کتب خانہGranth 13 (Shahmukhi)

۷ پھگن ۲۰۱۹ بِکرمی بِشن سِنگھ دے گرِہ گُڑگاؤں

ایکا نایاں پربھ دی اُنی، اُنت اپنے ہتّھ رکھائیندا۔ صاحِب سُلطان وڈ گُن گُنی، گہر گمبھیِر ویکھ وکھائیندا۔ آد جُگاد جُگا جُگنتر بھگت بھگوان فریاد سُنی، دو جہاناں ویکھ وکھائیندا۔ لکھّ چؤراسی وِچوں گُرمُکھ سجّن رہیا چُنی، گرِہ گرِہ گھر گھر مندر پھول پُھلائیندا۔ آتم پرماتم بودھ اگادھ وجائے دُھنی، ناد انادی سیو لگائیندا۔ لکھّ چؤراسی جیِو جنت کوُڑی کِریا چوٹی جائے مُنی، سِر ہتّھ نہ کوئے ٹِکائیندا۔ جگت واسنا سِری بھگوان چھانی پُنی، اَنترجامی ویکھ وکھائیندا۔ جوتی جوت سروُپ ہرِ، آپ اپنی کِرپا کر، ایکا نایا میل مِلائیندا۔ ایکا نایا ایکا رنگ، ایکنکارا دئے وڈیائیا۔ سو پُرکھ نِرنجن سوُرا سربنگ، ویکھنہارا بےپرواہیِا۔ ہرِ پُرکھ نِرنجن دیونہار سَت انند، ایکنکارا اپنے

انگ لگائیا۔ آد نِرنجن نِرگُن جوت چاڑھنہارا چند، ابناسی کرتا ایکا نوُر ظہوُر کرے رُشنائیا۔ سِری بھگوان سدا بخشند، بخشش اِکو جھولی پائیا۔ پاربرہم برہم دیونہارا پرمانند، نِجانند انند درسائیا۔ ایکا ڈھائے نایا کندھ، نوَ نؤ اپنا پڑدہ لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ایکا اُنی دئے سمجھائیا۔ ایکا اُنی آد اَنت، ایکا نایا کھیل کھلائیندا۔ دو جہان سِری بھگوَنت، بھگوَن اپنا راہ جنائیندا۔ لوآں پُریاں برہمنڈاں کھنڈاں کھیل بےاَنت، بھیوَ ابھید نہ کوئے پائیندا۔ جُگ چؤکڑی سیوا لا سادھ سنت، گُر اوتار پیِر پَیغمبر نال مِلائیندا۔ دُھردرگاہی بےپرواہی کلمہ نبی نام منت، منتر اِکو اِک دِرڑائیندا۔ آتم پرماتم ویکھنہارا لکھّ چؤراسی جیِو جنت، انڈج جیرج اُتبُھج سیتج کھوج کُھجائیندا۔ پاربرہم برہم میلنہارا نار کنت، سیج سُہنجنی سوبھا پائیندا۔ ترےَگُن اتیِتا ٹھانڈا سیِتا چاڑھنہار رنگ بسنت، نام رنگن اِک رنگائیندا۔ دو جہان سِری بھگوان دیونہارا ساچا منت، وِشن برہما شِو آپ پڑھائیندا۔ جوتی جوت سروُپ ہرِ، آپ اپنی کِرپا کر، ایکا نایا ونڈ ونڈائیندا۔ ایکا نایا ونڈے ونڈ، ونڈنہار وڈّی وڈیائیا۔ لیکھا جان کوٹن برہمنڈ، برہمانڈ صِفت صالاحیِا۔ سُناونہار اگمّی چھند، ڈھولا سوہلا اِک پرگٹائیا۔ پاونہارا لکھّ چؤراسی بندی بند، نام ڈوری تند رکھائیا۔ کرنہارا لکھّ چؤراسی اَنتر اندھ، اگیان اندھیر اِک درسائیا۔ مُکاونہارا جُگ چؤکڑی پندھ، اِک اِکلّا سچّا ماہیِا۔ نوَ نؤ ویکھنہارا کوُڑی کِریا گند، در دوارے الکھ جگائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ اِک اِکلّا ایکنکارا ہرِ اکھوائیندا۔ وسنہارا سچ محلہ، سچکھنڈ ساچے ڈیرہ لائیندا۔ جوتی دھار شبدی رلا، شبدی شبد روُپ پرگٹائیندا۔ تِھر گھر پھڑائے اپنا پلّا، اپنی گنڈھ پوائیندا۔ سَت سندیس نِرگُن گھلا، وِشن برہما شِو سمجھائیندا۔ وسنہارا نِہچل دھام اٹلا، محل اٹل اِک رُشنائیندا۔ جُگ چؤکڑی اچھل اچھلّا، بھیوَ ابھیدا آپ کُھلائیندا۔ جوتی جوت سروُپ ہرِ، آپ اپنی کِرپا کر، اِک اِکلّا ویکھ وکھائیندا۔ اِک اِکلّا ویکھنہارا، آد پُرکھ وڈّی وڈیائیا۔ نِرگُن سرگُن سرگُن نِرگُن بن ونجارا، لوک پرلوک اَون گوَن ترےَگُن سنگ مِلائیا۔ کاغذ قلم نہ لِکھنہارا، لیکھا لِکھ نہ کوئے سمجھائیا۔ نوَ نؤ کھول دوارا، در در اپنا بھیوَ جنائیا۔ نوَ نؤ چار ہو اُجیارا، چار جُگ ڈنک وجائیا۔ چار کھانی دئے سہارا، چارے بانی نام وڈیائیا۔ چارے کُنٹ بول جَیکارا، چار ورن دئے سمجھائیا۔ جوتی جوت سروُپ ہرِ، آپ اپنی کِرپا کر، ایکا نایا میل مِلائیا۔ ایکا نایا نِرگُن میلا، سرگُن سنگ نِبھائیا۔ دھار بندھائے گُروُ گُر چیلا،

چیلا گُروُ روُپ سمائیا۔ پاربرہم پربھ سجّن سُہیلا، سگلا سنگ نِبھائیا۔ وسنہارا دھام نویلا، نِرگُن نوُر کرے رُشنائیا۔ کٹنہارا دھرم رائے دی جیلا، بندھن اپنا نام پائیا۔ جاننہارا ساچا ویلا، تِھت وار نہ ونڈ ونڈائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ ساچی کرنی کرتا پُرکھ، اپنے ہتّھ رکھائیندا۔ آد جُگاد جُگا جُگنت نہ کوئی سوگ نہ کوئی ہرکھ، چِنتا غم نہ کوئی جنائیندا۔ جیِو جنت سادھ سنت بھگت بھگوَنت سنت لئے پرکھ، بن پارکھوُ پھیرا پائیندا۔ نِروَیر نِراکار اِک وکھائے اپنا آدرش، درس اِکو گھر وکھائیندا۔ لیکھا جان عرش فرش، کایا کُرہ کھوج کُھجائیندا۔ جوتی جوت سروُپ ہرِ، آپ اپنی کِرپا کر، ایکا نایا میل مِلائیندا۔ ایکا نایا ساچا جوڑا، نِرگُن سرگُن بندھن پائیا۔ اگمّ اتھاہ ساچا گھوڑا، شاہ سوارا آپ دؤڑائیا۔ دو جہاناں لائے پؤڑا، نیتر نظر کِسے نہ آئیا۔ دو جہاناں پِھرے دؤڑا، برہمنڈ کھنڈ چرناں ہیٹھ دبائیا۔ جُگ چؤکڑی آپے بہُڑا، سَتجُگ تریتا دواپر کلجُگ آپ ہنڈھائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے جنائیا۔ ساچا لیکھا نایا ایک، ایکنکارا آپ جنائیندا۔ بھگت بھگوان ساچی ٹیک، سرن چرن اِک وڈیائیندا۔ کرنہارا بُدھ بِبیک، بِبیکی روُپ درسائیندا۔ بِن نیتر نَیناں لئے ویکھ، اکھّ پلک نہ کوئے اُٹھائیندا۔ آتم پرماتم کرنہارا ہیت، نِت نوِت ویس وٹائیندا۔ لیکھا جانے نیتن نیت، جوتی جوت سروُپ ہرِ، آپ اپنی کِرپا کر، اپنی کھیل آپ سمجھائیندا۔ ساچی کھیل پُرکھ سمرتھ، سمرتھ دئے وڈیائیا۔ ایکا نایا مہما اکتھ، شاستر سِمرت وید پُران رہے جس گائیا۔ اِنجیِل قُرآن تیِس بتیِسا آپے دسّ، اُچی کوُک کوُک الائیا۔ کھانی بانی پندھ مُکائے نٹھ نٹھ، دِوس رَین چلے واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل اگمّ، الکھّ اگوچر آپ کرائیندا۔ نہ مرے نہ پئے جمّ، جنم مرن وِچ نہ آئیندا۔ جُگ چؤکڑی کرنی کرے کمّ، کرتا پُرکھ سیو کمائیندا۔ نِرگُن سرگُن بیڑا بنّھ، آپ اپنے کندھ اُٹھائیندا۔ کلجُگ انتم کھیل سِری بھگوَن، بھیوَ ابھیدا آپ جنائیندا۔ دیونہارا ساچا دان، داتا دانی دَیا کمائیندا۔ اُٹھاونہارا سچ نِشان، دو جہاناں آپ جھُلائیندا۔ ویکھنہارا جیِو جہان، لکھّ چؤراسی کھوج کُھجائیندا۔ سُناونہارا راگ کان، انحد نادی ناد سُنائیندا۔ کرنہارا پرکاش کوٹن بھان، جوتی جاتا ڈگمگائیندا۔ کرنہار سچ پہچان، بےپہچان پھیرا پائیندا۔ دیونہارا برہم گیان، برہم وِدیا اِک پڑھائیندا۔ دیونہارا دُھر فرمان، سچ سندیسہ اِک الائیندا۔ ایکا نایا مِٹے نِشان، نِشانہ اِکو اِک جھُلائیندا۔ گُرمُکھ چتُر سُگھڑ سُجان، ہرِجن ساچے ویکھ وکھائیندا۔ آتم

پرماتم میل مِلاوا گوپی کاہن، سُرتی شبدی جوڑ جُڑائیندا۔ گھر مندر سچ مکان، شِودوالا مٹھ اِکو نظری آئیندا۔ کرے کھیل نؤجوان، نئیا جگت آپ ڈولائیندا۔ چار ورن ہون حَیران، کھتری براہمن شوُدر وَیش دھیِر نہ کوئے دھرائیندا۔ اٹھاراں برن اَنت کُرلان، امرت میگھ نہ کوئے برسائیندا۔ پیِر پَیغمبر نَین شرمان، نیتر اکھّ نہ کوئے اُٹھائیندا۔ زِمیں اسمان، جوتی جوت سروُپ ہرِ، آپ اپنی کِرپا کر، ایکا اُنی بنت بنائیندا۔ ایکا اُنی جنائے بنت، مِہربان وڈ وڈیائیا۔ آد جُگادی مہما اگنت، لیکھا لِکھت وِچ نہ آئیا۔ گا گا تھکے کوٹن کوٹ سادھ سنت، صادق صِدق صبوُری گئے ہنڈھائیا۔ گُر اوتار پیِر پَیغمبر دسّ دسّ منیِا گئے منت، نِت نوِت دُھر فرمانا حُکم جنائیا۔ بھگت بھگوان لبھدے رہے ساجن کنت، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیا۔ ساچی کرنی آپ کماویگا۔ پُرکھ اکال کھیل رچاویگا۔ سچکھنڈ واسی پھیرا پاویگا۔ دو جہاناں ویکھ وکھاویگا۔ ایکا نایا پندھ مُکاویگا۔ اگنی تت ویکھ وکھاویگا۔ رُت رُتڑی نال مِلاویگا۔ گُرمُکھ آتم سُتڑی آپ جگاویگا۔ لکھّ چؤراسی ٹنگ پُٹھڑی، ویلے اَنت کھلّ لُہاویگا۔ جوتی جوت سروُپ ہرِ، آپ اپنی کِرپا کر، ساچی کرنی کر وکھاویگا۔ ساچی کرنی کریگا۔ کِسے کولوں نہ ڈریگا۔ دو جہاناں آپے وڑیگا۔ گُرمُکھ سجّن پھڑیگا۔ شاہ سُلطان ہو کے چڑھیگا۔ سیِس جگدیِش تاج دھریگا۔ اپنا بھانا آپے جریگا۔ جوتی جوت سروُپ ہرِ، آپ اپنی کِرپا کر، اپنا کھیل آپے کریگا۔ اپنا کھیل کھلاواں گا۔ دو جہان رُلاواں گا۔ پیِر پَیغمبر پھڑ پھڑ در بہاواں گا۔ جُگ چؤکڑی کرنی سب دی جھولی پاواں گا۔ لکھّ چؤراسی جیِو جنت کوُڑی کِریا ہولی اِک وکھاواں گا۔ سَتجُگ تریتا دواپر کلجُگ پیِر پَیغمبر ماری بولی، پوُری کر وکھاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کھیل اِک رچاواں گا۔ ساچی کھیل رچاؤں گا۔ نِروَیر پُرکھ اکھواؤں گا۔ کوُڑی کِریا میٹ مِٹاؤں گا۔ گُرمُکھ سجّن آپ اُٹھاؤں گا۔ آتم رنگن آپ رنگاؤں گا۔ در منگن کِسے نہ جاؤں گا۔ دو جہاناں سجّن اِک اکھواؤں گا۔ لکھّ چؤراسی چرن دھوُڑی مجن اِک نُہاؤں گا۔ ایکا نایا پندھ مُکاؤں گا۔ اِک دوار کُھلاؤں گا۔ غریِب نوازا نام دھراؤں گا۔ انحد واجا آپ وجاؤں گا۔ جگت ریِتی ویکھ وکھاؤں گا۔ نیِتی اپنے ہتّھ رکھاؤں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی وڈ وڈیاؤں گا۔ اپنی کرنی ہرِ وڈیائیگا۔ جوتی جامہ ویس وٹائیگا۔ بیِس بیِسا ڈنک وجائیگا۔ ایکا نایا ڈیرہ ڈھاہیگا۔ جگت ہولی کھیل کھلائیگا۔ جن بھگتاں

ڈولی اپنے کندھ اُٹھائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتار پیِر پَیغمبر حُکمے اندر حُکم منائیگا۔ حُکمے اندر حُکم مناواں گا۔ سچ سندیس سُناواں گا۔ گُر اوتار پیِر پَیغمبر سوئے آپ جگاواں گا ۔ وِشن برہما شِو نَین کُھلاواں گا۔ شاستر سِمرت وید پُران گیِتا گیان ایکا گھر بند کراواں گا۔ راؤ رنکا سچ نِشان ہو مِہربان، لوک مات درساواں گا۔ سرِشٹ سبائی شبد گیان، آتم پرماتم وِدیا اِک پڑھاواں گا۔ امرت آتم پیِن کھان، نِجھر جھِرنا اِک جھِراواں گا۔ سرب جیِاں دا سانجھا بھگوان، اِشٹ دیوَ اِک مناواں گا۔ مقامے حق ہو پردھان، نؤبت اِکو نام وجاواں گا۔ لاشریِک مِہربان، تؤفیِق اِک خُدائے درساواں گا۔ محبان بیِدو بی خَیر یا االلہ دے دھیان، کلمہ نبی اِک پڑھاواں گا۔ ساچا حُجرہ کر پروان، درگاہ ساچی آسن لاواں گا۔ جوتی جوت سروُپ ہرِ، آپ اپنی کِرپا کر، ایکا رنگ رنگ وکھاواں گا۔ ایکا رنگ رنگیگا۔ بےپرواہ کدے نہ سنگیگا۔ دوُجا در کدے نہ منگیگا۔ سنت سُہیلے گُروُ گُر چیلے، جوتی جوت سروُپ ہرِ، آپ اپنی کِرپا کر، دیونہارا ساچا ور، اپنی گودی چُکیگا۔ اُنی ہاڑ ہرِجن ہولی، ہؤلی ہؤلی آپ کھلائیا۔ نِروَیر پوُرا تول رہیا تولی، تولنہار وڈ وڈیائیا۔ جن بھگتاں اُپر گھول گھولی، آپ اپنا بھیٹ چڑھائیا۔ آتم پرماتم کھیل انمولی، انڈِٹھڑی کار کمائیا۔ لکھّ چؤراسی پائے رؤلی، چار ورن رسنا جِہوا بتّی دند لڑائیا۔ جن بھگتاں پڑدہ رہیا کھولی، خالق خلق دَیا کمائیا۔ نام وست بھرائے جھولی، مِہربان بے نظیِر مِہر نظر اُٹھائیا۔ سرِشٹ سبائی ہوئے گولی، سِر سکے نہ کوئے اُٹھائیا۔ جوت اکالن بنی وچولی، بن سیوک سیو کمائیا۔ ہتھّیں لےَ کے اٹّی مؤلی، مؤلا ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، ساچی ہولی دئے وکھائیا۔ ساچی ہولی ویکھو ہولا، ہرِ ہرِ جوُ آپ جنائیندا۔ جن بھگتاں اندروں کڈھے پڑدہ اوہلا، سوَچّھ سروُپی اپنا درس وکھائیندا۔ پوُرب پوُرا کرے کیِتا قؤلا، اِقرار اپنے ہتّھ رکھائیندا۔ دیوے وڈیائی اُپر دھؤلا، دھرنی دھرت دھوَل بھار ونڈائیندا۔ سچ دوارا اِکو کھولا، در دروازہ اِک جنائیندا۔ نِرگُن ہو کے گھٹ گھٹ مؤلا، سرگُن اپنی گنڈھ پوائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی ہولی اِک وکھائیندا۔ ساچی ہولی لال گُلال، رنگ اِکو اِک جنائیا۔ جلوہ نوُر بے مثال، مِسل سکے نہ کوئے لِکھائیا۔ بےپرواہ بن دلال، پروردِگار ویکھ وکھائیا۔ سرِشٹ سبائی ہوئے بےحال، دھیِرج دھیِر نہ کوئے دھرائیا۔ سب دے سِر تے کوُکے کال، کلجُگ ڈؤروُ ڈنک وجائیا ۔ گُرمُکھاں اَنتر وجےّ تال، چھتّی راگ بھیوَ نہ

رائیا۔ شاستر سِمرت وید پُران ہوئے حَیران، ہرِ کا اَنت کہن نہ پائیا۔ گُر اوتار کرن دھیان، نیتر اکھّ نہ کوئے اُٹھائیا۔ پیِر پَیغمبر نیِر وہان، چھہبر اِکو اِک لگائیا۔ ساچے تخت تخت نِواسی بَیٹھا نؤجوان، بھوُپت بھوُپ راج راجان شاہ سُلطان اِک اکھوائیا۔ جودھا سوُربیِر بلی بلوان، بل اپنا آپ پرگٹائیا۔ جُگ چؤکڑی ویکھنہارا مار دھیان، سمت سمتی پندھ مُکائیا۔ بیِس بیِسا کھیل مہان، خالق خلق دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی ہولی اِکو وار درسائیا۔ ساچی ہولی رنگ اپار، رنگ رتڑا آپ رنگائیندا۔ خالق خلق ویکھے سنسار، وڈ سنساری پھیرا پائیندا۔ بھگت بھگوَنت لئے اُٹھال، نِرگُن سرگُن میل مِلائیندا۔ گرِہ مندر وجےّ تال، شبد اگمّی راگ الائیندا۔ سَت دیِپک اِکو بال، جوتی جاتا ڈگمگائیندا۔ لیکھا جان شاہ کنگال، شہنشاہ اپنی دَیا کمائیندا۔ اُنی ہاڑ بے مثال، بستہ سب دا آپ بندھائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، گُرمُکھ ہولی اپنے نام رنگ رنگائیندا۔

۸ پھگن ۲۰۱۹ بِکرمی نیشنل ہائی سکوُل بادشاہ پُر

اپنی آتما کرو سوادھان، سرِشٹ سبائی ہرِ جنائیندا۔ آتم پرماتم ملِے گیان، اگیان اندھیر مِٹائیندا۔ سَت دھرم دِسے اِک نِشان، کوُڑی کِریا موہ مِٹائیندا۔ جیِو جنت نیتر کھول مار دھیان، گرِہ مندر بھیوَ چُکائیندا۔ نِرگُن روُپ ہر گھٹ وسے بھگوان، بھگوَن اپنی کھیل کرائیندا۔ جوتی نوُر جگے مہان، ظہوُر اِکو نظری آئیندا۔ چار ورن اِک دھیان، سرن سرنائی ہرِ جنائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر سندیسہ اِک سُنائیندا۔ سوادھان کرو من، من آسا جگت مِٹائیا۔ سوادھان کرو کنّ، ہرِ جس سُنن چائیں چائنیا۔ سوادھان کرو تن، کام کرودھ لوبھ موہ ہنکار مِٹائیا۔ سوادھان ہو بیڑا لؤ بنّھ، آپ اپنا بھار اُٹھائیا۔ سوادھان ہو لاؤ ڈنّ، وَیری ویکھو تھاؤں تھائنیا۔ سوادھان ہو گاؤ جن گن من، جوتی جوت سروُپ ہرِ، آپ اپنی کِرپا کر، سوادھان کرے سرب لوکائیا۔ سوادھان ہو جانا جاگ، جاگرت جوت اِک جنائیندا۔ نؤ کھنڈ پرِتھمی لگّی آگ، چار ورن کُرلائیندا۔ آتم پرماتم کوئی نہ گائے سچّا راگ، وَیراگی روُپ نہ

کوئے وکھائیندا۔ جگت واسنا دیؤ تیاگ، سچ سُگندھ اِک جنائیندا۔ کایا اندر کھول تاک، بجر کپاٹی کُنڈا لاہِندا۔ نِرمل جوت ہوئے پرکاش، پرکاش اِکو نظری آئیندا۔ لیکھے لگّے پوَن سواس، سواس سواساں وِچ سمائیندا۔ بھیوَ چُکائے پرِتھمی آکاش، گگن منڈل کھوج کُھجائیندا۔ پاربرہم برہم پوُری کرے آس، اِیش جیِو گود بہائیندا۔ کایا منڈل ساچی راس، گوپی کاہن نچائیندا۔ رام راما وسے پاس، وِچھڑ کدے نہ جائیندا۔ سوادھان ہو کرنی بند خلاص، بندی خانہ توڑ تُڑائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ جنائیندا۔ سوادھان ہو کھولو اکھّ، آخر ہرِ جنائیندا۔ نِرگُن روُپ ہو پرتکھ، پاربرہم پربھ ویکھ وکھائیندا۔ نوَ نؤ چار مارگ رہیا دسّ، جیِو جنت سرب پڑھائیندا۔ آتم پرماتم میل مِلاوا ہسّ ہسّ، گھر مندر سوبھا پائیندا۔ نِرگُن سرگُن کرے جس، جس وید پُران شاستر سِمرت سرب صالاحِندا۔ گیِتا گیان بھگت بھگوان ایکا جپ، اِکو اِک دِرڑائیندا۔ ویکھنہار تیِرتھ تٹ، سروور آتم اِک درسائیندا۔ پندھ مُکاؤنا نٹھ نٹھ، قدم اَگے اَگے بڑھائیندا۔ جوتی جوت سروُپ ہرِ، آپ اپنی کِرپا کر، ساچی کرنی اِکو اِک جنائیندا۔ سوادھان ہو جوان، جیِون جُگت اِک جنائیا۔ چار کُنٹ دِسے وَیران، وَیری گھر گھر ڈیرہ لائیا۔ کوُڑی کِریا دِسے طوفان، تعریِف خُدا نہ صِفت صالاحیِا۔ نظر نہ آئے مِہربان، محبان بیِدو بی خَیر یا االلہ اِلاہی نوُر ظہوُر کر رُشنائیا۔ پروردِگار بےپہچان، بے نظیِر کھیل کرائیا۔ لیکھا جان دو جہان، جُگ چؤکڑی پھیرا پائیا۔ دیونہار ست گیان، استِ دئے مُکائیا۔ کاغذ قلم شاہی سرب پچھتان، پسچاتاپ کرے لوکائیا۔ بِن بھگتاں سَتجُگ تریتا دواپر کلجُگ ہوئے نہ کوئی سوادھان، گوُڑھی نیِند سُتی جگت لوکائیا۔ راج راجان شاہ سُلطان ہوئے انجان، ہرِ کا بھیوَ کوئے نہ پائیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ سوادھان کرے بھگوان، سچ سندیسہ اِک جنائیا۔ ویکھنہارا جگت وِدھان، چؤداں وِدیا پھول پُھلائیا۔ جھُلاونہارا سچ نِشان، دو جہاناں دئے وڈیائیا۔ دیونہارا نام نِدھان، وِشن برہما شِو سیو کمائیا۔ بِن نیتر ہوئے نِگہبان، نر نرائن وڈّی وڈیائیا۔ ٹیچر اُستاد سو پروان، جو اَنتر آتم کھوج کھوجائیا۔ سو وِدیا بلوان، جِس پڑھیاں ملِے پاربرہم بےپرواہیِا۔ سو قلم کرے پروان، جِس دا لِکھا نہ کوئی میٹ مِٹائیا۔ سو کاغذ ہوئے سوادھان، جو لوک مات جیِو جگت جُگت دئے جنائیا۔ جوتی جوت سروُپ ہرِ، آپ اپنی کِرپا کر، ساچی کھیل اِک درسائیا۔ سوادھان کرے آپ، گھر گھر سیو لگائیندا ۔ اَنتر وڑ وڑ دسےّ جاپ، اجپا روُپ وکھائیندا۔ ترےَگُن

مایا میٹے تاپ، رجو طمو ستو موہ چُکائیندا۔ پتت پاپی کرے پاک، پُنیِت اپنے انگ لگائیندا۔ دسّنہارا بھوِکھت واک، گُر اوتار پیِر پَیغمبر مُلّا شیخ مسائق صِفت صالاحِندا۔ ویکھنہارا ساکھیات، دَیال ٹھاکر سوامی اَنترجامی پھیرا پائیندا۔ اُتم رکھنہارا ذات، ورن گوت کھتری براہمن شوُدر وَیش نہ ونڈ ونڈائیندا۔ آتم پرماتم بنائے سچّا ساک، بھگت بھگوان سنگ نِبھائیندا۔ کلجُگ ویکھ اندھیری رات، چار کُنٹ اندھیرا چھائیندا۔ وِدیارتھی ادھیاپک اِک جماعت، جمُلہ اِکو اکھّر پڑھائیندا۔ ہیَڈ ماسٹر دیوے نال ساتھ، مِتل مِتر اِک سدوائیندا۔ اِکو رام اِکو کرِشن اِکو عیسیٰ موُسیٰ محمد نانک گوبِند جنائے پاٹھ، نام نِدھانا اِک وڈیائیندا۔ اِکو تیِرتھ تٹ کنارہ گھاٹ، امرت اِکو نظری آئیندا۔ اِکو پیاونہارا آب حِیات، پروردِگار سانجھا یار اِک اکھوائیندا۔ اِکو پرگٹاونہارا آفتاب، نوُرو نوُر ڈگمگائیندا۔ اِکو کرنہار آداب، سجدہ سیِس اِک جھُکائیندا۔ اِکو دیونہار خطاب، سِر اپنا ہتّھ ٹِکائیندا۔ اِکو دیونہار جواب، لاجواب اِک اکھوائیندا۔ اِکو پڑھاونہارا کِتاب، بِن اکھّراں نام صالاحِندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی وست جھولی پائیندا۔ روشن ہوئے روشن ضمیِر، ظاہر ظہوُر آپ جنائیندا۔ چوٹی چڑھ ویکھے اَخیِر، آخر اِکو نظری آئیندا۔ پڑھنہار سچ تکبیر، تسبیح مالا اِک وکھائیندا۔ بدلنہارا اِک تقدیِر، تدبیِر اپنے ہتّھ رکھائیندا۔ کٹنہار زنجِیر، شرع زنجِیر اِک کٹائیندا۔ دیونہارا دھیِر، آتم اَنتر بوُجھ بُجھائیندا۔ پِلاونہارا سیر، امرت میگھ برسائیندا۔ ویکھنہارا شاہ حقیِر، اوُچ نیِچ رنگ رنگائیندا۔ بجر کپاٹی پڑدہ چیِر، دُئی دوَیتی میٹ مِٹائیندا۔ جوتی جوت سروُپ ہرِ، آپ اپنی کِرپا کر، ویکھنہارا گھر گھر، روشن روشن کرے منار، جِس جن دیوے درس دیِدار، درس اِکو اِک درسائیندا۔ گُر کِرپا من شاَنت، دہ دِشا نہ اُٹھ اُٹھ دھائیا۔ گُر کِرپا من ہوئے اِکانت، من واسنا من ہی وِچ سمائیا۔ گُر کِرپا مِٹے اندھیری رات، اندھ اندھیر رہن نہ پائیا۔ گُر کِرپا کُھلے تاک، بند کِواڑی پڑدہ اُٹھائیا۔ گُر کِرپا ملِے اجّپا جاپ، بتّی دند رسنا جِہوا نہ صِفت صالاحیِا۔ گُر کِرپا بوُجھے اپنا آپ، آپ اپنا ویکھ وکھائیا۔ گُر کِرپا گُر دیجے ساتھ، سگلا سنگ نِبھائیا۔ گُر کِرپا من ملِے نجات ، مِہربان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، جِس جن دیوے اپنا ور، من شبدی بندھن پائیا۔