کتب خانہGranth 14 (Shahmukhi)

۱۳ چیت ۲۰۲۰ بِکرمی ہرِ بھگت دوار جیٹھوُوال

گُر نانک کہے میَں ہویا خوش، گُر گوبِند مِلی وڈیائیا۔ گوبِند کہے پُرکھ اکال مَینوُں لیا پُچھ، بھیوَ ابھید جنائیا۔ جِنہاں پِچھے واریا سب کُچھ، مان ابِھمان گوائیا۔ نِرگُن ہو جو گئے رُس، نِرگُن بھیوَ نہ رائیا۔ جِنہاں کول نہیں کُچھ، خالی ہتّھ دسائیا۔ تِنہاں صاحِب ویکھے جھُک، نِج اپنا دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ نانک کہے میری آسا پوُر، پوُری آس کرائیا۔ گوبِند کہے پربھ مِلیا ضرور، ضرورت کوئے رہن نہ پائیا۔ بھگت کہے سب ناتا کوُڑ، بِن ہرِ سنگ نہ کوئے رکھائیا۔ کبیِر کہے نہ جانو دوُر، گھٹ گھٹ رہیا سمائیا۔ شمس کہے سچّا نوُر، ظہوُر اِک رُشنائیا۔ مُرشد کہے مُریِد رہے نہ کوئے مفروُر، ویکھنہارا تھاؤں تھائنیا۔ جوتی جوت سروُپ ہرِ، آپ اپنی کِرپا کر، اپنی کھیل رچائیا۔ نانک کہے موہے چڑھیا چاء، سچکھنڈ وجّی ودھائیا۔ گوبِند کہے پربھ مِلیا ملاح، بیڑا اپنے کندھ اُٹھائیا۔ کبیِر کہے نِتھاویاں دیوے تھاں، مِہربان بےپرواہیِا۔ جوتی جوت سروُپ ہرِ، آپ اپنی کِرپا کر، کل اپنی آپ دھرائیا۔ نانک کہے میری آسا پُنی، پربھ پوُری آس کرائیا۔ گوبِند کہے ہرِ پایا وڈ گُن گُنی، گہر گمبھیِر سچّا شہنشاہیِا۔ کبیِر کہے بھگتاں پُکار سُنی، چل آیا سچّا ماہیِا۔ لکھّ چؤراسی چھان پُنی، جیِو جنت ویکھ وکھائیا۔ پیِر پَیغمبراں لیکھا چُکایا اُنی، مان تان کوئے رہن نہ پائیا۔ سارے کہن پاربرہم پت پرمیشور اِک اِکلّا بنیا خوُنی، نام کھنڈا ہتّھ چمکائیا۔ لہنا دین چُکاؤندا جائے جوُنی، بھیوَ کوئے نہ آئیا۔ جن بھگتاں روٹی دال کھواوے الوُنی، پریم رس وِچ بھرائیا۔ آتما کوئی نہ رہے اوُنی، جِس اپنے انگ لگائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ نانک کہے میَں دِتا مؤقع، اُچی کوُک سُنایا۔ گوبِند کہے میَں دِتا مؤقع، اِکو ڈّھیا ونڈ ونڈایا۔ کبیِر کہے پربھ مارگ دسّیا سؤکھا، ساچا راہ چلایا۔ جُگ چؤکڑی جو سُتا رہیا لا کے ڈھؤنکا، کروٹ سکے نہ کوئے بدلایا۔ جِس دے پِچھے گُر اوتاراں پیِر پَیغمبراں پوچیا چؤنکا، کایا ماٹی پوچ پوچایا۔ جِس نوُں آد شکت االلہ رانی کہے میَں خؤنت ہنڈھاواں نال شؤقا، خاوند بنے بےپرواہیِا۔ مِہربان ہو کے میرے ہتّھ نال چُھہائے پؤنچا، دست بدست کھیل کرایا۔ نام نئیا وکھائے نؤکا، سمُند ساگر گہر گوَر بھیوَ چُکایا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ نانک کہے میَں کھولی اکھّ، نَین اِک اُلٹایا۔ گوبِند کہے پربھ آیا پرتکھ، پُرکھ اکال پھیرا پایا۔ میری کرنی لئی رکھ، کیِتا

قؤل بُھل نہ جایا۔ گُرمُکھ ساچے کیتے وکھّ، وکھّرا راہ چلایا۔ ساچی سیوا اِکو دسّ، اپنا سنگ نِبھایا۔ جُگ چؤکڑی جو اپنے اندر رکھے ڈکّ، کلجُگ اَنت مانَس جنم دِوایا۔ گُر اوتاراں کِسے نہ رہے شکّ، شہنشاہ پردہ رہیا اُٹھایا۔ کرے نبیڑا سدا حق، حقیِقت ویکھے تھاؤں تھایا۔ جوتی جوت سروُپ ہرِ، آپ اپنی کِرپا کر، اپنا رنگ رنگایا۔ نانک کہے میری ہوئی حد، حاضر ہو جنائیا۔ گوبِند کہے گھر لیا سدّ، پربھ داتا بےپرواہیِا۔ ناتا جوڑیا بِن پنج تت کایا ہڈّ، رَکت بوُند نہ کوئے مِلائیا۔ گُرسِکھ سجّن جو پِچھے گیا چھڈ، اَنت اوہناں میل مِلائیا۔ پار کرائی وِشکرما حد، نِہکرمی کھیل کھلائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ نانک کہے پربھ ویکھیا داتا، انمنگی وست جھولی پائیندا۔ گوبِند کہے سد وسے ساتھا، وِچھڑ کدے نہ جائیندا۔ کبیِر کہے ہوئے سہائی ناتھ اناتھا، غریِب نِمانے گلے لگائیندا۔ سچکھنڈ دوارے پیا ہاسا، سِری بھگوان کھیل وکھائیندا۔ اُٹھو ویکھو سرب تماشا، شاہ پاتشاہ آپ کرائیندا۔ جِس دیاں گُر اوتار پیِر پَیغمبر شاخاں، کِرن کِرن بھگت وکھائیندا ۔ سو صاحِب دیونہار سدا بھرواسا، دُھر سندیس الائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ نانک کہے آیا ویلا، جِس ویلے راہ تکائیا۔ گوبِند کہے کرے کھیل گُروُ گُر چیلا، گُر روُپ وٹائیا۔ کبیِر کہے پربھ بھگتاں ہوئے میلا، مِلنی جگدیِش کرائیا۔ سِری بھگوان کہے میَں سجّن سُہیلا، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، اپنی کار کمائیا۔ نانک کہے گوبِند ویکھ، گوبِند کہے نانک تیری وڈیائیا۔ کبیِر کہے پربھ کرے ہیت، اپنا میل مِلائیا۔ اِک چار سُہنجنی چیت، چؤدس چؤداں دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، شاہ پاتشاہ سچّا شہنشاہیِا۔ چؤداں چیت ویہہ سؤ وجے، دو ہزار سمجھائیا۔ دو ہزار نوَ کھنڈ پرِتھمی وِچوں اِکو وار کرے سچّے، اِک نال ہور دو دو زبر زبر دئے مِٹائیا۔ جوتی جوت سروُپ ہرِ، آپ اپنی کھیل کر، سب دا لیکھا اپنے وِچ لُکائیا۔ چؤداں چیت پربھ ہو چُکّنا، چؤداں لوک پھیرا پائیا۔ چؤداں طبق پِھرے بھنّا، بھجّ بھجّ پندھ مُکائیا۔ تیِرتھ تٹ کرے انّھا، نیتر نَین نہ کوئے کُھلائیا۔ گُردر مندر شِودوالے مٹھ خالی کرے چھپر چھنّاں، وست کِسے گھر رہن نہ پائیا۔ مُڑ کے آئے لنگھ کے ساریاں بنّا، بنّاں دیوے سب دا ڈھاہیِا۔ کرے کھیل سِری بھگوَنا، بھگت دوارا ویکھ وکھائیا۔ سیوا کرے گُجری چنّاں، چند چنّ نوُر رُشنائیا۔ پُرکھ اکال اِکو منّاں، منسا پوُر وکھائیا۔ بُڈھا ہویا اُٹھ کے آوے نال جٹّ دھنّا، پِچھلی

کیِتی یاد کرائیا۔ نامہ کہے میَں سُنیا کنّاں، بھگتاں ملِے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ چؤداں چیتر سارے رہو تیار، تیاری ہرِ کرائیندا۔ وِشن برہما شِو آد شکت ہوئے خبردار، چتُربُھج نال مِلائیندا۔ گُر اوتار اُٹھال، پیِر پَیغمبر راہ وکھائیندا۔ بھگت بھگوَنت ویکھے لال، سنت ساجن آپ جگائیندا۔ گُرمُکھاں جنائے اپنا حال، گُرسِکھاں آپ اُٹھائیندا۔ سیوا کرے دیِن دَیال، دَیانِدھ بھیوَ کوئے نہ پائیندا۔ جوتی جوت سروُپ ہرِ، آپ اپنی کِرپا کر، دُھر فرمانا حُکم سُنائیندا۔ ویہہ سؤ وجے سارے آؤن گے۔ بھگت دوارے درشن پاؤن گے۔ در دروازے باہر، ساڈھے تِنّ ہتّھ ڈیرہ لاؤن گے۔ دوئے جوڑ سیِس جھُکاؤن گے۔ چرن لگ پردہ لاہُن گے۔ بُجھے اگّ، دیِن مذہب شرع مِٹاؤن گے۔ کلمہ اِکو حق، رام رحیِم سُناؤن گے۔ جِس نوُں وینہدیاں گئے تھک، در اوس دا درشن پاؤن گے۔ ویکھ کھیل پُرکھ سمرتھ، گل پلّوُ سارے پاؤن گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، در ساچا اِک سُہاؤن گے۔ در دروازہ ساڈھے تِنّ ہتّھ، باہر ونڈ ونڈائیا۔ وِشن برہما شِو گُر اوتار ہویا اِکٹّھ، بھگت بھگوان ڈھولا گاؤن گے۔ سارے منگن اِکو وتھ، جھولی خالی سرب وکھاؤن گے۔ پِچھلی کیِتی دِتی چھڈ، جھگڑا سب مِٹاؤن گے۔ جُگ جُگ رہے تَیتھوں اڈّ، پِچھلا پندھ مُکاؤن گے۔ اِک وکھال اپنی حد، ساچی منگ منگاؤن گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، در اِکو اِک درساؤن گے۔ سِری بھگوان اُٹھیگا۔ گُر گوبِند کولوں پُچھیگا۔ کی سِر تے بھار چُکینگا۔ شرمسار ہو نہ لُکینگا۔ غریِب نِمانیاں کولوں پُچھینگا۔ دیِن دَیال ہو کے تُٹھینگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شیر ہو کے بُکینگا۔ ویہہ سؤ ویلا وقت سُہانا، سوہنی رُت سُہائیا۔ کِرپا کرے سِری بھگوانا، بھگوَن اپنی کار کمائیا۔ در دروازیوں باہر سُنے اگمّی گانا، بِن رسنا جِہوا رہے سُنائیا ۔ اندر ورتے اپنا بھانا، بھیِتر بھیوَ چُکائیا۔ جوتی جوت سروُپ ہرِ، آپ اپنی کِرپا کر، گُر اوتاراں پیِر پَیغمبراں کار ساچی اپنی دئے جنائیا۔ باہر کھلووے ہو تیار، ترےَگُن اتیِتا آپ جنائیا۔ اندر ہرِ جوُ کرے کار، گوبِند مان وڈیائیا۔ تن بستر پہن شِنگار، پیِلا رنگ چڑھائیا۔ سِر تے چُکے خاکی مِٹی بھار، بھار سوا سوا اکھوائیا۔ پنج پھیرے مارے وارو وار، آپ اپنا پندھ مُکائیا۔ در دروازہ ویکھ اَدھ وِچکار، وِچلا بھیوَ چُکائیا۔ خاکی مِٹی موُدھی دیوے مار، بھیوَ کوئے نہ آئیا۔ سیوا کرے پروردِگار، مُرشد مُریِداں دئے وکھائیا۔ چؤداں چیت

سب دی ستّیا کھِچے وِچوں سنسار، سر سروور خالی دئے کرائیا۔ بھگت دروازے وِچ لیا کے دبےّ آپ نِرنکار، لبھیاں نظر کِسے نہ آئیا۔ گُر اوتار پیِر پَیغمبر ایسے کر کے سدّے، بُھلیا کوئے رہن نہ پائیا۔ ستجُگ تریتا دواپر کلجُگ جو تُہانوُں اپنے نام دے لِکھ لِکھ دِتے پٹے، انتم سب دے اُتے لکیِر پِھرائیا۔ ہُن سب نے لنگھنا اِکو رستے، بستے سب دے بند کرائیا۔ چاروں کُنٹ حال ہونے خستے، خبر اِکو وار سمجھائیا۔ دیِن مذہب نہ رہنے مستے، مستی سب دی دئے گوائیا۔ سِری بھگوان آپ چڑھیا ساچی گشتے، دو جہاناں ویکھ وکھائیا۔ ماڑی رہے نہ کوئی خصلتے، خالص خالص دئے بنائیا۔ چار جُگ جیِو جنت رہے پِھسلتے، ساچا پَیر نہ کوئے جمائیا۔ جوتی جوت سروُپ ہرِ، آپ اپنی کِرپا کر، ساچا بھیوَ کُھلائیا۔ پنج واری چُک بھار، گیڑا وارو وار رکھائیندا۔ ساری سنگت ٹوکری بھرے نال پیار، روڑی روڑا سب دے کولوں اُٹھائیندا۔ گُر اوتار پیِر پَیغمبر باہر کھلوتے ہون حَیران، ہرِ جوُ ایہہ کی کھیل رچائیندا۔ سِری بھگوان کہے میرا سچّا نِشان، جِنہاں آد اَنت نہ کوئے مِٹائیندا۔ ویکھو بھگت سارے میرا ڈھولا گان، تُہاڈا جس نہ کوئے سُنائیندا۔ اینہاں دی سیوا کر پروان، سِر اپنے بھار اُٹھائیندا۔ شان شؤقت نہ کوئی وِچ جہان، راگ رنگ نہ کوئے موہے بھائیندا۔ پریم کرن دی ساچی آن، انخیلا اپنا حُکم سُنائیندا۔ در آئے کرو پہچان، بےپرواہ سمجھائیندا۔ پنجویں پھیرے دروازے وِچ کھڑے بھگوان، اپنی کل رکھائیندا۔ سارے چرنی ڈِگن آن، ساڈھے تِنّ ہتّھ اوٹ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، چار جُگ دے سر سروور اِکے دوار بھگت دروازے وِچ دبائیندا۔ سب دی کرنی دیوے دبّ، دابا اپنا نام لگائیا۔ گُر اوتار پیِر پَیغمبر کہن سب، واہوا تیری وڈیائیا ۔ نانک کہے دھنّ بھاگ دیِناں مذہباں وڈّھیا یبھ، جھگڑا دِتا مُکائیا۔ میَں دسّ کے آیا کِچھ ہبّ، ہوکا تیرا نام لگائیا۔ گوبِند کہے میَں ایسے کارن واریا کِچھ سب، اپنا آپ نہ کُچھ رکھائیا۔ پُرکھ اکال کہے ایسے کارن سارے لئے سدّ، لُکیا کوئے رہن نہ پائیا۔ ویکھ میرے خالی ہڈّ، ہڈّیاں بالن رہیا جلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی گاتھا آپ دِرڑائیا۔