پہلی پھگن ۲۰۱۹ بِکرمی ہرِ بھگت دوار جیٹھوُوال
سو پُرکھ نِرنجن سَتگُر سوُرا، سَت سَتوادی اِک اکھوائیندا۔ ہرِ پُرکھ نِرنجن ظاہر ظہوُرا، نِرگُن اپنی دھار چلائیندا۔ ایکنکارا سرب کلا بھرپوُرا، بھیوَ ابھید آپ چُھپائیندا۔ آد نِرنجن جوتی نوُرا، نوُر نوُرانہ ڈگمگائیندا۔ سِری بھگوان کرے کھیل نؤجوان اپنی ضرورت کرے پوُرا، ضرورت اوَر نہ کوئے رکھائیندا۔ ابناسی کرتا وسنہارا نیڑے دوُرا، دو جہاناں چرناں ہیٹھ دبائیندا۔ پاربرہم نِرگُن نِرگُن رنگ چاڑھے گوُڑھا، آد جُگاد اُتر کدے نہ جائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیندا۔ ساچا کھیل سو پُرکھ نِرنجن، آد جُگادی آپ کرائیا۔ ہرِ پُرکھ نِرنجن درد دُکھ بھےَ بھنجن، نِروَیر اپنی کار کمائیا۔ ایکنکارا میِت مُرارا ساچا سجّن، سگلا سنگ رکھائیا۔ آد نِرنجن جوتی جاتا کراونہارا ساچا مجن، نِراکار نوُر دھرائیا ۔ ابناسی کرتا صاحِب سُلطان پڑدے کجّن، بےاَنت وڈّی وڈیائیا۔ سِری بھگوان کرے کھیل گھڑن بھنّن، سمرتھ سچّا شہنشاہیِا۔ پاربرہم پربھ در درویش در آئے منگن، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی اِک کمائیا۔ ساچی کرنی سچکھنڈ، سَت سَتوادی آپ کرائیندا۔ پُرکھ اکال سوُرا سربنگ، نِروَیر اپنی کل دھرائیندا۔ نام نِدھان وجائے مردنگ، راگ دُھن اپنے ہتّھ رکھائیندا۔ کنت کنتُوہل ساچا سنگ، نر نرائن ناری اپنا روُپ وکھائیندا۔ سچکھنڈ دوارا کھیل سَت انند، انند انند وِچ سمائیندا۔ سچ سِنگھاسن اِک پلنگ، پرم پُرکھ آپ پرگٹائیندا۔ جوتی جوت سروُپ ہرِ، آپ
اپنی کِرپا کر، کرے کھیل ساچا ہرِ، سچ دوارے سوبھا پائیندا۔ سچ دوارے سوبھاوَنت، سچکھنڈ وجےّ ودھائیا۔ ابناسی کرتا آد اَنت، سِری بھگوان سوبھا پائیا۔ جُگو جُگ مہما اگنت، لیکھا لِکھت وِچ نہ آئیا۔ کر کھیل نار کنت، سیج سُہنجنی ساچے مندر اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ اپنی دھار چلائیا۔ سچکھنڈ نِواسا پُرکھ ابناسا، بےپرواہ بھیوَ کوئے نہ آئیندا۔ آد جُگاد جُگ جُگ ویکھے کھیل تماشا، خالق خلق روُپ وٹائیندا۔ منڈل منڈپ پاوے راسا، لوآں پُریاں ناچ نچائیندا۔ اپنی اِچھا آپے پوُری کرے آسا، نِراسا روُپ نہ کوئے وکھائیندا۔ آپے داتا آپے سیوک، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا کھیل آپ رچائیا۔ ساچا کھیل پروردِگار، مقامے حق حق جنائیا۔ نوُر نوُرانہ نوُر اُجیار، ظاہر ظہوُر وڈّی وڈیائیا۔ اِمام اِماماں وڈ سِکدار، بے نظیِر سچّا شہنشاہیِا۔ جوتی جوت سروُپ ہرِ، آپ اپنی کِرپا کر، درگاہ ساچی سوبھا پائیا۔ درگاہ ساچی ساچا رام، جوتی جاتا ڈگمگائیندا۔ آد جُگاد دیونہار پَیغام، سچ سندیسہ اِک جنائیندا۔ لیکھا جان دو جہان، نِرگُن سرگُن بھیوَ کُھلائیندا۔ کرے کھیل نؤجوان، بِردھ بال نہ روُپ وٹائیندا۔ وسنہارا سچ مکان، سچکھنڈ سوبھا پائیندا۔ کھولنہار آپ دُکان، تِھر گھر دروازہ آپ کُھلائیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ جنائیندا۔ ساچی کرنی کرنیہار، کرتا پُرکھ اکھوائیا۔ آد جُگادی کھیل اپار، جُگ جُگ آپ جنائیا۔ سُت دُلارا کر تیار، شبدی شبد دئے وڈیائیا۔ وِشن برہما شِو دے سہار، رجو طمو ستو بندھن ایکا پائیا۔ پنج تت لیکھا اگمّ اپار، اپ تیج وائے پرِتھمی آکاش کرے کُڑمائیا۔ شبد اگمّی بول جَیکار، اگادھ بودھ کرے پڑھائیا۔ ساچا میلا سِرجنہار، ساکھیات آپ کرائیا۔ کاغذ قلم نہ لِکھنہار، کاتب چلے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، سچکھنڈ اپنا حُکم منائیا۔ سچکھنڈ دوار سچّا شہنشاہ، شاہ پاتشاہ اِک اکھوائیندا۔ بےپرواہی بےپرواہ، بےاَنت ناؤں دھرائیندا۔ جوتی جاتا نوُر جگا، نوُر نوُرانہ ڈگمگائیندا۔ بِن تیل باتی کر رُشنا، انبھوَ پرکاش دھرائیندا۔ سچ سندیسہ اِک سُنا، دُھر فرمانا آپ الائیندا۔ اپنا حُکم آپ منا، نِیوں نِیوں آپے سیِس جھُکائیندا۔ جوتی جوت سروُپ ہرِ، آپ اپنی کِرپا کر، ساچا حُکم اِک وڈیائیندا۔ ساچا حُکم شاہ سُلطانا، آد پُرکھ وڈیائیا۔ حُکمے اندر کھیل مہانا، اپنا آپ لئے پرگٹائیا۔ حُکمے اندر بن مردانہ، سچ مردانگی لئے کمائیا۔ حُکمے اندر سوُربیِر جھُلائے نِشانہ، نِشان اِکو اِک دسائیا۔ حُکمے اندر کرے
دھیانا، دھیان دھیان وِچوں پرگٹائیا۔ حُکمے اندر بنائے سچ مکانا، سچکھنڈ ساچے دئے وڈیائیا۔ حُکمے اندر بنّھے گانا، ساچا سگن منائیا۔ حُکمے اندر گائے ترانہ، ناؤں نِرنکارا صِفت صالاحیِا۔ حُکمے اندر کھیل کرے بھگوانا، نار کنت روُپ وٹائیا۔ حُکمے اندر سیج سُہانا، سچ سِنگھاسن آسن لائیا۔ حُکمے اندر نِرگُن نِرگُن کر پروانہ، پرم پُرکھ اپنا رنگ رنگائیا۔ حُکمے اندر سُت نِدھانا، شبدی بال روُپ وٹائیا۔ حُکمے اندر کھیل مہانا، خالق اپنا دئے جنائیا۔ حُکمے اندر وِشوَ دھار وِشنوُں کلیانا، حُکمے اندر پاربرہم برہم اپنا حُکم جنائیندا۔ حُکمے اندر شنکر گیانا، سنسا روگ سرب مِٹائیندا۔ حُکمے اندر روَ سس کِرن کِرن کرے کلیانا، انک کل اپنا بھیوَ جنائیندا۔ حُکمے اندر وید مہانا، مالک اپنے نال مِلائیندا۔ حُکمے اندر راگ ترانہ، ترےَگُن اتیِتا آپ سُنائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارے اپنی کار کمائیندا۔ سچکھنڈ دوارے ساچی ونڈ، حُکمے اندر آپ کرائیا۔ سچکھنڈ دوارے کھیل سربنگ، سربنگ اپنی کرنی آپ جنائیا۔ سچکھنڈ دوارے منگے منگ، بن بِھکھاری جھولی ڈاہیِا۔ سچکھنڈ دوارے گائے چھند، سوہلا ڈھولا اِک الائیا۔ سچکھنڈ دوارے ہو بخشند، بخشش اپنی دئے ورتائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ حُکمے اندر بےپرواہ، اپنی دھار چلائیندا۔ حُکمے اندر صِفت صالاح، دُھر سندیسہ آپ الائیندا۔ حُکمے اندر بن ملاح، کھیوٹ کھیٹا ناؤں دھرائیندا۔ حُکمے اندر رہبر بن خُدا، نوُر نوُرانہ ڈگمگائیندا۔ حُکمے اندر پردہ دئے اُٹھا، مُکھ نقاب نہ کوئے رکھائیندا۔ حُکمے اندر محبان بیِدو لئے اکھوا، بی خیَر یا االلہ اِلاہی نوُر پڑدہ لاہِندا ۔ حُکمے اندر مقامے حق دئے وسا، حقیِقت اپنے وِچ چُھپائیندا۔ حُکمے اندر تاریِک اندھیرا دئے مِٹا، نوُر نوُرانہ چند چمکائیندا۔ حُکمے اندر لاشریِک بن خُدا، شِرکت سب دی آپ گوائیندا۔ حُکمے اندر تعریِف کر دئے دُعا، تُعارف اپنا آپ جنائیندا۔ حُکمے اندر معرفت مارگ دیوے لا، سفارش ہور نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی ہرِ کرتار، آد جُگاد کرائیا۔ مدھ کھیل اگمّ اپار، الکھ اگوچر وڈ وڈیائیا۔ دُھر درباری بن بِھکھار، در اپنی الکھ جگائیا۔ دیونہارا سچ بھنڈار، سَت سَتوادی آپ ورتائیا۔ گرِہ مندر ہو تیار، ساچا بنک اِک سُہائیا۔ اَنتر آتم نام جَیکار، انادی ناد سُنائیا۔ لیکھا جان دُھر دربار، دُھر دی بانی بان لگائیا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، سچکھنڈ دوارا ہرِ نِرنکارا اِکو رہیا سُہائیا۔ سچکھنڈ دوار
سُہائیندا۔ سو پُرکھ نِرنجن سوبھا پائیندا۔ ہرِ پُرکھ نِرنجن آسن لائیندا۔ ایکنکارا بل ودھائیندا۔ آد نِرنجن ڈگمگائیندا۔ ابناسی کرتا سیِس تاج ٹِکائیندا۔ سِری بھگوان سچ نِشان جھُلائیندا۔ پاربرہم پربھ نِرگُن ویکھ وکھائیندا۔ سچکھنڈ رنگ چڑھائیندا۔ مقامے حق کُنڈا لاہِندا۔ شبد سُت اِک جگائیندا۔ ساچی رُت سرب وکھائیندا۔ ابناسی اچُت کھیل کرائیندا۔ برہمنڈ کھنڈ وسائیندا۔ وِشن اپنی دھار جنائیندا۔ برہما کول روُپ سمائیندا۔ شنکر دھوُاں دھار اُٹھائیندا۔ ستو اپنا رنگ چڑھائیندا۔ رجو راج جوگ رکھائیندا۔ طمو ترِسنا نال مِلائیندا۔ وِشن برہما شِو آسا پوُر کرائیندا۔ شبدی ناد دُھن وجائیندا۔ برہم برہماد ویکھ وکھائیندا۔ سجّن ساک آپ ہو جائیندا۔ پاکی پاک نوُر ڈگمگائیندا۔ دُھر فرمانا ساچا رانا اِکو حُکم سُنائیندا۔ ترےَ ترےَ میِتا اِک اتیِتا، ساچا مارگ آپ جنائیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ کمائیندا۔ ساچی کرنی کردا آیا، سو پُرکھ نِرنجن وڈّی وڈیائیا۔ ترےَگُن مایا کھیل رچایا، ترےَ ترےَ لیکھا سچ سمجھائیا۔ ترےَ ترےَ میلا آپ مِلایا، وِشن برہما شِو کر کُڑمائیا۔ ترےَ ترےَلوکی ونڈ ونڈایا، سچ سلوکی نام جنائیا۔ کوٹی کوٹ ویس وٹایا، نِرگُن سرگُن سرگُن نِرگُن بندھن پائیا۔ انڈج جیرج اُتبُھج سیتج رنگ چڑھایا، چارے کھانی انگ لگائیا۔ ساچا گھاڑن گھڑ وکھایا، لکھّ چؤراسی بنت بنائیا۔ نام نِدھانا اِکو گایا، نِروَیر کرے پڑھائیا۔ ہڈ ماس ناڑی چمّ جگت مندر اِک وسایا، اندر اپنا آپ چُھپائیا۔ نؤ دوارے راہ چلایا، آسا ترِسنا ہؤمے ہنگتا مایا ممتا میل مِلائیا۔ کام کرودھ لوبھ موہ ہنکار بن منگتا منگن اِکو جھولی ڈاہیِا، جوتی جوت سروُپ ہرِ، آپ اپنی کِرپا کر، ساچی کھیل آپ رچائیا۔ ساچی کھیل گھاڑن گھڑ، نِرگُن سرگُن ویکھ وکھائیندا۔ وِشن برہما شِو آپے پھڑ، پھڑ باہوں حُکم منائیندا۔ اِکو اکھّر رہیا پڑھ، نِش اکھّر آپ جنائیندا۔ دیونہارا ساچا ور، ور اپنی جھولی پائیندا۔ نِہکرمی اپنا کرم کر، کرنی اپنے ہتّھ رکھائیندا۔ وِشنوُں بھنڈارا آپے بھر، سِر اپنا ہتّھ ٹِکائیندا۔ برہمے لائے اپنے لڑ، پاربرہم انگیکار اکھوائیندا۔ جوتی جوت سروُپ ہرِ، آپ اپنی کِرپا کر، شنکر وکھا ایکا گھر، شاکر اپنے اُتے کرائیندا۔ وِشن برہما شِو ساچا میلا، آد آد کرائیا۔ شبد گُروُ گُروُ گُر چیلا، گُر ایکا بندھن پائیا۔ لکھّ چؤراسی سجّن سُہیلا، گھر اپنا ڈیرہ لائیا۔ وسنہارا سد نویلا، گرِہ مندر سوبھا پائیا۔ آتم پرماتم پرماتم آتم اچرج کھیل آپ پربھ کھیلا، بھیوَ کِسے نہ آئیا۔ پاربرہم برہم آد جُگادی چاڑھے تیلا، ساچا سگن منائیا۔ جوتی جوت سروُپ ہرِ، آپ اپنی کِرپا کر، لکھّ چؤراسی وِچ سمائیا۔ لکھّ
چؤراسی ہرِ جوُ وڑیا، نِرگُن نظر کِسے نہ آئیندا۔ ساچے مندر آپے چڑھیا تخت نِواسی ڈیرہ لائیندا۔ نِروَیر پُرکھ نِرنکار نِش اکھّر آپے پڑھیا، لِکھن پڑھن وِچ کدے نہ آئیندا۔ نہ جنمے نہ کدے مریا، مات پِت نہ کوئے بنائیندا۔ آپے وسے اپنے گھریا، سچکھنڈ ساچے سوبھا پائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ رچائیندا۔ اپنا کھیل لکھّ چؤراسی، سِری بھگوان ونڈ ونڈائیا۔ لیکھا جان پرِتھمی آکاشی، گگن منڈل سوبھا پائیا۔ منڈل منڈپ ساچی راسی، گوپی کاہن ناچ نچائیا۔ نِرگُن جوت جوت داسن داسی، بن سیوک سیو کمائیا۔ آتم پرماتم بھوگ بلاسی، بھسمڑ اِکو سیج ہنڈھائیا۔ جوتی جوت سروُپ ہرِ، آپ اپنی کِرپا کر، ساچی دھار آپ جنائیا۔ ساچی دھار چلائیندا۔ لکھّ چؤراسی جوت جگائیندا ۔ نام چوٹ اِک لگائیندا۔ اوت پوت ویکھ وکھائیندا۔ قِلعے کوٹ سُہائیندا۔ راج راجان وڈیائیندا۔ حُکم حاکم منائیندا۔ آتم پرماتم اُٹھائیندا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیندا۔ اپنا کھیل وکھائے ایکنکار، اکل کلا وڈیائیا۔ لکھّ چؤراسی کر تیار، ترےَگُن اتیِتا وِچ سمائیا۔ ساچی کرنی کرے وِہار، بِوہاری بےپرواہیِا۔ سُت دُلارے کر پیار، ابناسی اچُت جنائیا۔ اُٹھ بال نؤجوان، سمرتھ رہیا ہِلائیا۔ گھٹ گھٹ تیرا جھُلے نِشان، جھلک اِکو اِک جنائیا۔ وِشن برہما شِو دے گیان، سَت سندیسہ اِک سُنائیا۔ آد جُگاد منّن اِکو آن، دوُجا اِشٹ نظر نہ آئیا۔ سرب دا داتا سِری بھگوان، سچکھنڈ بَیٹھا سچّا ماہیِا۔ کھیلے کھیل آپ مہان، کھیلنہار نظر نہ آئیا۔ نِرگُن سرگُن دیوے دان، داتا دانی دَیا کمائیا۔ جوتی جوت سروُپ ہرِ، آپ اپنی کِرپا کر، شبدی سُت سُت جنائیا۔ شبد سُت کر اسیِس، پربھ اَگے سیِس جھُکائیندا۔ صاحِب سُلطان تیری سدا اسیِس، دوئے جوڑ واسطہ پائیندا۔ وِشن برہما شِو دیاں حدیِث، ساچا منتر اِک پڑھائیندا۔ تیرا ناؤں سدا اتیِت، در گھر ساچا اِک وکھائیندا۔ تیرا سوہلا ڈھولا نِرگُن گیِت، لکھّ چؤراسی آتم پرماتم میل مِلائیندا۔ تیرا کھیل سدا انڈیِٹھ، نظر کِسے نہ آئیندا۔ میری ننگی ہون نہ دیویں پیِٹھ، اِک تیری اوٹ تکائیندا۔ تُوں سجّن صاحِب میِت، مِتر پیارا اِک اکھوائیندا۔ دھرنی دھرت دھوَل چلاواں ریِت، تیرا ناؤں صِفت صالاحِندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، شبد سُت سُت دُلارا نِیوں نِیوں کرے در نِمسکارا، بن بردا سیِس جھُکائیندا۔ ہؤں بردا درویش، در تیرے الکھ جگائیا۔ تُوں صاحِب سُلطان نریش، بےاَنت تیری وڈیائیا۔ سیوا لاواں برہما وِشن مہیش گنیش، حُکمی حُکم اِک منائیا۔ پھیر وساواں تیرا دیس، دہ
دِشا کھوج کھوجائیا۔ نِرگُن سرگُن دھراں ویس، ویس اولّڑا وڈ وڈیائیا۔ پاربرہم برہم کر پرویش، اوتار گُر گُر روُپ وٹائیا۔ دُھر دی بانی سچ سندیسہ تیرا لِکھاں لیکھ، مہما اکتھ کتھ الائیا۔ میَں تیرا تُوں میرا تُوں مَینوُں لئیں ویکھ، تُدھ بِن نظر کوئے نہ آئیا۔ آد جُگاد جُگا جُگنتر لکھّ چؤراسی اندر کراں ہیت، نِت نوِت راہ تکائیا۔ جُگ چؤکڑی کھیلیں کھیڈ، بن کھڈاری کھیل رچائیا۔ تیرا کوئے نہ پائے بھیت، ابھیوَ تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے جھولی ڈاہیِا۔ سِری بھگوان دَیا کمائیندا۔ سُت شبد سمجھائیندا۔ اِکو راہ وکھائیندا۔ اِکو مکان بنائیندا۔ اِکو نام جپائیندا۔ اِکو دھیان لگائیندا۔ اِکو راگ سُنائیندا۔ اِکو ساک بنائیندا۔ اِکو واک الائیندا۔ اِکو تاک کُھلائیندا۔ اِکو گھاٹ بُجھائیندا۔ اِکو واٹ مُکائیندا۔ اِکو ذات بنائیندا۔ اِکو دات ورتائیندا۔ اِکو ساتھ نِبھائیندا۔ اِکو ناتھ اکھوائیندا۔ اِکو جاگ کُھلائیندا۔ اِکو وَیراگ اُپجائیندا۔ اِکو منتر پڑھائیندا۔ سوہنگ روُپ سمجھائیندا۔ شبد سُت سیوا لائیندا۔ ابناسی اچُت ویکھ وکھائیندا۔ رُت بسنتی آپ سُہائیندا۔ جوت نِرنجن ڈگمگائیندا۔ چرن دھوُڑ مجن اِک کرائیندا۔ سجّن صاحِب اِکو نظری آئیندا۔ راگ ناد طرز تال اِک وجائیندا۔ جن بھگتاں ویکھ وکھائیندا۔ لاشریِک راہ چلائیندا۔ بے نظیِر پھیرا پائیندا۔ سچ تصویِر آپ پرگٹائیندا۔ تدبیِر اپنے ہتّھ رکھائیندا۔ تقدیِر سب دی آپ بدلائیندا۔ تقصیِر آپ میٹ مِٹائیندا۔ شرع زنجِیر آپ بنائیندا۔ برہماویتا آپ پڑھائیندا۔ چارے ویداں آپ مِٹائیندا۔ شاستر سِمرت پُران پاؤنا پائیندا۔ گیِتا گیان کھوج کُھجائیندا۔ اِنجیِل قُرآن پڑدہ لاہِندا۔ کھانی بانی وڈ وڈیائیندا۔ شبدی روُپ گُر سمجھائیندا۔ شاہو بھوُپ اِکو نظری آئیندا۔ سچکھنڈ دوارے سوبھا پائیندا۔ جُگ کرنی کر وکھائیندا۔ تیئی اوتاراں راہ جنائیندا۔ بھگت بھگوان آپ اُٹھائیندا۔ سنت ساجن میل مِلائیندا ۔ کنت اِکو نظری آئیندا۔ رنگ بسنت اِک چڑھائیندا۔ ہؤمیں ہنگتا گڑھ تُڑائیندا۔ گُرمُکھاں پڑدہ آپے لاہِندا۔ بند کِواڑ کُھلائیندا ۔ گُرسِکھ سوئے مات اُٹھائیندا۔ دُرمت مَیل دھوئی، پتت پُنیِت کرائیندا۔ سَتجُگ تریتا دواپر کلجُگ ونڈ ونڈائیندا۔ کھانی بانی راہ جنائیندا ۔ کھتری براہمن شوُدر وَیش کھیل کھلائیندا۔ راج راجان شاہ سُلطان سیِس جگدیِش تاج ٹِکائیندا۔ راؤ رنک اوُچ نیِچ جگت جُگت ونڈ ونڈائیندا ۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا۔ ساچی کرنی کرے آد جُگاد، جُگ جُگ وڈّی وڈیائیا۔ لیکھا جان برہم برہماد، پاربرہم اپنے وِچ چُھپائیا۔ دو جہاناں وجےّ ناد، پُری لوء آپ
جنائیا۔ چؤداں لوک کھیل تماش، پرلوک کھوج کھوجائیا۔ چؤداں طبق بنائے شاخ، شہنشاہ اپنی دَیا کمائیا۔ جوتی جوت سروُپ ہرِ، آپ اپنی کِرپا کر، اپنی کرنی آپ کمائیا۔ اپنی کرنی کرے کرتا پُرکھ، پُرکھوتم وڈ وڈیائیا۔ نہ کوئی سوگ نہ کوئی ہرکھ، چِنتا غم نہ کوئے جنائیا۔ آد جُگاد جُگا جُگنتر نِرگُن سرگُن دیوے درس، آتم پرماتم ہوئے سہائیا۔ امرت میگھ آتم دان دیوے برس، جھِرنا نِجھر اِک جھِرائیا۔ جُگ چؤکڑی لاہوے قرض، مقروُض رہن کوئے نہ پائیا۔ صاحِب سُلطان پوُرا کرے اپنا فرض، فرضی کار نہ کوئے سمجھائیا۔ سدا سدا سد رکھے اپنی غرض، غفلت وِچ کدے نہ آئیا۔ سَتجُگ تریتا دواپر کلجُگ شاستر سِمرت وید پُران اِنجیِل قُرآن گیِتا گیان کھانی بانی گُر اوتار پیِر پَیغمبر کر کے گئے عرض، دوئے جوڑ آرزوُ اِک جنائیا۔ کھانی بانی راگ ناد تیرا گاؤندے راگ ناد تال طرز، تلواڑا تیرا نظر کِسے نہ آئیا۔ گُردیو سنت سجّن بھگت بھگوَنت گُرمُکھ گُرسِکھ گُر گُر سِکھیا دے دے گئے ورج، واحِد اِکو نام دِرڑائیا۔ جوتی جوت سروُپ ہرِ، آپ اپنی کِرپا کر، کرنی اپنی آپ کمائیا۔ اپنی کرنی کرے پُرکھ اکال، اکل کلا اکھوائیندا۔ وسنہارا سچکھنڈ سچّی دھرمسال، دھرم دوارا اِک کُھلائیندا۔ جُگ چؤکڑی ہو دَیال، دیِنن اپنے گلے لگائیندا۔ مارگ منتر نام تت برہم مت راہ دسّ سُکھال، ساچے دھندے آپے لائیندا۔ سَتگُر پوُرا نِرگُن سرگُن سوُرا ناتا توڑ کال مہاکال، بےحال اپنے چرن بہائیندا۔ آد اَنت جُگا جُگنت سِری بھگوَنت دُھر دا کنت اپنا بچن کرے پوُرا، نہ کوئی میٹے میٹ مِٹائیندا۔ گُر اوتار پیِر پَیغمبر درس منگدے رہے در حضوُرا، حضرت اِکو ویکھ وکھائیندا۔ جوتی جوت سروُپ ہرِ، آپ اپنی کِرپا کر، دُھر سندیسہ نر نریشا ایکنکارا آپ جنائیندا۔ سچ سندیسہ ایکنکار، نِرگُن اپنا آپ جنائیا۔ دُھر فرمانا سُنو کھول کِواڑ، خالق خلق آپ جنائیا۔ نیتر کھولو وِشن برہما شِو ہووو بے دار، آلس نِندرا رہیا گوائیا۔ گُر اوتار کرو وِچار، وِچلا بھیوَ رہیا کُھلائیا۔ پیِر پَیغمبر کرو گُفتار، گُفت شُنید مُرشد مُریِد اپنا پڑدہ لاہیِا۔ بھگت بھگوان کرو یاد، سُنے فریاد، جِس رچنا رچی آد، انتم نِرگُن ویکھن آئیا۔ ساچے سنت منّو کنت پوُرن بھگوَنت، لیکھا جانے جیِو جنت، لکھّ چؤراسی وِچ سمائیا۔ دھیان کرو گُرمُکھ دُئی دوَیت مِٹاؤ دُکھ، مایا ممتا مِٹے بُھکھ، سفل ہوئے مات کُکھ، سُکھ سَتگُر اِکو نظری آئیا۔ گُرسِکھ چرن جائے جھُک اَگے پیَنڈا جائے مُک، نظری آئے جو بَیٹھا لُک، آتم اَنتر پڑدہ لاہیِا۔ لکھّ چؤراسی لئے پُچھ، خالی ہتّھ روون کول نہ کُچھ، ناتا تُٹیا سچ سُچ، کوُڑی کِریا جگت کُڑمائیا۔ بِن گوبِند سچّا نظر نہ آئے
کوئی پُت، کھیلے کھیل ابناسی اچُت، کلجُگ ویکھے مؤلی رُت، رُت رُتڑی آپ مہکائیا۔ نِرگُن داتا پئے اُٹھ، بھگتاں اُپر جائے تُٹھ، امرت جام دیوے گھُٹ، آون جاون جائے چُھٹ، لکھّ چؤراسی پھند کٹائیا۔ کلجُگ جڑ دیوے پُٹ، شؤہ دریائے دیوے سُٹ، مُڑ کے پھیر نہ سکے اُٹھ، سَتجُگ بچّہ لئے جگائیا۔ کوُڑی کِریا کڈھے کُٹ، نار دُہاگن وڈّھے گُت، بچیا رہے نہ کوئی کِسے گُٹھ، نؤ کھنڈ پرِتھمی ستّ دیِپ دہ دِشا ویکھ وکھائیا۔ سَتگُر پوُرا پُرکھ اکال دیِن دَیال شہنشاہ شیر اِکو پئے بُک، سب دا بھنےّ خاکی چمّ بُت، خالی وکھائے اِکو ٹُھٹھ، ٹھوکر سب نوُں دئے لگائیا۔ جوتی جوت سروُپ ہرِ، آپ اپنی کِرپا کر، نِرگُن داتا اِکو ایک نظری آئیا ۔ اِکو اِک نظری آویگا۔ پاربرہم پربھ ویس وٹاویگا۔ جوتی جامہ مات پاویگا۔ سچ سلوکی راگ سُناویگا۔ کوٹن کوٹی برہمنڈ چرناں ہیٹھ رکھاویگا۔ وِشن برہما شِو کُرلاویگا۔ ہرِ کا بھیوَ کِسے نہ آویگا۔ نِرگُن سرگُن ویکھ وکھاویگا۔ اَوگُن کوُڑ پار کراویگا ۔ گُنونتا گُن راہ جناویگا۔ غریِب نِمانیاں پُکار سُن، پھڑ باہوں گلے لگاویگا۔ وڈ ہنکاریاں وڈ جروانیاں نِشان مِٹاویگا۔ جوتی جوت سروُپ ہرِ، آپ اپنی کِرپا کر، اپنا کھیل کراویگا۔ اپنا کھیل کریگا۔ پربھ کِسے کولوں نہ ڈریگا۔ ساچے تخت آپے چڑھیگا ۔ سِر جگدیِش تاج دھریگا۔ نہ جنمے گا نہ مریگا۔ جو چاہے سو کریگا۔ بِن کھنڈیوں تیِر کمانوں لڑیگا۔ جوتی جوت سروُپ ہرِ، آپ اپنی کِرپا کر، اِکو اکھّر نام پڑھیگا۔ اِکو اکھّر پڑھاواں گا۔ ساچا کھیل کراواں گا۔ گُر اوتار نال رلاواں گا۔ پیِر پَیغمبر پڑدہ لاہواں گا۔ نوُر اِکو نظری آواں گا۔ ظہوُر اپنا سچ درساواں گا۔ کوُڑا فتُور اَنت مِٹاواں گا۔ غروُر غُربت خاک مِلاواں گا۔ بےقصوُر سرب بچاواں گا۔ دستُور اِک وکھاواں گا۔ کلجُگ ضرور کھپاواں گا۔ شاہ غفوُر اِکو نَین کُھلاواں گا۔ مُکھیا مُکھ کراواں گا۔ شمس اپنی جوت رلاواں گا۔ شمع اِکو دیِپ جگاواں گا۔ چؤداں لوکاں طمع مِٹاواں گا۔ محمد نیتر نَیناں نال مِلاواں گا۔ عیسیٰ اُنگلیاں اُتے نچاواں گا۔ موُسیٰ ڈِگا پھیر ہِلاواں گا۔ تیئی اوتار پِچھلا کیِتا سب وکھاواں گا۔ نانک نِرگُن اپنا رنگ چڑھاواں گا۔ گوبِند ڈنکا سچ وجاواں گا۔ راؤ رنک اُٹھاواں گا۔ برہمنڈ کھنڈ سمجھاواں گا۔ سرِشٹ سبائی راہے پاواں گا۔ چار ورن اٹھاراں برن ذات پات کھپاواں گا۔ پُرکھ اکال دیِن دَیال ساچی سرن درِشٹ اِشٹ اِک جناواں گا۔ پروردِگار سانجھا یار نوُر اِلاہی اِکو نوُر دھراواں گا۔ رام رمئیا کر پیار، سچ گھنئیا مُکند منوہر لکھمی نرائن بنسری نام سُناواں گا۔ شبد سُت بالا نِکاّ وڈّا چھوہر، روُپ انوُپ آپ جناواں گا۔ کلجُگ کوُڑ کُڑیارا انتم روڑھ، لوہڑا
گھر گھر پیا وکھاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُر اوتار پیِر پَیغمبر چار جُگ دی پِچھلی کیتی، ورن گوت دی جگت ریِتی، مندر مسیِتی شِودوالے مٹھ بھیوَ چُکاواں گا۔ گُر اوتار ویکھن نَین، اَنت نَینن نَین درسائیا۔ کلجُگ اَنت اندھیری رَین، ساچا چند نظر نہ آئیا۔ ناتا تُٹیا بھائی بھَین، مات پِت پوُت نہ کوئے وڈیائیا۔ رسنا جِہوا نام سارے کہن، ہِردے ہرِ نہ کوئے وسائیا۔ صاحِب سَتگُر دیِن دَیال ابناسی کرتا مِلیا نہ سجّن سیَن، کوُڑا ناتا جگت بندھائیا۔ چار کُنٹ دہ دِشا نؤ کھنڈ ستّ دیِپ لکھّ چؤراسی جم کی پھاسی لاڑی مؤت کھائے ڈَین، کال اپنا کال وکھائیا۔ بھگت بھگوَنت ساچے سنت گُرمُکھ سجّن وِرلے رہن، جِنہاں رہبر مِلیا سچّا ماہیِا۔ شاہ سُلطان راج راجان جنگل جوُہ اُجاڑ پہاڑ سمُند ساگر ڈوُنگھی کَندر اؤجھڑ راہے پَین، ساچا راہ نظر نہ آئیا۔ نیتر کھولن ویکھن اُچا نظر نہ آئے جِس دی صِفت وید پُران کہن، جو بھانا رہیا ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نوَ نؤ چار چؤکڑ کوٹن کوٹ کال حُکمے اندر بِتائیا۔ گُر اوتار کھول اکھّ، اکھّ رہے بدلائیا۔ پُرکھ اکال لکھّ چؤراسی بھانڈے سکھ، نانک شبد نہ کوئے کمائیا۔ ساچا مارگ آئے دسّ، ورن برن نہ کوئے لڑائیا۔ من واسنا کرو وس، آتم پرماتم میل مِلائیا۔ سِری بھگوان ساچا جس، دوُجی صِفت نہ کوئے صالاحیِا۔ کلجُگ جیِو سارے گئے نٹّھ، ساچا حُکم نہ کوئے منائیا۔ ناتا جُڑیا تت اٹّھ، نوَ در در ہلکائیا۔ ناؤں نِرنکار نہ لیا رٹ، رٹّا پیا جگت لوکائیا۔ دُئی دوَیت وجّا پھٹّ، پٹّی نام نہ کوئے بندھائیا۔ دیِن مذہب جھگڑا ہٹّ، سودا ہٹّ نہ کوئے وکھائیا۔ دھرم جڑ دِتی کٹّ، ادھرم رہیا لہرائیا۔ سادھ سنت دھیِاں بھَیناں رہے تکّ، نیتر گیان نہ کوئے کُھلائیا۔ راج راجاناں سچّے صاحِب اُتے پیا شکّ، شِکوہ کوئے نہ پوُر کرائیا۔ کوُڑی مایا کہن ساڈا حق، حقیِقت سمجھے نہ کوئے رائیا۔ کایا چولا چیِتھڑ رہیا پھٹ، نام سوُئی نال نہ کوئے سوائیا۔ پیِر پَیغمبر پِچھے ویکھن ہٹ، اَگے چرن نہ کوئے اُٹھائیا۔ کلمہ نبی رسوُل جو آئے دسّ، کائنات سمجھائیا۔ انتم سارے ہوئے بے بس، بِہبل اُمت رہی کُرلائیا۔ صدی صدیوی راہ تکّ، اکھّیں نیویں دھیان رکھائیا۔ بوُٹا رہیا پکّ، محمد پکّی طرح گیا سمجھائیا۔ صدی چؤدھویں پروردِگار سچ اِمام ہوئے پرگٹ، اِکو نوُر ظہوُر اِلاہیِا۔ ویکھنہارا حسن حُسین دی رتّ، حُسن سب دا دئے گوائیا۔ مُلّا شیخ مسائق ماری جائے مت، مسلہ حل نہ کوئے کرائیا۔ کوُڑی کِریا وِچ جان پھس، فتویٰ سب دے اُتے لائیا۔ کرے نبیڑا حق حق، عدل عادل اِک کمائیا۔ جوتی جوت سروُپ ہرِ، آپ
اپنی کِرپا کر، کلجُگ انتم کھیل کرائیا۔ کلجُگ انتم آواں گا۔ ساچی کھیل کراواں گا۔ پِچھلا لیکھا پوُرا کر وکھاواں گا۔ بھرم بُھلیکھا کڈھاواں گا۔ دیس پردیساں پھیرا پاواں گا۔ جگت نریشاں آپ اُٹھاواں گا۔ نام سندیسہ اِک سُناواں گا۔ کلجُگ کوُڑا بُھلیکھا میٹ مِٹاواں گا۔ جوتی جوت سروُپ ہرِ، آپ اپنی کِرپا کر، پیِر پَیغمبر آپ پڑھاواں گا۔ پیِر پَیغمبر پڑھنگے۔ در دوارے کھڑنگے۔ نِربھےَ کولوں ڈرنگے۔ چرنی سیِس دھرنگے۔ طوبیٰ طوبیٰ کرنگے۔ جینودے ہی مرنگے۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اِکو سرنی پڑنگے۔ ساچی سرن پاواں گا ۔ کلمہ اِک دِرڑاواں گا۔ عُلما آپ سمجھاواں گا۔ عالم اِک رکھاواں گا۔ کالم اِک بناواں گا۔ آدم آپ درساواں گا۔ پوَن ہوا جناواں گا۔ اَون گوَن ویکھ وکھاواں گا۔ ساچا دامن اِک پکڑاواں گا۔ ضامن ہو کے پھیرا پاواں گا۔ رام رحیِم لیکھ جناواں گا۔ قادر کریِم نظری آواں گا۔ مقام عظیِم اُلشان اِک جناواں گا۔ ساچی تعظیِم اِک رکھاواں گا۔ عالمیِن عادت اِکو پاواں گا۔ مُبین مُحبّت اِک جناواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، چؤداں طبقاں کُنڈا لاہواں گا۔ چؤداں طبقاں کھولاں گا۔ اِکو کلمہ بولاں گا۔ آد اَنت کدے نہ ڈولاں گا۔ اُمت اُمتی آپے رولاں گا۔ ساچے کنڈے تولاں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ویکھاں کھیل پڑدے اوہلے دا۔ پڑدہ اوہلا نقاب پوش، سچ محبوُب آپ اُٹھائیا۔ مقامے حق پوُرا کرے شؤق، شؤہر بنے بےپرواہیِا۔ ویکھنہارا قِلعے کوٹ، کوٹن کوٹ ویس وٹائیا۔ اگمّ اتھاہ بےپرواہ حق نگارے لا چوٹ، سدا بانگ آواز اِک شنوائیا ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیا۔ ساچی کرنی کرے کل، ہرِ وڈّا وڈ وڈیائیا۔ پرگٹ ہو اچھل اچھلّ، ول چھل اپنی دھار جنائیا۔ نِرگُن جوت شبد آپے رل، روُپ رنگ ریکھ نہ کوئے وکھائیا۔ سچ سندیسہ رہیا گھل، شبدی راگ الائیا۔ وسنہارا جل تھل، سمُند ساگر کھوج کھوجائیا۔ لہنا دینا چُکائے اجّ کلّ، کل کاتی میٹ مِٹائیا۔ دو جہان جائن ہل، دھرنی دھرت دھوَل ٹِکن نہ پائیا۔ شاہ سُلطان جگت آسن کوئی نہ بہے ملّ، سیِس تاج نہ کوئے رکھائیا۔ کوُڑی کِریا خاک جانا رل، ہرِ خاکی خاک مِلائیا۔ سچ پرکاش دیِپک اِکو جانا بل، اگیان اندھیر مِٹائیا۔ کھتری براہمن شوُدر وَیش چار ورناں ملِے اِکو پھل، پھل امرت نام کھوائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، سچ سنیہُڑا اِکو نام سُنائیا۔ سچ سنیہُڑا سُنو گیِت، ہرِ گوبِند آپ جنائیندا۔ انتم ناتا تُٹنا
مندر مسیِت، تِھر کوئے رہن نہ پائیندا۔ پُرکھ اکال نِروَیر اِکو رہے اتیِت، محل اٹل سوبھا پائیندا۔ جُگ چؤکڑی لئے جیِت، جیِون جُگت اپنے ہتّھ رکھائیندا۔ کلجُگ اؤدھ رہی بیِت، رفتہ رفتہ پندھ مُکائیندا۔ نِرگُن لیکھا جانے ہست کیِٹ، کیِٹ کیِٹاں پھول پُھلائیندا۔ کروٹ بدل بدلے پیِٹھ، مُکھ اپنا آپ بھوائیندا۔ جن بھگتاں سیِنہ کرے ٹھانڈا سیِت، سیِتل دھار اِک وہائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، نر ہرِ اپنا حُکم منائیندا۔ سچّا حُکم مناویگا۔ حاکم اِک اکھواویگا۔ آتم آپ سمجھاویگا۔ پرماتم میل مِلاویگا۔ ذات پات کھپاویگا۔ امرت بوُند پیاویگا۔ گوبِند میل مِلاویگا۔ سگلی چِند گواویگا۔ نِندک نِندیا مُکھ نہ کوئے رکھاویگا۔ سُت انادی سرب بناویگا۔ برہم برہمادی خوشی جناویگا۔ آد جُگادی رنگ چڑھاویگا۔ سمت بیِس اُنیِس اَنت کھپاویگا۔ االلہ رانی سِر توں لتھے چُنّی، مینڈھی کُھلی آپ وکھاویگا۔ ناتا تُٹے مُسلم سُنّی، سیِس سب دے حُکم جناویگا۔ جوتی جوت سروُپ ہرِ، آپ اپنی کِرپا کر، ایکا حُکم وکھاویگا۔ ایکا حُکم سُنائیگا۔ اَگے سیِس نہ کوئے اُٹھائیگا۔ شاہ سُلطان چرنی لائیگا۔ بیِس بیِسا خوشی منائیگا۔ نوَ نؤ اِکو نظری آئیگا۔ چار چار گنڈھ پوائیگا۔ پنج پنج آواز لگائےگا۔ چھ چھ گھر وکھائیگا۔ ستّ ستّ ناد سُنائیگا۔ اٹھ اٹھ کھوج کُھجائیگا۔ نوَ نؤ پندھ مُکائیگا۔ دسّ دسّ میل مِلائیگا۔ دس اِک گنڈھ پوائیگا ۔ دس دو ونڈ ونڈائیگا۔ دس تِنّ کھنڈ کھنڈ کرائیگا۔ دس چار چنڈ پرچنڈ چمکائیگا۔ دس پنج سوُرا سربنگ ہو جائیگا۔ دس چھے دُئی دوَیتی کندھ ڈھاہیگا۔ دس ستّ رُتی رُت ویکھ وکھائیگا۔ دس اٹّھ راج راجاناں شاہ سُلطاناں در گھر جا آپ سمجھائےگا۔ دس نؤ سرِشٹ سبائی دیوے بھؤں، بچیا کوئے رہن نہ پائیگا۔ دس دس بیِس کِسے چھتر نہ جھُلے سیِس، مایا رانی خالی کھیس، راج راجاناں گھر گھر منگن ڈاہیگا۔ کلجُگ ہوئے اندھیرا تاریِک، سرِشٹ سبائی بنے شریِک، بن وِچولا شِرکت نہ کوئے مِٹائیگا۔ کوُڑی سیاست جائے پیِس، کرے کھیل آپ جگدیِش جگت جُگتی اِک جنائیگا۔ حُکم دیوے صاحِب ٹھیِک، جِس دی عیسیٰ موُسیٰ محمد کردے گئے اُڈیِک، نانک گوبِند دسّدے گئے پریِت، سو پریِتیوان پھیرا پائیگا۔ جِس نوُں لبھدے مندر مسیِت، جِس دا امرت پیِندے لا جھیِک، جِس نوُں مِلیاں دو جہان لَین جیِت، سو جگت ناتا توڑ تُڑائیگا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، کلجُگ تیری انتم ور، ساچے پؤڑے چڑھ چڑھ سوبھا پائیگا۔ ساچا پؤڑا ویکھے چؤتھا، چؤتھے جُگ بھیوَ کُھلائیا۔ پِچھلا لیکھا کرے تھوتھا،
تھوتھی مت گوائیا۔ اَگے سب نوُں دیوے سچّا مؤقع، دُھر فرمانا حُکم جنائیا۔ کِسے نال نہ کرے دھوکھا، دھوکھے وِچ آپ کدے نہ آئیا۔ سَتجُگ مارگ دسےّ سؤکھا، سُتیاں لئے جگائیا۔ نِرگُن نِرگُن ہو کے دیوے ہوکا، اُچی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، چڑھنہارا چؤتھی منزل، مزہ اِکو اِک درسائیا۔ چؤتھی منزل ویکھو مزہ، مظلوُماں آپ جنائیندا۔ کلجُگ ظالم ظُلم دیون والا سزا، صاحِب اپنا کھیل کرائیندا۔ سب دے سِر تے کوُکے قضا، کال اپنا ڈنک وجائیندا۔ کلجُگ گھر گھر کردا گجا، سچ سُچ کِسے گھر رہن نہ پائیندا۔ بُھکھا ننگا پِھردا بھجّا، واہو داہی پندھ مُکائیندا۔ جوتی جوت سروُپ ہرِ، آپ اپنی کِرپا کر، اپنا پندھ آپ مُکائیندا۔ ساچا پندھ مُکائے صاحِب سُلطان، سو پُرکھ نِرنجن وڈّی وڈیائیا۔ نِرگُن داتا ہو پردھان، سچ پردھانگی اِک کمائیا۔ عیسیٰ موُسیٰ محمد ناتا تُٹے اِنجیِل قُرآن، مسلہ اِکو اِک جنائیا۔ شرع رہے نہ کوئے شیَطان، شریِعت اپنے وِچ چُھپائیا۔ اِک درسائے سچ اِیمان، اِمام اِکو نظری آئیا۔ نِروَیر دے پَیغام، قہر کلجُگ دئے گوائیا۔ شاعر کرے نہ کوئے بیان، صِفت صِفت نہ کوئے صالاحیِا۔ الف یے نہ پائے مقام، بےمقام بےپرواہیِا۔ نُقطہ نوُن نہ کوئے حَیران، عین اکھّ نہ کوئے کُھلائیا۔ غفلت وِچ ہوئے غلطان، غالب کوُڑی کِریا سِر تے چھائیا۔ مسکرا بنیا نال شیَطان، نٹوُآ اپنا ناچ نچائیا۔ پنجے وقت نماز نمازی سکے نہ کوئے پہچان، نوُر نظر کِسے نہ آئیا۔ بِن مُرشد بِن کلمے سارے ہوئے حرام، رحمان نظر کوئے نہ پائیا۔ پیِر پَیغمبر دیون آپ بیان، بیوہ ہوئی سرب لوکائیا۔ خاوند دِسے نہ کِسے نال، خؤنت کنت نہ کوئے ہنڈھائیا۔ نظر آئے نہ نار رکان جوبن متی، اپنے پتی پرم پُرکھ دھیان لگائیا۔ چرن کوَل نہ کوئی ستی، رتّ سُکائے نہ کوئے رتّی، پلنگ رنگیِلا نہ کوئے ہنڈھائیا۔ الف عارفاں پڑھی نہ کوئے پٹّی، یے یُگتی کوئی نہ دسّی، مُفتو مُفتی اپنا آپ گئے گوائیا۔ کلجُگ انتم االلہ رانی چتُر سُگھڑ سوانی ہوئی ہّکی بّکی، نیتر نَین نَین شرمائیا۔ پروردِگار سانجھا یار سب دی جڑ رہیا پٹّی، اُکھیڑا اِکو اِک لگائیا۔ چؤداں طبق دِسن خالی ہٹّی، ہٹوانا نظر کوئے نہ آئیا۔ ہتّھ وِچ لےَ کے مؤلی اّٹی، تند تند نال تُڑائیا۔ مکّے کعبیوں آئی نٹّھی، تھلاں وِچ دیندی درد دُہائیا۔ میری پت کِسے نہ رکھی، سِر سالوُ نہ کوئے ٹِکائیا۔ چاروں کُنٹ ماری گئی متی، متوالی ہوئی لوکائیا۔ مَینوُں ویکھ کے پیَندی غشی، سُرت سنبھل نہ سکاں رائیا۔ جِس دے بِرہوں وَیراگ وِچ تڑپھدی رہی مچّھی، سو سمُند اپنا نیِر نہ کوئے پیائیا۔ میَں کوجھی کملی ہوئی کچیّ، کُچیل اپنا آپ نظری آئیا۔ کِیوں میری اُمت نہ رہی سچّی، بُھلیا بےپرواہیِا۔ میَں
در در جا کے نچّی، مُکھ اپنا گھُنگٹ لاہیِا۔ کِسے مسجد رہنا نہ دیِوا بتّی، قبرستان دین دُہائیا۔ بِن پروردِگار کھٹّی کِسے نہ کھٹّی، کھٹکا گھر گھر رہی جنائیا۔ ویکھو دوزخ بہِشت دو جہان تپدی بھٹّھی، بھانا ہرِ جوُ رہیا ورتائیا۔ کِسے دی رہنی نہیں پنج تت مٹّی، مٹکا سب دا بھنّ وکھائیا۔ پیِر پَیغمبر ویکھو خالی ہتھّیں، نیتر نَیناں نیِر وہائیا۔ گل پا پلّوُ واسطہ رہے گھتی، بن بردے سجدہ سیِس جھُکائیا۔ جوتی جوت سروُپ ہرِ، آپ اپنی کِرپا کر، کلجُگ اپنا کھیل ورتائیا۔ پیِر پَیغمبر تکّن راہ، نَین نَین دھیان لگایا۔ االلہ رانی ہوئی بےپناہ، در نظر کوئے نہ آیا۔ بخشے کوئی نہ جگت گُناہ، اُمت لئے نہ کوئے بچایا۔ ہونا پئے سرب فنا، فتویٰ صادر آپ کرایا۔ چار کُنٹ ہوئے حَیران، ہرِ کا بھیوَ کِسے نہ آیا۔ مُلّا شیخ ہوئے پریشان، پریشانی نہ کوئے گوایا۔ مِلیا حق نہ کوئے اِیمان، آدم روُپ نہ کوئے جنایا۔ بُھلیا حضرت اِک پَیغام، بیڑا کِسے نہ آتم اُٹھایا۔ نِرگُن بدلے اَنت نظام، نغمہ اِکو نام سُنایا۔ پِچھلا رہے نہ کوئے مقام، حُکم اِکو اِک درسایا۔ لیکھا چُکے جگت تمام، تُخم سب دا دئے مِٹایا۔ پرگٹ ہو سِری بھگوان، بھانا اپنا رہیا جنایا۔ چؤداں لوک مِٹے نِشان، نِشانہ اِکو اِک درسایا۔ لیکھا جان دو جہان، دوئے دوئے دھارا راہ وکھایا۔ نیتر پیکھو اِکو رام، گھر گھر بَیٹھا نظری آیا۔ میٹو رَین اندھیری شام، شمع اِکو نوُر رُشنایا۔ سارے بردے بنو غُلام، بریِخانہ دئے وکھایا۔ پیِر پَیغمبر گُر اوتار کلمہ پڑھو کلام، نام سوہلا اِک جنایا۔ ڈھولا گائے آپ بھگوان، پڑدہ اوہلا دئے اُٹھایا۔ مؤلا بنے نؤجوان، نؤبت اپنے نام وجایا۔ چؤتھی منزل ہو پردھان، چؤتھا گھر دئے دسایا۔ نظری آئے اِکو کاہن، گہر گمبھیِر وڈ وڈیایا۔ پہلی چیتر دِوس مہان، چیتا سب نوُں دئے کرایا۔ لیکھا لِکھے آپ جنائے سچ وِدھان، وِدت مان نہ کوئے وڈیایا۔ انتم جھُلنا اِک نِشان، نِشانہ سب نوُں دئے درسایا۔ شاہ سُلطاناں چرنی ڈِگنا آن، چرن چرنودک مُکھ چوایا۔ راشٹرپت دئے پَیغام، پرم پُرکھ حُکم سُنایا ۔ پنچم جیٹھ مِلنا پئے نال بھگوان، راج منتر ی نال مِلایا۔ گھر دسّ کے آوے اگلا بیان، جِس دا بھیوَ کِسے نہ آیا۔ جوتی جوت سروُپ ہرِ، آپ اپنی کِرپا کر، پنچم جیٹھ لیکھا ساچا دئے جنایا۔ پنچم جیٹھ دِلّی دوار، در دروازہ آپ کُھلائیا۔ بھارت کھنڈ رہنا خبردار، پاربرہم برہم جنائیا۔ منتر ی منڈل رہنا تیار، منتر اِکو اِک سمجھائیا۔ جِس انتم سب دی پاؤنی سار، ہوئے سرب سہائیا۔ کل کلکی لےَ اوتار، نِرگُن نوُر جوت رُشنائیا۔ لُکیا رہے نہ انتم وار، پڑدہ اپنا آپ اُٹھائیا۔ جوتی سروُپی کرے نہ کوئے گرِفتار، گرِفت وِچ کدے نہ آئیا۔ دو جہاناں آپ مختیار، مُفت اپنا پھیرا پائیا۔ کلجُگ کوُڑا میٹے
وِکار، وِشوَ اپنا راہ جنائیا۔ پنڈت پاندھے لئے اُٹھال، چؤداں وِدیا بھیوَ کُھلائیا۔ لیکھا جانے دیِن دَیال، دیونہارا تھاؤں تھائنیا۔ میل مِلائے شاہ کنگال، شاہ کنگال اِکو روُپ جنائیا۔ سُننہارا مُریِداں حال، مُرشد اپنا پھیرا پائیا۔ پوُت سپوُتا براہمن گؤڑا اُچے ٹِلّے پربت رہے بھال، بھالیاں ہتّھ کِسے نہ آئیا۔ عیسیٰ موُسیٰ محمد سُرت لئے سنبھال، سوانی بھجےّ نہ واہو داہیِا۔ نانک گوبِند بھوِکھت واک لئے پال، واقع ویکھے تھاؤں تھائنیا۔ خاکہ کھِچے بے مثال، قلم شاہی نہ کوئے رکھائیا۔ جوتی جوت سروُپ ہرِ، آپ اپنی کِرپا کر، چؤتھا محلہ اِک اِکلّا ایکنکارا اِک جنائیا۔ چؤتھے مندر چڑھ کے بولے، انبولت بھیوَ جنائیا۔ بھگت جناں دا کُنڈا کھولے، آتم پڑدہ دئے اُٹھائیا۔ نِرگُن ہو کے نِرگُن مؤلے، مؤلا نظر کِسے نہ آئیا۔ سنتن کرے بھار ہؤلے، بھار اپنے کندھ اُٹھائیا۔ گُرمُکھاں وسے سدا کولے، کوَل نابھی امرت جھِرنا آپ جھِرائیا۔ گُرسِکھ ویکھے کایا ڈولے، مُکھ گھُنگٹ پڑدہ لاہیِا۔ نِرگُن سرگُن سُنائے ڈھولے، سوہنگ اِک پڑھائیا۔ ناڑ بہتّر رتّ موُل نہ کھؤلے، سانتک سَت سَت کرائیا۔ من واسنا نہ پائے رؤلے، دہ دِشا نہ اُٹھ اُٹھ دھائیا۔ لکھّ چؤراسی آپے ٹوہ لئے، گھر گھر بَیٹھا ماہیِا۔ اپنی وست رکھے کولے، جِس بھاوے دئے ورتائیا۔ جوتی جوت سروُپ ہرِ، آپ اپنی کِرپا کر، اُچے مندر پھیرا پائیا۔ ساچے مندر چڑھے چھتّ، ہرِجن چھاتی نال لگائیندا۔ اِکو دیوے برہم مت، برہم وِدیا آپ پڑھائیندا۔ چار ورن مارگ دسّ، چار یاری پندھ گوائیندا۔ پُرکھ اکال اِکو نت، ساچا ناتا جوڑ جُڑائیندا۔ آتم پرماتم دیوے دات، داتا دانی جھولی پائیندا۔ سرِشٹ سبائی بنے اِک جماعت، اِکو پٹّی آپ سمجھائیندا۔ اِکو قلم اِک دوات، اِکو شاہی پانی میل مِلائیندا۔ اِکو نوُر اِکو ذات، ظہوُر اِکو کھیل کرائیندا۔ جوتی جوت سروُپ ہرِ، آپ اپنی کِرپا کر، اُچ محلے آسن لائیندا ۔ اُچی چھت دیوے سانت، سَت سَت ورتائیا۔ گُرمُکھاں کڈھے بھرم بھراَنت، بھرم گڑھ تُڑائیا۔ نظری آئے اِک ابناس، ابناسی دَیا کمائیا۔ پہلی چیتر سب دی پوُری کرے خواہش، جو بَیٹھے دھیان لگائیا۔ جوُٹھ جھوُٹھ کرکے فاش فاش، فَیصلہ دیوے دوُر مُکائیا۔ نظری آئے ساکھیات، صاحِب اپنا روُپ وٹائیا۔ سچ سندیسہ دسےّ اِکو بات، ظاہر باطن کر پڑھائیا۔ جوتی جوت سروُپ ہرِ، آپ اپنی کِرپا کر، نیتر نَین اِک درسائیا۔ اُچے مندر کھولے نَین، نَین نَین جنائیا۔ صاحِب سَتگُر آئے لَین، لہنا جھولی پائیا۔ ہرِ سنگت وِچ دسّنا بہن، دُئی دوَیتی پندھ مُکائیا۔ گُرمُکھ ناتا بھائی بھَین، اکھّ اکھّ نہ کوئے اُٹھائیا۔ سَتگُر سرنائی گُرسِکھ ڈھہن، ڈھیَہہ ڈھیَہہ خوشی منائیا۔ اَنت نہ کھائے لاڑی مؤت ڈَین، رائے
دھرم نہ دئے سزائیا۔ صاحِب سَتگُر آئے لَین، چِتر گُپت لیکھا دئے مُکائیا۔ ساچے گھر گُرمُکھ بہن، جِس گھر وجےّ ہرِ ودھائیا۔ گُر اوتار پیِر پَیغمبر بھگت بھگوان گائن اِکو گائن، گہر گمبھیِر خوشی منائیا۔ نہ کوئی دِوس نہ کوئی رَین، سوُرج چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، چؤتھا پد دئے وکھائیا۔ گُرمُکھ ویکھنا چؤتھا پد، پربھاتی آپ جنائیا۔ جُگ جُگ وِچھڑے لئے صدّ، سدّا نام سُنائیا۔ کلجُگ کوُڑی کِریا پار کرو حد، حدوُد کوئی رہن نہ پائیا۔ پاربرہم دی اِکو جدّ، برہم ونڈ ونڈائیا۔ ذات پات اوُچ نیِچ کھہڑا دیؤ چھڈ، سِری بھگوان چرن دھیان لگائیا۔ بِن ہرِ نامے خالی دِسن ہڈّ، جگت وِدیا کمّ کِسے نہ آئیا۔ امرت پیِؤ اِکو نام مدھ، مدھ پیالہ دیؤ رُڑھائیا۔ حلالی کُٹھا کھانا دیؤ چھڈ، جھٹکا جھٹک نہ کوئی کرائیا۔ پربھ سچّے دا مانَو رس، جِس رس وِچ برہما وِشن شِو سمائیا ۔ آتم پرماتم لےَ لؤ حق، حِصّہ اپنا اَنت ونڈائیا۔ سِری بھگوان اَگے بھگتو جاؤ ڈٹ، اپنا بل وکھائیا۔ جِناں چِر ساڈے اندر نہ کھولیں ہٹّ، اپنی سیو کمائیا۔ جوت پرکاش نہ ہووے لٹ لٹ، نِرگُن جوت کرے رُشنائیا۔ پُرکھ اکال تُوں دیندیاں نہ جائیں تھک، تیرے گھر توٹ نہ رائیا۔ نؤ سؤ چؤرانوے چؤکڑی جُگ وینہدیاں گئے تھک، کوَن ویلا نِہکلنک پھیرا پائیا۔ کلجُگ جیِواں کولوں پِھردے بچ بچ، کوئی دیوے نہ دھکا لائیا۔ بہُڑی دروہی خُدا دی پروردِگار کِسے دواریوں ملِے نہ سچ، مندر مسجد شِودوالے مٹھ، کوُڑی کِریا کُکرمی کُکرم کمائیا۔ دھیِرج سنتوکھ چھڈیا سب نے ہٹھ، وِبھچار رہے کمائیا۔ کِسے سنت نہ رہیا سَت، ستی نار نہ کوئے جنائیا۔ کلجُگ سب دی ماری مت، متوالی ہوئی جگت لوکائیا۔ راج راجان شاہ سُلطان حاکم مدرا ہتھّیں پین گٹ گٹ، رسنا بتّی دند نال مِلائیا۔ پِھر اُچی کوُکن پاربرہم دی جڑ دیدیئے پٹّ، ساڈے ہتّھ حُکم اپنا بل جنائیا۔ کوُڑی کِریا ستھر بَیٹھے گھت، وِشا سچ نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، اِکو مارگ دیوے لائیا۔ اِکو مارگ لاویگا۔ ہرِ ساجن سچ مِلاویگا۔ راجن راج سمجھاویگا۔ کاجن کاج رچاویگا۔ لاجن لاج رکھاویگا۔ ناچن ناچ نچاویگا۔ آنچن آنچ لگاویگا۔ جوتی جوت سروُپ ہرِ، آپ اپنی کِرپا کر، جن بھگتاں اِکو گھر وکھاویگا۔ جن بھگتاں اِکو گھر وکھاواں گا۔ اِکو در کُھلاواں گا۔ اِکو نر جناواں گا۔ اِکو ڈر مُکاواں گا۔ اِکو سر نُہاواں گا۔ اِکو گڑھ تُڑاواں گا۔ جوتی جوت سروُپ ہرِ، آپ اپنی کِرپا کر، محل اٹل اِک رُشناواں گا۔ محل اٹل اِک رُشنائیگا۔ نِہچل دھام سُہائیگا۔ استھل گھر
وسائیگا۔ تِھر گھر سوبھا پائیگا۔ سچکھنڈ ڈیرہ لائیگا۔ سو پُرکھ نِرنجن نام دھرائیگا۔ ہرِ پُرکھ نِرنجن پھیرا پائیگا۔ ایکنکارا ویکھ وکھائیگا۔ آد نِرنجن جوت نِرنجن پڑدہ لاہیگا۔ سِری بھگوان سگلا بھیوَ چُکائیگا۔ ابناسی کرتا گھر گھر ویکھ وکھائیگا۔ پاربرہم برہم سمجھائےگا۔ کرم دھرم اِک جنائیگا۔ نِہکرمی نِہکرمی کر وکھائیگا۔ ورن برن ڈیرہ ڈھاہیگا۔ ترن تارن، جوتی جوت سروُپ ہرِ، آپ اپنی کِرپا کر، چؤتھا پد اِک وکھائیگا۔ چؤتھے گھر پہلا قدم، جن بھگتاں آپ رکھائیا۔ لیکھا جانے نِرگُن عدم، اَنت وڈ وڈیائیا۔ سب دے نِرگُن چرن وِچ نِرگُن رکھے پدم، پردہ سرگُن چمڑا اُتے پائیا۔ آتما بند رکھے کایا بدن، پنج تت چولا اِک وکھائیا۔ کر کِرپا جُگ جُگ بھگتاں آوے سدّن، صدا اِکو اِک سُنائیا۔ انتم لہندی دِشا مُسلم لیکھا میلا ہوئے عدن، ادنیٰ سب نوُں دئے کرائیا۔ جلوں تھلوں باہر آئے کڈھن، ڈوُنگھے ساگر پھیرا پائیا۔ بھائیاں کول بھائی آئے چھڈن، کھہڑا جگت لوکائیا۔ گُرمُکھ سچےّ گُر در گجّن، سوہنگ ڈھولا لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، لکھّ چؤراسی آپ پڑھائیا۔ لکھّ چؤراسی اِکو اکھّر پڑھنا، ہرِ سَتگُر آپ پڑھائیا۔ ساچے پؤڑے گھر وِچ چڑھنا، گھر گھر وِچ دئے درسائیا۔ سُرت سوانی شبدی پلّوُ پھڑنا، ایکا گنڈھ پوائیا۔ لیکھا چُکے جمّنا مرنا، جنم مرن رہے نہ رائیا۔ سِری بھگوان اِکو ورنا، کنت بھگوَنت بےپرواہیِا۔ ساچی سیجے سہج سُبھاؤ چڑھنا، اَگے ہو نہ کوئے اٹکائیا۔ مِل کے میل سوہنگ ڈھولا پڑھنا، تُوں میرا میَں تیرا دوُجا نظر کوئے نہ آئیا۔ سَتگُر تیرا بھانا جرنا، پنج تت ماٹی کمّ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا بھیوَ آپ کُھلائیا۔ ساچا بھیوَ کھولے گوبِند، گہر گمبھیِر دَیا کمائیندا۔ نوَ نؤ چار میٹ چِند، پِچھلا لیکھا سب دی جھولی پائیندا۔ دیِن دَیال بن بخشند، بخشش مِہر نظر اُٹھائیندا۔ لہنا دینا چُکا سُرپت اِند، وِشن برہما شِو پندھ مُکائیندا۔ جن بھگتاں امرت آتم دھار دے سِندھ، اپنے ساگر وِچ مِلائیندا۔ آپ پرگٹا انادی بِند، پوُت سپوُتے گود سُہائیندا۔ جودھا سوُربیِر مرگِند، بل اِکو اِک وکھائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، لیکھا اپنے ہتّھ رکھائیندا۔ لیکھا اپنے رکھے ہتّھ، ہتّھو ہتّھ مُکائیا۔ کرے کھیل پُرکھ سمرتھ، سمرتھ وڈّی وڈیائیا۔ لکھّ چؤراسی پائے نتھ، ڈوری اپنا نام بندھائیا۔ بھگت بھگوان کر اِکٹّھ، اِکو وار منزل دئے چڑھائیا۔ اَدھ وِچکار کوئی نہ جائے ڈھٹّھ، اِیڑا پِنگل سُکھمن ٹیڈھی بنک پنچ وِکار آسا منسا کوئے نہ سکے اٹکائیا۔ کر پرکاش نِرمل جوت جگائے لٹ لٹ، نوُرو نوُر
نوُر رُشنائیا۔ گُرمُکھ گُرسِکھ سَت سَتوادی برہم برہمادی مارگ دسّ، آد جُگادی میل مِلائیا۔ جوتی جوت سروُپ ہرِ، آپ اپنی کِرپا کر، سچ سُہنجنی ساچی سیج جن بھگتاں آپ وِچھائیا۔ ہرِ بھگت سیج سُہاونی، سوبھاوَنت ایک۔ سِری بھگوان آپ وِچھاونی، کر آتم بُدھ بِبیک۔ کرے کرائے پوُری بھاونی، پوُرب لیکھا ویکھ۔ میٹ مِٹائے کامن کامنی، دیوے سچ سندیس۔ سیج اِکو نر ہرِ راونی، نِروَیر کھولے بھیت۔ پربھ دیوے سچّی ضامنی، گُرمُکھ جھوُجے ساچے کھیت۔ درس کرائے کرے آہمنو ساہمنی، لیکھا چُکے نیتن نیت۔ گُرمُکھ پوُری کرے بھاونی، اندر وڑ کے دسےّ بھیت۔ لیکھا چُکے بل باونی، سَتجُگ چلے اولّڑی کھیڈ۔ ناتا تُٹے رام راونی، تیِر کمان لائے نہ کوئی چھیک۔ لیکھا جانے کنسا کاہنا شامنی، شہنشاہ کھیل کرے انیک۔ عیسیٰ موُسیٰ محمد کرے سلامنی، علیکم کوئی نہ جانے بھیت۔ نانک گوبِند اِک پہچانی، سَتگُر صاحِب جن بھگتاں لگّن نہ دیوے سیک۔ جوتی جوت سروُپ ہرِ، آپ اپنی کِرپا کر، دیونہارا سچ سندیس۔ سچ سندیسہ سُنو گُرمُکھ، گُرسِکھ ملِے وڈیائیا۔ جنم جنم دا مِٹے دُکھ، دلِدر رہن نہ پائیا۔ سفل ہوئے مات کُکھ، دھنّ دھنّ جنیندی مائیا۔ سِری بھگوان گودی لئے چُک، چُک چُک خوشی منائیا۔ کلجُگ ویلا آیا ڈُھک، نیرن نیر رہیا درسائیا۔ کلجُگ کوُڑی کِریا وِچوں جاؤ اُٹھ، جوُٹھ جھوُٹھ تجائیا۔ سَتگُروُ دوارا لؤ پُچھ، جِس مِلیاں اگلا پِچھلا وچھوڑا رہے نہ رائیا۔ انتم بوُٹا رہیا سُک، ہریا سِنچ نہ کوئے کرائیا۔ ابناسی کرتا بیِس بیِسا بہے نہ لُک، لُکویں کھیل نہ کوئے جنائیا۔ شہنشاہ ہو کے پئے بُک، راشٹرپت دئے سمجھائیا۔ پربھ ساچے دے ساچے بن جاؤ پُت، پِتا پوُت وجےّ ودھائیا۔ پنچم جیٹھ جو گئے رُس، رُسیِاں پھیر نہ کوئے منائیا۔ کِسے ہتّھ نہ رہنا کُچھ، کِشتی کلجُگ رہیا ڈُبائیا۔ منگو دان سیِس جھُک، جھُکویِں کھیل سمجھائیا۔ جو ایس نِشانیوں گیا اُک، نشہ لتھے جگت خُدائیا۔ انتم خالی دِسنے بُت، روُح میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، چار ورن کُھلائے اِکو در، برن اٹھاراں ہوئے سہائیا۔ چار ورن آؤ نٹّھے، چارے کھانی رہیا جنائیا۔ برن اٹھاراں ہو اِکٹّھے، پُران اٹھاراں دئے دِرڑائیا۔ غریِب نِمانیاں ایکا نام رنگ رتےّ، رتّی رتّ کوُڑی دئے سُکائیا۔ وِشوَ دیوے اِکو متے، وِشواس سب دا آپ رکھائیا۔ پہلی چیتر خالی دِسن بھانڈے مدینے مکّے، مطلب حل نہ کوئے کرائیا۔ عیسیٰ موُسیٰ جو بن کے بَیٹھے بھائی سکے، بھاوی سب تے دئے ورتائیا۔ االلہ رانی کِسے دا لےَ کے جائے نہ بھتےّ، ٹھنڈا پانی نہ کِسے پیائیا۔ قُرآن ٹنگے رہ جان اُپر
چھتّے، چھاتی نال نہ کوئے لگائیا۔ خِزاں رُت جھڑنے پتّے، بسنت روُپ نہ کوئے وکھائیا۔ گوبِند ڈنکا اِکو وجےّ فتح، فتویٰ سب دے اُتے لائیا۔ ویکھے کھیل دیگرے بعد یکے، اپنا کھیل رہیا کرائیا۔ جوتی جوت سروُپ ہرِ، آپ اپنی کِرپا کر، کرے درُست ہو کے چُست چوکّنا، نیتروں انّھاں دو جہان پِھرے بھنّا، کِسے کولوں نہ منّاں، پیِر پَیغمبر رہے کُرلائیا۔ انتم کِسے کولوں نہ منّدا، سارے دین دُہائیا۔ ویکھو کھیل سِری بھگوان دا، لوک پرلوک پڑھائیا۔ ناتا توڑے جھوُٹھے گیان دا، شرع ونڈ نہ کوئے رکھائیا۔ نِشانہ مارے تیِر مِہربان دا، مِہر نظر اِک اُٹھائیا۔ لیکھا چُکنا چؤدس بھان دا، چؤدس چند نہ کوئے رُشنائیا۔ ہُن ویلا ہویا نِہکلنک نؤجوان دا، بل سب دے دئے گوائیا۔ پوُرب جنم دے وِچھڑے آپ پچھان دا، جاگدیاں سُتیاں رہیا مِلائیا۔ لہنا چُکے ڈھولے گان دا، راگ ستار تند نہ کوئے ہِلائیا۔ اِکو آسرا رہ جائے سِری بھگوان دا، دوُجی اوٹ نہ کوئے رکھائیا۔ لکھّ چؤراسی بیلا جگت مہمان دا، انتم بستہ سب دا سیِس ٹِکائیا۔ آد جُگادی سرب جیِاں گھٹ آپے کھان دا، جاننہارا نظر کِسے نہ آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کرے کھیل نِگہبان دا۔ نِگہبان ہویا بِن اکھّ، بِن نیتراں ویکھ وکھائیا۔ نِگہبان ہویا پرتکھ، بِن لتّاں بانہواں بھجّا پِھرے واہو داہیِا۔ نِگہبان ہویا پرگٹ، بِن مندر مکان چار دیوار چھپر چھنّ ڈیرہ لائیا۔ نِگہبان کھول ہٹّ، خالق خلق رہیا سمجھائیا۔ نِگہبان نام نِدھان مارے سٹّ، انحد نادی ناد جنائیا۔ نِگہبان دُئی دوَیتی شرع شریِعتی میٹ پھٹّ، گھاؤ اپنی ہتھّیں بند کرائیا۔ جوتی جوت سروُپ ہرِ، آپ اپنی کِرپا کر، راج راجان شاہ سُلطان راؤ رنک اوُچ نیِچ سادھ سنت جیِو جنت آتم پرماتم مارگ دسّ، پاربرہم اِیش جیِو جگدیِش جگدیِشر آپ مِلائیا۔ ہرِ سَتگُر آپ ملندڑا، میلنہار کرتار۔ کلجُگ انتم ویس وٹندڑا، شہنشاہ شاہ سِکدار۔ در درویش آپ اکھوندڑا، منگنہارا بن بِھکھار۔ سوبھاوَنت دھام سُہندڑا، سمبل نگر اگمّ اپار۔ نِرگُن اِکو وِچ وسندڑا، جوتی جاتا ہو اُجیار۔ نام ڈنکا اِک سُنندڑا، سَت سَتوادی کھیل اپار۔ دو جہاناں ویکھ وکھندڑا، لوآں پُریاں برہمنڈاں کھنڈاں وسے باہر۔ سنت سُہیلے میل ملندڑا، میل مِلاوا کنت بھتار۔ بھگت بھگوان آپ جگندڑا، نیتر اکھّ کھول کِواڑ۔ شبدی حُکم آپ سُنندڑا، اُٹھو ہو تیار۔ جوتی جوت سروُپ ہرِ، آپ اپنی کِرپا کر، ہرِ سنگت کر پیار۔ ہرِ سنگت میلا دو دو، دو دو دھار چلائیا۔ ہرِ سنگت چیلا ہو ہو، ہو ہو سیو کمائیا۔ ہرِ سنگت امرت چو چو، نِجھر رس چکھائیا۔ ہرِ سنگت وستُو کھو کھو،
جھولی تُہاڈی رہیا بھرائیا۔ ہرِ سنگت ساچی لو لو، نِرگُن جوت کرے رُشنائیا۔ ہرِ سنگت ساچی موہ موہ، مُحبّت اِک درسائیا۔ ہرِ سنگت ساچی ٹوہ ٹوہ، گُرمُکھ روُپ وٹائیا۔ ہرِ سنگت کوُڑی کِریا کوہ کوہ، بکرا مارے بن قصائیا۔ ہرِ سنگت وسے لوُں لوُں، روم روم سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بےاَنت بےپرواہیِا۔ دو دو میل ہرِ کا کھیل، بھیوَ بھیوَ جنائیندا۔ ساچے بستر چڑھے تیل، سچ وِچھاؤنا آپ وِچھائیندا۔ لیکھا جان سجّن سُہیل، سگلا سنگ نِبھائیندا۔ جوتی جوت سروُپ ہرِ، آپ اپنی کِرپا کر، آپ اپنا رنگ وکھائیندا۔ ہرِ سنگت رنگ اپار، گُرمُکھ وڈ وڈیائیا۔ دوابہ پھڑیا دِتا تار، اپنے نال مِلائیا۔ سیوا پوُری کرے اِکو وار، پِچھے اَگے رہن کوئے نہ پائیا۔ ساچے بِسترے اُتے دئے سوال، جو سیِس لئے ٹِکائیا۔ ہرِ کا کھیل بے مثال، مِسل سکے نہ کوئے بنائیا۔ اٹھائی اٹھائی کُنڈاں وِچوں کیتے پار، اٹھائی گُرمُکھ بِسترے بھیٹ کرائیا۔ پہلوں نہیں دِتے سِکھال، بِن دسّیِاں بِن پُچھیاں لےَ کے آئے واہو داہیِا۔ پربھ اپنی گودی لئے اُٹھال، پھیر سکے نہ کوئے جگائیا۔ ساچے مندر نہ کوئے شاہ رہیا نہ کنگال، شہنشاہ اِکو رنگ وکھائیا۔ ہرِ سنگت پھڑ پھڑ باہوں پریم بِستریاں اُتے دئے سوال، تھپک تھپک اپنی نیِند جنائیا۔ جوتی جوت سروُپ ہرِ، آپ اپنی کِرپا کر، لا ٹھوکر لئے اُٹھائیا۔ ٹھوکر لا اُٹھائے چھوکرے، شکتی اِک سمجھائیا۔ کٹّھے ہو جاؤ بابےپوترے، نِکاّ وڈّا پِچھے کوئے رہن نہ پائیا۔ گُرسِکھ اَنت رِہو نہ مات اؤنترے، سؤنترا اپنا آپ وکھائیا۔ سچکھنڈ بہہ جائیو لا کے چؤنکڑے، سچ سِنگھاسن ہیٹھاں دئے وِچھائیا۔ گُر اوتار پیِر پَیغمبر لا کے ویکھن اوکڑے، نیتر نَین نَین اُٹھائیا۔ جِس دے پِچھے کئیاں جنماں وِچ ماواں دھوندیاں رہیاں پوتڑے، بنا پُتر لاڈ کرائیا۔ کھاری چُک کے پِھردیاں رہیاں وِچ ٹوکرے، ہوکا دیون تھاؤں تھائنیا۔ جِس دے اکھّراں نال گِن دے رہے انکڑے، اُنگلاں اُتے حِساب لگائیا۔ اُس دے سوئیے جا کے بنکڑے، بنک دوارا اِکو نظری آئیا۔ اَگوں صاحِب سچّا ٹّکرے، ٹّکر سِدھی اپنے نال لگائیا۔ ہُن رہن نہ دیوے مکرے، پِچھلا فریب دئے گوائیا۔ گُرسِکھ کِیوں ہوئے بے صبرے، صبر پیالہ دئے پیائیا۔ اپنی ہتھّیں بھرتی کرے زبرے، زبردستی کرے لوکائیا۔ گرجے اِکو سِنگھ شیر ببّرے، ببّر سب دے پاڑ دھرائیا۔ تُسیں چرناں ہیٹھاں کِیوں اَمبرے، امر مِلو ہو کے اِکو تھائنیا۔ جوتی جوت سروُپ ہرِ، آپ اپنی کِرپا کر، سیج سُہنجنی رہیا وچھائیا۔ سیج سُہنجنی ہرِ وِچھاؤنا، نر ہرِ ساچا آپ وِچھائیندا۔ راہ تکّے موُل نہ تھکے میرے گُرمُکھ آؤنا، نَین نَین نَین اُٹھائیندا۔ دوہیں
ہتھّیں صاف کراؤنا، اپنی سیوا آپ کماؤنا، کر کر سیوا شُکر منائیندا۔ جِس سیجے میرا بھگت سؤنا، اُس نوُں پریم نال میَں دھونا، بن دھوبی اپنا فرض پوُر کرائیندا۔ جِس پریم وِچ سنت سُہیلے راؤنا، سو اپنی اکھّ ہور نہ کِسے وکھائیندا۔ جِس سواد نال گُرمُکھ راگ گاؤنا، سو ناد نہ کِسے جنائیندا۔ جِس گُرسِکھ پِچھے لوک مات تجاؤنا، پِھر پِھر چکّر لگائیندا۔ سو گُرمُکھ گُر سَتگُر جِہا ہونا، ہور رنگ نہ کوئے بدلائیندا۔ گُرمُکھو گُرسِکھو جن بھگتو اَگے کِسے نہ پئے رونا، جیِنودیاں رونا سرب مُکائیندا۔ پربھ دی سیجے چڑھ کے سؤنا، سُتیاں نہ کوئے اُٹھائیندا۔ ایہہ کھیل ہونا انہونا، جِس دا بھیوَ کوئے نہ پائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، من موہن موہن من موہنا روُپ وٹائیندا۔ موہن آیا لےَ کے موہ، مُہر اپنے نام لگائیا۔ اندر وڑ کے گیا نال چھوہ، باہروں نظر کوئے نہ پائیا۔ جن بھگتاں جوگا گیا ہو، جُگتی پِچھلی دِتی گوائیا۔ ڈردا ڈردا لےَ کے آیا دُھر دا ڈھوآ ڈھو، نام وست امولک جھولی پائیا۔ نِرگُن ہو کے رہیا سو، سو پُرکھ نِرنجن رہیا جنائیا۔ ہنگ برہم بیِج اپنا بو، پُھل پُھلواڑی ویکھے چائیں چائنیا۔ گُرمُکھ پُھل دوُجا کوئی نہ لوے کھوہ، کلجُگ کنڈیاں واڑ ہتّھ نہ کوئے پائیا ۔ ہرِ سنگت جِس ناتا جوڑیا چھّبی پوہ، اپنا آپ گوائیا۔ سب دے نالوں ہو نِرموہ، مُحبّت گُرمُکھاں وِچ پرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سنگت ہرِ شبد کرے کُڑمائیا۔ ہوئے کُڑمائی پائے سگن، سگلی چِنت مِٹائیندا۔ آتم پرماتم پریم پریِتی رکھے مگھن، موہ مُحبّت اِک ودھائیندا۔ انڈِٹھ صاحِب چاڑھے رنگن، رنگ رنگیِلا دَیا کمائیندا۔ کِرپانِدھان سوامی ٹھاکر لائے انگن، انگیکار اِک اکھوائیندا۔ جن بھگتاں لاہے جھوُٹھی سنگن، مُکھ پڑدہ آپ چُکائیندا۔ دیونہارا انند انندن، انند انند وِچ جنائیندا۔ توڑنہارا بندی بندھن، بندن اِکو ویر لیکھے لائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، ساچا گیِت چھندن، سوہلا سچ دِرڑائیندا۔ چھند بند بِن بتّی دند، سوُرا سربنگ جنائیا۔ نوُر چند صاحِب بخشند، بےاَنت وڈّی وڈیائیا۔ برہمنڈ کھنڈ وربھنڈ، گرِہ مندر کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، ہرِ سنگت میلا دو جہان، گُر چیلا وکھائے اِک استھان، نظری آئے سِری بھگوان، بھگوَن اپنے رنگ رنگائیا۔