کتب خانہGranth 13 (Shahmukhi)

۱۸ ماگھ ۲۰۱۹ بِکرمی سوندر سِنگھ دے گرِہ پِنڈ بُھلر ضِلع امرتسر

سو پُرکھ نِرنجن دھریا بل، بل باوَن نَین شرمائیا۔ ہرِ پُرکھ نِرنجن اچھل اچھلّ، ول چھل اپنی دھار چلائیا۔ ایکنکارا وسنہارا نِہچل دھام اٹل، سچ سِنگھاسن سوبھا پائیا۔ آد نِرنجن دیِپک جوت گیا بل، نوُر نوُرانہ ڈگمگائیا۔ ابناسی کرتا لیکھا جانے دو جہان، نِرگُن داتا وڈ وڈیائیا۔ سِری بھگوان سچ سندیسہ دیوے گھل، اگمّ اگمّڑا حُکم جنائیا۔ پاربرہم پربھ اپنی دھار گیا رل، روُپ رنگ ریکھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، گھر ساچے سوبھا پائیا۔ ساچا گھر ہرِ سُہنجنا، سوبھاوَنت آپ سُہائیندا۔ نِرگُن روُپ الکھّ نِرنجنا، الکھ اگوچر اگمّ اتھاہ نظر کِسے نہ آئیندا۔ آد جُگادی درد دُکھ بھےَ بھنجنا، دردی اپنا درد ونڈائیندا۔ سچکھنڈ دوارے سچ کرائے مجنا، نِرمل نِرمل روُپ وکھائیندا۔ نہ گھڑیا نہ بھجّنا، گھڑن بھنّن اپنا کھیل کرائیندا۔ جوتی جوت سروُپ ہرِ، آپ اپنی کِرپا کر، ساچے تخت ہرِ ساچا سوبھا پائیندا۔ تخت نِواسی سچ سُلطان، شہنشاہ وڈّی وڈیائیا۔ آد جُگادی حُکمران، ساچا حُکم اِک پرگٹائیا۔ سچکھنڈ دوارے ست نِشان، سَت پُرکھ نِرنجن آپ جھُلائیا۔ جودھا سوُربیِر بلی بلوان، بل اپنے وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل اپارا، سو پُرکھ نِرنجن آپ کرائیندا۔ ہرِ پُرکھ نِرنجن ہو تیارا، نر نِرنکارا ویس وٹائیندا۔ آد نِرنجن سچ چمکارا،

سِری بھگوان سوبھا پائیندا۔ ابناسی کرتا اِک دوارا، پاربرہم پربھ آپ سُہائیندا۔ سچکھنڈ کھولے آپ کِواڑا، دِشا ونڈ نہ کوئے ونڈائیندا۔ نِرمل دِیا باتی کر اُجیارا، کملاپاتی سوبھا پائیندا۔ شاہو بھوُپ بن سِکدارا، دُھر فرمانا حُکم الائیندا۔ آد اَنت ہرِ ویکھنہارا، جُگ جُگ اپنا کھیل کرائیندا۔ نِرگُن سرگُن ہو اُجیارا، جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی کرتا پُرکھ، آد جُگاد کمائیا۔ نہ کوئی سوگ نہ کوئی ہرکھ، چِنتا دُکھ نہ کوئے جنائیا۔ اپنی کرے آپے پرکھ، وڈ پارکھوُ سچّا ماہیِا۔ نِرگُن دیوے نِرگُن درس، آدرس اِکو اِک جنائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا ۔ شہنشاہ ہرِ سچ محلہ، اِکو اِک وسائیندا۔ پُرکھ ابناسی اِک اِکلّا، سوبھاوَنت سوبھا پائیندا۔ جوتی نوُر آپے رلا، روُپ رنگ نہ کوئے رکھائیندا۔ نِرگُن پھڑائے نِرگُن پلّا، پلّوُ اپنی گنڈھ پوائیندا۔ جوتی جوت سروُپ ہرِ، آپ اپنی کِرپا کر، اپنی کل آپ دھرائیندا۔ اپنی کل آپے رکھ، کرنی کرتا آپ کمائیا۔ آد پُرکھ ہو پرتکھ، جُگاد ویکھے چائیں چائنیا۔ سدا سُہیلا ہو سمرتھ، سمرتھ اپنا رنگ رنگائیا۔ بودھ اگادھ مہما اکتھ، نِش اکھّر کرے پڑھائیا۔ ساچا مارگ درگاہ ساچی دسّ، مقامے حق کرے رُشنائیا ۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیا۔ ساچا لیکھا رکھے ہتّھ، دوُسر سنگ نہ کوئے رکھائیندا۔ نِرگُن نوُر کر پرگٹ، جوتی جاتا ڈگمگائیندا۔ سچکھنڈ دوار کھول ہٹّ، ساچا ونج اِک کرائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ سمجھائیندا۔ اپنا بھیوَ کھولے آپ، اپنے ہتّھ رکھے وڈیائیا۔ آپے مائی آپے باپ، پِتا پوُت آپ ہو جائیا۔ آپے سجّن آپے ساک، سگلا سنگ آپ نِبھائیا۔ آپے کھولنہارا تاک، تِھر گھر اپنا کُنڈا لاہیِا۔ آپے بولنہارا سچّا واک، ناؤں نِرنکارا آپ دِرڑائیا۔ آپے ہوئے کملاپات، ناری کنت آپ اکھوائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچے خوشی منائیا۔ سچکھنڈ دوار چَھیل چھبیِلا، شہنشاہ اِکو نظری آئیندا۔ نِرگُن دھار رنگ رنگیِلا، روُپ رنگ ریکھ نہ کوئے وکھائیندا۔ نہ کوئی سنگ رکھے قبیِلہ، قِبل اپنا آپ پرگٹائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارے آپے کھڑ، اپنی اِچھیا آپ پرگٹائیندا۔ اپنی اِچھیا سِری بھگوان، آد آد پرگٹائیا۔ نِرگُن دیوے نِرگُن دان، داتا دانی دَیا کمائیا۔ نار کنت چتُر سُجان، سو پُرکھ نِرنجن کرے کُڑمائیا۔ ہرِ پُرکھ نِرنجن میل مِلائے آن، ایکنکارا جننی جن روُپ وٹائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچے کھیل وکھائیا۔ سچکھنڈ دوارے

کھیل اپارا، سَت سَتوادی آپ کرائیندا۔ لیکھا جانے پُرکھ نارا، کنت کنتُوہل بھیوَ نہ آئیندا۔ جننی جن بنے نِرنکارا، سُت دُلارا ایکا جائیندا۔ پوُت سپوُتا کر پیارا، شبدی شبد رنگ رنگائیندا۔ تِھر گھر کھولے آپ دوارا، در دروازہ نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا ۔ سُت دُلارا اِکو جایا، پُرکھ اکال دَیا کمائیا۔ اپنی اُنگلی آپے لایا، ویکھے چائیں چائنیا۔ ساچے مندر آپ بہایا، چھپر چھنّ نہ کوئے چُھہائیا۔ اِکو ساچا راگ سُنایا، ایکنکار کرے پڑھائیا۔ چرن پریِتی ناتا جوڑ جُڑایا، نہ کوئی توڑے توڑ تُڑائیا۔ ساچا مندر اِک وسایا، تِھر گھر ملِے وڈیائیا۔ سمرتھ پُرکھ سِر ہتّھ ٹِکایا، سیِس جگدیِش ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سُت دُلارے دَیا کمائیا۔ سُت دُلارا چھوٹا بالا، تِھر گھر ساچے خوشی منائیندا۔ سچکھنڈ ویکھے سچّی دھرمسالہ، دھرم دوارا اِکو نظری آئیندا۔ جوت سروُپ بَیٹھا پُرکھ اکالا، اکل کلا بھیوَ نہ آئیندا۔ دوئے جوڑ در کرے سوالا، خالی جھولی اَگے ڈاہِندا۔ اپنا دسّ سچ احوالا، ہؤں بِھکھک منگ منگائیندا۔ سِری بھگوان مارگ دسےّ اِک سُکھالا، تُوں میرا میَں تیرا دوُجا نظر کوئے نہ آئیندا۔ تیری میری اِکو چالا، چال اولّڑی اِک سمجھائیندا۔ سوہنگ روُپ ہوئے نِرالا، جوتی جوت سروُپ ہرِ، آپ اپنی کِرپا کر، سچکھنڈ نِواسی پُرکھ ابناسی تِھر گھر دوارے سُت دُلارے ایکا راگ سُنائیندا۔ سُت شبد سُن کے ناؤں، گھر اپنے خوشی منائیا۔ سِری بھگوان پکڑے باہوں، پھڑ باہوں گلے لگائیا۔ چرن کوَل دیوے تھاؤں، سرن ملِے سچّی سرنائیا۔ تِس صاحِب بل بل جاؤں، جِس میری بنت بنائیا۔ ساچا دسّیا اِکو راہو، تُوں میرا میَں تیرا دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچکھنڈ سچ سِنگھاسن ساچے سوبھا پائیا۔ سِری بھگوان رہیا دسّ، شبدی شبد جنائیندا۔ تیرا چلے نہ کوئی وس، میرا حُکم توہے بھائیندا۔ سرن سرنائی جانا ڈھٹّھ، مان تان نہ کوئے ودھائیندا۔ میرا نوُر تیرا روُپ پرتکھ، ظاہر ظہوُر آپ وکھائیندا۔ بِن نیتر کھولے اکھّ، آخر اپنا میل مِلائیندا۔ تُوں میرا گاؤنا جس، جس تیرا آپ وڈیائیندا۔ پندھ مُکاؤنا نٹھ نٹھ، ہرِ پاندھی آپ سمجھائیندا۔ جوتی جوت سروُپ ہرِ، آپ اپنی کِرپا کر، شبد دُلارے آپ جگائیندا۔ شبد دُلارا گیا جاگ، تِھر گھر ساچے خوشی منائیا۔ دھنّ دھنّ میرا وڈّا بھاگ، پربھ مِلیا بےپرواہیِا۔ جِس سُنایا ساچا راگ، سوہنگ ڈھولا اِکو گائیا۔ چرن پریِتی رہے وَیراگ، دوُجی اوٹ نہ کوئے تکائیا۔ میری سدا سدا سد

رکھے لاج، سِر اپنا ہتّھ ٹِکائیا۔ میَں بالک غریِب نِمانا تُوں غریِب نواز، دوئے جوڑ جوڑ سرنائیا۔ تُوں صاحِب سَتگُر دیِن دَیال تیرا سچّا اِک سماج، تیری اِکو نیِت نظری آئیا۔ تُوں آد رچیا کاج، تیری مہما کتھ نہ کوئے سُنائیا۔ سچکھنڈ دوارے تیرا راج، شہنشاہ تیری شہنشاہیِا۔ موہے بھائی تُوں سچ لگائی آواز، جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے آس رکھائیا۔ پُرکھ ابناسی ہو مِہربان، اپنی دَیا کمائیندا۔ سُت شبد دیوے ساچا دان، سچ بھنڈار آپ ورتائیندا۔ دو جہاناں بناواں تَینوُں کاہن، سِر تیرے تاج ٹِکائیندا۔ میرا نام تیرا گیان، تیرا گیان حُکم سمجھائیندا۔ سچ سندیسہ اِک فرمان، فرمانبردار آپ منائیندا۔ مقامے حق حُکمران، حق حقیِقت تیری جھولی پائیندا۔ تیرا صاحِب اِک اِمام، دوُجا نظر کوئے نہ آئیندا۔ ساچا کلمہ دئے کلام، نِش اکھّر آپ پڑھائیندا۔ سُت دُلارا کرے سلام، نِیوں نِیوں سجدہ سیِس جھُکائیندا۔ میَں بردا تیرا غُلام، چاکر چاک اکھوائیندا۔ ساچا دینا اِک نِشان، جوتی جوت سروُپ ہرِ، آپ اپنی کِرپا کر، دیونہارا ساچا ور، وست امولک اِک وکھائیندا۔ وست امولک سچ پیار، پرم پُرکھ آپ جنائیا۔ سُت دُلارا کرے وِچار، ہرِ وِچار وِچ نہ آئیا۔ سوچ سوچ گیا ہار، سوچ سمجھ نہ سکے رائیا۔ سچکھنڈ وسے ایکنکار، تِھر گھر شبد مِلی وڈیائیا۔ پِتا پوُت اِک ستار، تندی تند نہ کوئے وجائیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک سُنائیا۔ دُھر سندیسہ چھوٹے بال، سو پُرکھ نِرنجن آپ جنائیندا۔ تیرا سنگ مہاکال، مہابلی آپ بنائیندا۔ تیری وسائے سچّی دھرمسال، تِھر گھر ساچا رنگ رنگائیندا۔ سدا سدا چلے تیرے نال، چال نِرالی اِک جنائیندا۔ کرے صاحِب تیری پرِتپال، سِر اپنا ہتّھ ٹِکائیندا۔ تیری گودی دیوے لال، وِشنوُں اپنا روُپ وکھائیندا۔ جوتی جوت سروُپ ہرِ، آپ اپنی کِرپا کر، سُت دُلارے آپ سمجھائیندا۔ سُت دُلارے تیرا بیٹا، بِن مات پِت کُڑمائیا۔ پُرکھ اکال کرے ہیتا، نِرگُن نِرگُن جوت رُشنائیا۔ اندر باہر کھیوٹ کھیٹا، ساچا بیڑا آپ اُٹھائیا۔ جوتی جوت سروُپ ہرِ، آپ اپنی کِرپا کر، وِشوَ اپنا روُپ دھرائیا۔ وِشوَ روُپ وِشنوُں دھار، ہرِ سَتگُر آپ جنائیندا۔ نِرگُن نِرگُن ہو اُجیار، سرگُن سرگُن گنڈھ پوائیندا۔ جوتی جوت جوت اُجیار، شبدی شبد ڈنک سُنائیندا۔ چرن چرن چرن آدھار، کوَل کوَل کوَل وڈیائیندا۔ کِرپا کر آپ کرتار، قُدرت اپنا رنگ وٹائیندا۔ نہ کوئی دوُجا میِت مُرار، ساتھی نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، اپنی اِچھیا دیوے ور، برہم نیتر نیِر اِک وہائیندا۔ برہم نیتر وہے نیِر، وہن

نظر کِسے نہ آیا۔ پُرکھ ابناسی کرے کھیل گُنی گہِیر، گمبھیِر اپنا ناؤں دھرایا۔ وِشنوُں آپے مار زنجِیر، اپنا بندھن پایا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ اگمّ اتھاہ، مہما اکتھ کتھی نہ جائیا۔ سچکھنڈ نِواسی شہنشاہ، بھوُپ اپنا حُکم جنائیا ۔ سُت دُلارا لئے جگا، شبدی ونڈ ونڈائیا۔ وِشنوُں لیکھا دئے لِکھا، اَنتر بوُجھ بُجھائیا۔ ساچا جام دئے پیا، رس اِکو اِک رکھائیا۔ کوَلی کوَل لئے کھِلا، اول اپنا نوُر درسائیا۔ ماں پِیو بیٹا بنے خُدا، نوُر ظہوُر اِک رُشنائیا۔ برہما ویتا لئے جنا، پاربرہم اپنی ونڈ وکھائیا۔ سُنّ اگمّ جائے سما، دھوُاں دھار کرے رُشنائیا۔ اپنی اِچھیا اِک دھرا، شنکر میلا سہج سُبھائیا۔ گُر چیلا ایکا گھر وکھا، ایکا مئیا ناتا جوڑ جُڑائیا۔ ساچا سئیا بےپرواہ، اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، شبد سُت دیوے ور، وِشن برہما شِو تیرے در در بَیٹھے الکھ جگائیا۔ در بَیٹھے الکھّ، الکھّ الکھّ جنایا۔ شبدی شبد ہو پرتکھ، نِرگُن نِرگُن ویس وٹایا۔ ہرِ کا بھیوَ بِن ہرِ کوئی نہ سکے دسّ، لیکھا لِکھت وِچ نہ آیا۔ چارے گاون اِکو جس، سوہنگ ڈھولا راگ الایا۔ تُوں میرا میَں تیرے وس، تُدھ بِن نظر کوئے نہ آیا۔ کرے کھیل پُرکھ سمرتھ، ساچا راہ جنایا۔ جوتی جوت سروُپ ہرِ، آپ اپنی کِرپا کر، شبدی شبد سیو لگایا۔ شبدی شبد سیوا اپار، سو پُرکھ نِرنجن آپ لگائیا۔ ترےَ ترےَ میلا وِچ سنسار، وڈ سنساری آپ کرائیا۔ لکھّ چؤراسی کر تیار، ترےَگُن مایا ویکھ وکھائیا۔ لیکھا جان گُروُ اوتار، پنج تت کرے کُڑمائیا۔ شبد اناد بول جَیکار، ساچی دُھن کرے شنوائیا۔ جوتی جوت سروُپ ہرِ، آپ اپنی کِرپا کر، ایکا اکھّر کرے پڑھائیا۔ ایکا اکھّر نِش روُپ، نظر کِسے نہ آیا۔ آپ پرگٹائے ساچا بھوُپ، لوآں پُریاں ویکھ وکھایا۔ آد جُگادی سَت سروُپ، سچکھنڈ ساچے ڈیرہ لایا۔ ویکھنہارا دِشا کوُٹ، برہمنڈ کھنڈ کھوج کُھجایا۔ جوتی جوت سروُپ ہرِ، آپ اپنی کِرپا کر، جُگ چؤکڑی اپنا بندھن پایا۔ جُگ چؤکڑی گُر اوتار، نِرگُن سرگُن کرے کُڑمائیا۔ شبد اگمّی دیوے دھار، دھار دھار وِچوں پرگٹائیا۔ شاستر سِمرت وید بن لِکھار، کاتب اِکو قلم چلائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ شبدی گُر، گُر شبدی دَیا کمائیندا ۔ دو جہاناں اِکو سُر، اِکو تال وجائیندا۔ آد جُگاد جُگ چؤکڑی نِرگُن سرگُن جائے جُڑ، آتم پرماتم میل مِلائیندا۔ جوتی جوت سروُپ ہرِ، آپ اپنی کِرپا کر، سَتجُگ تریتا دواپر کلجُگ جُگ چؤکڑی آپ ہنڈھائیندا۔ جُگ چؤکڑی سیوادار، گُر اوتار حُکم منائیا۔ پیِر پَیغمبر کر تیار، کلمہ

نبی آپ سمجھائیا۔ دیِن مذہب بنّھے دھار، اِسم اعظم بھیوَ کُھلائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی اپنا حُکم منائیا۔ جُگ چؤکڑی پار کنارہ، نوَ نؤ چار رہن نہ پائیا۔ کرے کھیل اگمّ اپارا، بےاَنت وڈ وڈیائیا۔ لیکھا جانے تیئی اوتارا، بھگت بھگوَن ویکھ وکھائیا۔ عیسیٰ موُسیٰ محمد کھولنہار کِواڑا، اِنجیِل قُرآنا رہیا سمجھائیا۔ جوتی جوت سروُپ ہرِ، آپ اپنی کِرپا کر، گُر گُر اپنی ونڈ ونڈائیا۔ گُر گُر ونڈ وِچ برہمنڈ، وربھنڈ دَیا کمائیندا۔ آد جُگادی اِکو چھند، آتم پرماتم راگ سُنائیندا۔ کلجُگ اؤدھ گئی لنگھ، ویلا انتم آئیندا۔ گُر اوتار پیِر پَیغمبر منگن منگ، پربھ اَگے جھولی سرب ڈاہِندا۔ لکھّ چؤراسی بھیکھ پکھنڈ، کوُڑی کِریا نہ کوئے مِٹائیندا۔ سرِشٹ سبائی رسنا جِہوا گائے بتّی دند، ہِردے ہرِ نہ کوئے وسائیندا۔ ساچا نوُر نہ چڑھیا چند، اگیان اندھیر نہ کوئے مِٹائیندا۔ مندر مسجد شِودوالے مٹھ پئی ونڈ، ہرِ مندر نظر کِسے نہ آئیندا۔ دُئی دوَیتی بھرماں ڈھاہے نہ کوئے کندھ، بھانڈا بھرم نہ کوئے بھنّائیندا۔ سرِشٹ سبائی نار دُہاگن ہوئی رنڈ، سَتگُر کنت نہ کوئے ہنڈھائیندا۔ جوتی جوت سروُپ ہرِ، آپ اپنی کِرپا کر، دو جہاناں ویکھ وکھائیندا۔ دو جہاناں ہرِ جوُ والی، سچکھنڈ اپنا آسن لائیا۔ جُگ چؤکڑی کھیل نِرالی، سَتجُگ تریتا دواپر کلجُگ آپ ہنڈھائیا۔ کلجُگ انتم چلے چال نِرالی، بھیوَ کوئے نہ پائیا۔ پیِر پَیغمبر ہوئے سوالی، در بَیٹھے سیِس جھُکائیا۔ جوتی جوت سروُپ ہرِ، آپ اپنی کِرپا کر، اپنا بل آپ وکھائیا ۔ اپنا بل دئے وکھال، کلجُگ انتم آیا۔ پرگٹ ہویا دیِن دَیال، درگاہ ساچی پردہ لاہیا۔ سچکھنڈ وکھائے سچّی دھرمسال، دھرم دوار اِک جنایا۔ گُر اوتار لئے اُٹھال، پیِر پَیغمبر نال مِلایا۔ انتم سارے ہوئے بےحال، نیتر روون دین دُہایا۔ سرِشٹ سبائی سِر تے کوُکے کال، کلجُگ اپنا ڈنک وجایا۔ کوئی نہ چلے کِسے نال، ساچا سنگ نہ کوئے نِبھایا۔ گُردر مندر مایا رانی وجےّ تال، سچ تصویِر نہ کوئے وکھایا۔ سادھ سنت ہوئے بےحال، جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِرگُن اِکو پھیرا پایا۔ نِرگُن اِکو پائے پھیرا، پھیری اپنے نام دِوائیا۔ چار کُنٹ پائے گھیرا، نؤ کھنڈ پرِتھمی ستّ دیِپ ویکھے تھاؤں تھائنیا۔ سَتجُگ تریتا دواپر کلجُگ اِکاوَن باوَن لگّا ڈیرہ، پانجا، دوُآ پردہ دئے اُٹھائیا۔ مِہربان مِہربان مِہربان کر کے ویکھے اپنی نظر مِہرا، محبان بیِدو بی خَیر یا االلہ اِکو نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ حق جناب، ساچے دھام سوبھا پائیندا۔ عیسیٰ موُسیٰ محمد کرے آداب، نِیوں نِیوں سیِس سرب جھُکائیندا۔ نہ

کوئی پُن نہ صواب، خطرہ سب دے سِر تے چھائیندا۔ ہتّھ دِسے نہ حیات آِب، حیاتی سب دی میٹ مِٹائیندا۔ ساچا چرن دئے رکاب، آسن اِکو اِک تنگ کسائیندا۔ پرگٹ ہوئے حق نواب، نؤبت اپنے نام وجائیندا۔ چؤداں طبقاں پوُرا کرے خواب، خواہ مخواہ اپنا بھیوَ کُھلائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، وڈ اِمام پھیرا پائیندا۔ پرگٹ ہویا وڈ اِمام، اپنی دَیا کمائیا۔ چؤداں لوکاں بدلے نِظام، نظر سب دی دئے بدلائیا۔ پیِر پَیغمبر کرے غُلام، غُربت کوئے نظر نہ آئیا۔ عیسیٰ موُسیٰ محمد کرے سلام، در منگن اِکو الکھ جگائیا۔ تیری سچّی سچ کلام، کلمہ کائنات پڑھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، پرگٹ ہووے بےپرواہیِا۔ بےپرواہ وڈ مِہربانا، بے نظیِر کھیل کرائیندا۔ پہلوں دیندا رہیا حق پروانہ، پیِر پَیغمبراں آپ پڑھائیندا۔ دسّدا رہیا جگت کلاما، کلمہ اِکو اِک پڑھائیندا۔ انتم آؤنا اِک اِماما، مہندی سب دے رنگ رنگائیندا۔ سارے کرو چل سلاما، مکّہ کعبہ چرناں ہیٹھ رکھائیندا۔ نِرگُن روُپ پہرے جامہ، پنج تت نہ کوئے وکھائیندا۔ جوتی جوت سروُپ ہرِ، آپ اپنی کِرپا کر، حق حقیِقت اِک سمجھائیندا۔ حق حقیِقت لاشریِک، واحِد اِکو اِک جنائیا۔ چؤداں طبق میٹے اندھیرا تاریِک، نِرگُن جوت کرے رُشنائیا۔ صدی چؤدھویں نِشانہ تیِر مارے ٹھیِک، ٹھیِکر سب دا بھنّ وکھائیا۔ عیسیٰ موُسیٰ آئے نزیک، نیتر روون مارن دھاہیِنا۔ محمد ٹُٹدی جائے پریِت، ساچی پریِت نہ کوئے رکھائیا۔ اُمت اُمت نبی شریِک، شِرکت گھر گھر ڈیرہ لائیا۔ جِس دی رکھدے گئے پیِر پَیغمبر اُڈیِک، سو پَیغمبر پھیرا پائیا۔ صدی چؤدھویں جائے بیِت، ثالث بنے سچّا ماہیِا۔ ہِندوُ مُسلم سِکھ عیِسائی آتم پرماتم سب نے ڈھولا گاؤنا اِکو گیِت، سوہنگ اکھّر دئے وڈیائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، پیِر پَیغمبر لئے پھڑ، بچیا کوئے رہن نہ پائیا۔ مقامے حق تخت نِواسی، ساچے تخت سوبھا پائیندا۔ کرے کھیل شاہو شاباشی، شہنشاہ اپنا حُکم منائیندا۔ لوآں پُریاں برہمنڈاں کھنڈاں وِشن برہما شِو لاہے اُداسی، سرُپت اِند نال مِلائیندا۔ گرِہ مندر نِرگُن سرگُن گھٹ گھٹ اندر پاوے راسی، گوپی کاہن ناچ نچائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِک سُہائیندا۔ سچ دوارے بَیٹھا ہرِ، اپنی کھیل کرائیا۔ گُر اوتار سدّے در، در درویش حُکم منائیا۔ اِک دوُجے دا پلّوُ لؤ پھڑ، اِکو رنگ رنگائیا۔ دیِن مذہب ذات پات جھگڑا جائے جھڑ، جھِڑکاں دے رہیا سمجھائیا۔ سَتجُگ اَگے کوئی

نہ سکے اڑ، کوُڑی کِریا دئے کھپائیا۔ پُرکھ اکال دیِن دَیال سب نے ڈھولا لیَنا پڑھ، پِچھلی چھڈو سرب پڑھائیا۔ ساچے مندر ویکھو چڑھ، کبیِر جُلاہا رہیا سمجھائیا۔ نانک نِرگُن مِلیا ور، سچکھنڈ وجّی ودھائیا۔ گُر گوبِند سرنی گیا پڑ، پربھ میلا چائیں چائنیا۔ ورن برن چُکے ڈر، بھےَ بھؤ نہ کوئے رکھائیا۔ سرب جیِاں دا اِکو ہرِ، گھٹ گھٹ رہیا سمائیا۔ جوتی جوت سروُپ ہرِ، آپ اپنی کِرپا کر، سچکھنڈ دوار ہرِ کرتار، گُر اوتار پیِر پَیغمبر رہیا بہائیا۔ پیِر پَیغمبر آئے سدّے، ہرِ سدّا نام دِوایا۔ حُکمے اندر سارے بدھےّ، بَیٹھے سیِس جھُکایا۔ وڈّے چھوٹے کوئی نہ قدے، پنج تت نہ کوئے وکھایا۔ ہرِ چرن پیار اِکو بدھےّ، مدُھرا رس نہ کوئے وکھایا ۔ جِس صاحِب اپنی دھار وِچوں کڈھے، سو اپنے وِچ سمایا۔ ایتھے اوتھے کرے لّڈے، جوتی جوت سروُپ ہرِ، آپ اپنی کِرپا کر، ساچی سِکھیا رہیا جنایا۔ ساچی سِکھیا سچ دوار، ہرِ سَت کرے پڑھائیا۔ گُر اوتار پیِر پَیغمبر کرو وِچار، ہرِ وِچار وِچ نہ آئیا۔ پنج تت ناتا تُٹا سنسار، سگل سرِشٹ تجائیا۔ جُگ چؤکڑی لایا اکھاڑ، لکھّ چؤراسی ناچ نچائیا۔ حُکمے اندر ہو اُجیار، ڈنکا شبد سُنائیا۔ لِکھ لِکھ لیکھا اپر اپار، شاستر سِمرت وید پُران کری پڑھائیا۔ کھانی بانی دے گیان، آتم پرماتم ونڈ وکھائیا۔ انتم میلا سِری بھگوان، لکھّ چؤراسی کمّ کِسے نہ آئیا۔ دیِن مذہب جگت دُکان، شرع کرے لڑائیا۔ سرب جیِاں دا اِک اِیمان، اِسم اِکو اِک وکھائیا۔ سچ حدیِث کرے قُرآن، تیِس بتیِس رہیا سمجھائیا۔ صِفت کرے وید پُران، شاستر سِمرت دئے گواہیِا۔ گُر اوتار کرن دھیان، بَیٹھے دھیان لگائیا۔ پیِر پَیغمبر منگن دان، اَگے اپنی جھولی ڈاہیِا۔ بھگت بھگوان ڈھولا گان، اِکو راگ الائیا۔ سنت نِج نیتر کرن پہچان، بےپہچان ویکھ وکھائیا۔ گُرمُکھ چرنی ڈِگن آن، مستک دھوُڑی ٹِکاّ لائیا ۔ گُرسِکھ کہن بال انجان، بالی بُدھ نہ کوئے چتُرائیا۔ سرب جیِاں پربھ جانی جان، گھٹ گھٹ رہیا سمائیا۔ کلجُگ انتم ہو پردھان، نِہکلنکا ناؤں رکھائیا۔ گوبِند میلا وڈ بلوان، سوُربیِر ہوئے سہائیا۔ سمبل وسے سچ مکان، ساڈھے تِنّ ہتّھ بنت بنائیا۔ اُچا جھُلے اِک نِشان، نِشانہ نظر کِسے نہ آئیا۔ شاہو بھوُپ بن راجان، شہنشاہ ایکا حُکم سُنائیا۔ تخت نِواسی نؤجوان، نہ مرے نہ جائیا۔ کلجُگ بدلے اَنت وِدھان، سَتجُگ ساچا مارگ لائیا۔ ساچے بھگتاں کرے کلیان، مُریِداں مُرشد لئے مِلائیا۔ لیکھا جانے دو جہان، دوزخ بہِشت نہ کوئے وڈیائیا۔ پیِر پَیغمبر نِیوں نِیوں کرن سلام، سجدہ سیِس رہے جھُکائیا۔ تیرا لیکھا کوئی نہ سکیا جان، لِکھیا نال نہ قلم شاہیِا۔ اسیں اَنت ہؤئے حَیران، پروردِگار کی کھیل رچائیا۔ نِرگُن پرگٹ

ہویا آن، روُپ رنگ ریکھ نظر نہ آئیا۔ گُرسِکھ سجّن لئے پچھان، سنت سُہیلے لئے مِلائیا۔ جوتی جوت سروُپ ہرِ، آپ اپنی کِرپا کر، سچکھنڈ دی سچ دُکان، لوک مات آپ کُھلائیا۔ سچکھنڈ دا سچ وِہارا، بِوہاری آپ کرائیندا۔ کلجُگ انتم اَنت کنارہ، نئیا کوُڑی آپ ڈُبائیندا۔ بھگت بھگوَنت دئے سہارا، چپوُّ اپنا نام وکھائیندا۔ جوتی جوت سروُپ ہرِ، آپ اپنی کِرپا کر، لکھّ چؤراسی کھوج کُھجائیندا۔ لکھّ چؤراسی کھوجن آیا، بےاَنت بےپرواہ۔ گھر گھر ویکھے ترےَگُن مایا، پیِر پَیغمبر گُر اوتار سکے نہ کوئے بچا۔ پنج تت کھیڑا نہ کِسے وسایا، ہرِ مندر روُپ نہ سکے وٹا۔ ناد انادی نہ کِسے سُنایا، انحد راگ نہ کوئے الا۔ امرت جام نہ کِسے پیایا، ترِسنا بُھکھ نہ سکے بُجھا۔ نِرمل دیِپک جوت نہ کِسے جگایا، اندھ اندھیر نہ سکے گوا۔ پڑھ پڑھ کلجُگ جیِواں واد ودھایا، تیِر نِرالا کوئی نہ سکے چلا۔ گوبِند میل نہ کِسے مِلایا، نانک انگ نہ لیا لگا۔ رام کرِشن کِسے نظر نہ آیا، لکھّ چؤراسی بَیٹھی مُکھ بھوا۔ عیسیٰ موُسیٰ کِسے کلمہ نبی نہ کوئے پڑھایا، واحِد مِلیا نہ اِک خُدا۔ اُمت اُمتی دئے دُہایا، اَنت ہوئے نہ کوئے فِدا۔ چاروں کُنٹ اندھیرا چھایا، چؤدھویں چند نہ کوئے رُشنا۔ روزہ بانگ کِسے کمّ نہ آیا، پیِر ظاہرا نہ لیا منا۔ مندر مسجد شِودوالے مٹھ پُرکھ ابناسی نہ پھیرا پایا، پنڈت پاندھے گرنتھی پنتھی مارن دھاہ۔ بِن ہرِ بھگت بھگوَنت کِسے نظر نہ آیا، آتم کُنڈا سکے نہ کوئی لاہ، جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، ہرِجن ساچے لئے جگایا۔ ہرِجن ساچے جانا جاگ، بِھنڑی رَین جگاوَن آئیا۔ سِری بھگوان لگایا بھاگ، گھر ساچے وجّی ودھائیا۔ گُرمُکھ ہنس بنو کاگ، کاگ ہنس روُپ وٹائیا۔ دُرمت مَیل دھووو داغ، نِرمل نیِر سیِر پیائیا۔ آتم جوتی جگے چراغ، تیل باتی نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ہرِجن ساچے رہیا اُٹھائیا۔ ہرِجن ساچے جانا اُٹھ، سو پُرکھ نِرنجن آپ اُٹھائیندا۔ سَتگُر پوُرا گیا تُٹھ، دیِن دَیال ویکھ وکھائیندا۔ لُکیا رہن نہ دیوے کوئی کِسے گُٹھ، اُتّر پوُرب پچھّم دکھّن پھیرا پائیندا۔ گھر گھر وڑ وڑ رہیا پُچھ، لکھّ چؤراسی کھوج کُھجائیندا۔ کِسے پاس نہ دِسے کُچھ، خالی ہتّھ سرب پِھرائیندا۔ کلجُگ کوُڑ کُڑیارا رہیا بُک، اپنی بھبک لگائیندا۔ سادھ سنت بَیٹھے لُک، سِر اُپر نہ کوئے اُٹھائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، سنت سُہیلے آپ جگائیندا۔ جاگو سنتو جگائے ہرِ، ویلا انتم آئیا۔ پاربرہم دا کُھلیا در، قیِمت کرتا کوئے نہ لائیا۔ نِتھاویاں دیوے ساچا گھر، نِمانیاں ہوئے سہائیا۔ ڈُبدیاں باہوں لئے پھڑ،

بھوَساگر پار کرائیا۔ جِس جن لگائے اپنے لڑ، رائے دھرم نہ دئے سزائیا۔ جو سوہنگ اکھّر لئے پڑھ، چِتر گُپت حِساب نہ کوئے وکھائیا۔ جنم مرن چُکے ڈر، آون جاون دئے چُکائیا۔ جوتی جوت سروُپ ہرِ، آپ اپنی کِرپا کر، ہرِ بھگت رہیا اُٹھائیا۔ اُٹھے بھگت مِلیا بھگوَنت، بھانڈا بھرم بھنّایا۔ گھر ناری پایا اِکو کنت، گرِہ مندر اِک سُہایا۔ چولی چڑھیا رنگ بسنت، اُتر کدے نہ جایا۔ نام مِلیا منیِا منت، من واسنا دئے کھپایا۔ ناتا تُٹے جیِو جنت، سَتگُر اِکو نظری آیا۔ گڑھ رہے نہ ہؤمے ہنگت، نِون سو اکھّر رہیا جنایا۔ ہرِ کا بھیوَ نہ جانے کوئی پنڈت، پڑھیاں ہتّھ کِسے نہ آیا۔ ویکھنہارا جیرج انڈت، اُتبُھج سیتج پھول پُھلایا۔ گُرمُکھ دوُجے در نہ ہونا منگت، جِس گھر پرمیشور پایا۔ جوتی جوت سروُپ ہرِ، آپ اپنی کِرپا کر، ہرِجن ساچے رہیا جگایا۔ ہرِجن جاگے کھولی اکھّ، نیتر نَین اُٹھایا۔ نِرگُن نوُر آیا پرتکھ، سَتگُر داتا بےپرواہیِا۔ سَتجُگ مارگ رہیا دسّ، سوہنگ اکھّر اِک پڑھایا۔ اِک دوُجے دے ہونا وس، بھگت بھگوان رہیا سمجھایا۔ جُگ جنم دی پوُری کرے آس، ترِشنا ترِکھا دئے بُجھایا۔ لیکھے لائے پوَن سواس، سواس سواساں ڈیرہ ڈھاہیِا۔ ایتھے اوتھے دیوے ساتھ، سگلا سنگ نِبھایا۔ جوتی جوت سروُپ ہرِ، آپ اپنی کِرپا کر، بِھنڑی رَین نال مِلایا۔ بِھنڑی رَین آئی کہن، کہہ کہہ خوشی منائیا۔ اُٹھو سنتو ویکھو نَین، نِج گھر داتا پھیرا پائیا۔ جن بھگت بنائے ساک سیَن، سجّن ہور نہ کوئے رکھائیا۔ چُکاوَن آیا لہن دین، پوُرب لیکھا رہیا چُکائیا۔ سادھ سنگت ناتا جُڑے بھائی بھَین، دوُجی ونڈ نہ کوئے ونڈائیا۔ لکھّ چؤراسی لاڑی مؤت کھائے ڈَین، کلجُگ کوُڑا ڈنکا رہیا وجائیا۔ میَں انبھول سُتی پربھ پریم اُٹھی گُرسِکھاں آئی کہن، کہہ کہہ شُکر منائیا۔ سِری بھگوان نِرگُن ہو کے آیا لَین، سرگُن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، گھر گھر خوشی رہیا وکھائیا۔ بِھنڑی رَین چاؤ گھنیرا، چار کوُٹاں ویکھ وکھائیا۔ سِری بھگوان جن بھگت دوارے لایا ڈیرہ، ڈنکا اِکو نام وجائیا۔ مارگ دسےّ تُوں میرا میَں تیرا، تیری میری اِک پڑھائیا۔ بِن بھگوان بھگت بنّھے نہ کوئی بیڑا، بِن بھگتاں بھگوان کمّ کِسے نہ آئیا۔ نِرگُن سرگُن کھیڈے کھیڈاں، بن کھلاری کھیل رچائیا۔ جوتی جوت سروُپ ہرِ، آپ اپنی کِرپا کر، جن بھگت رہیا مِلائیا۔ بھگت کہن بِھنڑی رات، تیری رُت سُہائیا۔ ہرِ بھگت بنے اِک جماعت، اِکو اکھّر نام پڑھائیا۔ ناتا تُٹیا ذات پات، دیِن مذہب نہ کوئے لڑائیا۔ من مت رہے نہ نار کمذات، گُرمت اِکو اِک جنائیا۔ صاحِب نظری آیا ساکھیات، سخی اپنی لئے پرنائیا۔ بھر پیالہ پیائے حیات آب، آب دو آب میل

مِلائیا۔ پردہ لاہے مُکھ نقاب، نُقطہ اپنا دئے سمجھائیا۔ جوتی جوت سروُپ ہرِ، آپ اپنی دَیا کر، بھگتاں آپے رہیا مِلائیا۔ بھگت کہن سُن ساچی راتی، رتّی رتّ رنگایا۔ سِری بھگوان مِلیا ساتھی، اپنے انگ بندھایا۔ لہنا دینا چُکیا پوُجا پاٹھی، منتر اِکو نام دِرڑایا۔ من ماریا وڈّا ہاتھی، کھنڈا تیز اِک چمکایا۔ جام پیایا بن کے ساقی، سچ صُراحی ہتّھ اُٹھایا۔ بند کِواڑا کھولی تاکی، تقویٰ اِکو اِک جنایا۔ جیِون وِچ بدلیا جیِون دِتی سچ حیاتی، حضرت اپنا میل مِلایا ۔ ویکھیا باغ اِک باغاتی، باغیچہ سوہنا نظری آیا۔ بِھنڑی رَین تیری چنگی لگّی پربھاتی، پربھ سجّن درس دِکھایا۔ تیرا بِرہوں تیِر نِرالا وجّی کاتی، کلمہ پِچھلا دِتا بُھلایا۔ پروردِگار نظری آیا پاکن پاکی، پتت پُنیِت دئے کرایا۔ جوتی جوت سروُپ ہرِ، آپ اپنی کِرپا کر، بھگتن ساچا سنگ رکھایا۔ بِھنڑی رَینے تیرے چند ستارے، کوُکن دین دُہائیا۔ بھگت بھگوان کرے پیارے، پھڑ باہوں گلے لگائیا۔ کلجُگ جیِو سُتے پَیر پسارے، اَنت لئے نہ کوئے انگڑائیا۔ ابناسی کرتا در درویش غریِب نِمانیاں واجاں مارے، آپ اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائیا۔ بِھنڑی رَینڑیئے تیرا رووے چند، کلجُگ چند نظر نہ آیا۔ سرِشٹ سبائی پیا بندھ، بندی خانہ نہ کوئے تُڑایا۔ رسنا جِہوا لگّا گند، ہِردے ہرِ نہ کوئے وسایا۔ چاروں کُنٹ بھیکھ پکھنڈ، سچ سُچ نہ کوئے دِرڑایا۔ کلجُگ کِریا کھنڈ کھنڈ، کھنڈا کھڑگ اِک چمکایا۔ کلجُگ جیِو بھاگاں مند، گھر پرمیشر کِسے نہ پایا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھایا۔ بِھنڑی رَین کہے میرے ساچے ویِر، میَں ویِراں رہی جنائیا۔ میرا پربھ وڈ پیِرن پیِر، لوک مات پھیرا پائیا۔ جِس دے پِچھے بَیٹھے رہے دِلگیِر، سو دھیِرج رہیا دھرائیا۔ پہلوں کٹ شرع زنجِیر، پھیر اپنا درس دِکھائیا۔ راتیں سُتیاں میرے وینہدیاں بدل دیوے تقدیِر، تدبیِر نظر کِسے نہ آئیا۔ میَں ویکھیا چوٹی چڑھ اَخیِر، آخر اپنا میل مِلائیا۔ جِس ناتا چھڈیا شاہ حقیِر، کوجھیاں کملیاں اپنی گود اُٹھائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ بِھنڑی رَین کہے میرے بھائی، بھانا ہرِ جوُ آپ ورتائیندا۔ تُساں ویکھنا چائیں چائیں، ویلا انتم نیڑے آئیندا۔ ناتا تُٹنا پُتراں مائی، بھَین بھائی سنگ نہ کوئے نِبھائیندا۔ کِسے گھر دِسے نہ دھی جوائی، کنت سُہاگ نہ کوئے ہنڈھائیندا۔ ہِندوُ مُسلم سِکھ عیِسائی روون تھاؤں تھائیں، دھیِرج دھیِر نہ کوئے دھرائیندا۔ جن بھگتاں سِری بھگوان پکڑے باہیں، پھڑ باہوں آپ اُٹھائیندا۔ چار جُگ دے بُھلے راہی، اپنے مارگ لائیندا۔ کرم دھرم دی کٹے پھاہی، جنم جنم دا روگ گوائیندا۔ دُرمت

مَیل دھووے شاہی، شہنشاہ اپنا رنگ چڑھائیندا۔ ایتھے اوتھے کرے سچ نیائی، عدل عدالت اِک وکھائیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ کمائیندا۔ بھگت کہن بِھنڑی رَینے، رہبر اِکو نظری آئیا۔ مُریِد مُرشد بھگت بھگوان دوویں رہنے، باقی خاکی خاک سمائیا۔ تیرے انگن سوہن ساچے گہنے، گنگا ماتا بھیٹ چڑھائیا۔ رویداس چُکائے ہرِ جوُ لہنے، چمیارا گنڈھ پوائیا۔ ساڈھے تِنّ ہتّھ بُرج سب دے ڈھہنے، شاہ سُلطان خاک سمائیا۔ گُر اوتار پیِر پَیغمبر اِک دوُجے نوُں دین میہنے، آپو اپنے سکیا نہ کوئے بچائیا۔ ہرِ کے بھانے سہنے پَینے، سِر سکے نہ کوئے اُٹھائیا۔ جن بھگتاں دیوے آپے دینے، دے دے خوشی منائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ سمجھائیا۔ بِھنڑی رَین کہے موہے چڑھیا چاؤ، چند اِکو نظری آیا۔ جِس دا کھیل اگمّ اتھاہو، گُر اوتار بھیوَ کوئے نہ پایا۔ سو پرگٹ ہو کے کرے سچ نیاؤں، گوبِند اپنے نال مِلایا۔ جِس کیِتا سچ پساؤ، سو انتم ڈھاوَن آیا۔ سارے چلو اِکو راہو، پُرکھ اکال رہبر اِکو نظری آیا۔ ایتھے اوتھے پِتا ماؤں، پوُت سپوُتے گود بہایا۔ سوہنگ ڈھولا آتم پرماتم گاؤ، نانک شبد وِچولا اِک جنایا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، کلجُگ تیری انتم ور، پردہ اوہلا اپنا دئے اُٹھایا۔

۱۹ ماگھ ۲۰۱۹ بِکرمی بیِبی پیارو دے گرِہ پِنڈ بُھلر ضِلع امرتسر

بھگتاں بھگتی پربھ دیوے بھاؤ، بھگوَن دَیا کمائیا۔ پربھ مِلن دا ساچا چاؤ، دوُسر اوٹ نہ کوئے تکائیا۔ ابناسی کرتا ایکا گاؤ، گُن اَوگُن لیکھے لائیا۔ آتم پرماتم میل مِلاؤ، برہم پاربرہم وڈیائیا۔ ساچا مندر اِک وساؤ، گھر وجےّ تت ودھائیا۔ ڈھولا اگمّی ایکا گاؤ، گیِت گوبِند الائیا۔ اپنا پردہ آپ اُٹھاؤ، مُکھ گھُنگٹ رہن نہ پائیا۔ جوتی جوت سروُپ ہرِ، آپ اپنی کِرپا کر، اپنی کرنی رہیا جنائیا۔ ساچی بھگتی آتم رس، ہرِ سَتگُر آپ جنائیندا۔ نِرگُن نِرگُن ہوئے وس، سرگُن سرگُن ویکھ وکھائیندا۔ اِک اَکیلا مارگ دسّ، گُر چیلا مارگ لائیندا۔ میل مِلاوا ہسّ ہسّ، گھر سجّن پھیرا پائیندا۔ کر پرکاش کوٹن روَ سس، اندھ اندھیر مِٹائیندا۔ نام اگمّی دیوے وتھ، وست امولک آپ ورتائیندا۔ لہنا دینا ہتّھو ہتّھ، ساچا ونج آپ کرائیندا۔ کوُڑی کِریا دیوے متھ، جِس جن اپنی دَیا کمائیندا۔ جگت وسوُرا جائے لتھ، دُکھیاں

درد درد ونڈائیندا۔ لیکھا جانے تت اٹّھ، اٹّھ اٹھوتری اپنے وِچ سمائیندا۔ جوتی جوت سروُپ ہرِ، آپ اپنی کِرپا کر، ساچی بھگتی اِک سمجھائیندا۔ ساچی بھگتی سَتگُر سرن، دوُجی اوَر نہ کوئے چتُرائیا۔ نیتر کُھلے ہرن پھرن، بھانڈا بھرم بھؤ بھنّائیا۔ ناتا تُٹے جنم مرن، لکھّ چؤراسی پھند کٹائیا ۔ صاحِب ملِے کرنی کرن، کرتا پُرکھ ہوئے سہائیا۔ لہنا دینا چُکے ورنی ورن، ورن گوت نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ساچی بھگتی اِک سمجھائیا۔ ساچی بھگتی سَتگُر ایک، دوُسر اوٹ نہ کوئے رکھائیندا۔ نِج نیتر نِج روُپ لیَنا پیکھ، بھیوَ ابھید کُھلائیندا۔ ہرِ کا بھیوَ نہ جانے کوئی اولیا پیِر شیخ، پنڈت پاندھا سرب کُرلائیندا۔ جن بھگتاں کرے ساچا ہیت، نِت نوِت ویس وٹائیندا۔ ویکھنہارا کایا کھیت، گرِہ مندر کھوج کُھجائیندا۔ آپ سُہائے سُہنجنی رُت بسنتی چیت، چیتن اپنا پردہ لاہِندا۔ جِس جن کھولے سچّا بھیت، تِس اپنا ناؤں دِرڑائیندا۔ لکھّ چؤراسی لئے ویکھ، گرِہ مندر کھوج کُھجائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ جنائیندا۔ بھگتی بھاؤ ہرِ گوبِند، گہر گمبھیِر دئے وڈیائیا۔ بھگت بھگوان دی ساچی بِند، سُت نادی روُپ وٹائیا۔ داتا دانی گُنی گہند، وست امولک اِک ورتائیا۔ جنم کرم دی میٹے چِند، چِنتا روگ رہن نہ پائیا۔ امرت دھار وگائے سِندھ، رس اِکو اِک چوائیا۔ جوتی جوت سروُپ ہرِ، آپ اپنی کِرپا کر، ساچی بھگتی اِک وڈیائیا۔ ساچی بھگتی سَتگُروُ دوار، در دربارا اِک وکھائیندا۔ جِس گھر ملِے سچ پیار، سو مندر سوبھا پائیندا۔ آتم پرماتم پرماتم آتم اِکو ونج اِک وپار، اِکو ہٹّ چلائیندا۔ اِکو ویکھے ویکھنہار، جُگ جُگ اپنا کھیل کرائیندا۔ سَتجُگ تریتا دواپر کلجُگ نوَ نؤ چار جِس کریا پار، سو صاحِب اپنا ویس وٹائیندا۔ کاغذ قلم نہ لِکھنہار، لیکھا لِکھ نہ کوئے جنائیندا۔ وِشن برہما شِو کروڑ تیتیِسا نیتر نَین ہوئے شرمسار، اکھّ پرتکھ نہ کوئے اُٹھائیندا۔ گُر اوتار پیِر پَیغمبر در درویش منگن ہمیش، خالی جھولی سرب وکھائیندا۔ سِری بھگوان نؤجوان آد جُگادی اِک نریش، نر نرائن تخت نِواسی در گھر ساچے سوبھا پائیندا۔ بھگت بھگوان رسنا جِہوا بتّی دند کہن، کہہ کہہ شُکر سرب منائیندا۔ سَت سروُپ شاہو بھوُپ بِن رنگ روُپ چُکائے لہن دین، لیکھا اپنے ہتّھ وکھائیندا۔ جوتی جوت سروُپ ہرِ، آپ اپنی کِرپا کر، ساچی بھگتی اِک جنائیندا۔ ساچی بھگتی ساچا رنگ، رنگ رنگیِلا آپ چڑھائیا۔ انحد ناد وجےّ مردنگ، دُھن انادی ناد سُنائیا۔ آتم سیجا سچ پلنگ، سُہنجنی رُت آپ وڈیائیا۔ اندر باہر گُپت ظاہر ویکھے لنگھ، نِرگُن داتا بےپرواہیِا۔

آتم پرماتم لائے انگ، انگیکار اِک ہو جائیا۔ پاربرہم برہم دیوے انند، انند منگل اِکو گائیا۔ اِیش جیِو گائے چھند، سوہنگ ڈھولا کرے پڑھائیا۔ ناتا تُٹے بھیکھ پکھنڈ، بھاؤ بھگتی اِک جنائیا۔ خوشی کرائے بند بند، ساچی بندگی اِکو لائیا۔ لیکھا جانے جیؤ پِنڈ، پنڈت پاندھا نظر کوئے نہ آئیا۔ امرت دھار وہائے ساگر سِندھ، گہر گمبھیِر دَیا کمائیا۔ لیکھا چُکے سُرپت اِند، وِشن برہما شِو نہ کوئے چتُرائیا۔ جِس مِلیا صاحِب بخشند، بخشش اِکو جھولی پائیا۔ جوتی جوت سروُپ ہرِ، آپ اپنی کِرپا کر، ساچے بھگتاں رہیا جنائیا۔ ساچی بھگتی ہرِ کا سنگ، ہرِ سَتگُر آپ جنائیندا۔ جگت دوارا ویکھنا لنگھ، سَتگُر اِکو نظری آئیندا۔ نہ کوئی سوُرج نہ کوئی چند، جوتی جوت ڈگمگائیندا۔ نہ کوئی جیؤ نہ کوئی پِنڈ، برہمنڈ نہ کھوج کُھجائیندا۔ نہ کوئی سُرپت نہ کوئی اِند، برہما وِشن شِو نہ روُپ وکھائیندا۔ نہ کوئی پِتا نہ کوئی بِند، جننی جن نہ کوئے صالاحِندا۔ سچ دوار اِکو اِک گُنی گہِند، گہر گمبھیِر آسن لائیندا۔ جوتی جوت سروُپ ہرِ، آپ اپنی کِرپا کر، بھگتاں مارگ اِک وکھائیندا۔ ساچا مارگ دے آپ، آپنڑی بوُجھ بُجھائیا ۔ اِکو سَتگُر اِکو پاٹھ، اِکو اکھّر کرے پڑھائیا۔ اِکو سروور اِکو تاٹ، اِکو امرت رس وکھائیا۔ اِکو مندر اِکو ہاٹ، اِکو ونج رہیا جنائیا۔ اِکو سجّن اِکو ساک، اِکو ناتا رہیا بندھائیا۔ اِکو سیجا اِکو کھاٹ، اِکو بھوُشن رہیا جنائیا۔ اِکو پاندھی اِکو واٹ، اِکو پیَنڈا رہیا مُکائیا۔ اِکو پتن اِکو گھاٹ، اِکو بیڑا چلائے سچّا ماہیِا۔ اِکو نوُر اِکو ذات، اِکو جلوہ کرے رُشنائیا۔ اِکو صاحِب کملاپات، کوَل نَین رہیا کُھلائیا۔ اِکو وسے آس پاس، سدا سُہیلا سنگ نِبھائیا۔ اِکو پوَن اِک سواس، اِکو ہر گھٹ رہیا چلائیا۔ اِکو منڈل اِکو راس، اِکو گوپی کاہن نچائیا۔ اِکو گُر اِکو اوتار اِکو ہوئے داسی داس، پیِر پَیغمبر اِکو اِک اکھوائیا۔ اِکو بھگت اِک بھگوان اُپجائے ساچی شاخ، شناخت اپنے ہتّھ رکھائیا۔ اِکو نام اِکو آواز، اِک سندیسہ دئے سُنائیا ۔ اِکو داتا غریِب نواز، غریِب نِمانیاں ہوئے سہائیا۔ اِکو دیونہارا داج، وست امولک نام ورتائیا۔ اِکو ہنڈھاونہارا ساچا راج، شاہ پاتشاہ سچّا شہنشاہیِا۔ اِکو دھوونہارا داغ، جُگ جُگ دُرمت مَیل گوائیا۔ اِکو پکڑنہارا واگ، ڈوری اپنے ہتّھ رکھائیا ۔ اِکو ہنس بنائے کاگ، سوہنگ ہنسا مانک موتی چوگ چُگائیا۔ اِکو بھگتاں دیونہارا داد، دستگیِر اِک ہو جائیا۔ اِکو رچنہارا کاج، کرتا کرنی آپ کمائیا۔ ساچی بھگتی بھگتاں دیوے بھگت سماج، دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ساچی بھگتی اِک پرگٹائیا۔ ساچی بھگتی نیِکن نیِکا، ہرِ نِرگُن آپ

جنائیندا۔ بِن ہرِ نامے رس سب پھیِکا، امرت رس نہ کوئے چکھائیندا۔ سَتگُر بھیوَ جانے جن جی کا، جیِون جُگت آپ جنائیندا۔ پربھ مِلن دا اِکو طریقہ، طرح طرح سمجھائیندا۔ جِس دیاں رکھدے رہے اُڈیِکاں، سو صاحِب پھیرا پائیندا۔ نام نِدھان جِس جن پیِتا، دِوس رَین خُمار چڑھائیندا۔ پِچھلیاں میٹے سرب لیِکاں، اَگے مارگ اِک رکھائیندا۔ بِن ہرِ چرن جھوُٹھیاں جگت پریِتاں، ویلے اَنت کمّ کوئے نہ آئیندا۔ گُر اوتاراں پیِر پَیغمبراں سوہنگ گایا سچّا گیِتا، بِن سوہنگ دھار نِرگُن وِچ نِرگُن ہو نہ کوئے سمائیندا۔ بھگت بھگوان اِکو ڈیٹھا، انڈِٹھڑا میل مِلائیندا۔ بھگوان بھگت ٹھانڈا سیِتا، اگنی تت نہ کوئے تپائیندا۔ بھگت بھگوان نہ مریا نہ جیِتا، جیِون مرن دوویں پندھ مُکائیندا۔ بھگت بھگوان سدا اتیِتا، ترےَگُن وِچ کدے نہ آئیندا۔ بھگت بھگوان ملِے نہ کِسے مسیِتا، مندر شِودوالے مٹھ سرب کُرلائیندا۔ جِس دی صِفت کرے اٹھاراں دھیائے گیِتا، وید پُران شاستر سِمرت صِفت صالاحِندا۔ سو سَتگُر چلائے اپنی ریِتا، ریِتیوان پھیرا پائیندا۔ بھگوان بھگت اپنے جِہا کیتا، آپ اپنا میل مِلائیندا۔ پِچھلا ویلا پِچھے بیِتا، اَگے اپنا ناؤں پرگٹائیندا۔ لیکھا جانے ہست کیِٹا، اوُچاں نیِچاں راہ جنائیندا۔ آتم پرماتم گیان درڑیِتا، درِڑھ وِشواس آپ وکھائیندا۔ کؤڑا ریِٹھا مِٹھا کیِتا، جِس جن اپنے چرن لگائیندا۔ ساچا چھتر سوہے سیِسا، سیِس جگدیِش سوبھا پائیندا۔ بھگت بھگوان دی کوئی نہ کرے ریِسا، کھانی بانی بھگتاں گیِت سُنائیندا۔ صِفت صالاحی راگ چھتیِسا، چھتّی راگ اَنت نہ آئیندا۔ جو جن منّے پربھ دی سچ حدیِثا، حضرت اپنا میل مِلائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگ جُگ پتت پُنیِتا، پتت اُدھارن اپنی دَیا کمائیندا۔

۱۹ ماگھ ۲۰۱۹ بِکرمی ناظر سِنگھ دے گرِہ ماناں والا ضِلع امرتسر

ساچا مارگ اِکو ایک، آد جُگاد رکھایا۔ گُر اوتار رکھن ٹیک، پیِر پَیغمبر سیِس جھُکایا۔ کھانی بانی لِکھے لیکھ، وید پُران ڈھولا گایا۔ بھگت بھگوان ساچا ہیت، نِت نوِت میل مِلایا۔ نِرگُن سرگُن کھیلے کھیڈ، دو جہاناں پھیرا پایا۔ کر کِرپا جِس جن دیوے اپنا بھیت، پردہ اوہلا دئے چُکایا۔ لکھّ چؤراسی جوُن اجوُن انتم ہوئے پریت، جوتی جوت سروُپ ہرِ، آپ اپنی کِرپا کر، ہرِجن اپنے انگ رکھایا۔ ساچا

مارگ اِکو اِک، ایکنکار دِرڑائیا۔ جِس دی مہما کوئی نہ سکے لِکھ، لیکھا لِکھت وِچ نہ آئیا۔ سو صاحِب پائے بِھکھ، بِھچھیا اِکو اِک ورتائیا۔ جہِ ویکھو تہہ پئے دِس، چاروں کُنٹ نوُر رُشنائیا۔ ہرِجن ساچی سِکھیا لَینی سِکھ، سِکھاونہار اِک اکھوائیا۔ جوتی جوت سروُپ ہرِ، آپ اپنی کِرپا کر، ساچا مارگ اِکو لائیا۔ ساچا مارگ پُرکھ سمرتھ، جُگا جُگنتر آپ لگائیندا۔ نام نِدھانا دے دے وتھ، گُر منتر اِک دِرڑائیندا۔ جُگ چؤکڑی چلائے رتھ، بن رتھواہی سیو کمائیندا۔ جن بھگتاں ہِردے اندر وس، ہرِ اپنا بھیوَ جنائیندا۔ تیِر نِرالا مارے کس، انیالا آپ چلائیندا۔ جگت وِکارا دیوے متھ، کوُڑی کِریا ڈیرہ ڈھاہِندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا راہ اِک چلائیندا۔ ساچا راہ پتت پُنیِت، ہرِ سَتگُر آپ چلائیا۔ جُگ چؤکڑی ویکھے ریِت، سَتجُگ تریتا دواپر کلجُگ آپ ہنڈھائیا۔ گُر اوتار پیِر پَیغمبر دسےّ سچ پریِت، ملِے اِک سرنائیا۔ سب دا ڈھولا اِکو گیِت، سوہنگ کرے پڑھائیا۔ جِس بنایا مندر مسیِت، سو ویکھے تھاؤں تھائنیا۔ کلجُگ انتم سارے ہوئے پلیِت، پلّوُ سکے نہ کوئے دھوائیا۔ جوتی جوت سروُپ ہرِ، آپ اپنی کِرپا کر، ساچا مارگ اِک درسائیا۔ ساچا مارگ سچّو سچ، سچ سچ دِرڑائیندا۔ کایا ماٹی بھانڈا کچّ، کنچن روُپ آپ وٹائیندا۔ اَنتر آتم آپے رچ، روم روم سمائیندا۔ گُرمُکھ گُر گُر دوویں جان بچ، بچت سب دی جھولی پائیندا۔ جگت وِکار وِچ نہ جانا پھس، کوُڑی کِریا کمّ نہ کوئے آئیندا۔ جوتی جوت سروُپ ہرِ، آپ اپنی کِرپا کر، ساچا مارگ اِک وکھائیندا۔ ساچا مارگ سَتگُر دوار، دوُجا نظر کوئے نہ آئیا۔ تِھر رہے نہ کوئے وِچ سنسار، پنج تت کایا ماٹی خاکی خاک مِلائیا۔ نِرمل جوت اِک آکار، جوتی جوت جوت رُشنائیا۔ وسنہارا سچکھنڈ دوار، در دروازہ اِک کُھلائیا۔ بھگت بھگوَنت لئے اُٹھال، بھاوی سب دے سِر توں لاہیِا۔ لیکھا جانے شاہ کنگال، شہنشاہ اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ساچا لیکھا اِک لِکھائیا۔ ساچا لیکھا لیکھ الکھ، لِکھت وِچ نہ آئیندا۔ جن بھگتاں مارگ دیوے دسّ، دہ دِشا بھیوَ چُکائیندا۔ ناتا توڑ تت اٹّھ، آتم پرماتم جوڑ جُڑائیندا۔ سر سروور وکھائے تیِرتھ تٹ، کنارہ اپنا پار کرائیندا ۔ تن پہنائے نام پٹّ، سچ دوشالہ اوڈھن روُپ وٹائیندا۔ ایتھے اوتھے رکھے پت، سو صاحِب سَتگُر اِکو نظری آئیندا۔ نِرگُن نِرگُن گائے جس، سرگُن سرگُن ونڈ ونڈائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے دھندے آپے لائیندا۔ سچّا دھندا ہرِ کی سیوا، دوُجی اوَر نہ کوئے چتُرائیا۔ امرت آتم

ملِے میوہ، امیوں رس آپ چوائیا۔ پرگٹ ہویا وڈ دیوی دیوا، کوٹن کوٹ دیوت سُر ڈھیَہہ پئے سرنائیا۔ آد جُگاد الکھ ابھیوا، اگمّ اگوچر بےپرواہ بےاَنت سچّا شہنشاہیِا۔ سدا سُہیلا سد نِہکیوا، نِہچل بَیٹھا آسن لائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیا۔ کھیلن آیا پُرکھ سمرتھ، سمرتھ اپنی کار کمائیندا۔ لکھّ چؤراسی وِچوں سنت سُہیلے کرے وکھّ، وکھّری دھار چلائیندا۔ نام امولک دیوے رس، دست بدست آپ پھڑائیندا۔ امرت چووے ساچا رس، نِجھر دھار وہائیندا۔ تیِر انیالا مارے کس، اَنتر آتم کھوج کُھجائیندا۔ پاربرہم برہم کرے پکھّ، ساچی ونڈ ونڈائیندا۔ سَتگُر سرنائی ساچا ہٹھ، من واسنا نہ کوئے بھےَ ٹِکائیندا۔ جگت کھیل بازی گر نٹ، لکھّ چؤراسی نٹوُآ سانگ وکھائیندا۔ گُرسِکھ وِکے نہ کِسے ہٹّ، کرتا قیِمت آپے پائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا راہ اِک وکھائیندا۔ ساچا راہ دسےّ نزدیِک، نیرن نیرا پھیرا پائیا۔ ہرِ کا کوئی نہ دِسے شریِک، لاشریِک اِک خُدائیا۔ ڈوُنگھا پندھ بڑا باریِک، گُرسِکھ سمبھل سمبھل پَیر ٹِکائیا۔ دو جہاناں اندر پربھ رکھی اِکو نِکی جِہی جھیِت، جِس وِچوں بھگت ویکھے چائیں چائنیا۔ آتم پرماتم بِن جھوُٹھی پریِت، بِن سَتگُر پوُرے پریِت توڑ نہ کوئے نِبھائیا۔ پاربرہم دا اِکو گیِت، گوبِند ڈھولا سہج سُبھائیا۔ جِس جن ہِردے وسیا چیت، من چِت ٹھگؤری کوئے نہ پائیا۔ ہرِ کا مندر ہری دوار اِکو ٹھیِک، سچکھنڈ ساچے وجےّ ودھائیا۔ کر کِرپا کایا کرے ٹھنڈی سیِت، اگنی تت نہ لاگے رائیا۔ مہاراج شیر سِنگھ وِشنوُں بھگوان، نِرگُن روُپ سدا سُرجیِت، سرب گھٹ رہیا سمائیا۔