۱۶ مگھّر ۲۰۱۹ بِکرمی آسا سِنگھ پیارا سِنگھ دے گرِہ بابوُ پُر
سری بھگوان تیری چالاکی، پروردِگار بھیوَ کوئے نہ پائیا۔ جُگ جُگ مان دیندا رہیا پنج تت خاکی، نِرگُن جوت کر رُشنائیا ۔ امرت جام پیاؤندا رہیا بن بن ساقی، مدُھر پیالہ ہتّھ اُٹھائیا۔ گُر اوتاراں پیِر پَیغمبراں کھولدا رہیا تاکی، جگت جھروکھا کُنڈا لاہیِا ۔ آپ بن کے بَیٹھا رہیا عاقی، زیر زبر نہ کوئے جنائیا۔ شاہ سُلطاناں چڑھاؤندا رہیا اُپر ہاتھی، ایراپت نہ مان جنائیا۔ گھوڑیاں اُپر زیِن پاکھر پاؤندا رہیا کاٹھی، سولاں کلیاں ونڈ ونڈائیا۔ اکھّر وکھّر دیندا رہیا داتی، نِرگُن سرگُن کر پڑھائیا۔ گھر مندر سواؤندا رہیا کھاٹی، سچ سِنگھاسن اِک سُہائیا۔ چؤداں لوک وکھاؤندا رہیا ہاٹی، روُپ انوُپ وٹائیا۔ چؤداں طبقاں بن دا رہیا ساتھی، زِمیں اسماناں کھوج کھوجائیا۔ کردا رہیا کھیل دھرت مات دی اُتے چھاتی، سرگُن نِرگُن بےپرواہیِا۔ گاؤندا رہیا آتم آرتی، گھِرت دیِپ کر رُشنائیا۔ سُناؤندا رہیا ہِندی اُردوُ گُرمُکھی فارسی، فیَصلہ اپنا نہ کِسے جنائیا۔ پیِر پَیغمبر گھلدا رہیا سفارشی، لیکھا اپنے ہتّھ جنائیا۔ شاستر سِمرت وید پُران اِنجیِل قُرآن بناؤندا رہیا آڑھتی، دھڑت اپنا نام وٹّا لگائیا۔ لیکھا لِکھ لِکھ دسّدا رہیا عبارتی، عدم اپنا نہ کِسے جنائیا۔ دو جہان پِھردا رہیا بن مثعلچی، نِرگُن نوُر کر رُشنائیا۔ گھر گھر چلاؤندا رہیا خانہ باوارچی، باوَرچی اپنا ناؤں دھرائیا۔ جیِو جنت بناؤندا رہیا لالچی، لالچ کرے جگت کُڑمائیا۔ جُگ جُگ کردا رہیا نالشی، نالش اپنی نہ کِسے سمجھائیا۔ سَتجُگ تریتا دواپر کلجُگ کردا رہیا مالشی، مسلہ اِکو اِک اپنے ہتّھ رکھائیا۔ تیئی اوتار بھگت اٹھاراں دس گُر عیسیٰ موُسیٰ محمد ہتّھ پھڑاؤندا رہیا خالی بالٹی، نام پِچھوں جھولی پائیا۔ لوک مات آ کے دیِن مذہب بنّ گئے پارٹی، ہرِ کا پارٹ ادا نہ کوئے کرائیا۔ نام وِہوُنا دسّ گئے جنگل جوُہ اُجاڑ پہاڑ ڈوُنگھی غارتی، گہر گمبھیِر نہ کوئے مِلائیا۔ حقیِقت حق نہ جانے کوئے پادری، عیسیٰ موُسیٰ نہ صِفت صالاحیِا۔ کرتا قیِمت کوئے نہ جانے قادری، قُدرت بھیوَ کوئے نہ آئیا۔ سارے اپنی اپنی کر کے گئے بہادری، لوک مات بل
دھرائیا۔ چار ورن بنا کے گئے برادری، کھتری براہمن شوُدر وَیش ناؤں دھرائیا۔ صبر پیالہ کِسے نہ دِتا صابری، صِدق سچ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، لیکھا ویکھے تھاؤں تھائنیا۔ پروردِگار بڑا چلاک، چنچل اپنا کھیل کرائیندا۔ کدے پاک کدے خاک، خاک پاک روُپ وٹائیندا۔ کدے سجّن کدے ساک، کدے ناتا توڑ تُڑائیندا۔ کدے گیِت کدے گاتھ، کدے گوبِند ناؤں رکھائیندا۔ کدے چرن کدے نات، کدے مُکھڑا مُکھ بھوائیندا۔ کدے پِتا کدے مات، کدے پوُت سپوُت سُہائیندا۔ کدے ورن گوت ذات، کدے دیِن مذہب ونڈ ونڈائیندا۔ کدے شرع شریِعت شاخ، کدے شناخت ویکھن آئیندا۔ کدے باطن ظاہر کر کر بات، کدے بَیتُل روُپ وٹائیندا۔ کدے پیِر پَیغمبراں دیوے دات، کلمہ کلام جھولی پائیندا۔ کدے اپنی ہتھّیں کر وفات، فاتحہ سب دا آپ پڑھائیندا۔ کدے خِشت کدے ہات، کدے محلہ روُپ وٹائیندا۔ کدے کھیل کھیلے کائنات، کدے کایا کعبہ کھوج کُھجائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہتّھ کِسے نہ آئیندا۔ وڈّ چلاک پروردِگار، جُگ جُگ اپنی کھیل کرائیا۔ نِرگُن سرگُن دے آدھار، سرگُن نِرگُن راہ جنائیا۔ کِسے کھیہہ سیِس پوائے چھار، دھوُنی اگن رہیا تپائیا۔ کِسے جل دھارا دیوے ٹھار، حُکمی حُکم دئے سزائیا۔ کِسے پھڑ پھڑ سُٹے ڈوُنگھی غار، جوگ ابھیاس کرے پڑھائیا۔ کِسے پڑھن لایا وِچ سنسار، رسنا جِہوا کر کر ہلکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا بھیوَ نہ کِسے جنائیا۔ وڈ چلاک بےپرواہ، بھیوَ نہ کوئے جنائیندا۔ آد جُگاد جُگاد آد لاؤندا رہیا داء، داؤ اپنا نہ کِسے سمجھائیندا۔ گُر اوتاراں پیِر پَیغمبراں دیندا رہیا ناں، اَنت نِشانہ سب دا آپ مِٹائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنی چلاکی بن اُچکاّ، آپ کرائیندا۔ ہرِ جوُ ہوئے اِک اُچکاّ، ول چھل کھیل کرائیا۔ اپنے اِرادیوں ہوئے پکاّ، کچیّ کرے سرب لوکائیا۔ اپنا بول کرے سچّا، سچ ہور نہ کِسے سمجھائیا۔ بن مات گود اُٹھائےجچا، سیِر نیِر اِک پیائیا۔ گُر اوتار پیِر پَیغمبر ڈھالے نِکاّ نِکاّ سچّا، لوک مات ونڈ ونڈائیا۔ اندر وڑے شبدی بچّہ، بچپن اپنا دئے سمجھائیا۔ ساریاں نوُں کہہ کے آیا اچھا، بھیوَ ابھید نہ کِسے بتائیا۔ اِک دسّیا میَں کروُں تُہاڈی رچّھا، رچّھیا اپنے ہتّھ پھڑائیا۔ جو منگے تِس پائے بِھچھا، وڈ داتا بےپرواہیِا۔ گُر اوتار پیِر پَیغمبر کھانی بانی گاؤندے گئے قِصّہ، ہرِ دی قِسم نہ کِسے سمجھائیا۔ کِرن کِرن ونڈایا حِصّہ، کرامات نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے
کھیل ساچا ہرِ، دو جہان واہو داہیِا۔ پُرکھ اکال بڑا لُچا، دو جہان کھیل کرائیندا۔ ساریاں کولوں اوہلے لُکا، دِس کِسے نہ آئیندا۔ کِسے ہتّھ پھڑایا حُقہ، کِسے چوٹی سیِس مُنڈائیندا۔ کِسے پھڑ ٹنگایا پُٹھا، کِسے کھلڑی تن لُہائیندا۔ کِسے نیہاں ہیٹھ دبائے پُتا، کِسے تتی توی اُتے بہائیندا۔ کِسے دھار تلوار نال ٹُکاّ، کِسے انگ انگ کٹائیندا۔ جے کوئی پُچھے کی کھیل کرے ابناسی اچُتا، اپنا بھیوَ نہ کِسے سمجھائیندا۔ جُگ چؤکڑی بَیٹھا رہے رُسا، اَگے ہو نہ کوئی بچائیندا۔ پربھ ساچے اَگے کوئی نہ غُصّہ، بھانا منّ منّ سب شُکر منائیندا۔ گُر اوتار پیِر پَیغمبر کوئی نہ دسّ سکیا پربھ دا جُسا، وجوُد نظر کِسے نہ آئیندا ۔ کوَن سیجے سچ سِنگھاسن سُتا، کوَل نَین ڈیرہ لائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ وکھائیندا۔ ویکھو ہرِ جوُ لُچا ٹھگ، ٹھگی سب دے نال کرائیا۔ پنج تت لا لا اگّ، اگنی تت جلائیا۔ گُر اوتار پیِر پَیغمبر لوک مات بھیجے وگّ، واگی بن بن سچےّ ماہیِا۔ اِکو دسّیا اچار چجّ، اچرج اپنا ویس نہ کِسے وڈیائیا۔ کِسے مکّے کعبے کراؤندا رہیا حج، کلمہ نبی اِمام پڑھائیا۔ کِسے نام سَت دِتا دسّ، کِسے واہِگُروُ صِفت صالاحیِا۔ کِسے رام رام دِتا جس، کِسے کرِشن کرِشن سمجھائیا۔ آپ دوُر دُراڈا بہہ کے رہیا وس، اپنی لُکویں کھیل رچائیا۔ جُگ چؤکڑی گا گا گئے تھک، انتم آپ ویکھن آئیا۔ چاروں کُنٹ لاؤندے بھکھّ، اگنی تت رہی تپائیا۔ خالی دِسے چؤداں ہٹّ، کِشن ونڈ ونڈ ونڈائیا۔ چؤداں طبق بنے ہٹّ، بن سوانگی سوانگ وکھائیا۔ گُر اوتار پیِر پَیغمبر پربھ سرنائی گئے ڈھٹّھ، اپنا آپ گوائیا۔ جِؤں بھاوے تِؤں لیَنا رکھ، تیرے ہتّھ تیری وڈیائیا۔ ویکھ ساڈے خالی ہتّھ، در تیرے دین دُہائیا۔ جِنہاں لکّڑاں اُتے دِتے رکھ، کایا ماٹی روُپ نہ کوئے وکھائیا۔ دھوُاں دھار تیرا نوُر ویکھ سمرتھ، تیرے گھر وجےّ ودھائیا۔ بِن تُدھ کوئی نہ رکھے پت، پتونت میرے ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا بھیوَ نہ کِسے جنائیا۔ ہرِ جوُ لُچا ٹھگ چور، چوری سب دے نال کرائیندا۔ وسنہار اندھیری گھور، ڈوُنگھی کھڈّ کُندر ویکھ وکھائیندا۔ اَگے لئے سارے تور، تُرت اپنا حُکم سُنائیندا۔ کوئی نہ سکے اَگوں موڑ، سجدہ سیِس سرب جھُکائیندا۔ نِرگُن سرگُن دوویں جوڑ، دوئے دوئے اپنی کل ورتائیندا۔ اندروں باہروں دِسے ہور، بھید ابھید آپ چُھپائیندا۔ تِس اَگے چلے نہ کوئی زور، زور جابر آپ جنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ گیان دُھر دی بانی اپنی کرنی آپ جنائیندا۔
ساچے تخت ہرِ جوُ بہندا، ہرِ بہہ بہہ کھیل کرائیا۔ ویکھنہارا چڑھدا لہندا، اُتر پہاڑ بھیوَ چُکائیا۔ االلہ رانی تیرا پا کے لہنگا، مُکھ گھُنگٹ رہی وکھائیا۔ پیِر پَیغمبرو اُٹھو ویکھو پروردِگار کی کی کہندا، دُھر فرمانا آپ سُنائیا۔ ویلے اَنت کؤن رہندا، چؤداں طبق صفا رہیا اُٹھائیا۔ چار جُگ گُر اوتاراں بھانا رہیا سہندا، انتم اپنا بھانا اِک ورتائیا۔ جیِو جنت دو جہان اِکو گاہ گہندا، پھیرا اپنا نام لگائیا۔ شاہ سُلطان سوُربیِر بِن ڈھاہیوں ڈھہندا، مُنہ دے بھار سُٹائیا۔ وہن وہا کے اِکو نیَں دا، نوُح ندی نہ کوئی وڈیائیا۔ ناتا توڑے بھرا بھَین دا، بےپرواہ بےپرواہیِا۔ ہُن ویلا نہیں نِندرا وِچ رہن دا، نیتر نَین نَین دینا کُھلائیا۔ وکھائے کھیل لاڑی مؤت ڈَین دا، ڈنکا اپنا نام وجائیا۔ لیکھا چُکے ساک سجّن سیَن دا، سگلا سنگ تُڑائیا۔ حِساب مکُے لَین دین دا، وحی کھاتا رہیا اُڈائیا۔ بھیوَ چُکیا سُکھ چَین دا، سُہنجنی سیج دئے کرائیا۔ لیکھا مُکیا عیَن غیَن دا، لِکھت سب دی رہیا مِٹائیا۔ لہوُ لیکھے لگّا حسن حُسین دا، پیِر پَیغمبراں رہیا سمجھائیا۔ پُتر ویکھے فاطمہ بھَین دا، مِہربان بےپرواہیِا۔ جوتی جوت سروُپ ہرِ، آپ اپنی کِرپا کر، اپنا کھیل رہیا کرائیا۔
مُشکل کُشا ہوئے مفروُر، موہ مُحبّت سرب تُڑائیا۔ حُکمے اندر لا قصوُر، بےقصوُر قصوُر ٹھہرائیا۔ کی کیِتا منصوُر، منصوُر سوُلی اُپر چڑھائیا۔ سب نوُں کردا اَنت مجبوُر، مُجرا جلوہ اِک وکھائیا۔ اپنی ضرورت پوُری کرے ضرور، ظہوُر اپنا لئے پرگٹائیا۔ مُشکل کُشا بڑا شعور، شہرت سب دی دئے گوائیا۔ زنانی مردانی آئے طُغیانی، طوفان اِک چڑھائیندا۔ صِدق صبوُری ویکھ اِیمانی، آمد اِکو گھر وکھائیندا۔ بِرہوں تیِر وَیراگ کانی، قلبوُت کایا آپ لگائیندا۔ جگت گائے جگت کہانی، بھیوَ بھیوَ نہ کوئے سمجھائیندا۔ انتم سب نوُں کرے فانی، فتویٰ سب دے اُتے لائیندا۔ بَیٹھا اِک شاہ سُلطانی، شہنشاہ اپنا حُکم ورتائیندا۔ سدا سُہیلا اِک لاثانی، لاشاں سب دیاں آپ دبائیندا۔ کیا کوئی دیوے قلم بیانی، ہرِ کلام کلمے وِچ کدے نہ آئیندا۔ سب نوُں کردا رہیا پریشانی، پرچہ حل نہ کوئے کرائیندا۔ نار مرد مرد نار کہانی، کہاوت بغاوت عداوت علامت آپ لگائیندا۔
سَت چِت سدا سد چیتن، انند اپنا رس رکھائیا۔ لبھ لبھ تھکے سارے بھیتن، بھیوَ ہتّھ کِسے نہ آئیا۔ چل چل گئے نیتری پیکھن، بن بن پاندھی پندھ مُکائیا۔ گُر اوتار پیِر پَیغمبر در دواریوں باہر کھیڈن، ہتّھ دہلیزاں نال لگائیا۔ جوتی جوت سروُپ ہرِ، آپ اپنی کِرپا کر، سدا چِت انند، نہ کوئی روُپ نہ کوئی رنگ، نہ کوئی دھار نہ کوئی گنگ، نہ کوئی ناد نہ مردنگ، نہ کوئی کنگن نہ کوئی ونگ، نہ کوئی سُہاگن نہ کوئی رنڈ، نہ کوئی سوُرج نہ کوئی چند، نہ کوئی گیِت نہ کوئی چھند، نہ کوئی بندھن نہ کوئی بندھ، نہ کوئی واٹ نہ کوئی پندھ، نہ کوئی رسنا نہ کوئی دند، نہ کوئی برہم نہ کوئی ہنگ، کرے کھیل سوُرا سربنگ، سدا چِت آپ انند، جیؤ پِنڈ جِس دات دِتی ونڈ، کھیلے کھیل کوٹ برہمنڈ، جُگ چؤکڑی سب دے نال رہیا ہنڈھ، رسنا جِہوا پائی گنڈھ، پریم پیار ڈوری رکھی تند، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد چِت انند، چرچا دے پرچہ مات کرائیا۔
پوُرن پرمیشور بنیا آپ، پرمیشور پوُرن وِچ سمائیا۔ پوُرن کرے نہ کِسے دا جاپ، پرمیشور پڑھن کِتے نہ جائیا۔ پوُرن کرے نہ کوئی پاٹھ، پرمیشور کرے نہ کوئے پڑھائیا۔ پوُرن بنیا پربھ دا ساک، پرمیشور پوُرن رہیا پرنائیا۔ پوُرن بنیا وِچولا آپ، پرمیشور کری گھر کُڑمائیا۔ دوہاں رل کے اِکو مِل گئی ذات، جُگ جُگ ونڈ نہ کوئے ونڈائیا۔ رل کے اِکٹّھی کرن بات، دِوس رَین صلاح پکائیا۔ پوُرن پِچھے پرمیشور پائی وفات، اپنا حق رہن فکّ دِتا کرائیا۔ اندر وڑ گیا لےَ کے ڈوُنگھا کھات، ہٹّ ساچا دِتا کُھلائیا۔ پرمیشور پوُرن دِتی نجات، نِشاوَر پرمیشور پوُرن رہیا کرائیا۔ کیا کوئی کرے ایتھے وضاحت، مِسل سکے نہ کوئی لِکھائیا ۔ دفعہ حرف زیر زبر نہ جانے کوئی لُغات، لگ ماتر نہ کوئی وڈیائیا۔ پوُرن پرمیشور اکٹّھے ہوئے پہلی ویر پہلی رات، پوہ چھّبی مِلی وڈیائیا۔ دوہاں دا نہ کوئی پِتا مات، ساک سجّن نہ کوئی بنائیا۔ پوُرن ول جے کوئی لئے جھاک، پرمیشور آوے واہو داہیِا ۔ پرمیشور دا جے کوئی کھولے تاک، پوُرن اَگے ہو کے بند کرایا۔ بِن پوُرن کوئی نہ لگّے گھاٹ، پرمیشور پوُرن ہتّھ دِتی وڈیائیا۔ پرمیشور پوُرن مِلن آیا خاص، خواہش گوبِند پوُر کرایا۔ پوُرن پرمیشور پوُری کیِتی آس، آس پرمیشور پوُرن رہیا کرایا۔ اِک دوُجے وِچ رچ کے کیِتا واس، اپنی رچنا پھیر بنائیا۔ پوُرن لئے پرمیشور سانس، ساہ ساہ پرمیشور رہیا سمائیا۔
پوُرن کھیل پرِتھمی آکاش، پرمیشور گگن منڈل پھیرا پائیا۔ دوہاں دی وِشن برہما شِو رکھی آس، گُر اوتار پیِر پَیغمبر دھیان لگائیا ۔ پوُرن پربھ دی بنیا شاخ، پرمیشور پتّ ڈالی روُپ وکھائیا۔ جوتی جوت سروُپ ہرِ، آپ اپنی کِرپا کر، نِکی گلّ وڈّی کر وکھائیا ۔ وڈّیوں ہوئی نِکی، پربھ ساچے کھیل رچایا۔ نِکیؤں ہوئی وڈّی، وڈّ وڈّا ویکھ وکھایا۔ پوُرن پرمیشور دو جہان کھیڈن کبّڈی، حد اپنی نہ کِسے وکھایا۔ پِچھلی کیِتی سب دی رّدی، رندا اِکو وار پِھرایا۔ اَگے حُکمے اندرے بدھّی، سِر سکے نہ کوئی اُٹھایا۔ گُر اوتاراں پیِر پَیغمبراں خالی کیِتی گدّی، گدا چکّر نہ کوئی پِھرایا۔ اَگے کھان نوُں ملِے روٹی اَدھی، ماہل پوُڑے اَگے نہ کوئی ٹِکایا۔ ویکھو سَتجُگ تریتا دواپر کلجُگ چلدی رہی گڈّی، حُکمے اندر سرب پِھرایا۔ انتم کِسے دی نظر نہ آوے ہڈّی، پنج تت خاکی خاک سمایا۔ نہ کوئی پُشت نہ کوئی جدی، بنس سربنس نہ کوئی سہایا۔ سب دی بیِتدی گئی صدی، سدّا ہرِ جوُ گھر گھر آپ سُنایا۔ پِچھے کتھا کہانی لِکھی رہ گئی بدھّی، جگت سندیسہ اِک الایا۔ انتم خالی جھولی بَیٹھی ٹّڈی، نیتر نَین نَین اُٹھایا۔ جِس آد جُگاد جُگا جُگنتر اپنی سِکھیا وِچوں اپنے کڈھی، سو صاحِب کھیل کرایا۔ پوُرن پرمیشور اِک دوُجے نال پائی جپھّی، پردہ پردہ مات چُکایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِکی وڈّی وڈّی نِکی گلّ اپنے وِچ رکھایا۔ نِکی کہے تے ہوئے نِکاّ، نِکاّ نظر کِسے نہیں آئیندا۔ وڈّی کہے تے ہوئے وڈّا، بھے سرب جنائیندا۔ ایسے کر کے پُرکھ ابناسی اپنا کھہڑا چھڈا، پوُرن جگت وکھائیندا ۔ کوئی کہے بُڈھا نڈھّا، جٹّ ویس وٹائیندا۔ کوئی کہے مالشاں کرے ہڈّاں، دُدھ پی پی شُکر منائیندا۔ کوئی کہے گھر آوے دِتیاں سدّا، در در پھیرا پائیندا۔ پرمیشور کہے پوُرن سب دی رکھے لّجا، جِس سِر اپنا ہتّھ ٹِکائیندا۔ جِس میرا پردہ کجّا، سو پوُرن ہر گھٹ نظری آئیندا۔ دِنے راتیں پِھرے بھجّا، گُرمُکھاں درس دِکھائیندا۔ گھر گھر اندر جا کے نچّا، اپنا ناچ نچائیندا۔ لوُں لوُں اندر تیِر نِشانہ بن کے وجّا، ساڈھے تِنّ کروڑ اپنی جھولی پائیندا۔ آتم سیجا بہہ بہہ سجا، سچ سِنگھاسن آسن لائیندا۔ گُرمُکھاں درشن کر کر رجّا، اپنی بُھکھ سرب گوائیندا۔ پرمیشور کہے پوُرن میرا بچّہ، بِن بچّیاں پِیو کمّ کِسے نہ آئیندا۔ گوبِند سوُرا ہویا سچّا، جو انتم منگ منگائیندا۔ ہرِ کا بچن نہ ہوئے کچّا، کایا کچیّ ونگ رنگ چڑھائیندا۔ مہاراج شیر سِنگھ وِشنوُں بھگوان پوُرن پرمیشور ڈھالیا اِکو سنچا، پارس پارس نال مِلائیندا۔ نِکاّ کہے ہوئے نِکما، نِکرمن آپ اکھوائیا۔ وڈّا کہے ہوئے سِری بھگوَنا، بھگوَن اپنا بھیوَ جنائیا۔ پوُرن
ویکھیا اِکو چنّہ، ہرِ چند آپ چمکائیا۔ نِرگُن سرگُن سرگُن نِرگُن اِکو حد اِکو بنّا، اِکو ونڈ رہیا ونڈائیا۔ پرمیشور نال پوُرن منّا، پرمیشور پوُرن سیِس جھُکائیا۔ لوکیں ویکھن بَیٹھا انّھاں، اندر کوٹن کوٹ برہمنڈ رہیا چُھپائیا۔ بِن گُرمُکھاں کوئی راگ نہ سُنے کنّاں، سرون سب دے بند کرائیا۔ ویکھو سِکھو تُہاڈے چرن دھووے دھنّہ، پربھ جوُ دیونہار وڈیائیا۔ نام دیوَ آئے بھنّا، جِس دی چھپری چھنّ چُھہائیا۔ ہرِ سنگت تیرا ویکھ پیار در دوارے اوہ وی منّا، اپنا مان گوائیا۔ کی ہویا میَں بھوگ لوایا چھنّا، سِکھ گاگراں رہے رُڑھائیا۔ جِنہاں پِچھے ہویا جھلّا، اپنی جھلک وکھائیا۔ اؤہ روندی آئی رانی االلہ، گل واسطہ رہی پائیا ۔ دروہی میرا پھڑ پلّا، میری لاج نہ کوئے رکھائیا۔ چؤداں صدیاں کٹیا چِھلا، تیری اِکو آس تکائیا۔ میری مینڈھی پُٹے بوُرا کّکا بِلّا، بَیٹھا دھیان لگائیا۔ میَں کہہ کہہ تھکی اِل لِلا بِسمِلا، بِسمِل روُپ نہ کوئے وکھائیا۔ چاروں کُنٹ دِسے فنا پِھلا، فصیل کوئے رہن نہ پائیا۔ تیرا اوُچا سوہنا لگّے ٹِلّا، جِس دوارے آسن لائیا۔ جِویں گُرسِکھاں مِلن دا کیِتا حیِلہ، ہلت پلت پھیرا پائیا۔ تن بستر پہنے کالا پیِلا لال نیِلا، چِٹّا سوُہا ویکھ وکھائیا۔ پروردِگار صاحِب سُلطان سچ گوسائیں تُوں چَھیل چھبیِلا، شاہ پاتشاہ ناؤں دھرائیا۔ جِتھے بھگت بنایا قبیِلہ، اوتھے مَینوُں نال رلائیا۔ میَں تکّ کے آئی پِچھلا وسیِلہ، چؤہاں یاراں وِچوں ایہہ نال لَین مِلائیا۔ میَں کیِتا نہیں کوئی وکیِلا، بن نِمانی پھیرا پائیا۔ تیرے مِلن دا اِکو حیِلہ، پھیر ہتّھ کِسے نہ آئیا۔ جِؤں وزیر کِشت دیوے شہفیِلا، بادشاہ اپنے حُکم بند کرائیا۔ میرے پِچھے کِیوں ہوئیوں ڈھیِلا، اپنا مُکھ بھوائیا۔ میَں چؤداں لوک چکّی چلاؤندی رہی پا کے پیہن گیلا، ہتّھا ہتّھو ہتھّیں پِھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِکاّ وڈّا وڈّا نِکاّ دوہاں لگائے اپنا ٹِکاّ، ایک اِکو اِک جنائیا۔ نِکاّ کہے ہوئے ناکارہ، نِکٹ ورتی نہ کوئے اکھوائیندا۔ وڈّا کہے بنے سِکدارا، دو جہاناں حُکم منائیندا۔ دوہاں توں کیِتا آپ کنارہ، پوُرن پُریاں لوآں برہمنڈاں کھنڈاں آپ وکھائیندا۔ ایتھے اوتھے دے سہارا، صاحِب صابر ویکھ وکھائیندا۔ حُکمی حُکم حُکم ورتارا، حاکم حق حق سمجھائیندا۔ کاغذ قلم نہ لِکھنہارا، لیکھا لِکھت وِچ نہ آئیندا۔ جن بھگتاں کرے سچ پیارا، پیار بھگتاں نال پرنائیندا۔ باہروں دِسے جٹّ گوارا، اندر گوُڑھا رنگ چڑھائیندا۔ باہروں دِسے کیس سیِس دستارا، اندر نوُرو نوُر ڈگمگائیندا۔ پرمیشور پوُرن پوُرن پرمیشور وڈّیاں نِکیاں نال کرے اِکو وِہارا، وڈّا پرمیشور نِکاّ پوُرن، بِن نِکے پوُرن پرمیشور کمّ کِسے نہ آئیندا۔ دوہاں مِل کے کرنا کمّ سنپوُرن، پوُرنا اپنا آپے پائیندا۔ جوتی
جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، نِکاّ وڈّا اِکو رام، وڈّا نِکاّ اپنا روُپ وکھائیندا۔
پوُرن پرمیشور کہنا نہیں دوش، پرمیشور پوُرن رنگ وکھائیا۔ سچکھنڈ جو بَیٹھا رہیا خاموش، خواہ مخواہ اپنی کتھا سُنائیا۔ سرِشٹ سبائی ٹِکانے لیا ہوش، ہوشیار ہویا سچّا ماہیِا۔ راجے رانے جنگلاں وِچ پِھرائے خرگوش، کلجُگ کوُڑی کِریا کُتے مگر لگائیا ۔ نؤ سؤ چؤرانوے چؤکڑی پِچھوں چڑھیا جوش، اپنا بل دھرائیا۔ کھوجیاں کوئی نہ کڈھے کھوج، کھوج تھکی سرُب لوکائیا۔ کِسے ہتّھ نہ آئے روزیاں وِچ روز، فاقے مر مر دین دُہائیا۔ جِس دی نانک سوچدا گیا سوچ، سوچ سوچ نہ کوئے جنائیا۔ جِس دی گوبِند رکھی لوچ، دوئے لوچن دھیان لگائیا۔ سو صاحِب گیا پہُنچ، پوُرن پوُرن وِچ سمائیا۔ لیکھا جانے لکھّن کرؤچ، پُشکر جنبوُ ویکھ وکھائیا۔ سان سلمل ہنڈھائے اپنا شؤق، شؤقین بنیا بےپرواہیِا۔ کُشا مانے اِکو مؤج، کُشلیا بیٹا رام آسا پوُر کرائیا۔ کرے کھیل بِن لشکر فؤج، کھنڈا تیِر نہ کوئے چمکائیا۔ جوتی جوت سروُپ ہرِ، آپ اپنی کِرپا کر، حُکمے اندر حُکم چلائیا۔ وشِشٹ کول گیا رام، رام پیا سرنائیا۔ رام منگی دات نام، نام رام جھولی پائیا۔ وشِشٹ کر پرنام، پرانایام لیکھ چُکائیا۔ رام کہے دے پَیغام، حُکم سچ سُنائیا۔ وشِشٹ کہے رام جِس تَینوُں بنایا رام، سو رام انتم کل آوے واہو داہیِا۔ جِس دا ہڈّ ماس ناڑی نہ چام، دسرتھ بِند نہ کوئے اکھوائیا۔ سو رام بےپہچان، روُپ رنگ نہ کوئے وکھائیا۔ میری کُشا کر دھیان، جِس اُپر آسن لائیا۔ تیری دِشا کرے پروان، دہسر مار نہ کوئے وڈیائیا۔ حُکمے اندر کھیل کرے حُکمران، بنباس کٹّن کوئے نہ جائیا۔ ہنونت رکھے نہ کوئے دھیان، سُگریو سنگ نہ کوئے رکھائیا۔ تیِر پھڑے نہ کوئے کمان، چِلّہ ہتّھ نہ کوئے لٹکائیا۔ کر کِرپا مارے اِکو بان، کھانی بانی سب دی ہوش بُھلائیا۔ آپ بنیا رہے بےپہچان، پہچان پوُرن روُپ وٹائیا۔ جے کوئی لبھن جائے نِشان، نِشانہ ہتّھ کِسے نہ آئیا۔ جے کوئی کہے وِشنوُں بھگوان، وِشنوُں بن کار کمائیا۔ سب نوُں دیوے آتم دان، سوہنگ ڈھولا اِک سُنائیا۔ پہلوں پوُرن روُپ بن کے جائے رام، پوُرن رام روُپ وکھائیا۔ پھیر کمّ کرے نِشکام، نِسچا سب نوُں آپ دِوائیا۔ پراپر پراپیگنڈا نہ کرے کوئی جہان، سادھ سنت دوُر جا جا نہ
کرے کوئے شنوائیا۔ ساریاں گُر اوتاراں پیِر پَیغمبراں کولوں لئے لگان، جو اپنی ونڈاں ونڈ ونڈ ونڈاں گئے پائیا۔ سچکھنڈ بَیٹھا پوُرن اندر وڑ کے دئے فرمان، سچ سندیسہ اِک سُنائیا۔ سارے چرنیں ڈِگو آن، دسرتھ بیٹا رام بھجےّ واہو داہیِا۔ چلو درشن کریئے سِری بھگوان، جِس ساڈی بنت بنائیا۔ غریِب نِمانیاں دیوے مان، منسا اپنی نہ کوئے رکھائیا۔ باہروں دِسے موُرکھ انجان، اندر سمرتھ کھیل کرائیا۔ بِن پوُرن کلجُگ اَنت کِسے دی نہ ہووے کلیان، پُرکھ ابناسی مُہر لگائیا۔ پِھر کے ویکھو سارا جہان، سادھاں سنتاں ڈیرہ رہیا ڈھاہیِا۔ صِرف خالی رہ گیا پیِن کھان، اندر جوت نہ کوئے رُشنائیا۔ جھوُٹھے نَین سرب شرمان، اَگے اکھّ نہ کوئے اُٹھائیا۔ دوُروں دوُر سرب ڈران، جے اَگے آوے تے بھجّن واہو داہیِا۔ کبیِر نانک ہوئے حَیران، ہرِ جوُ کی کی کھیل رچائیا۔ پوَن پانی نَین شرمان، رو رو نَیناں نیِر وہائیا۔ اگنی اگّ ہوئی قُربان، کربلا ملِے نہ کوئے وڈیائیا۔ آربلا چُکی وِچ جہان، آرزوُ کوئی نظر نہ آئیا۔ پوُرن پرمیشور مِلیا آن، آن سب نوُں رہیا پائیا۔ سرِشٹ سبائی دِسے مہاراج شیر سِنگھ وِشنوُں بھگوان، مہاراج شیر سِنگھ نظر کِسے نہ آئیا۔ ویکھو بنیا ہرِ شیَطان، شرع اُلٹی آپ چلائیا۔ نِرگُن وسیا آپ اِمام، سرگُن پردہ اُتے پائیا۔ پوُرن کریا پوُرا کام، نِہکرمی کرم کانڈ نہ کوئے جنائیا۔ گوبِند کیِتی آپ پہچان، پِچھلا پردہ رہیا چُکائیا۔ سمبل کھیڑا کر پروان، پروانہ گھر گھر رہیا پُچائیا۔ بالا نڈھّا نؤجوان، بُڈھا اپنا روُپ وٹائیا۔ ایکا نایاں ہو پردھان، سال اُنیویں خوشی منائیا۔ مُچھ پُھٹ نؤجوان، کُچھ کُچھ اپنا حال سُنائیا۔ سمرتھ پُرکھ پُرکھ مِہربان، مِہر نظر اِک اُٹھائیا۔ پوُرن پرمیشور سِری بھگوان، جگتیشور رمیشور مہیشور تم مم مم تم اگمّ نِگم نِگہ آپ رکھائیا۔ میرے ماہی سویَمبر رچیا، دو جہان وجّی ودھائیا۔ ناتا تُٹا کوُڑیاں کچیّاں، کچیّ گنڈھ رہن نہ پائیا۔ مِلیا میل گُرسِکھاں سچّیاں، جِنہاں سَتگُر سچّا مِلیا چائیں چائنیا۔ ویکھو مان دیوے اپنے بچّیاں، گل پھوُلن ہار پوائیا۔ لوُں لوُں اندر وڑ کے رچیا، رچ رچ اپنی خوشی وکھائیا۔ جوتی جوت سروُپ ہرِ، آپ اپنی کِرپا کر، حُکمے اندر حُکم وڈیائیا۔ سویَمبر رچے آپ نِرنکار، نِرگُن نِرگُن کھیل کرائیندا۔ سرگُن سرگُن کر تیار، سَتگُر اپنا میل مِلائیندا۔ جوت اکالن کر وِچار، شبد دلالن ویکھ وکھائیندا۔ نار کنت کنت نار سوہے اِک دوار، در مندر بنک وڈیائیندا۔ گُرمُکھ میلا گُرمُکھ دھار، گُرسِکھ گُر گُر گوَر سمائیندا۔ بن وچولا ایکنکار، آتم پرماتم جوڑ جُڑائیندا۔ ساچی سخیاں منگلاچار، گیِت گوبِند الائیندا۔ کر کِرپا ہرِ سنگت پایا اپنا ہار، ہرِ کے پؤڑے آپ چڑھائیندا۔ اَگے جا کے ویکھو
بہار، شہنشاہ اپنا رنگ وکھائیندا۔ اِستری پُرش ناری نر اپنی گود لئے بٹھال، سِر تے اپنا ہتّھ ٹِکائیندا۔ اوتھے نہ کوئی شاہ نہ کنگال، کنگالاں اپنے سنگ رکھائیندا۔ ویکھو بنیا آپ دلال، بِن پَیسیوں بِن وڈّھیؤں، بِن رِشوت رچّھیا سرب کرائیندا۔ جِؤں پردیسی ماں پِیو پُت لَین جائے گڈّیؤں، جگت مِثال دے سمجھائیندا۔ تِؤں سَتگُر سُرت سوانی وِچوں کڈھے ہڈّیؤں، آتما پرماتما اپنے نال مِلائیندا۔ ناتا توڑے چار کھانی رنڈیؤں، کنت سُہاگی اِک وکھائیندا۔ جوتی جوت سروُپ ہرِ، آپ اپنی کِرپا کر، پھوُلن ہار ہرِ کے ہرِ جوُ ہرِ سنگت گل پوائیندا۔ ہرِ سنگت ہرِ جوُ پایا ہار، ہرِ کی پؤڑی آپ چڑھائیا۔ گنگا گوداوری جمنا سُرستی کوئے نہ ہوئے خوار، خواب وِچ نہاوَن کوئے نہ جائیا۔ گھر بَیٹھیاں دیوے پُن صواب، صبر سنتوکھ جھولی رہیا بھرائیا۔ کمّ کردیاں سِر نِواں کرو آداب، گھر بَیٹھیاں لیکھے لائیا۔ مؤت لاڑی نہ دئے عذابِ، رائے دھرم نہ اَنت سزائیا۔ اَگے ویکھو وجدی رباب، بِن تندی تند وجائیا۔ جِس نے لیکھے لایا کنڈھی جا اُقاب، کرنی کرتا بُھل نہ جائیا۔ سو کنڈھی والے سدّے ساتھ، کنڈھا اِکو گھر وکھائیا۔ ویکھو چرپٹ پاٹے کان، مُدرا نظر کوئے نہ آئیندا۔ ہرِ جوُ سب نوُں ویکھے اِکے گھاٹ، پتّن اپنا اِک سمجھائیندا۔ آؤ رل مِل کریئے سچّی بات، دیِوا بتّی سب دا گُل کرائیندا۔ جن بھگتاں پت لئے راکھ، راکھی دِوس رَین کرائیندا۔ ہرِ سنگت وِچ منمُکھ رہن نہ دیوے نار کمذات، جو جن رسنا ماس شراب چاہ لگائیندا۔ مہاراج شیر سِنگھ وِشنوُں بھگوان، اپنا حُکم کرے کرڑا، سب نوُں لائے رگڑا، ویکھو گھر گھر پیَندا جھگڑا، دگڑ دگڑ گھوڑا اپنا آپ دؤڑائیندا۔ دگڑ دگڑ دؤڑے گھوڑا، گھُرکی سب نوُں رہیا وکھائیا۔ چؤتھے جُگ چُکیا پؤڑا، پؤڑی ڈنڈا سب دا رہیا سُٹائیا۔ سب دا مَیدان کرے رؤڑا، منزل اپنے ہتّھ رکھائیا۔ انتم دیوے جواب کورا، لیکھا مِٹے قلم شاہیِا۔ سب دے کول رہ جائے جھورا، ملِے میل نہ سچّے ماہیِا۔ جِس نے لیکھے لائے سِنگھ جُجھار فتح زورا، اجیِت جِتّ اپنے ہتّھ رکھائیا ۔ کدی کدی گُرسِکھاں نوُں مار دیوے ہنورا، دُکھ دُکھ نال لڑائیا۔ رسنا جِہوا پائے شورا، ہرِ جوُ لاریاں وِچ رہیا رکھائیا۔ پُرکھ ابناسی کہے آتم پرماتم جُڑیا جوڑا، جوڑی دو جہان وکھائیا۔ اِک دوُجے دی پےَ گئی لوڑا، لوہڑا کرے سرب لوکائیا۔ ویکھے سسّے اُپر لگّا ہوڑا، ہوکا دے دے رہیا سُنائیا۔ ہنگ برہم پربھ ویکھے پھل مِٹھا کؤڑا، رس رسیِا پھیرا پائیا۔ کلجُگ جیِو ہویا ڈورا، کنّیں سُنن کوئے نہ آئیا۔ کلجُگ سب دے نال کرے کھورا، خُدی سب دے وِچ وسائیا۔ پُرکھ ابناسی کرے کھیل وِچ پھورا، پُھرو منتر نام سَت
نانک منگی اِک مت، تت تت نال بدلائیا۔ سارے ستھر بہن گھت، وِشن برہما شِو ڈیرہ ڈھاہیِا۔ پُرکھ ابناسی کِرپا نِدھان ہو مِہربان سب نوُں مارے اِکو لتّ، اُٹھو بھائی چلو واہو داہیِا۔ اپنا لہنا لؤ چکّ، سب دے سِر تے بھار بنّھائیا۔ کمر بندھو اپنا کس، قسم سب نوُں رہیا کھوائیا۔ سارے کہو ساڈی ہوئی بس، اَنت چلی نہ کوئی چتُرائیا۔ نِرگُن برہم مایا برہم وِچ گیا پھس، پاربرہم نہ کوئے مِلائیا۔ ترسوُل سُٹی شِو جی ہتّھ، اصوُل تیرا نہ کوئے بدلائیا۔ وِشنوُں بھنڈارا ہویا سکھ، سخی سرور کھیل رچائیا۔ گُر اوتار ہو اِکٹّھ، پیِر پَیغمبر نال مِلائیا۔ لوک مات ویکھن اپنا ہٹّ، مندر مسیِت شِودوالے مٹھ گُردوارے خالی نظری آئیا۔ نیتر روون اٹھسٹھ، اٹھوتری مالا دئے دُہائیا۔ منکا منکا جو رہے رٹ، رٹّا سب دے گھر وِچ پائیا۔ کِیوں غُصّے ہویا گوار جٹّ، نِرگُن سرگُن دوسانگھا ہتّھ اُٹھائیا۔ بن کِرسان دیوے کٹّ، واڈھی اِکو وار پائیا۔ پِچھوں گاہ دیوے جھٹ، بوُرے سنڈھے اُتے پِھرائیا۔ پھیر اِشارے نال دیوے چھٹّ، تُوڑی دانا اڈّ کرائیا۔ گُرمُکھ دانے اپنی جھولی لئے گھت، تُوڑی بھوُسا ویکھے سرب لوکائیا۔ اپنے اندر لئے ڈھک، اُتے اپنا پردہ پائیا۔ سچکھنڈ اندر سانبھ کے لئے رکھ، اپنی ہتھّیں کُنڈا لائیا۔ اوسے اندر وڑ کے آپ جائے وس، واسطہ گُرسِکھاں اَگے پائیا۔ میَں تُہاڈے وِچ گیا پھس، میری چلی نہ کوئے چتُرائیا۔ چار جُگ میرا گاؤندے گئے جس، میَں تُہاڈا جس گا گا شُکر منائیا۔ آؤ اِک دوُجے نوُں حال دیئیے دسّ، دسم دواری تُہاڈے پِچھے پِھر پِھر تھکی، نیتر رووے مارے دھاہیِنا۔ میَں سادھاں سنتاں کولوں اکّی، جوُٹھیاں جھوُٹھیاں میری پت گوائیا۔ جیہڑے کہندے سرب بھکھّی، سو بُھکھیاں بُھکھ نہ کوئے گوائیا۔ میَں نیتر ویکھے اکھّیں، جنگل جوُہاں پھیرا پائیا۔ کام واسنا کوُڑی کِریا انگ لائی سخی، دھیِرج دھیِر نہ کوئے دھرائیا۔ بِن پرماتما کوئی نہ رہیا جتی، آتما سب دی آپ ڈُلائیا۔ بِن سِری بھگوان نہ کوئی پتی، سگلا سنگ نہ کوئے نِبھائیا۔ ویکھو وا وگدی تتی، بِن سَتگُر نہ کوئے سہائیا۔ گُرسِکھو دیؤ پیار رتّی، چولی رتڑی دیؤ کرائیا۔ رل کے سارے دیؤ متی، پُرکھ ابناسی لؤ سمجھائیا۔ جِس دو جہان تپائی بھٹّھی، جوتی اگنی رہیا ڈاہیِا۔ جِس پیِر پَیغمبراں بنّھی مؤلی اٹّی، داہڑی رتّو رتّ رنگائیا۔ جِس لکھّ چؤراسی پائی نتھی، نکّ نکؤڑا نہ کوئے رکھائیا۔ جو لُکیا گُرسِکھاں دی کُلیّ ککھّیں، اُچے ٹِلّے مندر نظر کِتے نہ آئیا۔ سب نوُں پےَ جائے اُٹھ کے وکھّی، نیزہ تِکھی دھار لگائیا۔ ویکھو کی کی کھیل کرے ہتّھو ہتّھی، من ہاتھی رہیا ڈھاہیِا۔ کی کرے االلہ رانی ناں رکھایا رکھی، اپنی رکھیا نہ اَنت کرائیا۔ بھجیّ پِھرے
پچھّمی پّچھی، پچھو تا کرے لوکائیا۔ پِچھے لگّدی رہی اچھی، االلہ میاں کہہ کہہ شُکر منائیا۔ ہُن پَین لگّی غشی، گہر گمبھیِر آیا پھیرا پائیا۔ جِنہاں کھادی پھڑ پھڑ وچھّی، بِسترہ سب دا رہیا بندھائیا۔ ویکھو محمد ہتّھ رسّی، چار یاراں نال مِلائیا۔ موُسے گنڈھ اپنی کسی، عیسیٰ وٹنا رہیا چڑھائیا۔ پُرکھ ابناسی ساچا مارگ دسّیں، جِس گھر بِسترہ دیئیے لائیا۔ پُرکھ ابناسی رہیا ہسّی، نال اِشاریاں رہیا سمجھائیا۔ تُسیں رووو جِویں تھل وِچ روندی سسّی، پُنوُں پوُرن نظر کِسے نہ آئیا۔ بِن آبوں تڑپھے مچّھی، امرت جل نہ کوئے وکھائیا۔ سِری بھگوان کہے اِک گلّ اچھی، اچھی طرح سمجھائیا۔ جِس دوارے جوت اکالن پِھردی نسّی، پھوُلن ہار ہتّھ اُٹھائیا۔ اوتھے بستی اِکو وسی، جِنہاں دا بستہ پُرکھ اکال اپنے سِر اُٹھائیا۔ ناتا توڑیا بھَین بھائی چاُچی تائی مامی پُھفی ماسی، ماسڑ مسخرہ نظر کوئے نہ آئیا۔ اوتھے ہوئے بند خلاصی، جو جن جائے خُدی گوائیا۔ گلوں کٹے جم کی پھاسی، فاصلہ سب دا دئے مُکائیا۔ ویکھو آؤندی رانی جھانسی، جِس اَنت دھیان لگائیا۔ قِلعے گوالیئر کول لاہے اُداسی، مِٹی پاتھر سمادھ ویکھ وکھائیا۔ ہرِ جوُ سب دی پوُری کرے آسی، پِچھلا لہنا سرب چُکائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، پوُرن اندر پوُرن پرمان، پاربرہم آپ جنائیا۔
لڑ پھڑا بنائی لڑی، للچا اپنے نام پائیا۔ عیسیٰ گِرجیاں وِچ ویکھے گھڑی، ویلا وقت گیا آئیا۔ کیَتھلک رومن کوئے نہ کرے اڑی، روُپوش آیا پھیرا پائیا۔ پوپ کہن ہوُ گاڈ جِس کِرپا کری، بھگتاں دئے وڈیائیا۔ کوَن مَین جو مَین کرے بری، مان سب دا رہیا گوائیا۔ جوتی جوت سروُپ ہرِ، آپ اپنی کِرپا کر، ساچا حُکم رہیا جنائیا۔ گاڈ میڈ گاڈ، گاڈ پوُرن روُپ وکھائیا۔ پیِر پَیغمبراں کیِتا بند بلاک، بے علم پھیرا پائیا۔ اَگے اِکو لایا لاک، لاک سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، لڑی لڑی نال بندھائیا۔ کیَتھلک ویکھ رومن، روُاے عالم رہیا جنائیا۔ نال رکھائے سارے مومن، کافر دین دُہائیا۔ ہرِ جوُ ہویا اِکو سومن، سُرتی سب دی دئے بھوائیا۔ جوتی جوت سروُپ ہرِ، آپ اپنی کِرپا کر، گُرمُکھ لڑی گھڑی گھڑی وکھائیا۔ عیسیٰ کہے پوپ کرو پڑتال، پُشت در پُشتی آیا ماہیِا۔ جِس دے پِچھے میرا ہویا زوال، کِل ہتّھاں پَیراں وِچ لگائیا۔ اُس دے اَگے جا کے کرو سوال، تُہاڈی گھڑی لیکھے لائیا۔ یوروشلم نہ وجےّ تال، عیسےٰلسلام نہ کوئے
چتُرائیا۔ موُسیٰ ہویا مُشتبہ، مُشکل حل نہ کوئے کرائیا۔ جِس جِس کرائی اپنی اُلفتا، اُلوُ بنائے سچّا ماہیِا۔ ویکھو گھر گھر پِھردے مُفلسا، منگن واہو داہیِا۔ جوتی جوت سروُپ ہرِ، آپ اپنی کِرپا کر، ہرِجن لڑی اِک وکھائیا۔ لڑی ویکھو رومن روُم، شاہ روُم آپ جنائیندا۔ جِس نے عیسیٰ موُسیٰ بچّے بھیجے معصوُم، ننھے ننھے کھیل کرائیندا۔ انتم سب نوُں کرے مہروُم، مُہر اَگے نہ کوئی لگائیندا۔ ویکھنہارا ہرِ مظلوُم، ظُلم ظالم رنگ رنگائیندا۔ اکٹّھے ہو جاؤ اِکو وار ہجوُم، پیِر ظاہرا نظری آئیندا۔ اوہدے بردے ہووو ممنوُن، ممنوُن مُشکل سب دی حل کرائیندا ۔ اپنا دسّو نہ کوئے جنوُن، جلوہ اِکو نظری آئیندا۔ اوہدا چلنا اِک قانوُن، پِچھلی کیِتی سب اُلٹائیندا۔ جا کے سِکھو اِک مضموُن، سوہنگ کلمہ آپ پڑھائیندا۔ کوئی بنِیو نہ اَگے اوہدے فرعون، سب نوُں خاکی خاک مِلائیندا۔ جوتی جوت سروُپ ہرِ، آپ اپنی کِرپا کر، لڑی لڑی نال رکھائیندا۔ عیسیٰ کہے رومن ویکھ روم، روم روم رہیا سمائیا۔ جِس مَیتھوں چھڈایا ہوم، تُہاڈا گھر دیوے ڈھاہیِا۔ ہِندوُ کہندے اُس نوُں اوم، سِکھ ایکنکار کہہ دِھیائیا۔ موُسیٰ کہے روُپ موم، عیسیٰ اُس دی ذات وکھائیا۔ جِس دی محمد بنیا قؤم، سو قؤمی پھیرا پائیا۔ کلجُگ اَنت ہُن کِسے نہ دیوے سؤن، گِرجے مندر شِودوالے مٹھ سارے رہیا ڈھاہیِا۔ اوہدے حُکمے اندر چلنی پؤن، پانی اگنی نال رلائیا۔ جِس نے سب دی بھنّنی دھؤن، مار مار دھؤلاں مُنہ دے بھار سُٹائیا۔ اُس دی مہما جانے کؤن، لاشریِک اِک خُدائیا۔ جِس کھیڈاں لائے رام رؤن، کرِشن کنس اُنگلیاں اُتے نچائیا۔ سو اپنا ڈھولا آیا گاؤن، گا گا گُرمُکھاں رہیا سُنائیا۔ ساڈا لیکھا آیا کھوہن، کِتاباں بغلاں وِچوں کڈھائیا۔ چؤداں طبق سارے رون، روندیاں سار کوئے نہ پائیا۔ سارے کہن خُدا کرے کھیل انہون، ہونی سب دے سِر تے چھائیا۔ دوئے جوڑ واسطہ سارے پاؤن، نِیوں نِیوں سیِس جھُکائیا۔ کوئی نہ اَگے کہے ہوُ گاڈ کؤن، گاڈ تُوہی نظری آئیا ۔ جوتی جوت سروُپ ہرِ، آپ اپنی کِرپا کر، گُرسِکھ لڑی لڑی نال بندھائیا۔ عیسیٰ کہے پوپ سِر ویکھ ہیَٹ، ہرِ ہیَٹ رہیا اُٹھائیا۔ نِرگُن ہتّھ وِچ پھڑیا بَیٹ، بال اِکو نام اُٹھائیا۔ سارے بن جاؤ رَیٹ کَیٹ، چوُہے بِلیاں ناچ نچائیا۔ بِگ تِھنگ نہ کوئے فَیٹ، پھٹّا سب دا رہیا کھِچائیا۔ اِکو حُکم دیوے رائیٹ، رائیٹ رِٹن وِچ نہ کوئے لیائیا۔ چاروں کُنٹ ویکھو اندھیری نائیٹ، ون ٹوُ تھری فور فائیو گِنو تھاؤں تھائنیا۔ پیِر پَیغمبر ہوئے بلائنڈ، ڈپھ ڈمب کنّ سُنن کوئے نہ پائیا۔ ہرِ جوُ بَیٹھا ویکھے بیہائینڈ، اپنا حُکم رہیا ورتائیا۔ سب نوُں مائینس کرے مائینڈ، مُنافع اپنے ہتّھ
رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پڑھن گُرسِکھاں دوارے آئیا۔ ہرِ جوُ پڑھے بِن کاغذ پیپر شاہی اِنک، اکھّر اپنا آپ پرگٹائیندا۔ گُرمُکھاں کہے تھینکیوُ تھینک، تھیٹر اپنا آپ وکھائیندا۔ چِٹے کالے جو کردا رہیا پینٹ، وائیٹ بلَیک آل رائیٹ کہہ سُنائیندا۔ کِسے ہیئر فیس لاؤن نہ دیوے سینٹ، خاکی خاک سرب رُلائیندا۔ حُکم حاکم دیوے سینٹ، صادر اپنا حُکم منائیندا۔ انتم سب دا کرے اینڈ، اِنڈَیکس اپنے ہتّھ رکھائیندا۔ مُرگی خانہ بنا وِچ رکھائے کاک ہیَن، ایَگ سب دے بھنّ وکھائیندا۔ لیکھا جانے شی ہی میَن، مَین اپنا بھیوَ کُھلائیندا۔ دی دوز دیَن، دَیٹ اپنا پردہ لاہِندا۔ جوتی جوت سروُپ ہرِ، آپ اپنی کِرپا کر، گُرمُکھاں وکھائے اِک گھر، لڑی لڑی نال گنڈھائیندا۔ طالب عِلم ویکھو طُلبا، تعلیِم گُرسِکھاں کولوں پائیا۔ نہ پِھردا نہ تُردا، آؤندا جاندا نظر نہ آئیا۔ نہ بھجےّ نہ رُڑھدا، اِکو تھاں بَیٹھا اپنا کھیل کرائیا۔ جِس ویلے ویکھے بھگتاں بیڑا رُڑھدا، آ کے بنّے لائیا۔ اندر وڑ کے نال جُڑدا، باہروں روُپ نہ کوئے وکھائیا۔ لیکھا جانے چکّی پُڑ دا، ہتّھا اپنے ہتّھ رکھائیا۔ ایہو ساتھ سِکھ گُروُ دا، گُر سِکھ سِکھ گُر اِکو گھر وکھائیا۔ میل مِلائے دُھر دا، دُھر دا سنگ آپ ہو جائیا ۔ جے اپنا گھاٹا ویکھے تُھڑ دا، گُرمُکھاں اَگے جھولی ڈاہیِا۔ سَتگُر پوُرا کِسے دے موڑیاں نہیں جے مُڑدا، کلجُگ اپنا پھیرا پائیا۔ ور پاؤ جِہا لوڑی دا، گُر اوتار گئے سمجھائیا۔ ایتھے کمّ نہیں زور زبری دا، پیِا پریم نال پرنائیا۔ ویکھو کھیل بانکی چھوہری دا، شؤہر خوشیاں نال ریجھائیا، گانا بدھّا پریم ڈوری دا، چوری چوری سگن منائیا۔ سیِس گُندیا ساچی گھوڑی دا، گُرمُکھ خوشیاں نال چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُرمُکھ اپنے لڑ لگائیا۔ عیسیٰ کہے مارو جھاکی، جھاکا ہرِ جوُ رہیا وکھائیا۔ باہروں دِسے بندہ خاکی، اندر جلوہ نوُر رُشنائیا۔ مُرشد مُریِداں دیوے جام ساقی، ساکھیات نظری آئیا۔ پیِر پَیغمبر کھیل کھِلائے جِؤں ٹیماں کھیلن فُٹبال ہاکی، جگت مِثال نال سمجھائیا۔ انتم گول کرے اِکو باقی، سیِٹی اپنے نام وجائیا۔ سارے ویکھن آیا پاسا ہار گھاٹی، پروردِگار سب دی اکھّیں گھٹّا پائیا۔ جِس اُمت دی کردے رہے راکھی، اُس دی واڑ رہیا اُکھڑائیا۔ ساڈی چلن نہ دیوے چالاکی، چالاک بنیا بےپرواہیِا۔ سارے ویکھو کِسے کول ہےَ باقی، اَگے پِچھے مارن ہتّھ نظر کُچھ نہ آئیا۔ سارے کہن تُوں پروردِگار ذات صفاتی، اذاتی رہن کوئے نہ پائیا۔ تیری محفل کرنی رہ گئی اِکو باقی، باقی یار لئے ہنڈھائیا۔ کر کِرپا کھول تاکی، تقویٰ تیرے اُتے رکھائیا۔ پُرکھ ابناسی پروردِگار
چرن انگوُٹھے نال لاہے نِکی جِہی ٹاکی، ٹُکڑا پراں دیوے ہٹائیا۔ اَگے کوٹن کوٹ پیِر پَیغمبر پئے صفاتی، صفا ہستی جگت مِٹائیا۔ نہ کوئی دیِوا نہ کوئی باتی، موم بتّی نہ کوئے رُشنائیا۔ نہ کوئی پیالہ نہ کوئی ساقی، صُراحی ہتّھ نہ کوئے اُٹھائیا۔ نہ بُت نہ تن خاکی، روُاے عالم نہ کوئے جنائیا۔ اِک پروردِگار ہتّھ پیالہ وکھائے آب حِیاتی، حیا سب دا رہیا گوائیا۔ پِچھلی سب دی گئی گواتی، لہنا اپنے ہتّھ رکھائیا۔ جِس نوُں اَگے چاہیئے حیاتی، دوئے جوڑ پؤ سرنائیا۔ پُرکھ ابناسی ویکھو سیج وچھائی کھاٹی، کھٹکا سب دا رہیا گوائیا۔ جِس دا روزہ رکھو پڑھو نمازی، ماشا االلہ معشوُق عاشق عاشق معشوُق لا حدوُد سچ محبوُب، ثبوُت اپنا رہیا دِوائیا۔ ثبوُت ویکھو ہرِ ہرِ ثابت، سچ سچ جنائیندا۔ جِس دی کردے رہے عبادت، سو آدم حوّا چرناں ہیٹھ رکھائیندا۔ کلجُگ انتم اپنی بدلن آیا عادت، عدلی بن کے روُپ وٹائیندا۔ سب دی پھڑ پھڑ کرے حجامت، مُچھ داہڑی ہتھّیں آپ کٹائیندا۔ لباں کٹ دیوے ہتّھ اَمانت، محمد نَین نَین شرمائیندا۔ مُکھ نال مُکھ لگا لگّی علامت، ہونٹ ہونٹاں نال ٹکرائیندا۔ ویکھو سب دی آئی شامت، شمع سب دی گُل کرائیندا۔ بےپیِر ہویا بےپچھانت، بے دردی پھیرا پائیا۔ جِدھر ویکھیئے صحیح سلامت، ثابت نوُر نظری آئیا۔ ویکھو ساڈے ہُندیاں گھر گھر ساڈے پائے بغاوت، آؤندا جاندا نظر کِسے نہ آئیا۔ صدی چؤدھویں کرے عداوت، اِسم اپنا نہ کِسے سمجھائیا۔ مُرشد مُریِداں کرے سخاوت، وست دست اِک پھڑائیا۔ سچ اماری چڑھیا مہاوت، نام نیزہ ہتّھ اُٹھائیا۔ پیِر پَیغمبر گُر اوتار کہن جِس دی دسّدے رہے کہاوت، کہہ کہہ جگت سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھ لڑی اپنے نال بندھائیا۔ ہرِ سنگت سیوا سیِس داری، برداری گھولی گھول گھُمائیا۔ کرے کھیل پہلی واری، پاربرہم پربھ بےپرواہیِا۔ ہرِ سنگت پار اُتارے ساری، ویلے اَنت ہو سہائیا۔ گھر سیہرا لےَ کے جائے سِر چُک کے کھاری، پھوُلنہار آپ گُندائیا۔ گُرمُکھ کنّیاں ویکھے کواری، اَنت بھگوَنت لئے پرنائیا۔ اپنی بیِتی دسےّ ساری، گُرسِکھاں کیِتی اپنی جھولی پائیا۔ ہست کیِٹی اِک دواری، نیِچ اوُچ نہ کوئے چتُرائیا۔ من جِت لؤ اٹاری، اٹل پدوی رہیا وکھائیا۔ سولاں مگھّر لیکھا کرے شُماری، بےشُمار دَیا کمائیا۔ دَیا گُرسِکھاں گھر پھیرے بہاری، اندر وڑ وڑ کوُڑا کِرکٹ ہوُنجھے واہو داہیِا۔ پھیر پیِا نال لگائے یاری، پریِتم اپنا دئے مِلائیا۔ ہیِا کرو بن بلکاری، بل اپنا آپ دھرائیا۔ ساڈھے تِنّ ہتّھ لہنا دِتا رَوداس چماری، چمڑا گنڈھ ویکھ وکھائیا۔ گُر پرسادِ گُر کِرپا دھاری، ہرِ پُستک رہیا کُھلائیا۔
جِس دا لیکھا لِکھے نہ کوئے لِکھاری، لِکھن پڑھن وِچ نہ آئیا۔ جُگ جُگ جن بھگتاں کٹے روگ بیماری، مریض طبیب ویکھے چائیں چائنیا۔ نام پُڑی دیوے کر پیاری، سچ خُماری دئے چڑھائیا۔ کر پرکاش جوت نِرنکاری، اندھ اندھیر دئے مِٹائیا۔ جوت اکالن جائے بلہاری، گُرمُکھ تیری وڈ وڈیائیا۔ تُوں جِتیا میَں ہاری، تیری سیوا مَینوُں لیا پھسائیا۔ دھنّ بھاگ تُوں اکھّ اُگھاڑی، میری اکھّ اکھّ نال مِلائیا۔ بِن کجلوں ہوئی ٹھنڈی ٹھاری، سیِتل سُرما نال پائیا۔ پا گلوکڑی پِچھلی میٹ خواری، کُھرک کھنگھ سِکھاں دے گوائیا۔ تیرے گھر کی چلے ڈاکداری، دھننتر بَیٹھا سیِس جھُکائیا۔ کِتھوں سِکھیوں لاؤنی یاری، یار سارے دین دُہائیا۔ بُھکھیاں بھگتاں کٹّنی اؤکھی ہوئی دِہاڑی، دِہاڑی کر کر جھٹ رہے لنگھائیا۔ اساں اُڈیِکنی اِکو ہاڑی، سچ تیری آس رکھائیا۔ جے ساڈے سِر تے رہے بھاری، تیری کی وڈیائیا۔ پُرکھ اکال کہے میَں بناں ضرور وگاری، بن سیوک سیو کمائیا۔ جو کُچھ ہوؤُ میَں کروُں سچّی داری، دردیِاں درد ونڈائیا۔ لکھّ چؤراسی چیِر پھاڑی، مچّھ ڈّڈ ہٹّو ہٹّ وِکائیا۔ گُرسِکھاں دیواں اِکو نام ڈالی، دُھردرگاہی پھل کھوائیا۔ سوہنگ بولو سچ جَیکاری، مہاراج شیر سِنگھ وِشنوُں بھگوان دَیا کمائیا۔
پرساد دینا اِکو کِنکا، ہرِ جوُ منگ منگائیا۔ ویکھو لہنا جِن جِن کا، در در رہیا چُکائیا۔ کرے کھیل چِھن چِھن کا، چِھن بھنگر پھیرا پائیا۔ لیکھا اِن بِن کا، اِن بِن اپنا رنگ رنگائیا۔ چؤداں پندراں سولاں میل مِلایا تِنّ دِن کا، ترےَلوکی وجّی ودھائیا۔ جوتی جوت سروُپ ہرِ، آپ اپنی کِرپا کر، ہرِ سنگت پرساد لوک مات دی ساچی داد، سچکھنڈ لےَ کے جائے چائیں چائنیا۔ سچکھنڈ جا کے دیوے بھورا، بھورا بھورا آپ ورتائیندا۔ گُر اوتار پیِر پَیغمبر کہن تھوڑا، کِیوں نہیں ساڈے بُک بھرائیندا۔ جِنہاں دی پوُری کر کے آیا لوڑاں، لوہڑا ساڈے کولوں کِیوں شرمائیندا۔ اسیں تیرا گا کے آئے دوہرا، چھتّی راگاں گنڈھ پوائیندا۔ کی ہویا جے انتم اِک سسّے اُتے لایا ہوڑا، ہوکا سب نوُں اِک سُنائیندا۔ بےپرواہ کِیوں سانوُں دِتا جواب کورا، ساڈا لیکھا لِکھت پڑھت وِچ نہیں آئیندا۔ پُرکھ ابناسی کہے میرا آد جُگاد اِکو جوڑا، جُگ جُگ آپ رکھائیندا۔ جو کہے میَں تیرا تُوں میرا، میرا تیرا بھیوَ کوئے نہ پائیندا۔ چار جُگ بھؤندا رہیا کر کر ہیرا پھیرا، حِرص سب دی نال
رلائیندا۔ ویکھو ساریاں دا خالی کیِتا ڈیرہ، اندر وڑ اپنا حُکم نہ کوئے سُنائیندا۔ چاروں کُنٹ ہوئے جھیڑا، جھِڑکاں سب نوُں آپ پوائیندا۔ پیِر پَیغمبر کہن اپنی مرضی نال کرے نبیڑا، مزہ سب نوُں کی چکھائیندا۔ ناں رکھ کے اپنا وڈّا سِنگھ شیرا، ہو شیر بھبک لگائیندا۔ دو جہان اِکو وار پایا گھیرا، چار کُنٹ راہ نظر کوئے نہ آئیندا۔ کِناں چِر بَیٹھے کر کے جیرا، دِنے راتیں حُکم سُنائیندا۔ بُھکھیاں ننگیاں اُتے کریں مِہرا، سانوُں گلّ نہ کوئے سُنائیندا۔ کی دسّیئے اوتھے کیہڑا کیہڑا، پوُرب وِچھڑے میل مِلائیندا۔ بِن بستیؤں بِن نگروں وسایا کھیڑا، ککھّاں کُلیّ بھاگ لگائیندا۔ جگت پیِر پَیغمبر آسا ترِسنا لایا جھیڑا، دیور بھابی روُپ وٹائیندا۔ اَنت اپنے ہتّھ رکھے بیڑا، بِن بیڑیوں پار کرائیندا۔ گُرسِکھاں کیِتی مِہرا، مِہر اپنی جھولی بھرائیندا۔ جوتی جوت سروُپ ہرِ، آپ اپنی کِرپا کر، ہرِ سنگت پرساد ہرِ درگاہ دیوے داد، اپنی ہتھّیں آپ ورتائیندا۔ بھورا بھورا سارے کھاؤ، خالق رہیا سمجھائیا۔ پیِر پَیغمبر گُر اوتار سارے ڈھولا گاؤ، سو پُرکھ نِرنجن رہیا جنائیا۔ چرن کوَل بہہ بہہ خوشی مناؤ، اپنا مان مِٹائیا۔ لوک مات دھیان لگاؤ، نیتر نَین نَین کُھلائیا۔ جِس دوارے ہرِ جوُ ہرِ بھگتاں لاگے پاؤں، نِیوں نِیوں اپنا سیِس جھُکائیا۔ تِس دوارے بل بل جاؤ، جوتی جوت سروُپ ہرِ، آپ اپنی کِرپا کر، ست پرساد دیوے ست، لڑنا جھگڑنا دیِن مذہب چھڈو اَنت، اپنی پت لؤ رکھائیا۔ سارے کہن اسیں کھاواں گے۔ سوہنگ ڈھولا گاواں گے۔ پُرکھ ابناسی مناواں گے۔ ہرِ سنگت درشن پاواں گے۔ نِیوں نِیوں سیِس جھُکاواں گے۔ تیرے گُرسِکھاں دا راہ تکاواں گے۔ اَگوں ہو ہو گلے لگاواں گے۔ جوتی جوت سروُپ ہرِ، آپ اپنی کِرپا کر، اِک دینا ساچا ور، دوُجی اوٹ نہ کوئے تکاواں گے۔ اسیں گیِت تیرا گاؤنا، اِکو نام سچ دھیاؤنا، گُرمُکھ تیرا نظری آؤنا، پریم پیار اِک ودھاؤنا، دوُسر ونڈ نہ کوئے ونڈائیا۔ پُرکھ ابناسی کہے میَں لوک مات نسّاں گا۔ بھگتاں نوُں جا کے دسّاں گا۔ اوہنا وِچ بہہ کے وساں گا۔ اَنت پت اوہلاں دی رکھاں گا۔ پردہ اپنی ہتھّیں ڈھکاں گا۔ تُہاڈے کولوں موُل نہ جھکاں گا۔ نہ تھکاں گا نہ اکاّں گا۔ شیر وانگوُں مار بھبک سب نوُں مُنہ دے بھار سُٹاں گا۔ جوتی جوت سروُپ ہرِ، آپ اپنی کِرپا کر، گُرمُکھاں آپے رکھاں گا۔ گُرمُکھاں میَں جاواں کول، کُل اپنی دیاں سمجھائیا۔ دھیان نہ کرنا کوئی اُپر دھؤل، دُھر فرمانا اِک سُنائیا۔ بِن کھنڈیوں اندر وڑ کے پؤڑے چڑھ کے امرت آتم چھکا کے آواں پاہُل، بِن امرت کوئے رہن نہ پائیا۔ پریم پتاسا پیاواں گھول، گھولی واری صدقے جائیا۔ اپنی ہتھّیں کُنڈا آواں کھول، کھِڑکی بند نہ کوئے کرائیا۔
جِتھے پُجے نہ کوئی پنڈت پاندھا رؤل، گرنتھی بانی نہ کوئے سُنائیا۔ مؤلوی کرے نہ کوئی قؤل، کلمہ رسنا نہ کوئے گائیا۔ اِکے ویر بدل دیواں ماحؤل، مُہر اپنے نام لگائیا۔ ویکھو کر کر ویکھے گھول، ٹّکر ٹّکر نال ٹکرائیا۔ آپ بَیٹھا رہے اڈول، اٹل منار سچّا ماہیِا۔ گُرمُکھاں دیوے سچ جھکول، جھکولا اِکو اِک جنائیا۔ ہرِ سنگت تیرا پرساد انمول، ہرِ جوُ اپنے ہتّھاں اُتے لگائیا۔ سدا رکھے اپنے کول، اندر اپنے لئے چُھپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سوہنگ ڈھولا آپے بول، آتم پرماتم پرماتم آتم دھرم سماپت سب کرائیا۔ ڈھائی اُتے ساڈھے تِن، ساڈھے تِنّ تِن ونڈ ونڈائیا۔ ساڈھے تِنّ ڈھائی رہے گِن، گِنتی مِنتی آپے رہیا سمجھائیا۔ چھ گھر چھ گُر ویکھنہار چِھن چِھن، چھ شاشتر لیکھا رہیا مُکائیا۔ وقت لنگھایا گِن گِن، گھڑی پل ونڈ ونڈائیا۔ جوتی جوت سروُپ ہرِ، آپ اپنی کِرپا کر، ساڈھے تِنّ جوڑ ڈھائی اُلٹا کر وجےّ ودھائیا۔ سولاں مگھّر سماپت دِن، چھ وجے رات اندھیری آئیا۔ مہاراج شیر سِنگھ وِشنوُں بھگوان، رات دِوس دِوس رات گُرسِکھاں گُرمُکھاں ہرِ سنگت ہرِ جوُ اندر باہر اپنے نال کری کُڑمائیا۔ گھڑی کہے میرے وجّ گئے چھ، اُلٹیا نؤ چھ روُپ وٹائیا۔ سارا دِن پیِراں پَیغمبراں گُر اوتاراں دی لیندی رہی ہے بھے، پربھ کی کی کھیل رچائیا۔ ہوئی رَین ہوئی شام ساریاں بستے ٹّھپےّ الف یے، مکتب کُھلا نظر کوئے نہ آئیا۔ پھٹّیاں اُتے جھاڑن کھیہہ، ہتّھ ہتّھاں نال مِلائیا۔ سارے کہن دروہی خُدائے دی بِن پروردِگار کوئی نہ سچّا نینہ، بِن اکال نہ کوئے سہائیا ۔ سارے پنج تت کایا ماٹی کر کے آئے کھیہہ، کھیہہ جگت نال اُڈائیا۔ آئی رَین ملِے سیَن سجّن ایہہ، جِس اپنی کھیل رچائیا۔ اِس ہتّھ لےَ اِس ہتّھ دے، دِوس رات اِکو حُکم ورتائیا۔ چار جُگ چُپ کر کے اسیں رہے بہہ، بیِتی کہانی نہ کِسے سُنائیا۔ پیِر پَیغمبراں نال کردے رہے کھہہ، کلمہ شبد نال لڑائیا۔ اَنت بِن لنگوٹیوں بِن کھاڑیوں گئے ڈھیَہہ، ہرِ جوُ دھکاّ اِکو لائیا۔ آؤ بھانا لئیے سہہ، رَین اندھیری نظری آئیا۔ گُرمُکھ وِرلا لاہا مات لئے، جِس سِر اپنی نظر اُٹھائیا۔ نال ہو کے اندر وڑ کے پھڑ پھڑ باہوں دیوے شہِ، نِربھؤ بھے رہیا چُکائیا۔ جو دِنے چرنیں بَیٹھے رہے، سو اَنت رات وِچھڑ نہ جائیا۔ آد جُگاد جُگو جُگ اِکو جِہا رہے، ودھے گھٹے نہ میرا ماہیِا۔ چھ وجے چَھیل چھبیِلا کہے، شہنشاہ اپنی دَیا کمائیا۔ جو جن میرا نام لئے، لایق پُتر سو اکھوائیا۔ سرِشٹ سبائی ہونی کھے، خالق لُٹے واہو داہیِا۔ گُرمُکھ تیرے پنگھوُڑے سچکھنڈ ڈہے، سِنگھ پال سورن جگدیِش منجیِت گُردَیال راہ تکائیا۔ پنچ پروان کر کے پھیر بولے
جےَ، پنچ پردھان دئے بنائیا۔ پرگٹ ہو کے کہے، میَں ہنکار وِچ آیا سچّا ماہیِا۔ سارے کہن ہیَں، کی پُرکھ اکال ویس وٹائیا۔ پنڈت مُلّانے گرنتھی سارے کرن بھیَں بھیَں بھیَں، بھیڈاں بکریاں وانگ کُرلائیا۔ ہربھگت ہرِسنت گُرمُکھ گُرسِکھ کہن تیری جےَ، جےَ جَیکار ڈھولا گائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، اپنی وست گُرسِکھاں دئے، دیندیاں توٹ کدے نہ آئیا۔ اِکٹّھے ہو کے لاؤن زور، متا اپنا اِک پکائیا۔ چلو رل کے پائیے شور، ساڈی کیِتی کِیوں رہیا اُلٹائیا۔ سَتجُگ تریتا دواپر کلجُگ رکھی ساڈی لوڑ، ہُن اَنت کِیوں گیاں بُھلائیا۔ جُگ چؤکڑی منتر دیندا رِہوں ہور ہور، شاستر سِمرت وید پُران اِنجیِل قُرآن کر پڑھائیا۔ اپنے ہتّھ پھڑ کے ڈور، گُڈیِا لوک مات نچائیا۔ کر پرکاش پنج تت گور، نِرگُن نوُر نوُر رُشنائیا۔ گُر اوتار پیِر ناؤں رکھ کے دِتے تور، پِچھوں توڑا اپنا نام لگائیا۔ ہُن کِیوں اَنت ساڈے اَگے اٹکائے روڑ، ریڑکا ایَویں بَیٹھا پائیا۔ پُرکھ ابناسی کہے ہُن تُہاڈی پےَ گئی لوڑ، لوک مات توں کھِچ اپنے چرن بہائیا۔ میَں لگّا رنگ رنگن مڑھی گوَر، گھر اِکو اِک وکھائیا۔ اَنت جِس طرح تُہانوُں پےَ گئی میری لوڑ، میرے بِناں نظر کوئی نہ آئیا۔ میَں چاہُندا ہاں ایہو لڑی لوک مات دیواں تور، تُرت اپنا حُکم منائیا۔ کوئی دیِن مذہب ذات پات پنج تت رسنا کہے نہ پُرکھ اکال ہور، خُداوند چور رام اڈول، کرِشن مُکٹ سیِس ٹِکائیا۔ میَں اَنت مِٹاؤنے سارے گھول، گھُرکی اِکو نام وکھائیا۔ اَگے وجّن نہیں دینا رول، نرول اپنا نام جپائیا۔ ایتھے اوتھے دو جہان سارے اِکو اکھّر لیَنا بول، بول بالا اِک سُنائیا۔ اپنی ہتھّیں تولنا تول، کنڈا اپنا آپ اُٹھائیا۔ تُسیں بچّے اجے انبھول، میری گت کِسے نہ پائیا۔ کی ہویا جے نانک پِچھے سدّے کول، گوبِند کیِتا قؤل پوُر کرائیا۔ پوُرن اندر پوُرن ہو کے گیا مؤل، مُلک چھڈیا اپنا بےپرواہیِا۔ جوتی جوت سروُپ ہرِ، آپ اپنی کِرپا کر، ہؤلی ہؤلی سب کِچھ رہیا سمجھائیا۔ بھگت کہن بھگوان پڑھ، پٹّی اِکو ہتّھ پھڑائیا۔ پہلوں ساڈے اندر وڑ، پھیر لِکھنا دیئیے سمجھائیا۔ اندر وڑ کے اُنگلی پھڑ، بِن اُنگلیؤں لےَ پِھرائیا۔ پھیر رکھ ساڈا ڈر، نَین اکھّ شرمائیا۔ جو دسّیئے سو لیَنا کر، ساڈا کرم کانڈ گوائیا۔ جے کہیئے دے ور، تُوں کہنا میَں بُھل دِتی بخشائیا۔ جوتی جوت سروُپ ہرِ، آپ اپنی کِرپا کر، تیرے نام سدا وڈیائیا۔ گُرسِکھو میَں پڑھن آیا اوُڑا، ایکنکار روُپ وٹائیا۔ تُسیں رنگ چاڑھو گوُڑھا، اُتر کدے نہ جائیا۔ میَں مستک لاواں دھوُڑا، تُہاڈی ہوئے نہ کدے جُدائیا۔ جو دسّو میَں کروُں پوُرا، پوُرنے پوُرن رہیا پائیا۔ تُہاڈا بچن نہ کروُن ادھوُرا، جو سُنیا
سو اپنے وِچ چُھپائیا۔ مار کُٹ بھاویں کرو چوُرا چوُرا، تُہاڈا پِچھا چھڈ نہ جائیا۔ گُرسِکھ اُستاد مَینوُں منظوُرا، جِس دی بُھلے نہ کدے پڑھائیا۔ سیوا کراں بن مزدوُرا، اُجرت منگاں نہ کوئے رائیا۔ جوتی جوت سروُپ ہرِ، آپ اپنی کِرپا کر، اپنی کھیل کرائیا۔ گُرسِکھ کہے بھگوان لِکھ، لِکھنا اِکو اِک جنائیا۔ پہلوں بنا اپنے سِکھ، پھیر اپنی گود بہائیا۔ چرن پریِتی پا بِھکھ، اِکو منگ منگائیا۔ جِدھر ویکھیئے پئیں دِس، تیرا نوُر رُشنائیا۔ ساڈا حرف اِک انڈِٹھ، گُرمُکھ رہے جنائیا۔ جے سانوُں دِتی پِٹھ، اَگے دسّنی نہیں اسیں پڑھائیا۔ تُوں کہُ تُسیں گئے جِتّ، ہار اپنے کول رکھائیا۔ جِس ٹِلّے چڑھ کے کبیِر جُلاہے ماری چِھکّ، یاد کیِتا بےپرواہیِا۔ اسیں پڑھاؤنا تَینوُں اوس سکوُل وِچ، مکتب ہور نہ کوئے وکھائیا۔ پھڑ باہوں سانوُں لےَ چل کھِچ، پھیر دسّیئے کِس طرح پانی وِچ گھولی دی شاہیِا۔ جِناں چِر نہ کریں سانوُں جِچ، اپنی تنگی نہ دئیں جنائیا ۔ اؤناں چِر لِکھنا نہ سکیں سِکھ، قلم ہتّھ نہ تیرے پھڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرسِکھ تیری پاٹھشالا، سِری بھگوان ویکھ خوشی منائیندا۔ پہلوں سُن میرا احوالا، اہل اپنا بھیوَ جنائیندا۔ مَینوُں سؤکھا دسّنا سوالا، جِس دا انک نظر کوئے نہ آئیندا۔ میَں نِکاّ بن بال انجانا، پڑھن دوارے تیرے آئیندا۔ پہلوں ہتّھ پھڑا کانا، جِس دا سِر کٹ قلم روُپ وٹائیندا۔ پھیر میَں سُناں تیرا گانا، تیرا گانا سوہنگ موہے بھائیندا۔ جوتی جوت سروُپ ہرِ، آپ اپنی کِرپا کر، بھگت دوار پڑھن آپ آئیندا۔ ناظر سِنگھ کِشن سِنگھ اجیِت سِنگھ چیلا سِنگھ چار ہو اِکٹّھے، پربھ سیِس تاج لاج رکھائیا۔ ہتّھ اُٹھاؤ اُپر اٹّھے، پُرکھ ابناسی تُہاڈی اوٹ تکائیا۔ سرن سرنائی سَتگُر ڈھٹّھے، ڈھےَ ڈھےَ شُکر منائیا۔ گل پا پلّوُ واسطہ گھتے، گھت وہیِر آیا بےپرواہیِا۔ تُہاڈے پِچھے بچّے نیہاں ہیٹھاں رکھے، ساچی سیو اِک کمائیا۔ اپنے جھُگے کیتے سکھے، تُہاڈے سکھنے گھر وسائیا۔ تُسیں ویکھو اپنی پریم اکھے، میری اکھّ تُہاڈا راہ تکائیا۔ گُر اوتار پیِر پَیغمبر رہ جان ہکےّ بکےّ، ابوُبقر بَیٹھا سیِس جھُکائیا۔ سب دی اکھّیں پاؤ گھٹّے، گھاٹا اِکو پوُر کرائیا۔ جِس نوُں دھنےّ پایا وِچوں وٹےّ، سو وٹّا دین آئیا۔ ویکھو لوکائی سیاپا گھتے، گُرمُکھ اُچی کوُک کوُک سُنائیا۔ بیِجو نام ہرِ کے وتےّ، پُرکھ ابناسی پھیرا پائیا۔ بن سوانی لےَ کے آئے بھتّے، نام کٹورا ہتّھ اُٹھائیا۔ سب دے خالی کرے چِھکے، وست امولک وِچوں باہر کڈھائیا۔ کوُڑے سادھ سنت رائے دھرم اَگے ہِکّے، ڈنڈا اِکو ہتّھ اُٹھائیا۔ جِنہاں مستک لائے ٹِکّے، بن گُروُ گدّی ہنڈھائیا۔ تِنہاں ایتھے اوتھے مُنہ پِھٹے، پِھٹ اپنی ذات گوائیا۔
اندروں رہے نِکے، باہر وڈّی کیِتی چتُرائیا۔ رس سارے ہو گئے پِھکے، فِقرہ سچ نہ کوئے پڑھائیا۔ پُرکھ ابناسی چڑھیا سب دی ہکے، ساہ اُپر ہیٹھاں رہے کھِچائیا۔ ویکھو وانگ متیِریاں پِھسے، متا ہرِ جوُ لیا پکائیا۔ مان گُرمُکھاں اِکو دِتے، گُرسِکھاں وڈ وڈیائیا۔ انتم آیا آپ حِصّے، حِصّہ اپنا ونڈ وکھائیا۔ لکھّ چؤراسی کِسے نہ دِسے، اکھّاں والے دین دُہائیا۔ جوتی جوت سروُپ ہرِ، آپ اپنی کِرپا کر، گُرمُکھ تیری چھایا اِک رکھائیا۔ گُرمُکھ تیرے اٹّھ تت، چار جُگ اٹّھ تت میل مِلایا۔ تُہاڈے ہیٹھاں وڑیا پُرکھ سمرتھ، اِکو اوٹ تکایا۔ تُساں پت لَینی رکھ، پریِت تُہاڈے نال لگایا۔ بہُڑی ہُن نہ ہونا وکھّ، وِچھوڑا جھلیا نہ جایا۔ گھر آ کے گیا دسّ، دُھر فرمانا حُکم سُنایا۔ ہُن کوئی نہ چلنا میرا وس، جو ہونا سو دئے ورتایا۔ تُساں پوُری کرنی آس، آس رکھ کے اِکو آیا۔ میرے ہو کے وسنا میرے پاس، میری پگ نہ دینی رُلایا۔ ویکھو اپنے اُچے ہاتھ، ہتّھو ہتھّیں سؤدا رہیا مُکایا۔ نہ کوئی کرو پوُجا پاٹھ، بِن پڑھیاں پار لنگھایا۔ جِس مُکائی اپنی واٹ، سو تُہاڈا پندھ دئے مُکایا۔ جوتی جوت سروُپ ہرِ، آپ اپنی کِرپا کر، اٹّھاں باہواں ہیٹھ آپ آیا۔ باہواں اٹّھ اٹّھ تت، تت تت کرے صفائیا۔ گُرمُکھ چار گئے دسّ، چؤتھے جُگ کھیل رچائیا۔ چؤہا ورناں دا اِکو جس، چاروں طرف دئے سُنائیا۔ چار یاری ہوئی بس، میرے یار میریاں پکڑن بانہیِا۔ اَگے پنجاں مارگ دیواں دسّ، لال سِنگھ نال رلائیا۔ اُٹھ نال کر اِکٹّھ، پُرکھ ابناسی دئے سمجھائیا۔ تُہاڈی چرنیں گیا ڈھٹّھ، چرن منگی اِک سرنائیا۔ تُسیں سارے کرو اِکو ہٹھ، بِن پربھ دوُجے سیِس نہ کِسے جھُکائیا۔ اپنے اندر دے لؤ گٹّھ، نہ کوئی کھولے کھول کُھلائیا۔ تُہاڈے چرناں ہیٹھاں تیِرتھ اٹھسٹھ، چار جُگ دی وِدیا تُہاڈی کرے پڑھائیا۔ وید پُران شاستر سِمرت اِنجیِل قُرآن گیِتا گیان گُروُ گرنتھ گُر بانی تُہاڈا راہ رہی دسّ، بھگوَن اِکو ڈھولا گائیا۔ ساریاں جِدھر جاؤ کہنا ہسّ، پاربرہم پربھ مِلیا سچّا ماہیِا۔ پِچھلے سارے دِتے چھڈ، گُردر مندر مسجد کمّ کِسے نہ آئیا۔ اسیں ہو گئے سب توں اڈّ، ساک سجّن نہ کوئے رکھائیا۔ جِس نِشانہ دِتا گڈّ، اُس دی اِکو اوٹ تکائیا۔ اسیں وِشنوُں ہوئے جدّ، بھگوَن مِلیا چائیں چائنیا ۔ دیِن مذہب پار کیِتی حد، ذات پات دھکّے دے دے پرے ہٹائیا۔ اِکو نام پیتی مدھ، مدھر رس نہ کوئے رکھائیا۔ کیتے گُر اوتار پیِر پَیغمبر گئے لد، کوٹن کوٹ پھیریاں پائیا۔ پِچھے کتھا کہانی گئے چھڈ، لِکھ وارتا جگت سمجھائیا۔ حُکمے اندر پُرکھ ابناسی لئے سدّ، بِن بھگتاں لَین کِسے نہ آئیا۔ کلجُگ انتم لکھّ چؤراسی وِچوں کڈھ، کڑِکی اپنی وِچ پھسائیا۔ ڈوُنگھی وڑیا اندر کھڈّ، کُھڈا اپنا
پھول پُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں اٹّھاں باہواں ہیٹھاں لئے کرائیا۔ اٹّھے بانہیِاں آئیاں ہیٹھ، ہیٹھلی اُتے کرائیندا۔ رُلدے پِھرن وڈ وڈ سیٹھ، دھکاّ سب نوُں آپ لگائیندا۔ اگنی تپے اِکو جیٹھ، تتی وا وگائیندا۔ پھیر لبھن کیتے کیت، لبھیاں ہتّھ کِسے نہ آئیندا۔ انتم سُنّجا ہونا کھیت، پاہروُ ہو نہ کوئے بچائیندا۔ سب دے سِر وِچ پَینی ریت، بالوُ تتی آپ اُڈائیندا۔ جِنہاں دسّیا اپنا بھیت، تِنہاں بھرا بھتیِجے نال مِلائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، چؤسٹھ گھڑی گُرمُکھاں راہ تکائیندا۔ چؤسٹھ گھڑی ہوئی کلجوگن، کلجُگ روُپ وٹائیا۔ موُرکھ مُگدھ موُڑھ کوُڑی کِریا بھوگ بھوگن، بھگوَن نظر کِسے نہ آئیا۔ سرِشٹ سبائی ہوئی روگن، ہؤمے روگ نہ کوئے گوائیا۔ بُھکھی ننگی ہوئی جوگن، جُگتی ہتّھ کِسے نہ آئیا۔ سادھ سنت کہن اسیں نار سنجوگن، پُرکھ ابناسی دھکّے دے دے باہر کڈھائیا۔ اپنی کیِتی انتم بھوگن، نہ سکے کوئے بچائیا۔ در در گھر گھر ہوئے سوگن، چِنتا سب نوُں رہی کھائیا۔ پِچھلا لِکھیا لیکھ پڑھ پڑھ سارے گھوکھن، گھوکھیاں ہتّھ کِسے نہ آئیا۔ سارے ہوئے اندروں تھوتھن، تھوتھی مت رکھائیا۔ پیِراں اَگے چڑھاؤندے بوتل، تن سندھوُر رنگ رنگائیا۔ گُردوارا مندر مسجد شِودوالا بنایا ہوٹل، نار ویسوا رہے ہنڈھائیا۔ پُرکھ ابناسی انتم سب دا کرن لگّا ٹوٹل، لیکھا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، چارے ایکا رنگ وکھائیا۔ ماجھا جموُں مالوا دوآبہ، سیِس جگدیِش سُہایا۔ اِس دے اندر ہو کے لُکیا کعبہ، مُخبر ہو کے ہرِ جوُ بھیوَ سُنایا۔ کدی کدی باہروں مار جائے دابا، اندر پریم پریم ودھایا۔ کدی بنے شاہ راجا، سیِس اپنے تاج ٹِکایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، چار چار بھیوَ جنایا۔ چارے ہوئے ساچے مُکھ، چار مُکھ تاج وڈیائیا۔ پنجواں آپے بَیٹھا وِچوں اُٹھ، سوہنگ روُپ وکھائیا۔ گُرمُکھ ستارے نال گئے جُٹ، ساچے سیِس کرن رُشنائیا ۔ دھرت مات وِچوں پُٹ، اپنے انگ لگائیا۔ اَنت سُہائے ساچی رُت، رُت رُتڑی آپ مہکائیا۔ نال گوبِند مِلیا پُت، پوترے گُرمُکھ رہیا وکھائیا۔ سارے اِکو وار جاؤ جھُک، پربھ مِلیا بےپرواہیِا۔ سَتجُگ تریتا دواپر کلجُگ کِسے نوُں دسّدا رہیا کُچھ کِسے نوُں کُچھ، اپنا بھیوَ نہ کوئے جنائیا۔ کلجُگ انتم جن بھگت دوارے آیا لُک لُک، لُکویِں کھیل جنائیا۔ انتم میِٹی گئی پُگ، اپنی ہتھّیں گُرسِکھاں پکڑے بانہیِاں۔ پِھر گودی لئے چُک، دو جہان پِھرے چائیں چائنیا۔ گُرسِکھ سؤنا سیج گھوُک، سُتیاں پھیر
نہ کوئے اُٹھائیا۔ جِس ویلے پربھ چاہے میَں ویکھاں اپنا پُت، پِھر ہؤلی ہؤلی لئے جگائیا۔ تُساں رہنا ہُن چُپ، سچکھنڈ ساچے وجےّ ودھائیا۔ اِکو بھیت لیَنا پُچھ، مِلیں کیہڑی تھائنیا۔ گُرمُکھ کہے اَگوں اُٹھ، پربھ دے سچ سمجھائیا۔ سِری بھگوان کہے میَں گیا تُٹھ، دین اپنی دَیا کمائیا۔ سب نوُں وکھائی اپنی ٹُھٹھ، خالی ہتّھ پِھرائیا۔ تُسیں رل کے چرن پھڑ لؤ گھُٹ، گھُٹ گھُٹ چھاتی نال لگائیا۔ اِک دوُجے نوُں سارے لؤ پُچھ، کی گھر گھر آوے پھیرا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِجن دیوے مان وڈیائیا۔ اٹّھاں ہتّھاں کیِتی چھاں، اٹّھ دس بھیوَ چُکائیندا۔ اِکو سِمرے ہرِ جوُ ناں، جن بھگتاں ڈھولا گائیندا۔ جِنہاں نِتھاویاں نوُں دِتا تھاں، نِتھاواں شُکر شُکر منائیندا۔ لیکھا جان پِتا ماں، بنس سربنس ویکھ وکھائیندا۔ آپ مِلائے ہاں وِچ ہاں، تُوں میَں بھیوَ جنائیندا۔ پرگٹ کرے ایکا ناں، سوہنگ ڈھولا سچّا گائیندا۔ جن بھگتاں پکڑے بانہہ، بانہہ بھگتاں ہتّھ پھڑائیندا۔ گُرسِکھ کرِیو نہ اَگوں نانہہ، نانک گوبِند گُرسِکھ راہ چلائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سہج سہج سجّناں میل مِلائیندا۔ کانا کاؤنٹا چھڈیاں گڈّیاں، گاڈیوان کھیل کرائیا۔ سِنمل سکور پریِتاں لگّیاں، پریم اپنا رنگ وکھائیا۔ گُرمُکھاں جوتاں جگیاں، جگت ہوئے رُشنائیا۔ توڑ نِبھاوے پِچھلیاں لگّیاں، اگلا پندھ مُکائیا۔ گُرسِکھاں نال مِلائے گُرمُکھ سخیاں، سکھا سُہیلا سچّا ماہیِا۔ بھاگ لگائے کُلیّ ککھّیاں، ککھّوں لکھّ بنائیا۔ کرے واس وِچ جا کے پکھّیاں، پتن اپنی حد جنائیا۔ نال لےَ کے جائے پریم رسیِاں، رستہ سب دا صاف کرائیا۔ ویکھنہارا ماڑیاں اچّھیاں، کوجھیاں کملیاں گلے لگائیا۔ روُحاں پار کرائے سچّیاں، بد روُحاں دھکّے رہیا لگائیا۔ جیہڑیاں ہُن وی رہ گئیاں کچیّاں، ہرِ سنگ نہ کوئے رکھائیا۔ پربھ گلّاں دسےّ سچّیاں، ول چھل نہ کوئے جنائیا۔ ایہہ نِکیاں نِکیاں بچّیاں، اپنی گود بہائیا۔ جِنہاں دیاں پتاں آپ رکھیاں، سِر اپنا ہتّھ ٹِکائیا۔ سودا لَین نہ جان کِسے ہٹّیاں، ہٹّ ہٹّ نہ کِسے پِھرائیا۔ گُرمُکھ وِرلے کھٹیاں کھٹیاں، کھٹّی ہوئی سرب لوکائیا۔ بچن سِنگھ اپنے سیِس گُنداؤنیاں پٹّیاں، پٹنے والا آیا ماہیِا۔ ویکھو سارے بھردے چٹّیاں، رس امرت نہ کِسے چکھائیا۔ مندراں اندر بالدے ہتّھاں نال وٹ وٹ وٹّیاں، پا گھِرت تیل ماچس اگنی لائیا۔ دھردے دھیان اکھّاں تے بنّھ کے پٹّیاں، کنّاں وِچ اُنگلاں پائیا۔ سُرتیِاں دھیِاں بھَیناں پِچھے پِھرن نٹّھیاں، من واسنا بند نہ کوئے کرائیا۔ ایَنویں پھوکیاں مالا رٹیاں، سِمرنے کوُکن دین دُہائیا۔ ہیِر وانگ نہ بنیاں جٹّیاں، ماہی اِک نہ کوئے ہنڈھائیا۔
چاروں کُنٹ دیِناں مذہباں وہیِراں گھتیاں، مندر مسجد شِودوالے روون واہو داہیِا۔ سادھاں سنتاں قاضیاں پنڈتاں اِک دوُجے نال رکھ لئیاں پتّیاں، حِصّہ رہے ونڈائیا۔ مُلّا شیخاں داہڑیاں رتّیاں، رتّی نام نظر کوئے نہ آئیا۔ کر پکھنڈ تن لاون سیکھاں تتیاں، اگنی تت نہ کوئے بُجھائیا۔ گُرسِکھ تیریاں فصلاں پکّیاں، وڈھنّ آئے سچّا ماہیِا۔ آنڈھناں گوانڈھناں رہ جان ہکّیِاں بکیِاں، ہرِ جوُ کی کی کھیل رچائیا۔ دُنیا رہ جائے بنّھدی کٹّیاں وچھّیاں، کٹک سب تے رہیا چڑھائیا۔ اگّ سیکدے رہ جائے پچھّیاں، پچھوتاوا سرب لوکائیا۔ چاروں کُنٹ سب نوُں پَینیاں غشیاں، گشتے چڑھیا سچّا شہنشاہیِا۔ گُرمُکھ تیرے مِلن دیِاں تیریاں اکھّیاں، تیرے تن چُھہائیا۔ مہاراج شیر سِنگھ وِشنوُں بھگوان، جِنہاں نال لگائیاں پکّیاں، پکّی اپنی رہیا پکائیا۔ کچھہرے لنگوٹے بنّھے تہمت، سارے تُہمت رہے لگائیا۔ جے تُوں کرن والا رحمت، رحم کِتھے بَیٹھا چُھپائیا۔ پُرکھ ابناسی کہے میرے نال سارے ہو جاؤ سہمت، سفل سب نوُں دیاں کرائیا۔ جیہڑا بُھلیا ہویا احمق، ایتھے اوتھے رہیا شؤدائیا۔ ہرِ جوُ نِکاّ وڈّا کایا اندر اِک مکَینک، پُرزہ پُرزہ کھولے جوڑے ویکھے تھاؤں تھائنیا۔ بُڈھا ہو کے لا لئے عینک، اکھّاں اپنیاں لئے بدلائیا۔ آپے سیَنک آپے دَینک، دَیانِدھ وڈ وڈیائیا۔ گُرمُکھاں چوری چوری مارے اپنی سیَنت، پلک پلک نال مِلائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اِک اُٹھائیا۔ سِر دستار پگڑی رکھے دوپٹّے، ول وِنگے ٹیڈھے لائیا ۔ سارے جٹّ ہٹّے کٹے، بَیٹھے گھیرا پائیا۔ پُرکھ ابناسی وِچارا کِتھے نٹّھے، راہ نظر کوئے نہ آئیا۔ جِنہاں پریم پیالے پیتے لاہ کے نام صُراحی گٹے، خُماری چڑھی واہو داہیِا۔ ہوئے مستانے آئے نٹّھے، پربھ چرنی ڈیرہ لائیا۔ جے کوئی پِچھے دھکّے، پِچھے پرت کوئے نہ جائیا۔ اَگے آ کے کہن اسیں تیرے سکے، ناتا تیرے چرن جُڑائیا۔ تیرے رنگ اندر رتے، رتّی رتّ سُکائیا۔ اسیں اِکٹّھیاں کیتے اِکو پکّے متے، من مت دینی تجائیا۔ واسطے پربھ جوُ اَگے گھتے، کیِتی گھال لیکھے لائیا۔ مہاراج شیر سِنگھ وِشنوُں بھگوان لیکھے لائے ہتّھ اٹّھے، دہ دِشا ہتّھ اُٹھائیا۔ پائے قمیِض گل کُڑتے، پِھرن واہو داہیِا۔ چلدیاں پِھردیاں آئے مُڑکے، پربھ چرن دھیان لگائیا۔ کوئی آیا ہیروں کوئی رُڑکے، کوئی بوپاراں تجائیا۔ کوئی گورایا آیا چھڈ کے، کوئی ڈلیوالوں مُکھ بھوائیا۔ کوئی ہری پُروں آیا لڑ کے، کوئی جھنڈیر رہیا تجائیا۔ کوئی جنڈیالیوں آیا یکّے چڑھ کے، کوئی چیمیؤں پھیرا پائیا۔ پُرکھ ابناسی لیاندے آپ پھڑ کے، کریا کھیل بےپرواہیِا۔ سِنگھ گُرمیج مِلیا اج تڑکے، تکّڑ ہرِ جوُ آپ تُلائیا۔ ماجھا مالوا دوآبہ جموُں اِکو جیہے کر کے،
گُرمُکھ ساچے میل مِلائیا۔ پِچھلے پھولنے چھڈو ورقے، ورقہ سب دا دِتا اُلٹائیا۔ کھوٹے کھرے آپے پرکھے، نام کسوٹی ہتّھ اُٹھائیا۔ گُرسِکھ نہ کوئی سوگ نہ کوئی ہرکھے، چِنتا روگ نہ کوئے جنائیا۔ نِت نوِت کرو درسے، درشن اپنا آپ وکھائیا۔ امرت میگھ اِکو برسے، سانتک سَت سَت کرائیا۔ وڈّیاں چھوٹیاں نال اِکو رنگ ورتے، امیِراں غریِباں اِکو راہ چلائیا۔ خوشی ہووے سؤں کے اُتے فرشے، گُرسِکھ وچھاؤنا اِک وچھائیا۔ جیہڑے چھڈ کے آیا سرسے، گوبِند اَنت لیا مِلائیا۔ گُرسِکھ میرا کوئی نہ ترسے، ترِکھا سب دی رہیا بُجھائیا۔ جو چاڑھے اُپر چرخے، چرخڑی وانگ بھوائیا۔ جیہڑے دیگاں وِچ اُبالے دھر کے، دھرنی کھیل وکھائیا۔ سو ویکھو لیاندے پھڑ کے، دَیالا سِنگھ نصیِب روُپ وٹائیا۔ پریم پیار اندر جڑ کے، جوڑی جُگت نال جُڑائیا۔ پِچھے کوئی نہ رہ جائے اڑ کے، اڑِکا سب دا رہیا ہٹائیا۔ پہلوں آیا گھاڑن گھڑ کے، پھیر اپنی بنت بنائیا۔ اَسو گھوڑے ساچے چڑھ کے، شہنشاہ اپنا پھیرا پائیا۔ گُرمُکھ بنائے بردے، وردی اپنے نام پہنائیا۔ سارے گاؤ گیِت ہرِ ہرِ دے، ہرِجن ہرِ جوُ آپ سُنائیا۔ مہاراج شیر سِنگھ وِشنوُں بھگوان، لیکھے جانے گھر گھر دے، کیا کوئی رکھے بھید چُھپائیا۔ چوری یاری جو جن کردے، سب دا لیکھا رہیا لِکھائیا۔ جو جن چرنی سیِس دھردے، تِنہاں اپنے نال مِلائیا۔ گُرسِکھ سو جو سَتگُر کولوں ڈردے، سو گُرسِکھ سَتگُر بھائیا۔ باقی سارے جمدے مردے، جو بَیٹھے مُکھ بھوائیا۔ مانَس جنم اپنا ہردے، ہرِ جوُ نظر کِسے نہ آئیا۔ پُتر ماواں نال لڑدے، کِیوں جمیاں میری مائیا۔ مَینوُں کِیوں نہ گھلیا جِتھے بھگت پڑھدے، سِری بھگوان رہیا پڑھائیا۔ نہیں قاعدے کوئی ہتھّیں پھڑدے، اندر وڑ کے رہیا سمجھائیا۔ سوہنگ گاؤندے ڈردے ڈردے، کوئی سُن نہ لئے لوکائیا۔ پُرکھ ابناسی لکھّ چؤراسی وِچوں گُرسِکھ کڈھے تردے تردے، تُرنت اپنی دَیا کمائیا۔ مہاراج شیر سِنگھ وِشنوُں بھگوان گُرسِکھ بنائے ہرِ دے، ہِردے ہرِ جوُ اپنا آسن لائیا۔ باقی پھوکیِاں گلّاں کردے، رسنا نال چتُرائیا۔ اندر کام واسنا نال لڑدے، کرودھ رہیا ٹکرائیا۔ جو سَتگُر پوُرے سرنی پڑدے، تِس پردہ دیوے پائیا۔ ساچے پؤڑے گُرسِکھ چڑھدے، سَتگُر ہتّھاں اُتے اُٹھائیا۔ سچکھنڈ دوارے جا کے کھڑدے، آکھن آ مِل میرے ماہیِا۔ اسیں پیارے تیرے در دے، تیرے پیار کھیل رچائیا۔ پُرکھ ابناسی کہے اسیں اِک دوُجے دے بردے، سیوک سیوا روُپ وکھائیا۔ جوتی جوت
سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، گُرسِکھاں گُرسِکھ ویکھے رکھے کلا چڑھدے، لہندی دھار نہ کوئے وکھائیا۔