۲۵ بھادروں ۲۰۲۰ بِکرمی سوہن سِنگھ دے گرِہ رام پُر ضِلع امرتسر
سَت دربار ہرِ کا ویکھ، دو جہان لیَن انگڑائیا۔ چاروں کُنٹ روون بھیکھ، نیتر نَیناں نیِر وہائیا۔ گُر اوتار پیِر پَیغمبر کوئی نہ دیوے بھیت، بھرمے بُھلی سرب لوکائیا۔ سنت سَتگُر کوئے نہ کرے ہیت، سچ پریِت نہ کوئے لگائیا۔ کوُڑی کِریا کھیڈی کھیڈ، ساچی وست ہتّھ نہ آئیا۔ انت نہ مُکائے کوئی لیکھ، لیکھا لگّے کوئے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ہرِ کا ویکھ سچ دربارا، دو جہان دین دُہائیا۔ برہمنڈ کھنڈ رووے زارو زارا، نیتر نَیناں نیِر وہائیا۔ زِمیں اسمان نہ کوئے سہارا، دھرت دھوَل دئے دُہائیا۔ گُر اوتار نہ کوئی پیارا، پیِر پَیغمبر نظر کِسے نہ آئیا۔ کاغذ قلم شاہی نہ کوئی ونجارا، ساچا ہٹّ نہ کوئے وکھائیا۔ چؤداں لوک نہ کوئی آدھارا، چؤداں طبق دھیِر نہ کوئے رکھائیا۔ چؤداں وِدیا ڈُبی ڈوُنگھے ساگر گارا، گہر گمبھیِر ہتّھ کِسے نہ آئیا۔ شاستر سِمرت وید پُران کرن پُکارا، خالی جھولی رہے وکھائیا۔ در درویش منگن گُر اوتارا، پیِر پَیغمبر دھیان لگائیا۔ سَتجُگ تریتا دواپرنِیوں نِیوں کرے نِمسکارا، سجدہ سیِس جگدیِش جھُکائیا۔ کلجُگ کڈھے اِکو ہاڑا، بہُڑی بہُڑی دئے دُہائیا۔ سجّن ملِے نہ میِت مُرارا، سنگ سچّا نہ کوئے نِبھائیا۔ چار ورن لگّا اکھاڑا، ذات پات کرے لڑائیا۔ نؤ کھنڈ پرِتھمی دھوُاں دھارا، ستّ دیِپ نہ کوئے رُشنائیا۔ شِودوالا مندر کوئی نہ کرے حق پیارا، حقیِقت دئے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سچ دربار اِک سُہائیا۔ سچ دربار ویکھ مات، وِشن برہما شِو نَین اُٹھائیا۔ نیتر کھول مارن جھات، نَین اکّھ اِک اُگھڑائیا۔ جِس دا لیکھا لِکھدے رہے نال قلم دوات، بن بن کاتب جگت راہیِا۔ سو پُرکھ اگمّا کلجُگ ویکھے کھیل تماش، نِرگُن اپنا پھیرا پائیا۔ دو جہان سِری بھگوان نِرگُن سرگُن ویکھن آئے راس، گوپی کاہن نچائیا۔ سچ وست نہ کِسے پاس، برہما نیتر نَین نَین شرمائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیا۔ سچ دربار ہرِ کا ایک، ایکنکار آپ جنائیا۔ گُر اوتار پیِر پَیغمبر بھگت بھگوان لؤ ویکھ، نِج نیتر رِہا جنائیا۔ سچکھنڈ نِواسی پُرکھ ابناشی وسنہارا سچکھنڈ ساچے دیس، نِروَیر پُرکھ نِرگُن جوت کرے رُشنائیا۔ تِس صاحِب نوُں کرو آدیس، جو نہ مرے نہ جائیا۔ نیڑے ہو کے سُنو سندیس، ساچا ڈھولا رِہا جنائیا۔ جِس دے اَگے چلے کوئی نہ پیش، پیشتر اپنا حُکم منائیا۔ جِس دی پوُجا وِشن برہما کرے مہیش، اِشٹ دیو اِک اکھوائیا۔ سو صاحِب داتا نہ داہڑی مُچھ کوئی کیس، موُنڈ
منڈایا روُپ نہ کوئے رکھائیا۔ جِن سُت بنایا گُر دسمیش، دہ دِشا دئے وڈیائیا۔ جوتی جوت سروُپ ہرِ، آپ اپنی کِرپا کر، ساچا بنک اِک وڈیائیا۔ سچ دربار مات لوک ، سو پُرکھ نِرنجن آپ لگائیا۔ سچ سُنائے اِک سلوک، ہرِ پُرکھ نِرنجن ایکا گائیا۔ ایکنکارا سُہائے بنک کوٹ، مندر اِکو ڈیرہ لائیا۔ آد نِرنجن نِرمل پرکاش کر جوت، نوُرو نوُر نوُر رُشنائیا۔ ابناشی کرتا کڈھنہارا کھوٹ، سچ سمگری اِک وکھائیا۔ سِری بھگوان سُناونہارا اگمّ سلوک، نام نِدھان اِک جنائیا۔ پاربرہم بناونہارا اوت پوُت، گھاڑن گھڑن لئے گھڑائیا۔ جوتی جوت سروُپ ہرِ، آپ اپنی کِرپا کر، سچ دربار اِک سُہائیا۔ سچ دربار سِری بھگوان، نِروَیر پُرکھ آپ لگائیا۔ ساچا جھُلے اِک نِشان، دوُجا نظر کوئے نہ آئیا۔ چارے ورناں دئے گیان، برن اٹھاراں کرے پڑھائیا۔ ساچا مندر وکھائے مکان، گُروُدوار اِک سمجھائیا۔ سچ سروور کرائے اشنان، تیِرتھ تٹ اِک وکھائیا۔ ساچا نام جپائے بِن رسنا جِہوا زبان، بتّی دند نہ کوئے ہِلائیا۔ ساچا ناد وجائے سچّی دُھنکان، انحد نادی راگ الائیا۔ ساچا امرت دیوے پیِن کھان، ترِسنا بُھکھ رہے نہ رائیا۔ ساچا بخشے چرن دھیان، کوَل چرن ملِے وڈیائیا۔ ساچا دیوے درگاہ مان، سچکھنڈ دوارے میل مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دربار آپ پرگٹائیا۔ سچ دربار سَتگُر پوُرا، ہرِ ایکو ایک لگائیندا۔ کر پرکاش جوتی نوُرا، دیِا باتی نہ کوئے جگائیندا۔ کوُڑا کِرکٹ ہوُنجھ کوُڑا، صاف محل آپ سُہائیندا۔ شبد اناد انادی تُورا، تُرت آواز لگائیندا۔ سرب کلا بن بھرپوُرا، پربھ اپنا کھیل وکھائیندا۔ جوتی جوت سروُپ ہرِ، آپ اپنی کِرپا کر، سچ دربار آپ سُہائیندا۔ سچ دربار سِری بھگوَنت، سَت پُرکھ نِرنجن آپ لگائیا۔ تخت نِواسی نر ہرِ نرائن کنت، کرتا اِکو ڈیرہ لائیا۔ آد جُگاد مہما اگنت، بھیوَ ابھید سکے نہ کوئے کُھلائیا۔ رسنا جِہوا گُر اوتار پیِر پَیغمبر گاؤندے گئے منت، نِج گھر بَیٹھے دھیان لگائیا۔ جوتی جوت سروُپ ہرِ، آپ اپنی کِرپا کر، سچ دربار اِک سُہائیا۔ سچ دربار لگّا سوہنا، ہرِ سوہنی بنت بنائیا۔ دو جہاناں آپے موہنا، موہنی روُپ وٹائیا۔ نہ ہسّنا نہ کدے رونا، چِنتا غم نہ کوئے جنائیا۔ نہ جاگنا نہ کدے سؤنا، آلس نِندرا نہ کوئے وڈیائیا۔ نہ ڈھولا نہ گیِت گاؤنا، چھپّر چھنّ نہ کوئے چُھہائیا۔ نہ پِتا نہ مات بناؤنا، پوُت گود نہ کوئے اُٹھائیا۔ نہ سجّن نہ ساک رکھاؤنا، بندھن بندھپ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سچ دربارے دئے وڈیائیا۔ سچ دربار بنا نِرنکار، نِرگُن کھیڑا آپ وسائیا۔ لیکھا جان دُھر دربار، دُھر دی دھار آپ پرگٹائیا۔ جِس نوُں گاؤندے گئے گُروُ
اوتار، پیِر پَیغمبر صِفت صلاحیِا۔ جِس دا منگدے گئے درس دیِدار، نِت نوِت آس تکائیا۔ جِس نوُں کہندے سانجھا یار، مقامے حق ڈیرہ لائیا۔ جِس نوُں کہندے رام کرے پیار، رمیا ہر گھٹ تھائنیا۔ جِس نوُں کہندے کاہن بنے سرب سنسار، لکّھ چؤراسی گوپی رِہا ہنڈائیا۔ جِس نوُں کہندے ساچا بولے نام جَیکار، جےَ جَیکار سُنائیا۔ جِس نوُں کہندے پُرکھ اکال، اکل کلا وڈیائیا۔ جِس نوُں منّدے دیِن دَیال، ٹھاکر اِکو بےپرواہیِا۔ جِس دا لہنا شاہ کنگال، اوُچاں نیِچاں ویکھ وکھائیا۔ جِس دا ترےَگُن وڈّا جال، نہ کوئی توڑے توڑ تُڑائیا۔ جِس دے حُکمے اندر کال مہاکال، جُگ جُگ اپنی سیو کمائیا۔ جِس دا کھیل سدا بےمثال، مِسل سکے نہ کوئے بنائیا۔ جِس دا لیکھا حق حلال، حقیِقت سب نوُں رِہا سمجھائیا۔ جِس دا نام خزانہ دھنّ مال، نِت نوِت رِہا لُٹائیا۔ جِس دا باغ باغیچہ پُھل پُھلواڑی دو جہان، برہمنڈ کھنڈ رچن رچائیا۔ جِس دا نام دھرم اِک نِشان، آد جُگاد سدا سہج سُکھدائیا۔ جِس دا مندر سچّا دیوے بِسرام، وِشو آسن اِک لگائیا۔ جِس دا گھر ملِے پَیغام، دُھر سندیسہ اِک الائیا۔ جِس دا کدی نہ بدلے نِظام، شہنشاہ اِکو اِک اکھوائیا۔ سو صاحِب ہویا پردھان، کلجُگ انتم پھیرا پائیا۔ سچ دربار لگایا آن، سچکھنڈ نِواسی ڈیرہ لائیا۔ دُھر سندیسہ دے فرمان، اِکو حُکم ورتائیا۔ گُر اوتار پیِر پَیغمبر نِرگُن روُپ ویکھو آن، کلجُگ وجےّ سچ ودھائیا۔ بھگت دوارے کرو پہچان، جِس دا باڈھی آپ پاربرہم اکھوائیا۔ تِس مندر بہہ کے گاؤ گان، میرا تیرا دھیان لگائیا۔ ساچا چُکو اِک ایِمان، ساچا دھرم اِک سمجھائیا۔ اِکو کلمہ پڑھو آن، اِکو نام دئے سمجھائیا۔ اِکو اِشٹ منّو بھگوان، دوُجا سنگ نہ کوئے نِبھائیا۔ اُچی کوُک دیؤ بیان، چار جُگ دی کہانی دیؤ سُنائیا۔ جِس دے پِچھے لےَ کے آؤندے رہے پَیغام، سرگُن ہو کے سیو کمائیا۔ سو صاحِب ویکھو امام، ساچے حُجرے ڈیرہ لائیا۔ بن بردے کرو سلام، برخورداری دئے وڈیائیا۔ جوتی جوت سروُپ ہرِ، آپ اپنی کِرپا کر، سچ دربار اِک وکھائیا۔ سچ دربار ویکھو لگّا، سچکھنڈ نِواسی آپ لگائیندا۔ دِیپک دیِا اِکو جگا، دو جہان ڈگمگائیندا۔ پِچھلا کرو چیتا پِھر دسےّ حال اگّا، اگلا کھیل آپ سمجھائیا۔ پرگٹ ہو سوُرا سربگا، سوُربیِر حُکم ورتائیا۔ نؤبت نگارا نام نِدھان وجّا، برہمنڈ کھنڈ کرے شنوائیا۔ بِن پُرکھ اکال پڑدہ کِسے نہ کجّا، ننگی پِھرے سرب لوکائیا۔ کِسے کمّ نہ آوے کیِتا حجّا، حضرت پھڑ بانہوں نہ گلے لگائیا۔ جگت سوان پِھرے بھجّا، کوُکر واہو داہیِا۔ سچ دوارے بہہ نہ سجا، ساجن مِلیا نہ ہرِ نِرنکار بےپرواہیِا۔ جوتی جوت سروُپ ہرِ، آپ اپنی کِرپا کر، سچ دربار اِک
وکھائیا۔ سچ دربار ویکھو نال اکّھ، آخر آپ جنائیندا۔ جِس سِنگھاسن صاحِب پرتکھ، نِرگُن جوت ڈگمگائیندا۔ بن غُلام جوڑے ہتّھ، بردے روُپ سرب سمجھائیندا۔ ہرِ سرنائی جاؤ ڈھٹھ، تُخم تاثیِر ویکھ وکھائیندا۔ جِس دی دھاروں ہوئے پرگٹ، سو میلا آپ کرائیندا۔ اپنا کھول وکھاؤ ہٹّ، سؤدا کَون گھر رکھائیندا۔ لوکمات کی کُجھ آئے دسّ، ساچی سِکھیا کَون دِرڑائیندا۔ کَون ویکھو تُہاڈے وس، کَون بَیٹھا مُکھ بھوائیندا۔ گُر اوتار پیِر پَیغمبر سارے کہن پاربرہم ساڈی ہوئی بسّ، بِستر اپنا سرب بند کرائیندا۔ کلجُگ جیِو جھوُٹھا پیندے رس، تیرا نام نہ کوئے دھیائیندا۔ کام کرودھ لوبھ ہنکار دے ہوئے وس، وِبھچار سرب کمائیندا۔ رسنا جِہوا آتم پرماتم ہرِ کا سِمرن کوئی نہ لئے رٹ، نِج نیتر درس کوئے نہ پائیندا۔ دوُئی دوَیتی ہؤمے ہنگتا گھر گھر وجّا پھٹّ، دُھر دا میلا میل نہ کوئے مِلائیندا۔ کوُڑا رس رہے چّٹ، امرت رس ہتّھ کِسے نہ آئیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در دربار تیرا اِکو نظری آئیندا۔ سچ دربارا تیرا صاحِب، پربھ اِکو اِک وڈیائیا۔ جُگ چؤکڑی رِہوں غائب، تیری صوُرت نظر کِسے نہ آئیا۔ کلجُگ انتم کھیل کریں عجیِب اجائب، عجب تیری وڈیائیا۔ گُر اوتار پیِر پَیغمبر تیرے نائب، دُھر دا حُکم گئے سُنائیا۔ سارے کہہ کے گئے انتم پروردِگار پاربرہم پتپرمیشور آوے واحد، لاشریِک پھیرا پائیا۔ چار جُگ دا ویکھے قانوُن قواعد، قاعدہ اِکو اِک سمجھائیا۔ ساچا حُکم کرے عائد، نہ کوئی میٹے میٹ مِٹائیا۔ دو جہاناں دیوے ہدایت، دُھر فرمانا اِک سُنائیا۔ کوئی رہن نہ دیوے وِچ گُنجائش، کمی نظر کوئے نہ آئیا۔ لکّھ چؤراسی گھر گھر کر پَیمائش، نام پیَمانہ دئے وکھائیا۔ لکّھ چؤراسی جیِو جنت تیری کرے نہ کوئے فرمائش، اَگے ہو نہ کوئے بچائیا۔ کلجُگ پوُری ہووے خواہش، خواستگار سرب لوکائیا۔ کمُبھی نرک کرے رِہائش، جِنہاں بُھلیا بےپرواہیِا۔ جنم جنم ہووے پَیدائش، لکّھ چؤراسی وِچ بھوائیا۔ سچکھنڈ دوارے بِن گُرمُکھاں کِسے نہ ملِے رِہائش، بندی خانہ سب نوُں نظری آئیا۔ حُکمے اندر نہ کوئے شرائط، شریِعت روُپ نہ کوئے وٹائیا۔ لکّھ چؤراسی وِچوں گُرسِکھ تھوڑے رکھے کر کفایت، آپ اپنی جھولی پائیا۔ جوتی جوت سروُپ ہرِ، آپ اپنی کِرپا کر، سچ دربار اِکو حُکم ورتائیا۔ ساچا حُکم ورتا پربھ، گُر اوتار دین دُہائیا۔ سنت سُہیلے ساچے لبھ، لکّھ چؤراسی پھول پُھلائیا۔ امرت جھِرناجھِرا کوَل نبھ، سچ بوُند برسائیا۔ جگت دوارے پار کر حد، گھر اپنا اِک وکھائیا۔ ساچا نام سُنا انحد، انراگی راگ الائیا۔ وِشو بنا ساچی جدّ، ناطہ تُٹے پِتا مائیا۔ ہنس بنا پھڑ کے کگّ، سوہنگ ہنسا جاپ
جپائیا۔ لکّھ چؤراسی وِچوں کڈھ، تیری اِک سرنائیا۔ دھرم نِشانہ دے گڈّ، نہ سکے کوئے اُکھڑائیا۔ کوُڑی کِریا نالوں کر اڈّ، آپ اپنا میل مِلائیا۔ سیِس دستار بنّھ سچ دھرم دی پگّ، کوُڑی چوٹی دے مُنڈائیا۔ تیری سرنائی جائیے لگّ، دوُجا نظر کوئے نہ آئیا۔ ترےَگُن مایا بُجھے اگّ، پنج تت نہ کوئے لڑائیا۔ بِن مکّے کعبیوں ہووے حج، تیرا نوُر اِکو نظری آئیا۔ گھر اپنے لہنا سدّ، چُھٹے وات پرائیا۔ ساڈا پڑدہ لہنا کج، مِہر نظر اُٹھائیا۔ کلجُگ سب دے پِچھے رِہا بھجّ، بِن تیری کِرپا بچیا کوئی رہن نہ پائیا۔ جگت وِکارا پیتی مد، مدن موہن نظر کِسے نہ آئیا۔ انتم ڈِگے ڈوُنگھی کھڈّ، باہر سکے نہ کوئے کڈھائیا۔ بِن ہرِ نامے خالی دِسن ہڈّ، لکّھ چؤراسی جھوُٹھا ڈؤروُ ڈنک وجائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے دربار وڈّی وڈیائیا۔ کر کِرپا پربھ ٹھاکر سوامی، چار جُگ دھیان لگائیا۔ اُٹھ ویکھ ہرِ انترجامی، گھٹ گھٹ اپنا پھیرا پائیا۔ کلجُگ جیِو بُھلے سَتگُر بانی، ہِردے ہرِ نہ کوئے وسائیا۔ چاروں کُنٹ دِسے شیطانی، شریِعت کرے اِک لڑائیا۔ بھرمے بُھلے پنڈت پاندھے وڈ وِدوانی، مُلّاشیخ مشائک نائک نظر کِسے نہ آئیا۔ اُچی کوُکن واحد گاون دسّن دُھر نِشانی، نِج نیتر درس کوئے نہ پائیا۔ اٹھسٹھ تیِرتھ کلجُگ اگنی اُبلیا پانی، امرت روُپ نہ کوئے وٹائیا۔ کوُڑی کِریا لگّی چارے کھانی، انڈج جیرج اُتبُھج سیتج سَت پُرکھ نِرنجن تیرا سنگ نہ کوئے نِبھائیا۔ سُرتی شبد نہ مِلیا ہانی، سُناوے کوئی نہ اکتھ کہانی، گیِت گوبِند نہ کوئے الائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دربار جن بھگتاں دے وڈیائیا۔ جن بھگتاں پربھ دے دان، داتار تیری سرنائیا۔ بِناں پڑھیاں دے گیان، تیرے نام وڈ وڈیائیا۔ غریِب نِمانیاں بخش مان، کوجھے کملیاں گلے لگائیا۔ ڈُبدے پاہن تار آن، پاتھر اپنا چرن چُھہائیا۔ جگ روندیاں کُرلاندیاں کر کلیان، جو تیرا دھیان لگائیا۔ لکّھ چؤراسی وِچوں کر پہچان، بےپہچان پھیرا پائیا۔ اندر وڑ کے دے گیان، باہروں سمجھ سکے کوئے نہ رائیا۔ سرِشٹ سبائی دِسے کوُڑ نِشان، کوُڑے دھندے لگّی سرب لوکائیا۔ جوتی جوت سروُپ ہرِ، آپ اپنی کِرپا کر، جن بھگتاں لےَ جگائیا۔ جن بھگت جگائے کِرپا کر، کل اپنی بوُجھ بُجھائیا۔ شبد سِنگھاسن ساچے چڑھ، دُھر دا حُکم منائیا۔ انتر آتم آندی پھڑ، سُرتی سُرت بھوائیا۔ قلعہ توڑ ہنکاری گڑھ، مایا ممتا ڈیرہ ڈھاہیِا۔ ویکھنہارا چیتن جڑ، اپنا بھیوَ کُھلائیا۔ پرگٹ ہو نرائن نر، ہرجن ناری آپ پرنائیا۔ درس دِکھائے اَگے کھڑ، مُکھ نقاب نہ کوئے ٹِکائیا۔ غریِب نِواز کھول در، در دروازہ آپ لنگھائیا۔ ساچی سیجے
بَیٹھا چڑھ، چتربُھج وڈیائیا۔ اپنا اکھّر رِہا پڑھ، تُوں میرا مَیں تیرا سوہنگ ڈھولا گائیا۔ جوتی جوت سروُپ ہرِ، آپ اپنی کِرپا کر، سچ دربار گُرمُکھ ساچے آپ بہائیا۔ گُرمُکھ جگائے اپنی اکّھ، بھیوَ ابھید جنایا۔ آتم پرماتم مارگ دسّ، برہم پاربرہم پڑھایا۔ سُرتی شبدی میلا ہسّ ہسّ، ناری کنت میل مِلایا۔ کایا مندر دوویں رہے وس، سؤہرے پیئیے اِکو گھر جنایا۔ اِک دوُجے نال کر اِکٹّھ، پتپرمیشور ویکھ وکھایا۔ لیکھا جانے پُرکھ سمرتھ صاحِب سوامی اپنا رنگ رنگایا۔ جن بھگتاں لیکھا دیوے حق، حق سب دا جھولی پایا۔ سَتجُگ تریتا دواپرکلجُگ جو لبھ لبھ گئے تھکّ، تِنہاں انتم اپنا رنگ چڑھایا۔ جوتی جوت سروُپ ہرِ، آپ اپنی کِرپا کر، سچ دربارے ہرجن ساچے لئے ترایا۔ ہرجن تارے سِری بھگوَنت، بھگوَن دَیا کمائیا۔ سرب جیِاں دا اِکو مِنت، ہرِ منتر نام دِرڑائیا۔ کلجُگ انتم لیکھا جانے جیِو جنت، لکّھ چؤراسی کھوج کھوجائیا۔ سنت سُہیلے کر کر میلے گڑھ توڑ ہؤمے ہنگت، ہنگ برہم اِک دِرڑائیا۔ میل مِلاوا ساچی سنگت، ہرِ سنگت وِچ سمائیا۔ سچ بھنڈار دُھر دی پنگت، وِشنوُں گھر گھر رِہا ورتائیا۔ برہما در درویش منگت، بَیٹھا الکھ جگائیا۔ جوتی جوت سروُپ ہرِ، آپ اپنی کِرپا کر، بھگتن میِتا ٹھانڈا سیِتا سچ دربارے ہرِ نِرنکارے وست اِکو اِک ورتائیا۔ بھگتن دیوے وست آپ اپار، اپرمپر دَیا کمائیندا۔ دھرم دوارے کر پیار، گھر ساچا میل مِلائیندا۔ جنم کرم توں کر کے باہر، نِہکرمی اپنے رنگ رنگائیندا۔ ورن برن دا توڑ جنجال، اوُچ نیِچ ایکا گھر وسائیندا۔ لیکھا جان شاہ کنگال، غریِب نِمانے گود اُٹھائیندا۔ برن اٹھاراں وکھائے اِکو دھرمسال، دوُجا اِشٹ نہ کوئے بنائیندا۔ سب دا پِتا پُرکھ اکال، لکّھ چؤراسی گود سُہائیندا۔ گُرمُکھ بنو ساچے لال، ہرِ لالن رنگ رنگائیندا۔ کوُڑی مایا توڑو جنجال، جاگرت جوت اِک جگائیندا۔ مُریِداں پُچھے مُرشد حال، بےپرواہ پھیرا پائیندا۔ جا کے اپنا کرو سوال، حل سوال سرب کرائیندا۔ سَتگُر پوُرا لبھو اِک دلال، دو جہاناں ونج آپ وکھائیندا۔ ناطہ توڑو کال مہاکال، رائے دھرم نہ حُکم ورتائیندا۔ سَتگُر پوُرے چلو نال نال، بن پاندھی پندھ مُکائیندا۔ کایا مندر اندر گُرمُکھ ویکھو سچّی دھرمسال، گھر گھر وِچ ڈیرہ آپ لگائیندا۔ جوتی جوت سروُپ ہرِ، آپ اپنی کِرپا کر، سچ دربار اِک وکھائیندا۔ سچ دربار ویکھیا گھر، گرِہ ٹھاکر آپ وکھائیا۔ جِس دے بند کیتے نؤ در، راہ اِکو اِک جنائیا۔ سُکھمن ٹیڈھی بنک کوئی نہ جائے اڑ، ایِڑا پِنگل نہ کوئے سمجھائیا۔ بھیانک روُپ نہ کوئی ڈر، بھےَ سِر نہ کوئے رکھائیا۔ سوہنگ ڈھولا لہنا پڑھ، اَگے آؤنا واہو داہیِا۔ نِرگُن داتا لئے
پھڑ، نِروَیر اپنا میل مِلائیا۔ گھر وِچ گھر ویکھو چڑھ، نِت ہُندی اِک رُشنائیا۔ سچ سرنائی جاوو پڑ، ڈِگدیاں لئے اُٹھائیا۔ گُرمُکھ ناری لئے ور، پَیج سوارے پَیج دھرائیا۔ پریم بندھن بنّھے لڑ، پلّوُ اِکو وار گنڈھائیا۔ لیکھا چُکے سیِس دھڑ، نِرگُن نِرگُن خوشی وکھائیا۔ گُرمُکھ گُرسِکھ ہرجن ہرِسنت اپنا سَتگُر اندر ویکھو وڑ، اٹّھے پہر بَیٹھا راہ تکائیا۔ جوتی جوت سروُپ ہرِ، آپ اپنی کِرپا کر، سچ دربار دیوے ور، جُگ وِچھڑے آپ مِلائیا۔ مہاراج شیر سِنگھ وِشنوُں بھگوان، جِس جن کِرپا دیوے کر، تِس کپٹ کوئے رہن نہ پائیا۔
۲۶ بھادروں ۲۰۲۰ بِکرمی پِنڈ کلّا سُکھدیو راج دے گرِہ ضِلع امرتسر
دھرم مذہب روون دیِن، دُنیا نال رلائیا۔ ہرِ ہرِ نام نہ رِہا کوئی چیِن، بھرمے بُھلی سرب لوکائیا۔ ناطہ جُڑیا مایا تیِن، پنج تت کوُڑی کُڑمائیا۔ انتر آتم ہوئے نہ کوئے لیِن، لِو پرماتم کوئے نہ لائیا۔ مایا ممتا ہوئے ادھیِن، ساچا مارگ نظر کِسے نہ آئیا۔ نیتر ہُندیا ہوئے نابیِن، اکّھ پرتکھ نہ کوئے کُھلائیا۔ گڑھ ہنکار نہ ہوئے مسکیِن، پریم پریِت نہ کوئے جنائیا۔ جوتی جوت سروُپ ہرِ، آپ اپنی کِرپا کر، نِرگُن اپنا پھیرا پائیا۔ دیِن مذہب رووے ذات، ورن برن دُہائیا۔ کوُڑی کِریا نارکم ذات، کُلکھنی گھر گھر ڈیرہ لائیا۔ ہرِ کا نام نہ کِسے پاس، خالی دِسے سرب لوکائیا۔ جگت واسنا چلن سواس، سواس سواس نہ کوئے دِھیائیا۔ ساچا جوگ نہ کوئے ابھیاس، انتر آتم دھیان نہ کوئے لگائیا۔ پربھ مِلن دی رکھے کوئے نہ خواہش، کوُڑی آسا رہے تکائیا۔ ساچے سَتگُر کوئی نہ ہووے داس، نِیوں نِیوں سیِس نہ کوئے جھُکائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ دیِن مذہب پاون رؤلا، اُچی کوُک کوُک سُنائیا۔ کوئی نہ کرے بھار ہؤلا، دھرنی دھرت دھوَل دئے دُہائیا۔ نظر نہ آئے کِسے مؤلا، موُل سکے نہ کوئے چُکائیا۔ پوُرا کرے نہ کوئی قؤلا، کیِتا قؤل توڑ نہ کوئے نِبھائیا۔ جگت کہار چُکن ڈولا، سَتگُر سیج نظر کِسے نہ آئیا۔ کلجُگ جیِو انّھا بولا، ہرِ کا ناؤں سُنن کوئے نہ پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ دیِن مذہب نیتر روندے، نَیناں نیِر وہائیا۔ دِوس رَین کدے نہ سؤندے، گھڑی پل سُکھ چَین نظر کوئے نہ آئیا۔ جگت واسنا کھیل رچاؤندے، ساچا مندر نہ کوئے سُہائیا۔ سچ پریِت نہ کوئی کماؤندے، کوُڑی اگنی رہی تپائیا۔ ساچا ڈھولا کوئی نہ گاؤندے، گُر گُر بُھلی سرب لوکائیا۔
جوتی جوت سروُپ ہرِ، آپ اپنی کِرپا کر، ایکا دینا ساچا ور، پربھ ملِے سچ سرنائیا۔ دیِن مذہب دسّن حال، چار جُگ کہانی رہے سُنائیا۔ چاروں کُنٹ ہوئی بےحال، سِر ہتّھ نہ کوئے ٹِکائیا۔ آتم انتر چلے کوئی نہ نال، پرماتم میِت نہ کوئے بنائیا۔ سادھ سنت ہوئے کنگال، ساچی وست ہٹّ نہ کوئے وِکائیا۔ کوُڑی کِریا بنی دلال، گھر گھر ونج رہی کرائیا۔ گُرمُکھ وِرلا لکّھ چؤراسی وِچوں بچے لال، جِس سَتگُر اپنی بوُجھ بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ دیِن مذہب مارن دھاہ، دو جہان سُنائیا۔ کِرپا کر بےپرواہ، پروردِگار تیری سرنائیا۔ چاروں کُنٹ اندھیرا گیا چھا، ساچا چند نظر کِسے نہ آئیا۔ کوُڑی کِریا جیِو جنت رہے کما، سچ ملِے نہ کوئے وڈیائیا۔ ناطہ تُٹا پُتراں ماں، پِتا پوُت میل نہ کوئے مِلائیا۔ غریِب نِمانیاں دیوے نہ کوئی تھاں، مِہر نظر نہ کوئے اُٹھائیا۔ لہنا دینا چُکے کِسے نہ، مقروُض ہوئی انت لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، لیکھا سب دا پار کرائیا۔ دیِن مذہب گئے ڈھٹھ، پربھ تیری سچ سرنائیا۔ ساڈا ٹُٹا انتم ہٹّھ، دھیِرج رہن کوئے نہ پائیا۔ گھر گھر اُبلے کوُڑی رت، رتی رت رہی تپائیا۔ امرت ملِے نہ اٹھسٹھ، تیِرتھ تٹ دین دُہائیا۔ لیکھا ویکھیا مندر مسجد مٹّھ، شِودوالے سار کوئے نہ پائیا۔ گُروُدُآرا تیرا ہرِ ہرِ نام نہ لئے رٹ، جگت جھگڑا اِک وکھائیا۔ دروہی خُدائے کلجُگ انتم وجّا پھٹّ، پٹّی نام نہ کوئے بندھائیا۔ جوتی جوت سروُپ ہرِ، آپ اپنی کِرپا کر، ویلے انتم ہو سہائیا۔ دھرم کہے نہ کوئی دِسے دھرم آتما، دھرناپت نظر کوئے نہ آئیا۔ میل مِلائے نہ کوئی پرم آتما، پرماتم تیری سار کوئے نہ پائیا۔ لیکھا جانے نہ کوئی صاحِب ساچے ناتھنا، دیِنا ناتھ دیوے نہ کوئے سرنائیا۔ ساچی وِدیا پڑھے نہ کوئی گاتھنا، چؤداں وِدیا رہی کُرلائیا۔ پتن ملِے نہ کوئی گھاٹنا، تٹ کنارہ نظر کِسے نہ آئیا۔ ساچا بچن کِسے نہ ملِے آکھنا، کوُڑو کوُڑ چلے چتُرائیا۔ تُدھ بِن پڑدہ کِسے نہ ڈھاکنا، گُر پیِر بَیٹھے مُکھ شرمائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ مذہب کہے نہ کوئی دِسے ایِمان، عمل حق نہ کوئے کمائیندا۔ نہ کوئی شرع دِسے قرآن، کعبہ سچ نہ کوئے سُہائیندا۔ نؤ کھنڈ پرِتھمی ہوئی بےایِمان، بیوہ روُپ سرب وٹائیندا۔ چاروں کُنٹ پِھرے شیطان، گھر گھر اپنا حُکم ورتائیندا۔ جیِو جنت ہوئے نادان، سادھ سنت سوئی سُرت نہ کوئے جگائیندا۔ جگت واسنا ہوئی پردھان، کام کرودھ لوبھ موہ ہنکار نال مِلائیندا۔ کوئی نہ مارے انیالا بان، بجرکپاٹی پار نہ کوئے کرائیندا۔ کوُڑ کُڑیارا پیِن کھان، امرت رس ہتّھ کِسے نہ آئیندا۔ بھرمے بُھلے
جیِو انجان، بالی بُدھ نہ کوئے بدلائیندا، جوتی جوت سروُپ ہرِ، آپ اپنی کِرپا کر، اِکو تیری اوٹ تکائیندا۔ مذہب کہے میرے محبان، مِہروان تیری سرنائیا۔ دھرم نہ دِسے کوئی نِشان، دو جہان دین دُہائیا۔ دوہاں وچولا بن آن، وڈ داتے تیری وڈ وڈیائیا۔ جھگڑا میٹ زمیں اسمان، شرع کوئے رہن نہ پائیا۔ اِکو تیری صِفت کرے جہان، تیرا ڈھولا نام گائیا۔ ذات پات کوُڑی مکُے دُکان، اوُچ نیِچ نظر کوئے نہ آئیا۔ سب دی رسنا اِک زبان، ساچا نام اِک پڑھائیا۔ دُھر دا کلمہ تیری کلام، کائنات دے سمجھائیا۔ نظری آئے اِک ایِمان، عادت اِکو دے پائیا۔ اِکو دھرم ہوئے پروان، پروانہ گھر گھر دے پھڑائیا۔ تیرے دوارے دوہاں ملِے مان، منسا ہور رہے نہ رائیا۔ آد جُگاد سِری بھگوان، سد تیری اِک سرنائیا۔ کلجُگ انت کِرپا کر آن، کِرپانِدھ اپنا پھیرا پائیا۔ تیرا سُنیئے سچ فرمان، دُھر سندیسہ اِکو گائیا۔ جودھا سوُربیِر بن مرد مردان، بلکاری بل دھرائیا۔ لکّھ چؤراسی پا اِکو آن، نہ کوئی میٹے میٹ مِٹائیا۔ تیرا نام آد نِرنجن سارے گان، سو صاحِب تیری سرنائیا۔ ہنگ برہم آپ پہچان، تیری انس رہی کُرلائیا۔ بیِس بیِسے ہرِ جگدیِشے نیتر کھول مار دھیان، دو جہان نَین اُٹھائیا۔ چؤداں طبق دِسے وَیران، ساچا سبق نہ کوئے سُنائیا۔ چؤداں لوک منگن دان، خالی جھولی اَگے ڈاہیِا۔ جوتی جوت سروُپ ہرِ، آپ اپنی کِرپا کر، ساچی بخش چرن سرنائیا۔ دیِن مذہب دوویں کرن پُکار، نِردھن سردھن روُپ وٹائیا۔ کر کِرپا آپ نِرنکار، تُدھ بِن اَور نہ کوئے سہائیا۔ پِچھلا لیکھا دے نِوار، اَگے جھگڑا رہے نہ رائیا۔ ساچا مارگ دے وکھال، رہبر اِکو راہ چلائیا۔ جوُٹھا جھوُٹھا تُٹے جنجال، جیِون جُگت دے سمجھائیا۔ سرِشٹ سبائی کر سنبھال، تیرے ہتّھ تیری وڈیائیا۔ اُٹھ ویکھ شاہ کنگال، غریِب نِمانے روون مارن دھاہیا۔ چار کُنٹ ہوئے بےحال، بِہبل ہو کے دھیان لگائیا۔ ساڈا منّ اِک سوال، بن سوالی رہے سُنائیا۔ جوتی جوت سروُپ ہرِ، آپ اپنی کِرپا کر، ساچا مندر دے وکھائیا۔ دیِن مذہب رووے دھرم، دھرنی نال مِلائیا۔ کلجُگ بُھلیا ساچا کرم، کرم کانڈ گئے سرب تجائیا۔ گھر گھر دِسے اِکو بھرم، پربھ پڑدہ رِہا پائیا۔ جیِواں جنتاں سادھاں سنتاں لتّھی شرم، حیا ہرِ نہ کوئے رکھائیا۔ ساچا رِہا نہ کوئی ورن، برن سَت نہ کوئے نظری آئیا۔ رسنا جِہوا سارے پڑھن، انتر آتم دھیان نہ کوئے لگائیا۔ مندر مسجد شِودوالے سارے کھڑن، صاحِب سَتگُر ساچا سیِس نہ کوئے جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن نظر کوئے نہ آئیا۔ دیِن مذہب دھرم رکھو اُڈیِک، ہرِ اِکو اِک جنائیا۔ جُگ چؤکڑی انتم
نیڑے آئی تاریخ، تاریخ سب دی دئے بدلائیا۔ ساچی دھار دسےّ باریِک، رہبر اِکو راہ وکھائیا۔ دوُر دُراڈا آ نزدیِک، نیرن نیر دئے بُجھائیا۔ دیِن مذہب کوئی نہ رہے شریِک، شِرکت سب دی دئے گوائیا۔ اِکو نام خُدائے رہے تؤفیِق، توحفہ گھر گھر آپ پُچائیا۔ صدی چؤدھویں رہی بیِت، بیِس بیِسا ویکھ وکھائیا۔ انتم مارگ دسےّ ٹھیِک، ساچا راہ اِک چلائیا۔ آتم پرماتم کرے ٹھانڈی سیِت، اگنی تت نہ لاگے رائیا۔ چار ورن اِکو ڈھولا گائے گیِت، سوہنگ سچ کرے پڑھائیا۔ پُرکھ اکال ملِے میِت، پرماتم آتم جوڑ جُڑائیا۔ ساچی چلے دُھر دی ریِت، سَت سَتوادی آپ سمجھائیا۔ کِسے در کوئی نہ منگے بھیِکھ، بِن سَتگُر پوُرے بِھچِھیا کوئی نہ پائیا۔ چؤتھے جُگ میٹے لیک، اَگے اکھّر اِک سمجھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، دیونہارا ساچا دان، جُگ چؤکڑی کرے کلیان، دیِن مذہب دھرم ویکھے ایِمان، کلمہ کلام پھول پھولائیا۔
۲۶ بھادروں ۲۰۲۰ دلیپ سِنگھ دے گرِہ پِنڈ کلّا ضِلع امرتسر
گُرسِکھ سدا رکھے آس، سَتگُر سرن ملِے سرنائیا۔ جنم کرم دا کٹے پھاس، جم کی پھاسی دئے تُڑائیا۔ مِہروان ہو کے وسے پاس، انتر آتم ڈیرہ لائیا۔ کِرپا نِدھان ہو کے دسےّ گاتھ، ساچا منتر نام پڑھائیا۔ رتھواہی بن کے چڑھائے ساچے راتھ، بیڑا شؤہ دریا پار کرائیا۔ ماہی بن کے ملِے پتّن گھاٹ، دو جہاناں پندھ مُکائیا۔ سِری بھگوان ہو کےچرن کوَل جوڑے نات، کوُڑا ناطہ دئے تُڑائیا۔ دَیال ہو کے کھولے بند تاک، بجرکپاٹی توڑ تُڑائیا۔ جوتی جوت سروُپ ہرِ، آپ اپنی کِرپا کر، گُرمُکھ ویکھے تھاؤں تھائنیا۔ گُرسِکھ ساچا رکھے اوٹ، پربھ چرن دھیان لگائیا۔ سَتگُر بھاگ لگائے کایا کوٹ، گھر گھر وِچ میل مِلائیا۔ کرے پرکاش نِرمل جوت، اندھ اندھیر رہن نہ پائیا۔ نیڑ نہ آئے لاڑی مؤت، رائے دھرم نہ دئے سزائیا۔ جوتی جوت سروُپ ہرِ، آپ اپنی کِرپا کر، دیوے سچّا نام ور، گھر اِکو اِک بُجھائیا۔ گُرسِکھ سدا راہ رِہا تکّ، نیتر نَین نَین اُٹھائیا۔ کَون ویلے ملِے پُرکھ سمرتھ، پربھ اپنی گود بہائیا۔ لیکھے لائے رتی رت، رتی رت اپنے رنگ رنگائیا۔ ایکا دیوے برہممت، من مت دئے گوائیا۔ لکّھ چؤراسی وِچوں لئے رکھ، سِر اپنا ہتّھ ٹِکائیا۔ انتر آتم کھولے اکّھ، نِج نیتر کرے رُشنائیا۔ مارگ دسےّ اِکو سچ،
کوُڑی کِریا نہ کوئے پڑھائیا۔ بھاگ لگائے کایا ماٹی کچ، کنچن روُپ دئے بنائیا۔ من منوُآ نہ جائے نچّ، منسا منسا وِچ کھپائیا۔ لوُں لوُں اندر سَتگُر پوُرا جائے وس، دوُجا نظر کوئے نہ آئیا۔ گھر گھر بہہ کے خوشی غمی رلا کے پئے ہسّ، دُکھ درد کوئے رہن نہ پائیا۔ ویلے انتم رکھے پت، جوتی جوت سروُپ ہرِ، آپ اپنی کِرپا کر، سد پوُری آس کرائیا۔ گُرسِکھ سچّا تکّے راہ، نیتر نَین نَین اُٹھائیا۔ کَون ویلا پربھ ملِے ملاح، پھڑ بیڑا پار کرائیا۔ دھرم دیوے اِک صلاح، ساچا نام پڑھائیا۔ نتھاویاں دیوے ساچا تھاں، چرن کوَل سرنائیا۔ بال انجانے اُٹھائے جِیوں بالک ماں، پھڑ باہوں گلے لگائیا۔ بُدھی ہنس بنائے کاں، سوہنگ ہنسا مانک موتی چوگ چُگائیا۔ کر کِرپا گھر سجّن ملِے آ، جنگل جوُہ اُجاڑ پہاڑ لبھن کوئے نہ جائیا۔ مہاراج شیر سِنگھ وِشنوُں بھگوان، گُرمُکھاں اُپر دَیا رِہا کما، کرم کانڈ سب دے اپنی جھولی پائیا۔
۲۶ بھادروں ۲۰۲۰ بِکرمی کُندن سِنگھ دے گرِہ پِنڈ کلّا ضِلع امرتسر
سَتگُر پوُرا سدا دَیال، گُرمُکھ اپنے رنگ رنگائیندا۔ جُگ چؤکڑی کر کر بھال، لکّھ چؤراسی وِچوں کھوج کھوجائیندا۔ گودی چُک انمُلڑے لال، لالن اپنے گھر وسائیندا۔ سچ وکھائے سچّی دھرمسال، سچکھنڈ دوار سوبھا پائیندا۔ دِیپک دیِا اِکو بال، جوتی جوت جوت رُشنائیندا۔ امرت جام دئے پیال، ترِسنا بُھکھ سرب گوائیندا۔ ناطہ توڑ کال مہاکال، چرن پریِتی اِک رکھائیندا۔ جوتی جوت سروُپ ہرِ، آپ اپنی کِرپا کر، گُرمُکھ اپنے گھر وسائیندا۔ سَتگُر پوُرا سچّا ٹھاکر، ہرجن ساچے ویکھ وکھائیا۔ اپنا نام دیوے رتی رتناگر، رتی رت اپنے رنگ رنگائیا۔ بھاگ لگائے کایا گاگر، ساڈھے تِنّ ہتّھ دیوے وڈیائیا۔ بن ونجارا سچ سؤداگر، نام ہٹّ اِک سمجھائیا۔ جوتی جوت سروُپ ہرِ، آپ اپنی کِرپا کر، گُرمُکھاں ہوئے سدا سہائیا۔ نام امولک وست ایک، ایکنکار آپ سمجھائیا۔ گُرمُکھ وِرلا لئے ویکھ، جِس انتر بوُجھ بُجھائیا۔ ترےگُن مایا نہ لائے سیک، پنج تت نہ اگن تپائیا۔ نِج نیتر نِج مندر نِج گرِہ نِج سَتگُر لئے ویکھ، گھر ساچے نظری آئیا۔ کوُڑی کِریا ناطہ
تُٹےبھیکھ، وجےّ اِکو نام ودھائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، گُرمُکھاں ایکا گھر بُجھائیا۔ مہاراج شیر سِنگھ وِشنوُں بھگوان، جنم مرن بھےَ بھؤ چُکائے ڈر، سَت سَت سروُپ وِچ سمائیا۔
۲۶ بھادروں ۲۰۲۰ بِکرمی اروُڑ سِنگھ دے گرِہ پِنڈ کلّا ضِلع امرتسر
گُرسِکھ منگے ساچی منگ، سَتگُر سچ دھیان لگائیا۔ پریِتم دے اِک انند، انتر آتم رس چوائیا۔ نِرگُن جوت چاڑھ چند، اگیان اندھیر مِٹائیا۔ بندی خانہ توڑ بند، بند خلاصی دے کرائیا۔ جاپ جپا بِن بتّی دند، رسنا جِہوا نہ کوئے ہِلائیا۔ دوُئی دوَیتی ڈھاہ کندھ، شرع شریِعت نیڑ کوئے نہ آئیا۔ گوبِند ہو سُنا چھند، گیِت گوبِند الائیا۔ کایا چولی اِکو رنگ، رنگ مجیٹھی سچ چڑھائیا۔ ترےَگُن مایا پئے ٹھنڈ، پنچم تت نہ کوئے جلائیا۔ سُرت سوَانی نہ ہوئے رنڈ، کنت سُہاگی اِک مِلائیا۔ دھار وحہ جمنا سُرستی ساچی گنگ، گوداوری اپنی دَیا کمائیا۔ نِرگُن ہو کے لا انگ، سرگُن اوٹ تکائیا۔ لیکھا چُکے برہم ہنگ، پاربرہم پربھ تیرا روُپ نظری آئیا۔ جُگ جنم دی ٹُٹی گنڈھ، گنڈھنہار گوپال سوامی تیرے ہتّھ وڈیائیا۔ ناطہ تُٹےبھیکھ پکھنڈ، کوُڑی کِریا رہن نہ پائیا۔ رائے دھرم نہ دیوے دنڈ، چِتر گُپت لیکھ نہ کوئے وکھائیا۔ تیرا دوارا ویکھیئے لنگھ، جِس گھر وسیں بےپرواہیِا۔ جنم جنم دا مکُے پندھ، اَگے راہ نہ کوئے وکھائیا۔ سیِتل دھار امرت میگھ برسا پائے ٹھنڈ، نِجھرجھِرنا اِک جھِرائیا۔ کھہڑا چُھٹے جیؤ پِنڈ، برہمانڈ تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گُرسِکھ بَیٹھا دھیان لگائیا۔ گُرسِکھ منگے اِک پیار، چرن پریِتی منگ منگائیا۔ بِن نَیناں دے دیِدار، بِن اکّھاں ویکھ وکھائیا۔ بِن گیِتاں منگلاچار، بِن تال تلواڑے راگ الائیا۔ بِن سوُرج چند کر اُجیار، بِن تیل باتی ہووے رُشنائیا۔ بِن سروور دے نُحال، امرت سر اِک وکھائیا۔ بِن سدّیاں بن دلال، نِرگُن ساچی سیو کمائیا۔ کلجُگ وہندی دھار ڈُبدے دے تار، تارنہار تیری وڈیائیا۔ سَتجُگ تریتا دواپرکلجُگ جُگ جُگ کردا رِہوں اُدھار، سچ سندیسہ اِک سُنائیا۔ گُر اوتار پیِر پَیغمبر بناؤندا رِہو میِت مُرار، سجّن لوکمات وکھائیا۔ کر کِرپا آپ نِرنکار، سَتگُر شاہ پاتشاہ سچےّ شہنشاہیِا۔ در بِھکھاری ڈِگا آن، بِھکھک اِکو منگ منگائیا۔ تیرا دِسے دھرم نِشان، دھرم دوارا اِکو نظری آئیا۔ جِس گھر وسیں آپ بھگوان،
سو مندر دے وکھائیا۔ گُرسِکھ جھولی اڈّ کے منگے دان، نیتر نَیناں نیِر وہائیا۔ ہؤں بالی بُدھ انجان، تیری سمجھ کوئے نہ آئیا۔ بِن پڑھیاں دے گیان، ساچی وِدیا نام پڑھائیا۔ تیرا لیکھا دو جہان، نِرگُن سرگُن تیری دھار نظری آئیا۔ تیرا کلمہ سچ ایِمان، تیرا صِفتی نوُر اِلاہیِا۔ تیرا ڈیرہ حق مقام، تیری حقیِقت جُگ چار وڈیائیا۔ تیرا حُکم سندیسہ سچ فرمان، ہؤں فرماں بردار سیو کمائیا۔ کر کِرپا میرے مِہروان، محبان بیِدو تیری اوٹ رکھائیا۔ گُرسِکھ نِیوں نِیوں سجدہ کرے سلام، مُریِد مُرشد پھیرا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گُرسِکھ بَیٹھا اوٹ تکائیا۔ گُرسِکھ اوٹ لئی رکھ، پربھ تیری سچ سرنائیا۔ درشن دے ہو پرتکھ، روُپ انوُپ آپ وٹائیا۔ کر کِرپا کھول اکّھ، جِس اکّھ نال تیرا نوُر نظری آئیا۔ ہِردے انتر آتم پرماتم ہو کے وس، وصل اپنا دے کرائیا۔ تُوں میرا مَیں تیرا سوہنگ ڈھولا گاواں جس، دوُجی بُھلے سرب پڑھائیا۔ تیرا ناؤں پُرکھ سمرتھ، سچکھنڈ تیری شہنشاہیِا۔ سَتجُگ تریتا دواپرکلجُگ نوَ نؤ چار چلے تیرا رتھ، گُرمُکھ ساچے لئیں چڑھائیا۔ کلجُگ انتم لکّھ چؤراسی وِچوں رکھ، در تیرے اِکو آس رکھائیا۔ نِت نوِت جن بھگتاں دیویں اپنا حق، حقیِقت سب دی جھولی پائیا۔ نِرگُن نوُر ہو پرگٹ، جوتی جوت کر رُشنائیا۔ تیرا اِکو دِسے ہٹّ، چؤداں لوک بَیٹھے دھیان لگائیا۔ چؤداں طبق رہے نسّ، بھجّن واہو داہیِا۔ گُر اوتار پیِر پَیغمبر تیرا مارگ گئے دسّ، شاستر سِمرت وید پُران گیِتا گیان اِنجیل قرآن کھانی بانی حُکم ورتائیا۔ گُرسِکھ پیاسا نہ ہوئے نِراسا، کر پوُرن آس آسا، ترِسنا ترِکھا میٹ مِٹائیا۔ جوتی جوت سروُپ ہرِ، آپ اپنی کِرپا کر، نیتر کھول ویکھ در، گُرمُکھ تیری آد جُگادی شاخا، شناخت تیرے ہتّھ وڈیائیا۔
۲۶ بھادروں ۲۰۲۰ بِکرمی ہری سِنگھ دے گرِہ پِنڈ کلّا ضِلع امرتسر
ستگُر پوُرا سدا سہائی، جُگ جُگ دَیا کمائیندا۔ گُرسِکھ تیری کٹے جُدائی، وِچھوڑا کوئی رہن نہ پائیندا۔ در گھر ساچے لئے مِلائی، گھر اِکو اِک وکھائیندا۔ جِس گرِہ وجےّ نام ودھائی، ساچا نام ڈھولا گائیندا۔ آتم پرماتم دئے بُجھائی، سوُجھ اِکو اِک سمجھائیندا۔ جوتی جوت
سروُپ ہرِ، آپ اپنی کِرپا کر، مِہروان دَیا کمائیندا۔ سَتگُر پوُرا دَیا کمائے، گُرسِکھ دیوے مان وڈیائیا۔ جُگ جنم دے وِچھڑے لئے مِلائے، گھر ساچے جوڑ جُڑائیا۔ کرم کانڈ دا لیکھ مُکائے، دوُئی دوَیت رہن نہ پائیا۔ ساچی سِکھیا اِک سمجھائے، برہم پاربرہم کرے پڑھائیا۔ مندر اندر ڈیرہ لائے، گھر گھر وِچ خوشی منائیا۔ لہنا دینا موُل چُکائے، باقی کوئے رہن نہ پائیا۔ انگیکار ہو انگ لگائے، آنگن اپنے لئے بہائیا۔ جوتی جوت سروُپ ہرِ، آپ اپنی کِرپا کر، ساچی وست نام ورتائیا۔ سَتگُر پوُرا دیوے دات، گُرسِکھ مان وڈیائیا۔ میٹے رَین اندھیری رات، ساچا نوُر کرے رُشنائیا۔ من مت سُٹے ڈوُنگھے کھات، کوُڑی کِریا دئے دبائیا۔ ساچا نوُر کرے پرکاش، گھٹ دِیپک اِک جگائیا۔ لہنا دینا چُکائے پرِتھمی آکاش، گگن منڈل ڈیرہ پار کرائیا۔ گوپی کاہن وکھائے راس، گھر سوانگی سوانگ رچائیا۔ جُگ جنم دی پوُری کرے آس، بےآس رہن کوئے نہ پائیا۔ نِت نوِت وسے پاس، گھر سچّے نظری آئیا۔ جوتی جوت سروُپ ہرِ، آپ اپنی کِرپا کر، گُرسِکھ ساچا راہ جنائیا۔ گُرسِکھ سدا رکھ چاؤ، چاؤ گھنیرا اِک جنائیا۔ سَتگُر پوُرا پکڑے باہوں، ویلے انت لئے ترائیا۔ درگاہ ساچی دیوے تھاؤں، سچکھنڈ ملِے وڈیائیا۔ جوتی جوت سروُپ ہرِ، آپ اپنی کِرپا کر، گُرسِکھ ساچے لئے اُٹھائیا۔ سَتگُر پوُرا لئے اُٹھا، لوکمات پھیرا پائیا۔ چار جُگ دا رُسا لئے منا، آپ اپنا بھیوَ کُھلائیا۔ اندر لُکا درشن دیوے آ، آپ اپنا پڑدہ لاہیِا۔ ساچا رنگ دئے رنگا، رنگ اِکو اِک چڑھائیا۔ جوتی جوت سروُپ ہرِ، آپ اپنی کِرپا کر، گُرسِکھ مندر دئے وکھائیا۔ گُرمُکھ ساچے رہنا تیار، ترےَگُن اتیِتا آپ جنائیندا۔ سَتگُر پوُرا کرے پیار، پُرکھ اکال ویکھ وکھائیندا۔ اندر باہر بن کے یار، گُپت ظاہر دَیا کمائیندا۔ ساچی گودی لئے اُٹھال، پھڑ باہوں سیو کمائیندا۔ آتم پرماتم لےَ کے جائے نال، اَدھ وِچکار نہ کوئے رکھائیندا۔ ساچے مندر دئے بہال، تھِر گھر ڈیرہ اِکو لائیندا۔ سچکھنڈ دوارا کھول کِواڑ، آپ اپنا بھیوَ چُکائیندا۔ نظری آئے اِکو دھرمسال، سِری بھگوان سوبھا پائیندا۔ جوتی جوت جگے بےمثال، دیِا باتی نظر کوئے نہ آئیندا۔ در درویش نہ کوئی دربان، حُکمران اِکو سوبھا پائیندا۔ شاہو بھوُپ وڈ سُلطان، شہنشاہ اپنی دَیا کمائیندا۔ گُرمُکھ جوتی میلے آن، جوتی جوت جوت سمائیندا۔ آون جاون دو جہان چُکے کان، چارے کُنٹاں دہ دِشا ڈیرہ ڈھائیندا۔ جِنہاں اُپر سَتگُر پوُرا ہوئے آپ مِہروان، مِہر نظر اُٹھائیندا۔ سچکھنڈ دوارا دیوے اِک مکان، درگاہ
ساچی ناؤں لگائیندا۔ سچ بیننتی کرے پروان، بِنَے اپنی جھولی پائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ہرجن ساچے ساچے گھر وسائیندا۔
۲۶ بھادروں ۲۰۲۰ بِکرمی درشن سِنگھ دے گرِہ پِنڈ کلّا ضِلع امرتسر
گُرسِکھ کہے سد تیرا سہارا، سَتگُر تیری سرنائیا۔ تُدھ بِن دِسے نہ کوئے کنارہ، کھیوٹ روُپ نہ کوئے وکھائیا۔ چار کُنٹ دھوُاں دھارا، ساچا نوُر نہ کوئے چمکائیا۔ نہ کوئی میِت مِتر پیارا، سگلا سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر اپنے میل مِلائیا۔ گُرسِکھ کہے بِن سَتگُر تیرے، میری سار کوئے نہ پائیندا۔ بھانڈا بھرم بھؤ کوئی نہ ڈھاہے ڈیرے، کوُڑی کِریا نہ کوئے مِٹائیندا۔ پنچ وِکار لگّے جھیڑے، جھگڑا انت نہ کوئے چُکائیندا۔ وسدے اُجڑن دِسن کھیڑے، کھیڑا بنک سوبھا کوئے نہ پائیندا۔ کوئی نہ کرے حق نبیڑے، حقیِقت سچ نہ کوئے سمجھائیندا۔ سرِشٹ سبائی چھّڈ کے صاحِب سَتگُر تیرے ہوئے چیرے، چیلا گُروُ اِکو گھر سمائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرا اِکو موہے بھائیندا۔ گُرسِکھ کہے میرے مہاراج، پاربرہم تیری وڈیائیا۔ تیرے پریم دا اِک مُحتاج، بَیٹھا دھیان لگائیا۔ انتر آتم مار آواز، سُتّیاں مات جگائیا۔ نِرگُن ہو کے رچے کاج، سرگُن کر کُڑمائیا۔ جگت سنساری رکھ لاج، وڈ بھنڈاری پھیرا پائیا۔ چرن دھوُڑی مجن کریئے ماگھ، دُرمت مَیل رہن نہ پائیا۔ ڈُبدا بیڑا پار کر جہاز، نیئا نؤکا اِک وکھائیا۔ تیرے سیِس دِسے پربھ تاج، دُھر دا حُکم اِک ورتائیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، مہاراج شیر سِنگھ وِشنوُں بھگوان، تُدھ بِن بیننتی کوئے نہ سُننے آئیا۔
۲۶ بھادروں ۲۰۲۰ بِکرمی لال سِنگھ دے گرِہ پِنڈ کلّا ضِلع امرتسر
گُرسِکھ سدا اُجل مُکھ، سدا سدا وڈیائیا۔ لیکھے لگّے جنم منُکھ، مانس رنگ رنگائیا۔ آون جاون مِٹے دُکھ، کرم کانڈ چُکائیا۔ سفل کرائے جننی کُکھ، دھنّ جنیندی مائیا۔ سَتگُر گودی لئے چُک، سِر اپنا ہتّھ رکھائیا۔ مات گربھ نہ ہووے اُلٹا رُخ، جوُنی جوُن نہ کوئے بھوائیا۔ ویلے انتم آ کے لئے پُچھ، اپنا میلا لئے مِلائیا۔ جوتی جوت سروُپ ہرِ، آپ اپنی کِرپا کر، گُرمُکھ سدا ترائیا۔ گُرسِکھ میٹے روگ سنتاپ، سَتگُر دَیا کمائیا۔ سچ بُجھائے اپنا آپ، آپ اپنا میل مِلائیا۔ آتم پرماتم سوہنگ جاپ، سچ سچ کرے پڑھائیا۔ لیکھا چُکے لوکمات، اَگے ملِے اِک سرنائیا۔ اُتم ہووے ہرجن تیری ذات، مذہب روُپ نہ کوئے وٹائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، جِنہاں گُرمُکھاں سجّن بنیا ساک، تِنہاں ناطہ اِکو جُڑائیا۔
۲۶ بھادروں ۲۰۲۰ بِکرمی پریِتم سِنگھ دے گرِہ پِنڈ کلّا ضِلع امرتسر
کِرپا کرے گُر گوپالا، گہر گمبھیِر دَیا کمائیا۔ گُرمُکھ ویکھے ساچا لالا، امُلڑا لال آپ پرگٹائیا۔ مارگ دسےّ اِک سُکھالا، منتر نام کرے پڑھائیا۔ کوُڑی کِریا توڑ جنجالا، جیِون جُگت دئے سمجھائیا۔ جوتی جوت سروُپ ہرِ، آپ اپنی کِرپا کر، سچ پریِتی اِک لگائیا۔ سچ پریِتی چرن جوڑ، گُرمُکھ جوڑی جوڑ جُڑائیندا۔ انت نِبھائے لگّی توڑ، کر کِرپا دَیا کمائیندا۔ کر پرکاش اندھیرے گھور، ساچا نوُر اِک چمکائیندا۔ پنچ وِکار نہ کرے شور، شورش سب دی میٹ مِٹائیندا۔ اپنے ہتّھ پکڑے ڈور، چاروں کُنٹ آپ بُھوائیندا۔ کِرپا کر کے گُرسِکھاں اپنے نال لئے تور، اَگے پِچھے اپنا کھیل کرائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھاں سدا رکھے لوڑ، لوڑ گُرمُکھاں پوُرن آپ کرائیندا۔
۲۶ بھادروں ۲۰۲۰ بِکرمی پریِتم سِنگھ دے گرِہ پِنڈ کلّا ضِلع امرتسر
گُرسِکھ سوہے ساچا بنک، بھگت دوار وڈیائیا۔ لیکھا چُکے راؤ رنک، رنک راجان اِکو نظری آئیا۔ سُنے نام ساچا ڈنک، سچ شبد شنوائیا۔ مانس جنم بنے بنت، لیکھا چُکے لیکھا کوئے رہن نہ پائیا۔ انتم میلا ہرِ جوُ کنت، سِری بھگوَنت لئے ترائیا۔ جوتی جوت سروُپ ہرِ، آپ اپنی کِرپا کر، ہرجن لیکھا لیکھے پائیا۔ گُرسِکھ لیکھا سدا ایک، ایکنکار مُکائیا۔ پرم پُرکھ دی ساچی ٹیک، پرماتم آتم دئے سمجھائیا۔ نِروَیر پُرکھ چیتن چیت، نِج گھر بَیٹھا ڈیرہ لائیا۔ نِت نوِت کرے ہیت، جُگ جُگ ویکھ وکھائیا۔ جِنہاں لگّی دُھر مستک میخ، تِنہاں ملِے ہرِ گوسائینا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ہرجن وسائے اپنے دیس، سچ دوارے دئے بہائیا۔ مہاراج شیر سِنگھ وِشنوُں بھگوان، جِس جن بخشے ٹیک، تِنہاں ٹِکاّ مستک نام لگائیا۔
۲۶ بھادروں ۲۰۲۰ بِکرمی پوُرن سِنگھ دے گرِہ پِنڈ کلّا ضِلع امرتسر
گُرسِکھ کرے چرن بندن، بندگی اِک پرنام۔ سَتگُر پوُرا توڑے بندھن، کارج کرے کام۔ دیوے اِک انندن، آتم کر بِسرام۔ سُناوے ساچا چھندن، سوہنگ ڈھولا اگمّی گان، تِلک للاٹی لاوے چندن، دھوُڑی بخشے اِک اشنان، جوتی جوت سروُپ ہرِ، آپ اپنی کِرپا کر، ہرجن ساچے کر پروان۔ گُرسِکھ منگے دھوُڑی خاک، خاکی خاک رمائیا۔ سَتگُر پوُرا کھولے تاک، بند کِواڑ کُھلائیا۔ نِرگُن سرگُن وچولا بن کے آپ، ساچا میل مِلائیا۔ نام جنائے دُھر دا جاپ، بودھ کرے پڑھائیا۔ سچ پریِتی جوڑے نات، سجّن سیَن روُپ وٹائیا۔ انتم رکھے دے کر ہاتھ، سمرتھ ہو سہائیا۔ جوتی جوت سروُپ ہرِ، آپ اپنی کِرپا کر، گُرمُکھ کرے اپنے داس، گھر ساچے سیو لگائیا۔ مہاراج شیر سِنگھ وِشنوُں بھگوان، جنم جنم دے کٹ پاپ، پتت پاپی لئے ترائیا۔
۲۶ بھادروں ۲۰۲۰ بِکرمی ہرنام سِنگھ دے گرِہ پِنڈ کلّا ضِلع امرتسر
ستگُر پوُرا بخشن جوگ، پُرکھ اکال وڈّی وڈیائیا۔ گُرمُکھاں درس دیوے اموگھ، نِج نیتر نَین کُھلائیا۔ امرت رس چُگائے ساچی چوگ، ترِسنا بُھکھ مِٹائیا۔ ہؤمے ہنگتا کٹے روگ، چِنتا سوگ دئے گوائیا۔ نام سُنائے اِک سلوک، دُھر دی بانی بان لگائیا۔ بھاگ لگائے کایا کوٹ، ساچے مندر دَیا کمائیا۔ کرے پرکاش نِرمل جوت، نوُرو نوُر نوُر رُشنائیا۔ سچ لگائے اگمّی چوٹ، شبد نگارا اِک جنائیا۔ جوتی جوت سروُپ ہرِ، آپ اپنی کِرپا کر، گُرمُکھ دیوے مان وڈیائیا۔ سَتگُر پوُرا سچّا سوامی، پُرکھ اکال اِک اکھوائیندا۔ آد جُگاد انترجامی، جُگ چؤکڑی گھٹ گھٹ ویکھ وکھائیندا۔ دُھر سندیس سُنائے دُھر دی بانی، بودھ اگادھا ناؤں پرگٹائیندا۔ دو جہاناں ہووے جان جانی، برہمنڈ کھنڈ بھیوَ کُھلائیندا۔ امرت آتم بخشنہارا ٹھنڈا پانی، سچ سروور اِک جنائیندا۔ وست امولک دیونہارا دات دانی، دَیاوان دَیا کمائیندا۔ سچکھنڈ دی سچ نِشانی، آتم پرماتم آپ بُجھائیندا۔ پاربرہم برہم کر وڈ وِدوانی، برہم وِدیا اِک پڑھائیندا۔ درس کرائے جوت نوُرانی، اندھ اندھیر میٹ مِٹائیندا۔ لیکھا چُکائے چار کھانی، چارے بانی پڑدہ لاہِندا۔ دیونہارا پد نِربانی، محل اٹل اِک سہائیندا۔ جوتی جوت سروُپ ہرِ، آپ اپنی کِرپا کر، ہرجن ساچے دَیا کمائیندا۔ سَتگُر پوُرا پُرکھ سمرتھ، شاہ پاتشاہ آپ اکھوائیا۔ جُگ چؤکڑی ہو پرگٹ، نِرگُن سرگُن سیو کمائیا۔ نام کُھلائے دُھر دا ہٹّ، جگت ونجارا روُپ وٹائیا۔ گُرمُکھ وِرلے مارگ دسّ، ساچا راہ دئے سمجھائیا۔ آتم سیجا ساچے مندر چڑھے بھجّ، دوُر دُراڈا پندھ مُکائیا۔ ساچے کعبےکرائے حج، حُجرہ اِکو اِک وکھائیا۔ نؤبت نام جائے وجّ، دُھر دا راگی انراگی راگ سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرسِکھ گُرمُکھ سَتگُر اپنے گھر مِلائیا۔ سَتگُر پوُرا اُچ اگمّ، بےپرواہ کھیل کرائیندا۔ نہ مرے نہ پئے جم، مات گربھ نہ ڈیرہ لائیندا۔ جُگ چؤکڑی کرے اپنا کم، ہرِ کرتا کار کمائیندا۔ سَتجُگ تریتا دواپرکلجُگ لیکھا جان دو جہان، برہمنڈ کھنڈ اپنا حُکم ورتائیندا۔ وست امولک دیونہارا نام دھن، سچ خزیِنہ آپ ورتائیندا۔ گُرسِکھاں بیڑا دیوے بنّھ، گُرمُکھ ساچے پار کرائیندا۔ دھرم دوارے چاڑھے چنّ، چند چاندنا نوُر چمکائیندا۔ جوتی جوت سروُپ ہرِ، آپ اپنی کِرپا کر، جِس جن وکھائے اپنا گھر، تِس دوُجا در نظر کوئے نہ آئیندا۔ سَتگُر پوُرا کرتا پُرکھ، پُرکھوتم وڈ وڈیائیا۔ نہ کوئی سوگ نہ کوئی ہرکھ، چِنتا غم نہ کوئے جنائیا۔ گُرسِکھاں دیوے
اپنا درس، گھر گھر پھیرا پائیا۔ جنم جنم دی میٹے حرص، ہوَس اَور نہ کوئے ودھائیا۔ پوُرب جنم دا لاہوے قرض، لہنا دینا رِہا چُکائیا۔ کرے کھیل آپ اسچرج، اچرج لیلا آپ ورتائیا۔ جودھا سوُربیِر بن کے مرد، مرد مردانہ ہوئے سہائیا۔ جنم کرم دی ویکھے فرد، اکھّر اکھّر لئے پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُرمُکھ گُرسِکھ ہرجن لئے ترائیا۔ سَتگُر پوُرا تارنہارا، گہر گمبھیِر اِک اکھوائیندا۔ جُگ جُگ لےَ مات اوتارا، نِرگُن سرگُن ویس وٹائیندا۔ سرب جیِاں دا بن کے سانجھا یارا، سگل سرِشٹی بوُجھ بُجھائیندا۔ اپنا نام نِدھان کر اُجیارا، ساچا سوہلا راگ سُنائیندا۔ کلجُگ انتم کرے کھیل اپارا، اپرمپر اپنی دھار چلائیندا۔ جوتی جاتا ہو اُجیارا، نِرگُن نِروَیر پھیرا پائیندا۔ غریِب نِمانیاں دیوے سہارا، چار ورناں گود بہائیندا۔ ذات پات تے وسے باہرا، ورن برن ونڈ نہ کوئے ونڈائیندا۔ آتم پرماتم کرے پیارا، برہم پاربرہم مِلائیندا۔ سُرتی شبدی دے سہارا، ساچا گھر آپ وکھائیندا۔ جوتی جوت سروُپ ہرِ، آپ اپنی جوت دھر، دیونہارا ساچا ور، گُرمُکھ گُرسِکھ گُر گُر دیوے اِک گیان، آتم انتر اِک بھگوان، دوُجا نظر کوئے نہ آئیندا۔ سَتگُر پوُرا بےپرواہ، بےپرواہی کھیل کھلائیندا۔ جُگ جُگ بنے مات ملاح، لوک پرلوک دَیا کمائیندا۔ چؤداں لوک ویکھے تھاؤں تھاں، چؤداں طبقاں پھول پھولائیندا۔ کایا مندر ڈوُنگھے اندر پڑدہ دیوے لاہ، بجرکپاٹی توڑ تُڑائیندا۔ امرت آتم ساچا جام دئے پیا، سچ پیالہ ہتّھ اُٹھائیندا۔ جوتی جوت سروُپ ہرِ، آپ اپنی کِرپا کر، ساچا نگر کھیڑا دئے وسا، جِس گھر اپنا آسن لائیندا۔ نگر کھیڑا جائے وس، ساڈھے تِنّ ہتّھ ملِے وڈیائیا۔ سَتگُر پوُرا دیوے رس، رس رسیا اِکو ماہیِا۔ میل مِلائے ہسّ ہسّ، سُرت شبد کرے کُڑمائیا۔ لیکھا جانے تت اٹّھ، اپ تیج وائے پرِتھمی آکاش من مت بُدھ بھیوَ دئے جنائیا۔ سَت سنتوکھ دھیِرج دیوے ہٹّھ، سِر اپنا ہتّھ ٹِکائیا۔ نظری آئے گھٹ گھٹ، گھر گھر رِہا سمائیا۔ گُرمُکھ گُرسِکھ ہرِ سجّن کر کے اپنے وس، وسیحکار آپ ہو جائیا۔ جوتی جوت سروُپ ہرِ، آپ اپنی کِرپا کر، جُگ جُگ کھیل کرے پُرکھ سمرتھ، سمرتھ اپنی دَیا کمائیا۔
۲۶ بھادروں ۲۰۲۰ بِکرمی گُرمُکھ سِنگھ دے گرِہ پِنڈ کلّا ضِلع امرتسر
گُرسِکھ منگے ساچی مِہرا، دوئے جوڑ سرنائیا۔ آون جاون چُکے جھیڑا، جھگڑا جنم مرن رہے نہ رائیا۔ لیکھا چُکے تیرا میرا، تُوں میرا مَیں تیرا اِکو لئے دسائیا۔ کوُڑی کِریا ڈھہے ڈیرہ، بھانڈا بھرم دے بھنّائیا۔ تُوں سَتگُر مَیں تیرا چیرا، چیلا گُروُ وجےّ ودھائیا۔ وسدا رہے ساچا کھیڑا، کایا بنک ملِے وڈیائیا۔ جوتی جوت سروُپ ہرِ، آپ اپنی کِرپا کر، لیکھا پِچھلا دے مُکائیا۔ سَتگُر کہے سُن گُرسِکھ میِت، تیرا مان رکھائیا۔ سدا سدا سد وساں چیِت، گھر گھر وِچ ڈیرہ لائیا۔ کایا کعبہ مندر مسیِت، ساچا مندر دیاں سُہائیا۔ نِت اُٹھ گاواں تیرا گیِت، اپنا ناؤں دیاں سمجھائیا۔ ساچی سِکھیا لیَنی سیِکھ، سُکھدائک اِک وکھائیا۔ جوتی جوت سروُپ ہرِ، آپ اپنی کِرپا کر، تیرا لہنا دئے چُکائیا۔ گُرسِکھ کہے میرے گوبِند، پاربرہم تیری سرنائیا۔ جنم جنم نہ مِٹے چِند، چِنتا سکے نہ کوئے گوائیا۔ گُرمُکھ گُرسِکھ ٹھاکر تیری بِند، انتم لیکھا لےَ لگائیا۔ داتے دانی گُنی گہند، تیرے ہتّھ دِتی پھڑائیا۔ کلجُگ وہن ڈوُنگھی دھار ساگر سِندھ، دِسے نہ کوئے سہائیا۔ جوتی جوت سروُپ ہرِ، آپ اپنی کِرپا کر، میرا بندھن دے کٹائیا۔ گُرسِکھ ساچے سُن لا کنّ، ہرِ کرتا آپ جنائیا۔ من منسا میٹ من، من کا منکا دئے بھوائیا۔ ساچا گیِت گاؤ جن، بِن رباب وجائیا۔ رسنا کہے دھنّ دھنّ، دھنّ پربھوُ سرنائیا۔ ہوئے پرکاش نیتر انّھ، سچ گیان دئے دِرڑائیا۔ رائے دھرم نہ دیوے ڈنّ، چِتر گُپت نہ لیکھ وکھائیا۔ انت وسیرا بِن چھپّری چھنّ، ساچے مندر لئے وسائیا۔ جوتی جوت سروُپ ہرِ، آپ اپنی کِرپا کر، دیِن دَیال سدا سہائیا۔ گُرسِکھ کہے میرے بھگوَنت، بھگوَن تیری اِک سرنائیا۔ مَیں ناری تُوں میرا کنت، شاہ پاتشاہ تیری وڈیائیا۔ تیری مہما سدا اگنت، جیِو جنت سکے نہ کوئے گائیا۔ تیرا بھیوَ نہ پائے کوئی پنڈت، پنڈت پاندھے بَیٹھے دھیان لگائیا۔ تیرا دُھر دا نام سچّا منت، منتر اِکو دے سمجھائیا۔ مانس جنم بنے بنت، دوُجی وار پھیرا کوئی نہ پائیا۔ در تیرے اُتے آئے منگت، منگن وست چائیں چائنیا۔ سچ پریِتی چاڑھ رنگت، تن اُتر کدے نہ جائیا۔ میل مِلا ساچی سنگت، سگلا سنگ نِبھائیا۔ مانس جنم نہ ہوئے بھنگت، جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھ ساچے رِہا سمجھائیا۔ گُرمُکھ تیرا میلا سنگت، سنگت ہرِ ہرِ روُپ وکھائیا۔ ناطہ تُٹے دوزخ بہشت جنّت، سچکھنڈ ساچے وجےّ ودھائیا۔ دوُجے در نہ جانا منگت، انمنگیاں دان جھولی پائیا۔ جوتی جوت سروُپ ہرِ، آپ اپنی کِرپا کر،
گُرسِکھ بیڑا اِک وکھائیا۔ گُرسِکھ سنگت ویکھ بیڑا، ہرِ کرتا آپ بندھائیا۔ اُپر چڑھیا جیہڑا جیہڑا، سو بنّے دیوے لائیا۔ آپ وسائے دوارا کھیڑا، جِس گھر وسے بےپرواہیِا۔ دوُر دُراڈا پندھ آیا نیڑا، نیرن نیرا ویکھ وکھائیا۔ گُرمُکھ رکھے من چاؤ گھنیرا، گھر اِکو اوٹ تکائیا۔ سَتگُر انتم ملِے میرا، میری جھولی دئے بھرائیا۔ جم کا پھاس کٹے جیڑا، سواس سواس لیکھے لائیا۔ کرے کرائے حق نبیڑا، حقو حق دئے سمجھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، گُرمُکھ گُرسِکھ ہرِ سنگت وسایا ساچا ڈیرہ، جِس ڈیرے اندر وڑیا ہرِ رگھُرائیا۔
۲۶ بھادروں ۲۰۲۰ بِکرمی سرمُکھ سِنگھ دے گرِہ پِنڈ کلّا ضِلع امرتسر
ہرِ سَتگُر کھیل سدا انوکھا، نوَ نؤ سمجھ کوئے نہ پائیا۔ لیکھا جانے لوک پرلوکا، دو جہاناں حُکم ورتائیا۔ نام پرگٹائے سچ سلوکا، جُگ چؤکڑی کرے پڑھائیا۔ نِت نوِت جن بھگتاں مارگ دسےّ سؤکھا، اؤجھڑ راہ نہ کوئے پائیا۔ نِرگُن سرگُن مِلن دا دیوے مؤقع، مانس جنم مات پرگٹائیا۔ شبدی شبد اُچی کوُک دیوے ہوکا، دُھر دا نام اِک سُنائیا۔ کِسے نال کرے کدے نہ دھوکھا، سچ سُچ کرے پڑھائیا۔ ساچے سنتاں بخشے اِکو اوٹا، پاربرہم سچّی سرنائیا۔ کرے پرکاش نِرمل جوتا، نوُرو نوُر نوُر دھرائیا۔ لہنا چُکائے ورن گوتا، ذات پات نہ کوئے رکھائیا۔ کایا مندر سُہائے ساچا کوٹھا، ساڈھے تِنّ ہتّھ سوبھا پائیا۔ ڈوُنگھی بھَوری مارے غوطہ، کایا کوَری کھوج کھوجائیا۔ گُرمُکھاں میٹے جنم جنم دا روسا، سوئی سُرتی لئے جگائیا۔ پنج تت پانی کدے نہ ہووے کوسا، امرت میگھ جھِرنا اِک جھِرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھ ساچے اِکو در سمجھائیا۔ سَتگُر پوُرا اُچ اپار، سچکھنڈ نِواسی دَیا کمائیا۔ ساچے بھگتاں لئے اُبھار، بھگوَن اپنا پڑدہ لاہیِا۔ ساچے سنتاں دئے دیِدار، نِج نیتر اکّھ کُھلائیا۔ ساچے گُرمُکھ لائے پار، جُگ جُگ بیڑا پار کرائیا۔ ساچے گُرسِکھ لئے اُٹھال، گوُ ڑھی نیِند نہ کوئے سُآئیا۔ ناطہ توڑ کال مہاکال، مہما اپنی دئے جنائیا۔ اٹّھے پہر دِوس رَین گھڑی پل وسے نال، جگت وِچھوڑا نہ کوئے جنائیا۔ نِرگُن سرگُن گھالن لئے گھال، پُرکھ اکال بےپرواہیِا۔ آپ اُٹھائے انجانے بال، ساچی گودی آپ بہائیا۔ ایتھے اوتھے بن دلال، دو جہاناں پار کرائیا۔ ساچا
منتر دئے سِکھال، کرے کرائے اِک پڑھائیا۔ چؤداں وِدیا ہوئے بےحال، چاروں کُنٹ کوُکے دئے دُہائیا۔ گُرمُکھ گُرسِکھ ہرجن ہرِ بھگت پربھ جوتی مِلن آن، انتم جوتی جوت سمائیا۔ سچکھنڈ وسن سچّی دھرمسال، دھرم دوارے ڈیرہ لائیا۔ اوتھے نہ کوئی شاہ نہ کنگال، اوُچ نیِچ نظر کوئے نہ آئیا۔ نہ کوئی بھوُپ راج راجان، رنگ روُپ نہ کوئے وٹائیا۔ تخت نِواسی نؤجوان، سِری بھگوان ڈیرہ لائیا۔ دیونہارا اِک فرمان، دُھر سندیسہ شبد سُنائیا۔ جن بھگتو مِلو آن، گھر دروازہ رِہا کُھلائیا۔ ساچے سنتو کرو پہچان، بےپہچان پھیرا پائیا۔ گُرمُکھ گُر کا کرو دھیان، گوجھ بھیوَ کُھلائیا۔ گُرسِکھ گُر چرن کرو پروان، جوتی جوت سروُپ ہرِ، آپ اپنی جوت دھر، نِہکلنک نرائن نر، دیونہارا ساچا ور، گُرمُکھ آتم میل پرماتم برہم پاربرہم نِہکرمی بِن کرم کانڈ اپنے نال مِلائیا۔