کتب خانہGranth 15 (Shahmukhi)

۲۷ ہاڑ ۲۰۲۰ بِکرمی سنتوکھ سِنگھ دے گرِہ پِنڈ سوڈھیاں

سو پُرکھ نِرنجن ہو مِہروان، ہرِ دیونہار وڈیائیا۔ ہرِ پُرکھ نِرنجن ساچا دان، داتا دانی آپ ورتائیا۔ ایکنکار کر پروان، پربھ مِہر نظر اُٹھائیا۔ آد نِرنجن چتُر سُجان، سَت سَتوادی بوُجھ بُجھائیا۔ ابناشی کرتا دیوے مان، ابِھمان نظر کوئے نہ آئیا۔ سِری بھگوان کھول دُکان، سچکھنڈ نِواسی ساچا ہٹّ چلائیا۔ پاربرہم پربھ کھیلے کھیل مہان، بھیوَ ابھیدا آپ کُھلائیا۔ سچکھنڈ نِواسی شاہ سُلطان، نِرگُن داتا پھیرا پائیا۔ دُھر سندیسہ حُکمران، بھوُپت بھوُپ آپ پرگٹائیا۔ لیکھا جان جیِو جہان، لکّھ چؤراسی رِہا جنائیا۔ چار ورن کرو دھیان، دُھر دی دھار آپ سمجھائیا۔ اٹھاراں برن سُنو لا کر کان، اناد انادی ناد وجائیا۔ جُگ چؤکڑی بیِتے وِچ جہان، سَتجُگ تریتا دواپر کلجُگ گئے ویس وٹائیا۔ گُر اوتار پیِر پَیغمبر سیوا کردے رہے آن، نِرگُن سرگُن رنگ رنگائیا۔ سوہلا ڈھولا گاؤندے رہے گان، گیِت گوبِند جنائیا۔ دیِن مذہب ونڈاں ونڈدے رہے مہان، ذات پات گنڈھ پوائیا۔ شاستر سِمرت وید پُران، لیکھا لِکھدے رہے اِنجیل قرآن، بن بن کاتب قلم شاہیِا۔ کھانی بانی دسّدے رہے نِشان، نِشانہ دو جہان جھُلائیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک سُنائیا۔ دُھر سندیسہ صاحِب سُلطانا، ہرِ سجّن آپ جنائیندا۔ جُگ چؤکڑی کھیل مہانا، ہرِ کرتا آپ کرائیندا۔ لیکھا جان دو جہاناں، دوئے دوئے اپنے رنگ وکھائیندا۔ نِرگُن سرگُن پہر بانا، چولا پنج تت کایا ہنڈائیندا۔ دُھر سندیسہ شبد گیانا، بودھ اگادھا آپ سُنائیندا۔ سَتجُگ تریتا دواپر کلجُگ ہو پردھانا، گُر گُر اپنا ناؤں وڈیائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ سمجھائیندا۔ ساچی کھیل ہرِ کرتار، ہرِ کرتا آپ جنائیا۔ ویکھنہارا دھام نیار، سچکھنڈ نِواسی بےپرواہیِا۔ تھِر گھر کھولنہار کِواڑ، شبدی ناد دُھن شنوائیا۔ وِشن برہما شِو دیونہار سہار، سِر اپنا ہتّھ ٹِکائیا۔ ترےَگُن بھرنہار بھنڈار، پنج تت ویکھے چائیں چائنیا۔ لکّھ چؤراسی کر پیار، انڈج جیرج اُتبُھج سیتج ونڈ ونڈائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ رچائیا۔ ساچی کھیل رچ بھگوان، سو صاحِب ویکھ وکھائیندا۔ جُگ چؤکڑی دیونہارا دان، داتا دانی آپ ہو جائیندا۔ سچکھنڈ نِواسی نؤجوان، پرم پُرکھ پربھ بھیوَ مِٹائیندا۔ نِت نوِت بن بن کاہن، ساچی بنسری نام وجائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ ساچی کھیل کر پُرکھ سمرتھ، سمرتھ اپنی دھار جنائیندا۔

جُگ چؤکڑی ہو ہو وکّھ، نِرگُن سرگُن ونڈ ونڈائیندا۔ لکّھ چؤراسی چلا ئے رتھ، بن رتھواہی سیو کمائیندا۔ آتم پرماتم شبد ڈوری پائے نتھ، چاروں کُنٹ آپ بھوائیندا۔ وست امولک کایا گولک اِکو گھت، جیِو جنت سرب سمجھائیندا۔ گُر اوتار پیِر پَیغمبر دیونہارا ساچی مت، گُرمت اِک دِرڑائیندا۔ کایا چولی رنگے ساچی رتّ، رتّی رتّ ویکھ وکھائیندا۔ سرب جیِاں پربھ جاننہارا مِت گت، گھر گھر اپنا بھیوَ مِٹائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ ساچا حُکم ورتائے آپ، پربھ اپنی دَیا کمائیا۔ چار جُگ چار ورن جاپ، چاروں کُنٹ کُنٹ سمجھائیا۔ نِرگُن سرگُن دیوے ساتھ، گُر اوتار روُپ دھرائیا۔ لیکھا جان ترلوکی ناتھ، لوآں پُریاں برہمنڈاں کھنڈاں کھوج کھوجائیا۔ شبد اگمّ مار آواز، آتم پرماتم آپ جگائیا۔ دُھر دی دھار کھولے راز، رازق رحیم پھیرا پائیا۔ نِت نوِت رچ رچ کاج، کرتا پُرکھ ویکھ وکھائیا۔ جُگ چؤکڑی بناونہار سماج، جگت بندھن بندھ وکھائیا۔ جوتی جوت سروُپ ہرِ، آپ اپنی کِرپا کر، ساچا لیکھا آپ درسائیا۔ ساچا لیکھا دسےّ حال، سِری بھگوان دَیا کمائیندا۔ آد جُگاد جُگ چؤکڑی لکّھ چؤراسی کھائے کال، بچیا کوئے رہن نہ پائیندا۔ دُھردرگاہی بےپرواہی شبدی دھار بنے دلال، نِت نوِت اپنی سیو کمائیندا۔ سنت سُہیلے گُروُ گُر چیلے بھگت بھگوان لئے بھال، لکّھ چؤراسی وِچوں کھوج کھوجائیندا۔ اندر باہر گُپت ظاہر چلے نال، صاحِب ساچا سنگ نِبھائیندا۔ سُننہار مُریِداں حال، مُرشد اپنا پھیرا پائیندا۔ ترےَگُن مایا توڑ جنجال، جاگرت جوت اِک جگائیندا۔ جوتی جوت سروُپ ہرِ، آپ اپنی کِرپا کر، سرٍشٹ سبائی آپ اُٹھائیندا۔ سرٍشٹ سبائی اُٹھ اُٹھ جاگ، سو صاحِب آپ جگائیا۔ جن بھگتاں دیوے اِک وَیراگ، وَیراگی دھار وکھائیا۔ شبد اگمّ وجائے ناد، انادی دُھن شنوائیا۔ پھڑ پھڑ ہنس بنائے کاگ، سوہنگ اجپا جاپ جپائیا۔ جِس نے رچنا رچی آد، سو انتم ویکھن آئیا۔ جِس دی گُر اوتار پیِر پَیغمبر کرن یاد، دوئے جوڑ بَیٹھن سیِس جھُکائیا۔ سو پُرکھ اگمّ سُننہار فریاد، لیکھا جانے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک دِرڑائیا۔ ساچی سِکھیا سُنو میِت، سو صاحِب آپ جنائیندا۔ کھتری براہمن شوُدر وَیش گاؤ اِکو گیِت، چار ورن آپ پڑھائیندا۔ سَتجُگ جنائے ساچی ریِت، ریِتیوان پھیرا پائیندا۔ گھر مندر ٹھاکر دوارا نظر آئے مسیِت، حُجرہ اِکو اِک وڈیائیندا۔ پرم پُرکھ پربھ بَیٹھا رہے اتیِت، ترےَبھَون دھنی اپنا آسن لائیندا۔ آتم پرماتم جنائے سچ پریِت، ناطہ بِدھاتا اِک وکھائیندا۔ لہنا دینا

چُکے ہست کیِٹ، اوُچ نیِچ راؤ رنک ونڈ نہ کوئے ونڈائیندا۔ سچ دوارے مانگو بھیکھ، دوُجا در نظر کوئے نہ آئیندا۔ مانس جنم لؤ جیِت، جیِون جُگت آپ سمجھائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ چار ورن کرو خیال، ہرِ کرتا آپ جنائیا۔ اٹھاراں برن لبھو دلال، ہرِ سَتگُر بےپرواہیِا۔ لکّھ چؤراسی سِر تے کوُکے کال، چاروں کُنٹ ڈنک وجائیا۔ سرِشٹ سبائی ہوئی بےحال، دھیِرج دھیِر نہ دھرائیا۔ پرم پُرکھ پرماتم کایا مندر اندر لؤ بھال، باہر کھوجیاں ہتّھ کِسے نہ آئیا۔ پھل لگاؤ کایا ڈال، امرت رس اِک بھرائیا۔ ترےَگُن مایا توڑے جنجال، کوُڑی کِریا میٹ مِٹائیا۔ بھاگ لگّے کایا ماٹی کھال، گھر وِچ گھر ہوئے رُشنائیا۔ امرت آتم لؤ اُچھال، سر سروور اِکو نظری آئیا۔ سچ دھرم دی گھالنا لؤ گھال، جنم کرم کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک جنائیا۔ چار ورن سُنو سندیسہ، نؤ کھنڈ پرِتھمی آپ جنائیندا۔ پرم پُرکھ پربھ اِک نریشا، نر نرائن ویس وٹائیندا۔ کلجُگ انتم دھارے بھیکھا، کل کلکی پھیرا پائیندا۔ پوُرب جنم جنائے لیکھا، لہنیدار آپ ہو آئیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ چار ورن جاؤ اُٹھ، ہرِ سووت جاگت آپ اُٹھائیا۔ پِھرے دروہی چار کُنٹ چار گُٹھ، دہ دِشا پئے دُہائیا۔ دُھردرگاہوں جو گئے رُٹھ، کلجُگ بَیٹھے مُکھ بھوائیا۔ تِنہاں ویکھنہار ابناشی اچُت، سِری بھگوان گھٹ گھٹ رِہا سمائیا۔ سُہاونہارا ساچی رُت، کایا رُتڑی آپ مہکائیا۔ ہرجن ہربھگت اِک دوُجے تو لؤ پُچھ، کَون دوارے ملِے بےپرواہیِا۔ دیونہار نام اتُٹ، سچ بھنڈار رِہا ورتائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ چار ورن منگو دات، ہرِ داتا دانی دَیا کمائیندا۔ کلجُگ میٹے اندھیری رات، سَتجُگ ساچا چند چڑھائیندا۔ اوُچ نیِچ بنائے اِکو جماعت، دوُجی پٹّی نہ کوئے پڑھائیندا۔ پُرکھ اکال سچّا نات، ناطہ اپنے نال مِلائیندا۔ رائے دھرم نہ ویکھے کھات، چِترگُپت نہ لیکھ جنائیندا۔ پوُرب جنماں پوُرا کرے گھاٹ، جو جن سرنائی آئیندا۔ پِچھلی اگلی میٹے واٹ، پھڑ بانہو گود بہائیندا۔ پاربرہم برہم دیونہارا ساتھ، سگلا سنگ نِبھائیندا۔ ہوئے سہائی اناتھاں ناتھ، غریِب نِمانیاں دَیا کمائیندا۔ لہنا دینا چُکے ذات پات، ورن گوت کرم کانڈ نہ کوئے رکھائیندا۔ سنت سُہیلے پوُری کرے آس، کوُڑی ترِسنا میٹ مِٹائیندا۔ لیکھے لائے پَون سواس، پَون پَونا ویکھ وکھائیندا۔ لہنا دینا مکُے پرِتھمی آکاش، گگن گگننتر ڈیرہ ڈھاہندا۔ آپ اُتارے اپنے گھاٹ، ساچا پتن اِک وکھائیندا۔ جِس دوارے وسے پُرکھ سمراتھ، سو دوارا

سوبھا پائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک سمجھائیندا۔ چار ورن سُنو کنّ لا، ہرِ کرتا آپ جنائیا۔ کلجُگ آیا انتم بےپرواہ، بےپرواہی کھیل کرائیا۔ کلجُگ کوُڑی کِریا ڈیرہ دیوے ڈھاہ، لوکمات رہن نہ پائیا۔ سَتجُگ مارگ دئے وکھا، سچ سُچ اِک ورتائیا۔ راؤ رنک ایکا رنگ دئے رنگا، شاہ پاتشاہ سیِس تاج نہ کوئے ٹِکائیا۔ گُرمُکھ گُرسِکھ ہرجن ہربھگت لئے اُٹھا، بھاکھیا دیوے تھاؤں تھائنیا۔ جنم کرم دے وِچھڑے لئے مِلا، دُھر سنجوگی میل مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، چار ورن اِکو راہ وکھائیا۔ چار ورن نیتر کھول، پربھ اِکو اکّھ کُھلائیندا۔ سِری بھگوان تولن آیا تول، نام کنڈا ہتّھ اُٹھائیندا۔ کلجُگ انتم لکّھ چؤراسی لئے ورول، نام مدھانا اِکو پائیندا۔ بھگت بھگوان رکھے اڈول، سِر اپنا ہتّھ ٹِکائیندا۔ ساچی وست دیوے انمول، سوہنگ دات جھولی پائیندا۔ بجرکپاٹی کُنڈا کھول، گھر گھر وِچ آپ وکھائیندا۔ سُرتی شبدی جائے مؤل، مؤلا اپنا رنگ رنگائیندا۔ پوُرا کرے کیِتا قؤل، کرنی کرتا آپ کمائیندا۔ دیوے وڈیائی اُپر دھؤل، دھرنی دھرت دھوَل سوبھا پائیندا۔ جوتی جوت سروُپ ہرِ، آپ اپنی کِرپا کر، سچ دوار اِک وکھائیندا۔ چار ورن ویکھ دوار، دُھر درباری آپ جنائیا۔ جِس گرِہ وسے آپ کرتار، سو مندر ملِے وڈیائیا۔ تِس مندر ہوئے اُجیار، دیِا باتی کملاپاتی اِکو جوت نوُر رُشنائیا۔ ساچی سخیاں منگلاچار، ڈھولا گائے آپ نِرنکار، گیِت گوبِند اِک سُنائیا۔ وجّدی رہے نام سِتار، سُنے سُناوے سُننیہار، دوُجا نظر کوئے نہ آئیا۔ ویکھنہار گُر اوتار، پیِر پَیغمبر دے آدھار، مِہر نظر آپ اُٹھائیا۔ جُگ چؤکڑی بیِتے چار، نوَ نؤ چار گیا ہار، لکّھ چؤراسی کرے پُکار، انتر رووے مارے دھاہیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن اپنا پھیرا پائیا۔ نِرگُن پھیرا پائے پاربرہم، برہم ناطہ لئے جُڑائیا۔ نِہکرمی جانے اپنا کرم، کرم کانڈ میٹے تھاؤں تھائنیا۔ چار ورن وکھائے اِکو دھرم، دُھر دی دھار آپ بندھائیا۔ بخشنہارا ساچی سرن، چرن کوَل دئے سرنائیا۔ لہنا دینا چُکائے مرن ڈرن، لکّھ چؤراسی پھند کٹائیا۔ گُرمُکھ وِرلے سوہنگ ڈھولا پڑھن، گیِت گوبِند اِک سُنائیا۔ ساچے پؤڑے ساچے مندر چڑھن، راہ وِچ نہ کوئے اٹکائیا۔ سِری بھگوان درشن کرن، جوتی جاتا نظری آئیا۔ دوئے جوڑ چرنی پڑن، مستک ٹِکاّ دھوُڑی لائیا۔ کلجُگ اگن وِچ نہ سڑن، ترےَگُن لیکھا مکُے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر مندر اِک وکھائیا۔ چار ورن مندر دئے وکھال، گھر ساچا اِک سُہائیا۔ کِرپا کر دیِن

دَیال، دیِنن اپنے گلے لگائیا۔ ناطہ توڑ کال مہاکال، جگت جنجال دئے گوائیا۔ سُننہار مُریِداں حال، مُرشد اپنا پھیرا پائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، ساچا لیکھا دئے سمجھائیا۔ چار ورن ساچا لیکھا، اذات اذاتی میٹ مِٹائیندا۔ چؤتھے جُگ کڈھے بھرم بُھلیکھا، بھانڈا بھرم بھؤ بھنّائیندا۔ نِرگُن ہو کے دھارے ویسا، سرگُن اپنا میل مِلائیندا۔ سمبل وسے ساچے دیسا، ساڈھے تِنّ ہتّھ ونڈ ونڈائیندا۔ گُر گوبِند لےَ کے گیا ٹھیکہ، انتم اپنا حق جمائیندا۔ جوتی جوت سروُپ ہرِ، آپ اپنی کِرپا کر، ساچا در اِک سُہائیندا۔ ساچا در کھول دروازہ، دُھردرگاہی دَیا کمائیا۔ کرے کھیل غریِب نِوازا، غریِب نِمانیاں ہوئے سہائیا۔ شاہو بھوُپ وڈ راجن راجا، شہنشاہ اپنا ویس دھرائیا۔ کلجُگ انتم رچ کے کاجا، سَتجُگ ساچی دھار بندھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کرے کھیل، کھیلنہار آپ ہو آئیا۔ گُرمُکھ گُرسِکھ ساچے میل، گُرمت آپ پڑھائیا۔ کرے پرکاش بِن باتی بِن تیل، دِیپک جوت اِک رُشنائیا۔ گھر ملِے سجّن سُہیل، نر ہرِ نرائن ویس وٹائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ دیوے وڈیائی بھگت جن، جن جننی آپ اکھوائیندا۔ ایکا راگ سُنائے کنّ، سنسا روگ سرب مِٹائیندا۔ بھاگ لگائے پنج تت تن، تتو تت اِک دِرڑائیندا۔ کر پرکاش اندھیر انّھ، نِرگُن ساچا چند چمکائیندا۔ کر وسیرا بِن چھّپر چھنّ، سچکھنڈ دوارے سوبھا پائیندا۔ کوُڑی کِریا دیونہارا ڈنّ، اپنا ڈنکا نام وجائیندا۔ جو گھڑیا سو دیوے بھنّ، گھڑن بھنّنہار اپنی کار کمائیندا۔ جن بھگتاں دیوے نام دھن، شبد خزانہ جھولی پائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، چار ورن اِکو سرن، گھر مندر اِک وکھائیندا۔ چار ورن پربھ کھول تاک، تقویٰ اِکو اِک جنائیا۔ گُر اوتاراں پیِر پَیغمبراں پوُرا کرے بھوِکھت واک، واسطہ اپنے نال بندھائیا۔ نِرگُن سرگُن بنے ساک، سجّن اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُرمُکھ سجّن آپ اُٹھائیا۔ گُرمُکھ سجّن اُٹھائے جگ، جگ جیِون داتا دَیا کمائیا۔ جنم جنم دی بُجھائے اگّ، امرت میگھ اِک برسائیا۔ دُھردرگاہی سچّا کرائے اِکو حج، حُجرہ حق دئے وکھائیا۔ پروردِگار رِہا تکّ، بےنقاب پڑدہ لاہیِا۔ سچ محلّے رِہا سج، اُچ مقامے ڈیرہ لائیا۔ چؤداں لوک رِہا بھجّ، چؤداں طبق رِہا سمجھائیا۔ شبد نگارا رِہا وجّ، پُری لوء کرے شنوائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ وکھائیا۔ ساچی کرنی انتم کل، ہرِ کرتا آپ

کرائیا۔ کرے کھیل اچھل اچھل، ول چھل دھاری سمجھ کوئے نہ پائیا۔ جن بھگتاں اندر گیا رل، جوتی جوت جوت مِلائیا۔ شبد سُنیہڑا رِہا گھلّ، دُھن انادی ناد الائیا۔ وسنہارا نِہچل دھام اٹل، کلجُگ انتم ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سنت سُہیلے میل مِلائیا۔ سنت سُہیلے ملِے ملاح، کھیوٹ کھیٹا اِکو نظری آئیندا۔ بیِس بیِسا پکڑے بانہہ، پھڑ باہوں باہر کڈھائیندا۔ ہرِ جگدیِشا اِک جپائے اپنا ناں، ناؤں نِرنکارا آپ دِرڑائیندا۔ سدا سُہیلا دیوے ٹھنڈی چھاں، سِر اپنا ہتّھ ٹِکائیندا۔ نِتھاویاں دیوے اگمّی تھاں، چرن دوارا اِک وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، چار ورن رنگ رنگائیندا۔ چار ورن رنگ چلوُل، رنگ راتا آپ رنگائیا۔ کلجُگ انت نہ جائے بھوُل، پوُرا لہنا رِہا ورتائیا۔ نانک گوبِند پوُرا کرے اصوُل، اصلیت سب نوُں دئے سمجھائیا۔ لکّھ چؤراسی کرنا پئے قبوُل، حُکم حاکم اِک لگائیا۔ دُھر سندیسہ کوئی نہ سکے ادوُل، دُھردرگاہی ایکا ڈنکا نام وجائیا۔ دو جہاناں اندر جھوُلا لئے جھوُل، پَون اُننجا سیو کمائیا۔ وِشن برہما شِو گُر اوتار پیِر پَیغمبر بھگت بھگوان برسائن پھوُل، برکھا اِکو دھار وکھائیا۔ ہرِ سنتاں میلا کنت کنتوہل، گھر ساچے وجےّ ودھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، گُرمُکھ گُرسِکھ ہرجن ہرِ ہرِ اپنے نال مِلائیا۔ نال مِلائے پربھ ایک، ایکنکارا دَیا کمائیندا۔ ایتھے اوتھے بخشے ٹیک، دو جہاناں ویکھ وکھائیندا۔ ترےَگُن نہ لائے مایا سیک، کوُڑا ناطہ توڑ تُڑائیندا۔ سچ وکھائے اپنا دیس، گھر مندر اِک سُہائیندا۔ تخت نِواسی نظری آئے نر نریش، نر نرائن اِکو سوبھا پائیندا۔ آد جُگاد جُگ چؤکڑی سَتجُگ تریتا دواپرکلجُگ چار ورن اٹھاراں برن کھیلاں رِہا کھیڈ، بن کھِلاری اپنی کھیڈ جنائیندا۔ جوتی جوت سروُپ ہرِ، آپ اپنی کِرپا کر، جن بھگتاں دیوے اپنا بھیت، اندر وڑ کے پڑدہ لاہِندا۔ اندر وڑ کے پڑدہ کھولے، خالق خلق دئے سمجھائیا۔ نِرگُن نِروَیر ہو کے آپے بولے، ڈھولا سوہلا راگ سُنائیا۔ بھاگ لگاوے کایا چولے، چولی اپنے رنگ رنگائیا۔ لکّھ چؤراسی ایکا کنڈے تولے، تولا بنیا بےپرواہیِا۔ گُرسِکھ اُٹھائے بھالے بھولے، بھولے بھاؤ گوبِند مِلائیا۔ سچکھنڈ وسائے سچّی دھرمسالے، دھرم دوارا اِکو نظری آئیا۔ آد انت سد چلے نالے، جگت وِچھوڑا نہ کوئے وکھائیا۔ ساچا منتر اِک سِکھالے، سوہنگ راگ الائیا۔ جوتی جوت سروُپ ہرِ، آپ اپنی کِرپا کر، بھگت بھگوان لگائے لڑ، پلّوُ اپنے نال بندھائیا۔ پلّوُ بنّھے نام ڈور، ڈوری تند اِک جنائیندا۔ کر پرکاش اندھیر گھور، نوُر اِکو

اِک وکھائیندا۔ ڈھاہے ڈھیری پنج چور، پنچم اپنا پڑدہ پائیندا۔ پنچم ناد شبد گھنگھور، انحد راگی راگ سُنائیندا۔ لیکھا چُکے تور مور، میرا تیرا اِکو روُپ نظری آئیندا۔ کوُڑی کِریا نہ پائے شور، مایا ممتا میٹ مِٹائیندا۔ لگّی پریِتی نِبھائے توڑ، اَدھ وِچکار نہ کوئے رکھائیندا۔ جِنہاں اپنے نال لیا جوڑ، تِنہاں لکّھ چؤراسی پندھ مُکائیندا۔ کلجُگ انتم جاوے بہُڑ، نِرگُن ہو کے ویکھ وکھائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، ہرجن ساچے کر پروان، درگاہ ساچی دیوے تھان، آون جاون چُکے جہان، انتم جوتی جاتا اپنا میل کرائیندا۔

ستجُگ دی چلے دھارا، بیِس بیِسا نیہہ رکھائیا۔ آتم پرماتم کر پیارا، سوہنگ شبد ناد سُنائیا۔ مہاراج شیر سِنگھ جَیکارا، دو جہان رِہا جس گائیا۔ وِشن برہما شِو دوئے جوڑ کرے نِمسکارا، نِیوں نِیوں لاگے پائینا۔ سِری بھگوان تیرا آد جُگاد سچ پسارا، جےَ جَیکار سرب لوکائیا۔ سو پُرکھ نِرنجن کرے کھیل نیارا، ہنگ برہم آپ پڑھائیا۔ سَتجُگ ورتے وِچ سنسارا، کلجُگ انت رہن نہ پائیا۔ داتا دانی دات دیوے دیونہارا، اپنی ہتھّیں آپ ورتائیا۔ جڑ لائے اگمّ اپارا، جوتی جوت سروُپ ہرِ، آپ اپنی کِرپا کر، سَتجُگ ساچی دھار جنائیا۔ سَتجُگ ساچا چلے راہ، سو پُرکھ نِرنجن آپ چلائیا۔ پُرکھ ابناشی بن ملاح، نِرگُن اپنا پھیرا پائیا۔ نانک گوبِند دے کے گئے صلاح، کل کلکی کلجُگ انتم پھیرا پائیا۔ وید ویاسا گیا سمجھا، گؤڑ براہمن اُچے ٹِلّے پربت پھیرا پائیا۔ محمد راہ رِہا تکا، میرا پیِر آوے واہو داہیِا۔ عیسیٰ جھولی رِہا ڈاہ، سچ پَیغمبر خالی جھولی دئے بھرائیا۔موُسیٰ جلوہ رِہا تکا، نیتر نَین نَین اُٹھائیا۔ وید پُران شاستر سِمرت گیِتا گیان اِنجیل قرآن ساچی کھانی اِکو اِک پڑھائیا۔ چارے بانی لیکھا لیکھے لئے لگا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ اُکھڑے کوُڑی جڑ، سَتجُگ ساچا راہ چلائیا۔ سَتجُگ ساچا لگّے جگ، ہرِ ساچا آپ لگائیندا۔ کوُڑی کِریا مِٹے اگّ، مایا ممتا موہ مِٹائیندا۔ سَت سَتوادی برہم برہمادی آد جُگادی شبد انادی وجائے وج، دو جہاناں آپ سُنائیندا۔ تخت نِواسی پُرکھ ابناشی راج راجان شاہ سُلطان لاؤن نہ دیوے کوئی اجّ پجّ، اوُچاں نیِچاں راؤ رنکاں اِکو گیِت سُنائیندا۔ سنت سُہیلے گُروُ گُر چیلے لئے سدّ، صدا اِکو نام جنائیندا۔ جِنہاں

وکھائے سَتجُگ حد، سو گُرمُکھ سوہنگ ڈھولا راگ الائیندا۔ پھڑ پھڑ ہنس بنائے کگّ، بُدھی کاگ آپ بدلائیندا۔ گُرمُکھاں اندر دِیپک جوت ہو کے جائے جگ، اپنا روُپ نہ کوئے وکھائیندا۔ سوہنگ چلیا دو زیِرو، زیِرو زیِرو نال مِلائیا۔ ویہہ سال وِچ لیکھا مُکایا پیِر پَیغمبراں پیِرو، گُر اوتاراں لہنا دینا جھولی پائیا۔ پندراں کتّک سب نوُں وکھائے سچّی تصویِرو، لاتصویِر دَیا کمائیا۔ شرع شریِعت کٹے آپ زنجیرو، نام کٹارا ہتّھ اُٹھائیا۔ چوٹی چڑھ ویکھے اَخیِرو، آخر اپنا حُکم منائیا۔ جوتی جوت سروُپ ہرِ، آپ اپنی کِرپا کر، جِس دی لگائے آپ جڑ، تِس نوُں ویکھے آپ رگھُرائیا۔ پہلوں اُکھیڑے کلجُگ جڑ، بوُٹا لوکمات رہن نہ پائیا۔ چار جُگ دے تیئی اوتار اٹھاراں بھگت عیسیٰ موُسیٰ محمد دس گُر سارے کلمہ حدیِث اِکو لؤ پڑھ، االلہ رام واہِگُروُ ایکا نظری آئیا۔ چار ورن اٹھاراں برن کھتّری براہمن شوُدر وَیش ذات پات دیِن مذہب رہے لڑ، گُر کا شبد نہ کوئے کمائیا۔ منمُکھ جیِو جیِوتیاں جگ گئے مر، مرنا ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا کھیل اپنے حُکم وِچ رکھائیا۔

۲۸ ہاڑ ۲۰۲۰ بِکرمی گُردیو سِنگھ دے گرِہ دوسانجھ خُرد

تیرا کھیل پُرکھ ابناش، جُگ چؤکڑی بھیوَ کوئے نہ آئیا۔ جُگ جُگ رکھدے گئے آس، نِت نِت تیرا دھیان لگائیا۔ سدا سُہیلے لگّی رہی پیاس، ترِسنا اِکو اِک اُپجائیا۔ یاد اندر لیندے رہے سانس، ساہ ساہ تیرا نام دِھیائیا۔ منگدے رہے نوُر پرکاش، جوتی جوت جوت رُشنائیا۔ لوچدے رہے سچّا ساتھ، سگلا سنگ نِبھائیا۔ وینہدے رہے پتّن گھاٹ، نیتر نَین نَین اُٹھائیا۔ پھسے رہے ذات پات، دیِن مذہب ونڈ ونڈائیا۔ تیرا ناؤں لِکھدے رہے نال قلم دوات، کاغذ شاہی سنگ جنائیا۔ گاؤندے رہے بہُبِدھ بھانت، ڈھولا رسنا جِہوا گائیا۔ پنج تت بندھاؤندے رہے نات، تتو تت گنڈھ رکھائیا۔ تیرا نوُر نظر نہ آیا ساکھیات، بےپرواہ سچّے شہنشاہیِا۔ انت بھگوَنت آ ویکھ سرب حالات، حالت اپنی سرب رہے وکھائیا۔ کوئی مان نہ رِہا مات، لوک پرلوک نہ کوئے وڈیائیا۔ ساچی گائن نہ کوئے گاتھ، کلمہ حق نہ کوئے پڑھائیا۔ سرِشٹ سبائی لکّھ چؤراسی کوُڑی کِریا چھانے خاک، پاک روُح نہ کوئے وکھائیا۔ سچ دوارا کِسے نہ جائے بھاکھ، مایا ممتا موہ ودھائیا۔ گُر اوتار پیِر

پَیغمبر سارے آئے آکھ، اُچی کوُک کوُک سُنائیا۔ کل پرگٹ ہووے پربھوُ آپ، نِرگُن اپنا ویس وٹائیا۔ جِس دا کردے رہے جاپ، جُگ چؤکڑی نام دِھیائیا۔ سو صاحِب اِکو دسےّ پاٹھ، ساچا نام آپ وڈیائیا۔ چار ورناں دیوے دات، انمُلڑی دات آپ ورتائیا۔ آتم پرماتم جنائے سچ کرامات، کرم کانڈ میٹ مِٹائیا۔ جوتی جوت سروُپ ہرِ، آپ اپنی کِرپا کر، ویکھنہارا ہر گھٹ تھائنیا۔ مِہروان تیرا سہارا، جُگ چؤکڑی اوٹ تکائیا۔ در درویش بن بِھکھارا، منگدے رہے واہو داہیِا۔ جُگ چؤکڑی لگّا رِہا اکھاڑا، لکّھ چؤراسی ناچ نچائیا۔ لبھدے رہے جنگل جوُہ اُجاڑ پہاڑا، اُچے ٹِلّے پربت پھول پُھلائیا۔ وڑدے رہے ڈوُنگھی غارا، سمُند ساگر کھوج کھوجائیا۔ تیرا نظر نہ آیا حق نظارہ، بےنظیِر نوُر نہ کوئے رُشنائیا۔ کِسے نہ کریا پار کنارہ، اَدھ وِچکار بَیٹھے ڈھیریاں ڈھاہیِا۔ جو آیا سو ویکھ تیرا پسارا، توہے بَیٹھا سیِس جھُکائیا۔ تیرے نام دا بن ونجارا، ہٹّ اِکو جگت چلائیا۔ شبدی دے دے گیا اِشارہ، اِشارہ اِکو نام سمجھائیا۔ سارے کہندے گئے کل کلکی آئے ہرِ اوتارا، نِہکلنک ناؤں دھرائیا۔ جِس دا انت نہ پاراوارا، بےانت بےپرواہیِا۔ شاہو بھوُپ بن سِکدارا، شہنشاہ اپنا حُکم ورتائیا۔ دو جہاناں پاوے سارا، برہمنڈ کھنڈ کھوج کھوجائیا۔ سَتجُگ تریتا دواپر کلجُگ جو دیندا رِہا لارا، سو لہر اپنی لئے پرگٹائیا۔ رہبر بنے پروردِگارا، بےپرواہ پھیرا پائیا۔ سرب جیِاں دا سانجھا یارا، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، گھر ساچا ویکھ وکھائیا۔ جُگ چؤکڑی تیرا تکدے رہے راہ، نیتر اکّھ نَین اُٹھائیا۔ کَون ویلا پربھ ملِے ملاح، بیڑا آپ چلائیا۔ کھانی بانی دیندے رہے صلاح، جیِو جنت کر پڑھائیا۔ آد جُگادی رہبر بنے اِک خُدا، خالق خلق ویکھ وکھائیا۔ صبر پیالہ جام دئے پیا، مخموُری اپنا نام چڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ جُگ چؤکڑی تیرا گاؤندے رہے ڈھولا، نام نامہ وڈ وڈیائیا۔ نِرگُن سرگُن پڑدہ رکھیا اوہلا، بھیوَ ابھید نہ کوئے جنائیا۔ نِت نوِت بنیا رِہوں تولا، نام کنڈا ہتّھ اُٹھائیا۔ ساچا گاؤندا رِہوں سوہلا، گُر اوتار پیِر پَیغمبر کر پڑھائیا۔ آپ لُکیا رِہو کایا چولا، جگت نیتر نظر کِسے نہ آئیا۔ بن کہار چُکدا رِہوں ڈولا، جوتی جوت سروُپ ہرِ، آپ اپنی کِرپا کر، اپنی کرنی آپ کمائیا۔ بےپرواہ تیرا منگیا در، در درویش الکھ جگائیا۔ جُگ جُگ تَیتھو رہے ڈر، بھےَ بھؤ سِر رکھائیا۔ نِون سو اکھّر رہے پڑھ، تیرا راگ الائیا۔چرن کوَل رہے پھڑ، دوئے جوڑ جوڑ سرنائیا۔ چار کُنٹ لبھدے رہے تیرا گھر، کَون مندر ملِے وڈیائیا۔ نظری آئے نرائن نر، نر ہرِ اپنا پھیرا پائیا۔ اپنی

کِرپا دیوے کر، کر کِرپا میل مِلائیا۔ ساچے پؤڑھے جائیے چڑھ، اُچا ٹِلّا سوبھا پائیا۔ درشن کریئے اَگے کھڑ، حاضر حضوُر نظری آئیا۔ پلّوُ نال بندھائیے لڑ، لڑی اپنی گنڈھ وکھائیا۔ بِرہو وَیراگ سچ پریِتی اندر جائیے مر، مر جیِوت روُپ وٹائیا۔ گھولی گھول سیو لئیے کر، مان ابِھمان کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینی سچ وڈیائیا۔ جُگ چؤکڑی تیری منگدے رہے اوٹ، پربھوُ اِک دھیان لگائیا۔ درشن کردے رہے نِرمل جوت، جوتی جوت نوُر رُشنائیا۔ کھیل وینہدے رہے چؤداں لوک، پرلوک تیری شنوائیا۔ تیرا ناؤں گاؤندے رہے رسنا جِہوا نال ہونٹ، بتّی دند صِفت صلاحیِا۔ تیری پریم پریِتی اندر ماندے رہے مؤج، مؤجوُدہ تیرا راہ تکائیا۔ ڈوُنگھی کندر اندر کردے رہے کھوج، گھر گھر در در تیرا راہ تکائیا۔ سَتجُگ تریتا دواپر کلجُگ سوچدے رہے تیری سوچ، سوچ سمجھ سکے نہ کوئے رائیا۔ تیرا درشن دیِدار رہے لوچ، لوچن اپنے نَین اُٹھائیا۔ پاربرہم پربھ گھر ساچے پہنچ، مِہروان اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیری سچ سچ سرنائیا۔ جُگ چؤکڑی منگی سرنگت، ملِے سرن سرنائیا۔ پاربرہم پربھ دیوے مت، اِکو گُن سمجھائیا۔ انتر دھیِرج بخشے سَت، سَت سنتوکھ جھولی پائیا۔ وست امولک پھڑائے ہتّھ، نام دھن لُٹائیا۔ کایا چولی چاڑھے رنگ، رتّ اپنے رنگ وکھائیا۔ سیج سُہنجنی سُہائے پلنگ، گھر ملِے بےپرواہیِا۔ وِچھوڑا کٹے کوُڑی بُھکھ ننگ، جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے دھیان لگائیا۔ جُگ چؤکڑی منگدے رہے بِھکھ، پربھ تیرا دھیان لگائیا۔ سَتجُگ تریتا دواپرکلجُگ سِکھیا رہے سِکھ، ساچی سِکھیا اِک جنائیا۔ کَون ویلا پربھ کرے ہِت، گھر آوے چائیں چائنیا۔ اٹّھے پہر درشن دیوے نِت، نوِت اپنی دھار بندھائیا۔ کوئی نہ دِسے رس پِھک، رس پِھکا امرت روُپ وٹائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چار جُگ پربھ رہے گاؤندے، تیرا دھیان لگائیا۔ لوک لجّیا وِچ شرماؤندے، نیتر نَین نَین چُھپائیا۔ چار کُنٹ اُٹھ اُٹھ دھاؤندے، جنگل جوُہ پھیرا پائیا۔ تن جل دھار پانی ٹھراؤندے، سِر چھار خاک رمائیا۔ ڈوُنگھی کندر وڑ وڑ راہ تکاؤندے، نیتر میِٹ ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ چار جُگ تیرا گاؤندے رہے گیِت، جن بھگت رہے جنائیا۔ کوئی مندر وڑیا مسیِت، شِودوالا مٹّھ کوئے منائیا۔ کوئی جل دھارا ٹھریا ٹھانڈا سیِت، اگنی تت کوئے تپائیا۔ کوئی گائے اندر وڑ کے گیِت، کوئی اُچی کوُک

سُنائیا۔ کوئی بُھنّیا وانگ کباب اُپر سیخ، کوئی پُٹھڑی کھلّ لُہائیا۔ جوتی جوت سروُپ ہرِ، آپ اپنی کِرپا کر، در تیرے اِک عرضوئیا۔ بھگت سنت صوُفی کہندے، پربھ اِکو دھیان لگائیا۔ چار جُگ تیرا بھانا سہندے، دُکھڑے جگت اُٹھائیا۔ ڈوُنگھی دھار وہن وہندے، رُڑھدیاں رُڑھدیاں چار جُگ لنگھائیا۔ جوتی جوت سروُپ ہرِ، آپ اپنی کِرپا کر، ایکا دے انت وڈیائیا۔ بھگت سنت گُرمُکھ رو، در ساچے حال سُنائیا۔ پُرکھ ابناشی سہائی آپے ہو، ہوکا تیرے نام وڈیائیا۔ تُدھ بِن نظر نہ آوے کو، کوُڑی دِسے سرب لوکائیا۔ آتم پرماتم آ کے چھوہ، شہنشاہ اپنے انگ لگائیا۔ کر مُحبّت پا موہ، مِہر نظر اِک اُٹھائیا۔ اپنے پرکاش کر لو، دِیپک نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، انتم تیرا دھیان لگائیا۔ جُگ چؤکڑی ہوئی اَخیِر، آخر تیری آس رکھائیا۔ در آ سانجھے پیِر، پیِرن پیِر تیری وڈیائیا۔ پرگٹ ہو گہر گمبھیِر، بےنظیِر پھیرا پائیا۔ کلجُگ اگن تپے سریِر، سانتک سَت نہ کوئے کرائیا۔ ساچا بھوُشن بستر پہنے نہ کوئے چیِر، چولی تن نہ کوئے رنگائیا۔ لکّھ چؤراسی کٹے نہ کوئے بھیِڑ، اگلا پندھ نہ کوئے مُکائیا۔ مانس جنم کوئی نہ بنّھے بیِڑ، سِر ہتّھ نہ کوئے ٹِکائیا۔ تیرے بھگت ہوئے دِلگیِر، دِل دِلاسا کوئے نظر نہ آئیا۔ ایکا پکڑ ہتّھ شمشیِر، شاہ پاتشاہ اپنا بل وکھائیا۔ لیکھے لا شاہ حقیِر، حقیِقت اپنی دے جنائیا۔ دروہی خُدا بدل تقدیِر، تصویِر اپنی سچ وکھائیا۔ شرع توڑ آن زنجیر، جابر جبر پھیرا پائیا۔ تیرا تکیا راہ یامُبین، مُفلس بَیٹھے دین دُہائیا۔ نہ کوئی مِسال وِچھوڑا میِن، میِن وِچھوڑا جل نظر کوئے نہ آئیا۔ ہؤں بالک نڈھے تیرے ادھیِن، تُوں پِتا پُرکھ بےپرواہیِا۔ سانوُں تیرے اُتے یقین، ویلے انت ہوئیں سہائیا۔ بردے بنے غُلام مسکیِن، مُشکل انتم ح کرائیا۔ جوتی جوت سروُپ ہرِ، آپ اپنی کِرپا کر، پوُرب لہنا جھولی پائیا۔ تکّ تکّ راہ گئے تھکّ، جُگ چؤکڑی پندھ مُکائیا۔ پڑھ پڑھ کلمے گئے اکّ، ویکھ لیکھا قلم شاہیِا۔ بن بن پاندھی رہے نٹھّ، تیرا پندھ نہ کوئے مُکائیا۔ پِھر پِھر ویکھے تیِرتھ تٹ، دُرمت مَیل نہ کوئے دُھوآئیا۔ سوُریا چندر پانی جھٹّ، جل دھارا بھیٹ چڑھائیا۔ منکا منکا مالا اٹھوتری رٹ، اکوتری تیری گنڈھ وکھائیا۔ سچ دوارا نظر نہ آیا کوئی ہٹّ، چار کُنٹ پِھرے واہو داہیِا۔ انتم کھیڑا ہُندا دِسے بھٹّھ، بھانڈا بھرم نہ کوئے بھنّائیا۔ تُدھ بِن کوئی نہ رکھے پت، پتپرمیشور سچ گوسائینا۔ ساچا مارگ آ کے دسّ، در بَیٹھے الکھ جگائیا۔ نِرگُن ہو کے ہِردے وس، سرگُن دیونہار وڈیائیا۔ مِہروان ہو کے گا جس، تیرا اِک دھیان رکھائیا۔ کلجُگ انتم ساڈی ہوئی بس، بستا بدھّا ولوں لوکائیا۔

دھیِرج کوئی نہ رِہا ہٹّھ، تپ سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، آ کے دے دے ساڈا حق، اِکو اپنی منگ منگائیا۔ جُگ چؤکڑی تیرا ناؤں رہے پڑھدے، رسنا جِہوا نال مِلائیا۔ ہو کے رہے درویش بردے، بندے بندگی وِچ سمائیا۔ در در پانی تیرا رہے بھردے، پنگھٹ اِکو پھیرا پائیا۔ دیِن مذہب نال رہے لڑدے، چُھری شرع ویکھی جگت قصائیا۔ اگنی ہؤن رہے سڑدے، جل دھارا روڑھ وہائیا۔ تیرے پِچھے رہے مردے، تَینوُں ترس کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دے دے ساچا ور، کل انتم منگ منگائیا۔ انتم منگدے تَیتھوں نِرنکار، جن بھگت آکھ جنائیا۔ در آئے تیرے دربار، گھر ساچے الکھ جگائیا۔ آد جُگادی میِت مُرار، سچ پریِتی توڑ نِبھائیا۔ جُگ چؤکڑی کردے رہے پیار، انند ویکھیئے چائیں چائنیا۔ نہیں تےکہ دے مَیں گیا ہار، میرا بل کوئے رہن نہ پائیا۔ پھیر اسیں بھریئے تیرا بھنڈار، تیرا نام تیری جھولی پائیا۔ آپا آپ تَیتھوں وار، تیری سیوک سیو کمائیا۔ جوتی جوت سروُپ ہرِ، آپ اپنی کِرپا کر، ساچا لیکھا دے چُکائیا۔ بھگت کہن پربھ سچ دسّ، کِیوں بَیٹھا مُکھ شرمائیا۔ کی تُوں ساڈا کہ اسیں تیرے وس، دوہاں پڑدہ دے کُھلائیا۔ کی سب کُچھ تیرے ہتّھ، کی دیونہار بھگت ہو جائیا۔ جے کہیں مَیں نہیں پُرکھ سمرتھ، تیری سمرتھیا دیئیے بنائیا۔ جو مارگ سانوُں دِتا دسّ، سو مات لوک پرگٹائیا۔ کلجُگ انتم کر کے آئے ہٹّھ، بل اپنا آپ رکھائیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، سد اپنے نال رکھائیا۔ سِری بھگوان کہے مَیں سمرتھ، سمرتھ میری وڈیائیا۔ جن بھگت چڑھاواں اپنے رتھ، بن رتھواہی سیو کمائیا۔ جُگ چؤکڑی جو مارگ آیا دسّ، انتم نیتر نَیناں دیاں وکھائیا۔ میل مِلاواں ہسّ ہسّ، گھر ساچے جوڑ جُڑائیا۔ انتر آتم دیواں رس، امرت جھِرنا اِک جھِرائیا۔ پریمی ہو کے ہوواں وس، پریِتی اِکوتوڑ نِبھائیا۔ تیِر انیالا ماراں کس، بجرکپاٹی پار کرائیا۔ مندر بہہ کے گاواں جس، ڈھولا راگ سُنائیا۔ ناطہ تُڑاواں تت اٹّھ، نؤ در پندھ مُکائیا۔ دسویں گھر بول الکھ، الکھ الکھنا بھیوَ چُکائیا۔ میل مِلاواں کملاپت، پتپرمیشور نظری آئیا۔ جوتی جوت سروُپ ہرِ، آپ اپنی کِرپا کر، جن بھگت آپ ترائیا۔ جن بھگت انتم میل مِلاوانگا۔ گُر چیلا روُپ وٹاوانگا۔ سجّن سُہیلا سنگ نِبھاوانگا۔ ساچا ویلا آپ سُہاوانگا۔ اچرج کھیل آپ کھِلاوانگا۔ آون جاون لکّھ چؤراسی کوُڑی جیل پندھ مُکاوانگا۔ دھام وکھاواں اِک نَویل، جِس گھر اپنا آسن لاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، چار جُگ دی کرنی کیِتی

جھولی پاوانگا۔ چار جُگ دی جھولی بھراوانگا۔ پھڑ بانہوں پار لنگھاوانگا۔ ساچے مندر آپ بہاوانگا۔ مستک چندن ٹِکاّ نام لگاوانگا۔ دُھردرگاہی ساچا سگن، سچکھنڈ دوارے آپ وکھاوانگا۔ اٹّھے پہر جوتی مگھن، پنج تت ناطہ توڑ تُڑاوانگا۔ لوکمات کوئی نہ آوے سدّن، صدّا اپنا نام رکھاوانگا۔ پرم پُرکھ دا اِکو بھجن، تُوں میرا مَیں تیرا ڈھولا گاوانگا۔ سنت سُہیلے گُرمُکھ سجّن، درگاہ ساچی بہہ کے نچن، خوشیاں اپنا رنگ وکھاوانگا۔ پوُرب جنم دا کیِتا قؤل پوُرا کراں بچن، بچت اپنے کول نہ کوئے وکھاوانگا۔ گھاٹ اُتاراں ساچے پتّن، ڈیرہ اِکو گھر لگاوانگا۔ کلجُگ انتم آیا رکھن، راکھا ہو کے ویکھ وکھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے کول بہاوانگا۔ ہرجن ساچے کول بہائےگا۔ پربھ اپنی دَیا کمائےگا۔ چار جُگ دا لیکھا انت مُکائےگا۔ مِٹھا کر کے کؤڑا ریِٹھا، امرت رس آپ بھرائےگا۔ بن کے دو جہاناں نیتا، دُھر فرمانا حُکم سُنائےگا۔ جن بھگتاں کرے اگمّی ہیتا، آتم پرماتم میل مِلائےگا۔ نِج نیتر اپنے پیکھا، پیکھ پیکھ خوشی جنائےگا۔ سچکھنڈ دوار کرائے پِچھلا چیتا، پوُرب جنم بوُجھ بُجھائےگا۔ بھگت بھگوان ناطہ پیو پُت جگ بیٹا، جگ جیِون داتا اپنا گھر وسائےگا۔ ویکھنا کھیل سچکھنڈ سچ دیسا، چھّپر چھنّ نہ کوئے چُھہائےگا۔ سد رکھے چرناں ہیٹھاں، دھوُڑی ٹِکاّ مستک اِکو لائےگا۔ جوتی جوت سروُپ ہرِ، آپ اپنی کِرپا کر، لہنا دینا سب دا پوُر کرائےگا۔ پربھ منسا پوُر کراویگا۔ جوتی نوُر چمکاویگا۔ حاضر حضوُر نظری آویگا۔ نیڑے دوُر پندھ مُکاویگا۔ ناطہ کوُڑو کوُڑ تُڑاویگا۔ موُرکھ موُڑھ چتُر سُگھڑ بناویگا۔ دے مستک دھوُڑ، ٹکا اپنا نام لگاویگا۔ جنم کرم دی آسا پوُر، بھانڈا بھرم بھؤ بھنّاویگا۔ گُر بُھلیاں جو کیتے قصوُر، سو قصوُر معاف فرماویگا۔ سرب کلا ہو بھرپوُر، پربھ اپنی دَیا کماویگا۔ جوتی جوت سروُپ ہرِ، آپ اپنی کِرپا کر، چار جُگ دا چندن مستک نام سُگندھی تِلک لگاویگا۔ نام سُگندھی تِلک للاٹ، ترِسوُل نہ کوئے وڈیائیا۔ اٹّھے پہر جوت پرکاش، اندھ اندھیر دئے مِٹائیا۔ نِرگُن ہو کے وسے ساتھ، نِرگُن میلا سہج سُبھائیا۔ نِرگُن نظری آئے ساکھیات، جوتی جاتا بےپرواہیِا۔ بھگت جن سارے مُکھوں کہن آکھ، واہوا بھگوَن تیری وڈیائیا۔ تیرے در تے ہوئے داس، آس پُنی خوشی منائیا۔ تیرے مندر مِلیا نِواس، گھر ساچے وجّی ودھائیا۔ تیرے اُپجی وِچوں شاخ، انتم تیری گنڈھ بندھائیا۔ جوتی جوت سروُپ ہرِ، آپ اپنی کِرپا کر، سچ وکھایا اِکو گھر، جِس گھر تیرا روُپ نظری آئیا۔ بھگت ویکھ روُپ سچ، ہرِ سچ سچ دِرڑائیندا۔ تُوں میرا مَیں تیرا اِک دوُجے

اندر گئے رچ، رچنا اپنی پھیر سمجھائیندا۔ بھگت دوارے بھگوَن نچّ، ناچ بھگتاں اپنے گھر وکھائیندا۔ دُھر دا مارگ دُھردرگاہی دسّ، دُھر دا میلا میل مِلائیندا۔ اَگے رہن نہ دیواں اڈّ، پِچھلا وِچھوڑا پندھ مُکائیندا۔ کوُڑے ناتے دینے چھّڈ، شہنشاہ اپنے رنگ رنگائیندا۔ جِس دا لبھدے رہے چؤتھا پد، سو پرم پُرکھ پربھ اپنا گھر وکھائیندا۔ بن کے حاجی کرو حج، حُجرہ اِکو نظری آئیندا۔ پربھ نیتر نِج درشن کرو رجّ رجّ، انتم ترِسنا بُھکھ بُجھائیندا۔ سچ محلّے وڑو بھجّ بھجّ، سَتگُر دوارا اِک کُھلائیندا۔ جوتی جوت سروُپ ہرِ، آپ اپنی کِرپا کر، پھیر وکھاوے اوہ گھر، جِس گھر وِچوں گُر اوتار پیِر پَیغمبر بھگت بھگوان باہر کڈھائیندا۔

۲۸ ہاڑھ ۲۰۲۰ بِکرمی پریِتم سِنگھ سادھوُ سِنگھ دے گرِہ پِنڈ جھنڈیر کلاں

ہرِ سنگت تیرا ہوئے وادھا، ودی سُدی نہ کوئے وڈیائیا۔ گوبِند پِتا پُرکھ اکال دادا، گھر ساچے خوشی وکھائیا۔ دو جہاناں پِھرے بھاجا، بھگوَن اپنی سیو کمائیا۔ نوَ نؤ چار پِچھو رچیا کاجا، کرنی کرتا آپ کمائیا۔ بھوُپت بھوُپ وڈ شاہو راجن راجا، شہنشاہ اپنا کھیل وکھائیا۔ ساچے تیرا لاوے بھاگا، وڈبھاگی خوشی منائیا۔ بھگت بھگوَنت ساجن ساجا، سچ سمگری وِچ ٹِکائیا۔ نام نِدھان وجائے واجا، سُر تال سمجھ کِسے نہ آئیا۔ پھڑ ہنس بنایا کاگا، سوہنگ ہنسا جاپ جپائیا۔ ناطہ تُٹا جگت سماجا، چار ورن ڈیرہ ڈھاہیِا۔ انتر اُپجے اِک وَیراگا، ہرِ وَیراگی آپ اُپجائیا۔ پوُرب جنم دا مِلیا سجّن ساکا، سگلا سنگ نِبھائیا۔ نِرگُن نِروَیر نظری آیا اِکو آقا، اکل کل دھاری بےپرواہیِا۔ ہوئے سہائی ناتھ اناتھا، نِتھاویاں دیونہار وڈیائیا۔ سَت دھرم جنائے گاتھا، آتم پرماتم کرے پڑھائیا۔ جوتی جوت سروُپ ہرِ، آپ اپنی کِرپا کر، سد مِہر نظر اُٹھائیا۔ ہرِ سنگت تیرا ویکھے مان، من منسا پوُر کرائیا۔ گُر اوتار کرن دھیان، نِج نیتر نَین کُھلائیا۔ پیِر پَیغمبر ہوئے حَیران، نیتر نَین نَین شرمائیا۔ کلجُگ انت سِری بھگوَنت کریا کھیل مہان، مہما اکتھ کتھی نہ جائیا۔ سچکھنڈ نِواسی داتا دانی دیوے دان، انمُلڑی وست آپ ورتائیا۔ لکّھ چؤراسی وِچوں کر پہچان، ہرجن ساچے باہر کڈھائیا۔ انتر آتم دے گیان، ساچی سِکھیا کرے پڑھائیا۔ ناطہ چُھٹے جگت جہان، کوُڑا بندھن کوئے رہن نہ پائیا۔ نظری آوے اِک نِشان، دو جہاناں والی آپ جھُلائیا۔ دِیا دِیپک جوت جگے مہان، تیل باتی وِچ نہ کوئے

ٹِکائیا۔ پُرکھ ابناشی ملِے سچّا کاہن، جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ ہرِ سنگت تیرا سوہنا روُپ، سِری بھگوان آپ اُپائیندا۔ تیرا ڈنکا دو جہاناں چار کوُٹ، دہ دِشا آپ سُنائیندا۔ صاحِب سُلطانا سَت سروُپ، سَت سَتوادی تیرے اندر آسن لائیندا۔ جنم کرم دی میٹے بھوُکھ، مایا ممتا ترِسنا روگ گوائیندا۔ گھر آتم اُپجے ایکا سوُکھ، سُکھ ساگر روُپ وٹائیندا۔ سو گُرمُکھ سو ہرجن سچّا پوُت، جِس جن اپنی گود بَیٹھائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنی کار کمائیندا۔ ہرِ سنگت تیرا سچّا نوُر، نوُر نوُرانہ آپ دھرائیا۔ سِری بھگوان سرب کلا بھرپوُر، خالی بھانڈے رِہا بھرائیا۔ جنم جنم دے کٹے جوُڑ، جوڑی اپنے نال جُڑائیا۔ مستک ٹِکاّ بخشے دھوُڑ، تِلک للاٹی جوت چمکائیا۔ ناطہ توڑے کوُڑو کوُڑ، گھر ساچے وجےّ ودھائیا۔ داتا دانی جودھا سوُر، سوُربیِر ہوئے سہائیا۔ سَتجُگ تریتا دواپر بخشے کلجُگ انت قصوُر، قسم ساچے نام پوائیا۔ اِسم اعظم اِکو دسےّ حاضر حضوُر، ہرِ حضرت وڈ وڈیائیا۔ جوتی جوت سروُپ ہرِ، آپ اپنی کِرپا کر، لیکھا دیونہار ایکا ایک اپنی سیو کمائیا۔ ہرِ سنگت تیرا اُتم ناطہ، نوَ نؤ چار نظر کِسے نہ آئیا۔ جُگ چؤکڑی گُر اوتار پیِر پَیغمبر پربھ دی پڑھدے گئے گاتھا، اُچ اگمّ اتھاہ چرن دھیان لگائیا۔ کلجُگ انت سِری بھگوَنت نِرگُن روُپ ویکھن آیا آپ تماشا، شاہ پاتشاہ اپنا پھیرا پائیا۔ دیِن دَیال ہو کے جن بھگتاں دیوے سچ بھرواسا، چرن کوَل کوَل سرنائیا۔ جن بھگتاں سِری بھگوان آپ گائے گاتھا، گُرمُکھ گوُ ڑھی نیِند سوائیا۔ بِن کرنیؤں پوُرا کرے گھاٹا، مِہر نظر آپ اُٹھائیا۔ کایا بھرے ساچا کاسہ، وست امولک وِچ ٹِکائیا۔ اگلا کھولے بھیوَ خلاصہ، خودی تکّبر کوئے رہن نہ پائیا۔ دسّن آیا اپنا ساکہ، ساقی ساچا نام سُنائیا۔ لیکھا جانے جوتی جاتا، جوتی جوت ڈگمگائیا۔ جن بھگتاں پوُرا کرے کھاتا، گھاٹا کوئے رہن نہ پائیا۔ پُرکھ اکال بنیا داتا، داتا دانی اِک ہو جائیا۔ جوتی جوت سروُپ ہرِ، آپ اپنی کِرپا کر، ہرِ سنگت رنگ رنگائیا۔ ہرِ سنگت تیرا اُچ محلّا، سِری بھگوان آپ سُہائیا۔ ویکھنہارا اِک اِکلّا، ایکنکار اکّھ کُھلائیا۔ سچ پرکاش دِیپک بلا، جوتی نوُر نوُر رُشنائیا۔ دُھر سندیسہ اِکو گھلّا، کرے نام پڑھائیا۔ نِرگُن ہو پھڑائے پلّا، سرگُن اپنے انگ لگائیا۔ بِرہوں وَیراگی پِھرے جھلّا، جھلک اِکو نوُر جنائیا۔ موُرکھ ہو کے وڑ جائے کایا ڈوُنگھی ڈلّا، اندھ اندھیرے اپنا آسن لائیا۔ کرے کھیل اچھل اچھلّا، ول چھل دھاری سمجھ کوئے نہ پائیا۔ مِہروان ہو کے مارے اِکو نام ہلّا، ہؤلا سب دا بھار کرائیا۔ جوتی جوت سروُپ

ہرِ، آپ اپنی کِرپا کر، سد دیونہار وڈیائیا۔ ہرِ سنگت تیرا سوہنا مُکھ، مُکھ اُجل آپ کرائیا۔ سِری بھگوان لاہے اپنی بُھکھ، ہرجن تیرا درشن پائیا۔ پریم پریِتی اندر لئے چُک، ساچی گود آپ اُٹھائیا۔ اَگے ہو کے ویکھے نیڑے ڈُھک، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ہرِ سنگت تیرا سچ میِنار، مُنی رِکھی بَیٹھے دھیان لگائیا۔ چار جُگ کردے رہے وِچار، سمجھ سکے کوئی نہ رائیا۔ گُر اوتار دیندے رہے اِشار، اِشاریاں نال سمجھائیا۔ پیِر پَیغمبر دسّدے رہے دھار، دھرنی دھرت دھوَل وڈیائیا۔ سارے کہندے رہے سانجھا یار، یاری اِکو اِک رکھائیا۔ جوتی جوت سروُپ ہرِ، آپ اپنی کِرپا کر، سو صاحِب ویکھ وکھائیا۔ ہرِ سنگت پربھ ویکھے ایک، ایکنکار وڈّی وڈیائیا۔ جِس دی انتم ساچی ٹیک، سرنگت اِک سمجھائیا۔ تِس دا لیکھ سدا الیکھ، لیکھا لِکھ سکے کوئی نہ رائیا۔ سو سَتگُر دھر کے آیا بھیکھ، بھیکھادھاری ویس وٹائیا۔ سچکھنڈ نِواسی رہے ہمیش، نہ مرے نہ جائیا۔ حُکمے اندر بھوائے وِشن برہما شِو مہیش، دُھر سندیسہ حُکم منائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ ہرِ سنگت تیرا سچّا سنگ، سو صاحِب آپ نِبھائیندا۔ در درویش ہو کے نچّے ملنگ، گھر گھر اپنا ڈؤروُ ڈنک وجائیندا۔ دُھر دی ریِتی منگے منگ، مانگت اِکو نظری آئیندا۔ گرِہ مندر وجا سچ مردنگ، سوئی سُرت شبد اُٹھائیندا۔ اُٹھ سوَانی ویکھ انند، انند آتم اِک جنائیندا۔ پرمانند سچ سُگندھ، ساچی دھار وِچ وکھائیندا۔ ساچا ڈھولا گاؤ چھند، گیِت گوبِند آپ سمجھائیندا۔ دوُر دُراڈا کٹ کے آیا پندھ، پاندھی اپنا پھیرا پائیندا۔ جوتی جوت سروُپ ہرِ، آپ اپنی کِرپا کر، ہرِ سنگت ویکھ وکھائیندا۔ ہرِ سنگت تیرا در اپار، اپرمپر دئے وڈیائیا۔ جِس دی سیوا کری سدا جُگ چار، نوَ نؤ چار دھیان لگائیا۔ چھتّی جُگ کردے گئے پُکار، اُچی کوُک کوُک سُنائیا۔ اِکَونجا بَونجا بن دے گئے بِھکھار، پنج اِک دو سیِس جھُکائیا۔ نؤ در روندے گئے زارو زار، نیتر نَیناں نیِر وہائیا۔ دسویں دہ دِشا منگدے رہے سچّا دیِدار، دیِد عیِد چند کَون چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ ہرِ سنگت تیرا پریم ساگر، لہر لہر نال لہرائیا۔ سِری بھگوان کلجُگ انت کرے اُجاگر، اُجرت موُل نہ لائے رائیا۔ سیوا کر کے گیا تیغ بہادر، گوبِند بنس سربنس بھیٹ چڑھائیا۔ کلجُگ انت سِری بھگوَنت نِرمل کرم کرے اُجاگر، مُکھ اُجالا آپ وکھائیا۔ لوکمات دیوے دات سچ دوارے بخشے آدر، آدرش اپنا اِک وکھائیا۔ جوتی جوت سروُپ ہرِ، آپ

اپنی کِرپا کر، دیونہار سدا سرنائیا۔ ہرِ سنگت تیرا پُرکھ اکال، گوبِند پِتا گیا سمجھائیا۔ کلجُگ ویکھے اپنے لال، لال رنگیِلا بےپرواہیِا۔ جوتی نوُر بےمثال، مِسل سکے نہ کوئے بنائیا۔ پرگٹ ہوئے وِچ جہان، نِرگُن اپنا ویس دھرائیا۔ بھگت بھگوان ویکھے آن، بھیوَ ابھیدا آپ جنائیا۔ سچ دوارے کٹّھے کرے مِہروان، مِہر نظر اُٹھائیا۔ اوُچ نیِچ راؤ رنک گاؤ ساچا گان، گہر گمبھیِر آپ پڑھائیا۔ آتم پرماتم منگو دان، داتا دانی رِہا سمجھائیا۔ سُرتی شبد مِلاواں کاہن، گھر بنسری نام سُنائیا۔ پیِر پَیغمبر دیوے اِلاہی پَیغام، دُھر سندیسہ اِک جنائیا۔ کلمہ نبی رسوُل پڑھو کلام، کائنات خوشی منائیا۔ چار یاری کرو پرنام، سجدہ سیِس جگدیِش جھُکائیا۔ در درویش بنو غُلام، دُرمت مَیل رہے نہ رائیا۔ نظری ویکھو اِک امام، بےپرواہ نوُر خُدائیا۔ آبِ حیات پیِو جام، کایا جامہ دئے بدلائیا۔ ہرِ سنگت جنائے اِکو نام، سوہنگ نام سچ پڑھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ہرِ سنگت تیرا نام کرتار، کرتا آپ جنائیا۔ سوہنگ روُپ اگمّی دھار، پنج تت نظر نہ آئیا۔ آتم پرماتم کھیل سچّی سرکار، شاہ پاتشاہ آپ کھِلائیا۔ ونڈاں ونڈدا رِہا سدا جُگ چار، چؤکڑی اپنا راہ وکھائیا۔ ہوکا دیندا رِہا وِچ سنسار، گُر اوتار پیِر پَیغمبر روُپ وٹائیا۔ کلجُگ آؤنا کل کلکی اوتار، نِہکلنک پھیرا پائیا۔ چار ورناں کرے سچ پیار، ساچا گھر اِک وکھائیا۔ پِچھلا لیکھا دئے نِوار، اَگے اپنا رنگ رنگائیا۔ نر نریشا کرے سچ پیار، نرائن اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ہرِ سنگت دیونہار وڈیائیا۔ ہرِ سنگت جِس ہویا میلا، پربھ مِلیا بےپرواہیِا۔ گُر گوبِند دا بنیا چیلا، پُرکھ اکال دَیا کمائیا۔ کلجُگ انتم اِکو ویلا، اَخیِر آخر رِہا جنائیا۔ سچ سوامی چاڑھے تیلا، گھر ساچے سگن منائیا۔ لکّھ چؤراسی نالوں ہو کے وِہلا، پیار بھگتاں نال رکھائیا۔ ڈھوُنڈنہار جنگل جوُہ اُجاڑ پہاڑ اُچے ٹِلّے پربت بیلا، ڈوُنگھی کندر سمُند کھائی ویکھ وکھائیا۔ سد وسنہارا دھام نوَیلا، جوتی جوت سروُپ ہرِ، آپ اپنی کِرپا کر، ہرِ سنگت اِکو گنڈھ پوائیا۔ ہرِ سنگت تیری نام گنڈھ، تندی تند آپ بندھائیندا۔ چار ورن پاوے ٹھنڈ، اوُچ نیِچ نہ کوئے رکھائیندا۔ آتم ناطہ جُڑیا ہنگ، برہم اپنا میل مِلائیندا۔ لیکھا جانے ڈوری سنگ پتنگ، آکاش پرکاش آپ جنائیندا۔ دوُر دُراڈا بےپرواہی ساچا ماہی گُنی گہیِرا کٹ کے آیا پندھ، پاندھی اپنا پھیرا پائیا۔ گُر اوتاراں پیِر پَیغمبراں نالوں ہو الگّ جنایا چھند، سوہنگ ڈھولا آپ الائیا۔ بھگت بھگوان اِک دوُجے دا مانو انند، انند اپنا آپ جنائیا۔ جوتی جوت سروُپ ہرِ، آپ اپنی کِرپا کر،

ہرِ سنگت میل مِلائیا۔ ہرِ سنگت میلا سچ دربار، دُھر درباری آپ مِلائیندا۔ کوُڑی کِریا کرم وِچار، گھر ساچا اِک سُہائیندا۔ ورن برن دا روگ نِوار، دُکھ سنسا نہ کوئے رکھائیندا۔ امرت سروور اِک نُہالَ، دُرمت مَیل دھوائیندا۔ چرن سرنائی سچّی دھرمسال، دھرم دوارا آپ وکھائیندا۔ جِس گرِہ وسے شاہ کنگال، سو مندر سوبھا پائیندا۔ نوَ نؤ چار پِچھوں کر کر بھال، گُرمُکھ گُرسِکھ ہرجن ہربھگت میل مِلائیندا۔ نِرگُن ہو کے بن دلال، ہرِ سنگت اِکو گنڈھ پوائیندا۔ پُرکھ اکال ہو کے گھالے گھال، جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ ہرِ سنگت تیرا ناطہ جوڑ، ساچا رنگ رنگائیا۔ جگت وِکار در توں ہوڑ، ساڈھے تِنّ ہتّھ وِچوں باہر کڈھائیا۔ آپ ویکھے کر کے غؤر، اندر وڑ وڑ پھیرا پائیا۔ لیکھا لِکھے رَوداس چمارا جو ڈھوئے ڈھور، لِکھیا لیکھ نہ کوئے مِٹائیا۔ صاحِب سوامی وسے کول، کوَل نَین نوُر رُشنائیا۔ ہرِ سنگت دیوے نام انمول، انمُلڑی وست ورتائیا۔ امرت رس بھرے کؤل، کوَل نابھ بھوائیا۔ ملِے وڈیائی اُپر دھؤل، دھرنی دھرت سوبھا پائیا۔ جوتی جوت سروُپ ہرِ، آپ اپنی کِرپا کر، مِہروان سدا سہائیا۔ مِہروان سدا سوامی، مِہر نظر اُٹھائیا۔ پُرکھ ابناشی انترجامی، ہر گھٹ ویکھ وکھائیا۔ لیکھ چُکائے چار کھانی، بانی اپنا نام جپائیا۔ شبد مِلاواں ساچے ہانی، گھر مندر خوشی کرائیا۔ داتا ہو کے آیا دانی، دیونہار دَیا کمائیا۔ گُرمُکھ ویکھے گُر گُر پرانی، پران آدھار سہج سُکھدائیا۔ دھرم دوار دی اِک نِشانی، سچ پریِتی دئے وکھائیا۔ بھیوَ نہ جانے کوئے وِدوانی، وِدت سار کوئے نہ آئیا۔ جوتی جوت سروُپ ہرِ، آپ اپنی کِرپا کر، ہرِ سنگت بنائے پُرکھ سُجانی، ساچا راہ اِک وکھائیا۔ ساچا راہ جگت نِرالا، نر ہرِ نرائن آپ جنائیندا۔ پُرکھ اکال بن دلالا، سچ دلالی مات کمائیندا۔ چار ورن بنائے اِکو دھرمسالا، دھرم دوارا آپ پرگٹائیندا۔ سچ پرکاش دِیپک ہوئے نِرالا، جوتی جاتا نوُر ڈگمگائیندا۔ ساچا مارگ جگت سُکھالا، سَتجُگ سچ سچ سمجھائیندا۔ آتم پرماتم پائے ساچی مالا، من کا منکا آپ بھوائیندا۔ جوتی جوت سروُپ ہرِ، آپ اپنی جوت دھر، دیونہارا ساچا ور، گھر اِکو اِک وسائیندا۔ ہرِ سنگت گھر وسے کھیڑا، کھِڑکی تاکی بند آپ کُھلائیا۔ چار جُگ دا مکُے جھیڑا، چار ورن نہ کوئے لڑائیا۔ پُرکھ ابناشی مِلیا کر کے اپنی مِہرا، مِہر نظر اُٹھائیا۔ ناطہ جوڑیا تیرا میرا، میرا تیرا اپنا روُپ درسائیا۔ سچکھنڈ وکھایا کُھلا ویہڑا، بِن بھگتاں دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ہرِ سنگت دیونہار وڈیائیا۔ ہرِ سنگت پیکھ ساچا گھر، سچکھنڈ نِواسی آپ وکھائیا۔ اَگے

پِچھے پلّوُ لہنا پھڑ، سِری بھگوان رِہا پھڑائیا۔ واری واری پؤڑے جانا چڑھ، ہرِ کرتا آپ چڑھائیا۔ ساچے مندر جانا وڑ، گھر وجےّ نام ودھائیا۔ پُرکھ اکال اَگے بَیٹھا ہرِ، سچ سِنگھاسن سوبھا پائیا۔ پریِتم سِنگھ لوکمات پُت وَیراگ نہ کر، جِس دا پُت پربھ اپنی گود بہائیا۔ ہرِ سنگت ساری لےَ جائے پھڑ، بھائیاں نال بھائی لئے مِلائیا۔ رل مِل ڈھولا سوہنگ مہاراج شیر سِنگھ وِشنوُں بھگوان لؤ پڑھ، پڑھیاں انتم لیکھے لائیا۔

۲۹ ہاڑھ ۲۰۲۰ بِکرمی سادھوُ سِنگھ دے گرِہ جھنڈیر کلاں

ہرِ کِرپا گُر پرسادِ، گُر پرسادی سنگت دَیا کمائیا۔ ہرِ کِرپا گُر سجّن لادھ، گُر سجّن گُرمُکھ دیونہار وڈیائیا۔ ہرِ کِرپا گُر دیوے داد، سَتگُر داد جن بھگتاں جھولی نام بھرائیا۔ ہرِ کِرپا گُر رکھے لاج، بھگت بھگوان ویکھے تھاؤں تھائنیا۔ ہرِ کِرپا گُر مار آواز، سنت سُہیلے اُٹھائے چائیں چائنیا۔ ہرِ کِرپا گُر کرائے وڈ وڈ بھاگ، وڈبھاگی اپنا رنگ وکھائیا۔ ہرِ کِرپا، جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سَتگُر دَیا کمائیا۔ ہرِ کِرپا گُر پرسادِ اموگھ، دیِن دَیال آپ جنائیندا۔ گُر گُر ناطہ دُھر سنجوگ، دُھر درباری میل مِلائیندا۔ وستوُ سَت دیوے چوگ، دھار امرت نال مِلائیندا۔ جنم اجنم کٹے روگ، چِنتا سوگ گوائیندا۔ جوتی جوت سروُپ ہرِ، آپ اپنی کِرپا کر، ہرجن ساچے ویکھ وکھائیندا۔ ہرِ کِرپا گُر دیوے پرسادِ، پرسادی اپنی دَیا کمائیا۔ گُر پرسادِ انرس سواد، رسنا جِہوا چکھ نہ سکے رائیا۔ سو کھائے جو ہوئے وِسماد، بِسمِل اپنا آپ کرائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر پرسادِ کہے میرا پریم مِٹھا، مِٹھت میرے وِچ سمائیا۔ میرا رس بِن گُرمُکھاں کِسے نہ ڈِٹھا، لکّھ چؤراسی پِھرے تِہائیا۔ مَیں اندر باہر پریم پریِتی اندر بناں ساچا مِتا، مِتر پیارا ناؤں دھرائیا۔ جُگ چؤکڑی کراں پوِتا، بن ہِتکاری سیو کمائیا۔ جگت دَوار رس ہوئے پِھکا، پِھکی دِسے سرب لوکائیا۔ جِس گُرمُکھ رس میرا ڈِٹھا، سو گُرمُکھ گُر گُر گھولی گھول گھُمائیا۔ جوتی جوت سروُپ ہرِ، آپ اپنی کِرپا کر، مِہر نظر آپ اُٹھائیا۔ گُر پرسادِ کہے میری بناوٹ نظر کِسے نہ آئیا۔ ترےَگُن میل سچ مِلاوٹ، میل مِلاوے بےپرواہیِا۔ مَینوُں کھادیاں گُرمُکھاں کدی نہ آئے تھکاوٹ، سُکھ سُکھ نال

اُپجائیا۔ جوتی جوت سروُپ ہرِ، آپ اپنی کِرپا کر، سد میرا سنگ نِبھائیا۔ گُر پرسادِ کہے میرا ساچا رس، ہرِ پُرکھ نِرنجن آپ بھرائیا۔ جُگ چؤکڑی مَیں آواں بھگتاں ہتّھ، دوُسر چھوہ نہ سکے رائیا۔ میرے کول بہہ کے پہلوں گاؤن پربھ دا جس، نِج نیتر دھیان لگائیا۔ دوئے جوڑ اپنی اَگے رکھن آس، آسا پربھ چرن مِلائیا۔ نِون پریِتی کرن ہو کے داس، داسی روُپ وٹائیا۔ رسنا گاؤن پَون سواس، نیتر نَین نَین شرمائیا۔ جوتی جوت سروُپ ہرِ، آپ اپنی کِرپا کر، سد ویکھنہار آپ ہو جائیا۔ گُر پرسادِ کہے گُرمُکھ رکھن چا، میرے ولّ دھیان لگائیا۔ جُگ چؤکڑی تکدے رہے راہ، نیتر نَین اُٹھائیا۔ کَون ویلا سِری بھگوان پرم پُرکھ پربھ نِرگُن اپنا بھوگ لئے لگا، سرگُن دیوے آپ ورتائیا۔ گُرمُکھ گُرمُکھ گُرسِکھ گُرسِکھ ہرجن ہرجن ساچے سجّن لیَن کھا، خواہش اَور رہن نہ پائیا۔ پربھ مِلن دا ایہو لاہ، خالی بھنڈارے رِہا بھرائیا۔ دیونہار سچّا شہنشاہ، داتا دردیِاں درد ونڈائیا۔ گُر پرسادِ سانتک سَت سیِتل دئے بنا، سَت سروُپ وِچ سمائیا۔ مہاراج شیر سِنگھ وِشنوُں بھگوان، جنم مرن دُکھ کٹّن دی دیوے اِکو وار اِک دوا، دوُجی وار دُکھ جنم کرم نہ لاگے رائیا۔