۔ جِس نوُں نانک نِرگُن کرے پرنام، سو پاربرہم آیا ویس وٹائیا۔ کلجُگ انتم کھیل کرے مہان، گُر اوتاراں دئے وکھائیا۔ پڑھ پڑھ کوئے نہ سکیا پچھان، نیتر نَین اکھّ نہ کوئے کُھلائیا۔ کِرپا کری اَنت مہان، لوک مات پھیرا پائیا۔ ساچے بھگتاں دِتا اِکو دان،
چار جُگ دوُسرے ہتّھ کِسے نہ آئیا۔ اندر وڑ نہ لائے کوئی دھیان، جوگ ابھیاس نہ کوئے کرائیا۔ جل دھارا نہ کوئے اشنان، دھوُنی تا نہ خاک رمائیا۔ نَین موُند نہ کوئے گیان، اُنگلی کنّ نہ کوئے رکھائیا۔ سوُرج دیوتا نہ کوئے نِشان، کِنگری ناد نہ کوئے وجائیا۔ جو جن اِک وار کہے سوہنگ مہاراج شیر سِنگھ وِشنوُں بھگوان، تِس ایتھے اوتھے دو جہاناں اپنی گود بہائیا ۔ گُر اوتار پیِر پَیغمبر آؤ ویکھو ہرِ جوُ کریا کھیل مہان، چار جُگ دی کیِتی رہیا اُلٹائیا۔ ساچے بھگتاں دے دے دان، ستّراں دِتی سِکھ ودھائیا۔ گوبِند سُت گُر مِلیا آن، سرسا لیکھا دئے چُکائیا۔ بہتّراں جھُلیا اِک نِشان، نامے چھپری لیکھے پائیا۔ دھنّا جٹّ ہویا پروان، کلجُگ انتم گھر جٹّاں وجّی ودھائیا۔ چُہتّراں اَنت کری کلیان، کلجُگ میٹے کالی شاہیِا۔ وِشنوُں تیرا کھوہ کے بھنڈارا دان، جن بھگتاں ہتّھ پھڑائیا۔ پرگٹ ہو ہرِ مِہربان، اپنی کھیل کرائیا۔ ویہہ سؤ اُنی ہاڑ ستاراں سب دا لیکھا چُکائے آن، باقی کوئے رہن نہ پائیا۔ دیِن مذہب نہ چلے کوئے دُکان، جگت ہٹّ شرع نہ کوئے وکھائیا۔ نؤ کھنڈ پرِتھمی گائے ایکا گان، پُرکھ اکال اِک منائیا۔ ایکا دین اِک اِیمان، اِک پَیغمبر نظری آئیا۔ ایکا الف اِک اِمام، ایکا اُلفت دئے سُنائیا۔ ایکا منتر سَت نام، سَت سَت دئے جنائیا۔ ایکا فتح ڈنکا وجےّ جہان، واہِگُروُ فتح اِک کرائیا۔ ایکا رام رام ہوئے پرنام، دوُسر سیِس نہ کوئے جھُکائیا۔ ایکا نظری آئے کاہن، لکھّ چؤراسی گوپی رہیا ہنڈھائیا۔ ایکا مندر اِک مکان، ایکا گُروُدوار دئے سمجھائیا۔ ایکا ناد شبد دُھنکان، ایکا گھر گھر راگ سُنائیا۔ چھتّی راگ ہون حَیران، نارد سُت سُرستی مائیا۔ ساڈی اَنت ہوئی کلیان، کلا ہرِ جوُ آپ ورتائیا۔ اپنا ناؤں کر پردھان، سچ پردھانگی دئے وکھائیا۔ چُہتّراں بھنڈار چلائے اِک مہان، سَتجُگ ساچا راہ وکھائیا۔ تیئی اوتار بھگت اٹھاراں دس گُر عیسیٰ موُسیٰ محمد چار یار آؤن بن مہمان، ہرِ جوُ مہمانی کھوائیا۔ لیکھا چُکے مہیِنہ رمضان، رمز اِکو دئے لگائیا۔ جوُٹھ جھوُٹھ ناتا میٹے پیِن کھان، کھانا ایکا رسنا دئے لگائیا۔ سارے رل مِل کہن واہوا تیری وڈیائی میرے بھگوان، تیری توہے بن آئیا۔ چار جُگ اسیں تیرے حُکمے اندر پِھر کے آئے جہان، لوک مات پھیرا پائیا۔ نوَ نؤ کھول کھول دُکان، تیرا راگ راگ سُنائیا ۔ تیرا اَنت نہ سکے پچھان، بےاَنت تیری وڈیائیا۔ کر کِرپا اِکٹّھے کیتے آن، ایکا چرن مِلی سرنائیا۔ ستاراں ہاڑ اَدھی رات اسیں اپنا اپنا دیئیے بیان، تیرے اَگے ہرِ سُنائیا۔ اَگے چھڈیا دین اِیمان، شرع ہور نہ کوئے بنائیا۔ تیرے چرن سجدہ سلام، سلام علیکم تیری سرنائیا۔ تیرے بھگتاں کولوں منگیئے دان، دانی اِکو نظری آئیا۔ تیری وڈیائی غریِب نِمانے
کرے پروان، پروانہ اپنا نام ہتّھ پھڑائیا۔ خاک مِلائے راج راجان، شاہ سُلطاناں در بھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، اسیں رل مِل آئیے چائیں چائنیا۔ پُرکھ ابناسی دسےّ حال، سُن لؤ لا کر کنّ۔ ساچے بھگتاں کری کمال، لوک مات کلجُگ انتم چڑھے ساچے چنّ۔ میَں بن نِمانا ہویا دلال، پنج تت کایا اپنا ٹھیِکر بھنّ۔ سَتجُگ دے سانچے ڈال، ساچی گٹّھڑی رکھاں بنّھ۔ ایکا کراں وصل جمال، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ رہیا گھل۔ آؤ ویکھو ساچے بھگت، بھگوان رہیا جنائیا۔ جِس دی وڈیائی چار جُگ کرے جگت، جُگت ہرِ جوُ رہیا بنائیا۔ نؤ سؤ چؤرانوے چؤکڑی جُگ پِچھوں آیا وقت، بھیوَ ابھید نہ کوئے کُھلائیا۔ پہلوں مات پِت بنائی رَکت، جن جننی گود سُہائیا۔ پھیر کر کِرپا بھری اپنی شکت، شبد سُرت کری کُڑمائیا۔ پِچھلی میٹی ساری حرکت، اَگے اپنی اُنگلی لائیا۔ اِکو نام جھولی پائی برکت، ٹھگّ چور یار کوئی لُٹ لےَ نہ جائیا۔ پنج وِکار نہ کرے شِرکت، کام کرودھ لوبھ موہ ہنکار نہ کوئے لڑائیا۔ میَں بھگتاں مِل مِٹائی اپنی حسرت، ہرِ جوُ گُر اوتاراں رہیا سمجھائیا۔ نؤ سؤ چؤرانوے چؤکڑی سچکھنڈ بَیٹھا کردا رہیا کسرت، اپنا بل ودھائیا۔ کدے مان دِوایا راما دسرتھ، کدے نند جشودھا دِتی کرِشن وڈیائیا۔ جوتی جوت سروُپ ہرِ، آپ اپنی کِرپا کر، ساچے بھگتاں رہیا صالاحیِا۔ گُر اوتار پیِر پَیغمبر ویکھو مار دھیان، ہرِ سَتگُر آپ جنائیندا۔ کلجُگ انتم ہو مِہربان، پربھ اپنی دَیا کمائیندا۔ بِن بھگتِؤں دِتا دان، نام خزانہ آپ لُٹائیندا۔ لکھّ چؤراسی وِچوں کر پہچان، ستّر بہتّر چُہّتر جوڑ جُڑائیندا۔ راتیں سُتیاں پُچھے آن، سُفن سکھوپت جاگرت تُریا ایکا رنگ رنگائیندا۔ جوتی جوت سروُپ ہرِ، آپ اپنی کِرپا کر، ساچے بھگت آپ وڈیائیندا۔ ہرِ بھگت تیری وڈیائی، ہرِ وڈّا وڈ وڈیائیندا۔ ایکا گھر ہوئے کُڑمائی، ہرِ جوُ ناتا آپ جُڑائیندا۔ اٹّھے پہر رہے شنوائی، شُنید دیِد ایکا رنگ رنگائیندا۔ ایکا ڈھولا سُنائے چائیں چائیں، سوہلا اپنا راگ الائیندا۔ مؤلا بنیا آپ گوسائیں، گہر گمبھیِر کھیل کرائیندا۔ ہرِجن پکڑ اُٹھائے باہیں، بن سیوک سیو کمائیندا۔ سدا سُہیلا اِک اَکیلا نر نرائن دیوے ٹھنڈیاں چھائیں، اگنی تت نہ کوئے جلائیندا۔ جوتی جوت سروُپ ہرِ، آپ اپنی کِرپا کر، ساچے بھگت آپ پرگٹائیندا۔ ساچے بھگت بھگوَنت میِت، مِتر پیارا آپ پرگٹائیا۔ سَتجُگ دی ساچی ریِت، ساڈھے تِنّ ہتّھ اندر دئے وکھائیا۔ آتم پرماتم گائے گیِت، اِیش جیِو رہیا جس گائیا۔ برہم پاربرہم بنّھائےپریِت، نہ کوئی توڑے توڑ تُڑائیا۔ ناتا
تُٹے مندر مسیِت، گھر وِچ گھر ہوئے رُشنائیا۔ محل وکھائے اِک انڈیِٹھ، چار دیوار نہ کوئے بنائیا۔ دِوس رَین ٹھنڈا سیِت، تتی واؤ نہ لاگے رائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیا۔ ساچا کھیل ہرِ جوُ کرنا، کرنہار پربھ آیا۔ ناتا توڑے ورناں برناں، برن ایکا آتم پرماتم دئے جنایا۔ سَت پُرکھ نِرنجن ساچی سرنا، سرنگت اِک کرایا۔ لہنا دینا چُکے مرنا ڈرنا، جنم مرن پھند تُڑایا۔ مات گربھ پھیر نہ وڑنا، دس دس ماس نہ اگن تپایا۔ جوتی جوت سروُپ ہرِ، آپ اپنی کِرپا کر، سَتجُگ ساچا راہ دئے سمجھایا۔ سَتجُگ ساچا راہ سمجھاؤنا، ہرِ جوُ اپنا کھیل کرائیندا۔ پوُرب لیکھا پندھ مُکاؤنا، پاندھی کوئے نظر نہ آئیندا۔ سچ دوارا اِک سہاؤنا، در گھر ساچے سوبھا پائیندا۔ سَت بھنڈارا اِک چلاؤنا، وِشن برہما شِو سیو کمائیندا۔ کروڑ تیتیِسا نال رلاؤنا، سُرپت اِند بنّھ وکھائیندا۔ گُر اوتار پیِر پَیغمبر بھگت بھگوان ایکا بھوجن بھوج کراؤنا، بُھجاں اپنیِاں نال چتُربُھج ورتائیندا۔ آد شکت تیرا بھیوَ کُھلاؤنا، شکتی سرب وِچ سمائیندا۔ جوتی جوت سروُپ ہرِ، آپ اپنی کِرپا کر، جگت لیکھا آپ چُکائیندا۔ جگت لیکھا چُکے جگ، جگ جیِون داتا آپ چُکائیا۔ جن بھگتاں درس دِکھائے اُپر شاہ رگ، رگھُپت اپنا میل مِلائیا۔ جنم جنم دی بُجھے اگّ، ترےَگُن اگّ نہ لگّے رائیا۔ پھڑ پھڑ ہنس بنائے کگّ، سوہنگ ہنسا مانک موتی چوگ چُگائیا۔ کایا مندر اندر کرائے ساچا حج، کعبہ اِکو نظری آئیا۔ سنت سُہیلے آپے سدّ، گُر چیلے بھیوَ چُکائیا۔ بھگت بھگوَنت لکھّ چؤراسی وِچوں کر اڈّ، ایکا بندھن نام پائیا۔ انتم سچکھنڈ دوارے آئے چھڈ، شبد بِبانے لئے چڑھائیا۔ وِشنوُں تیری وِشوَ جدّ، برہمے تیری پاربرہم برہم اپنے لیکھے لائیا۔ پنج تت کایا وِچوں کڈھ، نِرگُن نِرگُن لئے مِلائیا۔ دسم دواری گُرسِکھ تیری نِکّی جِہی نیڑے حد، تیرا پہلا چرن دسم دواری وِچ ٹِکائیا۔ انحد شبد تھلّے جانا چھڈ، اَگے راگ سکے نہ کوئے وجّ، ناد دُھن نہ کوئے شنوائیا۔ سُنّ اگمّ چُکے حد، اندھ اندھیر نہ کوئے وکھائیا۔ تھِر گھر ساچے لئے سدّ، سچ سندیسہ اِک سُنائیا۔ پربھ چرن کوَل جانا بجھّ، الکھّ اگوچر اگمّ اتھاہ اگمّ اگمّڑا بِن ہڈّ ماس ناڑی چمڑا گُرسِکھ کرے گُر گُر کُڑمائیا۔ سچکھنڈ دوارے چرن چرنامت پیائے مد، مدُھر ایکا رنگ وکھائیا۔ جوتی جوت سروُپ ہرِ، آپ اپنی کِرپا کر، جن بھگتاں لئے ترائیا۔ جن بھگتاں تارے ہرِ جوُ بیڑا، کلجُگ انتم بنھن آیا۔ کر کِرپا وسائے ساڈھے تِنّ ہتّھ کایا کھیڑا، اندر کھِڑکی آپ کُھلایا۔ اَگے کُھلا وکھائے ویہڑا، ہرِ جوُ اپنے رنگ رنگایا۔ مات پِت بھائی بھَین ساک سجّن نار کنت دھیِاں پُتر چُکے جھیڑا،
جھنجٹ ہور نہ کوئے رکھایا۔ سَتگُر ساچا غریِب نوازا اندر وڑ سچ محلے چڑھ گُرمُکھ آتم سُرتی کرے حق نبیڑا، حقیِقت آپے ویکھ وکھایا۔ چار جُگ وِچ ہرِ جوُ کولوں پُچھو آیا کیہڑا کیہڑا، بِن نانک کبیِر درس کِسے نہ پایا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے کھڑ، چرناں ہیٹھ وسایا۔ گُر اوتاراں پیِر پَیغمبراں اِکو ویہڑا۔ ساچا ویہڑا ساچے گھر، گھر مندر وجےّ ودھائیا۔ نہ کوئی پُرکھ نہ کوئی ناری نر، نار کنت نہ کوئے وکھائیا۔ نہ کوئی بھےَ نہ کوئی ڈر، بھؤ اوَر نہ کوئے جنائیا۔ نہ کوئی گُروُ پیِر دِسے اوتار، سادھ سنت نظر کوئے نہ آئیا۔ نہ کوئی شاستر سِمرت وید پاٹھ پُران، گیِتا گیان نہ کوئے دِرڑائیا۔ نہ کوئی اِنجیِل قُرآن کرے کلام، نہ کوئی کھانی بانی دئے پَیغام، نہ کوئی قلم نہ کوئی شاہیِا۔ اِکو ایک وسے سِری بھگوان، روُپ رنگ ریکھ نہ کوئے نِشان، نِشانہ اپنا آپ جنائیا۔ جن بھگتاں ہو مِہربان، کلجُگ اَنت کرے پروان، ایکا دیوے شبد گیان، گیان گیان نال مِلائیا۔ اندر باہر گُپت ظاہر ویکھے پرکھے ہرِ جوُ آن، نام کسوٹی ہتّھ رکھائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا اِک پسارا، ایکنکارا اپنا آپ کرائیا۔ سچکھنڈ دوارا لوک مات ساڈھے تِنّ ہتّھ آپ جنائیندا۔ چھتّی جُگ دا سچ چراغ، چھتّی چھتّی ونڈ ونڈائیندا۔ نِرگُن دا سرگُن سُہاگ، ہرِ جوُ کنت پھیرا پائیندا۔ کوجھی کملی غریِب نِمانی رکھے لاج، لاجونت دَیا کمائیندا۔ کوُڑی کِریا کلجُگ انتم کھولے پاج، پردہ کوئے رہن نہ پائیندا۔ چار جُگ گُر اوتار پیِر پَیغمبر پاربرہم دا ونڈن آئے لاگ، کھانی بانی جیِواں جنتاں جھولی اِک بھرائیندا۔ بِن بھگتاں کِسے نال نہ بنایا ساچا ساک، خاکی خاک سرب رُلائیندا۔ اِکو اِک رسوُل پاک، پتت پُنیِت اپنا ناؤں دھرائیندا۔ اِکو اِسم اِکو اعظم اِکو ذات، اِکو محفل ہرِ لگائیندا۔ اِکو پٹّی اِک جماعت اِکو جمُلہ، اِکو کلمہ اِکو الف ہرِ پڑھائیندا۔ بِن ہرِ بھگت ہوئے نہ کوئی عُلما، مُرشد مُریِد آپ سمجھائیندا۔ جوتی جوت سروُپ ہرِ، آپ اپنی کِرپا کر، ساچے بھگت آپ وڈیائیندا۔ ساچا بھگت صوُفی سَت، شرع وِچ کدے نہ آئیا۔ ساچا بھگت برہم مت، من مت نہ کوئے رکھائیا۔ ساچا بھگت میٹے کرمگت، کرم کانڈ نہ کوئے جنائیا۔ ساچا بھگت بندھائے اِک نت، ناتا بِدھاتا جوڑ جُڑائیا۔ ساچا بھگت چڑھے سچ رتھ، رتھ رتھواہی ہوئے پُرکھ بےپرواہیِا۔ ساچا بھگت سچکھنڈ دوارے جائے وس، پربھ چرن سرن ملِے سرنائیا۔ ساچا بھگت کبیِر جُلاہا بن کے مارگ گیا دسّ، اُچی کوُک کوُک سُنائیا۔ بِن ہرِ جوُ آئے کوئے کِسے نہ کمّ، دم لیکھے نہ پائیا۔ جھوُٹھی ماٹی کایا چمّ، دمڑھی ہٹّ نہ کوئے وِکائیا۔ ساچے بھگتاں ہرِ کرے
پروان، سِر اپنا ہتّھ ٹِکائیا۔ کلجُگ اَنت ہو مِہربان، میرے بھائی دِتے مِلائیا۔ ستّراں بہتّراں اِک نِشان، چُہتّراں ہتّھ آپ جھُلائیا۔ سیوا کرے سِری بھگوان، بن سیوک پھیرا پائیا۔ کلجُگ انتم تُٹا ساڈا مان، ابِھمان کوئے رہے نہ رائیا۔ لکھّ چؤراسی گھڑنہارا ترکھان، انتم سب دا لیکھا دئے مُکائیا۔ جِس دا کُہاڑا ستھرا تیِسا سکے نہ کوئے پچھان، آری نظر کِسے نہ آئیا۔ گُر اوتار پیِر پَیغمبر رہے انجان، بھیوَ کوئے نہ پائیا۔ سب دے بوُٹے لائے وِچ جہان، انتم وڈّھ وڈّھ اپنے کھاتے پائیا۔ کریا کھیل اِک مہان، جوتی جوت سروُپ ہرِ، آپ اپنی کِرپا کر، جن بھگتاں رہیا اُٹھائیا۔ ساچے بھگت جانا اُٹھ، صاحِب سَتگُر آپ اُٹھائیندا۔ پُرکھ اکال گیا تُٹھ، مِہربان مِہربان مِہربان اپنی وست آپ ورتائیندا۔ بِن کرنیؤں اپنی گودی لئے چُک، جنم جنم دی مَیل دھوائیندا۔ مات گربھ دا اُلٹا رُکھ، ساچا بوُٹا سچکھنڈ وکھائیندا۔ وِشن برہما شِو ویکھن جھُک جھُک، مُکھ نیتر نَین سرب اُٹھائیندا۔ کلجُگ انتم پُرکھ ابناسی غریِب نِمانیاں ول کیِتا رُخ، ہنکاریاں اپنی پِٹھ وکھائیندا۔ دردیِاں نال درد ونڈن آیا دُکھ، درد دُکھ بھے بھنجن اپنا ناؤں رکھائیندا۔ جِس وِشن برہما شِو کڈھے اپنی کُکھ، سو گُرمُکھ اپنی کُکھ بہائیندا۔ انتم پیَنڈا جائے مُک، سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، آپ اپنی گود بہائیندا۔ بھگت وِچارے کرن صلاح، اِک دوُجے نال متا پکائیا۔ ستّر بہتّر چُہّتر لئے مِلا، میلا اپنے ہتّھ رکھائیا۔ اپنا آپ سکے اسیں نہ پا، پوُرب لیکھا جانے کوئے نہ رائیا۔ پُرکھ ابناسی کی کی کھیل رہیا کرا، کرنی کِرت آپ کمائیا۔ ساڈے ڈھولے رہیا گا، ڈھولک چَھینا نہ کوئے وجائیا۔ اسیں اندروں پولے ساڈے اُتے پردہ رہیا پا، پردہ سکے نہ کوئے اُٹھائیا۔ ویکھ دروپدی چڑھیا چاء، بھَین ملِے ساچے بھائیا۔ مَینوُں اِک کرِشن لیا بچا، جِس کرِشن تریَلوکی چرناں ہیٹھ دبائیا۔ ایتھے کرِشن بَیٹھا سیِس جھُکا، کوَل نَین نَین چرناں ولّ لگائیا۔ ساچے تخت بَیٹھا آپ شہنشاہ، جِس دا بھیوَ کوئے نہ پائیا۔ ایکا وار چار جُگ دے وِچھڑے بھگت لئے مِلا، بھاوی نیڑ کوئے نہ آئیا۔ جِنہاں پِچھے گُر ارجن تتی ریت سیِس گیا پوا، گُر تیغ بہادر سیِس دِتا کٹائیا۔ گوبِند بالے نیہاں ہیٹھ گیا چِنا، سو مندر بَیٹھا لوک مات بنائیا۔ ساڈھے تِنّ ہتّھ سِنگھاسن لیا وِچھا، رَوداس چمارا دئے گواہیِا۔ گُر گوبِند رہیا دھیا، دوئے جوڑ سیِس جھُکائیا۔ تُوں پِتا تُوں میری ماں، میرا تیرا بھیوَ نہ رائیا۔ تیری گود رہیا سُہا، گودی ایکا ایک وڈیائیا۔ سوڈھی بنس دِتا وڈیا، جوتی جوت سروُپ ہرِ، آپ اپنی کِرپا کر، ہرِجن ساچے آپ جنائیا۔ ہرِجن ساچے کر خیال، بےخیال آپ
جنائیندا۔ جِس دے پِچھے شمش تبریز ہویا حلال، کھلّ اپنی آپ لُہائیندا۔ جِس دے پِچھے گُر اوتار پیِر پَیغمبر بنے دلال، سو دِلبر ویس وٹائیندا۔ جِس دے پِچھے نیہاں ہیٹھ دِتے بال، جگت محل سو سُہائیندا۔ جوتی جوت سروُپ ہرِ، آپ اپنی کِرپا کر، سچکھنڈ دا سچ وِہارا، کرے کرائے کرنیہارا، کرنی اپنے ہتّھ رکھائیندا۔ مہاراج شیر سِنگھ وِشنوُں بھگوان، جگت شرعت میٹے نِشان، اُنی اُنیِسا کھیل مہان، ایکا نایاں نایاں ایکا، ایکا گنڈھ پوائیندا۔ کوٹن کوٹ رہے ترس، جیِو جنت جگت کُرلائیا۔ کوٹن کوٹ رہے بھٹک، پشوُ پنچھی دین دُہائیا۔ کوٹن کوٹ رہے اٹک، بَیٹھے دھیان لگائیا۔ کوٹن کوٹ رہے لٹک، کیس ہتّھاں نال بندھائیا۔ بِن گُرمُکھ ہووے نہ کِسے درس، سَتگُر گُرسِکھ دَیا کمائیا۔ جوتی جوت سروُپ ہرِ، آپ اپنی کِرپا کر، ہرِجن ساچے دئے وڈیائیا۔ کوٹن کوٹ کرن دھیان، دھیان دھیان وِچ مِلائیا۔ کوٹن کوٹ کرن گیان، پڑھ پڑھ جِہوا جگت سُنائیا۔ کوٹن کوٹ کرن اشنان، اٹھسٹھ تیِرتھ پھیرا پائیا۔ کوٹن کوٹ کرن دان، بن دانی سیو کمائیا۔ کوٹن کوٹ کر کر بَیٹھے مان، ابِھمان روُپ وٹائیا۔ کوٹن کوٹ ہوئے شیَطان، پنچ وِکار کرے لڑائیا۔ کوٹن کوٹ بول بولے زبان، ذِبح زبان نہ کِسے کرائیا۔ بِن گُرمُکھ سَتگُر ملِے کِسے نہ آن، نیتر رووے سرب لوکائیا۔ جوتی جوت سروُپ ہرِ، آپ اپنی کِرپا کر، بِن گُرسِکھ دَیا نہ کِسے کمائیا۔ کوٹن کوٹ تکّن راہ، نیتر نَین اُٹھائیا۔ کوٹن کوٹ رہے گا، رسنا جِہوا گیِت سُنائیا۔ کوٹن کوٹ کرن صلاح، آسا منسا نال مِلائیا۔ کوٹن کوٹ سیِس رہے جھُکا، جگدیِش بھیٹ چڑھائیا۔ کوٹن کوٹ ہوئے بے وفا، بَیٹھے مُکھ بھوائیا۔ کوٹن کوٹ طعنے رہے لگا، نِندک نِندیا مُکھ بھرائیا۔ کوٹن کوٹ گھر گھر جھگڑا رہے پا، من مت کرے لڑائیا۔ بِن گُرمُکھ پوُرے کوئی درس نہ سکے پا، سَتگُر دوُجے گھر درس دین کدے نہ جائیا۔ کوٹن کوٹ رہے تکّ، نیتر نَین اُٹھایا۔ کوٹن کوٹ منگن حق، خالی جھولی رہے وکھایا۔ کوٹن کوٹ اپنی کھلّ لُہا کے بَیٹھے سکّ، تن پِنجر وانگ سُکایا۔ کوٹن کوٹ جنگل جوُہ اُجاڑ پہاڑ بَیٹھے اکّ، دھوُنی تا تا وقت لنگھایا۔ کوٹن کوٹ گُرسِکھاں اَگے پاوَن ڈکّ، منمُکھ اپنا بل وکھایا۔ بِن گُرسِکھ پوُرے سَتگُر کِسے ہِردے جائے نہ وس، سُنجی سیج دِسے سرب لوکائیا۔ کوٹن کوٹ رکھی آس، آس آس وِچ رکھائیا۔ کوٹن کوٹ ہوئے اُداس، اُداسی لوک مات لگائیا۔ کوٹن کوٹ دھیائن سواس سواس، رسنا جِہوا نال مِلائیا۔ کوٹن کوٹ کہن شاباش، واہوا تیری وڈیائیا۔ کوٹن کوٹ بَیٹھے نِراس، نِردھن اپنا آپ بُھلائیا۔ کوٹن کوٹ کرن ہاس بلاس، جھوُٹھا
دھندا کھیل وکھائیا۔ بِن گُرمُکھ پوُرے سَتگُر کِسے نہ وسے پاس، راتیں جا کے درس نہ کِسے دِکھائیا۔ نہ کوئی طعنہ نہ کوئی میہنا، گُرسِکھ اِکو رنگ رنگایا۔ جِس جن ہرِ جوُ درس دِکھائے نَیناں، سو کہن کِسے نہ پایا۔ لکھّ چؤراسی جھوُٹھے وہن وہنا، گُرمُکھ وِرلا لئے ترایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، وڈیائی وِچ کدے نہ آیا۔ ہرِ وڈیائی کدے نہ لوڑے، غریِب نِمانیاں آپ وڈیائیندا۔ جو جن ہرِ کا درشن لوڑے، اَنتر آتم اِک دھیان سمجھائیندا۔ راتیں سُتیاں گھر گھر بہُڑے، آؤندا جاندا نظر کِسے نہ آئیندا۔ ہرِ جوُ پرکھنہارا مِٹھے کؤڑے، گُرمُکھ مِٹھا رس آپ چکھائیندا ۔ ڈوُنگھی کَندر لائے پؤڑے، چؤتھا ڈنڈا اِک بنائیندا۔ ساچے اَسو چڑھیا پِھرے گھوڑے، ساچا گھوڑا شاہ سوار آپ دؤڑائیندا۔ گُرسِکھ دا گُرسِکھ دوست ہوئے سَتگُر بہُڑے، آپ اپنا پردہ لاہِندا۔ کلجُگ کوُڑی کِریا انتم بیڑا روڑھے، شؤہ دریا آپ سُٹائیندا۔ ساچا درس جو جن لوڑے، سو جن سنگت وِچ مِلائیندا۔ سسّے اُپر لائے ہوڑے، ہوڑا نِرگُن سرگُن روُپ وٹائیندا۔ ہائے اُتے ٹِپی اِک دوُجے نال جوڑے، آتم پرماتم گنڈھ پوائیندا۔ جوتی جوت سروُپ ہرِ، آپ اپنی کِرپا کر، بِن ہرِ بھگت ساچا درس نہ کِسے وکھائیندا۔ ساچا یار نہ کوئی مِتر، بِن سَتگُر نظری آیا۔ جھوُٹھی کِریا جھوُٹھے سجّن جھوُٹھا ذِکر، بِن ذِکریا ذِکر نہ کوئے جنایا۔ گُرسِکھ موُرکھ مُگدھ دا کِیوں کریں فِکر، فِکر وِچ گُرسِکھ کدے نہ آیا۔ چاروں کُنٹ ویکھے اودھر اِدھر، ہرِ سَتگُر بَیٹھا آسن لایا۔ جوتی جوت سروُپ ہرِ، آپ اپنی کِرپا کر، راتیں سُتیاں گُرمُکھاں درس دئے کرایا۔ گُرسِکھاں درس دیوے پہلی ہاڑ، اِک سؤ اِک سِکھ دَیا کمائیا۔ کرے پرکاس ناڑ ناڑ، بہتّر ناڑ اِک رُشنائیا۔ ساچے مندر آپے چاڑھ، ہرِ مندر دئے وکھائیا۔ ساچے اندر کرے پیار، گرِہ اپنا بنک سُہائیا۔ سو گُرمُکھ اُدھارے پار، جو بَیٹھا دھیان لگائیا۔ جِس تن اندر ہنکار، من اندر کوُڑی شاہیِا۔ تِس دا سنگ گُرسِکھ نہ کوئے پیار، گُرمُکھ پیار گُر چرن سچّی سرنائیا۔ ساچا مِتر ایکنکار، آد جُگاد سگلا سنگ نِبھائیا۔ ایتھے اوتھے چلے نال نال، دُکھیاں دردی درد ونڈائیا۔ ساچا سجّن لَینا بھال، جوتی جوت سروُپ ہرِ، آپ اپنی کِرپا کر، ساچی سِکھیا اِک سمجھائیا۔ دیوی دیوت نہ کوئی سکے ویکھ، رسن جِہوا رہے جس گائیا۔ رسنا کر کر رس رس ہیت، رس اپنا بھیوَ نہ آئیا۔ کایا اَنتر سُنجا کھیت، پھل بوُٹا نظر کوئے نہ آئیا۔ سُرپت اِند نہ کوئے بھیت، کروڑ تیتیِس نہ کوئے وڈیائیا۔ اشٹبُھج نہ جانے لیکھ، سِنگھ اَسوار نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کالکا
ایکا بندھن پائیا۔ کالکا بندھن پائے کال، مہاکال کھیل کرائیندا۔ نہ کوئی حل کرے سوال، سوال اپنا نہ کوئے سمجھائیندا۔ نہ نظر آئے دلال، جگت دلالی نہ کوئے کمائیندا۔ من اِچھیا گھالن گھال، من بندھن بندھ بندھائیندا ۔ جوتی جوت سروُپ ہرِ، آپ اپنی کِرپا کر، ساچا دیوت اِک سمجھائیندا۔ ساچا دیوت ایکا دیوَ، دیوَ آتما آپ جنائیا۔ جِس دی بِرتھی نہ جائے سیو، کیِتی گھال جھولی پائیا۔ جِس نوُں گا نہ سکے جِہو، جِہوا گُن نہ کوئے وڈیائیا۔ جِس دا اِکو رس ساچا میو، گُرمُکھ کھا کھا خوشی منائیا۔ آد جُگاد سدا نِہکیو، نِہچل دھام وڈ وڈیائیا۔ جوتی جوت سروُپ ہرِ، آپ اپنی کِرپا کر، دیوت سُر سُر سمجھائیا۔ دیوت سُر کوئی نہ پوُج، پوُجنہارا نظر کوئے نہ آئیندا۔ نہ کوئی دُئی دوَیتی کڈھے دوُج، اِشٹ روُپ نہ کوئے وکھائیندا۔ سُرتی شبد نہ ہوئے سوُجھ، سوُجھ بُدھ وِچ نہ پائیندا۔ ہرِ کا بھیوَ سدا سد گوُجھ، ڈوُنگھے کھاتے آپ رکھائیندا۔ سچ پریِتی جو جن جائے جھوُج، آپ اپنا موُل مُکائیندا۔ جوتی جوت سروُپ ہرِ، آپ اپنی کِرپا کر، ساچی پوُجا اِک سمجھائیندا۔ ساچی پوُجا دیوت سُر، سُرتی شبد نال جُڑائیا۔ ہوئے پرکاس اندھ گھور، گھور اندھیر رہے نہ رائیا۔ پنچ وِکار پائے نہ شور، شرع پَوے نہ کوئے لڑائیا۔ دوُجے ہتّھ نہ کوئے ڈور، گھر بَیٹھا سچّا ماہیِا۔ اٹّھے پہر گُرسِکھ مِلن دی رکھے لوڑ، آپ اپنا دھیان لگائیا۔ ساچے دیوت نال آپ آپا لئے جوڑ، سو دیوت ہوئے سہائیا۔ رس پِھکا کوئے نہ کؤڑ، جِہوا رس نہ کوئے جنائیا۔ جوتی جوت سروُپ ہرِ، آپ اپنی کِرپا کر، جگت آسا دئے جنائیا۔ جگت آسا ترِسنا پوَن سواس، بِن رنگ روُپ آپ جنائیندا۔ دیوی دیوت کوئی نہ آوے وِچ قیاس، ساکہ پڑھ نہ کوئے سُنائیندا۔ من دھرے نہ دھیِرج دھرواس، دہ دِشا اُٹھ اُٹھ دھائیندا۔ چار کُنٹ دہ دِشا جگت گُروُ پِھر پِھر ویکھی شاخ، شناخت وِچ گُروُ کدے نہ آئیندا۔ کر کِرپا جِس نوُں کرے اپنا داس، تِس اپنی بوُجھ بُجھائیندا۔ تِس گُرمُکھ کارج ہووے راس، ہرِ کرتا آپ کرائیندا۔ من واسنا بؤہ بِدھ بھانت، بُدھی بُدھ نال بھوائیندا۔ جوتی جوت سروُپ ہرِ، آپ اپنی کِرپا کر، جگت کھیل اِک جنائیندا۔ جگت آس ڈوُنگھی بھوَر، بھوَر بھوَر وِچ رکھائیا۔ بھیوَ نہ پایا ساڈھے تِنّ ہتّھ کوَر، کوَری نظر کِتے نہ آئیا۔ ساچا دیوت بَیٹھا اندر، گہر گوَر گمبھیِر بےپرواہیِا۔ اپنا حال کِس اَگے دسّیں اوَر، گھر وِچ نہ سکے سُنائیا۔ باہر واسنا جھوُٹھا ٹبّر، دھیِرج دھیِر نہ کوئے دھرائیا۔ جو جن سرنائی آئے سِنگھ شیر ببّر، آپ اپنا بھیٹ چڑھائیا۔ کر کِرپا آتم پرماتم دیوے سنتوکھ صبر، ثابت اپنا درس دکھائیا۔ بھیوَ کُھلائے جابر جبر،
جمدوُت نیڑ نہ آئیا۔ من واسنا بنّھے بندر، دہ دِش نہ اُٹھ اُٹھ دھائیا۔ ویکھ وکھائے کایا کَندر، اندھ اندھیر مِٹائیا۔ بھاگ لگائے ساچے مندر، جگت آسا ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، اَنتر آتم گت جنائیا۔ اَنتر کایا بؤہ بؤہ رنگ، من منوُآ آپ وٹائیندا۔ اٹّھے پہر ڈور پتنگ، گُڈی آکاش وِچ اُڈائیندا۔ کدے بُھکھ کدے ننگ، کدے شہنشاہ روُپ وٹائیندا۔ کدے سوامی کدے بِھکھاری منگے منگ، من وس کِسے نہ آئیندا۔ دیوی دیوت گھر نہ ویکھیا لنگھ، مندر ہٹّ نہ کوئے جنائیندا۔ جب تک سَتگُر پوُرا آتم اَنتر نہ دیوے انند، جگت ترِسنا نہ کوئے مِٹائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا بھیوَ آپ کُھلائیندا۔ ساچا بھیوَ کھولے نِرنکار، نِرگُن آپ جنائیا۔ کر کِرپا جِس دیوے درس دیِدار، دیِد عیِد چند چڑھائیا۔ سُرت سوانی نہ رہے کوار، شبد ہانی دئے مِلائیا۔ امرت رس پانی ٹھنڈا ٹھار، نِجھر جھِرنا دئے جھِرائیا۔ بودھ اگادھی شبد بانی سچّی دُھنکار، انحد نادی ناد سُنائیا۔ جِس گُرسِکھ ملِے آپ کرتار، کرتا پُرکھ دئے وڈیائیا۔ تِس گُرسِکھ دیوی دیوتے کرن سرب نِمسکار، بَیٹھے سیِس جھُکائیا۔ گُرمُکھ منگن جائے نہ کِسے دوار، جِس مِلیا گوبِند سچّا ماہیِا۔ کایا اندر کوُڑی کِریا کام کرودھ لوبھ موہ ہنکار، آسا ترِسنا ہؤمے ہنگتا مایا ممتا وِشٹا بھریا بھنڈار، مل موُتر نال رلائیا۔ من مت بُدھ ترےَ روون زارو زار، نیتر نیِن وہائن وارو وار، وارتا اپنی رہے سُنائیا۔ سَتگُر ساچا دئے دیِدار، ساڈا دُکھڑا دئے نِوار، گھر مندر اِک وکھال، ویکھ اپنے نال مِلائیا۔ مہاراج شیر سِنگھ وِشنوُں بھگوان، جِس جن وکھائے سچّا گھر بار، کایا مندر اندر کھول کِواڑ، سو گُرمُکھ دوُجا گھر نہ ویکھن جائیا۔ ہرِ کا کھیل اکتھنا اکتھ، نِرگُن نِراکار آپ چلائیندا۔ نکّ مُنہ نہ کوئے ہتّھ، پنج تت نہ کوئے وکھائیندا۔ نِرگُن ہو ہو بھگتاں اندر جائے وس، سرگُن اپنے انگ لگائیندا۔ شبد اگمّی بانی دسّ، انحد نادی ناد سُنائیندا۔ امرت آتم ساچا رس، بن رسیِا آپ چکھائیندا۔ پندھ مُکائے نسّ نسّ، دو جہاناں چرناں ہیٹھ رکھائیندا۔ گُرمُکھ سؤدا اِکو ہٹّ، ہرِ جوُ ساچا ہٹّ جنائیندا۔ جوتی جوت سروُپ ہرِ، آپ اپنی کِرپا کر، وست وست نال بدلائیندا۔ وست اندر وست رکھ، وستُو اپنی دئے جنائیا۔ گھر وِچ گھر کر پرتکھ، گھر گھر وِچ کھیل کرائیا۔ در در وِچ بول الکھّ، الکھّ اپنی دئے سُنائیا۔ نِرگُن نِرگُن کر کر پکھّ، آپ اپنا بھیوَ جنائیا۔ جوتی جوت سروُپ ہرِ، آپ اپنی کِرپا کر، لیکھا لیکھے نال بدلائیا۔ لیکھے اندر لگّے لیکھا، لیکھا لیکھے نال مِلائیندا۔ ساچے در نہ کوئے بُھلیکھا،
بھرم بُھلیکھا سرب کڈھائیندا۔ گُرمُکھ ہرِ جوُ نیتر پیکھا، نِج نیتر آپ کُھلائیندا۔ جوتی جوت سروُپ ہرِ، آپ اپنی کِرپا کر، جِس جن اپنا رنگ رنگائیندا۔ بھرم بُھلیکھا ہوئے دوُر، دوُر دُراڈا آپ چُکائیا۔ درس دکھائے حاضر حضوُر، حضرت اِکو سچّا شہنشاہیِا۔ ایکا بخشے جوتی نوُر، نوُر نوُرانہ کر رُشنائیا۔ کر کِرپا بخشنہارا قصوُر، بےقصوُر آپ خُدائیا۔ گُرمُکھاں اَگے ہوئے آپ مجبوُر، مجبوُری اپنی سکے نہ پھیر تُڑائیا۔ جوتی جوت سروُپ ہرِ، آپ اپنی کِرپا کر، ہتّھ ہتّھ نال وٹائیا۔ ہتّھ نال وٹے ہتّھ، ہتّھو ہتّھ وٹائیندا۔ ہرِ کا کھیل سدا اکتھ، کتھنی کتھ نہ کوئے الائیندا۔ ویکھنہار پُرکھ سمرتھ، تھاؤں تھائیں ویکھ وکھائیندا۔ لکھّ چؤراسی پاونہارا نتھ، جیِو جنت آپ بھوائیندا۔ وسنہارا گھٹ گھٹ، گرِہ مندر کھوج کُھجائیندا۔ جوتی جوت سروُپ ہرِ، آپ اپنی کِرپا کر، ہرِجن میلے کر کروٹ، کروٹ اپنی آپ بدلائیندا۔ بھرم بُھلیکھا ڈوُنگھا ساگر، بِن سَتگُر پار نہ کوئے کرائیا۔ کایا اندر نِرگُن نِروَیر نِرمل کرم کرے اُجاگر، اُجرت منگے نہ بےپرواہیِا۔ جِس جن کرے اپنے نام سؤداگر، ساچا ونج آپ وکھائیا۔ تِس ہٹّ وکھائے کایا گاگر، وست امولک وِچ ٹِکائیا۔ در آیاں گھر دیوے آدر، جوتی جوت سروُپ ہرِ، آپ اپنی کِرپا کر، ساچی دَیا آپ کمائیا۔