کتب خانہGranth 15 (Shahmukhi)

۱۷ اَسوُ ۲۰۲۰ بِکرمی بختار سِنگھ دے گرِہ خیالی والا ضِلع بٹھِنڈہ

گُر اوتار پیِر پَیغمبر راہ تکّن لوک پرلوکا، پُرکھ اکال دیِن دَیال اِکو اوٹ تکائیا۔ دو جہان برہمنڈ کھنڈ پُری لوء آکاش پاتال مارگ دِسے نہ کوئے سؤکھا، رہبر نظر کوئے نہ آئیا۔ نؤ کھنڈ پرِتھمی ستّ دیِپ چار ورن اٹھاراں برن لکّھ چؤراسی کرے دھوکھا، ساچی سچ نہ کوئے پڑھائیا۔ من واسنا جیِو جنت سادھ سنت کل ہویا ہوچھا، سَت سنتوکھ نظر کوئے نہ آئیا۔ بِن ہرِ نام سِری بھگوان کایا مندر خالی دِسے کوٹھا، وست امولک ہتّھ کِسے نہ آئیا۔ آتم پرماتم جگت وِچھوڑے ہویا تھوتھا، پاربرہم برہم میل نہ کوئے مِلائیا۔ دُھر دی بانی شبد اگمّ سچ سُنائے نہ کوئے سلوکا، رسنا جِہوا بتّی دند رہے کُرلائیا۔ شاستر سِمرت وید پُران گیِتا گیان دیوے ہوکا، اِنجیل قرآن نعرہ رہی لگائیا۔ چار کُنٹ دہ دِشا پاربرہم پتپرمیشور پروردِگار ویکھ اکّھاں مؤقع، نِرگُن نِروَیر اپنا پھیرا پائیا۔ کلجُگ تیرا راہ تکّے پُت چھوٹا، سُت گوبِند نال مِلائیا۔ بےپرواہ بےعیب پروردِگار نوُر اِلاہی کِیوں میرے نال کریں روسا، کروٹ اپنی لےَ بدلائیا۔ جوتی جوت سروُپ ہرِ، آپ اپنی کِرپا کر، ویکھ آ کے اپنا گھر، برہمنڈ کھنڈ بَیٹھا نَین اُٹھائیا۔ گُر اوتار منگن منگ، پربھ اَگے سیِس جھُکائیا۔ پیِر پَیغمبر کہن پربھ ہو سنگ، پروردِگار تیری سرنائیا۔ لوک پرلوک تیرا منگن اِک انند، انند انند وِچوں پرگٹائیا۔ راہ تکّن سوُرج چند، کِرن کِرن کر رُشنائیا۔ وِشن برہما شِو سچ دوار ویکھن لنگھ، دوُر دُراڈا پندھ مُکائیا۔ نیتر رووے جیرج انڈ، اُتبُھج سیتج رہی کُرلائیا۔ ترےَگُن مایابھیکھ پکھنڈ، در در گھر گھر نچے واہو داہیِا۔ پنج تت تتّو کوئی نہ گائے چھند، ساچا راگ ناد کوئے نہ گائیا۔ نوَ نؤ چار لگّی اگّ، امرت میگھ نہ کوئے برسائیا۔ نہ کوئی مکہ کعبہ دِسے حج، حُجرہ حق نظر کوئے نہ آئیا۔ مندر مسجد شِودوالے نیر وہاون مٹّھ، مستک ریکھ سارے بَیٹھے ڈھاہیِا۔ کھانی بانی جھولی خالی رہی اڈّ، دوئے جوڑ واسطہ پائیا۔ پاربرہم پتپرمیشور تُدھ بِن خالی دِسن ہڈّ، ہرِ کا نام نظر کوئے نہ آئیا۔ دروہی خُدائے بی مِہروان محبان بیِدو بی خَیر یا االلہ اِلاہی نوُر چؤداں طبق کِیوں گِیوں پِچھے چھّڈ، کھہڑا اپنا گِیوں چُھڈائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تُدھ بِن منگ نہ کوئے منگائیا۔ چؤداں لوک مارن دھاہ، چؤداں طبق رہے کُرلائیا۔ چؤداں وِدیا بھیوَ کوئی نہ را، خالی ہتّھ رہی وکھائیا۔ چؤدس چند نہ سکے کوئے چمکا، کلجُگ اندھیرا چھائیا۔ ساچا مارگ دِسے نہ راہ، بھرمے بُھلی سرب لوکائیا۔ چار کُنٹ ہوئے حَیران، ہرِ کا

بھیوَ کوئے نہ پائیا۔ دہ دِشا کوُڑ طوفان، جیِو جنت رِہا رُڑھائیا۔ کام کرودھ ہویا بلوان، گھر گھر اپنا زور ودھائیا۔ مایا ممتا موہ سکے نہ کوئے مِٹا، مِٹی خاک دِسے سرب لوکائیا۔ من واسنا سکے نہ کوئی گوا، من مت پِھرے ہلکائیا۔ گُر کا شبد سکے نہ کوئی کما، رسنا جِہوا ہوئی ہلکائیا۔ امرت آتم جام سکے نہ کوئے پیا، اٹھسٹھ تیِرتھ پِھر پِھر تھکّے پاندھی رہیا۔ ساچا مندر کوئی نہ سکے سُہا، دیِا باتی بِن کملاپاتی جوت نِرنجن کرے نہ کوئے رُشنائیا۔ سچ سندیسہ دیوے نہ کوئے سُنا، انحد انادی راگ الائیا۔ بجرکپاٹی پڑدہ سکے نہ کوئے تُڑا، گھر گھر وِچ میل نہ کوئے مِلائیا۔ سادھ سنت کلجُگ انت سِری بھگوَنت کنت سکے نہ کوئے ہنڈا، ناردُہاگن بھجیّ پِھرے واہو داہیِا۔ ساچے گھر سُہاگن روُپ نہ سکے وٹا، لال گُلالا رنگ نہ کوئے چڑھائیا۔ مِہروان پربھ ٹھاکر سوامی مِہر نظر اِک اُٹھا، دو جہان تیری اوٹ تکائیا۔ گُر اوتار پیِر پَیغمبر سجدہ کر بَیٹھے سیِس جھُکا، دوئے جوڑ واسطہ پائیا۔ پرگٹ ہو نوُری خُدا، اِسم اِکو اِک دے سمجھائیا۔موُسیٰ عیسیٰ محمد تیری قسم کھا کے گئے سُنا، انتم آوے بےپرواہیِا۔ جو آد جُگاد جُگ چؤکڑی چلے اپنی سدا رضا، رازق رِزق رحیم اِک اکھوائیا۔ دو جہاناں ویکھے تھاؤں تھاں، لوک پرلوک پڑدہ دئے اُٹھائیا۔ چؤداں طبق ساچا سبق دے سُنا، کلمہ کائنات سُنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے بَیٹھے الکھ جگائیا۔ گُر اوتار پیِر پَیغمبر رہے اُڈیِک، پربھ تیرا دھیان لگائیا۔ مِہروان بےنظیِر در پا بھیِکھ، بِھکھک سوالی بَیٹھے الکھ جگائیا۔ وِشن برہما شِو تیرےچرن کوَل منگن پریِت، دوئے جوڑ واسطہ پائیا۔ شاستر سِمرت وید پُران تیری کالی دھار ویکھن چِٹے اُتے لیِک، لکیِر بےنظیِر تیری سمجھ کِسے نہ آئیا۔ تیرا نِشانہ کوئی نہ جانے ٹھیِک، کایا ٹھیِکر بھنّ نہ کوئے تیرا نوُر نظری پائیا۔ سَتجُگ تریتا دواپرکلجُگ نوَ نؤ چار تیری رکھدے گئے اُڈیِک، انتم ویلا گیا آئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے آسا اِک رکھائیا۔ پیِر پَیغمبر کر کر سجدہ، سیِس جگدیِش رہے جھُکائیا۔ تُوں صاحِب ٹھاکر ہؤں تیرا بردا، محبوُب تیری اِک سرنائیا۔ دو جہان تَیتھوں ڈردا، بھےَ بھؤ اِکو نظری آئیا۔ چار جُگ تیرا کلمہ پڑھدا، بِن کلمیوں کام روُپ وٹائیا۔ تُوں ویکھ کھیل ساچے گھر دا، گھر گھر وِچ پڑدہ لاہیِا۔ دیِن اِسلام اُمت نبی رسوُل پلّوُ کوئی نہ پھڑدا، چارے کنّیاں خالی رہے وکھائیا۔ محمد تیرے ول اِشارہ کردا، سیَنت نال رِہا سمجھائیا۔ مَیں صدی چؤدھویں اوہدے کولوں ڈردا، جِس میری بنت بنائیا۔ اوہ آد جُگاد جُگا جُگنتر سب دا گھاڑن گھڑدا، گھاڑت گھڑے بےپرواہیِا۔ اوہدے اَگے

کوئی نہ اڑدا، جو گھڑیا بھنّ وکھائیا۔ بِن پؤڑی ڈنڈے دو جہان برہمنڈ کھنڈ سب دے اُپر چڑھدا، آؤندا جاندا نظر کِسے نہ آئیا۔ اگنی ہون کدے نہ سڑدا، شبد دھار کدے نہ کھردا، ڈوُنگھی بھَوری سمُند ساگر سکے نہ کوئے رُڑھائیا۔ جو کرنا سو آپے کردا، نہ جیاؤندا نہ دِسے مردا، مرد مردانگی اپنے ہتّھ وکھائیا۔ ہؤں سیوک ہو کے ہاڑے کڈھدا، ویکھاں کھیل نرائن نر دا، نر ہرِ اپنی دَیا آپ کمائیا۔ کلجُگ انتم بھانا جردا، تُوں ہی تُوں ہی راگ پڑھدا، مَیں میرا نظر کُچھ نہ آئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے بھیِکھ منگن آئیا۔ گُر اوتار پیِر پَیغمبر گئے جھُک، جھُک جھُک سیِس نِوایا۔ پاربرہم پتپرمیشور پُرکھ اکال دیِن دَیال ساڈا پیَنڈا گیا مُک، کلجُگ ویلا انت رِہا سمجھایا۔ سچکھنڈ دوارے ہرِ نِرنکارے تیرے چرن بلہارے تیری سرنائی بَیٹھے لُک، دوُجا دھام نظر کوئے نہ آیا۔ کِرپانِدھان نؤجوان وڈ مِہروان لکّھ چؤراسی جیِو جنت جا کے پُچھ، کِیوں بَیٹھے تیرا نام بُھلایا۔ نِربھےَ نِروَیر نِراکار اِکو شیر ہو کے بُک، بھبک دو جہان سُنایا۔ لکّھ چؤراسی آتم سُتّی جائے اُٹھ، شبد ہلوُنا اِک لگایا۔ جن بھگتاں دے اِکو سُکھ، سُکھ آتم گھر وکھایا۔ اُجل کر مات مُکھ، مُکھڑا اپنے رنگ رنگایا۔ اپنی گودی لےَ چُک، نِرگُن سرگُن سیو کمایا۔ بِرہو وَیراگن ہو کے جا کے پُچھ، در در گھر گھر پھیری پایا۔ جوتی جوت سروُپ ہرِ، آپ اپنی کِرپا کر، اِکو ویکھ اپنا گھر، جِس گھر وِچ کوٹن کوٹ برہمنڈ کھنڈ وسایا۔ ویکھ پربھوُ جگ آ کے حال، تیرے اَگے اِک عرضوئیا۔ چاروں کُنٹ ہوئی بےحال، دہ دِشا سار کوئے نہ پائیا۔ غریِب نِمانے روون کنگال، نیتر نَیناں نیِر وہائیا۔ ساچا دِسے نہ کوئے دلال، سؤدا ہٹّ نہ کوئے وِکائیا۔ گُر اوتار پیِر پَیغمبر گُردر مندر مسجد شِودوالے مٹّھ سارے تھکّے بھال، لبھیاں ہتّھ کِسے نہ آئیا۔ کر کِرپا منّ اِک سوال، سَت سَتوادی اپنا ویس وٹائیا۔ لکّھ چؤراسی بِن پتّ پُھل پُھلواڑی دِسے ڈال، خِزاں روُپ رُت وٹائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے منگ منگائیا۔ سِری بھگوان دَیا کماؤندا اے۔ بےپرواہ آکھ سمجھاؤندا اے۔ سچکھنڈ نِواسی نَین اُٹھاؤندا اے۔ پُرکھ ابناشی پڑدہ لاہُندا اے۔ گُر اوتار پیِر پَیغمبر آکھ سُناؤندا اے۔ وِشن برہما شِو نال رلاؤندا اے۔ آسا سب دی پوُر کراؤندا اے۔ شبدی اپنی دھار چلاؤندا اے۔ بودھ اگادھ مردنگ الاؤندا اے۔ دو جہاناں خبر سُناؤندا اے۔ برہمنڈ کھنڈ اُٹھاؤندا اے۔ پُری لوء ہِلاؤندا اے۔ ترےَگُن مایا ڈیرہ ڈھاؤندا اے۔ پنج تت کھیڑا ویکھ وکھاؤندا اے۔ نؤ در اپنا رنگ چڑاؤندا اے۔ دسم دواری کُنڈا

لاہُندا اے۔ آتم سیجا سوبھا پاؤندا اے۔ شبد سُہاگی گیِت الاؤندا اے۔ بن وَیراگی راگ سُناؤندا اے۔ سچ تیاگی روُپ وٹاؤندا اے۔ کنت سُہاگی میل مِلاؤندا اے۔ بن سوانگی ویس وٹاؤندا اے۔ کلجُگ کوُڑی کِریا آندھی ڈیرہ ڈھاؤندا اے۔ سچ سُنائے شبد چھاندی، شہنشاہ اپنا نام دِرڑاؤندا اے۔ چار جُگ دی تھکّی ماندی، سُرت سوَانی اپنی گود بہاؤندا اے۔ تُوں ہی تُوں ڈھولا گاندی، ساچا راگ سمجھاؤندا اے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آسا منسا سب دی لیکھے لاؤندا اے۔ آسا منسا پوُر کراوانگا۔ نِروَیر ہو کے روُپ وٹاوانگا۔ دو جہان ویکھ وکھاوانگا۔ لکّھ چؤراسی پھول پھولاوانگا۔ جم کی پھاسی آپ تُڑاوانگا۔ جن بھگت بنا کے ساتھی، سگلا سنگ نِبھاوانگا۔ آتم پرماتم بنا کے پاٹھی، پوُجا پاٹھ اِک درساوانگا۔ کلجُگ میٹ اندھیری راتی، سَتجُگ سچّا چند چمکاوانگا۔ نہ کوئی دِسے مُلّا قاضی، پنڈت پاندھا خاک رلاوانگا۔ نہ کوئی دِسے شاہ نواب غازی، راج راجاناں خاک مِلاوانگا۔ چڑھ کے شبد گھوڑے سچّے راکی، رقبہ دو جہان چرناں ہیٹھ رکھاوانگا۔ آد پُرکھ جِس ساجن ساجی، سو انتم ویکھن آوانگا۔ سوہنگ شبد دُھر دی دات سَتجُگ دیواں اِکو بھاجی، وست امولک آپ ورتاوانگا۔ نِرگُن نِروَیر ہو کے جن بھگتاں اندر کراں حج بن کے حاجی، حضرت اپنی دھار وکھاوانگا۔ بردا غُلام ہو کے بناں نمازی، سچ مُصلّا اِک وچھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا لیکھا اپنے ہتّھ رکھاوانگا۔ دُھر دا لیکھا ہتّھ رکھاوانگا۔ سمرتھ ہو کے آوانگا۔ مہما اکتھ جناوانگا۔ دُھر دا رتھ آپ چلاوانگا۔ لکّھ چؤراسی جیِو جنت اِکو مارگ دسّ، چار ورن رہبر اِک اکھواوانگا۔ سب دا ویکھ دھیِرج جت سَت تپ ہٹھ، تپ تپیِشر پڑدہ آپ اُٹھاوانگا۔ سنت سُہیلے وِچوں رکھ، اپنا رنگ رنگاوانگا۔ بھگتاں درس دیاں پرتکھ، سنمُکھ اپنا مُکھ وکھاوانگا۔ گُرمُکھاں بُجھاواں اگنی اگّ، امرت میگھ اِک برساوانگا۔ گُرسِکھاں شبدی بنّھ تگ، ساچا سگن اِک مناوانگا۔ ہِردے انتر آتم رچ، ساڈھے تِنّ کروڑ لوُں لوُں اپنا نام جپاوانگا۔ اِکو دھار وکھاواں سچ، کوُڑ کُڑیارا ڈیرہ ڈھاہوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شبد اگمّی بول الکھ، نعرہ اِکو اِک سُناوانگا۔ نعرہ اِکو اِک سُنائےگا۔ پربھ اپنی دَیا کمائےگا۔ کلجُگ پِچھلا پندھ مُکائےگا۔ سَتجُگ سچّا دھرت مات گود ٹِکائےگا۔ ناطہ جوڑے جن بھگتاں نال پکاّ، سگلا سنگ اِک وکھائےگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سب دا لیکھا ویکھ وکھائےگا۔ پربھ لیکھا ویکھن آویگا۔

جوتی نوُر نوُر پرگٹاویگا۔ ظاہر ظہوُر ویس وٹاویگا۔ شبد ناد تُور سُناویگا۔ سرب کلا بھرپوُر، بھرپوُر اپنی کل ورتاویگا۔ پندھ مُکا نیڑ دوُر، دوُر دُراڈا نیرن نیرا نظری آویگا۔ کلجُگ کوُڑی کِریا ناطہ توڑے کوُڑ، سچ سُچ اِک سمجھاویگا۔ نؤ کھنڈ پرِتھمی ویکھے بھریا پوُر، شؤہ دریا آپ رُڑاویگا۔ گُرمُکھ وِرلا ہوئے منظوُر، جِس اپنا بھیوَ چُکاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سب دا لیکھا لیکھے لاویگا۔ گُر اوتار سُن کے پئے ہسّ، سچکھنڈ ساچے خوشی منائیا۔ پیِر پَیغمبر کہن پربھوُ تیرے سب وس، بےانت تیری وڈیائیا۔ سَتجُگ تریتا دواپرکلجُگ اسیں مارگ آئے دسّ، لوکمات شاستر سِمرت وید پُران گیِتا گیان اِنجیل قرآن لیکھا لِکھ سمجھائیا۔ تیرا نام نِدھان امرت آتم دے کے آئے رس، رس اِکو اِک سمجھائیا۔ تیرا نوُر نِرگُن جوت کر کے آئے پرکاش، دیِا باتی کملاپاتی اِک وکھائیا۔ تیرے مِلن دی دس کے آئے آس، ساچی سِکھیا کر پڑھائیا۔ آد جُگاد جُگ چؤکڑی سب دا داتا پُرکھ ابناش، ابناشی کرتا اِک اکھوائیا۔ جُگ چؤکڑی پُری لوء منڈل منڈپ جو پاؤندا رہے راس، گوپی کاہن روُپ وٹائیا۔ نِت نوِت دیوے ساتھ، سگلا سنگ آپ ہو جائیا۔ اسیں سارے گُر اوتار پیِر پَیغمبر اوسے نام دا کردے پاٹھ، پوُجا جگت جُگت جنائیا۔ جوتی جوت سروُپ ہرِ، آپ اپنی کِرپا کر، ویکھ ویکھ پربھ سچّا گھر، جِس گھر تیرے نام وجےّ ودھائیا۔ سِری بھگوان ہو دَیال، دو جہاناں والی آپ جنائیندا۔ بھگت سُہیلے میرے لال، گُر چیلے ویکھ وکھائیندا۔ نؤ کھنڈ پرِتھمی وِچوں لواں بھال، لکّھ چؤراسی کھوج کھوجائیندا۔ کایا پڑدہ لاہ سچّی دھرمسال، دھرم دوارا اِکو سوبھا پائیندا۔ دیِا باتی نِرگُن جوت دیواں بال، اگیان اندھیرے مِٹائیندا۔ انحد راگ سُناواں اگمّی تال، ڈھولک چھیَنا نہ کوئے وجائیندا۔ امرت آتم پیاواں جل سُہاواں ٹھنڈا تال، گھر سروور اِک پرگٹائیندا۔ آ کے ویکھ مُریِداں حال، مُرشد اپنا پھیرا پائیندا۔ ناطہ توڑ کال مہاکال، پُرکھ اکال گنڈھ پوائیندا۔ ساچا مارگ دیاں سِکھال، سوہنگ اکھّر اِک سمجھائیندا۔ ایتھے اوتھے دو جہاناں بنے دلال، جوتی جوت سروُپ ہرِ، آپ اپنی کِرپا کر، دیونہارا ساچا ور، مارگ اِکو اِک درسائیندا۔ مارگ اِکو اِک لگاوانگا۔ دو جہان انت سمجھاوانگا۔ سَتجُگ بنا کے بنت، گھڑن بھنّنہار کھیل کھلاوانگا۔ گُرمُکھ سجّن میل سنت، سَتگُر اپنا روُپ وٹاوانگا۔ وِچھوڑا ناررہے نہ کنت، سُرتی شبدی جوڑ جُڑاوانگا۔ گڑھ توڑ ہؤمے ہنگت، ہنگ برہم اِک سمجھاوانگا۔ دوُجا در کوئی نہ جائے منگت، بِھچِھیا اِکو گھرو ورتاوانگا۔ چار ورناں نظری آئے سچّا پنڈت، بودھ

اگادھا راگ سُناوانگا۔ چؤداں وِدیا کر کے کھنڈت، خالص اِکو نام سمجھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سِکھاوانگا۔ ساچی سِکھیا پربھوُ سِکھائےگا۔ جیِو جنت آپ سمجھائےگا۔ سادھ سنت پھڑ اُٹھائےگا۔ ترےَگُن مایا ڈیرہ ڈھاہیگا۔ اُلٹا گیڑا پندھ مُکائےگا۔ پنچم جھیڑا رہن نہ پائےگا۔ کایا کھیڑا آپ وسائےگا۔ میرا تیرا رنگ رنگائےگا۔ نیرن نیرا نظری آئیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی رُتڑی آپ مہکائےگا۔ ساچی رُتڑی آپ مہکاویگا۔ پُھل پُھلواڑی ویکھ وکھاویگا۔ سچ باغیچہ اِک پرگٹاویگا۔ نیِچاں اوُچاں اِکو رنگ رنگاویگا۔ سچ دوارا سب نوُں سچّا سوُجھا، سوُجھ آتم پرماتم آپ بُجھاویگا۔ اگلا بھیوَ کُھلائے گوُ جھا، پڑدہ دوُئی دوَیت چُکاویگا۔ لیکھا رہے نہ ایکا دوُجا، دوُجا ایکا اِکو گھر وساویگا۔ نیتر کھول اِکو تیجا، ترےَبھَون پندھ مُکاویگا۔ چؤتھے گھر آپ پتیِجا، پرم پریِتی اِک سِکھاویگا۔ پنچم کھیل کرے انڈیِٹھا، گھر گھر وِچ راگ الاویگا۔ چھیویں چھپّر چھنّ وسے نہ سجّن میِتا، محل اٹل اِک رُشناویگا۔ ستّویں سَت سَتوادی بَیٹھا رہے اتیِتا، ترےَگُن ڈیرہ ڈھاہویگا۔ اٹّھویں اٹّھاں تتّاں نہ تپے انگیِٹھا، کوُڑی اگنی آپ بُجھاویگا۔ نؤ در رہے نہ کوئی پلیِتا، پتت پاپی پُنیِت روُپ وٹاویگا۔ دسم دواری کرے آپ بخشیِشا، بخشش اِکو اِک وکھاویگا۔ جنم کرم دا ساہمنے رکھے شیشہ، پوُرب لیکھا نال رلاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ سمجھاویگا۔ ساچا کھیل پربھوُ کراویگا۔ کلجُگ لیکھا انت مُکاویگا۔ سَتجُگ ساچی دھار بندھائےگا۔ چار ورن اِکو گھر وسائےگا۔ اٹھاراں برن رہن نہ پائےگا۔ ترنی ترن تارنہار دَیا کمائےگا۔ ساچی سرن اِک رکھائےگا۔ مرنی ڈرنی بھؤ مِٹائےگا۔ ساچی پؤڑی چڑھنا آپ سمجھائےگا۔ سُرت شبد پھڑنی، پھڑ پلّوُ گنڈھ بنّھائےگا۔ پُرکھ اکال اپنی کرنی کرنی، کرتا اپنا کھیل رچائےگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتار پیِر پَیغمبر سب دی آسا پوُر کرائےگا۔ پربھوُ آسا پوُر کراویگا۔ منسا منسا وِچ مِلاویگا۔ کوُڑا سنسا روگ چُکاویگا۔ سَتجُگ ساچا بنس اِک اُپجاویگا۔ سوہنگ ہنسا روُپ وٹاویگا۔ دہ دِشا راگ الاویگا۔ جوتی جوت سروُپ ہرِ، آپ اپنی کِرپا کر، ساچی کرنی آپ کماویگا۔ کرنی ساچی پربھوُ کرائےگا۔ مِہروان ویکھ وکھائےگا۔ گُر اوتار نال رلائےگا۔ پیِر پَیغمبر در بُلائےگا۔ بھگت اٹھاراں آپ اُٹھائےگا۔ عیسیٰ موُسیٰ محمد نیتر نَین اکّھ کُھلائےگا۔ نانک گوبِند دھار جنائےگا۔ کرے کھیل سوُرا سربنگ، شاہ پاتشاہ اپنا حُکم ورتائےگا۔ درویش بنا سوُرج چند، ساچی

سِکھیا اِک دِرڑائےگا۔ چؤتھے جُگ مُکیا پندھ، سفرنامہ سب دا ویکھ وکھائےگا۔ اُٹھ کے ویکھو لکّھ چؤراسی اندر دِسے نہ کوئی انند، ساچا چند نہ کوئے چمکائےگا۔ سب دی خالی کنّی کُھلی دِسے گنڈھ، پلّوُ بندھ نہ کوئے وکھائےگا۔ بِن ہرِ نامے جگت سوَانی ہوئی رنڈ، جگت رنڈیپا کمّکِسے نہ آئیگا۔ سِر چُکی کوُڑی کِریا جھوُٹھی پنڈ، کِسے بھار نہ کوئے ونڈائےگا۔ بھانڈا بھرم بھؤ دوُئی دوَیت نہ ڈھاہی کندھ، کُھلا ویہڑا نظر کوئے نہ آئیگا۔ آتم پرماتم نال مِل کے گایا نہ اِکو چھند، جِس گایاں پربھ وِچھڑ کدے نہ جائےگا۔ کِسے کمّ نہیں آؤنے بتّی دند، رسنا جِہوا لیکھا لیکھے کوئی نہ پائےگا۔ جِنہاں نال کوُڑی کِریا کھادھا گند، سو گندگی وِشٹا کیڑا روُپ وٹائےگا۔ بِن سَتگُر دوارے گُرمُکھ تیرا نوُر نہ چمکے چند، تیرا ظہوُر نظر کِسے نہ آئیگا۔ بِن پُرکھ اکال دیِن دَیال دِسے نہ کوئے بخشند، بخشش ہتّھ نہ کوئے پھڑائےگا۔ سچ دوارا اِکو اِک جن بھگتو لہنا منگ، پُرکھ اکال ساچی بِھچِھیا جھولی پائےگا۔ نام چاڑھے ساچا رنگ، انڈِٹھڑی چولی آپ رنگائےگا۔ ناطہ توڑے جیرج انڈ، اُتبُھج سیتج چارے کھانی پندھ مُکائےگا۔ دیوے اِکو نِجانند، نِج امرت رس چکھائےگا۔ جوتی جوت سروُپ ہرِ، آپ اپنی کِرپا کر، سرِشٹ سبائی دئے گیان، گُر اوتار دھرو دھیان، پیِر پَیغمبر سچ نِشان اِک وکھائےگا۔ پاربرہم تیری دھنّ وڈیائی، پُرکھ اکال تیرا انت کوئے نہ پائیا۔ گُر اوتار رہے جس گائی، پیِر پَیغمبر ڈھولا رہے سُنائیا۔ لوک پرلوک تیرے نام وجےّ ودھائی، برہمنڈ کھنڈ تیری شنوائیا۔ وِشن برہما شِو تیرا راگ رہے الائی، گن گندھرب اپنا ناد جنائیا۔ لکّھ چؤراسی جیِو جنت سادھ سنت تیری سِکھن سچ پڑھائی، ساچا اکشر اِکو دے جنائیا۔ آون جاون جنم مرن چُکے جگت جُدائی، لیکھا لیکھ کوئے رہن نہ پائیا۔ آتم پرماتم کر اِک کُڑمائی، گھر میلا گُروُ چیلا روُپ وٹائے دھی جوائی آ۔ تُوں صاحِب سَتگُر سجّن سُہیلا، کلجُگ انتم دِسے ویلا، چاروں کُنٹ اندھیرا چھائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، وست امولک جھولی پائیا۔ دیوے ور ہرِ نِرنکار، نِروَیر دَیا کمائیا۔ سرب جیِاں دا سانجھا یار، بےپرواہ اِک اکھوائیا۔ دُھر دا لیکھا جان گُروُ اوتار، پیِر پَیغمبر رِہا جنائیا۔ سارے رل مِل بولو اِک جَیکار، دُھر دا ڈھولا راگ سُنائیا۔ آپس وِچ کرو پیار، دیِن مذہب ذات پات نظر کوئے نہ آئیا۔ اِکو وسو سچ مکان، سچکھنڈ دوارا رِہا وکھائیا۔ اِکو چرن کرو نِمسکار، پربھ سرن ملِے سرنائیا۔ اِکو نعرہ دیوو مار، دو جہان شنوائیا۔ اِکو اکھّر کرو درکار، الف یے نہ کوئے پڑھائیا۔ سارے حلف چُکو در گھر سچےّ دربار، گل پلّوُ واسطہ پائیا۔ پِچھلا کھہڑا چھّڈیا سرب سنسار، ناطہ

چھّڈیا جگت لوکائیا۔ کِرپا کر اِک نِرنکار، نِرگُن تیری اوٹ رکھائیا۔ جُگ جُگ بن کے آئے سیوادار، سیوک چاکر روُپ وٹائیا۔ پنج تت ناطہ چُھٹیا انتم وار، تن ماٹی کھیہہ کمّکِسے نہ آئیا۔ کِسے خاک دبّی کِسے کیِتا سسکار، ساچی سار سمجھ کوئے نہ پائیا۔ پربھ تیری جوت تیرے نال مِلی آن، بےپہچان تیرے وِچ سمائیا۔ تیرے اَگے دوئے جوڑ واسطہ سارے پان، نیتر نَین نَین شرمائیا۔ کر کِرپا سِری بھگوان، بھگوَن تیرے ہتّھ وڈیائیا۔ لوکمات جا کے ویکھ وڈ سوُربیِر بلوان، بل اپنا آپ پرگٹائیا۔ جودھے سوُربیِر مرد مردان، سچ مردانگی دے وکھائیا۔ تیرا جھُلے اِک نِشان، نام نِشانہ دے وکھائیا۔ تیرا ناؤں گائے دو جہان، نِرگُن سرگُن کرے پڑھائیا۔ جوتی جوت سروُپ ہرِ، آپ اپنی کِرپا کر، اِکو دے اگمّی ور، جِس دا بھیوَ کوئے نہ آئیا۔ دے ور سچّے بھگوَنت، پربھ تیرے ہتّھ وڈیائیا۔ کلجُگ ویکھ جا کے جیِو جنت، سادھ سنت رِہا کُرلائیا۔ کوُڑی کِریا گڑھ بنیا ہؤمے ہنگت، کام کرودھ لوبھ موہ ہنکار پئی لڑائیا۔ چار ورن کھتری براہمن شوُدر وَیش کوئی نہ بنے سنگت، دیِن مذہب پڑدہ نہ کوئے چُکائیا۔ کھان پیِن پریم رس کوئی نہ جانے پنگت، جوتی جوت سروُپ ہرِ، آپ اپنی کِرپا کر، اِکو دے ساچا ور، کلجُگ لیکھا دے مُکائیا۔ گُر اوتار پیِر پَیغمبر گئے اکّ، آخر تَینوُں رہے سُنائیا۔ مارگ دسّ دسّ گئے تھکّ، لوکمات بن بن پاندھی پھیرا پائیا۔ تیرے نام دا کھول کے آئے ہٹّ، بن ونجارے سیو کمائیا۔ تیرے سروور دسّ کے آئے تٹ، کنارہ اِکو اِک درسائیا۔ پاندھی بن کے پِھر پِھر آئے نٹھّ نٹھّ، قدم قدم تیرے لیکھے لائیا۔ ناطہ توڑ آئے تت اٹّھ، اپ تیج وائے پرِتھمی آکاش من مت بُدھ ڈھیری خاک مِلائیا۔ تیری وست تیرے کھاتے دِتی گھت، اپنے خالی ہتّھ رکھائیا۔ مِہروان اُٹھ ویکھ کھول اکّھ، چاروں کُنٹ اندھیرا چھائیا۔ پِتا پوُت دھیِاں بھَیناں رِہا تکّ، لوک لجّیا شرم حیا نہ کوئے رکھائیا۔ چار کُنٹ دہ دِشا نبیڑا کرے نہ کوئی حق، حقیِقت نظر کوئے نہ آئیا۔ دھرم سَت بُرج گیا ڈھٹھ، دیوار رہن کوئے نہ پائیا۔ کوُڑی کِریا سب نوُں مارے سٹّ، سِر سکے نہ کوئے اُٹھائیا۔ گُرمُکھ وِرلے دوئے جوڑ واسطہ رہے گھت، چرن کوَل دھیان لگائیا۔ بھگت کہن بھگوَن پوُری کر آس، بَیٹھے نِراس جگت کُرلائیا۔ سنت کہن ساڈا کوئی نہ دیوے ساتھ، سنگی نظر کوئے نہ آئیا۔ گُرسِکھ کہن سانوُں لبھے کوئے نہ گھاٹ، پتن نظر نہ آوے ماہیِا۔ چار کُنٹ اندھیری رات، نوُری چند نہ کوئے چمکائیا۔ پُرکھ اکال آ کے پُچھ وات، کِیوں بَیٹھا مُکھ چُھپائیا۔ نیتر کھول مار جھات، جھاکی اپنی دے جنائیا۔ تیری پِچھلی مُکی واٹ، اَگا نیڑے رِہا وکھائیا۔ جوتی جوت سروُپ ہرِ، آپ اپنی

کِرپا کر، اِکو دینا ساچا ور، تیرا لیکھا لِکھ کے گئے گُر اوتار پیِر پَیغمبر نال قلم دوات، کلمہ شہادت روُپ وٹائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، ہرجن ساچے لےَ مِلائیا۔ ہرجن ساچے میل پربھ، ہتّھ تیرے وڈیائیا۔ لکّھ چؤراسی وِچوں لبھ، نِرگُن اپنا پھیرا پائیا۔ دوُر کرا کوُڑی حد، گھر اپنا دے وکھائیا۔ نام وجا ساچا ند، دوُجا راگ سُنن کوئی نہ پائیا۔ درس کرا اپنا حج، حاجت ہور رہے نہ رائیا۔ ڈھولا سُنا دُھر دا چھند، سچ سندیسہ اِک الائیا۔ دھام دے نِربان پد، گھر ساچے وجےّ ودھائیا۔ مِٹے وِچھوڑا تیرا اڈّ، ساچا سنگ لےَ نِبھائیا۔ پرم پُرکھ پرماتم پاربرہم برہم تیری ید، کِیوں بَیٹھا مُکھ بھوائیا۔ کِرپا کر کے گھر اپنے سدّ، صدا اِکو نام سُنائیا۔ مَیں تیرےچرن کوَل ڈِگاں بھجّ، پِچھلا پندھ مُکائیا۔ تُوں کریں اپنا لاڈ، سچ گودی گود سُہائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جن بھگتاں رنگ رنگائیا۔ جن بھگتاں رنگ چاڑھ گوُ ڑھ، وڈ للاری تُدھ بِن نظر کوئے نہ آئیا۔ کِرپا کر بخش ساچی دھوُڑ، دھوُڑی ٹِکاّ مستک اِکو لائیا۔ چتُر سُگھڑ بنا موُرکھ موُڑھ، بندے بندی خانہ دے تُڑائیا۔ نِرگُن بخش اپنا نوُر، نِرگُن جوت کر رُشنائیا۔ میرا ہو کے کِیوں بَیٹھا دوُر، بھگت بھگوان تیرا راہ تکائیا۔ تَینوُں مِلنا انت ضرور، ضرورت ہور نہ کوئے رکھائیا۔ گھر آ حاضر حضوُر، اپنا پھیرا پائیا۔ سوامی سرب کلا بھرپوُر، بھرپوُر رِہا سب ٹھائینا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جن بھگتاں سنگ رکھائیا۔ پاربرہم پربھ ہو بھگتاں سنگ، سگلا سنگ اِک رکھائیا۔ تیرے نام وجاون مردنگ، مردنگا اِکو ہتّھ اُٹھائیا۔ تیرا مانن سچ انند، انند انند وِچوں پرگٹائیا۔ تیرا گاون دُھر دا چھند، سوہنگ راگ الائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جن بھگتاں پوُری آس کرائیا۔ جن بھگتاں پوُری آس کراوانگا۔ آتم پرماتم میل مِلاوانگا۔ ساچا مارگ اِک رکھاوانگا۔ نِرگُن سرگُن کارج آپ رچاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن جگت وِچھوڑا پندھ کٹاوانگا۔ ہرجن جگ وِچھوڑا چُکیگا۔ کلجُگ انتم ویلا مُکیگا۔ پربھ نیرن نیرا ڈُھکیگا۔ غریِب نِمانیاں آ کے پُچھیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں کولوں کدے نہ لُکیگا۔ جن بھگتاں پڑدہ لاہویگا۔ اپنا درس دِکھاویگا۔ ساچا میل مِلاویگا۔ آتم پرماتم جوڑ جُڑاویگا۔ سوہنگ روُپ اِک سمجھاویگا۔ مہاراج ویکھ وکھاویگا۔ شیر بھبک اِک لگاویگا۔ سِنگھ اپنا بھؤ رکھاویگا۔ وِشنوُں ہو کے سیو

کماویگا۔ بھگوان ہو کے گود اُٹھاویگا۔ دو جہان جےَ جَیکار کراویگا۔ سَتجُگ ساچا راہ وکھاویگا۔ موُل منتر اِک دِرڑاویگا۔ سوہنگ مہاراج شیر سِنگھ وِشنوُں بھگوان دی جےَ، لوک پرلوک وِشن برہما شِو گُر اوتار پیِر پَیغمبر بِن رسنا جِہوا سرب جس گاویگا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، نِہکلنک نرائن نر، نر نِرنکار اِکو ایک اپنا حُکم ورتاویگا۔

۱۸ اَسوُ ۲۰۲۰ بِکرمی ہرنام کؤر دے گرِہ خیالی والا ضِلع بٹھِنڈہ

ہرِ کِرپا جن وسے کھیڑا، کایا نگر ملِے وڈیائیا۔ سَتگُر کِرپا چُکے جھیڑا، تتو تت نہ کوئے لڑائیا۔ گُر کِرپا دِسے سنجھ سویرا، ملِے سچ سچّی سرنائیا۔ جوتی جوت سروُپ ہرِ، آپ اپنی کِرپا کر، سد لیکھا رِہا لِکھائیا۔ ہرِ کِرپا ملِے برہم گیان، بھیوَ ابھید جنائیا۔ سَتگُر کِرپا ملِے دُھر دا دان، نام امولک جھولی پائیا۔ گُر کِرپا انتر آتم ہوئے دھیان، لِو اِکو اِک لگائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ ہرِ کِرپا پربھ پائے ایک، ایکنکار نظری آئیا۔ سَتگُر کِرپا بخشے ساچی ٹیک، دوُجی اَور نہ کوئے سرنائیا۔ گُر کِرپا ہوئے بُدھ بِبیک، نِرمل نوُر نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا دئے سمجھائیا۔ ہرِ کِرپا ملِے بھگوَنت، بھگوَن اپنی دَیا کمائیندا۔ سَتگُر کِرپا جپے جاپ بِن رسنا جِہوا منت، اجپا جاپ اِک سمجھائیندا۔ گُر کِرپا ملِے وِچھوڑا نارکنت، سُرتی شبدی بندھن پائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیندا۔ ہرِ کِرپا پائے گہر گمبھیِر، گُنوَنت وڈّی وڈیائیا۔ سَتگُر کِرپا امرت آتم ملِے ٹھانڈا سیِر، جھِرنا اِکو اِک جھِرائیا۔ گُر کِرپا سانتک سَت ہوئے سریِر، اگنی تت رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہار سد وڈیائیا۔ گُر کِرپا لبھے راہ، پاندھی اپنے پندھ لگائیا۔ سَتگُر کِرپا ملِے اِک ملاح، بیڑا شؤہ دریا پار لنگھائیا۔ ہرِ کِرپا ملِے سچّا تھاں، درگاہ ساچی خوشی منائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بخشے ایک ٹیک سرنائیا۔ گُر کِرپا بدلے نیِت، نیِتیِوان دئے بدلائیا۔ سَتگُر کِرپا ہوئے اتیِت، ترےَگُن ڈیرہ دیوے ڈھاہیِا۔ ہرِ کِرپا سچکھنڈ وسے دھام انڈیِٹھ، محل اٹل سوبھا پائیا۔ جوتی جوت سروُپ ہرِ، آپ اپنی کِرپا کر، ساچی بوُجھ اِک بُجھائیا۔ گُر کِرپا آئے جگت جہان، ملِے نام

وڈیائیا۔ سَتگُر کِرپا گھر دِیپک جوت جگے مہان، نِرمل نوُر کرے رُشنائیا۔ ہرِ کِرپا ملِے میل سِری بھگوان، بھگوَن اپنے گھر وسائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ گُر کِرپا بھیوَ جائے کُھل، پڑدہ رہن کوئے نہ پائیا۔ سَتگُر کِرپا امرت آتم جائے نہ ڈُلھ، گھر سروور دئے وکھائیا۔ ہرِ کِرپا سچکھنڈ دوارا جائے کُھل، آون جاون پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ ابھید آپ جنائیا۔ گُر کِرپا کُھلے اکّھ، نِج نیتر دئے کُھلائیا۔ سَتگُر کِرپا لکّھ چؤراسی نالوں ہووے وکّھ، نِرگُن سرگُن اپنا موُل جنائیا۔ ہرِ کِرپا سچکھنڈ دوار پرم پُرکھ درس ہوئے پرتکھ، سوَچّھ سروُپی روُپ دئے جنائیا۔ جوتی جوت سروُپ ہرِ، آپ اپنی کِرپا کر، سد اپنا سنگ رکھائیا۔ ہرِ کِرپا ملِے ہرِ جوُ آپ، آپ اپنے رنگ رنگائیندا۔ سَتگُر کِرپا سَت سَتوادی ملِے جاپ، بِن رسنا جِہوا آپ سُنائیندا۔ گُر کِرپا کوٹ جنم دے مِٹن پاپ، دُرمت مَیل سرب دھوائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ گُر کِرپا کُھلے تاک، بند کِواڑی دئے کُھلائیا۔ سَتگُر کِرپا آتم پرماتم بّجھے نات، ناطہ بِدھاتا جوڑ جُڑائیا۔ ہرِ کِرپا سچکھنڈ دوار ہوئے نِواس، اَدھ وِچکار نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لیکھا اِک دِرڑائیا۔ ہرِ کِرپا ہرِ چاڑھے رنگ، رنگ رنگیِلا آپ رنگائیا۔ سَتگُر کِرپا دو جہان ڈوُنگھی بھوَر جائے لنگھ، دوُر دُراڈا پندھ مُکائیا۔ گُر کِرپا نام وجائے اِک مردنگ، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لہنا دئے چُکائیا۔ ساچا لہنا دیوے آپ، ہرِ سَتگُر روُپ وٹائیا۔ گُر سَتگُر سجّن تھاپن تھاپ، ویکھ وکھائے چائیں چائنیا۔ جُگ چؤکڑی بن کے پِتا باپ، پوُت سپوُت گود اُٹھائیا۔ جن بھگتاں دسےّ اِکو نات، سنت ساجن لئے جگائیا۔ گُرمُکھاں اِکو نام نِدھان جائے آکھ، اندر وڑ کے دئے سمجھائیا۔ گُرسِکھ گُر مِلن دی دسےّ جاچ، سِدھ مارگ اِک جنائیا۔ من منوُآ نہ کرے ناچ، اُٹھ اُٹھ دہ دِشا نہ دھائیا۔ بھاگ لگائے کایا ماٹی کاچ، کچ کنچن روُپ وٹائیا۔ نِرگُن جوت کر پرکاش، اندھ اندھیرا دئے گوائیا۔ گھر مندر کر نِواس، آسن سِنگھاسن سوبھا پائیا۔ شبد سروُپی پائے راس، اگمّی گوپی کاہن نچائیا۔ کھیلے کھیل پُرکھ ابناش، ابناشی کرتا اپنی کار کمائیا۔ سَتجُگ تریتا دواپرکلجُگ جُگ چؤکڑی جِس کیتے ناس، کلجُگ انتم ویکھے بےپرواہیِا۔ جِس دا لہنا دینا کوٹن کوٹ پرِتھمی آکاش، کوٹن کوٹ وِشن برہما شِو دھیان لگائیا۔ جِس دا سندیسہ کوٹن کوٹ گُر اوتار پیِر پَیغمبر لیکھا لِکھ لِکھ گئے

لِکھاص، لوکمات پھیرا پائیا۔ جِس دا بھیوَ کوٹن کوٹ سادھ سنت کوئی گا نہ سکے وِچ گاتھ، رسنا جِہوا بتّی دند نہ کوئے وڈیائیا۔ سو صاحِب پُرکھ ابناش، ابناشی کرتا اپنی کار کمائیا۔ پرگٹ ہو پُرکھ سمراتھ، سمرتھ اپنی دھار جنائیا۔ مہما سُنائے اکتھنی کاتھ، بودھ اگادھ کرے پڑھائیا۔ ہو سہائی اناتھاں ناتھ، دیِنن اپنی دَیا کمائیا۔ آتم پرماتم دسےّ اِکو پاٹھ، پوُجا سِمرن اِک سمجھائیا۔ اِکو تیِرتھ اِکو تاٹ، گھر گھر سروور دئے نُہائیا۔ اِکو نوُر اِکو ذات، اِکو مذہب دئے سمجھائیا۔ اِکو نام اِکو گاتھ، اِکو راگ دُھن شنوائیا۔ اِکو مندر اِکو ہاٹ، اِکو ونج رِہا کرائیا۔ اِکو پتّن اِکو گھاٹ، اِکو بَیٹھا سچّا ماہیِا۔ اِکو چرن اِکو نات، اِکو بِدھاتا نظری آئیا۔ اِکو سجّن اِکو ساک، سگلا سنگ اِک نِبھائیا۔ اِکو پڑدہ اِکو تاک، اِکو دوُئی دوَیتی دئے مِٹائیا۔ اِکو سجّن اِکو ساک، سیَن اِکو اِک اکھوائیا۔ اِکو کھیل اِک تماش، کھیلنہار اِک ہو جائیا۔ اِکو وست اِکو دات، دیونہار بےپرواہیِا۔ اِکو اکھّر اِک جماعت، اِکو پٹّی دئے پڑھائیا۔ اِکو ہرِ پُرکھ ابناش، اِکو سَتگُر روُپ سمائیا۔ اِکو تھاپن لئے تھاپ، اِکو گُر گُر بوُجھ بُجھائیا۔ اِکو آد جُگاد جُگ چؤکڑی پت لئے راکھ، سِر اپنا ہتّھ ٹِکائیا۔ سو صاحِب دا ساچا کرو جاپ، جِس جپیاں دُکھ رہے نہ رائیا۔ گُر اوتار پیِر پَیغمبر جِس تھاپن دِتا تھاپ، دیونہار تت وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیڑا گُرمُکھ لہنا وسائیا۔ ساچا کھیڑا وسے لوکمات، ساڈھے تِنّ ہتّھ ملِے وڈیائیا۔ گھر سجّن ملِے ماہی ساک، پربھ مِتر پیارا پھیرا پائیا۔ چرن پریِتی بنّھے نات، ناطہ جوڑے سہج سُبھائیا۔ مِہروان ہو کے دیوے دات، وست امُلڑی جھولی پائیا۔ نام نِدھان دُھر سوغات، بِن قیمت دئے چُکائیا۔ میٹے رَین اندھیری رات، ساچا نوُر چند شبد چمکائیا۔ پتّن پار اُتارے گھاٹ، گھاٹا سب دا پوُر کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں اِچھا پوُر کرائیا۔ جن بھگتاں اِچھیا کرے پوُر، آپ اپنی دَیا کمائیا۔ بخشنہارا ساچا نوُر، نِرگُن نوُر دئے رُشنائیا۔ وجاونہارا ساچی تُور، انحد راگی راگ الائیا۔ توڑنہارا ناطہ کوُڑ، جوُٹھ جھوُٹھ دئے مِٹائیا۔ بھرنہارا بھانڈے بھرپوُر، خالی دئے بھرائیا۔ گُر کا شبد جو گُرمُکھ کرے منظوُر، تِنہاں بِرتھی آس کوئے نہ جائیا۔ دیونہار سدا حاضر حضوُر، گھر بَیٹھا ویکھے بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر ساچے خوشی منائیا۔ گھر ساچے خوشی مناوے گیِت، گیِت گوبِند سُنائیندا۔ بھگت بھگوان دُھر دی ریِت، نہ کوئی میٹے میٹ مِٹائیندا۔ صاحِب سَتگُر کایا مندر وکھائے وکھائے مکہ کعبہ مسیِت، شِودوالا مٹّھ گُروُدوار اِکو

گھر جنائیندا۔ جِس گھر وسے پتت پُنیِت ، پتت پاون بھیوَ چُکائیندا۔ لیکھا جانے ہست کیِٹ، اوُچ نیِچ انگ لگائیندا۔ دھام وسے اِک انڈیِٹھ، جِس گھر اپنا ڈیرہ لائیندا۔ گُرمُکھ وِرلا کرے پریِت، جِس جن اپنی بوُجھ بُجھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچی بھیِکھ، بِھچِھیا نام اِک ورتائیندا۔ بِھچِھیا نام جھولی پا، پاربرہم دئے جنائیا۔ گُر شبدی تیرا بنے ملاح، بیڑا مات چلائیا۔ سَتگُر پوُرا دئے پناہ، چرن کوَل سرنائیا۔ ہرِ کرتا انتم گودی لئے بہا، گھر ساچے خوشی منائیا۔ ہرجن ہربھگت لہنا دینا مکُے دو جہاں، نِرگُن سرگُن سرگُن نِرگُن اِکو نوُر سمائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، ہرجن ہر در ہر گھر ہرِ وست اِک ورتائیا۔

۱۸ اَسوُ ۲۰۲۰ بِکرمی ہرنام کؤر دے گرِہ خیالی والا ضِلع بٹھِنڈہ

جن بھگتاں دسےّ مارگ ایک، ہرِ سَتگُر دَیا کمائیا۔ انتر آتم کرے بِبیک، گُر سَتگُر سوجھی پائیا۔ پوُرب وکھائے لہنا لیکھ، گُر پوُرے ہتّھ وڈیائیا۔ گھر وِچ گھر وکھائے ساچا دیس، گرِہ مندر خوشی جنائیا۔ اندر وڑ کے دیوے اپنا بھیت، پڑدہ دوُئی دوَیت چُکائیا۔ پاربرہم برہم دسےّ ہیت، سچ پریِتی اِک سمجھائیا۔ نظری آئے نیتن نیت، دوُر دُراڈا پندھ مُکائیا۔ سُرتی شبد جنا کے کھیڈ، ساچی کھیل اِک وکھائیا۔ جوتی جوت سروُپ ہرِ، آپ اپنی کِرپا کر، جن بھگت دئے سمجھائیا۔ جن بھگتاں مارگ دیوے دسّ، ہرِ ہرِ جوُ دَیا کمائیندا۔ انتر آتم دیوے رس، سَتگُر پوُرا بوُجھ بُجھائیندا۔ نِرمل جوت کر پرکاش، گُر نیتر اکّھ اِک کُھلائیندا۔ گھر گوپی کاہن پوائے راس، منڈل منڈپ ویکھ وکھائیندا۔ کوُڑ وِکارا کر کے ناس، ساچی وست اِک ورتائیندا۔ جگت ترِسنا میٹ خاص، خواہش اپنے نال رلائیندا۔ لیکھے لا پَون سواس، رسنا جِہوا گُن چکھائیندا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ کُھلائیندا۔ جن بھگتاں بھیوَ کھولے ہرِ، ہرِ کرتا وڈّی وڈیائیا۔ کِرپا کر نرائن نر، نر بوُجھ اِک بُجھائیا۔ کوُڑی کِریا توڑ در، دروازہ اِکو اِک سمجھائیا۔ جِس گرِہ سجّن بَیٹھا وڑ، سچ سِنگھاسن سوبھا پائیا۔ نِرمل پرکاش جوت رِہا کر، نوُرو نوُر نوُر رُشنائیا۔ شبد اگمّی رِہا پڑھ، اِکو راگ الائیا۔ جوتی جوت سروُپ ہرِ، آپ اپنی کِرپا کر، جن بھگت دئے سمجھائیا۔ جن بھگتاں اُپر ہو دَیال، سو پُرکھ نِرنجن دَیا کمائیا۔ پکڑ اُٹھائے ساچے لال، ہرِ پُرکھ نِرنجن ہوئے

سہائیا۔ نِرگُن ہو کے بنے دلال، ایکنکار ویس وٹائیا۔ ساچا دِیپک دیوے بال، آد نِرنجن جوت رُشنائیا۔ اندر باہر کرے سنبھال، ابناشی کرتا بےپرواہیِا۔ ساچی دھرمسال دئے وکھال، سِری بھگوان پڑدہ آپ اُٹھائیا۔ پاربرہم برہم میلے آن، گھر ساچے وجےّ ودھائیا۔ آتم سیجا کرے پروان، سچ سُہنجنی اِک سُہائیا۔ دُھر دا دیوے سچ گیان، اگیان اندھیر مِٹائیا۔ ساچے بھگت تیرا دُھر دا اِک نِشان، نِشانہ اَور نہ کوئے رکھائیا۔ لیکھا چُکے دو جہان، دوئے دوئے روُپ نہ کوئے وٹائیا۔ ساچا میلا سِری بھگوان، دوُجا اِشٹ نہ کوئے رکھائیا۔ کاغذ قلم شاہی نہ کوئے ایِمان، چرن کوَل اِک سرنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگتاں اکّھ اِک کُھلائیا۔ بھگتاں اکّھ کھولے اَخیِر، آخر اپنا میل مِلائیندا۔ بجرکپاٹی دیوے چیِر، دوُئی دوَیتی ڈیرہ ڈھاہندا۔ امرت آتم بخشے سیِر، سچ پیالہ ہتّھ اُٹھائیندا۔ جنم کرم دی بدل دیوے تقدیِر، تدبیِر اِکو اِک سمجھائیندا۔ ذات پات اوُچ نیِچ شرع کٹ زنجیر، نام ڈوری تند بندھائیندا۔ مایا ممتا کڈھے پیِڑ، ہؤمے ہنگتا روگ گوائیندا۔ سَت سنتوکھ دیوے دھیِر، جت سَت اِک سمجھائیندا۔ ساچا نام شبد اکسیِر، ساچی سِکھیا اِک سمجھائیندا۔ جِس نوُں لبھدے پیِر فقیِر، پَیغمبر جِس دی اوٹ رکھائیندا۔ سو سُلطان کھیلے کھیل شاہ حقیِر، حضرت اپنا ویس وٹائیندا۔ جن بھگتاں ملِے سانجھا پیِر، پروردِگار اپنا میل مِلائیندا۔ جوتی جوت سروُپ ہرِ، آپ اپنی کِرپا کر، کرے کھیل داتا گُنی گہیر، گہر گوَر اپنا رنگ رنگائیندا۔ جن بھگتاں چاڑھے ساچی چوٹی، چوٹ نام نگارے لائیا۔ لبھدے پِھردے کوٹن کوٹی، وِرلے ہرجن بوُجھ بُجھائیا۔ کر کِرپا کڈھے واسنا کھوٹی، دُرمت مَیل دھوائیا۔ سوئی سُرت اُٹھائے سوتی، چیتن دھار دئے سمجھائیا۔ اپنی کھولے آپ خاموشی، ساچا نام دئے سمجھائیا۔ دوئے لوچن لوچ کوئے نہ لوچی، نِج نیتر دئے وکھائیا۔ ہرِ کی کھیل کِسے نہ سوچی، سوچ سمجھ وِچ کِسے نہ آئیا۔ کرے پرکاش نِرمل جوتی، جوتی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، جن بھگتاں مارگ دئے وکھائیا۔ جن بھگتاں مارگ دسےّ سِدھا، سِدھی طرح سمجھائیا۔ پربھ مِلن دی اِکو بِدھا، ناطہ کوُڑا دیؤ تجائیا۔ سرن سرنائی جو سَتگُر سوامی ڈِگا، تِس بانہوں پکڑ لئے اُٹھائیا۔ آد جُگاد گہر گمبھیِر ڈوُنگھا ساگر نِگھا، تامس اگن نہ تت تپائیا۔ پریم پریِتی اندر بِھجا، رنگ بھنڑا اِک وکھائیا۔ کبیِر جُلاہے نال مِل کے گِجھا، ساچی ریت جگت وکھائیا۔ کِرپانِدھان جِس ول کر دئے اپنی نِگہ، سو پاتھر پاہن لئے ترائیا۔ جے کوئی پُچھے پربھوُ وڈّا کِڈا، بھگت کہن تیرا انت کوئے نہ پائیا۔ جے

کوئی پُچھے پربھ کِڈا نِکاّ، بھگت کہن ہر گھٹ بَیٹھا ڈیرہ لائیا۔ جے سچّی پُچھو پُرکھ اکال سب دا پِتا، رکھیا کرے ہر گھٹ تھائنیا۔ اِک ایکنکار نال کرو ہِتا، جو جنم مرن وِچ کدے نہ آئیا۔ جِس دی گُر اوتار پیِر پَیغمبر لیندے رہے سِکھیا، لےَ کے سِکھیا لوکمات کرن پڑھائیا۔ سو صاحِب سُلطان سد وسے دہ دِشیا، چار کُنٹ اپنا حُکم ورتائیا۔ تِس دا لیکھ کِسے نہ لِکھیا آد انت کہن کوئے نہ پائیا۔ جن بھگتو پاربرہم پتپرمیشور کدی نہ جائے بِھٹیا، ذات پات دُکھ روگ نظر کوئے نہ آئیا۔ اُس نوُں مار سکے نہ نال کدی وّٹے اِٹیا، تیِر نِشانہ پوہ نہ سکے رائیا۔ نِروَیر نِراکار نِرنکار دو جہان پِھرے نٹھیا، ویس اویسا روُپ وٹائیا۔ جن بھگتاں اپنی گودی سدا چُکیا، چُک چُک خوشی منائیا۔ پِچھلا لیکھا اوہناں مُکیا، جِنہاں مِلیا بےپرواہیِا۔ اَگے دو جہان کِسے نہ پُچھیا، رائے دھرم چِتر گُپت وِشن برہما شِو آدک سارے بَیٹھن سیِس جھُکائیا۔ ہربھگت لوکمات کدے نہ رہے لُکیا، سِری بھگوان اپنی بِدھ نال لئے پرگٹائیا۔ جو صاحِب سَتگُر سرنائی سیِس جھُکیا، سو سیِس اپنا دھڑ نال لیکھے لائیا۔ جوتی جوت سروُپ ہرِ، آپ اپنی کِرپا کر، جن بھگتاں دیوے اِکو ور، ایتھے اوتھے دو جہان سد اپنے نال رکھائیا۔

۱۸ اَسوُ ۲۰۲۰ بِکرمی خیالی والا گُردوارے وِچ ضِلع بٹھِنڈہ

ستگُر شبد کرو پیار، نِرگُن سرگُن نانک گیا سمجھائیا۔ گُر انگد مارگ دِتا وکھال، امرداس گُر گھال کیِتی لیکھے لائیا۔ رام داس وکھا سچّی دھرمسال، ہرمندر روُپ اِک پرگٹائیا۔ گُر ارجن گیان دِیپک دِتا بال، بودھ اگادھ کری پڑھائیا۔ گُروُ گرنتھ گُردیو سوامی سب دا بنا پرِتپال، دُھر دی دھار اِک جنائیا۔ دِوس رَین اٹّھے پہر جیِو جپو ہرِ نام، من واسنا میٹ مِٹائیا۔ چل کے آؤ ساچے دھام، گُروُدوارا گُر گُر روُپ نظری آئیا۔ جِس در آ کے اِچھیا پوُری ہووے کام، کام چیشٹا رہے نہ رائیا۔ سوئی سُرتی ملِے رام، رمئیا اپنا پھیرا پائیا۔ در گھر ساچے ملِے اگمّی کاہن، گُر شبد نظری آئیا۔ جِس دا آد جُگاد اِکو منتر سَتنام، نام سَت کرے پڑھائیا۔ اُس دے چرن کرو پرنام، امرت ویلے اُٹھ اُٹھ بھجّو واہو داہیِا۔ سفل کرو جنم جہان، مانس بِرتھا لوکمات نہ جائیا۔ گُر چرن دھوُڑ کرو اشنان، دُرمت مَیل لیَنی دھوائیا۔ سَتگُر بچن

دُھر سندیس مُکھ واک سُنو آن، جِس سُنیاں من مت بُدھ نِرمل روُپ وٹائیا۔ سرب جیِاں دا اِک گیان، گُر بانی بانی گُر شبد بھیوَ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا گُر سنگت ور، ہرِ سنگت بِن سَتگُر پوُرے ایتھے اوتھے ہوئے نہ کوئے سہائیا۔

۱۸ اَسوُ ۲۰۲۰ بِکرمی چکّ فتح سِنگھ لابھ سِنگھ دے گرِہ ضِلع بٹھِنڈہ

ستگُر پوُرا سدا دَیال، آد جُگاد جُگ چؤکڑی ویکھ وکھائیندا۔ سنت سُہیلے لبھے لال، گُر چیلے میل مِلائیندا۔ ترےَگُن مایا توڑ جنجال، جاگرت جوت اِک جگائیندا۔ پنج تت کایا تن وکھائے سچّی دھرمسال، ہرِ مندر اِکو اِک سمجھائیندا۔ شبد اگمّی وجےّ تال، دُھن انادی راگ الائیندا۔ دِیپک دِیاجوتی دیوے بال، تیل باتی سنگ نہ کوئے رکھائیندا۔ امرت آتم وکھائے تال، سچ سروور اِک نُہائیندا۔ لیکھا جانے شاہ کنگال، اوُچ نیِچ راؤ رنک اِکو در سُہائیندا۔ دیونہار نام نِدھان، وست امولک جھولی پائیندا۔ کوُڑی کِریا میٹ نِشان، سچ سُچ اِک سمجھائیندا۔ آتم پرماتم دیوے ہرِ گیان، بودھ اگادھ آپ پڑھائیندا۔ سُرتی شبد میل مِلائے آن، نِرگُن سرگُن سرگُن نِرگُن اپنا رنگ وکھائیندا۔ لہنا دینا چُکائے دو جہان، لکّھ چؤراسی پھند کٹائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتگُر پوُرا مِہروان، مِہر نظر اِک اُٹھائیندا۔ سَتگُر پوُرا سرب گھٹ میِتا، ہر گھٹ رِہا سمائیا۔ جن بھگتاں مارگ دسےّ ٹھانڈا سیِتا، اگنی تت نہ کوئے وکھائیا۔ جُگ چؤکڑی چلا ئے ریِتا، دیونہار شبد وڈیائیا۔ گھر وکھائے اِک انڈیِٹھا، جِس گھر وسے بےپرواہیِا۔ جِس دی صِفت شاستر سِمرت وید پُران کرے گیِتا، اِنجیل قرآن کھانی بانی رہی جس گائیا۔ سو سَتگُر سدا رہے اتیِتا، ترےَگُن وِچ کدے نہ آئیا۔ جِس نوُں لبھدے مندر وِچ مسیِتا، سو ساڈھے تِنّ ہتّھ اندر گھر گھر وِچ بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر سَتگُر اِکو شبد اکھوائیا۔ سَتگُر سچّا ٹھانڈا دربار، گھر اِکو اِک وکھائیندا۔ جِتھے لیکھا چُکے پُرکھ نار ، نر نرائن اِکو روُپ وٹائیندا۔ جن بھگتاں کھول بند کِواڑ، آتم تاکی کُنڈا لاہِندا۔ کر پرکاش بہتّر ناڑ، اگیان اندھیر مِٹائیندا۔ اُچی کوُک سُنائے پُکار، دُھن انادی ناد الائیندا۔ آتم سیجا کر پیار،

میل مِلاواں اِکو گھر وکھائیندا۔ تُوں میرا مَیں تیرا پیار، دوُجا رنگ نہ کوئے رنگائیندا۔ جنم مرن روگ دئے نِوار، پوُرب لیکھا جھولی پائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے اپنے گھر وسائیندا۔ سَتگُر پوُرا سدا سمرتھ، ایکنکار وڈّی وڈیائیا۔ جِس جن دیوے نام وتھ، تِس منتر اِک سمجھائیا۔ ہِردے وس مارگ جائے دسّ، باہروں کرے نہ کوئے پڑھائیا۔ سُرتی شبدی پائے نتھ، ڈوری تند اِک جنائیا۔ نام نِدھانا مہما اکتھ، سوہلا ڈھولا اِکو گائیا۔ جِیوں بھاوے تِیوں لَوے رکھ، بےپرواہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے ویکھ وکھائیا۔ ہرجن ویکھے لوکمات، نِرگُن سرگُن بھیوَ چُکائیندا۔ گُرمُکھاں دیوے اِکو دات، گہر گمبھیِر آپ ورتائیندا۔چرن کوَل بندھائے نات، ناطہ بِدھاتا جوڑ جُڑائیندا۔ دُھر دا راگ سُنائے ساچی گاتھ، سوہنگ ڈھولا اِک سمجھائیندا۔ میٹے رَین اندھیری رات، ساچا نوُر چند چمکائیندا۔ جنم جنم دی پوُری کرے آس، کرم کرم دا روگ گوائیندا۔ سدا سُہیلا انترجامی ہر گھٹ وسے پاس، جن بھگتاں اپنا راہ جنائیندا۔ جوتی جوت سروُپ ہرِ، آپ اپنی کِرپا کر، کھیلے کھیل پرِتھمی آکاش، گگن گگننتر منڈل منڈپ اپنی دھار چلائیندا۔ سَتگُر سچّا اِک داتار، داتا دانی وڈ وڈیائیا۔ غریِب نِمانیاں کوجھیاں کملیاں پاوے سار، دُکھیاں درد رِہا ونڈائیا۔ کِرپا کرے جِس آپ کرتار، کرتا پُرکھ ہو سہائیا۔ روگ سوگ چِنتا دُکھ دیوے نِوار، تن کایا ماٹی سیِتل روُپ وکھائیا۔ بہتّر ناڑ اگنی تت نہ تپے انگیار، امرت میگھ اِک برسائیا۔ ہؤمے ہنگتا روگ دیوے نِوار، ساچی سِکھیا اِک پڑھائیا۔ کوُڑی کِریا کرے خوار، دیوے نام سچّی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن پوُرب لہنا ویکھ وکھائیا۔ ہرجن مِٹے روگ سنتاپ، سنسا کوئے رہن نہ پائیا۔ جنم جنم دا لیکھا چُکائے آپ، مِہروان ہو سہائیا۔ گھر مندر کھول تاک، پڑدہ دوُئی دوَیت اُٹھائیا۔ پکڑ چڑھائے اپنے گھاٹ، پتّن اِکو اِک سمجھائیا۔ نظری آئے پُرکھ سمراتھ، سمرتھ اپنے گھر وسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن لیکھا لیکھے لائیا۔ ہرجن تیرا مِٹے دُکھ روگ، سنسا مات رہن نہ پائیا۔ نام چُگائے ساچی چوگ، سوہنگ ہنسا روُپ وٹائیا۔ لہنا دینا مکُے لوک پرلوک، دو جہاناں سِر اپنا ہتّھ ٹِکائیا۔ تُوں میرا مَیں تیرا ساچا گاؤنا اِک سلوک، سو پُرکھ نِرنجن سچ سمجھائیا۔ گھر دِیپک پرکاش نِرمل جوت، اندھ اندھیرا دئے گوائیا۔ باقی رہے نہیں کِچھ کھوٹ، جوتی جوت سروُپ ہرِ، آپ اپنی کِرپا کر،

دیونہارا ساچا ور، ہرجن ساچے پار کرائیا۔ گُرمُکھ تیرا مِٹیا دُکھ، دردی درد درد ونڈائیا۔ گھر اُپجے سچّا سُکھ، سَتگُر پوُرا ہوئے سہائیا۔ اُجل کرے مات مُکھ، دُرمت مَیل دھوائیا۔ لیکھے لائے جننی کُکھ، دھنّ دھنّ جنیندی مائیا۔ بھاگ لگائے ابناشی اچُت، مِہروان مِہر نظر اُٹھائیا۔ اَگے لیکھا چُکے اُلٹا رُخ، مات گربھ جوُنی پھیر نہ کوئے بھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نام وست اِکو اِک ورتائیا۔ نام وست دیوے اتُٹ، ہرِ داتا آپ ورتائیندا۔ آون جاون جائے چُھٹ، لہنا دو جہان مُکائیندا۔ جنم کرم نہ رہے دُکھ، بھانڈا بھرم بھؤ بھنّائیندا۔ اُلٹا ہوئے مات گربھ نہ رُخ، دس دس ماس نہ اگن تپائیندا۔ اپنی گودی لئے چُک، سیج سُہنجنی آپ سُہائیندا۔ جن بھگتاں کرے پیار جِیوں بالک مات پُت، پِتا پوُت اپنا رنگ رنگائیندا۔ اندر وڑ کے لئے پُچھ، باہروں نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، جِس جن اُپر جائے تُٹھ، تِس سُکھ ساگر روُپ وکھائیندا۔ سُکھ ساگر گہر گمبھیِر، گھر گھر وِچ دئے وکھائیا۔ تن ٹھانڈا کرے سریِر، من مت بُدھ نہ کوئے چتُرائیا۔ دوُئی دوَیت کٹ بھیِڑ، بھانڈا بھرم بھؤ بھنّائیا۔ شرع رہے نہ کوئے زنجیر، شریِعت روُپ نہ کوئے وٹائیا۔ امرت دیوے اِکو سیِر، ساچا نیِر مُکھ چوائیا۔ من رہے نہ کوئی دِلگیِر، چِنتا روُپ نہ کوئے وٹائیا۔ تن ماٹی رہے نہ کوئی پیِڑ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ دُکھ روگ جائے نٹھّ، جِس گھر سَتگُر چرن ٹِکائیا۔ کِرپا کر پُرکھ سمرتھ، مِہر نظر اِک اُٹھائیا۔ نام امولک دے کے جائے وتھ، واسطہ اپنے نال پائیا۔ جن بھگتاں پربھ تو منگن دا پوُرا حق، حقیِقت سب دے ہتّھ وکھائیا۔ لکّھ چؤراسی جیِو جنت بھرم بُھلیکھے رہے شّک، سنسا سکے نہ کوئے چُکائیا۔ جیِو جنت کلجُگ انتم سارے گئے تھکّ، ساچی منزل ہتّھ کِسے نہ آئیا۔ سادھاں سنتاں کولوں گئے اکّ، جو گھر گھر در در پِھردے دھوُنیاں تائیا۔ انتم بہہ گئے مستک رکھ کے ہتّھ، نیتر نَین نیِر وہائیا۔ کِرپا کر پُرکھ سمرتھ، ساچی سِکھیا دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن لہنا دینا دئے چُکائیا۔ ہرجن لہنا دینا ہووے پوُر، آسا پوُر کرائیندا۔ روگ سوگ چِنتا دُکھ کرے دوُر، جگت دلِدر نیڑ نہ آئیندا۔ کوُڑی کِریا ناطہ توڑے کوُڑ، کوُڑا رس امرت روُپ وٹائیندا۔ کر کِرپا مستک ٹِکاّ لائے دھوُڑ، چرن چرنودک امرت جام اِک پیائیندا۔ چتر سُگھڑ بنائے موُرکھ موُڑھ، ساچی سِکھیا اِک دِرڑائیندا۔ گُرمُکھ گُرسِکھ ہرجن ہربھگت پاربرہم دا ساچا نوُر، نوُر نوُر نال مِلائیندا۔ درشن دیوے حاضر حضوُر،

حضرت اپنا پھیرا پائیندا۔ سرب کلا بھرپوُر، پاربرہم پربھ اپنا بھیوَ چُکائیندا۔ وسنہارا نیڑے دوُر، دوُر دُراڈا پندھ مُکائیندا۔ جوتی جوت سروُپ ہرِ، آپ اپنی جوت دھر، دیونہارا ساچا ور، گُرسِکھ گُرمُکھ بال انجان، آپ اُٹھائے والی دو جہان، سچ وکھائے اِک نِشان، آون جاون چُکائے کان، مندر سُہائے اِک مکان، جِس گرِہ اپنا چرن چُھہائیندا۔