کتب خانہGranth 15 (Shahmukhi)

۱۰ اسوُ ۲۰۲۰ بِکرمی سُلکھن سِنگھ دے گرِہ رُکنا موُنگلا ضِلع فِروزپُر

شاہ پاتشاہ تیرا کھیل مہانا، سچ سُلطان تیری وڈیائیا۔ گُر اوتار منّن تیرا بھانا، جُگ چؤکڑی سکے نہ کوئے اُلٹائیا۔ پیِر پَیغمبر در درویش گائن گانا، تُوں ہی تُوں ہی راگ الائیا۔ نِروَیر پُرکھ تیرا کھیل دو جہاناں، سِری بھگوان سمجھ سکے کوئی نہ رائیا۔ وِشن برہما شِو دیوے گیانا، نِش اکھّر اِک پڑھائیا۔ نِرگُن سرگُن پہریں بانا، ویس انیکا روُپ وٹائیا۔ شبد انادی گائے ترانہ، دُھردرگاہی آپ سُنائیا۔ لکّھ چؤراسی اندر وڑ کے کریں کھیل مہانا، خالق خلق تیری وڈیائیا۔ تیرا ناؤں جودھا سوُربیِر مرد مردانہ، وڈ مردانگی اِک کمائیا۔ دو جہاناں بنیا حُکمرانا، تخت نِواسی ساچے تخت سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در منگن سارے آئیا۔ سو پُرکھ نِرنجن تیرا زور، جابر جبر تیری سرنائیا۔ دوُجا دِسے نہ کوئی ہور، نوَ نؤ ویکھیا تھاؤں تھائنیا۔ گُر اوتار پیِر پَیغمبر دیویں تور، سچ سندیسہ اِک سُنائیا۔ اپنے ہتّھ رکھیں اگمّی ڈور، شبد شبدی تند بندھائیا۔ نام نِدھان مچائیں شور، ڈنکا اِکو اِک لگائیا۔ کر پرکاش اندھیرے گھور، ساچا چند نوُر چمکائیا۔ چڑھ کے ویکھیں اپنے گھوڑ، اسوَ نظر کِسے نہ آئیا۔ ایکنکار ماریں دُھر دا پؤڑ، زمیں اسمان دئیں ہِلائیا۔ نیتر کھول ویکھے دھرنی دھؤل، دھرت بَیٹھی دھیان لگائیا۔ آد جُگاد پوُرا کریں قؤل، کیِتا قؤل بُھل نہ جائیا۔ سچ سُناویں اپنا بول، انبولت راگ الائیا۔ وڈ بھنڈار دیویں کھول، وِشن برہما شِو سیو لگائیا۔ ساچے کنڈے تولیں تول، نام ترازوُ ہتّھ اُٹھائیا۔ آپ بَیٹھا رہیں اڈول، لکّھ چؤراسی رہی ڈُلائیا۔ ترےَگُن مایا پنج تت گھر گھر کرے گھول، چار کُنٹ دہ دِشا پئی لڑائیا۔ آتم پرماتم کرے نہ کوئی چوہل، سچ پریِتی توڑ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، دو جہان تیری سرنائیا۔ شاہ پاتشاہ وڈ سچ بھوُپ، راجن راج تیری اوٹ تکائیا۔ آد جُگادی سَت سروُپ، سَت سَتوادی تیری سچّی اِک سرنائیا۔ تیرا لیکھا چارے کوُٹ، دو جہان تیرا حُکم اِکو نظری آئیا۔ کلجُگ انتم ویکھ جوُٹھ جھوُٹھ، جگت اندھیرا گیا چھائیا۔ ساچا دِسے نہ کوئے پوُت، بےمُکھ ہوئی سرب لوکائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، پربھ تیرے جِہا دوُجا نظر کوئے نہ آئیا۔ صاحِب سجّن بےپرواہ، دو جہان والی اِک اکھوائیا۔ نِرگُن ہو کے بن ملاح، بیڑا اپنے کندھ اُٹھائیا۔ گُر اوتار پیِر پَیغمبر تیرےچرن کوَل منگن پناہ، دوئے جوڑ سیِس جھُکائیا۔ ساڈا لیکھا انت مُکا،

اَگے باقی رہن کوئے نہ پائیا۔ پوُرب لیکھا جھولی پا، خالی جھولی دے بھرائیا۔ جوتی جوت سروُپ ہرِ، آپ اپنی کِرپا کر، سچّا دینا سچ ور، ور اِکو منگ منگائیا۔ شاہ پاتشاہ ساچا رانا، آد جُگادی اِک اکھوائیندا۔ جُگ چؤکڑی تیرا بھانا، سِری بھگوان نہ کوئی میٹے میٹ مِٹائیندا۔ کلجُگ انتم کھیل کریں مہانا، مہما کتھ نہ کوئے سُنائیندا۔ تختوں لاہیں راجا رانا، رئیت لکّھ چؤراسی ویکھ وکھائیندا۔ وِشن برہما شِو کروڑ تیتیِسا سُرپت اِند در بِھکھاری منگے دانا، دوئے جوڑ واسطہ پائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در اِکو آس تکائیندا۔ در آس اِکو رہے تکّ، چرن کوَل منگن سرنائیا۔ اگلا پِچھلا دے حق، پربھ وڈّے تیری وڈ وڈیائیا۔ جُگ چؤکڑی دے سندیسہ گئے تھکّ، نر نریشا نظر کِسے نہ آئیا۔ لکّھ چؤراسی جیِو جنت سادھ سنت سِنمل رُکھ ہلّے پت، ساچا پھل نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکو دینا ساچا ور، تیرے تیرا دھیان لگائیا۔ تیرے لگاون تیرا دھیان، دوُجی اوٹ نہ کوئے رکھائیا۔ ساچا دینا شبد گیان، نام نِدھان بوُجھ بُجھائیا۔ راگ سُناؤنا اِکو کان، دُھن آتمک آپ اُپجائیا۔ مندر وکھاؤنا سچ مکان، سچ دوارا سوبھا پائیا۔ دیِا جوتی جگے مہان، باتی تیل نظر کوئے نہ آئیا۔ امرت سروور پیِن کھان، جگ ترِسنا بُھکھ رہے نہ رائیا۔ سچ پریِتی ملِے بِبان، دو جہاناں پار کرائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا اپنا گھر، گھر ساچا سوبھا پائیا۔ ساچا گھر کھول دوار، خالق خلق تیرے ہتّھ وڈیائیا۔ مانگت بِھکھک منگن وارو وار، در درویش بَیٹھے الکھ جگائیا۔ جُگ چؤکڑی گئی ہار، چار کُنٹ اندھیرا چھائیا۔ ناطہ توڑ گُروُ اوتار، پیِر پَیغمبر پلّوُ گئے چُھڈائیا۔ چاروں کُنٹ ہاہاکار، ہرِ کا نام نہ کوئے بُجھائیا۔ نیتر کھول کرے نہ کوئی دیِدار، جوتی جوت سروُپ ہرِ، آپ اپنی کِرپا کر، اِکو دینا ساچا ور، گھر ساچے وجےّ ودھائیا۔ وجےّ ودھائی تیرے گھر، دوُجا مندر نظر کوئے نہ آئیا۔ صاحِب سُلطان کِرپا کر، پاربرہم ہتّھ تیرے وڈیائیا۔ گُر اوتار پیِر پَیغمبر تیرے حُکم کولوں رہے ڈر، اَگے سیِس نہ کوئے اُٹھائیا۔چرن کوَل بَیٹھے دڑ، نیتر نَیناں نیِر نیر وہائیا۔ کلجُگ انتم چار کُنٹ دہ دِشا نہ کوئی سر، سروور روُپ نہ کوئے وٹائیا۔ لکّھ چؤراسی جیِو جنت ترےَگُن اگنی رہے سڑ، امرت میگھ نہ کوئے برسائیا۔ پنج تت وِکارا رِہا لڑ، کھنڈا کھڑگ نام نہ کوئے چمکائیا۔ سُرت شبدی کوئی نہ سکے پھڑ، بھرمے بُھلے پاندھی راہیِا۔ توڑ نہ سکے کوئی ہنکاری گڑھ، کوُڑی کِریا ڈیرہ کوئے نہ ڈھاہیِا۔ ساچے مندر کوئی نہ سکے چڑھ، جگت دوارے پار کرائیا۔ جیِنودیاں

کوئی نہ سکے مر، مرنا سمجھ کِسے نہ آئیا۔ تیرا ملِے نہ ساچا در، نؤ در بھجّن واہو داہیِا۔ جوتی جوت سروُپ ہرِ، آپ اپنی کِرپا کر، کِیوں بَیٹھا مُکھ چُھپائیا۔ پُرکھ اکال کِیوں بَیٹھا چُھپ، آپ اپنا بھیوَ چُھپائیا۔ نؤ سؤ چُرانویں چؤکڑی رِہو لُک، نِرگُن تیرا پڑدہ سکے نہ کوئے اُٹھائیا۔ گُر اوتار پیِر پَیغمبر ہوئے کِیوں بُک، نام سندیسہ اِک سُنائیا۔ کلجُگ انت سِری بھگوَنت کر پرکاش نِرمل جوت، جوتی جوت جوت رُشنائیا۔ سچکھنڈ دوار کھول اِکو کوٹ، کوٹن کوٹی بَیٹھے دھیان لگائیا۔ آد جُگاد تیرا لیکھا کِسے نہ آوے سوچ، سوچ سمجھ سکے نہ کوئی رائیا۔ تیرے درشن ہرجن ساچے رہے لوچ، لوچن لوچن نَین کُھلائیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، رحمت اپنی آپ کمائیا۔ رحمت کر وڈ مِہروان، در تیرے الکھ جگائیا۔ کلجُگ انتم مار دھیان، دھیان دھیان وِچوں پرگٹائیا۔ سرِشٹ سبائی بُھلا تیرا آتم پرماتم گیان، پاربرہم برہم نظر کِسے نہ آئیا۔ اِیش جیِو نہ کوئی کلیان، جگدیِش لیکھا سکے نہ کوئے مُکائیا۔ وِشن برہما شِو سُنے نہ کوئے کان، دُھن انادی راگ نہ کوئے الائیا۔ شبد نِرالا تیِر مارے نہ کوئے بان، تِکھی مُکھی دھار نہ کوئے جنائیا۔ رسنا جِہوا بتّی دند چاروں کُنٹ کرن کلیان، کلمہ حق نہ کوئے دِرڑائیا۔ تیرا دِسے نہ سچ نِشان، جگت نِشانے رہے جھُلائیا۔ پرگٹ ہو سِری بھگوان، بھگوَن اپنی کار کمائیا۔ کاغذ قلم شاہی کوُکن اُچی کوُک کرن پُکار، نیتر روون زارو زار، ہوکا دیون واہو داہیِا۔ تُدھ بِن کوئی نہ سُنے پُکار، ناطہ چُھٹا جیِو سنسار، ملِے کوئی نہ میِت مُرار، سجّن سنگ نہ کوئے نِبھائیا۔ چاروں کُنٹ دھوُاں دھار، دہ دِشا نہ کوئی اُجیار، زمیں اسمان گئے ہار، ہرِ کا روُپ نظر کوئے نہ آئیا۔ دھرت دھوَل نہ چُکے بھار، امرت کوَل کھِلے نہ کوئی گُلزار، ساول سول ملِے نہ میِت مُرار، نَین موُند نیتر نَین اکّھ نہ کوئے کُھلائیا۔ رام روُپ نظر نہ آوے تیرا کرتار، ساچا دیِاکرے نہ کوئے اُجیار، دہ دِشا دِسے آئی ہار، جِت روُپ نہ کوئے وٹائیا۔ لیکھا چھّڈ کے گئے گُروُ اوتار، پیِر پَیغمبر تیرے دربار، اِکو بولن اِک جَیکار، تیرا ڈھولا سوہلا راگ الائیا۔ تُوں صاحِب پروردِگار، آد جُگادی سانجھا یار، مُریِد مُرشد ویکھیں اپنی وار، ساچی دھار مات پرگٹائیا۔ جوتی جوت سروُپ ہرِ، آپ اپنی کِرپا کر، اِکو ویکھ اپنا گھر، جِس گھر وسے جگت لوکائیا۔ اُٹھ پربھ ویکھ اپنا جگت، نیتر جاگ آپ کُھلائیا۔ لکّھ چؤراسی اُبلے رَکت، بوُند بوُند رہی تپائیا۔ آسا ترِسنا من واسنا رہے بھٹک، بھٹکنا اِکو نظری آئیا۔ پنچ وِکارا چڑھیا کٹک، بل اپنا آپ پرگٹائیا۔ اندر وڑ کے کوئی. نہ سکے پِچھے ہٹک، بھے نال نہ کوئے ڈرائیا۔ کلجُگ سادھ

سنت ڈوُنگھی بھَوری رہے لٹک، بن پاندھی پندھ نہ کوئے مُکائیا۔ تیرے آؤن دا اِکو وقت، نانک گوبِند گیا سمجھائیا۔ کھیلے کھیل پربھ آد شکت، شکت بھوانی لیکھے لائیا۔ نِروَیر ہو کے آوے پرت، پُرکھ اکال بےپرواہیِا۔ کھیلے کھیل عرش فرش، قُرص ویکھے تھاؤں تھائنیا۔ میٹ مِٹائے سب دی حرص، ہوَس سب دی اپنی جھولی پائیا۔ جن بھگتاں اُتے کرے ترس، مِہر نظر نَین اُٹھائیا۔ امرت میگھ اِکو برس، سرِشٹ سبائی اگنی تت بُجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ رکھائیا۔ آ ٹھاکر پربھ سچ سوامی، دو جہان رہے کُرلائیا۔ واسطہ پائے چارے بانی، پرا پسنتی مدھم بَیکھری نیتر نَیناں نیِر وہائیا۔ دوئے جوڑے ہتّھ چارے کھانی، سجدہ سیِس جگدیِش جھُکائیا۔ وِشن برہما شِو کرن دھیانی، دھیان دھیان وِچ رکھائیا۔ گُر اوتار پیِر پَیغمبر کہن تیری آئی انت نِشانی، نِشانہ اپنا دے لگائیا۔ چار جُگ تیری گائی کہانی، اکھّر اکھّر جوڑ جُڑائیا۔ اٹھسٹھ تیرا کھیل رچایا پانی، بودھ اگادھ بانی نال رلائیا۔ سُرتی شبد جنایا ہانی، گھر ساچے بھیوَ چُکائیا۔ کِرپا کر شاہ سُلطانی، شاہ پاتشاہ تیری سرنائیا۔ کلجُگ بیِتی بال اَوستھا اؤدھ جوانی، بُڑیپا انتم گیا آئیا۔ گُر اوتاراں پیِر پَیغمبراں چاروں کُنٹ آوے ہانی، جوتی جوت سروُپ ہرِ، آپ اپنی کِرپا کر، نِرگُن اپنا ویس وٹائیا۔ نِرگُن اُٹھ شاہ سُلطان، کِیوں بَیٹھا مُکھ چُھپائیا۔ تیرا تیرے اَگے منگے دان، تیری اِکو اوٹ تکائیا۔ شبد سُت تیرا بلوان، بلدھاری اِک اکھوائیا۔ آد جُگادی بن گُروُ مِہروان، سَتگُر اپنا روُپ سمجھائیا۔ دو جہان لیکھ چُکائے آن، چؤداں لوک چؤداں طبق پڑدہ دئے اُٹھائیا۔ لیکھا جان زمیں اسمان، زیر زبر دئے مُکائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا سچّا گھر، جِس گھر بَیٹھا رہیں بےپرواہیِا۔ بےپرواہ پربھ سچّا کہندا، دُھر فرمان جنائیا۔ سچکھنڈ دوار ہرِ نِرنکار اِکو رہندا، محل اٹل ڈیرہ لائیا۔ جُگ چؤکڑی گُر اوتار پیِر پَیغمبر وست امولک نام دیندا، داتا دانی بن ورتائیا۔ دو جہان نِرگُن ہو کے سدا وینہدا، ویکھنہارا نظر کِسے نہ آئیا۔ سَتجُگ تریتا دواپرکلجُگ جُگ چؤکڑی ونتے وینتا، سچ پیَمانہ اپنے ہتّھ اُٹھائیا۔ آد جُگاد کِسے نہ دیوے بھیتا، گہر گمبھیِر اپنے ہتّھ رکھے وڈیائیا۔ لکّھ چؤراسی جاننہارا ساچا لیکھا، لیکھا لِکھت آپ پرگٹائیا۔ جوتی جوت سروُپ ہرِ، آپ اپنی کِرپا کر، حُکمی حُکم اِک ورتائیا۔ ساچا حُکم کر نِرنکار، کِیوں سنّ سمادھ لگائیا۔ کلجُگ چاروں کُنٹ جیِو جنت ہویا دُکھیار، دُکھاں بھری رووے سرب لوکائیا۔ ناطہ تُٹا پِتا پوُت پیار، مات ساچی گود نہ کوئے سُہائیا۔ نارکنت کرے

وِبھچار، بسنت روُپ رنگ نہ کوئے رنگائیا۔ چاروں کُنٹ دھوُاں دھار، ساچا چند نہ کوئے چمکائیا۔ کِیوں چُھپیوں پروردِگار، بےعیب عیب ویکھ کے خوشی منائیا۔ ویلا نہیں ہون دا غائب، ظاہر ظہوُر روُپ وٹائیا۔ جن بھگتاں اُتے کر عنایت، مِہر نظر اُٹھائیا۔ اَگے کرن نہیں دینی تَینوُں کوئی کفایت، بےپرواہ تیری آس رکھائیا۔ پِچھلی چھّڈ شرع شرائط، شریِعت رہن کوئے نہ پائیا۔ اُٹھ کے سَتگُر دے اِک ہدایت، حد حدوُد دے تُڑائیا۔ گُر اوتار پیِر پَیغمبر سد تیرے ماتحت، تُوں سب دا آقا اِکو نظری آئیا۔ تیرے حُکمے اندر شاستر سِمرت وید پُران گیِتا گیان لِکھ کے گئے شرائط، شرط اِکو تیرے نام پائیا۔ انتم آ کے سب دی کر حمایت، حملہ کرے نہ کوُڑی کِریا جگت لوکائیا۔ تیرے اَگے اِکو اِک سچ وضاحت، وازہ کیِتا بےپرواہیِا۔ اپنا سوچ نہ کوئی مُفائد، مُفلس روون مارن دھاہیا۔ اپنا بدل پربھوُ قواعد، قانوُن قاعدہ اَگے اِک بنائیا۔ ساچا حُکم کر عائد، عدالت اِکو اِک لگائیا۔ جوتی جوت سروُپ ہرِ، آپ اپنی کِرپا کر، مِہروان پھیرا پائیا۔ مِہروان پربھ چھیتی آ، سرگُن نِرگُن تیرا دھیان لگائیا۔ تُدھ بِن دِسے نہ کوئی ملاح، دو جہان بیڑا پار کرائیا۔ گُر اوتار دے کے گئے صلاح، پُرکھ اکال اِکو منّو داتا وڈ وڈیائیا۔ جِس دے نالوں ہوئے جُدا، انتم اپنے وِچ مِلائیا۔ اُس دے قدماں اُتوں ہو فِدا، چرن کوَل دھوُڑی ٹِکاّ مستک لائیا۔ کر کِرپا مارگ دسےّ اِکو سِدھا، چار ورن رہے نہ کوئے لڑائیا۔ مِل سخیاں پائے گِدھا، گیِت گوبِند اِک سُنائیا۔ تن من جائے وِدھا، تیِر نِشانہ اِک چلائیا۔ اپنے مِلن دی دسےّ نِکی بِدھا، بُہتی کرے نہ کوئے پڑھائیا۔ پُرکھ اکال دیِن دَیال سِری بھگوان سب دا پِتا، لکّھ چؤراسی اپنی گود اُٹھائیا۔ جو گُرمُکھ لکّھ چؤراسی وِچوں کردے ساچا ہِتا، تِنہاں اپنی اُنگلی لئے لگائیا۔ نہ ویکھے کوئی وڈّا نِکاّ، بال انجانے سُگھڑ سیانے دئے بنائیا۔ ہر گھٹ اندر وڑ کے کرے پریمی ہِتا، ہِتکاری روُپ وٹائیا۔ کھیلے کھیل نِت نوِتا، جُگ چؤکڑی پھیرا پائیا۔ نام نِدھان چلا ئے اپنا سِکہ، مُہر اِکو اِک لگائیا۔ دوُجے ہٹّ کدی نہ وِکا، قیمت سکے نہ کوئے چُکائیا۔ رس دیوے کدے نہ پِھکا، امرت دھار اِک وہائیا۔ گھر وکھائے اپنا انڈِٹھا، نِج نیتر نَین کُھلائیا۔ چار جُگ جِس دا گاؤندے سارے کہانی قصہ، سو قِسمت سب دی دئے بدلائیا۔ جوتی جوت سروُپ ہرِ، آپ اپنی کِرپا کر، ویکھ آ کے ساچا گھر، نؤ کھنڈ پرِتھمی رہی کُرلائیا۔ پاربرہم پربھ آ نیڑے، دوُر دُراڈا پندھ مُکائیا۔ چار جُگ دے پئے جھیڑے، انتم لیکھے لائیا۔ سُنجے ہوئے بِن تیرے کھیڑے، دیِا باتی نظر کوئے نہ آئیا۔ چاروں کُنٹ نظر نہ آؤن دُھر دے ڈیرے، ڈنکا نام نہ کوئے وجائیا۔ گُر اوتار پیِر پَیغمبر پا کے گئے

پھیرے، آپ اپنا ویلا وقت لنگھائیا۔ انتم کہہ کے گئے سِری بھگوان سب دا داتا کرے مِہرے، مِہر نظر اِک اُٹھائیا۔ صاحِب سَتگُر کلجُگ انت آئے کوُڑی کِریا گھیرے، گڑھ سکے نہ کوئے تُڑائیا۔ بِن تیرے پُرکھ اکال دیِن دَیال سُرت سوَانی نال چؤتھی لاو کوئی نہ لَوے پھیرے، کوُڑے کنت گھر گھر بَیٹھے کر کُڑمائیا۔ آ پربھوُ پربھ میرے وڑ جا ویہڑے، اپناچرن کوَل ٹِکائیا۔ چار جُگ بَیٹھے رہے کر کے جیرے، اِک تیری اوٹ تکائیا۔ جوتی جوت سروُپ ہرِ، آپ اپنی کِرپا کر، آ ویکھ دُھر دا در، در دروازہ آپ کُھلائیا۔ پاربرہم پربھ کھول دروازہ، بند تاکی کُنڈا لاہیِا۔ کِرپا کر غریِب نِوازا، غریِب نِمانے منگ منگائیا۔ انت کنت بھگوَنت رکھ لاجا، لاجاونت تیری سرنائیا۔ تیرا دھام سمبل کِسے نہ لبھا دیس ماجھا، مجلس گھر گھر کرے لوکائیا۔ راتیں سُتّیاں لیَن خوابا، خالق خلق نَین اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر اپنے پھیرا پائیا۔ گھر اپنے پھیرا پاوانگا۔ محل اٹل اِک رُشناوانگا۔ نِہچل دھام بناوانگا۔ ساچا رام روُپ پرگٹاوانگا۔ کاہن بن کے اِکو آوانگا۔ سچ امام اِک اکھواوانگا۔ پُرکھ اکال نام دھراوانگا۔ نِہکلنک نِشان جھُلاوانگا۔ کل کلکی ویس وٹاوانگا۔ دُھر دی وّنگی نام لیاوانگا۔ سرِشٹ سبائی مردی مردی آپ بچاوانگا۔ ترےَگُن مایا سڑدی سڑدی، سیِتل دھار میگھ برساوانگا۔ مانس جنم مردی مردی، ہرِ کے پؤڑے آپ چڑھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر اِک اُٹھاوانگا۔ مِہر نظر اِک اُٹھائےگا۔ پُرکھ ابناشی دَیا کمائےگا۔ نِرگُن نِروَیر دھار چلائےگا۔ کلجُگ کوُڑی کِریا قہر مِٹائےگا۔ بھگت دوار اِک سُہائےگا۔ چار ورن رنگ رنگائےگا۔ ساچی سرن اِک رکھائےگا۔ دوُجا وڑن کوئے نہ پائےگا۔ ایر غَیر مُکھ بھوائےگا۔ گُرمُکھ گُرسِکھ ہرمندر وڑ کے کرن سیَر، سیَرگاہ اِک بنائےگا۔ سچکھنڈ دوارا وسے سچّا شہر، چھپّر چھنّ نہ کوئے چُھہائےگا۔ ذات پات دیِن مذہب پنج تت کوئی نہ کرے وَیر، کایا روُپ نظر کوئے نہ آئیگا۔ کھیلے کھیل گمبھیِر گہر، گہر گوَرا ایکا رنگ رنگائےگا۔ جوتی جوت سروُپ ہرِ، آپ اپنی کِرپا کر، حق نبیڑا دئے نبیڑ، حقیِقت سب دی ویکھ وکھائےگا۔ پربھ حق حقیِقت ویکھ وکھائےگا۔ جگت شریِکت نہ کوئے رکھائےگا۔ سچ تؤفیِق اِک جنائےگا۔ چار ورن رفیق بنائےگا۔ احباب نام رباب سُنائےگا۔ پنّ صواب نہ کوئے جنائےگا۔ کایا کعبہ اِکو گھر وکھائےگا۔ آبِ حیاتا جام پیائےگا۔ ساکھیات نظری آئیگا۔ کائنات ویکھ وکھائےگا۔ وڈ امام پھیرا پائےگا۔ سچ سلام اِک سمجھائےگا۔ کلمہ نِظام اِک بنائےگا۔ پِچھلا لیکھا میٹ تمام، طمع سب دی جھولی پائےگا۔ اَگے کرے نہ کوئی حرام، حرام

زادہ نظر کوئے نہ آئیگا۔ سارے گائن سچ خُدائے تیرا پَیغام، ہزارا دروُد نہ کوئے پڑھائےگا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، محبان بیِدو بی خَیر یا االلہ اِلاہی نوُر اِک درسائےگا۔ ساچا نوُر دئے درسا، مُکھ نقاب پڑدہ لاہیِا۔ پاربرہم پربھ بھیوَ چُکا، چاروں کُنٹ کرے رُشنائیا۔ دو جہاناں ویکھے تھاؤں تھاں، نِرگُن سرگُن سرگُن نِرگُن اپنی کار کمائیا۔ سنت سُہیلے لئے جگا، جاگرت جوت جوت رُشنائیا۔ بھگت بھگوان لئے منا، مِہر نظر نَین اُٹھائیا۔ گُرمُکھ گودی لئے بہا، گُرسِکھ اُنگلی لا پِھرائیا۔ بن وِچولا سچ ملاح، نؤکا نیئا بیڑا پار کرائیا۔ ساچی دیوے سچ صلاح، کرے اِک پڑھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نر ہرِ اِکو اِک اکھوائیا۔ نر ہرِ نرائن سچ پربھ ایک، ایکنکارا ہرِ اکھوائیندا۔ آد جُگادی جِس دی ٹیک، دو جہان سیِس نِوائیندا۔ نِت نوِت لئے ویکھ، نیتر لوچن نَین نہ کوئے کُھلائیندا۔ جُگ چؤکڑی وٹائے بھیس، ویس اولّا آپ کرائیندا۔ جن بھگتاں کرے ساچا ہیت، پریم پریِتی اِک لگائیندا۔ سنت سُہیلے دسےّ اپنی کھیڈ، بن کھلاری کھیل سمجھائیندا۔ گُرمُکھ دیوے انتر آتم بھیت، انبھوَ اپنا آپ جنائیندا۔ گُرسِکھ سُرتی شبدی کرے چیتن چیت، من چِت ٹھگؤری کوئے نہ پائیندا۔ دُھر دا لِکھے مستک لیکھ، پوُرب لہنا آپ مُکائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے اپنے انگ لگائیندا۔ ہرجن ساچے لائے انگ، انگیکار اِک اکھوائیا۔ کِرپا کرے سوُرا سربنگ، شاہ پاتشاہ بےپرواہیِا۔ نام نِدھان وجائے مردنگ، تن نگارے چوٹ لگائیا۔ بھیوَ کُھلائے ہنگ برہم، پاربرہم دئے سمجھائیا۔ آتم پرماتم نال جائے منّ، من منسا رہن کوئے نہ پائیا۔ بھاگ لگّے ساچے تن، تتو تت کرے کُڑمائیا۔ ساچا نوُر چڑھے چنّ، نِرگُن جوت جوت رُشنائیا۔ کوُڑی کِریا بھانڈا بھرم دیوے بھنّ، ٹھوکر اِکو نام لگائیا۔ بھیوَ کُھلائے چار ورن، اٹھاراں برن دئے سرنائیا۔ کلجُگ انتم ترنی ترن، تارنہارا اِکو پھیرا پائیا۔ دو جہان جِس دا ڈھولا پڑھن، وِشن برہما شِو رہے جس گائیا۔ گُر اوتار پیِر پَیغمبر جِس دوارے کھڑھن، بن بردے غُلام روُپ درسائیا۔ سو صاحِب سَتگُر کرتا پُرکھ کرنی کرن، قُدرت قادر ویکھ وکھائیا۔ تِس سوامی پکڑو چرن، چرن کوَل ملِے وڈیائیا۔ آون جاون چُکے مرن ڈرن، لکّھ چؤراسی رہن نہ پائیا۔ جِس مندر چڑھ کے جِس گھر وڑ کے جِس درشن کر کے گُر اوتار پیِر پَیغمبر بھگت سنت گُرمُکھ گُرسِکھ اِکو ناؤں پڑھن، تُوں میرا مَیں تیرا سوہنگ سَت سروُپ تیرا روُپ نظری آئیا۔ تیرا روُپ سو بھگوان، بھگوَن تیرے وِچ سمائیا۔ ہنگ برہم

تیرا نِشان، لوکمات کرے رُشنائیا۔ بِن ہنگ تیرا کوئی نہ کرے مان، تیرا نام نہ کوئی گائیا۔ سچ بول کہے بھگوان، واہوا برہم تیری چتُرائیا۔ تیرے بِناں میرا سُنجا رہے جہان، لکّھ چؤراسی بنت نہ کوئے بنائیا۔ بِن تیرے مَیں کِس دا بناں کاہن، گوپی کَون کَون پرنائیا۔ ہنگ کہے پربھ مَیں تیرےچرن کوَل قُربان، تُوں اپنا انس بنس دِتا بنائیا۔ نِت نوِت اپنا نام سندیسہ دیویں دُھر فرمان، ناؤں نِرنکارا اِک دِرڑائیا۔ مَیں ڈوُم ہو کے کردا رہاں کلیان، چار جُگ تیرا ہوکا دے سُنائیا۔ انت دسّاں اؤہ ویکھو بھگوان، سِری بھگوان ہر گھٹ بَیٹھا ڈیرہ لائیا۔ جِس دا اُچا اُچ مکان، اوُچو اوُچ بےپرواہیِا۔ جِس بھگت مِلنا آن، تِس مِلن دی بِدھ دیاں سمجھائیا۔چرن کوَل کرو پرنام، سچ پریِتی اِک رکھائیا۔ پوُرا سَتگُر پُرکھ اکال ملِے آن، رحم اپنا آپ کمائیا۔ کلجُگ جیِو نہ بُھل انجان، بالی بُدھ نہ وقت گوائیا۔ بیِس بیِسا کھیل مہان، ہرِ جگدیِشا رِہا کرائیا۔ صدی چؤدھویں ہوئے حَیران، چؤداں طبق دین دُہائیا۔ تیئی اوتار کرن دھیان، نیتر نَین نَین اُٹھائیا۔ بھگت اٹھاراں چرنی ڈِگن آن، چرن کوَل کوَل سرنائیا۔ عیسیٰ موُسیٰ محمد انت کہن سچ تؤفیِق تَینوُں مِہروان، تعریِف تیری کر کر جس گائیا۔ نانک گوبِند اُچی کوُک کہے پُرکھ اکال، اکل کل دھاری ویس وٹائیا۔ جِس جیِو تَینوُں دِتا جیِا دان، کِیوں بَیٹھا پربھوُ بُھلائیا۔ اندر وڑ کے اپنے مندر مار دھیان، بجرکپاٹی پڑدہ لاہیِا۔ اَگے دِسے تیرا مہمان، جو چوری چوری اندر وڑ کے تیری سیج ہنڈھائیا۔ جے برہم تُوں اپنا آپ لئیں پچھان، پاربرہم تیرے کول بھجّا آوے واہو داہیِا۔ پھیر دوہاں نوُں اِکو جِہا مان، تُوں کہیں تُوں میرا، اوہ کہے تُوں میرا روُپ بن جائے گُروُ چیلا، ساچے گھر ہوئے میلا، ملِے کنت سجّن سُہیلا، ناری چُکے تیرا وقت دُہیلا، اچرج کھیل پربھوُ پربھ کھیلا، خالق خلق سَت سروُپ سو پُرکھ نِرنجن ویکھنہارا دہ دِشا چار کوُٹ، نوَ نؤ اپنا پھیرا پائیا۔ ہنگ برہم پربھ دا دئے ثبوُت، پرتّکھ پاربرہم جنائیا۔ وڑیا رہے پنج تت کایا کلبوُت، ساڈھے تِنّ ہتّھ اپنا بنک سُہائیا۔ جوتی جوت سروُپ ہرِ آپ اپنی کِرپا کر، کرے کھیل ساچا ہرِ، گھر آ کے ملِے محبوُب، مُحبّت اپنے نال رکھائیا۔

۱۱ اَسوُ ۲۰۲۰ بِکرمی جاگیر سِنگھ دے گرِہ پِنڈ تُوت ضِلع فِروزپُر

سچکھنڈ نِواسی شاہ سُلطان، مِہروان تیری سرنائیا۔ پُرکھ ابناشی نؤجوان، بےانت تیری وڈیائیا۔ سو پُرکھ نِرنجن گُن نِدھان، گہر گمبھیِر تیرا بھیوَ کوئے نہ آئیا۔ ہرِ پُرکھ نِرنجن راج راجان، بھوُپت بھوُپ ناؤں دھرائیا۔ ایکنکار کھیل مہان، نِرگُن سرگُن دھار بندھائیا۔ آد نِرنجن تیرا دیِپ مہان، جوتی جوت جوت رُشنائیا۔ ابناشی کرتے تیرا ویس دو جہان، نِروَیر داتے بےپرواہیِا۔ سِری بھگوان تیرا سچ نِشان، برہمنڈ کھنڈ اِکو نظری آئیا۔ پاربرہم تیرا نام پردھان، ناؤں نِرنکارا صِفت صلاحیِا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے ملِے وڈیائیا۔ شاہ پاتشاہ سِری بھگوَنت، بےعیب نوُر خُدایا۔ آد جُگاد تیری مہما اگنت، بھیوَ بھیت کِسے نہ پایا۔ کھیلیں کھیل جُگا جُگنت، جُگ چؤکڑی راہ چلایا۔ شبد انادی ساچا منت، منتر اِکو اِک دِرڑایا۔ لکّھ چؤراسی بن بن کنت، سیج سُہنجنی آپ ہنڈھایا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے الکھ جگایا۔ در تیرے الکھ سِری بھگوان، نعرہ اِکو اِک لگائیا۔ تخت نِواسی نؤجوان، مرد مردانے تیری وڈ وڈیائیا۔ سدا سدا سد تیرا فرمان، دُھر فرمانا اِکو نظری آئیا۔ دئیں سندیسہ دو جہان، رسنا جِہوا حُکم منائیا۔ جیرج انڈج اُتبُھج سیتج چارے کھانی کر پروان، چارے بانی دئیں جنائیا۔ چارے کُنٹ ہو پردھان، چارے جُگ ویکھ وکھائیا۔ چار یاری کھیل مہان، خالق خلق دئیں سمجھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے واسطہ پائیا۔ در تیرے واسطہ رہے پا، ہرِ بےانت بےپرواہیِا۔ گُر اوتار پیِر پَیغمبر بَیٹھے سیِس جھُکا، سجدہ اِکو اِک رکھایا۔ نِرگُن نِرگُن میرے خُدا، بی پِہربان محبان بیِدو نوُری نوُر نوُر رُشنایا۔ سَت سَتوادی ہو نِگہبان، مِہروان مِہر نظر اُٹھایا۔ سچکھنڈ دوارے ہرِ نِرنکارے تیرےچرن کوَل دھیان، دوُجا اِشٹ ہور نہ کوئے منایا۔ سَت سَتوادی برہم برہمادی کریں سچ نیاں، سجّن تیری اوٹ تکایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر ساچے منگن آیا۔ ساچے گھر آئے منگن، گُر اوتار سیِس نِوائیا۔ ساچی چولی چاڑھ رنگن، پیِر پَیغمبر واسطہ دوئے جوڑ پائیا۔ تیرا نام نِدھان وجےّ اِک مردنگن، کائنات کلمہ اِک شنوائیا۔ کِرپا کر رکھ اپنے انگن، انگیکار اِک ہو جائیا۔ تیرا کھیل سوُرے سربنگن، سمجھ کوئے نہ پائیا۔ سیوا کرے سوُرج چندن، بھجّا پِھرے واہو داہیِا۔ نیتر رووے کھنڈ برہمنڈ

وربھنڈن، جیرج انڈ رِہا کُرلائیا۔ سچ ملِے نہ کِسے پرمانندن، نِجانند رس نہ کوئے وکھائیا۔ چار کُنٹ دہ دِشا دوُئی دوَیتی کوئی نہ ڈھاہے کندھن، بھانڈا بھرم نہ کوئے بھنّائیا۔ نام ٹِکاّ کوئی نہ لائے چندن، جوت للاٹ نہ کوئے رُشنائیا۔ کوُڑی کِریا کوئی نہ کرے کھنڈن، کام کرودھ لوبھ موہ ہنکار نہ کوئے گوائیا۔ غریِب نِمانیاں گھر کوئی نہ چّبےتندن، بھگوَن روُپ نظر کوئے نہ آئیا۔ لکّھ چؤراسی کوئی نہ کٹے پھندن، پھاسی گلوں نہ کوئے لُہائیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، تُدھ بِن دوُجا نظر کوئے نہ آئیا۔ گُر اوتار پیِر پَیغمبر آئے گھر، پربھ چرن تیرے وڈیائیا۔ نِربھؤ چُکا بھےَ ڈر، بھیانک روُپ نہ کوئے وکھائیا۔ در درویش کھلوتے کھڑ، پلّوُ گل وِچ رہے پائیا۔ سِری بھگوان نرائن نر، شاہ پاتشاہ نیتر نَین اکّھ کُھلائیا۔ سَتجُگ تریتا دواپرکلجُگ تیرے کولوں لےَ کے گئے ور، ور تیری دات جھولی پائیا۔ لوکمات تیرا سندیسہ لِکھ لِکھ آئے دھر، دُھر دی دھار جنائیا۔ ہوکا دِتا ناری نر، رسنا جِہوا بتّی دند صِفتی صِفت صِفت صلاحیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر اپنا ویکھ وکھائیا۔ ویکھ پربھوُ پربھ کھول اکّھ، آخر تیرے اَگے عرضوئیا۔ سچ کہانی تَینوُں رہے دسّ، گُر اوتار پیِر پَیغمبر رہے سُنائیا۔ کلجُگ انتم ساڈی ہوئی بسّ، بستہ سارے بنّھ وکھائیا۔ لکّھ چؤراسی جیِو جنت لِکھ لِکھ لیکھا آئے دسّ، تیرا سندیسہ نام سُنائیا۔ کلجُگ انتم پاربرہم پتپرمیشور ہوئے پرگٹ، نِرگُن جوت جوت رُشنائیا۔ دھرم دوار کھولے اِکو ہٹّ، سچ سمگری وِچ ٹِکائیا۔ کھیلے کھیل پُرکھ سمرتھ، سمرتھ اپنی کار کمائیا۔ لہنا دینا چُکائے تیِرتھ تٹ، اٹھسٹھ گنگا گوداوری جمنا سُرستی اپنی جھولی پائیا۔ آتم پرماتم پرماتم آتم سرب جیِواں دیوے اِکو مت، دوُجی کرے نہ کوئے پڑھائیا۔ لیکھا جانے پنج تت، اپ تیج وائے پرِتھمی آکاش کھوج کھوجائیا۔ نِجھرجھِرنا دیوے رس، امرت جام اِک پیائیا۔ ساچی جوت کرے پرکاش، اگیان اندھیر مِٹائیا۔ گھر گوپی کاہن پوائے راس، سُرتی شبدی ناچ نچائیا۔ لیکھا جانے پَون سواس، پَون پَوناں سوبھا پائیا۔ جُگ چؤکڑی وِچھڑے جن بھگتاں پوُری کرے آس، بھگوَن اپنا بھیوَ کُھلائیا۔ سچ پریِتی پُرکھ اکال دسےّ اِکو نات، ناطہ بِدھاتا جوڑ جُڑائیا۔ چار ورن اٹھاراں برن دھرم بنائے اِک جماعت، کھتری براہمن شوُدر وَیش نظر کوئے نہ آئیا۔ نانک گوبِند لیکھا لِکھیا نال قلم دوات، شاہی کاغذ شہادت دیِن گواہیِا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، مِہروان مِہر نظر اُٹھائیا۔ مِہروان پربھ پاربرہم، در تیری اوٹ رکھائیا۔ نِہکرمی کر اپنا کرم، کرم کانڈ دے مِٹائیا۔ کلجُگ نیئا ڈولے دھرم،

سچ سُچ نظر کوئے نہ آئیا۔ نیتر رووے ورن برن، دھیِرج دھیِر نہ کوئے دھرائیا۔ نیتر کُھلے کِسے نہ ہرن پھرن، سادھ سنت جنگل جوُہ اُجاڑ پہاڑ اُچے ٹِلّے پربت ڈوُنگھی کندر، بَیٹھے دھیان لگائیا۔ اپنے مندر موُل نہ چڑھن، در در گھر گھر بھجّن واہو داہیِا۔ جوتی جوت سروُپ ہرِ، آپ اپنی کِرپا کر، ایکو دے ساچا ور، راہ تکّے تیرا سرب لوکائیا۔ جگت لوکائی تکّے راہ، نیتر نَین نَین اُٹھائیا۔ شاستر سِمرت وید پُران بنے گواہ، سچ شہادت اِک رکھائیا۔ وید ویاس عیسیٰ موُسیٰ محمد نانک گوبِند گئے سُنا، دُھر دا لیکھا لیکھ جنائیا۔ کلجُگ انت سِری بھگوَنت پرگٹ ہووے بےپرواہ، جِس دا نہ کوئی پِتا نہ کوئی مائیا۔ ساچا مندر دئے سُہا، سمبل اپنا ڈیرہ لائیا۔ گوبِند سوُرا لئے جگا، جاگرت جوت جوت رُشنائیا۔ نام کھنڈا کھڑگ لئے چمکا، چنڈ پرچنڈ روُپ وٹائیا۔ برہمنڈ کھنڈ دو جہان ویکھے تھاؤں تھاں، وِشن برہما شِو سویا کوئے رہن نہ پائیا۔ سچ سندیسہ نِرگُن نِروَیر پُرکھ اکال دیوے آ، دو جہاناں اِکو وار سُنائیا۔ پاربرہم پربھ سب دا سچ ملاح، پروردِگار بیڑا اِک وکھائیا۔ رام رمئیا ہر گھٹ نظری جائے آ، ساچا کاہن بنے شہنشاہیِا۔ اِکو نؤبت نام دئے وجا، ڈنکا اپنے ہتّھ رکھائیا۔ کوُڑی کِریا چار کُنٹ دہ دِشا جوُٹھ جھوُٹھ ڈیرہ دیوے ڈھاہ، مایا ممتا ہؤمے ہنگتا میٹ مِٹائیا۔ ساچا منتر اِکو اِک دئے دِرڑا، ساچا سوہلا راگ سُنائیا۔ بنے وِچولا آپ خُدا، خودغرضی سب دی دئے گوائیا۔ مارگ دسےّ اِکو سِدھا، کلمہ اِکو اِک پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ سچ سندیس دیوے بھگوان، شبدی شبدی ڈھولا گائیندا۔ پتپرمیشور ہو مِہروان، مِہر نظر نَین اُٹھائیندا۔ گُر اوتار پیِر پَیغمبر سارے رکھو اِک دھیان، وڈ دھیانی آپ جنائیندا۔ پرگٹ ہووے نؤجوان، جودھا سوُربیِر بل اپنا آپ رکھائیندا۔ جوتی جوت جوت جگے مہان، پنج تت نظر کوئے نہ آئیندا۔ من مت بُدھ سکے نہ کوئے پہچان، انبھوَ اپنا کھیل کھلائیندا۔ شاہو بھوُپ بن راجان، دُھر فرمانا حُکم سُنائیندا۔ سچ دوار کھول دُکان، چؤداں ہٹّ پھول پھولائیندا۔ چؤداں طبقاں ویکھے آن، جوتی جوت سروُپ ہرِ، آپ اپنی جوت دھر، کرے کھیل ساچا ہرِ، ساچی کرنی آپ کمائیندا۔ گُر اوتار پیِر پَیغمبر دوئے جوڑ کرن ارداس، ارداسا اِکو اِک سُدھائیا۔ کِرپا کر پُرکھ ابناش، ابناشی تیری اوٹ رکھائیا۔ سَتجُگ تریتا دواپرکیِتا ناس، تھِر کوئے رہن نہ پائیا۔ جُگ چؤکڑی تیرا کمّ اِکو خاص، خواہش اپنی پوُر کرائیا۔ کلجُگ انتم سب دا دے ساتھ، اِکاون باون تیری اوٹ رکھائیا۔ ستّر منگن دوئے دوئے جوڑ ہاتھ، بہتّر تیری اوٹ تکائیا۔ چُہّتر کہن

دیِناں ناتھ، اناتھاں تیری سچ سرنائیا۔ چار چار کہن پرگٹ ہو پُرکھ سمراتھ، سمرتھ داتے بےپرواہیِا۔ پنج پنج کہن تیرا ویکھیئے کھیل تماش، خالق خلق روُپ وٹائیا۔ جوتی جوت سروُپ ہرِ، آپ اپنی کِرپا کر، اِکو دے اپنا ور، دوُجے در منگن نہ جائیا۔ دیونہارا ایکو ایک، ایکنکارا آپ جنائیندا۔ نِرگُن رکھو نِرگُن ٹیک، سرگُن سرگُن ویکھ وکھائیندا۔ جوتی جامہ دھرےبھیکھ، ساچا راما، روُپ رنگ ریکھ نہ کوئے بنائیندا۔ نِروَیر ہو کے پہرے جامہ، نِراکار اپنی کار کمائیندا۔ سیوادار ہو کے بنے کاما، سیوک اپنا روُپ وٹائیندا۔ سرب جیِاں ہووے انترجاما، گھٹ گھٹ ویکھ وکھائیندا۔ لکّھ چؤراسی دیونہارا برہم گیانا، برہم وِدیا آپ پڑھائیندا۔ دھرم وکھائے اِک نِشانہ، دو جہاناں آپ جھُلائیندا۔ کلجُگ کوُڑا مِٹے جہانا، لوکمات رہن نہ پائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ سمجھائیندا۔ ساچا کھیل سمجھائے پُرکھ سمرتھ، بےپرواہ آپ جنائیا۔ سَتجُگ تریتا دواپرکلجُگ نوَ نؤ چار چلاونہارا رتھ، مہاسارتھی پھیرا پائیا۔ بودھ اگادھ شبد ناد بانی گُروُ سُنائے اکتھ، کتھنی کتھ نہ سکے رائیا۔ لہنا دینا چُکائے ہتّھو ہتّھ، انت اُدھار نہ کوئے جنائیا۔ کلجُگ کوُڑی کِریا جوُٹھ جھوُٹھ مایا ممتا ہؤمے ہنگتا اپنے کھاتے لئے گھت، جِس کھاتیوں باہر کڈھائیا۔ سب دی میٹے من مت، من کا منکا آپ بھوائیا۔ اِک جنائے سچّی گُرمت، گُر شبدی بوُجھ بُجھائیا۔ بِن سَتگُر شبد دوُجا نہیں کوئی سمرتھ، پنج تت کمّکِسے نہ آئیا۔ پُرکھ اکال دیِن دَیال اَگے جوڑو ہتّھ، داتا دانی اِکو اِک اکھوائیا۔ گُر اوتار پیِر پَیغمبر لوکمات جِس دا نام چلاؤندے ہٹّ، بن ونجارے سیو کمائیا۔ انتم سارے اُچی کوُک پُکار گئے دسّ، سوہلا ڈھولا راگ سُنائیا۔ ہؤں بالک سارے نِرگُن سرگُن دے وس، اوہ صاحِب سچ پِتا مائیا۔ جِیوں بھاوے تِیوں لئے رکھ، سد بھانے وِچ سمائیا۔ جن بھگتاں نیتر کھول دیوے اکّھ، پڑدہ دوُئی دوَیت اُٹھائیا۔ نِرگُن پرگٹ ہووے پرتکھ، پاربرہم پربھ اپنا ویس وٹائیا۔ کلجُگ انتم سب دی لجیا لئے رکھ، جو جن بَیٹھن دھیان لگائیا۔ وسنہارا گھٹ گھٹ، انترجامی پھیرا پائیا۔ ساچا مارگ دیوے دسّ، دہ دِشا حُکم ورتائیا۔ کلجُگ کوُڑا کھیڑا کرے بھٹّھ، اگنی جوت لنبوُ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا لیکھا آپ جنائیا۔ دُھر دا لیکھا دسےّ آپ، اپنے ہتّھ رکھے وڈیائیا۔ کلجُگ انتم ویکھے سرِشٹ سبائی پاپ، دو جہاناں پڑدہ لاہیِا۔ گُر اوتار پیِر پَیغمبر جو رسنا جِہوا گئے آکھ، آخر لیکھا سب دا دئے مُکائیا۔ دو جہان سِری بھگوان بند کِواڑی کھول تاک، سچکھنڈ نِواسی تھِر گھر

دوارے ہرِ نِرنکارے شبدی سُت ابناشی اچُت اپنا دِیپک لئے جگائیا۔ اُٹھ لاڈلے میرے پُت، تیرا ویلا وقت گیا آئیا۔ جا کے ویکھ سُہنجنی رُت، چاروں کُنٹ کر رُشنائیا۔ جو تیرے نالوں گئے رُٹھ، تِنہاں رُسیاں لےَ منائیا۔ بچیا رہے نہ کوئی کِسے گُٹھ، نؤ کھنڈ پرِتھمی ستّ دیِپ نام سنیہڑا دینا چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک سمجھائیا۔ ساچا حُکم سُن گیِت، شبد دُلارے ہرِ جنائیندا۔ جا کے دسّ مندر مسیِت، شِودوالے مٹّھ تیری سیو لگائیندا۔ کلجُگ جیوو بدلو اپنی نیِت، صاحِب سوامی دوُر دُراڈا ویکھ وکھائیندا۔ وُضوُ کر کر کِیوں ہوئے پلیِت، پاک رسوُل نظر کِیوں نہیں آئیندا۔ پروردِگار سدا اتیِت، ترےَگُن وِچ نا کدے سمائیندا۔ صدی چؤدھویں رہی بیِت، ویلا گیا ہتّھ نہ آئیندا۔ عیسیٰ موُسیٰ محمد نیتر روون کھڑے نزدیِک، اُمت اُمتی سار کوئے نہ پائیندا۔ االلہ رانی کہے میرے چار یار شریِک، شِرکت مات نہ کوئے گوائیندا۔ چاروں کُنٹ اندھیرا تاریِک، نوُری چند نظر کوئے نہ آئیندا۔ سچ محبوُب کرے نہ کوئے پریِت، کلمہ نبی نہ کوئے پڑھائیندا۔ تیرا ملِے نہ کوئے ثبوُت، ثابت صوُرت نیتر نَین نہ کوئے وکھائیندا۔ بِن تیرے کلمے پنج تت خالی دِسے کلبوُت، مکہ کعبہ ساچا حُجرہ اُچ محراب ڈیرہ کوئی نہ لائیندا۔ بِن تیرے کوئی نہ کرے محفوُظ، جھوُٹھی مجلس مُلّاشیخ سرب وکھائیندا۔ پربھ جی تیرا شبد اِک جاسوُس، دو جہاناں گھر گھر ویکھ وکھائیندا۔ کلجُگ انت سچّے کِرپانِدھان نہ بنیں کنجوُس، گُر اوتار پیِر پَیغمبر تیرے کولوں اِکو منگ منگائیندا۔ کوُڑی کِریا کر مؤقوُف، دُھر دا حُکم تیرا اِکو نظری آئیندا۔ تیرے دھیان اندر سرب مصروُف، نیتر نَین سرب اُٹھائیندا۔ جوتی جوت سروُپ ہرِ، آپ اپنی کِرپا کر، ایکو بھیج دینا دوُت، دوُتی دُشٹ سرب مُکائیندا۔ سِری بھگوان پیا ہسّ، سچکھنڈ نِواسی خوشی منائیا۔ سارے کہو ساڈی ہوئی بسّ، پربھ تیری اوٹ تکائیا۔ مَیں سندیسہ دیواں اِکو سچ، سچ سنیہڑا دیاں جنائیا۔ لوکمات نِرگُن دھار ویکھاں جا کے نٹھّ، بن پاندھی پندھ مُکائیا۔ سرِشٹ سبائی تپدا کھیڑا ٹھنڈا ہوئے بھٹّھ، اگنی اگّ روُپ رہن نہ پائیا۔ چار ورناں دیواں اِکو مت، دیِن مذہب لائن رہن کوئے نہ پائیا۔ دوار کھولاں اِکو ہٹّ، ساچا سؤدا نام وِکائیا۔ چاروں کُنٹ نظری آئے اِک پُرکھ سمرتھ، اِشٹ دیو سوامی درِشٹ سب دی آپ کُھلائیا۔ بیِس بیِسا ہو پرتکھ، پرتکھ اپنا راہ چلائیا۔ جن بھگتاں کھول انتر اکّھ، آتم پرماتم دے بُجھائیا۔ شبد نعرہ بول الکھ، سچ جَیکارا اِک جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کلجُگ لیکھا دئے

چُکائیا۔ کلجُگ لیکھا جائے چُک، لوکمات رہن نہ پائیا۔ کوُڑی کِریا پیَنڈا جائے مُک، پاندھی روُپ نہ کوئے وٹائیا۔ پُرکھ اکال جائے تُٹھ، مِہروان مِہر نظر اُٹھائیا۔ سَتجُگ ساچا پئے اُٹھ، گوُ ڑھی نیِند پڑدہ لاہیِا۔ تِنّ جُگ جو بَیٹھا رِہا چُپ، انت اپنی لئے انگڑائیا۔ اُچی کوُک کہے مُکھ، پربھوُ تیری اِک سرنائیا۔ مَینوُں کوئی نہ آوے دُکھ، درد لگّے کوئی نہ رائیا۔ مَیں سیِس نِواواں جھُک، ہنکار وِکار میرے وِچ نہ کوئے دسائیا۔ مَیں تیرا لاڈلا پُت، تُوں میرا پِتا مائیا۔ سچ سُہاؤنی سچّی رُت، رت اپنے نام رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سیِس جگدیِش اسیِس اِک رکھائیا۔ اُٹھ سُت پیارے لال، سِری بھگوان دَیا کمائیندا۔ ساچا مارگ دئے سِکھال، ساچی سِکھیا اِک دِرڑائیندا۔ اِکو اِشٹ جناؤنا پُرکھ اکال، دوُجا دیو نظر کوئے نہ آئیندا۔ لوکمات سچ بناؤنی دھرمسال، بھگت بھگوان میل مِلائیندا۔ جا کے ویکھ مُریِداں حال، مُرشد اپنا حُکم سُنائیندا۔ جو پاربرہم دی گھالن رہے گھال، تِنہاں تیرے نال رلائیندا۔ ترےَگُن مایا توڑ جنجال، جاگرت جوت اِک وکھائیندا۔ لیکھا مُکا شاہ کنگال، چار ورن اِکو گھر بہائیندا۔ شبد گُروُ گُردیو بن دلال، سَتگُر ساچی سیو کمائیندا۔ دِیپک دیِا اِکو بال، جوتی جاتا ڈگمگائیندا۔ امرت آتم جام دئے پیال، نِجھرجھِرنا آپ جھِرائیندا۔ ساچا مندر دئے وکھال، دھرم دوارے کُنڈا لاہِندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ ساچے آپ سمجھائیندا۔ سَتجُگ ساچے جانا اُٹھ، سو صاحِب آپ جنائیا۔ پُرکھ اکال گیا تُٹھ، مِہر نظر اُٹھائیا۔ تیری سُہائے سُہنجنی رُت، رُت اپنے نال مہکائیا۔ تیرا مالک ابناشی اچُت، دوُجا نظر کوئی نہ آئیا۔ تیرا خالق تیری خلق ویکھے اندر باہر مُکھ، مُکھ مُکھڑا آپ دھوائیا۔ لوکمات نہ بہنا چُپ، جا کے ہوکا دے واہو داہیِا۔ سِری بھگوان جو سب دے اندر بَیٹھا چُھپ، سو پُرکھ نِرنجن نِرگُن نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سمجھائیا۔ ساچی سِکھیا سَت دھرم، دھرم آتما آپ جنائیندا۔ سَتجُگ تیرا اِکو کرم، ہرجن ساچے میل مِلائیندا۔ سَتجُگ تیرا اِکو ورن، ورن آتم نظر کوئے نہ آئیندا۔ سَتجُگ تیرا اِکو اکھّر پڑھن، ڈھولا اِکو اِک سُنائیندا۔ سَتجُگ تیرا اِکو مارگ سارے چڑھن، رہبر اِکو اِک سمجھائیندا۔ سَتجُگ تیرا دوارا اِکو منگن سرن، سرنگت اِک سمجھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سَتوادی ساچی کار کمائیندا۔ سَتجُگ مِلدا ویکھ ور، کلجُگ نَین اُٹھائیا۔ دوئے جوڑ ڈِگا سرنائی دڑ، پربھ اَگے سیِس جھُکائیا۔ کِرپا

نِدھان کی رِہا کر، تیرا بھیوَ کوئے نہ آئیا۔ مَیں تیری سیوا کیِتی گھر گھر، دُھر دا حُکم سیِس جھُکائیا۔ تیرا بھؤ چُکایا سب توں ڈر، بھرم بُھلائی سرب لوکائیا۔ کام کرودھ لوبھ موہ ہنکار بنایا گڑھ، کوُڑی کِریا نال رلائیا۔ ترےَگُن اگنی ویکھ سرِشٹی رہی سڑ، اَگے ہو نہ کوئے بچائیا۔ تیرے دوارے کوئی نہ سکے وڑ، نؤ دوارے پندھ نہ کوئے مُکائیا۔ سُرتی شبدی پھڑے نہ کوئی لڑ، سب دے پلّوُ دِتے چُھڈائیا۔ کرے وِبھچاری ناری نر، ہرِ کنت نظر کِسے نہ آئیا۔ کچّے بِرہو رہے جھڑ، بےپرواہ تیرا حُکم سمجھ کوئے نہ پائیا۔ کِرپا کر میرے مِہروان، مَیں اِکو منگا ور، جوتی جوت سروُپ ہرِ، آپ اپنی کِرپا کر، اِکو دینا اپنا ور، میرا لیکھا پوُر کرائیا۔ کلجُگ کہے میرا پوُرا لیکھا، پربھ انت انت کرائیا۔ کِسے نہ رہے کوئی بُھلیکھا، بھانڈا بھرم بھؤ بھنّائیا۔ بچیا رہے نہ کوئی مُلّاشیخا، مسائک نظر کوئے نہ آئیا۔ پنڈت پاندھا کوئی نہ جانے لیکھا، ریکھا سب دی دے سمجھائیا۔ چار کُنٹ دہ دِشا شاہ پاتشاہ نظر کوئی نہ آوے نیتا، راج راجاناں خاک دے مِلائیا۔ پِھرے دروہی دیس پردیسا، نوَ نؤ رووے مارے دھاہینا۔ پِتا پُت رہے نہ ہیتا، مات گود نہ کوئے سُہائیا۔ پربھ اوس ویلے دا کر لےَ چیتا، جِس ویلے لوکمات میرا جنم دِوائیا۔ تیرے حُکم اندر کھیڈی آن کے کھیڈا، کوُڑا ناطہ جوڑیا بھَین بھائیا۔ ساچا رِہا نہ کِسے ہیتا، سجّن سجّن ٹھگّیاں رہے کمائیا۔ بِن ہرِ نامے کلجُگ سُنجا دِسے کھیتا، گُر اوتار پیِر پَیغمبر راکھا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، مَیں تیرا چھوٹا بالا نِکاّ، چؤتھا جُگ سیِس جھُکائیا۔ چھوٹے بالے سُن بات، سو صاحِب آپ جنائیا۔ کلجُگ تیرا لیکھا لِکھیا قلم دوات، شاہی کاغذ نظر کوئے نہ آئیا۔ تیرا کھیل ویکھیا خوُب تماش، نوَ نؤ تیرا رنگ نظری آئیا۔ کوُڑی کِریا گھر گھر پائی خواہش، خالص کوئی نہ ہٹّ وکھائیا۔ چار ورن اٹھاراں برن کیتے فاش فاش، تِرچھا تیِر اِک چلائیا۔ سنگی ساتھی کوئی نہ دیوے ساتھ، گُرمُکھ گُر گُر توڑ نہ کوئے نِبھائیا۔ رسنا جِہوا بتّی دند دِوس رَین کردے سارے پاٹھ، انتر آتم ہِردے ہرِ نہ کوئے وسائیا۔ چرن پریِتی کوئی نہ بنّھے نات، ساچا جوڑ جوڑ نہ کوئے وکھائیا۔ چاروں کُنٹ اندھیری رات، واہوا تیری وڈّی وڈیائیا۔ تیرا ناطہ جُڑیا اِکو اِک پُرکھ سمراتھ، سمرتھ پُرکھ دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا بھرم رِہا چُکائیا۔ کلجُگ ویکھ مار دھیان، دُھر دی دھار آپ جنائیا۔ کرے کھیل سِری بھگوان، بھگوَن اپنی کار کمائیا۔ گُر اوتار پیِر پَیغمبر سارے منگن دان، در بَیٹھے سیِس جھُکائیا۔ گوبِند سوُرا نؤجوان، کلغی توڑا سیِس ٹِکائیا۔ جودھا

سوُربیِر بلوان، کھڑگ کھنڈا اِک چمکائیا۔ کِرپا کر سِری بھگوان، تیرے اَگے اِک عرضوئیا۔ جِس چھوٹے بال نیِہاں تّھلے دبےّ انجان، تِس دا لیکھا دیاں مُکائیا۔ بِن چار لکّھ بتّی ہزار تیری جڑ اُکھڑے جہان، سَتگُر گوبِند رِہا اُکھڑائیا۔ اوہدا کھنڈا مُڑ کے کدی نہ آوے وِچ میان، فیَصلہ حق حق کرائیا۔ اُس دے اَگے جا کے دے بیان، آپ اپنا حال سُنائیا۔ کر رحم جے تیری کرے کلیان، کائر تیرا لیکھا دئے مُکائیا۔ کلجُگ رووے نیتر نیر وہائے نَین بالی بُدھ انجان، میری سمجھ کوئی نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا لیکھا دئے سمجھائیا۔ کلجُگ اُٹھ ویکھ گوبِند، سوُرا سَتگُر اِکو نظری آئیا۔ پُرکھ اکال دی بنیا بِند، انت گُردیو اِک منائیا۔ تیری میٹے اوہو چِند، دوُجا نظر کوئے نہ آئیا۔ گہر گمبھیِر ساگر سِندھ، دَیاوان دَیاوان دَیاوان اکھوائیا۔ جے بخشے تیری جِند، زِندگی تیری اپنی جھولی پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک دِرڑائیا۔ کلجُگ کہے مَینوُں آوے ڈر، بھےَ بھیانک نظری آئیا۔ کِس بِدھ گوبِند کھیڑے جاواں وڑ، میرا نیتر نَین شرمائیا۔ سوُربیِر کِس بِدھ میری کرنی لئے پھڑ، پھڑ کے دئے سزائیا۔ میری انت اُکھڑے جڑ، بوُٹا پھیر نہ کوئے لگائیا۔ میرے پِچھے میری خواہش جائے مر، جوُٹھ جھوُٹھ رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِکو اِک سمجھائیا۔ ساچی سِکھیا دیوے بھگوان، دو جہاناں والی آپ جنائیندا۔چرن کوَل کر دھیان، نِون سو اکھّر اِک سمجھائیندا۔ دوئے جوڑ کر پرنام، سجدہ اِکو اِک وکھائیندا۔ مُنہوں بول کہنا مَیں بردا غُلام، غُربت روُپ نہ کوئے وٹائیندا۔ تُوں صاحِب سَتگُر مِہروان، تیری سرن سرنائی اِک تکائیندا۔ ہؤں بُھلا بالی بُدھ انجان، در تیرے الکھ جگائیندا۔ تُوں جودھا سوُربیِر نؤجوان، تیرا بھےَ بھؤ مَیتھوں جھلیا نہ جائیندا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، ساچا پڑدہ آپ اُٹھائیندا۔ کلجُگ دوُر دُراڈا جائے ڈردا، نیتر نَیناں نیِر وہائیا۔ گوبِند گوبِند گوبِند پڑھدا، انتر آتم اِک آواز سُنائیا۔ دروہی دروہی مَیں تیرا بردا، تُونہی تُونہی نظری آئیا۔ بِن تیرے میرا لڑ کوئی نہ پھڑدا، رُڑھدی جائے جگت لوکائیا۔ پیِر پَیغمبر گُر اوتار سب تَینوُں ویکھ پِچھے ہٹدا، تیرا تیج جھلیا نہ جائیا۔ دو جہان تیرا اِکو جھٹکا، تیرا وار جھلے نہ کوئی تیرا کھنڈا سکے نہ اٹکائیا۔ مَینوُں اِکو دِسے کھٹکا، تُوں میری جڑ دینی اُکھڑائیا۔ تُوں اپنے کمرکسے بدھّا اپنا پٹکا، ساڈھے تِنّ ہتّھ ونڈ ونڈائیا۔ تیرا میل پُرکھ کرتا، کرتا پُرکھ تیرا پِتا اکھوائیا۔ مَیں جیِنودیاں جیِنودیاں تیرے اَگے مردا، مرد

مردانے تیری سچ سرنائیا۔ دوئے جوڑ واسطہ کردا، نِیوں نِیوں لاگاں پائینا۔ اِکو منگ ہو منگتا منگدا، منگن آیا بن کے پاندھی راہیِا۔ تیرےچرن کوَل کدے نہ سنگدا، شرم حیا دِتی گوائیا۔ تیرا دوار تیری مِہر نظر نال لنگھدا، قدم قدم تیرے قدماں اُتے ٹِکائیا۔ تُوں ویکھ حال میرے غریِب گھر دا، چار کُنٹ دہ دِشا چار ورن اٹھاراں برن سارے تَیتھوں دِتے بُھلائیا۔ تیرے حُکمے اندر مَیں کھیل کردا، نال محمد دئے گواہیِا۔ االلہ رانی کُھلی مینڈھی کوئی نہ وردا، بن رکان نیتر نَین رووے مارے دھاہینا۔ صدی ویہویں مَیں پلّوُ تیرا پھڑدا، لیکھا چُھٹے سرب لوکائیا۔ گوبِند سوُرا اِشارہ اِکو کردا، شبد اِشارے نال سمجھائیا۔ پاربرہم پرمیشور مَینوُں مرد بنایا وِچوں مرداں، مرد مردانگی میرے ہتّھ رکھائیا۔ اَگے پھیر دسّوُں کھیل تیرے گھر دا، پندراں کتّک رُت لنگھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نر ہرِ نرائن اِکو جاتا، آد جُگاد جُگ چؤکڑی نِرگُن سرگُن سرگُن نِرگُن دھار چلائیا۔

۱۱ اَسوُ ۲۰۲۰ بِکرمی گُردیِپ سِنگھ دے گرِہ پِنڈ تُوت ضِلع فِروزپُر

سَتگُر پوُرا دَیا کمائیندا۔ مِہروان مِہر نظر اُٹھائیندا۔ گیان ونت ساچا گیان، نام نِدھان بوُجھ بُجھائیندا۔ جوبنونتا نؤجوان، نؤبت اِکو نام سُنائیندا۔ گھر مندر کر پہچان، گرِہ اپنا آسن لائیندا۔ گُرمُکھ سجّن سُہیلے چتُر سُگھڑ سُجان، سوجھی آتم پرماتم آپ سمجھائیندا۔ کوُڑی کِریا میٹ نِشان، نِشانہ اِکو اِک وکھائیندا۔ جوتی جوت سروُپ ہرِ، آپ اپنی کِرپا کر، ہرجن اپنا میل مِلائیندا۔ ہرجن میلا گوبِند دھار، ہرِ کرتا آپ کرائیندا۔ جُگ چؤکڑی ویکھ وِچار، جیِو جہانی کھوج کھوجائیندا۔ سنت سُہیلے سَت اُٹھال، آپ اپنا بھیوَ چُکائیندا۔ جنم جنم دی ویکھے کیِتی گھال، کیِتی گھال لیکھے لائیندا۔ سَتگُر ہو کے بنے دلال، سچ دلالی آپ سمجھائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیندا۔ کھولے بھیوَ پُرکھ ابناش، ابناشی کرتا وڈ وڈیائیا۔ ہرجن ہرجن پوُری کرے آس، آسا منسا میل مِلائیا۔ لیکھا جانے سرب گُنتاس، گُنوَنتا وڈ وڈیائیا۔ جن بھگتاں خاطر آئے خاص، خالص اپنا نام جپائیا۔ ساڈھے تِنّ ہتّھ ویکھے جنگل جوُہ پربھاس، ڈوُنگھی

بھَوری پھول پھولائیا۔ لیکھ چُکائے پَون سواس، سواس سواساں نال رلائیا۔ اندر باہر باہر اندر دیوے ساتھ، سچّا سنگ نِبھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، کر کِرپا دیوے اپنا گیان، دھیان اِکو چرن رکھائیا۔