کتب خانہGranth 14 (Shahmukhi)

۲۷ چیت ۲۰۲۰ بِکرمی جیِت سِنگھ دے گرِہ دوسانجھ کلاں

سچکھنڈ پا کے آیا پھیرا، نِرگُن اپنی دَیا کمائیا۔ گُر اوتار پیِر پَیغمبر کہن پربھ خالی دِسے ویہڑا، تُدھ بِن بھاگ نہ کوئے لگائیا۔ اسیں دِوس رَین بَیٹھے اپنا کر کے وڈّا جیرا، شاہ پاتشاہ تیرا دھیان لگائیا۔ تُوں لوک مات نِرگُن ہو کے نِروَیر کریں اپنی مِہرا، مِہربان اپنی نظر اُٹھائیا۔ در در گھر گھر ویکھیں بالک اپنا چیرا، چیتن اپنی دھار چلائیا۔ جوتی جوت سروُپ ہرِ، آپ اپنی کِرپا کر، در اپنا ویکھ وکھائیا۔ سچکھنڈ دوارے آیا چڑھ کے، پؤڑا نظر کِسے نہ آئیندا۔ ساچے مندر آیا وڑ کے، گُر اوتار ویکھ وکھائیندا۔ درشن دے کے آیا کھڑ کے، سوَچّھ سروُپی روُپ دھرائیندا۔ اِکو ڈھولا آیا پڑھ کے، تُوں میرا میَں تیرا راگ الائیندا۔ لوک مات جن بھگتاں کولوں آیا ڈر کے، بھےَ اپنے

سِر رکھائیندا۔ ویس وٹایا جیِنودیاں مر کے، پنج تت ناتا نہ کوئے رکھائیندا۔ سنت سُہیلے ساچے پھڑ کے، بھگت بھگوان میل مِلائیندا۔ لہنا دینا دینا اڑ کے، حِصّہ سب دی جھولی پائیندا۔ ہرِ کا بھانا سدا سد ورتے، نہ کوئی میٹے میٹ مِٹائیندا۔ دو جہان گُر اوتار پیِر پَیغمبر صِفت صالاح لِکھ لِکھ کے گئے ورقے، وارتا اگلی نہ کوئے جنائیندا۔ کوَن ویلا پربھ امرت میگھ برسے، مِہر نظر نَین اُٹھائیندا۔ بھاگ لگائے دھرنی دھرت دھوَل فرشے، ماٹی خاکی ویکھ وکھائیندا۔ جُگ جنم دیاں وِچھڑیاں مِٹے حرصے، آسا منسا پوُر کرائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیندا۔ سچکھنڈ دوارے بہہ کے آیا، بہہ بہہ خوشی منائیا۔ گُر اوتاراں کہہ کے آیا، اپنا حُکم جنائیا۔ اپنا بھانا سہہ کے آیا، لکھّ لکھّ شُکر منائیا۔ جن بھگتاں چرنی ڈھیَہہ کے آیا، مان ابِھمان نہ کوئے وڈیائیا۔ دو جہاناں شہِ کے آیا، لکھّ چؤراسی نظر کِسے نہ آئیا۔ ساڈھے تِنّ ہتّھ منارا ڈھیَہہ کے آیا، نِرگُن جوت جوت رُشنائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیا۔ سچکھنڈ دوار آیا کول، سب نوُں سرب جنائیا۔ رل مِل سارے وجاؤ اِکو ڈھول، ڈھولا اِکو اِک گائیا۔ نام جَیکارا لَینا بول، انبولت رہیا سُنائیا۔ نِت نوِت وساں سب دے کول، وِچھڑ کدے نہ جائیا۔ سدا سدا سد تولاں سچّا تول، تولنہارا اِک اکھوائیا۔ لکھّ چؤراسی جیِو جنت لَواں وِرول، بھگت بھگوان میل مِلائیا۔ ایتھے اوتھے بَیٹھا رہاں اڈول، ڈُل کدے نہ جائیا۔ جُگ چؤکڑی گُر اوتارو پیِر پَیغمبرو تُہاڈا وینہدا رہیا گھول، اپنا بل نہ کِسے جنائیا۔ کلجُگ انتم سب دا لیکھا رہیا پھول، ورقہ ورقہ دئے اُلٹائیا۔ کوَن وست رکھ کے بَیٹھا کول، کوَن خالی ہتّھ رہیا وکھائیا۔ جوتی جوت سروُپ ہرِ، آپ اپنی کِرپا کر، اپنا رنگ آپ رنگائیا۔ سچکھنڈ دوارے وس کے آیا، دہ دِشا وجےّ ودھائیا۔ چِھن بھنگر روُپ وس کے آیا، وصل بِن وجوُد رہیا کرائیا۔ خوشی غمی وِچ ہسّ کے آیا، آپ اپنا اِکو رنگ وکھائیا۔ نِرگُن ہو کے نسّ کے آیا، پاندھی بنیا بےپرواہیِا۔ جن بھگت پریِتی اندر پھس کے آیا، فَیصلہ اِکو وار سُنائیا۔ غریِب نِمانا کوجھا کملا نِمرتا اندر ڈھٹّھ کے آیا، بلہیِن اپنا ناؤں جنائیا۔ امرت جھِرنا رس کے آیا، رِسک رِسک بوُندا باندی اِک ٹپکائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ سچکھنڈ دوارے دسّ کے آیا حال، احوال سرب جنایا۔ گُر اوتار پیِر پَیغمبر جِس میری کرنی بھال، بھگت دوارا اِک سُہایا۔ جِتھے وسن شاہ کنگال، اوُچ نیِچ نہ کوئے رکھایا۔ نِرگُن ہو کے بناں دلال، بن چاکر سیو کمایا۔ گُرمُکھ ویکھاں ساچے لال، آپ اپنی

گود اُٹھایا۔ لکھّ چؤراسی وِچوں کراں بحال، سِر اپنا ہتّھ رکھایا۔ تِنہاں نیڑ نہ آئے کال، مہاکال نِیوں نِیوں سیِس جھُکایا۔ سچ دھرم دی سچّی دھرمسال، دھرم دوارا اِک پرگٹایا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سنیہڑا اِک سُنایا۔ سچکھنڈ دوار کر پرکاش، نوُر نوُر نوُر رُشنائیا۔ جِس نے آؤنا میرے پاس، سمبل دیونہار وڈیائیا۔ جِس گرِہ پئے سچّی راس، گوپی کاہن ناچ نچائیا۔ غریِب نِمانیاں پوُری کرے آس، آسا سب دی پوُر وکھائیا۔ سجدہ کرن زِمیں اسمان آکاشاں آکاش، گگن منڈل سیِس جھُکائیا۔ وِشن برہما شِو ویکھن ہو اُداس، دھیِرج دھیِر نہ کوئے دھرائیا۔ بن کھنڈ نچّن بھاگ لگایا وِچ پربھاس، پربھاتی اِکو گھر وکھائیا۔ صاحِب ستگُر ٹھاکر سوامی جن بھگتاں وسے ساتھ، ساچا سنگ نِبھائیا۔ تُسیں سچکھنڈ کرو میرا پاٹھ، لوک مات میَں جن بھگتاں رہیا جنائیا۔ دوہاں وِچولا بن بن آپ، ایتھے اوتھے کھیل رچائیا۔ چرن پریِتی ساچا نات، ناتا اِکو اِک جُڑائیا۔ صاحِب ستگُر دا ویکھو ڈوُنگھا کھات، دیندیاں توٹ کوئے نہ آئیا۔ جُگ چؤکڑی دیندا رہیا دات، وکھو وکھّ جھولی بھرائیا۔ کلجُگ انتم سب دی پُچھے وات، اَگے پِچھے کوئے رہن نہ پائیا۔ اِکو جِہا سب نوُں دیوے سرب دا بنے سچّا باپ، دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، اپنی کار کمائیا۔ سچکھنڈ دوارے وس کے آیا، گھر ساچے وجےّ ودھائیا۔ نِرگُن اندر نِرگُن رچ کے آیا، سرگُن ویکھے سہج سُبھائیا۔ جوتی اگنی مچّ کے آیا، ہڈّیاں بالن دِتا جلائیا۔ سچ سچ کہانی دسّ کے آیا، دو جہاناں نام پڑھائیا۔ سوہنگ ڈھولا بن وِچولا اِکو اکھّر پڑھ کے آیا، پاربرہم برہم لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دیِدہ دانِستہ دیِنن اپنے گلے لگائیا۔ سچکھنڈ پربھوُ آ چھیتی، گُر اوتار دھیان لگائیا۔ آد جُگاد جُگا جُگنتر تُوں ساڈا بھیتی، تیری رحمت وِچ سمائیا۔ بِن مالک دِسے اُجڑی کھیتی، ہرا سِنچ نہ کوئے کرائیا۔ کلجُگ انتم مِہربان ہو کے کیِتی ساڈے نال نیکی، چار جُگ دے وِچھڑے اِکو گھر دِتے مِلائیا۔ گُر اوتار پیِر پَیغمبر اِک دوُجے دے بنے ہیتی، وِتکرا کوئے نہ رکھے رائیا۔ اِکو رنگ رنگائے موُنڈ مُنڈائے دھاری کیسی، پردیسی سارے دین دُہائیا۔ بہُڑی تیرے اَگے چلی نہ کوئی شیخی، شہنشاہ دوئے جوڑ تیری سرنائیا۔ اپنی رکھیں چھایا ہیٹھی، نِرگُن اِکو اوٹ تکائیا۔ ساڈی سمجھ نہ تیرے جیڈی، بےاَنت تیری وڈیائیا۔ نہ کوئی سوڈھی نہ کوئی ویدی، نانک گوبِند رہیا جنائیا۔ اِکو جوت تیری نِرگُن ویکھی، نوُرو نوُر نوُر رُشنائیا۔ ویکھیں پھیر نہ اپنے در تے کریں پیشی،

پِچھلا لیکھا جھولی دینا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ دِرڑائیا۔ مہاراج شیر سِنگھ وِشنوُں بھگوان، دیونہارا دُھر درگاہی دان، در گاہ بے در شاہ درد پناہ رحمت کما روشن ضمیِر بے نظیِر اصل تصویِر وصل اخیِر رسل رسائل راستہ براستہ آہستہ آہستہ دئے جنائیا۔

۲۷ چیت ۲۰۲۰ بِکرمی گُرمیِت سِنگھ دے گرِہ ہردو پھرالا

آؤ جِس جن پؤڑے چڑھنا، پُرکھ اکال آپ چڑھائیا۔ آؤ صاحِب ستگُر جِس لڑ پھڑنا، پلّوُ نام پھڑائیا۔ آؤ آتم پرماتم جِس میل کرنا، میل مِلائے سہج سُبھائیا۔ آؤ جِس نیتر کھلاؤنا ہرنا فرنا، نِج نیتر پردہ دئے اُٹھائیا۔ آؤ جِس چُکاؤنا مرنا ڈرنا، جیِوت مکُت کرائیا۔ آؤ جِس درشن کرنا، بِن اکھّاں دئے کرائیا۔ آؤ جِس سچکھنڈ دوارے ساچے وڑنا، پھڑ پھڑ باہوں دئے بَیٹھائیا۔ آؤ آتم پرماتم جِس ڈھولا پڑھنا، سوہنگ سو دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا ۔ آؤ جِن ویکھنا پؤڑی ڈنڈا، سِری بھگوان آپ وکھائیا۔ آؤ جِس پار کرنا جگت جہان کنڈھا، دو جہاناں پندھ مُکائیا۔ آؤ جِس سُگھڑ سُچجّا کرنا من موُرکھ گندہ، دے مت رہیا سمجھائیا۔ آؤ جِس نِرگُن نوُر جوت جگاؤنا چندا، جوتی جوت ڈگمگائیا۔ آؤ جِس بِن بندگیؤں بننا بندہ، مِہر نظر نال بنائیا۔ جوتی جوت سروُپ ہرِ، آپ اپنی کِرپا کر، اپنی دَیا کمائیا۔ آؤ جِن چڑھنا پؤڑی، پاربرہم پربھ آپ چڑھائیندا۔ اَگے دِسے نہ کوئی گلی سؤڑی، اؤجھڑ راہ نہ کوئے وکھائیا۔ من واسنا رہے نہ کؤڑی، وِکھ روُپ نظر کوئے نہ آئیا۔ سُرتی ستگُر دوارے آئے دؤڑی، صاحِب میلے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ آؤ جِن چڑھنا مندر، کرتا پُرکھ آپ چڑھائیا۔ جِس دا کِسے کولوں نہ کُھلے جِندر، بند تاک رہیا وکھائیا۔ تِس محل سوہے ساچے مندر، نِرگُن اپنا آسن لائیا۔ چُکائے اندھیرا اندھ کندھر، نِرگُن نوُر کر رُشنائیا۔ جوتی جوت سروُپ ہرِ، آپ اپنی کِرپا کر، ساچی پؤڑی اِک وکھائیا۔ ساچی پؤڑی گئی لگّ، جن بھگت دوار ملِے وڈیائیا۔ گُرمُکھ وِرلا چڑھے بھجّ، دوُجے راہ نظر نہ آئیا۔ اَگوں صاحِب ستگُر ملِے ہسّ ہسّ، مِہربان اپنی خوشی وکھائیا۔ نال شبد اِشارے مارگ دیوے دسّ، چرن کوَل دئے سرنائیا۔ پندھ مکُے نٹھ نٹھ، اَدھ وِچکار نہ کوئے اٹکائیا۔ گُرسِکھ گُرمُکھ گاؤندا جائے ہرِ نام جس، دوُجا نام نہ کوئے گائیا۔ اندرے اندر اِک

دوُجے دے ہوون وس، باہروں سار کوئے نہ پائیا۔ پریم پؤڑی اندر دوویں جان پھس، فَیصلہ نظر نہ کِسے جنائیا۔ جوتی جوت سروُپ ہرِ، آپ اپنی کِرپا کر، جِس جن اپنا راہ وکھائیا۔ پؤڑی ڈنڈا اِکو سوہنا، سو ستگُر آپ چڑھائیندا۔ بِن ستگُر لکھّ چؤراسی جیِو جنت رونا، اَگے راہ نہ کوئے وکھائیندا۔ رائے دھرم پھڑ پھڑ کوہنا، کُنبھی نرک پوائیندا۔ ستگُر سیج کِسے نہ سؤنا، سُکھ آسن نہ کوئے وکھائیندا۔ کوُڑی کِریا سب نے بیِج بونا، امرت پھل ہتّھ کِسے نہ آئیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ آؤ چڑھو پؤڑی میِت، گُرمُکھاں رہیا جنائیا۔ ٹھانڈا مندر ٹھانڈا سیِت، سیِتل دھار وہائیا۔ صاحِب ستگُر سدا اتیِت، ترےَگُن اتیِتا اِکو نظری آئیا۔ لیکھا جانے ہست کیِٹ، اوُچ نیِچ اِکو گھر لنگھائیا۔ سَت سَتوادی کرائے حق پریِت، پریِتیوان ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا راہ اِک وکھائیا۔ آؤ پؤڑی چڑھو جگ، جگ جیِون داتا آپ چڑھائیندا۔ جنم جنم دی مِٹے اگّ، کرم کرم دا روگ گوائیندا۔ بھگت سُہیلے ساچے سدّ، در گھر ساچے آپ وڈیائیندا۔ کایا پار کرو اپنی حد، ہرِ مندر اِک وکھائیندا۔ جِتھے اِکو ڈھولا سوہنگ گائن چھند، دوُجا راگ نہ کوئے الائیندا۔ جوتی جوت سروُپ ہرِ، آپ اپنی کِرپا کر، ساچی کرنی اپنے ہتّھ رکھائیندا۔ پؤڑی کہے موہے چڑھیا چاء، گھر مندر وجّی ودھائیا۔ سِری بھگوان پربھ گیا آ، آپ اپنا پھیرا پائیا۔ جگت گوُڑھی نیِند سُتی لئی جگا، چرن اِشارے نال اُٹھائیا۔ اُٹھ سوانی نَین تکا، تیرے ہانی در تے بَیٹھے الکھ جگائیا۔ پھڑ باہوں گل نال لا، کیوں بَیٹھی مُکھ بھوائیا۔ ہؤلی ہؤلی بھار اُٹھا، تَینوُں دُکھ نہ لاگے رائیا۔ پہلے اخریلے ڈنڈے ویکھے بےپرواہ، اِکو اِشارہ رہیا جنائیا۔ اُپر چڑھدیاں نظری جائے آ، نِرگُن جوت جوت رُشنائیا۔ تیرے اندر وڑ کے منمُکھ کوئی لا نہ سکے داء، اَگے راہ نظر نہ آئیا۔ جن بھگتاں سِری بھگوان سیوا رہیا کما، در درویش ہو سہائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ پؤڑی کہے میرے دھنّ بھاگ، نِیوں نِیوں لاگے پائیا۔ سنت سُہیلے ملِے آج، گھر ساچے وجےّ ودھائیا۔ میَں نیِواں سِر کر کے اُپر اینہاں چرن لَواں راکھ، پِٹھ نظر نہ کوئے وکھائیا۔ ہو کے رہاں داسی داس، سیوک اپنا روُپ وٹائیا۔ جِناں چِر ملِے نہ پُرکھ سمراتھ، پھڑ پھڑ باہوں اُپر دیاں لنگھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہربان مِہربان مِہربان ہوئے سہائیا۔ پؤڑی کہے پربھ میرا کھول دروازہ کُنجی تیرے ہتّھ، کلجُگ سنت بَیٹھے مُکھ بھوائیا۔ کر کِرپا اپنا مارگ دسّ، نیتر نَین

رہے ترسائیا۔ میَں دوہاں دا سُناں جس، بھگت بھگوان اِک دوُجے دا ڈھولا رہے سُنائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ دیونہار وڈیائی پربھ، پاربرہم پربھ دَیا کمائیندا۔ گُرمُکھ سجّن ساچے لبھ، آپ اپنا میل مِلائیندا۔ نِرگُن سرگُن پردہ کجّ، سِر اپنا ہتّھ ٹِکائیندا۔ دوُر دُراڈا اُپروں نیِچے آوے بھجّ، قدم قدم ونڈ ونڈائیندا۔ در دوارے کھلووے سج، شاہ پاتشاہ اپنی کار کمائیندا۔ جوتی جوت سروُپ ہرِ، آپ اپنی کِرپا کر، در دربان آپ اکھوائیندا۔ در دربان کھولے بھیت، بھیِتر دئے جنائیا۔ بِن سوچ سمجھ توں چلے ریِت، بُدھی کمّ کِسے نہ آئیا۔ بھگت بھگوان اِک پریِت، نِرگُن سرگُن آپ جنائیا۔ سیوا کرے صاحِب ستگُر ٹھیِک، جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائیا۔ دروازہ کہے میَں گیا کُھل، تُدھ بِن بند نہ کوئے کرائیا۔ جو تیری پریِتی چرن گئے گھول گھُل، تِنہاں ویکھاں چائیں چائنیا۔ دواریوں لنگھدیاں نوُں اندر آپ برساواں پُھل، دیوت سُر سیو نہ کوئے لگائیا۔ سِری بھگوان آپ سُہائے اپنی کُل، کُلونتا وڈ وڈیائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ محلے اُچے پؤڑے کایا مندر اندر پھوُلن سیج آپ وِچھائیا۔ پھوُلن سیجا سِری بھگوان، اپنی ہتھّیں آپ وِچھائیندا۔ سیوا کرے ہو مِہربان، مِہر نظر اِک اُٹھائیندا۔ جِس مارگ گُرمُکھ جان، تِنہاں چرن کوَل دھیان لگائیندا۔ دُکھ لگّے نہ زِمیں اسمان، کومل پُھل نہ کوئے کمُلائیندا۔ جوتی جوت سروُپ ہرِ، آپ اپنی کِرپا کر، ساچے مندر آپ چڑھائیندا۔ پُھل کہن جِس ویلے گُرمُکھ لنگھنگے۔ تیری پریم پریِتی بِن رسنا جِہوا منگنگے۔ جوتی جوت سروُپ ہرِ، آپ اپنی کِرپا کر، راہ جاندے موُل نہ سنگنگے۔ جِس ویلے گُرمُکھ ساڈے اُتے چرن ٹِکاؤن گے۔ ساڈے سوئے بھاگ اُٹھاؤن گے۔ ٹاہنی نالوں ٹُٹیاں تیرے نال مِلاؤن گے۔ کنڈیاں کھاری وِچ نہ پھیر بہاؤن گے۔ گھر ساچا پریم پیاری، پریِتی تیرے نال جُڑاؤن گے۔ سانوُں دے کے چرن دھوُڑ چھاری، مستک ٹِکاّ اِکو لاؤن گے۔ ساڈی واسنا ساڈی سُگندھ نہ رہے کواری، پتّ پنکھڑیاں رو رو واسطہ پاؤن گے۔ ملِے میل جوت نِرنکاری، اگلا پِچھلا پندھ مُکاؤن گے۔ صاحِب تیریاں بھگتاں توں بلہاری، جو ساڈا لہنا لیکھا مات مکاؤن گے۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے سیِس جھُکاؤن گے۔ جد تیرا بھگت چرن رکھیگا۔ سانوُں اِکو مارگ دسّیگا۔ تیرا درس کرن نوُں نٹّھیگا۔ خوشیاں نال ہسّیگا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سانوُں پِچھے کوئے نہ

رکھیگا۔ جد گُرمُکھ تیرے ول جان گے۔ سوہنگ ڈھولا اِکو گان گے۔ نال سانوُں وی لےَ جان گے۔ نال کھڑ نہ پھیر پچھتان گے۔ تیرا شُکر اِک منان گے۔ چرن کوَل دھیان لگان گے۔ نہ کُچھ پینگے نہ کھان گے۔ جوتی جوت مِل جان گے۔ تیرا روُپ تیرے وِچ سمان گے۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، دوُجی اوٹ نہ کوئے رکھان گے۔ جن بھگت کہن جد جاواں گے۔ پربھ سچّے توں منگ منگاواں گے۔ جھولی خالی وڈ بھراواں گے۔ تُہانوُں پِچھے چھڈ نہ جاواں گے۔ سمرتھ نال مِلاواں گے۔ اپنی ہتھّیں جا کے اوہدے چرن بھیٹ چڑھاواں گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر بہہ بہہ شُکر مناواں گے۔ جد بھگتو دَیا کماؤگے۔ پربھ چرناں اُتے برساؤگے۔ میرا جنم جنم بدلاؤگے۔ میرا کرم کرم مِٹاؤگے۔ مارگ اِکو اِک سمجھاؤگے۔ سِری بھگوان میل مِلاؤگے۔ چرن دھوُڑ اشنان کراؤگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر سجّن اِک درساؤگے۔ جد تَینوُں چرن ٹِکاواں گے۔ نال اپنا سیِس نِواواں گے۔ مستک ٹِکاّ اِکو لاواں گے۔ وڈّا نِکا سوہنگ ڈھولا گاواں گے۔ پربھ لیکھا جانے جیِو جی کا، اگلا پِچھلا حال سُناواں گے۔ پربھ مِلن دا اِکو طریقہ، ساچی سِکھیا اِک درساواں گے۔ جوتی جوت سروُپ ہرِ، آپ اپنی کِرپا کر، در تیرے الکھ جگاواں گے۔ بھگت بھگوان کہے جد آؤگے۔ پریم پیار پھوُلن کھاری، نال لیاؤگے۔ بھَورا گوُنجے شاہ سِکداری، شہنشاہ اپنا رنگ وکھاؤگے۔ مالن بنے جوت نِرنکاری، پتّ ڈالی اپنی جھولی پاؤگے۔ ہار گُندے وارو واری، سوُئی تاگا پریم ریِتی ہتّھ پھڑاؤگے۔ کرے کھیل سِرجنہاری، جوتی جوت سروُپ ہرِ، آپ اپنی کِرپا کر، دیونہارا ساچا ور، لڑی تند تند بند بند بندیخانے وِچوں چُھڈاؤگے۔ سو پُرکھ ہرِ کھیل نیارا، نر نِرنکارا آپ کرائیا۔ نہ پُرکھ نہ دِسے نارا، روُپ رنگ ریکھ نہ کوئے جنائیا۔ نہ وؤہٹی نہ دِسے لاڑا، پٹّی سیِس نہ کوئے گُندائیا۔ نہ سیہرا نہ کوئے دستارا، گھوڑی واگ نہ کوئے پھڑائیا۔ نہ سخیاں کوئی منگل چارا، مہندی رنگ نہ کوئے رنگائیا۔ نہ کوئی ویکھے چڑھدا کھارا، اُٹھ چھلانگ نہ کوئے لگائیا۔ نہ کوئی اُتوں پانی وارا، نہ کوئی سگن منائیا۔ نہ کوئی گائے سُہاگی وارا، راگ ناد نہ کوئے جنائیا۔ جوتی جوت سروُپ ہرِ، آپ اپنی کِرپا کر، اپنی کرنی کاج رچائیا۔ کاج رچایا اندھیرے گھُپ، نظر کِسے نہ آئیندا۔ اندر وڑ کے بَیٹھا چُپ، چُپ چُپیِتا راگ سُنائیندا۔ گُرمُکھ وِرلے رہیا پُچھ، نِرگُن اپنی سیو کمائیندا۔ وڈّا ہو کے بَیٹھا لُک، نیِواں ہو ہو سیو کمائیندا۔ جوتی جوت سروُپ ہرِ، آپ اپنی

کِرپا کر، ساچی کرنی آپ کمائیندا۔ ساچی کرنی کر کرتار، کرتا پُرکھ کھیل کرائیا۔ بھگت بھگوان اِک وِہار، بِوہاری دھار چلائیا۔ دو جہاناں پاوے سار، مہاسارتھی پھیرا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ کمائیا۔ ساچی کرنی کرنے آیا، پربھ وڈّا وڈ وڈیائیا۔ نِرگُن ہو کے سیو کمایا، سرگُن وجےّ ودھائیا۔ در درویش در دربان اکھوایا، شاہ پاتشاہ اپنا مان مِٹائیا۔ گُرمُکھ گُرسِکھ ہرِجن بھگت بھگوان رکھن آیا، راکھی کرے تھاؤں تھائنیا۔ ساچا مارگ دسّن آیا، بُدھی اپنا آپ سمجھائیا۔ ہِردے اندر وسن آیا، دوَیتی پردہ رہیا اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ کھیل کرن نوُں کر اِکٹّھے، اکل کل دھاری اپنی کار کمائیندا۔ وڈّے نِکے سارے بنا کے اپنے بچّے، پِیو دادا کِسے دا کوئے نظر نہ آئیندا۔ آپے ڈھالے نام سچّے، ساچا رنگ اِک چڑھائیندا۔ بیِس بیِسے گُرمُکھ موُل نہ رہن کچّے، کچیّاں پکاّ رنگ وکھائیندا۔ پیِر پَیغمبر ہکےّ بکےّ، ہوُ ہوُ نعرہ سرب لگائیندا۔ گُر اوتار پَیغمبر تکّے، بِن نَیناں اپنی کار کمائیندا۔ پاربرہم پربھ دُھر سندیس دیوے اپنے پتے، لِکھ لِکھ پاتی ہتّھ نہ کِسے پھڑائیندا۔ جِدھر ویکھو اودھر دِسے، گھر گھر اپنا ڈیرہ لائیندا۔ بِن باہواں لتّاں پَیراں نٹّھے، آؤندا جاندا نظر نہ آئیندا۔ لکھّ چؤراسی وِچوں سنت سُہیلے تھوڑے رکھے، جِنہاں اپنا میل مِلائیندا۔ باقی شؤہ دریائے گھتے، ڈوُنگھی دھار وہائیندا۔ جوتی جوت سروُپ ہرِ، آپ اپنی کِرپا کر، گُر مِلن دی پریِت، دسّنہارا گُر گُر میِت، گُر چرن دھیان لگائیندا۔ گُر میِت گُر پریِت اتیِت، ترےَبھوَن دھنی ترےَگُن وِچ کدے نہ لیائیندا۔ سدا اتیِت ٹھانڈا سیِت پرکھنہارا نیِت، لکھّ چؤراسی جیِو جنت سادھ سنت سِری بھگوَنت کھوج کُھجائیندا۔ سِر توں لاہ کے چھتر سیِس، سیوا کرے آپ جگدیِش، ستجُگ نِشانی دیوے ٹھیِک، ٹھوکر اِکو نام لگائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیندا۔ ساچی کرنی کرے اپار، سِری بھگوان رہیا جنائیا۔ دو جہان رہو خبردار، سچ سندیسہ اِک جنائیا۔ دو ستّ ہوئے وِہار، انک انک نال مِلائیا۔ سب نے گاؤنا منگلاچار، گرِہ گرِہ وجےّ ودھائیا۔ گُرمُکھ ناری ہرِ مِلنا کنت بھتار، آتم سیجا میل مِلائیا۔ چاؤ گھنیرا ہوئے وِچ سنسار، نیرن نیرا نظری آئیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ ساریاں چل کے آؤنا رات، راتی رُتی آپ سُہائیندا۔ ڈھولا گاؤنا مِل جماعت، گھر اِکو اِک وکھائیندا۔ پربھ جوُ ویکھو بندا سجّن ساک، سگلا سنگ نِبھائیندا۔ گُرمُکھاں

گھر پہلوں کھولے آ کے تاک، پِھر پؤڑے نام چڑھائیندا۔ اندر وڑ کے ڈوُنگھے اندھیرے رہیا جھاک، پردہ اوہلا آپ رکھائیندا۔ بِن ویکھیاں وسے ساتھ، سدا سد اپنا سنگ نِبھائیندا۔ دُھر فرمانا سب نے رکھنا یاد، ایکنکارا آپ الائیندا۔ ساریاں اِکٹّھیاں ہو کے مارنی اِک آواز، جوتی جوت سروُپ ہرِ، آپ اپنی کِرپا کر، ساچی دھار آپ جنائیندا۔ اِکٹھے ہون دا دسّدے ویلا، پربھ تیرے اَگے عرضوئیا۔ کی نال لےَ کے آئیے پَیسا دھیلا، جو تیری بھیٹ چڑھائیا۔ سِری بھگوان کہے ایہہ نہیں، پربھ مِلن دا سچّا میلا، چرن کوَل دھیان لگائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ جنائیا ۔ سِری بھگوان کہے تُساں رکھنا دھیان، ہرِ دھیانی آپ جنائیندا۔ جِس ویلے بھیجاں شبد بِبان، سب نوُں اُپر آپ بٹھائیندا۔ بِن منزلوں پہُنچن آن، منزلے مقصوُد اِکو گھر وکھائیندا۔ نہ کوئی تھکے بُڈھا بال انجان، وڈّے چھوٹے سُکھال نال بہائیندا۔ رل مِل ڈھولا اِکو گان، تُوں میرا میَں تیرا تُدھ بِن نظر کوئے نہ آئیندا۔ پربھ میل مِلاوے ہانیاں ہان، میل مِلاوا اِکو گھر وکھائیندا۔ ساچی سخی پروان کرے اِکو کاہن، گھر گھِرنا نہ کوئے وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا بھیوَ آپ جنائیندا۔ ساچا بھیوَ دسےّ بھگوانا، بھگوَن اپنی دَیا کمائیا۔ جُگ جُگ بھگتاں دیوے دانا، داتا دانی جھولی رہیا بھرائیا۔ جِویں گُرمیز بدھّا گانا، نِرگُن سرگُن گنڈھ پوائیا۔ تِویں سدّا دیوے دو جہاناں، حُکم ہرِ جوُ آپ جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آتم پرماتم کرے وِواہ، لیکھا جان بےپرواہ، شادی غمی اِکو رنگ وکھائیا۔ دو ستّ ہونا وِیاہ، انند کارج آپ جنائیندا۔ کِسے دا لگّن نہ دیوے جھوُٹھا داء، سِر اپنا ہتّھ ٹِکائیندا۔ ڈوُنم نائی پھیرا سکے کوئے پا، ساہ اپنے حُکم سُدھائیندا۔ گؤڑی راگ کوئی نہ سکے گا، گھر آ آ سگن نہ کوئے پائیندا۔ بِن ستگُر پوُرے گانا سکے نہ کوئے بنھا، ساچا تند نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھگت بھگوان دا ہوئے میل، بِن نائی براہمن چڑھے تیل، سِری بھگوان اپنی ہتھّیں آپ چڑھائیندا۔ جوتی جوت سروُپ ہرِ، آپ اپنی کِرپا کر، اچرج جانے اپنا کھیل، خالق بھیوَ اپنے ہتّھ رکھائیندا۔ آ براہمن کُچھ کریئے وِہار، ججمان رہیا سمجھائیا۔ ڈوُنم نہ کِسے دِسے کوئی دوار، گھر اِکو وجےّ ودھائیا۔ وِواہ ہوئے جُگ چار، چار دِہاڑے جِندڑی نہ خوشی وکھائیا۔ ناتا تُٹ جائے پُرکھ نار، لوک مات ہوئے جُدائیا۔ جِس ملِے آپ نِرنکار، تِس وِچھوڑا رہن نہ پائیا۔ جوڑا جوڑے سِرجنہار، جوڑی اِکو اِک بنائیا۔ نام

گھوڑا کر تیار، واگ اپنے ہتّھ اُٹھائیا۔ جوت اکالن کر پیار، بن بھَین سیِس گُندائیا۔ مؤلی کیِتی اِک تیار، پریم رتی رت رنگائیا۔ جوتی جوت سروُپ ہرِ، آپ اپنی کِرپا کر، انند کارج اِک جنائیا۔ انند کارج کرے انند، انند اِکو اِک جنائیندا۔ گیِت سُہاگی سوہلا چھند، شاہ پاتشاہ آپ الائیندا۔ پریم پریِتی بندھن پائے بندھ، نہ کوئی توڑ تُڑائیندا۔ اپنی ہتھّیں دیوے گنڈھ، دو جہان نہ کوئے کُھلائیندا۔ اِک دوُجے مِل کے دوویں پےَ جائے ٹھنڈ، سیِنے اگّ نہ کوئے بھٹکائیندا۔ سچ سندیسہ سُن کے لَین منّ، منسا ہور نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، پریم پریِتی آپ بنائیندا۔ پریم پریِتی اندر پاوے سگن، ہرِ سچّا کھیل کرائیا۔ آپے جانے اپنا لگن، پنڈت پاندھا نہ کوئے رکھائیا۔ آپے ملنہارا وٹنا مجن، شاہ پاتشاہ سچّا شہنشاہیِا۔ پاونہارا نیتر کجّن، نام اِکو اِک رکھائیا۔ ویکھنہارا صاحِب سجّن، سؤہرے پیئیے پھیرا پائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھردرگاہیِا۔ آؤ وِہارا سچّا کریئے، کرنہار سمجھایا۔ اِک دوُجے نوُں پریم پریِتی نال وریئے، گھر گھر وِچ میل مِلایا ۔ کوُڑی کِریا کولوں نہ ڈریئے، لوک لاج پرے ہٹایا۔ پربھ ساچے دی سیجے چڑھیئے، چڑھیاں شرم حیا نہ کوئے رکھایا۔ جگ وینہدیاں پربھ باہوں پھڑیئے، جگ رُٹھیاں لئے منایا۔ سوہنگ ڈھولا اِکو پڑھیئے، گا گا اپنا شُکر منایا۔ در دروازے ساچے کھڑیئے، چرن کوَل دھیان رکھایا۔ جیِنودیاں ہی جگ مرنوں پہلوں مریئے، پِچھوں مریا کمّ کِسے نہ آیا۔ ستگُر بھانا سِر تے جریئے، جوتی جوت سروُپ ہرِ، آپ اپنی کِرپا کر، ساچی کرنی آپ کرایا۔ پہلوں سدّا دے بھگوان، سچ سندیس سُنائیا۔ چل کے آئے دیوَ نیِت دو جہان، اپنا پندھ مُکائیا۔ ویکھیئے کھیل سِری بھگوان، کرتا کی کی کاج رچائیا۔ جوتی جوت سروُپ ہرِ، آپ اپنی کِرپا کر، اپنی کار رہیا درسائیا۔ ساچی کار کرتا پُرکھ، اپنی آپ کرائیندا۔ پِچھلا میٹے سوگ ہرکھ، اَگے چِنتا نہ کوئے جنائیندا۔ گُرمُکھ میلا مِلائے ہو نِدھڑک، بھےَ بھؤ سرب چُکائیندا۔ جوتی جوت سروُپ ہرِ، آپ اپنی کِرپا کر، انند کارج اِکو گھر وکھائیندا۔ اُٹھ براہمن دسّ رواج، پربھ ساچا پُچھ پُچھائیا۔ جگت وِہارا ہُندا کِس طرح کاج، کِو بِدھ ہووے کُڑمائیا۔ کی اِجازت دئے سماج، کی شرع بندھ وکھائیا۔ کی دینا پئے داج، کی ڈھوآ لےَ کے آئیا۔ کی کِس طرح مارے آواز، دوُلھا دُلہن لئے جگائیا۔ جوتی جوت سروُپ ہرِ، آپ اپنی کِرپا کر، جگ وِچھڑے میل مِلائیا۔ براہمن کہے اسیں ماردے پھیرے، تِہتےّ بھتّتے ویکھ وکھائیا۔ اودھروں اودھری کھاندے رہندے لّڈوُ پیڑے، سچّی گلّ نہ کِسے سمجھائیا ۔

دوہاں دِھراں وِچ پا کے جھیڑے، جھگڑے وِچ لوکائیا۔ خوُب دوائیے اُلٹے گیڑے، سب دی مت گوائیا۔ جے کوئی ساڈے بِناں لےَ لئے پھیرے، وِیاہی دیئیے چُھڈائیا۔ سانوُں ایہو کمّ چنگیرے، اِکدر لائیے اِکدر دیئیے بُجھائیا۔ جِناں چِر براہمن دی بھیٹا نہ چڑھن تیؤرے، کنگن ہتّھ نہ کوئے پوائیا۔ سانوُں منگیاں دان نہ مِلن وچھیرے، گئوُ دان نہ کوئے کرائیا۔ اسیں کہیئے اسیں اُلٹے منکے پھیرے، توڑ چڑھے نہ کوئے کُڑمائیا۔ سنگلی سُٹ کے کہن ویکھو ڈُبدے بیڑے، پتری اپنی دیئیے وکھائیا۔ مار کے دھرنا بہیئے ویہڑے، موُنہوں منگیا دان دیؤ والے دھی جوائیا۔ نہیں تے کال آیا نیڑے، دوُشن لگّے سبنی تھائنیا۔ تیِرتھ تٹاں اُتے سب نوُں پھیرے، پُن دان دئے سمجھائیا۔ جے کوئی اَگوں تکڑا ہو کے ویہرے، اوہنوُں متھے لگّا ترسوُل دیئیے وکھائیا۔ جے نہ اُجاڑاں تُہاڈے کھیڑے، مَینوُں براہمن نہ سدّیو میرے بھائیا۔ جوتی جوت سروُپ ہرِ، آپ اپنی کِرپا کر، براہمن تیریاں گلّاں سُن کے خوشی منائیا۔ واہ براہمن تیری وڈّی چلاکی، صاحِب ستگُر سچّے بھائیا۔ ایسے طرح قابوُ آؤندے بندے خاکی، گُر کا شبد نہ کوئے کمائیا۔ جھوُٹھی وِکدے سارے ہاٹی، ساچی وست لَین کوئے نہ جائیا۔ ترِسنا لگّی منگن داتی، ہنکار وِکار وِچ ڈُبی لوکائیا۔ جِناں چِر لاڑے نال نہ آؤن ساتھی، جنج سوبھا کوئی نہ پائیا۔ جے کُڑم چڑھ کے آوے اُتے ہاتھی، لجپت ساڈی پھیر رہ جائیا۔ گہنے بستر لیاوے نکّ بلاکی، بھوُشن ضری دار بنائیا۔ سوہنا گھوڑا جوڑا مُنڈا مار چڑھے پلاکی، سولاں کلیاں آسن لائیا۔ گاؤندے وجاؤندے آؤن نال براتی، کُھلیاں پگّاں گلاں وکھائیا۔ ہتھّیں ہون پیالے ساقی، بوتلاں کوُکن دین دُہائیا۔ رسنا نصیِحت سانوُں کہن بے ہوشی بھابی، بھَین بھائی سار رہے نہ رائیا۔ نظر نہ آئے پُھپھی ماسی، کوارکّنیاں نہ کوئے وڈیائیا۔ جِناں چِر آنڈھی گوانڈھی نہ کرن ہاسی، اوناں چِر جنج نہ سوبھا پائیا۔ پنڈت دے منّ نوُں رہے اُداسی، جِناں چِر کُڑماں وِچ نہ ہوئے لڑائیا۔ جوتی جوت سروُپ ہرِ، آپ اپنی کِرپا کر، ویکھنہارا بےپرواہیِا۔ آ براہمن رچیئے کاج، سو صاحِب ستگُر آپ جنائیندا۔ پِچھلا بدلیئے سرب رِواج، اگلا راہ آپ سمجھائیندا۔ صاحِب ستگُر دا اِکو سماج، دوُجی ونڈ نہ کوئے ونڈائیندا۔ گُرمیج سِنگھ پنج پگّاں جو دِتیاں داج، پربھ ساچا منگ منگائیندا۔ بھگت بھگت دا ساچا کاج، سِری بھگوان دَیا کمائیندا۔ سُلکھّنی گھڑی سوہے آج، گھڑی پل خوشی منائیندا۔ جوتی جوت سروُپ ہرِ، آپ اپنی کِرپا کر، ساچی کار آپ کمائیندا۔ ساچی کار کرے کرتار، ہرِ کرتا وڈ وڈیائیا۔ گُرمُکھ تیرا سچ پیار، پریم رنگن رنگائیا۔ بھیٹا کیِتی اِک دستار،

شاہ پاتشاہ تیری سرنائیا۔ چار گُرمُکھاں واسطے رکھیں سنبھال، تیری جھولی پائیا۔ دیِن دَیال ہو خوشحال، خوشی اپنے وِچ رکھائیا۔ واہوا سُچجےّ لاڈلے لال، کِرت تیرے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ اپنی پریم پریِتی سچ دستار، ہرِ دست بدست پھڑائیندا۔ اُٹھ براہمن کر شِنگار، مِہربان دَیا کمائیندا۔ رنگ چڑھیا اپر اپار، للاری رنگ نہ کوئے وکھائیندا۔ اُتر نہ جائے وِچ سنسار، چار جُگ گنڈھ پوائیندا۔ پِچھوں گاؤندا رہے سرب سنسار، رسنا جِہوا ڈھولا راگ الائیندا۔ پربھ بھگتاں نال کر کے گیا پیار، پِچھلی کیِتی سب اُلٹائیندا۔ سنت ساجن کر تیار، گُرمُکھ گُرمُکھاں نال مِلائیندا۔ ونڈن ونڈ ونڈے سِرجنہار، سِر سِر تاج سُہائیندا۔ دوُجی پگڑی بنّھے سِر سِنگھ لال، لال گُلالا ویکھ وکھائیندا۔ بن وِچولا دیِن دَیال، در در گھر گھر ویکھ وکھائیندا۔ بے شک رؤلا پاوے سرب سنسار، اکھّ تلے نہ کِسے لیائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ کرائیندا۔ سچ دستار پلّا گز، گج دئے وڈیائیا۔ سِنگھ گُرمیج دے سیِس اُتے جائے سج، سِری بھگوان آپ بنھائیا۔ تارا سِنگھ جاچ دسّ، کِویں بھگت بھگوان ہووے کُڑمائیا۔ اِک دوُجے دے ہوون وس، واسطہ اِکو جِہا پائیا۔ گُرسِکھو ویکھیو پِچھے نہ جائیو ہٹ، ہؤمے ہتّھ کِسے نہ آئیا۔ باہروں ویکھو نہ بَیٹھا جٹّ، اندر نِرگُن نِرنکار آسن لائیا۔ بناوَن آیا اپنی جدّ، وِشوَ اپنی کار کمائیا۔ دو جہاناں پار کر کے حد، لوک مات ویکھ وکھائیا۔ دھوکھا دے کے سِنگھ گُرمیِت ہرِ جوُ گھر لیا سدّ، نیتر نَیناں نیِر وہائیا۔ کیوں باپوُ ساتھوں ہوئیوں اڈّ، کی تیری چتُرائیا۔ تیرے وِچھوڑے وِچ سُکے ہڈّ، رتی رت رہن نہ پائیا۔ سِری بھگوان ہو بے بس، گُرمُکھ رہیا سمجھائیا۔ تیرے پریم وِچ اپنی کڈھاں رت، گوبِند ہو کے رنگ چڑھائیا۔ دوُجی پگڑی تیرے سِر تے رکھ، رکھیا کراں سبنی تھائنیا۔ پِچھا دے نہ جاواں نسّ، سچّو سچ رہیا سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرمُکھ ویکھ ہو قریب، ہرِ کرتا کھیل کھلائیندا۔ تُہاڈے نال رلے سِنگھ نصیِب، نِسبت اپنے ہتّھ رکھائیندا۔ ہرِ کا کھیل بڑا عجیِب، جگت نیتر نظر نہ آئیندا۔ جن بھگتاں سِر پَیتمبر سوہے پیِت، شاہ پاتشاہ آپ سُہائیندا۔ بھائی بھائیاں مِل کے کرنی ریِت، ساچا راہ اِک وکھائیندا۔ پنجواں مسّا سِنگھ نال رل کے گائے گیِت، رل مِل اِکو گھر وسائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا۔ بھگت تیری بھگتی دستار، بھگوَن ساچی سیوا لائیا۔ پنج گز دا پنج وِہار،

پنجاں پنجاں جوڑ جُڑائیا۔ ڈھائی گز دُپٹّا ہویا خبردار، کِشن سِنگھ رہیا سمجھائیا۔ جِنہاں دا وِچولا بنیا آپ نِرنکار، پُر گُرداس دِتی وڈیائیا۔ سو جالندھر اندر آ کے جائے تار، گُرمُکھاں ہرِ مندر اِک سُہائیا۔ جوتی جوت سروُپ ہرِ، آپ اپنی کِرپا کر، سیِس سب دے رہیا گُندائیا۔ سیِس گُندے ہرِ جوُ مینڈھی، سیوا نِرگُن آپ کمائیندا۔ پریم پریِتی لائے مہندی، خوُنی دھار دھار وہائیندا۔ جوت اکالن نِیوں نِیوں سب نوُں کہندی، پُرکھ اکال اپنا میل مِلائیندا۔ بھگتو اؤہ ویکھو تُہاڈے کول لچھمی پیہڑا ڈاہ ڈاہ بہندی، نیتر نَیناں راہ تکائیندی۔ چارے کُنٹاں ویکھے اُتّر پوُرب پچھّم دکھّن لیہندی، لہنا ہرِ جوُ کی کی چُکائیندا۔ ڈردی ماری بھانا سہندی، اَگوں بول نہ کوئے الائیندا۔ جے ویکھاں پاربرہم گُرمُکھاں دے کدے سرہانے کدے پیَندی، کدے چھاتی اُپر آسن لائیندا۔ ہو نِمانی چرنی ڈھہندی، تیرا اَنت کوئے نہ آئیندا۔ میَں سؤنکن بن کے کِسے نال نہیں کھہندی، جو تیرا سو تیری نظری آئیندا۔ چرن دوارے تیرے رہندی، جوتی جوت سروُپ ہرِ، آپ اپنی کِرپا کر، ساچی کار آپ کمائیندا۔ دستار کہے میَں آئی دست، مِلیا دستگیِر سچّا ماہیِا۔ جو وڈیائی دیویں کیِٹ ہست، اوُچاں نیِچاں اپنے در منگائیا۔ میرے دھنّ بھاگ میَں گُرسِکھاں سِر تے چڑھ کے ہو جاواں مست، مستی وِچ خوشی منائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ کہے دستار پربھ رنگ رنگایا، بن نِرگُن عجب للاری۔ میرا سالوُ سوہنا آن سُہایا، پھڑ کھولی آپ پٹاری۔ میری کنّی اپنے نال چُھہایا، میری آسا رہی نہ کواری۔ جوتی جوت سروُپ ہرِ، آپ اپنی کِرپا کر، کری کھیل اِک نیاری۔ نیاری کھیل ہرِ نِرنکار، نِرگُن داتا آپ کرائیا۔ اِچھیا وِچ بھر پیار، بِھچھیا پنج دستار پربھ دی جھولی پائیا۔ اِک لاڑا تے چار یار، چؤتھے جُگ وجےّ ودھائیا۔ چارے کانی ہوئے خوار، پربھ جیِنودیاں جیِنودیاں اپنی کار کمائیا۔ شبد وِچ دِتا مار، شبد وِچ جیِون ویکھ وکھائیا۔ انند کارج اپر اپار، ہرِ کرتا آپ کرائیا۔ جگت ناری سُن پُکار، بھگت دیوے وڈیائیا۔ بن وِچولا سِرجنہار، ساچی کار کمائیا۔ گُرمیِت سِنگھ تیرا گھر اپار، جِس گھر وجےّ ودھائیا۔ تُوں رسنا کِہا دِلجیِت میرا بھَین بھائی پیار، بھَین بھائی گھر ہوئے کُڑمائیا۔ شادی کرے آپ کرتار، پہلا لیکھا لیکھا مُکائیا۔ ایہو صاحِب دا سچّا وِہار، سب نوُں رہیا سمجھائیا۔ جو جن آئے چرن دوار، اِکو جِہا وِیاہ کرائیا۔ مہاراج شیر سِنگھ وِشنوُں بھگوان، سرب جیِاں دا سِرجنہار، گھر ساچے لےَ کے جاوے چائیں چائنیا۔

پربھوُ گھر ساچے کِس طرح لےَ کے جاوینگا۔ اسیں دوُر دُراڈے وِچھڑے، پھڑ باہوں کِویں مِلاوینگا۔ اسیں پِنڈاں گراواں گھراں وِچ نِکھڑے، پھڑ اِکٹّھے کِویں کراوینگا۔ اسیں اڈّو اڈّی لائے بِسترے، اِک گود کِویں بہاوینگا۔ اسیں بولیئے بول پِھکے پِھکڑے، غُصّے ہویاں نوُں کِویں مناوینگا ۔ اسیں موتی تیری ڈوری وِچوں نِکھڑے، پھڑ اپنا ہار کِویں پرووینگا۔ اسیں اَوگُن دسّیئے کِتنے، بخشنہار کِویں بخشاوینگا۔ سِری بھگوان کہے گُرمُکھ سارے مَینوُں اِکو جِہے دِسنے، نِکے وڈّے وڈّے نِکے اِکو رنگ دساوینگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر مندر بہہ بہہ سارے شُکر مناوینگے۔ دستار کہے پربھ گُرمُکھاں سِر تے بنّھ، سانوُں مِلی وڈیائیا۔ اؤہ ویکھ ویکھن آئے سوُرج چنّ، تیرے چنّ کرن رُشنائیا۔ دیوت سُر کہن دھنّ دھنّ، دھنّ تیری وڈیائیا۔ جِس پِچھلی کیِتی سب دی دِتی بھنّ، راہ اپنا اِک وکھائیا۔ آد شکت کہے میَں سُن کے آئی بِن کنّ، ہرِ جوُ اپنی خوشی منائیا۔ پنجاں نال لڑ اپنا بنّھ، جگت سماج رہیا درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ کمائیا۔ براہمن جی کی رہے سوچ، ہرِ ساچا پُچھ پُچھائیندا۔ ہُن نہیں اَگے ورگی مؤج، مؤجوُدہ اپنی کار کمائیندا۔ لُٹن والی نہیں رہی فؤج، فؤجدار اِکو پھیرا پائیندا۔ اپنا داء کوئی ہور لؤ کھوج، ہرِ کھوجی آپ سمجھائیندا۔ تُہاڈا بند نہ کرے روزی روز، رازق رحیِم دَیا کمائیندا۔ اپنا بھانڈا اندروں لؤ پوچ، نام وست وِچ ٹِکائیندا ۔ پھیر سمبھلو اپنی ہوش، ہرِ ستگُر آپ سمجھائیندا۔ پربھ چرن دھیان لگاؤ ہو خاموش، اَنتر منتر آپ دِرڑائیندا۔ کِسے اُتے نہ لاؤ دوش، نِردوش بھگت سرب وکھائیندا۔ پربھ سب دی آسا پوُری کرے لوچ، بُھکھا کوئے رہن نہ پائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنی کار کمائیندا۔ پنجے پنڈت نوُں دین گے سروپا، پگڑی اِک بندھائیا۔ نالے کہنگے ساڈا بنی گواہ، شہادت اِکو اِک رکھائیا۔ نالے ڈرن براہمن دا نہیں وساہ، جو رَوداس نال دغا گیا کمائیا۔ رَوداس کہے ہُن مِلیا سچّا شاہ، براہمن دی پِچھلی مت بھوائیا۔ کر کِرپا میری ہتھّیں لیکھا دِتا لِکھا، ویکھو چلے قلم شاہیِا۔ اَگے پربھوُ مُکر کدے نہ جا، تیرا لِکھیا لیکھ نہ کوئے مِٹائیا۔ ایسے کر کے تارا سِنگھ اپنا مُنہ سب نوُں دے وکھا، متھے رہی کوئی نہ شاہیِا۔ ہرِ سنگت وِچ دِتا وڈیا، وڈ وڈّا ہو سہائیا۔ کیوں تُوں مَینوُں لایا سی داء، ایسے کر کے تیری کری صفائیا۔ تیری چوری صاحِب نوُں گئی بھا، کنگالاں گھر لُٹن کدی نہ جائیا ۔ جے لُٹیئے تے وڈّا شاہ، شاہاں دا شاہ پاتشاہ

جِس گھر توٹ آئے نہ رائیا۔ جِس دے پِھر چرنی ڈِگیئے جا، رحمت دئے کمائیا۔ کوٹن کوٹ بخش گُناہ، اپنے گل لگائیا۔ سو صاحِب لئیے منا، پاربرہم اِک سرنائیا۔ جوتی جوت سروُپ ہرِ، آپ اپنی کِرپا کر، دیونہار سرب وڈیائیا۔ براہمن کہے میَں کیہڑا گیا منگن، کی بِھچھیا مَینوُں پائیا۔ اپنی لوڑ پِچھے دِتا کنگن، میری آس رکھائیا ۔ تُوں کِویں کہیں ماڑا چنگن، کی کُچھ مَینوُں دِتا سمجھائیا۔ جے رَوداس گاؤندا تیرا چھندن، مَینوُں یاد تیری کدی نہ آئیا۔ میَں کیوں جاندا دوُجے گھر چھڈن، تیری وست مَینوُں چنگی بھائیا۔ جے تُوں مَینوُں آئیوں گھروں کڈھن، میَں تیرے پِچھے بھجّاں واہو داہیِا۔ جرنَیل جٹّ بھنّن لگّا میرے ہڈنّ، ہتّھ کورڑا اِک اُٹھائیا۔ میَں کوُک کوُک لگّا دسّن، پڑو رَوداس جا سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچے گھر، میرے اُتے احسان نہ کوئے چڑھائیا۔ براہمن اَگوں گیا آکڑ، آکھ آکھ سُنائیندا۔ جے تُوں رَوداس اپنے اُتے کیِتا شاکر، مَینوُں کیوں نہیں سمجھائیندا۔ تُوں کنگن دِتا اوہدی خاطر، میَں خالی ہتّھ پِھرائیندا۔ اوہ چمیار کیہڑا چاتر، میَں براہمن سویرے اُٹھ گنگا نہا اپنی کایا ماٹی پوچ پُچائیندا۔ اوہ گنڈھے پانہا چھاتر، میَں مالا منکا منکا بھوائیندا۔ مَینوُں کُجھ نہیں ہویا حاصل، ایسے کر کے چوری اپنے وِچ چُھپائیندا۔ جے تُوں صاحِب بڑا فاضل، کیوں نہیں رحمت نظر اُٹھائیندا۔ جے تُوں اکھوائیں سچّا عادل، کیوں نہیں عدل اِکو جِہا وکھائیندا۔ میَں وی کراں تیری عبادت، رَوداس تیرا نام دھیائیندا۔ اوہدی چمّ گنڈھن دی عادت، میَں ٹھگ ٹھگ لوکاں کھائیندا۔ ایہہ وی میری صداقت، پِھر وی تیرا شُکر منائیندا۔ کی ہویا جے کنگن نال میَں اپنی پوُری کرن لگّا حاجت، تُوں ویکھ کے دُکھ رکھائیندا۔ جوتی جوت سروُپ ہرِ، آپ اپنی کِرپا کر، اِک دینا ساچا ور، براہمن اپنے گھر اپنی منگ منگائیندا۔ انند کارج دا سچ ارداسا، آرجوُ سب دی پوُر کرائیا۔ ستگُر چرن کوَل اِک بھرواسا، دُھر دی دھیِر رکھائیا۔ تولا بنیا شاہو شاباشا، شہنشاہ اپنی سیو کمائیا۔ نہ رتّی نہ تولہ ماشہ، ونڈ اِکو جِہی رکھائیا۔ جن بھگتاں دیوے شبد دِلاسا، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سرب دا سانجھا سبنی تھائیں ہوئے سہائیا۔

اوہ تھاں دسّ کؤن، کوَن ویکھ وکھائیا۔ زِمیں اسمان نہ پانی پؤن، اگنی تت نہ کوئے وکھائیا۔ راگ ناد ڈھولا سوہلا نہ کوئے گاؤن، تار ستار نہ کوئے وجائیا۔ نہ رام نہ کوئے رؤن، کرِشن کاہن نہ ناچ نچائیا۔ جوتی جوت سروُپ ہرِ، اپنی کِرپا کر، اِک وکھال سچّا گھر، جِس گھر

وسینں سچّے ماہیِا۔ اوہ گھر اولّا، سِری بھگوان سچ جنائیندا۔ نِرگُن وسے اِک اِکلّا، دوُجا نظر کِسے نہ آئیندا ۔ جوتی جوت آپے رلا، نوُر نوُر نوُر سمائیندا۔ سچ سِنگھاسن اِکو ملّا، شاہ پاتشاہ سوبھا پائیندا۔ سچکھنڈ دوارا اُچ اٹلا، رنگ محل اِک وڈیائیندا۔ جوتی جوت سروُپ ہرِ، آپ اپنی کِرپا کر، جِس جن پھڑائے اپنا پلّا، تِس اپنا گھر وکھائیندا۔ سچ دوار سِری بھگوان سُہاؤندا، گرِہ ساچے وجےّ ودھائیا۔ وِشن برہم شِو ویکھن آؤندا، دوُر دُراڈا پندھ مُکائیا۔ گُر اوتار خوشی مناؤندا، گھر ساچے وجےّ ودھائیا ۔ پیِر پَیغمبر نَیناں راہ تکاؤندا، پروردِگار تیری وڈیائیا۔ کروڑ تیتیِسا سیو کماؤندا، چاکر خاک اکھوائیا۔ مُن جن سُر پُھل برساؤندا، برکھا اِکو اِک لگائیا۔ بھگت بھگوان آپ مناؤندا، جُگ وِچھڑے میل مِلائیا۔ آتم پرماتم ڈھولا ساچا گاؤندا، سوہنگ شبد نام سُنائیا۔ کرے کھیل جو صاحِب ستگُر سمجھاؤندا، دوُجا راہ نہ کوئے جنائیا۔ جُگ چؤکڑی کرنی ڈھاؤندا، ڈھاہ ڈھاہ نوَیں پھیر پرگٹائیا۔ آلس نِندرا وِچ کدے نہ آؤندا، غفلت کوئے رکھے نہ رائیا۔ نِرگُن اپنی بنت بناؤندا، سرگُن رہیا سمجھائیا۔ ستجُگ ویلا جاندا آؤندا، کلجُگ بَیٹھے مُکھ چُھپائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ سو پُرکھ نِرنجن سچ دروازہ، سِری بھگوان اِک کُھلائیا۔ آد جُگاد جِس سازن سازا، مدھ اپنی کار کمائیا۔ بھوُپت بھوُپ وڈ راجن راجا، شہنشاہ شاہ پاتشاہ اکھوائیا۔ نِرگُن سرگُن رچ رچ کاجا، کرتا پُرکھ کھیل کھلائیا۔ شبد اگمّی وجےّ واجا، تندی تند نہ کوئے ہِلائیا۔ گیِت گاؤن سنت سادھا، اُچی کوُک کوُک سُنائیا۔ ویکھن کھیل پُرکھ ابناسی مادھوَ مادھا، موہنی روُپ انوُپ جنائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ ساچا کھیل سچ درگاہ، دُھردرگاہی آپ کرائیندا۔ پروردِگار بےپرواہ، بے نقاب مُکھ پردہ نہ کوئے رکھائیندا۔ پیِر پَیغمبر دے صلاح، صِفتی صِفت نام وڈیائیندا۔ جلوہ نوُر کر رُشنا، ظاہر ظہوُر آپ پرگٹائیندا۔ ویکھنہارا دو جہاں، چؤداں طبق پردہ لاہِندا ۔ رہبر بن آپ خُدا، سابق سبق اِک سمجھائیندا۔ عالم عُلما رہیا جنا، کلمہ نبی رسوُل الائیندا۔ آفتاب رہیا چمکا، احباب رباب ستار وجائیندا۔ ساچی رچنا رہیا رچا، نِرگُن رچ رچ ویکھ وکھائیندا۔ عیسیٰ موُسیٰ محمد ویکھن دا چڑھیا چا، نیتر نَین سرب اُٹھائیندا۔ ملنگ بن کے سارے رہیا نچا، نٹوُآ اپنا سانگ ورتائیندا۔ مُریِد مُرشد ویکھو ہُندا نِکاح، در گھر ساچے میل مِلائیندا۔ جوتی جوت سروُپ ہرِ، اپنی کِرپا کر، اپنی دھار چلائیندا۔ سچ دربارا اِکو کھول، خالق خلق رہیا

جنائیا۔ نام اگمّا وجےّ ڈھول، شبد شبد شنوائیا۔ تولنہارا ساچا تول، ترازوُ کنڈا اِکو اِک وکھائیا۔ لاہونہارا پردہ اوہل، نِرگُن نوُر جوت کرے رُشنائیا۔ وسنہارا سدا کول، اپنا بھیوَ رہیا سمجھائیا۔ جوتی جوت سروُپ ہرِ، آپ اپنی کِرپا کر، کرنی کرتا آپ کمائیا۔ کرنی کرتا کر کر آپ، اپنا کھیل رچائیندا۔ گُر اوتار پیِر پَیغمبر بَیٹھے ساتھ، سگلا سنگ جنائیندا۔ رل مِل ڈھولا گائن گاتھ، اکھّر وکھّر آپ پڑھائیندا۔ نِمسکار کرن دوئے جوڑ ہاتھ، نِرگُن سرگُن دھار وکھائیندا۔ رل مِل بنو اِک جماعت، اکھّر وکھّر اِک پڑھائیندا۔ ساچا ناتا پُرکھ بِدھاتا جوڑے چرن کوَل بن سجّن ساک، سیَن اِکو نظری آئیندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ چُکائیندا۔ سچ دربارے کھولے بھید، ابھیوَ دئے وڈیائیا۔ جِس دی مہما کردے چار وید، پُران اٹھاراں صِفت صالاحیِا۔ جِس دا اَنت نہ پایا شاستر سِمرت کتیب، کتھنی کتھ نہ سکے رائیا۔ سو صاحِب آد جُگاد اچھل اچھید، ول چھل دھاری اپنا بھیوَ جنائیا۔ جُگ چؤکڑی ستجُگ تریتا دواپر کلجُگ گُر اوتار پیِر پَیغمبر بھیج، لوک مات ویکھ وکھائیا۔ نِرگُن ہو کے آپ ماندا رہیا اندر سیج، سُہنجنی رُت آپ سُہائیا۔ جوتی جوت سروُپ ہرِ، آپ اپنی کِرپا کر، ظاہرا روُپ نہ کِسے دسائیا۔ سچ دربار آپے چڑھ، اپنا حال سُنائیا۔ نِرگُن نِروَیر نِرنکار اِکو کھڑ، کھٹکا سب دا دئے مُکائیا۔ دو جہان ڈھولا لؤ پڑھ، پاربرہم پربھ رہیا پڑھائیا۔ لکھّ چؤراسی اِکو در، در دروازہ رہیا جنائیا۔ جِس نے بھانڈے لئے گھڑ، سو ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، لیکھا ساچا رہیا سمجھائیا۔ سچ دوارے ساچا لیکھا، سو صاحِب ستگُر آپ جنائیندا۔ اِکو گھر ہرِ ویکھو دھاری کیسا، موُنڈ مُنڈائے اِکو رنگ رنگائیندا۔ اِکو گُر اوتار پیِر پَیغمبر کرن آدیسا، نِیوں نِیوں سجدہ سیِس جھُکائیندا۔ اِکو جُگ چؤکڑی دھارے ویسا، روُپ انوُپ آپ پرگٹائیندا۔ اِکو جانے مُلّا شیخ مسائق پنڈت لیکھا، پاربرہم برہم اِکو گھر وکھائیندا۔ اِکو کرے لکھّ چؤراسی جیِو جنت سادھ سنت ہیتا، ہِتکاری اِکو اِک اکھوائیندا۔ اِکو دو جہاناں بنے سچّا نیِتا، سِری بھگوان حُکم منائیندا۔ جوتی جوت سروُپ ہرِ، آپ اپنی کِرپا کر، جُگ کرتا کھیل کرائیندا۔ جُگ کرتا ہرِ کھیل اپارا، سو پُرکھ نِرنجن آپ کرائیا۔ ستجُگ دا سچ وِہارا، صاحِب ستگُر دئے سمجھائیا۔ جُگ چؤکڑی پار کنارہ، تِھر رہن کوئے نہ پائیا۔ لیکھا دسّ دسّ گئے تیئی اوتارا، بھگت اٹھاراں گیان دِوائیا۔ ہوکا دے کے گئے عیسیٰ موُسیٰ محمد یارا، تیِس بتیِسا صِفت صالاحیِا۔ نانک گوبِند بول جَیکارا، اُچی کوُک کوُک جنائیا۔

کل کلکی لےَ اوتارا، کلجُگ انتم پھیرا پائیا۔ ستجُگ ساچی بنّھے دھارا، کوُڑی کِریا رہن نہ پائیا۔ آتم پرماتم کرے پیارا، برہم پاربرہم کُڑمائیا۔ لیکھا جان دُھر دربارا، دُھر دی دھار آپ سمجھائیا۔ کھیل کرے ایکنکارا، اکل کل اپنا ویس وٹائیا۔ جوتی جوت سروُپ ہرِ، آپ اپنی کِرپا کر، گُر اوتار پیِر پَیغمبر کر اِکٹّھے، لیکھا سب نوُں دئے جنائیا۔ لیکھا دسےّ سِری بھگوان، ستجُگ ساچا راہ جنائیندا۔ گُر اوتار پیِر پَیغمبر کرو دھیان، ہرِ دھیانی دھیان وکھائیندا۔ ستجُگ تریتا دواپر کلجُگ دیندے رہے گیان، شاستر سِمرت وید پُران گیِتا گیان اِنجیِل قُرآن، کھانی بانی صِفت صالاحِندا۔ دیِن مذہب ذات پات دسّدے رہے اِیمان، کرم دھرم ونڈ ونڈائیندا۔ حُکمے اندر دیندے رہے پَیغام، سچ سندیسہ اِک الائیندا۔ جوتی جوت سروُپ ہرِ، آپ اپنی کِرپا کر، ساچا لیکھا آپ جنائیندا۔ ساچا لیکھا انتم وار، سو پُرکھ نِرنجن آپ جنائیا۔ جُگ چؤکڑی ہُندا رہیا وِہار، نام ڈوری تند بندھائیا۔ سُرت سوانی کردی رہی پُکار، پیِا ستگُر نظر کِتے نہ آئیا۔ کایا اندر وڑ کے روندی رہی زارو زار، دھیِرج دھیِر نہ کوئے دھرائیا۔ آسا ترِسنا مارے مار، ہؤمے ہنگتا کرے لڑائیا۔ کام کرودھ کرے خوار، لوبھ موہ ہنکار چلن دیوے نہ کوئے چتُرائیا۔ من منوُآ بل دھار، دہ دِشا اُٹھ اُٹھ دھائیا۔ مت متوالی جائے ہار، اپنا آپ نہ کوئے جنائیا۔ بُدھی بِبیک نہ کوئے وِچار، سمجھ سمجھ نہ کوئے رکھائیا۔ مارگ دسّ کے گئے گُروُ اوتار، پیِر پَیغمبر لِکھ لِکھ گئے سمجھائیا۔ کلمہ پڑھو نبی رسوُلاں کرو نِمسکار، سجدہ سیِس سیِس جھُکائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ کلمہ پڑھو جپو نام، صِفتی نام وڈ وڈیائیندا۔ نِرگُن سرگُن پوُرے کرے کام، کرتا کارج آپ رچائیندا۔ مِہربان ہو کے پکڑے دام، دامنگیر آپ اکھوائیندا۔ لیکھا جان کرِشن رام، رحیِم رحمت آپ کمائیندا۔ عیسیٰ موُسیٰ محمد دے پَیغام، کائنات جگت جنائیندا۔ جوتی جوت سروُپ ہرِ، آپ اپنی کِرپا کر، ساچا پلّوُ اِک درسائیندا۔ ساچا پلّوُ دسّنہارا، نِرگُن اپنی دَیا کمائیا۔ سِری بھگوان نِرگُن نوُر جوت کر اُجیارا، چؤویِاں اوتار پھیرا پائیا۔ اَون گوَن ترےَبھوَن لوک پرلوک پاوے سارا، برہمنڈ کھنڈ کھوج کھوجائیا۔ محل اٹل اُچ مِنارا سوبھاوَنت آپ سُہائیا۔ ستجُگ سچّے سچّا دسےّ وِہارا، سچ سچ سچ دِرڑائیا۔ بھگت بھگوان کرے پیارا، میل مِلاوا سہج سُبھائیا۔ ساچا مِتر کوئی نہ رہے کوارا، جِس اپنے انگ لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کرتا کاج آپ رچائیا۔ ہرِ کرتے رچیا کاج، لوک مات وجےّ ودھائیا۔ بھگت

بھگوان دا اِک سماج، سمجھ وِچ کِسے نہ آئیا۔ گُر اوتار پیِر پَیغمبر لےَ کے آئے داج، پلّوُ اپنی گنڈھ بندھائیا۔ ویکھو کھیل کرے غریِب نواز، غریِب نِمانیاں دئے وڈیائیا۔ لکھّ چؤراسی وِچوں سازن ساز، صاحِب ستگُر ہوئے سہائیا۔ شبد اگمّی مار واج، سُرتی سوئی آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل کرنے آیا، لوک پرلوک وجےّ ودھائیا۔ ساچا کارج اِک رچایا، نظر کِسے نہ آئیا۔ شبد سندیسے رہیا سُنایا، اگمّ اتھاہ وڈیائیا۔ نر نریشے پھیرا پایا، نِرگُن نِرنکار ویکھے چائیں چائنیا۔ سب دا لیکھا اپنے ہتّھ رکھایا، بچیا کوئے رہن نہ پائیا۔ جوتی جامہ ویسا آپ وٹایا، بےپرواہ سچّے شہنشاہیِا۔ ساچی سیجا اِک سُہایا، رُت رُتڑی آپ مہکائیا۔ جوتی تیجا اِک چمکایا، اگیان اندھیر مِٹائیا۔ پھلکاری ریِجا نہ کوئی گنڈھ بنّھایا، وست امولک نام جھولی پائیا۔ جوتی جوت سروُپ ہرِ، آپ اپنی کِرپا کر، گُرمُکھ جیِجا ویکھن آیا، پاربرہم پربھ اپنا پھیرا پائیا۔ گُرمُکھ جیجا لگّا سوہنا، ہرِ سوہنی بنت بنائیندا۔ نِرگُن سرگُن روُپ موہنا، موہ مُحبّت اِک وکھائیندا۔ امرت جل نال دھونا، نِرمل نِرمل آپ کرائیندا۔ جوتی جوت سروُپ ہرِ، آپ اپنی کِرپا کر، ساچا لال آپ وڈیائیندا۔ گُرمُکھ لال لگّا چنگا، چنگی طرح سمجھائیا۔ سِری بھگوان اِکو رنگ رنگا، اُتر کدے نہ جائیا۔ سچ دوارے ہووے کدے نہ ننگا، پردہ سکے نہ کوئے اُٹھائیا۔ خوشی اندر دو جہان وجائن مردنگا، راگ ناد اِکو اِک سُنائیا۔ گُر اوتار پیِر پَیغمبر کہن چلو ویکھیئے کارج انندا، صاحِب ستگُر آپ کرائیا۔ بھگت بھگوان سچ انندا، گھر اِکو ڈیرہ لائیا۔ اپنی ہتھّیں دیوے گنڈھاں، سگن گانے رہیا منائیا۔ دو جہان ہوئے نہ رنڈا، رنڈیپا اوَر نہ کوئے وکھائیا۔ نال سُنائے سُہاگی چھندا، سوہنگ ڈھولا اِکو گائیا۔ دو جہاناں مکُے پندھا، اَدھ وِچکار نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، گُرمُکھ ویکھے چائیں چائنیا۔ گُرمُکھ ویکھے ہرِ جوُ لاڑا، نِرگُن اپنی دَیا کمائیندا۔ رل مِل سخیاں لایا اکھاڑا، سرگُن سرگُن اپنی دھار جنائیندا۔ گُر اوتار پیِر پَیغمبر کڈھن ہاڑا، واہوا تیرا اَنت کوئے نہ آئیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ گُرمُکھ سچّا کر تیار، ترےَگُن اتیِتا رہیا جنائیا۔ سوہنا سُہّپن کر شِنگار، رنگ رتڑا رنگ رنگائیا۔ پریم سیِس بنّھ دستار، جگدیِش ویکھ وکھائیا۔ جوت اکالن بن کے مالن سیہرا لےَ کے آئے وِچ سنسار، کلی کلی تند تند نال بندھائیا۔ ہوکا دیوے واجاں مار، گلی گلی رہی سُنائیا۔ ویکھو صاحِب ستگُر دا لال، بے مثال کھیل رچائیا۔ سُن مُریِداں

حال، مُرشد اپنا پھیرا پائیا۔ ناتا توڑ ترےَگُن مایا جگت جنجال، جوتی جوت کرے رُشنائیا۔ کھیل کرے سچّی دھرمسال، دھرم دوارا اِک وڈیائیا۔ آپ چلے نال نال، ساچی گھوڑی رہیا جنائیا۔ نِرگُن ہو کے بنیا دلال، وِچولا اِکو بےپرواہیِا۔ سچ سِنگھاسن بَیٹھائے سنبھال، سِر اپنا ہتّھ ٹِکائیا۔ لیکھا مکُے شاہ کنگال، شہنشاہ دیونہار وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ساچا دوُلھا شبد وڈ بھاگا، سو ستگُر آپ کرائیندا۔ نِرگُن ہو کے پِھرے بھاجا، آؤندیاں جاندیاں ڈیر کوئے نہ لائیندا۔ ویکھنہارا سچّا کاجا، ہرِ کرتا کار کمائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ جنائیندا۔ ساچی کھیل کرے بھگوانی، بھگوَن اپنی دَیا کمائیا۔ ہرِجن سُرت اُٹھائے سوانی، دے ہُلارا اکھّ کُھلائیا۔ اُٹھ ویکھ اپنی الّڑ جوانی، جوبن رتڑا بھیوَ چُکائیا۔ لیکھا جان دو جہانی، دوئے دوئے اپنی کار وکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گُرمُکھ سُرتی سوئی اُٹھے، اُٹھ اُٹھ دھیان لگائیا۔ میرے اُتے کوَن تُٹھے، جِس میری اکھّ کُھلائیا۔ انبھول سُہائی رُتے، سوچ سمجھ ذرا نہ آئیا۔ کوجھی کملی پُچھے، گھر اپنا پھیرا پائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ اُٹھ سوانی جانا جاگ، جاگرت جوت جگائیندا۔ تیرے گھر لگّن لگّا بھاگ، بھاگاں بھری ویکھ وکھائیندا۔ تیرا میلا ہووے نال کنت سُہاگ، ساچا کنت آپ وڈیائیندا۔ تیرے مندر جگے چراغ، جوتی دیِپ ڈگمگائیندا۔ تیرے بھَین بھائی گُر اوتار پیِر پَیغمبر سجّن ساک، سگلا ناتا آپ وکھائیندا۔ اُٹھ اِک ویر جھاک، نیتر نَین اکھّ کُھلائیندا۔ تیرے مندر نِکا جِہا تاک، بِن ستگُر پردہ کوئے نہ لاہِندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ جنائیندا۔ جگت سوانی لےَ انگڑائی، اپنا آپ جنائیا۔ بےپرواہ تیری بےپرواہی، میری سمجھ وِچ نہ آئیا۔ میَں بالی انجانی بنی سؤدائی، نیتر رو رو دیاں دُہائیا۔ ناتا چھڈیا نہ جائے مات پِت بھَین بھائی، بیٹا دوُر نہ کوئے کرائیا۔ میَں کی جانا میرا کیہو جِہا ماہی، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سچ دے جنائیا۔ سچ دسّاں سُن کوارکنّیاں، سو پُرکھ نِرنجن آپ جنائیندا۔ صاحِب ستگُر اِکو منّیا، تیرا درد اِکو مِٹائیندا۔ جِس کایا مندر اندر گھر وِچ گھر بنا کے تَینوُں جنیا، مات پِت نہ کوئے وڈیائیندا۔ ڈیرہ لگائے بِن چھپر چھنّیا، محل اٹل اِک سُہائیندا۔ دیوے نام سچّا دھنیا، سچ خزیِنہ تیری جھولی پائیندا۔ داج دیوے نہ تھالی چھنّیاں، کوُڑی گنڈھ نہ سِر ٹِکائیندا۔ جوتی جوت سروُپ ہرِ، آپ اپنی کِرپا

کر، ساچا گھر آپ وکھائیندا۔ اؤہ ویکھ گھر سچّا، سو ستگُر آپ جنائیا۔ دوُجا ویکھ گُرمُکھ بچّہ، گُر گُر رنگ رنگائیا۔ دوہاں وِچوں کوئے نہ کچّا، جو پلّوُ جائے چُھڈائیا۔ ایہو کارج چؤتھے جُگ سِری بھگوان نوُں لگّا اچھا، آتم پرماتم میل مِلائیا۔ نال دیوے نہ کوئی گاں وچھّا، گھوڑی جوڑی نہ کوئے وکھائیا۔ نِرگُن ہو کے لوُں لوُں اندر رچا، رچنا اپنی دئے سمجھائیا۔ جوڑا جوڑے آپے پکاّ، پکّی طرح گنڈھ دِوائیا۔ لکھّ چؤراسی جیِو جنت رہ جائے ہّکا، ہرِ کا اَنت کوئے نہ پائیا۔ جوتی جوت سروُپ ہرِ، آپ اپنی کِرپا کر، سُرت سوانی لیا منائیا۔ سُرتی کہے میَں گئی منّ، میری میَں رہی نہ رائیا۔ میَں لاڑا ویکھیا سوہنا چنّ، چنّ چؤدھویں رہیا شرمائیا۔ صاحِب ستگُر بیڑا رہیا بنّھ، بھار اپنے کندھ اُٹھائیا۔ میَں کہاں دھنّ دھنّ، دھنّ تیری وڈیائیا۔ جوتی جوت سروُپ ہرِ، آپ اپنی کِرپا کر، دوہاں اِکو گھر وکھائیا۔ اِکو گھر جان دی کرو تیاری، نِرگُن داتا آپ اکھوائیندا۔ شبد اگمّ دیواں اسواری، ساچی ڈولی اِک سُہائیندا۔ بھگت بھگوان بن کہاری، کندھ اپنے آپ چڑھائیندا۔ لیکھا مکُے وارو واری، پاندھی پندھ آپ سمجھائیندا۔ منزل چڑھو اگمّ اپاری، محل اٹل اِک رُشنائیندا۔ جوتی جوت سروُپ ہرِ، آپ اپنی کِرپا کر، دُھر فرمانا اِک جنائیندا۔ دُھر فرمانا دے سندیس، پُرکھ اکال رہیا جنائیا۔ بیِبی رانی کر لےَ سوہنا ویس، بھوُشن بستر تن پہنائیا۔ کنگھی پٹّی کر لےَ کیس، مینڈھی گُت اِک گُندائیا۔ مہندی ہتھّیں لےَ ویکھ، کنگن خوشیاں نال چھنکائیا۔ آنا ڈولا نیتر پیکھ، سِری بھگوان رہیا بنائیا۔ گُر اوتار پیِر پَیغمبر کر کر ہیت، تَینوُں ویکھن چائیں چائنیا۔ تُوں لوک مات بنیؤں نیک، نیکی تیری ملِے وڈیائیا۔ پربھ ستگُر دِتی ٹیک، چرن کوَل سرنائیا۔ پریم پریِتی تیری بھیٹ، نِرگُن داتا جھولی پائیا۔ ساچے کنت نال مِل مِل کھیڈ، تیری ہوئے نہ پھیر جُدائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ چُنی لواں کہ سُبھر، من اپنے دھیان لگائیا۔ اُچی اُڈی پِھرے اُبھر، پربھ نیتر درشن پائیا۔ میرا کنت نہیں کوئی بُڈھڑ، نؤجوان نظری آئیا۔ میَں دو جہان نہ ہوواں چُھٹڑ، رنڈیپا نظر کوئے نہ آئیا۔ دُھر دا ڈولا آیا چُکن، سِری بھگوان رہیا گھلائیا۔ میَں سوہنی ماراں بُکل، میرا انگ نظر کِسے نہ آئیا۔ کر کے قؤل نہ جاواں مُکر، کیِتا قؤل توڑ نِبھائیا۔ پیا ملِے مناواں شُکر، اپنا دُکھ گوائیا۔ درس پیاسی میَں بُھکھڑ، ترِسنا ترِپت کرائیا۔ میری سُہنجنی سوہے رُتڑ، چیت بسنتی رنگ رنگائیا۔ جے آنڈھناں گوانڈھناں پُچھن، سچ سچ دیاں سمجھائیا۔ جوتی جوت سروُپ ہرِ، آپ اپنی کِرپا کر، دیونہارا

ساچا ور، بھگت بھگوان میل مِلائے سہج سُبھائیا۔ میَں امرت جل نہاواں گی۔ دُرمت مَیل دھواواں گی۔ بستر سوہنے پہر پاواں گی۔ من موہنے نَین مٹکاواں گی۔ رسنا جِہوا دین سُناواں گی۔ سوہنگ ڈھولا گاواں گی۔ اپنا چولا پھیر بدلاواں گی۔ پا رؤلا سرب سُناواں گی۔ پردہ اوہلا جگت اُٹھاواں گی۔ اُنگلاں نال وکھاواں گی۔ اؤہ ویکھو وِچھڑیا کنت، دو جہاناں میل مِلاواں گی۔ رُت سوہے اِک بسنت، بسنتڑی رُت اپنے انگ لگاواں گی۔ ناتا تُٹے جیِو جنت، سادھ سنت سہیلیاں آپ بناواں گی۔ جوتی جوت سروُپ ہرِ، آپ اپنی کِرپا کر، در تیرے آ کے درشن پاواں گی۔ جب ڈولی اُتے چڑھانگی۔ پربھ تیرا دھیان کرانگی۔ سوہنگ ڈھولا اِکو پڑھانگی۔ جگ پردے اندر وڑانگی۔ کِسے کولوں نہ ڈرانگی۔ تیرے چرناں سیوا کرانگی۔ نہ جنمانگی نہ مرانگی۔ جوتی جوت سروُپ ہرِ، آپ اپنی کِرپا کر، کنت کنتُوہل اِکو ورانگی۔ جِس ویلے کنت منائینگی۔ آپ اپنا بھیٹ چڑھائینگی۔ دیوَ نیِت درشن پائینگی۔ ماپیاں ہیت سرب تجائینگی۔ نِرگُن ویکھ خوشی منائینگی۔ اوگُن کیتے بُھل بخشائینگی۔ انمُل وست گھر اپنے اِک ٹِکائینگی۔ جوتی جوت سروُپ ہرِ، آپ اپنی کِرپا کر، دیونہارا ساچا ور، محل اٹل اِک سُہائینگی۔ محل اٹل اِک سوہوےگا۔ پُرکھ اکال اوتھے اِکو ہووےگا۔ دوُجا سیج نہ کوئی سوویگا۔ نہ کوئی ہسّیگا نہ روویگا۔ جوتی جوت سروُپ ہرِ، آپ اپنی کِرپا کر، دیِپک اِکو اِک بلوویگا۔ اِک مندر آپ سُہائیگا۔ سچکھنڈ ڈیرہ آپ جنائیگا۔ کنت کنتُوہل وڈ وڈیائیگا۔ ساچے پُھل پریم برسائیگا۔ بھوُل وِچھوڑا کدے نہ پائیگا۔ اپنا اصوُل اِک سمجھائےگا۔ جوتی جوت سروُپ ہرِ، آپ اپنی کِرپا کر، در مندر اِک وکھائیگا۔ در مندر اِک سُہاویگا۔ بھگت بھگوان میل مِلاویگا۔ اندر باہر اِکو نظری آویگا۔ دوُجا قدم نہ کوئے ٹِکاویگا۔ واری صدقے گھولی، گھولی گھول گھول گھُماویگا۔ تیری سوہنی سُچجیّ ڈولی، اپنے مندر وِچ رکھاویگا۔ منمُکھ کوئے نہ مارے بولی، کوُڑی کِریا پندھ مُکاویگا۔ تُوں ہؤلی ہؤلی بولیں، ساچی سِکھیا اِک سمجھاویگا۔ جوتی جوت سروُپ ہرِ، آپ اپنی کِرپا کر، در اِکو مان رکھاویگا۔ در دوارے جِس ویلے جاؤں گی۔ پربھ تیری اوٹ تکاؤں گی ۔ دوُجا نظر تھلّے نہ کوئے لیاؤں گی۔ نار دُہاگن نہ روُپ وٹاؤں گی۔ سُہاگن کنت اِک ہنڈھاؤں گی۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے الکھ جگاؤں گی۔ جد دوارے میرے آؤگے۔ پِچھلا دُکھ بُھلؤگے۔ سُکھ اِکو اِک ساچا پاؤگے۔ رس بھوگ اِک جناؤگے۔ سوہنگ چوگ سچ چُگاؤگے۔ درس اموگھ

درشن پاؤگے۔ جنم کرم دی حِرص گواؤگے۔ عرش فرش چرناں ہیٹھ دباؤگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر مندر ڈیرہ لاؤگے۔ گھر مندر پؤڑی چڑھوگے۔ سوہنگ ڈھولا سارے پڑھؤگے۔ پُرکھ ابناسی لڑ پھڑوگے۔ بِن کرنیؤں پار تروگے۔ کلجُگ مرنی کدی نہ مروگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مندر بہہ بہہ خوشی کروگے۔ جد پؤڑے آپ چڑھاوینگا۔ اُنگلاں نال لگاوینگا۔ پلّوُ اپنا نام پھڑاوینگا۔ پریم پریِتی جاچ سِکھاوینگا۔ پِچھلی نیِتی سرب بدلاوینگا۔ کایا ٹھانڈی سیِت کراوینگا۔ من جِتّ اپنی جِتّ وکھاوینگا۔ کر کے ہِت، میل مِلاوینگا۔ لہنا چُکے پِچھلا نِت، اَگے اپنے راہے پاوینگا۔ جے ویکھیئے تے ندری آئیں دِس، مِہر نظر اُٹھاوینگا۔ سانوُں دسّ پربھ کِس نوُں لےَ جاویں نال ہِت، ساچی ڈولی کِس بہاوینگا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر مندر کوَن سُہاوینگا۔ جو در میرے تے آئیگا۔ نِیوں نِیوں سجدہ سیِس جھُکائیگا۔ سوہنگ ڈھولا گائیگا۔ سو ڈولی چڑھ جائیگا۔ سِری بھگوان کندھ اُٹھائیگا۔ وارو واری لےَ کے جائیگا۔ چرن دوار آپ بہائیگا۔ وِشن برہما شِو راہ تکائیگا۔ گُر اوتار پیِر پَیغمبر شُکر منائیگا۔ بھگت بھگوان اِکو در بہہ کے مندر اِک وڈیائیگا۔ جو شبدی گیا کہہ کے، سو جوتی میل مِلائیگا۔ جوتی جوت سروُپ ہرِ، آپ اپنی کِرپا کر، ساچے رنگ آپ رنگائیگا۔ سانوُں دسّ پتہ ٹِکانا، پربھ اپنا بھیوَ کُھلائیا۔ جِتھے کوئی نہ پُجے راجا رانا، کوٹن کوٹ بَیٹھے دھیان لگائیا۔ کِسے ہتّھ نہ آئی سُگھڑ سیانا، من مت بُدھ چلے نہ کوئے چتُرائیا۔ بےاَنت بےپرواہ تیرا کوَن محل اٹل اُچ نِشانہ، جِس مندر آسن سِنگھاسن سوبھا پائیا۔ کر کِرپا دسّ دے آؤنا جانا، آؤندیاں جاندیاں دیر لگّے نہ رائیا۔ کِرپا کر سِری بھگوانا، صاحِب ستگُر رہیا سمجھائیا۔ جن بھگتو گاؤ سوہنگ گانا، تُ میرا میَں تیرا، دوُجا نظر کوئے نہ آئیا۔ آپے بنے وَنجھ مُہانا، کھیوٹ کھیٹا بیڑا اپنے کندھ اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا شبد بِبانا، سِری بھگوان اپنی سیو کمائیا۔ شبد بِبانا کیہڑا رنگ، پربھ اپنا دے سمجھائیا۔ کِس بِدھ اندر جائیے لنگھ، آئیے چائیں چائنیا۔ ڈھولا گاؤنا سوہنگ سد، چھند اِکو اِک وڈیائیا۔ سُرت سوانی سُرتی وِچوں لئے کڈھ، موُرت اکال دئے وڈیائیا۔ پِچھے خالی چھڈے ہڈّ، پنج تت کمّ کِسے نہ آئیا۔ کوٹن کوٹ گُر اوتار پیِر پَیغمبر گئے لد، جُگ چؤکڑی اپنا پھیرا پائیا۔ کلجُگ انتم ایسے کارن بھگت سُہیلے جیِوندے سدّ، انند کارج دِتا کرائیا۔ اَگے رہن نہ دِتی کوئی حد، دیِن

مذہب بنّے دِتے تُڑائیا۔ درشن کرِیو رجّ رجّ، سِری بھگوان نظری آئیا۔ سوہنگ ڈھولا گاؤنا گجّ، اُچی کوُک کوُک سُنائیا۔ سچکھنڈ مندر بہنا سج، پِچھے سکے نہ کوئے ہٹائیا۔ مِلنا میل پُرکھ سمرتھ، سمرتھ دیونہار وڈیائیا۔ نار کنت دوہاں دا ملِے اِکو جِہا ہتّھ، ہتّھ ہتّھ نال مِلائیا۔ اِک دوُجے دے ہوون وس، پلّوُ سکے نہ کوئے چُھڈائیا۔ پریم پریِتی دین رس، رس اِکو اِک درسائیا۔ جد ویکھن تے پَین ہسّ، نیتر نَین نہ نیِر وہائیا۔ ناتا رہے نہ تت اٹّھ، نؤ دوار نہ کوئے وڈیائیا۔ دسم دواری ستھر بَیٹھے گھت، سیج سُہنجنی ملِے وڈیائیا۔ سُنّ اگمّ کہے بس، بستہ اپنا دئے بندھائیا۔ وِشن برہما شِو سُناؤن جس، گُرمُکھ اَگے جاؤ میرے بھائیا۔ سچکھنڈ وسے پُرکھ سمرتھ، نِرگُن اپنا آسن لائیا۔ اوہدی چرنیں جاؤ ڈھٹّھ، جِس چرن دوارے نانک کبیِرا بَیٹھے آسن لائیا۔ جا کے سِر پٹّاں اُتے دیؤ رکھ، دُکھ اپنا دیؤ سُنائیا۔ پربھ کِرپا کر جھٹ، تیرا وِچھوڑا جھلیا نہ جائیا۔ اَگے لوڑ نہ رہے پنج تت کایا رت، مات گربھ نہ پھیرا پائیا۔ دروہی ساڈی ہوئی بس، لکھّ چؤراسی جوُن نہ پھیر بھوائیا۔ تیرے در تے آ کے تیرے رہیئے وس، دوئے جوڑ واسطہ پائیا۔ جے ساڈے اُتے پَوے شکّ، باہوں پھڑ کے باہر دے کڈھائیا۔ سانوُں جیِو جنت رہے ڈکّ، سارے رہے مات سمجھائیا۔ تُسیں پِچھے جاؤ ہٹ، کیوں بَیٹھے وقت گوائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرے در ملِے سرنائیا۔ در سرن سرنائی پاؤگے۔ دھی جوائی روُپ وٹاؤگے۔ سؤہرے پیکے اِکے گھر ہنڈھاؤگے۔ پِچھلے لیکھے سرب چُکاؤگے۔ بھرم بُھلیکھے دوُر کراؤگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، کنت کنتُوہل ایکا انگ لگاؤگے۔ کنت کنتُوہل اِک اکھوائیگا۔ شبد پنگھوُڑا اِک جھُلائیگا۔ رنگ گوُڑھا نام رنگائیگا۔ ساچا چوُڑا ہتّھ پہنائیگا۔ موُرکھ موُڑھا چتُر وکھائیگا۔ ناتا کوُڑا توڑ تُڑائیگا۔ دوُر نیڑا پندھ مُکائیگا۔ حاضر حضوُر نظری آئیگا۔ عاشق معشوُق دوہاں مُکھ شرمائیگا۔ نِرگُن نِرگُن سُن کوک، سرگُن سرگُن موہ مِٹائیگا۔ اپنا دیوے سچ ثبوُت، ثالث اِکو اِک اکھوائیگا۔ گھر آؤندیاں ملِے محبوُب، بیوی کھؤنت اِک ہنڈھائیگا۔ جوتی جوت سروُپ ہرِ، آپ اپنی کِرپا کر، پروردِگار دَیا کمائیگا۔ پروردِگار ویکھ سوانی، ونی بہوُ اِکو اِک وڈیائیا۔ نِرگُن نِرنکار نِراکار بنھائے کنّی، شبدی ڈوری گنڈھ پوائیا۔ گُرمُکھ کرے قبوُل کانی انھی، نیترہیِن دئے وڈیائیا۔ جو صاحِب ستگُر پوُرے اُتے منّی، کوجھی کملی گلے لگائیا۔ جگت سوہنی نؤ کھنڈ پرِتھمی ستّ دیِپ چار کُنٹاں پِھرے بھنّی، در

ڈھوئی کوئے نہ پائیا۔ صاحِب ستگُر دیِن دَیال اوگُنہاری انتم ڈنّی، ڈنڈا اِکو سِر لگائیا۔ روٹی کھان نوُں ملِے چپّا کھنّی، دھیِرج دھیِر نہ کوئے دھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سنت سُہیلے ساچے پھڑ، گُر چیلے ویکھے اندر وڑ، بھگت بھگوان لگائے جڑ، بوُٹا اِکو اِک وکھائیا۔ مہاراج شیر سِنگھ وِشنوُں بھگوان، دیونہارا داتا دان، دَیانِدھ ٹھاکر سوامی، سرب جیِاں گھٹ اَنترجامی، امرت پیائے ٹھنڈا پانی، بودھ اگادھ سُنائے بانی، گُرمُکھ بنائے چتُر سُگھڑ سُچجیّ رانی، شاہ پاتشاہ گھر اپنے لئے بہائیا۔