۱۱ پھگن ۲۰۱۹ بِکرمی کرتار سِنگھ دے گرِہ شکوُر بستی دِلّی
بھولا کہے بھولے بھاؤ، بھرم بھاوَ جنائیندا۔ بےپرواہ اگمّ اتھاہو، الکھ اگوچر کھیل کرائیندا۔ وسنہارا ساچے تھاؤں، سچ دوار اِک سُہائیندا۔ اُپجاونہارا ساچا ناؤں، ناؤں نِرنکارا آپ اکھوائیندا۔ دیونہارا ٹھانڈی چھاؤں، سِر شنکر ہتّھ ٹِکائیندا۔ پکڑنہارا سدا باہوں، نِرگُن اپنی سیو کمائیندا۔ بننہارا پِتا ماؤں، بالک اپنی گود سُہائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیندا۔ پاربتی ویکھ اپنا پتی، پرتیِت رہی دھرائیا۔ چرن بلہار ہووے ستی، سَت اِک دھرائیا۔ سِمرن نہ جانے صاحِب رتی، رتی رت نہ کوئے سُکائیا۔ بن بَیراگن پِھرے نٹّھی، بھجیّ واہو داہیِا۔ تتاں اندر تتَو بدھّی، باندی بَیٹھی سیِس جھُکائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ سمجھائیا۔ بھولا کہے بھولی نار، بھیوَ ابھید جنائیندا۔ تُوں کی جانیں ساچی سار، ہرِ جوُ کی کی کھیل ورتائیندا۔ تیرا سنگ رنگ پیار، اُمنگ روُپ نہ کوئے وکھائیندا۔ مردنگ انحد دُھر دی دھار، تُرنگ سُرنگ جنائیندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ کُھلائیندا۔ ساچا بھیوَ دسےّ ایک، ایک ایک وڈیائیا۔ پاربتی پربت ٹیک، چوٹی پتّھر آس رکھائیا۔ آپے جنائے ساچا لِکھے
لیکھ، شنکر کنکر اِک جنائیا۔ جِس دا لیکھا اننت لیکھ، بےپرواہ وڈ وڈیائیا۔ نِت نوِت لئے پیکھ، پیکھنہار شہنشاہیِا۔ جوتی جوت سروُپ ہرِ، آپ اپنی کِرپا کر، ساچا کھیل اپنے ہتّھ رکھائیا۔ ساچا کھیل دسےّ بھگوان، اپنا بھیوَ جنائیندا۔ تخت نِواسی نؤجوان، ساچے تخت سوبھا پائیندا۔ جوتی نوُر نوُر مہان، پرگٹ اپنی دھار چلائیندا۔ اپنا حُکم کر بلوان، نِرگُن اپنی کھیل کرائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیندا۔ ساچا بھیوَ سِری بھگوَنت، اپنے ہتّھ رکھائیندا۔ سچ پیار اپنا منت، منتر آپ دِرڑائیندا۔ سیج وِچھائے بن بن کنت، کنتُوہل سیج ہنڈھائیندا۔ سچ درگاہ چاڑھے رنگت، رنگ رنگیِلا آپ اکھوائیندا۔ سچ مِہربان لائے انگت، انگیکار آپ ہو جائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا آپ سمجھائیندا۔ ساچی سِکھیا بالی نڈھّی، نِرگُن نرائن آپ جنائیا۔ شنکر واسنا در سدّی، سدّا اِکو نام سُنائیا۔ پریم ڈوری نام بدھّی، بندھن ہور نہ کوئے رکھائیا۔ بھوَلی بھالی ویکھے لدّھی، چلن دیوے نہ کوئے چتُرائیا۔ انگیکار کرے نہ کوئی ہڈّی، جوتی جوت سروُپ ہرِ، آپ اپنی کِرپا کر، اپنا رنگ آپ رنگائیا۔ پاربتی سُن لا کر کان، بھولا بھولے بھاؤ جنائیندا۔ تیرا میرے وِچ دھیان، میرا دھیان اِکو بھگوَن نَین درسائیندا۔ تُوں ویکھی میری شان، مَینوُں شہنشاہ نظری آئیندا۔ تُوں میری کری پہچان، میَں بےپہچان اَگے سیِس جھُکائیندا۔ تُوں مَینوُں کر پروان، میَں اپنا پروانہ پربھ ساچے اَگے رکھائیندا۔ جوتی جوت سروُپ ہرِ، آپ اپنی کِرپا کر، بھیوَ ابھید آپ جنائیندا۔ بھولا کہے سُن ساچی ریِت، سچ سچ دیاں دِرڑائیا۔ نر نرائن کر پریِت، پریِتیوان میرا ماہیِا۔ بَیٹھا رہے سدا اتیِت، آپ اپنی سیج سُہائیا۔ کرے کھیل اِک انڈیِٹھ، انڈِٹھڑی کار کمائیا۔ آد جُگاد جُگ جُگ کدے نہ دیوے پیِٹھ، کروٹ سکے نہ کوئے بدلائیا۔ جُگ جُگ چلاونہارا اپنی ریِت، ساچی سِکھیا دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی سِکھیا اِک دِرڑائیا۔ ساچی سِکھیا دیوے بھگوَنت، مِہربان مِہر نظر اُٹھائیندا۔ نر نرائن بن بن کنت، آپ اپنا پڑدہ لاہِندا۔ رنگ چاڑھ اِک بسنت، چولی اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، سیج سُہنجنی اِک وِچھائیندا۔ سیج سُہنجنی چرن دوار، سو پُرکھ نِرنجن آپ وِچھائیا۔ ہرِ پُرکھ نِرنجن ویکھے نَین اُگھاڑ، نِرگُن داتا بےپرواہیِا۔ ایکنکارا ہو تیار، سیجے آئے چائیں چائنیا۔ آد نِرنجن نِرگُن باتی دیِپک بال، اِکو نوُر کرے رُشنائیا۔ ابناسی کرتا ساچے مندر سُگھڑ سُچجیّ آپے بٹھال، آپ اپنے
انگ لگائیا۔ سِری بھگوان سَت سروُپی دے نِشان، ست وستُو جھولی پائیا۔ پاربرہم پربھ کر دھیان، دھیان دھیان وِچ مِلائیا۔ ساچا کنت کرے کھیل مہان، مہما اپنی دئے جنائیا۔ سچ دوار وکھائے مکان، چھپر چھنّ نہ کوئے چُھہائیا۔ جوتی جوت سروُپ ہرِ، آپ اپنی کِرپا کر، کنت اپنا رنگ رنگائیا۔ سخی ویکھ صاحِب کنت، کنتُوہل وڈّی وڈیائیا۔ جِس نے رچنا رچائی آد سو ویکھنہارا اَنت، اَنت آد آپ ہو جائیا۔ سَت پیار درسائے اِکو منت، منتر کرے پڑھائیا۔ جوتی جوت سروُپ ہرِ، آپ اپنی کِرپا کر، آپ اپنے انگ لگائیا۔ اپنے انگ آپے رکھ، اپنی دَیا کمائیندا۔ صاحِب دَیال ہو پرتکھ، پاربرہم پربھ کھیل کرائیندا۔ لیکھا جانے بِن رتّی رتّ، رتّ اپنا روُپ وکھائیندا۔ جوتی جوت سروُپ ہرِ، آپ اپنی کِرپا کر، ساچا مندر آپ وکھائیندا۔ ساچا مندر ہو مِہربان، اِکو اِک جنائیا۔ نار کنت کر پروان، بھگوَنت لئے وڈیائیا۔ سیج سُہنجنی ویکھے آن، آد نِرنجن نوُر رُشنائیا۔ درد دُکھ بھےَ بھنجن دیوے دان، داتا دانی دَیا کمائیا۔ سدا سدا سد ہوئے نِگہبان، نیتر نَین نَین تکائیا۔ بالی نڈھّی ویکھ انجان، ساچی سِکھیا کرے پڑھائیا۔ کوجھی کملی کر پروان، سِر اپنا ہتّھ ٹِکائیا۔ انمنگیا دیوے دان، جھولی وست بھرائیا۔ سو صاحِب میرا سُلطان، سچکھنڈ وسے سچّا ماہیِا۔ دیونہار دُھر فرمان، سچ سندیسہ رہیا سُنائیا۔ پاربتی سُن لا کر کان، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا میلا سہج سُبھائیا۔ پاربتی کی جانے سار، سار ہتّھ کِسے نہ آئیا۔ جگت وِوہاری کرے جگت وِہار، اپنا بھیوَ نہ کِسے سمجھائیا۔ جوبن رتّی ہو تیار، نیتر نَین رہی مٹکائیا۔ بھولا ناتھ نَین شنگار، در منگت بِھکھک رہیا سمجھائیا۔ جٹا جوُٹ کھیل اپار، ترسوُل اِکو ہتّھ اُٹھائیا۔ ہسّے رووے رووے ہسّے ویکھے دوہری دھار، چھہبر نَیناں نیِر وہائیا۔ جوتی جوت سروُپ ہرِ، آپ اپنی کِرپا کر، اپنی کرنی آپ جنائیا۔ کدے پیار کدے وکھّ، وکھّ پیار وِچ ونڈائیندا۔ کدے نِرمل کدے اُجل کدے تولیا لکھّ، کدے بھبوُتی اپنی رمائیندا۔ کدے سوارے کدے پئے اُٹھ، نیتر نَین نہ کوئے کُھلائیندا۔ جوتی جوت سروُپ ہرِ، آپ اپنی کِرپا کر، کھیل اِکو اِک سمجھائیندا۔ جِس وقت دی کرو تلاش، ڈھوُنڈیاں نظر کِسے نہ آئیا۔ اوہ وقت سَتگُر پاس، چِھن ماتر دئے وکھائیا۔ گُر سَتگُر ہووے داس، ساچی سِکھیا دئے پڑھائیا۔ ساچے وقت دی پوُری کرے آس، نِراسا روُپ نہ کوئے رکھائیا۔ اوس وقت دی گُر اوتار پیِر پَیغمبر کردے گئے خواہش، سَتجُگ تریتا دواپر کلجُگ دھیان لگائیا۔ وقت اندر گوپی کاہن پاؤندے گئے راس، منڈل منڈپ ناچ نچائیا۔
وقت اندر نِرگُن سرگُن وینہدا رہیا کھیل تماش، خالق خلق روُپ وٹائیا۔ وقت اندر کوٹن کوٹ سادھ سنت گا گا تھکے پوَن سواس، سواس سواساں نال مِلائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر وقت اپنے ہتّھ رکھائیا۔ ساچے وقت دی جِس جن دلیِل، ہرِ سَتگُر آپ جنائیندا۔ صاحِب سَتگُر اِکو کرو وکیِل، دو جہاناں ویکھ وکھائیندا۔ سچ دوار کرو اپیِل، مِہربان دَیا کمائیندا۔ جوتی جوت سروُپ ہرِ، آپ اپنی کِرپا کر، ساچا وقت نیرن نیرا دوُرن دوُرا اپنے ہتّھ رکھائیندا۔ جِس وقت دا تکّو راہ، تقویٰ اِک رکھائیا۔ تِس وقت دا پُرکھ اکال ملاح، بیڑا رہیا چلائیا۔ گُر شبد کولوں پُچھو صلاح، سچ سچ دئے جنائیا۔ پھڑ پھڑ باہوں راہے دیوے پا، اؤجھڑ پندھ رہن نہ پائیا۔ نِج نیتر نظری جاوے آ، پِچھلا لیکھا رہیا سمجھائیا۔ جوتی جوت سروُپ ہرِ، آپ اپنی کِرپا کر، وقت اِکو اِک وڈیائیا۔ اِکو وقت ہوئے سُہیلا، سو پُرکھ نِرنجن آپ جنائیندا۔ سُرتی شبدی ہوئے میلا، گُر چیلا ایکا رنگ رنگائیندا۔ نظری آئے وسنہارا دھام نویلا، گرِہ مندر سوبھا پائیندا۔ جوتی جوت سروُپ ہرِ، آپ اپنی کِرپا کر، ساچا وقت آپ سُہائیندا۔ ساچا وقت ہوئے سُہنجنا، سوبھاوَنت سُہائیا۔ کر پرکاش آد نِرنجنا، اگیان اندھیر چُکائیا۔ میل مِلائے درد دُکھ بھےَ بھنجنا، بھوَ ساگر پار کرائیا۔ چرن دھوُڑ کرائے مجنا، نیرن نیرا پھیرا پائیا۔ جوتی جوت سروُپ ہرِ، آپ اپنی کِرپا کر، ساچا وقت اِکو اِک وکھائیا۔ ساچا وقت ویکھو جگ، وکھاونہارا آپ درسائیا۔ درس کرائے اُپر شاہ رگ شہنشاہ اپنا میل مِلائیا۔ نِرمل دیِپک جائے جگ، جوت جوت رُشنائیا۔ آتم پرماتم جو بَیٹھی ہو کے اڈّ، دوہاں میلا لئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا ویلا وقت اِکو اِک صالاحیِا۔ ساچا وقت رکھو یاد، یادداشت آپ کرائیندا۔ ہرِ جوُ سُننہارا فریاد، شہنشاہ اپنا پھیرا پائیندا۔ پِچھلی منگ اگلی پوُری دیوے داد، داتا دانی آپ ورتائیندا۔ بِن پڑھیاں بِن سُنیاں بِن جاگیاں بِن سُتیاں وجےّ ناد، ناد انادی آپ وجائیندا۔ بِن رسنا بِن جِہوا بِن چکھّیاں آئے سواد، امرت رس اِک وکھائیندا۔ جگت دوارا دیوے کاڈھ، پار حد آپ وکھائیندا۔ سچ سُہنجنی سیجا کرے لاڈ، مِہربان مِہربان مِہر نظر آپ تکائیندا۔ دوُر دُراڈا نیرن نیرا آئے بھاج، بن پاندھی پندھ مُکائیندا۔ وقت سُہیلا گُر چیلا کرے کاج، جگت میلا میل مِلائیندا۔ جوتی جوت سروُپ ہرِ، آپ اپنی کِرپا کر، ساچا سماں آپ سُہائیندا۔ ساچے سمیں دی سچ تلاشی، گُرمُکھ بَیٹھے دھیان لگائیا۔ کوئی بھیوَ نہ جانے پنڈت کاشی، مُلّا شیخ سمجھ نہ آئیا۔ اَنتر آتم لا
کے بَیٹھے آسی، آسا آسا نال مِلائیا۔ پاربرہم پربھ سَتگُر سجّن لاہونہار اُداسی، چِنتا دُکھ گوائیا۔ جوتی جوت سروُپ ہرِ، آپ اپنی کِرپا کر، ساچا وقت رہیا درسائیا۔ ساچا وقت آئے نیڑے، نیرن نیرا آپ جنائیندا۔ ہرِجن بھاگ لگّے کایا کھیڑے، مندر اِکو اِک سُہائیندا۔ سَتگُر سچّا آ جائے اپنے ویہڑے، دُئی دوَیتی پڑدہ لاہِندا۔ ساچے سنتاں بنّھے بیڑے، کندھ اپنے بھار اُٹھائیندا۔ ناتے چُکن تیرے میرے، میرا تیرا اِکو نظری آئیندا۔ انتم دیونہارا گیڑے، اُلٹی لٹھ آپ بھوائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، وقت سُہاونا آپ سُہائیندا۔ ساچا وقت ہوئے سُہاونا، سو پُرکھ نِرنجن آپ سُہائیا۔ گُرمُکھاں گُر گھر گھر پاونا، در مندر وجےّ ودھائیا۔ ہرِجن ناری پِر پتی راونا، نر نرائن بےپرواہیِا۔ آتم پرماتم ڈھولا گاونا، گھر گھر وِچ خوشی وکھائیا۔ دوُر دُراڈا نیڑے ہو کے پکڑے دامنا، دامنگیر اِک ہو جائیا۔ کلجُگ میٹے اندھیری شامنا، شمع اِکو نوُر کرے رُشنائیا۔ گُرمُکھاں درس دِکھائے آمنو سامنا، بھرم بُھلیکھا دوُر کڈھائیا۔ سو وقت ہوئے سُہاونا، جِس ویلے پربھ ملِے چائیں چائنیا۔ جوتی جوت سروُپ ہرِ، آپ اپنی کِرپا کر، ساچے وقت دی آپے رکھے تلاش، جن بھگتاں پوُری کرے خواہش، خصوُصیئت اپنی آپ جنائیندا۔ بھگت پیار وڈّا بھارا، تولیاں تول نہ کوئے تُلائیا۔ سِری بھگوان جن بھگتاں کولوں منگے آپ سہارا، نِرگُن بن بن پھیرا پائیا۔ کلجُگ انتم آیا پار کنارہ، گُر اوتار پیِر پَیغمبر بَیٹھے ڈھیریاں ڈھاہیِا۔ سرِشٹ سبائی آئی ہارا، سِر سکے نہ کوئے اُٹھائیا۔ چار کُنٹ دہ دِشا ہوئے خوارا، در در گھر گھر پئی لڑائیا۔ بِن بھگت ہرِ کا حق نہ لائے کوئی نعرہ، سچ سچ نہ کوئے جنائیا۔ سِری بھگوان جن بھگتاں کولوں ڈردا آ آ کرے پیارا، پریم پیار وِچ جنائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ویس اولّڑا روُپ وکھائیا۔ پیار سِکھن آئے بھگوان، نِرگُن اپنا روُپ دھرائیندا۔ گُرمُکھ ویکھ سچّا سُلطان، گھر جا جا الکھ جگائیندا۔ گُرمُکھ اُٹھے نؤجوان، آپ اپنا بل وکھائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ساچی ریِتی بھگتاں وِچ پرگٹائیندا۔ بھگتاں اندر پیار ڈوُنگھا، نظر کِسے نہ آیا۔ سِری بھگوان بن کے سوُنگھا، نِرگُن اندر وڑ وڑ ویکھ وکھایا۔ کوَل نابھی وڈّا ہویا موُدھا، آپ اپنا مُکھ بھوایا۔ برہم بھیوَ کُھلائے گوُجھا، پاربرہم پڑدہ آپ چُکایا۔ لیکھا چُکیا ایکا دوُجا، ایکنکارا گھر نظری آیا۔ ایکنکار سچ دوار سوُجھا، در بھگتاں پھیرا پایا۔ پریم پریِتی اندر جھوُجھا، نچھاوَر اپنا آپ کرایا۔ جوتی جوت سروُپ ہرِ، آپ اپنی کِرپا کر، بھگت پیار بھگوان اپنی جھولی
پایا۔ سچ پریِتی سَتگُر پیار، سَت سَتوادی جھولی پائیندا۔ سچ پریِتی جوت آکار، نِراکار نوُر درسائیندا۔ سچ پریِتی شبد دُھنکار، انحد نادی ناد سُنائیندا۔ سچ پریِتی بخشے امرت ٹھنڈا ٹھار، نِجھر جھِرنا اِک جھِرائیندا۔ سچ پریِتی ڈوُنگھی کوَری کرے پار، بھوَری روڑھ نہ کوئے رُڑھائیندا۔ سچ پریِتی ناتا توڑے کام کرودھ لوبھ موہ ہنکار، آسا ترِسنا میٹ مِٹائیندا۔ سچ پریِتی ہؤمیں ہنگتا دئے نِوار، کوُڑی کِریا موہ چُکائیندا۔ سچ پریِتی گُرسِکھ روُپ بنائے وِچ سنسار، سچ سُچ اِکو جھولی پائیندا۔ سچ پریِتی گُرمُکھ رنگ رنگے کرتار، رنگ انمولا آپ چڑھائیندا۔ سچ پریِتی سَت بنائے سُت دُلار، پوُت سپوُتا روُپ وٹائیندا۔ سچ پریِتی بھگت بھگوان دئے وکھال، گھر ساچے میل مِلائیندا۔ سچ پریِتی ایتھے اوتھے بنے دلال، دو جہاناں پار کرائیندا۔ سچ پریِتی ناتا توڑے کال مہاکال، مِہربان مِہر نظر تکائیندا۔ سچ پریِتی لیکھا چُکائے ترےَگُن مایا جگت جنجال، جیِون جُگت اِک جنائیندا۔ سچ پریِتی دھرم دوارا وکھائے سچّی دھرمسال، جِس گرِہ ہرِ جوُ آسن لائیندا۔ جوتی جوت سروُپ ہرِ، آپ اپنی کِرپا کر، ساچے بھگتاں آپ جنائیندا۔ سچ پریِتی سچ دوار، دُھر درباری آپ جنائیا۔ سچ پریِتی میل مِلائے ایکنکار، اکل کلا وڈ وڈیائیا۔ سچ پریِتی جُگ چؤکڑی ڈوُنگھے ساگر کرے پار، بھوَر سکے نہ کوئے رُڑھائیا۔ سچ پریِتی اٹھسٹھ تیِرتھ تٹ کنارہ کرے پار، سروور اِکو اِک جنائیا۔ سچ پریِتی، جوتی جوت سروُپ ہرِ، آپ اپنی کِرپا کر، جن بھگتاں جھولی پائیا۔ سچ پریِتی جو جن کرے، سو پُرکھ نِرنجن ہرِ جنائیندا۔ نِربھؤ ہو کدے نہ ڈرے، جم نیڑ کدے نہ آئیندا۔ دھرم رائے لیکھا کوئے نہ منگے، چِتر گُپت نہ حِساب وکھائیندا۔ ملِے میل سوُرے سربنگے، اَدھ وِچکار نہ کوئے اٹکائیندا۔ سچ پریِتی دیوے سَت انندے، انند آتم آپ جنائیندا۔ سچ پریِتی کر نہ سکے چکور چندے، چند اماوس نظر کِسے نہ آئیندا۔ سچ پریِتی گُرمُکھ کایا چولی رنگ رنگے، رنگ مجیِٹھی اِک چڑھائیندا۔ سچ پریِتی گُرسِکھ کر لوآں پُریاں پار لنگھے، وِشن برہما شِو نِیوں نِیوں سیِس جھُکائیندا۔ سچ پریِتی، جوتی جوت سروُپ ہرِ، آپ اپنی کِرپا کر، گُرمُکھ وِرلے آپ کرائیندا۔ سچ پریِتی جِس لئی کر، کرتا پُرکھ دئے وڈیائیا۔ تِس گُرمُکھ ملِے ساچا گھر، گھر گھر وِچ وجےّ ودھائیا۔ میل مِلائے نرائن نر، ناری اپنے انگ لگائیا۔ سچ پریِتی سُرتی شبد لئے پھڑ، پھڑ پلّوُ گنڈھ پوائیا۔ ساچے مندر ویکھے چڑھ، اُچے ٹِلّے آسن لائیا۔ جوتی جوت سروُپ ہرِ، آپ اپنی کِرپا کر، سچ پریِتی اندر گُر اوتار پیِر پَیغمبر اپنی سیوا لائیا۔ ہرِ سنگت سیوا ساچا موُل، انمُل آپ جنائیندا۔
پریم پیار دے برکھو پھوُل، دوُجی منگ نہ کوئے منگائیندا۔ کوُڑی کِریا کانٹا چُبھؤنی نہ کوئے ترِسوُل، ترےَگُن سوُل آپ جنائیندا۔ گُرسِکھ گُرسِکھ دی چُغلی نِندیا نہ کرنی بھوُل، سچ سُچ جھولی پائیندا۔ پربھ مِلن دا اِکو اصوُل، گُرسِکھ اصلیّت روُپ وٹائیندا۔ جو سَتگُر بچن کرے قبوُل، سو گُرسِکھ ہرِ سنگت سیو کمائیندا۔ سَتگُر لہنا دینا چُکاوے موُل، اگلا پِچھلا لیکھا جھولی پائیندا۔ جوتی جوت سروُپ ہرِ، آپ اپنی کِرپا کر، ہرِ سنگت دی سچ پریِتی، پریم پیار دی اِکو ریِتی، جیِون جُگت دی سچّی نیِتی، اِکو رنگ ویکھنا ہست کیِٹی، اوُچ نیِچ بھیوَ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پریِتی اِک درسائیندا۔ سَتگُر چرن سچّا سنتوکھ، دھیِرج دھیِر اِک دھرائیندا۔ پار کرائے مکُتی موکھ، مُفت اپنا نام ورتائیندا۔ سچکھنڈ بہائے ساچے کوٹ، قِلعے بنک وڈیائیندا۔ دیوے نام بھنڈار اتوٹ، توٹ نہ کوئے رکھائیندا۔ آلنیوں ڈِگے اُٹھائے بوٹ، پھڑ باہوں گود بہائیندا۔ اَنت مِلاواں نِرمل جوت، جوتی جوت وِچ سمائیندا۔ سَتگُر گُرسِکھ اُتے کدے نہ دیوے دوش، نِردوشیاں پار کرائیندا۔ ساچی غریِبی کایا اندر، باہروں منگیاں ہتّھ نہ آئیا۔ من واسنا روکو بندر، دہ دِشا نہ اُٹھ اُٹھ دھائیا۔ کر پرکاش سوُرج چندر، کوٹن کوٹ روَ سس رُشنائیا۔ گُرسِکھ غریِبی کِسے در نہ جائے منگن، سَتگُر پوُرا پریم غریِبی ہِردے دئے وسائیا۔ ناتا توڑ بُھکھ ننگن، بُھکھیاں ننگیاں اپنے گلے لگائیا۔ جوتی جوت سروُپ ہرِ، آپ اپنی کِرپا کر، خِماں غریِبی چاکری جگت جُگ بِن بھگتاں ہتّھ نہ کِسے پھڑائیا۔ بُدھی من چِت کرے وشیش، وشیشتائی آپ جنائیندا۔ لیکھا چُکا برہما وِشن مہیش گنیش، گنپت اپنا راہ وکھائیندا۔ آد جُگاد جیِو جنت لِکھنہارا لیکھ، لیکھا سب دا اپنے ہتّھ وکھائیندا۔ جُگ چوکڑی بدلنہارا بھیس، ویس انیک وٹائیندا۔ وسنہارا سچکھنڈ دیس، کایا اندر پھیرا پائیندا ۔ من مت بُدھ نہ جانے پربھ کا بھیوَ، کر کِرپا اپنا میل مِلائیندا۔ ہِتکاری کرے ساچا ہیت، نِت نوِت ویکھ وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنا رنگ رنگ بِبیک، گُرمُکھ نِج نیتر لئے ویکھ، جگت نیتر نظر کِسے نہ آئیندا ۔ من واسنا من وِچ کھپائے، مِہر نظر اُٹھائیا۔ گُرسِکھ گُر گُر سَتگُر اِک رنگ ہو جائے، دوُسر روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، من منوُآ آپ ٹِکائیا۔ من منوُآ کی کرے وِچارا، نِکاّ بالا اکھوائیندا۔ سَتگُر جودھا سوُر بلکارا، بل اپنا آپ پرگٹائیندا۔ شبد کھنڈا کھِچ دو دھارا، نِربھےَ بھؤ وکھائیندا۔ آسا رووے زارو زارا، ترِسنا نیِر وہائیندا۔
من کرے ہاہاکارا، جوتی جوت سروُپ ہرِ، آپ اپنی کِرپا کر، دیونہارا سچّا ور، من ممتا موہ چُکائیندا۔ من مارے من دئے جوال۔ من وِچارے من صِفت سوال۔ من اُٹھالے من دئے بہال۔ من کایا اندر کرے کھیل نیارے، پنج تت جگت دھرمسال۔ جوتی جوت سروُپ ہرِ، آپ اپنی کِرپا کر، جِس جن دیوے اپنا نام ور، تِس من واسنا ہوئے زِوال۔ من اُٹھ نہ اُٹھ اُٹھ نٹھے، اپنی دؤڑ لگائیا۔ سَتگُر سرنائی ڈھےَ ڈھےَ ڈھٹّھے، بلہیِن ہو جائیا۔ اَنتر آتم پرماتم نِرگُن نام جپے، جپت جپت سُکھ پائیا۔ ترےَگُن مایا موُل نہ تپے، بُدھی مت نہ کوئے چتُرائیا۔ اَنتر رس ملِے نِجھر رسے، مُکھ بوُند سوانت چوائیا۔ گُرمُکھ مِل گُر سَتگُر ہسّے، جگت ترِسنا روگ گوائیا۔ جِس گرِہ جِس گھر جِس مندر جِس کھیڑے جِس دوار سَتگُر شبد وسے، تِس من کرے نہ کوئے چتُرائیا۔ گُرمُکھ گُرسِکھ ہرِجن ہربھگت ہرِ سرنائی ڈھٹّھے، مان ابِھمان موہ مِٹائیا۔ جوتی جوت سروُپ ہرِ، آپ اپنی کِرپا کر، جِس جن دیوے اپنا نام ور، تِس من منتر منتوَ اِکو اِک جنائیا۔ سچّا پاٹھ سَتگُر چرن، چرن ملِے سرنائیا۔ سَتگُر کھولے نیتر ہرن پھرن، نِج نیتر کرے رُشنائیا۔ دیِن دَیال ترنی ترن، تارنہارا ہوئے سہائیا۔ گُرمُکھ گُرسِکھ گُر سَتگُروُ دوارے وڑن، دُئی دوَیتی پڑدہ بجر کپاٹی آتم کُنڈا لاہیِا۔ رل مِل دوویں اِکو ڈھولا پڑھن، تُوں میرا میَں تیرا دوُجا نظر کوئے نہ آئیا۔ ناتا تُٹے جمن مرن، مرن جنم رہن نہ پائیا۔ جوتی جوت سروُپ ہرِ، آپ اپنی کِرپا کر، ساچا جاپ اِکو اِک سمجھائیا۔ ساچا جاپ سَتگُر ٹیک، ہرِ سچ سچ جنایا ۔ آتم پرکاش بُدھی بِبیک، مت متوالی آپ سمجھایا۔ ترےَگُن پنج تت نہ لائے سیک، من واسنا میٹ مِٹایا۔ نِج نیتر نِج کھیتر نِج کایا آپ اپنا لئے ویکھ، پیکھ اپنی خوشی منایا۔ پاربرہم برہم کرے ہیت، در میلا سہج سُبھایا۔ اَنتر آتم سچّا پاٹھ اچن اچیت، اجپا جاپ بِن رسنا جِہوا گایا۔ گُر سَتگُر کرے ساچا ہیت، ہرِجن اپنے رنگ رنگایا۔ جوتی جوت سروُپ ہرِ، آپ اپنی کِرپا کر، سچّا پاٹھ اَنتر نام دِرڑایا۔ پوُجا پاٹھ پوَن سواس، سواسی سواس جنائیندا۔ نِج گھر واسی سد وسے پاس، وسیرا اِکو گھر جنائیندا۔ بھگت بھگوان پوُری کرے آس، نِراسا روُپ نہ کوئے وکھائیندا۔ آتم پرماتم سوہنگ ڈھولا آد جُگادی برہم برہمادی شبد انادی پاٹھ، پاٹھشالا کایا گھر وکھائیندا۔ بِن رسنا جِہوا آئے سواد، رس مِٹھا اِک وکھائیندا۔ میٹ مِٹائے واد وِواد، وِکھ امرت روُپ بنائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر جن بھگتاں جنائے اپنا منتر ، نِش اکھّر اکھّر دھار صِفت صالاحِندا۔ اوتھے چلے سَتگُر ساتھ، سدا سدا
سہج سُکھدائیا۔ ڈوُنگھی کَندر اندر وڑ کے مارے جھات، نؤ دوارے سُکھمن ٹیڈھی ڈوُنگھی غار پار کرائیا۔ اِیڑا پِنگل بنے صفات، امرت دیوے بوُند سوانت، نِجھر جھِرنا آپ جھِرائیا۔ میٹے رَین اندھیری رات، نِرمل جوت کرے پرکاش، انحد نادی ناد سُنائیا۔ شبد اگمّی دئے دات، اٹّھے پہر رکھائے پربھات، مِل سخیاں منگل اِکو گائیا۔ سُرتی شبد بندھائے نات، کرے کھیل پُرکھ سمراتھ، بند کِواڑی کھول تاک، بجر کپاٹی توڑ تُڑائیا۔ آتم سیجا کھیل تماش، کوٹن کوٹ روَ سس پرکاش، نِرگُن شہنشاہ شاہو بھوُپ شاباش، سَت سروُپی آسن لائیا۔ گُرمُکھ وسے سدا پاس، آتم پرماتم مِل مِل پائے راس، گوپی کاہن ناچ نچائیا۔ جوتی جوت سروُپ ہرِ، آپ اپنی کِرپا کر، سچ وکھائے اگلا گھر، جِس گھر وسے بےپرواہیِا۔ اگلا گھر رنگ محل، چھپر چھنّ نہ کوئے چُھہائیندا۔ نِرگُن دیِپک رہیا بل، جوتی جوت ڈگمگائیندا۔ سچ سِنگھاسن بَیٹھا مل، پُرکھ اکال سوبھا پائیندا۔ شبد سندیسہ رہیا گھل، گُرمُکھ سجّن آپ اُٹھائیندا۔ نِرگُن سرگُن جائے رل، رل مِل اپنا کھیل کرائیندا۔ وکھاونہارا نِہچل دھام اٹل، سچ سِنگھاسن سوبھا پائیندا۔ گُرمُکھ وِرلا ویکھے چل، کوٹن کوٹ پاندھی راہ وِچ بَیٹھا نیتر نَیناں نیِر وہائیندا۔ جوتی جوت سروُپ ہرِ، آپ اپنی کِرپا کر، اگلا دوارا ہرِ نِرنکارا، شبدی دھارا جوتی اُجیارا، اِکو اِک جنائیندا۔ اگلا گھر سچّا سوہنا، سچکھنڈ وجےّ ودھائیا۔ نہ ہسّنا نہ اوتھے رونا، چِنتا روگ نہ کوئے جنائیا۔ نہ جاگنا نہ کدے سؤنا، چِنتا دُکھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، اگلے گھر دیونہار وڈیائیا۔ اگلا گھر سدا سد چنگا، سَتگُر چنگی طرح سمجھائیا۔ اِکو وسے سوُرا سربنگا، شہنشاہ اپنا آسن لائیا۔ آد جُگاد جُگا جُگنتر اِکو جِہا انندا، رس پِھکا نہ کوئے وکھائیا۔ نہ کوئی دِسے خاکی بندہ، جلوہ نوُر نوُر رُشنائیا۔ داتا دانی گُنی گہندا۔ گہر گمبھیِر بَیٹھا ڈیرہ لائیا۔ جن بھگتاں چڑھائے پھڑ کے باہوں ڈنڈا، ڈنڈا چؤتھے ڈنڈے اپنا درس دِکھائیا۔ پِچھلا پِچھے رہ جائے کنڈھا، اَگے اپنا کُنڈا لاہیِا۔ بھگت بھگوان سدا بخشندا، بخشش اِکو اِک جنائیا۔ سچ سُہنجنا دھام سُہندا، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، اگلا راہ بن ملاح، ہرِجن ساچے آپ وکھائیا۔ اوس مندر سچّا میلا، مِلنی ہرِ جگدیِش کرائیندا۔ اِکو گھر وسے گُروُ گُر چیلا، گُر چیلا اپنے رنگ رنگائیندا۔ دیِن دَیال ٹھاکر سوامی سدا سُہیلا، صاحِب سَتگُر دَیا کمائیندا۔ وسنہارا دھام نویلا، نِرگُن اپنا کھیل وکھائیندا ۔ جن بھگت مِلائے آپ اپنے ویلا، وار تِھت ہتّھ نہ کِسے رکھائیندا۔ رائے دھرم دی
کٹ جیلا، لکھّ چؤراسی پھند کٹائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اُچے مندر ہرِجن ساچے آپ بہائیندا۔
۱۲ پھگن ۲۰۱۹ بِکرمی دِلّی دربار پہاڑ گنج
سِنگھاسن سُتے شیر اُٹھ، کِیوں بَیٹھا مُکھ لُکائیا۔ گُر اوتار پیِر پَیغمبر روندے تیرے پُت، نیتر نَین دھیان لگائیا۔ نِروَیر ہو کے کِیوں بَیٹھا لُک، نِراکار بےپرواہیِا۔ دو جہاناں کرنی پُچھ، کرتا پُرکھ تیری وڈیائیا۔ نؤ کھنڈ پرِتھمی خالی ہتّھ ملِے کِسے نہ کُچھ، کوُڑی کِریا دئے دُہائیا۔ جیِو جگت جہان گئے رُس، تیرا درس کوئے نہ پائیا۔ داتار سوامی شیر ہو کے بُک، بھبک اِکو اِک لگائیا۔ غریِب نِمانے کوجھے کملے بھگت بھگوان گودی چُک، تَینوُں لاج کوئے نہ آئیا۔ مِہربان نِگہوان نر نرائن کِیوں بَیٹھا چُپ، تیری چُپ نہ کِسے کُھلائیا۔ دو جہان اندھیرا گھُپ، تیرا نوُر نہ کوئے رُشنائیا۔ جُگ چؤکڑی گُر اوتار پیِر پَیغمبر تیری سیوا کر کر گئے ہُس، اپنا بل نہ کوئے دھرائیا۔ لوآں پُریاں برہمنڈا کھنڈا خالی ہوئے ٹُھٹھ، سچ پیالہ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنا پڑدہ دے اُٹھائیا۔ پڑدہ لاہ بےپرواہ، بےپرواہی تیری کمّ کِسے نہ آئیا۔ دو جہاناں بن شہنشاہ، شاہ اپنا حُکم نہ کِیوں منائیا۔ آد جُگاد جُگا جُگنتر تُوں بنیا رِہوں وڈ گُمراہ، گہر گمبھیِر تیرا بھیوَ کوئے سکیا نہ پائیا ۔ بھیوَ ابھیدا تیرا دسّدے گئے راہ، پھڑ باہوں تیرے نال نہ کوئے مِلائیا۔ جوتی جوت سروُپ ہرِ، آپ اپنی کِرپا کر، اپنا پڑدہ دے اُٹھائیا۔ نہیں ویلا سِنگھاسن سؤن دا۔ نہیں ویلا راگاں گاؤن دا۔ نہیں ویلا ٹھنڈی پؤن دا، جوتی جوت سروُپ ہرِ، آپ اپنی کِرپا کر، ایکا دینا سچّا ور، گھر اپنا اِک سُہاؤن دا۔ اُٹھ کے نیتر کھول اکھّ، تیری اکھّ نہ کِسے کُھلائیا۔ جُگ چؤکڑی سب توں رِہوں وکھّ، وکھّری دھار چلائیا۔ چار جُگ تیرا مارگ گئے دسّ، شاستر سِمرت وید پُران کر پڑھائیا۔ کلجُگ انتم ہووے پرگٹ، بےپرواہ بےپرواہیِا۔ نِرمل جوت کر پرکاش، پرکاشوان تیرا نوُر اِک رُشنائیا۔ سدا سدا سد تیری رکھی آس، کر کِرپا کھیڑا دے وکھائیا ۔ جوتی جوت سروُپ ہرِ، آپ اپنی کِرپا کر، اپنا پڑدہ دے چُکائیا۔ پہلی چیت پڑدہ چُکاں گا۔ جگت سِنگھاسن اُتوں اُٹھاں گا۔ پرِتھمی آکاش کولوں پُچھاں
گا۔ دو جہان لُکایا کِسے کولوں نہ لُکاں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کر، جن بھگتاں کولوں کدے نہ رُساں گا۔ ویہہ سؤ نؤ بِکرمی تھان سُہایا، سیہرا سیِس جگدیِش بندھائیا۔ رام مِلایا کھیل کھِلایا، بےاَنت وڈّی وڈیائیا۔ دس سال نہ بھیوَ جنایا، اَدھا نال مِلائیا۔ نِرگُن ہو کے مُکھ چُھپایا، سرگُن راہ چلائیا۔ سرگُن گوبِند ڈھولا گایا، پُرکھ اکال پڑدہ پائیا۔ انتم لیکھا اپنے ہتّھ رکھایا، لہنا لہنیدار رہیا ورتائیا۔ جوتی جوت سروُپ ہرِ، آپ اپنی کِرپا کر، اپنا پڑدہ رہیا وکھائیا۔ سرگُن ہو کے ہویا نِرگُن، نِرگُن اپنا آپ تجایا۔ نِرگُن ہو کے بنیا سرگُن، سرگُن رنگ رنگایا۔ لیکھا جانے ترےَگُن، ترےَگُن اپنا ویس وٹایا۔ لکھّ چؤراسی چھان پُن، گُرمُکھ سجّن میل مِلایا۔ کوَن جانے پربھ ساچے گُن، بھیوَ ابھید اپنے ہتّھ رکھایا۔ دھرنی دھرت دھوَل پرِتھمی آکاش پُکار سُن، جیِو جنت ویکھ وکھایا۔ سنت سُہیلے ساچے چُن، گُرمُکھ اپنے رنگ رنگایا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمایا۔ نِرگُن ہو کے گیا لُک، لُکویں کھیل رچائیا۔ ساڈھے دس ہو چُپ، بول بُلارا نہ کوئے جنائیا۔ بیِس بیِسا پہلی چیتر پئے اُٹھ، چیتن سب نوُں دئے کرائیا۔ گُر اوتاراں لئے پُچھ، بچیا کوئے رہن نہ پائیا۔ اپنا بدلے آپے رُخ، دِشا نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ سچ سندیسہ لاہے پڑدہ، پڑدہ اپنا آپ اُٹھائیا۔ ویکھو نِرگُن سوُرج کیہڑی طرفوں چڑھدا، اُتّر پوُرب پچھّم دکھّن چارے کُنٹاں دین دُہائیا۔ کلمہ نبی رسوُل دو جہان اِکو پڑھدا، کائنات صِفت صالاحیِا۔ پیِر پَیغمبر گُر اوتار نِیوں نِیوں سجدہ کردا، سیِس جگدیِش جھُکائیا۔ پِچھلا کیِتا سب دا ہردا، اَگے مارگ اِکو لائیا۔ نِربھؤ نِروَیر نِراکار کدے نہ ڈردا، ڈر سب نوُں رہیا وکھائیا۔ لکھّ چؤراسی بھانڈے گھڑدا، گھڑ گھڑ بھنّ وکھائیا۔ شہنشاہ شاہ پاتشاہ بھوُپت بھوُپ آپے کھڑدا، سیِس جگدیِش تاج سُہائیا۔ بھگت بھگوان سنت سُہیلے آپے وردا، میل مِلاوے سہج سُبھائیا۔ کرے کھیل نرائن نر دا، نر اِکو نظری آئیا۔ اُٹھ ویکھ لیکھا در در دا، سچ سندیسہ آپ سُنائیا۔ ایکا صِفرا ایکا ایکنکار اِکو اکھّر پڑھدا، دوُجی کرے نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، اپنا پڑدہ سچ سِنگھاسن اپنے اُتوں اُٹھائیا۔ پردہ لاہ آپ بھگوان، اپنی کھیل وکھائیا۔ پرگٹ ہو جودھا سوُربیِر نؤجوان، ناؤں اپنا اِک وڈیائیا۔ راج راجاناں شاہ سُلطاناں اگمّی تیِر مارے بان، تِکھی مُکھی دھار وکھائیا۔ لیکھا جان زِمیں اسمان، بھیوَ ابھیدا آپ کُھلائیا۔ آپے ہو سدا
مِہربان، مِہر نظر کھیل کھِلائیا۔ جوتی جوت سروُپ ہرِ، آپ اپنی کِرپا کر، ساڈھے تِنّ ہتّھ سَت سَتواد وکھائے اِک نِشان، نِشانہ اِکو اِک جھُلائیا۔ - - جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیا۔ پردہ لاہے پِچھلی دھار، دھار دھار آپ جنائیندا۔ سرگُن وِچوں نِرگُن آئے باہر، نِرگُن اپنا راہ وکھائیندا۔ گُپت ہوئے ظاہر، ظاہر ظہوُر کھیل کرائیندا۔ نام کھنڈا مارے اِکو وار، دوُجی وار سِر نہ کوئے اُٹھائیندا۔ دے کے آیا تِکھی دھار، تلوار پیار نال وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ نر نریشا نر نِرنکار کھیل اپار ایکنکارا آپ سُنائیندا۔ سِنگھاسن سؤنا دیوے چھڈ، سُتیاں کوٹن کوٹ کال بِتائیا۔ دو جہاناں کر پار حد، حدیِث اِکو اِک سُنائیا۔ بھگت بھگوان گھر اپنے صدّ، سچ مندر دئے وڈیائیا۔ چؤتھی منزل بولے گجّ، گرج اِکو نام لگائیا۔ نِروَیر پُرکھ ہو پرتکھ، پرتکھ دئے وکھائیا۔ کِسے پھرکن نہ دیوے اکھّ، پلک پلک نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دیونہارا اِکو ور، ور اپنے ہتّھ رکھائیا۔ پڑدہ لاہے کل پاٹے چادر، ہرِ نوُر جوت رُشنائیا۔ پرگٹ ہووے اِک بہادر، پُرکھ اکال وڈ وڈیائیا۔ پیِر پَیغمبر کہن پروردِگار آیا قادر، قُدرت ویکھے چائیں چائنیا۔ گُر اوتار کہن پاوے سار ڈوُنگھے ساگر، گہر گمبھیِر وڈّی وڈیائیا۔ بھگت بھگوان کہن ہویا اُجاگر، نِرمل جوت کر رُشنائیا۔ سِری بھگوان ہرِجن بنائے سچ سؤداگر، ونج اِکو اِک کرائیا۔ دُھر سندیسہ دیوے آڈر، انڈِٹھڑی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا پڑدہ آپے دئے ہٹائیا۔ جگت پردہ جائے ہٹ، بھگت ویکھ وکھائیا۔ پرگٹ ہو پُرکھ سمرتھ، ساچی کار کمائیا۔ راج راجاناں پائے نتھ، شبدی تند اُٹھائیا۔ پھڑ پھڑ کرے وکھّو وکھّ، وکھّری کار کمائیا۔ دو جہاناں بھانڈے کر کر سکّھ، چار کُنٹ پِھرے اِک دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جگت سِنگھاسن تج، شبد گھوڑے چڑھے بھجّ، لوآں پُریاں برہمنڈاں کھنڈاں اپنا پھیرا پائیا۔ سِنگھاسن چھڈ کے آواں گا۔ نِرنکار اکھواواں گا۔ شبد جَیکار بُلاواں گا۔ محل اٹل سُہاواں گا۔ ساچے پؤڑے چڑھ کے درس دِکھاواں گا۔ اُچی منزل اِکو راگ الاواں گا۔ جوتی جوت سروُپ ہرِ، آپ اپنی کِرپا کر، آپ اپنی کھیل کراواں گا۔ اپنی کھیل کرے کرتار، کرتا پُرکھ وڈّی وڈیائیا۔ ویہہ سؤ نؤ بِکرمی کیِتا سچ وِہار، سچ سِنگھاسن آسن لائیا۔ نؤ جیٹھ خبردار، خبر اِکو اِک سُنائیا۔ لیکھا جان دُھر دربار، دُھر دی بانی آپ الائیا۔
کرے کرائے ساچی کار، کرتا پُرکھ سچّا شہنشاہیِا۔ ویہہ سؤ اُنی دئے آدھار، ایکا نایا جوڑ جُڑائیا۔ بھگتن میِتا الکھ اپار، شہنشاہ اپنا رنگ وکھائیا۔ گُرمُکھ لائی پُھلواڑ، واڑ اپنے نام کرائیا۔ گُلشن ویکھے اِک نِرنکار، کلی کلی مات مہکائیا۔ پرگٹ ہو جودھا بلکار، سوُربیِر درس دِکھائیا۔ سچ سِنگھاسن اُتوں ہوئے باہر، بےپرواہ اکھّ کُھلائیا۔ غفلت وِچ سُتا رہے پَیر پسار، نیتر نظر کِسے نہ آئیا۔ چُپ چُپیِتا کردا رہیا وِہار، بن وِوہارا دھار رکھائیا۔ پنڈت پاندھا مُلّا شیخ کوئی پا نہ سکے سار، سار ہتّھ کِسے نہ آئیا۔ ہرِ کا لبھنا آد جُگاد بڑا دُشوار، دُشمن ہوئے جگت لوکائیا۔ جوتی جوت سروُپ ہرِ، آپ اپنی کِرپا کر، اپنا پردہ آپ اُٹھائیا۔ ویہہ سؤ نؤ اندر وڑیا، سچ سِنگھاسن مُکھ چُھپائیا۔ ویہہ سؤ اُنی اُپر چڑھیا، بےپرواہ بےپرواہیِا۔ اپنا نام آپے پڑھیا، آپے رہیا جنائیا۔ جوتی جوت سروُپ ہرِ، آپ اپنی کِرپا کر، ساچا پردہ رہیا اُٹھائیا۔ ساچا پردہ کرے دوُر، دوُر دُراڈا دَیا کمائیا۔ گھر ابناسی حاضر حضوُر، ہرِ اِکو نظری آئیا۔ اپنی بُھل منّ بخشاوے قصوُر، جن بھگتاں اَگے کر عرضوئیا۔ جُگ چؤکڑی پربھ دا سچ دستُور، نہ کوئی میٹے میٹ مِٹائیا۔ جُگ چؤکڑی راج راجان شاہ سُلطان کر مفروُر، من واسنا کوُڑ بھرائیا۔ نوَ نؤ چار مچا فتُور، فتویٰ سب دے اُتے لائیا۔ حُکمے اندر کر مجبوُر، مُجرم سب نوُں دئے بنائیا۔ اَنت کرے چوُرو چوُر، نہ سکے کوئے بچائیا۔ جوتی جوت سروُپ ہرِ، آپ اپنی کِرپا کر، اپنی کرنی آپ دِرڑائیا۔ اپنی کرنی دسےّ آپ، بھیوَ ابھید جنائیندا۔ لُک لُک اندر وڑ وڑ جن بھگتاں دسّدا رہیا جاپ، نام نِدھانا اِک سمجھائیندا۔ کلجُگ انتم بیِس بیِسا پرگٹ ہو وکھائے وڈ پرتاپ، پرتاپی اپنا پھیرا پائیندا۔ نوَ نؤ چار چرناں ہیٹھاں لئے ناپ، جوتی جوت سروُپ ہرِ، آپ اپنی کِرپا کر، اپنا کھیل آپ کھلائیندا۔ ویکھ کھیل سِنگھاسن پیا ہسّ، اپنی خوشی منائیا۔ پربھ تُوں میرے اُتے رہیا وس، وکھّری دھار چلائیا۔ جاندی وار کُچھ سنیہُڑا دسّ، تیرے چرن دھیان لگائیا۔ تُوں صاحِب سدا سمرتھ، ہتّھ تیرے وڈیائیا۔ پاربرہم مِہربان مہما جنائے اکتھ، کتھنی کتھ نہ سکے رائیا۔ میَں نِرگُن ہو کے رہیا نسّ، دو جہاناں پھیرا پائیا۔ ہرِجن ویکھاں جو گاؤندے میرا جس، کلجُگ انتم اَنتر آتم دھیان لگائیا۔ کوُڑی کِریا پاواں نتھ، سرگُن بچیا کوئے رہن نہ پائیا۔ پِھر پِھر ویکھاں تیِرتھ تٹ، گُردر مندر مسجد مٹھ شِودوالے پھول پُھلائیا۔ راج راجاناں شاہ سُلطاناں گھر گھر ویکھاں لگّی اگّ، نوَ نؤ چار پندھ مُکائیا۔ جُگ چؤکڑی میرا کھیل جگ، جُگتی اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، جگت سِنگھاسن
رہیا سمجھائیا۔ جگت سِنگھاسن چرن لاگ، اِک کرے عرضوئیا۔ پربھ تُدھ بِن کوئی دِسے نہ کنت سُہاگ، جو میری سیج ہنڈھائیا۔ تُدھ بِن رکھے نہ میری کوئی لاج، شاہ سُلطان روون مارن دھاہیِنا۔ سیِس کِسے نہ رہنا تاج، تخت نظر کوئے نہ آئیا۔ کلجُگ تُوں بدلنہار سماج، سمگری سب دی جھولی وِچوں باہر کڈھائیا۔ تُدھ بِن کوئی نہ لائے بھاگ، بھاگ ہیِن سرب لوکائیا۔ نظر نہ آئے کوئے چراغ، دیِپک دِیا نہ کوئے رُشنائیا۔ سَت سروُپی کوئی نہ لائے آواز، رسنا جِہوا سرب کُرلائیا ۔ ساچا کرے نہ کوئی راج، شہنشاہ نظر کوئے نہ آئیا۔ تُوں داتا غریِب نواز، میَں ڈھیَہہ پیا سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ سُن سِنگھاسن میرے سجّن، ہرِ سچ سچ دِرڑائیندا۔ میرا پریم تیری لگن، تیرا تیرے نال رکھائیندا۔ کلجُگ انتم پہلی وار پہلی چیت کراں سگن، جن بھگتاں ویکھ وکھائیندا۔ اٹّھے پہر رہن مگن، سَت سنتوکھ اِک دِرڑائیندا۔ سرِشٹ سبائی لگی اگّ لگّن، سِری بھگوان آپ لگائیندا۔ تیرے اُتے پنج تت ہنڈھایا بدن، تتَو تت رنگ رنگائیندا۔ مُسلم سُنّی کٹّھے ہون ساگر کنڈھے عدن، عدلی اِکو حُکم جنائیندا۔ جگت وِوہار دیوے بدل، دلیِل پِچھلی نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، سچ سِنگھاسن آپ سمجھائیندا۔ سِنگھاسن کہے پربھ تیرا بھرواسا، تُدھ بِن نظر کوئے نہ آئیا۔ ہؤں سیوک داسی داسا، سدا سد سیو کمائیا۔ نِت نوِت تیرے مِلن دیِاں رکھاں آساں، آس آس وِچ پرگٹائیا ۔ کر کِرپا دے دِلاسا، کوَن ویلا پھیرا پائیا۔ میرا پوُرا کریں گھاٹا، پِچھلا لیکھا جھولی پائیا۔ کی ہویا چار پاوے نال بنی میری چُگاٹھا، چار جُگ تیری سیو کمائیا۔ تیرا کھیل نٹوُآ ناٹا، بازی گر اپنا سوانگ وکھائیا۔ میَں تیرے تھلّے پیا اپنی چھاتی اَگے ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن نظر کوئے نہ آئیا۔ سِری بھگوان کہے سِنگھاسن، سُن سجّن میِت مُراریا۔ تیری پوُری کراں آسن، لہنا دینا قرض اُتاریا۔ تیرے اُتے کریا واسن، آپ اپنا کھیل وکھا لیا۔ تیرا دیواں سچّا ساتھن، سِری بھگوان آپ سمجھا لیا۔ سَت سَتوادی چلے راتھن، سچ مارگ اِک وکھا لیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیرا سنگ آپ نِبھا لیا۔ جگت سِنگھاسن رووے نیِر، پلک پلک اُٹھائیا۔ تُدھ بِن کوئی نہ دیوے دھیِر، دھیِرجوان نظر کوئے نہ آئیا۔ بہُڑی میری بُھل بخش تقصیِر، میری تقدیِر دے اُلٹائیا۔ میری لگّی نِبھے تیرے نال اَخیِر، سُنجی سیج نہ موہے بھائیا۔ میَں سدا رہاں دِلگیِر، دِلبر تیری جھلی نہ جائے
جُدائیا۔ تُوں میرا سچّا پیِر، مُرشد اِکو نظری آئیا۔ میرے اُتے بَیٹھ کریں لیل، گُنی گہِیر گہر گوَر تیری وڈیائیا۔ تیرے بھار نال میری مِٹے پیِڑ، دُکھ درد نہ لاگے رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے چرن کوَل ملِے سرنائیا۔ سِری بھگوان بولے آپ، شبد اگمّ جنائیندا۔ سچ سِنگھاسن تیرا پرتاپ، وڈ پرتاپی آپ جنائیندا۔ کلجُگ کوُڑا میٹ سنتاپ، پِھر تیرے اُتے آسن لائیندا۔ لکھّ چؤراسی جپاواں سچّا جاپ، منتر اِکو اِک دِرڑائیندا۔ تیرا آر پار کنارہ لواں ماپ، ساڈھے تِنّ ہتّھ تیری جھولی پائیندا۔ تیرا پاوا چوُل کراں پاکی پاک، دُرمت مَیل نہ کوئے رکھائیندا۔ اَگے پِچھے تیرے ساتھ، بھگت دوارا راہ جنائیندا۔ پرگٹ ہو پُرکھ سمراتھ، تیرا بھار اُٹھائیندا۔ جوتی جوت سروُپ ہرِ، آپ اپنی کِرپا کر، ساچا لیکھا آپ جنائیندا۔ سُن سِنگھاسن ہرِ کی بات، ہرِ چرن پیا سرنائیا۔ دھنّ بھاگ پربھ دیویں ساتھ، تیرے ہتّھ میری وڈیائیا۔ میَں بن وِچھاؤنا روُپ وٹایا کھاٹ، تانا پیٹا تند بندھائیا۔ تُوں اُپر سُتوں پُرکھ ابناس، کِرپا دھار اپنی دَیا کمائیا۔ مَینوُں بُھلی دِن رات، گھڑی پل نظر کوئے نہ آئیا۔ جُگ چؤکڑی تکدا رہیا آس، آسا اِکو دھیان لگائیا۔ کوَن ویلا پربھ لوک مات ہوئے پرکاش، پرکاشوان کرے سرب لوکائیا۔ جوتی جوت سروُپ ہرِ، آپ اپنی کِرپا کر، دیونہار مان وڈیائیا۔ پُرکھ ابناسی ہو دَیال، سچ سِنگھاسن آپ جنائیندا۔ سُن نڈھےّ ساچے لال، لالن اپنے رنگ رنگائیندا۔ ایکا نایا بے مثال، مِسل ساچی آپ بنائیندا۔ سچکھنڈ سچّی دھرمسال، دھرم دوارا لوک مات پرگٹائیندا۔ کرے کھیل سِری بھگوان، بھگوَن اپنی دھار چلائیندا۔ جوتی جوت سروُپ ہرِ، آپ اپنی کِرپا کر، سچ سِنگھاسن آپ سُنائیندا۔ سچ سِنگھاسن بھگت دوارے، ہرِ در ملِے وڈیائیا۔ جُگ چؤکڑی تیرے پیَندے رہے پواڑے، گُر اوتار پیِر پَیغمبر کرن لڑائیا۔ کوٹن کوٹ تیرے اُتے بہہ بہہ پربھ دے نام اُچارے، اَنت کہن کوئے نہ پائیا۔ تُوں بےپرواہ جگت سِنگھاسن کوٹن کوٹ راج راجان شاہ سُلطان کر خوارے، خاکی خاک مِلائیا۔ آپے بَیٹھا رِہوں مندر مسجد شِودوالے مٹھ گُروُدوارے، اُتے اکھّر صِفتی ڈھیری لائیا۔ دِنے جاگن راتیں سوائیں، جگت کرنی بند کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیری کیِتی گھال لیکھے دئے لگائیا۔ تیری کیِتی گھال لیکھے لاؤنی، سچ دربار آپ جنائیندا۔ تیری سیوا کیِتی پوُر کراؤنی، اُنی سال سیج ہنڈھائیندا۔ اِک اِکلّے کھیل کھلاؤنی، نؤ کھنڈ پرِتھمی پندھ مُکائیندا۔ پہلی چیت کرے بؤہنی، تیرا بہُڑی حال سُن تیرا دردی درد ونڈائیندا۔ جوتی جوت
سروُپ ہرِ، آپ اپنی کِرپا کر، تیرا میلا میل مِلائیندا ۔ تیرا میل مِلاوے آپ، پربھ اپنی دَیا کمائیا۔ دھنّ وڈیائی وڈّا بھاگ، بھاگ حِصّہ رہیا جنائیا۔ گُر اوتار پیِر پَیغمبر جِس گھر وِچ لبھدے رہے چراغ، جوتی نوُر نوُر رُشنائیا۔ نِیوں نِیوں سجدہ کردے رہے گُروُ مہاراج، مہما اکتھ کتھ جنائیا۔ سو صاحِب سَتگُر تیری رکھے لاج، آپ اپنے چرن لگائیا۔ لوک مات وِچوں چُک جہاز، سچ دوارے آپ ٹِکائیا۔ جوتی جوت سروُپ ہرِ، آپ اپنی کِرپا کر، جگت راج دئے گوائیا۔ سچ دسّ میرے بھگوان، کِس بِدھ رحم کمائیا۔ میَں بردا تیرا غُلام، سد سد سیو کمائیا۔ تُوں شہنشاہ اِمام، بےاَنت تیری وڈیائیا۔ تُوں میرا لیکھے لائے کام، نِہکرمی کرم کمائیا۔ جُگ چؤکڑی میَں بنیا رہیا عام، کوٹن کوٹ میرے اُتے چڑھ چڑھ حُکم سُنائیا۔ مایا ممتا نال درشاؤندے رہے میرا نِشان، تیرا رنگ نہ کوئے رنگائیا۔ جِدھر ویکھاں میرے نَین شرمان، میرے اُتے راج راجن بہہ دھروہ ظُلم کمائیا۔ میرے اُتے بَیٹھ کِسے نہ جھُلایا سچ نِشان، کوٹن کوٹ جگت نِشانے رنگ رہے وٹائیا۔ میَں دوئے جوڑ بیننتی کراں میرے مِہربان، تیرے سرن ملِے سرنائیا۔ جوتی جوت سروُپ ہرِ، آپ اپنی کِرپا کر، میرا سنگ رکھائیا۔ تیرا سنگ رکھاں سُکھاسن، سُکھ تیرے وِچ وسائیندا۔ لیکھا چُکا پرِتھمی آکاشن، گگن گگننتر پار کرائیندا۔ پرگٹ ہو پُرکھ ابناسن، پربھ تیرا میل مِلائیندا۔ سَت سَتوادی پوُری کرے آسن، ترِسنا روگ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، تیرا میلا آپ مِلائیندا۔ دھنّ بھاگ تیرا ہوئے میلا، مِلنی ہرِ آپ کرائیا۔ تُوں گُروُ میَں تیرا چیلا، بن سیوک سیو کمائیا۔ ساچا دسّ دھام نویلا، جِس مندر دیویں ٹِکائیا۔ تُدھ بِن میَں کدے نہ ہوواں ویہلا، نِت نوِت تیرا بھار اُٹھائیا۔ جوتی جوت سروُپ ہرِ، آپ اپنی کِرپا کر، ایکا بخش سچ سرنائیا۔ سچ سرنائی دسےّ بھگوَنت، اپنی دَیا کمائیندا۔ نِروَیر پُرکھ نِرگُن کنت، کنت کنتُوہل پھیرا پائیندا۔ دُھردرگاہی ساچا منت، منتر گُرمُکھاں آپ پڑھائیندا۔ چؤتھے جُگ کر بھسمنت، نِیم اپنی دھار جنائیندا۔ پنجاں پیاریاں بستر پا بسنت، بسنتی اپنی رُت سُہائیندا۔ نال رلا ہرِ جوُ ہرِ سنگت، سگلا کاج رچائیندا۔ جوتی جوت سروُپ ہرِ، آپ اپنی کِرپا کر، تیرا رنگ وکھائیندا۔ تیرا رنگ وکھائے کرتار، ہرِ کرتا آپ جنائیا۔ پہلی چیت کراں وِہار، بن وِوہاری سیو کمائیا۔ پنج پیارے رکھے نال، لِکھاری لِکھے صِفت صالاحیِا۔ نؤ سؤ چؤرانوے چؤکڑی جُگ پِچھوں پُچھے تیرا حال، بےحال لئے بچائیا۔ تیرے اُتے رکھ کے اِک چٹا رومال، ساچی سیوا سچ سمجھائیا۔ دوآبہ سنگت کرے تیری
پرِتپال، ماجھے مالی کرے کُڑمائیا۔ مالوا مِل مِل وجائے تال، جموُں رہیا کھیل کھلائیا۔ چؤہاں وِچ بڑے دیِن دَیال، شاہ پاتشاہ سچّا شہنشاہیِا۔ آپ ننگیں پَیریں بنے کنگال، جن بھگتاں چھتر سیِس جھُلائیا۔ تیرے پِچھے گُرمُکھاں دا وِنگا ہون نہ دیوے وال، پاربرہم پربھ دَیا کمائیا۔ جُگ وِچھڑیاں ویکھے حال، مُریِداں آپ سُنائیا۔ پِچھلا ناتا توڑ جنجال، اَگے اِکو رنگ رنگائیا۔ کرے کھیل آپ بھگوان، بھگوَن وڈّا بےپرواہیِا۔ جگت سِنگھاسن تیرے اُتوں پنج تت کیِتا قُربان، سِنگھ شیر نظر کِسے نہ آئیا۔ ببّر ہو کے بھبک مارے بلوان، دو جہاناں رہیا جگائیا۔ پِچھلی شرع میٹے جگت جہان، ساچی کرنی آپ کمائیا۔ بھگت دوار کھول مہان، بھگتی اِکو اِک سِکھائیا۔ ڈوُنگھی کَندروں کڈھ دیوے دان، دوُجی منزل آپ چڑھائیا۔ دوُجی منزل کر پروان، تیِجے در دئے بہائیا۔ تیِجے گھر کر پروان، چؤتھے تیرا آسن لائیا۔ اُپر بَیٹھ شاہ سُلطان، سچ فرمان حُکم جنائیا۔ بھگت بھگوان پائے اِکو آن، بندھن اِکو اِک جنائیا۔ اِک سؤ اِک لیکھ لِکھے جگت راجان، نوَ کھنڈ پرِتھمی آپ سمجھائیا۔ آؤ ویکھو کھیل کرے بھگوان، بھاوی سب دے سِر تے چھائیا۔ سچ سِنگھاسن تیرا مان، محل اٹل آپ رکھائیا۔ نِہکرمی کرے تیری کلیان، کلا قُدرت اپنے وِچ چُھپائیا۔ اُپر چڑھ نام کھنڈا کھِچے وِچوں میان، مہما اگنت گنی نہ جائیا۔ چؤتھے محل گُر اوتار پیِر پَیغمبر در آ کے اپنا آپ کرن قُربان، بھیٹا سب کُچھ دین چڑھائیا۔ پُرکھ اکال تیری منّیئے آن، دوُجی اوٹ نہ کوئے تکائیا۔ تیرا حُکم سُنیئے فرمان، فرمانا اِکو اِک جنائیا۔ جوتی جوت سروُپ ہرِ، آپ اپنی کِرپا کر، جگت سِنگھاسن دیوے ور، اپنا پردہ آپے لاہیِا۔ پردہ جائے لتھ، بِن ہتّھاں آپے لاہِندا۔ گُرمُکھ سڑدا جائے بچ، کر کِرپا آپ بچائیندا۔ نِرگُن اندر ہو کے جائے رچ، جگت نیتر نظر نہ آئیندا۔ اپنی کرنی کرے سچ، سچ ساچی کھیل وکھائیندا۔ جن بھگتاں دیوے اِکو مت، برہم مت آپ سمجھائیندا۔ جوتی جوت سروُپ ہرِ، آپ اپنی کِرپا کر، ساچے تخت سوبھا پائیندا۔ ساچا تخت سِنگھاسن سہاؤنا، سُہاونی رُت مہکائیا۔ پنجاں پیاریاں تیرا بھار اُٹھاؤنا، ہرِ بھگوان اُنگلی آپ لگائیا۔ ہرِ سنگت ڈھولا اِکو گاؤنا، سوہنگ مہاراج شیر سِنگھ وِشنوُں بھگوان وجّی ودھائیا۔ دو جہان گھر گھر رونا، رووے سرب لوکائیا۔ سَت پُرکھ نِرنجن تیرے اُپر ڈیرہ لاؤنا، سجا چرن آپ ٹِکائیا۔ کھبّا چرن چُک جگت ٹھوکر لاؤنا، دھکاّ اِکو وار لگائیا۔ چاروں کُنٹ سِنگھاسن آپ بھواؤنا، گیڑا گیڑے نال رکھائیا۔ چؤتھے گیڑے بند کراؤنا، بندی خانہ سب نوُں پائیا۔ بھگت انند اِک درساؤنا، انند انند انند وجےّ ودھائیا۔ پیَند
سرہانے تیرے سؤنا، لہندا چڑھدا دئے ہِلائیا۔ سجے کھبےّ بازوُ آپ پھَیلاؤنا، چاروں کُنٹ رہیا ڈرائیا۔ پھوُلن مالا ہتّھ رکھاؤنا، ایکا اِکّی گنڈھ وکھائیا۔ ساچا میگھ آپ برساؤنا، کروڑ تیتیِسا سیو لگائیا۔ وِشن برہما شِو ڈھولا گاؤنا، پربھ چرن مِلی سرنائیا۔ سچ سِنگھاسن اِک وڈیاؤنا، پربھ وڈّا رہیا جنائیا۔ امرت میگھ اِک برساؤنا، بوُند سوانتی گُرمُکھاں مُکھ چوائیا۔ ساچی دھار اِک رکھاؤنا، دھار دھار وِچوں پرگٹائیا۔ ہار شِنگار ہرِ سنگت آپ کراؤنا، آپ اپنی سیو کمائیا۔ چؤتھے گھر بہہ کے گُرمکھاں دا ڈھولا گاؤنا، جِس دا گا نہ سکیا کوئی پیِر پَیغمبر لوک مات دیوے گواہیِا۔ سو مندر صاحِب اِک سہاؤنا، جِس اُپر تیرا آسن لائیا۔ اپنے مستک سرگُن خوُنی دھار بہاؤنا، گُرمُکھاں ٹِکاّ آپ لگائیا۔ اجوُنی رہت نظری آؤنا، سچ تَینوُں اِک دِرڑائیا۔ پِچھلا قانوُن سرب مِٹاؤنا، ممنوُن کرے آپ لوکائیا۔ دو جہان اصوُل اِک بندھاؤنا، صاحِب پڑدہ دئے چُکائیا۔ معقوُل حُکم اِک جناؤنا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جگت سِنگھاسن پُرکھ ابناسن اپنے نال جُڑائیا۔ سِنگھاسن کہے پربھ میرے باپ، پِتا تیری وڈیائیا۔ کِس بِدھ مَینوُں دیویں دات، مِہر نظر اُٹھائیا۔ میَں نہ جاتا اپنا آپ، بُھلیا وِچ لوکائیا۔ چار جُگ نہ ہویا پاک، پتت اپنا آپ نظری آئیا۔ کوٹن کوٹ بنائے ساک، سجّن اپنے آپ ہنڈھائیا۔ صاحِب ساچی کِسے نہ دِتی دات، کوُڑی جھولی گئے بھرائیا۔ دوُجا ملدا رہ گیا ہاتھ، میرا سنگ نہ کوئے رکھائیا۔ ناچ کر کر گئے ترےَلوکی ناتھ، منڈل منڈپ راس رچائیا۔ انتم سب دا تُٹا ساک، سگلا سنگ نہ کوئے نِبھائیا۔ میَں تھک کے سب دی لاہی آس، ہو نِراسا تیرا دھیان لگائیا۔ کوَن ویلا پربھ آئے پاس، میرا دُکھ مِٹائیا۔ میَں لبھ لبھ تھکا جنگل پربھاس، گگن گگننتراں کھوج کھوجائیا۔ تیری کِتوں نہ مِلی سُراع، تیری سوُہ نہ کِسے سمجھائیا۔ میرا من ہویا اُداس، حَیران ہو کے رہیا جنائیا۔ جیِواں جنتاں لگّی آگ، راج راجان روون کُرلاوَن مارن دھاہیِنا۔ نؤ کھنڈ پرِتھمی ویکھ بھاج، چار کُنٹ اپنا پندھ مُکائیا۔ تیرا سچّا نہ مِلیا سماج، ورن برن کرے لڑائیا۔ شہنشاہ کرے کوئی نہ راج، رعیت نیتر نَیناں نیِر رہی وہائیا۔ کر کِرپا آپ مہاراج، میرا دُکھڑا دینا گوائیا۔ تُوں تخت نِواسی تخت نواز، تُدھ بِن تخت نہ کوئے سُہائیا۔ دھنّ بھاگ پربھ مِلیا آج، آپ اپنا پھیرا پائیا۔ اپنے سِر توں لاہ کے تاج، میرا اوڈھن اُپر ٹِکائیا۔ آپ بنیا غریِب نواز، وِچ غریِباں ڈیرہ لائیا۔ شاہ سُلطاناں کر دے خاک، خاکی خاک روُپ بنائیا۔ مَینوُں اِکو لبھا ساک، ہرِ سنگت نظری آئیا۔ جِس دا ہو کے رہاں داس، بن سیوک
سیو کمائیا۔ جوتی جوت سروُپ ہرِ، آپ اپنی کِرپا کر، سچّا دِتا اِکو ور، پربھ اپنے چرن لگائیا۔ سُن سِنگھاسن سچ گلّ، ہرِ سچ سچ جنائیندا۔ جُگ چؤکڑی کردا رہیا ول چھل، اچھل چھل دھاری بھیوَ کوئے نہ پائیندا۔ کلجُگ ویلا اَنت ہرِ سنگت رل، بِن ہرِ سنگت تیرا قدر کوئے نہ پائیندا۔ پربھ ابناس تیرا آسن لئے ملّ، نِرگُن اپنا ڈیرہ لائیندا۔ اندروں کڈھ چؤتھی منزل دیوے گھل، گھلوُ گھارا ویکھ وکھائیندا۔ تیرا بھار پنج پیارے لَین جھل، جِنہاں وِچ اندر وڑ کے ڈیرہ لائیندا۔ ہرِ سنگت سنیہُڑا اِکو گھل، تیرا سنگ وکھائیندا۔ امرت بھنڈارا بھر جل، جل خوشیاں نال برسائیندا۔ چار ورن میٹ سل، اِکو گھر وڈیائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سِنگھاسن سچ ساچا آسن لائیندا۔ پاربرہم پربھ تیرا منّاں کہنا، تیرے چرن سرنائیا۔ سِری بھگوان تیرے بھگتاں ویکھاں نَیناں، تیری سنگت درشن پائیا۔ میَں کراں پروان اوہناں وِچ رہنا، وکھّری دھار نہ کوئے رکھائیا۔ جِس دوارے میَں موُدھے ہو کے ڈہنا، تِس دوارے جن بھگتاں سیو کمائیا۔ اوتھے اِک بھگوان اِک بھگت رہنا، دوُجا نظر کوئے نہ آئیا۔ جِدھر ویکھاں مَینوُں نظری آئے تیرے پریم پیار دا گہنا، گُرمُکھ گُرسِکھ ہرِ کنت پیاری ناری تن ہنڈھائیا۔ دوُجے وہن کدے نہ وہنا، اِکو مِلی سَت سرنائیا۔ تیرا بھانا سدا سد سہنا، سد بھانے وِچ رکھائیا۔ لکھّ چؤراسی دیوے میہنا، میرا گھٹ کُچھ نہ جائیا۔ تُوں صاحِب سانوُں دینا، منگتے تیرے در خالی جھولی وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِنگھاسن تیرا سنگ بھگتاں نال رکھائیا۔ ویکھ سِنگھاسن ساچے بھگت، بِن بھگتیؤں پربھ بنائے۔ پاربرہم دی برہم رَکت، رَکت بوُند ونڈ نہ کوئے ونڈائے۔ کر کِرپا آیا پرت، بےپرواہ پھیرا پائے۔ اِک دوُجے نال سچ دوارے لا لؤ شرط، کوُڑی شرع وِچ کوئے نہ آئے۔ جے میرے ولوں رہ جائے فرق، پھڑ باہوں لؤ منائے۔ جے گُرمُکھ چؤتھے پد وِچوں جائے اٹک، کٹّھے ہو کے لؤ ڈھاہے۔ کِیوں جھوُٹھی دسّی سڑک، راہ وِچ چور یار ٹھگ رہے ڈرائے۔ اَگوں سَتگُر پوُرا کہے کھڑک، آؤ میرے بچّو پھڑ باہوں لئے اُٹھائے۔ پِچھلا لیکھا کرے ترک، تُرت اپنا رنگ رنگائے۔ لکھّ چؤراسی نچوڑ کڈھئیا عرق، گُرمُکھ تھوڑے گود رہائے میل مِلائے۔ بھیوَ نہ پائے نَین اکھّ فرق، پُھرتی اپنی اِک جنائے۔ جوتی جوت سروُپ ہرِ، آپ اپنی کِرپا کر، ہرِ سِنگھاسن ہرِ بھگت اِکو رنگ رنگائے۔ سِنگھاسن تیرے اُتے چڑھیا، سِری بھگوان خوشی وکھائیندا۔ گُرمُکھاں دے اندر وڑیا، نظر کِسے نہ آئیندا۔ دوہاں وچولا آپے بنیا، آپے اپنی کھیل
کرائیندا۔ وِچھڑیاں میلا اپنے دریا، در اپنا اِک سمجھائیندا۔ بھگت بھگوان اِکو جِہا کریا، سِنگھاسن تیرا رنگ وکھائیندا۔ چؤتھی منزل جو جن چڑھیا، باہوں پھڑ تھلّے کوئی نہ لاہِندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سِنگھاسن تیرا ساتھن، سَت پُرکھ نِرنجن اِک اکھوائیندا۔ سِنگھاسن کہے پربھ تُوں بڑا دلیر، میَں ویکھ ہویا حَیرانا۔ میَں نِکی جِہی منگی مِہر، تُوں بھریا وڈ خزانہ۔ کر کِرپا میرا چار جُگ دا پیَنڈا دِتا نبیڑ، نال بھگتاں بدھّا گانا۔ اپنا کھیل دسّیا نکھیڑ، پڑدہ کوُڑا پار کرانا۔ میَں بُھل گیا میر تیر، تیرا میرا اِکو گھر ٹِکانا۔ جِدھر ویکھاں نظری آئے شہنشاہ شیر، شاہ پاتشاہ سچّا سُلطانا۔ میَں نہ جانیا کِس بِدھ ہرِ بھگت لیاندے گھیر، نہ کوئی راگ سُنایا گانا۔ جوتی جوت سروُپ ہرِ، آپ اپنی کِرپا کر، اِک وکھایا اپنا گھر، جِس گھر جھُلے سچ نِشانہ۔ ساچے تخت ہرِ تخت نِواسی، طاقت اپنے ہتّھ رکھائیندا۔ سچ دوارے کرے کھیل سچکھنڈ نِواسی، ساچی کار کمائیندا۔ دو جہاناں پاوے راسی، راس منڈل آپ رچائیندا۔ آد جُگاد جُگا جُگنتر پاربرہم پوُری کرے آسی، آسا اپنے نال مِلائیندا۔ تیری لاہے پھیر اُداسی، پِچھلا دُکھ گوائیندا۔ سَت سَتوادی ستّ رنگ نِشانہ اِک جھُلاسی، آپ اپنے ہتّھ رکھائیندا۔ کلجُگ کوُڑی کِریا دیوے پھاسی، پھٹّا اِکو اِک بندھائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، دیونہارا ساچا دان، ستّ رنگ نِشانہ جموُں سنگت کرے پروانہ، اُپر اپنا لیکھ لِکھائیندا۔ ستّ رنگ نِشانہ پھڑے ہتّھ، ہتّھ اپنے وِچ اُٹھائیا۔ نیِچے اُپر مارگ دیوے دسّ، اَدھ وِچکار سمجھائیا۔ جو لِکھیا سو ہووے سچ، سچ ملِے وڈیائیا۔ شبد جوت جوت شبد نِرگُن نِرگُن وِچ گئے رچ، سرگُن سرگُن کھیل کھلائیا۔ جوتی جوت سروُپ ہرِ، آپ اپنی کِرپا کر، اگلا لیکھا پھیر سمجھائیا۔ سِنگھ گجّن گجّن گُرمیج، گُرمُکھ گُرمت راہ چلائیا۔ چِٹّی چادر بناؤنی سیج، دوہاں میلا سہج سُبھائیا۔ پربھ نِرگُن لپیٹے وِچ اپنا تیج، تِکھی دھار چلائیا۔ شبد سندیسہ دیوے بھیج، بھاجی گھر گھر آپ پُچائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، چؤتھے گھر سِنگھاسن اُپر دئے وِچھائیا۔