۱۷ بھادروں ۲۰۱۹ بِکرمی تیجا سِنگھ دے گرِہ پِنڈ صادق ضِلع فِروزپُر
سچکھنڈ نِواسی سچ دربارا، سَت پُرکھ نِرنجن آپ لگائیندا۔ تخت نِواسی شاہ سِکدارا، ساچے تخت سوبھا پائیندا۔ شبد اگمّی دُھر فرمانا، ناد انادی آپ الائیندا۔ حُکمی حُکم حُکم ہرِ ورتارا، دُھر سندیسہ آپ سُنائیندا۔ کھیلے کھیل اگمّ اپارا، الکھّ اگوچر بھیوَ نہ آئیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا۔ ساچی کرنی سِری بھگوان، ہرِ کرتا آپ کرائیا ۔ جودھا سوُربیِر بلی بلوان، بل اپنا آپ پرگٹائیا۔ لیکھا جانے دو جہان، لوآں پُریاں برہمنڈاں کھنڈاں ویکھ وکھائیا۔ وِشن برہما شِو ویکھے مار دھیان، نِرگُن داتا بےپرواہیِا۔ دیونہارا ساچا دان، ترےَگُن میلا میل مِلائیا۔ پنچم پنچ کر پردھان، لیکھا جانے سچّا شہنشاہیِا۔ نِرگُن سرگُن کھیل مہان، لکھّ چؤراسی ونڈ ونڈائیا۔ انڈج جیرج اُتبُھج سیتج دیونہارا دان، داتا دانی آپ ہو جائیا ۔ جوتی جوت سروُپ ہرِ، آپ اپنی کِرپا کر، سچکھنڈ وسے سچّا ماہیِا۔ سچکھنڈ وسے ہرِ نِرنکارا، دوُجا نظر کوئے نہ آئیندا۔ شبدی سُت سُت پیارا، پُرکھ ابناسی آپ اُپائیندا۔ دیونہارا وست تھارا، تھِر گھر ساچے آپ ورتائیندا۔ ایکا نام اِک ونجارا، ہرِ جوُ اپنا ہٹّ کُھلائیندا۔ ایکا ویکھے وِگسے ویکھنہارا، روُپ رنگ ریکھ نہ کوئے رکھائیندا۔ آد جُگادی ساچی کارا، جُگ کرتا آپ کرائیندا۔ سچ سندیسہ ایکا وارا، دُھر فرمانا آپ سُنائیندا۔ بودھ اگادھی بول جَیکارا، پاربرہم برہم ویتا اِک پڑھائیندا۔ چارے ویداں دئے ادھارا، آدرش اپنا اِک جنائیندا۔ ونڈن ونڈ ونڈے سنسارا، وِشنوُں اپنی کُل وکھائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ ساچی کھیل پُرکھ سمرتھ، آد جُگادی اِک کرائیا۔ نِرگُن سرگُن دے دے وتھ، گھر میلا سہج سُبھائیا۔ سرگُن نِرگُن مہما اکتھ، بِن اکھّر کرے پڑھائیا۔ اندر وڑ چلائے رتھ، رتھ رتھواہی شہنشاہیِا۔ ساچا مارگ ایکا دسّ، ایک اونکارا ناؤں صالاحیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ ساچی کرنی کرے وِہار، قُدرت
قادر کھیل کھلائیندا۔ لیکھا جانے دُھر دربار، دُھر درباری ویکھ وکھائیندا۔ لکھّ چؤراسی کر تیار، ترےَگُن میلا میل مِلائیندا۔ پنچم تت تت اکھاڑ، اپ تیج وائے پرِتھمی آکاش بندھن پائیندا۔ من مت بُدھ دے آدھار، آسا ترِسنا نال مِلائیندا۔ کام کرودھ لوبھ موہ ہنکار کر شِنگار، ہؤمے ہنگتا گڑھ بنائیندا۔ کرے کھیل اپر اپار، اپرمپر اپنی دھار چلائیندا۔ گھر وِچ گھر کر تیار، ڈوُنگھی بھوَری آسن لائیندا۔ امرت سروور ٹھنڈا ٹھار، نِجھر جھِرنا آپ رکھائیندا۔ نِرگُن جوتی کر اُجیار، کملاپاتی ویکھ وکھائیندا۔ شبد اگمّی انحد دھار، دُھن انادی ناد وجائیندا۔ برہم برہمادی پاوے سار، پاربرہم پربھ کھیل کھلائیندا۔ ساچا مارگ وِچ سنسار، انڈج جیرج اُتبُھج سیتج آپ لگائیندا۔ چارے کھانی کر پیار، چارے بانی آپ پڑھائیندا۔ پرا پسنتی مدھم بَیکھری نِرگُن گائے سرگُن وار، ساچا سوہلا آپ سُنائیندا۔ آتم پرماتم دے آدھار، اِیش جیِو گنڈھ پوائیندا۔ سُرتی شبد کر جَیکار، میل مِلاوا اپنے ہتّھ رکھائیندا۔ برہم پاربرہم لیکھا جانے دُھر دربار، دُھر درباری دَیا کمائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ جنائیندا۔ ساچا کھیل ہرِ نِرنکارا، لکھّ چؤراسی بنت بنائیا۔ نِرگُن سرگُن دے آدھارا، اِدھر اُدھر ہوئے سہائیا۔ مانَس مانُکھ کر پیارا، مانَو دیوے وڈ وڈیائیا۔ شبد اگمّی سچ جَیکارا، جےَ جَیکار اپنے ناؤں سُنائیا۔ کاغذ شاہی قلم لِکھارا، لِکھ لِکھ لیکھا دئے دِرڑائیا۔ جوتی جوت سروُپ ہرِ، آپ اپنی کِرپا کر، شبدی شبد شبد صالاحیِا۔ ہرِ کا شبد ہرِ کا ناؤں، ہرِ ہرِ اپنے رنگ رنگائیندا۔ ہرِ جوُ وسے ہر گھٹ تھاؤں، گھٹ گھٹ اپنا آسن لائیندا۔ کرے کرائے ساچا نیاؤں، نیانکاری آپ ہو جائیندا۔ لکھّ چؤراسی پِتا ماؤں، پوُت سپوُتے گود بہائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا بھیوَ آپ جنائیندا۔ ساچا بھیوَ نِرگُن سرگُن دھار، دھرنی دھرت دھوَل دئے وڈیائیا۔ سیوا کرے اگمّ اپار، بن سیوک سیو کمائیا۔ پرگٹ ہو وِچ سنسار، نِرگُن سرگُن ویس وٹائیا۔ ناؤں دھر گُروُ اوتار، گُر گُر شبدی ناد سُنائیا۔ لکھّ چؤراسی کرے بے دار، آلس نِندرا دئے مِٹائیا۔ سچ سندیسہ دیوے آن، پُرکھ اکال اکال پڑھائیا۔ رام رمئیا سدا دَیال، دیِنن اپنے رنگ رنگائیا۔ جُگ چؤکڑی کھیلے کھیل کمال، کھیلنہار سچّا شہنشاہیِا۔ سَتجُگ تریتا دواپر لوک مات بنائے سچّی دھرمسال، دھرم دوارا اِک وکھائیا۔ جوتی جوت سروُپ ہرِ، آپ اپنی کِرپا کر، ساچی سیوا آپ جنائیا۔ ساچی سیوا گُر اوتار، ہرِ کرتا آپ جنائیندا۔ برہما سُت کر پیار، سنت کُمار آپ
سُہائیندا۔ براہ دیوے اِک آدھار، یگے پُرش ویکھ وکھائیندا۔ حیگریِو کر پسار، موہنی اپنا رنگ رنگائیندا۔ نر نرائن کھیل نیار، کپل مُن وڈ وڈیائیندا۔ دتّا ترےَ دے آدھار، رِکھپ اپنا بھیوَ چُکائیندا۔ پِرتھوُ کھولنہار کِواڑ، متس اپنا نام دِرڑائیندا۔ کچھپ دیوے اِک آدھار، دھننتر ایکا راہ جنائیندا۔ موہنی روُپ آپ نِرنکار، نِرگُن نِراکار روُپ وٹائیندا۔ ہنس ہنسا بول جَیکار، پنکھی پنچھی لیکھے لائیندا۔ نر سِنگھ کھیل اپر اپار، بل باوَن پردہ اُٹھائیندا۔ ہری ہرِ ہو تیار، گج بندھن آپ کٹائیندا۔ دھروُ دیوے اِک آدھار، نر نرائن سوبھا پائیندا۔ سَتجُگ ساچی کرے کار، ایکا آٹھا میل مِلائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا کھیل کرائیندا۔ جُگ جُگ کھیل پُرکھ سمرتھ، ہرِ جوُ ہرِ ہرِ آپ کرائیا۔ نِرگُن سرگُن چلائے رتھ، بن رتھواہی سیو کمائیا۔ تریتا تریا روُپ کر پرگٹ، ترےَگُن ویکھے چائیں چائنیا۔ آپ جنائے اپنا جس، پاربرہم برہم کرے سچ پڑھائیا۔ پرسرام وکھائے ایکا ہٹّ، ہٹّ ہٹوانا کُنڈا لاہیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ویس وٹائیا۔ جُگ جُگ ویس رمئیا رام، ہرِ جوُ اپنا کھیل کرائیندا۔ اپنا کھیل سدا نِشکام، آسا ہور نہ کوئے وکھائیندا۔ لیکھا جان دو جہان، سِری بھگوان ویس وٹائیندا۔ توڑنہارا وڈ ابِھمان، ابِھمانی کوئے رہن نہ پائیندا۔ غریِب نِمانیاں دیونہارا مان، سچ فرمان اِک سُنائیندا۔ کھیلے کھیل نؤجوان، نؤبت ایکا نام وجائیندا۔ تریتا ویکھنہارا مار دھیان، جوتی جوت سروُپ ہرِ، آپ اپنی کِرپا کر، درِشٹ اِشٹ گُردیو وشِشٹ وِشوَ اپنا راگ جنائیندا۔ تریتا انتم آیا پار، پاربرہم پربھ میٹ مِٹائیا۔ کرے کھیل آپ کرتار، کرنہار سچّا شہنشاہیِا۔ ساچے سُت دئے آدھار، سَت سَتوادی کرے پڑھائیا۔ وید ویاسا بن لِکھار، پُران اٹھاراں گیا سمجھائیا۔ لیکھا جانے لکھّ چار ستاراں ہزار، سَت سَت اپنا ناؤں دِرڑائیا۔ اُچی کوُک کوُک پُکار، درگاہ ساچی گیا سُنائیا۔ لکھّ چؤراسی دئے ہُلار، ایکا نام کرے پڑھائیا۔ سرب جیِاں دا سانجھا یار، پاربرہم پربھ بےپرواہیِا۔ جُگ چؤکڑی کھیل کرے اپار، کھیلنہارا نظر نہ آئیا۔ وید شاستر سِمرت صِفت صالاحی بھرے سچ بھنڈار، صِفتی صِفت صِفت وڈیائیا۔ کاغد قلم شاہی اَنت نہ پاراوار، بُدھی چلے نہ کوئے چتُرائیا۔ کاہنا کرِشنا میِت مُرار، تریَلوکی نندن ناتھ اناتھاں دئے وڈیائیا۔ ساچا چھندن کر تیار، گیِتا گیان گیان دِرڑائیا۔ اٹھاراں دھیائے کر پروان، پروانہ آتم پرماتم دئے پھڑائیا۔ کرے کھیل وڈ مِہربان، ساچی سِکھیا اِک جنائیا۔ غریِب نِمانیاں دیوے دان، داتا دانی سچّا شہنشاہیِا۔ جوتی جوت سروُپ ہرِ،
آپ اپنی کِرپا کر، جُگ جُگ اپنا راہ چلائیا۔ جُگ جُگ کرے وِہار، ہرِ کرتا آپ کرائیندا۔ دواپر انتم اُتریا پار، کلجُگ اپنا پھیرا پائیندا۔ پربھ چرنی ڈِگا آن، نِیوں نِیوں سجدہ سیِس جھُکائیندا۔ ہؤں بالی بُدھ انجان، تیرا بھیوَ کوئے نہ آئیندا۔ کر کِرپا سِری بھگوان، تیرے اَگے جھولی ڈاہِندا۔ ایکا دینا ساچا دان، داتا دانی آپ ورتائیندا۔ سرب جیِاں دا ساچا کاہن، لکھّ چؤراسی گوپی ناچ نچائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بودھ اگادھی ایکا منتر ، سرب جیِاں بِدھ جانے اَنتر، اَنتر آتم ویکھ وکھائیندا۔ اَنتر آتم ہرِ ہرِ رنگ، رنگ رنگیِلا آپ جنائیا۔ گھر گھر سیج سُہنجنی پلنگ، بِن پاوا چوُل ٹِکائیا۔ گھر گھر نام سچّا مردنگ، انحد نادی ناد وجائیا۔ گھر گھر امرت سروور پائے ٹھنڈ، نِجھر جھِرنا رہیا جھِرائیا۔ گھر گھر ڈھاہے دوَیتی کندھ، مایا ممتا پردہ آپ اُٹھائیا۔ گھر گھر گیِت گوبِند چھند، شاستر سِمرت بھیوَ نہ رائیا ۔ گھر گھر دسےّ اِک انند، انند انند وِچ سمائیا۔ گھر گھر جوت نِرنجن چند، سوُرج چند مُکھ شرمائیا۔ گھر گھر سوُربیِر سوُرا سربنگ، گرِہ مندر آسن لائیا۔ گھر گھر ٹیڈھی بنک رہیا لنگھ، اُچ محل اٹل پھیرا پائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ سمجھائیا۔ ساچا کھیل کلجُگ دھار، ہرِ ساچا سچ جنائیندا۔ چھوٹے بالے تیری انتم وار، تیرا بھیوَ چُکائیندا۔ نوُر اِلاہی مددگار، حق حقیِقت ویکھ وکھائیندا۔ لاشریِک سانجھا یار، مقامے حق ڈیرہ لائیندا۔ تیرا میلا وِچ سنسار، عیسیٰ موُسیٰ جوڑ جُڑائیندا۔ محمد کرے اِک تیار، تیری آسا آسا نال پرنائیندا۔ لیکھا جانے وِچ سنسار، وڈ سنساری دَیا کمائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا۔ ساچی کرنی کائنات، ہرِ کرتا آپ جنائیا۔ نبی رسوُلاں دیوے دات، عالم عُلما کرے پڑھائیا۔ ایکا الف دئے نِجات، یے یُگتی دئے سمجھائیا۔ کرے کھیل پُرکھ ابناس، ابناسی اپنی کار کرائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے جنائیا۔ ساچا لیکھا پروردِگار، بےپرواہ آپ جنائیندا۔ نِرگُن سرگُن کھیل اپار، اپرمپر آپ کرائیندا۔ جُگ چؤکڑی ویکھنہار، سَتجُگ تریتا دواپر کلجُگ آپ ہنڈھائیندا۔ لکھّ چؤراسی دے آدھار، آتم پرماتم منتر اِک پڑھائیندا۔ کوٹن کوٹ کوٹ بول جَیکار، تن چوٹ نگارے آپ لگائیندا۔ نِرمل جوت کر اُجیار، اندھ اندھیر گوائیندا۔ پیِر پَیغمبر پَیج سوار، دستگیِر اپنا دست نال مِلائیندا۔ شرع زنجِیر کر تیار، انگ انگ نال بندھائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا ساکھیات سمجھائیندا۔
ساچی سِکھیا سِری بھگوان، آد جُگاد جنائیا۔ نِرگُن سرگُن دیوے دان، وست امولک جھولی پائیا۔ آتم پرماتم اِک گیان، برہم پاربرہم جنائیا۔ گُر کا ناؤں رسن وکھان، سَتگُر میلا سہج سُبھائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی لیکھے پائیا۔ جُگ چؤکڑی اُترے گھاٹ، ہرِ جوُ اپنا کھیل کرائیندا۔ سَتجُگ تریتا دواپر چولا گیا پاٹ، تھِر کوئے رہن نہ پائیندا۔ کلجُگ اَنت آئے اندھیری رات، چؤدس چند نہ کوئے چڑھائیندا۔ لکھّ چؤراسی جیِو جنت نار ہوئے کمذات، کُلکھّنی روُپ آپ وٹائیندا۔ ہرِ کنت نہ بنّھے کوئے نات، ناتا بِدھاتا نہ کوئے جُڑائیندا۔ کرے کھیل پُرکھ سمراتھ، سمرتھ اپنی دھار وکھائیندا۔ نانک نِرگُن کر پرگٹ، پرگٹ اپنا حُکم جنائیندا۔ سچکھنڈ دوار وکھائے ساچا ہٹّ، سچکھنڈ نِواسی کُنڈا لاہِندا۔ پُرکھ اکال نِرمل نوُر جوت ہڈّ ماس ناڑی نہ کوئے رتّ، تتَو تت نہ کوئے رکھائیندا۔ نہ کوئی وِدیا نہ کوئی مت، من بُدھ نہ گنڈھ پوائیندا۔ اِک اِکلّا رہیا وس، دوُسر نظر کوئے نہ آئیندا۔ نانک نِرگُن مارگ دیوے دسّ، ساچی سِکھیا آپ سمجھائیندا۔ سرب جیِاں دا اِکو رس، رس رسیِا ہتّھ پھڑائیندا۔ لوک مات دینا نسّ، نسّ، بن پاندھی پندھ مُکائیندا۔ چار ورن مِلاؤنا ہسّ ہسّ، کھتری براہمن شوُدر وَیش ایکا گھر بہائیندا۔ سرِشٹ سبائی کر اِکٹّھ، پُرکھ اکال دیِن دَیال اِشٹ دیوَ گُر اِک جنائیندا۔ امرت آتم گھر گھر جھّٹ، نِجھر جھِرنا اِک جھِرائیندا۔ شبد اگمّی مار سٹّ، نام نِدھانا ہتّھ پھڑائیندا۔ جوتی جوت سروُپ ہرِ، آپ اپنی کِرپا کر، ساچی دات وڈ کرامات، نِرگُن نانک سرگُن جھولی پائیندا۔ نانک مِلیا نام نِدھانا، نام سَت دئے ورتائیا۔ پاربرہم پربھ پُرکھ سُلطانا، سچکھنڈ نِواسی آپ ورتائیا۔ سرِشٹ سبائی دینا برہم گیانا، برہم وِدیا اِک پڑھائیا۔ مُلّا شیخ مسائق پنڈت ہون حَیرانا، ہرِ کا بھیوَ نہ کوئے جنائیا۔ مارنا تیِر اِک نِشانہ، بِرہوں اگنی دئے بُجھائیا۔ درس دِکھائے مرد مردانہ، وڈ مردانگی آپ کمائیا۔ بودھ اگادھا کھیل مہانا، نِرگُن سرگُن کرے پڑھائیا۔ نِش اکھّر اکھّر کرے پروانہ، نام پروانہ دئے پھڑائیا۔ جوتی جوت سروُپ ہرِ، آپ اپنی کِرپا کر، ساچی سِکھیا ساکھیات نِرگُن سرگُن آپ جنائیا۔ نانک نِرگُن کر پروان، لوک مات ویکھ وکھائیا۔ سرِشٹ سبائی ایکا دات، ایکا اکھّر کرے پڑھائیا۔ پُرکھ ابناسی کملاپات، نِرگُن شاہ پاتشاہ سچّا شہنشاہیِا۔ لکھّ چؤراسی اِک جماعت، دوُجی پٹّی نہ کوئے پڑھائیا۔ سِری بھگوان ساچا نات، نہ کوئی توڑے توڑ تُڑائیا۔ آتم پرماتم ساچی گاتھ، ساچا سوہلا اِک سُنائیا۔ ہوئے سہائی اناتھاں ناتھ، دیِناں اناتھاں دَیا کمائیا۔ دُھر دی بانی گائے گاتھ، ایکنکارا
مُکھ صالاحیِا۔ سَت نام مِلی دات، کرتا پُرکھ دئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنا ناؤں آپ دِرڑائیا۔ اپنا ناؤں شبد گُر گیان، نِرگُن نانک نام پڑھایا۔ لیکھا لِکھ لِکھ لیکھ مہان، ایکا پانجا جوڑ جُڑایا۔ ترےَ ترےَ میلا وِچ جہان، پنچم پنچم گنڈھ رکھایا۔ نانک انگد کر پروان، امروُ بھیوَ چُکایا۔ امر داس رام داس سچ اشنان، سر سروور آپ کرایا۔ گُر ارجن گُر گُر دے فرمان، گُروُ گرنتھ گُردیو اِک اُپایا۔ سرِشٹ سبائی دیوے مان، ابِھمان، کوئے رہن نہ پایا۔ ہِندوُ مُسلم سِکھ عیسائی کھتری براہمن شوُدر وَیش سارے گان، دوُسر ونڈ نہ کوئے رکھایا۔ بھگت بھگوَنت کٹّھے کیتے آن، تیئی اوتار گُروُ دس عیسیٰ موُسیٰ محمد ایکا گنڈھ پوایا۔ اِک خُدائے اِک رحمان، تؤفیِق اِکو اِک بےپرواہیِا۔ ایکا رمئیا ایکا رام، ایکا کرِشنا ناؤں دھرایا۔ ایکا نانک دئے پَیغام، پیِر پَیغمبر آپ سُنایا۔ سرِشٹ سبائی کرو دھیان، کروٹ ہرِ جوُ رہیا بدلایا۔ کلجُگ ویکھے اندھیری شام، جگت اندھیرا چھایا۔ دُھر درگاہی اِک کلام، کلمہ نبی رسوُل پڑھایا۔ شاہ پاتشاہ سچّا اِمام، سِر اِماماں ڈیرہ رہیا لگایا۔ ایکا جوتی کر پروان، گوبِند اپنی گود سُہایا۔ پُرکھ اکال ہو مِہربان، پِتا پوُت لئے اُٹھایا ۔ شبد اگمّی دے فرمان، سَت سَتوادی راہ چلایا۔ نام کھنڈا تیز کرپان، برہمنڈاں پار کرایا۔ گوبِند کایا گاترے پایا آن، لوہار ترکھان نہ کِسے گھڑایا۔ امرت نِدھان دِتا جام، امیوں رس اپنا رس چکھایا۔ جوتی جوت سروُپ ہرِ، آپ اپنی کِرپا کر، جُگ جُگ اپنا مارگ لایا۔ جُگ جُگ مارگ ہرِ گوبِند، گوبِند دھار چلائیا۔ امرت سروور ساگر سِندھ، سِندھ اپنا روُپ وٹائیا ۔ پوُت سپوُتا اُپجی بِند، بِند ایکا ایک پرگٹائیا۔ داتا دانی گُنی گہند، گہر گمبھیِر دئے وڈیائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک سمجھائیا۔ ساچی سِکھیا گوبِند میِتا، مِتر پیارا آپ جنائیندا۔ کلجُگ انتم ساچی ریِتا، ریِتیوان آپ درسائیندا۔ ہرِ کا ناؤں سدا انڈیِٹھا، نظر کِسے نہ آئیندا۔ ہرِ کا امرت امیوں رس میٹھا، رسنا مُکھ نہ کوئے چوائیندا۔ ہرِ کا ناؤں ساچی گیِتا، گیِتا گیان اِک دِرڑائیندا۔ ہرِ کا مندر گُردوار مندر مسجد مٹھ شِودوال مسیِتا، مسلہ حق حق سُنائیندا۔ ہرِ کا ناؤں پتت پُنیِتا، پتت پاپی پار کرائیندا۔ ہرِ کا میل ہست کیِٹا، اوُچ نیِچ نہ کوئے رکھائیندا۔ ہرِ کا ناؤں مِٹھا کرے کؤڑا ریِٹھا، امرت رس اِک بھرائیندا۔ ہرِ کا ناؤں سدا جیِتا، جنم مرن وِچ نہ آئیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پُرکھ اکالا دیِن دَیالا گُر گوبِند ایہہ سمجھائیندا۔ گوبِند مِلیا ہرِ نِرنکارا، نِج گھر
ساچے وجّی ودھائیا۔ نانک کریا اِک پیارا، پیار پیار وِچ پرگٹائیا۔ دوُسر نہ کوئی دِسے سہارا، اوٹ اوَر نہ کوئے تکائیا۔ قِلعے کوٹ سچ مِنارا، سچکھنڈ ساچا نظری آئیا۔ جوتی جاتا ہو اُجیارا، نوُر نوُرانہ ڈگمگائیا۔ پِتا پوُت کرے پیارا، پوُت سپوُتا گود اُٹھائیا۔ ایکا ونج اِک اپارا، ایکا ہٹّ دئے کُھلائیا۔ لوک مات دا سچ کنارہ، گوبِند تیرا گھاٹ بنائیا۔ سرب جیِاں دا سچ پیارا، ساچی سِکھیا اِک جنائیا۔ اوُچاں نیِچاں راؤ رنکاں راج راجاناں شاہ سُلطاناں دینا اِک آدھارا، دُئی دوَیت نہ کوئے رکھائیا۔ ساچا مگ پنتھ پُرکھ اکال چلے نیارا، اکال اکال اکال جنائیا۔ لوآں پُریاں برہمنڈاں کھنڈاں کرنا خبردارا، کھنڈا کھڑگ نام چمکائیا۔ کلجُگ انتم کھیل نیارا، نِرگُن نِرنکارا آپ سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا مارگ آپے لائیا۔ گُر گوبِند سُنیا ہرِ سندیسہ، پربھ اَگے سیِس جھُکائیا۔ صاحِب سُلطان تیری سچ آدیسا، دو جہان تیری وڈیائیا۔ تیرا سَت سروُپ ایکا ویکھا، نِرگُن نوُر نوُر رُشنائیا۔ تیری سِکھیا مُچھ داہڑی کیسا، انگ بھنگ نہ کوئے کرائیا۔ آد جُگاد جُگ جُگ رہے ہمیشہ، ہرِ سجّن سچّے ماہیِا۔ نانک نِرگُن سیوا کری دھر دھر موڈھے بھوُری کھیسا، چاروں کُنٹ در درویش پھیری پائیا۔ ارجن گُر گُر لِکھ لِکھ لیکھا، اگنی تت تت گیا جلائیا۔ سَتجُگ تریتا دواپر تیرا پیندا رہیا بُھلیکھا، ساچا نوُر نظر نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر میرے ہتّھ ٹِکائیا۔ سِر میرے ہتّھ رکھ سوامی، سوال اِکو اِک رکھائیندا۔ آد جُگاد سدا نِہکامی، نِہکرمی کرم کمائیندا۔ سرب جیِاں گھٹ اَنترجامی، گھر گھر آسن لائیندا۔ بودھ اگادھ اگمّی بانی، گُر گُر ناد وجائیندا۔ امرت آتم ٹھنڈا پانی، سر سروور وکھائیندا۔ مہما تیری اکتھ کہانی، کتھنا کتھ نہ کوئے جنائیندا۔ تیرا لیکھا چار کھانی، چارے کھانی میل مِلائیندا۔ تیرا ناؤں چارے بانی، چارے بانی صِفت صالاحِندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، موہے اِکو آس تکائیندا۔ اِکو رکھی تیری آس، پُرکھ اکال وڈی وڈیائیا۔ سدا سدا وسیں میرے پاس، وِچھڑ کدے نہ جائیا۔ چار ورن بُجھاواں پیاس، کھتری براہمن شوُدر وَیش ترِکھا نہ کوئے جنائیا۔ ساچے مندر پاواں راس، گوپی کاہن آپ نچائیا۔ غریِب نِمانیاں پُچھاں وات، اِکو تیری اوٹ تکائیا۔ اوُچاں نیِچاں دیاں نِجات، نِج گھر میلا سہج سُبھائیا۔ سرِشٹ سبائی اِکو دات، تیرا ناؤں ورتائیا۔ پُرکھ ابناسی کملاپات، ساک سجّن سیَن اِک اکھوائیا۔ جوتی جوت سروُپ ہرِ، آپ اپنی کِرپا کر، تیرا مارگ تیرے در تیرے گھر وکھائیا۔
تیرا در سچّا دروازہ، درگاہ تیری سچ وڈیائیا۔ تُوں آد جُگاد غریِب نوازا، جُگ جُگ اپنی دھار چلائیا۔ کر کِرپا میرا سازن سازا، دُشٹ دمن خوشی منائیا۔ تیرا نام اگمّی واجا، دِوس رَین کرے شنوائیا۔ ایتھے اوتھے دو جہان، رکھے لاجا، صاحِب سُلطان وڈی وڈیائیا۔ کلجُگ انتم رچا کاجا، پنج تت کراں کُڑمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیری سیوا سچ کمائیا۔ تیری سیوا کراں وِچ سنسار، چاؤ گھنیرا اِک رکھایا۔ اوُچاں نیِچاں دے آدھار، تیرا ناؤں اِک سمجھایا۔ تیرا تت کر پیار، پنچم میلا جوڑ جُڑایا ۔ پنچم مارنہار ہنکار، پنچم ناد شبد سُنایا۔ پنچم پنچ کر سردار، پنچم لیکھا ہتّھ پھڑایا۔ لکھّ چؤراسی وِچوں کڈھ باہر، سچ نِشانہ اِک رکھایا۔ کھڑگ کھنڈا تیز کٹار، پریم پیار نال رنگایا۔ آپے اندر آپے باہر، گُپت ظاہر ویکھ وکھایا۔ پنچم پنچ کر تیار، پنچم ناتا موہ تُڑایا۔ پنچم پنچ بول جَیکار، تیرا ناؤں سُنایا۔ سب دا داتا پُرکھ اکال، اکل کلا ورتایا۔ امرت جام اِک پیال، صبر پیالہ ہتّھ پھڑایا۔ سیوا کرے سدا مہاکال، کال نیڑ نہ لاگے رایا۔ گُرمُکھاں ترےَگُن مایا توڑ جنجال، جیِون جُگت دیاں سمجھایا۔ تیری کِرپا وساں نال نال، وِچھڑ کدے نہ جایا۔ جھوُٹھی مایا جگت دھن مال، گُرسِکھ پوہ نہ سکے رایا۔ رسنا جِہوا جپے اکال اکال، دوُجا اِشٹ نہ کوئے منایا۔ گُرسِکھ کِسے اَگے نہ کرے سوال، بِن تُدھ منگن در نہ کِسے جایا۔ ہرِجن آئے نہ کدے زوال، ظالم ہتّھ نہ کوئے اُٹھایا۔ سدا سدا سد کرے پرِتپال، پرِتپالک ناؤں دھرایا۔ تیری گھالن دسّاں گھال، ساچی گھالن اِک سمجھایا۔ گُر گُر سَتگُر بن دلال، جگت دِلاسا اِک رکھایا۔ گُرسِکھ کھانا حق حلال، دوُسر وست نہ نَین اُٹھایا۔ سرِشٹ سبائی دھیِاں بھَیناں جان، مات پِت روُپ وکھایا۔ گُر کا شبد سُگھڑ سُجان، موُرکھ موُڑھ دئے ترایا۔ گوبِند ماریا تیِر نِشان، انیالا آپ چلایا۔ سیوا کرے مات مہان، سیوادار آپ ہو جایا۔ اپنی بِند لیکھے لائے تیرے بھگوان، پُتر نیہاں ہیٹھ دبایا۔ چارے ورن کرے پروان، چارے سُت بھیٹ چڑھایا۔ چؤتھے جُگ دیوے دان، چار ورن اِک سرنایا۔ برن اٹھاراں ہون حَیران، نؤ اٹھاراں موہ تُڑایا۔ تُو ہی تُو ہی سارے گان، تُدھ بِن نظر کوئے نہ آیا۔ گُرسِکھ ہوئے نہ کوئے بےاِیمان، تیرا ناؤں ہٹّ نہ کِسے وِکایا۔ جِس تیرا امرت کیِتا پان، سو تیرے روُپ سمایا۔ جو میری سِکھیا بُھلے وِچ جہان، ایتھے اوتھے سکے نہ کوئے بچایا۔ نانک نِرگُن ضامنی نہ دیوے آن، گوبِند اَنت نہ لئے چُھڈایا۔ جھوُٹھی مایا نہ کرے کوئی پچھان، ساچا نام دھن گُرسِکھاں جھولی پایا۔ جوتی جوت سروُپ ہرِ، آپ اپنی کِرپا
کر، گوبِند دھارا سچ سُنایا۔ گوبِند سِنگھ سِنگھ گُر بلکار، ایکا ایک جنائیا۔ امرت پیالہ ٹھنڈا ٹھار، گُرمُکھاں رس چکھائیا۔ پنچم پنچ کر تیار، ترےَگُن اتیِتا ویکھے چائیں چائنیا۔ آپے نِیوں نِیوں کرے نِمسکار، گُرسِکھاں دئے وڈیائیا۔ گُرسِکھ سچّا سردار، لوک مات سرب جس گائیا۔ بُھل نہ جائے ہرِ ابناس، ابناسی اپنا حُکم سُنائیا۔ ہرِ کا مندر کھیل تماش، ہرِ کی پؤڑھی دئے چڑھائیا۔ گُروُ دوارے ساچے ہٹّ کوئی نہ رہے بدمُعاش، بدی کرن کوئے نہ پائیا۔ ایکا منتر نام سَت جنا خاص، خواہش سب دی پوُر کرائیا۔ واہِگُروُ وسے سدا پاس، خالص خالصہ دئے جنائیا۔ فتح ڈنکا وجائے شاہو شاباش، شہنشاہ اپنے ناؤں دئے وڈیائیا۔ ہرِجن رسن جپن سواس سواس، آتم رس اِک چکھائیا۔ جوتی جوت سروُپ ہرِ، آپ اپنی کِرپا کر، گُر سَتگُر ساچی دھار آپ سمجھائیا۔ گوبِند دھار اِک انڈیِٹھ، چار ورن سمجھائیندا۔ کلجُگ انتم بدلے ریِت، ریِتیوان اِک اکھوائیندا۔ سرِشٹ سبائی ساچا گیِت، پُرکھ اکال سمجھائیندا۔ ایکنکارا اِک اِکلّا وسنہارا مندر مسیِت، ٹھاکر شِودوالے پھیرا پائیندا۔ گھٹ گھٹ پرکھنہارا نیِت، گرِہ گرِہ اپنا آسن لائیندا۔ کرنہارا پتت پُنیِت، پتت پاپی آپ ترائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا سِکھ وڈیائیندا۔ ساچی سِکھیا جانا نہ بُھل، ابُھل آپ جنائیا۔ گُرسِکھ گُر گوبِند بنائی اپنی کُل، پِتا پوُت نہ کوئے وڈیائیا۔ ایکا دیوے نام انمُل، قیِمت کرتا نہ کوئے لگائیا۔ لوک مات پُھل پُھلواڑی جائے پُھل، پتّ ٹہنی آپ مہکائیا۔ گُر چرن پریِتی جانا گھُل، دوُسر سیو نہ کوئے کمائیا۔ چار ورن دوارا گیا کُھل، اَدھ وِچکار نہ کوئے اٹکائیا۔ امرت بھنڈار نہ جائے ڈُلھ، بھر پیالہ ہتّھ پھڑائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیا۔ ساچی سِکھیا سَتگُر سجّن، ہرِ ہرِ ہرِ آپ جنائیندا۔ گُرمُکھ تیرا اِکو مجن، گُر چرن اشنان کرائیندا۔ گڑھ ہنکاری بھانڈے بھجّن، نِون سو اکھّر اِک پڑھائیندا۔ گوبِند سوُرا پڑدے کجّن، سِر سب دے ہتّھ ٹِکائیندا۔ ایتھے اوتھے رکھے لّجن، لاجاونت آپ ہو جائیندا۔ بےمُکھ ہو کے جو در توں بھجّن، تِنھ دھکاّ آپ لگائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک رکھائیندا۔ ساچی سِکھیا گُروُ گُر دھام، ہرِ مندر مان وڈیائیا۔ گُروُ گرنتھ گُر مارے بان، بانی انیالا تیِر چلائیا۔ بانی کرے گُروُ پہچان، پہچان گُروُ بانی روُپ وٹائیا۔ دوہاں میلا وِچ جہان، مِل مِل اپنی خوشی منائیا۔ گُردوارا جوُٹھ جھوُٹھ نہ ہووے پیِن کھان، سچ سُچ اِک سمجھائیا۔ مدرا کرے نہ کوئے پان، رس امرت اِک چکھائیا۔ وِبھچار نہ کوئے کمان، دھی بھَین نہ کوئے
تکائیا۔ جے کوئی بُھل گیا وِچ جہان، گوبِند دیونہار سزائیا۔ مایا ممتا نہ کوئے ابِھمان، لوبھ ہنکار نہ کوئے لڑائیا۔ گُر در وڑے نہ کوئے شیَطان، شہنشاہ ساچا گیا سمجھائیا۔ گُرسِکھ حِرص نہ رکھنی پیِن کھان، گُر سیوا سیو کمائیا۔ گوبِند رکھنا چرن دھیان، چرن دھیان ملِے وڈیائیا۔ بُھل نہ جانا بن انجان، کلجُگ کالا رہیا ڈرائیا۔ گوبِند کھنڈا رکھے وِچ میان، مُٹھ اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگ جُگ اپنی کار کمائیا۔ جُگ جُگ کار کرے کرتارا، نِرگُن سرگُن کھیل کرائیندا۔ کلجُگ آئے انتم وارا، نؤ کھنڈ اندھیرا چھائیندا۔ سرِشٹ سبائی دھوُاں دھارا، ساچا چند نہ کوئے چڑھائیندا۔ مندر مسجد مٹھ شِودوالے ہاہاکارا، گُروُدوار گُر گُر روُپ نہ کوئے وکھائیندا۔ گُر کا شبد نہ کِسے وِچارا، وِچار نال وِچار نہ کوئے مِلائیندا۔ جگت سیاست لگّا اکھاڑا، من مت بُدھ ناچ نچائیندا۔ ترےَگُن اگنی لگّی ہاڑا، امرت میگھ نہ کوئے برسائیندا۔ گرنتھی پنتھی تپے تن انگ انگیارا، اگنی اگّ نہ کوئے بُجھائیندا۔ نانک ارجن سانت ٹھانڈا دربارا، گوبِند سیِتل دھار رکھائیندا۔ بھرمے بُھلیا سرب سنسارا، بھرم گڑھ نہ کوئے تُڑائیندا۔ سِکھ نال سِکھ نہ کرے پیارا، سِکھ دا دُکھ گُر کولوں جھلیا نہ جائیندا۔ سَتگُر پوُرا سب دا ونجارا، دوہاں ایکا ہٹّ وِکائیندا۔ کلجُگ کرے پھڑ دو پھاڑا، دوہی ہتھّیں چیِر پوائیندا۔ سمت اُنی اِک نؤ کڈھے ہاڑا، نؤ در سرب ہلکائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ ورتائیندا۔ ساچا کھیل ورتے بھگوان، بھاوی اپنے ہتّھ رکھائیا۔ دیونہارا سچّا دان، گوبِند میِتا صِفت صالاحیِا۔ کلجُگ اَنت بنے نادان، گُرمُکھ بُدھ نہ کوئے وڈیائیا۔ ہرِ مندر مدرا ہویا پیِن کھان، ہرِ جوُ ہرِ ہرِ گئے بُھلائیا۔ کواری کنّیا تکّن اِک رکان، نَین نَین نَین اُٹھائیا۔ سَتگُر پوُرا مارنہارا بان، انگ انگ دئے بھنائیا ۔ گُر کا سِکھ نہ ہوئے بےاِیمان، بےمُکھ گُر در رہن نہ پائیا۔ گُرسِکھ گُروُ اُتوں ہون قُربان، گُروُ قُربان گُرسِکھاں اُتوں اپنا آپ کرائیا ۔ جِس نے امرت بھیٹا دِتا دان، سو داتا دانی ویکھ وکھائیا۔ کلجُگ انتم سارے ہوئے حَیران، ہرِ کا بھیوَ کوئے نہ پائیا۔ سمت ویہہ سؤ اُنی بِکرمی دھکّے سارے کھان، دھیِرج دھیِر نہ کوئے دھرائیا۔ ویہہ سؤ ویہہ بِکرمی کِرپا کرے آپ بھگوان، من مت دئے گوائیا۔ گُرمت دیوے اِک گیان، دُئی دوَیتی باہر کڈھائیا۔ ویہہ سؤ ویہہ بِکرمی پندراں کتّک گُرمُکھاں بنائے اِک وِدھان، پنچم میلا میلے سہج سُبھائیا ۔ سبناں دسےّ اِک نِشان، گوبِند نِشانہ اِک جھُلائیا۔ راجے رانے منّن آن، نہ کوئی سکے سیِس اُٹھائیا۔ پُرکھ اکال اکال اکال سارے گان، رسنا جِہوا ڈھولا گائیا۔ آتم
پرماتم ملِے آن، مِل مِل خوشی منائیا۔ ہِندوُ مُسلم سِکھ عیسائی کھتری براہمن شوُدر وَیش بَیٹھن اِک مکان، سچ دوارا اِک وکھائیا۔ گُرمُکھ کدے نہ ہوئے حَیران، چِنتا سوگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی ویکھے گھر گھر کلجُگ انتم پھیرا پائیا۔