کتب خانہGranth 13 (Shahmukhi)

۱۰ پھگن ۲۰۱۹ بِکرمی ہربھجن سِنگھ دے گرِہ لنگر پُرا میرٹھ چھاؤنی

بھگتاں اندر وسائے ناؤں، سِری بھگوان دَیا کمائیندا۔ ویکھنہارا تھائیں تھاؤں، نوَ نؤ چار کھوج کُھجائیندا۔ پکڑنہارا اگمّی باہوں، نِرگُن نظر کِسے نہ آئیندا۔ کرنہارا سچ نیاؤں، ساچے تخت سوبھا پائیندا۔ بھگت مِلاوا جِؤں بالک پِتا ماؤں، پوُت سپوُتا انگ لگائیندا۔ سدا مِلن دا رکھے چاؤ، چاؤ گھنیرا اِک جنائیندا۔ جوتی جوت سروُپ ہرِ، آپ اپنی کِرپا کر، ساچا نام آپ درسائیندا ۔ ساچا نام دیونہارا، سَتگُر پوُرا اِک اکھوائیا۔ جُگ چؤکڑی لئے اوتارا، نِرگُن سرگُن ویس وٹائیا۔ دُھر دی دھار شبد اگمّ جَیکارا، پاربرہم برہم دِرڑائیا۔ آتم پرماتم کر پیارا، گھر ساچے دئے وسائیا۔ انحد ناد سچّی دُھنکارا، دُھن اِکو ناد الائیا۔ کاغذ قلم نہ لِکھنہارا، لِکھ لِکھ لیکھ نہ کوئے سمجھائیا۔ جن بھگتاں دیوے کر پیارا، پیِا پریِتم پھیرا پائیا۔ سدا سُہیلا بن ونجارا، ہٹّ اِکو اِک وکھائیا۔ جوتی جوت سروُپ ہرِ، آپ اپنی کِرپا کر، ساچا نام اِک درسائیا۔ ساچا نام سَتگُر ہتّھ، دوُسر نظر کِتے نہ آئیندا۔ جن بھگتاں مارگ دیوے دسّ، آپ اپنا بھیوَ کُھلائیندا۔ اَنتر آتم آپے وس، آپ اپنا میل مِلائیندا۔ تیِر نِرالا مار کس، بجر کپاٹی توڑ تُڑائیندا۔ پنچ وِکار جائے ڈھٹّھ، آسا ترِسنا میٹ مِٹائیندا۔ دُرمت مَیل دیوے کٹ، امرت آتم سیِر پیائیندا۔ آتم سیج وچھائے کھاٹ، سُہنجنی رُت آپ پرگٹائیندا۔ دوُر دُراڈی میٹ واٹ، نیرن نیرا نظری آئیندا۔ کرے کھیل بؤہ بِدھ بھانت، بھیوَ ابھید نہ کِسے جنائیندا۔ جن بھگتاں وسے ساتھ، ناؤں نِرنکارا آپ جپائیندا۔ کوٹن کوٹ رسنا جِہوا کرن جاپ، بتّی دند سرب کُرلائیندا۔ سَتگُر پوُرا کر کِرپا جِس جن بُجھائے اپنا آپ، تِس اپنا ناؤں دِرڑائیندا۔ جوتی جوت سروُپ ہرِ، آپ اپنی کِرپا کر، ساچا نام

اِک وکھائیندا۔ ساچا نام ایکا ایک، اکل کلا وڈیائیا۔ گُر اوتاراں پیِر پَیغمبراں دیوے ٹیک، بھگت بھگوان آپ سمجھائیا۔ سادھاں سنتاں کرے بُدھ بِبیک، بِبیکی اپنی دھار درسائیا۔ جُگ چؤکڑی کِسے نہ آوے وِچ بھیکھ، شاستر سِمرت وید پُران کھانی بانی صِفت صالاحیِا۔ نِرگُن نِرگُن کرے ہیت، نِت نوِت پھیرا پائیا۔ گُرمُکھ گُرسِکھ ساچے ناؤں نال لَین کھیڈ، گھر گھر وِچ کھیل وکھائیا۔ کر کِرپا دسےّ اپنا بھیت، بھیوَ ابھید جنائیا۔ جوتی جوت سروُپ ہرِ، آپ اپنی کِرپا کر، اَنتر آتم اِکو نام درسائیا۔ آتم اَنتر سچّا نام، سِری بھگوان آپ جنائیندا۔ صاحِب سَتگُر چرن چرن دھیان، دھیان دھیان وِچ مِلائیندا۔ گاوت گائے بِن رسنا جِہوا زبان، آسا ترِسنا نہ کوئے وڈیائیندا۔ چھند سُہاگی سُنائے کلام، کلمہ نبی آپ پڑھائیندا۔ امرت امیوں رس پیائے سچّا جام، سچ پیالہ ہتّھ اُٹھائیندا۔ آتم دیوے پرماتم آرام، سُکھ اِکو گھر وکھائیندا۔ سُکھ گھر پایا مِلیا رام، بِن رام سُکھ نظر کوئے نہ آئیندا۔ پایا سُکھ کایا کھیڑا نگر گرام، نؤ در جوتی جوت سروُپ ہرِ، آپ اپنی کِرپا کر، مِہربان اپنا نام آپ پڑھائیندا۔ گُرمُکھ وِرلا جائے پڑھ، جِس سَتگُر آپ پڑھائیا۔ جِس کِرپا کر لائے اپنے لڑ، پلّوُ اپنی گنڈھ بندھائیا ۔ نِرگُن ویکھے اندر وڑ، سرگُن اکھّ کُھلائیا۔ سچ محلے اپنے کھڑ، محل اٹل کرے رُشنائیا۔ جوتی جوت سروُپ ہرِ، آپ اپنی کِرپا کر، ساچا نام اِک جنائیا۔ ساچا نام جننی جن، جگ جیِون داتا آپ جنائیندا۔ اندر کرے وس منوُآ من، من واسنا میٹ مِٹائیندا۔ نام سُکھ وسے تن، جو تن سَتگُر چرن دھوُڑ مستک ٹِکاّ لائیندا۔ ایکا راگ سُنے کنّ، انحد نادی راگ الائیندا۔ کوُڑی کِریا بھانڈا دیوے بھنّ، بھرم بھؤ گڑھ تُڑائیندا۔ کرے پرکاش بِن سوُرج چنّ، اگیان اندھیر مِٹائیندا۔ ایتھے اوتھے بیڑا دیوے بنّھ، سو نام سوبھا پائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا بھیوَ آپ جنائیندا۔ ساچا نام منگو اِک، جِس منگیاں بُھکھ رہے نہ رائیا۔ پربھ مِلن دی رکھو سِک، جِس مِلیاں وِچھڑ نہ جائیا۔ سچ دوارے منگو بِھکھ، بِھکھ اِکو اِک ورتائیا۔ صاحِب سَتگُر ہر گھٹ آوے دِس، دہ دِشا کرے رُشنائیا۔ دِوس رَین نہ دیوے پِٹھ، کروٹ لئے نہ کدے بدلائیا۔ میل مِلائے نِت نوِت، کر کر ہِت بےپرواہیِا۔ مانَس جنم لیَنا جِتّ، ہار نظر کوئے نہ آئیا۔ ساچا نام کلجُگ انتم لیَنا سِکھ، جِس نوُں سِکھ سِکھ گُر اوتار پیِر پَیغمبر شُکر منائیا۔ جوتی جوت سروُپ ہرِ، آپ اپنی کِرپا کر، سو نام رہیا سمجھائیا۔ سو پُرکھ نِرنجن ساچا نام، ناؤں نِرنکارا آپ دِرڑائیندا۔ جُگ چؤکڑی پوُرن کرے کام، سَتجُگ تریتا دواپر

کلجُگ آپ ہنڈھائیندا۔ دو جہان وسائے نگر کھیڑا گرام، برہمنڈ کھنڈ اپنا حُکم ورتائیندا۔ لکھّ چؤراسی وسے کایا ماٹی چام، انڈج جیرج اُتبُھج سیتج اپنی ونڈ ونڈائیندا۔ وِشن برہما شِو کروڑ تیتیِسا سُرپت اِند دیوے نام، امیوں رس اِکو اِک چکھائیندا۔ گُر اوتار پیِر پَیغمبر دیوے سچ کلام، کلمہ نبی رسوُل سِکھائیندا۔ بھگت بھگوان دیوے دان، داتا دانی دَیا کمائیندا۔ سنت سجّن کر پروان، ساچی سِکھیا اِک پڑھائیندا۔ گُرمُکھاں دیوے گُر گیان، گُر اِشٹ اِکو نظری آئیندا۔ گُرسِکھ میلا وِچ جہان، نِرگُن سرگُن سرگُن نِرگُن بندھن اِک وکھائیندا۔ آد جُگادی کھیل مہان، جُگ جُگ اپنا راہ چلائیندا۔ ساچا نام کر پردھان، وڈ پردھانگی آپ کمائیندا۔ سو پُرکھ نِرنجن صاحِب سُلطان، ساچے تخت سوبھا پائیندا۔ ہنگ برہم بال انجان، پاربرہم کھوج کُھجائیندا۔ دوہاں وِچولا نؤجوان، نِرگُن نِرگُن گنڈھ پوائیندا۔ کلجُگ انتم ہو مِہربان، مِہر نظر اِک اُٹھائیندا۔ اَنتر وسائے اپنا نام، باہر سُکھ اِکو اِک جنائیندا۔ اَنتر وس سِری بھگوان، باہر بھگوَنت سرگُن نظری آئیندا۔ جوتی جوت سروُپ ہرِ، آپ اپنی کِرپا کر، ساچا نام گھر گھر آپ ورتائیندا۔ ساچا نام سَتگُر ونڈ، ونڈنہار دَیا کمائیا۔ جُگ جُگ میٹے بھیکھ پکھنڈ، کوُڑی کِریا مات کھپائیا۔ بھگتن دیوے اِک انند، نِجانند رس چکھائیا۔ گیِت سُہاگی سُنائے چھند، سوہنگ اِکو اکھّر پڑھائیا۔ خوشی کرائے بند بند، بندی خانہ رہن نہ پائیا۔ کرے پرکاش ساچے چند، جوتی جوت ڈگمگائیا۔ گھر دے پرمانند، پرم پُرکھ ویکھ وکھائیا۔ جوتی جوت سروُپ ہرِ، آپ اپنی کِرپا کر، اندر باہر اِکو سُکھ، دیونہار مانَس منُکھ، مانَو اپنے رنگ رنگائیا۔ اندر وسائے کِرپانِدھ اپنا نام دَیا کمائیا۔ ہرِجن کارج کرے سِدھ، بِدھ اپنے ہتّھ رکھائیا۔ ویکھنہارا جیؤ پِنڈ، گھر گھر کھوج کرائیا۔ پاوے سار جیرج انڈ، جوتی جوت سروُپ ہرِ، آپ اپنی کِرپا کر، اِکو نام دئے وڈیائیا۔ اِکو نام وڈّا ساگر، گہر گمبھیِر جنائیندا۔ جن بھگتاں لُکائے کایا گاگر، آپ اپنا کھیل کرائیندا۔ سدا سدا ہرِ بن سؤداگر، جُگ جُگ ہٹّ چلائیندا۔ ہرِجن دیوے اِکو آدر، آدرش اپنا آپ وکھائیندا۔ جوتی جوت سروُپ ہرِ، آپ اپنی کِرپا کر، ساچا نام آپ اُپائیندا۔ ساچا نام اُپما جوگ، پراپت آپ کرائیا۔ جوتی شبدی دُھر سنجوگ، سُرت کرے کُڑمائیا۔ جگت ترِسنا مِٹے روگ، ہؤمیں ہنگتا رہن نہ پائیا۔ ناتا تُٹے لوک پرلوک، ساچا سوہلا اِک سُنائیا۔ چرناں ہیٹھ رکھائے مکُتی موکھ، جِس جن اپنا نام سمجھائیا۔ تِس دا وِشن برہما شِو درشن رہے لوچ، جو بھگت بھگوان مِل مِل خوشی منائیا۔ ہرِ کا نام کِسے نہ آوے وِچ سوچ، سوچ

سوچ تھکی سرب لوکائیا۔ ہرِ کا نام وساونہارا قِلعے کوٹ، بنک دوار دئے وڈیائیا۔ جن بھگتاں لائے اِکو چوٹ، تن نگارے کرے شنوائیا۔ جوتی جوت سروُپ ہرِ، آپ اپنی کِرپا کر، اندر باہر گُپت ظاہر اِکو نام صالاحیِا۔ سچّا نام سچّا رس، گُر سَتگُر آپ جنائیندا ۔ جن بھگتاں اَنتر آتم وس، ہِردے ہرِ ہرِ نظری آئیندا۔ بودھ اگادھ گاوے جس، لیکھا لِکھت نہ کوئے جنائیندا۔ نِرگُن سرگُن سرگُن نِرگُن میل مِلاوا ہسّ، ہنس مُکھ سوہنگ شبد ساچی چوگ چُگائیندا۔ جن جننی لیکھے لائے کُکھ، گربھ واس پھند کٹائیندا۔ اُجل کرے مُکھ، جو ہرِ ہرِ نام دھیائیندا۔ اندر باہر اِکو سُکھ، سَتگُر پوُرا آپ درسائیندا۔ کلجُگ انتم جن بھگتاں گودی چُک، اپنے انگن آپ بہائیندا۔ لوک مات دا بوُٹا پُٹ، سَتجُگ پھل پُھلواڑی آپ مہکائیندا۔ اندر باہر وکھائے اِکو رُت، بسنت بہار آپ جنائیندا۔ سنت سُہیلے ساچے سُت، سَت سَتوادی آپ اُٹھائیندا۔ کرے کھیل ابناسی اچُت، چیتن اپنا آپ جنائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہِردے نام آپ وسائیندا۔ ہِردے نام وسائے آپ، پربھ اپنی دَیا کمائیا۔ جن بھگتاں بن مائی باپ، گھر ویکھے چائیں چائنیا۔ آتم پرماتم اِکو جاپ، جیِون جُگت دئے جنائیا۔ جِس دا نانک نِرگُن کریا پاٹھ، دِوس رَین دھیان لگائیا۔ سو صاحِب پُرکھ سمراتھ، نِروَیر نوُر اِلاہیِا۔ جُگ جُگ دیونہارا دات، وڈ بھنڈاری بےپرواہیِا۔ جن بھگتاں وسے سدا ساتھ، وِچھڑ کدے نہ جائیا۔ ساڈھے تِنّ ہتّھ چلائے کایا راتھ، رتھواہی نظر کِسے نہ آئیا۔ اندر باہر میل مِلاوا کملاپات، نَین نَین مِلائیا۔ جوتی جوت سروُپ ہرِ، آپ اپنی کِرپا کر، جن بھگتاں اندر اپنا نام ٹِکائیا۔ جن بھگتاں لائے نام ٹِکاّ، مستک اِکو رنگ رنگائیندا۔ نظر نہ آئے نیِکن نیِکا، روُپ رنگ ریکھ نہ کوئے وکھائیندا۔ کوُڑا رس کڈھے پھیکا، امرت مُکھ چوائیندا۔ لیکھا جانے جیِو جی کا، لکھّ چؤراسی کھوج کُھجائیندا۔ ہرِجن لہنا چُکائے سیِاں ساڈھے تِنّ ہتّھ سیں کا، جوتی جوت سروُپ ہرِ، آپ اپنی کِرپا کر، جِس جن اپنا نام اپنے رنگ وکھائیندا۔ ہرِ کا نام وکھائے رنگ، رنگ رتڑا بےپرواہیِا۔ ہرِ کا نام سوُرا سربنگ، سوُربیِر صِفت صالاحیِا ۔ ہرِ کا نام سچ مردنگ، آد جُگاد وجےّ ودھائیا۔ ہرِ کا نام نِرگُن سرگُن ویکھے لنگھ، ڈوُنگھی کَندر پھیرا پائیا۔ ہرِ کا نام کرے پرکاش نِرمل چند، اگیان اندھیر مِٹائیا۔ ہرِ کا نام گیِت سُہاگی چھند، گُر اوتار رہے جس گائیا۔ ہرِ کا نام سدا بخشند، بخشش اِکو اِک جنائیا۔ ہرِ کا نام ہرِ سَتگُر دئے ونڈ، گُر گُر شبدی سیو کمائیا۔ ہرِ کا نام ہرِجن ہون نہ دیوے رنڈ، نار سُہاگن

اِک وکھائیا۔ ہرِ کا نام صِفت صالاحن صلاح نہ سکن بتّی دند، کاتب کرے نہ کوئے لِکھائیا۔ ہرِ کا نام گُرمُکھ جانے جِس دیوے پرمانند، پرم پُرکھ بےپرواہیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، کلجُگ انتم اِکو نام دئے وڈیائیا۔ اِکو نام ساچا سوہلا، سو پُرکھ نِرنجن اَنت جنائیندا۔ انتم کلجُگ بدلے چولا، سَتجُگ ساچا روُپ وٹائیندا۔ نؤ کھنڈ پرِتھمی ستّ دیِپ لکھّ چؤراسی گائے ڈھولا، ڈھولا اِکو اِک پڑھائیندا۔ آتم پرماتم پرماتم آتم رنگ وکھائے اپنا مؤلا، جوتی جوت سروُپ ہرِ، آپ اپنی کِرپا کر، ساچا نام اِک اُپائیندا۔ ساچا نام آد جُگاد، اِکو اِک وڈیائیا۔ وِشن برہما شِو کرن یاد، نِج نیتر دھیان لگائیا۔ گُر اوتار کرن فریاد، دوئے جوڑ جوڑ سرنائیا۔ پیِر پَیغمبر منگن داد، نیتر نَیناں نیِر وہائیا۔ جوتی جوت سروُپ ہرِ، آپ اپنی کِرپا کر، سو نام اِک پرگٹائیا۔ سو نام کرے پرگٹ، پرگٹ اپنی دھار چلائیندا۔ آد جُگاد وسے ہر گھٹ، گھٹ گھٹ ڈیرہ لائیندا۔ جُگ چؤکڑی کھیل بازی گر نٹ، نٹوُآ سانگ ورتائیندا۔ سَتجُگ تریتا دواپر کلجُگ مارگ دسّ، جُگ چؤکڑی راہ چلائیندا۔ کوٹن کوٹ صِفتی نام گئے رکھ، صِفت صِفت نال وڈیائیندا۔ اَنت مارگ اِکو دسّ، سچکھنڈ نِواسی پُرکھ ابناسی اِکو گھر سوبھا پائیندا۔ اِکو نام کرے پرکاش، سار شبد روُپ وٹائیندا۔ سب دی پوُری کرے آس، نِراسا نظر کوئے نہ آئیندا۔ تِھر گھر ساچے کرے واس، گھر مندر اِک سُہائیندا۔ پاربرہم پربھ رکھے اپنے پاس، سِر اپنا ہتّھ ٹِکائیندا ۔ جُگ چؤکڑی کھیل تماش، خالق خلق آپ دِرڑائیندا۔ جوتی جوت سروُپ ہرِ، آپ اپنی کِرپا کر، ساچا نام ہِردے آپ وسائیندا۔ ساچا نام ہِردے وسے، وست اپنی آپ ٹِکائیا۔ صاحِب سَتگُر جن بھگتاں سنگ وسے، ہسّ ہسّ خوشی منائیا۔ اندر وڑ وڑ مارگ دسےّ، باہر کرے نہ کوئے پڑھائیا۔ پنچ وِکارا ڈر ڈر نٹّھے، گُر شبد اِکو ڈنک وجائیا۔ آتم پرماتم اِکو گھر اِکٹّھے، پاربرہم مِل برہم خوشی منائیا۔ سوہنگ ڈھولا دوویں رٹے، رٹّا پِچھلا دین مُکائیا۔ دُئی دوَیتی مِٹے پھٹّے، گھاؤ اِکو نام لگائیا۔ آتم پرماتم رس چٹے، پرماتم نِجھر جھِرنا اِک جھِرائیا۔ اِک دوُجے نوُں دوویں جِتے، ہار جِت نہ کوئے رکھائیا۔ بھگت بھگوان لیکھ کوئے نہ لِکھے، لیکھا لِکھت وِچ نہ آئیا۔ سنت اِکو اِک اکھّر سِکھے، دوُجی کرے نہ کوئے پڑھائیا۔ کوٹن کوٹ رس ہون پِھکے، پِھک روُپ نظری آئیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہِردے اپنا نام دھرائیا۔ ہِردے نام دیوے دھر، دھرنی دھرت دھوَل وڈیائیندا۔ اپنی کرنی آپے کر، کرتا پُرکھ سیو کمائیندا۔ سنت ساجن ساچے پھڑ پھڑ، باہوں گلے لگائیندا۔

کایا کوَری ڈوُنگھی بھوَری آپے وڑ، اُچا ٹِلّا پربت پھول پُھلائیندا۔ سچ سِنگھاسن پُرکھ ابناسن آپے چڑھ، تخت نِواسی سوبھا پائیندا۔ در درویش نر نریش وکھاونہارا اپنا گھر، گرِہ مندر آپ سُہائیندا۔ نِربھؤ چُکائے بھےَ ڈر، بھیانک روُپ آپ مِٹائیندا۔ اندر باہر اِکو جِہا کر، نام اپنا رنگ وکھائیندا۔ جوتی جوت سروُپ ہرِ، آپ اپنی کِرپا کر، لیکھا جان سیِس دھڑ، نِدھڑک اپنا میل مِلائیندا۔ کر کِرپا دیوے نام دان، داتا دانی اِک اکھوائیا۔ کلجُگ اَنت ہو مِہربان، سِری بھگوَنت پھیرا پائیا۔ گُرمُکھ سجّن کر پہچان، بےپہچان ہوئے سہائیا۔ دِوس رَین ملِے آن، گھڑی پل نہ کوئے رکھائیا۔ بِن پڑھیاں دیوے گیان، اَنتر آتم بوُجھ بُجھائیا۔ گھر وِچ گھر نظر آئے بھگوان، نِرگُن بَیٹھا آسن لائیا۔ گُرمُکھ ساچے خوشی منان، گھر سخیاں منگل گائیا۔ سرِشٹ سبائی ہوئی حَیران، ہرِ کا بھیوَ کوئے نہ پائیا۔ پڑھ پڑھ تھکے جیِو جہان، جاگرت جوت نہ کوئے جگائیا۔ اٹھسٹھ تیِرتھ پِھرے نادان، دُرمت مَیل نہ کوئے دھوائیا۔ مُلّا شیخ مسائق سرب کُرلان کایا کعبہ کِسے نظر نہ آئیا۔ پنڈت پاندھے کُل پچھتان، بودھ اگادھ کرے نہ کوئے پڑھائیا۔ سادھ سنت ہوئے وَیران، وَیری من نہ جِتیا جائیا۔ کام کرودھ لوبھ موہ ہنکار شیَطان، شرع گھر گھر کرے لڑائیا۔ رسنا گاون ہرِ کا نام، ہِردے ہرِ نہ کوئے وسائیا۔ کوُڑی کِریا جگت نادان، موُرکھ موُڑھے دین دُہائیا۔ جِنہاں اُپر مِہر کرے آپ مِہربان، مِہر نظر اِک اُٹھائیا۔ اندر نظری آئے رام، رام رمئیا اپنا پڑدہ لاہیِا۔ گھر بنسری وجائے شام، مدُھر دُھن اِک سُنائیا ۔ گھر عیسیٰ موُسیٰ محمد دئے پَیغام، کلمہ اِکو اِک جنائیا۔ گھر نانک گوبِند منتر جنائے سَت نام، پُرکھ اکال کرے پڑھائیا۔ سو بھگت ہوئے پروان، جِس پروانہ اپنا نام پھڑائیا۔ سو سنت ہوئے نِشان، جِس سچ نِشانہ دئے وکھائیا۔ سو گُرمُکھ چتُر سُجان، جِس چتربُھج نظری آئیا۔ سو گُرسِکھ ہوئے قُربان، جِس کایا اپنے رنگ رنگائیا۔ ناتا توڑ جگت جہان، سَتگُر سرن دئے سرنائیا ۔ اَنتر دے اِکو نام، نام رام رحیِم نظری آئیا۔ رام رام کرے کلیان، ساڈھے تِنّ ہتّھ خوشی منائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، جن بھگتاں مندر ساچے چڑھ، اپنا نام دئے جنائیا۔ سچ نام بول الکھّ، الکھ الکھنا آپ جنائیندا۔ پُرکھ اکال ہو پرتکھ، پرتکھ ویس وٹائیندا۔ سَت سَتوادی مارگ دسّ، دہ دِشا کھوج کُھجائیندا۔ جُگ جنم وِچھڑیاں پوُری کرے آس، آسا اپنے نال مِلائیندا۔ نِرمل جوت کر پرکاش، اگیان اندھیر چُکائیندا۔ گھر گھر وِچ وکھائے راس، گوپی کاہن ناچ نچائیندا۔ راتیں سُتیاں وسے پاس، جن بھگتاں پاسا آپ بدلائیندا۔ اندر وڑیا

رہے سواس سواس، سواس سواساں آپ سمائیندا۔ آتم سیجا کرے بھوگ بلاس، بھسمڑ اپنی دھار نہ کوئے جنائیندا۔ اِکو نام اِکو رام اِکو شام اِکو کمّ کرے خاص، خواہش گُرمُکھاں پوُر کرائیندا۔ اندر باہر کر نِواس، نِج نیتر درس دِکھائیندا۔ سوہنگ ڈھولا سچّا پاٹھ، پاٹھشالا کایا مندر آپ جنائیندا۔ دِوس رَین سروور امرت مارے ٹھاٹھ، اٹھسٹھ تیِرتھ نظر کوئے نہ آئیندا۔ سچّا نام نہ کوئی ذات نہ کوئی پات، ورن گوت نہ ونڈ ونڈائیندا۔ میل مِلائے کملاپات، کوَل نَین اِکو نظری آئیندا۔ گُرمُکھ گُرسِکھ اندر ویکھے مار جھات، جھاکی سَتگُر آپ جنائیندا۔ جوتی جوت سروُپ ہرِ، آپ اپنی کِرپا کر، ساچا نام اپنی ہتھّیں آپ ٹِکائیندا۔ ساچا نام ڈوُنگھی کَندر، سَتگُر پوُرا آپ ٹِکائیا۔ کر کِرپا من واسنا بنّھے بندر، دہ دِشا نہ اُٹھ اُٹھ دھائیا۔ کرے پرکاش اندھیرے کھنڈر، نوُر ظہوُر اِک رُشنائیا۔ ہرِجن وکھائے سچّا ہرِ مندر، جِس گھر وسے بےپرواہیِا۔ گُرمُکھ دوئے جوڑ کرے بندن، آتم پرماتم لئے پرنائیا۔ گھر نظر آئے تریَلوکی نندن، انند اِکو اِک وکھائیا۔ نانک میلا سوُرے سربنگن، گوبِند انگن گود سُہائیا۔ بھگت بھگوان اِکو نام منگن، پریم پریِتی وڈ وڈیائیا۔ مستک دھوُڑی لگّے چندن، نِم واسنا سچ مہکائیا۔ پِچھلا لیکھا ہووے کھنڈن، کھنڈا نام وِچ پِھرائیا۔ ناتا توڑے جیرج انڈن، برہمنڈن لیکھا رہے نہ رائیا۔ ہرِ بھگت دوُجے در نہ جائے منگن، جِس مِلیا بےپرواہیِا۔ جوتی جوت سروُپ ہرِ، آپ اپنی کِرپا کر، اندر باہر اپنا نام وسائیا۔ اندر باہر نام وسے کھیڑے، کایا کھیڑا اِک جنائیندا۔ کوُڑی کِریا مکُے جھیڑے، جھگڑا اوَر نہ کوئے وکھائیندا۔ سُرتی شبدی دیوے پھیرے، گھر ساچا سگن منائیندا۔ لیکھے لائے تیرے میرے، میرا تیرا اِکو گھر جنائیندا۔ نظری آئے نیرن نیرے، دوُر دُراڈا پندھ چُکائیندا ۔ جن بھگتاں جُگ جُگ بنّھے بیڑے، کندھ اپنے بھار اُٹھائیندا۔ کلجُگ انتم اُلٹی لٹھ آپے گیڑے، گیڑا نظر کِسے نہ آئیندا۔ جِس جن اُپر کرے مِہرے، مِہر نظر اِک اُٹھائیندا۔ لکھّ چؤراسی وِچوں گُرمُکھ تھوڑے ہون بتھیرے، بہُتیاں دھرم رائے ہتّھ پھڑائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہِردے ہرِ ناؤں وسائیندا۔ ہرِ کا ناؤں سدا وسنیِک، گھر گھر ڈیرہ لائیا۔ دوُجا رہن نہ دیوے کوئی شریِک، شِرکت سب دی دئے مِٹائیا۔ مارگ دسےّ اِک باریِک، اؤجھڑ گھاٹی دئے چڑھائیا۔ دوُر دُراڈا آئے نزدیِک، نیرن نیرا پھیرا پائیا۔ ساچا مندر دسےّ ٹھیِک، کایا ٹھیِکر پڑدہ لاہیِا۔ جِس دے نام دی جُگ جُگ کردے رہے اُڈیِک، سو نام داتا پھیرا پائیا۔ کر کِرپا دسےّ اِکو چرن پریِت، چرن پریِتی وِچ کوٹن کوٹ نام چُھپائیا۔ جن بھگتاں

کایا کرے ٹھنڈی سیِت، اگنی تت نہ لاگے رائیا۔ جو جن گائے سوہنگ گیِت، سو پُرکھ نِرنجن میلا سہج سُبھائیا۔ گُرمُکھ گُرسِکھ ہرِجن ہربھگت سنت ساجن رہے اتیِت، ترےَگُن وِچ کدے نہ آئیا۔ مانَس جنم لیَنا جیِت، جوتی جوت سروُپ ہرِ، آپ اپنی کِرپا کر، دیونہارا ساچا ور، اپنا نام گُرمُکھاں جام بِن پیالیوں رہیا پیائیا۔ بِن پیالیوں پیائے نام مد، رس اِکو اِک وکھائیندا۔ ہرِجن سجّن ساچے سدّ، دُھر سندیس الائیندا۔ نوَ کھنڈ پرِتھمی نؤ دوارے پار حد، کوُڑا ناتا توڑ تُڑائیندا۔ چار ورن وکھائے وِشوَ جدّ، برہم پاربرہم سمجھائیندا۔ کوٹن کوٹ لوک مات جیِو جنت گئے لد، بِن پوُرے سَتگُر پار نہ کوئے کرائیندا۔ گُرمُکھ جیِودیاں جگت نالوں ہو جاؤ اڈّ، مرن اِکو اِک سمجھائیندا۔ سچ پریِتی جانا بجھّ، ناتا بِدھاتا جوڑ جُڑائیندا۔ کِرپانِدھان انتم پڑدہ لئے کجّ، سِر اپنا ہتّھ ٹِکائیندا۔ سچکھنڈ دوارے بہنا سج، ہرِ سنگت میل مِلائیندا۔ جِس نوُں کوئی نہ جانے اجّ، بیِتے کال سرب پچھتائیندا۔ جو گھڑیا سو رہیا بھجّ، کلجُگ کال نگارہ ڈنک وجائیندا۔ نام نِدھان امرت رس پربھ چرن دوارے پیِؤ رجّ رجّ، پوُرب جنم ترِسنا بُھکھ گوائیندا۔ گھر مندر گھر ٹھاکر بہے سج، گھر مکّہ کعبہ گھر حُجرہ اِکو اِک سُہائیندا۔ اُچی کوُک سرِشٹ سبائی کہو گجّ، پربھ اندر باہر اِکو رس وکھائیندا۔ دوُجی آس دینی چھڈ، کھہڑا سب توں آپ چُھڈائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ہرِ بھگت میلے بھجّ بھجّ، بھاجڑ گھر گھر آپ وکھائیندا۔

۱۰ پھگن ۲۰۱۹ بِکرمی شِو سِنگھ دے گرِہ میرٹھ چھاؤنی

ہرِ نام ہرِ اندر رکھنا، رکھنہار وڈّی وڈیائیا۔ گُرمُکھ کوئے نہ رہے سکھنا، خالی بھانڈے آپ بھرائیا۔ سَتجُگ ساچی دیوے دچھنا، دہ دِشا کر رُشنائیا۔ لوُں لوُں اندر آپے رچنا، رچ رچ خوشی وکھائیا۔ سچ سُنائے اِکو بچنا، بچپن سب دا دئے بدلائیا ۔ کایا ماٹی بنائے کنچنا، کنچن سوَرن رنگ وکھائیا۔ صاحِب سَتگُر جن بھگت دوارے بہہ بہہ ہسّنا، گھر ساچے وجےّ ودھائیا۔ جوتی جوت سروُپ ہرِ، آپ اپنی کِرپا کر، نام اِکو در وسائیا۔ اندر رکھے نام نِدھان، بےپرواہ دَیا کمائیندا۔ بھاگ لگّے بھگت مکان، کایا بنک وڈیائیندا۔ ناد وجےّ سچ دُھنکان، اناد آپ الائیندا۔ دیونہارا دیوے مان، مہان دَیا کمائیندا۔ جوتی جوت سروُپ ہرِ، آپ اپنی کِرپا کر، ہرِ نام ہرِجن ہِردے آپ وسائیندا۔

ساچا نام گرمُکھ میِت، گُر سَتگُر آپ جنائیا۔ سَت سَتوادی ساچی ریِت، شبدی دھار بندھائیا۔ دیونہار سدا انڈیِٹھ، انڈِٹھڑی وست ورتائیا۔ سَتجُگ ساچی چلے ریِت، ریِتیوان ویکھ وکھائیا۔ سوہنگ ڈھولا اِکو گیِت، گہر گمبھیِر پڑھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، ہرِجن دیوے تھاؤں تھائنیا۔

۱۰ پھگن ۲۰۱۹ بِکرمی پریمی دیوی دے گرِہ گراس منڈی میرٹھ چھاؤنی

سَتگُر دوارا نام ہٹّ، چؤداں لوک منگ منگائیندا۔ گُر اوتار پیِر پَیغمبر اون نٹھ نٹھ، دو جہاناں پندھ آپ مُکائیندا۔ جن بھگتاں دیوے ہرِ جوُ سدّ، صدا اپنا نام لگائیندا۔ اپنے نال ونڈے اَدھ، حِصّہ سانجھا جھولی پائیندا۔ میرا گاؤ اِکو چھند، سو پُرکھ نِرنجن آپ جنائیندا۔ ہنگ برہم کیِتا بند، پڑدہ اپنا اِک جنائیندا۔ میل مِلاواں ساچا پد، در گھر ساچا آپ سُہائیندا۔ جوتی جوت سروُپ ہرِ، آپ اپنی کِرپا کر، سچ دروازہ اِک وکھائیندا۔ سچ دروازہ جائے کُھل، ہرِ نام ہٹّ چلائیندا۔ دیونہار سدا انمُل، کرتا قیِمت کوئے نہ لائیندا۔ در دوارے آئے جو جن بُھل، پھڑ باہوں گلے لگائیندا۔ نام بوُٹا نہ جائے ہُل، پتّ ڈالی آپ مہکائیندا۔ بھگت بھگوان دی ساچی کُل، جُگ جُگ اپنی دھار بندھائیندا۔ جوتی جوت سروُپ ہرِ، آپ اپنی کِرپا کر، نام اِکو ہٹّ وِکائیندا۔ اِکو نام سچ دوار، در درباری آپ جنائیندا۔ گُرمُکھ سجّن بن بِھکھار، بِھچھیا نر ہرِ سچّا پائیندا۔ مانگت بنو ایکا وار، دوُجا در نہ کوئے جنائیندا۔ ہرِ سنگت میلا سچ پیار، گُر چیلا گنڈھ پوائیندا۔ وقت سُہیلا وِچ سنسار، دُہیلا نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، نام بھنڈارا اِک درسائیندا۔ نام بھنڈارا وڈّا وڈ، سو پُرکھ نِرنجن آپ جنائیندا۔ آد اپنے وِچوں کڈھ، اَنت اپنے وِچ رکھائیندا۔ جُگ چؤکڑی کتھا کہانی گائے چھند، رسنا جِہوا میل مِلائیندا۔ بھگت بھگوان اَنتر دیوے اِک انند، آتم اپنا رنگ چڑھائیندا۔ چؤراسی وچھوڑا کٹ پھند، نام ڈوری تند بندھائیندا۔ دوَیت دُئی ڈھاہ کندھ، گھر اِکو اِک وسائیندا۔ جوتی جوت سروُپ ہرِ، آپ اپنی کِرپا کر، نام سَتار اِک سُنائیندا۔ نام سَتار سچ سارنگی، سارنگا نظر کوئے نہ آئیندا۔ نہ کوئی تار نہ کوئی تندی، کِلی ہتّھ نہ کوئے رکھائیندا۔ کھِچنہار سوُرا سربنگی، سُرتی شبدی میل مِلائیندا۔ چلے

چال آپ بے ڈھنگی، بِن بھگتاں ڈھنگ نہ کِسے جنائیندا۔ کلجُگ انتم آیا کنڈھی، کنڈھا دو جہاناں ویکھ وکھائیندا۔ سچّا نام جنائے اِکو چھندی، چھند بند اپنا آپ لگائیندا۔ جوتی جوت سروُپ ہرِ، آپ اپنی کِرپا کر، اپنا نام اپنے وِچ رکھائیندا۔ نام اندر نام اوہلا، نظر کِسے نہ آئیا۔ نام اندر نام گولا، سیوک سیو کمائیا۔ نام اندر نام بولا، انبولت راگ الائیا۔ نام اندر نام پاوے رؤلا، سُنے جگت لوکائیا۔ نام اندر نام وسے کولا، نظر کِسے نہ آئیا۔ نام اندر نام وجائے ڈھولا، مردنگ اِکو اِک وکھائیا۔ جوتی جوت سروُپ ہرِ، آپ اپنی کِرپا کر، نام اندر رہے مؤلا، مؤلا اپنا نام صِفت صالاحیِا۔ نام اندر نام رس، رس رسیِا آپ جنائیندا۔ نام اندر نام وس، وسیکار کھیل کرائیندا۔ نام اندر نام مس، جس نام صِفت صالاحِندا۔ نام اندر نام رکھ، جوتی جوت سروُپ ہرِ، آپ اپنی کِرپا کر، اپنا بھیوَ آپ سمجھائیندا۔ نام اندر نام نِواس، واسا نظر کِسے نہ آئیندا۔ نام اندر نام داس، بن سیوک سیو کمائیندا۔ نام اندر نام آس، آسا آسا وِچ پرگٹائیندا۔ نام اندر نام شاخ، گُر اوتار پیِر پَیغمبر جُگ جُگ راگ الائیندا۔ نام اندر اپنا نام رکھے اپنے پاس، پیِر پَیغمبراں بھیوَ نہ کوئے جنائیندا۔ جوتی جوت سروُپ ہرِ، آپ اپنی کِرپا کر، نام اندر نام پرکاس، پرکاس اپنے وِچ مِلائیندا۔ نام اندر نام انڈِٹھ، انڈِٹھڑے دھام ٹِکائیا۔ نام اندر نام سِکھیا لئے سِکھ، سِکھ سِکھ کرے پڑھائیا۔ نام اندر نام صِفت لئے لِکھ، لیکھا جانے قلم شاہیِا۔ نام اندر نام ونڈے ہِس، حِصّہ دیوے جگت لوکائیا۔ نام اندر نام رہیا وِک، قیِمت نظر کِسے نہ آئیا۔ نام اندر نام بنے مات پِت، پِتا پوُت نام اکھوائیا۔ ساچا نام پربھ دیوے جن بھگتاں کر کر ہِت، دوُسر ہتّھ نہ کِسے پھڑائیا۔ نام دِتا جِس جِس، سو گُر اوتار پیِر پَیغمبر بھگت ہرِ کا ڈھولا گئے گائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنا نام اپنے ہتّھ رکھائیا۔ نام اندر نام بودھ، بودھ کرے پڑھائیا۔ نام اندر نام سَت گود، سُکھ آسن ڈیرہ لائیا۔ نام اندر نام کرے جودھ، جودھا سوُربیِر نام اکھوائیا۔ نام اندر نام لائے چوٹ، چوٹ نگارہ اِک لگائیا۔ نام اندر نام ہوئے موہت، مُحبّت اِکو اِک رکھائیا۔ نام اندر نام اوت پوت، پُت پوترے ونڈ ونڈائیا۔ نام اندر نام گوت، گُر اوتار پیِر پَیغمبر دیِن مذہب راہ گئے چلائیا۔ نام اندر نام سروت، سُناونہارا نام اکھوائیا۔ جوتی جوت سروُپ ہرِ، آپ اپنی کِرپا کر، ایکا نام اپنے حُکم چلائیا۔ نام اندر نار کنت، نِرگُن سرگُن کھیل کرائیندا۔ نام اندر رُت بسنت، پُھل پُھلواڑی آپ مہکائیندا۔ نام اندر جیِو جنت، لکھّ چؤراسی ناچ نچائیندا۔ نام اندر منیِا منت، اکھّر وکھّر

آپ پڑھائیندا۔ نام اندر بھگت بھگوَنت، بھگوَن اپنا راہ چلائیندا۔ نام اندر سادھ سنت، کوٹن کوٹ سیو کمائیندا۔ نام اندر مہما اگنت، گُرمُکھ گُر گُر آپ پڑھائیندا۔ نام اندر کھیل اننت، گُرسِکھ گُر سِکھیا اِک دِرڑائیندا۔ نام اندر بنائے بنت، نام ونجارا ہٹّ چلائیندا۔ جوتی جوت سروُپ ہرِ، آپ اپنی کِرپا کر، اِکو نام آد جُگاد جُگ جُگ جُگ کرتا آپ جنائیندا۔ نام اندر نام سو، سو پُرکھ نِرنجن آپ پرگٹائیا۔ نام اندر نام ہنگ برہم ہو، ہرِ جوُ اپنی کھیل کرائیا۔ نام اندر نام آتم پرماتم ودھائے موہ، موہ مُحبّت اِک درسائیا۔ نام اندر نام جائے چھوہ، انگیکار انگ لگائیا۔ نام اندر نام دیوے ڈھوآ ڈھو، ساچی وست جھولی پائیا۔ نام اندر نام کرے لو، لوآں پُریاں پرکاس کرائیا۔ نام اندر نام رہیا رو، بن وَیراگی نیتر نَیناں نیِر وہائیا۔ نام اندر نام جانے کو، جِس جن اپنی بوُجھ بُجھائیا۔ نام اندر نام جِہا پربھ آپے ہو، ہرِجن ساچے میل مِلائیا۔ نام اندر نام، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا نام اپنا آپ جنائیا۔ نام اندر نام اکال، اکل کلا اکھوائیندا۔ نام اندر نام دَیال، دیِن دَیال ویکھ وکھائیندا۔ نام اندر نام پرِتپال، پرِتپالک سیو کمائیندا۔ نام اندر نام لال، سَت سَتوادی سوبھا پائیندا۔ نام اندر نام جلال، جلوہ نوُر ظہوُر پرگٹائیندا۔ نام اندر نام غُلام، بن بردا سیو کمائیندا۔ نام اندر نام پروان، پرم پُرکھ آپ سمجھائیندا۔ نام اندر نام نِشان، سَتگُر ساچا آپ جھُلائیندا۔ اِکو نام سِری بھگوان، آتم پرماتم پرماتم آتم جوڑ جُڑائیندا۔ سوہنگ نام سدا پروان، پاربتی شِو شِو شنکر - - - - -۔