۹ ماگھ ۲۰۲۰ بِکرمی پوُرن سِنگھ کھڑک سِنگھ دے گرِہ پِنڈ الہڑ پِنڈی ضِلع گُرداس پُر
کھیل ویکھ پُرکھ سمرتھ، دو جہان لیَن انگڑائیا۔ گُر اوتار رہے ہسّ، پیِر پَیغمبر خوشی منائیا۔ وِشن برہما شِو گاون جس، ساچا ڈھولا راگ الائیا۔ کروڑ تتیِسا رہیا نٹّھ، بھجےّ واہو داہیِا۔ ترےَگُن مایا رووے نیتر اکّھ، ہنجھوُاں ہار بنائیا۔ ویکھو میرا بل بندا بھٹھ، اِکیاں چھڈ دِتی وڈیائیا۔ در در گھر گھر سبنا رہی دسّ، اُچی کوُک کوُک سُنائیا۔ پُرکھ اکال اوہناں ہویا وس، جِنہاں سرِشٹی کہے مات شؤدائیا ۔ انتر آتم دِتا رس، امرت بوُند سوانت پیائیا۔ نِج نیتر کھول اکّھ، راتی سُتّیاں درس دِکھائیا۔ نام بھنڈارا کھول ہٹّ، ساچا ونج رہیا کرائیا۔ کر پرکاش جوتی لٹ لٹ، نوُرو نوُر ڈگمگائیا۔ سیج سُہنجنی کایا کھاٹ، گرِہ بَیٹھا ڈیرہ لائیا۔ جنم جنم دی میٹ واٹ، پاندھی اپنے نال مِلائیا۔ دُرمت مَیل پِچھلی کاٹ، اَگے اپنا رنگ رنگائیا۔ مَیں نِمانی کر کے گھات، چُھری سیِس جگدیِش ٹِکائیا۔ مَینوُں دیوے نہ کوئی نجات، لیکھا پار نہ کوئی کرائیا۔ مَیں گُر اوتاراں پیِر پَیغمبراں ساریاں رہی آکھ، اُچی ہوکے دے دے راگ الائیا۔ میرے نکّ سُہاگ نہ کوئی بلاک، مینڈھی سیِس نہ کوئی گُندائیا۔ نہ کوئی سجّن رہیا ساک، سگلا سنگ نہ کوئی نِبھائیا۔ جُگ چؤکڑی جو بھاکھیا رہی بھاکھ، سو ہُن پوُر کرائیا۔ میری کرنی ہُندی دِسے ناس، ناشتہ سنگت رہی بنائیا۔ غریِب نِمانے اوُچ نیِچ اِکٹّھے کیتے اپنی رات، رَین اِکو اِک سُہائیا۔ نِرگُن سرگُن ویکھ کھیل تماش، خالق اپنا ویس وٹائیا۔ سچ پیالہ دے آب حِیات، حضرت مستی اِک چڑھائیا۔ مَیں ویکھ کائنات، دہ دِشا نیَن شرمائیا۔ میری پُچھے نہ کوئی وات، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل اِک رچائیا۔ ترےَگُن مایا رہی کوُک، دو جہان رہی جنائیا۔ مَیں نِمانی دِتا پھوُک، نام پُھنکارا اِکو لائیا۔ میرے دروہی چارے کوُٹ، دہ دِشا دھیِر نہ کوئی دھرائیا۔ میری کلجُگ چُکی چوُک، چُکّنی ہو کے رہی سُنائیا۔ جُگ چؤکڑی جو سُتّا رہیا گھوُک، کلجُگ اپنا پھیرا پائیا۔ نیِچ اوُچ بنا کے اپنے پوُت، پِتا اپنا ناؤں رکھائیا۔ لیکھا چُکائے کایا پنج تت بھوُت، بھوِکھ دسےّ تھاؤں تھائنیا۔ میری جھولی پائی میری کرتوُت، کرتب اپنا دئے جنائیا۔ جُگ چؤکڑی مَیں ماردی رہی جھوُٹھ، جوُٹھ جھوُٹھ جُگا جُگنتر کر پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ترےَگُن مایا مارے دھاہ، دھرت دھوَل ہِلائیا۔ مَیں ویکھ تھکّی جل اسگاہ، تھل اپنا پندھ مُکائیا۔ میری
پکڑے نہ کوئی بانہہ، پیِر پَیغمبر بَیٹھے مُکھ بھوائیا۔ سِر دیوے نہ کوئی ٹھنڈی چھاں، گُر اوتار اُنگلی کوئے نہ لائیا۔ شاستر سِمرت وید پُران ہوئے حَیران، حَیرانی سب دے سِر تے چھائیا۔ نیتر نیِر وِرولے اِنجیل قُرآن، کائنات بھرمے بُھلی سرب لوکائیا۔ بہُڑی دروہی خُدائے میرا تُٹا اِیمان، طوبیٰ طوبیٰ کر کے رہی سُنائیا۔ سَتجُگ تریتا دواپر کلجُگ مَیں بنی رہی جوان، جوبن اپنا اِک وکھائیا۔ سرِشٹ سبائی شرع وِچ کیِتی شیَطان، لاشریِک کولوں منگ منگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحِب سُلطان ایکا حُکم ورتائیا۔ ترےَگُن مایا دسےّ حالت، ہلت پلت راکھا نظر کوئے نہ آئیا۔ بالی بُدھ بال انجانت، انجن نیتر نیَن نہ کوئے مٹکائیا۔ ساچی دِسے نہ کوئے اَمانت، وستوُ ہتّھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، اپنی کھیل اپنے ہتّھ رکھائیا۔ اپنی کھیل کرے کرتار، ترےَگُن مایا دئے دُہائیا۔ میرا کھیڑا بھٹھ ہویا بھٹھیال، بھانڈا نظر کوئے نہ آئیا۔ پرگٹ ہو سِری بھگوان، اپنی دَیا کمائیا۔ جُگ چؤکڑی جو گُر اوتاراں دیندا رہیا دان، سو داتا دانی آپے ویکھ وکھائیا۔ جِس چار جُگ دے وِچھڑے جنم کرم دے رُٹھڑے جیِو اِکٹّھے کیتے آن، اوُچاں نیِچاں ایکا رنگ رنگائیا۔ کھتری براہمن شوُدر وَیش کرے پروان، پرم پُرکھ پربھ اپنا میل مِلائیا۔ سُرتی شبد مِلاوے کاہن، گھر گھنئیا نظری آئیا۔ سیِتا میل کرائے رام، شبدی گُر بےپرواہیِا۔ ساچا کلمہ دئے کلام، کایا بُت سوبھا پائیا۔ سو صاحِب ویکھے آن، جِس میری بنت بنائیا۔ پرگٹ ہویا بن ترکھان، تِکھا کُہاڑا ہتّھ رکھائیا۔ موچھے پائے سب دے آن، مُشکل ہوئی وِچ لوکائیا۔ جُگ چؤکڑی جِس دے ڈھولے گان، گہر گمبھیِر ناؤں سمجھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ترےَگُن مایا کہے مَیں بُھلی پربھ دے چوج، چوجی اپنا کھیل رچائیا۔ جُگ چؤکڑی جِس سِدھ کیتے چھتّی بھوج، بھوجن اپنے رنگ رنگائیا۔ جُگ چؤکڑی جِس دی کردے رہے کھوج، کھوجیِاں ہتّھ کِسے نہ آئیا۔ گُر اوتار جِس دی سوچدے رہے سوچ، سوچ سمجھ نہ کوئے وڈیائیا۔ سو صاحِب سَتگُر نِرگُن ہو کے گیا پہنچ، بل اپنا آپ پرگٹائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ کھیل وکھائے ترےَگُن اتیِتا، طرح طرح سمجھائیا۔ جِس تپایا سب دا انگیِٹھا، سو اگلا لیکھا رہیا سمجھائیا۔ جِس دا بھیو اوُچا نیِچا، گھٹ گھٹ ڈیرہ لائیا۔ جِس دا مارگ سدا سیِدھا، گھر ساچا اِک درسائیا۔ جِس دا آد جُگاد کھادھا پیِتا، نِت نوِت رہیا ورتائیا۔ سو صاحِب کھیل کرے انڈیِٹھا، انڈِٹھڑی کار
کمائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کرائیا۔ ترےَگُن کہے کرنی کرتار، کرتا پُرکھ وڈّی وڈیائیا۔ جن بھگتاں دیوے اِک آہار، ساچا بھوجن نام وڈیائیا۔ سیوا کر سچ نِرنکار، ساچی بھٹّھی دئے تپائیا۔ ویکھے وِگسے ویکھنہار، دوُجا نظر کوئے نہ آئیا۔ وِشنوُں ویکھ ہوئے حَیران، نیتر نیَن نیَن کُھلائیا۔ کوٹن وست پربھ وِچ دیوے ڈار، جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ وِشنوُں کہے بھنڈارا کیہڑا، کی کی جنائیا۔ برہما کہے ویہڑا کیہڑا، جِس گرِہ مِلی وڈیائیا۔ شنکر کہے اوہ سیوک کیہڑا، جِس سچّی سیو لگائیا۔ ترےَگُن مایا کہے جِس میرا ڈھاہیا ڈیرہ، مِٹّی خاک مِلائیا۔ اوہ صاحِب سَتگُر شیرا، شہنشاہ اپنا ناؤں پرگٹائیا۔ غریِب نِمانیاں اُتے کر کے مِہراں، تِنہاں میلا سہج سُبھائیا۔ سو سوہنا لگّے کھیڑا، جِس کھیڑے اپنی سیو کمائیا۔ سو بھاگاں بھریا ویہڑا، جِس گھر منگلاچار راگ الائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ وِشنوُں ویکھیا مار دھیان، چار کُنٹ اکّھ کُھلائیا۔ خوشی ہویا ویکھ پکاّ پکوان، برہمے رہیا جنائیا۔ اُٹھ برہمے کر پہچان، نِرگُن اپنی دھار چلائیا۔ برہما کہے مَیں ویکھی رِدھی دال، جِس وِچ دلِدری اپنا دلِدر رہے سُٹائیا۔ شنکر سُن لےَ نال کان، برہما رہیا سمجھائیا۔ شنکر کہے مَیں اُہناں بننا اجّ مہمان، جو سچ بھنڈارا رہے وکھائیا۔ برہما کہے مَیں وی چلاں نال، ہؤلی ہؤلی پندھ مُکائیا۔ وِشنوُں کہے مَینوُں لؤ اُٹھال، باشک سیجا موہے نہ کوئے بھائیا۔ جِس گھر وسے سِری بھگوان، اُس گھر جائیے چائیں چائنیا۔ دُھر دی سُنی آئی آواز، دُھن اِکو اِک سمجھائیا۔ وِشن برہما شِو تِنّے ویکھو تِنہاں نِمانیاں بنیا اِک کاج، کرنی کرتا آپ کمائیا۔ پرم پُرکھ دا سوہنا ویکھو سماج، جِس دی سمگری اپنے وِچ پرگٹائیا۔ جِس دے بیڑے اُتے تُسیں چڑھو جہاز، سو کھیوٹ کھیٹا اِکو اِک اکھوائیا۔ اگلا پِچھلا ویکھو کُھلدا راز، رازق رحیِم آپ کُھلائیا۔ غریِب نِمانا ہووے نہ کِسے مُہتاج، سہمت اپنے نال رکھائیا۔ سَتجُگ چلے سَت رِواج، سَت سَتوادی آپ رکھائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ وِشنوُں کہے مَیں ویکھی دال رِدھی، رِدھ سِدھ کول بَیٹھی سیو کمائیا۔ برہما کہے پربھ دی اچرج وِدھی، شاستر سِمرت وید پُران سمجھ کِسے نہ آئیا۔ شنکر کہے اوہدی کھیل بڑی سِدھی، سِدھی طرح رہیا سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شنکر کہے ویکھو کھیل تماشا، مَیں سچ سچ جنائیا۔ جِس گھر خوشیاں نال گُجھا آٹا، پانی پریم پیار مِلائیا۔ سوہنی کنالی
سوہوے باٹا، پُرکھ ابناسی دئے وڈیائیا۔ وِشنوُں ہسّ کے کہے مَیں پوُرا کراں گھاٹا، اَگے واسطے نیڑے ہو کے سیو کمائیا۔ پِچھلا پوُرا کراں کھاتہ، لیکھا ہتّھو ہتّھ مُکائیا۔ برہما کہے مَینوُں سوہنا لگّے احاطہ، جِس گھر ہتیارا نظر کوئے نہ آئیا۔ جُگ چؤکڑی مَیں گُر اوتاراں پیِر پَیغمبراں دیِاں سُندا رہیا باتاں، جو قلم شاہی نال کاغذاں اُتے لِکھائیا۔ کلجُگ انتم سِری بھگوان ویکھیا ساکھیاتا، سچ مُچ اوہی نظری آئیا۔ جِس دی ذات نہ کوئی پاتا، دیِن مذہب نہ کوئے وکھائیا۔ جن بھگتاں دیوے کُھلیاں داتاں، نام بھنڈارا اِک ورتائیا۔ لوکی ویکھن اندھیریاں راتاں، گُرمُکھ خوشیاں چند چمکائیا۔ جوتی جوت سروُپ ہرِ، آپ اپنی کِرپا کر، سد اپنا راہ چلائیا۔ دال کہے میرا ویکھو دانہ، دانشمندی اِک سمجھائیا۔ جِس رچیا کھیل دو جہاناں، سو دوہرا کڑچھا رہیا پِھرائیا۔ جِس پانی نال مِلا کے مَینوُں دِتا مانا، سِر میرے ہتّھ ٹِکائیا۔ ہلدی لوُن مِرچ کر پروانا، فرمانا اپنا اِک سُنائیا۔ غریِب نِمانیاں وِچوں اُتم نِکلیا اِکو کھانا، جِس نوُں کھا کھا وِشن برہما شِو خوشی منائیا۔ چھتّی بھوجن ملِے نہ کوئی ٹِکانا، جِس بھگوان بھوگ نہ لگائیا۔ سو رِدھا پکاّ پکاّ رِدھا سِدھا ہویا پروانا، دوُسر اَگے نہ کِسے ٹِکائیا۔ نہ کوئی مسلہ پڑھے اِنجیل قُرآنا، نہ کوئی اوٹ رکھےّ وید پُرانا، نہ کوئی گُروُ گرنتھ دئے پروانہ، بِن پروانگیؤں اپنے لیکھے لائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچ سمّگری اِکو اِک ورتائیا۔ گُر اوتار اِکٹّھے ہو کے آؤندے نے۔ پیِر پَیغمبر نال مِلاؤندے نے۔ دوئے جوڑ عرض سُناؤندے نے۔ پلّوُ پا واسطہ پاؤندے نے۔ چاروں کُنٹ نیَن اُٹھاؤندے نے۔ سچ دھیان اِک لگاؤندے نے۔ ویکھ پکوان خوشی مناؤندے نے۔ جِس دی سیوا کرے بھگوان، تِس دی صِفت سرب صالاہُندے نے۔ انتم اکّھیں ویکھیا آن، پِچھلا لِکھیا لیکھ ورقہ اُلٹاؤندے نے۔ جوتی جوت سروُپ ہرِ، آپ اپنی کِرپا کر، اِکو دے فرمانا، در تیرے منگ منگاؤندے نے۔ دے ور کرتار، تیرے اَگے اِک عرضوئیا۔ ویکھ کے آئے تیرا بھنڈار، جِس وِچ تُونہی نظری آئیا۔ سِری بھگوان بول کِہا للکار، اِکو وار سُنائیا۔ ایہہ میرے بھگتاں دا وِہار، مَیں سیوک نظری آئیا۔ مَینوُں آد جُگاد جُگ چؤکڑی جوت اکالن سب نے کِہا نار، کُھلڑے کیس رہی وکھائیا۔ مَیں ہتّھاں نال سیوا کراں بن سیوادار، بھانڈے برتن مانج وکھائیا۔ میرے کھان وِرلے گُرمُکھ سچّے سردار، جِنہاں دیواں مان وڈیائیا۔ جے مَینوُں جھیور نائی کہو مَیں خوشیاں نال بنا کے گلّ وِچ پاواں ہار، دیواں دو جہان وڈیائیا۔ جوتی جوت سروُپ ہرِ، آپ اپنی
کِرپا کر، مِہروان مِہر نظر اُٹھائیا۔ گُر اوتار سیِس نِواؤندے نے۔ ڈھیہہ ڈھیہہ کے بُھل بخشاؤندے نے۔ دوئے جوڑ واسطہ پاؤندے نے۔ دھنّ بھاگ پربھ جو تیری کِرپا نال در تیرے آؤندے نے۔ جُگ چؤکڑی جو دِتے وسار، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی تیرے کولوں منگ منگاؤندے نے۔ سِری بھگوان اِک الاؤندا اے۔ بھیوَ ابھیدا آپ کُھلاؤندا اے۔ اُجل اپنا راہ چلاؤندا اے۔ لیہز فیہز وقت مُکاؤندا اے۔ بھکّھ بھوج ڈیرہ ڈھاہُندا اے۔ دُھر دا ارداسا اِکو سودھ، شُدھ سب نوُں آپ کراؤندا اے۔ وِشنوُں ویکھ اپنا رِزق روز، روزی تیرے ہتّھ پھڑاؤندا اے۔ جو میرے درشن نوُں رہے لوچ، تِنہاں دوارے تُہانوُں خاک رلاؤندا اے۔ ایہہ اوہ دوارا سچّا کوٹ، جو سچکھنڈ نظر کِسے نہ آؤندا اے۔ شبد اگمّی وجےّ چوٹ، پُرکھ اکال آپ لگاؤندا اے۔ ایتھے بھنڈارا پکاّ بہُت، آد جُگاد نہ کوئے مُکاؤندا اے۔ ایہہ سَتجُگ چلے راؤنس، رُسییاں پھیر نال مِلاؤندا اے۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑاؤندا اے۔ ساچی سِکھیا اِک دِرڑائی اے۔ پربھ ایکا دھار سمجھائی اے۔ وِشن برہما شِو اکّھ کُھلائی اے۔ گُر اوتار خوشی منائی اے۔ پیِر پَیغمبر رہے جس گائی اے۔ پربھ دسّ اوہ ویلا کیہڑا، جِس ویلے بہہ کے تیرا بھوجن کھائی اے۔ سِری بھگوان کہے جِتھے میرے بھگتاں ڈیرہ، تِس تھان ملِے وڈیائی اے۔ اوتھے جا کے بہہ کے منگو پربھ دیونہار بتھیرا، دیندیاں توٹ رہے نہ رائی اے۔ جوتی جوت سروُپ ہرِ، آپ اپنی کِرپا کر، حُکم اِکو اِک سمجھائی اے۔ سُن کے سنگت بن گئی پنگت، بہہ بہہ رہے کھائیا۔ نالے ویکھن ہرِ دی سنگت، خوشیاں راگ الائیا۔ سُن گیان بودھ اگادھے کولوں پنڈت، جو دُھر دی کرے پڑھائیا۔ جِس کھیل رچایا جیرج انڈج، اُتبُھج سیتج دئے وڈیائیا۔ اجّ اُس دواریوں آئے منگت، گھر بَیٹھے ڈیرہ لائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، ساچی وست دے ورتائیا۔ صاحِب سَتگُر ویکھ خوشی مناؤن گے۔ گُر اوتارو پیِر پَیغمبرو، میرے بھگت آپ ورتاؤن گے۔ گردھارا بخشیِش ہتّھ کڑچھے آپ اُٹھاؤن گے۔ پال مسّا نال رلاؤن گے۔ کاشی ہٹّا اِک چلاؤن گے۔ اِندر پُھنِندر جِس در توں کھاں گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ بھنڈارا اِک ورتاؤن گے۔ گُر اوتار کہن اسیں کھاواں گے۔ خوشیاں نال گیِت الاواں گے۔ ساچی ریِت اپنی جھولی پاواں گے۔ جِس گھر وسن اوُچ نیِچ، اُس در بہہ کے سیِس نِواواں گے۔ ساڈا پِچھلا لیکھا مُکیا پوُرا کیِتا ٹھیِک، ٹھیِکر کوُڑا
بھنّ وکھاواں گے۔ جُگ چؤکڑی پِچھوں آئی اوہ تاریخ، جِس تاریخ دا سُنیا حال سُناواں گے۔ در سوالی بن کے منگیئے بھیِکھ، بِھچِھیا اپنی جھولی پاواں گے۔ ایتھے اوتھے رہیں اتیِت، پربھوُ تیرا جس گاواں گے۔ جوتی جوت سروُپ ہرِ، آپ اپنی کِرپا کر، ساچا دینا اِک ور، گھر تیرا منگن آواں گے۔ تیرے بھگت سب کُچھ ورتاؤن گے۔ پھڑ باہوں مَینوُں نال رلاؤن گے۔ حُکمے اندر چاروں کُنٹ بھواؤن گے۔ جے کوئی لبھے جا کے کِسے مندر، مندر وڑ کے پھیر پچھتاؤن گے۔ جے کوئی ویکھے آ کے اندر، نِرگُن نوُر ظہوُر رُشناؤن گے۔ میرا اِکو گھر منگل، جِس گھر بھگت نظری آؤن گے۔ جوتی جوت سروُپ ہرِ، آپ اپنی کِرپا کر، ساچی وست سب دی جھولی پاؤن گے۔ مَینوُں گُرمُکھاں نال رلاؤنا اے۔ ساچی سیوا وِچ لگاؤنا اے۔ کملا رملا جگت بناؤنا اے۔ جِس دے اندر سوہنا بنگلا، محل اٹل اِک سُہاؤنا اے۔ جِس دے چاروں کُنٹ پنج تت جنگلا، دوُروں نظر کِسے نہ آؤنا اے۔ کی ہویا جے سُدامے چبےتندلا، بِن تندل چبیاں پار کراؤنا اے۔ چڑھا کے دُھر دی اپنی منزلا، جِس منزل اپنا ڈیرہ لاؤنا اے۔ جوتی جوت سروُپ ہرِ، آپ اپنی کِرپا کر، سچ پکوان گُر اوتاراں پیِر پَیغمبراں جن بھگتاں نال مِل کے، آپ کھواؤنا اے۔ وِشنوُں کہے ایتھے کی کُچھ کھاواں گے۔ برہما کہے کھا کھا تھکیئے، تھک تھک کے انت پچھتاواں گے۔ شنکر کہے بےانت بےانت کہہ کے شُکر مناواں گے۔ گُر اوتار کہن دو جہان تج کے، گھر ساچے خوشی مناواں گے۔ پیِر پَیغمبر کہن درشن کریئے رجّ کے، جِس درشن ڈِٹھیاں اپنا آپ مِٹاواں گے۔ نانک نِرگُن کہے نہیں ہرِسنگت وِچ سج کے، بھوجن گُرمُکھاں رل کے کھاواں گے۔ گوبِند کہے جَیکارا بولیئے گجّ کے، پُرکھ اکال شُکر مناواں گے۔ جِس نوُں پِچھے آئے چھڈ کے، اوس دا درشن لوکمات پاواں گے۔ اجّ ایتھوں جائیے رجّ کے، نؤ سؤ چُرانوے چؤکڑی جُگ پِھر کھان کدی نہ آواں گے۔ جن بھگتاں نال جائیے ہسّ کے، ہسّ ہسّ اپنی خوشی مناواں گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی وست اپنی جھولی پاواں گے۔ وِشنوُں کہے کی ورتار ورتائےگا۔ برہما کہے بُھکھے ننگیاں بھنڈار بھرائےگا۔ شنکر کہے داتار اپنی دَیا کمائےگا۔ گُر اوتار کہے ساڈا لیکھا موُل چُکائےگا۔ پیِر پَیغمبر کہے ساڈی نیاج نہ کوئی چڑھائےگا۔ بھگت بھگوان مِل کے ردھا پکاّ، بہہ کے اِکٹّھا کھائےگا۔ آد جُگاد جُگ چؤکڑی دا بچن کر کے سچّا، ساچی اپنی دھار رکھائےگا۔ گُر اوتاراں پیِر پَیغمبراں کولوں جو دھاگا رہ گیا کچّا، انتم اپنی گنڈھ دوائےگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی
کرنی آپ کماویگا۔ گُر اوتار پیِر پَیغمبر کرن وِچار، متا متے نال پکائیا۔ اسیں کہِندے رہے نر نِرنکار، نِرگُن نوُر خُدائیا۔ جوتی دِیپک جلوہ تکّیا نہ پُرکھ نہ نار، روُپ انوُپ سمجھائیا۔ کر ویس بھیو کھولیا کرتار، کرتا اپنا پردہ لاہیِا۔ نظری آیا نِرگُن دھار، سرگُن سوبھا پائیا۔ سرگُن روُپ تت آکار، تتو آپ پرگٹائیا۔ پریِتی اندر دسّ پیار، پریمی پریمکا روُپ وٹائیا۔ جن بھگتاں میلے ہو خَوار، خَواری اپنی جھولی پائیا۔ جوت اکالن بن کے نار، کُھلڑے کیس پِھرے واہو داہیِا۔ جے کوئی جوبن ویکھے مُٹیار، بُڈھی بالی نظر کِسے نہ آئیا۔ جے صِفت کرو تے پروردِگار، سلاہاں وِچ پاربرہم اکھوائیا۔ ملاح وِچ بیڑا کرے پار، پھڑ کے اپنے کندھ اُٹھائیا۔ کِرپا کرے تے بُھکھیاں دئے وکھال، کُھلی وست ورتائیا۔ اَگے کِسے دی کوئی نہ چلے چال، مجلس وِچ بہہ کے گُر اوتار، پیِر پَیغمبر اپنا حُکم نہ کوئی ورتائیا۔ سارے گُرمُکھ ہون خوشحال، خوشیاں جھولی آپ بھرائیا۔ مہاراج شیر سِنگھ وِشنوُں بھگوان بن پرِتپال، پالنا کرے تھاؤں تھائنیاں۔ بھوجن کھادیاں اَگے ہووے نہ کِسے زوال، دیوے انت نہ کوئی سزائیا۔ سب دا پوُرا ہویا حل سوال، ہلت پلت وِچوں دو جہان پار کرائیا۔ دھنّ وڈیائی ردھے پکّے پکوان دال روٹی چھتّی بھوجن پدارتھ، اَگے سوارتھ اپنے لیکھے لائیا۔ گُرمُکھاں جنم نہ جائے آکارتھ، جو جو کھا کھا شُکر منائیا۔ ہرِسنگت تیرا اِکو سچّا پرمارتھ، جو اپنے نال نِبھائیا۔ جوتی جوت سروُپ ہرِ، آپ اپنی کِرپا کر، نام کسوٹی نال لا کے بنائے پارس، قیمت کرتا آپ چُکائیا۔ مہاراج شیر سِنگھ وِشنوُں بھگوان مِہر کرے مِہروان بِن سفارش، سب دی کیِتی پِچھلی بیِتی اگلی ریِتی جھولی پائیا۔
جِس ویلے لنگر ورتاؤن گے۔ اِکّی اِکّی اِکّی خوشی مناؤن گے۔ سِکھی سِکھی وِچ رل کے سِکھی روُپ سماؤن گے۔ پوُرب لیکھ دی لِکھی تقدیِر مٹاؤن گے۔ گُرمُکھ ویکھ مُنی رِکھی، رِکھی رِکھی سِدھے سیِس نِواؤن گے۔ جنم مرن وِچ کوئی نہ ہووے دُکھی، دُکھی دُکھ دلِدر ڈیرہ ڈھاؤن گے۔ پربھ چرن سچکھنڈ سارے وسن سُکھی، سُکھی سُکھی جو سَتگُر درشن پاؤن گے۔ اُجل ہووے مات مُکھی، مُکھی مُکھی جو سوہنگ ڈھولا گاؤن گے۔ جن بھگتاں کہی رمز گُجھی، گُجھی گُجھی اپنی رمز لگاؤن گے۔ جِنہاں بات اگمّ دی سُجھی، سو اپنی سوچ سمجھ گواؤن گے۔ تریلوکی اندر دال رِجھی اِک پربھوُ دی کُجی، جِس دا بھیو دو جہان نہ پاؤن گے۔ کوئی سمجھ نہ سکے من مت بُدھی، گیان دھیان سرب شرماؤن گے۔ ہرِسنگت تیری وڈیائی اُچی، اُچے مِزار بہہ بہہ ہرِ گُن گاؤن گے۔ تیری آتم پرماتم کیِتی سُچی،
سچ سُچ سنجم وِچ سماؤن گے۔ پُرکھ اکال بھاگ لگائے گوبِند نال پُتیں، پِتا پوُت اِک گھر بہہ کے در ساچا سچ سُہاؤن گے۔ ایہہ کیہڑا مَیں کؤن لُکی، اوہلا پردہ سرب مٹاؤن گے۔ جِنہاں دی سِری بھگوان کٹّن آیا بُتی، سو ججمان گُرمُکھ اَگوں خیَر خریعت پربھ دی جھولی پاؤن گے۔ سب نوُں اندر وڑ کے ویکھیا گُٹھیں، لُک کے مُکھ نہ کوئی چُھپاؤن گے۔ وِشن برہما شِو گُر اوتار پیِر پَیغمبر کہن اجّ کھا جائیے پوُری لُچی، جِس دے کولوں کڑاہ پرسادِ سارے سیِس نِواؤن گے۔ اِس دی قلم منی سِنگھ چلائی بڑُکھیں، سو بوُہے لنگھ کے ویکھ خوشی مناؤن گے۔ جِس کلا جگائی سُتّی، تِس دے سُت بن کے اپنی جھولی ڈاہُن گے۔ اَگے بُھکھا کِسے دا رہن نہ دیوے کاغذ قلم شاہی بُتی، بُتخانے سارے نیتر نیَن نیر وہاؤن گے۔ جن بھگتاں دوارے بہہ کے پریم پیار چوُری سب نے کُٹی، پریم رس اپنا وِچ رلاؤن گے۔ مہاراج شیر سِنگھ وِشنوُں بھگوان، نِہکلنک نرائن نر، لیکھے لا مندھوُکڑی رُکھی، سندوُکڑی ساچی سرب بھراؤن گے۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، جوت اکالن بن کے آئی پھپھے کُٹی، بھیکھ پکھنڈ اپنے وِچ چُھپائیا۔ جگت پلالن کِسے کولوں نہ گئی لُٹی، لُٹ لُٹ ویکھے جگت لوکائیا۔ جن بھگتاں نال مِلا کے اپنی رُچی، رچنا ساچی رہی وکھائیا۔ بھگت دوارے آ کے گل اِکو پُچھی، جو صاحِب سوامی رہیا سمجھائیا۔ گُرمُکھو تُہاڈی واٹ پِچھلی ساری مُکی، اَگے سَتگُر دئے صفائیا۔ مہاراج شیر سِنگھ وِشنوُں بھگوان سارے گاؤ اُچی، جو نیِچوں اوُچ رہیا بنائیا۔
۱۰ ماگھ ۲۰۲۰ بِکرمی سنت سِنگھ دے گھر پِنڈ بابوُ پُر ضِلع گُرداس پُر
دو جہان خوشی چڑھی گجّ، غرض سب دی پوُر کرائیندا۔ جُگ چؤکڑی میٹ حد، حد اِکو اِک سمجھائیندا۔ گُر اوتار پیِر پَیغمبر اپنا نام سُنا سدّ، سدّا اپنا نام سُنائیندا۔ ساچے حُجرے کرا حج، حضرت اِکو نوُر درسائیندا۔ گیِت گوبِند گاون چھند، سوہلا سچ سچ دِرڑائیندا۔ گرِہ مندر اندر آوے سُکھ انند، سُکھ ساگر روُپ وٹائیندا۔ سب دا لیکھے لگّے پندھ، ہرِ کرتا قیمت پائیندا۔ جوتی جوت سروُپ ہرِ، آپ اپنی کِرپا کر، ساچا رنگ آپ چڑھائیندا۔ دو جہان رہے گجّ، غزل اِکو نام سُنائیا۔ رَو سس رہے بھجّ، بن پاندھی پندھ
مُکائیا۔ وِشن برہما شِو اِک دوُجے نوُں رہے سدّ، سنیہڑا سچ گھلائیا۔ چلو چل کے ویکھیئے اجّ، اِجازت دیوے بےپرواہیِا۔ جِس دی جُگ چؤکڑی کِسے نہ لبھی حد، کنارہ نظر کوئی نہ آئیا۔ سو صاحِب سوامی ہرِسنگت اندر بَیٹھا سج، سجّن بن کے ڈیرہ لائیا۔ سب دے پڑدے رہیا کجّ، سِر اپنا ہتّھ ٹِکائیا۔ حال مُرید ہو کے آئیے دسّ، مُرشد ملِے بےپرواہیِا۔ جوتی جوت سروُپ ہرِ، آپ اپنی کِرپا کر، ساچا لیکھا رہیا لِکھائیا۔ نِرگُن سرگُن نعرہ گجّ، سچکھنڈ نِواسی آپ سُنائیندا۔ لما اُچا دِسے نہ کوئی کّد، گہر گمبھیِر سوبھا پائیندا۔ سچ دوارا آپے لنگھ، سیج سُہنجنی سوبھا پائیندا۔ کوٹن کوٹ جُگ مُکا اپنا پندھ، منزل اپنی آپ سُہائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ گُر اوتار جَیکار سُناون گجّ، گداگر روُپ وٹائیا۔ تیرے نام دا اگمّا ند، نِت نوِت رہے وجائیا۔ لکّھ چؤراسی جیِو جنت سادھ سنت دِتی مدُھ، رس تیرا نام بھرائیا۔ نِرگُن نِروَیر کِیوں بَیٹھا ہو اڈّ، اِک اِکلّا روُپ وٹائیا۔ جُگ چؤکڑی سب دا ساتھ جاون چھڈ، سگلا سنگ نہ کوئی نِبھائیا۔ کایا ماٹی خاک رووے ہڈّ، ناڑی نوُر نہ کوئی رُشنائیا۔ اُٹھ ویکھ اپنی جد، وِشنوُں بَیٹھا دھیان لگائیا۔ نوُر نوُرانے چمکن چند، جہان آیا مُکھ بھوائیا۔ تیرے پریم مانن انند، انند اِکو نظری آئیا۔ جوتی جوت سروُپ ہرِ، آپ اپنی کِرپا کر، سد دے مان وڈیائیا۔ گج جَیکارا پیِر پَیغمبر، سچ سچ رہے جنائیا۔ پروردِگار رچیا اِک سوّمبر، نِرگُن سرگُن میل مِلائیا۔ چلو ویکھیئے چل اڈّمبر، کی کی رچن رچائیا۔ سرب کلاں ہرِ بن بھرتمبر، بھرپوُر رہیا سرب ٹھائینا۔ نہ کوئی مسجد گُردوارا مندر، شِودوالا مٹھ نہ کوئی وکھائیا۔ جن بھگتاں میل مِلا کے اندرے اندر، گھر باتی جوت کرے رُشنائیا۔ من واسنا بنّ کے بندر، چرن کوَل رہیا چِت لائیا۔ جِس رَوداسے ڈھوئے ڈھور ڈنگر، تِس لیکھا قلم شاہیِا۔ جوتی جوت سروُپ ہرِ، آپ اپنی کِرپا کر، ساچی کرنی رہیا وکھائیا۔ گُر اوتار گجّ گجّ بول، انبولت راگ سُنائیا۔ تیرا اگما دُھر دا ڈھول، جُگ چؤکڑی نِت نوِت وجائیا۔ سَتجُگ تریتا دواپر کلجُگ دوارا کھول، خالق خلق دِتی سمجھائیا۔ لکّھ چؤراسی تول اپنے تول، نام کنڈا اِک وکھائیا۔ گُرمُکھ وِرلے رکھے کول، بھگت بھگوان دَیا کمائیا۔ مایا ممتا پا کے پردہ اوہل، بھرم بُھلیکھا جگت لوکائیا۔ ایہہ تیرا اگمّی چویہل، چال نِرالی سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، ہرِ کرنی کار کمائیا۔ بھگت کہے بھگوان گجّ کی کہنا، مَیں کہن کُچھ نہ پائیا۔ اِکو منگاں درشن نیَناں، دوُجی آس نہ کوئی تکائیا۔ سدا
سد تیرے چرن بہنا، ملِے مان وڈیائیا۔ ناتا تُٹے مات پِت بھائی بھَینا، ساک سیَنا اِکو نظری آئیا۔ تن بھوُشن بستر پہنا تیرے نام گہنہ، نام اولا رنگ رنگائیا۔ محل اٹل اُچ منار رہنا، ساڈھے تِنّ ہتّھ سوبھا پائیا۔ سَتگُر چرن دُھر دا بُرج کدے نہ ڈھہنا، چار دیوار نہ کوئی گِرائیا۔ سوُرج چند رَو سس دوئے شرماؤنا، اکّھ سکے نہ کوئی کُھلائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تُدھ بِن دیونہارا نظر کوئے نہ آئیا۔ سنت کہے جن گجّ کی آکھاں، آکھن وِچ کُچھ نہ آئیا۔ اِکو بنا تیرا ساتھا، سگلا سنگ بنائیا۔ تُوں صاحِب سُلطان پُرکھ سمراتھا، پربھ تیرے ہتّھ وڈیائیا۔ ہؤں بال انجانا ناتھ اناتھاں، دیِنن روُپ وٹائیا۔ کر کِرپا ساڈا پوُر کرا گھاٹا، گھاٹی اپنی دے چڑھائیا۔ پِچھے رہ جائے پِچھلی واٹا، اَگے تیرے چرن ملِے سرنائیا۔ تیرے نوُر وِچوں اُپجی تیری ذاتا، انت تیرے وِچ سمائیا۔ کایا ماٹی تیرا کاسہ، جوتی جوت سروُپ ہرِ، آپ اپنی کِرپا کر، موہے اپنا رنگ وکھائیا۔ گُرمُکھ کہے گجّ کی بولاں، سوچ سمجھ کُچھ نہ آئیا۔ مَیں اِکو جانا تیرا ڈھولا، تُوں میرا سچّا ماہیِا۔ نِرگُن ہو کے بن وِچولا، سرگُن اپنا میل مِلائیا۔ دے وڈیائی اُپر دھؤلا، دھرنی دھرت خوشی منائیا۔ کِیوں رکھّ کے بَیٹھا اوہلا، پردہ اپنا دے چُکائیا۔ تیری پریِتی گھول گھولا، دوُجی سیو نہ کوئی رکھائیا۔ لکّھ چؤراسی نال مار رؤلا، جن بھگتاں اپنی دَیا کمائیا۔ جوتی جوت سروُپ ہرِ، آپ اپنی کِرپا کر، اِکو دینا اپنا ور، ور داتے تیری وڈیائیا۔ گُرمُکھ کہے کی گز پُکارا، رسنا جِہوا کہن کُچھ نہ پائیا۔ اِکو بیننتی دوئے جوڑ کراں نِمسکارا، نِیوں نِیوں اپنا سیِس نِوائیا۔ تُوں صاحِب سَتگُر سِرجنہارا، سچ سوامی نظری آئیا۔ سچکھنڈ نِواسی ایکنکارا، اکل کل تیری وڈیائیا۔ کاغذقلم نہ لِکھنہارا، شاہی بل نہ کوئی جنائیا۔ آد جُگاد تیرا انت نہ پاراوارا، بےانت تیری بےپرواہیِا۔ اِکو منگاں سچ دوارا، گھر ساچے الکھ جگائیا۔ سچ پریِتی دے ادھارا، دوُجی اوٹ نہ کوئی رکھائیا۔ تیجے نیَن کھول کِواڑا، چؤتھے پد میل مِلائیا۔ پنچم دسےّ سچ نظارہ، نظریہ اپنا لئے بدلائیا۔ چھیویں گھر ہو اُجیارا، سَتویں سَت سَتوادی سَت سروُپ وکھائیا۔ اٹّھویں اٹّھاں تتاں کر کنارہ، مِہر نظر نیَن اُٹھائیا۔ نؤویں نؤ در کوُڑی کِریا نہ کوئی پسارا، پُشت میرے ہتّھ رکھائیا۔ دسویں در تیرا نوُر ہوئے اُجیارا، جوتی جوت جوت رُشنائیا۔ امرت جام دے ٹھنڈا ٹھارا، اگن تت تت بُجھائیا۔ سیج سُہنجنی سوبھا پا گِرور گِردھارا، گہر گمبھیِر اپنا ڈیرہ لائیا۔ تیرے نال مِل کے پِھر گاواں تیرا جَیکارا، بِن تیرے نعرے کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، گھر
مندر دے دسائیا۔ گجّ جَیکارا بولاں انتر آتم، سَت دُھن آواز اُٹھائیا۔ تیرا روُپ نظری آئے سچ پرماتم، پرم پُرکھ تیری صِفت صالاحیِا۔ تیرا جلوہ تکاّں نوُری باطن، نِرگُن نِروَیر تیری وڈیائیا۔ لکّھ چؤراسی جیِو جنت رسنا جِہوا تیرا نام آکھن، انتر میل نہ کوئے مِلائیا۔ دھنّ وڈیائی تُوں بنیوں سنگی ساتھن، ناری کنت کھیل کھِلائیا۔ گُرمُکھ گُرسِکھ ہرجن ہربھگت اِکٹّھے ہو کے تَینوُں آئے آکھن، اِکو اپنی آواز سُنائیا۔ کلجُگ مِٹی اندھیری راتن، سَتجُگ سچ چند چمکائیا۔ سرب جیِاں دے سچّے پِت ماتن، پِتا پُرکھ تیری سرنائیا۔ دُھر دی دے اگمّی داتن، وست امولک جھولی پائیا۔ مَیلے چیِتھڑ سب دے پاٹن، پریم پٹولا دے صاحِب گوسائیں۔ تیرے پیار دی ملِے کھاٹن، بِستر سچ لیف تلائیا۔ مر مر جنم جنم پھیر نہ اوڈھیئے کفن، کفنی نظر کوئے نہ آئیا۔ تُدھ مِلیاں کوئی نہ رہے پاپن، پتت پُنیِت دے وکھائیا۔ تیرا جپیئےِاِکو جاپن، جپت جپت سُکھ پائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، دیونہار بےپرواہیِا۔ تیرا نام جَیکارا لایا گچ، جل دھار دھیان لگائیا۔ نِہکرمی ہو کے آئیوں بھجّ، پاربرہم بےپرواہیِا۔ تندوے تند دِتا کٹّ، تِکھی دھار وکھائیا۔ انتم لجّیا لئی رکھّ، مِہر نظر اُٹھائیا۔ ساڈا دے دے پِچھلا حق، جن بھگت منگ منگائیا۔ جُگ چؤکڑی تیرے ولّ رہے تکّ، نیتر لوچن نیَن اُٹھائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ بھگت کہن پربھ انترجامی، انتر جامت تیری سرنائیا۔ چار کُنٹ جگت ہوئے تیری بدنامی، بدلہ چُکے نہ کوئی جگت لوکائیا۔ تیرے اُپائے جیِو جنت ہوئے حرامی، چار کُنٹ رہے کُرلائیا۔ دھرم رائے دی چُکے نہ کوئے غُلامی، شرع زنجیر نہ کوئے کٹائیا۔ گُر اوتار دسّ دسّ گئے تیری بانی، بان نِرالا تیِر چلائیا۔ پیِر پَیغمبر پَیغام دیندے رہے شاہ سُلطانی، شہنشاہ تیرا نام وڈیائیا۔ کلجُگ انتم کِسے نظر نہ آئے تیری نِشانی، نِشانے سارے گئے بُھلائیا۔ بِن بھگتاں تیری کرے نہ کوئے مہمانی، گھر سدّ نہ کوئے لیائیا۔ اُٹھ سُن اُہناں کہانی، جو بیِتی رہے جنائیا۔ جوتی جوت سروُپ ہرِ، آپ اپنی کِرپا کر، سِر سب دے ہتّھ ٹِکائیا۔ بیِتی کہانی سُن پربھ ٹھاکر میرے، ہرجن کوُک کوُک جنائیا۔ چاروں کُنٹ جگت اندھیرے، بھجےّ پِھرن واہو داہیِا۔ سرِشٹ سبائی ویکھی اُلٹے گیڑے، کوہلوُ چکّی چکّ بھوَر بُھلائیا۔ لکّھ چؤراسی ڈھٹّھے کھیڑے، کایا مندر سوبھا کوئے نہ پائیا۔ تیرے نام دے پئے جھگڑے جھیڑے، جھنجھٹ سکے نہ کوئے مِٹائیا۔ ذات پات دیِن مذہب لا لا ڈیرے، ڈنکا اپنا رہے وجائیا۔ گُر اوتار پیِر پَیغمبر تیرے حُکمے اندر چھیڑاں گئے چھیڑے، چھیکڑ
بَیٹھے پلّوُ چُھڈائیا۔ تُدھ بِن لیکھا کؤن نبیڑے، ساچا عدل نہ کوئے کمائیا۔ کر کِرپا صاحِب سَتگُر میرے، ہرجن سچ سچ دِرڑائیا۔ دوُر دُراڈا آئیوں نیڑے، نِرگُن نِرگُن پندھ مُکائیا۔ چار ورن اٹھاراں برن تیرے نعرے لاؤندے رہے بتھیرے، پڑھ بھاشن مات سُنائیا۔ تُوں سُن دا رِہوں کر کے وڈّے جیرے، کروٹ اپنی نہ کوئے بدلائیا۔ انتم آئیوں جن بھگتاں ویہڑے، گھر ساچے پھیرا پائیا۔ گُرمُکھ اُچی کوُک گجّ کے کہن اسیں تیرے، دوُجا سائیں نہ کوئے رکھائیا۔ اَگے کریں نہ ہیرے پھیرے، پِچھلی عادت لئیں بدلائیا۔ جو چڑھ گئے تیرے بیڑے، منجھدھار نہ کوئے رُڑھائیا۔ آس رکھّ کے سِنگھ شیرے، شیر روُپ گئے وٹائیا۔ سب دے انتر چاؤ گھنیرے، مندر ویکھ خوشی وکھائیا۔ اُٹھ ویکھ کیہڑے کیہڑے، جو تیرا دھیان لگائیا۔ سَتجُگ تریتا دواپر کلجُگ جو حُکمے اندر نِکھیڑے، تِنہاں پریم پریِتی میل مِلائیا۔ جوتی جوت سروُپ ہرِ، آپ اپنی کِرپا کر، ساچی دے مان وڈیائیا۔ گجّ جَیکارا لایا ناؤں، نِرنکار تیرا جس گائیا۔ نِمانیاں دینا سچّا تھاؤں، چرن ملِے سرنائیا۔ نِیوں نِیوں سارے لاگن پاؤں، مستک ٹِکاّ دھوُڑی خاک رمائیا۔ لکّھ چؤراسی رُڑھدے پکڑے باہوں، ڈُبدے ڈُبدے لئے ترائیا۔ پُرکھ اکال بن کے سِر رکھّ ٹھنڈی چھاؤں، مِہر نظر اِک ٹِکائیا۔ تُوں آد جُگادی سب دا پِتا ماؤں، بالک نیتر نیَن رو رو نیِر وہائیا۔ جوتی جوت سروُپ ہرِ، آپ اپنی کِرپا کر، سد ساڈا سگلا سنگ نِبھائیا۔ رل مِل جَیکارا گجّ کے لایا، خوشیاں گیِت الائیا۔ اُٹھ کے بھجیّ ترےَگُن مایا، اپنا مُکھ بھوائیا۔ پنج تت واسطہ پایا، دوئے جوڑ پیا سرنائیا۔ بہُڑی مَیں بُھلا اوہ ٹھاکر آیا، جِس سب دی بنت بنائیا۔ آد جُگاد جُگ چؤکڑی جِس کھیل رچایا، نِرگُن سرگُن دھار بنائیا۔ گُر اوتار جِس پرگٹایا، پیِر پَیغمبر دئے وڈیائیا۔ لکّھ چؤراسی جِس نے رچن رچایا، گھٹ گھٹ رہیا سمائیا۔ مندر مسجد شِودوالا مٹھ جِس وسایا، سو ویکھنہارا تھاؤں تھائنیا۔ جِس دا سوہلا ہرِسنگت مِل کے گایا، خوشیاں نام صالاحیِا۔ گجّ گجّ کے گرج لگایا، گہر گمبھیِر دیوے وڈیائیا۔ جنم جنم دی مرض مِٹایا، منزل مکُے پندھ پرائیا۔ اپنا فرض توڑ دئے نِبھایا، فضل کرے بےپرواہیِا۔ اچرج کھیل اِک رچایا، اچرج اپنا روُپ وٹائیا۔ سچ نام سچ جَیکار سچ سوہلا سچ گُرمُکھ جِس مُکھ گجّ کے لایا، سو مُکھ مُفت سَتگُر اپنی جھولی پائیا۔ مہاراج شیر سِنگھ وِشنوُں بھگوان مارگ پنتھ اِک سجایا، جِس دی شاستر سِمرت وید پُران گیِتا گیان اِنجیل قُرآن گُروُ گرنتھ دئے گواہیِا۔ گواہی دیوے نال شہادت، صفائی دُھر دی اِک بُھگتائیا۔ صاحِب سچّے دی اِکو عبادت، آداب
ادب اِک جنائیا۔ پروردِگار دی اِکو عبارت، جو آد جُگاد لِکھائیا۔ پُرکھ اکال دی اِکو سفارش، جِس دی کرے تِس اپنے وِچ مِلائیا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی سدا سدا سد لائے سچ عدالت، عدلی راجا بن کے بہہ کے کہہ کے سچّا عدل کمائیا۔
۱۰ ماگھ ۲۰۲۰ بِکرمی بھاگ سِنگھ دے گھر پِنڈ بابوُ پُر ضِلع گُرداس پُر
مڑھی گور پُکارے قبر، دیوے سچ دُہائیا۔ مَیں لکّھ چؤراسی کھادھا ٹّبر، چارے کھانی بُھکھ بنائیا۔ مَینوُں اجے نہ آیا صبر، دھیِرج دھیِر نہ کوئے رکھائیا۔ میرے نال رلی مؤت رانی اجل، در در گھر گھر ویکھ وکھائیا۔ جُگ چؤکڑی مُکی نہ میری مزل، پاندھی پندھ نہ کوئے مُکائیا۔ سِری بھگوان کر عدل، تیرے اَگے اِک عرضوئیا۔ میری کرنی مات بدل، بدلا دے چُکائیا۔ مِہروان کر فضل، رحمت اپنا نام جنائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیا۔ مڑھی گور کہے مَیں کھادھا جگ، لکّھ چؤراسی جھولی پائیا۔ کِسے نوُں پھوُکیا لا کے اگّ، کوئی ماٹی ہیٹھ دبائیا۔ اجے نہ مُکی میری حد، لیکھا سکے نہ کوئے چُکائیا۔ جُگ چؤکڑی مَیں رہی لبھ، چاروں کُنٹ پھیرا پائیا۔ گُر اوتاراں پیِر پَیغمبراں چرناں رہی ڈھٹّھ، خالی جھولی ڈاہیِا۔ کؤن میری کرے بس، بستہ بنّھ وکھائیا۔ سب نے اَگوں کِہا ہسّ، خوشیاں نال سمجھائیا۔ کلجُگ انت آئے پُرکھ سمرتھ، تیرا لہنا دئے مُکائیا۔ سرِشٹ سبائی اِکو مارگ دسّ، ساچا راہ دئے سمجھائیا۔ مڑھی گور دوہاں توں باہر لئے رکھّ، رکھیا کرے ہر گھٹ تھائنیا۔ جوتی جوت سروُپ ہرِ، آپ اپنی کِرپا کر، اِک دیوے مان وڈیائیا۔ مڑھی گور کرے پُکار، نیَناں نیِر وہائیا۔ مَیں کھا کھا تھکّی گُروُ اوتار، پیِر پَیغمبر اپنے وِچ دبائیا۔ شاہ سُلطان میٹیا نام نِشان، راج راجان نظر کوئے نہ آئیا۔ نِت نوِت کردی رہی دھیان، نیتر نیَن اکّھ کُھلائیا۔ کَون ویلا پربھ ملِے سِری بھگوان، کَون ہوئے سہائیا۔ میرا لیکھ مُکائے آن، ریکھا پِچھلی دئے بدلائیا۔ سانجھا دیوے اِک گیان، سبناں کرے پڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ مڑھی گور کڈھے ترلا، نِیوں نِیوں سیِس جھُکائیا۔ کِرپا کر اپنے گھر ور لا، وریام اِکو نظری آئیا۔ لوکمات وِچوں کڈھ لا، مِہر
نظر اِک ٹِکائیا۔ تیرا مندر ویکھیئے اڈّرا، جِس گھر بَیٹھے ڈیرہ لائیا۔ اوہ دھام سُہنجنا پدھرا، سیج سُہنجنی سوبھا پائیا۔ جوتی جوت سروُپ ہرِ، آپ اپنی کِرپا کر، ساڈا لیکھا دے مُکائیا۔ مڑھی گور مارے چیِک، نعرہ ہوُ ہوُ لگائیا۔ تیرے در توں منگیئے بھیِکھ، خالی جھولی اَگے ڈاہیِا۔ جُگ چؤکڑی بیِتے وِچ اُڈیِک، ویلا انتم گیا آئیا۔ سانوُں وقت سُہیلا دسّ ٹھیِک، ٹھاکر اپنا حُکم ورتائیا۔ دوُر دُراڈا آئیوں نزدیِک، در گھر ساچے پھیرا پائیا۔ جوتی جوت سروُپ ہرِ، آپ اپنی کِرپا کر، سچ دے مان وڈیائیا۔ مڑھی کہے جو میرے اندر سڑدا، اگنی تت جلائیا۔ اوہ لکّھ چؤراسی وڑدا، جوُنی جوُن بھوائیا۔ بِن بھگت کوئی نہ ویکھیا تردا، پار کنارہ نظر کِسے نہ آئیا۔ تُوں صاحِب لکّھ چؤراسی گھڑدا، انڈج جیرج اُتبُھج سیتج رچن رچائیا۔ جوتی جوت سروُپ ہرِ، آپ اپنی کِرپا کر، سچ دے مان وڈیائیا۔ گور کہے جو کیِتا دفن، دفعہ تیرا نام لگائیا۔ اُتے پائے اوڈھن کفن، کفنی تن نہ کوئے لگائیا۔ بِن صوُفی ساچا در کوئی نہ منگن، درویش الکھ نہ کوئے جگائیا۔ جنم جنم پِھرنا ننگن، سیلی ٹوپی سیِس نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، سانوُں دے مان وڈیائیا۔ مڑھی کہے جو میرے اُتے سڑدا، اگنی بالن بھیٹ چڑھائیا۔ پھیر پانی اُتے تردا، وہِندا جائے واہو داہیِا۔ لبھے بھیوَ نہ اپنے گھر دا، گھر دیوے نہ کوئے وڈیائیا۔ لیکھا ویکھیا جُگ چار دا، چاروں کُنٹ پھول پُھلائیا۔ مانَس جنم منُکھ ہار دا، ہرِ کی سار کِسے نہ پائیا۔ کنارہ نظر نہ آئے پار دا، منجھدھار ہڈّیاں رہے سُٹائیا۔ تیِرتھ تٹ نہ لیکھا جانے سچےّ یار دا، محبوُب میل نہ کوئے مِلائیا۔ جیِو پرانی کوُک کوُک پُکاردا، سِر ہتّھ نہ کوئے ٹِکائیا۔ لہنا دینا چُکے نہ پُرکھ نار دا، ساچا رنگ نہ کوئے رنگائیا۔ ملِے میل نہ تیرے پیار دا، پریمی پریم نہ کوئے جنائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، در تیرے الکھ جگائیا۔ گور کہے جو میرے اندر دبّیا، ماٹی اُپر ڈھیر لگائیا۔ اکّھیں پھیر کِسے نہ لبھیا، نظر نیَن نہ کوئے جنائیا۔ گیڑے اندر بھجّیا، مر جمےّ واہو داہیِا۔ پردہ کِسے مات نہ کجّیا، سِر ہتّھ نہ کوئے ٹِکائیا۔ انت رکھےّ نہ کوئی لجّیا، پار کنارہ نہ کوئے لنگھائیا۔ جوتی جوت سروُپ ہرِ، آپ اپنی کِرپا کر، اِکو دے اپنا ور، جِس نال ساڈی رُت سُہائیا۔ ساڈی رُت سُہاونی، پربھ سچّے دیِن دَیالا۔ چؤتھے جُگ پوُری کرنی بھاونی، پاربرہم پُرکھ اکالا۔ در پکڑے سچّا دامنی، دامنگیِر ہو رکھوالا۔ اِکو منّی تیری ضامنی، جوتی جوت سروُپ ہرِ، آپ اپنی کِرپا کر، بن سچ سدا کِرپالا۔ سُن پُکار بولے بھگوان، بھگوَن اپنی
دَیا کمائیا۔ مڑھی گور کر دھیان، ہرِ دھیانی دھیان لگائیا۔ لیکھا جان جیِو جنت جہان، جاگرت جوت کرے رُشنائیا۔ ساچا مارگ لائے آن، دیونہار آپ وڈیائیا۔ چھوٹے بالے کر پروان، ساچی کرنی آپ کمائیا۔ اگنی بھیٹ بلیدان، بل اپنا دئے سمجھائیا۔ ہڈّیاں چُکے کوئی نہ آن، خاک جل نہ کوئے وہائیا۔ لیکھا مُکا کے وڈ مِہروان، ہرجن اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ دیوے وڈیائی سِری بھگوَنت، ہرِ ساچا سچ دِرڑائیندا۔ سچ بنائے دُھر دی بنت، گھاڑت اپنے ہتّھ رکھائیندا۔ دے وڈیائی جیِو جنت، بھگت بھگوان روُپ وٹائیندا۔ جوتی جوت سروُپ ہرِ، آپ اپنی کِرپا کر، تیرا لہنا موُل چُکائیندا۔ تیرا لہنا موُل چُکائے مات، مڑھی گور دئے وڈیائیا۔ جن بھگتاں جائے آپ ساتھ، سگلا سنگ نِبھائیا۔ شبد جَیکارا بول گاتھ، سوہنگ ڈھولا اِک سُنائیا۔ چرن پریِتی بنّھ نات، ناتا اپنے نال رکھائیا۔ جوتی جوت سروُپ ہرِ، آپ اپنی کِرپا کر، ساچی دیوے مان وڈیائیا۔ ساچی مان وڈیائی آپ دواؤندا اے۔ سِری بھگوان سچ سمجھاؤندا اے۔ جِس ویلے گُرمُکھ ویہڑے تیرے چرن ٹِکاؤندا اے۔ سیِڑھی بالن نظری آؤندا اے۔ پروار بنس ویکھ ویکھ گھبراؤندا اے۔ شہنشاہ اِکو حُکم جناؤندا اے۔ سوہنگ مہاراج شیر سِنگھ وِشنوُں بھگوان سچ جَیکار اِک لگاؤندا اے۔ نِرگُن حاضر ہووے آن، تیرا دُکھڑا درد مِٹاؤندا اے۔ درشن دے سِری بھگوان، تیری بھوُمُکا بھوُم سُہاؤندا اے۔ جوتی جوت سروُپ ہرِ، آپ اپنی کِرپا کر، ساچی کرنی کار کماؤندا اے۔ مڑھی گور پئی ہسّ، در در اپنی خوشی منائیا۔ تیرا درس پُرکھ سمرتھ، جُگ چار نہ کوئی کرائیا۔ تیرے بھگتاں پِچھے تَینوُں ویکھیئے نال اکّھ، اکّھ تیرے نال مِلائیا۔ ساڈا لیکھا دینا حق، حقو حق جھولی پائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ سچ وڈیائی مان دواؤندا اے۔ سِری بھگوان دَیا کماؤندا اے۔ سچ سندیسہ اِک سُناؤندا اے۔ اگلا لیکھ بھیو چُکاؤندا اے۔ جِس ویلے گُرمُکھ آؤندا اے۔ بنس سربنس نال لِیاؤندا اے۔ سجّن مِتر جگت رلاؤندا اے۔ پِچھلے چھڈ سارے فِکر، گھر تیرے سوبھا پاؤندا اے۔ لکّھ چؤراسی وِچوں نِکل، اپنا نام پرگٹاؤندا اے۔ اوس ویلے ہرِسنگت میرا کرے ذِکر، ساچی سِکھیا اِک سمجھاؤندا اے۔ جوتی جوت سروُپ ہرِ، آپ اپنی کِرپا کر، مِہر نظر نیَن اُٹھاؤندا ے۔ جِس ویلے گُرمُکھ آویگا۔ تیری بھوُمُکا چرن ٹِکاویگا۔ ارتھی اُتے سوبھا پاویگا۔ فرش خاک نال رلاویگا۔ عرش اِکو ویکھن آویگا۔ درسی ساچا درس دِکھاویگا۔ مڑھی گور تیری جُگ
جُگ دی لگّی حرص، سچ حرصی آپ مِٹاویگا۔ جوتی جوت سروُپ ہرِ، آپ اپنی کِرپا کر، ساچی کرنی کار کماویگا۔ جد مڑھی اُتے ٹِکاؤن گے۔ مُکھ ننگا کر وکھاؤن گے۔ سوہنگ گیِت سُہاگی گاؤن گے۔ بن وَیراگی شُکر مناؤن گے۔ جگت تیاگی گھر ساچے سوبھا پاؤن گے۔ سو گُرمُکھ وڈّے وڈبھاگی، بھاگاں بھریئے تَینوُں نال رلاؤن گے۔ تیری قِسمت اوہناں نال جاگی، جو میرا نام دھیاؤن گے۔ جوتی جوت سروُپ ہرِ، آپ اپنی کِرپا کر، ساچی کرنی کر وکھاؤن گے۔ ساچی کرنی کر وکھاواں گا۔ مڑھی گور رُت سُہاواں گا۔ نیتر رو کوئی نہ پاوے شور، ساچا رنگ اِک رنگاواں گا۔ اَگے پِچھے سارے تور، تُرت اپنا حُکم مناواں گا۔ جن بھگتاں پکڑ ہتّھ اپنی ڈور، تند اِکو اِک جناواں گا۔ لوکمات آپ بہُڑ، بہُڑی بہُڑی ڈیرہ ڈھاواں گا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، دیونہارا ساچا دان، داتا دانی اِکو اِک اکھوائیا۔
۱۰ ماگھ ۲۰۲۰ بِکرمی میلا سِنگھ مُنشا سِنگھ دے گھر پِنڈ بابوُ پُر ضِلع گُرداس پُر
بِھنڑی رَین اُٹھ اُٹھ کہِندی، ہرجناں حال سُنائیا۔ چڑھدا پہاڑ دکھّن دِشا ویکھو لہِندی، نیتر نیَن ہرِ کُھلائیا۔ جِس نوُں پَیغمبر کہِندے امام مہدی، سو محبوُب اپنا پھیرا پائیا۔ جِس دی جوت آد جُگاد جُگا جُگنتر رہِندی، نِت نوِت اپنی کار کمائیا۔ جِس دے چرن سرن دو جہان سرِشٹی پیَندی، گُر اوتار سیِس جھُکائیا۔ مَیں وی اوس دا بھانا سہِندی، جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ بِھنڑی رَین کہے اُٹھ گُرسِکھ، سِکھیا اِک دِرڑائیا۔ جِس دا نانک گوبِند لیکھا گئے لِکھ، سو آیا صاحِب سچّا ماہیِا۔ بِن دُھر دے نیتر پئے نہ دِس، دوئے لوچن نہ کوئے وڈیائیا۔ سب نوُں سُتّا دے کر پِٹھ، بِن بھگت نہ کوئے درشن پائیا۔ صاحِب سَتگُر نال کرو ہِت، پریم پریِتی اِک رکھائیا۔ دو جہاناں بنے پِت، گود سُہنجنی لئے بہائیا۔ جوتی جوت سروُپ ہرِ، آپ اپنی کِرپا کر، چل آیا نوُر الاہیِا۔ بِھنڑی رَین کہے گُرمُکھ گُردیو، ہرِ کرتا نظری آئیا۔ آد جُگادی الکھ ابھیوَ، اپرمپر بےپرواہیِا۔ صاحِب سُلطان وڈ دیوی دیو، دیو آتما ہوئے سہائیا۔ وسنہارا سدا نِہچل دھام نِہکیو، سچکھنڈ ساچے سوبھا پائیا۔ دیونہارا دُھر دا میو، شبد وست نام ورتائیا۔ ساچی کرو اِکو سیو،
سیوک سچّی سیو دِرڑائیا۔ ایہدے نال مِل کے کھولو اپنا بھیو، پردہ وِچوں لؤ چُکائیا۔ کوئی لوڑ نہ رہے گاؤن دی جِہو، جوتی جوت سروُپ ہرِ، آپ اپنی کِرپا کر، سب دا سانجھا اِک اکھوائیا۔ بِھنڑی رَین کہے مَیں کی کُچھ دسّاں، دسّن وِچ کِچھ نہ آئیا۔ نالے روواں نالے ہسّاں، ہسدّیاں روندیاں سمجھ کُچھ نہ آئیا۔ ہو نِمانی نِیوں نِیوں صاحِب دی چرنی ڈھٹّھاں، ڈھیہہ ڈھیہہ شُکر منائیا۔ مَیں ویکھن والی چؤداں لوک چؤداں طبقاں ہٹّاں، چار کُنٹ دھیان لگائیا۔ واہو داہی کملی ہو کے نٹّھاں، بن کے پاندھی راہیِا۔ جوتی جوت سروُپ ہرِ، آپ اپنی کِرپا کر، صاحِب سَتگُر ہووے سہائیا۔ بِھنڑی رَین کہے گُرمُکھ سئیؤ، پُرکھ اکال نظری آئیا۔ اپنا آپ آپے میلو، وِچ وِچولا رہن کوئے نہ پائیا۔ ساچے مندر اوس دے کھیلو، جِس مندر خالق بہہ کے خلق بنائیا۔ جو کُچھ لہنا سو اِس توں لےَ لؤ، دیونہار اِک اکھوائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ بِھنڑی رَین کہے مَیں دسّاں بول، اپنا بل دھرائیا۔ ہب کُچھ وست اِس دے کول، داتا دانی نظری آئیا۔ جے بھنڈارا دیوے کھول، دیندیاں توٹ رہے نہ رائیا۔ مِہروان ہو کے جے انتر جائے مؤل، مؤلا اپنا روُپ بنائیا۔ جوتی جوت سروُپ ہرِ، آپ اپنی کِرپا کر، سب دا سانجھا پیِر گوسائیں۔ گُرسِکھ کہن سُن بِھنڑی رَین، دھنّ تیری وڈیائیا۔ جو سانوُں آئی کہن، کہہ کہہ رہی سمجھائیا۔ اسیں اِس توں لئیے لیَن، جھولی سارے اَگے ڈاہیِا۔ ویہلا کدی نہ دئیے بہن، اٹّھے پہر منگ منگائیا۔ جوتی جوت سروُپ ہرِ، آپ اپنی کِرپا کر، ساڈی سیوا رہیا کمائیا۔ بھنی رَینڑیئے تیرا ساک سنبندھ، ناتا بھگتاں نظری آئیا۔ تُوں صاحِب سَتگُر ویکھ چڑھیا اگمّی چند، سب نوُں دِتا آن سُنائیا۔ اسیں ویکھ کے ہوئے انند، گھر وجّی نام ودھائیا۔ پربھ مِلیا اِک بخشند، بخشش ساچی جھولی پائیا۔ پوُرب جنم دی ٹُٹی لئے گنڈھ، اَگے اپنا سنگ نِبھائیا۔ لکّھ چؤراسی وِچوں سمجھ آئی اسیں اوہو روُپ ہنگ، جو برہم رہیا اکھوائیا۔ اِکو ڈوری اِکو تند، اِکو جوڑا جوڑ جُڑھائیا۔ جوتی جوت سروُپ ہرِ، آپ اپنی کِرپا کر، ساڈا لیکھا لیکھے لائیا۔ بِھنڑی رَین کہے مَیں دسّاں حال انوکھا، سچ سچ جنائیا۔ آد جُگاد اچھل اچّھل سب نال کردا آیا دھوکھا، اپنا پلّوُ نہ کِسے پھڑائیا۔ لوکمات اپنے مِلن دا کِسے نہ دیوے مؤقع، چوری چوری ویکھ وکھائیا۔ گُر اوتاراں پیِر پَیغمبراں شبد اگمّی دیندا رہیا ہوکا، اُچی کوُک کوُک سُنائیا۔ نؤ سؤ چُرانوے چؤکڑی جُگ پِچھوں مَیں ویکھیا اِکو مِلیا مؤقع، جو کل کلکی ویس وٹائیا۔ جِس دے کول اگمّی نؤکا، نئیا نظر کِسے
نہ آئیا۔ ڈھئیا ہویا پار لا کے ڈھؤنکا، گوبِند گُر گیا لِکھائیا۔ جوتی جوت سروُپ ہرِ، آپ اپنی کِرپا کر، مِہروان ویس وٹائیا۔ بِھنڑی رَیننڑیئے تیری سُن کے بات، باطن اپنا بھیو کُھلائیا۔ تیری وڈیائی تیری رات، راتی رُتی سوبھا پائیا۔ تُوں سچ سنیہُڑا دِتا آکھ، اکھّر اکھّر ڈھولا گائیا۔ اسیں پُرکھ ابناسی ویکھیئے ساکھیات، صاحِب سجّن نظری آئیا۔ اِکٹّھے ہو کے کریئے ارداس، دوئے جوڑ واسطہ پائیا۔ تُوں ساڈے وسنا پاس، جگ وِچھڑ کدے نہ جائیا۔ کوٹن کوٹ جنم پِچھوں پوُری ہوئی آس، آسا ترِسنا دے بُجھائیا۔ اُف ہائے نہ کوئی کاش، ہؤکا لےَ نہ کوئے جنائیا۔ جن بھگتاں مِلن دا تیرا کمّ خاص، دوُجی منگ نہ کوئے منگائیا۔ چرن پریِتی دے نات، ناتا اپنے نال جُڑائیا۔ سِری بھگوان کہے شاباش، شہنشاہ خوشیاں حال سُنائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ بِھنڑی رَین کہے میرے گُرمُکھ بھائی، بھگوَن ویکھ صاحِب سُلطانا۔ جِس دے گھر وجےّ ودھائی، سچّا ناد دُھن نام ترانہ۔ اُس دا درشن کرو چائیں چائیں، نیتر نیَن ہوئے مستانہ۔ نِیوں نِیوں لاگو پربھ دے پائیں، دو جہان ملِے مانا۔ ڈھولا گاؤ چائیں چائیں، تُوں ہیَں صاحِب وِشنوُں بھگوانا۔ جِس آد جُگاد رچن رچائی، برہما شنکر دِتا دانا۔ لکّھ چؤراسی ونڈ ونڈائی، انڈج جیرج اُتبُھج سیتج کر پردھانا۔ زِمیں اسماناں رچن رچائی، سوُرج چند پرکاش بھانا۔ چارے بانی راگ الائی، چاروں کُنٹ جھُلائے نِشانہ۔ دِوس رَین رنگ رنگائی، گھڑی پل ویکھے مار دھیانا۔ نؤ سؤ چُرانوے چؤکڑی پِچھوں بِھنڑی رَین اِکو نظری آئی، جِس مِلیا شاہ سُلطانا۔ جن بھگتاں دسےّ چائیں چائیں، گھر خوشیاں منگل گائے گانا۔ پُرکھ اکال اِک گوسائیں، جِس نِرگُن جوتی پہریا بانا۔ چل کے آیا دُھر دا ماہی، جِس دا سچکھنڈ ٹِکانا۔ جن بھگت پکڑے باہیں، گود اُٹھائے جِؤں پِتا بال انجانا۔ میل مِلائے سہج سُبھائی، اؤجھڑ راہ نہ کوئی وکھانا۔ مَیں ویکھیا اُس دے تائیں، جوتی نوُر جگے مہانا۔ مستک دِسے نہ کوئی شاہی، للاٹی اِکو رنگ وکھانا۔ جوتی جوت سروُپ ہرِ، آپ اپنی کِرپا کر، کرے کھیل نؤجوانا۔ بِھنڑی رَینڑیئے تیرا گائیے جس، جن بھگت رہے سُنائیا۔ جِس مِلایا پُرکھ سمرتھ، صاحِب سَتگُر سچّا ماہیِا۔ سرِشٹ سبائی سُتّی ساڈی کھولی اکّھ، آخر ویلا دِتا جنائیا۔ اُس دی چرنی جائیے ڈھٹّھ، جیہڑا ڈھٹّھیاں لئے اُٹھائیا۔ اپنا دُکھڑا دیئیے دسّ، جو دُکھیاں درد ونڈائیا۔ جوتی جوت سروُپ ہرِ، آپ اپنی کِرپا کر، سد ہووے مات سہائیا۔ بِھنڑی رَین کہے دسّو اپنا دُکھ، خوشیاں حال سُنائیا۔ پربھ سب دی میٹے بُھکھ، بُھکھیاں بُھکھ
گوائیا۔ اُس دے کولوں کاہدا لُک، جو گھر گھر بَیٹھا ڈیرہ لائیا۔ بن جاؤ ساچے ایہدے پُت، پِتا پوُت آپے ہوئے سہائیا۔ آد جُگادی ایہو مُڈھ، ڈالی پتّ رہیا مہکائیا۔ جوتی جوت سروُپ ہرِ، آپ اپنی کِرپا کر، سِر دیوے ہتّھ ٹِکائیا۔ بھگت کہن بِھنڑی رَین پیاری، تیری مُحبّت نظری آئیا۔ جِس لیکھا دسّیا جوت نِرنکاری، نِرگُن اپنا پھیرا پائیا۔ اسیں رل کے سارے کریئے تیاری، تُرت اپنا بل پرگٹائیا۔ جا کے چرن کریئے نِمسکاری، نِیوں نِیوں سیِس نِوائیا۔ ساڈی تیرے ہتّھ سِکداری، شہنشاہ اِکو اِک اکھوائیا۔ آون جاون لگّا دُکھ بھاری، لکّھ چؤراسی رہی ستائیا۔ جنم کرم دی پہلوں کٹ بیماری، اگلا حال پھیر جنائیا۔ جوتی جوت سروُپ ہرِ، آپ اپنی کِرپا کر، گھر سچ دے وڈیائیا۔ بِھنڑی رَین کہے تُسیں دسّو حال، اپنا آپ جنائیا۔ اوہ صاحِب بڑا دَیال، دیِن دَیال ناؤں دھرائیا۔ تُہاڈا جھگڑا مُکاوے کال، مؤت نگارہ نہ کوئے وکھائیا۔ کوُڑی کِریا توڑ جنجال، جیِون جُگت دئے سمجھائیا۔ اُس نوُں مِل کے ہور کرنی نہ پئے بھال، لبھن کوئی کِتے نہ جائیا۔ جِس دے گھر سوہن شاہ کنگال، اوُچ نیِچ ڈیرہ لائیا۔ جِس دی سچ سچّی دھرمسال، سچکھنڈ اِکو اِک وکھائیا۔ سو سوامی نِرگُن ہو کے بدلے پِچھلی چال، مارگ اپنا اِک لگائیا۔ نِرگُن ہو کے بن دلال، جن بھگتاں رہیا ترائیا۔ مَیں وی تُہاڈے نال مِل کے کراں سوال، بیننتی اِکو اِک جنائیا۔ پربھوُ مَینوُں بھگتاں رکھّی سدا نال، میرا بِھنڑا روُپ میرے اندھیرے وِچوں نظری آئیا۔ مَیں ویکھاں گُرمُکھ تیرے لال، لالاں وِچوں لال جو بَیٹھے رنگ چڑھائیا۔ مہاراج شیر سِنگھ وِشنوُں بھگوان، سچکھنڈ نِواسی ہو کِرپال، مِہروان ہو کے کہے دَیال، دوہاں دا پوُرا کراں سوال، گھال اپنی تُہاڈی جھولی پائیا۔