کتب خانہGranth 14 (Shahmukhi)

۱۵ جیٹھ ۲۰۲۰ بِکرمی جیِون سِنگھ دے گرِہ پِنڈ موئل جموُں

ستگُر سرنائی ساچا جیِون، ملِے مان وڈیائیا۔ چرن پریِتی ساچا تھیِون، پوُرن آس کرائیا۔ نام نِدھان گُرمُکھ پیِون، سچ پیالہ ہتّھ اُٹھائیا۔ دوئے جوڑ سدا سد نیِون، ہنکار وِکار نہ کوئے رکھائیا۔ امرت بیِج اِکو بیِون، پھل کایا تن لگائیا۔ جوتی جوت سروُپ ہرِ، آپ اپنی کِرپا کر، ساچے مارگ آپے لائیا۔ ساچا جیِون ستگُر سرن، سرنگت جنائیندا۔ نیتر کُھلے ہرن پھرن، گرِہ مندر نظری آئیندا۔ لیکھا چُکے مرن ڈرن، لکھّ چؤراسی پھند کٹائیندا۔ میل مِلاواں ترنی ترن، بھوَ ساگر پار کرائیندا۔ جوتی جوت سروُپ ہرِ، آپ اپنی کِرپا کر، ساچے مارگ آپے لائیندا۔ ساچا جیِون ستگُر اوٹ، اوٹ پُرکھ اکال رکھائیا۔ جنم کرم دا نِکلے کھوٹ، کوُڑی کِریا رہن نہ پائیا۔ نام بھنڈار ملِے اتوٹ، خالی جھولی دئے بھرائیا۔ کر پرکاش نِرمل جوت، آتم پرماتم میل مِلائیا ۔ ورن برن رہے نہ گوت، ذات اِکو اِک جنائیا۔ آون جاون دی مکُے سوچ، لِکھت پڑھت نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ہرِجن لوچا پوُر کرائیا۔ ساچا جیِون ستگُر رنگ، سو صاحِب آپ جنائیا۔ گُرمُکھ منگے اِکو منگ، دیونہار بےپرواہیِا۔ اٹّھے پہر وجےّ مردنگ، انحد نادی راگ سُنائیا۔ سیج سُہنجنی ستگُر لنگھ، آتم پرماتم سوبھا پائیا۔ سچ پرکاش نوُری چند، پرکاشوان دئے وکھائیا۔ جوتی جوت سروُپ ہرِ، آپ اپنی کِرپا کر، سچ انند اِک درسائیا۔ ساچا جیِون ستگُر اندر، اندرے اندر میل مِلائیندا۔ نظری آئے پربھ کا مندر، چھپر چھنّ نہ کوئے چُھہائیندا۔ بھاگ لگائے ڈوُنگھے کھنڈر، جوتی جوت جوت رُشنائیندا۔ لیکھا چُکے سوُریہ چندر، چند چاندنا اِک چمکائیندا۔ من واسنا باندھے بندر، بندنا اِکو اِک جنائیندا۔ مستک ٹِکاّ لائے چندن، چرن دھوُڑی آپ چُھہائیندا۔ دیونہارا پرمانندن، نِج آتم رس وکھائیندا۔ ٹُٹی ہار گوپال گنڈھن، گنڈھ

اپنے نال پوائیندا۔ کوُڑی کِریا کٹے پھندن، پھاسی جم نہ کوئے لٹکائیندا۔ جوتی جوت سروُپ ہرِ، آپ اپنی کِرپا کر، اِک سُنائے سُہاگی چھندن، ساچا راگ آپ الائیندا۔ ساچا جیِون ستگُر ساتھ، ہرِ ساتھی اِک اکھوائیا۔ ساچا ڈھولا دسےّ گاتھ، گیِت گوبِند الائیا۔ ہوئے سہائی اناتھاں ناتھ، دیِنن اپنے انگ لگائیا۔ لہنا دینا چُکائے مستک ماتھ، پوُرب لیکھا آپ مُکائیا۔ آتم سیجا سوائے کھاٹ، پاوا چوُل نہ کوئے جنائیا۔ میٹے رَین اندھیری رات، گُر شبدی چند چمکائیا۔ چرن کوَل بندھاوے نات، ساک سجّن آپ اکھوائیا۔ مات گربھ لوے راکھ، رکھک بنے سبنی تھائنیا۔ لیکھا چُکے تت آٹھ، نؤ دوارے پندھ مُکائیا۔ دسویں میل پُرکھ ابناس، گھر ساجن پھیرا پائیا۔ آتم سیجا بھوگ بلاس، بھسمڑ اِکو رنگ وکھائیا۔ آتم پرماتم ویکھے شاخ، سچ شناخت دئے جنائیا۔ سچ اِکو واری دئے آکھ، آخر اپنا بھیوَ چُکائیا۔ نظری آئے الکھّنا لاکھ، الکھ اگوچر وڈ وڈیائیا۔ تُوں میرا میَں تیرا داس، بھگت بھگوان گنڈھ پوائیا۔ تیری میری اِکو آس، دوُجی آس نہ کوئے تکائیا۔ تیری میری اِک پیاس، مِل جیِوت پیاس بُجھائیا۔ جوتی جوت سروُپ ہرِ، آپ اپنی کِرپا کر، سچ جیِون دئے سمجھائیا۔ ساچا جیِون ستگُر میِت، سو صاحِب سدا سُکھدائیا۔ لیکھا چُکائے ہست کیِٹ، گھر اِکو دئے وڈیائیا۔ پاربرہم مِلن دی دسےّ ریِت، برہم میلا سہج سُبھائیا۔ نِرگُن ہو کے بنے نیِچ، سرگُن دیونہار وڈیائیا۔ جوتی جوت سروُپ ہرِ، آپ اپنی کِرپا کر، جیِون اِکو گھر وکھائیا۔ ساچا جیِون گھر ایک، ایکنکار آپ جنائیندا۔ دیِن دَیال سوامی پیکھ، نِج نیتر میل مِلائیندا۔ کرم وِچُھنے کرے ہیت، ہِتکاری پھیرا پائیندا۔ نظری آئے نیتن نیت، نِج گھر بَیٹھا پردہ لاہِندا۔ سوَچّھ سروُپی ویکھے بھیکھ، نِرگُن نوُر جوت دھرائیندا۔ چاروں کُنٹ رہیا کھیڈ، دہ دِشا راگ الائیندا۔ سچ سندیسہ اِکو بھیج، انبھوَ اپنا بھیوَ کُھلائیندا۔ سچ سُہاوے اِکو سیج، سَت سُہنجنی نال مِلائیندا۔ جوتی جوت سروُپ ہرِ، آپ اپنی کِرپا کر، سچ جیِون اِک وڈیائیندا۔ سچ جیِون وڈیائی وڈ، ہرِ وڈّا آپ سمجھائیندا۔ لکھّ چؤراسی وِچوں کڈھ، بھگت بھگتاں سنگ رکھائیندا۔ اندر باہر نہ کوئے حد، گُپت ظاہر بھیوَ مُکائیندا۔ پِچھلی کیِتی دیوے ردّ، اَگے اپنے مارگ پائیندا۔ گڑھ ہنکاری جائے بھجّ، نِون سو اکھّر اِک سمجھائیندا۔ ہرِ سنگت جن بہنا سج، ساجن اِکو نظری آئیندا۔ سچ سِنگھاسن چڑھنا بھجّ، سِری بھگوان آپ سُہائیندا۔ کتھا سِنگھ رہیا سدّ، تیرا ویلا نیڑے آئیندا۔ پربھ درشن کریئے رجّ رجّ، پھڑ باہوں پرے نہ کوئے ہٹائیندا ۔ بھگت نگارہ رہیا وج، گُرمُکھ اِکو راگ سُنائیندا۔

پریم پریِتی ملِے مد، مدُھر رس اِک سمجھائیندا۔ آتم پرماتم گائے ساچا جس، جس ہور نہ کوئے سُنائیندا۔ نوَ نؤ چار پِچھوں پوُری ہوئے آس، آسا منسا پوُر کرائیندا۔ ایتھے کوئی نہ دِسے اُداس، جو آیا خوشی منائیندا۔ پُرکھ اکال سدا وسے پاس، پربھ وِچھڑ کدے نہ جائیندا۔ زِمیں اسمان نہ دِسے آکاش، گگن منڈل نظر کوئے نہ آئیندا۔ اِکو نوُر جوت پرکاش، دِیا باتی نہ کوئے جگائیندا۔ جیِون وِچوں پربھ دا جیِون مِلیا خاص، گُرمُکھ خالص روُپ وٹائیندا۔ مہاراج شیر سِنگھ وِشنوُں بھگوان کلجُگ انتم بن کے داسی داس، کر سیوا گُرمُکھ اپنے گھر لیائیندا۔

۱۵ جیٹھ ۲۰۲۰ بِکرمی دیوا سِنگھ دے گرِہ دِھنگالی جموُں

دیوت سُر سب ویکھن دیوا، سِنگھ روُپ ملِے وڈیائیا۔ پربھ پایا الکھ ابھیوا، بھیوَ ابھید رہیا جنائیا۔ پوُرب جنم لیکھے لگّی سیوا، سیوک روُپ بنائیا۔ امرت پھل دیوے میوہ، نام اپنا رس چکھائیا۔ دھنّ سُہنجنی سوہے جِہوا، رسنا ہرِ گُن ہرِ ہرِ گائیا۔ مستک لگّے اِکو تھیوا، چرن دھوُڑی خاک رمائیا۔ کِرپا کرے پربھ سوامی سدا نِہکیوا، نِہچل دینہار وڈیائیا۔ جوتی جوت سروُپ ہرِ، آپ اپنی کِرپا کر، لیکھا جانے کایا دیہہ، آتم پرماتم ساچا نیہہ، نِرگُن سرگُن سرگُن نِرگُن نر نِرنکار اپنے لیکھے لائیا۔ دیوت سُر ویکھن پھوُل، برکھا بےپرواہیِا۔ اپنا آپ گئے بھوُل، سُدھ رہے نہ رائیا۔ لوک مات پربھ ملِے کنت کنتُوہل، جن بھگتاں ویکھ وکھائیا۔ پِچھلا لہنا چُکائے موُل، مُل قیِمت آپے پائیا۔ کلجُگ اندر ستجُگ بدل رہیا اصوُل اصلیّت سب نوُں رہیا سمجھائیا۔ جِنہاں مہاراج شیر سِنگھ وِشنوُں بھگوان کرے قبوُل، سو گُرمُکھ قابل، سو گُرسِکھ عالم عِلم اِکو اِک سوہنگ ڈھولا گائیا۔ وِشنوُں کہے برہما اُٹھ، سجّن سچ سچ جنائیندا۔ سِری بھگوان سب نوُں رہیا لُٹ، نظر کِسے نہ آئیندا۔ اُٹھ کے حال میرا پُچھ، بے خبر خبر سُنائیندا۔ ساڈے ہتّھ نہیں چھڈیا کُچھ، خالی ہتّھ سرب پِھرائیندا۔ نوَ نؤ چار جو رہیا لُک، کلجُگ انتم پھیرا پائیندا۔ شیر ہو کے رہیا بُک، دو جہاناں بھبک لگائیندا۔ انتم ویلا رہیا ڈُھک، لیکھا سب دا پوُر کرائیندا۔ جُگ چؤکڑی پیَنڈا رہیا مُک، پاندھی نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، نِرگُن اپنی کار کمائیندا۔ وِشنوُں کہے برہمے جاگ، پربھ اچرج کھیل رچائیا۔ نِرگُن ہو کے پکڑی واگ، سرگُن ویکھے تھاؤں تھائنیا۔ سب دا بُجھنہارا چراغ، دیِوا بتّی

رہن نہ پائیا۔ بدلنہارا اَنت سماج، سماں سب دے سِر تے چھائیا۔ مارنہارا اِک آواز، اِکو سد ند سُنائیا۔ کرنہارا ساچا راج، سچکھنڈ نِواسی وڈ وڈیائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا ورتائیا۔ وِشنوُں کہے برہمے اکھّ کھول، بِن اکھّاں کھیل جنائیا۔ ابناسی کرتا وجائے ڈھول، ڈھولا اپنا راگ سُنائیا۔ سارے سُتے رہے انبھول، گُر اوتار سار نہ پائیا۔ نِرگُن ہو کے رہیا مؤل، روُپ رنگ ریکھ نہ کوئے جنائیا۔ پوُرا کرے اپنا قؤل، جو آد گیا سمجھائیا۔ انتم آواں اُپر دھؤل، دھرم جڑ اِک لگائیا۔ بھیوَ نہ پائے پنڈت پاندھا رؤل، شاستر سِمرت سار نہ آئیا۔ سچ دوارا اِکو رہیا کھول، مارگ اپنا رہیا جنائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا ورتائیا۔ وِشنوُں کہے برہما ویکھ ہو کے نیڑے، نیرن نیر جنائیا ۔ نِروَیر پُرکھ بنّھ بیڑے، بیڑا اپنے کندھ اُٹھائیا۔ گُر اوتار پیِر پَیغمبر لیاندے اپنے گھیرے، گھیرا اپنا نام پائیا۔ انتم کرے حق نبیڑے، حقیِقت ویکھے تھاؤں تھائنیا۔ جھوُٹھے ڈھہن والے ڈیرے، کھیڑا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنی سیوا آپ لگائیا۔ برہما کہے وِشنوُں میری ہوئی بّس، زور نظر کوئے نہ آئیا ۔ لکھّ چؤراسی بُھلی برہم مت، من مت ہوئی کُڑمائیا۔ گُر اوتار جو مارگ گئے دسّ، جیِو جنت گئے بُھلائیا۔ دھیِرج رہیا نہ کوئی ہٹھ، سَت روُپ نہ کوئے دِسائیا۔ سب دا چولا رہیا پھٹ، کایا کپّڑ دُرمت مَیل نہ کوئے دھوائیا۔ جوتی جوت سروُپ ہرِ، آپ اپنی کِرپا کر، اپنا پھیرا آپے پائیا۔ برہما کہے وِشنوُں نہیں زور، ہو نِتانا آکھ سُنائیندا۔ سِری بھگوان اپنے ہتّھ وِچ پکڑی ڈور، دوُجا سنگ نہ کوئے رلائیندا۔ دو جہاناں اندر رہن نہ دیوے کوئی چور، چوری نام نہ کوئے کرائیندا۔ اِکو منتر فُرنا پُھرے پھور، فؤرن اپنا حُکم سُنائیندا ۔ نیتر ویکھ اُٹھ کے غؤر، گہر گمبھیِر کار کمائیندا۔ کرے بِدھ اوَر کی اؤر، جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ وِشنوُں کہے برہمے کھیل انوکھا، سِری بھگوان آپ کرائیا۔ ساول سب نوُں دِتا دھوکھا، اپنا بھیوَ نہ کِسے سمجھائیا۔ انتم اپنے ہتّھ وِچ رکھیا مؤقع، مُکمل اپنی کار کمائیا۔ ہرِ کا بھانا کِسے نہ روکا، سارے بَیٹھن سیِس جھُکائیا۔ پئے دُہائی لوک پرلوکا، چؤداں لوک نیِر وہائیا۔ گُر اوتار پیِر پَیغمبر وِچ نہ رہیا جوشا، اپنا بل نہ کوئے وکھائیا۔ بھے وِچ ہو بَیٹھے خموشا، اپنا حُکم نہ کوئے ورتائیا۔ ہرِ کا کھیل کِسے نہ سوچا، سوچ سمجھ کمّ کِسے نہ آئیا۔ سارے تکّ کے بَیٹھے اوٹا، چرن دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور،

ساچا حُکم آپ ورتائیا۔ برہما کہے وِشنوُں میَں نیتر روواں، نَیناں نیِر نیِر وہائیا۔ دِوس رَین کدے نہ سوواں، غفلت اپنی بَیٹھا گوائیا۔ ڈوُنگھے ساگر وڑ وڑ ٹوہواں، ساچی سار کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی سُدھ رہی نہ رائیا۔ وِشنوُں کہے برہما ویکھ آیا بھگوان، بھگوَن اپنی دَیا کمائیندا۔ چرن پکڑ بال نادان، بالی بُدھ ویکھ وکھائیندا۔ چھوٹا بالک بن انجان، ساچی سِکھیا اِک سمجھائیندا۔ خالی جھولی منگ دان، داتا دانی آپ ورتائیندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ کُھلائیندا۔ برہما کہے وِشنوُں کراں سلام، پربھ اَگے سیِس جھُکائیا۔ میری بیننتی کرے پروان، پربھ اپنا بھیوَ چُکائیا۔ رحمت پاوے جھولی دان، رحیِم بخشے سچ سرنائیا۔ ساچا دیوے اِک گیان، سِکھیا سچ سچ جنائیا۔ جوتی جوت سروُپ ہرِ، آپ اپنی کِرپا کر، اپنا سنگ لئے نِبھائیا۔ وِشنوُں کہے برہمے سُن لا کنّ، دُھر دی ساچی بات جنائیندا۔ سِری بھگوان کلجُگ انتم گیا منّ، جن بھگتاں اپنا میل مِلائیندا۔ دوُسر دیوے نہ کِسے دھن، ہٹّ نظر کِسے نہ آئیندا۔ لکھّ چؤراسی لائے ڈنّ، دُھر فرمانا حُکم سُنائیندا۔ سنت سُہیلے چاڑھ چنّ، نِرگُن اپنا بھیوَ چُکائیندا۔ چار جُگ نیتر روون انّھ، ہرِ کا بھیوَ کوئے نہ پائیندا۔ گُر اوتار کہن دھنّ دھنّ، پیِر پَیغمبر صِفت صالاحِندا۔ گُرمُکھاں لیکھے لائے تن، تار ستار اِک ہِلائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ساچی وست منگ منگائیندا۔ برہما کہے دسّ راہ، وِشنوُں تیرے ہتّھ وڈیائیا۔ پُرکھ ابناسی پِچھلا لہنا رہیا مُکا، اَگا نظر کوئے نہ آئیا۔ ویہہ سؤ ویہہ ویلا گیا آ، وقت اپنا ونڈ ونڈائیا۔ جوتی جوت لئے مِلا، نوُر نوُر وِچ رکھائیا۔ بھگت بھگوان لئے پرگٹا، پرگٹ اپنی کار کمائیا۔ ساچے تخت دئے بہا، تخت نِواسی حُکم جنائیا۔ جوتی جوت سروُپ ہرِ، آپ اپنی کِرپا کر، اپنی کھیل آپ کرائیا۔ وِشنوُں کہے برہمے کر اسیِس، اچّھی طرح جنائیا۔ کِرپا کرے صاحِب جگدیِش، تیری سیوا لیکھے لائیا۔ رُت سُہنجنی بیِس بیِس، نِرگُن سرگُن روُپ دھرائیا۔ چھتر جھُلے ایکا سیِس، گُر اوتار پیِر پَیغمبر سیو کمائیا۔ سچکھنڈ دوارے پڑھن حدیِث، نام اِکو اِک جنائیا۔ جوتی جوت سروُپ ہرِ، آپ اپنی کِرپا کر، ساچا راہ آپ رکھائیا۔ برہما کہے میَں کی منگاں، ویلا وقت گیا وِہائیا۔ گُرمُکھ چڑھنا ساچا چندا، ستجُگ نوُر ہوئے رُشنائیا۔ سب نے گاؤنا اِکو چھندا، سو پُرکھ نِرنجن کرے پڑھائیا۔ برہما انتم آیا کنڈھا، کنڈھی بَیٹھا لیکھ چُکائیا۔ دو جہاناں پِچھے پھڑیا ڈنڈا، نام کھنڈا ہتّھ اُٹھائیا۔ نہ مانَس نہ مانُش نہ بندہ،

مانُکھ نظر کوئے نہ آئیا۔ مانَس روُپ نہ جانے دھندا، دھاوت اپنی کار کمائیا۔ وسنہار وِچ برہمنڈاں، دو جہاناں ویکھ وکھائیا۔ دیِن دَیال ہو بخشندا، بخشش اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ برہما کہے وِشنوُں کر ارداس، پربھ تیرا توہے بھائیندا۔ انتم رکھے اپنے ساتھ، دوُجی منگ نہ کوئے منگائیندا۔ کر کِرپا دیوے نام گاتھ، منتر اَنتر اِک سمجھائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ رچائیندا۔ وِشنوُں کرے دوئے جوڑ عرضوئی، عرض اِکو وار سُنائیا۔ سِری بھگوان تُدھ بِن ملِے نہ کِسے ڈھوئی، مان تان نہ کوئے رکھائیندا۔ تیرا بھیوَ نہ جانے کوئی، اندر وڑ درس کوئے نہ پائیندا۔ لکھّ چؤراسی سرِشٹی سوئی، سویاں اکھّ نہ کوئے کُھلائیندا۔ کوُڑی کِریا اندر موئی، مرنا سچ نہ کوئے سمجھائیندا۔ درگاہ سچ نہ ملِے ڈھوئی، مندر محل نظر نہ آئیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے واسطہ پائیندا ۔ وِشنوُں ارداس کرے عرض، آرزوُ اپنی دئے جنائیا۔ تیری کِرپا پوُرا ہووے فرض، فرضی کمّ نہ کوئے رکھائیا۔ سانوُں تیرے مِلن دی غرض، تیری غرض بھگتاں راہ تکائیا۔ نؤ سؤ چؤرانوے چؤکڑی جُگ پِچھوں پربھ پھولی ساڈی فرد، ویلا وقت رہیا وِہائیا۔ برہمے سُن کے لگّی درد، دردی ہووے نہ کوئے سہائیا۔ ہرِ کی کھیل کرے اسچرج، اچرج کھیل رچائیا۔ پرگٹ ہو مردانہ مرد، نِرگُن اپنا روُپ وٹائیا۔ سب دی پُٹھی کرے نرد، سار پاسا ویکھ وکھائیا۔ جن بھگتاں ہون نہ دیوے حرج، ہر گھٹ ہوئے آپ سہائیا۔ جوتی جوت سروُپ ہرِ، آپ اپنی کِرپا کر، گیڑا اپنے ہتّھ رکھائیا۔ برہما کہے وِشنوُں اُٹھ کھلو، بَیٹھیاں ہتّھ کُچھ نہ آئیا۔ ساڈے نال چل کے تُوں وی رو، نیتر نَیناں نیِر وہائیا۔ سِری بھگوان تیرا چھڈیا نہ جائے موہ، مُحبّت تیری رہی ستائیا۔ چرن پریِت نہ ساتھوں کھوہ، مِہربان مِہر نظر اُٹھائیا۔ تیرا حُکم ڈنکا سُنے لوک پرلو، دو جہان رہے گھبرائیا۔ جِس نے اپنا پنج تت ناتا توڑیا چھّبی پوہ، باقی تت کوئے رہن نہ پائیا ۔ سچ سوامی تیرے گئے ہو، ہوکا تیرا نام سُنائیا۔ جوتی جوت سروُپ ہرِ، آپ اپنی کِرپا کر، آپ اپنے سنگ رکھائیا۔ برہمے نیتر چھڈ دے رونا، رویاں ہتّھ کِسے نہ آئیا۔ انتم ساچی سیجے سؤنا، پربھ ساچا رہیا سوائیا۔ گُرمُکھ پردھان ایکا ہونا، تیرے در ملِے وڈیائیا۔ جِس نے ڈھولا سوہنگ گاؤنا، پربھ ساچا رہیا پڑھائیا۔ ستجُگ ساچا وقت سہاؤنا، سوہنی رُت مہکائیا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ سمجھائیا۔ برہما کہے وِشنوُں سُن حال،

احوال دیاں جنائیا۔ پربھ دے اَگے کیِتا سوال، بے سمجھ اپنا بھیوَ جنائیا۔ سِری بھگوان اَگے نہ بنے دلال، وچولا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنا حُکم رہیا ورتائیا۔ دوہاں سُن انوکھی بات، سِری بھگوان بھیوَ چُکائیندا۔ آؤ دیواں ساچی دات، داتا دانی آپ سمجھائیندا۔ چرن دوارے بجھّے نات، ناتا اپنے نال جُڑائیندا۔ اَگے گُرمُکھاں سُنائے گاتھ، بھگت بھگوان راہ وکھائیندا۔ تُہاڈا پوُرا ہویا ساک، سیَن اَگے اپنا رنگ رنگائیندا۔ کلجُگ ویلا انتم گھاٹ، پتن اِکو اِک وکھائیندا۔ کرے کھیل پُرکھ سمراتھ، سمرتھ اپنی کار کمائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، وِشن برہمے آپ جنائیندا۔ وِشن برہمے لَینا جان، پاربرہم رہیا سمجھائیا۔ سِری بھگوان بھگتاں ملِے آن، کلجُگ اَنت وجےّ ودھائیا۔ شنکر تُہاڈے نال ہوئے حَیران، ہرِ کی سار کوئے نہ پائیا۔ کروڑ تیتیِسا نَین شرمان، دیوت سُر رہے شرمائیا۔ سُرپت اِند کرے دھیان، نیتر نظر کِچھ نہ آئیا۔ جوتی جوت سروُپ ہرِ، آپ اپنی کِرپا کر، لیکھا سب نوُں رہیا سمجھائیا۔ دیوت سُر وِشن برہم، پاربرہم جنائیندا۔ نِہکرمی دا سچ کرم، ہرِ کرتا آپ سمجھائیندا۔ پرگٹ ہو اُپر دھرنی دھرن، دھوَل سوبھا پائیندا۔ ناتا توڑ ورن برن، ذات پات سرب گوائیندا۔ کرتا پُرکھ کرنی کرن، نِرگُن سرگُن ویکھ وکھائیندا۔ سچکھنڈ نِواسی جن بھگتاں دی لَین آئے سرن، اپنی سرن نہ کوئے وکھائیندا۔ اندر وڑ کے کرے پرن، سچ سوگند آپے کھائیندا۔ تُہاڈا لیکھا چُکے مرن، جیِون مرن اپنی جھولی پائیندا۔ کِرپانِدھ کِرپا آیا کرن، کرنی پِچھلی نہ ویکھ وکھائیندا۔ جُگ وِچھڑے آیا پھڑن، پھڑ باہوں گود اُٹھائیندا۔ کایا مندر آیا چڑھن، آؤندا جاندا نظر کِسے نہ آئیندا۔ کوُڑی کِریا نال آیا لڑن، نام کھنڈا ہتّھ چمکائیندا۔ گُرمُکھاں کولوں آیا ڈرن، اپنا بھےَ نہ کوئے وکھائیندا۔ جوتی جوت سروُپ ہرِ، آپ اپنی کِرپا کر، وِشن برہما شِو آپ سمجھائیندا۔ وِشن برہمے شِو ویکھو ہرِ جی پڑھدا، جن بھگتاں ڈھولا گائیا۔ گُرمُکھاں کولوں ڈردا، تیرا میرا راگ سُنائیا۔ لیکھا جانے ناری نر دا، نر نرائن سچّا شہنشاہیِا۔ جوتی جوت سروُپ ہرِ، آپ اپنی کِرپا کر، بلہیِن آپ ہو جائیا۔ بلہیِن ہویا بھگوان، بھگتن ہتّھ رکھے وڈیائیا۔ ڈردا ڈردا کرے سلام، گُرمُکھاں سیِس جھُکائیا۔ گُرسِکھ دیوا سِنگھ وڈّا بلوان، اُچا لماں رہیا دھمکائیا۔ جے وِچھڑیوں وِچ جہان، بھجّیاں راہ نظر کوئے نہ آئیا۔ تَینوُں ساڈی پئی آن، اسیں تیرا دھیان لگائیا۔ کنڈیاں وِچ پھسیوں آن، چاروں طرف تِکھیاں سوُلاں رہیاں ڈرائیا۔ پِچھے بنے رہے انجان، ہُن سُرتی سُرت تیرے نال مِلائیا۔

جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں ہوئے سہائیا۔ وِشن برہمے شِو ویکھ کر دھیان، سِری بھگوان آپ جنائیندا۔ جِس دا سِکھ ہووے بلوان، سو ستگُر سوبھا پائیندا۔ بِن گُرمُکھ نہ کوئے نِشان، گُروُ نظر کوئے نہ آئیندا۔ سارے مِل کے درشن کرو آن، جِس گھر گہر گمبھیِر ڈیرہ لائیندا۔ مارگ پُچھو اِک نِشان، سچ نِشانہ ہرِ جنائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ وِشن برہما شِو کہن، گُرسِکھ اِک نہیں دیوا، دیوَ آتما سرب نظری آیا۔ جِنہاں اندر وسیا الکھ ابھیوا، اپنا بھیوَ سمجھائیا۔ اوہ سارے پربھ دی لگّے سیوا، دِوس رَین سیو کمائیا۔ ساڈی صِفت نہ کرے جِہوا، رسنا راگ نہ کوئے الائیا۔ جوتی جوت سروُپ ہرِ، آپ اپنی کِرپا کر، پربھ تیرے ہتّھ وڈیائیا۔ وِشنوُں کہے میَں ہویا حَیران، ہرِ تیری سار نہ آئیا۔ برہما کہے میَں سُن گیان، نیتر نَین وِچ شرمائیا۔ بِن پوُجا پاٹھ جِنہاں مِلیا بھگوان، بھگتی اپنے چرن وکھائیا۔ اِکو راگ سُنایا گان، گا گا اپنا شُکر منائیا۔ سارے کہن، سوہنگ مہاراج شیر سِنگھ وِشنوُں بھگوان، بھگوان اپنی کارے لائیا۔ چاروں کُنٹ ویکھیا بِن ہربھگت ساچا مندر نظر نہ آیا مکان، جگت مکان رہے کُرلائیا۔ جوتی جوت سروُپ ہرِ، آپ اپنی کِرپا کر، بےپرواہ اپنا رنگ وکھائیا۔ وِشنوُں کہے تیرا محل اپار، بھگتاں اندر آپ بنائیا۔ برہما کہے میری نِمسکار، جِس برہم میلیا چائیں چائنیا۔ شنکر کہے میرا تُٹا ہنکار، بل بل وِچ نظر کوئے نہ آئیا۔ پُرکھ ابناسی ساچے بھگتاں جیِوندیاں کر آپ سنگھار، جیِون وِچوں جیِون دِتا بدلائیا۔ میَں اوہناں نوُں کی سکاں مار، جِنہاں مِلیا پربھ بےپرواہیِا۔ ہتّھاں اُتے ہتّھ ملے سنسار، سگلی نظر کِسے نہ آئیا۔ بھگتاں اندر وڑیا آپ نِرنکار، نِرگُن اپنا ویس وٹائیا۔ ساچی سنگتا کر خبردار، سجِّؤں کھبّیوں خبر رہیا سُنائیا۔ آؤ مِلو پربھوُ میِت مُرار، جِس مِلیاں مِلنی جگت رہن نہ پائیا۔ گُرمُکھ گُرسِکھ رل کے اِکٹّھا ہویا پروار، پروانہ شمع اِکو روُپ وکھائیا۔ نہ اگنی نہ کوئے انگیار، تتَو تت نہ کوئے تپائیا۔ ابناسی کرتا پربھ مِلیا ٹھنڈا ٹھار، سیِتل دھار اِک وکھائیا۔ مہاراج شیر سِنگھ وِشنوُں بھگوان، سدا سوامی سِرجنہار، سہجے سہجے سب نوُں رہیا مِلائیا۔

۱۶ جیٹھ ۲۰۲۰ بِکرمی روُڑ سِنگھ دے گرِہ دِھنگالی جموُں

ہرِ جوتی نوُر نوُر اُجالا، اُجل روُپ درسائیا۔ ہرِ جوتی نوُر گوبِند گوپالا، گُر ستگُر دھار چلائیا۔ ہرِ جوتی نوُر سچکھنڈ سچّی دھرمسالہ، دُھر مندر اِک وڈیائیا۔ ہرِ جوتی نوُر کھیل نِرالا، نِرگُن نِروَیر آپ کرائیا۔ ہرِ جوتی نوُر شاہ سُلطانا، راج راجان بےپرواہیِا۔ ہرِ جوتی نوُر حُکمرانا، دُھر فرمانا حُکم سُنائیا۔ ہرِ جوتی نوُر سُت پروانہ، شبدی شبد شبد سمجھائیا۔ ہرِ جوتی نوُر وِشن برہما شِو اُپجانا، اُپجت اپنے وِچوں پرگٹائیا۔ ہرِ جوتی نوُر دو جہاناں، نِراکار اِک جنائیا۔ ہرِ جوتی نوُر برہمنڈ کھنڈ کھیل مہانا، پُرکھ اکال رچن رچائیا۔ ہرِ جوتی نوُر لکھّ چؤراسی دیوے دانا، داتا دان آپ ورتائیا۔ ہرِ جوتی نوُر گُر اوتار پہرے بانا، سرگُن وجےّ تت ودھائیا۔ ہرِ جوتی نوُر نبی پَیغمبر کرے پردھانا، ساچا جلوہ اِک درسائیا۔ ہرِ جوتی نوُر شبد اناد سُنائے گانا، راگی اپنا راگ الائیا۔ ہرِ جوتی نوُر جُگ چؤکڑی دیوے پیِنا کھانا، وِشنوُں وِشوَ دھار سمجھائیا۔ ہرِ جوتی نوُر برہم لیکھا ونڈ ونڈانا، پاربرہم پربھ دَیا کمائیا۔ ہرِ جوتی نوُر کھڑگ کھنڈا چمکانا، ڈنکا اِکو اِک وجائیا۔ ہرِ جوتی نوُر جیِون جُگت دئے جیِو جہانا، جاگرت جوت کر رُشنائیا۔ جوتی جوت سروُپ ہرِ، آپ اپنی کِرپا کر، ایکا جوت سرب گھٹ تھائنیا۔ ہرِ جوتی نوُر سرب وِآپی، گھٹ گھٹ ڈیرہ لائیا۔ ہرِ جوتی نوُر وڈ پرتاپی، پرم پُرکھ بےپرواہیِا۔ ہرِ جوتی نوُر سرِشٹ تھاپن تھاپی، بندھن اپنا آپے پائیا۔ ہرِ جوتی نوُر نام نِدھان جنائے جاپی، بھیوَ ابھید آپ کُھلائیا۔ ہرِ جوتی نوُر اجپا جاپ ہوئے پاٹھی، پُستک اپنا نام بنائیا۔ ہرِ جوتی نوُر اصل نقل دی کرے کاپی، وید پُران شاستر سِمرت لوک مات دئے وڈیائیا۔ ہرِ جوتی نوُر جُگ چؤکڑی چُکائے لہنا باقی، دینا اپنے ہتّھ رکھائیا۔ ہرِ جوتی نوُر آد جُگاد سجّن ساکی، صاحِب سنگ رکھائیا۔ ہرِ جوتی نوُر بھاگ لگائے ماٹی خاکی، تن مندر سوبھا پائیا۔ ہرِ جوتی نوُر لہنا دینا ویکھے آن باٹی، جوتی جوت سروُپ ہرِ، آپ اپنی کِرپا کر، نوُرو نوُر نوُر دھرائیا۔ ہرِ جوتی نوُر سچ پرکاش، پرکاشوان آپ جنائیندا۔ ہرِ جوتی نوُر سرب گھٹ واس، لکھّ چؤراسی ڈیرہ لائیندا۔ ہرِ جوتی نوُر جُگا جُگنتر داسی داس، سیوک اپنا روُپ وٹائیندا۔ ہرِ جوتی نوُر کھیلے کھیل پرِتھمی آکاش، آکاش آکاشاں اپنا پردہ لاہِندا۔ ہرِ جوتی نوُر منڈل پاوے راس، بےپرواہ ناچ نچائیندا۔ ہرِ جوتی نوُر سرگُن وسے ساتھ، نِرگُن اپنا کھیل کرائیندا۔ ہرِ جوتی نوُر اناتھاں

ناتھ، ناتھ اناتھی پھیرا پائیندا۔ ہرِ جوتی نوُر لیکھا چُکائے تِلک للاٹ، للاٹی اپنا بھیوَ چُکائیندا۔ ہرِ جوتی نوُر، جوتی جوت سروُپ ہرِ، آپ اپنی کِرپا کر، سد اپنے وِچوں پرگٹائیندا۔ ہرِ جوتی نوُر نوُر نوُرانہ، نوُری اِکو نظری آئیا۔ ہرِ جوتی نوُر سِری بھگوانا، بھگوَن اپنا رنگ وکھائیا۔ ہرِ جوتی نوُر دو جہاناں، نِرگُن سرگُن کار کمائیا۔ ہرِ جوتی نوُر ستجُگ تریتا دواپر کلجُگ پہرے بانا، گُر اوتار حُکم منائیا۔ ہرِ جوتی نوُر گھٹ گھٹ اَنتریاما، لکھّ چؤراسی رہیا سمائیا۔ ہرِ جوتی نوُر نام نِدھان شبد اگمّ مارے تیِر نِشانہ، انیالا ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، ایکا جوت نوُر سمائیا۔ ہرِ جوتی نوُر بھگت بھگوَنت، بھگوَن اپنی کارے لائیا۔ ہرِ جوتی نوُر جیِو جنت، جاگرت جوت کرے رُشنائیا۔ ہرِ جوتی نوُر آتم پرماتم میل مِلاوا نار کنت، گھر ساچے وجےّ ودھائیا۔ ہرِ جوتی نوُر آد جُگاد ساچی سنگت، ہرِ ستگُر ویکھ وکھائیا۔ ہرِ جوتی نوُر لیکھا جانے جیرج انڈج، انڈج جیرج اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، نوُر اُجالا اِک جنائیا۔ ہرِ جوتی نوُر سدا اُجاگر، جُگ جُگ ویس وٹائیندا۔ ہرِ جوتی نوُر سچّا سؤداگر، بن ونجارا ہٹّ چلائیندا۔ ہرِ جوتی نوُر کریِم قادر، قُدرت قادر کھیل وکھائیندا۔ ہرِ جوتی نوُر راگ داؤد دادر، تار ستار نہ کوئے ہِلائیندا۔ جوتی جوت سروُپ ہرِ، آپ اپنی کِرپا کر، اِکو نوُر نوُر رُشنائیندا۔ جوتی نوُر نوُری دھار، سو صاحِب آپ پرگٹائیا۔ کلجُگ اَنت کھیل اپار، نِرگُن نوُر نوُر رُشنائیا۔ نِرگُن جوتی کر پسار، نِرگُن ویکھے چائیں چائنیا۔ نِرگُن بھگت وچھل گِردھار، نِرگُن سنت سَت سروُپ جنائیا۔ نِرگُن گُرمُکھ کھول کِواڑ، گُرسِکھاں اِکو بوُجھ بُجھائیا۔ نِرگُن جوتی سرب پسار، پسر پساری وڈ وڈیائیا۔ کل کلکی لےَ اوتار، نِہکلنکا ڈنک وجائیا۔ نِرگُن جوتی جوت نِمسکار، جوتی جاتا سیِس جھُکائیا۔ مہاراج شیر سِنگھ وِشنوُں بھگوان، سچ جوتی جوت پسار، بِن جوتی جوت کرے رُشنائیا۔

۱۶ جیٹھ ۲۰۲۰ بِکرمی پھگّا سِنگھ دے گرِہ دِھنگالی جموُں

جوت کہے میَں نِرمل جوتی، روُپ رنگ ریکھ نظر نہ آئیا۔ آد جُگاد نِکی نڈھّی چھوٹی، گھر ساچے سوبھا پائیا۔ سب دی چڑھ کے بَیٹھی چوٹی، مُکھ اپنا آپ چُھپائیا۔ لبھدے پِھردے کوٹن کوٹی، بھالیاں ہتّھ کِسے نہ آئیا۔ کایا مندر اندر گھر گھر بنائی اپنی کوٹھی، گرِہ ڈیرہ

اِک وکھائیا۔ بِن آلس نِندرا رہی سوتی، نَین اکھّ نہ کوئے کُھلائیا۔ میری صِفت اندر لگّے رہے شاستر سِمرت وید پُران گیِتا گیان پوتھی، پُستک اپنا راگ الائیا۔ میرے گھر کوئے نہ پہُنچی، دوُر دُراڈے ڈھولا گائیا۔ سارے کہن گھاٹی اؤکھی، اؤجھڑ راہ رہے سمجھائیا۔ جوتی جوت سروُپ ہرِ، آپ اپنی کِرپا کر، میرا نوُر اِک جنائیا۔ جوت کہے میَں جوتی اگمّ، اگمّڑی کار کمائیا۔ میرا بھیوَ ہتّھ نہ آیا کِسے کمّ، آد اَنت سار کِسے نہ آئیا۔ سارے کہندے گئے دھنّ دھنّ، دھنّ دھنّ تیری وڈیائیا۔ سیوا کردے رہے سوُرج چنّ، جُگ چؤکڑی نوُر رُشنائیا۔ گُر اوتار پیِر پَیغمبر گئے منّ، منسا اِکو دھیان لگائیا۔ لکھّ چؤراسی صِفت سُندی رہی کنّ، سرون اِک دھیان رکھائیا۔ جوتی جوت سروُپ ہرِ، آپ اپنی کِرپا کر، میری کھیل اِک رچائیا۔ جوت کہے میری جوت نِرالی، گھر ساچے سوبھا پائیا۔ گگن منڈل میری نِکی تھالی، اِشاریاں اُتے نچائیا۔ سَت سروُپ میرا ناؤں اکالی، اکل کلا اکھوائیا۔ پت شاخ نہ کوئی ڈالی، جڑ تنا نہ کوئے بنائیا۔ چھپر چھنّ نہ کوئے چُھہا لی، چار دیوار نہ کوئے وکھائیا۔ اِکو وساں سچکھنڈ سچّی دھرمسالی، دھرم دوارے سوبھا پائیا۔ جوتی جوت سروُپ ہرِ، آپ اپنی کِرپا کر، میری بنت آپ بنائیا۔ جوت کہے میری نِرگُن جوتی، گھر ساچے سوبھا پائیا۔ کھیلاں کھیل لوک پرلوکی، دو جہان ویکھ وکھائیا۔ نام جناواں شبد سلوکی، گُر اوتار کر پڑھائیا۔ لکھّ چؤراسی پد دیواں موکھی، مُفت اپنا میل مِلائیا۔ برہمنڈ کھنڈ رکھاواں اوٹی، اوٹ اِکو اِک سمجھائیا۔ جوتی جوت سروُپ ہرِ، آپ اپنی کِرپا کر، میرا کھیل اِک وکھائیا۔ جوت کہے میرا جوتی رنگ، ذات نظر کِسے نہ آئیا۔ صاحِب سجّن سُہائے سیج پلنگ، پاربرہم بےپرواہیِا۔ اَنتر دیوے اِک انند، باہر سار کوئے نہ آئیا۔ سد اتیِتا وسے سنگ، پریِت اِکو اِک لگائیا۔ بندی خانہ نہ کوئے بند، بندھن اوَر نہ کوئے جنائیا۔ جوتی جوت سروُپ ہرِ، آپ اپنی کِرپا کر، جوت جوتی دئے وڈیائیا۔ جوت کہے میری جوتی دھار، آد نِرنجن ونڈ ونڈائیا۔ آد نِرنجن کہے میرا کھیل نیار، جوت نِرنجن سیوا لائیا۔ جوت نِرنجن کہے میرا گھٹ گھٹ پسار، لکھّ چؤراسی سوبھا پائیا۔ لکھّ چؤراسی کہے جوتی نوُر اُجیار، گھر گھر کرے رُشنائیا۔ گھر گھر کہے کِرپا کرے آپ کرتار، ہرِ کرتا بےپرواہیِا۔ بےپرواہ کہے میرا کھیل اپار، خالق رہیا جنائیا۔ خالق کہے خلق گُلزار، لوک مات گُلشن اِک لگائیا۔ گُلشن کہے میری پھوُل بہار، گُرمُکھ بوُٹا اِک اُپجائیا۔ گُرمُکھ کہے میری بھور گنجار، جوتی جوت سروُپ ہرِ، آپ اپنی کِرپا کر، جوتی جوت جوت جنائیا۔ جوت کہے میرا

جوت پسارا، جوتی جوت جوت چمکائیا۔ آد اَنت نہ پاراوارا، مدھ اپنا کھیل کھلائیا۔ سادھ سنت نِیوں نِیوں کرن نِمسکارا، در بَیٹھن سیِس جھُکائیا۔ بھگت بھگوان بول جَیکارا، جےَ جَیکار رہے جنائیا۔ گُرمُکھ گُر گُر منگ دوارا، در درویش پھیرا پائیا۔ گُرسِکھ ویکھن وارو وارا، نیتر نَین نَین اُٹھائیا۔ کوَن ویلا نِرگُن جوت ہوئے اُجیارا، جگت اندھیرا اندھ مُکائیا۔ گُر اوتار پیِر پَیغمبر بھیوَ ابھیدا دسّ کے گئے سنسارا، سرِشٹ سبائی مات جنائیا۔ کلجُگ اَنت نِہکلنک لئے اوتارا، نِرگُن جوت نوُر رُشنائیا۔ جوتی جوت جوت پسارا، ذات پات نہ کوئے رکھائیا۔ ایکو اوٹ ہرِ نِرنکارا، چوٹ ساچے نام لگائیا۔ لوآں پُریاں برہمنڈاں کھنڈاں جیرج انڈاں پاوے سارا، مہاسارتھی بےپرواہیِا۔ جوتی جوت سروُپ ہرِ، آپ اپنی کِرپا کر، بِن جوتی جوت کرے رُشنائیا۔ بِن جوتی جوت کرے پرکاش، کل کلکی پھیرا پائیندا۔ سب دی پوُری کرے آس، جُگ چؤکڑی جو جن دھیان لگائیندا۔ پیِر پَیغمبراں گُر اوتاراں رکھے پاس، پُشت اپنا ہتّھ ٹِکائیندا۔ بھگت بھگوان ہون نہ دیوے اُداس، جگت اُداسی دوُر کرائیندا۔ کرے نِواس پوَن سواس، ساہ ساہ اپنی کار کمائیندا۔ جوتی جوت سروُپ ہرِ، آپ اپنی کِرپا کر، جوت رنگ اِک وکھائیندا۔ جوت رنگ رنگ امولا، عمل وِچ کِسے نہ آئیا۔ نہ کایا نہ دِسے چولا، چولی تن نہ کوئے ہنڈائیا۔ نہ کہار کوئی چُکے ڈولا، پاندھی پندھ نہ کوئے مُکائیا۔ نہ پردہ نہ کوئی اوہلا، مُکھ گھُنگٹ نہ کوئے رکھائیا۔ نہ شبد نہ کوئی ڈھولا، راگ ناد نہ کوئے جنائیا۔ سؤہرے پیئیے نہ کوئے وچولا، لاگی نظر کوئے نہ آئیا۔ ڈوُم نائی نہ پائے کوئی رؤلا، اُچی کوُک نہ کوئے سُنائیا۔ کرے کھیل پربھ ساچا مؤلا، نِرگُن جوت نوُر رُشنائیا۔ بھگت بھگوان گائے ڈھولا، ڈھولک چَھینا نہ کوئے وجائیا۔ جوتی جوت سروُپ ہرِ، آپ اپنی کِرپا کر، ایکا جوت دئے وڈیائیا۔ جوت جوتی وڈ پیار، سو صاحِب آپ جنائیندا۔ جوتی کہے میرا لکھّ چؤراسی ادھار، جوت کہے میرا کھیل نظر کِسے نہ آئیندا۔ جوتی کہے میرا آتم پرماتم ناتا وِچ سنسار، جوت کہے میرا اتھاہ نوُر دو جہاناں راہ چلائیندا۔ جوتی کہے میرا کایا مندر اندر اِک دوار، دِیا باتی نظر کوئے نہ آئیندا۔ جوت کہے برہمنڈ کھنڈ آد جُگاد جُگ چؤکڑی نِرگُن نوُر میرا پسار، بےاَنت اتھاہ اپنا رنگ وکھائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ جوتی کہے میَں بھگتاں داسی، جُگ جُگ ساچی سیو کمائیا۔ جوت کہے میَں پُرکھ ابناسی، اپنا حُکم ورتائیا۔ جوتی کہے میَں سجّن ساتھی، گُرمُکھاں سنگ نِبھائیا۔ جوت کہے میَں پُرکھ سمراتھی، جوتی کہے میَں گھر گھر

دیواں داتی، ہرِجن ساچے مات جگائیا۔ جوت کہے میری آد جُگاد رہے اِک پربھاتی، رَین روُپ نہ کوئے وٹائیا۔ جوتی کہے میَں گُرمُکھاں سچ بندھاواں ناتی، ناتا اپنے نال جُڑائیا۔ جوت کہے میرا کھیل اِکانتی، اِک اِکلّا اپنی کار کمائیا۔ جوتی کہے میَں بھگت بناواں اِک جماعتی، ضامن اپنا آپ کرائیا۔ جوت کہے میَں کراں بند خلاصی، جو تیرا سنگ نِبھائیا۔ جوتی کہے کلجُگ انتم ویکھ ہرِ رگھناتھی، رگھپت اپنا پھیرا پائیا۔ ساچے بھگت وِچ تیرے جگت تیرا ناؤں دھیاوَن سواس سواسی، سوہنگ ڈھولا اِکو گائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، نِرگُن ہو کے بن ساقی، کھول میری تاکی، طاقتور اپنی طاقت گُرمُکھاں جھولی پائیا۔

۱۶ جیٹھ ۲۰۲۰ بِکرمی چوُہڑ سِنگھ دے گرِہ دِھنگالی جموُں

جوت نِرنجن نِکی بچّی، لکھّ چؤراسی اندر ٹِکائیا۔ پریم پیار اندر رتی، رتی رت نہ کوئے رکھائیا۔ کرے پرکاش بِن تیل بتّی، دیِپک اِکو اِک جگائیا۔ آد جُگاد جُگ چؤکڑی نہ ٹھنڈی نہ تتی، سد اِکو رنگ سمائیا۔ نیتر دھیان لگائے کملاپتی، پت پرمیشور راہ تکائیا۔ سچ محلے بَیٹھی رہے ستی، دوُجا نَین نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، جوت نِرنجن دئے وڈیائیا۔ جوت نِرنجن نِکی بالی، بالک روُپ سکھائیا۔ کایا مندر اندر آپ بہالی، گھر گھر وِچ گھر بٹھائیا۔ آتم پرماتم کردی رہے دلالی، سچ ساچی سیو کمائیا۔ اپنے ہتّھ وکھائے خالی، پربھ اَگے جھولی ڈاہیِا۔ میَں چھاپ تیری ڈالی، تیِر نال پربھوُ مہکائیا ۔ تُوں دُھردرگاہی مالی، درگاہ ساچی سوبھا پائیا۔ تیرے در سدا سوالی، اِکو منگ منگائیا۔ بِرہوں وِچھوڑے ہوئی بے حالی، بِہبل رووے مارے دھائینا۔ جوتی جوت سروُپ ہرِ، آپ اپنی کِرپا کر، کوَن ویلا کرے سمبھالی، سمبل اپنا چرن ٹِکائیا۔ جوت نِرنجن نِکی نڈھّی، ننھی ننھی سیوا لائیا۔ اپنی دھارو آپے کڈھی، مات پِت نہ کوئے بنائیا۔ حُکمے اندر سدا بدھّی، بن سیوک سیو کمائیا۔ پنج تت اندر مِلی گدّی، سِنگھاسن اِکو اِک سہائیا۔ کر پرکاش بہہ کے سجی، نِرگُن نوُر کر رُشنائیا۔ پربھ مِلن نوُں پِھرے بھّجی، دہ دِشا ویکھ وکھائیا۔ درس کر اجے نہ رجّی، سَت پیاس نہ کوئے مِٹائیا۔ میَں نِیوں نِیوں لاگاں پگّی، پربھ چرن پڑے سرنائیا۔ میَں وساں ڈوُنگھی کھڈّی، بھوری اپنا مُکھ چُھپائیا۔ نہ پّسلی نہ کوئی ہڈّی، تت روُپ نہ کوئے پرگٹائیا۔

جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جوت نِرنجن وڈّ نیِکن نیِکی، نر ہرِ نرائن آپ بنائیندا۔ پاوے سار جیِو جی کی، جیِون جُگت آپ جنائیندا۔ لیکھا جانے ساڈھے تِنّ ہتّھ سیِاں سیِں کی، سییا دھرنی ونڈ ونڈائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ کھلائیندا ۔ جوت نِرنجن کہے میَں نِکی وڈّ بلوان، بل تیرے نال مِلائیا۔ تُوں بنیا میرا کاہن، میَں گوپی روُپ جنائیا۔ میرا میل ہویا نال بھگوان، بھگوَن روُپ سمائیا۔ میرا مندر سوہے مکان، گھر ساچے ہوئے رُشنائیا۔ میری آسا وڈ بلوان، نِراسا روُپ نہ کوئے رکھائیا۔ پرم پُرکھ پت پرمیشور جِس ویلے ملِے آن، میرا دُکھ رہے نہ رائیا۔ جوتی جوت سروُپ ہرِ، آپ اپنی کِرپا کر، سد میرا سنگ رکھائیا۔ جوت نِرنجن کہے میَں رکھی اُڈیِک، نِت تیرا دھیان لگائیا۔ آد جُگاد بُھلی نہ تیری ریِت، دوُجا کنت نہ کوئے ہنڈائیا۔ ناتا چھڈ کے مندر مسیِت، جن بھگتاں اندر سوبھا پائیا۔ آ مِل میرے جگدیِش، جگدیِشر تیرا دھیان لگائیا۔ تیرا قؤل بیِس بیِس، اِقرار نیڑے رہیا آئیا۔ میَں ویکھاں چھتر جھُلدا سیِس، سچکھنڈ ساچے وجےّ ودھائیا۔ تیرا کلمہ اِک حدیِث، تیرا ناؤں صِفت صالاحیِا۔ جوتی جوت سروُپ ہرِ، آپ اپنی کِرپا کر، نِرگُن اپنا پھیرا پائیا۔ جوت نِرنجن کہے میری رہی نہ بالی بُدھ، بُدھ اپنی رہی جنائیا۔ پربھ تیرے مِلن دی آئی سُدھ، دوُجی سُدھ نہ کوئے رکھائیا۔ سچ پریِتی گئی لُجھ، آپ اپنا میٹ مِٹائیا۔ میرا مُجھے نہ دِسے کُجھ، جو دیِسے سو تیری جھولی پائیا۔ کوجھی کملی آ کے پُچھ، بےپرواہ تیری سرنائیا۔ میَں سجدہ کراں جھُک، تیرے نِیوں نِیوں لاگاں پائیا۔ انتم پیَنڈا جائے مُک، گھر تیرے وجےّ ودھائیا۔ تُوں انگن لَینا چُک، مِہر نظر اُٹھائیا۔ میری ترِسنا مِٹے بُھکھ، سانتک سَت سَت کرائیا۔ جوتی جوت سروُپ ہرِ، آپ اپنی کِرپا کر، میری آسا پوُر وکھائیا۔ جوت نِرنجن کہے میَں نہ نڈھّی نہ بالی، بل اپنا رہی جنائیا۔ تیری کھیل پربھوُ نِرالی، بِن میرے نظر کِسے نہ آئیا۔ تیرے نام دی روشن کراں میَں دیوالی، گھر گھر دیِپک اِک جگائیا۔ تیرا مندر سُہاواں سچّی دھرمسالی، کایا بنک دیاں وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، جوت نِرنجن تیرا انجن نیتر نَیناں پائیا۔ جوت نِرنجن کر دھیان، ہرِ کرتا آپ سمجھائیندا۔ تُوں میری میَں تیرا بھگوان، بھگوَن اپنا کھیل کھلائیندا۔ کلجُگ اَنت کراں پروان، آپ اپنے کھاتے وِچ رکھائیندا۔ تیرا نوُر بھگت نِشان، لوک مات آپ جھُلائیندا۔ گھر گھر آ کے دیواں دان، در در اپنی سیو کمائیندا۔ جوتی جوت سروُپ ہرِ، آپ اپنی کِرپا

کر، تیرا لیکھا لیکھے لائیندا۔ جوت نِرنجن کہے جد آوینگا۔ سِری بھگوان پھیرا پاوینگا۔ جن بھگت مات اُٹھاوینگا۔ میرا ویلا وقت سُہاوینگا۔ فقط اپنا رنگ رنگاوینگا۔ جگت ناتا توڑ تُڑاوینگا۔ بِدھاتا اِکو اِک اکھواوینگا۔ ساکہ اپنا نام بناوینگا۔ فاقہ وِچھوڑا دُکھ مِٹاوینگا۔ تاکا اپنے گھر کُھلاوینگا۔ آقا اِکو نظری آوینگا۔ جوتی جوت سروُپ ہرِ، آپ اپنی کِرپا کر، جن بھگتاں میل مِلاوینگا۔ جوت نِرنجن تیرا بھگتی میلا، بھگوَن دئے وڈیائیا۔ سچ مِلن دا آیا ویلا، سو صاحِب رہیا مِلائیا۔ لیکھا چُکے گُروُ گُر چیلا، گُر چیلا اپنی دھار وکھائیا۔ آد نِرنجن بن سُہیلا، جوت نِرنجن لئے اُٹھائیا۔ جوتی جوت سروُپ ہرِ، آپ اپنی کِرپا کر، تیرا وِچھوڑا رہیا مِٹائیا۔ کوَن ویلا وِچھوڑا مِٹائینگا۔ اپنی جوتی جوت مِلائینگا۔ اؤکھی گھاٹی پار کرائینگا۔ دوُر واٹی نیڑ وکھائینگا۔ کایا ماٹی موہ چُکائینگا۔ رَین اندھیری راتی پندھ مُکائینگا۔ امرت بوُند سوانتی جام پیائینگا۔ اِک اِکانتی نظری آئینگا۔ بن ساتھی سنگ نِبھائینگا۔ جوتی جوت سروُپ ہرِ، آپ اپنی کِرپا کر، ابناسی ابناسی پد وکھائینگا۔ مہاراج شیر سِنگھ وِشنوُں بھگوان، سد بل بل جاسی، جِس بالیا دیِپک سو دیِپک بلدا اپنے وِچ ٹِکائیا۔

مِٹے روگ سِر درد، سِری بھگوان دَیا کمائیا۔ نظر نہ آئے کوئی مُردا مرد، مرد مردانہ ہوئے سہائیا۔ در دوار منظوُر عرض، اجل نیڑ نہ آوے رائیا۔ مہاراج شیر سِنگھ وِشنوُں بھگوان، گُرمُکھاں کرے پوُرا فرض، فضل رحمت رحم کمائیا۔

۱۶ جیٹھ ۲۰۲۰ بِکرمی ہرنامو دیوی دے گرِہ دِھنگالی جموُں

جوت نِرنجن کہے میَں نِکی کنّیا، سو تیرا دھیان لگائیا۔ پاربرہم پربھ شاہو منّیا، شہنشاہ ہوئے سہائیا۔ دیوے نام سچّا دھن دھنیا، دُکھ بُھکھ رہے نہ رائیا۔ کوُڑ کوُڑیارا بھانڈا بھنّیا، بھرم گڑھ تُڑائیا۔ کرے وسیرا وِچ چھپر چھنّیا، مندر محل تجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ سِر ہتّھ رکھے بھگوان، بھگوَن اپنی دَیا کمائیندا۔ بالی بُدھ کرے پروان، سُدھ اپنی

آپ جنائیندا۔ ہرِ سنگت میلا وِچ جہان، در رنگت اِک رنگائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نِرخ قیِمت کرتا اپنے گھر پائیندا۔

۱۶ جیٹھ ۲۰۲۰ بِکرمی کرم سِنگھ دے گرِہ دِھنگالی جموُں

جوت نِرنجن کہے میرے بھاگ متھن، مِتھیا دِسے لوکائیا۔ مِلیا میل سِری بھگوَن، بھاونا میری پوُر کرائیا۔ دستگیِر پھڑایا دامن، پلّوُ اپنے نال بندھائیا۔ آد نِرنجن بنیا ضامن، ساچی ضامنی آپ دِوائیا۔ کر پرکاش آہمنو سامن، سماں سُہنجنا دئے سُہائیا ۔ پوُرا کرے میرا کامن، آسا ترِسنا رہن نہ پائیا۔ برہم بھیوَ نہ پایا براہمن، براہمنی سار کوئے نہ آئیا۔ گُرمُکھ ساچا نہاون، پربھ چرن دھوُڑ سرنائیا۔ نام اِکو اِک دھیاون، بےپرواہ دھیان لگائیا۔ راگ اِکو اِک سُناون، سوہلا ستگُر الائیا۔ گھر چل کے آوے رامن، رام راما روُپ وٹائیا۔ جِس دَیا کمائی پرہلاد بھیوَ چُکایا اگنی تھامن، تپش تت رہن نہ پائیا۔ جوتی جوت سروُپ ہرِ، آپ اپنی کِرپا کر، سو پوُری آس کرائیا۔ جوت نِرنجن کہے موہے چاؤ گھنیرا، ہرِ گھنّیا نظری آئیا۔ گرِہ مندر لایا اپنا ڈیرہ، گھر ساچے سوبھا پائیا۔ ساچی نگری وسیا کھیڑا، گوکل بِندرابن نَین شرمائیا۔ سیِس تاج جگدیِش پھیرا، فِرقہ سب دا رہیا بدلائیا۔ کوُڑی کِریا چُکائے جھیڑا، جھگڑا کوئے رہن نہ پائیا۔ گُرمُکھ کہے میرا میرا، میَں میری وِچوں گوائیا۔ نِرگُن نظری آئے شیرا، سِنگھ اپنا بل وکھائیا۔ جوتی جوت سروُپ ہرِ، آپ اپنی کِرپا کر، جوت نِرنجن سدا سہائیا۔ جوت نِرنجن کہے پربھ مِلیا ماہی، محل اٹل دَیا کمائیا۔ پاندھی بنیا نِرگُن راہی، نِروَیر اپنا راہ تکائیا۔ کوُڑی بدلن آیا شاہی، شہنشاہ اِکو حُکم ورتائیا۔ پنج تت کٹّن آیا پھاہی، جن بھگتاں ہوئے سہائیا۔ جوتی جوت سروُپ ہرِ، آپ اپنی کِرپا کر، جوت نِرنجن ویکھ وکھائیا ۔ جوت نِرنجن کہے میری منسا پوُر، مانَس روُپ ملِے وڈیائیا۔ مانُکھ دِسے حاضر حضوُر، گھر ساچا بےپرواہیِا۔ مانَس تیرے چرن ہووے مشکوُر، مُشکل نظر کوئے نہ آئیا۔ دے درس صاحِب ضرور، ظاہر اپنا روُپ درسائیا۔ تُوں سرب کلا بھرپوُر، بھرپوُر رہیا سرب ٹھائیا۔

میرا بخش اگلا پِچھلا قصوُر، قسم کھا کے واسطہ پائیا۔ مان تان نہ رہیا غروُر، غُربت روُپ نہ کوئے وٹائیا۔ کلجُگ اَنت ہوئی مجبوُر، جوت نِرنجن دئے دُہائیا۔ بِن تیرے نام سچ نہ آئے کوئی سروُر، کوُڑا نشہ سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ جوت نِرنجن کہے گھر آؤ ٹھاکر، ٹھوکر اپنے نام لگائیا۔ کلجُگ ویکھیا ڈوُنگھا ساگر، تریاں سار کوئے نہ پائیا۔ بِن تیری کِرپا کرم ہوئے نہ مات اُجاگر، دُرمت مَیل نہ کوئے دھوائیا۔ سچ ملِے نہ ہٹّ سؤداگر، وست حق نہ کوئے وکھائیا۔ کِرپا کر کریِم قادر، بن قاتل کیوں چُھری ہتّھ چمکائیا۔ جوتی جوت سروُپ ہرِ، آپ اپنی کِرپا کر، ایکا دینی سچ سرنائیا۔ جوت نِرنجن کہے سرن دے، سرنگت تیری سرنائیا۔ آتم پرماتم لگا نینہ، لگّی پریِتی توڑ نِبھائیا۔ امیوں رس امرت برس میِنہ، میگھلا اِکو دھار وکھائیا۔ کایا ماٹی دِسے کھیہہ، اَنت سنگ کوئے نہ جائیا۔ جوتی جوت سروُپ ہرِ، آپ اپنی کِرپا کر، آتم اپنے نال مِلائیا۔ جوت نِرنجن کہے میَں تیری آتم، اُتم ذات رکھائیا۔ تیرا نوُر جلوہ ویکھاں باطن، بستر اپنے سوبھا پائیا۔ تیرا لیکھا چُکے مقتُول قاتل، قتل گاہ نہ کوئے وکھائیا۔ گھر ساچے بن عادل، عدالت اپنے نام لگائیا۔ کلجُگ کوُڑی کِریا اندھیرا بادل، چاروں کُنٹ رہیا چھائیا۔ جیِو جنت ہویا پاگل، تیری سار کِسے نہ پائیا۔ سب تے وحی ہووے نازِل، لیکھا سب نوُں رہیا وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جوت نِرنجن کہے پربھ آ وڑ کھیڑے، کھِڑکی تیرے نام کُھلائیا۔ ساچے بھگت لا کے بَیٹھے ڈیرے، در اپنا مات تجائیا۔ ڈُبدے پار کر بیڑے، بیڑی اپنے ناؤں ترائیا۔ کوُڑی کِریا رہن نہ جھیڑے، جھگڑے سارے دے مُکائیا۔ گُرمُکھ کردے تیرے تیرے، تیری اِکو اوٹ رکھائیا۔ تیرا ناؤں سِنگھ شیرے، شرع اپنی دے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جوت نِرنجن رکھ آس، آساوند سچ جنائیندا۔ تیری پوُری کراں خواہش، خالص تیرا روُپ پرگٹائیندا۔ بناں سہائی اناتھاں ناتھ، غریِب نِمانے گلے لگائیندا۔ سب نوُں دسّاں اِکو پاٹھ، سوہنگ منتر نام پڑھائیندا۔ گھر میلا کملاپات، کوَل نَین درس وکھائیندا۔ نِرگُن ہو کے دئے دات، نِرگُن جھولی آپ بھرائیندا۔ نیڑے ہو کے سُن بات، سِری بھگوان آپ سمجھائیندا۔ کلجُگ رَین مِٹے اندھیری رات، رُت تیرے نال مِلائیندا۔ بھگت بھگوان سجّن ساک، ساچا سنگ رکھائیندا۔

جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آکاش آکاشاں وِچوں جوت نِرنجن تیرا پرکاش لیکھے لائیندا۔

۱۶ جیٹھ ۲۰۲۰ بِکرمی اِندر سِنگھ دے گرِہ دِھنگالی جموُں

جوت نِرنجن کہے میرا دھام نیارا، گھاڑت سِری بھگوان بنائیا۔ تھتھوا نہ کوئے ٹھٹھیارا، گھُمیار نظر کوئے نہ آئیا۔ نہ کُٹھالی نہ سُنیارا، اگنی ہوَن نہ کوئے تپائیا۔ باڈھی نہ کاریگرا، لوہار ترکھان نہ گھڑت گھڑائیا۔ نہ سیوک نہ سیوادارا، اِٹّ گارا نہ کوئے لگائیا۔ نہ چھپر نہ چار دیوارا، کُلیّ ککھّ نہ کوئے وکھائیا۔ نہ دیوا نہ باتی تیل پا نہ کرے کوئے اُجیارا، نِرگُن نوُر نوُر رُشنائیا۔ نہ ساجن نہ میِت مُرارا، نہ اُنگلی کوئی لگائیا۔ نہ درس نہ کوئی دیِدارا، دیوَ نظر کوئے نہ آئیا۔ نہ سخی نہ کوئی بھنڈارا، نہ جھولی رہیا بھرائیا۔ نہ سوُرج نہ کوئی ستارا، چند چاندنا نہ کوئے چمکائیا۔ جوتی جوت سروُپ ہرِ، آپ اپنی کِرپا کر، میرا گھر اِک وسائیا۔ جوت نِرنجن کہے میرا گھر اپار، اپر اپاری کھیل کھِلائیا۔ آر پار نہ کوئے کِنار، ونڈن ہتّھ کِسے نہ آئیا۔ نظر نہ آئے وِچ سنسار، دوئے نَین دھیان لگائیا۔ سرگُن سکے نہ کوئے اُسار، نِرگُن اپنی دَیا کمائیا۔ جوتی جوت سروُپ ہرِ، آپ اپنی کِرپا کر، میری سوہنی بنت بنائیا۔ آد نِرنجن کہے میرا گھاڑن گھڑیا، جوت نِرنجن مِلی وڈیائیا۔ سَت سروُپی مندر بنیا، سو پُرکھ نِرنجن آپ سُہائیا۔ نِرگُن ہو کے اندر وڑیا، گھر ساچے ڈیرہ لائیا۔ محل اٹل آپے کھڑیا، سِری بھگوان بےپرواہیِا۔ نام نِدھانا اپنا پڑھیا، ناؤں نِرنکارا ڈھولا گائیا۔ جوت نوُر اِک اُجریا، جوتی جوت سروُپ ہرِ، آپ اپنی کِرپا کر، گھر ساچے کرے رُشنائیا۔ جوت نِرنجن کہے میرا سوہے دروازہ، سِری بھگوان دَیا کمائیا۔ گھاڑت گھڑے غریِب نوازا، گھڑن بھنّنہار اپنے ہتّھ رکھے وڈیائیا۔ اندر وڑے وڈ راجن راجا، شہنشاہ اپنا پھیرا پائیا۔ سچ سُچ دا رچ کے کاجا، ہرِ کرتا ویکھ وکھائیا۔ جوتی جوت سروُپ ہرِ، آپ اپنی کِرپا کر، میرے گھر دئے وڈیائیا۔ جوت نِرنجن کہے میرے گھر دا جھروکھا، صاحِب ستگُر آپ کُھلائیا۔ اوتھے جاندیاں کِسے نہ ملِے دھوکھا، سچ ساچا میل مِلائیا۔ صاحِب ستگُر دا اِکو نظری آئے کوٹھا، بِن چھپر چھنّ بنائیا۔ پِچھلا رہے نہ کوئی روسا، گھر رُسیِاں لئے مِلائیا۔ پریم پریِتی لئے

بوسا، مُکھ اپنا مُکھ چُھہائیا۔ لےَ کے بہہ جائے اِک گوشہ، کونا نظر کِسے نہ آئیا۔ امرت آتم دیوے ساچا توسا، ترِسنا بُھکھ مِٹائیا۔ محل وکھائے اِک انوکھا، انبھوَ پرکاش کرائیا۔ جوتی جوت سروُپ ہرِ، آپ اپنی کِرپا کر، آپ اپنا گھر درسائیا۔ جوت نِرنجن کہے گھر پاؤ درس، ہرِ درسی درس کرائیندا۔ گرِہ ویکھو عرش فرش، سِری بھگوان آپ جنائیندا۔ نِمانی اُتے کرے ترس، بےپرانی پران اپنے نال مِلائیندا۔ ساچی دھارا اِکو برس، ہوَس حرص مِٹائیندا۔ جوتی جوت سروُپ ہرِ، آپ اپنی کِرپا کر، ساچے مندر پھیرا پائیندا۔ جوت نِرنجن کہے میرا مندر ہٹّ، سو صاحِب آپ سُہائیا۔ نِرگُن کروٹ لئے وٹّ، آپ اپنی لئے انگڑائیا۔ پردہ کُھلے گُرمُکھ جھٹ، جھٹکا اپنا نام لگائیا۔ نظری آئے پُرکھ سمرتھ، سمرتھ بےپرواہیِا۔ سچ دوارے مِل کے پئے ہسّ، سوہنگ ہنسا راگ سُنائیا۔ تُوں میرا میَں تیرے وس، جوتی جوت سروُپ ہرِ، آپ اپنی کِرپا کر، ساچے مندر خوشی وکھائیا۔ ساچے مندر ملِے خوشحال، خوشی غمی نہ کوئے جنائیندا۔ ستگُر داتا دیِن دَیال، دیِنن اپنی کھیل وکھائیندا۔ گُرمُکھ ویکھ سچّے لال، لالن اپنی گود بہائیندا۔ جوتی جوت سروُپ ہرِ، آپ اپنی کِرپا کر، ساچے مندر سوبھا پائیندا۔ ساچا مندر ڈوُنگھا گھاٹ، ساگر استھاہ نظر نہ آئیا۔ بِن بھگتاں مکُے کِسے نہ واٹ، جُگ چؤکڑی گیڑ بھوائیا۔ گُر اوتار پیِر پَیغمبر پا نہ سکے ہاتھ، ونجھ مُہانے سار کوئے نہ رائیا۔ جوتی جوت سروُپ ہرِ، آپ اپنی کِرپا کر، جِس مندر اندر ڈیرہ لائیا۔ ساچا مندر سوہنا سُندر، چَھیل چھبیِل آپ بنائیا۔ بھاگ لگائے ڈوُنگھی کُندر، کایا کوری پھول پُھلائیا۔ بند تاک کھول جِندر، جیِون زِندگی دئے بدلائیا۔ جوتی جوت سروُپ ہرِ، آپ اپنی کِرپا کر، ساچا مندر بے مثال، آپ وکھائے دیِن دَیال، دَیانِدھ اپنی دَیا کمائیا۔ آؤ مندر ویکھو اُچا، اوُچو اوُچ وکھائیندا۔ آد جُگاد رہے سُچا، ہرِ سوُکھشم روُپ وکھائیندا۔ جن بھگتاں اُجل کرے مُکھا، مُکھ امرت نال دھوائیندا۔ جنم کرم نہ رہے دُکھا، دُکھ دُکھیاں میٹ مِٹائیندا۔ پربھ مِلن دا جو جن بُھکھا، تِس ستگُر میل مِلائیندا۔ نِرگُن دھاروں نِرگُن اُٹھا، روُپ انوُپ آپ پرگٹائیندا۔ نہ مانَس نہ دِسے منُکھا، منُش روُپ نہ کوئے جنائیندا۔ ہرکھ سوگ نہ کوئے غُسّہ، چِنتا غم نہ کوئے جنائیندا۔ بھلا مانَس نہ دِسے لُچا، رُکھاپن نہ کوئے وکھائیندا۔ نہ پنجہ نہ کوئی مُکا، گھُن گھسُن نہ کوئے دِرڑائیندا۔ پریم پریِتی اندر سدا جھُکا، دوُجا بھےَ نہ کوئے پرگٹائیندا۔ جوتی جوت سروُپ ہرِ، آپ اپنی کِرپا کر، مندر سُہائے اِکو اُچا، جِس گھر بہہ کے ویکھ وکھائیندا۔ آؤ مندر نیتر پیکھو، پیکھت خوشی وکھائیا۔

صاحِب ستگُر ساچا ویکھو، ویکھدیاں دُکھ جائیا۔ اَنتر آتم کرو ہیتو، ہِتکاری رہیا سمجھائیا۔ دِوس رَین اِکو چیتو، چیتن بھیوَ چُکائیا۔ ڈوُنگھی کوَری پار بھیتو، ابھیوَ روُپ درسائیا۔ جوتی جوت سروُپ ہرِ، آپ اپنی کِرپا کر، ساچے مندر دئے وڈیائیا۔ آؤ مندر جِس نے چڑھنا، سو صاحِب رہیا جنائیا۔ آؤ گھر جِس نے وڑنا، بُھلیاں راہے پائیا۔ آؤ پلّوُ جِس نے پھڑنا، گُر شبدی رہیا پھڑائیا۔ آؤ جیِنودیاں جِس مرنا، ہرِ سنگت میل مِلائیا۔ آؤ جِس آتم پرماتم جِہا کرنا، دُئی دوَیتی باہر کڈھائیا۔ آؤ جِنہاں سوہنگ ڈھولا پڑھنا، سو ستگُر ہوئے سہائیا۔ جوتی جوت سروُپ ہرِ، آپ اپنی کِرپا کر، ایکا مندر دئے وکھائیا۔ آؤ جِس مندر درس پاؤنا، سو صاحِب دَیا کمائیا۔ آؤ جِس نے سِری بھگوان مناؤنا، رُٹھڑے لئے مِلائیا۔ آؤ جِس نے پِچھلا اگلا پندھ مُکاؤنا، لکھّ چؤراسی ناتا رہیا تُڑائیا۔ آؤ جِس نے گھر وِچ گھر وساؤنا، اُجڑے کھیڑے رہیا وسائیا۔ جوتی جوت سروُپ ہرِ، آپ اپنی کِرپا کر، جوت نِرنجن کر رُشنائیا۔ جوت نِرنجن کہے میَں گئی جیِت، ہار بَیٹھی مُکھ بھوائیا۔ پربھ مِلیا اِک انڈیِٹھ، انڈِٹھڑی سیوا لائیا۔ بھگتاں نال لگائی پریِت، پریِتی ساچی اِک سمجھائیا۔ میَں بُھل گئی مندر مسیِت، گُروُدوار نظر نہ کوئے رکھائیا۔ رل مِل گُرمُکھاں نال گاواں گیِت، سوہنگ ڈھولا ساچا گائیا۔ میرا صاحِب سدا اتیِت، گھر ساچے وسے بےپرواہیِا۔ جوتی جوت سروُپ ہرِ، آپ اپنی کِرپا کر، اِک مندر کرے رُشنائیا۔ ساچے مندر ہوئے رُشنائی، نوُر نوُرانہ آپ دھرائیندا۔ سِری بھگوان کرے کُڑمائی، کُڑم کُڑمیٹا اِکو نظری آئیندا ۔ اِکو گھر دھی جوائی، سؤہرے پیئیے ونڈ ونڈائیندا۔ اِکو مئیا نظری آئی، پِتا پُرکھ اکال کھیل کرائیندا۔ اِکو ڈھولا لیا گائی، صاحِب ستگُر راگ الائیندا۔ جوت نِرنجن کہے میری آسا پوُر کرائی، پربھ ترِسنا میٹ مِٹائیندا۔ گرِہ بھیِتر پایا ماہی، محبوُب اِکو نظری آئیندا۔ گھر سجّن وجےّ شنوائی، دوُلھا دُلہن ویکھ وکھائیندا۔ لاڑی لاڑے نال پرنائی، گھر سخیاں منگل راگ الائیندا۔ جوت نِرنجن پِھرے چائیں چائیں، لال گُلالا اِکو رنگ چڑھائیندا۔ پُرکھ پُرکھوتم پاربرہم پربھ ہویا آپ سہائی، سہائتا اپنی وِچ رکھائیندا۔ رنگلا چوُڑا ویکھ بانہیں، مہندی اِکو دھار بندھائیندا۔ کجلا نَین کوَل مٹکائی، نام نِدھانا دھار بندھائیندا۔ سیِس جگدیِش مینڈھی اِک گُندائی، پٹّی اپنے رنگ رنگائیندا ۔ کنگھی پریم نال واہی، سچ دنداسا ہتّھ پھڑائیندا۔ مُکھ گھُنگٹ آپ اُٹھائی، پردہ نِقاب نہ کوئے جنائیندا۔ جوت نِرنجن جِس پرنائی، سو پُرکھ ویکھ وکھائیندا۔ آؤ ویکھو گُرمُکھ بھائی، جوتی جوت سروُپ ہرِ، آپ اپنی کِرپا

کر، دیونہارا ساچا ور، جِس وکھائے اپنا گھر، تِس اپنا میل مِلائیندا۔ جوت نِرنجن کہے پایا بھگوان، بھاوی بھے نہ کوئے جنائیا۔ نظری آیا نؤجوان، جوبن اِکو اِک سُہائیا۔ چَھیل چھبیِلا مِہربان، مِہر نظر اُٹھائیا۔ بھگت قبیِلہ وِچ جہان، کلجُگ انتم ویکھ وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جوت نِرنجن کر پروان، آتم پرماتم اپنا مہمان بنائیا۔