۲ چیت ۲۰۲۰ بِکرمی جیٹھوُوال دربار وِچ
بھگت بھگوان دے ساچے بچّے، گودی بہہ بہہ خوشی منائیا۔ کلجُگ انتم ہو گئے پکّے، کچیّ ریِت نہ کوئے جنائیا۔ درگاہ سچّی جائے بن کے سچّے، کوُڑی کِریا مات تجائیا۔ پریم پیار اندر نچّے، چار کُنٹ کُنٹ بھوائیا۔ صاحِب ستگُر لگّے اچھے، مِہربان ویکھ وکھائیا۔ اگلا مارگ اِکو دسےّ، سرِشٹ سبائی کرے پڑھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا ۔ بھگت بھگوان دا سچّا بیٹا، پُتر اوَر نہ کوئے رکھائیندا۔ مِلیا میل سچ کھیوٹ کھیٹا، پھڑ بیڑا پار کرائیندا۔ پوُرب جنم دا رکھیا چیتا، گوبِند لہنا آپے لیکھے لائیندا۔ چار ورناں کرے ہیتا، اوُچاں نیِچاں ویکھ وکھائیندا۔ پرگٹ ہو پنچم جیٹھا، جوتی جوت ویس وٹائیندا۔ ہرِجن رکھے چھایا ہیٹھا، سِر اپنا ہتّھ ٹِکائیندا۔ پہلی چیتر سب نوُں دیوے نیونتا، سدّا اپنا نام جنائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ وڈیائیندا۔ بھگت بھگوان دا سچّا سنگی، سدا سنگ نِبھائیا۔ دیوے وست دات انمنگی، امولک جھولی پائیا۔ جِس طرح بھارت وِچوں گئے فرنگی، کلجُگ کوُڑے رہن نہ پائیا۔ اِکو تلوار کڈھی ننگی، سیِس سب دے ننگے کرائیا۔ کِسے دے سِر نہ رہ جائے کنگھی، پٹّی سکے نہ کوئے کرائیا۔ ہرِ سنگت گاؤ اِکو ڈھولا چھندی، اُچی بول جنائیا۔ بھگت دوار نہ کوئی رہے پکھنڈی، پکھنڈ سب دے دئے مِٹائیا۔ ستجُگ اِکو چلے ڈنڈی، ڈنڈا اپنا نام رکھائیا۔ نوَ کھنڈ پائے شبدی ونڈی، جوتی جوت سروُپ ہرِ، آپ اپنی کِرپا کر، اپنا بھےَ جنائیا۔ بھگت بھگوان دا ساچا ناتا، جُگ جُگ آپ بنائیندا۔ دیونہارا ساچی داتا، داتا دانی دَیا کمائیندا۔ اوُچاں نیِچاں راؤ رنکاں بنیا سچّا ساتھا، سگلا سنگ نِبھائیندا۔ پِچھلا سب دا چُکیا پوُجا پاٹھا، اَگے منتر اِک دِرڑائیندا۔ میل مِلائے پُرکھ بِدھاتا، آتم پرماتم جوڑ جُڑائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے کھیل کھلائیندا۔ بھگت بھگوان کھیل اولّا، نظر کِسے نہ آئیا۔ لیکھا جانے اِک اِکلّا، دوُجا بھیوَ کوئے نہ
پائیا۔ نِرگُن ہو کے اندر رلا، نوُر نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ بھگت بھگوان اِکو تال، تال تلواڑا آپ وجائیندا۔ بھگت بھگوان اِکو اِک نِشان، سَت سَتوادی آپ جھُلائیندا۔ بھگت بھگوان اِکو مان، ابِھمان نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیندا۔ بھگت بھگوان دا ساچا بھنگڑا، سیَبھنگ آپ جنائیا۔ گُرسِکھ گُرمُکھ اَدھ وِچکار رہ نہ جائے کوئی لنگڑا، پھڑ باہوں لئے کڈھائیا۔ پار کرائے جنگل جوُہ اُجاڑ پہاڑ ڈوُنگھی کَندرا، اُچے ٹِلّے آپ بہائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ گھُنگروُ کہن ساڈی گھنگھور، چار کُنٹ شنوائیا۔ گُرمُکھ اَگے پِچھے رہیا تور، بےپرواہ وڈّی وڈیائیا۔ کلجُگ ویکھ اندھیرا گھور، نِرگُن جوت کرے رُشنائیا۔ جن بھگتاں اپنے ہتّھ پکڑے ڈور، ڈوری اپنے نال بندھائیا۔ اَگے چلے نہ کِسے دا کوئی زور، بل اپنا اِک رکھائیا۔ منتر دسےّ اِکو پھور، فُرنا سب دا ویکھ وکھائیا۔ ناتا توڑے پنج چور، چوری چوری دئے بچائیا۔ کلجُگ انتم پاربرہم گُرمُکھاں پئی لوڑ، ہرِجن میلے سہج سُبھائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ رچائیا۔ ناچ بھنگڑا ہویا منظوُر، مہاراج شیر سِنگھ دَیا کمائیندا۔ پِچھلے سب دے بخشے قصوُر، اگلا لیکھا آپ وکھائیندا۔ جِدھر ویکھو نظر آئے حاضر حضوُر، ہرِ اپنا پردہ لاہِندا۔ سب دے کایا بھانڈے کرے بھرپوُر، خوشیاں نال تال وجائیندا۔ تُہاڈا لیکھا دیوے ضرور، باقی کول نہ کوئے رکھائیندا۔ گُرسِکھ بنے نہ کوئے مفروُر، ساچی سِکھیا اِک دِرڑائیندا۔ جِس نے دِتا آتم نوُر، سو پرماتم ویکھ وکھائیندا۔ سب دی آسا کرے پوُر، نِراسا کوئے نظر نہ آئیندا۔ تُہاڈی اُڈدی ویکھے دھوُڑ، وِشن برہما شِو راہ تکائیندا۔ بِن بھگتاں لکھّ چؤراسی ناتا کوُڑ، سجّن نظر کوئے نہ آئیندا۔ راج راجان شاہ سُلطان ہوئے موُرکھ موُڑھ، پردہ دوُئی نہ کوئے اُٹھائیندا۔ جوتی جوت سروُپ ہرِ، آپ اپنی کِرپا کر، در آئی سنگت چاڑھے نام رنگت، رنگ امولا بن وِچولا اپنا آپ رنگائیندا۔ نام گانا اِکو ناد، انادی دئے وڈیائیا۔ سو بھگت سو سچّا سادھ، جِس اَنتر پریم رکھائیا۔ سو گُرمُکھ گُر رکھے لاج، جِس اپنا رنگ چڑھائیا۔ سو گُرسِکھ وجاوے ساز، جِس اپنا تال جنائیا۔ سو سارے اِکٹّھے ہوئے آنڈھ گوانڈھ، میلا مِلیا دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا سدا وڈیائیا۔ وڈیائی دیوے سِری بھگوان، جِنہاں اِک سیو کمائیا۔ آئے در کرے پروان، در دروازہ اِکو اِک کُھلائیا۔ خوشیاں نال مُڑ کے جان، غمی
چِنتا نیڑ کوئے نہ آئیا۔ راتیں سُتیاں گھر گھر ملِے سِری بھگوان، بن پاندھی پھیرا پائیا۔ گُرسِکھ پھڑے بال انجان، پھڑ باہوں گلے لگائیا۔ لکھّ چؤراسی وِچوں لئے پچھان، بُھلیکھے وِچ کدے نہ آئیا۔ جِنہاں پنج تت گوبِند دِتا دان، تِنہاں آتم اپنے نال پرنائیا۔ جوتی جوت سروُپ ہرِ، آپ اپنی کِرپا کر، ہرِجن ساچے پار کرائیا۔ خوشی جانا گھر گھر، ہرِ ستگُر آپ جنائیندا۔ اگلا سارے چُکاؤ ڈر، رائے دھرم نیڑ نہ آئیندا۔ سوہنگ اکھّر لَینا پڑھ، نِش اکھّر دھار جنائیندا۔ سچ محلے جانا چڑھ، پُرکھ ابناسی آپ اُٹھائیندا۔ لیکھا چُکے سیِس دھڑ، پنج تت روُپ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، ساچا ناتا اِک بندھائیندا۔ گھر گھر جاؤ چاؤ گھنیرا، در در وجےّ ودھائیا۔ ناتا جُڑیا تیرا میرا، دوُجا کوئے نظر نہ آئیا۔ جِدھر ویکھو نظری آئے سِنگھ شیرا، شہنشاہ اپنا روُپ دھرائیا۔ کلجُگ انتم بنّھے بیڑا، بن ملاح پھیرا پائیا۔ دیِن مذہب دا چھڈ دیؤ جھیڑا، جھگڑا رکھے نہ کوئے بےپرواہیِا۔ پربھ سرنائی سچّا ڈیرہ، بھگت بھگوان رہیا جنائیا۔ نظری آئے نیرن نیرا، دوُر دُرڈا پندھ مُکائیا۔ مِہربان کر اپنی مِہرا، مِہر نظر اُٹھائیا۔ سچکھنڈ ایسے طرح کُھلا رکھے ویہڑا، گُرمُکھ چاروں کُنٹ ناچ نچائیا۔ جوتی جوت سروُپ ہرِ، آپ اپنی کِرپا کر، پہلی چیتر سچکھنڈ دی ریِتی دئے جنائیا۔ آؤ ویکھو نارد مارے دھاہ، بودی اپنی رہیا ہِلائیا۔ تیرا کھیل کوئی جانے نہ، بھیوَ نہ کِسے جنائیا۔ پُرکھ ابناسی بےپرواہ، کلجُگ انتم ویس وٹائیا۔ جُگ جنم دے وِچھڑے لئے مِلا، آپ اپنا بندھن پائیا۔ نِرگُن ہو کے سیو کما، سیوا اِکو اِک رکھائیا۔ بھگت دوارا لیا بنا، لوک مات دئے وڈیائیا۔ اَگے پِچھے بَیٹھے ہرِ ڈیرہ لا، دو جہان ویکھے چائیں چائنیا۔ ساچے سنتاں لئے سمجھا، سمجھ اِکو اِک رکھائیا۔ سوہنگ ڈھولا لَینا گا، وِچولا بنے بےپرواہیِا۔ پردہ اوہلا دئے اُٹھا، جوتی جوت سروُپ ہرِ، آپ اپنی کِرپا کر، سچکھنڈ دیوے مان وڈیائیا۔ سچکھنڈ کہے پربھ تیری کار، میری سمجھ وِچ نہ آئیا۔ تِنّاں جُگاں وِچ اِکو دِتی دھار، دوُجے لڑ نہ کِسے پھڑائیا۔ کلجُگ انتم کر پیار، پیار پیار نال پرنائیا۔ غریِب نِمانے کوجھے کملے پھڑ باہوں دِتے تار، تارنہار تیری سرنائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ سِری بھگوان کہے سچکھنڈ سُن لا کے کنّ، بےپرواہ آپ جنائیا۔ لوک مات بیڑا بنّھ، بھگت دیاں وڈیائیا۔ بِن بھگتاں تیرا سوہے نہ چھپر چھنّ، تیرے محل نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے جنائیا۔ سچکھنڈ سُن، جِس ویلے بھگت میرے در آؤن گے۔ سارے اِکو ڈھولا گاؤن گے۔
گُر اوتار پیِر پَیغمبر نہ کوئے مناؤن گے۔ کھانی بانی وِچ نہ دھیان لگاؤن گے۔ اِنجیِل قُرآن ناتا توڑ تُڑاؤن گے۔ وید پُران ہتّھ کدی نہ لاؤن گے۔ اٹھسٹھ تیِرتھ لوک مات نہ نہاؤن گے۔ سادھاں سنتاں پِچھے پِھر سُر تال نہ کوئی سُناؤن گے۔ کوُڑی کِریا وِچ پھس پھس، اپنا جنم نہ موُل گواؤن گے۔ میرے نال مِل کے ہسّ ہسّ، اِکو میرا ڈھولا گاؤن گے۔ میَں ویکھاں جا کے نسّ نسّ، جوتی جوت سروُپ ہرِ، آپ اپنی کِرپا کر، دیونہارا ساچا ور، مندر اِک وڈیاؤن گے۔ سچکھنڈ کہے پربھ میری ہو گئی بُھل، اپنی بُھل بخشائیا۔ میَں نہ جاناں تیری کِڈی وڈّی کُل، جِس وِچ بھگت اُپجائیا۔ کلجُگ اَنت دوارا گیا کُھل، جِس دا گُر اوتار پیِر پَیغمبر دھیان لگائیا۔ تُوں غریِب نِمانیاں پایا مُل، قیِمت اپنے ہتّھ رکھائیا۔ میَں پہلوں تیرا اِکو ویکھیا پُھل، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ سچکھنڈ ویکھ میرا آدر، جن بھگتاں آپ کرائیندا۔ پہلوں وِچھاواں چِٹّی چادر، گُرمُکھ اُتے پھیر بہائیندا۔ لوک مات کھیل کرے ہو کے صابر، صبر اِکو اِک وکھائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ میرے بھگت آؤندے نے۔ گیِت میرا گاؤندے نے۔ پِچھلا لیکھ چُکاؤندے نے۔ ناتا ساچا جوڑ جُڑاؤندے نے۔ تیرے گھر نوُں برہمنڈ کھنڈ بناؤندے نے۔ پِچھلی کیِتی سب دی ڈھاؤندے نے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ایکا درشن پاؤندے نے۔ بھگت کہن اسیں آوان گے۔ پربھ اپنے دا درشن پاواں گے۔ دوُجی حرص نہ کوئی رکھاواں گے۔ عرش قُرص دو جہان اپنیاں چرناں ہیٹھ دباواں گے۔ پربھ ساڈے تے کیِتا ترس، دوئے جوڑ سیِس نِواواں گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر مندر خوشی مناواں گے۔ بھگوان کہے میَں بھگتاں راہ تکاّں گا۔ تکّ تکّ کدے نہ اکاّں گا۔ جے کوئی ہور آوے، اوہنوُں پِچھے دھکاّں گا۔ لوک مات نہ دِسے سہار، تِنہاں دھرم رائے دی جیل وِچ رکھاں گا ۔ بِن بھگتاں جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ اپنا آپے دسّاں گا۔ سچکھنڈ کہے میَں سیج وِچھاواں گا ۔ کبیِر جُلاہے سیو لگاواں گا۔ دیوی دیوت نہ کوئی رکھاواں گا۔ الکھ ابھیوَ تیرے بھگتاں ویکھ خوشی مناواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ور اِکو اِک دِرڑاواں گا۔ بھگت کہن اسیں چلاں گے۔ پربھ جوُ تیرا دوارا ملّاں گے۔ پھیر موُل نہ ہلّانگے۔ تیرے ساہمنے ہو کے کھلاں گے۔ تیری جوتی وِچ رلاں گے۔ اپنی کرنیؤں کدے نہ ہٹاں گے۔ جوتی جوت سروُپ
ہرِ، آپ اپنی کِرپا کر، اِکو دینا ساچا ور، سچ دوارا اِکو ملّاں گے۔ سِری بھگوان کہے جد آؤگے۔ آؤندیاں میرا سوَچّھ سروُپی درشن پاؤگے۔ پِچھلا کیِتا سب بُھل جاؤگے۔ انڈیِٹھا رنگ ویکھ وکھاؤگے۔ پربھ ملِے اِکو میِتا، مِتر پیارا سنگ رکھاؤگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچکھنڈ بھگت دوار، بھگت اندر ہرِ نِرنکار، ہرِ نِرنکار دا سرب پسار، دوُجا نظر کوئی نہ آئیندا۔ بھگت کہن سچ دسّ بھگوان، کی تیری وڈیائیا۔ اسیں نہ جانیئے بال انجان، بُدھی بھیوَ کوئی نہ پائیا۔ کِس بِدھ دیویں گیان، اپنا بھیوَ چُکائیا۔ صاحِب ستگُر ہو مِہربان، مِہر نظر اُٹھائیا۔ بھگتو جِس ول کراں آپ اپنا دھیان، تِس پڑھن لِکھن دی لوڑ رہی نہ رائیا۔ جِس دا گُر اوتار پیِر پَیغمبر گاؤندے رہے گان، سو تُہاڈا ڈھولا گائیا۔ پہلی چیتر لکھّ چؤراسی اندر وڑیا آپ شیَطان، تُہاڈی شرع دِتی مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن ساچے رہیا سمجھائیا۔ بھگت کہے نہ آئے بھرواسا، اچھل اچھلّ بھیوَ کوئی نہ پائیا۔ تُوں آد جُگاد جُگ جُگ دیندا رہیوں دِلاسا، گُر اوتار پیِر پَیغمبر اِشاریاں اُتے سمجھائیا۔ کِسے نہ دسّیا اپنا سچ خلاہا، بھیوَ ابھید نہ کوئی جنائیا۔ کِسے نوُں رتی کِسے نوُں تولا کِسے نوُں ماسا، کِسے نوُں چمک دئیں چمکائیا۔ جِناں چِر ساڈا بنیں نہ داسی داسا، سانوُں شاَنت کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے وِچ وڈیائیا۔ بھگوان کہے بھگتو میری ارداس، اُچی کوُک کوُک سُنائیندا۔ سدا وساں تُہاڈے پاس، وِچھڑ کدے نہ جائیندا۔ جِس دا من ہووے اُداس، تِس دا آتم آپ سمجھائیندا۔ گھر گھر جا کے پاواں راس، سُرتی شبدی کاہن نچائیندا۔ تُہاڈا لیکھا چُکاواں دس دس ماس، مات گربھ کوئے نہ آئیندا۔ کلجُگ اِکو کمّ خاص، بِن بھگتاں گود نہ کِسے بہائیندا۔ لکھّ چؤراسی ہونی ناس، سِر ہتّھ نہ کوئے ٹِکائیندا۔ تُہاڈے پِچھے کٹی واٹ، دوُر دُراڈا پندھ مُکائیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ سمجھائیندا۔ بھگت اَگوں بَیٹھے دڑ، بول نہ کوئے جنائیندا۔ جِناں چِر اندر نہ جاویں وڑ، سانوُں صِدق کوئے نہ آئیا۔ ساڈی آتم لےَ پھڑ، پرماتم تیری انس اکھوائیا۔ ویکھیں غریِباں کولوں نہ جائیں ڈر، غریِب تیری اوٹ رکھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ بھگتو میَں تُہاڈے اندر وڑاں گا۔ نِرگُن ہو کے اُپر چڑھاں گا۔ بِن ڈوریؤں سُرتی پھڑاں گا۔ اکھّر تُہاڈا نام پڑھاں گا۔ لکھّ چؤراسی نال لڑاں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی کراں گا۔
ساڈے نال کر اِقرار، گلیں باتیں نہ کوئے سمجھائیا۔ تیرا کھیل چؤکڑی جُگ چار، جُگ جُگ کار کمائیا۔ اپنی لِکھ کے دے دے دھار، لِکھیا لیکھ نہ کوئے مِٹائیا۔ شبد بول اِک جَیکار، جےَ جَیکار دئے سُنائیا۔ حُکمے اندر بنّھ پیار، حُکمے اندر توڑ نِبھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، بھگت بھگوان رہے جنائیا۔ جن بھگتو توڑ نِبھاواں گا۔ جُڑیا جوڑ انگ لگاواں گا۔ سرِشٹ سبائی چھوڑ، مندر اِک سُہاواں گا۔ سچکھنڈ دوارے تُہاڈی پےَ گئی لوڑ، مندر ساچا اِک وڈیاواں گا۔ شبد اگمّی لےَ کے آواں گھوڑ، سولاں کلیاں آسن پاواں گا۔ تُہاڈے بِن نظر نہ آوے کوئی ہور، ہوکا دے کے جگت سُناواں گا۔ جو سادھ سنت کلجُگ پاؤندے شور، شورش سب دی بند کراواں گا۔ اِکو ہتّھ پکڑاں ڈور، باقی دی ڈوری اَنت کٹاواں گا۔ جوتی جوت سروُپ ہرِ، آپ اپنی کِرپا کر، اپنا کھیل کھلاواں گا۔ پربھ جوُ سانوُں جدوں دَیا کمائینگا۔ دسّ کی کی رنگ وکھائینگا۔ اپنی نِشانی کی سمجھانئینگا۔ کِس بِدھ ماتا پِتا ناری کنت دا ناتا توڑ تُڑائینگا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ساچا کھیل کِویں کرائینگا۔ جن بھگتو جِس ویلے انتم آواں گا۔ تُہاڈے اندر وڑ کے درشن پاواں گا۔ ڈوُنگھی کَندر تال ہلاواں گا۔ سوہنگ ڈھولا مُکھوں کہاواں گا۔ بھَیناں بھائیاں نوُں سمجھاواں گا۔ جوتی جوت سروُپ ہرِ، آپ اپنی کِرپا کر، اپنی کرنی آپ جناواں گا۔ بھگت کہن پربھ دسّ بھیت، بھیوَ ابھید جنائیا۔ تیرا روُپ رنگ نہ کوئی ریکھ، تت نظر کوئے نہ آئیا۔ کوَن دوارے کریں ہیت، مِہربان نظر اُٹھائیا۔ جُگ چؤکڑی کھیلاں رِہوں کھیڈ، تیرا اَنت کوئے نہ آئیا۔ گُر اوتاراں سِر پوائی تتی ریت، بھگتاں کھلّ پُٹھی لُہائیا۔ تیرا نظر نہ آیا ہیت، کوَن روُپ پیار وٹائیا۔ تیرا راہ تکّدے رہے نِت نِت نیت، نَین نَین اُٹھائیا۔ ہُن ویکھ آیا مہیِنہ چیت، بیِس بیِس نال مِلائیا۔ کلجُگ سُنجا کیِتا کھیت، راکھا نظر کوئے نہ آئیا۔ کر اپنی سچّی وینت، سوُتر اپنے ہتّھ اُٹھائیا۔ وِشن برہما شِو رہے ویکھ، دھیان دھیان لگائیا۔ جوتی جوت سروُپ ہرِ، آپ اپنی کِرپا کر، اپنا لیکھا دئے جنائیا۔ بھگت کہن کی تیرا رنگ، نظر کوئے نہ آئیا۔ کوَن سیج سُہائے پلنگ، آسن ابناسن لائیا۔ کوَن ناد وجائیں مردنگ، انراگی بھیوَ کُھلائیا۔ کوَن اسو چڑھیں تُرنگ، چال نِرالی اِک رکھائیا۔ کوَن دوارے دئیں انند، اَنتر آتم رس پیائیا۔ کوَن دوارے سُنائیں چھند، ڈھولا اِک پڑھائیا۔ کوَن دوارے میٹیں پندھ، پاندھی نظر کوئے نہ آئیا۔ کوَن دوارے بیڑا بنّھ، اپنے کندھ اُٹھائیا۔ کوَن دوارے گائیں چھند، شہنشاہ اپنا ناؤں پرگٹائیا۔
کوَن دوارے ہوویں بند، دروازہ نظر کوئے نہ آئیا۔ بھیوَ دسّ صاحِب بخشند، تیرے اَگے سرب عرضوئیا۔ ساڈا روُپ ہنگ برہم، پاربرہم تیری وڈیائیا۔ ساڈا لیکھا کانڈ کرم، نِہکرمی نِراِچھت تیری شہنشاہیِا۔ ساڈا تیرے حُکمے اندر جنم، تیرا اَنت کوئے نہ آئیا۔ کلجُگ انتم پیا بھرم، بُھلیکھا سکے نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در اِکو منگ منگائیا۔ بھگتو میرا گھر نکما، نظر کِسے نہ آئیندا۔ کلجُگ اَنت ساڈھے تِنّ ہتّھ لماں، دوُجی ونڈ نہ کوئے ونڈائیندا۔ آپ بنایا ناڑی چمّاں، اِٹّ گارا نہ کوئے لگائیندا۔ اندر باہر پِھرے بھنّاں، بن پاندھی پندھ مُکائیندا ۔ بِن سوُرج چند چڑھائے چنّا، جوتی جوت ڈگمگائیندا۔ بِن راگ سُنائے کنّاں، انادی ناد وجائیندا۔ جوتی جوت سروُپ ہرِ، آپ اپنی کِرپا کر، اپنا گھر آپ درسائیندا۔ بھگتو میرا گھر ڈوُنگھا، نظر کِسے نہ آئیا۔ کلجُگ سادھ سنت بنیا سوُنگھا، باہر بَیٹھے دھیان لگائیا ۔ پاربرہم جِس گھر مارے اپنا ہوُنگا، ہوکر اپنے نام جنائیا۔ نؤ سؤ چؤرانوے چؤکڑی جُگ، گُر اوتاراں دیندا رہیا اپنے ہٹّ وِچوں تھوڑا جِہا جھوُنگھا، لوک مات ہٹّی دئے چلائیا۔ جِس دے نال پنج تت وجدا رہے تُونبا، تند ستار نہ کوئے رکھائیا۔ جے کوئی لبھن آوے اَگوں کرے موُندھا، نَین سکے نہ کوئے اُٹھائیا۔ انتم سب نوُں پھیرے ہوُنجھا، تِھر کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں رہیا سُنائیا۔ بھگتو میرا گھر نِکاّ، نظر کِسے نہ آئیندا۔ جِتھے کھانی بانی وید پُران اِنجیِل قُرآن قلم شاہی نہ کوئے چِٹھا، کاتب نظر کوئے نہ آئیندا۔ جِتھے بھَین بھائی ساک سجّن نہ کوئی مات پِتا، پوُت سپوُت نہ کوئے اکھوائیندا۔ آد جُگاد جُگا جُگنتر اپنا ونڈیا آپے حِصّہ، دوُجا شریِک نظر کوئے نہ آئیندا۔ جے اپنا دسّاں سارا قِصّہ، کوٹن کوٹ جگت گُر اوتار لِکھ لِکھ لیکھ نہ کوئے سمجھائیندا۔ سچ پُچھو بِن نیتراں سدا سدا سد دِسا، اکھّ پرتکھ اپنی آپ کُھلائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ سمجھائیندا۔ بھگت کہن پربھ کرے بکھیڑا، اچھل چھل ایہدی چتُرائیا۔ کِسے نوُں کہے دوُر دُراڈا کِسے نوُں کہے نیرن نیرا، جے کوئی ویکھے نظر کِسے نہ آئیا۔ گُر اوتاراں پیِر پَیغمبراں لارا دے کے کہے کرو جیرا، چار جُگ گیا سمجھائیا۔ کِسے نہ دسّیا اپنا ڈیرہ، کوَن دوار سوبھا پائیا۔ جے کوئی پُچھے کیہڑا ویہڑا، سچکھنڈ دئے جنائیا۔ جِس سچکھنڈ بدھّا بیڑا، سو نظر کِسے نہ آئیا۔ سب نال کر کے جائیں ہیرا پھیرا، عادت اِکو اِک پکائیا۔ جوتی جوت سروُپ ہرِ، آپ اپنی کِرپا کر، اپنا بھیوَ جنائیا ۔ بھگتو مَینوُں مُڈھوں پئی عادت، اپنا
آپ دیاں سمجھائیا۔ کِسے کولوں کراواں عبادت، پوُجا پاٹھ کِسے جنائیا۔ کِسے دے کولوں دواواں شہادت، سیِس دھڑ ونڈ ونڈائیا۔ جُگ چؤکڑی میَں کردا رہیا بغاوت، سُکھ لَین کوئے نہ پائیا۔ جِس نوُں اپنے نام دی دِتی دعوت، تِنہاں پُٹھی کھلّ لُہائیا۔ جے مَیتھوں پُچھن میَں دسّاں صحیح سلامت، سچ صلاح جنائیا۔ ایہو مَینوُں پئی علامت، نظر کِسے نہ آئیا۔ میَں خوش رہاں وِچ خوشامند، کھانی بانی اپنی خوشامند وِچ سمجھائیا۔ گُر اوتار پیِر پَیغمبر پُچھدے رہے پربھ دسّ اپنی آمد، کوَن ویلا ہوئیں سہائیا۔ تیرا نام کاغذاں اُتے رکھیا امانت، پوتھی بستیاں وِچ بند کرائیا۔ سرِشٹ سبائی بنے انجانت، بھیوَ کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچا لیکھا رہیا جنائیا۔ بھگت کہن نہ دینا دھوکھا، پِچھلی عادت دے تجائیا۔ اپنا مارگ دسّ سؤکھا، دُکھ نظر کوئے نہ آئیا۔ نِرگُن ہوکے دیویں ہوکا، حق حق سُنائیا۔ اپنے مِلن دا دسّ مؤقع، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ ساچا مؤقع دسےّ بھگوان، بھیوَ ابھید جنائیا۔ انتم کل ہو پردھان، نام نِشان جھُلائیا۔ اگمّ اتھاہ بولے گان، ڈھولا اِک دِرڑائیا۔ سو پُرکھ نِرنجن ہو مِہربان، ہنگ برہم کرے کُڑمائیا۔ ناتا توڑے جگت شیَطان، شرع کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے سمجھائیا۔ بھگت کہن تیرا نہیں اِعتبار، اچھل چھل اکھوائیندا۔ اسیں سوُلی چڑھدے ویکھے تیرے یار، جِنہاں نال پریم رکھائیندا۔ لوک مات ہوئے خوار، لوحاں تتیاں اُتے بہائیندا۔ گھروں دھکّ کے کڈھے باہر، پُری انند نہ کوئے سُہائیندا۔ دسرتھ بیٹا نہ کوئے ادھار، بن جنگل کھوج کُھجائیندا۔ تیرے ورگا سانوُں نہیں چاہیئے یار، جِس دی یاری وِچ مزہ کوئے نہ آئیندا۔ ساڈے نَین ہوئے شرمسار، نیتر اکھّ نہ کوئے اُٹھائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سگلا سنگ وکھائیندا۔ بھگتو اَنت نہ کرو مخؤل، سِری بھگوان رہیا جنائیا۔ سوُلی چاڑھنا تویاں ساڑنا میرا ہول، ہولا اِکو اِک رکھائیندا۔ جے ایس طرح نہ کراں سارے ہو جان انبھول، میرا بھےَ نہ کوئے رکھائیندا۔ سارے آپو اپنا مارن گھول، پہلوان گھر گھر نظری آئیندا۔ کوٹن کؤٹ گُروُ در وجےّ ڈھول، پُرکھ اکال نہ کوئے منائیندا۔ ایسے کارن سب دے وِچ رکھیا اپنا پول، پوُرا بھیوَ نہ کِسے جنائیندا۔ نِکّی تاکی چھوٹی باری اندروں کُنڈا دیوے کھول، باقی ہتّھ نہ کِسے پھڑائیندا۔ الکھّ الکھّ نِرنجن نِرنجن صاحِب صاحِب ستگُر ستگُر سارے گئے بول، اپنی بولی نال سمجھائیندا۔ جے کوئی کہے پربھ اپنا کُنڈا کھول، اَگوں حُکم
نال ڈرائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنی کھیل کرائیندا۔ بھگت کہن تُوں بڑا چلاک، تیری چلاکی نظر کِسے نہ آئیا۔ کِسے کریں پوِت پاک، کِسے خاک وِچ مِلائیا۔ کِسے کھولیں نِکاّ تاک، کِسے اندھ اندھیر پِھرائیا۔ کِسے بنائیں اپنا ساک، کِسے دھرم رائے ہتّھ پھڑائیا۔ کِسے بوٹی بوٹی دیویں کاٹ، کِسے بُھن کباب سیِکھاں اُتے بنائیا۔ کِسے کہیں میَں تیرا باپ، کِسے اپنا پُت جنائیا۔ کِسے کہیں میَں دیواں ساتھ، کِسے نظر کِتے نہ آئیا۔ کِسے کہیں کرو پوُجا پاٹھ، کِسے کلمہ نبی پڑھائیا۔ کِسے درس دِکھاویں ساکھیات، کِسے بَیٹھا مُکھ بھوائیا۔ کِسے دیویں آبِ حیات، کِسے امرت جام چوائیا۔ کِسے مِلیں وِچ خواب، کِسے پرتکھ روُپ درسائیا۔ کِسے دسّیں حق جناب، کِسے شہنشاہ سمجھائیا۔ جے کوئی تَینوُں پُچھے تُوں کریں لاجواب، اپنا بھیوَ نہ کوئے درسائیا۔ کلجُگ اَنت سچّی کر ساڈے نال بات، پِچھلی کتھا نہ کوئے جنائیا۔ جِناں چِر نہ میٹیں اندھیری رات، نِرگُن نوُر نہ کریں رُشنائیا۔ تیرا کِسے نہیں دینا ساتھ، اِکلّا روویں ماریں دھاہیِا۔ تیری جوت بنے نار کمذات، بِن بھگتاں کمّ کِسے نہ آئیا۔ تیری خوشامند کر کے پُچھے نہ کوئی وات، تیری صِفت نہ کوئے صالاحیِا۔ سچکھنڈ سُتا رہیں اپنی کھاٹ، تَینوُں کھٹمل جان کھائیا۔ اَگوں ڈر کے کہے بھگتو میَں تُہاڈا داس، میری چلے نہ کوئے چتُرائیا۔ اندر وڑ کے ویکھو وساں پاس، ہر گھٹ بَیٹھا ڈیرہ لائیا۔ میَں چھڈ کے آیا ذات، ذات تُہاڈی آپ پرنائیا۔ جاگت سووت پُچھاں وات، آلس نِندرا نہ کوئے رکھائیا۔ اپنا دسّاں سچ حالات، جوتی جوت سروُپ ہرِ، آپ اپنی کِرپا کر، سچ سندیسہ رہیا سُنائیا۔ پربھوُ تیرے اُتے نہیں کوئی یقیِن، بھروسہ نظر کوئے نہ آئیندا۔ اسیں غریِب نِمانے مسکیِن، تُوں شہنشاہ اکھوائیندا۔ جُگ جُگ گُر اوتاراں پیِر پَیغمبراں کریں تلقیِن، حُکم حاکم اِک رکھائیندا۔ لوک پرلوک تیرے ادھیِن، اَگے سِر نہ کوئے اُٹھائیندا۔ تیرا مارگ اِک مہیِن، نظر کِسے نہ آئیندا۔ تُوں صاحِب وڈ پربیِن، دانا بیِنا اکھوائیندا۔ اسیں ویکھیا تُوں گُر اوتاراں پیِر پَیغمبراں کولوں سب کُچھ لیا چھین، خالی ہتّھ سرب وکھائیندا۔ سارے تڑپھن جِؤں جل بِن میِن، میِن جل اپنی دھار وہائیندا۔ تیرا نیتر ویکھیا سیِن، سیِنہ سب دا چاک کرائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن نظر کوئے نہ آئیندا۔ سُنو بھگتو ساچا چھندا، ہرِ ساچا سچ جنائیا۔ سِری بھگوان نہ پُرکھ نہ کوئی بندہ، بندگی وِچ کدے نہ آئیا۔ لکھّ چؤراسی دِسے اندھا، نَین اکھّ نہ کوئے کُھلائیا۔ جن بھگتاں اپنی پائے ونڈاں، ونڈ اِکو وار کرائیا۔ ویکھنہارا نوَ نؤ کھنڈاں، گرِہ مندر کھوج
کھوجائیا۔ درس دکھاوے کلجُگ انتم ہو کے ننگا، پردہ کوئے رہن نہ پائیا۔ جِس نوُں سارے کہندے گئے لفنگا، لوفر اپنی چال چلائیا۔ تِس دا وجےّ اِک مردنگا، وڈ مردان آپ اُٹھائیا۔ نِرگُن ہو کے سرگُن دیوے سنگا، سگلا سنگ رکھائیا۔ پِچھلا میٹے سب دا دھندا، دھرنی دھرت دھوَل دئے جنائیا۔ گُرمُکھ لکھّ چؤراسی وِچوں لگّے چنگا، جِس جن اپنا میل مِلائیا۔ ترکھان بن کے پھیریا رندا، سوُتر اپنا نام لگائیا۔ جٹّ بن کے بھار چُک لیا کندھا، دو جہاناں پار کرائے واہو داہیِا۔ جے کوئی اَگوں آکڑے ہتّھ وِچ پھڑے ڈنڈا، مُنہ دے بھار سرب سُٹائیا۔ جے کوئی بھجّن لگّے پریم پریِتی پا لئے پھندا، باہرِ نکل کوئے نہ جائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ بھگت کہن اپنی سچّی دسّ دلیِل، جو تیرے وِچ وڈیائیا۔ ساڈے کول نہ کوئے وکیِل، جو کرے حق لڑائیا۔ ساڈے کول نہ کوئے اپیِل، جو اَگے لیکھ لِکھائیا۔ سانوُں اپنا دے یقیِن، یکطرفہ حال سُنائیا۔ کی تُوں اوہو جو بستر پہنیں نیِل، آپ اپنا روُپ وٹائیا۔ کی تُوں اوہ جِن کھیل کرایا ارجن کرِشن بھیل، بھیوَ ابھید رکھائیا۔ کی تُوں اوہ جِس عیسے موُسے محمد رکھائی این، اِیمان اِکو اِک جنائیا۔ کی تُوں اوہ جِن نِرگُن نام وجائی بین، جوتی جوت سروُپ ہرِ، آپ اپنی کِرپا کر، اپنا بھیوَ دے کُھلائیا۔ بھگت جنو میَں اوہی اوہ، اوڑک آپ جنائیندا۔ جِس نال کوئی نہ سکے چھوہ، انگیکار نہ کِسے کرائیندا۔ جِس دا گُر اوتار پیِر پَیغمبر لےَ کے آؤندے رہے ڈھوآ ڈھو، نام سندیسہ اِک سُنائیندا۔ جِس دے حُکمے اندر کوٹن کوٹ برہمنڈ کھنڈ پُری لوء، پاتال آکاش کھیل کرائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جِن لیکھا تجیا چھّبی پوہ، آپ اپنی کار کمائیندا۔ بھگت کہن ہو انجھک، بھےَ نہ کوئے رکھائیا۔ جُگ جُگ تَینوُں لبھدے گئے تھک، جنگل جوُہ نظر نہ آئیا۔ اٹھسٹھ تیِرتھ پانی لیا لّک، بن سوان پھیرا پائیا۔ ورت روزے لئے رکھ، اگنی تت جلائیا۔ پِھر وی تیرا نِکلیا اجے نہ شکّ، سنسا سکیا نہ کوئے مِٹائیا۔ پنج تت کایا اندر سانوُں چھڈیا ڈکّ، تَینوُں لجّیا کوئے نہ آئیا۔ نِرگُن ہو کے پائی نتھ، ڈوری اپنے ہتّھ اُٹھائیا۔ کریا نبیڑا نہ کوئے حق، حقیِقت روُپ نہ کوئے درسائیا۔ کوٹن کوٹ پیالے رس لئے چھک، اَنت ترِپت نظر نہ آئیا۔ شاستر سِمرت وید پُران اِنجیِل قُرآن رسنا جِہوا بک، بکتے بَیٹھے دھیان لگائیا۔ تُوں مِہر نظر نال نہ لیا تکّ، کروٹ اپنی نہ اجے بدلائیا۔ ایسے کر کے سانوُں تیرے اُتے شکّ، شِکوہ سکے نہ کوئے مِٹائیا۔ جُگ چؤکڑی تیرا جھوکھیا بھٹّھ، بن بھٹھیالے سیو کمائیا۔ کلجُگ انتم ساریاں کیِتا اِکٹّھ، اِکو متا پکائیا۔ بھگتو اپنا
رکھو ہٹھ، درڑھ وِشواس جنائیا۔ جِناں چِر سِری بھگوان ساڈے کول نہ آوے نٹّھ، اپنی اکھّ نہ لؤ کُھلائیا۔ جِناں چِر مارگ نہ دیوے دسّ، ساچا راگ آپ سُنائیا۔ جِناں چِر نہ ہووے ساڈے وس، اپنی آکڑ چھڈو نہ رائیا۔ جِناں چِر نِمانا ہو نہ جائے ڈھٹّھ، اپنا بل کوئے نہ ڈھاہیِا۔ تُسیں سارے دھنےّ ورگے جٹّ، دھنّہ تُہاڈے کولوں شرمائیا۔ سارے کہو ساڈے کولوں مالا منکا نہ جائے رٹ، رٹّا اِکو وار مُکائیا۔ ہِردے آ کے پربھوُ وس، دوُجی اوٹ نہ کوئے رکھائیا۔ تُوں گا ساڈا جس، اُلٹی ریِت چلائیا ۔ اسیں تیرے مندر خوشیاں نال ویکھیئے نسّ نسّ، آپ اپنی خوشی منائیا۔ جوتی جوت سروُپ ہرِ، آپ اپنی کِرپا کر، چل کے آؤنا ساڈے گھر، اِکو آس رکھائیا۔ بھگوان کہے میَں ہوواں داس، داسی روُپ وٹائیا۔ میرے اُتے کرو وِشواش، درڑھ نِسچا دیاں جنائیا۔ انتم لےَ کے جاوا ساتھ، اَدھ وِچکار نہ کوئے چُھڈائیا۔ میرے بھروسے پِچھلے چھڈ دیؤ پوُجا پاٹھ، اَگے اِکو کرو پڑھائیا۔ پربھ دیوے اپنی دات، انمُلڑی آپ ورتائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ بھگت کہن اسیں پِچھلا سب کُچھ چھڈاں گے۔ سرن صاحِب تیری لگّاں گے۔ پِچھے موُل کدے نہ ہٹاں گے۔ رس پریم پریِتی چٹّاں گے۔ لاہا اِکو نام کھٹّاں گے۔ تیرا ڈھولا ساچا رٹاں گے۔ تیِرتھ تٹاں پار ٹّپاں گے۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرے پیار اندر رچاں گے۔ جو پیار اندر رچیگا۔ سو ویلے انتم بچیگا۔ پربھ گودی بہہ کے ہسّیگا۔ پِچھلیاں راہ دسّیگا۔ اگلیاں وِچ وسیگا۔ سچکھنڈ دوارے نٹّھیگا۔ پربھ چرن دوارے ڈٹیگا۔ جوتی جوت سروُپ ہرِ، آپ اپنی کِرپا کر، ہرِ بھگت سُہیلے رکھیگا۔ اسیں تیرا گیِت گاواں گے۔ پربھوُ اِکو اِشٹ مٹاواں گے۔ بِن کایا مندر دوُجے گھر نہ پھیرا پاواں گے۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرا لکھّ لکھّ شُکر مناواں گے۔ گھر تُہاڈے آؤں گا۔ نِکی باری کُنڈا لاہوُنگا۔ لا یاری توڑ نِبھاؤں گا۔ کر پیاری سیج بہاؤں گا۔ گُرمُکھ نار کواری آپ پرناؤں گا۔ رنگ رنگیِلا پلنگ اِک وکھاؤں گا۔ نام مردنگ سچ وجاؤں گا۔ انند انند وِچوں پرگٹاؤں گا۔ چھند چھند گیِت الاؤں گا۔ بن پاندھی پندھ مُکاؤں گا۔ جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھاؤں گا۔ پربھوُ کِس طرح اندر وڑینگا۔ کی ساتھوں نہ تُوں ڈرینگا۔ کِس پؤڑی تھانیں چڑھینگا۔ کِس مندر وِچ کھڑینگا۔ کی اکھّر ڈھولا پڑھینگا۔ کی ساڈے پریم وِچ مرینگا۔ کی ساڈے ہِجر وِچ سڑینگا۔ کی ساڈے فِکر وِچ اپنی کرنی کرینگا۔ جوتی جوت سروُپ ہرِ،
آپ اپنی کِرپا کر، ایکا دینا ساچا ور، مِہربان اپنی کِرپا کرینگا۔ میَں اپنے راہ آواں گا۔ نِرگُن نِکا روُپ بناواں گا۔ بن رس مِٹھا اندر لنگھ جاواں گا۔ ہو کے آپ انڈِٹھا، اپنی کار کماواں گا۔ گُرمُکھ پہلوں پریم پریِتی جِتّا، پِھر اپنا ہِت سمجھانواں گا۔ بن کے پرم پُرکھ ساچا پِتا، مِہر نظر اِک اُٹھاواں گا۔ دُھردرگاہی لےَ کے چِٹھا، کایا مندر ڈیرہ لاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ محل اِک سُہاواں گا۔ پربھوُ اوہ محل کیہڑا اے۔ جِتھے تیرا سچّا ڈیرہ اے۔ دوُجا رہے نہ کوئی جھیڑا اے۔ تُوں نظری آئیں نیرن نیرا اے۔ گھر چڑھے چاؤ گھنیرا اے۔ نہ سنجھ نہ سویرا اے۔ گرِہ مندر وسے کھیڑا اے۔ پربھ لگّے تیرا ڈیرہ اے۔ نظری آئیں تُوں میرا میَں تیرا اے۔ نہ کوئی ہیرا نہ کوئی پھیرا اے۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، اوہ وقت سُہنجنا کیہڑا اے۔ اوہ وقت سُہنجنا سچّی پربھات، سِری بھگوان آپ جنائیا ۔ جِس ویلے سوہنگ دیواں دات، اوسے ویلے اندر لنگھ جائیا۔ پھیر اگلےّ پِچھلے اِکٹّھی کراں جماعت، پہلی دوُجی تیجی چؤتھی ونڈ نہ کوئے ونڈائیا۔ وڈّیاں چھوٹیاں بُڈھیا نڈھّیاں اِکو بنّھاں نات، اِکو گھر سُہائیا۔ گُرمُکھ ڈھولا گائے میرا گاتھ، سو کرے سچ پڑھائیا۔ ہنگ برہم اناتھاں ناتھ، ناتھ اناتھی لئے اُٹھائیا۔ جوتی جوت سروُپ ہرِ، آپ اپنی کِرپا کر، گھر مندر اِک سُہائیا۔ پربھوُ مندر تیرا سوہنا اے۔ آد جُگاد سدا من موہنا اے ۔ نہ کوئی ہسّنا نہ کوئی رونا اے۔ نہ کوئی مَیلا جیہڑا کِسے دھونا اے۔ نہ کوئی مندر مسیِتڑ شِودوالا مٹھ کِسے نہ گاؤنا اے۔ اِکو صاحِب بیِٹھلو بیِٹھل، سمرتھ سِنگھاسن ڈیرہ لاؤنا اے۔ جوتی جوت سروُپ ہرِ، آپ اپنی کِرپا کر، گھر اِکو اِک سمجھاؤنا اے۔ اوہ گھر سوہنا سُہنجنا، جن بھگت ملِے وڈیائیا۔ کرے پرکاش آد نِرنجنا، نوُرو نوُر نوُر رُشنائیا۔ صاحِب ستگُر دَیال بنے سجّنا، سگلا سنگ نِبھائیا۔ چرن دھوُڑ دیوے مجنا، کوَل نَین وڈیائیا۔ سنت سُہیلے درس کر کر رجنا، ترِسنا بُھکھ مِٹائیا۔ بھگت بھگوان اِکو در بہہ بہہ سجنا، وڈّا چھوٹا کوئے رہن نہ پائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، اَگے کوئی نہ لائے اج پّجنا، سچ سچ سچ دئے سمجھائیا۔
شکّ نال مِلیا شکوُک، شِکوہ رہیا جنائیا۔ صاحِب ستگُر بڑا ملوُک، سوہل کومل نظری آئیا۔ جو اِس نال رکھے سلوُک، صُلح اپنی دئے سمجھائیا۔ کِرپا کر کرے محفوُظ، سِر اپنا ہتّھ ٹِکائیا۔ آد جُگادی اِک محبوُب، مُحبّت سچ جنائیا۔ ویکھنہارا اُچ عروُج، حُجرہ اِک وڈیائیا۔ کرے کھیل اپنی حدوُد، ہؤمے پار نہ کوئے کرائیا۔ ویکھنہارا اصل سوُد، کُل زر اپنے ہتّھ وکھائیا۔ کرنہارا نیست و نابوُد، جڑ سب دی رہیا اُکھڑائیا۔ سولاں سال نہ سکے کوئی ڈھوُنڈ، ڈھوُنڈیاں ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، اپنا کرے کھیل خوُب، خوُبی سب دی دئے مِٹائیا۔ جوتی جوت سروُپ ہرِ، آپ اپنی کِرپا کر، سولاں سال سولاں اِچھیا وِچ سمائیا۔ سولاں اِچھیا پھیر پیا اڑِکا، بھیوَ کوئے نہ آئیندا۔ اَگے سوال دسّیا نِکاّ، ہُن وڈّا نظری آئیندا۔ محمد کہے میرا جھوُٹھا نہ کر سِکہ، کیِتا قؤل کیوں بُھلائیندا۔ گوبِند کہے میَں واریا پِتا، پُتر نیہاں ہیٹھ دبائیندا۔ پُرکھ اکال کہے ایہہ تُہاڈا حِصّہ، تُہاڈی جھولی پائیندا۔ میرا کھیل سدا انڈِٹھا، نظر کِسے نہ آئیندا۔ ویہہ سؤ ویہہ بِکرمی پندراں کتّک تکّ چار جُگ دا لِکھیا لیکھا سب دے ہتّھ پھڑائے چِٹھا، بھاوا بھاوی بھانا اپنے ہتّھ رکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بیِس بیِسا ہرِ جگدیِشا، لیکھا سب دی جھولی پائیندا۔ بھاوا بھگوان بنے باپوُ، وڈ وڈّا وڈ وڈیائیا۔ ویکھنہارا جناں پیِتا تماکو، تُخم سب دا دئے اُڈائیا۔ کوئی کِسے نہ مارے آواز ہاکوُ، کاکوُ کلمہ نبی نہ کوئے وڈیائیا۔ پیِر پَیغمبر کہن ویکھو کِدھروں پےَ گیا ڈاکوُ، آپ اپنا بل دھرائیا۔ جِس زِمیں اسمان بھوائے وانگ لاٹوُ، بِن چکّی چکّ ٹِکائیا۔ جوتی جوت سروُپ ہرِ، آپ اپنی کِرپا کر، بھاوا اِکو اِک اکھوائیا۔ بھاوا کہے میَں بھگوان، اپنا بل رکھائیندا۔ بھاوی کہے میَں بال انجان، دُھر دا حُکم موہے بھائیندا۔ ایہو بھاوے دا سچ نِشان، نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، گُر اوتاراں پیِر پَیغمبراں پہلوں توڑ اِیمان، جوڑ اِکو چرن دھیان رکھائیندا ۔ چار کُنٹ سُنی شکائت، چاروں کُنٹ مُکھ بھوائیا۔ سارے منگن پربھ کر عنایت، خالی جھولی رہے وکھائیا۔ اِک دوُجے دی کوئے نہ کرے فرمائش، سارے بَیٹھے نَین شرمائیا۔ کیوں پربھوُ آپ کرن آیا ازمائش، چُغلی دوُجا کوئے نہ لائیا۔ جِس نے دھرتی ونڈ کے دِتی پَیمائش، گُر اوتار کِتیاں وِچ بہائیا۔ پِچھوں دیندا رہیا ہدایت، حُکم حق سمجھائیا۔ کِسے کول نہ رہے کفایت، کرے کھیل بےپرواہیِا۔ تُعارف کرے نہ کوئے طوائف، طالب طربیتّ نہ کوئے وڈیائیا۔ چار کُنٹ چار جُگ پُری سب دی کرنہارا خواہش، آسا
ویکھے تھاؤں تھائنیا۔ پہلی چیتر گُر اوتاراں پیِر پَیغمبراں بھگتاں لگّی نُمائش، نِرگُن نِرگُن ویکھ وکھائیندا ۔ نیتر رویا یشوُ کرائیس، کربلا محمد ویکھ کُرلائیندا۔ موُسیٰ کہے میری کِسے نہ کیِتی حمایت، مُفت کوہ طوُر مُنہ دے بھار ڈِگ کے مُنہ بھنائیندا۔ نانک کہے گوبِند پُت نہ ہوئے نا لایق، نانک گوتی جوتی نوُر دھرائیندا۔ پاربرہم کہے میری اِکو شریِعت، شرع سچ سچ سمجھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آد جُگاد جُگ چؤکڑی جُگ کرتا اپنے وِچ سمائیندا۔ اِک ہوئے زیِرو ، زیِرو اِک روُپ وٹائیا۔ اِک بنے ہیِرو، ہیِرو صِفرا روُپ دھرائیا۔ صِفرا ہوئے گُنی گہِیرو، گہر گمبھیِر بےپرواہیِا۔ اِک نال اِک بدھّا زنجِیرو، زنجِیری اپنا نام رکھائیا۔ شاہ سُلطان سُنو فقیِرو، شہنشاہ رہیا سمجھائیا۔ نیتر کھولو پَیغمبرو پیِرو، پاربرہم رہیا الائیا۔ جوتی جوت سروُپ ہرِ، آپ اپنی کِرپا کر، اِک صِفر اِک اپنی گنڈھ پوائیا۔ اِک شہنشاہ زیِرو خاک، اِک پاتشاہ اکھوائیندا۔ اِک کھولنہارا تاک، زیِرو لیکھا ہوئے بےباق، اِک اپنا انک بنائیندا۔ راشٹرپت اِک خالی کرائے ہاتھ، صِفرا کِسے نہ دیوے ساتھ، اِک اپنا حُکم ورتائیندا۔ کوَن جانے پربھ کی بات، بھیوَ ابھید اپنے ہتّھ رکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اِک زیِرو اِک اِکّتر اِکو گھر کرائیندا ۔
۳ چیت ۲۰۲۰ بِکرمی جیٹھوُوال دربار وِچ
تُوں میَں اِکو کُچھ، اَنتر ونڈ نہ کوئے ونڈائیا۔ بِن ویکھیاں بِن پیکھیاں اِک دوُجے نوُں لیا پُچھ، روُپ رنگ ریکھ نظر کوئے نہ آئیا۔ بھیوَ ابھیدا کھولیا گُجھ، پردہ آپ اُٹھائیا۔ سار نہ پاوے من مت بُدھ، جگت بل نہ کوئے سہائیا۔ میَں تُوں نہیں کُچھ، جُگ جُگ تیرے ہتّھ وڈیائیا۔ سوچیاں کِسے نہ آویں سوچ، لبھیاں نظر کِسے نہ آئیا۔ کر کِرپا کل گیا پہُنچ، پاربرہم پربھ بےپرواہیِا۔ ساچی آ کے دسّی رؤنس، تُوں میَں رہے نہ رائیا۔ گُرمُکھ کیتے مات غؤث، گُرج نام ہتّھ پھڑائیا۔ تُوں میَں مِلن دا ہویا شؤق، اَنتر اَنتر ویکھ وکھائیا۔ لیکھا بنیا نار کھؤنت، بیوی بیوہ نہ کوئے جنائیا۔ مِہربان نہ جائے اؤنت، اؤنتراپن نہ کوئے رکھائیا۔ انتم آیا اپنے چؤنک، چؤکنّا ہو کے پھیرا پائیا۔ جِس نے گوبِند وکھایا پٹنا پؤنٹ، پاٹل اپنی کار کمائیا۔ جِس نوُں جپ جپ تھکے ہونٹ، رسنا اپنا بل لگائیا۔ سو صاحِب اندرے اندر گیا چؤنک،
ہوُں ہاں رہیا جنائیا۔ جوتی جوت سروُپ ہرِ، آپ اپنی کِرپا کر، تُوں میَں اِکو روُپ درسائیا۔ تُوں میَں اِک تلاش، نیتر نَین سرب ترسائیا۔ جِس دا راہ تکّے شنکر کَیلاش، چوٹی پربت ڈیرہ لائیا۔ جِس دی برہما رکھے آس، برہم لیکھا دئے مُکائیا۔ جِس دا وِشنوُں ہویا داس، بن سیوک سیو کمائیا۔ جِس دا گُر اوتار گاؤندے راگ، بودھ اگادھ جنائیا ۔ جِس دی پیِر پَیغمبر پڑھدے نماز، بن بردا سجدہ سیِس جھُکائیا۔ جِس دی وجےّ سَت رباب، تندی تار نہ کوئے رکھائیا۔ جِس نوُں کہندے سچ احباب، مُحبّت اِکو اِک وکھائیا۔ جِس نوُں کہندے سارے باپ، پت پرمیشور وڈ وڈیائیا۔ جِس توں منگدے سارے دات، خالی جھولی اَگے ڈاہیِا۔ تِس صاحِب دی اِکو جماعت، تُوں میَں کہن کو نہ پائیا۔ تُوں میَں چُکیا جھیڑا، جھنجٹ آپ مِٹایا۔ ہرِجن وسیا ساچا کھیڑا، جِس گرِہ پھیرا پایا۔ نِرگُن ہو کے بنّھیا بیڑا، سرگُن کندھ دھرایا۔ ویکھنہارا گُروُ چیرا، چیلا گُر اکھوایا۔ کلجُگ انتم ویکھے میلا، مِہربان ویس وٹایا۔ وسنہارا دھام نِویلا، سچکھنڈ ساچے سوبھا پایا۔ کٹنہارا دھرم رائے دی جیلا، آون جاون پندھ مُکایا ۔ جوتی جوت سروُپ ہرِ، آپ اپنی کِرپا کر، تُوں میَں اِکو گھر وکھایا۔ تُوں میَں دا اِکو ویہڑا، دوُجی ونڈ نہ کوئے ونڈائیا۔ جِس نوُں صاحِب ستگُر مِل گیا سِنگھ شیرا، شیر روُپ دئے بنائیا۔ لکھّ چؤراسی گِدڑاں گھیرا، جمبک اَنت رہن نہ پائیا۔ جِس گرِہ اندر لگّا ڈیرہ، دُئی دوَیت نہ کوئے رکھائیا۔ بھگت بھگوان اِک دوُجے نوُں کہن تُوں میرا میَں تیرا، میَں تُوں نظر کوئے نہ آئیا۔ جگت نیتر دِسے اندھیرا، گُر نیتر نوُر رُشنائیا۔ سووت جاگت بنّھے بیڑا، کھیوٹ کھیٹا سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ تُوں میَں نہ کوئی لائے توہمت، طمع وِچ کدے نہ آئیا۔ کرنہارا اپنی رحمت، مِہر نظر اُٹھائیا۔ غریِب نِمانیاں تارے جِنہاں بدھّی تہمت، سِر اپنا ہتّھ ٹِکائیا۔ جو پربھ نال ہو گئے سہمت، پِچھلا لیکھا دئے چُکائیا۔ ہرِجن بنے نہ کدے احمق، موُرکھ مت رکھائیا۔ جوتی جوت سروُپ ہرِ، آپ اپنی کِرپا کر، تُوں میَں پندھ مُکائیا۔ تُوں میَں مُکیا پندھ، پیَنڈا رہن کوئے نہ پائیا۔ جِنہاں مِلیا صاحِب بخشند، دیِن دَیال سچّا شہنشاہیِا۔ اَنتر آتم دیوے انند، رس اپنا آپ وکھائیا۔ پوُرب جنم دی ٹُٹی گنڈھ، اِکو تند بندھائیا۔ جگت وِچھوڑا کٹ رنڈ، اپنے نال پرنائیا۔ کِرپا نِدھان چاڑھ چند، نِرگُن جوت کرے رُشنائیا۔ بن درویش منگے منگ، بِھکھک اپنی جھولی ڈاہیِا۔ کرے کھیل سوُرا سربنگ، شاہ پاتشاہ سچّا شہنشاہیِا۔ تُوں میرا میَں تیرا دوہاں دا اِکو جِہا سنگ، میَں
تُوں بَیٹھی نَین شرمائیا۔ میَں تیرے اندر جاواں لنگھ، تُوں میرا دھیان لگائیا۔ میَں سُہاواں تیری آتم سیج پلنگ، تُوں گھُٹ گھُٹ گلوکڑی ایکا پائیا۔ پاربرہم دا برہم مانے سچ انند، جگت بھوگ رس نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، تُوں میَں لیکھا دِتا مُکائیا۔ تُوں میَں لیکھا گیا مُک، سو ستگُر آپ مُکائیا۔ ڈھولا گایا اپنے مُکھ، مُکھڑا گُرمُکھ آپ صالاحیِا۔ جگت ترِسنا میٹ بُھکھ، کوُڑی حرص مِٹائیا۔ کر کِرپا اپنی گودی چُک، دوویں بُھجاں سیِس ٹِکائیا۔ تُوں میَں اِک دوُجے نوُں دوویں رہے پُچھ، وِچھڑیاں سُکھ کوئے نہ آئیا۔ اِک دوُجے نالوں پھیر نہ جائیے رُس، رُسیِاں سانت کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ تُوں میَں گئی ہار، جِتّ نظر کِسے نہ آئیا۔ تیرے پِچھے ہو خوار، اپنا آپ مِٹائیا۔ تیرے پِچھے پندھ مار، بنیاں پاندھی راہیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ تُوں میَں کہے کیوں ہویا چُپ، اگلا بھیوَ نہ کوئے جنائیا۔ من بدلے اپنا رُخ، ستگُر اپنی کلا بھوائیا۔ کِس وست دی رہ گئی بُھکھ، کر کِرپا پربھ پوُری دئے کرائیا۔ جنم مرن دا مِٹیا دُکھ، ناتا پُرکھ اکال جُڑائیا۔ ہور کی اَگے لَینا پُچھ، پُچھ پُچھ اَنت کوئے نہ پائیا۔ جو جن سیِس نِوائے جھُک، تِس اپنا آپ دئے ورتائیا۔ اندر وڑ جائے بہہ جائے لُک، مُکھ نہ کِسے وکھائیا۔ کر کِرپا پربھ جائے اُٹھ، جوتی نوُر رُشنائیا۔ ساچا لہنا لئے پُچھ، پُشت در پُشت ویکھ وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، بھگت بھگوان اِک نِشان، تُوں میَں لیکھا دِتا مُکائیا۔
۷ چیت ۲۰۲۰ بِکرمی جیٹھوُوال باہر والے دروازے دی نیہہ رکھن دے سمیں
بھگت بھگوان دا اِک دروازہ، دوُجا راہ نہ کوئی وکھائیندا۔ گُرسِکھ گُر اِک کاجا، ستگُر سیو کمائیندا۔ جوت شبد نِرگُن راجن راجا، بھوُپن بھوُپ دَیا کمائیندا۔ اُجڑیا وسایا پھیر ماجھا، گُر گوبِند ہو کے پھیرا پائیندا۔ انتم اَنت رکھے لاجا، مِہربان مِہر نظر اُٹھائیندا۔ پُرکھ اکال بنیا دادا، پوُت سپوُتے ویکھ وکھائیندا۔ ہرِ سنگت سیِس پہنائے تاجا، ساچا لیکھ لِکھائیندا۔ مہاراج شیر سِنگھ وِشنوُں بھگوان، ست دھرم دی ساچی نیہہ، ہرِ سنگت لیکھا چُکائے ساڈھے تِنّ ہتّھ سیِں، اندر آیا لکھّ چؤراسی وِچ رہن نہ پائیندا۔ ہرِ سنگت سیِس گُر
شبدی تاج، تخت نِواسی آپ رکھائیندا۔ دَیا سِنگھ در دیوے داج، دھرم مت دی جڑ لگائیندا۔ بِشن سِنگھ مارے آواز، جنم جنم نال سمجھائیندا۔ مت سَت دا سَت جہاز، سَت سَتوادی آپ چلائیندا۔ دیوے وڈیائی مِستری راج، مِسل سِری بھگوان بنائیندا۔ ہرِ سنگت سوارے کاج، جو گُرسِکھ در آ کے سیو کمائیندا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان شبد سروُپی گُن نِدھان، نِرگُن داتا پُرکھ بِدھاتا ساچی دھار آپ چلائیندا۔ دو دس دا در دروازہ، سچ دھار وڈیایا۔ سولاں سولاں کھیل تماشا، خالق خلق خُدایا۔ اِکّی نؤ بودھ اگادھا، شبدی شبد سمجھایا۔ اُپر بَیٹھ وڈ راجن راجا، جن بھگتاں پھڑ باہوں پار کرایا۔ مہاراج شیر سِنگھ وِشنوُں بھگوان، ساچی کرنی آپ کمایا۔
۷ چیت ۲۰۲۰ بِکرمی جیٹھوُوال ہرِ بھگت دوار
پاربرہم پربھ تیرا صدقہ، ملِے مان موہ وڈیایا۔ غریِب نِمانا نِردھن ادنیٰ، بلہیِن نَین شرمایا۔ تیرا لیکھا کرِشن بدھ کا، بدھک منگ منگایا۔ جوتی جوت سروُپ ہرِ، آپ اپنی کِرپا کر، دیونہار وڈیایا۔ بدھک مار تیِر، تیِر نِشانیا۔ بدھک ویکھ اخیِر، آخر پچھتانیا۔ بدھک ویکھ اخیِر، ہرِ صاحِب گلے لگانیا۔ تیِر دیوے نام نِدھانیا۔ جوتی جوت سروُپ ہرِ، آپ اپنی کِرپا کر، مِہربان سُلطانیا۔ گوڈے اُپر پَیر پسار، چرن کوَل رُشنایا۔ دوہاں اندر کھیل اپار، نظر کِسے نہ آیا۔ پریم رت ڈِگے اپنی دھار، سچ پریِتی چرن رنگ رنگایا۔ بدھک رووے زارو زار، ویکھ ویکھ کُرلایا۔ کرِشن کہے میرا سچ وِہار، سچ سچ جنایا۔ تیرا نِشانہ اپر اپار، مِہربانا رنگ رنگایا۔ لیکھا جانے آد کرتار، قادر وڈ وڈیایا۔ دوہاں چرناں دے وِچکار، پریم رت وہے واہو داہیا۔ کرِشن کاہن کرے گُفتار، سچ سچ جنایا۔ در دروازہ اپر اپار، چرناں دوہاں وِچ رکھایا۔ نوَ دوارے بدھک کرے ہاہاکار، دسویں سانتک سَت رکھایا۔ نوَ دس دا سَت وِہار، سولاں کلا سولاں اِچھیا دئے وڈیایا۔ اِکّی نوَ کھیل اپار، پاربرہم پربھ بھیوَ جنایا۔ سچ سچ دا سچ وِہار، سچ سچ سمجھایا۔ جِؤں کرِشن تیرا کرے ادھار، گھاؤ اپنے تن لگایا۔ تِؤں سِری بھگوان نِرگُن جوت کرے آکار، نِراکار سروُپ دھرایا۔ غریِب نِمانیاں کوجھے کملیاں پتت پاپیاں دیوے تار، جِس
جن دیوے چرن سرن سرنایا۔ میلا سوہے انتم وار، کلجُگ ملِے وڈیایا۔ سیوا کرے آپ کرتار، کرنی کرتا آپ کمایا۔ بھگت دوارے کھول کِواڑ، در دروازہ اِکو اِک وکھایا۔ اُپر لیکھ لِکھے سوہنگ مہاراج شیر سِنگھ وِشنوُں بھگوان جےَ جےَ جَیکار کرے لوکایا۔ ہرِ سنگت سِر پہنایا تاج، تاجاں والے رائے دھرم ہتّھ پھڑایا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جگت جُگ لہنا لہنیدار جھولی پایا۔ دروازہ کہے میَں ساچی سیو کماؤں گا۔ جن بھگتاں راہ تکاؤں گا۔ سوہنگ ڈھولا اِک سُناؤں گا۔ ہرِ سنگت دے مان، جگت وڈیاواں گا۔ ہرِ بھگتاں دے گیان، گُرمُکھ تار وجاواں گا۔ سچ دھرم سچ نِشان، اِکو اِک وکھاواں گا۔ آپا کر قُربان، جوتی جوت سروُپ ہرِ، آپ اپنی کِرپا کر، دیونہارا ساچا ور، دروازہ کہے دربان اکھواواں گا۔ جن بھگتاں ہو مِہربان، پھڑ باہوں پار لگاواں گا۔ منمُکھ جیِو شیَطان، مُنہ دے بھار سُٹاواں گا۔ گُرسِکھ ساچی سِکھیا اِک درساواں گا۔ سجّا چرن اَگے رکھا کے، پہلا قدم ٹکاواں گا۔ بل راجا میل مِلا کے، باوَن پندھ مُکاواں گا۔ جوتی جوت سروُپ ہرِ، آپ اپنی کِرپا کر، ساچا دینا اِکو ور، ور اپنی جھولی پاواں گا۔ جن بھگت سجّا چرن اَگے ٹِکاؤن گے۔ مان ہنکار اپنے وِچوں کڈھاؤن گے۔ دوئے جوڑ سیِس جھُکاؤن گے۔ پِچھلی بُھل بخشاؤن گے۔ سوہنگ مہاراج شیر سِنگھ وِشنوُں بھگوان، رسنا جِہوا گاؤن گے۔ سِدھے چل کے سچ دوارے درشن پاؤن گے۔ کام کرودھ لوبھ موہ ہنکار جنم کرم دے دُکھ مِٹاؤن گے۔ سجےّ کھبےّ نیتر نہ کوئی اُٹھال، نیویں نظر دھیان لگاؤن گے۔ صاحِب ستگُر ہو دَیال، گل پلّوُ واسطہ پاؤن گے۔ جِن من ہوئے شیَطان، تِنہاں گُرمُکھ سنگ نہ کوئی رکھاؤن گے۔ مہاراج شیر سِنگھ وِشنوُں بھگوان نہ بنے انجان، نیِچ کرم کُکرمی دو جہانی دھکّے کھان گے۔ دروازہ کہے جو میرے اندر لنگھیگا۔ نیہوں چرن پریِتی منگیگا۔ بُری نیِتی کوئی نہ رکھیگا۔ ستگُر مارگ اِکو دسّیگا۔ ہر ہِردے وِچ وسیگا۔ جو ستگُر پریم پھسیگا۔ پِچھے پھیر کدے نہ ہٹیگا۔ اِکو سوہنگ ڈھولا رٹیگا۔ رائے دھرم کولوں بچیگا۔ سچ دوارے بہہ سجیگا۔ بھگت دوارے بھگتاں نال پھبیگا۔ منمُکھاں پردہ کوئی نہ کجیگا۔ جوتی جوت سروُپ ہرِ، آپ اپنی کِرپا کر، پُرکھ اکال اِکو گجّیگا۔ دروازہ کہے سُنو لا کر کنّ، شبدی شبد کھیل کھلائیندا۔ بدھک پیار کرِشن چرن کوَل، نوَ دسّ ونڈ ونڈائیندا۔ کلجُگ انتم بیڑا بنّھ، ساچا راہ وکھائیندا۔ دُھردرگاہی اِک دھن، نام نِدھان اِک سُنائیندا۔ مَینوُں ویکھ پھیر جانا اندر لنگھ، میرے وینہدیاں سوہنگ مہاراج شیر سِنگھ
وِشنوُں بھگوان، سب نوُں چیتے آئیندا۔ نیتر ہُندیاں نہ ہونا انّھ، اگیان اندھیر مِٹائیندا۔ میرا کہنا لَینا منّ، میَں اَگے پُرکھ اکال منائیندا۔ جوتی جوت سروُپ ہرِ، آپ اپنی کِرپا کر، دیونہارا اِکو ور، میری سیوا اِکو لائیندا۔
۸ چیت ۲۰۲۰ بِکرمی ہرِ بھگت دوار جیٹھوُوال
جن بھگتاں نام دِرڑاواں گا۔ دوُروں آؤندیاں راہ وکھاواں گا۔ ڈھولا گاؤندیاں نظری آواں گا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، گھر ساچی سیو کماواں گا۔ سیوا کراں بن درویش، در دروازہ سیِس جھُکایا۔ سیِس نِوائن برہما وِشن مہیش گنیش، نِت نوِت دھیان لگایا۔ بھگت بھگوان کرے ہیت، ہِتکاری وڈ وڈیایا۔ بیِس بیِسا مہیِنہ چیت، قِسمت مات پُھلواڑی مہکایا۔ بدھک نیتر لئے پیکھ، دوئے چرن دھار لئے سمجھایا۔ کلجُگ انتم دھرے بھیکھ، بھیس اولّڑا آپ وٹایا۔ جگت دسےّ نہ کوئی ریکھ، قلم شاہی بنت بنایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در دربان منگ منگایا۔ در درویش بن دربان، بھگت دوار الکھ جگائیندا۔ میری کرنی کر پروان، پربھ تیرے چرن دھیان لگائیندا۔ شاہ پاتشاہ سچّا سُلطان، شہنشاہ اِکو اِک اکھوائیندا۔ تخت نِواسی نؤجوان، بھوُپت بھوُپ بھیوَ نہ آئیندا۔ جودھا سوُربیِر راج راجان، دُھر فرمانا حُکم الائیندا۔ کلجُگ انتم ہو پردھان، ست پردھانگی آپ کمائیندا۔ برہمنڈ کھنڈ آپے ویکھے مار دھیان، مِہر نظر نرائن نر نِرنکار آپ اُٹھائیندا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، ابُھل بُھل کدے نہ جائیندا۔ منگے منگ چرن کوَل سیِس، نیتر نَین نَین دھیان لگائیا۔ کِرپا کر صاحِب جگدیِش، مِہربان تیری وڈیائیا۔ ہرِ سنگت دسّاں اِک حدیِث، سچ سچ پڑھائیا۔ مانَس جنم لَینا جیِت، اجنم روُپ نہ کوئی وٹائیا۔ صاحِب ستگُر دا اِکو گیِت، در آؤندیاں دئے سمجھائیا۔ ہِردے وساؤ اپنے چیِت، چیتن روُپ کرائیا۔ درشن پاؤ اِک اتیِت، در گھر ساچے ملِے وڈیائیا۔ کایا کرو ٹھنڈی
سیِت، اگنی تت نہ لاگے رائیا۔ ناتا چُھٹیا مندر مسیِت، بھگت دوار بھگوَن نوُر رُشنائیا۔ صدی بیِسویں رہی بیِت، دوُجا اوَر نہ کوئے سہائیا۔ سب دے ہونے خالی کھیِس، بےپرواہ کھیل کھِلائیا۔ میَں نیتر ویکھاں ٹھیِک، در دروازہ رہیا جنائیا۔ جِن ہست کیتے کیِٹ، کیِٹوں ہست بنائیا۔ تِس نال لاؤ پریِت، لگّی پریِت نہ کوئے تُڑائیا۔ ستجُگ دی ساچی ریِت، ستجُگ کلجُگ وِچ بدلائیا۔ پربھ کا کھیل سدا انڈیِٹھ، سار کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہار مان وڈیائیا۔ در دروازہ رہیا کوُک، کوُک کوُک جنائیا۔ بھگت بھگوان دے ساچے پوُت، ناتا بِدھاتا جوڑ جُڑائیا۔ نِرگُن سرگُن تانا پیٹا سوُت، تند اپنے نام بندھائیا۔ ویکھنہارا تت کایا قلبوُت، تت وستُو اپنی دئے جنائیا۔ پاربرہم برہم میلا سچّے محبوُب، مُحبّت اِکو اِک رکھائیا۔ بھگت دوار دی بھگوَن حدوُد، بھاوی نیڑ کوئے نہ آئیا۔ اِکو منزل منزلے مقصوُد، اَدھ وِچکار نہ کوئے اٹکائیا۔ پاربرہم پربھ دیونہارا اصل نال سوُد، شرع فی صدی اپنا نام رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ در دروازے تیرا دردی درد، دستگیِر آپ اکھوائیا۔ تیرا ہون نہ دیوے حرج، سِر اپنا ہتّھ ٹِکائیا۔ تُوں کھڑا ہونا بن کے مرد، سچ مردانگی دئے جنائیا۔ تیرے مستک دُھر دی فرد، لیکھ الیکھ دئے جنائیا۔ کرے کھیل آپ اسچرج، اچرج ریِت چلائیا۔ کوُڑ کُڑیارے دینا ورج، سچ سُچ سمجھائیا۔ اپنا پوُرا کراں فرض، فرمانبردار بن سیو کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیری پُشت اپنا ہتّھ رکھائیا۔ سِری بھگوان تیرا حُکم منظوُر، منزل اپنا پندھ مُکائیا۔ سد وساں تیرے حضوُر، حاضری اپنی اِکو وار لگائیا۔ تیرا لےَ کے جوتی نوُر، تیرے بھگتاں کراں رُشنائیا۔ راہ تکاّں نیڑے دوُر، دوُر دُراڈا دھیان لگائیا۔ جن بھگتاں سجےّ چرن دی دھوُڑ، دُھر دی کھیل وکھائیا۔ چتُر سُگھڑ بنن موُرکھ موُڑھ، جو میرے وِچوں اَگے چرن ٹِکائیا۔ تُوں اوہناں بخشیں سرب قصوُر، جو آئن در سرنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے منگ منگائیا۔ جو تیرے وِچوں لنگھنگے۔ کایا چولی رنگ رنگنگے۔ نام منگ اِکو منگنگے۔ پربھ سنگ رہ رہ وسنگے۔ بُھکھ ننگ درد دُکھ کٹّنگے۔ آتم انند پریم رس چکھّنگے۔ صاحِب ستگُر دے ساچے چند، جیِواں جنتاں راہ دسّنگے۔ درشن پا ہرِ بخشند، پریم پریِتی وِچ نچّنگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگت بھگوان اِکو گھر وسنگے۔ دروازہ کہے موہے دے گیان،
اپنا نام دِرڑائیا۔ کِس بِدھ تیرے بھگتاں کراں پہچان، لکھّ چؤراسی وِچوں ویکھ وکھائیا۔ نِرگُن بولے گُن نِدھان، گُن اپنا دے سمجھائیا۔ بھگت بھگوان کھیل مہان، مہما اکتھ وڈیائیا۔ تیرے سنمُکھ آ کے سوہنگ مہاراج شیر سِنگھ وِشنوُں بھگوان جو جن ڈھولا گان، سو منزل اپنی پار کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ سمجھائیا۔ دروازہ کہے پربھ جے کوئی تیرا ڈھولا جھوُٹھا گاوے، رسنا نال سُنائیا۔ میری پہچان وِچ نہ آوے، دھوکھا کرے وِچ لوکائیا۔ سِری بھگوان اَگوں سمجھاوے، دے مت رہیا جنائیا۔ ساچا بھگت در آ کے سیِس جھُکاوے، دھوُڑی مستک ٹِکاّ لائیا۔ سوہنگ ڈھولا سچّا گاوے، اَنتر دھیان لگائیا۔ سجّا چرن پھیر اُٹھاوے، نیتر نَین شرمائیا۔ بن نِمانا در درشن پاوے، گھر ساچے وجےّ ودھائیا۔ منمُکھ نہ کوئی سیِس جھُکاوے، دھوُڑی ٹِکاّ نہ کوئے لگائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوَن، سچ گیان اِکو دئے جنائیا۔