کتب خانہGranth 16 (Shahmukhi)

۱۶ مگھّر ۲۰۲۰ بِکرمی ہردَیال سِنگھ دے گرِہ محلّہ کِشن پُرا جالندھر

سو پُرکھ نِرنجن کر ترس، گُر اوتار پیِر پَیغمبر وِشن برہما شِو دھیان لگائیا۔ نِرگُن نِروَیر پُرکھ اکال دے درس، ہرِ پُرکھ نِرنجن تیری سرنائیا۔ ایکنکار والی دو جہان جُگ جُگ دی مِٹا تڑپ، بِہبل ہو ہو دین دُہائیا۔ نِرگُن جوت نوُر پرکاش کر ساچی دے پرکھ، آد نِرنجن تیرا جلوہ اِکو نظری آئیا۔ دیِن دَیال ٹھاکر سوامی درس دِکھا گھر گھر وِچ پرت، ابناسی کرتے پھیرا پائیا۔ جنم جنم دا روگ سوگ چِنتا دُکھ مِٹا ہرکھ، سِری بھگوان تیری اوٹ تکائیا۔ پاربرہم پت پرمیشور سَتجُگ تریتا دواپر کلجُگ پوُری کرا لِکھت پڑھت، شاستر سِمرت وید پُران قُرآن اِنجیل نیتر نیَن رہے اُٹھائیا۔ جوتی جوت سروُپ ہرِ، آپ اپنی کِرپا کر، اِکو دے دُھر دا ور، ہرِ ٹھاکر تیری سرنائیا۔ گُر اوتار پیِر پَیغمبر منگن بھیِکھ، در بِھکھک روُپ وٹائیا۔ جُگ چؤکڑی تیری منّدے رہے حدیِث، حضرت تیری سچ پڑھائیا۔ لیکھا لِکھ شاستر سِمرت صِفت کر کر راگ چھتیِس، دند بتیِس ڈھولا گائیا۔ نِرگُن سرگُن چلاؤندے رہے ریِت، آتم پرماتم ناتا پنج تت جُڑائیا۔ سچ سندیسہ دُھر دا گاؤندے رہے تیرا گیِت، مندر مسجد شِودوالے مٹھ گُر در تیرا ناد سُنائیا۔ ہر گھٹ وسیا دسّدے رہے اتیِت، ترےَگُن اتیِتا بےپرواہیِا۔ ایکا رنگ وکھاؤندے رہے ہست کیِٹ، راؤ رنک اوُچ نیِچ نہ کوئے وڈیائیا۔ جُگ چؤکڑی گئے بیِت، کلجُگ ویلا انتم آئیا۔ سرِشٹ سبائی بُھلی تیری حدیِث، ساچا کلمہ نہ کوئے سُنائیا۔ من واسنا کوئی نہ سکے جیِت، جگت ترِسنا پِھرے ہلکائیا۔ مِٹھا کؤڑا کوئی نہ کرے ریِٹھ، وِکھ امرت روُپ نہ کوئے وٹائیا۔ کایا کرے نہ کوئی ٹھانڈی سیِت، اٹھسٹھ تیِرتھ تاریاں رہے جگت لائیا۔ تیرے چرن کوئی نہ بنّھے پریِت، پریِتیوان نظر کوئے نہ آئیا۔ چھتر جھُلے نہ کِسے سیِس، راج راجان شاہ سُلطان بَیٹھے ڈھیریاں ڈھاہیِا۔ کر کھیل آپ انڈیِٹھ، صاحِب سَتگُر تیری سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، پُرکھ اکال تیری سرنائیا۔ پُرکھ اکال تیری اوٹ، دو جہان دھیان لگائیندا۔ برہمنڈ کھنڈ رکھّن تیری اوٹ، لوک پرلوک تیرا راہ تکائیندا۔ گُر اوتار پیِر پَیغمبر کہن سچ نگارے لا چوٹ، نام ڈنکا اِک سُنائیندا۔ کلجُگ انتم لکّھ چؤراسی گھر گھر اندر بھریا کوُڑا کھوٹ، سچ سُچ روُپ نہ کوئے وکھائیندا۔ کایا مندر کِسے نظر نہ آئے جگدی جوت، جوتی جاتا روُپ نہ کوئے وکھائیندا۔ کوُڑی واسنا سارے بھوگن بھوگ، آتم سیجا کوئی نہ سوبھا پائیندا۔ مدھ

پیالے کیتے مدہوش، سُرتی شبد نہ کوئے مِلائیندا۔ تیرا لیکھا کوئی نہ سکے سوچ، سوچیاں ہتّھ کِسے نہ آئیندا۔ پُرکھ اکال پروردِگار سانجھے یار کِیوں بَیٹھا خاموش، جوتی جوت سروُپ ہرِ، آپ اپنی کِرپا کر، اِکو دے سچّا ور، در تیرے منگ منگائیندا۔ در منگے منگ پرِتھمی آکاش، منڈل منڈپ دھیان لگائیا۔ کِرپا کر پُرکھ ابناس، ابناسی کرتے تیرے ہتّھ وڈیائیا۔ ساچے منڈل پاوے کوئی نہ راس، گوپی کاہن روُپ نہ کوئے وٹائیا۔ کوُڑی کِریا کھیل تماش، ناری نر رہے وکھائیا۔ سچ گھر نہ دِسے کوئی واس، منڈل منڈپ بَیٹھے ڈیرہ لائیا۔ چاروں کُنٹ اندھیری رات، ساچا چند نہ کوئے چمکائیا۔ ساچی پٹّی پڑھے نہ کوئی کِتاب، چؤداں وِدیا ہوئی ہلکائیا۔ کلمہ حق نہ جانے کائنات، نبی رسوُل پڑدہ سکے نہ کوئے اُٹھائیا۔ مُکھ پردہ ویکھ نقاب، پروردِگار پھیرا پائیا۔ سچ رباب وجائے نہ کوئے احباب، تار ستار نہ کوئے ہِلائیا۔ ساچے سجدے کرے نہ کوئے آداب، سیِس جگدیِش نہ کوئے نِوائیا۔ حُجرہ دِسے نہ کِسے محراب، محبوُب درس کوئے نہ پائیا۔ خالق خلق ویکھ آپ، مخلوُق اپنا ویس وٹائیا۔ پیِر پَیغمبر تیرے داس، بن بردے سیو کمائیا۔ کلجُگ انتم رکھّی آس، صدی چؤدھویں دھیان لگائیا۔ چؤداں طبق بُجھا پیاس، آب حِیات مُکھ چوائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، دُھردرگاہی ویکھ وکھائیا۔ دُھردرگاہی پُرکھ اکال، اکل کل تیری سرنائیا۔ سَت سوامی ہو دَیال، دیِناں ناتھ ویکھ وکھائیا۔ نوَ نؤ چار دِسے بےحال، دھیِرج دھیِر نہ کوئے دھرائیا۔ لگّی اگّ کایا ماٹی کھال، پنج تت سیِتل دھار نہ کوئے وہائیا۔ نِرگُن سرگُن دِسے نہ کِسے نال، پڑدہ اوہلا سارے بَیٹھے پائیا۔ بِن تیرے نام ہوئے کنگال، شاہ پاتشاہ دین دُہائیا۔ آ کے ویکھ مُریداں حال، مُرشد اپنا ویس وٹائیا۔ چاروں کُنٹ ترےَگُن مایا پیا جنجال، جاگرت جوت نہ کوئے رُشنائیا۔ ساچی گھالن کوئی نہ رہیا گھال، جوتی جوت سروُپ ہرِ، آپ اپنی کِرپا کر، اِکو دینا دُھر دا ور، ور داتے بےپرواہیِا۔ دھرنی دھرت دھوَل رہی کوُک، نعرہ اِکو اِک جنائیا۔ کلجُگ اگنی رہی کوُک، سانتک سَت نہ کوئے ورتائیا۔ کِسے گھر نہ دِسے کوئی سُکھ، دُکھاں بھری لوکائیا۔ چار ورن اُجل دِسے نہ کوئی مُکھ، برن اٹھاراں کالکھ ٹکِاّ شاہی نہ کوئےدھوائیا۔ سِری بھگوان تیرے نالوں تیرے بَیٹھے رُٹھ، گُر کا شبد سارے رہے بُھلائیا۔ کام کرودھ لوبھ موہ ہنکار سب نے کیِتا رُخ، من واسنا چاروں کُنٹ بھوائیا۔ کِسے مندر گرِہ گھر کھیڑے دِسے نہ سچ سُچ، جوُٹھ جھوُٹھ کرے لڑائیا۔ پروردِگار سانجھے یار خالق خلق آ کے پُچھ، بےنظیِر شاہ حقیِر شہنشاہ اُٹھائیا۔ جگت

وِکار وڈ ہنکار آ کے کُٹ، نام کھنڈا تیز کٹارا ہتّھ چمکائیا۔ کلجُگ انت سِری بھگوَنت پرم پُرکھ پیَنڈا رہیا مُک، دوُر دُراڈی واٹ انتم نیڑے آئیا۔ بھگت بھگوان سنت سُہیلے گُرمُکھ سجّن اپنی گودی چُک، پھڑ باہوں گلے لگائیا۔ تیرا بوُٹا کدے نہ جائے سُک، امرت میگھ سِنچ ہرا کرائیا۔ سچکھنڈ دوارے گِرور گِردھارے کِیوں بَیٹھا لُک، مُکھ پردہ دے اُٹھائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، گھر ساجن پھیرا پائیا۔ گھر سجّن آ پربھ میرے، نیتر نیَن نیَن دھیان لگائیا۔ تُدھ بِن وسدے اُجڑے کھیڑے، خالی بُت دین دُہائیا۔ تیرے نام دے پئے جھیڑے، جھگڑا سکے نہ کوئے مُکائیا۔ کلجُگ ویکھ کوُڑے گیڑے، لکّھ چؤراسی رہیا بھوائیا۔ کوئی نہ وسے تیرے نیڑے، دوُر دُراڈے بھجّن واہو داہیا۔ جوتی جوت سروُپ ہرِ، آپ اپنی کِرپا کر، آ کے ویکھ اپنا گھر، لوکمات ویس وٹائیا۔ لوکمات کھول تاکی، طاقتور تیری اوٹ تکائیا۔ سمرتھ پُرکھ مار جھاتی، بند کِواڑی کُنڈا لاہیِا۔ لیکھا ویکھ مانَس خاکی، خاک وِچ رُلی تیری لوکائیا۔ تیرے نام توں سارے ہوئے عاقی، عقل کمّ کِسے نہ آئیا۔ کوُڑی کِریا مایا ممتا وِکے ہاٹی، کلجُگ بن ونجارا ہٹّ وِکائیا۔ ساچا ملِے نہ کوئے ساتھی، سگلا سنگ نہ کوئے رکھائیا۔ رسنا جِہوا بتّی دند شاستر سِمرت وید پُران کرن پاٹھی، انتر آتم تیرا ناؤں نظر کِسے نہ آئیا۔ بھرمے بُھلے ذات پاتی، تیرا روُپ نہ کوئے درسائیا۔ کِرپا کر کملاپاتی، جوتی جوت سروُپ ہرِ، آپ اپنی کِرپا کر، اِکو دے ساچا ور، سچ تیری اوٹ تکائیا۔ تیری اوٹ رہے تکّ، وِشن برہما شِو نیَن اُٹھائیندا۔ گُر اوتار رہے تھک، جُگ چؤکڑی پندھ نہ کوئے مُکائیندا۔ پیِر پَیغمبر در منگن حقیِقت حق، دوئے جوڑ سیِس نِوائیندا۔ ترےَگُن مایا رہی ڈھٹّھ، پنج تت ویکھ کُرلائیندا۔ لکّھ چؤراسی کوُڑی کِریا کلجُگ انتم گئی پھس، فَیصلہ سچ نہ کوئے سُنائیندا۔ تیرے نام دا ملِے نہ کِسے رس، رسنا جِہوا جگت ہلکائیندا۔ آ کے ویکھ کھیڑا اٹّھ تت، اپ تیج وائے پرِتھمی آکاش من مت بُدھ تیرا راہ تکائیندا۔ آتم پرماتم تیرا ستّھر رہی گھت، تُدھ بِن یارڑے ستّھر نہ کوئے ہنڈھائیندا۔ ناڑ بہتّر اُبلے رت، رتی رت نہ کوئے وکھائیندا۔ کِرپا کر پُرکھ سمرتھ، نیتر نیَن سرب بِللائیندا۔ آ کے کھول اپنی اکّھ، جوتی جوت سروُپ ہرِ، آپ اپنی کِرپا کر، اِکو دینا دُھر دا ور، نیتر نیَن سرب اُٹھائیندا۔ نیتر نیَن رہے کھول، اکّھ پرتکھ جنائیا۔ پاربرہم پربھ سچ وجا ڈھول، ڈھول دو جہاناں ناد سُنائیا۔ دھرم دوارا اِکو کھول، جن بھگت لےَ جگائیا۔ ہر گھٹ اندر جا مؤل، مؤلا اپنا روُپ وٹائیا۔ سَتجُگ تریتا دواپر کلجُگ گُر اوتاراں نال جو کیِتا

قؤل، انتم پوُرا دے کرائیا۔ کر پرکاش اُپر دھؤل، دھرنی دھرت دھوَل اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے آس رکھائیا۔ در رکھی آس سِری بھگوَنت، چار جُگ نیَن اُٹھائیا۔ کلجُگ انتم کھیل کرے بےانت، مہما اکتھ کتھ سکے کوئے نہ رائیا۔ بھید نہ جانے کوئی سنت، روُپ ریکھ سکے نہ کوئے جنائیا۔ گُر اوتار پیِر پَیغمبر کہن بےانت، بےانت بےانت کہہ کہہ پلّوُ سرب چُھڑائیا۔ بِن تیرے تیرا کوئی نہ جانے منت، منتوَ ہتّھ کِسے نہ آئیا۔ تیرا کھیل جُگو جُگنت، جُگ چؤکڑی دھار بندھائیا۔ بودھ اگادھا بنے پنڈت، ساچی سِکھیا سچ سمجھائیا۔ دیوے دات جیرج انڈج، اُتبُھج سیتج روُپ وکھائیا۔ دوُجے در کدے نہ جاوے منگت، دیونہار اِک ہو آئیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرا سوبھا پائیا۔ در منگن اٹھاراں بھگت، کبیِر جُلاہا نال رلائیا۔ پاربرہم تیرا ساچا وقت، گُر اوتار لیکھا دیوے لِکھائیا۔ نِرگُن ہو کے مات پرت، سرگُن تت نہ کوئے جنائیا۔ غریِب نِمانے اُتے کر ترس، کوجھے کملے گلے لگائیا۔ لکّھ چؤراسی وِچوں پرکھ، نام کسوٹی اِکو لائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، شاہ پاتشاہ شہنشاہ تیرے اَگے اِکو آس رکھائیا۔ کبیِر کہے پربھ ٹھاکر سوامی، سوبھاونت تیری وڈیائیا۔ کلجُگ انتم دے نِشانی، سَت سروُپ اِک سمجھائیا۔ پڑھ پڑھ سارے تھکّے تیری بانی، بان نِرالا تیِر نہ کوئے لگائیا۔ بِن تیری کِرپا کِسے نہ ملِے پد نِربانی، چؤتھے گھر نہ کوئے سمائیا۔ شاستر سِمرت وید پُران تیری مہما دی اکتھ کہانی، اکھّر اکھّر جوڑ جُڑائیا۔ قلم شاہی جگت بنی بال انجانی، تیری سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، جن بھگتاں ہو آپ سہائیا۔ بھگت کہن پربھ بھگت جن، اپنے رنگ رنگائیا۔ لیکھا چُکے واسنا من، من منسا رہن نہ پائیا۔ لگّے بھاگ پنج تت تن، تتو تت دے سمجھائیا۔ کر پرکاش نیتر انّھ، اگیان اندھیر مِٹائیا۔ دُھر دا راگ سُنا کنّ، شبد انادی ناد وجائیا۔ بھانڈا بھرم بھؤ دے بھنّ، گھڑن بھنّنہار تیرے ہتّھ تیری وڈیائیا۔ وست امولک دے دھن، سچ بھنڈارا آپ ورتائیا۔ جوتی جوت سروُپ ہرِ، آپ اپنی کِرپا کر، اِک وکھا سچّا گھر، جِس گھر تیرا کھیل نظری آئیا۔ سچّا کھیل دسّ بھگوان، چؤتھے جُگ سارے دھیان لگائیا۔ جِس دا لیکھا لِکھ لِکھ دِتا بیان، قلم شاہی بند کرائیا۔ ڈھولا گایا رسنا زبان، بےزبان تیری کری پڑھائیا۔ کلمہ نبی رسوُل جنایا کلام، کائنات کر شنوائیا۔ کِرپا کر وڈ امام، محمد تیری اوٹ تکائیا۔ عیسیٰ موُسیٰ بردے

بن غُلام، دھوُڑی خاک رہے رمائیا۔ پروردِگار کر پہچان، ویلا وقت آپ سُہائیا۔ ساڈی تیرے اَگے سلام، دوُجا کعبہ نظر کوئے نہ آئیا۔ کلجُگ ویکھ انت حَیران، اُمت نبی رسوُل گئی بُھلائیا۔ تیرا جانے نہ کوئی پَیغام، آیت شریعت نہ کوئی وڈیائیا۔ ہؤں بالے تیرے انجان، تیرا انت کہن کوئے نہ پائیا۔ بن پیشوا منگدے گئے دان، تیرے اَگے جھولی ڈاہیا۔ کلجُگ انتم ویکھے آن، وڈ پیِرن پیِر بےپرواہیِا۔ جوتی جوت سروُپ ہرِ، آپ اپنی کِرپا کر، آ کے ویکھ اپنا در، در بدر اپنا پھیرا پائیا۔ در بدر ویکھ پربھ خالق، خلیِل تیری سرنائیا۔ چاروں کُنٹ دِسے نہ کوئی پالک، پرِتپالک کرے نہ کوئے لوکائیا۔ گُر اوتار پیِر پَیغمبر جو لوکمات بنائے ثالث، سارے پلّوُ گئے چُھڑائیا۔ تُدھ بِن لکّھ چؤراسی کرے نہ کوئی خالص، سَت سروُپ نہ کوئے وٹائیا۔ جیِواں جنتاں سادھاں سنتاں کوُڑی نِندرا لاہ آلس، سچ ہُلارا اِک لگائیا۔ جوتی جوت سروُپ ہرِ، آپ اپنی کِرپا کر، اِک وِکھاؤنا دُھر دا در، جِس گرِہ بہہ کے اپنا کاج رچائیا۔ جِس گھر بہہ کے کرے کاج، سو مندر دینا وکھائیا۔ جِس مندر بہہ کے مارے آواز، دُھر سندیسہ اِک سُنائیا۔ جِس سندیسے اندر تیرا راگ، کوئی سمجھ سکے نہ رائیا۔ جوتی جوت سروُپ ہرِ، آپ اپنی کِرپا کر، سچ وکھاؤنا اِک گھر، جِس گرِہ بہہ کے اپنا راگ الائیا۔ جِس مندر بہہ سُناویں راگ، تِس ملِے مان وڈیائیا۔ جِس گھر جگے چراغ، بِن تیل باتی رُشنائیا۔ جِس در رکھّیں لاج، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سچ وکھاؤنا اپنا در، در درویش بَیٹھے دھیان لگائیا۔ در وکھاؤنا پربھ ٹھاکر ایک، ایکنکار تیرے اَگے منگ منگائیا۔ کلجُگ انتم جِس بِدھ بھگتاں دیویں ٹیک، سِر اپنا ہتّھ ٹِکائیا۔ من مت بُدھ اِکو وار کریں بِبیک، نام رنگ سچ رنگائیا۔ کوُڑی کِریا اپنے چاڑھیں بھیٹ، جوتی جوت سروُپ ہرِ، آپ اپنی کِرپا کر، اِکو دینا اگمّی ور، مِہروان اپنا رنگ وکھائیا۔ مِہروان وکھاؤنا رنگ، سب بَیٹھے دھیان لگائیا۔ صدی بیِسویں رہی لنگھ، گھڑی پل نہ ونڈ ونڈائیا۔ گُر اوتار پیِر پَیغمبر تیرا سُننا چاہُندے چھند، شہنشاہ ساچا راگ الائیا۔ گُرمُکھ گُرسِکھ ہرجن ہربھگت کِس بِدھ دیویں اِک انند، انند انند وِچوں پرگٹائیا۔ جنم جنم دی ٹُٹی دیویں گنڈھ، ڈوری نام تند بندھائیا۔ تیری آتم پرماتم کدے نہ ہووے رنڈ، بن سُہاگن خوشی منائیا۔ ساچے مندر لاویں انگ، انگیکار اِک ہو جائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، گھر ساچے خوشی منائیا۔ گھر ساچے ویکھو وسے بھگوان، ہرِ بھگوَن دَیا کمائیا۔ ویہہ دس دا کھیل مہان،

ہرِ کرتا دئے جنائیا۔ نِرگُن سرگُن ملِے آن، دوُر دُراڈا پندھ مُکائیا۔ سنت سُہیلے لئے پہچان، لکّھ چؤراسی وِچوں پھول پُھلائیا۔ سچ دوارے بہہ بہہ دیوے دان، داتا دانی آپ ورتائیا۔ گُرمُکھ بنائے سچّا کاہن، مُکھ بنسری نام وجائیا۔ دُھر دوار وکھائے اِک مکان، سچکھنڈ ساچے پڑدہ لاہیِا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دیوے وڈیائی غریِب نِمانے، رحمت اپنی سچ کمائیا۔ تختوں لاہے راجے رانے، شاہ سُلطاناں خاک مِلائیا۔ جن بھگتاں بنّھے دھرمی گانے، ڈوری تند نظر کِسے نہ آئیا۔ ایتھے اوتھے دو جہان سِری بھگوان دیوے مانے، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، گُر اوتاراں پیِر پَیغمبراں ساچی وار ساچی تِھت، پُرکھ ابناسی کر کے ہِت، دیِن دَیال ساچا مِت، مِتر پیارا دئے وکھائیا۔ گُر اوتار پیِر پَیغمبر آؤ اَگے، دوُر دُراڈے لیا بُلائیا۔ کرے کھیل سوُرا سربگے، شہنشاہ اپنا حُکم ورتائیا۔ ہرجن ویکھے اپنے رنگ رنگے، رنگ رنگیِلا اِکو نظری آئیا۔ غریِب نِمانے آپے جانے چنگے مندے، وڈ داتا وڈ وڈیائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار پیِر پَیغمبر اِک دوُجے ولّ تکّن، نیتر نیَن نیَن اُٹھائیا۔ کلجُگ ویکھو پاربرہم پربھ بھگتاں آیا رکھّن، نِرگُن اپنا ویس وٹائیا۔ کوُڑی کِریا جڑ آیا پُٹن، لوکمات رہن نہ پائیا۔ سنت سُہیلے مارگ ساچا آیا دسّن، دُھر دی کرے پڑھائیا۔ ہِردے اندر آیا وسن، سَت سروُپ سمائیا۔ جوتی جوت سروُپ ہرِ، آپ اپنی کِرپا کر، لکّھ چؤراسی وِچوں وِرولے مکھّن، سچ مدھانا نام رکھائیا۔ گُر اوتار پیِر پَیغمبر سارے ویکھن اُٹھ، لوکمات دھیان لگائیا۔ پرم پُرکھ پربھ گیا تُٹھ، دیِن دَیال دَیا کمائیا۔ جن بھگتاں دوارے رہیا جھُک، سیِس جگدیِش رہیا نِوائیا۔ نِردھناں نِمانیاں رہیا پُچھ، گھر گھر صدا نام سُنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار پیِر پَیغمبر اِک دوُجے نوُں کہن ویکھو تھِت آئی سولاں مگھّر، دو جہاناں وجےّ ودھائیا۔ ویہہ سؤ دس بِکرمی جِس پوُری کیِتی سدھر، آسا ترِسنا میٹ مِٹائیا۔ سو نِروَیر پُرکھ نِرگُن روُپ آیا بدل، جوتی جاتا نظر کِسے نہ آئیا۔ کلجُگ انتم کرے ساچا عدل، عدالت اِکو اِک رکھائیا۔ جن بھگت چڑھائے اپنی منزل، سچ دوارے دئے پُچائیا۔ آپے ہوئے جن بھگتاں ہردِل، عزیز اپنا روُپ وٹائیا۔ جوتی جوت سروُپ ہرِ، آپ اپنی کِرپا کر، ساچی رُتڑی اِک سُہائیا۔ آؤ ویکھو رُت سُہندی، گُر اوتار رہے جس گائیا۔ دیِن دَیال بن بخشندی، بخشش اپنی رہیا کمائیا۔ جن بھگتاں پھوُلن دیوے نام سُگندھی، دُھر دی

وست اِک ورتائیا۔ کر کِرپا کڈھے وِچوں واسنا گندی، دُرمت مَیل دھوائیا۔ سَت دھرم دی دسےّ اِکو ڈنڈی، آتم پرماتم راہ چلائیا۔ کرے سُہاگن آتم رنڈی، ہرِ کنت میل مِلائیا۔ در تے رہن نہ دیوے کوئی بھیکھ پکھنڈی، کوُڑی کِریا ڈیرہ ڈھاہیا۔ اِکو ڈھولا سُنائے سچّا چھندی، شہنشاہ اپنا راگ الائیا۔ توڑنہارا خانہ بندی، لکّھ چؤراسی پھند کٹائیا۔ جوتی جوت سروُپ ہرِ، آپ اپنی کِرپا کر، ہرجن سچّے رہیا وڈیائیا۔ آؤ ویکھو پربھ کھیل کرے انمُل، ہرِ کرتا بھیو چُکائیا۔ لوکمات دا گُلشن ویکھو سچّا گُل، گُرمُکھ رہیا مہکائیا۔ پربھ غنچے وِچوں پرگٹ ہویا پُھل، واسنا اپنا پریم رکھائیا۔ سچ پریِتی گیا گھُل، ہرِ گھولی گھول گھُمائیا۔ گُرمُکھ گُرسِکھ ہرجن ہربھگت لوکمات نہ جان رُل، پھڑ باہوں لئے اُٹھائیا۔ ساچے کنڈے تولے تول، تولنہارا اِکو نظری آئیا۔ جوتی جوت سروُپ ہرِ، آپ اپنی کِرپا کر، جن بھگتاں ویکھے چائیں چائنیا۔ جن بھگتاں ویکھ پربھ ہرِ ٹھاکر، نِرگُن نِروَیر پھیرا پائیا۔ کلجُگ پار کرائے ڈوُنگھا ساگر، نئیا نؤکا نام اِک چڑھائیا۔ مِہروان ہرِ کرتا قادر، ظاہر ظہوُر نظری آئیا۔ صبر پیالہ دیوے اِکو ساغر، صِدق صبوُری اپنے چرن رکھائیا۔ نِرمل کرم کرے اُجاگر، دُرمت مَیل دھوائیا۔ ساچا ونج اِک وکھائے بن سؤداگر، سؤدا اپنے ہٹّ وِکائیا ، جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دیوے وڈیائی مگھّر تھِت، ودی سُدی نہ نال رلائیندا۔ غریِب نِمانیاں کر کر ہِت، جُگ وِچھڑے میل مِلائیندا۔ جِس نوُں جُگ چؤکڑی سارے لبھدے نِت، سو نوِت بھگتاں اپنی کار کمائیندا۔ نِرگُن ہو کے بنیا پِت، سرگُن روُپ رنگ نہ کوئے وکھائیندا۔ سنت سُہیلے پریم پریِتی نال لئے کھِچ، رسنا جِہوا نہ بول سُنائیندا۔ کایا مندر اندر ڈوُنگھی بھوَری وڑے وِچ، آپ اپنا مُکھ چُھپائیندا۔ بھیو چُکائے گھر نِج، نِج آتم امرت رس چوائیندا۔ پربھ سچّے مِلن دی دُھر دی بِدھ، شبدی شبدی آپ سمجھائیندا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیندا۔ دُھر دا لیکھا رہیا ویکھ، ویکھنہارا نظر کِسے نہ آئیا۔ جن بھگتاں کرے سچّا ہیت، ہِتکاری پھیرا پائیا۔ ہرِ بھگت پُھلواڑی مؤلے رُت بسنتی چیت، خِزاں روُپ نہ کوئے وٹائیا۔ پرم پُرکھ دا آد جُگاد جُگا جُگنتر کھیڈ، کوئی سمجھ سکے نہ رائیا۔ سَتجُگ تریتا دواپر کلجُگ نؤ سؤ چُرانوے جُگ گُر اوتاراں پیِر پَیغمبراں رہیا بھیج، انتم اپنا پھیرا پائیا۔ شاستر سِمرت دے دے گئے سندیس، گُر اوتار پیِر پَیغمبر واک بھوِکھت جنائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ہرجن ساچے لئے مِلائیا۔

ہرجن مِلیا ٹھاکر اِکو، پربھ ایکا نظری آئیا۔ آد جُگاد جُگ چؤکڑی دیوے دُھر دی ٹیکو، ٹِکاّ دھوُڑی مستک نام اِک لگائیا۔ پتت پُنیِت کرے بُدھ بِبیکو، وِویکی اپنا رنگ رنگائیا۔ پُرکھ اکال دیِن دَیال ہرجن سنت سُہیلے سدا چیتو، چِت وِت ٹھگؤری کوئے نہ پائیا۔ انتر آتم پرماتم نِج نیتر پیکھو، باہر دوئے لوچن لبھن کوئے نہ جائیا۔ صاحِب سَتگُر گودی بہہ بہہ کھیڈو، سچ ہُلارا اِکو اِک وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِرگُن اپنے رنگ رنگائیا۔ نِرگُن رنگ رنگائے آتم چمّ، ماٹی نظر کوئے نہ آئیا۔ پُرکھ اکال کرے اپنا کمّ، نِہکرمی اپنی کار کمائیا۔ جِس دے ہتّھ مرن جنم، جنم مرن دوویں اپنی جھولی پائیا۔ سو پُرکھ اکال دیِن دَیال کلجُگ انتم بخشے اِکو سرن، سرنگت اِک سمجھائیا۔ بھےَ بھیانک بھؤ چُکے مرن ڈرن، ڈرن مرن رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا گھر اِکو اِک وکھائیا۔ گُر اوتار پیِر پَیغمبر گھر ویکھو سچ، ہرِ ساچا سچ بُجھائیندا۔ سِری بھگوان نؤجوان مرد مردان جن بھگتاں ملِے ہسّ ہسّ، رُت سُہنجنی آپ سُہائیندا۔ سَت سَتوادی برہم برہمادی شبد انادی مارگ دسّ، رہبر اِکو راہ چلائیندا۔ جوت پرکاش گھر گھر نِواس، بن داسی داس سیوک سیو کمائیندا۔ دوُر دُراڈے سدّے پاس، جنم جنم دی پوُری کرے آس، کرم کرم دا روگ کٹائیندا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ساچی کرنی آپ کمائیندا۔ ساچی کرنی کرے پربھ اپنی کُل، کُلونتا ویکھ وکھائیا۔ جن بھگتاں پائے قیمت مُل، ہرِ کرتا آپ چُکائیا۔ ویہہ سد اُنی پنج اَسوُ جو گئے بُھل، سو بُھل لیکھے رہیا لگائیا۔ دوآبہ سنگت دیوے اِک اِک پُھل، پنج پوہ ویکھ وکھائیا۔ سچ دوارے پُھلواڑی جائے پُھل، نام مہک اِک مہکائیا۔ کرے کھیل آپ ابُھل، بُھل وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ساچی کرنی آپ کمائیا۔ پنج پوہ دا وِہارا سَت، سَت سَت وڈیائیندا۔ جاندا جاندا دئے رکھّ، سِر اپنا ہتّھ ٹِکائیندا۔ ہرِسنگت اپنے نال لےَ کے آؤنی پُھل وتھ، دُھر سندیسہ آپ الائیندا۔ کِرپا کرے پُرکھ سمرتھ، سمرتھ ساچی کار کمائیندا۔ جوتی جوت سروُپ ہرِ، آپ اپنی کِرپا کر، تِنّ پنج آپ وڈیائیندا۔ تِنّ پوہ بدھک لیکھا، ہرِ سَتگُر پوُر کرائیا۔ پنج پوہ عاشق بُھلیکھا، معشوُق دئے سمجھائیا۔ دوہاں رکھیا دُھر دا چیتا، سِری بھگوان ہوئے سہائیا۔ پنج سِکھ نال بنائے نیِتا، نِرگُن اپنا حُکم ورتائیا۔ جنم وِچوں جنم دی پھیر بدلے ریکھا، مانَس مانَس نال مِلائیا۔ جوتی جوت سروُپ ہرِ، آپ

اپنی کِرپا کر، جن بھگتاں کارن آیا پَیج سوارن، بنائے ساچی دھارن، دھرنی دیونہار وڈیائیا۔ تِنّ پوہ بدھک مُکن والا پندھ، لوکمات پیَنڈا نظر نہ آئیا۔ پنج پوہ ڈُبن والا چند، آپ اپنا مُکھ چُھپائیا۔ ہرِسنگت تیرے نال مِل کے دوہاں بیڑا دیوے بنّھ، آپ اپنے کندھ اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہروان ہوئے سہائیا۔ مِہروان سدا سُکھدائک، سُکھ ساگر ویکھ وکھائیا۔ پرم پُرکھ پربھ ساچا نائک، نِرگُن داتا وڈ وڈیائیا۔ ہرِسنگت کرے اِک ہدایت، حاضر ہو سمجھائیا۔ بخشش رحمت جن بھگتاں اُتے عنایت، پروردِگار آپ جنائیا۔ پنج پوہ در آؤن دی کرے نہ کوئے کفایت، مِہروان ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، چار اٹّھ لیکھا لِکھے تھاؤں تھائنیا۔ چار اٹّھ انک جوڑ اٹھتالی، سولاں پہر سولاں مگھّر دئے وڈیائیا۔ جن بھگتاں پِچھے بنے پالی، پرِتپالک پھیرا پائیا۔ لیکھے لائے پتّ ڈالی، پُھل پاتی ویکھ وکھائیا۔ پوُرب جنم جِنہاں گھال گھالی، تِنہاں لیکھا رہیا سمجھائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ہرجن ساچے لئے ترائیا۔ اِک اِک پُھل دیؤ ونڈ، ہرِ ونڈن ونڈ ونڈائیا۔ جِس وِچ بھری نام سُگندھ، خوشیاں روُپ وٹائیا۔ سو بھگتاں نال گھر جائے نِسنگ، بن کے پاندھی راہیِا۔ راتیں سُتّیاں دئے انند، دِنے خُمار چڑھائیا۔ تِنّ دِن سارے گھر وِچ منگنی منگ، دوئے جوڑ دھیان لگائیا۔ کِرپا کر پربھوُ بخشند، بخشنہار تیری وڈیائیا۔ گُرمُکھاں نالوں نہ ٹُٹے ساڈا سنگ، صدی بیِسویں نہ ہوئے جُدائیا۔ اَگے ویکھیئے تیرا رنگ، کی وجےّ سچ ودھائیا۔ عاشق چُھپے نہ تیرا چند، بدھک گھاؤ نہ کوئے لگائیا۔ ہرِسنگت تیرے پِچھے ٹُٹی دئے گنڈھ، جنم کرم کرم جنم پھیر بنائیا۔ کِرپا کرے سوُرا سربنگ، سوُربیِر سچّا شہنشاہیِا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ پھوُلن برکھا لائن پُھل، کلی کلی مہکائیا۔ تیرے نالوں وِچھڑے گئے بُھل، بھرم پیا لوکائیا۔ جُگ چؤکڑی مایا ممتا گئے رُل، کرتے قیمت کوئے نہ پائیا۔ دھنّ بھاگ تُوں بنائیں اپنی کُل، کُلونت تیری سرنائیا۔ تیرا بوُٹا کدے نہ جائے ہُل، سِنمل روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، ہرجن ساچے پھیر جوائیا۔

۱۷ مگھّر ۲۰۲۰ بِکرمی جسونت سِنگھ دے گرِہ کرتار پُر ضِلع جالندھر

ساچی بھگتی بھگوَن پریِت، سِری بھگوان آپ بنائیا۔ جِس دی کرے نہ کوئی ریِس، کوٹن کوٹ دھیان لگائیا۔ ہرِ سرنائی جگت واسنا لئے جیِت، سَت سروُپ سمائیا۔ مِٹھا کرے کایا کؤڑا ریِٹھ، امرت رس سچ بھرائیا۔ سدا سُہیلا وسے چیِت، سگلا سنگ نِبھائیا۔ لوکمات ساچی ریِت، سو صاحِب سَتگُر آپ سمجھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ساچی بھگتی سَتگُر چرن پیار، لوکمات اِک جنائیا۔ گُرمُکھ گُرسِکھ دیوے آدھار، سنت سُہیلے دھیِر دھرائیا۔ بھگت بھگوان لئے اُٹھال، سِر اپنا ہتّھ ٹِکائیا۔ شبد سروُپی بن دلال، ساچا ونج آپ کرائیا۔ لیکھے لائے ہرجن گھال، کرتا قیمت آپے پائیا۔ سچ پریِتی جو جن رہے بھال، تِنہاں اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ہرجن اِکو بوُجھ بُجھائیا۔ ساچی بھگتی سَتگُر ہِت، ہِتکاری اِکو نظری آئیندا۔ لیکھ الیکھا دئے لِکھ، لِکھیا لیکھ آپ مِٹائیندا۔ اندر وڑ کے کھولے بھیت، بھید ابھید چُکائیندا۔ نظری آئے نیتن نیت، نِج نیتر درس دِکھائیندا۔ جگت مایا نہ لائے سیک، تت اگنی آپ بُجھائیندا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیندا۔ ساچی بھگتی سَتگُر سنگ، ہرِ کرتا آپ جنائیندا۔ کایا چولی چڑھے رنگ، سَت سروُپ وکھائیندا۔ گھر سُنائے اپنا چھند، ساچا راگ الائیندا۔ اگلا پِچھلا میٹ پندھ، ٹھانڈے گھر بہائیندا۔ جوتی جوت سروُپ ہرِ، آپ اپنی کِرپا کر، جِس جن اپنی بھگتی لائیندا۔ جِس جن بھگتی لائے آپ بھگوَنت، اپنی دَیا کمائیا۔ تِس لیکھا لِکھے بودھ اگادھا مہما اگنت، پردہ دُئی دوَیت اُٹھائیا۔ مانَس جنم بنائے بنت، لکّھ چؤراسی وِچوں دئے وڈیائیا۔ ناؤں دھرائے ہرِ سجّن سنت، سنت سَتگُر روُپ ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، جِس اپنے راہ چلائیا۔ بھگتی مارگ دسےّ آپ، ناتا اپنے نال جُڑائیا۔ گھر مِلاوا ہرِ سَتگُر سجّن ساک، باہر ٹولن کوئے نہ جائیا۔ گرِہ مندر کھولے بند کواڑی تاک، پردہ اپنا آپ پرے ہٹائیا۔ ساچا دے نام نِدھان جاپ، اِشنان چرن دھوُڑ کرائیا۔ جوتی جوت سروُپ ہرِ، آپ اپنی کِرپا کر، سچ پریِتی دیوے پاٹھ، پُستک ہتّھ نہ کوئے پھڑائیا۔ پُستک پاٹھ نہ کوئے کِتاب، اکھّر اکھّر نہ کوئے سمجھائیا۔ ہربھگت اندرے اندر کرائے اپنا جاپ، بِن رسنا جِہوا راگ الائیا۔ آتم پرماتم سُنائے گاتھ، دُھر سندیسہ اِک جنائیا۔ پتن ویکھ پربھ بَیٹھا گھاٹ، بن

کھیوٹ کھیٹ ملاہیِا۔ جوتی جوت سروُپ ہرِ، آپ اپنی کِرپا کر، ہرجن لیکھا لیکھے پائیا۔ جن بھگت بھگتی رنگ رتا، رتی رت رت سُکائیا۔ پُرکھ اکال دیِن دَیال سَتگُر پوُرے ٹیکو اِکو متھا، دوُجے سیِس نہ کِسے نِوائیا۔ جگت وِکار کرے ہتا، ہّتیا بِن چُھری کٹار حلال وکھائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ہرجن لیکھا لیکھے وِچوں سمجھائیا۔ بھگتی لیکھا اگمّ اتھاہ، بِن سَتگُر ہتّھ کِسے نہ آئیندا۔ لبھ لبھ تھکّے جنگل جوُہ اُجاڑ پہاڑ تھل اسگاہ، سمُند ساگر کھوج کھوجائیا۔ اَگے ہو کوئی نہ پکڑے بانہہ، باہوں پکڑ پار نہ کوئے کرائیا۔ دوُر دُراڈے سارے کرن نہ، سگلا سنگ نہ کوئے نِبھائیا۔ ناتا تُٹے پُتراں ماں، پِتا پوُت گود نہ کوئے اُٹھائیا۔ پُرکھ اکال دیِن دَیال سَتگُر پوُرا جن بھگتاں اِکو کرے ہاں، آپ اپنے انگ لگائیا۔ سچ وسائے دُھر مکان، سچکھنڈ دوارا اِک سُہائیا۔ ساچی بھگتی پربھ چرن دھیان، سچ گیان اِک دِرڑائیا۔ کلجُگ انت ہو مِہروان، مُحبّت اِکو اِک جنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، بھگتاں دیوے سچ پریِتی بھگتی دان، بھگوَن اپنے در رکھائیا۔

پہلی پوہ ۲۰۲۰ بِکرمی ہرِ بھگت دوار جیٹھوُوال

نِرگُن سرگُن سرگُن نِرگُن سو، سو پُرکھ نِرنجن وڈّی وڈیائیا۔ نِروَیر نِرنکار پربھ آپے ہو، ساکار کھیل وکھائیا۔ انبھوَ پرکاش اگمّی لو، جوتی جاتا وڈ وڈیائیا۔ آد جُگادی دُھر دا موہ، سَت سَتوادی آپ بندھائیا۔ برہم برہمادی آپے چھوہ، شہنشاہ اپنی کار کمائیا۔ دو جہاناں دیوے ڈھوآ ڈھو، برہمنڈ کھنڈ ویکھے تھاؤں تھائنیا۔ گُر اوتار پیِر پَیغمبر امرت رس اِکو چو، دُھر دی دھار سَت وہائیا۔ نر نریش سچ سندیس شبد اگمّ آپے ہو، ہوکا سَت سَت دِرڑائیا۔ جُگا جُگنتر بھیوَ نہ جانے کو، الکھ الکھنا لکھ سکے کوئی نہ رائیا۔ جُگ چؤکڑی بنیا رہیا نِرموہ، مُحبّت ہتّھ نہ کِسے پھڑائیا۔ لکّھ چؤراسی جیِو جنت سادھ سنت رہیا ٹوہ، گھر گھر اپنا پھیرا پائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ نِرگُن سرگُن کھیل اپار، ہرِ کرتا آپ کرائیندا۔ آد جُگادی ساچی کار، دُھر دی دھار آپ بندھائیندا۔ نِت نوِت کھیل نِرنکار، نر نِرنکارا آپ کرائیندا۔ جُگ چؤکڑی ویکھنہار، نِرگُن سرگُن ویس وٹائیندا۔ بودھ اگادھا بول جَیکار،

نام نعرہ اِک لگائیندا۔ کاتب بن وڈ لِکھار، قلم شاہی رنگ چڑھائیندا۔ سندیسہ دے سرب سنسار، ساکھی سچ آپ سمجھائیندا۔ قُدرت قادر دے آدھار، کلمہ اپنا آپ سمجھائیندا۔ محبوُب مُحبّت کرے سچ دربار، درگاہ ساچی ویکھ وکھائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ نِرگُن سرگُن کرنی کرے کرتار، ہرِ کرتا وڈ وڈیائیا۔ وسنہار سچ دوار، سچکھنڈ ساچے سوبھا پائیا۔ محل اٹل اُچ منار، نِرگُن جوتی نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیا۔ نِرگُن سرگُن بن کے آپ، پربھ اپنی کھیل کھلائیندا۔ سرگُن دے کے نِرگُن جاپ، دُھر سندیسہ راگ سُنائیندا۔ نِروَیر ہو کے سجّن ساک، سگلا سنگ نِبھائیندا۔ پوِتر ہو کے کھولے تاک، پتت پار کرائیندا۔ اندر وڑ کے دسےّ بات، ہرِ باطن آپ سمجھائیندا۔ مندر چڑھ کے مارے جھات، در گھر ساچے سوبھا پائیندا۔ ماہی بن کے ویکھے پتن گھاٹ، کنارہ اپنے ہتّھ رکھائیندا۔ پاندھی بن کے میٹے واٹ، دو جہاناں پندھ چُکائیندا۔ پرکاش ہو مِٹائے اندھیری رات، جوتی چند اِک چمکائیندا۔ سَتگُر ہو سُناوے گاتھ، دُھر دا ڈھولا راگ الائیندا۔ کنت ہو کے بنے کملاپات، ناری نر نرائن پرنائیندا۔ داتا ہو کے کھولے ڈوُنگھا کھات، اتوٹ اتُٹ آپ ورتائیندا۔ نِرگُن ہو کے لیکھ چُکائے اپنی ذات، ذات اذاتی ونڈ نہ کوئے ونڈائیندا۔ آد جُگاد جُگ چؤکڑی دو جہاناں ویکھے حالات، حالت سب دی آپ بنائیندا۔ پُرکھ اکالا دیِن دَیالا ہرکھ سوگ نہ پائے وفات، مڑھی گور نہ آسن لائیندا۔ پیالہ مدھ نہ کوئے آب حِیات، امرت رس مُکھ نہ کوئے رکھائیندا۔ دیونہارا دُھر دی دات، وڈ بھنڈاری آپ ورتائیندا۔ ویکھنہارا کائنات، لوک پرلوک کھوج کھوجائیندا۔ بخشنہارا سرب نِجات، مِہر نظر نیَن اُٹھائیندا۔ سُناونہارا بھوِکھت واک، گُر اوتاراں پیِر پَیغمبراں آپ پڑھائیندا۔ جاننہارا لیکھا مات، دھرنی دھرت دھوَل سوبھا پائیندا۔ وسنہارا اِک اِکانت، نر ہرِ نظر کِسے نہ آئیندا۔ رچنہارا رچنا آد، انت اپنے وِچ چُھپائیندا۔ کھیلنہارا کھیل برہماد، برہمانڈ اپنی کار کمائیندا۔ اُپجاونہارا سنت سادھ، صادق اپنے رنگ رنگائیندا۔ مارنہارا دُھر آواز، شبدی ڈھولا راگ سُنائیندا۔ رچنہارا سچّا کاج، نِرگُن سرگُن سرگُن نِرگُن اپنی کل دھرائیندا۔ کرنہارا دُھر دا راج، درگاہ ساچی سوبھا پائیندا۔ بولنہارا بودھ اگادھ، بِن رسنا جِہوا راگ سُنائیندا۔ بننہارا کنت سُہاگ، جُگ چؤکڑی نار آپ پرنائیندا۔ کرنہارا سرب تیاگ، سچ دوارے بہہ بہہ آسن لائیندا۔ بناونہارا سچ سماج، جُگ چؤکڑی کھیل کھلائیندا۔ نِرگُن

سرگُن سرگُن نِرگُن دیونہارا اپنا داج، دؤلت نام خزانہ جھولی اِک بھرائیندا۔ جوتی جوت سروُپ ہرِ، آپ اپنی کِرپا کر، نِرگُن سرگُن اپنی کھیل وکھائیندا۔ نِرگُن سرگُن کھیل دو، دو جہان وجےّ ودھائیا۔ نِرگُن سرگُن دئے موہ، مُحبّت اپنے نال جُڑائیا۔ نِرگُن سرگُن کرے لو، سچ پرکاش اِک رُشنائیا۔ نِرگُن سرگُن امرت دیوے چو، ساچی دھار اِک وہائیا۔ نِرگُن سرگُن دُھر دی دیوے سو، سَت سندیسہ نام سُنائیا۔ نِرگُن سرگُن ڈھوآ دیوے ڈھو، پنج تت ملِے وڈیائیا۔ نِرگُن سرگُن بھیوَ نہ جانے کو، پربھ اپنے ہتّھ رکھّی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شاہ پاتشاہ بےپرواہیِا۔ نِرگُن سرگُن بےپرواہ، بھے بھؤ نہ کوئے رکھائیا۔ آد جُگادی شہنشاہ، بھوُپت اِکو نظری آئیا۔ لیکھا جانے دو جہاں، سچکھنڈ وسے سچّا ماہیِا۔ دُھر سندیسہ دیوے الاہ، شبدی شبد جنائیا۔ جوتی جوت سروُپ ہرِ، آپ اپنی کِرپا کر، نِرگُن سرگُن دیونہار وڈیائیا۔ نِرگُن سرگُن دیوے دان، داتا دانی دَیا کمائیندا۔ نِرگُن سرگُن دیوے پہچان، بےپہچان اپنی بوُجھ بُجھائیندا۔ نِرگُن سرگُن دیوے مان، چرن کوَل دھیان رکھائیندا۔ نِرگُن سرگُن دیوے گیان، برہم وِدیا آپ پڑھائیندا۔ نِرگُن سرگُن کرے کلیان، سِر اپنا ہتّھ رکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ ابھیدا آپ کُھلائیندا۔ نِرگُن سرگُن ہویا ایک، ایکنکار وجےّ ودھائیا۔ سرگُن کہے پربھ تیری ٹیک، دوُجا نظر کوئے نہ آئیا۔ نِرگُن کہے مَیں تیرا بھیت، گھر تیرے بَیٹھا مُکھ چُھپائیا۔ سرگُن کہے تیرا روُپ نہ دِسے کوئی ریکھ، رنگ نظر کوئے نہ آئیا۔ نِرگُن کہے مَیں کراں ہیت، گھر ساچے پھیرا پائیا۔ رل کے کھیلاں اگمّی کھیڈ، سمجھ سکے کوئے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سچ سندیسہ اِک سُنائیا۔ نِرگُن کہے سُن سرگُن میِت، سَت سَت جنائیا۔ سو پُرکھ نِرنجن چلائی اپنی ریِت، ہرِ پُرکھ نِرنجن کھیل رچائیا۔ ایکنکار ہو انڈیِٹھ، آد نِرنجن نوُر رُشنائیا۔ ابناسی کرتا گائے گیِت، سِری بھگوان ساچا ڈھولا راگ الائیا۔ پاربرہم پربھ اِک اتیِت، ترےَگُن وِچ کدے نہ آئیا۔ سرگُن تیری چلائی اگمّی ریِت، ریِتیوان ہوئے سہائیا۔ جُگ چؤکڑی سرگُن نِرگُن کھیل کھیلی ٹھیِک، انتم ٹھیِکر بھنّ وکھائیا۔ سَتجُگ تریتا دواپر کلجُگ سارے کردے گئے اُڈیِک، بِن نیتر دھیان لگائیا۔ گُر اوتار پیِر پَیغمبر منگدے گئے بھیِکھ، در درویش جھولی ڈاہیِا۔ لوکمات مار جھات سُناؤندے گئے گیِت، دُھر دا راگ الائیا۔ لیکھا دسّدے گئے شِودوالے مندر مسجد مٹھ مسیِت، گُروُدوارے گُر گُر بندھن پائیا۔

سرگُن کرے سرگُن پریِت، سرگُن نِرگُن میلا سہج سُبھائیا۔ کلجُگ انت سِری بھگوَنت پت پرمیشور پروردِگار سب رکھّدے گئے اُڈیِک، نیتر لوچن نیَن دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ ابھیدا رہیا کُھلائیا۔ سرگُن سُن سچّا سوہلا، سو صاحِب آپ جنائیا۔ جُگ چؤکڑی رکھیا اوہلا، پڑدہ پڑدے وِچ چُھپائیا۔ سَتنام دا دِتا سوہلا، ڈھولا اِک جنائیا۔ کلمے اندر گایا مؤلا، مؤلا اپنا حُکم منائیا۔ نِرگُن ہو کے سرگُن نظری آیا اُپر دھؤلا، دھرنی دھرت وجےّ ودھائیا۔ گُر اوتار پیِر پَیغمبر کر کے گئے قؤلا، کیِتا اِقرار منگ منگائیا۔ پاربرہم پت پرمیشور تیرا کھیل بِن کایا چولا، چولی اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، سب دا لیکھا دئے جنائیا۔ ساچا لیکھا سُنو اکال، اکل کل دھاری آپ جنائیندا۔ سرگُن ہو کے ملِے دَیال، دیِنن اپنی دَیا کمائیندا۔ نِرگُن سرگُن کھیل کمال، دوُآ بندھن اِکو پائیندا۔ سرگُن ناتا تُٹے کایا ماٹی کھال، ہڈّ ناڑی ماس چمّ کمّ کِسے نہ آئیندا۔ لوکمات دِسے نہ کوئے نِشان، نِشانہ ہتّھ نہ کوئے اُٹھائیندا۔ چاروں کُنٹ ویکھ مار دھیان، نیتر نیَن روُپ نظر کوئے نہ آئیندا۔ نِرگُن سرگُن انتم صِفرا ہویا انک بنے نہ کوئے جہان، لیکھا لیکھ نہ کوئے جنائیندا۔ جوتی جوت سروُپ ہرِ، آپ اپنی کِرپا کر، سرگُن تیرا حال سمجھائیندا۔ سرگُن تیرا انت صِفرا، زیِرو روُپ وٹائیا۔ اِکو رہ جائے اکھّراں والا فِقرہ، تت نظر کوئے نہ آئیا۔ ناتا ٹُٹ جائے سجناں مِتراں، سگلا سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، سرگُن سچ دئے دِرڑائیا۔ سرگُن کہے کی پربھ میرا روُپ صِفر، نِشان نظر کوئے نہ آئیا۔ سُن کے مَینوُں ہویا فِکر، غم گیِن دئے دُہائیا۔ میرے کول جے کیِتا میرا ذِکر، سچ بھیو دے سمجھائیا۔ تیرے نالوں نِرگُن سرگُن کدے نہ جائے وِچھڑ، وِچھوڑا سہہ سکے نہ رائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے الکھ جگائیا۔ سُن صِفرے دُھر دی بات، ہرِ کرتا آپ جنائیا۔ سرگُن دیوے نہ کوئی ساتھ، نِرگُن اپنا میل مِلائیا۔ صِفرے پُچھ نہ کوئی وات، مطلب حل نہ کوئے کرائیا۔ صِفرا ہو کے اِکو منگ سچّی دات، پُرکھ اکال رہیا جنائیا۔ اِک اِکلّے پُچھ میری وات، تُدھ بِن میری سار کوئے نہ پائیا۔ پاربرہم پت پرمیشور جے مِہر کر ویکھے جھاک، بِن اکّھاں نیَن اُٹھائیا۔ تیری پُچھے آپ وات، نِروَیر ہوئے سہائیا۔ لیکھا پوُرا کرے لِکھیا قلم دوات، شاہی اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، اِکو دِتا سچّا ور، ساچی سِکھیا اِک سمجھائیا۔ صِفرا کہے مَیں ہویا نِہال، مِلی مان وڈیائیا۔ اِکو وست منگاں سچ کمال،

خالی جھولی اَگے ڈاہیا۔ نِرگُن سرگُن ہو کے بنیا تیرا لال، لالن تیرا روُپ وکھائیا۔ انتم وسیا تیری دھرمسال، دوُجا گھر نہ کوئے بنائیا۔ نِرگُن سرگُن بنے دو دوہاں ویکھ اپنا حال، حال اپنا دے جنائیا۔ بِن ایکے ہوئے کنگال، صِفرا کوُک کوُک سُنائیا۔ دوُآ صِفرا بیِس انک مِلیا آن، جوڑا دُھر دا سچ مِلائیا۔ بِن ایک کوئی نہ کرے پہچان، ٹیک نظر کوئے نہ آئیا۔ کِرپا کر سِری بھگوان، اِکو تیری اوٹ تکائیا۔ صاحِب سَتگُر ہو دَیال، پُرکھ اکال حُکم جنائیا۔ جُگ چؤکڑی اَولّڑی چال، کوئی سمجھ نہ سکے رائیا۔ کلجُگ انت ویکھاں آن، نِرگُن اپنا پھیرا پائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، اِکو اپنا روُپ درسائیا۔ صِفرے سُن اپنی یاد، ہرِ کرتا آپ جنائیندا۔ ٹھاکر سوامی سُنے فریاد، بےپرواہ پھیرا پائیندا۔ جِس نِرگُن ہو کے سرگُن رچنا رچی آد، سو مدھ جُگاد اپنا حُکم ورتائیندا۔ جِس گھٹ گھٹ انتر سَت سُنایا ناد، دُھر انادی ناد الائیندا۔ سو پُرکھ اکال دیِن دَیال اپنا ایک بنائے سماج، سمگری تیری جھولی پائیندا۔ گُر اوتار پیِر پَیغمبر چار جُگ دے ویکھن رچیا کاج، جُگ چؤکڑی نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، زیِرو تیرا انک ایکا دئے بدلائیا۔ زیِرو ایکا بدلے انک، انگیکار آپ کرائیا۔ سرگُن سُہائے دوُاے تیرا بنک، بنک دواری وڈ وڈیائیا۔ لیکھ چُکا راؤ رنک، راج راجان حُکم ورتائیا۔ نام اگمّ سُنا ڈنک، دو جہان کرے شنوائیا۔ جُگ چؤکڑی میٹ شنک، سنسا سب دا دئے گوائیا۔ سَت بنائے ساچی بنت، گھڑنہار بےپرواہیِا۔ ایکے نال اِک سُنائے منت، منتوَ اِکو اِک جنائیا۔ اِکو ملِے ہرِ سُہاگی کنت، کنتوُہل اِکو نظری آئیا۔ جوتی جوت سروُپ ہرِ، آپ اپنی کِرپا کر، صِفرے دیوے مان وڈیائیا۔ زیِرو کہے آ اِک، تیری اُڈیِک لگائیا۔ گُر اوتار تیرا لیکھا گئے لِکھ، پیِر پَیغمبر صِفت صالاحیِا۔ آد جُگاد دُھر دے پِت، پِتا پرمیشور تیری سرنائیا۔ نِرگُن سرگُن کر ہِت، ہِتکاری ویکھ وکھائیا۔ دُھر دا لیکھا دے لِکھ، لِکھنہار تیری سرنائیا۔ جن بھگتاں پا بِھکھ، بِھچِھیا بِھکھیا اِکو وار ورتائیا۔ لیکھے لا اپنے رِت، رتی رت نہ اگن تپائیا۔ جوتی جوت سروُپ ہرِ، آپ اپنی کِرپا کر، اپنا پردہ دے اُٹھائیا۔ پڑدہ چُک صِفرا کہے، پاربرہم تیری سرنائیا۔ سَت دوارے ایکا بہے، اپنا بل دھرائیا۔ تیرا ناؤں سدا سد رہے، جُگا جُگنتر تیری وڈیائیا۔ تیرا محل کدی نہ ڈھہے، جِس گھر وسیں آسن لائیا۔ جُگ چؤکڑی تیرا بھے، بھؤ وِچ سرب لوکائیا۔ گُر اوتار پیِر پَیغمبر تیرا نام سندیسہ گئے کہہ، لکّھ چؤراسی جیِو جنت سُنائیا۔ پُرکھ اکال دیِن دَیال آد جُگاد کِسے

دی کدے نہ لئے رےَ، جو کرنا کر وکھائیا۔ صِفرا نیِواں ہو کے چرنیں ڈھیہہ، بِن ایکے تیری کُل نظر کِسے نہ آئیا۔ دوُر دُراڈے نیڑے آ کے بہہ، ہرجن تیرے تیرا دھیان لگائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ دوُآ کہے آ مِل اِک، ایکنکار تیری سرنائیا۔ میرا لیکھا پھیر لِکھ، سرگُن ملِے وڈیائیا۔ کر پیار ساچا ہِت، مِہروان مِہر نظر اُٹھائیا۔ تیرے دواریوں منگیئے بِھکھ، بِھچِھیا جھولی پائیا۔ تُوں صاحِب آد جُگاد جُگ چؤکڑی سرگُن سارے لئے جِت، نِرگُن اپنا ڈنک وجائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، دوُاے دیوے مان وڈیائیا۔ دوُاے دیوے مان سِری بھگوَنت، ایکنکار اِک جنائیا۔ دوُاے تیرے اَگے بن کے بنے انک، پُرکھ اکال جوڑ جُڑائیا۔ ویہہ توں اِکّی بنے بنت، اِکیس اپنا رنگ رنگائیا۔ لکّھ چؤراسی وِچوں لبھ کے گُرمُکھ سنت، سجّن سُہیلے انگ رکھائیا۔ نام جنائے دُھر دا منت، منتر اِکو اِک سمجھائیا۔ گڑھ توڑ ہؤمے ہنگت، ہنگ برہم اِک سمجھائیا۔ اِکیاں بنائے ساچی سنگت، سنگ وسے بےپرواہیِا۔ سنگت چاڑھے ساچی رنگت، دو جہان اُتر کدے نہ جائیا۔ دوُجے در جان نہ دیوے منگت، جِنہاں اپنا درس کرائیا۔ ہرِ کا بھیو کِسے نہ پایا پنڈت، مُلّا شیخ کہن کوئے نہ پائیا۔ لبھ لبھ تھکّے جیرج انڈج، اُتبُھج سیتج بھجّن واہو داہیِا۔ جوتی جوت سروُپ ہرِ، آپ اپنی کِرپا کر، دوُاے ایکے ایکے دوُاے دو اِک کرے کُڑمائیا۔ دوُآ کہے مَیں منگی منگ، ایکا نظری آیا۔ اِک کہے مَیں سوُرا سربنگ، دوُاے تیرا جوڑ جُڑایا۔ دوہاں مِل کے آیا سچ انند، انند انند وِچوں پرگٹایا۔ سرگُن نِرگُن نِرگُن سرگُن مِل کے چڑھیا چند، بِن چنداں جوت چمکایا۔ جن بھگتاں خوشی کرائے بند بند، بندگی اپنے نام سمجھایا۔ ناتا توڑ جگت دُہاگن رنڈ، کنت کنتوُہل میل مِلایا۔ سَت سُنا سُہاگی چھند، ساچا ڈھولا راگ الایا۔ آتم پرماتم دے انند، منگل اِکو اِک سُنایا۔ جُگ جنم دی ٹُٹی گنڈھ، دُھر دا میلا میل مِلایا۔ جوتی جوت سروُپ ہرِ، آپ اپنی کِرپا کر، سد دیونہار وڈیایا۔ دوُاے ایکے تیری اِکی، ویہہ سؤ چؤداں بِکرمی دھیان لگائیا۔ کَون ویلا پربھ بنائے ساچی سِکھی، سِکھیا اِکو نام سمجھائیا۔ جِس نوُں گوبِند کہہ کے گیا کھنڈیوں تِکھی والوں نِکی، اپنے وِچ چُھپائیا۔ پیِر پَیغمبر جِس دے نام دی لِکھ لِکھ دیندے گئے چِٹھی، بن چِٹھی رسیَن پھیرا پائیا۔ اُس دی کھیل سدا انڈِٹھی، جگ نیتر نظر کِسے نہ آئیا۔ بِن بھگتاں دھار دِسے نہ کِسے چِٹی، کالی کملی سب دے سِر تے اوڈھن نظری آئیا۔ جگت واسنا رس مانے پِھکی، امرت دھار نہ کوئے

جنائیا۔ بِن پُرکھ اکال نِرگُن سرگُن ہو کوئی نہ بنائے دُھر دی اِکی، دوُآ ایکا جوڑ نہ کوئے جُڑائیا۔ صاحِب سَتگُر دی ساچی اِکّی، لوکمات کدے نہ جائے بِھٹی، ذات پات دیِن مذہب ونڈ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ اِکّی تیرا سُن کے حال، جگدیِش تاج اکّھ کُھلائیا۔ مَیں ویکھاں پربھ دا سچ سماج، جِس دی بنت آپ بنائیا۔ چار جُگ دا پِچھلا میٹ رِواج، مارگ اِکو اِک سمجھائیا۔ جن بھگتاں دے کے دُھر دا راج، خالی جھولی نام دھرائیا۔ بِن پڑدیوں رکھّ کے لاج، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ساچا دینا اِکو ور، پربھ تیرے ہتّھ وڈیائیا۔ تاج کہے پربھ مَیں سوہاں تیرے سیِس، وڈ تیری شہنشاہیِا۔ تیرا ناؤں آد جُگاد جگدیِش، جگدیِشر تیری سرنائیا۔ تیری کوئی نہ کرے ریِس، ثانی روُپ نہ کوئے وٹائیا۔ تیرے در تے منگاں بھیِکھ، بن سوالی جھولی ڈاہیِا۔ نؤ سؤ چُرانوے چؤکڑی تیری رکھّی اُڈیِک، گُر اوتار پیِر پَیغمبر دھیان لگائیا۔ سو صاحِب وقت آیا نزدیِک، دوُآ صِفرا ویکھ وکھائیا۔ صِفرے اپنے اُتے پھیر لیک، تیرا ایکا لیا بنائیا۔ دوُاے ایکے مِل کے اِکّی بنی ٹھیِک، جِس اِکّی وِچوں ٹھاکر نظری آئیا۔ ایس اِکّی دی گوبِند رکھّ کے گیا اُڈیِک، دوُر دُراڈا نیَن اُٹھائیا۔ کَون ویلا پربھ بنّھے اِک پریِت، سچ پریِتی لئیں لگائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، میری لاج انت رکھائیا۔ تاج کہے پربھ رکھّیں لاج، تیرے اَگے عرضوئیا۔ اِک ستّ دا رچ کے کاج، ویہہ سؤ ستاراں بِکرمی تیرا دھیان لگائیا۔ تِنّ سال تِنّاں لوکاں ماردا رہیا آواز، چؤتھے سال چؤتھا پد وکھائیا۔ جِس دوارے گُر اوتار پیِر پَیغمبر سارے آون اپنی چھڈ کے پِچھلی نماز، سجدہ سیِس اِک جھُکائیا۔ تیرا کِسے نہ پایا کوئی آغاز، تیرا بھیو کوئے نہ پائیا۔ دوُروں دوُروں پربھ تیرے نام دی سُندے رہے آواز، سچ سندیسہ اِکو اِک جنائیا۔ دھنّ بھاگ پرم پُرکھ کھولے اپنا راز، پڑدہ اوہلا اِک چُکائیا۔ غریِب نِمانے کوجھے کملے بھگت بھگوان سدّے اپنے پاس، پاسہ سب دا دئے اُلٹائیا۔ در تیرے رل مِل گُر اوتار پیِر پَیغمبر ویکھن پیَندی راس، کَون بِدھے بھگت بھگوان گوپی کاہن نچائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے جھولی ڈاہیِا۔ تاج کہے مَیں سب دا تاج، بِن میرے شہنشاہ نظر کوئے نہ آئیندا۔ تاج کہے میری رعیت سماج، سمگری اِکو اِک وکھائیندا۔ تاج کہے میری اِک آواز، دو جہاناں صاحِب سُنائیندا۔ تاج کہے میرا اِکو کاج، ہرِ کرتا آپ کرائیندا۔ کاج کہے مَیں کھولاں راز، پڑدہ اوہلا آپ اُٹھائیندا۔ جن بھگتو

سارے مَینوُں کہو شاباش، جو تُہاڈا سنگ نِبھائیندا۔ پُرکھ اکال اَگے کراں ارداس، عرضوئی اِکو اِک سُنائیندا۔ جِنہاں دا لیکھا میرے اُتے لِکھیا خاص، تیری شہادت سوہنگ مہاراج شیر سِنگھ وِشنوُں بھگوان نال بُھگتائیندا۔ ماجھا مالوا دوآبہ جموُں ویکھو وسے آس پاس، ساہمنےسب نوُں نظری آئیندا۔ اِکو اِکّی تیری خاص، خالص روُپ سمجھائیندا۔ پنج پنج اِنہاں وِچوں کر داس، داسی اپنا راہ وِکھائیندا۔ چھّبی پوہ تیرا ویکھاں کھیل تماش، در گھر ساچا سوبھا پائیندا۔ اِکیواں رلے اِکو ساتھ، دوُر دُراڈا ونڈ ونڈائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی اِکّی آپ وڈیائیندا۔ ساچی اِکّی پربھ تیری ایک، رویداس چمیار دِتی وکھائیا۔ چھّبی پوہ کھولنا بھیت، ابھید آپ جنائیا۔ اِکیاں کر کے سچّا ہیت، ہرِسنگت رنگ رنگائیا۔ سب دا داتا نیتن نیت، نیرن نیر نظری آئیا۔ اِکو مِہر نظر سب نوُں لیَنا ویکھ، دوُجی ونڈ نہ کوئے ونڈائیا۔ پرماتم پُرکھ دسّ اگمّی کھیڈ، بن کھِلاری آپ کھِڈائیا۔ جے کوئی لبھے ہرِ دی ریکھ، بِن بھگتاں نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سیِس تاج دیوے مان وڈیائیا۔ سیِس تاج تیرا منّیا کہنا، سو صاحِب آپ جنائیا۔ چؤتھے جُگ دوُر ہو کے بہنا، نیڑے رہن کوئے نہ پائیا۔ تیرے اکھّراں مُل پَینا، کرتا قیمت آپ چُکائیا۔ سونا سوَرن نہیں کوئی گہنا، جن بھگتاں بنت بنائیا۔ اِکیاں وِچے ہرِجوُ بہنا، بہہ بہہ خوشی منائیا۔ ماجھا مالوا دوآبہ جموُں سچ وکھائے اپنے نیَناں، نیَن اپنے نال مِلائیا۔ چار ورن بنائے بھائی بھَیناں، سچ سیَن اِک سمجھائیا۔ اوُچ نیِچ کوئی نہ رہنا، راؤ رنک نہ کوئے وڈیائیا۔ اِکیاں اِکیاں بھانا سہنا، بھاوی در دُرکائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، مہاراج شیر سِنگھ وِشنوُں بھگوان، ایکا اِکّی کرے پروان، اِکّی سِکھی بِن لیکھ لِکھی لیکھے اپنے وِچ رکھائیا۔ دو اِک جُڑی جوڑی، ہرِ سَتگُر آپ جُڑائیندا۔ اپنے ہتّھ پکڑی ڈوری، تند اپنے نال بندھائیندا۔ ویکھنہارا اندھ گھوری، دو جہاناں کھوج کھوجائیندا۔ جِنہاں گوبِند چاڑھیا مؤت گھوڑی، سو مؤت گُرمُکھاں چرناں ہیٹھ دبائیندا۔ کھیل کرے اپنی دوہری، دھار دھار وِچوں بدلائیندا۔ گوبِند سُت کرے مُہری، مُہر اپنا نام لگائیندا۔ امرجیِت سُرجیِت زورا زوری، زبردست دَیا کمائیندا۔ بنتا سِنگھ وست دِتی کوری، کِرپانِدھ آپ وکھائیندا۔ بچن سِنگھ نال نہ کرے چوری، کیِتی گھال لیکھے پائیندا۔ منگل سِنگھ پربھ گیا بہُڑی، بہُڑ جنم پھیر نہ آئیندا۔ جوتی جوت سروُپ ہرِ، آپ اپنی کِرپا کر، پنچم اپنا رنگ رنگائیندا۔ پنچم

مان ملِے سانجھا، ہرِسنگت اَگے اَگے رکھائیا۔ ماجھے نال جوڑ دوآبہ، دوآبہ ماجھا روُپ وٹائیا۔ سرب جیِاں دا بن کے سانجھا، سانجھی وارتا اِک وکھائیا۔ نِروَیر نِرنکار جنائے اپنا سواں گا، سوانگی اپنا سوانگ رچائیا۔ امریک سِنگھ پوُری کرے تانگھا، پریِتم سِنگھ گودی گود سُہائیا۔ نصیِب سِنگھ پائے گانڈھا، لال سِنگھ چند چمکائیا۔ پیارا سِنگھ کھیل دوسانجھا، لیکھا سہج سُبھائیا۔ جوتی جوت سروُپ ہرِ، آپ اپنی کِرپا کر، پنچم دیوے مان وڈیائیا۔ دواب ملِے مان وڈیائی، ہرِسنگت کھیل کھلائیندا۔ مالوے نال کرے کُڑمائی، بھگت بھگوان ناتا جوڑ جُڑائیندا۔ رام سِنگھ دَیا کمائی، کیہر سِنگھ انگ لگائیندا۔ نِرنجن سِنگھ گاؤنا چائیں چائیں، جاگیِر سِنگھ جوگ وکھائیندا۔ ہربنس سِنگھ پکڑے باہیں، کُلیّ کّکھاں سوبھا پائیندا۔ پنچ مِلاواں بھائی بھائی، دُئی دوَیت ڈیرہ ڈھاہِندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ مالوے میل کیِتا کرتار، جموُں جوڑ جُڑائیا۔ بال اوستھا دیوے تار، گُرنام خوشی وکھائیا۔ دیوی سِنگھ دے آدھار، دیوا سِنگھ گود بہائیا۔ پریم سِنگھ کر پیار، پکّی طرح دئے سمجھائیا۔ رام چند سیوا لگّی وِچ سنسار، ثابت مِلیا بےپرواہیِا۔ پنجاں دے اِک آدھار، انتر آتم بوُجھ بُجھائیا۔ ہرِسنگت ساچی دئے وکھال، ویاکھیا اپنی نال جنائیا۔ اِکیاں ایکو لئے بھال، ایکنکار کھوج کھوجائیا۔ جسونت سِنگھ لئے اُٹھال، ٹھوکر نام لگائیا۔ نِرگُن سرگُن بن دلال، دلالی اِکو اِک وکھائیا۔ سمت پندراں دے ساچے لال، ویہہ سؤ بِکرمی بھید کُھلائیا۔ پندراں کتّک جِنہاں نِبھائی نال، تِنہاں ناتا لئے جُڑائیا۔ سیِس دستار بنّھ لال، پنچم رنگ سوبھا پائیا۔ سوُہا ویکھ ویکھ ہوئے نِہال، چِٹی دھار وجےّ ودھائیا۔ پیلا کرے آپ پرِتپال، نیِلا نیل کنٹھ مان گوُائیا۔ کالا سوُسا میٹے کال، کلکاتی دئے گوائیا۔ جوتی جوت سروُپ ہرِ، آپ اپنی کِرپا کر، اِکّی اِکّی جوڑ جُڑائیا۔ اِکّی اَگے اِکّی پِچھے، پِچھا اَگا اِکیاں وِچ رکھائیا۔ اِکیاں اندر آپے بھجےّ، پِھرے واہو داہیا۔ جِدھر ویکھو گُرمُکھ سجے، بےمُکھ نظر کوئے نہ آئیا۔ مِہروان ہو کے پڑدہ کجے، سِر اپنا ہتّھ ٹِکائیا۔ ہرِسنگت درشن کر کر رجےّ، ویکھ ہرِسنگت سَتگُر خوشی منائیا۔ شبد سروُپی صاحِب گجےّ، غزل ڈھولا راگ طرز نام جنائیا۔ ماجھا مالوا دوآبہ جموُں بدھےّ، بدھّی سکے نہ کوئے چُھڈائیا۔ بِن مکّیوں کعبیوں کرائے حجے، بِن حُجریوں لئے مِلائیا۔ مندر مسیِتاں وِچوں باہر کڈھے، سچ دوارا اِک وکھائیا۔ شِودوالے مٹھ چھڈے، تیِرتھ تٹ نہ کوئے وکھائیا۔ جنگل جوُہ اُجاڑ پہاڑ ڈوُنگھی کندر کوئی نہ لبھے، سَتگُر ساکھیات اپنا درس کرائیا۔ پریم

پریِتی نال بدھےّ، مدُھر رس اِک وکھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، ساچی اِکّی اِکّی وِچ سکھی سکھی وِچ نِکی اپنی دھار سمائیا۔ مہاراج شیر سِنگھ وِشنوُں بھگوان، سُہائے سُہنجنی رُت اپنی تھِتی، جِس تھِت سرگُن نِرگُن نظری آئیا۔