۲۲ اَسوُ ۲۰۲۰ بِکرمی منگل سِنگھ دے گرِہ پکّھووال ضِلع لُدھیانہ
ستجُگ کہے پربھ بخش دات، پُرکھ اکال تیری سرنائیا۔ سچ پریِتی دے نات، بِدھاتے اپنی دَیا کمائیا۔ چار ورن بنا سجّن ساک، ساچا سنگ رکھائیا۔ گھٹ اندھیرا کھول تاک، مِہر نظر اُٹھائیا۔ پوُرا کر بھوِکھت واک، بھیوَ ابھید جنائیا۔ کلجُگ انتم مکُے واٹ، مارگ ساچا اِک سمجھائیا۔ سچ پریِتی جُڑے ساک، سجّن اِکو نظری آئیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، در تیرے الکھ جگائیا۔ ساچا ناطہ جوڑ پربھ، ہرِ جوُ تیرے ہتّھ وڈیائیا۔ چار ورن میل جھب، جھگڑا جگت دوَیت مِٹائیا۔ امرت جھِرنا دے نبھ، رس اِکو اِک وکھائیا۔ جگت بندھن تُٹے حد، گھر تیرا نظری آئیا۔ آتم پرماتم کایا مندر اندر گائے چھند، انحد راگی راگ الائیا۔ سُرتی شبدی مِل کے ملِے سچّا انند، رس اِکو جھولی پائیا۔ کروٹ لےَ سوامی بدل اپنی کنڈ، بےنظیِر نظر نَین اُٹھائیا۔ جُگ چؤکڑی گئی ہنڈھ، تیرا ویلا گیا آئیا۔ پِھری دروہی نؤ کھنڈ، نوَ نؤ چار رہے کُرلائیا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، در تیرے سیِس جھُکائیا۔ سَتجُگ کہے پربھ دیِن دَیال، پتپرمیشور تیری سرنائیا۔ کر کِرپا منّ میرا سوال، خالی جھولی رِہا وکھائیا۔ آد جُگاد جُگ چؤکڑی تیری سچ سچّی دھرمسال، دھرم دوارا اِکو نظری آئیا۔ جِس گھر منگن شاہ کنگال، راج راجان دھیان لگائیا۔ سو در ویکھ سِری بھگوان، نِرگُن نِروَیر پھیرا پائیا۔ گُرمُکھ گُرسِکھ ہرجن ہربھگت نِت تیرا راہ تکان، نِج نیتر نَین اُٹھائیا۔ تُوں ویکھ پربھ جوُ آن، مِہروان دَیا کمائیا۔ ساچا
دے اِک گیان، آتم انتر بوُجھ بُجھائیا۔ کوُڑا لہنا چُکے جگت جہان، جوتی جوت سروُپ ہرِ، آپ اپنی کِرپا کر، اِکو دینا ساچا ور، میری ساچی دھار بندھائیا۔ سَتجُگ کہے میری دھار بنّھ، پربھ وڈّے تیری وڈ وڈیائیا۔ ساچا راگ سُنا کنّ، دُھر دی بانی بودھ اگادھ سمجھائیا۔ کر پرکاش اندھیرے انّھ، نِج نیتر دے کُھلائیا۔ آپ بنا اپنے جن، سِر سمرتھ ہتّھ ٹِکائیا۔ تیرے اَگے من تن، تن من تیرا روُپ نظری آئیا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، میری آسا پوُر کرائیا۔ سَتجُگ کہے مَیں تیرا بچّہ، پربھ ملِے چرن سرنائیا۔ اِکو بچن کرنا سچّا، ساچی سِکھیا دے دِرڑائیا۔ ہرِ بھگت تیرا کوئی نہ رہے کچّا، جِس مِلیا بےپرواہیِا۔ جگت زنجیری لاہ رسّا، شرع شریِعتی ڈیرہ ڈھاہیِا۔ تیرا قلعہ کوٹ اِکو سسّا، ہوڑا نِرگُن سرگُن روُپ وٹائیا۔ ہاہا کہے تَینوُں ہّچھا، ٹپی ہنگ برہم سمجھائیا۔ دوہاں مِل کے آتم پرماتم ناطہ جُڑے سکا، ساچا بندھن اِکو پائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، ساچی سِکھیا اِک وکھائیا۔ ساچی سِکھیا دے گیان، چار ورن ملِے وڈیائیا۔ ساچا مندر وکھا مکان، در گھر ساچے خوشی وکھائیا۔ ساچا ناد شبد وجےّ دُھنکان، دُھن انادی راگ الائیا۔ ساچا پوُجا پاٹھ دے ایِمان، سِمرن سچّا اِکو نظری آئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، ساچا مارگ جگت جنائیا۔ ساچا مارگ دسّ پربھ آپ، اپنی دَیا کمائیا۔ نِت نوِت رہے تیرا ساتھ، سگلا سنگ نِبھائیا۔ مِٹے رَین اندھیری رات، ساچا چند اِک چمکائیا۔ تُوں میرا مَیں تیری ذات، نِرگُن نِرگُن انس بنس سربنس روُپ وٹائیا۔ میل مِلا کملاپات، ناطہ ساچا سنگ نِبھائیا۔ سَتجُگ ساچی دے دات، داتار تیری وڈیائیا۔ چار ورن بنے اِک جماعت، چاروں کُنٹ خوشی وکھائیا۔ سرِشٹ سبائی ناری پُرش بنّھ نات، ناطہ تن نال مِلائیا۔ اندر کھول بند تاک، دوہاں دینا نام جنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے آس رکھائیا۔ سَتجُگ تیری دھار چلاوانگا۔ نِرگُن نِروَیر روُپ وٹاوانگا۔ چار ورن گنڈھ پواوانگا۔ ساچا سنگ آپ نِبھاوانگا۔ نام مردنگ شبد سُناوانگا۔ کارج انند اِک وکھاوانگا۔ سُرتی شبدی بیڑا بنّ، کھیوٹ کھیٹا روُپ وکھاوانگا۔ جوتی جوت سروُپ ہرِ، آپ اپنی کِرپا کر، سرِشٹ سبائی دیواں اِکو چھند، سوہلا ساچا راگ الاوانگا۔ سوہنگ ساچا راگ پربھ الائےگا۔ مہاراج اپنی دَیا کمائےگا۔ شیر سِنگھ روُپ بن کے، دو جہاناں بھےَ وکھائےگا۔ وِشنوُں وِشو بھنڈار بھر کے، دو جہاناں آپ ورتائےگا۔ بھگوان ساچے تخت چڑھ
کے، جےَ جَیکار سرب کرائےگا۔ سَتجُگ تیرا مارگ دھرت اُپر دھر کے، دھرنی دھوَل آپ سمجھائےگا۔ چار ورن جگت ناطہ کرن سوہنگ مہاراج شیر سِنگھ وِشنوُں بھگوان جےَ جےَ کر کے، سچ وِہارا اِک وکھائیا۔ ساچا ڈھولا اِکو پڑھ کے، در تیرے الکھ جگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ ریِتی آپ چلا ئے بِن مندر مسیِتی، آتم پرماتم ساچی بوُجھ بُجھائیا۔ آتم پرماتم دسّ کے پتی، پتپرمیشور دئے جنائیا۔ سُرت سوَانی جنائے نارستی، دھیِرج جت اِک دِرڑائیا۔ دوہاں کھیل کرے پُرکھ سمرتھی، سمرتھ اپنی دھار چلائیا۔ نام گانا بنّھے ہتھّیں، ڈوری تند نہ کوئے تُڑائیا۔ پیا پریِتم مِل کے خوشی وکھائے سخی، ساچا منگل اِکو گائیا۔ دوہاں وا لگّے کدے نہ تتّی، جو پُرکھ اکال چرن دھیان لگائیا۔ آد جُگاد گُر اوتار پیِر پَیغمبر ساچی دے کے گئے متی، شبد سندیسے جگت سُنائیا۔ گھر وِچ گھر مِلاؤ اکّھی، آخر اپنا بھیوَ مِٹائیا۔ دؤلت دھنّ داج سچّا لؤ نام ہٹّی، دوُجی وست کمّ کوئے نہ آئیا۔ پریم پریِتی اندر کھٹو کھٹی، کھٹکا مکُے جگت لوکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ تیرا مارگ سِری بھگوان آپ لگائیا۔ تیرا مارگ لگّے جگ، جگ جیِون داتا آپ لگائیا۔ سرِشٹ سبائی اِکو بنّھے تگ، تندن تند اِک وکھائیا۔ چار ورن اِک سُنائے چھد، چھند اِکو اِک سمجھائیا۔ چار کُنٹ اِک وکھائے حد، حدوُد اَور نہ کوئے سمجھائیا۔ میل مِلائے جو پوُرب جنم کرم ہوئے اڈّ، ناطہ جگت جوڑ جُڑائیا۔ لیکھا جان رتّی رتّ، رتّی رتّ سوبھا پائیا۔ سَتجُگ تیری برہم مت، پاربرہم دئے سمجھائیا۔ چار ورن اٹھاراں برن چلے سچّا رتھ، رتھ رتھواہی آپ اپنی سیو کمائیا۔ رل مِل سارے آتم پرماتم سوہنگ ڈھولا گاؤنا گتھ، گا گا شُکر منائیا۔ جگت وِوہار وِچ سنسار پُرکھ نار اِکو نام کرے وس، واسطہ پُرکھ اکال اپنے نال رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا مارگ لوکمات مار جھات شبد اگمّی دئے دات، داتا دانی آپ وکھائیا۔
۲۲ اَسوُ ۲۰۲۰ بِکرمی ناظر سِنگھ دے گرِہ پکّھووال ضِلع لُدھیانہ
سَت دھرم ہوئے پرکاش، سچ سُچ دیوے پربھ وڈیائیا۔ کوُڑا اندھ جائے وِناس، ابناشی کرتا ڈیرہ ڈھاہیِا۔ برہمنڈ کھنڈ پُری لوء پائے ساچی راس، نِرگُن گوپی کاہن اُپائیا۔ جن بھگتاں وسے سدا پاس، نِراکار نِروَیر اپنا سنگ رکھائیا۔ جنم جنم کرم کرم دی پوُری کرے آس،
آسا ترِسنا میٹ مِٹائیا۔ آتم پرماتم دیوے ساتھ، گھر سجّن سنگ نِبھائیا۔ ساچی پوُجا دسےّ اِکو پاٹھ، منتر انتر اِک جنائیا۔ سروور نُہائے ساچے تاٹ، گھاٹ اِکو اِک چڑھائیا۔ آون جاون مُکاوے واٹ، لکّھ چؤراسی پندھ مُکائیا۔ سَتجُگ ساچی دیوے دات، وست امولک آپ ورتائیا۔ سوہنگ نام وڈ کرامات، کرم کانڈ ڈیرہ ڈھاہیِا۔ چار ورن بنائے اِک جماعت، اِکو نوُر ظہوُر کر رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا مارگ اِک لگائیا۔ ساچا مارگ سچ سنتوکھ، سَت سَتوادی آپ لگائیا۔ جن بھگتاں میلے دُھر سنجوگ، گھر میلا سہج سُبھائیا۔ نام اگمّی دیوے چوگ، سوہنگ ہنسا مانک موتی روُپ وٹائیا۔ جنم کرم دا کٹے روگ، دُرمت مَیل دھوائیا۔ لیکھ چُکائے ہرکھ سوگ، چِنتا غم نہ کوئے رکھائیا۔ ہو سہائی لوک پرلوک، دو جہاناں ویکھ وکھائیا۔ سچ لگائے نگارے چوٹ، شبد انادی دُھن اُپجائیا۔ کر پرکاش نِرمل جوت، کوُڑ اندھیارا دئے گوائیا۔ سرِشٹ سبائی کڈھ کھوٹ، سچ سُچ اِک وکھائیا۔ جوتی جوت سروُپ ہرِ، آپ اپنی کِرپا کر، نام جنائے دُھر سلوک، دُھر دی بانی بان نِرالا تیِر لگائیا۔ سَت دھرم دیوے سَتواد، سَت سَتوادی دَیا کمائیندا۔ ویکھے کھیل برہم برہماد، برہمانڈ بھیوَ چُکائیندا۔ جِس رچنا رچی آد، سو جُگ چؤکڑی حُکم ورتائیندا۔ دو جہان سُنائے دُھر دا ناد، شبد سندیسہ راگ الائیندا۔ سنت سُہیلے سجّن کاڈھ، گُرمُکھ اپنے رنگ رنگائیندا۔ آتم پرماتم کایا مندر اندر کرے لاڈ، پریم پریِتی ساچی ریِتی اِک سمجھائیندا۔ میٹ مِٹائے واد وِواد، وِکھ امرت روُپ وٹائیندا۔ سُرتی شبدی رچ کے کاج، گھر سویمبر اِک وکھائیندا۔ دوہاں مِل کے بنے دھرم سماج، ساچا منگل سوہلا اِکو راگ سُنائیندا۔ تیرا میرا بنیا ساتھ، جگت وِچھوڑا پندھ کٹائیندا۔ جوتی جوت سروُپ ہرِ، آپ اپنی کِرپا کر، وست امولک دیوے دات، سَتجُگ ساچی دھار آپ جنائیندا۔ سَت سنتوکھ دھیِرج دیوے دان، اگیان اندھیر مِٹائیا۔ دھرم جھُلائے اِک نِشان، برن ورن سرنائیا۔ مندر وکھائے دُھر مکان، سچکھنڈ ساچے ہوئے رُشنائیا۔ گُر اوتار پیِر پَیغمبر سارے سیِس جھُکان، در بَیٹھے الکھ جگائیا۔ درویش ہو کے منگن دان، بھگت سنت خالی جھولی اَگے ڈاہیِا۔ داتا دانی وڈ مِہروان، دیونہار اِک اکھوائیا۔ سَتجُگ تریتا دواپرنِرگُن سرگُن کھیل کر مہان، مہما اکتھ کتھ دئے پرگٹائیا۔ سَتجُگ ساچے تیرا لیکھا دیوے آن، انڈِٹھڑی اپنی کار کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی وست ملِے سَتگُر مت، من مت کوُڑی کِریا دئے مِٹائیا۔ دھیِرج جت سَت دھرم،
دھرم آتما آپ جنائیندا۔ نِہکرمی کرے اپنا کرم، کایا کپڑ ویکھ وکھائیندا۔ جن بھگتاں کھول ہرن پھرن، نیتر نَین اکّھ جنائیندا۔ اندر وڑ کے آئے پھڑن، باہروں روُپ رنگ ریکھ نہ کوئے وکھائیندا۔ صاحِب سَتگُر ترنی ترن، تارنہارا ایکنکارا اپنی دَیا کمائیندا۔ ناطہ توڑ برن ورن، ذات پات ڈیرہ ڈھاہندا۔ سرب جیِواں دیوے اِکو سرن، سانجھا پیِر ہرِ اکھوائیندا۔ موُرکھ موُڑھے جھوُٹھے دھندے مرن، گُرمُکھ گُرسِکھ اِکو بوُجھ بُجھائیندا۔ پُرکھ ابناشی گھٹ گھٹ واسی سد منگو اِکو سرن، آد جُگاد جُگ چؤکڑی جو جنچرن کوَل کوَل چرن اِکو رنگ وکھائیندا۔ - - - - کایا اندر خواہش دو، گھر گھر وِچ ڈیرہ لائیا۔ اِک بندھن جگت موہ، اٹّھے پہر سنگ نِبھائیا۔ اِک خواہش بن نِرموہ، راہ تکّے بےپرواہیِا۔ کِرپا کر جِس نال اپنی خواہس دیوے چھوہ، سو خواہس خالص روُپ وٹائیا۔ در آ کے سُنن اگمّی سو، اکّھ پرتکھ بھیوَ چُکائیا۔ کَون دھار کایا مندر اندر کرے ٹوہ، ویکھے انڈِٹھڑا تھائنیا۔ جِس پریم پریِتی وِچ ملِے لو، لوکائی پرکاش بَیٹھن سیِس جھُکائیا۔ سو خواہش ویکھے اوہ، جِس کایا اندر خواہش خواہش وِچ پرگٹائیا۔ جوتی جوت سروُپ ہرِ، آپ اپنی کِرپا کر، انتر اِچھیا اِک جنائیا۔ انتر اِچھیا منزل محبوُب، مہحدوُد نظری آئیا۔ نظری آئے ثابت ثبوُت، صِدق صبوُری دئے نِبھائیا۔ بھاگ لگائے کایا کلبوُت، کلمہ اِک جنائیا۔ نظری آئے نقشہ عروُج، در گھر ساچے خوشی منائیا۔ چڑھ کے پیکھت منزل مقصوُد، مقصد اپنا حل کرائیا۔ ساچی خواہش دیوے اپنا اِک ثبوُت، انتر انتر اِک لِو لائیا۔ جوتی جوت سروُپ ہرِ، آپ اپنی کِرپا کر، ویکھنہارا ڈوُنگھی بھَوری گہر گوری کھائیا۔ انتر خواہش سچ پُرکھ، پیکھت جگت لوکائیا۔ نیتر خواہش ہرِ درس، سرون سُنن جس بےپرواہیِا۔ من خواہش ہوئے ہرن پھرن، اِکو اِک بُجھائیا۔ کَون کھیل کرے کرنی کرن، کرتا اپنا بھیوَ چُکائیا۔ کِس مندر کِس دوار کِس گھر کِس گرِہ آئے وڑن، دروازہ کَون کُھلائیا۔ کَون نام کَون رام کَون شام کَون اکھّر وکھّر آئے پڑھن، صِفتی صِفت صلاحیِا۔ ہرجن آسا لیکھا چُکے مرن ڈرن، پاربرہم پربھ سِری بھگوان اِکو نظری آئیا۔ جگت آسا گُرمُکھ کدے نہ سڑن، مایا ممتا موہ نہ کوئے رکھائیا۔ ہرجن آشا کھیل ویکھ کرنی کرن، قُدرت قادر ویکھ خوشی منائیا۔ جوتی جوت سروُپ ہرِ، آپ اپنی کِرپا کر، آشا خواہش خواہش خالص خالص ثالث دئے سمجھائیا۔ خواہش ثالث دیوے دلیِل، اِشارہ اِک لگائیا۔ چل کے ویکھ کَون وکیِل، دُھر قانوُن سمجھائیا۔ جِس دی ایتھے اوتھے سدا منظوُر اَپیل، بری خانہ دئے پرگٹائیا۔ اوہ ساول سُندر چَھیل چھبیل، کِس خواہش وِچ لوکمات پِھرے
واہو داہیِا۔ خواہش کہے نظر نہیں آؤندا بستر نیل، نیِلا نیِلی دھاروں پار نہ کوئے وکھائیا۔ خواہش کہے نہیں اوہ جِس مارے بھیل، مُکٹ بَین کوَل نَین بےپرواہیِا۔ خواہش کہے نہیں اوہ جِن راون ماریا نال سیَن، سیَناپتی رام روُپ وٹائیا۔ سچ خواہش ویکھے اپنے نَین، نِج نیتر اکّھ کُھلائیا۔ بھگت آشا سنت خواہش رل مِل در ساچے منگن بہن، گھر بہہ کے خوشی منائیا۔ اگمّی خواہش رسنا کوئی نہ سکے کہن، نکمی خواہش جیِو جنت سارے ڈھولا گائیا۔ ساچی خواہش چُکاوے لیَن دین، پوُرب جنم لیکھا جھولی پائیا۔ جو خواہش سچ وست آئے لیَن، تِس لال امولک لبھے نام نِدھان، بِن قیمت ہتھّیں آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، انتر خواہش انتشکرن شُدھ وِشیش، سَت گُن سَت منگ منگائیا۔
۲۲ اَسوُ ۲۰۲۰ بِکرمی بیبی بھگوان کؤر دے گرِہ پکّھووال ضِلع لُدھیانہ
جن بھگتاں پربھ دیوے مان، انتر آشا پوُر کرائیا۔ انمنگیا دیوے دُھر دا دان، نام امولک وست جھولی پائیا۔ اَناشکت دیوے شبد گیان، نِرگُن اپنا بھیوَ چُکائیا۔ در گھر ساچے کر پروان، مِہر نظر نَین تکائیا۔ جنم کرم کٹ جہان، جیِون اپنے لیکھے پائیا۔ سچ دوار سچکھنڈ انتم کھڑے آن، بن سیوک سیو کمائیا۔ جِس جن رسنا جِہوا بتّی دند انتر آتم دھیان رکھ گایا سوہنگ مہاراج شیر سِنگھ وِشنوُں بھگوان، تِنہاں ایتھے اوتھے ویلے انت دُکھ نہ لاگے رائیا۔
۲۲ اَسوُ ۲۰۲۰ بِکرمی سادھوُ سِنگھ دے گرِہ پکّھووال ضِلع لُدھیانہ
ہرِ سنگت لیکھے لگّی سیوا، پوُرب لیکھا نال مِلائیا۔ امرت پھل دیوے میوہ، رس مِٹھا چرن پریِت جنائیا۔ گُرسِکھ بچّیاں پُچھے کر کے ہیوا، گُر داتا آیا پھیری پائیا۔ جِس صِفت کردی رہی رسنا جِہوا، جُگ چؤکڑی صِفت صلاحیِا۔ پرگٹ ہو الکھ ابھیدا، بھیوَ انتر رِہا جنائیا۔ گُرمُکھ وڈّا دیوی دیوا، دیوت سُر سیِس جھُکائیا۔ جوتی جوت سروُپ ہرِ، آپ اپنی جوت دھر، لیکھا لیکھے وِچ لگائیا۔ ہرِ
سنگت تیری سیوا اپار، اپر اپاری ویکھ وکھائیا۔ جِس دی مِسل نہ ملِے وِچ سنسار، مِشال دے سکے نہ کوئے سمجھائیا۔ اِک اِک سِکھ وِچ دُھر دا دھریا آپ پیار، روم روم خوشی منائیا۔ پلک اکّھ پرتکھ کر دیِدار، دیِد عیِد خوشی منائیا۔ کٹ کے منزل آیا پروردِگار، ہردل عزیِز بن کے پھیرا پائیا۔ آؤندے جاندے ویکھے گُرسِکھ میِت مُرار، نٹھے پِھردے واہو داہیِا۔ اِکو آس پربھ ملِے میِت مُرار، مِتر پیارا نظری آئیا۔ پُرکھ اکال کہے مَیں در آیاں سب دی کراں سنبھال، آپ اپنی گود اُٹھائیا۔ شاہ ہو کے در بھگتاں بناں کنگال، کنگالوں شاہ روُپ وکھائیا۔ نِرگُن میلا سرگُن کر پروان، نام پروانہ اِک جنائیا۔ سَتجُگ تریتا دواپر کلجُگ بِناں اٹھاراں بھگت کِسے نہ مِلیا بھگوان، لکّھ چؤراسی آئی گئی اُٹھ اُٹھ لوکمات پھیرا پائیا۔ جِنہاں مِلیا سو کوُک گئے پُکار، اُچی اُچی راگ الائیا۔ کلجُگ ویلا انتم رکھو یاد، یادداشت گئے سمجھائیا۔ نِرگُن ہو کے نِروَیر نِرنکار سچ سُنے فریاد، عدالت اِکو گھر لگائیا۔ سَتجُگ تریتا دواپرکلجُگ جِنہاں تھوڑی تھوڑی دیندا رِہا داد، کلجُگ انتم سارے بھانڈے پوُرے دئے کرائیا۔ لکّھ چؤراسی وِچوں کاڈھ، کاڈھ اپنی دئے سمجھائیا۔ نِردھن ہو کے کرے لاڈ، سردھن روُپ وکھائیا۔ کھیوٹ بن چلا ئے جہاز، بیڑا اپنے کندھ ٹھائیا۔ سیوک بن مارے آواز، گُرمُکھ آپ جگائیا۔ آؤ ویکھو دُھر سماج، سچ سمگری دئے جنائیا۔ جِس گرِہ جِس گھر جِس مندر اِکو آتم پرماتم ہووے کاج، دوُجا سگن نہ کوئے منائیا۔ آد جُگاد جُگ چؤکڑی جن بھگتاں نال اِک رواج، ریِتی بدل کدے نہ جائیا۔ سچ دوارا ویکھو بھاج، بن کے سچّے پاندھی راہیِا۔ جِس گرِہ مندر اندر گُر اوتار پیِر پَیغمبر خوشیاں نال کرن ناچ، ڈھولا گیِت اگمّ گائیا۔ اوس گھر دا ساچے در دا نرائن نر دا لؤ سواد، انرس اپنا دئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سنگت لہنا لہنا لیکھے لئے لگائیا۔ ہرِ سنگت آسا منسا پوُر، پوُری اچھا آپ کرائیا۔ جنم مرن دُکھ ہویا دوُر، جم ڈنڈ سیِس نہ کوئے لگائیا۔ پربھ ٹھاکر پایا حاضر حضوُر، بھوَ ساگر لئے ترائیا۔ نام پیالہ دے کرے مخموُر، خُماری اِکو اِک چڑھائیا۔ جن بھگتاں نام کرے مشہوُر، مشہوُری اپنے نام نال کرائیا۔ چار کُنٹ بخشے سچّا نوُر، نوُر نوُرانہ بےپرواہیِا۔ در آیاں پِچھلے بخشے سرب قصوُر، اَگے بھرم نہ کوئے بُھلائیا۔ جن بھگتو کلجُگ انتم ویلا پاربرہم پربھ بنیا آپ مزدوُر، بن چاکر سیوک سیو کمائیا۔ تُہاڈے اندروں کوُڑا کِرکٹ رِہا ہوُنجھ، نام بہارا ہتّھ اُٹھائیا۔ پھڑ پھڑ چتُر سُگھڑ بنائے موُرکھ موُڑھ، ساچی وِدیا اِک سمجھائیا۔ مایا ممتا کڈھے ہؤمے غروُر، نام سروُر اِک چڑھائیا۔ سب دی آسا
منسا کرے پوُر، دردی دردیِاں درد ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سنگت ہوئے سہائیا۔ ہرِ سنگت تیری آسا پُنی، پربھ پوُرن آشا آپ کرائیا۔ جِس دا کوئی بھیوَ نہ پاوے سُنّ سمادھی سُنی، اندر وڑ نظر کِسے نہ آئیا۔ جیہنوُں لبھدے پِھردے وڈ وڈ گُنی، گیان شاستر رہے دِرڑائیا۔ سو گُرمُکھ دوارے صاف کرن آیا کایا کُنی، ماٹی ہانڈی پوچ پُچائیا۔ مِہروان ہو کے سنجے گھر سُنائے دُھنی، دُھن اپنا نام جنائیا۔ سُرت سوَانی نہ رہے بُنھی، ہوچھی مت دئے گوائیا۔ پریم پٹولا سِر تے دیوے چُننی، اوڈھن اِکو اِک رکھائیا۔ گُرمُکھ گُرسِکھ تیری چوٹی کدے نہ جائے مُنی، سیِس جگدیِش اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، ہرِ سنگت دئے وڈیائیا۔ ہرِ سنگت تیرا سوہنا گھر، پربھ ساچی بنت بنائیا۔ جِس گرِہ آ کے جائے وڑ، اپنا پھیرا پائیا۔ پریم پریِتی اکھّر لئے پڑھ، سچّا نام جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن تیرا لیکھا لیکھے پائیا۔ لیکھا لیکھے پائے آپ، اپنے ہتّھ رکھے وڈیائیا۔ سرب جیِاں بن مائی باپ، پِتا پوُت گود سُہائیا۔ سچ سندیسہ اِکو آکھ، اکھّر وکھّر کرے پڑھائیا۔ نِرگُن نوُر کر پرتکھ، پاربرہم پربھ بھیوَ کُھلائیا۔ ہرِ سنگت ہویا پربھ وس، گُرمُکھ گُرسِکھ بَیٹھے گھیرا پائیا۔ پریم پریِتی اندر بِن ڈھاہیوں گیا ڈھٹھ، آپ اپنا بل گوائیا۔ اندر وڑ کے سچ پیار دی لائے سٹّ، ٹھوکر اِکو نام رکھائیا۔ سو گُرمُکھ گُرسِکھ چرنیں جائے ڈھٹھ، جِس اندر مندر بہہ کے اپنا حُکم جنائیا۔ بِن کھا دھیِاں پیتیاں بِن رسنا جِہوا دیوے سچّا رس، رس امرت اِک چکھائیا۔ جوتی جوت سروُپ ہرِ، آپ اپنی کِرپا کر، جگت وِسوُرے دیوے متھ، سِر اپنا ہتّھ رکھائیا۔ ہرِ سنگت سیوا ہوئی قبوُل، سو سَتگُر دَیا کمائیا۔ دھوُڑی ٹِکاّ مستک لائے دھوُل، دُھر دی ریکھ دئے وکھائیا۔ سَتجُگ تریتا دواپرکلجُگ کردا آیا سوُلیؤں سوُل، کلجُگ انتم سوُل کُنڈا کوئے رہن نہ پائیا۔ اَگے رائے دھرم منگے نہ کوئے محصوُل، لیکھا لیَن کوئے نہ آئیا۔ نظری آئے آپ محبوُب، مُحبّت اپنے نال نِبھائیا۔ پنجاں دِتا آن ثبوُت، جو سچکھنڈ بَیٹھے سوبھا پائیا۔ بےشک ساڈا نہیں رِہا کلبوُت، کایا ماٹی جگت مِلائیا۔ گھر مِلیا اُچ عروُج، محل اٹل ہوئی رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سنگت سیوا اپنی جھولی پائیا۔ ہرِ سنگت سیوا ہوئی پروان، پربھ پوُرن پرماتما آپ جنائیندا۔ ہرِ سنگت میلا نہیں کوئی جگت دیوان، دیوانیاں کملیاں رملیاں میل مِلاوا آپ مِلائیندا۔ آتم پرماتم دئے احوال، حال اپنا آپ سمجھائیندا۔ رل مِل جِنہاں گھالی گھال، تِنہاں
گُرمُکھاں اُتوں گھولی گھول گھُمائیندا۔ کر کِرپا حل کیِتا سوال، زیر زبر روُپ نہ کوئے رکھائیندا۔ آپے ویکھ مُریِداں حال، خوشی خوشی نال وڈیائیندا۔ دِوس رَین پریم پریِتی وجدا رِہا تال، ڈؤروُ ڈنکا شبد نال رکھائیندا۔ آتم پرماتم کہندی رہی دیِن دَیال، واہوا تیرا بھیوَ سمجھ کوئے نہ پائیندا۔ کلجُگ انت سِری بھگوَنت جگت نِمانیاں ویکھیا حال، ہرجن اپنے رنگ رنگائیندا۔ لبھیاں کوئی نہ سکے بھال، چاروں کُنٹ دہ دِشا سنگ نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُرمُکھ گُرسِکھ لائے لڑ، چیتن جڑ دوویں پھڑ اپنے گھر بہائیندا۔
۲۲ اَسوُ ۲۰۲۰ بِکرمی سُرجن سِنگھ دے گرِہ پکّھووال ضِلع لُدھیانہ
ستگُر کِرپا گُرمُکھ تردا، دو جہان ملِے وڈیائیا۔ لیکھا چُکے جنم مرن دا، آون جاون رہن نہ پائیا۔ لہنا دیوے پوُرب جنم دا، شاہ پاتشاہ سچّا شہنشاہیِا۔ ایہو پھل ساچی سرن دا، دو جہان ہوئے سہائیا۔ مانس جنم ساچا ویلا پؤڑے چڑھن دا، نام ڈنڈا ہرِ جوُ ہتّھ پھڑائیا۔ وقت سُہنجنا آتم پرماتم مِلن دا، بِن جگدیِش مِلنی نہ کوئے کرائیا۔ لیکھا چُکے چؤراسی جوُن پِھرن دا، مات گربھ نہ کوئے بھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بخشنہار اِک سرنائیا۔ بِن سَتگُر پوُرے کوئی نہ مِلدا، مِلنی ہرِ نہ کوئے کرائیا۔ گُر سَتگُر بھیوَ جانے ساچے دِل دا، دِلبر داتا وڈ وڈیائیا۔ ورتے کھیل اگمّی تِل دا، تِلک اِکو مستک لائیا۔ گُرمُکھ پریِت صِدق صبوُری اُتوں کدے نہ ہِلدا، لکّھ چؤراسی نیئا ڈولے سرب لوکائیا۔ سِری بھگوان صاحِب سُلطان مِہروان جِس نوُں مِلدا، سو جگت ناطہ دئے تُڑائیا۔ لیکھا چُکے اندر لگّی سِل دا، جوتی جوت سروُپ ہرِ، آپ اپنی کِرپا کر، مِہروان دئے سرنائیا۔ بِن سَتگُر پوُرے ملِے نہ مندر، گھر وجےّ نہ نام ودھائیا۔ اندھیرا چُکے نہ ڈوُنگھے کندر، ساچا دیِپ نہ کوئے رُشنائیا۔ بھاگ لگّے نہ اندھیرے کھنڈر، سَت نظر کوئے نہ آئیا۔ من بنّھے نہ کوئی بندر، واسنا جگت نہ کوئے مُکائیا۔ نَین شرمائے نہ کوئے سوُریا چندر، جوتی نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، سَتگُر پوُرا سدا سہائیا۔ بِن سَتگُر پوُرے کوئے نہ رکھے لاج، لاجونت نہ کو اکھوائیا۔ بِن سَتگُر پوُرے کوئی نہ بدلے سماج، ساچی دھار نہ کوئے
پرگٹائیا۔ بِن سَتگُر پوُرے دُھر دا کوئی نہ کرے راج، گُرمُکھ رعیت نہ کوئے بنائیا۔ بِن سَتگُر پوُرے کوئی نہ بنے سچّا سادھ، سچّی سادھنا ہتّھ کِسے نہ آئیا۔ بِن سَتگُر پوُرے کوئی نہ کرے کاج، کرنی کرتا اپنی آپے دئے جنائیا۔ بِن سَتگُر پوُرے کوئی نہ مارے آواز، پوُرب جنم دے سوئے آپ اُٹھائیا۔ بِن سَتگُر پوُرے کوئی نہ کرے مجن ماگھ، چرن دھوُڑ اشنان وکھائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی ہرجن دیوے مان وڈیائیا۔ بِن سَتگُر پوُرے کوئی نہ کرے سیوا، چاکر روُپ نہ کوئے وٹائیا۔ بِن سَتگُر پوُرے کوئی نہ لائے مستک تھیوا، جوت للاٹ نہ کوئے رُشنائیا۔ بِن سَتگُر پوُرے کوئی نہ کھولے بھید ابھیوَا، انبھوَ پرکاش نہ کوئے کرائیا۔ بِن سَتگُر پوُرے کوئی نہ لاوے لیکھے گایا رسنا جِہوا، جوتی جوت سروُپ ہرِ، آپ اپنی کِرپا کر، دیونہارا سچّا ور، آد جُگادی اِکو نر، نر نرائن شاہ پاتشاہ شہنشاہ پُرکھ اکال اکھوائیا۔
۲۲ اَسوُ ۲۰۲۰ بِکرمی سردارا سِنگھ دے گرِہ پکّھووال ضِلع لُدھیانہ
دھرم سماگم پیا بھوگ، وجّی جگت ودھائیا۔ کرم سماگم چُکیا روگ، دیِنن دَیا کمائیا۔ سچ سماگم دسّیا جوگ، چار ورن سمجھائیا۔ ہرِ سماگم دُھر سنجوگ، دُھر سنجوگی میل مِلائیا۔ نر سماگم درس اموگھ، نر ہرِ نرائن کرائیا۔ نام سماگم شبد چوٹ، سو سَتگُر آپ لگائیا۔ منمُکھ سماگم کوُڑی کِریا کھوٹ، پنج تت ہلکائیا۔ گُرسِکھ سماگم لوک پرلوک، وِشن برہما شِو گن گندھرب سُرپت اِند رہے جس گائیا۔ بھگت سماگم دُھر سلوک، ساچا ڈھولا نام سُنائیا۔ بھگت بھگوان سماگم جن بھگت دوارے آپے پہنچ، جگ وِچھڑے میل مِلائیا۔ آتم پرماتم سماگم سارے رہے لوچ، بِن سَتگُر پوُرے لوکمات نہ کوئے کرائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، بھگت سماگم کر پروان، مِہروان دے دان، کر دھیان ہرِ سنگت در آئی دُھر دے لیکھے اپنے گھر لگائیا۔
۲۲ اَسوُ ۲۰۲۰ بِکرمی عدالت سِنگھ دے گرِہ آنڈلوُ ضِلع لُدھیانہ
کلجُگ کہے پربھ ساچے پِتا، سو پُرکھ نِرنجن تیری سرنائیا۔ چؤتھا جُگ مَیں بال نِکاّ، نِیوں نِیوں لاگاں پائینا۔ تیرے حُکم دا کیِتا ساچا ہِتا، بن ہِتکاری سیو کمائیا۔ لکّھ چؤراسی کوُڑی کِریا لایا ٹکا، مستک اپنا رنگ رنگائیا۔ تیرا نام صاحِب کیِتا پِھکا، کوُڑ کُڑیارا رسنا نال لگائیا۔ سچ سُچ نالوں سب دا بدلیا چِتا، اپنی دھار دِتی ورتائیا۔ کریا کھیل اِک انڈِٹھا، انڈِٹھڑی کار کمائیا۔ جیِو جنت رس کوئی نہ جانے مِٹھا، کؤڑا ریِٹھا سرب لوکائیا۔ میرا پربھ جی مَینوُں دے دے حِصّہ، تیرے اَگے میری عرضوئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، میری منسا پوُر کرائیا۔ صاحِب سَتگُر میرے دیِن دَیال، ہرِ ٹھاکر تیری سرنائیا۔ مَیں چھوٹا نڈھا بال نادان، بالی بُدھ اکھوائیا۔ تُوں شاہ پاتشاہ سچّا سُلطان، شہنشاہ اِک اکھوائیا۔ آد جُگادی حُکمران، دو جہان سندیس سُنائیا۔ وِشن برہما شِو کرن دھیان، نِت نوِت بَیٹھے دھیان لگائیا۔ گُر اوتار دین گیان، جُگ چؤکڑی سیو کمائیا۔ لیکھا لِکھ شاستر سِمرت وید پُران، گیِتا گیان بھیوَ کُھلائیا۔ کھانی بانی دُھر فرمان، سچ سندیسہ مات سُنائیا۔ جوتی جوت سروُپ ہرِ، آپ اپنی کِرپا کر، ہرِ جوُ تیری اوٹ رکھائیا۔ پاربرہم پربھ مَیں تیرا سچّا سیوادار، جگ ساچی سیو کمائیا۔ سرِشٹ سبائی کیِتی خوار، چاروں کُنٹ پئے دُہائیا۔ ناطہ تُٹا میِت مُرار، یاری یار نہ کوئے نِبھائیا۔ نوَ نؤ چار کیِتا دھوُاں دھار، ساچا چند نہ کوئے چمکائیا، سادھ سنت روون دھاہاں مار، ساچی منزل ہتّھ کِسے نہ آئیا۔ گھر گھر اندر واڑ دِتا ہنکار، کام کرودھ لوبھ موہ نال رلائیا۔ آسا ترِسنا کر شنگار، مایا ممتا کری کُڑمائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، مَیں ساچی سیو کمائیا۔ ویکھ پربھ میرا زور، تیرے حُکمے اندر کھیل کرائیندا۔ لکّھ چؤراسی کیِتی ٹھگّ چور، گھر گھر ٹھگّی اِک وکھائیندا۔ پنچ وِکارا پاوے شور، دھیِرج دھیِر نہ کوئے رکھائیندا۔ بھاگ نہ لگّے کایا گور، دِیپک جوت نہ کوئے جگائیندا۔ تیرے نال سُرتی سکے نہ کوئی جوڑ، مَیں اَدھ وِچکار کھڑ کے سب دا پندھ مُکائیندا۔ ساچی سِکھیا کایا گھر وِچوں دیواں ہوڑ، کوُڑا کھیل اِک وکھائیندا۔ آسا ترِسنا بنّھ کے ڈور، ساچی تندی تند بندھائیندا۔ کریا کھیل ہور دا ہور، ہرِ جوُ تیرا حُکم سیِس ٹِکائیندا۔ جوتی جوت سروُپ ہرِ، آپ اپنی کِرپا کر، دینا ایہو ساچا ور، تیرا چھوٹا پُت منگ منگائیندا۔ کلجُگ کہے پربھ ویکھ میری پھلواڑی، کلجُگ انت مہکائیا۔ دھیِرج تُٹا نر ناری، نر
نرائن نظر کِسے نہ آئیا۔ سَت دِسے نہ جگت کواری، من مت دئے دُہائیا۔ جیِو جنت ہوئے وِبھچاری، کوُڑا ناطہ جوڑ جُڑائیا۔ مایا ممتا لا اُڈاری، بھجّن واہو داہیِا۔ جگت وِدیا وڈ گیان بنی سنساری، دُھن آتمک راگ نہ کوئے سُنائیا۔ آتم پرماتم لائے نہ کوئی یاری، جگت یارانے رہے ہنڈائیا۔ گھر دِیپک جوت نوُر نہ کوئے اُجیاری، مندر سچ نہ کوئے رُشنائیا۔ مِلیا میل نہ ہرِ نِرنکاری، نِرگُن سرگُن لیکھا پوُر نہ کوئے کرائیا۔ نؤ کھنڈ ستّ دیِپ آپ وہائی وینہدی دھاری، بھوجل پار نہ کوئے کرائیا۔ اُٹھ ویکھ پربھ میری وڈّی تاری، ترےَگُن مایا رِہا جنائیا۔ پنجاں تتّاں لُٹ دِن دِہاڑی، دِوس رَین اِکو رنگ وکھائیا۔ تیرے چرن نہ کوئی چُھہائے داہڑی، مستک ٹِکاّ دھوُڑ نہ کوئے لائیا۔ من مت سب نوُں کرے خواری، گُرمت ہتّھ کِسے نہ آئیا۔ ہوئے پرکاش نہ بہتّر ناڑی، اگنی اگّ نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، مَیں تیرا حُکم سندیسہ پوُر کرائیا۔ ویکھ پربھ آ کے اپنا چھوٹا پُت بلوان، جِس نوُں کلجُگ کہے لوکائیا۔ مَیں اپنا جھُلایا نِشان، لکّھ چؤراسی حُکم منائیا۔ گُر اوتار پیِر پَیغمبر جو دے کے گئے گیان، مَیں سب نوُں دِتا بُھلائیا۔ سر سروور تیِرتھ تٹ جو کر کے آؤن اشنان، دُرمت مَیل نہ کوئے دھوائیا۔ چار ورن اٹھاراں برن تیرا کرے نہ کوئے دھیان، انتر آتم لِو ساچی نہ کوئے لائیا۔ نؤ کھنڈ پرِتھمی میرا حُکم مَیں حُکمران، تیرے حُکم نال سوبھا پائیا۔ کوئی سمجھ نہ سکے مصلیٰ اِنجیل قرآن، کایا کعبہ کھوج کوئے نہ پائیا۔ اُٹھ ویکھ میرے دیِن دَیال، ثابت رہن نہ دِتا کوئی ایِمان، عمل سچ نہ کوئے کمائیا۔ گھر گھر وڑیا دِسے حرام، جگت شیطان کرے لڑائیا۔ کوُڑی کِریا کیِتا نِظام، حُکم اِکو اِک ورتائیا۔ سادھاں سنتاں دے کے مُکھ لگام، چاروں کُنٹ رِہا بھوائیا۔ تیرا نوُر نظر کِسے نہ آئے بھگوان، بھرم بُھلائی جگت لوکائیا۔ واہوا میرے صاحِب تُوں مَینوُں دِتا دان، مَیں جگت جیِواں دِتا ورتائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ سَتجُگ کہے پربھ مَینوُں تیری اوٹ، تیرے سہارے کھیل کرائیا۔ گھر گھر اندر بھریا کھوٹ، کھوٹی بُدھ سرب وکھائیا۔ کِسے تن نہ لگّے نام چوٹ، شبد نگارا ناد نہ کوئے سُنائیا۔ بےشک رسنا باہروں گاؤندے بتّی دند ہونٹ، انتر آتم رام نظر کِسے نہ آئیا۔ سُّن سمادھی لا کے بَیٹھے رہن خاموش، پڑدہ دوُئی نہ کوئے چُکائیا۔ دوئے بند کرکے ویکھن لوچ، لوچا پوُری نظر کوئے نہ آئیا۔ سب دے اندر ساچی رہن نہ دِتی سوچ، سمجھ سمجھ دی دِتی گوائیا۔ ویکھ پربھ ہُن نہ رہیں خاموش، تیرے اَگے فریاد سُنائیا۔ اُٹھ کے ویکھ چؤداں لوک، صدی چؤدھویں دئے دُہائیا۔ چؤداں طبق ہونی
مؤت، جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرے اَگے سیِس جھُکائیا۔ صاحِب سَتگُر میرے دیِن دَیال، وڈ وڈّے ٹھاکر تیری سرنائیا۔ لوکمات ویکھ جگت دھرمسال، کوُڑا ڈنکا وجےّ واہو داہیِا۔ نیتر روون شاہ کنگال، اوُچ نیِچ رہے کُرلائیا۔ ساچا مِتر ملِے نہ کوئی جہان، جگت چلِتر سوبھا پائیا۔ چاروں کُنٹ دِسے بیابان، نوَ نؤ وَیرانی اِکو چھائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، مَیں تیرا حُکم پوُرا دیواں کرائیا۔ حُکم دے میرے بھگوان، وڈ سچّے بھوُپ سُلطانا۔ چاروں کُنٹ ویکھ جھُلے نِشان، کوُڑی کِریا ہوئی مرد مردانہ۔ صِدق صبوُری سَت دھرم رِہا نہ کوئے ایِمان، چاروں کُنٹ گرِہ گرِہ گھر گھر ہوئے حراما۔ جوتی جوت سروُپ ہرِ، آپ اپنی کِرپا کر، آ کے ویکھ اپنا گھر، مَیں کیِتا کھیل مہانا۔ کھیل مہان پربھ کیِتا آ، تیرا حُکم سیِس ٹِکائیا۔ نوَ نؤ چار کھیڑا دِتا ڈھاہ، جت بُرج کوئے رہن نہ پائیا۔ اندرے اندر جھگڑا دِتا وکھا، فیَصلہ حق نہ کوئے کرائیا۔ سب دا بدلہ دِتا چُکا، چؤکنّہ ہو کے سیو کمائیا۔ اکّھاں ہُندیاں جگت اندھا دِتا بنا، تیرا نوُر نظر کِسے نہ آئیا۔ دیِن مذہب ذات پات وِچ بنّاہ دِتا رکھا، حد تیری پار نہ کوئے کرائیا۔ مندر مسجد شِودوالے مٹّھ چھپّر چھنّاں ہیٹھ تیرا ناؤں دِتا دھرا، کایا مندر اندر کھولن کوئے نہ آئیا۔ ساچا ڈنکا کوُڑ پردھان کرکے دِتا وجا، نؤ کھنڈ اِکو حُکم ورتائیا۔ دھرت دھوَل بنکا دِتا سُہا، ساکھیات تیری کار کمائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، میرا لہنا میری جھولی پائیا۔ لہنا دے ابناشی اچُت، دیونہار اِک اکھوائیا۔ اُٹھ ویکھ میری سُہنجنی رُت، چاروں کُنٹ کوُڑی پُھل پُھلواڑی رہی مہکائیا۔ شاباس کہو واہوا میرے پُت، دے مان وڈیائیا۔ مَیں نیتر کھول اکّھ لواں پُٹ، سِری بھگوان تیرا درشن پائیا۔ امرت جام دینا آ کے گھُٹ، رس اِکو منگ منگائیا۔ میرا لیکھا جاوے لوکمات وِچوں مُک، مکُے کھیل پرائیا۔ اپنی گودی لہنا چُک، گھر ساچے سگن منائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، چھوٹا بالا سیِس جھُکائیا۔ سُن بالے چھوٹے لال، سو صاحِب آپ جنائیا۔ تیرا لیکھا ویکھے دیِن دَیال، دئیانِدھ پھیرا پائیا۔ نؤ کھنڈ پرِتھمی ستّ دیِپ چار کُنٹ دہ دِشا لَوے بھال، نِرگُن اپنا ویس وٹائیا۔ ترےَگُن مایا ویکھنہار جنجال، جاگرت جوت کرے رُشنائیا۔ تیری کرنی ویکھ کمال، سِر تھپکی دیوے لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، انتم ویکھے بےپرواہیِا۔ انتم لہنا تیرا چُکاوانگا۔ نیتر نَیناں آپ وکھاوانگا۔ دُھر دا دینا جھولی پاوانگا۔ ساچا گیِت اِک سُناوانگا۔ جوتی جوت سروُپ
ہرِ، آپ اپنی کِرپا کر، دیونہارا ساچا ور، کلجُگ تیرا لیکھا اپنی بِدھ نال مُکاوانگا۔ تیرا لیکھا پربھ مُکائےگا۔ حِساب کِتاب سب توں منگ منگائےگا۔ چار جُگ دی دھار اپنے ہتّھ رکھائےگا۔ سَتجُگ تریتا دواپرکلجُگ جُگ چؤکڑی جو کردے رہے کار، کرتا قیمت آپے پائےگا۔ شبد سندیسہ جو سُناؤندے رہے وارو وار، سو صاحِب سَتگُر ویکھ وکھائےگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ کمائےگا۔ ساچی کرنی کرے کرتار، ہرِ کرتا وڈ وڈیائیا۔ جُگ چؤکڑی بیِتے وِچ سنسار، تھِر کوئے رہن نہ پائیا۔ کلجُگ تیری آئی انتم وار، ہرِ جوُ لیکھا دئے مُکائیا۔ تیرا ویکھ کھیل جگت سنسار، دیوے ویلے انت وڈیائیا۔ پہلوں گُر اوتاراں پیِر پَیغمبراں نیتر نَیناں دئے وکھال، ویکھو جگت لوکائیا۔ ساچے نام کرے نہ کوئی بھال، شبدی گُروُ نہ کوئے منائیا۔ انتر آتم وجےّ نہ کوئے تال، شبد اناد نہ کوئے سُنائیا۔ ترےَگُن مایا توڑے نہ کوئی جنجال، جاگرت جوت نہ کوئے رُشنائیا۔ مُریِداں مُرشد پُچھے نہ کوئی حال، حالت دیوے نہ کوئے بدلائیا۔ سرگُن بنے نہ کوئے دلال، نِرگُن بَیٹھا مُکھ چُھپائیا۔ کلجُگ تیرے نال رل کے ڈؤروُ ڈنکا وجےّ تال، ہتّھ نگارا اِک اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر سندیسہ نر نریشا ایکنکار اِک اِکلّا ایکا وار جنائیا۔ کلجُگ تیری آئے واری، انتم انت سچ جنائیا۔ بھیوَ کُھلائے گُر اوتاری، پیِر پَیغمبر بوُجھ بُجھائیا۔ اُٹھو ویکھو جگت سنساری، چاروں کُنٹ اندھیرا چھائیا۔ ساچا میِت نہ کوئے ونجاری، نام ہٹّ نہ کوئے کُھلائیا۔ کام کرودھ دے بن وپاری، کوُڑی کِریا رہے کمائیا۔ ساچے مندر چڑھے نہ کوئے اٹاری، محل اٹل سوبھا کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کلجُگ تیرا انتم لیکھا گُر اوتاراں پیِر پَیغمبراں نیتر نَیناں دئے وکھائیا۔ نیتر نَین ویکھن آن، گُر اوتار پندھ مُکائیا۔ چاروں کُنٹ دِسے وَیران، سچ پھلواڑی نظر کوئے نہ آئیا۔ اِک دوُجے ول کرن دھیان، نیتر نَین اکّھ مِلائیا۔ ویکھو مات دِسے نہ کوئی گیان، ساچا دھیان نہ کوئے رکھائیا۔ ساچے مندر کوئی نہ ملِے آن، آتم پرماتم جوڑ نہ کوئے جُڑائیا۔ رسنا جِہوا بتّی دند سارے گان گان، گا گا جیِواں جنتاں رہے سُنائیا۔ سادھاں سنتاں اندر وڑیا اِک شیطان، اٹّھے پہر کرے لڑائیا۔ ہؤمے ہنگتا بنی دُکان، جوتی جوت سروُپ ہرِ، آپ اپنی کِرپا کر، دیونہارا ساچا ور، کلجُگ تیرا لہنا دیوے بےپرواہیِا۔ کلجُگ تیرا انت ویکھن آؤن گے۔ گُر اوتار پیِر پَیغمبر در سچّے سوبھا پاؤن گے۔ جو لوکمات دے کے گئے ور، سو اپنا لیکھا انت چکاؤن گے۔ جِنہاں جیِواں جنتاں دِتا بھؤ ڈر، سو بھے
بھیانک اپنے گھر وکھاؤن گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لیکھا انت چکاؤن گے۔ لیکھا انت چُکائے آپ، ہرِ وڈّا وڈ وڈیائیا۔ گُر اوتار پیِر پَیغمبر دیون ساتھ، بن ساتھی سنگ نِبھائیا۔ جو سندیسہ پربھ دِتا آکھ، سو کلجُگ پوُر کرائیا۔ انتم تُٹے ایس دا نات، لوکمات رہن نہ پائیا۔ کِرپا کر پُرکھ ابناش، تیرے ہتّھ وڈیائیا۔ جُگ چؤکڑی تیری راس، منڈل منڈپ ناچ وکھائیا۔ سب دی پوُری کر آس، آساوند تیری سرنائیا۔ جنم کرم دی میٹ پیاس، ترِسنا بُھکھ گوائیا۔ داتے دانی سربگُن طاس، شاہ پاتشاہ تیری اوٹ رکھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، گُر اوتار پیِر پَیغمبر اِکو وار سُنائیا۔ سِری بھگوان کہے کرو صلاح، سو صاحِب آپ جنائیا۔ کلجُگ چھوٹا پُت جھولی رِہا ڈاہ، منگ اپنی رِہا منگائیا۔ گُر اوتار پیِر پَیغمبر ہسّ کے کہن پاربرہم تیرا چھوٹا پُت گوبِند اِک ملاح، کلجُگ بیڑا ویکھ وکھائیا۔ باقی سارے کر گئے نانہہ، ہاں وِچ ہاں نہ کوئے مِلائیا۔ جودھا سوُربیِر بلوان پُرکھ اکال اَگے سیِس جھُکا، دوئے جوڑ پیا سرنائیا۔ تیرا حُکم سچےّ شہنشاہ، دو جہاناں اپنے سیِس ٹِکائیا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، بےپرواہ اپنا حُکم ورتائیا۔ گُر اوتار پیِر پَیغمبر سارے رہے آکھ، پربھ اِک گوبِند ہتّھ وڈیائیا۔ سِنگھ روُپ ساکھیات، لوکمات آیا پھیرا پائیا۔ چار ورن بنا کے آیا اِک جماعت، امرت آتم جام پیائیا۔ کوُڑی کِریا کرکے آیا گھات، کھنڈا کھڑگ نام چمکائیا۔ میٹ کے آیا اندھیری رات، ساچا نوُر چند وکھائیا۔ دُھر دسّ کے آیا گاتھ، پُرکھ اکال تیری پڑھائیا۔ لیکھ لِکھ کے آیا بھوِکھت واک، نہ کوئی میٹے میٹ مِٹائیا۔ کلجُگ انتم اُترے اپنے گھاٹ، پتّن بَیٹھا بےپرواہیِا۔ پرگٹ ہوئے پُرکھ سمراتھ، نِرگُن داتا جوت رُشنائیا۔ لکّھ چؤراسی جیِو جنت ویکھنہارا کھیل تماش، خالق خلق بھیوَ چُکائیا۔ سچ روُپ بنائے خالص خاص، خالصہ اپنا ناؤں جنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، بِن گوبِند جودھا نظر کوئے نہ آئیا۔ گُر اوتار پیِر پَیغمبر کہن گوبِند سچّا سوُربیِر، پُرکھ اکال تیرا پُت اکھوائیا۔ کلجُگ کوُڑے ایہو کٹے زنجیر، ایہدے ہتّھ صاحِب اِک کِرپان پھڑائیا۔ سب دی بدل دیوے تدبیِر، تدبیِر اپنی دئے سمجھائیا۔ ایہدی سب توں نِرالی تصویِر، مصّور کوئی سمجھ نہ سکے رائیا۔ اوسے ویلے اُٹھ کھلوتے عیسیٰ موُسیٰ محمد پیِر، نیتر نَین اکّھ کُھلائیا۔ محمد نیتر رو ہویا دِلگیِر، اُچی کوُک کوُک سُنائیا۔ میری ہڈّیں لگّی پیِڑ، میرا انگ انگ دُکھ سہہ نہ سکے رائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور،
تیرے ہتّھ پربھ وڈیائیا۔ محمد کہے مار دھاہ، بہُڑی بہُڑی میرے خُدایا۔ مَیں بُھلا وِچ جہاں، دو جہاناں والی تیری سرنایا۔ مَیں گوبِند اَگے جھولی دیواں ڈاہ، خالی پلّوُ اِک رکھایا۔ میری اُمت ظُلم قہر دِتا کما، سِتم اِک کرایا۔ چھوٹے بالے نیہاں ہیٹھاں دِتے دبا، ایسے کارن کلجُگ اپنی جڑ رِہا اُکھڑایا۔ مَینوُں بِن گوبِند کوئی نہ سکے بچا، گُر اوتار پیِر پَیغمبر بَیٹھے سیِس جھُکایا۔ اُچی کوُکی کہن واہوا، گوبِند گُردیو سوامی اِکو نظری آیا۔ جو آؤندی وار وِچ سنسار فتح ڈنکا آیا وجا، جےَ جَیکار اِک کرایا۔ اُس دے ہتّھ لیکھا دینا پھڑا، جوتی جوت سروُپ ہرِ، آپ اپنی کِرپا کر، اِکو دینا ساچا ور، گُر اوتار پیِر پَیغمبر سارے بَیٹھے سیِس جھُکایا۔ سِری بھگوان کہے مَیں دَیا کماوانگا۔ سوُربیِر اِک اُٹھاوانگا۔ جودھا دو جہان جناوانگا۔ اِک پرلو کال وکھاوانگا۔ سچ سلوکا اِکو راگ سُناوانگا۔ کِسے نال نہ کرے دھوکھا، کوُڑی کِریا میٹ مِٹاوانگا۔ کلجُگ نوُں اِکو دیوے اپنا مؤقع، مُکمل حال سُناوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی اِک کراوانگا۔ گُر اوتار پیِر پَیغمبر سُن سندیس، کلجُگ اُٹھ کے بھجّا واہو داہیِا۔ دوئے جوڑ پربھ اَگے ہویا پیش، دوُر دُراڈا بَیٹھا سیِس جھُکائیا۔ مَینوُں ڈر آوے اوس کولوں جِس دے سِر تے رکھے صاحِب نے کیس، نام دسمیش دہ دِشا بھےَ رِہا جنائیا۔ جِس دے بھےَ وِچ پِھردے مُلّاشیخ، مسائک نظر کوئے نہ آئیا۔ انتم پِھرے دروہی چؤداں لوک، مصلیٰ حق نہ کوئے پڑھائیا۔ اُس دا لیکھا اِکو ٹھیِک، ودّھ گھٹّ نہ کوئے کرائیا۔ اوہ کالے اُتے پا کے گیا لیک، لیکھا لیکھ نہ کوئے مِٹائیا۔ گوبِند سب دا سانجھا پیِر لاشریِک، ذات پات بھیوَ نہ کوئے وکھائیا۔ اِکو منگے سچ پریِت، نیِچاں اوُچاں گیا سمجھائیا۔ کلجُگ انتم میرا کھیل ہوئے انڈیِٹھ، انڈِٹھڑی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گوبِند لیکھا اِکو ہتّھ پھڑائیا۔ کلجُگ کہے میرے پربھ میِت، پُنہ پُنہ میری نِمسکاریا۔ چار کُنٹ مَیں پِھر کے ویکھیا مندر مسیِت، شِودوالے مٹّھ کھوج کھوجائیا۔ بِن گوبِند گُرمُکھ گُرسِکھ ساچی دِسی نہ کِسے نیِت، نیِتیِوان نظر کوئے نہ آئیا۔ پُرکھ اکال تیرے نال ہرجن وِرلا کرے پریِت، باقی بَیٹھے ڈھیریاں ڈھاہیِا۔ اِکو صاحِب تیری اُڈیِک، نیتر نَین اکّھ کُھلائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، ویلے انت منگ منگائیا۔ کلجُگ تیری آسا منسا کراں پوُر، پوُری اِچھیا آپ کرائیا۔ جوتی جلوہ دھر کے نوُر، گوبِند شبد دیاں وڈیائیا۔ شبد گوبِند حاضر حضوُر، حضرت اپنا نام رکھائیا۔ تیرا ہوُنجھے کوُڑا کرکٹ کوُڑ، چار کُنٹ کرے صفائیا۔ مان تان توڑے
غروُر، غُربت انتم دئے کھپائیا۔ محمد دا معاف نہ کرے قصوُر، جناں چِر چؤداں طبق نال لےَ کے چؤداں وار نہ سیِس جھُکائیا۔ رسنا بول کہے مَیں اوہو پڑھاں سبق، جو گوبِند دئے سمجھائیا۔ اُمت ول پِچھا پھیر نہ ویکھاں پرت، پرتینِدھ نظر نہ آئیا۔ اَگے کوئی نہ رہے فرق، فِرقہ میرا صدی چؤدھویں لیکھے لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی دھار اپنے ہتّھ رکھائیا۔ محمد کہے سُن پروردِگار، بےپرواہ تیری سرنائیا۔ تیرے حُکمے اندر کھیل کیِتا کرتار، قُدرت چار کُنٹ نچائیا۔ کلجُگ نال ناطہ جوڑ وِچ سنسار، رل مِل اپنی خوشی منائیا۔ سرِشٹ سبائی کر کے دھوُاں دھار، دیِن اِسلام اِکو ڈنک وجائیا۔ سارے بردے کر غُلام، شرع زنجیر گل پوائیا۔ نؤ کھنڈ پرِتھمی نظری آئے اِک اِسلام، رام کرِشن نظر کوئے نہ آئیا۔ کلمہ پڑھاؤ اِک کلام، کائنات اِکو رنگ رنگائیا۔ دُھر سندیسہ دیؤ پَیغام، جبرائیل میکائیل اسرافیل اِزرائیل بھجّو واہو داہیِا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرے حُکمے اندر جگت سیو کمائیا۔ سُن محمد سچ سندیس، سو صاحِب آپ جنائیندا۔ تیرا کیِتا تیری کرنی لئی ویکھ، تیرا لیکھا تیری جھولی پائیندا۔ پاربرہم پتپرمیشور پِچھلا پوُرا کرے لیکھ، اَگے اپنا حُکم ورتائیندا۔ نِروَیر پُرکھ پُرکھ اکال دیِن دَیال نِرپکّھ کھیلے کھیڈ، چار ورن اِکو رنگ رنگائیندا۔ ہِندوُ مُسلم سکھ عیسائی اندر وڑ کے دیوے اپنا بھیت، پڑدہ دوُئی دوَیت چُکائیندا۔ جِس نے اپنے لختے جِگر کیتے بھیٹ، سو تیری اُمت لیکھا نہ منگ منگائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ دوار ایکنکار درگاہ ساچی لا دربار، ساچی کرنی آپ کمائیندا۔ کلجُگ کہے پربھ میری نال محمد یاری، یاری یاری نال نِبھائیا۔ ایہدی اُمت لگّے مَینوُں پیاری، جو چُھری کرد ہتّھ اُٹھائیا۔ ذِبح کرے تیرے جیِو تن من ہوئے دُکھیاری، دُکھی کوُک دین دُہائیا۔ پاربرہم پتپرمیشور کِیوں سُتّا پَیر پساری، تیری اکّھ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے بیننتی دوئے جوڑ سُنائیا۔ سِری بھگوان پیا ہسّ، خوشی نال سُنائیندا۔ محمد ایتھے تیرا میرا کوئی نہ چلے وس، گوبِند لیکھا اپنے ہتّھ رکھائیندا۔ اُس دی چرنی جا کے ڈھٹھ، سنمُکھ تیرے نظری آئیندا۔ جِس نے تیرے پِچھے بنس سربنس لائی رتّ، رتّی رتّ ویکھ وکھائیندا۔ اُس دے کھنڑا کھڈگ چمکے ہتّھ، دو جہان سیِس نہ کوئے اُٹھائیندا۔ پُرکھ اکال پہلوں دے لئی اپنی وتھ، ہُن دِتی وتھ منگن کدے نہ جائیندا۔ ساچا مارگ دِتا دسّ، ایکنکارا آپ سمجھائیندا۔ کلجُگ کوُڑی کِریا
جڑ دینی پّٹ، لوکمات کھیڑا جھوُٹھا ڈھاہندا۔ جن بھگت سُہیلے لئے رکھ، گُر چیلے میل مِلائیندا۔ دیِن دَیال ہو کے کھولے اکّھ، نیتر لوچن پڑدہ لاہِندا۔ نظری نوُر آئے پرتکھ، ساکھیات بھیوَ چُکائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ دوارے دُھر دربارے ساچی کرنی کرتا پُرکھ اپنی کار کمائیندا۔ کلجُگ کہے محمد اُٹھ، کِیوں بَیٹھا ڈھیریاں ڈھاہیِا۔ گوبِند کولوں جا کے پُچھ، کی لیکھا تیرا لِکھائیا۔ جے تیرے اُپر جاوے تُٹھ، مِہر نظر ٹِکائیا۔ تیرا میرا دوہاں دا پیَنڈا جاوے مُک، جھگڑا چُکے جگت لوکائیا۔ اسیں چرناں ہیٹھاں جائیے لُک، جِتھے آد جُگاد ملِے سرنائیا۔ سانوُں کوئی نہ سکے پُچھ، لیکھا منگن کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ سب نوُں رِہا سُنائیا۔ کلجُگ سُن انت سندیسہ، سو پُرکھ نِرنجن آپ جنائیا۔ محمد تیرا ویکھے لیکھا، ہرِ وڈّا وڈ وڈیائیا۔ پندراں کتّک ویہہ سؤ ویہہ بِکرمی نوُں بھگت دوار کڈھے بھرم بُھلیکھا، بھانڈا بھرم بھؤ بھنّائیا۔ تخت نِواسی پُرکھ ابناشی گھٹ گھٹ واسی جوت پرکاشی ساچے دھام سوہے وڈ نریشا، نر نرائن بےپرواہیِا۔ گُر اوتار پیِر پَیغمبر بھگت بھگوان در سدّ کے کرے ہیتا، ہِتکاری ویکھ وکھائیا۔ سَتجُگ تریتا دواپرکلجُگ کیِتا قؤل کرو چیتا، چیتن سب نوُں آپ کرائیا۔ پاربرہم پتپرمیشور ٹھاکر سوامی پروردِگار سب دا بنے نیتا، دو جہان سِری بھگوان شاہ سُلطان راج راجان نؤجوان حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا بھیوَ آپ کُھلائیا۔ دُھر دا بھیوَ کھولے بھگوان، اپنے ہتّھ رکھے وڈیائیا۔ سمت سمتی ہو پردھان، اگمّ اگمّڑی کار کمائیا۔ لیکھا جان دو جہان، برہمنڈ کھنڈ پُری لوء دھرنی دھرت آکاش پرکاش ویکھ وکھائیا۔ دُھر سندیسہ نر نریشا ایکنکار ایکا دیوے سو، سو پُرکھ نِرنجن بےپرواہیِا۔ آتم پرماتم برہم پاربرہم اِیش جیِو ہنگ برہم بھیوَ کُھلائے آپے اندر ہو، ہوکا اِکو نام جنائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، چؤتھے جُگ لہنا دینا نیتر نَیناں صاحِب سَتگُر سچ سوامی آد جُگادی انترجامی پُرکھ اکال آپ جنائیا۔ سب دا لیکھا مکُے مات، سَت سَتوادی آپ مُکائیا۔ لیکھا منگے حِساب کِتاب، بہی کھاتہ پھول پھولائیا۔ حقیِقت جانے حق جناب، لاشریِک ویس وٹائیا۔ سب دی ویکھے سرب آداب، نمو سیِس کَون جھُکائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سَت سَتوادی ہو مِہروان، لیکھا دیوے ہر گھٹ آن، بچیا کوئے رہن نہ پائیا۔